Hey!! Doctor BY Lily Blend (Completed)

[Ngaia]

Zoremsanga POV


"Min thlah I ngaih kha aw" tih pahin room ah a lut zui nghal a, ka thlah dawn tih te chu ka hre ve reng a, ka theihnghilh a hlau ni berin ka hria.




"Hei hi ha ila a ṭha ang em?" Tiin a thawmhnaw ho chu a enkual a,tukin chu eng nge maw a hriat le?




"I duh duh kha ha rawh,a ṭha vek"





"Hei hi kan ha teh ang" tiin kawrfual a la chhuak a, a hak zawh chuan ka chek hlak. Saw tiang hna thawhna ah a hak chuan damlo abikin mipa phei chu an dam var var ang! A ngawng vâr thianghlim zet chu sawi loh a awm bawr tawn tir pawh a lang pha vek!





"I kawr kha thlak teh"



"Kha..I duh duh ha rawh I tia,ka hak zawh ah inthlak turin min ti leh a" tiin a thil inhnawih lai chu a dah ri hrawk a, tichhe chiah se chuan min puh leh vek ang!



"A nghawng zim zawk ha rawh!"




"Inhmeh ka lo inti ve asin bakah awmpuinu emaw te min ti hial a, ka inchei ve deuh tawh dawn" Tih leh a sam siamna nen a sam siam a rual a, tuk dangah te chuan tihkir te chu sawi loh a hnawng chung te'n kal ṭhin kha nia.




"Keiin ṭha ka ti che chuan a tawk mai alawm,inchei vak pawh I ngai hlei nem chuan kawr kha thlak rawh"




"A teuhlo! Ka ha dawn tho tho"




"I thlak loh chuan ka thlah lo ang che,ka kal dawn a nia" tiin ka inher vut a.




"Ka thlak dawn!" Rin aiin a sawi rang phian, nui suka ka melhna chu rum em emin min melh thung. Keimah ngeiin a hak tur chu ka thlan sak a, a ner nawng mai a ni.




A hmai a chei chhungin door bell a ri a, hawng turin room aṭang ka chhuak zui nghal a.



"I inpeih tawh ami?" Kawngka ka hawn rualin Rekha in a rawn ti lang lang a, a ri hlut zel mai.



"Ka hna ah min hruai dawn!" Ti ri ah chuan hnunglam ka hawi a, kan lam panin Sangpuii a rawn phei nghal.




"A lo ni maw?A pawi hlei nem,tlai ah kan haw rual leh thei tho a" tiin kei chu min melh a, pakhat lahin ka banah rawn kuah nghalin min uai ti tih a.




"En teh ka pasal hi duh aiin I hnaih mah mah I ti ve em?A tello in kha chen class ilo kal tawh a, chutiang chuan kal chhunzawm zel ta che tiraw?"



LAWMSANGPUII POV

Ka hma a zam hauh lo a ding nu chu ka melh ve kar.


"A lan dan chuan Sp thil hriat sual I neih a nih hmel, mi pasal em duh tur khawpin ka mit a hniam bik hlei nem. Rema te chu ṭhian angin ka en a,building 1 a cheng kan ni bawk nen a remchang ka tia, ka kal mai alawm...I rilru a tê lutuk emai" tiin a nui suk a,a nui hmel te chu ka tan chuan ngeiawm tak a ni.




"Nanga vai rilru ai chuan a zau zawk!"



"Huh ka awih thei lo,lehkhathiam tak I ni emaw ka tia, mi hnam hmusit ching ilo ni maw?I hniam reuh zek mai"



"Rekha a tawk, chhuak tawh rawh chuan ka nupui ṭawngkam vangin ngaihdam ka dil e" Remsanga'n a tih chuan fel ber leh rilru zau ber awm ang zia zangin a nui sang a, a awmdan leh hawiher hrim hrim hian Remsanga hneh a tum tih chu ka hrechiang lutuk tlat.



"Ngaihdam dil a ngai reng reng lo, a zia a thup mai mai a nih hi"




"A pawi hlei nem mahse Rema ani ang nupui I neih hi chu ka khawngaih ngawt mai che..ka kal phawt ange" tiin a chhuak nghal a, eng maw a sawi kha? Kei ang hmeichhia nupui ah a neih vangin a khawngaih vel a maw?




"Hmeli mai mai chu" Zui chhuah ka tum lai chuan Remsanga'n min dang leh tlat a, ka tal chiam ringawt.



"Min thlah teh! Mi pasal melh ngam tawh lo turin kan zirtir hlak ange"




"I buaina a ho emai! I ṭawngkam lah a chhe si, lo haw ta se engtin nge nih anga?" Aw ki pangngai taka a tih chuan rum lutukin ka melh nghek. Kan inhnialna ah khan ka ṭawngkam chauh maw a lo chhinchhiah?




"Duh leh haw rawh se, ka hlau ther te lo" Room lam ka pan nghal a, zing aṭang ka mood a tichhe vek. Zoremsanga pawh hian a ṭan lutuk a, a ngam pa vek tawh a nih hi.




Insiam thuai thuai in ka bag ka ak a, mahni paw'n ka kal mai ang.




"Lo ding teh,ka thlah ang che" In aṭang ka chhuak chiah min rawn um pha a, ka banah a chelh run bawk.



"Ka duh bawk lo" tiin min vawnna chu ka thingthla hlawk a,a rum nghut.




"Luhlul viau suh,ka thlah ang che"




"Zoremsang I thlah ka ngai lo!" Ti tuarin elevator inhawng ah chuan ka lut nghal a, a inkhar dawnah pawn a bawlhlawh bawm kan dah chu a chhir zui chu ka hmu a, chhir chhe vek rawh se.




In lama buaina neih a hna kal chu ka engtih mah a nuam lo! Ipik ṭunin damlo te ka en a, ka mimal thilin hna a tihbuai hi ka duh ngai lo mahse tukin chu min tibuai tawh a nih hi.




Cabin a ka ṭhu mai mai pawh chu ka chau hluah hluah! Dar 1 aṭang emergency in naupang ka zai a, zai dawnah pawh a la tal fat fat a, a hlei vanga insawh a nih ka ring bawk.




"Scalpel min lo pe rawh" Ka sira nurse ding hnenah chuan ka hrilh a.



"Lancet ka ti lo!Scalpel I hre lo em ni?" Ka vin tuar a, awm ve ho zawng zawng chuan min en dawrh mai. Scalpel ka ti mawlh mawlh a lancet min lo pe hram a nia, mawlh leh lutuk. Ka vin chak vang hrim hrim pawh a ni lo, zai kan ṭan dawnah pawh a lo chiu sual leh a, ṭul lo ah naupang thi a tichhuak ringawt tawh bawk.






Dar 3 rik dawnah kan inzai zo a, naktuk aṭang zai pangngai kan neih dawn zui a, a hahthlak dawn hle mai. Ka haw a, in ka thlen chuan Zoremsanga pawh a lo awm reng a, class a kal lo nge a haw hma zawk le?






Ka thawmhnaw te thlakin inbual hma tiin fridge hawngin in tur ka insiam a, eirawng bawlna tur tui ka la lum lo tih hrechhuak lehin kitchen island ah ka thei tui chu ka dah a, tui chu ka lum nghal zat.





"Khaw nge?" Inherin ka thei tui in mek kha ban ka tum a,a lo awm tawh hauh lo.




"A va tui reuh e" Titu chu ka melh haw a, no ruak chu tui khawihna ah a dah nghal a, a lo in zo vek a nih chu! Chu pawh tui ka lum chhung lehnghal!





"Ka thei tui I in ringawt a nia" Siam sa pawh a ni lo, ka mix nasat nen a.





"Insiam leh mai rawh" tiin room ah a lut zui hmak a, a awmdan chu ka ngei takzet.





In siam buai peih tawh lovin chaw chu ka chhum a, ka tum burin ka ring! Eirawng bawl laklawh laiin ka ril a ṭam leh tlat a, bawl pahin chhang leh bawnghnute te ka in leh phawt a, tiang hian ka awm ngai pawh ka hre lo. Puar thleng chuan ka ei a, keimah ka ni lo emaw ka ti hial. Chaw ei dawnah chaw chu ka ei thei lo ta reng a, Remsanga'n ka titau emaw a tih phah hial.






"I zir dawn lo ami?" Khumah ka mut laiin a rawn mu ve ringawt a, zan dangah chuan tun ang hun hi lehkha a zir ṭan lai a ni ṭhin a, zanin erawh ka mut rualin a rawn mu ve hmak!





"Umm ka chau lutuk a,ka zir peih thlawt lo" Mut thlak pahin ka dulah min rawn kuah nghal zat.





"Zan dangah I meng rei ṭhin sia, chumi vang chu a ni ang" A sa hmin lai chu dim te tein ka ṭham sak a, hahdam hmel takin mit a chhing chial bawk.





"Tihian zaninah I bulah ka mu anga, ka dam sawng sawng mai ang" tiin min kuahna a tinghet salh a, awih lo lutukin ka nui har har bawk.





Ka bulah a mut ringawt vanga a dam thei a nih chuan a mak hle ang!





Gynae doctor bulah thla tin in check up in ka kal ziah a, ka taksa a in fit tawh thu te min hrilh a, hma ka sawn chak thu min hrilh bawk. Damdawi eitur min chawh te pawh a tlem tial tial a, tunah phei chuan chi 1 chauh eitur a awm tawh.






Remsanga pawh class a kal nitin a, a rawn chau thei khawp mai! Rekha nen paw'n an la in kawm a nih hmel a, kan inah erawh a rawn kal tawh ngai lo hrim hrim.





Ka awm a nuam lovin ka chau ngawih ngawih a, ka thin a chhe em em bawk! Ka thinchhiat vangin Remsanga nen paw'n kan intithiam lo hial tawh. Thil ka dahna hmun min zawt a, ka hrilh hnuah a hmu lawk lo a,keilahin vin hrep inpeihin ka chang reng a, vawi 1 chu ka vin nghe nghe! Ani lah mipa inla pa ve tawk tak a ni a, hmeichhia zawkin ka vin chu a pawm thiam lo deuh a,'Vin ziah suh!A dawngsawngtu nih reng pawh ka ning' a ti ve hrawk a,chumi tlai phei chu biak pawh kan inbe lo!





*Tinge vawiin ilo kal lo a?*
*I dam lo ami?*
*I awm si lo a, class kal pawh a nuam lo* zawngte hmai hup a rawn dah tel a, phone lock screen ah a lan vek vangin ka hmu chiang ngang mai. A hming ka en chuan thinrim luatah bathroom aṭanga lo chhuak mek vawm nan ka hmang nghal a! A inring bik si lo nen a dar ding lamah fuhin phone chu chhuatah a tla ri chuai a, a hmai vel a keh ngei pawh ka ring.




"Eng nge ni leh ta?Ka phone i tihchhiat ringawt le" A phone chhuat ami chu chharin phone screen keh chu a en a, a on a, a nung thei mahse a screen a chhe nasa lutuk!





"Tinge kha vainu kha ila biak?"




"Ka be lo!" A message ka hmu hnuah pawh a la pha ngam a nih chu!




"Dawt min hrilh tawh suh,inla inkawm zui zel tih pawh ka hria"




"Ṭhian satliah alawm! Ṭhian angin en ve mai ta che, a fel a, ani paw'n kawm ve a duh che a, nang lah chu i vin chiam zel a,tuma'n an kawm tak tak peih lo ang che!"




"Ka kawm ang maw?Huhh ani kawm ai chuan ṭhian neih loh ka thlang zawk!"




"I kawm duh lo paw'n ṭha takin be ve mai rawh. Ani a nih vangin thik tur 1 mah a awm lo,Lucy ka kawm ang hi a nimai. A bak engmah a awm lo" A vin tawh lo a,ṭha deuh chuan a sawi ve mai a mahse kei chu ka ni ve lo,ka sa zual sauh.




"Lucy en danin en ve che se lang ka hrethiam ang,mahse a en tlat lo che! Ka thik tih I hriat te chuan kawm ve lo mai ta che! Ani ṭan zawng hlirin I ṭawng a,in inngaizawng hial em?" Ka au a ni ber! Ka hrawk pawh a thip hlur a, ka mittui ka biangah a luang thla nghal pap.





"Lawmsangpui ka ning ta hle mai! I ṭawng leh a nih chuan ka beng ang che!Thil vawi 1 mah tichhe tawh bawk suh" a ti hrawk a, kei ai naupang zawkin benah min vau a nih chu!




"Ka duh duh ka tichhia ang,ka lei vek anni tho alawm!" Ka thusawi chu ka sawi zawh rual rualin ka inchhir chawpchilh nghal! A hre pha ve bawk! A phone chu humin chhuah a tum a,chhuak lawk lovin min hnungchhawn zawng chuan a ding reng bawk.




"A ṭha, I lei zawng zawng chu I tichhe thei alawm, hei pawh hi I lei a ni tak e" tih leh khum lam rawn pan a rual a, phone chu khumah nghat chawrhin a bday a ka tshirt pek a hak mek chu a phelh nghal a, mittui kar aṭang room a chhuahsan chu ka en reng bawk.




Khumah chuan ṭhu thlain ka thusawi ṭul lo zet vang chuan ka sam chu ka ṭham vak a, ka au chiam bawk! A thusawi ai chuan a kawr hak lai ngei phelh a min dah khum khan min tinâ takzet.




Tho vatin room aṭang ka chhuak a, pawn chhuahna kawngka lam ka pan nghal zat. A chhuah daih ka rin vang a ni mahse a in lock thlap a, ka thaw huai bawk. Room lam ka pan a, a lehkha zirna room ah chuan a awm lo nghal pang. Room lehlam hawn leh ka tum chuan a lo inkalh tlat a, ka kik dawt dawt.





"Remsang lo hawng teh"
"Ka tihpalh aw?Kawngka lo hawng teh khawngaihin" Mittui hru mawlh mawlh chung chuan room kawngkhar chu ka beng a,thawm a reh tlawk tlawk. Trixie lo kalin ka bulah a rawn ding a, mak tih hmel zetin min melh haw bawk.




"Remsang lo hawng teh" Dar kâr 1 dawn ka ṭhut hnu paw'n a lo la hawng lo a,bang nghengin ka ṭhu a,Trixie ka bulah a bawk than bawk.




ZOREMSANGA POV


Zingah chuan mit kham ṭunin ka harh a, tho chhuakin ka hmai vel ka phih a, khum bul vela beer can let hlawm reng ka hmu chuan nizan thil thleng kha ka hrechhuak zawk! Thinrim ai mah chuan a thusawi duh dan khan a lakah engmah ka nih lohzia a tichiang a, min tinâ hle bawk! Beer in nghekin min auhna pawh ka mang hriat ruai ruai tawh a nih kha.




Room aṭang ka chhuak chiah Trixie rawn tho tharh a, ka phu zawk nghe nghe. Bang nghenga muhil chu ka en a, nizan khan room a pan leh tawh hauh lo tih ka hre nghal.






Thinchhiain ang nasa ṭhin mahse a hnuah a inchhir ziah a, nizan a thusawi vang pawh khan a inchhir tih ka hre bawk mahse mipa ka nihna angin a thusawi khan min ti tlawm a, ka zak bawk!





"Khumah mut tur che lawm" Pawm thoin room lam ka panpui a, harh pawh a harh lo. Dimtein khumah ka mut a, harh chu khawi lam a kâ a tep chiap chiap ringawt. Puan sin tirin room ka chhuahsan a, eirawng bawl lehna hun ka neih tawh miau loh avangin class kal turin ka insiam a, restaurant velah kan inhnawh puar mai a ni ang chu.






Gate bulah ka din laiin parking lamah Rekha chu ka hmu leh a, ani pawh hi buaina min thlentu bak a ni lo! Min biak tumin ka lam a rawn pan leh a,a lo thlen hmain cab ah chuan ka luhsan hmak bawk.





LAWMSANGPUII POV


Ka harh meuh chuan dar 9 a lo hnai tawh a,ka pum a ri ruk ruk bawk. Mak ti deuh chuan room chhung chu ka en a, nizan khan ka mut luh awm pawh ka hre si lo. Puan ka sin thlap danah Remsanga'n min muttir a nih ka ring. Tho sawk sawkin a room hman lam ka pan a, a lo awm tawh miah lo. Bathroom leh balcony ah pawh a awm chuang lo! Chahbi dahna ka en lahin chahbi chu a awm reng a, khawiah nge a kal daih le?



"Khawiah nge I kal a?" Ani hi ka thusawi vang khan thinrimin min chhuahsan daih a ni ang. Ka ngaihtuahna vang chuan ka mittui a rawn tla leh a, tunlai ka awm dan hi ka hrethiam bik lo. Chhan awm lovin ka chau em em reng a, ka thin lah a chhiain mi ka vin reng a, ka period lai bakin ka thin a chhe ngai lo asin le? Ka damdawi ei vang a nih ka ring ta ber a, doctor chu hmu leh ngei ka ngai. Inbual sawk sawkin ka insiam nghal a, chaw pawh ei lovin hospital lam ka pan a, ka cabin lam pawh pan hmasa lovin dr Shweta cabin lam ka pan a, inentir an lo awm lo hlauh.





"Hei hian va in test la tiraw dr?" A tih chuan mak ti deuhin dr Shweta chu ka melh ringawt. Ka awmdan engkim ka hrilh a, ngawi renga a ngaihthlak hnuah pregnancy test kit min pe ringawt a nih chu!




"Dr hei chu a ni dawn ami?"




"Test phawt la tiraw?" A tih tlat vang chuan amah toilet ah chuan ka lut a, in ring lo deuhin ka in test a, thin phu dup dupin test kit chu ka en a, a lan dan chuan ka rai!



"Woww congratulation!" Result a hmu chuan min kuah chuk chuk a, ka la ring thei chuang lo.



"I awi thei ngang lo a ni maw? Ultrasound ka tihsak ang che" tiin mutna lamah min kai phei a, ka kawr hlimin ultrasound tih dawn a an hnawih ṭhin gel vawt thler chu min hnawih a, khawlah chuan a en nghal zat.




"Helai hi naute chu a nia,thla 1 leh chanve a ni tawh lehnghal" a ti leh zel a, thla hmasa ka period lo tih ka hrechhuak ve chiah.




"Ka lawm lutuk a nia aw dr"



"Pathian vang vek zawk alawm, ka tih theih engmah a awm hlei nem..ka lawmpui lutuk che aw" Roman catholic a ni a, cabin chhungah pawh Mari thlalak a tar nghe nghe.





Ka cabin a ka awm hnu paw'n ka za cheng maiin ka hria, ka dul puar pawh la puar lo chu hlimin ka en leh ringawt ṭhin. Remsanga hrilh tumin ka call a, phone pawh a keng lo tih ka hre leh chiah. Remsanga ka hrilh hma chu tumah ka hrilh duh lo avangin Amy takngial pawh ka hrilh ta lo.





Ka thinchhe em em te,Remsanga takngial pawh ka milh theih loh chhan te kha ka rai vang lek a nih chu!




Remsanga hmu atan tiin pregnancy test kit ka lei haw a, kan pahnih inkar pawh a siam ṭhat ngei ka beisei.




Inbual pahin ka in test a, a positive leh tho! Ka khi vur vur reng a, thla tlem te mah ni se mihring tak tak angin ka be hial tawh.




"Babe thil hrilh tur che ka nei" A lo luh rual rualin ka lo be nghal sawk sawk a, min melh run bawk.




"Eng nge?Nizan thil bawk kha i rawn ṭan loh ka beisei" A tih chuan ka nui tawp riai riai a, engmah ka sawi hma a chutiang zawnga a ṭawng ringawt chu ka la nâ ve det.



"Theihnghilh rawh engmah a ni lo" tiin chola lam ka panin ka kal daih a, hnung lamah a thaw ri hrawk.




