MY PASSION BY Becca Lnz (Completed)

[Ngaia]

Chapter-19



Flora Laldinpuii POV




Gabi chu a reh zui ve mai dawn emaw ka tih laiin zantin chuan ka in kawt ah a motor chuan a rawn ding thin a, ka inah tak rawn luh a tum ngailo thung, chutianga a awm chu duh lo hle mahila sawi buai ka tum lo, a duh ang ang chuan che se ka engah mah a thawh loh zia a hriat chian hunah a beidawng ve mai ang, Abbie leh Nu Ruthi leh Pa Marka te chuan min rawn be reng a, ka ei duh zawng te min rawn zawt reng thin bawk, sumdawnna zawng zawng ka enkawl tawh dawn avangin ka buai tan hle a, engmah ka hriatthiam loh avangin Mska'n min pui nasa hle, ka hriatthiam loh lai te chu min hrilhfiah a, tunah chuan a kal hmang pawh ka man ve tan tawh a, ka tih theih ve mai chu ka in ring.




Naktuk atang hian hna ka thawk tak tak tawh dawn a, ka in buatsaih ve nasa hle, ka patea khan nasa takin sumdawnna a lo zauh a, chuvang chuan kan sumdawnna pawh ka pe nual, patea chu a lawm thiam em em a, ka laka a awm thin dan te avang pawh khan ngaihdam min dil a, a inchhir hmel hle bawk, keipawhin ka lo ngaidam a, a theihtawp a min puih a tum thu a sawi ve bawk, nutei nen erawh kan la in be fuh theilo a ni ber, nimin maiah pawh khan ka inah min rawn kal chilh in min rawn an khum chiam a, patea rawn thleng hman lo phei se chuan enge thleng ang ngaihtuah pawh ka ngaihtuah duh lo zawk, thinrim takin an in hruai haw ta kha ania.




Diki pawh restaurant atang a bang a, ka bulah hna a thawk dawn a ni, ka lawm hle bawk, kan sumdawnna hi car lam a ni a, a dang pawh awm ve neuh neuh mahse car ber hi kan sumdawnna liam ber chu a ni, ka pa kha pa fung tih takah nakin zel a hlawk tur ang kha a thlang a, car lam leh dawr te zawnah bungrua te a pe thin a, ka pa dam lai kha chuan la lian lutuk lo mahse kan khawsak kha a harsa ngailo, tunah phei chuan Mizoram a motor zawrhna lian ber a
hial tawh. Ka pa sumdawn na ka enkawl tan tur chu ka phur a, ka huphurh bawk, karkhat chhung chu ka kal ve tawh a, mahse training ang in ka ka thin, naktuk atang chuan a neitu ber ka nihna angin ka kal tawh thung ang, chutiang ka ngaihtuah chuan ka mumang emaw ka ti hial thin, harsa takin nun ka hmang a, tunah chuan nun nuam taka ka hman theih tawh hram ka beisei.




Diki hnen atang call ka dawng a, phir zetin ka la vat, "Naktuk chu min lo nghak la, kan kal rual dawn nia aw" ka tawng hma hma chuan a rawn ti zung zung a, "Awle, Diki ka mumang emaw ka la ti hial mai, ka phur rual rual in ka huphurh" ka ti sep a, "I hope lutuk, engkim tha takin i enkawl thei tih ka hria alawm, I hnuai ah ka thawk mai dawn chu a nisia, in ti thu viau suh ang che, chuti lo chu ka bang leh nghal daih ang" nui har har chungin chuan a rawn ti a, "Ka in ti thu viau dawn ania, i hah viau ang, min tlawn hle loh chuan" ka lo ti a, min eilo leh mai mai ang chu, ka bulah awm ngawt se chuan a kut ka tuar leh tawh hrim hrim ang, "Over suh, han sual na teh, i chak lovang" a rawn ti a, ka nui hak hak a, a ni pawh a nui veleh tho.




Chaw te ka ei a, ka in chu ka en kual a, ka ngai ngawt ang, tunah chuan ka pa te nen a kan chen na thin ah ka in dawn tawh dawn a, nutei leh patea te pawh an chhuak tawh, tul ka tilo viau na in ka patea chuan "He in hi ka unaupa ta a ni a, amah a awm tawh lova, I ta a ni tawh, kan hnen a I awm lai khan harsatna tamtak i tawk a, tunah chuan eng harsatna mah siam sak che ka duh tawh lo, I nutei'n i lakah suak a chhuah lai khan ka lo en liam mai mai thin a, ka thiam loh vek a ni, tun atang chuan ka fanu ang tak tak in ka en tawh che a, nakin ah ka boral hunah ka u ka hmuh hunah ka hmachhawn ngam lo mai ang, chuvang chuan hetah hian nang cheng ka, keini kan chhuak ange" a ti kha a nia, nutei chuan chhuah a duh lo hle a, patea'n then ah a vo takah kha chuan lungawi lo deuhin a chhuak ve ta a. Kan cheng ho thei reng tih ka hria, mahse nutei chen pui leh kha ka duh tawh lo a ni.




Zing ah chuan ka harh hma hle, ka helh hawlh ni berin ka hria, Diki a rawn thlen chuan kan in zui chhuak nghal a, kawrfual ka ha tawp a, ka dul puar ve ak tawh chu a lang ve deuh, thla li a ni ve tawh a, scooty vel a chuan ka duh loh avangin taxi in kan kal a, kan thleng chuan ka chhuk nghal vat a, a chhung ah kan luh chuan zahna chibai min lo buk liam liam a, awmdan ka thiamlo lek lek, an fel hlawm em em a, sawmhnih dawn chuang an thawk a, an vai mai chuan an hmel hmuh a nuam em em a, dawr kan hawn tak tak hma chuan in hmuh khawm ka rawt a, room pakhat ah kan awm thap a, ka kal ve reng tawh avangin ka hre hlawm tawh viau, in hmelhriat tirna em em pawh ka nei hran lo, "In hriat theih angin vawin atang hian dawr hi ka enkawl tawh dawn a, thian anga kan in en theih vek ka beisei, nangni aiin a kal hmang pawh ka hre dawn lova, chuvang chuan engkim ah in mi hriatthiam na sang berin min dawm thin dawn nia" ka ti a.




"Chuan buaina emaw harsatna in nei a nihchuan ka hnenah inthlahrung lovin in sawi thin dawn nia, hna a thawh tan theih e" ka ti a, room atang chuan an chhuak sap sap a, "Wow.. i thusawi lai khan I in la mi tak ve lutuk a, ka nuih a lo za lutuk" Diki chuan a ti a, ka nui hak, keini pawh chu kan chhuak ve a, motor en tura lo kal pawh an awm ve neuh neuh a, pakhat chu kan hralh nghal a, kan customer te hnenah chuan lawmthu ka sawi ve luam a, Diki chuan ziah fel ngai ang ang a lo ziak fel a. Kan buai ve nak nak a, chhun thil ei a hun chuan office atangin kan chhuak a, Mska leh Rina te an rawn lut ve hlawl a, Rina chuan pangpar a keng bawk, "Dawr neitu nu hmuh kan rawn tum a" Mska chuan a ti a, "Enge nita, motor rawn en turin em ni in rawn kal a?" uang zet chuan ka lo ti ve a, kan nui dar dar mai.




"Tak tak in i dawr hi a nuam khawp mai, i mi chhar te lah an fel hmel bawk si" thutak deuh zawkin Rina chuan a ti a, "Nia, an fel khawp asin" ka ti a, "Khawiah nge kal in lo tum a?" Mska chuan a ti ve thung, "Heii.. kan raipuari hi a riltam a, thil ei kan lo tum mawle" a tihchuan "Ok.. kal ila, keini pawh engmah kan la ei biklo" mipa te chuan an ti a, kan in zui chhuak a, restaurant changkang lutuk lo ah chuan kan in zui lut a, "Hetah an thil siam tui ber chu chow satui leih a nia" Diki chuan a ti a, kan vai chuan chow satui leih chu kan chah a, kan eitur a rawn la thlen loh avangin kan ti ti nak nak a, "A van rei reuh" ka ti hluai a, "A va tam tawh awm ve" Mska chuan nui var var in a ti a, "Ka pum chhungah naute hian ka ril a tam tawh tiin ka pum a rawn tlawh chhen tawh mai" ka tihchuan an nuih a zat hmel hlawm hle.




In ka thleng a, a tlai deuh tawh avang Diki pawh a haw tlang nghal, inchhung ka lut tur chiah chu tu emaw hian ka banah a rawn man a, ka hawi let vat, Gabi nen chuan kan in hmachhawn ran a, a bawr chhawr hle lehnghal, mitmeng dul ruih in min en a, keipawh chuan ka en let ve ran a, "Bawihi" ti sup in a lam ah min pawt hnai thut a, nghet zetin min kuah nghal, ka tal nawk nawk a, awmzia a awm lo, ka ngawng ah chuan hmai a rawn phum a, a thaw ham ham bawk, ka nghawng a thawk khum avang chuan ka mu deuh ar ar a, "Ka ngai che" ti supin ka nghawng chu a fawp zauh a, a hma aiin ka tal nasa zawk, mahse awmzia a awm lo.




"Enge i hriat a, min thlah vat rawh" ti that in a awm ah chuan ka chum dawt dawt a, min thlah ve hram, mahse ka kut ah ala man reng thung, "Vawikhat mah ti khan rawn che tawh suh" ka ti a, ngun zetin min en a, "Bawihi min ngai ve miah lo a ni, tunge hetiang hian i awm, khawngaih ka hnenah rawn let leh hram rawh, I tello chuan ka nun hian awmzia a neilo" a ti a, a aw ah chuan a chauh hmel hle, "Hetianga ka awm nachhan chu nangmah i ni, chuvang chuan khatiang thu kha min zawt leh tawh ngai suh, chuan ngaihna chhan tur che ka neilo, chuvang chuan ka hmaah hian rawn in lan tawh ngai suh ang che, ka kut hi thlah rawh" ka ti kha fak a, a lu a thing nawk nawk a, "Nilo, nang hian min la theihnghilh biklo tih ka hria, a chhan chu min hmangaih vang in" a ti leh a.




