Politician Nupui Hring Nun
Political Love Story_Fiction
Chapter-13
Ziaktu: Cck Lalchhuanawmi
Politics a ngaihtuah nasat luatah, a fate a hrechang tawh lo.
A faten Taiṭita bula awm nuam an tih zawkna chuan a tina ngang a ni ang. Office-a inkhung miah loin a fate bulah a awm char char.
"Apa, hna i thawk dawn lo mi?", Lal Fanuin a ti a.
Sammy-a chuan, "Thawk dawn lo e, chhunah ka thawk zo tawh alawm. Zanin chu, chhuatah mu ang u aw", a fate a kuah khawm a.
A tuh rah a seng ṭan ni maiin a lang.
A fate chu a kuah ngawih ngawih. Chân a hlau tak zet zet.
"Chhuanpui, zanin chu, kan pindanah mutna siam tur aw. Kan chhungkuain kan mu ho leh ang. Ka Lal Fanu hian a pa bula mut a duh em?", Lal Fanu biangah a fawp zuk zuk a.
Lal Fanu hi chu, Nunna Thar a neihna a ni bawk a, chân a hlau bikin a hriat.
Lal Fanuin, "Apa, Elsa khum chu, min pe tawh la. A u te pawhin khum an nei, khum min pe ve rawh", a ti hmuk.
A hmui a tipawrh a, a inti lungnilo kual kikawi nasa lutuk.
Sammy-an ngaipawimawh zetin, "Naktukah kan ngaihtuah nghal ang aw, Lal Fanu tan Elsa khum kan siam ang", a ti a.
Lal Fanu pawh a lungawi leh ta e.
Kei aiin, a fate a hmangaih hliah hliah a, chân a hlau tak zet a ni. A kuah chhen a, an biangah a fawp awl lo.
Duat taka an lu tuai chang lah a ngah.
A lainatawm zawk asin!
Dar kua a rik chuan, Choka lama êng tithim pahin, "Mu tawh ang u hmiang, ha te han nawt fai ṭan pafa ula", ka ti a.
Sammy-an, "Anu thu awih ang u", a ti a. Nui ar arin an pafa thumin pindanah an inzui lut.
Êng ka tihthim zawhah pindanah ka lut a, mutna ka siam mawlh mawlh.
Bathroom chhungah thawm a ṭha mai sia. An lo chhuak a, an inhruhul mawlh mawlh.
"A mut theih e", ka ti a. "Apa bulah ka mu duh", Freddy-an a ti thuai. "Keimah, Apa bulah ka mu dawn", Lal Fanuin a ti ve bawk.
An pahnihin an han inhnial bap bap a.
Sammy-an an pahniha kuahin, "Ka bulah in mu ve ve dawn nia", a ti a. An dulah a dêk a, an nui khêk chel chul.
Siamtea nen thung chuan lukham kan siamrem.
Mut dawn tak takah chuan, ka bulah Lal Fanuin mut a duh tho. Euh euh mai hian.
A sirah Siamtea a mu a, a dawtah kei, a dawtah Lal Fanu, chuan Freddy-a, chuan Sammy-a.
Sammy-a leh Siamtea te chu a sir ve veah an mu.
A fate tui taka an muthilh hnu pawhin, a muhil ve thei lo. An mut dan a siam rem loh leh, an lu a tuai sek ṭhin.
"Sam, muhil rawh. I tiharh zawk ang", ti mah ila, min zâwm duh lo.
Ka bula mu Siamtea chenin a lo ngaihven peih nia mawle. Hetiang reng chuan, a tlaivar takngial dawn.
Ka ṭhu chhuak a, Freddy-a lukham sâwi a siamrem leh tur chu a kutah manin, "Sam, muhil ta che. Keima'n ka lo ngaihven ang", ka kut a vai sawn.
"Tihnat an nih loh nana venhim hi ka tihmakmawh a ni", mak ka ti lutuk chu, ka thinphu a chawl ṭhelh!
Tuin nge, naupang pawisawilo tina duh ang?
"Tumahin an tihnat ka phal lo, tu lak aṭang maha venhim an ngai hek lo, ka awm alawm",
Freddy-a biang chulin a thlêk ngawih ngawih, "Sam, muhil tawh rawh",
"Muhil zawk rawh, ngaihtuah ka ngai lo", a ti hmak.
Luhlul chhuah hun a ni lo.
"Sam, i thu ka awih loh avangin Lehkhabu ka chhiar tlaivar a, a rah chhuah i hriat kha. Ka thu awih la, muhil tawh rawh", ngen tak têa ngen ka ni tih hriain, a bu nghat nghat.
Inkuangkuahin, ka lam hawiin a saisir a, a meng kur.
Hlauhawm lutukin min en, "Muhil rawh ka tih kha", ka ti a. A che eih lo, a mit pawh a khap lo mawle.
"I muthilh hma chu ka vêng ang che", a ti khiah.
Chhâng duh loin, ngaihsak duh tawh loin ka mu ta daih. Luhlul chhuaha ka men(meng) reng chuan ka chau mai mai.
A tuka ka harhin Sammy ka en zat a, a lo awm tawh lo.
Bathroom-ah a awm a nih ringin, "Sam?", ka kik a. Chhângtu ka nei lo. Bathroom kawngkhar chu pawn aṭangin a inkalh lo a, ka nam deuh a, chhung lam aṭang pawha a inkalh loh avangin a inhawng.
Ka hmuh mai loh avangin Bathroom-ah chuan ka lut ta nge nge.
Ka chhuah chuan a lo mu leh diam chu niin! Awihlo lutukin ka thlêk ka thlêk. Min fiam a nih ka ring.
A mut tui a rinawm loh, a meng tlang mai thei bawk.
Nizan khan hnial luiin muhil turin ti tlat ila chu, a mut tui ka ring.
Mut lehna chi-ah ngai loin, Chokaah ka phei a. Nu Papuii lo thlen nan a la hma ve em bawk.
Chaw tui tur tuilum ka chhuang a, a thara chawhmeh siam a ngaih bawk avangin, chawhmeh siam tur la chhuakin dawhkanah ka chapdarh.
Alu kâwr vel mek laiin Sammy a rawn kal.
Thawm a neih loh avangin ka phu nghek a, Alu vel mek lai ka thloh phah.
"Sam, thawm nei ta che", Alu tla ka chhar pah a. Ka bula Chair pawt chhuakin a ṭhu.
Half pant vâr a ha a, tshirt vâr nghawng bial nen. Ka rilru a lêt tawh a, eng tehualah ka ngai thei tawh lo.
Dawhkan chungah a kiu nghatin min thlêk vung vung.
Engah mah ngai duh loin, melh pawh ka melh lo. Ka tihtur ṭhulh nan hman ka tum lo bur.
"Chhuanpui?",
"Sawi la",
"Min en teh", ka en chuang lo. Min ko lehin, en tur bawkin min ti leh.
Vawithum nan, "Chhuanpui?",
"Ngeee",
"Min en teh", a beidawng âw khûr ta mai si chu, ka en a, a khi vur vur.
Ka melh kal a nih kha, "Ka en tawh che, eng nge i sawi duh?",
A lu a thing nawk nawk, "Engmah",
"Engmah loah min ko tawh suh", ka bulah a rawn tawlh phei hrut hrut.
Min kuah ta mai chu ka phu zuk, "A mak e aw, Alu kâwr ka vel hi", min kuah nghet sauh.
Ka biangah te, ka nghawngah te leh ka kokiah te min fawp zuk zuk.
Tal laihin, "Sam, a mak e aw. Awm ṭha teh", ka tih pawhin min kuah bet nasa mai si a, tal chhuah chu khawilamah, ka kut ka tiche thei lo.
"Sam, Lal.Fanu a harh ṭep tawh, va kal thuai rawh",
"A harh hunah a lo ko mai ang che", a ti a. Dim têa ka khabe hmera min kuai deuhin ka hmui a fawp.
Min thlah a, "Zan lama tihtur, zing lamah ti ziah suh", ka ti chu, nui hak hakin a ding chhuak a.
Hnung aṭangin lo kun hniamin ka kâwngah min pawm. Ka biang a seh sawk sawk, "Remsangpui", ka ti hlak.
"Hmar lunglien aṭangin Hmar Hrangsie i ni tawh ang",
"I duh duh hian hming min phuahsak suh",
"Ka nupui i nih hi maw", hnial peih vel lo.
Ka bu nghat ringawt.
Nu Papuii a lo thleng a, ka bianga fawp zeuhin a kal nal nal. Va han phakar tak em aw...
Nui rah rahin, "Zing in tho nuam maw?", Nu Papuiin a ti a.
Kan tho nuam a ni ang, Lalsammy-a ker kur kha, a va mu leh dawn a ni ang. A tho ta sa sa, ei rawngte min bawlpui awm a nia.
"Tho nuam a ni ang", ka han ti ringawt a. Nu Papuii pawh a nui ver ver.
An pafain an lo inzui chhuak diah diah, Fianpui keng vah chungin, "Mutna in siam fel nghal em?", ka han ti a.
An inenkual hrek hrek, eng thu mah sawi loin pindanah an inzui lut hnak hnak.
Nu Papuiin, "A va han hahthlak tak em aw", a ti a. A nui kur kur. "Exam an zo tawh a, an tho tlai thei tawh khawp mai", ka ti mai a.
School ṭan hunah, zingah inkaihthawh erawh a ngai leh dawn thung.
"Chhuanpui, fate avang hian nupa hlim lo tak te pawh an inpawm ṭang ṭang ngai a ni a. Samuel-a nen hi chuanin, fate avang ni loin nupa inpawm hlim tak leh inawmtlei tak han ni teh ula aw ka ti mang e".
Awi ka nu le?
Nu Papuii chu aw...min tibuai dawn alawm.
"Nu, ṭan kan han la chu a nih ve hi", ka ti mai a. Nu Papuii chu a tihlim tak zet tih hai rual a ni lo.
Kan tan Nu a nih lohna tur a awm bik chuang lo a, duhsaka a thu min hrilh chu ka vawng reng.
Nu Papuiin fate avanga nupa hlim lo inpawm ṭang ṭang a tih chu, phat rual loin dik ka ti.
"An nupa an hlim loh tehlul nen, inṭhen mai sela an tan leh an fate tan pawhin a nuam zawk ang", tih te hi ka lo zeldinna a ni ve ṭhin.
"A pasal a sual tehreng nen, kut a thlak nasat theih nen, engtin nge a chhuahsan loh zawk le? Kei chu ni ila, ka chhuahsan vang vang ang", tih te hi, pasalin a nupui kut a thlak ka hmuhin ka lo zeldin ṭhin.
Zeldin leh a tak ram inthlauhzia ka tawng mek chu a ni si.
