Politician Nupui BY Cck Lalchhuanawmi (Completed)

[Ngaia]

Politician Nupui Hring Nun
Political Love Story_Fiction
Chapter-7
Ziaktu: Cck Lalchhuanawmi


A pawi chuang lo, a duhthusam tipuitling theitu ka nih phawt chuan ka lungawi mai a ni ang chu.


Ka nu leh pain Lal Fanu hruaiin a U te school bâng an hruai a, Sammy-an Driver a lo tir vang vang.


Nu Papuii lo thlengin, ei rawngbawl ka pui a, dik takin, tunah tak hian inbun ruahna ka mamawh.


Mit tui tlak tir zawih zawih ka duh naa, chutiang thleng turin sawi chhuah tur apui ka hre lo.


Thinlung thawl hawk khawpa inbunruahna ka mamawh hle laiin, ipik ṭun chungin ka ruak hle thung.


Vote zawnna han nih tawp mai chu(h), bungrua ni loin mihring ka ni.


Manoi leh Sammy-a inbiak hriat hnu aṭang phei chuan, bungrua chu ka ni chiang alawm.


Ni lo, ni lo, bungrua ni loin mihring ka ni. Mihring azawnga hlu tak ka ni.


Pathianin duh taka a anpui ngeia a siam nakruh aṭanga siam chhuah ngat ka nih hi, ka hlu vet vet êm!


Zan dar sawm hnu lamah chauh kan in a reh.


Lal Fanu u te pahnih lehkha zir chhung ka awmpui a, inthlan a la hlat angreng nen, an ti mah mah ka ti tawh.


An over hlawm em asin.


Serchhip Bial mipui an ni lo a, Aizawl mipui an ni.


Sammy-a an tlawn tih a chiang reng mai sia, kan awmna Bial-a dingte tlawn zawk awm tak a nih vei nen.


A tling a nih chuan Khawtlang mai bakah, mimal leh chhungkua ang zâwng pawha hman ṭangkai an tum tih Siamtea takngial pawhin a hre thiam.


Freddy-a a muhil tawh a, a biangah ka chuks zeuh.


Siamtean, "Anu, Apa hi tling lo turin ka duh", a ti chu, hmâna Manoin a lo sawi ṭhaihna ka hre chhuak.


"Tling turin duh zawk ta che, nangpawhin Dream i neih kha, i Dream a hlawhtlin nan theihtawp i chhuah a. Apa pawh hian a Dream tihhlawhtlin nan a theihtawp a chhuah alawm. Apain a Dream a tihhlawhtlin theih nan kan ṭanpui tur a ni. Kan ṭanpui ang tiraw?", bei lo zetin, "Ka ṭanpui ang", a ti a.


Lainatawm reuh hian!


Ka nu leh pa an lo lut a, mutna ka siam fel tawh avangin an mu thuai. Inlêng neih chuan an ṭhu ve reng zel a, tin; Sammy-a ai mah pawha an biak duh an ni zel nen.


He Vengah hian an awmna a rei tawh a, "In Khaw hluiah in lo haw leh ta maw?", an ti hial reng a ni.


Ka nu leh pa te nen inmangṭhain, Sammy-an Lal Fanu muhil tawh pawmin kan inzui chhuak a.


Khumah an mu duh mai si lo, Matress pahnih ngawt ka thuah.


Upa lam an ni tawh a, ka ngaihtuah em a ni.


Sammy-an darthlalanga inen chunga Night Cream ka inhnawih chu, "Zanin hi i ṭawng duh lo tlat, a chhan han sawi teh", ka hnung aṭangin min kuah a.


Darthlalang a en kuau avangin, Darthlalangah kan inmelh tlawk tlawk.


Amah zawk a lâi chu ka nuih chiam, ka kâ a hup rang lutuk.


Lal Fanu a muhil tawh tak e.


Ka hawi phei a, a harh em lo. Min tithawveng huai. Huizz....


Sammy-an khabe chuar nungin min mitsir, Darthlalangah chuan a mit a fuktir ngam tawh lo a ni ang.


Vawihnih a lâi tawh, chiang kêk kâwkin a mitah tak ka en kar.


Thle sawna kalsawn a tum chu ka pawt ding a, "Khawia kal nge i tum? Cream ka lo hnawih ve ang che", a lu a thing nawk nawk.


"Wipes ka la dawn",


"Nga-", wipes la lawkin ka hmai a hru nawk nawk.


Chawlin a thle bak a, "A la fai lo",


"Nga-", tih chauh ka sawi thei, a hru leh nawk nawk. Min dim lo si, min hruk ral a tum mawni?


Nui varin, "A fai ta e, zana cream hnawih ka phal lo", a ti teh tlat.


Zan dangah pawh ka hnawih ṭhin tho sia, "Zan dangah pawh ka hnawih ziah a, thunawi i neih ngai loh kha maw", a chal a tichuar.


"Chuvang a nih chu, i biang a khâk theih em em", ka biang a rawn chuks zeuh.


Awihawm loh thei e.


"Tui i tih avang zawkin a eiin i ei kha aw",


"Dâwt a nih chu", ti hlakin min pawm kâng nawlh. A nghawngah ka kuah a, hnai set sawta min rawn enin, "Tun lai chu keimah avangin i chau tih ka hria alawm, duat namenin ka han duat teh ang che", a ti chu, "A chauhthlak zual hmel", ka ti sep a.


A duh ngang lo, "I hre ngawt lo", a ti thûm dut.


"Eee, ngawi teh", chhuatah min nghat hmanhmawh, a hui pap a, "Thil dik lo a awm mi?", ka kokiah a kiu rawn nghatin, a kâwng a dawm.


"Sam, dik lo a awm ta em ni?", a hui leh pap. Hah hmel takin a thaw hluam mai bawk si.


Hlauthawng ru taka ka nghah laiin, "I rit lutuk a, ka kâwng a tliak lo chauh a ni", a han ti mai chu, ka koki, a kut a nghahna tisawnin, a tlu lo chauh.


"Min pawm zawh loh avangin khatin sawi hlek suh", Lal Fanu a muhil tawh si a, ṭawng rin ngam loh.


Bathroom-ah lutin, ka hmai ka phih ṭha.


Hmai nung neih nan Cream kan inhnawih ve em em a, a tichhe vek alawm.


Bathroom aṭangin ka chhuak a, phone a lo hmang.


"Naktukah ka lo kal ang", a ti ta mai a.


Phone a off zui mai avangin, "Naktukah chuan khawiah maw i kal dawn?", tiin ka zawt a.


Towel banin hmai hru chungin khumah ka ṭhu.


Sammy chuan, "Tun lawk khan Serchhip-a kan Party Branch Leader nupui a boral tih min rawn hrilh a nih hi. Zing khawvar hmaa kal a ngai dawn a ni. Driver ka han hrilh lawk ang e", a ti a.


Driver hnenah, zing dar thuma lo kal turin a hrilh a, thum leh a chanvea chhuak hman turin.


Serchhip chu a hnai tho a, mahse; zanin tut tuta kal a rem chiah lo a, dar thum leh a chanvea kal pawh chu a ṭha tho mai.


"Sammy, thawmhnaw tihfel a ngai ang em?",


"Ngai lo mai rawh se, hak thlak pahnih a tawk ang".


Ragksack-ah hakthlak pathum ka khung.


"Sam, file pawimawh ken tur a awm dawn em?",


"Awm lo turah ka ngai".


Bathroom-ah lutin a ha nawhna leh Colgate thar hlak lain ragksack-ah ka khung.


Towel theihnghilh miah loh tur, ka hnawhlut tawp tawp. Ka rem fel thlip thlep peih tawh thlawtlo.


"Chhuanpui, lo mu tawh rawh",


"Mu zawk rawh, thawh hma i ngaih kha", a phone a hmet nuap nuap a, "Alarm ka set alawm", min hmuh tir kher.


Ka mut fel hma mut a tum dawn loa ka hriat avangin ka mu ta ngawt a.


Tihfel ngai ka tifel tawh tho bawk.


"Hnar nghal tluk tluk mai rawh", ka fiam zauh pek, "Thawh hai suh aw", a la ti.


Alarm a set ngei kha, "Hai dawn lo, ngaihngam takin muhil rawh", a mit a chhing mai a.


Kei pawhin mit ka chhing fel chiah tihah, "Chhuanpui, ka ngai dawn lutuk che", ka bulah a rawn mu fel thân.


A chep chepa a inrawlh manah, Lal Fanu ka tawlhpheitir duh bau lo.


Suahsual chhuah tlat nun ang kha!


A bân min kham tir a, chu chuan nghawng lam aṭangin ka kawr chhung a zen a, ka hnute a ṭham.


A kut kham loh lamin ka kekawr chhung a zen a, "Nghal ka chhuah miah lo ang", inbeng kâng deuhin min fawp zauh.


Nghal a chhuah lo tak naa, hetianga ka taksa khawiha mut kan la neih loh avangin min tikhawlhkham.


Ka muhil thei lo, thihna avanga zin chhuak tur a ni a, a châm chhung tur a hriat loh.


Chuta kara lo hnial ka duh lo.


Mut erawh, ka muhil thei lo a ni e. Ka mit ka chhing a, ka awm thiam hlawllo. Sammy-a kut chu laksawn hial ka duh.


A phone a rawn ri leh tleng tleng.


Rang taka thoin a chhâng a, "A va rem loh hmel ve aw...Kan lo tum ang", a ti a.


Harh chiang ngang ka ni a, ka tho, "Buaina dang a awm leh em ni?", a rawn ṭhu a.


"Serchhipah chuan kan chhungin min rawn beisei deuh a ni".


Kan chhungin kan kal thei lo phawt mai a, ka nu leh pa an awm tho a, Lal Fanu nen zui ta mai ila, a ṭha ang.


"Ngaihtuah ve vak suh, ka sawifel ang a, min hrethiam lutuk ang",


"Sam, chutiang ringawt a ni thei lo, Lal Fanu nen kan lo zui ang che. Ka nu leh pa an awm tho, Siamtea leh Freddy-a an hautak lutuk tawh lo a, kan haw hma chu an lo awm thei mai ang".


"Kei min beisei chu chiangsa a ni a, min rawn zui phei chuan an lawmna a zual hle ang chu",


"Ni chiah e, chhungkuain kan kal theih loh pawhin kei leh Lal Fanuin kan zui ang che. Dar ngaah chhuak ang, Driver hrilh ṭha leh lawk la".


Driver hnena a sawi ṭhat chhungin, Trolley medium-ah kan pathuma thawmhnaw ka khung mawlh mawlh.


Hakthlak pahnih thum bak a ngai lo ang.


Ka tan, puan bih tur rawng dum ken a ngai ngei ngei, kawr dum nen.


Kan mu ṭha leh ta a, min zen tawh em lo. A chep chepin a inrawlh tho. Inherin, keimah zawkin ka kuah a, a âwmah ka innghat hle hle.


Siamtea leh Freddy-a ten min zui châk lutuk chu kan inthlêm thei mang lo.


Freddy phei chhuatah a ṭap nuar vak vak.


Ka nuin, "An lo haw leh vat dawn alawm", a tih pawhin, "Anu bulah ka kal duh", a ti tlat.


Nuar ngam chiah lo Siamtea pawh a insût feih feih. Min kuah tlat mai bawk.


Han kalsan mai hreh tak ka ni.


Sammy-a chauh kal tira, kei talin ṭawiawm loh ka ngaingam ngang si lo. Rilru na taka ka fa te pahnih siam ka duh nahek lo.


Ka nuin Freddy-a a kuah tlat a, a ṭap bâng thei lo, "Anu bulah ka kal duh", tih a ṭah hlaah a hmang.


Sammy-a ka en a, Lal Fanu pawm a nih avangin an pafa hmela thu zawh tlak loh lang chuan min tibangbo zual.


Ka pain, "Hruai ve mai rawh u, tlaia lo haw nghal tur in nih loh avangin hetia, lungchhe vankaia inngena inṭah khum rawih rawih zawng a ṭha lo em mai", a ti ta a.


Chu thu zet chuan Freddy-a mit tui a hultir chiang mang e.


Hmanhmawh takin kan insiam leh zung zung. Ka nu leh pa te hruai kan tum a, "Kan tel loin in fel zawk ang", ka pain a ti tlat a.


Ka nu chuan kal a hnial hranpa lo, ka pa thu a awih a ngai ve tlat si a. Kan inthlah liam ta a.


Freddy-a ṭah hla mawlh khan kei zawng, min tilawm a ni.


"Anu bulah ka kal duh", he thu hi a lo va han mawiin a lo va ropui tak.


Ka tet laiin, "Anu bulah ka kal duh", ka ti ve ṭhin a. In chhung han luha ka nu ka hmuh mai loh te hian ko ruaiin, in chhung dung tinah ka zawng kual vak ṭhin.


A chhan chu, ka nu a ni a, ka tan a hlu a, ka tan a pawimawh a, ka nu a ni tlat atin ni.


Chutiang chiahin tunah, "Anu bulah ka kal duh", min titu ka han nei ta a. Nu ka ni thei hi ka inchhuang tharin, Nula nihna ai mahin Nu nihna ropuizia leh hlutzia ka chhar chhuak thar.


Tluang takin Serchhip kan thleng a, New Serchhip lamah kan tlan zel.


Kan thleng a, zing dar sariha chhuak thei chauh kan ni bawk a, sawmpakhat leh a chanve bawrah kan thleng.


Driver hi a thiam em a, a khalh chak tih hre miah lo hian a khalh chak thiam.


Pangpar te kan han dah a, kan chhungkuaa min han hmu chu an lawm hlawm kher mai.


Ka nuin puan dah tur min ken tir chu Sammy-an, "Nangmah ngei khan dah rawh", min ti a.


Nu Valai a ni a, a uiawm kher mai.


A fa te an nula tlangval fel hman a, an ngaihtuahawm lutuk dawnin ka hre lo.


Ṭawngkam thiamna zawng zawngin a fa te hnenah Thlamuanna thu, "Hahdam takin a chawl tawh a, a dam fel tawh e", zawi sepin ka han ti ve rawih mai a nih kha.


Inzir nasat ka la ngai hle a ni.


Kan chhungkuain thlalaknaah min tel bawk a, a zahthlak rualin a lawmawm.


Party Branch Leader dangte pawh an ṭang ngei mai. Lusûnna hman ṭangkaia a awm tur chu ka lo helh.


A rukin Sammy-a bulah, "Politics lam reng sawipui suh aw", ka ti thlawt.


Lusûnna ema Politics inrawlhtir hi chu ka duh lo, duh lo chiang bal tak ka ni.


Ka duhdan ang erawh chuan a kal thei si lo, Politics an sawi tih ka hre leh tho. Sammy-a chhuahchhal ka han tum deuh ngei.


Inthlan a hnai tawh a, ṭan a na ngang bawk si. Party dang an hrâng hmiah hmiah a, chuta kara lo Chengkawl ngawi kar Sammy-a pawhin a duh lo a ni ang.


Chaw min ei tir a, kan nufa zain kan han ei ṭeuh a nih kha, ril a ṭam tawh em a ni.


Sammy-an, "Thenzawlah kan tlang dawn em ni?", a ti chu, "Yess, Papa, kal ang u", Freddy-an a ti.


Thenzawl hi chu a ngaina em a ni.


Kan duh tlang vek si a, a tuk chawhnu herah Thenzawlah kan kal.


New Serchhip mipui an lungawi thawkhatin kan hre tawh. Nimahsela, mi zawng zawng a tihlawm theih loh.


"An fa te School an chawlhtir mai chu a nia, zirna aiin Politics an dah Lal zawk a ang hle mai", tih chu ri nasa tak a ni.


School chawl meuhin kan zin chhuak ve bawk a ni.


Vuivaina tur a awm reng reng lo.


Chawlh dila an Zirtirtute kan biak pawhin an phal lo kha a ni a, ka ngen ngawl em avang leh, Aizawl kan chhuahsan fel hnu chauha bia kan nih avangin min phalsak mai kha a ni.


Sammy-an, "Thu vaivir hna thawk an tam ṭan tawh a, dâwt leh thudik thliar hmasak aia mahni ngaih dana thu kal kualtir kan tam tawh. Chulai kara thudik chauh hmachhuana ngawi kar finthlak hun lai tak a ni", a ti a.


A dik hmel viau.


Thenzawl kan thleng a, ni khat lek cham thei kan ni tawh lo.


Zanah Hmingi lo lêngin, midang lo lêng an kat nuk bawk. Sammy-a be duh te vek an ni.


Hmingin, "A chhe zawngin Social Media-ah an sawi nasa lutuk che u, Sammy-a an dem rualin nangmah an dem ber che. Siamtea leh Freddy-a hmer telh loh theih loh a ni zel nen, Siamtea leh Freddy-a hruai loh tur alawm", a ti dap dap.


"Hei, en la", a phone min hmuh.


Facebook group hrang hrangah, Sammy thlalak tarlangin, caption-ah, *a nupui hlui takngial pawh a lawmna pe zo lotu hian, kan ram min tilawm hian ka ring lo ve*


Fake Account a han ni leh ta nghal a.


"An nun hlui zawng zawng an chhui ṭhin tih i hriat kha, Fb i khawih lo te hi a lawmawm", Hmingin a ti leh.


Sammy-a tan a lawmawm loh, a ngawi thei mang e.


Hmingin min hmuh lo sela chuanin, ka hre dawn lo a nih hi.


Group pakhat thungah chuan, Sammy-an kan inneih thlalak pakhat, kan pahnih chauha Biak In kawta kan lakna a post screenshot-in, caption-ah hetiang hian a ziak a *An inneih lai hian kum sawmli a ni tawh a, ani erawh kum sawmhnihpakua chauh, Tlangval duhtu a ngah dawn tehreng nen, Pathlawi lehnghal a nei duh a nia, Mizo nula lo Gold Digger hlawmzia hi, uakkk*


Fake Account aṭang bawkin, ka luak an tichhuak zawk mang e.


Vai leh Sap pasala nei ho an diriam a, Mizo pasala neih ngei pawh, Gold Digger chhuahin min chhuah a.


Khaw hawi hi a tawi ṭhin. A pawi chuang lo, Mizo Pa ngei neiha Gold Digger a la thlanawm alawm.


Nuih hi an tiza thlawt ṭhin asin.


Inlêng kan nei rei phian mai a, Sammy-a ka lainat.


Chuvanga hmâ taka Driver muttir reng pawh ka ni.


Sammy-a phone thai thla pheuh pheuh chu ka en reng, *a nupui hlui* tih te, *tuna a nupui hi a tilawm zo ngut ang em?* tih te a tam mai.


Fakna lam aiin sawiselna a tam.


"Sam, phone dah tawh rawh, naktuka chhuak tur kan nih kha, i lu a na bur mai ang", phone a en reng ka duh lo.


Chanchin lawmawm a awm lo em mai.


A dah ve mai bawk a, min rawn kuah a, ka nghawngah inphumin a thaw halh halh.


Ka inher a, a tawlhthla hret, ka âwmah a hmai a phum a, kuah vawng vawngin a lu ka chul heuh heuh.


Nunhlui chhui tlak loh leh hriat reng tlak loh kan nei ṭheuh tih hre rana, midik a nih phawt chuan tia ngaihtuah an awm tih ka hriat avang hian ka lungngai lo.


Chutiang mi ho chuan an Vote hlu tak duhsak takin min pe dawn a, kan tling dawn tih hi ka chiang hle a ni.


Hmingin min rawn thlah leh a, hetah hian ka hrethiam chiah, kan Driver a hmel duh tih.


Ka sawi chhuak lo naa, lo ngawi tak rawh se, hun a la awm dawn chauh. Ka la sawirem khawp ang.


"Tluang takin le, Bial fang hian lo kal zing thei ula a ṭha, Party dang ho Ngal tha a chak nasa mai si a. Lehkha rawlhruk tur lah an ngah nasa mai si a", ka pain a ti a.


Lehkha rawlhruk, pawisa a sawina a nimaw?


Aizawl kan pan leh ta a, Siamtea leh Freddy-a te School kal hunah ka thawveng huai zual ang.


Sialsuk thlenin kan chawl lawk, zun ram te kan thiar a, ei tur te lamin kan ei.


Titi phunglengah pawh inthlan hlir.


Khawi hmunah pawh inthlan hlir a ni tawh mai.


Kan nufa zaa kan chuanna kan pan laiin, mipa pathum hmai tuam leh chemtê kenga min tin ran chung hian, an zinga pakhat chuan, "Pawisa kan duh, min pek loh chuan kan vit ang che u", a ti a.


Siamtea leh Freddy-an min kuah nghet nasa mai a, Lal Fanu lahin ka nghawngah min kuah tlat a, "Apa", tiin a ṭap vak bawk.


Anni pathum chuan min hual mai a, hlau anga awm erawh ka tum lo.


"Hey, hey", tih thawm a awm ṭan a. An rawn pawh ngam bik mai lo. Chemtê an keng ṭheuh si a.


Sammy rawn kal thuaiin, an zinga pakhat chu a inring lo nge ni, a rawn phih tlu tawp.


Mi pahnih te chuan kan nufa zaa kan tlanchhe tur chu min nang hmanin, min man bet.


Pakhat chuan Lal Fanu a tin ran tawh mai si a, Kung Fu thiam ka châk lutuk.


Ka fa te an tihnat ka hlau ber, "Min chhuah ula, in duh zat zat pawisa ka pe ang che u. Ka fa te hi min tihnat sak suh u", ka ti thlawt.


Sammy-a mitmeng chuan remchang a zawng, misualte pahnih tukzalna tur a ruahman a, hun remchang a zawng tih a sawi.


Mahse, Lal.Fanu chemtea tintupa chuan, "Pawisa kan duh lo, kan duh chu, Samuel-a saw, inthlan aṭang hian inhnukdawk rawh se", a ti a.


Party dang aṭangin an nih hmel.


Chutianga an tih chhan tur a awmin ka hre si lo.


Sammy-an pawr deuhin, "Chutiang a theih loh, tuin nge tir che u? Pawisa engzah nge in dawn? A letin ka pe ang che u", a ti a.


A phih tlukpa chu a la hnungkhirh reng bawk.


Pakhatpa chu a khur tih ka hmu ta a, an duh renga ti an ni ta hauh lo mai le. Tihtirtu an awm ngei a ni.


Pawisa avang a ni lo a, inthlan aṭanga Sammy-a a inhnuhdawh theih nan min rawn vo vel mai mai a ni.


Chemte an ken avang maia hlauh tur an ni lo bawk.


"Inhnukdawk lo ta se", ka ti a. Ka tukhhum sama min ṭham dak awrhin, "Khawih reng reng suh", Sammy-an a rawn ti.


"Anu", Siamtea leh Freddy-an min kuah bet thlawp a, Lal Fanu hlau lutuk chu a ṭawng chhuak thei tawh lo a ni ber.


"Thih i duh tihna mi?", ka hrawkah tak Chemte a tawhtir.


Ka thaw ngam ṭawk ṭawk ta, chil lem phei chu ka ngam tawh lo.


Eng ang pawhin min vo se, Inthlan aṭangin Sammy-a a inhnukdawk ngai lo ang.


Leiah ka tlu thut a, Siamtea leh Freddy-an min bawh chung chung.


Chemtea min tintupa chu Sammy-an a rawn phih chhuah lai ka hre reng reng lo.


Leiah lo nawrbetin Sammy-an a hnek siah siah.


Driver khan pakhat a lo buaipui a, Hotel-a chawl Pa ṭhenkhatin pakhat an lo buaipui bawk.


"I va khawih ngam zawk ve", Sammy-a thinrimna chuan khua a hmu tawh lo. Thisen a chhuak nasa tawh lutuk.


Siamtea leh Freddy-a thawhsan chi an ni si lo. Lal Fanu phei phei chu, a khawngin ka hre tawh.


Kan awmna aṭangin, "Sam, Sammy, duhtawk tawh rawh. Lal Fanu hi lo en vat teh", ka ko chul.


A kut leh kawra thisen kai hnuangin a rawn phei, a meng sen rum a, thinrimna leh Lal Fanu hmangaihnain a meng pawlh sawp niaih.


Hlauhawm lam a pâwl ti dawn ila, hmangaihna a lang chhuak tho bawk si.


"Ka Lal Fanu, i ṭha em? I bulah Apa a awm a nia", âw khur hlawk hlawkin a ti a.


Hlauthawng, mangang thlabar leh khura siam theitu chu Lal Fanu chauh a ni. A awmawh letling.


Lal.Fanu a pawm a, duat takin a chul.


Lal.Fanu chu a meng fiah kâk a, a hmui a khur dar dar. A taksa a khawng em lo naa, a ṭawng chhuak thei lo.


Chutih lai takin mipa pakhat, hmai tuam ve lo hian Sammy-a chu, a hnung aṭangin Thirtiangin a bekah tak a rawn hlap zawt ta mai!


Driver leh midangin an rawn man bet nghal thuai.


"Apa, Apa",


"Sa, Sa, Sam, Sammy?", Lal.Fanu a thlah chu ka pawm thuai.


Hnung lamah a tlu thal der mai a, thisen a luang nguai nguai.


Ka thin phu nasa lutuk chu, ka thunun theih piah lam a ni tawh.


Misual zinga pakhat chu, "Manoi chu a hahdam tawh ang", a phun sup.


Chu chuan ka thin tiso phutin, a sawitupa chu ka va hnek a, ka chum vak vak thul. Ka pêt bawk.


Lal Fanu pawm chung chuan a harsa lam hret. Thu kam khat mah ka tichhuak lo.


"Sammy, tuar fan fan rawh aw", Siamtean a kawr hak lai phelhin, a bek hliamah kan hmehbel tlat.


"Police lo thlen hma chu kan lo phuar ang", an ti.a.


Keini chhung chu chak mangkhengin Thenzawl kan pan leh.


Emergency takin min buaipui a, ka chhungte pawh an lo thleng thuai.


Lal Fanu chu ka nuin min pawmsak theih hlauh mai a, remchangah lain ka kal kiang deuh a.


Aizawla ka nu leh pa, Sammy-a nu leh pa te zawk biain, thil thlen dan ka hrilh.


Hmanhmawh tak bawkin an rawn kal nghal ang, ka hnial duh lo. Doctor hnen aṭangin thuchiang kan la hre thei lo.


Manoi number hmet chhuakin, ka call, Sammy-a chungah thil pawi tak a thlen vaih chuan, Manoin a tuar hmasa ber ang.


Amah avangin Sammy-an Diriam a tawk nasa tawh a, tunah; tharum thawh zawngin a che leh ngat a.


Kal thui tawh tak a ni.


"Hello?", a rawn ti chu, eng dang sawi loin, "Hei hi lo hre rawh, ka fa te leh ka pasal chunga kut lektu apiang chu an ruang a chhuak nghal ang", phone ka off zui hmak.


Show post links
Top

[Ngaia]

Politician Nupui Hring Nun
Political Love Story_Fiction
Chapter-8
Ziaktu: Cck Lalchhuanawmi


"Hello?", a rawn ti chu, eng dang sawi loin, "Hei hi lo hre rawh, ka fa te leh ka pasal chunga kut lektu apiang chu an ruang a chhuak nghal ang", phone ka off zui hmak.


Thu sawi awm a nih leh nih loh hre mah suh i, rilru luahtu ber ka sawi chhuak tawp mai.


Sammy-a la harh loin, a bek kak lai ṭhuiin an tuam.


Lal Fanu nen Sammy-a kan riahpui, misual ho awm zel dan ka hre lo. Kan nufain a bulah kan ṭhu ngawi reng.


Party dang thiltih tura ngaih kha, a nupui hlui thiltih lek lo ni reng a.


Nu huaisar tak a ni.


Lal Fanu ka pua a, Nurse Duty ten khum ruaka mu tura min tih pawhin ka duh lo. Muthilhsan ka phal thlawt lo.


A harh huna a hmuh hmasak ber nih ka duh.


Lal Fanu hnung puakin ṭhutthlengah ka ṭhu a, Sammy-a kut vuanin, a changin a biang ka chul heuh heuh leh ṭhin.


Ka lo en uluk ngai lo a, a Tar buai mai. Kum sawmli vanglai a hmang ṭan chauh a ni a, kum sawmruk hmel a pu tlat.


Inthlan hi zo sela, ṭha tâwkin ka enkawl ang.


Sammy-a kut ka vawn tawk ran chungin ka lo muhil mawni, a che dat datah ka harh a.


A mit vun phu uih uih ka hmu nghal zat, a kut ka vuan nghet sauh a. Ka hmuiin ka tawk vang vang.


Ka kut chu a rawn vuan nghet thut ve ta a, men a tum tih ka hre mai. Ka kut chu, vuan nghet ṭha tak a ni.


A rawn meng chhuak hliai chu, ka thaw huai.


Lu tiche loin a meng kual ruai, "Chhuanpui?", a ri chhuak eih lo naa, ka hming chiang takin a lam.


Ka kut chu nghet mangkhengin a chelh.


Hnaihin a biang ka tawk a, "Sam, i kianga hi ka awm", kei pawh chu, ka âw a ri chhuak chang chang.


Min hmu chu thawl huai niawmin a han thaw chhuak ham ham a, chil a lem khawlh.


"Lal Fanu a ṭha tawh lutuk a nia, a muhil tawh a, a mu tui lutuk ringawt", thei leh thei loin a hmui a tiche a, a nui.


A kut ka vawnna chuan ka biang a dawm a, sawi duh a nei, a mitmeng ka chhiar thiam.


A nupui leh a fa te a hmangaihna mitmeng chu hmuh nuam tak a va ni kher em!


Zingah ka u leh kan pa te an lo kal, Inspector pakhat hi a rawn tel ve bawk.


Sammy chu a ṭhu chhuak thei a, Lal Fanuin a ngai em a, a pa a harh tih a hriat aṭangin a laksawn theih tawh lo.


Inspector chuan heti hian a sawi ta a, "Khami te pali khan Party pakhat hnen aṭanga pawisa tam tham tak dawngin, inthlan aṭanga inhnukdawk tura vau tur chein an lo ti a ni awm a. Party hming leh pawisa petu, an ngal roll sak pawhin an puang zar duh meuh lo. Rinawm fumfe lo tak an ni.


Party pakhatin pawisa pein vau tur chein an ti tih an sawi nameuh mai, Party hming leh tihtirtu an sawi leh duh si lo. Dâwp chhuah theih an ni hlek lo, an ṭang ve tlat a ni".


Party thiltih a ni lo tih hre chiang bertu ka ni mai awm mang e ka ti.


Misual pakhat khan 'Manoi' hming a lam ri zeuh a nih kha. Manoi a ni phawt ang, amah bak rin tur a awm lo.


A thuhrimah, Sialsukah min lo nghak tihna nge?


Kan chawl dawn tih an hre ru tihna a ni phawt ang a, Sammy hian Manoi hnenah kan zin chhuah te hi a hrilh ve mawni?


Sammy pa zawkin, "Party inbeih hun lai tak a ni tih kan hai lo, nimahsela; tharum hial thawh zâwnga inbeih hi chu", a chek hlak a, "Tharum zâwnga inbeih hi chu, Dika pa, i ngaih dan han sawi ve teh", tiin, keima pa zawk chu a han rawn a.


Ka pa chuan, "Hma-i pa, nu leh pa nihna angin kan thin a rim tehmeuh mai, nimahsela; a tuartu kan fapa kutah a chinfel hna i dah zawk teh ang. A thutlukna chu engtiang pawh nise, i thlâwp mai ang hmiang", a ti charh charh.


Inspector pawhin, "Thil pawi a ni lo tih ngawt theih ni mah suh se, thisen hial a chhuak ta mai si a, hrem ngei an ṭul khawp mai. Campaigne hun tawp hnai a ni lam tawh bawk a, Party hminga bei i tawk kher nen, Police ho hian kan thu hmang pawhin kan manin hremna kan pe thei a nia", a lo ti ve a.


Chu chuan min tilawm.


Inrawlh tur ka ni lo a, ngawi rengin Sammy bulah ka ding.


Sammy-an heti hian a ti ta a, "Chhuanpuii nen kan lo sawi dun phawt ang e, ka pa", Pa pahnih an awm a, tu ber nge a koh hriat mai a har.


"Ka nu ten an lo thlahlel ang che u, lo va haw mai ta che u. Inspector, chanchin kan hrilh theih nan che, i number min han hnutchhiat la", a ti a.


Inspector number chu a phone-ah ka save a, ka pa te nen inzuiiin an chhuak ta a.


"Chhuanpui?", Manoi thiltih a nih avangin misual ho chu hrem kher ṭul ka ti lo.


A ni thei bawk si lo, pawisa an duh avanga khatianga min vau an ni a, an thiltih man an hmuh ngei a ngai.


Sammy-an, "I ngawi reng a, ngaih dan han sawi ve ta che", a ti chu, "Ka inthlahrung", ṭi dakin ka han ti a. A ner salh.


"Inthlahrung thei i ni lo, ka bulah ngat phei chuan ngampa tur i ni. I hria maw?", nelawmna pakhat mah a awm lo.


Nui hmel a pu ta hauh lo, a thinrimna a thar mai a nih ka ring.


Sammy chuan, "Chhuanpui, han sawi la", a ti leh. Kei chuan, "Dik takin, an sual man an hmuh ngei a ngai. Sam, Party dang tihtir a nih i ring em?", tiin, zawhna ka zawt let.


Min thlêk ngun chiang hle, thle sawn duh loin, ani pawhin Party dang tihtir a nih a ring chiah lo tih a chiang reng.


Sammy chuan, "Vai Ram a ni lo a, tharum thawhna an kalpui duh lo ang. Mai thei bawk", Lal Fanu a en a, a muhil tui nasa mai.


"Hrem ṭhaa i hriat chuan tuar rawh se, mahse; an tâng rei thei lo ang", chu chu hriat sa.


"Khaw'nge phone?", a phone ka pe a. Inspector a bia. "Sir, i kutah kan dah e", a ti tawi fel ât roh mai a.


Inspector chuan a tifel chiang khawp ang.


Thenzawl Police Station-a FIR thehlut kan ni a, kan chhungten an thehlut. Misual ho chu an sim nan tala hrem an tuar a ngai.


Manoi bul ṭan a ni a, amah ngeiin han tuar se ka ti.


Sammy a harh ṭha tawh a, a lu tuamna erawh Aizawla phelh turin kan ti ta mai. Haw hmaa Misual ho hmuh duh viau mah ila, Sammy-an an ruala kal a phal lo.


Ka pa te pahnih leh ka u nen an kal a, Lal Fanu piahah a u te pahnihin min pawm chawt a ni ber e.


Hmingi a lo kal a, an Dil-a Sangha rût tur a ni a, min lo lên a duh avangin a ṭhulh phah.


Kan tawhsual tawh lam reng a leng lo, "In Driver-in a chhan lo che u em ni? Ngawi rengin a awm mi? A ti awm lo e, Tlangval tha ngah a nia, a ṭangkai dawn tehreng nen, a ṭangkai hun a hre lo em mai", a ti niah niah.


Aizawla a lo awm theih dan tur ngaihtuah a ngai.


Driver a hmel duh tih hre ngat ila, Dawra thawk turin ka sawm phei tawh ang. Hre har mah mah bawk atin ni.


"Driver-an misual a hnek ve em?", Phurthak a kai thu sawi nen a inang chiah chiah.


"Driver ti ziah suh, Duhsaka a nih kha. A hnek nasa lutuk, amah avangin misual ho an tlanchhia alawm", min bêng hlak hlak.


