Hey!! Doctor BY Lily Blend (Completed)

[Ngaia]

Lawmsangpuii POV


Naktukah Aizawl lamah let leh tawh kan tum avangin vawiin lamah Mawitei va hmu pahin ka ṭhiannu Emily naute va en ka tum bawk a, haw khat ti takah tih tur hi ka ngah thei lutuk a, vawi khatah tih ṭawk a ngai.





Chaw ei khamah chhuak turin ka insiam a, ka hmai hnawih a darthlalang ka in en lai chuan nizan thil thleng kha ka hrechhuak a, ka chal chu khawihin ka kiai suk. Ka hringnun hi chu mihring hringnun ni ve si ah chuan mak hi ka ti ṭhin, ṭhenkhat sawi tur an ngah em em laiin kei erawh sawi tur lawi hi ka neih lo va, bialpa ni se a ṭhen rei em emin kan inkawp a,pakhat zawk erawh reilote chauh kan inkawp a nih kha!! Kha kan hun hman dun kha reilote mah ni se ka hun tawn tawh ah chuan nuam ka ti ber a, zep thu cheng lo Zoremsanga bulah khan himin ka inhria a,ka hlim em em bawk. Ani kha chu ka hringnuna a lo lan dan ka tehkhin ber chu 'simeikhu' nen a ni, reilote a lo lang a, a lan chhungin khawvel hmeichhe zingah special ber emaw inti thei hial turin hlimna tam tak min thlen a, a kiangah ka awm khan hlu ve ni a inhriatna te ka neih a, a bo erawh chuan hmu a khat tawh em em ṭhin.






Thla tlem te chhung khan keimah ah sulhnu a hnutchhiah tam em em a, ka hrechhuak lo thei ṭhin lo. Hospital leh ZMC kal changa min hruai ṭhin,min thlah leh thlap ṭhintu kha ka ngai a, ka ngaih ber lah chuan zan tin amah ngaiin ka ṭap ṭhin tih pawh a hre awm si lo! Darthlalangah chuan ka bianga mittui luang chu ka hmu a, ani vanga ṭap reng tur pawh ka ni lo asin le. Heti em em a min ti nâ tu hi an awm tawh pawh ka ring lo.







Mawitei te in ka thlen chuan an chhungkua deuh bik chauh an lo awm tawh a, khawdanga an chhungte erawh an lo haw hlawm tawh a nih hmel. Kum tam inhmu tawh lo ang maiin Mawitei chuan min lo kuah chuk chuk a,henu lungleng thei lutuk hi chu mi rel hrat deuh te mo ni ta se sawi sep sep a hlawh tawh ngawt ang.






"Tea hi khawi ah nge?" Thei tui intur min lak chu ka lo ban nghal a.





"Office a kal a,chawlh a neih rei lo lutuk a" tiin a sira throw pillow te chu a rem ṭha vel a, inla nutling ṭan lutuk mai.






"Sangpuii chu I va fel ve min lo tlawh a" Mawitei nu(A pasal nu)chuan nui sen sen pahin ka ep chiah sofa ah chuan a rawn ṭhu thla ve a, nu te lam a nia, a sam a kir chiat bawk sia,a duhawm letling zawk. Kan 3 chuan thu ho te te kan sawi a, Mawitei nen chuan an infiam bawrh bawrh mai a, a nawm hmel dawn riauin ka hria. Thingpui sen hang in in lungleng kurtai te kan ei leh phawt a, an sawi ṭhin lungleng kurtai chu a tuiin thingpui sen hang nen chuan a lo inhmeh khawp mai.







"Emily te naute en ka tum a, ka kal phawt mai ang,ka lo haw leh hunah ka lo kal leh dawn nia" tiin kan in mangṭha a,naute thawmhnaw chu an veng lamah ka lei phei mai a niang chu. Naupang thawmhnaw zawrhna ah ka lut a, thlan tur chu a lo tam khawp a mahse an lo ti to thung a, tunlai ah chuan naupang thawmhnaw leh puitling thawmhnaw man te hi tlem te chauhin a inthlau tawh nimaiin ka hria.






Mipa a nih vangin polo tshirt,lukhum leh kekawr ka leisak a, a nausen lai a hak tur chu a ngah dawn a, thla 2/3 vel a nih hunah hak tur a nimai. An in ka thlen chuan rin lo deuhin Richard a kha a lo ṭhu reng mai a, police uniform a la induang thlap zui. A lo wm ve ngawt na chhan ka ngaihtuah a, Emily pasal pawh police a ni reng tih ka hrechhuak a,ka ner suk.







"Changtupa awmna chu hre thei maw" tiin ka lut chu min rawn chhaih luai luai a, ka zak dawn alawm le.





"Ilo kal a,thil pek thlengin..ka van lawm" Emily pawh nau neih hlim ti lo chuan a harhvang khawp mai.




"Khawiah nge naute chu?"




"A muhil a, lo kal rawh" tiin an pindan ni ngei turah chuan min luhpui a, naute chu khumah ban phar duaiin a lo mu a, a la mu tui em em zui.




"A inla tlangval lutuk,puan a tuam vek chuan a ṭap zel"




"Khua a lum tawh sia,hrehawm a ti niang..uii a hmelṭha e, rin ai daihin a lian bawk a"




"A pa lian em alawm" a tih chuan hmui hupin kan nui khur nasa, Emily hi chu ka atpui ṭhin kha a ni miau a.




"A lo harh ṭep ang, lo kal rawh thingpui te ka in dawn nia" tiin room chu kan chhuahsan a, sitting room a lan ṭhut chhung chuan naute chu a piin a thlithlai deuh reng mai a, a tupa chu a âtchilh a ni ringawt.





"Sangpui engtikah nge Aizawl chu kal i tih deuh?" Emily pasal in a rawn tih chuan Richard leh police form ha te 2 in min rawn en chiang ngang mai. Nizan thil thleng vang khan Richard chu ka melh ngam thlawt lo.





"Dam chuan naktukah let ka tum a,naktuk thleng chauh chawlh ka neih a"






"Chawlh hi chu a rei lo ngawt mai,Changtupa rintlak tho a,inneih hunah te chuan chawlh mah la pawi hlei nem tiraw?" A rawn ti ringawt a, changtupa a tih chu Richard a a sawina tih ka hrechiang bawk nen ka zak tak tak. Hrim hrimin Richard a pawh chuan anni ho hi a hrilh vek emaw ni dawn le? A hrilh vaih chuan ka tan a zahthlak dawn lutuk nizan thil thleng te kha.





"Chawlh tir ngawt lo e mahse khaw danga thawh chu ka rem ti lo ang" Richard a chuan a lo ti leh zel a, khawvel dangah kan awm daih emaw ni ka ti hial tawh. Kan inngaizawng tawp si lo a, tinge maw anni hian hetiang zawnga min chhaih tlat mai le?




"Innei vat vat rawh u, a nih loh chuan kan fa te'n in fate an vel ziah mai ang" Kal lo tawp kha a fuh zawk ang maw le, zahna khurah ka tla thla ni ringawt.





"Naute harh tawh a,lo kal ve daih rawh..anni hi chuan awm nuamin an awm tir lovang che" tiin room ah min kai kut daih a, ka zang huai maiin ka hria.






"I ṭap uar thei sia, ka pe dawn che lawm" tih pahin a fapa chu a pawm tho a, naute han khawih vel chu a zei em em lehnghal.





"I va zei ve,I nu awmpui pawh i ngai lo tawp a nih kha"




"Kanu(a pasal nu)pawh lo awm a tum a mahse naute a sual lo a, a ngai lo ka ti tawp. Kanu erawh hi chu ka chet chhunga naute lo awm tu kha an awm angai sia, Kanu ai chaun keima nu ngei chu ka ngam deuh ang ka tia" tiin naute chu hnute a pe nghal a, a che vel chu a hmuhnawm lek lek.





"Takah u Richard nen sawn eng nge in awmzia? An chhaih che khan i lai nasa mai sia"




"Kan inngaizawng lo,min chhaih ve mai mai a nih kha"



"A nih maw? Mahse ani saw chuan a bialnu treat tawh tawp che,a nih nangin tlem talin I duh ve em?"Naute chu hnute lehlam chu a pe leh a, fa 3 neih tawh te pawh a ang alawm le.




"Ka inhriatna pawh la rei hlei nem"




"Ani chuan a duh che a, a rilru a la thlak lo a nih chuan duh ve daih la ka ti, a fel ka tia, chhungkua a dah pawimawh sia, a innghahna tlak riau" Nu nih hnu chuan a ngaihtuah thui ve tawh khawp mai maw.




"Engmah hi ka la ngaihtuah thei lo,hunin a hril ang chu" Zoremsanga chungchang te kha a la hre lo a,hrilh ka tum lem lo bawk. Hun kal tawh thar thawh leh vel kha ka tan natna thlentu a nih bakah a tan paw'n a hrehawm mai mai, tih theih a neih dawn lo chiang sa.




Richard a pawh fel ti viau mah ila min sawmna ah kha chuan engmah ka la ngaihtuah thei bik lo, ka tan mipa rin a harsa tawh em em a, nat nawn leh hlauhna in ka khat a, lehlamah Zoremsanga'n ka rilru leh ngaihtuahna a la luah ve reng a, a chang phei chuan inah lo kalin min rawn kuah chuk chuk anga, a thusawi leh awmdan zawng zawng hi a tihderna mai mai a nih thu a rawn sawi te ka la ring fan.




Haw ka tum chuan police ho kha an lo awm tawh lo a, Emily sawi danin chhun thingpui in hunah hian an rawn chhuk ṭhin a, eitur canteen ah chahin inah chuan an ei ṭhin a ni awm e. An ti kher kher hi ka ti a, quarter a ei ai te chuan canteen ah ṭhut chilh zawk awm tak emaw office ah te ei mai se mahse Emily te'n naute an neih tawh miau a, a pasal tan hmun danga kal reng chi ni hek lo, a ṭhiante paw'n an zui zel mai loh chuan. Aizawl a ka hawn tur tiin Emily nuin lettuce min pe ṭeuh a, lei ai chuan thil thlawn pek chu kan duh vek.




"Nangmahni siam ami?"



"Chowkidar ho hian an ching ṭeuh a, ei sen pawh a ni lo"




"Ka lawm lutuk aw,in lo dam zel dawn nia..hei pawh lo lian thur thur rawh se" tiin an fapa hmui no chek chu ka tawk zeuh a, rilṭam a pe nâ tih loh chu a ṭap khat lutuk a, awm a nuam dawn emai.






In ka thlen chuan eirawng an lo bawl mek a, lettuce ka hawn chu hmun hnih ah ṭhenin ka hawn tur chu ka dah hrang a, inbual turin in chung lamah ka chho nghal a, Trixie lahin min zuan reng a, a lian tawh bawk si a, ka tlu ṭep zel.






Zanriah ei kham chuan chhungte ho an lo leng lut ṭak ṭak a, khawdanga tla tam ka nih vang hian min ngaihtuah bik nimaiin ka hria. Haw changin chaw ei min sawm awl lo a, kal dawnah ni se an rawn leng ngei ngei bawk a, min hmangaihtu chhungte neih hi a lo nuam ṭhin e.






"Nangni nupa chu kan lo beisei reng reng hlei nem che u" Papuia hawina lam ka en chuan Mawtei leh an pa hmel ka hmu hlawl a, Papuia sawi ang takin tumahin kan beisei lo tih chu kan hmel aṭang a hriat.




"Tumah in lo lang si lo va hei ka lo haw ta a nih hi" A tih chuan puitling ho chu an nui nasa mai.




"Kan nu i duat em a,hei i hawn tur Kanu in min rawn ken tir" tiin newspaper a tuam hi dawhkanah a dah a, ka hawn chuan vawksa rep a lo nia, en ringawt paw'n ka chil a put. Vawksa rep leh anṭam chhum hi chu a tui si a, ka hnar thei ngang lo a ni.




"Chang sang leh bik mang e" tiin ka unau dang te'n ka sa hawn tur chu an rawn bih thuak hlawm a, an chawhmeh duh ber kha a ni tlat a, ka sem phal kher lo maithei.




"U Sangpui saw i bialpa lo leng" Bawiha kawhna lam ka en chuan Richard ah lo lut chiah a, a hnungah mipa pakhatin a rawn zui bawk a, ka chhungte an lo awm ṭhup bawk sia mak a tih hmel lutuk.




"Richard a te chu in lo leng a ni maw?In va fel ve" tiin Kanu'n a lo welcome nghal a, awmdan tur pawh ka hrethiam lo, muangchangin ka ṭhutna aṭang chuan ka tho a, ka chhungte an awm ṭhup bawk nen va biak vel chu ka zak tlat pek.




"Lo ṭhu rawh u" Midang chuan an rawn ti zawm zat.




"Duh leh ṭhalai deuh ho bulah paw'n a ṭhut theih"




"Kan bulah lo ṭhu ve daih r'u,a nuam zawk ang" Ka ti ve ta ngei a.



Sitting room 1 ah puitling ho an inkawm a, lehlamah keini kan awm bawk a,naupang deuh ho inchung leh hnuai kalpawhna ah an tlan zut zut reng a,kan ri le lu mai. Thingpui te kan lum a, thingpui in zawh ah naupang te mut a chhuah tawh vangin an haw leh ta hlawm a, kan in mangṭha tur pawh kan thawm a ṭha ngei mai.




"Naktuk chu I kal leh dawn ta a?" Titu chu melh pawh ka melh ṭha ngam lo. Kanu,Kapa leh Bawiha'n min mut luhsan a, Richard leh a ṭhianpa te nen chuan kan ṭhu thung.




"Aw kal leh a hun tawh a" A ṭhianpa phone a rawn ri chiah a, chhang turin a tho daih bawk.




"Kan inhmu khat leh awm sia min lo theihngilh em lo ang chu maw?" A tih chuan ka rilru te tein a ṭhianpa kha la ṭhu se chuan a sawi ngam dawn tawp si lo ka lo ti hmanhmawh.




"Theihnghilh lo ve,nangmah zawk hi ni" Ka ti ve ringawt a, zahthlak hian aw.




"Kei te chu ka thinlung phekah ka ziak thlap..Aizawl a ka lo haw hunah chuan ka rawn leng ziah dawn a nia,inhriatloh der chi miah lo"




"I peih phawt te chuan leng lutuk e" A ṭhianpa lo kal takah chuan thu dang a sawi leh ta daih a, a zak ve deuh emaw ni? Lehkha thiam tih takah hna lampang chu an sawi a, police hna lam chu ka lo hre vak bawk si lo, a chang changin ka zawm ve a nimai. Ka hna lam ni se 'a hahthlak em?/Mi zai tur an tam ṭhin em?'tih bak zawh tur an hre bik lo a, Champhai chhunga thil thleng te an sawi a,ruihhlo tamzia leh ral tlan te vanga kan buaizia chu kan sawi ta vel a,an haw meuh chuan dar 10:30 a lo ri tawh.






*Lalṭhian Remsanga nen hian in tawp tawh tak tak ami?* Phone ka en chiah Amy hnen aṭang call leh message a lo awm a, ani pawh hian kan inṭhenna hi a awih thei lo a, kei ai paw'n a awih lo a ni mah zawk



*Tawp tawh e,tawp tawh ka ti mawlh mawlh kha*



*Oii in mak!!*
*Ka awih thei lo a mahse vawiinah Remsanga leh hmeichhe pakhat ka hmu a* Chat aṭang ka chhuah miau loh avangin ka hmu nghal zel a,message chu a rawn delete leh nghal a mahse ka hmu hman tho.



*Ka type sual*
"Vawiinah Remsanga ka hmu vang a nia ka lo zawh che" tiin a rawn voice a, hmeichhia nen a hmu ngei anga mahse ka nat a hlauh vangin a rawn sawi mam leh ka ring bur tawh.




Phone chu dahin muthilh ka tum a, ka mut reng a chhuak lo. Ka phone chu noti lo thleng vang chuan a vibrate reng a mahse ka en peih hlawl lo. Zan a rei telh telh a, sana chek ri tih loh chu thawm dang reng hriattur a awm lo. Ka bengah erawh Amy thu rawn sawi kha a ri nawn tlut tlut a, Zoremsanga chuan hma lam a lo pan tawh a nih ka ring.





Ani chuan amah ngaiin zan tin ka la ṭap tih reng hre lovin hmeichhe dang a lo la lut tawh a, pawn pawh chhuak tawh ngai lo kha pawn lamah hmu tur a awm tawh a, ani in awlsam taka min theihnghilh theih laiin nga tinge keiin ka theih loh bik? Hma lam a pan thei a, hmeichhe dang a seng luh theih laiin kei erawh chuan ngaihtuah takngial pawh ka ngaihtuah thei si lo. Doctor meuh ni thei si hi zawhna pakhat lek chhanna pawh pek harsa ka ti a, mipa ka rinna hi Zoremsanga hian a lo tichhe vek a ni.







A tukah chuan Muana'n Aizawl thleng min thlah a, Lalfeli nen kan nih vangin lungleng lutuk lovin ka tling tla ve thei hram.






A ngai tein hna ka kal a, Lalfeli class a kal leh char char a, dam a awm chuan may thla ah MA nula a ni tawh dawn a, pass satliah a duh lo vangin a ṭang khawp mai.
Tlai hna banah chuan Amy chaw ei ka sawm a, a lo phur leh khawp mai. Haw tura kawnga kan chhuk laiin rin lo deuhin Zoremsanga chu ka hmu a, ani erawh kan awmna thlen hma step ah chuan a chho ta daih a. Hnung lam aṭang chuan ka thlir zui vawng vawng a, thla tlem te chauh kan inhmu lo a, tun ṭum ka hmu chu a hma aiin ka hmu cher a, damlohna neihin doctor te a lo hmu emaw ni? Mahse tun ang hun hi chu haw hun a ni tawh a, a chhungte emaw ṭhiante damlo a lo kan a ni zawk maithei.





"Tinge i biak mai lo a?" Amy aw ka hriat chuan ka hawisawn thuai a, ka lo en zui vawng vawng chu niin.





"Biak chhan tur ka neih hlei nem bakah ka engmah a ni tawh lo a" Ani pawhin awlsam taka min theihnghilh theih chuan ka thei ve tur hi a ni tawp.




