Hey!! Doctor BY Lily Blend (Completed)

[Ngaia]

Chapter-1


Kan nunah hian eng nge kan tawn zel tawn tih tuma'n kan hre lo,nitin mai hian ruang phur haw tur ka hmu a,beiseina chhe te nena kan enkawl te lah an tam.


Pawi ka tih ber chu ṭhalai hmel leh pianah pawh zahpuiawm hauh lo te hun lo takah mual an liam ṭhin hi a ni. An nunna chhan ngei tuma beihtu te tan chuan a nâ ngawih ngawih asin.Doctor chu ka ni ngei alawm mahse inzaina lamah ka awm ṭhin vang hian beisei lo deuh thil tawn te ka ngah a,hah pawh ka hah ṭhin.Amaherawh chu ka hnathawh ah hian ka hlim a,mi nunna chhantu ka nihna ah hian ka lawm tawk em em.




"Haw a hun tawh a nia saw in pa paw'n a nghah reng che saw,i inngaihtuah nasa thei sia"



"En tur a awm tawh lo ami?"Ka ṭhiannu leh ka thawhpui ni bawk Amy,a bag ah inkhung buai mek chu ka va melh a,ka ṭhiannu hi chu a chhe mawlh lo.



"Awm tawh lo niang bakah a tlai deuh tawh lawm"



"Zai tur I nei dawn em?"Ka bag ah ṭhat pahin Amy chu ka zawt leh a.



"Aw nei ve nel nual,nang ve?"



"Assist" Nidang ai chuan tlemin ka hahdam deuh turah ngai ang.


"Nahh ka chak ve" Zai tur a neih hian a huphurh thei lutuk a mahse Pathian zarah tluang takin a zai hlawhtling zel a,a lawmawm em asin.


Surgery OPD aṭang kan inzui chhuak a,ENT lam te pawh an lo inkalh fel der tawh a,pu Biaka paw'n hmun a lo phiat zo tawh a nih dawn hi.



"Hetia min in awhthik vel hian in hlim em?" He nu tak hi chu aw.



"Awh thik che paw'n kan hre lo,min thik ve hrim hrim" Kum 2 dawn ka lo zui tawh Tluanga'n a chhan dan vang chuan Amy chu ner nasa ngei mai. An inngam tlak ve em a,an infiam dan te lah hi ṭhen khat anmahni hre lo tu tan chuan hmelma emaw tih mai te hi a awl.



"I chau em?"Ka darah kut a rawn nghat nghal zat a.


"Chau lo e"Lu thing nghut pahin a mitah tak chuan ka va en a.


"Min zawt ve dawn lo a?"


"Kal teh,ka bialnu pawh i ni lo a"


"Chhuk ang u"Kawng chho lai ah kan building hi a awm vang hian lirhthei park nan a rem chiah lo a bakah chhuah awlsam zawk nan tiin thlang deuh ah kan park mai ṭhin.



"Va haw hmasa r'u..treasury lamah kal leh ka ngai" A helmet khum ṭhat pahin scooty ah chuan a chuang nghal zat a,ṭhiannu buai ve tak zawng a ni.


"Kalpui i ngai lo ami?" Kan inzui nasat em vang a ni pakhat.



"Ngai lo..kha i hnunga mi khan min hnek palh ang"



"Kal vat mai teh"A lo ti ve hluk a.



"Zanah kan inbe dawn nia aw,bye"tiin a inkhalh chhuak nghal a.


"Clinic lamah i tlang nghal dawn em?"


"A hun tawh sia,ka thlah hman dawn lo chein a lang"a sana en thuak pahin min rawn melh leh a.


"A pawi lo,twe wheeler in ka haw mai ang"


"A zia lo tak tak" Nui suk pahin two wheeler lo tlan chu a phar ding nghal a.


"Zanah ka hman chuan ka lo kal dawn nia"tiin kan inthlah a,ka in luahna veng Luangmual lam panin kan chhuak nghal a. School leh office ban hunlai a ni bawk nen traffic chu tawt leh tak a ni,two wheeler a karah inzep thei zawk kan tih pawh a ding a ding mai lawm. Ka scooty pawh lo keng ta reng ila awmzia awm lem lo ang a,tlan loh ni a ni hlauh chu zia ang reng.



In ka thleng a,ka nau Feli chu a lo la haw lo a nih hmel. Ani hi MZU ah a kal a,ka nutei fanu a nia,zirna leh hna vangin Aizawlah in kan luah a,kan chhungte erawh Champhai ah an awm thung.



Ka thawmhnaw te thlakin ka inhnawh puar leh te te a,2 chauh kan nih vang hian eitur siam chu kan awlsam khawp a,hmanhmawh hran hi a ngai lo. Hmun te phiatin chhuat te ka nawt a,ka room lama ka thuamhnaw dah hnawk te ka thlep zawh meuh chuan khua a thim ti tih a,eirawng ka bawl ṭan nghal a,zingah bawl leh ai chuan tiin tlai lamah hian kan am deuh hlek a,zingah chaw tih loh chu tih sat leh mai thei turin kan dah mai ṭhin.


"Au Sangpui ilo hawna a rei tawh em?Ka inthlak anga,ka lo pui ve nghal ang che" Alu kan tur ka vel lai mekin a lo haw a,a lo inthlahrung leh tawh viau a nih hmel.


"Hmanhmawh suh,duh leh inbual la,puih kher ka ngai lo a nia"


"Aaaa Zosangkima te vang vek,ban hma ve ber ṭumah lehnghal"Room ah amah tein a ang hlak hlak a,a ṭhiante vang bawk a ni leh ang chu.



"U Tluanga lo kal dawn em?"Chair pawt chhuakin a rawn ṭhu thla ve nghal a.


"Kal ang chu a tia mahse ani hi zawng mi buai hi a nia" Clinic hi a tlangpuiin dar 9 ah an khar ṭhin a,buai deuh chang chuan dar 10 lamah an khar ve thei chauh zel a,zantin beisei ngam pawh hi a ni lo.


"A hausa tawh tho sia nge maw clinic ah te chuan a la ṭhut peih le?" Ni e,Tluanga te hi Champhai ve tho an nia,a pa hi chief secretary officer pension a nia,kan khua ah chuan mi neinung tak chu an ni.



"Sum hmanna tur pawh a hriat dawn lo vei nen tiraw?" Fiamthu deuh chuan kan ti ve a.


"Chu chiah mai mahse hausa ah pawh hian maw kan university ami te chu an mak lutuk,an nu leh pa te'n engtin nge an tih ve ṭhin ang aw tih hi ka ngaituah ṭhin,anni vang chuan alawm ka lo haw tlai em em"



"Zia lo thei e" Ka nui ta hak hak a,a duh lo leh ang chu.



"An ṭhianpa Isaac hian ka ṭhiannu Christy hi a star a,bike a phur haw ngei kha a duh sia,Christy lahin ka tello in kal duh hek lo,ka bus chuang vek tawh min rawn pawt chhuak leh alawm,ka ngei a nia aw"



"An zing ami chu thing ve nawlh tur che lawm" Ka fiam chak tlat,a buaina tawhte lah chu a nuihzatthlak zawk.



"Teuh lo mai,Zoremsanga te ang an nia,kei te chu pastor nupui tur ngat maw" University lai kal pha tawh si hi a la naupang chhia em em mai a mahse lehlamah chuan an unau a naupang ber a ni sia,a awm reng.



Chaw ei hma inbual ka duh sia tiin Feli chu chawhmeh ka vil tir a,fai ser sawrin ka inbual a,"inkhawm leh inbual hi chu a inchhir awm lo"an lo ti ṭhin a mahse ka inkhawm khat lutuk a,inbualah chauh hian he thu hi chu ka hre fiah thei.



Lotion te inhnawihin awmhmun kawr ka inbel a,tunlai boruak chu a lum deuh hlek avangin zana inbual te hi a nuam phian. Ka zawh hnuin Feli inbual veleh a,zai chunga inbual a ni bawk a,a bei rei thei a nia.




Kan eina te kan tifel zo ka ṭhut mai mai laiin Tluanga lo lang hlawl a,dar 9 pawh a la ri si lo a mak ka ti ang reng.


"Clinic kan khar hma a,lo kal thei hlauh"tiin chaw ei dawhkanah chuan a thei lo ken chu a dah a,a lo kal apiang hian eng emaw hi a lo keng tel ziah a,ka hrilh pawhin a zawm hlei lo va.


"Chaw te i ei tawh em?"Ka bulah a lo ṭhu thla ve nghal zat a.


"Aw ei tawh,puar peng pawngin ka lo kal..Lalfel vawiin in kal em?"Lehlam sofa a Feli ṭhu chu a be ve nghal a.



"Aw kal,zanin chu i buai vak lo a ni maw?Au Sangpuii'n mi buai a ti hial che"



"Engtin maw min lo tih a?"A darin min rawn nghawk zeuh a,a rimtui leh chiang e.


"A ti ve mai mai a nih kha"tiin Feli chu ka va melh vak a,hetia a sawi zel te chuan Tluanga ngaihdanah pawh len phut ziah ka ang dawn asin.


Rei vak lo ah Feli'n presentation atana inbuatsaih a ngaih thu sawiin a room ah a lut daih a,Tluanga nen chauhin sitting room ah chuan kan ṭhu a,Feli awm loh takah chuan min hnaih deuh hrutin amah ngheng tur chuan min kuah a,sawi tur hi kan van ve thei mai sia.



"Eirawng nangmahin ami I bawl?"


"Nimai ang chu,bawltu tur berin ka sawmna a chhang duh si lo"


"Ngawi mai teh"tiin a beng chu nâ vak lovin ka pawt a,a nui suk suk mai. Inneih hi a sawi ve ṭhin a,kan kum pawhin a tlin hliah hliah tawh a,kan chhungte paw'n an pawm lutuk mahse keimah zawk hi eng emaw hriat thiam loh hian min mawlh nimaiin ka hria,pasal neih lam reng hi ka ngaihtuah thei lo.



"Naktuk chu I chawlh sia,eng nge i tih ve ang?" Ani hi chu MD a ni vangin wed ah hi chuan a chawlh ṭhin a,keini GS te erawh kan buai ni tak a ni thung.



"Umm Rina te farm ah kal kan tum deuh a,awm ve lang ṭha tur"


"Nuam awm bik ve aw,nula i hmu leh nasa awm"A hmel han en pah chuan kan fiam ve hlak a.


"Ka sawmna min chhan vat loh chuan nula te pawh chu ka be daih maithei a ni"Ka van ngei reuh tak.


"I dul a nih mai chu" A sang lem lo a,mipa dang ang lo takin dul kiar tlem a nei a,nula te duh chu 'Dar hlai,sang,taksa phiar fat leh ek bathlar sang' an tih ang chu ni lo ve chiang alawm. Tunah kum 34 a nia,ani aiin kum 4 in ka naupang a,pasal neih chu hun ve tawh tak ka ni mawle.



A haw danah chuan pawn veranda thleng ka va thlah a,a zei lo hrim hrim nge ka hre lo,fawh chu sawi lo min kuah thuakin a kal leh tawh kha.Kawngka kalh ṭhain mu tur chuan ka insiam ve nghal a,nula upa lam ni ve ta chu inphih fai hnuin ka hmaiah thil te ka hnawih a,zan mut laiin bra ha thiam hek lo le pajama suit thawl hnek hnuk hain ka mu nghal a.



Ka thawh ve meuh chuan Feli'n chaw ei nghal theih turin a lo peih diam tawh a,ei sawk sawkin hna kal tur chuan ka insiam leh a,Pathian khawngaihna zarah thawmhnaw inhmeh lo tur khawp pian kha ka nei lo a,thau ai mah chuan cher tih ka hlawh a,hak tur ka awlsam ang reng. Smart pants nude leh formal top vâr ka ha a,flats bun lehin bag ka ak a,ka scooty khalh chhuakin ka thawhna Civil hospital,Aizawl lam chu ka pan leh a.




Thlen veleh inthlakna room ah ka tlang nghal a,OT scrub suit chu hain OT lam ka pan ve nghal a,ka puih tur ber doctor lo la thlen lo vangin ka lo intifai hmasa a,nurse te ho pawh an lo inpeih diam tawh.



Doctor a lo thlen hnuin zai chu kan ṭan a,rilru a thil dang ngaihtuah leh ruih chunga tih chi ni ve hek lo,fimkhur thei ang berin kan che a,kan tihsual khan keimahni bakah damlo te'n an lo tuar phah a,inchhan thei reng te kha vui liam a lo ngai ta ṭhin.



Zai zawh meuh chuan ka ni nghulh maiin ka hria,ril pawh a ṭam tawh lo,hrisel a lo ngai takzet doctor leh nurse nih zawng.



"A va chauh thei ngai ve lalṭhian"A ṭhutna ah thlak pahin tui a in khawlh khawlh mai.


"Thawl hawk em?"


"Hnara hlit phawi ang mai a ni,haw pahin chawhmeh bazaar ila?In inah chaw ka lo ei dawn" Duh duh hunah chaw ei ah a insawm hmiah zel.


"Ei rawng i bawl ang" Nui hak hakin kan inzui chhuak a.


"Sangpui in haw dawn ami?"Kan senior dr Zoa kan tawk hlawl a,ani hmu tawh hi chuan lung hi a phu dik ṭhin lo.



"A...aw,haw kan lo tum chiah"


"Hei i lehkha tur" Ka dinhmun a nawm reng ka ring tawh lo,ka ṭhiani nen hian kan hrechiang lutuk tlat dr Zoa hmu tawh hi chuan a rapthlak a ni tawp mai.


"Ka lawm e,kan kal nghal mai ang"tih leh kal kan rual a,lehkha chu hawn ka chak lo lutuk a bag ah chuan ka ak hmiah a.Parking na hmun kan thlen chuan Amy nen inmelhin kan nui chang chang a ni ber.


"An tiawmang lo thei e,casualty ah te chuan doctor dang ṭhu tur an awm ve reng a,on call hi ngai maw ni?" Lehkha ka en loh chhan chu nih hi. Naktuk zan aṭang on call duty tur ka nia,Aizawlah hi chuan emergency a zai ngai leh accident hi a awm ve reng zel a,ka phur lem lo khawp mai.


Chawhmeh bazaar hmain Amy'n thil ei phawt a rawt leh vangin TC restaurant ah kan inzui chho leh a,restaurant a kil khata lo ṭhu te chuan mit an la zar mai. Farm a kal tur ang khan a insawi a,hetah ka hmu leh sia chu pawh hmeichhia nen lehnghal.


"Tluanga awm ve reng a ni saw,kan join ve duh kher ang em?"


"Aih,tah hian ṭhu ang" Min rawn hmu ka hlau bawk si,vawiin chu midang chawlh ve an tam hlauh a,chuti ni lo se chuan min rawn hmu daih tawh ang.


"Hmeichhia saw tunge a?A nau ami?"


"A ni lo ang,a nau te chu Kolkata ah college a kal,a ṭhian satliah ni ang" Menu min lo pek chu ka bih nghal a,chaw kan ei leh dawn tho sia tiin momo chauh chu kan chah a. Tluanga te chu ka va en leh ṭhin,kut te an invawnsak thul,ka zawh ngei chu angai ang.


"Chawhmeh atan chuan eng maw kan lei dawn?"


"Vawksa rep leh anṭam ti ila?"


"I duh duh nimai alawm,lo ei tur ber kha i nia"


"Ka chhungte hi lawm min zinsan reng a,mahni chuan chaw ei pawh hi chak awm lo" A phone chu a khalh a khalh a.


Thil kan ei zawh chuan kan veng lamah kan inzui thla a,vaivakawn bazaar ah chawhmeh lei tura kan din bak chu kan ding tawh lo hrim hrim.


"Tui ka chhuang phawt ang aw,duh leh va inbual la"


"Inbual chu zanah aw,ka'n inthlak ve lawk" Inthlak thuai² in choka lam chu ka va zawm ve a.


"Nimin chu maw mipa chhelo deuh ka hmu a,treasury lamah va kal reng mai nia ka duh"


"A thawk tihna mi?"


"Aww secretariat aṭang khan a lo chhuak a"


"Chhelo hle niang maw?Ngaihven thuai chi nih chu"Anṭam chhum tur chu ka thian fai a. Amy in cooker ah vawksa phit tir turin a siam bawk a.Reilote ah Feli pawh lo haw a,rawn ang lut nasa mai.