"Over e a", lâi chem chemin a tithlarawk.


Chhaih nan a la hma, amah ngei inpuan hun nghak ang. Chhimbudawi pawh a ngai lo.


Nakinah, amah a inpuang leh mai ang.


Sammy te rawn hawin, a Ni la lain Aizawl kan pan. Hmingin Duhsaka chu thlahna ṭawngkam hlan a duh viau.


Duhsakan Hmingi a awm tih hre lo hmak angin a phe zut chu ni si.


An inbiak theih dan kawng zawn a la ngai.


Aizawl thlen hnuah Social Media-ah min la sawi bânglo tih ka hre chauh. Chanchin tharah min lambun thu an puang ngei a.


Fb group hrang hrangah min la khêl chhunzawm reng.


Fb account fake ka siamah ka lut. Office-ah Sammy a kal a, Lal Fanu leh a pi leh pu muin, Freddy-a leh Siamtea School an kal.


Kan tawhsuala min lainatna leh min demna a inpawlh niaih nuaih.


Pawi ka ti lo, a pawimawh ber chu kan chhungkuain him dam takin kan awm a, khang misualte khan an thiltih man an hmu bawk.


Fake account haw(hua) ber intiin, fake account ka nei bawk si. Chanchin lawmawm hriattur a awm lo.


Account ṭhiatin, Fb app pawh chu ka mangṭha ta a.


A ṭul dan azirin, Sammy-a hnenah ka account hlui password hlui ka hriat thu leh, chumi hmang tura min phalsak turin ka la dil ang.


A thu hmu loa ti ka ni tih a hriat hunah, min ṭim leh nghek palh ang.


Mahsela, tawhsual tawh aṭangin Sammy-a mizia a dang hlawk. Thenzawla cham chhung kha chu a zia.


Aizawl thlen hnu erawh, "Inthlan hnaih avangin a rilru a hah a nih dawn hi", tia namnul mai chi a ni lo.


Biak hmasak emaw lo chuan ṭawng nachang a hre lo.


Kan hriat loh turin ka pa hian a zilh zauh zauh. Ka nu pawhin mak a ti. "A beka an vuakna khan a thluak a khawih pawi hman emawni aw?", ka nu phei chuan a ti a. A mit tui a tla hial.


Siamtea leh Freddy-an a nungchang aṭangin an ṭih deuh hlek a, Lal Fanu hi chu, a Lal Fanu a ni miau a.


Chumi avang takin Lal Fanu hnenah, "Apa inpawmtir char char zel la aw", ka hrilh ru keuh keuh.


"Chhuanpui, thudik takin min han hrilh teh, in nupa nunah hian in hlim lo viau em ni?", ka nuin a ti thlawt.


Nufaa nupa nun han sawi duh lo sateh mah ila, a ṭulnain min urthlu tawh ngang a ni e.


"Ka nu, pindan pawna ka ngaihsak ang chiahin pindan chhungah pawh theihtâwp ka chhuah ve bawk asin. Tawhsual tawh aṭanga hetia a awm tlat hi ka hrethiam tawh bik lo. Zawh mi hian a awm lo a, thil awm dan han zawh ka ngam ṭhin ngang lo a ni", ka nuin min hre thiam chu ka lawm.


"A thluaka hriatna thazam te hi a chhia ang tih ka hlau. Ih e, Chhuanpui, tun hnai hian a nunhlui an phawrh chhuah sak nasa mai si a, hengte avang pawh a ni mahna", ni tak e, chu lam ka lo hre tawh hleinem.


Ka nu chuan, "Inthlan hi zo sela, a pangngai thuai i ring teh ang", a ti leh.


"Han sawi law law ila, Samuel-a hi chu mahni tâwka induh ve tak a ni a, Manoi khan engtin nge a duh duha a tihkual theih ka hre mai lo",


"Nu, Sammy-an a hmangaih alawm", ka nu chu a nui mai a, "A hmangaih tan nasa takin a thawk a, a duh tinreng a pe a. Manoi nen inṭhen an tuma ka biak fal laiin heti hian min hrilh a, "Hmangaihna min chênpui dan a thiam hlawl lo, i fapa hian nupa nun hman dan a thiam lo alawm. Ka duh tinreng min pe, mahse; ka mamawh tak min pe thei tlat lo", a ti tawn tawn a. A fala ka bia chu ka inchhir teh asin", Manoi thla ka hau mawlh mawlh.


" Ka fapa ṭhat lohna lai min hrilh hi an awm fo, a nupui thu thuin a awm min ti tâwk an bo lo. A nupui kâ ngeia chutianga a ṭhat lohna han ngaihthlak chu a nuam tehchiam lo. Nupa nun hman dan a thiam lohzia chungchangah a la ni zui", ka nu chuan sswi a hreh hmel takzet.


"Thiam ang tâwkin an nupa a hlim nan Samuel-a, a rukin ka hrilh fo. An inṭhen chhanah hian Samuel-a thiam loh chu a ni ta der, nupui tilawm thiam loah a chhuak ta a nih tak ber hi maw", a han nui tak naa, Nu hmangaihna chuan a fapa a vuipuiin, a ṭan bur.


Nu Papuii a rawn thleng a, sawi zawm theih a ni lo.


Ka pa leh a tute an lo thleng chawpchilh mai bawk. Nu Papuii leh ka nu chu an inbe tui thei khawp mai.


Zana an zirlai tibuai lo tura homework tihfel pui hmain, Serthlum Tui leh, Freddy-a dan takah Dâwt ka ei tir phawt.


Chumi hnuah homework kan ṭan ta a, Siamtea hian a pa a chhun a nih ka ring, a homework hi tihpui a ngai mang ṭhin lo.



Uluk theihtâwp hian Freddy-a ṭanpui a ngai. Rilru chak lo tak a rawn ni chho hian min ṭhawng.


School kal rual la ni lo Lal Fanu pawh hi, a rilru a chak vak dawn loin ka hre ta bawk.


School kal a hun hma hian Alphabet tih ang hi lo zirtir beuh beuh ila ṭha mai thei. Tv-ah leh Lehkhabu-ah Naupangin a zir theih awm ang hi ka thlirpui fo a, a man chak chuan ka hre ve.


Inthlan hi zo vat se, Sammy-a a pangngai ang a, a ṭha fel vek mai ang.


Zanriah ei laiin ka pain, "Sangpui, tunlai i zia hi a dang tlat, harsatna a awm em ni? Candidate aṭanga inhnukdawk tura vauna i dawng leh ta nge? I nu leh pa min hrilh duh lo a nih pawhin, i nupui tal i hrilh hre tur a ni. Misual ho kha engtin nge an awm zel tâk?", a ti a.


Sammy chu a ngawi ngal, ṭawng chhuak tumin a lang lo.


Hrehawm ka tih ṭum ber a ni ang.


Ka nu a khuh kharh, Sammy chu tihian a ṭawng chhuak ta a, "Kan Party chhungah inhmuh thiam lohna a awm hlek a, a la fel hleithei lo. Candidate zinga hminghliau ber ka ni a, inhnukdawk tura min duh an tam em avangin inhnialna a chhuak deuh reng mai. Hre lo ula ka ti a, ka mizia dang ta chu pawi ka ti lutuk, min ngaithiam dawn nia".


Tu te pawh kan thaw huai.


Ka pain, "Inhnukdawk theih hun chhung a zo tawh a, Campaign hun a inṭan chiah. Inhnukdawk tura duhtu che tam mah se; tilui zel rawh. Engtik aṭangin i thawh chhuah dawn?", a ti a.


Sammy-an, "Naktuk tuk leh aṭang khian", a ti bawl a.


A ṭawng chhuak leh tawh lo, ka pa lahin thu dang han zawh zel.a tum lo a, ka nu nen phei chuan 'ṭik' kan ti ngam lo hrim hrim.


Lal Fanuin a be buai reng zawk a, a zia.


Mahse, chu pawh ka zahna thlentu a ni. Ka pa nen tv en laia an inbia chu Lal Fanuin a bawh chung a, a be buai chhen bawk.


Sammy-an, "Lal Fanu, awm ṭha hle hle teh, Apu nen kan inbiak hi", chang deuh hlek hian a ti ta mai a.


Ka lo phu zuk, Lal Fanu lakah âw zâng vah leh nêm tak a hmang ṭhin.


Lal Fanuin a hlau lo, "Anuin inpawmtir reng tur chein min hrilh alawm". Sammy a ngawi reng.


"A nih leh, Apu nen thil pawimawh deuh kan sawi a, Anu lo va inpawmtir thung la tiraw?", Lal Fanu a kuah bet a.


Lal Fanuin a duh lo, "Anuin inpawmtir tlat tur chein min hrilh alawm, Apa, tv ka lo en char char ang", a ti leh.


Sammy chu ka melh ṭawk a, thil thar teh vak hmuh tur a awm lo.


Politics lo thildang avanga buaina a nei nge le?


Lal Fanuin min puan ta si a, zahthlak reuh mang e. Freddy-an, "Anu, lo kal teh", tiin min rawn au a, ka him hlauh.


Hmanhmawh lutuk tak maiin ka kal a, a thiam loh lai a sawi chu uluk leh muang fahranin ka hrilh keuh keuh.


Helh ka nei avang nimaw, zan dang aiin an zir zo hma ka ti tlat.


An hmatiam an thiam vek chung pawhin, "In la thiam lo, ennawn rawh u", ka ti ṭalh.


Ka nu a lo lut a, "In zo dawn tawh em? Mut a hun hnai e", a rawn ti a.


Dar kua a ri hnai reng mai.


Mutna siamsakin, Sammy leh Lal Fanu pawh inpawmin kawngka bulah an inchhaih nui ar ar.


Lal Fanuin min puan kher kher kha chu, zia lo thei em mai.


Sammy-an min chhaih zui emaw, eng thu mah a sawi lo. Politics avang chauha buaina nei a ni lo chiang alawm.


Biak theih pawhin a awm lo, Lal Fanu a kuah chial a, min mangṭha loin a chhing zui daih.


Sawifiah theih si lo hian ka na veng veng, chhungkaw hlim tak kan ni naa, nupa hlim tak kan ni thei ngai dawn lo a ang chho riau.


Lal Fanu nen Dawr kan tlawh, Hriati leh Nancy tan ei tur bakah, hlawh pek a hun tawh a, hlawh kan pe pah.


Lal Fanu an chhawnchhaih thiam a, a nui uar uar zel.


Lehkhabu chah ngai te min hrilh a, Lal Fanu u te pahnih School bân hun thleng Dawrah kan awm.


An bân hnaihah Dawr aṭangin kan chhuak a, "Lal Fanu, naktukah lo kal leh la aw", Hriatin a ti a.


Lal Fanuin nuam a tithlu ngang mai.


An bân rualin School kan thleng a, Manoi lo ding vang ka hmuh erawh chuan min tilawm tehchiam lo.


Kan inhmachhawn ta ran, Lal.Fanuin a Nu tih a hre tlat lo a, "Lal Fanu, Chibai ti rawh le", ka tih angin, nui sen sen hian, "Chibai le", a ti a.


Manoin a lawmna tihlan hreh tak chungin, "Chibai, i lo va lian tawh em!", a ti ve a.


"Phone-a i lo sawi kha", chutiang sawina hun a ni lo.


Siamtea leh Freddy-an Manoi nena min hmuh chuan an hamhaihin, tu bulah nge kal tur an hre dawn lo.


Manoi hnenah, "Siamtea leh Freddy-a an lo chhuak ṭep tawh, hruai haw tum lo la, thu ṭhalo hrilh hek suh. Saw lai aṭang sawn ka lo thlir reng dawn che. Phone-a ka sawi angin, ka fa te pawi khawihtu apiang ka zuah dawn lo a nia".


Min hmuh theih loh nan ka biru, chiang takin ka hmu pha vek tho.


Siamtea leh Freddy-a an lo chhuak ta a, Freddy-an a ngai a ni ang, a hmu chu a kuah nghal chung.


Siamtea thung chu a hawi kual ruai thung, Manoin an pahnihin a kuah a. Siamtean a kuah let ve miah lo.


Freddy-a thung chuang a kuah ngawih ngawih. Ka va lainat tak.


Chutih rual chuan, Manoi thiknain min tuam ve bawk. An ṭawng hre thei lo mah ila, an chezia aṭangin ka hrethiam.


Manoin hruai haw tumin an bânah a pawt a, ngai viau e ti loin Freddy-an a duh bau lo. Siamtea chu chiang sa.


Lainatna, huatna leh thiknain min tuam rawn a, che phut lo turin ka inthunun nasa viau bawk.


Ka rin loh lutukin Sammy-a a rawn lang tlat.


Siamtea leh Freddy-an an pan thuai a. An sawi ka hre thei si lo, kal kiang zawka ka ṭang chu â ka inti lutuk a.


Siamtea lu thing nawk nawk leh hawi kual ruai chuan min zawngin min nghah a duh tih a hai theih loh.


A nu ka ni a, hriat theihna keimahah a awm tlat.


Sammy-an Siamtea a sâwi hrep, pên khatin ka tawlh hma a, ka au chhuak ṭhelh a ni.


"Anu, a u te bulah kal tawh ila", Lal.Fanuin a ti chu, "Reilotê nghak ang aw", ka ti a.


Dik takin, va kal mai ka duh.


Motor chhungah Manoi a lut a, thuawih takin Freddy-a a lut mai. Siamtea erawh, a pain a nam lut, ani pawh a ṭhu lut a, an tlan chhuak chu a ni ber mai.


Ka phone a ri nghal thuai bawk, Sammy-a a ni a, chhâng rang tak ka ni.


"Aw, Sam?",


"Naupang School bâng hruai a ngai lo, ka lo hawpui ang",


"Sammy", phone a off daih.


Ka call let ngat, min chhâng ve mai bawk.


"Hello?",


"Sam, i lo sawi har em mai, School ka thleng tawh, lo kal duh suh. An classroom aṭanga an lo chhuah thuai ka ring, an nu leh pa nghaka la awm khawmuang pawh an la kat nuk", ka ti hmiah.


Dam takin ka sawi thei lo a ni e, ka âw kha a chang fak tih ka hria.


Tun ang hunah, dam taka ṭawng chhuah a har. Siamtea duh lo chung an kalpui khan min tidam thei lo.


Sammy-an, "Ka hruai tawh, in kan thleng ṭep, lo haw nghal rawh, Lal.Fanu i hruai tel em?", a lo ti chu, "Ka fanu ka hruai tel lohin, a u te pahnih School bâng kan hruai dawn alawm",


"Lalchhuanpui", phone aṭangin mi rawn vin nghek.


Manoi hmuhah min han vin ngam chu le.


"Sawi dik loh ka nei em ni? Ka fa te School bâng ka hruai", ka ti ngat.


"Ka hruai tawh, lo haw nghal rawh u", a thinrim mitmeng leh hmel awmdan ka lo hmuin ka tuar tawh a, tuna a awmdan tur mithlaah a lang.


Siamtea leh Freddy-an an Pa âw vin leh thinrim hmel an hriain an la hmu lo a, pawi ka ti.


Manoi hmuha min vin avang hian pawi ka ti zual.


Nui hul hakin, "Sam, dâwt dâwt sawi suh, an bâng chauh alawm. Inah haw zawk mai rawh, phone ka dah".


Min lo call nghal, ka nui hak.


A nupui hlui hmaah a inti huai hle mai maw? A nupui hluiin a chhuah chhiatzia hre hawt lo chuan!


Naupang an haw darh sang sang hlawm a, kan Sir hluiin, "Chhuanpui, i lo thleng chauh tihna nge?", tiin min rawn bia a.


"Good Evening Sir", ka han chibai hmasa tê tê. "Thleng chauh lo e, tihian, an bâng fel tawh em ni?",


"Fel tawh e, School an rawn kal tiraw? A pain a rawn hruai khalh che mile aw?", a nui vur vur.


"Hruai khalh lo ang, tunlai chu a buai thei lutuk", a mawiah ka han nui ve mai.


Nuih har tak a ni.


Sir chuan, "Sammy chu han bia la, nakinah, in nupain min lo la tlawh rawh u aw. Kan Zirlai hluiten min la ngaihsak reng tih hriaa in lo lan te hian kan lawm ṭhin a nia aw", a ti a.


"Lutuk ele, min nin rak khawpin kan lo la tlawh ziah ang che u", ka ti a.


Sir chu, a ngai tein a nui huah huah.


"Sammy chu be rawh, a lo hruai khalh che a ni ang. Chhuanpui, ka hawsan mai ang che u aw. Lal Fanu, bye bye...",


"Bye bye", Lal Fanuin a bye bye nasa.


Ka pawm ngawih ngawih, ka neihchhun takmeuh meuh a nih tak ber hi!


Sammy-a laka tihtauh ka duh avang hrimin ka haw tlai dawn.


"Lal Fanu, KFC i ei duh em?",


"Yesss, duh duh duh", a kut a phar chhuak a, a ha lang vekin a nui.


A biangah ka fawp ngawih ngawih, ka Fanu hmangaih leh duat em em. Ka chanvo a ni tawh a, tu min chhuhsak ka phal dawn lo.


School aṭanga hla fe kan kal hnuah Sammy-a hnen aṭangin call ka dawng.


"In haw tawh em?",


"Kan thleng daih tawh, khawiah nge in awm zawk?",


"Lalchhuanpui, dâwt sawi hlek suh. Khatiang thawm bengchheng lutuk kha-", a lo ti a, pawtchattu an awm.


Hmeichhe âw hian, "Sam, tu nge i biak? Victoria Secret thuama i duh ber min lo thlansak ta che", a lo ti. Manoi ngei a ni bawk.


Victoria Secret thuam maw?


Chutiang hre lo khawpa â ka ni bik lo e.


Thlansak turin a ti vei maw, a ngampat danah Sammy hian a khilai zauh ṭhin a ni phawt ang a.


Hmei min nihtir an tum vaih chuan, Man kan inhlan fel tawh a, Hmei ka ni thei lo.


A lo ṭhen tawh chu a Hmeiah a siam tihna a ni ang em? An pahnihin infiamna mualah min hnuklut ta.


"E he! Anu, i ṭap", Lal Fanuin a ti khauh.


Ka ṭap tih ka inhre miah lo.


Eng thu mah sawi loin phone ka dah zui hmak.


Khang hun chhung zawng khan bum ka ni tihna em ni? Sialsuka tawhsual te kha, ka ngaihtuah kir lo thei lo.


A nupui ni tafam chuan ka zui zel a, a thu hnial hi ka la nei mang lo. Ani chuan, min bumin, min uiresan tihna maw!?


Kawngpuiah ka mit tui a tla zawih zawih.


Sammy-an min rawn call ngat ngat, ka chhâng duh lo.


Lal Fanuin ka mit tui a kutin min hruksak, "Anu, ṭap tawh suh, KFC kan ei dawn nia. I ṭah chuan kan ei miah lo ang", a ti ve reuh.


"Lal Fanu, Anu thinlung hi maw, a na lutuk a. KFC tam tâwk ei ang aw",


"Anu, keiman ka lo tidam ang che. Doctor, mi thinlung tidamtu ka nih hi", pawisawilo, thinlung thianghlim tak hi chu aw...


Phone ka silent daih, Sammy-an min call nasa lutuk. Ka chhâng duh lo.


KFC-ah kalin, a dawrah kan ei chilh.


"Lal Fanu, puar tâwkin ei ang aw", a sa nêm lai sik thlain ka eitir.


Kan nufa chauh hian kan hlim a, tu dang kan ngai lo.


"Chhuanpui, i ni tiraw?", ding lamah ka hawi a. Ka High School kal laia ka Star pa a lo ding.


Awiii....


A biangsum pahnih lang ṭhatin a nui sun sun, "I nih ngei hi, ka lo ṭhu ve thei ang tiraw?", a lo ṭhu a.


A hmelṭhat tawh sa nen, a biangsum hian a tihmelṭha zual. Chuta karah, a ha ṭo thuah nalh lutuk tak mai hian a tipa hliah hliah.


Lal Fanu biang a piai zauh, "Fanu i nei hmelṭha mang e, nangmah ang chiah chiah a nih hi", a ti leh zel.


Min tikhûrin min tizâm a, thin a phu dup dup.


Ka la Star reng a nih hi!


"Nu nih i ngeih a nih hmel ve, i thau kung kung mai alawm. Fanu i nei hmelṭha si", ka va han zak tak aw...


"Fak derna mah nise, ka lawm lutuk e. Taitit",


"Va han mak ṭhin tak, nang tal chuan khatiangin min ko teh suh",


"An la ko reng che maw?", Lal Fanu ngaihsak ka ṭhulh chuang lo.


A hming tak chu Lalhriatchhunga a ni a, Taiṭit tiin kan ko ṭhin. Classmates a nih piahah, ka Star pa a ni a, High School kal chhung zawnga ka ṭhian ṭha tak a ni bawk.


Ṭhiante an Star ngai lo ti mah se, kei chuan ka Star.


"La ko reng e, ka chhungte takngial pawhin min ko tawh. Nupui hmu zo loin ka lêng ka lêng ta a nih hi", dawthei e.


"Dâwt sawi suh",


"Thudik alawm ka sawi, Taiṭit tia inkoh kher",


"I inhmeh", ka ti pek.


A nui ta mai mai. Ṭuaiṭit lam a tumna lamah Taiṭit a ti pek a, kan Mizo Zirtirtupain Taiṭit tiin a ko a, chuta aṭangin kan ko chho ta zel.


"Minister nupui i han ni ta mai chu a nia, a mak ngawt mai",


"Minister nupui ni em lo e", ka ni lo tak tak si a.


School kal lai te kan sawi a, kan nui bâwk bâwk.


Lal Fanu a chhaih pah zel a, Lal Fanu a lâi nasa thei lutuk.


"I hmelṭha e", a ti ta phawng a.


Taiṭita nui za lutuk leh lawm bawk si chuan a pawm tharh. Hmuhnawm dun tak an ni.


"Ka Lal Fanu i ni duh em?", Taiṭitan a ti a, Lal Fanu sen ṭawn ṭawn chu thlir ninawm loh a va ni chiang tak.


Lal Fanuin zawi sepin, "Duh", a ti a. A irh zui. A zak lutuk chu a hmai a hup.


Taiṭitan, "I puar tawh nimaw? Ice cream i ei duh em?", a han ti a.


"Duh", a kut a phar chhuak.


Taiṭitan, "I nu i chhun a, i duhawm ru tlat", min rawn melh zauh pahin a han ti a.


Ka lo lâi ve ringawt.


Chutah, Lal Fanuin, "Apa?", tiin ka hnung lam hawiin a han au ta mai a. Ka phu chiang lutuk.


Sammy-a chuan a hmaa awm apiang a rawn pal phei pawp pawp.


Taiṭita sawisa tura rawn kal a ang mah zawk.


Kan awmnaa a rawn lut chat chu, a mak reng reng.


Lal Fanuin, "Apa", tia a ban avangin Sammy chuan Taiṭita mal chung aṭangin a pawm sawn a.


Taiṭita nena kan inkarah kher a ṭhu bawk.


Dawhkan hnuaia ka mal a rawn hmer nghal vang vang mai a nih kha. Hmer na tak a ni.


Taiṭitan, "Pu Samuela ngei mai, hmaichhana ka hmu che chu nihlawh ka va inti tak", a ti a.


Chibai tumin a kut a phar chhuak a, Sammy-an a kut a phar chhuak lawk lo chu ngei tak ka ni.


Taiṭita beidawn hnu, a kut laksawn a tumah Sammy-an a chibai hram.


"Nihlawh inti tur khawp kan la ni hleinem", a ṭawngkam chu a dangzar mai.


Mi hmaah chuan nelawm thei ang berin a inlan a, kei, a nupui hian a nelawm lo tih ka hre nasa.


Lemchang thiam tak a ni.


Taiṭita chuan, "A tlai tawh em mai, ka hawsan teh ang che u. A nih u aw, Lal Fanu, bye.aw", a ti a.


Ka ding a, "I ngaihawm em mai, tluang takin le", ka ti ve bawk.


"Chhuanpui, la inbe ve zel ila tiraw? Classmates hlui zingah i ngaihawm ber", Taiṭitan a ti a.


Sammy thinurna a chawk tho tih ka hria.


Taiṭita min thlahna thu chuan min tilawm. Min bum man hi a hmu ve khawp ang.


Show post links
Top

[Ngaia]

Politician Nupui Hring Nun
Political Love Story_Fiction
Chapter-9
Ziaktu: Cck Lalchhuanawmi


Taiṭita min thlahna thu chuan min tilawm. Min bum man hi a hmu ve khawp ang.


Dawr aṭanga chhuaha in thlen thlengin a ngawi kar, a thinurna a lan chhuah loh nan a insum hram hram.


In kan thleng, zanriah kan ei nghal a ni mai a, ka nuin, "Phone min chhâng thei si lo, min timangang alawm. Sammy-an naupang a lo hawpui ta mai nen, naupang ho nen i lo haw turah ka ngai a, khawiah nge in awm?", a ti a.


Keiin awlsam zet hian, "Ri chhuak lo turin Yuotube enna lamah phone ka lo hmet palh daih alawm. Ṭhian hlui pakhat nen kan inhmu hlawl a, kan han inbe zui mawle. Sammy-an a sawi lo em ni?", ka ti a.


KFC dawra Sammy-a rawn lut chat kha hriat ka châk. Ka nu hian a sawi ngei ngei ang.


Lal Fanuin, "A hmelṭha lutuk", a ti a. A lâi chem chem. Sammy chu a thlêng bulah a kut a dahthla chawrh.


Ka pain, "Anuin ṭhiannu hmelṭha deuh a nei a nimaw?", a lo ti a. Lal Fanuin a lu a thing nawk nawk.


"Ṭhianpa zawk", Lal Fanuin a ti a.


"A fel lutuk, KFC min leisak a, min pawm vel. I nu angin i duhawm lutuk te min ti", Lal Fanuin a ti leh zel.


Sammy-an, "Chhuanpui, Bai kha suah belh ta che", lungawilo tâwkin a ti nghal.


A fanu thusawiin a tithinur hle a ni.


Ka nuin, "Sawi nang, amah zawk hi Police Station-ah kalin i awmna a zawntir mawle!", ka nuin a ti chu, Sammy-a ngawi ngal ka en phei thuai.


A va han ṭul lo mai mai tak.


"Fiamthu nan min hmang ziah suh, i sual em mai aw", Sammy chu nui sângin ka va ti a.


Min melh zawk ringawt.


Chutia ka tih avangin ka nu leh pa an ngaih a ṭhain, an khi ṭhaw.


Sammy te pafain an kalna an sawi miah lo chu, mak angreng tak a ni. Ṭawng thei ber Freddy-a pawhin eng mah a sawi lo.


Min hrilh lo turin an vobet a ni ang.


"Siamte, ṭanpui i ngaih hunah min hrilh rawh aw", ka ti a. A bu nghat.


Freddy-a chu lehkhazir lamah theihtawp chhuahpui a ngai, a bika enkawl a ngai a ni. Keimah ang chiahin chhiarkawp, Math leh Science-ah a chak lo.


Thu chhinchhiah tur leh note vawn tur te a tihlei thei thlawtlo.


Hetiang hi a ni ngai lo asin.


Tin, ni dang aiin an ngui nghiai unau mai bawk a, min hrilh duh chu an nei mawle.


An duhna ngeia min hrilh a nih loh chuan zawt lo ila a ṭha. Ka tiphawklek thei tlat dawn. Huaisen taka awm tura zirtir an ngai a ni.


A pi leh pu te bula mut Lal Fanuin a ngen tlat. A pa nena inhmuh thiam loh deuhna kan neih hi hre ruin, hun min pe ṭhin mawni?


A mak thei em mai.


Taiṭita hnenah ka number lo pe hman ila, a ṭha dawn asin le.


Zan danga ka tih ngai reng reng lohin, night dress ka ha, kawrhnuai leh kekawrte ka ha lo bawk. Zan dangah chuan pajamas ka ha ṭhin a. Sammy pawh hian a ha ṭhin.


Darthlalang hmaah ṭhuin night cream ka inhnawih hliau hliau a, ka nui deuh sen sen bawk.


Ngaih ṭha lo vuai vuai tak a ni.


Cream ka inhnawih zo a, ka sam hui chho pahin khum lam ka pan. Khum bang nghengin a lo ṭhu.


Min en reng tih ka hria, chutia khum lam ka pan chu a hma zawn a en vung vung daih. Phakar thiam ve hle a ni.


Puan ka inthawlh a, amah angin ka ṭhu, ka ṭhu âwn lo. "Sammy, dik lo a awm em ni? Party lam bawk nge?",


"Awm lo e, mu rawh", a thaw chhuak hawk a. A mu daih. Ka lamah ni loin saisirin a mu.


Min hnungchhawna a mu chuan min tina lutuk a, mit aṭangin tui a chhuak.


Thoin lehkhabu chhiar tur ka la a, pindan êng tihthim ṭhen ka tum lo. Ṭhu tho si mu chungin ka chhiar a.


Sammy-a che duh bau lo chuan a luhlul thawkhat tih a tarlang.


Keipawh, ka luhlul ve tho.


Tlaivarin ka chhiar a, Sammy-a a che eih lo. Tu nge luhlul zawk kan hre mai ang.


Dawra kal turin ka insiam a, ka ngaihsak duh lo. Lal Fanu ka siam zo tawh a, ka insiam malh malh.


"Khawia kal nge i tum?",


"Dawrah ka kal dawn", en loin ka chhâng. Ka chênpuina a rei tawh a, nimin aṭangin thinurnain a tuam hlup tih ka hria.


Nimina thu hla sawi chhuah hmasak ka duh lo, amahin sawi chhuak pawh nise ka sawipui duh lo.


Sammy-an, "Naktukah ka rualin i kal dawn", âw dam thlep thlawp hian a ti a.


"Hriat sa alawm", ti deuh hmukin, "Takah, Sam?", ka va hnaih a. A kamis kawrnghawng ka siamṭhat sak.


A nghawngah ka kuah a, "I", hrilhhai takin a meng phawk hra. "Ngai leh lo", ka nuih seih a. Pindan aṭangin ka chhuak daih.


Ani pawh a ngawi reng a, ngawih chuh a finthlak.


Dawr kan thleng a, Hriati leh Nancy ten min lo lawm thiam khawp. Sammy chu ngawi rengin a kal.


Hrehawm a tih loh phawt ahnu, hrehawm tih bikna tur ka nei lo.


Hriatin, "U Chhuanpui, Taiṭita i hria em?", a ti chu, "Hriatchhunga i tihna mi?", ka ti hû.


"Ni e, ka cousin a nia, i number min dil a, ka pe duh ang em?",


"A number min lo.pe zawk teh, niminah kan inhmu zuai a, number pek nachang ka hre lo pek alawm le".


Hriatin a number min pe a, zana biakah ka khêk. Hriati chuan, "Taiṭita tiin i la ko ve tho em? A duh lo thei lutuk, Taiṭita tih hi a inhmeh tawh tak tak a ni. A bialnu te ho pawhin Taiṭit tiin an ko vek", nui ar arin a ti a.


Taiṭita han tawn leh chu, pasal leh fa ka nei tawh si a, hmâna rilru a put theih tawh lo.


Hmâna rilru pu tawh lo chungin, lunglênna erawh a kaitho.


Ṭhian angin ka bia a ni mai dawn a, inthiam lohna tur em em a awm lo ang. Sammy pawhin a nupui hlui a la be reng tho.


A la kherawlaipui hial a ni lo'm ni?


Min uiresan hi ka ring phal thlawtlo. A chhan chu, uiresanna lo tuartu a ni a, a natzia hretu a ni bawk.


Chutiang min hriattir ve kher a duhin ka ring lo. Ka ring phal thlawtlo a ni e.


Zin chhuak tur kan ni a, kan insiam malh malh.


Freddy-an ka hnungah min bawh a, kal a ngen char char. "Anu, min hruai ve la, mawh?", tih bak a sawi lo.


Siamtea pawh ka bulah a ṭhu ngawi reng.


Freddy-a chu pawmin, Siamtea ka kuah a, "Nakinah chuan maw, ka tel loa in la awm a ngai dawn a, nangmahni tel loa kan zin hi inzirnan in lo hmang dawn alawm",


"Min kalsan dawn mi?", Freddy-a chu a mit tui a parawl kuang.


"Kalsan dawn lo e, kan zin ringawt dawn alawm. Lehkha ṭha tâwkin lo zir ula, kan lo haw har lo ang. Apu phone-in kan inbe ṭhin dawn nia", ka ti a.


An tel loa han zin ka hreh kher mai.


Ka ngai dawn lutuk em mai.


A pi leh pu bulah Lal Fanu chu a mu leh a, Lehkhabu ka chhiar tawh lo. Kan chhuak hma dawn si, chaw ei khama kal ve mai awm hi a nia.


Sammy mut hmunah lehkha eng eng emawni a en kual mial mial.


Be lem loin hnungchhawnin ka mu a, nizan avangin min runluih ve nimaw, a mu har phian.


Zankhuain ka meng a, chhunah Dawrah ka awm nen, ka muhil zui maiin ka hria.


Ka harh chuan Sammy a lo mu tawh lo.


Bathroom-ah thawm a awm thung. Dar nga leh a chanve a ni a, tlai chhe lutuk lo.


Bathroom kawngka a inkalh loh avangin ka hawng a, towel awrhin a ha a lo nawt.


"Min kaitho lo a",


"A la hma alawm", a ti ringawt. A kam a ṭhuah a, min la chhuahsan daih zui.


Dar ruka chhuah kan tih avangin ka intifel thuai thuai.


Ka nu leh pa an lo tho a, Nu Papuii lo thlengin thingpui min lumsak. Lal Fanu ka siam leh zung zung.


Siamtea a lo lut a, a rukin lehkha min pe, "Anu, Serchhip i thlen hunah chhiar rawh aw", ka bengah min hrilh ru nghe nghe.


Bag-ah ka khung ṭha tlat.


"Chhuanpui, in hman dawn tawh em?", pindan kawngka a lo kik kar kar, "Hman, kan lo kal e".


Kan nufain kan chhuak a, Freddy-a mit tui parawl kuang chuan min ṭhulhtir ṭhelh a ni.


Buangpui aṭangin Campaign kan lo ṭan chho ta a. Thlen in tur min ruatsakah kan innghat ṭhin.


Sammy-an puan bih tlat tura min tih angin puan ka bih char char.


Puan bih hi a lo mawiin min tizahawm.


Sammy chu thiam tak leh nui sâng chung zelin thu a sawi a. Kan nupa bikah thung chuan a ngawi tlat zel.


Lal Fanu nen an inbia a, a ni mai. Keiin zawhna emaw a mamawh leh duh emaw ka zawh hian min chhâng a, a tâwk der.


A ruk takin hrehawm ka ti, biak nêm duai duai erawh ka tum lo.


Hmanni mi kha sawifiah a tum lo a, a insawifiahna ka ngaithla duh hek lo.


Keiṭumah kan thleng a, chau tawh tak ka ni. Aizawla ka nu leh pa te nen inbiain, chanchin ka hrilh ve zel.


Sammy leh ka pa phei chu an inbe rei thei lutuk.


Freddy-a biak ai mahin, Siamtea biak ka huphurh ṭhin. Lainatawm hnup hnup ṭhin hian.


A lehkha min rawlhruk lah chu, chhiar nan hun ka la nei thei lo.


