Politician Nupui BY Cck Lalchhuanawmi (Completed)

[Ngaia]

Politician Nupui Hring Nun
Political Love Story_Fiction
Chapter-17 Zawmna
Ziaktu: Cck Lalchhuanawmi

(Zawmna) Meng thei thlawtlo

Motor Neurons, eng ang natna nge a nih hrefiah tura Doctor zawh ka tum lo a, Google-a thai chhuk chhoh ka tum hek lo.


Scientist ropui Stephen Hawking-a pawh rei tak damin, fa te a nei a, Tu hmel hmu hmanin a khawsa tho alawm le.


Wheelchair-ah dam chhung hun hmang dawn pawh nise, a bulah ka awm zel ang.


"Chhuanpui, khawngaihtakin lo chhuak lawk ta che", phone aṭangin u Hmain min lo ko a.


An Pa dam ṭhat lohzia an hriat avangin chhuatah kan mu ho leh a ni a, an kuah ngawih ngawih.


An pafa zaa an mut ho lohna a rei tawh a, thlir nin an har.


Dar sawm hnua min lo koh chhan chu ka hai thei lo.


Pindan aṭanga chhuakin, Living room-ah, an mi hual khupna karah ka ṭhu tawm kûk mai a, an zahawm khep khep hlawm a nia.


Ka nu te pahnihin min kar cheh a, ka hmaah ka pa te pahnih.


U Ngaia leh u Venpuii pawh an la haw lo.


Ka pa, Sammy pa zawkin, "Chhuanpui, ngunthluk taka ngaihtuaha sawi ho hnuah chauh kan hrilh che a ni tih hi hria la, kan haw(hua) lo che a, i nu leh pa kan nih anga kan hmangaih avang che leh, i ṭhatna tur leh i hma khua kan ngaih avang chauha he thutlukna hi siam kan ni tih hre bawk ang che", a ti hmasa phawt.


Min inṭhentir an tum tih ka hria alawm.


An sawi ho lai ka ngaithla ngai lo, an chezia aṭangin ka man mai.


"Heti hi kan ni zo ta si, i la naupang a, dam chhung hun Wheelchair-a hmang tur leh buaipui tur chuan kan phal thei lo che. Tin, Pathianin fa hring thei tur chein Mal a sawm bawk che a, fa pakhat mah hring lo tura i awm tur kan ngaingam lo a ni. I nu leh pa rualin min hawsan mai ta la, he lam lo ngaihtuah loin, i hun hlu takin hmang ang che", ka pa chuan a ti leh dup dup.


Thu tawp a ni chiang em asin.


Ka bula ṭhu, Hnahthiala ka nu chu a ṭap a ṭap.


"Nu, tinge i ṭah a?", ka va kuah a, "Chhuanpui, i va han vanduai tak em aw!", tiin, min kuah a, min ṭahkhum ta chiam.


Ka nuin ka hnung aṭangin min kuah ve leh. Ka vanduaina ka hre ve hauh lo.


Hnahthiala ka pa bawkin, "Fa in lo nei hman lo te hi, a lawmawmah ngai teh ang. Kan fanu i nih avangin kan lawm a, kan chunga i ṭhatna hi kan theihnghilh ngai lo ang", a ti leh.


Ka pa chu eng emaw tal sawi tura ka duh nen, a ngawi reng. Ka nu pawh a ni tho. Hnahthiala ka pa tih loh chu kan ngawi vek.


"Zan a rei tawh em mai, mu tawh ang u", Sammy pain a ti a.


Min chelh duh hle mah se, Sammy-a dinhmunin a zir si lo.


"Chhuanpui, nang pawh, mu turin kal tawh rawh. Kan fanu ni reng thei la aw ka ti mang e", ka nuin min thawhsan ve leh ta a.


Thenzawla ka nu chauhin min ṭhutpui ta, "Chhuanpui, thutlukna i kutah a awm e. Nakin zel ngaihtuah la, Sahuai thing vawn ngawt tum loh tur. Kum khat chu sawi loh, Thla khat pawh i awmpui thei kher lo ang. In chhungkhur enkawl, naupang pathum ngawt leh, fuke kim biai tiche thei si lo enkawl a ngai bawk. Nitin mamawh phuhrukna tur thawh chhuah a ngai zel nen, tin; fa pakhat mah hring lo tura i awm tur kei pawh hian ka ngaingam lo a ni".


Sammy-a lu chungah ṭhingṭhiin, ke artui ka ṭhut a, dim tea Sammy-a tukkhum chawiin ka mal chungah ka nghat.


A rawn meng a, mi melh chho piau mai.


A mit tui a luang tawh lo naa, a parawl kuang zel.


"Sam, dam leh vat rawh aw", ka phun sep. A mit a chhing a, ka thaw huai huai.


A dam tur hi a ni ringawt.


Stephen Hawking-a pawh kha, a taksa pum a zeng hmain hriattirna a awm a nih kha.


Ka ngaihtuah a, dawra a tluk tawp khan a lo inṭan daih tawh tihna. Khami chauh lo pawh, ka hmuh loh laiin a lo awm fo tawh a ni ngei ang.


Duhsaka zawh a ngai a ni.


Sammy-a chu wheelchair-ah ṭhuttirin, "Apa, ice cream ka lo hawn ang che aw", Lal Fanuin a ti a.


Freddy-a pawhin, "Apa, test kan nei dawn a, entawn miah loin fullmark ka hmu dawn", tiin, a Pa a hrilh nasa mai.


"Apa, Anu hi lo duat rawh aw", Siamtea thungin a ti a. Sammy chuan a hmui a tiche deuh a, a nui!


"Le, School-ah kal tawh ang u. Apa bye ula", ka ti a.


"Apa, byeeee", Sammy-a lan theih chhung an bye bye.


U Venpuiin min zui a, a nachang a hria ka ti. Kan nupa kar hre vektu a ni a, inbun ruahna ka mamawh.


Thingpui dawra lut loin, Barista Cafe Dawrah kan lut zawk a. A thawveng kan ti zawk.


Kan thusawi tur a ril nasa si.


"Nizana mi kha, engtin nge i tih dawn tak?",


"Hawsan ka tum lo, Sammy-a hi a dam dawn tih ka ring, ka hre thei a ni. Sual hle mah ila, ka Ṭawngṭaina hi chhâna a awm i ring em?", keimah hi ka inringtawk lo a ni.


"Sammy-a a dam ang a, fa hring thei tura Mal sawm ka ni a, ka la hring bawk ang a. Chhungkaw member panga kha paruk kan ni tawh ang a, Sammy-a nena kan inkar lah a ṭha deuh deuhin, ka la hmangaih ngei bawk ang. U Venpui, chutiang a thlen i ring em?", tak ram chang lo tur, Duhthusam tham ral mai mai a ni ang tih ka hlau.


Manoi hmangaih tlat mah se, ka hmangaih thei a nih ngat a, chu ka hmangaihna chuan thlak danglamin, min ring ngama a nupuia min pawmin, min hmangaih let hial duhna thinlung a puttir mahna!


Living room-a Sofa chungah Hriatpuian a lo ṭhutpui.


"Sam, ka lo haw e. Chawhnuah, Lal Fanu hruai ang aw. Chumi hmain, inbual fai hmasak phawt a ngai", a hmaa ṭhuin a kut ka chelh a.


A hmel.a dur khup khup, "Duh lo mah la, inbual a hun tawh. Nawh ngei ngei i ngai bawk, i bal tawh ang chu aw", ka ti a.


Khi sak sakin Hriatpuia a tho daih.


A zak tawnah dawmin, theihtawp chhuahin ka dinpui a, keimah chauh ka nih avangin Wheelchair-ah ka ṭhut chawrh.


A na chuang lo.


"I rit lutuk a, ka zo ṭha lo che", ka nui duh miah lo.


A rit lutuk a, ka zo ṭha lo tak tak.


Theihtawpa theihtawp tak meuh meuh chhuah a ngai dawn a ni.


Pindanah kan innawr lut a, fimkhur takin a thawmhnaw ka phelhsak.


Chuti chhungin, Siamtea te unau School-a ka thlah zin kawng ka hrilh melh melh.


A boxer chu bathroom-a phelhsak turin, kan innawrlut leh ta a.


A zak chu a tai ṭha hlar hlar a nia, "Tomato-ah i intichang thei elo?", ka fiam zuk zuk a, Tomato ai pawhin a tai ṭha tawh.


"I ei theih ṭep tawh e", ka tih phei chuan, a sen nasa lutuk.


Show post links
Top

[Ngaia]

Politician Nupui Hring Nun
Political Love Story_Fiction
Chapter-18
Ziaktu: Cck Lalchhuanawmi


U Ngaia te chu an haw ta a, "Min mamawhna i neih chuan inthlahrung loin min lo bia la, ka theihna zawnah chuan ka pui zel ang che", u Ngaian a ti a.


U Venpuiin, "Science aṭanga thlir chuan theih loh leh tihdam theih loh a ni vek ṭhin, mahse maw; Science hmu chhuak theia min siamtu Pathian a awm alawm. Beidawn duh miah loh tur", a ti ve bawk.


U Venpuii bawkin, "U Ngaia pawh hian Science aṭanga thlir chuan tihdam theih loh leh Doctor meuh beidawnna khawp natna a nei ve a. Tunah, min en la, fapa ngawt pathum a nei a, Pathian zarah min la dampui ve zel a, a hna thawh ngaihtuah chuan. Beidawnna a beidawn rak hnuah Beiseina mei a lo dê va va ṭan chauh ngai e", a ti a.


Anni nupa chunga ka lawmna ka sawifiah zo lo a, lawmthu ka hrilh bâng lo a ni ber.


Ka pawm lutuk ringawt, Pathianin Thluak min pe lo se chu, thiamna leh finna te, Science-te hi kan thiam tawp nang.


Scientist-te pawh kan chhuak lo bawk ang a. Stephen Hawking-a te pawh, Motor Neurone natna a vei hnuah, Scientist Ropui tak a ni thei chauh alawm.


U Venpuii sawi ang chiahin, Pathian a awm alawm le!


Bathroom-ah lutin, kawng dang nei tawh hek lo, ka ṭhingṭhi tawp a, ka kut pahnih ka hmui zawna suihin, "Lalpa!".


Ka ṭawng chhuak thei lo, ka hmui khûr dar darin, mit tui a dir nghal zung zung a, ka lûng a phu dup dup a, ka kut khûr hmasa phawtin, chumi hnuah, taksa pumin ka khûr hlawk hlawk.


Harsa titak chungin leh, ṭum danga ka Ṭawngṭai pawha vuivaina hlir thlen ṭhin khan, "Lalpa duh tak, pasal ṭha tak leh fa duhawm tak tak pathum lai mai min pek avangin ka lawm e. An hlutna hre loa ka namnul mai duh loin, ka tana an hlutzia min hriattir i duh avangin harsatna min tawh tir ṭhin avangin ka lawm bawk a, tunah chuan ṭha takin ka enkawl tawh ang. Hun khirh tak ka hmachhawn dawn a, zirlai ṭha tak min zir chhuahtirin, ka hma min hruaisak zel dawn tih lah ka chiang. Ka lawm e. I thu ang zelin kan chungah thlentir la, hei chauh hi ka dil ang che; Lungawina Nun nei thei turin Nitin min zirtir ang che. Amen".


Ka meng a, ka la ṭhingṭhi reng.


Mit tui leh hnap tui nen, hmai a inchiahpiah niaih nuaih.


Zanin anga beidawng tak leh, thinlung chhungril rum vawng vawngin ka la awm ngai lo.


Chuta akarah, lawmthu sawina hlir Pathian hnenah ka thlen a ni a.


Ka mal chungah ka kut pahnih ka nghat a, zawi zawiin ka khûrna a reh tial tial. Mak tak maiin, chhungrila ipikna zawng zawng an bo vek.


Lapua ang maia zâng hian ka awm, kan kawchhunga awm zawng zawng hi phawrh chhuak vek ta ila, chutiang chu a ni.


Ka zâng ta lutuk chu, ka thlawk delh delh ni mai hian ka inhre tawh.


Ka Ṭawngṭai a, hun khirh tak hmachhawn tur min pek pawha min paltlangpui zeltu dem loa, vuivaina thu thlen loa lawmthu ka hrilh seuh seuh avang a ni thei mai ang em?


A ni ngei ang le!


Ka hre ta, a lungchhiatthlak zâwnga lakkawi zel lo a, a êng zâwnga thlir chunga hmalam pan a lo ṭha ber ta mai a nih hi.


Min ṭhut hual khup leh ta a, Sammy-a nena inṭhen tura min duhzia min sawipui zan aṭangin min la sawipui leh miah lo a, keiin sawipui ka tum si lo.


U Ngaia te haw tuk zanah min sawipui leh ta.


"Chhuanpui, Court-ah in inneihna in la register lo a, i nu leh pa zui haw mai ta la, a ṭha ang", chu thil chu, Court-ah Register a la ni lo tak.


Register vat a ngai tihna a nih chu.


Ka pa bawkin, "Sawi tawh angin, i la naupang a-", a ti leh chu, "Ka pa, ka nu nen inṭhen turin ti ta che ila, i duh bik dawn em ni?", ka ti hmiah.


Thenzawla ka pain, "Chhuanpui, ngawi rawh. Khatiangin i pa i ṭawngkhum tur a ni lo", min lo khak thuai.


Ṭawngkhum tur ka ni lo reng a ni, a ṭul tlat si.


Ngawih reng ka thei lo, ka ngawih reng chuan min inṭhentirin, min hruai haw tak tak mai ang.


"Ka pa, min ngaidam rawh u. Khawngaihtakin inṭhen sawi tawh lo ula ka duh a ni. Ka pa, u Hmai bula i sawi ṭhin, "Pasal neih thuai tum rawh, i upat hnua enkawltu tur che fa i hrin a ngai a, i hlimna leh lungngaihna te ṭawmpui tur chein pasal i neih a ngai bawk. Tar enkawltu ten an enkawl ai chein, i tu leh fate baka i pasal hnen aṭanga ngaihsakna i dawn a thlanawm zawk", tih hi ka hre reng a nia aw".


Tu pawh mai chu an ngawi vek, Hnahthiala ka pa nen chauh kan inen ran.


Midang chu an ngawi kun tlat, pawi ka ti lo.


Ka pain ka tihtakzia hi hre rawh se.


"Sammy-a nupui ka la dam ve a ni lo'm ni? Ṭha ber chu ka inti lo, mahse; Nu Thlazar hnuaia seilian lo tur chuan ka fa te hi ka phal lo. Thisen chhuaka ka hrin loh te ni mah se, ka thinlung chhungril aṭanga ka hrin te an nih hi", he thu hi thin phu dêp dêpin ka sawi.


Siamtea te unauin an hria ang tih ka hlau.


A bikin Lal.Fanu, fanu azawnga duhawm leh hmangaih tlak ber maiin min lo hria ang tih mawlh ka hlau.


A pa bulah tui takin muhil mah nise, hlauhthawnnain min man tho.


"Tunah tak hi chuanin, min pawhṭhen tum aiin, thurawn min pe zawk ula ka lawm hle ang. Ka pa, he in Chhungpuinu ka la awm ve a ni lo'm ni? Lungngaia indawmkun tur kan ni lo, Sammy-a hi a dam leh dawn, ka ring a, ka rinna hi a ding chang dawn tih ka hria", ka chhung te hian min ring dawn lo mah sela, ka inring tawk em!


"Thlamuang takin min hawsan rawh u, derdep takin ka lang a ni mahna, ka koa mawhphurhna tla reng reng, eng anga harsa leh khirh pawh nise, hlen chhuah tumin ka bei fan fan zel a, ka hlen chhuak ngei ṭhin".


Thenzawla ka nu leh pa te chuan mi luhlul tak ka ni tih an hria a, tunah; Hnahthiala ka nu leh pa ten an hre ve chiah.


Ka pa chuan, "I rinna avang tal pawhin kan dam ang tih ka ring ve e. Ka fanu, he in Chhungpuinu i la awm a, Sammy-a nupui i la dam ve alawm le tiraw? I bulah kan ding tlat ang a, ṭanpui tur chein kan awm reng ang", a ti ta a.


Ka nu te pahnihin min kar cheh a, min kuah vawng vawng.


A tuk tuk lehah min hawsan hlawm ta a, "Fanu huaisen tak ka nei thei che hi ka inchhuang a ni", Thenzawla ka pain ka kokia min kuahin a ti a.


A mit tui titla lo mah se, a insût deuh hrawih hrawih. "Ka pa, ka lawm e", a kâwngah ka kuah a.


"I u Hmai awm rawh se, chuti lo chu ngam takin ka kalsan thei dawn lo che u", ka pain a tih avangin, u Hmai a haw ve lo.


"Papui, ka fa te hi i kutah ka dah aw", ka nuin a ti a.


Nu Papuiin, "Thu an awih loh chuan an mawngah ka lo vaw(vua) tai tai ang", a ti a. Kan nui tliar tliar.


U Hmai pawhin a hnial lo, keimah chawp chawpin min han duat a, "Sammy-a chauh ngaihsak la, in chhungkhur lam reng reng ngaihtuah suh", a ti hmiah.


Siamtea te unau School-ah a thlah a, chuti chhungin ina tih tur ṭul ang ang, a lo haw hmain ka tifel vek ṭhin.


Ka bulah Sammy-a ka awm tir reng zel a, ka bia a, ka titi siam siam reng zel.


Sawi tur apui ka ngah thei a nia.


Chhuat ka nawh chuan, chhuat nawh zulzuiin titi ka vawrh ta ṭhin. A ngaithla a, ngaithlatu ka nei a, a ni telin Beiseina ka nei Thar reng ṭhin bawk.


Zan khat chu, Party hruaitu lam an lo kal a, "Pu Samuela dinhmun heti a lo ni ta si a, Term a la tawp lo nen, Serchhip Bialtu tur MLA thlan a ngai dawn a ni",


"Inthlan a awm ṭha dawn maw?", u Hmain a lo ti vat. Ka zawhna chiah a ni.


"Inthlan tihah, Serchhip Bial mipui te chauhin anmahni Bialtu tur MLA, a tharin an thlang leh dawn a ni. A nih dan tur a ni a, Sawrkar-in thu a chhuah ṭep tawh ang. A pawi khawp mai", an ti a.


Kei deuh hian pawi ka ti.


Sammy-a a ṭhu ve kur a, a hmel chu hmuh theih khawpa a dur ka rin nen, a êng sar sar nia!


Pawi a ti lo emaw tih tur khawpin a mitmeng a nung.


Bathroom-an kan intifai hmasa phawt, chumi hnuah khum bul retah Wheelchair hungin ka tinghet phawt.


A zaka dawmin ka din pui a, nghet taka a kâwnga pawm lehin, khumah ka tlukpui ṭhuai.


Pajamas kan hak ṭhin chu ka hak tir a, a tir chuan a kekawr phelh hi ka tim ṭhin, ka bual dawn pawh hian a ni.


Timna nei map loin ka phelhsak ngam tawh.


Hak tir mial mial pahin, "Sam, Term tawp nan kum hnih chauh a awm tawh a, a laklawha tawp ngawt chu, a uiawm em mai tiraw?


Kan pahnihin ṭang ila, nangin signature i pe zel ang a. Lawk aw", Pajamas ka hak tir zo a, a lu ka siam rem.


Ka siam rem hnua khum mawnga inthlep fel thân Blanket ka ban a.


"Sam, Lal Fanu ka va hruai ang aw. Siamtea bulah a mu a", a khap fap fap.


Mak ti deuhin ka en, a khap rang si, "Sam, dik lo a awm em ni?", a khap miah lo.


Lal Fanu hruai sawi lehin, a khap fap fap leh ta mai.


"Lal Fanu hruai i duh lo tihna nimaw?", a khap leh miah lo, "A nih chuan, vawithum han khap teh", ka ti a.


Vawithum a khap.


"I va han fel tak, thu i awih si", a sam ka chul heuh heuh.


"Ngeiawm lutuk tak maia min nuih lai te kha ka ngai, Sam; i lak aṭang hian chhânna ṭhahnem tak ka beisei asin. A zawng zawngah Insawifiah turin ka ti lo che, vawikhat chauh chu insawifiah turin ka duh mai zawk che", lungchim takin min thlir chho tlawk tlawk.