"I mitin nge i kâ in phatsan che?I mitin I thlir zui vawng vawng a, I kâ in I tan engmah a nih tawh lo thu I sawi leh a..ka bulah chuan inzep a ngai lo a nia Lalṭhian"




"Ka duh tawh lo tak tak,bialpa thar ka zawng dawn..kal ang" Boruak thlak tumin ka ti zang vah a,Amy chu ka kai nghal daih bawk.




In kan thleng a,thawmhnaw te ka thlak zawh ah nimin lama kan vawksa rep hawn kha kan chhum a, a ti hlir a ni bawk nen a tui dawn lutuk tlat. Hmarcha,purun leh tomato kan rawt bawk a,lettuce sil sa kan chhawp bawk a, kan ei leh ṭeuh dawn a nih hi.







Mut hmunah Richard a nen kan inbia a, a sawmna kha ka chhang lawk thei bawk si lo va ka inthlahrung tak tak. 'Ka nghak thei che' ti mahse a rilru tak chuan ka chhan hun a nghakhlel viau ang. Ka hlauh chu a chhanna duh ang ka pe thei lo ang tih mawlh hi a ni, innghah tir ve ting tang a tih beidawn mawlh kha ka hlau.






Kar khat chuang chu zan tin deuh thaw kan inbe ve ta reng a, ka ngaina ve viau tawhin ka hria. Emily sawi ang takin Richard hi chuan min bialnu treat tawp tawh a, a hna kal tur leh thil tih apiang chu min hrilh a, a nuam ve ang reng.






Christy a lo riak a,Lalfeli nen room ah lehkha an zir dun a, Trixie nen sofa ah ṭhuin tv kan en a, a khat tawkin Amy nen kan in text bawk a, Richard a erawh vawiin chu a reh hmak thung. A buai deuh ka rin vangin ka be ta bik lo.






Kawngka an rawn kik a, inleng an awm tawh ngai lo avangin kawngka kan kalh hmak zel a, tunge lo kal lo le? Trixie thawsanin kawngka lam chu ka pan a, ka hawng chiah ka mi hmu vang chuan ka khawng vekin ka hria, engmah sawi lovin ka melh reng a, ani erawh a nui suk thung, ka hlim leh hlim lo pawh hi ka hre lo. Ka beisei lo lutuk ka hmu vang chuan nuih tur nge ṭah tur tih pawh ka hre hlawl lo.




Ads click


Show post links
Top

[Ngaia]

Lawmsangpuii POV


Ka ep chiah a ṭhu chu ka melh reng ringawt,engtin nge a lo kal theih le?




"Champhai ah I awm sia" Ka thusawi chuan a nuih a tiza deuh a niang,a nui suk suk mai.




"Ni e tunah Aizawlah ka awm leh ta sia,mak hi i ti thei si" Kar hmasa te kha chuan Champhai ah a awm a, Aizawl a lo kal tur chungchang pawh engmah a sawi hlei nem mawle.




"Meeting kan neih dawn a, ka lo kal ve alawm" A tih chuan ka mak tihna pawh a zia deuh. Kan in luah a hriat dan te chu ka zawt leh vel a, atthlak a tih hmel lutuk ringawt mahse zawhna hi ka ngah lutuk tlat. Kan in luahna hi a awmna chat kha ka hrilh lo a mahse ani SP tan chuan zawn hmu kan awl lutuk a ni mah na.





"I in luah hi a nuam reuh a nih hi,kan in hnuai te ni daih se ṭha tur a nia" a tih chuan hmui ka tisawi ringawt.




"Engtikah nge I kal leh dawn Champhai ah chuan?"




"Tum dan chuan naktuk tuk leh ah let ka tum deuh a,takah naktuk chu Feli nen kan in lamah zanriah lo ei r'u aw..ka chhungte'n an hmu chak che a" a tih chuan ka ṭhu ngil awt mai.




"Nah a zahthlak,kan lo ei lo mai ang" Ka zak dawn lutuk,a bialnu pawh ka la ni hlei nem.





"Ka sawmna a ni lo a nia,Kanu leh Pa zawk!!In lo ei ngei ngei chu a ngai"





"A zahthlak dawn e, I chhungte bulah chuan I sawi ta kher a ni"






Amah nen paw'n kan inhriatna la rei lo a, a chhungte nen phei chuan kan la inhmu lo a nia, vawi khat inhmuna ah chaw ei nghal te chu a chi lo lutuk. Puar khawp paw'n ka ei ngam lovang bakah Lalfeli hian a duh dawn lo chiang sa.





Thingpui te ka lumsak a, chaw chu ei ngei
ngei turin min hrilh bawk a, a nu leh pa meuh sawmna a ni bawk sia, hnar ngam pawh a ni lo. A haw tur chu pawn thleng ka va thlah a, ka kut chelhin step ah chuan min kai chho leh ta nghal.







"Ka sawmna che kha ila theihnghilh em lovang chu maw?" A rawn tih a, a nuam lo duh asin.






"Theihnghilh lo e" Ka aw chu zawi tak tein a zawi.






"A nih chuan I inngaihtuah thei ta em?" A ti leh zel a,ka kut chu ka sik ka sik ringawt.






"A aw mahse ka..ka"







"Ka hrethiam e,I rilru a la buai deuh a nih kha..ka nghak thei che ka tih kha theihnghilh suh aw,muttui le" tiin min kuah a, ka din mawl tawp laiin ka chalah bawk a rawn fawp leh a, mit ka lo chhing ringawt.







"Chhuk tawh rawh le" Ka luh hun a nghah tlat vangin ka lut hmasa ta nge nge a, kawngka kalh felin ka thaw hliai a, a boruak chu a rit hle mai.







Zing kan tho a, ni pawh a lo chhuak tawh a, khua a nuam khawp mai. Eirawng te kan bawl a, Christy pawhin chaw a ei ve nghal a, ani hi Isaac nen khan an inṭhen tawh emaw ni? An reh riau mai.







"U Sangpui Feli hi zanriah kan inah a lo ei dawn aw" Christy i'n dawhkan hruk dai pahin a rawn ti a, Lalfeli chu chaw ei sawmtu a va ngah ve.






"Aw a thu alawm,Richard a te khan an sawm ve bawk a, a kal duhna lamah a nimai"




"Oii u Richard a te inah chuan a zahthlak dawn emai,ka puar dawn lo chiang sa..Christy te inah pa Ruata(Christy pa)bawngsa kân puar peng pawngin ka va ei mai ang" A tih chuan kan nui ta vek, anni ṭhian dun hi chu an inkawm ngeih piah lamah unau ang mai an ni a, Lalfeli phei chu Christy te in leh an chhungkua hrim hrim hi a nel tawh lutuk a, an in ang chiahin a va khawsa thei.




*Tlai chu ka rawn hruai ang che u*
*Lo theihnghilh chi lo aw*
Ka insiam laiin Richard a message ka dawng a, inhruai tir chu a ṭha zawk ang,an in awmna takngial pawh ka hre hlei nem mawle.




*lalfeli chu a ṭhiante inah a ei dawn a,keimah chauh ka nimai*
*I tan a buaithlak loh chuan hna banah hospital ah min rawn hruai nghal mai la* a seen nghal a, Lalfeli chu an lo hrethiam hram ang chu maw?



*A pawi hlei nem,ka rawn hruai dawn che nia*



*Okk..thank you*



*Hna kal nuam*



*Nang pawh le*






Phone dahin ka insiam vat vat a, khua a vawt tawh lo bawk a, vawiin phei chu chaw eina tur te ka neih sia tlem a hmuh nuam deuh tur chu ka ha a, flats bunin darthlalangah chuan ka inthlek a, a ṭha viau mai.





Two wheeler taxi in hospital ah ka chho a, Amy pawh a lo thleng ve chiah a, ani hi zawng Gideon a nen hian an tluang lutuk a, a hmel hi hmu a nuam em em reng mai. Dam lo kan en leh ṭan a,inentir tur an tam si,khaw lum nen boruak chu uap tak a ni.







Lunch kan ei zo kan let leh lamin Zoremsanga ṭhiannu Lucy kha ka hmu a, amah ka hmu vang chuang nge Zoremsanga chu hmu ve ka lo inring ringawt a, Lucy chu amahin a lo kal a nih hmel. Nimin lawkah Zoremsanga ka hmu a,vawiinah Lucy ka hmu leh bawk a, eng nge an tih ṭhin le chu pawh hospital ah hlir ka hmu lehnghal.







Tlai dar 3 velah Richard a'n min rawn hruai a, eng emaw tal ken ve chu ṭhain ka hria a, bazaar ah thei ka lei kawi a, an in kan thlen dawnah chuan ka zam lutuk hi nikhaw hre lova awm tawp mai te ka duh.






"Zam reng reng suh" tiin ka kutah min rawn kai nghal a, in chhungah min luhpui nal nal zui.




"Hei hi mi Sangpuii chu?" Tiin nu pakhat chuan ka kut a rawn vuan nghal a, a hnung lamah Richard a pa ni awm tak hian a rawn zui bawk a.




"A nih hi..eng nge a an?I duhthu te a sam em?" Richard a'n a nu a zawhna chu a ṭul lo ka ti takzet. Ka awm ve reng laia hetiang lo zawh te chu a, a duhzawng lo ni lo ta ila a zahthlak dawn emai.





"Sam piah lam a ni, I phu lo lek lek a nih hi"





Ka thei ken te ka pek chuan ken a ṭul lo thu min hrilh nasa mai a mahse ken khan ka awm a nuam zawk, chaw ei sawm a engmah ken ve loh te chu. Dar 4:30 chauh a la rik avangin chaw ei a la hun lo a, Richard a inthlak turin room ah min chhohsan a, a nu leh la te nen chuan kan ṭhu ta reng a. A nu leh pa chuan rin ai daihin min lo hria a,an fapa hian min lo sawi nasa awm hi ka ti..a sawi ang ka lo nih loh phei chuan zahthlak dawn lutuk.






"Mama hian a sawi nasa che a, hmu hma aṭang paw'n kan lo ngaina hman tawh che" A tih chuan ka nui ringawt a, an sawi chak zawng te ka hre ve bawk si lo a, lang lo lamah ka ṭang ṭung mai.






Richard a pawh a lo chhuk tawh a, ka bul chiah ah a lo ṭhu zui. A nu leh pa te nen chuan an innel tih chu an inbiak dan vel aṭang a hriat theih mai a, chhungkaw awhawm tak chu anni dawn chiang.





"Hei hi mi au Mama bialnu thuhruk chu?" Tiin nula pakhat tê lam,sam kir leh ngo ving veng chu ṭhutna lam a rawn pan a, ka lo nuih var var ringawt.





"Chibai Rachel ka nia,u Richard a nau...au Mama mit chu a ṭha reuh phian mai..a dik em pa?" Tih pahin a nu leh pa karah chuan a ṭhu thla ve nghal a, a awmdan en saw chuan a upat vak ka ring lo.





An chhungkua chu tlangnel nghal mai an awl takzet,lan zahawm tum luatah inhmuam up ṭun ang kha an ni lo a, an titi bawrh bawrh a, fiamthu an thawh chuan an nui ho dar dar a, an chhungkua chanchin an sawi zelah phei chuan lehkhathiam chhungkua ka ti mai, an tê ber Rachel meuh pawh dentist a lo ni tawh a chuan Richard hi an fapa naupang ber a lo nia, a u te chu phai lamah hna vangin an awm a,Rachel hi an farnu neih chhun a ni.







Zanriah ei lai te chuan chawhmeh chu la ei atan min duhsak khawp a,'in suah rawh aw' hi an ti deuh chhen a, an changkang ka tihna chu ka thlenga min suah ṭeuh lo chu a ni. Chawhmeh insuahsak hi induhsakna chu ni mahse ei duh lo emaw ei zawh loh khan a hrehawm duh a, insuahsak ṭeuh ai chuan mahni a insuah tur hian ti ṭhin ila a fuh zawkin ka ring.






Chaw ei khamah kan ṭhu hahchawlh a, sana ka en chuan dar 7 a lo ri tawh a, haw tum hnai ila a ṭha ang.








"Thei te ei phawt ila muangchangin Mama'n a thlah dawn che nia" An tih tlat avangin ka ṭhu leh rih a, thei tui tak tak an ei zin dawn nen ka thei ken an ei chu a tui thu an sawi luam a, hemi te chhungkua bulah awm hi chu a nuam a ni. Ka haw dawnah chuan an vaiin paw'n thleng min lo thlah a, la leng leh turin min chah lawm lawm bawk.







"I hah viau ang a" Car gear thlak pahin min rawn melh zeuh a,ka lo melh ve chiah bawk.




"Hah lo e,nuam ka ti"






"A va lawmawm, leng ziah tura hrilh dawn chein ka awm loh chuan i kal ngam awm si lo a tiraw?"







"A teuh lo,I awm reng chung paw'n ka zam a nia" Ka tih chuan a nui ta hawk hawk a, nuihzatthlak ka sawi tawp si lo. Haw kawngah chuan bike hi chak tawkin min rawn lehpelh a, rilru ah Zoremsanga a lo lang nghal a, ka thaw hliai ringawt.








Kan inhriatchian hma hauh a party na ah ka zui ve ringawt zan te kha rilru in a chhui kir a, mitthla ah chiang takin a lo lang a,heti em em vei zui tur a nih tih hria ila chuan kan bul ṭan dan ho zet kha ka ti tawp ngei ang.








'Ani' tia a chanchin ka ngaihven ruk em em reng te, lang lo lamah amah hmu beisei a ka mit ka len nasat ṭhinzia te leh bike chak taka tlan ri hriat ringawt paw'n amah Zoremsanga ngei kha hmu ka la inbeisei fan a, heng zawng zawng te hi hria se chuan min nuih sawh viau ta ve ang.







"Kan thleng tawh a" titu ka melh chuan min lo melh ve reng a,ka hawisawn rang ngei mai.






"Oh tihpalh lutuk thil ka lo ngaihtuah daih a"






"Ka hria alawm" a ti leh mai a,a inthlahrunawm mang e.





"Ka sawmna che kha lo ngaihtuah rawh aw" Ka chhuk hma chuan a rawn ti leh a, kawngkhar hawnna ka vawn tawh chu ka thlah leh riai riai a.





"I rilru a la ngai reng ami?" Ka tih chuan a lu a bu nghauh nghauh a, tinge maw hetiang duhthlan ngai dinhmunah hian ka din bik reng mai le?






"Kei chu I hriat tawh sa ang khan bial"





"A ho lutuk,hun kal tawh ah kan let dawn lo a,nangnen chuan hun lo thleng leh zel tur alawm kan hman dawn..i hun kal tawh ah buaina engmah ka neih lo"





"A nih chuan hun lo thleng zel tur chu nangmah nena hman ka duh" Ka ti ve rawih a, min melhna aṭang mit a la sawn vut a, hma lam hawiin a nui suk suk a, min ti bang bo tak tak.






"Ka lawm e aw" A rawn ti leh ringawt a.





"A nih muttui aw" tia chhuah ka tum chu min rawn pawt thutin hnung lam aṭang nghet em emin min rawn kuah ringawt a,ka awmdan chu a laklawh takzet.





"Kal i tum nghal ringawt a"





"Ka kal hun a ni tawh alawm" tiin min kuahna kut chu ka vawn hnan ve a, ka darah khabe e rawn nghat a, ka mur sung sung mai.




"Ka kal dawn,muttui" Zan a ni tawh a, kawtah motor ding reng chu kawngkal te reng reng paw'n min en duh lutuk ang"





"Naktuk ka kal tawh dawn sia,thlahna sweet deuh chu ka phu vein ka hria"




"Chutiang a ho mai mai,ka kal dawn"






"Ka bialnu thar chuan min induh khum ṭanin a lang" A tih chuan a kut chu ka sik vak a, eng teh ualah phei chuan a ngai lo.





"A nih kal tawh rawh le" Min thlah hnu chuan chhuah tumin kawngka hawnna chu ka vuan a, ka hawng vek tawh min rawn pawt ṭhu lehin min rawn fawp nghal a, a ṭhut dan a siam ṭha nghal zat. Hmui chet ngaihna pawh ka hre lo, min fawp mial mial takah chuan mit ka chhing ringawt a, ṭul lo lutukin Zoremsanga ka hrechhuak a, ani ang mi rilru tihnat ching vanga indawmkun reng tur pawh ka ni lo. Richard a chu pawt salhin ka chhanglet ve ta a, ani pawh a rawn uar zual a, kan infawp ngawng ngawng a ni ber.






"Kha zet chu! Rei a daih dawn chiang sa" a tih chuan a darah beng thukin ka chhuak nghal a.






"Muttui aw" tiin ka chhuksan a, ani pawh a tlan chhuak nghal a, kawngka kalh felin room ah ka lut tlang a, ka thil tih hi a dik dawn chiah em ka hre lo mahse hmalam pan ka ngai tih erawh ka hria. Min duh tu in dawhthei taka min nghah reng laiin tinge min duhlo tu chu ka nghah reng ang ni?






Mut hmunah chuan Zoremsanga nen call in kan inbia a, ka chhanna avanga a hlim lutuk chu ka lo hlimpui ve hial. 'Ka kal tawh lo mai ang/Aizawl ah transfer turin hrilh ila a ṭha ang' te a ti thul. Nuih a tiza ṭhin khawp mai.






Zingah Champhai panin a chhuak nghal a, hna kal leh nghal tur a nih vangin tlai lutuk kha a chi dawn lo a tih vangin a chhuak hma khawp mai.






Kei pawh a ngai tein hna ka kal leh a, dam lo kan en leh char char a, hna lamah ka tluang a,Richard a nen kan inkar lah a tluang em em a,rilru hahna tur hi a vang khawp mai. Ngaihtuah tur vak ka neih lo a, rilru tihah tu ka neih miau loh avangin ka nun a hlim a, ni te hi a kal zung zung maiin ka hria.







Zoremsanga POV


"Thil dang ngaihtuah tawh suh, nangmah chauh inngaihtuah rawh...I chak ṭhat leh angai a nia" tiin damdawi leh tui in tur chu min pe a, ka lo ban ve mai bawk.







