My Cosmos BY Becca Lnz (Completed)

[Ngaia]

Chapter-13




Ruthi Lalhlimpuii POV




Tlai lamah chuan Mark phone call ka dawng a, ka la nghak vat, "Babe, ka tihpalh lutuk ka lo biak loh vang che in, nizanah khan lei a min a, resort ah kan riak ta ngawt a, signal a tha bawk silo nen ka lo be theilo che a" a ti nghal zung zung a, "Tunah in let thei tawh ami?" ka ti sep a, ka thlalak dawn kha engpawh chu nise zawh fiah ngei ka duh, thinrim khum chiam in engmah awmzia a awmlo a, chuvang chuan tha taka zawh ka duh a ni, chuan thil pakhat vawin nileng a ka ngaihtuah chu kha thlalak ka dawn kha Mark hian a hriat ka ring ta hauh lo. A chhan chu thlalak kha chhang takin ka en a, Mark kha a muhil a, Stacy khan Mark hriat loh laiin a la a ni thei tho bawk, kan inkar tih chhiat a tum tih chiang takin ka hria a, chuvang chuan ka thil hmuh ringawt hi ka ring dawn lo, a bum kual mai mai theih in ka awm dawn lo a ni tawp.




"Aw.. ka let na a la reilo, ka ohie. battery a thi daih bawk sia, ka lo be lawk theilo che a nihkha" a ti leh a, "Um.. a nihchu" ka ti ringawt a, han sawi mai dan tur ka hrelo, "I thinrim em ni?" a ti sup a, "Thinrim love, mahse nizanah enge i tih?" ka ti a, "Rawn biak che ka tum a, mahse a tlang theilo a, ka chau deuh bawk nen ka mu hma a" a ti a, "A nihchu, thlalak ka dawng a" ka ti sep a, "Eng thlalak nge?" a rawn ti vat a, "Ih...hmeichhia nen in mu dun lai, hmeichhe hmel kha langlo mahse Stacy a ni tih ka hria, no hlang atangin ka dawng a, amah a nih ngei pawh ka ring bawk, min block nghal daih bawk sia, nang lah i reh vang vang bawk si" ka ti ta duah a, "Chu hmeichhia mai mai chu, Babe, Engthil mah a thleng lo, nizanah khan ka muhil lai kha tu emaw ka room ah an awm tih ka hria a, ka harh khan Stacy kha a lo awm a, ka chhuah tur nghal" a ti vat a, "Um... zawh chuan hmasak che ka lo tum a, thlalak ka hmuh tirh kha chuan ka rilru a na hman lutuk a, mahse thlalak ka en chuan Khan engmah i hriat hmel bawk siloh a, i hriat loh laia a lak a nih ka ring deuh a" ka ti a.




"Babe, min rin tlat avangin ka lawm e, engtin emaw ka ti ngei ang" a tihchuan "Mark engtin mah tih a ngailo, a duh duh chu tih tir rawh, kan inkar hi ani thil tih avangin a chhe mai mai dawn lo tih kan hmuh tur dawn alawm, chuan a thil tih avang hian kan in pawh phah ka lo ti a, kan in rin tawk na chak zia pawh ka hriat belh zel asin" ka ti leh a, "Nia, I sawi dik alawm, nang ang hmeichhia hi ka tawng lovang che tih ka hlau takzet ani, mahse Stacy hi kan tan a la hnawk dawn chauh, chuvang chuan engtin emaw tih a la ngai ngei ang" a ti a, "Ka nhi tawh che" ka ti sep a, thudik ka hre tawh a, ka thawl deuh huai mai, chuan ka rai vang hian nge Mark hmuh hlan ka nghakhlel takzet tawh, min duat na te kha ka thlahlel a, ka bula awm turin ka duh ani. "Babe, I ngaithla em?" Mark chuan a rawn ti a, "Um... ka ngai che, engtik ah nge i lo haw dawn?" ka ti a, ka mittui lah chuan chhuah a chak et et lehnghal.




"Ka lo haw mai dawn ami?" a ti a, "I hna lamah i buai tawh lo ami?" ka ti a, "Buai mahila, min ngaih viau chuan ka lo haw ang" a ti leh a, "A ngai hleinem, I hna thawk zo la I lo haw vat zawk dawn nia, chuan eng emaw surprise na tur che ka nei ania" phur zet chuan ka ti a, "Enge?" a lo ti vat a, "I lo haw hunah ka hrilh ang che, tunah chuan nilo, hmaichhan a kan in hmuh hunah" ka ti deuh tlat a, "Ok.. lo haw vat ka ngai dawn a nihchu, chuan vawin lam te enge I lo tih a?" a ti a, "Ka thiante an lo leng a, kan inkawm ho" ka ti sep a, kan in be ta reng a, phone kan dah hnu chuan inhnuai lamah ka chhuk a, Kimtei chu a lo tawng malh malh a, "U... in hnung lamah nimbu saw ka lo dawn asin, I ei chak em, ka ei chak tawp a" Kimtei chuan a ti leh a, "Aw.. ei a chakawm tawp, va lo ila" ka ti a, inhnung lamah chuan kan in zui a, pum nga vel a lo a, kan bawl a, kan ei a, a tui ngei mai.




"U engtikah nge U Mark hi a lo haw dawn?" Kimtei chuan si hliam hliam chungin a ti a, "Ka hrelo le, hna a thawh zawh vek hunah chauh a lo haw ang" ka ti a, "Taka u kan class ah min bem tu an awm a, mahse anu leh apa te bulah sawi maih suh aw" Kimtei chuan a ti ru ser ser a, "I duh ve ami?" ka tihchuan "Ka hrelo, a chhelo chu ka ti a, mahse bialpa neih ka la duh lova" a ti a, "Nia.. a ka.hma deuh chu ka ti, class 12 te han pass phawt la, I duh chuan college I kal hunah te ngaihzawng chu I la nei zawk dawn nia, tunah chuan i zirlai chauh ngaihtuah hrih la" ka tihchuan a lo a bu nghat nghat a, "Hmani lawkah kan exam zo a, tunah board exam kan hmachhawn lehnghal dawn chu nisia, ka pass zo lovang tih ka hlau" a ti a, "I zir nasa bawk a, i pass em em ang lungngai reng reng suh, hriatthiam loh lai I neih chuan min zawt hreh lo la aw" ka ti a.


....


Vawinah Mark alo haw tawh dawn a, a lo thleng tep tawh in ka ring, zan lamah lo len a tum a, mahse ka chhungte an awm ve dawn bawk en sawi chi niin ka hrelo, remchan veleh ka hrilh ang ka ti a, engtinge a ngaih ang ka hrelo mahse kei leh kan fa chu min pawm ngei ka ring. Zanah chuan Mark chu a rawn leng a, ka pa chuan a hna lam te chu a lo zawt luam a, tha tak tak in a chhang a, thei chi hrang hrang min rawn hawn a, a tam ngang bawk. Ka chhungte room lama an luh bo dia hnu chuan kan pahnih chuan kan awm a, tv chu kan la in a, in ngheng rial in kan thu dun a, "Tunlai hi I cher riau in ka hria" Mark chuan a ti sup a, "Nia, thil ka ei theilo lutuk a" ka ti a, "Engmah min hrilh silo a" a ti leh sup a, "Hnaah I buai bawk sia, ka hrilh duh lo che a nihkha, tunah chuan thil ka ei thei leh tawh lutuk" ka ti a, "Nidangah chuan min hrilh zel tawh ang che, ka lakah engmah i zep ka duhlo" a ti a, ka lu ka bu nghat a.




"Chuan, enge min surprise tur chu?" a ti a, "Nakinah" ka lo ti vat a, "Tunah min hrilh mai la, ka hre chak tawh takzet ania" a tihchuan ka nui a, "Kan pahnih chauh a kan awm hunah ni rawh se" ka tihchuan min ti lui tawh biklo, ka u leng a lo haw a, "Kha Mark pawh i lo haw ta maw, ka naui kha I awmlo chu a tum bur reng mai a, tunah chuan a nui hmel te pawh ka hmu veleh ta alawm" a rawn ti lut a, "Awihawm loh emai" ka ti hlak a, Mark chu a nui suk a, "I awmlo chu maw kan chhung hian kan tuar phah asin aw, chhim thlipui a ni ringawt" ka u chuan a ti leh hram a, "I ninawm, va mu rawh" ka ti hmak a, "Min va nung tawh awm ve, Mark te pawh kan ngai ve a" ka u han nghal zia hi chu aw... "Tak takin, I hna chu I thawk tluang thei maw?" pangai zawk hian a ti a, "Tluang a nimai, chuan Lizzy nen in tha zel maw?" Mark chuan a lo ti ve sup a, "Huiha... hmeichhia hi an buaithlak" ka u chuan a ti hluk a, an in ti thiamlo leh tawh emaw ni?....




"I thiam loh leh bawk ami?" ka ti a, "Nilo nilo, hmeichhia hi chu in duh duh hunah hian in thinrim a" ka u chuan a ti leh hluk hluk a, "I duat lo ve thin em alawm" ka tihchuan "Duat vak an ngailo, kan inneih hunah kan duat reng ham dawn lo a, ngai ah an nei mai mai" ka u ve hi zawng nei a ti dawng thin ania. "Ka mu dawn, buaithlak hnathawh tur ka la nei bawk si, buai chung chungin ka leng ve a, min lo thinrim khum daih bawk si" ti bul bul in a room lamah a lut a, Mark nen in en in kan nui hak hak a, "Gerard hi chu a zeilo ve em ani" Mark pawh chuan a ti a, "A tluk lo ve che e, tiraw?" ka ti a, a bu nghat nghat a, "Keite chuan ka duat che a, ka lakah thinrim a tir pawh I neih miah lo hi" a ti a, ka ner nang, "Kan inneih hunah phei chuan ka duat ngawt ang che" ka beng bulah chuan a ti sup a, inneih a hmanhmawh tawh bawk a, mahse kan inneih vat chu angai ngei ang, a chhan chu kan fa tur ka pum chhungah a awm mek si a, a hriat hunah chuan a hlim ve ngeiin ka ring.




Mark a haw dawn chuan naktuk lamah chhuah puiah min sawm a, ka hnial hran lo, hrilh na hun remchang tak a ni zawk ang, a tuk lamah chuan Mark in min rawn lam a, "Khawiah nge kan kal dawn?" ka ti sep a, "Ka in that sak ah kal ila, ka la hrilh duh lo che a, kan inneih huna kan chen na tur"a tihchuan "In i sak tir amaw?" ka ti a, "Aw... a tirah chuan keima chenna tur in ka sak tir a, mahse tunah chuan kan pahnih a chenna tur a ni tawh, kan fa te nen" a ti a, ka nui sen sen, kan thleng a, kan in nen pawh a in hlat lo, a chhungah kan lut a, a nuam lutuk ringawt, engkim chu peih fel vek a ni tawh, "Nuam I ti em?" a ti a, "Duhthusam a ni" ka ti a, "Inchung lamah khian kan room tur a awm" a ti a, inchung lam pan chuan kan kal a, "I duhzawng a nih ngei ka beisei" tiin room kawngka chu a hawng a, "Nuam lutuk, mahse a rawn hi a thim deuh mah mah a nihhi" ka ti a, "Kan inneih hunah I duh chuan i thlak leh dawn nia" a ti sup a, ka hnung atang chuan min rawn kuah a.




"He thil hi tih ka chak tawh takzet" tiin min maih her a, ka hmuiah chuan a raw fawp nghal tawn tawn a, ka lo chhang let ve vat, a rei hnu phei chuan ka taksa chu a zut kual ruai a, kan thawk a pangai tawk lo ve ve, "Babe, ka mamawh takzet che a ni" a ti khur hluk a, "Mark sawi duh ka nei" tiin ka inlahrang a ka chet dan chu mak a tih hmel hle, "Diklo a awm em ni?" a ti sup a, ka lu ka bu nghat a, "Kan insum hrih a ngai" ka ti a, "Enge awmzia?" hrethiam lo zet chuan a ti a, "Mark, sawi mai dan tur pawh ka hrelo" ka ti a, "Buaina I nei em ni Babe?" Mark chuan ngaihthat loh hmel zetin a ti a, ka pum chu ka chul a, "Tah hian kan pahnih fa tur a awm mek" ka ti a, mak tih hmel zetin min en a, a thawng hle a ni ngei ang, min en a, ka pum chu a en leh thin a, a awmdan chu ka lo en reng a, a in thung harh a, "Babe, han sawi nawn leh teh, ka hriat sual a nilo tiraw?" ringhlel deuh chuan a ti a, "I fa ka pai ka ti a nihchu" ka ti leh a, "Wow" ti hluai in min rawn pawm kang nawlh a, min vir oui a, a nui hawk hawk bawk, tlak hlau zetin ka lo kuah let a, ka te chel chul bawk.




Thil hrechhuak thut ang maiin dim te in min dahthla a, "Ka tihpalh, mahse ka lawm lutuk a" a ti a, awm ngaihna a hrelo a ni ber, a phi cheng a, a vei kual chhen bawk a, "I lawm em?" ka ti sep a, "Ka lawm takzet, Babe, ka hmangaih che, pa ka ni tawh dawn" a ti a, a nui hawk hawk a, a hlim hmel lutuk chu keipawh ka lo nui ve sen sen a, "Babe, engtianga lawmthu sawi tur neb ka hrelo, ka hmangaih che" tiin min fawp leh vawng vawng a, "I hlim ka ring reng a ni, enge ka surprise chu an i tih?" ka ti a, "A tha lutuk mah mah, hei aia surprise tha hi a awm leh tawh ngai lovang" a ti a, ka pum chu a chul a, a fawp leh vang vang thin a, a lawm ngei kha ka ring ania, mahse hetiang taka a lawm hi ka ring ngailo, awm ngaihna a hrelo a ni ber.




"Babe, min nei rawh, khawngaihin min nei rawh, kan nute nen hian ka bulah awm turin ka duh che u, khawngaih in min ei rawh" a ti a, "Ka nei ang che" ka tihchuan min fawp leh vang vang a, "Ka lawm e, khawvela mipa hlim berah nang hian min siam ani, ka lawm e, kan fa pawh hi tha takin ka enkawl ang, I hria em, ka pian tirh atanga tun thleng hian ka nu leh pate hi engang mi nge an nih pawh ka hrelo, fa ka neih ve hunah chuan duat takin ka enkawl anga, ka kut ngei hian kal ka la zirtir ve ang ka ti thin, chuthil chu tih ngei ka duh a, ka duhthusam ber a ni bawk, ka duhthusam te chu nang hian min pe dawn ani, ka lawm e, ka hmangaih lutuk che" a ti a, ka tah nuih hak a. Inhnuai lamah kan chhuk a, step a ka kal lai te chuan Mark chuan min veng run a, ka nuih a ti za takzet.




"Mark ka that em hi, ka tlu lovang, ka pum pawh a la puar em loh hi" ka ti a, "Ka hria alawm, mahse ka thla a muang theilo, muangchangin chhuk rawh ka lo veg ang che" a ti deuh tlat a, ka nui ringawt. Inhnuai almah kan chhuk a, "Chuan naute leh anu hi an riltam em?" a tihchuan ka lu ka lo bu nghauh nghauh a, a nui suk, "Ok.. in eitur kan siam ange" a ti a, mak ti zetin ka en a, "Eitur I siam thiam amaw?" ka ti a, "Um.. ka naupan lai atangin keimah in ka awm thin a, ka eitur pawh keimahin ka insiam mai thin alawm" a ti a, eitur a siam lai chu ka en reng a, amah a palian bawk nen a hmuhnawm takzet a ni, a siam zo a, ka hmaah chuan a rawn chhawp a, "Ka ei nghal mai dawn asin" ka ti a, "Awle, tui I tih ngei ka beisei" a ti a, ka ei a, ka meng kawk, a siam tui takzet, "A tui lutuk, kei ai pawhin ei i siam thiam zawk alawm, kan inneih hunah chuan nangman ei i siam char char ang" ka ti zat zat a, eitur chu ka hmuam tun bawk.




"I thu vek alawm" ti supin ka biangah a fawp zeuh a, a eitur siam chu ka ei zo vek a, "A tui lutuk, ka puar rap" tiin ka pum chu ka chul a, a nui suk a, "In puar chuan a that chu" a ti a, "I ei ve miahlo ania, i ril a tam velo ami?" ka ti ha a, "I ei lai ka hmuh khan ka puar" a tihchuan ka ner nang a, "Awihawm loh emai aw, ei ve rawh" ka ti a, "Ka hmui ah fawp la a tawk a nimai" a ti a, "Naaa.. i over" ka ti hlak a, "Eitur pawh ka siam sak vek che kha, chute chu ka phu i tive lo maw?" tiin a mit ko a san ak a, "Phakar lutuk mai" tiin a lamah chuan ka awm hnai a, a hmui ah chuan ka fawh sak zeuh a, inlak hran leh mai ka tum chuan ka tukhumah vuan betin min fawp leh tawn tawn a. A inlak hran chuan rum mangkheng in ka melh a, a nui suk duh chauh, kan awm ta reng a, a chang leh kan nui leh bawk bawk a, nuam kan ti takzet a ni.




"I in check up tawh em?" a ti sup a, "No... ka lo nghak che a" ka tihchuan a nui leh suk a, "Ok... naktukah kan kal dawn nia" a ti a, ka chhip ah a fawp leh vang vang a, a tlai deuh tawh avangin in lamah min thlah a, vawin han a kal loh vangin zan lamah hnathawh tur a nei a, rawn lut kawi tawh lo. Ka chhungte pawh kan in check up hnuah hrilh kan tum ta chauh a, ka thiante bulah chuan Mark hnenah ka sawi tawh thu leh a rang lama inneih kan tum thu ka sawi a, kan chhungte pawh kan pahnih ngei a hrilh ka tum thu ka sawi bawk, min lawmpui em em a, "Kan thian ho zingah nu i ni hma ber dawn a nihkha" Lizzy chuan a ti a, "Nia.. nangni pawh in ni vat lovang tih a sawi theih miahloh ania" ka tihchuan an raw vui nasa mai, akan danah chuan kau leh u Dika hi an zeilo viau a ni ngei ang. Ka u aiin U Dika a zeilo veleh chhawng a, a buaithlak takzet zawng a ni e.




In check up tur chuan damdawiin lamah kan kal a, doctor chuan kan naute chu thlakhat leh kar hnih a nih tawh thu min lo hrilh a, Mark chu a nuisang reng a, "In dim deuh la aw, nau insiam lai a nia, thil rit tak chawi te kha a tilo hram la, chuan ka damdawi chawh che hi tha takin I ei dawn nia" a ti a, damdawiin atang kan chhuak a, doctor in damdawi min chawh te chu kan lei nghal a, "Nangni chu hetah te enge in tih a?" U Dika kan tawk hlawl a, "Damdawi inah kan kal a" Mark chuan a ti a, "A nihchu mawle, damloh na in nei ami?" a ti a, "Nilove pawimawh ah kan kal zuai mawle, enge hetah te i tih zawk a?" Mark chuan a ti a, "Debo-in min tir a, a period tur nge mawni a thinchhe bawk sia, hnial ngam pawh a nilo" nui ruh ruh chungin U Dika chuan a ti a, "Taka, karleh hi Debo-i birthday a nihkha aw... surprise ka tum a, min puih ka ngai dawn nia" U Dika chuan a ti leh a, "Tehreng mai, min pui nasa si a, puih let ve che kan ba alawm", Mark chuan a lo ti ve sup a.





Zanah chuan Mark chu a rawn leng a, kan chhungkua chuan inah kan awm kim thap a, ka zam takzet a ni, Mark chuan a mitmengah hahdam turin min ti a, ka thaw hak a, "Ka pi ka pusawi duh kan nei a" Mark chuan a ti sup a, ka nu leh pa, ka u leh Kimtei te chuan Mark chu an en thup a, "Enge ni, han sawi ula?" ka pa chuan a lo ti dam thluam a, "Ruthi hian ka fa a pai ani" Mark chuan a ti sup a, tumah an tawng lo, keichu hawi pawh ka hawi chhuak ngam lo, ka chhungte hi an thinrim viau angem ka hrethiam lo, "A nimaw, chuan emfua awm nge in tum?" rei fe hnuah ka pa chuan a ti leh a, "In fanu hi ka hmangaih a, khawngaihin inneih min phal sak tur cheu in ka ngen a che u" a ti leh sup a, "Kan fanu hi I hmangaih takzet tih kan hria a, thil thleng hi a tha ber lo tih kan hre theuh a, mahse sawi buai tur kan nei lo, inneih in duh a nihchuan keini lam atang chuan sawi buai tur a awm love" ka pa chuan a ti leh a, ka thaw huai mai.




"Ka lawm takzet ani, in fanu hi hreawm in ka siam lovang tih ka tiam a che u" Mark chuan a ti nghet leh charh a, a thusawi chu a ti mai mai lo tih a hriat hel bawk. "Ka dam lai ngeiin tu hmel hmuh ka duh thin a, ka lawm takzet ani, a u ne hi zawng beisei hi a awm lo em a" tiin ka pa chuan ka u a en a, ka u chu a lo ner sawk a, "Pa ti khan ti ziah suh, mo in nei tep tawh" ka u chuan a lo ti ve hluk a, "Kan fanu pawh a lo puitling ve tawh hle mai, in neih kan pawn avang hian in thil tih kha a tha ka tihna ani lo ania, mahse thenkhat tur ang ang a thleng tawh bawk a, Mark pawh mipa rintlak tak I ni tih ka hria a, kan fanu hi hmangaih takin i enkawl dawn nia, I kutah kan dah dawn a ni a, a la puitling lo em em bawk si nen ngaihtuah a na duh dawn hle mai" ka pa chuan a ti leh sup sup a.



....



Mark nen kan in with na tur chu kan buatsaih tan a, Mizoram ah chuan Mark hi hriat hlawh tak a ni bawk nen kan inneih tur thu pawh a thang nasa tawh hle, nau kan pai lawk avangin inneih pawh kan hmanhmawh a, Mark phur lutuk erawh a over mah mah thin ka ti. Vawin ah mo kawr kan en dawn a, Mark chu meeting tur a neih avangin min lo lam hman lova mahse driver a rawn tir thung, a hotel ah chuan ka kal a, a chhung ka lut chiah tih chuan mite chuan min lo en duh hlawm hle a, "Nangnu kha, zaktheilo lutuk, engtinge Mark hi I bum theih pawh ka hrelo e" Stacy chu ka hmaah a rawn lang a, "Mi tam na lai anihhi, buaina siam lovin kalsawn vat rawh" Ka ti zawi fak a, "Mark hi nanghian i nei anga maw, ka damchhung zawng chuan a ni hi I nei ngailo ang ka ta a nihhi" a au tuar tuar a, mi a ang maiin, "Ka pi helai hmunah hian buaina siam suh, khawngaihin" hnathawk tu pakhat chu a rawn kal a.




Stacy chuan min rawn nem deuh sawk a, ka inring bawk silo nen chhuat ah chuan ka tlu hnawk a, ka pum a thip zawk thei, "Engthil nge I tih kha?" ka ti that a, ka tho chhuak a, ka pum chu ka dawm a, ka in sawh na lo hlauh a, eng em ka ti lo, "Mark hi ka ta a nihhi" a ti a, "Miin i mawl emaw kn tih ham hian kalsawn vat zawk la i tam a tha ang" ka ti hmak a, "Engmaw I sawi kha?" tih paha min rawn khawih a tum chuan a kut ah man in ka herh sak sawk a, "I nihna hrechiang rawh, zah i hrelo tih ka hria, mahse Mark hi Nangma kalsan zawk a nihkha, tunah chuan ka ta a ni tawh a, kan innei vat dawn bawk, chuvang chuan kan in karah hian rawn in rawlh iebt tum lo mai rawh" tiin a kut ka herh sak chu ka thlah a, "I la hre khawp ang" a ka ti hram a nihchu, "Tehreng mai" tiin ka kalsawn hmak a, 'A chan tawk chiah a hmu a nihkha, a sual bawk si' an ti ri te chu ka hria a, mahse ka kal chhunzawm zel tho.




