LOVING MR CAVALIER BY Bee Hlutei (Completed)

[Ngaia]

7r768wuu.jpg (10.87 KiB) Viewed 4487 times

Prologue:-

A ṭawng lo

Engmah a sawi lo

A ṭawng thei tih chu ka hria mahse a bul hnaia ka awm apiangin keimah chauh chu ka ṭawng ṭhin

A bul hnaia ka awm hian nuam a ti em pawh ka hre lo, mahse ka dik lo ve thei tho, a chhan chu ka chawlh lai anih chuan a thlawh chhuah na turah host turin min ko ziah

A mitmeng chu kawm nuam tak a ni lo, a khabe leh hmui che miah lo avang chuan ka in ven reng a ngai

Min en reng tu an awm anih chuan amah tih ka hre nghal. Midang ni se chuan ka thinlung hi hetiang hian a phu miah lovang

Kan inhmuh tirh khan ka hna ka chan dawn ngeiin ka ngai. Ka inchei dan khan a lung a dum zo tlat lo a ni

Pawnfen khup chin leh jacket âwm khuh lo tawk chiah leh pheikhawk hniam ka bun a, Ka sam ka bâwk hniam a, ka inchei vak lo bawk. Khami vang anih loh chuan a kawr a wine ka tihbuak vang khan min ban ngei ka ring

Kan zin chhuah hmasak ber ṭuma min tih dan ka chhan let vang khan anih ka ring tawh tumahin an ṭawngkhum ngam si lova, mahse hei tunah ka pawnfen ka siam ṭha mawlh mawlh. Jet awmna lam a rawn pan hun ka nghak mek

Ka thin chu a rim ve khawp mai. Ka chawlh ni ania, koh nghal theih turin ka awm lo. Jenna hnenah midang lo zawng mai turin ka hrilh a, Mahse he pa hian "Aih" tih hi a pawm thei lo niin ka hria

Amah vengtu bik chu kan chenna ah a rawn tir a, ka address a hriat pawh in mak ka ti vak lo. Mi hlauhawm deuh chuan kan in aṭang min hruai chhuak a, thlawhna lam min pan pui

Car aṭanga a rawn chhuah chuan min rawn en a, a nui lova ka awm ve tih pawh hria angin a lang lo, min hmu chu a rilru in a lawm tho ka ring tawp mai

Description tlem a zawng:

Changtunu hi Air hostess a ni a, Changtupa Private jet ah a thawk

Thubelh:- Hemi thawnthu hi let tawh an awm chuan min lo hrilh dawn nia, chuan ka leh lai mek anih vangin ka zawh hunah a vaiin ka rawn dah ang.

Edit:Ka let zo har leh hmel sia zanin aṭang ni kar thlak in ka rawn dah ang. Dar riat velah ka rawn dah ṭhin tawh dawn nia


Liliana -

"Ka lawmpui che Ms Chavez, i tling e" Secretary biak nuam deuh chuan hmel hlim sarh hian min hrilh a, kan inchibai zui bawk. "Ka lawm e khawngaihin Liliana tiin min ko zawk rawh" tha tho takin ka chhang a, ka zam lutuk pawh a zia ta

Interview kan neih zawh a office aṭang call ka dawn khan ka zam lutuk kha ka tawt up up, tunah erawh chuan ka zâng huai mai. Reilote chhung mah nise ka ni hmasa ber tur chu ka helhhawlh nghal der

"Jenna tiin min ko dawn nia. Kan buai hun lai tak ania, email in thlawhna a chuang tur kan tifel mai ṭhin a, engpawh nise call theih turin thla khatah vawi thum i lo inrin a ngai, i hotel awmna tur leh thlawhna tur chu Company in a tum vek ang. Airport ah thlawh chhuah hma darkar khat velah i lo awm hman tawh tur a ni.

Thawh pui hrang hrang kan neih pawhin mak ti lutuk suh ang che. Jet pakhat ah chauh in chuang lo maithei, kan member te hian thlan bik an neih pawh in pawi ti lo ang che. Chamille hnenah naktuk aṭang training i la ang. California ah Dunns i zui ang a, Nupa inngaina tak an ni a, an bulah chuan nuam i ti dawn lutuk

Training ang ah inngai la, mahse thiam i tum ve zel dawn nia, i inthlahdah vaih chuan i rawn let leh nghal ang, a vawi hnihna tur chu Rome ah Mr Frantz Cavalier i zui ang" hmanhmawh deuh chuan tihdan tur min hrilh zung zung

"Ngawi teh keimahin maw?" A thusawi lai chu ka lo pawtchat a, mahse rei pawh ka la awm hman lova awmdan tur ka lo theihnghilh hman a ni ngaihdam ka dil nghal vat

Jenna chuan min en a, a nui tawp "Ni lo ve Chamille pawh a tel ve dawn alawm. Vawi sarih inthlak na hun in nei ang. I thiam chak em vang anih hi aw. Interview neih aṭang khan i ti ṭha dawn tih ka hria" a tih zawm zat

"Awle" ka bu nghauh a ka thaw chhuak halh bawk a vawi khat nan kan thlawk chhuak tur chu ka phur hle a ni ber mai

"Khawngaihin in zinna tur hi a harsat deuh chuan hriatthiam i tum hram dawn nia, midang ah hi chuan âwlsam deuhin kan ṭan tîr ṭhin a, a hnuah harsa ve deuh an hmachhawn leh ṭhin, mahse hmeichhe fing tak i ni ang tih ka hria ka ring tlat bawk

Chamille tihdan kha i zir zel dawn nia, hotel in thlen hunah pawh zawhna i neih chuan client te hriat loh ah min zawt thei ang. A bak zawng chu email in ka rawn thawn ang. A mimal pawh in min zawt reng thei ania, kan lo lawm a che" Jenna chuan a sawi ṭhang tawh tih hriat deuh hian a ri nghal par par

Phur deuh tak hian ka nui ver ver, ka lu bu leh zeuh in lawmthu ka hrilh a, kan in mangṭha hnu office building ka chhuahsan zawh chuan kan chenna lam pan tur bus dinna ah lo din ve tawp chu ka tum

Khawpui pawn lama chen chuan ṭhatna leh ṭhat lohna a nei ve ve, chutia ka lo nghah lai chuan ka nu hrechhuak in chanchin ka hrilh nghal

Phone a ring chiah tih ah Car dum mawi tak a hming ka hriat loh hi Company building hmaah a rawn ding a. Hre chak deuh si, buai hmel deuh in ka phone la chelh ran chungin car lam chu ka thlir reng

Driver chuan coat suit dum leh lukhum dum a khum a, car hnung kawngka chu a va hawng

Mipa sang tak coat suit dum ha hi a rawn chhuak a, ka tarmit vuah vangin a hmel ka hmu chiang thei lo

A sam a khuih pial a , vei lamah a thle siau. Driver chu a be zeuh a building chhungah a luhsan daih

"Hello? Lili" ka nu ṭawng ri ka hriat chuan ka harh deuh thut
"Aw, nu han ring chhin teh" - Liliana
"Hna i hmu a mi?" A rawn ring dik leh nghal chat
"Hna ka hmu ania" phur deuhin ka hrilh a, naupang infiamna hmuna zuang euh euh ang mai hi ka ni

"Awle! European chocolates kha rawn hawn la!" Ka ṭhian ṭha ber ka nu chuan min chah a, "Ni e ka pa in zunthlum a nei a, a ei ve theih dawn loh vangin i fiam chak a ni maw?" Ka meng kual ralh

"Aw damdawiin khuma ka mut lai khan min tilui nasa em anih kha"
"Nu ka pawhchah mai che a ngai" a sawi leh tur ka hriat lawk vang a ni

"Awle awle ka chhuang lutuk che ania ka naute, zin kual la khawvel fang hrep rawh aw, pssal ṭha deuh i la nei ang a, fa tam deuh i nei dawn nia" ka nu chu a nui ker ker

"Nu" ka vin ṭhak, ka nui leh vat tho
"Eng nge? Kan upat tawh hi, fa nei leh tur chuan kan tar tawh lutuk"
"Awle ka hmangaih che u bye Nu" call chu tih tawp ka tum

"Kha kha Lilian a mi?" Ka pa rawn ṭawng lang lang chu ka hria. "Aw hna a hmu" ka nu au ring lutuk chu phone ka dahsawn tawp

"Wine man to ber chi kha rawn hawn rawh aw" ka pa chuan aw zangkhai deuhin min rawn chah a, ka lu ka thing tawp

Ka chhungte hi ka van hmangaih tak

"I in thei lovang, hriselna atan a ṭha lo" ka nu in a hau a, "Ka nu i ni em ni?"
"A chang chuan"-
"Mangṭha u" ka bengin a tawrh hma hian dah vat zawk teh ang

Hna ka ngaihtuah chhuak a, ka nui leh ver ver, bus pawh a rawn thleng ve vat

Bus luh hnu ah phone ka khawih mial mial, mipa sam buang in ka luh tirh aṭang khan min la en char char

Ka hawi chhuah apiangin a lo awm zel. Bus chu ka chhukna turah a din vat theih nan rilru ṭawngṭaina ka nei char char, ka ṭawngṭaina chu chhanin a awm nghal

Bus aṭang ka chhuk vat, driver chu lawmthu ka hrilh hman hram

Ka bag chu ka dâr ding lamah ka ak a, Mall lam panin ka zin chhuah huna bungraw dahna tur thar ka en kual a. Mamawh tlem a zawng nen Jenna min kawhhmuh dawr lam ka pan, ka inpeih tawh in ka hria

Tlem ka zawn leh laiin hriat loh aṭang phone call ka dawng tlat, "Hello?" Ringhlel deuhin ka la
"Hi! Liliana i ni em?" Hmeichhe aw zangkhai deuh hi a rawn ṭawng a

"Aw ni e" fimkhur deuhin ka chhang a, ka dar te chu a mar at in ka hria
"Hi, Chamille ka nia, ka rawn call chhan che chu i inpeih tawh leh tawh loh hriat ka duh a, Jenna khan a tlangpui a hrilh tawh che ka ring a, airport chungchang a i hriat tur ka rawn thawn dawn che nia" a rawn sawi zung zung

"Hi Chamille aw kan inbiak lai reng pawh hian ka tifel mek e" - Liliana
"A ṭhat chu thlawh chhuah hma darkar khat ah inpeih hman vek a ngai ang, chiang zawkin kan in hriattir dawn nia, thlawhna te hi i bel chiang ang a, zin kawng a nuam sawt mai ang" - Chamille

"Awle a ṭhat hmel e" ka in peih tawh tak tak in ka hria

"Kan zin chhuah na tura kan client hi strict tak a ni a, chuvang chuan a nun dan i zir chian phawt a ngai ang. Dunns te kan thlah zawh ah client pahnihna chungchang ka hrilh dawn che nia. Lo chawl hahdam phawt rawh" Chamille chuan uluk deuhin min hrilhfiah a

Thil dang tlem kan sawi leh hnu chuan phone pawh kan dah thei ta, ka thil lei tur pawh ka zo thei ta. In ka thlen meuh chuan ṭhutthleng seiah ka tlu zal nghal. Ka bag chu chhuatah ka nghat tawp

Ka pheikhawk ka phelh a, ka sam bâwk chu ka thlah a, ka sam uk sei tak chu a rawn tla siau, thawk ka la hawk. Reilote ka chawlh hnuah ka insiam ṭan nghal

Uniform chu ka pack a, inthiar huna mamawh tur, mimal thil leh thawmhnaw tlem a zawng, ka document leh ka mamawh tur ka charger leh headphone telin

Ka keng kim veka ka hriat hnu chuan Netflix en in ka movie ngainat ber chu thil ei pahin ka en leh a, chumi hnuah ka chhungte chu ka be leh zuai a, ka pa in mut dawnah ṭawngṭai turin min hrilh thar leh

Khuma ka tluk zal hnu chuan ka ṭawngṭai zuai a, light ka off thim vat. A tukah alarm ri ka benga a luh rual rual in ka harh chiang lutuk

Zi ṭual ṭual chungin alarm chu ka off a, ka room bang chu khap fuk fuk in ka melh ringawt. Mutthilh leh ka tum laiin ka phone riin min zuan thawh tir zawk

Ka beng ah ka chuktuah a, rum leh ṭuah ṭuah chungin "Hello?" Ka ti chhuak thei hram
"Zing Chibai" Chamille chu a rawn zangkhai leh vah tawh