Ṭawngkam dengkhawng tak tak ka ngaithla a, bungrua ang maia Thinlung leh taksa hliam ka ni bawk.
Ka pasal hi chhuahsan vang vang tawh tur ka ni.
Mahse, tun thlengin ka la chhuahsan lo chu a ni bawk si.
A chhan pawh, kan....kan....
Beram pathumte, kan fate avangin a ni!
Aw khaih aw...!
Fate hi chu, an lo va hluin an lo va zahawm tak em!
Taiṭita nen kan inhmu thei tawh lo. Message-in kan inbe thei ṭawk. Call lah a hman ṭhat theih fumfe lo.
Sammy-an min vêng hneh em a ni.
Min vêng ka ti lo thei lo, hmanhmawh thil emaw pawh ni loa chhuah a ngaihna tawh phawtah chuan min hruai ziah.
Min tihlawm loh hlau reng renga khawsa a ni ber.
Rilru a lêt tawh tlat a, eng he hu-ah a thawk tawh si lo a, lainat taka thlîr vawng vawng a ni mai.
A hma kha chuan, min bawh hiam huam tawh chuan ka nêm a, ka ring thei hle a nih kha.
Tunah zawng, khatiang rilru kha ka pu thei tawh lo.
Beram pathumte chauhin min tihlim a, min nuntir tute ber an ni.
"Chhuanpui, naktukah ka zin chhuak dawn a, min lo zui rawh aw", Gas bula ding ka ni a, ka hnunga bei thlawp khawpin min kuah.
Nu Papuii a awm ve reng, ka zak peih tawh lo.
Ka kâwngah min kuah nghet lutuk ringawt.
"School an ṭan leh tawh hi, engtin nge ka lo zui theih ang che", ka ti dam diai a.
Biak chhiat hlur ringawt chu ka duh bik lo. Chutiang turin âwki sâng a hmang bik si lo a.
Ka nghawng a fawp dan dan a, a thaw leh ham ham ṭhin.
"A nih, ka lo haw hma ang", a ti ta a. Kokiah a chal a nghat.
Ka dul zawna a kut chu vawn(vuan) hnanin, "Thil ṭha tâwkin ka lo hmuak ang che", ka ti sep.
"I chiang maw?",
"I chiang zawk em?", a lo hawi chhuak a, a nui suk suk.
Ka biang a fawp vawng vawng.
Nu Papuii a khuh kharh kharh, "Insum hram hram teh u, Lal Fanuin Chhang(unau) a nei dah ang e", a lo ti.
Sammy pekin, "Nu, Lal.Fanu chuan Chhang nei tawh mai sela tiraw?", a han ti.
Nu Papuii chu a khi ṭhaw, "Nei tawh rawh se, Tu hmel hmuh leh a châkawm alawm", a ti leh.
Sammy chu a nui vur vur.
Naupang School kan hruai a, chumi zawhah Dawrah kan pêng.
Nancy-in a nauin Cake a lei thu ka hrilh tawh avangin, Sammy-an cake leina tur a pe a.
A nau hnena lawmthu hrilhsak turin a chah mawlh mawlh.
Kan haw a, a Office kan tifai dun.
"Chhuanpui?", min ko leh ta.
"Nge, min koh reng a?", ka ning lutukin ka vin ṭhat.
A nuih a za em em mai lehnghal a. "Engmah", a ti leh ta.
"Sawi tur i hriat loh chuan min ko tawh suh", ka hmui a khûr dar dar.
A nuihza insum hmel chuan min tikhûr zual. Ṭul lo lutuka inkoh vak vak zel mai. Sawi tur hre ngai tawp si lo.
Lal Fanu hruai a hnai a, insilfaiin ka insiam malh malh.
Ka insiam zo a, Sammy insiam mek chu ka chhuahsan daih. Mi hi koh peih lutuk a, ka ning zozai.
Pindan aṭanga a lo chhuak chu, "Chhuannnn", a rawn ti dek dek a, "Remsangpui", ka auna lamah ka hah vek thei.
Rang mangkhengin pindanah a tlan lut.
"Lo chhuak vat rawh", tiin, pawt tâwkin ka au zui a.
Ṭi dâkin, nui tat tatin a rawn chhuak.
"Khati pui khan awm suh, naupang i nih loh kha", a koki a sân ak ak chu a tawp chat a.
A khi ṭhaw chu, "Khiang rah i nih loh chuan tûm hmuk rawh", ka ti a. A tûm hmuk.
"Ka bêng châk lutuk che", tia ka kut ka phar chhuak uaih chu, a lo indang.
Bên ka tum tak tak tawp si lo, "Kan tlai dawn", ti hlakin, ka hnungah min zui ve mai.
Lal Fanu hruaiin, haw kawngah Traffic jam-an kan tâng ta tlat.
"Anu, Glass down ang", a ti a.
Seat hnungah kan pathumin kan ṭhu. Sammy-an min vêng ka tih tawh kha.
Darthlalang ka tihniam a, mahse; hmuh loh tur ka hmu ta. 'Kan' ti zawk teh ang. Sammy-an, "Princess, helama Glass hi down zawk ang hmiang", ti pahin, ka lama Darthlalang chu a tichho.
Eng ka hria nimaw, Sammy-an Darthlalang a tichho chu dan(dang) tuma kut han phar chhuah mai ka duh.
"Apa, ka lo down", Lal Fanuin a ti a.
Sammy-an min ngaikhawlo ang tiin, hre lo ang hmakin ka awm a.
Lal Fanuin Darthlalang a tihniam tur chu, "Ka lo pui ang che", ka ti a. Sammy bulah ka tawlh phei.
Lal fanu chu Darthlalang ka tihhniam pui a, Traffic jam pawh chu a thawl hret hret.
Kawngsira Taiṭita leh Manoi te indinchilha, titi siam siam chuan emgtin emaw tak hian min run!
An pahniha an inhriat awm ka hre si lo.
In kan thleng a, Siamtea leh Freddy-a hruai tura kal a phal tawh lo.
Sammy pawhin a hmu chiang em a ni.
Manoi kha a nui sen sen a, a inchei nalh bawk si. Taiṭita pawh khan, Manoi kha lungchim takin a thlêk chiang a ni.
"Sam, kan lo kal ve ang", Lal Fanu ka pawm a, "Inah lo awm rawh u, Siamtea leh Freddy-a an rilṭam thut thei, ei tur lo siam zawk ta che", a âw chu ngaihthlak a nuam lutuk a, ka muthlu ṭep alawm.
Hnial loin, a thu angin ka awm.
Lal Fanu nen kan inbualfai a, ei rawngbawl a la hun loh avangin khum chungah kan mu mai mai.
Ka phone-ah Youtube a en a, Taiṭita leh Manoi ka hmuh dun chhan ka ngaihtuah rauh rauh.
Chutah, Coffee in paha Taiṭita nen kan inhmuh ṭum a, a thu min hrilh zawng zawngte chu, hrilhfiah ngai tawh loin, chiang takin ka hmufiah ta vek.
Taiṭitan Sangsangi a tih chu Manoi niin, a pasal hlui a tih chu Sammy-a.
Muangchangin ka tho, "Sangsangi ka duh", Taiṭitan a ti a. A nihna takah, Manoi a duh zawk tihna.
Taiṭitan High School-a duh ruk a sawi te, keimah maw ni a?
Aw Lalpa le!
Manoi chuan kei leh Sammy-a kan inṭhen theih nan Taiṭita-ah a ṭuan a, Taiṭita nen lo induh pawh ni ila, Sammy-a chuan min ṭhen ngai dawn lo tihna!
Thaw a pik lutuk chu, au vak vak ka.châk lutuk.
"Lal Fanu, ice cream lei ang, a u te an lo hmain", ka ti a.
A duh ve mai.
Chhuah harh loh chuan, ka â thei mai dawn.
Engtin nge ni zel dawn le?
(Zawmna)
Sammy te pafa an lo haw a, "Anu, ka ril a ṭam", Freddy-a a lo tlan lut a, min hnu chu ka kâwngah min kuah thlawp.
"Ei tur tui tâwk a awm", ka kuah let a.
Siamtea pawh a lo lut khi vur vur. KFC a lo khai lut a, Sammy-an Sprite bur lian mangkheng pathum lai a lo pawm lut bawk.
An inbual zawh veleh KFC kan ei a, zanriah ei a har ngawt ang le.
"Sam, zanin chu Nu Papuii lo kal lo mai se ka ti, KFC avang hian chaw kan ei theih ka ring lo", ka ti a.
"Ka'n hrilh ang e", tiin, a tho a. Nu Papuii a be nghal.
An unau thuma an pa hoa lehkha an zir laiin, kan ei hnawkna leh a hmunhma ka tifel a.
Alu kâwr ka vel lai bawkin, Sammy chu ka bulah a rawn ṭhu a, bengchheng loin Alu kâwr min velpui ve.
"Chhuanpui?", ka chhâng lo a, ka ngawi reng. "Hmar Hrangsie(thinchhia tihna) kha i ni em?", Manoi leh Taiṭita te awm dun hmu lo ta ila, hetiang hian a awm tho ang em le?
Min ko tawh lo a, ngawi rengin Alu kâwr a vel.
Ka ngaithiam leh si lo, "Lehkha va zirpui ta che", en chuang loin ka ti a.
Mitsir erawh chuan, ka biak avanga a lawmna a hmuh hmaih lo.
"An thiam lutuk", a ti liam ringawt. "Zanriah tui mangkheng kan siam dun dawn alawm", a ti leh.
"I la inbual lo",
"Hun a tam em mai", a nui suk.
"Naktukah i zin chhuah dawn kha", ka ti leh hram. "Chutiang a ho",
"A ho lo, va inbual rawh, a nih loh chuan hei hi ni mai", chemtê ka kenin ka tin.
Hlau awm ang takin a meng phawk a, tho tharhin, "Aw le, Hmar Hrangsie".
A kal hnuin ka han nui sak, min koh reng khan ninawmah chang mah se, min koh reng loh chuan ka awm thiam lo.
Chaw ka chhum tam lo a, KFC kan ei nasa bawk a, tuna ka chhum pawh hi a chanve kan ei tlingin a rinawm loh.
Rimtui chem chemin Chokaah a rawn kal, "Fai ṭha maw?", ka ti a.
A duh lo vel lutuk, min rawn panin min kuah a, "Thawmhnaw min lo siampui la", ka nghawngah a hmui nghatin, boruak a hip lut kâwk.
A hnungah ka bêng hlak, "Chaw ei hmain insiam ila", a ti a.
Khum chungah min ṭhuttir a, a insiam lai min thlirtir. Ho tak tak a ni.
Amah leh amah a inbe thul, nuih sen senin ka thlir a. Ṭah a chhuak zawk. Nidang ang chu nise, fiamthu nan a inhmang a, ka tipunlun ngei ang.