"Hun kal tawh sual chhuak fo lo teh, ka hmangaih che ni e, ka hmangaih thin ngei che alawm, mahse ka hmangaih na che hi a dai zo ta a ni e, min ring thei miah lo tu mipa hi hmangaih reng tumna ka nei lo" tiin ka kut a vawn chu ka thing nawk a, thlah a hnek in a vuan nghet tulh tulh lehnghal, "Tiang hian awm suh, min la hmangaih, ka hmangaih ang chiah che hian min la hmangaih tih ka hria, khawngaihin ka hnenah lo let rawh, nang lo ka nun ah hmeichhe dang reng reng an awm ka remti l, Bawihi vawikhat chiah chance min pe leh rawh" a ti tawk tawk a, a awm dan chuan min ti na mahse nem mai mai ka tum tlat lo. Chunglam hawiin ka thaw chhuak hak a, ka awm dan chu hriat hmaih hlau ang hrim a chiang in min lo en a.




"Gabi ka sawi chuan tawh kha, i hnenah rawn let tumna ka nei tawh lo, min ring rawh I ti a, I thusawi ka ring tlat tawh ang i ti a, mahse enge thleng kha i mit a i hmuh chin chiah i ring a, i hnen ah in sawifiah ka tum nasa mahse nang chuan dawt sawi ang min ngaiin ka mamawh hun ber lai che in min en san a, hmeichhe dang min pan san a nihkha, tawngkam chhe tak tak in min tawngkhum bawk, khang te kha ka theihnghilh mai ma theih I ring ami?" ka ti hap a, ngawi rengin min melh tlawk tlawk a, "Sawi tur i hrelo a dik em, ka harsat na tawh zawng zawng te avang khan ka na ve tho a sin, khatiang thil a thleng kha mak ka ti ve tho, i hnenah pawh in sawi fial ka tum nasa, mahse nang chuan ka thusawi I ring lova, i duh dan angin i che bawk" ka ti leh a.




"Ka hria, ka thiltih avang khan ka inchhir takzet a ni tih hi min hmuh sak hram teh" ngenngawl zetin a ti leh a, "Khami zan khan i rilru a buai vang a nih ring in ka be duh lo che a a tuk a i office ka lo luh khan beisei na sang tak nen ka rawn lut asin, mahse enge thleng kha, nang chuan tawngkam na tak tak a min ṭawngkhum in Irenei hriat lai ngeiin engah mah ka tluk loh zia min sawi khum a nihkha, kha thil thleng vang khan ka na hle tih ngaihtuah lek lovin i natna chiah i hmu lian a, ka sawi chiang viau a ni lawm ni, thudik i hriat hunah pawh ngaihdam min lo dil lo tur leh inchhir lo turin ka tih che kha, inchhir na tur I neih loh thu in min chhang a nihkha, a nih si chuan engvanga tunah ngaihdam min rawn dil tum leh nge i nih?" ka ti leh that a.




"Ka hria, ka lo a em a tinni, ka hmeichhe hamhaih ber ring duh lovin ka Mita ka hmuh chiah ka lo awih kha ka damchhung zawnga ka thil tih sual liam ber a ni, mahse Bawihi vawikhat chiah chance min pe leh hram kha, khatiang thil kha ka thlen naw tir leh tawh lovang" a ti leh a, "Nilove, ahma pawhin khatiang chiah khan I sawi tawh, mahse enge thleng kha, mun ring leh chuanglo a nihkha, chuvang chuan engkim tawo tawh a, min rawn hmu fo tawh suh, I tello in nun bul ka tan tha tawh a, nangpawh in ka telo a nun hman tum zawk rawh, i hnenah hian ka rawn kir leh thei tawh lova, duh pawh ka duh hek lo" ka tih leh chuan a mitmeng ah natna inchhir na leh inthiam lohna chu ka hmu a, ka kut chu ka thing thla a, ka in her rual a a thusawi vang chuan ka tawp leh chawt a.




"Ka sawi chu I hria em, ka beidawng chuang lovang, ka neih let leh hma che chu ka bei ang, ka damchhung pawn beih ngai mahse ka beidawng dawn lo" a ti leh a, "I duh phawt chuan le, mahse awmzia a awm ngai chuang lovang, chuchu hre rawh, nang ang mipa lakah hian ka un seng thlawk ka duh tawh lo, hun a ka anga nang hi chu ka la theihnghilh vat ang che" ka ti ve ta fak a, a kiai suk, "Bawihi min theihnghilh theih I in ring em ni, ring buai duh suh, kha i pum chhungah khan kan pahnih fa tur a awm mek a, kan fa lo pian hunah a hmel i hmuh apiangin keihi min hrechhuak thin ang" a tih leh chuan thinrim tak ka ni, "Ka fa chauh a nihhi, I fa a ni velo, I fa anga sawi tum hlek suh" ka au tuar a, "In sum rawh, naupai lai chuan thinrim vak a tha lo a nia, ka sawi kha hre reng rawh, ka beidawng lovang" a ti leh hram a.




"I theih tawp chuan han bei ta che, awmzia a awm chuang lovang, nang ang mipa tenawm lutuk hi hnaih leh tumna che ka nei tawh lo ka tihkha" ka ti a, "kan la hria ang chu, ka kal phawt ange, kan naute nen khan lo in enkawl tha rawh u aw, ka hmangaih che" tih pahin a kal nghal nal nal a, thinrim zetin ka en a, tih ngah na tak pawh ka hre tawh lo, a beidawng duh lo lutuk chu keimah zawk ka beidawng hial a ni, ka in kawngkhar chu hawngin thinrim zetin ka lut a, ka bag chu thutthleng ah vawm in ka tei kual chhen a, keimah leh keimah chu in bia in ka thinrim lutuk chu ka ke a per leh vak tin, awmzia erawh a awm lo khawp maim Zanah chuan naktuk ah in that ah ka in sawn dawn avangin ka thawmhnaw chu ka pack mawlh mawlh a, ka thiante chuan min rawn pui ve bawk.




"Engtinge i bungrua te hi tih i tum?" Rina'n a tihchuan "Ka hnutchhiah ang, karleh lamah rawn kuah lut tur an awm a, bungrua an nei vak lo Nu Chhingi khan a ti a, an hmang theih ka ring a" ka ti a, "Aw.. a remchang khawp ang chu, i in turah bungrua vel chu a thar vek a awm tawh tho a" Diki chuan a ti a, "In that lawm nan chaw eikhawm nei ang u aw, naktuk tlai ah" Mska pawh chuan a ti a, "Tehreng mai, in hman phawt te chuan" ka tih takah chuan an phur hlawm khawp mai, chawhmeh vel an rawn lei nghal tur thu kan mipa te chuan an sawi a, ka sawi buai lem lo, eirawng pawh an pahnih hian bawl se, Diki nen a kan eirawng bawl ai chuan a tui zawk ang. Diki chu a riak nghal dawn a, Mska leh Rina an haw dawn chuan pawn thleng in kan thlah a, ka in sirah bolero a ding tih ka va hmu az a thim deuh avangin ka thiante chuan an hmu ve lem lo.




Tunge tih ka chian em avang chuan ngaihsak paw ka ngaihsak peih lo, Diki nen chuan kan lut a, engmah ti kawi tawh lovin kan mu nghal, "Mska'n min neih a duh thu a sawi a" Ka thu hriat avang chuan Diki lam chu ka hawi vat a, a ni erawh in chung lam hawiin enge a ngaihtuah tih pawh hriat loh chuan a melh ngai a melh reng a, "A nimaw?" engtinge i chhan?" hre chak tawk a ka tihchuan "Ka lo in ngaihtuah ang ka ti, inneih chu ka hnial lem lo a, mahse kum khat em pawh kan la in zui silo a" a ti a, "Dik ka hrethiam che alawm, mahse Mska hi mipa rintlak tak a ni a, a hmangaih hle che tih ka hre bawk, innei mah pawh ni ula a phatsan ngai lovang che tih ka hria" ka ti a, "Nia, ka chhungte ka rawn ve phawt ang" a ti a, ka phur nghal surh mai.




Zing kan harh hnuah ka in sawn tawh dawn avangin kan buai hle, ka bungrua te chu taxi in kan thawn a, Mska leh Rina te pawn min rawn pui ve bawk, ken chhuah em em tur ka neih loh avangin kan buai lem lo, chawhnu lamah chuan ka pa te nen kan in ngei ah chuan ka awm vang tawh a, nutei leh patea te pawh an lo awm a, patea chuan tha takin kin lo bia a, nutei erawh in min melh no lo hle, an awm ve reng a "Pate, khawiah nge in awm ang?" ka tihchuan "Hman a ka in sak mi ka luah tir kha a ruak a, kan awm ang, I nutei nen chiah kan ni bawk a, kan thawk dawn khawp e" a ti a, "Awle, lo kal fo ula aw, tlai chaw pawh ei ve nghal rawh u aw, ka thiante pawh an lo ei dawn a" ka ti leh a, "Engtinge chutiang te chu I la sawi ngam, nangmah vangin kan in atang kan chhuak dawn a ni a, inthlahrun na pawh i nei nange?" ka nutei chuan chang fak in a lo ti a.




"Hmai a tawk, tawng tam suh, he in hi kan in nilovin Flora-i in a ni tih i hriat kha, rei tak kan lo cheng tawh a, tunah chuan a nei tu diktak a cheg ve tawh dawn a nimai, i rilru put hmang kha thlak vat rawh" patea chuan thinrim in sum zetin a ti a, nutei chuan engmah a sawi ngam tawh lo, mahse rum zetin min le melh ran thung. Patea hian hetiang tak hian ka thlavang a la hauh ngailo a, ka hnuk a ulh lek lek, chutah keichu min rawn en in a nui suk a, "Kan lo ei lo mai ang, kan in lamah tihtur kan la nei neuh neuh bawk sia, in thian hovin tui ti deuh in in lo ei zawk dawn nia, kan kal nghal mai ange, kan rawn tlawh fo ang che, buaina I tawk a nihchuan min rawn hrilh la aw" a ti a, a thut na atang chuan a ding uai bawk.




"Awle, a nih leh tluang deuhin in haw dawn nia" ka ti a, nutei chu a chhuak nghal hmak a, patea nen chuan kan in zui chhuak a, "I nutei kha chu hrethiam hram hram rawh aw, he inah hian kan lo awm rei ve tawh si a, kan chhuahsan tur hi a lung a la awi chiah lo a nihkha, i dawh hram hram dawn nia, a la in thlak ve vat mai ang" a ti sup sup a, "Awle, ka hrethiam alawm" ka lo ti mai a. Patea te an haw hnu chuan inchhung ah ka lut a, ka room lamah chuan ka kal nghal, ka thiante pawh an lo awm a, patea te an awm chhung zawng khan an rawn chhuak lo hrim hrim. Diki chuan ka thawmhnaw vel chu thawmhnaw bawm ah a lo dah lut a, "An haw tawh em ni?" Rina chuan a lo ti nghal sup bawk.