"Lalfel ngati bawrh² nge?"


"Ngaihzawng neih tur inchhai ho vang bawk mawle" a tih chuan nimina a sawi a ṭhiannu te kha an nih ka ring ve nghal tawp a,mipa ho chu an nghal thiam ve hle ni tur a ni.


"Medical nen chuan inthlau ve khawp mai tiraw?"Nui pat patin min rawn en a,inthlau ve tak zawng a ni. Line danga kal te ka hmuhsitna ni lo se anni chu hahthlak em em sawi tur awm lovin college an kal a,keini chu tlaivar zak zak zan te kha kan ngah em em a,graduate satliah ni tawh lovin mite meuh enkawl tur chuan thiamna a lo ngai tawh a,an sawi ṭhin "medical line hi chuan mi hi ti ṭap reng mai"an lo ti ṭhin a,zir ve takah chuan a lo dikzia ka hre ve ta hial mai.


"An ṭhianho hi an naupangchhia hlawm viau a nih ka ring,a phun deuh reng mai"



Kan 3 in chaw chu kan ei a,Feli leh Amy pawh ṭawng duh dun nana na chu an inkawm thei phian lehnghal. Vawksa rep leh anṭam chhum chu tui kan ti tlang khawp a mahse a thau hlang chu paih turah kan dah tawp a,kan ei ngam meuh lo a ni e.




Amy haw hnu chuan khumah muin Tluanga ka va text a,a la haw lo nge a last seen chu tlai ah daih khan a ni. Ni dang ang tho chuan ka bia a,hmeichhia chungchang erawh kha chu ka sawi lang lo hrim hrim. Mi ringhlelh ngawt hi ka duh ngai lo abikin inngaihzawnna ah phei chuan.





*Lalṭhian chhelo deuh ka tih kha dawrah thil ka lei laiin a lo lut ve hlawl a,a chhelo lehpek*
*oiiii a sang rap mai*
*Chuan kan inhnuai dawr kai pi Partei nen khan an innel viau niang,a hming ten a koh vel*
*Gideon a ti pi Partei chuan*
*Nawm dan hi* Zawt zawt mai a.


*Pi Partei chu i zawt chiang em?*

*La zawt lo,a awm ve reng sia lawm*

Chhelo a tihzia hahipin a sawi a,text chauh a duhtawk tawh lo call meuhin kan inbia a,ka ṭhiannu awmdan chu ka lo hlimpui ve em em. Biak hi chu a nei ve ṭhinin ka hria a mahse bialpa tih lam hi a sawi ngaiin ka hre lo.


Amy nen kan in mangṭha hnuin Tluanga'n min rawn call ve nghal zat a,*Tluang dula.*


"I mu tawh em?"A rawn ti a,mut tawh thu te ka hrilh a,sawi tur kan van ka tih tawh kha,ka ngawi veng veng lai chuan thu a rawn sawi a,mak ka ti tak tak a ni.


Farm a kal angin leh a chauh thu te a rawn sawi a nih chu!!Restaurant a ka hmu kha ka hai emaw ka ti hial a mahse amah a ni tih ka chiang lutuk tlat. Ka hmu thu chu ka sawi lang miah lo a,rinhlelhna ka nei nghal a,duh lo tak ka ni. Ka thei ang angin chanchin hriat ka tum ve anga,ka chian hunah chauh thutlukna ka siam chauh ang.



Ads click theihnghilh lo ula
Like leh comment mawlh kha aw

[Ngaia]

Chapter-2


"Au Sangpui karleh ah Bawiha lo kal a tum ami?"


"Ka van hre lo,a tum anga min lo la hrilh lo te niang a,zawt chhin la" Bawiha a tih chu ka nau Awmpuia a nia,unau 2 chauh kan nih avangin ka unaupa neih chhun a ni nghe nghe.



"Zanin aṭang ka on call dawn a,nangmahin ilo riak ngam angem?" A riah ngam chiah chu ka ring lo a bakah amah chauh chuan kei pawh ka ngaih a ngam bik chuang lo.



"Christy ka sawm mai ang,a pawi em?"Class kal turin a insiam peih diam tawh a,mawng zang chi a ni ve hrim hrim a,thil hi a ti zung zung thei mai.


"Pawi nang,Christy lo riah theih chuan a remchang phian zawk alawm"


"Ka lo sawm dawn nia" A phone a lo ri ve nghal zat a.


"Ka hman,ka lo chho ang..lo chhuk suh"Tu tak chu be ve ang maw,a vin mai sia.


"Au Sangpui ka kal aw"



Tlai lamah kal ka tum avangin nileng chuan inah ka awm a,tihtur pawh ka nei lo,mi biak dawnin biak tur em em pawh ka nei si lo,ka ṭhiannu Amy hna a kal daih lehnghal.



Zan menrei a ngaih ṭhin si a tiin mutchhuak lem lo chuan ka mu zal a,dar 12 pelh hretah phone call in min rawn tiharh leh a,Tluangdula lek.



"Ilo kal lo a?"


Ka on call duty tur thu ka hrilh a,a ṭhianpa dr Zoa emaw senior te chu min biak sak ve tal tur a nia. Hrilh ve hlek ila,hna a rinawm lo,thawk ṭha peih lo chhuah hian min chhuah a,a ṭangkai lo tak tak. Kan inbiakna ka tihtawp hnuin Kanu ka han be leh a,Bawiha chuan bike la turin Aizawl lo kal a tum chu niin.



"A ta hlui kha a hralh a,tunah a dang ka lei dawn e a ti leh a kha,sum hmanna hre leh lutuk mai"

Chhungkaw awm thei lo zawk zawk kan ni lo va,Kapa hlawhin Kanu leh Bawiha a chawm zo em em a,ka hlawh pek ve ka tum paw'n an duh ngai lo "nulate i nia,mamawh i nei ang" hi an tizel a,lehlamah chuan a nuam phian.


"Hmanni chawlhni inkhawm khan i nu Tlani(Tluanga nu)nen kan inhmu a,mo hmel hmu thuai a chak thu kha a sawi a,Tluanga khan a hrilh che em?"


"Nu kha lam kha chu ka la ngaihtuah lo,nu Tlani chu a sawi ve mai mai a nih chu"


"I kum te kha ngaihtuah rawh,hna ringawt atchilh zel mai..heta i ṭhiante paw'n an nei deuh vek tawh" Hei hi nia Kanu ka biak peih loh na chu,pasal neih turin min tur reng a,Champhai a ka ṭhiante nen min tehkhin ziah lehnghal.


"A hun ka tih hunah ka nei ve mai ang Nu..."


"Tluanga chu lo chhang thuai la a nimai"

Phone ka off hmak a,eng nge maw Laltluangliana pawh chu a duh em em ni?


Eirawng te ka bawl a,ka bawl zawh hnuin ka inbual leh te te a,Feli a lo la haw lo va,hospital lamah tlai lutuk a chi lo nen zanriah ka eisan a,a lo tlai danah a ṭhiannu Christy chu a va sawm ta a nih ka ring.



Hospital ka thlen chuan khua a thim tawh a,duty tur te pawh an lo thleng ve hlawm tawh hi a lo nia.


"Zanin chu kan male nurse ho an lo lang leh zut dawn a nih hi" Nurse senior tawh tak mai pi Siami chuan min han fiam ve ngei a.


"Doctor hmelṭha deuh inkawl dawn sia,kan lo kal ngun viau ang" Kan mipa ho in an ti ve ngei a,thawk kan tam em vang hian ka hre seng lo a ni ber.



Zan a rei zel a,a khat tawkin damlo an lo thleng zel bawk a,hahthlak lutuk ni si lo mawng hung hman chuang si lovin kan awm a,a ninawm ve reng. Dar 11 hnai ah chuan toilet hmang turin ka kalsawn a,khaw lum lai a ni hlauh a,a zia khawp.



"Doctor emergency a awm a nia,lo hmanhmawh rawh" Toilet aṭang ka chhuak chiah pi Siami'n min rawn au chul a,hmanhmawh deuh a kalna lam chu ka zui ve nghal a.



"Doctor kha lo kian rawh u,lo awmsawn rawh u" An pumrua a ṭha hlawm si a,dam lo ber pawh chu ka hmu fuh thei lo.



"Lo kalsawn r'u,nurse helamah" An mutna khum an rawn nawr sawn takah chuan damlo chu ka hmu a,a ke a sawh ni ngei tur a ni. Nâ a tih hmel bawk si,an insual a nih ringin mipa lo din chilh ho kha ka va melh a,sister in puan a lo zar takah chuan ka hmu thei tawh bik lo.



"Nachhawkna lo chiu r'u aw" tiin a ke chu ka khawih thuak a.


"Hei!! Dim deuh rawh" Min han vin vel ngei a,ka hmet vak pawh ni lo.


"I va zuau ve mawle mipa ve si" Min melh tur nasa mai.


"Xray turin va hruai rawh u"Nachhawkna sang ber an jection avangin a chhawk chak viau,xray tura an hruai chhungin midang kan lo buaipui a,an insual nge an chesual tih pawh a hriat lo. An tam danah hi chuan an insual te ka ring a,an sang ṭha hlawm si a,boruak a uap churh mai.


"Midang khan hliam in nei em?" Nurse 1 in a va zawt hlawm a,an neih lo thu an rawn sawi takah chuan an ṭhianpa kha a chesual a nih ka ring.


"Doctor hei a result chu" Result ka en chuan a ke ru a lo khi chu niin emergency in OT lamah an innawr phei leh a,he nau hian zanin chu min tibuai ta ber a nih hi.


Zai turin kan inbuatsaih a,nurse te leh ka junior doctor 1 in min pui bawk a,a ke ru khi bakah a mal leh chawn vel ṭhui ngai a nei nual a,che nasa ve viau a nih ka ring. Dar 12 pelh ah kan zai zo a,ortho ward lamah kan admit nghal a,damdawiin a la chhawk ṭha bawk aniang,rui ang paw'n a lo la awm lo.


"Dam lo hi 1 chauh awmpui a thei ang aw,tuin nge awmpui dawn che u?"Nurse in a zawh lai chuan ka ṭhutna aṭang ka va en reng a.


"A nu te kan phone mai dawn ami?" An zinga cher ber hian a rawn ti a,a ṭhianpa tukkhum ben a hlawh hlawl mai.


"Keima'n ka lo awmpui ang,a ṭhianpa ka nia,a chhungte chu naktukah an lo kal ang"A bengtu pa chuan a rawn ti a,ṭha deuhun hrilh ve mai se aw,a ṭhianpa cher deuh chu an beng kher a.



OT pawnah chuan an ṭhianho in thum deuhin an ṭawng bul bul a,an ṭhianpa tawhsual tawk chu an ngaihtuah ve viau a nih hmel.



Damlo chu a khum turah an sawn fel a,nurse in a hming vel a khum mawnga a khai ka en chuan damlo hming chu ka hre ve ta chiah a,Isaac Saidinga.



A awmpuitu tur chu sang ṭha ve vawh mai hi a nia,sam dum hlap mai a nei bawk a,khum ruak dang a awm si lo a bench ah hian leng leh leng lovin a mut a ngai dawn anih hi,a ṭhianpa tan chuan inpezo ve tak a ni.



Casualty a kan let hnu chuan a lo reh ṭhiap tawh a,thingtlang aṭang lo kal zai ngai te pawh emergency a nih loh avangin naktuk lam atan ka siam rem a,mipaho an awm tho bawk a tiin pi Siami ho in rest room lamah kan inzui ta dial a.



Khawvar dawn hnai ah nau neih tur an rawn thlenpui vangin kan tho leh ta dual a,nau ka la chhar ngai hek lo gynae lam an awm lo bawk rilru hi a hah asin. Nâ a ti tawh em vang chuan san pe turin ka ti thla ve rawk a,nau a len em vangin naute nu pawh a inhliam bawk a,nurse senior an awm hlauh vangin khawr taka ka chetna pawh min hliahkhuh ta vek a,kan nau chhar chu mipa a ni lehnghal a,an chhungte an lawm khawp mai.



Khua a rawn vâr a,ka mit a kham ṭhum tawh. Nizana ka mi zai kha doctor dang chuan an hre dawn si lo va,ka haw hma a dinhmun ka han thlithlai phawt a ngai leh vangin ka inphih fai a,ortho ward lam pan chuan ka chho leh ta a.


Ka han thlen chuan hnim hlum kan pek kha a hnathawh a lo zo dawn tawh a,a lo viai ruai mai lehnghal. Awmpuitu pawh chau tih hriat takin a lo meng sen rum a,a ṭhianpa tana a inpekna hi a ropui e.


"Bro...khawngeee mawng lian...deuh kha" A rang a rangin a ṭhianpa kâ a hup sak a,ka meng kawk maiin ka hria.Nurse min zuitute 2 nuih insum nasa lutuk chu a hrehawm viau ang.


"A va zia lo e" A sawitu ai chuan a ṭhianpa mawlh hi ni khawngaihthlak,hei bak sawi tur a hre bik lo.


"Nurse nakinah a harhfim hunah in lo dressing sak dawn nia aw chuan veinflow ah hian a damdawi kha in lo thunsak bawk awn nia,nau a hlauhthawn tur a awm lo nia aw" A sira lo ding ka koh dan vanga lo ner suk chu ka va melh sak a,khawi lai mi hausa fa tak chu ni ang maw.



Kan naute chhar kha ka va check leh phawt a,a nu nen an dinhmun a ṭha a,an pa chuan lawmthu min hrilh mawlh mawlh a,a chhan pawh fanu 5 lai a nei tawh a,insiam an rilruk tawh laia fapa hmel an hmu chu an hlim lutuk a kei an siam laia thu neilo ber hi lawmthu min hrilh hluai a,nuih te lam a za.


"In lo ṭha zel dawn nia"tiin casualty lamah ka chhuk thla a,dar 8 a lo ri tawh. Ka bag akin ka scooty dahna lam chu ka pan a,veivak an lo tam leh tawh khawp mai.


"Ka lo haw dawn chiah"
"A che ṭhing a nia Zawnga hi"
"Hruai ka ngai lo!!"Parking na sira min hnungchhawn zawnga ding chu ka va en a,phone a hmang a nih hmel a vin hluk hluk mai.


"Ka dah"tih leh lo hawi a rual a,kha pa kha a ni damlo awmpuitu kha. Min hmu chuan ami huat a hmu ta mai emaw tih tur khawpin a ner a,eng nge maw a hriat ni.


"Hmelṭha min ti lutuk suh Kapi doctor"


"Eng a?Kapi a?"Zahna hi an nei hlawl lo,mi hausa fa awm herh lutuk an ni tih lah chiang reng,nge maw civil te chu an lo pan duh ni.


"Kapi doctor thlah i ngai em?"Nghal fahran hian a ti leh a nih chu.


"I pi chu ka ni lo a nia chuan thlah ka ngai lo"tiin helmet ka khum nghal a,tunlai naupang zawk te nghal tawh dan hi.


"Takzet maw?Ka phurh duh a inchuh an tam vei nen,nangin ilo duh lo chu a mak hle mai" Mi pangngai a nih lo tawp hi. Parking aṭang chuan ka inkhalh chhuak a.



"Kapi doctor hmu leh che ka duh a nia"a la rawn ti hram a nih chu,awmdan mawi hre lo leh lutuk mai. Pawisa an ngah lutuk a,hlauh vak hi an nei paw'n ka hre lo. Thil tisual hlek se pawisa hmangin an tihsual an thai bo hmak hmak a,dan pawh awmzia a nei tawh meuh lo chu a nih hi.



Ka haw lamah chuan ka pum a ri thla ruk ruk mai a,ka ril a ṭam tawh lutuk a tin ni.
In ka thleng a,Feli leh Christy chaw an lo ei mek a,ka thawmhnaw te thlak thuaiin chaw chu ka kil ve nghal a.



"Class in kal dawn em?"


"Aw kal dawn,hospital ah i kal leh dawn nge inah i awm dawn?"


"Ka inbual anga,ka mu ang chu ka ti"


"Nia lo mu rawh,keini pawh kan ban hma ka ring vawiin chu"


Ka kham hnuin engmah ka tih ve ngai lovin Feli te ṭhian dunin an ti vek a,inbual leh mut chauh ka hmabak. Inbual dawnah Tluanga'n min rawn call a,kan inbe leh rih a,nu Tlani nen an inbiakna rawn sawi a tum chuan inleng ka nei thu chhuanlamin ka dah ta daih a,inneihna lam bak an rawn sawi lo ange.



