HMANGAIH VANGIN BY Judy Chhak Chhuak (Completed)

[Ngaia]

Chapter-13

ZONUNSANGI POV


"Bengchheng suh ka tih kha,eng nge tun ang zan reiah ilo tih dawn," kati deuh sar sar a. "Eng nge ilo tih zawk," ala ti ham ham zui,Ava rui awm em em ve, damdawi a ti tawhlo amaw ka tia,azia deuh turah kalo ngai kha ania.





"Kan in anih hi," vin deuh hlak hlak a ka tih chuan Chiang deuhin minlo en a,ka roomah te hian engtin nge alo luh theih ni. "Chhuak vat rawh,kanu ten anlo hmu che ange" ka tih pawh chuan a la ding deuh tlat a,kapa khawhar in kal kha alo la haw lo nge mawni,kawngka ala in kalh lo ani ngei ang.






"Lalṭhazual,phei rawh i in ihai" ka tih pawh chuan ala ding khawng reng a,ka roomah alo lut nawlh bawk sia.Alo luh tirh phei chuan light kalo off sia,ka hlau lek lek kha ania, "kha i ding ngil ṭha hleithei lo anih kha,damdawi ila ti ṭhin animo" lungawi lo deuha ka tih chuan anui suk a.





"Zonunsang,happy valentine's Day" atih chuan ka phun deuh hluk a, "va haw rawh" ka ti vin leh deuh ṭhat,a hnung aṭang a box lian ve angreng tak minlo pêk chuan kalo en deuh haw a.





"Kan pahnih ta tur anih kha,tûnah hawng nghal rawh" atih chuan a sawi ang chuan ka hawng ve mai a.A chhunga awm ka hmu chu ka hau in Ṭhazuala ka en,a tuamna box a len len nen, "phel rawh,ei ang" atih chuan lungawi vaklo in kala chhuak a. "I duh chuan nangmah in ei rawh," tih pahin a sweet min pêk pakhat te chu a kutah ka dah a.





"Liandova te unau pawn min fang pakhat lek an in phel alawm,hei chu alian lutuk" a tih hnuah a kheh zui nghal mawlh mawlh a.A laiah phel in min peve thlap.





"Liandova te unau kan nih loh hi,nangman ei zawk rawh" ka tih pawh chuan a duh tlatlo,a bengchheng dâwn a ka hriat avang in ka eive ta nge nge a.Ala tui reuh phian zui, "va haw tawh rawh," ka tih chuan ka room kawngka lamah a phei ve mai a.





Kanu te nên an inhmuh ka hlauh avâng in pawn thleng kava thlah leh ta nge nge a,kapa pawh alo la haw lo ani ngei ang. "Tikhan khawiah mah peng kawi tawhlo in haw rawh aw,sawti lai saw in în ania" an in awmna kawh va paha ka tih chuan abu ve nghut a,an in gate a a luh thleng ka enzui reng.





Ṭhazuala mai mai chuh a chang hi chuan duhawm lamah te akal zawk,rei pawn lamah awm lo in inchhung ah ka lut vat a.Naktuk lamah inkhawm ka tum avâng in ka mu har lemlo,naktuk chu chawlh ni te ani sia,Ṭhazuala pawh ka sâwm ang.





ṬHAZUALA POV


"Tho rawh,mama hei inkhawm tûrin Zonun'in alo sâwm dâwn che ati ania,in siam ve rawh" kanu in min sâwt dat dat a atih chuan ka tho ve mai a.





"Inkhawm tur chuan min nawrlui su," bathroom lama luh pahin ka ti sup, "i tetlai a i inkhawm bak kha i inkhawm lai kala hmu leh lo hrim hrim,ani em em lo,Ṭhazual inkhawm ngei ngei ang che,Zonun'in alo sâwm dâwn che chu" kanu in bathroom pawn aṭang ala rawn ti zui hlak hlak.





Ka intih fai hnuah ka chhuak vat a,inkhawm kawr pawh haktawk ka nei tawhlo ang. "I inkhawm loh chuan Zonuni saw i kawm thei tawhlo ang,pi Thiangi ten an sawi nasat tawh em che saw,an thusawi saw a diklo tih fiah nan inkhawm zawk ta che," kanu bawkin ati leh hlak hlak a.Ka roomah alo la awm ve reng chu niin.





"A thusawi kha adik chiah alawm,damdawi in a eichhiat ka nih hi,Zonuni saw ka tan chuan asang mah mah,kawm tawh loh pawh ka tum mek," ka tih chuan kanu alo thaw hak a.





"Ṭha deuhin ka awm ang ti zawk ta che,mihring in phuloh kan neilo,mama mi rilru ṭha tak ini tih ka hria,Zonuni pawh saw hmeichhe fel tak ani,damdawi hi nghei la Pathian lam hawi ve tawh teh,a sa lai ber district ah itla palh hlauh ange, hremhmun a tla leh mai tur fapa ka enkawl seilian ang tih hi khawvel a ka thil hlauh ber asin," kanu in ati leh hlak hlak.






"Hremhmun a ka tlak loh in ka ṭhianpa setan'a alo lungawi lo lutuk anga sin," nui suk a ka tih chuan ka lu ari nghal fawk.





"Chutiang te a fiamthu ila thawh ngam le,lo chhuk vat ang che chaw kan ei dawn,chhûng inkhawm te hi hmang ve tawh ang u" kanu in atih hnuah a chhuk zui nghal a.Ka ril aṭam ve deuh bawk nen hnial lo in ka chhuk ve vat.






Chhûng inkhawm chu kapa in ahmang a,ka ning ru khawp mai, "Bawiha te pawh ṭha deuhin awm tawh ula,nizan ah inu in asawi a,ka fate hi hremhmun a tla mai mai tur atân ka enkawl seilian lo atih hian ka rilru a luah khat khawp mai a," atih chuan ka nui leh suk a. "Hremhmun lamah kan pafa in kan kal ang chu,i sum lakluh dan kha ngaihtuah la," ka tih chuan kanu in minlo khap vat.






"Nia,keipawn thil lian tham tak ka tisual a,mahse inchhîr a a lama hawi leh apiang chu ngaihdam loh anei ngailo,keipawh inchhîr in Pathian lam ka hawi mek ani,Mami te pawh pawn lamah va awm hawr hawr lo la,ṭha deuhin nun hman tum zêl tur ania" atih chuan ka ding deuh zâwk a.





"Ka ril aṭam ania,tikhan chhûng inkhawm chu lo hmang ula,sawtah sawn chaw kalo va ei mai ang,kei chu usher ang ah min ngai mai ru" ka tih hnuah kal mai ka tum chu kanu in min lo pawt ṭhu leh vat a.





"A rei tawh dawnlo,awm rih rawh,pa-a hmang tawh maila,inkhawm kan tlai ang" kanu in atih takah chuan a ṭawngtai ve mai a.Ṭawngtai na a ka tel loh na arei tawh sia,mit chhin ka tim deuh tlat.





ZONUNSANGI POV

"Nu ka kal dawn ania,Ṭhazuala ka sâwm phei dâwn a" ka tih chuan kanu pawh alo nui ve var var a. "Aṭha lutuk,va sawm rawh,ani saw a nunram a chau riau ani awm a," atih chuan ka envat a .





"Engtia nunram chau in maw," ka ti deuh hu "nimin khan chanchin ka hreve zuai mawle,damdawi ati ve ṭhin ani awm e" atih chuan ka thin aphu nghal dat dat,kanu te hian kawm an phal tawhlo mai ang tih ka hlau ani.





"Nu engtin nge i hriat a," hlauthawng ang reng taka ka tih chuan minlo pan phei vat a. "Bawihte,hlau mah ta che,Ṭhazuala hi i bialpa emaw i pasal pawh nise keichuan kala pawm vek,ka fapa ang chiah in kala en reng ania,a nun hi i siam ṭhat theih ka ring tlat ani,a tlu nawn leh anih pawn kaitho tu ni zawk la,Ṭhazuala sawn a mamawh lutuk zawk che ania,bawihte ka hrechiang che a damdawi tive duh tur inilo tih ka hria,Ṭhazual'an a entawn theih nân che ṭha deuha awm tum tlat zawk rawh aw," kanu in ati duah a,ka thaw deuh huai thei. "Ka lawm e nu" ka tih chuan anui ve var var a.






Kanu in kawm tawhlo hmak tura min tih ka ring deuh ania,mahse kanu hi nu ṭha tak ani tih ka hriat leh phah.Kapa ngaihdan erawh kala hre chiahlo,mahse kanu leh pa te hi an inkawm ngeih em em a,kanu in a zah thiam bawk a,kapa pawn a phalloh bur ka ringlo.






Ṭhazuala te in gate a ka luh chuan Ṭhazuala leh anu te lo in pawt deuh nawk nawk ka hmuh chuan ka nuichhuak ṭep ani. "Vawiin hian iva inkhawm dâwn chiang tak,ha rawh heihi i ha tawk hrim hrim,ipa nen in size a in ang deuh a,coat suit nen rap i inkhawm ang" anu in ati hlak hlak a,Ṭhazuala chuan anu a khawih ngam chiah bawk siloa,a ha peihlo hmel chuan nuih ati za lutuk ringawt.






"E Zonun,ilo thleng tawh alaw" Ṭhazuala nu bawkin alo tisep a, "aw Ṭhazuala hi kalo sâwm dawn a," ka tih chuan anui ve var var mai.





"Aw hei a hman ṭep,coat hak chiah hi angai tawh," atih hnuah Ṭhazuala a coat kenlai chu ape sawk sawk a,a mitmeng in a hau zui nghal mawlh mawlh mai.





"I nalh lutuk,i hman tawh chuan kal ila" ka tih chuan anui suk a,a kamis haklai ban a thlep zui mawlh mawlh, "u minlo nghak teh u," tih paha inchhung aṭang a pheikhawk sang lutuk nen Ṭhazuala nau arawn tlan chhuah chuan Ṭhazuala nen kanlo en tawp.





"Khawnge i kal dawn," Ṭhazual'an alo ti deuh hluk a, "min en ta che,inkhawm dress in anih hi ka awm,tihian engtin nge ka kalna tur minla zawh theih zawk a,a awm ve tho i inkhawm khat em a," anau in ati zawt zawt a.





"Kan in gate i chen mai dâwn alawm," Ṭhazualan atih chuan anau chu a lungawi lo nasa mai,Ṭhazuala te in gate hi thir hmanga siam ania.Asang in alian hle bawk, "uZonun,hawh kalsan daih ang" tih pahin ka bânah alo vuan a.





"Ṭhazual,kal ang u" ka tih chuan min zui ve mai a,min hnial ka rin rin nen, "coat te kha i hak dawn te chuan ha ta che,ngatinge i ken reng a" Ṭhazuala nau in ati leh deuh hlak a,anau hi a hming kala hre miahlo,kan la innel vaklo ania kum tam tak inkawm tawh anga min be bawrh bawrh thei hi lawmawm lamah a kal zawk.





"Taka,i hming hi kala hre miahlo," ka tih chuan anui ar ar a, "Senteii ka nia,keichuan i hming hi ka hriatna a rei tawh," ati deuh ham ham a.A Shikhar kenlai chu a ei zui nghal tawk a.





"Biakin kan thleng ṭep sia,i eizo hman dawn ami" ka tih chuan anui leh sen sen a, "tihian biakin ah ka hmuam char char mai dâwn alawm,ka biang damdawi anih hi" atih chuan Ṭhazuala ner nawk chu ka hmuh hmaihlo.A coat kenlai pawh chu alo ha ve tawh ngei a,chuan a inhmeh lutuk ringawt apa ta ani tih a hriat miahloh.





Biakin kawt kan thlen chuan min en deuh hu hu a,Ṭhazuala vang ber chuan niin ka hria,hmu ngailo hmu ang maia an en vak vak ni,Senteii chuan a ṭhiante ahmu ani ngei ang, "heihi UZonuni anih hi," atia a inti thei khawp mai.





"Tikhan ka thlah che u animai," tih paha Ṭhazuala let leh mai atum chuan ka dang vat a. "Lût rawh,a reilo ang,keimah vang tal pawn please in" ngen ngawl zeta ka tih chuan vanvadak meuhin thawk ala hawk a.





"Ṭhazual,iva ti ṭha ve," uṬp'an alo tih takah chuan a lo hawi veleh ta nge nge a,uṬpa hi mipa fel tak mai ania,an inkawm thei phian ang.





"Uṭp,Ṭhazuala hi i bulah lo ṭhut tîr ve la" a beng bula ka tih deuh sar sar chuan alo bu ve nghut a,ka hawi chhuak leh chu Ṭhazuala a lungawi loh hmel khawp mai.