"Aw.. haw tawh e, Diki hahchawl ve raw, I chua lutuk ang, khate chu ka ti ve vek thei alawm" ka tih zawm nghal a, "Hah na tur a awm lo, hei ka zo tep alawm" tiin a khai chhunzawm leh mawlh mawlh a, "Keini kan lo va chhuak ange, eirawng bawl te kan ngai dawn sia, a hma vak tawh lo, tan nghal ila kan ei hma deuh dawn ania" Mska'n a tih takah chuan Rina nen chuan an in zui chhuak ta a, ka room chu ka en kual a, a zai hle, ka in luah ai pawh khan a zau mah zawk, he in lian zetah hian mahni te chiah in ka khawsa dawn chu a nia, ka phur vak lo, mahse ka naupan laia ka nu leh pate ne kan lo chen na thin kha a ni a, tlem in patea te khan an zauh deuh tih mai lo chu a la pangai vek, tuna ka room pawh hi ka nu leh pate room thin kha a ni a, an boral hnu khan nutei leh patea te khan an room ah hman an tum kha a nia, mahse ka phal loh avangin patea khan hman a tilo a, hemi room ka thlan na chhan pawh ka nu leh pa te thlamuang taka an lo mut na thin anih vang ani.




Diki chu thawmhnaw bawm atangin a rawn chhuak a, khumah ka lo thu a hmuh chuan a rawn thu ve vat a, "I va ngaihtuah muk awm ve" a ti sep a, "Nia.. a mak em alawm, hemi room hi ka nu leh pate room thin kha a nia, an boral hnu kha chuan tumah an lut ngailo, tunah chuan kei an fanu ngei ka awm tawh dawn chu a nisia" ka ti a, "Umm.. I awmdan tur chu ka hriatthiam pui che, Flora ka la sawi miah lova, mahse hmeichhe chak tak I ni, ka thiannu i nih vang hian ka chhuang takzet che a ni, harsatna tamtak tawk chungin beidawn mai i tum lova, nau i pai chung pawh in chak takin I awm a, ka tluk lo hle mai che, i harsatna tawh ang hi tawk ila engtinge ka awm ang ka ngaihtuah thiam lo hial zawk" a ti a.




"Chhel taka ka awm theih na chhan chu nangni ka thian te vang hi in ni, nangni in min thlawp in min ṭanpui lo ula engtianga nge hmalak tur nge tih pawh ka hrelo ang" ka lo ti ve a, "Engpawh nise naute hi nei vat vat tawh la, ka vel tap chak tawh" a rawn ti a, a nui hak hak bawk, "Lo piang chiah sela kei ai pawhin i duat dawn tih ka hria, chuvang chuan khatiang khan sawi lo mai teh" ka tih hlak chuan a hma ai mahin a nui nasa a, "Tiraw chhuak tawh ang hmiang, engtinge kan mipa te chuan eirawng an lo bawl chiah en ila, an bawl thiam tak tak angem aw" a ti vang vang a, room tanah chuan kan in zui chhuak a, kitchen lamah chuan kan in zui phei a, Rina leh Mska chu an lo che mawlh mawlh a, an buai duh em avang chuan min la hmu lo, rin ai takin an che zei phian bawk a.




"Kha in va bawl tui hmel ve" Diki'n a tih takah chuan min rawn en vat a, "Kan rawngbawl in ei zawh hnuah neih chuan in zawng chhang hrim hrim, mahse hei bak hi chu kan bawl rawh dawn lo" an ti a, tihtur vak a awm tawh loh avang chuan Diki en tv kan en a, eirawng an bawl zawh hnuah Rina leh Mska te pawh chuan kan tv en lai chu an lo en ve a, "Awi.. khipa khian min han duh ngat se chuan ka um zui dawr dawr ang, a hmelthat em em zia khi, a mitmeng a sexy si, ka mipa duh chu" Tv en pah chuan Diki'n a ti vawng vawng a, "A duh ngai dawn chuang lo che, chuvang chuan keimah hian lungawi zir rawh, ka duh em che hi" Mska'n a lo tihchuan Diki chuan rum zetin a en a, "Lo ngawi rawh, i ninawm ka movie en lai I ti hmuhnawm loh zo vek I lo tawng khan" a ti hmak a.




"Chu min va ning tan ve, mahse vanduai thlak takin keichuan ka ning ve lo che, ka duh em em zawk che" Mska chuan nui vur vur chungin a lo ti a, "I ninawm mipa ve si tawng zuah zuah suh, tv i en peih loh chuan mitchhing mai rawh, tawng tawh hlek suh" a ti vin ta hlar a, "Nang berin i tih te chuan" Mska chuan a la ti hram, Diku tih ngaihna hrelo chu a thaw hawk ringawt. Tv chu kan en char char a, a tawp hnuah chaw ei kan siam a, kan ei nghal, rin ai daih in an la siam tui zui, ka en tam ngei mai, hetiang taka chaw ka ei hnem hi ka la hrelo, chaw ei kham chuan tihfel ka tum a, ka thiante chuan min lo dang vat, an pathum chyan an che malh malh a, tawngkam in sawi lo mahse min veng thawng hle tih ka hria, hetiang ang thiantha ka nei hi ka lawm takzet bawk.




Ka thiante an haw hnu chuan keimah chiah in ka awm ta, a reh nghal ruih in ka hria, sana ka en a, dar 9 a lo ri tawh a, keipawh chu mit nghal mai ka tum a, room ah ka lut a, ka in tihfai leh te te hnuah khum lam ka pan a, mahse ka thil hriat chhuah thut amah chuan ka bag chu ka la a, ka nu leh pata nen kan thlalak chu ka chhuak in ka khum bulah chuan ka hung a. Khumah thu in thlalak chu ka en vang vang a, "Nu, ka tunah chuan kan in ngei ah ka awm tawh asin, min lo ngaihtuah suh u aw, ka in enkawl thei ania, hlim takin ka awm ang, van atang khan min lo thlir thin rawh u aw, ka ngai lutuk cheu" ka ti a, kum 10 ka takin khan keimah in room hran ka nei tawh a, ka muthilh theih loh changin ka nu leh pate room ah kal in an inkar ah ka mu thin a nihkha, khang mai khan ka hlim thin takzet engmah eng helh ka nei ngailo, ka nu leh ka pate ka ngaih a zual takzet zanin chu.




Ka muhil lai chu ka phone ri avangin ka harh a, vanga sana in tar ka en chuan dar 11 alo ti tawh, tun ang hunah tunge ni ang, lungawi lo zet chuan ka phone chu ka ban a, no hlang atangin a ni, mahse tunge a nih ka hrechiang hle thung, la lovin karung zawh tir thak a, a rawn ti nawn leh a, kala la chuanglo, ka silent hmak a, khumah chuan ka mu thla leh hnawk a, engvanga tun ang zai tlai tawh a min rawn call nge anih hi, ka muhil lai min la tih harh zui, ka muthilh tui laia ka harh hi chuan mut leh ka harsat thin hle a, tunah pawh darkar chuang fe ka meng leh dawn tih ka hrechiang. Khumah chuan ka in let tawn sek a, ka muhil thei thlawt lo, dar 2 a ni tawh, Gabi chu ka haw hlur, zan dangah chuan ka mit dawn ah ka phone ka silent ziah a, zanin chu ka lo theihnghilh palh hrim hrim bawk a ni.




Zingah chuan ka tho tlai hle, Gabi vang vek, amah vangin ka muhil lai ka harh a, ka muhil leh thei lawk bawk silo nen mut ka kham lo takzet, bathroom ah chuan inbual turin zawi zetin ka mut a, tui vawt in min rawn puh tak ah chuan ka harh sawng sawng, ka zawh hnuah insiam sa vek in room atang chuan ka chhuak a, ka in ei puar hnuah hna kal turin ka chhuak a, dawr ka thleng chuan taxi atang ka chhuk a, dawr lam ka pan nghal, dawr luh na bula ka mi hnih avang chuan ka ding chawt a, nizan a mu lo tih hriat zetin a mitmeng a dul ruih bawk, min hmuh takah chuan hmanhmawh zetin min rawn pan a, ka din na ngai a ding chung chuan ka lo en kar a, ka hmaah chuan a ding a, min en kual dan dan bawk.




"Nizanah khawiah nge i awm?" a ti a, "Buai suh, ka duh duh naah ka awm ang" ka ti a, "I inah ka lo kal a, mahse kawngka a in kalh bawk si, ka ngaihtuah zia che i hria em?" a ti leh nghut a, "I mi ngaihtuah ka ngailo, ka in enkawl ve thei" ka ti leh hmak a, "Bawihi hetiang hian awm lo teh, luhlul na hun pawh a nilo, nau i lai tih i hriat kha, zan rei tak tak thleng a chhuah I tan a a ṭhalo tih i hriat kha" a ti leh a, "Hah.. ka tan a tha leh tha lo tur chu ka hria, ka nun ah hian lo buai ve vak duh lo mai teh, ka engmah I nilo" ka ti a, "Ni e, i pumchhung a naute pa kha ka ni, chuti chung chuan ka ngaihtuah loh che i ring amaw?" a ti hrawk a, a thinrim hmel ta hle bawk, "I va han zaktheilo tak em, ka naute pa hi I ni ngailo ang, Irenei khan i fa a pai a nilawm ni, ngaihtuah zawk ta che" elhsen tak chuan a ti a.




"A ni khan ka fa a pai hrep love, a pai chatuan lovang" a ti hrawih a, "I chiang ngam amaw, naute pa ah hial a puh che a nihchuan in inkar ah eng emaw a thleng tih chu a chiang a, I fa pawh a lo ni thut thei asin, chuvang chuan kei leh ka fa lakah hian thu neih rawn tum vak lo mai teh, nang ang mi tenawm lutuk, hmeichhe pakhat a rinawm theilo kahni hne che ania, tawngkam na tak tak in min tawngkhum a, enge i nih bik, tun thleng hian nanglo miao hnaih tak ka la nei ngailo, nang erawh chuan na taka ka awm chhung zawng khan Irenei nen nuam in lo che chu a nisia, tenawm hian, ka hmaah hian rawn in lan leh tawh suh, ka hua che, ka sawi tawh kha, ka damchhung zawng hian ka ngaidam ngailo ang che ka tihkha" tiin dawr chhung ah chuan ka luh san hmak a, ka thusawi chung zawng khan na tak tuar ang maiin min en ngawt ngawt a nihkha, mahse ka thusawi ah khan inchhir na ka neilo, a chhan chu thudik vek ka sawi vang a ni.