A taksa tiche thei loin, ṭawng chhuak thei se chuan ngaihdam min dil mawlh mawlh ang tih tura a mitmenga inchhirna leh, kalsan a hlauhna chu hmuh nuam lo tak a ni.


Mi ka biak dawn emaw, ka.chhungte ngei ka biak pawhin an mit taka en hi harsa ka ti.


Hemi avangin chhungten min hau nasa, sim ka duh, ka tum. An mit taka ena biak tum hian, zahnain min phuar leh tlat ṭhin.



Mahse, Sammy-a avangin ka huai ṭan ta e.


A bân lukhamin saisirin ka mu thla a, a âwm hnuai.chiahah ka kut ka kham ruah mai.


"Sam, ka muthilh san dawn che, mangṭha", tia, ka lu kâna ka fawha, ka hmui ka lasawn chu ka tukkhum aṭanga min neminin, a lu a rawn kân a, min fawp a nih chu!


Ka meng phawk chiang lutuk, ka mit ka chhing hlek lo.


Min thlah a, "Sam?", ka ti chhuak thei ṭawk. Âng phuauin ka dap kual rawk rawk.


"Ngati nge? Ngati nge?", ka sawi chhuah theih awm chhun.


Taksa pum che thei loin a let tual alawm.


"Ngati mah", a nui suk chu, khum aṭangin ka chhuk rang lutuk.


"I ṭawng thei", a ṭawng thei si lo, a hmui tihchet takngial pawh harsa a tih vei nen.


Khum aṭangin a chhuk ve a, "Chhuanpui Darling, min hlau suh. Ka ṭha vek, ka fiah mai mai che a nih kha", leh zel chuan.


"Min fiah maw?",


"Fiah e, mark filawr lakin i pass bawk e", ka mumang a ni chiang lutuk.


Min rawn pan a, ka khûp tha a sâi avangin ka che sawn thei hlek lo.


"Min hlau suh, keimah ngei ka nih hi", ka kut hmawrin a biang te, a hmui te min khawihtir.


Ka awih thei chuang lo.


"Sam, i ni chiah em?",


"Ni chiah e, he thu hrilh hlan che ka nghahhlelh zia bawk hi. Chhuanpui, ka hmangaih che"


"Mumang a nih ngei hi", a nui suk suk.


Ka mumang ramah min hmangaih thu sawiin, dam ṭha takin a awm bawk a.


Ka kâwnga min kuahin, ka khabe dawm kâng deuhin, "Hmar Lunglien, ka hmangaih zia che hi, i hriatthiam phak baka aia nasaa thûk a ni ang. Ka hmangaih che, ka hmangaih lutuk che", ka chhâng lo.


Mumang atan chuan a va han uiawmin, a va mawi teh kher em!


Min fawhna chu duhthawh takin ka chhâng let, ka chala a chal nghatin a thaw ham ham.


"Ka hmangaih che",


"I taw-ka you an ti ngai e", ka ti sep a, a nui hak hak.


Na lutuk tak maiin ka mawng a ṭham. Ka dingdihlip awk awk.


Chu chu remchangah a la a, min pawm kâng. A insawi ang takin, kum sawmli bang su tlang tawh mah se, tlangval tam tak aiin a la chak ṭha.


Khumah min pawm phei a, dim tein min nghat.


"Chhuanpui, ka hmangaih che",


"Vawi engzah nge sawi i tum?", a hmui ka hup a, ka kut chu la thlahin a hmer vang vang a, a fawp zauh.


"Vawi tam tak,.Nitin, zing i harh aṭanga zan i muthilh hma loh zawng, eng lai pawhin ka hrilh ang che", mumang atan chuan ka va han ui em!


Amah vêkin, "Duhtawk ang, muhil hman lo leka siam che châknain min tur et et", a ti a.


Sen ṭawn ṭawnin a nui suk suk. Pawi ka ti miah lo, harhchhuak tik ni ka nei lo ang a, a lawmawm zawk ang.


Kan lei a insual nasa a, chuti chungin ka taksa dang khawih a tum lo. Mumang a ni a, thunun theih ni tlat hek lo.


A tawpah zawng, ka kawr hak chhung zenin, ka hnute a hrawm kual nawk nawk.


Chu hun chu ka nghahfak emaw tih tur khawpin nuam ka ti mai mai pek a.


Uar lutukin ka thaw halh halh.


Zah pawh dâwn loin.Sammy kut ka man a, "Darling, eng nge ni ta? Nuam i ti lo em ni?", ka lu ka thing a.


A kut chu muangchangin ka tawlhthlak tir, a hrethiam a ni chek ang chu, "Ka nghah reitir mah mah che a nimaw? Lo ngawi tak rawh, he khawvel chhuahsanin, Universe-ah i inkap chho teh ang aw", a ti a.


Thua chhâng loin ka bu nghat.


He khawvel chhuahsanin Universe-ah chuan i han inkap chho dawn teh ang.


"Hei hian min tibuai", ti hlukin, ngai thei lo zetin, vawilehkhatah ka kekawr hak chu a hnawl thla vek.


"Hei pawh hi a hnawk", ti leh hlukin, chung lama ka thawmhnaw inbel min phelhsakin, chhuatah a vawm hmiah.


"Hmuh i hrehawm", ka ti ve a. A nui vur vur.


A inphelh zawh hnuin, "Rocket-ah chuang lut tawh ila", a ti a.


A taksa chanvea min bawhin, a kut pakhat chuan ka hmui aṭanga zût thla zelin, ka sensitive point a thleng ta a.


Ka mal tikau deuhin, a kut zungṭang a kawm lut riai riai. Min fawp a, a kut a tiche ṭan a, ka mal ka chip hmak tawh.


A che rang ta lutuk chu a âwmah namin ka thaw halh halh a, ka alh chhuak dawnin ka hria.


Min fawhna lah chhâng let thei loin ka âng ang phuau phuau a.


Sensitive point insawngbawlsak chu, ka duhkhawp hauh lo. "Sam, puitling tak zawkin le", ka ti chhuak a.


Man chak tak a ni, a taksa khawng takin min do ul ve tawh tho.


"Min va tilawm tak em!", a ti chu, mak ti zetin ka en.


A kut a la chhuak a, duhthawh lutuk tak maiin min fawp ngawng ngawng. Kan infawp ngawng ngawng ti zawk teh ang.


Ka taksa chungah inring takin a awm ta a, muangchangin a mipa taksa khawng tak chu ka sensitive point chhungah a tluk luh tir ta luah mai le!


Show post links
Top

[Ngaia]

Politician Nupui Hring Nun
Political Love Story_Fiction
Chapter-19
Ziaktu: Cck Lalchhuanawmi


(Min hau luai luai thei)

Ka taksa chungah inring takin a awm ta a, muangchangin a mipa taksa khawng tak chu ka sensitive point chhungah a tluk luh tir ta luah mai le!


Chuta aṭang chuan Sammy-a ka hmu vâi ruai ruai, a hla tial tial bawk.


Ka ban a, ka khawih fuh thei lo.


"Sam?", ka ko a, ka hmuh lai rengin vawilehkhatah a bo hmak a, hlauthawng taka, "Sam?", tia ka ko chu, ka lo ṭawng chhuak niin.


Chiang em em maiin ka harh kâwk kâwk a, ka mumang a lo ni ngei e.


Mahse, ka kut awm dan a dik lo, Sammy-a awm dan lah dik lo tak a ni.


Bawkkhup zâwngin a lo mu a, a kut chu ka kawr chhungah a awm. Ka hnute a hum ran a, chu pawh ka hum tirin a lang.


Amah chuan che thei hek lo, a kut ka vawn hnan bawk si.


"Sam?", rilru na tak hian min en ngawih ngawih reng chu niin.


Ka va han zak tak, a kut ka la chhuak a, "Ka tihpalh lutuk".


Ṭha takin ka mut zangthal tir leh a, thil zahthlak lutuk tak mai ka ti a ni. A mawi lo lulai khawp mai.


Bathroom-ah ka tlan lut a, mumang rama ka chên luatah, hriat miah loin a tak ramah ka lo che chhuak a ni a.


Ṭul lo lutuk, a zahthlak tihpiah lam a ni.


Ka kut leh hmai chu sahbawn nen uluk theihtawpin ka han sil pek a, zahna a bo thei chuang lo.


Eng thil emaw tla thum dup ri hriain, ka han ngaichang deuh a, ngaih ṭhat lohna nei lem loin ka hmai ka phih ka phih.


Ka zak lutuk chu, tui rual hian luang ral thei ila!


Bathroom aṭangin ka chhuak a, Sammy-a mu lo ka hmu leh, khum sir chhuata blanket tla hlawm ka hmu chu, "Sammy?", tiin ka au ṭhawt a.


A thlawk hian ka thlawk ni ber.


Bawkkhupin a lo awm, kuai herin ka ṭhut chhuah tir a, nghet takin a darah ka kuah.


"Sam, khum aṭangin i tawlh thla tih sawi tum hlek suh. Engtin nge i theih zawk a?", a hnungah ka khup ka tun a, kuah ringawt chu ka inringtawk lo.


Bathroom-a ka tlan luh khan min um zui duh siin a tal vak vak a ni ngei ang.


Doctor-in mahni taksa ngei tiche thei lo khawpa Zeng a nih thu a sawi si a, khum aṭangin amahin a tawlhthla lawi si.


"Sam, khum aṭangin i tawlhthla a ni tiraw? Ka va lawm tak, Sam, khawngaihin dam thuai thuai rawh aw".


Khuma lawnpui turin chakna ka nei hlawllo. Kan ṭhutna hmunah mutna ka siam ringawt.


Mutna tihah pawh, puan ka phah a, lukham la thlain, blanket a tlak thlakpui kan sin leh tawp.


Khum aṭanga a tlak thlak avangin ka lawm a, amaha theihna awm leh ka Ṭawngṭaina tlawm tak avang a ni tih ka hria.


Lawmthu sawi hi ka ba reng dawn a nih hmel e.


Lawmna avanga mit tui tlain mit a tibûi lûk mai a, tlaivar ka ni bawk nen.


U Hmai leh Nu Papuii ka hrilh, ka lawm em a ni, "Nizanah, bathroom-a ka kal hlanin khum aṭangin a lo tla thla a. Ka phu nasa bawk si, ka lawm bawk si",


"Khum aṭangin a? Amahin maw?", u Hmain a ti a.


"Aw, mak ka ti a nia aw. Ka mit ngei hian ka hmu bawk si a, Doctor khan a hre tak tak lo tih mai a awl", ka ti sep.


A ni lah tak a, Doctor-in amah chuan a che thei lo a ti tlat.


Nizanah, Khum aṭangin a let thla bawk si, 'thil mak' tih thumal hian a sawifiah zo lo.


Nu Papuiin, "Lalpa, ka va han lawm tak em! Samuela chu, han ṭha thuai thuai tawh teh se. Ka hmanhmawh mang e, a ke pahnih ngei a a din chhuah a, a pawm hun che hmuh hlan ka nghakhlel. Aw...Chhuanpui, Pathian hian a fapa lo tir thla leh mai sela, a puan hmawr chauh dek turin a awmna hmun chhengchhe takah pawh ka paw(pua) thleng duh hial ang", a ti mawlh mawlh.


Kan tan Nu a tling chiang em!


A mit tui tla a hru mawlh mawlh a, u Hmai mitah tui a tling piau.


Nu Papuii min ngaihsakna leh min hmangaihna chuan lung a tichhe ngei mai.


"Nu, i awm lo ang tih hlau ber ka ni awm asin. Nu Hmangaihna leh Ṭawngṭaina chu Pathian kut zeta thiltithei a ni a, kan bulah i awm a, ka thla a muang tak zet", ka ti a.


Mit tui a tla nawn leh a, men ngaihna ka hre tawh lo. Mit vun a incharphui hmak tawh.


"Lo kal teh, kan fapa Samuela tana piang reng em ni i nih? I ni awm mang e ka ti, kan fapa laktlak lo zet hian a phu lo che a nih hi maw", Nu Papuiin a ti a.


Min kuah hlun, u Hmai lahin ka hnung aṭangin min kuah ve leh.


"A dam ngei dawn, nat aiin dam hun chhung a rei alawm", u Hmain a ti a. Hnuk ulh ṭeuha sawi a ni nghe nghe.


CT Scan-na file-ah dah ṭhat leh pahin, Sammy-a hak tur ka la chhuak a. Khumah mut hmasa leh phawtin, nalh thei ang berin ka thuam.


Tshirt aiin kamis a ngaina, kekawrbul a ha ngai lo bawk.


Hmân deuha tshirt leh kekawrbul hak a intih chin chhan pawh, thik kha a nei tlat a, a thik aia lan(lang) ṭhat a ngai miau alawm.


"Kan insiam zo ta e, i nalh lutuk a, ka lenchhuahpui leh lo dawn che mawni?".


Duhtawkin a hmui te hi tiche thei tawh se, a nui dawn tih ka chiang.


Khum aṭanga kuah thoin, wheelchair-ah ka ṭhut feltir leh phawt. Nizana a tlaknaah a insawh pem lo a, vannei tak a ni.


"Ka'n insiam ve lawk ang e", tiin, thawmhnaw ka inbel zung zung.


A tlem thei ang berin makeup ka hmang a, ka hmang tih a hriat loh zawk. Ka hmui a senno chak a, chu chauh a hriat.


"U, kan lo haw hma theih ka ring lo, mahse; kan lo tum ang",


"Aw le, naupang ho chu ka kutah dah rawh. Va fimkhur nasa r'u aw".


U Hmain min hmuh theih chhung min thlir ka ti mai. A thawhrimna avang tal pawh hian kan dam dawn a ni ringawt mai ni.


Mizorama Neurologist kan neih ṭhat ber Pi Zami hmu turin, lehkha kan la a. Kan nghak ve ta ran.


Wheelchair bânah ka kiu nghatin, Sammy-a hlata awm ka tum lo hrim hrim.


Min ngeitu tan chuan ngei ka awl ang a, "A ti mah mah", min ti tawk an awmin ka ring.


Chung chu ka pawisa tehchiam lo.


Khawhar leh mal taka siam ka tum lo hrim hrim.


Mal leh khawhara inngai turin ka phal lo bawk. Min mitsir tawk an awm a, chinchang min zawt lan an awm nuk tho.


Sammy-a nat dan te chu ṭha takin ka sawi zel a, kum upa lam deuh zel an ni.


Tlema Ṭhalai deuh chuan min en hrek hrek a, an inhrilh ru sek sek a, a zo der. Tu nge a nih an hre dawn, Ṭhalai lam chuan.


Politics hi an ngaihven reng tho a, rin phak bakin an chhûi nasain, Nu leh Pa ten Party bil chauha Vote thlak tur ti mah se, an thuneihna hmang thiam tak an ni.


Chuvang chuan Ṭhalai te hi Politics-ah kher kher chuan fing leh rem hre tak an ni ka ti lo thei lo.


Ṭhalai ka lo ni ve tawh tlat.


Pi Zami kan hmuh hun a thleng ve ta, kan innawr lut a.


Amah hi, Motor Neurone natna kan vei tih min hrilhtu kha a ni. Neurologist hmaah kan ṭhu ang tih hi ka lo suangtuah ngai lo.


Pi Zami bulah chuan Khum aṭanga a tlak dan bawk ka hrilh.


Chiang takin hmu lo mah ila, khum aṭangin a tla ngei tlat.


Pi Zamin, a thluak CT Scan-na thlêk kual den denin, "A va han mak em em, mi dangin an nam tla ti dawn ila, lut an awm dawn si lo a", a ti tawp.


A mak em asin.


Ka Ṭawngṭaina tlawm tak a nih ka ring hmiah. Tin, Sammy-a tumna avang a ni bawk.


"Ngawi teh, CT Scan tiṭha teh ang. Naktukah lo kal leh ula, a thluak Scan ṭha ang. Vawiin chuan CT Scan khawl a hman theih tlat loh. A nih loh pawhin, chutia a che thei a nih chuan, Phai lamah chhuk thlain, India rama Neurologist ṭha ber Doctor Anand Kumar Saxena zu hmu ula a ṭhat ka ring tlat",


"Kan ring che alawm", ka ti thuai.


A ni reng a, Pi Zami hi Neurologist kan neih ṭhat ber a ni tlat. Ka ring tawk.


Pi Zami chuan, "Ka va lawm em. Mahse, tun dinhmunah chuan hmun pui New Delhi pan a fuh zawk ang", a ti a.


Amah bawkin, "CT Scan ti phawt teh ang. Motor Neurone hi chu, zeng satliah mai mai a ni lo a, ruh zawng zawng pawh kuai thlep thei kha a ni a. A mak hle mai. Thil mak a thleng chho zel a nih chuan, a ṭha chhuak thei ang", a ti leh.


Sammy-a kut ka vuan a, ka nuih ver ver.


A chungah a innghat nasa hle a ni.


Ruh taka a tum a, a bei fan fan chuan a ṭha chhuak thei dawn tihna a nih chu.


U Hmai ka hrilh ve vek, "A ni maw? Awi, Sangpui, han bei fan fan teh. Chhuanpuii a khawngaihthlak, amah avang tal pawhin i tuar chhuak tur a ni", a lungchhia chu a âw a thâm deuh chhal.


"Anu, Lal Fanu hi a inhlei lutuk a nia", Freddy-an a lo ti chu, ka pan a.


A lo inhlei tak tak, "Lal Fanu, a u ten lehkha an zir a, lo kal daih rawh",


"A u Siamtea bulah ka mu leh duh. Anu, engtikah nge khum ka neih ve dawn? Min siam har bik e, a u te chauh i duat bik", a ti nang nang.


A vui hmel hi a duhawm mak zawkin ka hre mai.


Lal Fanu chu ka pawm a, "Apa dam ṭhat hunah i siam tir dawn nia aw. Elsa Barbie tam tawk i leitir bawk dawn nia", ka ti a.


"Yess, ka teddy bear te mutna tur khum pawh aw",


"Lutuk ele".


Teddy bear ho chu an lawm ngawt ang. Anmahni pualin khum an nei dawn a, Sammy-an a ngaihsak tho ang.


Lal Fanu hi chu thlir nin har a ti em!


"Anu, Apa hi?", Siamtean min zawt a, "Vawiinah Doctor kan hmu a, i pa kutah nasa takin a innghat a ni. A taksa a tiche thei deuh a, Dam theihna hun ṭha a nei a ti bawk asin",


"I ti tak tak em? Doctor dang te hi be chhin ila", Siamtea bawkin a ti leh.


"Naktukah CT Scan kan ti leh phawt ang a, chumi azirin Phaia kal a ngai mai thei",


"Anu, ka kal ve duh", Freddy-an a lo ti hmanhmawh.


Lal Fanuin a zawm vat, "Anu kal ve duh". Thlemtleng pahnih te hi a.


"Anî thu thu", ka ti a.


"Naa, Ani-in a phal dawn lo sa", Freddy-an a tingui nghiai.


U Hmain a phal dawn lo nasa mai.


Lal Fanu nen kan kalsawn a, lehkha an zir ṭhat a ngai.


Sammy-a bulah Lal Fanu pawmin ka ṭhu a, kan ep chiah Sofa-ah u Hmai.


"Apa, engtikah nge khum ka neih dawn? I dam lo bawk si, dam vat vat rawh. A u leh anu te hian min hau reng a nia aw. Ani pawhin min hau ziah", Lal Fanuin a ti roh a.


U Hmain, "Remruatfeli inthlahrun nachang hriat loh dan chu, Lal Fanu; i bulah kan awm ve reng hi. Ka hau tak tak dawn che mawni le?", a ti lang lang.


A nui duh miah lo a, Lal Fanuin a hlau thlawt lo.


"Apain a hre vek che", a la ti zui.


Lal Fanuin Sammy-a a kuah a, "Apa, min pawm har tawh e, nasa tawkin i dam lo mi? Dam vat vat rawh. Nangma tan bik Doctor ka lo ni ang aw, ka enkawl che ang a, i dam vat mai ang", a ti nang nang.


A mit tui a parawl kuang a, mahse; a intiṭap duh bau lo.


U Hmai zawk chu a tho tharh a, Bathroom-ah a lut daih.


Lal Fanuin, "E he! Anu, khawiah nge Doctor Set kha?", a ti hluai.


"Ka va lak sak ang che".