"I duh chuan haw tawh mai rawh"






"Heta awm ringawt chu I tan a ṭha lo,inah haw rawh emaw kan inah pawh lo kal mai rawh"






"Ka ṭha,mamawh ka neih chuan ka lo hrilh leh ang che,ka lawm lutuk a nia"







"A nih ka kal aw,luhlul leh lutuk mai" Lucy chhuak chu ka en zui reng a, ani hi awm lo se ka talbuai tawh viau in ka ring.







Ka rilru leh ngaihtuahna tibuaitu thil zawng zawng kha Lucy ka hrilh a,ṭhian mipa awm reng laia ani kher ka hrilh na chhan chu min hriatthiampui ber dawn a ka hriat vang a ni. A nu leh pa vangin hun eng emaw chen a lo tal buai ve tawh a mahse ani chu vanneihthlak takin a pi damlai kha a ni hlauh a, kei erawh Kapi te hmel chu hmu pawh ka hmu hman lo.








Ka hrilh tirh chuan mak a tiin a awih lo hial a mahse video kha ka hmuh tir a, ka awmdan zawng zawng pawh a lo hrethiam nghal a,rilru lam doctor min hmuhpui hial bawk. A tirh chuan damlohna neih lo a hospital kal kha ka zak deuh a, ka kal chhan ber pawh rilru lam a lo ni leh zel a, tlangval puiin psychiatrist ka hmu ringawt te chu zahthlak ka ti takzet. Lucy in a lo pan tawh ṭhin doctor bawk chu ka pan ve a, civil ah a lo ṭhu leh zel a, kal hi ka huhphurh ngawih ngawih.







Ni e Sangpuii hi ka hmu chak em em a mahse ka hmu ngam si lo. Tunah chuan hun pawh a kal ve duai tawh a, a rilru ka lo hliam tawh te kha tunah chuan a dam ve deuh tawh anga, a hmuh a va inlan leh kha ka tinâ leh mai mai dawnin ka hria a, hmu chak viau mah ila ka insum zel a ngai tawh.








Hmu inbeisei vak lo mah ila ka peih changin zanah hian a inluah bulah ka kal ṭhin a, zan a ni bawk nen ka hmu khat khawp mai. Zan khat kha beisei lo deuhin a inluah kawtah car a lo ding a,a tlan chhuak lawk lo a,chhuak pawh an awm chuang lo. Hla deuh hleka ding ka nih vangin car chhung chu ka va hmu pha kher lo,reilote ah Sangpuii ngei chu a lo chhuak a, car chhung ami chu bye bye in step ah a chhukthla nghal a, a nui hmel khan min tihlim a, ka tel lo paw'n a hlim tawh tih ka hria a,kei chu tinâ tu mai mai ka ni a, a hlimna tihchhiat sak tu a ṭan leh chu ka duh tawh lo a, harsa mahse ka atan chuan ka ti ṭang ṭang a ni ang chu.






Ka hriselna leh mental health vang hrim hrim pawh hian hmu thei dinhmunah ka ding tawh lo, ka thinrimna ka thunun zo tawh lova, ka thinrimna in ka mit a tidel miau vangin khaw hmu lo in ka che a, ka bul hnaia awm te tan hian ka hlauhawm pha tawh a ni. Doctor paw'n tlang takin min hrilh a,natna nei lo emaw ka lo inti kha enkawl ngai ka lo ni hial a,ka hriselna ngaihtuah ka ngai a, mahni in hmangaih a lo pawimawh khawp mai.





In lamah ka awm chuan rawng takin Kapa chungah ka chet ka hlauh vangin hotel lamah ka awm tam zawk a, class pawh a rem danin ka kal tawp. Lucy in min ngaihtuah em em a, mahni hian min awmtir hman lo a ni ber. Ka bialnu ni ṭhin kha tunah chuan ka farnu ang mai a lo ni tawh,kan inkar ah chuan mipa leh hmeichhia inhmangaihna ni lo, ṭhian hmangaihna a awm a, ka tan engtik lai paw'n a awm reng a, ka tan hian a hlu takzet.







"Khawiah nge I awm a?" Hepa pawh hi min awmtir hle hle mai tur a nia, zantin min rawn call a, ka awmna min rawn zawt ziah lehnghal.





"Min rawn call reng suh,lehkha zir rawh"





"I ṭha meuh maw?Inah te hian lo haw la" Thisen inzawm kan nih bakah nu pum chhunga awmdun kan nih vang nge ani nen hi chuan kan inzawmna hi a nghet bikin ka hria a, u Mapuia nen ai thlawt chuan kan innel zawk bawkin ka hria.





"Ka ṭha alawm,lehkha kha zir ṭha rawh,i zo lawk thei lo nge"





"Nang pawh zir ṭha rawh,ka zawh laia I zawh ve loh chuan ka hmusit ngawt ang che" A tih chuan ka nui ringawt a, ani pawh a nui ve tho. Kan naupan lai chuan lehkha ka zir peih lo em em a mahse ti ṭha thung a, Zorempuia erawh taimak zara ti ṭha kha a nia, kei chu teacher te pawh hian mak an ti hial. Kanu phei chuan ka entawn te a ring a, ka exam kal turte hi min check uluk thei khawp mai. Exam dawn karah te hian ka zir a, ka thiam ve mai zel. Kanu paw'n 'Zoremsanga hi chu rilru chak,zir peih lo an tih ang chi a nih hi' an tih hnuah a awih ve ta chauh.





Ads click

A hnuaia ads khu click lo in back daih awih loh, vawi khat theuh in lo click ve dawn nia, in fel kha


Show post links
Top

[Ngaia]

Zoremsanga POV




Harsa takin ka nun hrehawm tak chu sual chhuah tumin ka beih ve a,ka doctor leh Lucy in min ṭanpui nasa em em bawk. Hmalam pan a har a, thil thleng tawh te theihnghilh a har bawk!! Lucy i'n ka nunhlui ka kalsan theih nan tiin hmeichhe dang nen min sawi zawm nasa ṭhin a mahse rilru ka pe thei tawh hlawl lo.Ka rilru luahtu a awm reng laiin engtin nge midang chu ka luah tir thei ang? Ni e, Sangpuii'n engtik lai mahin ka rilru leh ngaihtuahna a chhuahsan ngai reng reng hlei nem,ka rilru luahtu awmchhun a ni a, a ni reng tawh ang.







Hnaih chak viau ṭhin mah ila ka tan hnaih a rem tawh lo a, ral aṭanga a hlimna lo hlimpui chu ka chan tawk niin ka hria. Tunah chuan kawppui ṭha tak,innghahna tlak a neih tawh tih ka hria a, ka rilru chanve in ka lawmpui a, ka rilru chanve erawh chuan a thik em em thung. A chang phei chuan va inlan leh a, ka ta ni ṭhin Sangpuii ngei mai kha ka ta ah va siam leh mai duhnain ka khat a, harhfim lo chang chuan atthlak taka chet a hlauhawm ṭhin khawp mai.







Kapa leh Sanjana pawh an la inkawp reng a, ka hriatchian em em chu Kapa sum hmangin Sanjana hian nuam a chen a, Kapa berin a phal miau vangin sawi theih engmah ka neih lo a, ka ngaihtuah ṭhin chu Sanjana hian eng ang takin nge keini chhungkua hi min lo hmusit ang? Keimah nen kan lo che tawh bawk a,chutah pawh chuan Kapa nen an la inkawp reng a nih kha. Kapa ngaihzawng ka lo khawih ve kha mahni insitna in ka khat a, inchhir tawp khawk mah ila siam ṭhat thei a ni tawh si lo.







Anmahni inkawp aṭang hian ho lam taka nun hman pawizia ka hre thar a, ka thil tihin mi rilru a tihnat theihzia ka hre thar bawk a,inchhir ṭangkai loh zia ka hre tel bawk.







April thla kan chuang kai a, zep loh chuan khang hun liam tawh kha inchhirna leh thiknain ka hmang ral a ni ber. Sangpuii bialpa Aizawl lo kal changa an hlim hmel hmu te, zanah a len luh loh chuan an leng chhuak emaw te a nia, an inthlah lai hmu chang phei chuan ka nâ a ni! Thiknain ka khat a, inthlahrunna leh inthiamlohna neih lo ang mai a va chet tawp hi ka chak ṭhin. Sangpuii'n duh hmel taka a bialpa a en chang te, duat hmel taka a bialpa in a kuah chang te leh lungchim taka an infawh lai hmu chang hi chuan he khawvelah hian awm ve lo daih mai te ka duh! Kha a mitmeng mawi leh zun ngah em em kha a hma chuan ka tan chauh a meng a, a hmui fawh nuam zet leh a taksa engkim kha ka ta a ni ṭhin. Tunah chuan khawih chu sawi loh ral aṭanga thlir chiah ka tih theih awmchhun a ni.








Rilru lakpen ka duh em vangin ka thesis buaipui chu peih lo chungin ka ti ṭang ṭang ṭhin a, peih lo taka ka tihna zar chu rin lo deuhin ka zo ve leh nawlh ṭhin. Tum dan chuan degree te ka hlawh chhuak ila, Kanu leh Pa inkar pawh tihfel ngei ka tum bawk! Kapa a uire laiin Kanu erawh chuan rinawm takin a pasal tan a nung a, a fair hlawl lo. A ngaidam thei a nih paw'n kei chuan ka ngaidam thei tawh kher lovang, hmu reng ka duh dawn lo vangin Mizoram i chhuahsan ka tum bawk. Kanu'n a ngaidam thei lo va a tawp an lo thleng ta a nih paw'n Kanu chu ka enkawl zui mai ang. Hma lam pan nan hrim hrim leh dam khaw chhuah nan chuan Mizoram hi chhuahsan phawt ila, hna te ka zawng ve anga, chutiang ni lo va Sangpuii ka hmu reng chuan ka bansan thei tak tak lovang.






Lawmsangpuii POV



Richard a nen kan inkawp aṭang hian hun hi a kal chak nimaiin ka hria, hriat lo karin thla 2 kan lo inkawp tawh a, kan monthsary ka la theihnghilh ziah lehnghal. Thla 2 na ah pawh Richard bawkin min rawn wish hmasa a, thil pek te a lo la deliver tir zui. Champhai a awm mah ni se min rawn ngaihtuah awl lo a, a awm lo chung pawh hian an inah chaw va ei turin min ti ṭhin a, min hrilh zatin ka lo hnar ve bawk.







Chu pa han hmanhmawh zia chu thla 2 kan inkawp chiah a, inneih lam sawi zeuh zeuh a ching a, fiamthu ah lo ngaihsak ṭhin mah ila ngaih reng chi ni hek lo. 'I hmanhmawh lutuk' ka tih lahin 'Khaw hrana awm reng hi ka thei lo a niang bakah nupui neih tur chuan ka kum paw'n a tlin tawh' hi a timai zel a, ngaihtuah chian chuan a dik ve reng.







Ka hun lo tawn tawh te ngaihtuah chuan bawhpelh mai mai chi a nih tawh lo rualin rilru fim tak pu a thutlukna siam ka ngai tih ka hria a, ngaihtuahna a tibuai khawp mai. Ka chhungte chuan an pawm dawn chiang sa a, keimah ah chauh a innghat tih ka hriat phei chuan lung hi a zing takzet.








Pasal neih turin ka dinhmunin a tlin tawh a, ka kum lam ni se ka tlai tawh lek lek zawk a. Richard lahin min duatin min ngaihsak a, innghahna tlak a ni ngei dawn tih ka hria a, a sawmna chu lo pawmsak mai chi a ni em ka ti hial tawh.







A sawi reng takah chuan keipaw'n ka lo sawipui ve ṭhin a, a lawm thei khawp mai. Tichuan pasal a neih chu ka lo rem ti ta a!! A hmanhmawh luatah a thu a palai tirh te a tum a, kan inkhap leh rih.






"I hman deuh hunah lo haw la,I nu leh pa te hrilh phawt la,rem an tih hunah kan ti chauh dawn nia"






"Lo haw vat vat a ngai tawh a nih chu..hun hlimawm takin min hmuak a,muanna chi a ni lo"






"I phur lutuk!Mu tawh rawh"






"Ka nupui tur hi ka la be duh alawm"






"I tenawm!!Ka mu dawn muttui"





"A nih muttui"






Phone ka dah hnu chuan ka mu meng kar a, Richard a'n a chhungte rem tihna a lak phawt loh chuan ka chhungte bulah chuan zep rih a ṭhain ka hria. Ka ṭhiante paw'n pasal neihin nun chu an sual chhuak ve mai a, huhphurh viau tur a awmin ka hre lo. Ka lawina tur chhungkua lah ka phu aia ṭha an nia, min duat em em a, ka pasal tur berin min neih a duh chuan ka neih mai tur a ni.








Inneih kan sawi karah chuan hna ah a buai em vangin a rawn haw thei ta lo a, dam chuan monday ah lo haw a tum a, chawlh pawh a dil vek tawh bawk. Heti em em a a hmanhmawh danah hian khaw hrana awm chu a thei lo hle a nih dawn hi.







Lalfeli nen sunday chuan kan inkhawm ve a, ani pawh hi engmah ka la hrilh bik lo. Chawhnu inkhawmah pawh kan inkhawm a, Richard chhungte'n an rem tih chuan nula stage chu ka chhuahsan ve dawn ta! Inkhawm ban kan inbiak chuan kan inah a va len thu min hrilh a, a kawm tur pawh an awm tawp si lo. 'I nu nen kan inkawm a,makpa atan chuan min iai lo a nih chu aw' te chu a lo ti ta deuh deuh a, a va sawi thawt thawt emaw ni?







Monday chu hna ka kal leh a, Richard a messege ka en chuan Aizawl a lo thlen tawh thu min rawn hrilh a, lung hi a phu dut dutin ka hria.





*Kanu te'n inneih chungchang sawi ho pahin chaw lo ei rawh se an ti a nih chu*
*Tlai ah ka lo hruai ang che*







Lalfeli bia in zanriah ka ei chhuah tur thu ka hrilh a, a la haw bik lo a nih hmel. Richard a'n min rawn hruai a, tun hi an in ka kal vawi thumna a ni tawh. Inneih chungchang sawi an tih vang chuan nge ka lai hu maiin ka hria.







Chaw te kan ei a, thil sawi hlek se 'eng nge i ngaihdan?' tiin min zawt ve ziah zel a, ka hriatthiam dan berin an chhungkua ah chuan min welcome em em maiin ka hria. Richard a nen kan ngaihdan chu an ngai pawimawh em em a, palai kal pawh chu Richard thu ang vekin an rel. Pakhat lah chu a hmanhmawh em em khawp a, naktuk a haw anga, a tuk leh ah kal tir turin a pa chu a la hrilh ta deuh deuh.








Rachel i'n 'In inneih hun a hak tur' a ti chamchi bawk a, ka haw tur pawh an chhungin paw'n thleng min lo thlah a.






"I u te paw'n nupui an la nei lo a, i hmanhmawh ve e"





"I rilru I thlak hman ka hlau alawm bakah anni chu neih turin an hrilh ziah a, ngaihtuah hek lo! Neih khalh mai lo in"






Richard a'n a ṭhianpa te inah pen kawi a duh vangin haw kawng kan thlak a, a ṭhianpa chu inneih ni a a dinpui tur a ni nghe nghe. Kan in luah thlen dawnah chuan ka ṭhutna lam side kawng sirah hian bike a lo ding a, a khalhtu a ṭhu bawk a, a bike colour leh no. plate en chuan Zoremsanga a ang takzet! Kan tlan pelh hnuah pawh darthlalang aṭang chuan ka en reng a, tlan chhuak lovin a ding reng bawk.







In kan thleng a, Richard a pawh reilote a rawn lut a, a haw tur kawng thleng ka han thlah lai pawh chuan bike kha a la ding reng a, ka awm pawh a nuam tawh chiah lo. Zoremsanga a lo kal ti dawn lahin lo kal chhan tur a neih tawh bawk si lo,a inchhir ti dawn lahin min kalsan hmasatu zawk kha a nia, a lo kal lul lovang.







A tukah hna ka kal leh a, kan thawhpui tho doctor hmu ka ngaih avangin ka chhuak a, ani hi tunlai chawlh a la a, tlai lamah hian clinic lamah a ṭhu ṭhin a, ka hmu chhan tur ber pawh a dam lo enkawl te vang a ni. A damlo enkawl keiin ka lo en tam tak an awm a, hriatthiam loh ṭhenkhat ka neih a, zawh ka duh vangin ka kal hma a, a nau te'n a lo la kal loh thu an sawi vangin in entir tur ho ṭhutna ah chuan ka ṭhu ve rih a,phone ah Richard a message chu checkin ka nui suk suk a,hepa nupui neih tur phur lutuk hi chu a zahthlak zawk.







"Hei hi in kawl em?" Titu chu Zoremsanga aw ngei a ni.




"Aih kawl lo"




"Kawl tur awm ang in hre mial em?" Ka ṭhutna aṭang chuan ka dak chhuak a mahse dawr nghak te'n min hliah tlat a,ka hmu thei lo.







"Ka hre mai lo,kawl chu an vang ang,damdawi satliah a ni lo a" Damlohna a neih ka ring deuh kha a nia chuan tunah damdawi a rawn zawng a chu pawh damdawi satliah a ni lo! Ka ṭhutna aṭang tho chhuakin counter lam chu ka pan a, ka va thlen chuan ani chu a lo awm tawh lo. Dawr pawn velah chuan ka hawi kual a mahse ka hmu chuang lo!







"Tuna mipa lo kal khan eng damdawi nge a lo zawn a?" Dawr nghaktu hmeichhia chu ka zawt ta tawp a ,mak min tih hmel kher mai.








"Effexor" A rawn tih chuan ka ngaihtuahna hi a tawp vek maiin ka hria. Damdawi chak lutuk a ni bakah dam lo ah pawh depression/panic attack/stress etc neih te ei ṭhin a nia, doctor lehkha tel lo chuan lei mai mai thei a ni lo bawk.








Ka let leh hnu pawh chuan ka ngaihtuahna ah a la awm reng a, ani hi ka hriatpui lovin depression a lo neih reng em ni? Chumi vanga kan inkar pawh kha titawp a ni thei ang em?