Inbual zawha mu ka ni bawk a,ka mutui ngang mai. Ka harh chuan chawhnu dar 1 a lo pelh daih tawh a,tho chhuakin eitur ka va dap a,Feli te an rawn haw ve chiah bawk.



"Au Sangpui nizanah kan ṭhianpa accident a,kan han tlawh ve lawk ang aw?"Min dil deuh ti tih a,khawiah pawh kal dawn se min hrilh hmasa zel hi a felna.


"A va zia lo ve,khawi hospital nge?"Ṭhianpa a tih takah chuan nizana ka damlo buaipui kha ka rilru ah rawn lang a mahse khati ang mihring hraw lutuk ho nen khan an inkawm chu ka ring chiah bawk si lo.


"Ni dawn tak i thawhna civil ah,I hre mial em Isaac a nia" Christy bialpa anga a sawi kha a ni tih a nuih suk dan aṭang ka hre chiah.


"A nih dawn chu,han hmu ve rawh u Christy bialpa chu" An pahnih chuan ka nuih vur vur a.


"Au Sangpui a ni lo" A zak ve ngei a,Feli a kheuh a kheuh mai.


"Bialpa thinchhe deuh i nei a nih kha,kei pawh min vin khur khur mai alawm"


"Nahh au Sangpuii chu"


"Han kal ang,Saidinga mi tihbuai hrat lutuk hi chu a chak lo ang mawle"


An pahnihin an han inphur chho a,ṭhiante nen hmun khatah kim takin an awm thei a,a awhawm lek lek mai. Ṭhian tette aṭang ka kawm ho chu Champhai lamah an awm deuh vek a,mipa lam hi chu nupui fanau nei an la awm lo a mahse hmeichhe lam erawh Kanu sawi ang khan pasal an neih deuh vek tawh a,la neih lo chu pahnih khat chauh an awm tawh thung.



Zan lama kal leh tur ka nih vangin ka inbual nghal a,inbual zawh ah eirawng te ka bawl leh a,hun chu kal vat se ka ti khawp a,hna kal pangngai anga kal leh thuai ka chak em vang te pawh a ni ang.



Zan dang ang thoin a khat tawkin damlo an rawn luhpui reng a,emergency a zai ngai em chu an awm lo a,ṭhui ngai leh a tuk lama enkawl chhunzawm thei te an ni deuh fur a,a zia ang reng.


Ka damlo enkawl kha ka va check a,a hmel ka hmu chuan a harhfim lo laia a thusawi mawlh kha ka hrechhuak a,ani vanga a ṭhianpa inti pa ve tawk tak zahzia kha. A ṭhianpa khan a lo awmpui tawh lo a,a farnu ni ngei tur a ni,chu nu chuan a lo awmpui a,an ṭawng mawh em em lehnghal.


"Doctor naktuk ah ka chhuak thei tawh em?" Anni ang tan hi chuan hospital hi hrehawm viau ta ve ang,mipa phei chu khawlai nuam an ti thei si a,khum beta mut reng chu a ninawm dawn lutuk tlat.


"Rei lo berah kar 1 angai aw"


"Hei ka dam var tawh,in lamah ka lo in enkawl chhunzawm mai ang" In enkawl chu sawi loh chhungte thu hnialin bai auh auh chungin a chhuak tho ang chu mawle.


"In enkawl thei ni la chu ka discharge daih tawh ang che mawle" Hemi te ṭhianho hian min zuam mah mah in ka hria,a ṭhianpa lah khan parking ah zah pah nei hauh lovin min chhaih bawk a nih kha.



A phun bul bul chu ngaihsak duh lovin midang chu ka check daih a,chhuak thei tur te an awm tawh a,keini a enkawltu te tan hian a lawmawm em asin,hma an sawn zel tihna a nia.



Hun a kal bek bek a,pangngai takin hna ka kal leh tawh a,nitin ward fan apiangin Isaac khan chhuah min dil a,a buaithlak ṭhin khawp mai. A u in a lo sawi ve hlek chuan a vin hlur a,a u lah lo duai bik lo an inhnial zak zak reng mai.



"Va haw daih rawh,i awmpui pawh ka ngai lo..chhungte hi ka nei ve lo maw ni?Tumah reng hian min rawn hmu tum lo mai" A u chhuak pawh ngaihven lo chuan a phun hlak hlak a,u te zahna chang reng hre lo mai.




"Lalṭhian Tluanga nen in intithiam lo ami?"Damlo en tur awm lo karah chuan a rawn phun ru sar sar a.


"Chutiang a awm lo,tinge chutiang daih te min zawh a?" Thawhpui dang te hriat atan a mawi chiah si lo a tiin zawi te te chuan kan inbia a.



"Hmanni a kan hmu nu nen khan ka hmu leh a,in inthiam lovin run luih nan che a hmang emaw ka tia lawm"



"Kan inbe khat a tunlai chu,bakah tunlai chu maw ka ringhlelh deuh a,hmanni restaurant a kan hmu ni zan pawh khan kan inbia a,enteh..a mak lutuk,farm a kal angin a lo la insawi a nih chu"



"A van mak,Laltluangliana chu rin a pha dawn lo riau mai"


"A hriatah chuan sawi chuang lo la maw zawh thawr chu a pha dawnin ka hria a,a rukin lo hriatchian tum zawk ila ka tia"


"Nia,oiii a lo kawp vel che a nih chuan a inchhir ngawt ang mawle" A insum zo lo a ṭawng ring lek lek chu a malah bengin ka va signal zeuh a,a thinrim hi chuan puak phawng phawng chi hi ni ve a.


.


"Sangpui i dam maw kha?" Doctor intern ti mek hnenah tih tur ka hrilh laiin sir aṭang a rawn ti thawr a,ka hamhaih lek lek alawm.


"Uii nang lek,dam ṭha e..i ṭha zawk maw?" Ka ṭhianpa Valtea Champhai ami Aizawlah ka hmu hlawl mai.


"Ṭha e..inhmu a va khat ve tiraw?"


"Nia..eng nge hetah daih ka hmu chhan che?"


"Ka ni Maremi inentir ka lo hruai a,hla deuh aṭang ka lo hmu che a,i nih ring chiah si lovin ka rawn au ve thawr che nih kha"


"Chuan ni Maremi chu i entir ta mi?" A entir tawh a,test tur neuh neuh leh a ṭhen result nghah an ngaih thu te a sawi a,coffee lei ka tum tak nain an hmanhmawh bawk si a,nidanga inlei ah tiin kan inkalsan a.



"Zanin chu chhuak mai mai ang?" Cabin ka lut chiah Amy'n a rawn ti nghal zat a.


"Khawiah?I chau lo mi?" Chauh ni hi nei ve ngai paw'n ka hre lo,harhvang em em reng mai.


"Aizawl peak restaurant ah khan..intihthawven pahin"


"I thawven sa nen aw"Min melh tur nasa mai.


"Kal ang aw,nun a boring ṭan dawn tlat"


Aizawl peak a kal tur chuan kan inrem ta hram a,hna aṭang ka haw in ka thlen chuan Feli'n eirawng a lo bawl mek a,chawhmeh ah eng tak siam chu ni maw.


"Au Sangpui i inthlak zawh ah hei hi lo tem chhin teh aw,saisu ka baih a,zanin chu ka ei zeuh teh ang" a rawn ti lang lang a,inbual hma tiin a baih siam chu ka va temsak a,a tui lutuk tlat.


"Zanah Amy nen chhuah kan tum a,ka va inbual lawk teh ang aw"


Chaw te kan eikham a,Feli baih vangin duh ai tam ka ei phah lehnghal. Ka insiam zawh hnuin Amy te veng panin ka inkhalh chhuak a,reilote ah Hangin lunglen tlang panin kan 2 chuan kan inphur chhuak leh ta a.


A hmun chu thli a tam a,zan a ni bawk nen boruak chu nuam tak a ni. Nula tlangval an lo awm nuk a,Aizawl khawpui pawh a lang chiangin a mawi ngei mai.


Kan ṭhutna turah kan thu chiah tih a ka aw hriat vang chuan ka hawi rang kher asin.


"Kapi doctor"

inbound7528323366436926876.jpg

Ads click
Chhiar chauh duhtawk mai lovin in ngaihdan comment lamah in lo sawi liam liam dawn niaIn thusawi khan keimah ah thui tak a hrilh ve a nia


Show post links
Top

[Ngaia]

Lawmsangpuii POV
Kan ṭhutna lam pana a lo kal lai chuan ka lo en reng ringawt,a lan danah chuan zah pah vak hi a nei lo niin a lang. Min koh dan vang khan ṭhenkhatin min rawn en du du hlawm lehnghal,Amy'n zawhna mitmengin min melh ve kur bawk a.


"I chut viau maw tia helai ah daih te ilo thleng ve a nimaw" tih leh a ṭhutna pawh chhuah a ṭhut rual a,zam eih lo tih hriat takin ka mitah tak min la melh zui.


"I ngaih angin ka chut si lo va" Zam duh bik hauh lo chuan ka ti ve sak a,a kiai suk duh chauh.


"Oh! I ṭha maw Kapi doctor ṭhiannu?" tiin Amy lam chu a hawi leh a,ani a lo hawihawi nasa mai.


"Ka ṭha e" ka ṭhiani chuan a hlau deuh emaw tih mai turin a nuih sen sen lehnghal a.


"Ka ṭhianpa kha lo enkawl ṭha la,nakinah ka duat ve hlak ang che" te chu a la rawn ti ta deuh deuh. A thusawi chu awih lo lutukin ka va melh a,eng atan mah hi a ngaih loh hmel ngawih ngawih.


"Min duat tlukin ka lawm chuan kalsawn tawh rawh" Zilh lo fa ang mai,ka nau te rualin min chhaih zak zak reng chu a nia,kei hi ka lo zuamawm viau maw ni ka ti rum rum.


"Nula senior te bulah thuṭ pawh khat alawm,ilo hmelṭha phian mai sia" Amy awm ve chu engah mah a ngai lo tih hi a hriat ngawih ngawih,ka ṭhiannu lah chu sir lam hawiih nuih a lo insum ngar ngar.


"En teh nau a,I u te rual kan nia..hetia mawi lo taka inchhaih te hi bansan la,class i neih leh hun ami tur va inbuatsaih zawk mai ta che" 'Senior' min ti ta sa sa eng nge maw ka zah ang ni.


"Nau a ni lovin ka hming chu VAL LUCK-A aw,nakina ila duh huam huam tur" tih leh kalsawn a rual a,a hnunga zui a va keh daksawk mai chu ka nap a mahse a sang lulai em a,a chhip sam te chu kei a ban phak pawh va ni suh.



"I duh huam huam tur pa chu hmelṭha ve le" Nui vur vur pahin Amy'n lo ti ta deuh deuh.

"Ngawi rawh aw,ka ngei a nia"


"Tunge ni reng reng a?A zei hmel phian lehnghal" Kan minghal a kha hmu a inring nge,a ring a fan nasa mai.


"Ka hre mai mai lo e a,hmanni ka duty laiin an ṭhianpa chesual an rawn hruai a,chuta ṭang chuan zam hauh lova min biak a ching a,a â deuh mawni ka ti" Kan thil ei chak te order turin a ziahna an chhawpah chuan ka ziak thla bawk a.


"A lo biak danah che khan in lo innel viau maw ka ti hman alawm,a confi bawk si"


"Kei hi ka hmel em hian ka zuam awm viau ami?"


"Teuh lo,hrechiang lo tu te tan phei chuan thinchhe deuh i ang" Chutianga ka lan si chuan tinge kha pa khan min ngam em em? A hming pawh ka la hriat lo,ngawi teh 'Val luck-a' a intih ve ngei kha..eng ang fa ko va luck chu ni maw.


"Laltluangliana nen chuan eng nge in an tak zel?" Thil kan ei lai chuan a rawn ti a,Tluangdula lam reng ka lo hrechang tawh lo.


"Ka be lo,amah chuan message ah a khat tawkin min rawn bia"


"Feeling I nei tawh lo ami?" A fian dah meuhin a rawn ti leh a.


"Thawn ṭhin che hian,nei lo ila chuan ka ṭhen hmak ang chu" Kum 2 dawn kan inzui tawh a,a chhia a ṭha engkim kan inhrilh a,inṭhen lam chu tu ve ve mah hian kan ngaihtuah lo emaw tih mai tur a ni. Midangte buaina ang kha kan nei ve lo a,intihthiamlo leh inhauhna kan nei ngai lo va,kan inkar chu a tluang parh mai.



"A ṭhat hlauh chu,keini ang kumah hi chuan inṭhen leh mai mai tih te hi thil tih chi ni tawh lo a maw" A chang hi chuan kei aiin a upa daih emaw ti tur hian a ṭawng ṭhin a.



"Nang ve?Treasury lama I tawn nen chuan
eng nge in an?"


"Oii nu Partei khan a lo hre fu mai a,ka zawt nasa lutuk a,ka ngaihven tih pawh a hre vek"


"Hmm ngaihvennnn,'sitar' ti mai la" Lai ringawt a mawle.


"Eng nge?Ka ngaihven chauh alawm" Thil ei pahin a sitar pa Gideon a chanchin chu a sawi mawlh mawlh a,ka ṭhiani hian a duh chiang alawm,mipa dang chanchin a sawiin hetiang hian a hmelah hlimna leh phurna ka hmu ngai lo mahse tun ṭum erawh a dang zar. Gideon nen chuan veng khat an lo ni reng a mahse an lawina kohhran erawh a dang thung a,engineer niin Power and electricity department ah system operator hna a chelh a,ka ṭhiani in treasury a,a hmu kha chuan thil pawimawh dangah a lo kal niin a lang. La hrechiang lo mah ila a hna chelh te,a hmel leh pian thlengin ka ṭhiani sawi aṭang chuan sawisel tur a vang khawp mai. Mipa ṭha tak,Amy chauh ni lo a engkim hmangaihpui theitu ni ngei se ka ti tak tak a ni.



Keimahni ang lo takin thla te chu kan la nasa khawp a,Amy nen hi chuan thil ho deuh deuh pawh ti ila kan hlim em em zel mai. Mi tu pawh be tlang nel thei a nihna te hlei hlei hian a rilru ṭhatzia a tichiang a,khual khua a ani ang ṭhian ka tawng hi chu vannei ka inti takzet.



In ka thlen chuan Feli pawh a lo la mu bik lo a,kan tihdanin tv on in phone a lo khawih daih thung a,inchhung reh lutuk tur ven nan tv hi chu kan chhuah mai mai zel.


"Au Sangpui u Tluanga lo kal asin" tih leh tui khawihna lam pan a rual a.


"A awm rei em?Sawi te a nei em?" Engmah a sawi lawk bawk si lo va.


"Rei lo..Ka ṭhiante an lo leng a,nuam a ti chiah lo nge reilote a ṭhu a,a chhuak leh daih. Kan ṭhiante pawh an haw ve deuh chiah" A no sil zawh chiah chu a rem mawlh mawlh bawk a. Sofa ah ka ṭhutthlak chuan eng emaw hi ka ṭhut palh a,remote emaw tiin ka tho leh thuai a mahse ka en chuan remote chu a ni lo. Kutphah a hum tham a dum hi a nia,pawnlam an chei dan vel chuan mit a la zar mai,ka en chian chuan lighter a lo ni a,a tlawm chi chu a ni bik hauh lo ang. Feli ṭhiante ta a nih ka ring a,hmu leh awlsam nan tiin tv bul kho tê ah chuan ka dah a.


Thawmhnaw te thlakin ka inphih fai hnu chuan mu turin khum lam ka pan a,Tluangdula chu ka call a,a ring ral ṭhak lehnghal. Call back mai turah ngai ang. Ka phone homescreen ka en chuan ka ui leh ka fanu nih fawm Trixie ka ngai ngei mai. Hna kal ngai reng ka nih vangin Champhai lamah Kanu te bulah a awm a,ka haw khat bawk nen haw chang hi chuan min lo ngai thei khawp a,kalsan hi a har ṭhin asin aw.



Zing chaw kan ei kham ka hna kal tur scooty ka hrukfai thuak thuak laiin ka thil hmu chuan rilru a tinâ ngei mai,thinrim thlak bawk si. Mi kut hnu tih hriat lutukin scooty vei lam chu a rang nuai a,maroon colour a ni bawk nen a chiang hrep lehnghal.