"Ka tho tawh ania! Awi le ka tlai em?" Khumah ka ṭhu chhuak a, inbual turin ka inring nghal

"Tlai lo e, i harh tawh em tih ka rawn chian lawk mai che ania. Rawn kalna tur i neih kan ring lova company driver in minute sawmthum hnuah a rawn hruai ang che" Chamille chuan min hrilhfiah leh a, kei nena tehkhin chuan harh chiang bik tak a ni

"Awle ka lawm e" ka ti a
"Ni e kan inhmu vat dawn nia" tha tho tak in min chhang a
"Keipawhin" ka ti ve mai a, zing kar a la ni nen kan in harh van hleih tak tak a ni

Kan inbiak zawh ah khum aṭang ka tho a bathroom lam ka pan vat

Darthlalang a ka inhmu chiah chu ka nuih a za ringawt. Hmanhmawh deuhin ka insiam a, ha ka nawt a, ka sam bâwk khawm in ka inbual a, uniform ka hak leh hnuah ka purse leh suitcase kengin pawnah ka lo ding a, driver lo thleng chawpchilh ve mai

"Zing Chibai Carlos ka nia, Sky High Incorporation ah ka thawk mek. Liliana i ni ang maw, kan lo lawm a che" a la naupan hmel viau nan a ngainatawm reuh viau mai

"Hmuh i nuam hle mai" kan inchibai nghal lawp lawp.
"Rem i tih chuan" a tih pahin ka suitcase chu a rawn la a, car hnung ah a dah a, kawngka chu rawn hawngin a chhungah min luh tir a

Car ah chuan kan ngawi reng, ka chhungte chu ka va hrilh hria a, thawk ka la halh, ka thin phu rang lutuk chu ka thaw a chham lo chauh alawm le

"I zam deuh em ni?" Car darthlalang aṭang chuan min rawn hmu thei aniang
"Chutiang vel chu a ni" za lo deuh chuan ka nui a

"Zam lutuk suh, Chamille hi trainer ṭha ber pawl ania, a ni khatna aṭang i inpeih vat mai ang, chu lo ah Dunns te chu mi fel tak an nia, i ṭha mai ang" Carlos chuan dam deuh in darthlalang aṭang min rawn bia a

"Ka lawm e. Company ah hian i thawhna a rei tawh em?" Ka hahdam leh tawh hnuah ka zawt ve leh khiah

"Kum hnih chu ka thawk ve tawh. Heta thawk ho hi chu an fel hlawm lutuk, ṭhenkhat ṭawng duh deuh an awm a, mahse pawi ka ti lo. Eng nge nang ve? He lamah hian tawn hriat i nei tawh em?" Freeway kan thlen lai chuan min zawt a

"Fakna ah hian ka thawk ṭhin, hna nuam ve tak chu a ni. Ram hrang hrang ah kan kal a, mi pawh kan hriat phah ṭeuh, a nuam lutuk" ka koki ka san ak a, ka ner nang mai

"Eng thil nge thleng a?" Carlos chuan fimkhur deuhin zawhna min zawt a

"Nelawm lutuk lo ka tawng a, customer nen a kan buai hnu kha chuan mipui tamna ah chauh hna ka thawk tawh ang tiin ngaihdan ka siam a, hei tuna min hmuh ang hi a ni mai" ka nui lui hram

"I thawh tirh in i rui lutuk, member dang i luak khum dawn lo tal a, a zia alawm" Carlos chu a rawn nui chhuak a, ka beng a verh nghal zat

"Ngawi teh eng thil nge thleng?" Ka zawt nawn leh a, ka lungngaihna pawh a kiang leh vek

"Midang ka hrilh an phal lo va, hemi thu hria hi chu an tluang ngai lo ania" zawi deuh in a rawn phun sup
"Ka awih miah lo che" ka lu thing chungin ka nui leh hak

"Tak tak maw? Kan inchawi dawn em ni? I ni hmasa ber turah hian i ngam tak tak ang maw?" Carlos in freeway chu pelin airport lam kan pan a

"Uh...." ngaihdan ka siam thei mai lo

"Ka rin dan tho ania, a tlai tawh em mai hei kan thleng der ania" Private jet hmaah car chu a din tir a

Car aṭang kan chhuak, bungrua vel a lak hnuah kawngka a rawn hawng a

Thlawhna lian deuh hma ah chuan a kal hnai a "Liliana kan inhmu chu a lawmawm e, duhsakna ka hlan a che" Carlos chuan min rawn hnaih a

"Ka lawm e Carlos" kan in mangṭha hnu ah ka bungrua chu min pe let a, thlawhna step ah chuan ka lawn chho a

Step tawp ber ka thlen in hmeichhe ria ve deuh ngo lutuk lo hian min lo hmuak a, ka in ring lawk lo nen ka tawlh hnung dawrh, mahse ka insiamrem leh vat

A sam uk deuh chu a buang in a rawn pawlh a, a sam a tawm ve bawk. A mit sen buang chu a mawi ngei mai, a nui hmel pawh a nelawm

"Awi le ka tihpalh, tih hlauh che ka tum lo ania, Chamille ka nia, kan inhmu ta chu a lawmawm hle mai" a rawn ti zung zung

"Hi Liliana ka nia, lili emaw lilian i duh dan dan in min ko thei ang" kan in chibai hnu chuan kan nui sak

"Lili hmuh che a nuam hle mai, ka hrilh duh che chu Jenna in min rawn bia a, Dunns te an chhuak leh dawn lova, client dang hmanhmawh thlak a awm vangin kan vawihnih zinna tur zawk kha kan kal hmasak a ngai dawn a ni" min hrilh leh a

"Hei hi kan awmna tur chu anih hi. Mr Cavalier anih dawn avangin training ka pek dawn hi chuan darkar hnih tal in an hma tur a ni ka ti ṭhin a, Jenna in a thiam chak lutuk a ti che a, darkar khat leh a chanve pawh a tawk lutuk

Client chu tu pawh nise form hak thlap zel tur, tunah pawh i hâ a, i ti ṭha lutuk. Kan thlawh chhuah dawnah mahni ṭhutna lam pan zel tur" Chamille in a sawi chu ka lo zawm nghal zel, bag chu khum hnuaiah ka rawlh lut daih

"A dawt ah pilot hnenah i thleng tawh tih i hriattir ang a, an hmuh theih turah che i awm tur a ni" a sawi lai chuan a mawng lam aṭang a hma lamah kan phei a, min kal kual pui char char

"Kan room chu a tawp berah zel a awm a, bathroom kan nei bawk. Hall ah sawn ṭhutna a awm a, Bar leh Choka ding lamah sawn a awm, chumi zawh ah mi pawimawh deuh te awmna a ni leh a, Mr Cavalier hnathawhna hmun a ni deuh ber. A hma saw a room ania, a hmang ngai meuh lo" Chamille chuan min hruai zel a

Kan thleng phei a kawngka a hawng chiah tih in mipa upa lam hian min lo chhawn a

"Hey Paul, hei hi Liliana anih hi, mi thar ania" Chamille in Pilot chu a ko a
"Mi thar maw? Kan lo lawm a che" Paul chu a rawn nui a, midang chu kawk lehin "Hei hi Juan ka co pilot anih hi" a ti zawm zat

"A lawmawm e" Juan chuan a rawn ti ve bawk, kan inchibai hlawm a, inhmelhriatna kan neih zawh ah Chamille in tlem a zawng min hrilh belh

"Mr Cavalier hi tihdan khauh tak nei ania, a duh loh dan anga awm vaih chuan midang angin mi a en liam mai ngai lo. A rawn thlen veleh kawngka ah hmuah zel tur. A ṭawng tam vak lova, ṭawngkam khat chauh a a chhan che pawhin thinur mai suh ang che. Ngaiah i nei vat mai ang.

A ṭhut fel hnuah chiah kan che ṭan chiah ang pilot hnenah kan inpeih thu kan hrilh ang a, kan thlawh chhuah hnuah hna a thawh hma in in tur a duh ṭhin a, wine emaw scotch a duh zawk a lam mai ṭhin. I hrethiam em?" Ka thawm a reh tak em vang chuan min zawt khauh a

"Aw ka hrethiam alawm sawi zawm zel rawh" ka lu ka bu zeuh

"A bula i kal dawnin a hming tawp zelin i be tur a ni, chiang deuhin i sawi bawk ang. Darkar tin mamawh a neih leh neih loh i check ang. Rome ah kan kal dawn avangin chhunah ei tur i pe ang a, tlaiah chhuk hma in i pe leh bawk ang

Choka lamah engkim an siam peih vek a, a ei duh zawng pawh a ngai reng. Fruit, Ham leh Cheese a ni tlangpui. Champagne emaw Wine a in tel bawk ṭhin. Nang pawhin thil ei i duh chuan room ah fridge lian vak lo a awm. Kan din dawn hunah Pilot in a rawn hrilh ang che, duh a nei em tih i zawt leh ang

Chumi hnu chuan chhuk kan inpeih tawh ang. Hmuak tu tur a nei nghal dawn a, keini chu Company driver ten min buaipui mai ang hotel ah kan awm ang. Zin chhuah apiangin client te cham rei dan a zirin kan hun neih dan kan siam rem ang. Mr Cavalier chungchang ah chuan buaina a awm lovang. Thlawhna ah chiah kan hmu dawn a, a ṭha em?" Chamille chuan thawk a la ve det

"Ṭha e" ka ti ve mai a, he pa chungchang ka hriat tam chuan ka zam mai dawnin ka hria

"A ṭha e, i vawikhat thawhna tur anih vangin ka hmelhriattir ang che, mahse i hriatreng tur chu a ṭawng tam vak lova a ko zen zen dawn lo che ania. Thu a sawi lai chuan tihbuai loh tur, hna a thawh lai pawhin a kaltir che chiah in i kalsawn tur a ni

Mr Cavalier tiin ko zel ang che, biak tam loh tum bawk la, inveng reng ang che. Kan client neih ṭhat ber ania, tih lawm pawh a harsa ber. Ka pehhel kual vak dawn lo, amah vang hian hna chan an tam tawh lutuk, che chhe lo hram ang che

A kâ a an tawh chuan i zo der a ni mai. Tlanchhiat i tum em lo ang chu maw?" Chamille chuan min fiam zeuh a, ka thaw halh, ka huaisenna sawm khawm in "Ni love ka thei mai ang" inhneh chu ka tum ran mai

"A ṭha e, khu a rawn thleng der alawm" a tih chuan ka thin a phu dup dup

Chamille nen tho in kan form chu kan siam ṭha sawk sawk. Min rawn en a, ka vut vuanin "Nui rawh le, kan ti thei ania" min fuih zawh ah kawngka lam kan pan

Ka thin chu a phu rang telh telh, chu pa chu ka la hmu lo chungin chet chhiat ka hlau zek zek

Airline hostess ka ni a, passenger sual deuh deuh ka tawng nual tawh, tun ṭumah thung chuan mi pakhat ni si kha darkar sawmpali leh minute sawmnga kan chhung ka hrawn a ngai dawn ania. He hna hi ka chelh zawm zel thei ang em le?

Car ka hmuh chiah chu ka en nawn leh ngat, a chhan chu nimina ka car hmuh nen a inang chiah chiah

Driver a rawn chhuak chiah, hnung lam kawngka a hawn chuan ka thinphu nasa lutuk chu ka beng a thleng hialin ka hria, ka tihrawl te pawh an che mur mur

Car aṭang a rawn chhuah phei chuan ka awm te chu a in sep dawrh dawrh in ka hre hial, nimina ka hmuh ngei kha a ni

A driver pawh chu hria angin a lang leh tawh lo. A rawn hawi chho a, Chamille a en zawh chuan ka lam a rawn hawi leh

Hla deuh aṭang pawhin min chik viauin ka hria nge ka hriat sual zawk

Driver in Briefcase chu a pe a, kan lam panin a rawn chho

A rawn hnai zel a, ka chil ka lem khawlh. A ke pen tin chuan ka thin phu a ti zual, thawk ka la halh mahse eng mahin a ti dai thei lovang. Ka tihrawl te chu ka thisen zam aṭang a chho up up

***

Chhunzawm tur


Show post links
Top

[Ngaia]

"I hriat angin Mr Cavalier hi a ṭawng tam vak lova mahse pawi ti suh, kan client te hi mi inang lo tak tak an ni hlawm a, ṭhenkhat ngeiawm tak an nih laiin ṭhenkhat erawh an nelawm viau thung. Engpawhnise a ṭha thei ang berin kan dawngsawng tur a ni" Chamille in min hrilhfiah chuan ka lu ka bu zeuh zam loh ka tum ruh viau mai

Ka hna hmasa ka bân fel hnua thlawhna ka chuan leh hmasakna tur ber a ni a, ka thin a phut pawhin a awm viau in ka hria chutah a belh chhah tur chiah in Mr Cavalier pa sang ṭha tak nelawm lutuk lo a lo awm ve bawk nen

Kan kiang a rawn thlen chhoh chuan chibai kan lo buk a, min kal pel daih, kan lam pawh a rawn hawi lo. A chetdan chu ka ngei zawng tak, mahse chutiang hrilh hre turin tunge maw ka nih bik chiah le?