Cont...


Comment leh click kha aw, a that loh chuan naktuk ka awl ang, tihtur ka nei a, comment vel a that vak loh chuan ka type phur lem lo...


Show post links
Top

[Ngaia]

Chapter-20



Flora Laldinpuii POV




Gabi a rawn lang leh ta miah lova, pawi ka ti lo hle, a hmel ka hmuh loh hian ka hlim zawk, ka hmuh apiangin ka natna kha rawn thar leh nimai hian ka hre thin, sumdawnna pawh a kal tluang hle a, tihdik loh leh thiam loh tamtak ka la nei a, patea hian min pui thin a, ka lawm takzet. Dawr a tih fel ngai ang ang chu ka ti fel a, Diki erawh kan client te hnu turin a chhuak thung, tun kar chhung a kan motor hralh na list chu ka en a, laptop ah ka chhinchhiah nghal zel bawk, Pathian zarah motor pawh kan hralh ve thei hle a, ka lawm viau. Chawhnu lamah chuan Abbie hnen atang call ka dawng a, ka la vat, "I hman chuan kan in hmu lawk thei angem?" a tihchuan ka lo hnial lem lo, dawr ah rawn kal mai turin ka ti a, hna ka la khawih laklawh bawk nen ka chhuak hman lo a ni.




A rawn thleng vat a, "Ka u chungchang ah a nia biak che ka duh" a ti sup a, "Aw.. enge nita han sawi la" ka tihchuan a thaw chhuak hak a, "Tunlai a mizia hi a mak lutuk a, hna pawh a kal ngailo, inah a tawm deuh chawt a, chaw a ei ngailo a, zu a in reng ringawt, a taksa pawh hmuh theih khawp in a chhe tawh a" a tih takah chuan ka hlauthawng hle, "A va pawi ve, chutianga awm mai mai loh thu a sin" ka ti hap ringawt, sawi tur dang ka hrelo em a ni, "Nia.. I laka a chet dan vang khan a in thiam thei lova, a thiltih avang khan haw hle mah ila ka u a nihna ah hetianga a awm hi hmuh hreawm ka ti takzet a ni" a ti leh a, a hmel ah pawh chuan a rilru a hah hle tih ka hriat sak thei.




"Nu Ruthi leh Pa Marka ten an hau em?" ka ti ringawt a, "Aw... tha taka nung tura an tih pawn engah mah a ngailo, diktak chuan a awmdan hi mi nung pangai nun in a nung tawh lo a ni ber" a ti leh a, sawitur ka hrelo chu ka ngawi vang vang ringawt a, "Flora a awm lo I ti maithei, mahse ka u hi vawikhat chiah i hmu thei angem, nangin tha taka nun hmang tura i ti a nih phawt chuan a zawm em em ang" a ti leh a, ka in ngaihtuah vang vang a, a pawina tur ka hre lem lo, "Awle... naktuk lamah hmuh ka lo tum dawn nia" ka tih takah chuan a lawm hmel hle, "Awle, ka lawm lutuk" a ti a, a haw hnu chuan Gabi chu ka ngaihtuah hle, engvanga chutianga awm vak nge maw. anih ni, naupang pawh a ni tawh tawp silo a.




Diki rawn let hnu chuan Abbie lo kal thu leh a thu min hrilh ho chu ka lo hrilh ve a "A va pawi ve, va hmu la a pawina a awm chuang hleinem" a ti a, "Flora zawh chu che a ni em chu ka hrelo a, mahse Gabi hi i ngaidam thei angem?" a ti a, "Ka hrelo, tunah mai chuan ka la ngaidam theilo, hma hun chu ka hrelo a, diktak chuan na tak tak a min ṭawngkhum lai te kha ka theihnghilh mai theilo a ni, a tan ka rinawm em em laiin a ni chuan miao dang kawp san anga min ngai tlat a, khakha chu ka la hrethiam thei mai a, mahse Irenei nen sex an hmang dun kher kha chu ka ngaidam thei thlawt lo" ka ti a, min hriatthiam hmel takin a bu nghat nghat a.




A tuk lamah chuan hna ka kal a, Gabi inah ka kal nghal a, a in zawn ka thlen chuan ka ding vang vang a, muangchangin kawngkhar lam chu ka pan a, door bell ka hmet a, reiloteah Nu Kimtei'n a rawn hawng a, min hmuh chuan a phul deuh hlut a, "In hmuh lohna a va rei tawh ve, ka ngai thin viau che a asin" a lo ti bawrh bawrh a, "Keipawh in ka ngai lutuk che" ka lo ti ve sep a, "I dul te chu a va lian tawh reuh ve, naute han nei vat vat la, ka hmu chak tawh a nia" a ti leh a, pawn ah ka la ding reng, "Awii.. ka haihawt lutuk a, lo lut rawh, thingpui ka lo siam ang che" a ti a, a awm sawn nghal, "A ngailo, Gabi hmuh ka duh a, a awm em?" ka tihchuan "Awm e, room ah a awm kha, han chho rawh" a tih takah chuan keipawh chu inchung lam pan chuan ka chho nghal a.




"Room chhung ka lut chiah chu ka hnar ka hup nghal, zu rin hlir in a khat a, a la hnawk em em zui, a thim ruih bawk a, Gabi ka hmu mai lo, khum lam chu ka pan a, khum bulah chuan a lo thusawp niai a, ka phu zawk, zu a lo thli mek a, ka lut chu hria ang pawhin a awm lo, "Gabi" ka ti sep a, a la rawn hawi chuanglo, "Gabi" a hma aia ring chuan ka ko leh a, a rawn hawi let a, a hmel ka hmu chuah chu a nghing dawt thei, a hma Gabi ka hriat thin hmel reng reng kha hmuh tur a awm lo, min hmu chu mak a tih hmel viau mai, "Nang hetah, nilo ka ngaihtuah na bak i nilo" mi a ang mai chuan a ti a, "Tunge hetiang hian i awm?" ka ti leh a, "Bawihi" a ti sup a, "Mithla mai i nihchuan kal bo vat rawh, ka mamawh lo che" a ti chhuak leh hrawk a, "Tunge hetiang hian I awm, i chhungten an ngaihtuah zia che i hrelo em ni?" ka tihchuan a rawn ding chhuak ruai ruai am




"A tak tak i ni, ka mitthla mai I nilo" a ti a, min kuah chawt a, "Ka ngai lutuk che" tiin ka nghawng ah hmai a phum vang vang a, ngawi rengin ka ding ringawt, "Bawihi" a ti leh sup a, in ka hrang in min en kual dan dan a, "A tak I ni" tiin min kuah leh a, "Ka ngai lutuk che" a ti leh a, chu thu ringawt chu a sawi nawn reng a, "Tiang hian awm tawh suh, Abbie in min rawn bia a, i chhungte mang I ti ang lutuk ania" ka tihchuan rum hrawk a, "Ka chhungte ringawt ngaihtuah lovin kei hi min han ngaihtuah ve teh, I tello in engtinge nun hmang turin min tih theih?" a au nghek a, a au ring em avang chuan ka phu nghek lehnghal.




"Hetiang hian awm suh, mipa i nih kha, chak lo tak ang hian lang suh" ka ti a, "I tello chuan engmah ka nilo, Bawihi vawikhat chiah chance min pe leh hram rawh, i tello chuan nun hian awmzia a neilo" a ti leh sup sup a, "Gabi chutiang ngawt a theih tawh loh tih i hriat kha, kan inkar ah hian khi a lian tawh mah mah" ka tih lai chuan ka kut a rawn la a, a thin zawn ah dah in "Helai hi a na asin, Bawihi ka thin hi ohu ve mahse i tello chuan awmze neilo in a phu ve mai mai a ni, khawngaihin vawikhat chiah chance min pe leh hram rawh" a ti a, a mit atang mittui a luang ngiai ngiai bawk, "Hetiang hian awm suh, kan inkar chu a tawp fel tawh ka tih tawh kha, khawngaihin buaina min siam tawh lo hram rawh" ka ti thei tawk.




"Bawihi vawikhat chiah chance min pe leh tehi hram lo em ni?" a ti a, a mitmeng ah chuan beisei na ka hmuh sak thei, ka rilru a buai map mai, "Gabi a harsa ka ti chuvang chuan" ka tih mai mek chuan "Aih Bawihi sawi suh, tunah tut tut min ngaidam theilo a nih pawhin ka hrethiam che, mahse min ngaihdam ngei theih nan a ka chet min phal sak rawh, a hma ang khan Engthil mah ka then tir leh tawh lovang, ka hria a sin, i nat dan tur hi, ka ring ang che ka tih hnuah ka thusawi ngei chu ka bawh chhia a, mahse ka inchhir zia hi min hriat sak hram rawh, khatiang thil kha a thleng nawn leh tawh ngailo ang, kan fa lo piang mai tur vang tal pawh hian min ngaihdam theih nan hun min pe leh rawh" a ti a.




"Tunah mai chuan rilru ka siam fel theilo, ka la na em a ni" ka ti a, "Ka thiam min vek a ni, tun atang chuan i in nghah na tlak ka nih zia ka hmuh tir ang che, vawikhat mah beidawng in ka siam leh tawh lovang che" a ti a, a aw ah chuan a tih mai mai loh zia a hriat chian theih hle, "Hetiang hian awm tawh suh, i chhungten an ngaihtuah zia che i hrelo em ni?. Abbie phei chuan min rawn hmu ringawt alawm" ka ti a, "Awle, nang berin i sawi miau te chuan ka awm tawh lovang" tiin a nui suk a, ka muh tirh khan a ruih hmel nen tunah lem rui hmel pawh a pu leh tawh lo. A hmel chu a nung deuh sarh a, hun tha ka pek vang hian ka ngaidam nghak ang tihna anilo, mahse fa kan nei mai tawh dawn a, ka fa lo piang tur vang chuah a hetiang thin ti hi ka ni.