Thinrim ṭunin hna ka kal a,scooty lo khawihtu chu hre chak tak ka ni. Chhun thil ei chawlh laiin Amy nen workshop lamah chei that turin kan va dah a,khawih tur an lo ngah phian lehnghal a,hun a duh rei phian ang.



Kan let lam Amy scooty park ka nghah laiin ka hma zawnah scorpio vâr hi a lo ding a,nu 1 lo chhuk chuan min rawn nuih sen sen mai a,nulian leh ngo lam a ni bawk.


"Ka inhmu hram e,doctor i chungah hian kan van lawm tak" tiin kutchelh meuhin lawmthu min hrilh a,ka bangbo lutuk chu chhan ngaihna pawh ka hre lo. Motor darthlalang rawn in down aṭanga mipa kut min rawn vaitu ka hmu chuan ka hrethiam chiah.


"Kapi a ho lutuk,lawmthu sawi a ngai lo,kan tihtur ve reng alawm,in chhuak thei a hei a lawmawm lutuk,in lo in enkawl ṭha zel dawn nia"Ka damlo zai thinchhe deuh pa nu kha a lo nia,nu a neih hmelṭha phian lehnghal.



"Ka lawm tak tak a nia,oii a kal thei tawh lo ka lo hlau lutuk a,remchangah ka lo kal ṭha leh ang,hmu lo che a lo kal daih kha ka duh si lo a,ka lawm tak tak a ni" Damlo tam tak kan lo enkawl tawh a,ṭhenkhat hi chuan 'hlawh an la tho a,damlo enkawl hi chu an hna ve hrim hrim' an ti emaw chu aw tih mai turin an inluling a,kan phut vang pawh a ni lo,lawmthu sawi hneka min an khum chiam an awm laiin ṭhen khat lawmthu min hrilh chamchi an awm bawk a,kan pi leh pu,kan nu leh pa rual te'n kutchelh meuh a lawmthu min hrilh phei chuan a inthlahrunawm lek lek mai a,dam taka an chhuah phei hi chuan thiam ber ka ni ta emaw tiin hmai a uang duh asin aw.


Kan inthlah fel a,a inchei dan aṭang reng khan chhungkaw awm thei an nih tih chu a chiang a,a rilru erawh a inngaitlawm hle a nih kha.


"I mo ah ka lo ṭang i ti nghal lo a" Henu tak hi chu.


"Sawi tur i hre mak sak mang e aw"Kan building kan lo thleng reng tawh a,vawiin chu en tur kan ngah vak lo a,a hahdamthlak ang reng.


Tlai lamah chuan two wheeler taxi in ka haw a,haw kawngah chuan ka scooty lo thai rangtu tur awmang ka ngaihtuah ngial paw'n rinhlelh tur reng ka hre lo,hriat loh karah ka in luah pawh kan lo thleng der tawh chu niin.



Nitin mai hi a ngai emaw tih mai tur a ni,hna kal leh haw hlirin chawlhkâr ni chu ka hmang liam a ni ber,ṭhenkhat ka ni hman dan hria chuan boring min lo ti tawk te pawh an lo awm,thil danglam tih sawi hluai tur hi a awm lo em bawk a,Tluanga hman changin a lo kal a,buai hi a inti thei sia,a inla buai hrim hrim nge pawh ka hre tawh lo.


Ka nau Bawiha pawh tluang takin Aizawl chu a lo thleng a,a lo thlen ni lah lah chuan bike pawh chu a inlei a,unau pawh hi a lo in an loh thei khawp mai,ngaihzawng nei ṭheuh ṭheuh! Zanah a bialnu nen an lengchhuak a,college chawlh lai a ni bawk nen am ve thei khawp mai. Phai lamah awm ta chu chawlh hmanga Champhai a lo haw hi chuan Kanu hian a lo ngai lutuk hi chhuah a phal ṭhin lo a,ani lah tlangval bialnu nei ni bawk nen Kanu pawh nutling e ti lo chuan a titau ṭhin a,Kapa nuih a ti za ṭhin a nia.



Hun a kal ve bek bek a,ka ṭhiani chuan thu lawmawm sawi tur a rawn nei ta a,kan hlim dun teh asin. Gideon khan pi Partei bulah Amy no. a lo dil a chuan a lo be bawk a ni awm e,a sawi ni chuan kan thawm a ṭha lutuk a,thawhpui dang te an hawi nasa mai. Thil thleng vak la awm lo mah se inbiak chauh pawh chu ka hlimpui khawp a, Gideon thlalak pawh ka hmu ve tawh nghe nghe a,ka ṭhiani sawi ang takin sawisel tur a vang khawp mai.



Bawiha pawh a kal leh a hun ṭep tawh avangin Champhai lamah a haw chho leh tawh a,fûr kan lut ṭan tawh bawk nen ruah pawh rin lo deuh deuhin a sur reng mai. Hna aṭang ka haw in ka thleng chu ka huh zawr vek mai a,kawngah ka rawn tlan thlak laiin a sur thut vang a ni ber. Feli pawh vawiin chu class kal lovin a hâ checkup turin a chhuak a,a lo la haw lo a nih hmel. Thawmhnaw huh a room luh ngawt chi ni hek lo kawngkapui kalhin ka kekawr leh kawr hak te phelhin bathroom lamah inbual tur chuan ka tlang a,ruah lah chu han a tum tawh lo emaw tih tur khawpin thli nen chuan rawn thawk ta mai,chesual an awm lo hram beisei ang,an awm vaih zawngin a rang a ranga thawh chhuah leh a ngai anga.



Bathrobe keng lut hek lo towel nen invetin ka chhuak a,bathroom pawnah ka ding chiah tih ah kawngka chu pawn lam aṭang an rawn chum ri bur bur a,tun ang ruah surah chuan Feli bak a nih ka rin lo avangin ka inthuam dan ang ang chuan kawngka chu ka va hawn a,ka mi hmu tum loh lutuk ka va hmu vang chuan ka thisen kal lai hi tawp hmakin ka hria.


"Nang maw?" Kan tirual ṭhawt.


"In ka hai mawni le" Pawna h/no. in tar chu a en leh ṭhin.

"Eng nge i duh a?" Ka ti hriam hrak a,ruah sur nasa lutuk chu kan pawn veranda pawh tui a tling vek tawh.

"Feli te in a ni lo mi?" Lalfeli te nen ṭhian an ni tak e.


"Ni e,a lo la haw lo,kha lo lut phawt teh" Kawng chu ka kian a,milh vak lo mah ila nau te ṭhian an nih mai bakah thli a nasa si a pawna din tir reng chu a mi pangngai thlak lo riau a ka hriat vang a ni.



Kawngka ka kalh fel ka inher leh chiah chuan ka inthuam dan ka hrechhuak chiah,zahthlak lutuk. Kan minghal a lah chuan huh zawr vekin min en reng lehnghal,hmanhmawh tawkin room lamah ka tlan lut a,darthlalanga ka hmel ka hmu chuan ka hmai leh beng chu blusher ka hnawih sual ta emaw tih mai turin a sen a,ka towel invet lah chu chhing teih tawih lutuk. Ka inthlak vat vat a,room a tawm reng chu thil tih ni hek lo zamna zawng zawng dah ṭhain ka va chhuak leh a,tunah khan 'zamna' dah ṭhain maw? Kum 30 mi hi mahni nau te ṭhian lakah ka zam a nih chu!!


Kawngka sirah chuan a lo la ding a mahse a tshirt hak kha a lo phelh daih tawh chu niin. Phone call a hmang a ni chek ang chu a bengah chuan phone chu a chuk tuah a,ṭhuttir dawn lahin a huh si. Nylon chair pawt chhuakin a sirah chuan ka va hung a.


"Tah khan ṭhu rawh" A phone chu ak tawh lovin a dinna sir dawhkan tê ah chuan a dah a,chair ah chuan ṭhu thlain a kawr phelh tak nen khan a ban lehlam chu a hru a,ruah tui la cham bang a hru emaw ka ti chu a lo ni aw zawng lo,thisen!


"I inti pem em ni?Khatin hru tawp mah ta che" Nunna kaihhnawih a nih tawh chuan milh leh milh lo pawh thliar hran hman a ni tawh lo,nunna hlutzia hretu ka ni miau. Pan hnaiin ka va enchiang a,khawiah emaw a intai a ni ang chu,a thi duh viau lehnghal.


"A nâ lo" a rawn ti thum dawt a,a nat leh nat loh ka zawt tawp si lo.


"A nat leh nat loh ka zawt lo che,khatin i hruk tawp te chuan i pemah hian natna ṭha lo te lut anga sin" Ruah sur a do bakah a inti pem lehnghal a,damlo te pawh a hlauhawm alawm. Room lamah let lehin towel leh damdawi ka dahna bawm chu ka va la a,hemi te ṭhian buaipui hian hringnun ka hmang dawn a nih hi.



A hliam chu a thuk vak lo nain a kak thui phian a,ka silfai vek hnuah ointment ka hnawih sak a,a thip a tih ka rin tehreng nen engtin mah zu han awm lo a mahse khawsik nei ang maiin a taksa chu a sa thung a.


"Kha hei hian inhru hul rawh,ti kha chuan damlo chiah i hmabak" A hliam ka tuamsak hnu chuan ka towel lak kha ka pe a,ka ṭawng dan vang khan nge min melh tur nasa mai,ka ṭawng pa chhiat a hlau ve te pawh niang e.



Ruah lah chu a han thei reng reng lo mai a,a vawt bawk si. Room ah lut lehin Bawiha lo kal changa hakthlak tana kekawr bul leh a tshirt dah ṭhat chu la in towel nen a lo inhru buai mek pa chu ka va pe leh a,a nghal tehreng nen a aw.


"Kha hei hi tah sawn va ha rawh,ruah a han lawk lo ang" tiin bathroom lam chu ka kawk a,ngawi reng chuan a kal a,nidangah an ṭawng thei vei nen vawiin chu a hmui an ṭhui pinsak ta emaw ti turin a ṭawng tlem a.



Ka rilṭam tih hriat lutukin ka pum a ri ruk ruk mai a,a vawt si a,a in ve duh ang tiin a inthlak chhung chuan thingpui ka lo lum a,reilote ah a lo chhuak ve nghal a. Bawiha thawmhnaw chu ha thei lo tawp chu a ni bik lo,tshirt chu a ha thei a mahse kekawr bul erawh atan chuan a chhing deuh hlek a ni,Bawiha aiin a ngal a sei niin a lang.



Thingpui leh chhang chawiin sofa lama dawhkanah chuan ka dah a,nichin ṭhutna tura ka pek chair ah khan towel a lo zar ve mek bawk a.


"Thingpui hi lo in rawh aw,chaw kan chhuang lawk ange" tih leh buhfai dahna lam pan ka rual a,vawiin chu kan 2 kan ang lo riau. Ani a ṭawng tlem em em a,keiin ka be ṭha viau thung a,kei hi ka zam ve deuh tihna mawni. Eirawng ka bawl a,Feli pawh tang rei tawh khawp mai.


Phone call ka dawng a,Tluangdula a ni! Chuta a thu rawn sawi chuan min ti hamhai chiang asin,amah a ni lo emaw ka ti hial.


"Sangpui kan inkar chu tihian ti tawp tawh mai ang aw,min hrethiam dawn nia!!" Thleng tur chu sawi loh ngaihtuah pawh ka ngaihtuah pha ngai lo


"Ngati teh thut nge?" Ka aw rawn lawi ringawt chu duh lo tak ka ni.


"Nakinah ka hrilhfiah ang che,phone a sawi chi a ni lo..hriatthiam tum rawh aw"


"Ngati nge?Inneih sawmna ka chhan lawk lo vang che khan maw?" Insum tum sa teh mah ila a harsa lutuk a tin ni.


"Chutiang a ni lo,ka hrilhfiah ang che ka tih mawlh mawlh chu"lehlam ami chuan a rawn ti leh a,kum 2 dawn inzui tawh a,heti teh tawp a tawp te chu a ho mah mah. Ani phei chuan inneih te thlengin a sawi tawh a nih kha.


"Anih chuan tunah min hrilhfiah ta reng che!!" Ka ti vin ta ṭhat a. Min hrilhfiah chu khawi lam phone a rawn hang up hmak a,awih lo lutukin phone chu ka melh nghek.
Ka call nawn leh ngat a mahse chhanna a awm lo!


"Laltluanglian!!" Ka mittui ka kutah rawn far pap chuan ka tun dinhmun chu a rawn tichiang leh zual a,mittui vang bawkin ka khaw hmuh a phe ruai lehnghal.


"Kapi doctor I ṭha em?" Chu aw ka hriat chiah chuan keimahin ka awm lo a ni tih ka hre leh a,ka ṭap tih a hriat hlau lutukin ka biang chu ka hru thuak thuak a.


"Ka ṭha lawm,a van zia lo tak ka lo au chiam a,min lo hrethiam dawn nia" Pangngai thei ang berin ka timawi ve a mahse ka ṭah hi a chhuak takzet. Ngawi reng chuan chair pawtchhuakin dawhkan chu a rawn kil ve a,ṭah chhuah lai a nghal deuh nena inhmachhawn leh zel mai chuh.


"Ruah pawh chu a va sur rei ve mawle,kei hi damdawi pek che ka theihnghilh daih alawm" tiin nachhawkna chu la chhuakin ka pe a,khum beta a nat hmain nachhawkna chu ei daih se la,a zia deuh ang.


Ka chawhmeh chhuan chawk turin gas lam chu ka pan a,ngaihtuah lo hram tumin tih tur chu ka zawng ruai a ni ber.


"Inah i awm em?"
"Min rawn hruai lawk mai teh,I nu hriat lovin"
"Ti lo na teh,puih i ngaih hunah i hre mai ang"
"Hmanhmawh la Feli te inah ka awm chuan ilo kal lamin Feli kha va hruai bawk rawh" A ṭhiante hnenah hruai turin a hrilh a ni mah na,ka va hawi chuan sofa ah a ṭhu a,a mi biak chu a vau a ni ber.


Laltluangliana bawk chu rilru ah a lo lang leh a,hetiang thu a rawn sawi thut na chhan tur awm ang chu ka ngaihtuah a,ka hre thei bawk si lo. Inneih sawmna ka chhan lawk loh vangah ka ring thul,dik tak chuan mipa dang angin zei hawih viau lo mah se ka duh a,pasal a neih pawh ka duh a mahse ka la inpeih lo zawk a ni. Ka bianga mittui rawn luang ngiai ngiai chu ka kutphah chuan ka hru a,a tla leh zel bawk si,ṭah chhuah hlau lutukin ka hmui ka hup ta tawp a mahse hnunglam aṭanga taksa lum vung vungin min rawn kuah takah chuan ka baw hawk a,zah pawh ka ngaihtuah thei tawh lo.



Ads click
1.Bai nge baih?(Chawhmeh sawina ah hian)
2.Ro ro nge rau rau?(Thil inang ro ro nge rau rau?)Comment lamah khawngaihin min lo hrilh dawn nia


Show post links
Top

[Ngaia]

Zing ka tho chu nimin lam ang lo takin khua a ṭha khawp a,ka roomin ni a hmu ṭha bawk a êng tak a ni. Room ka chhuahsan chuan Feli'n eirawng a lo bawl mek a,nimin lam a khaw vawt tuar ngaihtuah chuan eirawng bawl tura a lo tho peih chu mak ka ti lek lek mai.


"Goog morning" Zang khai vah hian a rawn ti a,Tluanga nen kan inkar chungchang kha ka la hrilh lo tak e.


"Morning...I khua sik lo mi?"


"Sik lo e,nimina damdawi min pek vang kha niang" Dawmdawi tih takah chuan nimin thil thleng kha ka hrechhuak uar uar mai. A hming pawh ka hriat hlei lo kha ka ṭah khum chiam a,sawi tur vak hre bik lovin ngawi rengin min kuah hlu hlu a nih kha.


Feli lo thlen velah reilote inbiain ani pawh a chhuak a,kan inbe tawh lo bawk. Feli hma ah chuan pangngai thei ang bera lan tumin ka rilru nâ ka thup hram hram a,a nih loh vaih zawngin ka tihrilhhai dawn lutuk.