A ṭhu fel te te a, a laptop a la chhuak nghal. Chamille chuan ngaiah a nei tawh aniang, a chetdan avang chuan a buai pha eih lo

Engkim a ṭha vek tih kan chian hnuah a bul hnaia kan awm chuan ka hmui ka chip hman mai. Ka chet buai loh nana ka tih a ni. Ka thlan a chhuah loh hram ka beisei

Zâm deuh a awm hi ka duh lo mahse ka ni hmasa berah hian tihsual neih a thiang lo a ni tawp

Chamille chu Mr Cavalier bul hnaiah va kalin a hma lamah kut a suih a hawihhawm deuh hian a va bia a "Mr Cavalier, Liliana hi hmelhriattir che ka duh a, kan team a rawn tel thar ania, vawiin aṭang a thawk ve dawn a" a ti a

"Ka lawm lutuk ania" zawi deuhin ka ti sap a, ka nui sak bawk min rawn en a, rum nghut in laptop min en san leh daih

A va ngeiawm chiang tak

Chamille chuan a aw a thian kharh a, "Chhuah kan peih tawh a, i inpeih tawh em tih hriat kan duh bawk a" a zawh nawn leh pawh chuan a chhang chuang lo, Chamille ka en in nui hmel a la pu reng

A tihdan zir ka tum a, mahse midang an awm ve tih hre lo ang maia a lang chu ka ti thei ṭhak lo, a laptop ah thil a type zawh chuan ṭhu awn deuhin Chamille hnenah "Ka inpeih e" fiah fel tawkin a chhang a, min rawn en leh zeuh chuan ka tuiral vek in ka hria

Lalpa leh ka nu sawi 'Ram dang hmelṭha tak' nen khan ka tehkhin lo thei lo

A hmai chu a fai vang mai. A hnar sang vah mai leh a khabe te chu a va inchawih mawi tak. A sam chu a khuih pial zan a, a mit rawng chu a uk niin eng in a chhun phei chuan a mawi lehzual

Ka pian chu a en a ni maithei, a hawisawn leh daih, a kut in a hmui a tawk zeuh, kan inthiarfihlim nghal

Min thlek dan ringawt pawh khan ka hmulthi a tiding sung sung, ka kut a thlan nasa. A awm lohna lam apiang mai chu pan ka duh

Tunge anih pawh ka hre lo a, mahse mi ṭha tak anih chu ka ring lo
Nge ka dik lo zawk?

A hmaah kan kun leh zeuh hnuah kan kalsawn daih, Kan ṭhutna lam kan pan leh hnu ah Chamille chu ka lam a rawn hawi a, zawhna tam tak ka nei hmel a hmuh chuan "Kan zin chhuak ngun tawh a, ngaiah ka nei tawh alawm. Kan client ber a hman tawh chuan kan ṭhufel ang a *9112 kan hmet ang" phone sen chu a kawk a, hrethiam in ka lo la vat

Vawi hnih a ring hnuah Pilot chuan a rawn chhang a, kan hman tawh thu ka hrilh

Thlawhna chu a kâng ṭan a, chair chu nghengin thawk ka la a, hahdam taka awm a ngai. Ka mur chuai chuai ka thin phu ri pawh ka hrechiang viau

Zin kual hi nuam ka ti a, chhuah dawn leh din dawn tak hi chu ka ngaina teh chiam lo

"I zam em?" Chamille chuan min rawn en in a phun sup
"Chutiang deuh chu a ni" za lo deuhin ka nui a, chair chu nghet deuhin ka vuan

"Ka dem lo che, nuam tak chu a ni lo alawm, kei pawh in lama ka chhungte ka ngaihtuah ṭhin, ka pasal leh fate pahnih. Pasal i nei tawh em?" Chamille in min zawh chuan ka zang leh huai mai

"La nei lo e" lai deuhin ka nui a
"Anih leh bialpa?" Ka lam a rawn hawi a
"Aih tumah ka la tawng lo" ka lu thing in ka nui tawp

"Eng a?" Chamille in awih lo zeta min zawh laiin ka lo la nui ker ker van sang lam kan pan zel

"Mi mit ka la chiah lo aniang, ka lo la anih pawhin min ngai thutak vak lo a ni maithei" chhum kan tawh dawn chuan ka thaw halh

"Anih chuan khang hmeichhia ang kha i nih dawn chu" Chamille chu a nui hawk hawk a, a lu a thing bawk
"Eng ang hmeichhia?" Ka mitko ka san ralh

"An mahni star tu te duh thei miah lo mahse mipa chhelo deuh nghak tlat chi ang kha" a nui leh rulh rulh a, "Chutiang te chu thawnthu ah chiah a thleng ṭhin" ka lu ka thing a

"Awle i zia tawh in ka hria, kan la thlawk rei dawn si a, client chu va endik tawh rawh le, duhzawng a neih leh neih loh te va zawt la" tihdan min hrilh hnuah chanchinbu la chhuakin a chhiar mial mial

"Keimahin ka zawt ang maw? I lo kal ve dawn lo a mi?" Ka zawh lai chuan ka zam ru viau mai

"Hostess tih tur ber alawm, fakna ah pawh i ti ziah lovem ni? Training awl tak a ni ang i tih ve tho kha. Puih i ngaih chuan ka awm reng ania" Chanchinbu kar aṭang min rawn bih a, ka chhan leh hma in min chhiar san leh mawlh mawlh

Thawk la halh in ka dar ka san a, ka hnung mar at in ka khabe ka san vah a Mr Cavalier lam pan chuan ka phei

Passenger dang ang tho a ni tiin ka infuih char char. Ka thiam lam zawng ania, a duhzawng ka zawt mai ang, science ti tur pawh ka nih em loh hi

A awlsam dawn asin le

A bul ka va thlen in laptop bawk chu a lo khawih leh. Ka hre dik anih chuan hna a thawh laiin tihbuai loh tur, ka awm tih a hriat hma loh chu ka ding reng ang. Min hriat theih nan ka aw chu ka thian leh kharh

Engmah hre lo ang mai a ni

Ka nghak a, second sawmruk vel chu ka chhiar hman ang, hlim hmel put luih hram ka tum chu pawh engmah lo ang mai a ni

Chamille ka va en a, chanchinbu kar aṭang min rawn en zeuh a a chhiar zawm leh nghal zat

Ka din reng hnu ah second tin mai chuan ka thin a ur tulh tulh "Mr Cavalier, ei tur emaw in tur i duh ang em?" Ka zawt deuh tawp

Min chhang lo
A aw a chhuak lo, a thaw pawh in ka hre lo, a mit a khap lo bawk

Bang ka bia hi a ni ringawt
Beidawng deuhin Chamille chu ka va en a, a lo nui khur char char

"Min pui rawh" hmui phun in ka va hrilh a, a ban rawn vaiin hmui phun tho in "I ti ṭha lutuk ania" a rawn ti ve a, ka van awih lo tak ka meng kual lo chauh

Ni khat ni aṭang trainer chu chhuahchhal ka duh rum rum mai. Thawk ka la leh a, ka mit chhing in biak leh ka tum lai takin a ṭawng ri ka hre ta

"Ka tibuai che em ni Liliana?" Min rawn zawt a, ka meng vat min lo en kar mai
"Aih tibuai love Sir. Duh i nei ang em?" Ka sawi zo hman lo
"Wine sen a tawk mai ang ka lawm e" ka thusawi a rawn pawtchat daih, chhan let ka van chak tak

Min tihdan chu ka lung a awi vak lo Chamille awmna lam ka pan a, ka ngawih reng a ngai bawk si

Ka hming a lam rik dan mawlh chu ka bengah a ri nawn tluk tluk, ka mur chuai chuai mai, mipa chhelo tak hmelṭha tak chu a ni chiang alawm

Chamille chu a lo nui nasa mai, fiahna ṭha tak a ni ringawt, ka rum nghut a "I tih atan chuan a mawi lo ngawt mai aw" ka tum bur mai

"I chet ṭhat em kha, i ṭap lo tal a a zia alawm" Chamille chuan a thleng zing tawh tih hriat tak hian engah mah a ngai tawh lo

"Ṭap an awm maw?" Awih chiah lo deuhin ka zawt a, a lu a thing "I awih ka ring chiah lo, eng nge a duh a? Ngawi teh kan ring chhin Wine sen a duh tiraw?" A ti a

"Aw" ka nui ve leh mai, Chamille in choka lam min pan pui a. Glass leh wine awmna min kawhhmuh a, a sawi angin ka ti nghal zung zung. Mr Cavalier awmna lam ka hawi a, ka ke te hi a zawi vek

Ka thin chu a phu dut dut, ka taksa pumin a nghing lawih, kan mit a intawk chiah tihin ka hmai chu a sa pup pup. Ka hawisawn daih.

Ka khur der der, ka tihrawl chu ka mawhpuh deuh ber. Ka hriatna ve thung chuan thil dang daih a sawi thung. Chamille in wine vur bucket a dah a, glass chu tray ah chhawp in Mr Cavalier lamah min phei tir

A bul ka va thlen in laptop chu a khup a chair ngheng in a lo ṭhu. En loh ka tum viau mai. Ka lu ruh thlengin a hmu tlang vek emaw tih mai tur a ni. A kut zung laiin a hmui a khawih a

A hmui chu a nem hmel

Ka tihtur chu zawh vat ka duh a, mahse ka tiril khur nasa lutuk chuan min pui lo khawp mai. Ka tihrawl hi ka la puh ṭang ṭang

Chamille chuan chik zetin min lo en a, bottle chhin ka hawng a, glass ah ka bun chhuak leh. Mr Cavalier a'n min lo en reng tih ka hriat phei chuan ka zam lehzual

A in tur chu ka thli zo ṭep tih in thlawhna chu a rawn che leh thut

Ka hriat leh chu Mr Cavalier zuang tho zawk chu a ni, a kawr fai thianghlim tak chu wine a kai luai, a jacket a lo kilh pum loh vang vek

Min melh hrak a, ka chil ka lem khawlh. Min kalpel a, a room a luh daih laiin Chamille chu a lo ip chawih

Bottle chu ka dah thla a ka rum nghut, ka chal ka tuai vut vut ringawt ka zah lutuk vangin ka thlan in min bual huh vek

Ka hna hmuh hi ka mangṭha a va ngaih hmel ta ve

"Awle a tawn vawikhatna a ni hial ang, a kawr va la vat rawh" Chamille in a sawifiah leh zung zung laiin a ṭawngvai ta emaw tiin ka en reng ringawt

Ka thawh hmasak ber ah thil zawng zawng min tih tir vek chu ka hrethiam lo ve deuh

"Thawmhnaw chu va la rawh a bal kai lai chu kan tifai dawn nia" Chamille in min tur leh a ka hreh tawh viau asin le. Bottle leh tray tifai in choka lam a pan a

"Ti teh min awm tir mai mai rawh, kha pa khan min hua/haw tawh dawn lutuk, a kawr la leh turin min tir dawn a maw?" Ka tum bur, a lo meng ralh

"Mr Cavalier hi mi sual tak a ni hleinem, a hau lo ang che, a thutakin a ngawichawi tih mai loh chu. Kawngka kik la a kawr chu va la mai rawh" min fuih phur leh sauh a, naupang ang mai ka ni

Ni e ti tura min duh tlat chuan ka hna ka chan loh phah maithei asin

Zak lo ang deuh a awmin, room lam chu ka pan theuh theuh, ka kut chu ka tuai vut vut bawk

Muangchangin khur deuh chungin a room chu ka thleng ta

Ka chil ka lem a, ka dâng ro dan chu Sahara thlaler ang vel a ni. Ka kut thlan hlup chu ka pawnfen ah ka hru thuak a, kawngka chu ka kik a

Dawhthei takin a lo hawn hun ka nghak, a reh tlawk tlawk, ka thin a phu rang tulh tulh