Mark office ah ka lut a, "I lo thleng thei maw?" a ti sup a, a thut na atang chuan a rawn tho nghal a, "Aw.. mahse ka chau" ka ti sep a, "Kan kal lo mai dawn ami?" a tihchuan "A chi nang, reilote ka thu lawk anga kan kal dawn nia" ka ti a. Mark nen kan in zui thla a, mite chuan min en a, an phun leh sup sup thin a, "Inhnuai theih thawk rawh u" Mark chuan. ti hmuk a, "A ho lutuk, kan in hmeh an ti te pawh a ni thei " ka tihchuan a nui hawk a, mo kawr zawrh na dawr ah chuan kan lut a, mo kawr chi hrang hrang chu ka ha a, a the taksa a lang tam deuh mah mah a, a then lah a lian lutuk bawk si, ka pum a la lian lo hlauh a, a tihzia hlauh zawk. Ka ning tawh takzet, a tawp a tawp ah ka duh tak ka hmu duh ta hlauh a, kan hak chhin pawn ka tawk chiah vek, Mo kawr tur kan thlang fel tawh a, thil ei turin kan kal lehnghal a.


....



Maicham hmaa ka pasal nimai tur ding chu ka en reng a, ka mumang a ni ang tih ka hlau takzet, ka pa chuan min kai lut a, thu tiam kan chham lo te chuan tih tak zetin kan chham a, zungbun min bun tir a, tunah chuan nupa kan ni ta, pawn lamah chuan kan ding a, kan in with min lawmpui tura lo kal khawm pawh an tam viau, hetiang zat min lawmpui tu kan nei hi kan vannei takzet ani. Thlalak na te kan nei a, a rei tawh bawk si, ka ke a kham thum tawh mai, "I chau tawh em?" k beng bulah chuan ka pasal chu a rawn phun sup a, "Tlem te in" ka ti sep a, "A rei tawh lovang, tuar hram hram rawh aw" a ti a, ka bu nghat nghat a, thlalak na te a zo a, ka mo kawr hi thlak ka chak tawh lutuk takzet a ni. Zan almah chuan party kan nei leh a, Mark nen chuan kan lam dun a, mipui te chuan min en thup a, "Zanin chu i muthilh in ring suh ang che" a ti sup a, "Doctor in insum tir a tih kha" ka tihchuan a rum nghut a.




"Zanin chu kan inneih zan a ni a, insum ka tum lo" a ti bul hmuk a, ka nui hak ringawt, "Haw vat tawh se" kan thiante chu an la awm khaw muang deuh a, Mark chuan a nin hmel tawh hle, "I mak" ka ti a, "Kan pahnih chauh a hun hman ka duh tawh alawm" a ti leh nghut a, "Kan haw tawh mai dawn em ni?" ka u in a tih takah chuan an tho sang sang a, Mark pawh chu phir zetin a rawn tho chhuak a, "Pawn thleng kan lo thlah ang che u" a ti a, "Min va han ning tawh awm em em ve" Lizzy chuan a lo ti hlak a, Mark chu a nui ruh ruh a, kan thiante nen chuan kan in mangtha a, "An haw har ka ti tawh reng a" Mark chuan a ti a, "I mak thei ther thawt lutuk" ka ti a, "In hnuah chu nakin lamah tunah chuan kan room lamah chho ang" tiin min pawm a, thlak hlau zetin Kalo kuah nghet sauh a.




"Inbual ka duh a nia" ka ti sep a, "Nakinah kan inbual rual dawn nia" tiin khumah chuan min bawh bet az min fawp nghal tawn tawn, keipawh chuan ka lo chhang let vat a, ka kawr chu min phelh sak a, amah pawh chu a in phelh nghal mawlh mawlh a, rual in ka awm dun a, ka hnute te chu a tham tawn tawn a, "Ka insum thei tawh lo" ti khur hluk in a ka chhungah dim te in a rawn lut a, ka thaw hak a, muangchangin a che a, a tawp lamah chuan a insum thei tawh lo aniang, a che rang tawh kher ma, ka te chhuak that a, a ni pawh a rum hrawk a, ka sir ah a let thla tap a, "Ka nupui i ni mai hi awih harsa ka la ti mahse i ni ngei bawk si a, ka mumang a ni ang tih ka hlau takzet" ti supin ka chal ah a fawp vang vang a, "Keipawh hian awih harsa ka la ti, tun atang chuan pum khat kan ni tawh, kan inkar ah tumah an in rawlh thei tawh lovang" ka ti a.




"Kan naute hian hreawm a ti angem?" a ti sup a, "I thiamloh vek" ka ti a, "Ka insum thei thlawt lo a ni, naute zanin chu anu leh apa te hi hrethiam mai rawh aw" tiin ka pum chu a fawp vang vang a, "In bual ka duh a nia, ka thlan chuap bawk si" ka ti a, min pawm tho leh nawlh a, bathroom ah chuan min dah thla a, ka inbual mawlh mawlh a, Mark hnung chhawn zawng chuan ka ding a, hnunglam atang chuan ka hnute a rawn hum a, ka te that a, "I ninawm in bual mai mai rawh" ka ti hlak a, "Zanin te chu kan inneih zan a nihhi, vawikhat chauh kha chu ka duhtawk hauh lo ania" tiin bang ah min nawr bet a, min kiss lehnghal buan buan a, chau zetin bathroom atang chuan kan chhuak a, inthlak pawh ka inthlak peih tawh lo, khumah chuan ka mu nghal thlawp a, ka sir ah chua Mark a rawn mu a, min kuah nghal chial a, a taksa kumna chuan min ur ham ham a, reiloteah ka muhil nghal.



Cont....




Chapter hnih ka rawn dah a, comment leh click kha min tihsak ve hram ula aw, a that chaun naktuk ah kan zawm lehnghal dawn nia...


Show post links
Top

[Ngaia]

Chapter-14




Ruthi Lalhlimpuii POV




Ka hmai za mer mer ah chuan peihlo zetin ka meng chhuak a, Mark chuan hnai fahran ah min lo en run a, "Morning Wifey" ti sup in ka biangah a rawn fawp a, ka chua bawk nen ka meng tha hleithei lo, "Ka mut al a chhuak ania" min rawn delh bet a, "Tho rawh i rit si, ka la muhil duh" ka ti leh hlar a, "A tlai tawh, muthilh hun a ni tawh lo" ka tihchuan rum zetin ka en a, "Nimin ah nileng in ka ding a, nizanah lah nangmah vangin ka muhil hma thei bawk silo, min mut tir mai mai rawh, i duh leh nangmah in tho rawh" ka ti a, "Nope, chuan ka riltam viau tawh ania" a ti leh a, "Thil ei la nimai lawm, enge min thawh tir phet i tum a, ka ril a la tam velo" ka ti leh hlak hlak a, "Babe, chaw tam in a tam lo" tih pahin hnuai lam chuan min rawn do deuh salh a, "I ninawm ka peih tawh lo, ka chau" ka ti a, a nui mai mai thung, a mit meng ah chuan a thil tih tum a ti ngei dawn tih ka chiang viau.




Chaw kan ei lai chuan a nui leh suk suk thin a, rum zetin ka en a, "Ei mai mai rawh" ka ti a, "Vawin chu kan chhuak dun dawn em ni?" a tihchuan "Khawiah nge kan kal ang?" phur zetin ka lo ti nghal a, "Hotel ah kal phawt ka ngai a, a rei lovang, chuan i duh duh kan ti tawh dawn nia" a ti a, chaw kan ei kham a, chhuak tur chuan kan insum zui nghal mawlh mawlh a, hotel kan thlen chuan a ngai te bawkin hnathawk ho leh hotel a thleng thenkhat te chuan min lo en leh thup tawh a, hrelo derin ka pasal office lam chu kan pan ding nghal a, "Tah hian lo thu la file hi kam en fel lawk ange, ka reilo ang, ei duh i nei em?" a tihchuan "Kala puar lutuk engmah ka ei chak lo" ka ti sep a, kiai suk in ka biang ah a rawn fawp zeuh a, a chair lam pan chuan a kal nghal.




Mark office a lem ziak in tar te chu ka lo en kual a, nalh hlawm hle, mahse hmeichhe tan chuan a pa deuh mah mah chu a ni. Kawngka kik ri a awm chuan rang zetin couch ah ka thu a, Mark chu a nui hawk a, "Lo lut rawh" a ti nghal sup bawk, Stacy chu a rawn pen lut zan zan a, min hmuh chuan a dimg deuh chut a, "Oh.. hmuh ve che ka lo in beisei hleinem" nui sawng chungin a ti a, "Enge i rawn tih dawn?" Mark chuan a lo ti chhum hmuk a, "Heihi i en a ngai, midang ho zawng chuan kan rem ti vek tawh a, han en ve chhin hrim hrim la" tih pahin Mark table ah chuan file a dah a, "Ka lo em ang I chhuak thei" Mark chuan a ti a, "Ruthi, in inneih na chu ka lawmpui lutuk che ania, lo kal ve ka duh viau nang in ka hman ta ngang bawk silo a, pawi I ti em lovang chu" Stacy chuan a ti a, pawi ka tih loh zia chu ka hrechiang ber ang, "Lo kal ve thei hram la chuan a tha tur ania" ka lo ti a, "I hlim hmel hle mai, kha i hlimna khan engtia rei nge a daih dawn a hriat miah loh ania, chuvang chuan i hlim theih lai khan chen nasa hle rawh" a ti leh a.




"Thu ho mai mai sawilo khan chhuak vat rawh, helai hmunah hian lawm I ni lemlo tih chu i hrechiang ang chu maw" Mark chuan a ti a, "Chuti maw, ok.. ka kal ange, ka sawi kha hre reng rawh aw, Ruthi" tiin a chhuak a, "Babe" Mark chuan a rawn ti sup a, "Ka tha ala, I hna thawh chhunzawm rawh" ka ti a, Stacy hian eng buaina chiah nge min la siam dawn ka hrelo, mahse a awm mai mai in ka ring hauh lo bawk, ka pasal te nen hian an thawk ho a, tunah phei chuan hma an la tan mek a, an thawh ho na chuti ngawt a tih tawp mai chi a nilo bawk. Engpawh nise kan tun hun hi a pawimawh ber a, hlim taka awm ka duh, chutih rualin kan hmalam huna harsatna kan tawh pawn huai taka pal tlang thei turin kan in buatsaih a ngaiin ka hre bawk.




Mark chuan hna a thawk zo a, hotel tang chuan kan chhuak a, ka riltam deuh avangin restaurant ah kan chawl hmasa leh phawt a, chumi zawh ah naute thil tur te kan en a, hmeichhia nge mipa a nih dawn kan la hrelo a, mahse Mark hian mipa a nih a ring bur a, kan thil lei ho pawh mipa lam thil vek kan lei a, hmeichhia ka lo nei thut a nih chuan midang nuih a ti za ngawt ang le. Kan bazar zo a, kan haw nghal mai dawn emaw ka tih laiin ka chhungte inah min kalpui leh a, ka nu leh paten min hmuh chuan min lo lawm khawp mai, kan thil lei te chu kan han hmuh a, ka nu leh pa te pawh an nuih a za ngang mai, a pa ber lah hian fapa kan nei dawn, ka hria alawm, a ti miau mai si a, tlai eirawng bawl hun velah kan haw a, awmpui pahnih kan nei a, an lo che malh malh a, keini nupa chu kan room lamah kan in zui lut a, ka thil lei te chu ka dahtha nghal mawlh mawlh a.




"Babe" Mark chuan a ti sup a, ka thiltih lai chawl in Mark chu ka en a, "Kan naute tan khum kan order dawn em ni?" a tihchuan ka nui hak a, "Mark, a la hma alawm, ka pum pawh a la puar em loh hi" ka ti a, rum nghut in min rawn pan a, "Hetah hian kan pahnih fa a awm chu a nisia, awih harsa ka la ti, a ni ngei bawk si a" tiin ka pum chu a chul hauh hauh a, "Ei chak I nei em?" a ti a, "Neilo" ka ti sep, "Ka vannei dawn aniang, raino ka haw lo emai" ka ti leh nghal zat a, "Ka hmangaih che" a ti sup a, ka nui ver ver a, ka ngawng ah hmai a phum a, a thaw ham ham bawk. Chutiang a rei ngial kan awm hnu chuan a awm hrang a, "Naute lo piang vat vat rawh aw, i pa hian ka duat chak tawh che a nia" Ka dul chu a fawp leh vang vang a, "Chhuk ila, in eipuar ila, movie en ang" ka ti a, inhnuai lamah chuan kan in zui thla a.


..


Ka naupai pawn thla nga lai a ni ve ta, Mark chuan ni telin min duat a, ka pum puar ve ak tawh chu ka chul hauh hauh a, Mark chuan naute thil tur a lei khawl tam tawh khawp mai, room pakhat ah a infiam na tur tiin toys a dah khawl teuh a, ka khap go a, mahse a tih loh phah chuanglo. Tunah phei chuan engmah ka sawi peih tawh lo zawk, ei ka thei em em a, ka thau kung tawh mai, sana ka en a, Mark rawn haw a hun tep tawh, inhnuai lamah chhuk in ka pasal chu lo hmuah ka tum a, pawn ah chuan ka thu ran a, sana ka en leh a, tun ang hunah chuan a rawn thleng tawh thin sia, hnaah a laklawh viau pawh a ni maithei a ni, mahse a haw tlai dawn chuan kin rawn biak ka ring tho bawk si, ka nghak ren rawn a, khua a thim deuh khup tawh avang chuan inchhung lamah chuan luh ka tum a.




Ka phone a lo rik avang chuan ka pen lai chu ka tawp chawt a, Mark hnen atangin. anih vangin ka la vat a, mahse amah a ni hauh lo, "Ka pi, he phone neitu nupui hi I ni em?" mipa pakhat hia a rawn ti a , "Aw.. ni e" ka ti sep, "A... i pasal hi a accident a, tunah hospital kan panpui mek, a rang lamin in lo kal dawn em ni?" a tih leh takah chuan chhan nachang pawh ka hrelo, ka phone chu ka thlauh tawp a, "Ruthi, I tha em?" kan nula chhawr lai Tetei chuan a lo ti a, chhan nachang pawh ka la hre chuang lo, ka phone tla chu a chhar a, a biak chhunzawm nghal a, an inbiak zawh chuan ka banah a rawn vuan a, "Hospital ah kan kal nghal dawn nia, lungngai suh, pu chu engtin mah a awm lovang" a ti a. Keipawh chu in thing harh thuai in pawn lam ka pan nghal dawr dawr a, Mark in chhuah duh na ka neih takin tih thilthu ah driver pakhat hi in lama awm turin a dah a.




Car ah chuan chuang in hospital lam chu kan pan vat a, Tetei chuan ka chhungte a be vat a, keichu ka a chhuih niber in ka hria, rilru tawngtai na ka nei mawlh mawlh a, damdawiin kan thlen chuan ka tlan dawr dawr a, nurse pakhat kan tawh chuan "Ka pasal, nilo Mark Zoremsanga hi khawiah nge a awm?" ka ti bah deuh nawk nawk a, "Helam ah hian lo kal rawh u, tunah hian an zai mek a, pawn lamah in lo nghak dawn nia" Nurse chuan a ti a, OT pawn ah chuan mipa pakhat a lo thu a, min hmuh chuan a ding nghal vat a, "Nang hi em ni a nupui chu?" a tihchuan ka bu nghat a. "Eng em a tilo turah ngai ang aw, hlauthawng lo la" a ti dam leh dap a, "Ka pasal chu engtin nge a accident theih?" ka ti sep a, "Kawng thlang ah a tlan liam a, ka hmuh veleh ambulance ka bia a, chanchin ka rawn hrilh nghal che u" a ti leh nghal zung zung a, "Ka lawm lutuk e" lawmthu han sawi ngaihna vak pawn ka hrelo.




Ka chhungte an lo kal a, ka nu chu ka bulah rawn thu in min rawn kuah a, ka mittui a hnam tiam tiam a, "Nu a tha leh ang tiraw?" ka ti lawi rut a, "Mambawih lungngai reng reng suh, kan tawngtai anga tawngtai na chhangtu Pathian khian kan dilna chu min chhan sak em em ang" ka nu chuan a ti a, darkar thum zet kan nghah hnu chuan doctor a rawn chhuak a, ka pan nghal vat, "Doctor ka pasal chu enge a an?" ka ti a, "A dinhmun kan sawi mai theilo, a lu a sawh na deuh a, a harh chhuak leh ang tih pawh chiang takin kan sawi ngam lo a ni, mahse lo lungngai lo ula kan theihtawp kan chhuah dawn nia" tiin a kalsawn a, ka thu hnawk, ka mittui a luang zung zung a, ka pasal chu an rawn nawr chhuak a, "Mark rawn harh leh vat rawh aw, ka mamawh che a nia" ka ti sep sep a, chhangtu ka neilo, nidangah chuan ka biak apiangin min chhang nghak vat zel a, tunah erawh a ngawi reng bawk si, tih theih em em a aw hrih lo bawk nen cabin ah an dah a, doctor te chuan a rawn harh chhuah pawh an ring chiah tawh lo a, mahse ka chhungril hian a hria a ni, ka pasal hi a rawn harh chhuak leh em em ang.




Kar khat zet a liam leh ta, inah ka haw ngai lova, Mark bulah ka awm deuh chawt mai thin, ka chhungte pawh an rawn kal reng a, in a haw turin min ti nasa thin viau, mahse ka haw dawn lo, ka pasal bulah lo chuan ka awm duh lo a ni. A biang chu ka chul a, tui taka muhil a ang takzet, "Ka pasal duhtawk, lo harh tawh la, ka ngai tawh che a nia, kan naute pawh hian a ngai tawh che" ka ti sep sep a, a reh vung vung mai si, ka mittui chu a rawn hnam tiam tiam a, Mark biangah chuan a far keuh a, "I lo harh leh dawn tih ka hria, khawngaihin rawn harh vat rawh aw, kan naute nen hian kan mamawh lutuk che a nia" ka ti leh sep a. Ka nu a rawn kal a, "Mambawih, va haw rawh, Mark chu ka lo awmpui ang" ka nu chuan a ti leh a, "Nu ka sawi tawh kha, ka pasal bulah lo chuan ka awm duh lo" ka ti sep a.




"Ka fanu, ka hrethiam che alawm, mahse tunah chuan nangmah mai I ni tawh lova, i pum chhungah khan Mark nen a in fa a awm mek tih hre reng la, hahchawlh I mamawh, i thiante an lo kal dawn a, an hruai haw ang che, reilo te tal hahchawl phawt rawh, chuan I lo kal leh dawn nia" a ti a. Ka thiante pawh chu an rawn thleng a, Mark chu kalsan duh lo viau mahila ka nu thusawi kha a dik, hahchawlh ka mamawh a ni, inah chuan ka thiante nen kan haw a, room ah min luhpui a, "Mate, chhel.takin awm rawh aw, Mark chu a tha leh vat mai ang" Lizzy chuan min ngaihtuah hmel zetin a rawn ti a, "A rawn harh chhuak leh vat ang tiraw, ka pasal khan min kalsan lovang tiraw, a tello chuan ka nung zo dawn lo, kan fa tur nen hian kan la mamawh dawn chauh a, min kalsan thei lovang" ka ti a, ka tap zui hawm hawm bawk.




"Mark hian a kalsan dawn reng reng lo che, a lo harh chhuak leh vat ang, ka hria a ni" Debo-i pawh chuan a lo ti ve a, "Tap tawh suh le, chak taka I awm a ngai a nia, mu hahdam phawt rawh" tiin khumah chuan min mittui a, ka chau bawk nen reiloteah ka muhil nghal mai a, ka harh leh chuan khua a lo thim lek lek tawh a, bathroom ah lutin ka inbual fai a, thawmhnaw in thawlh sawk sawk in inhnuai lamah ka chhuk thla leh nghal a, ka thiante pawh chu an lo la awm reng a, min hmuh chuan "I lo harh tawh maw, i ril a tam em?" an ti nghal zung zung a, "Engmah pawh ka ei chak lo, damdawiin lama kal ka duh" ka ti a, "Thil ei hmasa phawt rawh" tiin kitchen lamah chuan min kalpui a , eitur chu ka hmaah an chhawp a, ka ei lui thei thlawt lo, tlem te chauh ka ei a, an ni pawh chuan min hrethiam a, damdawiin lam pan chuan kan kal lehnghal vat a.




Thla khat zet a ni ta, ka pasal chuan that lam a la pan lo hrim hrim, ka ngai a, ka bulah aw reng mahse a aw te a taksa lum nuam taka min miah lai te kha ka thlahlel a, a lo harh chhuah leh theih nan Pathian hnenah ka dil fo, mahse chhan na ka la dawng lo thung, chuti chung pawh chuam ka beidawng ngai chuanglo, ka tawngtai tam telh telh a, engtik ah emaw chuan ka tawngtai na chhan na ka la hmuh ngei ak beisei tlat a ni. Kan naute lo pian nan pawh thla thum chiah a ngai ta, Mark khan a lo pian hun a nghakhlel em em thin a nihkha, mahse a lo pian chhuah hun ah a lo harh hman a ngem pawh a hriat siloh, "Daddy lo harh vat tawh la, kan naute hian a ngai tawh che, keipawh in ka ngai che" ka ti a, a ngai te bawkin ka mittui chu a tla leh ta, hotel lam pawh ka enkawl a, ka thiam lutuk lo nachungin Mark secretary a fel hlauh a, amah zawk chuan a enkawl a ni mah zawk.




Stacy pawh ka tan hnawk sak in a awm tawh ngai lova, han biak chhiat nachhan tur ka neilo bawk nen hna lamah chuan kan in be pangai thei viau. Vawin lamah meeting a awm dawn a, Mark aiawh in ka kal ngei ngei a ngai dawn a ni, ka nu chu ka pasal awmpui turin a rawn kal a, a lo thlen veleh ka chhuak ve nghal, meeting naah chuan ka awm ve ran a, Mark secretary Akima chuan thurawn min pe ve zel bawk a, meeting a zawh chuan ka chau ve hnawk thei, dik tak chuan an thusawi ho kha ka hrethiam lutuk lo, Akima ah ka in nghat tawp ti ila ka sawi sual lovang, ka phone ka en a, ka nu miss call a lo tam hle, Mark chungah eng emaw a thleng anih ringin ka nu chu ka call back nghal vat a, ka lung chu a phu dup dup bawk a.




"Nu enge nita?" ka nu in phone a lak rual chuan ka ti a, "Mambawih, Mark a lo harh tawh" ka nu thusawi avang chuan ka dimg ngawi reng a, "Mambawih ka tawng i hre thei em?" ka nu bawkin a rawn tih leh takah chuan ka in thing harh vat a, "Ni dawt I sawilo tiraw, Mark chu a rawh harh tak tak tawh tiraw?" ka ti tiau a, "Aw... a raw harh tawh e, tunah doctor in a check mek a" a ti leh a, ka lawm lutuk chu ka tap chhuak hawk a, "Nu ka lo kal nghal dawn" tiin phone chu ka dah a, Akima chu office ah rawn lut a, "Miss thil hmanhmawh thlak a awm em ni?" a rawn tihchuan "Mark a rawn harh tawh a, ka kal dawn a nihhi, pawimawh a awm a nihchuan I lo buaipui mai dawn nia aw" ka ti nghal zung zung a, "A va lawmawm ve, helam chu rawn ngaihtuah suh, ka lo buaipui ang" a ti a, nui sakin ka chhuak nghal a.




Damdawiin ka thleng a, cabin lam chu ka pan vat, pawn lamah chuan ka nu a lo awm a, "Mambawih i lo thleng a nimaw?" ka nu chuan min lo be vat a, a hmel ah chuan diklo a awm in ka hria, "Nu Mark chu enge a an?" ka ti a, "Ka sawifiah thiamlo, a harh tih ka hriat khan ka chhang vat a, mahse min hria nagin a awm lo, tunge ka nih min zawt a" ka nu chuan a ti a, mak ka ti hle, doctor alo chhuak a, chanchin ka lo zawt nghal vat, "A hriat na a hlauh niin ka hria, tum hma hun ah khan a la cheng a ni ber, chuan Stacy a tih nu hi tunge?" doctor chuan a ti a, ka nghing lawih thei. A nihchuan Mark hian keihi min hre tawh dawnlo tihna maw?.... "Doctor a hriatna chu a nei let leh vat angem?" ka ti a, "Ka sawi mai theilo, thla khat kum khat emaw kumkhua in a nei let tawh lo maithei" a tih leh chuan sawi mai tur pawh ka hre tawh lo.




