My Cosmos BY Becca Lnz (Completed)

[Ngaia]

Chapter-19




Mark Zoremsanga POV




Ka nupui adan hi ka hrethiam lo hle, kan inkar in that lam a pan chuah a, ka lawm tehlul nen a mizia a in thlak danglam leh vek a, enge awmzia zawh lahin engmah min hrilh duh bawk silo, tih ngaihna tak pawh ka hrelo. Tunlai chu hnaah ka buai lai tak a ni a, hotel thar ka sak tir lam ah ka kal reng bawk nen ka chau ve thin hle, Judith-i hi a pa aiawh in a thawh avangin kan in hmuh reng a ngai bawk, a hna a tlin em em a, a fel in a xuan a zang bawk a, a bula hnathawh nuam ka ti. Kan awmdun tawh chuan ka nupui leh ka fapa chanchin min zawt a, ka nupui a ngaina ve takzet in ka hria, ka room kawngka chu an rawn kik a, lut tura ka tihchuan Judith-i chu a rawn pen lut a, a nui sang bawk, "I inpeih tawh em?" tlangnel takin a rawn ti a, "Kan kal thei a nimai" ti supin ka thutna atang chuan ka tho chhuak nghal a.




Ka hotel sak na lam chu kan pan a, kawng lak a kan tan lai chuan ka nupui leh mipa pakhat hi ka va hmu fuh a, a tir ah chuan ka nupui a nilo in ka hria mahse ka en chiang a, amah ngei a lo ni, motor atanga chhuah mai ka tum chuan a theih bawk silo, ka thin a rim nghal tun thei, "I nupui a nilawm ni?" Judith-i pawh chuan a lo hmu ve a. Ka lu chu ka bu nghut a, ka thinrim chu ka insum hram hram a ni, "Enge helai ah daih daih te a tih le, mipa saw i hriat ngai a ni em?" a tih leh chuan lu ka thing leh ringawt a, "A mak hle mai, Gabi a hruai ve silo a, in fapa chu a chhungte inah a dah a niang a" a ti leh a, ka la chhang chuanglo, motor chu a tlan liam a, ka mitthla ah ka nupui leh a mipa kalpui ringawt chu an awm a, "A lan danah kha chuan kan in huat hmel vak loh ka ti" Judith-i chuan a ti leh a, ka melh hrawk a, nuam lo ti hmel pu hian min en a.




"Ka tihpalh, I rilru ti nuam lo tura sawi ka nilo a nia, mahse a mak ka ti deuh a, khatianga mipa a kalpui ringawt kha, pasal nei lai pawh a ang lo" a tih leh chuan "Judith i sawi tawh lo thei angem?" ka ti bul hmuk a, "Awle" tiin pawnlam chu a hawi a. Kan kal na tur hmun kan thleng a, ka eng tih mah a tui love, tunah chuan in a haw vat vat bak duh ka neilo, ka zawh chuan ngei a ngial, a ni hian ngaihzawng a lo nei ru reng em ni? A nih ka ring bawk silo, mahse a mizia in thlak thut dan leh min hnaih a duh miah loh danah te hian ka ngaihtuah na chu a thleng dik thei tho, "Heihi engvanga la ti zo lo nge in nih?" hnathawk ho chu ka vin hrep a, "Sir, khakha chu nimin atang chiah khan kan khawih a" pakhat chuan a lo ti a, rum zeta melh pahin "In hna in tlin lo hle mai, kar khatah vawihnih ka rawn endik tawh dawn, in hna tha takin thawk ang che u, a nihloh chuan ban in ni nghal ang" ka ti hrawih a, hnathawk ho chuan min hlauh hmel hle.




"Mark duh tawk teh, an theihtawp an chhuah alawm" Judith-i chuan a lo ti a, "Lo ngawi rawh, engmah I hrelo" ka ti nghek a, "Mark" rilru nat hmel fe chuan a ti a, ka thaw chhuak hawk a, "Ka tihpalh ani, kan kal dawn em ni?" ka ti leh sup a, motor ah chuan kan chuang dun a, mit chhingin ka thaw chhuak hawk hawk a, ka ngaihtuah na ang hi thleng dik lul suh se. Ka nupui uan ngaihzawng a neih ka phal reng reng lo, lo nei pawh nise ka pawt then mai ang, ka nupui hi vawikhat ka cha tawh a chan nawn leh tumna ka nei tawh lo, "Motor I rawn keng em?" Judith-i bulah chuan ka ti a, "Keng e" a tihchuan "I let nghal mai dawn nia, haw tlang nghal ka duh, ka chau riau" ka tih leh chuan engmah a sawi zui tawh lem lo.




Judith-i kan thlah fel hnu chuan ka driver chu in lam pan turin ka ti a, nidanga ka haw ai hma in ka haw, in ka thleng a, ka fapa chu chhuat ah a lo infiam a, a toys chu chhuat laiah a lo darh nuai a, "My boy" ka aw ri a hriat chuan a rawn hawi chhuak vat a, phur zeta ding chhuak in ka lam chu a rawn pan a, ka lo pawm kang nawlh, "Papa nge min hawn?" a tihchuan ka kekawr ip te atang chocolate ka la chhuak a, ka pek chuan a lo ban vat a, "Mama khawiah nge a awm?" ka tihchuan "Saw tah" tih pahin kitchen lam chu a kawk va a, kitchen lamah chuan kan in pawn phei a, Duhnu-i chuan eirawng a lo bawl mawlh mawlh a, "I lo haw tawh animaw, han in thlak la, chaw ei ka peih tep a nimai" min en zawk chungin a ti a, "Vawinah I chhuak ami?" ka ti sep a, a lu a bu nghat ringawt.




"Engmah I sawi silo a?" ka tihchuan "Chhuah ka ngai tih ka lo theihnghilh daih alawm" a ti leh mai a, vawin a a mipa kalpui kha zawh nghal mai ka tum a, mahse ka in um leh ta zawk, chaw eikham lamah ka zaw zawk ang ka ti a, room atang ka chhuah leh chuan inhnuai lam chu a lo reh thiap a, pawn lamah ka kal a, ka nupui leh ka fapa te chu pawn a pipu awm ah chuan an lo uai dun a, a nui dun hak hak bawk a, an lam pan chuan ka kal a, "Chaw kan ei dawn em ni, a tlai tawh viau ania" ka tihchuan min hnial bik lo, ka fapa chu kai in inchhung lamah chuan kan lut a chaw ei chu ka siam pui mawlh mawlh a, min hnial biklo, chaw kan ei lai chuan ka en leh zeuh thin a, min ngaihsak ang pawhin a awm lo, Gabi chu chaw a barh mawlh mawlh a, kan eikham a, eina vel a ti fel leh zung zung a, Gabi nen sitting room a kan lo awm lai chuan kitchen atanga rawn chhuak in kan bulah chuan a rawn thu a.