Ads click


Show post links
Top

[Ngaia]

Zoremsanga POV

Engmah sawi lovin choka lamah chuan a kal daih a, ka en zui reng bawk. Tui khawihna bulah a va din ren rawn hnuah rum em emin min lo melh a, a eng pawi nge ka sawi leh tawh ni?




"Eng nge min hrilh duh chu?" Choka luhna bula ban chu nghengin ka en reng a.



"Engmah!Thlawk bo rawh,ka hmu peih lo che" tiin kitchen cabinet a hawng ri hrawk a, a intih palh ka hlauh luatah a bul ka thleng der.



"Khatin ti vak ṭhin suh,I inti nâ anga sin"




"Ka nat leh nat loh chu ilo ngaihtuah ve angai lo,ka hne tlat che...sawtah va kal rawh!" Ka ban chu min ben thlaksak nghal zat a, tunlai a awmdan hi chu hriatthiam a har ṭhin khawp mai.





Eirawng a bawl chhunzawm a, a che reng reng chu nidang a an loh em vangin ka awmpui chawt a, chawhmeh a chawk pawh a chawk sawk sawk mai a,thirbel mawng chu tikuak a tum emaw tih mai tur a ni. Ka biak paw'n min chhang lem hlei lo.





Chaw kan ei a, vawi 2 vel a bar a, min kham san daih! Mahni a chaw ei chu a khawhar thlak zawk. Room ah a lut daih si a, a nuam sam lo a nih ka rin vangin kan eina pawh ka seng a, thleng pawh ka sil thlap.





"I pa amah chauhin chaw kan eitir ringawt a" Khumah min hnungchhawn zawngin a ṭhu a, tu chu nge a biak ni? "Lian vat vat rawh aw,huat neih chu a hreawm emai..I pa lah hian engmah a hrethiam si lo" tiin a thaw hak a, ka dinnah ngai ah ka la ding reng. "Thleng sil ang aw?" Tho thuaiin a rawn inher a, min hmu chu a meng kawk a, a kutin a dul a hup bawk a, kei hi 'pa' ka ni tihna em ni?




Lawmsangpuii POV

"Naute..i neih ami?" A kutchalin ka dul chu a rawn kawk a, a hmelah chuan rinhlelhna ka hmu bawk.




"Ka neih loh!Ka pai" tiin ka kal pelh a, lang lo lamah ka kiai suk bawk. Hepa ṭawngkam thiam loh dan hi chu a mak a ni.




"I ti tak tak em?" Tui khawihna bul ka thleng chiah tih ah a rawn lut ve nghal a, thleng pawh a awm tawh lo! Ka inher leh chiah ka inhmachhawn ta ran a, awih harsa a ti viau ang. Ni e, a paitu ngei pawh hian ka la ring thei lo.





"Ka tihder ngai che mi?Hei en rawh" tiin ultrasound thlalak leh test kit ka ah chu dawhkanah chuan ka pharh a, a lo hnai ve thuai bawk.






"Eng atan nge pendrive te chu I ah a?!" Han ti a mawle, insum zo lovin ka nui ta chiam a, test kit keng chungin mak tih hmel deuhin min en reng bawk. Test kit kha pendrive emaw a tih a nih chu!





"Rai leh rai loh test na a nih kha" ka tih chuan phun hlukin dawhkanah a theh thla nghal.





"Rin 2 a awm a, awmzia chu ka rai tihna chuan hei hi en rawh,helai dum tereuhte hi naute chu a nia" tiin thlalak chu ka hmuh a, a lai ve deuh emaw ni?a tukkhum thak lo pui chu a hiat deuh reng mai.





"A va mak ve..thla engzah nge?"





"Thla 2 a tling ṭep..vawiinah ka in check up a,doctor in min hrilh a..i lawm em?" Ka hre chak tlat, nichin aṭang khan nuih chu sawi loh mak tih hmel a la pu char char.





"Sawi teh suh,pa pawlah hming ziah luh nghal mai ka duh" Nui suk sukin min kuah a, chhe reuh tak tak.




"Chaw I ei tlem sia, a rawn puar thei lo mai anga" Hnung lam aṭang ka dul chu a rawn hup vang vang a, a la puar miah loh avangin hup hneh tak a ni.




"Raino lai chuan chaw ei te a har a, huat te kan ngah a..tihlui tum paw'n a theih loh"





"Min haw kher suh aw, ka duat thei lo palh ang che" Ka lu ah min fawp zeuh a, a kut ka lo hum hnan ve nghal zat.





"Engtika kan siam tak ni ang maw?I muthilh laia ka siam emaw ni dawn le?" A tih chuan ka luin a awmah ka tauh dawt.





"Zoremsang!"





"I hna kal dawna ka siam kha a ni hrim hrim" A rawn ti leh zel a, ka van ngei mai mai tak.




"Ngawi chip cham rawh" Kan ti rual a nih chu!




"Ka tihdan zir vel suh aw"
"Min va hrechiang awm ve" Ka sawi chhuah rualin a rawn sawi ve nghal a nia, min lo chik awm hi ka ti nge ka hmang ngun lutuk a, a hre tawh zawk?




"Ka nupui ka hriatchian lovin tunge ka hriatchian ang?I engkim, chhung lam leh d** nawmna lai pawh ka hre vek!" Tih leh ka beng kawm seh a rual a, ka lo ip chawih bawk.




"Thu sawi phawng phawng zel suh"





"I zak reuh em ni? Nu i nih tawh kha,zah tur a ni lo ve"





Kan intihfai zawh ah Pathian hnenah lawmthu sawi ṭawngṭaina kan neih a, ka rawtna angin ṭha takin a ti ve mai bawk. Chumi hnuah khumah kan mu a, ka dul puar pawh la puar lo chu kei aiin a lawm zawk emaw tih mai tur a ni, ka kawr hak a hlim a, chul riak riakin a fawp thul.





"Nangmah a chhun che chuan a hmelchhe ngawt ang!" A tih a nih chu! A bengah ka pawh vak chuan a nui suk suk a, a sual thiam ngawt mai.




"A chhun che chuan a sual ngawt ang" Ka tih chuan ka hnute a rawn ṭham vak a, a nâ lek lek.




"A luck dawn tihna,hmeichhia a nih chuan zantin inleng a neih anga, mipa a nih chuan hmeichhe tam tak a tiṭap ang,keimah vanga i ṭap ang deuh khan"




"Ka ṭap bawk lo" Ti a a sam hnim lai ka ṭham vak chuan ka kut a rawn chelh ve nghal a.



"Kut ram lutuk tur a ni lo, a chhun che chuan kan buai lutuk ang"


Eng eng emaw sawiin dar 11 kan thleng a, light te off a muthilh ka tum hnuah pawh ka dul a la khawih reng a, a lawmzia sawi chamchi lo mahse a chet dan chuan a lawm tih min hriattir a,naute hrinsak thuai min tichak zual a, ka thu chu ni se zanin lah lah a hrin mai te nia ka duh!






Nau ka pai tih a hriat hnu chuan min duat leh zual a, raino huat ka ngah lutuk mawlh chu a hreawm ka ti a, Remsanga ngei pawh ka lo vin leh chiam zel a mahse thinrim a hnekin min dawh hram hram a, ka uak ri a hriat hlek chuan ka bul a rawn thleng chawpchilh zat zel.






Thla 3 kan tlin chuan ka zia chho tawh turah ka ngai kha a nia mahse kan buai zual! Khawsik ser ser ka neih ṭan a, hna pawh ka kal mumal thei lo! Remsanga pawh min buaipuina lamah lehkha pawh a zir hman tawh lo a, a chawlh zin tak em vangin kal turin kan intilui a, rilru nuam lo deuhin a kal a, hetiang ni ah hi chuan a kal tluan ni awm mahse half holiday a lo haw ṭum a tam zawk.





Dr Shweta bulah kalin kan inentir leh a, raino in a ken a nih thu leh hlauhthawnawm a nih loh thu min hrilh a, damdawi tlem a zawng min ziahsak hnuah kan haw leh ta a.






Zanah chuan khumah ka mu a, damdawi min eitir hnuah ka ke min hmehsak a, min buaipui na lamah a chauh dawn tehreng nen.




"Lo mu tawh rawh, ka kuah chak che nia aw" Hetia thlem loh hi chuan min hmehsak ngat ngat zel a, thlemna ni mahse ka kuah chak tho bawk a.





"Hetia ka mut hian I tan a hreawm em?" Ka mitah tak min rawn melh a, min hmangaihna mitmengah chuan ka lo luangliam zawih zawih mai a ni.




"Hreawm lo, a nuam lutuk" Keimah zawkin ka kuah nghet salh salh a, ka chalah min fawp nghal zat.





"Rempuia a nih hi,kan chhang lawk ange" ti a thawh a tum chuan ka lo ṭang ve tlat a, mak a tih hmel viau. Mak a tih paw'n a awm reng, ka thinchhiat em vangin a phone hmang te kha ka ngei a, ka ngai kawi a, khumah phone a bian hlek chuan pawnah chhuak turin ka hrilh ṭhin a, ngai ah a neih tawh a nih hmel.




"Hetah chhang mai rawh" Min en vung vung hnuah Zorempuia call chu a chhang ta a, a inthlahrung deuh a ni ang, 'hello' a tih ri pawh zawi tak a ni.





A inbiak chhung chuan a awmah beiin thil hrang hrang ka ngaihtuah a, tunah chuan nu leh pa kan ni ve ta reng mai a,Trixie nen kan 3 a khawhar taka kan awm rek rek ṭhin pawh a zia turah ka ngai. Dama kan awm chuan thla 5 hnuah a piang anga, naute awm tur leh chhawnchhaih tur kan neih tawh anga, 'Zoremsanga leh Lawmsangpuii te fa' tiin an sawi tawh dawn!





"Eng nge I ngaihtuah a?I nui vur vur mai sia" Ti ri ah chuan ka khawvel duan aṭang ka harh chhuak chiah. Nu nau pai te hian ka awmdan ang hian an awm ve ṭhin angem le?





"Naute lo pian hun tur ka ngaihtuah a"





"Lo piang thuai thuai se ka bimbemtei chu"Tiin ka dul chu a chul riak riak a, hmeichhia a nih a ring deuh a ni ang.





"Bimbemtei i tia, mipa pawh a ni thei asin"





"A tuai daih mai anga" Amah zawk chuan a ti leh a, a pa tur heti hi a la ni a, a hahthlak dawn hle mai.





"Rempuia chu a dam ṭha maw?"




"Umm naktukah a lo zin dawn a,exam a neih a"



"A va ṭha ve,hruai te a ngai em?" Rempuia lo zin chuan Remsanga paw'n nuam a ti dawn lutuk,sawi lo mahse a phirpui a nia, unau dangte aiin a ngai zawk dawn tih ka hria.




"Ngai lo chu a tia,a ngaih tak leh ka va hruai dawn nia...muhil tawh rawh le,nu ber i men kur chuan naute paw meng kurin a lo chhuak palh ang" tiin min kuah chuk chuk a, a rimtui zet chu ka lo hip vang vang bawk.





Zoremsanga POV

Sangpuii chu kâr 1 dawn a chawlh tawh vangin hna ah a kal hram hram a, kal rih lo tura ka tih paw'n 'a inthlahrunawm emai bakah a pian hunah chawlh ka la leh duh dawn sia' a tih vangin a kal ka phalsak hram. Tlai dar 1 velah Rempuia a lo thleng a, a sawi angin hmuah chu a ngai lo e.





"Kanu'n hei hi lo pe rawh a tia chuan a pickle siam pawh min lo ken tir bawk a..in nupa in in ei dawn nia,tui in ti viau ang" tiin pickle bawm ni ngei tur chu dawhkanah a dah a, envelope min pek chu ka lo ban ve mai bawk.





"A siam buai duh kher a nih chu, pickle tel lo paw'n kan ei thei alawm"




"Kanu chungah I lawm lo tih ka hria mahse tunah chuan a inchhir takzet a, inlo let duh kher lo paw'n I ngaihdam thu te hrilh la, sual ka ti ve lutuk mahse I awm loh hnuah a awmdan chu hmu ve lang a sualna chu i theihnghilh vek ang, a khawngaihthlak asin! A dam ṭha ngai meuh lo a,Kapa pawh hian insawiselna a ngah si"





"A tar tawh a nih chu"





"Kapa chu I ngaihdam loh paw'n Kanu tal hi chu ngaidam la, be tawh hram teh"




"Anni nen inhnimhnai leh ka peih lo! Ka class kal a hun,i duh duh khan lo awm tawp rawh" Chawhnu class kal ka ngaih vangin ka chhuahsan a, naupang a ni tawh lo a, lo inbuaipui ve mai teh se. Class ka thlen chuan Rekha in min lo nuih leh var var a, tawitein ka nuih ringawt. Ka nupui berin a mil thei si lo a, lo biak reng pawh hi pa ni tawh mai tur tih atan chuan a mawi lo a ni.




Class chu an la leh mawp mawp a, vai ho chu mi confi ngang hi an nia, zawhna lah an ngah. Thiam pawh an thiam reng bawk!





Dar 6 velah in ka thleng a, khua a thim tawh bawk. Ka nupui leh Rempuia an lo awm a, eng chungchang emaw sawiin choka ah an awm a, pawh duh lawk lovin an thusawi chu ka ngaithla a,bang phenah ka din miau vangin min hmu kher lo ang.



"Remsanga hi chu nang paw'n I hriat kha, a duhlohna lamah hi chuan tihlui theih a ni ngai lo a bakah hnawtchhuaktu zawkin a koh kir leh a, atan chuan a tlawm thlak ve deuh" Sangpuii'n a ti niah niah a, ka chungchang an sawi a nih hmel.




"Kanu hi lawm a inchhir leh a, Remsanga a ngai luatah a dam lo nimaiin ka hria..tunah phei chuan naute I pai tawh lehnghal a, a hmuchak zual ang che u"




"Naute te hi piang phawt se, Remsanga chu ka lo hrilh ve dawn nia, a rilru te pawh a thlak ve maithei asin naute vang tal paw'n" a tih chuan ka kut ka hum ruh nghek, ka fa lo piang tur vanga anni lakah ka rilru ka thlakna chhan tur reng ka hre lo.





Khuh kharh a choka lama ka luh takah chuan thil dang an sawi ta daih a,an ṭangrual ve ngei chu niin.





"Patea ka ni dawn sia, lo piang thuai se a ṭha ang..min han chhun em em bawk se la"



"I fa ni lo chu eng atan nge a chhun ngawt ang che?"




"A pa unaupa ka nia lawm,bakah nang ai chuan ka ṭha hrim hrim a, min chhun chuan a lawm zawk ka ring" A chhun vaih chuan naupang zawhna ngah deuh a ni mai ang, Rempuia hi Kanu leh chhungte sawi dan chuan zawhna a ngah thei em em a, thil a zawt a, an chhanna kha zawhnain a zawt leh chhawng a, a tawp thei tawh ṭhin lo. A tlangval hnu hian law a zir ta reng bawk a, naupan lai aṭang tawh thil ngaihtuah ngut ngut peih kha a ni miau a.





Zanriah eikham chuan kan vaiin sitting room ah ṭhuin kan titi a, Trixie pawh Rempuia bulah a bawk than a, a nel ve nghal chu a nih hmel.




"Lo ṭhu r'u...I mutna tur ka va tifel ang" tiin kan unau chu min thawhsan a, mikhual room tana kan dah ah chuan a lut nghal bo daih bawk. Unau chauh a ṭhut takah chuan sawi tur a vang phian a, mipa kan ni leh zel bawk nen.





"I class kal chu engtikah nge I exam dawn?" A rawn ti ta khauh a, kan boruak ṭang ut pawh a zia deuh.





"November ah kan exam dawn"



"Thla 2 ṭha chiah I neih tawh a nih chu,ṭang rawh aw..Sangpuii'n a duat che sia,I nupui ang hi tawng ve ila a ṭha ang" a tih chuan ka chek hlak, ka nupui ang midang an lo awm leh zel te'n a special tawh nang.



Lawmsangpuii POV


Pathian zarah dam takin thla 5 kan tling a, kei pawh ka zia tawh viau. Zing kar luakchhuak engmah ka neih tawh lo va, chu a hnekin ka thil ei a tui em em a, ka thau thur thur mai a ni. Chaw ka ei kham chiah emaw tih pawh hian thil ka ei chak leh zel a, ka ngaihtuah phei chuan rapthlak ka inti.





Sawi leh sawi hnu Remsanga a fel em em a, ka tihtur te pawh amahin min tihsak vek a, in chhung chet thlengin! Awmpui lak tur ka zawn paw'n 'pawisa inkhawl kan ngaih kha' tiin min hnial tlat a, ka la ta bik lo. Zanlai ah rilṭam leh zun chhuah vanga ka thawh hian a rawn tho ve thuai zel a, a chau tawh viau ang.





Amy paw'n kan chanchin a hre tawh a, min lawmpui khawp mai. Ka hrilh ni phei chuan a rak chul a, video call in min rawn call a 'khawi maw i dul chu ka lo en,a puar tawh em?' A ti zat zat a, chutiang bawkin Lalfeli pawh! Chhungte dang tumah kan biak tak lo ah chuan lawmpuitu pawh kan neih lem lo a mahse a hre awmchhun te chuan min lawmpui em em mai a ni.





Zan khat chu khumah kan mut laiin naute a rawn che a, hlim luatah mittui a tla hial.



"A nâ em?" Ti a ka dul a rawn chul chuan ka nui ta ringawt, naute a chet khan a nat a ring a nih chu!





"Nâ lo e, a dam ṭha tih hriattirna a nia, ka lawm zawk daih" Ka tih chuan bu nghat nghatin naute chetna a pawng bik lai ah chuan a tawk a, naute chuan a pa kut chu a hria emaw tih mai turin a che uar a, a rawn pian hma aṭang hauhin nun a tihlim a, rawn piang se chuan a pa hian a atchilh mai ka ring.





Ka dulin min dip ve deuh tawh vangin thil ka ti zung zung thei tawh lo a, naute thla 7 tlin hun chuan chawlh ka la tawh ang. Kawng tawt leh mi tamna ah phei chuan ka tan kal loh a fuh ber tawh a, Remsanga paw'n kal lo turin min hrilh ziah bawk.






Chawlhni ah chuan inkhawm kan tum ve a, helamah thla tam kan lo awm ve tawh a, vawi 1 mah kan la inkhawm lo chu thil mawi pawh a ni lo. Puan bih thei ka nih miau loh avangin kawrfual khup khuh ka ha tawp a, khaw lum nen paw'n a inrem viau.





"A hniam kha bun rawh"Pheikhawk bun tur ka en lai chuan hnung lam aṭang a rawn ti vut a, a sang tih ah kutzungpui tia a sang bun ka tum kha a nia, a hmu lo lamah ka ner nawng ringawt.





"A nalh lo e, ka sang lutuk bawk si lo, ka dul nen phei chuan" ka ti nang nang a. Ka thil ei theih luatah ka thau tawh em em a, ka hnute leh mawng pawh a hma ai zawngin a lian tawh a, mite tan phei chuan hmu ka hreawm ngawtin ka ring.





"Nalh lutuk zawk alawm, naute vanga hetia awm I nia,ka chhuang lutuk zawk che bakah tluk sual a hlauhawm, fimkhur tluk a awm lo" tiin hnung lam aṭang ka lu ah a rawn fawp zeuh a, pa berin a tih tlat chuan nu ber chuan sawi theih ka nei hlei nem.





Scooty ka chuan a phal tawh loh vangin cab in kan kal a, kan vawi 1 inkhawmna tur a nih vangin ka zam deuh a, Remsanga chu zam hmel pawh a pu lo! Biakin kan thlen chuan kan hmel ang pu te leh Mizo ṭawng hmang ri te pawh hriat tur a awm a,hmelhriat ni kher lo mahse thla hi a muang em em mai a ni.