A Doctor set chu a pa mal chungah a chap darh a, Stethoscope, lungphu ngaihthlakna lem te chuan a pa lungphu a inngaihthlak tir a.


"Naktukah i dam dawn a nih hi", amah ber chu a nuih a za.


A pa chu duat takin a chul hliau hliau a, a biangah a fawp a, "Apa, i dam hunah maw, Lungleiah kal leh ang u. E he! Ka theihnghilh, Happy Father's Day. Ka tihder aaa", a ti a.


Uar fahranin a han nui a.


Sammy hmel nung sar sar chuan lungchhiattna a keng tel tlat.


A fanu ṭawng chu chhâwn zel a châk a ni.


Phone ri ka en a, Taiṭita a lo ni.


Chokaah ka phei a, "Chhuanpui, eng nge in an zel a?", a lo ti a.


A sarhu laia lo lang duh si lo.


Thinrim thei ka ni lo, anni ho hi lo inlar lo tawp se ka duh. Nun a ralmuang ka ti tlat.


"Pathian zarah kan dam chho.zel e. Eng nge ni ta a?", ka chhâng nô lem lo.


Taiṭita chuan, "Min haw(hua) ta mai hi duh lo sateh mah ila, dan rual a ni si lo. Ih e, mi pakhat nen inhmu ho lawk ila", a rawn ti.


"Ni lo e, ka hlimna hi min tihchhiatsak tum suh. Tumah hmuh ka duh lo. Ka buai deuh a, nidangah kan inbe dawn nia", tiin, phone ka dah zui hmak.


Mi pakhat a tih chu rinzawn ka nei, Manoi a nih loh atikah.


An inhmeh tawk chiah.


Taiṭita pawhin ka rinna a tichhe zo ka ti mai. Ka hlim a duh avanga Manoi ngaihzawn a tum tih a sawi kha khawvela thu huatthlalaawm ber ka ti thung.


An pahnihin an inbuaipui char char a ni mahna.


An chanchin reng hriat ka duh lo a, ka hmaa ding turin ka duh lo.


Ka hmaa an din tik hun phawt chuan ka chhir thal tawp ngei ngei dawn a ni ringawt mai ni.


Mood a rawn tihnual nghal vek.


Show post links
Top

[Ngaia]

Politician Nupui Hring Nun
Political Love Story_Fiction
Chapter-20
Ziaktu: Cck Lalchhuanawmi

Ka hmaa an din tik hun phawt chuan ka chhir thal tawp ngei ngei dawn a ni ringawt mai ni.


Mood a rawn tihnual nghal vek.


Doctor Zami bulah kan kal leh a, hma takah kalin lehkha kan la chhuak a, nghah rei kan ngai lo.


CT Scan ti turin min tir liam leh vat tho.


U Hmain min kalpui a duh viau, a nuṭa a ni a, a hriatthiamawm em asin.


Min ngaichang tlat a, "Ka u, lo kal ve ta che", ka ti duh lo. Sual vang a ni hauh lo, ka kut ngeia dawm ka duh tlat atin a ni.


Khâwl chhungah Sammy-a chu an nawrlut ta a, an scan zawhin dim thei ang berin wheelchair-ah an ṭhuttir.


Ka lut ve thuai a, keimah ngeiin scan-na hmun aṭangin ka nawr chhuak.


Feeding tube hmanga ei tur pek a ngai a, a Ha(teeth) a hmang thei si lo. Tukinah, ka hrai ṭeuh a, a puar ulin ka ring.


Tui ka tulh zeuh zeuh.


Result nghah chhung a rei duh a nia aw...


X-ray ti tur te, CT Scan room chhunga lut ve tur te nen kan inpel zut zut.


A tawpah zawng, result kan nghak chhuak ta e. "Sam, Phaiah min kaltir lo hram beisei teh ang aw".


Nurse hnenah Doctor Zami min hnuh tir turin ka ngen a, inentir tur an awm mang tawh loh avangin, min hnial loin a pindanah min luhtir.


Doctor Zami chuan a thlêk kual a, tihian a ti ta a.


"New Delhi-a Doctor Anand Kumar Saxena hnenah zu kal thei ula ka ti khawp mai. MRI hmangin Thluak leh Spinal a lo exam ṭha che uin, Treatment pawh changtlung zawka a kalpui theih che u ka ring a ni. Mizoramah hian a hmingin Neurologist awm mah ila, hmunpui tak tak angin kan la changtlung tawk lo a ni. Pathian hnen aṭanga thilmak a thleng te a nih loh chuan, Motor Neurons hi chu a dam mai mai thei lo.


A tlangpui thuin kum thum aṭanga kum nga thleng an dam ṭhin a, enkawlna ṭha tak hnuaiah chuan kum sawm a dam thlen theih bawk, tihdamna a awm lo a ni. Zeng dang ang a ni lo hi a buaithlakna lai a ni bawk. Zeng pangngai chu an kut zeng mah se, an lu an tiche theiin, ṭha takin ei leh inah harsatna an nei lo. An ke lam a ṭha. Kawng chin hnuai lam lah, chung lam chin zawng an hmang thei a. Motor Neurons kher hi chu, a buaithlak a ni".


Sammy-a chu chaw ṭhial thei hek lo, feeding tube hmanga tuiril pek a ngai a, a sâwng tê tial tial lehnghal.


Ka bulah a ṭhu ve reng a, a hre kur.


"Warning hi a awm ṭhin asin, ṭawng harsatna te, ei leh in lem harsa ti te, thâwk harsat bakah, kut leh ke tha zawi te leh, hriatna thazam a khawih avang hian eng thil emaw tak theihnghilh thut te hi a awm ṭhin. Chung chu in sawi hoin in chik ngai lo em ni?", Sammy-a ka dem ngawt thei bik lo.


Doctor hnenah, "Hetianga a awm hma hian Dawr chhungah a tlu tawp tawh a, a ṭawng thei lo nghal. Mahse, minute thum emaw hnuah a rawn ṭha chhuak leh mai. Chu zawng chu ka hriat a ni a, a chunga thleng min hrilh ngai lo. A rukin a tuar reng tihna a ni thei em?", tiin ka sawi a, zawhna ka han zawt leh mauh mai bawk.


A bu nghat nghat a, "Ho te tea kan ngaih hian alawm, ho lo tak, buaipui ngai khawpa min siamtu chu. Engpawh nise, Mizo zinga Motor Neurone natna vei hmasa ber leh, awm chhun a ni mai awm e ka ti. Beiseinain Phaiah chhukthla phawt mai teh u", a ti a.


Beiseinain Phaiah chhuk thla ta ila, beidawng takin Phai aṭangin kan haw mai lo'ng maw?


"Ka pi, Motor Neuron hi engvanga lo.awm nge a nih le? Inthlahchhawn ti dawn ila, kan chhungkuaah an awm si lo, kum sawm aia tam an dam theiin, an ke ngeiin an ding chhuak leh ang em?".


Beiseina hloh ka duh lo, hloh lo turin ka insangmar ṭang ṭang.


"A nihna takah chuan, Amyotrophic lateral sclerosis, ALS a ni a, motor neuron tiin kan hre lar zawk. Hriat angin, kan chhip aṭanga ke ler thleng hian hriatna thazam, Nervous System hian min tuam chhuak vek a. An inthlunzawm vek hi ni, Siamtu themthiam zia lanna chu.


Nervous System chu thluak leh kan spinal cord, kan hnung zâng chhuk thla lai hi maw, hei hi an ni mai a. Chuvang a nia, Thluak exam kan neih", chhinchhiah harsa ka ti mang e.


Doctor-te ka ngaisang thar sawt sawt.


"Inthlahchhawn lam a ni vak lo. Ni e, zaa panga aṭanga sawm hi chu, thlahtu te aṭangin a ni ngei mai a. Zaa 90 aṭanga 95 hi a chhan hriat loh te an ni".


A nih, Sammy-a chu a chhan hriat loh, zaa 90 zinga mi a nih chu.


"Mi zathumah hian mi pakhatin vei ang a ni a, kum 50 chung lamah a ni tlangpui. Mahse, a nih lohzia chu, i pasal hi kum 50 a la ni lo tiraw? Kum 20 bawr a nih ka ring", a fiamthu pah chu ka lawm ngei mai.


A nui sen sen a, "Kum 18 chauh mawle", ka ti pek a. A nui nasa mai.


Sammy-a ka melh zauh a, a chhungrilah a nui nasa ve ngawt ang.


"Ka sawi ang khan, tihdamna a awm lo a, hmangaihna nena enkawl chuan kum za pawh an dam thleng thei".


Ṭul lo lutuk tak maiin, "CT lam pum hi eng nge?", ka ti khawlh a.


"Computed Tomography tihna a ni e, taksa kaw chhung exam-na a ni ber mai. A rang thei ang berin Phaiah chuan kal ula ka ti mang e",


"Kar leh lamah a tlai ang em?",


"Tlai lo e, tun kar ngeiah kal ula ka ti zawk. Kar lehah kal ula, a kar pek chu nghak tawh suh u".


Sammy-a ka melh leh a, a inpeih chuan ka inpeih reng.


U Hmai a awm a, Siamtea leh Freddy-a ka ngaihtuah lo. Lal Fanu ber hi ni.


Chhungkuaa sawihona hun neih a ngai hmasa phawt. Tihdamna a awm loh chuan Phaia kal kher a ṭul dawn em ni?


Ni lo, ni lo, Beiseina ka hloh tur a ni lo.


Khum aṭanga a tawlh thlak theih chuan, a la ding chhuak em em ang. Beiseina kawltu ka nih a ngai a ni.


Doctor hnenah, "I mi sawi, Doctor Anand-..",


"Doctor Anand Kumar Saxena (Pu Saxena hi a awm tak tak a, India rama Neorologist kan neih ṭhat ber, a filawr lak a ni e. Tin, Doctor Zami pawh hi a awm tak tak a, kan Neurologist a nih hi, ka hriat sual loh chuan Trinity Hospital-ah a ṭhuin ka hria, ka dik loh chuan min lo hrethiam dawn nia, a dik zawk min hrilh ula aw)",


"Aw, chu chu, India rama a thiam ber a ni tak zet em?", ka hrefiah zel a, ka inrintawkna a bo zo takngial dawn.


"Ni e a, India rama No. 1 a ni. Keini Neurologist-te hi chuanin thluak leh Nervous System kan tih, thazam hriatna exam neih a, engvanga natna vei nge a nih a, tiin exam result kan zir chiang ṭhin a. Neorosurgeon-te hnenah kan thlen a, annin; a ṭul dan azirin an lo zai ta ṭhin a ni. Doctor Sandeep Vaishya (Pu Vaishya pawh hi a awm tak tak a, India rama Neurosurgeon No.1 a ni e) hi India rama Neurosurgeon ho zinga pakhatna a ni bawk. Phaiah chhuk thla thei ngei ula tih hi, ka duhsakna che u a la ni fan".


Doctor Zami pindan aṭangin lawmthu hrilh mawlh mawlh hnuah kan chhuak ta a.


A biak pawhna tur ka nei a, Phaia kan chhuk thlak hnu pawhin min ṭanpui a inhuam thu min fah awl lo.


Duhsakan Motor chhungah a chawi lut a, ka pui ve bawk.


"Inah nge?",


"Ni lo e, Dawrah kal ang, Lal Fanu a bâng tawh awm si a, Siamtea leh Freddy-a bân a hun hnai a, kan nghak pah dawn nia".


U Hmai ka call a, Lal Fanu nen inah an awm tawh.


"Anu, Ani-in Alu papawr a siam asin, lo haw thuai thuai rawh u, Apa nen", Speaker-a ka dah avangin Sammy-an a hre thei.


"Lal Fanu, a u te nen kan lo haw ang aw. Apa hi lo muah rawh le",


"Muah muah muah, Apa muah, Anu muah, muah muah muah", a duhthawh lutuk chuan min tinui ver ver.


Zanah Hnahthiala ka nu leh pa ka bia a, chumi hmain u Hmai nen kan sawi hrep tawh.


U Hmai chuan Phaia kal min thlawp khawp.


"Ngaih ngam takin zu kal ula, naupang lo ngaihtuah duh miah suh ang che. An Ni ka awm alawm, kal ngei ngei rawh u", a ti a.


Ka nu leh pa pawh chuan min pawmpui nasa mai.


Ka pa phei chuan, "I nu nen kalpui che u duh hle mah ila, a nupui ngei mai ina hmangaih taka i ngaihsakna tur dal che kan duh lo, i zakzum ṭit ṭet thei roh si", a lo ti a.


Min tizak zual sauh sauh.


Thenzawla ka nu leh pa ka hrilh ve leh.


"Chhuanpui, hrehawm i ti em? Lo haw daih ta che", ka nuin a ti a.


Ka pain, "Khatiang thu kha hrilh suh, huaisen turin fuih zawk ta che", a lo ti thuai.


"Ka ngaihtuah em a ni. Hetiang tur hria a, lo neihtir loh tur", ka nuin a ti leh.


Haw te chu ka duh alawm, mahse; hei hi ka in a ni tawh a, pasal leh fa ten min phuar bet tlat tawh.


A hrehawm leh nuamah pawh tiin kan intiam a, kei talin ka hlen loh chuan!


Ka pain, "I nu thu chu ngai thutak suh, huaisen takin ding la, i kiangah ṭanpui tur chein kan awm reng dawn tih nghilh bawk lo la", a lo ti dam dap a.


Haw ila tih chu a duhthusam a ni ve tho.


Nimahsela, haw thei ka nih lohzia a hre tlat.


Ka nuin, "Ni e, i bulah kan awm reng dawn alawm. Ka ngaihtuah em che a, i duh hun hunah i lo haw thei aw", a ti a.


Nu Thinlung aṭang chuan ka va hriatthiampui si em!


Phaia kal turin kan inbuatsaih ṭan a, engtia rei nge kan awm dawn tih kan hre si lo. Lalfelan kan tan liau liau Apartment min luahsak.


Robawihi pawhin, "In lo thlen hunah chuan kan awmnaah kan awm leh ang. Hotel mai maia inthlahrung taka in awm ka phal lo", a lo ti nasa mai.


Huizz, ka va lawm tak tih hi hnuk ulh ṭeuh chunga sawi a ngai ṭhin.


Tui takin Ṭawngṭai thei lo mah ila, harsa tak chungin lawmna hlir ka thlen ve zel e. Harsa ka va ti thei tak em aw...


"Anu, hrehawm i ti em? Hrehawm i tih chuan haw daih rawh, tumahin an sawisel lo ang che",


"Siamte, hrehawm ka ti reng reng lo", a hnung aṭangin ka kuah a.


A insût hlawp hlawp.


"Anu, a pawi ka ti lutuk. Ka nu leh pain an tirethei lutuk che a, an aiawhin ngaihdam ka dil e, min ngaidam rawh aw",


"Eng nga tinge chutiang i sawi?",


"Pawi ka ti", insût hlawp hlawpin a ti leh. A kawr hakin a hmai a hup a.


Naupang fing deuh leh ṭawngkam hmang puitling thei tak te hi ka ngai thei tlat ṭhin lo, naupang chu â takin awm se ka ngaina ṭhin.


Ka kuah mek erawh hi chu naupang a ni tawh si lo.


A nu leh pa thuruk a vawng hnem mah mah. A nu leh pa aiawhin ngaihdam min dil a, ka ngaidam mai dawn lo'm ni?


Hmangaihna a neih hi, tu'n an thaibo sak thei ngai lo ang.


A nu leh pa a hmangaihna chanve tal hian min hmangaih ve sela aw...


"Tihsual eng mah i nei lo, nang chu ka fapa huaisen i nih kha. Dik tak leh rinawm taka awm tura ka tih che kha, vawng reng ang che",


"Ka pa hi thi palhin, pasal nei duh ta la, engtin nge kan awm tak ang?",


"A mak mang e, vawikhat mah khatiang kha ngaihtuah tawh hlek suh. I hria maw? I pa a thi dawn lo, lo thi pawh nise, nangni kalsanin pasal ka nei dawn reng reng lo. Min en teh le".


Ka lamah ka kuai a, a lehkha zir a khaihlak ta vek mai.


Pindan pawnah a nau te pahnihin an Pa an chhaih a, an nui ar ar.


Insût feih feihin min en a, a mit tui ka hruksak a, "Nasa takin kan Ṭawngṭai ang a, Apa hi a dam ngei ngei ang. Beiseina kan nei tlat bawk tur a ni, keinin Beiseina kan neih loh chuan, tumahin min lo neihsak dawn lo. Chuvang chuan, chak tak leh huaisen takin, Apa tan kan ding tur a ni".


A bu nghat nghat, min kuah thlawp a, "Anu, ka hmangaih che", a pawm hian ka pawm bet tlat a.


Lungchim takin ka kuah a, ka pawm vawng vawng a, a bekah ka fawp ngawih ngawih.


"Keipawhin ka hmangaih lutuk che", ka ti a. Ka duhtawk lo, "Ka hmangaih vek che u", ka ti leh.


An unau thumin nia ka tih, an unau thumin ka hmangaih.


Sammy-a erawh, ka hmangaih em ka hre lo. Hmangaih theih ka ring a, mahse; daltu lian tak hi a awm.


Eng nge a nih chiang takin hre lo mah ila, vote zawn nana min nei te, MLA a nih theih nana bungrua ang maia min nghaisa te, nia; bungrua ka nih thu min hrilh ngei bawk kha.


Hengte hi a ni mahna, min daltu chu.


Ngaidam thei maiin ka inring a, khawimaw laiah chuan ka ngaidam ngei mai.


Khawimaw laiah chuan ka ngaidam thei tlat lo thung.


Motor Neuron chanchin chu Doctor Zami min hrilh bak han ngaihven zui ka tum a.


Min hrilh bak kha chu hriatthiam alawi ka nei lo. Science tih takah, Science ṭawngkam ka ti mai, a indawh chho zut mai a, thumal pakhat awmzia hriat loh chuan a sentence tawp hriattiam loh a ni mai.


"Sam, inbual a hun e", nui vara ka ti chu, a tlanchhe nasa ngang mai.


A mitmeng chauh a tlanchhia a ni a, che thei ngat se chu, kan inum kual nasa ngawt ang mawle.


"Duh lo thei i ni lo, duh lo eng ang mah la, i inbual dawn tho tho", rum zet hian ka ti a, ka melh bawk.


A rukin u Hmain min lo nuih.


Hnahthial aṭangin ka nu leh pa an lo kal dawn a, naktukah zawk niin ka hria.


"Dar sawma inbual hi a ṭha ber, chhun ni sat tak tak hmain", u Hmain a lo ti a.


"Chu chiah mai", tiin ka tuihnih thuai.


Sammy-an min en dan chu, min ngei hmel a nia aw. "Ka thu i awih loh chuan ka vaw(vua) dawn che, i fel leh, ka duat che ang a, i thu thu", ka ti a.


A meng rum.a nia aw, a mit hmang ṭangkai tak a ni.


Tunah tak hi chuanin a kâah zen ila min seh lo ang tih boruak a ni a, ka hlau lo ve chiang e.


Vaw(vua) tak tak pawh ni ila, min dang turin chakna a nei lo. Tha nei lo, nuih pawh nui thei lo hian, min tina thei lo chiang em mai.


"Inbual vat ang, Lal Fanu hruai a ngaih hmain".


Sofa chunga a ṭhu chu, a zaka dawmin ka dinpui a, "Tihian, Bathroom thleng ka kalpui dawn che", ka ti a.


Hnung lamah ka tawlh hrat hrat a, theihtawp chhuaha ṭang nasa tak ka nih avangin thâwk a hnawh.


Ka dinpui ren rawn a, "Nupui thuawih lo tak i ni", thaw hluamin ka ti chhuak phawng a.


Keimah bera chu za fahranin ka han nui ta ang a.


Nia, pasal chan ka chang rih tlat.


Ka kalpui thei thlawt tawh lo, Wheelchair-ah ka nghat ta tawp.


Thaw hapin, "Min tichau hle mai, i dam ṭhat hunah chuan ka inpuak nilen tir ṭhak ṭhak ang che mawle. Chumi duh loin dam ṭhat loh char char tum bawk lo la", nawr pahin ka ti khar khar.


Ka bual hi chuan a sen chhuak vek zel.