Fiam ngama a awm lai tak.
Engin nge ka rilru tichawmawlh ta pawh ka hre lo.
"Ka insiam zo ta e", a kâwng dawm meuhin a han ti a, a hah bik hliah hliah.
Min kaitho a, "Chaw ei ang u hmiang, ei tur tho tho a nia, a tlai zel e", a ti a. "I sawi dik chiah, Pu MLA", ka ti chu, a nui hak hak.
Ṭawngkam bungrua hman tur a ngah em a ni. A thiam bawk si.
Chaw chu kan ei thei lo tak tak a, ka chhum tlem chu lawm tak ka ni. Lal Fanu chauhin a ei ṭeuh. A chawhmeh duhzâwng tak a awm tlat a.
A tuk chaw ei khamah Sammy chu a zin chhuak tawh a, Duhsaka min hnutchhiah.
"Hruai mai mai rawh, midang an awm tho a", ka tih pawhin, "Duhsaka chu ka ring ngam alawm", a ti mauh mai.
A chhan zawh ka tum lo, ka hrethiam nghal vek chu mak ka inti letling.
Mipaah a Driver Duhsaka a ring tihna.
Driver dang ho pawh awm se, ka ngaizâwng duh dawn tawp si lo.
"Chuti, ngaihngam deuhin kal ang che. Ṭha takin hna thawk bawk la aw", ka kuah a.
Eirukna lehkhaah a hming ziah hnan tawh lo se ka ti mang e.
A hnathawh ka ngaihven lohna lah, a va han rei tawh tak em aw...
School aṭanga ka haw hnuin Thenzawla ka nu nen kan inbia. Sammy-a hnena pawisa an dil chhan ka hre duh.
Chhan ṭha tak a ni ngei tur hi a ni ringawt.
"Nu, ka uin Sangha Dil aṭangin a la lut ṭeuh a, nangin Puan Tah Zirna i hawng bawk. Ka pa lahin pension hlawh a la a, ka awm lai khan Lehkhabu Dawr aṭangin ka la lut bawk. Ka awm loh hnu pawh hian nghei thei dinhmunah in ding lo, engtizia nge ni ngai?", ṭah a chhuak ṭun.
Pawisa hi a hlu takmeuh mai, mahsela; dik lo taka lak luh hi chu tih mi a ni lo.
Ka nu chuan, "Chhuanpui, kan duh avanga dil kan ni bik lo asin", a lo ti a.
Rin ngam harsa ka ti tawh.
"Nu, kei chu lo indah ṭha ta ila, Sammy-a in timualpho der alawm. MLA a nih hmaa an sawiselna zawng zawngte i hriat ve vek kha, tunah; mualpho takin a awm leh tawh", ka ngawi ta a.
Sawi ṭeuh duh mah ila, pasal thlavang hauh kan ni dawn. Ka hauh der tawh zawk.
Tin, ka nu a nihna a la bo.chuang lo, a.chunga ka lungnih lohna zawng zawng hrilhhriatin a sawhsawlawt dawn chuang si lo.
"Nu, pawisa in dil chhan a awm ngei tur a ni, i fanu ka ni a, min han hrilh ve teh. Nge ni a, pasal ka nei ta si a, i fanu ka nihna a bo ta tihna em ni?",
"Chhuanpui, ka fanu i ni a, engtiklai pawhin ka fanu i ni ang, i ni reng bawk ang", ka nuin a lo ti thuai thuai.
Ka nu chang ni loin, keia pawh chu ka lung a chhia.
"Chuti, min hrilh ve rawh. Nu, min hrilh ve teh, ka pasal hnena pawisa in dil chhan hriat ka phu ve lo vem ni? Maw, ka nu, min hrilh ve rawh", ka ti ngawih ngawih.
A duh chuan Sammy-an min hmusit thei, a tilang lo mai pawh a, min va han hmusit dawn rua em aw...
Pawisa indil hian chhan a nei a, chhan awm loin pawisa kan indil emaw inpûksak emaw ngai ngawt lo.
Ka nu chuan min hrilh thei lo, eng fakauin nge pawisa chu an mamawh ang aw?
Sammy-a reng reng pawhin min hrilh ve eih lo chuan, min tithinrim ṭun tawh.
Han zawh dawt ka ngam mai bik si lo, ka hria tih a hre tawh ngei ang. Ka nuin a hrilh loh leh, Fb ka khawih tih a hria a, chuta aṭangin ka hria tih a hria ang.
Naupang ho muthilh ṭhep ṭhawp hnuah Sammy-a nen kan inbia a, a Bial Fan chungchang ka zawt.
"Nangpawhin i hriat kha, mi zawng zawng lawm zâwnga awm hi chu a theih loh. Party dang an che lo thei lo bawk si a", a lo ti a.
A ngui nghiaiin ka hre mai.
Tun hnai têa ka thiltawn hian min tichawmawlh em a, duh angin ka ngaihsak ṭha fumfe lo mai chauh a ni a.
Serchhip Bial a zau a, mipui zawng zawng a tilawm thei dawn lo tih chiang sa.
"Sam, ṭanpui tur chein ka awm reng a nia aw",
"Yes, of course, I know. Ka Hmar Hrangsie i ni tlat a", a nui tat tat.
Hming maksak deuh deuh hi min phuahsak a ching riau.
"Hrangsie awmzia i hre ringawt em ni?",
"Thinchhia tihna", a lo ti sam et.
Kei chuan, "Hmar nupuia min nei hi i intithei nge, min elsen?", ka ti a. Min chhân dan tur ka hriatsa avangin, "Ka intithei", a tih chu, a sawi rual chiah chiahin ka lo sawipui.
A nui hak hak, "Engtin nge ka sawi tum i hriat theih zawk a?", a lo ti khauh.
"Ka pasal i ni a, hrechiang tur che chu ka ni dawn lo'm ni?", a lo nui leh hak.
A dik tih a hriat, dik a tih loh pawhin a dik tho tho. Mahni pasalte chu, kan hrechiang ve bawk ang chu le.
Kum hnih chuang lawih kan innei tawh a, mahse; hrechiang inti hle chung hian, min ṭhawng leh thut chu a nih ṭhin hi.
Tukṭhuan ei laiin kawngka an lo kik, Nu Papuiin theihnghilh a nei emawni ka ti hman.
"Lo lut rawh", ka ti a. Nu Papuii ni tura ka lo ngaih chu Manoi lek.
Dawhkan aṭangin ka tho lo, ka ṭhu reng.
A mawi tehchiam si lo, "Lo lêng rawh", ka han tisatliah a. A kimki deuhin ka hria.
Freddy-an, "E he! Anu chu", mak ti zet hian a ti a. A ngai thlu ngang a ni ang, a ṭhutna aṭanga thoin a va kuah.
Siamtea chu a ṭhu ngawi reng. "Siamte, Anu a lo kal hi, va chibai la. Mano, lo ei ve nghal ta che. Kan ei laklawk si, ei pahin kan titi ang a", ka ti chhuak thei ṭawk.
"Nidangah ni rawh se, a fala Sammy-a biak ka duh a, phone call.a chhâng thei si lo, ka lo kal tawp a nih hi", a ti ve mai bawk.
Freddy-an, "Anu, chaw chu ei ve la. Mawh, Keima Nu sawn chaw a chhum thiam lutuk", a ti a. Min lo nuih ver ver.
"Anu, Api saw, a uin Anu a ti a nia. Nangmah pawh, Anu a ti che sia, eng nge awmzia?", Lal.Fanuin a ti heu mai.
Ka tâng ta chiang khawp mai le.
Deusawh takin Manoin min la melh kal zui.
Sammy-a awm loh a châng chiang a ni.
"Lal Fanu, Nu zawng zawngte hi kan Nu vek alawm", Siamtean a lo ti.
"Siamte, nakinah keima'n ka hrilh dawn nia. Mano, thlêng ka lo lak ang che, chaw lo ei ve rawh", thlêng ka laksak a.
Nui ver verin Freddy-a chuan Manoi chu dawhkana lo kalpuiin, a bulah a ṭhuttir.
Lal Fanu pekin, "A u, Nu i neih tawh kha, keima nu Anu ti tawh suh. Keima Nu bik bik a nih hi", a ti leh tawh.
Manoi chu chaw khawrh thuai thuaiin, Lal Fanu bulah ka ṭhu thla thuai, "Lal Fanu, khatiangin an ti ngai lo. McDonald hi ei daih rawh", ka ti a.
Beram pathum te hi awm lo se chu, dam takin âw ka chhuah lo ang mawle.
An hmuha âw sâng hman(hmang) a, Manoi hnawhchhuah ka duh si lo.
"Ka nu a ni ve tho, Anu, ka nu i ni ve tho tiraw?", Freddy-an a ti leh ta. Buaina a inṭan leh dawn ta e.
Manoin, "Bawihpui, a u Siamtean a sawi tawh kha. Nangmahni Nu te ve ve kan nih hi. Tiraw, Siamte?", a ti kher chu, ka lo ngaimawh.
Siamtea chuan a chhâng duh lo, vawihnih chaw a bar a, "Anu, ka puar, ka insiam dawn", tih leh thawh a rual.
"Keipawh, ka puar", Freddy-an a ti a. "Keipawh", Lal Fanuin a ti a.
An unau thumin insiam turin an tho dial.
Manoin a thlir zui vawng vawng.
An awm ta lo bawk a, ka duh danin ka ṭawng thei ta.
Nu pahnih kan inhmachhawn ta ran mai le.
Show post links
Top
Politician Nupui BY Cck Lalchhuanawmi (Completed)
Politician Nupui Hring Nun
Political Love Story_Fiction
Chapter-14
Ziaktu: Cck Lalchhuanawmi
An awm ta lo bawk a, ka duh danin ka ṭawng thei ta.
Nu pahnih kan inhmachhawn ta ran mai le.
Manoin, "Anmahniin an insiam thiam em ni? I insiampui dawn lo em ni?", a ti a.
Tunhma rilru ka put thei tawh lo, Manoi chu lainatnain ka khat ta tlat. A pasal uiresanin, tunah; neih let tumin a bei mek chu a ni a.
"Siam pui an ngai tawh lo, mahniin an inenkawl thei tawh. Chaw kha ei la", ka han ti a.
"Heta ka lo kal hi i duh chiah lo em? Sammy-a be thei ila chu ka lo kal miah lo ang", Manoi chuan thinrimkhum turin min duh.
Thinrimkhum lam reng a lang lo, ka da ngawih ngawih.
"Sammy chu a zin a, a zin chhuah tawh chuan call a chhâng har thei lutuk. Min lo call hun kan nghak tawp zel mai", ka ti a.