Ka nuin, "Sammy-a cousin Ngaia leh a nupui Venpuii an lo zin dawn a, in inneihnaah an lo kal thei si lo, campaign ṭanpui tur che uin an lo kal dawn a nih chu. An lo thleng har tawh lo ang", a lo ti a.


Tute nge an nih ka hre miah lo.


Ka nu bawkin, "Ngaia hi chu Sammy aiin a upa hlek, IPS a nia, tunah hian Rajasthan-ah an awm mek", a rawn ti.


IPS, Police maw?


Wow...a va han pui rem rem tak.


A nupui hming chu, Venpuii, kan hming tawpah 'Pui' a awm ve ve. Ka u miah lo ang, kan inkawmgngeih nghal ka ring tlat.


Lo thleng thuai thuai se ka ti mang e.


Keiṭuma awm lai hian Taiṭitan min lo bia. Zan dar sawm a ri tawh a, an nghahfak ber nupui a muthilh daih a mawi si lo.


Lal Fanu puaa âwia men kur a ngai.


Zingah thawh tlai a rem si lo, Sammy-an min kaihthawh a tum lo.


Ka ngei thei a nia aw...


Alarm ka set tawp zel, a nih loh leh, "Lal Fanu, anu hi kaitho ṭhin rawh aw", ka ti a.


Lal Fanu leh Alarm zarah ka mualpho lo mai mai zel a ni e. Dar sawmpakhatah kan mu fel thei chauh.


Mut mai ka han tum e, Social media-a kan chanchin min sawi dan ka hriat châk em avangin ka account hluiah ka let.


Fake account siam ka tum lo.


Sammy-an hria pawh nise, pawi ka ti lo.


Phone ka on a *Chhuanpui, Taiṭita, Hriatin i number min pe a, khiang min awisan mah la, induh hlen chuang lo teh aw*


A inngaitlawm fumfe lo, inzilhna thu te pawh a ang.


Min tihlim chu ka nui sen sen.


Sammy ka mitsir zeuh, a phone a lo en ve a, a khi vur vur. Dawn thlum bik hmel khawp mai.


Tihbuai ka duh, kei aia a hlim ka duh lo, "Sam?", ṭawng rin a thiang tawh lo. Vawihnih ka koh pawha min chhân duh loh avangin Taiṭita chu ka text let.


A online avangin min reply zung zung.


Taiṭitan *pasal i neih hnu hian i duhawm zual ka ti, Minister nupui i nih hi ka ring ngai lo, a mak tak tak. Classmates hlui inhmuhkhawmte hi nei ta ila, i ṭhat ber ka ring* a lo ti a.


*in pain a hriat chuan min that duh ngei ngei ang* a lo ti leh.


*that lo e, a thikthu a chhe lo lutuk* ka va ti a. *ka awih therte lo, ka sawi leh ang, Nu i nih hnu hian i nalhin i duhawm zual thlawt* nui thler duai emoji, leh zâwngte hmai hup nen min rawn thawn.



Duhawm min tih thu hi chu sawi tawh lo se ka duh.


Ka dinhmun hian a zir em a, lunghnur chiam ka tum lo.


Pasal ka neih hnua duhawm min tihna leh ka pasal thikthu chhiat lohzia ka sawi a, nu ka nih hnua nalh leh duhawm min tihna chu screenshot-in, caption-ah *ṭhian hlui biak hi chu, heti tlat zel* tiin, Status-ah ka hmang.


Number ka save tam lo a, Sammy-an a hmu hmasa ber dawn tih ka chiang bawk a, a en zawha delete ka tum.


Taiṭita number ka la save lo a, ani lahin a hmu thei dawn hek lo.


Sammy-an ka phone min rawn chhuh thut, a phihin a phih mah zawk.


Ka inring hman lo, "Sam, min lo pe teh", ka va ti ngat a, ka kut a vai sawn rang a nia.


Thinur lutuk tak maiin phone a chhû keuh keuh, status a delete chiang alawm.


Phone a thlêk vang vang, Taiṭita nena kan inbiakna a chhiar.


"Sam, ka phone kha min lo pe rawh", pindan chhungah awm ve ngei mah ila, pindan a inhnaih hlawm lutuk.


Sammy chuan min pe duh lo, a ṭhu chhuak phut a, ka phone a hmer ngawt ngawt.


A khabe tuai puata ka phone ṭhiah a tum chu ka dang, "Sam, eng nge maw i hriat le?",


"Sim card dang i hmang dawn",


"Ka duh lo, Victoria Secret thuam ka chah, Sim card dang hmang thei ka ni lo", a thinur alh chhuak lo chauhin, mitmeng lir hlarin min han en mai a nih kha.


Dik takin, a insawifiahna ngaihthlak ka duh.


Sammy âwm a insêp kâng awk awk, phone chu ka chuh thei ta a, a phelh darh hman ṭep a ni.


Taiṭita nena kan inbiakna bakah, Victoria Secret ka sawi khan a tithinur zual.


Fel takin ka mu a, Taiṭita ka mangṭha.


Sammy-a la ṭhu reng chu ka uksak duh lo.


Lal Fanu kuahin ka maimitchhing. A duh hunah mu rawh se.


Khum aṭangin a tho, khawiah tak kal ang maw tih ngaihtuah laiin, min kuai her lawpin, ka kut pahnih ka lu chungah a nawt bet a, ka dula min ṭhuttitin, rawn kun hniamin min fawp ngawih ngawih.


Pajamas ka hak chhana a kut lehlama ka hnute a hrawm nawk nawk chu, ka ke ka tawm chawih chawih.


A hnuah chuan a zen lut ta a, ka hnute chu a duhthalin a suasam.


Che thut a nih avangin ka kâ ka chip hman si lo, a leiin min hawl nawk nawk bawk a.


Âng zau ka inti lutuk a, Sammy-a hmui leh a khabe ka hmuamin ka hre tawh.


Ka tal vak chuan Lal Fanu a harh ka hlau a, pindan lehlama mi ten kan thawm an hriat ka hlau bawk.


Chuvang chuan ka tlawm ta a, ṭha takin Sammy-a ka chhâng let.


He hun hi ka lo nghah ruk a ni ve reng bawk a.


Ka kut a nawrbeh a thlah a, a kawr chhung ka zen sak ve.


A kap bawr ka dap a, a kekawr chhanah a lo puar luah mai.


Ka hmui aṭangin a hmui a la hrang a, ka thawmhnaw min phelhsak. Thinurnain a la khat tho.


Nupa nun châkna hmangin min sawisa dawn tih a hai theih loh.


Ka sensitive point chhungah a kutzungṭang a kawm lut zawt zawt. Hlauhnain min ṭan, a kutzungṭanga hnâng kai nuai chu a fawp a, mitmeng sen, ling hlara min enin mi han nuih suk mai a nih kha.


Tlanchhiatna tur ka zawng nghal char char.


A kutzungṭang kawm lut leh zawt zawtin, tlanchhiat dan tur ka zawng.


In hi a chhuat thing a ni a, carpet an phah. A ban hi chu Concrete a ni tho. Khumah chuan min chetpui dawn lo tih ka hre ru kar.


Min bawh ta a, sensitive point chhungah a lut ṭan.


Ka rilru a rawn na thut, Manoin Victoria Secret a sawi kha ka hre chhuak. Sammy nen nupa nun an hmang ngeia ka rinna leh rin lohna inkarah ka la awm chu a ni a.


Thutlukna siam fel lohin a la awm.


Ka chhunga a lut ang bawk hian, a nupui hlui chhungah a lut angin ka hre tlat a, ngaihruatnain a chhûi zui lehzel nen.



"Sam, min hrethiam teh, Victoria Secret thuam a lo thlen hunah nuam takin ka la hmanpui zawk ang che", duh lo sateh mah ila, mit tuiin min bual nghal.


Sammy chu ka nam sawn a, Bathroom-a kal tumin khum aṭangin ka tho.


Mahse, Sammy-an min pawm bet a, ka kut hnungkhirhin ka kâah ka kawr hnawh lutin, chhuatah min bawkkhup tirin ka hmai veilam a nawrbet ta mai.


Au vak ka tum a, "I au bengchheng a nih vaih chuan, kan thlen in tlangval nen ka sawi zawm ang che u", nunrawng ka ti lutuk chu, ka melh ṭawk ṭawk.


Ka chhip samah ṭhamin min nawrbet sauh, ka kut a thlah a, ka chhip sam a ṭhamna kut ka chelh.


A na lutuk a, ka lu a kawlh vek thei hial ang.


Sammy chuan a kutzungṭang a kawm lut leh zawt zawt. Bawkkhupa awm ka ni a, ka hnute awmdan a rem lo a, ka bek leh mit veilam a na lutuk bawk.


Chutah, ka sensitive point chhungah a thil sakhat a thun lut hrawih. Mit ka.chhing sawk sawk.


Dimdawina tel map loin min suasam ta a nih kha.


A ṭan(ṭang) apiangin ka chhip sam a ṭham na sauh zel bawk si a, chubakah; sensitive, taksa nêm lai tih takah, thisen a chhuah loha a kak loh chuan ka vannei hle a ni ang.


A zo har bawk si, ka hahin, ka chau. Ka beidawng a, tih theih nei si loin ka thinrim hlur mai bawk.


Ka dawh ta hle hle.


Sammy-a zo chuan min zangthal tir a, ka che eih lo. Ka kâ hnawhna la thlain, Ka dul zawnah a ṭhingṭhi a, min ṭham thoin, a thil sakhat berh niaih chu ka kâ chhungah a thun lut mai a nih kha!


Ka meng bial kâwk kâwk. Mit tui a sur nghal zung zung.


Vawikhat mai ni lo, ka sensitive point-a a lut zawt zawt angin ka kâ chhungah a thun zawt zawt.


Chhuatah tukkhum tauh chawrhin min thlah. Ka dawm nghal vawng vawng.


Ka sensitive point-a a thil sakhat a thun lut zawt zawt lehnghal. Hetianga mahni nupuite suasam ka la hre ngai lo.


A zawh leh hnuin, ka beng bulah a rawn kun hniam a, "Pasal thikthu chhe tak i nei tih hi inhre reng rawh", chu zawng chu a sawi.


A taksa berh lai te chu ka kâ hnawhna kawrin a hru a, intifel takin a va mu.


Chhuatah saruakin ka let tual mai.


Engtin nge ka awm zel dawn ka hre lo, ṭanpuitu ka mamawh.


Ka pasalin min suasam dan ang hian, tu pasal mahin an nupuite an suasamin ka ring lo.


Ka rilru na lutuk chu ka puak keh dawnin ka hria.


Bawlhhlawh leh tenawm ka inti ngawih ngawih.


Ka kâ chhungah kawr kha hnawh lehin, ka kutin ka hup hnan a, ri chhuak loin ka ṭap khûr zawih zawih.


Keiṭum aṭangin Serchhip kan pan leh ta, Serchhip hi 1, 2, 3 leh 4 thleng a awm avangin châm rei a ngai dawn.


Thenzawlah chuan kan inah thlen ngei a ngai dawn a, eng pawh thleng rawh se, a rualin ka haw tawh lo ang.


Ka chhungte bulah ka sawi vek mai ang, ka haw tawh lo ang.


Sammy chu huat tak têin ka hua, duhsak leh hmangaih takin a fa te enkawlin ka kuangkuah a.


Ani pawh ka theihna zâwnah ka ngaihsak ṭha hle. A thinrimna ka tuar a, kut thawh lo chauh khawpin min vin phar dawr dawr.


Khâwl anga min ngaiin a duh duha a herh kual theia min ngai ringawt hi chu, a tifuh lo chiang khawp ang.


Serchhipah duh aiin kan châm rei, nuih luih ngai ber hi a hrehawm.


Lal Fanuin kei tih loh a inpawmtir duh si lo. Chhungkhat laina an awm thluah avangin chaw ei tura kan thlen in aṭanga chhuah fo a ngai.


Sammy chuan min biak pawhin ka chhâng ṭha duh lo, a phakar thiam a, midang awm lai leh hmuhah hian min be kher zel.


Lal Fanu nen kan pathuma kan awm chuan ka chhâng duh ngai lo a, hei hi a hre kar.


Biak hi ka châk zawk zawk lo.


Thenzawl thlen thuai a nia ka duh tawh ni.


Serchhip-3 kan pan leh ta a, mahni in ngeia thlamuang taka awm bak thlakhlel ka nei tawh lo.


Serchhip-3-a kan awm laia thil thleng hi ka theihnghilh tawh lo ang. Mi huat hi ka nei ngai lo a, mahse; ka thinlung zawng zawnga mi vawikhat ka huatna a ni dawn, chu pawh, ka pasal ngei.


"Anu, a u ka ngai tawh e", a ngui ngiai mai a, a u Siamtea a ngai dawn lutuk.


Keima Pa lam aṭanga kan laina hnaite bulah zanriah kan ei dawn a, kan nufain kan insiam malh malh.


Sammy erawh chuan hun awl a nei thei lo. Khami zan aṭangin min khawih leh tawh lo, thisen a chhuak lo kha mak ka ti.


Taiṭita lah ka be tawh lo. Phone ka khawih lo tluk a ni.


Siamtea leh Freddy-a ka bia a, a ni mai.


Pindan kawngka lo kikin, "In inpeih tawh em?", a lo ti a.


Lal Fanuin, "Anu a la inpeih lo", a ti a. "Sen tâwka hnawihsen inhnawih a ni tawh mai", nui varin Lal Fanu sam hui ṭhain ka ti a.


Sammy chu rawn lutin a kawr a rawn thlak.


A hmuh lai ngeiin hnawihsen chu ka inhnawih ta a nih kha. Lal Fanu a awm avangin a che mai ngam lo.


Lal Fanu nen pindan aṭanga kan chhuak tur chu min pawt ding, "Pheikhawk bun tur min laksak teh", chapal bun ve mai sela mawle aw...


A pheikhawk bun tur la tura ka ṭhu hniam chu hnung lam aṭangin ka nghawngah min rêk. Chhuatah ka ṭhu thla.


"A na", tiin ka rak ṭhat.


Wipes-in ka hmui chu a rawn hru nghal nawk nawk. A kut phih thla chawrhin, "Duhtâwk rawh", namsawn ka tum a.


Ka khabe ruh kual a hmer vak, "Anu, eng nge a?", Lal Fanuin a lo ti a.


Sammy-an, "Lal Fanu, phone kha lo en rawh, Anu nen chawhmeh chungchang kan sawi lawk dawn", dam zet hian Lal Fanu en pahin a ti a.


Hriat theih chinah mi ka melh rum ṭum ber a ni ang.


Ka hawisawn duh lo, a mitah tak ka melh ran. Tihsual ka nei lo a, hlauh chhan tur ka nei lo.


"Nupui fel tak ang hian awm tum ve teh", a ngenin min ngen.


Ka nghawng a rêk tawh lo a, ka khabe a hmer tawh hek lo. "Tho rawh", Khuangpui nise, a thûm ṭha dawn lutuk.


Lal Fanu ka pawm a, Sammy phone chu vawmchhiat ka châk a nia.


Khum chungah ka thehthla ṭhuai.


Ka pu te in kan thleng a, a va han hrehawm tak.


Sammy nen min ṭhut duntir kher zel a, chhuanlam siam emawa ka han ṭhut hran pawhin Sammy bulah min ṭhut tir zel.


Hlim tak anga lan a ngai a, nuih deuh sen sen a ngai bawk.


Sammy anga lem chang thiam ka ni lo a, hrehawm ka ti. Ani erawh, Profesional takin a che thlap a, a dikin a fel zaih mai ni.


Chaw ei lai pawhin inlêng an awm.


Hetiang hian inthlanin boruak a nei ang tih lam reng ka lo hre ngai lo.


Dawra awm deuh chawt zel kha a ni a, vote thlak dawna chhuah kha a ni leh mai a.


Party hla hrang hrang a inpawlh niaih a, Party Au Hla hrang hrang nen. Mahni Party fakna leh, midang Party sawichhiatna nen.


"Tling mah se, eng a ni lo ang",


"Ani hi chu, kan khua atan a ṭha lo",


"Hemi Party hi an ṭha lo, an Party mi leh sa reng reng chu vote loh tur", tih te.


Sawi sen a ni lo.


Ka pu ten riak turin min ti mauh mai.


Mahse, kan thlenna te kha Serchhip-3-a chhungkaw hung tak leh thiltithei tak an ni a.


Tihlungawi viau an ngai.


Ka pu te ina zanriah ei tura kan kal pawh hi, an lawm tehchiam lo.


Sammy-a kutah sawimamna ka dah.


Thiam takin, "Zanriah tui tak min buatsaihsak a, a lawmawm lutuk ringawt. Nakinah, "In lo riak chhungkua peih em mai, em em che u hian", in tih thlengin kan lo la riak ṭhin ang. Tunah rih hi chuanin, rilru zau tak put kan mamawh tlâng a ni e", Sammy-an a ti charh charh.


Pehhel loin sawi mai se, kan riak a nih chuan lungawilo an awm dawn.


Nui sâng hian, "Zin theih hun lai a nia, rilru zau put ka duh lo. Kei chu, riah mai ka pawiti lo. Lal Fanu pawhin nuam a ti a nih hi, a khi ver ver reng mai. Ka pu, chhuatah pawh kan mu thei a nia aw. Mut pawh a chhuak tawh alawm", Sammy-a kalh zawngin, fiamthu pahin ka han ti a.


Sammy chu a intinui suk suk.


Nupui fel taka awm turin min ti a, ka awm nguar ang.


Min enkawl dan azir a ni mai, nupui te duat nachang hre lo chuan, nupui hnen aṭanga duat phût thei a ni hlawl lo e.


Ka puin, "Chutiang tur a ni ngai lo e, tun hun takah hian hmelma an insiam ngai lo. Hmelma siam hi a har lo a, ṭhian ṭha tak siam erawh a har thung. Remsanga sawi angin, rilru zau put hun tak a nih hi", a ti nghet charh mai a.


A dikna chen a awm nameuh mai.


Kei chuan duh tak têin riah ka duh. Sammy bula ka awm reng chuan, ka Thluak hnathawh hi a chawl thei mai ang.


Dar kua bawrah kan haw a, haw hma inti mah ila, sawi theih nei hek lo i.


"Khawiah nge i phone?",


"Bag-ah",


Lal Fanu ngaih a ṭha lo nge ni, "Anu, ngati nge khatiang khan i ṭawng a?", min ti a.


Ka âw a chhum bung ve bawk em a ni.


"Ngati mah ni lo e, ka mut a chhuak lutuk a", ka han ti a. Lal Fanu ngaih ṭha lo pawh a ṭha thuai.


Sammy chu a ngawi ran, Lal.Fanu a lo ban chu a kut ka vai sawn a, nghet lutuk tak maiin Lal Fanu ka kuah.


Lal.Fanu min chuhpui ka duh lo.


Thlen in kan thleng a, men rei a ngaih hmel riau. Kan awm loh pawhin an lo ṭhu khat vek niin.


An rapthlak ka ti lutuk a, mahni lo maha harsatna neih ruk sa nen.


Sammy-a nui hmel hmuh leh ṭawng dam lutuk ngaihthlak reng hi a khamawm zozai.


"Pu Sammy, zanin chu kan tan han zai teh", Nu ho lamin an ti mauh a nih kha.


A chhân dan tur ka lo ngaichang ran. A zai duh tak tak mai ang, a nupui tih loh tan te chuan eng tih pawh a inhuam.alawm.


Sammy chu a nui suk suk a, "Kan nu tan chauh zelin le", min rawn melh zawk a, ka hawisawn daih.


Lawm ai mahin ka ten tlat a nih chu.


Nupa nun min hmanpui dan kha a tenawm, khawi aṭanga a hriat nge ni dawn?


A thinrimna a hrithla a, khatiang lo zâwnga tih dan a awm. Thenzawl thlen hunah a hre khawp ang.


Nu ho chuan min han chhaih zui lawm lawm a, ninawm lamah a kal.


"A nih chuan, in nu tan han zai teh", an ti hlawm a.


Sammy chu a nui suk suk ringawt. Luak a tichhuak.


Nu ho chang ni lo, pa ho pawhin zai tura an tih sek takah, naupang ho inkhualtelemna microphone lem kengin, a hângin J&J-Inṭhen lo'ng a han thlawh vawng vawng ta a.


Rin loh lutuka a zai thiam lutuk chuan min ṭhawng ngang mai.


A titak si a, inring lâwk hauh loin ka luangliam!


Hmuhnawm ka ti a, a âw dam diai mai chuan min fan raih raih, tuna a âw dam diai hi ka hre ngai lo.


Ka tana zai a ni a, ka huatna zawng zawngte an bo duak.


Nu ho lawma au dur dur aiin, ka thinlung lawma au hi a ring zawkin, Sammy-an hre thei se ka ti mang e.


Mut hmain phone phawrh tumin bag ka hawng a, Siamtea lehkha ka hmu ta.


Ka la chhiar miah lo chu ka inthiam lo lutuk. Envelope-ah a inkhung thlap reuh a, Sammy-a hmuha chhiar chi loh.


Siamtea lahin a rukin min pe a, a ruka chhiar a ngai tlat.


Trolley mawngah ka dah, bag-ah a him dawn lo. Thenzawl thlen hunah, thlamuang takin ka chhiar ang.


Campaign turin kan insiam a, nizana a zai khan min la fan lutuk a, min muthilh ṭhattir thei lo nghe nghe a nih kha.


A chunga ka lungawi lohna te hre chang tawh loin, "Sam, vawiin chu necktie awrh lo ta che, Inkhawm tur angin i inchei zuarh reng a, kamis aiah tshirt nghawng nei ha la, smart shoe aiah puma pheikhawk kha bun rawh", Lal Fanu kawr hak tir pahin ka ti a.


Mak ti deuhin min en, a mak reng ang.


Nui hmel ka hmuh ngai lo a, ṭha taka biak ka la nei lo.


Tawi leh bung hmek hmukin ka chhâng ṭhin a, tukin ang hian biak a la ni ngai lo. Mak a ti pawh a awm reng.


A mak tihna hmel chu lawmnaah a inthlak thuai.


Ka biak a lo thlahlel ve hle ṭhin tih ka hre ta. A thinrimna a hrikthlak dan a ṭha lo tih mai a ni a, kha khan min tilungawi lo a ni.


A bak chu, lainatna chin ka nei ve tho.


Sammy chuan, "Min lo lak chhuah sak ta che, Lal Fanu i siam zawhah", a lo ti a.


"Min lo nghak lawk", bu nghatin, khum chungah a ṭhu.


Lal.Fanu chu siam thuai thuaiin, a thawmhnaw hak tur la chhuakin, khuma a ṭhu chu ka va pe a.


Pindan pawn aṭangin, ṭhenawm naupangten Lal Fanu an lo ko.


"Lal Fanu, lo kal rawh", an lo ti a.


Mak tak maiin Lal.Fanuin, "Anu, ka kal dawn", tih leh chhuah a rual daih.


A mak a nia.


Lal Fanu chhuah hnu chuan Sammy-an min pawt lawkin a mal chungah min pawm.


Ka nghawngah a hmui a nawr chap chap a, ka kawr chhung a zen a, kawrhnuai tawm chhoin ding lam a hup.


Hlauh ahnekin, min tizâmin zauthauna min pe zu nia!


Min khawih chu nuam ka ti a, min fawp turin ka duh ngawih ngawih. A nghawngah ka kuah a, ka kawr hak tawm chho lehin ka hnutê inkarah a hmai a phum.


"Sam, i sawi tur i theihnghilh ang e aw", a nui nghawr dat.


Pindan kawngka kalh a ni bawk si lo a, Lal Fanu emaw midang emawin an lo hawng thut ang tih a hlauhawm.


Sammy lu chungah khabe nghatin, "Sam, insiam thuai rawh, kan tlai ang. Lal Fanu ka lo va en ang e", a kut laksawn ka tum a.


Min thlah duh lo.


Pindan pawn lamah thawm a awm ṭan a, Sammy hming an lam ṭan bawk.


Chhuah vat a ngai a ni.


"Sammy, insiam thuai ila chhuak tawh teh ang, a mualphothlak lutuk palh ang e", ka tih pawhin min thlah duh lo.


Thawh ka tum a, min pawm bet tlat.


Zawi sup hian, "Min insiampui rawh", a ti a. "Puitling i nih tawh kha, Lal Fanu ngaihven ka duh. An lam ṭan tawh che", ka ti leh a.


Lo hawi chhoin, "Min insiampui dawn loh chuan ka bawhbet dawn che", a ti chu, "Insiampui dawn", ka ti vat vat.


Nui sukin ka hnar a piai.


"Hmar Lunglien, ka ei châk lutuk che", tih leh min fawh a rual.


Min fawp chu lawm tak ka ni.


Ka chhâng let rang lutuk erawh chuan min tizak.


Ka inla hrang a, "A chi loh em mai, insiam ang", thawh ka tum a, min dan(dang) tawh loh avangin ka tho thei tawh.


"Lal Fanu pawh i siam tho", a hmui a tipawrh kual vel a, a koki a sân ak ak.


A bân bula bêng hlakin, "Lal Fanu i ni hleinem, mahni fanu te an thik ngai lo",


"Keima'n ka thik alawm", a chal a tichuar nasa mai.


Tuk dang ang lo takin, tukin chu kan hlim dun kher mai.


A bikin ka hlim, Sammy chu ka ngaizâwng thar hi a ni ringawt.


Kan insiam zo kan chhuah dawnin mi han fawp leh phawt a. A kut a nghal dawn riau.


Ka nghawnga min kuahin, kawr chhung a zen bawk a.


A nghawnga kuah ngawih ngawihin keimah zawk hian ka fawp. Hetia ka kuaha ka fawp chung hian Sammy hi ngaih rukna riau ka nei tlat a, ka ruak ngawih ngawih.


Sammy lahin tawp a tum si lo, hreh tak chungin, "Sam, tâwk tawh, chhuak ang", ka ti a.


Dik takin, ka kham hlawllo.


Zauthauna damdawi ei ta ang maiin, ka pasal hian min khawiha min pawm bet tlat turin ka duh.


"Ni e, duhtâwk ang. Mahse, Victoria Secret thuam tih velah khan hriatsual a awmin ka hria. A ni em?", a rawn sawi chhuak chuan a ti ho zo vek.


Ka lawm hman tawh nen, a tibam ta vek.


Sammy chuan, "Hriatsual a nih kha, ka lunghlu hi ka phatsan duh chein i ring em ni? Phatsanna bakah uirena sual tuartu ka ni a, a natzia ka hria, ka tuar ang tuar turin tu mah ka duh lo. A bikin nangmah, ka fa te Nu i nih chhung chu tu mahin an tihnat che ka phal dawn lo. Phatsanna leh uirena sual tuar turin ka duh lo che a, ka phal bawk hek lo. Kal ang", a ti a.


Sawi ṭeuh mah se, Victoria Secret-ah kher kher chuan rin ngam harsa ka ti.


Zing hman dan a fuh em avangin, nilenga campaign hun hmaah pawh ka nui sâng reng.


Campaign hun zawng zawnga tihluihna tel loa ka nuihna hmasa ber.


Nuih luih a ngaih tawh loh avangin biangki a kham lo a, ṭhutnaah mawng a kham hek lo.


Kan laina hnai te ni lo aṭangin zanriah ei tura sawmna kan dawng leh mauh mai.


An awmna a fal deuh hlek nghe nghe, an in aṭanga in hnai ber pawh, kea darkar khat kal a ni.


Hmeithai an ni a, an eizawnna chu Lo neih.


Lo bakah Huan an nei bawk a, chumia an thar chhuah aṭanga intungnung an ni. In ṭha tak an nei a, an in bulah huan zau tak an la nei leh zel.


Zanriah ei tura min sawm ngam chu huaisen ka ti a, ka fak takzet zet.


Nu chhuanawm tak a ni chiang em!


Campaign-na aṭangin thlen inah haw leh phawtin, zanriah ei tura chhuak turin kan insiam a.


Ṭhenawm naupangte leh Lal Fanu an inkawmngeih phian. Serchhip-3 bika kan châm rei tawh dan hi.


Serchhip-4 hi engtikah tak kal thei ang maw?


Thenzawl thlen ka nghahhlelh em avanga châm rei inti ka ni pakhat.


Tlai khaw thim deuh vuai vuai hnuah, zanriah ei tura min sawmna te in kan pan ta a.


Sammy-an, "Lo tawlhphei ula, in ṭhu hla thei lutuk", ti pahin a lamah min pawt.


Ṭang eih loa ka tawlh hnai ve mai chu, ka inhaw(hua) letling. Nuam ka ti ang lawi a.


Awmzia ka awm lo tih ang vel a ni.


Sammy ka ngai thar riau hi hriatthiam har ka ti.


Sammy phone a ri a, "Aw, u Manun?", a tih takah, min sawmtu a ni tih ka hre mai.


"Kan lo thleng ṭep e. Aw, kan chhungkuain. Aw le, aw le". Phone a ak ṭha zui hmak.


Ka melh kar avangin, "U Manunin kan chin a hre duh a nih kha", a ti mai a.


Sawi zui tawh lem loin, tum ram kan pan.


U Manuni in kan thleng a, nuam tak hi a ni ringawt.


A pasal chu Sipai a ni a, Ram tana Martar a lo ni.


Tihian a sawi a, "Ka pasal hian ram hi a vei em em a, a pension hunah chuan Politics khelh ngei a tum. Mi dik leh fekfawn tak a ni. Kan ram tan mai ni lo, Serchhip tana hmasawnna duhtu a ni a, Party bila member nih a duh ngai lo bawk, mi dik leh ṭha nia ngaih chauh vote turin min chah ṭhin a. Politics khelh i tum si a, Party bil neih ngei a ṭul asin tiin ka fiam ṭhin. Chutiang hunah chuan Party bilah member kan ni ve tawh ang chu a ti mai zel a", u Manuni chuan a ti a.


A fapa upa ber chhungkua te nen kan nui dar dar.


Fa pathum an nei a, a fa te pahnih chu Phaiah an awm.


A fapain fa pathum a nei ve a, a Mo pawh a hmelṭhain a nu hnâp mai.


U Manuni.chuan tihian a ti leh a, "Ka pasal hming pawh Remsangpuia tho a nia, kan chhungkua hian a rukin kan ngainat phah hial che asin. Kan chhungkuain kan sawi ṭhin che".


U Manuni chu Hmeithai mah nise, Sammy aiin a upa tam lo ang, mi incheng vawng tak leh hmelṭha tak a ni.


A pasal chu la dam se, keima pa nen an inrualin ka ring. Chumi awmzia chu, u Manuni nen an inneih laiin a la naupang hle tihna a ni mai.


Fa nula leh tlangval.a neih danah a hriat mai.


Zep rual lohin u Manuni ka thik, Sammy a melh dan te chu, melh satliah a ni lo.


"A va lawmawm ṭhin em! In pa chu Martar a ni a, inchhuang hle tur i ni. Ram tana Martar ngam te hi chu, kei, ka ngaisang thei fu asin", Sammy-an a ti a.


U Manuni fapa pawhin, "A nia sin, mahse; ka pa ka chhuan ang thoin ka nu pawh hi ka chhuang. Pasal min neihsan thei dinhmunah a ding fo, keini pawh hian khawhar taka a awm duh loin pasal nei turin kan nawr fo a, min ṭulpui a thlang ta zawk chu a ni a. Ka nu hi ka fak ṭhin ngawt asin", a ti charh charh.


"Nu ropui tak i ni", ngawih reng aiah ka han ṭawng chhuak ve chu a ni.


U Manuni chuan, "Ka fa te hian hetiang dinhmun thleng tur hian min siam zawk a ni", a ti thung.


Siamtea leh Freddy-a ka ngaihtuah, Lal Fanu nen.


Ka fa te liau liau, an hluin ka hmangaih a, nun an tihlim a, anmahni avangin ka nuiin ka lunghnur a, anmahni avangin chak takin ka ding chhuak leh ṭhin.


Chaw ei khamah Thei ei pahin kan ṭhu khawm a, Lal.Fanu chu a ṭhianten an pindanah hruaiin an infiam.


Ka ngaihtuah lutuk ringawt, an tiṭap ang tih mawlh ka lo hlau.


Politics chungchang an sawi a, u Manuni chuan a pasal felzia leh ṭhatzia, inpumpekna leh a ropuizia sawi chamchi mah se, Sammy a beisei ru reng thung.


A pasalin a thihsan chu ka lo lawm.


Rilru ṭha hi a put theih thlawt loh a ni e.


U Manuni fapa an lo call a, "Nu, Huanah Kel a lut, Thlai a tichhe nual a ni awm e. Kel neituten min lo bia a, thupha an lo chawi nasa mai", a ti a.


"A nih chu, a va han pawi tak. Sammy, kan lo haw hma ang, min lo nghak rawh u aw. Chhuanpui, lo lêng reng rawh u aw", u Manuni chuan a ti zung zung.


A mo hnenah, min ngaihsak ṭha turin a ti a.


An nufain Scooty-in an inphur chhuak thuai.


An mo chuan, "In hnungah sawn ṭhutna nuam deuh a awm asin. Ka nu te an lo haw hma chu, pawnah te va intiharh ula", nui sen senin a ti a.


Ngaihno a va han bei tak.


"Naupang min ensak thei ang em?", Lal Fanu ka ngaihtuah em a ni.


Amah aiin an upa vek a, a naupang ber hi Siamtea nen an inrual, chutiang chu a ni.


Sammy nen in hnungah kan kal a, light awm lo mah se, in chhung êng tukverh aṭanga lo chhuak chu a tâwk hle a ni.


Sofa dûp nuam zet hi a awm a, chutah chuan ṭhu hle hle loin Sammy-an min pawm.


"Tukina ka tih châk deuh tihtheihna hun ka neiin ka hria", ka hnutê a khalh niap niap.


"Awm ang lo thei em mai", ti bawk mah ila, vawiin reng ka awmdan hi, zing aṭangin a dik tawh lo.


Sammy ka thlahlelin ka ngai ngawih ngawih.


Ka inher a, amah hmachhawn ranin a mal chungah ka ṭhu. A nghawngah ka kuah hle hle.


Ani pawhin ka hnung a chul kual ruai.


"Nizana i hla sak kha",


"Sawi lo teh", a ti deuh hlak.


"I zaithiam tih ka lo hre lo a", ka ti leh hram.


A zaithiam tih ka hre lo, a âw a damin a ṭha si.


Sammy chu sawipui hleithei a ni lo.


A ngaihtuahna hmun dangah a awm. "Sam, nizana i zai kha ngaihthlak nuam ka ti lutuk a nia".


"Sawi tawh suh, hun a uiawm. Thiam taka hman ṭangkai a ngai a nia".


Ka thlakhlelh em avangin min fawhna chu duhthawh takin ka chhâng.


Mi ramah kan awm tih hre chhuak thutin, "Sam, haw hunah ni zawk rawh se, mi in a nih hi, a mawi lo em mai", ka ti a.


"Engmah kan ti dawn lo, hlauthawng suh", a ti thâwp sup.


Ka thlakhlelh em avangin min khawihna chu ka hnar phal lo.


Sofa chungah min muttir a, ka bulah a ṭhu. Ka puanbih a phelh a, kekawrhnuai leh kekawrte ka hak chu, ka khup thlengin a pawtthla a, ka bawp a tikau hlek a, ka kawrhnuai leh kawr a tawm chho vek bawk.