A chhia leh ṭha hriatna a nung ṭha vet vet em atin ni.


"Hmar lunglien min tih loh leh, Hmar hrangsie min ti a, Nautê Liana ni rawh. I inhmeh dawn lutuk, Nautê lian ti hlirin ka ko tawh ang che", ka siai zuk zuk.


Thawmhnaw kan inbel zo a, pindan aṭanga kan innawr chhuak chiah tihah, Party lam hruaitu mi pathum an lo kal.


Kan inkâwm a, Phaia kal kan tumzia te ka sawi a, "Serchhip Bial mipui ten an duh asin, hna thawk ṭha an ti a, inthlan ṭhat an duh bau lo mai. Engtin nge ni dawn ni? Pu Sammy-a lah, hna thawk thei ziazang a ni tawh si lo. Mipuiin an duh emaw duh lo emaw, inthlan ṭhat a ngai ngei dawn a ni", an ti a.


An zinga pakhat chuan, "Sawrkarin thu chhuah a siam hma ngei hian bânna thehluh a fuh ang", a ti a.


"Engtin nge ni ang, a ziak thei lo. Ka ziahsak a ngai ang. Engtin nge thu ka chai ang le?",


"Bân a duh chhan chiang takin i ziak anga a ni mai, thu tam ziah a ngai reng reng lo. A chhan chiang tak tawi fel tak a ṭha zawk", pakhatin a ti a.


An haw hnu chuan ka ngaihtuah a, Sammy-a ka en a, Politician nih hi a duhthusam ber a nih tu'n kan hai lo.


Phone ka en a, ka ngaihven loh luatah Sammy-a tana an Ṭawngṭai reng thu te, Serchhip Bial tana a thawhhlawk zia te; u Ngaia ngeiin eiruknaa a fihlimzia a puanzar te chu, Sammy-a fak chung zelin an sawi bâng lo.


Chung an Post zozai te chu, ngaihven loh luatah ka lo hre lo chu niin.


"Sam?", a lamah ka inher hlek a, "I Bial Mipuiten an hmangaih takzet che a ni. I tan an Ṭawngṭai nasa a, an hmaah i din leh ngei a ni".


A darah ka lu ka nghat a, phone chu ka off phal lo.


Hna ṭha tak tak a lo thawk nasa em a ni.


Thlalak nen an post chuai chuai. Hriat loh hi chuan, a lo hriat loh theih ngei mai.


Lian tham tak tak karah, "Kan in hmun min chhuh tak min pe kir leh", tih te, ho tham tak tak te an ni hlawm.


A ho tham si lo, a dawngtu tan chuan ho tham a awm lo.


Kan ro chu a lian emaw tê emaw, ho tak tak a awm ngai lo.


Sammy-a chu ka ngaisang thar riau asin.


Zanah chuan Sammy-a Fb account-ah ka lut a, lawmthu sawina leh Phaia kan kal turzia te leh, min Ṭawngṭaipui zel tura sawmna post ka siam ta.


Minute khat chhung lekin like leh comment a han tam mai mai khawp a.


Awih a harsa, mit hi a rinhlelhawm riau thei nia!


Min duhsaktu te chu, a der mai ni lo sela aw...


Bânna lehkha ziak turin office-ah kan innawr lut leh ta. "Sam, signature i pe thei dawn lo a, kutzungpui nem kai a ngai ang tiraw?", keimah zawk ka bu nghat.


Lehkhaah chuan, "To, ", tih ka han ziak kai a, a dawt zel ka ziak thei ta lo.


Mitmeng nung sara min en rengtu ka en let ve a, a hlim lo. A hlim hlawllo. A duhthusam ang takin a Politics zin kawngah bung thar a kai, MLA a ni tawh alawm.


Tunah, Term khat em kaltluan thei lo turin natna khirh takin a phuar nghet ta tlat si.


"Ka thei lo", pen ka dah thla. Ka ziak thei thlawt lo a ni e.


A hmaah ka ṭhu hniam a, a kut vuanin, "Sam, Term khat hi chu i kaltluan teh ang. Ka awm alawm, kan pahnihin ṭang dun ang. I lei leh mit, beng leh fuke ka lo ni ang. I kal tluan teh ang, i ṭang dun ang. Kan hneh ngei ang", ka ti ta mawlh mawlh.


A mal chungah ka lu ka nghat a, "Ka awm alawm", ka phun sep.


Phaiah kal dawn mah ila, hma lam hun kan hre tlat lo. Bâng ila, Politician a ni thei tawh dawn lo.


Duhthusam kan nei ṭheuh, mahni duhthusam tipuitling thei chu mi tlem te chauh an ni ang.


Ka fak kher asin!


A kawng thlan a dik lo mai pawh a, Sammy-a pawh hian a duhthusam ram chanve a thlengin a tipuitling tawh.


A tukah chuan Party Office-ah kan kal a, ka tum dan ka hrilh fai kel.


Mak an ti khawp a, ka tumruhzia an hriatin min ṭanpui ta zawk a. Sawrkar laipuiah kan thlen a, ka bulah Sammy-a a awm zel.


A mit leh beng, a lei leh fuke ka ni tawh.


Sawrkarin a ngaihtuah chhungin Phaiah kan kal hman.


Inah kan haw a, u Hmain, "Engtin nge ni ta?", a lo ti vat.


"Sawrkarin a ngaihtuah mek dawn a, chuti chhungin Phaiah kan kal ang",


"Chhuanpui, a ngai kher lo asin",


"U, Kum hnih ṭha chauh a awm tawh a, heti maia a Term tawp hmaa a chawlhsan tur hi ka ngaingam lo a ni. A beih nasatzia kan hriat kha".


U Hmai chuan min kuah thlawp, "I thu vek alawm, Sangpuia tan hian Pathianin a Vantirhkoh zinga a duh ber a lo tir thla che a nih ngat hi le", min tizak mang e.


Vantirhkoh chu ni em lo e.


Lal Fanu nen chaw ei khamah ice cream lei turin kan chhuak a, Duhsaka nen kan intawk hlawl.


"Khawiah nge Motor?",


"Saw lai lawkah, ka nuin a ṭhiannu dam ṭha lo a kan a, chaw an eitir nghal nen, ka hruai dawn a nih hi. Motor ka keng chhuak a, ka inthiam lo hle a ni",


"Inthiam lohna tur a awm lo. I duhnaah hmang zel rawh", ka ti a.


Hmingi nen an boruak a ṭha zel ang em aw? Zawh loh chuan min hrilh a tum si lo. Min hrilh hma chu zawh ka duh bik zi lo.


Ṭhian ni mah ila, a nun hi chu ka zah sak ve a ṭhain ka hria.


Kan kalna lam.a inang a, Dawrah chuan kan ding a, ice cream pakhat ka leisak.


Lal Fanuin amah ngeia Deep Freezer aṭanga lak chhuah a duh avangin Duhsakan a pawm a.


A man ka pe a, Duhsakan dawr pawnah a chhuahpui a, a la pawm reng.


Pitar pakhat hian, "I fanu nen chuan in va han inang em em ve le?", a ti ta.


An hnung lawkah ka ding a, ka pawh mai ngam lo. Duhsaka chuan, "Ni lo e, kan inang lo lutuk", nui hakin a ti a.


"Inang lutuk, phir chiah chiah in nih kha. Engvangin nge dawt i sawi? In mit men dan, in khabe, in hmui, in hnar leh in beng te thleng khan in inang vek. Nangmah ang chiah Fanu i nei a, a hmelṭhain a duhawm si, duat hle ang che. Pafa inhmangaih tak ni zel rawh u", Pitar chuan a ti leh mawlh mawlh.


A kalsawn ta a, ka pawh ta chauh.


Lal Fanu ka pawm a, Duhsaka hmel chu chiang takin ka en ta mai a nih kha!


Duhsakan, "A nih, ka kal ang e", tiin a kalkiang a. Keiniin in lam kan pan.


Lal Fanu pawh chu chiang kêk kâwkin ka en. Duhsaka hmel nen ka khaikin ta a. Pitar sawi ang chiah chiah kha a ni!


Duhsaka fanu a nih loh chuan, a phirpui a ni ang tih tur khawpin an inang.


Ka phu nasa lutuk chu ka ding tawp, "Anu, ngati nge i din daih a?", Lal Fanu chuan a ti a.


Sammy-an a fanu dik tak a nih loh thu min hrilh tawh. Sammy-a hmel.ka hmu thei lo, a dik ngei.


Mahse, Manoi hmel hmuh ka tum a, Duhsaka a lang tlat. A bo thei lo.


Manoi hmel aiah Duhsaka hmel maw ni a?


Karei! Karei! Karei!


Engtin nge hetiang hi a nih theih?


Thil ni thei a ni lo, Lal Fanu hi Duhsaka thisen kai a ni thei lo.


Show post links
Top

[Ngaia]

Politician Nupui Hring Nun
Political Love Story_Fiction
Chapter-21
Ziaktu: Cck Lalchhuanawmi

(Chapter dang ziah chhungin ka lo dah aw)

(Chapter-21 hnuaiah hian Chapter-22 awm e)


Engtin nge hetiang hi a nih theih?


Thil ni thei a ni lo, Lal Fanu hi Duhsaka thisen kai a ni thei lo.


"Ice cream, ice cream", tia Freddy-an min lo lawm pawh chu, ka man chat a. A bek tawn tawn dawmin, chiang em emin ka thlêk kual.


Ka exam hi a ni ber.


"Anu, ngati nge a?".


Siamtean Freddy-a pa a hmu a, tu nge tih a hre lo mai chauh a ni. A la naupang em a, chiang takin a hmel hmu thei lo mah se; a âw hre ngat se, a hre chhuak zoin ka ring mang e.


Lal Fanu hi Duhsaka fanu a ni em ka sawi chiang ngam lo, Freddy-a pawh hi Duhsaka fa a ni thei mai awm e ka ti!


Duhsaka leh Manoi an inhnaih thei tlat, Sammy-a Politics avanga a buai reng phei chuan, a awm hnai ber, zawn chawp ngai loin Duhsaka a awm reng alawm.


"Anu, ngati nge a?", Freddy-an a ti leh.


"Eng ni lo e, i hmelṭha lutuk a", ka ti a. A nui vur vur a, kalsan hlau takin min kuah vawng vawng.


Freddy-a hi chuanin ka kalsan hlau taka min kuah a ching ka tih tawh kha.


Kan bulah Lal Fanu a mu a, u Hmai awm tak avang nge, kan bula mu tura sawm ṭawk ṭawk a ngai.


U Hmain min awmpui hmain kan bula mut a duh lohna a rei tawh a nih kha.


A puala khum neih a châk em a ni.


Khum tlâng nghengin ka ṭhu a, ka khup tunin ka ke ka thluang leh nghek ṭhin.


Dim light hnuaiah Sammy-a hmel zûr tak a hmuh hmaih theih loh. A vun a chuar a, hnawih tur ṭha tak tak nena enkawl pawhin a reh thei lo.


A lainatawm kher asin!


Lal Fanu chu a hrin a ni lo tih a hria a, Freddy-a thung hi. A hre kherin a rinawm loh.


Siamtean dâwt a sawiin ka ring lo, naupang hian dâwt an sawi mawh khawp asin.


Ni tak, Siamtean a Pain Puipuii tih a thinlunga a la khung reng thu, a nuin a sawi tih a sawi tak kha.


Puipuii chu tu nge ni ta ang?


A la dam ang em?.


Puipuii tan thu a ziak a, a laptop-ah em ni ang? Nge, a Diary khawimaw berah. Sammy-an Diary a nei em? A nei chuan ka hria.


Ka va tlaw tak.


E he! Sammy-a ka en a, a muhil bik lo. A mit erawh a chhing. A mit vun a phu leh zeuh ṭhin.


Puipuii thlalak a nei, Lehkhabuah a thukru nge, a dah ṭha zawk ni ang?


Manoin a hmu chhuak a, ka hmuh ka ring tawh lo. A hmu hmasa berin a tihchhiat lohah.


A pasal thinlung luahtunu thlalak leh a lehkhabu chawpa halral chu, tu nupui pawh tihmakmawh a ni e.


Manoi chu ka dem dawn ṭhin, Sammy-a ka en a, ka dem phal lo leh ṭhin.


Sammy-a chu demawm berin ka hre ta mai. Manoi dinhmunah ka ding mek. Engvangin maw?


E le, ka pasal thinlung hi, Puipuiin a luah tlat alawm. Sammy-an Manoi a hmangaihah ka ruat a, a hmangaih tak erawh Puipuii zawk a ni.


Manoi nena an inneih zanah, "Puipui, nupui ka neihsan che avangin min ngaidam rawh", a ti chhuak a nih kha maw!


Manoi tan a hrehawm tur zia ka ngaihruat ngam lo. Mahse, neih let tuma a beih kher hi a ṭangkaina ka hre lo thung.


Sammy-a hian Manoin a hmangaih tih a hre reng a, Puipuii chu a nei thei lo a ni phawt a. Manoi chu pawm hle hle tur alawm.


Kan hmangaihte aiin min hmangaihtute an hlu an tih ṭhin kha.


A nihna takah, kan neih theih loh tur pawh nise, kan ûm zui reng peih chu a nih si hi.


Ka lu ka thing a, bathroom-ah ka lut.


Ngaihzawng pakhat mah nei loin pasal ka nei a, hmangaihna tih ang reng te hi ka hre thiam lo a ni mahna.


Manoin Sammy-a a hmangaihna, Sammy-an Puipuii a hmangaihna; an pahnih hian an ta ni hlen lo tur an ûm a ni!


Kei hi, tu nge ka nih tak?


Taiṭitan min hmangaih maw? Za lutukin ka nui hak. Hepa hi engvanga hre chhuak nge ka nih le?


Kei hi Awm loin, Sammy-an vote zawn nana min neih ṭul lo ta se, Puipuii nen an innei awm si a.


Siamtea, Freddy-a leh Lal Fanu te hi ka fa te an ni ngai lo ang a, Sammy-a ngei pawh hi ka pasal a ni dawn si lo.


Ka thaw chhuak halh halh, zanin tehhrep chu, eng ka ti zo ta nge mawni?


Chuti fakaua Puipuii ka thik tak mai.


Ka chungah Sammy-a a ṭha ngai reng reng hleinem.


Rethei takin Manoi a siam a, tuar thei tawh loin a chhuahsan reng bawk a. Tunah, rethei takin min siam veleh ta a.


A Politics zinkawnga a hlawhtlin nan min nei mai chauh a ni si. Ka chhuahsan hun a nghak tawp mai nge?


Natna khirh takin man lo se, min hnawtchhuak zawk mai thei asin.


Ka chhungril a sa pup pup, ka alh chhuak lo ang tih ka sawi thei lo.


Puipuii chu tu fakau nge a nih?


Tui herh hawin, ka kun hniam a, ka hmai ka theh ṭhawt ṭhawt. Intihharh tum ka ni a, zanin chu ka harh thei thlawt lo.


Bathroom aṭanga ka chhuah pawhin Sammy-a chu a la muhil chuang lo.


Min ngaichang reng, ka thawm a ngaithla ni berin ka hria. Ka muthilh hnu chauha muthilh a tum mawni?


Zanin anga zawhna ka ngah ṭum hi ka la hre lo.


Khawvar thleng rakin Puipuii ka ngaihtuah ta a nih kha.


"Tu nge i nih?",


"Khawiah nge i awm?",


"MLA-ah a tling a, a Politics zin kawng chu a chanve a zawh ta asin; a kawng thlan dan a dik lo mai pawh a, i lo hre ve ngei ang tiraw?",


"Tunah hian, natna khirh takin a man a, Chanchin tharah te an puang a, lo ngaihven i tum lo em ni? I hmangaih ve miah nange? Nge ni a, amah chauh hian a hmangaih che? Hmangaih ve la chu, khawiah pawh awm la, ngaihven turin i lo chhuak tawh ngei ang!".


Aw Lalpa, chawlh ka mamawh a ni.


Chawlh ka mamawh takzet.


Thuruk eng zah chiah nge hai lan tur ka neih? Pasal ka neih hnu hian, second khat pawh hi ka rilru a la chawl lo.


Hai lan tur, thudik hai lan tur, thûk thei ang bera thuruk inthup ka hai chhuak malh malh reng mai.


Ka nu leh pa te, Hnahthial leh Thenzawl aṭangin an lo thleng ta a. Tlai khawhnuah Hriatpuia a rawn thleng veleh.


Lalfela te chuan Delhi-ah min nghak ran tawh.


Keini pawh, inpeih tawh tak kan ni. Thlawhna ticket kan la fel vek tawh bawk.


Lal Fanuin, "Anu, khawngaihtakin ka lo kal ve", ṭap purin a ti a. Hruai theih a ni tlat lo.


Ka pawm a, "Ani Hmai bulah in awm dawn alawm. Kan lo haw vat ang, chuan; Elsa Barbie ka lo hawn ṭeuh ang",


"Aih, ka duh lo", a mit tui a tling piau a, a luang ngiai ngiai bawk.


"A nih le, eng nge i duh?",


"Anu, min hruai ve la, maww, please; thu ka awih ngawt ang", a ti bul bul.


Hruai mai pawi ka ti lo hman, mahse; ina a awm ngai a ni.


Min zui thei lo ang, ka hruai chuan kan rei tlat dawn si a.


Ka thlem ka thlem a, a pi leh pu te pawhin an thlem nasa. Sammy-a hian a thlem lungawi thiam ber asin mawle.


Mahse, a tawpah, "Lal Fanu, Elsa khum kan lo hawn ang che", ka ti a. A tawpah zawng, kan inthlem lungawi thei ta alawm.


Mu tura kan insiam fel hnu lawkah ka phone a ri.


Sammy-a phone rik lohna chin ka hre lo, a ri ngai tawh lo tluk a ni.


Taiṭita leh bawk, Manoi nen min lo hnaih tam lo se ka tih nen. Chhâng duh loin ka hnar zel.


Sammy-an a thik tih ka hria, Puipuii a hmangaih a, run luih nana a hriata biak ka châk.


Mahse, ka be lo ang. Rualbanlo thawthangin a awm a, chutiang chunga sual chhuah chu mihringah ka inchhal thei lo ang.


Taiṭita chu a beidawng a ni ang, message min lo thawn.


***Chhuanpui, khawngaihtakin Manoi leh Sammy-a inhmuhtir hram rawh***


***Engvangin maw?***


Manoi a hmu reng reng tihna a ni phawt a, ka tan maw?


Taiṭita chu ka haw(hua).hluah hluah.


***Khawngaihtakin, kan inhmuh hunah ka hrilhfiah vek ang che*** a rawn ti leh.


Khawngaih min dil ngawih ngawih ***a dam lo nasa lutuk a*** a rawn ti leh chu, a chantawk a nih thu thawn ka tum a, ka ṭhulh ta zawk.


A dinhmunah ka ding mek a, kei aia hrethiamtu tur an awmin ka ring lo ve tlat.


Nia, a pasal ni tawh lo mah se; a fa te pa a ni a, lo hmu tur a ni.


***Naktukah lo kal rawh se***


***Ka lawm lutuk, ka lawm e. Chhuanpui, i thinlung a ngilnei tih ka hria alawm***


***A dik e, mahse; chumi avanga zuam ngawt mi ka ni chuang lo*** ka ti a.


Zuam ngawt mi ka ni lo alawm.


Taiṭita chuan *** Ni e, zuam mi i ni lo. I thinlung ngilnei tak hi nia, ka ngainat chhan che. Sual luhtir lo la, khâk tir ve lo la; thianghlim takin hum tlat rawh*** a rawn ti duah.


Ka ngei mai mai khawp a.


Ka.chhâng ta lo. Naktukah lo kal poh teh se. Buaina an siam lo turah ngai.ila, an siam erawh chuan ka nasa ngawt ang.


"Sam, i harh em?", a rawn meng diar diar.


"I la mut duh chuan a pawi lo nia", a duh loh thu sawi niawm takin, a khap sak sak. Ka hrethiam tawh.


A duh loh thu sawi nan a khap sak sak a, a duhnaah thung chuan a khap sak sak lo, a meng fiah kâk a, a mitmeng a nung hle ṭhin.


Sammy-a nen bathroom aṭanga chhuakin kan inthlak fel a. Chokaah kan innawr phei.


Ka nu leh pa te lo thoin, an bulah an nawr phei ta daih.