Chaw ka ei pah, Manoi thung chuan chaw reng a ei lo. Thlêng pawh a inhun ngai ngaiin a inhung.
"An insiam zo ṭep tawhin ka ring, chaw kha ei vat la, School-ah kan thlah dawn nia", ka ti a.
Ka thawhsan daih.
"Ka rilṭam love", a ti bung deuh a, a inthiamlo deuh nge ni, "Lo kal hmain ka inhnawhpuar tawh alawm, ka lo sengfelpui ang che", a ti dam diai a.
Hnial ka tum lem lo, min sengfelpui a, a lawmawm zawk.
Duhsakan School-ah min hruai a, Manoi chu Seat hmaah a ṭhu. Freddy-an a Nu a be reng a, Lal Fanu lah a inrawlh ve ziah bawk.
Han khap em em tum hran lo mah ila, "Lal Fanu, a u tibuai tawh lo la", ka ti leh ṭhin.
A han ngawi ren rawn ṭhin a, a u bawk a be buai leh ṭhin. Siamtea thung chu a ngawi reng.
Manoin han be mah se, a chhâng duh lo a, chhâng tura han hrilh ka duh tlat lo pek bawk a. Huizzz.
School-a kan thlah hnuin, "Inbia ang", Manoi chu a pawr titih. Sawipui tur ka nei lo. Biak hi ka châk zawk zawk lo.
"Inbia ila", ti ve satliahin, Thingpui Dawrah ka luhpui a.
"Chaw eina a la rei lo bawk a, Thingpui in ang aw. Khawngaihin thingpui No hnih min lo pe", ka ti a.
Manoin a hnial lem lo.
Thingpui min lo pe a, "Han sawi la", ka ti vah a. Mak tizetin min en.
"Sawi tur i nei zawk lo em ni?", a ti hâ mai. Ka sawi leh pek ṭhin ang, tunhma rilru a bo zo tawh a, engtiang pawhin lo awm se, engthil pawh lo ti se, ka ngaipawimawh tawh lo.
"Nei nang, inbia ang i ti si a, i nei turah ka ngai", ka nui sâng a.
A mak ti chu hmuh hmaih theih a ni lo.
Manoin, "A nih, Sammy-a lo haw hunah min lo hrilh thei ang em??", a ti chu, "Hrilh thei lutuk e a, min lo call hunah call tur chein ka lo hrilh dawn nia", ka ti a.
Thikna pawh ka nei tawh lo, zângkhai takin ka chhâng.
Ka thin tihrim a tum ṭang ṭang, "Aizawla a awm hi chuanin, duh hun hunah ka ko thei mai zel asin, han sawi tawp mai ila; a duh hunah a lo kal tawp zel bawk a, nuam a tih angin a che tawp zel. Atan chuan, ka engkim hi ka hlan phal", intithei taka a ti chu, nuih a tiza.
Thingpui ka in zo a, "A ṭhat chu, naupang ka enkawl atalangah, a chang chuan min duhkhawp lo deuh hian ka hre ṭhin. I awm a, ka lawm lutuk", nui sângin ka ti a.
"Thingpui ka in zo tawh a, ka kal mai ang. Kan in man chu ka han pe ang e", Manoi chu han nui mah se, a lungni lo zâwng emaw thinrim emaw zâwnga ka ṭawngkhum lo chuan a ṭhawng tih ka hria.
A ho lutuk, an nun a ni a, an duhthlanna a ni a, an duh danin an hun hmang ang hmiang.
Puitling ṭhuau kan ni a, kan tana ṭha leh ṭha lo tur kan thliar vek thei tawh.
Manoi ṭawngkam khan min tina lo ti ila chu, dâwt a tel. Zaa bial lekin ka na thung.
Hmachhawn dan leh dawnsawn(dawngsawng) dan ka zir mai a ni.
Motor-ah ka chuang lut a, Phone a ri. Taiṭita ni rengin.
Ani pawh hian min bumah ka ngai tawh, mute-in, "Duha, Dawrah pêng ang aw", ka ti a.
Dawr panin kan chhuak.
Taiṭitan vawithum min call pawhin ka chhâng duh lo. Sammy, Manoi te leh amah nen lam hian an ṭangrual vekin ka hre tawh.
Nancy leh Hriati ten Nescafe an lo in a, min thlit ve nghalin, "Au Chhuanpui, i lo kal chu ka va han lawm tak, hrilh tur che ka nei a", Nancy-in a ti chu, "Eng thil nge ni ta a?", ka lo ti a.
"Bân a tum, nizan aṭangin ka dang ṭang ṭang tawh", Hriatin a lo ti hmanhmawh. Nancy-in a hnungah a bêng hlak.
A chhan ka zawt vat, "Singapore-ah hnathawk turin ka kal dawn, ka Nutêin Passport leh Visa min lo siamsak vek ang. Chubakah, chhungkaw dinhmunin a zir lo ve bawk nen. Au Chhuanpui, vawiin chauh ka lo kal thei tawh ang, naktuk aṭanga chawlh ka ngai", Nancy chuan a ti dap dap a.
Chawlh a huphurhzia a sawi niah niah bawk, Singapore-a hna hlawh aiin, kan rama hna hlawh hi chu a tlem em bawk atin ni.
"I ngaihawm dawn hle mai, tluang takin kal la, dam tak leh hlawhtling takin lo haw leh rawh aw", ka ti a.
A hlawh bituk zât aia sâng hret ka pe a, "Hlawh kan lak tawh kha, a mawi lo em mai", min hnar nasa.
"La rawh, tihsak theih che ka neih loh em hi, theih chu nise; chhungkaw din chhuah theih rawkna tur Hna te hi inpe thei ila ṭha tur. I ngaihawm dawn lutuk", a bag-ah ka khung sak.
Sen ṭan ṭanin, "Ka lawm lutuk, ka lawm tak tak a ni. Heta thawh reng ka duh nen, tun dinhmunah zawng; hmun hla lam pan ka ngai hle a ni, Au Chhuanpui, ka lawm rualin pawi ka ti", a mit tui a hnâm ṭiam ṭiam.
Ka unaunu han ni hlauh sela aw...
Pan hnaiin ka kuah a, "Chhungkua hi a pawimawh ber, i ti ṭha lutuk ringawt", hei bak sawi theih ka nei bik lo.
Tlai bân dawnah, Cake leh Coke(Sprite emaw ang chi) kengin, kan nufa zain Dawrah kan kal.
Nancy thlahna hun kan hmang, "Ka ngai ngawt ang che, I miss you!", Lal.Fanuin a ti a. Nancy nen an inpawm vawng vawng.
Siamtea leh Freddy-a chuan an hre vak lo naa, "I ngaihawm dawn e", chu an ti ve.
Nancy-in, "In Nu chungah hian ka lawm teh a nia, nangni deuh in ngaihawm. Au Chhuanpuii thu lo awih ṭha ang che u. Chuti lo chu, ka lo haw hunah engmah ka hawn lo ang che u", a ti hmiah hmiah.
Hriati nen kan nui kur kur.
"Kan awih dawn lutuk, thil ṭha deuh min lo hawn rawh aw", Siamtea leh Freddy-an an ti ve mai.
Mu tura kan intintuah hnuah, Sammy-an min lo call.
Lal Fanuin, "Apa-in a lo call", tiin, a nui ver ver.
Amahin a be hmasa ber, "Apa, I miss you", a ti a. Sap ṭawng hman(hmang) an uar dawn tlat.
Ka lo ngaimawh ṭhin.
"Anu awm em?", a zawh ka ring reng a, "A inthiar", Lal Fanuin a ti a. Sawi turin ka hrilh miah lo.
Hmâa mi kha a la hre reng ni fahmiang.
Loud Speaker-ah ka dah a, mu chungin Lal Fanu leh Freddy-a ten an be char char. Siamtea a ṭawng ve miah lo.
A hma chuan a be bawrh bawrh ṭhin kha a ni a, tukina Manoi lo kal avangin a ni ang em aw?
Sammy-an, "Muhil tawh rawh ule, Good Night", a rawn ti a.
Lal Fanuin, "Apa, a u Freddy-a Nu a lo kal a, chaw te a ei a, School-ah pawh min thlah", a ti ta.
Min ṭhawng lutuk chu chêt lawk nachang ka hre lo.
Sammy-an, "A u Freddy-a Nu maw?", a lo ti hmanhmawh.
Lal Fanu beng bulah, "Kha chu sawi loh tur, Shhh", ka ti a. "Mahse, Anu, a lo kal kha", a ti mauh.
Hrethiam rual a la ni si lo.
Freddy-an, "Keima Nu chu Nangma Nu a ni ve tihna, Apa, Lal Fanu Nu pawh a ni tiraw?", a ti leh pek.
Sammy-an, "In-", a ti chiah tih leh, ka kâ ka âng chiah tihah, Siamtean, "A ni lo, Lal Fanu Nu a ni lo", a lo ti hmuk.
Phone ka ban thuai, "Le, Apa mangṭha tawh rawh u, naktukah in inbe leh dawn nia", ka ti a.
Ngui nghiaiin, "Ka la be duh asin le, Apa, mangṭha aw. Good night", an ti ta a.
Mut ṭhattir hle hlein, "Tumahin Nu bik in nei lo a nia aw, chuvang chuan, tui tâwkin han mu teh ule",
"Anu, nang chu keima Nu bik i ni tiraw?", ka biangah a fawp zauh.
Manoi hi a Nu a ni tih engtin nge ka hrilh ang le?
Engtikah mah ka hrilh theiin ka ring lo. Ka hrilh thei ngai lo ang.
"Lal Fanu Nu bik liau liau ka nih hi", ka fawp let a. Freddy-a biangah fawp vein, "A u Freddy-a Nu pawh", ka ti a.
An khi vur vur.
Siamtea ka ban a, "Muhil ve tawh ta che, i nau te pawh an muthilh tawh hi",
"Aw le".
Keimah ber muhil thei loin ka meng kur, Sammy-an min rawn call hun ka nghak zawk mah.
Min rawn call ta nge nge, Chokaah ka phei a, Siamtea a la muhil lo atin ni.
"Zothangmawii ka bia a, a lo kal tawh lo ang", a rawn ti nghal.
"Ngati maw? A call i chhân theih loh avanga rawn kal a nih kha, Sam; a fate avanga lo kal ni loin, a call i chhân theih loh avanga lo kal a n. Biak che a duh a", a lo thaw hawk.
A fate hmu tur ni loa, a pasal hluiin a call a chhân theih loh avang chauha lo kal a ni si.
Mak ka ti, thin a sa thar thut.
Sammy-an, "He Khawvel tak hi chu aw...", a lo ti vawng vawng.
A beidawng ta lutuk chuan min khei zak, "Chutin ti mah ta che, i cho chhuah a nih hi. I, i, i-", ka puak darh dawnin ka hria.