"Dr Sangpuii saw ka lo hmu phawt ang" ti ri ah chuan ka harhchhuak a, ka kal chhan ber doctor pawh a lo thleng tawh. Damlo a en hmain ka hriatthiam lo ho chu min hrilhfiah a, zai ngai a nia mahse Mizoram ah chutiang chu kan la zai ngai lo a, phai lamah a lo refer a mahse an rawn kal nawn leh tho a, keini'n kan hriatpui lo harsatna an neih a ni mah na.







Ka haw a, in ka thlen hnu pawh chuan ka rilru leh ngaihtuahna ah chuan Zoremsanga ngawt a awm a, ka hriat sual tih dawn lahin a aw kha thla tam ka lo hriat tawh avangin ka hrechiang em em bawk si. Bia pawh ni ila a harsatna chu min hrilh leh dawn chuang lo tih ka hriat vangin a no. ka hmeh chhuah vek tawh chu ka clear leh a, eng anga hun harsa pawh lo tawk se ka buaina tur a ni tawh lo! Tunah chuan Richard ah chauh hian ka rilru ka pe tawh tur a ni.






Zanah Richard a te'n palai an kal tir a, ka chhungte'n engmah ka hrilh lawk lo avangin min rawn hau char char a, palai hmel hmu an in beisei lo lutuk a nih hmel. Palai kal leh hunah inneih hun tur chu an tichiang dawn chauh a, hun reilote chhunga ka nun inthlak nasa lutuk hi a mak lek lek.






ZOREMSANGA POV



"Damdawi i ei ṭha lo em ni?"




"Ei e" Kan in check up a,doctor in Lucy bulah hmasawnna a hmu loh thu a lo sawi a nih hmel. Tunkar kal ta kha chu damdawi ka ei ṭha lo ve em a, ka talbuai na ngai ah khan ka buai leh a ni ber. Damdawi ei lo khan hun eng emaw chen kha ka awm thei mai a mahse Lalfeli'n min rawn biak zan aṭang kha chuan a ngai ah ka let leh a, damdawi ei ngaihsak lo khan damdawi lei tur ka zawng ta chuk chuk a, a la vang hrep zui.







Lawmsangpuii'n pasal a neih dawn!!Lalfeli'n palai kal zan khan min rawn bia a, Sangpuii nen kan tawp hnu khan kan inbe tawh ngai lo a,min rawn biak chu a tum ṭhin mahse ka be ngai lo. Eng tikah emaw chuan pasal a neih dawn tih ka hria a mahse heti em em a hma chu a neih ka ring lo. Pasal a neih tur thu han hriat meuh chu engtin emaw tak hian ka awm a, a hlim duh a kal tir ni si kha a kal hlen dawn meuh hi chuan pawm thiam a har ka ti a, ka bialnu leh ka ta ngei kha ni leh se ka duh a, ka la ngai em a ni.







An inneih hun tur an la sawi lo a ni awm a, engtia lo hmachhawn tur nge pawh ka hre lo. Khawvel hi ka tan a harsa lutuk a, thih daih mai te ka duh tawh. A hma chuan thih te hi ka hlau ṭhin, ka sualna vang te hian meidil ah tlak ka hlau a, ka hlauh ngawih ngawih ni ṭhin kha tunah chuan ka chak ber zingah a tel tawh. Ngaihtuahna ṭha lo ber Pathian demna keimah ah a awm ṭan a, ka chhungte'n min en hran bik em vang te, Kapa a lo ni leh zel a, tunah Sangpuii'n pasal a neih leh dawn bawk. Hmachhawn dan thiam a har a, engmah hre lo a muthilh san vang vang hi ka chak! Mut chhunah hian lo muthilh hlen hi ka chak em a ni. Hetiang nun harsa min hmachhawn tir tur chuan min siam lo law law se ṭha mai tur.








"Karleh leh pek hi Kanu te inneih champha a ni tawh a,lo haw tawh la..programme hman te u Mapuia'n a sawi a,kan puih ve a ngai dawn a"




"Lo lawm mai mai rawh u,ka lo haw peih lo"




"Tinge I inlakhran tak em em a?Kanu te'n an ngaihtuah bawk si che a, a buaithlak,lo haw rawh"




"Min ngaihtuah lul lovang!Ka peih hunah ka lo haw ve mai ang" tiin Zorempuia chu phone ka dah khum hmak a, a rukin Kapa a uire a, chutah nupa inhmangaih ber awm ang zia zangin inneih champha lawm an tum chu nia, zahpuiawm lutuk!!






Kâr khat liam hnu chuan Lalfeli'n min rawn bia a, thaw tipik zualtu mai a ni! Sangpuii te inneih ni tur chu an tifel tawh a, Kanu te inneih cham aṭanga a ni thum ni ah a ni nghe nghe. Hawina lam apiang hi rilru hahna leh buaina tur hlir.








*Eng emaw tal ti teh aw*
*Ila duh em kha,pasal a neihsan che chu I phal ami?* Lalfeli message chu ka en a,ka thaw hawk. Ka eng hi nge a hmu ni?Min duhsak ve viau mai a, a u nâ taka siam tu ka ni chung pawh min la be peih a, Sangpuii pasal neih tur hi dang turin min tur sek bawk.






*I u hlimna tihchhiat ka duh tawh lo,min hrethiam mai rawh*




*A hlim hlei nem! Hei hi chu ka chiang alawm,pasal neih a tum thut na chhan hi chu maw nangmah vang bak a ni lo. A theihnghilh theih nan che Richard a neih a tum alawm*
*Remchangah lo hmu rawh,hei hi chu nangmah ka ṭan ngawr ngawr vang che pawh a ni lo mahse nakin hunah vuak let te a awm palh ang*
*Nang a theihnghilh theih nan che mipa dang neih a tum ringawt a, I chanah dah chhil la fair i ti miah lovang*




Lalfeli hian a sawi dik! Kan chhunga thil lo thleng tur te kan hre si lo a, fair taka tih zel chu a ṭha. Mahse a hlimna hi ka tihchhiat sak ngam tawh kher ang em? A chungah thil thleng tur ka hlauhpui luatah a damchhung hun tihchhiatsak tu chu ka ni mai dawn em ni?




*I u chu ka lo hmu dawn nia*




*Aw lo kal ngei ngei rawh*




Naktuk tuk leh mai ah Kanu te inneih cham an hman dawn vangin inah ka haw ve a, Zorempuia'n min tur sek vang a ni ber. Ka haw ni chuan Kanu in 'I va cher em em ve,ei i hmu ṭha lo ami?' min ti ve ngei a, keimah ah danglam chhe te pawh a la hre ve chu ka lawm em em. Zanah chuan Sangpuii te inah kal turin ka insiam a,zep loh chuan ka hreh ru takzet. Ka pheikhawk lak chhuah tuma kawngkhar ka hawn chuan a pheikhawk min pek kha ka hmu a, vawi 1 chauh ka la bun a, ka dah ṭha ta reng bawk. Pheikhawk dang la chhuakin ka bun sawk sawk a, in aṭang ka chhuak zui ta bawk.






An veng lamah ka tlan thla a,hun rei tak hnuah an in ka lut leh tur chu ka zam ru ve takzet. Kawngka ka kik a, reilote ah an rawn hawng a. Ka hmel hmu a beisei lo deuh nge a meng buai deuh a, luhna tur pawh min kian ta lo chuan a ding reng bawk.






"Lalfeli a awm lo,dawrah a kal" Hnuai lamah bihin a rawn ti tham ṭuak a, a aw ka hriat lohna rei tawh zia hi.





"Nangmah be tur zawka lo kal ka nia"




"Biak na chhan tur che ka nei lo,let tawh rawh" min la melh eih lo bawk.




"Pi Sangpuii i nih hma a kan inbiak hnu hnun berna pawh a ni thei asin" Ka tih chuan chiang kelh kawlhin ka mitah tak min rawn melh a,ka hriat a ring lo deuh emaw ni?






"Pasal i neih dawn tih ka lo hria a"





"Chuan rawn ti chhe tur bawkin ami ilo kal?" A rawn ti ve nghal zat a. Tunah chuan inchhung lam kawngka bul lawkah kan ding tawh bawk.







"I pasal tur hi ka lakah phuba lak nana neih tum i ni em?"







"A teuh lo! Ka duh a,ani paw'n min duh a,kan inneih dawn" A rawn ti hliai a,a mita natna inphum te hi hmu lo ka ni bik lo asin le.






"Ka bulah lo let leh mai ta che?"






"Huh Zoremsang mi â ah min ngai em ni?"






"Phuba lak nan a tih i nih chuan hei hi ka hrilh ang che,ka chungah hian phuba lak leh chuan hi i ngai lo,hei pawh hi ka nâtpui tawh lutuk"






"Phuba ka la dawn lo,ka hlimna tur kawng ka zawh mai zawk a ni"





"I bialpa bulah khan hlimin I inhria ami?"





"Aw hlim tehreng e, chuan kan inneihna hi rawn tihchhiat tum hlek suh"






"A nih kei hi engtin nge awm se min tih a?"Ka ti ṭhawt.







"I duh duhin awm rawh,duh duh kawp la,nangmah anga rilru nghet lo te kha va kawp la,I phu tawk chiah" A rawn ti ve tan tan a.




"Pasal chu neih suh" Ka biang a ri ṭhawt.







"Inthlahrunna hi I neih ve miah lo em ni? Khang hun chhung khan biak che ka tum ṭhin mahse nang chuan min be duh lo a,hmu takngial pawh min hmu duh lo bakah inṭhen I rawt bawk a, zan tam nangmah vang hian rilru nâ in ka ṭap ṭhin asin. Tinge ka hlim dawn velah ilo lan? Ka hlim hi I phal thlawt lo em ni?" Ka taksa rem lai lai ah
kut min thlak a, a mittuiin a biang a tihuh vek bawk.








"Min ngaidam hram rawh,ka bulah lo kir leh la,ṭha takin ka enkawl tawh ang che..aw?" A biang tawn tawnah khuapin a chalah ka chal ka nghat ve a.







"Richard a ka neih dawn bakah nang chuan ṭahna bak min thlen leh dawn lo"







"A theih lo! Pasal chu I neih thei lovang,kha pa I neih chuan ka that duh mai ang! Keima'n ka enkawl dawn che alawm"







"Ka nun a nia,ka kawppui turah chuan ka thu ber bakah nang te chuan hlawh pawh I neih tawh reng reng ami? Chhungte chawm hlawm alawm ila nih!" A tih chuan ka tlawm rawih rawihin ka hria. Insit tawh sa nen a rawn belhchhah chiang khawp mai. Ka kut ka dah thla riai riai a, zanin hian ka tlawm a ni.







"Mipa innghahna tlak ka duh a,chu chu Richard a ngei hi a ni bawk! Nang paw'n I kawppui tur chu I kum rualpui ngei ilo zawng tawh dawn nia" Sangpuii'n hetiang zawnga a ṭawng ve theih hi ka ring ngai lo.








Ads click kha I ngai pawimawh hram hram ang u aw,ka readers te chu in fel kha


Show post links
Top

[Ngaia]

Lawmsangpuii POV


Zoremsanga chhuah hnu chuan chhuak lutukin ka ṭap a, ka hrawk phei chu a tawt vekin ka hria. Khang hun chhung khan nghak lo ka ni lo asin,a lo kir leh mai ringin atan khan ka la nung a mahse a lo inlan ngai lo. Hma lam panin hlimna ka tawn dawn velah a rawn inlar leh a, rilru tibuai tur tingin a hnenah let turin min ngen bawk! Richard ah ka innghat pum hlum ṭep hnuah amah rinchhan turin min ti leh bawk a, tlawm taka min siam ang khan tlawm ve se ka duh em vangin khang thu te kha sawi ka ni bawk.








Ka sawi laia a mit a natna lo lang zut zut kha ka hmu a, hlim tur ka nih laiin ka hlim chuang si lo. A mitmeng leh a aw inchhirna a khat kha hriat hrehawm ka ti a, a mitah pawh ka en ngam lo a nih kha! Ani nen chuan engtikah mah kan inrem dawn chuang lo, inkawp chhunzawm zel pawh ni ila a chhungte emaw ka chhungte aṭang dodalna kan tawk ngei dawn. Damchhung tawi te a natna nen a hringnun hman ai chuan chhungte'n min pawmpui thlap ngei hi neih ila, nakin hunah ka hlim zawk ang! Chutiang bawkin Zoremsanga paw'n a kum rualpui ngei neih ve se, a hlim zawk ka ring a ni.





Kan inneih ni tur an tichiang tawh bawk nen kan chhungte lam ve ve chuan phur em em a,sawmna lehkha pawh kan sem chhuak tawh nghe nghe. Man hlan te kan zo a,pi nih a hnai tawh takzet. Ka dinpui atan Amy ka sawm a, a hriatna a la rei lo tehreng nen inneih tur chungchang a hre zawm leh zat a, 'I ti tak tak em?Fiamthu miah suh' a ti deuh reng. Richard a lah chu eng nge a hriat ni? Zantin min rawn bia a, min biak piang chuan 'I rilru thlak suh aw' a ti chhen a,eng a hria chu ni maw?








Ka pasal neih tur chungchang chu ka thawhpui te paw'n an hre vek a, min lawmpui em em bawk. Inneih ni ah chuan lo tel ngei an tum bawk a,chawlh an indil chhawk deuh reng tawh.








Kan inneih kâr tur kan chuang kai a, Richard a pawh chawlh dilin Aizawlah a lo haw tawh bawk. Ka chhungte ho pawh naktuk lamah an rawn thawk chhuak tawh dawn a, ka in luah ah an len vek dawn loh avangin hotel kan book a,Kanu leh Pa paw'n an fanu neih chhunin pasal ka neih tur chu khaw hran hran a kan chhungte an sawm a, kan kim viau dawnin a lang.








Naktuk ka chhungte lo thlen ni a nih chuan inah awm a lo hmuah te a ngaih dawn vangin vawiin lamah mo kawr vel Amy nen en kan tum a,lei ai chuan hawh tur awm se ka ti khawp mai. Lei kha a hlu viau na in khua rei ah chuan a ṭhing leh tawh dawn a, 'fanu ka la nei dawn alawm' ti a dah ṭhat chi pawh a ni lo.








Mak deuh mai chu Lalfeli tunlai a awm dan hi a ni. Nidangah ṭawng duh em em kha a ngawi chawi sawt a, zing thawh ni se a hma zawng aiin a tho tlai a, chaw pawh kan ei rual khat khawp. Ka chhuah dawn pawh chuan a la tho lo va, kai tho lovin ngawi rengin ka chhuak ta a. Amy ka va sawm chho nghal a, mo kawr zawrhna pawh chu pan mai tur pawh ka hre lo. Amy dawr sawi chu kan pan ve tawp a, thlan tur chu an ngah khawp mai mahse an lo hawh tir ngai lo a, lei ngei an duh vangin dawr dangah kan kal leh ta a, lei ngai a ni zel bawk si a,kan kal chhan ber mo kawr chu dah ṭhain lawi dawn a hak tur top pangngai chu kan en a, Amy nen kan hak tur kawr leh puan chu ka lei a, mo kawr chu chhungte lo thlen hunah kan en ṭha leh mai ang.









Richard a nen zan mut hmunah chuan call in kan inbia a, mo kawr en a kan chhuah thu ka hrilh sa vek avangin min zawt ta ngei a, lei ngai a nih zel thu ka hrilh chuan 'Ka card pek che khan lei mai tur alawm' a ti a mahse chu chu ka duh hauh lo. Ka hak tur a nih vangin ka pawisa hmang ngei a lei/hawh ka duh a, ka chhungte takngial pawh dil ka duh lo.









Ka muhil ṭep ti ah phone ri vangin ka harh leh a, ka en chuan Zoremsanga a ni! Tihian zan tin hi min biak a tum ṭhin a,ka pick ngai lem hlei lo va. Whatsapp lamah ni se min text awl lo a, en lovin ka delete tawp zel. Notification aṭanga ka hmu thei chin chu bul ṭan ṭhat a duh thu te, pasal neih lo tur te'n a ni. Ani vang mai maiin ka hlimna ka tichhe tawh tur a ni lo tiin ka infuih hram hram ṭhin a, insum zo lo a message emaw call te chu ka pick mai ka hlau a ni.








A tuk zingah chuan hma tawkah ka tho a,in chhung leh paw'n vel te chu ka theih ang angin ka tifai a, eirawng ka bawl bawk a, mahni tawkah chuan ka buai ve em em mai a ni.







Dar 11 velah chuan Champhai lam ho an lo thleng hmasa ber a,midang lo thlen hma pawh chuan kan zi nuai nuai tawh. Tar aṭanga naupang ber thlengin an rawn thawk chhuak a, kan ri le lu mai. Kawngah chaw an rawn ei vek avangin eirawngbawl a ngai lo hlauh a, a zia khawp mai. Hahchawlh te an duh vangin hotel lam an pan ta sang sang a, reilote ah Kolasib lam ho an lo thleng leh a, ka hriat ni si lo Kanu leh Pa hmelhriatte vek an ni hlawm. Vawiin ni chu mikhual kan hmuak nileng ṭhak a ni ber. Richard a pawh reilote a lo lang a, rem a hriaiin tu pawh chu a be tlang nel nghal em em a, buai em em chung pawh chuan tu pawh chu a kawm hlim vekin ka hria. A haw hnu pawh chuan hahipin an fak a, thlang thiam min ti hlawm khawp mai.








Thleng tur zawng zawng chu an thleng kim a, hotel leh ka in luah kan kar tawn chhen a ni ber. Ka pasal neih tur a nih miau vangin senso chu ka theih ang ang a tum ka duh a, hotel thlenna man te pawh chu Kapa te'n pek an tum viau na in ka lak duh tlat lo vangin min tilui ta bik lo. A rei dawn chuang lo tiin mikhual te pawh an inhuam em em a, in a awm ho pawh a rem ang angin kan mu a, Amy ka tan a lo inhuam em em bawk. Mikhual ṭhenkhat chu an in lamah thlen tir turin min hrilh chamchi a mahse ka ti ta chuang lo. Ani pawh tihbuai tawh laia a chhungte thleng va tihbuai kha ka inthlahrung a ni.