"Ka bulah awm rawh se", tih ngawt a theih si lo.


Kar khat lai kan awm bo dawn a, an khua a harin an ngai ngawt ang. An ngai dawn lutuk.


Siamtea te unau lah an lo tho a, zingkara an lehkha zir ṭhin an chhawm thei lo. An pa bulah an tawlh hrat hrat, an tawlh hrat hrat a, an inpawm chat ta.


Nu Papuiin, "Zu hlawhtling mawlh teh u, a hrehawm em mai", a ti.a.


Sammy-a tana mit tui a sen nasat dan tur hi. Ka lawm a ni. Nu pathum, min lainata min hmangaihtu kan nei a..


U Hmain School-ah a thlah a, Duhsaka chu ṭha taka biak a har ka ti a. A lo thlen phat aṭangin ka be lo a, ka en hek lo.


Thil awm dan zawh tawp mai nia ka duh.


Lal Fanu nen engvanga inang em em nge an nih? A fanu ni tur atan ka phal thei lo, ka phal mawlh lo a ni.


"Sam, inbual a hun leh ta, naktukah chuan Delhi-ah kan awm tawh dawn si a. Delhi chuan min lo mikhual ṭhat hle ring teh ang", ka ti a.


Min lo mikhual ṭha hle se ka va han ti tehlul em.


Kan inbual zo, kan inthlak zawh hnuin pindan aṭangin kan innawr chhuak a, Taiṭita leh Manoi an lo ṭhu vang mai a nih chu.


Min lo nghak.


Ka ding a, Taiṭita chu a la.pangngai reng, a taksa rihna a tlahniam deuh a. Manoi thung chu, a dângin a ria kher asin.


A banrek pawh, hmer tham lek a ni hial ang.


Lo kal tura ka tih tak kha mawle.


Ka pa, Hnahthiala mi zawkin, "Inleng duhawm tak kan nei a, Chhuanpui, Sangpuia nen thlah fal lawk ila", a ti a.


Kan pindanah em ni kan thlahfal dawn? Teuh lo mai.


Ka nuin, "Tei harh pah a ni mai, tlaia siam tur chawhmeh va dap ang u hmiang", a ti ve bawk.


Thenzawla ka nu leh pa hmai zah ka pe na mang e.


Min hre thiam a, ni lo se; zawhna an ngah ngawt ang.


Kan pindana an inbiak ka phal lo, Naupang pindana an inbiak lah ka phal hek lo.


Manoi chu lainat viau e ti lo chuan, pindana Sammy-a nen thlah fal ka phal lo.


Nia, mi hrang pindana luh tir ka phal ngai reng reng lo. A bikin, nupa pindanah ngat phei chuan. Ṭhiante nupui.pasal nei ka nei ve nual a, min pawt lut tawp a nih loh chuan ka lut mai mai ngai lo.


"Pawnah lo nghak ang, buaina a thleng lo ang tih ka tiam a che", Taiṭita chuan a ti a.


Sammy-a bula ṭhu hniamin a kut ka vuan tlat a, Puipuii ni lo mah se; Manoi bula thlah fal chu ka thei tlat lo.


Ka ta a ni a, ka hauh hlur a ni ber.


Hmeichhe dang nena thlahfal maw? Buaina a thleng lovang maw?


Buaina a thlen leh thlen loh lam a ni lo, ka hmaa ding hi a ni lo'm ni, ka pasal min chuh tuma nasa taka bei kha?


Hmanrua a hmuh theih theih hmang mai ṭhin kha, Taiṭita, leh a fa te ngei vaw(vua) duh hial a nih kha.


Taiṭita chuan, "Chhuanpui, living room-ah hian alawm an awm dawn. Khawngaihin, pawnah lo nghak teh ang", min pawt a.


Ṭang nasa viauin ka hria, Taiṭita tha chu ka hneh ngang lo.


Sammy-a chu ka en ṭawk ṭawk, ka khâ a chih tlat chu ka hre thiam lo. Manoi chuan eng thu nge sawi a tum ang aw? A bulah rei tak awm lo turin ka duh.


Taiṭita chuan, "Ka hriat zawng chu, Sammy-a hi a hmangaih takzet a ni. Mi â-ah a chhuak mai dawn. I la hria em, Nang leh kei min phuar beh a tum lai kha? Khatah khan Sammy-a zawk hian thudik tak min hrilh ngat lo se chu, min awk ngei ang. A awk ve dawn che em ka hre lo, mahse; kei chu min awk ngei ang", ka ṭhu kun tlat a.


A thusawi chu ka ngaithla em ka hre lo.


Kan inkar a zauin a thui a, hmun hla taka aṭanga a ṭawng ngaithla ang ka ni.


A fiah lo, mahse; chiang takin ka hre thung si.


Taiṭita chuan sawi zelin, "Tichuan, Manoi chu ka theih anga dan ka tum ta a. A harsa ngei mai. A chhungte ka hrilh ta tawp a, anni nena ṭang dunin kan khuahkhirh thei ta a ni. Hmangaihna hi chu a mak a ni. Âtpui theih a ni tih reng ka hre ngai lo.


Manoi hian a hmangaih takzet chu a nih hi.


Ei leh in lamah a harsat a, a duh lo a ni mah zawk. Vawitam lo kal min dil a, a ât tawh miau avangin ka phal ṭhin lo. I hre lo ang, Sammy-a chu ralkhat aṭangin ka thlirpui ta ṭhin a ni".


Kei pawh hi, mi â-ah ka chhuak tep tawh ta ve ang. Mahse, hmangaihna avang chuan ni lo e.


"Chanchin tharah kan lo hria a, lo kal a rawt a, a phi cheng a, in chhungah a tei kual chhen a. Lo kalpui erawh kan duh lo. A awm dan tur kan hre lawk vek si a. A inthunun theih hun kan nghak a, tlai khawhnuah ka lo kalpui ta chauh a ni. Nangin min phalsak lo la chuan, ka lo kalpui kher lo.ang. I phalna la hmasa loa lo kalpui lah ka ngam thlawt lo a ni. Min hrethiam rawh", Taiṭita chuan a ti leh mawlh mawlh.


Ka dak chhuak deuh a, ka bula a ṭhut ve avangin ṭawng zawi pawh ni ila a hre thei tho ka tih avangin, "Engvangin nge min duh thu min hrilh mai loh?",


"Maw?", chu thu ka zawt chu ka inchhir lo. Hriat ka châk em em zawk a ni.


Min hrilh se, ka hnar dawn si lo.


Zawhna awm leh ta chu, lo inngaizawng pawh ni ila, Sammy-a hi ka tawng tho ang em tih hi a ni.


Taiṭita chuan, "Chhuanpui, thil hlui sawi chhuak suh", a ti a.


"Min la duh reng em?", ka ti khawlh a.


A chhan chu, hriat ka duh a ni. Ka nu leh pa, ka unaute leh Hmingi te, leh ka fa tena min hmangaihna ni lo, ka kawppui ngei hnen aṭanga hmangaihna dawn ka duh a ni.


Sammy-a leh Manoi chuan an dawng tawh a, Taiṭita pawh hian a dawng nasa dawn tih ka hria.


"Taiṭit, min han hrilh teh, min la duh reng em? Ka pasal hi ṭhen ila, hmangaihna nen min lo pawm duh ang em? Min pawm duh a nih ngat zawngin, ka lo pan ang che. Nang pawhin i hriat tawh kha, kei pawhin ka duh thei lutuk che", ka ti zung zung.


A meng phar nasa mai a, a ṭhawng hle a ni.


Ka duhâm mah mah em aw ka ti a, duhâm ka inti phal lo.


Hei ngei hi a lo nih dawn hi, nupa tam tak inpawm tlei hlen loh ṭhin chhan ti dawn ila, a ni bawk si lo.


Chawlh ka mamawh tak zet ta a nih hi.


Taiṭita chuan, "Chhuanpui, nichinah khan min duh tih i sawi lo tiraw?", a ti a.


"Sawi e, aw, Taiṭit; hmeichhia ka ni a, hmeichhiain a sawi chhuah hmasak turah ka ruat ngai lo. Kan inṭhianna a tawp ka hlauh avang a ni pakhat",


"Chuti, tunah min la duh reng em?", ka ngawi ta hmak.


Ka intimualpho let der ta mai ka ti.


Ngaihtuahna seng hmasa loa ṭawng hi a lo âtthlak a ni.


Taiṭita chuan, "I hlauhthawn avanga sawi i ni tih ka hai hleinem. Manoin tum nasa mah se, a hlawhtling ngai lo ang. Sammy-a hian a hmangaih tlat che avangin, tlanbosan mah la, a zawng che ang a; a pan zel tho ang che", a ti ta a.


"Engvanga chiang taka sawi thei nge i nih? Sammy-an a hmangaih em em thu a sawi ka hre tawh asin",


"Ni e, chu lam chu ka hre lo. Ka sawi theih tawk chu, a hmangaih che tih hi a ni. Ka lakah ni lo, mipa dang ngâi pawh ni la, a ṭhen dawn lo chein, a ta i nih reng tur thu min hrilh tawh. Ka ring a ni, mipa ka ni a, mipain thu kan tiam mai mai ngai lo, kan tiam a nih erawh zawngin, dam chhung daih a ni ṭhin".


Taiṭita chu ka ring lo kher asin.


Chutiangin Sammy-an hrilh pawh nise, min ṭhen ngai dawn lo pawh nise, ka nui deuh sak.


Puipuii a hmangaih tlat alawm.


A taah a siam thei lo a, chuvanga min ṭhen phal lo a ni.


Amah bawkin, "Mak i tiin ho i ti ngawt ang. Sangsangi laka ka rilru put hmang ka sawi kha a lem mah nise, tunah hian kha rilru kha ka pu chho leh mekin ka hria. A hmangaih tak neih let tuma a beihnaah dangtu ka ni a, a chauhzia leh a hlawhtling ngai dawn lo tih ka hriatin, hmangaih taka dawm ka duh a ni. Hmeichhia te hi, in duhnaah chuan in lo huaisen khawp mai, tlâng rel lah in pawisa lo", a ti nuah nuah.


Nia, mipa ai chuan kan huaisen a ni. Hmâsang aṭang tawhin.


Ka ngawi ta reng a, Taiṭita pawh a ṭawng ta bik lo. Manoi chanchin bak sawi tur a hre dawn lo atin ni.


Sammy-a ka ngaihtuah, Manoin nghaisa lul suh se.


Manoi (Zothangmawii) pov...

Ka pan hnai zel a, a hmaah ka ṭhingṭhi thla hnawk.


A khupah ka chal ka nghat a, chak takin ka awm ang ka ti a. Ka inthunun theihna hloh zoin, ka tlawm leh ta nge nge a ni e.


Tlangval pian ṭha leh hmaifang ṭha tak a ni ṭhin a, Pa a nih hnu thleng pawhin.


A vun chuar tak te, ei ṭha a hmu lo tih hriat taka a biang ti bo zo ta te chu, duat takin ka chul a.


Lungchim takin ka kuah a, a chalah ka fawp a, ka pawm vawng vawng a. A biangah ka fawp a, a hmui ka tawk né né.


Ka fawp lo ang, hei hi chu, Puipuii chanpual a ni tlat.


"Sam, thlah tur chein ka lo kal a, a tawpah zawng, thlah tur chein thu ka titlu ta asin".


Mit tui kar aṭangin, "Ka ngai lutuk che", ka ti leh a. Ka pangngai ta viau.


A kut ka vuan a, ka fawp a, ka chul a, "Thlah che hi har ka ti, min ngaidam rawh aw. Hum sual ka dai tih ka hria, ka tum lawk lohah ka inpaltlu ta si a. Chhuah ka tum a, kha Hum khan ka cheng a hre reng a, chumi chu hmanruaah hmangin min pawt kir leh ṭhin a ni".


"Sam, inkawp rem ngai lo tur kan intawng a, dam chhung leh a piah lam thlenga inhmangaiha invuan tlat turin ka intiam a, khatiang thu te kha min tiam ve ngai loh chhan ka hre tawh. Puipuii vang a ni tiraw?", a mitmeng a ngai reng.


Min lainat tih hriat takin min la en char char.


Hmangaihnain min han en phei se zawng, ka tlu tawp thei ang. Lainatna a ni tlat.


Sawi tur ka nei tawh lo, thlah hlen tura kal ka ni si a.


Tun bak hi chu, ka hnaih thei tawh dawn lo. Vawn loha chibai buk a ngai tawh ang.


Ralkhat aṭangin ka thlir ang a, a hlimthla ka bia ang a, kan sulhnu ka chhui kir ang a, engtikah mah; ka ta a ni thei tawh dawn si lo.


"Sam, Puipuii awmna i hria em? I hria a nih pawhin pan suh ang che. Chhuanpuii i nei tawh a, i thinlungah ani chauh khung ang che aw".


A ke bulah ṭhu thlain, a kut vuan reng siin a khupah ka lu ka nghat a, ka en chho hâ a, min en chhuk run ve bawk.


"Kan inngaihzawn laia, College aṭanga kan tlanbo ṭhin lai kha i la hria em? A tawpah phei chuan, min hrem nghe nghe a nih kha. Corridor-ah min ṭhingṭhit dun tir a, zak hle mah ila, nang nen kan ni a; lak nat aiin kan hlim hle zawk a nih kha".


A nuam a ni.


Ka tihtauh hian Iced coffee min siam loh leh, min leisak ziah.


Kan innei a, ka hlim zual tura ka ngaih tehreng nen, inneih zan aṭangin kei ni loin, a thinlungah hmeichhe dang a Lal zawk tih ka hre ta si.


"Sam, thlah che hi a har ka ti. Puipuii paih bo la, Chhuanpuii-ah chauh intulut ang che aw. Ka dinhmuna ding turin ka phal lo a nia, he Ke lir thei aṭang hian ding chhuak la, Puipuii i hmangaihna leh, i ngaihsak dan tur leh i duat dan tur ang chiahin Chhuanpuii chungah ti ang che. Chu chu ka dil ang che, min ngaidam turin ka phut ngam lo che a, Siamtea leh Freddy-a Nu ka nihna ang tala min ngaihdam erawh ka beisei a ni. Hmangaihna nen Lal Fanu min kuangkuahsak a, ka lawm e. Ka lawm lutuk, ka lawm lutuk aw. Sam, ka lo va â tak em! Lo tuar mai mai ila ṭha tur a nia tiraw? Mahse, Puipuii i neih theih nana ka kalbo a ṭul si. I hmaa ṭhingṭhi meuha ka ngen chung che pawhin min pawm thei tawh si lo. Kei zawng, kan Sulhnu chhuiin dam chhung nî ka chhiar mai awm e ka ti. Hmangaihnaa hlimna a awm dawn chuan, tawrhna a awm a ṭul si a. A tuartu zawk nihna chu, lawm takin ka pawm mai a ni ang chu. Ka hmangaih em che avangin".


"Thil.pakhat, Taṭitan Chhuanpuii a hmangaih lutuk a nia aw, i ṭan hle a ngai ang", ka nui sak a.


A tawp nan ka kuah a, ka pawm a, a kut ka fawp a, a chhipah ka fawp a, a biangah ka fawp a. A hmui em zawng, lungchim takin ka lo fawp tawh ṭhin, Puipuii ta a ni tawh.


"Sam, mangṭha aw. Inhmuh tik nî thlen apiangin, ṭhian ang talin inkalpel ṭhin ang aw".


Kawngka bul ka thlen chuan ka inhru fai a, ka ṭap a, ka thawl hawk.


Ṭha takin ka thlah a, ka lawm a ni.


"I ṭha em?", min hmuh veleh min lo pan thuai.


Hepa hi, eng mi nge maw a nih le?


Zawhna hlirin Chhuanpuiin min melh kal. "Chhuanpui, ka lawm lutuk aw. Delhi-ah chuan tluang takin zu kal ula, hlawhtling taka lo haw chho ngei turin duhsakna sâng ber ka hlan che u a. Ṭawngṭaiin kan lo ṭanpui reng bawk ang che u", a ti mawlh mawlh a.


Lalhriatchhunga rilru put hmang hi hriatthiam a har ka ti.


A hmangaih a venhim dan a ni bawk si.


"Ka lawm e. Tluang deuhin in haw dawn nia", a ti a.


Min huatna ka hmu lo a, min lainatna ka hmu hek lo. A bo a, kawngbo chiah chiah a ni.


Ka dinhmunah erawh a ding ngai dawn si lo.


"A nih, va lut tawh rawh. A lo beisei tawh ang che", Hriatchhunga chuan a ti a.


Kal a tum chu a kutah ka man a, a phu nghe nghe. A rin loh lutuka ka chet avangin.


"Ṭang nasa hle rawh, tu dang mah ka fa te Nu ni turin ka duh lo. Nang hi ka duh ber che. Chuvang chuan, Sammy-a thinlung aṭangin Puipuii paihbosak la, a thinlung luahtu ni rawh. Midang hnenah ka fa te ka kalsan ngam lo. I bulah, i bulah chauh ka kalsan ngam a ni. Kei ang hian, chak lo takin awm lo la, chhel takin awm zawk ang che".


Ka thlah a, a meng phar nasa ngei mai.


Fuihna ai mahin, invona a ni chiang a ni. Ka vo alawm, engmah hre loa ka fa te leh Sammy-a a kalsan ka hlau a ni.


"Khawngaihin, Puipui, khawngaihin", ka rilruin ka ngen ngawih ngawih. A kalsan ka hlau em a ni.


"I sawi awmzia ka hre lo kher mai. Puipuii chu tu nge a nih ka hre lo, Sammy-an min ṭhen tum eng ang mah se, keiin ka ṭhen dawn hleinem. Tu te nge i faa i koh lah ka hre lo, ka fa te hi midangin an hnaih ka phal lo a, ka chhungkua hi tuma tihnat ka phal lo. Ka kal ang e".


A inringtawk kher mai.


Ka thlir a, "Puipui, khawngaihin", ka rilruin ka ti mawlh mawlh.


"Taxi phar ang aw",


"Kea kal ka duh zawk e",


"I chau lutuk ang",


"Kein kal zawk ang".


Min hnial lo a, min veng reng thung.


"Puipuii chu tu nge ni? I hria a ni tiraw?", ka chhâng lo.


Ka hriatna a la rei bik lo.


Puipuii chu tu nge a nih ka hriat avanga duhtawk ta ka ni.


Duhsakan min hrilh a, ani pawhin a hriatna a rei lo. Hriatchhunga hian hre lo se, a ṭha a ni mai.


Sammy-a nena kan Sulhnu ka chhui kir rauh rauh a.


Chhui tawp hun ka nei dawn lo a nih hi.


Sam, dam ṭha var teh.


Chapter-22


Lalchhuanpuii pov...


In chhungah ka lut a, min hnung chhawn zawnga ṭhu ngawi reng chu panin, a hmaah ka ding a.


Min melh chho ṭawk.ṭawkah ṭhu hniamin, "In inbe thei meuh maw? Delhi-a tluang taka i thlen theih nan duhsakna a hlan che em? Lo kal ve tura i duh chuan ka hnial lo ang che", chu thu chu, a sawitu ngei pawh hi min ṭhawng.


A hmui a tisawi nasa mai a, ṭawng tumin. A khap sak sak bawk.


"Sam, a tawk, ka fiamthu a nih kha", ka tih pawhin a tawp duh lo. "Ka fiamthu ka tih kha", ka ti leh a.


A tawp mai duh lo, a kâ ân a tum avangin a thawk a hah a, thli thaw, ri hum hum ang chiah.


"In va reh ṭhuap ve", u Hmai âw ka hria chu rang lutukin ka ding hluai a, chutah, Sammy-an ka banrekah min man a nih chu!


Meng bial kâwk kâwkin, "Sam, a tak tak a ni em?", ka ṭhu hniam thuai.


A thâwk a tipangngai tawh a, a vei nuih seih zui. A mitmeng lah a nungin a hlim sar sar.


"U, lo tlan teh, Sammy-a hi", ka ti chul.


"Sam, mumang a ni lo tiraw?", mumang a ni ang tih ka hlau. Mumang atan ka phal lo, a uiawm lutuk.


U Hmai pawhin a hmu ve ta.


Mahse, "Remsangpuia chu, a vei nuih ka ti", u Hmain a ti daih asin le!