Remsanga bulah ka ṭhu a, hla lah chu rin aiin a thiam reuh phian lehnghal. An sak apiang a sakpui ve thei mai zel a, ka en ha ha reng.





Inkhawm ban chuan biakin kawtah dingin refreshment atan a an siam thei tui chu kan in a, tleirawl hmeichhe ho in ka bul ami chu an en duh riau lehnghal.





"Remsanga chu helamah I awm elo?In hmu ava khat ve" Mipa 1 hian Remsanga chu a lo chibai a, chhip ruak leh tum tawi ve deuh mai a ni.




"U Mafela chu ilo haw khat em alawm, helamah kan awm a,hei kan nu Sangpuii chuan Babe hei hi Aizawl a kan ṭhenawm u Mafela a nih hi" A tih chuan ka lo chibai ve thuai a, min koh dan vang khan ka zak deuh..a biak pa lah chu a 'u' tlat a, aia upa hma ah min koh dan vang chuan ka sa vek!




"Nupui I neih hmelṭha hle mai, keini lah 1 pawh kan la hmu ve loh laiin naute in lo pai tawh lehnghal a, hmu a chakawm tawh ngei mai..Sangpui engtikah nge inneih dawn?" Ti a kei min melh takah chuan november a nih thu ka hrilh a, lo en ngei a tum thu te a sawi zui bawk a, a ṭawng duh phian a, kawm a nawm viau ka ring. Hruaitu a lo ni leh zel bawk nen hming te pawh kan ziak lut ve a, a ṭhiante bulah min hmelhriattir a, Remsanga hretu an lo ni deuh fur a, Aizawl mi hausa fapa a ni ṭhin tak alawm. La inkhawm ziah turin min chah luam a, upa chan an chang thiam hlawm khawp mai.






Helamah chuan inkhawm hun a tlai em vangin kan haw in kan thlen chuan dar 3 a ri tawh a, ka inthlak zo chu ka mut a chhuah em vangin khumah ka bawk zal a, ka muhil chu a ni der.






ZOREMSANGA POV

Khuma tui taka muhil ka nupui hmelṭha zet chu ka thlir a, ka lung hi a dum em em mai a ni. Kan fa lo piang tur pawh hi hmeichhia ni se, a nu chhun em em mai se ka ti ṭhin. Farnu ka neih loh avangin fa ah tal chuan hmeichhia neih ka duh a mahse Pathian thu thu a ni a, fa pawh malsawmna vek an ni a, hmeichhia a ni emaw mipa a ni emaw a lawmawm vek mai.




"Babe..thawh a hun a nia, chaw ei zawh ab damdawi ei i ngaih kha" tiin a biang chu ka beng thek thek a, naute vangin a taksa a chau tawh a, chawlh la tawh mai se ka ti takzet.




"Tho rawh le, naute paw'n a rilṭam thu a lo hrilh che nia" tiin a nu pum chhunga inhlei zet a che kual chu ka chul riak riak a, a che nasa thei lutuk hi a rapawm lek lek zel. A chet nasat dan ngaihtuah chuan mipa a nih ka ring deuh a, hmeichhia ni tur chuan a hlei lulai emai.




"Ka lo muhil leh tawh a ni maw" A rawn ti tham ṭuak a, a hmui fawh nuam zetah chuan ka lo fawp nghal zat. Nui sukin min rawn chhang nghal a, hei hi nia ka duhna tizualtu! Ka mamawhna ang taka min chhang thei zel hian min tihlim a, mipa te duhthusam 1 a ni bawk.






A hnute khawih ka tum zet a mahse nâ a tih ṭhin em vangin ka kut ka sawn a, a panty chhungah ka zen nghal der! Nui sukin ka tih tur chu ka ti nghal a, nuam ti lutukin a thaw ham ham bawk. Nuam a tih ri leh a taksa in ka khawihna a lo dawnsawn dan mit ngei a hmu takah chuan a tan paw'n insuam a har takzet!






"Kan ti thei lo, naute tan a hlauhawm" A tih chuan ka che lai ka tawp ve nghal a, thaw hlawp hlawpin amah bawh deuh ti tih chuan ka mu thla a, hetiang hunah hian alawm hreawm ka tih ṭhin. Ka hma sial thei ka ni lo a, ka fa vangin ka insum hram hram a ngai ta zel chu a nia.





"Chaw chu va ei ang" Ka beng a khawih niap niap a, kei erawh pangngai tumin ka thaw hle hle ringawt.





Chaw ei kan siam zo a, ka ṭhu dawn chiah tih ah phone call ka dawng a, chhang turin balcony lamah ka chhuak nghal a.




"Hello" No. hlang a nih vangin tunge a nih phei chu ka hre lo a, a la ngawi vung vung zui a.



"Hello" Ka ti ṭha leh ngat a, a reh tho! Chuti lai tak chuan ka nupui au ri leh thil tla ri ka hre ta a, hmanhmawh takin in chhungah chuan ka lut a, ka va hmu chuan ka phun hluk.




"Hetah I ṭhu lehpek em ni?" Hlauhthawn luatah ka vin hrawk a, a hlauthawng ve tho tih chu a hmel aṭang a lang reng bawk.




"Ka theihnghilh alawm" A ti ṭiau a, chhutah a la ṭhu reng bawk. Chair 1 hi a ke a chhia a, a chhiar vangin paih ka tum tawh mahse ani'n paih a phal lo va '6 tur a ni sia,5 chauh chuan a nalh lo emai ' a tih tlat vangin kan dah leh kha a nia, a lo ṭhut pek a, a tla ta a nih hi.




"Khawi maw I nâ em?Ka paih tawh tak tak ang" A zak hnuaiah kut zenin ka kai tho a, naute nen an nih tawh miau vangin mahni chuan a che chang lawk thei ṭhin lo.





"Engtin mah ka awm lo, nâ pawh ka neih lo" A ti zat zat a, paih lo rawttu a nih vangin a inthlahrung deuh a nih hmel.





"Hetah hian ṭhu la,hemi hi ei rawh,hei chu ka lo ti ang" tiin ka ṭhutna turah chuan ka ṭhut tir a, a thleng leh chaw vel a ti tla vek alawm.





"Ka thu hi awih zel la, a ṭha a nimai..I awih tawh dawn em?" Ka tih chuan a lu a bu nghat a, 'aw' tih chu a hreh ve hle mai maw.





"Ṭawng kain min chhang rawh"




"Aw ka awih tawh ang"




Ads click.


Show post links
Top

[Ngaia]

Zoremsanga POV


Doctor ni si hi a hriselna a ngaihtuah meuh lo! Inchhung chet te hi ti tawh loh tura ka tih paw'n a lo ti leh nge nge zel a, nitin kan in veng seng lo bawk nen dik tak chuan kan chhiat mai te hi ka hlau ṭhin.





Thla 7 kan tlin chuan hna ah pawh a kal tawh lo a, kei erawh exam kan hnaih telh telh vangin ka kal hram hram a, a chang phei chuan kal tawh loh tawp mai te ka duh ṭhin. Mahse pa ni mai tur ka ni a, ka fa leh nupui enkawl theih ngei ka tum bawk a, theihtawp ka chhuah hram hram a ni.





Aizawl lama kan chhungte'n Rempuia kaltlangin min rawn be ziah a, biak vak ka duh ngai lo! In lamah Sangpuii mahni chauh a a awm chu ngaihngam taka class kal a har a, ani a lo fimkhur lo leh zel bawk nen! Kan chhungte chu biak a,chah thlak mai te ka duh ṭhin mahse sawi leh sawi hnu, thlauhthlak tawh ka ni a, Pathian zarah kan nupa in kan khawsa ve thei zel a, min tuithlartu te puihna ngai a khawsak hi ka tum bau lo.





In check up na ah hruai ngei ka duh vangin class ka bang hma a, in ka thlen chuan a lo inpeih diam tawh bawk.




"Ilo haw duh kher a,mahni paw'n ka kal thei reng alawm"




"Hruai ngei che ka duh sia"




Lawmsangpuii POV

"I chiang maw?Tu emaw lak aṭanga min ven I duh vang a ni chiang" Darthlalang aṭang nui suk suk pah a la va melh chuan min melh rum nasa mai.




"In inbiak leh vaih chuan hospital dangah kan kal tawh ang" Kan in checkup hmasak khan ka thawhpui doctor tho mipa nen kan inbia a, thik tur phei chu engmah kan sawi lo. Naute pian hun tur vel leh rai ka inhmeh thu min hrilh a ni mai a, mahse Remsanga pui hian a thik tlat! Haw kawngah min be duh ṭhak lo a, mipa sang thlerh thlawrh lrh pa nimai tur ni si hi a titau bar bar a nih kha.






Hospital kan thleng a, dr Shweta in min lo lawm thiam leh khawp mai. Ultrasound kan tih lai chuan Remsanga chu ka en ṭhin,a mitah chuan lungawina leh hlimna ka hmu zut zut a, screen ah chuan a mit a fu chat a, khaw dang reng a hawi thei lo.





"In nu hi I duat a niang, naute reng a hrisel mai" Dr in a tih chuan kiai sukin min rawn melh a, a lai leh reuh emaw ni?




Dr chuan naute bakah kei pawh ma ṭhat thu min hrilh a, ei leh inah pawh inthlahdah lo turin min ti a, in chhung chet pawh ti vak lo tura min hrilh chuan Remsanga'n a lo thlawp leh khawp mai, min hrilh ngun ber kha a ni bawk a.






Haw pahin naupang thil zawrhna ah kan kal nghal a, pawn ka la chhuah theih lai hian mamawh lam khawm ila a ṭha ber. Remsanga hian a rawn lei ṭhin a, hmeichhe naupang pheikhawk hlir a ni. Lei tawh lo tur emaw mipa thil lei tura ka tih paw'n a zawm chuang lo. Hmeichhia a nih ngat chuan pheikhawk chu ngah tawh tak a ni.






"Mipa thil kha en ve deuh rawh aw,mipa a lo nih hlauh chuan kan buai lutuk ang" Hmeichhe naupang kawr fual inkhai fel at mai a enkual leh dan dan lai chuan ka ti a, melh pawh min melh lo. Kei erawh chuan mipa leh hmeichhia hak ṭawm thei tur ang chu ka en a, kan la hnem bawk a, thla 6 a nih thleng chuan min daih chiang ngawt ang. Naute puan erawh tlem a zawng kan la a, hemalah hi chuan naupuan an hmang vak lo a, thla an tlin phei chuan kawr an hak tir tawh ṭhin vang a ni.






In kan thleng a, thlanin min bual hneh em vangin kan 2 in kan inbual dun leh a,min bual a ni zawk mah ang chu. Inbual zawh ah pawh ka mamawh min lak khawm sak zung zung a, min tih ang ang chuan ka awm tawp a, naupang ang mai ka ni. Eirawng bawl hmain kan thil lei te ka dah fel a, naupang hak tih takah a tê hlawm em em a, hengte hi a ha ve ngei anga, seh a chakawm ngawt ang.






October thla kan chuang kai a, thla leh mai ah naute kan neih tawh dawn a,ka phur rualin ka huphurh deuh a, kan nupa chauh ka nih bakah keimah zawk pawh hi nau khawih vel la ti ngai lo ka nia, ka huphurh chhan ber pawh a ni. Remsanga a hah ṭhin em vang hian piang vat vat tawh se ka ti a, theih ang anga pui ve ka duh a ni. Lehkha zir a ngai a, lehlamah kei leh naute min buaipui a ngai bawk a, phun nawi lovin a timai zel a, a lakah inthlahrun a nâ takzet.
Zanrei tak tak thleng a zir a, zanlai ka zung tur ka thawh te hian a lo la zir a, toilet thleng min hruai hnuah khumah min muttirin puan min sin ṭhat tir leh thlap a, ka chalah fawpin thuk rawih hian 'Ka hmangaih che u' tiin a zir zawm leh mai a, zingah ni se min thawh khalh ziah bawk. Piang nawn leh dawn pawh ni ila amah bak hi pasalah ka thlan chuan ka ring lo,ka intawn tirh ah a naupan vanga amah ah rinna ka nghat theih loh lai te kha ka ngaihtuah a,ka lo ring sual chhia va a ni.






Mahni tawkah kan buai thei em em a,exam dawn hnaih ah chuan huphurh tak tein a huphurh a, zan mut hmunah ka titi te hian 'tun ṭum chu ka exam lo maw dawn maw ni le?' te hi a ti leh ringawt zel a, a inbuatsaih ṭha hman lo ngaihtuah chuan exam lo mai tura tih te ka duh a mahse tawn hriat ve nan hrim hrim exam ve ngei se ka ti bawk a, a bulah phei chuan engmah ka sawi lem lo.






Form chu a fill up leh ta tho a, huphurh hle mahse Zoremsanga-a ko a tihtur tla te,eng anga harsa pawh ni se ti ngei ngei ṭhin a ni miau a, exam tur chuan a insiam ta ngei bawk.





"Inah lo awm la, khawi ah mah chhuak suh aw..in dim bawk la" tiin min kuah a, a thaw leh hak ṭhin. A zam tih chu a chet dan aṭang ka hre tawh, tuk dang ai hmain a tho a, biak pawh a hre lo. Chaw pawh tlem te chauh a ei a, a vei tawk sek bawk a nih kha.





"Ṭawngṭai phawt I duh em?" Ka tih chuan min kuahna thlain sofa awmna lamah min kai phei a, min ṭhuttir nghal zat.




A kut vuan chung chuan Pathian hnenah ka ṭawngṭai a, mihring lam aṭanga thlir chuan beisei a sang lo a, kan inbuatsaih hun chhung reilote nen. Mahse ka dil apiang min pe zel a, tuna ka dil pawh hi min tihhlawhtlinsak ngei ka ring a, kan nupa tan hian thil ṭha tak min ruatsak ngei ang tih ka ring tlat a ni.





"Ka hmangaih che..hei pawh hi ka hmangaih" tiin ka dul chu a fawp a, naute a lo che leh zel bawk nen a hmelah chuan hlimna ka hmu a, hmuh a nuam takzet.





A kal dawnah chuan kawngka thleng ka va thlah a, kal lawk lovin rei ngial min fawp leh a, a duhthawh lutuk chu min ei zawh vek a tum emaw ka ti hial!





Exam tur chuan a kal a, kei pawh inah awm mah ni ila ka rilru a nuam thei lo! India ram chhung, state hrang hrang aṭang a thiam rual an exam dawn a nia, exam tur mihring an tam a, seat an inchuh tur lah chu a tlem bawk si. Rempuia'n min lo bia a, ani pawh kei ang thoin a lo huphurh ve viau mai a, a sawi dan chuan Remsanga exam chu a chhungte dang pawhin an hre deuh fur a, awih pawh an awih lo hial a ni awm e. A chhungte tan chuan a awihawm lo ve bawk em a, kam chhe tleuh nan leh an hauh ngun berin India rama exam pui ber a hmachhawn ve ta chu a nia, awih a har dawn lutuk. Ka tih theih chhun a ni tih hriain ka ṭawngṭai leh ringawt zel a, dar kâr thum pawh chu rei ka ti takzet.






Dar 2 velah in a lo thleng a, engmah ka zawh hmain 'Ka tling lovang,beisei sang suh aw' a ti ringawt a, thil dang zawh zuina chi niin ka hre lo a, ka zawt zui ta lo.





"Exam kha chu a zo tawh a, ngaihtuah zui suh aw..I tlin leh a lawmawm anga, tlin loh paw'n duh duh I ti dawn nia,duh leh I zir zawm anga" Ka tih chuan a bu nghut a, chaw ei kham chuan a hmel pawh hmu a nuam ta deuh.






Thleng ka sil zo room ah ka luh chuan khumah a lo mu a, puan pawh sin lovin a ban chu a chalah a nghat a, ka thawmah a chet miah lo vang chuan a muhil a nih ka ring. Zan dangah a mengrei ṭhin si a, a chau rimtawng a ni ang. Puan ka sin tir a, kei erawh ka mut a la chhuah lo vangin room light off in ka chhuahsan a, sofa ah ka ṭhut thlak chuan Trixie in min rawn hnaih leh nghal zat.






Phone ah Amy nen kan inbia a, lo zin a chak thu a sawi a ,lo zin tura ka tih lahin 'a chi lo,head hi a hlauhawm emai' a ti leh ang lawi a, rul thlah,rilru chhe zet pa kha an la hrawn char char a nih hmel. Civil a ka hna ka bansan kha a tirh chuan ka ui ve viau a, a chhan pawh sawrkarah luh a har em vang a ni. Mahse tun hnu hian tifuh ka in ti a, hna kha lo bansan lo in Aizawl ah lo awm ta reng ila Remsanga hi a exam thei kher lovang.





"Hello" Rempuia hnen aṭang call ka dawng a, chanchin engmah ka la hrilh lo tih ka hrechhuak.



"Sangpui Kanu'n a be duh che a,lo be rawh aw" A rawn ti thawr a, aw leh aih tih hman pawh a ni lo.




"Sangpui in dam ṭha maw?" A rawn ti dam thluam a, Remsanga dam lo lai a hospital ah a lo kal ṭum kha ka hrechhuak. Biak pawh min be ngai lo a nih kha.




"Aw kan dam ṭha" Kei a pawh chu ka zam ve deuh emaw ni,a zawhna bak engmah ka sawi thei lo.




"Bawiha vawiin lamah a exam tih ka lo hria a, nangmah vang liau liau a nih tih ka hria a, I chungah ka lawm lutuk a nia aw...a exam te chu eng nge a an?Sawi te a neih em?"




"Beisei tisang lo turin min hrilh a, a ti ṭha vak lo a nih hmel"




"A lo ni maw?Eng pawh chu ni se a exam tawh a, a ṭha mai alawm,engtikah maw naute chu in neih dawn?" A rawn tih chuan chhang mai lovin ka ngawi kar a,ka zak deuh tlat.



"I hre thei em?" A rawn tih chuan aw thian kharh in tun thla a nih thu ka sawi a, 'A khaiii' a rawn ti chul! Awmpui ka ngaih leh ngaih loh vel min zawt a, pawisa kan neih leh neih loh te pawh. Engmah ka zawt ve lo na chungin an chanchin a rawn sawi tho a, Remsanga pa pawh a thisen a sang leh thut ṭhin a ni awm a, damdawi inah an lut zing viau a nih hmel.




"Bawiha chu eng nge a tih a?" Inbiak chhunah tiin a duham ve deuh nge a la dah mai lo.




"Ani chu a muhil tawh a" Ka rilru chhia a chhuak leh nge 'Ka lo kai tho ang,lo be rawh aw' ka ti duh bik ṭhak lo.





"A nih chu.." a ti fan raih a.
"Nu a tawk tawh, mut te pawh a duh ve ang..nang pawh damdawi ei I ngaih kha" Rempuia aw ka hre zawm zat a.
"A nih muttui phawt aw,naktuk lamah kan inbe leh dawn nia" tiin call chu a dah ve ta hram a, sana ka en chuan dar 10 a lo ri tawh a, dar kâr khat leh chanve lai kan lo inbia a nih chu mawle!






Kawngka te kalh felin light ka off a, choka lam chiah ka ti eng thung.




"Ilo awm lo va" Room kawngkhar ka hawng tur chiah chhung lam aṭang lo inhawngin Remsanga'n a rawn ti nghal a, a lo tho leh hman chu niin.




"Ka rawn mu dawn chiah" Ka tih chuan ka darah min kuahin khum lam min panpui a, a mitmeng chu a kham hmel ngawih ngawih.



"Mu leh rawh, Ilo tho duh kher a ni"



"Kuah che ka tum a, ilo awm lo alawm" a tih chuan mipa naupang ang ka ti lutuk a, ka nuih chiam ringawt a mak min tih hmel ngang mai.





Kan nupa chuan inkuah rialin kan mu a, muhil leh tura ka tih chuan a mut a chhuah tawh lo thuin min chhang a, a mu tlem bik ngawt mai.