Ka khum chu tê viau mahse Putea leh a nupui ka kian a, Amy leh ka cousin dang te nen sitting room chhuatah puan phahin kan mu tlar dul a, inchhung chu kan khat a ni deuh ber.





Phone vibrate in min tiharh a, ka en chuan Zoremsanga bawk! Mut leh mai ka tum laiin a message vang chuan ka mtuchhuak zawng zawng a reh vek a, hlauhthawnna in ka khat bawk.




*Kik suh,ka rawn chhuak dawn* A seen nghal a, inngaihtuah buai hman ka ni lo tiin ka tho ṭhem ṭhem a.







Min hmu a duh thu a rawn sawi a, ka hmu peih dawn lo tih a hriatchian avangin inchhung rawn luh a sawi leh a, min vau a ni ber ang chu! Ka chhungte kim ṭhap lai a ni tih a hre ve kar a, inneihna tihchhiat tum reng reng a khawsa kha a nia, ka chhungte a hmu vaih zawngin eng thil ṭha mah a thleng lovang.






Chappal pawh bun lovin ka khai a, kawngka kalhna chu dim thei ang berin ka pawt thla a, mihring chauh lo Trixie lakah pawh thawm dim a ngai tho.







Pawn lam light kan off miau vangin a thim em em a, ka chhuak chiah step ah chuan zial zuin a ṭhu tih hriat takin a de vat vat a, a rim lah chu a la nam em em zui a. Chappal chu bun sawk sawkin step ah chuan ka chho nghal a,hnung lamah min rawn zui ve nghal tih chu a ke pen thawm aṭang ka hre mai.








"Eng nge I duh a?" Ṭhenawm khawveng te mu tui lai tiharh hlau lutukin zawi si mahse fiah fek fawkin ka ti thawr a, tunah zing lam dar 1 a ri tawh.







"Eng duh lo e,ka hmu chak lutuk che a..ka insum thei ngang lo a nih hi" A tih chuan ho
ti lutukin ka ner suk.





"Hetiang thil ho mai mai ah vawi khat mah min koh chhuak tawh suh,tun hi a tawpna ni rawh se" ti a kal thlak leh mai ka tum chuan rawn che thutin hnung lam aṭang nghet em em in min kuah a, ka inhnaih takah chuan zu a in tih a rim aṭang ka hre ta chiah bawk.






"Pasal chu neih I tum tho em ni?" A tih chuan ka tal tawp chiang hle. A awmdan chu min thlahlel deuh te pawh a ang. A kut pakhat chu ka dulah a awm a, lehlam ka dar a vuan tlat bawk. A hmaiin ka nghawng a rawn nawr a, a chang phei chuan a hmuiin ka nghawng chu a fawp a ni ber.







"Neih dawn e, mi nupui ni mai tur ka nih vangin min khawih thei lo tih hria la, min thlah vat rawh" A kut chu dah sawn ka tum ve ṭang ṭang a, ani zu rui tha pawh ka hneh lo a nia, ka lo chak lo hle mai.






"Pasal i neih daih chuan khua a va har duh awm ve, ka â thei mai ang a" Min bia lawh a ang lo, mahni chuan a inbia nimaiin ka hria.






"Min thlah teh, ka chhuk duh a nia chuan nang pawh kal la,vawk khat mah lo inlan tawh suh" Hmanni ka tihdan te kha a hrethiam lo nge a theihnghilh tawh zawk? Tlawm a lak a lo kal tawh lo tawp tur a ni laiin a lo kal leh a, a â tawh takzet.







"Vawi khat chiah chance min pe leh rawh,khawvela hmeichhe hlim berah ka siam ang che" A tih chuan ka tha zawng zawng sawng khawmin a awmah chuan ka tukkhumin ka tauh chawrh a, a rum nghut.








"Zoremsang ngati nge khang hun chhung khan ilo lan loh? Tinge ka hlim dawn velah ilo lan? Nangmah vangin ka hah tawh em em a, zahna tur chu min thlen tawh lul suh" Taksa insi a ding kan nih miau vangin a taksa khur chu ka hre thei a, a thinrim insum a ni ngei bawk.







"Tihpalh aw,khawngaih takin min ngaidam la chuan ka tisual leh tawh lovang,tun chiah hi" A aw chuan tih takzet na ri ka hre tel bawk a, dinhmun harsa ah hian tinge ka din bik reng mai le?






"Ka ngaidam ang che mahse a hma ang kha chu kan ni beisei suh, pasal ka neih dawn!" Ka tih chuan a thaw hawk a, thinrim vanga che buan buan lo tur chuan a insum ve hle a ni ang, street light eng hnuaiah paw'n a bek ruh pawng ṭawlh ṭawlh leh mit sen vek chu ka hmu thei.







"f**k!! Kan 2 in tlan bo ang, tumah tihbuai lohna ah kal ang" Min thlem a ni ber.






"I â em ni? Pasal ka neih dawn ka tih mawlh mawlh kha, kal la,ka nunah emaw ka mit hmu ah lo lang tawh ngai suh"






"Ka kal chuan ka kal hlen dawn a nia?" Ngenngawl zetin a ti leh a, a aw chu hrilh ni tho si mahse min zawt te pawh a ang zawk. Duh leh kal se ka buaina tur a ni tawh lo.






"Kal hlen la,ka lawm khawp ang" Ka tih leh chuan min thlah riai riai a,






"Ka lo tihbuai ṭhin em vang che khan tihpalh aw, I chunga ka thil tih te ngaihtuah kha chuan lo inlan ngam tawh tur ka ni lo tih chu ka hria a mahse ka ta i ni tawh lo tur hi ka phal ngang lo va,ka lo inlan leh ta a nih hi. Tunah chuan kei ai ṭha i tawng tawh tih ka hria a, ani chuan ka hlmina pek theih lo zawng zawng che pawh a pek ngei che ka ring a, in lo inneih a nu I nih hnu paw'n min la hre ve reng rawh aw? Phal lo chungin ka kal tir che a ngai sia, ka lo ngai viau ang che. I pasal tan nupui ṭha tak I ni dawn nia" A tih chuan ṭap chhuak lo turin ka heh chu ka pet fan fan a, hetiang thu a sawi leh chuan amah ah baqk ka tawp leh thei mai ang.






"'Zoremsang' ti a min koh tu tur pawh I awm tawh dawn si lo a, khua a va har dawn ve aw..." Van lam hawi chuan a ti zui vawng vawng a, ngati nge pasal ka neih dawnah kher a lo inlan le? Hei ai hma ah lo inlan se chuan i he lovin a ta ka ni leh mai tur!







"Pasal i neih hunah chuan min lo ngai lutuk suh aw,keimah vangin va ṭap tawh lo la,hlimna zawng zawng ka duhsak che tih hria la,kei chu min rawn ngaihtuah duh suh..chhuk tawh rawh,I chhungte'n an hau ang che" Tuna a awmdan leh ṭawng dan hi chu kei ai a upa daih emaw tih mai tur a ni.







"I mi duhsakna vang khan ka lawm e" tiin step ah chuan ka chhukthla a, ka ke pen te chu a sak ṭalhin ka hria. Ka tan let leh a thei tawh si lo, Zoremsanga'n min mamawh tih hre reng chungin damchhung hun ka hmang dawn a nih hi.






"Hey!! Doctor" Ti ri ah chuan ka hawi let leh a, a hmelṭha ka tih em em ṭhinah chuan nui hmel ka hmu a mahse a nui hmel phen a natna tam tak inphum a awm tih ka hre tel tlat bawk si.







"Lawmsangpui ka hmangaih che!" Ka en reng lai chuan a rawn ti a, a sawi zo chiah chak em emin a dawk chhuak nghal a, ani chu a kal tawh!






Simeikhu angin a rawn lang a, tunah chuan a liam leh tawh! Eng tikah nge kan inhmu leh ang? Kan inhmu hunah chuan kan dinhmun a lo danglam tawh anga, kum khua a inhmu tawh ngai lo tur pawh kan ni thei!






Simeikhu pawh a lo lan chang chuan mite nunah hlimna tam tak a thlen a, a liam hnu paw'n sawi zui zel tur thil a hnutchhiah ṭhin. Chutiang bawkin Zoremsanga pawh ka nunah reilote a lo lang a, hlimna tam tak min thlen hnuah a liam a, hriatrengna tam tak min hnutchhiah bawk a, ani chu a liam a, a hlim thla erawh a liampui si lo!






ZOREMSANGA POV



Vawiin hi Kanu te inneih cham a ni a,lawmna hun hman an tum vangin kan inah mi an tam em em a,kan chhungte bakah Kanu leh pa ṭhian ṭha te leh dawr lama hnawthawk te zawng zawng sawm an ni a,mi kal khawm zingah chuan keimah chauh hi hlim lo awmchhun ka nih ka ring. Lawmpui tura lo kal te chu gate bulah lo dingin kan lo dawngsawng zel a, hlim hmel put a ngai a, ṭha anga lan a ngai a, ka chau takzet.







Hun te an ṭan a, kan bialtu pastor in ṭawngṭaina hun te a hmang a, cake zaina te an nei a, naupang chauh ni lo puitling thlengin an phur vek. Kanu mita Kapa a hmangaihna lo lang chu hmu harsa ka ti a, Kapa a hmangaih angin Kapa hian a hmangaih ve si lo.








Heng mi kal khawm hma ah hian Kapa video hi ka phochhuak mai dawn ami? Pasal ṭha ber anga a lanna phenah a tenawm zia te hi pho lan ka duh a mahse heng thil ka tih a nih chuan chhungkua kan keh darh dawn! Kei chauh ni lo u Mapuia leh Zorempuia'n an tuar dawn,Kanu'n engtin nge a lo dawnsawn ang? Ani kum upa lam hian a tuar zo kher ang em? Hlim takin Kapa nen chuan an lam dun a, rei pawh la en thei lo. Hun tawp lamah chhungkaw thlalak kan neih a, ka ngaihtuahna buai zet chu ka hmelah ka lo tilang nasa deuh a ni ang, thla latu in nui turin min hrilh nasa mai.





Khawvel ah hian hlimna ka hmu tawh thlawt lo! Ka lo piang ve hi ka inchhir ngawih ngawih! Naktuk mai ah khawvel a ka mi hmangaih berin pasal a neih tawh dawn! Ka lo ta hauh em em ṭhin kha midang ta a ni tawh dawn a, engtia lo hmachhawn tur nge ka hre hlawl lo. Beiseina tlem nen ka pan a, pasal neih lo turin ka ngen a mahse min huatzia leh a pasal tur a duhzia ka hmu kha chuan lawmpui mai loh chu tih theih ka neih lo a tin ni. Hreh tak chungin ka Sangpuii chu ka kaltir tawh!






Ngaihdan thar ka nei ta a,ka hmangaih berin pasal a neih laia awm ngawt ai chuan tiin Aizawl chhuahsan ka tum a, kal hmain Kapa ka be phawt anga,vawiinah ka tihfel anga, naktuk flight ah ka chhuak ve nghal ang. Ka doctorate degree chu tihian tawpsan ila, ka zir chin aṭang hian hna ka zawng ve tawh mai ang.






"Pa khawngaih takin I awmdan hi bansan rawh" A office ah ka lut thawr a, min lo beisei lo tih a hriat viau mai.





"Eng chu maw? I rui leh lek em ni?"A ṭhutna aṭang tho chhuakin ka dinna lam chu a rawn pan a.






"Kanu lakah I awmdan hi mawle,a ruk a nula kawp te" Ka tih chuan a meng kawk a, ka hriat lo hi a ring emaw ni?






"Thu lawi lo rawn sawi suh"






"Hre lo der vel suh, I awmdan hi sim la,Kanu hnenah ngaihdam dil rawh! I awmdan zawng zawng a hriat ve kher a ngai lo mahsr ngaihdam chu dil rawh..ka ngen a che khawngaihin"





"Eng chu nge I sawi zuap zuap a? Nang fa tlak tlai lo hian" A tih chuan ka thin chu a zawk maiin ka hria, hetiang te tawp hi chu vawiin thleng hian ka la dawng ngai lo.







"Heng ka neih vek hnuah pawh hian ila pha dawn maw? A ṭha e, heng video hi Kanu leh ka u te ka hmu anga, a fel a nimai"






"Nang zawng phiangsen! Min lo en thla tei vet a ni maw?" Tiin ka phone chu rawn ban a tum nghal mai a.






"Ka hmuh i duh loh chuan I awmdan sim la,Kanu ngaihdam dil rawh"






"Pawisa I duh em ni?" A rawn ti daih a, pawisa hian kan buaina hi a chingfelin a hria emaw ni?





"Pawisa ka mamawh lo,Kanu chu ngaihdam dil mai rawh!" Dawhkan a paper delh nan an hman marble cube chuan bang chu ka vawm pawp a, a darh vek!





"I fapa ka nihna angin min khawngaih la, Kanu chu ngaihdam dil la,I thil tih hi sim rawh Pa..hetiang hi chuan ka thi thei mai ang, ka ṭhiante hmel chu sawi loh eng pawh ka hmu ngam tawh nang. Hetiang thil hi engtin nge I tih theih zawk? Kanu in hmangaihzia che hi I hre lo em ni? Pa,ka ngaisang em em ṭhin che a,kan naupan lai kha chuan engkim lei thei ah hial asin ka ngaih che, I awm ve vang khan atthlak khawpin ka thla a muang a, thlahrang sawi chang pawh a 'kei chu Apa a awm alawm,ka hlau teuh lo' ka ti ṭhin,chuti khawp chuan ka thlamuanpui che,tinge ka rinna che hi I tihchhiat mai le?"






"Ka tihpalh a ni"






"Ngaihdam min dil suh. Kanu bulah dil zawk rawh"






"I nu bulah chuan ka dil dawn nia mahse kha video kha I delete tur a ni" A rawn tih laia ka lawmzia chu pui tak a ni. Ka pian a hnu lamah ka hlim ber ṭumah a tel hial ang.






"Pa I thusawi chu sut suh aw?" A office ka chhuahsan dawn thleng pawh chuan ka la ti leh hram a, a sut leh mai ka hlau em a ni.







Vawiin hi ka Mizoram awm hnuhnun berna a ni takah chuan tiin haw lawk lovin ka leng leh a, ka kal tur hi ka ṭhiante takngial pawh ka hrilh lo. Zan a ni tawh a,boruak pawh a dai nuam tawh khawp mai. Ka bar kalna ṭhinah ngei khan ka kal leh a, dam chuan he hmun te pawh hi ka kalsan vang vang dawn chu a nia.








Rilru hahna chanve a kiam a, chanve erawh chuan damchhung min chen chilh tawh ang. Zanin te hian khawvel hi tawp thut mai se ka duh a, naktuk lo thleng tur chu ka huphurh em a ni. Naktuk a lo ni anga, ka hmangaih ber chuan mo thuam vâr thianghlim zet a ha anga, a hmel ṭha zetah khan lungngaihna ni lovin hlimna a lang tawh anga, a nui hmel mawi leh zun ngah em em kha ka tan ni lovin a pasal tan chauh a nui reng tawh dawn! Ka in tur ka in zawh meuh chuan no ruak chu dawhkanah a khat vek tawh,ka in tam ber ṭum a ni hial ang. Bar aṭang chuan haw turin ka inkhalh chhuak ta a.








LAWMSANGPUII POV


Naktuk mai ah pasal ka neih tawh dawn a, ka phur rual rualin ka zam takzet. Banga ka hak tur mo kawr inkhai te chu ka en a, mi hak lai chauh ka hmu ṭhin kha ka ha ve tawh dawn chu a nia. Hawh tur a van em vangin ka lei ringawt a, Richard a'n leina tur pawisa min pe mahse ka pawisa chuan ka lei tho.





"Tinge ila muthilh lo a? Mu rawh naktukah i lang ṭha thei lo nge" Che sat satin min rawn kuah a,Amy chu a muhil zui leh nghal a nih hmel. A sir ber a mu ka nih vangin ka lukham bul lawkah phone ka dah a, phone chu banin sana ka en a, dar 12 a ri ṭep tawh.






Message tone vang chuan phone chu ka en leh a, Zoremsanga aṭangin a ni.


*dkjr* tih chauh hi a lo thleng a.


*??*tiin ka reply a,a rui type mai mai a nih ka ring. Ka nghah deuh ren rawn hnuah pawh message dang a lo thlen tawh lovangin phone chu ka hmet thim a,muthilh tumin mit ka chhing chiah tih ah phone screen eng zak zak vangin ka meng leh a, Zoremsanga bawk! Phone chu silent ah ka dah vangin a ri chhuak lo a,a vanneihthlak takzet. A vawi khatna ah chuan ka decline a, a rawn call nawn leh zel avang chuan tho ṭhem ṭhemin veranda lamah chuan chhuakin ka chhang nghal a.




"Eng nge ni leh pek?"





"Zoremsanga bialnu I ni em aw?" Bialnu a?A rawn tihder emaw ka ti hial a mahse aw chu amah a ni tlat lo.




"Zoremsanga phone a ni lo em ni?" Ka ti leh a, zanlai tawh ah lehnghal mi tihbuai hrat lutuk mai.




"Ni e, I ṭhianpa hi tunah Trinity hospital kan panpui mek a, a chhungte lo bia la, chanchin lo hrilh lawk mai ta che" Hospital ah chuan tinge an kalpui a?






"Engtin nge a awm?"





"A accident a, a dinhmun a ṭha vak lo a,lo hmanhmawh rawh u"





"Hello" Phone call chu a tawp hmak a, eng nge tih tur ber pawh ka hre lo. A ṭhiante nen inthurualin min tihder te ka ring a mahse tun ang zan rei ah chu pawh trinity thleng lehnghal. Bakah Zoremsanga'n zanlai ah ka chhuah mai mai a remti lo hrim hrim a, tihder chu a nih ka ring ta hauh lo.






Inchhungah lutin room lamah ka tlang nghal a, Putea hnar bawrh bawrh leh Pitei muhil tih harh hlau takin purse leh ka jumper lain ka chhuak lehnghal a, Amy chu kai thawh tur ka tum deuh a mahse ka ṭhulh leh. A harh chiang lo in thawm a siam leh anga, midang an harh chuan ka kal thei kher lovang.