Min chhan mai loh avang chuan ka kik leh a, mahse chhangtu ka nei chuang lo, thawk la leh in rilru ṭawngṭaina nen kawngka chu ka hawng ringawt

Mr Cavalier chu hmuh tur a la awm chuang lo, bathroom ah a thawm chu ka hrethei, ka awm tih a hre lo a ni maithei

Room chhungah ka lut a, zau tak pawh a ni lo, mahse a felfai lutuk chuan min hneh khawp mai. Khum chu a faiin a piah lawkah tukverh a awm a, khum sirah light a awm bawk

Khum chu zawimuangin ka pan a, a dup nuam lutuk chu ka nui ringawt

Hetiangah hi chuan mut a nuam viau ang ka ngaihtuahna chu a kal thui khawp mai, min lo thlir reng tu an awm in ka hre tlat

Ka hawi let a, tuia min leih ang mai hian ka harh chiang viau. Mr Cavalier chu kawr phelhin a lo ding reng. A hma ai pawhin ka hlau tawh zawk, ka hmai aṭang ka taksa a thlek zawh hnuah min en chiang leh viau

Ka chil ka lem leh ringawt, ka kut thlan hluam chu a hmuh loh nan hma lamah ka suih a, a khum ka lo suangtuah lai min rawn man anih ber hi

Min ban tawh ngei ang
Ka lam a rawn pan a, ka kâ chuan rilru dang a lo nei aniang

"Mr Cavalier ka tihpalh lutuk. Hei hi ka tum dan pawh a ni miah lo ania. I khum ka lo khawih a, mahse a puan hi deh nuam ka tih em vang ania, i khum ah awm ka tum lo ania, min ngai sual lo hram rawh, ka at em vang a ni" insawifiah ka tum a, ka ṭawng bah nuai mai

Ka thusawi a hriat chuan a meng zau kawk a "Tih thinur che ka tum lo ania, i khum ah ka lo ṭhu mai chauh ania min hrethiam hram ang che...." ka hmaah tak a rawn din chuan ka aw pawh a zuih riai riai

A âwm leh a pian nalh tak chu ka en lo thei lo

Awi leh dik lohna ka nei chiang alawm. Ka sa pup pup mai, a va lum tak. Ka chimawm reuh zia hi duhthawh takin a pian chu ka thlir dauh dauh, ka hmui ka liak zeuh bawk

"Liliana" a ṭawng chu a ring lo mahse a thuneih zia a chiang viau, ka mit ka chhing a. A aw chhuak te chu sava hmul deh nuam takin ka taksa a rawn dek ang mai hi a ni. A nem thek a ka mur chuai bawk

Tleirawl period lai ang mai chuan ka za cheng

Ka men leh hma in vawi nga ka chhiar a, min lo melh reng

A la awm tih a tihchian hnu chuan thawk a la halh a, a hawina lam zel ah ka lo inher ve zel thir hip thei ang mai in min hip tlat

A kawr chu a rawn khai a, ka kut hlei takah chuan a rawn nghat, a kalsawn daih bawk

Chu veleh room aṭang ka chhuak ve nghal, tui vawt a in phih harh ka ngai anih hi. Chamille awmna lam ka pan a

Ka thawh hmasak ber aṭang buaina ka insiam nghal ania chu pawh wine vang vek

****

Chhunzawm tur


Show post links
Top

[Ngaia]

Mr Cavalier chu minute rei pawh a thang lo. A rawn let a, a ṭhut fel leh hnu chuan a thla hlim takngial pawh en loh ka tum ṭang ṭang

Chamille i'n wine tih reh na tur Choka ah min hmuh a. Zinna ah hi chuan hetiang chet chhiatna hi thleng thei ve reng a ni tho mai, ka thawveng leh huai tawh. Mr Cavalier wine a leih hmasa ber chu ka ni maithei

Chu pawh chu a zahthlak tawh nen room a thil thleng ka ngaihtuah let phei chuan kun ngawih ngawih na tham a ni tawp

Thlawhna chhuat hi a kâ angin min rawn dawlh se ka ti rum rum

A kawr ka tihfai zawh ah Chamille i'n wine a va pe a, chhun thil ei hma chuan kan chawl ve hman ta

Chamille i'n games a khel a keiin lehkhabu ka lo chhiar, ka lo tui deuh aniang Mr Cavalier a'n Chamille a koh lai pawh ka hre lo, ka hawi kual a, Chamille chu a lo awm tawh lo

Ka tihtur hre lo chuan lehkhabu khup in a lamah chuan ka va phei a

Laptop chu a lo khawih leh char char, a hmaah chuan ngawi reng in ka ding tlawk tlawk

"Chamille alawm ka koh" computer chu a la en reng a

"Lo hrethiam hram mai rawh, Chamille a hman rih lova, puih theihna che ka nei em?" Hawihhawm takin ka zawt a. "Nang chu ka mamawh lo che" min vai kiang a

A ṭawngkam chu a na ve det, min hnawl a ni ber mai a

Ka meng kual rulh a, ka insiam rem leh vat "Awle sir, puih i ngaih chuan ka awm reng a, mahse Chamille i duh zawk si chuan a rawn let veleh ka lo hrilh dawn a" ka inher vut

Pen hnih chu ka pen hman ang, min rawn ko a "Kal phalna ka pe che em ni?" A rawn tih chuan ka phu zawk

A aw phawi mawi lutuk chuan min deng dawt. Ka sawi hmaih loh tur chu ka zam sa nen ka khur der der

Thawk ka la phawt a, ka ding mar at a, a awmna lam ka pan leh, a hmaah chuan ka ding a, sawi tur reng ka hre leh tawh lo

Ngeiawm deuh hian a rawn nui leh a, ṭawng a tum lo tih ka hriat avangin rilru ṭawngṭaina ka nei a

Min hrem a ni ngei mai, a ṭha e

Engtia rei nge ka din tawh tih hi Pathian chauh in a hria ang, he mi chimawm hma ah hian engmah ka sawi ngam der mai si lo

"Chimawm min ti maw?" Mr Cavalier aw chu ka bengah a ri rung rung
"Eng a?" Ka dâng a ro vek, ka zak bawk si chu ka sen chhuak leh vek, ka ngaihtuahna ka lo sawi chhuak a ni ngei ang

"Chimawm min ti chiang alawm" min puh awlsam viau lehnghal, min rawn melh a, nuam ka va ti tawh lo tak

"Ni love sir ka ti hleinem" ka zam tawh bawk si chu ka kut a thlan vek

"Dawt sawi ah min puh em ni?" Min rawn thlek vang vang, min fiam chiang mai, nuam a ti anih hi

"Ka ngaihtuahna ka lo sawi chhuak palh aniang, khawngaihin min haider sak thei hram lawm ni?" Ka ṭawng ka dang leh hman ta lo

Ka kâ ka ân tawh hi chuan buaina a thleng ve ziah

Chiang zetin min thlek leh vang vang, min zir chiang a ang mah zawk

Engmah sawi lo in a kut zungṭang sei tak chuan a hmui a hru a laptop chu a bih leh daih

Kalsawn tawh chu ka chak zek zek, mahse phalna min pe bawk si lo ka che chhe ang tih chu ka hlau tawh viau mai

Rilru fim tak put a va har tak em

Ka chau tawh buaina dang thleng tawh lo hram se ka duh. Che ngam ngat ila chuan he pa ruk hi ka tih tliah sak ang mawle chhe lo viau mahse

A rawn nui ri hak ka hriat leh chuan ka meng phawk hru mai

Ka ngaihtuahna ka sawi chhuak leh em maw ni le? Ka zak bawk si chu inzial bo daih mai ka duh rum rum

Ka awm a rawn tawt up up, ka thaw lak a fuh thei lo, ka kut lo thlan hlup bawk nen, ka form hak pawh hi a huh dup ang ka ring

Boruak rit lutuk hi ka zo dawn lo tawp mai

Tu emaw khan min rawn pui hram teh u, zah lutuk vanga ka thih hma ngei hian, ka ke a kham vek bawk

Ka bei a dawng tawh tih ah Chamille chu a rawn lang ve hlawl

"Mr Cavalier engkim a ṭha vek em?" Min rawn hnaih a, ka thawveng huai mai

Ni e min chhanhim tu tur anih hi

"Engkim a ṭha vek e, tui no khat ka lo duh ang aw khawngaihin" dam deuh chuan a chhang a

Ka va han ngei chiang tak

Chamille chu tui la tura a kal hma chuan zawhna nei tih hriat deuhin min rawn en a, a rawn let leh hnu ah duh dang a neih leh neih loh a zawt leh bawk

"Nei tawh love Chamille i kal thei tawh e" a kaltir hnuah a nui leh suk a, hna a thawk leh mial mial, mei erawh min la din tir reng

Nilo,, Chamille kalsawn lai ka thlir a, puih ka ngai asin le

Min hrem a ni chiang mai, hetiang hi phal a ni re re em maw ni?

Ka lu ka thing a, ka â mai dawn in ka hria, zawhna chhan sen loh ka ngah ngang mai

Ka hmui chipin ka hnar chuan ka tho ham ham

"Tibuaitu che an awm em ni Liliana?" Min rawn zawt a, ka ngei tawk a tling leh viau. Mahse ka hming a lam hi chuan ka buai vek zel

"Awm love sir" in seh ruh ṭeuh chungin ka nui lui hram. A hmel pawi sawi lo tak mai hi tihbawrh ban ka duh rum rum hial a ni

A tho thurh a, ka lo thaw leh halh, ka ngaihtuahna ka sawi chhuah tawh loh hram ka beisei, ka insum thei lo ṭhin lutuk hi buaina a ni ziah

Ka lamah a rawn pen phei a, ka che sawn thei tawh lo. Ka che anih vaih chuan nghawng ṭha lo a neih ka hlau

A mak ka ti zawk hle mai

Ka rilru leh taksa hian a lo zawm leh tlat ṭhin, mi hrang daihin hetiang hian thu a nei ang tih hi rin ngaihna pawh ka hre lo re re

A rawn hnai leh a, min kal pelin room ah a lut daih

A kal liam hnu chuan ka thawveng huai mai, boruak rit lutuk pawh a kiang deuh huai mai

"Eng thil nge i tih?" Chamille chuan nuih za insum tih hriat takin min rawn zawt a. "Min pui rawh! I hming a lam a, mamawh a neih takin ka tia ka va zawt a nangmah a duh che vangin ka inthiarfihlim a" zawi deuhin thil awmdan chu ka hrilh a

"Kal phalna a pe che em ni?" Min zawh leh chuan inthiamlo deuhin hnuai lam ka melh daih
"Pe love" ka ti chuai ralh
"Liliana" Chamille chuan min vin ṭhak a

"Ka hria ka hria, min ko let a, ngawi rengin min dintir char char alawm, puih ka ngai a ni" ka thaw leh halh a, Chamille darah chuan ka vuan

"A ṭha e, a ṭha e reilote hun min pe la ka rawn pui ang che" Chamille chu a awmna ah a let leh a, ka ding ngil at, Mr Cavalier a lo let leh bawk

Min pelh dawn laiin a nui leh zuk a, fiamthu a lo duh ve viau anih dawn hi, ka rum nghut lo chauh

Chamille chu a rawn hnai a, Mr Cavalier kiangah "Mr Cavalier, Liliana hi eitur siam dan hrilh a ngai a, ka lo hawh lawk dawn em ni?" Tiin a zawt a

Laptop chu dah sawn in min rawn en a, nui leh hak chungin "Tehreng mai" a ti ve ta a

Chamille nen chuan inher in kan kalsawn a, "Liliana? Sawi duh i nei em ni?" Min rawn zawt leh a, a va ngeiawm chiang tak

Rek ân bawrh bawrh chu ka duh rum rum hial a ni

"Ka lawm e sir" nelawm deuhin ka chhang a, ṭawngka a inthah theih chu nise ṭha tur. A thlek leh zeuh hnuah kan kal thei ta hram

Ka ngei zawng hlirin a khawsa anih ber mai hi a

"Client te hi thah theih se aw" Chamille chu ka hrilh ru zeuh a lo nui hak a "Buaina ah min hnuk lut lo hram rawh aw" a nui leh ker ker

"Khatiang kha a ti thei em ni tak tak in?" Chamille chu ka zawt leh a, Mr Cavalier a'n ka thusawi a hriat loh hram ka beisei bawk