Kei chauh min enin a vei nuih char char.


Ka banrek a manna kut chu ka dek a, tha a hmang bawk a, a sak ṭalh mai. A ban lehlam ka dek a, a sak hlek lo.


"Sam, hei hi tihchet han tum leh teh", ka lawm si, awmngaihna ka hre lo ber a ni e.


Mahse, Manoi chuan a tidanglam hneh hle a ni. Puipuii hmangin a thlem nge mawni?


Nichina a thu min hrilh dan aṭang kha chuan a thlem thei lo.


Ropui ka ti thlawt. Nuih seihin ka en tlawk tlawk. Ka hre thei, a ruhrel a induang ṭha a, a tha a mar ṭha mek bawk.


Min man nghet em em mai a, nasa takin a tha a hmang a ni.


U Hmai kalsawn lai ka hre hauh lo.


Mit tla lek leka kan inenna lamah, kan lo hre chang tawh lo.


Ka nu leh pa te an lo haw a, ka hrilh zung zung.


"Kan hmuh lai ngeia a chet loh chuan ka awih lo", Hnahthiala ka pain a ti tlat pek a.


Naupang ho lahin, "Apa, han tiche teh", an ti sek bawk. Sammy-a chu kâ chip chungin a vei nuih reng mai.


A hlim a ni.


Lal Fanuin, "Apa, Elsa khum.ka duh tawh. Ka siam ang i ti a, i siam har si. Nang chu, dâwt min hrilh a, a nuam lo eee. Tunah paw'n, i kut i tiche thei tawp lo", a ti ṭuau mai.


Elsa khumah bawk a ni, kan buai leh tak hi.


Freddy-an, "Apa, tiche teh, tu hnenah mah ka sawi lo ang", a ti ta vel. Siamtea a ngawi bik thei lo, "Apa, i kut i tihchet theih chuan Sweet ka pe ang che", a ti pek a.


Kan insum thei lo, Siamtea tih loh kan nui vek.


Sammy-a chu, âw rawl chhuah meuha nuih a duh. A la thei mai lo chauh a, a vei nuih seih thei alawm.


Zan chu hlim takin kan hmang a.


A tuka kan kal dawn chuan thil buaithlak lutuk tak mai a thleng.


Min ngenin Lal.Fanu a han ṭap tak tak mai a nih kha. Elsa khum hmanga thlemin a sawt tawh lo.


Min kuah bet tlat, ka taksa aṭangin an lasawn thei lo, kan inchar nghet hmiah mai a ni.


Duhsakan tih theih nei si lo a, Lal Fanu nuar a lo thlir ngawih ngawih chu ka hmu vuai.


A hma zawng pawhin, Lal Fanu hi a ngaihtuahawm mang e ka ti.


"Lal Fanu, Anu te an lo haw vat dawn alawm, i zu tibuai mai mai", U Hmain lak a tum a, a ṭap vak a, "Ka duh lo, Anu bulah ka awm duh", tiin a khêk chul mai a ni.


Kil khatah lah, Freddy-a a insût feih feih.


Min ngen ngam lo, a Nî Hmai a hrang em a ni.


U Hmai chuan, "Remruatfel, i nu leh pa i tibuai mai mai, Damdawi ina awm nileng ṭhak ṭhak tur an nih kha", tia laksawn a tum.chu, "Aih, aih, aih", ti chulin min kuah nghet nasa mai mai khawp a.


Ka tlu ṭep ṭep. Ka ke a phet nasa teh e.


Lal Fanu thlem thei kan awm tawh si lo, "Hruai mai teh u, a ṭah lahin a au ruai mai si; a Dang a thler palh ang e", Hnahthiala ka pain a ti ta a.


Chutia a ti chu, Freddy-an a lo beisei veleh.


"Lal Fanu a kal dawn chuan ka kal ve duh", a ti khauh.


U Hmain, "I zak lo lutuk, i kal nguar ang. School kal a pawimawh. Damdawi ina nileng ṭhaka awm i peih em ni? I nu leh pa in tikhawmuang mai mai. Remruatfeli pawh tih tawk nak laiin", a ti khar khar.


Freddy-a chu a ngawi dâk. Lal Fanu pawhin a Ni.chu a hlau deuh.


Thlawhna chhunga inpawm phalna dil tum ranin Lengpui Airport kan pan ta a. Duhsaka ka hre reng, Delhi-ah chhuk thla phawt teh ang.


Delhi kan thleng thla a, Lalfela te chhungkuain min lo hmuak.


Ka lawm kher asin.


Anni pawhin Sammy-an a kut a tiche thei tih an hria a, an lawm tak tak a ni.


Khami bak kha chu, Sammy-an a tiche ta chuang lo.


Apartment min luahsakah chuan Lal Fanu nen, kan pathumin kan awm ta a. Anni chu hmun dangah.


Appointment ti ila, Doctor Saxena hnenah Doctor Zamin min lo thlensak vek mai a.


Lehkha lak chhuah ngai loin kan hmu nghal thei dawn.


Kan chau bawk a ni ang, kan muhil hma a, Sammy-a hlei hlei muhil hmasaah a ṭang nia!


Min ngaichang a, ka muthilh hmaa a muthilh ngai loh nen.


Ka lawm zawk a ni.


Tichuan, Doctor Saxena Office chhungah, a hmaah kan ṭhu ta ran mai le.


Warning kan tawn dan te leh tun hnu thlenga a awm dan nen ka hrilhfai ta kel a, a kut a tihchet nen lam.


"A va mak ve!", Doctor Saxena chuan a ti a.


Sammy-a bulah a lo ding a, a kut a tihchetna lam, a kut veilam chu a chawi kâng a, vawilehkhatah a thlah thut.


Ka rak chhuak ṭhelh chiang asin.


Wheelchair banah a innghat chawrh a, Sammy-a a ṭhen deuh sak.


E he! A ṭhen, "Doctor, i hmu em?", ka ti a.


"Sam, i kha a chih emaw ka ti a? Doctor, i hmu tiraw?", ka ti chul.


Doctor chuan a tarmit kar aṭang takmeuhin, "A va mak ve! A mak hle mai, Motor Neurons ni loin, zeng pangngai mai a ni lo mawle. Doctor Zamin Motor Neurons a ti ngei bawk si", a ti nuah nuah.


Sammy-a bulah ka ṭhu hniam a, Lal Fanuin min dinchilh run bawk.


"Sam, hma kan sawn zel e", sawi zel ka tum a, hriat ngai lohin ka hrawk a rek hmak.


Lal Fanuin, "Apa, Elsa khum chu", a ti leh hmiah. Kan thu a inhmu lo hlawm teh e.


Doctor chuan, "Vawiin chu Test hrang hrang ti ila, naktuk.chawl ula, a tuk lehah kan inhmu dawn nia", a ti a. A ṭhutnaah a ṭhu fel leh ta a.


"Result hi le?",


"Min rawn pe vek mai ang, lungngaihna tur a awm lo e. Motor Neurons ber kher hi ka la enkawl si lo, theihtawp erawh ka chhuah ang. Tun apangin result duhawm ka hmuin ka hria", Doctor chuan a ti a.


Exam hrang hrang nei turin kan innawr kual ta chhen a.


Male Nurse pakhatin Sammy-a an nawr a, Lal Fanu nen inkaiin kan zui hnak hnak.


A thluak, a kâwng leh a hnungzâng chhuk thla te, khâwl hrang hrangin ni khatah a exam ta a nih kha.


Damdawi in aṭanga kan chhuak chu, a thaw huai thei nia.


Kei pawh ka ni tho, "Anu, ka ril a ṭam", inthlahrung tak hian a ti a.


Chawhnu a pel duai a, ka lo hre chang reng reng lo. "Kan ei ṭeuh dawn nia aw", ka ti a. "Ka rilṭam tawh lutuk", a ti leh.


A ṭam tawh ngawt ang.


"Lutuk, eng nge i ei duh?",


"Sawhchiar", Lal Fanu ṭhin hi chu aw...


Lalfela hnen aṭangin call ka dawng a, Damdawi in bul lawka Restaurant-ah kan chawlh tur thu hrilhin, "Kan lo kal dawn e aw, lo inhnawhpuar rawh u", a rawn ti a.


Restaurant-ah chuan kan innawr lut ta a. Sammy-a mal chungah Lal Fanu a ṭhu a, a rit reuh.


Waitress chhe lo em em mai hian min dawngsawng a, Mizo a lo ni reng mai.


Mizo ṭawnga inbiak a rem chiah loh avangin English-in kan inbia a.


Sawhchiar ei tur awm hek lo, Pasta, McDonald leh Chicken Biryani kan ei tawp.


Kan ei tur lutuk ringawt.


Sammy-an a ei thei si lo, awhfik te pawh kan ang. A aiawha ei ṭeuh ni mai.


Waitress chuan min vil reng a, a rukin Mizo ṭawngin min be ṭhin.


A kawr hmaa name tag-ah, 'Ruati' a inti a, "Ruat, min ngaihsaknaah kan lawm lutuk aw", ka ti a.


"Engmah a nih loh kha, a ho lutuk", a ti mai a.


A ho hauh lo, Mizo ngei maiin duhsak taka min ngaihsaknaah ka lawm em a ni.


Lal Fanu nen Chocolate ice cream kan ei leh a, chumi chhungin in lamah chanchin ka thlen mial mial.


Kan ei zo a, bill pein kan innawr chhuak leh ta a.


Restaurant kawtah Lalfela te kan nghak a, "Anu, a mawi e", tiin, a hmuh apiang min hmuhtir zel.


"A mak e", te a tia.


"A hmuhnawm e", te a ti thul. Puitling tak tan hian a hmuhnawm. Delhi leilung la rap hauh lo i.


Lalfela te an lo thleng ta a, kan hmaah Taxi chu a ding a, "Bazar ila, chawhmeh siam tur kan lei pah dawn nia", Robawihin a ti a.


An fa te pawh an awm.


Doctor thu ka hrilh veleh, "Naktukah leng zawk ang u. Sammy-a hi a ril a ṭam dawn lutuk, min hrethiam mai ula, naktuk lamah i leng zawk teh ang u", ka ti a.


Min hnial chuang lo.


Lal Fanu bawk hi ni, a patêa te bula awm a ngen tlat.


"Kan lo thlah ang", Lalfelan a ti a.


Kan in bye bye nasa mai.


Kan Apartment awmna building kan thleng a, Lift-ah kan inkhai chho a. In chhunga kan luh rual rualin ka kalh hmak.


Fimkhur tluk a awm lo.


Sammy-a puar leh fanna tur ka siam nghal zung zung.


Puar el awlin tv a en thei ta.


Sammy-a tshirt lian nelh nawlh tak hain, ka mawng a khuh chang chang. Kekawrbul, khup chung aia chung thleng ka ha a, ka sam chu chhipah ka tawm chho vek bawk.


A tv en lai chu a bulah ka ṭhu a, ani pawh, tshirt pangngai leh kekawrbulin a awm tawh a,,nuam a ti ngawt ang.


A kut veilam la kangin ka hmet nuap nuap, exercise-te hi la se, a ṭha tur mawle.


Kan tv en chu Action film a ni a, Tom Cruise-a channa a ni nghe nghe. Hmuhnawm ka tih luatah Sammy-a kut ka hmet tawh lo.


Ka chelh reng, a kut a tiche tih reng lah ka hre lawk lo.


"I tiche leh ta, Doctor-in i lut a dah thlak khan na i hria a ni tiraw?", min chhâng tih entir nan leh, na a hria tih lantir nan, muangchangin vawikhat a khap a.


"Ka duhthawh a, nikhat thilthuah i taksa pum hian han che lawih mai la, lawm avangin ka inbingbilet tawp tawp ngei ang", a vei nuih seih seih.


A biangah ka fawp zauh a, ka duhkhawp lo.


Ka âwn hniam a, a hmuiah zawk ka fawp. Ka thlah hleithei lo. Min fawp let thei lo mah se, ka thlah phal lo.


Min nawrtu awm ang mai hian Sammy-a hmui chu a keihin ka keih. Min dawm kangtu awm ang maiin ka mawng ka kân leh ṭhin.


A tawpah zawng, ka thlah hram, a lungni lo dawn emaw ka ti a, a vei nuih leh seih.


"Ka duhâm mah mah a ni tiraw?", a khap sak sak.


Duhâm min ti lo mah se, ka inti tho tho.


Tv chu, ṭha te tein ka enpui ta a, naktukah kan leng kual dawn a, a chauhthlak ngawt ang le.


Show post links
Top

[Ngaia]

Politician Nupui Hring Nun
Political Love Story_Fiction
Chapter-23 Last
Ziaktu: Cck Lalchhuanawmi


(Lawmthu ka sawi mawlh mawlh e. Kan duhthu a sam emaw chu aw?!...)


Tv chu, ṭha te tein ka enpui ta a, naktukah kan leng kual dawn a, a chauhthlak ngawt ang le.


Lalfela te chhungkua nen kan leng ho ta a, hmun hla tak takah kan kal thei lo.


Wheelchair-a innawr a ngaih bakah, Lal Fanu a bo ang tih ka hlau a, ka pawm tlat nen.


A tawpah phei chuan Lalfelan Wheelchair a nawr ringawt.


Mihring kan tam si a, second khat lek chhung pawhin a inbosan theih.


Mahse, eng em thleng loin tluang takin kan leng a. Restaurant-a kan chawlh te chuan, Sammy-a ka hrai tawh.


Feeding tube ka keng hmiah a, miin min en duh ngei mai.


"A zahthlak loh, i zak ringawt ang e", ka ti deuh hlak a. Mahse, zawi tein. A zak ang tih ka hlau, a zahthlak loh em mai.


Zanah, chhungkhat te nen kan inbia a, Freddy-a phei chu ṭap ṭuau chung hian, "Anu, pheikhawk nalh deuh min lo hawn rawh aw", a lo ti a.


Dul na urh khawpin ka nui.


Mi hi a ngai thei lutuk a, a mi ngaih dan lah hi a lungchhe zâwnga lak a awl thei bawk si.


Damdawi inah kan kal leh ta a, Doctor Saxena chuan, "Result ṭha tak pek tur che u ka nei lo, treatment ṭha taka lak hian a daih rei mai e tih a ni a. Mahse, ka en che u hian, Miracle a thlen ka ring tlat. Kristian in ni a, ngaih lo lamah lo ngai lo ta ula, Ṭawngṭai in ngaipawimawh bawk a; Miracle a thlengin ka ring tlat", a ti a.


Exam kan neih zawng zawng te, danglam pakhat mah a awm lo.


"Kan ruhrel che loa a awm vang vang hian, chhung lam aṭangin min rawn do ta thut ṭhin a, tin; thisen zâm hi a che reng a, hemi rawn phu-ah hian a rawn che chhuak a ni mahna", a ti leh a.


Mahse, chu kher kher chu ka ring lo.


A duhthu ngei a, a thluak leh tha zam sawrbinga a tihchet a ni tih ka hria, ka ring bawk.


Ka rinna hi a dik ngei tih pawh ka hria.


Doctor chu ka hnial lem lo, Doctor-te pawhin hriat sual an nei thei tho alawm.


Ka lungngai lutuk lo ve.


"Mahse, hmasawnna a awm a ni. Duhsakna sâng ber ka hlan a che u", Doctor Saxena chuan thutawp a siam ta a.


Hmasawnna a awm thu a sawi a, min va han tihlim kher em aw...


"Kan lawm lutuk e", tiin, kan inthlah fel ta a.


Doctor Saxena nen chuan kan inhmu leh kherin a rinawm loh. Chubakah, nakinah naupang ten Zirna avanga chhuk thlak an ngai te a nih loh chuan, tun hnaiah chuan Delhi leilung kan rap leh tawh lo ang.


U Venpuii nen kan inbia a, "Awi, sawi tur hi ka ngah si a, hun hian min daih lo zawk. Delhi High Court-ah khan i u Ngaia chungthu-ah kan kal tawh alawm. Thiam a chang a, min lenkualpui hrep bawk a. Court-a kal lai te kha a ngaihawm ta mai mai e a", a lo ti seuh seuh.


U Venpuii sawi dan takah, hunin min daih lo. Court-a an kal chhan chu U Ngaia an hêk a, chumi avangin a ni.


An chhungkaw chanchin ngaithla nilengin, ka chhungkua ngaihsak hman ta lo ila, a dik thei dawn lo.


U Venpuii chuan, "Sammy-a pawh a dam ṭha vat mai ang. I u Ngaia Ṭawngṭaina hi a ṭha teh a nia, chuvang chuan, lo lungphang reng reng suh ang che", min ti a.


Thaw a veng huai huai thei nia.


Chawhnu Ticket kan la a, Thlawhnaa kal a hahdamthlak ber mai. Kan inseng hnem deuh e tih mai chauh a ni.


Inseng hnem tawh tak kan ni, Lal Fanu tan Elsa khum, kuai thleh theih kan lei a, a hriatna a ṭhat bakah, Apartment aṭanga chhuah hlek chuan a ngen ngei ngei.


Ni e mawle; hengte avang hian alawm sum kan thawh chhuah ni.


Kan Apartment chu, Delhi-a lehkha zira awm, Dawnga te unauin an luahlum ta a. Mizo ngeiin min luahlum sak tur chu ṭha ka ti.


Ni eng emaw ti chhung kan luah ve avangin, luah man a zah ve kan chawipui thung.


Lalfela te chhung bakah, Delhi chu kan thlawhsan vang vang ta.


Dik takin, haw châk hle chungin ka huphurh tlat.


Ka thil hmachhawn tur a hrawl em a ni.


Lengpui Airport thlen phat aṭangin Duhsaka ka hmachhawn a ngai dawn a, chumi piah lamah; Sawrkarin ka dilna min pawmsak hlauh chuan MLA dinhmun chan changin hna ka thawh a ngai dawn a.


MLA dinhmun chauh ni lo pawhin, Duhsaka hmachhawn tur ringawt pawhin chakna leh remhriatna ka mamawh a ni.


Thenzawla ka nu leh pa te an haw avangin, Hnahthiala ka nu leh pa ten min lo hmuak a, Duhsaka a tel ngei e.


Driver a ni tlat a, a awm loh chuan ka nu ten min lo hmuak thei dawn si lo a.


Ṭha taka hmachhawn ka tum a, ka hlawhtling ngei bawk. Keimaah dik lo a hmuh chuan, a insaseng daih ang tih ka hlau a ni.


In kan thleng a, kan pindan chu u Hmain min lo tihfai sak vek a, mut puan thar hlak min phah sak zui.


A hring dal deuh lam a ni a, lukham pawh a ni. Hmuh a nuam a, a hahdamthlak.


Nu Papuiin tuihnai takin ei rawng a bawl bawk a, u Hmai nena an bawl.


Doctor thu min hrilh te ka sawi a, Sammy-a chu va nuih seihin, "Ṭawngṭaina nen chuan Miracle a thleng ngei ang", ka ti a.


Nia, Miracle, Thilmak a thleng ngei ngei ang.


Sawrkar chuan ka dilna min pawmsak ta a. Inthlan ṭhat a awm dawn ta lo. Ka rim tawng hle dawn ta a ni.


"MLA nihna chelh min phalsak a, term khat na na na chu, kan kaltluan dawn e. Hawh teh, keimah chauhin ka ni dawn lo tih ka hria e, hlawhtling ngei ang aw", min pawmpui tih hriat takin, muangchangin a mit a khap a, a vei nuih seih bawk.


Vei nuih inhmeh ber leh, a chanpual niawm hliah hliah a ni.


Siamtea leh Freddy-a te tan khum chhawng kan lei leh a, Thenzawla ka nu leh pa te lei a ni nghe nghe.


Tichuan, Lal Fanu Elsa khum a leng ta a, ama puala khum neih a châk chu a nei ta nge nge.


Elsa khum tih takah, Khum ko tlang leh a ke te chu rawng pawlin a luan chhuak a, Elsa Sticker kan bel mai.


Nimahsela, in thlen hnuah lemziak thiam koin Elsa lem min ziahsak turin ka ti a. Khum kotlangah leh a pangah te chuan min ziahsak ta a ni.


Lemziak thiamte hi awm lo tase, a buai ber tur kan ni mai awm e.


Ka ngaisang thar riau.