"Engmah kan ti dawn lo i tih kha?",


"Tih dawn lo hi", a rawn kun hniam a, min fawp chu ka fawp let ngawih ngawih.


Mahse, mi in a ni tlat. Ka duh lo.


Sammy ka nam sawn a, ṭhu chhuak vatin ka inha ṭha sawk sawk.


"Chhuanpui?", ka kut a rawn man.


"Sam, mi ina hetianga mawi lo taka awm hi ka duh lo. In neitute an zahawm em mai".


Min dan(dang) tumna a nei ta bik lo.


Haw a rawt thuai thung.


In chhungah lutin u Manuni a bia a, ani pawhin a lo phal ve mai.


Lal Fanu kan va en a, a lo muhil daih chu niin. A inhlei deuh a, a hah hlek a ni ang. A mut hun a la ni tlat lo.


Sammy-an, "Zanin chu min hrethiam rawh, i hreh lo tiraw?", Driver bula a ti chu, Lal Fanu ṭhut luhpui tawh mah ila, ka hre thei.


Driver lahin, "Hreh lo e", a ti mai a. A kal nul nul.


Sammy chu Driver seat-ah a rawn ṭhu lut.


"Sam?",


"Short cut-ah kan kal dawn, a la hma sia, kan lêng kual dawn a nih hi", a ti mai a.


A nui suk suk si a, ngaih ṭhat lohna pawh ka nei lo.


U Manuni te in aṭangin kawng peng vei lamah a tlan a, hla a play bawk. J&J-Inṭhen lo'ng tih a la ni zui.


Hnung lam aṭangin Lal Fanu pawm chungin ka khi ver ver.


In pakhat ding ka hmu riai ruai tihah, kawng sirah a ding. Chhuakin ka ṭhutna lam kawngkhar a rawn hawng.


"Lal Fanu kha muttir la, lo chhuak lawk la".


Lal Fanu ka mut a, Sammy-a kawrlum ka sintir.


Hla a la play reng a, êng a tithim chuang lo, kawngkhar chu dim takin a khar a. Hmalamah min kalpui.


Motor hmaah min dinpui a, a chungah min ṭhuttir, "Mi inah i duh si lo a, hetah hian aw",


"Hetah pawh hian ka duh lo, inah ka duh zawk",


"Keiin ka duh lo".


Chimawm lutuk tak maiin a nui khiah khiah.


Ka ṭhutna aṭanga tawlh thlain leiah ke ka nghat.


A ngai tê bawkin, ka puan phelhin, ka kekawrte khûp thlengin a hnawl thla a. Ka kawrhnuai leh kawr a tawm chho leh vek.


Amah thlakhlelhna leh zauthaunain min tuam nasa lutuk a, ka vâi ruai ruai.


Ka hmui a bawhthuah reng avangin a nghawng ka kuah chawt. Ka thlah phal lo.


Ka sensitive point bawr a kheuh neuh neuh a, chu chuan mu leh mal min hriattir mang lo.


A hnuah, a kut zungṭang a kawm lut leh zawt zawt.


Nawmna nasa lutukin min man a, nupa nun châknain ka tuihâl nghal hluam hluam.


Mahse, kan awmdan chu nutling leh patling awm dan tur a ni lo.


Sammy kut ka man, "Kan awm dan hi a mawi lo em mai, duhtâwk ang", ka beng bulah, "Vawrtawp i thleng ṭep tawh, a rei tawh lo ang", a ti sup.


A sawi dik, a vawrtawp ka thleng ṭep.


Kan awm dan erawh a mawi lo, mawi lo tak a ni.


"Sam, kan pahnihin vawrtawp thleng ang", a châk ve tho. A taksa aṭangin ka hre thei.


Ka beng bulah bawk, "Hun a la awm alawm", a ti mai.


Mawi lo viau mah se, a vawrtawp ka thleng. Wipes a lak chhungin ka lo inha ṭha.


A lo thleng a, min inphelh tir leh a, amahin min hru fai.


Ka inha fel ta maw tihah, ka nghawngah mi han rêk nghek mai a nih kha.


Min thlah hnuin leiah ka ṭhu thla hnawk a, ka nghawng dawmin boruak ka hip lut ṭeuh ṭeuh.


A rawn ṭhu hniam a, "Chhuanpui, mipa dang i biak ka phal lo ka tih kha, a bik takin, High School bialpa ngat phei chu", ti pahin motor-ah ka chal mi tauhtir chawrh.


A na lutuk chu ka chal ka dawm vat.


Ka nghawnga min kuahin ka kut a la thla a, ka hmui a hmer vak. Min thah duh mai hmel a pu.


"I rilru leh thinlungah keimah chauh ka awm tur a ni. A chiang em?", min thlah dul deuh a, "Ka fa te chauh an awm", ka ti pek a.


Na lutuk tak maiin min fawp.


Ka lei a seh chu ka tal vak vak a, a taksa hmun rem lai laiah ka chum, min thlah chu, ṭap chungin, "Ngati nge hetianga i awm ṭhin? I eng pawi nge ka sawi a, heti taka min tihduhdah?", ka ti a.


Lainatna tel miah loa nunrawnnaa mi melh chhuk ngur chu hlauhawm tak a ni.


Ka mal dinglam hmer vakin, "Min uiresan turin ka duh lo.che", hei bawk chu.


"Ngati nge min rin theih loh? Nangmah zawkin a nih kha min uiresan, i nupui hlui nen nupa ang chiahin in awm fo a ni lo'm ni?", ka ti chiah chu, motor-ah min tauh leh chawrh.


Ka nghawngah min rêk lehin, "Fiahna i nei em? Thu chiang i hriat loh chuan sawi mai mai suh. I High School bialpa nena in inbiakna khan min tina lutuk. Chhuanpui, bum hi ka nuam viau em ni? Ngati nge, Ka thinlung hi infiam nana min hmansak ṭhin?", lungchhe takin a ti a.


Ka mit tui a luang ngiai ngiai.


Min thlah a, thâw kâwk kâwkin, "Bialpa ka nei ngai lo", ka ti thei hram.


En pawh ka en duh tawh lo.


Motor pakhat hi lo tlanin ko pang a su nghek leh nghal.


Mi panga an lo chhuak a, Driver ka hmu chu ka meng phawk chiang lutuk.


Driver bula mi.pali te chu Sialsuka min lambuntu te an la ni.zui.


An lo hnai zel a, mi.pali te chu Sammy-an a han sawisa ta tak tak mai a nih kha.


Driver a ding ngawi reng.


Sammy-an ka chhip sama min kektu chu a kawr nghawnga ṭhamin, "Ka nupui khawihtu kha i ni tiraw? Khawih turin ka ti che em? Thu hmanga vau turin ka ti ringawt che a nih kha?", tiin a hnek thlu ṭhuai.


Ka ṭhut hmunah, "Sam", ka phun sep.


Ama lo duan lawk vek tihna maw?


A beka vawtu kawr nghawngah a ṭham leh, "Duh aiin min vaw na mah mah a ni, min tihlum ṭhelh a nih kha", tiin a hnek thlu leh ṭhuai.


Ka hlau lutuk chu motor nghengin ka tawm chawih chawih.


Ramsa kawlh ang maiin a che buan buan.


Thinrim takin min vinin min ânkhum a, tun ang renga a che erawh ka la hmu ngai lo.


Ka hlau, ka hlau lutuk.


Mi pali chu an tlu thal pheng phung, tho chhuak tur an awm lo. An vial ngawih ngawih hlawm vek.


Manoi thiltih turah ka lo ngai a. Min tithangtlawm kher mai.


Sammy chuan, "Tu hnenah nge Zothangmawii hming lam ri turah ka tih kha?", a ti a.


Keimah hi min rawn vit sawk ni ber.


Pakhat a bân a phar a, a phih tho, "Engvangin tun thlenga a sawi chhuah loh, i lam ngei maw?",


"Lam ngei e, ka lam chiang lutuk, dâwt ka sawi lo", hlau tak leh khûr hlawk hlawkin a ti a.


Leiah a paih.


Manoi hming lam turin a lo hrilh lawk sa diam, Manoi thiltih anga ka ngaih theih nan.


Manoin inrawlhna a nei lo. Min va tizak tak em!


Sammy chuan min lo pan a, ka ṭhu tawm chawih chawih.


Ka biang a rawn dawm a, "Ka bungraw duhtak, kumin chu MLA dinhmun min luahtir ang tiraw?".


A mitmeng, a hmel leh a nui te chuan min tap hluah hluah.


Mak tak maiin Police an lo kal.


Police bakah mi an lo pung khawm ṭak ṭak.


Lal.Fanu chu Sammy-an min pawmtir a, ka chal thi hnuang Lal.Fanuin a hmu chu min kuahin a ṭap tawh.


Sammy chuan heti hian a ti a, "U Manuni te inah zanriah ei turin kan kal. Driver hi a chauh ve theih em avangin ka haw hma tir a. Keini pawh kan haw har lo. Short cut-ah hian kan lo kal a, hemi te hian a hmaa an lo tih dan ang bawkin min lo lambun leh ta a. Ka nupui an khawih bawk nen, ka thinrim insum zo loin hetiang hian ka lo che ta mai a ni e. An lo tlan lah khan, in hmuh ang sawn ko pang an su lehnghal".


Chanchin Thar hmun tinah kan chunga thil thleng chu chhuah chuai chuai a ni.


Serchhip-4-a kal tawh loin Thenzawlah kan awm.


Aizawla ka nu leh pain min ngaihtuah hle mah se, naupang exam a hnai tawh a, School chawlhtir a rem tawh si lo.


Lal Fanu kuahin ngawt ngawt.


Bungrua chu ka ni ta ngei mai.


Inthlanah Sammy chu a tling chiang khawp ang le.


Sammy chu rawn mu thlain min kuah a, ka hlauh em avangin ka che ngam lo.


"Naktukah kan haw dawn si a, tui takin muhil rawh aw, ka nupui duh tak", ti supin, min fawp a.


Chhungril a khur dar dar.


Ka kawr chhung zenin ka hnutê a ṭham a, "Mut tui", ti lehin, a kut chhukthlak tirin, ka kekawr chhung a zen.


A hmaa ka lo tum tawh angin, Thenzawl aṭang chuan zui haw ka tum tawh lo.


Ka chungah eng pawh thleng se, ka pain min vuak a tum pawh a ni thei, ka zui haw tawh lo ang.


Mitmu na urhin ka tho a, Lal Fanu a harh ve avangin, Sammy kut la chhuakin ka thawhpui.


Chaw ei khamah kan chhuak dawn. Ni tak, Sammy chauh a let dawn.


Ei rawngbawl zo tawh si, chaw ei hma têin Trolley-ah Sammy thawmhnaw chauh khung tumin ka hawng a.


Siamtea lehkhathawn a lo let bal mai.


Ka han chhiar ta a, thu tam a ziak lo.


Chhiar zawh rualin dan rual lohin mit tui a sur nghal zung zung.


***Anu, Apa nen in inṭhen hunah khawngaihtakin Lal.Fanu leh Freddy te nen i bulah min hruai ve rawh aw***


Haw ka tum tawh lo asin mawle.


"Anu?", Lal Fanu a lo lut thut a, ka hnungah min rawn bawh, "Eng nge ni Lal Fanu?", mit tui hru thuak thuakin ka han ti a.


Lal Fanu chuan, "A u te ka ngai tawh e, a u Siamtea bula mut leh ka duh tawh roh", a ti reuh a.


Ka haw loh chuan, Siamtea leh Freddy-a te chu Aizawlah an awm dawn a.


Loh theih lohin ka bulah Lal Fanu.


Ka kalsan thei dawn lo.


Lal Fanuin a u te pahnih a ngaih thu a sawi mauh mai si a.


Ṭap chungin ka nufaa thawmhnaw chu Trolley-ah ka han khung leh mial mial.


Aizawl kan thleng a, Siamtea leh Freddy-an min ngaihdan chu sawi hian a fiah zo lo.


Kei tehlul, an pa bungrua mai mai min ngaia, min thlahlela min hmangaihtu te hi, ka kalsan thei bik lo a ni.


Anmahni chauh chu ka dam chhan an lo ni ta.


Ka fa te an ni a, an ni kumkhua tawh ang.


Inthlan a ni ta a, Serchhip bialah Vote sâng filawr lakin Sammy a tling ta ngei mai.


Sammy chu MLA a ni ta e.


Kei hian MLA dinhmun ka luahtir.


Sammy-a tlin lawmna karah mi pahnih lungchhia kan awm.


Tu dang an ni lo, nufa pakhat, kei leh Siamtea.


A tlin theihna chu a dik lo, pawisa hmanga vote zawn ang tho a ni. Ka lawm thei thlawt lo.


Siamtea thung chuan, a pa nena kan inṭhen a hlau. Chumi avanga lungchhia a ni a, a pa tlinna a lawmpui thei lo.


Hei erawh ka chiang, engtikah mah Sammy hian min ṭhen dawn lo.


Kan chhuahsan tawp te a nih loh chuan, kan inṭhen ngai lo ang.

a hnuaia fakna lam milem khu vawi khat chiah min lo click sa ve zeuh la, kan lawm ngawt ang


Show post links
Top

[Ngaia]

Politician Nupui Hring Nun
Political Love Story_Fiction
Chapter-10
Ziaktu: Cck Lalchhuanawmi


Hei erawh ka chiang, engtikah mah Sammy hian min ṭhen dawn lo.


Kan chhuahsan tawp te a nih loh chuan, kan inṭhen ngai lo ang.


Sammy cousin Police nupa chu kan bulah an awm ve a, ka nu leh pa an la haw lo bawk.


An inkawmngeih nupain, an inngaihsak tawn ve ve a, ka awt thei a nia aw...


Accident kan tawh lai ti ila, accident lem a ni zawk mah. Chumi lai bawrin an lo thleng a.


Kan accident tawh dan u Venpuii pasalin zawh min tum apiangin Sammy-an thu dang a lo rawlh ziah.


U Venpuii pasal, u Ngaian chhûi ṭhat a tumin Sammy-an a phal tlat lo.


Ka nu leh pa pawhin, "Ni e, Police fapa kan nei reng alawm, chhûi ṭha ngei ngei rawh se", an tih pawhin, Sammy-an, "A fel vek tawh, hun kal tawh a ni a, thar thawh a ṭul tawh lo", a ti tlat.


Sammy nen kan inkar ṭhat lohna thup hram hramin, mi hmuha a bula ka awm pawhin amah ka hlauhna ka dah bo hram ṭhin.


U Venpuii te nupa chu an fel em em a, an bula awm a nuam. U Ngaia erawh, ngawi rengin a nui ve suk suk chauh.


Mahse, u Venpuii a ngaihsak dan leh a duat dan chu, awh tham a ni.


Ka nu leh pa te thlah pahin Hnahthialah kan kal ve dawn a, MLA tlin lawmna ruai khawtlangin min buatsaihsak an tum.


Sammy-an min hrilh zanah, "Naupang School chawlh hma chu, zin chhuahpui ka duh tawh lo, i duh chuan kal rawh, kan nufa chuan zui che kan tum lo", ka ti hmak.


Huaisen taka awm ka tum tawh a, ka awm reng bawk ang.


Kei leh ka fa te ṭhatna tur chauh atana thawh ka tum tawh a, theihtawp ka chhuah ang.


U Venpuii te nupa chu châm rei lo hle chungin, an haw a hun ta mai a.


Dik takin, u Venpuii biak ka kham lo.


An haw dawn zanin, kan pahnih chauhin titi theihna hun kan nei hlauh mai a.


U Venpuiin, "Chhuanpui, Serchhip-a in accident tawh kha a der a ni tih ka hria a nia", a ti mai chu, marble tiat tiatin ka meng bial kâwk kâwk.


"U Venpui?",


"I u Ngaia hi Police zingah pawh fing leh remhre tak a ni tih i hriat kha, tin; Police hna hi a lo thawk rei ve ta a, Vai rama tal tam a ni bawk a, kan chezia leh mitmeng aṭang ringawt pawhin a hre thei tawh. Khami zana thil thleng dik tak min han hrilh teh", Police nupui a ni bawk a.


Min dâwp hi a ang ber.


"Sammy-a sawi ang khan a ni mai, a hmain anmahni khan Sialsukah min vo tawh a, FIR kan thehlut nen, phuba an la a nih ka ring, tifuh lo chai chai tak erawh an ni", ka nui lui hlek bawk.


Chutia Sammy ṭan zâwnga ka ṭawng chhuak ta mai chu, mak ka inti lutuk.


Thil thlen dan engkim hrilh vek tur ka ni a, Sammy-an min nghaisak dan zawng zawng sawi chhuak vek tur ka nih vei nen.


Ka inngei hluah hluah.


U Venpuii chu a nui a, "Kan pasal te hi eng anga sual tak pawh nise, an sêlna kan hriat erawh chuan kan ṭanin an thlavang kan hauh hlur hle chu a nih hi tiraw?", a va han sawi dik tak em aw...


Sammy suahsual tukkhum pâwn, u Ngaia hmangin ka tuk lawl thei.


A thlavang hauhin ka ṭan bur chu a nih si hi!


U Venpuii bawk chuan, "Kan lo thlen hma hauhin, Sialsuka buaina in tawh aṭang khan i u Ngaia chuan dik lo a awm niin a hre tawh. Nangpawhin i hria ang, khatiang kha chu Vai ramah thleng se a inhmeh tâwk chiah", a ti a.


Ka khi sâwng ringawt.


"Kan lo thleng a, i pasal i hlauhna leh a bula awm i pehhel char char dan te kha, kei aiin u Ngaian a man chak zâwk. Sammy-an eng mah a sawi ṭha duh si lo. Mahse, lungngai miah suh, i u Ngaian a zilh hrep a, "Tun ṭum chu ka mit ka hup ang a, a lehpek a awm a nih ngat chuan Chhuanpuii chet hmain ka che tawh ang", a tih kha. Ngaihngam deuhin awm la. Nangpawh, huai takin awm rawh, thil dik loah chuan pasal te ngei pawh nise, hremna pek hi a pawi reng reng lo", a thiam ang tâwkin u Venpuii chuan min fuih sauh sauh a.


Ka lawm asin aw...


Hetiang hi ka duh fo ṭhin, u Venpuii te lo zin chu ka lawm ngei mai.


U Venpuii nu leh pa te inah an nupain min kalsan ta a, an awm lo chu a ruak huai mai.


An ngaihawm lutuk ringawt.


Ngawi renga nui suk suk u Ngaia a ngaihawm zualin ka hria.


An haw tak tak dawnin min lo kan zawk a, u Venpuii chu ka kuah vawng vawng.


Number te kan inpe.


Airport thleng ka thlah ve thei lo, Sammy pawh a kal thei bik lo. U Venpuii nu leh pa bakah, a ṭhiannu Nghetpuii, leh ka nu leh pain an thlah.


Rajasthan-a an kal ṭul tak têin a ṭul tawh a, u Ngaia te khua Shillong-ah takngial pawhin an kal thei tawh lo.


An thlen ve leh u Venpuiin min lo bia a, tluang taka an thlen thu hriat a nuam lutuk.


Ka nu leh pa te haw pawh a lo hun ta a, "School chawlh fel hma chu chhuahpui ka duh tawh lo, an zirnaa an tlakhniam ka hlau", ka ti a.


Sammy ngaih dan a nih leh nih loh ka hre lo, eng mah a sawi si lo a.


Ka nu leh pa pawhin pawi an ti lo, hun eng emaw ti lai khan Siamtea leh Freddy-a ten School an chawl zing hlek.


Politics avanga chawl an ni a, Media hrang hrangah naupang pawisawilo pawhin sawisel an hlawh, School-ah lah naupang ṭhenkhatin chhaih an ching kher nen.


School chawlh tak takah lo chuan chhuahpui ka tum tawh lo.


Ka nu leh pa, leh Sammy-te chu an kal ta a, kan nufa zain Inah kan awm.


Noodles leh Kimchi ka lei ṭeuh.


Freddy-a lawm lutuk chu, "Noodles leh Kimchi ka ei châk tawh lutuk", ṭah nuih chungin a ti a.


Dul na urh khawpin kan nui.


Sammy kal bo zan chu, kan nufain kan hlim a, kan puarin kan fân bawk.


Ka nu zawk ka call a, "Hnahthial thlen hmain Serchhip bial kan fang lawk a, kan thleng har ngawt ang", a lo ti.


Serchhip bial an fang chhuak a, Thenzawla ka nu leh pain, "Ngati nge i lo zui ve loh? Nupuite awm dan tur a ni lo, khawhar takin i pasal i awm tir a, ni dangah chuan ching tawh ngai suh ang che", min lo ti zêk.


Naupang School chawlhtir ka duh loh thu sawi mah ila, "Chutiang chhuanlamah hmang hlek suh, ni dangah chuan ching tawh suh ang che", min lo ti tho tho.


Ka duh lo a ni ve mai a ni.


Tin, Sammy-a lak aṭanga chawlh hi ka mamawh.


Hnahthialah pawh Ruai an lo buatsaih chuang lo. Ka nuin, "In nufain in awm dawn si lo a, Samuel-an a hnial ta a nih kha", a lo ti a.


Ka nu chu, a lawm vak lo tih a hriat.


Lawm lo pawh nise, a awm tho. Ngeng ṭalh tawh dawn, Sammy-a phei chuan ka sualna hlir a hmu ang.


Chhantu ka nei ṭha tawh em mai a, u Ngaia a awm alawm le.


Sammy-a ka be ṭhai lo, ka nu char char ka bia. Ka nu hnen aṭangin engkim ka hria.


A fa te nen an inbe char char thung a, "I nu ka lo bia", a lo tih hian, "A inthiar ti rawh u", ka tih loh leh, "Dawrah a kal ti rawh u", ka ti ṭhin a.


Ka be duh lo hi, naupang hnenah chhuan lam ka sawitir ṭhin.


Nuihzatthlak hian.


Sammy pawhin a tilui bik lo. Min lo call a, Siamtea leh Freddy-a an awm loh chuan, Lal Fanu ka biak tir hrep zel.


Ani lah hian, a pa hi a ngai kuang kuang thei em. Min biak a duhin chhuanlam ka siamtir zel si a, a lo thaw ring thei a nia.


"Thlen la lain a lo.phei nghal", ka nuin a lo ti a, peih hi ka ti khawp a.


Rei deuh châm se tih nak laiin, "Chhuanpui, in inhau deuh em ni? Min hrilh tawp rawh, i lamah ka ṭang dawn alawm, ka hau ang", a lo ti chhuak hlawl a.


Ka nu ka lainat asin aw...


Ṭha takin, "Ka nu, inhau lo e. Kum nga tehmeuh a la awm alawm", ka ti a.


Phone kaltlanga inbia ni mah ila, ka nu ngaih a ngam dawn lo tih ka hria.


"Nu, naupang School chawlhtir ka duh loh avangin a nia, an chawlh hunah kan lo haw dawn tho a", ka ti leh a.


Ka nu ngaih a ngam ta deuhin a hriat, "Ni e tiraw, in inhau emaw ka ti a. In inhau a nih chuan min lo hrilh vat dawn nia aw", a lo ti chu, "Aw le, ka lo hrilh dawn che nia", ka ti a.


Hrilh ta ila, a hau tak tak ang em le?


A hau ngeiin a rinawm.


Sammy hian, engvanga MLA tlin nana thil ṭha lo lutuk tak a tih mai le?


MLA nih te chu tu pawhin an duh ang, kan tlin leh tlin loh tur erawh chu Mipuite kutah a awm.


Tling theiin a inhre ngang lo ang a, hetiang lemchanna a kalpui ta mai chu a ni a.


Pawisa nena vote zawn aiin a tenawm.


Keimah vanga tling chu a ni ngei mai, ṭha taka hna a thawh loh chuan a nihna dik tak ka hailang a ni mai.


Eiruk maw, a thawi pawha hriat a nih chuan, a nasa lo khawp ang.


A lo thlen chin zawt tur pawhin Siamtea ka biak tir.


Siamtean an inbiak zawh hnuin, "Anu, Apain a hau che mi?",


"Hau lo e, zanah kan inbe nasa thei lutuk alawm",


"Dâwt i sawi", a ti mauh mai.


Fapa fing neih hi a manhla dawn nge dawn lo?


Manhla tur chu a ni.


Siamtea lehkhathawn kha ka dah ṭha tlat, a pa a hmangaih a, kalsan a duh lo tih ka hria. Mahse, a chhe ber thleng ta ila, a pa aia min hmangaihna ai mahin min lainatna a tam zawk avanga khatiang lehkhathawn ziak a ni.


"Siamte, a lo haw hunah a fel vek mai ang", ti mah ila, dik takin; a ring hlawllo.


"Aw le, dar sawmah a lo thleng dawn a nih chu", a ti a.


Pindanah min luhsan daih.


Freddy leh Lal Fanu erawh an infiam. Nu Papuii a awm tho tiin, thlêm turin pindanah ka lut thuai.


A lehkha zirna dawhkan a lo bawh a, Freddy-a ṭhutthleng hnûk pheiin a bulah ka ṭhu.


"Siamte?", a lu ka chul a, lo hawi chhuakin, "Anu, accident kha ka hria a nia, a Nupuii nena in sawi kha ka hria a", u Venpuii a sawina.


"Siamte, i pi leh pu bulah sawi suh aw",


"Apa nen chuan in inṭhen dawn em? Inthlanah a tling sia, Freddy leh Lal Fanu te nen i bulah min hruai dawn em?", a hlauthawng nasa mai.


Kan inṭhen dawn lo, chhuahsan loh chuan inṭhenna a thleng ngai lo ang. Tin, chhuahsan ka tum mai mai lo bawk.


Siamtea chu kuahin, "I pa nen kan inṭhen dawn lo, nupui dang lah a nei dawn hek lo. A chhan chu maw, Apa hian Anu hi a hmangaih alawm. Accident kha chu, theihnghilh daih rawh. Nang chuan maw, tuar phah dawn pawh ni la, dik tak leh rinawm takin awm tlat zel ang che aw. Min tiam rawh",


"Ka tiam che", kan kutzungtê kan kuaisapir.


"Anu, Apa hi i hmangaih ve em?", Siamtea zawhna chu âtthlak ti takin ka han nuihzat tak naa, "Lehkha zir chauh ngaihtuah la aw", tia a pindan aṭanga ka chhuah pawhin, min tikhûr thei.


Nu leh pa hmangaihna mah hriatthiam a har nak laiin, ka pasal ka hmangaih leh hmangaih loh chhâng turin zawhna ka dawng.


Tu dang ni loin, mahni fapa ngei hnen aṭangin!


Sammy-a a rawn thlen har dawn avangin chaw kan eisan.


Lehkha an zir zawhah kan pindan zawkah mutna kan siam ta thung.


Sual chu sual vêka thungrul lo turin leh ṭhatna hmang zawka hneh turin Bible meuhin min hrilh a, zawm a har ṭalh ṭalh khawp mai.


Mahni hmelma te tana Ṭawngṭai hlei hlei. A va han har tak. Ringtu ṭha leh ṭha lo tehna ber a ni lawi si.


Rilru ṭha te hi a put theih hlawl loh.


Siamtea leh Freddy-a chu an mu tawh, Lal Fanu thung chu Thawnthu ka hrilh keuh keuh.


Dar sawm rik nan minute hnih a awm tihah a muhil ve ta.


Phone banin ka tho a, Sammy ka call, "Aw, Lal.Fanu", a lo ti chu nuih a za duh asin.


Ṭawng hma hmaa chutia a lo tih, Lal Fanu turah a ngai a ni chêk ang, "Apa, i lo thleng ṭep tawh em?", ka han ti mauh a, "Maw?",


"I lo thleng ṭep tawh em?", ti lehin, "Ka lo thleng", a lo ti a. In chu êngin a lo chhun paw phût nghal.


"Ka lo chhuak", phone ka off a. Kawngka hawngin a biang nghengin ka ding.


Sual taka thung rul lo hian, ṭha tak takin be ta ila, amah hi a inthiam loin, hrehawm a tih zawk ngei a rinawm.


Ni e, sual chu ṭhatnain thungrul zawk teh ang hmiang.


Driver seat aṭanga a lo chhuk chu, va panin, "Sam, khawiah nge Duhsaka?", a bag khai ka chuh a.


Mak ti zetin min en, "Khawiah nge Duhsaka?", ka ti leh a. Garage a khar ṭhat hnuah, "An inah a awm, an in aṭangin ka lo haw", a ti ta a.


In chhunga lutin kawngka ka khar ṭha a, "Heta aṭang pawhin a haw thei tho a", ka ti leh hram.


"A nu a dam ṭha chiah lo", mak ti takin min thlêk vang vang.


Ka biang dawmin, "Khati khan min en suh, night cream ka la inhnawih lo", lâi deuh takin ka ti a.


Ka chal lo dekin, "I nuamsam meuh lo em ni?", a fuh chho dawnin a ang.


"Nawmsam lohna tur a awm lo, intifaiin mu ang. I chau dawn lutuk", êng tithimin, a hnungah ka nam kal dat dat.


Chhuata mu a fa te a hmuh chuan a ding chawt a, "Kal teh, mut a hun tawh. I lu tihuh loin insil la aw", ka nam leh a, a kal ve mai.


A intih fai zawh hnuin, "I fai tawh sia, a nuam var tawh lo maw?", Lal Fanu chu lukham kham ṭhat tir pahin ka ti a.


Towel awrhin mak ti takin ding khawng meuhin min thlêk.


"Khatin mi en vung vung suh, lo mu rawh", a lukham ka beng thek thek a, towel dahin a lo mu thla.


"Min kalsan dawn ta mai emaw ka ti alawm, tui deuhin mu rawh aw", tih zawh rualin a lo ṭhu chhuak, "Sam, i ṭha maw?", a bân bulah ka vuan a.


A lu thing nawkin, "Lal Fanu lo muttir teh",


"Ngati maw? Ka ngai che alawm, min ngai ve lo nimaw?", fiamthu zep tel zauhin, mahse; Sammy chuan, "Freddy-a bula mutna hun i nei tawh lo ang, Lal Fanu kha lo muttir rawh", min en loin, kun ngâihin a ti a.


Hnial chi a ni lo, kan inkarah Lal Fanu chu ka muttir ta a, Freddy-a lam hawiin ka kuah daih.


Ka muhil thei chuang lo, a inthlahrunna chuan min lainattir.


Tawpsan erawh ka tum lo thung.


Naupang hoin zing an harha an Pa mu an han hmu chu, an bawh nghek.


Lal Fanu phei chuan, "Apa, ka ngai tawh lutuk che, Elsa min lo hawn em?", a ti pek.


Freddy pawhin a ngai thlu ngang a ni ang, a pa chu a bawh ngawih ngawih. Siamtea pawh chuti tho.


Tichung hian, inṭhen ta ila, ka bula kal a ngen chu a ni si maw!


Sammy pawhin a fa te chu ngai tak a ni. An pafain an inkuah khawm a, an inpawm chial.


Sammy chu a ṭhu chhuak a, "Apa lo haw e, Apa lo haw, kan mut laiin a lo haw daih", Lal Fanuin a ti chûl.


An bulah ka awm ve reng a, min hre tawh lo emaw tia thawh ka tum chu, Siamtean, "Anuin a ngai ber che", ti pahin ka bânah min lo pawt.


Inring hman hek lo, Sammy kapa hmai phum zâwngin ka tlu mai a nih kha, tho rang tak ka ni.


Ka hnung aṭangin Siamtea nge mawniin min nam a, Sammy âwmah ka intauh nghek.


Siamtean a Pa âwma bei thlawp khawpin hnung lam aṭangin min bawh a, a Pa nghawngah a kuah.


Chhangchhiatthlak ngai a nia aw...


Freddy-an, "Apa leh Anu an inhmangaih", nui vur vurin a han ti lehnghal.


Lal Fanu lahin, "Apain Anu a chuks dawn e", a ti a. A kâ a hup ṭai ṭai.


Ka inla hrang a, "Chaw chhum a ngai tawh, tho ang u", ka ti hluai a.


Mut dawna Pajamas ka hak pawh thlak tawh loin ka tlan chhuak daih. Min tizak em mai.


An unau thumin min nuih vak vak.


Siamtea leh Freddy-a School kan thlah hnu pawha Office kal tura a insiam loh avangin, "Sam, Office-ah i kal dawn lo em ni?",


"Kal dawn lo",


"Ngati nge?",


"MLA-in Office an ngei ngai hleinem, Party inhmuhkhawm kan nei dawn a, chutah ka kal ang", Lal Fanu pawmin pindanah a lut a, kawngka a khar phui loh avangin zui lut turin min duh a ni ang.


Lal Fanu nen khum chungah kan ṭhu a, a Pa phone a en.


Bathroom-a a kal hlanin a thawmhnaw hak ka lo la chhuak, Sammy phone ri chu, "Anu, miin an lo call", tiin min lo ko a.


*Manoi* deuh ngei chuan a.


Engtikin nge a hming a lo thlak kawi kual vel a?


Ka beng bulah dahin ka ṭawng lo, "Sam, Zanin chu inah lo kal ta che", nô fahran hian a lo ti.


Ka ei lo lutuk chu ner nasa tak ka ni, luak a pawt.


"Bathroom-ah a awm, a lo chhuah hunah ka lo biak tir ang che", phone chu Lal Fanu ka pe leh.


Sammy-a kawr hak ka ken ka hrawm nawk nawk.


An pahnih hian an ṭang rual ngei ngei ang.


Zuamawm tak tura min ngaih vaih chuan, a chi loh khawp ang. Thawnthua misualnu angah ka intichang thei.


Sammy a rawn chhuak a, ṭha takin ka lo bia, "Party inhmuh khawmnaah Lal Fanu nen kan lo kal ve dawn lo em ni?",


"Hei hi chu, kan Party aṭanga Minister-a kaiten Office an luah kan va ṭawiawmna a ni dawn", a bân ka ban a.


Kamis a hak chu kawrkilh ka lo kilhpui, "A nih, engtikah nge inhmuh khawm in neih ang?",


"Kar leh khian nih hmel",


"Lal Fanu nen min hruai dawn em?", ka nuih seih.


Nizan a lo haw aṭangin inthlahrung takin a awm a, min en ngam thlawtlo.


Ṭha taka ka lo hmuah avang a ni mahna.


A thiltih kha a ṭha lo, a ṭha lo tih a hria a, a ṭi dâk mai alawm.


Manoin lo be lo se chu, tawpsan mai ka pawiti tawh lo asin le. Hnung lam aṭanga Sa min barh hmaa ka barh hmasak an ngai ang.


Necktie a nghawnga vêtin ka suih pah a, tûm bâr chungin, "Sam, i pawi ka sawi em ni? Nizan i lo haw aṭangin min be duh lo a, en pawh min en lo", ka han ti a.


"Chutiang a ni lo", Lal Fanuin phone a en ring nasa mai sia.


"A nih leh eng nge? Inthlanah i tling tê tê a, min induh khum nghal ringawt mai", mi pawh en loin ka biang a tawk a.


Muangchang hian min kuah, ka kuah let a, a thin a phu nasa lutuk, a khûrin ka hre bawk.


"Chhuanpui, ka, ka...", a inla hrang a, "Ka'n kal tawh ang e".


Aw...min ngaih thu han sawi mai sela.


"Kekawr i hak loh kha", a leather bag lak a tum ringawt.


"Ni tak", ti pahin a ha sawk sawk, "Pheikhawk i bun lo", pheikhawk a han bun leh thuai thuai.