"I nu nen kan inbia a" Ka tih chuan a kut che lai chu a tawp chat a, a hmel hmu chiang lo mah ila min en ngur tih chu a thawk zawnga ka hmai za mer mer aṭang chuan ka hre thei.




"A hau leh che em?Nidangah chuan be tawh reng reng suh"



"Hau lo e, nangmah chanchin min zawt a, a ngai viau che a ni ang. I pa nen an dam ṭha lo a, damdawi inah an lut zing viau a nih hmel"



"An phu tawk chiah a nih chu,kan rilru hmin ngei an tum a, nang paw'n hre ve kar rawh. Eng pawh thleng se kan let tawh lo ang, Pathian zarah anmahni mamawhin kan awm bik lovang" a tih chuan a rilru chhiat lam ni lovin a thlamuanthlak hliah hliah.




"Awmpui kan ngaih leh ngaih loh pawh min zawt tak asin" Mahni a nausen mai,chu pawh fa hmasa ber lehnghal han khawih vel chu ka zuam hlawl lo a ni. Remsanga lah mipa a ni a, kan ngaihtuah awm lutuk tlat.




"Awmpui chu I duh em ni?" Min zawt ta khauh a, ka rilru dik tak hrilh hun niin ka hria.




"Aw zep loh chuan ka huphurh deuh a, I nu a awm chuan naute a buaipui thei dawn a" Ka ti niah niah a, chhawr ka duh vang ngawr ngawr pawh a ni lo, ka chhungte lam zawk hi beisei a bo em a ni.




"Awmpui tur chuan Lalfeli ka hrilh dawn nia, Kanu lak aṭang chuan beisei neih lo law law zawk ang" a ti ta daih a, Lalfeli te chu kan danglamna a awm lo hrim hrim.




"Lalfeli te chuan thiam a neih lovang,lo khawih tawh ṭhin pawh a ni hlei nem"




"Lungngai suh,I duh leh midang kan zawng dawn nia,Kanu ni lo"




"Kanu I han be vel ange" A biak chuan a chi lo viau ang.




"Be lo e, ka biak te'n ka ngam lo ang che" a tih chuan ka nui dun hak hak a, eng eng emaw sawiin kar lovah ka muhil chu a ni der.






Zoremsanga POV


Lalfeli ka han bia a, vanduaithlak takin exam a neih lai a lo ni a, midang awmpui tur kan zawn chhungin Dr in hospital a in admit hun tur a tih chu kan thleng ta mai! Tum anga thil a kal thei ta lo chu nu ber thin a chhe em em mai a, min melh rum reng mai a ni. Hospital khumah a mu a, a che ṭha thei tawh bawk si lo nen a ban phak a thil awm te nen min vawm a, sakei ang mai a ni.





"I nu chu ka lo bia ang,nangmah a buaipui dawn lo che keimah lawm min buaipui dawn" Mi a biak hlauin phone pawh ka ahsak daih a, hman min dil ngun viau mahse ka pe ngai chuang lo.



"I nu ka be zawk mai ang"



"A ngai loh! I biak chuan ka kal bo ang" A ti veleh tlat a, hetiang dinhmunah pawh kal bo a la sawi chu a nia.




"Kal bo sawi tawh reng reng suh,ka awm a, keima'n ka buaipui vek ang che,min ring tawp mai rawh..I nu biak I duh loh ang chiah khan kei paw'n Kanu ka be duh lo tih hria la, ani biak chu theihnghilh hmak rawh. Huphurh lutuk tur pawh a ni lo,mite paw'n an tithei a, ka ti ve thei ang..ka tiam a che"




"Ka ring chuang lo che" a tih chuan hahthlak ti zetin ka thaw hak, mi hi a ring lo thei si.




Zanah chuan damlo awmpuitu te mutna tura khum an dah ah chuan ka mu a, a thawhna hospital a ni bawk a, thawktu dang te pawh hian an ngai pawimawh bik khawp mai. A dinhmun check turin nurse ho an rawn lut zut zut reng a, a doctor ber pawh kan hmu zing malh malh hle.





"Remsang..Remsang harh teh" Ka ban a rawn pawt zat zat a, mit ka men chuan ka mit a kham ṭhum mai.




"Ka pum a nâ lutuk!" A rawn ti ta mai, banga sana ka en chuan zing lam dar 3 chauh a la ni.




"Doctor ka va koh ang aw" A hmel ka en chuan nâ a ti tih hriat takin a ṭhen chak chak a, a thlan vek bawk.




Hmanhmawh takin cabin aṭang ka chhuak a,nurse ka hmu hmasak ber hnenah chuan chanchin ka hrilh a, hmanhmawh zetin a tlan let nghal a, cabin ka thleng chiah tih ah doctor leh nurse te pawh an rawn thleng ve nghal a, hmanhmawh takin cabin aṭang chuan a mutna khum chawpin an nawr chhuak a, ka kut a hum tlat bawk nen ka zui ve zel bawk.





"Remsang a nâ lutuk" a tih chuan rilru a hah kher mai, tihtheih lah chu ka neih der si lo. Theih ni ngat se zawng a tuar ai chu ka tuar ngei ang.




"Rawn lut ve mai rawh" Dr in a tih takah chuan i he lovin ka zui lut ve nghal a, he dr hian kan nupa chanchin a hre bawk a, min hrethiam zel zawng a nih hi.





"Hlauthawng suh aw, I bulah ka awm reng a nia..thawk la la" Ka kut a hmer ngat ngat a, room chhung chu Bawihi au ri leh dr aw in a khat a ni ber.




"Sp sang leh rawh le, a lo chhuak ṭep a nia" Dr in a tih chuan a sang leh vak a, a hmel en ringawt paw'n ka lo hah ve vek thei.





"Remsang ka ti thei tawh lo" A rawn ti ṭiau a, a hmai chu mittui leh thlanin a bual a, ka khawngaih takzet.




"Babe ṭang fan fan rawh, a lo chhuak ṭep a nia aw...ka rualin lo ti ve zel rawh" tiin ka thiam ang ang chuan tihdan tur chu ka hrilh a, a lo ti ve zel tih ka hmu chuan beidawn mai a tum lohzia ka hmu tel a, he hmeichhia hi ka hmangaih a ni.





"Thawk la la...no. ka sawi apiangin I thaw chhuak leh ang aw" ka tih dan zelin a ti a, vawi 5 vel thawk kan la hman ang tih velah a sang leh ta vak a, a lu a nghah thlak dawt rual chuan naute ṭap riin room chhung chu a luah a, a tawp tawpah pa ka ni ve ta!





"Hmeichhia in neih e, ka lawmpui lutuk che u" Naute ṭap ngak ngak chu a nu awmah chuan an rawn mut a, Bawihi pawh ṭap chhuak hawkin naute leh kei chu min melh tawn zak zak a, tuna ka hlimna hian van a tawng pha hial ang. Ka fanu chu ka tan lunghlu ang mai a hlu a ni a, ka mitah chuan ani aia mawi chu an vang ngawt ang.





"Ka lawm e aw fanu min hrinsak vangin" A hmuiah chuan ka zuk fawp a, mawi leh mawi lo pawh ka thliar hman tawh lo,ka hlim em a ni.





Cabin ah kan indah lut a, nurse in min awmpui deuh chawt bawk. Bawihi'n kan fanu chu hnute a pe a, a chet lawk thei ka ring lo kha a nia mahse ani'n 'naute hmel ka hmu kha ka natna zawng zawng kha ka theihnghilh vek tawh' a ti tlat si a, rin aiin kan leikang viau.




"I fanu chu hmelṭha I ti em?" A tih chuan ka fanu aṭang mit ka la sawn ve chiah.




"Ṭha lutuk ringawt"




"A nu nge ṭha zawk naute?" A ti leh zel a, chhanna harsa tak a ni.




"A nu a ṭha zawk" ka tih chuan a nui suk suk a, a hringtu nu a ni miau a, fanu cu eng anga ṭha pawh ni se a hringtunu chu a tluk thei meuh lo a ni.




Lawmsangpuii POV


"A hmingah eng nge I sak ang?" Ka fanu hnute pek pahin a pa chu ka be mawlh mawlh a, Remsanga hlimna aiin ka hlimna hi a nep bi chuang lo. Ka thu ni lo mahse a duh ang tak fanu ka hrinsak thei hi ka lawm em a ni.




"Bimbemtei ka tih kha" Tiin a fanu hmui che ve niap niap chu a zu tawk a, a awmdan chu nuih te lam a za.




"Bimbemtei chu kan ti tak tak dawn ami?" Ka tih chuan nurse min awmpuitu chu a rawn nui huk a, tun aṭang paw'n mi nuih a tiza tawh a nia, a ti duh tak tak mai ang tih ka hlau. A nulat hunah a zak dawn lutuk asin.




"Tinge nalh I ti lo em ni?"




"Nalh te chu nalh e,ka sawi awmzia chu hming pangngai deuh te ti ve la?"




"Ka fiam che a nih kha, nalh deuh ka sa ang. Fiam che hi nuam ka tia" A tih chuan naute ka pawm tih hre lek lovin ben ka tum leh a, ani'n min lo dang vat.






Ka khum bulah kan fanu chu a mu a, a pa hian a mutsan phal meuh lo. A en ngawih ngawih a, tim tih hriat takin a zu tawk de de a, a kut a la leh rang hle. Kg 3 leh gram 800 in a rit a, nausen mai a la nih vangin tunge a chhun pawh ka hrethiam lo.






Kan fanu chu a pian aṭang ni 3 hnuah pawh hming a la nei lo va, a pa lahin 'Bimbemtei' tia koh chu a duhtawk em em mai a, engtia tih chi nge pawh ka hre tawh lo.





"A hming chu sa tawh rawh, a ni em em tawh lo, certificate siamtir te kan duh dawn" Naute pawmin a awi hlu hlu a, pawm a zawngchhang ang tih mawlh chu ka hlau.




"Zosangzuali ni rawh se" A tih chuan sawi awlsam ka ti ang reng.



"I chiang maw?I thlak leh duh ange aw" Ka tih chuan lu a thing a, a rilru a thlak lo turah ka ngai. Tunah chuan Zosangzuali nu leh pa kan ni ta!




Inah kan haw a, awmpui pawh chu kan la ta chuang lo. Zan 1 na aṭang a ṭap nghal ringawt a, a ṭah lahin a bang duh mai si lo a ,min timangang takzet. Nâ a neih a nih ringin dr Shweta chu zanlai ah te ka va bia a, ani'n min rawn pan chuk chuk a, nâ chu neih bawk si lo. Kar 1 lai zan tin a ṭah takah chuan a ṭahbelh chi a nih kan ring ve ta hmiah bawk.





"Zanin chu ṭap tawh lo se aw" Dar 9 bawr velah hi chuan tui takin a muhil a, dar 1 velah ṭah a ching a, mitchhingin a ṭap char char a, a ṭap uar ṭhin si a, a mittui te hi a luang ve ngei zel.





"Ka lo buaipui ang, mu tawh rawh" Mut hmain mamawh a la khawm zung zung a, tuilum thlengin khum bulah hian a lo chhawp diam zel.





"Bimbemte ṭah loh tur aw" Remsanga ṭawng ri ah ka harh a, an pafa chuan an lo inpawm leh mek chu niin.




"A ṭap leh ami?"



"Ṭap lo e, zun a cheh a" a tih chuan ka ner nawng, vai ram khawlum kumtluanna a ni hlauh a, Mizoram te chu ni se tun ang hun hi chu a vawt ngawt ang.




"Ka lo thlak ang"




"Ka thlak tawh a,hnute pe phawt rawh, a rilṭam ka ring" Ka hriat lovin a fanu a lo buaipui chu a nia, awmpui kan zawn laia a thusawi kha a hlen takzet. Rin aiin nau khawih vel a zei a, kan fanu a la te si, a pa a lian sia, a kutah a awm hi chuan ka hmu tê leh zual.






Nau kan neih hnuah ka ngaihtuah vel mai mai chu naute kan neih hma a Remsanga a lo exam hman kha a lawmawm takzet! Chuti ni lo se chuan a exam hman ka ring lo, keimah chauhin naute ka buaiphi thes si lo a, zanah men a ngai bawk a, a lo exam hman kha a fuh ka ti thlawt.






A tukah chuan ka thawhpuite'n kan fanu Zosangzuali chu an rawn en a, thil pek an rawn keng ṭeuh bawk a, malsawmna a dawng takzet. Ka phone a Bawihtei thlalak chu Rempuia ka thawn a, Remsanga hriatpuina tel lovin. Hria se chuan a duh leh dawn lo chiang sa a, Aizawl lam mi te lahin an lo hmu chak ve si a, ka thawn ve ta tawp mai.






Fanu a neih hnu chuan a inla patling sawt em em a, a hminga koh hian min eih duh tawh ṭhak lo a, 'Apa' tia koh chiahin zu han eih a mawle.




Ads click


Show post links
Top

[Ngaia]

LAWMSANGPUII POV


Kan fanu Zosangzuali chu Pathian zarah thla 1 a tling ve ta a, a ṭahbelh em vangin nau hlan pawh kan la ti lawk thei lo! A chhun a zanin kan inbuaipui a, kan inpawm deuh chawt bawk mahse vanneihthlak takin pa ban tha chak zet a neih a, a pa zarah kei chu ka awl hlauh a, zan ni se kei aiin a tho ngun zawk.






Christmas pawh kan hma lawk a ni tawh a, inkhawm ve ngei kan tum ru hle. Dam chuan naktuk chawlhni ah nau hlanna neih kan tum a, a laklawh ah a ṭah lo hram ka beisei.
Kan chhungkua chuan kan awm nitin a, Aizawl lama Remsanga chhungte'n min rawn be awl lo bawk. A phone ah an call chuan a pick ngai lo a, a chhungte zawk ni si hi keimah nen hlir kan inbe thung. Nu ka nih hnu hian Remsanga nu rilru tur ka hrethiam kuar a, a fa hrin ngeiin a be duh lo a ni a, a tan a nat tur zia ka hriatthiampui rualin a fa dangte nen a a en hrang lutuk ṭhin kha mak ka ti a, Remsanga nupui leh fanu nu ka nihna angin ka tha natpui viau bawk.






Remsanga chungah a lo khawsak ṭhin dan leh a tihdan ṭhin zawng zawng vang khan a inchhir ve takzet a ni awm a, a chang phei chuan keimah zawk hi ngaihdam min rawn dil a, chhan dan tur a vang takzet. Hmaih rual lovin Remsanga chu hmin turin leh a chhungte chu ngaidam tura hrilh turin min duh tih ka hria a, ka tan tak pawh hian a rilru hahthlak! Remsanga lam hlir ṭang tur ka nih laiin lehlamah a nu a lo ni a, hmeichhe sual tak ang maia a nu te lakah hel tlat turin ka ti ve thei si lo, ka duh lo thil a ni bawk!






Chawlhni tukah chuan hma tawkah ka tho a, Bawihtei leh a pa tui taka muhil chu ka thlir vang vang a, a pa a chhun ṭan lutuk chu ka thik lek lek. Ban phar hluaiin a mu a, a pa kutphah chungah a kut a nghat ve than a, lukham bula ka phone dah chu banin thla te ka laksak leh te te a, ka hringnun tifamkimtu te an ni ka ti lo thei lo.





Ka inphih fai zawh ah eirawng ka bawl sawk sawk a, eirawng bawl pahin hmun ka phiat bawk a, mak pawh inlo ti maithei mahse Pathian zarah harsatna awm lovin ka che zung zung thei a, kan dinhmun hi A hrechiang lutuk a, hetia ka che zung zung thei te pawh hi A remruatna vek a ni!






Nizan lama ka thawmhnaw nuai tir te ka pho a, washing machine automatic(amah a intleuh nghal thei) kan neih avangin insuk chu kan awlsam ang reng. Eirawng ka bawl zawh chuan Bawihtei inbualna tur tui ka tilum a, nghah pahin Amy message chu ka reply a.





*Lalṭhian Gideon a'n nizanah palai a rawn tir a*
*Ka hriatpuina tel lo lehnghalin, a thu a duh lutuk a, engtin nge ka tih dawn?*



Palai hmel a hmu ve ta chu a nia, Gideon a hi kei chuan ka duhpui a, thu duh ti mah se Amy hi chu keimah ang tho a thunun ngai hi a ni a, atan chuan Gideon thuduh a hi a ṭha ber.




*I chhungte'n an duh a,nang paw'n..inneih chu ṭha ka ti,keiin fa hial ka neih tawh a nia* tiin emoji nui thler duai chu ka thawn a, chawlhni tuk a nih vangin a buai ve deuh a nih ka ring, a online tlat lo.




"Anu good morning" ti ri ah chuan ka hawi chhuak a, an pafa chuan room aṭang an rawn inpawm chhuak a nih chu!




"Good morning" Tiin a pa hnen aṭang ka la a, a mawngah a rawn beng thuk thuk a, diaper kan hrentir bawk nen a ri ṭha viau.




"Bawihtei ka bual dawn a,duh leh inbual ve daih la?" Diaper leh thawmhnaw thlak dawn a kan mutna ṭhinah chuan Bawihtei chu ka mut a, a fanu ban vai chu chelhin a lo chhawnchhaih zui a, a hlatah hian a awm thei meuh lo.




"Ka inbual ve ange, a inbualna tur tui chu I siam tawh ami?" Ka tih chuan ka bu nghat a, ngawi rengin choka lam panin a kal zui zat.




"Ṭah loh tur aw, kan inbual dawn" tiin kan fanu thawmhnaw hak chu ka phelhsak a, a kut leh ke te hi a tê reuh sia,seh a chakawm!




"Tui chu ka dah tawh aw" Boxer chauh inbelin a darah towel batin lehlam room ah a lut a, kan room ani bathroom kan hman hi chuan lehlam bathroom ah hian a inbual mai zel.




Fa 1 na pawm tih takah ka zei lo em em a, ka bual chuan ka huh vek zel! Ka bual rei lutuk te hi vawt tiin a lo ṭap leh vak ṭhin a, bual ran ka thiam der si lo.




"Bawihte ṭap suh le,ka zo dawn" Mitchhingin a ṭap leh ṭan a, a tak bual zo in a sam ka suk sak mek bawk.




"Hmanhmawh ve deuh ta che,vawt a ti a nih kha" Hnung lam aṭang Remsanga aw ka hre zui a, mahni mah zei inti lo laiin a lo sawi veleh zel bawk nen thin a chhe hlur tawh.




"Ka tih ve mek hi" Ka ti hlar a, Zosangzuali hi chu a ṭah belh ve hrim hrim.




"Kha chu dah rawh ka lo ti ang,hnute va pe rawh" Chawhtawlh a a inbualna thli paih ka tum chuan a rawn ti nghal a, Bawihtei chu pawmin bathroom aṭang ka chhuak a, khumah ṭhuin hnute ka pe nghal a, a ṭahna lamah a mitko te chu a sen ter bawk.




"Ṭap tawh suh aw, ṭah chiam tur pawh a ni lo" A towel tê nen a sam vel chu ka hruksak bawk a, mang a ti ang ṭhin emai.




"Khatin hau suh! I ti rei thei em alawm a ṭah mai lo in" Bathroom aṭang lo chhuah pahin a ti sup a, ka va ngei mai mai tak. Khatiang hau pawh a ni bawk lo e.




"A harsa em alawm bakah a ṭha belh ve hrim hrim, nangmah chiah chiah"



"Ka ṭahbelh lul lo,ṭah lamah kher chuan nangmah a chhun che" A tih chuan ka ner nawng, ṭahbelh chi ka ni lo tih chu ka hre chiang ve lutuk tlat. Ka chhungte pawh khan an sawi ṭhin alawm, ka ṭap khat lutuk kha damlohna ka neih emaw an lo tihial tawh a nih kha.