"Kan hmu thei angem?" ka ti sep a, "Tehreng mai, mahse a bulah in tawng fimkhur dawn nia, a tan a tha lo" a ti sup a, doctor kalsawn hnu chuan cabin chhungah chuan kan lut a, "Tu te nge in nih?" Mark chuan bul hmukin a lo ti a, min melh run bawk, "Mark" ka ti sep a, "Khawiah nge ka bialnu Stacy a awm?, ka harh tih hrilh ula, ka bulah lo kal turin ti rawh u" a ti bul leh hmuk a, "Mark, min hrelo tak tak em ni?" ka ti a, "Hrelo, Engvangin nge ka hriat ang che, ka hmuh vawikhat na che i ni" a ti leh hmuk a, "Stacy chu rawn ko tawh u ka tihchu" ati thawt a, ka phu zawk bawk, a lu a dawm vang vang a, "Ni doctor va ko rawh" hmanhmawh zetin ka nu chu a tlan chhuak nghal a, Mark chu nurse chuan a Chiu a, a muhil nghal.




"Ruthi, Mark hi a hun kal tawh ah khan a cheng tlat a, engtikah nge a hriatna a neih mey leh theih ang tih pawh hriat a nilo, tuna tihtheih awmchhun chu a hmeichhe sawi chu a hmuh a ni" doctor chuan a ti a, bei a va dawng duh em. Mark chuan min hre ngailo ang maiin a awm a, nilo tunah chuan min hre lo alawm, inah kan let a, "Tunge I nih, engvanga ka awmna apianga awm ve zel nge i nih?" Mark chuan a ti hmuk a, "Ka enkawl dawn che lawm" nui sang chungin ka ti a, "Ka mamawh lo che, Stacy chu ko rawh" a ti leh a, "Ani chu a buai a, a lo kal hman lo" ka ti leh sep a, "Enga, ka harh tih i la hrilh lo em ni?" a ti leh a, "Tunah ko rawh, chuan chhuak nghal rawh" tiin khum bula kan pangpar khawina chu a vawn keh chuai a, hmanhmawh zetin ka chhuak a, bathroom ah lutin ka tap hawm hawm a.




Doctor ka bia a, "Ruthi harsa i ti maithei, mahse Stacy chu hmuh tir la a that ka ring" a ti a, "Doctor tihdan dang a awm mai lovem ni?" ka ti a, "Tunah chuan awm lo" a tihchuan Stacy chu ka biak ngei a ngai dawn ani. Stacy chu kan inah a rawn kal a, kan nupa room ah chuan kan lut dun a, "Bawihi, engvanga rawn kal vat lo nge i nih?" Mark chuan Stacy chu thlakhlelh hmel takin a en a, "Ka tihpalh a ni, ka buai deuh a" tiin Stacy chu a bulah a thu a, "Nangkha engvanga la awm ve reng nge i nih, chhuak vat rawh" Mark chuan min en chungin a ti a, Stacy chu a lo nui sak a, tunah chuan engmah tih theih ka nei hrih lo a ni. Pawn lamah chuan ka chhuak a, engtin nge kan awm zel dan tur pawh ka hre thiam tawh lo, a rawn harh chhuah thu ka hriat khan ka lawm em em a, mahse keichu min hre tawh silo.




Stacy chu kan inah a awm ve reng ti ila a dik ber a, a riak lo chauh tawh a ni, Mark chuan a duat em em a, Stacy lah chuan ka pasal a ni tih a theihnghilh emaw tih mai turin a bialpa angin a chei bawl a, an awmdun lai chu hmuh hreawm ka ti thei hle. Ka thiante chu an rawn leng a, Stacy leh Mark awmdun an hmuh chuan rim zetin Stacy chu a en a, "Hetiang reng hian i awmtir dawn ami?" Lizzy chuan a ti hlak a, "Tih ngaihna a awm hrih lo alawm, thudik hrilh ta ila, a tan a tha bawk silo a" ka ti sep a, "Mahse, saw hmeichhia nen a an awmdun lai nitin a i hmuh reng hian na I ti tih kan hria alawm, mate, Mark hi chhuahsan mai rawh, a hriat na a nei let leh dawn em pawh a hriat loh a, nei let tawh lo ta se, hetiang reng a I awm hi kan duh lo a ni" Debo-i pawh chuan a ti leh a.




"Inhriat kha, Mark hi ka hmangaih lutuk tih hi, ka kalsan theilo" ka ti sep a, ka thiante chuan min khawngaih hmel zetin min en a, "Ka tha ania, beisei na ka nei tlat a ni, Mark hian min theihnghilh hlen dawn lo tih hi ka hria, engtikah emaw chuan min la hrechhuak leh em em ang" ka ti a. Inchhung lamah chuan kan inzui lut a, sitting room a kan thil hmuh avang chuan kan ding chawt hlawm a, Mark leh Stacy te chu an lo in kiss ngawng ngawng a nihchu, ka insum hman lo, ka biangah mittui a rawn luang thla pap a, "Engthil neh in tih kha?" Lizzy chuan thinrim takin a ti a, an inthlah chiang hle, Mark chuan keini thian ho chu rum zetin min en a, chutiang bawkin Stacy pawh in.




"Engvanga tawngkam vin kan rawn hmang nge i nih, tu ah nge i in ngaih hrep a?" Mark chuan thinrim takin a ti a, "Tunge ka nih maw, Ruthi thiannu leh a unaunu ka ni, chuan kha hmeichhia nen khan enge in lo tih zawh chiah kha, nangnu kha zah pawh hi I zak miah nange?" Lizzy chuan Stacy chu a kawk sawk a, "Nang hmeichhia kha, ka in atang hian chhuak nghal rawh, Engvangin nge ka hmeichhia hi zah lo taka i ṭawngkhum?" Mark chuan thinrim.takin a ti ṭhawt a, Stacy chu a lo nui sak a, "Engvangin nge ka zah ang sawi rawh, I nupui a awm ve reng laiin hmeichhe dang i awmpui thei a nia" Lizzy chuan a ti leh that a, "Enge nupui, hah, dawt sawi lo mai rawh, kei hian nupui ka la nei reng reng lo" Mark chuan a ti a, "Nei e, i nupui chu kha i hmeichhe awmpui kha nilovin kan thiannu Ruthi ngei hi a ni, tunah hian in fa tur a pum chhungah hian a pai mek bawk" Debo-i pawh chuan thinrim takin a ti ve a.




"Eng thu lawilo nge in sawi, nilo, kei hian kha hmeichhia kha ka nei amaw?, dawt in sawi a ni ngei ang, khanu kha hmuh pawh ka la hmu ngailo a, engtinge nupui ah ka neih theih ang, keichuan hmeichhe hmangaih ka nei reng alawm, chuchu kha in thiannu kha nilovin Stacy hi a ni bawk" Mark chuan a ti a, "A tha e, kan thiannu i hmangaih loh thu I sawi tawh bawk a, i hriatna I nei let leh a nih pawhin kan thiannu hnenah hian rawn lut leh tum tawh suh ang che" Lizzy chuan a ti a, Lizzy chaun min chhuahpui mai a tum a, mahse ka theilo, "Lizzy ka theilo, khawngaihin" ka ti sep a, "Hetiang thil i hmu tawh chung pawh hian I la chhuak duh lo amaw?" Lizzy chuan a ti a, "I hriat kha, ka kalsan theilo, ka fa hmasa ber tur ka pum chhungah hian a awm mek a, fahrah ah ka siam theilo alawm" ka ti leh a, "Mahse" a tih leh lai mek chuan "Khawngaihin" ka ti a, a thaw chhuak hawk a, "Ok... tun chauh hi a ni ang, eng emaw a thleng leh a nih erawh chuan duh lo pawh nila, kan hruai chhuak tho tho ang che" an ti a, ka thiante an haw hnu chuan ka chau hnawk thei.




"Chuan nang hi ka nupui maw I nih a?" kan nula room ah chuan ka awm a, Mark chua. rawn lut a, "I hriat ang kha a nimai" ka ti sep a, "Engtinnge ka nih theih, nanghi kahte ngailo che a, duh pawh ka duh hek lo che" a tih leh chuan ka chhungril a na vawng vawng a, "Nang hian min hmangaih nilo, min hmangaih thu pawh i sawi alawm, khawngaihin hriat chhuah han tum hram teh" ka ti a, "Nilo, nang hi ka hmangaih ngai hauh lo ang che tih ka hria, keichuan ka thinlung ah hmeichhe pakhat chuah duh ka nei, chuchu nang nilovin Stacy a ni" a ti leh a, "Engpawh kan in karah lo awm tawh mahse theihnghilh la, nun bul tan tha leh rawh" a tih leh chuan "Ka theilo, ka hmangaih che alawm, ka hmangaih ang chiah che in kin hmangaih ve bawk" ka ti a, "Nilo nanghi ka hmangaih ngailo che, chuchu hriatthiam tur rawh, i nat tak tak hma hian min kalsan la a tha zawk, keichuan Stacy kalsan ka tum hauh lo" tiin room atang chuan a chhuak a.




Kar hnih zet a liam leh ta, Stacy leh Mark te chuan min veng thawng hauh lo, Mark chuan chhuak turin min ti fo a, mahse ka chhuahsan ngawt theilo, ka lahak sual a chhuah a, ka thiltih engkim a sawisel bawk, Stacy hian enge a bulah a sawi chu ka hrelo, mahse eng emaw tak chu hrilh a nei tih ka chiang, a hma kha chuan ka awm ang ang in min en liam tawp kha a nia. Tunah erawh chuan min huat hmel takin min en a, min hmuh chuan thinrim tih hriat zetin min melh thin a, min thah daih mai a chak hmel thin, room a kan pangpar khawi thlak turin ka kal a, room chhungah ka lut a, mahse ka thil hmuh avang chuan ka thil ken lai chu ka thlauh a, a keh nghal chuai bawk, Mark leh Stacy te chu ruak deuh thaw in khumah an lo awm dun a, min hmuh chuan an thil tih lai an tawp chawt nghe nghe.




"Hrep che hian engthil nge i rawn tih a?" Mark chuan a ti ṭhawt a, ka mittui a baw zawih a, "Mark, kan laklawh em kha chhuah tur vat rawh" Stacy chuan a lo ti a, "Chhuak rawh" tih pahin ka ban ah na zetin a rawn man a, "Min thlah rawh" tih pahin a kut chu ka thing thla pawp a, "A tawk tawh e, ka tuar hnem tawh mah mah, i hriatna I hlauh tih ka hria, mahse hetiang hian i che thei biklo, ka dawh che a, i hriatna I nei let leh mai ang ka ti a, mahse tunah chuan ka beidawng tawh, i bulah hian ka cheng thei tawh lo, ka chhuak dawn, I duh thlan na a ni a, inchhir suh angche" ka ti a, "Inchhir na tur ka nei lo, i chhuah hun hi kan nghak reng tawh zawk asin, chhuak vat rawh, I hmel hmuh ringawt pawh hi ka kham tawh" a ti leh hrawk a.




Ka thawmhnaw te chu ka siam sawk sawk a, kan nupa in thla thum kal ta lawk a hlim taka ka lawi luh na chu thinlung na tak chungin ka chhuah san ta a, engtin ah mah let leh ka tum tawh lo, in lam pan chuan muangchangin ka kal a, ka nau pai a lian ve tawh bawk nen ka kal chak theilo, ka phone a ri a, Lizzy a lo ni, ka la vat a, "Debo-i nen in inah kan lo kal a, mahse Tetei'n i chhuah thu kin lo hrilh a, enge awmzia?" Min ngaihtuah hmel zetin an ti a, "Engkim a tawp vek tawh, ka beidawng tawh a ni" tap hlawp hlawp chungin ka ti a, "Khawiah nge i awm, kan lo kal ang" an tih chuan ka awmna chu ka hrilh a, reilo teah an rawn thleng a. Car ah chuan ka lut a, "Enge awmzia?" Debo-i chuan a ti vat a, "Kan nupa khum ngei ah..." tiin ka sawi chhunzawm theilo, ka ka chu hup in ka tap hawm hawm a.




"Chumi te mai mai chu" Lizzy chuan a ti a, Debo-i chuan min kuah a, ka hnungah a chul hauh hauh a, "Kan inah min hruai rawh u ka let tawh dawn lo" ka tap tawh lo, "Engtia awm zel nge i tum?" an tih chuan "Ka hrelo, inah kal phawt ang u" ka tih taka chuan engmah min zawt zui lem lo, in kan thleng a, ka chhungten min hmuh chuan an meng phawk hlawm hle, "Mambawih enge awmzia?" ka pa chuan a ti a, ka tap chhuak hawk a, ka nu chuan min lo kuah vat, "Ka tuar thei tawh thlawt lo, pa a rei tawh emai, ka thei tawh lo, ka beidawng tawh" ka ti a, "Mambawih, a zialo emai" ka nu pawh chuan hnuk ulh tun in a ti a, "Mark chu keiman ka be dawn em ni?" ka u chuan a ti a, "Aih, tunah chuan keihi min haw tawh takzet a ni, ka tellovin a hlim tih ka hria alawm, a hlim phawt chuan a tha a nimai" ka ti a, "Anih chuan inthen I duh tihna em ni?" ka u bawk chuan a ti leh a, harsa ti zet chungin "Aw.." ka ti a.



"Pa hetah hian ka aw reng thei lo, khawngaihin hmundanga ka awm min phal sak rawh u" ka ti ta tawp a, ka pa chu a ngawi ren rawn a, "Awle.. I nutei te bulah Delhi lamah i awm dawn nia" a tihchuan ka lawm hle, "Naktukah kal nghal ka duh ang" ka tih leh chuan "Mambawih a hma mah mah lo ma" ka nu chuan a ti a, "Nu... khawngaihin hetah ka awm reng thei tawh lo ani" ka ti a, ka u chuan ticket min book sak nghal a, a tuk lamah chuan ka chhungte leh ka thiante chuan Lengpui Airport thlengin min thlah a, ka chhungte nen kan in kuah a, ka thiante nen kan in kuah leh a, ka nu leh ka thiante pahnih chu tah insum zetin an awm a, keipawh ka ni tho, airport chhungah ka lut a, a tawp nan ka hawi let a, ka chhungte leh ka thiante chu ka bye bye a, in her in ka hawi let leh tawh lo, ka hmangaih ber te awmna chu ka hnung chhawn ta a, 'Mark hlim reng ang che aw, kei leh I fa chu lo ngaihtuah lo la, i hlimna ber ni a I sawi bulah chuan hlim taka awm a, chhungkaw hlim tak din ngei turin duhsak na ka hlan a che' tiin ka mittui luang chu ka hru hul a, Mizoram chu ka chhuahsan ta a.




Cont....





Comment leh click a that chuan naktuk zanah kan dah lehnghal dawn nia, ka dam tha lo a, nizan kha ka awl a nihkha aw.....


Show post links
Top

[Ngaia]

Chapter-15




Mark Zoremsanga POV




Khanu ka nupui in ti kha a chhuah atang thla hnih a liam tawh a, ka thawveng hawk dawn emaw ka tih laiin a ni hauh lo, kim lo riau a in hriatna ka nei tlat a, room ah emaw kitchen lamah hmu tur ang te hian ka in hre thin a, mahse hmuh tur a awm lo, Stacy chu nitin a lo kal a, a bula ka awm chuan ka theihnghilh ve mai thin a, mahse keimah a ka awm chiah erawh in ka zawng ru reng thin, a reh vang vang mai si. Stacy min hrilh danin khanu Ruthi kha duh vang reng a nei nilovin ka fa a pai anga a in sawi vang chuah a nei ka ni a, min blackmail avang a nei mai ka ni, min duhna a nei lova ka sum chauh a duh tiin min hrilh a, chuvanga haw em em pawh ka ni, kan inneih thlalak te ka en a, kan hlim hmel em em mai si, mahse a ni kha ka hre ngai hauh silo, Stacy hi ka nun a hmeichhe awm chhun a ni a, dawt min hrilh ka ring silo, mahse a bula ka awm hian danglam na em em ka nei lo, khanu bula ka awm kha chuan min hliah hliah bik in ka in hria a nihkha, Stacy hian ka lakah zep a nei tlat in ka hria a, enge a zep erawh ka hre silo.




Nitin mai chuan in lamah hun ka hmang deuh tawp a, hotel ka nei niin a sawi a mahse engtia han tih tur nge pawh ka hrelo, ka chhungril ah mal riau a in hriat na lian tak ka nei a, Stacy bula ka awm pawh in a reh chuang lo, min ngaihsak em em a, a bula ka awm chuan nuam ka ti mahse ka chhungril khawhar na hi a hnem thei lo. Ina ka awm lai chuan door bell ri ka hria a, keimah chauh in ka awm a, ka awmpui chhawr lai pawh Stacy in a tha lo a tih vangin ka ban daih a, kawngka ka hawng a, Ruthi thiante pahnih kha an lo ding a, "Enge in rawh tih dawn?" ka ti hmuk a, "Mark, engtinge kan thiannu hi hetiang a i tih theih zawk, i hriatna i hlauh tih chu kan hria mahse i ti mah mah i ti velo maw?" pakhat nu chuan thinrim zetin a ti a, "In sawi awmzia ka hrelo, thu lawi lo in sawi dawn a nihchuan kal vat zawk rawh u" ka ti hrawk a, "In la inchhir khawp ang, hria ang che, hmeichhe bum kual mai mai in i awm tih i hriat hunah chuan i tlai tawh bawk ang" pakhat nu chuan a rawn ti veleh a.




"Inchhir na tur ka nei phiangsen lo ve, in thiannu ka sum chauh duh a ka bula awm thlavang in rawn hauh dawn a nihchuan kal vat zawk rawh u" ka ti hrawk a, "Sum duh vanga I bula awm a, hah.. chutiang chuan engtinge i ngaih theih zawk, I lo mawl hle mai, kan thiannu khan a hmangaih em vang chein I bulah a awm a ni, hetianga ti leh tur siin engvangin nge i bula awm tur khan I lo tih, kha hmeichhia khan eng thu lawi lo nge a sawi kan hrelo, mahse heihi kan hrilh ang che, khanu kha ring lutuk duh suh, vanneih thlak taka i hriat na te i nei let leh a nihchuan i that duh hial maithei, chutih hun ah chuan i tlai tawh ang, kan thusawi hre reng ang che" tiin an kalsawn a, ka en zui vawng vawng, engah chaun neh ka inchhir ang ka hrelo.




An thusawi te chu ka ngaihtuah a, ka hrethiam lo telh telh, tlai lamah chuan Stacy a rawn kal a, mak deuh chu a ni hi it na ka nei miah lo hi a ni, ka hmeichhe duh em em ka ti ta miah lo hi mak ka in ti. Kha thil Ruthi in kan pahnih a min rawn hmuh dun pawh khan sex kan hmang lo hrim hrim, ka khawih hreh ti ila ka sawi sual lovang, "Dinner kan siam ang aw, vawin te enge i lo tih a?" a ti nghal zung zung a, hmeichhe pahnih rawn kal te kha sawi ka tum zet nang in ka sawi leh ta lo, "Ka awm mai mai, nang hnaah i buai em?" ka tihchuan a buai loh thu in min lo chhang a, "Naktuk atang chuan hna lamah ka kal ve tawh ang ka lo ti a" ka tihchuan a mitmeng a buai deuh nak a, chuang zetin ka en a "I la dam chiang silo a, la kal hrilh lo zawk la a tha lo maw?" a tihchuan "Ka dam tawh alawm, min ngaihtuah suh" ka nui suk a.




Dinner kan ei zawh hnu ah chuan ka room lamah kan awm a, ka malchungah thu in min zut kual dun dun a, "Tinge min khawih I tum ngai miah lova?" mitmeng phi chiai in min en a, "Kan inneih hunah tunah chuan engmah tihpui che ka duh lo" ka ti sup a, a ner nang a, "A nihchuan min nei vat la" a ti leh a, "I hmanhmawh a nihkha, hun tha a awm veleh kan innei nghal dawn nia" ka ti sup a, a nui nghal ver ver, "Damdawi I la eilo tiraw, ka rawn lak ang che" tiin a tho chhuak a, damdawi chu ka la a, ei ang deuhin ka awm a, a hmuh lo laiin ka chhak chhuak a, he damdawi hi doctor in min chawh tel lai ka hrelo, mahse Stacy in a tel a tih vanga ei ka nia, ka ei zawh hian ka lu a na ngut ngut thin a, chuan kha hmeichhia te thusawi atang khan Stacy hi ka ring pum hlum theilo bawk, ka en thlak chu a ngai a ni.




"Ka lo riak ve mai dawn?" tiin beisei nei deuh chun min en a, "Nilove, naktuk lamah hna kal teka duh tawh dawn bawk si a, nÀ en lawk ve deuh ka duh a, haw phawt rawh" ka tihchuan "Awle, a nihchuan ka haw ang, nidang ah chuan min dang thei tawh hauh lovang" a ti a, ka biangah a rawn fawp zeuh a, a kal chhuak lai chu ka en reng a. Zanah chuan ka room chu ka hai vak a, engmah hmuh ka neilo, laptop ka hawng a, folder pakhat hi a lo awm a, a chhung ka en chuan kha hmeichhia Ruthi thlalak hlir khan a lo khat a, ka en zel a, kan pahnih a kan lak dun na te pawh a hnuai lamah chuan a lo awm nual a, kan hlim hmel em em bawk, enge awmzia ka hrethiam teh nuai tawh lo, thil kal tawh hriat tum chuan ka ngaihtuah a, ka lu chu a rawn na ngut ngut a, ka lu a nat tak em avang chuan doctor ka call ta ringawt a, reiloteah a rawn thleng a, min check nghal zung zung a.




"I ngaihtuah na i hmang nasa lutuk a, chuvanga nihkha, ngaihthat lohna tur a awm lo" a ti a, "Ka hun kal tawh hriat ka duh a ni" ka ti sup a, "Hmanhmawh lutuk lo la, muangchangin I nei let leh em em ang, vawileh khata hriat chhuah vek I tum chuan i tan a ṭhalo zawk ang" doctor chuan a ti leh a, engtin mah ka chhang lo. Doctor chhuah hnu chuan ka mu a, doctor khan nachhawk na in min chiu a, ka mut a chhuak tan a, ka muhil zawm nghal mai. Ka mumang ah chuan hmeichhe pakhat hian min au lawm lawm a, "Ka hmangaih che, khawngaihin ka hnenah lo let rawh" a ti lawm lawm a, mahse engah mah ngai lo chuan hmeichhe pakhat kut vuan chungin ka lo kalsawn a, a hnuah a pum chu dawm chungin a tlu hnawk a, ka hawilet a, naute pakhat hi alo pawm a, keichu min mamawh hmel zetin min en a, "Kal ang, I tan engmah an nilo" chu aw chu, Stacy aw ngei a ni, Stacy nen chuan kan kalsawn ta a.




Ka harh hlawl a, thlan in min lo bual khat vek, ka mumang kha enge a awmzia nibta ang, Ruthi khan nau a nei a ni thei mai angem?.... Mahse khawiah nge a awm ka hre silo, inbual turin bathroom ah ka lut a, ka inbual zawh chuan muthilh lehnghal mai ka tum a, mahse ka theilo. Ka muthilh tehi tawh miau loh avangin ka meng tlang ta ngawt a, ka hriatna ka hlauh tih ka hria. Engthil nge thleng tih hriat chhuah tumin ka ngaihtuah na chu ka seng a, mahse a phui vek nimai in ka hria, khua a var a, han kal tur chuan ka insiam a, keimah chauh a awm ka nih vangin ka eitur chu ka insiam bawk a, eitur ka siam lai te chuan midang eitur ka siam sak lai te chu ka mitthla ah a rawn lang ruai ruai a, mahse tunge ak siam sak tih erawh ka hrelo thung. Stacy a rawn thleng a, hotel lam pan chuan kan kal dun a, hotel kan thleng a, midangte chuan min en duh hlawm hle, min lo wish liam liam a, Stacy chuan ka banah vuan in min kalpui zel a, room pakhat ah kan lut a, "I office a nihhi" a ti a.