"Thei e Company zat ve hi a ta a ni alawm" awlsam zetin min chhang a
"Eng maw? Client maw ka lo ti mai asin" Mak ka ti telh telh

"Company chanve hi a ta ania, a bak zawng chu a pa ta ania" Chamille i'n min hrilhfiah a
"Anih chuan kan boss tihna a ni maw?" Ka zawhna zawh danah chian ngei ka duh tih a lang reng

"Aw ni e" Chamille chu a bu leh nghauh a, ka hmai dâng lutuk chu min nuih leh phawt

"Hlim takin awm rawh aw, i him tawh ania chuti ni lo se chu eng ah mah a ko tawh lo ang che. Chhun thil ei a hun dawn a, a ei duh zawng chu ka hrilh tawh che ang kha a ni mai. Plate in kan chhawp ang a, i ei tur i keng sa vek em?" Min zawt nawn leh a

"Granola Bars leh in tur pahnih ka keng a, Rome thleng chuan ka tling tla ve thei mai ang" ka tih zawh chuan training min pek zawm leh

Kan inpeih chu a ni der mai

"Plate hi ka lo chawi ang a, nangin wine bottle bucket vur a inchiah hi i rawn khai ang, ṭha taka a kal tawh beisei ang" Chamille i'n a sawi lai chuan ka inpeih tawh tih lantir nan ka lu ka bu zeuh

Phur thar leh deuh in Mr Cavalier awmna lam kan pan phei

Hahdam deuh a awm turin ka infuih mawlh mawlh, amah ka en loh chuan a ṭha vek mai ang

Chamille i'n dawhkan ah tray a chhawp a, keiin bucket chhunga bottle chu tray bulah ka nghat

Wine chu Chamille in a thli a, a hnungah ka ding a, buaina thlen leh ka hlau zek zek

No chu la in a hmui a chuktuah a, a in chhung zawng chuan min en char char

Ngaihtuah lem lovin ka hmui chu ka lo ti che rulh, in ve ang maiin ka lo inngai ve tawp

Ka tui a hal thar riau

"Bon Appetit Mr Cavalier" Chamille chu nelawm deuhin a nui a
"Ah Merci Chamille" a nuih let ve a, chutah engemaw ka sawi beisei in min rawn en

"Tui deuhin i ei dawn nia sir" ka sawi ve ta hram. A lungawi ta aniang min kaltir a

"Awi leh i duh chiang mai" ṭhutna lam kan pan leh laiin Chamille i'n min fiam a, ka lo hnial vat "Ni love a kei hian maw? Tunge anih pawh ka hriatchian loh hi a" ka meng zau kawk mai

"I suangtuah ang ngei mipa pa tak, sang hmelṭha tak ang chiah kha ania lawm" a rawn ṭhut leh hnuah a rawn chhunzawm a, ka chal chu ka dawm tawp "Ni lo Chamille a teuh lo lutuk" ka lu ka thing hman

"Awle a ṭha dawn lutuk, a va nuam dawn tak" min zir chian leh hnu in a nui a, ka thusawi chu a hnawl ṭhak.
"Ka thusawi kha i hrethiam miah lo em ni?" Ka hnial leh a ka biang chu a sa hut hut, ka lo duh hman viau aniang a

"I thusawi kha chu ka ngai pawimawh teh chiam lo, han in en la, i laih em kha. A duh ve tho che in ka hria" Ka lamah a rawn thle phei a

"Eng thu nge maw i sawi le Chamille? Tu nge anih pawh ka hriat loh hi" ka sawi ngai bawk chu ka sawi nawn leh, a hma ang bawkin ka thusawi a ngaithla lo

"Chu pawh nise inhipna tlat in nei, engvanga hre lo der tlat nge i nih tih hi ka hrethiam thei lo" a ti sam leh et a,
"Kan client anih piah lamah kan boss ania, ka hre lo tak tak alawm" ka ti leh hram

"Intihtheihna lam a va ang zawk ve? I inveng deuh riau in ka hria" ti a min chhan leh hnu chuan ka tum bur a "Min awmtir mai mai teh" ti chungin lehkhabu ka keu daih

Chamille chu a nui leh hak a, a lu thingin "A ṭha e, a ṭha e i hriat tur zawng chu ani pawh ngaihzawng a la nei lo aw, nupui ṭhen hlim a ni lo bawk a, naute phei chu a hnai lo mai" a rawn ti leh hram

"Chamille" a banah ka chum a
"Kha zawng kha ka belh duh chu a ni e ka zo ta" a ban phar in hmun dang a melh daih

Ka sana chu bihin Rome thlen nan darkar ruk a la ngai, Mr Cavalier bawk chu ka lo ngaihtuah leh

A mitmeng te, a hmui leh a chimawmna zawng zawng nen hian. Ka phu lo tih ka hria, intibuai lo law law ila a ṭha zawk. Min hip bet tlat mai chu anih hi

Hetiang hian tu emaw in min hip ang tih hi ka ngaihtuah pha lo re re, darkar riat chhung leka ka mi hriat lehnghal. Ka rin ang em em in nuam ka ti lo tlat

Mr Cavalier vanga buai ka tum lo viau mai. Lo suangtuah vak loh hi a ṭha zawk ang. Kan inkar a zau em mai. Billionaire anih piah lamah ka boss a ni bawk

A hawi sang vah a, a ei duh zawng pawh tuihnai tak vek a ni, a hming pawh ka lam thiam kher lovang, a nun dan chu ka hriatthiam zawng pawh a ni lo

Model sang tak emaw lemchang thiam an ṭawng thiam hausa tak a kawp duh zawng anih ka ring

Beidawng deuhin ka thaw halh a, ka lehkhabu chhiar lai 'Hmeichhia in mipa hmelṭha tak a tawnna' chu ka chhiar zawm daih

****

Chhunzawm tur


Show post links
Top

[Ngaia]

Liliana POV

Chhun thil ei zawh ah Mr Cavalier hnaiah ka awm tawh loh nan Chamille chu ka dil char char. Ka chetdan a naupang chhia tih ka hria, mahse a ngai miau si a ni

Engvanga duh hma em em nge ka nih le ka mi hriat ngai pawh a ni der si lova. Mr Cavalier ka tihdan leh chhan dan vel ka ngaihtuah let hi chuan star chu ka in ti chiah lo mahse ka mit a la hma lutuk hi mak chu ka ti ve viau mai

Ka hriat theih chinah pawh Mr Cavalier hi chu tihbuai chi a ni lo, buaina ka thlen tir vang chauhin min ngaihven aniang, ka boss a lo ni reng nen ka chiang tulh tulh dawn a nih hmel

Chamille kianga ka ṭhu lai chu bathroom lam panin ka tho thurh, darthlalang ah ka inen chiah chu ka lu ka thing ringawt

Eng nge ka ngaihtuah le? Mipa pakhat vanga ka buai chhin hi tlakchham ka neih vang a ni thei mai ang em le?

Cavalier POV

Computer ka en reng lai pawhin ka mitthla ah chuan Liliana a lang reng mai

Ka hmuh tirh aṭang khan ka mit a la em em mai anih hi. A mawina hian min zem a ni ber

A sam a uk a, a zaidam hmel in a nui mawi takzet. Ka hmeichhe kawp ho nen chuan an danglam lutuk. Ka kawp ho chu an sam a buang a, an mit a pawl a model deuh hlir an ni

Kan mit a intawh lai vel ka ngaihtuah let a, ka nui hak, ka room a a lo awm ka manchhuah a, a ṭawng bah nuai mai te khan ka mit a la takzet

Danglam tak a ni, darkar rei pawh kan la intawng lo a, hriat theih si loh hian min hip bet tlat

Chimawm te kha min ti a, a chang leh a thutak thei lutuk hian misual deuh ang hian min in ngaih tir tlat. Zah deuhin min bia se a ṭha daih zawk asin mawle. Billionaire mi hriat hlawh ve tak ka nia, a ni a thawh hmasak berna ania. Palzam mai har ka ti tlat. A mizia langtlang lutuk hian a hna a chan phah tir mai ang em ka hre bik lo

A lehpek darkar chu Chamille ringawt in min rawn ngaihven a, ka lunghnur viau mai. Liliana in engvanga min pehhel nge anih ka hrethiam thei lo. A thawh hmasak ber ni ania, zawmthawt a thiang lo asin

Sumdawnna chanve tawp hi ka enkawl vangin ka hnuaia thawk te dinhmun ka thlithlai ṭhin, an hnathawh dan thlengin Chamille chu ka lo zawt a "Training i pe a ni lawm ni Chamille?" Ka thlek deuh ha a

"Aw pe e sir" Chamille chuan ka zawt dawn tih hre lawk sa tih hriat deuhin min chhang a "Anih chuan khawiah nge training i pek mi kha a awm?" Ka zawh nawn leh chuan Chamille pawh a buai ve deuh

"A nuamsam vak lova chawlh hahdam min dil a, reilote hnuah a ṭha leh mai ang" a tih lai chuan ka tho thurh a "Va endik a ngai anih chu" Liliana awmna lam ka va pan a

Julie kagawa ziah Immortal rules tih bu a lo chhiar a, thil dang reng a ngaihven hman lo

Ka chik viau pawhin min hmu chuang re re lo, ka kekawr ipte zen in ka ding reng. A nuihzatthlak nge a ngaihtuahawm pawh ka hrethiam lo. Min ngaihven lo lutuk chu ka ngei tawk a tling leh viau

Chamille chuan hrethiam takin a aw a thian kharh, chu veleh Liliana chu a rawn harh kawk mai

Liliana POV

A pheikhawk ka hmu chiah chu a thlahlim in blanket ang mai hian min rawn khuh hlup

Ka ṭhutna aṭanv ka zuang tho zawt, Mr Cavalier ka lo hnaih lutuk chu ka inchhir rum rum, a ni ve thung chu engmah in a tibuai eih lo aniang

A nghawng chen vel chu ka thlir phak tawk a ni. Min rawn en leh chiah chu ka sa chhuak vek, ka dâng a ro hulh bawk

Buaina ka tawk leh dawn anih ngei hi

"Min chhuahsan lawk rawh" Camille chu thu a pe a, thlawhna hnung lam panin min chhuahsan daih, hrethiam deuhin a nui a

A chhuah fel hnu chuan ka ngawi reng, ka thin pawh a phu leh dut dut. Ka zak bawk si chu ka sa pup pup

Ka hna ka chan dawn tak tak aniang a? Min nawrna sang lutuk hi ka zo lo em ni? Nge ka puitlin loh viau vang zawk?

Ka ngaihtuahna a tibuai vek, ka thlan te chu a mum ṭual ṭual in ka hria

Ka va han zam chhe tak, hna ka thawh leh hmat lutuk vang hi a ni maithei

Mr Cavalier hi mi ṭha tak anih chu ka ring lo. Fakna a ka thawh ka bansan chhan te nen khan an inang reng ang

Chu lo ah ka mit a lak tlat dan te hi ka ringhlel riau mai

Cavalier POV

Liliana posi lai lutuk chuan ka nuih a ti za riau

Tihhlauh hi ka tum ber chu a ni hauh lo, mahse a che vel hian min tihlim riau mai

Ka en rei pauh leh eng nge a ngaihtuah hriat ka chak zual zel

"I ṭha em Liliana?" Engmah sawi a tum lo tih ka hriat chuan ka zawt a
"Ka ṭha e sir ka lawm e" a ṭawng buai leh hlau tak hian hnuai lam a melh daih

"Liliana ka mit chu hetah a awm" ka ti khur khur, min en se ka duh alawm. A lai hmel mawlh mai chu a ni duhawm chu

Liliana POV

Kan inhnaih lutuk hian thil a ṭhat phah ka ring lo. Min chik lutuk te chu tuar har ka van ti tak. Mr Cavalier hi zuam chi a ni lo hrim hrim

Thawk ka la halh a, a nghawng, a khabe, a hmui leh a mit chu ka en kual dan dan

A bu leh nghauh a, min nuih suk

"Chamille in i nuamsam lo a tia i ṭha leh tawh a nih hmel" a ipte chu a zen leh a, a che sawn eih lo. Keimah zawk hi chet zeuh chuan a awmah ka bei nghal a ni mai

Ka sa leh pup a, ka tum loh dan bawkin ka lo ṭawngchhuak leh "I hmuh ang hian ka thlawk rei dawn sia lu a hai ve bawk nen training tur a tam bawk sia ni khat atan chuan lem duak duak a har ve em a ni" ka lo insawifiah zung zung a