Bawihtei hma thlakin chaw chu ka ei a, eikhamah chuan a pa zawkin thleng te chu a sil a, keini nupa inkarah hi chuan mipa leh hmeichhia tihtur bik hi a awm thei meuh lo a ni e.





"Hei hi ha rawh aw" tiin thawmhnaw khaina aṭang a kameez ka nawh sa chu ka la chhuak a, kekawr leh coat erawh khumah ka chhawp diam tawh. A insiam chhungin Bawihtei pawh ka siam ve nghal a, a pain haktur a leisak zing bawk a, hak turah chuan a buai lo chiang asin.





"Va insiam rawh,ka lo awmpui ang" a tih takah chuan insil turin bathroom ah ka luhsan a, nu nih hnu hi chuan fai taka inbual pawh a lo harsa tawh.





Keini'n kan hak ṭhin sunday kawr pangngai hi chu hak hreawm ka tih bakah ka tawt vek tawh a, readymade top thawl hnek hnuk ka ha a, cotton a nih vangin hak a nuam viau. Puan bihin bag ah Bawihtei mamawh ka khung zung zung a, hnute a hnek tur pawh mi hma ah inhlim vel ka duh lo vangin bottle ah ka dah thlap bawk.





Cab in biak in kan pan a, scooty chuan Bawihtei a la sen si a, boruak a hrisel lo bawk nen cab ah chuan kan chuang leh ta nge nge. Biak in kan thleng a, u Mafela khan min lo hmu nghal zat a, a buai em vangin Bawihtei pawh a lo la en thei lo thu a sawi luam a, ṭawng duh tih takah a sawi hnem leh hman viau.





Pastor in nau hlanna hun a hmang a, keini bakah hlan tur 3 an la awm a, thlalak pawh neih lo ka inbeisei laiin thlalatu an lo chhawr thlap zui. Thin phu dep depin nau hlan chu kan zo a, Bawihtei a ṭap lo hlauh!
Ban dawnah a rawn harh a, Remsanga leh a hmelhriatte inbia nghah pahin pawnah kan ding khawmuang leh rih a, kan ruala nau hlan zinga 1 chu ka hmu leh hlawl a, ka dinna aṭang chuan ka en reng bawk.






A bulah chuan a nu ni awm tak hian naute a pua a, a sirah an pa a ding ve reng bawk. Bag chiah a khai a, lo betu apiang chu zangkhai takin a chhang zel a, naute in tlema rawl a chhuah hlek chuan a buaipui ve ngai hauh lovin a nu chuan a buaipui vek a, an nufa ka hmu chuan Kanu ka hrechhuak lo thei lo! Ka bulah awm ve se chuan keimah ah Bawihtei ka buaipui a ngai lo tur tih te ka rilru ah a rawn lut a, Remsanga awm ve mahse nu hi chu mamawh lo hun hi a awm thei lo!






"Kan kal dawn mi?U Mafela te hian Bawihtei rawn awm an tum a" ti ri ah chuan ka mit ka la sawn a, U Mafela leh tlangval dang Remsanga rual vel 3 hi an lo ding reng a, ka nuih ringawt.





U Mafela car in kan haw a, kan tlangvalte erawh bike in an rawn kal thung a,in thlen veleh pawm an inchuh nghal ringawt a!





"Bawihtei apa Mafela ka nih hi aw" U Mafela chuan kut beng meuhin Bawihtei chu a bia a, a hrethiam awm tawp si lo.




"Apu Mafela a ti ang che,I tar tawh kan tih kha" A pawmtu zawkin a rawn tih chuan kan nui ta dar dar a, kan zingah a upa ber a, a kawmte lah an naupang si, nupui neih lam a ngaihtuah hmel si lo.







Bawihtei chu an pawm kual reng a, thla te an lakpui a, Bawitei pawh amah ang lo takin a fel ve em em lehnghal. Thingpui in zawh ah u Mafela te an haw a, la leng leh turin kan inchah nasa mai.







"Bawihtei chhunzia che hi lerh lamah thleng" Ka tih chuan min melh rum nasa mai.






"Mipa in an pawm chuan a ngawi hmak a, I fanu lerh reuh zia hi"






"A pa tur te an ni miau alawm,Bimbemte Anu chu chhun duh suh..a thin a chhe lutuk,tlangvalin an rim ngam lo ang che" a tih chuan a darah ka beng nghal zat,tlangval in an rim ngam lo khawpa thinchhia chu ka ni bik lo.





"Ka thinchhe lo a niang, nang pawh ilo leng ngam alawm"




"Kei te chu ka huaisen alawm,I thin a chhe lutuk a I in luah ṭhin neihtute fapa bakin a rim ngam lo che" a tih chuan a sawi dik leh fu sia, Aizawl ka awm chhung khan tu vak mah an rawn leng ngai lo a nih kha. Chuan in neihtute fapa lo leng chu ani hian engtin nge a lo hriat?





"Engtin nge a lo leng tih chu I hriat?"




"Ka hriatna a chak alawm" A tih chuan ka van awih lo tak.





Zanah chuan kan mu hma em em a, Bawihtei pawh a la harh ṭha viau. Apa aw chu a hre ve tawh emaw tih mai tur a ni, a ṭawng apiang hian mit a len ruai zel a, hmu ve thei tawh awm zia zangin. A tlei tho vang chuan Amy ka bia a, inneih chungchangah a lo buai ve hle chu niin.





*Lo kal ngei ngei tum r'u aw* A tih chuan a awm nawm nan 'aw' chu ka ti ve a, dik tak chuan kan kal theih pawh ka ring lo. Nakum January ni 7 ah an inneih dawn a, Bawihtei thla 2 pawh a la tling dawn lo!






Remsanga sawipui ve hrim hrim a ṭhain ka hria a, ka hrilh ta reng bawk. Amy nen kher chuan kan inkawm ngeihzia a hria a, ṭhian piah lamah unau ang taka inngai kan nih tih a hria a, a ngai pawimawh ve khawp mai.





Ni a liam ve zel a, naktuk mai ah hunpui christmas a ni tawh a, urlawk zan chuan Mizoram lama kan chhungte ka hrechhuak lo thei lo! Nikum zanin angah te kha chuan unau in kan hmang ho a, kan kim em em a nih kha. Remsanga pawh keimah ang thoin Mizoram lam a hrechhuak ve ang tih ka chiang, ani phei chu chhungte bakah ṭhian ngah tak a ni a, Saidinga leh Lucy te pawh a ngai viauin ka ring. Bawihtei muthilh hnuah a then bawmah ka mut a,khumah ka mut mai loh chhan pawh a pa rilru lak pen hram hram ka tum vang a ni. A hlim lo ka tihna ni lovin a ruk tak chuan a lung a leng tih ka hriat vang a ni.







Bathroom ah lutin ka thawmhnaw hak ka phelh sawk sawk a, ka mut kawr pan te chu inthawlhin ka chhuak leh a, balcony aṭang a lo lut ve chiah bawk.





ZOREMSANGA POV


Ka hma a mutkawr pan te ha a min nuih sen sen tu chu ka melh a, zan danga ka nupui tho kha a ni mahse zanin hi eng a ti ta nge hetia a awm tak mai.




Ka din reng lai chuan min rawn pan hnaiin ka nghawngah rawn kuahin min rawn fawp thuak a, ka lo rum nghut.





"Zanin chu eng nge I hriat a?"Hetia chet vel chu sawi loh infawh takngial pawh kan ti tawh ngai lo kha a nia.




"Engmah..ka hriat zawng chu ka pasal I nih tih hi" Tiin ka hmui a rawn liak a nih chu! Zanin zet zawng a mak a ni.




"Bimbemtei harh hma a kan mut a fuh ber" ti a min kuahna phelh mai ka tum chu a ṭang tlat a, chu mai ni lovin ka kawngah a bawp rawn kherh betin min fawp ta ngawng ngawng mai.




"Bimbemtei harh hma a chet i lak loh chuan a pawi ang" tiin min fawp chhunzawm leh a, chuti na na na chu tiin a mawng ka dawmna kut chuan a mawng chu ka hrawm nghal a, a nui hak thung. Khum lam panin ka bawh nghal a, cho em em mai hian min melh reng bawk. Nu a nih hnu hian a hnute a lian sawt a, Bimbemtei vang pawh kan ti thei ang chu. Ka ṭham sak chuan thaw hakin ka sam karah kut a rawn rawlh ve nghal a, a nghawng aṭang fawp thla zelin a hnute chu ka h*uam sak a, chuta a rum ri chuan vang chuan hnuai lam a inperh tho nghal zat!






"Zanin che keima'n le" a tih takah chuan khumah ka mu thla a, chung lamah a ṭang tihna a nih chu! A chet zel dan tur ka en reng lai chuan ka mitah tak melh chungin ka kekawr hak chu a pawt thla a, Bawiha chu a rawn pawk chhuak nawlh mai! Nui sukin a hum a, a hmer deuh ti tih vangin tuar a harsa zual sauh.






"Lo bengchheng suh I fanu a harh hlauh ange" te chu a ti vel a, a tihtur a zawh hun chuan a chak lo ang chu. A ti ang tih pawh ka rin phak ngai lo, ka ngaihtuah pha lo a ni mah zawk ang chu. Ka z*** khawng zetin a ka chhung sa ṭha zet a tawk takah chuan ka thaw ham ham. Mitmeng vam hiamin min melh a, a chet hmain hnuai lam aṭang ka che nghal a, a uak ti tih bawk. Mahse a duhtawk mai lo! H***m leh nghal zatin a rawn che chhunzawm a, a luh loh chin chu a kutin a hmet nawk nawk bawk a,zanin zet zawng mihur ang maiin a khawsa a mahse min tihlim em em ang lawi. A pasal ka ni a, ka nupui a ni bawk! Nupa inkarah chuan engtin paw'n lo khawsa ang hmiang, a pawina reng ka hre lo ve.





"Ka chet ve hun" Khumah bawk khum tirin hnung lam aṭang eng khaw sawi set set lovin ka thun pawk a, a la tight em em tho! Chet chhunzawmin ka d** rang telh telh a, thawm chhuah hlau lutukin hmui a pet fan fan a, ka tan chuan ani ai hmuhnawm a awm chuang lo! Rei tawk ka chet hnu chuan a chhungah ngei ka tla leh ta a, hun reitak hnuah a ni nghe nghe. Bawihtei vangin ka insum nasa a, thla 5 a tlin aṭang khan vawi khat mah s** kan hmang tawh lo bawk!






"A ṭap leh ta e" a tih chuan ka nui ringawt. Chhuat a mutkawr tla chu chharin a inthawlh nghal a, Bawihtei chu a mutna aṭang a pawm chhuak nghal zat.





Khum sirah chuan ṭhut puiin hnute a pe a, ka chetna vangin a hnute bawr vel a duk thleh thluah a, Bawihtei hnek loh lam ka hup thawk chuan ka kut a rawn beng nghal hlak.





"Lo khawih ve hman ziah suh"




"Ka ta ve tho alawm"




"Mu tawh rawh, chin tawk I hre dawn lo tlat" Han ti a mawle! Phun hlukin a hnute chu ka hrawm sak leh hram a, nâ a ti deuh nge a ṭe ṭhat.




"Mawla!A nâ ka tih mawlh mawlh kha"




"Khatia mi tih leh chuan ka hrawm leh vak ang"



"Zoremsang misual"



Bawihtei a mut duh lawk loh vangin hma thlakin room ah a vei pui a, khumah muin an nufa chu ka en reng a, min hnungchhawn zawnga ding a nih miau vangin Bawihi mawng khal leh mum nalh zet chu ka hmu a, a kawr hak chhing zet pawh Bawihtei awi pah a a suk rualin a che hnalh hnalh a, bul ṭanpui leh mai ka duh! Nu ber nau awi a a buai laiin chutiang thil chu ka lo ngaihtuah a nia, rapthlak hian.






Christmas kan hmang zo a, kum thar kan chuang kai a, kumthar tukah pawh chhungkaw thlalak kan neih ve ngei kha! Kâr leh lawkah exam result a chhuak dawn a, tlin ka inrin loh em vangin ka lo inthlahrung lawk. A bikin ka nupui bulah chuan ka inthlahrung! Vawiin thleng hian a tam zawk hi chu a pawisa hmanga kan lei vek a ni a, ka coaching kalna pawh a pawisa aṭang vek! Ka tlin leh lo phei chuan tihtur a vang ngawtin ka ring,tunah phei chuan pa ka ni tawh lehnghal a.






"Apa Amy te inneihna ah chuan I han kal mai dawn ami? Kan vaiin kan kal thei si lo a,nang talin i han tel loh chuan" Naktuk tuk leh mai ah Bawihi ṭhiannu Amy khan pasal a neih tawh dawn a, Bawihi hi dinpui ah a rawn sawm tak nain keini lah kan la heti rih a,a hnial ta tawp mai. A ṭhian ṭha ber tana ni pawimawh ah a tel thei lo tur chu pawi ka tihpui takzet.






"Nangmahni chauhin ka kalsan thei hlei nem che u,kan changkan deuh hunah kan vaiin kan kal zawk dawn nia" Bimbemtei thla 6 vel a nih chuan kan zin ve thei tawh em em ang.





"Ni 2 lek a nia, chumi chhung chuan eng em kan ti bik lo ang, ka tel thei si lo a,nang talin han kal hram la?" A ngenin min ngen tawh.




"Nangni chauh a kaldan che u chu ka va hreh deuh ve" Mamawh ni khua ah chhungte tumah koh mai tur an awm tawh lo chu thin lam a rim tawh.





Amy inneihna a kal tur chuan min insiampui a, inneihni a hak tur leh hak thlak tur 1 ka keng a, lawmpuina thil pek tur kan lei bawk a, bungrua chu ka ngah hran lo. Airport chu sawi loh kawt thleng paw'n min rawn thlah thei lo a, kalsan chu hreh tak tein ka hreh. Kal loh chu duh viau mah ila Bawihi lawm nan tal ka tih bakah Amy,engtik lai pawh a kan nupa tana awm reng leh min ngaihsak em em tu a ni a, tel ngei ngei a ngai tlat a ni.






LAWMSANGPUII POV


Pa ber Mizoramah a kal a, a awm ta lo chu zep loh chuan kan buai ve khawp mai. Kan nufa chuan kan inpaw deuh chawt a, chaw pawh ka ei mumal hman lo! Remsanga chu a ram ngei a kal mah ni se a riang lutuk dawnin ka hria a, Rempuia hnenah a chanchin ka hrilh a, lo ngaihven deuh turin ka chah bawk. An in lamah thlen a tum si lo a, hotel velah a thlen tur thu a sawi mai a, ngaihtuah lo hi a har a ni.




Zanah chuan min rawn bia a, Saidinga leh Lucy te nen pawh an inhmu a, an hlim hmel viau mai. Bimbemtei chanchin ngawt chu min rawn zawt a, a fanu pian hma kha chuan 'I tel lova mut chu a har' ti ṭhin kha fanu a neih hnu hi chuan 'Bimbemtei tel lova mut chu a har' a ti ta a, a zan khatna a ni bawk nen eng nge kan an dawn ni?





Amy nen chuan an inhmu ta a niang,kan thil pek vang khan lawmthu te min rawn hrilh a, video call a inbia kan nih vangin a insiam lai te chuan ka hmu ve vek a, ka ṭhiannu in pasal a neih ve tawh mai tur chu lung te lam a leng a, ka ṭhiannu pawh inchei vek tawh e ti lo chuan a lo ṭap leh rih.





"Pasal neih te mai mai a ho lutuk! Ka thi dawn pawh a ni lo" a ti leh rih, dah tawh mai tura ka tih lahin a duh bau lo.




"Ka la zalen dawn! In chhungkua pawh ka la rawn tlawh ang che u" tiin kan inbiakna kan titawp ve ta hram a, tlai lamah Remsanga'n Amy thlalak te min rawn thawn a, Gideon a nen chuan an inhmeh takzet! Ka ṭhiannu chu mo ka hmu tawh zawng zawngah hmelṭha ka la ti ber bawk!





Inneih ni tlai la la a lo haw a tum a, haw lo turin ka in hrilh nasa mai. Aizawl kal chhunah a nu nen chuan inhmu se, hmai chhanah an inbiak thei hlauh chuan an inkar pawh a danglam ngei ka rin vang a ni. Haw lo tura ka tih nasat em vangin a zawm ta hram a, a nuin hmu a tum tih phei chu ka hrilh lo!





Rempuia nen kan inbiak hnuhnun ber kha chuan hmu ngei an tum thu kha min hrilh a, engmah a rawn sawi zui tak loh avangin ka zawt ta bik lo! An hun hman ka tihbuai ka hlauh vangin Remsanga pawh zan ni tawh mah se ka call lo a, min lo biak hun ka nghak a nih ber chu.






Bawihtei mut ngheh hnuah khumah ka mutpui a, ani tereuh pawh hi a pa pangtilum a zawngchhang tawh a ni ka ring, a che sat sat reng mai.





"Hello" Sana ka en chuan dar 10 a lo ri tawh a, ka lo muhil hman chu niin.




"Bawihi in mu tawh em?"



"Umm min lo biak hun nghah pahin Bimbemtei ka mutpui a, ka lo muhil hman alawm le"



"A muhil tawh em ni?"



"Aw a muhil tawh, I pangtilum a zawng ve deuhin ka hria" ka tih chuan a thaw hak ri chu ka hre pha a, ka nui suk.



"Ka lo hawh hunah chuan ka zin tawh miah lovang" a tih chuan ka nui ta hak hak a, naupang chhia lutuk.



"I nu nen chuan in inhmu em?" Sawi a tum loh hmel em vang chuan ka zawt a, a thinrim loh hram ka beisei.



"Umm..heng zawng zawng hi I hre ve vek a ni tiraw?"A tih chuan ka zawt kher chu ka inchhir leh hnu hnawh.



"Aaa..aw..I nu khan a hmu chak lutuk vang che a nia"



"Ka hria mahse anni nen hian eng inzawmna mah kan neih tawh lo! Neih pawh ka duh tawh lo bawk! Chu chu nang paw'n I hre tawh dawn nia" a ti nghet charh a, zawm loh ngam pawh a ni lo.




Rei pawh inbe tawh lovin kan inbiakna kan ti tawp a, Bimbemtei muhil chu ka en a, a liam ve zel a, a pa a chhun telh telh. A pa tetlai thlalak en phei chuan an danglamna a vang takzet.




Chhungkaw kimin kan awm leh ta a, Bimbemtei pawh Pathian zarah dam leh hrisel takin thla 2 a tling tawh a,ṭah belh viau mahse kan nupa karah chuan hlimna tam tak min thlen a ni. Ka enkawl ṭha thei dawn lo a inhriatna ka neih chang hian he thu hi ka hrechhuak ṭhin 'Pathian chuan ka tih theih bak hi ka tih turah a dah ngai lo a,chutiang bawkin fa enkawl pawh. Ka enkawl thei ngei tur hi min pe ṭhin a, kawng dika hruai chu kan hna' tih hi a ni a, ka beidawnna bang min ṭhiahsaktu a ni bawk!





"Bawihi exam result a chhuak a!" Bimbemtei diaper ka thlak lai chuan a rawn ti lut thawr a,thin a phu rang ngei mai.




"Eng nge kan an?" Ti a a hmel ka en chuan ka zawt kher chu ka inchhir nghal a, a tling ve ta lo a nih hmel.




Ads click
Boring in ti em? Kan ning ta deuh nge comment kan tlem sawt


Show post links
Top

[Ngaia]

LAWMSANGPUII POV


Hmanhmawh lem lo chuan khum lam a rawn pan a, khumah bawk thlak pahin Bimbemtei chu a chhaih zui nghal a, engmah a sawi zui lo danah a tling lo a nih hmel.





"I rilru tihah reng reng suh, I vawi khatna chauh a nia..sawi tawh angin I duh duh I ti dawn nia" A hnual luatah ti loh loh te a tih ka hlau a, tunah tak hi chuan a rilru ti nâ zawng a ṭawngkam ka chheh lo a fuh ber.





