Liliana POV
Kailawn a a rawn chhoh lai te chuan ka thaw chhuak hawk a, ka nui lui a "Zing Chibai Mr Cavalier" ka ti a, a ngai te bawkin chhanna ka dawng lo. Min kal pel a, hma lam a hawi tlat. Engmah a sawi lo, thawm pawh a chhuah lo. A perfume rim chu ka hnar ah a cham veng veng, kan inhnaih theih viau lai te kha ka mitthla ah a rawn lang leh a, a lam hnaiha min pawm lai te ka hrechhuak, ka chhip aṭanga ka ke ler thleng chuan ka mur nghal chiau. Inhnaih taka kan awm leh chu ka lo beisei leh viau, mahse a thleng lo maithei a ni. Carlos nen min hmu dun tawh bawk si a
Quebec ah chuan darkar kua lai kan thlawh a ngai dawn a, ka chak lem lo khawp mai. Ka ruahman na ah a tel lo hrim hrim bawk. Ka hahdam theih ve chhunah thawh a ngai hi ka hrethiam lo takzet. Ka lungawi lo lutuk a ka nu pawh ka biak theihnghilh daih Quebec ka pan tur hi ka hrilh lo re re. Tun thlengin kan thlawh rei dan tur pawh ka hre lo. Lungawi lo takin ka thaw halh a, kawngka chu phun deuh bul bul in ka khar a, Canada hi chu tlawh chak viau mah ila, Mr Cavalier a nawr chhuah chawp ngai ang hi chuan ka chak leh miah chuang lo. Carlos a hmachhawn nen khan a inang reng
Carlos kha lo hnial ngam ila ṭha tur, tuna ka awmdan hi a laklawh takzet, chhuahna kawng mai ka hre lo. Tu emaw hrilh ka duh, tupawh a ni mai, mahse min ngaihdan tur ka ngaihtuah hian ka ngaingam lo. Ṭhenkhat chuan tuar tu ah min ngai maithei, ṭhenkhat chuan min dem bawk ang a, engvanga sawi lo rei em em nge ka nih tih te thlengin, a hma chuan engvanga ngawi reng nge an nih ka ngaihtuah ve ṭhin a, ka tawn ve hnu hian ka hrethiam ta
Min pui bawm tu tur chu ka nei ṭha ang tih ka ring, ka chhungte min hmangaihna pawh a chak viau ang mahse zahna zawk kha a ni, an ngawih rengna khan hrehawm takin a siam awm si a. Ka taksa hi tinge hman a nih? Ka chhia leh ṭha hriatna hi hmanrua a hmang tur zawk ka ni asin. Tinge him lo riau a ka inhriat le?
Ka lu ka thing a, ka mittui a rawn hnam sawk, ka khap fuk a, tun hi a hun chu a ni lo
Frantz POV
Ka ṭhu fel chiah a Liliana chuan min hnungchhawn avangin ka va en a, a dar te chu kawngka a khar lai chuan a mar ut in ka hria, a thinrim viau ang tih ka hre mai e. Ka lam a rawn hawi hma in hnuai lam a melh a, a lu a thing a, a chau nge a lungawi lo ka hre lo, ka biak loh rei lutuk vang a ni thei mai ang em?
Mahse tu in nge min dem thei ang?
Lili hnaih theih dan tur ka ngaihtuah ngun in hun pawh ka pe tam viau, mahse min hnawl zel. A chhan a ka ngaih chu hmeichhe invawng fel tak a ni a, hna a dah sang thiamin hna thawh laia ngaihzawng neih a duh lo anih ka ring. A tawp ber kha chu a awihawm leh chiah lo, Carlos nen an lo inkuah vawng vawng anih kha. Ka phu lutuk hi sawi ngaihna pawh a awm lo. Hlim takin a infawh tir a, ka thisen te hi a sang zo dawn. Carlos chunga ṭuan a, Lili hi midang khawih theih loh tura lak bo mai te kha ka duh rum rum a, mahse a brakes ka rah a ngai alawm, dawhthei takin ka awm ang ka tih kha. Lili hi hlauthawng taka siam ka duh lo, ka bula awm turin ka tilui thei lo, insumtheihna a ngai khawp mai. Mahse a chang chuan dawhtheihna hi ka tlachham ve tho, Lili hi nawr chhen ta ila ka insum theihna hi ka hlau ang a thil ṭha lo tak a ni ang
Ka lam panin a rawn kal tih ka hriat chuan laptop chu ka lo en der leh a
A aw a thian kharh a "Zing Chabai Mr Cavalier, i inpeih chuan kan thlawk tawh dawn nia" a ṭawng dan aṭang chuan thil diklo a awm tih ka hre mai. Liliana chu ka en leh a, a mitmeng ah chuan lungngaihna a lang tlat. Ka lam a hawi miah lo te chuan ka ngaih a ti ṭha lo
Thil dik lo chu a awm ngei alawm, ka hre thei tlat. Hetianga hmuh hi ka duh lo ka inrin hma chuan ka lo bia a "Engkim a ṭha vek em Ms Chavez?" Ka ti a
A phu deuh zawk a, ka be thut chu mak a ti viau aniang, meng hnual rawih in a nui a "Engkim a ṭha vek e sir" ka ṭawng leh hma in a ṭhutna lam a pan daih
Ka kaltir ta phawt mai boruak ah kan thlawk chho a
He hmeichhia hi hriatthiam a har em a, tih thinur chu ka duh loh ber a ni. Fiamthu in min thah tur kha a sawi ngun em a, hun pe leh phawt ang. Hotel kan thlen hunah ka la zawt zawk mai ang
Liliana POV
Darkar riat leh minute sawmnga chhung chuan robot ang mai ka ni. Engmah hi ka ngaihtuah ṭha thei lo. Mr Cavalier a'n min rawn en ṭhin tih ka hria, ka thluak hi x ray a tum emaw tih tur hian min rawn en chiang, thil diklo awm hi a hre ve deuh emaw ni
Chhungril takin ka hah, a hre duh anih te chuan min zawh mai tur ania
Quebec kan thlen chuan ka puakkeh lo chauh tawh. Ka ngaihtuahna te hian min tichau zo, ka lungngaihna hian ka awm a hnawh tlat. Carlos ka ngaihtuah hian ka pum a tina vek thei. Ka chau lutuk hi ka ding ṭawk ṭawk. Ka hmachhawn ngam loh avangin keimah hi ka indem ngawih ngawih. Mi te ka hrilh loh avangin ka nat phah ta zawk ani
Mr Cavalier a'n thlawhna a chhuahsan hnu chuan a chhung tifaiin pilot te ka mangṭha a
Ka driver chu pa upa deuh a ni hlauh a, a lawmawm ka ti hle mai. Min titi pui lem lo a, hotel thleng him takin min thlah a. Manager chu a lo fel em em bawk a, chahbi min pe a
Hotel room ka thleng chiah ka chhungte hnenah inah ka awm loh thu ka hrilh zung zung a. Chamille ka bia/be leh a, ka rilru hahna hi ka hrikthlak a ngai a ni
"Hello?" Chamille aw chu a fimkhur hle mai
"Liliana ka nia" chang fawkin ka chhang a
"Hey, Lili i ṭha em-?" A sawi zo hman lo
"Tinge Carlos chungchang kha min hrilh miah loh?" Ka thin a rim khawp mai. Kan ngawi det a
"Hrilh se che ila min awih kher ang em? Min ankhum emaw i rilru a hneh ang a, kei zawk hi hmelma ah min chhuah duh mai ka ring alawm" a ti let ve a, ka khap fuk a hrethiam lo takin "Eng a?" Ka ti a
"Liliana, nun hlui a nei tih ka sawi kha. Nang chauh hi ka hrilhlawk sa i ni hleinem. Hmana ka ṭhian ka hrilh chuan lei hnuai ft 6 ah an hmuchhuak" a ti a
"Eng a?" Ka ti a
"Aw, inzawmna a neih pui a, mahse thuthang vel ka hriat avangin ka ṭhiannu chu ka hrilh a, ani in a lo zawt a, mahse a pha fai vek. A rilru a hneh sak a, va biak leh ka tum pawhin min a rawn chhuak duh lova. A harhchhuah kha chuan a lo tlai tawh lutuk. A chhuah theih nan puih ka tum a, ṭhen a tum khan a lo sawp hrep a, a pawngsual a, a overdosed tir bawk. Carlos khan a hnu a thup hneh lutuk a, finfiahna a ṭhat loh em avangin an chhuah ta alawm. Chuvang chuan ka pehhel char char a, mahse a mit i la tih ka hriat khan ka lo inrawlh vat alawm. Kan accident ni khan eng pawh lo ti ila, a neih ngei thu che a sawi a, chuvanga accident tawk kan ni" a tih chuan, min ṭhawng lutuk hi ka ṭawng chhuak mai lo
"Engtin nge hna a la thawh reng theih zawk?" Awih harsa ti zetin ka zawt a
"Carlos te ang hi chuan chhuahna hi an zawng zel a, sa pel tu ang an ni. Mi pangngai zinga khawsak an thiam a, hotute hnenah ka report a, mahse finfiahna a awm ṭhat loh avangin hma an la lo" chuai raihin min chhang a, ka na vawng vawng. Engtin nge ka chhuah tak ang?
"Awi leh Lili....khawngaihin i chungah a che tih min hrilh lo hram teh" Chamille chuan ka chhan dan tur a hre sa tho mai
"A ti tawh zawk....ka tihpalh Chamille ka dah phawt mai ang" phone chu ka dah a
Tihtur mai ka hre lo. Ka thinrim a, ka rilru a na bawk, min ṭhawng takzet a, a pawimawh ber chu ka hawihai lutuk hi a ni. Engtin nge Carlos a'n mawi lo deuhin min khawih tih ka finfiah ang? Engtin nge ka insawi chhuah theih ang le?
Ka ngaihtuahna a buai nak, thil tih awm lo tak ka ti ta a
Ka harh chhuah hma chuan Mr Cavalier kawngka ah ka ding reng tawh
A inbual zo chiah aniang, kawngka a rawn hawng a
Towel a veng a, ka hmaah a ding reng. Kawr a ha si lova, ka biang a sa nghal hut hut
"Ka tihpalh, ngaihdan ṭha lo tak a ni" kalsawn ka tum a, ka zak lutuk hi thih daih mai ka duh. Engvangin nge sawi lawk miah lo a ka va ṭhawn thut le?
A phun sup a, kawr a va ha nghal sawk sawk, kei ve thung chu ka chhuk thla hman daih. Ka kawngka kik ri ka hria a, amah a ni dawn tih ka hria, ka hawnsak duh lova
"Lili, min hawnsak duh loh pawhin hawn dan dang ka hria tih ka hriattir nawn leh duh che" Frantz a'n a ti a
"Chutiang a ngai lo, tihbuai che ka duh lo Mr Cavalier, ka tihpalh" tiin ka chhang a, kawngka khar reng chungin kan inbia a
"Ngaihdam min dil tawh lovin rawn hawng vat mai rawh" a ti leh a
"Engvangin?" Ka thin a rim leh ṭan dawn tlat
"A chhan maw? Ka kawngka ah hmai dang vekin i rawn inlan a, i tlanchhe leh a, min luh tir duh lo bawk" thil chiang sa chu min hrilh a
"Ka ṭha alawm, i rawn luh kher a ngai lo, duhthlanna ka siam thei mai lo a chuvang alawm" ka ti a, Mr Cavalier nen chauha awm dun chuan thil ṭha a chhuak lovang tih ka hria
"Liliana-" a ti a
"Min kalsan mai rawh!" Ka vin hrawk a, ka insum hman lo
Frantz POV
Liliana aw ki rawn danglam chuan min ṭhawng lutuk, ka lu thing in ka kalsan a, a duhdan ka zahsak mai a ngai
Room ah chuan ka lut a, thil diklo chu a awm ngei tih a chiang. Liliana hian tibuaitu a nei a ni. Ka rin ai a nasa daih a ni maithei. Nilo, chu aia thuk pawh a ni ang. Ka ngaihtuah chiam a, engin nge Liliana hi tibuai em em le, a nuna mi dang rawn tel ve ka hrechhuak chiah
Carlos
Liliana mood inthlak chhan ah hian Carlos hian telna a nei dawn chiang lutuk. Tihtur ka nei ta. Carlos hian ṭha lo takin a ti em ni ang, ka ngaihtuah zawng ringawt pawhin ka thin a tawt up up. Ka chhui chhunzawm ta zel a, Chamille i'n Carlos a lakah complaint a thehlut anih kha, mahse chhui zui a hlawh lo. Complaint a a lan dan aṭang chuan hmeichhia te a tiduhdah ṭhin. Mahse fiahna a awm ṭhat loh avangin hma an la lo anih kha
Ka chhui thuk leh deuh a, ka hnual ruih bawk. Chamille-i khan Carlos kha a pehhel zel a, Liliana lo lan aṭang chiah khan Carlos nen an accident anih kha. Khang te pawh kha rinhlelhawm ve tak a ni. Carlos hi ka thlithlai deuh a ngai ang
Liliana POV
Mr Cavalier kal liam hnu chuan ṭhutthleng ah ṭhu in ka ṭap feih feih a, ka buai dawn hle niin ka hria
Duhtawka ka ṭah tawh hnuah ka rilru hahna hi Netflix leh snacks eiin ka tlingtla ve mai a, Mr Cavalier a'n hna a nei a, amaha a thawh a ngai dawn si a keimah te tho a ka awm a ngai dawn a ni.
Kawngka kik ri ka hria a, Mr Cavalier chu a lo ding reng a, ka beisei loh lam tak a ni
Hawihhai tak leh ner nung chungin inchhungah ka luhtir a
Min kal pel a, room chhung lam a pan a, a ding thut a ka lam a rawn hawi a
Reilote chhung chu kan ngawi dun a, Mr Cavalier chuan min en reng, kei erawh chu ka hawi kual char char
Lai deuh chuan ka ding a, ka thin a rem ṭep zawk. Mr Cavalier ka duh tih chu ka pawm alawm. Mipa rinawm tak hmeichhiate zah thiam tak chu ni se chuan rei tak pawh kan inngaihzawng mai tur, mahse hmeichhia mutpui chiah a tum a ni si a
Min hriatthiam a tum tih ka hria, ka kut kuangkuah in ka aw ka thian a "Heta i lo kal hian chhan a nei em?" Mahni inveng tak chungin ka zawt a
Frantz POV
Ka dar ka chet zeuh a, ipte zen leh in "Carlos nen ka hmuh hnuah che u khan biak leh dan tur che ka zawng anih hi" ka inpawm thlap, thudik hriat ka duh alawm, min hrilh duh ang em tih a ni
"Mr Cavalier-"
"Ngaihdam min dil i tum chuan a ngai lo" eng vak mah a sawi hma chuan ka ti thut awlsam deuhin "Khatiang mipa kha maw i duhzawng chu?" Tia ka zawt leh chiah Liliana chuan chil a lem dawk
Liliana POV
Ni lo, Carlos hi ka duhzawng chu a ni lo
"I lo buai ve a ngai lo" ka ti a, Frantz chuan min hriatthiam hmel takin a bu nghut a
"Liliana" a rawn ti leh chiah
"Mr Cavalier khawngaihin chhuak rawh" ka aw a chang rat a, ka hawisawn daih, Frantz chu a hnual ve rawih "Liliana, inbiak ka duh mai chauh alawm-" a ti leh a
"Ka nun ania, i buai a ngai lo, min ngaithla em? A tir aṭang ka hrilh che kha, mutpui ringawt min tum chuan ka duh miah lo ka tih kha, mi fel tak anga awm tum suh, i thil tum chu engpawh ni rawh se, ka hlawhtlin tir lovang. Ka mutpui dawn re re lo che, min ngaihtuah ang khan lan tum lo mai rawh, keimaha awm ka duh, chhuak rawh" ka ti nghut a
"Liliana-" a ti leh chiah
"Chhuak rawh" ka au ring ngei mai. Frantz chu rawn hawi let tawh lovin a kal a
A tukah chuan haw turin kan inpuahchah a, ka mood a fuh tehchiam lo. Frantz kal hnu khan ka tihtur ber ka hre tawh lo. Carlos vang hian mi â ah ka chhuak takngial dawnin ka hria. Ka thinrim ka inbun chhuak a, a hma in tiang hian ka awm ngai lo. A lak aṭang ka tal chhuak ang ka ti a, mahse engtin? Carlos nen kan thawk dun a, ka chenna a hre bawk si
Ka ṭap leh char char a, Mr Cavalier a'n pawimawhna a nei ve tho mai. Min hnial miah lo a a awm danah te hian mutpui ah chauh min duh tih a lang reng. Min duh tak tak ni se chuan a chhan min zawt hrim hrim ang
Mr Cavalier ka vei tirh aṭang khan thinlung na tur hian ka inring sa a, zanin hian a rawn lang chhuak ta a ni
Frantz POV
Airport ah chuan kan inbe lo ang tluk a ni, boruak ah kan thlawk kang a, haw turin kan inpeih. Room ah ka inkalh khum daih a, ka thin a rim ve khawp mai. Min sawi danah khan ka sual hmel em a, ka phu tho mai. Ka hmeichhe mutpui tawh te phuba a rawn la ah ka ngai mai. Ka hmeichhe duh ve berin eng atan mah min ngai lo a, sa peltu ang ah chauh min ngai tih a hriatreng, mahse ka beidawng dawn lo
A teuh lo mai
Liliana POV
Ka zalen tawh ang chu ka ti a, mahse ka hma hun hi ka hre re re lo
*Warning: Hemi chapter bikah chuan chhiartu te tana ngaihthlak nuam lo a inṭan dawn chiah a, in duhthlanna ngeiin in chhiar dawn nia
Kan ṭum thla chiah a, Frantz chu rawn hawi tawh lovin a kal leh a. Carlos bawk a lo ding leh a, nui chungin ka lam a rawn pan a, in lam kan pan laiin titi a vawrh a.
Ka chenna tualah chuan a car a off a, ka nghilh nghal dup. Car chhungah awm turin min ti a, kawngka min hawn sak tumin a hel kual a. Ka hlau alawm zep tur a awm lo. Ka thin a phu leh dup dup, mawi lo takin min khawih leh ang tih mawlh ka hlau
Kawngka chu hawngin ka bag chu min pe a. Luak chhuak deuh chungin in mangṭha nan ka chuk zeuh a, ka kalsawn dawnah chuan min pawt let a "Inchhungah lut turin min sawm dawn lo em ni?" A ti a
"Carlos ka chau lutuk, mut vat ka duh" tih thinur hlau tak chungin ka hrilh a
"Ti teh duat, reilote chauh a ni ang" a lamah min pawt hnai a, ka nghawng a fawp a, ka ṭim uai uai
"Carlos zaninah chuan nilo" ka hnial ṭalh a, ka kawngah a kuah nghet sauh a
"Ka sawi chu min sawm mai rawh" min fawh a tum a
"Ni lo, Carlos, ni lo" chiang fak chuan ka hrilh a, a nui hul hak
Mit khap kar lekah chuan ka nghawng a rek a, a lamah min kuai her a, car hnung ah min nawr bet a, a belt leh zipper chu a phelh sawk sawk a
"A harsa zawng i duh te chuan..." a phun bul bul a, a ṭhian ṭha ber chu phawrh a chak hmel zek zek. Min chelhna aṭang tal chhuah ka tum a, mahse ka hrawk a rek bet lutuk chuan thawk harsa ka ti. Ka khawhmuh a fiah lo ruai, ka khur deuh hlawk hlawk
"Carlos duhtawk rawh, khawngaihin tawp rawh, khawngaihin!" Ka ti ṭawk ṭawk a, ka ṭap ṭuau, Carlos chuan min nawr na bawk si
"Inchhungah tih nan hun ka pe che a, mahse veng chhung zawng zawng hmuh ah hian aw niang" Carlos chuan a ti a, rapthlak ka ti takzet
"Tawp rawh! Min pui rawh u! Tu emaw khan khawngaihin min han pui hram teh u!" Ka insut hlawih hlawih a, ka kekawr rawn zen a tum a. Ka hawi kual vel a, tumah ka hmu lo, a reh ṭhiap, min hmu tu pawh an awm lo. Keimah chauh ka ni
"Ti teh Lili, min hlau suh, ka duh teh mai che ania" ka beng bulah a rawn phun leh sur sur a, ka hmulthi a ding vek, ka ten lutuk hi a ni tawp mai
Hei hi a thleng lo
Thil thleng thei a ni lo
"Carlos nilo" ka au leh vak a, chumi hnu chuan a reh hmak
"Liliana hi ka car chhungah va dah rawh" Frantz a'n thu a pe a, bodyguard lian pui chuan min hruai sawn a. Ka va hawi let leh chu Frantz a'n Carlos chu leiah a lo nam thlu a, a hmaiah a hnek siah siah mai
Thah a tum ngeiah ka ngai
"Ni lo, ni lo" an insual ṭhelh ka tum a, mahse bodyguard lian tak khan min lo dang tlat, car chhungah chuan ka awm reng
Chhuah ka tum leh a, mahse car an kalh daih. Frantz a'n Carlos a bei chiam lai chu ka thlir reng ringawt. Police pawh an rawn thleng vat a, tukverh chu ka beng a, an mit lak ka tum viau
Kawngka a rawn inhawng a, Frantz chu car chhungah a rawn lut a, chiang deuhin min rawn melh
Ka khur dar dar a, ka irhfiak nasa Frantz chu ka en leh a, a thim deuh bawk si nen a hlauhawm lek lek. A kutchang a thi a, a kawr ah pawh thi a kai hnuang. Min rawn en ve a, a thinrim hmel in mi that duh mai hmel a pu, ka hawisawn thei thlawt lo. Thawk harsa ka ti hle bawk
Frantz POV
Engmah sawi ka duh lo, chetsawn pawh ka tum lo a chhan chu ka insum theih loh ka hlau a ni. Ka thawk a buai niin ka hria mahse ka khawih duh rih lo, tunah rih chuan ka thin a rim em a, ka tina palh ang tih ka hlau. Carlos nen khan ka zui ru reng a, Armagio ka bodyguard hnenah Police va hriattir vat turin ka hrilh anih kha
A aia nasa pawh hian ka la che thei asin
Liliana hmai dang pup chu ka en reng a, nikhaw hre lovin a tlu riai riai a
"Min hruai haw rawh" Driver chu thu ka pe a
****
Chhunzawm tur
Show post links
Top
LOVING MR CAVALIER BY Bee Hlutei (Completed)
Liliana POV
Tui herh haw ri ah chuan ka harh a, ka meng duh mai lo, ka ding lam a ka inlet thawk a, puan lum chu sin ṭha in a rim chu ka hnim vang vang, ka lo suangtuah ṭhin rim ngei a ni. Ka nui seih a, ka mumang ah Mr Cavalier chu star a lo ni a, mattress ah chuan ka tal vel a ka muhil leh ṭep tihin Ferrari ke ring deuha tawp chat ri ka hria a
Ka meng kawk mai, ka ṭhu ṭha vat a, ka lu a hai muai muai, ka kut pahnih chu puanin phuar a ni a, mahse ka che thei tho. Room chhung chu ka melh kual a, ka thawk a rang telh telh. Khum lian lutuk ah ka lo awm reng, a lai takah an dah a. Ka vei lamah chuan ceiling tukverh a awm, kawngka tukverh chuan bathlar a pawh a, inchhung bungrua leh hmun zau zawk a awm leh a, a var eng lam leh chhawhchhi rawng chawhpawlh a ni
Puanzar chu a var a ni a, ni zung lo kal a hliah lo re re. A kawm deuh ah ṭhut khawmna a awm a, inhmangaih te ṭhutna ni awm tak leh coffee in na dawhkan tv hmachhawn zawngin a awm bawk. Khum lam hawi zawngin bathroom a awm a, tui herh haw ri a hriat theih. Ka awmna aṭanga hla ve feah kawngka inkhar a awm bawk. Ka inbengdaih hnu chuan ka kut phuar na chu phelh ka han tum a, ka enchiang chu puan hnuaiah chuan handcuff a lo ni
Second tin mai chuan ka thawveng lo telh telh. Mr Cavalier room ah ka awm anih ka ring. Mahse engtin nge helai ka thlen theih? Nimina ka thil tawn vel chu ka chhui kir a, ka mitthla ah a rawn lang leh zut zut. Quebec ah Mr Cavalier nen khan kan inhnial a, kan thlawh haw hnu ah Carlos a'n min hruai haw a chuan.....chuan
Ka lu ka thing a, ka lu a na ut ut. Ka thaw halh a, ka ngaihtuah chhunzawm leh Carlos a'n inchhung luh min dil a, ka lo duh lo a, car ah min rek bet a, thil ṭha lo tih a tum lai takin Frantz a rawn kal a, thisen a chhuak nasa, ka thaw thei tawh lo
Frantz chuan min lo melh chiang lutuk, ka inthiam lo rum rum thei mai dawn alawm le. Thawk harsa ka ti tlat. Min hrem a tum ni awm tak a ni. Chiang lehzual in min rawn thlek a, boruak ka tlachham ta, a thim vek
"I rawn harh ta chu a lawmawm e" Frantz a'n a rawn tih chuan ka zuang chhuak lo chauh. A mitko a san a, kawr var leh jogger grey rawng a ha a, thaw ka la kawk. Ka lu ka thing a, ka harh chiang ta kawk, ka kut chu ka en a "tak tak in maw?" Ka ti a
"Aw tak tak in. I atna lo nan ka ti a ni an sawi ṭhin kha i hria em?" Thil chiang sa sawi ang maiin ka ti hlut a
"Tinge hetah ka awm?" Ka awki chu a nelawm hran lem lo
"Zankhua in i ṭha em tih ka chian a ngai alawm" awlsam deuhin min chhang a, khum bula stool ah chuan a rawn ṭhu a
Thil dang a sawi ring in ka lo nghak char char ani pawh a ngawi reng
"Min hmuh ang hian ka ṭha e" ka ti hmak a
"Ni e" a ti ve mai bawk
"Chuan?" Ka mitko ka san a
"Chuan eng nge?" Hriat loh hmel takin min zawt let a
"Chuan min kaltir rawh" ka nuar lo chauh
"Aih" a rawn ti nghal zat
"Aih a?" Ka aw rawl ka chhuah ring khawp mai
A bu nghut a, kawngka lam a pan a "Ei tur ka va la ang e" tih leh chhuah a rual a, engmah ka sawi hman lo
Ka chhuah theih beiseiin ka hawi kual ruai a, a hnuah erawh ka kut phuarna vangin ka beidawng leh viau mai
Reilote hnuah Mr Cavalier chuan tray a rawn nawr lut a, ei tur ṭhahnem tak tui hmel tak tak a ni. Ka hmaah chuan a rawn chhawp a, ka kut pawh a phelh chiah. Pancake lian tak pahnih leh thei bowl khat, orange juice a tel bawk. Ka duh lo tih sawi ka tum chiah ka pum a rawn ri kawrh a, hnawl thei ziazang ka ni lo
Lai deuhin chil ka lem dawk a, ka biang a sen vek. A hre ve tho aniang engmah chu a sawi lem lo
"Ka lawm e" zawi sapin ka ti a, Frantz chuan a lu a bu nghut a, a plate a pancake chu a ei zo vat
Pancake pahnihna ka ei lai chuan juice a in a, thei a ei leh zeuh bawk, thil ei pawh chu ka lai tawh hle mai min lo thlir reng a
"Khatianga min en reng chuan ka ei thei lo ania" ka tih veleh a tho thurh a, ṭhuthmun lam a pan a, a laptop hawng in engemaw a type zut zut a. A chet dan avang chuan ka nui leh seih a engmah chu ka sawi zui lo. A rinna ka hlawh chhuah vat a, min kaltir ka beisei a ni
Juice in ka tum leh chiah thil hriatchhuah nei leh thut in ka phu zawk a, ka lam a rawn hawi vat "Ka nu" ka ti a
"Ka be tawh a, ka bula i awm thu ka hrilh e" a rawn ti a, ka meng bial kawk a, mak tiin ka ka hau lo chauh
A mitko a rawn san a, eng nge ka ngaihtuah tih a hre lo tih a langreng
"Ka nu i bia maw?" Mak ti deuh si rilru hah deuh bawk zak bawk siin ka zawt a
"Aw, nu ngainat awm tak a ni" sam et chuan a ti a, bu leh nghauh in a laptop bawk chu a bih leh a, awih harsa ka ti hle mai
"Nang kha...ka nu i bia" zawh ka tum na in ka sawi zawk a
"Aw" a ti ve leh mai bawk a
"A ṭha hle mai...." ka ti chuai raih a, amah chu melh leh in "Ka chungchang kha i hrilh em?....I hre mai ang a" zak deuh bawk siin ka riat nawk nawk a
Frantz POV
"Hrilh lo" tiin ka chhang a, thawk ka la hulh a "Tinge engmah i sawi loh a Lili? Engtia rei nge mawi lo takin i chungah a chet?" Ka zawt phawng a, ka hre duh alawm a chhan chu Carlos a tihdan aṭang khan a phalna tel lo in a khawih tawh tih a chiang reng mai
Liliana POV
Thal in ka inhungna bang a rawn deng dawt ang mai a ni. Ka thaw halh a, ka chaw ei te chu a tui lo zo vek "I lo buai a ngai lo Mr Cavalier" ka ring thei lo, nilo rin ka duh lo zawk
A lu a thing a "Liliana ka puih che remti hram rawh" a ti a, beidawn hi a tum loh hmel khawp mai
"Eng nge hetah ka tih Frantz?" Ka ankhum leh hmak a. Amah nen chauh a kan awm chuan thil ṭha a chhuak dawn lo tih ka hria
"Puih che ka duh mai alawm" thutak deuhin min hrilh a, a tih tak hmel khawp mai
"I khawngaih ka ngai lo Frantz, ka inenkawl thei, i puih ka ngai lo" engmah a sawi hman hma in ka ti leh fuk a. A puih ka ngai lo, ka ngai lo tak tak
Min rawn en hniam a, a hmui a liak zeuh a, lu bu leh zeuh in "I inhmeh tawk chiah Ms Chavez" ka ding thut a, ka lam a rawn pan a, kan thil eina tray chu a nawr chhuak bawk. Reilote ah a rawn let leh a, ngawi rengin ka kut a phelh a, a chhuak leh daih
Kawngka kalh ri ka hria a, ka hawi chhuak nghal, ka thlarau in ka taksa a chhuahsan ang mai hi a ni
"Ni lo, ni lo, ni lo" ka tlan kual a, hawn tumin ka bei nasa, mahse thing tum ang mai a ni. Ka sawi vak vak a, kan boss mi tang ka ni ta ber mai.