Eng thu mah ka sawi thei tawh lo.
Phone ka off hmak. Thinrimna, thinrimna tur hlir.
A bula ka awm reng zawngin, ka â thei takngial dawn.
"Anu", Siamtean min rawn ko thut a, ka phu nghek.
"Bawihte, lo kal teh, i la muhil nange?",
"Apa nen in inhau mi?",
"Lo kal teh", a rawn kal hnai a, ka bulah ka ṭhuttir.
A fing a, a lakah chuan thuruk a thuhruk reng theih dawn loh.
Siamtea zawkin, "Apa i hua em? Kei chuan ka hua, Anu pawh ka hua. An pahnihin ka hua, awm lo la chuan Hnahthiala Api leh Apu bulah kan awm daih ang. Ngati nge, Apa hi i neih a?", a ti mauh mai.
A nu leh pa a huat chhan chu engtak ni ang maw?
Sammy-a ka neih chhan chu, Nu leh Pa thuawihna avang chauhin.
"Siamte, i pa nen lo inṭhen ta ila, ka bulah i awm duh tak tak ang maw?",
"Chhuahsan daih rawh",
"Siamte",
"Anu, chhuahsan daih rawh. Inṭhen ang i tih chuan Aih a ti dawn a, keini min ngaihtuah loin min chhuahsan rawh. Mahse maw, ka ngai ngawt ang che", min kuah thlawp a.
A insut hlawp hlawp.
Siamtea hian, engthil emaw tak hriat a nei ngat mai le.
A hnung chul heuh heuhin, "Bawiha, hlau miah suh aw. Min han hrilh teh le, Freddy-a leh Lal Fanu nen, in pathumin ka kalna hmun apiangah ka hruai zel ang che u. Engthil nge thleng, Anu hi min han hrilh teh".
Siamtea chuan, "Ih maw, Freddy-a hi nautê a nih laiin, zanah ka zun a chhuak lutuk a, Apa a zin daih a, min awmpuitunu ka kaitho a, a harh thei si lo kha, pindan aṭangin ka chhuak tawp a. Chuan, kawngkapui a inhawng ka hmu a, Bathroom-ah ka kal peih lo a, pawnah ka zung mai ang ka tia, ka kal hnai zel a, Anu ṭawng ri ka hre ta a", a ti a.
A kut chelh tlat ka ni a, a khûr tih ka hre thei.
"Engtin zel?",
"Anu chuan Towel chauh hi a veng a, a hmaah mipa pakhat hi a ding bawk", Siamtea kut ka hmer vawng vawng.
Ngaihthlak a ngamawm loh hle, hun rei tak a lo vawng tawh chu a ni si.
"Sawi zel rawh le",
"Mipa pawh chuan kekawrbul chiah a ha", a Nu uire lai a man chhuak a ni maw?
Freddy-a nautêt lai chuan ani pawh la naupang tak a ni dawn.
"Mipa hmel chu i hmu em?", a lu a thing nar nar.
Siamtea chuan, "Mipa chuan, Freddy-a hi ka fapa a ni tiraw?", a ti a. Anu chuan, "Aw, ni e", a ti", a ti leh.
Siamtea hmaah chuan ka ṭhingṭhi tawp, ka kuah a, "Sawi zel rawh, Bawihte, sawi zel rawh".
Naupang thu hla mai mai tia hnawl ngawt a rem lo.
Dâwt ai mahin, nu leh pa thuruk vawngtu an ni chiang em asin. Siamtea pawh hi, Sammy-a a ni nge ni lo fiah ka châk ta zak mai.
"Ka zun a chhuah em avangin Bathroom-ah ka kal daih a, an sawi ka hre tawh lo. Chuan maw, Anu pum chhungah Lal Fanu a awm laiin, zanah tho ka zun chhuak lutuk kha ka harh leh a, Bathroom-ah kalin, ka zung zo, kawngka ka hawng kha Anu leh Apa an lo inhau a".
Hrehawm ka ti mang e, naupang hmuh leh ngaihthlak atan chuan a lutuk mah mah.
"An thusawi ka hrechiang thei tawh lo, Apa khan, "I duh leh mamawh apiang ka pe che a", zawitê hian a ti a. Apa chuan Anu a hau ngai lo a, zawtê tein a be ṭhin. Anu chuan, "Ka pasal thinlunga hmeichhe dang awm reng chunga chenpui reng hahthlakzia i hre tawp nang", a ti a.
Apain, "Hmeichhe dang a? Ka hmeichhe ngaihzawn hmasak ber i ni a, ka nupui i ni bawk-", a tihin, "I sawk dik alawm, i hmeichhe ngaihzawn hmasak ber leh nupui hmasa ber ka ni. I hmangaih erawh ka ni hleinem. I hre tawp nang, tun thlengin Lehkhabu chhungah a thlalak i thukru a, hmanni lawkah atana i thuziah ka chhiar fuh leh bawk. I hre tawp nang, kan inneih zanah ngei lehnghal, "Puipui, min ngaidam rawh aw, nupui ka neihsan che avangin", i ti asin, i hre tawp lo ang, ṭawngvai satliaha ngaih chi a ni lo. Ka uiresan che, ka pha lo, ka inpawm, ka tisual tih lah ka hai lo. Mahse, uire lo thei loa min siamtu chu nangmah hi i ni, kan inngaihzawn lai aṭang renga inneih hnu leh, fa kan neih hnu thleng pawhin nang hian min uiresan char char. I thinlungah hmeichhe dang i khung tlat hek", Anuin a ti a. A ṭap nasa lutuk".
Siamtea chu a ṭap chau a ni ang, a muhil thuai.
Kum tam a lo vawn(vawng) tawh a sawi chhuak a, zinga a harh hunah chuan a thawl hawkin ka ring.
A thinlung a ruak tawh ang a, zângkhai takin a awm thei tawh ang.
Naupang tê si a, hetiang thil bawn lutuk mit ngeia a hmuh a, a hria hi pawi ka ti.
Tlaivar chiang tak ka ni, Manoi chuan hrehawm a lo va han ti thei dawn tak. A lo tuar nasa ve hle mai ti daih teh ang.
Tuna neih let tuma a bei pawh hi a demawm ta chuang loh.
Sammy-a chuan a thinlungah hmeichhe dang a khung tlat a, tunah a la khung tlat ang em le?
Khung tlat ang, Manoi leh kei chu, a bungrua mai kan ni tihna chu ni lul suh se!
A thinlung aṭanga a chhuahtir phal loh hmeichhia chu, tu tak ni ang maw?
Manoin Lehkhabu chhunga a thlalak a thuhrukzia a sawi a, khawi Lehkhabuah nge ni ang?
A la awm ang em?
School kawta kan din laiin, "In dam maw?", Taiṭitan a lo ti. Kan nufa zain Taiṭita lam kan hawi ṭhap.
"Apa Taiṭit", an ti a, an tlan a, an kuah chung chung.
Apa Taiṭita chu an ngai ve hle mai maw.
"Khawiah nge i awm a?", lungawilo fe hian ka ti a, "In awmnaah tho hian", a lo ti.
A biangsum pahnih leh a ha ṭo thuah lang ṭhat ṭhatin a nui sun sun.
Taiṭita nen hian intawng tho tur kan nih chuan, Sammy-an ka nu leh pa hnena nupui atana min rawn dil hmaa a lo lan loh le?
Ani pawhin a rukin min lo duh ve reng tho a, ngati nge, a hma khan min hrilh mai loh?
Ka pawm a rin loh avang nge ni ang a? Kan inṭhianna a chhiat a hlau zawk?
Zawhna ka va han ngah tak em!
Chhânna erawh ka hmu thei si lo.
"Beram pathum te u, School chhungah lut tawh rawh ule, in bân hunah KFC kan ei dawn nia", Taiṭitan a ti a.
Beram pathumte chuan, "Yess, Promise?", an ti a. An han intiam liam liam.
"Inbiak nan hun i nei ang em?",
"Nei lo tlat, Nancy a bân a ṭul a, Hriati thawhpui tur a ngai",
"A sawi tak asin, min chhawr mai ta che", ka nui sen sen.
Ka chhawr tak tak dawn mawni?
"Ka lo ngaihtuah ang, nih aw",
"A nih le".
Min lo thlir zui vawng vawngin ka hria.
Khang hun lai khan a rukin ka Star-in, ka duh em em a. Ka ṭhian a nih bakah, hmeichhia ka nih avangin hrilhah ka ruat lo.
Tunah, a rukin min lo duh ve reng tih ka hre ta a.
A rem tawh lo, a rem tawh mawlh lo a ni e.
Hriati chu amah chauhin a awm a, a khawhar thu min hrilh chamchi.
Ka hriatthiampui.
"Ka lo zawng ang, i ṭhian te zingah thawk duh te an awm lo em ni?", Hriati chu a han ngawi deuh a, "Awm lo, awi, mahni buai buai hian kan buai tlang a ni e. Au Chhuanpui, i hre zawk lo mi?", chu min la ti zawk zamah.
Buai a na a ni e.
Pawn lam ka hawi a, Duhsaka ka hmu chu Hmingi ka hre chhuak ta.
A ṭha lutuk, a va han ṭha teh kher em.
Hriati bulah, "Lo lungngai suh, naktuk aṭang chuan thawhpui i nei tawh ang. Thenzawl mi a nia",
"Mipa ni se", a biang a tai têk.
"Mipa chu buaithlak, Pu man kan ei hma lutuk palh ang", ka ti a. A nui khêk chiam.
Nui mawi lo ve tak a ni, kei ang chiahin.
Nui mawi tehchiam a ngai lo, kan nuih laia hmelṭha min tih chuan kan nuih a za tawk lo tihna a ni mai.
Hriati chuan, "Tak takin, tu nge?", a ti a.
"Hmingi a nia, a ṭawng duh lutuk, fiamthu a duh si", ka ti a. "A nuam dawn e, LalNancy min hriatchhuahtir",
"A ngaihawm khawp mai", ka lo ti ve.
Nancy ngaihawmzia sawi dunin, Lal Fanu School bâng hruai a hnaih avangin, Hriati nen inthlahin, School panin kan tlan.
A chhun thil eina tur ka pe a, a puar turah ngai ang.
Zana Chanchinthar ka en chu, Pi Lalchhuanawmin, "Serchhip Bialtu MLA Samuel Remsangpuia chuan, Thenzawl khuaa Puan Tahtute ṭanpuina tur Sum a tichingpen niin, Eptu Party President Pu Hrângvungan a sawi", a ti ta mai.
Chanchinthar ka hmet sawn thuai.
Siamtea te unauin an ngaithla lo hlauh a, ka lawm.
An muthlilh hnuah Chokaah awm lehin Sammy-a ka call. Zanin chu min rawn call miah lo.