Ka sawi tawh ang khan min tih natna zawng zawng kha theihnghilh mai theih a ni lova, ka la ngaidam thei hek bawk hek lo, han tum chhin phawt se, a dang chu hun in a hrilh mai ang chu, ka haw dawn chuan min thlah a tum a, mahse ka lo hnial vat, keimah chuan ka haw a, dawr lamah ka kal tlang nghal, ka thleng a, motor pakhat an lo hralh leh tawh hi a lo nia, ka office lamah ka lut nghal vat a, Diki chuan min rawn zui lut ve nghal, "I va hmu thei maw?" a tihchuan "Aw... hmu e" ka ti ringawt a, "Chuan enge thleng?" a tih leh takah chuan ka thaw hap a, "Ka va hmuh tirh chuan amah a nilo emaw ka ti zawk hial alawm, a lo chawt chawt bawk sia, room lah kha zu rim hlir in a lo khat a, min hmuh khan a mitthla mai mai emaw a ti a" ka tih leh chuan "Flora engtia tih zel nge i tum?" a ti a.




"Chance pe leh turin min ti a, aa.. ka hrethiam tawh biklo, a duh ang chuan han che phawt se, mahse han biak that nghal vak ang te kha ka la thei dawn lo, ka fa lo piang turin ngaihtuah tello ni kal chuan ka ngaidam ngailo ang, mahse ka fa lo piang tur hi keimah ang chaiha fahrah a nih ka phal bawk silo a" ka ti sep sep a, "Ka hrethiam che alawm, ni e, keipawh hian Gabi chu ka la ngei, mahse a thiltih avanga a inchhir zia ka hmuh sak thei a, chuvang chuan hun han pek leh pawh kha a pawina ka hrelo, in hun tawn harsa tak tak te kha Pathian hian a fiah na cheu pawh a ni thei asin" a ti a, "Ni e, ka rilru zat ve hi chuan ngaidam tawh lo turin min ti a, mahse vawina ka va hmuh khan a chhungril a keh sawm zia ka va hmuh sak thei a, khami vang khan ka rilru zat ve hi chuan ngaidam mai turin min ti bawk si, ka rilru a buai takzet a ni" ka ti a.


Zawmna




"Ka hrethiam che alawm, karah fa an awm tawh dawn a, I la hmangaih bawk a, hun tha vawikhat pek leh chu a sual ka ring lo" a ti ve ta sup a, "Umm... mahse ka sawi tang ang khan tun tut tut ah chuan ka la ngaidam mai thei lo" ka ti a, Dawr kan khar fel hnu chuan in lam panin ka haw a, awmpui nula fel deuh mai ka nei a, a la naupang viau bawk, an chhungkua an harsat vang in lehkha a zir chhunzawm thei lo a, kum a tawp tep tawh bawk nen nakum lamah a duh a nihchuan school kal tir leh ka tum rilru deuh a, mahse a duhthlanna a ni ang chu. In a ka luh rual rual chuan "U I lo haw tawh maw, chaw ei ka peih vek tawh asin, i riltam tawh em?" a lo ti zung zung a, "Tam lo e, ka inthlak hmasa phawt ange, taka thil sawi pui duh che ka nei a nia, chaw eikham lamah kan in be lawk dawn nia aw" ka ti a,




Ka inthlak zawh chuan ka chhuak lehnghal a, Felfeli pawh a lo che leh malh malh a, awm awl a thiamlo lutuk a, hnathawh tur ngawt a zawng thin hi ka hau zing viau, mahse a sim phah lem lo a, a la naupang bawk nen thil hahthlak lutuk tilo se ka ti, ka nau ang maiin ka en a, a ni pawhin u angin min en ve tho tih ka hria, "Chaw ei ka siam dawn em ni?" ka tihchuan a che nghal zung zung a, ka lo tihpui ve vat, a ka naupang viau chung hian eirawngbawl a thiam hle a, Diki leh kei ai fe in rawngbawl a thiam, "I bai siam hi a la tui ber mai, mahse i ti thak lova" ka tihchuan "Nau i pai bawk sia, thil thak ei I tan a that ka ringlo alawm" a tihchuan ka lawm hle, min ngaihtuah hle tih ka hre miau a, chaw kan ei kham chuan ka tih fel pui a, "U lo va awm mai mai teh, min ti buai zawk ania" a ti a, "Hmun tal hi chu ka lo phiat ang" ka tih pawh chuan a phal tlat lo, hmunphiah a keng tlat a, ka ti lui duh ta lemlo.




Sitting room ah chuan tv ka lo en a, Felfeli pawh kitchen lamah a la ti rak rak mai, a zawh hnuah ka bulah chuan a rawn thu a, "Felfel, nakum lamah hia school kal leh la" ka tihchuan min rawn en vat a, "Kal chu ka duh a, mahse ka nu leh pate an hrisel lo bawk sia, keimah talin hna ka thawh loh chuan" a ti a, "Chutiang ah buai reng reng suh, ka bulah i awm anga I duh phawt chuan lehkha i zir leh dawn nia, inthlahrun na tur a awm lo, i chhungte chu pawisa kan thawn char char dawn nia, keimah chiah in ka awm tho a, ka nau ang chiah in ka en che tih i hriat kha, ka lakah inthlahrun na tur a awm lo, tun ang laiah chuan lehkha hi thiam a ngai tawh, hna chhete hnu tur pawhin B.A tak nih a ngai" ka ti dap dap a.




"U ka lawm lutuk a nia" a mittui chu a tling par a, "A ho lutuk, ka nau angin ka en che ka tihkha" ka tih chuan a mittui chu a biangah a luangthla pap a, "Eh.. tap suh, i tah chuan school I kal leh lo mai ang" ka tihchuan nui hak chungin a mittui chu a hru a, "Ka lawm tak tak, ka chhungte bulah pawh ka lo sawi ang, an lawm ve ngawt ang, diktak chuan school kal kha ka chak ve thin lutuk a, keimah ang rual in school an kal thin ka hmuh te khan ka awt thei lutuk, mahse kan harsat em avangin school kal thei ka ni tawh silo, ka nau te an hautak chho ve tial tial bawk sia, ka naupan deuh lai kha chuan IAS nih ka tum thin a, mahse tunah chuan chutiang nih tumna pawh ka nei tawh lo" a ti siam siam a, a hmel chu a nung sarh a, hmuh a nuam takzet a ni.




"A tha lutuk alawm, IAS nih tum chuan xur char char la, lehkha i thiam thei tih ka hre bawk a, i la ni ngei ngei ang, i mamawh ang zawng zawng chu keiman ka tum vek ang" ka ti leh a, "Ka nu leh pate ka hrilh ve nghal dawn, an lawm dawn lutuk" a ti a, a tho nghak uai bawk, "Aw..va hrilh rawh" ka tih hnuah room lamah phur zet chuan a kut a, ka lo nuih sak, school ka kal ve lai te chu ka ngaihtuah a, mamawh neuh neuh ka lo nei ve thin bawk nen, inthlahrung tak chungin ka nutei ka dil thin a nihkha, Felfeli chu keimah ang kha ni turin ka duh lo, a zirlai tha takin zir se, a tum ruh bawk a, a nih chak ber IAS pawh chu a nih theih ngei ka beisei tlat a ni.




Door bell a rawn ri a, ka va hawng vat, ka thiante pathum chu an lo ding thap a, "In lo kal animaw?" ka hluai a, "Min va beisei vek hmel loh ve" Rina chuan nui chungin a ti a, "Nia.. engmah in rawn sawi lawk bawk silo a" ti nuah nuah chungin sitting room lamah chuan kan in zui a, "Leng ang u ka tia, he mite pahnih hman zia chu i hriat kha" a tihchuan ka lo nui hak a, "Tikhan ti reng reng suh, nangmah chauh a len i zah kan rin vang mai mai in hmanlo chung chungin kan kal pui che a nihhi" Rina chuan a lo ti zung zung a, "Umm.. nimai rawh se, ka hnial vak peih lo che, i tawngthei ropui si" ner nang chungin Diki chuan a ti a.




"Tak tak in kan lo kal chhan chu, i thuthluk na kha sawi ho ila ka tia" thutak deuh zawk chuan a ti leh a, "Engmaw?" Mska chuan a lo ti vat a, "Flora-i hian Gabi chance pek leh a tum a" a tih leh sep chuan mipa pahnih te chuan min rawn en nghal vut a, "I ti tak tak em ni?" awih hmel chiah lo chuan a ti a, "Nia... fa ka nei tep tawh si a, chuvang chuan chance vawikhat pek leh chu tha in ka hria a, enge in ngaihdan?" ka zawt a, "Ka hrelo, ngaihdan siam mai harsa ka ti, mahse i duh a nihchuan ka pawmpui ang che, I tan a tha tur i hria a" A ti leh a, "Nia.. mahse ka fiah phawt ang, a hma a thil thleng ang kha tih ka la hlau deuh a, ngaihngam deuh chuan ka pawm leh mai thei tawh lo" ka ti a, Rina erawh a la ngai reng thung.




Felfeli chu room atang a rawn chhuak a, "Felfeli chu kha i va hlim hmel ve, bialpa i nei a nimaw?" fiam pah chuan Mska chuan a ti a, "Ni bawk lo, school ka kal leh dawn a, ka phur lutuk vang zawk a nihhi" a lo ti hlak a, "A va tha ve, kal ngei ngei rawh, tun angah chuan lehkha thiam tluk a awm tawh lo" a tih leh chuan ka lo pawm pui khawp mai, "Ka u hian kal leh turin min ti a, taka u ka chhungten biak che an duh a, I hman veleh aw" a tih zawm leh zat a, "Awle" ka tih hnuah "Thingpui ka lo lum sak ang che u" tih pain kitchen lamah chuan a lut a, "Felfeli hi chu a fel ve ngawt mai, a hming hi a pu zo hluah hluah, a zuan a zang si" Diki chuan a ti a, "Nia.. ka vannei asin, a ni ang mi fel lutuk ka tawng fu a, school kal a chak bawk a, kal leh se tha ka tia, amah lah a la naupang ve bawk si" ka ti a.




"Nang nge nge i ti tha thin e" Mska chuan nui vur vur chungin a ti a, Rina chu an lo thlen tirh a a tawng bak kha a tawng leh tawh lo, eng emaw ngaihtuah nei tih hriat takin hmalam a en char char ringawt. Thingpui te kan in ho a, Felfeli pawn ka thiante a nel tawh bawk a, nuam a tih hmel hle, "Kan haw tawh mai dawn mi?" Diki'n a tih takah chuan "A pawi tawh lovang, hnathawh tur ka la nei nual a" Mska chuan a lo ti a, "In pahnih in lo va haw ula, keichu reilote kan thu khaw muang ange" Rina'n a tih takah chuan Diki leh Mska te chu an haw ta a. Pawn thleng in ka thlah a, inchhung a ka luh leh hnu chuan Felfeli pawn a mut a chhuah thu sawiin room lamah a lut a.