"Vawin chuan engmaw I chhuah chhan?" ka ti a, "Tihtur pawhmawi ka nei a, ka chhuak" a ti a, ka zawhna chin bak min chhan a tum lo niin a lang " Enge I tih?" ka tihchuan "Mumal thil" a ti ringawt a, ka duhtawk der lo, "A nihchuan tujhe i kalpui kha?" ka ti ta hmuk a, "Tu ka kalpui maw?" min rawn zawt let ha a, "I hria ang chu, nge hrelo anga awm i tum zawk?" ka ti leh a, "Bawihte, room ah lo han in fiam rawh le, apa nen hian kan han in be lawk ang aw" ka thinrim tih a hriat chuan kan fapa chu room lamah a tir chho vat a, "Tu nen mah kan chhuak dun lo, keimah in ka chhuak" Gabi a kalsawn hnu chuan chuang zeta min en chungin a ti a, "Ka hmu reng che alawm, mipa pakhat nen dawr atanga in rawn chhuak lai kha ka hmu che, chuti chung chuan tumah i chhuah pui loh thu I sawi dawn amaw?" ka ti hrawk a.




"Mapuia kha maw, kan chhuak dun reng reng lo, college kan kal na a in ang a, kan in hmu fuh mai mai a nihkha" a tihchuan "Dawt I sawi lo maw?" ka ti leh hram a, "Engvangin nge dawt ka sawi ang, nang ang ka nilo" a ti hlar a, "A nihchuan engvanga hetiang a awm tlat nge i nih, engvang a i mizia hi thlak vek ngei nih min hrilh ta che, i ngawi reng a, engmah I sawi duh bawk silo, in khat ah kan cheng a, kan in be khat em em a, I bul hnai a ka awm pawh i duh silo, engvang a hetiang a awm nge I nih hrep?" ka ti thawt a, "Judith-i nen in in karah enge awm?" a rawn ti teh daih a, a zawhna min zawh chu ka beisei loh em avang chuan ka en reng a, "Sawi ta che, enge in in karah awm?" a rawn tih leh takah chuan "Engmah a awm lo, thian mai kan ni" ka ti a, a rin hmel loh hle, "Lo hrilh ang che, min rawn bereng tawh suh se, ka hne tawh takzet ani" a tih leh chuan mak ka ti hle, Judith-i hian ka nupui hi a lo be thin amaw.




"Enge i sawi awmzia, Judith-in a rawn be thin che a maw?" ka ti sup a, "Hun rei tak kalta atang khan mawle, ka hen lutuk, in hum hman dun zawng zawng te min rawn hrilh mai duh tawk lovin thlalak nen ngat min rawn thawn thin, lo hrilh rawh, engah mah ka ngailo, in duh duh chuan lo awm rawh u" a ti that a, a tho chhuak nghal daih bawk, a kut ah chuan ka man vat a, "I sawi awmzia hla hrethiam lo, chuan Judith-i nen kan in karah engmah a awm lo bawk" ka ti a, a nui hak, "Nia... a tirah kha chuan chuchu ka ring ve tho, hna in thawk dun a, mahse thian mai in nilo tihchu thlalak ka hmuh atang ka hrechiang tawh, in in karah engmah awm lo nise a thlalak post ah pawh khatiang kha a hmang tawp nang" a tih leh chuan mak ka ti telh telh.




"Eng thlalak nge maw I sawi le?" ka tihchuan "Hah.. Instagram a a thlalak post kha ka hmulo tih tum reng reng suh, chuan min thlah rawh, mut hahdam ka duh" tiin a kut ka vawn chu a thing a, ka thlah ve mai bawk. Inchung lamah ka nupui kal chu ka en zui reng a, eng emaw tak chu a theih ngei a ni, chutiang nilo se ka nupui hi a mizia a in thlak thut hauh lovang. Room ah ka lut a, Judith-i thlalak post ka en chuan ka thinrim hle, ka buai em a, en nachang ka lo hrelo a ni, a tuk lamah chuan hna ka kal a, Judith-i chu ka hmuh duh thu ka hrilh a, a rawn thleng har lo, "Eng chungchang ah nge min hmuh duh a?" tiin min en kar a, "Enge i thil post hi awmzia?" tiin ka phone chu a hmaah ka dah a, a en a, "Ka post ve mai mai nihhi, buaina a awm ami?" tiin min en a, "Ka nupui in a hmu a" ka tihchuan "A thinrim ami, hetiang te chu thinrim tur a awm lo asin, thian kan nih na angin ka post mai ania" a tihchuan ka ngawi vang vang a.




"Ka lo delete dawn nia, a hrim hrim in i nupui chu a rilru a te hle mai, ka rin aiin, thinrim na tur a awm loh tehlul nen" a ti hlak a, kalo rum nghut, "Nilo, ka nupui hi a dik ani, hetiang thlalak hi a thiqnin hmang v e ta se keipawh amah ang tho hian ka thinrim ang, amah ai nasa pawhin a ni maithei, chuan tun atang chuan i thil post turah fimkhur tawh ang che" ka ti hmuk a, "Mark ngatinge I danglam tak em em a, a hma te kha chuan hetiang hi I ni ngai silo" rilru nat hmel fe chuan a ti a, "Judith heihi ka nihna diktak chu a ni" ka ti a, "I nupui a rawn lan atang hian min ngaihsak na I nei tawh lo, nilo nangchu ka lak atang i hla tawh takzet a ni" a ti leh a, "Nupui fanau nei ka ni a, kan in hriat hma atang tawh khan, a hma kha chuan ka nupui leh ka fapa te hi ka bulah an. awm ngailo, tunah chuan an awm tawh a, an ni chauh hi ka ngaihsak tur te chu an ni, chuan nangchu nula mahni in enkawl zo tak I ni a, kan in kar ah engmah a awmlo bawk, chuchu i hriat chian kha, thian kan ni a, chubak a awm lo bawk" Ka ti a.




"Ka duh che tihhi engvanga hrethiam duh lo tlat nge i nih?, Nanghi ka duh che asin, nilo ka hmangaih zawk che, I nupui hi lo lang lo nise chu kan pahnih hian kan awmdun daih tawh ang" a ti tiau a, ka melh hrawk, "Ka sawi chian tawh kha, kan in karah engmah a awmlo, keichuan thian angin ka en che a, chuan nang ka hriat hma che hian ka nupui hi ka lo tawng tawh, ka nupui lo hi hmeichhe dang hnaih tumna ka nei ngailo bawk, i lakah beisei awm in ka awm ngai lo a, chuan i hriat turah ka duh chu ka nupui hi lo in lan lo pawh nise nanghi in zawmna siam pui tumna che rilru ka pu ngailo, tun atang chuan in hmuh fo pawh hi ka duh tawh lo, a tul tawp ah a nih loh chuan ka hotel ah hian rawn kal tawh suh ang che" ka ti nghut a.




"Nilo I ti theilo, enge ka that loh na, i nupui ai sawn ka tha fe zawk asin, ani sawn engah mah min tluk na a neilo, a ni saw kalsan la kan pahnih in nun bul tan tha ang" a ti a, ka ner nawk, "Thil thleng ngailo tur sawi tawh suh ang che ka nupui kalsan hian nanghi ka rawn pan dawn hauh lo che, ka nupui I be thin tih ka hre bawk a, ti tawh ngai suh ang che, kan inkar ah eng emaw awm.nagin I lo sawi a ni awm a, a awmloh zia chu kan pahnih ai baka hrechiang tu an awm lo, vawikhat mah ka nupui hi dawt lo hrilh tawh suh ang che, chuan chhuak tawh rawh, hnathawh tur ka nei tam viau ania" ka ti hrawih a, mittui tling pam a min en hnu ah a chhuak a, ka thaw chhuak hawk a, khatiang rilru a pu ang tih ngaihna reng reng ka lo hrelo.