"Ka kal phawt ang aw,i nau in min nghâk ve reng sia,inkhawm bânah minlo nghak la" Ṭhazuala bana hmer deuh salh paha ka tih chuan min chhang lemlo,Senteii nen chuan kan inzui lût vat a.





Hmeichhe ṭawng duh tih takah min be deuh sar sar reng a,asawi ho thei ropui si, "ka Shikhar hmuam pakhat ri miahlo in ka seh thei," tih mai mai te asawi a,a Shikhar a eilai ri miahlo a a lem thei chu a inti thei niber in ka hria,a ei apiang in min hrilh ziah nimaiin ka hria.





Ṭhazuala te kan opposite chiah ah an ṭhut avâng in kava en leh zeuh ṭhin a,a phone a bih loh leh a nin hmel takzet,mahse uṬp'an thil a hrilh chuan anui veleh suk ṭhin a.An inkawm thei phian in ka hria.





"Ka pheikhawk hi anu in asang ati lutuk a,inkhawm ban veleh lo haw tlang la,ara in ka tan sak ang che atia,anu chuan a ti leh duh tak tak mai dâwn sia ka phallo tawp," atih chuan ka nui dir nghal char char,a thil sawi ho lutuk hi,an unau hi an vân in ang reuh tak,an thusawi dan hi an cute thei tawp.





Ban veleh awm khawmuang lo in kan chhuk leh nghal a, "Ṭhazual ka sawi kha aw," Uṭp'an kan kal hma a atih chuan Ṭhazuala pawh abu ve nghut mai.





Engtin tak lo kawm ang maw, "eng nge a" Ṭhazuala en zeuh paha ka tih chuan a ner nawk a, "thusawi tu khan sam anei tlêm khawp mai," kan thusawi nen inperhsan lutuk in ati leh daih tawh.





"Awi u sam anei tlêm ilo tive tho alaw,keipawh a thusawi lai khan a sam kalo chhiar char char," Sente'i lah chuan ala ti deuh ham ham zui a,an unau tak hi chu aw...





"Ka Shikhar pawh ri miahlo in ka eizo vek," tih pahin a Shikhar kenlai chu a thing deuh nawk nawk a,a kâah a bun zui leh nghal tawk mai.





"Inkhawm bânah kan ṭhian ho in len kan tum a,in kal muang si,kanu in ka pheikhawk tan atum leh nghal a,an haw hma a ka haw ngei ngei angai,ka kalsan dâwn che u ania," atih hnuah a tlân thla zui nghal,kal pawh a kal ngil ṭha theilo ania,engtin tak awm ang maw.






"I leng ve peih em," tih paha Ṭhazuala ka han en chuan minlo enve zawk a, "lungpui bul velah khan han leng mai mai ila,ka scooty kan keng dâwn nia" ka tih chuan ka lu ah alo tuai thuak a.





"Ka bike kalo keng ang," atih hnuah ka rinloh deuhin minlo kai leh tawh,tun ṭum chu eng nge maw ka hriat ni ka lai ve deuh tlat anih chu,inkai rial in kan chhuk thla a.





"Awi Zonuni chu ka rinai in bialpa i thlang uluk lo,damdawi ti mai mai te lo ngaihzawn duh,ka fanu te chuan doctor asin a ngaihzawn," pi Thiang'in kan chhak lam aṭang alo tih chuan ka nui deuh hak a.





"Thlan uluk vak angai hleinem,kan thinlung in an thlan te hi alawm hlu ber," ka tih chuan min ngaih nep hmel takzet,a fanu hi keiai a u deuh a,mahse a u nan a tam em em hranlo.A fanu pawh anu ang chiah hi ani,nufa nge nge alo in an theih anih hi ka timai.





"I fanu kha ahmui alem si," Ṭhazual'an atih chuan kalo nui ri deuh hak a, "in in ṭan hle mai,a awm ve tho e,in ṭhat na lai sawi tûr a vang ve bawk em ani,Zorin damdawi te kha ilo tive palh hlauh ange," atih hnuah min pên san a,nutling pui si fate rual han hnial a peih mai mai zawk kati,kan bulah a ṭhiante nutling dang awm ve se a ṭawngkam a uluk dâwn nen.Min hmangaih ber awm zia zang in a ṭawng leh anga,keini nilo in a fanu te saw vei zawk sela ṭha tur ania,mi fate a vei lutuk hi chu ala tisual chiang viau ang.


Show post links
Top

[Ngaia]

Chapter-14


ZONUNSANGI POV


"Ka inthlak anga,kan kal dawn nia,kalo sâwm phei ang che" ka tih chuan abu ve nghut a.Kan in lamah ka pen san nghal,vawiin chu ka thawmhnaw hak tur pawh ka uluk hle a,mawi loh ka hlau ani ber mai,ka thawmhnaw neih ṭhat ber la chhuak in ka sneaker leithar chu ka bun nghal sawk sawk a.Ka hmaiah pawh makeup tlem ka hmang ve a,ka sam sei ve tawh tak chu ka thlah hniang bawk.Ka sam hi a ngil sia,tih kîr ve pawn a kîr rei theilo.





"Nu ka kal dawn ania,kanlo haw harlo ang" ka tih chuan alo nui ve sang a.Kapa pawn min chhaih ve zawk zawk mai,Ṭhazuala hian damdawi ati ṭhin tih an hriat hnu pawn anla duh tho ania,ka nu leh pa te hi chu an fel ve thlawt.





"Keini pawh i u kan va tlawh ange," kanu in atih chuan "awle,keipawn a tlai lutuk loh chuan kalo tlawh kawi ang," ka tih chuan min chhang tawh lemlo.Ka u thlan lamah an kal dawn anih ka ring deuh reng a,pangpar an lei khawl nasa emai.





Ṭhazuala te inchhung a ka lut chu Senteii in aṭang alo tlanchhuak ve chiah a, "Seni hi chu aw.." Ṭhazuala nu in ati vawng vawng mai, "lo kal rawh Zonun,Ṭhazuala pawh a hman ṭep ang,a bike chahbi dahna a tibo a,a zawng leh rih alawm,ka fate ve hi chu an che phawng phawng a,an la haihawt ve khanglang zui a" Ṭhazuala nu in ati deuh hlak hlak a.Kanu nen chuan an mizia a in anglo ve ngawt mai,mahse a sual lo tih ka hre ve miau a.





Ṭhazuala inchung aṭang alo chhuk chu mit tla leklo in kalo thlir reng,thawmhnaw pangai a inbel hi chuan a chhelo mawle,a inkhawm kal tur ai a nalh daih zawk.





"Kal ila," ka kuta lo vawn pahin ati thum dut a,kalo nui ve sak mai. "Zonun,rei lutuk suh u aw,fimkhur ula in chesual palh hlauh ange," Ṭhazuala nu in atih lang lang chuan ka aw ve mai a.





Ṭhazuala te in gate pâwnah a bike lachhuak lai nghah pahin ka ding reng a,pi Thiangi te in aṭanga lo chhuak te pahnih chuan ka mit anla khawp mai.Ka hmusual amaw ti a ka en nawn leh ngat pawn a ni hauhlo, doctor Mapuia ngei ani,ka ṭhiannu Remremi naute pa ngei kha,chuan tualthat tu kha engtin nge sawtiang sawn thawveng deuhin ala awm theih zawk.





"Rochanhlu-i bialpa saw chhelo iti animo," tih ri ah chuan ka harhchhuak zawk mai,Ṭhazual'an ngunthluk fe in minlo melh reng chu niin.





"Teuhlo mai,i hre velo anih kha,kal ang" a bike hnunga lawn pahin kati sawk sawk a.Ani pawn min zawt zui tawh lemlo,kan tlanchhuak tur chu kava leh hawi leh hrâm a,ani pawn minlo en ve chiah,a mitmeng te saw ka hlau vek tawh.





Ṭhazuala lah chu a tlanchak mai bawk sia,a thil inkah rimtui tak chu ka hip leh vang vang ṭhin a.Ṭhazuala hi ka duh ani tih ka phalo,mahse ani chuan a hriat ka ring lemlo,ka lakah eng rilru nge a put ve ang,ka duh mai nilo in ka hmangaih tawh hial zawkin ka hria.





Kan kal tumna hmun kan thlen chuan ka chhuk vat a,lungpui chungah chuan kan ṭhu dun vang vang a.Sawi tur avâng duh khawp mai,Ṭhazuala kava en chuan meizial alo ṭan dâwn chiah.





"Kan inkawm na arei ve tawh a,i chanchin hi minla hrilh miahlo," ka tih chuan minlo enve zawk a.A chanchin chu ka hre lutuk,mahse amah ngeiin asawi ka hriat chak vang zawk ani.





"Engkim i hriat vek tawh kha,adang a awmlo," atih chuan ka thaw deuh hak a. "Engtik aṭang nge damdawi hi i khawih ṭan," Ṭhazuala en zeuh paha ka tih chuan minlo enve zawk a,kan mit in tawng fuh zeuh avâng nge ka mur deuh chuai mai.





"Arei tawh," tih bakin min chhanglo,keipawn thudang ka zawt tawh lemlo bawk nen,kan bul vel te chu a reh tlawk tlawk mai.Motor a khat tawkin alo tlân leh fua zêl a,chumi tih loh chu sava hram ri bak hriat tur a awmlo.





Ka hmangaih che ti ta ila engtin nge min ngaih ang,a hlim ang nge a thinrim zawk ang, "minla hua em" ka tih chuan anui suk a. "Haw lo," ati leh deuh tawp.





"Anih ka hnawk iti em," ka tih leh chuan a meizial kenlai paih in ka lamah arawn inher a. "Hremhmun ah emaw vanram ah pawh kal dawn ila,ka hruai ve zel ang che,chu chuan ka rilru ati chiang tawk em" ka biang nul thuak paha atih chuan nui ver ver in kabu nghat a.





"Kan rilru puthmang a in ang tihna animo," ka tih chuan min kuah deuh hlu hlu a. "Min hmangaih anih chuan ka hmangaih let ve ang che,min hua anih pawn keichuan ka hmangaih tlat ang che," atih chuan ka enchho rang khawp mai.





"Min hmangaih maw," chil lem khawlh a ka tih chuan bu nghut in a khi suk a.A pa takzet, "Ṭhazual," ka tih chuan "sawi rawh," ati deuh sup a.





"Ka hmangaih che em tih chu kala chianglo,mahse ka duh che a,ka ngaina tawh lutuk che," zawi angreng taka ka tih chuan "min hmangaih let ve nan kum sâwm emaw a aia tam pawh nghah ngai se,ka nghâk reng ang che" atih chuan ka kuah let vat a.





"Kum sâwm aia tam pawh min nghâk thei tak tak ang maw," kuah nghet salh paha ka tih chuan "aw,ka hmangaih vang che a ni tih hria ang che," ka chhîp a fawh zeuh paha atih chuan ka lawm rilru ve lutuk.





"Bialnu te ilo nei ru reng mai anga," enchho deuh paha ka tih chuan ka hmuiah alo fawp zeuh a. "Ka nei reng che alawm," atih chuan a awmah ka beng deuh dat a,a inla zei vel lutuk chu ka ei thlawt lo.





"Ka ṭhian leh ka bialpa ini kawp tih theihnghilh lo la,engkim ka hrilh ngam theih nân che awm tum tlat rawh aw,nangpawn ka lakah zêp nei lo la" a biang a fawh zauh paha ka tih chuan akhi veleh suk mai.





"Bike ka khalh thiam iring em," din hluai paha ka tih chuan min enve vat a.A hmelah chuan a awi chiahlo tih ka hre thei,mahse vawikhat vel chu ka khalh ve tawh a,kala thiam awm emai, scooty pawh ka khalh thiam alawm.






"I bike chahbi minlo pe la," a lama ka kut dah hnai paha ka tih chuan minlo pe ve mai a.A bike awmna lama ka phei chu minlo enve reng,a bike hi Bullet an tih mai ang kha ania,ka rinai in arit tung chu ka tung ve mai thei a.





Scooty nen chuan alo in anglo nasa khawp mai,ka start chu ka thlawk nghal pawp nimai in ka hria.Ka taksa leh bike chu a awm hrang nawlh a,leiah ka mawng ka sawh dawt mai.






"I ṭha em," Ṭhazual'an atih chuan ka hawichhuak ve vat a. "I bike saw," a bike ka sir lama let bal kawh va paha ka tih chuan min chawi tho nawlh a.





"Bike a pawimawh rihlo,i ṭha em" ati vin deuh khur khur mai. "Aw ka ṭha,ka nalo" ka mawng ben fai thawk thawk paha ka tih chuan ka kutah alo vuan vat a,a bike awmna lamah min phei pui in a tung tho nghal.