"I hna lamah let rawh, keimah in ka lo ti thei mai ang" ka ti sup a, "Nilove, i bulah pawh hna te chu ka thawk thei tho alawm" a tihchuan "A ngailo, i hnaah chuan let rawh, kan hnathawh na a in ang lo tih ka hria" ka ti hmuk a, ngaihthat loh hmel takin min en a, "A nihchuan ka kal mai ang haw dawn hunah ka lo kal leh dawn nia" a ti a, ka chhang tawh lem lo. Ka secretary ni awm tak chu a lo lut a, "Boss, heihi I awm loh chhung a kan hnathawh te a ni a, i enfiah duh takin" tiin ka hmaah file pakhat a rawn dah a, "Ka lo en dawn nia" ka ti a, chhuah a tum chuan ka lo let leh a, "Ka hnuai a I thawh na a rei tawh em?" ka ti sup a, "Kum thum chuang chu ka thawk tawh" a tihchuan min hrechiang hle in ka ring, "A that chu, ka hun kal tawh ah engtinge ka nun dan hriat ka duh a ni" ka ti a, tawng a tim chiah tih chuan Stacy a rawn lut a, eng emaw hlauhthawn na nei a ang hle bawk, "Mark, theihnghilh ka nei a" a ti a.




"Enge i theihnghilh chu?" ka ti sup a, chiang zetin ka en bawk, "A.. heihi" tiin a phone chu a la a, "Akim kan in be lawk dawn em ni?" Stacy chuan a ti zawm lehnghal a, "Awle Miss" a ti sup a, "Mark pawi I tih loh chain Akima hi kan be lawk ange" a ti a, ka nu nghut a, Akima leh Stacy chhuak lai chu ka en zui reng a, Stacy hian eng emaw tak ka lakah zep a nei tih ka chiang tawh a, chuchu engthil nge a nih hriat chhuah vat ka duh bawk. Hna an thawh tawh sa chu ka en a, a tha viau, chuan Stacy te nen kan thawk ho tih ka hre chiah, Akima ka ko lut a, "Ka thil zawh che kha" ka ti sup a, "Boss, I hnenah chuan ka thawk rei tawh lutuk tho a mahse i mumal nun vel chu ka hre vak lem lo a" a ti a, a mitmengah chuan eng emaw zep tum nei ang tlat in ka hria a, "Dawt min hrilh I tum tihna em ni?" ka ti hmuk a, "Boss meeting turin kan tlai tep tawh ania" thu dang a sawi ta daih a, eng ang pawn zawt ila min hrilh ka ring chuanglo, meeting room ah chuan kan kal a, a thusawi te chu ka man chauh lo, mahse Akima chuan min hrilhfiah zung zung a, ka bo lutuk bik lo e.




Tlai lamah chuan Stacy chu a rawn lang vat a, "I hman tawh em?" a ti sep a, "Um.. kan kal hman a nimai" ka ti sup a, "Lo kal rawh le" tiin ka nuih suk a, Stacy nen kan in zui chhuah lai te chuan mite chuan min en duh hlawm hle a, "Mak an va tih hmel hlawm ve mawle" ka ti sup a, "Rei takin damlo a, an hmu khat bawk si che a chuvang chu a niang" a ti a, ka chhang let tawh lem lo. In kan thleng a, "Ka rawn lut kawi lo mai ang, tihtur pawimawh ka nei a" a tihchuan ka hnial lem lo, in ka lut a, ka inbual zawh hnuah engmah tihtur a awm tawh lo, dinner lah ka ei peih bawk silo, ka ngaihtuah naah Ruthi a rawn lang a, engtinge a awm ang?... A chanchin hriat na turin a phone no tak ngial pawh ka nei lo, Stacy khan ka phone a khawih a, a delete pawh a ni maithei a ni.




Kar tluan chuan a ngai angin hna ka kal a, engmah danglam em em a awm lo, ka hriatna neih let leh tum chuan ka bei nasa em em a, mahse ka hlawhchham thak. Hnathawk te en fiah na ka nei a, Stacy in ka office ah min nghah thu a sawi vang chuan hmanhmawh takin ka office lamah chuan ka kal a, kawngka ka hawng dawn chiah tih a Stacy tawng thawm ka hriat avang chuan ka che lai ka tawp deuh chawt a, "Nilo a hrechhuak tur a nilo, a mizia a thlak nasa lutuk, tunlai phei chu min pehhel dan ngawt a zawngin ka hria, a damdawi kha a ai chakin thlak rawh, a hriat na hi a nei let leh tur a nilo hrim hrim" a ti a, enge a sawi awmzia, a ni hian eng damdawi nge a sawi, nilo kha damdawi min pek thin kha a ni thei mai angem?... Anih chuan ani hian ka hriatna ka neih let leh hi a duhlo tihna a ni anga, mahse engvang nge?.. Zawhna tam tak ka nei a, mahse chhan na erawh ka nei silo.




"Ka sawi ang chuan ti rawh, engmah ka ngaithla duh tawhlo" a tih lai chuan thawm ka nei a, a thusawi chu a tawp chawt a, a rawn in her nghal vat, min hmuh chuan a mitmeng a danglam zawk a, mahse a in siamtha leh vat. "I lo thleng maw?" a ti a, a nui sang bawk, "Tunge I lo biak a?" ka ti sup a, "Ka thian mawle, a pawimawh lo" a ti a, "Ok.. Ngatinge I lo kal a?" ka ti a, "Lunch ei dun ila ka tia" a tihchuan ka nui suk a, "Lo kal rawh, kan chhuak dawn em ni?" ka ti a, kan in zui chhuak a, lunch kan ei lai chuan Stacy chu ka en leh thin a, a in veng ran mai hian ka hria, "Vawin chu kan chhuak dun dawn ami? Hna I thawh leh atang hian hun kan hmang dun khat em a" a ti a, ka hnial lem lo, "A pawi hleinem, kal ila, i tih chak ang apiang ka ti dawn ania" ka ti a, a lawm hmel hle. MC ah te kan kal a, thawmhnaw ka leisak a, tle reuh leh inchei na thleng in, "Ka mumamg ah hmeichhe pakhat naute pawn hian min lo thlawh thin a, mahse a hmel ka hmu thei ngailo" ka ti a, rang zetin Stacy chuan min rawn en a.




"Engmah a nilo ang, ngaihtuah vak duh suh, mangchhia vel bak a nilo ang" a ti a, mahse a hmel ah chuan diklo a awm tih ka hrechiang a ni. "Mangchhia mai mai a niin ka hrelo, eng emaw tak chu aniang, ka hun kal tawh ah khan engtin tak nge ka hun ka hman?" ka ti a, a ngawi vang vang a, "Mark ngaihtuah vak vak suh, I tan a ṭhalo ania", a ti a, "Nilo kha thil kha eng emaw tak a niang, chutiang nilo se zantin ka mangah ka hmu in ka in ringlo" ka tih leh chuan "Engmah a nilo ka tih chu" a ti vin that a, ka en ngur a, "Ka tihpalh vin che kha ka tum a nilo, mahse khatiang thil kha chu ngaihtuah vak tawh suh i hrisel na atan a ṭhalo" a ti leh a, engtin mah ka chhang ta lo, a ni hian eng emaw thil lian tham tak chu a zep chuan alawm, ka hriat chhuah vat a ngai bawk ang.




Khat khat zet a liam leh ta, tunah chuan Ruthi pawhin fa a nei daih tawt ang, ka ngaihtuah naah lah chuan ani tel in a lian a, Stacy hi ka tan enge a nih chiah pawh ka hre tawh lo, thlalak te chu ka en leh thin a, Stacy sawi ang khan ka sum chauh duh a min nei a nih ka ring ta lo, chuti nilo se a bulah hian hlim hmel takin ka nui hauh lovang, "Bawih, I awm em?" ka room ah chuan Stacy a rawn lut a, duh aiin a in ha chhung mah mah ka lo ti a ni. "Heihi I damdawi tur hna banah khan ka rawn lam kawi a" tiin damdawi bur chu dawhkan te ah a rawn dah a, "Ka mamawh tawh pawn ka hrelo, ka tha vek tawh alawm" ka lo ti a, "Nilo heichu i ei ngei ngei angai, i taksa tan a tha tur ania" a ti a, "A nih te chuan kan ei leh mai aniang chu" ka tihchuan thaw huai chung hian a nui sen sen a, diktak chuan ei ka tum lo, mahse ei anga awm ka tum mai chauh ani. Stacy chuan dinner a rawn ei ve a, awmpui thar ka nei a, nuthawi niin fa pahnih a nei tawh a, a pasal a sun tawh a, a fa te chu a theih ang tawkin a enkawl ve ani, "Nu Siam i duh chuan haw tawh rawh, a tlai tawh sia i faten an lo nghakhlel tawh ang che" chaw kan ei lai chuan ka ti a, "In ei na vel ka tih fel hunah ka haw mai ang" a tihchuan "A ngailo, hei Stacy a awm alawm" ka ti sup a, Stacy chu a lo ner sawk a, engah mah ka ngai lemlo.




Ei na vel chu lungawi loh hmel takin a tifai a, ka ngaihsak zui lem lo, a thinrim deuh aniang, engmah sawi lovin a haw ve nghal a, pawi tih na em em ka neilo, ka doctor bik chu in lama lo kal turin ka bia a, a rawn thleng nghal vat, "He damdawi hi eng damdawi nge a nih i hria em?" ka ti sup a. Doctor chuan a en vang vang a, mak tih hmel takin min rawn en leh a, "He thil hi damdawi hlauhawm tak a ni asin, hriatna neih let theih tawh lo na damdawi ti ila ka sawi sual tak lovang, engtinge heihi i neih theih?" doctor chuan a ti a, "Kan pahnih ikat thil ni rawh se, tuman an hre tur a nilo, khami aiah khan a ang tak tur damdawi min dah sak thei angem?, ka tan a tha tur" Ka tihchuan a bu nghut a, "I fimkhur angai hle in ka hria, khawi atanga i neih nhe tih chu zawh luih che ka tum lo, mahse ka damdawi pek loh che chu ei tawh lo la ka duh" doctor chuan a ti leh dap dap a, ka bu nghut a, doctor chhuah hnuah chuan ka ngaihtuah na ka kawm melh melh a, engvanga khatiang damdawi kha Stacy in kin pe nge a nih ang? Zawhna tam tak chhan na ka neih silo chu ka in zawt nawn tlut tlut a.




A tuk lamah chuan hna ka kal leh a, ka office lam pan a ka kal lai chuan hmeichhe pahnih tawng thawm ka hria a, ka chungchang an sawiin ka hria, hmeichhe washroom kawt ah chuan ka ding ta reng a, "Boss nupui kha ka khawngaih e, Boss hi a hmangaih tehreng nen boss pawh hi ka dem, a hriatna hlauh mahse a nupui rai lai a chhuah tir ania, eng ang pawn lo hre tawh lo pawh nise a chet dan kha a mak Kati, chutah a bialnu hlui amah phatsan tu nen an inzui leh ania" hmeichhe pakhat chuan a ti a, "Chuchu alawm, Miss Stacy hi chu ka mil.thei thlawt lo, a sual bawk si, boss hian a hriat na nei let leh vat vat se ka ti, a la chawh ngawt ang, boss nupui kha a kalbo daih an ti, an innei rei hman silo a, a pawi e, a fel reuh nen" hmeichhe pakhat pawh chuan a ti leh a, Washroom ah chuan ka lut a, hmeichhe pahnih lo awm te chu an te that a.




Min hmuh chuan mak an tih hmel hle, "Boss" hlauh hmel takin an ti a, "Tuna in thusawi kha enge a awmzia?" ka ti hrawk a, hmeichhe pahnih te chu an in melh tawn zak zak a, "Min chhang ta che u" ka ti leh thawt a, "Boss.. ih, kan tihpalh a ni, sawi loh tur ka sawi palh ani" an ti a, Akima a rawn lang a, hmeichhe washroom a ka awm min hmuh chuan mak a tih hmel hle. "Boss, hetah enge i tih?" a ti a, "Tunah hian engkim hriat ka duh, an ni hi ka zawt lui dawn nge nanghian min hrilh dawn?" ka ti hrawk a, "I office ah kal phawt ila, engkim ka hrilhfiah dawn che ania" a tih takah chuan ka office lam chu hmanhmawh zetin ka pan a, ka hnungah chuan Akima chuan min lo zui ve zel bawk, ka office chhungah lut in ka chair ah chuan ka thu a Akima chu ka hmaah a ding a, chang zetin ka en ran bawk, "Tunah hian engmah zep nei hauh lovin min hrilh rawh" ka ti hmuk a.




"Thla li kal ta khan i hriatna i hlauh a, chutih lai chuan Miss Ruthi nen in in nei mek bawk, ani nen chuan in in hmangaih em em a, I harh chhuah hma khan I bulah a awm chat chat thin asin, I harh tih a hriat khan meeting kan zo chiah a, lawm zetin ka bulah i harh tih min hrilh bawk, hmuh hlan che nghakhlel takin a lo kal a, mahse nang chuan I lo hre tawh silo, nang lah chuan I bula a awm hnaih deuh chuan I lo vin hrep zel bawk si, a ni rai lai tan khan a na dawn lutuk, mahse a dawh hram hram a, i hria em, Miss Stacy nen hian kum nga kal ta khan in in then daih tawh tih hi, mipa dang a um san che avangin I tuar hle, Miss Ruthi a lo lang a, i mizia chu zawi zawi in I thlak a, i fa a pai khan in in nei nghal chuk chuk ax hlim pawh in hlim hle, mahse khatiang vanduai na kha I tawk leh ta si a, engkim chu a buai zo ta vek a, Miss Ruthi nangmah hmangaih em em tu che leh i hmeichhe hmangaih tak chu a kalbo ta a ni" a thusawi chu uluk zetin ka ngaithla a.




Engmah ka hrechhuak zo lo, Stacy thu min hrilh leh Akima thu min hrilh chu engmah a in ang lo, mahse Akima chuan dawt min hrilh ka ring lo, "Engvanga min hrilh lo nge i nih?, engvanga ka lak a zep nge i nih?" ka ti thawt a, "Miss Stacy in thu thu thawng lutuk kan hrilh che a nihchuan I tan a that loh tur thu min hrilh a chuvang chu a ni" a ti a, ka thin chu a rim hle, "Chhuak rawh, vawin a ka thil tih tur zawng zawng cancel vek ang che, tuman hmuh ka duh lo bawk ang" ka ti a, bu ngutin a chhuak ta a. Akima a chhuak fel chiah tih chuan ka dawhkan a thil awm ho chu ka hui thla vek a, ka kawchhung hi a sahal a, keihi bum in ka awm ani. Chuan kha hmeichhia kha keihian ka hnawh bo tawh si, nilo keihian min hmangaih tu chu na takin ka lo siam chu a ni si a.




Hun kal tawh chu ngaihtuah let tumin ka mit ka chhung vang vang a, ka mitthla ah chuan hmeichhe pakhat ka biak nui ri chu ka hmu a, Ruthi ngei kha a ni, "Ka hmangaih che" a tih ri te chu ka bengah hian a ti nawn tlut tlut a, ka lu chu a nia muai muai a, "Hlim takin ka siam ang che tih ka tiam a che" kau chu a kuai mai dawn in ka hria, a hnuah chuan a ti dawp a, engmah ka hriat chhunzawm tawh lo. 'Kan naute nen hian kan lo nghak reng ang che' ka meng chhuak kawk a, tunah chain engkim ka hre vek tawh, ka hawi kual a, damdawiin khumah ka lo mu teng chu niin, kawngkhar a rawn in hawng a, Stacy a rawn pen lut a, saw hmeichhe tenawm lutuk saw, thah daih mai ka duh rum rum, tun atan chuan ka hriatna ka nei let leh tawh tih hi a hre tur a nilo, "Bawih i lo harh maw, enge I an?" min ngaihtuah hmel takin a ti a, "Ka tha tawh lutuk, enge thleng a?" ka ti sup a, "I office ah nikhaw hrelo in an hmu che a, ka ngaihtuah lutuk che alawm" a tih leh chuan a rukin ka ner sawk a.




"Ka chhuak thei angem?" doctor chu ka en a, "Awle, I chhuak thei tawh ang, mahse fimkhur deuh la aw, i ngaihtuah na kha hmang nasa lutuk lo la" a tihchuan ka bu nghut a, in lamah chuan Stacy nen kan let a, "Khanu ka nupui kha khawiah nge a awm?" ka ti sup ax ka zawhna avang chuan mak a tih hmel hle. "K.. ka hrelo, ngati nge min zawh?" a ti a, "Ka fa pai ang khan a in sawi a, tunah chuan a piang tawh ngei ange, hmuh ve te pawh ka duh alawm" ka ti a, "Ngaihtuah duh suh, ani kha chu mipa hrang hrang kawp thin ania, I fa a nilo ang, ka sawi tawh kha i rosum a duh vang chauh a hnaih che ania, tunah pawh hian mipa dang a awmpui leh tawh maithei zawk asin" a ti a, Duhnu-i chungchang a sawi dan chuan min ti thinrim hle, ka kut chu nghet takin ka hum a.




"Engtinnge a ni nen chuan kan in hriat theih, ka hriat chin zawng chu nang nen hian kan inzui tih a ni a, engvanga la innei lo nge kan nih?" ka ti leh a, "I hriat angin i hausa a, hmeichhe tamtak i rosum vanga zar tu che I nei alawm, chumi zingah chuan kha hmeichhia pawh kha a tel ve a, inneih kan tum lai mekin a rai thu a hrilh leh ta si che a, I neih loh chuan tih hmingchhiat che a tum thu in a vo che a, I nei ta a ni" a ti leh a, thudik ang mai a a sawi thei chu mak ka ti hial zawk. Ka nui chhuak hawk a, Stacy chuan mak tih hmel zetin min en a, "Lalnunkim engtik thleng nge dawt min hrilh I tum?" ka ti thawh a, "Eng dawt nilo dawt ka sawilo" bah deuh nak hian a ti a, ka nui chhuak leh hawk a, "Dawt sawi kha bansan rawh, engkim ka hre chhuak vek tawh, nang hian min lo bum nasa hle mai, mahse i game khelh chu a zo tawh" Ka ti hrawk a, a thut na atang chuan a ding zawt a, a hnung tawlh nghal hret hret a, ka pan hnai ve zel bawk.




"Ma.. Mark" hlauh hmel tak chuan a ti a, "Sawi ta che" ka ti thawt a, "Nang hian min bum reng theih I in ring amaw, tenawm hian, lo ngai reng rawh, i thiltih man hi i hmu dawn khawp" ka ti a, "Aih engmah tih sual ka neilo, nanghi ka hmangaih che alawm, chuvang a khatiang thil ti kha ka ni" a ti a, "Nanghian min hmangaih lo, min hmangaih ngailo bawk, ka rosum I duh vang chauh a min hnaih I ni, a awmzia chu Duhnu-i i puh na zawng zawng kha nangma nihna vek tihna nihchu, chuan hriatna ka neih let leh theih tawh loh na turin damdawi min pe bawk a tiraw?" ka ti a, a lu chu a thing nak nak a, "Aih chutiang engmah ka pe lo che, hriat sual I nei a ni" tap deuh pur chungin a ti a, "Dawt sawi i la tum amaw, heihi I la hrelo a nia nge, kha damdawi I leina thin pa kha tunah hian an man tawh" ka ti a, a meng phawk vak a.




Damdawiin atanga kan haw hma khan Akima ka bia a, police call turin leh kha damdawi zuar pa kha man turin ka ti a, chuan Stacy man tur hian police ka in lamah an rawn kal mek bawk. "Aih eng damdawi mah ka lei lo, min ring rawh Mark khawngaihin" Ka ner sawk a, ring tur a min ngen ngam ringawt pawh hi a mak zawk, "Nang hian dawt tam tak min hrilh a, chuti chung chuan ring tur che in min la ngen ngam amaw?" ka nui ro hawk a, "Nang hmeichhia vang phiangsen hian ka hmeichhe hmangaih tak chu na takin ka siam asin, nagmah vang hian ka lak atang a kalbo phah a sin, ka fa piang lai pawh hmu hamn lovin nangmah vang phiangsen hian rilru na takin ka in atang ka chhuak tir asin" tiin a lu zawn vang chu ka hnek dawt a, a te thawt bawk.




Police an rawn thekh chawp chilh nghal a, Stacy hruai an tum chuan a tang nasa hle, chutia a la tang ngam chuan ka insum theih na a ti chhia a, a lam chu pan mawp mawp in "Tang buai vel lo khan kal rawh, nge ni a kei hian ka hruai lui zawk dawn che?" ka ti thawt a, "Mark khawngaihin min ngaidam rawh, i mit hmuh ah ka rawn in lan leh tawh lovang, hetiang hian ti lo hram rawh ka ngen ache" a ti lawm lawm a, enga tan mah ka ngailo. Police ho chuan an hruai chhuak ta a, keimah chauh a ina ka awm hnu chuan bungrua chu ka sawi sa ka Duhnu-i te in lamah kal ka duh, mahse min hmu duh kher in ka ring silo, ka hriatna hlauh eng ang pawh ni ila a chunga ka chet dan kha a dik lova, min ngaidam duh in ka ring lo.




Kan room ah chuan ka chho a Duhnu-i thawmhnaw dahna chu ka hawng a, a rual huai a, kan naute room tur a ka chei tir, ka damloh laia Stacy in a kalh tak kha ka hawng a, a ngai ngai in engkim chu a lo la awm vek a, ka fa chu a piang tawh ngei anga, mipa nge hmeichhia a nih ang tih tak ngial pawh ka hre silo, kan naute thil tur a kan lei khawl ho chu ka khawih kual a, nilo hetiang a awm mai mai hman hi ka nilo, Duhnu-i te in lamah kal ka ngai, min hmu duh lo a nih pawhin ka hrethiam mahse ngaihdam dil ka duh, kan inkar siam that leh ka duh, in ngeih taka awm leh ka duh a, ka bula thlamuang taka a awm ang khan awm leh se ka duh bawk. Tunah mai chuan min ngaidam theilo ang tih ka hria mahse min ngaihdam hma chu ka bei ang, min ngaihdam ngei theih na turin engpawh ti ngai se ka ti mai ang, an tello chuan ka nung theilo.




Duhnu-i te in lam pan chuan chak zetin ka in khalh chhuak a, an in kawt ka thlen chuan motor ti ding in ka chhuk vat a, door bell ka hmet a, reiloteah Kimte chuan a lo hawng a, min hmuh chuan mak a tih hmel hle, "U Mark eng i lo tih dawn?" a ti zawi sep a, "Ka nupui hmuh ka duh" ka ti a, "A awmlo" a tihchuan ka awih lo hle, "Kimte khawngaihin ka nupui hmuh ngei ngei ka ngai a ni" ka ti leh a, "Bawihi tunge ni a?" Ka pizawn aw ri chu ka hria a, Kimtei a hawi let zawk hian chuan inchhung ah chuan ka lut a, ka pizawn in min hmuh chuan mak a tih hmel hle, "Mark enge i rawn tih dawn a?" a ti sup a, "Ka pu, ka nupui hmuh ka duh a ni, khawngaihin min hmuh tir hram rawh u" ka ti a, "Lo thu phawt teh khai" tiin thut na tur chu a kawk a, engpawh chu ka thu tha ve mai a, "Mambawihi nu lo kal teh, Mark a lo kal ania" ka pu chuan ka pi a au a, ka pi pawh chu a rawn kal vat a, ani pawh chuan min hmu chu mak a tih hmel hle.




"I lo kal a nimaw?" ka pi chu ka pu bulah a thu thla a, "Tunlai enge I an?" a ti leh sep a, "Ka tha tawh lutuk" ka tihchuan "I hriatna i nei let leh tawh em ni?" a ti a, "Aw.. khawngaihin ka nupui chu min hmuh tir hram rawh u, ka ngen tak meuh meuh che u a ni" ngenngawl zet chuan ka ti leh a, "Hetah a awm lo" ka pi chuan a ti sep a, "Nilo khawiah nge a awm?" ka ti nghal vat a, "Hmun hla takah a awm tawh ani, i thil tih avang khan a na em a, Mizoram ah awm a duh tawh loh thu a sawi a, i in atang a rawn chhuah tuk ah khan Mizoram a chhuah san nghal ani" an ti leh chuan ka a vek nimai in ka hria. "Hetah enge i rawh tih?" tih pahin Gerard chuan min phih tho sawk a, thinrim hmel zetin min en a, "Engtinge i hmel i tawn lan ngam leh zawk a?" tih pahin min hnek sawk a, ka pai deuh nawk bawk, ka ka chu a al puat a.