Ni e... kan tih hriat tir kha chuan min duh tih ka hre ngei a, mahse beisei awm in ka awm ngai loh avangin ka lo uk sak vak lem lo kha a nia, hun a kal a, a ni pawh in thian angin min en ve tawh ah ka ngaih vangin kan in hmu fo a, mahse a rilru out hmang chu a lo la thlak hauh lo chu a ni si a, engtin nge ka hriat vat loh theih pawh ka hrelo e, a mizia a lo thup thiam em a nihkha. Amah vangin ka nupui na takin a awm a, keima thiam loh ani, mipa dang nen ka hmuh dun ringawt pawhin na ka ti ania, a ni pawhin engvangin nge na a tih loh bik ang, min rin na a nei let leh tan dawn tih ah khatiang khan Judith-i a che leh ta si a, engkim chu a buai zo vek, mahse ka beidawng mai mai dawn lo, ka nupui rilru hi ka hneh leh vat ngei ang.




In lam pan a ka haw lai chuan kawng sir a naupang te in pangpar a lo zawrh na ah chuan motor ka ti ding a, rose par nalh zet mai chu ka lei a, ka nupui in a duh ngei ka ring, in ka thleng a, inchhung kauh rual chuan ka nun na chhan pahnih te chu ka hmu a, "Papa" tiin ka fapa chuan min lo bawh rawk rawk a, "My boy" ti sup in ka pawm kang nawlh a, Ruthi chu lo kal hnaiin "Enge vawin hna lam te?" tiin min rawn zawt ve khauh a, "A tha e, chuan heihi I ta tur" tiin ka pangpar leisak chu ka pe a, a lo la vat, "A van mawi em em" tiin a rim chu a hnim vang vang a, a nui sen sen bawk, ka nupui hmangaih tak nui hmel ka hmu khat hle tih ka hrechhuak a, a nui hmel ka hmuh chuan ka hahdam sawng sawng thei, "Papa, nge min hawn ve?" Kan fapa chuan min melh kiau a, ka lo mang nghilh daih.




"Ka naute, ka tihpalh lutuk, ka theihnghilh a" ka tihchuan "Papa chu sual, Mama chauh thil I hawn bik" tiin a tap ta a, "Ka tihpalh ani, leh tap tawh suh le, vang rawh, tlangval i ni tawh kha" tiin ka thleng nghal a, a tap uar sauh a, "Bawihte, Papa khan naktuk ah thil ao hawm dawn che alawm, tap tawh suh le" Duhnu-i pawh chuan a lo ti ve a, mahse a tap chu a bang duh reng reng lo, "Awmpui, tap tawh suh" ka nupui in a tih takah chuan kan fapa chuan a hlau a niang, ka awm ah hmai phum in zawi te hian a tap a, "Babe, naupang a nihhi, a vang ve mai ang" ka tihchuan "I duat lutuk a, a ṭhalo ania Mark, kum li pawh a la tling em lo a, a luhlul tawh em hi" a ti hlak a, "Lungngai mah ta che, kan fapa hi chaun a nu leh pa te thu a awih dawn lutuk ringawt" ka tihchuan ka nupui chu a ner nang ringawt a.




"My boy tap tawh suh le, zanin chu kan chhungkua in kan dine out dawn nia" ka tihchuan ka fapa chuan min rawn en vat a, "Promise em?" tiin a kutzungte chu a rawn ti pir va a, a tih ang chuan kalo ti ve vat a, chhuak tur chain kan chhungkua in kan insiam a, kan in peih hnuah chuan motor ah chuang in kan chhuak a, kan thil ei na hmun tur kan thlen chuan a chhung lamah kan lut vat a, eitur te chu kan chah a, Gabi chuan nuam a ti hle, a rak chel chul mai a, "Bawihte, ei rawh le" ka nupui leh ka fapa te chaw in pelai chu hmuhnawm ti zetin ka en a, "Mama puar tawh" ka fapa chuan a pum chul heuh heuh pahin a ti a, ka lo nui suk, "Tui I ti em?"ka tihchuan a bu nghat nghat a, "Papa nakinah min hruai leh rawh aw" a tihchuan "Tehreng mai, i duh hun hun ah kan kal dawn nia" ka ti a, Duhnu-i chuan min lo melh nghek a.




In kan thleng a, Gabi room ah chuan Duhnu-i leh ka fapa te chu an lut a, keipawh chu room lamah kaut ve nghal, ka inthlak zawh chuan ka fapa room lam chu ka pan a, ka lut chu Duhnu-i chuan Gabi chu a lo ti mu mek a, min hmuh chun a hmui a a kut chu a dah a, keipawh chu thawm dim takin ka kal a, ka fapa sir ah chuan k thu a, ka fapa chu ka en vang vang a, keimah chiah chiah a nimai, engkim ah min chhun a tih theih ang, Duhnu-i a chhun ve na lai chu a nuih duh em em ah chiah a ni. Kan fapa a muthilh hunah chuan Duhnu-i chu en in "In be lawk ang hmiang" ka ti sup a, min hniallo in a lu a bu nghat a, "Hetah lo hian" ka tihchuan muangchangin khum atang chuan a tho chhuak a.




Kan nupa room lamah chuan kan in zui lut a, ka thio sawi hun nghak tih hriat zetin min en ran a, "Judith-i nen kan in karah engmah a awm lo" ka ti a, ka ngawi leh dat, ",Eng thlalak nge a rawn thawn thin che ka hrelo a, mahse i thil hmuh ang kha a nilo kan thawk dun a chumi tih loh ah chuan eng in zawmna mah kan neilo, khawngaihin chuchu min hriat sak la ka duh ani" ka ti leh a, "Mark, diktak chuan ka thil hmuh leh hriat te hian nang rin mai che hi har min tih tir a ni" a tihchuan "Ka hria, min ring nghal theilo a nih pawhin ka dem lo che, mahse hun min pe rawh, min rin ngei theih na turin ka che ang, chichu ka tiam a che, nanglo tu hmeichhia mah hnaih ka neilo" ka ti a, ka thinlung taka sawi ka ni tih ka mitmeng ah pawh a hriat theih ka ring, chiang zetin min en vang vang a, enge a ngaihtuah naa awm tur awm ang pawh ka hrethiam lo.




"Awle, tun chiah hi hun ka pe tawh ang che" a tihchuan ka lawm hle, ka kuah vang vang a, a ni pawh chuan min kuah let ve mai, "Khawiah nge I kal dawn?" kalsawn a tum chuan ka lo ti vat a, "Ka mut a chhuak tawh a, ka mu dawn" a ti a, "Babe sawilai ah sawn khum a awm saw" tiin ka nui suk a, "Gabi bulah ka mu dawn" a tihchuan "Keimah chiah a mut ka duh biklo, kangia tawh che ania" ka ti a, "I duh chuan I lo mu ve thei reng alawm" a tihchuan ka hnial lo chiang kher mai, kan fapa room ah chuan kan lut a, a sir ve ve ah kan mu a, Gabi chu laiah a mu a, ka ban pakhat zawh chuan ka nupui chu ka va kuah a, reilote hnuah a thaw sek sek a, a muhil nghal a nimai thei, kei erawh ka la muhil theilo, ka nupui leh ka fapa te chu ka en reng a, ka khawvel te an ni, engtik ah mah ka lak atanga an kalsawn ka phal ngai lovang.