Thinrim takin ka thaw hawk hawk a, ka mittui a rawn hnam ṭial ṭial, a hnuah phei chuan ka ṭap chhuak chiam. Lukham chu ka paih a, a chang leh ka hnek thul, ka sawisa nasa. Tun kar chhunga thil thleng hi engmah ka hrethiam lo. Thingtlang nula ve mai kha engtin nge mi thah hmang leh tualthattu mi tang ah ka ṭan theih le? Tunah ve thung kan boss in min khung a, min chhuahtir mai a tum hmel loh hle mai
Ka hlau ru khawp mai. Carlos a min tih ang khan a ti ve mai ang em tih ah hian ka chiang lo? A aia nasa in lo che ta se? Kalna tur ka nei tawh lo. Amah nen chauh kan awm a, helai hmun pawh hi ka hrechiang lo. Ka sam chu ka tuai zeuh a thawk a har ṭalh, ka dar te hi a kham vek, ka khur der der, ka hrawk leh awm te hi a tawt vek, ka lu a haiin ka irhfiak nasa
Ka damlo mai dawnin ka hria. Ka chil te chu a thur vek, ka hrawk ah a tang vek. Ka tihrawl te pawh a na vek, pawh sawm mai theih ang mai ka ni. Carlos khan min tichhe vek ni maiin ka hria. Ka hnute leh ka mawng a ṭham na te kha ka mitthla ah a la lang reng. Ka â thei mai dawn. Ka inbual vat, Mr Cavalier bathroom pawh nise pawi tihna ka nei lo
Tui chu a sa thei ang berin ka herh haw a. Ka kut tin chuan ka inchhun nasa, ka innuai vak vak a, shampoo chuan min tihfai ka beisei a ni. Darthlalang a ka inen apiangin nuam lo ka ti telh telh, ka khuh a, ka irhfiak zui a, zing a ka thil ei zawng zawng ka bun chhuak vek. Ka thawk a buai a, ka mittui a tling pam. Ka lu a hai a, a vawi hnihna atan ka bun chhuak leh a, ka kut chu bang ah ka sawh a, boruak ka tlachham leh ta. Ka hrawk dawt chu a hnawh leh tlat
Ka inhnit faih faih a, hahdam ka mamawh. Ka taksa hi a chau ngawih ngawih, Carlos ka hmachhawn anga ka ngaih hian ka tha a ti ṭhum vek hlauhna in min tuam mup
"Frantz-" ka au a, ka ding ngil thei lo. Nikhaw hre lovin ka awm mai ka hlau, keimah chauha awm ka duh lo asin. Ka thawk a buai leh ṭep, Frantz a ka ngai. Ka mamawh khawp mai. Rin chhan tur nghet tak ka duh
"FRANTZ!" Ka au leh vak a, arsi te nhi ka hmu chuai chuai, ka thi mai dawnin ka hria. Ka ka chhung chu a rimtui lo khawp mai. Ka kam ka ṭhuah a. Ka inhnit faih faih, shower chuan ka la inphuh char char
Ka awmah ka kut ka nghat a, bathtub ah chuan ka tlu zal a, tui chuan min len delh delh a. Ka mit ka chhing vang vang a, ka khur beuh beuh. Ka hmulthi a ding a, ka ha chu a inkhawng hlek hlek. Ka hnar a sen vek tawh, ka mit pawh a na vek. A vawt ka ti, keimahin ka awm a, ka chak tawk si lo. Ka nu, ka pa, Chamille i leh a fa phir te ka mitthla ah an rawn lang. Ka mit chhingin ka irh leh awk a, a tawp berah Mr Cavalier ka ngaihtuah a. Ka zah em avangin ka taksa ka chhuan ve em em pawh hi engmah lo ang mai a ni
Ka awm lian tak te leh ka mawng bawr lian lutuk lo te leh ka pian mawi tak te hi. Midang tan inchei lovin keima tan ka inchei ṭhin. Jogger leh t shirt lian deuh hak nuam ka ti a. Nuamsa taka ka awm ṭhin na te kha engmah lo mai an ni. Ka inrintawkna zawng zawng leh ka in chhuanna zawng zawng hi Carlos khan min tih chhiat sak vek a ni
Chhuat ah chuan ka khur beuh beuh, naupangte ṭhian ngah vak lo ṭhin kha ka hrechhuak. Amah te a a awm apiangin a zai ret ret ṭhin a, mahni a inkhawngaih hle ṭhin. Kum 24 ka ni tawh a, eng hla nge ka sak ṭhin tih kha ka hre tawh lo re re. Tui ri ah chuan music ka siam a, ka thinlung na hi a zia phah deuh
Mutthilh ka duh, chhuahna awm se ka ti hle mai, kal mai ka duh tawh
Ka bo takzet, khawvel tak aṭang hian thamral daih ka chak. Bathtub chhuat pawh hian min khuh daih se ka duh. Tui pawh hi a vawt tawh lo. Min len delh delh in ka hria, ka mut a chhuak. Ka mamawh hle alawm
"Liliana?" Frantz a aw chu ka bengah a khawk rum rum, ka harh deuh hawk mahse ka chiang lo tlat
"Awi leh!" A tih ri ka hre leh a, mahse shower riin a hliah leh vek, tui vawt tak hian ka taksa dang lap hi a rawn tleng a. Zan khaw vawt tak hnuaiah ka vun a chuar mai dawnin ka hria
Towel chuan min rawn khuh tu an awm, Frantz chu tub ah a rawn pen lut a, min kaitho a
Frantz POV
Toilet ah chuan ka ṭhuttir a, ka kawr lian tak chu ka hak tir a, zah takin ka hru hul a. A pawi lai tur chu engmah ka khawih lo, ser siam sak ka duh lo. Jogger chu ka hak tir a, a mitah tak ka en a, Liliana chu mi â ang mai a ni. Muangchangin a che a, a melh ngai a melh reng. Engmah ngaihtuah a duh lo tih a chiang. A hlau anih ka ring, a hrethiamlo hle tih pawh a lang. Hmeichhia te tuar tir ṭhin mipa hi ka huat zawng tak an ni. Liliana ber kher an lo bei lehnghal
Siamṭhat ka duh, puih pawh ka duh mahse a ngaihna ka hre lo
Ka thaw huk a, a sam ka ti hul leh a, ka khuih sak zawh ah ka thiam ang tawkin ka ṭawn a. Kum thum chhung Christina nen kan inngaihzawn hnu khan hmeichhia tih dan chu ka hre ve deuh, an sam buai chuar deuha dah hi an duh lo tih ka hria. Ka lo buai mawlh mawlh lai chuan Liliana chu a rawn ṭawng chhuak a "Tinge Keimah chauha min awmtir?" a aw a lawi rut a ka thinlung a tina ngei mai
****
Chhunzawm tur
Show post links
Top
Tui herh haw ri ah chuan ka harh a, ka meng duh mai lo, ka ding lam a ka inlet thawk a, puan lum chu sin ṭha in a rim chu ka hnim vang vang, ka lo suangtuah ṭhin rim ngei a ni. Ka nui seih a, ka mumang ah Mr Cavalier chu star a lo ni a, mattress ah chuan ka tal vel a ka muhil leh ṭep tihin Ferrari ke ring deuha tawp chat ri ka hria a
Ka meng kawk mai, ka ṭhu ṭha vat a, ka lu a hai muai muai, ka kut pahnih chu puanin phuar a ni a, mahse ka che thei tho. Room chhung chu ka melh kual a, ka thawk a rang telh telh. Khum lian lutuk ah ka lo awm reng, a lai takah an dah a. Ka vei lamah chuan ceiling tukverh a awm, kawngka tukverh chuan bathlar a pawh a, inchhung bungrua leh hmun zau zawk a awm leh a, a var eng lam leh chhawhchhi rawng chawhpawlh a ni
Puanzar chu a var a ni a, ni zung lo kal a hliah lo re re. A kawm deuh ah ṭhut khawmna a awm a, inhmangaih te ṭhutna ni awm tak leh coffee in na dawhkan tv hmachhawn zawngin a awm bawk. Khum lam hawi zawngin bathroom a awm a, tui herh haw ri a hriat theih. Ka awmna aṭanga hla ve feah kawngka inkhar a awm bawk. Ka inbengdaih hnu chuan ka kut phuar na chu phelh ka han tum a, ka enchiang chu puan hnuaiah chuan handcuff a lo ni
Second tin mai chuan ka thawveng lo telh telh. Mr Cavalier room ah ka awm anih ka ring. Mahse engtin nge helai ka thlen theih? Nimina ka thil tawn vel chu ka chhui kir a, ka mitthla ah a rawn lang leh zut zut. Quebec ah Mr Cavalier nen khan kan inhnial a, kan thlawh haw hnu ah Carlos a'n min hruai haw a chuan.....chuan
Ka lu ka thing a, ka lu a na ut ut. Ka thaw halh a, ka ngaihtuah chhunzawm leh Carlos a'n inchhung luh min dil a, ka lo duh lo a, car ah min rek bet a, thil ṭha lo tih a tum lai takin Frantz a rawn kal a, thisen a chhuak nasa, ka thaw thei tawh lo
Frantz chuan min lo melh chiang lutuk, ka inthiam lo rum rum thei mai dawn alawm le. Thawk harsa ka ti tlat. Min hrem a tum ni awm tak a ni. Chiang lehzual in min rawn thlek a, boruak ka tlachham ta, a thim vek
"I rawn harh ta chu a lawmawm e" Frantz a'n a rawn tih chuan ka zuang chhuak lo chauh. A mitko a san a, kawr var leh jogger grey rawng a ha a, thaw ka la kawk. Ka lu ka thing a, ka harh chiang ta kawk, ka kut chu ka en a "tak tak in maw?" Ka ti a
"Aw tak tak in. I atna lo nan ka ti a ni an sawi ṭhin kha i hria em?" Thil chiang sa sawi ang maiin ka ti hlut a
"Tinge hetah ka awm?" Ka awki chu a nelawm hran lem lo
"Zankhua in i ṭha em tih ka chian a ngai alawm" awlsam deuhin min chhang a, khum bula stool ah chuan a rawn ṭhu a
Thil dang a sawi ring in ka lo nghak char char ani pawh a ngawi reng
"Min hmuh ang hian ka ṭha e" ka ti hmak a
"Ni e" a ti ve mai bawk
"Chuan?" Ka mitko ka san a
"Chuan eng nge?" Hriat loh hmel takin min zawt let a
"Chuan min kaltir rawh" ka nuar lo chauh
"Aih" a rawn ti nghal zat
"Aih a?" Ka aw rawl ka chhuah ring khawp mai
A bu nghut a, kawngka lam a pan a "Ei tur ka va la ang e" tih leh chhuah a rual a, engmah ka sawi hman lo
Ka chhuah theih beiseiin ka hawi kual ruai a, a hnuah erawh ka kut phuarna vangin ka beidawng leh viau mai
Reilote hnuah Mr Cavalier chuan tray a rawn nawr lut a, ei tur ṭhahnem tak tui hmel tak tak a ni. Ka hmaah chuan a rawn chhawp a, ka kut pawh a phelh chiah. Pancake lian tak pahnih leh thei bowl khat, orange juice a tel bawk. Ka duh lo tih sawi ka tum chiah ka pum a rawn ri kawrh a, hnawl thei ziazang ka ni lo
Lai deuhin chil ka lem dawk a, ka biang a sen vek. A hre ve tho aniang engmah chu a sawi lem lo
"Ka lawm e" zawi sapin ka ti a, Frantz chuan a lu a bu nghut a, a plate a pancake chu a ei zo vat
Pancake pahnihna ka ei lai chuan juice a in a, thei a ei leh zeuh bawk, thil ei pawh chu ka lai tawh hle mai min lo thlir reng a
"Khatianga min en reng chuan ka ei thei lo ania" ka tih veleh a tho thurh a, ṭhuthmun lam a pan a, a laptop hawng in engemaw a type zut zut a. A chet dan avang chuan ka nui leh seih a engmah chu ka sawi zui lo. A rinna ka hlawh chhuah vat a, min kaltir ka beisei a ni
Juice in ka tum leh chiah thil hriatchhuah nei leh thut in ka phu zawk a, ka lam a rawn hawi vat "Ka nu" ka ti a
"Ka be tawh a, ka bula i awm thu ka hrilh e" a rawn ti a, ka meng bial kawk a, mak tiin ka ka hau lo chauh
A mitko a rawn san a, eng nge ka ngaihtuah tih a hre lo tih a langreng
"Ka nu i bia maw?" Mak ti deuh si rilru hah deuh bawk zak bawk siin ka zawt a
"Aw, nu ngainat awm tak a ni" sam et chuan a ti a, bu leh nghauh in a laptop bawk chu a bih leh a, awih harsa ka ti hle mai
"Nang kha...ka nu i bia" zawh ka tum na in ka sawi zawk a
"Aw" a ti ve leh mai bawk a
"A ṭha hle mai...." ka ti chuai raih a, amah chu melh leh in "Ka chungchang kha i hrilh em?....I hre mai ang a" zak deuh bawk siin ka riat nawk nawk a
Frantz POV
"Hrilh lo" tiin ka chhang a, thawk ka la hulh a "Tinge engmah i sawi loh a Lili? Engtia rei nge mawi lo takin i chungah a chet?" Ka zawt phawng a, ka hre duh alawm a chhan chu Carlos a tihdan aṭang khan a phalna tel lo in a khawih tawh tih a chiang reng mai
Liliana POV
Thal in ka inhungna bang a rawn deng dawt ang mai a ni. Ka thaw halh a, ka chaw ei te chu a tui lo zo vek "I lo buai a ngai lo Mr Cavalier" ka ring thei lo, nilo rin ka duh lo zawk
A lu a thing a "Liliana ka puih che remti hram rawh" a ti a, beidawn hi a tum loh hmel khawp mai
"Eng nge hetah ka tih Frantz?" Ka ankhum leh hmak a. Amah nen chauh a kan awm chuan thil ṭha a chhuak dawn lo tih ka hria
"Puih che ka duh mai alawm" thutak deuhin min hrilh a, a tih tak hmel khawp mai
"I khawngaih ka ngai lo Frantz, ka inenkawl thei, i puih ka ngai lo" engmah a sawi hman hma in ka ti leh fuk a. A puih ka ngai lo, ka ngai lo tak tak
Min rawn en hniam a, a hmui a liak zeuh a, lu bu leh zeuh in "I inhmeh tawk chiah Ms Chavez" ka ding thut a, ka lam a rawn pan a, kan thil eina tray chu a nawr chhuak bawk. Reilote ah a rawn let leh a, ngawi rengin ka kut a phelh a, a chhuak leh daih
Kawngka kalh ri ka hria a, ka hawi chhuak nghal, ka thlarau in ka taksa a chhuahsan ang mai hi a ni
"Ni lo, ni lo, ni lo" ka tlan kual a, hawn tumin ka bei nasa, mahse thing tum ang mai a ni. Ka sawi vak vak a, kan boss mi tang ka ni ta ber mai.