Sammy-a Fb Account-ah post ka siam leh ta a, amah Sammy-an hmasawnna a neih thu te leh, min Ṭawngṭaipui zel tur te, kan hnathawhnaa min ṭawiawm zel tur tein Sawmna thu ka telh a.


Sammy-a thlalak pawh ka post tel.


Serchhip Bial Mipuite chu an fel hrim hrim nge, ka ngaihbel pawh ka hre lo. Min duhsakna thu hlir min fah a.


"A pawisa duh thlak em mai",


"Sawrkar an tham chiang", tih te, comment dukdak lo a awm tho.


"In chhunga hnathawk thei lo chuan, pawnah hna a thawk thei dawn em ni?",


"A nupui tan zanah hna a thawk thei tawh si lo, pawisa hmangin a nupui a tham a ni ta ve ang", tih ka chhiar fuh hlauh mai chuan, chhungrilah hian min deng dawt mai nia!


Hrilhfiah ka ngai lo a, chhiar thuak lahin a fiah em em tho mai si.


Eng nga tinge, zana hnathawk thei loa an chhuah rikngawt?


Phone hmerin ka indawmkun ngâih a, "Khawi, phone en chin tawk te hi hriat tur", ti hlakin min chhuhsak ta a.


Ka bulah a ṭhu a, ṭah ka tum lo.


Ṭah chhan tlak loah ka ruat ve ngat.


A ni reng bawk a, khatiang thu lawilo avanga ṭah tur a ni reng reng lo.


U Hmai chuan, "Hetiang hi a awm reng ang, a bo dawn lo. Namnul a ṭul a, hlawhtlinna kailawn atana hman hlauh tur", a ti a.


"Ka pasala chhungte",


"Ka Mopui hi",


"Ka pasala farnu hi a sual lutuk", tihna karah, sawiselna tur ka nei mang lo.


Mi vannei tak ka ni ang.


U Hmai chuan min awmpui reng a, Siamtea leh Freddy-a ka ngaihsakna a kiam chuang lo.


Politics ngaihtuah ngai lo, pasal atan Politician ka nei ang tih lah suangtuah ngai lo khan, MLA dinhmun ka han chang ta chu a ni a.


A hahthlakzia leh, tawrhchhelh ngaihzia mawlh mai hi, mahni inthunun theihna a pawimawh hle bawk.


Bial fanga zin chhuah a ngai ta a, hnathawh tur thlithlai turin a ni ber.


Term dawt leh atana vote zawn ni pah fawmin a ni ang chu.


"Anu, Lal Fanu a kal dawn em?", tukṭhuan ei laiin Freddy-an min zawt a, "Kal ang, a ngen lawm lawm che chuan i hruai em em ang", amah vêk chuan a ti leh.


Lal Fanu melh zauhin, "A nula tawh alawm, min ngen tawh dawn lo. Elsa khumah a mu char char thei a, min zui chuan a mu thei dawn lo a", thlem titihin ka han ti a.


"Ka ngen dawn lo", Lal Fanuin a ti nghet charh.


A hun thleng se, kan hria ang chu.


Min ngen a nih pawhin, hruai ka tum chiah lo. Ka duat sual ang tih a hlauhawm.


Sammy-a chu u Hmai nen inah kan kalsan, Party Office-a kal ka ngai si a. Naktuka zin chhuak tur kan ni a, an hnen aṭangin thurawn ka mamawh.


School aṭangin Office-ah kan tlang nghal a. Min lo lawm thiam khawp mai.


Kan Party ti tawh mai ang, Sammy-a awnna Party chu ka awmna Party a ni tlat tawh si a.


Kan Party aṭanga Minister-a awm te pawhin, an Office chhuahsanin Party Office-ah an lo kal ngat.


Hmeichhia pawh an awm, pathum lai an ni a, ka kum rualpui, pasal nei lo te an ni.


"Kan enthlak te an ni a, tin; anmahni pawh hian nasa takin an bei ve bawk. Kan Party aṭang hian hmeichhia kan la thehchhuak ngai lo. I hmasa ber dawn tihna a ni a, nangmah aṭang hian a ṭul dan a zirin, kan nula te pawh hi thehchhuah hun ka la nei mahna", an ti hlawm a.


Anni pawhin, "Kan ṭang teh a nia, inthlahrung hauh loin ṭanpui i ngaihnaah sawi zel la, ihê lovin in bulah kan lo thlawk thleng nghal a ni mai. Hmeichhia te tan Politics kan khel thei tih leh, chanvo kan nei thei tih han lantir teh", an ti niah niah.


Ka ṭek chhuai chhuai.


Thiam taka thu sawi turin ṭawngkam bungrua thawhchhuahpui tur ka nei lo.


Mi hmaa ding vak ngai lo ka ni a, ka din chuan ka khûr nasa thei hle ṭhin a, ka ṭawng a bah nawk zel.


Lal Fanu bân hun awmah Office aṭangin ka chhuak a, Lal Fanu lam kawiin, Dawrah kan peng phawt.


"Chhuanpui, ka khawngaih che e. Inthlan ṭhattir hle hle tur alawm", Hmingin a ti duah.


"Ka ui em a ni, a bei nasa si a", ka ti a.


Mahse, a beih dan kawng a dik si lo.


Ngaihtuahna leh mitthlaah a lang nghal uarh a, ka intiharh thuai.


Thinrimna leh suah sual chhuah duhnain min phuar dawn tlat.


Hriatin, "Fb-a i post ka lo hmu a, ṭhian hoin kan ṭan lutuk che u. U Taiṭita phei chuan chhungkuaa Ṭawngṭainaah te a thawh hial.ṭhin che u", a ti a.


Chhungkaw Ṭawngṭainaa min han thawh mai chu(h)!


Taiṭita tak chu aw... A ti zahthlak e.


"I u Taiṭita hnenah lawmthu min hrilhsak rawh, a induh si, biak a har", ka ti liam mai a.


Hriatin, "Bialnu a nei alawm, hrisel lo deuh. Pu Hrekima bulah an kal ṭhinin ka hria, a rilru a kim lo a ni ang. Taiṭitan a sawi ṭha duh si lo a, kan en mawl tawp a nih hi", a ti chu, min ṭhawng kher asin.


Manoi a ni ngei ang le.


Pu Hrekima an hmu ṭhin maw ni a. Rilru kim lo maw ni a?


Kan inhmuh hnuhnun ber khan a dik lo reng a ni. Cher satliah a ni tlat lo. Rilru lama dam lohna hian taksa a nghawng thei a ni maw!


Hmingin, "Ngawi teh, Pu Hrekima hmu zawng zawng hi rilru kim lo an ni tihna a ni lo. A chang chuan, min tihrehawmtu han sawi chhuah a ṭul chang a awm asin. Pu Hrekiman a lo ngaithla ang a, a ṭul dan zirin damdawi te a chawh ang a. Lu na ngut ngut te pawh hian an pan chawk a nia", a ti ta a.


Amah Hmingi bawkin, "Rilru Doctor pan ho te hi ka khawngaih tlat, ngaithlatu an neih loh avang hian a nia an pan ṭhin. An tana 'Ngaithlatu' nih hi ka lo duh thei a nia aw", a ti vawng vawng.


Ka ṭhian duh tak Hmingi a ni tlat a, ka fak teh asin.


Hriati pawhin a ngaihdan a tidanglam tain ka ring bawk e.


Sammy-a chu khum kotlang nghengin ka ṭhut âwn tir a, a hnungah lukhamin ka kam ṭun.


Cream hnawih pahin Office-a ka len chungchang ka sawi a, vei nuih seih seihin min ngaithla.


"Hmangaihna hi a mak i ti ve em?", ka ti khawlh a.


Sammy-a vei nuih tawp riai riaiin, a mit ko ding lam a kân ak.


"Thinlung a nghawng tih ka hre ngei mai a, taksa a nghawng ang tih reng ka dâwn pha lo. Film-ah leh Lehkhabu-ah chauh a awmin ka ring ṭhin a, mahse; Manoi aṭang hian Hmangaihnain mi â-ah min lo chhuah thei ngei mai a nih hi. Pu Hrekiman a enkawl mek a ni, tunah hian", hnuai lam a melh ta kal a.


Puipuii sawi chhuah ka tum hman, ani pawh hi; Puipuii avangin mi â-ah a chhuak ṭhelhin nia ka rin.


Kuta kai cream silfai turin ka thawhsan a, ka let hnu pawhin hnuai lam a la melh kal.


A mut dan siam ṭhat ka tum a, ka ṭhulh leh ta zawk. A dara lu nghatin keia pawh chu ka ṭhu âwn ve ta zawk a.


Eng tak ngaihtuah ang maw?


Manoi a haw(hua) thei ngai dawn lo, a fate Nu a nih piahah a lo hmangaih ṭhin a.


Pu Hrekiman a enkawl mek a ni si a, Sammy-a a hmangaihnain Rilru Doctor enkawl ngai khawpin a awm chu a ni si.


A lo ni thei dawn em mai ka ti ta.


Sammy-an ka chhipa a bek a lo nghat thla chu ka phu deuh zuk. Engah ka ngai duh lem lo, ngawi rengin ka awmpui mai a.


A hnu deuhah, a thaw ta hrawih hrawih mai le.


A hmui a tisiksawi kual a, ṭawng a tum.


"Sam, tum lui suh. I chauhpui ang e", ka tih pawhin a chawl duh lo.


A hnuah, vei leh dingah a lu a thle tawn ta zak zak. Min tihlau zawk alawm.


"Sam, engtizia nge?", a bek ka dawm a, a thaw hrawih hrawih, ni lo; hah tak hian a thaw hluam hluam.


Ka dawm ngheh lutuk chuan a ring ruh a tliah ka hlau, a ṭang nasa si. Ka thlah a, a thle tawn zak zak.


A hmui a tihsiksawi a chawl chuang lo.


Vawilehkhatah, ka inring hman lo, a mutna aṭang chuan chhuatah a let thla tawp.


"Sam?", ka au ṭhawt a, bawkkhup zâwnga tla a ni a, ka bawisawm thuai a, a hnar a thi.


A duk deuh nghe nghe.


Ka mal chungah a lu ka nghat a, ka pajamas kawr phelh thuaiin a hnar thi hruk nan ka hmang.


A thâwk a muang ṭan a, "Hahdam takin awm rawh, buaina a awm lo a nia", ka ti a.


Mit tui parawl kuangin mi melh chho piau mai.


Manoi dam lohna chuan khum aṭangin, mihring tha hman ngai loin a tlawh thla thei a ni a.


Dam loh min tichâk dawn dawn, Manoi nen kan inpawimawh hleih mang e.


A hnar thi a reh a, khumah kan inmut ṭhattir. Zin chhuak tur kan ni si, hruai mi a ni tlat lo.


Ka ṭhu tlaivar nghe nghe, thil ropui tak ka ngaihtuah chhuak azeng lah a ni law!


U Hmai bulah, "U, Sammy-a tel loin ka zin mai teh ang", tiin, nizana kan awm dan ka hrilh a.


Manoi dam loh thu nen lam ka hrilh.


"Va buaithlak em aw!",


"Ka lo haw har lo ang",


"Ni e, Duhsaka a awm a, ka ngaihtuah lo che. He lamah i rilru lo dah lo la, ṭha takin hmatiam han hlen ang che", u Hmain a ti a.


Duhsaka a ring tawk em em a, Sammy-a ngei lahin a ring tawk. Duhsaka erawhin, a phatsanin a bum si a.


Sammy-a pawh ka hrilh a, a khap sak sak ka rin nen, lungchim takin min en zawk a.


Ka beisei sâng deuh a ni.


Rilruin tinzawn a nei a, min zui a duh lo a, ka ngaithiam lo dawn dawn.


Em em a ka ti leh a. A duh chuan Manoi a hmu thei alawm, a dam loh lai a ni si a. Nimahsela, Manoi nge Sammy-a zawk ka rin ngam ka sawi thei lo.


Manoi khan ṭha takin min thlah mah se, a hmangaih em em si a.


Sammy-a a che hleithei lo a, ka zin hlanah a lo tlanbopui daih ang tih ka hlau.


Chu ka ngaihtuahna mai mai chu.


Insiam pahin ka nui sak sak. A mak ṭhin em mai.


Pawimawh thulhah tiin, kan Office-ah kalin, lehkha pawimawh tura ka rin ka khawm a, Sammy-a Seal ken ngei ngei a ngai a ni tawp mai a ni.


Pawhdawh hnuai ber inkalh tlat chuan, nidang ang lo takin ka mit a la tlat.


Sammy-an a kalh ṭha rin ran a ni a, han hawn a inthlahrunawm rualin, a chhunga awm ka hre duh.


Puipuii a rawn lang zawk.


Ka han inthing deuh salh a, kalsawn tumin ka inher tawh. Puipuii awmna a hriat theih mai awm e tih chuan min pawt let dawrh.


Chahbi zawngin, pawhdawh hmasa ber chhunga chahbi pathum lai inbelhbawm chu lain, a khawi ber nge ka hriat mai loh avangin hawn ka tum.a.


A pahnihna hmangin ka hawng thei, inthlahrung deuh takin ka hawng a. Ka tifai ngai si lo a, Sammy-a hlirin a tifai a ni a.


Hetia a awm achin a hawng ngai dawn lo, a bal paw nial a, Maimawm ril em zawng a inzam lo ve.


Puipuii lam reng hmuh tur a awm lo.


File pakhat leh sarang pahnih a awm. Chu sarang ka lak kân a, sarang pawna thu inziak awm ka chhiar meuh chu, ka ṭim uai uai thei zu nia!


Sarang pakhat pawnah 'Duhsaka, Driver' tih a chuang a, a chhungah samzai a awm nghe nghe.


A tawi danah mipa sam a ni a, kan Driver Duhsaka ngei a ni bawk.


Sarang pakhat leh chhungah samzai tho a awm, hmeichhe sam tih hriat takin a sei. Sarang pawnah 'Lal Fanu, Remruatfeli, ka fanu' tih a chuang kul.


File awm chu ka keu a, DNA test result a ni.


Siamtea leh Freddy-a hi a fate a nih a ring lo, mahse; test result chuan zaa sawmkuapakuain a fate ngei an nihzia a tichiang thung.


Result-a Ni inziak ka en a, kan inneih hma a ni.


Chu Result hnungah chuan Lal Fanu leh Duhsaka te an samzai hmanga DNA test tir a tum ni a ziak.


Dawra a tluk tawp ni chiah kha a ni.


Khami ṭum.khan an samzai hi a la tihna nge ni a, test tir tura kal a tum zawk?


Duhsaka a ringhlel ve a nimaw?


A rial rei danah, a ngaingam ngang lo a ni ang. Chiang takin a fanu a ni lo tih a hria a, a hringtu dik tak hriain, a Driver ngei mai chu a ring phal lo a ni chêk ang.


Mahse, Freddy-a hi a fapa dik tak a nih chuan, Siamtean a Nu leh mipa pakhat a hmuh a, Sammy-a fapa a ni lo tih an sawi a hriat kha eng nge awmzia ni ta ang aw?


Result hi a daw lo turah ngai ila, Sammy-an a mi rin ber a rawn dawn a, Manoin chu pa chu a bum zawk mawni?


Thuruk eng zah chiah nge hai chhuah tur awm dawn?


Thluak a tibuai.


Pawhdawh chhungah ka kalh hnan leh ta a, Sammy-an a tihfelah dah teh ang.


Office aṭangin ka chhuak a, School kal turin an lo inpeih fel der tawh. Sammy-a a vei nuih seih seih a, a fa te hoin, "Pa, Have a nice day! Love you", tiin, a biangah an fawp.


An kuah a, Lal Fanu erawhin a pa hmuiah a fawp zeuh. Ka lo helh hman pek, fanu leh Pa induat dan a ni mai.


Lal Fanuin ka zin tur min ngen miah lo bawk, a nula tawh a ni.


Sammy-a hmaa ṭhu hniamin a kut ka vuan a, "Ka lo haw hunah chuan kawngkhar bulah dingin min lo hmuak rawh aw", ka ti a.


Hma lamah a kun ngâih, "Aa, Apa, i kun!", naupang hoin an ti a.


U Hmai pawhin mak a ti lutuk.


Ṭha takin a lu kuai dakin wheelchair hnung ka sik tir a.


"Apa, i che thei tawh law?", Lal Fanuin a ti a. "Apa hi, a dam fel ṭep tawh", ka lo ti a.


An lawm ngei mai.


"Motor Neurons natna tih mai mai, kan hneh thei alawm, tiraw; Lal Fanu?", ka pawm a.


Lal Fanu chuan, "Yes, Of Course!", a ti vah.


A pa siar, Sap ṭawng an uar lutuk.


Motor panin u Hmai te nen an inzui chhuak a, "Sam, min lo ngai hle rawh aw", ka nuih seih.


A hmuiah ka fawp vawng vawng. Min chhâng let ve sela aw...


School kawtah a tawp nan kan inthlah a, "Anu, lo haw har suh aw", Freddy-an a ti ṭuau a, min kuah nghet lutuk.


Min ngen ber tura ka rin Lal Fanuin, "A u, i ṭahbelh e", a lo ti.


An unau thumin ka kuah a, "Anu, Apa nge keimah min ngaih ang?", Lal Fanuin min zawt mauh a.


Tihngaihna ka hre bik lo, min ngen ka rin ber hetiang a ni hi, ka ngaithiam lo a ni der.


"In vaiin", a hnar piai zeuhin ka ti a.


Ṭah âw takngial a chhuah si lo, Lal Fanu chu ka haw(hua) dawn dawn. Ka haw(hua) phal hlek lo.


Freddy-a zawkin mit tui tla ṭeuhin a ban a vai ta a.


Chutia, ka pasal leh fa te, leh kan in ngei ka han awmbosan tur chu, Kulikawn takngial pelh hmain khawharnain mi han tuam tehreng a nih kha!


Keimah zawk chu ka hnuk a ulh titih ta mai a, a mawi lo tak tak a ni.


A bikin, min ngen miah lotu Lal Fanu ka ngai. Âtthlak hian.


Sammy-a ngaihtuah chung zelin,
"Hetiang hian a ti ang",


"Tihian, a sawi ang", ti chung zelin, inbuatsaih nan lah darkar hnih chuang fe fea beiin, Darthlalang hmaa dingin ka zir thul.


Kan enkawlnaa an duhkhawp lohna, min zilhna, sawiselna leh hêk zawng zawng te ka han ngaithla ṭhin ta a.


Hnung lama min rel zui tu te hre lo mah ila, min rel dan hrilhhriatin ka awm zel tho si.


Sammy-a lo hah theih tur zia hi ka ti ta.


Chumi karah, fa te nena inbiak tawh chuan rilru a thar a, thla a muang a, ipikna a bo zo ṭhin.


Sammy-a hnenah ka thlen zung zung zel bawk.


Ani'n lungchim taka min enin min ngaithla ṭhin. Video call ṭangkaina kan pawh pha tain ka hria.


Serchhip bik hi a zau kan tih tawh kha, 1-2-in a awm tlat a.


Hmâna inthlan campaign bawra chaw eia min sawmtu, a hming ka theihnghilh chu a (ka theihnghilh tak tak a, en let turin kan kal pel nasa tawh si, tihian ka khuh ringawt).


Ka hmu ṭhin, min biak a tum ṭhin, hun a awm thlawt lo.


An ina chaw ei tura min sawm vaih zawngin, ka duh tawh lo.


Thenzawl ka thleng ta a, mahni in lum ngeia ka han awm mai chu(h)!


Vanram tenau a ni hawt alawm.


Sammy-a hnathawh, 'MLA LADS Work' tih, khawi hmun pawha han hmuh reng zawng, Nun hi a hlim a ni.


Chhungte hnen aṭangin fakna ka dawng nasa, "I chhuahsan mai lo alawm, ramtuileilo pasala neih te chu a", hmaichhana min ti tâwk lah bo lo.


Ka chhungte an ni, ṭawng phawng phawng hi a ṭha lo, mahni chungah a let thei.


Aia upa an ni si, han chhân let a rem tawh ṭhin lo.


Ka nuin Puan Tah zirna a hawnah kan titi a, chutah chuan, "Ih e, Chhuanpui, Samgpuian pawisa min pek kha i la hria em?",


"Hria e, kha kha chuan min tizak hle a ni. Sawi chhuah atan lah ka duh lo",


"Ni lo e, tun hi sawi chhuah hun tak a ni. Kan in hmun avang hi nia min pek",


"Eng nga ti nge?", kan in hmun avanga pawisa min pek ngawt chhan tur a awm lo.