Ruthi Lalhlimpuii POV




Mark ring leh tur chuan thutluk na ka sima leh chu a ni a, ka tihsual loh hram ka beisei, Judith-i pawh a reh ta hmak a, Mark nen an in zui lai thlalak emaw message pangai pawh min rawn thawn tawh ngailo. Ka thawveng hawk a, hetiang hian reh vang vang thei se ka ti hle, ka nun chu a hlim a, ka thiante pawh chu thil thlen dan engkim ka hrilh a, ka thutluk na siam chu min pawmpui a ka tihsual an ring lo ve ve bawk, chuan. Tunlai tak hi Gabi nen a pa hna bang kawt zawl a hmuah kan ching thar a, Gabi phei chuan tih ngei ngei turah angai tawp tawh, Mark pawh chu in a rawn thlen a kan nufa a kawt zawl a min hmuh chuan a lawm hlawm thei hle bawk.




"Babe, naktuk zan chu kan hotel ah party a awm dawn a, I kal ve peih angem?" thawmhnaw ka thleh mawlh mawlh lai chuan Mark in a rawn ti a, "Kal peih loh pawh a awm hleinem, mahse Gabi hi" ka ti sep a, "Lungngai suh, a ni chu ka pi leh pu te inah kan dah dawn nia, a nih loh pawhin kan hruai thei tho a" a tihchuan "Party na vel a hruai vak ka la phallo, a la naupang si a, a lo thang len hunah nangmah ang a ni ve palh ang" ka tihchuan a nui hak a, "A pawi dawn em ni, kei ang mipa hmeltha luck hi ala ni ve dawn chiang alawm" a tihchuan nge zetin ka lo melh a. "Ngawi mai teh, in la hmeltha lutuk mai, nang anga lerh hi a ni ang tih ka hlauh nak a laiin" ka tihchuan a rum nghut a, kei ka lo nui hak hak thung.


...


Party naa kal tur chuan ka insiam a, chhun lamah khan ka pasal in ka kawr hak tur hnathawk a rawn dah tir diam tawh, thil nalh a hre em em a, tuna ka kawr hak tur pawh hi a ma thlan a ni tih ka hria, Gabi pawh chhun lamah ka nu te inah ka va dah tawh bawk, Mark pawh a rawn haw tep tawh in ka ring, ka rin ang ngeiin a rawn haw har lo, ka lo in peih fel diam tawh a, min hmuh chuan min rawn pan hnai a, "I nalh takzet" a tihchuan ka lo nui suk a, "Han inthlak la" ka tihchuan ka biangah min fawp zeuh in a inthlak na room ah chuan a lut a, a rawn chhuah leh chuan ka lo en reng, he mipa hmeltha chhelo lutuk hi ka pasal a ni tih rin har ka ti thin a chang chuan, ka en reng tih a hriat chuan a nui hak a, "Ka chhelo viau a ni ang maw?" a tihchuan ner nangin ka hawisawn hmak a.




Party chu kan tan chho mawp mawp a, mi an tam hle, boss ber nupui ka nih avangin mi mit chu ka chungah a fu thup nimai te hian ka hria, tupawh mai chuan min be tha em em a, a then phei chu ka hriat ngai loh te an ni, chuan thil pakhat party naah hian mi pakhat hmuh ngei ngei ka in ring a, chuchu Judith-i a ni, mahse hmuh tur a la awm lo hrim hrim, a ni hi a rawn kallo zawk emaw ni, m lo kal lo pawh nise ka buai na tur a nilo, dil tak chuan ka hmu lo chu ka hlim daih zawk. Mark chuan min ngaihsak em em a, a thawhpui te ho chu min in hmelhriat tir a, an zavai mai chuan an nelawm em em vek, tha takin min bia a, Mark nen kan in hmeh thu te chu min hrilh ve luam a, thu lawmawm hriat chu a nuam ka ti takzet bawk.




Keimah a ka awm lai chuan hnunglam atangin "Min lo hrethiam lawk" tih ri ah chuan ka hawi let zawk a, Judith-i nen chuan kan in melh tawk siah a, a lo kallo emaw ka tia, ka lawm hman tehlul nen, "I hlim hmel hle mai" a ti sap a, "Ka hlim alawm" ka ti a, ka be tha vak peih lo, a thil min rawn thawn ho hrim hrim avang pawh khan ka haw hle bawk amah vangin na takin ka awm a, ka theihnghilh mai mai theilo bawk, "Um... i hlim theih lai hian i hlimna chu han chen ta che, i hlim rei tawh dawn silo a" ngeiawm zet a nuih pah chuan a ti a, ka kut chu ka hum ruh hle. A ni hmaah hian ka thinrim na tih lan ka tum reng reng lo, nui lui sang chungin "Chu Engthil tenawm nge tih leh I tum deuh a?" ka ti fak a, a nui hmel chu chawp leh chilh in a bo nghal a, rum zetin min melh a, ka nuih leh sak bawk.




"Engvanga rawn in lan leh nhe i nih, nang hi awm lo nila chuan Mark hi ka ta a ni daih tawh ang" thinrim zet chuan a ti a, "Thil i hresual a nih chu, Mark him i lakah eng rru mah a pu lo, a ni chuan hmeichhe hmangaih pakhat chiah a nei, chuan chu a hmeichhe hmangaih chu nang nilovin keimah ka ni" ka ti a, a thinrim hmel chu a nuih zat thlak zawk. Thinrim zetin min rawn pan hnai a, min rawn ben a tum rual chuan ka lo awm sawn zeuh a, a pai deuh khut khut a, "Fimkhur rawh, i thawmhnaw hak a tawng chham bawk si a, mi tamtak hmuh lai hian i mualpho hlauh ange" ka ti a, "Nang hmeichhe zaktheilo" a tih that chuan "I nihna i hrechiang lo deuh a ni, nupui nei lai reng mipa lo zar buai ngam hmeichhia i nihkha, chuan tu zawk nge hmeichhe zaktheilo chu?" ka ti leh fak a, tuman min rawn ngaihven lem lo, music an play ring deuh avangin kan tawng chu tuman an hre theilo bawk.




"I la hre khawp ang, Mark hi ka ta a nihhi, nang hian i nei ngai lovang" a ti leh a, "Oh... nang I lo lam hman atang tawh khan Mark hi ka ta a lo ni tawh tihhi I hrelo a nia nge, nangchu hmani lawk atang a rawn lang ve mai mai i nihkha, khatiang khan tawng huai vak lo mai teh" ka ti a, min rawn ben a tum chuan a kut ah ka man a, hnai zet ah pawt in "Vawikhat mah he I kut hi ka lam hawi zawngin lek tawh suh ang che, chuti a nihloh chuan maw i inchhir viau ang" ka ti a, a kut chu ka paih sak nawlh a, "I la hre khawp ang, nanghian eng mah mah min tluk na I neilo, nang ai hian Kath zawk fe, Mark hian engtin niah emaw chuan nang kalsan che in keihi min rawn lo pan ang" a ti leh hmarh hmarh a, "Ka nupui hi ka kalsan ngai hauh lovang" tih ri ah chuan Judith-i chu a hawi let a, Mark chu rawn kal hnai in ka bulah chuan a rawn ding a, ka kawngah a rawn vuan nghal chat bawk.