Thinrim takin ka thaw hawk hawk a, ka mittui a rawn hnam ṭial ṭial, a hnuah phei chuan ka ṭap chhuak chiam. Lukham chu ka paih a, a chang leh ka hnek thul, ka sawisa nasa. Tun kar chhunga thil thleng hi engmah ka hrethiam lo. Thingtlang nula ve mai kha engtin nge mi thah hmang leh tualthattu mi tang ah ka ṭan theih le? Tunah ve thung kan boss in min khung a, min chhuahtir mai a tum hmel loh hle mai
Ka hlau ru khawp mai. Carlos a min tih ang khan a ti ve mai ang em tih ah hian ka chiang lo? A aia nasa in lo che ta se? Kalna tur ka nei tawh lo. Amah nen chauh kan awm a, helai hmun pawh hi ka hrechiang lo. Ka sam chu ka tuai zeuh a thawk a har ṭalh, ka dar te hi a kham vek, ka khur der der, ka hrawk leh awm te hi a tawt vek, ka lu a haiin ka irhfiak nasa
Ka damlo mai dawnin ka hria. Ka chil te chu a thur vek, ka hrawk ah a tang vek. Ka tihrawl te pawh a na vek, pawh sawm mai theih ang mai ka ni. Carlos khan min tichhe vek ni maiin ka hria. Ka hnute leh ka mawng a ṭham na te kha ka mitthla ah a la lang reng. Ka â thei mai dawn. Ka inbual vat, Mr Cavalier bathroom pawh nise pawi tihna ka nei lo
Tui chu a sa thei ang berin ka herh haw a. Ka kut tin chuan ka inchhun nasa, ka innuai vak vak a, shampoo chuan min tihfai ka beisei a ni. Darthlalang a ka inen apiangin nuam lo ka ti telh telh, ka khuh a, ka irhfiak zui a, zing a ka thil ei zawng zawng ka bun chhuak vek. Ka thawk a buai a, ka mittui a tling pam. Ka lu a hai a, a vawi hnihna atan ka bun chhuak leh a, ka kut chu bang ah ka sawh a, boruak ka tlachham leh ta. Ka hrawk dawt chu a hnawh leh tlat
Ka inhnit faih faih a, hahdam ka mamawh. Ka taksa hi a chau ngawih ngawih, Carlos ka hmachhawn anga ka ngaih hian ka tha a ti ṭhum vek hlauhna in min tuam mup
"Frantz-" ka au a, ka ding ngil thei lo. Nikhaw hre lovin ka awm mai ka hlau, keimah chauha awm ka duh lo asin. Ka thawk a buai leh ṭep, Frantz a ka ngai. Ka mamawh khawp mai. Rin chhan tur nghet tak ka duh
"FRANTZ!" Ka au leh vak a, arsi te nhi ka hmu chuai chuai, ka thi mai dawnin ka hria. Ka ka chhung chu a rimtui lo khawp mai. Ka kam ka ṭhuah a. Ka inhnit faih faih, shower chuan ka la inphuh char char
Ka awmah ka kut ka nghat a, bathtub ah chuan ka tlu zal a, tui chuan min len delh delh a. Ka mit ka chhing vang vang a, ka khur beuh beuh. Ka hmulthi a ding a, ka ha chu a inkhawng hlek hlek. Ka hnar a sen vek tawh, ka mit pawh a na vek. A vawt ka ti, keimahin ka awm a, ka chak tawk si lo. Ka nu, ka pa, Chamille i leh a fa phir te ka mitthla ah an rawn lang. Ka mit chhingin ka irh leh awk a, a tawp berah Mr Cavalier ka ngaihtuah a. Ka zah em avangin ka taksa ka chhuan ve em em pawh hi engmah lo ang mai a ni
Ka awm lian tak te leh ka mawng bawr lian lutuk lo te leh ka pian mawi tak te hi. Midang tan inchei lovin keima tan ka inchei ṭhin. Jogger leh t shirt lian deuh hak nuam ka ti a. Nuamsa taka ka awm ṭhin na te kha engmah lo mai an ni. Ka inrintawkna zawng zawng leh ka in chhuanna zawng zawng hi Carlos khan min tih chhiat sak vek a ni
Chhuat ah chuan ka khur beuh beuh, naupangte ṭhian ngah vak lo ṭhin kha ka hrechhuak. Amah te a a awm apiangin a zai ret ret ṭhin a, mahni a inkhawngaih hle ṭhin. Kum 24 ka ni tawh a, eng hla nge ka sak ṭhin tih kha ka hre tawh lo re re. Tui ri ah chuan music ka siam a, ka thinlung na hi a zia phah deuh
Mutthilh ka duh, chhuahna awm se ka ti hle mai, kal mai ka duh tawh
Ka bo takzet, khawvel tak aṭang hian thamral daih ka chak. Bathtub chhuat pawh hian min khuh daih se ka duh. Tui pawh hi a vawt tawh lo. Min len delh delh in ka hria, ka mut a chhuak. Ka mamawh hle alawm
"Liliana?" Frantz a aw chu ka bengah a khawk rum rum, ka harh deuh hawk mahse ka chiang lo tlat
"Awi leh!" A tih ri ka hre leh a, mahse shower riin a hliah leh vek, tui vawt tak hian ka taksa dang lap hi a rawn tleng a. Zan khaw vawt tak hnuaiah ka vun a chuar mai dawnin ka hria
Towel chuan min rawn khuh tu an awm, Frantz chu tub ah a rawn pen lut a, min kaitho a
Frantz POV
Toilet ah chuan ka ṭhuttir a, ka kawr lian tak chu ka hak tir a, zah takin ka hru hul a. A pawi lai tur chu engmah ka khawih lo, ser siam sak ka duh lo. Jogger chu ka hak tir a, a mitah tak ka en a, Liliana chu mi â ang mai a ni. Muangchangin a che a, a melh ngai a melh reng. Engmah ngaihtuah a duh lo tih a chiang. A hlau anih ka ring, a hrethiamlo hle tih pawh a lang. Hmeichhia te tuar tir ṭhin mipa hi ka huat zawng tak an ni. Liliana ber kher an lo bei lehnghal
Siamṭhat ka duh, puih pawh ka duh mahse a ngaihna ka hre lo
Ka thaw huk a, a sam ka ti hul leh a, ka khuih sak zawh ah ka thiam ang tawkin ka ṭawn a. Kum thum chhung Christina nen kan inngaihzawn hnu khan hmeichhia tih dan chu ka hre ve deuh, an sam buai chuar deuha dah hi an duh lo tih ka hria. Ka lo buai mawlh mawlh lai chuan Liliana chu a rawn ṭawng chhuak a "Tinge Keimah chauha min awmtir?" a aw a lawi rut a ka thinlung a tina ngei mai
****
Chhunzawm tur
Show post links
Top
| Link: | |
| BBcode: | |
| HTML: | |
| Hide post links |
Frantz POV
Liliana tui taka a muhil lai chu ka en reng a, a biang chu ka chul heuh heuh a, a vun nem tak mai chuan min nui in ka thaw huk bawk. Dim deuhin tih harh hlau takin ka awm. Bathroom ah min chhuahchhal hnu khan a sawi awmzia ka zawt a, mahse a ngawi reng. A sam ka khuih zawh chuan khumah ka pawm phei a, ka mut zal tir a, a ngawih reng hnuah a lo muhil daih. A muhil lai hi mi â ang maiin ka en reng anih hi
Ka lu ka thing a, ka kut ka la sawn a, thaw chhuak leh hawk in room chu ka chhuahsan a. Kawngka chu ka kalh tawh em lo. Choka panin ka chhuk a, glass a scotch inthli sa chu ka banin ṭhutthleng ah ka ṭhu a, Liliana enkawl dan tur ka ngaihtuah neuh neuh, hetianga hmuh hi hrehawm ka ti, Carlos hi Police in man lo phei se chu ka tawrhtir ve hrep ang mawle
Carlos a'n Liliana a tihlauh dan teh hrep ah hian ka lawm hlawl lo. Engtiangin nge a rilru ka hneh tak ang? Hmelma angin min en reng bawk si nen
Ka thil in lai chu ka tlak pawp a, A sam ka khuih lai khan a mitmeng ah engmah a lang chhuak lo tih ka hria. Lili in min tina tal se tih hi ka duh ang tih ka ring ngai lo, mahse chu pawh chu ka thlahlel a ni. Liliana huaisen tak kha lo let leh se ka duh, ka hruai let leh thei maithei asin. Dawhtheihna leh zaidamna tlem a ngai ang. Ka theih loh chu kaltir hi a ni. A rawn harh chhuah hunah a hrereng tawh dawn asin
Hmasial min ti maithei mahse Carlos nen an inkara thil thlen hnu kha chuan midang hmuh tawh lo se ka duh. Keima tan chauh awm se, a chhan chu ka nawr ve dawn lova, a pahnihna ah chuan midang ṭanga a bei tur hi ka ngaingam lo
Carlos a sual tih ka hriat hma khan airport a a fawh khan a kut kha tih tliah hial mai kha ka duh, hetiang em em hian Christina kha ka hauh ngai lo. Mahse Liliana chu ka hmuh tirh aṭang khan a danglam tih ka hria, Carlos a'n Liliana rinna ka hlawh chhuah tur a tichhe ṭep alawm mahse beiseina ka la nei e
Chu chu ka lo beisei ve dan a ni
Ka nui hul hak a, ka thin hnun hi a rawn na riai riai. Chhungril lamah zawk a ni. Ka ti thei ta. Ka thutiam ka bawhchhe ta. A na khawp mai. Christina hnu ah tumah ka hmangaih tawh lovang ka ti a, ka thinlung keh chhe tawh hi ka kalh hnan tlat a, hmeichhe hrang hrang ka mutpui a, ka thinlung hi tumah pek ka tum tawh lo
Liliana a rawn lang a, huaisen taka a thusawi chuan ka inhungna bang hi a rawn chhu ta a ni, a mizia zawng zawng nen ka thinlung hi a rawn hawng a, ka thinlung keh tawh hnu kha a rawn na thar leh anih hi. Hliam a chi phul ang mai hian beiseina hi ka hua, hriat loh theih loh hi ka duh lo, a tawpah ka thinlung bawk hi a na dawn si
Ka la beisei fan tho anih hi
Ka beiseina chuan a la nghah rih a ngai, ka phone a rawn ri a, hlim takin ka la a, ka thinlung tina ve ngai lo awmchhun a ni "Ciao Madre"
"Ciao Madre min ti re re suh nang bugiardo(dawt sawi hmang)!" A rawn ti a, a aw ki aṭang a lawm lo tih ka hre mai
"Nu, eng thil nge thleng?" Hahdam taka awmtir tumin ka zawt a
"Thil thleng chu dawt min hrilh a ni" a European aw phawi chuan a ti nuihzatthlak leh zual
"Rome aṭanga i rawn let veleh min tlawh tur thu kha i sawi a, i la rawn lang miah lo ania" a tih chuan ka rum nghut, ka hmai ka hup a ka tihsual ka hre leh ta chiah
Ka theihnghilh reng alawm min rawn chhuahchhal pawn a awm viau e
"Ay mamma Mi dispiace(Ka tihpalh)" kan ṭawng in ngaihdam ka dil a, ka thinurna ka tih daih theih hram ka beisei
"Insawifihlim tum suh aw, i pa fapa i ni a, buaina ata chhuah dan hi i hre lutuk. Mahse tun ṭum chu ni love!" Ka nu in min hau a, ka hnial duh lem lo
Min hrechiang ve bawk em a ni
Glass a in tur chu ka in leh khawlh a, zawhna min lo zawt thut "Eng nge a hming?" A tih chuan ka hrawk a tawt up up, ka lem sual a ka khuh nghal bawrh bawrh
"Nu, eng chungchang nge i sawi?" Ka zawh pahin ka hrawk thian/then tumin khuh leh a, awmzia a nei thui vak lo
"Ka sawi chu i hrechiang alawm. Hmeichhia chauhin i mood hi hetiang hian a siam thei" Ka nu chuan a uar ve khawp mai
"A mood ah ka awm lo" ka lo hnial vat a, mahse ka chhang hma mah mah a ni
Mmh hmm, hnialna, theihnghilhna, leh inthlahna...il mio amore(ka hmangaih), a mood ah i awm chiang alawm" ka nu in a ti tlat a, ka meng kual leh a, ka bul hnai takah ṭhu se chu min beng kawrh ang a, ka thluak leh ruh hi a lang thei hrim hrim ang
"Mamma, inhnial pui che ka duh lo" ka beidawng tawh
Ka nu in a hre vek tho a, lo hriat loh char char in awmzia a nei lem lo. An fa neihchhun ka ni a, min hrechiang em a ni. Thuruk ka neih pawh hian ka zep thei ṭhin lo
"Ti suh, a chhan chu i chak lo ang" thudik takin min chhang leh a
"A dik alawm" thudang ka sawi leh tawh chuang lo
"Ngaithla teh, hmangaihna zawn hmuh hi a pawina a awm lo. Kum thum kal ta a i awm ang khan hmuh che ka duh tawh lo, chhuahtir che a har hle a ni. Tu pawh lo tawng la, i thinlung tak tak in la ring suh, zawi muangin i kal dawn nia" ka nu in thurawn min pek pahin zawi sapin min ngen a
"Mamma-" ka ti a
"Min tiam hram rawh" ngen ngawl takin a ti leh a
Ka thaw halh a, ka mitchhing in ka chhang a "lo prometto(ka tiam a che)" ka ti a
Va bene, ti amo figlio mio ciao(Awle ka hmangaih che ka fapa)" zawi sapin a ti a
Nui chungin ka chhang a "Ti amo mamma, ciao(Ka hmangaih che nu)" ka ti a
Phone kan dah veleh ṭhutthleng ah chuan ka mit ka chhing vang vang, ka hnung lamah chuan pen ri ka hria a, ka va hawi chuan Liliana hi kailawn ah a lo ding reng, rinhlelna mit in a lo meng
"Hi" min hlauh loh nan dam deuhin ka bia a, ka tum ber pawh zawimuanga pan a ni
"Hi" ka kawr ka hak tir tlang fem chu a khawih niap niap
"Eng nge i an?" A inhmeh ka tih zia chu tih lan loh hram ka tum
"Ka ṭha e, ka tui a hal deuh a, ka lu hi a na deuh hlek bawk, eng emaw i nei em?"....a zuih ral a, hnuai lam a melh a biang a tai tek bawk
"Nei e, lo ṭhu rawh ka va lak ang che" choka lam ka pan a, ṭhutthleng ah chuan a rawn ṭhu a, natchhawkna leh tui kengin ka va let a. Ti hlau lo turin ka inhrilh char char, min rin a ngai a ni
Thawk chhuak sup in inkawm khawmna room ka pan a, Lili chuan ka nu nen Rome a kan thlalak a lo en a, min hmuh veleh a dah leh vat, a inveng hle tih ka hria. Damdawi leh tui chu ka pe a, a piah ah ka ṭhu a, ngawi rengin a ei ve mai bawk. A zawh chuan dawhkan ah a dah a, a mal ah a kut a nghat a
Ṭhutthleng chu nghengin a ṭawng hun ka nghak a
A rawn ṭawng ta reng bawk
Liliana POV
"Italian ṭawng i hman khan a mawi lutuk" zam deuhin ka ti chhuak a
"Ka lawm e" Frantz chu a bu nghut a, a nui ver ver
"Chuan kal ka duh" ka ngawih leh det hnuah ka ti a
"Khawiah maw i kal ang? Dam deuhin Frantz chuan min chhang a
"Inah" ka lungawi lo lek lek
"Aih" a rawn ti nghal
"Eng nge Aih i tih? Hetah hian ka awm reng thei hleinem" insual ka inpeih nghal at, ka lu a na leh ut ut
"Aih ka tih chu, khawiah mah i kal lovang" nin hmel tak hian a ti a
"Chuan eng nge? Min man tihna em ni? Ka duhthlanna a ni re re lo" ka thin a rim tulh tulh
"Eng ang pawhin sawi rawh i kal dawn chuang lo" a rawn ti leh nghut
"Min en rawh" tih leh kawngka lam pan ka rual. A awmna ah a la ding reng, hmuhnawm ti takin min lo thlir
Kalhna ni awm tak chu ka herh kual vel a, ka nam a ka chum bawk, a che sawn eih lo. Ka beng vak vak a, engtin mah a awm lo
"Ti teh!" Ka beng leh vak a, ka sawi nasa viau bawk. Kawngka chuan min nuih sawh ni ta berin ka hria. Mr Cavalier lam ka hawi chuan mak ti deuh hmel a pu
"I va rawn let leh hma ve?" A tih chuan ka thaw hlawp hlawp "A nuihzatthlak miah lo ania Frantz, hetah hian ka awm thei lo. Hetah hian awm ka duh lo" ka ti a
"Ka hria alawm mahse Lili puih che ka duh mai ania. I tan ka awm phal hram rawh" beidawng duh lovin a ti a
"Aih Frantz, i bula awm ka duh lo. Nang nena inzawmna neih ka duh lo. Min ngaithla em? Engmah ka duh lo!" Ka thin ur lutuk chu hnek tur ka zawng ruai
"Awle, thudik min han hrilh teh Liliana. Ti nge nangmah hriat chian duh che ka ni tih i pawm duh miah loh? Carlos te ang pawh kha hun i pe a, mahse kei hi engati nge min en duh miah loh? Min han hrilh teh" Frantz chu a tawlh hnung sawt a
"A chhan chu Mr Cavalier, nang ang mipa ngaihzawn hi ka hria alawm a tirah nuam mah sela rilru natna bak chan tur ka nei dawn lo, chu chu ka phal thei lo alawm" ka ti a, a rawn nui hul hak "Lili misual tak ah min chhuah suh" a ti a
"Awi leh Frantz i thusawi kha i hria em? I bula awm tur hian min nawr lui thei lovang, duhthlan tur min pek loh chuan engtin nge ka hmangaih che i phut theih?" Huai takin ka zawt a
"Ka pe che alawm mahse i thlang sual anih kha, eng pawh sawi mah la ka kaltir chuang lo ang che" ka mit zawnah a rawn kun hniam a
"I hria em Frantz, theihnghilh daih rawh, min kaltir rawh" ka lu thing in ka kut ka kuangkuah a. Kan inbiak dan hi ka hrechiang tawh alawm. A beidawng mai ang. A sawi ringawt a, a takin a ti ngai lo. Pen khat a a kal chuan pen khat in ka tawlh hnung ang. Frantz a chetdan reng a ni
Frantz POV
Liliana ka en a ka nui huah huah chak. Engtin nge a hma khan ka lo hmuh thiam loh le? Keimah ang chiah in he infiamna hi nuam a lo ti ve anih hi, duh lo angin a awm vel mai mai anih hi. Tun ṭum chu a thang ah hian ka awk dawn lo, ka tihdan in hma ka la tawh ang
"Uh uh, Nilo. I thang ah hian ka awk tawh lovang. Kal tura min hrilh apiangin ka kal ziah a, i lung a awih lo a ni tiro? Inhnial hi i chak tih ka hria. Thudik min han hrilh teh, ka lak aṭang hian eng nge i beisei?" Ka ti a, Lili thluak ah hian eng nge awm ka hre chak zek zek
"Engmah a ni lo. I insawi ang hi i ni ṭhin lova, i beidawng hma em a, chu chuan a lantir chiang viau a ni" a ti a, ka hrethiam ta chiah e
Liliana hi a insawi anga pawisawi lo chu anih hmel lem loh hi. A zia/ze thup hi ka hailan a ngai a ni
Thawk ka la leh vang vang a, ka kekawr ipte zenin Liliana chu ka en reng
"Chutiang tur chuan min duh tihna em ni Liliana?" Zawi sup in ka zawt a, a zam ve hle aniang, a chil a lem khulh
Liliana POV
Eng thil nge thleng? Ti nge a hma ang khan a awm leh loh le? Ka zam tawh hle mai. Ka thawk a rang in ka thin a phu dut dut. Ka chal a sa a, ka kut a thlan hluam
Min melh dan leh min thlek dan te hi a mak e, ka tawlh sawn a, engemaw sawi ka tum a, mahse engmah a rawn chhuak lo. Ka chet dan vangin a nui suk a, kawngka chu ka ngheng a, ka pum te hi a nghing dar dar, Carlos a min tihdan ka hrechhuak leh thut. Ka hmaa ding mipa hmelṭha deuh nen kan inkar hi hla lehzual se ka duh. Min ti tuiral takngial dawn. Ka huaisenna leh ka inven theihna te pawh hi a nghet lo tial tial
"Chuan?" Frantz chuan pangngai tak hian a ipte a la zen a
Engtin nge pangngai taka a awm theih le?
Ka chil ka lem leh khawlh a, Frantz a'n ka ṭawng hun a lo nghak reng tih ka hriat chuan ka ang phuau a
"Ka sawi awmzia chu a lum hle mai" ka tih bah nuai a
A kut ding lam chu phawrh chhuak in ka biang vei lam chu a dawm vang vang a, ka hmui chu a tuai zeuh a. Ka rum nghat, Frantz chuan ka hmui hnuai lam chu na vak lovin a pet a. Reilote hnuah ka nghawng chu a zut leh riai riai a, ka awm chungah a tawp chat. Ka thinphu dup dup ri pawh ka hrechiang. Phengphehlep thlawk nuai nuai ang mai a ni, kan kal chak lutuk tih ka hrechhuak zawk. Ka inring hman hleinem chu chu ka thluak min hrilh dan pawh a ni
Kan inhnaih telh telh a, ka beng chung chu a fawp leh a, ka dar a rawn thawi fua, tawp tir chu ka duh lo tih ka hrechiang. Ka â ta emaw ka inti hial
Frantz POV
Ka mit ka chhing a, a shampoo rim chu ka hnim vang vang. A thin phut dan aṭang a phur tih ka hria, nawr nasa lutuk lo ang. Carlos a beih na aṭang a dam fel ve chiah a, hetianga chet hi a rem rih lo. Mahse ka ramri ka hauh a ngai. A dar leh a nghawng inkarah ka fawp a
Ka chet dan vang chuan a hmui a rawn che sap a, ka tana hriat nawm deuh thawm a rawn chhuah a, ka inhnial nasa. A phalna hi alawm ka lo nghah reng chu, tunah a phal anih chuan ka ta ah ka siam nghet tlat ang.
Liliana POV
Kawngka chu kan ngheng dawt a, a kawr ah chuan ka ṭham a, a nghawng chu ka fawp leh zeuh a. A hmanhmawh lo tih ka hriat chuan ka lawm hle mai. Min pawm kan daih avang chuan ka lawm hle bawk a chhan chu ka ding ngil thei tawh lo. Ka thil pawh a inpeih thlap tawh
Ka vun chu a rawn fawp a, ka lo chhing diar diar. Ka tlu thei mai dawn. Ka chelh nghet telh telh. Min rawn seh a, ka rum nghut. Ani pawh chu ka tih ang chiahin thawm a chhuah ve a
Ka mit ka chhing leh phawt a, a lei chuan min sehna kha a liak leh a, dim takin min fawp leh
Ka nghawng a a hmai a phumna aṭang chuan a rawn hawi chhuak a, ka chal chu fawp lehin ka hnar, ka biang, ka hmui chu a pehhel lui char char
Ka beng ah a chho leh a, fawp leh zeuhin a rawn meng hlawl a, chimawm deuh hian a nui a, ka beng bulah rawn phun sup in "Ka tihdan i zawm duh ang em Liliana?" A ti a
****
Chhunzawm tur
Show post links
Top
Liliana tui taka a muhil lai chu ka en reng a, a biang chu ka chul heuh heuh a, a vun nem tak mai chuan min nui in ka thaw huk bawk. Dim deuhin tih harh hlau takin ka awm. Bathroom ah min chhuahchhal hnu khan a sawi awmzia ka zawt a, mahse a ngawi reng. A sam ka khuih zawh chuan khumah ka pawm phei a, ka mut zal tir a, a ngawih reng hnuah a lo muhil daih. A muhil lai hi mi â ang maiin ka en reng anih hi
Ka lu ka thing a, ka kut ka la sawn a, thaw chhuak leh hawk in room chu ka chhuahsan a. Kawngka chu ka kalh tawh em lo. Choka panin ka chhuk a, glass a scotch inthli sa chu ka banin ṭhutthleng ah ka ṭhu a, Liliana enkawl dan tur ka ngaihtuah neuh neuh, hetianga hmuh hi hrehawm ka ti, Carlos hi Police in man lo phei se chu ka tawrhtir ve hrep ang mawle
Carlos a'n Liliana a tihlauh dan teh hrep ah hian ka lawm hlawl lo. Engtiangin nge a rilru ka hneh tak ang? Hmelma angin min en reng bawk si nen
Ka thil in lai chu ka tlak pawp a, A sam ka khuih lai khan a mitmeng ah engmah a lang chhuak lo tih ka hria. Lili in min tina tal se tih hi ka duh ang tih ka ring ngai lo, mahse chu pawh chu ka thlahlel a ni. Liliana huaisen tak kha lo let leh se ka duh, ka hruai let leh thei maithei asin. Dawhtheihna leh zaidamna tlem a ngai ang. Ka theih loh chu kaltir hi a ni. A rawn harh chhuah hunah a hrereng tawh dawn asin
Hmasial min ti maithei mahse Carlos nen an inkara thil thlen hnu kha chuan midang hmuh tawh lo se ka duh. Keima tan chauh awm se, a chhan chu ka nawr ve dawn lova, a pahnihna ah chuan midang ṭanga a bei tur hi ka ngaingam lo
Carlos a sual tih ka hriat hma khan airport a a fawh khan a kut kha tih tliah hial mai kha ka duh, hetiang em em hian Christina kha ka hauh ngai lo. Mahse Liliana chu ka hmuh tirh aṭang khan a danglam tih ka hria, Carlos a'n Liliana rinna ka hlawh chhuah tur a tichhe ṭep alawm mahse beiseina ka la nei e
Chu chu ka lo beisei ve dan a ni
Ka nui hul hak a, ka thin hnun hi a rawn na riai riai. Chhungril lamah zawk a ni. Ka ti thei ta. Ka thutiam ka bawhchhe ta. A na khawp mai. Christina hnu ah tumah ka hmangaih tawh lovang ka ti a, ka thinlung keh chhe tawh hi ka kalh hnan tlat a, hmeichhe hrang hrang ka mutpui a, ka thinlung hi tumah pek ka tum tawh lo
Liliana a rawn lang a, huaisen taka a thusawi chuan ka inhungna bang hi a rawn chhu ta a ni, a mizia zawng zawng nen ka thinlung hi a rawn hawng a, ka thinlung keh tawh hnu kha a rawn na thar leh anih hi. Hliam a chi phul ang mai hian beiseina hi ka hua, hriat loh theih loh hi ka duh lo, a tawpah ka thinlung bawk hi a na dawn si
Ka la beisei fan tho anih hi
Ka beiseina chuan a la nghah rih a ngai, ka phone a rawn ri a, hlim takin ka la a, ka thinlung tina ve ngai lo awmchhun a ni "Ciao Madre"
"Ciao Madre min ti re re suh nang bugiardo(dawt sawi hmang)!" A rawn ti a, a aw ki aṭang a lawm lo tih ka hre mai
"Nu, eng thil nge thleng?" Hahdam taka awmtir tumin ka zawt a
"Thil thleng chu dawt min hrilh a ni" a European aw phawi chuan a ti nuihzatthlak leh zual
"Rome aṭanga i rawn let veleh min tlawh tur thu kha i sawi a, i la rawn lang miah lo ania" a tih chuan ka rum nghut, ka hmai ka hup a ka tihsual ka hre leh ta chiah
Ka theihnghilh reng alawm min rawn chhuahchhal pawn a awm viau e
"Ay mamma Mi dispiace(Ka tihpalh)" kan ṭawng in ngaihdam ka dil a, ka thinurna ka tih daih theih hram ka beisei
"Insawifihlim tum suh aw, i pa fapa i ni a, buaina ata chhuah dan hi i hre lutuk. Mahse tun ṭum chu ni love!" Ka nu in min hau a, ka hnial duh lem lo
Min hrechiang ve bawk em a ni
Glass a in tur chu ka in leh khawlh a, zawhna min lo zawt thut "Eng nge a hming?" A tih chuan ka hrawk a tawt up up, ka lem sual a ka khuh nghal bawrh bawrh
"Nu, eng chungchang nge i sawi?" Ka zawh pahin ka hrawk thian/then tumin khuh leh a, awmzia a nei thui vak lo
"Ka sawi chu i hrechiang alawm. Hmeichhia chauhin i mood hi hetiang hian a siam thei" Ka nu chuan a uar ve khawp mai
"A mood ah ka awm lo" ka lo hnial vat a, mahse ka chhang hma mah mah a ni
Mmh hmm, hnialna, theihnghilhna, leh inthlahna...il mio amore(ka hmangaih), a mood ah i awm chiang alawm" ka nu in a ti tlat a, ka meng kual leh a, ka bul hnai takah ṭhu se chu min beng kawrh ang a, ka thluak leh ruh hi a lang thei hrim hrim ang
"Mamma, inhnial pui che ka duh lo" ka beidawng tawh
Ka nu in a hre vek tho a, lo hriat loh char char in awmzia a nei lem lo. An fa neihchhun ka ni a, min hrechiang em a ni. Thuruk ka neih pawh hian ka zep thei ṭhin lo
"Ti suh, a chhan chu i chak lo ang" thudik takin min chhang leh a
"A dik alawm" thudang ka sawi leh tawh chuang lo
"Ngaithla teh, hmangaihna zawn hmuh hi a pawina a awm lo. Kum thum kal ta a i awm ang khan hmuh che ka duh tawh lo, chhuahtir che a har hle a ni. Tu pawh lo tawng la, i thinlung tak tak in la ring suh, zawi muangin i kal dawn nia" ka nu in thurawn min pek pahin zawi sapin min ngen a
"Mamma-" ka ti a
"Min tiam hram rawh" ngen ngawl takin a ti leh a
Ka thaw halh a, ka mitchhing in ka chhang a "lo prometto(ka tiam a che)" ka ti a
Va bene, ti amo figlio mio ciao(Awle ka hmangaih che ka fapa)" zawi sapin a ti a
Nui chungin ka chhang a "Ti amo mamma, ciao(Ka hmangaih che nu)" ka ti a
Phone kan dah veleh ṭhutthleng ah chuan ka mit ka chhing vang vang, ka hnung lamah chuan pen ri ka hria a, ka va hawi chuan Liliana hi kailawn ah a lo ding reng, rinhlelna mit in a lo meng
"Hi" min hlauh loh nan dam deuhin ka bia a, ka tum ber pawh zawimuanga pan a ni
"Hi" ka kawr ka hak tir tlang fem chu a khawih niap niap
"Eng nge i an?" A inhmeh ka tih zia chu tih lan loh hram ka tum
"Ka ṭha e, ka tui a hal deuh a, ka lu hi a na deuh hlek bawk, eng emaw i nei em?"....a zuih ral a, hnuai lam a melh a biang a tai tek bawk
"Nei e, lo ṭhu rawh ka va lak ang che" choka lam ka pan a, ṭhutthleng ah chuan a rawn ṭhu a, natchhawkna leh tui kengin ka va let a. Ti hlau lo turin ka inhrilh char char, min rin a ngai a ni
Thawk chhuak sup in inkawm khawmna room ka pan a, Lili chuan ka nu nen Rome a kan thlalak a lo en a, min hmuh veleh a dah leh vat, a inveng hle tih ka hria. Damdawi leh tui chu ka pe a, a piah ah ka ṭhu a, ngawi rengin a ei ve mai bawk. A zawh chuan dawhkan ah a dah a, a mal ah a kut a nghat a
Ṭhutthleng chu nghengin a ṭawng hun ka nghak a
A rawn ṭawng ta reng bawk
Liliana POV
"Italian ṭawng i hman khan a mawi lutuk" zam deuhin ka ti chhuak a
"Ka lawm e" Frantz chu a bu nghut a, a nui ver ver
"Chuan kal ka duh" ka ngawih leh det hnuah ka ti a
"Khawiah maw i kal ang? Dam deuhin Frantz chuan min chhang a
"Inah" ka lungawi lo lek lek
"Aih" a rawn ti nghal
"Eng nge Aih i tih? Hetah hian ka awm reng thei hleinem" insual ka inpeih nghal at, ka lu a na leh ut ut
"Aih ka tih chu, khawiah mah i kal lovang" nin hmel tak hian a ti a
"Chuan eng nge? Min man tihna em ni? Ka duhthlanna a ni re re lo" ka thin a rim tulh tulh
"Eng ang pawhin sawi rawh i kal dawn chuang lo" a rawn ti leh nghut
"Min en rawh" tih leh kawngka lam pan ka rual. A awmna ah a la ding reng, hmuhnawm ti takin min lo thlir
Kalhna ni awm tak chu ka herh kual vel a, ka nam a ka chum bawk, a che sawn eih lo. Ka beng vak vak a, engtin mah a awm lo
"Ti teh!" Ka beng leh vak a, ka sawi nasa viau bawk. Kawngka chuan min nuih sawh ni ta berin ka hria. Mr Cavalier lam ka hawi chuan mak ti deuh hmel a pu
"I va rawn let leh hma ve?" A tih chuan ka thaw hlawp hlawp "A nuihzatthlak miah lo ania Frantz, hetah hian ka awm thei lo. Hetah hian awm ka duh lo" ka ti a
"Ka hria alawm mahse Lili puih che ka duh mai ania. I tan ka awm phal hram rawh" beidawng duh lovin a ti a
"Aih Frantz, i bula awm ka duh lo. Nang nena inzawmna neih ka duh lo. Min ngaithla em? Engmah ka duh lo!" Ka thin ur lutuk chu hnek tur ka zawng ruai
"Awle, thudik min han hrilh teh Liliana. Ti nge nangmah hriat chian duh che ka ni tih i pawm duh miah loh? Carlos te ang pawh kha hun i pe a, mahse kei hi engati nge min en duh miah loh? Min han hrilh teh" Frantz chu a tawlh hnung sawt a
"A chhan chu Mr Cavalier, nang ang mipa ngaihzawn hi ka hria alawm a tirah nuam mah sela rilru natna bak chan tur ka nei dawn lo, chu chu ka phal thei lo alawm" ka ti a, a rawn nui hul hak "Lili misual tak ah min chhuah suh" a ti a
"Awi leh Frantz i thusawi kha i hria em? I bula awm tur hian min nawr lui thei lovang, duhthlan tur min pek loh chuan engtin nge ka hmangaih che i phut theih?" Huai takin ka zawt a
"Ka pe che alawm mahse i thlang sual anih kha, eng pawh sawi mah la ka kaltir chuang lo ang che" ka mit zawnah a rawn kun hniam a
"I hria em Frantz, theihnghilh daih rawh, min kaltir rawh" ka lu thing in ka kut ka kuangkuah a. Kan inbiak dan hi ka hrechiang tawh alawm. A beidawng mai ang. A sawi ringawt a, a takin a ti ngai lo. Pen khat a a kal chuan pen khat in ka tawlh hnung ang. Frantz a chetdan reng a ni
Frantz POV
Liliana ka en a ka nui huah huah chak. Engtin nge a hma khan ka lo hmuh thiam loh le? Keimah ang chiah in he infiamna hi nuam a lo ti ve anih hi, duh lo angin a awm vel mai mai anih hi. Tun ṭum chu a thang ah hian ka awk dawn lo, ka tihdan in hma ka la tawh ang
"Uh uh, Nilo. I thang ah hian ka awk tawh lovang. Kal tura min hrilh apiangin ka kal ziah a, i lung a awih lo a ni tiro? Inhnial hi i chak tih ka hria. Thudik min han hrilh teh, ka lak aṭang hian eng nge i beisei?" Ka ti a, Lili thluak ah hian eng nge awm ka hre chak zek zek
"Engmah a ni lo. I insawi ang hi i ni ṭhin lova, i beidawng hma em a, chu chuan a lantir chiang viau a ni" a ti a, ka hrethiam ta chiah e
Liliana hi a insawi anga pawisawi lo chu anih hmel lem loh hi. A zia/ze thup hi ka hailan a ngai a ni
Thawk ka la leh vang vang a, ka kekawr ipte zenin Liliana chu ka en reng
"Chutiang tur chuan min duh tihna em ni Liliana?" Zawi sup in ka zawt a, a zam ve hle aniang, a chil a lem khulh
Liliana POV
Eng thil nge thleng? Ti nge a hma ang khan a awm leh loh le? Ka zam tawh hle mai. Ka thawk a rang in ka thin a phu dut dut. Ka chal a sa a, ka kut a thlan hluam
Min melh dan leh min thlek dan te hi a mak e, ka tawlh sawn a, engemaw sawi ka tum a, mahse engmah a rawn chhuak lo. Ka chet dan vangin a nui suk a, kawngka chu ka ngheng a, ka pum te hi a nghing dar dar, Carlos a min tihdan ka hrechhuak leh thut. Ka hmaa ding mipa hmelṭha deuh nen kan inkar hi hla lehzual se ka duh. Min ti tuiral takngial dawn. Ka huaisenna leh ka inven theihna te pawh hi a nghet lo tial tial
"Chuan?" Frantz chuan pangngai tak hian a ipte a la zen a
Engtin nge pangngai taka a awm theih le?