"Zanin chu i va ngawi chawi ve" ka ti a, "Nia.. Gabi chu hun tha pek leh i tum amaw?" min tihchuan "Aw.. mahse ka tisual ang tih ka hlau khawp mai" ka sawi zawh chuan a bu nghat nghat a, "Flora ka thusawi tur hian a thawng maithei che, mahse ka sawi ngei a ngai, min huat phah loh hram ka beisei" a thusawi vang chuan ka melh haw a, "Huat na chhan tur che ka nei hleinem" ban chhalh hian ka ti a, "Umm... mahse ka thusawi tur avang hian min biak duh tawh min phah maithei, mahse sawi ngei ka duh a ni, Flora kei hian ka duh che ani" a tih takah chuan mak ti zetin ka en a, chutah ka nui hak hak a, "Awi.. min fiam tum suh, a tak emaw ka ti mai dawn lawm" tiin ka la nui reng a.




"Ka duh che, chuchu thudik a ni, ka hmuh hmasak ber atang tawh che kha, i rilru a nat em avangin ka sawi lang lo mai mai a ni, mahse rilru nawm loh phah nan hmang suh, ka duh che a ni tih hi min hriat sak la ka duh a ni, Gabi hun tha i pe leh chu ka lawmpui che, chuan thian kan la ni tho ang tiraw, ka thusawi vang khan min kawm duh luh phah nan i hmang loh hram ka beisei" a ti leh a, sawi mai tur pawh ka hrelo, nuam lo chu ka ti ru hle, "I thian angin min la pawm duh tho ang tiraw?" ka chhan mai loh vang chuan a rawn ti nawn leh a, "Tehreng mai, ka thian I ni reng ang" ka ti a, nuam lo chu ka ti ru hle, "Ka lawm e, ka thusawi avang khan I awm tih nawm loh phah suh aw, hrilh che ka duh vang a sawi ka ni, Gabi nen chuan in ngeih tak a in awm leh theih ka duhsak pui che" a ti leh a.




"Ka haw tawh mai ange, a tlai tawh si a" tih leh thawh chhuah a rual a, kalo tho chhuak ve vat a, "A nih muttui aw" ka ti a, a tlan liam lai chu ngawi rengin ka thlir zui reng, inchhung ka luh hnuah Rina thusawi te chu ka ngaihtuah a, nuam lo chu ka ti ru hle, ka thian tha tak angin ka en a, mahse min duh tih ka hriat khan mak ka ti a, min thawng em ani, mipa fel tak a ni a, Gabi nen hian lo in tawng mi ni ila, ka duh mai ka ring, mahse Gabi hi ka tan a mipa hmasa ber a ni a, kan inkar a chhiat tak hnuah pawh khan mipa dang hnaih tum na ka nei tawh lo. Zing ka harh chuan khua a lo eng uar tawh a, tunlai chu mut ka duh thar a, zing thawh ka hrelo hle bawk, ka in tihfai hnuah room atang ka chhuak a, Felfeli chuan rawng a lo bawl zo leh diam tawh, chaw te kan eikham hnuah dawr a kal turin ka in siam a.


...


Hun pawh a kal ve duak duak a, Gabi pawh a rawn kal zing hle, a rawn kal apiangin eitur chu hram hram min rawn ken thin, lo be ve thin bawk mah ila, a hma ang kha chuan ka be tha teh chiam ngailo, amah zawk in min bia a nihloh chuan ka be hmasa ngailo. Diki leh Mska te pawh in neih an tum hnai a, palai pawh an kal tawh bawk. Thlaleh thla tawp lamah an in nei dawn a, Mska phur tawh lutuk hi a hneawm lek lek zel, Rina pawh a rawn la leng fo a, min duhthu vel a sawi ngailo, keipawhin ka thian ang chiah in ka en a, Gabi awm laia a rawn kal pawh in tha takin a lo be thin a, Gabi erawh in a thik tih a hriat theih hle, mahse engmah ka sawi lem lo thung.


Cont....


Zawmna ka lo dah phawt a, last chapter hi a awm hun tur tak ka sawi theilo aw, zaninah dah ka tum tho aw...


Show post links
Top

[Ngaia]

Last Chapter



Flora Laldinpuii POV




Diki te in neih na turin nithum chiah in a dang tawh, mo thian ah min hman a tum viau na in ka dul a puar len tawh em avangin a cousin a hmang dawn a, bazar lamah kan kal zing khawp mai, mo kawr pawh a thleng fel diam tawh a, a in hmeh takzet, "Awi.. keichu a Gabi telh telh a, ka huphurh telh telh" a ti sap a, ka lo nui hak a, lungngai mah ta che, Mska hian a duat viau ang che, nang ai pasal ka nei hmasa dawn emaw ka tia, mahse hei min neih khalh leh ta daih a" ka ti a, "Chuchu lawm, awii a mak e, pasal ka nei mai tawh dawn chu a nisia, mak e, ka mumang emaw ka ti rum run mai, taka nizanah Mska a lo leng a, kan in neih ni hi an ruat hma mah mah a ni, sawn tlai theih se ka tia, a titau char char a nihchu, ka biak pawh min chhang duh lo, ka nuih a za bawk sia, ka nui ngam bawk silo, ka chhungte an awm ve tho bawk sia, a thinrim kha a ti lang ngam chiah bawk silo nen" a ti a.




"I ti mak ve e nangpawh, a khur tawh zia i hriat kha" ka ti a, "Ka fiam mai mai mawle, amah lah chu a thu tum vuau mai bawk sia, ka nuih in sum nasa lutuk kha ka pum a na vek alawm, ka chhungte khan an lo be ve chhen bawk sia, tha deuh in a chhang a, ka biak ve chuan a hrelo der hmak hmak zel, amah a pian bawk sia, a thu tum vuau mai hmel kha hmu ve la chuan maw i nuih a za ve ngawt ang mawle" a sawi pah chuan a nui hak hak a, "Awii.. ka nung tawh, thil ei phawt mah, ka ke hi a vung nasa bawk sia" ka ti a, "Nia.. a pawilo, kan haw tawh mai dawn nia, engmah lei em em tur pawh a awm tawh lo, bakah I chau tih Gabi an a hriat chuan min hau hrep palh ang" a ti a, "I ninawm min fiam nan hmang ve ziah suh" ka ti hlak a, ka kal nghal nal nal, ka hnung lamah chuan rawn kal ve in a nui hak hak lehnghal.




Thil kan ei lai chuan ka phone a ri a, ka en chuan Gabi a lo ni, ka la a, "Bawihi, in haw tawh em?" ka tawng hma hma chuan a ti a, "La haw lo thil kan ei mek a" ka ti a, "Awle, in awm na lai min rawn hrilh la, ka lo lam ang che u" a tihchuan ka lo hnial vat a, "A ngailo, keimah niin kan haw thei alawm, I buai awm sia, min lo lam duh lo mai rawh" ka ti a, a rum nghut, "Buaina tur a awmlo, ka lo kal ang, in awmna chu min hrilh la, ka lo thleng vat ang" a tih leh takah chuan hnial in awmzia a awm dawn lo tih ka hriat avangin ka hrilh a, phone ka dah hnuah "Enge a sawi a?" a lo ti nghal a, "Min rawn lam tur thu a sawi a, a lo chhuak vek mek ang" ka ti a, "A tihzia phian a nihchu, kan bawr bawk sia, inah. in thlah hmasa phawt ru aw" a tihchuan ka bu nghat nghat a.




Thil kan ei zawh chuan restaurant atang kan chhuak a, Gai motor chu restaurant zawn ah a rawn ding ve chiah bawk, "In hman tawh chuan kan kal tawh mai dawn mi?" a ti a, "A pawilo, Diki hi thlah hmasak phawt a ngai aw" ka ti a, a hnunglam ah chuan Diki a kut a, luh ve mai ka tum chuan min lo dang tlat, "A hmaah hian thu rawh" a ti deuh tlat a, "A ngailo, Diki nen hian kan thu dun thei alawm" ka tihchuan "A ngailo, a hmaah hian thu rawh" a ti deuh tlat a nihchu, ka kut ah a ka vuan run lehnghal, rum zetin ka melh a, a ni pawh chuan min melh chhuk ve run a, "Flora a hmaah chuan thu Mai rawh, keimah pawhin ka thu thei alawm, haw vat ang u, khatia in in hmeh reng chuan kan thleng har awm emai" Diki chuan rawn dak chhuak pahin a ti a, ka thaw hak a, keipawh chu a hmaah chuan ka thu ve mai a, ka luh dawn a Gabi nui lai kha ka hmu hman hram bawk.




Diki leh Mska te in neih ni a ni a, ka kawr thui tir chu ka ha a, in hmeh ka in ti ve chiang alawm, Felfeli pawh kawr thar a thui tir a, a nalh takzet bawk, Gabi an min rawn lam dawn a, in neih tan nan darkar hnih dawn lai chu a la awm, mahse Diki te inah kal hmasak ka duh vang a ni. Gabi pawh chu a rawn thleng ve vat a, motor a kan chuan luh dawn chuan ka beng bulah "I mawi lutuk" a ti sup a, ka nuih seih ringawt, Felfeli chu a hnungah a thu a, a tawng nghal siam siam a, Diki te in kan thlen chuan kan chhuk vat a, a lo in peih fel diam tawh, a mo kawr hak chu a in hmeh takzet bawk, "In lo thleng maw, in va mawi hlawm ve" a lo ti var a, "Nang deuh alawm, thla la dun ang aw" ka ti a, "Aw.. lo kal rawh, Felfeli kan pahnih in ka dun ve ang aw" a ti a Felfeli chu alo phur ngang mai.




In neih na te chu kan tan a, thutiam an chham lai chuan Gabi nen kan in neih na tur vel kan buaipui lai te chu ka mitthla let kuar kuar a, khatiang buaina kha tawk lo ila chu nupa kan ni ve ngei tawh awm si a, Gabi nen kan i kar hi ka sawifiah thiam lo, ka be chhe lova, mahse a hma anga pawh taka a bula awm erawh harsa ka la ti, zungbun te a in bun zawh tir hnuah pastor chuan nupa an nih thu te a luang a, pawn lamah kan chhuah hnuah thlalak na te kan nei a, ka ke chu a kham tawh hle, tlem a sang deuh pheikhawk ka bun a, ka ke a vung nasa bawk nen a hniam ka lo bun mai lo chu ka in chhir rum rum mai.