"Lei a tum em ni?", ka ti chhuak hlawl a.


Ka nuin, "I rilrua awm awm hi sawi chhuak tawp zel suh", ti pahin ka chalah min kuk.


A zahthlak thei a nia.


Ka fa ten min hmu lo a, ka vannei.


"Nu, Nu kan ni ve tawh a, chala inkuk ṭawlh te chu a", ka ti nûr nâng a.


Ka nuin a ngai thutak der lo.


"In unau chuan in hre lo, i pa nen chauh kan hria a, in hriat kan duh loh avangin kan thup ṭang ṭang reng bawk a. Ih e, kan in bula Puan Tah zirna hmun hi Loan hmanga kan lei a nih hi", a ti a.


"Hei te chu, ka Papuia te min pek a ni lo'm ni? An in hmun a nia",


"Ni e, mahse; pawisa hi chuan unau a thliar lo chu a nih hi. I pi leh pu ten a hralh tur kha an ui em a, hmun danah insawn dawn mah se; hralh lo turin an nawr nasa. Awmzia a awm miau loh avangin i pain Loan pukin kan lei ta a ni. In hriat lohin tlem tlemin kan rul zel a, engti zo nge ni, thawkkhat lai aṭang khan rul tur kan chham ta a", ka Paliana chu ka ngei hle mai.


Mahni nau te hnena pawisa han phut mai.


"Chu chu, Sangpuian a hriatin Bank hnenah min peksak ta a, tunah chuan rulh kan ngai tawh lo. Engtin nge miin an hriat ka hre lo. I pa leh Sangpuia, kan pathum chauhin kan hre si a. Sangpuian a sawi chhuak dawn lo a, i pa nen kan sawi si lo. Bank lam te kan puh ringawt i pa nen chuan", ka nuin a ti dap dap a.


Kei chuan, lo thei lovin Duhsaka ka ring.


Paliana mawlh chu a ni, ka pi leh puin hralh lo tura an ngen pawha hralh a han tum ṭalh?


Ka pain pawisaa a lei a la ngai zui.


Sammy-a reng lah, chungte min hrilh ve awm hi nia.


Ka nu bawkin, "Inṭhen an sawi khan i duh mai ang tih ka lo hlau lutuk a, kan chungah a ṭha em a, a chunga ṭhat chhuah hi kan tih tur a ni. Ih e, nawmsakna hian rei a daih lo asin, beiseiawm a nih loh hunah emaw; hmangaih i tawn hunah emaw a thlen hunah chuan an hrethiam em em ang che. Tunah rih chuan, a chunga ṭhat chhuah hi kan bat a ni", a ti leh a.


Inṭhen, hmangaih tawn(tawng), beiseiawm loh, heng ten an kawh ni bera ka hriat chu, nupa inpawm tleih loh hi a ni.


Inpawm tlei ringawt hi inneih chhan a ni hleinem maw.


"Nu, ka hmangaihin ka hria",


"Tu maw?",


"Sammy-a", ka chiang bik lo.


Mahse, a lakah thikthu ka nei a, min kalsan ka hlau a, tunah ngei pawh hian ka ngai a, ramtuileilo tiin ko mah se; keimahah chuan a famkim thlap.


"I chiang maw?",


"Chiang lutuk".


Kar khat dawn awmbo hnua in lam han pan chu, mawng a za mer mer a, hawlhtu nei ang maiin a ṭhut ngheh theih loh.


Thenzawl aṭanga kan chhuah tlai em avangin thimah Aizawl kan lut thei chauh a.


In thlen hmain Duhsaka ka dintir a, "Inbe lawk ang hmiang", tiin, Motor aṭangin ka chhukpui a.


Motor hnung lama dingin, kan inhmachhawn ta.


Han ben hawi sawk ka nâp a, thuchiang em a awm hleinem tiin ka inkhap dai thei hram a.


"Naktuk aṭang chuan lo kal tawh suh", a ngawi reng.


Min chhâng lo, a kun lo a, ka mita min en ngam loin ka mit inkar a en ngawt ngawt.


"Engtin nge, i pu i phatsana i bum theih? Josefa i tluk lo em mai", ka ti hrawk.


A awmzia a hria, kei aiin a hre mah mah mai thei.


"Driver dang an awm a, chawl tawh rawh. Kan in leh a chhehvelah emaw, ka fa te hnaihah emaw pawh lo inlar suh. I pi nena ṭang dunin min tihchhiat in tum a, hlawhtlin tik in neih chuan loh hi. I pu chunga i thiltih avanga inchhirna i nei a nih ngai chuan, inthiarfihlim ang che".


Motor-ah ka ṭhu lut a, ngawi rengin a lo ṭhu lut thuai a.


Garage-ah a hung fel thlap a, u Hmai kutah Chahbi a dah a.


Lal Fanu ka pawm chu lungchhe takin a lo thlir.


Thu kam khat mah a sawi lo chuan a tichiang viauin ka hria. DNA test a ngai tehhrep lo e.


Lal Fanu ka en a, thlahthlam mai atan chuan kan inpawm rei tawh lutuk.


Tihsual a nei ve si lo.


A nu leh pa sualna a chunga tlaktir ka remti lo, ka fanu a ni reng tawh ang.


Freddy-a pawh, DNA test ṭhat a ngaiin ka hre lo. Sammy-a ka ring e.


Ngawi renga min lo thlirtu melh zauhin, "Zanin chu, Lal Fanu bulah ka mu teh ang, ka ngai em mai ka fanu hi", tiin ka pawm a.


A mak em asin, Lal Fanu chuan, "Apain a ngai lutuk che, ka khumah chuan kan leng lo. I lian si, Anu, Elsa leh Teddy Bear ten mutna an chang dawn lo asin", a ti khar khar.


"Ka ngai che alawm, min ngai ve lo nimaw?", ka tihin, "Anu, ka ngai che lawm. Apain a ngai zawk che", a ti tlat.


A u ten an fuih ti dawn ila, nachang an hre awm tawp si lo. A Ni Hmain a fuih ka ring hek lo.


Eng emaw ti tak hian a fing ru riau.


Tuilumin ka inbual a, tuivawta inbual thlawt aiin ka harh zawk.


Chaw eia min nghah avangin ka eipui thuai thuai, ka rilṭamin ka chau tawngkhawng bawk a, ka ngaih berte bulah ka awm tawh nen, ka ei ṭeuh nghe nghe.


Tv en pahin Sammy-a hnenah report ka pe zung zung.


"Keini chuan kan zir zo ta e", u Hmai leh Lal Fanu an lo inkai chhuak.


Writing board an lo keng chhuak chu, phawk hra hian, "Eng nga tan nge a? Test kan nei dawn em ni?", ka ti a.


"Anu, Apa hian surprise tur che a nei", Lal Fanu chuan a ti a.


Sammy-a chu u Hmain ka hmaah Wheelchair-ah a ṭhuttir.


Sammy-a mal chungah Lal Fanuin Writing board leh pen a dah. Writing board-ah paper a awm bawk.


U Hmain, "I awm loh hlan khan exercise kan la nasa alawm, surprise duhawm takin a hmuak che a nia", a ti ve bawk.


An nui sen sen a, ka bo kher mai.


Mahse, Sammy-a kut che hrut hrutah ka hrethiam ta chiah.


Ka hoin u Hmain ka en a, a mit ko a kan ak ak.


Sammy-a chuan writing board chungah a kut pahnih a dah thla a, a lu a kun a, a dak te leh a thle tawn sek thei ta te chu, mak ti lutukin ka thlir ngawt ngawt ringawt.


A hmui a tisawi a, a hnuah, zau lutuk loin a hmui a tikau, "Naupang School kal hlanah kan inbuaipui nasa alawm. 'Kan' ka ti tak naa, ama tih vek hi ni, kei chuan ka veng ringawt", u Hmain a phun sep sep.


Writing board leh pen la kangin a kut a tiche ṭan ta a, a thaw leh hawk ṭhin.


Nghakhlel takin ka thlir a, a ziak zo ta.


Ka hmuh theih tura a lek kang, a thu ziah ka chhiar chu ka mit sulh ṭhelh.


'Ka hmangaih che, Puipui'.


Puipuii ka ni lo, min hai a ni maw.


Min hai, Puipuii emaw min ti a nih hi.


U Hmain, "Wow, wow, in nu i han koh dan vel chu, 'Puipui' ti deuh ngei a. Ka thawhsan dawn che u. Lal Fanu lo kal rawh", tih leh pawm a rual.


"Aih, Anu bulah ka awm duh",


"Lo kal mai teh, thil ṭha deuh pek tur che ka nei".


Lal Fanu leh u Hmaiin min thawhsan hnu pawhin chet ngaihna ka hre lo.


U Hmai pawh a ṭhawng, 'Puipui' tia min koh avang ni loa min hmangaih tih a sawi avang zawkin.


'Puipui' tiin min ko lo sela,,min hmangaih thu a sawi avangin mak ka ti ve ngei ang.


'Puipuii' ka ni si lo a.


"Sam, Puipuii ka ni lo", a bu nghat.


"Ka hming chu Chhuanpuii a ni a, a tawpa 'Pui' a awm avangin mi?", a lu a thing.


A kut ding lam a rawn phar a, a phar rei theih dawn loh avangin ka vuan thuai. A mal chungah a nghat vat reng a.


A hmui tisawi lehin, a hmui bakah zau vak loin a kâ a âng a, "Puipuii i ni alawm", a ti ta.


Ka ding chhuak lawk a, "U, ka u, ka u, lo tlan teh", ka rak chul.


"Eng nge ni ta?", mangang lutukin an lo tlan chhuak a, min din hual a. Sammy-an ka kut a vawn a thlah lo.


"Sammy-a hi a ṭawng",


"Tak tak maw?", naupang hoin an ti.


U Hmain mak a ti ve miah lo nia.


"Apa, han ṭawng leh teh", an ti a. An bawh buai.


Sammy-a.chuan, "Ka duh lo", a ti a.


An lawm lutuk chu, "Apa a ṭawng thei", tiin an haw haw ta a nih kha. An unau thum chauh thawm pawh chu, pui tham tak a ni.


Chutia an pa ṭawng thei an lawma an bawh laiin u Hmai chuan, "Reilo tê hi a ṭawng chhuak thei a, a mak lutuk; i zin hun hi a nghak niawm tak a ni. Ka sawi angin ka veng tawp. Naupang School kala ka thlah hlan hian amahin ṭan a lo khawh a, ka haw hunah ka veng ta ṭhin. Chet a tum a ni ber a, a kut hi tiche thei mah se, duh ang zânin a la tiche thei chuang lo. Ka nu leh pa ka la hrilh loa. A hmangaih tak zet zet che a ni ang", a ti a.


Puipuii alawm a hmangaih.


A hriatna a hloh lo turah ngai ang.


Sammy-a chu a ṭawng thei ta lo a, "Ṭawng theih hun chhung a nei alawm. Mu ang ule, Anu a chau dawn si, mut hahdam tir ang u", u Hmain a ti a.


"Anu, love you!", tiin, ka biangah min fawp a. Min kuah bawk.


Chutiang chiahin, "Papa, love you!", tiin, Sammy-a pawh an thlah.


"Nangni pawh, mu turin kal tawh rawh u. Naktuk lamah te kan titi ṭha dawn nia", u Hmai thu zawmin pindanah kan kal thuai.


Mut der der ka duh tawh reng a ni.


Zin report ka pe vek tawh a, inhrilhfiah tur kan nei.


Khum chungah ka ṭhu a, ka hmaah wheelchair-ah a ṭhu. Writing board leh pen kan inchhawp bawk.


"Sam, Puipuii i tih chu ka hria asin. Khawi aṭanga ka hriat nge tih ka sawi dawn lo. I duh chuan ka zawn chhuahsak ang che", a ziak leh mial mial.


A ziak rang thei si lo, ka nghak ngat ngat.


"Nang hi, Puipuii chu i ni alawm. Ka hmangaih che tih hi i awih loh pawhin ka dem lo che. Hmân aṭangin hrilh che ka tum ṭhin, ka ngam ṭhin lo a. Ka nupui i nih theih nan ka Ṭawngṭai ṭhin, mak i ti em? Keipawhin mak ka ti. Ka nupui i ni ta cheng a, awm dan ka thiam lo lulai em a ni. Min ngaidam rawh".


"Sam, hei hi eng nge a awmzia?", a mak em a ni.


Ka kut a rawn vuan a, a ṭawng ta.


Naupang tê ka nih laiin Dilpuia min hmuh thu te, chumi hnua Vantawnga min hmuh thu te, Aizawlah Lehkhabu Dawra min hmuh thu te.


Manoi laka rilru chhia a put theih loh chhan pawh, an inneih lai ngei pawha kei min hmangaih tlat avangin.


Ralkhat aṭanga min lo thlir ṭhin thu a sawi te chu, mumang emaw tih a awl mai dawn alawm le.


A nih chuan, Manoi chetsual chhan, an inṭhen chhan te chu Puipuii, keimah avang tihna maw ni a?


"Sam, a hmain min hrilh thei lo em ni?", a ṭawng leh thei lo, a ziak ta a.


"Huaisenna ka nei lo a ni.Dâwta min ngaihsak ka rin avang a nia".


Za taka nuih mai a awl mang e ka ti.


Awih ngawt dawnin finfiahna a awm si lo. Vantawnga lung chunga ka ṭhu lai thla min lak a zeh ṭhatna Lehkhabu Manoin a hmuh thu te a sawi a.


Ka lo hriat hnu vek a ni.


Ka hriat hnu vek a sawi, mahse; Puipuii chu keimah ka lo ni reng si.


"Sam, a hmain min hrilh ta che. A nih, min hmangaih a nih chuan engvanga khatiang thil ṭha lo lutuk ka chunga thlen nge i nih? Nangmah ngeiin vote zawn nan maia min neih thu i sawi a, bungrua ka nih thu i sawi a, min nghaisa a, zahawmna nei lo ang maiin min chhuah a nih kha".


Min nghaisak lai phei kha chu Manoin min hmu a nih kha.


Ka ngaithiam thei lo.


"Min ngaidam rawh", tih a ziak leh.


"Min hmangaih ni la, khatiangin ka chungah i che tawp lo ang", a no fahran lo.


Ka kut a rawn vuan a, " Ni e, i sawi dik ngei mai. Mahse, hei hi thudik a ni. Naupang tê i nih lai aṭang tawhin ka thinlung i man a, i tleirawl laiin i hrual a, nula i nih hnuah lah i hrual chu duhtawk mai loin bawmah i kalh khung tlat a. Tunah, Nu i nih hnu hian khuarkhurum mawng nei lo, naupang tê i nih laia i man ka thinlung chu min thlaksak leh ta zel a nih hi maw. Ka thlah phal lo che a, engtikah mah min kalsan ka remti ngai hek lo. 'Hun' chauh hi ni ka dil che chu. Ka tihsual siam ṭha tura 'Hun' min pek ka phût che a, ka ngen che a ni. 'Puipui' tia ka hriat, Nang Lalchhuanpuii, Hmar Lunglien, Hmar Hrangsie ni bawk; ka ta i ni ngai dawn lo emaw ka tih hman, ka nupui i ni hi ka intithei a, ka inchhuang em em zawk si a. Vawikhat chauh 'Hun' min pe hram rawh, khawngaihin!".


A kha a chih a, a ṭawng thei leh ta lo.


"Sam, ka, ka, ka", amah hi chuan a chiang em em a.


Keiin ka.chiang em ka hre lo.


"Puipuii ka ni tak meuh maw?",


"Nang lo Puipuii, ka hmangaih an awm lo", a ti chhuak leh mauh.


Ka chhui neuh neuh a, ngaihbel, ni lo; ngaihbel chawp ngai loin a dik thlap.


"Lo hnai teh", a ti a.


Ka ṭhu thla, ka mit tui a hru a, "Puipui, hun min pe rawh", a ti leh.


Ka melh chho piau a, "Min tibeidawng ang tih ka hlau a ni", a lu a thing.


"Engtikah mah", lungchim takin min thlek a.


Ka tuar zo lo, a mal chungah lawn kaiin ka kuah a, ka fawp bawrh bawrh.


Duhthawh tak ka ni, ka duhâm a ni zawk mah.


Ka hnungah min kuah ve a, a theih ang angin min chhâng let.


Chawl deuhin kan thaw dun ham ham a, thisen a lum ngei mai.


"Din chhuah ka duh hle mai", a zakah dawmin ka dinpui. Hnung lamah ka tawlh hret a, min bawh zâwngin min tlukpui mai a nih kha.


A hnunga bêng hlakin, "I va phakar e", ka ti a. A vei nuih seih.


"Puipui, ka Hmar lunglien",


"Ka ni lo", ka ti hmuk.


"I ni tih keiin ka hria alawm, ka hmangaih che".


Min fawp a, ka chhâng ve mai.


Infawh ngawt chu kan duhkhawp ta lo. "Ka khut hi thunun teh", a ti thlawt.


Ka kawr chhungah zen luh tirin ka hnute a ṭham ta a. Duh angin tha a titho lo. A theihtawp erawh a chhuah.


Hnute aṭangin a kut a tawlh thla zel a. Ka kekawr chhungah a tawp.


A kut a la thunun ṭha thei lo, a chawlh leh ṭhin a, rei tak chawl a ni lo. Ka duhkhawp lo ṭhin a ni.


Ka hmui aṭangin ka ir no a fawp thla a, amah lah tawlh thla deuhin, ka kawr chhanah ka hnute a seh ner ner.


A za mai mai khawp a.


Ka kawr tawm chhoin ka phelh ta a, a kawr ka phelhsak bawk.


A hmuiin ka hnute a sawngbawl ta a, a nawmna ka pawh pha tho e. A hmuia ka hnute a sawngbawl rualin ka kekawr chhungah a kutin sensitive point a sawngbawl bawk.


Kei chang danglam ka ni lo, a taksa danglam khawng ṭalh chuan mi do run tawh mai.


Kekawr hnawl thlak a tum chuan ka pui a, tichuan; sensitive point-ah a kut zungṭang a kawm lut ta a.


A nghawngah ka kuah a, ka âng phuau phuau chu duh lo mah ila, ka ngawi hle hle thei lo.


"Sam, puitling takin le", ka ti a.


Insawngbawl hi chu puitling ka ti thei lo.


Ka mal ka kau a, a tla zep a, a taksa khawng tak ina chhung lama mi han do phu euh euh mai chu, tuar thiam a har kher asin.


A chawlh a ngai ṭhin a, a chawlh chuan mi sawngbawl ta ṭhin.


Chutiang chuan, inṭanpui tawnin, hun rei tak min lo hmangaihna te, a tihsual siam ṭha tura hun pek a nihna te. Keiin, ka zin chhunga ka ngaih hmanzia te nen, taksa chetna hmangin kan infah tawn ta a.


A bawkkhup a, kei zangthalin, ka hnute a ṭham a, a chhuk thlak tir a, ka sensitive point a kawm zauh.


Ka phu uih a, mi han nuih khanglang a.


"Lehpekah chuan, kan pahnihin kan zin tawh ang", a ti a. Ka bu nghauh nghauh.


Naktukah eng nge thleng dawn ka hre lo.


Duhsaka a lo kir ang em? Manoin buaina a siam leh ang em? Term khat hi kan zawh tluang thei ang em? Sammy-a hi a dam chhuak thei tak tak ang em? Thuruk hai chhuah tur eng nge la awm?


Ka hre lo, engmah ka hre lo. Naktuk hun ka hre tlat lo.


Eng pawh hmachhawn dawn ila, min hmangaihtu Sammy-a ka bulah a ding reng dawn tih ka hria e.


"Sam, min hmangaih tak tak em?",


"Ka hmangaih che, Puipui, ka hmangaih lutuk che", ka mit tui luang ngiai ngiai a hru a, ka biang a tuai heuh heuh.


Hun han pe teh ang. Hun khat dang pek kan phu ṭheuh e.


Engtikah emaw chuan, chiang takin, hai leh phat ngaihna reng awm loin Sammy-a hi ka la hmangaih ngei ang.


*** A Tawp Ta E ***


Show post links
Top