"Bawiha tharum thawh suh" ka pu chuan a lo ti vat a, "Ka pa a ni hi engtinge inah hian in lo luh tir theih zawk?" thinrim insum takin a ti leh hrawih a, "Insum phawt rawh, Mark thu la thil sawi ho lawk ang u hmiang?" ka pu chuan a ti dam dap a, engmah pawh ka la sawi lo, "Kan fanu kha a na em a, a chunga i thil tih ah khan kan lawm hauh lo, chutih rualin kan dem lutuk thei bik lo che, i hriatna i hlauh vang a ni a, mahse kan fanu rilru kha a na em a, Mizoram hial a chhuahsan phah ta a ni, tunah hian I inchhir hle tih kan hriatthiam pui che, mahse a awmna chu ka hrilh thei lovang che, a duh dan kan zah sak angai ani, i inchhir takzet a nihchuan a in peih hun i nghak tur a ni, engtianga rei nge a nih dawn chu kan hre hauh lo, mahse tun atan chuan engmah kan hrilh theilo che, kan haw lo che a, kan makpa leh kan fapa ang chiah in kan la en reng che tih i hre dawn nia, ka fanu chuan I hnenah engmah a chungchang emaw in fa chungchang emaw pawh sawi lo turin min ngen a, engmah kan hrih theilo che" ka pu chuan a ti dap dap a, ni e, ka nghak tur ka ni, engtianga rei pawh nghah ngai mahse ka nghak mai ang, a lo let leh dawn tih hi ka thinlung hian a hre tlat a ni.




Cont.....




Comment leh click ah khan tan min han lak pui deuh teh u, tunlai phei chu ka dam sam lo nen type pawh hi ka peih lutuk bik lo a, comment leh click a that loh chuan naktuk chu ka awl ang....


Show post links
Top

[Ngaia]

Chapter-16




Mark Zoremsanga POV


3 Years Later



Ka nupui leh ka fa chu an lo let hun ka la nghak reng a, kum thum lai a ral tawh, a chang chuan ka beidawng ve rum rum thin, mahse an lo let leh ang tih hi ka chhungril hian a hre tlat a ni. Ka mal em em a, an in lamah ka va leng lut fo, ka pi leh pu te pawhin min be tha thei hle, Gerard hnenah pawh tih tak zetin ngaihdam ka dil a, an ni chuan min ngaidam vek tawh, mahse ka duhnu-i ber hi a thawm a la reh vang vang bawk si, ka phone a ri a, ka en chuan Henry a lo ni, ka nui suk a, "Thiana khawiah nge ka awm han ring teh" thawveng zetin a rawn ti a, ka nupui neih hnu deuh khan US lamah a awm ta daih a, kan in be zeuh zeuh thin, "Khawiah nge i awm?" ka tihchuan "I hotel hmaah ka awm, ka lo lut dawn" a ti a, "I lo haw maw?" ka ti sup a, engmah min hrilh lawk bawk silo.




"Yes.. chuan surprise tur che ka nei ania" a ti a, reilote hnuah ka office ah a rawn lut a, amah chauh in a nilo, hmeichhe pakhat raipuar hnen hian an lo ni a, ka lo en reng, "I dam maw?, heihi tunge a?" ka ti a, ka chibai nghal bawk, "Ka nupui hual Chhantei a nihhi, kan fa hmasa ber tur a pai mek" a tihchuan mak ka ti hle, engmah min hrilh bawk silo a, "Nanghi, engmah kin hrilh lo chu ka lawm lo hle mai" ka ti a, "Nia.. kan lo thlen hunah surprise che ka duh vang a nia" a ti sup a, "Bawihi, hehi ka thiantha ber Mark a nihhi" tiin in hmelhriat tirna te chu a nei a, "I chanchin hi ka lo hre nual tawh asin" tiin Chhantei chuan a kut a rawn lek chhuak a, ka lo vuan vat, "Ka thianpa mawl lutuk hian engtinge maw a lo chhai thluk che ni" tiin ka nui hawk hawk a, Henry chu a lo rum nghut a, "Min zai buai peih em alawm" Chhantei pawh chuan nui hak hak chungin a lo ti ve a.




"Thiana, Ruthi chanchin engmah I la hre chuanglo em ni?" Henry chuan thutak deuh hian a rawn ti a, lu ka thing ringawt. "A pawi khawp mai, kha thil thein hun lai khan I bulah awm ila chuan eng emaw tak ka ti thei tur a nia" a ti a, ka ngawi reng, "Mark beidawng reng reng suh, in in hmangaih tawn zia Henry hnen atang hian ka lo hria a, fa hial in nei tawh bawk a, a lo let leh em em ang" Chhantei chuan a ti ve sep a, chhan pawh ka chhang lo. Henry leh Chhantei te chu in lamah an la kal loh avang chuan an haw ta a, ka dawhkan a ka nupui hlim taka a nui lai thlalak chu ka en vang vang a, "Babe, a rei I tih tawh em em lo em ni, ka ngai che, khawngaihin lo let tawh hram rawh" ka ti sup sup a, a reh vang vang mai si, in a haw chak na pawh ka nei lo, keimah chiah in ka awm a, mahse ka nupui nui ri te chu ka bengah hian a la cham reng thin thung.




In lamah chuan ka haw a, room ah lut hmasa lovin kan naute room tur a ka siam tur ah chuan ka lut a, a ngai ngai in a la awm, engmah tih that emaw dahsawn ka phal lo a ni. Room ah ka lut a, a ngai te bawkin lunglen na leh khawhar na chuan min tiam hlup hlup a, ka nupui leh ka fa kha ka ngai a ni, khawiah nge an awm ka hre silo, ka zawng nasa tawh mahse hmuh tur reng reng an awm lo, Stacy pawh a thiltih man that in jail a tang a, theih nise keimah ngei hian hrem na pek ka duh, a chhungte chuan ngaihdam min rawn dil nasa, mahse ka nun leh ka duhnu-i nun ti buai tu a ni a, chutiang mai a ngaihdam ka tum reng reng lo, a thil tih sual man chu a hnu ngei tur a ni, a mah vanga kan tawrh na zawng zawng lakah chuan a ni tawrh na te chu a la nep lutuk mah mah.




Ka fa ngei chu tun thleng hian ka la hmuh thih loh phah a, mipa nge hmeichhia a nih tih tak ngial pawh ka hrelo, banga kan nupa thlalak ka tar te chu ka en kual a, vawi tam tak na atan ka mittui chu a rawn chhuak a, he ka mittui hi khawvel a ka hmangaih ber tan a tla a ni a, dan pawh ka tum lo, a tello chuan kanun hian awmzia a neilo a, ka lung hi phu ve mahse awmze nei lova phi ve mai mai ang chauh ani, a chang chuan thih daih mai te ka duh rum rum thin, mahse an lo kir leh dawn tih ka hriatna hian ka nun na hi a la chelh mai mai ni te hian ka hre hial thin. Inbual faiin hnathawh tur ka la neih nual avangin in lama ka office ah chuan ka lut nghal a, hna lam kan buai lai tak a ni thin bawk nen in daih loh a na thin viau, eng anga ka buai em em lai pawh hian ka nupui leh ka fa kha ka theihnghilh ngai chuanglo.




Ruthi Lalhlimpuii POV




Kum thum kum thum lai a liam ta, kha mipa ka hmangaih kha ka theihnghilh thei lo, fapa amah ang em em tu Gabi Awmpuia ka nei a, an fapa leh keihi min hrechhuak ve
thin angem tih te chu ka ngaihtuah thin a, a chanchin engmah hriat ka duh lo a, a chhan chu ka nat zual mai mai ka rin vang ani. Ka u hian a chanchin sawi a tum nasa thin a, mahse ka pehhel lui char char thin, "Mama, kal tawh ang" ka fapa chuan ka kutah a rawn kai a, vawin hian bazar pui ka tum a, a phur tawh hle, a kum phu lovin a tawng fiah tawh em em a, apa ang chiah in a luhlul em em bawk, a thil duh chu tih sak ngei ngei a ngai tawp mai ani, han tihsak lo ila a nuar chat char a, enkawl a buaithlak ve takzet, mahse ka hmangaih a ka hlimna ber a ni. Apa ka hriat reng na hlu ber a ni bawk.




"Kan naute chu kha khawiah nge in kal dawn a?" ka ni chuan ka fapa nen inhnuai lama kan in zui thla chu min lo hmu a, "Mama nen kan bazar dawn, bike min lei sak dawn a" ka fapa chuan phur zetin a lo hrilh a, "A va nuam dawn ve, nalh deuh lei rawh u aw" ka ni in a tih leh chuan ka fapa chuan a lu a bu nasa mai. "Mambawih, rei lutuk lo ula aw" ka ni in a tihchuan "Awle, bazar a ngen nasa sia, kan bazar pui ange, kan rei lutuk lovang" ka ti tha ve mai a, Uber ka be lawk tawh a, kan in kawt ah min lo nghak ran tawh, motor a kan chuan lai chuan ka fapa chu a hawi kual nasa hle a, "Mama, saw saw enge?" a ti reng bawk, keipawh chuan ka lo hrilhfiah ve zel bawk a, bazar kan thleng a, kan chuan man te ka pek zawh hnuah ka fapa nen chuan kan kal kual a.




"Mama, tah kal ang" ka fapa chuan min pawt tawng tawng a, toys zawrh naah chuan kan kal a, "Heihi min lei la" tih pahin a bike lem awh em em chu a kawk va a, "Thu I awih dawn chuan kan lei ang, mahse i sual a titauh leh nuar te i ching leh chuan ka dah let leh daih dawn nia" ka ti a, "Mama ka fel dawn alawm" ka fapa chuan a ti a, ka nui sak, bike chu kan lei a, a len tham deuh avangin taxi driver address oe in ka deliver tir ta ngawt a, ka fapa chuan kal duhna a nei tam khawp mai, "Ka naute, i riltam tawh em?" ka ti a, "Umm" muang fan raih in a ti a, "Awle, tah hian chawl ang aw, thil kan ei zawh ah kan haw tawh dawn nia" ka ti a, restaurant ah chuan kan lut a. Eitur kan chah a, ka fapa chuan tui a in khawlh khawlh a, a chau viau ang, kan kal kual nasa emai, a thlan te chu ka hrilh sak a.




"Nuam I ti em?" ka tihchuan "Aw... Mama nuam ka ti lutuk, nitin bazar thin ang aw" a tihchuan ka nui hak a, "Mama hi hna kal a ngai thin bawk sia" ka tihchuan a tum bur a, "Mama chu sual e" a ti a, "Ka fel tawh dawn I tihkha, chulo chu bike kha kan dah let leh daih mai ang" ka tihchuan "Ka fel dawn Mama, bike chu dah let suh aw" a ti a, "Awle, ka fapa hmangaih em em te" tih pahin a biang ah chuan ka chuk a, eitur a rawn thleng a, a riltam tawh ngang a niange, a ei nghal mawlh mawlh a, "Gabi" mipa naupang pakhat hian a lo ko a. Ka fapa thil ei lai chu chawl in mipa naupang te chu a en a, a hmel chu a danglam nghal vek, chuchu kei a nu hian ka hriat hmaih hauh lo, "Rahul ngatinge I lo kalsawn a?" ni pakhat hi a rawn kal a, "Mom.. Gabi ka hmu a, keimah angin pa a nei ve miahlo" anu bulah chuan a ti a, ka hawi nghal dawrh a.




"Chutiang an sawi ngailo lo kal rawh, min hrethiam dawn nia" tiin hmeichhia chuan a fapa chu a kalsawn pui nghal a, "Ka naute" ka ti a, "Mama, tinge midangte angin papa ka neih ve loh a?" Ka fapa chuan min melh kiau chungin a ti a, "I thiante chuan engtinge an tih thin che a?" ka ti sep a, ka aw chu a zawi hle, "Papa pawh i nei ve lo min ti thin a, Mama papa ka duh ve" tih pahin a tap nghal a, ka pawm bet nghal vat a, "Tap suh le, naupang fel i nihkha" tiin a mittui chu ka hruk hul sak a, mahse a la tap hliam hliam a, kan ei man te chu ka pe sawk sawk a, taxi a lo awm remchang hlauh bawk nen ka thu lut vat a, ka malchungah chuan ka fapa ka thut tir bawk a, "Tap tawh suh le, ka fapa duat i nihkha" tiin ka thlem a, "Paoa ka duh ve alawm, ka thiante ho pawhin papa an nei vek, ka duh ve" tiin a tap uar sauh a, "Papa te chu I nei reng alawm, tunah chuan a zin a, a lo haw tep tawh, tap tawh suh le" ka ti a, "Papa ka eni ve maw, Rahul te ang khan" tiin min melh kiau a, a tap nasa hman bawk si nen a hmai chu a tai hlar a, a mittui hruk fai sak pah chuan "Nei e, I papa chu a lo haw tep tawh" ka ti a, a hlim hmel hle, kan vak chau bawk nen a muhil ta daih a, kei erawh chuan thil tamtak ka ngaihtuah a.




In kan thleng a, ka ni chuan min lo be vat a, "Bawihtea chu a chau viau a nimaw?" a tihchuan ka bu nghat ringawt a, "Diklo a awm em ni?" tiin chiang zetin ka ni chuan min en a, "Bawihtea hi kan mit phawt anga, kan in be dawn nia" ka ti sep a, Bawihtea chu khumah ka mut a, room atang ka chhuak a, "Enge thleng a, I hmel a va diklo ve" tiin min melh a, "Vawinah a thianpa a hmu a, pa neilo a ti a, chuchu mawle, pa a awt thu a sawi a, a nuar ta a" ka ti sep sep a, "A va pawi ve aw, pa awt rual a nia, Mambawih apa hian engmah a la hre silo a, hrilh hriat ve te pawh hi a tha lo maw le?" Ka ni chuan a ti a, "Ni.. keini chu min hre tawh lovang, kan inthen dawn pawh khan pawi tihna a nei hleinem, ka chhuah hun an nghah thu kin hrilh a, fapa a nei tih hi hrilh ka duh lo, ka fapa hi keimah chauh pawh ka enkawl thei alawm" ka ti a.





"Ka hria alawm, ni chak tak I ni a, I fapa hi i enkawl thei em em ang tihchu mahse i fapa hia hetiang khawp hian pa a awt tih i hria a, i pasal pawh a inchhir thu I nu in min hrilh asin, i fapa hian pahrawn a hrawih i phal em ni?" a ti a, "Kan nupa khum ngei a hmeichhe dang a awmpui lai ka mit ngeiin ka hmu a, ka theihnghilh thei lo a ni" ka ti sep a, "Ka hrethiam lutuk che, mahse in ngaihtuah chiang la aw" a ti a, ka bu nghat ringawt, kan vak nasa bawk nen thlan a chhuak nasa bawk sia ka inbual a, ka inbual zawh chuan ka fapa muhil lai chu ka en vang vang a, tunah chuan ka la thlem lungawi thei a ni mahna mahse nakin lawk ah a pa chanchin min zawt leh vat dawn tih ka hria, chutih hunah chuan engtin nge ka chhan ang ka hrethiam lo.




Ka fapa a lo harh chuan ka buak ve nghal a, inhnuai lamah chhuk in ka ni eirawng bawl na bulah chuan ka hruai a, thutthlengah chuan ka thut tir a, ka ni chu ka pui ve nghal mawlh mawlh a, "Api, papa ka nei ve asin, mama in a lo haw tep tawh ti" ka fapa chuan a ti a, ka ni chuan min rawn en zawk a, ka fapa chu en leh in, "A va nuam dawn ve, Papa i hmuh hunah chuan enge tih dum i duh ang?" ka ni chuan a ti a, "Ka thiante angin Papa nen infiam ka duh ve" ka fapa chuan a lo ti lauh a, ka lo na vawng vawng, engtik ah nge apa a hmuh ang ka hrelo, thil pakhat hriat chian tak pakhat ka nei chuchu kumkhua in ka fapa hi apa lakah ka thuru thei lo tih leh ka fapa hian apa hi a la hre vat ang tih hi a ni. Chaw te kan ei a, ka la sawi lovin ka hria, ka ni hian pasal a sun tawh a, fapa pakhat Hlima a nei a, hna vangin a zin chhuah lai a ni.




Ni hnih zet a liam leh ta, Mizoram lam atangin thu lawmawm loh tak kan dawng a, chuchu ka pa a damtha lo tih a ni, a rang lama kan haw ngei ngei a ngaih hmel, ka ni erawh in min lo zui ve thei dawn lova, ka fapa nen kan haw mai a ngaih hmel, vawinah kan haw tawh dawn a, ka fapa lah chuan api leh pu te a hnu tur chu a phur nasa mai, ka thiante ka bia a, kan haw dawn thu ka sawi chuan an lawm hle a, keipawh kum thum hnua ka hmu leh tur chu ka phur a, mahse Mark hmuh erawh ka la in peih mawlh silo, kan haw a nihchuan a hre vat dawn tih lan ka hrechiang em em bawk si. Airport thleng chuan ka ni in min thlah a, kan in kuah vawng vawng a, "Chak takin awm rawh aw, Mizoram in thlen hunah min lo be dawn nia" tiin ka fapa chu a en leh a, "Ka naute api hian a ngai dawn lutuk che ania" a ti a, "Api lo kal ve la" ka fapa chuan a ti a, "Nakinah ka lo kal dawn nia" a tihchuan ka fapa chu a lo bu nghut nghut a.




Mizoram kan thleng ta, kum thum hnuah ka let leh a, boruak chu am zetin ka hip a, pawn lamah kan kal a, ka thiante leh ka u te chuan min lo hmuak a, an bul kan thlen chuan kan thian hovin kan in kuah chuk chuk hlawm a, "I fapa chu a va hmeltha tak em, a takah a hmeltha lehzual aoa a chhun a nihhi" Debo-i chuan a ti a, "Papa i hria mi?" ka fapa chuan a lo ti chat a, Debo-i pawh chuan a tawng sual tih a hre chawp chilh lehnghal, nuam lo tih hmel takin keichu min en a, "Ka naute, haw phawt ang u aw, api in eitur tui deuh deuh inah a siam che a nia" ka u in a tih takah chuan ka fapa pawh chuan a thil sawi chu a theihnghilh veleh mai a, ka u chuan bawihtea chu a pawn nawlh a, car lam pan chuan a kalpui a, ka thiante chu ka bulah lo kal hnai in "Ka tihpalh lutuk ka lo tawng sual palh a ni" Debo-i chuan a ti sep a, nuih sak chungin "A ho lutuk, ka lo let leh tawh a, tunge apa tih a hre vat dawn tho alawm" ka ti a.




In kan thleng a, ka nu leh pa te chuan an tupa an hnu chiah chu an lawm hmel hle, "Ka tupa chu a va lian tawh ve, a hmeltha bawk si a" ka pa chuan a ti a, "Bawihte min hria em, hman ah kan lo kal tawh kha" ka pa chain a ti leh a, ka fapa chuan lu a thing mat mat a, "Video call a kan in biak khan ka hria che a" a ti sep a, ka pa chu a nui hawk a, "Lo kal teh, api hian a pawm ve duh che a ania" tih pahin ka nu chuan ka fapa chu a ban a, "Pa enge I an a?" tiin ka pa chu ka en a, ka rin ai daih in ka hmu tha a, "Chutianga na ka ni hleinem I nu hi a hlauthawng hma em a, chuvang mai mai a nihkha, in lo haw ta ro ro bawk a, kal leh chu tum tawh suh u aw, kan ngai ve tawh cheu a, I nu leh pa te pawh kan tar tawh, kan tupa hi hmuh reng te pawh kan duh ve a" ka pa in a tihchuan ka bu nghat a, ka let ta bawk a, kal leh chu ka tum tawh lem lo.




Ka fapa chu a chau bawk aniang, zantirah atangin a muhil nghal a, ka chhungkua chuan sitting room ah kan thu thap a, Kimtei erawh an khaw lamah a awm a, zirtirtu hna a thawk a ni awm e, "Gabi pa pawh a rawn kal nghun khawp mai, I kal hnu khan a hriatna a nei let leh a, a rawn zawng nghak che, mahse i lo awm tawh silo kha a buai vek a nimai, keini lahin i awmna chin kan hrilh duh bawk silo a, tun thlengin I let leh hun a lo nghak reng asin" ka u chuan a ti a, engtin mah ka chhang lo, mahse ngaihtuah pakhat chu ka nei, a hriatna a nei let leh tawh a nihchuan engtinnge Stacy kha a awm tak ang. Ka ngaihtuah na chu ka u chuan a lo hria a niang "Stacy pawh a thil tih man tuar in jail a tang mek" a ti leh sup a.




"Maw.. enge awmzia?" ka ti sep a, a thil tih te avang khan jail a tan chhan tur ka hre talh lo a ni. "Mark damdawi eitur a lo thlak a, a hriatna a neih let leh theih tawh loh na tur damdawi a lo ei tir thin a, chuchu Mark chuan a hrechhuak a, damdawi hman sual chungchang ah leh mi a bum vangin jail a tang" a ti leh sup a, chutiang thil a ti ang tih ngaihtuah na reng reng ka lo neilo. Ka rin ai daih in a lo kal thui, keimah chauh tuar tu emaw ka in tih laiin Mark pawn a lo tuar nasa hel tih ka hria, khang hun chhung zawng khan inchhir reng reng in hun a lo hmang chu a ni awm sia. Ka khawngaih takzet, mahse let leh tumna ka neilo, harsat na tamtak kan tawk tawh a, kan hlim dawn chiah tih ah harsatna dang kan tawk leh zel a, keini pahnih chu awm dun tur kan nilo tih hi ka pawm tawh.




Door bell a rawn ti tlang tlang a, kawngkhar lam chu ka pan vat a, ka hawng a, pawn a mipa ding ka hmuh takah chuan ngawi rengin ka en ta reng a, a ni pawh chuan chuang zetin min en ve bawk, kum thum ral hnua ka vawikhat hmuh leh na a ni. "Mambawih, tunge ni a?" tih pahin ka nu a lo kal a, Mark a hmuh chain mak ti ang pawn a awm lo, "Mark I lo leng a nimaw, pawn a ding reng lo khan lo lut rawh, Mambawih nangpawh awm sawn ta che, khatia I din tlat te chuan a lo lut thei nang" ka ni chuan a ti zung zung a, keipawh chu ka tawlh sawn a, ka thawk a chham mai dawn in ka hria, Mark chu muangchangin a rawn lut a, keichu min en reng bawk, ka lo thaw dep dep a, sitting room lamah chuan ka nu nen an kal dun a, an hnungah muangchangin ka kal a, "Mambawih, thingpui va lum la" ka u in a tihchuan rang zetin ka tho chhuak a, Mark khan min en reng a, thawk pawh ka thaw tha ngam lo.




Thingpui ka lum zo a, Mark zawk a thingpui ka chawi lai te chuan chiang zetin min lo en a, ka che te chu ka lai hui mai, tray chu centre table ah ka dah a, ka fapa aw ka hre zawm nghal, "Mama" tih pahin a rawn tap thla a, a lam chu pan in ka pawm kang nawlh a, "Bawihte, ngatinge i tah a?" ka ti sep a, "Ka hlau alawm" tiin ka awm ah hmai a phum a, a awm ngai loh naah a mi bawk sia, min hmu mai silo kha a hlau a ni ngei ang. Thut khawm na lamah chuan ka pawm phei a, kan nupa chuan Mark chuan mit tla lo chauh in min lo en a, ka fapa pawh chuan a pa chu a en duh hle bawk, "Ka tupa duat chu tunge I tah a?" ka pa chuan a lo ti a, "Ka hlau a" lei chhuah tet chungin ka fapa chuan a lo ti a, a in la pa ve a chutia a hlauh this awi chu a zak ve pawh a ni mahna.




Ka chhungte chuan Mark chu an be reng a, kei erawh chu ka fapa pawm in ka lo ngawi reng, Mark chuan a fapa chu ril ruih hian a en a, ka thin a lo phu dup dup a, dar 9 a rik hnaih chuan ka nu leh pa te chu mu turin an room lam an pan a, kan nufa Mark leh ka u chiah kan awm tawh, ka u chu a tho chhuak ve mai ang tih ka hlau hle, "Keipawh ka mi ange, inbiak na tur in nei ngah in ka ring, Mark muttui phawt le, ka naute ka bulah chuan i mu dawn em?" tiin ka u chuan ka fapa chu a en a, "Naktuk ah ka mu mai ang, mama bulah lo chuan ka muhil theilo a" ka fapa in a tihchuan ka u chu a nui chhuak hawk hawk a, "Awle, a nihchuan mutti aw" tiin ka fapa biangah chuan a piai a, ka u room lama kal chu ka melh tlawk tlawk a, tunah chuan ka nufa leh Mark chauh kan awm ta, sawi tur pawh ka hrelo ka ngawi reng a, ka fapa chuan apa chu a en duh hle.