"I ke a na ami?" ka chet sek takah chuan Gabi an a rawn ti thum dut a, "Tlem in" ka tihchuan a hawi kual a, "Sawlai ah sawn kan va thu mai ami dawn ami, tihtur a awm em em tawh chuang lova" a tihchuan pawi ka tih loh zawng tak a ni. Thla an lak lai chuan kan lo thu hahchawl a, Felfeli pawh a thiannu nen an in hmu fuh a, an inkawm a, khawiah nge a awm ka hrelo, "Ka lo hmeh sak dawn che mi?" ka ke ka hmeh lai chuan a ti a, "A ngailo, mi an tam em hi" ka ti a, "A ho lutuk" tih pahin a thutung a, ka ke chu min hmeh sak a, ka dam sawng sawng in ka hria, "Pheikhawk sang I bun kher a, kan haw lawk mai dawn ami, tihtur a aw em em tawh chuang lova, i pheikhawk bun hi va thlak ila" a ti a, "A buaithlak mai mai, ka bun lui thei tho" ka ti a, engmah a sawi zui tawh lem biklo, rei fe min hmeh sak hnuah ka bulah chuan a rawn thu leh a.




"Diki leh Mska ten thutiam an chham lai khan, kan in neih hun tur nghakhlel taka ka awm lai kha ka ngaihtuah chhuak a, khatiang thil kha thleng lo nise kan pahnih hian pum khat kan ni tawh awm si a tiraw?" a ti a, "Nia" ka lo ti ringawt, "Ka thiamloh vek ani" a ti a, amah chu ka en vat a, mitmeng tak ngur in min lo en a, "Lo ring tlat che ila chu harsat na tamtak kha i oal tlang lo tur a nia, keihi mipa nep tak ka ni, ka hmeichhe hmangaih ngei chu ka ring duh lo a ni a" a ti a, a aw ah pawh chuan a inchhir zia a hriat theih, "Hun kal tawh ania, sawi chhuak tawh lovang" ka ti a, "Ka hrethiam alawm, hmeichhe chak tak I ni, beidawng mai lovin thudik hailan I tum tlat a, ka tluk lo hle mai che" a ti leh a.




Ruai theh zawh ah in lamah kan haw a, ka chau ngang mai, sofa ah chuan ka mu nghal hnawk a, ka mit pawh ka meng tha hleithei lo, "Bawihi muthilh I tum em ni?" Gabi chuan a ti sup a, "Um.. ka mut a chhuak lutuk" ka ti sep a, "Hetah lo, room ah mu zawk la" a tih leh chuan "Ka tho chhuak peih tawh lo, ka mut a chhuak tawh" tiin ka muhil zui nghal a nimai, ka harh leh chuan room ah ka lo awm tawh a, Gai erawh hmuh tur a awm tawh lo thung, room atang ka chhuak a, Felfeli chuan tv a lo en a, "Ka van mu rei em em" ka ti a, "Nia... I chau a nihkha, U Gabi pawh room ah a sawn hnu che khan a haw nghal a" a ti a.


...


Tunlai chu Gabi hnaah a buai a, kan in hmu khat hle, a rawn kal lah hian a chauh hmel thei em em a, ka ngaihtuah ru hle, ka haw hran tawh lova, a hmel ka hmuh hian ka hahdam sawng sawng thin bawk, zaninah rawn kal a tum a, ka phur tawh hle, "Sitting room ah chuan Gabi lo nghah pahin tv ka en a, door bell a rik chuan Felfeli chhan a va hawng vat a, Gabi nen an rawn in zui lut a, Gabi chu ka lo en chik hle, a chet deuh riau a ka hriat chu, ka bulah chuan a rawn thu a, "I va chauh hmel ve" ka tihchuan tawite in a nui a, "Nizan ka mu tha lova, chuvang mai ami a nihhi, min ngaihtuah suh" a ti a, Felfeli chuan thingpui a lum a, kan in zawh ah no vel seng fel in room lamah a lut ta daih a.




"Sawi duh i nei em ni?" Gabi bulah chuan ka ti a, "Um.. naktukah Delhi lama ka zin a ngai a, ka cham hun chhung tur ka sawi lawk theilo" a ti a, "Ngati teh thut nge" ka tihchuan "Delhi lama kan hotel ah buaina a awm deuh mawle, ka kal ngei ngei a ngai a" a ti a, "Awle" ka ti zuai raih a, "Ka fanu nen hian tha takin lo in enkawl ula ka lo be ziah ang che" a ti a, "Mipa nge hmeichhia. anih dawn pawh i hriat tawp loh kha" ka lo ti hlak a, hmani deuh atang khan kan naute pawh ti lovin ka fanu a ti ziah a, mipa a nihchuan ka nuih nasa viau ang, "Bawihi hnathawh tur ka la nei nual a, insiam ka ngai bawk nen ka haw mai ang, min lo thlah la" a ti a, keipawh chu ka tho chhuak a, min lo pui vat bawk.




A motor thleng chain ka thlah a, "Lo in enkawl tha la aw, chaw ei loh mai mai te kha tih loh tur" a ti a, tunlai chaw ka ei tha lo bawk nen min hau ngun hle a, "Ka hria, ka ei tha dawn" ka lo ti vat a, a nui suk, "Ka ngai dawn hle mai cheu, hei te nen hian" tiin ka dul chu a rawn tawk zeuh a, ka kawngah rawn vuan in a lamah min pawt hnai a, ka hmui ah chuan min fawp vang vang a, "Ka kal ange, ka hmangaih che tih hre reng rawh" a ti a, "Tluang takin i kal dawn nia, chuan eitur tam deuh min lo hawn rawh" ka tihchuan a nui hawk a, "Tehreng mai, lut rawh le, ka lo en ang che" a ti leh a, "Kal hamsa rawh" ka ti tlat a, ka hmui ah rawn fawp leh zeuhin a tlan chhuak a.




Ka ruak nghal huai in ka hria, inchhung ka luh leh chuan Felfeli chu a room atang a rawn chhuak a, "U Gabi a haw tawh elaw?" a ti a, "Aw.. a haw chiah, naktuk ah Delhi lamah a zin dawn a" ka ti a, "U Gabi ang miao ka hmuh hunah ka chhuah miah lovang, a hmeltha sia, a hmangaih zia che ka hre chiang bawk a, ka awt ngawt mai che" a tih leh chuan ka nui hak hak a, "Lungngai reng reng suh, I la hmu ve vat mai ang, tinge I rawn chhuah leh reng reng a" ka ti a , "Tui ka lo neilo a, tui in turin ka rawn chhuak lawk" a ti tha ve mai a, "Um.. ka mu dawn aw, current vek kha lo off mai rawh aw" ka ti a, "Awle, muttui" kan in mangtha hnuah room ah chuan ka lut a.




Gabi zin atang ni thum lai a ni tawh, a sawi ang ngeiin min rawn be reng a, a aw chu a chauh hmel thei hle, ka ngai tawh hle bawk, ka ngaihtuah lai mek chuan min rawn call a nui sak chungin ka la a, "Hello" zang vah in ka ti a, "Bawihi, I tha em, thil I ei tawh em, i ke kha a la kham em?" a rawn ti deuh teuh a, nui hak chungin "Eng ber nge ka chhan dawn che?" ka ti a, "A vaiin" a tih takah chuan ka chhang ve mai a, "Rin aiin ka cham rei a ngai maithei a" a tihchuan ka hnual nghal rawih thei, "Engtianga rei nge i la cham dawn a?" ka ti a, "A lo berah karkhat vek chu a la nih ka ring" a ti a "Awle" ka ti ringawt a, "Bawihi" a tihchuan "Aw.." ka lo ti vat a, "Lo boral san ta che ila engtinge I awm ang?" a tihchuan ka beisei kuh lutuk zawhna min zawh vang chuan chhan mai ngaihna pawh ka hrelo.




"Bawihi ka sawi chu I hre thei em?" a ti leh a, "Chutiang zawhna an in zawt ngailo" ka ti hlar a, "Thinrim lo la m, ka hre chak mai mai alawm" a tihchuan "Ka chhang dawn lo che, sawi pawh sawi tawh suh" ka ti a, min kalsan tur anga ka ngaihtuah ringawt pawh ka na thei, "Awle.. ka thiamloh a ni, ka ngai tawh che, a rang thei ang berin lo haw ka tum ang ang, ka dah phawt ange, meeting ka nei dawn a" a ti a, phone kan dah hnu chuan hnathawh ngai ang ang ka thawk leh mawlh mawlh a, ka nau lai pawh thla riat mai a ni ve tawh a, dawr ah kal rawh lovin tih ngai ang ang chu in lam atangin ka ti mai thin, Diki pawh dawr ah a la kal ve zel a, mahse a thawk rei lutuk thei tawh dawn lova, a chhan pawh a pasal in hnathawh a phal loh vang a ni.



Gabi Awmpuia POV




Damdawiin atang chuan ka chhuak a, hmani deuh tang khan ka mu a n a thei hle a, a tirah chuan ka zu in nasat lutuk vanga ka ngai a, ka lo ngaihtuah em em lo, mahse ka lu na chu a zual zel avangin ka farnu bulah ka sawi a, min en fiah hnuah brain tumor ka neih mai theih thu a sawi a, a rang lamah Delhi lama in check up tura kal turin min ti a, Bawihi hnenah hna lam vanga kal tur angin dawt ka sawi a, thih ka la duhlo, ka hmeichhe hmangaih leh ka fa lo piang mai turin kalsan ka theilo, doctor in min check zawh chuan naktuk lama kal tha leh turin min ti a, rin ai takin a serious mai theih thu a sawi a, ka rilru chu a hah ve hle.




Hotel lam ka pan a, ka room ah lutuk Bawihi hmel chu ka mitthla vang vang a, kalsan mai tur anga ka in ngaihtuah pawn ka tawt up up thei, vawikhat nan tak tak Pathian hnenah thinlung leh tih tak zetin ka tawngtai a, ka tawngtai zawh chuan ka tawk buai thei, eng natna pawh lo nei ni ila Bawihi leh ka fa lo piang tur chu Pathian in a awmpui tlat dawn tih ka hria a ni, chumi kar tluan chuan damdawi inah ka kal zat zat a tih theih ang, nurse te lah chuan min en dauh dauh zel lehnghal, doctor cabin ah chuan ka kut a, "I result chu thlaleh lama a lo chhuak chauh ang, i duh chuan in ram lamah haw la, thlaleh ah i lo kal leh dawn nia" a ti a, "Awle.." tiin cabin atang chuan ka chhuak a.