Amah chauh pawhin a buai tâwk em em.


Lal Fanu a va chuks zeuh a, kal leh mai a tum. Phone...


"Sam, ding teh", pindan aṭangin a chhuak hman, "Theihnghilh i nei", a phawk hra.


Nui sen senin, ka hmui ka kâwk.


Rei rial loin min rawn fawp thuai. A duhthawh hiam hiam khawp a.


Min fawh dan aṭangin min ngai takzet tih ka hre thei. Min tihlim, duh takin a kâwngah ka pawm a, min fawhna chu duhthawk takin ka chhâng lêt.


Ka hmui a hlat deuh a, "Sam, ka ngai lutuk che", a der a ni lo, ka ngai em a ni. Ka beng hnuai tawn tawn dawmin, kan lei an insual nasa mai.


A kâwng aṭangin a nghawngah ka kuah.


Min fawh dan, a thâwk danglam dan leh a taksaa danglam awm aṭang hian min ngaiin min thlahlel ve tho.


Aw...ngaihdam min dil mai se, a fel vek tur hi a nia.


"Chhuanpui, ka thiltih kha a ṭha lo, ka inchhir lutuk, khawngaihtakin min ngaidam rawh", tih hi, vawikhat chauh tal han sawi se.


Vawi tam ngaihdam min dil ka phût lo, vawikhat chauh tak tak.


"Ka tihpalh lutuk", emaw, "Min ngaidam rawh", emaw tih chauh pawh ka pawm nasa dawn khawp asin.


Min thlah a, a chal leh ka chal nawrbetin, a thaw chhuak ham ham.


Inpaih thâwl a tum.


"Ka kal aw, ka lo bia ang che",


"Sam, i fanuin i phone a kawl", ṭhen sakin pindanah a lut a, Lal Fanu a lo pawm chhuak.


Lal Fanu nen kan bye bye a, hmuh phak loh an ni ta maw tihah, Sammy ka call, "Sam, ka theihnghilh daih",


"Han sawi la",


"Manoin a lo call che a, call let rawh aw. E, takin, dar engzatah nge i lo haw dawn?", Manoi hming lam hi ka kham.


Sammy chuan, "Zanriah ei nghal.an ti dawn a, ka hrilh theihnghilh daih che. Dar kua bawrah ka lo haw ang", a lo ti a.


Manoi nen hun an hmang dun ni ngei ang chu.


Rin loh lutukin Taiṭita ka ngaihtuahnaah a lo lut.


"A nih chu, Taiṭitan KFC min khilai dawn a, Naupang School bân ve leh KFC dawrah kan kal ang. I lo haw dawnah min lo hrilh rawh aw. Bye".


Taiṭita ka hnûk lut ta mai chu, ka indawm kun ngâih.


A hriat hunah a thinrim lo ang chu a.


Taiṭita ka hrilh loh chuan a hre dawn lo. Ni dawn tak e, ka biak lohna rei tawh lutuk.


Phone ka en a, hman zana kan inbiak bak chu inbiak kan nei leh lo.


A number chu ka han save ṭha leh tê tê.


Siamtea leh Freddy-a hruai turin Lal Fanu nena insiam mek laiin, Driver a lo lang hlawl.


"U Chhuanpui, u Sammy-an hruai tur chein min ti a",


"A buai a ni lo'm ni? A bulah awm ta che", Duhsaka chuan, "Min lo tir a, hnial lo hram rawh", a ti a.


Dik takin, chhungrilah nuih a za tlat.


Taiṭita hming ringawt pawhin a tihlau chu a nia.


In aṭanga kan chhuak chiah tihah Sammy-an min lo call.


"Aw, Sam?",


"School bân hunah pêng kawi loin inah haw nghal rawh u", a âw chu a chang ta fak e.


A thu lo em mai.


"Hotel-ah zanriah ei turin kan chhuak dawn. Nu Papuii ka hrilh tawh a, ei rawngbawl a ngai lo ang. KFC dawrah pawh zanriah ei khamah kan kal dawn nia".


A lawmawm ni teh se.


Manoi nen hun an hmang dun thei lo ang a, "Sam, Party chaw eina-",


"Ka sawi ang chuan a ni mai", thutawp a ni chiang ta bal e.


Zothangmawii (Manoi) pov...

Sammy ka call ngat ngat a, min chhâng thei lo.


Lalchhuanpuiin ka call kha a hrilh lo nge ni, min lo call tawh tur a ni.


Dar sarih a ri tawh a, chaw leh chawhmeh a dai vek tawh.


Ka tihngaihna hre loin Duhsaka ka call.


"Sammy bulah i awm em?",


"Aw",


"Min lo biaktir teh",


"I â em ni? Sammy-an min that duh mai ang", hepa dâwih lutuk hi chu aw...


Ka kuttin ka seh niah niah.


"Tunah, khaw'nge in awm? Ka lo kal dawn", phone chu loud speaker-ah ka dah a, pindanah lutin ka insiam sawk sawk.


Duhsakan, "Hotel-ah an chhungkuain chaw an ei mek, Restaurant-ah ka inhnawhpuar mek thung", a lo tih chu, "Khawi Hotel-ah nge?",


"Lo kal suh, tikhan awm mai mai rawh. An chhungkaw hun hman i tibuai mai mai",


"Hmela, min tham lo viau suh aw", a lo nui hak hak.


Hepa hi, engtin nge ka tih dawn?


Dam deuh zawkin Duhsaka hnenah, "Hotel hming min hrilh rawh, ralkhat aṭangin ka thlir ringawt dawn",


"Zanin atan chuan inah khan awm rawh. KFC dawra Chhuanpuii mipa biak information i duh kha, ka nei tawh. Inah i awm dawn phawt chuan tunah ka lo thawn ang che", khum chungah ṭhu thlain ka thaw halh halh.


Chhuanpuii mipa biak.


Duhsakan, "Ṭawng i hria em?", a lo ti a.


"Hria, Sammy-an a thîk tih i chiang maw?", a nui leh hak hak. "Chhuanpuiin mipa a biak tawh phawt chu a thîk vek. Nangin i biak erawh a thîk ngai lo", nuihza takin Duhsakan a lo ti leh.


Sammy-an ka mipa biakte a thik ngai lo kha mak ka ti thei lutuk.


Chhuanpuii erawh, a thîk ṭhin maw?


Au chiam chiamin bedsheet ka hrual nawk nawk, "Zawnga, Chhuanpuii aiin ka mipa biakah a thikthu a chhe zawk aw", ka ti vin hlur.


Ka thinrim lutuk chu, ka âwm a insêp awk awk.


Lalduhsaka min nuihzatna thawm chuan beng a tithlep.


"Kan hriat kha", ti chauhin min chhâng.


"Information chu", chhuatah ka ṭhu thla a, "Tihian ka sawi mai ang, Synod High School-ah an intawng chauh a, ṭhian angin an inzui chawt a ni awm e. Mahse",


"Sawi vat rawh",


"Thil chah a lo thleng tlat, ka han ei phawt teh ang",


"Lalduhsak, sawi vat mai rawh", khum ka chum vak vak.


A rawn nui huah huah, "Ṭha lawm, an ṭhiante aṭanga ka hriat danin, an induh ru ve ve a, mahse; an sawi chhuak lo. Kum tam hnuah an intawng leh a, Chhuanpuii leh Sammy te hi inhmangaiha innei an ni lo bawk a, hmanniah Accident a awm bawk nen. A bak chu, ngaihtuah ve tawh mai rawh. Information chu ka lo thawn tho ang che", a ti nuah nuah.


Ka thaw huai huai.


Kha accident kha maw ni a? Sammy-an Chhuanpuii a sawisak lai hmuh tluka nuam a awm lo ang.


Mahse, a sawisak hmaa a puan a pawhthlaksak erawh kha chu...


Lukhamah hmai phumin ka au nghek.


Duhsakan pdf min lo thawn chu ka hawng.


*Lalhriatchhunga*


Ka chhungkua ka neih let theih nan chuan eng pawh ka ti ang.


Sual titur pawh ka ni lo, High School-a a ruka inhmangaih tak te pahnih ka suihzawm mai dawn a ni.


Lalchhuanpuii pov...

Kum a thar a, Sawrkar hna ṭan a hun ta a.


Sammy pawh, in aṭangin hna a thawk mawp mawp ta bawk.


MLA ni mah se, Office a nei ve turah ka lo ngai a, chutiang a lo ni miah lo. Bakah, MLA pawh hian In an nei turah ka ngai.


"Office-te chu, Minister ho leh Chief Minister chauhin an nei. CM Bangla chauh a awm bawk. Lirthei erawh kan dawng thei", lirthei ber kher, ṭul lo ka ti khawp a.


Lal Fanu lukham ka siam rem leh tê tê, "Lirthei te chu, kan neih hi, Driver pawh kan nei a, In emaw Office emaw ni zawk se kan ṭangkaipui zawk daih ang", ka ti khauh.


Mi pawh en loin Sammy a nui hak, "Lirthei Driver chhawm min pe dawn a, a nuam ting a ni mai alawm", nuam ka ti dawn lo.


Ṭul lo zeta lirthei Driver chhawm kawl te chu a, man chawiin In kan luah a nia.


"Ee, Sam, i hna hi?",


"Ka chawl dawn",


"Hlawh in nei dawn tho tiraw?", an neiin ka hria. "Eng ber chu?", bo zet hian a ti a. "College-a i hlawh hi?",


"College chu ka nei thei lo ang",


"A nih, MLA hian hlawh an nei tiraw?",


Sammy chuan, "Nei e. Mahse, College ka ngai ngawt ang", a ti a.


A ngaih chu ka ring, a thawk rei ve tawhin ka hria. MLA hlawh hi kham inring phawt mai ila.


Ka Lehkhabu Dawr a awm alawm, kan kham lutuk tlat.


"Sam, hlawh awm lo ta se, Politician nih i duh tho em?",


"Hlawh avangin Politician nih ka tum lo", a ti bur.


Ama tâwkah chuan pa a inti ṭheng ṭheng dawn asin.


Hlawh a awm loh chuan a nih duh ring chiah lo mah ila, ka bu nghat. Muhil tura min tih avang leh a maimitchhin zui daih avangin, ka maimitchhing zui ve daih.


A tuk zanah, Taiṭita hnen aṭangin message ka dawng hlawl.


*Chhuanpui, in dam ṭha zel maw?* Sammy-a a lo haw tlai dawn a, ṭha tak takin ka chhâng.


*MLA nupui i ni ta mai sia le, a nuam awm mang e*


*Nawm chu khawilam, mihring ni ve lo ang maia zaidam reng a ngai a, a hahthlak lutuk*


A hmaa a message hmu renga ka chhân loh te chu a lo sawi chhuak a, thu dangin ka khuhmawi ringawt.


School kal lai sawi ṭan dawnin Sammy-a a rawn haw a, File a rawn pawm lut ṭun.


Ka ṭanpui vat, Pindan pakhat siamin chu chu Office atan a hmang. Kan pindan bul lawkah a ni nghe nghe.


Chutah chuan kan dah a, "A va han tam ve, Exam paper ang mai",


"Exam paper ang a ni mai", a han ti a.


Chhuak tura min tih avangin ka chhuak. File pawimawh tak karah, eirukna tur File-te a awm ka ring tlat.


Hlawh, pawisa avanga Politician nih a tum lo a nih chuan, a eiru lo turah ngai ang.


Sawrkar aṭangin Lirthei Driver chhawm kan dawng ta ngei mai.


Duhsaka lah thlahthlam mai theih a ni lo. Kan nufa chanpual a ni ta mai. Nimahsela, Sammy-an a ring tam zawk tho, a hma aiin a hah zual.


Taiṭita nen kan inbe zeuh zeuh a, Sammy-an phone min ensak mang ta lo a, a Office-ah a inkhung deuh chawt hi a ni ber.


Office-a a awm hma leh lehkha zir hmaa Tv en lai hi chhungkim lai ni tawh mai.


Naupang leh inchhung enkawl hna ka kuta awm a ni ta a. Lehkhabu Dawr nen. A hmain a awm lo tihna a ni lo a, ka kutah a awm pumhlum hmak tawh tihna.


Sammy ai pawhin ka hah.


A thuhrimah, a mizia hi a inthlak leh hlawk ta a. Buaithlak tak tak a ni.


Lui tui ang hian a luang dêm dêm mai a, mahse; Lui tui hi a luang dêm dêm ngai tlat lo. Suar a awm tel tlat a, Suar thlen a huphurhawm angin, amah Sammy-a Suar thlen ka huphurh.


A thikthu a chhiat a, min hauh khur khur a, phone hial tihchhiat a tum lai aiin, tuna a nunnemna hian ngaih a tiṭha lo zawk.


Thinthawh thut hun a nei ngei ngei dawn a, chumi lo thlen hun nghahhlelhawm loh lutuk tak a ni ta ve ang.


Tlai khat chu, chaw ei lai takin mipa pakhat, pa valai aia upa lam hret, Pastor ang maia inthuamin file pakhat kengin a lo lut hlawl.


"Lo lêng rawh, eng nge ni ta? Ṭanpui theihna che kan nei em?", tihṭhan tawh a ni a, zei ve tawh reng.


Ka tho a, kut silin ṭhutna ka kawhhmuh.


Sammy pawh chuti tho. A ṭhut fel hnuin, "Pu Sammy-a biak lawk ka duh mawle, a hmanhmawhthlak angreng khawp a", a nui huah huah a.


Ka mi rin zâwng a ni hauh lo.


A nui huah huah ang hi, Zephyr Drama hoin an chang tawh. File te a keng a, "Eng nge i duh tak a? Office lamah inkâwm ang hmiang, min lo zui la. Chhuanpui, thingpui sen hang No hnih min lo pe teh aw", Sammy-an a Office-ah a hruai lut.


Ka ring miah lo.


Eirukna tur an buaipui dawn chiang a ni. Kum khat êm pawh a la vei lo a nia, eiruk hi a ṭha ka ti lo.


Duh lo tak ka ni.


MLA hna thawh ṭan chauha Eirukna tur buaipui nghal a fuh ber lo ang.


"Anu, chaw i ei dawm lo mi?", Siamtean min lo kohah harh chhuak zawkin, choka ka pan.


"Ei leh dawn e, i pa pawh a la puar lo ang. Ei mial mial ula, thingpui ka han lum sak lawk ang e".


Thingpui sen hang ka lum a, an thusawi hriat ka châk mai mai khawp a.


Small Tray-ah No hnih hungin, Kurtai ka dah tel bawk.


Office kawngka ka kik a, "Lo lut rawh", Sammy-an a rawn tihin ka lut a, thingpui leh kurtai hung felin ka chhuak.


Kawngka ka khar chîp lutuk lo, ka ngaithla ru ta a, "I signature min peksak theih chuan lawmman a tlêm chhe lo ang",


"Lawmman tlêm ai chuan a tam nge nge leh, hlawkna awm thei a nia kan zawn tiraw?", Sammy-an a ti chu, ka so bulh bulh maiin ka hria.


Ka ngaithla tih an hriat hlauin ka kal sawn daih, ngaihthlak reng ka peih lo.


Chaw ka ei a, ka ei ṭeuh nghe nghe.


Sammy-te pawh inkuah chungin an lo chhuak khi vur vur. Min hmuh lohin, nerkhum nasa tak ka ni.


A signature a peksak a ni phawt a, a inlêng a haw hlimtir em mai.


Kei chauh chaw ei tawh ka ni a, "Sam, eng lam nge a?", a lo ṭhu thla chu ka zawt nghal zat.


Dâwt a sawi dawn khawp alawm.


Dam deuh hian, "Hna lam a nia, a ho lutuk, hriatthiam loh lai a neih kan inhrilhfiah mai mai", a ti duh chauh lek.


Rilruin, "Dâwt sawi kan ching ṭan dawn maw?", ka ti mai a. Ka sawi chhuak kher lo.


A chaw ei a tui tehchiam lo a ni ang chu, a tho daih a. Chaw ka ei zo vek.


Ka puar lutuk chu, ka che ṭha hleitheilo leh tawh zawk a. Lal Fanuin min nuih min nuih.


Ṭhutthlengah ka ṭhu a, harsa ti fe hian thâwk ka la halh halh.


"Anu, i pum chhungah nautê a awm mi?", a ti a. A hmui hup ṭai ṭaiin a nui sen sen.


Ka hau phal lo.


"Nautê tê tak tê tê ho an awm alawm", ka ti a. A nui uar sauh sauh. Freddy nui uar fal thei lutuk lah, hnung lamah a dak awr awr a, a thal tawp.


Chu chuan ka nuih a tiza a, thei leh thei loin ka nui ar ar.


Pum a tina zual.


Sammy pawh a nui suk suk. Mahni pasal mah nise, hriatthiam a har.


Ka hrethiam thei lo, a mizia hi a inthlak hlawk hlawk mai zel a. Ka ṭih ru riau tawh.


Taiṭita hming lam nawn a chi loh bawk.


A chhan chu, engtin nge a awm dawn tih ka hre lo.


Hetia nêm taka a awm hian a hlauhawm zawk ta mahin ka hre tawh.


(Chhunzawmna)

Freddy leh Siamtea te final exam hun a thleng hnai a, inbuatsaih nasa tawk tak kan ni.


An School bân veleha Homework an nei emaw nei lo emaw lehkha kan lo zirtir leh, zantin deuh thaw lehkha kan lo zirpui bek bekna kha a lo ṭangkai riau.


Exam dawnah hmanhmawh taka zir ngai loin, ennawn ang chauhin a kal theih a.


A fuh tlat.


Siamtea ka ngaihtuah lo, a Pass dawn tih ka chiang var var.


Freddy-a hi ni. Sammy bulah ka sawi tawp.


"Hetiang hi a ni ngai si lo a, a mak e. A rilru a chak theih ṭhin tehreng nen. A rilru hi a chawmawlh tlat tawh",


"Muangchanga zirpui chi a nih chu, exam a hnai tawh viau em? Keima'n ka han zirpui ang e", Sammy-an a ti a.


A ngaihtuah tak tak nge, a sawi mai mai?


A sawi mai mai lo turah ngai phawt ila.


A tuk zan aṭang chuan, a sawi ang tak takin Freddy-a chu lehkha a zirpui.


Ka hrethiam thei lo, keimah hi ka â zawk nge ni?


Nge ni a, Sammy-a hian min fiam mai mai?


Mahni inrinhlelh a na duh ngei mai.


Theitui leh Chhang ei tur Tray-ah ka dah a, keimahni pindanah zawk an zir. Ka lut chu, Freddy-a mit tui a tling piau a.


Ka khawngaih lutuk chu, pawh chhuah mai ka duh rum rum.


Sammy chu intimitak deuhin a ṭhu khawng at a, Freddy-an a hlau lutuk.


"Sam, chawl lawk ula", dawhkana Theitui leh Chhang dah pahin ka ti a.


Chhanchhuah beisei takin Freddy-an min melh piau. Nu Thinlung aṭang chuan a va han na ngawih ngawih tak em aw.


A tana ṭha tur a ni bawk si.


Muangchanga zirpui tur nih laiin, a innawrhlui ang zâwng chuan...


Sammy pawh hi a!


A beka hliam khan a Thluak a khawih hman mawni aw?


A mizia leh awmdan hi a mak thei em mai.


Lem a chang nge ni ang a, chang lo ang. Lem chan reng hi a peihawm loh a, a changin ka ring bawk si lo.


Ka fa te aiin, ka pasal hian ka thluak a tibuai.


Siamtea leh Freddy-an exam an ṭan ta a.


"Thiam loha entawna Pass aiin, thiam lohna ang anga Fail a ṭha zawk. Mi dik leh rinawm chhuahna bul a ni a, tuna dik taka exam in hmachhawn hian in nakin huna in awm zel dan tur a hril dawn a ni", tiin, ka fuih nasa mai.


A chhan chu, an Pa hian a hrilh ka ring lo. Eirukna lehkhaah a signature a pe chu a ni ta mai a.


MLA-a a tlin theih nana a nupui hial a tihmualpho hreh loh danah, eiruk te lek lek, a tan chuan a bei tham.


Khawvel hi a ninawm hrim hrim nge, kan phunchiar hrim hrim?


Zawhna intuha lo tak a ni e.


Siamtea exam chu a chhâng ṭha mai zel a, Freddy erawh, "Anu, ka fail mai ang", ṭap chung hian a ti ṭhin a.


Lainat taka kuahin, thiamna zawng zawng nen ka fuih.


Nimahsela, a pawi zo ta vek a ni.


Freddy chuan Fail a hlauh luatah a entawn ta tlat!


Principal-in min rawn call a, ka va han zak tak.


Sammy nen min rawn call rual rualin kan thleng nghal. Principal Office-ah Freddy leh Sammy nen kan ṭhu.


Hnar a hmuh len theih ngaih ngaih khawp mai. Ka zak lutuk ringawt.


"Entawn hi chu, hnawhchhuah tur a ni a. Exam chhunzawm phalsak a ni bawk hek lo. Vawiin la la chhuak tura tih a ni a, khawngaihin min lo chhuahsan mai ta che u", Principal-in a ti ta a.


Freddy chu a kun ngâih.


Principal chuan,,"Politics-ah in buai nasa lutuk a, a ṭha lo. Politics chauh lo pawh, nu leh pa dang pawh an ni. Kan fa te aia ngaihpawimawh hmasak tur hi an awm lo", a ti chiam a.


Sammy pawh a zah ngei ka ring, inhmuhchhuah nan hmang zui se ka ti a nia.


Hnawhchhuah tâwk tur em chuan ka inphal lo.


Principal hnenah chuan, "Khawngaihtakin min hnawtchhuak lo hram rawh. Kan bawhnawn mai ang. A thleng nawn ngai tawh lo bawk ang tih ka tiam a che. Hun vawikhat chauh min pe rawh", tiin ka dil a.


Ka ngen ngawih ngawih.


"Min ngaidam rawh, kan thiam loh a ni. Min hnawtchhuak loin, min bawhnawn tir hram rawh", Sammy ngawi ngal pawh a rawn ṭawng chhuak thei ta hram.


(Chhunzawmna)

In kan thleng a, Lal Fanu leh Siamtea chu pindanah awm tirin, Sammy nen Freddy-a kan ṭhutchilh ran.


A mit tui tlakna lai chu a belkang niaih mai a, han pawm vawng vawng châk hle chungin, a dik lohnaa zilh tur ka nih angin intingeng ngala awm a ngai.


Entawn lo turin ka fuih nasa asin.


An zirlai lah theihtâwp chhuahin ka enpui a, zirpuiin ka ṭhutchilh hial ṭhin.


Principal-in nu leh pa mawhphurhna min Sermon khum chu dik vek mah se, theihtâwp chhuah ka nih avang tak hian min tina zual.


Freddy-a hmaa ka ṭhu chiah chu, "Anu, min ngaidam rawh", ṭap hlawp hlawp chungin a ti a. Min kuah bawk.


Sammy-an a pawt a, a kokia vuanin, "Engvanga entawn nge i nih? Khawi aṭanga i zir nge?", chang fak hian a ti ta a.


A âwki erawh a zawi.


Chutia a thiltih hre lêk loa a fapa thu a zawh dan chuan min khei zak.


Eirukna lehkhaa a hming chhû hnan khan, a fapa hnenah khawi aṭanga entawn a zir nge tih a zawt maw?


Freddy-a chu phih lawkin, "Darkar nga Bathroom chhungah i awm ang", ka ti chhuak hlawl.


Khawi aṭanga lo kal nge ka hre lo.


Sammy mitmeng a dang zarh nghal bawk, "Darkar nga a? Bathroom chhungah maw ni a? Chutin naupang an hrem ngai em ni?", a ding chhuak a.


Cho leh cho kan inhmachhawn ta ni maiin ka hria.


Freddy-a hnena a thu zawh dan khan min tithinrim a, hremna ka pek khan a tithinrim thung.


A eiru a, a fapa hnenah a entawn chhan zawt ngam tur a ni lo.


Sammy chuan, "Hnawhchhuah aiah bawhnawn min phalsak tawh tho, hrem kher a ṭul lo", lungawilo tak hian a ti a.


Kei chuan hrem ngei ka duh.


"Ni lo e, entawn hi sual a ni. Hremna a hmu ngei tur a ni bawk. Bawhnawn aiin hnawhchhuah a ṭha zawk. A bawhnawn ang a, exam naa a entawn leh a nih chuan School a chawl ang", meng ling tak a ni.


Min rawn din hnaih deuh a, "I fapa dik tak, thisen chhuaka i hrin ngei ni tase, hetiang hian i hrem tho ang em?", ka hnîm rawih rawih.


"Sam, engvanga chu thu-", awihlo zetin ka nui hak ringawt.


Freddy-a hi ka fapa dik tak, thisen chhuaka ka hrin a ni lo nameuh mai.


Mahse, nufa inlaichinnaah hian thisen kher a ngai em ni?


"Min chhang rawh", ka phu zuk.


Suar kan thleng dawn hnaiin a hriat bawk.


Tlawm erawh ka tum lo, ka dik tih ka hria a, mi dik lo ang maia chhuanlam siama né né kual ka tum lo.


Amah bawkin, "A exam thei dawn chuang lo a, hrem a ṭul lo. I pindanah kal rawh", a ti a.


Ka duh hauh lo, "Ni lo, hrem ngei a ṭul", Freddy-a hmaah ṭhingṭhiin, "Bawiha, ngaithla rawh, exam naa entawn hi sual a ni tiraw? I entawn a, man i ni a. Chuvang chuan, i tihsual i hriat a, i tihsual nawn tawh loh nana i nuin ka hrem che hi a ṭul a ni. Tunah, Bathroom-ah sawn va kal rawh le. A tâwk ka tih hunah ka lo ko ang che. Bathroom-a i awm chhungin i tihsual i hriat chhuaha i sim ngei ngei a ṭul bawk", ka ti a.


Freddy-a insût hlawp hlawp avanga nêm ka tum bau lo.


Nu ka nihna angin ka fapa chunga hremna lekkawh ka duh bik lo, ka duh lo chang ni loin ka ngaihtuah ngai lo.


Lehkha ka zirpuinaah entawn hi ka zirtir tlat lo atin ni.


"Anu, ka tihpalh, ka ti nawn tawh lo ang", hmai belkang niaih chungin a ti a.


Ka thu zûk leh mai te pawh ka duh rum rum.


Ding chhuakin, "Tunah kal tawh rawh", ka ti a.


Rang lutuk tak maiin a lamah Sammy-an min kuai her ṭhuai, "I-", a ti chiah chu, "Kha thu kha vawikhat mah sawi tawh suh", ka aukhum nghek.


A sawi tur ka hrechiang em a ni.


"Kha thu kha vawikhat mah sawi tawh suh ang che. Ka fapain thilsual a ti a, kei, a nu hian hremna ka pe dawn. A ṭhiante nu ten ka fapa hi a tihsualah hremna an lo pein an lo zilh dawn lo. Kei, i hmaa ding i nupui leh i fate nu hian ni hremna pea zilh dawn chu", ka thaw hlawp hlawp.


Sammy pawhin min en tawp.


Ka sam chhâwllêng lah hmaiah an bet, "A zir ni miah lo entawn hi khawi aṭanga a zir nge?",


"I ṭawng tam hret a nia aw",


"A pa hian zir miau hek che", ka ti chu, a che hrut. Min bêng dawn emaw ka ti hman.


Eirukna lehkhaa a signature a pek kha ka sawi tih a hrethiam ngei ang.


Freddy-a a rawn inrawlh, "Anu, Apa, inhau suh u. Ka entawn tawh lo ang", kan inkarah a ding a, a pa nen kan kut a chelh ve ve.


"Bathroom-ah ka kal nghal dawn, inhau tawh lo ula, ṭha deuhin lehkha ka zir ang a, ka entawn tawh miah lo ang. Anu, Bathroom-ah ka awm dawn, ka entawn tawh miah lo ang", ṭap ṭeuh chungin Bathroom chhungah a va lut.


Umzuia han kuah vawng vawng ka nâp a, inhnukkir thei ni hek lo le.


A lo chhuah hunah, lungchim takin ka kuah ang, khawngaih thlâ a la takzet. Ka fapa a ni a, a nat ka phal lo.


Exam naa entawn tura zirtir a ni lo a, mi dik leh rinawm taka nung tura zirtir a nih laia, exam naa a entawn thu han hriat mai chu(h)!


Sammy pawhin chelh a tum lo, Freddy-a reng reng a che rang em a ni.


"Nichina i thusawi kha", cho takin min en bawk a, cho tak bawkin ka melh kar.


Ka mit laksawn ka tum lo. Shin Ae Ri ka ang ang chu aw...


"Nichinah eng nge ka sawi? Sam, kut min thlak ngai lo, kan pahnihin kan hria. Mahse maw, i ṭawngkam hmang hian vawi engzah nge kut min thlak tawh nang chuan i hre kher lo ang", a meng phar nasa mai a, cho takin min en leh thuai.


Chumi pawh chuan min tina thar.


"I nupuia min la pawm lo a nih pawhin, i fa te hian an nu-ah min pawm tih hria la, ka enkawl danah lo inrawlh loin, lo laina thar hlek suh ang che. Ka fate thlavang ka hauh ang bawkin, an ṭhatna tura hrem hi ka hreh reng reng lo", ti hmak hmakin, ka kalsan nal nal.


A inngaihtuah chhuah hram beisei ang.


A nupui hlui lakah a thlavang ka lo hauh vel a, ka zak hnuhnawh.


Ka fate chauh ka tan an awm a, an tan chauh ka awm ve tawh thung ang.


Bungrua ang chauhin min ngaiin, bungrua tiin min ko bawk a, nupui angin min en hek lo.


Duh leh eiru se, a nupui hlui va tawmpui dûk dûk pawh nise, a tuh rah seng hun a la nei ngei ang.


Darkar nga pawh tling loah Freddy-a ka hruai chhuak a, puan lumin ka tuam nghal vat vat.


A dam loh nan lum takin ka thuam.


Ka âwmah ka pawm vawng vawng a, hrehawm ka ti.


"Bawihte, entawn hi a ṭha lo. Entawna pass aiin thiam loh ang anga fail a ṭha zawk ka ti a ni lo'm ni?", mit tui tla ṭeuh chungin ka ti tawh.


Hrehawm ka ti em a ni.


"Anu, ka tihpalh lutuk, ka entawn tawh miah lo ang, ka thiam lo sia, ka fail chuan min hauh ka hlau a, ka ṭhiante tihdan ka hmu a, ka ti ve mai a nih kha. Anu, min ngaidam rawh", ṭap chungin a ti ngawih ngawih.


Kan nufain kan inpawm a, kan ṭap dun.


Chhangchhiatthlak dan duhawm tak a ni lawi si.


Exam naa entawn tawh lo turin kan intiam mawlh mawlh.


Ka ring a, ka ring sual dawn lo tih ka hria. Nu te hian hriatna ṭha tak kan lo nei ru reng a nih hi!


Sammy hnenah Freddy-an ngaihdam a dil ṭha leh.


Zanriah ei lai a ni a, Freddy-a chawhmeh duhzâwng hlir ka siam bawk.


Siamtea lehkha zir ka enpui a, entawn ṭhat loh bakah, thiam ang tâwk tâwkin ka zilh malh malh bawk.


Lal Fanu hi mak ka ti ṭhin, a u Siamtea bula mut a chuh leh tlat.


Sammy nen chauh pindanah kan awm.


Pajamas hain, khumah ka lawn a, "Tlaia i thusawi kha",


"Tlaiah sawi ka nei lo, ka fapa ka hau tih chauh ka hria", ti hmakin, lehlam hawiin ka mutsan zui hmak.


Min kuaiin min bawh nghal rawk rawk, "Sam, min tihlau dawn alawm", a nui duh chauh lek.


Ka pasal ngei hlauhnain ka khat.


Ka kekawr tlâng a pawt a, nupa titi dun chu sawi loh, pawngsual case kan inawrhtir lo chauh.


Min thawhsan a, insil tur pawha tho chhuak ve loin puan sin ṭha ringawtin ka mu kawm ngal.


U Ngaia hnena va thlen vek ka duh, zan khat tal chu Jail-ah riak se ka ti.


A nih loh pawhin, naupang ho nen kan chhuahsan mai dawn mawni?


A hlauhawm ṭan tlat, a mizia a inthlak hlawk hlawk a, hriatthiam a har. Psycho an tih ang Pasal te hi kan lo nei ru reng ang tih te a nia ka hlauh tawh.


Show post links
Top

[Ngaia]

Politician Nupui Hring Nun
Political Love Story_Fiction
Chapter-11
Ziaktu: Cck Lalchhuanawmi



A hlauhawm ṭan tlat, a mizia a inthlak hlawk hlawk a, hriatthiam a har. Psycho an tih ang Pasal te hi kan lo nei ru reng ang tih te a nia ka hlauh tawh.


A tuka Freddy-a pang a sat em avangin Siamtea pawh School-ah ka thlah thei lo.


Damdawite ei tirin, a bulah Lal Fanu nen kan mu ve a, Lal Fanu a muhil thei si lo, a ṭawng char char.


Freddy erawh a muhil a, Damdawi hnathawh langin a thlan bawrh bawrh.


Bathroom chhunga awmtir ka tum a ni lo, Sammy ṭawng lo se chu ka awmtir miah lo ang.


Sammy-a ṭawng chhuak kher kher khan min tithinrim em a ni.


A thu zawh dan lah kha, a ṭul lo ber ang.


Hnahthiala ka nu leh pa te nen kan inbe tawh bawk a. Ka hrem dan chu an ngaithiam lo hle.


"Ka fapa a nia, a ṭhatna tur atan chauha hrem mai ka ni e", ka ti a.


Sawi theih an nei lo, a chhiatna tur atana hrem pawh ka ni lo.


Sammy pawhin engmah a sawi tawh lo. Freddy-a entawn chu tumahin kan sawi chhuak tawh lo a ni ber.


Hun liam zelin, Siamtean Pawl a sawn a,,Freddy erawhin a bawhnawn ta thung.


Lal Fanu pawhin School kal a châk tawh khawp a, a kum a la tam tâwk loh tih avanga kal lo mai a ni.


Kum ruk emawah School ṭan chauh se a ṭha.


Sammy chu a zin chhuak deuh reng mai a, School chawlh laiin kan zinpui ve ṭhin.


Bial a zau a, khua a tam bawk nen. A phone lah a ri reng bawk.


File a inchhawp nasa bawk si.


Session an zo chiah a, School chawlh a ni bawk a tiin, kan chhungkuain Bial kan fang.


"Pu Sammy-a te chhungkua chu in mawi mang e", tih hi kan dawng reng a.


Nuih reng a ngai a, harsa ve det. Nui duh takah a chhuah theih mai dawn.


Mahse, Bialah hmasawnna tam tak hmuh tur a awm.


Mi zawng zawng tihlawm theih loh ni mah se, Sammy chuan a Bial mipuite lung a tiawi ṭha khawp.


Inthlan dawt leh atan a huphurhawm loh, a phurawm mah zawk a ni e.


Sammy chu a inthlak leh hlawk a, Lui angin a luang dem dem. Hlauhna deuh pakhat ka neih chu, chik zeta min thlêk vung vung ṭhin hi a ni!


Vawikhat chu ka zawt tawp, "Sam, engvanga min thlêk vung vung ṭhin nge i nih?",


"Ngati mah, i hmelṭha em a", a nui suk a. Min tihlau zual.