"Ka tihpalh lutuk aw, scooty ka khalh thei sia,ka khalh ve theih mai ka rin vâng ania," inthiam lo angreng takin ka tisep a.A bike a duat zia ka hria a,min hauhloh ka ring tawhlo hrim hrim.





"A pawilo,hetiang hi chu arit a,hmeichhe tan phei chuan khalh a har leh zual," ka sama chûl thuak paha atih chuan hnuailam ka melh ngur a.A rang ve nuai sia, "a siam na tur ka pe ang che," ka tih leh chuan ka lamah arawn phei a.





"A ngailo ka ti em,a ṭha vak tawhlo hrim hrim,a pawilo ka tih kha" tih pahin lungpui awmna lamah min kai phei leh nghal. "Na inei em," ati nawn leh sep a,ka mawng tih loh chu na ka neilo,mahse sawi erawh ka tum hranlo.





"Neilo," ka lu thing nar nar paha ka tih chuan akhi deuh suk a. "Nuihzatthlâk ka sawi ami," lungawi vaklo in kati deuh hmuk.





"Sawilo," atih hnuah a phone ka lama alo dah phei chuan ka enve mai a.Nichina a bike ka tluk pui lai tak alo la fuh chu niin,video leh nghal "awi,delete nghal vat rawh," lungawi lo zeta ka tih chuan a phone alo la daih.Ka langchhe si,hei vang hi animo alo nuih ṭut ṭut.





"I hmelṭha lutuk," tih pahin a phone a ak ṭha hmak a,ka lungawi lo bawk nen,ka zawk bawk si ka mood a off vek. "I tum lian lutuk a,i hmui a thlawk chhuak dawn" atih chuan ka nuilo theilo,hepa hi chu ava han sual thiam thei tak.





"Duh leh vanah pawh thlawk daih se," tih pahin lehlam ka hawi deuh hmak a. "A thlawh daih te chuan fawh tur a awm dawnlo asin," ala ti ham ham zui.Zaktheilo ka van ti mai mai tak.





"Kan in ngaizawng ve chiah a,i titau daih bawk sia,i peih tawhlo ami" atih chuan ka thaw hak.A zeilo ropui si,ka ning tlat "i zeilo si,Youtube ah tutorial en rawh" ka tih chuan mak atih hmel khawp mai.





"Eng tutorial maw," ati deuh sup a. "I zeiloh em hi,Youtube ah zei dan tutorial lo en rawh" ka tih chuan akhi leh suk tawh, "ka zei lutuk chuan min changlo palh ang," ala ti deuh ham ham zui a.





"Haw ang," din hluai pahin kati ta ringawt a.Ani pawn min hnial lemlo,a bike in kan in gate chhûng thleng min thlah vel thlap a.A haw leh na tur a hnai angreng sia, "lut phawt rawh," a bike aṭang a ka chhuk hnu chuan ati ve sup.





Hnial lemlo in inchhung ah ka lut vat a,ka mihring hmuh peihloh lutuk te anlo la leng zui,Pi Thiangi te chhungkua,eng nge anlo tih ve dâwn ni.





"E bawihte,ilo haw tawh animo,lo phei ve rawh" kanu in alo tih deuh lang lang takah chuan peihlo deuhin ka phei ve mai a. "Hei,Hlu'i hian pasal anei dâwn a,a hranpa liau liau in minlo sâwm anih hi,a lawmawm tak tak ani, doctor ani leh nghal a" kanu in hlim hmel zetin ati hluai a.





A pasal tur hi a hrechiang lo ani,Mapuia doctor tualthat tu leh mahni fate pawh thah hrehlo tu,an hlim rei anih chuan amak viau ang.Rochanhlu'i te nufa hi an nasa reuh sia,uMapuia mizia duhloh chi tak ani tih ka hria a,engtin nge neih atum theih zawk ni,an lak aṭang hian beisei anei anih ka ring ber.





"Ava lawmawm ve," a mawiah ka tive sep a. "Nia ka fanu hi chuan a thlang thiam alawm, ruihtheihthil ti miahlo a thlang thei nalh te hi,Mapuia te ang phei chu a hmelṭha bawk si," pi Thiang'in chhuan hmel takin ati dap dap a,pawn lama a awmdan nen chuan in perhsan tak ani.





Kanu chu ka melh leh zâwk ṭhin a,kanu thil man har tih takah a hrethiam lo lehpek khawp mai,sawipui vak tûrin ka duhlo asin le.Kapa erawh ka hmulo thung,alo la haw lo ani ngei ang.





"Ka han inthlak lawk ang," ka tih hnuah ka chho san ta daih a.Rochanhlu'i chu a in sawi theih nen,a tisual ang tih ka hlauh pui reuh khawp mai.





Ka tukverh ka hawng chu Ṭhazual'an minlo nuih sang mai,a kutah mezial a keng leh vang tawh.Ka inthlak fel hnuah inhnuai lama ka chhuk a,pi Thiangi te nufa pawh anlo haw tawh,Rochanhlu'i kha private ah Zirtirtu in a thawk a,an chhûngkua hi an tam sia,ka hre seng manglo ka ngaihsak loh zawng tak anni bawk sia.Rochanhlui chiah hi fanu an neiin ka hria.





"Nu Rochanhlu'i pasal tur kha hostel a ka awmlaia kan doctor anih kha," ka tih chuan chaw a bar zui mawlh mawlh a. "Ava ṭha ve,i hmelhriat anih chuan,a vannei khawp mai" atih chuan ka thaw hak.





"Nu chutiang ringawt anilo,ka ṭhiannu Remremi chungchang ka hrilh tawh che kha ihria em," ka tih chuan "aw hria e,taka khami i ṭhiannu khan naute a nei tawh em" atih chuan lu ka thing a. "Aneih ala hun hleinem," ka tisep.





"Nu khami naute pa kha Rochanhlu'i pasal tur hi ani asin," ka ti chu a chaw eilai tawp meuhin minlo en a. "Ava mak dawn ve,bawihte i hai anilo maw" kapa pawn alo tivat.





"Pa rei deuh kan inhrawn a,engtin nge ka hai theih ang,ani tak tak alawm" ka tih chuan an sawi tawh lemlo,kanu leh pa te hi ka ring ngam a.An sawichhuak dawnlo tih ka hriat avanga hrilh kani,an lo inven ve deuh theih nân te pawh aniang chu.





"Chuan pa," ka tih chuan minlo ngaihven vat a. "Miss Lucy that tu kha," ka tih chuan abu nghut a. "Amah tho hi ani asin,jail a atân loh chhan hi ka hrelo,a tang a a chhuak leh anih pawn a tang rei awmlo ka tia" ka ti deuh sep sep a, "ava mak thei ve aw.." kanu pawn alo ti zawi deuh sep mai.





"In awm em," Sente'in arawn tih chuan ka phu zawk mai,Senteii hmel ka hmu chiah chu ka phu nasa leh zual. "Ngatinge Sente," ka ti deuh hluai a, "vawiin ah ui kawlh deuhin min ham a,anat zia chu a hei kanu in va pe rawh atia," atih chuan kanu in alo ban vat a. "Eng nge a," kapa pawn alo tivat, "kan chhungte minlo thawn ania,a tam sia va pe ve rawh atia" ati leh a,bawkbawn leh chingit tih vel ani,a tharlam khawp mai.


Show post links
Top

[Ngaia]

Chapter-15


ZONUNSANGI POV


Zanlaiah ka phone riin minti harh hlawl a,Ṭhazuala call ani, "hello" ka ti tham deuh chhâl a. "Zorin,khawnge i awm a" Ṭhazualan atih chuan mak ka ti angreng, "a tlai tawh em hi,ka mu ve bawk ang chu,inah ka awm ngatinge a" ka ti deuh khâr khâr a.





"Lo chhuak lawk teh,in kawtah ka awm" atih chuan sana ka melh zeuh a,dar hnih ari ṭep, "eng nge iduh a," vin deuh hlek a ka tih chuan min chhang leh tawhlo,ka phone ka en chuan a Message alo thleng ve chiah. "Tihian ilo chhuah hma chu ka nghâk dâwn che," tih hi alo thawn a,peihlo deuhin ka chhuak veleh ta nge nge a.





Kan in gate pâwnah alo ding run mai,a rui amaw ni tiin ka hnaih deuh hrut a.A rui chuan ka hre chiah siloa, "eng nge ilo tih dâwn," ka tih chuan ka hnunglam aṭang minlo kuah ve ngei a.





"Eng nge i hriat a," ka ti deuh hlak. "Youtube ah en rawh iti sia,ka try chhin anih hi" atih chuan ka en mawl tawp,alo en tak tak animo, "eng nge ilo tih dâwn sawi ṭha mai mai teh," a lama inher paha ka tih chuan min kuah na ala phelh chuanglo.





"Thliarkarah kan pahnih chiah in tâng dun ta ila,eng nge kan tih ang" ati leh daih tawh, "a ninawm,i rui ami" hnai angreng taka en paha ka tih chuan alu a thing nghut a,ka hmuiah alo fawp zauh mai.




"A tlai tawh si,midang in min hmu ange,va phei tawh rawh" ka tih chuan min kuah nghet salh a. "Inneih iduh em," ati leh daih tawh, "aho,kan la in ngaizawng reilo si," ka tih chuan "kan in hmangaih chuan atawk lo ami," ati veleh ngei a.





Kan ngawih vang vang hnuah, "ka hman hunah palai kalo tîr ang," ati veleh sup a.Ka sawipui peih tawhlo, "va phei tawh rawh,naktuk hna kal i ngai ani lâwm ni" ka tih chuan abu leh nghut a.





"Va phei rawh," ka tih chuan a kal mai dâwn amaw tih laiin a lama min kuai her a,ka hmuiah alo fawp vang vang mai,tun ṭum chu a duhthawh takzet.Keipawn ka hnar biklo a,ka chhang let rang khawp mai.




"Naktukah kan inhmu dâwn nia,a bul aṭang mu ṭha leh mai rawh," a mit a siai zeuh hnuah an in lamah a phei a,kan pawn light êng awmlo sela chuan a in pai phei nawk nawk in ka ring ani.





ṬHAZUALA POV

Zonunsangi chu ka en deuh reng a,an in gate ah alut hnak hnak mai,ka phone ri ral ral avâng chuan ka phei vat a.Rinloh deuhin Damilia-i call ani,a number hi ahma in ka save ve a,ka hmang ṭangkai lemlo khawp mai.





"UṬhazual,ivan mengrei,ka call i lâk ka ringlo ania" ati deuh chhel a, "mamawh inei ami" ka tih chuan a nui ri hak.Ava mawl mai mai tak, "nei em em lo,kalo call ve mai mai che,thei ka ei a ka hrechhuak thut che a" ati deuh sep.





"I thei ei lai nen chuan kan in ang ami," ka ti leh deuh hmuk, "anglo e,imu dâwn tawh em" ati leh sep, "mu dâwn,muttui le" ka tih hnuah call ka dah nghal a.





Ka damdawi pawh zawi zawi in ka thlah ve hret hret thei a,a lawmawm ka vein pawh a pangai chho ṭan in ka hria,inchiu kherlo in damdawi pangai zawk ka ei leh zeuh ṭhin a.A chang phei chuan nachhawk na te ka ei mai ṭhin.





JEDIDIA LALCHHANCHHUAHA POV

"Dear,Bawiha tho teh,thil hrilh tur che ka nei ania" phur zeta Rosy'in atih chuan ka meng ve siar siar a. "Eng nge," kati deuh sup.





Ka kuta thil arawn dah chuan ka enve mai a, "eng nge heihi" kati deuh sup mai, "aw i hrethiam ve mai lo ami,test kit anih hi" atih chuan ka ṭhuchhuak ve hluai mai. "Ka rai!" Hlim zeta atih chuan ka nui ve suk mai.





"Ka lawm e," a chhîp a fawh zeuh paha ka tih chuan anui ver ver reng mai, "kanu te pawh kala hrilh lo,nangman hrilh la" atih chuan ka bu nghut a.Inhnuai lamah ka chhuk pui nghal,kanu pawh kapa nen thingpui anlo indun kerh kerh mai.





"Nu," ka tih chuan alo hawi chho ve vat a.Rosyi nen pawh an innel nghal mai a,kanu hi a fel ve a,a kawm thiam khawp mai.





"Rosy-i hian nau apai a," ka tih chuan a hmelah a hlim zia ka hmu thei, "ava lawmawm ve," kapa pawn alo tive deuh sup a.Rosyi pawh a hmelah a hlim zia a thup thei meuhlo,a chhûngte a phone kual nghal zung zung a,a hlim lutuk chu ka nuih aza lek lek.