"Umm" A ti dan raih a, a fanu kut hum tawm ṭaih chu phelhsakin a kutṭang 1 a rawlh lut a, Bimbemtei'n a lo hum ve zat bawk nen nui suk sukin min rawn melh a, Bawihtei awm lo se chuan a rilru ka lak pensak theih kher lovang.






"Khawsak zel dan turah te khan ilo buai vak ange, ka hlawh an tipung dawn a, rilru hahna tur a awm miah lo a nia" Engmah sawi lo mahse ka ṭawng zat zat reng a, a pawm thiam loh ka hlau em a ni.






"Ihmaw" a tih chuan ka thil tih lai chawlh meuhin ka en a, min en lem lovin a fanu bawk chu a en thung.





"Kum 1 leh thla 4 training ka neih dawn a" a tih chuan ka bo hle ringawt. Eng chung nge a training ang? Thla 2/3 vel pawh ni lovin kum 1 leh thla 4!





"Eng training maw?"





"IRS nupui I ni ve tawh alawm!" A ti then a, eng maw a sawi kha?




"Eng maw?Sawi ṭha teh railway maw?" A kawr hnung lamah chuan ka pawt ti tih a, ka awmdan chu sawi thiam a har. Phurna leh ham haihna a inchawhpawlh a ni ber.





"Revenue lam zawk a nia mahse Nagpur ah training ka neih phawt a ngai a" Khum mawngah chuan a rawn ṭhu a, kan in melh ran bawk.




"Oii chutiang te chu" tiin a darah ka beng thlawp a, thil thleng mek chu ka rin loh lam daih a ni. Lawm luatah ka hnuk te chu a ulh a, ka biangah mittui a luangthla pap a mahse hlimna mittui a ni.



"I va thiam em em ve" ka ti leh ringawt a, nui hukin a malah chuan min pawt ṭhu a, a nghawngah ka lo kuah nghal zat.




"Pathian leh nangmah vang chauhin alawm" Tiin ka biang leh bekah te chuan min fawp a, kan chungah hian Pathian hi a ṭha takzet.



"Ka lawmpui lutuk che..chuan IRS nupui min nih tir avang leh fanu hmelṭha zet min pek avangin ka lawm e aw" A hmui ah chuan ka fawp a, a kutin ka bianga mittui luang te chu min hruksak a, ka lawmzia hi sawifiah ngaihna pawh ka hre lo.






Tlai eirawng bawl a hun tawh vangin room aṭang kan chhuak dial a, Remsanga'n call a dawng zut zut reng bawk. A fanu pawm pahin rawn lawmpuitu apiang chu ṭha takin a be bawk a, chhungte hung tak la ni lo mah ila ka chhungkua chu a kim ve biai a, duhthusam piah lam daih a ni.





"Ṭah loh tur, khawi lo kal rawh le" A pa pawmna aṭang ka la a, a pa erawh phone a la hmang thung. Bimbemtei mut a chhuah tawh vangin puak puan la tur chuan room ah ka luhpui a, zei lo zetin ka pua a, ka paw fel chiah tih ah ka phone a ri nghal nichin khan ka lo keng chhuak lo tih ka hre ve chiah.





"Hello" Remsanga nu a nih vangin buai chung chuang ka pick a, Bawihtei awi pahin a mawngah ka beng thek thek bawk.





"Sangpui chanchin kan lo hria a, a va lawmawm ve" a rawn ti hliai a, a lawmawm ve bawk em alawm. Remsanga chuan a be duh leh dawn lo tih a hria a, biak buai a tum lo law law. Lawmthu te min hrilh leh ringawt a, Bimbemtei chanchin pawh min zawt luam a, a hmu chak ve viau a nih hmel.





"Bawihi U Mafela te an lo kal a" Kawngka ah lo dah pahin a rawn ti a, phone ka la
hmang bawk nen ka bu ringawt.





"A nih ka dah rih ang aw,inleng kan nei a" tiin call chu ka hang up a, tun thlengin koh dan turah ka la buai.





"Bawihtei chu a muhil a ni maw?" U Mafela leh mipa ka la hmu ngai loh hi sofa ah an lo ṭhu reng a, an ep chiah ah Remsanga a ṭhu bawk.




"Aw a meng char char a, a muhil ve deuh chiah"




"A va fel tawh awm ve..in pa chanchin kan lo hria a, hna aṭang kan rawn peng nghal nih hi" Nui huah huah pahin a ti a, helai ah te chuan Mizoram anga in tlawhpawh awlsam a ni lo a, hun chep tak karah kan pa an rawn ngaihtuah zelna chuan thla a timuang takzet.




"In van tilawmawm ve,thingpui ka lo lum ang,la ṭhu r'u" Choka lam ka pan nghal a, thingpui bel chhuan pahin dal chu ka phit tir nghal a, cooker phit ri ah Bawihtei a phu leh zuk zel a, kan han in awi leh rih.





Thingpui ka sem laiin dpor bell a ri a, Remsanga tho tharhin hawng tur chuan a kal nghal a.



"Congratulation man!!IRS pa ni ta der mai" ti ri ah chuan ka hawi a, Remsanga ṭhianpa Frenkie a kha cake nen a lo ding reng a, a sirah trolley tê a inhung bawk a, a lo zin a nih ka ring. A takah kan vawi 1 in hmuhna a nia, Remsanga nen hian an inbiak ṭhin vang leh a inkhelh te tv ah kan en ṭhin vangin ka lo nel ve em em ringawt.




A cake rawn ken chu laksakin dawhkanah ka nghat a, u Mafela te nen an inhmu chu an ri ta hluai a, an lo inhre vek a nih hmel.




"Chawlh reilote kan neih a, ka haw hman ting tang lo bawk nen helamah ka lo kal a nih hi" Frenkie a'n u Mafela zawhna chhan pahin a ti a, u Mafela a lo bu nghut nghut.




"Tunah khawiah nge I inkhelh kha?" U Mafela ṭhianpa Ls a'n thingpui in pahin a ti zawm zat.




"Kerala Blasters tan ka la khelh" tiin inkhelh chungchang an sawi zui a, cake chu eitir hlawm ka tum a mahse min hnial tlat vangin ka pe ta bik lo. Choka lamah eirawng ka bawl chhunzawm a, Bimbemtei pawh puak a nih vangin a mutui ngang mai. Khumah mut chiah ila chuan a rawn meng leh kur tawh ang.






U Mafela te haw dawnah chuan ka va thlah ve a, Bawihtei biang chu nâ vak lovin a piai leh hram kha. Chutia Frenkie awm ve takah chuan chawhmeh ah sa siam tel ṭhain ka hre ta a, bawngsa lei sa kan neih hlauh a, a zia viau.







"Bawihi ka lo siam ang" tih leh min rawn chuh a rual a, hnial lovin ka pe ve mai bawk.




"Ka lo siampui ang che" Frenkie a'n a ti ve nghal zat.




"Va inbual zawk la?" Inbual a duh ka rin deuh vang chuan ka lo ti thawr a.




"A hmanhmawh thlak loh,officer hi kan pui phawt ang e" a tih chuan Remsanga a lo chek hluk. An 2 chuan sa chu an chan tê a, 1 in a lo chelh a, 1 in a lo zai a, mipa an ni bawk a, sa siamah kher chuan kei aiin an thiam zawk ka ring.





Inbual duh mah ila Bawihtei ka puak miau vangin ka la inbual thei lo a, ani erawh tlai ah ka bual kha rin nghal ka tum. Dar 7 velah zanriah kan ei a, ei laklawh laiin Bimbemtei a harh a, a tlei lo em vangin ka kham nghal a, Remsanga leh Frenkie a te an ei thung.





Hnute ka pek lai reng chuan zun a cheh nghal a, a rilṭam viau a ni ang, hnute chu a hne dawk dawk a, a kham meuh chuan a pum pawh a puar ve ulh mai.





"Ka lo pawm ang,va ei leh rawh" Frenkie a'n a rawn ti a, a puar hman emaw ni?




"I va kham hma ve, I puar meuh maw?"




"Puar lutuk ringawt" Tiin Bawihtei chu rawn ban a, choka lamah ka kalsan a, Remsanga pawh a lo kham tawh. Chaw chu ka ei leh a, sitting room lama Bimbemtei an chhaih ri chu ngaithlain ka nui kur kur ringawt. Bimbemtei a fel bawk nen ka ei hnem phian a, nu nih hnuah ei ka theih sawt zia hi!




Thleng te ka sil sawk sawk a, a tlei chhung tiin tihtur ṭul ang ang ka ti a, am ve tak ka ni. Frenkie a room hman tur ami khum pawh ka phah ṭha a, tibaltu kan awm lo bawk nen tihfai tur vak pawh a awm lo.





Remsanga leh Frenkie ah titi in an la ṭhu a, Bawihtei nen khumah kan mu a, kut leh ke a leng ve bap bap mai. A muthilh hnuah ka inbual a, ka chhuah chuan a pa pawh a lo mu tawh a, a fanu kut a lo chelh leh ran tawh.





Lotion te inhnawihin mutkawr ka ha a, pakhat lah chuan min en nasa mai. Dim light ti engin khumah ka mu ve nghal a, min rawn kuah leh chat tawh.





"Ka bulah in lo awm ve mai dawn ami?" A ti sup sup a, a bulah chuan awm duh viau mah ila kan awm thei dawn lo!





"Bimbemtei leikan deuh hunah..tunah rih chuan pawn chhuak thei pawh kan ni lo"





"A lawmawm viau na chu inlak aṭang ka hrang dawrh dawn a,ka lawm lo" a ti hmuk a, a awmdan chu nuih a ti za.





"Tuar hram hram la, chumi zawh ah kan awm hran a ngai tawh lo ang" Dik tak chuan amah ai paw'n ka hupurh ang, a rawn haw ṭhin tho anga mahse reilote chauh a ni dawn a, awmpui lak mai a fuh ang.





A tukah nileng chuan Frenkie te nen inah kan awm a, India ramah nana na chuan ngaisangtu a ngah bawk nen,pawn pawh chhuak khat tak a ni.





"I khi vur vur mai,Norah i I be chiang lutuk" Frenkie a phone hmang zo chu Remsanga'n a ti thawr a, ka lo en tawn zak zak mai.




"A awihawm lo lutuk, ani te chu a thlawk laklawh" tiin sofa ah a ṭhu thla a, Remsanga sawi chu a bialnu a nih ka lo ring ve ringawt.





"A hman hunah lengah te sawm rawh,hmu ve a chakawm alawm" Remsanga bawk.





"Buai a inti thei lutuk a,chhuanlam a ngah bawk si" A khup chungah a kerek lehlam a nghat a, mizo footballer dang te ang lo takin a ngal te chu a sei phian lehnghal.





"Air hostess bialnu neih chu a dang zar lo maw?" Pakhat lah hi a nghal thiam sia, a pawm mek nu hian a chhun ka hlau.




"Bialnu a ni lo..min ṭan nachang pawh a hre lo a,hmabak a la thui khawp mai" a tih chuan kan nui ta hak hak a, Remsanga sawi ang takin an hmeichhe sawi chu hmu ve a chakawm khawp mai.





Kâr thar kan chuang kai a, Frenkie a pawh a khelhna hmunah a let leh tawh a, Remsanga paw'n min kalsan ṭep tawh! Nagpur ah daih training a neih dawn vangin inhmu reng a theih dawn lo a, a lo haw zen zen dawn lo lehnghal.






Awmpui lak chu Remsanga paw'n min pawmpui viau a, theih ang angin a zawng a , kan hmu ta reng bawk. Didi kan ti mai a, vai a ni tak nain a che fel em em a, pasal neih lovin a awm a, kei ai paw'n a upa! Didi awm hnu chuan Bimbemtei ka buaipui chawt a, in chhung chetah a ni emaw eirawng bawl engkim ama'n min chhawk a, hah a dam viau.





Pa ber kal dawn zanah chuan lung te pawh a leng lek lek! Zan tirh aṭang khumah kan mu a, a khat tawkin a fanu chu a fawp a,'Ka Bimbemtei pawh ka hmu khat tawh dawn si' a ti reng bawk. Kal chu a huphurh ve takzet tih ka hria a mahse kan tan vek a nih tih a hria a, a kal hram hram dawn a nih hi. Bawihtek muthilh hnuah a thiam thil show in a che leh tak tak a, dar 12 tlangah kan nupa chuan kan inbual leh a, a nghei rei dawn sia a duh thawh khawp mai.





"Ka hmangaih che u" Ka chal a fawh zawh ah Bimbemtei a fawp leh a, pawn thleng kan thlah a, thlahlelh viau mah ila khawvela kan awm chhung a kan khawsak nawmna tur a ni miau si a, kei pawh zuau hman ka ni lova, rilru puitling taka awm ka ngai a ni.





A awmna hmun tur a thlen hnuah min rawn call a, flight a kal a ni bawk nen a thang rei lo viau. A room tur te min hmu a, zirlai ang deuh a training dawng tur an nih vangin an room pawh a zau lem lo a,khum pawh tereuhte an hung a, hostel chiah chiah.






Pa ber kal aṭang thla 1 a liam ve ta! Bimbemtei pawh thla 3 a tling a, thla 4 na kan hnaih tawh viau. A pa awm loh aṭang chuan a fel tawh em em a, chhaih te hi a hre ve ṭan a, ha hni lang vekin kan kiai nasa thei khawp mai. A pa paw'n hun a neih dan a zirin min rawn bia a, training chungchang ka zawh chuan a harsat loh thuin min chhang mai zel a, ka lakah hian a zep ve reuh nge ka hre lo.






Tlai khat chu Bawihtei ka bual zo kawr ka hak tir laiin Didi in mikhual kan neih thu a rawn sawi a, Bawihtei pawm pah a ka va chhuah chuan ka meng kawkin ka hria. Remsanga nu leh a u nupui kha an lo ni a,a fate 3 pawh!





"Kan lo thleng ve ringawt a, a pawi em?" Remsanga nuin a ti a, tuin nge thlen vek tawh hnuah a pawi thu sawi ngai.




"Pawi lo e, in lo lang thut sia..min ti hamhaih deuh alawm"




"Checkup turin kan lo kal a nih hi,khawi maw Bawihtei chu?" Tiin Bimbemtei chu a rawn ban a, sofa ah chuan a ṭhutpui nghal zat.




"Pipi baby hi a hmelsa e" tih leh Bawihtei biang piai vak a rual ta mai, hlauhthawn luatah mipa naupang pawh leh au ṭhawt ka rual a, chhuak em em in Bawihtei a ṭap nghal a, a pi kut aṭangin ka la nghal zat.




"I mak ṭhin mange, lo hruai lo tawp che u ila ṭha tur" A pi thusawi chu ngaihsak lo fein sofa ah a lawn a, a u te zuang turh turh chu a chhunzawm ve nghal a, vawi leh khatah kan ri hlut chu a nia, Didi in mak min ti ngawt ang.




"Ṭah loh tur, a u in a lawm ve che nih kha" A bang tawh dawn emaw tih hnuah a ṭap leh ṭhin a, a piaina chu a sen ter lehnghal a, nâ a ti deuh emaw ni?




"Khawi a room hi nge kan hman tur?" Ka fanu ṭap ka buaipui laiin an monu chuan a rawn ti a,a fapa thil tih chu engah mah a ngaih loh hmel em em lehnghal.




"Didi khawngaihin mikhual room kha lo kawhhmuh mai" Bawihtei hnute ka pe a, ka sirah Remsanga nu a ṭhu ve reng bawk a, a tu te lah chuan sofa aṭang ṭum thlain room lamah hmanhmawh tawkin an tlan lut a, an rawn chhuak leh a, 1 in inchhung chei nan a ka pangpar khawi a rawn su tawp a, lei leh lungmawi zawng zawng chu chhuatah a bua a, ka zep lo zawng an ang ka ti takzet!





"Tlan tawh suh u! I nu bulah ka va kal rawh u" A tu te chu a kutin a tin ziau a, phakar hmel tawka min melh kur kur hnuah an nu bulah chuan an let leh a, an pi chuan lei vel chu huiin pot ah chuan a chhung a, lung vel pawh a rem ve ngei a, tho tharh in a kalsawn a, reilote ah hmunphiah nen a rawn let a.





"Ti duh suh,Bawihtei puar hunah ka lo ti mai ang"



"Harsa a nih loh hi,Mapuia fa te zawng an hlei lutuk a, kâ reng an tikham" a ti zui hlak hlak a, hetiang reng hi an nih chunn chenpui an harsa ngawt ang.





Bawihtei chu a pi emaw an monu emaw ka pawmtir tawh lo hrim hrim a, keima'n ka paw chawt a, naupang hlei zet 3 te lak aṭang chuan ka veng a ni ber. An in um kawi reng a, an rak chul a, room ah an luh lahin kawngkhar bang hlap ṭhuai khawpin an hawng a, an nu lah chuan zilh a tum der si lo.





An bengchhen em vang chuan Bimbemtei a hma zawnga tlei em em pawh a tlei ta meuh lo va, a ṭap pur zel a, min tichau a ni tawp mai. Zanriah chu engtin tin emaw kan ei kham a, ei laiin tv en kher an duh lehnghal. An mut hnuah kei,Remsanga nu leh an monu sitting room ah kan ṭhu a, Bawihtei muhil ka pawm bawk.






"Bawiha'n kan lo kal chungchang a hre tawh em?"




"La hre lo,min lo la be lo va" ka ti ṭha ve mai a, min lo biak hunah chuan an lo kal thu hi sawi ngei a ṭhain ka hria.



"A va hautak awm ve an thil tih chu"



"Umm hautak ve deuh reuh"




"In pa chuan engzah nge a hlawh dawn a?" A rawn ti thawr a, Sumparlawmi ka ti mai.




"Ka chiang lo, 60000 aṭang a ni maithei" TA leh HRA te nen phei chuan 80000 dawn an hlawh dawn a, chungte zawng zawng chu henu hrilh vek hi ṭul ka ti lo.




"Hlawh tlem leh si ve" A ti khanglang a nih chu! 'In pain cheng 1 pawh a lalut ami?' Tih mai chu ka nap a, pi ber a la ṭhut ve miau vang chuan ka insum hram hram a ni.




Room 1 ah Sumparlawmi leh a fate an mu a, 1 ah Remsanga nu leh naupang 1 an mu a, Bawihtei nen kan khumah kan mu a, zan a rei tawh bawk nen a pa chu message in ka bia a, a lo seen nghal zat.





*Zanin chu kan bang har lutuk a, ka lo be lawk thei lo che u*
*Bimbemtei chu a fel chhunzawm zel em?*



*Fel tawh lutuk*
*Vawiinah I nu leh I u nupui te an lo thleng asin* Ka tih chuan a seen a,min rawn reply tawh lo. A mu tawh a niang ti a phone dah mai ka tum chuan a rawn vibrate chur chur a, tho chhuakin balcony ah ka chhuak zui a.




"An lo thleng tihna maw?Eng nge an lo tih?" Ka pick chiah a rawn ti nghal zat a, a sa leh phat tawh a nih ka ring.




"Check up in an rawn kal a"



"Ṭul lo lutuk,naktukah haw turin ka lo hrilh dawn nia, ilo duat vel ange, duat an ngai miah lo a nia"



"Ti kher duh suh,an cham rei dawn hlei nem"



"Kan engmah an ni lo kan inah awm tur khan bakah an tibuai lutuk ang che,Bimbemtei tan paw'n a ṭha lo!" A tih chuan dik ka ti ve reng,an rawn thlen hnuah Bawihtei a tlei tawh lo a, a thawmah a phu zuk zuk reng bawk a mahse chumi avang chuan haw tir turin ka ti ringawt thei lo. An lo kal chhan checkup pawh an la ti hlei nem.