Ka scooty in trinity lam pan chuan ka inkhalh chhuak a, motor vei vak an tlem a ka speed pawh a sang viau. Zan dang chu ni se ka hlau viau ang mahse tunah chuan hlauh lam a lang lo va, thlen thuai thuai chauh chu ka rilru ah a awm. Ka hmanhmawh luatah keimah zawk chu ka chetsual mai a hlauhawm zawk.







Hospital chhungah tlan lutin counter ah chuan ka zawt nghal a,an nawr phei chiah tih a a kawhna lam chu ka tlan leh nghal a, nurse te'n an nawr phei mek chu ka um pha thuai a.





"Zoremsang?I mit chhing suh,ka lo thleng" A hmai thisen in a bual khat a,a chalah hliam a tuar tih hriat takin nurse in lapua in a hup sak a, a mit chu a changin zimtein a rawn meng a, a kut ka vawnsak chu a tha neih zawng zawng chuan min rawn vuan ve a, damlo buaipui ṭhin mah ni ila tunah tak hi chuan ka talbuai a ni.




"Tuar hram hram rawh aw,hlauthawng miah suh"




"Lo awm sawn rawh,damlo hi a chau zel a, kan enkawl vat angai" Ka hawi chhuah chuan OT room kawt kan lo thleng tawh a, theih se chuan zui luh mai te ka duh.




"Reilote chiah" A hmui a tichet vang chuan thil sawi a neih ka ring a, nurse ho chu ka tiding leh rih.




"Min..min..kalsan...shh..suh aw" A aw chu ri che che chauh a ni,kun lo phei ila chuan engmah ka hre thei lovang.





"Aw ka lo nghak reng ang che, hlauthawng suh aw..I dam leh dawn" tiin a hmai chu ka chulsak a, OT ah an luhpui ta bawk.




OT kawtah chuan ka nghak reng a, mi â ang mai a ka lo ṭhut reng lai chuan tu emaw hian ka darah min rawn sawi a, ka hawi chhuah chuan nurse leh mipa 1 hi an lo ding reng a, Zoremsanga chungah thil ṭha lo a thleng ta emaw tiin ka ding nghal a.





"Engtin nge a awm?Zoremsanga chu a ṭha em?"





"Doctor in a la khawih mek a, hei Kapu nen hian inbe lawk r'u aw" tiin a kalsawn nghal a.





"Phone a lo be tu che kha ka nia" a tih chuan ka hrechhuak zawk. Hospital a hruaitu te lam reng ka lo ngaihtuah pha tawh lo.





Thil thlen dan chu min hrilh a, ngaihthlak hrehawm ka van ti tak. A sutu pawh khan tihluihna in a su a ni awm a, Kapu sawi dan phei chuan an chetsualna lai chu kawng kawi awm lohna lai ah a ni.





"Ka va pan hnai a, I ṭhianpa pawh a la harh a, a kutah phone a lo la hum bawk a, a bike leh a awmna chu a inhlat lutuk ringawt. A vanneih a siamin kawng thlang lamah a liam lo a mahse a ke leh a lu ah hliam a tuar a, I ṭhianpa hi a tawrh a chhel khawp mai" A tih chuan ka mittui chu a dir zung zung maiin ka hria, mittui hruk ka tum chuan ka kutah thisen a kai vek tih ka hmu nghal a, ka jumper hakah te chuan thisen hlir a ni.






"Kapu ka lawm takzet a nia aw, awm lo la chuan" sawi zawm thei lovin hmui ka pet fan fan a, he Kapu hi awm lo se chuan Zoremsanga hi ka hmu tawh kher lo maithei asin.




OT aṭang chuan nurse pakhat hi a rawn tlan chhuak a, biak hman pawh a ni lo. Nurse dangte va biain an phi te cheng hlawm a, thil ṭha reng a thlen ka ring tawh lo.





"Kan kawl tawh lo" Nurse pakhatin landline aṭang tu emaw a be bawk a, an awmdan chuan min tihlauthawng takzet.



"Blood group A+ in awm mial em?" Nurse chuan thaw hlawp hlawpin keini chu min rawn zawt a.



"Aw keimah"




"Min rawn zui rawh" Kapu kalsanin nurse chu OT chhungah ka zui lut ve rawih a, scrub vel an danah lamah min hruaiin min haktir nghal char char a,ka sam ka tuam fel ka hawi chhuah chuan Zoremsanga ngei chu ka hmu ta!





An mutna sir khumah chuan min mut tirin nurse in ka banah hriau a vit nghal a, Zoremsanga chu ka va en ṭhin,engmah hre lo tih hriat takin mit a chhing a, oxygen mask an vuah tir bawk a, Zoremsanga ka hriat ṭhin kha chu mi hrisel leh harhvang tak a ni a, ka sira mu saw chu amah a ang lo lek lek.





Doctor in a ke lam a khawih lai chuan monitor chu a rawn beep ta mai, mi zai ṭhin ka nihna angin ka hrethiam nghal a, a dinhmun a ṭha lo!




"Lo che suh" Thawh chhuah ka tum chuan nurse in min rawn dang a, mittui nen Zoremsanga an buaipui lai chu ka en tlawk tlawk.




"Doctor a mar ka hmu tawh lo" Nurse in a rawn tih chuan ka ṭap chhuak hawk a.




"A theih loh! Zoremsang..tuar hram hram ta che" Zah pawh dawn lovin ka mutna aṭang chuan ka au a, heti ringawt chuan min kalsan thei lovang.




Defibrillator te chu an buatsaih a, tiang te chu beidawn tawpah sin kan hman!



"Clear" A vawi khatna ah awmzia a awm lo nghal pang.




An ti leh a,charge chu a sang telh telh bawk si. Ṭap purin Zoremsanga chu ka en a, hetiang ngawt hi chuan ka kaltir thei lo.
Vawi 3 nan an charge leh a, vawi 3 na ah pawh an la hmu lo cheu chuan thi ah ngai tawh an ni!




"Zoremsang kalsan lo tur chein min tih kha,hei ka awmpui che a nia,I kal ngawt thei lo. A vawi thum nan an attempt dawnah chuan ka en ngam tawh hlawl lo.




"Clear!!" A reh duk mai, ṭawng hriat tur pawh a awm tawh lo,khawl takngial pawh. A kal tawh!Zoremsanga a awm ve tawh lo!



Nizan ka lo dah si lo a,vawiin lamah ka lo dah ringawt. Thupha chawi nan ka rawn bonus bawk che u a,ka va fel si em

Ads click


Show post links
Top

[Ngaia]

Lawmsangpuii POV


Ka mutna aṭang chuan doctor leh nurse te'n Zoremsanga chhan ngei tuma an bawihsawm chu tih thei neih lovin ka melh reng a, ka rilru in ka ṭawngṭai mawlh mawlh bawk a. Ni e,mumal tak pawh a ṭawngṭai ngai lo hian zaninah Pathian ka au ve ta chu a nia.






Inkhawm khatin ngaihsak viau lo mah ila zanin hian min ngaithla dawn tih ka hria a, tih theih loh neih loh Pathian a ni a, mi thi tawh meuh pawh kaitho leh thei a ni.





'Zanin hian khawngaih takin ka mipa hmangaih hi min chhanhim sak ve rawh. Dam lo tam tak tana ka lo inpek ve tawhna vang tal pawh khan ani hi min chhanhim sak hram rawh khawngaih takin,mangan laia kan auh ṭhin I ni a,vawiinah hian ka auhna che hi min ngaihthlak sak hram rawh aw'







Doctor ve tho ka ni a,thil thleng mek chu a hrilhhai thlak turzia ka hrethiam a, doctor leh nurse te paw'n theihtawp an chhuah a, defribillator nen a an beih char char chung paw'n a rawn let thei si lo! Keimah ngeiin tih mai ka duh laiin thisen kal mek vangin ka che ve thei si lo,inpet ṭeuhin ka lo thlir ringawt.






"Hei chauh hi kan ti tawh ang" tiin khumah chuan a lawn a, a kutin a awmah a nem mawlh mawlh bawk. Zawi hnawk khawpa a tih hnuah pawh a la ngai! Doctor pakhat zawkin Zoremsanga awmah chuan a chum ta mai! A sira nurse lo ding ho paw'n a chetdan chu an beisei lo tih an mitmeng leh hmel aṭang chuan a chiang. Kei pawh ka ke in chhuat ka lo rap hman tawh nghe nghe.





"A lo kir e!!" Tih leh khawl kiu ri in a zui a, ka ṭhu hnawk.




"Thisen kha lo inring ula, a mar kha lo check reng ang che u" tiin doctor te'n a ke chu an buaipui chhunzawm leh a, ka lungphu hi a pangngai thei meuh lo. Nurse in a hmai te chu a hru fai a, a chal aṭang chuan thi a chhuah zel vangin doctor in jection turin a hrilh a.





A ke ruh chiang takin a tliak tih ka hria a, a khup ruh a sawh a bawk a, dam nan chuan thla tam a ngai dawn! Zai hun chhung reizia hretu mah ni ila zanin kher hi chu a rei zualin ka hria a, room chhunga sana intar ka en chuan zing lam dar 1 a lo pelh daih tawh. Mutchhuak lam a lang lo va, hlauhthawnna in min la kiansan lo bawk.







A ke ding lam an tuam vâr luk a,a chal hliam te doctor in a ṭhuisak a, a kut pawh an tuamsak bawk a, nâ ti khawp hian a tuar a,a la dam hi Pathian vang chauh a ni! A lakah lawmthu sawi tur tamtak ka ba a, zanina A thil min tihsak lehlek phei chu bang lova lawmthu sawi mawlh mawlh tur ka ni tih ka inhre ta bawk.






A dinhmun thlithlai reng a la ngaih vangin ICU ah an dah a, doctor ve tho ka ni tih hriain ka awmpui an phal a, kan indah fel meuh chuan dar 3 a lo ri dawn tawh. Ka mutna turin khum an dah thlap a mahse Zoremsanga hi ka hlat thei hlawl lo. Ka ngam lo a ni zawk mah ang chu,a khat tawkin nurse in min rawn thlithlai bawk a,mi mut reh lai a nih vangin khawl kiu ri bak hriat tur a awm lo.






Ka lo chhing ve sek a ni mah na tu emaw hian ka dar a rawn khawih a, ka harh hlawl bawk. Zoremsanga kut vuanin,a mutna khum bawh chuan ka lo muhil pek a, ka bulah nurse a ding reng bawk.



"Doctor khumah sawn mu la,I chau lutuk ang" Nurse in a ti a, private tih takah anni hi chuan damlo bakah chhungte deal dan pawh an thiam khawp mai.




"Mu tawh lo mai ang,khua pawh a vâr tawh a nih hi" Pawn lam ka en chuan khua a lo vâr tawh a,hospital kawtah te chuan mi vei vak an lo tam tawh.




"Doctor in nakin deuh ah a rawn check ang aw,lo hahdam tum rawh" tiin min chhuahsan lehnghal a, intifai tur paw'n engmah ka keng lo tih ka hre leh a, chumi rual chuan vawiin ni chu ka hrechhuak nghal a.





Kan thil zawng zawng nurse in a dahna lam chu pan thuaiin ka hai vat a, phone ka on chuan missed call tam tawk a lo tlar thla dul a,ka chhungte,Amy leh Richard a hnen aṭangin a ni. Message chhiar sen loh a awm bawk a, whatsapp ah chuan ka lut ta lo law law. Chutia ka en eng lai chuan Amy call ka dawng lehnghal a,ka pick vat bawk.






"Khawiah nge I kal daih a?Insiam a hun tawh a,hei kan nghak reng che" Ka hmangaih ber natna khumah a mut lai hian ka kalsan thei dawn ami? Tunah hian kalsan ta ila damchhung hun inchhirin ka hmang tawh dawn!




Ka kal loh chuan Richard a ka timualpho dawn! A chhungte leh ka chhungte khual khua aṭang lo kal te zawng zawng ka hmachhawn ngam tawh dawn em ni? Nakin lawkah min lawmpui turin mipui an rawn pung khawm anga,monu ber ka lo awm tawh loh chuan an hrilhhai dawn lutuk.




Zoremsanga ka kalsan thei bawk si lo! OT a luh hma paw'n kalsan lo turin min rawn ngen ṭawk ṭawk a nih kha. Min ngenna te theihnghilhin ka kalsan thei dawn em ni? Nizan thil thleng aṭang khan hei hi ka chiang tawh,Zoremsanga hi ka hmangaih a,chan ka hlau takzet bawk! Damchhung hun a inchhir reng reng a nun hman ai chuan ka mualpho ve tawh anga a nimai,Zoremsanga paw'n ka tan thihna a sual theih chuan mualpho chu ka inhuam ve tur a ni.





Richard a bulah chuan ngaihdam ka dil anga,puitling a nia, min hrethiam em em ang. Ka rilru ah midang ngaihtuah chungin amah neih lui ta ila, a hlim bik lovang. Min lo hrethiam thei ngang lo a nih paw'n ka tuar ve tawh anga a nimai.




"Amy ka lo haw thei lo"




"Eng a?? In inneih ni a nih hi"




"Amy nang tal chuan min hrethiam rawh,ka lo kal thei lo a ni"




"Khawiah nge I awm?Ka lo kal ang aw"




"Trinity hospital ah ka awm"



"Ka lo kal nghal ang"



Phone dahin Zoremsanga bulah chuan ka va ṭhu leh a, tunah tak hi chuan tu ber hi nge biak hmasak ber tur tih pawh ka hre lo a ni.




"Lo harh vat rawh aw, ka la nghak reng che nia. I hria em? Mipa dang ka nei dawn lo a nia, min neih I duh chuan lo harh vat rawh. Miin min sawi dan tur zawng zawng hi mahni chuan ka hmachhawn ngam dawn lo, ka kianga awm turin ka mamawh takzet che a nia aw" A kut an tuam lohna lam chu ka hum vang vang a, harsatna ka tawh chang pawh a min thlamuana,min kuahtu ber lah a muhil vang vang mai sia, tunah tak hian ka mamawh em asin.





Doctor in a rawn check a, engmah hlauhthawn tur a awm lo thu te min hrilhin min thlamuan ve nasa a mahse tunah tak hi chuan amah Zoremsanga bak hi mamawh ka nei lo.





Nurse in min hmu duh an awm thu an sawi takah chuan ICU ka chhuahsan a, Amy chauh hmu ka inbeisei laiin ka chhungte an lo awm ve nual a,Richard a pawh!




"Eng nge thleng a?"


"Emergency a awm ami?"


"I inhliam ami?" Tiin Kanu'n min zawt mawlh mawlh a, engtin nge ka sawi tak ang.



"Inbe lawk ang" tiin Richard a ka kalsawn pui a,mak ti takin ka chhungte'n min enzui reng bawk.



"Hetah daih daih tinge I awm a?"



"Richard min ngaidam rawh aw" Ka ti tawl a, mak a tih hmel khawp mai.



"Inneihna hi ṭhulh mai ang, ka thei thlawt lo a ni. Ka theihnghilh thei mai ringin nang ka kawp che a mahse nizan khan ka lo theih lohzia ka hrechhuak a,min ngaidam hram rawh aw"



"Hetiang a thlen hi ka ring reng a ni" a tih chuan a hriatthiam lo hlau lutukin a banah ka vuan nghal a, a mitmeng chu nidang nen a inang hauh lo bawk.




"Min hrethiam hram rawh,Zoremsanga hi ka kalsan thei thlawt lo a ni"




"Ka thiam lo a ni! Min duh em em lo tih hre chungin ka lo nawr lui vak che a, ka hmasialin I mitmeng a amah I duh na te kha ka hmu hmaih lui a,I hria em? Khang hun chhung khan I awmdan hi hre lo ka ni lo asin, ka thlah haw chang che a kawngsira bike lo ding I en zui vawng vawng ṭhin te kha ka hmu vek! Mahse ka duh ve em che a, neih che ka tum ṭang ṭang a mahse vawiin hian ka thei ngai dawn lo tih ka hre tawh a, ngaihdam dil a ngai reng reng lo,ka hrethiam lutuk che alawm" A tih chuan awih lo lutukin ka meng kawk a, awlsam taka a pawm mai hi ka ring lo asin.





"Richard ka lawm lutuk aw chuan ka tihpalh takzet, chhungte leh ṭhian te hma ah ka tizak dawn hle mai che,tihpalh lutuk aw"




"I tan te chuan reilote chu ka mualpho mai aniang chu" A tih chuan ka inthlahrung takzet. Inbiak fal reng a fuh lo vangin ICU kawt lamah kan let leh a.



"Khawiah nge Richard a?" An tih chuan hnung lam ka hawi a, Richard a chu a lo awm tawh miah lo.




Ka tinâ em a, min hmu a duh tawh lo te pawh a ni mah na. Ka hnungah min rawn zui ve reng emaw ka tih kha a lo awm tawh hauh lo a, Richard a hian min lo haw ngawih ngawih a nih paw'n pawm thiam ka zir mai angai tawh ang.




"Nu,pa pasal ka nei thei lo"



"Eng maw?" Kanu in a rawn ti nghal a.



"Pasal ka nei thei lo ang,ka mipa hmangaih zawk chu tunah hian thih sualin a awm" Ka sawi zawh rualin ka biang a thip zawk a, a nâ kher mai.



"Mi â nu,eng thu maw I sawi kha?"




"Richard a nen kan innei dawn lo! Ka mipa hmangaih saw a lo harh hma chu pasal ka nei dawn lo" Ka sawi zo chuan ka samah min rawn ṭham nghal a, a rem lai lai ah kut min thlak a, Kanu in kut min thlak vawi khatna a ni hial ang.





"Zahpuiawm lutuk mai! Tunah kan haw anga,pasal chu I nei khawp ang. Min dang suh u,amahin a tla rei lutuk a, duh duh awm thei ah a inngai a nih hi. Vawiin hian pasal chu I nei khawp ang"




"Helai ah buaina siam loh tur" tiin an rawn au lang lang a, midang lo awm te chuan keini chu min en duh ngang mai. Mit zawng zawng chu keini nufa ah a fu vek.




"Nu ka lo kal dawn lo" tiin min pawhna ah chuan ka ṭang ve tlat a, a thinrim hmel em em bawk.