Chaw chu tlem ka ei ve a,engmah sawi lo mah se Feli chuan min en zui vawng vawng a,ni dangah ei tam deuh ka ni lo na chu tukin ka chaw ei chu nidang ka ang tlat lo a tin ni.


Hna kal turin ka insiam a,mahni chauh a awm chuan inngaihtuah lung puam te a lo awl khawp a,hriat loh laiin mittui a lo tla leh ṭhin.


Hospital ka thlen phei chuan ka mitthla ah thil tam tak a lo lang zut zut a,helai hmunah hian kan hun tam zawk kha kan hmang dun a,chhun thil ei ni se kan ei dun a,tlai haw lam pawh hun insiam a min thlah hram hram tu,ka ta ni ṭhin kha tunah chuan ka ta a ni tawh lo a,mamawh laia ka pan ṭhin kha tunah chuan ka pan thei a ni ve ta lo!


"Koh pawh hre lo khawpin eng nge ilo ngaihtuah a?" Titu vang chuan ka hawi dawr a,ka ṭhiani hmel hmu phei chuan ṭah hi chhuak ngawih ngawih.


"Ngati nge aw?"


"Nakinah hun awlah ka hrilh ang che" Nula uaih tawh,doctor pum pa hospital a ṭah chu a ni thei lo.



Kan hna te chu a ngai tein kan thawk leh a,danglam erawh keimah chauh a ni. Rilru a thil dang ngaihtuah chunga damlo lo en ka duh bawk si lo va,toilet chhuanlamin ka dawhkan ka thawhsan deuh reng maim


"Lalṭhian min hrilh tur chu sawi tawh rawh la hre chak a nia,vawiin chu nangmah pawh I ang lo,eng nge thleng a?" Canteen ah thil ei turin kan ṭhu ran tawh bawk.


"Tluanga nen kan inṭhen!"


"Maw?Ngati nge?I ṭhen em ni?" Mi mah rilru nât laia keimah zawkin inṭhen chu ka rawt emaw ti tlat.


"Teuh lo..nimin tlai kan haw khan a rawn sawi" Rin ai daihin ka aw pawh chu a pangngai a.


"A chhan sawi te a nei em?"


"Sawi lo,phone a sawi chi a ni lo nakinah ka hrilh ang che a tia"


"Awww a van zia lo tak,Laltluangliana chu a va timak reng reng ve"


"Mipa tih chi pawh nia mi?Rin hi a pha hlawl lo,ka hmu hunah kan hau hrep ang e" Thil kan ei zo kan let leh lamah chuan Amy chu ang hlak hlak a,Laltluangliana chungah chuan a lungawi lo takzet tih hai rual a ni lo.


Laltluangliana chu hna ah pawh a lo kal lo a ni awm a,call a pick duh der bawk si lo. Rilru khing bai deuhin min dah a,kum 2 dawn a lo kawp tawh ka nihna angin inṭhen a rawtna chhan chu hriat ka phu ve hliah hliahin ka inhre bawk. Haw pahin a clinic ah chuan ka va peng a,clinic pawh an lo khar a,dawmdawi dawr chauh chu an lo hawng a,a nau te sawi dan chuan Champhai lamah a haw lawk a nih hmel.



"U Sangpui nimin khan mak i ti awm" Kan 2 in eirawng kan bawl a,a hla play a sakpui mek tih laiin min rawn be leh thut a.


"Eng chu maw?"


"Zoremsanga kha..engmah ka hrilh bawk si lo che a" Ka ṭah khum chiam pa,kan minghal em em leh Valluck-a tia inchhal kha a hming chu Zoremsanga lek maw lo ni a.


"Ti ve tho e,amah pawh khan mak a ti lutuk,in hi a hai emaw a ti hial" Ka mitthla ah chuan huh zawr vek a kawngka bula a lo din lai kha ka hmu a,a san em vangin ka melh chho haw bawk a nih kha.


"Ât hmel leh ngawt ang chu! A â thei teh mai a nia mahse a fel ve ngawt mai nimin te khan min rawn lam tir thlap a" Khaw chhe karah kan Lalfeli haw na tur a lo ngaihtuah ve em em a nih kha.


"A ṭhianpa thu a pe kual char char a nimaw"


"Zorempuia maw?Nimina min lo hruaitu kha chu a unaupa lawm,phir an nia,a upa zawk bawk sia Zorempuia hi thu pe kual reng zel" Phirpui te a lo nei a,nimin a haw lai khan pawn lamah ka chhuah ve miau lo vangin a unaupa hmel chu ka hmu ve lo.



Zanriah kan kham thleng te kan sil zawh chuan Feli chu a ṭhiannu Christy bday lawmna lamah kal turin a insiam a,mahniin ka awm leh rek rek dawn tihna nih chu. Laltluangliana chu ka call ṭhin a chhang duh ngai lo a,message pawh a seen duh chuang lo. Feli pawh ka scooty hman min dil a,a inkhalh chhuah hnu rei vak lovah kawngka an rawn kik a,ka va hawn chuan ka zak chem chem mai.



"I awm maw?Hei..I bialpa thawmhnaw ka hak haw kha ka lo pe dawn che a" Paper bag chu ka lamah a rawn lek vau vah a,a thusawi ah chuan nuihna tur a awm loh tehreng nen a nui suk suk lehnghal. Chuan eng nge a rawn sawi kha? Bialpa thawmhnaw!! Ka nau thawmhnaw ka haktir kha bialpa thawmhnaw ah a lo ngai a nih chu!



"Khawi" Ka bialpa thawmhnaw a ni lo ti a sawi chu ka tum lo ve tlat,nimina ka ṭah chhan kha mipa vang a ni tih hre lo se,bialpa ka nei reng angah ngai bawk se la tichuan min zuam lo deuh ang chu.



"Luh min phalsak na nge?" Nimin a mizia nen chuan a dang leh hlak tawh.


"Lalfeli a awm lo" ka tih chuan a phun hluk lehnghal.


"Zawhna i va chhang thiam lo ve Kapi doctor" tih leh lo kun hniam a rual a,ka phu bawk si chu hnung lamah ka awn duai a,chumi rual chuan ka kawngah ban a rawn rawlh nghal zat! Kan hmai a insi lo chauh lehnghal!


"Awm sawn teh!" Tih leh a awma nam ka rual a, awmzia erawh a awm lem lo khawp.


"I zun a uai a nâ dawn hle mai" min melh vung vung hnuah a ding ngil leh vut a,kei pawh rang lutukin ka tawlh hnung nghal a.


"En teh Zoremsang I.."


"Aw ka en" ka thusawi rawn pawt chat hmak a nih chu.


"I chhaih phak tur kum ang kha ka ni tawh lo a,zah lo tak leh mawi lo taka min chhaih kha bansan ang che chuan haw tawh rawh"


"Ka lo rim ve che nih hi,min haw tir ngawt suh" a la ti ta deuh deuh.


"Haw la a nimai" kawngka khar ka tum chiah rang takin lehlam kawngkhar a rawn chelh a,a ban lehlamin rihna nei ve hlek lo ang maiin min chawi lawp a nih chu!


"Min dahthla rawh!!"


"Shh I ṭhenawm te'n an lo hria nge" tiin kawngka a khar hmak a nih chu! Zak lo ti lutukin ka melh vak a,a kiai suk duh chauh.


"Haw rawh I kawm tur an awm lo,ka mu duh nia"


"Umm bialpa biak tur nei ta lo chu mut hma i tum ta mai a ni maw?" Ka bialpa nei tawh lo chu min hmusit vel tihna nimaw.


"Ka nei ve bawk e"Ṭhutna lam pan ta lo chuan kawngka bulah kan ding ta reng a,inhmachhawn a ding kan ni bawk nen a lakah chuan ka tê rawih rawih maiin ka hria. Kawngka fit 6 chu a pelh zan zan mai a,a dar ka pha ve ṭawk a ni.



"Tunge niminah bialpa vanga ṭap kha?" Rawn ti ta mai,zahthlak bawk si chuta karah nei angin ka lo la chhang ve char char a. Intibo thut thei nih ka chak ber ṭum a ni hial ang.



"Haw la a nimai" Zak lo ang tak chuan ka ti leh a.


"I zak leh si nimaw? Bialpa nei lo pui nei angin awm tawh suh! Nula senior ho tak hi chu aw" Hepa hian min ti dang lel reng mai a nih hi.


"Lungngai mah ta che ka nei bik lo a nia,i duh leh I bialpa ang chuan min lo sawi mai rawh" A neih leh neih loh ka zawt tawp si lo.


"Ka mumangah pawh ka sawi lo vange"



"Ka bialnu nih duh an tam tehreng nen a aw" Inla luck leh lutuk mai.


"Duh lo tlemte zingah chuan ka lo tel zawk ange"


"Remchangah ka lo kal leh ang KA BIALNU" Fiah leh zualin ka beng bulah a rawn phun sap a,biak leh hman lovin a chhuak leh nghal a,ka thaw huai mai. 'Ka bialnu' te chu min la ti ta khanglang a,a lo kal tawh lo nan dil mawlh mawlh a ngai a nih hi.



Thawmhnaw chu room ah luh puiin bag chawp chuan thawmhnaw dahna ah ka dah lut a,dawhkan a laptop chu banin sitting room lamah ka chhuak leh a,sofa ah ṭhuin nâtna khirhkhan deuh ho te chu ka en kual a,a tlangpuiin chung nâtna khirhkhan tak tak chu sap ho hian an kai a,tihdam harsa chi a nih bakah hunrei tak enkawl ngai te a nih hlawm avangin insen fe a ngai bawk a,keini Mizote erawh Pathianin min khawngaih a,nâtna khirh tak tak vei an vang a, kai ve ta ila chu neih thinlung khawng meuh paw'n kan dam zo dawn lo.



Malsawmna kan dawn te hlutna chang kan hre lo fo ṭhin,chung zingah chuan kei ngei pawh hi ka tel a,hna ah hah lutuk chang te hian 'tinge maw ka lo thawh kher kher le?' ka ti ṭhin a,mi tam tak doctor nih chak,thiamna leh neihin a tlin si lo an tam em em laiin lawmna chang ka lo hre lo ṭhin. Chutiang bawkin kan ram zim tê pawh mite ram angin zau leh phai zawl nuam tak ni lo mahse phai aiin boruak a thianghlim a,lirhnghing leh tuilian vanga phai lam an buai laiin thlamuang takin kan awm thei a,lirh te chu nghing ve ṭhin bawk mahse chhiatna rapthlak a thleng ngai lo te hlei hlei hi kan vanneihna a ni.




Laltluangliana pawh kâr khat a chawlh hnuah hna ah a rawn kal a,min lo hmu lo der hmak a,zah ai mah chuan nâ ka ti zawk. Thawhpui te zawng zawng paw'n kan inkawp chungchang kha an hria a,thil ei dun,haw rual thlap thlap ṭhin chutia min hmu lo der a min kal pelh ta hmak hmak chu miin min en duh khawp a,zawhna min zawt chak si mahse zawt ngam si lo an awm furin ka ring.




Tlai banah chuan a motor hunna bulah ka lo nghak a,Amy'n min awmpui a tum viau nain keimah a ka biak thei tur thu ka hrilh takah chuan rilru nuam vak lo chuan a haw ta a,Laltluangliana chu a rei phian lehnghal.



"Thil hrethiam lo rual I ni ami?Miin min en a nia,haw vat rawh" Ka phone bih a ka lo kun ngar ngar lai a rawn titu vang chuan ka hawi chhuk a,min biak dan te chu a dang ta zar mai.



"Ka hriatthiam theih nan a chhan chu min hrilhfiah phawt rawh" Luhlul chhuahin a car ṭhutluhna zawnah chuan ka ding ve tlat a.



"Chhan vak a awm lo,tihtawp ka duh a nimai" Ka tlawm rawih rawih mai a ni,chhan mumal awm lovin kan inkar chu tih tawp a duh a nia.


"Inneih chungchang vang khan em ni?"


"Maw?A ni em?" Min chhang lova ngawi renga a din vanga zawt leh ngat ka ni.


"Haw rawh,hetia I awm hian mite tan hmuhnawm I chhuah tih hre lo rual pawh I ni lo" tiin ka banrekah chelhin min kalsawn tir a tum ve ṭang ṭang a.


"Ngati nge hetia I awm tlat?" Ka mittui tla tur chu dan tumin van lam hawiin ka khap fak fak a,a harsa a ni e.


"Atthlak taka chet hi bansan ang che" tiin a tlan chhuak nghal a,chutia awlsam taka a kal nghal mai chuan min tinâ takzet. Mite chu awm ve bawk mah se tlai lam a ni tawh avangin an tam tawh lo a,a zia viau.


"Tinge a ruka ilo ṭah leh tak?" Inkhalh chhuak lawk lo a scooty bulah ka din laia hnung lam aṭanga rawn titu vang chuan ka biang chu ka hru leh hnuhnawh a,ṭah laiin rawn lang ve ziah mai.


"Ka ṭap lo bawk e" Melh duh lovin hnuai lam chu ka bih ve ngar a.


"I ṭah loh chuan a ṭhat chu! Nula senior ṭah belh leh dawt sawi ching tak I ni" Ka ṭah chhuak kha ani hmu takah chuan thinrimin a rawn thlak a,au khum chiam mai chu ka nap.


"Awm sawn rawh sut i duh te nih ngawt loh chuan" Tlan chhuah inpeih atin scooty ah chuan ka chuang a,ka su pawp zawk dawn maw ni.


"I hlutna hrelotu umzuiin ṭap reng mah ta che,ani chauh mipa a awm lo!" A thu rawn sawi chuan ka che chu a rawn titawp chiang asin. Ni e,ani chauh mipa a awm lo mahse mipa tam tak zingah amah kha ka thlan a nia lawm.


Engtin mah chhang tawh lovin ka inkhalh chhuak a,side glass aṭang ka va en chuan ka tlan chhuak chu min rawn thlir zui vawng vawng mai a,Amy sawi ang khan a hmel saw chu a ṭha ve chiang alawm! A nghal lutuk leh awmdan mawi hre lo lutuk saw a ni.




Ni a liam zel a,Laltluangliana'n inṭhen a sawi aṭang pawh thla khat a liam ve ta. Ka zawt ṭhin mahse chhanna mumal min pe ngai lo va,phone ah ni se min block hmak a,Amy paw'n a thiam ang angin min hnem ve a,Laltluangliana a va hmu chang lah a tam. Feli paw'n kan inkar chungchang a lo hre ve tawh a,a tirh a ka hrilh vat lo te chu min dem dawn dawn a, Amy ang tho in Laltluangliana chungah a thinrim khawp mai. Amy leh Feli te'n fuihna thu te min hrilh ziah a,thil ka ei ṭhatloh te an hlau em em mai a,min vil chawt a ni ber.



Keimahin inah ka awm a,Feli erawh karleh lamah MZU in function an nei dawn avangin zirtur leh practice tur neuh neuh an nei a,a lo tlai deuh tur thu sawiin a chhuak ta kha a nia. Phone khawih a ka mut zal mai mai laiin message ka dawng hlawl a,hma ka sawn tawh viau emaw ka lo tih kha a lo ni lo chhia va a ni.

*Laltluangliana'n nupui a nei dawn!*

Kawngka rawn inhawng lam ka va hawi chuan Zoremsanga kha a lo ding reng a,hepa rawn lan hun hi a mak ṭhin takzet.


"Lengah ka lo sawm che" tih leh sofa a ṭhutthlak a rual a,a lang dam thlup mai.

"I kum rualpui emaw min tia mi?" tiin ka ṭhu chhuak nghal a.


"Tih i duh ami? Lengah ka sawm che lawm" A thusawi dan mai mai chuh.


"Ka peih lo abikin I rual lehlek phei chuan"


"I peih lo leh tihian inah kan awm anga nimai alawm" tiin a kerek lehlam chu a khupah nghat a rual a,chhuah chu a tum hmel lem lo khawp.


"I ninawm mang e,khawngaih takin haw hram teh"


"Min hnawt bik reng mai,insiam rawh chhuak ang,ka pu chhuak thei tho che a"


"Ka peih lo"


"I insiam dawn nge tikhan kan chhuak dawn?" tih leh thawh a rual a,ka ṭhutna lam a rawn pan nghal zat. Min rawn khawih leh thut hlau lutukin ka ding ta hluai bawk.