"Bimbemtei kha lo en deuh reng rawh aw,an hlei si" Nichin an chetdan kha chu hrilh chiah ila chuan a rawn haw duh nghal ka ring.




"Awle"




"Mu dawn tawh rawh,kei pawh kan mu ange...muttui aw,ka hmangaih che u"




"Keini paw'n kan hmangaih che"



Zing thawh veleh kan ri hlut a, Bimbemtei pawh dar 8/9 velah tho ṭhin kha an bengchhen em vangin dar 6 ah a harh a, mut kham lo miau hek, a ṭap reng a, dar 8 velah a vawi 2 nan a mu ṭha leh ngat.





Remsanga nu leh Sumparlawmi an chhuak a, a fate a hnutchhiah thung. An tlan kual zak zak reng bawk nen min tichau hluah hluah. Chhun thil ei lai pawh chuan ṭhu hle hle lovin an infiam leh a, a mi lai phei chu noodles sa in a buak nghe nghe a, a ṭap pur mai.






"Kum 20 chuang naupang enkawlin ka lo awm tawh a,hetiang em em a nuapang hlei hi ka la tawng ngai lo" Didi paw'n a ti ta thlawt a, an hlei ve bawk em a ni. An bengchhengin an tlan kual peih sia, zawng bak tehkhin tur dang ka hre lo.






"E e e...chhuk nghal rawh!" Stroller(naute nawrna bawm) ah a upa ber thau deuh kha a lo chuang a nih chu! A banah pawt sawk sawkin ka chhuk tir a, a la tang zui.




"Hei hi in chuanna tur a ni lo hrim hrim!In tichhia ang asin. Sitting room ah infiam hle hle ta che u"




"I sual si! Ama bulah ka sawi vek dawn" tiin chil min chhak reuh a nih chu!




"I va sual ve naupang tê tê si" tiin a chalah ka pen fawk a, a in hnit zui a, duh leh ṭap rawh se, sual em em lutuk.



Bathroom ah lutin a chil vel chu ka tifai a, naupang chil mah ni se ka ten reuh lutuk, a ha te kha a mawih emaw ni lehnghal?





Tlai ah chuan a pi leh a nu an lo haw a, a nu chu a lo bazar haw leh nasa mai. Zosangzuali pi chuan Bawihtei tan kawr leh pheikhawk mawi deuh a rawn lei a, a puan deh a nuamin a nalh reuh sia, a to ngawtin ka ring.




Sumparlawmi chuan Remsanga nu chu a tlawn thiam deuh a ni ang,a thil lei chu a tam mai a ni lo,a to chi hlir a ni a lei. Checkup hruai chhuanlamin a rawn bazar a ni ringawt!





"Hei hi eng nge a an?" Tiin kekawrte leh bra sexy zet hi a rawn parh a, englai mah a khuh zo in ka ring lo! A man leh brand vel chu zawh pawh ngai lovin a sawi zat zat a, panty leh bra ṭangkai lo hmel zet kha victoria secret ami niin sang chuang man a la ni zui. Ka hriatchhuah tak chu vawi 1 mah ka la hak ngai lohte hlir a ni a lo hak.






An haw aṭang kâr 1 a liam leh ta! Bawihtei thla 4 a tling chiah bawk a,Pathian zarah a hrisel a, a chum ṭha em em bawk. A pa lahin a fanu hi a ngai tih hriat takin kâr tin deuh thaw a status a, kei aiin a fanu hian a pa whatsapp status chu a luah nasa zawk!







Hun chu a pa'n kal muang a tih em em laiin kei erawh chuan kal chak ka ti a,Bawihtei buaipuia ka buai thei em vang a nih ka ring. A thla 6 tlin ni turah a pa a lo haw thei dawn a, kan phur viau. A pa welcome nan ni pah fawmin cake lian vak lo kan order a, a hriat lovin airport ah hmuak turin kan kal bawk!





"Apa a lo thleng ṭep aw,Bawihtei Apa kha a lo haw dawn a" ka tih chuan a khek ve raih a, pa tih sawi hlek tawh hi chuan a beng a lo chhi ve kar zel.




"Saw saw..Apa a lo thleng!" Apa paw'n keini chu min rawn hmu tih hriat takin a kiai suk suk a, ka hmu upa sawt lehnghal a.





"Welcome back Apa"




"Bimbemte..my love" tiin a pawm nghal a, an pa fa chu an hmuhnawm hi a ni tawp mai.




"Ilo nula hman tawh zek lehnghal" Haw kawngah chuan a fanu chu a chhaih reng a, a fanu lah chu a lai ve deuh emaw ni, a pa awmah a tauh leh dat zel a.




In thlen hnuah eitur te kan ei a, Bawihtei pawh cake kan barh ve ngei a, tui a ti phian lehnghal.




Kâr 1 pawh tling lo,ni 5 chiah chawlh a neih a, kei pawh dam chuan hna ka zawm a hun tawh a, mahni buai buaiin kan buai leh dawn a nih hmel.





A pa bulah a tlei vangin inbual turin ka luhsan a, fa neih hnuah hi chuan a ruala inbual pawh a thei tawh mang lo! Fai ser sawrin ka inbual a, thau ngai lo ni ta chu Bawihtei pian hnuah ka tla leh duak a, pai lai vel kha a ngaihawm rum rum mai.





"Eng nge a?" Bathroom aṭang ka chhuah chuan an pafa in ka hma ah tak an rawn ding a, a kut lehlamin rose par sen duk bawr lian zet a keng a, lehlamin Bawihtei a pawm bawk a, an lo muhil tawh ang chu tih laiin.





"Anu I chungah hian kan lawm takzet e" tiin pangpar chu ka lamah a rawn lek a, bo deuh chuan ka lo ban ve mai. Pangpar lah chu a lian em em a, a tak vek a la ni zui.






"Hei tê hi lo mu rih se" tiin a fanu chu khumah a mut a, eng nge a tih dawn tih a ka lo en reng laiin a ipte zen sawk sawkin ka hma ah chuan a ṭhingṭhi ta mai!





"Min neih duh em?" Tiin zungbun a rawn phawrh a nih chu! Lawm bawk si,hamhaih bawk si,engmah pawh sawi lo chuan ka zuk kuah thlawp a, ka mittui a tla nghal pap.



"Min la chhiang miah lo a nia" a tih chuan ka awmsawn leh rih.




"Kumtluanga ka chenpui tur ni rawh aw?"




"Aw ka ni ang" Zungbun nalh zet,en ringawt paw'n man to tih hriat lutuk tak mai chu min bun tir a, kual satliah pawh a ni lo, gem a awm tel a, gold pawh to ti tih laiin diamond ngat a ni min buntir!




"Ka hmangaih che" Rawn dingin ka hmui ah tak chuan lungchim zetin min fawp a, ka lo chhanglet ve nghal zat.



"Kan fanu in a en reng che nia,ṭap tawh suh le" Bawihtei a pawm kang a, hrethiam awm ve zia zangin min en kar zui.



Kan chhungkua chu tlem viau e ti lo chuan thla te kan la leh a, a tam zawk chu kan selfie a ni ringawt.




Chawlh reilote chhung chuan pawn pawh chhuak lovin inah hun kan hmang deuh chawt a, hriat lo karin a pa pawh a kal a hun leh der a, thla 6 chauh kan la nih vangin ngenna chang a la hre lo a, kum a tlin chuan airport ah kan ṭah ziah ka ring.




Bawihtei hna ah ka kalsan ni chuan ka awm a nuam thei meuh lo! Didi chu ka call sek a, hahdam tur leh ngaihtuah lo tura min tih paw'n ka thei der lo. Didi in chhung chet chauh ni lo,nau awmtu ah pawh a lo ṭan zak zak tawh ṭhin vangin tlem chuan ngaih a ṭha deuh.




Remsanga'n hlawh a lak aṭang chuan a khat tawkin inah Bawihtei thil an rawn deliver reng a, min rawn lovin a toys tur a lei reng hi a lo ni.




Tlai khat ka haw chu Bawihtei a lo bawkvâk mek hi ka hmu a, Didi in a thiam thar tih min lo hrilh chuan lawm lutukin Remsanga ka va hrilh veleh a, chumi ni tukah walker an rawn deliver leh a, a fanu hian tlak chham reng a nei lo.




ZOREMSANGA POV

Hun a kal muang hle emaw ka tih laiin ka fanu in kum 1 a tling ta der mai a, vawiin ni 30,November hi a piancham a ni a, telpui ngei ka duh tehreng nen chawlh ka la thei tlat lo a, Bawihi'n min rawn hrethiam viau mahse ka inthiam thei hlawl lo. Kha leh chen amahin a lo enkawl a, kum a tlin ni ah lehzel ka awm thei lo chu pawi ka ti takzet.





A nu sawi danin thiam thar a ngah em em a, a thlalak leh video vel min thawn ngun bawk a, ka phone hi ka fanu thlalak leh video hlirin a khat. U Mafela leh ka ṭhiante'n an va telpui a, Bawihi'n ṭhian kawm vak a neih lo vangin tu vak mah a sawm lo a, Bimbemtei chhartu hospital staff te'n an telpui bawk a, nuam an tih hmel khawp mai.






Aizawl lama ka chhungte lahin min rawn biak an tum reng a, Rempuia bak hi ka be lo. A sawi danin Kapa chu bathroom ah a tlu sual a, a zeng zui lehnghal a, Kanu lahin natna sawi tur neih si lovin a sawng nawi sawt em em a, ka u te nupa lahin engmah an ngaihtuah tak tak si lo a, Rempuia ko ah engkim a tla a, a chauhpui ngawtin ka ring.






Training chu tluang takin ka zo a, ka haw ni ah an nufa in airport ah min rawn hmuak a, ka Bimbemtei thil thiam thar chuan min tihlim ngei mai. 'Pa' tiin min koh a nih chu! Fiah vak lovin 'pa' a ti deuh chhen a, 'nu' tih erawh a la thiam lo a, Bawihi'n min thik viau.





Ads click


Show post links
Top

[Ngaia]

CHAPTER-36 (last chapter)

LAWMSANGPUII POV

A pa post tur a fel a, vanneihthlak takin Delhi ah a ni hlauh! Hna a zawm ni chuan Bawihtei nen kan va telpui ve a, hna sang chelh tih takah tu pawh chuan an be ṭha em em a, a hnuaia thawk te lahin zah takin an bia a, a kum 30 na chu a hmang nuam bik ngei mai.




A office tur pawh a nuam em em a, hospital boruak nen chuan inthlau tak a ni. A dawhkan hma ah tak chuan
'Zoremsanga,IRS
Asst. Commissioner of taxes' tih hi mawi fahranin an ker a,a pa chuan a ṭhut hma hauhin Bimbemtei chu a ṭhut tir a, a fanu lah chuan globe chu a lawm khawp a, a ban deuh chhen mai.




Motor a kawl a, kan chhungkaw scooty pawh kan khalh chhuak khat tawh viau. Office lamin driver an pe bawk a, vawi leh khatah kan dinhmun chu a inthlak hlawk a ni ber.





Kan nupa kan inngeihin kan inhmangaih em em a, kan inhau khat a, inhauhna awmchhun chu Bimbemtei vang chauh a ni! A sual sawt em em a, a pain a duat tih a hriat vang nge ka thusawi hi a zawm ngai lo! Hrilh hlek ila a ṭap nghal zel a, a pa mal karah a awm tawh hi chuan lei te min chhuah khum ngam hial a nia mawle.





Aizawl lam te'n zin turin min chah ziah a mahse pa ber hian a duh tlat lo a, Bawihtei kum 2 a nih thleng paw'n kan la zin lo!





"Zosangzual thlah rang rawh,I hne tawh lovang" Kum 2 lai ni tawh si hi hnute a la hne a, a chhan ber pawh a pa vang vek hi! Nghei tir ka tum lahin 'a la nau emai, pe mai mai rawh' a ti tlat a nih kha.





"Naupang bulah ṭawngka vin hmang suh" tiin a fanu ṭap pur chu a pawm nghal a, a pa bulah hi chuan a pangchang tlat.




"Ṭap tawh suh,ṭap uar thei ropui si" Chauh nen a lo sual phei hi chuan thin hi a chhe hlur zel.




Zingkarah chuan call ka dawng a, Rempuia hnen aṭangin a ni. Ka pick ruala a thu rawn sawi vang chuan sawi ve tur reng ka hre lo, Remsanga pa a boral!





Remsanga chu kai thoin ngam lo chung chuan ka hrilh a, engmah a sawi bik lo! Rempuia nen an inbia a, he lei ah chuan a pa a hmuhna hun tawp ber tur a ni a,kal ve ngei chu ṭhain ka hria.





Kal chu ka rawt a, min hnial lem lo vang chuan a remti ah ka ngai. Rin aiin Bimbemtei a tlei a, a flight vawi 1 na a nih vangin a ṭap leh pur ka ring deuh kha a nia, Lengpui airport thlen thleng chuan a ṭap lo reng reng. Kum 2 hnuah Mizoramah ka kal leh ta chu a nia, tun hma kha ka hrechhuak lo thei ṭhin lo.





Remsanga te in kan thlen chuan mi an lo tam em em a a nuin min hmu chuan ṭap purin kan lam a rawn pan a, Remsanga chu a lo kuah a, 1 in a lo nem sawn mai hlau a ka lo en reng lai chuan a awmah a nu chu a lo kuah bet ve a, a hnungah a chul hliau hliau bawk.





A pa bulah chuan reilote kan ṭhu a, Bawihtei'n midang bulah a awm duh miau loh avangin pawn lamah kan chhuak leh thuai a, kan fanu chuan lawmtu a ngah tehreng nen tumah a ngaina lo! Thlalakna hun an hmang a, kan chhungkua chuan daih hlimah kan ding reng a, Bawihtei a muhil tawh bawk.





"A fapa Zoremsanga te chhungkua" tiin an rawn au ta mai, Remsanga ka en lah chuan kal a tum hmel si lo.




"Va kal rawh u, mi hmuh laia hetia awm ringawt zawng a dik lo ve" Remsanga pute in a rawn tih takah chuan kan inzui phei a, a tawp nan a pa kuang chungah chuan thla kan la ta a. Bawihtei nen phei chuan a takah an la inhmu lo hrim hrim a, video call ah bak an inhmu lo!






An phun zawh chuan a tlai duai tawh a, keini chhung pawh hotel lamah riah pa berin a tih vangin kal kan tum a, Remsanga chhungte'n min dang leh rih. Mite pawh an haw ṭan a, chhungte leh ṭhenawm khawveng te chauh kan awm tawh. Remsanga pute leh Remsanga room ah an inbia a,Amy leh Lalfeli ka hmu hlawl a, pawn ṭhutna ah ṭhuin kan titi zui luam a, kan inhmu lohna a rei bawk a sawi tur kan ngah ngei mai.






"Nu nih I ngeih a nih hi, I nulat lai ai khan I vul daih" Ka ṭhiani'n a ti mawlh mawlh a, ka inhmu chul rup asin le.




"U Amy hrethiam ve ta che, an pa in a duat em alawm..officer nupui te a ni tawh sia" a tih chuan ka ner nawng,officer nupui hi an ti zut reng a, insawithei deuh te pawh kan ang alawm.





"Sangpui chaw a ei theih a nih chu aw" Remsanga pitei'n a rawn ti lang lang a, pa ber a lo la chhuak si lo va,lo ei thawt thawt na chi pawh a ni lo.





"Va ei rawh u,Bawihtei ka lo pawm ang" Lalfeli'n a ti a.



"Ka va haw phawt ang, Gideon a'n min rawn hmuak dawn a, a lo thleng ṭep ang"tiin a tho zui a, ka zui ve nghal zat.




"Ei ve phawt la ṭha tur"



"In la cham chuan ka lo la leng dawn nia" Gideon a lo thlen zui vangin an chhuak nghal a, ka va let chuan Bawihtei pawmin Remsanga a lo ding reng a, an sirah Lalfeli a ding bawk.





"Bawihi pute'n hotel a thlen a remti lo a, kan riah mai a ngaih hmel" a tih chuan ka lo bu nghat a, ama'n rem a tih phawt chuan a ṭha vek mai. Lalfeli lahin chaw ei ve nghal tura kan tih chuan an warden engmah a hrilh loh thu leh a hmanhmawh thu sawiin min hawsan ve nghal a, chaw la tur chuan kan chhungin kan phei ve nghal zat.






Bawihtei paw chung chuan chaw chu kan ei a, midangin min lakchhawk an tum lahin a duh der si lo va, kan chhangchhe teh e.





Remsanga room ni ṭhinah chuan kan mu a, Remsanga erawh inhnuai lamah a la awm a, a pa boralna mah ni se a hna thar lawmpui tura lo kal te pawh an awm nuk a, dar 11 rik dawnah a rawn chho ve thei chiah. Inbual zawh ah kan mu a, haw an la phal tlat loh avangin kan la cham a,inleng an awm deuh reng.





Chutia hna hmu thar ni ta chu Mizo mipuiin an hlut thiam em em a, kawm tur paw'n an rawn kal nghe nghe. Hun chep tak karah interview te a neih leh a, chutiang hunah chuan ka hming a lam awl lo bawk. Min fak nasat em vangin midang interview tura lo kal te phei chuan keipawh ṭhu ve ngei turin min ti ta tlat zel a, nuih a za ru viau.





Hna in min hmuak si a, rei tak cham thei ni hek lo le. Delhi lamah kan haw thla leh a, kan kal ni ah chuan Lengpui airport thleng chhungte zawng zawngin min thlah a, ka chhungte erawh chuan thawm engmah an rawn la neih lo cheu. Remsanga nu lung a leng em em a, ṭap ṭeuh in min thlah a, Remsanga paw'n a khawngaih ve ta deuh a ni ang, a nu chu kuahin a lu ah a fawp nghe nghe a nih kha.







Delhi kan thlen thlak leh aṭang thla 1 a liam leh hnuah kan fa 2 na tur ka pai tih kan hrechhuak leh a! Zingkar luakchhuak leh chauh deuh ang kha a awm lo tawh lo a, pa ber pawh ka duat thei viau e. Chuti rualin kan fanu chu a pa'n a duat sual tawh a, a sual reuhin a thin a chhe bawk a, ka thin a lo chhe ve bawk nen a ṭah tawh hi chuan ka lo vin leh hman ṭhin a, a pa rilru a nâ thei viau.






Bimbemtei kum 3 tlin hma in kan fa 2 na turte hmel chu kan hmu ta a, Pathian malsawmna vang liau liau in mipa phir kan nei a!A pa beisei angin hmeichhia an ni ta si lo va, Bawihtei angin lawm pawh an hlawh lutuk lo! Kei erawh mipa awt kha ka ni a, 1 mai ni lovin 2 lai an ni si a, ka lawm hi a ni tawp. Kan chhangchhiat em vangin ka hna ka bansan a, in chhung khurah chuan Didi awm chung paw'n ka buai ve em em mai a ni.





"Naktukah kan lo zin dawn a" Call ka pick rualin Kanu'n a rawn ti a, ka ner nawng ringawt. Ngaihdam dilna pawh awm lovin,kan inkarah engmah thleng lo angin min rawn be leh a, Kanu mah ni se ka la ngei reng.





"Umm" ka ti ringawt.




"I lawm vak na nge?I pa nen kan lo zin ang" Lawm lem lo tih mai chu ka duh a, a rawn kal chuan Remsanga a tihah mai mai! A lo kal loh chung paw'n phone aṭang a rawn tir kawi zat zat reng a, 1 lahin a pizawn thu chu a hnial ngam bik si lo a, Kanu hnaih ah hi chuan kan pa hi a him thlawt lo!






Naupang chaw tur ka siam laiin an infiamna room ah naupang ṭap thawm ka hre ta a, hmanhmawh tawkin ka va tlan lut a, thil thleng ka va hmu chuan insum hman lo lekin kan fanu hnungah chuan ka beng dawt.