Ka chil ka lem leh khawlh a, Frantz a'n ka ṭawng hun a lo nghak reng tih ka hriat chuan ka ang phuau a
"Ka sawi awmzia chu a lum hle mai" ka tih bah nuai a
A kut ding lam chu phawrh chhuak in ka biang vei lam chu a dawm vang vang a, ka hmui chu a tuai zeuh a. Ka rum nghat, Frantz chuan ka hmui hnuai lam chu na vak lovin a pet a. Reilote hnuah ka nghawng chu a zut leh riai riai a, ka awm chungah a tawp chat. Ka thinphu dup dup ri pawh ka hrechiang. Phengphehlep thlawk nuai nuai ang mai a ni, kan kal chak lutuk tih ka hrechhuak zawk. Ka inring hman hleinem chu chu ka thluak min hrilh dan pawh a ni
Kan inhnaih telh telh a, ka beng chung chu a fawp leh a, ka dar a rawn thawi fua, tawp tir chu ka duh lo tih ka hrechiang. Ka â ta emaw ka inti hial
Frantz POV
Ka mit ka chhing a, a shampoo rim chu ka hnim vang vang. A thin phut dan aṭang a phur tih ka hria, nawr nasa lutuk lo ang. Carlos a beih na aṭang a dam fel ve chiah a, hetianga chet hi a rem rih lo. Mahse ka ramri ka hauh a ngai. A dar leh a nghawng inkarah ka fawp a
Ka chet dan vang chuan a hmui a rawn che sap a, ka tana hriat nawm deuh thawm a rawn chhuah a, ka inhnial nasa. A phalna hi alawm ka lo nghah reng chu, tunah a phal anih chuan ka ta ah ka siam nghet tlat ang.
Liliana POV
Kawngka chu kan ngheng dawt a, a kawr ah chuan ka ṭham a, a nghawng chu ka fawp leh zeuh a. A hmanhmawh lo tih ka hriat chuan ka lawm hle mai. Min pawm kan daih avang chuan ka lawm hle bawk a chhan chu ka ding ngil thei tawh lo. Ka thil pawh a inpeih thlap tawh
Ka vun chu a rawn fawp a, ka lo chhing diar diar. Ka tlu thei mai dawn. Ka chelh nghet telh telh. Min rawn seh a, ka rum nghut. Ani pawh chu ka tih ang chiahin thawm a chhuah ve a
Ka mit ka chhing leh phawt a, a lei chuan min sehna kha a liak leh a, dim takin min fawp leh
Ka nghawng a a hmai a phumna aṭang chuan a rawn hawi chhuak a, ka chal chu fawp lehin ka hnar, ka biang, ka hmui chu a pehhel lui char char
Ka beng ah a chho leh a, fawp leh zeuhin a rawn meng hlawl a, chimawm deuh hian a nui a, ka beng bulah rawn phun sup in "Ka tihdan i zawm duh ang em Liliana?" A ti a
****
Chhunzawm tur
Show post links
Top
| Link: | |
| BBcode: | |
| HTML: | |
| Hide post links |
Liliana POV
"I duh ang em?" Frantz aw chu a thum in mut a ti chhuak riai riai thei
"Ka hre lo...." ka ti a, Frantz nen hian kan rang mah mah deuhin ka hria. Ngaihtuah nan hun ka mamawh, tun kar kalta a Carlos nen kan inkara thleng zawng zawng kha a tak a ni tih ka pawm a ngai
"Ka lak aṭang hian eng nge i duh Lili? Thudik tak han sawi teh. Eng nge i duh?" Ka kawng ah min kuah a, ka dar ding lam ah a lu a nghat a. A aw ah chuan beidawnna a lang a
Ka mit ka chhing a, ka thaw chhuak ham ham, a hmui nem tak chu ka fawp a "Hun ka mamawh a ni Frantz khawngaihin. Mi ngaizawng thei ka nih rih lo ka sawi awmzia chu chawlh hahdam ka mamawh khawngaihin ngai kawi lo hram rawh. Ka hnawl che a ni lo ania, hun ka mamawh mai chauh ania" ka ti a
"Chumi hma zawng chu Hna chungchang lam chauhin em ni kan inbiak dawn?" A awki ah chuan inhnaih a duh zia a lang, a mit a la chhing reng a, a taksa lumna hi ka la dai pha. A perfume rim te chu ka hnar ah a cham veng veng
"Ni e Mr Cavalier" ka hriatchian tawh em avangin chutiang chuan ka chhang a "Tunah rih chuan heti hian awm ang" ka tih zawm leh a, kaltir ka duh rih lo alawm a chhan chu ka chhip aṭanga ka ke ler thleng hian a bulah ka him tih ka hria. Hetiang hi ka ni ngai lo
"Ka hming pum a min koh fiam khan engtin mah awm lo turin min beisei thei lovang" a rum nghut a, thaw a la leh vang vang
"Ka fiam che a ni hleinem Frantz" ka nui ker ker a, ka mawng zawnah a kut a nghat a, ka nghawng a fawp zeuh
Ka chhip aṭanga ka ke ler thleng chuan ka mur nghal vek, ka pum hnuai phei chu a nghawr nasa. Thaw la ve hak in Frantz chu ka ngheng a, rawn che chhuak leh se ka ti hle.
Frantz POV
A chet dan aṭang chuan a duh zawng ka hre mai, mahse a ka ngei aṭang hriat ka duh, ka mumang thlenga ka hmuh ṭhin ngei kha a ni ve tlat
"Hemi inah chuan thu in kan sawi fel ṭhin Liliana" thunei tih hriat takin ka sawi a, a lo ring lo lutuk aniang a ke a chip hmun a
Kan inkar boruak sang zel chu ka hrethiam ve tho, chet ka lak vat a ngai. A darah ka fawp a, tawlh thla zel in a nghawng ka thleng a, a beng bulah phun supin "Eng nge i duh Ms Chavez?" Ka ti a
"Ka....ka" a rum nghat a, a biang ah ka fawp leh a
"Frantz ka- Mmh..." a rawn rum leh nghat a, kalsawn tum deuh hian ka awm a
Liliana POV
"Min fawp leh phawt mai rawh!" Ka thaw leh hawk a, ka vun te hi a ṭek chhuai chhuai ni maiin ka hria
"Khawiah?" Thu pe deuhin a rawn ti leh a, a infiamna ah kan lut anih hi, a dan siam hi nuam ka tih rualin a che muang lutuk hian min ti hrehawm. Risk ka la mai dawn maw ni ka ti deuh a, mahse rilru fim ka pu thei hram hram. Frantz hnenah hian ka inpe pumhlum tur a ni lo tiin ka inhrilh char char
"Min ṭhawng la" ka inrin hma chuan ka sawi fel der. Frantz chu a nui huk a, a lo beisei lawk pawh a ang mah zawk, muangchangin ka sam a zut a, ka nghawng a kuai dak a, ka rum leh nghat, min rawn fawp zui zat, ka nghawng leh ka hrawk nen a indaih lo hle. Ka khabe a chuktuah leh a, chumi hnuah ka hnar, ka hmuiah bawk a rawn tawp leh chat. Ka theihtawp chuan ka lo chhang let ve a, mahse Frantz chuan thu a nei tlat. Min awm ṭhat tir a, ka hrawk a rawn dai lai chuan ka phu lutuk chu ka zuang chhuak lo chauh
Frantz POV
A hmui chu a tawk lekin ka fawp zeuh a, ka leiin ka hawl zuai, ka zau thau tawh lutuk ringawt, ka kut chu a hlei chak riau. A mal ah ka piai chak, ka puan hmawr han khuh hlup mai te chu ka chak zek zek mahse ka in brakes a ngai tunah rih chuan Liliana hi a la dam kawr em mai. A hmui ka tuai leh zeuh a ka fawh pah chuan "I inpeih hun ka lo nghak ang" chu thu ka sawi zawh chuan ka kalsawn a
Liliana POV
Inchung kailawn a a kal liam chu ka thlir zui vawng vawng, ka thaw halh a kawngka nghengin ka ding reng. Ka sam ka siam ṭha mawlh mawlh. Kan inkara thil thleng chu ka ngaihtuah pah neuh neuh, Frantz a thluak ah hian eng nge awm ang le?
Ka ding ngil hleithei lo, ka thawk dan pawh a buai, ṭhutthleng awmna lam ka pan a, ka kal zel dan tur ka ngaihtuah a, engtin nge ka awm zel tak ang? Haw ka duh lo. Hlim takin ka haw leh thei ang em ka hre lo. Kan khua a let chi a ni bawk si lo, ka hnathawhna chu hetah a awm bawk si. Chamille chuan fa phir a neih avangin a in a riah chu a ni bawk si lo
Dam taka ka awm theihna tur hmun a awm ka duh. Carlos a kut ka tuar tih ka pawm a, ka ngaihtuah tawh loh a ngai. Biakin ah kal a ṭawngṭai a ngai. Reilote pawh nise a pawi lo
Frantz POV
Ka room ah chuan ka kal kual char char, ka buai zual deuh deuh. Mipa ka nia, mamawh pawh ka nei. Inhnuaia hmeichhe awm mek khu ka duh tih ka hria. Ka sam chu ka hui pawp a, ka thaw leh hulh. Liliana hi tih hlauh ka tum lo nasa, a chunga ka thil tih tum ah hian inpeih taka min dawn sawn a ngai. A la inpeih si lo
Anih chuan eng nge ka tih ang?
A hlat aṭanga awm tur anga ka ngaihtuah hian ka ngaingam lo. Liliana hi ka hmuh phak loh ah awm tir ka tum lo. Kalsan ka tum hian kan inkar hi hnawh khah ka tum zual sauh ṭhin, ka ta chauh ni turin ka duh ṭhin. Ka rum nghut a, a aw leh hmui pawisawi lo tak mai te kha, ka kekawr hnuai chu a rawn che zeuh a, italian ṭawng in ṭawngkam ṭha lo ka hmang a, ka che chhe viau anih hi chu zawng chu ka hriat awmchhun a ni
Liliana ke pen thawm kailawn ah chuan ka hria a. Thawmhnaw bawm chu hai rawk rawk in ka kekawr a hmuh hlau takin ka khuh a, Lili chuan kawngka a rawn hawng chiah
Liliana POV
Frantz a mit takah chuan ka en a, chutah a kut chu en lehin lehkhabu in a ṭhianṭha ber awmna zawn a lo khuh a, a thuhruk ka hriat chiah chuan ka zak chem chem, ka aw ka thian a "Ka rawn luh hun hi a fuh chiah lo a ni maw?" Ka ti a
"Hun lo love" a lu a thing a, a zak ve viau ang chu, lehkhabu chu a dah sawn ve mai a
"Ka chhuah lawk ka ngai" a hmai zawn chu en ka tum ruh viau mai, a lehkhabu ken phena mi chu hre chak viau mah ila insum a ngai tlat
"Anih chuan khawiah nge kal i tum?" Min rawn zawt a, kan inbiakna hmasa kha chhunzawm leh a hlau viau ta ve ang
"Biakin ah kal ka ngai" ka tih laiin a thil ken lai a thlauh thut a, chhuatah a tla daih. Frantz a jogger hnuai rawn pawng deuh chu ka zuk hmu a, hmanhmawh lutuk in a chhar leh vat, a khuh leh daih
A zak ve hle aniang a biang a sen ṭawn ṭawn a aw a thian kharh a "Biakin maw?" A ti a
"Aw, ṭawngṭai ka ngai" ka ti a, Frantz a mit chu ka pehhel char char, ka hawi kual char char
"Anih chuan ka hruai ang che" a ti a
"I rawn kal thei chiang ang maw?-" ka ti a
"Aw!" A ti bul hmuk a "Ka rawn kal ngei ngei ang" a ti leh a, mipa naupang ang mai a ni, lawmawm reuh lutuk
"A ṭhat chu mahse thawmhnaw hak tur mai ka nei lova" ka tih pahin ka sa pup pup
"Armagio a'n hak tur a rawn pe vat ang che" a ti a, ka hnung tawlh a, kawngka ka khar daih, inhnuai lam ka pan a
Frantz POV
Min chhuahsan chiah chu ka thaw chhuak hawk. Hnuai lam ka melh a phun sup in "Hahdam rawh" ka ti a, ka aw thian leh in jeans ka ha a, tee shirt thui deuh ka ha a. Armagio ko lehin Liliana tan kawrfual pawl a khup chin tur ka pek tir vat a, a inthlak fel hnu chuan in kan chhuahsan a
Liliana POV
Limo chhungah chuan a epah ka ṭhu a, ka kut chu ka khal niap niap, ka sa chhuak vek, Frantz ve thung chuan car tukverh a ngheng a, pawn lam a hawi daih. Min rawn en zeuh zeuh a
Kan ngawi rei viau aniang, Car tlan ri chu a ri ring hle ringawt, mahse a hahdam thlak viau thung si. Kan ngaihtuah a inang tlat a, ka kut zungṭang thlan hluam hian min pui lo viau mai, Frantz a ṭhian ṭha ber bawk chu ka lo en leh engvanga hre chak em em nge ka nih hi ka hrethiam lo takzet
Frantz POV
Liliana mit awmna zawn ka hriat chuan ka na hi a chhawk zangkhai lo takzet. Ka jeans hak chhunga mi chuan nuam a ti chiah lo, Biakin kan thlen vat theih nan rilru ṭawngṭaina ka nei char char
Armagio a'n Biakin tual ah car a tih din chuan kan thawveng huai. Car min rawn hawnsak hun pawh nghak zo lovin kawngka chu ka hawng a, Lili chu ka kut ka pe a, a rawn chhuak ve chiah kan inthlah dun vat
Ka aw ka thian a "I hnung ah ka zui che Ms Chavez" ka ti a, lu bu nghauh in Biakin panin ka hmaah a kal a, a kawrfual pawl phena mawng bawr sawi dan vel te ka lo en leh hmanhmawh a, ka ngaihtuahna bawlhhlawh tak vang hian ṭek in min rawn den ka hlau angreng
Ka lu thing chungin Liliana chu ka zui a, a chhung kan luh chuan a rawn inher a "Keimah a awm ka duh" a ti a
"Inpuanna room ah ka lo awm ang, i hman veleh min hrilh dawn nia" tiin ka chhang a
Liliana POV
Lu ka bu zeuh a, kan inṭhen hrang ta a, hmun fal deuh tukverh bulah chuan ka ṭhu a. Ngawi renga ka awm hian a hahdam thlak viau mai, ka rilru ipik lutuk pawh a dam huai huai. Ka mittui a rawn hnam ṭiam ṭiam a, rilru ṭawngṭaina ka hmang char char
A hmasa berah Pathian hnenah ni thar duhawm tak min hmuh tir avangin lawmthu ka sawi a, ngaihdam ka dil leh bawk, chumi hnuah Carlos a min tihbuaina kha ka hrechhuak leh a, a puihna ka dil leh a, beiseina hlauh lo turin leh sual hneh thei turin ka dil bawk a, ka zawh veleh ka ngawi reng a, ka mittui a rawn luang zawih zawih. Ka rilru hahna ata ka zalen thei tawh ang
Frantz POV
Biakin piah ah chuan inpuanna room a awm a, sakhaw mi ni vak lo mah ila ka nu hian min hruai ṭha em a, puihna dil dan ka hria alawm
"Min ngaidam rawh Father, thil ka tisual a ni" ka ti a, lehlam ah chuan thawm a rawn chhuah, ka thaw hulh a "Hmeichhe pakhat khuaikhem tawk zunah ka uai, thla khat chhung ka bem a, tunah hian hun ṭha ka nei ve chiah. Ka tan a inpeih lo tih ka hria mahse tawp mai hi harsa ka ṭhin. Keimah a peng khat hian zan khat chauh mutpui a duh em em a, mahse tunah erawh hlim taka a awm lai chiah hmuh ka duh. Rilru leh taksa ah pawh inzawmna neih ka duh mahse ka nghah rei pauh leh a hlata awm harsa ka ti a, ka kut hi a hlei dawn zel a" ka ti a
"Anih chu mawle, anih leh chu hmeichhia chuan i duh tih a hria em?" A ti a
"Zan khat atan chauh ka mutpui duh ah a ngai a, mahse thudik chu maw Father, chu aia thuk in ka duh" ka ti chhuak phawng a
"Anih chuan insumtheihna leh dawhtheihna i mamawh dawn tih i hria ani maw ka fapa?" A ti a
"Aw" hnuai lam melh in ka lu ka bu nghauh
"Kal ta tisual leh tawh suh" a rawn tih chuan ka bu leh zeuh a, inpuanna room ka chhuahsan lai chuan ka thawveng deuh hawk, mahse Liliana tello chuan engtin nge ka awm ang ka hre lo takzet
Liliana POV
Ka ṭhutna hmunah chuan ka mittui te pawh a hul vek tawh, chakna dilin ka ṭawngṭai a chhan chu inneih hma chu virgin ka tum ve tlat a ni. Frantz ka hmuh apiang hian ka thil tum hi theihnghilh ṭhak in chet sual pui rawk rawk ka chak ṭhin. Insumtheihna leh ngaihdamna ka dil bawk a, ka ṭawngṭai zawh dawnah lawmthu ka sawi leh a chumi hnuah ka Amen thei ta
Kawngka ah chuan kan intawk a, Biakin chu kan chhuahsan a
Armagio chuan car kawngka a lo hawng a, ngawi rengin kan lut a. Kawngka chu a rawn khar leh a, a nui var bawk, driver seat ah chuan a ṭhu a, mimal zalenna min zahsak in tukverh chu a khar chho a
Kan tlan chhuah hnu chuan ka kut ka khawih leh niap niap, Frantz a erawh in a hmui chu a khawih a, a kut ka va en leh a, suangtuahna ka neih zawm zat, ka pawnfen hnuai han zen chho zel ta se....