ZONUNSANGI POV

"Tlân rawh,Ṭhazual hmanhmawh rawh" tih pahin ka tlân ve hlak hlak a,keiai a tlanchak daih sia,ui hi chu ka hlauh zawng tak,ala kawlh em em zui a.





"Lalṭhazual,minlo nghak rawh," ka tih chuan ading leh rih ṭhin,avan buaithlâk tak,kalo kalpui ta kher kher chu ka inchhir khawp mai,dawr khâr ṭhak in ka kalpui ve ania,minla tlânsan daih zui.





Ka kang deuh nawlh chuan ka hawi haw mai,Ṭhazuala chu a chak reuh lutuk ringawt,in pakhat phen ah hian min bihruk pui a.Chu ui mai mai chu min va ti hah tak, "nangmah vang vek,i kalna piangah hian min hruai ve ziah tawh suh,in hna ania nangmah in kal ve mai tur che ania" ka ti hlak hlak a.





In pakhat ah thil min lam pui lawk rawh atia,kan lam na tur te khan ui kawlh deuh anlo nei sia,Lalṭhazuala vang vek,a chhaih a chhaih a anlo thlung siloa, "Ka hua che" melh run run a ka tih chuan ala nui suk zui,ani pawh a thlan nasa khawp mai.





"Kan inneih ṭep kha,an in haw ringawt ngailo,hmangaih ber te nen chuan engkim tawrh an huam ṭhin" ati ve duah a. "Bialpa dang ka neihsan daih mai ang che," ka tih deuh khâr khâr chuan "a chiloh ang" ati thum dut a.





"Ka haw dawn a ninawm,nangmah hi buaina ral lian inih hi,i bula ka awm hian ka inti na anih loh leh buaina ka tawk ziah," ka tih chuan ka kawngah alo hmer deuh salh a.





"Ka hawsan daih dâwn che," tih paha kal mai ka tum chuan ka hnunglam aṭang minlo kuah run a. "A ninawm,lalṭhazual a zahthlâk miin min hmu ange," tih paha a kut lakthlak ka tum chuan a chak lutuk ringawt .





"Ka ru daih palh ang che," atih chuan ka ner nawng,a ngam loh tur te hi asawi peih ropui si. "Ka ning,ka haw san dâwn che" tih pahin a kut ka sik vak a,min thlah ve mai bawk.






A thil pawh chu lam leh ta chuanglo in kan haw a, "engtin nge i pute bulah i sawi anga," ka tih lahin "an awmlo ka ti mai ang," ati sam et mai sia.





"I haw daih dawn alaw," ka ti deuh hu a, "tih tur a awm tawhlo," ati sam et zel mai sia,a ngaih hi chu asam ve ṭhin mawle.





Keipawh a tlai ve deuh tawh tho bawk nen in lamah ka haw ve ta ringawt a,in ka thleng chu rinloh deuhin Senteii alo awm ve ngei a. "Bawihte,hei Sente'i hian a nghâk char char che a," kanu pawn alo tivat.





"Eng nge ilo tih ve dâwn a,ilo leng khat ve sia" ka tih chuan anui ver ver mai, "zanin ah lo phei la,eitur kan siam dâwn nia," atih chuan ka mitko kalo kan zeuha.





"Enga tan maw," ka ti deuh hap, "ila hrelo ami,ka u in a hrilh lo che ami,vawiin hi ka u birthday ania,zanah lawm sak kan tum a,amah pawn a birthday ani tih a hre leh tawp nang" ati sep sep a,Senteii hi a lawmawm riau mai.





"Anih chu,min hrilh miahlo a" ka tih chuan "a hre lehlo aniang chu,a pian ni pawh a hre hleinem,zanah chuan lo phei rawh aw,arsa te kan hem dawn nia,pâwnah mei kan chhêm anga midang pawh kan sâwm lo,a ṭhianpa pakhat alo kal ve anga animai" atih chuan kalo aw ve mai a.





Senteii pawh a awm rei lemlo, "Sente'i hi chu afel ve ngawt mai,thil hi asawi phawng phawng na chu a rilru a chhelo asin aw," kanu in ati deuh sep a.Keiai a hrechiang zawk ang,a chhan chu hostel ka awmlai zawng zawng in anlo inhre tawh dawn a,keipawn a sual ka ring hranlo.





"Zanin chu nu i phal chuan ka kal ve dâwn asin," tih pahin a bulah ka ṭhu a, "phal e,aw va kal rawh a hnai tho a,hmun dangah kal hrang lemlo ula,mawilo deuh te khan va awm lo la" atih chuan ka aw ve vat a.




"Ipa pawh alo haw ve ṭep ang,vawiin chu Sangsangi alo kal hlawl a," atih chuan ka melh rang khawp mai. "Eng nge alo tih a," kati deuh hluai a.





"I u angai ve te pawh aniang chu,eng nge mak itih vak,i u chanchin hlir asawi a,a mumang ah ahmu ṭhin ani awm e,keilah hian ka hmu ve thei der siloa" ati dap dap a.





USangsangi hi ka u bialnu hlui ania,pasal anei tawh thung,fa pawh pahnih lai an nei tawh.Mahse hmangaih vanga nei a nilo in ka hria,ka u hi angai ve ṭhin a,min rawn be leh nawlh zel.





"A fanu alo hruai ve a,a hmelṭha khawp mai," ngaihtuah nei ang maia tih pahin tukverh lam ahawi vang vang a.Kanu lungleng thei lutuk hi ka khawngaih ṭhin,tih dan vak ka hre bik siloa,kapa nen an in kawp deuh chawt ṭhin a,kapa pawn a hnem zo mawlh lo ani,fate chan hi alo na hle aniang,fa kala nei siloa ka hriatthiam pui vaklo.





Eitur zan lamah siam an tih tho avâng in chaw pawh ei lemlo in ka phei hma a,Ṭhazuala te pawh pâwnah thil siamna tur an unau in anlo tifai mek, "ngatinge i birthday te chu min hrilh miah loh a," lungawi vaklo a ka tih chuan anui leh suk tawh. "Ka hre biklo a," ati deuh sup mai.





"E,Zonun ilo phei tawh animo,an unau hian an sawi reng che a,tikhan in duh duh danin lo ti mai ru aw,keini zawng kan va mu daih ange,lo awm ve suh u anti tlat sia,i ṭhiante khan" Senteii te lam melh zeuh paha Ṭhazuala nu in atih chuan ka nui ve hak mai.





A ṭhianpa asawi pawh chu alo kal ngei a,mahse ka hriat ngai anilo.Min en duh sia,ka ngaina lo nghal ve ringawt.





"Engmah pêk tur che ka inring bawk siloa,naktukah ka pe mai ang che" Ṭhazuala melh chho zeuh paha ka tih chuan "a ngailo," ati deuh hmuk a, "nakinah a man chawi ngailo chi min pe dâwn nia," atih chuan ka hrethiam lo takzet.





"Chutiang chu eng nge," melh chho ha paha ka tih chuan ka hmuiah bawk alo fawp zauh a. "Khatiang ang chi deuh kha," a tih chuan ka ner nawng mai.




Pâwnah arsa vel Senteii leh Zual'an an siam a,a hem na ṭha deuh an nei a.A tui hmel lutuk ringawt,adang erawh intur leh cake vel neuh neuh animai.





"Mahni pian ni pawh han hriat loh," a kut khalh neuh neuh paha ka tih chuan "ka pian khan kala te a,ka chhinchhiah theilo a,tun thleng in ka hre theilo" atih chuan ka nui deuh hak. "Keipawn ka hre thei ania," ka tih chuan min chhang tawhlo.





Gate arawn in hâwn chuan kan hawi rual ṭhap a,rinloh deuhin Damilia-i leh midang dang an rawn lut hlawl mai. "Lo kal rawh u.." Sente'in alo ti zawi deuh sep a,a hmu chu mak ati ve deuh tih ka hre thei.





"Awi Ṭhazual,i birthday tih isawi siloa" hmeichhe pakhat sam tawi ve lampang hian alo ti deuh sawk sawk a.Ṭhazuala thil alo pêk pahin amah nek deuh salh salh in a ṭhu a,ka awm anuam lo ṭan Damilia-i te awmna lamah ka phei ta daih a.





"Ka u in min hruai lui tlat a,anuam lo ka ti rap" ka beng bulah alo ti sar sar mai. "Eitur kan siam hnem em em siloa,ka peihlo asin le uSangtei phei saw chu,ka milh thei hlawl lo,a senior tawh si" ka bula lo phei pahin Sente'in ati deuh sar sar a.





"Arsa kan siam belh mai dâwn ami uZonun, fridge ah a awm tho a awm chu," nuamlo tih hmel deuha Sente'in atih chuan Damilia-i nen kan pathum in kan inzui phei a.





"A ninawm e...oven ah hian kan hem mai dâwn nia,pawn lama a hem kha chuan arei dâwn,haw vat rawh se" Sente'in ala ti deuh hlak hlak.





Ṭhazuala lah chu Sangtei an tih nu alo kal tak vang nge,min ngaihsak lo sawt ropui si,Gift a dawng chu a lawm viau te pawh aniang,ka ngei hluah hluah.





"A hreawm iti em," ka bula lo din pahin Zual'a khan alo ti deuh sup a. "Tilo e," a mawiah chuan kati ve mai a,a hreawm erawh ka ti ru reng,ka rilṭam tawh si hreawm tak ani.





Eitur a hmin hnu phei chuan hmuh tur a awm tawhlo hrim hrim,Ṭhazuala ber chu Sangtei nen khawiah nge an kal ang,ka hriat loh in minlo kawp na teh se a chaklo viau ang.Ka bialpa ka update animai.





Ka rilṭam tawh angreng sia,eitur chu kan ei nghal mawp mawp a,in lamah thil ka ei ṭha leh mai ang ka ti rilru neuh neuh,gate a Sangtei leh Ṭhazuala te lo inzui lût chu no vak lemlo in ka melh a.An mitmeng te chu a diklo riau in ka hre leh nghal,Sangtei an tih hian damdawi ati ve ṭhin anih chuan ka hmu khawlo vek ang.





"Damilia i u te anla haw har hmel sia,ilo phei ve duh em" ka tih chuan alo ding rang khawp mai.Nuam a ti vaklo tih ka hriatchian vanga sâwm mai kani,Senteii erawh an in ania,alo kal duh ka ringlo.





"Sente zân a tlai zel sia,kan va phei phawt ang aw" ka tih chuan min hnial hranlo,kan tih fel pui vek tawh tho a.





Gate aṭang a kan chhuak tur chu Ṭhazuala alo ding ṭuah ṭuah tih ka hre thei,ka rilru a hmanhmawh ru khawp mai, "Zonun" tih paha ka kuta alo vawn chuan ka thaw hak.





"Eng nge iduh" nem fahran lo a ka tih chuan a hmelah chuan a inthiam lo ve deuh tih ka hre thei,a chhan pawh chiang takin damdawi ati leh tih ka hria.





"Sangtei vang mai mai in min kalsan a,chuan ka thil duh loh ber damdawi in zu ti bawk a,ka chhûngte hian damdawi ti makpa atan an duh rere hleinem,vawikhat mah minlo be tawh suh,i damdawi hi i sim tak tak thei dawnlo anih hi" ka kut laklet deuh sawk paha ka tih chuan min dang hauhlo.





Damilia nen kan in lamah kan phei dun vat a,ka rilru erawh ana ve hle thung. "In in ngaizawng tiro," Damilia'in room a kan luh rualin ati deuh sep a.





"Aw" tih bakin ka chhanglo, "a pawilo ania,mahse Sangtei kha ka u te thawh pui ania,uṬhazuala hi a duh lutuk tih ka hria,chuvang chuan nangpawh an awm dûn chuan va tibuai vat zawk zêl rawh,uSangtei pawh sawn damdawi ati ṭhin ania" atih chuan mak ka ti hranlo,a hmelah khan a hriat vek.


Show post links
Top

[Ngaia]

Chapter-16


ZONUNSANGI POV

Damilia'i pawh rei deuh a awm ve reng a,a awmlai chuan ka rilru natna vel engmah ka sawipui duhlo. Damilia'i hi ka ringlo nilo in ala naupang a, a rilru a ṭha hle bawk,thil sawi phawng phawng chi hi ani ve a,alo sawichhuak ang tih ka hlau ani.Tunah Ṭhazuala nen kan in ngaizawng tih a hria pawh hi pawi ka ti viau tawh ania.