Min lo call loh avangin chhuanlam ka siam phah.
Vawi sawm aia tam ka call pawha min chhân theih loh avangin ka nu ka call.
"Nu, Sammy-a a awm em?",
"Aw, awm e, i pa leh i u te nen an titi a. Lo ngaihtuah suh aw, a ṭha vek a nia", a lo ti sep.
"Min lo biak tir rawh aw, ka lo nghak ang. Min lo biak hma chu ka mu dawn lo a nia", ka ti a.
Chanchinthar meuha han puan(puang) dum dum mai chu(h)!
Ka phone ri chu Sammy-a emaw tiin ka en vat, Taiṭita lek niin. Beisei loh lam daih.
Ka chhân loh avangin message min lo thawn a, ***Chanchinthar ka lo hria a, pawi ka ti lutuk***
A delete leh nghal daih, Noti Bar aṭangin ka chhiar hman tho tho.
***Lal Fanu min lo biak rawh aw, a ngaihawm em mai, mut tui ule*** tih a rawn thawn zawk.
A ṭha hrim hrim e.
Chokaah ka awm reng, Sammy-a chuan min rawn call ta nge nge.
"Chhuanpui, i la muhil nange?",
"Ka nghak che",
"I muthilh ka ring a, ka call ngam lawk lo che alawm", thatchhe zet hian a lo ti a.
Khum chungah a mu ang a, a mit a chhing ang a, a chalah a kut a nghat vang vang ang.
"Sam, Chanchinthar ka lo hria a, engtizia nge ni le?",
"Engtizia mah ni lo e, dâwt mai mai a nih kha, lo ngai thutak suh. Party inbeihna mai mai mawle. Finfiahna an nei chuang hleinem",
"Chutiang ringawt, Chanchinthar meuha an puan chuan awm a awm a ni mai", ka ti hram.
Awm a awm a, an sawi a ni mai.
Ei rukna lehkhaa a hming a ziah hnan te, ka nu hnena pawisa a pek te, khangte kha ka hre ve kur tho a, thâwk a ipik.
Sammy-an, "Zan a rei tawh em mai, mu tawh rawh. Naktukah ka lo haw dawn a, kan sawi ṭha dawn nia", a lo ti a.
"Aw le, tluang deuhin lo haw rawh aw",
"Chuannn, thil ṭha tâwkin min lo hmuak dawn ta em?",
"Lo haw phawt rawh", ka ti hlak.
A rawn nui nasa mai, "Hmar Hrangsie, ka rawn haw ang",
"Rawn haw rawh, mut tui", phone ka dah daih.
Kei aiin Hmar Ṭawngte hi a thiam.
Lo haw teh se, Chanchinthara puan ngai khawp khawpa hna a thawh ṭhat loh vei. Ka'n ṭim nghek ang e.
Hnahthiala ka nuin min lo bia, "Samuel-a chu engtizia nge aw? Dâwt a nih ring phawt teh ang, i pa nen kan lo kal dawn e aw",
"Ni e, ka nu, dâwt a nih ring phawt ila, a hma thei berin lo kal rawh u aw", ka ti a.
Sammy-a aiin lo thleng hma se ka ti.
Siamtea te unau School-a an lut fel chiah tihah, "Chhuanpui?", Taiṭita a ni.
Tunah tak chuan, inbiak ka duh vak lo asin le.
"Khawiah nge i kal?", hnathawh a nei lo emawni tehreng?
Taiṭita chuan, "Inbe lawk ang, Thingpui in man ka tum ang a", a ti chu, "Sawi tur ka hre lo", ka ti khauh.
"Keima'n ka hria, lo kal rawh", a nui sâng a.
Sawi tur ka hre lo tak tak, "Sangsangi chungchang ka hrilh che kha i la hria em?", a rukin ka nui hak.
Manoi a tihna a ni si.
"MLA Samuel-a nupui kha a ni em?", tia hmeichhe pakhat sawi ka hre fuh ta. Hnung lam aṭangin a ni.
Hmeichhe pakhat dangin, "A pasalin a eiru a, a nupuiin mipa dang a hmu bawk a", a ti a. Min nuihzat hle a ni.
"Chhuanpui, engah mah ngai suh, mi sawisel tur zawng reng renga khawsa ho hi chu, kalpah mai mai tur", Taiṭitan a ti sup.
Kalpah mai mai tur pawhin ka ṭhut tlat hi maw.
Awm rei a thiang lo, Sammy chang ni lo, ka mualpho tel dawn tlat.
"Sangsangi chu eng nge, han sawi tawh la", sawi vat teh se. Haw ka duh tawh.
Chutih nak laiin, Hmingi ka la be lo tih ka hre chhuak. Manganthlak eee.
Taiṭitan, "Sangsangin a pasal hlui leh a nupui inṭhentir tuma ṭan a lak tawh lohna turin ngaihzawn ka tum a, nizanah inngaizawng turin ka sawm tawh. Min chhâng lem hlei lo a", a ti chu, ka hmaa Tui hian han leih huh chuaih ka nâp a.
"Ngati maw?",
"A nupui chu chang thei lo mah ila, hlim turin ka duh", tehhrep chuan a...
Lalhriatchhunga mai mai chu!
"A nupui i duh avangin maw?", sak ṭelh ṭawlhin ka ti a.
Âw nêm hman chhuah ka tum lo.
Keimah avangin Manoi ngaihzawn a tum tih a sawi, âtthlak hle mai.
Tichuan, mahni a intihrehawm tur chu keiin ka lo hlimpui ang a, a va han hnai lo tehhrep em!
"A ni mai ang chu, hlim turin ka duh takzet, a nui hmel hmuh reng ka duh. Sangsangi nen kan inngaihzawn theih chuan, tibuaitu a nei dawn lo a, a hlim chuan ka hlim", dawhkan chungah ka kut phah ka nghat chawrh.
Taiṭita chu a phu nghek.
"Taiṭit, keimah avang chuan i hlimna tur tichhe suh. Ka ngen che a ni e, khawngaihtakin keimah avangin i hlimna tur tichhe lul suh",
"Chhuanpui, i sawi awmzia-",
"Ka hre vek tawh, Sangsangi chu tudang ni loin Manoi a ni. Tawp rawh, chuan, Manoi hnaih tawh suh. Kei ngei pawh, kan Chhungkaw buainaa midang lo inrawlh turin ka duh lo che. Taiṭit, High School zirlai kan ni tawh lo. Dawra kal ka ngai a, a nih phawt".
Heng ho ina min tihbuai dan hi, Pasal ka neih hma chuan hetianga buaina hi ka tawk ngai lo.
Pasal ka neih hnu hian buaina a inchhawrdawh chho zut zut.
Thâwk ngaihna ka hre lo ṭep tawh.
Hmingi ka call, "Aizawlnuin min la hre ve maw?", a va han ngeiawm tak.
"Hria, hria, hria, hnathawh tur ka hmuhsak che",
"I ti tak tak em? Ka va lawm tak. Lalchhuanpui, thudik lo min han hrilh vaih teh, Aizawlah ka rawn kal ang a, ka ru bo ang che. A nuam e, hnathawh tur ka hmu ta", a naupangchhia thei si.
Tikhan, a zuang leh vak vak mai ang.
Hmingi bulah chuan, "Kan Lehkhabu dawr kha i hria em? Min lo thawhpui rawh, ei leh in ka lo tumsak vek ang che, kan bulah i chêng bawk ang", ka ti a.
"I chawh, chutiang a nih dawn chuan ka lo kal lovang e. Hlawh duh avanga hnathawh tur zawng na na na", a lo ti nuah nuah.
A lungni lo hmel hmuh a châkawm.
"Hlawh i nei dawn, lo kal rawh. A hmanhmawhthlak, Hriati chauhin a nghak, kan ṭhiannu Nancy loh theih lohna avanga a bân a ṭul a, nang lo chu khawngaih han dil tur ka hre thlawt lo",
"A va Politician ṭawngkam ta ve", a lo ti thûm dut.
Lalhmingi tak hi chu aw...
Vin deuh hlekin, "I lo kal dawn nge dawn lo, a hmanhmawhthlak si, midang zawn ka duh", ka ti a.
"Lo kal dawn, vawiin leh naktuk min pe lawk la. Mahse, in luah tur min lo zawn hmuhsak diam rawh",
"In luah tur maw ni a, ka lo zawng ang. Takin, kei aiin Duhsakan a hria ang, ani chu chhuak rengah. Ka lo zawt ang", Duhsaka hming a hre ringawt pawh, a lo, "Awiiiiiiiiii", chiam.
A lo thlen hun a huphurhawm dawn..
Hriati hnenah ka sawi a, "Ka va lawm tak, lo thawk thuai thuai tawh se".
Haw lamah Duhsaka hnenah in luah tur min zawnsak turin ka hrilh ve leh.
Hmingi len tawkna tur, tui leh êng ṭhatna bakah Bathroom ṭha tak awmna nise.
Ka duh dan angte ka hrilh a, "Ka lo zawng dawn nia", a ti mai bawk. Hmingi tan a ni a, in luah tur ṭha tak a hmu dawn tih ka hre ru kar.
Nu Papuiin, "Samuel-a chu, a lo thleng tlai dawn nge le aw? Chaw chhum kep a ngai ang em le?", a ti lang lang.
Call a chhâng thei lo a, a chin ka hre tawh lo.
"Nu, chhum kep phawt teh ang. Party Office-ah a tlang a ni ngei ang".
Chaw kan eisan, lehkha zir laiin a lo haw ta a, kei ni loin a fate a ko hmasa ber a, a kuah hmasa ber bawk.
Pawi ka ti lo, a fate pawhin an ngai em asin.
"Sam, chaw ei ka lo siam ang aw",
"A pawi miah lo ang".
Intifai hmasa loin chaw a ei a, a rilṭam ngang a nia nge, a ei ṭeuh mai.
"Call i chhâng thei lo a",
"Ka mute alawm, call chhân ka peih tehchiam lo. U Ngaian a lo bia che em?",
"Be nang, tinge a?", tiin zawt mah ila, u Ngaian a hre dawn a, a hlauthawng deuhin ka hria.
Tihmangan tan tal pawhin min lo call ka ti dawn mawni?
A u Police a ni a, Sum a tichingpen tak tak a nih chuan, a nasa lo teh ang chu aw...
Kan MLA Samuel Remsangpuia mai mai chu!
Show post links
Top
Political Love Story_Fiction
Chapter-14
Ziaktu: Cck Lalchhuanawmi
An awm ta lo bawk a, ka duh danin ka ṭawng thei ta.
Nu pahnih kan inhmachhawn ta ran mai le.
Manoin, "Anmahniin an insiam thiam em ni? I insiampui dawn lo em ni?", a ti a.