Lehlam min hawisanin a muhil zui maiin ka hria. Lal Fanu ka kuah a, thâwk harsa ka ti mang e.


Sammy chu nui suk sukin, a nêm ta em em mai a. Ka pasal lakah inkiltawihin, ka ṭih deuh bawk nen.


Kan inneih tirh angin min ngaihtuah lo lêkin a duh hun hunah min bawh ringawt zel bawk.


Taiṭita nen kan inbiak tam phah.


Amah ka biak tawh chuan ka thawl huai zel a, ka hahdamin thlâ a muang thei ṭhin hle bawk.


Phone aṭanga inbia ni mah ila, ka thlamuanpui ngawih ngawih.


***Chhuanpui, ṭhiannu chhe lo tâwk ka nei asin***


***va han intithei tak*** ka va ti a. A lo nui nasa mai.


Taiṭita nen chauh kan in-text, Sammy-an lehlam min hawisan a, Lal Fanu nen an hnar thlawrh thlawrh tawh.


Zan dar sawm a pêl tawh a, bula pasalte mut laia mipa dang biak a mawi loin a ṭha lo tih hre kur mah ila, kei ngei pawh hian ka duh lo.


A dan a dang tlat, khua a har em a ni.


Chhuanlam a tling lo tih ka hria, Taiṭita chu ka thlamuanpui em a ni.


Sammy ka thlêk a, engin nge a rilru her danglam ka hre châk. Loh theih lohin Manoi rilruin a tinzawn.


Kei aiin a tilawm thiam a ni mahna. An inneihna bakah, an inngaizâwng rei a, Sammy-a chêng man tawh tur reng chu a ni.


Taiṭita chu, ***thawh hma a ngai ṭhin sia, mangṭha mai le*** tiin, min chhân hun nghak loin phone ka dah.


A tuk chu, Lal Fanu nen Dawrah kan kal a, Lehkhabu en fel bakah, chah ngai te ka ennawn zung zung.


Hriati leh Nancy ten Lal Fanu an chhaih a, ka lo hlim ru veng veng.


In aṭanga chhuah zeuh zeuh hi a lo ṭha a ni.


Taiṭita hre chhuak thutin ka call a, "KFC dawrah inhmu ila", ka ti naa, ka inchhir hnuhnawh.


"Pawi ka ti lutuk, ka hman tlat lo, nidangah ni zawk se", a rawn ti a. Min hmu lo chu ka lawm, ka thaw huai thei.


A lo duh ang tih ka hlau.


Siamtea leh Freddy-a te nen in kan thleng a, Nu Papuii a lo kal thei dawn lo a, Puipuii lah a hman lo.


Kan nufa zain ei rawng kan bawl.


Siamtea leh Freddy pawh chu chokaa dawhkanah Homework an zir pah a, Theitui leh Chhang ka chhawpsak bawk.


Siamtea tan chuan a buaithlakna a awm lo a, Freddy thung chu a zir hnu a ni ta si a, a zir peih lo hi a eu ngang ngang tawh mai.


"Anu, ka zo", a ti thuai zel a.


A zir hnu a ni a, hriatthiamawm tak a ni. A zir zoin a thiam zung zung tawh ṭhin.


Zir peih loah a tlak mai hlauin, nawrluih châng a tam.


Sammy chu a hnaah buai hle mah se, a fa te ngaihsak a ṭhulh chuang lo. A mawi tâwkin min ngaihsak ti ila, a sual lo ang.


Psycho, rilrua lainatna leh hriatthiamna nei lo ti dawn ila, a fate a ngaihsak ṭha tho si.


Kei zawk hi, min hua emawni?


A nupui ni ve ta chuan, a ngaihsakna dawn te ka lo duh ve a.


Kei hi, ka rilru a dik lo emawni ka ti tawh.


A hma khan Manoi nen ka hua a, mahse; ṭhatna hmanga hneh ka tum kha a ni a.


Tunah lêm, engtia awm tur nge pawh ka hre tawh lo. Sammy hnena sawi tawp ka duh si lo.


A chhan chu, inring reng leh invêng ran chunga awm ka ngai.


A thinthawk hun tur hriat a ni lo a, Taiṭita pawh hi biak chintawk hriat a ngai dawn a ni.


Reilotê chhung emaw chu, ka nu leh pa bula awm ka duh mang e.


Taiṭita ṭhiannu thar chu Sangsangi a ni a. Taiṭita nena inbiak zat apiangin a chanchin ka hre ziah.


A thinlai lungrukah hmun a luahtir a ni hrim hrim.


Ka biak tawh hi chuanin ka hlim lawi si a ni.


Chutiang chuan kum khat kan kal tluan a, Sammy nen kan inkar a ṭha nge ṭha lo ka hre lo.


A ṭha lo ti dawn ila, a ṭha thoin a hriat si. A ṭha tih tur ni leh chuang bawk si lo.


Taiṭita nen kan inbiak tam phah thung a, kan inhmu zeuh zeuh bawk.


Lal Fanu leh a u te pahnih pawhin an hmu tawh a, an nel a, a bula awm nuam an ti bawk.


Kei ngei pawhin ka pha thei tawh lo, Taiṭita chu ka ngaina ta takzet ta.


Inbunruah nan ka hmang ta zauh zauh, ka pasal nena kan inkar hrilh dawt si lo hian, a thawi hian ka sawi ta ṭhin.


A ṭhiannu Sangsangi a sawi apiangin ka han thik tumhrang zui a, "Kan inhmu ṭhin a, min ngaina ve chuan ka hria. Mahse, nun hlui duhawm lo tak a neih avangin hma lam pan harsa a tih thu a sawi ṭhin. Chumi avangin ka rilru puthmang dik tak hrilh ka ngam lo, engtikah emaw chuan ka hrilh ka ring", Taiṭita chuan a ti a.


Ka chhuat nawt lai chu chawlin, Taiṭita thusawi chuan min tina ka ti mai.


"Taiṭit, tunah hrilh ta mai la, nunhlui duhawm lo tak kan nei ṭheuh mai, chhanchhuaktu i ni thei asin", ka han ti a.


High School-ah a ruka ka lo star ṭhinna zawng zawng ka nei lêt vekin ka hre mai.


Taiṭita chuan, "A sawi hi chu a awl ṭhin alawm", a lo ti a.


"Nia",


"Nang zawk hi, i pasal neihnaah min sâwm duh lo, i timak em mai", a rawn ti leh chu, pasal ka nei tih hriat thartirin ka awm ta ale!


Nghilh dupin chhuatah ka ṭhu thla riai riai.


Pasal ka nei tih hre tharin, ka pasal nena kan inkar zau zia leh, nupa awm dan tura kan awm lohzia leh, pasal nei reng chunga mipa dang laka rilru hrang ka putna zawng zawngte chu, Taiṭitan a ṭawngkam khat lekin min hriat chhuahtir vawng vawng.


Na ka ti lutuk!


"Anu, i ṭap elo?", Lal Fanuin min lo kuah a, ka pawm vawng vawng.


Ka ṭap tih pawh ka lo inhre lo.


Phone banin Thenzawla ka nu ka call, min lo chhân ve leh, "Nu", tiin, insum zo ngang loin ka ṭap khûr zawih zawih.


"Chhuanpui, Matê, engtizia nge ni ta a? Nutling pui, han ṭah hluam mai chu", ka nuin a rawn ti a.


Hlauhthawnna leh min ngaihtuahna âwka bakah, min hmangaihna han hriat chuan min tinôin, min tipangchang zual a.


Ṭah lai ka bâng thei mawlh lo.


Lal Fanuin, "Anu, ṭap tawh suh", a lo ti bawk a. A mit tui a tling piau tawh.


Ka nuin, "I pasal nen in inhau em ni?", a rawn ti ta a.


A thlâvang hauh lehin, "Hau lo e, vawiin chu ka ngai lutuk che a", ka inawihlo.


"Keini pawhin kan ngai lutuk che alawm, nakinah, lo zin leh rawh u aw. Nangni in lo thawh chhuah loh chuan, inhmuh tik ni kan nei thei dawn lo", ka nu âw dam lutuk tak mai chuan min fan raih.


Sammy-a âw han ni zawk se, min kuah ngei bawk se!


"Nu, Sammy bulah ka sawi ang a, Chawlhni hmang turin kan lo kal ang aw",


"Eee, lo kal ngei ngei rawh u. Kan ngai tawh lutuk che u. Chhuanpui, dah tawh ang hmiang, hei, Puan tah ṭan a hun dawn a",


"Aw, Nu, a nih aw".


Lal Fanu hnenah a Pa bula sawi lo turin ka ti a. A sawi lo ve mai.


Taiṭita chu kar khat chhung ka be lo a, a message ka dawng leh nawlh ṭhin. Phone khawih ka peih hlawllo.


Hriati leh Nancy te hian min lo call a, kan inbia a ni mai.


Zan khat chu, Sammy-an min kuah ve tehmial.


Siamtea bulah Lal Fanu a mu leh a, a âwmah min kuah betin, ka lu a tuaiin a khabe a nghat a, a changin ka hnung a chul heuh heuh bawk.


Rang lutuk tak maiin mit tui a chhuak a, ka pasal ngei mai chu nghet takin ka kuah vawng vawng.


A âwmah ka hmai ka phum a, Taiṭita chunga ka rilru dik lo lutuk tak khan min deng dawt dawt.


Sammy-an bum lo tâwkin uiresan a lo hlawh tawh a, kei lahin, rilruin ka lo uiresan ve leh bawk.


Chung zawng zawng ka ngaihtuah chuan min ti â dawnin ka hria.


"Chhuanpui, i ṭha maw?", min tung tho a, muangchangin thâwk ka la.


"Sam, Sam?", a kawr âwmah ka ṭham ṭawk ṭawk, ka hnung a chum dat dat.


A hahthlak a nia.


"Chhuanpui, tui in rawh aw",


"Aih, ka duh lo, min kuah leh rawh", harsa ti fahranin ka ti a.


Tui in aiin min kuah turin ka duh zawk.



"Tui in phawt rawh", a tho a, tui min lak.


A ngaih ṭhat nan ka in sak a, min kuah ta nge nge.


Nghet takin ka pawm vawng vawng.


Khang hun chhung zawng khan ka khua a va han lo har hman tak. Ka ngaihzia ka hre thar bawk.


"Sam, nghet takin min pawm rawh",


"Of course, nghet takin ka pawm che".


Han chhuahchhal zawt zawt tak ka nâp a, mahse; tun dinhmunah chuan a thiam lo zawk ka ni tlat.


Taiṭitan a duh a hmu tawh a, keiin pasal ka nei tawh bawk.


A laka ka rilru puthmang thlak ka ngai a ni.


Chu loah, keimah chauhin ka duh kha a ni a, ani chuan min duh ve lo.


Sangsangi a nei tawh a, lawmpui tur a ni.


Rilru Doctor pan ngei ngei ka ngai ta a nih hi!


(Zawmna)


Zinga ka harh chu, ṭhu chhuakin Sammy ka thlêk vang vang.


Ani hi chu, engtiangin awm mah se, mipa a ni a, mualphona leh hmingchhiatna a nei ve thei lo.


Sawi mam sak zel a ni dawn a, kei hi; tuna ka awmdan hi ka lo ngaihtuah ṭhin ang a ni lo.


Ka lo ten ruk em em ṭhin, "Hetiang hian ka awm ve hauh lo ang", tia ka lo vawn(vawng) ruk ṭhin a ni a.


Sammy chu ka bawh a, che hlakin min kuah ve mai bawk.


Rilru siam thar leh a ngai a ni!


Siamtea leh Freddy-a te School-ah thlah zoin, Dawr lam kan pan. Chawhnua zin chhuak tur a ni a, Dawr min tlawhpui zuai dawn.


Ka nu leh pa awm se chu, Lal Fanu nena zui ka tum nen.
Dawr panna kawngah, "Sam, dil duh che ka nei a",


"Han sawi la",


"Chawlhni hmang turin Thenzawlah kal ila, khawngaihtakin", seat hmaa ṭhu a ni a, darthlalangah ka lang kuau mai si a, darthlalangah chik zetin mi melh kiau.


"Chawlhni tlaiah kan haw leh ang a, Siamtea leh Freddy-a te pawhin School an chawlh a ngai dawn lo a", ka ti leh a.


Hnung lam rawn hawi zawkin, "Zirtawpni tlaiah kan kal dawn nia, Thenzawl khua bik tlawh ka tum hrim hrim alawm", a ti ta a.


Nui sen senin, "Ka lawm lutuk e".


Sammy pawh a nui suk suk. Nupa ni loin, unau niawm kan ni. Ni lo, nau awmtu, a fate awmsaktu niawma mawi ka ni.


Dawr kan thleng a, kan awm rei lo.


Kan haw leh thuai thuai, lehkha pawimawh a ken tur a thliar fel laiin, a thawmhnaw ken tur ka lo thliar sak thung.


"Engtikah nge i lo haw theih ang?",


"Zirtawp zingah, Thenzawla kal turin ka lo hruai ang che u".


Thenzawl boruak hip vang vang ka duh tawh.


Sammy chuan Motor-a a chuan luh hmain, "Noodles leh Kimchi lo ei hlek s'u aw", nui suk chungin a ti zauh a.


Lei ka chhuah tut ringawt.


Noodles leh Kimchi kan va han ei dawn chiang em aw...


Zanah Sammy-an min rawn call a, Noodles ei lai tak a ni a, "Apa bulah sawi s'u aw", tiin ka hrilh hlawm si lo.


Lal Fanuin, "Apa, Noodles leh Kimchi kan ei", a han ti mai a nih kha. A kâ ka hup rang a nia aw.


Siamtea leh Freddy-an, "Kan ei lo kan ei lo", an ti hluai a.


Kan ei dawn tih a hre chiang a, "Tui deuhin lo ei rawh u, in pum a nat chuan ka hau nasa viau ang che u", dam zet hian a rawn ti a.


"Okay", naupang hoin an ti a. "In nu kha lo duat ula aw", a ti leh chu, ka sa chhuak nghal vek.


Siamtean, "Ehhh", a han ti lehnghal a. Sammy-a tak awm phei se chu, zah avangin ka tlu thûm dup thei ang chu mawle.


"In pa thusawi kha in hria maw, min duat hle a ngai ang", inkuangkuah thânin ka han ti a.


An nui nasa mai.


Naupang muthilh hnuah Sammy hnen aṭangin message ka dawng a, Taiṭita hnen aṭang pawhin ka dawng.


Sammy-a message zawk hawngin, ***Naupang an muhil tawh em?*** a rawn ti chu, ***muhil tawh, muhil ve tawh rawh, a tlai tawh hi***


Taiṭita message chu chhun lamah chauh chhân ka tum tawh.


***i ngaihawm lutuk a, ka muhil thei lo*** a rawn ti chu, phone ka thloh lo chauh.


Ṭhu chhuak ngatin Sammy-a message ka en.


***i muthlu a ni maw?*** a rawn ti leh.


***muthlu lo e, min ngai tak tak maw?***

Ka ringhlel deuh tlat.


***Sam, i thawn sual a ni lo maw*** ti ngatin, a thawn sual thu a rawn sawi ang tih ka hlau hle thung.


Sammy message lo thleng thuaiin, ***thawn sual lo e, nang lo biak tur dang an awm chuang em ni?*** a rawn zei vel lutuk chu, ka mutna mattress ka beng hlak hlak.


***Sam, nangmah i ni takmeuh maw?***


***Victoria Secret Brand zinga ka duh ber min hâksak duh ang em?***



***mu rawh, i chau a nih kha*** ka va ti.


A rawn nui nasa ngang mai.


Zanin a awmdan chu mak em a ni. A dam ṭha lo nge, nge ni a, midangin a phone an ruk sak ang a.


Chutiang zawng a ni thei lo, thleng thei a ni lo.


Mi la call zui, phu chiang tak ka ni.


"Nge?", ṭawng ring ngam loin ka phun hluk.


"Nge mah", a rawn ti. A âw ngei a ni bawk si, a dam ṭha lo a nih hrim dawn hi le.


Inenkawl ṭha tura ka hrilhin, "Dam ṭha lo chungin ka rawn haw ang a, ka Doctor-ah i ṭang ang", a rawn ti ta.


A intizei kual lutuk chuan ngaihte lam a tiṭha lo dawn dawn.


Lawmawm rualin ngaih a ṭha lo zawk alawm.


"Muhil tawh rawh le, thawh i hai palh ang", loud speaker-ah ka dah a, lukham hnuaiah, a âw ka hriat theih tho turin ka dah.


"Sam, off suh aw",


"Off lah lo e, i muhil hnar ri ka lo ngaithla ang", ka nui ver ver.


Chutiang chuan, a lo haw hma zan chu call-in kan inbe ziah. Call kan off ngai lo a, zinga a harh hmasa zawk zawkin a harh ve lo kan kaitho ṭhin.


Tleirawl inngaizâwng nen ka intehkhin, a nuam lawi si.


"Anu, Apa a lo haw ṭep tawh em?", Lal Fanuin a ti chu, "Chhunah a lo thleng ang", ka ti a.


"Chuan, Tlaiah Thenzawlah kan kal leh nghal dawn",


"Yess, Thenzawlah kan kal dawn", an unau thumin an zuang awr awr.


Sammy a rawn haw mek a, a lo thleng thuai turah ngai ang.


Epilouge...


Sammy-a chu Aizawl a rawn lut ta a, mahni in lam pan hmasa loin, Restaurant pakhat kawtah chhukin, a chhungah a lut ta a.


Taiṭita, Hriatchhunga chuan a lo nghak reng tawh.


Sammy chuan panin, a hmaah hmanhmawh takin a ṭhu thla ta a.


"Ṭhut rei ka tum lo, ka han sawi zung zung ang e. Sangsangi tia i hmelhriat kha Zothangmawii a ni a, ka nupui hlui a nih kha", Taiṭita chuan a ngaihna hre lo takin a ngaithla tawp ringawt.


Sammy-a chuan sawi zelin, "Tun thleng hian min beisei a, Chhuanpuii nena kan inṭhen theih nan nang hi hmanrua atana hman tum chein a lo bia che a nih kha. High School-a Chhuanpuii i duh rukna kha hman ṭangkai tumin, Chhuanpuiin min uiresan anga lan tira ka ṭhen theih nan ruahmanna fel tak a siam a ni", Taiṭita chu â a meng hra a.


"Chhuanpuii nen in inkarah engthil pawh lo thleng rawh se, engtikah mah ka ṭhen dawn lo. Nang hi a lo thlang ta che a nih pawhin, ka khung bet tlat ang a, tu hnenah mah ka kaltir dawn lo. Chhuanpuii chu khumkhuain ka bulah a awm reng dawn. Chu zawng ni rawh se", a ti a.


Taiṭita chuan insawifiahna hun a nei meuh lo.


Sammy chu tho tharhin a chhuak zui ta daih mai si a. Taiṭita thung chu ngawi rengin a ṭhu ngat ngat a.


A thu hriat zo chauh chuan a ṭhawng hle ni tur a ni.


High School-ah Chhuanpuii chu a duh ṭhin ngei mai. Zirna an zo a, Zirna Run a dang ta nen.


Chhuanpuii biak pawhna tur a nei mai si lo, ngaihzâwng te han nei ve lâwp lâwpin, kum tam hnuah, Chhuanpuiin pasal a neih hnuah an inhmu leh a ni a.


Taiṭita thinlungah a thar ṭha leh hle a nih kha.


Chhuanpuii bula, a ṭhian thar Sangsangi a duh thu a sawi te chu, Chhuanpuii a chang tawh si lo, a inhnemna leh insawitheihna mai a ni.


Sammy-a hnen aṭanga a thu hriat chuan, a rilru ngaihtuahna tizing muai muaiin, Sangsangi chu engtiang takin hmachhawn ta ang maw?


"Duhsak, Zothangmawii inah kal rawh", motor-a chuang lutin Sammy chuan a ti a.


Duhsaka chuan Manoi in panin, darthlalang aṭangin Sammy-a chu a melh leh zauh ṭhin.


Sammy-a chu thinrim hle mah se, Manoi lakah âwka vin a hmang dawn lo tih a hria.


Sammy-a chu rang taka chhukin, Manoi kawngkhar a chum dawt dawt.


Duhsaka mak ti chu, a thinphu a rang ṭhelh a ni.


Manoi chuan a rawn hawng a, Sammy-a hmaisen a hmu thut chu a tawlh hnung dawrh.


"E he! Sam, engtikin nge i lo haw?",


"Infiamna hi titawp tawh rawh. I tawp lo a nih pawhin i thu angin ka awm tawh dawn lo. Kum khat chhung tehmeuh ka nupui khawhar leh mal takin ka siam a, i duh ang chhânna i hmuh phah chuang lo. Tun aṭang chuan, ka nupui chunga thil ṭha lo thlen tir i tum emaw, i thlen tir emaw a nih chuan, ka fa te nu i ni tih theihnghilh ṭhak khawpin ka che ang", tiin, a chhuak zui nal nal.


Duhsaka chuan Manoi a melh zauh a, Manoi mak ti phawk hra chu va bawisawi hman ni hek lo, a Pu Sammy chu a zui chhuak ve ta a.




Lalchhuanpuii pov...

Ni hnih khat lek cham tur kan nih avangin thawmhnaw kan keng âm lo.


Thenzawl kal lohna a rei tawh lutuk a, kawng chhe lai a awm mang ta lo. Hmun ṭhenkhatah kawng siama inhawr an awm tho.


Sammy chu a chau a ni ang, seat hma lamah ṭhuin, seat hnung ngheng ar arin a muhil bawrh bawrh.


Hla kan play bawk si a, naupang ho pawh an mut chhuakin, "Muhil ula, thlen hunah ka kaitho ang che u", ka ti a.


Thu an awih a nia, an muhil thuai.


Duhsaka nen chauh meng kan awm. Hmingi a lawm ngawt ang. Duhsaka a hmu thei dawn a.


An pahnihin ka inbiaktir tawh ngei ang.


Zana thleng kan nih bakah, hrilh lâwk loh kan ni a, an phu nasa hlawm ngei mai. An nui ṭhaw.


Chaw ṭhing ei khawp an lo nei lo hlauh mai, kan han chhum chawp rawk rawk a, chawhmeh siam belh a ngai lo hlauh thung.


Ka vah te hoin Alu kan(kang) leh Dal kan(kang) an duh ve tho avangin a hranpaa siam a ngai lo bawk.


Puar peng pawnga kan ei khamah, ka nuin Fridge aṭangin Strawberry Ice Cream a lo la chhuak a, kan nufa zaa kan lawm dan chu, Khiang rah tla ang mai kan ni.


Ka pain, "Naktukah a tharin kan inkawm dawn nia, in chau dawn tih chiang sa, han mu hahdam phawt teh u", a ti a.


"Apu, i bulah ka lo mu", Freddy-an a ti a. Ka pa bulah a va ding zawi hnuang.


Siamtea pawhin, "Keipawh", a ti ve a. Lal Fanu thung chu a Pa bulah. A pa hi a ngai thei hliah hliah bik em.


Lal Fanu leh a pa chu an mu tui ngang mai. Lal Fanu hian puan sin tlawh thlak a ching ṭhin a, ka muhil lawk thei lo chu ka siam ṭha reng mai.


Engtikin nge ka muthilh ka hre lo, "Anu, tho tawh rawh", Lal Fanuin min sâwi nasa mai.


Tep chapin, "Apa tho tawh em?", ka inbeng kang a, Sammy ka en, a bek veilama a kuta innemkhalhin mi melh kuau mai.


Hnuaichhiahna tel miah loa Min nuihzatna a lang hle bawk.


Ka zak chu puanin ka han inkhuh ringawt a, Sammy-an puan a rawn pawt hawng ṭhuai, "Anu, tho tawh rawh, dar sawm a ri hnai", a ti chu rang lutuk tak maiin ka ṭhu chhuak chiang lutuk.


"Tak tak maw?", ka ti a. Hawi kualin, tukverh aṭangin ni zung a rawn lut tawh chu niin.


In chhung thawm a reh diak thung.


Inrinni a ni a, School kal a ngai lo a, chhungte hian mut an âm deuh a ni ang.


"Dar sawm a la ri lo ang", tithla rawkin, "A ri tuin nge ti?", a ti hmuk a. Lal Fanu a nui sen sen.


Lal Fanu chuan, "Dar ruk", a ti reuh a. Banga sana intar enin, Dar sarih a ri hnai.


"Ka tho dawn", tih leh thawh ka tum chu Sammy-an min pawt thlu, puanin min tuam hlun, Lal Fanu a nui ar ar.


Sammy chuan, "A la hma, tho pawh ni la tih tur i nei lo", a ti a. "Nei, chaw chhum a ngai", ka ti deuh hmak.


A ner nasa mai, "Ngai lo, ngai lo, tho tura ka hrilh hma che chu i tho dawn lo",


"E, i thu lo ber ang", tia thawh ka tum chu ka âwm chungah a kut a kham ruah mai.


"Kuah bet tlat i ni mai", a han ti ta ang a. Min kuah ka ti thei lo, Thingtuluang ang maiin a Ban khauh zet a inkham ruah mai chauh.


Lal Fanuin, "Apu te bulah ka kal duh", a lo ti ta a. Ka nu leh pa te pawh an la tho lo.


Pindan kawngka a hawng thiam dawn si lo a, "Ka lo kalpui ang che", Sammy zawk a tho a, "Tikhan lo mu reng rawh", lei ka chhuah tut.


Mo kan nei a, a lo thawh huna mut reng bik nuam ka ti dawn lo.


Sammy-an phal lo sawmsarih mah se, ka inperh tho zat.


Mo ai pawha thawh hma a ngai hrim hrim. Mikhual chan chang kan ni ve ta reng mai.


Mutna thleh fel laiin, "Tho suh ka tih che kha", hnung aṭangin ka kâwngah min pawm a, ka kokiah a khabe nghatin, ka nghawng a fawp kual dûn dûn.


A kut beng hlakin, "Uang uang suh, chaw chhum a ngai ka tih kha",


"Uang ve ang chu, uan chhan ṭha tak ka nei che a", ka hmulthi a ding thei!


Ding nghet thei dawn loa inhriain ka tal chhuak phut a, "Mutna lo tifel la, chaw ka va chhum ang e", a nui zui hak ri chu, ngei zetin ka melh rawm rawm.


Kan Mo, u Dindini pawh an pindan aṭangin a lo chhuak chiah.


"Chhuanpui, min thawhkhalh elo? La mut tur che alawm, Inrinni a ni sia, mut ka âm deuh a nih hi", u Dindini inthlahrung hmel chuan min intithlahrung.


"Nizanah kan lo thleng tlai si, a ho em mai. Ei rawngbawl dun lohna a rei tawh em mai", ka lo ti a.


A inthlahrunna a zia deuh.


Kan pahnihin Chokaah kan ri dun ker ker a, Ni a tlangsâng chho zel a, in chhunga thawm lah a sâng chho ve zel bawk.


Ka vah te ho hi chu upa lam ṭhuau an ni tawh a, an bulah chuan ka fa te ka awm tir ngam, thla a muang.


Sammy a lo kal tih an hre darh thuai a, inlêng an lo pungkhawm ṭak ṭak.


Chawlh hmang tura kal, chawlh theih si lo ang vel kan ni.


Sammy-a ṭanpui theih dan ṭha ber chu, ngawi renga awm a, inlêng lo biak ṭhat a ni mai.


Ka nu hnena Puan Tah zirte chu ka Nu aiin ka han zirtir ang lâwp lâwp a. Hmingi lahin nilengin min awmpui.


Duhsaka hming lam ri kher lo mah se, a rukin a zawng reng thung.


Ka u te chhungkua leh Siamtea te unau thum te chu kan Dil-ah an kal a, Sangha an lo hawn ṭeuh beisei ang.


"Chhuanpui, chhuna ei tur eng nge in siam ang? Hmingi nen han ngaihtuah teh u", ka nuin min lo au a.


Kan in bul lawkah hian Puan Tah zirna ka nuin a hawng.


"Ka lo chhâwk ang che u, lo lut teh u", ka nuin a lo ti leh a. In aṭangin a lo chhuak.


Doormat bulah Chapal a tam ang huin, pheikhawk bun chunga in chhunga tei tei lah an tam.


U Dindini te lo haw hmaa chhuat tihfai vek a ngai dawn a nih hi.


"Hming, eng nge kan siam ang?",


"Atta kang ila ṭha mai lo'm ni? Hmarcha kan siam bawk ang a, Thingpui paw thlum tui tâwk nen", ka nuih sen sen.


Ṭhiannu Hmingi tak hi chu aw...


Thingpui a siam tui thiam alawm le. Tihdan ka hre tak.


Belbawma Atta zawng ang deuha awmin, ka thukru hmak. "Hming, Atta kan nei tawh lo, engtin nge ni ang. Tam deuh nuaia kan(kang) a ngai dawn bawk si a", ka ti zeuh.


"Awihawm loh eee, zawng ṭha teh",


"E hei, Polythene khat chu a awm", panga lai chu a awm. Pakhat chauh ka khai chhuak.


Inlêng awmna lunghnur takin ka han melh a, "Kan kham lo ang, Purunsen leh Hmarcha muh te, Amul Taaza te. Takah", Hmingi kaiin pawnah ka chhuahpui a.


Ka nu bula awm Duhsaka chu koin, "Duha, Hmingi nen hian Dawrah han kal lawk ta che u, Motor hian, a rang zawk ang", Hmingin min sik ru hlawk hlawk.


"Aw le, chahbi ka han la lawk ang e", in chhunga lut tura min kalpel chu Hmingin min kuah thlu lo chauh.


"Pawisa ka han la lawk ang e aw", ka ti a, engmah a sawi thei lo, ka bânah min kuah bet a, kalnaah min zui mawl tawp.


A va han lâi chhe rem rum tak.


Duhsaka a lo chhuah chuan, "Ni leh si, Motor-a kal a ngai lo, kea kal theih chauh alawm. Lo haw har lo ula", Hmingi kutah pawisa dahin ka luhsan daih.


Hmingi leh Duhsaka chu an kal ta a, inbe miah loin an awm thei dawn lo rengss.


Hmingi pov...

Lalchhuanpuii mai mai chu, ka ngei rualin ka lawm.


Ka duh tih hi a hre ru mawni? He nu tak hi chu, a fing leh lutuk a, a hria a ni hrim hrim ang.


A ngawi ngal mai si a, a kal chak bawk si. A kekawr ipteah a kut a zen lut fel thân nen, kalpui a hrehawm lam chu a ni.


Mahse, ka duhna bo chuang lo. Mahni induhtâwk ve tak a ni tih ka chiang alawm.


"Khawi dawrah nge kan lei ang?", ding meuhin min thlêk. Min biak vawikhatna a ni a, tiril a khûr nia!


Ṭang ṭeuh chung hian, "Sawlai deuhah sawn", ka kâwk ringawt.


"Lei tur i hria ang maw?", kiai sak chungin ka lu chungah a kut a nghat thawk a, la sawn leh thuaiin kal hmasaah a ṭang zui daih.


Zui nachang ka hriat loh avangin, "Hmingi, Min lo zui ta che", a rawn ti chu, "Ka lo.zui che", a bulah a tlanin ka tlan.


Ka hming tein min ko vel nia, ka hming a hria tihna! A va han nuam tak. Lum ti tak ka ni.


Pu Thianga dawrah Purunsen leh Atta kan lei a, "E hem, Hmingi chu, kalpui chhe lo khawp mai", Pu Thianga a ti chu, "I chawh", ka han ti ngawt pek a.


Duhsaka a awm tih hre chhuak thutin, ka hmui ka hup rang lutuk. Mitmu chhuak tur khawp khawpin ka meng pawng bawk.


Pu Thianga chu a dan ngai tein a nui huah huah a, dawr chhunga midang awm te pawh an nui huah huah.


Duhsaka melh zauhin, a nui ve suk suk.


Chet chhiat theih ngei mai.


"Kan hmanhmawh, kan lawm lutuk e".


Duhsakan kan thil lei a khai a, ka kalpui hlawk hlawk.


A hmaah ka kal a, ka ngaichang tawh lo. In kawng a hre tho a, a lo thleng ve thei em em ang.


Lalchhuanpuii pov...

Atta nuai mial mialin, "Lalchhuanpui", Hmingin mi han sik hlawk chu, Atta nuaina ka thloh chiang lutuk.


Chhuata tla chhara tin uaihin, "Silfai rawh", ka ti a. Min chuhin a silfai mai bawk.


Purunsen leh Atta khaiin Duhsaka a lo lut a, Dawhkanah a dah.


"Khawiah nge hmarcha muh? A awm miah lo a nia", Duhsaka hawihai nasa lutuk chu, "Hmingin a theihnghilh nimaw?",


"E he!", Lalhmingin Atta nuaina sil chungin a lo ti.


Duhsaka bula a awm chu, a hriatna a hloh ṭhen ta a ni chêk ang chu.


"Ka va lei lawk mai ang e", Duhsakan a ti a. Hmingin, "Ngai lo, ka va lei ang, pawisa chuang a tam danah mak ka ti reng a ni", ti nuah nuahin Atta nuaina dawhkanah dah chawrhin a phit chhuak nghal.


Mak tih hmel deuhin Duhsakan a en zui a, a nui sak ta mai!


E hiau hiau le.


A pui chho dawnin a lang ru tlat.


Duhsakan ka en reng tih a hmuh chuan, âw thian kharhin, "Ka pi bulah ka va awm leh ang e", a ti a.


Nui ver verin Atta ka nuai.


Hmingi lo thleng thuaiin, engkhaw sawi set set tawh loin, ngawi rengin Atta min nuaipui a. Amul Taaza kan theihnghilh leh ta.


"Hming, Amul Taaza",


"Aw ka Lalpa, va han hahthlak thei tak", thaw chhuak ham hamin a tlan chhuak leh.


Mamawh kan fawmkim tawh bawk a, puar el awlin kan inhrai ta a.


Ka u te pawh lo haw ta bawkin, Sangha an lo hawn ṭeuh nghe nghe.


Dila Sangha hi a Sen a ni a, kan Dil tui hi a thianghlim bakah, kan Sangha te hi a tui thei bik.


A hangin a ṭhen kan chhum hluah a, a.ṭhen baiin, a ṭhen tui nei chep chawpin kan kang bawk.


Chhunah inhraipuar el awl tawh mah ila, theihpatawpa puarin chaw ka ei leh tho mai a nih kha.


Ṭhutthlenga ṭhu chawl mai maia inngai kha, ka han meng chhuak a, chhuatah muin Lal Fanu kut ka kawr chhungah a lo awm heu mai.


Khua a êng deuh ruai ruai tawh.


Sammy ka hmu lo chu ka mit ka lên ruai. Ka muthilh lai ka hre lo reng reng.


Lal Fanu kut laksawn zawh rualin Bathroom-ah thawm hriain, Sammy a nih ka ring thiam mai.


Amah a ni ngei bawk, lo mu thla pahin, "Puar tak hian chaw ei ngai tawh lo la a ṭha ang",


"Timaw?", puanah a inthawlh a.


Min lo thlekin, "I duhna hmunah muthilh nan i hman phah ringawt a",


"Ni lo ang", ti mah ila, a nih ngei si hi.


Inlêng kan nei ngei awm si a, Sammy tan a mualphothlak lo turah ngai ang.


"Sam, tihpalh lutuk",


"A ho lutuk, mu leh tawh rawh", min piai zauh.


Phone enin, Dar nga a ri hnai der.