Cavalier POV

"Lem duak duak a?" Ka mitko ka san a, Liliana thusawi chu ka rin loh lam lutuk anih vangin ka inrintawkna pawh a sawi che ve det

"Aw ni e a lian tham in a rit ve khawp mai" Liliana chu a bu leh nghauh a, rilru thianghlim taka sawi chu ni mahse ka dik dawn lo tlat "Ni e" ka aw thian kharh in ka hawisawn daih

Ka thaw leh halh a, Liliana chuan hun remchang a rawn chuh a, ka ban tir a hlau viau aniang

"Mr Cavalier khawngaihin ka tihbuai loh hram che ka beisei, Chamille thiamloh a ni lo ania, ka chet dan hi a naupang chhia tih ka hria. Lo inpuahchah deuh tur ka nia mahse taima tak mai ka nia, kan thlawh chhuah leh hunah chuan rilru ka pe tawh viau ang, hun ṭha min pe leh hram rawh" ngaihdam min dil char char

"I ti thei ang tih ka hria, chance khat ka pe leh ang che, i chet buai chuan Liliana i tawpna tur tih i hre dawn nia" a hmui chu ka lo en leh a, ka lu ka thing ringawt

Lawmthu min hrilh a, hna a chan leh dawn loh avangin a lawm viau aniang

Kalsawn ka tum leh chiah chu thlawhna chu nasa deuhin a rawn che chiam a, Liliana chuan ka ban a rawn chelh vat

Ka awm a rawn dek a, ka kawr chu a hum nghet viau bawk, a kawng chu ka lo chelh ve ran mai

Liliana POV

Kan inhnaih lutuk a ka hmai chu a sa leh hut hut tawh

Awi leh
Thlawhna a rawn pangngai leh hnu chuan kan ngawi reng

A kawr chu ka la chelh reng a, a ban tha chak tak chuan min vuan ve reng bawk

Second hnih khat vel a liam leh chuan kan mit a intawng chat. Ka ding ngil thei ṭawk a ni

A mit a khap a, ka hmui ka peh lai tak chuan min lo en reng. A hmui chu fawh ka chak zek zek. Ka hmui chu ka liak huh zeuh, a rawn tuai leh zeuh

Thil thleng ka ngaihtuah chuan ka zak leh hnuhnawh viau mai eng thil nge maw ka tih chu le?

"Kha thil thleng vang khan min lo hrethiam hram rawh u, kan thlawk pangngai leh tawh ang" Paul in a rawn tih chuan ka harh thut

"Ka tihpalh lutuk, ka che mawi lo hle mai" ka tawlhsawn dawrh a, a mitah pawh ka en ṭha ngam lo

Mr Cavalier chu hriatthiam loh hmel takin a mit a khap fuk a, a ṭhawng ve deuh hlek a ni maithei, a lu thing in zawi muangin a kalsawn

A va ṭhut fel leh hnu in ka thaw leh halh, chair ah chuan ṭhu in ka hmai ka hup ringawt

Thil ka tisual leh ta anih hi. Ka boss hnaih ah hian ka awm tawh lo ang

Zah vang chuan ka khu chem chem in ka hria

Reilote hnuah Chamille in min rawn zawm a, a lam chu hawiin "Mi ṭha lo tak ka nih hi" ka ti chuai raih

"Eng nge i sawi awmzia?" Min rawn zawt a, ka lu thing in ka hawisawn daih

Kan thlawh chhung zawng Chamille chu ka zui ta zel a, Mr Cavalier lam chu ka hawi tawh lo hrim hrim

Chamille min kawhhmuh ang zelin ka che a, Mr Cavalier a'n min lo melh pawhin ka en lo lui tlat

Darkar ruk a liam leh tih chuan Pilot in kan ṭum dawn tih min rawn hriattir a, Mr Cavalier hman hun kan nghah zawh ah chiah kan che ṭan ang

"Awle kan ṭum dawnah Mr Cavalier a chhuk fel hnuah kan bungrua la in Pilot kan hrilh fel leh phawt ang a chumi hnu chuan kan chhuak thei chauh ang" Chamille chuan min hrilhfiah leh a

"Ka hrethiam e" ka lu ka bu leh nghauh, jet a hniam telh telh a, ka thawk a buai leh dawn ti tih

"Driver in min lo hmuak ang a, Company hotel ah min dah ang. I duh duh i be thei bawk ang. Nangmah a i zin hunah client te cham rei dan a zirin i hun neih dan i siamrem ve zel ang. An cham chhungin client dang pawh i zui hman thei. Mr Cavalier hi chuan host a thlak ngai lo. A cham chhung zawng nghah char char a ni mai" Min hrilhfiah leh hnuah ka hrethiam tih lantir nan ka bu leh nghat a

Thlawhna a ṭum dawn chuan a vir kual leh phawt a chumi hnuah kan ding ta

Paul chuan thlawhna a siam rem a, kan seat belt phelhin kawngka lam kan pan

Chamille i'n kawngka min hawn tir a, a sirah kan lo ding. Mr Cavalier chhuah fel hun kan nghak

Reilote hnuah a chhuak a, min rawn melh leh zuai, ka thin a phu leh zawk mai. Chamille a biak leh zeuh hnu chuan a chhuak fel der, driver a lo ding reng

An tlan liam hnuah bungrua kan la a, pilot kan mangṭha hnuah driver awmna lam kan pan

Hotel pana kan tlan lai chuan naupang krismas tuk nghakhlel ang mai hi ka ni. Ka phur lutuk chu ka thup thei thlawt lo, ding leh vei chu ka melh tawn zak zak, An in sak dan chuan ka mit a la telh telh

Chamille chuan ka awm dan vel chu a lo hmuh hmaih miah lo "Rome i zin vawikhatna em ni?" Min rawn zawt a, "A hriat viau em ni?" Ka nui ker ker, ka insiam rem leh nghal vat "Rome aia hla ah pawh ka kal tawh tho a, mahse airport bak hi chu ka pel ngai meuh lo, khawpui ka tlawh ve ngai lova" ka hnual leh ruih tawh

"Kar tluan in kan awm dawn alawm, ka fan pui dawn che nia" Min sawipui a, "Chu chu kan tihtur ber a ang zawk hle mai a" ka lu ka bu leh nghauh

Kan tlan thui zel a, kan ngawi kar mai, kan tlan pelh tawh hnu te chu Mr Cavalier ka lo ngaihtuah chhuah leh vangin ka en liam mai mai

Ka va in ngei tak eng nge maw ka ngaihtuah le?

Reilote chhung khan min fawp se ka duh lutuk kha ka ke te pawh a zawi vek

Boss te ngaizawng chi ka ni lo asin

Chu lo ah ka tan chuan a sang lua deuh a ni. Ka invenhim kar a ngai. Ka chet dan te kha atthlak a ti ve ngawt ang

Mr Cavalier mit la tur hian ka tling lo a ni
Keini ang te chu zan hun hmanpui atan bak min duh tak tak lo ang

Ka inngaihtuah lungpuam dawna ka hriat chuan ka lu ka thing tawp, Rome khawpui mawi tak chu ka en leh ta zawk a

Mr Cavalier hi ka ta tur a ni lo, chuvang chuan ka in tih chak a ngai. Ka inthiarfihlim zel tawh ang. Kawtthlera ka tawh hun pawh a min hre lo tur zuna uai hi ka tum lo bur

Narrator-

Liliana chuan inhneh tum takin a infuih mawlh mawlh. Mr Cavalier pawh chu a bang bik lo

Frantz Cavalier chuan Liliana kawng a vawn lai te chu a ngaihtuah let a, mak a ti ve tho, a ṭanga bei kha a inhmeh ngawih ngawih. An infawh ṭep zawng zawng nen theihnghilh har a ti, a mitmeng zawng zawng chen in

Thil atthlak tak a ni tih a hria, Liliana chu amah ang kawp chi a ni lo ang tih a ring tlat. Thlawhna ah pawh khan a insumtheihzia a hriatpui. A tan chuan chona a ni ringawt

Infiamna hlauhawm tak chu a ni. A hma sial thlak hle bawk. Mahse Liliana rilru chu hneh a tum ve tlat. A namsawn theih loh tura siam a duh, hmeichhe dang ang tho kha ni se a ti ngawih ngawih

Liliana kha a duh a ni

****

Chhunzawm tur


Show post links
Top

[Ngaia]

Liliana POV

Suite Reale Hotel ah Mr Cavalier car chu chhiahhlawh mipa in hmanhmawh lutuk in a hawnsak a

A hnu reilote ah chuan kan chuanna pawh chu a hnai ve zel

Mr Cavalier car ka hmuh chuan ka hrethiamlo leh pek viau Chamille chu ka zawt a "Kan chenna hotel ah a thleng ve dawn em ni?" Mak ka ti viau a ni.
"Aw hotel neitu alawm a nih" Chamille chuan min hrilhfiah a
"Anih chu mawle" ka tih laiin Mr Cavalier chhuak lai chu ka hmu fua

Car tukverh aṭang chuan ka dak chhuak a, Mr Cavalier rawn hawi phei nen kan mit a intawng chat, a inher leh vut a, building chhungah a lut daih. Driver pawh chu a be ta chuang lo

Chamille nen chuan chhuak in bungrua chu kan la a, driver kan mangṭha a, a lawm ve viau mai

Thawk ka la leh hrawih a, ka hawi kual a, ka nui ringawt. Kawtthler piah dil aṭanga boruak rawn thaw heuh heuh chu ka hip a, ni sa in min rawn chhun a, ram dang ṭawng ka bengah a ri char char bawk

Rome ah ka awm chiang e

Chamille i'n min lo nghak a, ka duhtawk hnuah ka dar a rawn khawih zeuh a "Kal ang le" a ti a

Suitcase chu kan khai a, Chamille nen hotel building lam chu kan pan a, ka ding leh chat

Ka ding leh vei ka hawi tawn chhen a, ka nghawng a kham vek, a chhung chu ka en kim viau mai

Chandelier a chunga an khai chu a eng mawi khawp mai darthlalang chu chhimbal ang hian a eng sep sep. Bang pawh chu rangkachak rawng niin thlai hnah hring chu an khawi nasa.

Carpet sen mikhual te rah turin an phah a, mikhual chhawnna dawhkan awmna thlengin a kal phei zui. Nuamsa deuha coffee in na tur ṭhutthleng pawh a awm thlap

Mikhual leh a hnathawk te chuan boruak an ti zangkhaiin sawi tur ka haihchham hial dawn alawm le

"I awmdan ang chiah hian ka thawh hmasak berin ka nihdan ve tho alawm" Chamille in min hrilh chuan ka lai leh hnuhnawh
"Tihpalh lutuk, a mawi lutuk a, hetiang hmun hi chu movie leh thlalak ah bak hmuh tur a awm lova" ka zak khawp mai

"Ka hria alawm ti teh, room ah chho vat ang, tihtur hmabak zawm ngei ngei ngai kan la nei, chumi zawh ah hmun ropui tak tak ka en pui ang che" min hruai nghal dawr dawr

Kan in tihfel hnuah room chahbi chu la in elevator ah chuangin chung lam chu kan pan a, kan chuan lai rengin thil pawimawh tak ka hrechhuak zawk

"Khawiah nge phone kan hman theih ang? Ka chhungte ka biak vat loh chuan min ngaihtuah lutuk ang" Chamille chu ka zawt a

"Lungngai suh kan awmna tur room ah phone a hman theih vek . I chhungte i biak zawh ah thil eina room ah min rawn hmu la, sawi tur tlem a la awm a" min hrilhfiah leh laiin ka zam lutuk chu ka chil ka lem leh khawlh

"Buaina ka tawk dawn em ni?" Ka zawt leh khiah a, "Eng a? Ni lo e, tinge chutiang chuan i ngaih a?" Chamille chu a lu a thing a min rawn nuih

"Chhan a awm em em lo, kha i hria em?" Ka dar ka san ak a, a hrethiam ve nghal aniang. Elevator a ri ṭak a, kan thleng chu a ni der

Building chuan chhawng sawmhnih a nei a. Chhawng sawmpanga na ah kan ding a, a chung ber chu tu in nge luah ka ring thiam ve mai

Hall chhung chu carpet a in phah vek a, an chei ve viau mai. Ka mit an la hlawm lutuk

Room kan lut phei chu ka kâ ka ang phuau

"A nuam dawn e" zawi te in ka ti sap a
"Room kan thleng ta" Chamille chu ban a rawn phar a, min nuih ver ver