"Sawi i nei em ni?" A rawn tih chuan ka harh chhuak zawt, ka lu ka thing a, ka sa nghal pawp pawp, ka ring thei lo
"Kan let leh hma in duh i nei em?" Titi a rawn vawrh a
"Nei e, ice cream lei ila" ka ngaihtuah chhuah hmasak ber anih avangin chuti chuan ka chhang a
"Ice cream maw?" A tih chuan ka lo bu zeuh "Awle tehreng mai" a tih hnuah Armagio chu ice cream awmna hnai bera ding turin a hrilh a
Kan ngawi leh vang vang. Thlemna ka bengah a rawn ri leh a, chu mi chu Frantz a duh duh dana che tura thu pek a ni, ka lu ka thing leh vat
Frantz POV
Limo a kan chuan dun hnuhnung ber kha ka mitthla ah a rawn lang leh, a pawnfen hnuai ka zen chhoh lai vel kha ka hrechhuak uai uai
Ka lu ka thing a, ka aw ka thian kharh, thil dang ngaihtuah ka tum a, Liliana vang hian tui vawt deuha ka in leih a ngai anih hi. Kan haw veleh ka ti ngei ang. Puithiam thusawi kha ka bengah a cham reng, 'dawhtheihna leh insumtheihna' a tih kha ka infuih char char
"Eng maw?" A rawn ti a, "Engmah a ni lo, ka rilru a awm ka sawi chhuak" ka lu ka thing a
"Anih chu mawle..." a ti a, thil dang a sawi lem lo
Armahio a'n ice cream zawrhna dawr ah a ti ding a. Ka chhuak leh nulh a, Liliana ka pui bawk. Dawr kawngka chu ka hawn sak leh a, lai deuh hian "ka lawm e" a biang a tai tek bawk.
Liliana POV
Dawr chhungah chuan kan lut a, ice cream, cookies leh waffle tlawn rim ka hnar a a rawn luh chuan ka nui ver ver, ka ei dawn khawp tiin ka ngaihtuah a
Counter ah chuan ka va kal a, mipa fel hmel deuh mitmeng pawl leh sam buang hian min rawn chhawn a "Tlai chibai u, eng nge i duh ang?" a tih chuan ka nui ker ker a meng kual leh ralh in "waffle bowl lian deuh ah ka duh ang, strawberry fian khat, vanilla, rum raisin, pistachio, pecan leh coconut fian khat telin aw" ka tih chuan Frantz chuan mak a ti lutuk. Frantz chu a zawt ve leh a "Waffle bowl te deuh strawberry fian thum in aw" dawr nghaktu chu a melh char char, ani lahin zam lo tak hian min lo siai a
Kan eitur a rawn ken leh hnu chuan Frantz lam ka hawi a "Ngawi teh Armagio a'n duh a nei ve lo a mi?" Ka ti a
"Duh lo ang" a ti a, mahse ka lo meng rulh "Khawngaihin waffle bowl te ah strawberry fian khat nen ka lo duh ang?" Ka ti a
"I tan te chuan eng pawh a ni mai hmelṭha te" min rawn chhaih vel a, ka lu ka thing a, Frantz chu a lo ding tho at, a hnek nghal sawk. Ice cream an peih hnu chuan ngawi rengin ei tur man a pe a, min kai chhuak daih
Armagio chu ice cream ka pe a, a lawm hmel viau bawk. Car chhungah chuan ka lut a, Frantz a'n min zui ve bawk
Kan chhuah hma chuan ice cream chu ka ei tuam tuam a, tui ka ti hle bawk. Kan awmna pawh ka theihnghilh ṭep, ka meng chiah Frantz a'n min lo en char char
Ka chil ka lem khawlh a, ka hawisawn daih, mahse ka thei tawh hlawl lo, ka zawt tawp "Eng nge?" Ka ti a
"Engmah a ni lo" Frantz a'n a tih chuan ka ngaih a ṭha chiah lo, mahse zawh ka tum lem lo. Fian khat chu ka suak leh hlawih a, a rawn ṭhu chhuak thut a, ka biangah vuanin min rawn fawp a. Chhan letna hun pawh ka nei hman lo, ka nghawng a khawih leh a, min rek chuang miah lo
Boruak kan mamawh thleng chuan kan in fawp a, ka lo chhan let hnu chuan a duhtawk ta aniang, insiamrem in a ṭhu ṭha leh a, ice cream chu a ei ve nghal bawrh bawrh, ka mak ti lutuk chuan ka en reng ringawt
****
Chhunzawm tur
Show post links
Top
"I duh ang em?" Frantz aw chu a thum in mut a ti chhuak riai riai thei
"Ka hre lo...." ka ti a, Frantz nen hian kan rang mah mah deuhin ka hria. Ngaihtuah nan hun ka mamawh, tun kar kalta a Carlos nen kan inkara thleng zawng zawng kha a tak a ni tih ka pawm a ngai
"Ka lak aṭang hian eng nge i duh Lili? Thudik tak han sawi teh. Eng nge i duh?" Ka kawng ah min kuah a, ka dar ding lam ah a lu a nghat a. A aw ah chuan beidawnna a lang a
Ka mit ka chhing a, ka thaw chhuak ham ham, a hmui nem tak chu ka fawp a "Hun ka mamawh a ni Frantz khawngaihin. Mi ngaizawng thei ka nih rih lo ka sawi awmzia chu chawlh hahdam ka mamawh khawngaihin ngai kawi lo hram rawh. Ka hnawl che a ni lo ania, hun ka mamawh mai chauh ania" ka ti a
"Chumi hma zawng chu Hna chungchang lam chauhin em ni kan inbiak dawn?" A awki ah chuan inhnaih a duh zia a lang, a mit a la chhing reng a, a taksa lumna hi ka la dai pha. A perfume rim te chu ka hnar ah a cham veng veng
"Ni e Mr Cavalier" ka hriatchian tawh em avangin chutiang chuan ka chhang a "Tunah rih chuan heti hian awm ang" ka tih zawm leh a, kaltir ka duh rih lo alawm a chhan chu ka chhip aṭanga ka ke ler thleng hian a bulah ka him tih ka hria. Hetiang hi ka ni ngai lo
"Ka hming pum a min koh fiam khan engtin mah awm lo turin min beisei thei lovang" a rum nghut a, thaw a la leh vang vang
"Ka fiam che a ni hleinem Frantz" ka nui ker ker a, ka mawng zawnah a kut a nghat a, ka nghawng a fawp zeuh
Ka chhip aṭanga ka ke ler thleng chuan ka mur nghal vek, ka pum hnuai phei chu a nghawr nasa. Thaw la ve hak in Frantz chu ka ngheng a, rawn che chhuak leh se ka ti hle.
Frantz POV
A chet dan aṭang chuan a duh zawng ka hre mai, mahse a ka ngei aṭang hriat ka duh, ka mumang thlenga ka hmuh ṭhin ngei kha a ni ve tlat
"Hemi inah chuan thu in kan sawi fel ṭhin Liliana" thunei tih hriat takin ka sawi a, a lo ring lo lutuk aniang a ke a chip hmun a
Kan inkar boruak sang zel chu ka hrethiam ve tho, chet ka lak vat a ngai. A darah ka fawp a, tawlh thla zel in a nghawng ka thleng a, a beng bulah phun supin "Eng nge i duh Ms Chavez?" Ka ti a
"Ka....ka" a rum nghat a, a biang ah ka fawp leh a
"Frantz ka- Mmh..." a rawn rum leh nghat a, kalsawn tum deuh hian ka awm a
Liliana POV
"Min fawp leh phawt mai rawh!" Ka thaw leh hawk a, ka vun te hi a ṭek chhuai chhuai ni maiin ka hria
"Khawiah?" Thu pe deuhin a rawn ti leh a, a infiamna ah kan lut anih hi, a dan siam hi nuam ka tih rualin a che muang lutuk hian min ti hrehawm. Risk ka la mai dawn maw ni ka ti deuh a, mahse rilru fim ka pu thei hram hram. Frantz hnenah hian ka inpe pumhlum tur a ni lo tiin ka inhrilh char char
"Min ṭhawng la" ka inrin hma chuan ka sawi fel der. Frantz chu a nui huk a, a lo beisei lawk pawh a ang mah zawk, muangchangin ka sam a zut a, ka nghawng a kuai dak a, ka rum leh nghat, min rawn fawp zui zat, ka nghawng leh ka hrawk nen a indaih lo hle. Ka khabe a chuktuah leh a, chumi hnuah ka hnar, ka hmuiah bawk a rawn tawp leh chat. Ka theihtawp chuan ka lo chhang let ve a, mahse Frantz chuan thu a nei tlat. Min awm ṭhat tir a, ka hrawk a rawn dai lai chuan ka phu lutuk chu ka zuang chhuak lo chauh
Frantz POV
A hmui chu a tawk lekin ka fawp zeuh a, ka leiin ka hawl zuai, ka zau thau tawh lutuk ringawt, ka kut chu a hlei chak riau. A mal ah ka piai chak, ka puan hmawr han khuh hlup mai te chu ka chak zek zek mahse ka in brakes a ngai tunah rih chuan Liliana hi a la dam kawr em mai. A hmui ka tuai leh zeuh a ka fawh pah chuan "I inpeih hun ka lo nghak ang" chu thu ka sawi zawh chuan ka kalsawn a
Liliana POV
Inchung kailawn a a kal liam chu ka thlir zui vawng vawng, ka thaw halh a kawngka nghengin ka ding reng. Ka sam ka siam ṭha mawlh mawlh. Kan inkara thil thleng chu ka ngaihtuah pah neuh neuh, Frantz a thluak ah hian eng nge awm ang le?
Ka ding ngil hleithei lo, ka thawk dan pawh a buai, ṭhutthleng awmna lam ka pan a, ka kal zel dan tur ka ngaihtuah a, engtin nge ka awm zel tak ang? Haw ka duh lo. Hlim takin ka haw leh thei ang em ka hre lo. Kan khua a let chi a ni bawk si lo, ka hnathawhna chu hetah a awm bawk si. Chamille chuan fa phir a neih avangin a in a riah chu a ni bawk si lo
Dam taka ka awm theihna tur hmun a awm ka duh. Carlos a kut ka tuar tih ka pawm a, ka ngaihtuah tawh loh a ngai. Biakin ah kal a ṭawngṭai a ngai. Reilote pawh nise a pawi lo
Frantz POV
Ka room ah chuan ka kal kual char char, ka buai zual deuh deuh. Mipa ka nia, mamawh pawh ka nei. Inhnuaia hmeichhe awm mek khu ka duh tih ka hria. Ka sam chu ka hui pawp a, ka thaw leh hulh. Liliana hi tih hlauh ka tum lo nasa, a chunga ka thil tih tum ah hian inpeih taka min dawn sawn a ngai. A la inpeih si lo
Anih chuan eng nge ka tih ang?
A hlat aṭanga awm tur anga ka ngaihtuah hian ka ngaingam lo. Liliana hi ka hmuh phak loh ah awm tir ka tum lo. Kalsan ka tum hian kan inkar hi hnawh khah ka tum zual sauh ṭhin, ka ta chauh ni turin ka duh ṭhin. Ka rum nghut a, a aw leh hmui pawisawi lo tak mai te kha, ka kekawr hnuai chu a rawn che zeuh a, italian ṭawng in ṭawngkam ṭha lo ka hmang a, ka che chhe viau anih hi chu zawng chu ka hriat awmchhun a ni
Liliana ke pen thawm kailawn ah chuan ka hria a. Thawmhnaw bawm chu hai rawk rawk in ka kekawr a hmuh hlau takin ka khuh a, Lili chuan kawngka a rawn hawng chiah
Liliana POV
Frantz a mit takah chuan ka en a, chutah a kut chu en lehin lehkhabu in a ṭhianṭha ber awmna zawn a lo khuh a, a thuhruk ka hriat chiah chuan ka zak chem chem, ka aw ka thian a "Ka rawn luh hun hi a fuh chiah lo a ni maw?" Ka ti a
"Hun lo love" a lu a thing a, a zak ve viau ang chu, lehkhabu chu a dah sawn ve mai a
"Ka chhuah lawk ka ngai" a hmai zawn chu en ka tum ruh viau mai, a lehkhabu ken phena mi chu hre chak viau mah ila insum a ngai tlat
"Anih chuan khawiah nge kal i tum?" Min rawn zawt a, kan inbiakna hmasa kha chhunzawm leh a hlau viau ta ve ang
"Biakin ah kal ka ngai" ka tih laiin a thil ken lai a thlauh thut a, chhuatah a tla daih. Frantz a jogger hnuai rawn pawng deuh chu ka zuk hmu a, hmanhmawh lutuk in a chhar leh vat, a khuh leh daih
A zak ve hle aniang a biang a sen ṭawn ṭawn a aw a thian kharh a "Biakin maw?" A ti a
"Aw, ṭawngṭai ka ngai" ka ti a, Frantz a mit chu ka pehhel char char, ka hawi kual char char
"Anih chuan ka hruai ang che" a ti a
"I rawn kal thei chiang ang maw?-" ka ti a
"Aw!" A ti bul hmuk a "Ka rawn kal ngei ngei ang" a ti leh a, mipa naupang ang mai a ni, lawmawm reuh lutuk
"A ṭhat chu mahse thawmhnaw hak tur mai ka nei lova" ka tih pahin ka sa pup pup
"Armagio a'n hak tur a rawn pe vat ang che" a ti a, ka hnung tawlh a, kawngka ka khar daih, inhnuai lam ka pan a
Frantz POV
Min chhuahsan chiah chu ka thaw chhuak hawk. Hnuai lam ka melh a phun sup in "Hahdam rawh" ka ti a, ka aw thian leh in jeans ka ha a, tee shirt thui deuh ka ha a. Armagio ko lehin Liliana tan kawrfual pawl a khup chin tur ka pek tir vat a, a inthlak fel hnu chuan in kan chhuahsan a
Liliana POV
Limo chhungah chuan a epah ka ṭhu a, ka kut chu ka khal niap niap, ka sa chhuak vek, Frantz ve thung chuan car tukverh a ngheng a, pawn lam a hawi daih. Min rawn en zeuh zeuh a
Kan ngawi rei viau aniang, Car tlan ri chu a ri ring hle ringawt, mahse a hahdam thlak viau thung si. Kan ngaihtuah a inang tlat a, ka kut zungṭang thlan hluam hian min pui lo viau mai, Frantz a ṭhian ṭha ber bawk chu ka lo en leh engvanga hre chak em em nge ka nih hi ka hrethiam lo takzet
Frantz POV
Liliana mit awmna zawn ka hriat chuan ka na hi a chhawk zangkhai lo takzet. Ka jeans hak chhunga mi chuan nuam a ti chiah lo, Biakin kan thlen vat theih nan rilru ṭawngṭaina ka nei char char
Armagio a'n Biakin tual ah car a tih din chuan kan thawveng huai. Car min rawn hawnsak hun pawh nghak zo lovin kawngka chu ka hawng a, Lili chu ka kut ka pe a, a rawn chhuak ve chiah kan inthlah dun vat
Ka aw ka thian a "I hnung ah ka zui che Ms Chavez" ka ti a, lu bu nghauh in Biakin panin ka hmaah a kal a, a kawrfual pawl phena mawng bawr sawi dan vel te ka lo en leh hmanhmawh a, ka ngaihtuahna bawlhhlawh tak vang hian ṭek in min rawn den ka hlau angreng
Ka lu thing chungin Liliana chu ka zui a, a chhung kan luh chuan a rawn inher a "Keimah a awm ka duh" a ti a
"Inpuanna room ah ka lo awm ang, i hman veleh min hrilh dawn nia" tiin ka chhang a
Liliana POV
Lu ka bu zeuh a, kan inṭhen hrang ta a, hmun fal deuh tukverh bulah chuan ka ṭhu a. Ngawi renga ka awm hian a hahdam thlak viau mai, ka rilru ipik lutuk pawh a dam huai huai. Ka mittui a rawn hnam ṭiam ṭiam a, rilru ṭawngṭaina ka hmang char char
A hmasa berah Pathian hnenah ni thar duhawm tak min hmuh tir avangin lawmthu ka sawi a, ngaihdam ka dil leh bawk, chumi hnuah Carlos a min tihbuaina kha ka hrechhuak leh a, a puihna ka dil leh a, beiseina hlauh lo turin leh sual hneh thei turin ka dil bawk a, ka zawh veleh ka ngawi reng a, ka mittui a rawn luang zawih zawih. Ka rilru hahna ata ka zalen thei tawh ang
Frantz POV
Biakin piah ah chuan inpuanna room a awm a, sakhaw mi ni vak lo mah ila ka nu hian min hruai ṭha em a, puihna dil dan ka hria alawm
"Min ngaidam rawh Father, thil ka tisual a ni" ka ti a, lehlam ah chuan thawm a rawn chhuah, ka thaw hulh a "Hmeichhe pakhat khuaikhem tawk zunah ka uai, thla khat chhung ka bem a, tunah hian hun ṭha ka nei ve chiah. Ka tan a inpeih lo tih ka hria mahse tawp mai hi harsa ka ṭhin. Keimah a peng khat hian zan khat chauh mutpui a duh em em a, mahse tunah erawh hlim taka a awm lai chiah hmuh ka duh. Rilru leh taksa ah pawh inzawmna neih ka duh mahse ka nghah rei pauh leh a hlata awm harsa ka ti a, ka kut hi a hlei dawn zel a" ka ti a
"Anih chu mawle, anih leh chu hmeichhia chuan i duh tih a hria em?" A ti a
"Zan khat atan chauh ka mutpui duh ah a ngai a, mahse thudik chu maw Father, chu aia thuk in ka duh" ka ti chhuak phawng a
"Anih chuan insumtheihna leh dawhtheihna i mamawh dawn tih i hria ani maw ka fapa?" A ti a
"Aw" hnuai lam melh in ka lu ka bu nghauh
"Kal ta tisual leh tawh suh" a rawn tih chuan ka bu leh zeuh a, inpuanna room ka chhuahsan lai chuan ka thawveng deuh hawk, mahse Liliana tello chuan engtin nge ka awm ang ka hre lo takzet
Liliana POV
Ka ṭhutna hmunah chuan ka mittui te pawh a hul vek tawh, chakna dilin ka ṭawngṭai a chhan chu inneih hma chu virgin ka tum ve tlat a ni. Frantz ka hmuh apiang hian ka thil tum hi theihnghilh ṭhak in chet sual pui rawk rawk ka chak ṭhin. Insumtheihna leh ngaihdamna ka dil bawk a, ka ṭawngṭai zawh dawnah lawmthu ka sawi leh a chumi hnuah ka Amen thei ta
Kawngka ah chuan kan intawk a, Biakin chu kan chhuahsan a
Armagio chuan car kawngka a lo hawng a, ngawi rengin kan lut a. Kawngka chu a rawn khar leh a, a nui var bawk, driver seat ah chuan a ṭhu a, mimal zalenna min zahsak in tukverh chu a khar chho a
Kan tlan chhuah hnu chuan ka kut ka khawih leh niap niap, Frantz a erawh in a hmui chu a khawih a, a kut ka va en leh a, suangtuahna ka neih zawm zat, ka pawnfen hnuai han zen chho zel ta se....
"Sawi i nei em ni?" A rawn tih chuan ka harh chhuak zawt, ka lu ka thing a, ka sa nghal pawp pawp, ka ring thei lo
"Kan let leh hma in duh i nei em?" Titi a rawn vawrh a
"Nei e, ice cream lei ila" ka ngaihtuah chhuah hmasak ber anih avangin chuti chuan ka chhang a
"Ice cream maw?" A tih chuan ka lo bu zeuh "Awle tehreng mai" a tih hnuah Armagio chu ice cream awmna hnai bera ding turin a hrilh a
Kan ngawi leh vang vang. Thlemna ka bengah a rawn ri leh a, chu mi chu Frantz a duh duh dana che tura thu pek a ni, ka lu ka thing leh vat
Frantz POV
Limo a kan chuan dun hnuhnung ber kha ka mitthla ah a rawn lang leh, a pawnfen hnuai ka zen chhoh lai vel kha ka hrechhuak uai uai
Ka lu ka thing a, ka aw ka thian kharh, thil dang ngaihtuah ka tum a, Liliana vang hian tui vawt deuha ka in leih a ngai anih hi. Kan haw veleh ka ti ngei ang. Puithiam thusawi kha ka bengah a cham reng, 'dawhtheihna leh insumtheihna' a tih kha ka infuih char char
"Eng maw?" A rawn ti a, "Engmah a ni lo, ka rilru a awm ka sawi chhuak" ka lu ka thing a
"Anih chu mawle..." a ti a, thil dang a sawi lem lo
Armahio a'n ice cream zawrhna dawr ah a ti ding a. Ka chhuak leh nulh a, Liliana ka pui bawk. Dawr kawngka chu ka hawn sak leh a, lai deuh hian "ka lawm e" a biang a tai tek bawk.