Damilia'i haw hnuah mu tûrin ka room lamah ka chho leh vat a,kanu te pawh an mu tawh anih ka ring.Ṭhazuala chu ka haw reuh takzet,minlo biak a tum miahlo te chu ka hua,tukverh ah ka bih thla dek dek a.Meilum ai na bulah a ṭhiante chu anla awm nak a,Senteii leh Ṭhazuala hmuh tur an awm tawhlo.





Ahma ka tih dan ang bawkin ka phone ah zai ngaithla in mut ka tum a,ka mit ka chhing lah in Ṭhazuala ringawt ka mitthla ah arawn lang a.Hepa hi enga tinge ka duh tak em em le,ka haw ṭhin hle sia,Jedidia te pawn naute an pai tih midang ka aṭang ka hria a,ka lawmpui viau mai mak tak maiin ka rilru ana tawh hauhlo.





Ka phone Message tone ri deuh khep avang chuan rang deuhin ka en a,Ṭhazuala ala ni chuanglo,number lawng chauh ani.





"Hi" tih te mai hi alo thawn a,a dp ah chuan mipa anih ngei ka ring,eng nge ka hriat ka hrelo,kava hi let ve ta ringawt a.Min rawn reply rang leh khawp mai, "Zonun,imu tawh em" tih hi minlo thawn leh a,ṭha deuh chuan kalo be ve mai bawk a.





"Zuala ka nia,Ṭhazuala ṭhianpa kha" atih chuan tukverh ah ka dak vat a,Ṭhazuala te inah ala awm reng sia,engtin nge ka number te a neih theih ni.





Zuala ani tih ka hriat vang nge ka be ṭha peih vak tawhlo,amah tak saw chu asual em em pawn ka ringlo,mahse ka ngaina lo ve tawp.Mipa no deuh hluak lampang hi ka duhlo zawng tak ania,Zuala pawh saw ka duhloh chi tak,ṭhian ah pawh pa deuh theng thâwng lo chu ka kawm vak peihlo.





Ka mu dâwn siar siar tih ah au ṭhat riin minti harh hlawl a,hmeichhe au thawm ani,chuan Ṭhazuala te inlam aṭang a lo chhuak ani in ka hria.Hmanhmawh deuhin tukverh ah ka dakchhuak vat a,tumah ka hmu mailo.Ngaihsak lemlo in tukverh ka khar fel chiah tih ah ka phone alo rik chuan ka phu zawk mai,minlo call tu chu Senteii ngei ani,tlêm chuan ka awm anuam lo veleh deuh.





"Aw Sente," ka lak rualin ka ti deuh sep a. "UZonun,ilo chhuak lawk thei angem,au hian a hmu duh tlat che a,buaina a siam dâwn tlat a,arui bawk sia lo hau tal rawh mawh hei midang in an hriat ka hlau sia," ati deuh ṭiau mai.A ṭap mai dâwn a ka hriat avang in keipawh ka chhuah vat tur thu hrilh in call ka dah a,Lalṭhazuala mai mai chuh ka ngei reuh tak tak ani.






Ka kawrlum ka khum bula ka dah chu inthawlh sawk sawk in ka chhuak nghal a.Kan in gate bul lawkah anlo ding reng chu niin,a ṭhian dangte pawh anla awm reng sia,pawh luih ve mai awm ania.





"Ngatinge a," ring lam lek lek a ka tih chuan Ṭhazualan minlo pan vat a.Ka kawngah arawn kuah nghal than mai,ka awmah a hmai a phûm nghal hmak bawk.





"Ka tihpalh,ka thutiam ah ka dinglo a,zanin aṭang chuan i duh dan hlir in ka awm tawh ang,aṭha em" ka biang lo chûl thuak paha atih chuan ka thaw hak, "ngatinge Sangteii nên khân in kal hran kher a," ka tih chuan Sangteii din na lam a melh zawk a,a rui hle aniang ani pawh a ding mumal thei tawhlo.





"I hmuh laia tih kha ka duhloh vang ania,kan inkârah engmah a thleng lo," ka sama chûl thuak paha atih chuan ka rilru ka siam fel mai theilo.Ṭhazuala hi ka kalsan ang nge ka chelh tlat zawk ang,ka fate pa atân ka ring ngam angem,pasal ah lo nei ta ila a damdawi ti hi a sim hmak thei angem.






"Ka hrelo,uluk deuhin kalo ngaihtuah ang,ka rilru ka siam fel mai theilo,naktukah i ruih loh hunah ka hrilh ang che" melh chho kar paha ka ti chiah chu kan in gate a hnek ri deuh bur mai.Ka phu nasa lutuk, "ka ruilo,Zonunsang ka rui hauhlo,min ngaihdam leh ngaihdam loh chu sawi ahar viau ami," ka darah na deuha vawn pahin ati khur khur a,a mitmeng chu tûnah tak hian a hlauhawm takzet,sakei rilṭam a ang lutuk.





"Ṭhazual,min ti na ania," tih paha a kut lakthlak ka tum chuan a chelh nghet sauh a. "U,a zahthlâk saw midang ho an rawn chhuak ania,kanu ten an hriat vaih chuan aw kal ang,uZonuni pawh a mu duh ang,a mulai kan kaitho ringawt ania,naktukah ṭha deuhin sawi zawk rawh u" Sente'in atih pawh chuan min thlah hauhlo,ka mitah tak a melh ngur a.Keipawn ka melh chho ve ngar ngar.





"Minlo duh tak tak nange,ka damdawi ti hi i haw viau tiro," ati leh khur khur a.Zuala te pawh anla awm vek sia,dan an tum miahlo chu amak kati, "Ṭhazual,va haw rawh i nau in asawi kha,nangmah i inti mualpho mai mai,pi Thiangi ten an hriat leh ngat phei chuan an sawi nasa dâwn lutuk che ania," ka tih chuan anui suk a.





"Sawnu saw ka hlauh iring ami,Sakei ami anih ka nundan ah hian maw sawnu sawn sawi theih engmah a neilo,ka nun ania ka thu thu,a duh chuan hei ai nasa pawn lo sawi rawh se,nangpawh hi i haw tawh hauhlo ang,zanin hian kata ini ngei ang ka nupui inih loh chuan tu nupui mah ini dawnlo tih inhria ang che" Zuala tham loh hmel zeta melh paha atih chuan rapthlâk ti lutuk in ka melh tlawk tlawk.





"U,phei ang anu te ka hrilh dawn ania anih loh chuan," anau in atih chuan a lamah a hawi phei zawk a. "Va haw rawh," ati deuh nghut mai.





"Ka haw dawnlo,ka rualin i haw angai,u tikhan awm suh" Sente'i bawkin ṭap ṭiau a atih chuan Ṭhazuala a mit a chhing vang vang a. "Ṭhianpa,phei phawt ang,naktuk ah sawi ṭha zawk rawh u" Zual'an ati ve ta nge nge a.






"Zonuni tello chuan ka haw lo ang," Ṭhazual'an ati tlat mai bawk sia, "i peih thleng i awm dâwn nia," ka tih hnuah inher in luh mai ka tum chu ka kâng nawlh mai,Ṭhazual'an an in lamah min pêk phei pui pawk pawk a, "Ṭhazual,tihian awmlo teh min thlah rawh,min dah thla teh ka chhûngte an mangang lutuk ang," a sam bûk zeta keh paha ka tih chuan min chhang leh duh tawhlo.






A room lamah min chho pui deuh pawk pawk a,kawngka a kalh nghal hmak. "Ka ru che,i haw tawhlo ang," ati deuh tlat mai bawk sia,ka mangang tawh lutuk ringawt,ka chhûngte phone tuma ka phone ka phawrh chiah chu alo la nawlh a.Ka phone a pin ka dah chu la chhuak in ka sim ala chhuak daih a,a hmawm ta daih mai.





"Lalṭhazual,engtin" ka ti hman ṭawk,ka sim chu a ṭhial niin ka hria, "ka sim i ei alaw," thinrim zeta ka tih chuan anui suk duh lek,ka thinrim lutuk chu ka beng te asa vek theiin ka hria.





A phone khum a adah chu ka la nawlh a, "ka vawm dawn ania,i ei chhia anih vaih chuan i phone hi ka vawm keh vek ang," vin zeta ka tih chuan anui leh suk a. "I duh chuan vawm rawh," ati dam dup mai,ka vawm ngam loh aring amawni,a phone hi a hmang ṭangkai vak pawn ka hrelo.






"Ka sim kha minlo pe rawh," dam deuh zâwk a ka tih nawn sep chuan ka lamah arawn phei a,ka kuta ka sim adah ka hmu chiah chu ka thaw hak.A ha aṭha ka ti takzet,a chhe chiang khawp mai, "min khawih miah suh,ilo kal hnai anih chuan i phone hi tukverh ah ka thlâk ang," ka ti deuh ṭiau a,ka lung a chhe tlat pek a.





"I duh chuan thlâk rawh," ati sam leh et bawk sia,ka ngam loh aring tak tak in ka hria,a phone tih chhiat tum ranin tukverh ah ka vawm ta chawrh a.A hmelah chuan mak ti hmel ala pu chuanglo, "tikhan kan in rul tawk chiah alawm," tih pahin ka kawngah alo vuan a,min kuai her sawk mai.





"En rawh ka phone khu,phone nilo a dang pawh iduh chuan paih zêl rawh,i hlim na tur anih phawt chuan a pawilo," ka beng bulah ati sup a.





A lamah zawi zawi in min kuai her leh a,ka hmuiah fawh atum tih ka hriat chuan ka awmsawn vat. "Min khawih miah suh," ka ti deuh khar khâr a. "Ka nupui ini tawh,ka nupui inih zânah ngei hian kan mudun dâwn lo ami," a mitko san ak a atih chuan zaklo ti lutuk in ka melh tlawk tlawk.






"Ka pasal ini hauhlo,ini ngai bawklo ang,hetia min tih luih hi angai lo asin,ka duhlo ṭha deuhin ka rilru ka siam fel anga,kalo hrilh leh ang che ka ti vek" a kut minlo khawih atum na thing thlâk nawk paha ka tih chuan a thaw ve ta hawk a.





"Hre rawh,Zonunsang i haw dawn chuanglo,ṭha deuhin awm mai rawh,a harsa zawng ringawt in thil ti suh," atih chuan a khum bulah ka ṭhu deuh hnawk a.





Minlo khawih atum chuan akut kalo vai per deuh sawk a. "I khawih ka duhlo," ka ti vin leh ṭhat mai,tih vak ngaihna a hre biklo ani ngei ang,ka bulah alo ṭhu ve ta ringawt a,engmah sawilo in kan ṭhu reng,ka phone lah ka hmang thei tawh siloa.Ṭhazuala hi hetiang hian a awm ka ring ngailo,a damdawi hnathawh nge pawh ka hrethiam tawh neklo e.





"U,lo hâwng teh u," Sente'in kawngka lo chum dawt dawt paha atih chuan ka tho vat a.Kal ka tum chu ka kutah lo vuan in a mal chungah min pawt ṭhu nawlh mai,ka biangah na zeta vuan in ka hmuiah alo fawp deuh nawk a.






"Lalṭhazual,misual pa min thlah rawh" a rem lai lai a ham pahin kati deuh khâr khâr a. "Anuam iti viau ani lâwm ni,ka nupui chu ka khawih tur alawm,ka ta ah ka siam ngei ang che," atih hnuah khumah min paih thla deuh pawp a.





Ka tal nasa lutuk chu ka hah vek thei,Ṭhazuala lah a chak nasa bawk sia,a damdawi chu a ruih vakloh vang nge a damdawi tha a hmang ni maiin ka hria,a chak dan chu rapthlâk tak ani.





Ka kawr haklai chu hnehsawh zetin a hlim deuh pawp a,ka hmuia alo fawh leh te chuan ka dawh mawl tawp,ka chhang let hauhlo.Ka chau tawh em ani,arum leh deuh hawk ṭhin a,a che lai tawp chawt in min kuah khâwm vek a, "ka tihpalh" ka chhîp a fawh vang vang paha atih chuan ka chhanglo,ka mittui chu a sur zung zung nimaiin ka hria,hetia a awm hi ka mumang lamah pawh ka ringlo.





Engtik laiin nge ka muthilh ka hrelo,kawngka kik thawm in min ti harh a.Ṭhazuala chuan min la kuah run mai,kawngka lamah ka phei vat a,kawngka ka hawng chu ka chhûngte leh Ṭhazuala chhûngte anlo ding run mai,pheikhawk ka bun bawk siloa ka zam ve ringawt.






"Nu,pa" ka hmui seh zeuh in kati zawi sep a, "eng nge awmzia Zonun,in inru ami" kanu in thawk la hawk a atih chuan ka chhanglo,ngawi rengin ka ding reng a, "ka ru tawh,Zonuni hi ka nupui ani tawh" ka dara minlo kuah paha Ṭhazual'an atih chuan ka enchho vat a,ka chhîpah a fawp zeuh.