"Lawmsangpui lo kal rawh,helai ah hian awm chhan tur 1 mah I neih lo"Tiin min pawt ve ṭang ṭang a, Putea leh Kapa'n chelh an tum ngial a mahse an chelh hlei thei lo.




"Nu ka lo haw thei lo alawm,Zoremsanga harh hma chu ka lo haw dawn lo"



"A harh leh harh lo a ka buai lo,tu fa nge a nih lam ka buai hek lo. Kan haw anga,pasal chu I nei ang"



"Ka lo haw dawn lo! Pa,nang tal chuan min hrethiam ang tiraw?Kanu hi khawngaih hrilh ve teh" tiin Kapa chu ka melh ṭawk ṭawk a, Kanu kut rawn vaiin ka hnar a vai fuh a, nâ tih luatah ka ṭhen chak chak bawk.




"Lawmsangpui tunah ilo haw loh a nih chuan kan tui thlar ang che!"




"Nu tiang chuan ti lul suh,khawngaih takin"




"I duh loh chuan lo haw rawh"




"Ka thei lo!"




"A ṭha,kan fanu I ni tawh lo! Kan fanu kha chu a thi tawh! Kal ang u" tiin a kal nal nal a.



"Pa nang tal chuan min hrethiam hram teh. Kanu sawi ang kha chuan ti ve suh aw khawngaihin" Kapa tal chuan min hrethiam se ka ti takzet.



"Zahna min thlen reng fanu neih ai chuan neih loh ka thlang zawk e!" Ka vawnna thinthlak pahin Kanu a zui ve nghal a,chutiang bawkin ka chhungte dang pawh.





"Lalṭhian a pawi emai" Amy in min rawn kuah chuan nghet takin ka lo kuah a, zah pawh dawn lovin ka ṭap chiam bawk.



"I nu leh pa thusawi kha chu ngai thutak suh aw, an lungawi loh em vangin an sawi mai mai a nih kha. I nu leh pa an nia,an ngaidam em em ang che" tiin ka hnung a chul hauh hauh a, min hrethiam tu awmchhun a ni hial ang. Nurse hnenah lapua dilin ka hnar thi te chu min hruksak a,Kanu min khak fuh vang a thi a nih ka ring.





"Remsanga chu a la harh lo em ni?" ICU kawtah chuan kan 2 in kan ṭhu ta reng a, ka rilru ah chuan engmah ka ngaihtuah thei lo a ni.




"A harh lawk lo ang"





"Hrim hrimin khaw nge a chhungte?" A tih chuan ka hrechhuak chiah, ka ding hluai a, a chhungte engmah ka la hrilh ve hlei nem.




"Lalṭhian lo ṭhu rawh aw,a chhungte tumah ka la hriattir reng reng hlei nem" tiin ICU ah chuan ka lut leh a, Zoremsanga mutna sir dawhkan lam chu ka pan nghal a.




"Lo harh vat vat rawh aw" Dimtein a biangah ka fawp a, phone kengin ka chhuahsan leh ta a.




Zorempuia no. ah ka call a,a la thei tlat lo. Midang no. ka nei lo vangin Zorempuia no. ah bawk ka call leh a, a la thei chuang lo. Hlauhthawn awm a ni tawh lo a, missed call a hmu hunah min rawn call mai ang tiin ka dah ta zawk a.





"U Sangpui" ti ri ka hriat rualin Zorempuia leh Lalfeli hmel ka hmu nghal a, an hnungah a nu leh pa ni ngei turin an rawn zui bawk.




"In lo thleng maw?Ka hlauhthawn luatah chanchin lo sawi na chang ka hre lawk lo a"




"A pawi lo, tunah eng nge a an tawh reng reng a?"



"A la harh lo a, hlauhthawn awm chu a ni lo" Zorempuia nen kan inbiak chhung zawng chhuan a nu leh pa chu ngawi rengin an lo ding a, an hmel a pangngai lutuk chu mak ka ti lek lek. Damlo ah pawh accident ka enkawl tawhte an chhungte hi chu an ṭap pur emaw an phi ruai zel a, anni chu an ni ve lo.





Chanchin ka sawi lai zawng chuan ngun takin an ngaithla ve reng a,doctor in hmu a phalsak takah chuan a mal te tein an lut a, a pa phei chu rei pawh a awm lo!





"Pawi khawihtu chu zawn chhuah vat a ngai a nih chu" A nu rawn chhuakin a ti a, a nu hi mittui a neih lo hrim hrim nge a hul zo tawh zawk.





"Awmpui reng thei a ni chuang lo a, nang lo awm la,I pa nen kan va haw phawt ang e" a tih chuan mak ti lutukin a nu chu ka melh ringawt, tu nuin nge mahni fa te ICU awmlai hawsan ngai? A pa erawh engmah a sawi ve lo a, a nupui tih ang ang chuan a awm tawp.




A nu leh pa haw hnu chuan Zorempuia,Amy leh kei,kan 3 chuan ICU kawtah kan ṭhu reng a,Lalfeli erawh rei awm lovin a haw leh a, thlithlai tu nurse te pawh an lut chhuak deuh reng bawk.




"Zing chaw pawh in la ei awm si lo,va haw mai ula,ka awm tawh tho a" Inthlahrung takin Zorempuia'n keini pahnih chu melh pahin a rawn ti a, chaw ei lam reng ka lo ngaisak tawh lo.





"Haw lo e, duh leh khulai velah va inhnawh puar ila?" Ka chhan hmain Amy'n min rawn chhan khalh a, haw ngawt chu ka duh teuh lo.




"In thu a nimai, u Sangpuii phei chu I chau awm sia"



"Chau em em lo e"


Hospital bul hnai, thil eina awmah chuan kan lut a, chaw pangngai kan duh ve ve vangin chaw chu kan order a, Amy bulah pawh ka inthlahrung takzet.




"Richard a chu rin ai daihin a fel" tih leh phone rawn lek a rual a, ka en chuan inneihna ṭhulh thu a ni. Ig leh whatsapp hmangin inneihna kan ṭhulh thu a puang a, a chhan a sawi ah pawh amah lam remchan lohna neih angin a insawi a, ka inthlahrung takzet. Ani in min hrethiam lo phei se chuan ka buai ngawt ang, Kanu leh Pa te lahin min hrethiam duh bau lo lehnghal.





Nilengin hospital ah kan awm a, tlai lamah Lalfeli a lo kal leh a, inthlakna tur leh mamawh te min rawn ken bawk a, in lam chanchin a sawi chuan ka inthiamlo lutuk hi ât daih mai te ka duh.




Kan inneih chhim tura lo kal te zawng zawng chu vawiin la la in an haw a, Kanu leh Pa te pawh an haw ve nghal a nih hmel. Kan buai a reh deuh hunah Kanu leh Pa hmu turin Champhai ah ka kal mai ang, an fanu ka nihna angin min ngaihdam hram ka beisei.




Zanah chuan 1 chauh riahpui thei a nih vangin midang zawng chu ka haw tir a, Zorempuia pawh ngaih ṭha zan lovin a haw a, a unaupa chu a nu leh pa ang lo takin a ngaihtuah ve viau mai. Doctor in 'zanin ngaichang ila,thil dang vak a thlen loh chuan naktukah ICU in chhuahsan thei tawh ang' a ti a, lo harh tawh se ka ti takzet.




Ka intifai a, ka thawmhnaw te ka thlak zawh ah towel tê chi tihuhin Zoremsanga ka hru ve a, khua a lum tawh bawk nen harh kher lo mahse hreawm a tih ka rin vang a ni. Zanah chuan a khum bulah ṭhuin Zoremsanga phone chu ka en a, a chetsual na lamah a phone hmai a tikeh a, siam tir leh ai chuan a thar lei a fuh zawkin ka ring.





A gallery ka en chuan mak ka ti lek lek, ka thlalak hlir a lo awm a, thla min lak ṭhin lai ka hre tawp si lo. Trixie thlalak pawh a lo awm nual a, thlalak ṭhenkhat phei chu khumah inkuah rial a kan mut lai te a ni hlawm.





Video te ka en a, ka titau lai video a lo ngah khawp. Video ka en mek chu edit emaw ka ti hial a mahse hetiang te chu tuin nge edit anga chu pawh mi che tla lai lehnghal,thlalak ni se chuan a awm deuh ang. Mipa hmel chu ka en ṭhin, engtin nge a nih thei zawk le? Zoremsanga pa leh hmeichhe pakhat khumah s** an hman lai a ni, phone chu rang takin khumah ka dah thla a, ka thil hmu chu ka rap a ni tawp mai.





Mi rawn lut an awm avangin rang takin phone chu ka ak nghal a, ka en chuan Zoremsanga pa leh mipa 1 an lo ni. Hlau luatah Zoremsanga kut chu ka hmer vak ringawt.




"Bawiha ṭhiannu chu I la awm maw?" Inla nelawm deuhin a nui sen sen a, a nui hmel te chu ka rap tak tak.




"A nih hi"




"I fel hle mai,rei pawh awm kan tum lo a,eng lo a nia..Bawiha thil vel a nuin lo lam nghal turin min ti a" A tih chuan ka man thiam nghal a,ka pe lo chiang ang chu.




"Engtia thil maw?"




"A phone vel a ni ang chu" 'I thluak I vawr ve nasa hle mai maw' tih mai chu ka nap,zahpuiawm lutuk.





"A phone chu min pe tel tlat lo,hei chiah hi min pe..a thawmhnaw vel chu a thler vek bakah thi a kai vek a,an paih ta a nih kha" tiin a wallet chu ka pe a, muangchang chuan a rawn ban a.





"A phone chu khawiah nge maw a dah ni?Kan kal ange" tiin mipa nen chuan an chhuak lehnghal a, ka thaw huai mai. Nizan mu ṭha lo e ti lo chuan ka mut reng a chhuak thei lo a,thil thleng zawng zawng chu ka ngaihtuah a, a zawng zawng hrethiam lo mah ila a tam zawk chu ka man pha tawhin ka hria.





A tuk lamah chuan ICU aṭang kan chhuak a, cabin ka duh vangin cabin ah kan awm a, bill chu a ṭul leh ka chawi ṭeuh anga a nimai. Zorempuia erawh chetsualna hmunah Lalfeli nen an kal a, Amy hna a kal a, tlai lamah a lo kal tur thu a sawi bawk.







A chetsualna ah hian a pa a inhnamhnawih ngei a, phone a lo zawn dan aṭang khan an pafa karah eng emaw chu a awm ngei a ni. Zorempuia leh Lalfeli pawh an lo let tawh a, Zorempuia sawi danin a bike chu siam ṭhat ngaihna a awm lo a ni awm a,a chhe hneh hle a ni ang.





Tlai lam class neih ve ve an ni vangin rei pawh awm lovin an let leh nghal a, ka hna lamah chawlh ka la neih vangin hotute hnenah chin chang ka la sawi lo bawk. Ni a liam ve zel a, kâr khat dawn kan awm tawh. In lamah ka haw ngai lo va, mamawh chu Lalfeli leh Zorempuia'n min rawn pe mai zel. Remsanga la harh thei lo va, doctor tho ni mah ila ngaih a ṭha tawh ṭhin lo. A nu leh pa pawh a chang changin an rawn lang a, a nu lo kal chang chuan ka lo phut sang deuh nge a kut leh ke te chu hmehsak ve se,puan te chuan hru ve se ka ti ṭhin mahse tawk pawh a tawk ngai lo!




Kâr thar kan chuan kai chuan hna ka zawm a ngai tawh a, chawlh dil chhunzawm ka duh vangin ni khat tal chu hospital lamah va inlan hrim hrim ka ngai a, Zorempuia class chawlhin a awmpui a, midang hi chu ka ring zo lo a ni.





Hospital ka thlen chuan staff zawng zawng chuan min en hrek hrek a, min hmu veleh an phun ri sur sur a, hna kal nuam lo ka tih ber ṭum a ni hial ang. Kan dept. head hmu turin ka chho a,ani pawh chuan min hmu thut chu mak a ti hmel takzet. Harsatna te ka sawi ṭan chuan tham lo deuhin min melh a,file min keu san lo leh a hawi vel mai mai a.




"Hlawh duh tho si,kal ṭhat peih loh chuan ban te hi a ṭha zawk a nia..doctor dang te hi ken zelna a nimai a maw" Chawlh ka sawi lai chuan a rawn ti leh a, a phal loh chuan tlang takin sawi se, a mi tihdan chu ka lawm lem lo.





"Tunkar chauh hi ka pe ang che a bak a theih loh!" Tiin phone ah mi a call nghal a, lawmthu pawh ka sawi tawp lo ang e. Tunkâr a tia, kan hmang ṭan der tawh lehnghal.





Inah haw in ka inthlak a, muangchang lovin hospital lam ka pan leh a, eitur lei ka tum zet a mahse Zoremsanga ber a la harh si lo a tiin kut ruak chuan ka kal ta zawk a. Room ka luh chuan mi an lo awm ṭhup a, hmanhmawh deuhin a mutna khum lam chu ka pan a, a hmel ka hmu chuan insum hman lovin ka mittui a rawn tla nghal.





"Ilo harh tawh maw?Ka van lawm tak" Tihnat hlau zetin ka kuah a, tu mitmei mah ka veng hman lo.




Harh tawh mahse a la che thei lo va,chu erawh damdawi hnathawh vang a ni. Ṭawng lovin min melh reng a, a mit a ka en reng lai chuan a bekah mittui a luang ngiai ngiai a, oxygen mask a la vuah tel cheu bawk.




"Ṭap suh, I bulah ka awm char char tawh ang" A mittui luang te chu ka hruksak a, a lo harh tluka lawm hi ka nei lo.




Muhil lovin a meng ve ta reng a, a nu leh pa lah chu haw an han hmanhmawh khawp a,an haw ta reng bawk a. Zorempuia nen kan awm a, tlai lam a lo nih chuan damdawi hnathawh pawh a lo reh tial tial a, a taksa ka tawh te pawh a hre ve ṭan a, oxygen mask pawh ka lakthlak sak a, a nawm deuh ringin a khum te kan adjust sak a, ka kut a chelh reng a,kan in awm deuh chawt mai a ni.





Ads click


Show post links
Top

[Ngaia]

Lawmsangpuii POV


Pathian zarah Remsanga pawh a ṭha chho ve zel a,a kut lehlam chiah tiche thei mahse a hlei viau tho. Hospital ah ka awmpui chawt a,Zorempuia pawh buai chung chungin a rawn lang ve ziah a, a nu chu a piangthar nge chhunah hian a rawn awmpui ve ṭhin a, tlai lamah a pa in a driver nen an rawn hmuak ṭhin. A pa chu min ringhlel deuh nge min en reng ṭhin a, cabin chhungah chuan mit a len reng a,phone kha a zawng ru deuh a nih hmel. Remsanga nen an inbe ngai lo va,a nu nen chuan an inbiak paw'n a ṭawng bul thei viau.





"I nu I biak dan hi chu a mawi lo emai, a lo awmpui ve che a,ṭha deuhin chhang ve ṭhin rawh" A pem an ṭhuina ka dressing sak a, heta doctor te hian ka hman chang chuan min tih tir ve mai zel.





"A ṭangkai lo,inah awm hle hle se a nimai,a ṭawng khan min tichau takah ka phone I hmu em?"





"Hmu lo..ka phone kha hmang mai rawh" A phone hi pe ta ila, video chungchang kha ka hria tih a hriat chuan ka lakah a hel leh tlat ka rin vang a ni. A phone ka khawih aṭang khan thil tam tak min hrilh ngai loh te ka hrechhuak a, kan thawhpui psychiatrist nen an inbiakna ka hmu ni kha chuan ka awih lo hial a mahse keimah ngeiin doctor ka zawh khan min rawn hrilh a, depression vangin hun rei tak a lo talbuai tawh a ni. Mahni a hneh zawh rual a ni lo va, paw'n lamah dam angin lang mahse chhung lamah mahni pawh a tawrh zawh loh natna a lo neih a,a damdawi ei lai min hrilh phei chuan pawi ti lutukin bathroom ah ka ṭap a, kalsan tura min hrilh lai khan lung ti lianin lo awm tlat ila chuan tiang hi a ni lo mai tur tiin ka inchhir a, a sawt tawh bawk si lo.





Zoremsanga chuan a natna chungchang hi ka la hre lo emaw a ti a,a damdawi ei lai a kawl tak si lovah chuan zan a mu thei lo va, a kut leh ke vangin a che thei lo bawk nen khumah a mu meng kar a,ka harh tih a hriat hlau in ka muhil der ngat ngat zel. Tlai khat chu ka phone in Lucy a bia a, damdawi a chah a, ngati nge maw engmah hi min hrilh duh lo tlat le?




"Engmah I rawn sawi si lo va, Saidinga nen kan lo awm tawp a, a van pawi tak" Lucy'n a ti mawlh mawlh a, Saidinga erawh a ṭhu ngawi reng.




"Ka phone a bo alawm" Rum fahranin pakhatin a rawn chhang leh a, dam lo thinchhe tak a ni.



"I phone a bo chuan video kha" Sawi zo lovin a hmui a hup nghal a, an awm dan chu ka hmu lo der daih bawk. Remsanga pa video kha Lucy pawh hian a hria tih chu an inbiakna ka hmu aṭang ka hre tawh a, a hriattir hmasak ber a nih vangin Remsanga chungah chuan ka vui takzet.





"Hello" Lalfeli call chhangin paw'n lamah ka chhuak a.


"Au Sangpui kan in hi a hnawk rem rum mai! Class kal hma ka tifel vek a, ka rawn haw chuan tala hi a chhe sa in a inkhai"



"Thil bo a awm em?"



"Thil bo chu a awm lo mahse zawn nei a ang ka ti,a hai nasa lutuk" a tih chuan ka rilru ah Zoremsanga pa a lo lang nghal a, a thil tih bak va ni suh.




"Thil bo a awm loh chuan a zia a nih chu,Fel FIR thehlut tur chuan ka la buai sia, thil bo a awm chuang lo va tumah hnenah lo sawi rih suh aw"




"Awle" tiin Remsanga chanchin min rawn zawt ta daih a, a ṭhat thu leh a ṭhiante'n an rawn kan thu ka hrilh a, call ti tawpin ka let ve ta nghal a. Zoremsanga pa chuan eng ti kawng zawng mahin Remsanga phone a hmu lovang, engtin emaw tak a che dawn tih kha ka rin sa a nia, Amy ka kawl tir daih tawh bawk.