Liliana POV
Dawr chhungah chuan kan lut a, ice cream, cookies leh waffle tlawn rim ka hnar a a rawn luh chuan ka nui ver ver, ka ei dawn khawp tiin ka ngaihtuah a
Counter ah chuan ka va kal a, mipa fel hmel deuh mitmeng pawl leh sam buang hian min rawn chhawn a "Tlai chibai u, eng nge i duh ang?" a tih chuan ka nui ker ker a meng kual leh ralh in "waffle bowl lian deuh ah ka duh ang, strawberry fian khat, vanilla, rum raisin, pistachio, pecan leh coconut fian khat telin aw" ka tih chuan Frantz chuan mak a ti lutuk. Frantz chu a zawt ve leh a "Waffle bowl te deuh strawberry fian thum in aw" dawr nghaktu chu a melh char char, ani lahin zam lo tak hian min lo siai a
Kan eitur a rawn ken leh hnu chuan Frantz lam ka hawi a "Ngawi teh Armagio a'n duh a nei ve lo a mi?" Ka ti a
"Duh lo ang" a ti a, mahse ka lo meng rulh "Khawngaihin waffle bowl te ah strawberry fian khat nen ka lo duh ang?" Ka ti a
"I tan te chuan eng pawh a ni mai hmelṭha te" min rawn chhaih vel a, ka lu ka thing a, Frantz chu a lo ding tho at, a hnek nghal sawk. Ice cream an peih hnu chuan ngawi rengin ei tur man a pe a, min kai chhuak daih
Armagio chu ice cream ka pe a, a lawm hmel viau bawk. Car chhungah chuan ka lut a, Frantz a'n min zui ve bawk
Kan chhuah hma chuan ice cream chu ka ei tuam tuam a, tui ka ti hle bawk. Kan awmna pawh ka theihnghilh ṭep, ka meng chiah Frantz a'n min lo en char char
Ka chil ka lem khawlh a, ka hawisawn daih, mahse ka thei tawh hlawl lo, ka zawt tawp "Eng nge?" Ka ti a
"Engmah a ni lo" Frantz a'n a tih chuan ka ngaih a ṭha chiah lo, mahse zawh ka tum lem lo. Fian khat chu ka suak leh hlawih a, a rawn ṭhu chhuak thut a, ka biangah vuanin min rawn fawp a. Chhan letna hun pawh ka nei hman lo, ka nghawng a khawih leh a, min rek chuang miah lo
Boruak kan mamawh thleng chuan kan in fawp a, ka lo chhan let hnu chuan a duhtawk ta aniang, insiamrem in a ṭhu ṭha leh a, ice cream chu a ei ve nghal bawrh bawrh, ka mak ti lutuk chuan ka en reng ringawt
****
Chhunzawm tur
Show post links
Top
| Link: | |
| BBcode: | |
| HTML: | |
| Hide post links |
Liliana POV
Car a kan tlan lai chuan ice cream chu tui ti takin kan ei dun mial mial. Ka phone a rawn ri a, ka han hmu chiah chu ka hmai a dâng vek. Frantz chu ka melh zuai a, hriatchian chak hmel deuhin min lo en reng. Ka chil lem khawlh in rilru ṭawngṭaina nen phone chu ka la a
"Hey nu!" pangngai taka tih ka tum chu harsa ve tak a ni
"Liliana Meredith Chavez!" Ka phone chu a nghawr dar dar, ka hming pum a min koh hi chuan buaina ka tawk dawn tih ka hre nghal mai
"Hi ka nu duhtak" A rilru hneh ngei tum chuan ka han ko nawn leh a
"Khatiang khan min ko re re suh. Tak tak in khua i chhuahsan dawn khan min rawn biak tal ka lo beisei asin mahse chu pawh chu kan chang thei tawh lo anih hi" a phun nuah nuah a
"Nu, nu" ka ko nawn sek a, "Eng nge?" A rawn ti deuh hmuk. Ka thaw hak a "Tihpalh nu, tun lai chu hna kan thawk nasa lutuk a, phone pawh ka bih hman ngang lo a ni" ka ti a, Frantz chuan ka thusawi vangin a mitko a lo san a, dawt sawi ve zeuh a ngai alawm
"Tehreng e, mahse hna i thawk char char lo anih kha, Liliana mi â ka ni lo ania, in boss nen nuam takin in awm a ni lawm ni?" Ka nu i'n min rawn fiam a, ka meng zau deuh kawk
Ka biang a rawn sa hut hut "Nu, awm ṭha teh!" Ka rum nghat ka kut in ka hmai ka khuh ringawt. Frantz erawh ka sawi leh tur nghakin chik deuhin min lo melh a, second tin chuan ka zak telh telh
"Eng nge? Bawihte, risk lak hi a pawina a awm lo ania, i hriatreng tur chu inveng tlat la 'Aih' i tih chu 'Aih' a ni mai aw" Ka nu i'n min fuih pahin thurawn min pe bawk a, zah lutuk vang hian ka thi lo chauh. Kan boss nena inzawmna nei tura infuih chu ka tum dan nen a inhlat em mai
"Nu khawngaihin duhtawk teh, kan boss nen kan inkarah thil thleng a awm lo" zawi deuhin ka vin hrak a, mahse kan thusawi chu a hrereng tih a hriat, a mitmeng ah chuan chimawmna riau a lang, a rawn nui suk bawk, ngaihtuah neih hmel deuhin a awm a
"Awi leh, tunah in awm tlang a ni tiro?" Ka nu chu a rawn ṭawng ring ngang mai "Tihpalh bawihte, hun nuam tak hmang rawh, naktukah kan inbe dawn nia" a hmanhmawh hmel khawp mai
"Nilo, nu i dah kher a ngai lo-" ka la sawi zo hman lo
"Ka hmangaih che!" Tih leh phone dah a rual nghal daih
Chhungril takin ka rum nghat ka mit ka chhing vang vang a thawk ka la halh, ka huaisenna sawm khawm in a mitah tak ka han en a, mi sual tak ka lo nih hi, sual tak ka ni
"Chuan, kan inkarah eng thil mah a awm lo maw?" Harh tak hian seat hnung chu a ngheng a, a kut kuangkuahin hre chak deuh chuan min zawt a
Ka hmai chu khuh in ka rum leh nghat a "Min pui lo khawp mai aw" ka ti a
"Ni love, engkim hi chian vek ka duh alawm" ka lamah a rawn tawlh phei a "Kan in dai zawng zawng te" zawi supin ka ban a zut thla a, ka kut leh ka kiu chu melh in "Kan in melh dan zawng zawng te" a kut chu la sawn in ka mitah a rawn en a "Kan in fawh zawng zawng te" a rawn phun sup a, ka hmui a rawn thawi fua "Engmah lo a ni maw?" A sawi zawh chuan min rawn fawh inringin ka lo inpeih khawp mai, a tawlh sawn daih, min ti hamhaih zo vek
Ka mak ti lutuk chu eng thil nge thleng ka hrethiam mai lo. Ka mit ka khap fuk fuk, chutih lai chuan Frantz a'n ngawi rengin min lo nuih a, ka la no huih mai. Ka lu ka thing a, ka nui chhuak sap. Frantz hi a zei hle a nih hi. Min nawr kal dan a hre hle anih hi. Min hriatchian hmel lutuk hi a mak ka ti chu pawh hun reilote chauh a ni sia
Seat chu ka ngheng ve a, ka meng kual rulh. Chhan pawh ka tum lem lo a chhan chu ka hre tawh, ka hlau deuh tlat. Min hrechiang em anih hi. Chu mi awmzia chu a hriatchian turin ka awm tihna. Tunah hian min tihkehsawm a duh chuan reilote chhungin a ti thei tih ka hria
Ka la inpeih lo. Frantz a tan hian ka inpeih em ka hre lo. A la hma lutuk deuh alawm
Frantz POV
A hmela danglamna chu ka hmu thei. Line ka pel ang tih ka hlau leh hle. Hei hi ka duh loh ber kha a ni. Liliana hi tih hlauh ka duh lo. Duat deuha ka enkawl anih loh chuan ka bulah hian lungmuang in a awm thei lovang. Ka hlatah a awm phah ka hlau. Chu chu ka duh lo, a bula awm reng theih ka duh asin
"I ṭha em? Ka thil sawi vang kha em ni?" Fimkhur takin ka zawt a, line ka pelh ka hlau hle bawk
"Ni lo, engmah a ni lo...Frantz, haw ka duh" ka hlata awm duh tih hriat deuhin a rawn ti chhuak a
"Kan haw dawn alawm" hrethiam lo deuhin ka ti a
"Nilo, Frantz, i inah haw la kei pawh ka inah ka haw ang" fel deuhin a ti a, a hmelah pawh phurna a lang chhuak thei hial mai
"Eng a? Liliana ngaihtuah teh, hei hi chu kan sawi fel tawh kha" ka ti a
"Ni lo, Frantz, Ni love, ka thei lo. I bulah ka awm thei lovang. Hnaih che pawh ka duh lo, min hriat pawh hi ka duh lo, ka thinlung i tihnat hi ka phal lo. Kan inkar thil chu tawp rawh se" a ti chhuak phawng a, tukverh chu a kik a, Armagio chu a phu zawk. "Car hi ti ding rawh" a vin ṭhawk a
Armagio chuan darthlalang aṭang min rawn en a, ka lo buk nghauh takah chuan car chu a ti ding a, Liliana chu car aṭang a zuang chhuak daih. Kawtthler lam a pan daih
"Liliana! Liliana!" Ka au zui vawng vawng mahse ka thusawi hria ang pawn a lang lo. Traffic police chu a kal pel a, chumi hnu chuan kan hmuh phak lo ah a bo daih
Ka lu thing in ka hrethiam lo takzet, car chhungah ka lut a, ngawi rengin kawngka ka khar
A tawp vek
"Khawiah nge kan kal ang?" Armagio chuan min tih thinur hlau takin zawi tein min zawt a
"Armagio i kalna tur chu i hriat kha" ka tih chuan a bu nghauh a, privacy screen chu a herh chho a, keimah te chuan ka awm leh ta
Liliana POV
Mittui tling piau in in lam ka pan a, ka thinurna leih bua in kawngka chu na lutuk in ka pawt hawng ṭhuai a, inchhung ka luh veleh ka kawrfual chu ka hlip sawk sawk, hriatrengna ṭha lo tak ka ngaihtuah chhuak a, ka ṭap ri bawrh bawrh
Ka thei lo alawm. Frantz a hmaah hian chak lo taka lang turin ka inphal lo
Tinge maw? Ka thinlung a tihnat ka hlau, fel deuh angin a lang emaw hawihhawm tak pawh nise a duh a neih hunah min kalsan mai ang
Ni e, chutiang chu a ti ngei ang em tih hi ka chiang lo, mahse risk lak ka ngam lo a ni
Insut faih faih chungin ka mit sen ram chu ka in en a, banga darthlalang te deuh ah chuan ka sam hnawk nuai chu ka en a, ka rum nghat a, bedroom lam ka pan a, ka thawmhnaw bawm chu ka hawng a, pajamas nuam deuh chu ka ha a, khumah chuan mu in ka lu ka khuh bet tlat. Pawna chhuah ngai tawh lo se ka ti takzet. Frantz hmuh ngai tawh lo bawk se mahse chu chu ka ngaihtuahna mai a ni. Ka rilru a awm reng erawh amah chauh chu a ni
Frantz POV
Ka nu hmaa ka va din lai chuan pawnah chhun thingpui a lo in a, min hmu chiah chu mak a ti ve hle mai. Thil engemaw danglam thleng a awm ngeiin a hria, a chhan chu ka thinrim in ka mit a sen rum a, ka awmdan a dik thei hlawl lo, ka sa chhuak vek
"Ciao mamma" ka nu chu chibai ka buk a, thaw chhuak hak in ka nu chuan a thingpui in lai chu a nghat a(A nu hming hi Mariella) a rawn ding a, ka biang rawn khawih in ka chal a chuk a, ka thinlung na hi a dam nghal sawng sawng. A bulah min ṭhut tir a "Ti teh, bawiha, engkim min han hrilh teh" a ti a
Liliana POV
Kar hnih hnu chuan ka dan pangngaiin ka kal char char, chungte chu inchhunga kal kual vel a ni. Ka khum, bathroom, Choka leh ṭhutthleng a ni. Ngaihzawng ka ṭhen hlima ka awmdan kha ka zawm leh chiah. Ei tur ka neih tawh loh chuan online in ka chah a, pawnah an rawn dah ṭhin. Ka chhungte chu phone ah ka be zeuh zel bawk a, tumah ka kawm lo tluk a ni. Quebec a Chamille ka biak bak kha chu a chanchin ka hre ta lo, mahse a reh duk leh ṭhian kawm loh hi nuam ka ti tho
Mal taka awm leh lungngai taka awm hi pawi ka ti lo, theihnghilh nih thlengin
Kar hnih chhung chu Mr Cavalier chanchin pawh ka hre ta lo. Ka hnawl ngun tawh em a, tunah chuan a beidawng ve tawh ngei ang le. Hun khawhral a duh bik ka ring lo. Engvangin kan tih chuan a tir aṭang khan ka chiang ngam lo alawm. A rawn hnaih apiangin ka nam sawn ṭhin. Tunah chuan a kal bo tak tak tawh aniang. A ṭha zawkah ngai ang
Thla khat a liam leh meuh chuan hma lam pan ka tum ve ta. Mr Cavalier chu ka hmachhawn thei tawh lovang. A hnaih taka ka awm chuan ka â thei mai ang. Chutiang ka ngaihtuah chuan ka zak zawk. Min duh ve na a lo neih te pawh theihnghilh in bul ṭan thar ka ngai anih hi. Banna ka theh lut a, ka chawlh lak ka hmang zo vek bawk a, tunah chuan tumahin min rawn tibuai tawh lovang. A account ah pawisa ka la nei bawk a, thla ruk chhung chuan buaina ka nei lovang, hna te ka la zawng ang chu. Tunah rih chuan khum aṭanga thawh a, mahni infuih ka mamawh in chhuahsan a, hna zawn a ngai tlat
Ni hnih hnuah chuan ka huaisenna sawm khawm in kawngka lam ka pan a. Khawvel hmuh a ka chhuah chuan mi ho hian Billionaire ka ngaihzawn vang hian min lo nuih vek dawn tlat in ka hria. Chu chu ka ngaihdan diktak a ni. Ka kawngka hi an rawn kik ka ring ngai lo, Chamille chu a lo ding reng
"Wow, i lan dan chu kum tam tak chhung ni hmuh tawh lo ang mai i ni" chibai min buk a, ka sawm hran ngai lovin inchhungah a rawn pen lut
"Khawngaihin lo lut rawh" kawngka ka khar a, ṭhian ka nei tur chu ka lu a na bur thei hial mai
"I chungah eng thil nge thleng? Ka rawn call che a, ka text bawk che, engmah ka hre bawk si lo" a ti a, dar chet zeuhin Chamille chu ka kal pel a, ṭhut hmun ah chuan chauh hmel deuhin ka ṭhu hnawk
Eng thil nge ka chungah thleng tih hriat tumin min rawn en a, duhdah deuha ka ṭhu a hmuh chuan a lu a thing a "Liliana khawiah mah ka kal dawn lo ania, min biak ngei chu a ngai ang" a ti a
"Eng nge hetah i rawn tih Chamille? Huh? Ṭhian pawh kan nih loh hi. Eng nge ka lakah i duh?" Sual hmel deuha lan tum chuan ka ti hmak a
"Min hnawh kian i tum anih chuan a thleng ngai lovang tunah ṭawng tir dan che chu ka hria alawm" a sawi dan aṭang pawhin a hna ah a ngai tih a hriat, inah chuan a kal kual a, parda chu a pawt chho a, tukverh chu a hawng a, inchhungah chuan eng a rawn lut ve chiah
Ni zung chu hua ni awm hrim in ka ner sawk a, inchhungah ka awm rei lutuk a, sahuai ni do ang ka ni ber tawh e
"Engvangin? Engvangin nge ka chungah heng hi i tih?" Ka rum leh nghat a, ka thusawi chu hre lo ang maiin ka in chu ni zung a luh tir nawn mawlh mawlh
A zawh chuan choka lam a pan a, breakfast chu a siam zung zung. Choka chu a tifai bawk a, a peih fel hnu chuan ka lam a rawn pan a "Min ngaithla teh, nula second thum chhungin choka lam i pan vat a ngai, va ṭhu la ei rawh, in ngaihtuah lung hnur tawh suh, chuti lo chuan keimah ngei hian ka nawr lui mai ang che" a ti a, hrethiam lo takin ka mit ka khap fuk. A fa phir te a tih ṭhin dan a ni ngei ang le
"Vawi khat" a chhiar ṭan a, a ti tak tak ang em tih ngaihtuah in ka en char char
"Vawi hnih" a chhiar zawm leh a, a mitmeng ka en chuan ka zam hle mai. A mitko a san a, vawi thum chhiar tuma ka a an leh lai takin ka zuang tho zawt "Awle, Awle, ka kal" ka lu thing chungin choka dawhkan ah ka ṭhu a, Chamille pawhin min zawm ve zat, kan plate a fai ṭhak hnuah ka lam a rawn hawi a "Sawi rawh le" a ti a
Ka meng kual ralh a, mahse sawi chhuah chu a ṭha zawk maithei in up reng hi a har em mai. Chamille i'n a hriat duh chuan a pawi dawn em maw ni le
"Mr Cavalier nen kan infawp. Thlawhna leh Rome ah khan, mahse Mr Cavalier chuan min mutpui bak tum a neiin ka hre lo, Carlos nen kan nih hma khan ania. Carlos nen kan inzui hnu khan engkim a kal tluang purh. In mangṭha nan min fawp a, mahse tihluihna a ni zawk mah, mawi lo takin min khawih bawk mak ka tih zia mai chu ka hlau ta hle mai a. Quebec a ka biak hnu che khan Carlos a'n min lo hmuak a, tualah kan ding a, inchhung luh min dil a, ka duh loh avangin kawtthler ah min pawngsual a tum a, a hun takah Mr Cavalier hian min rawn chhan a, a inah min hruai haw in hun pe turin min dil a, hun kan hmang dun a, chumi hnu chuan min kalsan turin ka ti ta alawm, ka hmuh leh ta lo re re" Ka hrilh fai ta vek, min tibuai miah lovin a lo ngaithla char char
"A ṭha e, i kalsan hnu chuan eng nge i an tak zel?" Therapist in damlo te in hawn tir tuma a bei hi kan ang zawk mah
"Ka khum hi nuam ka ti ber, ṭhutthleng nen hian. Bill ka pe ṭha a, ka dam e" Ṭhat hmel deuha lan ka tum a, mahse tumah ka bum lo tih kan hre chiang dun viau
"Ni e in lam ka pan tawh ang e, i tanna khur aṭang khan rawn chhuak la, khawvel hi chen leh rawh, min rawn be bawk la aw, inbiakna nuam tak a ni" a purse la in a chhuak a
Chamille chhuahna kawngka inkhar chu ka en char char, ka mit khap fuk in ka lu ka thing a. Min rawn tlawh tu awm chhun aniang. Ka chhungte pawhin min rawn tlawh ngai lo. Nui ver ver in ka lu ka thing a, ka dam deuh huai mai. Ka ding hluai in choka chu ka tifai a, inchhung pawh ka tifai tel bawk. Music ring deuhin ka play a, ka tho thang deuh sawt. Ka hriat loh laiin minute nga a lo ral der, Minute sawm a ral leh a Mr Cavalier ngaihtuah lo in ka awm rei thei hle mai. Minute sawmthum a ral hnu chuan Chamille i'n min rawn kan avangin ka lawm tawh khawp mai, ka lungngaihna ata min rawn kai chhuak a, reilote pawh nise a lawmawm
Frantz POV
Ka nu te bulah thatchhe deuha ka awm vangin min hau a
"Engtikah nge hnathawk tura i let dawn? Kan in aṭang hian tha tho takin chhuak tawh rawh" swimming pool ah chanchinbu chhiara ka lo mu ar ar lai chu ka nu in min rawn zawt a
"Ma, tikhan i sawi nan ka chhuahsan che u chuan min ngai lutuk ang a, min ko let leh vat dawn tih ka hria" ka ti a, a rum chhuak nghat a
"Frantz, i hmel hi ka ning tawh, in ti pachang la, chu hmeichhia chu va zawng rawh. I hlim phah mai ang" a ti a
"Mama..." ka rum nghut, ngaihtuah ka duh lo, hriatchhuah ka duh lo. Pawisawi lo hmel takin a zunah min uai tir a, a mizia kawlh tak leh a hmui nem thak te kha, ka thinlung hi kawng sir ah a hnawl anih ber mai hi
"Frantz, Christina ang lo takin he hmeichhia hian a phatsan hleinem che. I hmu thiam lo em ni? I hmangaih thei ang em chian a duh a, a thinlung i tihnat a phal lo mai chauh alawm. Chu zawng chu a hriat duh a ni. Intiamna a duh a ni, a thinlung a kawltir thei che ang em tih a hre duh anih chu" a ti a
Ka mit sirin ka va melh a "Min kaltir i duh vangin i sawi mai mai anih kha" ka ti a
"A thawh hmel em?" A rawn ti a, ka lu thing in ka nui a, ka nu pawh a rawn nui hawk hawk
"Ti teh Frantz, inngaihtuah lungpuam tawh lovin tho la chu hmeichhia chu neih tumin kal rawh anih loh pawhin chhuak re re rawh, engemaw tak chu i tih a ngai a ni" kan nuih zawh chuan min nawr leh a
"Inbiakna nuam tak a ni" ka ti a, ka nu chu a ding reng. Ka lu ah a fawp a "Ti amo figlio mio" tih leh kalsawn a rual a
Ka nu kalsawn hnu chuan a vawi za na atan Liliana chu ka rilru ah a rawn lang leh, tu hmeichhia mah hi hetiang hian ka ngaihtuah ngai lo. Ka hmuh tawp ber aṭang thla khat a liam der, ni a liam zel a, min theihnghilh in bul a ṭan ang tih ka hlau ber. Mahse eng nge tih theih ka neih le? A tirah kha chuan nuam a ti a, mahse vawi tam tak min hnawl hnuah hian kei hian ka ti lui zel em maw ni. Ka duhdan kha chu a ni ṭhin alawm. A duhthlanna ngeiin min thlang se ka duh, a tawpah chuan duhthlanna ni lo se chu engmah a nei tawh lovang ni lawm ni?
Ka lu thing in ka rum leh nghut, ka thluak te chu Liliana vangin a na ut ut. Armagio a'n phone call ka dawn vanga min lo pan pawh chu ka lo hre lo
"Cavalier ka ni e" Armagio a min pek phone chu ka bengah ka chuktuah a
"Hello Mr Cavalier, Deputy Charles ka nia, ka hrilh duh che chu kan mi man Carlos Gonzalez kha jail aṭang a tlanchhuak" a rawn ti a, ka sa nghal phat
Liliana POV
Ṭhutthleng ah chuan ka ṭhu a, ka in tihfel vel chu inchhuang takin ka en vang vang, phone a rawn ri a. Ka chhungte an ni tih ka hriat chuan "Hey nu" ka ti vat
"Liliana! Liliana min pui rawh! Liliana" ka nu au thawm chu ka hria, na ti deuh hian a ṭap a
"Nu? Nu eng thil nge thleng?" Ka ṭhu ngil zawt. Ka thin a phu nghal dut dut, ka rilru a hah ngei mai, a aw ka hre chiah chu ka tihrawl thleng hian ka mur chuai chuai thei, ka thin a tawt up up bawk "Hello Liliana. Ka tihpalh lutuk mahse i chhungte chu an buai rih tlat, phone an chhang thei lovang mahse i sawi duh chu ka lo hrilh dawn nia" a ti a
****
Chhunzawm tur
Show post links
Top
Car a kan tlan lai chuan ice cream chu tui ti takin kan ei dun mial mial. Ka phone a rawn ri a, ka han hmu chiah chu ka hmai a dâng vek. Frantz chu ka melh zuai a, hriatchian chak hmel deuhin min lo en reng. Ka chil lem khawlh in rilru ṭawngṭaina nen phone chu ka la a
"Hey nu!" pangngai taka tih ka tum chu harsa ve tak a ni
"Liliana Meredith Chavez!" Ka phone chu a nghawr dar dar, ka hming pum a min koh hi chuan buaina ka tawk dawn tih ka hre nghal mai
"Hi ka nu duhtak" A rilru hneh ngei tum chuan ka han ko nawn leh a
"Khatiang khan min ko re re suh. Tak tak in khua i chhuahsan dawn khan min rawn biak tal ka lo beisei asin mahse chu pawh chu kan chang thei tawh lo anih hi" a phun nuah nuah a
"Nu, nu" ka ko nawn sek a, "Eng nge?" A rawn ti deuh hmuk. Ka thaw hak a "Tihpalh nu, tun lai chu hna kan thawk nasa lutuk a, phone pawh ka bih hman ngang lo a ni" ka ti a, Frantz chuan ka thusawi vangin a mitko a lo san a, dawt sawi ve zeuh a ngai alawm
"Tehreng e, mahse hna i thawk char char lo anih kha, Liliana mi â ka ni lo ania, in boss nen nuam takin in awm a ni lawm ni?" Ka nu i'n min rawn fiam a, ka meng zau deuh kawk
Ka biang a rawn sa hut hut "Nu, awm ṭha teh!" Ka rum nghat ka kut in ka hmai ka khuh ringawt. Frantz erawh ka sawi leh tur nghakin chik deuhin min lo melh a, second tin chuan ka zak telh telh
"Eng nge? Bawihte, risk lak hi a pawina a awm lo ania, i hriatreng tur chu inveng tlat la 'Aih' i tih chu 'Aih' a ni mai aw" Ka nu i'n min fuih pahin thurawn min pe bawk a, zah lutuk vang hian ka thi lo chauh. Kan boss nena inzawmna nei tura infuih chu ka tum dan nen a inhlat em mai
"Nu khawngaihin duhtawk teh, kan boss nen kan inkarah thil thleng a awm lo" zawi deuhin ka vin hrak a, mahse kan thusawi chu a hrereng tih a hriat, a mitmeng ah chuan chimawmna riau a lang, a rawn nui suk bawk, ngaihtuah neih hmel deuhin a awm a
"Awi leh, tunah in awm tlang a ni tiro?" Ka nu chu a rawn ṭawng ring ngang mai "Tihpalh bawihte, hun nuam tak hmang rawh, naktukah kan inbe dawn nia" a hmanhmawh hmel khawp mai
"Nilo, nu i dah kher a ngai lo-" ka la sawi zo hman lo
"Ka hmangaih che!" Tih leh phone dah a rual nghal daih
Chhungril takin ka rum nghat ka mit ka chhing vang vang a thawk ka la halh, ka huaisenna sawm khawm in a mitah tak ka han en a, mi sual tak ka lo nih hi, sual tak ka ni
"Chuan, kan inkarah eng thil mah a awm lo maw?" Harh tak hian seat hnung chu a ngheng a, a kut kuangkuahin hre chak deuh chuan min zawt a
Ka hmai chu khuh in ka rum leh nghat a "Min pui lo khawp mai aw" ka ti a