"Zosangzual ti tawh lo turin ka hrilh che em?" A nau te ruala infiam hi a duh lo va, a nau te lah hian an umzui zel bawk si. Slime an lo inchuh leh ni ngei tur a ni, Mampuia(a naupang zawk)chhuatah tukkhum vaw chawrhin a mut ang ang chuan a ṭap a, a sirah meng phawk tawkin Bawihpuia(a upa zawk)in min en reng bawk.





"Ka ta a lo la zel a nih kha" Ṭap chung paw'n thiam thu hi a sawi zat zat reng a, thinrimna hi a belhchhah.





"I nau te i duat loh chuan ka duat tawh bik lovang che! Nau te ti ṭap reng mai" Mampuia pawmin a tukkhum chu ka chulsak a, a pawng ulh mai. Ke per tan tanin room aṭang a chhuak a, ka chhuah chuan Bawihpuia'n ka kekawr ah vuan chungin min rawn zui a, kal an zir lai a ni bawk nen ka kekawr an pawtthla ṭep zel.





"Ka va han vaw chak tak e aw" Kan room ah luh pahin kawngkhar a rawn khar ṭhuai a, naupang sual hi chu a ni ve chiang alawm.





An ṭhutna ṭhinah ṭhut tirin chaw ka pe a, an pa a lo haw ve chiah.





"Khawnge?" A fanu a hmu mai loh avangin min zawt nghal a, a fapa te chu an biangah a piai thuak ringawt.




"A ti tau! A nau te duat turin hrilh ve deuh teh..a sual reuh si,min hnial ngam ve a nia" tih pahin chaw chu Bawihpuia ka barh a, chuti lai chuan kan room kawngka a rawn inhawng ve chiah. A pa a hmu takah chuan inhnit feih feihin sofa lam panin a va bawk than a, a tihdan ṭhin a ni.




"Ka Bimbemtei chu tuin nge lo hau a?Ka hau ve dawn" A fanu awmna lamah a pan nghal a, a ṭap ring zual sauh.




"Apa Anu in min beng a nia aw" A ti ta reng a, zawhna mitmengin a pa'n min rawn en nghal zat.




"Slime an inchuh a, Mampuia tukkhum vaw chawrh khawpin a chuhpui a nih kha"




"Ka barbie a tichhe ve tho" A tih leh chuan ka melh vak a, a pa pawmna aṭang min la melh rum ve rawm rawm zui. A barbie an tihchhiat hi a hre rei khawp a, a thar kan lei tawh hnuah pawh a lungawi lo chang hian a sawichhuak ve ziah.




"A thar ka lei ang che, I brother te duat tur aw..I brother te khan I bulah awm an chak a, I bulah I awm tir loh chuan midang paw'n an bulah an awmtir duh dawn lo va" A pa'n a tih chuan lu a thing vak a, ka va han beng chak mai mai tak.





Chaw kan ei a, a eitur a chaw ka siam chu mahni a ei mai lovin a pa barh kher a ti leh a, a pa lah chuan hnial hauh lovin a barh a, hemi ta pafa inchhun leh lutuk hi chu an hahthlak.





Kanu te lo zin tur chu Remsanga'n a lo hre daih tawh a,zin turin a lo hrilh a nih te ka ring rum rum. An lo thlen ni chuan an pafa in airport ah an va hmuak a, an rawn let chuan toys(pump chawp ngai chi)hi Bawihtei a rawn keng lut a, a naute'n an chuh leh nghal ringawt tawh.




"Anni tan paw'n lo lei ve tur che lawm,an inchuh leh tak hi" Chahbi dahna ah chahbi dahin min rawn melh a, Kanu leh Pa chu biak pawh ka la be lo.




"Saw mi chiah saw a awm tawh a,nakin deuh ah mall ah kan va en leh dawn nia" a ti awlsam mai a, indaih dawn loh chuan lei lo law law tur a nia.




"Tu hi nge Mampuia chu?" Kapa'n a tih chuan Kanu pawm mek chu ka kawk zeuh a, kan chhungte lamin Mampuia hi naupang ber a nih vang nge an duat zawk te'n ka hria a, Bawihpuia ka lo khawngaih thei viau.




"Kan chungah ila thinrim reng em ni?" Naupang ho leh a pa an mu tawh a, Kapa pawh an room turah a mu lut tawh bawk. Naktuka Remsanga hak tur thawmhnaw ka nawhsak a, Kanu a la meng ve reng bawk.





"I hmakhua kan ngaih vang a ni tih hria la,thinrim tawh suh. Tunah chuan nu I ni ve tawh a, fate tan chuan a ṭha ber hlir kan duh tih I hre ve tawh ang, khang hun lai ka awmdan pawh min hriatthiampui ve ang chu" Engmah ka sawi loh vangin a ti zawm zat a.




"Nu dinhmun chu ka hrechiang ve tawh khawp mai mahse an hmakhua ngai luatah ka tuithlar ve kherin ka ring lo" Ka ti ve hmak a, kan ril a rah an nihna angin kawng dika hruai chu ka tih tur a ni meuh mai mahse kawng dika hruai emaw kan inti laiin an nunah harsatna siamtu ah kan ṭan a hlauhawm.




"I nawmsak lo kan hlauh vang alawm"




"In hmakhua chauh in ngaih vang alawm khang hunlai khan khatia in awm! In ṭhian te hma ah zah kha in hlau a, zahna tawn chho ai chuan in ril a rah ngei chu tui thlar in thlang ta zawk a! Chuan pasal atan SP kha ka neih i duh em em a,kan inkawp ngei mai mahse ka hmangaih lo! Ka hmangaih hauh lo mipa chu neih ila nuam ka tih I ring ami?" Khang kum 3 chhung kha he natna hi ka pai ru reng a, anmahni ka mamawh laiin anni chu an ngawi tlat a, tunah an lo lang leh a, diktak chuan awlsam taka lo pawm hi a har ka ti takzet.




"I ngaihdan a dik lo a nih kha bakah tunah chuan I duh ang takin Remsanga I neih tawh a, thil thleng tawh vanga hel reng tur pawh a ni lo"




"A hunlai kha chuan I duh hlei nem,tunah chuan Pathian zarah a dinhmun a ṭha tawh a, mi zah kai a lo nih takah chuan inlo inlamlet ve chiah a nih hi,dik tak chuan kan mamawh lo che u!" Champhai ah kalin ngaihdam hial ka va dil a mahse engtin nge min lo tih kha?'Kan tan chuan mitthi i ni tawh' min lo tih a nih kha!





"Lawmsangpuii le?"





"Remsanga inla be ngam pawh hi mak ka ti che u! Ilo tihdan avang khan inthlahrunna neih la, tir kawi zat zat tawh suh! Ka pasal a nia, I phar kual mai mai tur a ni lo!Hei hi lo in zawt rawh, he hna hi lo chelh lovin a hma ang khan la awm reng se, I pawm kher ang em?Tunah i en dan ang hian ila en ang em?" Plug ka off a, ka thawmhnaw nawh chu la sawk sawkin room ah ka lut a, Kanu mah ni se a awmdan leh a rilru hi ka ngei em a ni.





Ka fate mang chhe zeta mu duai ho sirah ka pasal muhil chu ka en a, a rilru ṭha lutuk hi remchangah an la a, ani lah chuan thung rulh aiin a ngaidam mai a, mahni hmasialna chang pawh hre lo ka pasal saw ka khawngaih em a ni.





Bathroom ah lutin ka inphihfai a, Kanu ka ṭawngkhum dan vang khan keimah zawk hi ka nâ a, ka inchhir leh dawn tih hre mah ila ka rilru ah hian ka pai thei tawh ngang lo a ni.




"Ka tiharh che ni maw?" Bathroom aṭang ka chhuah chuan a fate mut dan a lo siam rem mek a, ka thawmah a harh a nih ka ring.




"Tiharh lo e,Bimbemtei hian a nau te a tlawh palh ka hlau a, kan sawn a nge" Bawihtei chu pawmin naute mutna ṭhin angah khan a va mut a, kum 3 chiah a la nia, naute mutna tur kan lei kha a lian ve hrim hrim a, a la leng zal zal.





"I nu nen inthusawi kha ka lo hria a, an lo zin chhunah I ti vak vak a, a rilru te a nâ ang..ngaidamtu nih hi a ṭha ngai a nia" Min kuah hlu hluin a ti dap dap a, tunah pawh ngaihdam a ti leh tawh a nia, ka pasal mah ni se a rilru hi ṭha ka ti thlawt.




"Ngaihdam harsa ka ti em a ni"




"I kiangah an la awm lai hian ngaihdam hram a ṭha,an awmloh hunah chuan eng ang paw'n ngaidam duh mah la a thei tawh lo. Inchhir a sawt lo a,keimahni zawkin kan tuar" a ti dam thlap a, a pa vang khan a inchhir deuh emaw ni? A pa khan a damlaiin Remsanga hi ngaihdam a lo dil ṭhin a, a ngaihdam thu erawh a hrilh ve hman ta lo a nih kha. Ngaihdam dil nan Mumbai ah in hial a leisak a, a boral hnuah kan hre ve chauh bawk. Remsanga chuan a hmu tawh a, kei erawh chhangchhenu tih takah Aizawl kan kal bak kha ka la zin leh lo hrim hrim.





Kanu te'n haw mai an tum tawh a, kan pain cham rih tura a la tih tlat avangin an la cham a, Kanu nen hian kan inrem ngei a duh vang a ni tih ka hria a, ka pasal sawi angin ngaihdam chu ṭhain ka hre ve ta bawk.





Kanu te awm chhung chuan park ah te kan leng chhuak a,naupang bakah kei paw'n nuam ka ti viau. Hun reitak hnuah Kanu leh Pa kiangah ngei hun ka hmang leh thei a, ka tetlai hun kha ka hrechhuak awn awn mai.





"A va turu em em ve mawle,Mizoram a thleng atan chuan" Kapa tv enin news a ngaithla a, Mizo pa hming meuh an puan takah chuan ka beng a verh zar a, min ṭhawng ve viau.




A hming leh a nihna lam an sawi takah chuan civil a ka thawh lai a head ni ṭhin kha a lo ni a, chhia(tax)awlruk leh sum tam tak eiruk vanga man a ni a, phai lam thlengin kan lo hriat chhan pawh mitthi tawh taksa peng hralh ah a inhnamhnawih leh zel vang a ni. Sawi danin a hnampui Mizo te ngei taksa peng pawh a lo hralh tawh ṭhin a ni awm a, ka thawh chhung khan a thleng ve reng a ni awm si a, ka ngaihtuah chuan rapthlak ka ti takzet.





An chhuichhuah dan an sawi zelah chuan Remsanga hming ka hre ve ta nawlh a, CBI nen thawk dunin tax aṭanga chhui chho zelin taksa peng hralh thlengin an chhui chhuak a ni a, khi lai ah daih daih ava chhui chhan chu zawh ka chak takzet.





A lo haw zan chuan ka zawt ta ngei a, min chhan dan lah chu ho ka tih rualin min tihlim veng veng mai.


'I chungah a sual ṭhinzia ka hria a, kutthlak ringawt tur chuan ka upa ve tawh si a, chhan dang zawngin hun reitak ka chhui tawh a, ka hrem ve hlak a nih kha, tar tawh e ti lo chuan a lo che rapthlak hrep lehnghal'



Hna thawh ṭhat vangin work offer a hmu nghal a, duh chuan CBI a zawm thei a, an department ah a kaisang thei bawk. Min rawn ve tak nain thlan mai tur pawh ka hre lo, a hnawthawhna lamah hi chuan ka bo takzet. Ngun taka a inngaihtuah hnuah department a kaisan chu a thlang a, kum 5-7 an thawh hnuah pawh a vannei zual chauhin an chelh ṭhin Deputy commissioner of taxes ah a kaisang a, office a luah luh ni ah chuan Kapa te nen kan va ṭawiawm nghe nghe.





Kapa te kal ni ah chuan nu ber ti lo chuan ka ṭap ringawt a, Bawihtei lahin 'Anu tinge I ṭah a?Ṭap ring thei ropui si' a tih chuan kan nui ta hak a, a ṭah apianga ka tihdan ṭhin a ni a, a pa angin mi hi a chik lutuk a, a hre lo emaw kan tih pawh hi a lo hre kur zel.





Kan fate an lian chho ve zel a, Bawihtei paw'n school a kal ve thei tawh! Amah buaipui turin Didi kan dah tawp a, midang awmpui 2 lai kan lak belh a, hna vangin kan insawn kual reng a, Mumbai a kan inah pawh kan la awm hman meuh lo!





"Anu engtikah nge Bella te bulah kan kal leh dawn?" Bawihpuia'n a tih chuan nui sukin ka lo pawm nghal zat. Rempuia'n nikum khan nupui a neih a, thla hmasa khan an fanu Bella kum 1 tlinna hmangin Aizawl ah kan va zin a, Bawihpuia hian a ngaina khawp a, kan rawn haw dawnah pawh 'Kan rualin haw ve rawh se' a ti hial a nih kha.





"Anu I don't want Bella, I want a boy" Mampuia lahin a motor lem khalh dah meuhin min rawn hrilh a, Bella tih hi chuan hmeichhe naupang sawi nan a hmang mai a, inla pa tih takah hmeichhia chu a duh ṭhak lo! Mampuia hi chu hnam dang kawm ṭhin ti takah Mizo ṭawng a hmang ve lo reng reng! Kan zirtir paw'n mi luhlul ngang a ni a,a hmang ve duh ṭhak lo! Chuti rualin a hrethiam ve vek a, a chanchin kan sawi ri a hriat tawh chuan min lo melh ve kur zel.




"Anu mipa aiin hmeichhia a ṭha zawk alawm tiraw?" Ka en lo hlauin ka biangah min rawn khawih a, nuih te hi an tiza.




"Anu kei paw'n hmeichhia ka duh, mipa chu ka duh tawh lo" Bimbemtei'n a lo ti ve nghal zat! Nau mipa neih chu a sim chiang asin.




"Bella used to cry everytime! I wanna have little brother so that i can play all tbe time" a lo ti ve zat zat a, a thu hnuaiah mi hi dah vek a duh a, chutiang chu a u zawk lah hian a duh ve bau si lo a, nau mipa a thuhnuaia a dah thei tur a duh a ni.





"My loves Apa a lo haw e" A rawn ti hluai a, a fate'n rak chulin a pa lam panin an intlansiak a, a fate biangah a fawhsak den den a,a ban lehlam ve ve ah a fapa te a pawm a, a hnung lam aṭang a fanu in a lo kherh bet chial bawk.





"Anu thu in lo awih em?" A tih chuan an aw dual a, ka lo ner nasa mai. Nui suk sukin min pan a, a fa te zia hi chu a hre ve khawl mai.




"Min lo ngai em?" A tih chuan ka lo bu nghut a, a fate pawh a pawmna aṭang an tal hrang a, kan sir velah chuan an ri leh nak nak tawh.




"Ka fawp chak lutuk che" tih leh min fawh a rual ta mai, a lo duhthawh nasa mai. Ka chhan let ve meuh chuan min ei zawh vek tum ang maiin min fawp ngawng ngawng a, ka thawk a chham lek lek.






"Apa kiss ka duh ve" ti ri ah chuan phun hlukin min thlah a, Zosangzuali mai mai chuh!




"Hun rangkachak a lo tichhe leh ta!" A tih chuan ka nui ta hak hak, romantic pawh a ti lo,'hun rangkachak' ti deuh tlat.





Zanriah ei lai chuan naupang ho in an duh an sawi zat zat a, duh te hi an ngah si. Bimbemtei chu hmeichhia tih takah bag leh makeup vel a duh thu a sawi a.




"Apa kei chu Vicky ta ang batman dress kha ka duh,a mask nen" Bawihpuia'n a ti ve niap niap a, a unau dang te ang lo takin a ṭuan te hi a muang bik.




"Kan lei vek ang aw..Mampui nangin eng nge i duh ve?" Ka va melh chuan a fork nen alu kan a lo hawlh nawk nawk a, fork hi a hmang duh ngei zel a, kan buaithlak.




"Umm I want real bike,not the small one..like uncle Frenkie's one" Hrethiam ngei se ti ni awm tak chuan zaizir meuhin a sawi a.




"Tlangval ila ni si lo a, bike chu eng atan nge?" Ka ti ve nghal a,Mampuia hi chu a awmdan leh chezia hi a pa a chhun takzet.




"If I have a bike, I can ride with Bella!" A ti reuh a nih chu! Thomas leh! A pa pawh nui hawkin min rawn en a, hmeichhia a duh lo emaw tih laiin bike hnunga hmeichhe phur a ride a lo chak a nih chu!




Kan fate an changkang tawh bawk a tiin Remsanga rawt angin ho lam taka inneihna huaihawt kan ti ta a,Biakin lutin kan inneih thei tawh lo ta sa sa tiin Mumbai a kan in, compound nuam zet awmah chuan Pastor hruainain kan inneih a,phai rama inneih e ti lo chuan chhungte leh ṭhianṭha an kim em em mai a, Amy leh Gideon pawh an fa hmasa ber nen min lo telpui ve nghe nghe a,tunah chuan Pathian leh khawvel mit hmu ah nupa tak tak kan ni ve ta!

inbound840807490818754135.jpg


"4 na tur siam ang aw?" Tiin khumah chuan chet a la nghal a, ka lo nui ta hak hak. Kan fate an muhil tawh a,Bawihtei phei chuan room hran a neih tawh nghe nghe. Lungchim zetin ka hmuiah a fawp a, hei hi Zoremsanga leh Lawmsangpuii te chhungkua chu an ni!




Chhungkaw dang an awt bik lo va, nu leh pa ngei pawh inzir chawp a fate kaihhruai ṭhin an ni! Kum naupang tê ni siin an nunah entawn tlak tam tak a awm a, Lawmsangpuii leh Zoremsanga aṭang hian hmeichhe pawimawhzia a lang a,hmeichhe ṭha chuan eng anga mipa sual, chhungte meuh paw'n ṭangkai lo a an ngaih kha mipa ṭha,mipa puitling leh chhungkaw innghahna tlakah hial a chhuah a,chuti rualin mipa tan paw'n 'hmeichhe thu mai mai' ti a ngaihthlak liam puat a fuh lo! A chang chuan tlawm zawkah ṭangin hmeichhe thu pawh kan zawm a ngaih chang a awm fo!




Bialpa/pasal neih te'n mipa te rilru sukthlek kan thlak danglam theihzia hriain kawngdikah hruai hram hram tum ila,chuti rualin thu hnuai dah tum tlat erawh a chi lovang. Hmeichhiain mipa zah thiam se,mipa in hmeichhia hmangaihin a thu ngaithla ṭhin se, chutin chhungkaw hlim,chhungkaw awhawm kan din theih dawn a ni.




Ngaihdam harsa tak thil kan la tawng lo a ni maithei mahse hei hi hre rawh 'Ngaidamtu nih hram hram a ṭha ngai e' a chhan chu nang leh kei ngei pawh hi nakinah ngaihdam ngai kan la ni ve thei.



A TAWP TA



Ka story min ngaihhlutsak a lo chhiar ṭhin tu,readers fel tak tak te in hming hmerin inchungah lawmthu ka sawi vek seng lo🥺! Ka story hmasa ber 'Hey!!Doctor' tih chu a tawp kan lo khar ve ta reng mai a, a laklawh ah tawp mai lova a tawp ka thleng thei hi Pathian leh nangmahni vang liau liau a ni a, a karah reitak dah loh chang te awm
mahse min hrethiam zel a, a tihnual zawng ni lo, a tiphur zawng hlirin comment te min lo pe a, ka lawm takzetWriters dang story ṭha tak tak nei, Zoram dengchhuak khawpa ṭha story te an awm lai a kei a story min ngaihhlutsak avangin KA LAWM LUTUK e🫂. Dam chuan story thar lo chhawpchhuah zel ka tum a, min lo chhiarsak zel dawn nia