"Chutiang ringawt anilo Bawiha,chhûngkua te kan inrawn khawm anga,in innei duh anih leh ṭha deuhin palai te lo tîr leh zawk rawh u," kapa in atih chuan "dik chiah,Ṭhazuala hi chu a â thei tak tak ani," Ṭhazuala nu in alo tive vat a.






"Zonuni hi kan lo hruai haw leh phawt ang," kanu in atih chuan Ṭhazualan a phal ta tlatlo, "ka ru tawh" ati deuh tlat a,an hrilhfiah ngial pawh a awi duhlo. "Tlanbo pui in tum,a haw tawhlo ang,heihi a in ani tawh" ati deuh tlat a.





A damdawi hian ati â zo amaw ka ti hial, "chutiang a thleng dawn hleinem,Mizo dân ang takin in innei dâwn alawm,hetia in inkawl tawp chuan miin an sawi duh lutuk ang che u" kapa in atih chuan min kaih na ati nghet sauh a.






"An duh chuan sawi rawh se,a hawlo ang" ati nghet bur mai bawk sia. "Ava buaithlâk ve aw...kan va haw phawt mai dâwn ami,a duh dawn in ka hrelo," kapa in ati veleh ta tawp a.Kalsan ka tum lahin ka kut a hmer na zêl sia.






"Ni e,kalo sawipui ang" Ṭhazuala pa in ati ve sup a,nizan ka mu ṭha tho sia,ka mut lah chu a chhuak em em leh nghal a.






"U ka sawi reng kha,uZonuni hi inei lo zawk daih ange" melh ram ram a Sente'in atih chuan Ṭhazualan chhuak tûrin ati vat a.A kal tau nghawng nghawng mai.






"Ka haw duh," khum lama min kaih phei atum chuan ka tlat a, "i chhûngte zawng zawng ka hnial na kha i hrelo emni,i haw lo ang" rum lam lek lek hian ati leh nghut tawh.





"Ṭhazual,ka tlanbo miahlo ang,ṭha deuha inneih kanla tlin ania," thlêm tum takngial a ka tih pawn lungtum biak ang vel ani.


Show post links
Top

[Ngaia]

Chapter-17


ZONUNSANGI POV

"Engmaw sawi nawn leh rawh," Ṭhazual'an vin taka a tih ṭhawt chuan keimah zawk pawh chu ka phu zawk thei.Sangtei kawr awmah nghet zetin a ṭham a,a hnek lo chauh.





"I hmeichhe duh em em saw maw,keiai a ṭhat vak bik na ka hrelo,chezia ah leh hmelah pawh min tluk lo hulhual" ati leh chiah chu bang tauh dawt khawp in a nam deuh pawp a.Damdawi arui niin ka hria,hmeichhia ve si damdawi arui mai mai te chu a Uiawm,a sawi ang tak tak in hmelah chuan ka tluk lo khawp mai.





"Vawikhat mah ka nupui nên hian intehkhin tawh suh,khawvel hmeichhia ka hmuh tawh zawng zawng ah Zonunsangi aia hmelṭha hi kala hmulo,chuan dawt kha rawn sawi tum tawh hlek suh," atih hnuah ka lamah arawn phei a.Ṭhazuala ka duh nachhan em em pakhat chu ka thlavang a hauh na em em ṭhin hi ania, "kal ang" ka chhîp a fawh zeuh hnua atih chuan kabu ve nghat.





Ṭhazuala ṭhianpa te in aṭang kan chhuah hnuah kan in thleng min thlah a,kapa ten uluk deuha an hrilh hnuah ṭhazuala pawn ka kal a phal ve hram kha ania.Kan inneih ni tur pawh kan tifel vek tawh a,palai pawh lo kal nawn ngai tawhlo in palai lo kal hma in ka chhûngte an inrawn khawm vek kha ania.





"Ilo haw tawh animo bawihte,naktuk lamah mokawr chu inva en dâwn ta êm," kanu in atih chuan kalo aw ve vat a.Pasal neih la duhlo viau mah ila Ṭhazuala hian ati lui tlat sia, Damilia'i ṭhianah ka hmang dâwn a,ani pawh a phur khawp mai,ka classmate te ho pawh ka sâwm nual a.Jedidia pawn alo hmuh ve ngei ka ring.





"Harsatna ineih chuan sawi hreh suh aw mate,kan in hnaih dâwn em hi," kanu in atih chuan ka nui ve var var mai.Kan in hnaih dâwn mai bakah,Ṭhazuala chhûngte an fel ve a,kha ti lamah kha chuan keipawh ka huphurh em em hranlo.





Chaw kan eikham chiah tih ah call ka dawng hlawl a,Jedidia call ani, "aw hello" aw zângkhai vah a ka tih chuan a ṭawng mailo,Jedidia hi ka hmangaih viau amaw ka tia,mahse tûnah chuan ṭha takin ka be thei tawh.





"Pasal inei dawn ami," ati deuh sup a. "Aw nei dâwn e," ka room a chho pahin kati ṭha ve mai a, "ka lawmpui lutuk che," atih leh deuh tawp.





"Ka lawm e,naute engtik ah nge in neih dawn a" ka tih chuan Rosy-i aw ni ngei tûr hian "tunge a," a tih ri ka hria, "thla hnih na apum ve chiah a," Jedidia bawkin atih chuan sawi mai tur avâng duh khawp mai.





"Zonun,nangmah ami,aw pasal inei dâwn tih kha ka hria a,ka lawmpui tawp che keini pawh lo kal ve ngei ngei kan tum ania," Rosy-in hlim hmel zeta atih chuan ka nui ve ta ringawt a.





"Nia,hei amah pawh alo kal chiah a nakinah kan inbe leh mai dâwn ami," ka tih chuan min hnial lemlo.Call chu ka dah vat a,ka be rei peih vak tawhlo,dawt ka hrilh mai loh chuan tih dan vak ka hre siloa,Ṭhazuala chuan a room tukverh a hawng huau a,amah ber chu hmuh tur a awm siloa,ka sim a ei chhiat ta number bawk khan sim thar ka siam leh a,mahse a buaithlâk khawp mai.Inhauh chang chuan sim thuhrûk vat angai tawh dawn anih hi.





Damilia'i ka call leh tête hnuah mut tumin ka khum ka siam fel a,kanu in minlo ko takah chuan peihlo deuhin ka chhuk ve hnak hnak.Ka rinloh lutuk in Remremi leh Zodiki te anlo lang hlawl mai,Remremi pawn naute mipa ṭha takin anei thei a,a fapa pawh thla sarih vel a upa ani ve tawh a.Doctor Mapuia a chhun khawp mai.





"Draken'a chu ava fel tawh ve," tih paha naute ka pawm chuan anui ve var var mai, "ka nun ati hlim lutuk," Remrem'in ati deuh sap a.Amah pawh a hma aiin a hmel hmuh anuam ve ta deuh,a hma te chuan a rilru a hah tih kha a hriat ngawih ngawih zel ania.





"I pasal tur chu khawi ami nge a," Zodik'in min chhaih zeuh zeuh pahin ati a, "ivan nu tawh" anti leh ṭhin a.An sawi ho tak tak ani, "kan ṭhenawm lawkah sawn an awm,Ṭhazuala ania" tih pahin naute chu ka pawm ṭha a.





Doctor Mapuia kan ṭhenawm lawkah an awm tih hria se engtin tak Remremi hi awm ang maw,Rochanhlu'i te pawh an innei tawh a,uMapuia zawk makpa chhungkhung in alut a.A kalbo dâwn amaw tih a ka lawm ve hman nen khan,a mipa zawk arawn awm phei leh ta daih sia,mahse a mak em em hranlo,an nufa saw a hnial hneh lehpek lo aniang chu.





"A hmelṭha reuh tawp a,thlalak kha kanlo hmu a" Zodik'in bawkin ati leh a,ka nui ve hak hak mai. "Zan zanah inlo leng a,naute hi a hritlang ang tih a hlauhawm" tih pahin Remremi fapa chu ka en a,a mitmeng pawh apa chiah chiah,a hmelṭha hle bawk.





"Nia,Zodiki hi alo leng a,min sâwm tlat sia,kan awmna a in hlat lutuk lo bawk nen kanlo kal ta tawp,phur thut thil tih anih chu, scooty in kanlo in phur phei a,ka rinai chuan a vawt ve deuh" Remrem'in ala ti deuh ham ham zui.





"Taka nichina kanlo luh dawn khan doctor Mapuia ang deuh in ṭhenawm ah sâwn kan hmu a," Zodik'in atih chuan ka signal vat a.A hrethiam lo reng reng,Remrem'in nuamlo atih ka hlauh vâng ania,nichinah pawh ka sawi duhloh.





"A awiawmloh emai a,i hmu sual aniang," nek deuh salh paha ka tih chuan a sawi zawm tawh bik lemlo. "Ka fapa hian nakinah apa minla zawt awm sia,ka rilru a hreawm lawk,pasal neih ka tum tawh bawk siloa,bawihtea a awm tawh a,midang ka mamawh tawhlo" Remrem'in a fapa en paha atih chuan Zodik'in a beng pawp mai.





"Awi i mawl emai a, Draken'a hian thil a hriat hma in pasal tur zawng vat zawk rawh,sawtiang ang Mapuia tih angreng sawn alo biak leh che pawn be miah suh,a hlauhawm ania,i la naupang a i hmelṭha a,i in uluk bawk a nula tam tak aiin ila nalh ania,pasal nei leh ngei ngei rawh" Zodik'in atih chuan ka pawmpui khawp mai.





Kan doorbell arawn rik ral ral takah chuan naute pawm chungin ka phei vat a.Ṭhazuala leh Senteii te anlo ding reng,Senteii lo kal tel ve chu amak ka ti angreng, "lo lu rawh u" tawlhsawn deuh pahin kalo ti ṭha ve mai a.





"Au lo leng tur kalo zui ve tawp,inah ka nute an awm siloa,keimah chiah a awm ka peihlo a," Senteii chuan ati nghal zung zung a. "Aw lo lût rawh u," ka ti ṭha veleh sep,Ṭhazuala erawh chuan ka naute pawm ringawt chu a en a.






"Ka ṭhiante anlo leng ve a," inzui phei paha ka tih chuan min chhang lemlo, "Rem,Diki hei kanpa tur chu anih hi,chuan heihi anau Senteii" ka tih chuan ka ṭhiante pahnih pawh chu anlo hawi vat a.





"Awi a takah aṭha daih zawk anih hi,iva vannei tak,nupui a nei tûr che in i vo anilo maw" fiamthu a an tih chuan ka nui ve hak a.Amah zawk hian min vo tih hria se engtin tak ngai ang maw,min neih loh chuan ka inkhawm tawhlo ang,ka duh zia che ka tlangau tîr ang ati tlat mai sia,neihloh theih ani tlat siloa.





Ka ṭhiante leh Senteii te chu ka rinai takin an inkawm thei phian.Ṭhazuala erawh alo luh tirh aṭang ala ṭawng velo hrim hrim, "thingpui kava lum ang aw, Draken'a hi thingpui kava lum pui ange," tih paha ka thawh chuan Ṭhazuala alo ding ve vat a.





"Khawnge i kal dawn," ka ti deuh hu mai, "bathroom ah" atih takah chuan kan inzui phei vat a.Kitchen lama bathroom a hmang mai dâwn amaw tih laiin min zui zel a, "bathroom i hmang duh ani lawm ni," ka tih chuan alu a thing nghut mai,naupang sual deuh a ang reuh lutuk.





Ka ṭhiante bulah khan nuamlo ati anih ringin "lo ṭhu rawh,thingpui kan lum ange,kha Draken'a hi lo pawm la," tih pahin a thil hmuam lai nen chuan ka pe a.Naute hmu ngailo ang maiin a awm, "eng nge khatia i ner vak vak a, Draken'a te chu afel em kha," ka tih chuan min en zawk a,min chhang lemlo.





Thingpui ka lumna bulah an pahnih chuan anlo awm ve reng a.Ṭhazuala zeilo lutuk chuan nuih ati za,a chang leh a thaw leh hawk ṭhin a,naute lah chuan aduh reuh phian a,a hmuh ngailoh midang in an pawm te chuan a ṭah nasat theih nen.





"Fate kan lo neive anih chuan ila hmabak vek anih kha," tih paha an lam ka hawi chuan ka nuichhuak hawk lo chauh, Draken'a chuan a samah a theihtawp in alo kek ve a,a la ding ṭha thei siloa,a samah kek in din atum nimaiin ka hria,Ṭhazuala chuan a lo dawh ve tawp.