"Ni love, engkim hi chian vek ka duh alawm" ka lamah a rawn tawlh phei a "Kan in dai zawng zawng te" zawi supin ka ban a zut thla a, ka kut leh ka kiu chu melh in "Kan in melh dan zawng zawng te" a kut chu la sawn in ka mitah a rawn en a "Kan in fawh zawng zawng te" a rawn phun sup a, ka hmui a rawn thawi fua "Engmah lo a ni maw?" A sawi zawh chuan min rawn fawh inringin ka lo inpeih khawp mai, a tawlh sawn daih, min ti hamhaih zo vek
Ka mak ti lutuk chu eng thil nge thleng ka hrethiam mai lo. Ka mit ka khap fuk fuk, chutih lai chuan Frantz a'n ngawi rengin min lo nuih a, ka la no huih mai. Ka lu ka thing a, ka nui chhuak sap. Frantz hi a zei hle a nih hi. Min nawr kal dan a hre hle anih hi. Min hriatchian hmel lutuk hi a mak ka ti chu pawh hun reilote chauh a ni sia
Seat chu ka ngheng ve a, ka meng kual rulh. Chhan pawh ka tum lem lo a chhan chu ka hre tawh, ka hlau deuh tlat. Min hrechiang em anih hi. Chu mi awmzia chu a hriatchian turin ka awm tihna. Tunah hian min tihkehsawm a duh chuan reilote chhungin a ti thei tih ka hria
Ka la inpeih lo. Frantz a tan hian ka inpeih em ka hre lo. A la hma lutuk deuh alawm
Frantz POV
A hmela danglamna chu ka hmu thei. Line ka pel ang tih ka hlau leh hle. Hei hi ka duh loh ber kha a ni. Liliana hi tih hlauh ka duh lo. Duat deuha ka enkawl anih loh chuan ka bulah hian lungmuang in a awm thei lovang. Ka hlatah a awm phah ka hlau. Chu chu ka duh lo, a bula awm reng theih ka duh asin
"I ṭha em? Ka thil sawi vang kha em ni?" Fimkhur takin ka zawt a, line ka pelh ka hlau hle bawk
"Ni lo, engmah a ni lo...Frantz, haw ka duh" ka hlata awm duh tih hriat deuhin a rawn ti chhuak a
"Kan haw dawn alawm" hrethiam lo deuhin ka ti a
"Nilo, Frantz, i inah haw la kei pawh ka inah ka haw ang" fel deuhin a ti a, a hmelah pawh phurna a lang chhuak thei hial mai
"Eng a? Liliana ngaihtuah teh, hei hi chu kan sawi fel tawh kha" ka ti a
"Ni lo, Frantz, Ni love, ka thei lo. I bulah ka awm thei lovang. Hnaih che pawh ka duh lo, min hriat pawh hi ka duh lo, ka thinlung i tihnat hi ka phal lo. Kan inkar thil chu tawp rawh se" a ti chhuak phawng a, tukverh chu a kik a, Armagio chu a phu zawk. "Car hi ti ding rawh" a vin ṭhawk a
Armagio chuan darthlalang aṭang min rawn en a, ka lo buk nghauh takah chuan car chu a ti ding a, Liliana chu car aṭang a zuang chhuak daih. Kawtthler lam a pan daih
"Liliana! Liliana!" Ka au zui vawng vawng mahse ka thusawi hria ang pawn a lang lo. Traffic police chu a kal pel a, chumi hnu chuan kan hmuh phak lo ah a bo daih
Ka lu thing in ka hrethiam lo takzet, car chhungah ka lut a, ngawi rengin kawngka ka khar
A tawp vek
"Khawiah nge kan kal ang?" Armagio chuan min tih thinur hlau takin zawi tein min zawt a
"Armagio i kalna tur chu i hriat kha" ka tih chuan a bu nghauh a, privacy screen chu a herh chho a, keimah te chuan ka awm leh ta
Liliana POV
Mittui tling piau in in lam ka pan a, ka thinurna leih bua in kawngka chu na lutuk in ka pawt hawng ṭhuai a, inchhung ka luh veleh ka kawrfual chu ka hlip sawk sawk, hriatrengna ṭha lo tak ka ngaihtuah chhuak a, ka ṭap ri bawrh bawrh
Ka thei lo alawm. Frantz a hmaah hian chak lo taka lang turin ka inphal lo
Tinge maw? Ka thinlung a tihnat ka hlau, fel deuh angin a lang emaw hawihhawm tak pawh nise a duh a neih hunah min kalsan mai ang
Ni e, chutiang chu a ti ngei ang em tih hi ka chiang lo, mahse risk lak ka ngam lo a ni
Insut faih faih chungin ka mit sen ram chu ka in en a, banga darthlalang te deuh ah chuan ka sam hnawk nuai chu ka en a, ka rum nghat a, bedroom lam ka pan a, ka thawmhnaw bawm chu ka hawng a, pajamas nuam deuh chu ka ha a, khumah chuan mu in ka lu ka khuh bet tlat. Pawna chhuah ngai tawh lo se ka ti takzet. Frantz hmuh ngai tawh lo bawk se mahse chu chu ka ngaihtuahna mai a ni. Ka rilru a awm reng erawh amah chauh chu a ni
Frantz POV
Ka nu hmaa ka va din lai chuan pawnah chhun thingpui a lo in a, min hmu chiah chu mak a ti ve hle mai. Thil engemaw danglam thleng a awm ngeiin a hria, a chhan chu ka thinrim in ka mit a sen rum a, ka awmdan a dik thei hlawl lo, ka sa chhuak vek
"Ciao mamma" ka nu chu chibai ka buk a, thaw chhuak hak in ka nu chuan a thingpui in lai chu a nghat a(A nu hming hi Mariella) a rawn ding a, ka biang rawn khawih in ka chal a chuk a, ka thinlung na hi a dam nghal sawng sawng. A bulah min ṭhut tir a "Ti teh, bawiha, engkim min han hrilh teh" a ti a
Liliana POV
Kar hnih hnu chuan ka dan pangngaiin ka kal char char, chungte chu inchhunga kal kual vel a ni. Ka khum, bathroom, Choka leh ṭhutthleng a ni. Ngaihzawng ka ṭhen hlima ka awmdan kha ka zawm leh chiah. Ei tur ka neih tawh loh chuan online in ka chah a, pawnah an rawn dah ṭhin. Ka chhungte chu phone ah ka be zeuh zel bawk a, tumah ka kawm lo tluk a ni. Quebec a Chamille ka biak bak kha chu a chanchin ka hre ta lo, mahse a reh duk leh ṭhian kawm loh hi nuam ka ti tho
Mal taka awm leh lungngai taka awm hi pawi ka ti lo, theihnghilh nih thlengin
Kar hnih chhung chu Mr Cavalier chanchin pawh ka hre ta lo. Ka hnawl ngun tawh em a, tunah chuan a beidawng ve tawh ngei ang le. Hun khawhral a duh bik ka ring lo. Engvangin kan tih chuan a tir aṭang khan ka chiang ngam lo alawm. A rawn hnaih apiangin ka nam sawn ṭhin. Tunah chuan a kal bo tak tak tawh aniang. A ṭha zawkah ngai ang
Thla khat a liam leh meuh chuan hma lam pan ka tum ve ta. Mr Cavalier chu ka hmachhawn thei tawh lovang. A hnaih taka ka awm chuan ka â thei mai ang. Chutiang ka ngaihtuah chuan ka zak zawk. Min duh ve na a lo neih te pawh theihnghilh in bul ṭan thar ka ngai anih hi. Banna ka theh lut a, ka chawlh lak ka hmang zo vek bawk a, tunah chuan tumahin min rawn tibuai tawh lovang. A account ah pawisa ka la nei bawk a, thla ruk chhung chuan buaina ka nei lovang, hna te ka la zawng ang chu. Tunah rih chuan khum aṭanga thawh a, mahni infuih ka mamawh in chhuahsan a, hna zawn a ngai tlat
Ni hnih hnuah chuan ka huaisenna sawm khawm in kawngka lam ka pan a. Khawvel hmuh a ka chhuah chuan mi ho hian Billionaire ka ngaihzawn vang hian min lo nuih vek dawn tlat in ka hria. Chu chu ka ngaihdan diktak a ni. Ka kawngka hi an rawn kik ka ring ngai lo, Chamille chu a lo ding reng
"Wow, i lan dan chu kum tam tak chhung ni hmuh tawh lo ang mai i ni" chibai min buk a, ka sawm hran ngai lovin inchhungah a rawn pen lut
"Khawngaihin lo lut rawh" kawngka ka khar a, ṭhian ka nei tur chu ka lu a na bur thei hial mai
"I chungah eng thil nge thleng? Ka rawn call che a, ka text bawk che, engmah ka hre bawk si lo" a ti a, dar chet zeuhin Chamille chu ka kal pel a, ṭhut hmun ah chuan chauh hmel deuhin ka ṭhu hnawk
Eng thil nge ka chungah thleng tih hriat tumin min rawn en a, duhdah deuha ka ṭhu a hmuh chuan a lu a thing a "Liliana khawiah mah ka kal dawn lo ania, min biak ngei chu a ngai ang" a ti a
"Eng nge hetah i rawn tih Chamille? Huh? Ṭhian pawh kan nih loh hi. Eng nge ka lakah i duh?" Sual hmel deuha lan tum chuan ka ti hmak a
"Min hnawh kian i tum anih chuan a thleng ngai lovang tunah ṭawng tir dan che chu ka hria alawm" a sawi dan aṭang pawhin a hna ah a ngai tih a hriat, inah chuan a kal kual a, parda chu a pawt chho a, tukverh chu a hawng a, inchhungah chuan eng a rawn lut ve chiah
Ni zung chu hua ni awm hrim in ka ner sawk a, inchhungah ka awm rei lutuk a, sahuai ni do ang ka ni ber tawh e
"Engvangin? Engvangin nge ka chungah heng hi i tih?" Ka rum leh nghat a, ka thusawi chu hre lo ang maiin ka in chu ni zung a luh tir nawn mawlh mawlh
A zawh chuan choka lam a pan a, breakfast chu a siam zung zung. Choka chu a tifai bawk a, a peih fel hnu chuan ka lam a rawn pan a "Min ngaithla teh, nula second thum chhungin choka lam i pan vat a ngai, va ṭhu la ei rawh, in ngaihtuah lung hnur tawh suh, chuti lo chuan keimah ngei hian ka nawr lui mai ang che" a ti a, hrethiam lo takin ka mit ka khap fuk. A fa phir te a tih ṭhin dan a ni ngei ang le
"Vawi khat" a chhiar ṭan a, a ti tak tak ang em tih ngaihtuah in ka en char char
"Vawi hnih" a chhiar zawm leh a, a mitmeng ka en chuan ka zam hle mai. A mitko a san a, vawi thum chhiar tuma ka a an leh lai takin ka zuang tho zawt "Awle, Awle, ka kal" ka lu thing chungin choka dawhkan ah ka ṭhu a, Chamille pawhin min zawm ve zat, kan plate a fai ṭhak hnuah ka lam a rawn hawi a "Sawi rawh le" a ti a
Ka meng kual ralh a, mahse sawi chhuah chu a ṭha zawk maithei in up reng hi a har em mai. Chamille i'n a hriat duh chuan a pawi dawn em maw ni le
"Mr Cavalier nen kan infawp. Thlawhna leh Rome ah khan, mahse Mr Cavalier chuan min mutpui bak tum a neiin ka hre lo, Carlos nen kan nih hma khan ania. Carlos nen kan inzui hnu khan engkim a kal tluang purh. In mangṭha nan min fawp a, mahse tihluihna a ni zawk mah, mawi lo takin min khawih bawk mak ka tih zia mai chu ka hlau ta hle mai a. Quebec a ka biak hnu che khan Carlos a'n min lo hmuak a, tualah kan ding a, inchhung luh min dil a, ka duh loh avangin kawtthler ah min pawngsual a tum a, a hun takah Mr Cavalier hian min rawn chhan a, a inah min hruai haw in hun pe turin min dil a, hun kan hmang dun a, chumi hnu chuan min kalsan turin ka ti ta alawm, ka hmuh leh ta lo re re" Ka hrilh fai ta vek, min tibuai miah lovin a lo ngaithla char char
"A ṭha e, i kalsan hnu chuan eng nge i an tak zel?" Therapist in damlo te in hawn tir tuma a bei hi kan ang zawk mah
"Ka khum hi nuam ka ti ber, ṭhutthleng nen hian. Bill ka pe ṭha a, ka dam e" Ṭhat hmel deuha lan ka tum a, mahse tumah ka bum lo tih kan hre chiang dun viau
"Ni e in lam ka pan tawh ang e, i tanna khur aṭang khan rawn chhuak la, khawvel hi chen leh rawh, min rawn be bawk la aw, inbiakna nuam tak a ni" a purse la in a chhuak a
Chamille chhuahna kawngka inkhar chu ka en char char, ka mit khap fuk in ka lu ka thing a. Min rawn tlawh tu awm chhun aniang. Ka chhungte pawhin min rawn tlawh ngai lo. Nui ver ver in ka lu ka thing a, ka dam deuh huai mai. Ka ding hluai in choka chu ka tifai a, inchhung pawh ka tifai tel bawk. Music ring deuhin ka play a, ka tho thang deuh sawt. Ka hriat loh laiin minute nga a lo ral der, Minute sawm a ral leh a Mr Cavalier ngaihtuah lo in ka awm rei thei hle mai. Minute sawmthum a ral hnu chuan Chamille i'n min rawn kan avangin ka lawm tawh khawp mai, ka lungngaihna ata min rawn kai chhuak a, reilote pawh nise a lawmawm
Frantz POV
Ka nu te bulah thatchhe deuha ka awm vangin min hau a
"Engtikah nge hnathawk tura i let dawn? Kan in aṭang hian tha tho takin chhuak tawh rawh" swimming pool ah chanchinbu chhiara ka lo mu ar ar lai chu ka nu in min rawn zawt a
"Ma, tikhan i sawi nan ka chhuahsan che u chuan min ngai lutuk ang a, min ko let leh vat dawn tih ka hria" ka ti a, a rum chhuak nghat a
"Frantz, i hmel hi ka ning tawh, in ti pachang la, chu hmeichhia chu va zawng rawh. I hlim phah mai ang" a ti a
"Mama..." ka rum nghut, ngaihtuah ka duh lo, hriatchhuah ka duh lo. Pawisawi lo hmel takin a zunah min uai tir a, a mizia kawlh tak leh a hmui nem thak te kha, ka thinlung hi kawng sir ah a hnawl anih ber mai hi
"Frantz, Christina ang lo takin he hmeichhia hian a phatsan hleinem che. I hmu thiam lo em ni? I hmangaih thei ang em chian a duh a, a thinlung i tihnat a phal lo mai chauh alawm. Chu zawng chu a hriat duh a ni. Intiamna a duh a ni, a thinlung a kawltir thei che ang em tih a hre duh anih chu" a ti a
Ka mit sirin ka va melh a "Min kaltir i duh vangin i sawi mai mai anih kha" ka ti a
"A thawh hmel em?" A rawn ti a, ka lu thing in ka nui a, ka nu pawh a rawn nui hawk hawk
"Ti teh Frantz, inngaihtuah lungpuam tawh lovin tho la chu hmeichhia chu neih tumin kal rawh anih loh pawhin chhuak re re rawh, engemaw tak chu i tih a ngai a ni" kan nuih zawh chuan min nawr leh a
"Inbiakna nuam tak a ni" ka ti a, ka nu chu a ding reng. Ka lu ah a fawp a "Ti amo figlio mio" tih leh kalsawn a rual a
Ka nu kalsawn hnu chuan a vawi za na atan Liliana chu ka rilru ah a rawn lang leh, tu hmeichhia mah hi hetiang hian ka ngaihtuah ngai lo. Ka hmuh tawp ber aṭang thla khat a liam der, ni a liam zel a, min theihnghilh in bul a ṭan ang tih ka hlau ber. Mahse eng nge tih theih ka neih le? A tirah kha chuan nuam a ti a, mahse vawi tam tak min hnawl hnuah hian kei hian ka ti lui zel em maw ni. Ka duhdan kha chu a ni ṭhin alawm. A duhthlanna ngeiin min thlang se ka duh, a tawpah chuan duhthlanna ni lo se chu engmah a nei tawh lovang ni lawm ni?
Ka lu thing in ka rum leh nghut, ka thluak te chu Liliana vangin a na ut ut. Armagio a'n phone call ka dawn vanga min lo pan pawh chu ka lo hre lo
"Cavalier ka ni e" Armagio a min pek phone chu ka bengah ka chuktuah a
"Hello Mr Cavalier, Deputy Charles ka nia, ka hrilh duh che chu kan mi man Carlos Gonzalez kha jail aṭang a tlanchhuak" a rawn ti a, ka sa nghal phat
Liliana POV
Ṭhutthleng ah chuan ka ṭhu a, ka in tihfel vel chu inchhuang takin ka en vang vang, phone a rawn ri a. Ka chhungte an ni tih ka hriat chuan "Hey nu" ka ti vat
"Liliana! Liliana min pui rawh! Liliana" ka nu au thawm chu ka hria, na ti deuh hian a ṭap a
"Nu? Nu eng thil nge thleng?" Ka ṭhu ngil zawt. Ka thin a phu nghal dut dut, ka rilru a hah ngei mai, a aw ka hre chiah chu ka tihrawl thleng hian ka mur chuai chuai thei, ka thin a tawt up up bawk "Hello Liliana. Ka tihpalh lutuk mahse i chhungte chu an buai rih tlat, phone an chhang thei lovang mahse i sawi duh chu ka lo hrilh dawn nia" a ti a
****
Chhunzawm tur
Show post links
Top
| Link: | |
| BBcode: | |
| HTML: | |
| Hide post links |
Local Advertisement
MOBILE SIAM ZIR DUH TAN!!!
Tech-Inn Mobile Repairing Traning Centre, Bazar bungkawn
Kum tin mi za chuang eizawnna kan siamsak a, Eizawnna tlaka thiam turin kan zirtir thin
Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122
Liliana POV
"Eng thil nge i duh?" Boruak chu ka hip kawk kawk, ka thawk te hi a buai zo dawn. Ka awm te hi a na viau mai
"Engmah ni love, ka ta diktak hi ka la let leh dawn a ni mai" Carlos a'n a tih chuan ka duh vang reng ni lovin ka hmul thi a ding sung sung, ka chhip aṭanga ka ke ler thleng hian nuam lo takin ka awm phah
"I neih engmah ka kawl lo" bo takin ka chhang a, thawk lak ka tum a, a har ṭalh. Ka thin a phu nasa lutuk
"I nei alawm, ka ram awp chhung ka hauh sa hi ui dangin min chuh pui ka phal lo hrim hrim" a tih zawm leh zat, a ât loh tal pawhin a rapthlak ve hle ang
"Mi hurherh tak i nih hi Carlos, tenawm lutuk" ka ânkhum ve siah siah, tu ta mah ka ni lo tih hi ka lantir a ngai
"Min han ânkhum tak tak mai teh, ka duat. Tu zahngaihna hnuaiah nge i awm tih hi ka hriattir dawn khawp che" Carlos chuan min hriattir nawn leh a, ka nu leh pa ka hriat chhuah avangin ka huaisenna pawh hi vur ang maiin a khal vek thei hialin ka hria, chil ka lem khawlh a, hlauthawng tak chungin "Khawngaihin tina lo hram rawh" ka ti a
"Liliana chutiang dil thei dinhmunah i ding in ka hre lo" Carlos aw ah chuan hlauhawmna a lang thei hial mai
"Ka lak aṭang hian eng nge i duh Carlos? Eng thil nge i duh?" Ka induhna zawng zawng pawh ka chhungte vangin ka dah ṭhat rih mai a ngai. Ka chhungte ka chhan phawt a ngai, chu chu tun huna pawimawh ber a ni
"Hotel changkang deuh, i chhungte in aṭanga minute sawmthum kal ah khan darkar hnih chhungin i rawn kal hman ang em?" Carlos a'n a ti a
Ka mit khap fukin ka lu ka thing a "Engtin nge chutianga hma chuan ka rawn thlen theih ang a? State dang ah ka awm daih hi" ka ti a
"I fing alawm ngaihtuah ve mai rawh" Carlos chuan a aw ki a rawn san a, phone chu ka dah sawn tawp, phone chu a dah hmak "Hello? Hello? Carlos" phone ah chuan ka au vak, awmzia a nei lo khawp mai
Cushion ah phone chu ka dah a, rum nghat in ka au chiam. Lungngaihna, thinurna, hlauhna leh ṭihna hian min hual hlup ni maiin ka hria. Hotel thlen nan darkar hnih chauh ka nei si a, tihngaihna ka hre lo takzet. Ka rilru a buai a, ka chal a rawn thlan ṭiam ṭiam. Rang taka min thlenpui thei tur mi pakhat chu an awm chiang alawm
Mr Cavalier ka ngaihtuah chhuak a, a number chu ka dial ngam chiah lo. Ka chapona dah ṭha pawh ni ila min pui duh ang em? A chungah ka sual si a, ka mood inthlak thut thut pawh min buaipui zel kha ania. Min puih hnuah beisei a nei ang em tih pawh ka chiang lo. Bat neih ṭun chu ka duh bik lo. Ka nunah hian nghawng a nei thui si a, ba ka neih ka hlau takzet. Frantz a lakah ba neih hi ka ngaingam thei lo
Room ah chuan ka kal kual thuak thuak a, rilru fim tak put a ngai, second tin mai chuan in aṭanga tlan chhuah a, airport hnai berah Atlanta Georgia pan nghal rum rum te kha ka duh hial. Orlando Florida bul chiah Airport ah hla vak lo mahse darkar hnih chhungin ka thleng hman ngei ang em ka sawi thei lo
Bang chu ka ngheng a, ka sam chu hui pap in ka lu chu ka massage a thluak fim ka hman theih phah mahna, mahse tihngaihna mai ka hre si lo. Bedroom ah lut in ka purse leh passport ka la a, ka document pawimawh ka khung hmawk hmawk. Ka thawmhnaw bawm ka hawng a, jeans leh kawr ban sei ka ha a, ka sam ṭawn sang vah, kawngka lam ka pan vat. Airport ka pan a, ticket lak vat a ngai
Kawngka ka hawng chiah chu ka meng bial kawk, Frantz chu a kut hum ruh in a lo ding reng. Hrethiam lo deuhin ka khap fuk a, a hmai invuah rem ṭha tak chu ka lo theihnghilh hman ṭep alawm le. Carlos a'n ka nu te a man tih ka hrechhuak leh thut "Tunah chuan ni love Mr Cavalier, min lo hrethiam mai teh" kal pelh ka tum a, ka banah a rawn vuan a, inchhungah min hruai lut a, kal thei lo turin min dang bet tlat
"Eng thil nge i tih? Kalsawn vat rawh!" Ka vin ṭhak. Frantz chu nam sawna kawngka pan ka tum a, hetiang hi ka mamawh rih lo. A hmel ṭha tak nen tinge tunah kher a rawn inlan le
Ka rilru hnual thut chhan hi ka hre lo, a belhchhah turin Carlos a'n ka chhungte a lo man ve bawk si. Mahse Frantz ka hmuh hian ka rilru hahna zawng zawng te hi a bo zo vek zel. A ang chhungah bei hle hle mai ka duh. Ka rin aiin ka lo ngai daih anih hi. Ka mamawh hunah tak hian a rawn lang ṭhin bawk. Awm dun thei kan ni lo nan ngawi rengin kan ding dun leh reng chu anih hi
Frantz a mit meng pawh a thip ram, a ha chang a ṭhial rap rap. A hun leh hmun a ni lo a mahse min rawn fawp zuai se ka va ti ve, ka van zak tak. Eng nge maw ka ngaihtuah le? Ui note bo ang maiin ka ding reng ringawt. Ka chhungte dinhmun a hlauhthawn awm bawk si, Mr Cavalier suangtuah thei pawh ka nih loh hi
"Ka kal a ngai" Frantz a kal pelin kawngka hawn leh ka tum a, a che eih lo. Kawngka chu ka ban pha lo re re. A vawi thumna ah chuan ka dawhtheihna in a tlin ta lo "Min kaltir rawh ka tih chu" ka vin hlur, a awm chu ka beng vak vak. Frantz chuan min lo chelh a "Hahdam rawh, pui tur che a lo kal ka ni alawm" a ti a
"I puih ka ngai lo" thinur deuhin ka chhang leh a, ka mittui a tla ṭep. Heng te hi a nasa mah mah, kan boruak tawn hi a rit em mai. Rei pawh ka tlin lovang ka ṭap lai hi hmu lo hram se ka duh. Hei ai hian ka chak ve asin. Ka chak lo lai hi Frantz a'n a hmu tawh a, hlauhna in min umzui a car aṭang ka zuang chhuak anih kha. Thla khat chhungin a hlatah ka awm kha ania khatiang kha tawn leh ka fuh tawh lo
"Ka ṭanpui dawn tho che" min nawr let ve a, ka lu thing in ka ngui nghiai "Tinge min kaltir mai loh? Vawi engzat nge ka hnawl che a ngaih dawn? Nang nen hian inzawmna neih ka duh lo tih hi i hrethiam lo em ni?" Ka ti a
"Vawi tam tak kha thu kha i sawi tawh mahse i mitmeng leh i taksa erawh in thil dang daih alawm an sawi. Ka thinlung i nei tawh Liliana, i chungah thil ṭha lo a thlen chuan ka inngaidam thei ngai lovang. Khawngaihin ka puih che remti hram rawh" ngenngawl tak chuan min chhang a, a ṭawng dan aṭang pawhin a tih tak zia a hriat
"Frantz ka chhungte a man, hetah hun ka khawhral zel chuan ka tum ram ka thleng har dawn lutuk chuvangin min kaltir hram rawh" ka kal vat a ngai tih ka hria, min la chelh bet reng. A perfume rim chu ka hip vang vang, ngaihtuahna ṭha lo ka nei mai dawn alawm le
"Thlawh chu ngaihtuah lo mai rawh, jet in ka hruai ang che" a ti a, ka meng bial kawk kawk, ka lu thing in ka lo duh lo a "Frantz a ngai lo, i puih" ka sawi zo hman lo
"Ka puih i mamawh lo ka hria, mahse ka hruai tho ang che kal ang" tih pahin ka kut a rawn vuan a min kai chhuak daih. Limo chhungah chuan kan lut a, hnial ka tum deuh nan min melh rum lutuk a, ka sawi leh ta lem lo. Ka chapona dah ṭha in Limousine chhungah ka ṭhu a
Ka hnung ah a rawn lut ve a, min dai lo thei tur berin ka hlatah a ṭhu a. Car a kan chuan chhung zawng Frantz chuan Paul a hnenah jet chu kan thlen veleh a thlawk thei turin a hrilh a. A mit chuan min kalsan lo, ka hawi kual nasa ngang mai
Frantz POV