Hnuai lam kawngpui pawh an sak dan in a zir bawk a, a hmuh theih vek. Thil eina hmun leh Choka chu a sir kilah a awm a. Kawngka piah ah inkawmna hmun a awm. Hallway in a zui a, bedroom pahnih leh bathroom a ni nghal

"Hei chu...." duhthawh deuhin ka en leh tlawk tlawk
"I beisei ang a ni lo tiraw?" Chamille chuan ka thusawi chu min lo zawm sak a, ka lu ka thing tawp

"Ni love, Company in senso zawng zawng a tum dawn tih chu ka ring thiam mai a, mahse hei chu ka beisei ai a pui daih zawk" ka sawi leh laiin Chamille chuan engah vak a ngai lo thung

"Kan boss hian hna thawh nawm dan tur a lo ngaihtuah sa diam aniang. Engpawhnise room ah khan phone a awm ang, i biak zawh ah hostess hna tihtur ka hrilh chhunzawm dawn che nia" a ti leh a

"Awle ka lawm e" ka tih zawh chuan a bag chu khai lehin room ding lam zawk chu a thlang a

Bedroom ah chuan khum a awm a, light dinna pahnih, tv chungah kawr khaina a awm bawk

Puan var an phah a, lukham an dah bawk, pangngai tak anga lang siin nuam tak a ni

Room ka thleng chiah khum bul dawhkan a phone chu la in ka chhungte ka bia a

"Hello?" Ka nu in ngaihṭha chiah lo in phone a lo la a
"Nu keimah ka ni" ka nui ver ver
"I ṭha em? Zing aṭang min rawn biak hun kan lo chang char char, i phone a chiang lo em ni? Tinge ram dang number aṭang min rawn biak? Zawhna hrang hrang min zawt hman vek

"Ka ṭha alawm. Airport kan thlen khan kan hun neih dan kan thlak a, kan client ṭha ber Rome ah kan zui leh sia, hei tunah Rome ah kan awm der" a tawi zawngin ka hrilhfiah a
"Rome ah maw?" Tu in client nge a?" Ka nu chu a thawveng huai aniang

"Ka hrilh che pawn i awih kher lovang" khum ah chuan ka mu a, pheikhawk darkar sawmpanga chhung ka bun tawh chu ka phelh hmak

"Han tum chhin la" Ka nu chuan min cho khawp mai.
"Company chanve neitu hi ania" ka sawi zawng chuan ka thaw chhuak halh

"Company i thawh na kha maw?" Ka nu in min zawt leh a
"Aw kan hotel thlenna pawh hi a ta vek alawm" ka belh leh hram

"A va ṭha ve ngaihzawng a nei lo em?" Ka nu chuan pui a tih deuh aniang
"Nu" ka awki ka san rak a, ka sa leh pup pup

"Ngawi teh, i aw phawi kha ka hrethiam. In inkarah thil thleng a awm chiang tiraw?" Ka nu hi chuan min hrechiang thei ania

"Ni love Nu duhtawk tawh teh" nuih insum takin ka chhang a
"Lily i star in ka hria" a rawn ti leh hram

"Awle nu ka ṭha tih ka hriattir tawh che u a, hna thawh tur ka la nei si a, ka dah phawt ang e, naktukah ka rawn be dawn che u nia" zawhna dang min zawh leh ka hlauh avangin ka mangṭha sawk sawk

Ka kawr chu thlak in chapal ka bun a, Chamille awmna lam ka pan leh vat

Bar lian vak lo ah Chamille chu a lo ṭhu a, a piah deuh ah Choka a awm. Laptop chu a hmang a

"I chhungte chu i be ta em?" Ka va ṭhut hnaih laiin Chamille i'n min lo zawt
"Aw be thei e, ka lawm e" ka ti ve mai

"Awle a ṭha e, kan inhrilh chhunzawm dawn nia. I hriat angin kan zinna hi a hla a, Mr Cavalier hun neih dan ang zelin kan insiamrem ang a, i hmuh ang hian ni thum kan cham ang. Thawhṭan tukah kan chhuak ang" zinna a ṭangkai tur chu min hmuh pah zel a

"Kan zin zawh apiangin hotel ah kan thleng zel ang. Company ah kan in report ang a kan thlen chin kan hriattir zel ang. I thawh hmasak ber a la nih vangin ka hnuaiah ka dah rih ang che. Website ah i lut ang a, in zinna hmun tur i chhu lut leh ang. Tunah chuan kan thlen chiah vangin a theih rih loh" Chamille i'n min hrilhfiah chu ka lo ngaithla uluk hle

Website ah Chamille sawi angin ka lut a, "Ka zo ta" ka nui leh var
"Awle zawhna chhan a hun e" a rawn tih leh chuan "Zawhna a?" Ka meng zau kawk mai

"Hahdam deuh khan awm la, i zir tawh te kha eng chen nge i thiam tih hriat a ngai a, thil hahthlak vak a awm lo, i tih ṭhat dan a zirin training pek dan tur che a hriat mai theih a, training zawh hma pawhin nangmahin i zin hman maithei asin" a nui chhuak leh hak a, a lu a thing bawk

"Awle" ka inringtawk viau mai
"Zawhna i chhan laiin ka pasal ka va be lawk ang e" zawhna chhan tur min pek zawh ah room lam min pansan daih

Ṭhutna nuam deuh zawk ah ka insawn a, zawhna ho chu chhan a awl viau mai. Ka hriat sa vek a nih avangin har tak chu a ni lo

Ka chhang tui viau aniang Choka a phone riin min tiharh zawk. Chamille i'n phone a rawn la dawn nge dawn lo tih ka ngaihtuah a, tu in nge rawn call ang le?

Chamille chu a rawn dak zeuh a, "Mr Cavalier anih kha khawngaihin lo chhang lawk mai rawh" a hmui in a rawn phun sup a, phone a la hum ran room ah chuan a lut leh nghal daih

Phone a rawn rik leh chuan ka chil ka lem leh khawlh a, laptop chu khupin choka lam ka pan a

Phone rik tawp hma chiah chuan ka va la a, zam deuh takin ka beng bulah ka ngaithla a

"Hello?" Dam deuhin ka chhang a, thin a phu leh dup dup
"Liliana em ni?" Min rawn zawt a
"Aw keimah ka ni e" ka chhang a
"Khawiah nge Chamille?" Mr Cavalier chuan thu pe aw deuh hian min zawt a, ka hnual leh rawih

"Phone a hmang lawk a, pui theihna che ka nei em?" Ka zawt leh mai mai a, ka rilru chu a insual char char a, a zatve chuan nei lo hram se ka ti a, mahse a chanve dang in aw ti se ka duh viau bawk

"A rei viau ang em le?" Mr Cavalier chuan ka thusawi chu hre lo ang hmak hian a awm
"Ka sawi thei mai lo sir" thudik tak a ni, reilote kan ngawi leh vang vang

Phone chu a la chelh reng em tih zawh ka duh viau a, mahse kan reng hnu chuan "A hnuai ber mikhual chhawnna dawhkan ah khan ka coat suit rawn dah chho ta che" a rawn ti a

"Khawiah nge i room chu a awm?" Ka kâ chu ka veng leh hman ta lo, min rawn tihdan kha ka ngaihdan a ni bik ṭhak lo

Kan ngawih leh vang vang hnuah "Ka room chu chhawng chung berah a awm" a rawn ti a, ka ṭawng leh hma in phone a dah daih

Ka thaw halh a, thinrim deuh zam deuh reuh in Chamille room lam ka pan a

Kawngka ka kik a, min chhang lo. Ka kik leh pawha min la chhan chuan loh avangin Chamille chu a ṭha em tih chian nan ka va lut a

Tui takin a lo muhil bawrh bawrh, tihbuai ka duh loh vangin keimah ngeiin suit chu lak ka tum a

Ka insiam leh mawlh mawlh hnuah room aṭang chuan ka chhuak a, Chamille chhiar tur lehkha dawhkan ah ka hnutchhiah

Chahbi chu kengin Elevator lam ka pan a, a hnuai ber ka thlen in dawhkan a hmeichhe pakhat lo ding chuan min melh ran mai

"Hello Mr Cavalier a'n a suit lam turin min rawn tir a" nelawm angreng takin ka hrilh a
"Tunge i nih a?" Hmeichhe sam buang mit pawl ralh hian min zawt deuh hmuk, a nelawm ve vak lo anih hmel

"Liliana ka nia, Company a thawk thar ka ni, ka hmu che chu ka lawm hle mai" ka in hmelhriattir zung zung a, Sam buangi ve thung chuan ka chhip aṭanga ka ke ler thlengin min melh chhuak dap a hnu ah suit la turin a kal nghal

Ka hnual nghal rawih, mahse hmel pangngai tak put ka tum hram

Sam buangi chuan suit dum plastic bag chu a rawn khai chhuak a, ka kut ah a rawn dah hmak

Suit chu thlauh loh hram ka tum a "Mr Cavalier hi tihlawm tum vak duh suh, nang ang hmeichhia hi chu eng atan mah a ti lo" ngeiawm deuh hian min rawn nuih chiam

Sam buangi thusawi chu thutak a lak loh hram ka tum. Ka hriat theih chinah pawh Mr Cavalier hi tihlawm ka tum ngai lo hrim hrim, hna hi ṭha taka thawh ka duh mai chauh ania

"Ka lawm e" ka nui lui ve ngat, inher leh in elevator lam bawk chu ka pan leh

Ka chhoh lamah te chuan sam buangi thusawi ka ngaihtuah chhuak leh a, ka thin a tawt up up

IQ ka nei sang vak lo chung pawhin Mr Cavalier chu ka phu lo tih ka hria. A mit lak phei chu ka beisei pha lo hrim hrim

Ka hna hi ṭha taka thawh mai ka duh asin

Sam buangi thusawi chu ngaihtuah loh tum takin ka lu ka thing leh tawp, elevator pawh a rawn ri leh rak, thawk la halhin ka chhuak ta a

Room pawn ka thlen in box te reuhte doorbell ang tak chu ka hmet ri vang vang, kawngka inhawng ri ka hre zui nghal

Kawngka chu ka hawng a, Mr Cavalier awmna lam pan in suit chu ka keng bawk

A hmel chu chiang taka en loh hram ka tum a, mahse ka rilru in ka ngaihtuah zui reng

"Chair ah khan lo dah rawh" Mr Cavalier chuan laptop chu a la en reng min hnung chhawn tlat bawk

Min hmu thei lo tih hrereng chungin ka lu ka bu nghat a, sitting room ah chuan kal kual in Mr Cavalier awmna lamah Suit chu ka nghat a

Mr Cavalier ka en leh pawhin a la rawn hawi chuang lo. Engmah a sawi loh avang in ka chhuak dawn nge ka la awm dawn tih ah ka rilru a insual buai char char

Ka va en leh ṭhin, mahse a ngai te bawkin ṭawng tum awm pawhin a lang lo, ka tawlh hnung hret hret a, kawngka lam ka pan

Ka thaw leh halh a, buaina awm lova a suit ka dah thei chu lawmawm ka ti viau. Kawngka hawn ka tum chiah a ṭawng ri chu ka bengah a ri nghal, "Chhuak turin thu ka pe che em ni Liliana?" Mr Cavalier aw chu a ring ṭha ngang mai

****

Chhunzawm tur


Show post links
Top

[Ngaia]

Liliana POV

"Chhuak turin ka ti che em ni?" Mr Cavalier chuan ka chhan mai loh avangin min rawn zawt nawn leh a

Milim ang maiin ka ding reng ringawt

Ka âwm te chu a su dawrh dawrh, ka beng ah hian a inthum rawn tlut tlut

Ka nghawng te chu a sâ hut hut, a lu thleng chuan a za mur mur. Buaina ka tawk leh ngei dawn anih hi

Ka hnung lamah thil che deuh thawm ka hriat avangin ka hawi let a, Mr Cavalier chu sofa kiangah a lo ding reng, a ipte a zen ṭat a

A thlir ngai chu a thlir reng a, mahse chik deuhin min en in ka hria. Tibuaitu nei ve lo ang maia a awm te chu kan inan lohna lantirtu a ni

"Ka chhuahtir che em?" Mr Cavalier chu a rawn hnai a "Tir love" ka hawisawn daih. "Anih chuan chhuah i tum tho em ni?" Chiang leh nghet deuh siin min zawt leh fuk

"Engmah sawi i tum bawk si lova min kaltir ah ka ngai alawm" dik deuh in ka chhang a, ka en rei thei thlawt lo ka hawisawn leh a, ka zam lutuk bawk si chu ka kut phah ka tuai vut vut