"I sam kha a ei ange aw," ka tih chuan en pawh minlo en theilo.An buai dun lutuk ringawt,an pahnih chuan ngawi rengin an insual ani ringawt,Ṭhazual'an a kut lakthlak atum ve ngar ngar a,a tih nat a hlau ve ani ngei ang chu a khawih ṭha ngam derlo.





Thingpui ka thlit chhuah hnuah "phei ang u,thingpui ken ka ngai sia,naute kha lo pawm phei mai rawh aw," ka tih chuan alo ding ve vat.





"Awi thingpui ilum duh kher a,haw vat kan ngai asin,Bawihtea haw tlai pui lutuk chuan a damlo palh ang,hritlang akai hma ropui sia," Remrem'in alo tivat a. "Ka siam tawh,in rawh u" ka tih deuh tlat avang in min hnial biklo.





Ṭhazuala leh Draken'a te inpawm chuan nuih anti za khawp mai,an pahnih ringawt pawn an buai lutuk a. "In fa neih hun tur ka hmu chak che u," ka ṭhiante pahnih pawn an ti deuh reng mai.





Rei awm tawhlo in thingpui an in zawh ah an haw vat a.Draken'a te chu a ngaihawm nghal vung vung reuh khawp mai,an haw hnuah Ṭhazuala te unau anla awm ve reng a,Ṭhazuala pawh a sam a thur phêng phung mai.





"Lo ṭhu hnai teh," Ṭhazuala hui zeuh paha ka tih chuan alo phei ve mai a,ka bul setah aṭhu nghal hmak mai,ka kawngah akut alo rawlh lût nghal bawk.





"I sam a thur vek anih hi," tih paha ka siam sak chuan "naute khan chaw ah ahmang a,apuar khawp ang" ati vei sup a.Senteii erawh a phone ah games a khel daih thung.





"Ka ru leh daih mai dâwn che ami," atih chuan ka sik deuh hlak a. "I mawl emai a," ka ti deuh khâr khâr,kohhran dan thianghlim ngeia kan innei thei tur hi awilo an awm nual tih ka hria,a chhan pawh Ṭhazuala nundan hian a zirlo ve deuh a,mahse kan la tlin lutuk ringawt,Ṭhazuala hian in fawh bak ka private thil dang ala khawih lo hrim hrim.A fel ka tih ve na pakhat ania,a insum thei lutuk hi achang chuan ka khawngaih lek lek.





"Khawnge i phone," atih deuh hlawl chuan ka envat. "Ngatan nge itih," phâwk deuh hian kati deuh phawng a, "ka ei tawhlo ang," atih chuan ka peve mai a,a phone alo kenglo ani lehpek ang chu.Ka phone aṭang hian a ṭhiante pawh abe mai ṭhin a,a phone ah Whatsapp tih ang reng a khawih ve siloa,ka phone ah erawh a ṭhiante biak nan a hmang zeuh ṭhin.





"I phone ah Whatsapp hawng ve mai la,ka phone ah i hmang tho sia," ka tih chuan min chhanglo,ka phone a khawih chu kan endun a,an ṭhian ho group ah alut zeuh a. "Ka phone sawn Whatsapp a support velo," ati leh nghut a rilru a awm awm hi alo sawichhuak tawp zel.





"Ka awilo emai a," ka tih chuan ka biangah a fawp zeuh a. "Zanin chu kalo kawl lawk ang,ka phone i kawl mai dâwn nia," atih hnuah a nau a en zawk a. "I duh chuan riak rawh,ka phone kava la ang" atih hnuah ka chhan hma in a chhuak zui daih.





"Riak rawh atih kha keimah ami," Sente'in min lo en deuh haw paha atih chuan kabu nghat, "taka naktuk ah mokawr en na ah kalo kal ve,au in asawi a ka kal ve chak" Sente'in minlo hnaih ruak pahin ngenngawl zetin ati sep a.






"Aw ilo kal ve dâwn nia," ka ti veleh ta tawp a.Kawm tur hi a neilo ve thei sia,ka khawngaih reuh naktuk class an kal dawn bawk siloa,tih tur a neilo lehpek aniang.





Ṭhazuala lo lêt leh chuan a phone minlo pêk chuan kalo ban ve mai a,phone in kawl thleng hi ati ve ziah a.Zanin chu a phone ah Whatsapp ka hâwn sak ang,khawih tur a neilo thei ropui si.





"Kava phei ange,naktukah kan inhmu dâwn nia," ka hmuia lo fawh vang vang paha atih chuan ka hnial lemlo. "U minlo nghak rawh,Kalo haw ve dâwn" Sente'in tih pahin a u chu a um dawr dawr mai,an unau hi hriatthiam loh chang ka ngah,thil hi an ti leh thut thut ṭhin a.






Naktuk lamah thawh hma kan ngaih avâng in kawngka kalh ṭha in keipawh ka chho vat a.Ṭhazuala phone ah chuan Whatsapp ka hâwn ngei bawk a,a theih lutuk ringawt,a peihloh vang mai mai niin ka hria.





Whatsapp ka hawng hnu rei vaklo ah message alo lut ta sup sup mai,hmeichhe ho message vek ani,hei vang hi ami Whatsapp alo hâwn duh loh chhan ni ang.Chuan message lo thleng zingah chuan mak tih deuh ka nei, "bawihteii khan a hmangaih lutuk che asin,la dam ve sela chuan chhûngkua hlimawm tak in din ngei ang," tih Message chuan ka mit ala nghal chat.






Message chu ka hawng zui vat a,a dp ah chuan Ṭhazuala nen a an lakna ngei a hmang bawk.Ṭhazuala pawh a lang smart khawp mai,an la upa vak in ka ringlo,an hmel pawh ala naupang lutuk.





An inbiak na hlui chhiar tur a awm mang siloa,hemi te chiah lo thleng hi ka hrethiam lo,a thil sawi awmzia hi ka hre chak zet zet,mahse ka biak chuan ka tih sual ka hlau sia,mi pawi ka sawi palh ka hlau bawk si,rilru nuam zanlo chuan mut ka tum ta ringawt a.Ṭhazuala pawh naktuk lamah ka zawt chiang mai ang,ka phone akawl hi chuan eng eng emaw a khawih ṭhin a,a biak hman ngai siloh a.


Show post links
Top

[Ngaia]

Chapter-18

ZONUNSANGI POV

"Lungawi loh na inei ami," Ṭhazual'an atih chuan kalu ka thing nghat a. "Taka,nizan ah hemi Message hi i dawng hlawl a," a phone entir paha ka tih chuan alo la ve vat,a en vang vang hnuah a thaw hak a.





"Ka bialnu hlui anih kha," minlo melh zeuh pahin ati ve mai a. "A boral tihna ami," ka tih chuan abu veleh nghut,a hmel chu chik deuhin ka en a,a hmelah ringawt chuan engmah ka hre theilo.





"Eng vanga boral nge a," kawr en mawlh mawlh pahin kati sep a.Mokawr leh Ṭhazuala te coat suit hak tur kan en fel vek tawh a, Damilia'i leh Zuala te kan piah lawkah an awm bawk.





"Accident" tih pahin kawr pakhat a lakchhuak a,analh reuh lutuk,ka rinai in Ṭhazuala hian nalh ahria a,a mit aler ka timai.





"Engtia accident nge a," ka tih chuan min chhan duh ka rin tawh loh nen "car in an chhûngkua in,mahse amah chiah a boral" ati zawi deuh sup a.Ka khawngaih reuh tak tak ani.






"Inneih asawi vel kha,in tum ve deuh ami" ka tita zêl a,ani pawn ṭha deuhin min chhang ve zel tho, "tum mahse athi hman" ati leh deuh Tlawng a. "Damdawi itih chhan hi.." ka sawi zawh hma chuan "anilo,a boral hnu rei vaklo ah kan ṭhian ho in kan ti ṭan,amah vang anilo" atih chuan ka zawt tawh bik lemlo.





Inneih a hmanhmawh em em chhante hi hei vang hi ani thei mai angem tih te ka ngaihtuah a,ka khawngaih leh hnuhnawh.





Nileng deuh thaw in bazar ah kan vak kual ani ringawt,in kan thleng chu ka chau hnawk thei.Kanu in kan thil leite chu alo dah fel zung zung a,ka hak tur pawh nalh ati khawp mai,Senteii pawh alo phei rang khawp a,vawiin lamah lo kal atûm viau ania anu in a phal siloa,alo kal talo kha ania.





"Awi analh e,ka ha chhin dâwn,pasal ka van neive chak tak" ati leh ṭhin chu kanu nên kan nuih tawp.Senteii hi chu a rilru te hi aṭha ve huat huat sia,pasal ṭha deuh nei se ka duh pui khawp mai.





JEDIDIA LALCHHANCHHUAHA POV


"Zonun'in pasal aneih dâwn avâng ami hetia i awm,ila hmangaih tiro" Rosy'in atih chuan ka en zawk a,ka kut ka khup ah dah in ka thaw leh hak ṭhin.





"A tîrah khan ṭha deuhin minlo hrilh maila ṭha tur ania,keichuan ka hmangaih lutuk che u ka pum a ka fa nên hian,mahse i hmangaih na ka dawng let ve theilo hi hreawm kati,ahma khan minlo hmangaih amaw itih kha duhna ringawt anih kha,i hmangaih tak tak chu Zonuni zawk saw tiro" mittui tling pam a Rosy'in atih chuan ka kuah vat a.





"Chutiang engmah a awmlo,kan hna lamah kan tluang vaklo a,chuvang zawk chu mawle,ka fa nên khân ka hmangaih lutuk che u" a chhîp a fawh zeuh paha ka tih chuan min kuah nghet ve salh.





Rosy-i khan a sawi diklo hauhlo,Rosy-i hi ka hmangaih thei tlatlo,mahse ka fa lo piang tur nu ania,engtikah mah ka phatsan ngailo ang.Rosyi hi ka hmangaih theih nân theihtawp ka chhuah ang,Zonunsangi pasal nei tûr erawh chuan ka rilru ati na ve khawp mai.





"Inhnuai lamah zu chhuk la,ka hna hi ka zo law law anga kalo chhuk ang" ka tih chuan nui ver ver in a chhuak ve vat a.Zonuni nen a kan thlalak ka phone ami chu ka en vang vang,midang ta ani mai tur chu ka ngai thiam lullo ani,mahse ka tih sual ania min chelh lai khan kalsan lo ila chuan hetiang hi a thleng lo ang,engkim hi ka thiamloh vek ani,a rualin hmeichhe rilru pahnih ka tina anih kha,ka hremna ah ngaiin tuna ka dinhmun hi lawm taka ka pawm angai ani.





ZONUNSANGI POV

Inneih hma in ka u thlan ah ka nu leh pate nen kan kal a,Senteii kan rualin alo kal ve bawk,min ngaina ta lutuk hi amak ka ti zawk,kanu nên phei chuan an inpawh takzet,nufa ang mai anni.





"Mama,i nau in pasal anei ve tawh dâwn asin,i nau i duat em em ṭhin khan,i lawmpui ve viau ang tiro" kanu in atih chuan ka mittui a fâr ve fep mai.Ka u hi la dam ve sela chuan tûnah hian khawvel a mi hlim ber kani ngei ang,ka rilru lehlam ah ka u a awm ve reng a,ka hlimna a famkim thei tak tak tawhlo ani,khawvel ah hian ka u ani leh tawhlo tur hian ka rilru ati na em ani,ka thinlung ah erawh ka u duhtak kha ala ni reng a,u tih a koh tur a awm tawh siloa.





"Tiru i phei phawt ang u,mama zawng a awm na anuam tawh em a,min hrechang tawhlo anih kha" kapa in kanu dar a kuah paha atih chuan keipawh ka ding ve vat.Ka u hi mifel tak ania,kohhran ah pawh a inhmang lutuk,mahse a duhlo tak neih tir an tum vang vek kha ani,khami zan a accident zan kha fur lai ania,zanah ruah a sur nasa bawk nen a accident ta kha ania.Ka u hmel ka hmuh tawp ber na tur ani ang tih reng rin ngaihna ka neilo,a bialnu pawn a tuar viau anih kha,nupui dang neih tir an tum chhan kha keichuan kala hrelo hrim hrim,uSangsangi hmelchhe fel tak ania,eng vanga neih tir duhlo nge an nih ka hre hauhlo.





"Sawti laia thlan saw ihmu em," Sente'in atih chuan kabu nghat a, "nichin aṭang khan a thlan a pangpar saw a che char char,thli a thaw bawk siloa" atih chuan ka nui hak.