"Babe" Mark chuan a ti ril ruih a, "Mama" ka fapa chuan a rawn ti ve bawk a, "Enge ni ka fapa?" ka ti sep a, "Mama tunge?" tih pahin a pa chu a en a, chhan mai dan tur ka hrelo, "My boy lo kal teh" Mark an a tihchuan ka fapa chuan min kuah nghet sawt a, "Bawihte hlauh lo tur aw, va kal rawh le" ka ti a, ka fapa chu ka malchung atang chhukin apa chu a pan a, a bul a thlen veleh chuan Mark chuan a lo kuah chawt a. "Apu.. min kuah nghet lutuk ka thaw theilo" ka fapa chuan a ti a, Mark chu a nui hawk a, "Ka tihpalh a ni, tuneh i hming le?" Mark chuan a ti a, "Gabi Awmpuia" a tihchuan keichu min rawn en zawk a, kan inkar that lai khan, mipa nihchuan Gabi Awmpuia tih kan sa ang kha a ti thin a, "Hming mawi tak a nihchu" tiin ka fapa lu ah chuan a tuai zeuh a.




Ka fapa chu a pawm a, ka fapa pawh chuan ngaihngam takin apa awmah chuan a bei than a, mu tawh tho mahse a la chau ve deuh aniang, a ham leh bai bai tawh a, an pafa in pawm lai chu ka lo en reng a, an hmuhnawm takzet, reiloteah Gabi chu a muhil ta a, "Khawi ka lo la ang" tih paha ka fapa lak mai ka tum chu ka kutah a lo man a, ka tek chhawk maiin ka hria. A bulah chuan min pawt thu a, "Ka ngai thin lutuk che u asin" a ti sup a, sawi ve tur pawh ka hre lo, "Kan fapa tha taka I enkawl avangin ka lawm takzet a ni" a ti leh sup a, "Ka fapa a ni a, enkawl chu ka tihtur alawm" ka ti ve sep a, "In lo let leh hun kalo nghak reng thin asin" a tih leh chuan ka thaw chhuak hawk a, "Mark keini chu kan rem ve tawh dawn lo" ka ti sep a.




"Engvangin nge kan rem loh ang, ka thiltih te avang khan ka inchhir takzet asin, khawngaihin ka hnenah rawn let leh hram rawh u, in tello chuan ka nun hian awmzia a neilo" a ti a, "Ka theilo, Gabi hi i fapa ve tho a ni a, i hmuh na tur ah ka dang dawn lo che, mahse i hnenah chuan kan rawn let leh thei tawh lovang" ka ti sep a, a thaw hawk a, "Khawngaihin vawikhat chiah chance min pe leh rawh, in tello a kum thum chhung awm pawh kha ka tan chuan hremhmun ang mai a ni asin" a ti leh chuan chhan ngaihna pawh ka hrelo. Ngawi renga kan awm hnuah "A rem tawh lo ka tihkha, ka fapa kha ka lo la ange, nangpawh haw tawh rawh" tiin ka fapa chu ka pawm a, ka kalsawn dawn chiah tih chuan ka hnunglam atangin min rawn kuah thut a, ka phu zawk mai.




"Khawngaihin vawikhat chiah chance min pe rawh, ka fapa hi nu leh pa inkar a thang lian turin ka duh" a ti a, "Ka sawi tawh kha, i fapa ve tho a ni a, I duh hun hun ah i hmuh ka rem ti ang, apa I ni tih pawh hrilh mahla pawi ka tilo mahse i hnenah chuan kan rawn let theilo" tiin ka tal hrang a, ka kalsawn nghal, Mark pawh chu beidawn hmel zetin a chhuak ta a, diktak chuan khatiang thusawi kha ka tan pawh a harsa lutuk mahse ka tih a ngai ani. A hnenah let leh ila eng emaw buaina kan neih leh tho ka ring, chutiang buaina neih leh chu ka duh tawh lo a ni. Ka fapa chuan min kuah chial a, a sam dum hlap chu chuo in ka en reng a, ka fapa hi nu leh pa kara seilian turin ka duhl alawm, mahse Mark hnen a let leh erawh ka ngam tawh silo.




A tuk zing ah chuan hma takah ka tho a Gabi erawh a la muhil tui hle, a biangah fawh sak zeuh in ka tho chhuak a bathroom lamah ka in tihfai hnu chuan inhnuai lamah ka chhuk a, eirawng ka bawl nghal zung zung a, ka chhungte pawh an lo tho a, eirawng ka bawl zawh hnuah room lamah ka han chho leh a, Gabi chu lo la muttui hle, a bulah chuan kal hnai in "Ka fapa duatte thawh a hun tawh a nia" ka ti sep a, "Mama, mut a la chhuak lawm" a ti a, "A pu leh a pu te pawh an tho daih tawh ania, tho ve tawh la chaw kan ei tep tawh" ka tih leh chuan peih loh hmel zetin a rawn meng a, a ner nang bawk, apa bawk ak hrechhuak leh ta. Kan inneih that lai khan thawh a hrelo em em thin a, ka kaihthawh apiang khan peih loh hmel zetin a rawn meng chhuak thin a nihkha.




Chaw te kan ei kham a, ka pa in "Ka tupa Mizoram a a lo haw na hmasa ber a nia, chhuah pui rawh" a tih tlat avangin chhuak turin kan insiam a, Gabi pawh a phur hmel hle, kan insiam zo a, kan chhuak nghal a, hmun hrang hrang ah kan kal a, a tawp a tawp ah toys dawr ah bawk kanut leh ta a, "Mama heihi ka duh" tih pahin JCB lem chu a kawk va a, "Bawihte toys I nei tam tawh lutuk engmah lei angai lo" ka ti a, "Aih ka duh alawm" tih pahin a pawn bet ta tlat mai, "Dah tawh le" ka tih pawh chuan a dah duh lo, "Gabi Awmpui ka thu i awih dawn lo ami?" ka ti fak a, min hlauh hmel takin min en a, "Keiman ka lei ang che" ka hnung lamah chuan mipa aw in a rawn ti a, hawi let kher lo mahila tunge a nih chu ka chiang viau.




Ka bul hnaiah chuan a rawn ding a, ka thawk a sak lehnghal vek tawh, "My boy, khakha maw I duh a?" tih pahin Bawihtea JCB lem chu a en a, ka fapa chu a o bu nghauh nghauh a, "Ok.. kan lei dawn nia" a tihchuan ka fapa chu a lawm hmel hle, "A nei tam tawh alawm, kan lo.haw dawn pawh khan kan keng haw teuh tawh" ka ti sep a, "Engmah ka la tihsak ve lo a, a thil duh em em hi leisak ka duh ani" a tihchuan ka hnial duh tawh lem lo. Dawr atangin kan in zui chhuak hlawm a, "Ka lawm e Apu" ka fapa chuan a ti sep a, "Apu tilovin papa min ti zawk rawh aw" Mark chuan thu hniam chungin a ti a, "Mahse keichuan papa ka nei alawm, Anu in a zin a, a lo haw tep tawh a ti" Gabi chuan a ti a, "Keimah hi I Papa chu ka nia, ka lo haw tawh alawm" Mark an a tih leh chuan "Papa tak tak maw i nih?" Gabi chuan a ti leh a, "Aw... ni e, I Papa tak tak ka ni" Mark an a tih leh chuan Gabi chu a khek raih a, "Papa kan. ulah I awm ve char char tawh dawn tiraw?" beisei nei zeta Gabi an a tihchuan Mark chuan min rawn en a, ka lo hawi sawn daih.




"Aw.. tunah chuan Khawiah mah ka kal tawh dawn lo, i bulah ka awm tlat tawh dawn" Mark an a tih leh chuan ka fapa chu a lawm hle a, a mitmengah pawh a hmuh sak theih, "Mama papa tenen kan amq.ho tehi tawh dawn" tiin a vir kual a, "Bawihte, khawlai a nihhi, fimkhur la aw" ka tihchuan a awm tha leh vat a, Mark te nen chuan kan chhuak ho a, ka fapa chuan apa chu a ko reng a, Mark pawhin a fapa in a koh chang apiang chuan phur zetin a lo chhanh thin a, an pafa che tla mai chu ngun takin ka lo en a, an hmuhnawm takzet ani. Tlai lamah chuan kan in thleng in min thlah a, Bawihtea chu a muhil leh daih tawh, a car atanga ka chhuak dawn chiah tih chuan ka kutah a rawn man a, "Khawngaih in lo in ngaihtuah la ka duh, ka hnenah hian rawn let leh rawh u, a hma ang kha engmah a thleng tawh ngai lovang, khawngaihin lo in ngaihtuah la ka duh" a ti sup sup a, "Ka sawi chian tawh kha, i hnenah hian kan rawn let thei tawh lo" ti sep in motor atang chuan ka chhuak a, hawi pawh hawi let tawh lovin in lam chu ka pan a, ka hnunglam za mer mer ah chuan min en zui reng tih ka hre thei.




Cont....




Comment leh click kha aw... chuan Sunday ka awl thin kha, Monday ah dah lehnghal in duh chuan comment leh click kha min tihsak vek ula aw...

*** KAN WEBSITE A FAKNA LAM THIL MILEM LANG THIN I LO HMET ZEUH HIAN KAN WRITER TE HLAWH KAN TUMSAK ZEL TIH KAN HRE THEUH DAWN NIA, KAN LAWM E***


Show post links
Top

[Ngaia]

Chapter-17




Ruthi Lalhlimpuii POV




Mark chu a rawn lang zing hle, kan fapa nen chuan an infiam a, Gabi pawh in pa a nei tih a hriat atang a hlim hle, apa a hmuh loh hlek chuan ko turin min ti chul thin, kei ai mahin angai zawk in ka hria ka khap duh lem lo bawk. Vawin chu ka fapa nen chhuah dun kan tum a, naktuk hi ka pa piancham a ni a, present tur lei ka duh a ni, ka pa tan chuan jacket nalh zet ka lei sak a, a hak tawk chiah pawh ka ring, "Mama, saw apa ka hmu" Gabi kawh na lam chu ka en a, Mark leh hmeichhe pakhat keimah ang rual vel tur chu an kal dun a, min hmu ve lem lo, Gabi chuan apa chu ring takin a ko a, Mark chu a rawn hawi vat, kan nufa min hmuh chuan mak ti hmel a pu a, kan lam pan chuan an rawn kal dun a, hmeichhia zawk chuan min melh no lo hle, nghal ringawt chuan, "Papa enge i tih a?" Mark kan bula a lo thlen rual chuan Gabi chuan a lo ti nghal vat a.




"Hna pawimawh ah kan chhuak lawk a, nangni enge in tih?" Mark chuan a lo ti ve sup a, "Apu birthday ami tur present kan lei a" ka fapa chuan a lo ti a, Mark chu a nui suk a, keichu min rawn melh zawk bawk. "Tihtur kan la ngah kha kal ila" hmeichhia chuan no hnap in a rawn ti a, Mark banah chuan a vuan nghal zat bawk, ka lo hmu rang hle, "Awle, ka fapa zanah ka lo kal ang aw" a ti a, "Lo kal rawh le, haw ang aw" tiin ka fapa chu ka pawm nawlh a, ka kalsawn pui nghal. Kha hmeichhia khan min ngaina lo tih a hmel awmdan ah khan ka hrethiam vek, in kan thleng a, ka ngaihtuah naah chuan Mark kalpui nu hmeichhia kha tumhe a nih amb tih ringawt a awm, ngaihtuah loh tum eng ang mahila ka theilo.




Zanah chuan Mark ch a rawn leng ngei a, a fapa nen an in kawp leh nghal chawt, ka nu leh pate chuan an be zeuh zeuh a, ka u lah chu a leng daih mai bawk si, ngawi rengin ka thu a, Mark chuan sawi duh nei hmel a pu, "Kan va mu tawh ange" ka pa chuan a ti a, an room ah chuan ka nu nen an in zui lut nghal a, "Papa, hetah lo awm ve daih la" ka fapa chuan a ti a, Mark nen kan in melh nghal chat a, mahse ka hawisawn leh thuai a, "My boy, hna ah ka buai lutuk a, nakin ah kan la awm ho dawn nia" a tihchuan hrelo ang hmak in ka lo awm a. Gabi chu vawin kan chhuah na lamah a cha deuh aniang, a awmah chuan bei in a muhil nghal vat a, "Khawi ka lo la ang, a chau a nihkha, room ah ka han mut ange" tiin lak mai ka tum a, min lo dang vat, "Keiman ka lo pawm chho ang" a ti a, hnial buai lem lo chuan room lamah kan chho a.




"I haw nghal mai dawn mi?" Gabi a mit fel rual rual chuan ka ti a, a thaw hawlh a, "In be lawk ang" a ti sup a, "Sawi la" ka tihchuan min en vang vang a, "Ka hnenah rawn let tawh rawh u" a ti a, "Ka sawi tawh kha" ka lo ti hmak. "Ka hria, mahse in tello a awm chu ka thei tawh lo, i hria em, ka hmu reng che a, ka khawih theilo che hi a hreawm ka ti, khawngaihin lo let tawh rawh u, hun kal tawh chu theihnghilh in ka hnenah lo let leh rawh u" a ti a, "Engtinge chutiang thil chu I sawi theih zawk, khatih hunlai khan ka theihtawp ka chhuah ve asin, mahse nangchuan min hnawh bo dan ngawt a nihkha i zawn, i hriatna i hlauh vang ah ngaiin ka tuar hram hram a, mahse i chet dan kha kei raipuar tan khan a na mah mah ani, kan nupa khumah ngei hmeichhe dang i awmpui lai ka hmuh khan ka keh sawm vek asin, chuti chung chuan theihnghilh turin min ti amaw?" ka ti fak a.




"Ka hria, kha thil ka ti kha ka inchhir takzet asin, khawngaihin in tello chuan nun hian awmzia a neilo" a ti leh a, "Aaa.. engmah awmzia a awm tawh lo, tha takin ka sawi tawh kha, kan fapa hi i duh hun hun ah i hmuh ka phal sak che ka tihkha, a dang engmah sawi ak duh tawh lo" ka ti a, "Ka beidawng chuang lovang, ka tih theih ang apiang ka ti ang, kan hnen a in lo let hma loh chu ka damchhung zawng pawhin beih ngai dawn mahse ka hnena in lo let hma chu ka bei ang" a ti a, chhan pawh ka chhang let duh tawh lo, ka ngawi reng a, ka lam pan chuan a rawn kal hnai tih ka hriat chuan rang zetin ka lo awm sawn a, mahse min rawn man hman tho. Ka kawngah chuan nghet zetin min chelh a, "Ka sawi kha ka ti mai mai lo ania, chuan ka hnenah hian in rawn let leh ngei bawk ang, chuchu kan fapa hming hian ka tiam a che" tiin ka hmuiah a rawn fawp zeuh a, a che rang lutuk chu engmah pawh ka ti hman lo.




Phawk zetin ka en a, ka mak ti hmel a hmuh chuan a nui suk a, "Hre reng rawh, ka beidawng lovang" tiin a in her a, room atang chuan a chhuak nghal a, ka en reng ringawt, ka fapa bulah chuan ka mu a, ka ngaihtuah na chu ka kawm melh melh bawk a, Mark hi ka la theihnghilh bik lo tih hi kei ngei ang ka chiang lutuk, mahse ka chhungril ah hian min dang tlat tu a awm a, chuchu enge a nih ka hre lo a ni. Chubakah vawin a kan hmeichhe hmuh nen khan eng in zawmna nge an neih pawh ka hrelo, khanu khan Mark hi a duh tih chuang takin ka hria a, buaina dang kan tawk leh ang tih mawlh ka hlau tawh a ni. Ka tuar thei tawh dawn lo, ka fapa vang chauh a tuar chhuak thei ka ni a, tunah chuan nu ka ni a, chak taka ka awm a ngai tawh tih ka hria, chuvang chuan nat nawn leh ka duh tawh lo, ka fapa hian ka na lai hmel a hmuh ka duhlo.




Ka pa birthday a ni a, kan chhungkua ka thiante pahnih leh U Dika te nen kan lawm a, zanah cake cut na nei ve ila kan ti a, ka pa lah chuan a ho mai mai ka upa tawh a ti deuh tlat a, mahse Gabi a phur em a, ka pa pawh chuan a tupa duat vangin a pawm ve hram a, zanah chuan kn kim thap tawh hlawm a, mahse ka chhungte lah chuan mi nghah an nei emaw ni tih mai tur hian cake cut na chu neih mai an la ti lova, ka fapa pawh a phur tawh hle. Door bell a rawn ri a, "Mambawih va hawng ta che" ka nu in a tihchuan kawngka lamah chuan ka kal vat a, kawngka ka hawng a, Mark hmel ka hmu nghal zat a, enge rawn tih ve a tum?.. Ka em reng ringawt a, "Min luh tir i tum lo ami?" a ti sup a, "Enge i lo tih dawn?" ka ti haw a, "Mambawih, kawngka zawn a ding reng lo khan lo luh tir ta che mawle" ka nu chuan a ti a, ka tawlh sawn a, Mark chu a rawn lut nghal a.




"Nu enge Mark hian a rawn tih ve a?" ka nu bulah chuan ka ti zawi sep a, "I pa in a sawm ve alawm" a lo ti sam et a, "Mahse..." ka tih leh lai chuan "Mahse tih tih a ngai hleinem, kan tupa pa a ni a, sawm ve pawh a awm alawm" ka ni chuan a ti leh a, engmah ka sawi tawh lo, midang ho zawng zawng chuan Mark chu tha takin an lo bia a, ka fapa pawn apa a hmu chu a lawm hmel viau. Cake te chu kan cut a, ka fapa chuan a ei hnem hle, a hnuah phei chuan a pum chu a chul hauh hauh a, "Mama ka luak chhuak" a ti a, midang ho chu an lo nui dar dar hlawm a, "Cake kha I ei tam lutuk a, i hen deuh aniang" ka ti a, ka pawm kang nghal nawlh a, "I mut a chhuak tawh em?" ka ti a, a lu chu a bu nghat nghat a, "Nu Bawihtea hi ka han ti mu lawk ang" ka ti a, ka thiante pawh an la awm vek, a la hma deuh a, haw kan la phal rih lo.




Bawihtea a muhil fel chiah tihchuan room atang chhuah tumin khum atang ka tho chhuak a, kan room kawka chu rawn in hawngin Mark a rawn lut ve chiah bawk a, enge rawn tih a tum. Ka lo en reng lai chuan ka hmaah a rawn ding a, "In be lawk ang" a ti sup a, "Engmah sawi tur ka neilo" ka ti a, "Ka nei alawm"a ti leh nghut a, "Sawi vat la, kan rei lutuk chuan midang an ngaih a tha lovang" ka ti a, "Ka hnenah rawn let rawh u" a ti sup a, a thaw hak, engvang a sawi chhuak fo nge a nih?... "Mark ka sawi ngun tawh, kan rawn let thei tawh lo" ka ti a, "Engvangin nge in theih loh ang, nanghian min hmangaih a ni lawm ni?" a ti leh a, "A chhan chu i hriat kha" ka ti sep a, "Min hmangaih tawh lo ami?" a ti leh sup a, ka chhang lo, hnuai lam chu ka bih char char a.




"Min chhang rawh, nanghian min hmangaih tawh lo ami?" a ti leh a, "Chutiang sawiin awmzia a awm lo" ka ti a, "Awmzia awm e, chun nanghian min la hmangaih tih ka hre baw, ka hmangaih ang chiah che hian" a ti leh a, "Ka hmangaih vang ngawt che hian ka lo let leh dawn tihna anilo" ka ti a, a nui ro hawk a, "A tha alawm, I lo let leh khawp ang" a tihchuan ka sa phat a, "A teuhlo, ka lo let tawh dawn lo, engvanga min ti buai reng nge i nih, ka nun ah hian thu neih rawn tum tawh suh, nang nen hian in zawmna kan nei tawh lo" ka ti a, "In zawmna" a ti sup a, kiai sukin min rawn pan Hani deuh hrut a, hnunglamah ka lo tawlh ve dawt bawk a, "I la hrelo a ni maithei, nang nen hian kan la inthen reng reng hleinem" a tihchuan phawk zetin ka en a, "Mak ti viau duh suh, ka pu ten sum chhuah tur a an lo kal khan ka lo hnial a, a awmzia chu tun thleng hian nupa kan la in reng, chuan in zawmna kan neilo I la ti dawn em?" a ti leh a.




"A ni theilo" ka ti sep a, "Oh.. ni thei e, chuan ka fapa nen hian a rang lamin ka inah rawn in sawn lut ang che u, tha taka ka sawm mai che in i duh lova, ka hnen a in awm theih nan chuan tih luihna hman ngai pawh nise pawi ka tilo" pawisak neih loh hmel zetin a ti a , "Aih, kan lo let lovang" ka ti that a, a nui leh suk a, "Babe, au vak suh, kan fapa a muttui em hi, chuan in lo let leh dawn bawk, ka inah i rawn in suan lut duh lo a nihchuan ka fapa hi ka bulah ka awmtir mai ang" a ti a, rapthlak ti lutuk in ka en a, "I theilo, nilo ka fapa a nihhi, harsa taka ka hrim a nihhi, nanghian min lak bo sak thei lovang" ka ti a, "Chutiang thil a thleng i duh lo a nihchuan naktukah ka inah rawn let ang che u, chuti a nihloh chuan courte ah kan in khin mai a ngai ang" a ti a, "I duh duh chu ti rawh, mahse ka fapa nen hian kan rawn let tawh dawn hauh lo" ka ti nghek a, "Kan hria ang chu" tiin room atang chuan a chhuak a, beidawng zetin khumah chuan ka thu thla a.




Ka nu leh pa te ka zawh chian vat a ngai ang, inhnuai lamah ka chhuk a, Mark chu hmuh tur a lo awm tawh lo, "Nu pa ka be lawk duh che u" ka ti a, ka hmel an hmuh chuan "Awle, room ah min rawn zui la" ka pa chuan a ti a, ka nu leh pate room ah chuan kan lut a, "Enge i sawi duh chu?" ka pa in a ti a, "Pa Mark hnenah khan sum chu in chhuah lo ami?" ka ti nghal tawng a, ka mu leh pa te chu an in melh zawk a, "Aw... a dik alawm, sum chhuah tur khan kan va kal ngei a, mahse Mark khan tih tak zetin ngaihdam min dil a, a mitmengah khan a thil tih vanga a inchhir zia kan hmuh sak thei bawk, chuvang chuan ka haw leh ta ani" ka pa chuan a ti a, ka thinrim hle. "Engvanga engmah min hrilh lo nge in nih?" ka ti tiau a, "Hrilh che kan tum alawm, mahse. a chanchin engmah hriat i duh loh thu I sawi a, chuan in rawn let leh khan ngaidam a a hnena iet leh mai kan ring bawk, Mambawih in ngaihtuah chiang rawh aw, kan fanu i ni a, i tana tha ber tur kan duh, kan tupa pawh hi ni leh pa inkar ngei ah seilian se kan ti bawk" ka pa chuan a ti leh dap dap a.




"Mahse pa ka chunga a thiltih kha ka theihnghilh thei lo, nangni pawn min hriat pui vek kha" ka ti a, "Ni e.. kan hria alawm, mahse a inchhir zia pawh i hriat ve vek kha, I bulah enge a sawi chu kan hrelo, mahse a hnenah let leh ngei la keini chuan kan duh a ni" ka pa chuan a ti leh a, "Mambawih, i pa thusawi chu i hriatthiam ngei kan beisei, i pa sawi ang khan kan hmangaih che a, I tana tha ber tur kan duh, i fapa hi ngaihtuah la, apa bula a awm a a hlim zia pawh i hriat kha, tunah I ngaihdam theilo pawh a ni maithei, mahse hun a kal anga, I ngaidam thei em em ang, I mitmeng atang hian I la hmangaih zia pawh kan hmuh hmaih hauhlo, hun tha pe leh la i tih sual kan ring lo" ka nu pawh chuan a ti a, chhan dan tur pawh ka thiam tawh lo, room atang chuan ka chhuak a, ka thiante ho pawh haw an lo tum hnai a, kawngka thleng chuan ka thlah a, room lamah ka chho lehnghal.