"Mark" mak tih hmel tak chuan a ti a, "Ka sawi chiang tawh viau in ka hria, nang nen hian kan in kar ah engmah a awm lova, chuvang chuan khatiang lam zawng khan tawng fo lo la ka duh ka tih tawh kha, mahse i bansan chuang lova, tunah chuan kan thawh ho na hi ka ti tawp e, heihi contact kan sign kha a ni a, i duh chuan min khung thei ang, mahse chakna I chan chu beisei suh ang che, mumal nun ah in rawlh loh tur tih a aw tel tih i hriat chian ka ring, kan nupa nunah I In rawlh thuk ta mah mah e" Mark chuan a ti a, "Finfiah na I neilo, in nupa in kar ah ka in rawlh tih finfiah na i neilo" Judith-i chuan a ti that a, Mark chu a kiai suk a, "I theihnghilh tawh a nih ka ring ka nupui hnenah message i thawn leh thlalak i thawn zo zai te kha finfiahna a tling tih chu i hriat chuan ka ring" Mark chuan a ti leh sup a, Judith-i chuan engmah sawi tur a nei tawh lo tih hriat takin a ding ngawi reng a, "Chhuak nghal rawh, i hmel hi vawikhat mah min rawn hmuh leh tawh ngai suh ang che" Nichin a tawng dam dap si kha tunah chuan a hlauhawm takzet tawh, Judith-i chu hlauh hmel takin a tlan chhuak dawr dawr a, ka thaw huai mai.




"Babe" Mark chuan a ti sup a, ka nuih seih a, "Ka hmangaih che" ka ti sep a, a mitmeng chu a der sawr sawr a, a hnen a kan let leh hnu a ka aaqi vawikhat na chiah a ni, "Han sawi nawn leh teh" a aw chu a khur deuhin ka hria a, "Ka hmangaih che ka ti a nihchu" ka tih leh chuan a nui chhuak hawk a, "Kha thu i sawi hun kha asin ka lo nghak reng ni, tunah chuan ka hre ta, ka hmangaih lutuk che" tiin min pawm kang nawlh a, min vir pui chiam a. Ka rak chel chul a, mipui kut beng thawm ka hriat chun kan pahnih in kan awm lo tih ka hre chiah, ka zak lutuk chu Mark awm ah hmai ka phum a, a ni lah chu a la nui mai mai zui, "Nangmah vang" ka ti sep a, a nui nghawr leh dat a, "Ka hmangaih lutuk che" tiin ka chal ah a fawp leh vang vang a, ka hlim takzet tunah chuan kn inkar ah tumah an tlak zeh ka phal leh tawh ngai lovang.




Cont....




Comment leh click a that chuan naktuk zanah kan dah lehnghal dawn nia....


Show post links
Top

[Ngaia]

Last Chapter




Ruthi Lalhlimpuii POV




Mark nen chuan a hma ang chiah a nupa hlim kan ni leh tawh, hetiang reng hian awm thei ila ka ti thin, ka pasal hi khawvela pasal tha ber chu a nilo maithei mahse kei leh kan fapa tan chuan a ni aia pasal leh pa tha hi an awm chuang lo. Pawn lamah chuan Gabi nen apa hnathawk bang lo haw tur chu kan lo nghak a, gate atanga motor a rawn tlan luh chuan Gabi chu a phur hle a, apa motor atang a rawn chhuah rual rual chuan a tlan nghal vat a, "My boy, vawinah Mama thu I lo awih em?" a fapa pawm kang nawlh pah chuan a be sup a, Gabi chu lo a bu nghauh nghauh a, rawn kal hnaiin ka chal ah a fawp vang vang a, "I chau em?" ka tihchuan "Ka fapa nen ka hmu tawh cheu a, ka chauh na zawng zawng pawh a reh vek tawh" a ti sup a, ka nui nghal ver ver.




Inchhung ah chuan kan chhungkua chu kan lut dial a, "Inbual fai la, chaw kan ei nghal mai dawn mi?" ka tihchuan "A tha alawm" tih pahin ka mawng ah a rawn tham a, "Zoremsang mawl thin suh" ka ti hlar a, nui hawk hawk chungin inchung lamah chuan a chho a, "Mama, Andrea te inah ka leng dawn" Ka fapa te reuh chuan min e kar chungin a ti a, "Bawihte, chaw ei a hun tep tawh" ka tihchuan a hmui a ti pawrh tarh a. Mark a rawn chhuk leh hnu chuan chelaw chu kan ei nghal a, "Papa bialnu ka nei asin" chaw kan ei mawlh mawlh lai chuan Gabi chuan a rawn ti chhuak hluai a, Mark nen chuan kan in en nghal vat, "Tunge I bialnu chu?" Mark chuan a ti sup a, "Andrea" ring leng lawng hian kan fapa chuan a ti a, apa chu a nui chhuak hawk hawk a, kei erawh ka lo thaw halh thung.




Hmani lawk ah kum 4 a pum ve chauh a nia, tunah ngaihzawng lam a sawi tan der chu a nisia, kan fapa hian apa a chhun dawn khawp mai. Mark lah chuan hauh a hnek in a zawt zui zel a, "Mark duhtawk teh, chuan Gabi I la naupang lutuk, ngaihzawng hre rual pawh I la nilo, chaw kha ei hle hle rawh" ka ti a, "Babe, a mak vak vak thin, kan fapa te hi chu a fing alawm" ka hauh apiang lah hian a lo la chhan ziah zui, vawi tam tak ka hauh laia chhan tawh lo turin ka ti tawh, a chhan ziah tho, ka in hauh ngun ber ka a ni, "Papa, Andrea te inah chuan ka leng dawn aw" Kan fapa chuan a ti leh a, "Khawiah nge an awm?" Mark chuan a ti leh sup a, "Kan thenawm ah hmani deuh khan an rawn awm thar, fanu Gabi te ang tial vel hi an nei a" ka lo ti a, "Chaw eikham lamah kan chhungkua in kan leng phei dawn nia" Mark chuan a ti a, pawi ka ti lem lo.




Mark sawi angin chaw eikham ah chuan kan thenawm te inah chuan kan leng a, an lo fel khawp mai, an pa ber chu Mark ang chiah a tawng tlem a ni a, ka pasal nen pawh an in kawm thei khawp mai. An ni ve thung chu tawng duh ve tak a ni thung, "Kan lo awmna a la rei silo a, Andrea lah hian thian a nei mang silo a, nuam a tilo a, mahse hei in fapa nen an in kawm rual chiah a a tihzia khawp mai" nu ber Manuni chuan a ti a, "Ni e, kan fapa in chaw ei lai in a sawi a, fanu in nei hmeltha hle mai" ka ti a, "Awii... Kan va lawm ve, nangni deuh alawm, hei in fapa lah hi a hmeltha em em lehnghal, a tlangval hunah chuan hmeichhe duh rawn a la ni hrim hrim ang" tiin a nui hak hak a, kan thusawi chu Gabi chuan a lo hre ve a ni mahna lai deuhin min rawn en a.




Thenawm te in atanga kan haw hnu chuan kan mu deuh nghal mai a, Gabi pawh a room lamah ka muthilh tir tawh bawk, bathroom atanga ka chhuak chiah chu ka pasal khuma lo thu mi chu ka hmu nghal a, kawngka bula ka din reng takah chuan a mutna bul ruak hiang chu a beng thak thak a, "Lo kal la" a ti sup a, keipawh chu ka kal ve vat a, a bul a ka mut thlak rual chuan min kuah nghal hlun a, "Bawihtea hian nau nei tawh se a tha lo maw?" a ti sup chuan "Ka hre biklo a la hun lo pawh aniang, hei tun thlengin ka la rai leh miah lo ania, damdawi engmah ka ei bawk silo" ka ti sep a, nui nghawr dat in "Tun atang hian hma kan la tan mai dawn ami?" a ti a, a awm ah chuan ka lo beng a, "Insum rawh, ka mut a chuka ka peih rih lo" ka tihchuan a rum nghut a.