Ka dâng te chu a ro zo, kan boruak hi a rit em a ni. Mr Cavalier thu lova ka chet vawihnihna a ni ta, a lawm vak lovang. Ṭha takin hna ka thawk ti a ka tiamna kha darkar tam pawh a la liam hman lovang ka bawhchhe ta der mai anih hi

"I nu in thil ngaihtuah chiam lo turin a hrilh lo che em ni?" Aw kâ vin deuh khur khur hian min zilh a
"I nu in awmdan mawi a zirtir bik lo che em ni?" Ka ṭawng khum ve siah ka insum leh hman ta lo, a ngeiawm ve bawk em a ni

"Liliana" min rawn vin leh hrawk a
"Mr Cavalier" rum deuhin ka melh ve ngat, min hnuaichhiah tur hi a ni bik lo

Min rawn thlek leh hâ a, huaisen min ti ve viau aniang a rawn nui suk mai

A ipte zenna aṭang a kut a rawn la chhuak a, a kawr ban chu tawm chho in hnung lam a siam ṭha pah a, min en reng chungin a rawn hnai zel

Ka tihngaihna hre lo chuan chhuahna tur ka melh char char. A rawn hnai telh telh a, ka buai tulh tulh

In hneh tir ka tum lo viau asin le

Ka hawisawn char char a, a tawpah chuan amah bawk chu ka lo en leh ṭhin. Ka awm te chu a tawt up up, inches khat vel lek kan inkarah a awm tawh tih ah a ding ve ta hram

Mr Cavalier nghawng chu ka lo thlir leh vang vang. Ka kutphah te chu a thlan leh hluam mai. Min lo en loh laiin thawk ka la leh halh

"Privacy an tih hi i hria em?" Ka ṭawng ka insum leh hman ta lo. Room chu a reh dukin ka hria

"Hria e a, mahse a hma pawhin hei ai a hnai ah kan awm kha, engah mah i ngaih loh kha" zawi te in a phun sup a, ka taksa pum in ka mur nghal chuai, a rim pa hrak mai te chuan min ti â zo dawn

Ka hnaih deuh a a awm hian ngaiah a nei emaw tih mai tur a ni

"Kha kha chu thil thleng palh anih kha" ka insawifiahna chu kei ngei pawhin ka awih lo. "A theih chuan...." ka sawi zawm thei lo, ka sa leh hut hut. A rawn thaw chhuak halh a, "Awle a fair thawkhat e, tihian a ṭha em?" A tawlh hnung deuh a

Zawhna min zawh chu ka chhang lo

Frantz POV

Liliana chu ka thlek vang vang. Pehhel kual vak ka tum lo. Thiltithei ve tak ka ni a, he dinhmun ka thlen theih chhan pawh hi a ni reng a

Duh ka neih hi chuan ka lantir mai ṭhin. Ka hmingthanna vang pawhin ka duh chu ka nei ngei ṭhin

Liliana pawh hi ka duh thu ka hrilh mai ang. Min pak hluam ang, chu chu ka kalna apianga hmeichhe ho awmdan a ni

Reilote hnuah "Min en teh" ka ti a hun a duh rei lo lutuk zawi te in a phun sup a, a rawi hawi chho hâ

"Ka mit i la khawp mai Liliana" ka tih chuan a rawn meng zau kawk a, a lo beisei lo lutuk a ni maithei.

"I huaisenna hian min hneh riau a ni. Thil min ei chhuahpui ta che?" Ka aw phawi pawh a dik vah, ka inringtawk ve alawm ka kekawr ipte chu ka zen a

Liliana POV

Mr Cavalier chu ka melh kawk a. A frank ta lutuk hi ka beisei phak bak a nih vangin ka nghilh deuh dup mai. Ka hawisawn daih ka biang a rawn sen leh ṭuk ṭuk

Ei chhuah puiah min sawm te hi ka phu thlawt lo. Ka ngaihtuahna ah chuan sam buangi kha sawm zawk se aw ka ti char char. Kha nu khan engmah ni lo min ti anih kha

Sam buangi pawh kha mi hnuaia thawk ve tho ania chu chu thil chiang tak a ni

Mr Cavalier hi ka boss a ni tlat

Ka chhip aṭang tui vawt deuhin min rawn leih ang hian ka harh zawk. Mr Cavalier hi ka pawm ngam dawn em ni?

Thawk ka la leh hrawih a, aw ka thian bawk. Mr Cavalier chu chiang deuhin ka en a, zawi te dam deuh siin "Ka tihpalh lutuk Mr Cavalier ka thei lovang. Thil dik a ni lo" ka sawi zawh rualin ka zak chem chem

"A dik lo a?" Ka thusawi chu min rawn zawt nawn a
"Aw ka tihpalh lutuk" min chhanna pawh ngaithla zo hman lovin hmanhmawh lutuk chuan ka tlan chhuak daih

Frantz POV

Ka hrilhhai takzet

Hmeichhia in min hnawlna hmasa ber a ni hial ang a

Ka ngaihzawn ho hi chu zanah hian an phur fel thei lutuk a, ka ban leh phah fo ṭhin

Liliana hi chu a danglam tlat. A rilru hi a sawi chhuak mai zel, chu chu ka tan chuan thil thar a ni ve re re e

Ka chet dan hi ka thlak a ngai dawn anih hi, tihdan thar ka duang ang Liliana hi min hnar thei lo turin kan siam ang e

Liliana POV

Room ka thlen rualin bathroom ah ka lut a, ka hmai ka phih sawk sawk

Darthlalang ah ka in en a, ka thawveng huai mai

Ka boss nena inhnimhnaih hi ka duh lo. Company ah hian mi thar chauh ka la ni a, thuthang dik lo deuh ka chungchangah a than ka hlau zek zek

Mr Cavalier mit ka lo ve reng chu nuam ka ti veng veng. Ka inringtawk sawt. Ka hnawl theih avang chuan inchhuang hle tur ka ni ringawt. Amah zawkin min duh thu a sawi a, ka lo hnar thei chu a lawmawm

Chak zawk dinhmun a ding ang mai ka ni

Ka hmai ka phih zawh chuan ka lu ka thing deuh nang a ka nui leh hak. Mut hahdam ka mamawh a ni

Chamille i'n kawngka a rawn kik chuan ka harh hlawl, kawngka ka hawng a lut turin ka sawm nghal

"Lehkha min hnutchhiah kha ka hmu a engkim a ṭha vek em?" Ka khum ah kan ṭhu dun a
"Aw, a coat suit ka han pe a" thil thlen dan chu ka hrilh vek kher lo

"Awle a tlai tawh viau nan thil va ei chhuak ila, he lai aṭanga hla vak lo ah ei tur an siamna hmun ka hria ania" a tih lai chuan ka pum a ri nghal ruk ruk, kan nui dun hawk hawk

Jeans leh kawr dum thawl ve deuh chu ka ha a, Chamille chu ka zui

Elevator ah kan chuang thla a, "Zawhna kha i chhang ṭha hlawm lutuk. Ka rin sa reng ania. Training kan neih leh turah hian ka nawr nasa dawn che ania. Jenna khan kan buai lai tak tih a hrilh tawh che ka ring a, hetiang zel anih chuan nangmahin i zin thei thuai ang, thawktu kan mamawh lai tak ania" Chamille chuan a sawifiah mawlh mawlh

"A ṭha alawm pawi ka ti miah lo ania, nuam ka ti alawm" ka nui leh ker ker a, building chhuahsan in restaurant lam kan pan

Zan hun tlai tawh viau mahse Rome kawtthler ah chuan mi an la tam angreng. Kan in kal pel zut zut mai

Restaurant lian vak lo chu minute sawm kal vel chauh ah kan thleng der. Light chu eng vak lovin an chhi a, ṭhutna pawh chu a nuam tawk viau

Pizza lian deuh kan chah a, an siam kan nghah laiin kan lo titi melh melh

"I chanchin min han hrilh teh, engvanga he hna hi zawm nge i nih?" Chamille chuan min zawt a, ka dar ka chet zeuh

"Sawi tur a tam mai, ka nu leh pa fa neihchhun ka nia, Commercial ah ka thawk ṭhin a, ni khat chu first class a kan phurh te zinga mi chu a che mawi lo lutuk a. Min tibuai char char a, mawi lo takin min khawih. Tawp tura ka hrilh pawhin a ngaithla duh tlat lova ka thinrim lutuk in a hmaiah tuiin ka theh ṭhawt. Ngaihdam dil turin min ti a, ka duh lo a. Ka thawhna Company sponsor tu anih avangin min nawr lui a, ngaihdam dilna ka ziah rualin banna ka thehlut nghal" ka sawi lai chuan ka hnual deuh rawih

"Rilru ti nuam lo lutuk suh, thil dik tak alawm i tih. Mahni tana ding ngam hi an vang asin. Ka chhuang lutuk che kan pawl a mi hlu tak i ni e" ka kut a rawn vuan a, min fuih phur sawt

Nui chungin ka lu ka thing a "Aw ka lawm e, keimah lam chu duhtawk ang, i chanchin min han hrilh thung teh" ka ti a

"Pasal ka nei tawh a, phir unau duhawm tak te nu ka ni" A phone rawn phawrhin thlalak min hmuh a

"Awi lalpa leh, an duhawm lutuk" ka insum thei thlawt lo
"Thlalaka an lan dan ang kha ni thei reng se zia tur" Chamille chu a nui leh ker ker, a mitah chuan lungngaihna a lang tel tlat

"Hna thawh ngai lo se an bula hun hman i chak ṭhin em?" Fimkhur takin ka zawt a, ka huang chin ka pel ang tih ka hlau zek zek

"Aw mahse ka pasal ka puih a ngai a, amah chauh chuan chawm a ngah lutuk ang, chu lo ah thawktu kan tlem a, Mr Cavalier bulah tumah an chuang duh si lova ka zui reng a ngai. Mahse training zawh hunah chuan min thlak theih ngei ka beisei" chimawm deuh hian a rawn nui a

"Eng a?" Ka chil ka hak lo chauh
"Ka thusawi i hria alawm. Thla thum chhungin nang chiah a hauh loh awm chhun i ni" a sawi zawh rualin pizza a rawn thleng

"Ṭap hmasa ber ka ni bawk ang tiraw?" A thusawi chu atthlak ka tih em avangin ka zawt lui sak. Mr Cavalier bulah hi chuan ka che buai nuaih zel, ka insum hman ṭhin lo bawk

A hmaah ngei chimawm ka tih thu ka sawi anih kha

"En la, i ti thei ania, i hria em miin an sawi hlauhawm ang em em hi chu a ni lo ania. A mizia hi a dang ve a, biak vak tum lo la. A strick a, engkim hi kal tluang se a duh. A mizia i hriatchian hunah chuan a awl sawt mai ang" ka rilru hneh tum takin min hrilh a

"Mr Cavalier chanchin hi i sawi mawi mai mai tiraw?" Mei nei deuhin ka zawt a. Chamille chu a meng kual ralh ralh "Ti teh Lili ka fate hi min ngaihtuah pui ve la, an bulah hun ka hman khat em hi" thlalak bawk chu a phawrh chhuak leh a, a en leh vang vang

"Awle nangmah chauh in ka kalsan lovang che, thawh rei dan ka zawng dawn nia" ka ti ta hram a, a lawm ve hmel viau mai

"Kha thu sawi tur khan i lo inpuahchar char char a mi?" Nui chungin ka zawt a
"I star tih ka hriat aṭang khan ania" a ti a
"Eng a? Ka star lo re re" ka meng phar dawr dawr

"I sawi ang chuan ni mai rawh se" Chamille chuan min hnial buai a tum vak lo, pizza chu kan ei mawlh mawlh

Kan ei zawh ah hotel lam chu kan pan leh a

Chamille chu a inbual hmasa a, min mangṭha daih

Ka inbual ve lai chuan ka hnathawhna hmasa a ka thil tawn chu ka ngaihtuah chhuak

Kha mi tenawm tak pa khan ka hmul thi a ti ding sung sung thei. Ka âwm chu a tawt up up, ka inrintawkna dahṭha a ngaihdam dil ngai mawlh mai kha. Midang chungah thleng ve lo se ka ti hle mai. Ka ngaihtuah ngam tawh lo

Kha aia hniam kha chuan awm tawh lo ila ka duh ber mai

****

Chhunzawm tur


Show post links
Top