Mut hmun ah chuan ka nu leh pa te thusawi chu ka ngaihtuah a, let leh ta ila ka na nawn leh mai angem?... An sawi ang khan hun tha pek leh chu a tha ka ti a, mahse ka chhungril ah hian hlauh na a awm tlat a, ka muhil theilo, rei fe ka in ngaihtuah hnu chuan thuthluk na ka siam thei ta a. Ni e, ka ni leh pa te thusawi ang khan hun tha vawikhat pek leh chu a pawi viau na tur ka hrelo, a tuk lamah chuan ka chhungte chu ka biak duh thu ka sawi a, sitting room a kan thut thap lai chuan "Mark hnenah chuan ka let leh ang" ka ti a, ka chhungte chu an lawm hmel hle. Room ah ka chho a, ka u chuan min rawn zui chho ve nghal a, "Mambawih, i duhthlanna ngei a ni tiraw?" a ti a, lu ka bu nghat a, "I kalbo chhung khan Mark mizia hi nasa takin a inthlak asin, kan inah a rawn leng lut fo a, a inchhir zia pawh ka hriat pui bawk, i tisual lovang tih ka hria" nui suk chungin a ti a, chhan pawh ka chhang lo.




Ka nu leh pa te chuan Mark chu an bia a, kan let leh dawn tih a hriat chuan a lawm hle, mahse a hma ang khan ka la hnaih mai theilo. Kan bungrua te chu kan thiar chhuak a, Mark hmel chu a nung sarh a, a in kan thleng a, a chhungah kan lut chu a hma ang chiah khan engkim chu a la ngai reng, kan inneih tirh te chu ka mitthla let a, ka fapa pawhin apa in chu nuam a tih hmel hle, "Papa heihi kan in that tur chu maw?" apa chu a en kiau a, "Ni e, a nawm hmel em?" Mark chuan a ti sup a, "Imm.. nuam lutuk, mama leh papa te nen kan awm ho vek tawh dawn a, a nuam e" Gabi chuan phur zetin a ti a, "Saw lai room ah sawn va kal rawh, toys tam deuh a awm ania" tiin ka rai laia a toys lei ho dahna room chu a kaw a, Gabi chu phir zetin a kal a.




Mark chu ka bula rawn ding in ka kawngah a rawn kuah a, " Ka la e, ka hnenah I rawn let leh avangin" ti supin mitmeng de sawr sawr chuan min en a, "Ka fapa vang chauh ani" ka ti a, ka tal hrang nghal bawk, ka thiante ho pawh chuan Mark hnen a ka let chu min pawmpui hle a. Mark hi ka la hnaih mai theilo, a hnenah pawh chiang takin ka sawi a, "Min rin leh theih nan chuan engpawh ka ti a, ka hnenah i rawn let avang ringawt pawh hian ka lawm tawh lutuk" a ti a, hun a kal ve bek bek a, Mark nen pawh kan in pawh sawt khawp mai, Gabi nen kan mu a, Mark erawh room hran ah a mu thung. Hnaah Gabi a hruai fova, a fapa a chhuang em em a, mi zawng zawng in fapa a nei tih an hrelo ang tih hlau awm fahran in a fapa chu a hruai kual a, fapa a nei bik hliah hliah a ni tawp.




Ka u leh Lizzy pawh in inneih hnai an tum a, zanin hian palai an kal dawn nghe nghe, Debo-i te nen in nei rual mai se kan ti a, mahse U Dika hian a duh tlat lo, "Nangni in ti hmasa ula, a dawt leh ah keini chu a nimai" a ti deuh tlat a. Ka u chu a phur surh surh hle a, a awm hle hle theilo a ni ber, zanah Lizzy leh Debo-i te nen kan in bia a, Lizzy chuan palai an haw deuh chiah thu leh kar leh lama rawn kal tha leh tur a an tih thu a sawi a, "Ka che chhe lutuk, Pu Liana thingpui pek ka tum a, ka tih buak a" a tihchuan Debo-i nen kan nui vak vak a, "A ho lutuk, keipawh ka chet chhiat ve tho kha" ka ti a, hun kal tawh ka ngaihtuah let a, Mark an palai a rawn tirh zan a ka lai lutuk an hmuh lai a ka tluk hnawk kha ka hre chhuak a, khang hun lai kha koh kir leh theih se ka ti hle, Mark nen kan in nei hi pawi ti tihna a nilo a nia.




"Ruthi I u ka hrilh a a mawl zia chu lo sawi fel nghal ta che u, i nu leh pa te pawh chu an va in duh ve, ka hmanhmawh tawh asin a rawn ti hluk hluk a" Lizzy ka n a rawn tihchuan "Lo hrethiam mai rawh, a senior ve tawh em a, a hmanhmawh tawh pawh kha a awm lutuk alawm" ka ti a, kan thian ho a kan inbiak chuan kan hlim tlang hle, "Tunah chuan Debo-i chiah avang dawn ta" Lizzy chuan a ti ham ham a, "Lo lungngai hmarcha te, keite chu ka pasal neih hunah chuan a pui viau a, hrim hrim in keini te chu kan in ngaizawng har bee a, hmanhmawh vak a ngai hleinem" a rawn ti a, "U Dika a upat ve tawh tho hi, chutiang a muangchan chi pawh a nilo, in hmanhmawh loh viau chuan kan faten I fate an vel tap reng dawn tihna a nimai a" Lizzy chuan a ti a, Debo-i chuan a lo duh lo nasa hle.




Kan in biakna ka tih tawp hnu chuan mu turin ka fapa nen kan room lamah ka lut a, Gabi chu a lo muttui khawp mai, ka in tihfai hnuah keipawh chu ka mu ve nghal a, ka muhil tep tawh tih ah room kawngka a rawn in hawng a, Mark chu thawm dim zetin a rawn pen lut a, Gabi zawnah chuan dingin a thu hniam a, kan fapa lu ah chuan duat takin a chul hliau hliau a, current ka off vek avangin ka muhil lo tih a hrelo. Chutia rei tawk fang a tih hnuah chuan ka lam ah a rawn kal a, "In tello a mut reh hi harsa ka ti" ti sup in ka bulah chuan a rawn in thawlh a, "Enge i rawn tih dawn?" muhil tho hlim aw zet chuan ka ti a, a phu zawk mai, "Ka ti harh che em ni?" a ti sup a,lu ka bu zeuh, "Ka tihpalh zanin chu hetah kan riak ve mai ang, mahni chauh a mit chu a hreawm" a ti a, min rawn kuah nghal zat a, ka hnial bik lem lo, kan let leh atang vawikhat mah kan la mu dun lo.




Zing ka harh chuan keimah chauh in ka lo mu tawh a, Mark leh Gabi te chu an tho daih tawh, keimah aiin an tho hmasa thin a, ka thawh khalh ngai mang lo. Inhnuai lamah ka chhuk a, Gabi leh apa chu kawt zawl ah an lo in fiam dun a, ka en reng, an hmuhnawm takzet, chutia ka lo em reng lai chuan Mark an min rawn hmu a, a nui suk a, ka nuih let ve mai, Gabi chu pawn nawlh in ka lam pan chuan a rawn kal a, "I tho nuam maw?" a ti sup a, "Aw... in thawh na a rei tawh em?" ka ti va nghal zat a, "Darkar khat vel a ni tawh, thingpui min lo siam ta che" a tihchuan kitchen lamah ka lut vat a, thingpui chu ka lum a, ka peih fe hnu ah ka pe a, Gabi chu bawng hnute ka in tir bawk a, eirawng ka bawl nghal mawlh mawlh a, chaw ei ka peih rual chiah chuan qn pafa chuan an rawn in zui lut a, "Vawin chu hnaah ka kal dawn lo, kan chhungkua in kan chhuak ho dawn ania" Mark chuan a ti sup a, "In buai lai tak ni khan ka hre sia" ka tihchuan "Hnathawk tu ka nei tam alawm" a ti mai a.




Park ah te chuan kan leng kual a, Gabi chuan nuam a ti ngang mai, ke in kan kal a, Gabi chu apa in a koki chhuan bawk a, "Papa, saw saw ei duh" tiin lapaw chini an zawrh chu a kawk va va a, "Gabi thil I ei tam tawh lutuk, engmah ei a ngai tawh lo" ka lo tih chuan tah a tum nghal ringawt a. Apa in a duat tih a hria a, ka hauh ve deuh hlek te hian apa hnenah a zualko ziah a, a tha dawn lo riau, Mark lah hian a fapa hi hauh a phallo bur a, a la duat sual vel mai ang hetiang reng hi chuan, "Babe, a duh te chuan" Mark chuan a rawn ti a, rum zetin ka melh a, "A tullo, thil a ei tam tawh" ka ti leh hmak , kan fapa chu uar em em hian a tap nghal a, nen fawk mai a nia ka duh ni, "Gabi Awmpui tap reng reng suh" ka ti that a, Gabi chu rang zetin apa awmah hmai a phum a, Mark chu a rum deuh nghut a.




"Naupang mai anihhi" a ti hmuk a, "I duat lutuk a, a sual vek tawh hi, a thil duh apiang tih sak I tum a, hetiang chuan a la sual chho telh telh mai ang" ka ti hlak a, "Ka fapa a nih hi, a thil duh apiang chu ka tih sak tur alawm, My Boy tap tawh suh le, kan lei dawn nia" tiin a fapa chu a thlem a, ngaihsak pawh ka ngaihsak peih tawh lo, a fapa duh ang ngeiin lapaw chini chu a lei sak a, kan kal kual a, park ah kan awm a, pipu ah chuan Gabi chu a uai a, kan nupa in kan lo en reng a, "Mark" hnunglam atang hian hmeichhe aw hian a rawn ko a, Mark nen chuan hnunglam chu kan hawi rual a, a hmaa ka hmuh tawh hmeichhia kha ani. "Enge hetah I tih Judith?" Mark chuan a ti a, "Hna thilah ka chhuak a, kha in va hlim hmel ve" tiin keichu min rawn en a, a ner deuh sak a, he hmeichhia hi ka ngaina hauh lo, a awmdan atang hian min ngaithei lo hle tih ka hrethiam nghal mai bawk.




"Ni e, hei ka nupui leh ka fapa te nen hun kan hmang a nihhi" Mark chuan tha takin a chhang a, "A nihchu, kha i dam maw, min hriat tawh tho chu ka ring a"tiin nui sangin min en a, a nui hmel phen ah sawn min hian nasa tak a awm tih ka hmuh hmaih hauh lo, "Dam e" ka lo ti tawi tak a, "I pasal hi I awm bo san rei lutuk a, a lungleng hman viau ania, kei ka lo awm hlauh zawk a" tiin Mark chu a melh zeuh a, e ge an inkar ah awm thin ang tih kao ngaihtuah daih thung. "Nia.. mahse hei ka loet leh tawh alawm" ka ti a, "Um.... mahse thil tamtak a danglam tawh tih pawh i hrethiam ang chu" a tih leh chuan a sawi awmzia ka hrelo, "I sawi awmzia ka hrelo" ka ti a, a nui sak a, "I la hrethiam thuai mai ang, ka kal phawt ange" tiin a kalsawn nghal a.




"Engtinnge in in hriat a?" tiin Mark chu ka en a, "Ka thawhpui pa fanu a nihkha, a hna a thiam a" a ti ringawt a, engmah ka sawi zawm tawh lem lo, inah kan haw a, Gabi chu ka buak fai a, zanah chuan a ngai te bawkin Mark te nen kan mu ho leh a, kan inkar a tha sawt a, kan in pawh ve telh telh tih pawh ka hria, nitin in min duat na a ti lang a, hna. rawn haw hma a, a hna. ban apiangin pangpar min rawn hawn ziah bawk. Ka chhungte pawhin kan nupa inkar a that zel thu an hria a, an lawm viau, an lo kal fo a, Mark chuan zah takin a lo be thin, zanin chu Gabi kanu te inah a riak dawn a, Mark nen chuah inah kan awm, mut hun a nihchuan Gabi nen kan room lam pan mai ka tum a mahse Mark chuan min lo dang vat a.




"Kan nupa room ah mu ang" a tihchuan "Ka duhlo, nangmah in mu mai rawh" ka ti hmak a, "Zan dangah chuan kan fapa tenen kan pathum in kan mu ho thin a, zanin chu kan nupa chauh kan nihhi, kan room ah kan la mu miah lo bawk, zahin chu ka thu awih rawh" tih leh min pawm a rual a, ka te that, tlak hlau zetin a ngawng ah ka lo vuan a, room ah chuan min pawm lut a, khumah min mut tir in min kuah khawm nghal hlun a, "Hetianga kan awm hun tur hi ka lo suangtuah fo thin aain, tunah a thleng dik ta" tiin ka chhip ah a fawp vang vang a, "Hun tha min pek leh avang hian ka lawm takzet a ni, engtik ah mah ka kal tir leh tawh ngailo ang che" tiin ka hmuiah a rawn fawp lehnghal chawt a, ka lo chhang let thuai a, kan duhthawh dun kher mai.




Ka kawr chu a hluk a, ka hnute chu a hup nghal chat bawk, a tham tawn tawn a, a dim lutuk lo bawk nen a na tep a, mahse ka sawi duh lem lo, min fawh na atang chuan a in la hrang a, ka hnute chu a hmuam lehnghal zat a, ka awm chu ka lo kan awk a, duhthawh zetin ka hnute chu a fawp a, lehlam chu a kut in a la tham tawn tawn tho. Ka taksa te chu a za chhuak vek a, min thut turin ka kawr chu min phelh sak a, amah pawh a in phelh ve nghal, ka kekawr min pelh sak leh a, ka panty a pawn thlak tel avangin rual ngal ngat in ka awm tawh, min mut tir in ka chungah chuan a rawn bawk hniam run a. Ka hmeichhiat na chu a khawih a, ka za mer mer mai, a nuai nawk nawk a, awm ngaihna reng ka hrelo, ka thaw chhuak hak hak a, boruak chu ka ka ah a leng lo ni berin ka hria.




"Ka insum thei tawh lo" ti khur hlukin a kekawr chu a phelh nghal rawk rawk a, ka mal chu a ai zau in a pawt kau a, a mipatna chuan ka hmeichhiat na chu a hawl kual nawk nawk a, mahse a thun lut duh mai lo, keilah chuan dawhtheih na ka nei pan viau tawh, hnuai lam atang chuan chet ka tum a, mahse min delh beh tlat avangin ka che tha thei lo, "Mark" ka ti sep a, ka mamawh tawh takzet ani. Mark chuan hnai zet ah min em a, "Babe, Engthil nge I duh sawi rawh" a ti a, "Ka.." ka tawng tha theilo, "Engmaw I duh chu?" tiin ka ngawng te chu a nul kual dun dun a, "Ka mamawh che, khawngaihin min nghah tir tawh suh" ka ti nawk nawk a, a kiai suk a, a mitmeng chu tisa chakna hlir in a khat a, "He thil I sawi hun hi kum.thum chhung ka lo nghak asin" tiin ka hmeichhiatna ah chuan a mipatna chu muangchangin a rawn thun a, a te that, dim zetin a che tan ta a, a rei hnuah hian che rang tawh tak a ni, ka te chhuak that a, Mark pawh a rum ve hrawih a, ka kawchhung chu a rawn lum pap pap a,ark chu ka sirah a let thla a, a taksa si chet in min pawt hnai a, ka chau lutuk che leh tur chuang pawh ka a tawh lo, "Muttui leh ka hmangaih nu" ti sup ri chu ka mang hriat ruai ruai.




Cont....




Click leh comment kha aw, a that dan a zirin naktuk zanah a awm in a awm lovang....


Show post links
Top

[Ngaia]

Chapter-18




Ruthi Lalhlimpuii POV



(Comment leh click a chhe lutuk, dah loh ka tum zawk a, mahse ka rawn dah hram aw, zaninah ka en leh anga, a chhiat viau chuan kan awl tawh ang....)




Vawin hi ka u te inneih ni a ni a, zingkar atang kan buai mup mup hle, ka u lah chu a za cheng tawh a, nizan lamah ka chhungte inah kan riak phei a, Mark nen pawh kan in kar a la tha luang zel a, nitin in min ngaihsak zual a, nuam ka ti hle. Biakin lamah kan kal a, inneih chu kan ta chho a, ka thiannu chu a hmeltha takzet, tunah chuan chhungkua tak tak kan ni tawh dawn a, a phurawm takzet, inneih zawh ah chuan thlalak na te kan nei a, Mark chu ka u te nen an in bia a, a phone min ke. tur chu a ri chhen a, a pawimawh takin tih thilthu ah tunge rawn call tu pawh en lovin Mark awmna lam chu ka pan a, "I phone a ri a" tiin ka pe a, ka thiante awmna lamah ka kal nghal a, Debo-i monu thiannu ah a hmang a, ani pawh a lang tha takzet, kan titi mai mai a, midang an la awm ve nual bawk, Mark chu hmanhmawh takin ka lam pan chuan a rawn kal a.




"Hnaah buaina a awm deuh a, ka kal mai a ngaih hmel" a ti a, "Awle, I lo let har angem?" ka tihchuan "Ka hrelo le, ka rawn hrilh leh ang che" ti sup in ka chalah a fawp zeuh a, a kal nghal, Gabi pawh a pi leh pu te bulah a awm a, a mut a chhuak tawh in ka ring. Ka nu chuan bawihtea chu a lo pawm a, Gabi chu a lo meng tawk tawk a, "Nu ka lo pua ang, a mut a chhuak tawh a nihkha" ka ti a, "Papa khawiah nge?" ban chiap hian Gabi chuan a ti a, "Tihtur pawimawh a nei a" ka ti sep a, ka oua a, a ham nghal bai bai a, "Inchung lamah ka han chhoh pui lawk mai ang, mi an la tam sia" ka ni bulah chuan ka ti a, room ah chuan Gabi chu ka pawm muhil a, nasa ka en a, dat 8 a lo ti tep tawh, Bawihtea chu khumah ka mut a, inhnuai lamah ka chhuk thla lehnghal. Ka u chu a thiante ho chuan an lo fiam deuh laih laih a, hua ang pawh in a awm lo a nui reng ringawt, midang ho chu an haw darh hlawm a, keini pawh haw chu a hun viau tawh, mahse Mark lah chu a reh hmak mai bawk si.




"Mark chu a rawn let tep tawh em?" ka nu chuan a ti a, "Ka hrelo, min la rawn be miah lova" ka ti a, "A buai thei bawk si a, tha deuhin enkawl rawh aw, a chau thin ngawt ang, a thawkrim si" ka nu chuan a ti mawlh mawlh a, room ah ka lut a, dar 10 a rik hnai mai avang chuan Mark chu ka phone ta ngawt a, rei fe a ring hunah a la ta hram a, "I lo haw dawn tawh em?" ka ti sep a, "Babe, hnaah ka buai deuh a, zanin chu ka lo haw theih ka ring lo" a ti a, "I ni te in lamah khan lo riak mai ula, naktuk ah ka rawn lam ang cheu" a tih zawm lehnghal zat a, kan in biakna kan tih tawp hnu chuan ka chhungte hnenah chanchin ka hrilh a, mi turin ka insiam fel a, ka fapa kuah chung chuan ka mit chu ka chhing riai riai a, ka muhil tep tawh tih chuan ka phone chu a rawn ri a, ka silent lo tih ka hre chiah.




No lawng atangin a lo ni a, ka la nghal vat, "Hello" ka ti sep a, "Ruthi maw?.. Judith-i ka nia" lehlam ami chuan a rawn ti a, a ni daih daih in kin rawn bia chu mak ka ti hle, chupawh zan rei tawh ah lehnghal. "Enge nita?" ka tihchuan "Zanin chu in pa a lo haw thei dawn lo tih rawn hrilh che ka tum mai ania" a ti a, ka thin chu a rawn phu rang nghal dawt dawt a, "Min lo hrilh tawh alawm" ka ti a, "Oh.. engvang a rawn haw thei dawn lo nge a nih a hrilh che em?" nui hak chungin a ti a, "Hrilh e, hna pawimawh thawh tur a neih vangin a rawn haw thei lo, a tawk em?" ning aw zet chuan ka ti a, "A thil sawi chu I lo awih mai amaw?... Hah, engpawh chu nise I pasal nen zanin chu kan awmdun dawn, chu hu thudik a nihchu, chuan eng hna mah thawh tur a neilo bawk, kan thil tihtur chu i hrethiam nghal mai em?" a rawn ti ham ham a.




"I thusawi chu ka awih I ring em ni?" ngeiawm deuh chuan ka ti ve nghat a, ka thin chu phu rang tawh tak a ni. "I awih lo a nihchuan lo ngaithla rawh" tiin phone chu dah chuang lovin a reh deuh vang vang a, "Mark, I hman dawn tawh em, ka nghak reng che ania" Judith-i chuan a ti a, "Ka lo chhuak tep, min lo nghak rawh" ka pasal aw ngei a ni, "Awle, rei lutuk tawh lo la aw, ka mut a chhuak tan tawh a nia" Judith-i chuan nui har har chungin a ti leh a, enge tih ber tur pawh ka hrelo, ka taksa chu a khawng vek nimai hian ka hria. "Tikha chuan ka thusawi I awih tawh ang chu tiraw?" hneh tu aw in ti zet chuan Judith-i chuan a ti a, chhan mai nachang pawh ka hrelo, "A nih phawt, Mark a rawn chhuak dawn tawh ang, muttui le" tiin phone chu a dah ta daih a.




Mut pawh ka muhil theilo, Mark ka hriat na chu nasa tak a ni, engtinge ka in bum nawn tir leh theih zawk, keipawh hi ka lo mawl hle a nihhi, tunah enge an tih mek ang tih te chu ka ngaihtuah a, ka a mai dawn in ka hria, ngaihtuah tawh loh ka duh mahse ka thei silo, 'Engtinge min bum nawn leh theih zawk?' rilru na zetin chuan ka ti chhuak a, ka muhil lo hrim hrim, zingah chuan ham takah ka tho a, ka fapa chu a la muttui hle a, ti harh duh lovin inhnuai lamah ka chhuk a, Lizzy pawh a lo tho tawh, "I va tho hma ve a?" ka ti a, "Nia.. thawh hai ka hlauh zia chu" tiin a nui hak a, keipawh chu za lo deuhin ka nui a, Lizzy chuan chiang zetin min en a, "Nizan I mu tha lo ami, i mit a va bui nasa ve?" a ti a, amah pawh chu en duh lo chuan "Nimin lam kan chau bawk nen ka taksa a na thum a, ka muhil har lutuk a, chuvang a nihhi" ka ti a, Lizzy chuan min la melh char char a, ka thusawi chu a awih hmel lem loh.




Midang ho an lo tho chhuak a, Lizzy nen chuan kitchen lamah chuan kan che mawlh mawlh a, "I duh miah lo ania, I rawn thawh tirh atang khan i hmel a dik tawh lo" Lizzy chuan a ti zawi sep a, "I ngaih bel mai mai a nihkha, ka tha tak tak alawm" ka ti a, a ka a ang hman zuai tihchuan ka nu a rawn lut a, ka lawm hle, min zawt zel a nihchuan chhan dan mai tur ka hre tawh dawn silo a. "Bawihi, kan in leng te sawn i thingpui siam an in chak a, va pe ta che" ka nu chuan a ti a, Lizzy pawh chu a che zung zung a, eirawng kan bawl zawh chuan room lamah ka chho a, Gabi chu ala muttui hle a, chaw ei a hun mai dawn avangin ka kai tho a, "Bawihte tho rawh le" ka tihchuan ner nang nang chungin a rawn meng a, a va han hmeltha chiang tak em, "Mama, reilote chiah mu leh duh" a tihchuan "Chaw kan ei tep tawh, thawh hlim a chaw I ei nghal chuan i ei tam theilo ang, tho rawh le, i fel tawh kha" tiin ka kai tho lui a.