Tunhma rilru ka put thei tawh lo, Manoi chu lainatnain ka khat ta tlat. A pasal uiresanin, tunah; neih let tumin a bei mek chu a ni a.
"Siam pui an ngai tawh lo, mahniin an inenkawl thei tawh. Chaw kha ei la", ka han ti a.
"Heta ka lo kal hi i duh chiah lo em? Sammy-a be thei ila chu ka lo kal miah lo ang", Manoi chuan thinrimkhum turin min duh.
Thinrimkhum lam reng a lang lo, ka da ngawih ngawih.
"Sammy chu a zin a, a zin chhuah tawh chuan call a chhâng har thei lutuk. Min lo call hun kan nghak tawp zel mai", ka ti a.
Chaw ka ei pah, Manoi thung chuan chaw reng a ei lo. Thlêng pawh a inhun ngai ngaiin a inhung.
"An insiam zo ṭep tawhin ka ring, chaw kha ei vat la, School-ah kan thlah dawn nia", ka ti a.
Ka thawhsan daih.
"Ka rilṭam love", a ti bung deuh a, a inthiamlo deuh nge ni, "Lo kal hmain ka inhnawhpuar tawh alawm, ka lo sengfelpui ang che", a ti dam diai a.
Hnial ka tum lem lo, min sengfelpui a, a lawmawm zawk.
Duhsakan School-ah min hruai a, Manoi chu Seat hmaah a ṭhu. Freddy-an a Nu a be reng a, Lal Fanu lah a inrawlh ve ziah bawk.
Han khap em em tum hran lo mah ila, "Lal Fanu, a u tibuai tawh lo la", ka ti leh ṭhin.
A han ngawi ren rawn ṭhin a, a u bawk a be buai leh ṭhin. Siamtea thung chu a ngawi reng.
Manoin han be mah se, a chhâng duh lo a, chhâng tura han hrilh ka duh tlat lo pek bawk a. Huizzz.
School-a kan thlah hnuin, "Inbia ang", Manoi chu a pawr titih. Sawipui tur ka nei lo. Biak hi ka châk zawk zawk lo.
"Inbia ila", ti ve satliahin, Thingpui Dawrah ka luhpui a.
"Chaw eina a la rei lo bawk a, Thingpui in ang aw. Khawngaihin thingpui No hnih min lo pe", ka ti a.
Manoin a hnial lem lo.
Thingpui min lo pe a, "Han sawi la", ka ti vah a. Mak tizetin min en.
"Sawi tur i nei zawk lo em ni?", a ti hâ mai. Ka sawi leh pek ṭhin ang, tunhma rilru a bo zo tawh a, engtiang pawhin lo awm se, engthil pawh lo ti se, ka ngaipawimawh tawh lo.
"Nei nang, inbia ang i ti si a, i nei turah ka ngai", ka nui sâng a.
A mak ti chu hmuh hmaih theih a ni lo.
Manoin, "A nih, Sammy-a lo haw hunah min lo hrilh thei ang em??", a ti chu, "Hrilh thei lutuk e a, min lo call hunah call tur chein ka lo hrilh dawn nia", ka ti a.
Thikna pawh ka nei tawh lo, zângkhai takin ka chhâng.
Ka thin tihrim a tum ṭang ṭang, "Aizawla a awm hi chuanin, duh hun hunah ka ko thei mai zel asin, han sawi tawp mai ila; a duh hunah a lo kal tawp zel bawk a, nuam a tih angin a che tawp zel. Atan chuan, ka engkim hi ka hlan phal", intithei taka a ti chu, nuih a tiza.
Thingpui ka in zo a, "A ṭhat chu, naupang ka enkawl atalangah, a chang chuan min duhkhawp lo deuh hian ka hre ṭhin. I awm a, ka lawm lutuk", nui sângin ka ti a.
"Thingpui ka in zo tawh a, ka kal mai ang. Kan in man chu ka han pe ang e", Manoi chu han nui mah se, a lungni lo zâwng emaw thinrim emaw zâwnga ka ṭawngkhum lo chuan a ṭhawng tih ka hria.
A ho lutuk, an nun a ni a, an duhthlanna a ni a, an duh danin an hun hmang ang hmiang.
Puitling ṭhuau kan ni a, kan tana ṭha leh ṭha lo tur kan thliar vek thei tawh.
Manoi ṭawngkam khan min tina lo ti ila chu, dâwt a tel. Zaa bial lekin ka na thung.
Hmachhawn dan leh dawnsawn(dawngsawng) dan ka zir mai a ni.
Motor-ah ka chuang lut a, Phone a ri. Taiṭita ni rengin.
Ani pawh hian min bumah ka ngai tawh, mute-in, "Duha, Dawrah pêng ang aw", ka ti a.
Dawr panin kan chhuak.
Taiṭitan vawithum min call pawhin ka chhâng duh lo. Sammy, Manoi te leh amah nen lam hian an ṭangrual vekin ka hre tawh.
Nancy leh Hriati ten Nescafe an lo in a, min thlit ve nghalin, "Au Chhuanpui, i lo kal chu ka va han lawm tak, hrilh tur che ka nei a", Nancy-in a ti chu, "Eng thil nge ni ta a?", ka lo ti a.
"Bân a tum, nizan aṭangin ka dang ṭang ṭang tawh", Hriatin a lo ti hmanhmawh. Nancy-in a hnungah a bêng hlak.
A chhan ka zawt vat, "Singapore-ah hnathawk turin ka kal dawn, ka Nutêin Passport leh Visa min lo siamsak vek ang. Chubakah, chhungkaw dinhmunin a zir lo ve bawk nen. Au Chhuanpui, vawiin chauh ka lo kal thei tawh ang, naktuk aṭanga chawlh ka ngai", Nancy chuan a ti dap dap a.
Chawlh a huphurhzia a sawi niah niah bawk, Singapore-a hna hlawh aiin, kan rama hna hlawh hi chu a tlem em bawk atin ni.
"I ngaihawm dawn hle mai, tluang takin kal la, dam tak leh hlawhtling takin lo haw leh rawh aw", ka ti a.
A hlawh bituk zât aia sâng hret ka pe a, "Hlawh kan lak tawh kha, a mawi lo em mai", min hnar nasa.
"La rawh, tihsak theih che ka neih loh em hi, theih chu nise; chhungkaw din chhuah theih rawkna tur Hna te hi inpe thei ila ṭha tur. I ngaihawm dawn lutuk", a bag-ah ka khung sak.
Sen ṭan ṭanin, "Ka lawm lutuk, ka lawm tak tak a ni. Heta thawh reng ka duh nen, tun dinhmunah zawng; hmun hla lam pan ka ngai hle a ni, Au Chhuanpui, ka lawm rualin pawi ka ti", a mit tui a hnâm ṭiam ṭiam.
Ka unaunu han ni hlauh sela aw...
Pan hnaiin ka kuah a, "Chhungkua hi a pawimawh ber, i ti ṭha lutuk ringawt", hei bak sawi theih ka nei bik lo.
Tlai bân dawnah, Cake leh Coke(Sprite emaw ang chi) kengin, kan nufa zain Dawrah kan kal.
Nancy thlahna hun kan hmang, "Ka ngai ngawt ang che, I miss you!", Lal.Fanuin a ti a. Nancy nen an inpawm vawng vawng.
Siamtea leh Freddy-a chuan an hre vak lo naa, "I ngaihawm dawn e", chu an ti ve.
Nancy-in, "In Nu chungah hian ka lawm teh a nia, nangni deuh in ngaihawm. Au Chhuanpuii thu lo awih ṭha ang che u. Chuti lo chu, ka lo haw hunah engmah ka hawn lo ang che u", a ti hmiah hmiah.
Hriati nen kan nui kur kur.
"Kan awih dawn lutuk, thil ṭha deuh min lo hawn rawh aw", Siamtea leh Freddy-an an ti ve mai.
Mu tura kan intintuah hnuah, Sammy-an min lo call.
Lal Fanuin, "Apa-in a lo call", tiin, a nui ver ver.
Amahin a be hmasa ber, "Apa, I miss you", a ti a. Sap ṭawng hman(hmang) an uar dawn tlat.
Ka lo ngaimawh ṭhin.
"Anu awm em?", a zawh ka ring reng a, "A inthiar", Lal Fanuin a ti a. Sawi turin ka hrilh miah lo.
Hmâa mi kha a la hre reng ni fahmiang.
Loud Speaker-ah ka dah a, mu chungin Lal Fanu leh Freddy-a ten an be char char. Siamtea a ṭawng ve miah lo.
A hma chuan a be bawrh bawrh ṭhin kha a ni a, tukina Manoi lo kal avangin a ni ang em aw?
Sammy-an, "Muhil tawh rawh ule, Good Night", a rawn ti a.
Lal Fanuin, "Apa, a u Freddy-a Nu a lo kal a, chaw te a ei a, School-ah pawh min thlah", a ti ta.
Min ṭhawng lutuk chu chêt lawk nachang ka hre lo.
Sammy-an, "A u Freddy-a Nu maw?", a lo ti hmanhmawh.
Lal Fanu beng bulah, "Kha chu sawi loh tur, Shhh", ka ti a. "Mahse, Anu, a lo kal kha", a ti mauh.
Hrethiam rual a la ni si lo.
Freddy-an, "Keima Nu chu Nangma Nu a ni ve tihna, Apa, Lal Fanu Nu pawh a ni tiraw?", a ti leh pek.
Sammy-an, "In-", a ti chiah tih leh, ka kâ ka âng chiah tihah, Siamtean, "A ni lo, Lal Fanu Nu a ni lo", a lo ti hmuk.
Phone ka ban thuai, "Le, Apa mangṭha tawh rawh u, naktukah in inbe leh dawn nia", ka ti a.
Ngui nghiaiin, "Ka la be duh asin le, Apa, mangṭha aw. Good night", an ti ta a.
Mut ṭhattir hle hlein, "Tumahin Nu bik in nei lo a nia aw, chuvang chuan, tui tâwkin han mu teh ule",
"Anu, nang chu keima Nu bik i ni tiraw?", ka biangah a fawp zauh.
Manoi hi a Nu a ni tih engtin nge ka hrilh ang le?
Engtikah mah ka hrilh theiin ka ring lo. Ka hrilh thei ngai lo ang.
"Lal Fanu Nu bik liau liau ka nih hi", ka fawp let a. Freddy-a biangah fawp vein, "A u Freddy-a Nu pawh", ka ti a.
An khi vur vur.
Siamtea ka ban a, "Muhil ve tawh ta che, i nau te pawh an muthilh tawh hi",
"Aw le".
Keimah ber muhil thei loin ka meng kur, Sammy-an min rawn call hun ka nghak zawk mah.
Min rawn call ta nge nge, Chokaah ka phei a, Siamtea a la muhil lo atin ni.