"Ka insiam dawn,tah khan lo awm reng ang che" melh vakin room ah ka luhsan a,thinrim lutukin khumah chuan ka ṭhu a,a ṭhutna zawng bang chu ka melh ta vak a,min rawn hmu thei pawh ni hlei lo.


"I va rei,ka insiampui che i phut deuh em ni?" Ka ṭhut reng laiin a rawn ti leh a.


"Ka insiam dawn reng,rawn lut hlek suh"

Fur lai lehnghal a chhuah chu ka peih lo tak tak a ni. Phur fahran lo chuan ka insiam a,ka hmai te hnawih ve thuak thuakin shoulder bag akin ka chhuak a,a phone bih aṭang a rawn hawi chhuak ve chiah bawk.


"Nula senior i ni tawh tih hriat miah lo"


"Ngawi chip cham rawh"


Kawng kan chhuak chho chiah step sir deuh ah chuan a bike a lo hung a,street light êng chauh a nih avangin eng ang bike nge a neih tih chu ka hre thei lo a mahse bike satliah a nih reng ka ring lo.



"I tla nge aw keimah hi min rawn chelh hle hle rawh" Hnung lamah invawnna tur a awm si lo,ka tlak vaih zawngin ka nâ dawn bakah zawhna a tam dawn si,tim daiin a darah chuan ka vuan ve ngei a,kan kalna tur ka zawh lahin a sawi duh der lo. Kan tlan zel a,in a lo awm khat tawh em em mai lehnghal. Lirhthei tlan ve te reng reng chu an tlan fua fua mai a,hlauthawng tak ka ni tawp.


"Khawi kai hmunah nge min hruai hi Zoremsang?" Awm hnaihin a beng bulah chuan ka va au nghek a,helmet a khum daih vangin a hriat phak pawh ka ring lo.


Min chhan loh vang chuan a darah ka beng dat a,chumi rual chuan brake ta thut mai. Ka va bawh rawk rawk a,ka awm zawng zawng nen a hnungah ka va bet thlawp a ni ber.


"I va khalh thiam lo ve" tih leh chhuk ka rual a,in pawh awm lohna ah kan ding ngawt lehnghal.


"Chhuk ringawt suh,rawn lawn rawh"


"Ka peih tawh lo,min rukbo i tum em ni?" A helmet a la thla ve chiah bawk.


"Aw ka ru bo dawn che!"


"Nang pa hi" tih leh ban ka rual a,a lo indang hman.


"Lo chuang rawh,kan thleng ṭep,helai a din reng zawng a fuh ber lo..chu eng nge?" Tiin a hawi hruk hruk a,ka awmna hi a thim bawk si,ka hlau deuh chuan ka va hnaih leh deuh a.


"Zoremsang I remruat hi engmah a dik lo" tiin ka lawn leh a,a ruala ka lo chhuak chu ka tisual chhia va a ni.


Kawngpui aṭang kan peng a,thui kal hmain in a lo awm a,kawtah chuan bike a lo awm ve fur a,kawtah chuan 'Joggle bar' tih a lo intar a,chutia ka hawi kual lai chuan hnung lam aṭang ka kawngah rawn kuahin engmah ka sawi ve hmain min luhpui a,pawn lam aṭang a reh tehreng nen inchhung chu an lo ri hut hut a,an lo lam suau suau a,kan kal zel a,a sir ṭhutna ah te chuan an lo inbawh hiam hiam a,hetiang hmun hi kal chu sawi loh a awm tih pawh ka hre ngai lo.


Intur min laksak a,ka kutah chelhin inchung step chho na ah chuan min kai chho a,kan inbo hlau vanga a chelhna pawh chu sawi buai lo ka ni. In chung aṭang chuan hnuai lama lam suau suau ho chu an lang chiang khawp a,ṭhutna awmah chuan kan ṭhu thla a,kan ṭhu chiah tih ah hmeichhia lo awm ve te chuan ka bulah mi chu an lo bawh huam huam a,sir deuh ah chuan ka lo tawlh sawn tawp.


Ri hut hut karah chuan boruak mil lo takin ka rinru leh ngaihtuahna ah Laltluangliana kha a lo lang a chuan eng eng an sawi kha? Nupui a nei dawn chu pawh inṭhen a sawi aṭanga thla 1 hnuah! Ka ngaihtuah leh zel chuan ka ṭap leh mai dawnin ka hria a,ka intur ken chu ka tlak pap a,ka hrawk a sa thla hat hat mai. Lam chi ka ni lo a,phone khawih dawnin Laltluangliana chanchin hriat leh ka hlau bawk si chu intur an chhawp chu ka in ka in a,ri bengchheng chu a zawi tial tial a,ka lu a hai mual mual mai. Ka hawi kual chuan Zoremsanga mal chungah hmeichhe 1 hi ṭhuin an lo infawp mial mial a,hmeichhia chuan Zoremsanga chu a zut kual ruai bawk. An infawhna chu ka en reng a,zei tak hi a ni tawp. Chutia ka lo en reng lai chuan Zoremsanga chuan mitmengin min rawn melh ta siah a.



Ads click
Edit loh a nih avangin mistake a awm nual ang,in hriathiamna ka dil bawk e.

Post thar a nih avangin like leh comment a la tlem em em a,ṭan min lo laksak leh ṭheuh turin ka ngen a che u


Show post links
Top

[Ngaia]

Zoremsanga POV

Kan infawh laiin min en reng tih ka hriat takah chuan ka fawh mek Lucy chu thlah chuang hauh lovin doctor i chu ka va melh a,a hawi sawn rang viau mai. Nui sukin ka inla hrang a,dawhkana a thil in bur ruak te ka en chuan amah a ni lo emaw ka ti hial a,pawn lam lan dan leh a chhung lam inanlohzia ka hriat belh zel chu a nih hi.


Hmelṭha ka ti a,Isaac damdawiinah ka awmpui zan aṭang khan sawipui hluai tur awm si lo hian ngaihtuahna hi a luah ve reng a,tumah phei chu ka hrilh lo. Inhmu changin ngam pa taka ka chhaih ṭhin na kha hmeichhe dang chu ni se min chhan let chu sawi loh min en ngam tawh lovang mahse ani chu zam bik hauh lovin min tilet ve zek zel mai a,kha khan keimah ah chona min pe a,tlawm duh lohna neihin ka chhaih chhunzawm zel bawk a nih kha. A hun tawn fuh lo lai takin ka lo awm veleh zel a,pawn lamah chak leh nelawmlo,'kei ka ni' ti a mahni lu zo vah anga lang si kha awmdun tam takah chuan a lo nihlohzia ka hriat phah a,chak leh hlim taka a lanna phenah rilru nâtna tam tak a lo inphum bawk a,ka hming pawh a hriat hma hauhin min ṭah khum chiam tawh a nih kha. Kei aia upa a nihna anga ngaihven zui lo a inthiar fihlim tur ka nih laiin ka hnaih chak sawt a,kha a bialpa lawi lo zet vanga a lo nât tawhna te kha hlimna a thlaksak ka duh a ni.



Ṭhianpa Isaac a'n university lamah kal turin min lo sawm a,ani pawh hi practice tur a nei a zeng pawh a ni lo. A bialnu Christy kha a hruai dawn tih ka hriat takah chuan Lalfeli rilru ah lo lang a,ani pawh a chhuak dawn chiang sa tih ka hriat vang chuan ṭhianpa Isaac sawmna chu ka lo hnar a,ringhlelh taka min melh vung vung hnuah a tlan chhuak leh a,a sawmna ka hnar vawi khatna a ni hial ang chu..chu pawh doctor i vang bawk!!


Sana ka en chuan dar 11 a lo hnai tawh a,Lalfeli in thlen hma a ka thlenpui chu a fuh ber ang.


"Ka hruai haw tawh ang che aw?"


"Ka la awm duh,ka intur pawh ka la in zo lo" A ṭawngdan aṭang pawh chuan a rui tawh tih a hriat ngawi ngawih.


"In tawh lovang!Haw ang le" tiin a bag kensakin ka pawt tho a,ṭang buai lovin a rawn tho veleh mai a,Lucy'n ka let leh dawn em tih min lo zawh chuan lu thin khum nghutin kailawnah chuan ka chhuk thla a,pawn kan chhuah chuan a reh duk mai.



Ngawi rengin ka hnungah chuan a chuang a,a rui deuh tawh vangin ka hnungah a bei chial bawk. Thui kan tlan tawh tih ah chuan rawn ṭap ta mai,ngaihna hre lo fe chuan a sirah ka dinpui a. Hnung lam hawi ka tum chuan min rawn kuah nghet zual a,a ṭap char char mai bawk sia.



"Ṭap tawh suh"


"Laltluanglian ka haw lutuk che" tih leh ka hnunga ben a rual a,a bialpa hlui emaw min ti a ni chek ang chu. Min kuah tawh lovin bike aṭang a chhukthla a,ka chhuk ve zat bawk.


"Ngati nge kei lo midang nupui a neih I tum a?Ka haw lutuk che misual..min lo duh ve ngai miah lo em ni?Min neih tur anga sawiin ngati nge midang chu neih i tum a?" Thlang lam hawiin a au chiam a,a ṭap pur lehnghal.


"Kha pa vang khan ṭap tawh suh" ka tih chuan rum fahran hian mittui karah min rawn melh a,hmeichhe ho tak hi chu aw.


"I hria em?Nupui a nei dawn!! Kei lo midang a thlang asin" A ṭap nasa si,miin rawn hmu se la chuan ka vel emaw an ti ngei ngei ang. Heti khawpa duhlo tu chu engah nge a theihnghilh ve hmak lo mai le? Helamah a lo ṭahpui chiam a,zawnga lah chu nupui neih te a lo tum a,a va chak dawn lo lua em.


"A phu hlei nem che,kha zawng phiangsen vang khan ṭap tawh hlek suh!" Ka ti vin ta ṭhawt,chutia ka vin ringawt chhan pawh chu ka hre der lo mahse hei erawh ka chiang,kha pa hming kha ka beng hian a ngaithla hne tawh takzet!!


"Duh leh ka ṭap ang!!" A rawn ti ṭeng hlar a,thin hrep tumin ban ka lek uai a mahse la insum hram hram zawk a ni.


"Ka beng hriatah kha pa hming kha sawi leh na teh,ka hawsan nal nal ang che" Ka hawsan dawn lo tih a hriat vang nge a la sawi char char a,a ṭap bawk a,a ṭahpui chhe ropui si!! Mipa zawnga ngaihtuah chuan a tlawm thlak ka ti takzet,mipa dang vanga ṭap ka buaipui mek chu a nia. A nau thlen hmaa thlenpui ka tum tehreng nen a hmangaihna lak nât luatah kan rei hrep dawn a nih hi.



A rui a reh deuh a,hmanhmawh ber berah a ṭang leh a,lirhthei veivak an tam tawh lo bawk nen tlan chak fua fua tak kan ni.



"I lerh lutuk vang vek!Kan tlai phah,oi.. Feli lo haw tawh ngem le?" Tih leh chhuk a rual a,kan tlai chhanah min puh zui a nih chu.


"Hello!! Tunge kawng laiah ṭap chiam kha?" A bag nen min rawn tin uaih a,min hlap em lo.


"I mi zûk rei lutuk vang vek!!" Lucy ka fawh kha a sawina a ni tih ka hria. Step ah chhukthlak a tum chuan a banah chelhin ka pawt dawr a,min rawn ngheng rawk rawk mai.


"I thik deuh em ni chu?" A beng bulah chuan ka phun sap a.


"Teuh lo,naupang infawh te mai mai" tiin a kawng ka kuahna aṭang awm sawn a tum ve ṭang ṭang a.


"Naupang fawh a ni chiah em tih kan prove dawn mi niang?"


"Ngai lo mai rawh se aw Naupang" min ti let ve nghal zat a.


"I bialpa dul kiar deuh ai kha chuan ka zei a nia" tih leh a hnute ṭham ka rual a,bra chhah vang ni hauh lovin a lian hrep lehnghal. Ka thusawi leh chet dan vang chuan a sa teh e.


"Vawi khat mah rawn inlan tawh suh,zak lo lutuk mai" tiin stepah chuan a chhuk thla nghal a,khawr taka chahbi a hawn lai te chuan ka en reng a,ṭawngkamin a tihzam phak lo chet chiah a zak chi a nih tih ka hriat phah ta bawk a,a luh dawnah chuan rum thei pa tawpin min rawn melh lehnghal.




Lawmsangpuii POV

Thinrim ṭunin ka thawmhnaw chu ka thlak a,ka thil in te kha khawiah nge a thlawh bo vek ni? Inphih fai vat vatin mu tur chuan ka insiam a,kawr ka thlak lai chuan Zoremsanga chet dan leh kut hlei lutuk kha ka hrechhuak leh a,huat tak tein ka hua.



A tuk hna a ka kal chuan Laltluangliana nupui neih tur chungchang kha an lo sawi luai luai a,ṭhenkhat lainat hmel taka min en lah bo lo. Amy mawlh chu a ni,min ngaihsak em em a,ka ngawih deuh vung vung chuan min rawn be thuai zel a, thu ho deuh deuh sawiin ka ngaihtuahna chu lakpen a tum hram hram bawk.



Inneih an rawt chuk chuk na chhan chu an lo puk lawk hi a ni a,rilru nâ tizual turin nau thla 4 mi an lo pai tawh lehnghal,awmzia chu kan inkawp lai khan phatsan ka lo ni daih tawh!



Hospital staff zawng zawng inneihna ah chuan sawm kan ni a mahse khaw dang daih a nih bakah kal vek a rem si lo a,a ṭhen a zar chauh an kal a,Amy nen hna ah pawh kal lovin kan inah kan awm nileng a, sawi tur hre lo va kan ṭhut ngawi reng laiin Lalfeli leh a ṭhiante an rawn lut hlawl a,Zoremsanga rawn tel ve leh ta chiah!!



"Lalfeli ṭhiante chu lo ṭhu r'u" tiin Amy'n a lo dawngsawng a,kei erawh ka ngawi reng.


Lalfeli inthlak chhungin Amy'n thingpuite a lo lum sak a,an nulate an nu tet tehreng nen an mipa ho hi an hraw hlawm khawp a,Zoremsanga pawh ka ep chiah sofa ah chuan ṭhuin min melh ngur ngur a,ka hai der ve tlat bawk.


"Au Sangpui hei Zorempuia chu, ka sawi kha chuan hei hi a phirpui Zoremsanga misual kha a nia" Feli sawi dan vang chuan a lo phun hluk a,Isaac pawh kha a lo dam var tawh a,a damlo lai ang lo takin min nuih sen sen mai.


"Kalna tur in la nei em?"


"Nei tawh lo e" Zorempuia zawkin Amy zawhna chu a lo chhang thuai a,mize ṭha zawk chu hriat mai alawm.


"Ui a nih chuan bazar ila tah chaw eikhawm ang u,in ṭhianho chaw ei khawm a ni leh mai a..Lalṭhian ṭha i ti em?" A rawtna ṭul lo ka tih ber ṭum a ni hial ang. Lo phal lo chi ni tawh hek lo,chaw eikhawm chu kan tum tlang ta a.


"I va ngui ber bur ve" rawn titu chu melh pawh ka melh peih lo,thlang lam balcony ah Christy,Isaac leh Feli te guitar perhin an zai dual dual a,Amy leh Zorempuia pawh chawhmeh bazar turin an inphur chhuak a,chaw ka lo chhuang lawk thung.


"I tum bur paw'n i hmel chu a ṭha tho a nih kha mawle" tih leh chair a ṭhutthlak a rual a,min tibuai lo a awm thei reng reng lo mai.


"Ngawi chip cham rawh"

Tihtur a la awm lo bawk nen kan ṭhu deuh vang vang a,Zoremsanga pawh a ṭhiante pawh mai lovin a ṭhu ve reng a,ṭawng lo a a ngawi reng hi chuan ka hnawt bik lo.


Chawhmeh lei ho an rawn thleng a,an han lei kim khawp a. Bawngsa leh arsa an lei a,chhum tur leh salad tur thlengin an lei vek. Sa siam ka tum chuan Zoremsanga'n min rawn chuh thuai a,a luhlulzia ka hriatchian em vangin ka pe ve mai bawk.


Ka ngei deuh chu sa chan tet laiin chelhsak tura min koh zel chu a ni. Peih lo thu sawi tawp chi a ni si lo a,ngawi rengin ka tho chhuak a,a bul ka thlen veleh tumahin min ngaihsak chuang lo tiin a beng chu ka pawksak vak a, a nui duh lek chauh a ni.