Mizoram lamah ka let tawh dawn avangin Bawihi thil min chah eitur ho chu ka en kual a, ka lei tam hle, a hmuh huna a awmdan tur ka ngaihtuah chuan ka nui suk, naktuk ah ka haw tawh mai dawn avangin zanah ka mu hma a, ka lu na lutuk chuan min ti harh zawk a, doctor in min chawh damdawi chu ka ei nghal vat a, minutes 15 hnu velah chuan na chu a ziaawm leh ta chiah, ka muhil thei tawh lo chu Bawihi thlalak chu ka en a, kalsan ka duhlo, nilo Eng natna pawh lo tawk ila ka dam ngai theihna turin ka bei ang, ka beidawng mai tur a nilo, Bawihi leh ka falo piang tir vang tal pawh hian dam ka la ngai, pa tella ka fa seilian tur ka ngai ngam mi.




Khaw var hnuah ka muhil veleh ta chiah a, zung thawh hma ka ngai bawk nen mit kham lukin ka tho chhuak a, Bawihi hnenah ka haw dawn tih ka la hrilh lova, thawn thut ka duh vang a ni, min hmuh huna a meng phar vel tur ka ngaihtuah ringawt pawh chuan ka nui suk suk a. Lengpui ah ka awm vang tawh a, min rawn lam tu tur ka biak lawk sa vek tawh avangin min lo nghak a, in lamah ka thawmhnaw ho chu dah mai turin ka ti a, bad pakhat ah Bawihi thil ka hawn sak ho chu ka dah a, in lam pan hmasa lovin Bawihi in lam chu ka pan a, door bell ka hmet a, reiloteah Bawihi ngei chuan a rawn hawng a, min hmu chu mak a tih hmel hle, ka mitthla chiah in a meng phawk hle a, "Bawihi min luh tir i tumi em ni?" ka ti a, harh chhuak thut ang mai hian min rawn pan hnai a, min rawn muah chawt a, ka lo kuah let ve vat, ka kim nghal hluah hluah in ka hria.




"Ka ngai lutuk che" a ti a, a nghawng ah chuan ka hmai ka phum vang vang a, a rimtui chek chu ka hnim lut vang vang bawk, "Keipawhin ka ngai lutuk che, kan lut phawt dawn em ni?" tiin ka in la hrang a, "Awle" a ti a, sitting room ah chuan kan in zui lut a, Felfeli pawh chuan tv a lo en a, min hmuh rual rual in "U Gabi i lo haw alaw?" a ti a, "Ka lo thleng ve deuh chiah, thil ka lo hawn che ania" ka tihchuan phur zetin a rawn kal hnai a, kawr fual Felfeli tana ka ley chu ka phawrh chhuak a, ka pe nghal a hawng a, a hmu chiah chu a au hluai a, "Awi.. a mawi lutuk a rawng te hi ka duh tak, ka lawm e aw, i fel ber" a ti a, ka nui suk, Bawihi chuan nghakhlel takin ka thil hawn sak ka peh hun tur alo chang ve ran a.




"Eitur kha min chah teuh a, hei hi i duh zawng a ni em?" tiin paper bag chu ka pe a, a en a, "A van tui dawn, Felfeli xana kan ei dawn nia" a ti a, "Ka lawm e" ka lam rawn hawi chuan a ti leh sup a, a biang ah chuan ka lo chul sak zeuh a, "I hlimna tur a nih phawt chuan kha ai tam pawh kha ka la lei ang che" ka ti sup a, chhang chu phawrh chhuak in a ei nghal a, a thil ei mai chu hmuhnawm ti zetin ka lo en a, *m"A tui dan hi a chhungril ngawih ngawih" a ti a, ka lo nui hawk, tawngkam te hi anei mak sak thei bawk sia. Rei awm lovin ka haw a, ka in uak fai hnuah ka nute in lamah ka kal a, Abbie nen chuan room aha falin kan in bia a, "Engtinge an lo tih che?" a tihchuan "Thlaleh lamah chuah result a chhuak dawn a" ka ti a.




"Awle, a tha lam a bih hram beisei ang, chuan Flora-i hrilh i tum em?" a ti a, "Hrilh lovang, rai mai a ni bawk sia, hetiang lam hriat a tan a thao, rilru hah in awm lo se ka duh, chuan ka nu leh pate pawh hi kan hrilh lovang i hrethiam tiraw?" ka ti a, "Awle" a ti a, ka haw hnuah Bawihi nen chuan kan in be leh a, "Ka ngai che" ka tihchuan "Tlaiah i lo kal kha, a ka reilo sia min ngai leh nghal amaw?" nui hak hak chungin a rawn ti a, "Engtik lai pawhin ka ngai che, i hrethiam thiam em, chuan nangpawh hian min ngai reng ka ka duh, ka ngaih ang chiah che hian" ka tih leh chuan a lo nui hak hak a, keipawh chu ka nui ve suk, rei ngial kan in biak hnuah kan dah ve thei ta hram a, ka lu a na riau lehnghal, damdawi ka ei a, ka muhil deuh nghal chu a nimai.


...


Delhi lamah ka kal leh tawh a, vawinah ka result ka lam dawn a ni, damdawiin ka thleng a, doctor ka hmuh chuan min lo dawng sawng tha hle a, ka result chu a en vang vang a, chutah a nui suk a, "Hlauhthawn awm a nilo e, I thluak ah bawk a awm a, chuvang chu a ni, zai vat erawh a ngai thung a, bawk hi nitel in a lian zual zel a, zai vat a tha ber" a tihchuan ka thaw huai thei, damdawiin atang ka chhuah hnuah ka nau hnenah result chungchang ka sawi a, a ni pawh a thawveng sawt tih ka hria, zung atang khan min rawn be reng a, chutia hlauhthawn awm lutuk a lo nilo bawk a, ka vennei takzet, Pathian hnenah lawmthu ka sawi mawlh mawlh bawk.



Mizoram lamah a ni la la in ka haw a Abbie nen kan in biak zawh hnuah Bawihi in lamah ka kal a, hna a lo thawk mawlh mawlh a, "I va buai awm ve?" a hnunglam atanga ka tihchuan a phu zawk a, "Buai love, ko thu rawh, hei min lo tihpui" a ti a, ak lui ve nghal va, kan zawh chain sitting room ah kan thu dun a, kan pahnih chiah in kan awm a, Felfeli chu a bazar a nih hmel, "Bawihi, in zai ka ngai a" ka tihchuan min rawn en nghal vat a, "Ngatinge i damlo ami, engmah min hrilh bawk silo a, i khawi lai nge zai ngai?" a ti zung zung a, "Hahdam rawh, serious lutuk a nilo, ka thluak a bawk a Awm a, chuchu paih a ngai a" ka ti a, "Engmah i sawi bawk silo, doctor in engtinge. a tih, a hlauhthawn awm loh tak tak a maw?" a ti leh a, "Aw.. mahse a rang lama in zai ka ngai ang" ka ti leh a.




"Bawihi min zai zawh hun ka cancel hunah min nei duh angem?" ka ti a, a ngawi vang vang hnuah "Aw.. ka nei ang che, mahse i damthat vat a ngai ang, chuti lo chu midang pasal ah ka nei daih ang" ka ti a, "Awle, ka dam that vat a ngai a nihchu" ka ti a, "Engtik nge in zai hun tur chu?" a ti a, "Naktip ah a ni ang, a rang lama ka in zai vat loh chuan bawk hi a lian ve telh telh a, in zai hma kha a tha zawk a" ka ti a, "Awle, tluang taka engkim a kal ngei ka beisei" a ti a, in muah rial in ka titi melh melh a, a dul puar lian ve tawh tak chu ka chul hauh hauh bawk a, kan dam chuan thlaleh lamah fa kan nei ve tawh anga, Bawihi leh keipawh ni leh pa kan ni ve tak tak tawh ang.



Three Years Later



"Awmpui, Lalnunfel" ka nupui hmangaih em em mai vun zet a au ri ang chuan ka fanu nen kan phu zuk a "In mak pafa emai, I fanu kha ka bual zo chiah tih i hrelo ami, kha in in tih berh leh vek tawh kha va in tifai rawh u, ninawm lutuk, in thawmhnaw Bal pawh kha su nghal ang che u, nangpawh Gabi hriltlang a tam tih i hrelo ami, Bawihtei a dam lo mai ang asin, I mawl emai, va lut rawh u, I fanu kha fai deuhin buai ang che, ka ngaihsak peih tawh lo che u ka chau tawh" tiin inchhung lamah chuan a kut a, ka fanu nen kan in fiam a, a hami a berh vek lehnghal, "Papa, mama chu sual e" ka fanu duat em em te chuan a ti a, ka nui hawk, "Ka fanu hmeltha te, mama kha tih thinrim loh hram hram tur aw, mama pum chhung ah khan nangma nau tur pahnih a awm tih i hriat kha" ka ti a.




Ni e... tunah hian ka nupui in nau a lai leh mek a thla ruk lai a ni tawh, phir a lai tih kan hriat khan kan lawm hle a nihkha, Mska te pawhin fapa an nei ve tawh a, apa ang maia nuih duh a ni, Rina nen pawh kan in kawm ngeih ve viau tawh bawk, ani pawhin bialnu a nei a, in neih lam an la hlat hmel hle thung, Irenei pawh jail atang a chhuak tawh a, a nau pai kha a ti tla a, tunah hian home ah a awm leh tawh an ti, a chanchin ka ngaihsak teh chiam lova, ka nau sawi danin damdawi a lo ti nasa hle a ni a, mi a ang mai a ni tawh. Ka fanu nen bathroom atang kan chhuak a, ka nupui chu khumah a lo mu a, Bawihtei ka tih mut hnuah ka nupui chu ka va kuah a, "Ka hmangaih che ka nupui duhtak" a ti a, "Keipawhin ka hmangaih che ka pasal duhtak" tiin ka fawp vawng vawng a, vawikhat hun tha hun pe leh a, bawh pelh ka tum tawh lo, ka damchhung zawng ka nupui Flora Laldinpuii leh ka fate kiangah hian hun hman ka duh a ni, ka hmangaih te kiang ngei ah hian....


A TAWP TA


(My Passion tih chu kan lo zo leh ta der mai, a tir atanga a tawp thleng a min lo chhiar sak tur te chungah thinlung takin lawmthu ka hrilh a che u, ka story thar tur All For Love tih chu prologue ka dah tawh a, min lo chhiar sak leh hram turin ka ngen a che u, in duh zawng a nihchuan like leh comment kha min tih sak ve ula aw...)


Show post links
Top