"I damdawi ei chungchang kha eng tik a min hrilh nge I tum? Nge zep hlen I tum?" Zanriah ei kham ṭhutna ah ka ṭhu mai mai a, phone ka bih daih vangin a damdawi ei ru lai chu ka hmu lo emaw a ti a ni ngei ang.




"Damdawi ka ei lo,tui ka in"




"Zoremsang I sawi loh chuan ka hawsan daih dawn che nia" Ka ṭhutna aṭang chuan ka melh reng a, min la nuih tlawn zui.




"Doctor in ei tura min tih alawm ka ei"




"Lucy lo ken che kha" ka tih chuan a rum nghut a, min chhan tum lovin mut a tum ringawt bawk.



"Min hrilh tawp suh,i pan ṭhin doctor ka zawt mai ang"



"Ka hrilh ang che mahse ka bulah lo ṭhu phawt rawh" a tih leh takah chuan pan hnaiin khum sir ṭhutna ah chuan ka ṭhu a, rang takin ka kut a rawn vuan nghal chat. A pa a rinhlelh ṭan lai aṭang chuan a sawi zel a, kan pahnih inkar a chhiat chho lai vel sawi phei chuan ka ṭang ṭung a, khang thil thlen hnuah pawh a kiangah ka la awm thei chu keipaw'n mak ka inti lek lek. A changin ka thimrim a,a changin engmah min hrilh ve lo vangin ka tha a na bawk a, ka khawngaih luatah ka mittui a tla leh ṭhin.




"Ṭap ringawt suh,ka sawi tawh lo mai tur a nia"



"Tinge engmah min hrilh ve duh lo a?"




"Keimah vanga rilru hah a I awm ka duh lo alawm,ka awm dan I hriat chuan tun ang hian I ṭap dawn tih ka hria a bakah uire fapa ka nia, zahna bak ka thlen dawn lo che tih ka hriat vangin ṭha ni a ka hriat angin ka che ta a nih kha..ṭap tawh suh le,ka dam chian hunah chuan ka duat viau ang che" tiin ka sam chu a chul a, min duat tur thu a sawi te hlei hlei chuan ka ṭah a tichhuak zual.





"Zanin chu ka bulah mu rawh aw" a tih chuan ka ṭhu ngil nghal a,min en reng bawk.



"Â viau suh,nurse te an kut chhuak reng a nia"



"A ho e, ka bialnu I ni tho a"



"A ho lo bakah I mu sexy lutuk a, nurse te ngaih a ṭha lo ang" Ka tih chuan ka nghawng hnung lam a chelhna chu a rawn tinghet vak a, ka sa huat lai a ni bawk ka tal ta vak a.





"Kekawrte leh damlo kawrfual nen tlawng I awm sia,khawi maw nurse te'n I mawng te an hmu em?" Tiin khum mawng lam aṭang chuan ka en vel a, che hlei thei si lo tha na lutukin a sira towel tê nen te chuan min rawn vawm a.





Kâr thum dawn hospital ah kan awm hnuin doctor in kan chhuah theih thu min rawn hrilh a,chhuah ni ah chuan a nu leh pa te'n an rawn hruai a,bill tifel tura ka va kal chuan an lo pe fel diam tawh hi a lo ni a, wheelchair in car dahna thleng Zorempuia'n a nawr thla a, kan awmhrang tawh tur chu zep loh chuan ka huphurh ve reng. Hreh anga ka awm chuan ani hian ti lo lo a ti leh dawn tih ka hria a, hreh lo anga awm vel ka ngai.





'Inah chuan lo awm ve mai rawh ka nupui I ni tawh tho/I inah ka lo awm ve mai ang' a ti thul. Va awm chilh thei ka ni lo ang bawkin ka hnenah a awm ringawt thei lo.





"Inah chuan lo kal ziah rawh aw I buai lo changin" Car ah a ṭhut luh hnuah chuan a ti leh zel a, a nu leh pa te hma ah hian zah pawh a neih lo.





"Ka lo kal ziah ang, fimkhur rawh aw..zanah mahni a toilet kal kha sim ang che" Ka tih chuan a nui suk suk a,ka hriat loh hi a ring emaw ni? Zanah hian a muhil mumal lo a, a zun a chhuahin crutch(tiang zak do) hmangin toilet a pan ziah a, kan inman zantin bawk. Tlu sual leh ta se hei ai nâ hian a insawh thei a,kum khuain ke hmang thei lo paw'n a awm thei.





An in lamah zui haw kher lovin Zorempuia'n in thleng min thlah a, hospital aṭang chhuah hma lawkin Zoremsanga nu leh pain a mawi ah lawmthu min hrilh ve kha. Mahni fa hrin meuh pawh ti khawp khan an ngaihsak lo thei a nia,nu leh pa mak ve tak zawng an ni.





In chu a lo felfai leh diam tawh a,dam chuan naktuk aṭang hna ka zawm tawh dawn a, zep lo chuan ka huphurh ru ve reng. Darthlalang a ka in en chuan ka inhmu chul riap mai a, ka eng deuh te'n ka hria. Bedsheet te thlakin room ka tifai thuak thuak a,thawmhnaw dahna hnuai ber ka en chuan ka thaw hak. Mo kawr ka lei kha bag chhungah a lo awm reng a,Lalfeli dah ṭha a nih ka ring. Rei en duh lovin ka khar leh thuai bawk.






Muangchangin ka inbual a, hospital ah inbual ṭhin tho mah ila in a inbual hian fai bikin ka in hria. Ka inbual zawh chuan Lalfeli pawh a lo haw tawh a, mu hahdam turin min hrilh char char a, ka thil tih apiang min lo chuh zel takah chuan mu hahdam turin room ah ka lut ve ta a.






ZOREMSANGA POV


Ke hmang thei lo va awm chu a nuam lem lo khawp mai. Ka ban leh hmai vel chu a dam tawh a, ka ke erawh chu hun a la duh rei khawp mai. Ka ke ber a nat vangin room ah ka tawm deuh chawt a, ei tur pawh room ah min rawn pe mai a, inbual dawn erawh a buaithlak ṭhin khawp mai. Inbual ka tumin Zorempuia emaw Kanu hian min bual phet an tum a, ka hnar ziah bawk. Zanah Zorempuia nen ka room ah kan riak a, ka phal loh chunga riak a ni bawk. Mahse ka tan a remchang phian a, a phone aṭang Sangpuii ka be thei tal a.







Sangpuii nen paw'n rei kan inbe lo a, hospital ah rei tak min awmpui a, a chau dawn lutuk a,hahdam se ka duh vangin rei ka be ta lo. Zanlai ah ka harh leh a,Zorempuia erawh puan a inkhuh vek a, a mu tui viau a nih hmel. Hospital aṭang chhuah nawm ka tihna em em chu zial duh duh hunah ka zu thei hi a ni a mahse hospital ah kha chuan engtik lai paw'n Sangpuii bulah ka awm a, a nuam tho.






"Nizan khan zung turin I tho miah lo ami?" Chaw ka ei lai chuan a rawn ti lut ham ham a, puan in lu khupin a mu a,engtin nge a hriat thei tehlul ang ni?




"Ka tho lo hrim hrim" Ka thawh thu ka sawi chuan Sangpuii'n min hau leh anga, ṭul lovah a hlauthawng leh bawk ang.






Tlai hna ban pahin Sangpuii'n min rawn kan a,lo kal tura ka hrilh nasat em vang a ni bawk. Kan in a lo kal hi a hreh em em a, a lo kal khat bawk a,tute nge cheng tih pawh hi a la hre lovang. Ka ke min dressing sak a, ka thawmhnaw leh thil dang zawng zawng a tifel vek a, ṭhutna ah min ṭhuttir hnuah bedsheet te min thlaksak leh thlap a, a che felfai ngawt mai.





"Ka hmai min phihsak ve ziah suh,ka phih vek tawh" A kut tihuhin ka inrin lo lai hian ka hmai rawn phih a ching a, phih zawh vek hnuah pawh hian a tilui ṭhin a, min ngai naupang tlat.




"I hmai hnawih kha min hnawih tawh suh misual" A chimawm chhuahin min hnawih zel a, duh duhin che thei ila chuan a chak lo ang chu.




"Min thlah rawh..I chhunte an lo lut ang" A kawngah manin ka hnuk hnai hrawk a, ka awmah min rawn bawh ti tih.




"Tihian ka bulah awm nghal mai ta che,haw tawh lovin" Duh ngat se la chuan nupui ah neih daih pawh ka duh a, ka tan a lo mualpho tawh a, mite sawi sep sep leh deuh sawh tin reng tuar tur chuan ka phal lo a ni.




"Nooo chutiang thil chu ngaihtuah pawh ngaihtuah suh"




"A nih min fawp rawh" Ka tih chuan ka biang tawn tawn ah rawn khuapin ka hmuiah a rawn tawk zeuh a, a inlahrang leh thuai bawk.




"Khatiang fawp pawh a ni lo,tawk a nih kha"




"I phakar lutuk,i hmui ah nih kha ka fawh che"



"Khatiang fawp pawh a ni lo e" tiin ka kuahna chu ka tinghet zual a.



"Min fawh hma lo ka kaltir lo ang che" Ka tih chuan a nur nang a, senior tawh lamah pawh a lo duhawm thei viau mai.




"I sual e,I chhungte an lo lut ang" A ti nang nang a, tumah an lo lut lo ang e. Keimah zawkin ka fawp a, a tirh ah chuan min chhanglet lawk lo a, ka fawh mial mial takah chuan min chhanglet ve ta a, hetia kan infawh lohna pawh a rei ta. Hospital ah kha chuan nurse ho lut chhuak reng vangin eng kan ti thei lo a, zanah takngial pawh. A kawng ka kuahna thla in a kawr hnuaiah ka zen nghal a, a dul nem thep ka khawih chuan a phu zawk a, ka nui suk. Dap chho zelin a bra chhanah chuan a hnute ka hrawm sak a, a rum nghut. A taksa ka khawih hian amah zawk hi a insum thei lo ṭhin a, thu tiam min bawh chhiat tir lek lek zel.




"Naktukah pawh lo kal ang che" Darthlalang ah in enin a sam te chu a siam ṭha vel a,tu hmu atan nge a tih ni?




"I hlauhawm emai damlo ve si,ka lo kal tawh lo ang" Darthlalang aṭang bawk chuan min rawn melh leh a.




"Ilo kal loh chuan ka rawn kal ang"




"A ngai lo,awm hle hle rawh" Lipstick te chu a inhnawih leh a, a lerh reuh zia hi.



"Tu tan nge I intuai hnum leh vel a?I va lerh ve"



"Chhas te ka nei a, amah tan chuan mawle" a ti kher a, ka thikthu chhiatzia a hria a,min chhaih thinrim phet te hi a tum ṭhin.






LAWMSANGPUII POV



Zoremsanga te in a,ang ka haw chuan ka awm a nuam thei lo! Ti khawp khan an lo ui kawm ang tih pawh ka ring ngai lo chu pawh an fapa damdawi in awm manah lehnghal.



Flashback *

Thei eitur silfai turin an choka ah ka lut a, a nu leh pa sitting room a an titi thawm chu ka hre pha vek bawk. Hmeichhe pakhat inhnawih nasa deuh hian ka chevel chu min en eng bawk a, a inchei dan aṭang chuan an awmpui chu a ni lo phawt a, an cousin te vel a nih ka ring. An chhungkua hi ka hre lo lutuk a, Zorempuia,a nu leh pa chiah ka hria a, a hma ka lo kal lai a a nuin naute a puak te kha khawiah nge a awm daih ni?







"Pawisa tihek zawng hlir a che mai,thu lawmawm aiin a chhe lam hlir min hriattir lehnghal! An university lamin min rawn phone a,a la tichhe em em zui. Hospital bill ah ringawt paw'n nuai chuang kan seng leh a" tiin a nu chu a phun mawlh mawlh a, a pa erawh a ngawi reng thung.





"Remsanga nen hian in inzui rei tawh em?" Ka hmeichhe awmpui khan a lo ti a,en mai chuan kan inrual ka ring.




"Rei ve tawh e"




"Sum vang a ni maw?Remsanga chuan engmah a chang ve dawn lo a nia" A rawn ti ringawt a, 'sum te chu e ka neih ve thawkhat e' tih mai ka nap.




"A pawi loh chu"




"Inkawp tur awm ang reng in nih hi mawle, phakar dun si,kan pa chan tur vek aw" tiin a chhuak nghal a, a u nupui 'Ruli(snake)' chu a lo nih chiah kha.



End of flashback



Chhungkaw mak ve tak zawng an ni,sum mena meng monu an neih a, fa te tan meuh pawh insen huam lo nu leh pa an ni bawk a,Zoremsanga dinhmun chu kei ai paw'n a chhe zawkin ka hria. Kei chu a hma te kha chuan chhungkua zawng zawngin min duat a,min ngaihsak bawk a,ani chu a ni ve lo. Thi chhawnga a awm lai paw'n a phirpui pa chiah a ngaihtuah.




Kâr khat chu kan hmang zo leh ta a, Zoremsanga pawh ka hman changin ka va hmu ṭhin a, a khua hi a lo har viau ni tur a ni. Kan awmdun chuan min en vur vur zel a, ka thusawi pawh hi a ngaihsak tawh ṭhin lo.



Zanah chuan Kanu ka call a, a ring quit ṭhak! Kapa ka call leh a, Kanu ang tho! Bawiha ka call a, a la tawh dawn lo emaw ka tih hnuah a rawn pick ta hram.



"Min va haw awm ve, call te I pick har vel a"



"Haw lo e, ka lo inbual daih alawm,ka zo chiah a,ka rawn chhang nghal"



"A nih chu,vawiin class I kal em?"




"Kal leh e,u I dam ṭha tiraw?"



"Dam lutuk e,Kanu te nen in inbe ngai em?"



"Bia e,Kanu chu a la thinrim lutuk a, tunah chuan bia pawh ni la awmzia a awm vak lo ang mahse hun a kal anga, a rilru te chu a thlak ve mai ang" a tih chuan ka beidawng ru takzet. Rei pawh inbe lovin kan in mangṭha a,Kanu leh Pa mawlh chu a ni. Khawvel a ka awm chhung chuan anni tel lovin ka awm thei dawn lo a, an lung ka tih awi lo chhung chuan eng malsawmna mah ka dawng lo ang.





Kâr tawpah chuan Kanu te hmu turin Champhai ah kal ka tum ta a, engtiang pawhin an thin tirim mah ila an fanu ka nihna angin min ngaihdam ngei pawh ka ring. Lalfeli'n min zui a tum zet a mahse ka cham chhung hriat a nih loh vangin ka hnial a,mahni chuan scooty a kal chi a ni lo a, sumo ah kal mai a ngai tawh.





Ka kal tur thu chu Zoremsanga pawh ka hrilh lo, a chhan chu tih thei neih si lo in a rilru a lo tihah vak ka hlauh vang a ni. A phone pawh ka la pe ta chuang lo. Kan in kawtah ka ding a, engtiangin nge kan in hmachhawn ang? Min lo ngaidam ang em? Nge min lo hnawtchhuak zawk dawn?





"Nu.."Kawngka inhawng huau ah chuan ka lut a, kan nula nen kan inhmu nghal bawk.



"Ka u ilo haw a ni maw?I chau em?" Tiin min be siam siam a, Kanu ka la hmu chuang lo.



"Chau lo e,khawiah nge Kanu leh Pa te?"



"Putea hna a kal a,Pitei chu" a zawng zo hman lo.



"Faki hmelhriat lo inchhung luh tir ka phal em ni? Chhuah tir rawh" titu chu Kanu a ni. Ka hawi chho chuan step tawn tirh aṭang min rawn en reng a, rei pawh min en lovin a hawisawn hmak bawk.



"Nu"




"I nu ka ni lo!Chhuak rawh,kan hre ngai lo che" a tih chuan ka mittui bawk a tla leh ta! Nidanga ka haw changa min lo lawmtu Kanu kha a ni tawh lo.




"I fanu ka nia lawm,Nu ka thil tih kha min ngaidam hram rawh" Ka banah chelhin kawngka lam pan chuan min kalpui mawp mawp a, ṭang ve sa teh mah ila ka hneh zo lo.




"He in chhung hi rawn rap tawh ngai suh! Kan tan chuan mi thi I ni tawh!" Tih leh in chhung lam aṭanga kawngka lo khar a rual a, kawngka ka ben vak vak paw'n a rawn hawng duh tawh lo.





Khua a thim ṭan a, pawn ṭhutna ah chuan ka ṭhu reng bawk. Kapa lo haw hun ka nghak deuh a mahse Bawiha'n hna vanga a zin thu min rawn hrilh leh a,ka chhungte dang hmel pawh ka hmu chuang lo. Ka pum a ri ruk ruk a, chhun aṭang thil engmah ka la ei lo tih ka hrechhuak. A tawp nan tiin doorbell chu ka hmet leh a, tuma'n an rawn hawng lo!





Ka chhungte dang tumah ka pan ngam lo va,min hringtu Kanu meuh paw'n mi thi angah min ngaih chuan anni phei chuan engtin nge min lo ngaih ang? Kawng sirah chuan ka kal zel a, ka mittui luang ngiai ngiai chu a khat tawkin ka hru leh ṭhin. Ṭhiante in pawh pan ila ka zahna ni khua a sei mai mai ang tiin hotel ah ka lut ve rawih a, naktuk chawlh ni a ni si a, service engmah a awm dawn lo! Zanin leh naktuk hotel ah awm ila,monday ah ka let mai ang.






In a ka thawmhnaw awm sa te ring a kal ka nih avangin engmah inthlakna tur ka nei lo a,ka intihfai zawh ah thawmhnaw ngai bawk chu ka ha leh a, ka rilṭam tehreng nen thil lah chu ka ei thei ṭhak lo lehnghal.





"Au Fel hei Remsanga hi a lo insawn ringawt a,lo be rawh aw" Lalfeli call ka pick chiah a rawn ti nghal a,insawn a?



Ads click


Show post links
Top