Hetiangah hi chuanin men(meng) tlang a ngai. Muthilh nawn chi a ni tawh lo. Lal Fanu pawh a harh ṭep tawhin a nia ka rin. A harh hma thei si, a harh vek vek chuan mut mai mai a duh bau si lo.


"Muhil rawh, kei chu ka meng tlang tawh zawk mai ang. Lal Fanu a harh ṭep ang",


"Muthilh nan hun a la tam",


"Sam, mut ka kham",


"Mut inkhamtir zawk ta che", nui chhuak lo turin ka hmui hnuai ka pet.


Ka chunga ṭhat a chhuahna hian min tihlau tawh si a, nuam erawh ka ti.


A der nge a tak ni ang tihah ka buai ṭhin.


Heti hian, ṭhat a chhuahna hian tawp chin a neih leh ka hlau a ni.


Sammy muthilh tum lo chuan min thlek vung vung, "Nge, muhil ta che",


"Thuruk ṭha deuh ka nei a",


"Chutiang a ho", ka tihsak a, a duh lo ngang mai.


A mit ko a san ak ak, "Nge?", ti zawi sepin, ka hmui rawn tawkin a tuai ne ne.


Hrethiam ta chiah, tun ṭum chu, phalna min dil tlat. A hma zawngin phalna a dil ngai si lo.


A chezia hi chu, maksak thei mang e.


"Khua a var tawh, Lal Fanu a harh ṭep ka tih kha", ka hmui a hmer vak.


A kut beng hlak hlakin, min thlah ve mai.


"Please", intikhawngaihthlak fahranin a han meng kual vel. Ka seh sawk sawk châk lutuk.


Vawikhat chauh bu nghatin, ka hmui rawn bawh thuahin, ka chungah a bawk fel nghal chu a ni mai.


Chawhnuah Vantawng Khawhthla lamah kan lêng a, Hmingi hruai telin, nuam a ti fal pang pang bik.


Duhsaka nena Atta lei tura an zinkawng min la hrilh lo na chu, a fuh hlein a rinawm.


Sammy-a nen lung pakhat chungah ṭhu dunin, a kokiah ka lu ka nghat a, min kuah hle hle.


Engtikah nge, a mizia a thlak leh dawn ka hre si lo. Min duat lai hian sawisel lo teh ang.


Aizawl kan thleng leh ta chu a ni a, buai a zualin ka hria.


Nilêngin, Sammy-an hna a thawh chhungin in tihfelfai nan ka hmang. Lal Fanu nen a nih ber chu.


Pang a dam a, Pasalte an fela min duat bawk chuan hun hi a kal zung zung, a uiawm.


Kum te lah a ral chak.


Siamtea chu Rawlthar nun a hmang chho ṭan dawn ta a, Freddy-a pawhin a hlat tawh lo.


Lal Fanu pawh School kal tawh turin kan ti a, Sammy-an, "Chhuanpui, Lal Fanu hi School kal turin ka duh tawh, eng nge i ngaihdan?", bathroom kawngka nghengin, a khabe hmul ziahna keng vû chungin a ti a.


A hmui sir a la fai ṭha lo lutuk, tihfai hmasak phawt tur a nia.


Pindan chhuat ka nawt a ni a, khum chungah Lal Fanuin a Ṭhiannu Elsa-i a inkhualtelempui.


"I sawi har ka ti reng a ni, naktukah School-ah kan kal nghal ang", nui hak hakin, intifai turin bathroom-ah a lut nal nal.


School kaltir kan tum a, a kal tur ber Lal Fanu lah hian School lam reng a ngaihsak lo.


Chhuat nawh fel hnuin, Sammy pawh bathroom aṭanga lo chhuakin inhru hulin a inthlak mial mial.


Lal Fanu bulah ṭhuin, "Lal Fanu, School kal ve tawh rawh aw, a u te angin. Chuan, KFC dawrah kan chawl.ziah ang a",


"KFC hmanga thlêm awih loh", a pain a lo ti.


Melh nghekin, "Inthlak mai mai rawh", a nui duh chauh lek zu nia.


Nuih a ching riau a, ngaih ṭhat loh laklawhnain min man tawh nen, amah tawpah hian ngaih ṭhat lohna lian tak ka nei ṭan tawh.


Zawh mi ni nghal lo chuan, zawh ngamin awm ngai hek suh.


Lal Fanu chuan, "School maw? Yess, Anu, School ka kal duh. Bag nalh deuh min pe dawn em?", phur lutuk tak maiin a han ti a.


Min tiphur, "Elsa Bag ka pe ang che, School-ah chuan ṭhian te i nei bawk ang a, a nuam dawn lutuk",


"Yesss", Lal Fanu chu khum chungah a zuang tawr tawr.


A va han hmuhnawm tak em aw...


School ṭan a ni leh ta a, Lal Fanu pawh School a kal ve leh ta.


Sawi tawh angin, Siamtea chuan Rawlthar nun a tem chho dawn ta a, hriat tur pawimawh tak pakhat a nei.


A lehkhazirna ṭhutthlenga ṭhuin, a hmaah ka ṭhingṭhi a, a kut pahnih chu nghet takin ka chelh belhbawm.


"Siamte, thil pakhat ka hrilh dawn che, ngun deuhin ngaithla rawh aw. Chuan, zawm ngei ngei tum la, theihnghilh miah suh ang che",


"Aw le, Nu, ka theihnghilh lo ang a, ka zawm ngei ngei bawk ang", fapa thuawih thei tak ka nei thei a, a lawmawm tih piah lam a ni.


"Ih maw, Rawlthar i ni chho dawn ta a, i taksa a puitlin chhoh ṭan dawn bakah, i ṭawng thûm dut dut ṭan bawk ang a",


"Ka pa angin maw?", a ti chu, ka nui chhuak ṭhelh.


Bu nghatin, "Dik chiah, i pa ang hian. Chuan maw, thil pakhat pawimawh deuh chu, i classmate hmeichhiate pawh Tleirawl an ni dawn a. An hnutê a pâwng chhuak dawn a, chu loah, ṭhan thi an nei ṭan dawn bawk",


"Chu chu eng nge?",


"Keimah ang hian an hnutê a lian dawn tihna a nih chu, tunah chuan an hnutê a la pâwn loh avangin an âwm a phek vek ang tiraw?", ka ti a.


Nui sâwngin a bu nghat nghat, "Pathianin hmeichhia chauh hnutê pâwng chhuak tura a tih avangin a pâwng chhuak ṭhin a",


"A lian maw?", ka bu nghat. "Ni e, a lian ṭhin. Chuan, chutah chuan kawrhnuai an hak a ngai a, chhaih nan emaw fiam nan hman miah loh tur. Ṭhan thi an neih hunah pawh, Pads an hren a ngai a, buaithlak deuh chu maw, Pum hnuai hi Tai kan ti a, chu chu a na thei lutuk", Siamtea mitmeng a fiahin, a beng kum loin a kî vah mai.


Min ngaithla tih a chiang a, lawmnain ka khat.


"Ṭhan thi aṭang chuan, Thla tinin, Thla tir emaw thla tawp lamah emaw Thi kan nei ta ziah a. Thi neih hi 'Period' emaw 'V' tiin kan sawi ṭhin aw. Thla khatah vawihnih kan nei tihna a nih chu", a meng bial ta deuh.


Thla khata vawihnih Thi neih chu a ti a ni ang, "Khawi aṭangin nge Thi chu a lo chhuah a?", a inthiamlo chu, a sen ṭawn ṭawn.


Zawhna tur dik tak a ni.


"Kan kap aṭangin a lo chhuak ṭhin. Nakinah, in Zirtirtuten an la zirtir dawn che u a, kei ai hian an la hrilhfiah ṭha zawk bawk ang che u".


Mi pawh en hlei loin A han ngawi deuh vang vang a, zawhna a ngaihtuah mawni?


"Min zawh duh apiang min zawt la, ka hriat chu ka hrilh zel ang che", a kut tiche dat dat pahin ka ti a.


Siamtea chuan, "Nei lo e, sawi chhunzawm leh tawh la", a ti zawk a.


Ka han insangmar hlek a, "A chang chuan, Thla khat emaw te hi kan âwl ve ṭhin. Chuan, buaithlak lehna pakhat chu, Pads hren a dik lo emaw, Thi neih ṭantira Thi a chhuah tam hian kan kekawr hâk emaw, pawnfen fen mawngah a lo tlang ta ṭhin a. Chutiang chu, khawlaiah emaw, in Classroom-ah emaw pawh nise, an zah lohna tur berin ṭha takin i hrilh ang a, i ṭanpui ṭhin tur a ni".


Chutiang chuan Siamtea nen kan inhrilh malh malh.


A ngaithla ngunin, zawm ngei a tum bawk. A chalah a inziak kuau.


"Chuan maw, bialnu la neih miah loh tur a nia, Pawl Sawm i pass hunah chauh i nei thei ang a, Pawl Sawmpahnih i pass hunah Phone i nei thei chauh bawk ang", ka ti leh a.


Siamtean, "Bialnu ka nei peih lo e a", a intihtir a. Tomato angin a sen ṭawn ṭawn.


Tunlaiah chuan, Pawl Li zirlai lek lek pawh hian Bialnu leh Bialpa intihneih an ching lutuk tlat.


Kum naupangtêa bialnu, bialpa buaipui hi ṭha ka tih zâwng a ni ve lo.


Siamtea bulah chuan, "A ṭha lutuk, tunah rih chuan bialnu neih a la ṭul miah lo. I zirlaiah chuah i rilru i pe ang. Chumi pah chuan hna i thawh duhna ber emaw, i dreams emaw te i ngaihtuah pah zel ang a, Hobby te pawh", a dulah ka dêk a.


Khi ṭhawin a tawm chawih chawih.


"Pakhat leh chu maw, mahni ṭhiannu te pawh nise, hmeichhia reng reng chu kuah thuak thuak emaw, an hnutê leh mawngte khawihsak ringawt zel loh tur aw",


"Ngati nge?",


"Sawrkar hian Hmeichhe venhimna Dan ṭha takin a siam tawh a, thil ho te teah Jail i tâng thei. Chutin, bialnu i neih hunah pawh, an duh loh chung chunga kuah luih tlat te tum loh tur aw".


Fapa thuawih thei tak tur ka nei a, hmai a uang.


Ka thu chang awih tir ka tum lo.


Mahnia thutlukna siam ngam tur leh, mahnia ding chhuaka a tum ram thleng ngei tura huaisenna leh tumruhna nei turin ka zirtir fan ang.


Siamtea ang bawkin, Freddy-a pawh ka hrilh a, ani hi chu, tu nge a chhun hriatthiam a har, Pawl Sawm pass hnuah chauh bialnu neih ka phal thu ka sawiin, "Naaa, Nu, i phakar e", a ti hmiah mai ni.


A pa a chhun ti dawn ila, aaa, a pa a chhun a ni mai.


"Pawl Sawm pass hmaa bialnu i neih vaih chuan aw", ka ti hram a, "Naa, Nu", a ner zui sâwng a, "A ṭha alawm. Pawl sawm pass hnuah chauh bialnu ka nei ang. Mahse, min nghak thei ang em aw?", a han ti pek a.


Nuihza hle mah ila, ka nui duh lo.


Min fiam nge a thutak pawh ka hre lo e a.


"Bawihte, Pawl Sawm pass hma ka phal lo, i lo nei lui ang e. Pawl Sawm i pass thleng nghak theilotu che chu a ṭha lo tihna a ni mai",


"Niaaa", a ti muang fan ruih.


Kan inkuah a, Freddy-a hi chuan ka kalsan hlau niawm taka min kuah hi a tihṭhan a ni a.


A nuam vei phian.


Sammy-a hnenah ka hrilh leh vek ang a, tiṭha min tidawn nge, min hau zawk ang?


Min hauh ka ring lo, kan fate hi, "An naupang em mai", tia namnul mi an ni tawh lo.


An hriat loha kan rin te hi, a rukin an lo hre fur tawh zel.


Keinin, kum sawm, sawmpakhat, kum sawmparuk thleng pawhin a ni, ngaihzâwng neih nachang kan hre lo.chu thuhran, a hmei a pa khan Marble kan innâp zak zak a nia.


Tunah zawng, kum sawm an tlin rual rual hian ngaihzâwng neih tawh turah an ngai ka ti mai.


Ka fapa te pahnihah, Siamtea ka ngaihtuah lo. Freddy-a hi, ka vengthawng ta deuh ta...


Show post links
Top

[Ngaia]

Thinchhia tih hi khawngaihtakin Hmar ṭawngin min lo hrilh teh u)
Politician Nupui Hring Nun
Political Love Story_Fiction
Chapter-12
Ziaktu: Cck Lalchhuanawmi




Tunah zawng, kum sawm an tlin rual rual hian ngaihzâwng neih tawh turah an ngai ka ti mai.


Ka fapa te pahnihah, Siamtea ka ngaihtuah lo. Freddy-a hi, ka vengthawng ta deuh ta..


Sammy-a ka hrilh a, "Ṭha ve", a ti ringawt.


"Bialnu neih a duh tawh tihnaah ka ngai, duh pawh nise, ka phal dawn hauh lo. Bialnu neih nan khua a tlai lo bakah, nei rual lah a la ni hek lo",


"Mipa a nia, mipa tan chuan a pawi chuang lo a",


"I thu lak dan chu", ka lu kân deuhin, "Chutiangin an ti ngai lo, mipa nih avanga bialnu neih ṭeuh thu leh, neih hma a pawina a awm ve tho",


"Han sawi ta poh che", mi cho khawp mai.


Diau bik tum hek lo i, Lal Fanu a muhil tawh a, ṭawng reng a hre tawhin a rinawm loh.


"Ka han sawi ang aw",


"Go on", Sap Ṭawng lah hi hmang thlazen zel mai a.


Khiangawia Film-a an sawi angin, Mizo leh Mizo inbiaknaah Sap ṭawng hman emaw rawlh thlak emaw zen a ṭul lo nasa a ni.


Ni leh si, Zokhaw Thunder zawk.


"Chhuanpui?",


"Nupui atan Bialpa ngah lo tak, inchhungkhur vawngfela Nu leh Pa tihlungawi thiam tak, chutiangin pasal tihlungawi dan pawh thiam, engkawng pawha zei tâwk tak in duh. Nangmahni lam reng in invawng leh si lo", a nuihza hmel chuan min tiṭang ṭun.


Tlawh zawt ka han nâp a.


Sammy chuan, "Min han hrilh zel ta che, i ngawih reng zawngin a dik thei na'ng, khaw var huna min hrilh i tum leh, ka nghak thei che a", a ti sup a.


"Chhe zet zawt e a", ka melh kal.


Puipuii ṭawngkam tih a hria, a ngai thei lo hle bawk a nih kha maw...


Rin ang ngeiin, "Khatiang ṭawngkam kha ka ngaina lo a nia, a Lalpuipuii thlak em mai", a ti deuh hmuk.


Duh lo ve tak chu a nih hi maw, tun dinhmunah erawh, runluih mi a ni lo thung.


A thin hi a awrh chhuak tlat zel a, a ruk thei ang bera awrh ṭhin tur a nia.


"Mipa i nia, keia sawi ngai loa i hriat sa a nih bakah, i lo paltlang tawh",


"Chhuanpui, i mi han tihdan chu, mi cho hle mai maw?", a inti haw(hua) lui tih ka hriat chuan ka thaw huai thei.


Thinrimna atan chuan a ho lulai reng bawk a, Nupa han infiam emaw han inchhaih emaw hun te a awm ve tur a ni dawn lo'm ni?


Sammy chu cho taka en karin, "Cho chiangbal mai, hlau lo tak che ka ni bawk asin. Thudik tak ka sawi a, i huat chuan i dik lo tihna a ni mai", ka hnâr a piai zauh.


"Hmar lunglien, hna min thawhpui tura ka duh che avangin muthilh zai rel ta ila tiraw?", a lukham a siam rem.


"I chhe zet zawt lutuk, ka sawi tur ang pawh min sawi zawhtir ta phawt ta la", nui chhuak lo tura a hmui a pet ka hmu chu, engtin emaw tak hian ka awm.


Sawi thiam a har, lungawi loa han inlantira, min thlêm theih tura han intihtauh kual ka châk riau pek.


Chu'ng em zawng, a thleng lul dawn si lo.


"Chhuanpui Darling, mu ang le, hun a la tam alawm, taksa leh rilru chawlh hahdamtir tawh ang", mi rawn fawp a.


Lukhamah ka lu nghah tirin, Lal Fanu nen chuan min kuah. Ka muthilh lai pawh ka hre lo e a.


Sammy-a Office-ah awmin a Lehkhabu bakah, File ṭhenkhat rem felin ka dah ṭhatsak.


Ka phone a lo ri a, Lehkhabu tam tham tak ka pawm lai a nih avangin Sammy bulah min chhân sak turin ka han ti a.


Sammy-a chu buai tak a ni, ka inthlahrung.
Mahsela, phone ri chu a tawp thuai.


Kan chhungte tu emaw ber an nih ring tawp ang, ka nu leh pa, Hnahthiala mi an nih a rinawm.


Lal Fanuin School a kai ṭan tawh si a, an tunu chu an ngaihsakin ngaihtuah an pe na ve em!


Nu tel loa an chawi len(lian) ni tlat hek le!


Phone ri leh chu, "Chhuanpui, i phone a ri leh ta",


"Sam, khawngaihin", ka nuih seih.


Kiai sakin a dawhkan kila ka phone a ban a, "Taiṭita", a tih chuan, ka thinphu a inthum rawn tluk tluk nghal!


Sammy chuan phone a han hmer vak a, inbengdai tumin a han thâw hawk.


Zahthlak lutukin Taiṭita chu ka ngai thar riau lehnghal a.


Phone ka chuh, a ri tawp thei bawk si lo, "Sam, ka han chhâng lawk ang e aw", tiin, Office aṭanga chhuah tumin ka inher a.


"Lalchhuanpui?", a vin nghal ṭhawt.


Ka phu nasa lutuk leh hlau lutuk chuan Zun mi chehtir ṭhelh a ni.


Inher let lehin, "Khawia kal nge i tum? Hetah hian be rawh",


"Sam, a rei dawn hleinem, ka tibuai palh ang che, ka rei lo ang", ka tlan chhuak.


Min umzui lo chu vannei ka inti kher asin.


Chokaah Taiṭita chu ka be ta a, "Chhuanpui, ka tibuai che em?",


"Buai mai thei, Sammy-a nen hna kan thawk a",


"Khaih khaih! A va han chi loh tak, Pawi lutuk, pawi lutuk. Ṭanpui theihna che u ka neih chuan min lo hrilh hreh suh aw", ka nui ver ver.


Taiṭita tak hi chu aw...


"Hrilh chiangsa, a thuhrimah, i tlawngawl rei tawh, Thlêng sil chhawktu tur che zawng rawh",


"Ka hmu daih tawh aw, khatin mi lo ti vel suh. Inpuan chiah a ngai tawh",


"Chuti, inpuang vat vat rawh", thu lo ve tak ka ni bawk si.


Sangsangi chu a la hrilh lo a ni ngei ang le. Hmuhpui a châkawm.


Taiṭitan, "Chiah maw? Min la hmuhpui ve ang chu, a ni em?", a lo ti chu, ka ṭim uai uai.


Hmuhpui duh hle mah ila, ka huphurh tlat.
Ka rilru puthmang ka thlak tawhah ka ngai a, Taiṭita leh Sangsangi te inngaizawng tura ka han ngaihruat chhin a, min vit zawk thei nia!


"Hmuhpui tehlul e, Taiṭit, naupang School bâng lam a hun hnai, nidangah inbe leh ang hmiang?",


"Lutuk, lutuk, Lal Fanu min lo biak teh aw, a ngaihawm lutuk ringawt",


"Ka lo biak ang che".


Chair pawtchhuakin ka ṭhu a, Taiṭita laka ka rilru puthmang danglam lo chuan min hnawh tawt up up.


A ṭha lo tih hre reng chunga, rilru danglam pu hlek loa, thikna te ka han nei chu.


Ka bul lawkah ka pasal a awm a, chuti chunga mipa dang ka han ngaihmelh mai chu a ni si amaw!


Ṭi dâkin Office kawngkhar hawngin ka lut a, "Sam, chawl lawk ta che, Lal Fanu hruai a ngaih bakah, chhun thil ei a hun tawh a", a sira dingin a kokiah ka vuan a.


A ṭang ṭung mai.


Inhmuhchhuah ka ngai, chumi atan min han ânkhum hrep se ka va ti em!


A nih loh pawhin, min vua se emaw, kut min thlak emaw se a ṭha ang.


Dam thlup tê hian, "Duhsaka hrilh la va hruai mai ta che u. Hna a laklawh em mai", a ti a.


Han sawi nawi tum loin, Duhsaka nen Lal Fanu kan hruai.


Dawrah pawh kan chawl lo.


Sammy-a chauh a awm si a. Lal Fanu nen Noodles aiah Chow kan kang. Soup tui tâwk kan siam bawk.


Taiṭita nen inbe chhunzawm ta lem lo mah ila, Sammy-a mizia a inthlak leh ta deuh.


Mawlhtu nei ang mai hian a awm a, sawi thiam a har.


Sammy-a muthilh hlanin ka inngaihtuah rauh rauh, ka buaina bul ber chu Taiṭita a ni ta.


High School hun lai mai maia kir thei ka ni tawh lo, Hun a kohkir theih tlat lo alawm.


Sangsangi a duh a, keiin pasal leh fa ka nei tawh bawk. Inbia pawh ni ila, High School rilru pu thei ka ni tawh lo.


Vawikhat na na na chu, ka pasal hian mi chhuahchhalin kut hial min thlak teh se.


Chumi aṭangin Kar a liam a, phur taka Lal Fanu School kal hmuh chu a nuam ngei mai.


A tir aṭang rengin School kal tura innawrhlui a ngai lo.


School kalkawngah, "Sam, exam a hnai tawh si a, Lal Fanu hi pakhatna ni hlauh se tiraw?",


"Pakhatna a ni dawn alawm", hma lam aṭangin a lo ti a. "Aih, Pakhatna chu ka duh lo", Lal Fanuin a lo ti.


Freddy-an, "Pakhatna a ṭha ber asin, ngati nge i duh lo a?", tiin a lo zawt.


Lal Fanuin, "Pakhatna chuan lâwmman pakhat chauh a dawng thei a, ka duh lo alawm", a ti mai a nih kha.


Freddy-a chu uar takin a nui a, Siamtea pawh nui chhuak inthlahrungin a nui kur kur.


Bei a dawng duh a nia.


Sammy-a chuan khi sûngin, "Princess sawi chu a dik chiah alawm, Pakhatna chuan Lâwmman pakhat chauh a dawng thei a, duh miah loh tur", a ti a.


Lal Fanu a lawm a nia.


Pakhatnain Lâwmman pakhat aia tam a dawng zawk ṭhin a ni ngai a. Ka fanu ngaihtuahna tak hi chu aw...


Dawr kawt kan thlenin, "Sam, vawiin chu Dawrah ka lo awm ang e, Lal Fanu hruai a ngai tho a, Dawr aṭangin ka hruai mai ang", ka chhuk a.


A lo chhuk ve, Dawr chhungah kan inzui lut a, Hriati leh Nancy te nen an inchibai.


Han biak chhunzawm dan an hre bik lo, an inchibai zawhin, "Lehkhabu rem fel tur a awm a, kan va remfel lawk ang e", an kalkiang daih.


"College ka va tlawh lawk ang e, ka awm rei ka ring lo, Lal Fanu bân hmain ka lo thleng hman ang".


Sammy chu a chhuak leh thuai.


A chhuah hnu rei vak loah, Taiṭita a lo lut hlawl mai a nih kha.


Hriatin, "Khaiiiii, Lal Taiṭita pui roh chu! Eng nge i lo tih dawn? Mi hi ngai thei viau suh", a lo ti nghal duah.


Taiṭitan min lo melh zawk a, "Min hria elo? Chhuanpuii hmu turin ka lo.kal a, ka hriat ngai mi i niin ka hre lo tlat, min hrethiam rawh", a ti a.


Hriati a ṭhu tlum hmak.


Nancy a nui rah rah.


Taiṭita chu, "Hlawl che chuan, eng Lehkhabu ber nge i duh ve teh khiah?", nui varin ka ti a.


Khi sukin, "Lehkhabu Cial tak, hnawl nih loha inpuan dan ṭha tak chuanna", lo hnai hlekin, "I hriat kha", a ti sup.


"Kan ngah lutuk", mitko san keuhin ka ti a.


Taiṭita pawna inbiak.lawk a rawt chuan kan chhuak a.


"Chhuanpui, in pain a hau em lo ang che chu tiraw?", Coffee No chawiin, "Ringawt chuan, min hauh chhan tur a awm lo", ka ti a.


Vawihnih inin Coffee no chu ka dah thla a.


Mi en chet chetin a nui sâng bawk si a, ngaih a tiṭha lo nghal ringawt.


Nuam ka ti lo, "Sangsangi chu", titipui tur ka hriat chhun.


"Chhuanpui, Sangsangi hi rin ang a lo ni lo", a ṭhut dan a siam rem a, a rukin Beng ka chhi hnai sauh bawk.


Âtthlak zawk hian, Taiṭitan, "Ka duh tak takin i ring em?", tih min zawt chu, chhân dan tur bangbo tak ka ni.


"Chutiang min zawh, a hrechiang bertu i ni alawm. I duhthlanna leh thutlukna ka lo ruatsak thei lo che a, thurawn erawh ka pe thei thung che. Zawm dawn lem lo mah la", ka nui a.


Taiṭita pawh a nui ve mai.


"Biak a nuamin a ṭawng a dam thlap mai a, a felin lawm zâwng lah sawi a thiam narawh. Zûn a ngah phian a, vei zui vawng vawng thamin a duhawm zêk. Chumi avangin keipawh hian ka vei zui a ni ang", Taiṭita chu a kun deuh a, a lo hawi chhuak zauh ṭhin.


Sangsangi chu duhawmna tinrengin an bawm a nih ring ang.


Taiṭita hian a sawi thiam riau, vei zui vawng vawng thama duhawm chu a ni ngei ang.


Taiṭitan, "Ti daih ila", a ti hluai a, min tiphu lek lek.


"Min tiphu dawn alawm", ka ti vah.


Sangsangi chungchang kan sawi dawn emaw tih laia, thudang sawi a tum chu ka hre thiam lo lek lek.


Taiṭita chuan, "Sangsangi chu nangpawhin i hria?", a ti leh daih.


Vawiina a awmdan hi mak e, ka chik deuh a, Sammy-a ang chiahin mawlhtu eng emaw tak a nei.


"Taiṭit, ti daih ila ti siin, Sangsangi ka hriat thu i sawi daih. Tu Sangsangi nge i sawi a?", Synod School-ah hian High School chauh ka kal si a.


Sangsangi an awm reng ka hre pek lo, Class danga mi a sawina pawh a ni thei.


"I hre lutuk, in inbe fo alawm", Taiṭita chu a nui sâwng a. Awm a tinuam lo.


Sangsangi tih hmingpu hmelhriat ka nei, Thenzawla mi daih a ni a. Kan inbe ngai lo tluk a ni.


Tu tak chu ni ang maw aw...


"Sawi ṭha mai mai teh, Coffee te kha in la, a dai vek dawn", ka tih hnuah, Coffee min pek hnua a in vawikhatna.


Mak thei ngei mai.


Kan pahnih inkara Boruak lah chu, a rit ru riau lehnghal. Kei phei chu, ka ṭang lutuk a, dawhkan hnuaia ka khup chungah ka kut pahnih nghatin ka hum ruh vak a, ka pharh leh duai ṭhin.


Coffee in tura chelek chhuah bak, ka kut ka dah bo hmak.


"Sammy-a chauh ngaihtuah rawh", tiin ka infuih nasa bawk a, Taiṭita hmachhawn mah ila, ka zia viau.


"Sangsangi chu min inhmelhriattir ngei a ngai dawn a nia, i fak thiam si, min inhmelhriattir loh chuan ka lawm lo viau ang",


"Kei ai mahin i hre ṭha, hmân deuh lawk aṭanga inbe ṭhin mai chauh kan ni. Mahse, mipa pakhatin a nihna dik tak min hrilh ta si a, tun thleng hian a call leh message ka chhâng duh ta lo", Artui tiatin ka meng bial chiang alawm.


Hmân deuh aṭanga inbia an nih chuan, keiin ka hriat ṭhat hle thu a awm lo.


Taiṭita chungah chuan ka lawm lo dawn dawn.


"Nun hlui duhawm lo tak a nei i ti tiraw? Eng ang nun hlui nge ni? Taiṭit, i thusawi hi hriat thiam har ka tih tluk zetin nang ngei pawhin i hriatthiam ka ring lo. Nun hlui duhawm lo tak a neih hriain i duh tho a, tunah lem; mipa pakhat thu hrilh che avangin a call leh message i chhâng duh ta lo chu a ni a, a mak ka ti".


A ngawi ngal, ka chhuahchhal angah a ngai a ni mahna.


Ngai mah se, pawi ka ti lo.


Mi rilru nghet leh puitling tak turah ka ngai a, mipa pakhatin a thu hrilh chu dâwt a ni thei.


"Min chhuahchhal titih a nimaw?", za fe hian a khi suk a. "Chhuahchhal a ni mai ang chu. Mipa pakhat thu chuan i duhna a tibo thei a nia, a mak em alawm. Ngun takin han ngaihtuah mah la, Nun hlui duhawm lo tak te chu kan nei ṭheuh, Nun hlui duhawm lo tak a nei tih a hrilh che a, i hriat reng chu mipa pakhatin a hrilh hre leh mai che chu a nih hi".


Taiṭita chu a inngaihtuah nimaw, kun ngâihin a ngawi ngul.


Hetiang mi hi alawm ngeiawm chu, mi pahnih inkara inrawlh phet tum ho hi, engtianga tih chi nge ni ang?


A chhungril a hlim ang em aw...


Taiṭita chu lo hawi chhuakin, "A dik alawm, chu mipa chu a pasal hlui a ni a, a pasal hnena a kir leh theih nan kei hi hmanruaa min hman tumin, a nihna leh hmingte thlakin min vehthlêm a tum a ni", a ti a.


"Pasal hlui maw? Sangsangi i tihna maw?", nihna leh hming thlak te a ti.


Taiṭitan, "Min hrilhtupa chu a pasal hlui ka tih tawh kha, Sangsangi chuan a bulah tuna a nupui leh kei hi min inngaihzawntir, ni lo; a nupui nen uirena suala kan tluk theih nan min insawiremtir a tum a ni awm e, ha ha", a ti chu, bo ṭha miah miah tak ka ni awm mai asin.


"A chhan i hre duh em?", dawhkan chungah a kut nghatin, ka lamah a rawn âwn deuh a, "Sangsangi pasal hlui nupui vanneihzia i hre duh em? Uiresan pawh nise, a ṭhen dawn loh thu leh, kumkhuaa a bula awm tir reng a tum thu a sawi asin", a ti leh.


Ngaih ṭhat lohna nei lian tawh tak ka ni.


Min en chiang fak mai a, a meng rum ul ṭan ta mai bawk.


"Taiṭit, Sangsangi chu tu nge a nih chiah?", huai tâwk tak inti ve mah ila, Sammy-an min ṭhawng thut thut reng zel a, chumi azarah ka dawih vek tawhin ka hria.


Taiṭita pawh chu ka hlau.


"I hre chiang lutuk, a pasal hlui pawh chu i hria, i hre chiang mah mah zawk ang. Chhuanpui, High School kal laiin duh deuh mai ka nei a, Pawl Sawm hnu lam chu School dangah a insawn daih. Phone kan neih loh avangin han biak chhunzawm dan tur ka hre tawh si lo", a awmzia hriat tumin ka ngaithla kar.


Beng kî vahin, ṭang nasa tak ka ni.


"Tun hnai lawk khan kan inhmu leh a, pasal leh fa a lo nei tawh. Mahse, High School-a ka lo duh rukna te kha a rawn thar leh a, a hma aiin a duhawm zual ta si. Kawppui la nei lo se chu, min pawm theih nan ka bawhzui ngei ang", a nui suk suk.


Nuihzatthlak a va han awm lo tak em!


Min tibuai, a rui a ni chiang.


Tak fea melh kalin, "I rui elo?", ka han ti a, "Rui mai ang", a han ti ngawt pek a.


"Fiamthu hun a ni lo",


"Ka fiamthu hauh lo a nia", a ti bawk si.


Rui se chu, a rim aṭangin a hriat ang ti ila, rim thupna tur a tam tawh.


A chezia aṭangin a rui si lo.


A thu min hrilh zawng zawngte chu, ngaihruat thiam a har.


Tute nge a sawi a, a Chepa kai aṭanga min hrilh leh a ngai.


Lal Fanu School kai lam a hun mai avangin ka chhuahsan a, a la ṭhu rengin ka hria.


High School kai hun lai te a sawi a, tu chu nge maw a lo duh nimaw?


Kawppui la nei lo se chu, a bawhzui tur thu te a sawi a. A duhawm zual a tihte nen.


Taiṭita khan, Pasal ka neih hnu hian duhawm min tih thu a sawi tawh tak e.


Taxi chhungah ka ṭhu ngil zawt, "A ni thei lo, chutiang a ni lo. Ni lo, ni lo, ni lo, keimah ka ni thei lo", mahni hriat phak lekin ka phun sep sep.


Duhawm min tih avang ngawtin High School-a a duh ruk ka ni tihna a ni lo.


A ni lo hulhual.


Sangsangi nihna dik tak leh a pasal hlui tihang rengte chu ngaihtuah duh loin, ka fate chauh ka mitthla.


Ka fate chauh ka ngaihtuah tur a ni.


Dawrah kal tawh loin, Lal Fanu ka hawpui. Sammy-an call a chhâng thei si lo.


***Sam, inah kan awm tawh aw, call i.chhâng thei lo a, message hmangin ka lo hrilh che a nih hi***


Taiṭita nen kan inhmu tih Sammy-an a hre lo turah ngai ila. Hriain min hau se ka duh zawk.


Ka mipa biak apiang thik kual leh se, a nuam dangdai riau asin.


Bialpa ka nei ngai lo a, duat leh ngaihsak leh thikna ka dawna ka tawrh hmasak ber.


Hahthlakin hrehawm chang awm mah se, a nawmna lai awm ve tlat.


"Anu, exam hunah min lo hruai ang tiraw?", Freddy-a tak hi chu aw...


"Hruai dawn chiang, i pass chuan Noodles kan chhum ang", a beng bulah ka ti a.


Min kuah ngawih ngawih.


Remsangpuia vang vekin Noodles chhum kan ei theih loh phah.


A bial fangin zin chhuak leh tawh se aw...


Zan dar kuaah a rawn haw ta mai a, call a chhâng thei lo a, zanriah kan eisan tawp a nih kha.


"Sam, Call i chhâng thei lo a, min timangang alawm", a kawrchung leh Bag ka kensak a.


A inphelh mial mial, "Party Office-ah kan buai deuh hlek a, phone ka khawih hman thlawt lo atin ni", a ti a.


Towel lain Bathroom-ah a lut daih.


Lal Fanu a mut tawh avangin thawm a dim.


Bathroom kawngkhar kik dat datin, "Sam, chaw ei ka siam ang em?",


"Ka ei tawh", a rawn pawr ta lutuk chu ka tawlhhnung dawrh thei.