Ka chungah chuan rawn bawk in hanu zet ah min bih chhuk run a, "Chhuk rawh, ka peih lo, ka mut a chhuak teh mai nia" tiin nam thlak ka tum a, a la theih thak loh zui. Rawn kun hnai in ka biang te chu a nui kual dun dun a, "I peihlo takzet maw?" sexy zet in a rawn phun sup a, "Um..." ka ti a, mitmeng tawrhhlelh awm zet chuan min en a, "Fine.. tun atanga reiloteah chuan a ngen in min ngen zawk ang" ti sup in ka hmuiah chuan a rawn fawp nghal buan buan a, min fawh rei tak hnuah chuan ka insum thei tawh biklo, duhthawh zetin min fawh na chu ka chhang let a, ka taksa chu a rawn zut kual dan dan a, "Ka insum thei tawh lo" ti sup in ka kawr chu min phelh sak nghal a, a kawr a phelh ve nghal zat bawk, ka hnute khuh tu awm lo chu a ka lum huam chua a rawn hmuam a, a sawi ang ngeiin ka insum theih na chuan min phatsan tial tial a, ka rai bawk vel chu a za chuai chuai bawk.




"Mark" ka ti sep sep a, ka rum tiah tiah bawk, a ni pawh chuan ka awmdan chu hrethiam in a hma ai mahin ka hnute chu a fawp uar a, ka hnute a hmuam loh na lam chu a tham tawn tawn bawk, a sam ah chuan tham in mitchhing chungin ka rum chhuak dar dar a, a ni pawh chuti tho, kan in mamawh na chu dang tawh tak a ni. Ka kekawr chhung a rawn zen luh a tum chiah tih chuan kan room kawngka chu a rawn in hawng a, kan fapa chu tho phang tih hriat zetin a rawn pen lut nghal bawk. Mark chu rang zetin ka chung atang chuan a chhuk a, keipawh chu ka lo insiam tha nghal vat a, "Papa, Mama nen khan nge in tih?" Kan fapa chuan a rawn ti a, kan nupa chuan kan ngawi dun rauh rauh a, "In in sual lem lem mi?" Kan fapa bawk chuan a rawn ti leh a, "Ni e.. Bawihte, tinge I lo thawh leh a?" ka ti a, Mark erawh engmah a ka sawi lo, a thaw deuh halh halh a, a awmdan chu hrethiam in ka nuih ru tet tet a.




"Keipawh tel ve duh?" tih pahin khumah a rawn lawn a, "My boy, Ava hun lo ve le" Mark chuan kan thil tih lai khan lo tih hriat zetin a ti hluk a, kan fapa lah chuan a thil sawi awmzia hrelo in a nui hak hak a, "Papa, pawm rawh" tiin apa malchungah chuan a lawn kai a, Mark chuan min rawn e run a, "A muthilh hunah kan ti leh tho ang, tawp san mai ka tum lo ania" a ti hluk a, ka nuih hak ringawt, Gabi nen chuan an infiam a, "My boy mut a hun tawh ania, muhil rawh le" Apa chuan a ti leh thin a, kan fapa lah chuan "Papa mut chhuak tawh lo" a lo ti zel si a, Mark chuan a fapa chu en run ina thaw chhuak hawlh a. Dar 2 hnu lamah pawh Gabi chu a la harh tha khawp mai, Mark chuan fapa chu a pua a, kan room chhungah chuan a kal kual a, a su leh dur dur thin bawk a, a nuih zat thlak takzet.




Thla hnih zet a liam leh hnu chuan Debo-i leh U Dika te pawh chuan tiam tlat e an ti ve ta a, an inneih ni chuan tupawh mai chu kan hlim em em a, a buk takin U Dika nu leh pa te chu an hlim a, a chhan chu an fapa in nupui a neih ve tawh dawn vang leh thla reilote liam leh hnu ah pi leh pu an nih tawh dawn vang a ni. An tan chuan a lawmawm em ani, an fapa hmeichhe ngaihsak nachang hrelo kha nupui mai bakah fa hial a nei tawh dawn si a, mo neih an chak em vangin an fapa hi an hai fo thin a, fapa mal a ni bawk nen an boral hmaa tu hmel hmuh ngei ngei an duh vang a ni. Lizzy pawh chu a pum a puar ve ak tawh a, rai a inhmeh takzet bawk, ka u mai bakah ka chhungten an duat bawk nen a thau kung kung mai, inchhung khur a engmah tih an phallo erawh a vui nasa viau thin thung a, ka u nen an in hnial tam na ber pawh a ni.




Zing ka tho chu ka luak a chhuak deuh hlui mai a, bathroom ah kaut zung malh malh hle, eirawng ka bawl a, purun var ka khah tur chiah chu a rim ka hre chiah a, ka insum hman lo ka uat deuh tuar a, ka ka chi hupin bathroom lamah chuan ka tlan phei a, ka luah nghek hnuah chau zetin chhuat ah ka thu thla deuh hnawk a, engvanga khatianga awm kha nge ka nih ka hrethiam lo hle. Thil chhuan lai ka neih avangin bathroom atang chuan ka chhuak vat a, eirawng ka bawl zawh hnuah pawh chuan Mark leh Gabi te chu an la rawn haw lova, tun hnai te chu an pafa in zing hma lutuk ah walk an chung thar a, an insiam pah hian mi hi an ti harh kher zel lehnghal, kan in vin leh hlak thin a, min tih harh chu an sim phah der lo. Ka pum chu a la nuam thei der lo, ka awmdan chu ka ngaihtuah chiang a, thil hriat chhuah zawk ka nei, keihi ka rai a ni thei mai angem?..




Hmanhmawh zetin ka room lamah buan ka tlan chho a, test kit ka kawl that chu la chhuakin bathroom lamah ka lut nghal a, ka test zawh chuan ka en mai ngam lo, mit ka chhung vang vang phawt a, ka meng de de a, Lalpa.. Keihi ka rai, rin sen pahnih chu chiang lehzual in ka en a, a dik ngei a ni, ka lawm lutuk chu awm ngaihna ber pawh ka hrelo. Mark te pafa lo haw hun chu nghakhlel takin ka lo chang a, an pahnih a inchhung an lo luh chuan ka lo nuih sang a, "Mama, Papa nen saw tah kan kal a, thil te kan ei a" ka fapa chuan min rawn pan pah chuan a ti a, ka lo nuih hak a, Mark chu rawn kal hnai ve nghal in ka chal ah chuan a fawp vang vang a, a thlan deuh hliam bawk.