"I ngaihtuah nasa thei lutuk a thil hi,i hlau in i hmu diklo mai mai anih kha," ka tih chuan a ner nang nang a. "Au bialnu thih zan pawh khan a hrang antia,au kha alo tlawh aniang,Tuikual ah an awm a,a fel lutuk fel chu keimah pawh min duat,an hausa a mahse a pa khan a boral san hma ve a,a puitling reuh asin aw,tûnah hian la dam sela chuan an innei tawh maithei,awi apawi e ka sawi vak a nuamlo iti em,ka ṭawngthei lutuk a keichu" a ka hup meuha atih chuan ka nui hak.





"A ho emai,nunhlui vek ani tawh alawm,ava khawngaihthlak ve a,a boral in i u in atuar em," ka tih chuan thil ngaihtuah hmel hi apu, "a tuar leh tuar loh pawh ka hrethiam lo,tilai kha chuan damdawi ala tilo a,a pangai ang rengin a awm in ka hria,a boral tirh lai vêl kha chuan ava kal ve tluk tluk a,mahse tûnah chuan a kal duh tawhlo,anu in alo ṭah khum zêl aniang" ati ve sep a.





"Ka u nen hian kan inkawm ngeih ve a,kan tetlai phei chuan a kalna piangah zui ka tum ṭhin kanu in atia,khami zan a ruk zan che pawh khan mak kati sin aw..tiang khan a awm ngai siloa," ati leh sep a.





"UBaby'i kha chu maw a taksa kha ano rap,vawikhat ben pawh a dawl lo,ahma in ka beng palh a a sen nghal vek thei ka ben na lai kha,a vun a sensitive lutuk a,afel lutuk mahse tlem in a chapo ṭep zêl a," ati leh sep sep a,a sawitui khawp mai.






Kan in kan thlen pawh chuan an in lamah lût lo in kan inah bawk alo lut nghal a,min kawm ngeih lutuk chu ka lawm reuh phian zawk,a Frank thei reuh bawk sia.





Kan ti nek nek a,kan inneih ni tur pawh naktuk mai ani tawh,vawiin lamah man kan inhlan fel a.Rosyi leh Jedidia te pawh anlo kal ve ngei a,Rosy-i pawh a puar ve ak tawh mai.





"Ka tihpalh," Jedidia'an atih ringawt chhan erawh kha ka hrethiam lo khawp mai,eng vanga ngaihdam min dil ve ringawt nge anih ang tih te ka ngaihtuah a,mahse mi an tam bawk nen ka ngaihsak vak hmanlo.





"Tihian ka lei fel tawh a,a tawk mailo ami,ka hâwn nghal theilo ami" ding meuh a Ṭhazual'an atih chuan ka pawt ṭhu rang khawp mai.Kapa te anla nui huk zui,ka va han zak mai mai tak.





"I mawl emai,Lalṭhazual" ka ti deuh hlak hlak a.A ṭhen in a fiamthu amaw anlo ti thul,mihi a tizak thei alâwm,ka ṭhiante anla awm ve nual zui a.Amah ngaina lo em em tu pi Thiangi te nufa anla awm zui leh nghal a, doctor Mapuia pawh rinloh deuhin alo kal ve hlawl a,Remremi nen pawh an hmatawn chiah in an ṭhu a,a hreawm ti hmel chu ka khawngaih lutuk, doctor Mapuia pawn a fapa chu a en duh khawp mai,Zodiki a awm a ka ngaihtuah em em hranlo thung.





"Naktuk te chu inla ti hram hram ang chu,naktuk chiah nghah a ngai tawh alawm" pa ho in Ṭhazuala fiam pahin anti nak nak a,ka zak lutuk chu ka hawichhuak ṭha ngam tawhlo rere.





"Nangmah vang vek,mawl leh lutuk" ka ti leh hluk ṭhin a, "nupa kan nih hi inhnial nghal a ṭhalo anti," inla thutak deuhin ala tizui.Hepa hi eng nge maw a hriat ve ni, Damilia'i lah chu anuih aza thei khawp a.





"Awi bawihte mu tawh ta che u,a tlai tawh lutuk,naktuk pasal ineih niah i mawi lo palh hlauh anga sin" kanu in atih chuan kalo aw ve vat a.Ṭhazuala haw tur lungawi lo hmel lutuk ringawt ka mitthla ah a lang,tikhan inneih azo nghal amaw atia,a len ve tawh tawh nen hrethiam rual chu ani ve tawh mawle.






Ka mut a chhuak ve bawk nen ka muhil har em em hranlo,ka ṭhiani pawh a mu hma khawp mai,naktuk a nalh loh a hlau ropui sia.






"Mate,bawihte nizan i mengrei em a thawh i hai animo," kanu in atih chuan peihlo zetin dar zât kalo zawt ve mai a.





"Dar sarih leh chanve ari mai dâwn,nidang a i thawh hma theih nen a awm," atih chuan ka tho rang khawp mai, Damilia'i pawh ka rinloh deuhin alo tho ve tawh ngei a.





Min chei tu tur alo thlen veleh min chei nghal mawlh mawlh a,hun kan ngah loh avâng in chaw pawh ka ei puar pawn ka hrelo.Biakin lam panin kan tlan chho nghal a,kan inneih dar ri te chu amawi bik ngawih ngawih in ka hria.





Tunah chuan mi nupui ka nive dâwn ta reng mai,inneih thutiam kan chham laite chuan ka zam ve lutuk,mipui in min en ṭhuau sia,camera a phe chuai chuai bawk nen mahse Ṭhazuala bula ka awm hian ka sawi thiam siloh in ka thla amuang.






Inneih hun serh azo a,thlalak leh adang dang pawh arei lemlo,kan in bul lawka lawi tur ka ni bawk nen ka bungrua vel pawh ka ṭhiante leh midang ho in an zawn phei vek tawh anih hmel. "Kal ang ule bawihte," kapa in arawn tih takah chuan kan inzui chhuak vat a,ka kalna tur a hnaih vang nge ka hlim ve lutuk ringawt.





Damilia'i pawh a ka a chip thei meuhlo, anui sang reng mai,ka ṭhian dangte pawh keimah aiin an hlim zawk vek nimaiin ka hria,ka classmate te anlo kal nual a,Jedidia leh Rosy-i pawh an nalh khawp mai.





Pasal nei tak tak kani ve ta reng mai,ka awi theilo hial zawk,Ṭhazuala thil hrethiam lo thei lutuk hi nuih zât lamah pawh a kal theilo,thil te hi asawi leh phawng phawng zêl a,Senteii nen an mizia a in ang khawp mai.





Ka nute haw tur in uluk takin eirawng bâwl pui tur tih te min hrilh ve duah a, "naktuk lamah kalo en leh ang che," atih chuan ka nui tlawn ta ringawt,midang ho erawh anla awm neuh neuh a.Kan intih fai hnuah inhnuai lamah pawh chhuk tawh lemlo in roomah kan awm chawt a, "naute uluk deuhin kan siam dâwn nia" hnunglam aṭang a minlo kuah paha Ṭhazual'an atih chuan ka nghawk sawk.





After 2 years(kan ti daih teh ang)

Pathian zarah kum hnih lai Ṭhazuala nen pawh kanlo innei ve ta reng mai,ani pawh a fel tawh em em a,Pathian in fanu duhawm tak min pe a,tûnah a chhâng tur ka pai leh mek,bawihteii alo pian tirh khan Ṭhazuala damdawiin ah alo thleng hman siloa,a lungawi lo lutuk khan a bul aṭang pian tir leh rawh u atih laia ka nuih nasat zia kha,Ṭhazuala pasal a ka nei hi ka tisual lo khawp mai,min duat thiam reuh em em a a fanu pawh a duat thiam khawp mai,awm hluak hluak thiamlo mahse a theihtawp chu a chhuah ve tih ka hria.





Jedidia te pawn fanu tho an nei a,kan fanu ai a upa daih thung.Kan fanu hming hi apa phuah ngei ani bawk, "Judith Lalṭhasangi" tiin a phuah a,kan neih hma aṭang a hming a hual lawk ani bawk a midang in phuah chak hle Mahse amah hian a chuh tlat sia,an phuah tir tawp kha ania,nau ka pai tih ka hrilh tirh khan a awmna min zâwt a.Ka pumah a awm ka tih khan a hrethiam lo lutuk a,a tîr phei chuan damdawi in ati â amaw ka ti hial anih kha,fiamthu a thawh ve te lah hian anui ngai miah siloa,nuih na tur ani leh nih loh hi hriat a har thei khawp mai.





Kanu leh pa ten ka fanu an lawm em em a,Ṭhazuala nu leh pate pawh anni tho,api leh pute hian an chang chawt ani mai,keimah phei chuan zan mutna ah bak ka chang ve hman ngailo.Senteii pawh phai lamah thil zirin a awm thla a,a ngaihawm reuh tak tak ani,a vahnu hi angai ve thei ropui sia,a khawngaithlak zawk.





Ka naute neih hun a hnai veleh tawh bawk nen duh ang in ka che ṭha hleithei tawhlo,tun ṭum ka naupai chu alian viau mai a,tui ka pai hnem anih an ring kha ania.Bawihteiin chhang anei hma dâwn lutuk hi a tir kha chuan ka zak viau a,mahse kanu in Pathian malsâwmna anih kha,lawm hle zawk rawh min ti deuh zêk a,keipawh ka lawm lo chu ani miahlo mahse keimah hi nau ka pai hian ka hah thei em a.






Zantir aṭang ka pum anuam lo deuh reng a,ka ngaih aṭha vaklo,nau ka awl sia Judith'i apian pawh khan damdawiin kan thleng hmanlo ṭep kha ania, "nu ka pum hi anuam lo,nau ka vei nge mawni ana reuh lutuk,bawihteii a pian dâwn a ka awm ang khân ka awm" ka tih chuan alo tho ve vat a.Ṭhazuala pawn kan fanu pawm pahin minlo pan phei vat.





"Damdawiin lamah chho vat angai anih chu,khawi bawihteii kha Ṭhazual ipa motor va lachhuak rawh," kanu in ati sawk sawk a,ka kal thei tawhlo hrim hrim.Kan nula in motor awmna thleng min kuah phei a,kanu te pawh kan thawm hria in anlo chhuak rang khawp mai.





Ka pum ana tawh bawk nen engmah ka ngaihtuah ṭha thei tawhlo,ka sawi ang tak tak in nau kalo vei chu niin,damdawiin kan thlen hnu rei vaklo ah nau neih na roomah min nawrlut nghal a.Naute ṭap ngak ngak ri ka hriat chuan ka nate a bo duak nimaiin ka hria, "a kut leh ke a kim e,naute mipa in nei e" nurse in atih chuan ka nui ve ver ver mai.





Ward chhunga min nawr luh te chuan ka chhûngte anlo awm kim leh ṭhap tawh,Judith'i pian lai ang chiah in ani,naute hming erawh kapa te pahnih in an phuah thung.





Keima pa in a sap hming a phuah a,Ṭhazuala pa in a Mizo hming,Ṭhazuala hlim hmel chu hai theih rual anilo,kan fapa hmingah chuan "Gabriel lalvenhima" tiin kapa ten an sa a,Pathian in a vênghim zêl turah ngai ang.





Kapa in naute ṭha taka ka neih theih avâng in lawmthu sawi ṭawngṭai na anei a,kan ṭawngtai zo chiah tih ah bawihteii leh Ṭhazuala ka bulah anlo ṭhu nghal chat,a fapa chu a en leh vawng vawng ṭhin a.A hnute hne laite chu a melh deuh ngawt ngawt mai,ka pasal hlimna hi ka ṭawmpui lutuk ringawt,bawihteii chuan ala hrethiam vak lo a,Apu in "kalo pawm ang, ka tunu kha" atih takah chuan Ṭhazuala pawn ape vat.





Hetiang anga chhûngkaw hlimawm hi ka din thei ang tih rin ngaihna ka neilo,pasal pawh ka neih ka ring ngailo kha ania,mahse engkim hi kan ṭhatna tur zawkin Pathian hian alo ruat fel vek mai sia,amak ka ti zawk khawp mai,hetia fanu leh fapa ka neive ta mai te hi mumang a ang rum rum zawk hial ani.




The end.


Story hi ka rawn ti tawp deuh thut,a chhan chu naktuk aṭang hian ka hman dawnlo a, programme neuh neuh kan neive reng tawh dawn a,story thar nen kan inhmu leh vat dâwn nia.Story thar tur chu uluk deuh leh ngaihnawm deuha ziah ka tum tawh a,inlo nghah deuh pawh angai ang awa tawp thleng a minlo chhiar sak avang in ka lawm e


Show post links
Top