Chhâng ta chuang loin ka kalsawn.


Khum chungah ka ṭhu a, a phone chu lo ri thutin ka phu nasa lutuk.


Missed call lek hi a lo ni a. A êng off ka tum chu Message pakhat lo thlengin, notification bar aṭangin a lang kuau.


Thlalak hi a lo ni a, a inhawn nghal bakah, notification bar ni mah se, chiang takin ka hmu thei.


Taiṭita nena kan thlalak, Coffee in paha kan inbiak lai.




Bathroom kawngkhar ri-ah pindan aṭanga chhuak rang tak ka ni.


Zanina a mizia tidanglamtu chu, Taiṭita leh keimah a ni tihna. Min zui ru tur a ruai tihna nge?


Thlalak lo thawntu kha number hlang ringawt a ni a, a ruai lo mai thei. A nih loh pawhin, number a save lo tihna a ni thei tho bawk.


"Anu, Lal Fanu hi a muhil a nia", Siamtean min lo koh takah, an pindanah ka va lut a, Lal Fanu chu a lo muhil tak tak.


A muhil laklawh si, tihharh a chi miah lo. A lu a na bur palh ang. "Tihharh loh tur aw, tihian, muhil law law rawh se. Homework in zo tawh em?", Lal Fanu mut dan siam ṭhain, puan ka sintir.


Siamtea khumah a mu a, a pualin khum a la nei ve si lo. Mu tui tak a ni.


"Zo tawh", an ti a. An lehkhabu rem felin, pindan aṭangin kan chhuak a. Lal Fanu thawm ka ngaichang ru reng tho.


Fai ser sawrin Sammy a rawn chhuak, ka hmu chu lehlam hawiin ka nui ru kur kur.


Half pant vut rawng hain, a taksa khuh mawi tâwk tak tshirt dum ha lehin, ngal chen mawza dum bunin chapal a bun bawk a.


A intitlangval thar tlata hriatna ka neih chu!


Taiṭita dah nil a tum chiang.


Hetianga a inthuam hi ka vawikhat hmuhna. Ka nu leh pa te pawhin hmu ta se, mak an ti ngawt ang.


"Siam, khaw'nge i nau Princess?", an bulah a ṭhu thla a, Freddy-an a pawm.


"A muhil, Anuin tihharh loh tur a ti a", Siamtean a ti a.


Sammy-an eng mah a sawi tawh lo.


A fapa te Cartoon en chu tui takin a enpui ve mai.


Nu Papuiin, "Remsangpuia chu, i va intitlangval hlarh hlarh ve a, nupui leh fa i la nei lo emaw tih mai a awl dawn alawm", a han ti a.


Sammy-an, "Kum sawmparuk chauh alawm ka la nih", hma lam en ngurin a lo ti ve bawk.


Va han âtthlak ṭhin tak.


A fiamthu thawh dan a ni ve chêk ang a, tlangval chiah chiah alawm a nih hawt le.


Hmmm, ka pasal chu ka ngaizâwng thar tlat.


Nu Papuiin min hawsan hnu rei vak loah Zanriah kan ei. Freddy-an, "Apa, Thenzawlah kan kal leh ṭep tawh em?", a ti chu, "Exam in zawh hunah kan kal ang", Sammy-an a ti a.


Siamtea nen chuan ngawi rengin chaw kan ei. Lal Fanu muhil laklawh lutuk chuan, zan min men reitir ngei ang le.


Dawhkan hnuaiah Sammy-an ka ngal a rawn tlawh mai a nih kha, ka va han melh rum ṭha tehreng em!


Min tlawh lo ang hmakin a inawmtir zu nia mawle!


"Sam, kha aw", a thlêngah chaw ka khawrh ṭeuh mai a nih kha, "Ei ṭeuh rawh", mi melh Sakhi nia.


Chaw chu dah ṭhen emaw han sawi nawi emaw nei loin, a ei buan buan. Lal Fanuin chaw ei tur a neih loh phah ta tlat.


Cooker ruak chu bih vung vungin, "Lal Fanu tan No khat tal chhum mai rawh", a ti chu, "A teuhlo mai, a ei zotu i nia, nangma'n chhum rawh", dawhkan ka tifel daih.


Thuawih takin Cooker tê, no thum len tawkna la chhuakin No khat lek a chhum ta a.


Kalsawn awm hi a nia, a han dinchilh a. Alu leh Dal kan a zawh(zo) loh avangin a han chhuang lum leh tê tê.


"Sam, thlêng sil pahin a en theih, lo va ṭhu hahdam rawh. Siamtea leh Freddy-a te nen Ice-cream ei ula", hmun phiah dah ṭhain, dawhkan hruk faina tur la pahin ka ti a.


A ding ngawi reng, ka chhir zawt dawn mawni.


Min chhâng tawh lo tura ngaia thu dang sawi loa dawhkan ka hrukfai laiin, "A hmin har lo ang", a ti.


Ka ngei lutuk chu, dawhkan hrukfaina puana a tukkhum suahsual pawn vilik lai taka vawm ka châk lutuk.


Ke per tarhin, "Vanlalchaw, Hmin har rawh", ka phun sep.


Sammy-an a hria nimaw, "Hmin har lo ang", a ti hlak. A thinrima ka hlauh loh ṭum tak.


Thlêng ka sil a, ka be lo. A tih dan danin ti teh se.


Lal Fanu ka bih dêk dêk, a la mu tui nasa mai sia aw... Men rei inring renga muthilh lawk ve mai ka duh.


Sitting room-ah lehkha kan zir phah.


Exam a hnai tawlh tawlh a, Freddy-a mawlhin min luah khat.


Entawn loh tur tih ang chu hrilhnawn ka tum tawh lo. Math leh Science a harsat piahah, GK(General Knowledge) leh IQ(Intelligent Qoutient) lamah hian a hnufual bik bawk.


Nimahsela, a ṭang em em a, a taima thar hle bawk.


Chu chuan min tilawm a ni.


Vanneihthlak takin Lal.Fanu a harh pawhin a suakbak zawngin a awm lo a.


Sammy-an chaw eipui lehin, rei vak loah a muhil zui leh mai.


Sammy-an Taiṭita nena kan thlalak a dawn chungchang a sawi lo a, min hauh hrep nan a hmang hek lo.


Chumi aiah, half pant hak a intiching a, intihtlangval thar a ching thung.


Min ngaihsak ṭha em em a, tlangvalin a bialnu a ngaihsak tak tê hian min ngaihsak ka ti mai.


Hetianga a awm hi chuanin, ngaih ṭhat lohna ka nei tawh avangin, a hmuhah chuan lawm lo anga awm si loin, a ruk hian ka khûr ṭhin.


A chhan chu, inthlan hnaiha min nghaisak dan kha ka theihnghilh thei tlat lo.


Taiṭita nen inhmu tawh lo mah ila, kan intext zeuh zeuh ti ila, min lo biakna message min lo thawn hi chhân loh aiah tiin, a rul tâwk lekin ka chhâng a, a ni mai.


Dawra kan inhmuh chungchang ka sawipui lo, khang a thu min hrilhte kha hriatthiam tumin ka la ngaihtuah leh miah lo a, hriatthiam ka duh nahek lo.


Thu awmze nei lo, Sangsangi laka a rilru puthmang a felhlel em avanga buaiah ka ngaih sak ang.


Siamtea te unauin exam an ṭan ta a, "Thenzawlah kan kal thei ṭep tawh e", Freddy-an nui vur vurin a ti a.


Lal Fanu pawhin Thenzawla kal chu a châk tawh.


An unauah Freddy-a rilru a chak lo ber a ni ta.


Ka rin loh deuhin, Lehkha zir kawngah Lal Fanu rilru a chak phian. A hriatthiam mai bakah, a vawn(vawng) tawh a theihnghilh mai mai tawh lo.


Lehkha zir zawha an mu tur chu, Lal Fanuin a u Siamtea chu a khum aṭangin a hnawt chhuak.


"Ka khum a nih hi, hetah hian ka mu char char tawh ang", a mu fel thân.


Kan nui rah rah, Freddy-a khumah Siamtea a ṭhu a, "I khumah mu rawh, i mang a chhe si, ka bula mu turin ka duh lo che", Freddy-an a ti leh hmak.


"Upa ber ka nih hi, ka duhna hmunah ka mu thei", Siamtea lahin a lukham dah ṭha sauh sauhin a ti a.


Freddy-an, "Chuti chu, chhuatah mu rawh", a ti leh deuh hmak. A uang tih ka hria, Siamtea lahin a ngai thutak lo.


Lal Fanu a nui nasa mai, "A u Siamtean mutna tur a nei lo e, a u nen chuan kan nei bik bik a", uang fahran hian a ti a. A nui ver ver.



"Lal Fanu, a u hi kan bulah muttir miah lo ang aw", Freddy-an a ti a, "Tehrengs", Lal Fanuin a lo ti.


An va han ṭangrual tak em aw!


Sammy nen chuan ngawi rengin an unau thuma che tla leh inchhaih kan thlir.


Hmangaih an phu hliah hliah, an hmuhnawm lutuk ringawt.


A tawpah chuan, Siamtea chu chhuatah a mu dawn ta lo e. Lal Fanuin, "A u, Thawnthu min hrilh dawn chuan ka bula i mut ka phal", a ti ta roh.a.


Awm hmunah ka lo khi ver ver.


Sammy bulah, "Fb khawih i phal em? Account thar siam ngai loin, a hlui password ka la hria a, chumi chu ka hmang char char thei ang",


"Thei e, Politics chungchang post siam vak vak lo la, thlalak lah post zung zung suh ang che", a thupe tawh mai ṭhin sia.


"Post zung zung lo ang", ka ti vah. Mahse, "Sam, ka pasal hnathawh chungchangte leh, ka fate chu ka post thei lo em ni?",


"Post zûr kuai reng loh tur tihna", a ti sup a. "Of course", ka han ti nghat a. Rum nghutin, "Muhil tawh rawh", min fawp zauh a.



Muhil tura min ti siin, lukham leh a tukkhum an indeh rual rualin a chatthla nghal hmak.


Sammy-a a hman loh avangin Siamtea Exam turin ka hruai a, Freddy-a leh Lal Fanu te chu Sammy-an inah a awmpui.


Hmingin min lo call. Duhsaka hriat theih ngei turin, "Aw, Hming, eng nge ni ta a?", ka ti a.


Ka ngaihbel nge phei chu ka hre lo, Duhsakan Hmingi hming ka lam a hria chu, a beng a ki deuh.


"Chhuanpui, Aizawlah khan hnathawh tur min lo zawnsak teh, Dil ven(veng) reng chu a hneawm, Sanghain min rimtu a hnawt ṭiau zel", a lo ti nang nang.


Lainatawm hnup hnup reuh lutuk.


"Lungngai duh suh, ka lo zawnsak ang che, Sanghain rimtu che apiang hnawt ṭiau mah se, Sangha pawhin a hnawh(hnawt) ṭiau theih loh tur i la tawng em em ang", Duhsaka mitsir zeuh zeuhin ka ti a.


Hmingi chu a lo nui nasa mai, a lâi ngawt ang.


"Hming, Siamtea exam turin ka hruai a, Duhsaka hian bengchheng a tih luatah min accident pui palh ang, nakinah kan inbe dawn nia", ka ti a.


Duhsaka hming a hriat rual rualin, "A hruai ṭhin che u mi?", a lo ti.


Min hruai ṭhin tihte chu, a hre reng sia aw...



Duhsaka lahin, "Bengchheng lo e, ngaihngam takin be rawh", a lo ti dam thlup mai bawk.


"Chu chu amah a ni em?", Thenzawl aṭangin a lo ti thuai.


"Aw, ni e", ka ti chu, a rak ṭhat. Lalhmingi tak chu...


Hmingi chu a nuin a koh avangin loh theih lohna avangin inbiakna tihtawp a ngai ta si a.


Duhsaka hian Hmingi a ngaihsak ve deuh hlek a ni ang, "Au Chhuanpui, Atta kang thiam deuh kha em ni?", phone ka dah rual rualin min lo zawt nghal vat.


Hemi te pahnih hi, suihzawmin an la awm khawp ang.


An inrualin ka hria, Hmingi aiin kum khatin ka upa a, mahse; ṭhian inkawmngeih tak erawh kan ni thung.


School kan thleng a, "Exam Hall-a i luha i ṭhut fel hnuah, vawithum thaw chhuak hawk la, chuan, I ṭawngṭai dawn nia. Zawhna an pek ve leh che, i chhiar chhuak vek ang a, chumi hnuah i thiam hmasak apiang, zawhna number dik taka ziakin i chhâng dawn nia", ka ti a.


Min kuah vawng vawng a, chuti chhungin rilruin ka ṭawngṭaisak mawlh mawlh.


Dawr ka thleng a, "Au Chhuanpui, nghah i ngai dawn em?",


"Ngai lo mai rawh se, inah lo va haw la, i puin kei aiin a mamawh zawk ang che".


Hriati leh Nancy-ten Dawr chhung aṭangin min lo hmu a, an lo chhuak. "Au Chhuanpui, lo lêng rawh", Hriatin ka bânah min kuah a.


Duhsaka tlan liam hnuah kan lut ta a, Nancy-in Nescafe, Ina a siam lo kengin min thlitsak ve a.


A tui lutuk ringawt.


"Hrehawm tihna in neih chuan sawi ula aw, hlawhte hi a tlem in tih chuan sawi hreh lo bawk ula, kan insiamrem zel dawn nia", Nescafe in pahin ka ti a.


An fel hrim hrim nge phei chu hriat va ni suh, "Tlem lo rapthlak, hrehawmna pakhatmah a awm lo. Lehkhabu hralh ṭhat loh hian a inthlahrunawm ve a, a ni mai", an ti a.


"In inthlahrun avang mai mai a nih chu, Lehkhabu Dawr a tam bakah, Lehkhabu chhiar kan peih ta meuh si lo a. Hralh ṭhat loh pawhin inthlahrunna tur a awm lo, lo inthlahrung tawh reng reng suh u aw".


Hriati leh Nancy chu an nui ver ver.


Nancy chuan, "Lehkhabu aiin, Pen leh Box tih angreng kan hralh thei zawkin ka hria", a ti ve sep bawk.


Hriati aiin a inthlahrung bikin ka hria, a ṭi dak mai sia.


Kei chuan, "A dik, Lehkhabu hi chu, lei ngai loin Library-ah te hawh tur a awm tawh nen", ka ti a.


Hriatin, "Nia, District tinin Library kan neih bakah, Veng tinin kan nei bawk si a", sawi zawm tumin a han âng zuau a, a chip leh daih a, a hnuah, "Ka sawi tum ka theihnghilh daih", a ti thlawt.


Nancy nen kan nuih ver ver, Taiṭita nelawmna tak pawh, a ṭawng dan kha a ni ṭhin. Sawi tur nei, sawi tura âng zuaua ngawi leh hmak ang kha.


Ṭhian dangte pawh khan, "Va han ngeiawm teh kil kel tak, eng nge sawi i tum?", an tifiamthu ṭhin.


Taiṭita ka ngaihtuah leh ta.


Nancy-in, "Takah, Au Chhuanpui, Pu Sammy-a thawhna College-ah kan nau pakhat a kal ve asin, Pu Sammy-a fel a tihzia a sawi nasa thei lutuk. Inthlanah a tling tih a hriat te khan Cake a lei hial alawm",


"A va lawmawm tak, kan va phu lo em aw! I nau bulah chuan lawmthu min lo hrilhsak mawlh mawlh rawh aw. Cake chu aw...Sammy-a ka han hrilh ang a, a lawm viau ang", Sammy-a a lawm dawn lutuk.


Mit tui tlak theihna tham a ni.


Chutianga duhsaktu, Cake hial leitu kan lo nei ru reng mai ka ti!


"A bân a ngai ta si a, tunah chuan; a uizia ngawt a sawi leh tawh. Bân hlen a tum dawn em?", Nancy-in a ti leh a.


Ka chhân hmain Hriatin, "Minister-te pawh a la ni ang chu", a ti a.


CM a nih ka duh zawk a, MLA a nih avangin a bâng a, a bâng hlen chu a ni maiin ka hria.


Kan pathum tê chuan Politics kan han zeldin kual chho ta rek rek a, Dawrtu kan neih chuan kan chhâwn pah tho bawk.


Siamtea hruai a hun mai avangin inthlahin ka chhuahsan ta a. Chhuna an ei tur, an duhzâwng tak leina tur ka pe.


Siamtea chuan report a pe zung zung, "Naktuk tuk leh chiah a ngai tawh e", seat hnung a ngheng ar ar.


"Hma tâwkah i mu thei ṭep", ka ti ve bawk.


In kan thleng a, Sammy-a te pafain in chhung an tihhnawk dan chu, pui tak a ni.


Kawngka bulah dingin, kâ hoin ka melh kual tlawk tlawk.


Choka a hnawkin, Kawngka bulah te thawmhnaw a darh niaih nuaih.


Maida ang tak te chhuatah a vâr iar uar bawk.
"Anu, ngati nge a? Khawiah nge Apa te hi?", an reh diak a, an thawm hriat tur reng reng a awm lo.


"Anmahniin an tifai vek ang", ti sepin, "Sammy?", tiin ka au vak.


Kawngka bulah Siamtea ka dinpui char char. Hetiang ang em ema in chhung han tihhnawk mai chu(h).


Chhângtu ka neih loh avangin, "Sammy?", tiin, vawikhat dang ka han ko leh.


Kan pindan aṭangin hmai paw phak phakin an lo chhuak pafa mai a nih kha!


Ka insum hman thlawt lo, Siamtea pawh a ni tho.


Mit tui tla phung leh, dul na urha nuiin chhuatah ka ṭhu tawp.


An meng ker a, an meng phawk hra. Kekawrbul vâr leh tawnzau vâr an ha vek a, ke lawngin an la awm zui.


Freddy-a leh Sammy phei chu an sam a chho vek a, Maida ngei mai chu a kai nuaih.


Lal Fanu sam lah chu, Maida an phul emaw tih tur a ni.


"Nangni pafa mai mai chu aw...", ṭawng a harsa. In chhung an tihhnawk avangin lungawiloh tum nen, chân loh khânah mi han nuihtir nghek chu.


Siamtean, "In inhmeh lutuk", kut bêng meuhinṭ ke per chhak chhakin a nui vak vak.


An inthlahrung nasa mai bawk si.


Tifai tura ka tih avangin, thuawih takin an pafa thumin an tifai a, Siamtea lah a uniform thlak chuang loin, kan nufain kan nui dun ker ker.


Tun hmain hmun leh chhuat a lo tifai a ni mahna, kan inneih aṭanga hmun a phiah a, chhuat a nawhfai lai ka hmuh vawikhatna.


Lal Fanu leh Freddy-an thawmhnaw an dah hnawk Basket-ah an khung a, "Apa hian Momo siam ang u a tia, kei chuan, Noodles chhum zawk ang u ka ti a. Apain a duh tlat lo a", Freddy-an a ti zuah zuah.


Nuihah a kal tawh, mahse, "Maida-in in inbual tihna mi? Thawmhnaw te kha, engvangin nge chhuatah a darh nuai a?", nui chhuak lo tura ka insum nasat dan chu a...


Freddy-an, "Kan infiam a", a ti a.
"Apain min um a, kan invawm vel. Anu, kan inbihruksiak a, a u Freddy-a nen kan biru a, Apain min zawng", Lal.Fanuin a ti ve leh.


"Apain min hmuhin Maida min hnawih a, a bihruka kan zawn hmuhin kan hnawih ve a. Anu, pindanah lut mah teh", Freddy-an a ti chu, pindan hnawk dan tur ka mitthla nghal thuai thuai.



Rang lutukin Sammy-an, "En a ngai lo", a lo ti.
Runluih ngatin, "Ka han en teh ang, Maida hmanga infiam pafa awm chhun in ni ang", ka tawlh hma hrat a, Chhuat nawhna dah thlain Sammy-an ka kâwngah min pawm bet.


Ka tal a, "Min thlah teh",


"Thlah lo ang, tihian", Ṭhutthlengah min nghat chawrh, dûp lo se chu, mawng a na ang chu.


"Awm mai mai rawh, ka tifai mai ang", a kalsawn daih.


Pindan en ka châk tlat avangin, ding chhuak thutin, pindan panin ka tlan phut a, kawngka vawnchhan ka ban hman tawh, Sammy-an min pawm sawn leh vawn vawn.


"Sam, min thlah teh, a awmlo lulai em mai. Min thlah teh", Sammy-a pawh a nui tawh.


Ṭhutthlengah min nghat leh chawrh a, a lo kun hniam avangin hnar insi ranin kan inhmachhawn.


A nui vur vur a, kei lah ka nui ver ver.



"Anu, kan hmu reng che u a nia", ka zak lutuk.chu, Sammy-a nam sawnin ka ding hluai a, "In hi, tifai vat vat rawh u".


Sammy-a chu nui hakin, "Lo ṭhu hle hle rawh", a ti a.


An pafa thuma inchhaih paha an tihhnawk an tihfai laiin, Siamtea nen Maida hmetin kan lo kang.


Momo siam mi a ni lo reng reng, a rei dawn em mai. Lal Fanuin, "Ka ril a ṭam", a ti chhen tawh si.


Momo siam chhungin Tlai ei rawngbawl a hun mai dawn.


Hmarcha kan siam bawk a, Thingpui paw thlum tui tâwk nen.


Kan ei zawh meuh chuan, an pafa thumin an han muhil leh ṭhap a. Chhir thawh zawt an châkawm.


Sammy-an Fb khawih a phal ta bawk a, an muthilh lai leh, Siamtean an exam hmabak a en chhungin ka online.


Chanchinthara an puan tel miah loh thu thar pakhat ka hmu chuan min ṭhawng chiang kher mai.


Sammy-an min hriat theih lohna turah kalin, muhil mah se, a harh palh thei tlat.


Ka nu ka call nghal a, a awm awl lai tak a ni mahna, min chhâng rang khawp.


"Ee, Chhuanpui, eng nge ni ta?",


"Nu, Sammy-an pawisa a pe che u nge pe lo che u? Thudik tak min hrilh rawh".


MLA-te hian Fund an nei tih ka hre ve, chumi aṭangin an Bial chhung atana ṭangkai tur hna thawh nan emaw, an Bial chhunga ṭanpui ngai emaw te puibawm nan an hmang tur a ni.


Chu chu Sawrkarin a hriatpui ngei a ngai bawk.


Sammy-a pawh hi a hnathawh ṭhenkhat ka hriatpui, Ka Nuin Puan Tah zirna a hawn puibawmna turin Sammy-an pawisa a pe tih ka hre hauh lo.


A nupui leh an fanu ngei hian, Fb-a Chanchinthar Group aṭangin ka hria maw?


Awih har ka va han ti teh lul em?


Phat mar tum angin, "Chhuanpui, ih e, chutianga tam tham pawh a ni lo", tam tham leh tham loh ka buaina a ni lo.


Ka buaina leh hrehawm ka tih ber chu, ka hre ve miah lo chu a ni.


Sawrkar hriatpuina ngeia dawng an nih chuan pawi tihna ka nei lo. Sammy-an min rawn der ve sela.


"Nu, eng dinhmunah pawh dingin khirh eng ang mah ila, kan lakluh chu dik takin zel le kan tih ṭhin kha",


"Aa, Chhuanpui", ka mit tui a tla tawh.


Dik taka nung tura min fuih ṭhin tuin, tu hriatpui hauh loa dawn(dawng) a nei chu Na ka ti lutuk.


"In dil nge, a thuin a pe che u?", tunah tak hi chuanin, ka pasal ni mah se, Sammy-an ama thua a pek a nih thu hria ila ka duh ber.


A nih loh vaih zawngin, ka pasal lakah ka mualpho nasa dawn lutuk.


Ka nu chuan, "Chhuanpui, a thuin min pe lo", a rawn ti chu, "Nu, ka pasal lakah min timualpho chiang kher mai, ka hmachhawn ngam tawh hleinem maw. A pawi em mai, a pawi lutuk!",


"Chhuanpui, pawi ka ti lutuk ania aw. Min ngaidam rawh, ka pe let leh vek ang",


"Pek let lehin ka mualphona ata min chhanhim thei dawn chuang em ni?", phone off-in ka âwmah ka hmer vawng vawng.


Sammy-an engtiang takin nge min hmuh ang aw...


Fb Group hrang hrang kan luah mek a ni a, a ṭha lam aiin a chhe lamin a la ni zui.


Sammy-an ka chhungte pawisa a pe tih chu engtin nge midangin an lo hriat?


A zahthlak ngawih ngawih.


Bungrua mai maia min ngaih tawh sa nak alaiin, min va han hmusit dawn tak em!


Min hmusit turin ka duh lo.


Ka nu nen kan inbe zo chu, Lungpui lian takin Tuhrik a delh bet tlat ang ka ni zo ta vek.


A tuk zinga ka harh te pawh chu, eng thawk mah suh i, hah hluah hluah tak ka ni.


Thâwk a sak ṭalh mai a, Sammy-a chu muhil mah se, en harsa ka ti.


Lal Fanu a che hrut a, a harh chu a ni mai. A harh hma thei si, a harh tawh chuan thawhpui ngei ngei a ngai bawk.


Sammy-a tihharh hlau takin kan tho a, kan intihfai zawhah chokaah kan tawm.


Lal.Fanu hi chuan exam a zo tawh a, Freddy-a pawhin a zo tawh. Siamtea chauh a ni ta.


Siamtea chu a chawl a, exam atan a inbuatsaih tlauh tlauh. A naute pahnihin an veng.


Sammy pawh a Office-ah a inkhung nileng.


Momo ka siam zawh chuan, "Sam, Thingpui in ang u hmiang, lo kal rawh", a bulah ka ding a.


Ka kâwngah min kuah a, ka dulah a chal a nghat vang vang.


"Sam, kan ṭha em?",


"I ṭha zawk em?", ṭha lo tak ka ni.


"Ka ṭha, ka hmel pawh a ṭha, ka ṭha vel vek", a nui hak hak.


A lo hawi chho a, "Hmar lunglien tih i inhmeh zia hi i hria em?", ka hmui ka tipawrh.


Tumahin 'Hmar lunglien' min ti ngai lo.


Eng ti tia hetianga min koh ching tlat nge maw a nih le?


Min koh erawh chuan nuam ka ti lawi si. A lo ding chhuak a, ka en ngam thlawt lo.


Ka hnar chu a hnara lo tawk zauhin, "Chhuanpui, kan nupa inkar hi a zau i ti em? Engtin nge ka siam ṭhat ang le tih hi ka ngaihtuah fo. A tizautu ka ni si a tiraw?", ka nuin kan inbiakna te kha a hrilh mawni aw?


Amah vêkin, "Chhungkaw hlim tak kan ni nameuh mai, engtikah nge Nupa hlim tak kan nih ve ang?", a ti a.


"Min kalsan ka hlauh luatah, rawng takin ka lo che leh ṭhin tih ka hria, tun thlenga min la tlansan loh avang pawh hian ka lawm a ni. Mi tuarchhel tak i nihna theihnghilhin, min hmangaih avanga tuar hram hram i ni emaw ka ti leh ṭhin asin", a mitah tak ka en a, lungngaihna nasa tak ka hmu thei.


Inchhirna leh sim tumna erawh a hmuh theih loh.
Chumi avang chuan ka ring ngam rih lo, a thu min hrilh chu a va ṭha teh kher em!


Luanliam zawih zawihna tham a ni bal.


Politician a ni a, thusawi thiamna a leiah a bet tawh tlat.


A chanvein ka ring a, a chanvein ka ring lo. Rin ngam pum hlum mi-ah ruat loin, rin fithla turin ka ngai ngam lo.


Nui seihin, "Sam, Biathu infah hun a nih loh hi, Thingpui thlum tak inhlui dun zawk ang, tirawh; min lo zui rawh", a kutah ka kai a.


Ani pawh nui sukin, min zui ve mai.


Mi tuarchhel tak ka ni tihreng ka lo inhre ngai lo.
Mi tuarchhel tak ka nih tih theihnghilhin ka hmangaih turah a lo ngai a nih hi maw!


Chutiang a ni thei dawn em ni?


Siamtea te unau avang chauha nung ṭawk ṭawkah ka inchan ber tawh.


Keia pawh chu, Sammy ang chiahin number hriat ngai loh aṭangin thlalak pahnih lai ka dawng.


Sammy chu a Office-ah a la awm a, Lal Fanu chu a mu tui tawh lutuk. Sammy-a leh Manoi te an ni a.

Thlalak.pakhatah, Manoi kutin Sammy-a hmui a tawk, thlalak pakhatah thung chuan, inhaw lo tih hriat takin an kut an invawn sak.


Restaurant chhung a ni a, an ṭhutna a biru hlek bawk.
Tu khawkhain an hriain an hmu lo a ni ang e, nuam an ti ang chu aw...


Number ka hriat ngai lohin thlalak min lo thawn chu, thinrim ai mahin nuihzat lamah a kal.


Sammy-a bulah Taiṭita nena kan thlalak an thawn tawh bawk a. Number erawh hi chu a dang. Sammy-a thawnthu number kha a ngialin sawi chhuak thei lo mah ila, ka hre nel nual.



Taiṭita message ***Naktukah inhmu ila, Lal Fanu nen inngaihawm tawh*** tih chu *** KFC Dawrah aw*** ka va ti a.



***KFC Dawrah ngei mai mawle*** a lo ti nghal.



Ani pawh, a ngaihawm lutuk ringawt.
Sammy thawm hriain, phone ka off a, Bathroom-ah insilfai turin ka lut.



Darthlalang hmaa ha nawtin, hmâna rilru, "Ka fate chauh ka hmangaihin, an tan chauh ka awm ang", ka tih kha rawn kir lehin, chu chu ka thutawpnaah ka nemnghet ta e.



Manoi nen an inhmu reng reng a, inhaw lo takin an awm bawk a.



Taiṭita ka hmuh theih loh bikna tur ka hre lo. Sammy-a ka hmaizah avangin a message takngial pawh ka chhâng ngam ngai lo a nia.



Anni ve. Ka nui hak, naktukah Taiṭita nen kan inhmu dawn a, a ruka kan thla latu khan la lehin, la ṭeuh teh se. Sammy-a thawn leh rawh se.


Sammy-an eng a sawi chuang lo. Sawi pawh nise, Manoi nena an thlalak ka nei ve tho.



Taiṭita nena kan thlalak aiin, an thlalak a mawi lo feee.
Siamtea pawhin exam a zo tawh a, kan nufa thumin KFC dawrah kan kal. Taiṭitan min lo nghak reng tawh zawk.



"E he! Pa Taiṭit", an ti a.


Taiṭita lahin, "Beram pathum te u", tiin, a lo kuangkuah ve mai bawk.


Ka fa te pawh hian 'Taiṭit' tiin an ko tawh. Taiṭita lahin 'Beram Pathum' tiin a ko bawk.



Siamtea hi Beram pakhatna, Freddy-a pawh Beram pahnihna. Lal Fanu hi chu, a changin Beram pathumna a ti a, a changin 'Lal Fanu' tiin a ko ve ṭhin.



"Chhuanpui", a thle bak a, "Thau i inti em?", ka nui lai ka tawp hmak.



Beram pathum ten min nuih.



"Thau inti ve e, chaw ka heh em alawm", ka ti a. "Anu pum chhungah nautê tam tâwk a awm a", Lal Fanuin a lo ti.


Taiṭita nui hmel.a tawp deuh a, a dur nghal khup.


A insiamrem thuai thung, "A ni maw? Nautê in nei dawn a ni maw? Nuam dawn lutuk", Lal Fanu hnar piai zauhin a ti a.



Lal Fanuin a lu a thing nawk nawk, "Nuam dawn lo, nautê tam tâwk Anu pum chhungah an la awm a, an lo chhuak har tawh e", a ti ngâih.



Taiṭitan min lo en a, "Lal Fanu, lungngai reng reng suh, Elsa nautê i neih kha tiraw? Anu pum chhung aṭangin lo chhuak lo.pawh nise, Elsa nautê i nei tho a", a ti a.
Lal Fanu nen an inkâwm tâwk maiin ka hria.


An hmuhnawm dun si, Pafa niawm tak an ni.



Phone ri enin Sammy a lo ni a, chhân loh tuma off ka tum chu, "Chhâng ta che, beng ka lo hup ang", Taiṭitan a han ti kher chu, ngei zet hian ka melh.
Beng bulah ka dah a, "Hello?",



"KFC dawrah in awm tih ka hria, tunah hian khalai hmun aṭangin in haw dawn nge, ka lo hruai chhuak dawn che u?", a va han chhe zet zawt tak.



Inah awm loin, Party Office-ah a kal a.
KFC dawrah kan awm tih hrilhtu a nei a ni phawt.



Kei chuan, "Nuam kan la ti, kan duh hunah kan haw mai ang. Ṭhiante nen kan inhmu a", dam zetin ka ti a.
Hrechiang tâwk tawhin ka hria, a inseh ruhin, a inhum ruh nasa ngawt ang chu.



"Lalchhuanpui, Ṭhiante tih tur a nih loh kha, mipa ṭhian tihna em ni?", a âw a tinêm deuh hlek.



"Nia, Taiṭita nen a nia. Beram pathumte pawh an awm", ka ti leh.
Taiṭita leh Beram pathumte chuan min en ṭhup.



"Nge, KFC kha ei mai mai r'u, chumi zawhah ice cream ei turin kan chhuak dawn nia", ka ti a.



Taiṭita ho hoin thuawih takin an bu nghat nghat. Sammy chu a rawn thaw chhuak hawk.



"Beram pathum a? Lalchhuanpui",



"Inah kan inhmu dawn nia", tih leh phone dah ka rual.
A thu angin ka va han awm awm lo tak e aw...



Ka mi hmuh tur leh biak tur min thlansak thei lo. A nupui ang pawhin min ngai hleinem maw!



Zanriah ei laiin, "Vawiinah in lêng em ni?", Beram pathumte chu a zawt a.
Annnin phur takin, "Aw, leng. Apa Taiṭitan KFC min leisak ṭeuh a, ice cream pawh tam tâwk min leisak", an ti sang sang.
Nawm an tihzia ngawt thu an sawi bâng lo.



"Apa bula awm aiin Apa Taiṭita bula awm a nuam zawk nimaw?", nelawm takin han nui suk mah se, mi melh hriam teh kher asin.



"Sam, chutiang thu âtthlak an inzawt ngai lo", ka ti sep a. Cho takin ka melh kal ve thung.



Manoi nen an inhmu char char a, Taiṭita nena kan inhmuh theih lohna bik tur ka hre lo.



A nupui hlui a hmu ṭhin a, chu pawh ka hriat pui lohin. Pasal hlui chu sawi loh, bialpa hlui pawh ni lo, a ruka ka Star ṭhinzia pawh hre lo nen kan inhmu mai ṭhin zawk a nia.



Freddy-a lah hi aw..."Apa, dik tak chuan maw, Apa Taiṭita bula awm nuam ka ti. Nangma bula awm pawh a nuam tho. Apa Taiṭita chuan min infiampui peih a", a ti mai a nih kha.



"Bawiha, Apa chu a hnaah a buai thei em alawm. A hman chuan a infiampui reng ṭhin che u hi", ka ti tak naa.


Sammy-a hmel a êng thei tawh lo.
Politics a ngaihtuah nasat luatah, a fate a hrechang tawh lo.


Show post links
Top