"A let a awm dawn nia aw" zawi sap hian a rawn phun a,zam lo nasa mai.


Sa siam chu a lo thiam khawp a,midangin puih an tumin a hnial nasat tehreng nen kei chu min koh chhen mai a.


"Hei!!" tuikhawihna ah tomato ka sil lai mekin hnung lam aṭang a kut pahnihin ka awm a rawn hup chawih a nih chu!! Rang fahranin a kut chu a la thla leh a,a phakar asin aw.


"Ngati nge?" Midang rawn hawi ṭhup takah chuan engmah ti lo angin zawhna min zawt daih lehnghlal a,sawi chhuah chi ni nghal lo chuan. Rum fahrana ka va melh chuan 'A let chu nih kha' ti ang hrimin min rawn melh ve kar lehnghal.



Chaw chu kan ei a,Zoremsanga ber bur chu ka bulah a lo ṭhu chat a,chaw a ei hle hle emaw tih laiin ka mal a lo zut thul! A kut la va ben chuan reilote tak hi a lasawn a,a rawn ti leh ṭhin a,ka ning lutuk chu ka sik ta vak a,nâ a tih hmel ngang mai. Kan chawhmeh a tui bawk a,kan puar tlang viau chuan ka hria.



Chaw kan ei kham a,Feli leh Christy in eina hnu te an tifel a,mipa ho erawh zialzu turin thlang lamah an chhuak ta dial a,Amy pawh a puar ngang a niang,ṭhu lawk lovin a vei chhen mai.


"Kan haw ange,muttui u aw" Step tawp thleng an haw tur chu kan thlah a,midangin 'muttui' ti a an haw hle hle laiin Zoremsanga pui chuan "Muttui bik bik le" min tawn ti kher a,Feli'n min en tawn zak zak mai.


"Ee au Sangpui" tiin a kiai ta suk suk a.


"Eng nge?" Kuah thlak pahin mei nei deuh chuan min melh min melh a,hahthlak hian.



Mu turin kan room ah ṭheuh kan lut a,thawmhnawte ka thlak zawhin khumah chuan ka mu thla a,fur a tawp tawh dawn a nih hmel ruah pawh a tla khat tawh khawp.



*Hmelṭha ṭahbelh nu* no. save lo aṭang message ka dawng hlawl a mahse tunge a nih tih chu ka hre lutuk tlat. Message chu reply lem lovin ka seen ringawt a, khawi aṭang nge ka no. te chu a lo neih leh bik ni.



*I mu tawh em ni?*
*Seen ringawt lo khan min chhang ve rawh* a rawn ti leh a,duh duh hi thu pe kual thei ah a inngai mawni.



*A let i tuar leh duh angah ka ngai* rawn ti leh hram a.


*I zak lo emai aw,khatiang khan vawi 1 mah che tawh suh* tiin phone chu ka dah san ta hmak bawk.


Zing ka thawh chuan Feli'n ka no. a lo pek thu a sawi a,a pek ngawt na chhan ka zawh lahin "ama'n alawm min dil" ti leh tlat a, Feli chuan a pek ngawt na chhan tur chu a awm lo.



Laltluangliana nupui nei ta daih chu Kanu in ka thiamlo ah puhin phone aṭang min hau hrep a, phone hang up hmak chung paw'n min rawn call leh ngat ngat zel. A ṭawngkam a nâ khawp a,a ṭawng hlawk thei si a,a chang chuan kan monu tur te hi tunge ni dawn tih hre lo mah ila ka lo khawngaih ve tawp zel. Kapa erawh chuan engmah a sawi lo a,Bawiha paw'n min rawn be ve ngei mahse ani chu Kanu ang lo takin min lp hrethiam em em a,Laltluangliana nupui ka lo ni lo vanneih min tihzia a rawn sawi bawk a,"Tuna a nupui hi lo ni zawk ta la,khang hun chhung khan midang kawp lai a nei tihna a nia,tlangval lai paw'n a rinawm lo a,pa a nih hunah chuan a sim ang tih sawi theih a ni hlei nem" a ti a,dik ka ti khawp mai. 'Mipa lerh tawh vek vek hi chu pa an nih hnuah pawh an la lerh' an tih tak kha mawle.



Zoremsanga pawh rawn lam thut a ching em em mai a,Lalfeli nen an inman fuh phian lehnghal. A lo kal chang hi chuan room ah te ka awm daih zel a,Lalfeli nen eng eng emaw sawiin dar 11 dawnah te a haw a,phone ah pawh a la nghal tluang zel a,tihngaihna tak pawh ka hre lo.



Tlai khat ka hna bang chu ka scooty tlan loh ni a nih vangin two wheeler taxi ka chang a,a hnunga chuang an awm lo leh min tlan pelh daih zel a,minute 10 dawn ka din hnuah ka hmaah tak bike a rawn ding ringawt a.

"Rawn chuang rawh,ka lo thlah ang che" Helmet phelh chuang lo chuan a rawn ti a,a mitmeng leh aw aṭang tunge tih ka hre chiang takzet.


"Hmanhmawh rawh traffic kan ti jam a nia" Chuang lawk lova ka din reng takah chuan a rawn ti leh a,hnung lamah horn an hnet ri tuar tuar bawk sia,engmah ngaihtuah lovin hmanhmawh tawk chuan ka chuang ve thawr a.



"Scooty i ken loh ni ah chuan min rawn call ṭhin rawh,ka lo hruai ziah ang che" Vaivakawn road ah kan tlan thlak lai chuan a rawn ti a,a sawi ang tak chuan ka ti zoah dawn maw ni. A nin hunah chuan min tibuai peih tawh bik lo anga mahse chungte zawng ngaihtuahna atthlak mai a ni.



"A ngai hlei nem,nichin kha chu taxi a vang reuh lutuk a" Side glass aṭang chuan min tizim sunin min rawn melh a,ka hawisawn rang teh e.



Nidangah pawh chuan ka hna bang chu min lo chang emaw tih mai tur hian kan innang ziah zel a,a chang phei chuan thim dawnah te ka haw a,min thlah leh nge nge zel. Thingpui in tura ka sawm chuan a changin a rawn lut a,rawn lut lo a min melh vung vung hnuah kal daih chang te a nei ṭhin.




Laltluangliana pawh hna a lo zawm ve tawh a,rin aiin ka lang pangngai thei a,ka lo ṭahpui chiam ṭhin te kha ka ngaihtuah chuan ho tiin nuih te lam a za a mahse ka ṭah laia min hmutu lakah hian a zahthlak ta zawk a nih chu! A thusawi zawm hi chuan a fel em em a,zawm lo hlek chuan a sual chhuahin min chhaih thinrim ṭhin a,huat awm deuh huat theih ting tang si lo a awm lah a thiam.



"In la bang lo em ni?Hei ka nghak reng tawh che a" Call ka pick chuan a rawn ti zung zung a,ka kalna tur ka lo hrilh lo a ni.



"ZMC lamah ka awm daih alawm,haw mai rawh" ka tih chuan a phun hlak a. ZMC lamah naupangho zirtir turin ka phei a,class ka pe zo chu a thim ti tih tawh a,midang haw tur ho lah chu tumah hmelhriat ka nei si lo,taxi a vang si,bus pawh tun ang hunah chuan a awm tawh lo. A thim tawh tho a tiin Feli inhruai tir ka tum ringawt bawk.



"Eng nge i va tih a?Lo awm rawh,ka lo hruai ang che" Chhan lehna hman awm lovin call chu a hang up a,call leh ngial paw'n pick duh tawh der lo. Senior doctor te hian an tih peih lo apiang hi min tih tir nimai te'n ka hria,kâr 1 ah vawi thum kal ziah ka la ngai zui.



Lo nghah chhungin mei lum ai ho bulah chuan ka ṭhu ve a,an la naupang hlawm si a tute nge an nih ka zawh chuan security an lo nia,fiamthu an duh sia,kawm an nuam phianin ka ring.

"Tuin nge rawn hruai dawn che a?" Tiin min zawt a,chhan dan tur a vang phian lehnghal.


"Ka..ka nau in min rawn hruai dawn a" Ṭhian ai mah chuan nau ti ila a fuh zawk ang chu.


"U Sangpui chu doctor pawh i ang ve lo" Pakhat chuan rawn ti thawr mai a,doctor ni tur chuan an vak tur a awm a mawni.


"Ti maw?"


"Helai doctor zir ho hi hmelṭha an vang khawp a,doctor hmelṭha deuh kan hmu mang si lo va,ilo kal lai pawh khan doctor turah kan lo ngai lo che lawm" Kal lamah pawh min lo hmu reng chu niin.


"I lerh vel e" tiin a ṭhiante chuan an chhaih nasa mai a,hmelṭha min lo tihzia te chu an sawi a,kei teh kul hmelṭha min lo ti chu chhungril hi a hlim veng veng mai.


"Ka lo thleng tawh a,khawiah tak nge I awm?" Phone ka pick ruala a rawn tih takah chuan ka ṭhutna aṭang ding chhuakin ka en kual a,ka hmu nghal mai bawk.


"Mei tuahna lamah hian,min hmu em?" Tiin ka ban ka vai a,call chu hang up in kan awmna zawnah chuan rawn tlan phei a.


"U Sangpui kha kha mi I nau chu?" An ti leh a,chuan pahin "A nih hi,kan va haw phawt ang e,muttui u" tiin kan tlansan a, khua vawt ve ṭan tawh khawp mai.



"Ilo ṭhutpui te kha tute nge?" Tlan pahin a rawn hawi zeuh a.


"Security ho an nih kha,i kawm tawk vel" ka tih chuan duh lo nasa mai.


"I kal leh dawnah min hrilh a,hruai dawnah pawh ka lo awm sa tawh ang,hmelhriat lo bulah ṭhu ve ringawt tawh suh!!" A ti hmuk a,keiin fel ka lo tih hlawm tehreng nen.


"An fel hlawm lutuk" Ka ti chiah chu brake in kawng sirah chuan a dik hmak a nih chu.


"I hre lul lo!" A vin nasa thei si.


"Chu chu din kher angai ami?A vawt a nia,kal vat vat ang" A tlan leh mai dawn tih laiin bike aṭang a chhuk a,helmet phelhin tanky chungah a dah a,a hoodie hak lai chu phelhin min haktir ringawt a nih chu!!



Ads click

Like leh comment kha khawngaihin min lo pe leh dawn nia
Comment lamah ngaihdan te in lo sawi a,ka lo hlimpui khawp mai,ngaihdan tawite pawh min lo hrilh ve zel r'u aw


Show post links
Top

[Ngaia]

Lawmsangpuii POV

Hun a liam ve zel a,kum tawp kan hnaih tih hriat takin khua a vawt ṭan tawh em em a, hna aṭanga haw tlai chang phei chuan a vawt(h) dan hi a nâ bik te'n ka hre ṭhin. Sawi hmaih thei miah lo,Zoremsanga pawh thinchhe viau e ti lo hian ka hna bang hi min hruai haw ziah a,ti tawh lo tura ka hrilh paw'n awmzia a neih meuh lo avangin ka scooty pawh ka keng tawh ngai lo. Feli lawmah a tla a,bus chan ngai tawh lovin duh hun hunah a inkhalh chhuak a,lehlamah chuan a lawmawm phian.


Sawi leh sawi hnu Zoremsanga chu mi nghal lutuk kha a nia, min hnial bap bap ṭhin mah se a chang chuan lungawi lohna a nei ta emaw chu aw tih mai turin a ngawi leh thei ang lawi a, hriatthiam a har ve ṭhin khawp mai. Ka ZMC kal te hi min va hruai a,chumi hnuah class kal turin a rawn let leh a,tlai lamah hian min rawn hruai leh nge nge zel. A sawi tawh ang khan tlai lam hi chu ka ban ve meuh chuan a lo awm diam tawh ṭhin a,ka ṭhian thar ho pawh kha ka kawm hman tawh ṭhin lo.



"Van khi a van mawi chiang" Haw kawngah zial a zuk duh vangin kan ding rih a,thlasik tlai ni tla tur sen phut leh van rawng pawl inchawhpawlh mawi em em chu ka phone in video ka la a,thli thaw heuh heuh nen a boruak chu a nuam a ni tawp mai.



"Kapi doctor lo hawi lawk" tih ri ah chuan ka hawi thuai a,ka zak tak tak! A phone in video nge thla a la ve hi a lo nia!!



"Delete ang che,ka lang chhe dawn si" tiin a dinna lam chu ka pan ve a,a zial bung chu lei ah paihin a rap hlum nghal a.


"Ka phone a nia,ka thu ber"


"Mi duh lo chung thla i laksak thei lo aw"


"Ka bialnu thla ka la ni ve mai a!!" Bike ah ṭhuin a phone chu a ak ṭha a.


"I bialnu ka ni ziah lo" tiin ka bag chu a hnung vuak nan ka hmang nghal zat. 'Ka bialnu' hi ti ve ziah a, naupang zawk a nihna angin ka uk sak lem lo a mahse hmelhriat te bulah hian a lo ti chhuak hlawl ang tih ka hlau. Bialnu ti a sawi tur phei chuan kan inkarah thil thleng pawh a awm lo,keimah zawk pawh hian mitmei ka hmuh lo hrim hrim.




In kan thleng a,nidang ang thoin lut turin ka sawm a mahse min hnialin hriatthiam har deuh a min melh vung vung hnuah a tlan chhuak leh ta a, zawh chi ni si lo,mitmeng awmze neih deuh mahse hriatthiam har si hian min melh ve ziah.



Ka thawmhnaw te thlakin ka dah fel a,closet ah chuan Zoremsanga hoodie pawh kha a lo la inkhai a,pek let ka tum lahin 'nidangah ka lo la ring ang' tiin a la duh bau lo lehnghal.



Zoremsanga POV

In ka thlen chuan dar 6 a lo hnai tawh a, room lamah tlangin ka inbual nghal a, zanah chhuah ka ngaih vang a ni. Ka inbual zo a,zanriah ei hma tiin computer ah Isaac nen fortnite khelhin kan stream leh te te a, buai hun lai ti lo chuan en tu chu an awm veleh zel mai.


"Chaw kan ei dawn" Zorempuia'n rawn ti lang lang a,khelh laklawh lai a nih vangin ka ngaihsak lo va,khelh chhunzawm lehin ka ṭhu rem sauh sauh a.


"Vawi 1 koh hi hre rawh aw,koh nawn ngai ziah mai" Computer bulah a rawn din tawh hi chuan ngawi renga thawhsan a fuh ber.


"Koh ngaiin awm ziah mai,vawi 1 mah games khelh tawh suh" Step a ka chhukthlak lai te chuan ka hnungah min rawn zuiin a la ang char char a, nu an cheh tak zawng a ni chiang alawm.


Chaw chu kan ei a,naupang te nen chaw ei chu chhangchhiatthlak ngei mai. An nu lah hian pek hmasak nachang a hre si lo, ka ei mial mial lai chuan ka u fapa John a'n muang fahrana "Ama" a ti leh takah chuan ka tho thuai a,thleng silna ah thleng dahin ka chhohsan thuai bawk. Eng dang a ni lo,khatia a tih tawh chuan chaw ei laiin a ek a chhuak leh tawh tihna a nimai!



"Inla ten chhe lutuk mai" an tih pawh chuan engah vak ka ngaihsak tawh lo,inla ni lovin ka ten a nimai!! Chaw ei lai ni lo se chuan ka ten bik lo ang. In hrang chang ve tawh se ṭha tur a nia, naupang an bengchheng thei si, an inhlei tel bawk.



Chhuak turin ka insiam a,khua a vawt tawh bawk nen keimah ang lo takin ka inhak thuah ve ṭeuh mai.


"Khawi ah nge I kal leh dawn?" Chaw ei hle hle se nimai tur.


"Ka chhuak lawk dawn"


"Chhuak ziah suh! Inah te hian awm la,ṭangkai tum ve rawh"


"Ka rei dawn lo" tiin ka chhuak nghal a, ṭangkai na nei lo ang mai hian min ṭawngkhum a,pangpar dahna leh âr in siam ṭhat a ngaih leh hunah keimah bak min koh leh awm tawp si lo. U Mapuia tih tir tura ka hrilh in 'I u chu dawr lamah a thawk a,a chau ang chuti khati' a tia,Zorempuia pawh a tir duh mang si lo. Pawisa leh chhuah a dilin a phal em em a,kei ve chu naupang awm leh awm lo pawh ngaihtuah lovin kam chhe tleuh nan min hmanga, a fa hrin ṭheuh kan nia,a chang chuan ka nâtpui ve lek lek zel.