"Tukin chu I va tho fuh awm ve" nui suk chungin a ti a, a ni pawhin ka thu hriat ang hi a hriat hunah chuan a lawm dawn lutuk tih ka hrechiang, "Thil hrilh duh che ka nei a" ka ti sep a, enge tih nan a mit ko a ti sang awk a, ka kut a test kit ka keng ruk chu a hmaah ka dah a, la in a en vang vang a, chutah keichu phawk zet hian min rawn en leh a, "Ami, tak tak a ni em?" phur zetin a ti a, lu ka buk tak nghat nghat ah chuan a nui chhuak hawk hawk a, kan fapa chuan a pa nui lai chu mak tih hmel zetin a en haw bawk a, "My boy, nau i nei dawn" Mark chuan a ti a, "Nau min lei sak dawn ami?" Kan fapa chuan lawm hmel zetin a lo ti a, "Nilove, Mama pum chhungah hian i nau tur a awm mek alawm" apa in a tih leh chuan kan fapa pawh chu a phur hmel hle a.




Kan chhungte chu kan hrilh ve nghal thuai a, an lawm ngang mai, kan thian ho a kan inbiak chuan "Awii... nau kan pai rual vek ania, a mak e" Lizzy chuan a ti hluai a, "Tlaiah kan inah chaw rawn ei ula, in pa te ve ve in lo hruai bawk anga" ka tihchuan an hnial lo chiang kher mai. Mark phur lutuk chu a nuih zat thlak zawk, vawin pawh han a chawl ringawt a, kal tura ka tih pawh in a kal duh thak lo, "Damdawiin lamah in check up tir nghal ila a tha ang" a tihchuan ka hniallo, chhun lamah chuan kan chhungkua in damdawiin lam chu kan pan a, doctor kan biak fel sa vek avangin kan nghak rei lem lo, doctor chuan min en nghal zung zung a, Mark leh Gabi pawh chuan doctor min en lai chu an lo ngaichang ve ran a.




"I nau pai chu thla 1 a ni a, in dim a ngai ang aw, that loh na em em I neilo bawk, damdawi ka chawh che hi tha takin I ei dawn nia" doctor chuan a ti a, damdawiin atanga kan haw hnu chuan inah kan tlang nghal a, kan thian ten chaw an lo ei dawn bawk nen chawhnu lam atang chuan Mark nen eirawng kan bawl a, "Awmpui lak a ngai dawn a nihhi" a tihchuan ka nui hak a, "A la ham emai, ka pum te hi rawn lain ve deuh se, kan la la zawk dawn nia" ka tihchuan Mark chuan a lo pawm lo nasa mai, "Doctor in in dim a ngai a tihkha, naktuk ah awmpui tur chu ka lo zawng ang" a tih leh chuan ka sawi buai tawh lo, a aw atang chuan eng ang pawn hnial ila a ti lui dawn tho tih a chiang reng.




Ka u te nupa leh Debo-i te nupa an lo thlen chuan kan ri deuh hluai a, ka thiante vu an pum a puar tawh a, kei ve chu a la thep zai thung, "Nangni in pakhatna in lai laiin keini thung chuan a pahnih na kan pai leh tawh a" uang zeta Mark an a tihchuan ka u leh U Dika te chuan an ei loh hmel teh e, "Kan nu dul puar dan atang hian mipa kan neih ka ring deuh a" ka u chuan a ti a, Lizzy lah chuan "Hmeichhia ani dawn ka tihkha" a lo ti hlak a, "Hmeichhia aw mipa pawh nise ka hmangaih dan a in ang dawn tho, lo chhuak vat vat tawh se" ka u chuan a lo ti leh a, midang ho chu kan lo nui dar dar a, "Mama, atei te pahnih duk chu a pawng taw sia, tinge nangma dul kha a pawng veoh, ka nau tur a awm ve tho sia" Gabi chun ka pum thep bik chu a lo ngaimawh khawp mai, a zawhna avang chuan kan nui leh hak hak hlawm a.




"Bawihte, Mama pum pawh kha nakin a lo la puar ve dawn alawm" Apa in a tih tak sup ah chuan Gabi chu a nui cer ver a, chaw te chu kan ei a, mipa te aiin hmeichhia ten kan ei thei zawk, chaw ka ei kham chuan kan inkawm hlim leh a, mipa ho chu pawm lamah an chhuak dial a, kan thian ho chuan thil kan sawi mai mai a, "Ka rai tih U Dika'an a hriat tirh khan ti fa nge. ati a nihchu, ka hrilh duh lo cheu a, ka sawi ve mai mai a nihchu" Debo in a tihchuan Lizzy nen kan nui nasa mai, "Tufa turah nge maw a ngaih le" Lizzy pawh chuan a lo ti a, "Chuchu lawm, keilah kha ka raino thinchhe nen khan ka vin hrep a, a hnuah min thlen leh alawm" Debo-i bawk chuan a ti leh a Mipa ho an lo luh hnu chuan reilote kan inkawm khawm leh a, dar 9 rik dawn chuan haw an tum ta a, pawn thleng chuan kan thlah a, kan thiante ka hmu chu a nuam ka ti takzet a ni.




Khumah mu in Mark chuan min kuah khawm hlun a, "Ka nupui duhtak ka lawm takzet a ni" tiin Mark chuan min fawp vang vang a, "Tunge lawmthu min hrilh bik, keimah chauh in ka rai theilo tih i hriat kha" ka tihchuan "Gabi I pai lai khan hreawm takin ka siam che tih ka hria, ka inchhir hle bawk, tunah chuan nang leh kan fapa tan leh ka fa lo piang tur tan hian pa tha tak ka ni anga, I rai hmasak laia ka duat na I dawn loh zawng zawng kha tunah hian ka pe vaw ang che" tiin min fawp leh vang vang a, phur zetin min fawh na chu kao chhang a, ka taksa a zut kual nghal ruai a, ka in la hrang vat, "Naute" ka tih sup chuan a thaw ham ham a, "Chaw bel bula riltam ang reng ka ni dawn a nihhi" a ti hluk a, ka lo nui hak hak a.


8 Months Later




Ka nau neih thla a ni ta, ka pum puar lian tawh tak nen chuan chet a har lam hret tawh chu a ni, Mark pawh chu hna a ka tawh ngailo, inah min awmpui deuh tawp a, vawin chu hotel ah a kal ngei ngei a ngai a, hreh tak chungin a kal ta kha ania, ka pum vu a nuam lo deuh riai riai a, mahse nidangah pawh hetiang hian ka awm tho avangin ngaih that loh na ka nei hran lo. Ka u te pawh khan fapa an nei a, an lawm hle nghe nghe, Debo-i te ve thung chain fanu an nei thung a, a hmeltha hle bawk, ka pum chu a rawn na leh zawk thin a, kitchen ah lutin tui ka in lai chuan ka pum chu namen loh hian a rawn na ta a, dun pawh ka dung tah theilo, dawhkan chu ka vuan a, Tei kan nula awmpui chu a rawn lut a, ka awmdan min hmuh chuan min rawn pan vat a.




"U... Engtinge I awm?" hlauhthawn hmel zetin a ti a, "Nau ka nei hnai dawn, Mark phone rawh" thei leh theilo chuan ka ti a, Tei chuan phone chu a hmang mawlh mawlh a, chair ah chuan thu in ka pum chu ka dawm a, "A lo haw mek, a lo thleng tep aw, tuar fan fan rawh" a ti a. Mark pawh chu a rawn thleng har lo, min rawn hmuh chuan a chiai khawp mai, min pawm in motor ah chuan min dahut a, damdawiin lamah chuan kan kal vat a, kan thleng har lo, doctor chuan nau a hnaih thu a sawi avangin nau neihna room ah chuan min nawr lut nghal a, ka sang vak vak a, mahse ka nei mai theilo, a tawp ah phei chuan ka chua tawh hle, "A lu a rawn lang tawh ania, han tang teh le" doctor in a tih leh chuan ka theihtawp in ka sang vak a, naute tap ri ngak ngak chu ka hria a, ka na te chu thawk leh khatah a bo duak in ka hria.