Thla khat chhung ka hmu tawh lova, a hma zawng aiin a hmelṭha sawt. A hmui ti pawrh te sawn min va sawm tak, a vun nem tak mai te saw thinurna avangin a mit te chu a alh pawp pawp ni maiin ka hria
Ka hrethiam thei lo. Engtin nge Liliana hian min hnar theih le? Ka nu bula hun ka hman chhung zawng pawh khan Liliana hi ka ngaihtuah reng. A thinurna te leh a chapona te, a ṭawngkam zawng zawng te hi ka ngai. A rilru lak tuma min beih tir te leh hniam taka min dah thei te hi mahse tunah chuan ka dawhtheihna in a tlin ta lo
Kawngka a rawn hawn khan fawh nghal mai kha ka duh a, ka insum thei hram. Zantin ka suangtuahna ah Liliana ka hmuh apiangin kan inkarah tuipui lian deuh a lo awm a, chu chuan min lo pawt let leh ṭhin. Misual tak ka ni lo tih ka hrilh a, min hmangaih turin ka nawr thei lo. A rilru hneh tuma ka blackmail pawh a ngai lo, mahse ka hmaa a awm hi chuan kaltir harsa ka ti ṭhin
Airport kan thlen thleng chuan kan ngawi dun reng. Armagio a'n kawngka a rawn hawng a, ka chhuak hmasa a, Liliana ka kut ka pe a mahse la duh lovin a rawn chhuak ve nghal. Min kal pelin engmah sawi lovin jet awmna lam a pan. Ka lu ka thing a, zinkawng thui tak a ni dawn tih ka hre mai. Armagio a'n car a park fel hnuah min rawn zawm ve a
Liliana POV
Ngawi rengin ka ṭhu a, ka inhreng ṭha mawlh mawlh. Hostess ni lova passenger ang a ka ṭhut vawi khatna anih avangin ka thiam lo hle mai. Mr Cavalier piah a ṭhut pawh chu a mak zawk viau mai. A rawn luh fel hnu chuan ka lam a rawn hawi a "Khawiah nge kan kal dawn?" A ti a, thaw hak in "Atlanta" ka ti a
Lu bu nghauh in cockpit lamah kal lehin Paul a hnenah kan kalna tur hmun a hrilh a, darkar khat leh a chanve chhung chu Mr Cavalier nen kan ṭhu reng
Thlawhna a thlawh chhuah dawn laiin ka zam leh viau tawh, ka awm a nuam lo hle tawh. Chik deuhin min lo en a, ṭhutthleng ban chu nghet deuhin ka chelh a, ngawi rengin rilru ṭawngṭaina ka nei mawlh mawlh. Ka mit ka chhing tlat bawk. A lo nui suk a, hmuhnawm min ti viau ani maithei
Kan thlawh pangngai leh hnu chuan ka zia tawh lutuk. Min la en reng tih ka hriat in a lam ka hawi a
"Khatianga mi i en reng chuan mi lerh tak ang mai i ni tih i hria em?" Sual hmel tak ka ni ringawt. Ka insum hman thlawt lo. Frantz Cavalier bulah hi chuan inrin reng a ngai
"A hma in ka zawt tawh che engvangin nge min hnawh bona tur ringawt i zawn le? Engvangin nge ka hlata awm phet i tum?" Ka hnawl ngun lutuk chu a rilru a na ve thlawt aniang
"Mutpui che ka duh lo tih hi engvangin nge i pawm duh bik loh?" Ka ti a, a lu a bu nghut, a hmui a ti pawrh a "Thil dang a la awm em?" A ti a
"Nang ang hi chu maw Frantz hmeichhe kawp ching in ni. Zan khat atan bak hmeichhia eng atan mah in ngai lo" ka lu ka thing a, kan inbiakna hi ka ning tawh
"A dik alawm" a lu a bu leh nghut a, rilru nat hmel deuhin min rawn zawt a "Anih chuan kei ang mipa hian i duh ka pek theih loh che i ring em ni?" A ti a
Frantz POV
"Nupui nei chi i ni lo a, ka hriat chian tawh chuan ka hun leh tha ka hman chhan tur ka hre lo" a ti a, ka lu ka thing a, awih harsa ti tak chungin "Anih chuan i rindan in ka chungah ro i lo rel ve tawp tihna a ni maw? Billionaire in tlangval lai a chen maw?" Ka lungawi lo kher mai. Mihring ve tho ka nia, a hma pawhin hmangaih ka nei tawh. Liliana erawh hi chuan thinlung nei lo robot ang maiin min chhuah anih hi
"Min ring rawh Mr Cavalier, mipa in hmeichhia an mutpui duh chuan engtianga thui pawh an kal duh, chuvangin i chetdan ka lo ringhlel deuh anih pawhin min dem thei lovang" a hawi sang vah a
"Anih chuan ka thil tih zawng zawng kha ka mutpui duh vangah che i ngai maw?" Ka thu hriat chu ka awih thei lo hial mai. He hmeichhia hi a lo chapo in a chhah tel hle mai
"Ngai tehreng e" a ti a, ka nui hul hak thawk ka la kawk a "Kan sawi dun thei hi a lawmawm" tih pahin ka inhrenna chu ka phelh a, ka kalsawn a ka hawi let leh vat "Liliana bawihte, i hmel chu a ṭha a ni maithei mahse i mizia avang khan mipa i'n an umzui reng che beisei suh. Sex emaw nawmna pawh ni rawh se mipa inrintawkna tih chhiatsak chu nang anga lal fanu in ngai ropui tih awm tawk lek a ni" ka ti a
"A ni maw?" A mitko a san a, a rilru a na ve hle aniang min chhang let a "ui note chhang ngen ang maiin min rawn pan leh ziah tho alawm" a ti a
A thusawi avang chuan ka meng zau kawk kawk, ka hmel ka siam ṭha leh vat
"Ni lo, Liliana ka rawn let leh chhan chu ka ngaihtuah che vang a ni, nangmah a kal i tum a, i chhungte i chhan zawh ah chuan ka rawn let tawh lovang. Hun min pe duh lo tih a chiang tawh, Billionaire i'n a umzui che hi nuam i ti tih a hriat. Min ring rawh Ms Chavez, ka hrechiang tawh e" Choka ah in tur ka inthlit a, bedroom ah ka lut daih
Liliana POV
Ka haihchham vek, ka rilru a na a, sawi tur mai pawh ka hre lo
Frantz hi hetiang hian ka la hmu ngai miah lo. Ka chet dan thudik tak a rawn sawi chhuak a, keimah zawk hi a nasa zawk ka lo ni reng mai. Ka hnual rawih Frantz a chunga ka chetdan hi a lo mawi lo hle em ni? Nge ni a ka hnawl avangin a rilru na in a sawi mai mai
Kan in hrethiam tawh a, a ṭha re re e, engvanga ka chhungte chhan ka tumna a min pui nge anih hi ka hrethiam lo, mahse ka mal lo tih ka hriat hian ka lawm
Minute a liam a, Frantz a thusawi chu ka ngaihtuahna ah a cham reng. Ka ha chang ka ṭhial a, ka hmui ka ti pauh bawk, ka rilru a inhnial nasa. Ka in ngai ropui nge ka chapo tih chu a ni, mahse ka chetdan chu a dik ka ti hram. Ka in ven a ngai alawm. Thlemna ka do zawh loh chuan mipa in min nuih nasa dawn lutuk asin
Mr Cavalier chu chutiang mi a nih tho ka ring
Ka lu ka thing a, ka chetdan chu ka ringhlel duh lo. Mr Cavalier a ka hnawl avangin a thinrim in min ankhum mai niin ka hria, Mr Cavalier ka hnawl thei chu ka hlawhtling hle mai
Frantz POV
Bang chu ka ngheng a, Liliana ka inhnial pui avangin ka inhau char char. Ka thinurna ka leih buak kha a phu hauh lo. Mahse khatih lai khan a chapo ve em a, ka inrintawkna zawng zawng hi min tih chhiat sak vek in ka hria naupangchhia taka hnial mai loh chu tih theih ka nei lo. High school naupang ang mai ka ni. Ngaihdam dil ka duh rualin ui note chhang duh a let leh ang ah bak min ngai leh dawn lo tih ka hriat avangin min lo nuih sawh mai ang. Min hnawl ngun in min ankhum ngun em mai
Engvanga a chhungte chhan a tum na a puih tum nge ka ni tih pawh ka hre tawh lo. Ka nu hnenah khan a thinlung neih ka tum ang tiin ka lo tiam tawh si a, deputy in min rawn be chiah a, ka tlan chhuak nghal anih hi. Mahse ka beiseina te chu kawngka ah paih chhuah vang vang a ni. Liliana hian lerh deuh ah min ngai tlat a, Liliana hnawl leh ânkhum ka dawng duh tawh lo, a chhan pawh ka chik viau lai leh, ka inhnial pui lai leh ka fawh lai khan ka hmangaih daih tawh. Kei nen inzawmna neih a duh lo hian ka thinlung a tina. Ka thinlung a keh sawm leh hma hian a brake ka rah vat a ngai a ni
****
Chhunzawm tur
Show post links
Top
"Eng thil nge i duh?" Boruak chu ka hip kawk kawk, ka thawk te hi a buai zo dawn. Ka awm te hi a na viau mai
"Engmah ni love, ka ta diktak hi ka la let leh dawn a ni mai" Carlos a'n a tih chuan ka duh vang reng ni lovin ka hmul thi a ding sung sung, ka chhip aṭanga ka ke ler thleng hian nuam lo takin ka awm phah
"I neih engmah ka kawl lo" bo takin ka chhang a, thawk lak ka tum a, a har ṭalh. Ka thin a phu nasa lutuk
"I nei alawm, ka ram awp chhung ka hauh sa hi ui dangin min chuh pui ka phal lo hrim hrim" a tih zawm leh zat, a ât loh tal pawhin a rapthlak ve hle ang
"Mi hurherh tak i nih hi Carlos, tenawm lutuk" ka ânkhum ve siah siah, tu ta mah ka ni lo tih hi ka lantir a ngai
"Min han ânkhum tak tak mai teh, ka duat. Tu zahngaihna hnuaiah nge i awm tih hi ka hriattir dawn khawp che" Carlos chuan min hriattir nawn leh a, ka nu leh pa ka hriat chhuah avangin ka huaisenna pawh hi vur ang maiin a khal vek thei hialin ka hria, chil ka lem khawlh a, hlauthawng tak chungin "Khawngaihin tina lo hram rawh" ka ti a
"Liliana chutiang dil thei dinhmunah i ding in ka hre lo" Carlos aw ah chuan hlauhawmna a lang thei hial mai
"Ka lak aṭang hian eng nge i duh Carlos? Eng thil nge i duh?" Ka induhna zawng zawng pawh ka chhungte vangin ka dah ṭhat rih mai a ngai. Ka chhungte ka chhan phawt a ngai, chu chu tun huna pawimawh ber a ni
"Hotel changkang deuh, i chhungte in aṭanga minute sawmthum kal ah khan darkar hnih chhungin i rawn kal hman ang em?" Carlos a'n a ti a
Ka mit khap fukin ka lu ka thing a "Engtin nge chutianga hma chuan ka rawn thlen theih ang a? State dang ah ka awm daih hi" ka ti a
"I fing alawm ngaihtuah ve mai rawh" Carlos chuan a aw ki a rawn san a, phone chu ka dah sawn tawp, phone chu a dah hmak "Hello? Hello? Carlos" phone ah chuan ka au vak, awmzia a nei lo khawp mai
Cushion ah phone chu ka dah a, rum nghat in ka au chiam. Lungngaihna, thinurna, hlauhna leh ṭihna hian min hual hlup ni maiin ka hria. Hotel thlen nan darkar hnih chauh ka nei si a, tihngaihna ka hre lo takzet. Ka rilru a buai a, ka chal a rawn thlan ṭiam ṭiam. Rang taka min thlenpui thei tur mi pakhat chu an awm chiang alawm
Mr Cavalier ka ngaihtuah chhuak a, a number chu ka dial ngam chiah lo. Ka chapona dah ṭha pawh ni ila min pui duh ang em? A chungah ka sual si a, ka mood inthlak thut thut pawh min buaipui zel kha ania. Min puih hnuah beisei a nei ang em tih pawh ka chiang lo. Bat neih ṭun chu ka duh bik lo. Ka nunah hian nghawng a nei thui si a, ba ka neih ka hlau takzet. Frantz a lakah ba neih hi ka ngaingam thei lo
Room ah chuan ka kal kual thuak thuak a, rilru fim tak put a ngai, second tin mai chuan in aṭanga tlan chhuah a, airport hnai berah Atlanta Georgia pan nghal rum rum te kha ka duh hial. Orlando Florida bul chiah Airport ah hla vak lo mahse darkar hnih chhungin ka thleng hman ngei ang em ka sawi thei lo
Bang chu ka ngheng a, ka sam chu hui pap in ka lu chu ka massage a thluak fim ka hman theih phah mahna, mahse tihngaihna mai ka hre si lo. Bedroom ah lut in ka purse leh passport ka la a, ka document pawimawh ka khung hmawk hmawk. Ka thawmhnaw bawm ka hawng a, jeans leh kawr ban sei ka ha a, ka sam ṭawn sang vah, kawngka lam ka pan vat. Airport ka pan a, ticket lak vat a ngai
Kawngka ka hawng chiah chu ka meng bial kawk, Frantz chu a kut hum ruh in a lo ding reng. Hrethiam lo deuhin ka khap fuk a, a hmai invuah rem ṭha tak chu ka lo theihnghilh hman ṭep alawm le. Carlos a'n ka nu te a man tih ka hrechhuak leh thut "Tunah chuan ni love Mr Cavalier, min lo hrethiam mai teh" kal pelh ka tum a, ka banah a rawn vuan a, inchhungah min hruai lut a, kal thei lo turin min dang bet tlat
"Eng thil nge i tih? Kalsawn vat rawh!" Ka vin ṭhak. Frantz chu nam sawna kawngka pan ka tum a, hetiang hi ka mamawh rih lo. A hmel ṭha tak nen tinge tunah kher a rawn inlan le
Ka rilru hnual thut chhan hi ka hre lo, a belhchhah turin Carlos a'n ka chhungte a lo man ve bawk si. Mahse Frantz ka hmuh hian ka rilru hahna zawng zawng te hi a bo zo vek zel. A ang chhungah bei hle hle mai ka duh. Ka rin aiin ka lo ngai daih anih hi. Ka mamawh hunah tak hian a rawn lang ṭhin bawk. Awm dun thei kan ni lo nan ngawi rengin kan ding dun leh reng chu anih hi
Frantz a mit meng pawh a thip ram, a ha chang a ṭhial rap rap. A hun leh hmun a ni lo a mahse min rawn fawp zuai se ka va ti ve, ka van zak tak. Eng nge maw ka ngaihtuah le? Ui note bo ang maiin ka ding reng ringawt. Ka chhungte dinhmun a hlauhthawn awm bawk si, Mr Cavalier suangtuah thei pawh ka nih loh hi
"Ka kal a ngai" Frantz a kal pelin kawngka hawn leh ka tum a, a che eih lo. Kawngka chu ka ban pha lo re re. A vawi thumna ah chuan ka dawhtheihna in a tlin ta lo "Min kaltir rawh ka tih chu" ka vin hlur, a awm chu ka beng vak vak. Frantz chuan min lo chelh a "Hahdam rawh, pui tur che a lo kal ka ni alawm" a ti a
"I puih ka ngai lo" thinur deuhin ka chhang leh a, ka mittui a tla ṭep. Heng te hi a nasa mah mah, kan boruak tawn hi a rit em mai. Rei pawh ka tlin lovang ka ṭap lai hi hmu lo hram se ka duh. Hei ai hian ka chak ve asin. Ka chak lo lai hi Frantz a'n a hmu tawh a, hlauhna in min umzui a car aṭang ka zuang chhuak anih kha. Thla khat chhungin a hlatah ka awm kha ania khatiang kha tawn leh ka fuh tawh lo
"Ka ṭanpui dawn tho che" min nawr let ve a, ka lu thing in ka ngui nghiai "Tinge min kaltir mai loh? Vawi engzat nge ka hnawl che a ngaih dawn? Nang nen hian inzawmna neih ka duh lo tih hi i hrethiam lo em ni?" Ka ti a
"Vawi tam tak kha thu kha i sawi tawh mahse i mitmeng leh i taksa erawh in thil dang daih alawm an sawi. Ka thinlung i nei tawh Liliana, i chungah thil ṭha lo a thlen chuan ka inngaidam thei ngai lovang. Khawngaihin ka puih che remti hram rawh" ngenngawl tak chuan min chhang a, a ṭawng dan aṭang pawhin a tih tak zia a hriat
"Frantz ka chhungte a man, hetah hun ka khawhral zel chuan ka tum ram ka thleng har dawn lutuk chuvangin min kaltir hram rawh" ka kal vat a ngai tih ka hria, min la chelh bet reng. A perfume rim chu ka hip vang vang, ngaihtuahna ṭha lo ka nei mai dawn alawm le
"Thlawh chu ngaihtuah lo mai rawh, jet in ka hruai ang che" a ti a, ka meng bial kawk kawk, ka lu thing in ka lo duh lo a "Frantz a ngai lo, i puih" ka sawi zo hman lo
"Ka puih i mamawh lo ka hria, mahse ka hruai tho ang che kal ang" tih pahin ka kut a rawn vuan a min kai chhuak daih. Limo chhungah chuan kan lut a, hnial ka tum deuh nan min melh rum lutuk a, ka sawi leh ta lem lo. Ka chapona dah ṭha in Limousine chhungah ka ṭhu a
Ka hnung ah a rawn lut ve a, min dai lo thei tur berin ka hlatah a ṭhu a. Car a kan chuan chhung zawng Frantz chuan Paul a hnenah jet chu kan thlen veleh a thlawk thei turin a hrilh a. A mit chuan min kalsan lo, ka hawi kual nasa ngang mai
Frantz POV
Thla khat chhung ka hmu tawh lova, a hma zawng aiin a hmelṭha sawt. A hmui ti pawrh te sawn min va sawm tak, a vun nem tak mai te saw thinurna avangin a mit te chu a alh pawp pawp ni maiin ka hria
Ka hrethiam thei lo. Engtin nge Liliana hian min hnar theih le? Ka nu bula hun ka hman chhung zawng pawh khan Liliana hi ka ngaihtuah reng. A thinurna te leh a chapona te, a ṭawngkam zawng zawng te hi ka ngai. A rilru lak tuma min beih tir te leh hniam taka min dah thei te hi mahse tunah chuan ka dawhtheihna in a tlin ta lo
Kawngka a rawn hawn khan fawh nghal mai kha ka duh a, ka insum thei hram. Zantin ka suangtuahna ah Liliana ka hmuh apiangin kan inkarah tuipui lian deuh a lo awm a, chu chuan min lo pawt let leh ṭhin. Misual tak ka ni lo tih ka hrilh a, min hmangaih turin ka nawr thei lo. A rilru hneh tuma ka blackmail pawh a ngai lo, mahse ka hmaa a awm hi chuan kaltir harsa ka ti ṭhin
Airport kan thlen thleng chuan kan ngawi dun reng. Armagio a'n kawngka a rawn hawng a, ka chhuak hmasa a, Liliana ka kut ka pe a mahse la duh lovin a rawn chhuak ve nghal. Min kal pelin engmah sawi lovin jet awmna lam a pan. Ka lu ka thing a, zinkawng thui tak a ni dawn tih ka hre mai. Armagio a'n car a park fel hnuah min rawn zawm ve a
Liliana POV
Ngawi rengin ka ṭhu a, ka inhreng ṭha mawlh mawlh. Hostess ni lova passenger ang a ka ṭhut vawi khatna anih avangin ka thiam lo hle mai. Mr Cavalier piah a ṭhut pawh chu a mak zawk viau mai. A rawn luh fel hnu chuan ka lam a rawn hawi a "Khawiah nge kan kal dawn?" A ti a, thaw hak in "Atlanta" ka ti a
Lu bu nghauh in cockpit lamah kal lehin Paul a hnenah kan kalna tur hmun a hrilh a, darkar khat leh a chanve chhung chu Mr Cavalier nen kan ṭhu reng
Thlawhna a thlawh chhuah dawn laiin ka zam leh viau tawh, ka awm a nuam lo hle tawh. Chik deuhin min lo en a, ṭhutthleng ban chu nghet deuhin ka chelh a, ngawi rengin rilru ṭawngṭaina ka nei mawlh mawlh. Ka mit ka chhing tlat bawk. A lo nui suk a, hmuhnawm min ti viau ani maithei
Kan thlawh pangngai leh hnu chuan ka zia tawh lutuk. Min la en reng tih ka hriat in a lam ka hawi a
"Khatianga mi i en reng chuan mi lerh tak ang mai i ni tih i hria em?" Sual hmel tak ka ni ringawt. Ka insum hman thlawt lo. Frantz Cavalier bulah hi chuan inrin reng a ngai
"A hma in ka zawt tawh che engvangin nge min hnawh bona tur ringawt i zawn le? Engvangin nge ka hlata awm phet i tum?" Ka hnawl ngun lutuk chu a rilru a na ve thlawt aniang
"Mutpui che ka duh lo tih hi engvangin nge i pawm duh bik loh?" Ka ti a, a lu a bu nghut, a hmui a ti pawrh a "Thil dang a la awm em?" A ti a
"Nang ang hi chu maw Frantz hmeichhe kawp ching in ni. Zan khat atan bak hmeichhia eng atan mah in ngai lo" ka lu ka thing a, kan inbiakna hi ka ning tawh
"A dik alawm" a lu a bu leh nghut a, rilru nat hmel deuhin min rawn zawt a "Anih chuan kei ang mipa hian i duh ka pek theih loh che i ring em ni?" A ti a
Frantz POV
"Nupui nei chi i ni lo a, ka hriat chian tawh chuan ka hun leh tha ka hman chhan tur ka hre lo" a ti a, ka lu ka thing a, awih harsa ti tak chungin "Anih chuan i rindan in ka chungah ro i lo rel ve tawp tihna a ni maw? Billionaire in tlangval lai a chen maw?" Ka lungawi lo kher mai. Mihring ve tho ka nia, a hma pawhin hmangaih ka nei tawh. Liliana erawh hi chuan thinlung nei lo robot ang maiin min chhuah anih hi
"Min ring rawh Mr Cavalier, mipa in hmeichhia an mutpui duh chuan engtianga thui pawh an kal duh, chuvangin i chetdan ka lo ringhlel deuh anih pawhin min dem thei lovang" a hawi sang vah a
"Anih chuan ka thil tih zawng zawng kha ka mutpui duh vangah che i ngai maw?" Ka thu hriat chu ka awih thei lo hial mai. He hmeichhia hi a lo chapo in a chhah tel hle mai
"Ngai tehreng e" a ti a, ka nui hul hak thawk ka la kawk a "Kan sawi dun thei hi a lawmawm" tih pahin ka inhrenna chu ka phelh a, ka kalsawn a ka hawi let leh vat "Liliana bawihte, i hmel chu a ṭha a ni maithei mahse i mizia avang khan mipa i'n an umzui reng che beisei suh. Sex emaw nawmna pawh ni rawh se mipa inrintawkna tih chhiatsak chu nang anga lal fanu in ngai ropui tih awm tawk lek a ni" ka ti a
"A ni maw?" A mitko a san a, a rilru a na ve hle aniang min chhang let a "ui note chhang ngen ang maiin min rawn pan leh ziah tho alawm" a ti a
A thusawi avang chuan ka meng zau kawk kawk, ka hmel ka siam ṭha leh vat
"Ni lo, Liliana ka rawn let leh chhan chu ka ngaihtuah che vang a ni, nangmah a kal i tum a, i chhungte i chhan zawh ah chuan ka rawn let tawh lovang. Hun min pe duh lo tih a chiang tawh, Billionaire i'n a umzui che hi nuam i ti tih a hriat. Min ring rawh Ms Chavez, ka hrechiang tawh e" Choka ah in tur ka inthlit a, bedroom ah ka lut daih
Liliana POV
Ka haihchham vek, ka rilru a na a, sawi tur mai pawh ka hre lo
Frantz hi hetiang hian ka la hmu ngai miah lo. Ka chet dan thudik tak a rawn sawi chhuak a, keimah zawk hi a nasa zawk ka lo ni reng mai. Ka hnual rawih Frantz a chunga ka chetdan hi a lo mawi lo hle em ni? Nge ni a ka hnawl avangin a rilru na in a sawi mai mai
Kan in hrethiam tawh a, a ṭha re re e, engvanga ka chhungte chhan ka tumna a min pui nge anih hi ka hrethiam lo, mahse ka mal lo tih ka hriat hian ka lawm
Minute a liam a, Frantz a thusawi chu ka ngaihtuahna ah a cham reng. Ka ha chang ka ṭhial a, ka hmui ka ti pauh bawk, ka rilru a inhnial nasa. Ka in ngai ropui nge ka chapo tih chu a ni, mahse ka chetdan chu a dik ka ti hram. Ka in ven a ngai alawm. Thlemna ka do zawh loh chuan mipa in min nuih nasa dawn lutuk asin
Mr Cavalier chu chutiang mi a nih tho ka ring
Ka lu ka thing a, ka chetdan chu ka ringhlel duh lo. Mr Cavalier a ka hnawl avangin a thinrim in min ankhum mai niin ka hria, Mr Cavalier ka hnawl thei chu ka hlawhtling hle mai
Frantz POV
Bang chu ka ngheng a, Liliana ka inhnial pui avangin ka inhau char char. Ka thinurna ka leih buak kha a phu hauh lo. Mahse khatih lai khan a chapo ve em a, ka inrintawkna zawng zawng hi min tih chhiat sak vek in ka hria naupangchhia taka hnial mai loh chu tih theih ka nei lo. High school naupang ang mai ka ni. Ngaihdam dil ka duh rualin ui note chhang duh a let leh ang ah bak min ngai leh dawn lo tih ka hriat avangin min lo nuih sawh mai ang. Min hnawl ngun in min ankhum ngun em mai
Engvanga a chhungte chhan a tum na a puih tum nge ka ni tih pawh ka hre tawh lo. Ka nu hnenah khan a thinlung neih ka tum ang tiin ka lo tiam tawh si a, deputy in min rawn be chiah a, ka tlan chhuak nghal anih hi. Mahse ka beiseina te chu kawngka ah paih chhuah vang vang a ni. Liliana hian lerh deuh ah min ngai tlat a, Liliana hnawl leh ânkhum ka dawng duh tawh lo, a chhan pawh ka chik viau lai leh, ka inhnial pui lai leh ka fawh lai khan ka hmangaih daih tawh. Kei nen inzawmna neih a duh lo hian ka thinlung a tina. Ka thinlung a keh sawm leh hma hian a brake ka rah vat a ngai a ni
****
Chhunzawm tur
Show post links
Top
| Link: | |
| BBcode: | |
| HTML: | |
| Hide post links |
ADVERTISEMENT (A hnuai a milem hi a nia hmeh zeuh tur chu)