Kapa chu mi ṭawng tlem ngang a nia, thil te hi Kanu in a sawi fe hnuah a sawi ve chauh zel mahse Kanu thusawi chu a support em em tho. U Mapuia leh a nupui pawh mi phakar ngang hi an nia, Kanu leh Pa tlawn reng rengin an khaw sa a, mahni kut ke a thawh chhuah pawh an nei lo. An nupa in kan car leh bike showroom ah an thawk a,an inla thu ve em em zel. Thawhchhuah an neih miau loh avangin in hrang an chang duh lo a, fa hlei tawk tawk 4 neiin kan chengho ta reng chu nih hi. Zorempuia erawh amah awmin a awm tawp a, u Mapuia anga phakar chu a ni lo!! A fel ve vak lo tehreng nen Kanu leh Pa hian an duat khawp a,kei nen chuan inthlau tak a ni.



Ka kalna ṭhin 'Joggle bar' ka thlen chuan doctor i kha rilru ah lo lang a,eng tak chu ti ve ang maw. Zan dang ang thoin a lun a,intur lain inchung lamah ka tlang nghal a,Lucy in min rawn hmu chuan phur em em in min rawn pan a,zan dang ang thoin a inha chhing leh teh e. Min kuahin min rawn fawp nghal ngawng ngawng a, rum nghutin sofa ah chuan ka ṭhu thla a, nui hakin ka malchungah a rawn ṭhu nghal zat. Ani nen hian kan inngaizawng ṭhin a,inṭhen tawh ni mah ila khawvel thil lamah tlan duh dun nana na chu kan inkawp leh deuh chawt a,nupa kar chauh a hman tur pawh ani nen hi chuan vawi tam kan hmang tawh!!



Fawh chauh duhtawk lova a mawng ti che a,min zut leh hiam hiam takah chuan hnuai lam pawh a tho ṭual ṭual a,rum hakin a hnute chu ka ṭham sak a, ka ngaihtuahna a lo lang chu ka duh lo ngei mai,doctor i kha!! A hmui fawh nawm hmel zet te,a hnute khawih nuam tawka lian leh a mawng khal leh mum nalh zet te..f*ck!!




Ṭhutna aṭanga thawhpuiin ka room hman mai ṭhinah chuan ka luhpui a, khumah nghatin ka kawr ka phelh chhung chuan a lo inphelh ve sawk sawk a, khumah chuan bawhbetin ka fawh chhunzawm a, ka kut 1 in a hnute chu ka hrawm bawrh bawrh a,lehlamin a panty chhungah zenin a c*** sa ve hiam chu ka p**y a,a rum ham ham mai.



A pantie chu ka pawt thla hrawk a, a kawngah nghet zet a kuahin ka kutțang pahnih chu a c*** ah chuan ka nawr tlum nghal pawk. Ip chawi a a dah awrh rual chuan dimlo zetin a a c*** chu ka k*** sak nghal zawt zawt. Thawm dim hranpa kan ngailo bawk nen a nuam ti rak ri chu a ring țha kher mai!



Ka z*** a hmuam meuh chuan ka rum hawk thei! A chhip samah ṭhamin a aia thuk in ka mipatna chu a kâ chhungah ka d** lut zawt zawt! A uak ṭhawt nangin zei lutuk in a rawn che zawm leh zat tho! Vanvadakin mit ka chhing a, ka mitthla ah doctor hmelṭha zet mai rawn lang chuan min tisosang zualin Lucy chu ka pawt tho lawp!


Lucy chuan rum ham ham hian min lo en a, a mawng vum ṭha zet ah chuan ben sak thlawp pah chuan dimlo zetin hnunglam aṭang chuan ka thun nghal thawih!

Ka hming lam in a rak ṭhat ṭhat a, a vawrtawp a thlen dawn chuan a taksa a rawn khur a, a hma aia uar in dimlo lutuk hian hnung lam aṭang chuan ka d** leh zawt zawt! Khum khuhna ṭham a, rak chiam chiam pah chuan a zawi ta hnawk!




Kei a la zo ve silo ka thil chu phawi chhuak in ka kuai zangthla a, a bawp pakhat chu ka darah man betin a taksa nalh zet chu hmaih awm lovin ka hmu fai vek! A hmeichhiatna hnawm leh sen hiam ah chuan dimlo zetin ka thun lut leh p*** a, chet ka lak rual chuan maimitchhing chungin Lucy pawh a lo thaw hak hak reng a.



Ka awm chungah a rawn bei kak a, a samah ka chul hauh hauh lai paw'n ka ngaihtuahna leh mitthla ah chuan doctor i bak a awm lo.



Ka inkhalh haw in ka thlen chuan ka chhungte chu an lo mu vek tawh a, fridge ah tui bottle la a ka let leh lamah Zorempuia haw nen kan intawk a,ani pawh hi khawi khawiah emaw hian a kal a, room ka thlen chuan bathroom ah lutin ka intleuh leh thuak thuak a, a tlai tawh bawka tiin games pawh khelh tawh lo chuan ka mu thla nghal a.



Lawmsangpuii POV

Zing ka harh a,khua a vawt tawh bawk nen tho chhuak lawk peih lovin lukham hnuai a phone chu ka ban a,lock hawngin whatsapp message te chu ka check a,Amy message a lo tam leh ngang mai. Gideon nen chuan an inbe zantin tawh a,zanriah pawh vawi 1 an ei chhuak dun tawh nghe nghe. Ka scroll thlak lai chuan Zoremsanga pp chu a hring bial raih a,status a lo neih ve ngei chu niin!! A no. ka save aṭang status a la neih awm ka hre lo. Ka en chuan nimina a video lak kha a lo hmang a,a tawp lamah chuan ka lo lang ve chu niin. Delete tura ka hrilh laiin status ah te chuan a lo la hmang ta deuh deuh a.


*Chhui nawn I awl hle mai,I zun leh zam te meuh hi chu* tih te hi caption ah a lo hmang bawk a, va zawh dawn lahin a thusawi chu mihring nge khaw awm dan mawi lutuk a sawina tih ka hre si lo a,anih loh chuan min rawn tizak leh hrep emaw kha niang a.



A ngai tein hna ka kal a,vawiin chu ZMC kal loh ni a ni bawk a,ka zang hawkin ka hria. Inentir an tam leh khawp mai a,heng a tam zawk hi chu thingthlang aṭanga lo kal an ni a,an khawngaihthlak khawp mai. Khua zawng zawngah hospital a awm lo a,a awm chhun te lah doctor emaw khawl awm lohna a ni lehzel a,ṭhenkhat an khua ka zawh te chu ka hriat lo tam tak te pawh a awm nual mai. Mak deuh maiin chhim lam aṭanga rawn inentir vang vang hi an tam khawp a,thingtlang ni lo a khawpui aṭang ngei pawh! An tan awlsam zawk nan ti a saw lama doctor hmelhriat ka neih te ka kawhhmuh chuan min chhan dan vangin sawi tur ka vai chiang asin!


"Nunna chu risk lak chi a ni si lo a,hmanni thil thleng aṭang phei kha chuan sum leh pai chu thu hran,eng anga hla pawh kan pan ṭawk ṭawk a ngai zel chu nih hi" tiin nu pakhat chuan min hrilh a,ril phir zai ngai a ni nghe nghe!



Ka ngaihtuah chiang a,kha thil thleng khan damlo tam tak a ti chi ai a, doctor ṭhenkhat te ngei pawh confidence an hlauh nasa a nih kha.


Pawi i tih vak lo kha mite tan thil pawi tak a ni thei a chutiang bawkin I tana hlu vak lo kha mi 1 tan chuan a dam chhan a ni thei! Tihsual neih thei vek kan ni,amaherawh chu nunna hi chu sum a lei thei,fiamthu a tih chi,rui phur vang te,phuba lak leh experience neih ve nan hrim hrim a lo tih chi kha a ni lo tih hria la,I thiam lo a nih chuan a thiam zawk te puihna dil mai rawh,tlawma lak chi pawh a ni lo a nia.



"Sangpuii chu in bang tawh em ni?" Tih ri ah chuan ka hawi thuai a,ṭhianpa Valtea kha lo nia.


"Aw kan bang chiah a,khawiah nge i kal a?"


"Sawtah Kani damdawi tur ka va lam lawk mawle"


"I hmanhmawh loh chuan coffee in lawk ila? Hmanni khan ka intiam ve tawh sia" tiin ka nuih var var a.


"Nula hmelṭha treat te chu ka hnial phal nang,lo chuang la" a tih takah chuan a hnungah ka chuang ve thuai a,Seoul cafe kha dar 9 thleng an hawn ṭhin avangin an dawr awmna lam pan chuan kan inphur phei a.



Kan eitur chah nghah pahin Champhai lam chanchin te kan sawi a,ani pawh hna vang leh ni Maremi dam lohna vangin kei ang tho in a haw khat a,haw chu a chak ve hmel khawp mai. Hot coffee leh chocolate honey bread chu kan ei a, a tui bakah boruak nen a inmil takzet. Man pek dawnah chuan a chuh leh ta tlat a, treat tura ka hruai ni si kha min treat a ni zawk mah ang chu.



"Eng nge ilo tih?" In ka thleng pawnah kawngkhar nghengin Zorempuia a lo ding reng a nih chu!



"Khawiah nge I phone?" Ka zawhna pawh chhang lovin ka hma ah kut a rawn dawh a,eng atan nge a tih ni.


Chahbi hawngin inchhungah chuan ka luhsan a,Feli la haw lo mawni ti a ka ngaihtuah lai chuan zinga a thusawi kha ka hrechhuak leh a,Christy te inah zanriah a ei tur thu min hrilh tak kha mawle,ka haihawt sawt hle mai.


"Vawi khat mah phone silent tawh suh!" tih leh chaw ei dawhkana ka phone dah a rual a,ka va en chuan min rawn melh rum nasa mai.


"Hnathawh laiin a ri reng a nih kha" tih leh room a luh ka rual a.


"Hnathawh lai chuan silent rawh mahse hna banah ka lo call che a,I la thei lo! Chuan rawn hruai tur chein ka rawn kal a,ilo awm lo bawk!" Room ah chuan a rawn lut ve nghal zat a,eng nge maw a hriat ni.


"Hmun dangah ka kal alawm"


"Min hrilh lawk thei reng" tih leh khumah ṭhut a rual a,hospital ah a va kal thlawn kha a thinrimpui a ni chiang mai.


"Engkim ka hrilh dawn che tihna mi? Chhuak tawh rawh,ka inthlak duh" tiin ka pheikhawk ka dah fel a.


"Ching tawh hlek suh!"


"Awi ka thu thu..engkim ka hrilh na chhan tur che ka hre lo,ka engmah I ni lo!!" Tur fe a melhin ka ti chiam a, mi thu hnuai a awm leh thu min pek hian ka hua.


"Sawi nawn leh teh"


"Ka nun a nia,ka thu ber,lo inrawlh tawh hlek.." Lo danna hun a awm lo,min rawn fawp nghal tawn tawn a nih chu!! A khabe ruh hrawl leh invuah nghet zet che awk khawp chuan min fawp a. Ka tal vak takah chuan thaw hawkin min thlah a, ka chet dan tur hre lawk ang hrimin a lo indang nghal a, a chak lo ang mawle.


"Zoremsang!!"


"Hun ka pek lai che hian inthlak vat vat rawh" tih leh min chhuahsan a rual a,thinrim lutukin ka sam chu ka ṭham vak bawk.


Ka inthlak zo ka chhuah lai pawh chuan a lo la awm a,ka thinrim lutuk hi au chiam chiam mai ka duh.


"Fawh nuam lo zawk zawk chu I ni lo"


"Ngawi chip cham rawh" Melh pawh melh lovin choka lam ka pan nghal a, cooker la chhuakin chaw ka chhuang nghal a,ka chhuang zo chiah chu â inti lutukin ka phun hlak.


"Eng maw I sawi?" A lo ti leh hmanhmawh a nih chu!


"Eng mah,haw rawh" Chaw ka chhum khan Feli ka lo chhum kep leh pek a,saw pa min tihbuai lutuk vang vek saw.


"Hetah chaw ka ei ve dawn" A la rawn ti ta deuh deuh.


"Ka chhum kep lo che"


"Min chhum kep leh nghal rawh!I va uikawm ve"


"Haw a hun tawh viau a nia" ka tih pawh chuan a ṭhu ta reng a,chaw ei chu a tum tak tak emaw ni.


"Sangpui"


"Min u rawh" A rualpui ang maiin min koh ve khanglang a.


"Ka va u awm lo che e aw" Min hnungchhawn zawngin sofa ah a ṭhut miau vangin a tukkhum chu ka melh vak a.


"Kha I chawhmeh tur artui han lei rawh,chawhmeh a awm lo" Saw pa sawn bai ei duh hmel pawh a pu hlei nem.


Ngawi reng chuan a chhuak a,ka pawisa dah pawh a la lo. Anni angin nitin sa kan hmeh ve si lo a, a haw daih dawn te pawh a ni maithei.


"Kha in veng dawr a hla si" Dawkanah artui dah pahin chair ah chuan a ṭhu thla a,a haw daih emaw tia. Artui lah chu a la lei hnem em em zui.


"Ṭhenawmah i lei lo ami?" Ṭhenawmah dawr a awm reng a,a hla tawp si lo.


"Ṭhenawmah eng dawr mah a awm lo"


"A awm alawm,chaw an ei lawk anga,an khar rih a niang"


"Ka kang leh kher dawn em?" Min ti ngei a nih chu,ka kan tir tak tak dawn maw ni.


Chaw chu kan 2 in kan ei a,rin ang ngeiin bai chu vawi 1 pawh a hawp lo. Dal,alu leh artui kan leh salad chauh chu a chawhmeh a ni mai.


"Dawn lo dawn lo!"
"Ka sawi kher a ngai ami?"
"Ka awmna apiang in hriat ve zel a ngai lo!" Thleng ka sil laiin phone hmangin a vin khur khur a,a chhungte a bia a ni chek ang chu.


"Min zalen tir thei reng reng lo mai" A zalen tawh tehreng nen,zalen a la inti lo a nih chu.


"I chhungte bulah i chhuah tur thu I sawi lo a nimaw?"


"Sawi zel a ngai hlei nem" A ti liam puat a.


"I nu te'n an ngaihtuah che a,sawi ve zel rawh"


"Min ngaihtuah tak tak lo,tunah pawh chaw an ei zo a,chawhmeh bel sil leh sil lo ah an buai avangin min rawn call mai mai a nih kha!" Ka nui chhuak ṭep alawm,thil hi chu a hre ve nel nual ni tur a ni.



"An dah sak che a,I ei leh lo tak khan a buaithlak alawm" Sofa ah chuan ka ṭhu thla ve nghal a.


"A thatchhiat thlak emai" tiin thlang lam balcony ah chuan a chhuak a,zial a zu dawn a nih hmel. Zial tih takah chuan hman ami lighter kha ka hrechhuak a,tho chhuakin ka dahna ah khan ka va en a,a lo la awm!


"Kha hei hi I ta a ni em?" Tiin kawngka chu nawr tawlhin ka va dak a.


"Aizeleee...Ka zawng nasa asin!! Ilo kawl reng a" A rawn ban thuai a,a ngaihhlut hmel em em lehnghal.


"Ka kawl lo, tah sawn ka dah"


"Min star lutuk hi a buaithlak a nih hi" A tih chuan a hnungah ka beng ṭhuai a,a samah keh tumin ka uai vak bawk. Zah hi a hre hlawl lo.


"Hei..awm ṭha rawh,I intikang a nge zial ka la zu a nia" Ka thlah takah chuan railing bawhin thlang lama awm ho in chu a thlir dauh dauh a.


"Star ti tawh reng reng suh"


"Pawi hlei nem,ngaihzawng a ni leh mai a" lo inher thutin bangah chuan min nawr bet a.


"Zoremsang!!" Ka ti chiah ka hmuiah chuan min rawn fawp leh a,a vawi hnih min fawhna a ni tawh!!



Ads click
Comment kha aw


Show post links
Top