"Hmeichhia a ni e, a hmeltha lutuk" doctor chuan a ti a, ka nui seih, ka fanu chu ka hmuh theih nan ka bul hnaiah chuan a rawn pawm phei a, doctor khan a sawi dik lo hauh lo, a hmeltha takzet a ni. Naute chu an la sawn a, keipawh chu ka chau bawk nen ka mit chu ka chhung riai riai a engmah ka hre zawm tawh lo. Ka harh leh chuan cabin pangai ah ka lo awm tawh a, ka chhungte chu an lo awm kim thap bawk, ka harh tih an hriat chuan Mark chuan min rawn pan vat a, ka chal ah a rawn fawp vang vang a, "Ka lawm e, fanu hmeltha tak nangmah ang zetin min hrin sak avangin, ka hmangaih che" a ti sup a, ka lo nuih ver ver, "I fanu hi hnute han pe teh le, a tui a har tawh ang" tiin ka nu chuan ka fanu chu min rawn pe a, ka lo la vat, ka hnute chu a hen ve dawk dawk a, Gabi pian tirh khan apa chiah chiah a ni a, hei ve thung chuan keimah min chhun hle.




Damdawiin atang kan chhuak tawh a, Mark leh Gabi chuan ka fanu chu an atchilh hle a, Mark khei chu hna tanga a rawn haw hma ziah, "Mama... Abbie hian pawm a duh aniang, a tal a tal mai" ka fapa te chuan a ti a, ka lo nui hak, a pawm chak vang a ni tih ka hre reng si a. Kan fanu Abbie Lalruatkimi chu a u chuan a pawm a, "Mama, keima nau chu hmeltha e" Gabi chuan a ti a, "Khawiah nge ka nupui fanau te hi an awm aw" Mark chuan inhnuai lam atang a rawn ti lawng lawng a, "Papa hetah room ah hian kan awm" Gabi chuan ring zetin a ti a, a nau chu a pgu deuh zawk a uar zetin a rawn tap nghal a, Gabi chu a in thiamloh hmel hle, "Ka lo paw ang, a riltam a nihkha" ka tihchuan rang zetin min pe a.



15 Years Later




Dam chuan hun a lo ral chak khawp mai, kan fapa Gabi pawh kum 19 lai a lo ni ve ta reng mai, Abbie pawh hmani lawkah a piang emaw tih laiin kum 15 lai a lo ni ve bawk a, an unau chuan an in ngaina hle a. A u hian a duat tih hria in Abbie phei chu a u lakah a pangchang khawp mai, Gabi pawh class 10 a pass hnu khan phai ah lehkha kan zirtir a, kan tlawh zeuh zeuh bawk, a tet laia a tang duh nen tunah chuan a in la tlangval ve tawh a, a tawng tlem hle a, a pa chiah chiah a nimai. Keini bulah chuan a la tawng duh viau tho, a pawimawh ber apa leh keihi min zah thiam via bawk, vawin hian a rawn haw dawn a, keini ai mahin Abbie chu a phur tawh zawk, "Nu... hmanhmawh rawh, a u a lo thleng tep tawh nia, i muang lutuk" Abbie vuan dawhtheilo zetin a rawn au a, a u lo thlen nan darkar 3 lai a la awm.




"Ka tihpalh ani, ka ila ka hman tawh e" tiin inhnuai lamah chuan hmanhmawh zetin ka chhuk a, Abbie chu pawn lamah a chhuak nghal a, "I fanu hi chu a mak cheng chawng thin, mi hi a tur vak vak a, a la hma tehlul nen" Mark hnenah chuan ka ti hlak a, nui sukin ka chal ah a rawn fawp zeuh a, "A u a hnu chak tawh a ni saw, kal ila, min lo loh leh hmain" a tih zawk rual rual chuan pawn lam atangin "Nu pa" kan fanu chuan a Rana ti leh a, kan nupa chuan kan nui hak ringawt. Airport kan thleng a, kan fanu chu a za cheng tawh mai, a u a rawn la la g tehi bawk silo nen a ang leh hlak thin a, "Bawihte, awm mai mai te, a lo lang two tawh ang, a lo thlen a hun tawh alawm" ka ti a, reiloteah Gabi chu a rawn chhuak a, "U" tih pahin Abbie chuan a u lam chu a pan a, an in mauh chawt mai.




"Ka fapa" tih pahin apa chuan a hnungah a ben sak thek thek a, "U ka thil chah che kha min lo hawn em?" Abbie chuan a ti a, "Hawn chiang e, in kan thlen hunah ka pe ang che" Gabi chuan a ti sup a, in lam kan pan a, Abbie chu a tawng zat zat a, a u chuan a lo zawm ve zeuh thin bawk, in kan thleng a, Gabi chuan a thil lo hawn vel chu a la chhuak a, "U ka lawm e, u zawng zawng ah i fel ber" tih pain Abbie chuan a u chu a kuah a, "Kan in biak hnuhnun ber kha chuan i sual si min tihkha" Gabi chuan a lo ti fiamthu a, "Khate kha chu ka lo hawn dawn lo che i tih vang a nihkha" Abbie chun a lo ti leh a, Gabi chu a nui suk a, "Nu heihi i ta tur aw" tih pahin shawl nalh zetin chu min rawn pe a, "Pa heihi i ta tur" tih pahin apa tan kawr a lo hawn sak ve bawk.




"Bawiha, i exam chu i pass I ring maw?" Mark chuan a ti sup a, "Aw... ka ti tha ve khawp chuan ka hria" Gabi chuan a ti a, Mark chu a lu a bu nghut nghut a, "Englam nge zir chhunzawm i duh, ka sawi tawh ang khan ka hnung zui kher turin ka tilui lo che, in unau hian in duh apiang ti turin ka duh cheu" ka pasal chuan a ti a, "Pa... Nangmah ang hi nih ka duh, sumdawn na lam hi zir ka duh a, chuan nangmah anga hlawhtling hi ka ni ve ang" Gabi chuan a ti a, ka pasal chu a nui suk a, "Keichu designer nih ka tum" kan fa u pawh chuan a lo ti ve lauh a. Khumah chuan kan nupa in ka mu dun a, "Hun hi a kal chak khawp mai" ka ti sup a, "Ni e... ka nun a nang ka tawng che hi ka vannei takzet ani, nanghi ka khawvel I ni, ka hmangaih che, ka nupui duhtak" a ti sup a, "Keipawh in ka hmangaih che, ka pasal duhtak" ka ti a, khumah chuan kn nui dun hak hak a, heihi a ni kan khawvel chu, a changin kan hlim a a changin kan lungngai thin bawk, a tawp ah. chuan hlimna in kan khar ta ani.



A TAWP TA.....


Ka story 'My Cosmos' tih chu kan lo zo ta a, zaninah ka story thar tur, Mark leh Ruthi te fapa Gabi story 'My Passion' tih chu prologue lo dah lehnghal ka tum a, min lo chhiar sak ve leh theuh turin ka sawm a che u. Ka story ziah te min lo chhiar sak avangin lawmthu ka sawi tak meuh meuh e...


Show post links
Top