Gabi chu ka silfai a, inhnuai lama kan nufa a kan chhung thlak hnuah in leng te pawh an awm tawh lo bawk nen chaw kan ei nghal a, "In pa hi a lo la kal hman dawn lo em ni?" ka nu in a tihchuan "Aw... ala buai deuh a" ka ti mai a, kan la in be lo hrim hrim, mahse ka harsat na hi ka chhungte hnenah ka hrilh duh lo, hlim hun a ni si a. Chaw kan eikham chuan kan in lamah let kan tum a, "Ka thlah ang che u" ka u chuan a ti a, ka hnial lem lo, an nupa in min thlah a, kal kawi na tur an neih avangin inah a rawn lut kawi lovin a kal lehnghal mai a, in chu a lo la in kalh thiap a, Mark hi a la haw lo tih a chiang nghal mai bawk. In chu theih ang ang in ka tifai a, Gabi chu a infiam a, hun khawih ral na tur ka duh ani, inchhung vek ka tih fel vek hnuah kan nufa in in hnung lama huan ah chuan kan kal a, hnim te chu ka pawt a, Gabi pawh a harh hle.




"Enge in lo tih a?" tih aw ah chuan ka thil tih lai chu ka tawp chawt a, "Papa lo haw" tiin hlim zetin Gabi chuan a pa chu a pan a, Mark chuan a lo pawm nawlh, a hmel chu chiang zetin ka en a, a chauh hmel hle, nizanah an che na viau pawh a ni mahna, ka thil ngaihtuah avang chuan ka pum chu ain let bulh a, ka luak a chhuak nghal hlui bawk, Mark chuan a fapa chhaih chung chuan ka lam chu a rawn pan a, "Tunge hetiang te I lo tih duh a, midang ti tur kan ruai mai dawn alawm" a ti sup a, "A hahthlak chuang loh a, awm mai mai ai chuan a nuam zawk" ka ti a, ka thinrim na tih lan ka tum lem lo, mahse hnaih taka awm leh chu ka duh lo, rawn kun hniam a ka chal a rawn fawh mai a tum chuan ka lo tawlh sawn a, mak tih hmel zetin min en a, "I chau ang, han in tifai rawh" ka ti a.




"Awle, Gabi hi kan buai nghal ange" min en chung chuan a ti a, ka bu nghat ringawt, inchhung lamah chuan an pafa chuan an in pawm lut a, hna chu ka thawh zawm mawlh mawlh, hmun vel ka pawh fai hnu chuan hmun hnawk ho chu phiat fai leh vek a, inchhung lamah ka lut a, Mark leh Gabi hmuh tur an awm lo, room ah ka lut a, an pafa chuan in kuah hlun chungin an lo mu a, ka en reng, pafa in ang tak chu an va ni chiang em. Ka ban deuh chuap avang chuan inbual turin bathroom ah ka lut a, ka chhuah leh hnu pawh chuan an lo la muttui hle. Gabi awmna lamah chuan ka kal a, a lu ah chuan ka chul heuh heuh a, Mark chu a rawn che thut a, khumah chuan min pawt mu hnawk a, a muhil tui viau emaw ka tia, mitmeng fiah zet chuan min en a, "Khawi teh, thil tihtur ka la nei ania, ka sam a la ro lo bawk si, lukham a huh vek dawn" ka ti a.




"Ka ngai lutuk che" a tihchuan ka na zawk mai, nizanah hmeichhe dang a awmpui a, tunah kin ngai ber awm zia zangin a awm leh a, a hmelah lah chuan a thutak hmel em em lehnghal, hmeichhe dang a awmpui tih hrelo ila chuan a thusawi chu ka awih ngei ang, mahse tunah chuan awih na chhete mah ka neilo, a lemchan thiam zia ka hre chiang tawh mah mah. Rawn awm hniam in ka sam chu a hnim vang vang a, "Rimtui lutuk" a ti leh sup a, "Min thlah rawh, ka awmdan a rem lo si, Gabi kan ti harh palh ang" ka ti a, min thlah ve mai a, "I hna chu enge a an?" ka ti a, "Ka tifel thei e" a ti sup a a hmuh loh lamah ka lo ner sawk, khum atang chuan ka tho a, "Hna I kal leh dawn lo ami?" ka tihchuan "Kal lovang, ka chau reuh emai, mut hahdam mai mai ka duh" a ti leh sup a, ka bu nghat ringawt.




Inhnuai lamah chhuk in eirawng ka bawl mawlh mawlh a, chutih lai chuan inchung lam atangin thawm a rawn awm a, mipa aw thum lam nui hauh huah ti leh mipa naupang rek ri ani. "Mama, papa in min koki chhuan" kitchen ah chuan an lo lut a, "A va nuam awm ve" nui seih chungin ka ti a, "Chaw ei ka peh tawh a, kan ei nghal mai dawn ami?" ka tihchuan "A pawi lovang" Mark pawh chuan a lo ti ve sup a. Chaw kan ei lai te chuan Gabi chu a Bengchheng hel a, "Bawihte, chaw kha ei rawh le, infiam tawh lo la" ka ti a, Gabi pawh chu thu tha in chaw chu a ei nghal mawlh mawlh a. Kan ei na vel ka tih fel hnuah sitting room lamah chuan ka va kal a, "Naktuk chu kan chhuak dawn em niang, kan fapa hian falkland park a kal a chak a" Mark chuan a ti a.




"In pahnih in va kal mai ula, in a awm ka duh" ka ti a, "I nuamlo em ni?" min ngaihtuah hmel zet chuan ka bulah a rawn kal hnai a, "Chutiang pawh a nilo, in a awm ka duh mai ania" ka ti a, "I awmdan hi a mak riau, enge harsat na I nei nge, buaina a awm em ni?" a tih leh chuan min hmel fe in Mark chu ka melh a, "Engmah chutiang a awm lo ka tih chu, ka chhuak peih lo mai ani" ka ti a, engmah a sawi tawh lem lo, tv chu ka en ngar a, enge chhuak tih pawh ka hre chuanglo, ka en mawl ve tawp a, ka rilru ka kawm daih thung, Mark chuan min rawn en leh zeuh zeuh thin a, ka hrelo der hmak thung, hetiang reng a awm chu ka thei dawn hauh lo, a nun ah hmeichhe dang an awm a nihchuan inthen vat ka duh, hetiang a awm reng chu ka peihlo.




Gabi chu a ham bai bai a, a mut a chhuak leh tawh a ni ngei ang, "Ka naute, i mut a chhuak a mi?" ka ti sep a, a lu a bu nghauh ngauh a, "Awle, lo kal rawh kan mu dawn nia" tiin ka pawm kang nawlh a, Mark pawh chu a rawn tho chhuak ve nghal a. Gabi room lamah chuan kan lut a, khuma ka mut tir lai te chuan a meng mang tawh lo, a sorah chuan ka mu ve a, hla ka sak sak rat rat a, Mark chu khum bulah chuan a lo ding ran a, min nghak tih ka hre mai, kan inkar that hnu atang khan room khatah kan mu char char a, mahse mutpui tumna ka nei tawh lo. Gabi a mutthil hnuah chuan "Nangpawh va mu tawh rawh, hetah ka riak dawn" ka tihchuan mak a tih hmel hle a, "Mahse, Engvangin?" a ti a, "Gabi bula ka mu duh" ka ti a, "I adan hi a dik hauh lo ania, enge thleng, tih dik loh ka nei a mi?" a ti a, min en ngur bawk.




"Engmah a awm lo" ka ti a, ka thusawi chu a awih hmel lem loh, "Babe, dawt i sawi thiam loh zia chu i hriat kha" a ti hmuk a, khatiang hming khan min ko tawh lo se ka duh, chuan a ni hi then vet ka tum bawk, "Inthen ka duh" ka ti chhuak sep a, ka thusawi chuan a thawng bawk aniang, a meng phar awk a, "Engthil maw i sawi kha?" thinrim in sum tak chuan a ti a, "I hriat chuan kha, sawi nawn leh kher a ngai in ka hrelo" ka ti a, "Engvanga chutiang sawi chu nge i nih, enge tih dik loh ka neih?" a ti hrawk a, "Engmah a awm lo ka tih tawh kha, inthen ka duh chu zawng chu a nimai" ka ti a, "Kan inthen ngai lovang" ati khauh fur a, "Aih, I bulah hian ka awm reng theilo, ka hne tawh, hetiang a awm reng hi ka hne" ka ti that a, kan fapa a muhil tih ka hre chawp chilh lehnghal a.




"Ka sawi tawh, eng ang pawn I them duh mahla ka then ngai lovang che" a ti hrawk a, a aw chu a ring biklo, "Hetah lo hmundangah in bia ang" ka ti sep a, kan in hnial thui chuan kan insum theilo bawk nen kan fapa. harh palh ka hlau a ni. Kan nupa room ah chuan kan in zui kut a, "Chuan sawi rawh, Engvangin maw inthen chu i duh a?" ka ti a, "Ka sawi chian tawh kha, inthen ka duh, chhan dang vak a awm lo" ka ti a, "Kan inkar in that lam a pan telh telh a, engvanga chutiang thil chu rawn sawi chhuak thut nge I nih?" a ti ṭhawt a, "Ka peih tawh lo ani, diktak chuan nanghi rin che harsa ka ti, nupa inkar ah chuan in rin tawnna hi a pawimawh ber tih i hriat kha, mahse nanghi rin harsa ka ti che. ani, chuvang chuan thil a that loh tak tak hma hian inthen zawk ang" ka ti a, ka aw chu a vin lo.




"A theih loh, ka then theilo che, engpawh sawi rawh, min ring theilo a nih pawhin pawi ka tilo mahse ka hlat ah I awm ka phal ngai lovang" a ti a, "Engvangin nge nangmah chauh i in ngaihtuah a, ka awmdan tur te ka rilru put hmang tur te hi I ngaihtuah ve em, engvanga hmasial em em nge I nih?" ka ti tuar a, "Babe" a ti sup a, min rawn pan hnai bawk, "Aih, min khawih suh, i ngaihsak a dawn leh pawh ka duh tawh lo, i hria em, i thinlung taka I tih emaw tiin min bum nawn leh ka duh tawh lo" ka ti a, a thaw chhuak hawlh a, "Engpawh nise ka lak atanga i kal hran ka la rem ti chuanglo, hun min pe rawh, min rin ngei theih na turin ka siam ang che" a ti a, "I thusawi ka lo awih kha ka tihsual lian ber a ni, khawngaihin min kal tir hram rawh Mark, ka chau tawh, hetiang a nun reng hi ka hne tawh" tiin ka tap chhuak hawk a.




"Vawikhat vawikhat chauh ka thusawi min ngaihthlak sak rawh, min ring ka la lut hi vuan leh rawh, ka ti beidawng ngailo ang che tih ka tiam a che" a ti sup a, ka chhang tawh lo, ngawi rengin room chu ka chhuahsan a, ka fapa bulah chuan mu in Gabi chu nghet takin ka kuah a, ka rilru pawh hi ka hrethiam tawh lo, keimah tawp hi ka buai nuaih ni ber in ka in hria. Chhin khat te pawh ka chhung leh tawh lo, zing ah chuan lu na burin ka tho chhuak a, inhnuai lamah ka chhuk a, kitchen a ka luh chuan Mark eirawng bawl lai ka hmu a mak ka ti hle, min hmuh chuan min nuih suk a, "I tho nuam maw?" zangkhai takin a ti a, nizan a thil thleng te kha a hre leh tawh lo emaw ka ti hial zawk.




"Eirawng ka bawl zo tep, kan ei thei nghal a nimai" a ti sup a, ka chhang lo, zing chaw chu kan ei a, rin ai daih in a bawl tui phian lehnghal, Mark chu room ah a chho a, a rawn chhuk leh chuan coat a rawn ha deuh ap tawh a, "Ka kal ange, ka rawn haw vat ang" tiin a chhuak a, nilengin ka fapa nen chuan kan awm leh deuh chawt a, ka fapa bula ka awm hian ka hahdam a ni. Gabi a muhil a, ni a la vui zo meuh lo, mut a duh em em a, mut a awlsam hle bawk, tihtur a awmloh em avang chuan instagram ah ka lut a, mi thil post te ka en mai mai lai chuan ka mit ka tak thil ka hmu a, Judith-i nen kan in follow tih ka hre ve chiah. Thlalak nichin maiah khan a post a, pathum lai a ni, a hmasa berah chuan ammah chauh in a lang a, a dawt leh ah chuan mipa hnunglam a lang thung, chuan a kawr hal atang chuan ka hai lo, Mark ngei a ni, hna kal tura a chhuah a a coat hak rawng chiah chiah a ni, a pathum naah chuan an pahnih a restaurant changkang takah an chawlh lai ami a hmang a, ka na lo ka tihchuan dawt ka sawi a ni ngei ang.




Chutia thlalak ka lo en reng lai chuan ka phone a rawn ri thut a, a phu nghek bawk, Lizzy a lo ni, "Hello" ka ti sep a, "Ruthi, Judith-i thil post kha i hmu em?" a rawn ti nghal tawng a, "Engmaw?" hrelo ang tak chuan ka awm a, "Tun maiah khan thlalak a post thar a, Mark nen a an lak dun na te pawh a tel, chua a caption ah 🤍 a dah bawk a" a ti a, "Thian an nia, chuvang mai mai chu a niang" ka ti ringawt a, "Thian pawh nise kha chu a em em alawm, Mark be rawh, bialnu a nei em ni, chutiang a nih vaih zawngin a chaklo viau ang" thinrim takin a rawn ti hlak hlak a, "Engmah an inkar ah a awmlo ang" ka ti a, ka thil sawi ngei chu keimah pawh hian ka awih lo, "Zawt phawt rawh, khatiang thil a post ngam danah khan an inkar ah eng emaw a awm thei" a rawn ti leh a, ka ngawi vang vang a, "Tihpalh I rilru tih nawm loh nan a sawi ka nilo ania, ka ngaihtuah vang zawk che in a nia" a rawn ti leh sup a.




"Ka hria alawm, nuam lo ti duh suh, Mark chu ka lo zawt chiang dawn nia" ka ti a, Mark hi ka rin leh theih pawh ka in ring tawh lo e. Gabi chu ka pawm a, room lamah ka luh pui a, khumah chuan kan mu dun a, nizan lamah ka mu tha bawk silo nen ka lo chhung ve sek a. Ka hmai za mer mer ah chuan ka harh zawk a, Mark nen kan mit a in tawng chat, "Enge hetah i rawn tih?" ka ti hmak a, "Ka hmu mai silo cheu a" a ti sup a, "Chhuak tawh rawh" ka ti a, "Babe, engtik thleng nge ka lak atang hian in lak hran I tum?" a ti sup a, "Mark ka sawi tawh kha, ka ring theilo che, tunah phei chuan maw ka rilru diktak ka hrilh angche, nanghi rin leh che pawh ka duh tawh lo" ka ti a, a mit ah chuan natna ni awm tak chu a lang a, mahse hei pawh hi a lemchan na vek a nilo ang tih tuin nge hria.




Ni a liam ve zel a, Mark nen chuan kan inkar chu a hla telh telh a tih theih ang, no. hlang atangin thlalak ka dawng fo thin a, save lo mahila tunge a nih ka hrechiang lutuk tlat, Judith-i vek a ni. Mark nen an thlalak chu min rawn thawn nasa thin hle a, hlim hmel taka an awmdun lai te, restaurant a an chawlh dun na te, a tam lutuk, ka na thei em em a, chutiang thlalak ka hmuh apiang chuan ka thaw te hi a chham mai dawn in ka hria a, engmah rilru mumal ka pu theilo thin, ka awmdan hi ka in hrethiam lo, hetiang reng a awm ai chuan doctor hmuh mai teka duh rum rum tawh, thlalak min lo thawn tu no. block thin bawk mahila no. dang atangin min rawn thawn reng zel tho.




Thla thum lai a ral leh tawh, ka awmdan chu a mak telh telh ka ti mai, ngaihtuah na mak pui pui te ka nei a, ka a tawh hial in ka in hria. Hetiang reng a awm chu tha in ka hre ta lo, ka awmdan ah hia ka rilru lam a chuanglo ni ber in ka hria a, psychiatrist doctor hmuh vak ka ngai a ni. Lizzy chu ka bia a, damdawiin a min kalpui turin ka ngen a, a lo pawm ve mai, ka nu te in lamah ka kal a, Gabi chu a pi leh pute bulah dah in Lizzy nen chuan damdawiin lam kan pan a, ka chhungte tumah kan hrilh lo. Damdawiin kan thleng a, appointment ka siam sak tawh avangin nghah rei lutuk a ngai lo hlauh, ka awmdan te chu doctor ka hrilh a, "A lan dan chuan depression I nei niin ka hria" a ti a, "Doctor engtia in enkawl chi nge?" Lizzy chuan a lo ti vat a, keichu tawng pawh ka tawng tawh lo, "Lungngai reng reng suh u, damdawi ka chawh che anga, ei hun tur ka tih ah I ei chat chat dawn nia, chuan karkhat ah vawi hnih min rawn hmu thin bawk dawn nia" doctor chuan a ti a.




Damdawi min chawh te chu kan lei nghal a, "Harsatna I neih te chuan min hrilh hreh mah ta che, i thiannu ka nih mai bakah i unaunu ka ni a, ka lakah engmah i zep ka ringlo asin" a ti hlak hlak a, "Ka tihpalh ani, ka rilru a buai em a, enge sawi a sawi loh tur tunge ka rilru hah na te ka hrilh ang tih ka hrelo a ni" beidawng zet chuan ka ti a, "Awle, tun achun ah chuan ka lakah engmah zep nei tawh suh, i rilru hah na te chu min hrilh ve vek zel tawh dawn nia" a ti a, "Awle, ka ril a tam lutuk, thil ei ang" ka ti sep a, kan nui dun hak, restaurant ah chuan kan in zui lut a, "Ei I va han thei em em, a hma in hetiang zat zat I ei ngai bawk silo a" ka ti sep a ka ei ban zawng zawng a ei zo leh vek, "Nia, tunlai chu ka riltam reng a, ka thau dawn aniang" ngaihdam zetin a ti a.




"Ngawi teh, nanghi I rai anilo maw?" ka ti a, rum zetin min rawn melh a, "Rai awmlo emai a, ka thau dawn niang ka tih chu" a ti hlak a, "Ngaihtuah chiang teh, thla hmasa i period em?" ka ti a, a ngawi deuh vang vang a, chutah min rawn melh nghal vat a, "Period lo, tun ah lah thla tawp lam a ni tawh sia, i sawi ang khan ka rai aniang a?" a ti sup a, "Haw pain test kit kan lei dawn nia" ka ti a, "Awii... ka thin a phu nasa ka nu leh pa te tumah la hrilh suh aw, ka lo rai leh siloh khan a beidawng lutuk palh ang, ka test zawh ah ka lo rai te a nihchuan kan hrilh chauh dawn nia" a ti a, ka lo bu nghat nghat a. Phur zetin kan thutna atang chuan kan tho chhuak a, kan ei na man vek kan pek fel hnuah chhuah mai kan tum a, mahse kan mi tawh te avang chuan ka ding chawt a, restaurant chhungah chuan Mark leh Judith-i te chu an lo lut mek a, Mark chuan min rawn hmu ve nghal vat a, min hmu chu a in beisei vak lo aniang a mak ti hmel a pu a.




"Babe, hetah enge in tih a?" tiin ka hmaah chuan a rawn ding a, a hnungah chuan Judith-i chu a rawn ding ve nghal zat a, "Damdawi inah kan kal a, i nupui hi i ngaihsak tha tawk lo a ni Mark, a damlo tih pawh i hrelo ania" Lizzy chuan a ti a, Mark chuan chik zetin min en a, "I damlo amaw?" a ti sup a, "Ka tha" ka ti tawi tak a, "Engmah min hrilh silo a" a ti leh sup a, "Ka tha ka tih chu, I buai hmel si a, kan kal phawt mai ang" tiin Lizzy banah ka kai a, restaurant atang chuan kan chhuak nghal a, "Lizzy zawhna chu nakin lamah aw" Lizzy ang ham zuai tawh chu ka ti a. Ka awmdan chu min hriatthiam pui in engmah min zawt zawm tawh biklo, in lam chu kan pan a, pregnancy test kit chu kan lei nghal a.




In kan thleng a, Lizzy te nupa room ah chuan kan lut tlang nghal a, bathroom a Lizzy awm chu ka lo nghak ran a, a rawn chhuah chuan a muttui a tling pam a, ka hrethiam nghal, kan in kuah chawt a, room atang chuan chhuakin ka nu leh pate chu Lizzy chuan a hrilh a, ka u chu kan la hrilh lo thung, a rawn haw hunah hrilh kan tum a ni, Lizzy chuan ka u chu a phone a, rawn haw vat turin a tih avangin ka u chu hmanhmawh takin a rawn haw a, Lizzy in a rai thu a hrilh chuan ka u lawm lutuk chuan Lizzy chu pawm in a vir kual pui chiam a, ka nu in alo hauh takah chuan a duhtawk ve ta chiah. Lizzy chhungte chu an nupa chuan an hrih a, keiin Debo-i ka hrilh thung, kan chhung lmhnai vai te chu chaw ei turin kan sawm khawm hlawm a, U Dika leh Debo-i te pawh an lo kal dawn bawk.




"Mambawih, in pa i hrilh tawh em?" ka nu chuan a ti sep a, "La hrilh lo, a lo kal hman pawh ka ring chiah lo a" ka tihchuan "Chutah ringawt te chu a tha lo, a lo kal hman ang, hrilh rawh aw" a ti a, Mark chu ka phone a, a la vat, "Ka nu leh pate inah chaw ei khawm tur ania, Lizzy a rai a, ka nu in hrilh rawh min ti a, i hman chuan i lo kal ve dawn nia" ka ti nghal zung zung a, a hman pawh ka ring chuang lo, "Awle, ka lo kal dawn nia" ka beisei loh lutukin a ti sup a, "A that chu" tiin phone chu ka dah nghal daih a. Debo-i te an rawn thleng a, hmeichhe ho chu kan che zung zung a, ka u chuan Lizzy chu chet a phal ve tlat lo, Lizzy chuan a melh rawm rawm a, midang ho chu kan lo nui dar dar hlawm bawk a.




Midang hi chu a rawn thleng khawm hlawm a, Mark erawh an rawn la thleng lo thung, naupang an awm ve nual avangin Gabi pawhin nuam a ti viau, chaw ei dawn tep ah chuan Mark chu a rawn thleng a, midang ho chuan an lo be nghal a, kei erawh chuan ka ngaihven lem lo. Chaw te chu kan ei a, mi 40 dawn kan nia, kan thawm pawh a tha hle a, nuam kan ti tlang hlawm viau chuan ka hria, chaw eikham ah chuan kan thu khaw muang leh te te a, zan a tlai tak tak hma chuan kan chhungkaw thum chuan kan haw a, motor a kan chuan lai chuan Gabi chu a lo muhil leh hman a, mit a duh ka tih tawh kha, in kan thleng a ngawi reng in motor atang chuan ka chhuak a, Gabi ka pawm pah bawk room ah chuan chho in khumah ka mut a, Mark chuan min lo la zui zel a.




"Mut nghal mai ka duh, vawin lam ka chet na ka chau deuh bawk nen" ka ti sep a, Mark chuan chiang zetin min en a, chhuah mai a la tum hmel loh, "Chhuak tawh la, mut ka duh ka tih chu" ka ti leh a, "I damlo tih min hrilh lova" a ti sup a, "I tan a pawimawh hleinem, chubakah chutianga damlo nasa lutuk pawh ka ni chhuang lo a, hrilh kher che a ngai hleinem" ka ti a. A thaw chhuak hrawk a, "I pasal ka ni a, engkim min hrilh vek tur i ni, I damlo tih ngat phei chu a hre hmasa ber tur ka nia sin" a ti hrawih a, "Mark ka chua viau ania, in hnial mood ah pawh ka awm lo, khawngaihin chhuak tawh rawh, ka damlo tih i hriat vang maiin engmah tih theih i nei chuang hleinem, chuan min hmuh ang hian ka tha viau bawk, min ngaihsak ber awm ang khan awm tum suh" ka ti a, min en vang vang a, kawngka chu ka hawng a, muangchang a rawn kal phei in a chhuah hma chuan min en leh vang vang phawt a a chhuak fel chiah tih chuan kawngka chu kalh in ka thaw chhuak ham ham a, doctor in damdawi ei tur a min chawh ka ei zawh ah ka mu nghal a.



Cont....


Show post links
Top