"Zothangmawii ka bia a, a lo kal tawh lo ang", a rawn ti nghal.
"Ngati maw? A call i chhân theih loh avanga rawn kal a nih kha, Sam; a fate avanga lo kal ni loin, a call i chhân theih loh avanga lo kal a n. Biak che a duh a", a lo thaw hawk.
A fate hmu tur ni loa, a pasal hluiin a call a chhân theih loh avang chauha lo kal a ni si.
Mak ka ti, thin a sa thar thut.
Sammy-an, "He Khawvel tak hi chu aw...", a lo ti vawng vawng.
A beidawng ta lutuk chuan min khei zak, "Chutin ti mah ta che, i cho chhuah a nih hi. I, i, i-", ka puak darh dawnin ka hria.
Eng thu mah ka sawi thei tawh lo.
Phone ka off hmak. Thinrimna, thinrimna tur hlir.
A bula ka awm reng zawngin, ka â thei takngial dawn.
"Anu", Siamtean min rawn ko thut a, ka phu nghek.
"Bawihte, lo kal teh, i la muhil nange?",
"Apa nen in inhau mi?",
"Lo kal teh", a rawn kal hnai a, ka bulah ka ṭhuttir.
A fing a, a lakah chuan thuruk a thuhruk reng theih dawn loh.
Siamtea zawkin, "Apa i hua em? Kei chuan ka hua, Anu pawh ka hua. An pahnihin ka hua, awm lo la chuan Hnahthiala Api leh Apu bulah kan awm daih ang. Ngati nge, Apa hi i neih a?", a ti mauh mai.
A nu leh pa a huat chhan chu engtak ni ang maw?
Sammy-a ka neih chhan chu, Nu leh Pa thuawihna avang chauhin.
"Siamte, i pa nen lo inṭhen ta ila, ka bulah i awm duh tak tak ang maw?",
"Chhuahsan daih rawh",
"Siamte",
"Anu, chhuahsan daih rawh. Inṭhen ang i tih chuan Aih a ti dawn a, keini min ngaihtuah loin min chhuahsan rawh. Mahse maw, ka ngai ngawt ang che", min kuah thlawp a.
A insut hlawp hlawp.
Siamtea hian, engthil emaw tak hriat a nei ngat mai le.
A hnung chul heuh heuhin, "Bawiha, hlau miah suh aw. Min han hrilh teh le, Freddy-a leh Lal Fanu nen, in pathumin ka kalna hmun apiangah ka hruai zel ang che u. Engthil nge thleng, Anu hi min han hrilh teh".
Siamtea chuan, "Ih maw, Freddy-a hi nautê a nih laiin, zanah ka zun a chhuak lutuk a, Apa a zin daih a, min awmpuitunu ka kaitho a, a harh thei si lo kha, pindan aṭangin ka chhuak tawp a. Chuan, kawngkapui a inhawng ka hmu a, Bathroom-ah ka kal peih lo a, pawnah ka zung mai ang ka tia, ka kal hnai zel a, Anu ṭawng ri ka hre ta a", a ti a.
A kut chelh tlat ka ni a, a khûr tih ka hre thei.
"Engtin zel?",
"Anu chuan Towel chauh hi a veng a, a hmaah mipa pakhat hi a ding bawk", Siamtea kut ka hmer vawng vawng.
Ngaihthlak a ngamawm loh hle, hun rei tak a lo vawng tawh chu a ni si.
"Sawi zel rawh le",
"Mipa pawh chuan kekawrbul chiah a ha", a Nu uire lai a man chhuak a ni maw?
Freddy-a nautêt lai chuan ani pawh la naupang tak a ni dawn.
"Mipa hmel chu i hmu em?", a lu a thing nar nar.
Siamtea chuan, "Mipa chuan, Freddy-a hi ka fapa a ni tiraw?", a ti a. Anu chuan, "Aw, ni e", a ti", a ti leh.
Siamtea hmaah chuan ka ṭhingṭhi tawp, ka kuah a, "Sawi zel rawh, Bawihte, sawi zel rawh".
Naupang thu hla mai mai tia hnawl ngawt a rem lo.
Dâwt ai mahin, nu leh pa thuruk vawngtu an ni chiang em asin. Siamtea pawh hi, Sammy-a a ni nge ni lo fiah ka châk ta zak mai.
"Ka zun a chhuah em avangin Bathroom-ah ka kal daih a, an sawi ka hre tawh lo. Chuan maw, Anu pum chhungah Lal Fanu a awm laiin, zanah tho ka zun chhuak lutuk kha ka harh leh a, Bathroom-ah kalin, ka zung zo, kawngka ka hawng kha Anu leh Apa an lo inhau a".
Hrehawm ka ti mang e, naupang hmuh leh ngaihthlak atan chuan a lutuk mah mah.
"An thusawi ka hrechiang thei tawh lo, Apa khan, "I duh leh mamawh apiang ka pe che a", zawitê hian a ti a. Apa chuan Anu a hau ngai lo a, zawtê tein a be ṭhin. Anu chuan, "Ka pasal thinlunga hmeichhe dang awm reng chunga chenpui reng hahthlakzia i hre tawp nang", a ti a.
Apain, "Hmeichhe dang a? Ka hmeichhe ngaihzawn hmasak ber i ni a, ka nupui i ni bawk-", a tihin, "I sawk dik alawm, i hmeichhe ngaihzawn hmasak ber leh nupui hmasa ber ka ni. I hmangaih erawh ka ni hleinem. I hre tawp nang, tun thlengin Lehkhabu chhungah a thlalak i thukru a, hmanni lawkah atana i thuziah ka chhiar fuh leh bawk. I hre tawp nang, kan inneih zanah ngei lehnghal, "Puipui, min ngaidam rawh aw, nupui ka neihsan che avangin", i ti asin, i hre tawp lo ang, ṭawngvai satliaha ngaih chi a ni lo. Ka uiresan che, ka pha lo, ka inpawm, ka tisual tih lah ka hai lo. Mahse, uire lo thei loa min siamtu chu nangmah hi i ni, kan inngaihzawn lai aṭang renga inneih hnu leh, fa kan neih hnu thleng pawhin nang hian min uiresan char char. I thinlungah hmeichhe dang i khung tlat hek", Anuin a ti a. A ṭap nasa lutuk".
Siamtea chu a ṭap chau a ni ang, a muhil thuai.
Kum tam a lo vawn(vawng) tawh a sawi chhuak a, zinga a harh hunah chuan a thawl hawkin ka ring.
A thinlung a ruak tawh ang a, zângkhai takin a awm thei tawh ang.
Naupang tê si a, hetiang thil bawn lutuk mit ngeia a hmuh a, a hria hi pawi ka ti.
Tlaivar chiang tak ka ni, Manoi chuan hrehawm a lo va han ti thei dawn tak. A lo tuar nasa ve hle mai ti daih teh ang.
Tuna neih let tuma a bei pawh hi a demawm ta chuang loh.
Sammy-a chuan a thinlungah hmeichhe dang a khung tlat a, tunah a la khung tlat ang em le?
Khung tlat ang, Manoi leh kei chu, a bungrua mai kan ni tihna chu ni lul suh se!
A thinlung aṭanga a chhuahtir phal loh hmeichhia chu, tu tak ni ang maw?
Manoin Lehkhabu chhunga a thlalak a thuhrukzia a sawi a, khawi Lehkhabuah nge ni ang?
A la awm ang em?
School kawta kan din laiin, "In dam maw?", Taiṭitan a lo ti. Kan nufa zain Taiṭita lam kan hawi ṭhap.
"Apa Taiṭit", an ti a, an tlan a, an kuah chung chung.
Apa Taiṭita chu an ngai ve hle mai maw.
"Khawiah nge i awm a?", lungawilo fe hian ka ti a, "In awmnaah tho hian", a lo ti.
A biangsum pahnih leh a ha ṭo thuah lang ṭhat ṭhatin a nui sun sun.
Taiṭita nen hian intawng tho tur kan nih chuan, Sammy-an ka nu leh pa hnena nupui atana min rawn dil hmaa a lo lan loh le?
Ani pawhin a rukin min lo duh ve reng tho a, ngati nge, a hma khan min hrilh mai loh?
Ka pawm a rin loh avang nge ni ang a? Kan inṭhianna a chhiat a hlau zawk?
Zawhna ka va han ngah tak em!
Chhânna erawh ka hmu thei si lo.
"Beram pathum te u, School chhungah lut tawh rawh ule, in bân hunah KFC kan ei dawn nia", Taiṭitan a ti a.
Beram pathumte chuan, "Yess, Promise?", an ti a. An han intiam liam liam.
"Inbiak nan hun i nei ang em?",
"Nei lo tlat, Nancy a bân a ṭul a, Hriati thawhpui tur a ngai",
"A sawi tak asin, min chhawr mai ta che", ka nui sen sen.
Ka chhawr tak tak dawn mawni?
"Ka lo ngaihtuah ang, nih aw",
"A nih le".
Min lo thlir zui vawng vawngin ka hria.
Khang hun lai khan a rukin ka Star-in, ka duh em em a. Ka ṭhian a nih bakah, hmeichhia ka nih avangin hrilhah ka ruat lo.
Tunah, a rukin min lo duh ve reng tih ka hre ta a.
A rem tawh lo, a rem tawh mawlh lo a ni e.
Hriati chu amah chauhin a awm a, a khawhar thu min hrilh chamchi.
Ka hriatthiampui.
"Ka lo zawng ang, i ṭhian te zingah thawk duh te an awm lo em ni?", Hriati chu a han ngawi deuh a, "Awm lo, awi, mahni buai buai hian kan buai tlang a ni e. Au Chhuanpui, i hre zawk lo mi?", chu min la ti zawk zamah.
Buai a na a ni e.
Pawn lam ka hawi a, Duhsaka ka hmu chu Hmingi ka hre chhuak ta.
A ṭha lutuk, a va han ṭha teh kher em.
Hriati bulah, "Lo lungngai suh, naktuk aṭang chuan thawhpui i nei tawh ang. Thenzawl mi a nia",
"Mipa ni se", a biang a tai têk.
"Mipa chu buaithlak, Pu man kan ei hma lutuk palh ang", ka ti a. A nui khêk chiam.
Nui mawi lo ve tak a ni, kei ang chiahin.
Nui mawi tehchiam a ngai lo, kan nuih laia hmelṭha min tih chuan kan nuih a za tawk lo tihna a ni mai.
Hriati chuan, "Tak takin, tu nge?", a ti a.
"Hmingi a nia, a ṭawng duh lutuk, fiamthu a duh si", ka ti a. "A nuam dawn e, LalNancy min hriatchhuahtir",
"A ngaihawm khawp mai", ka lo ti ve.
Nancy ngaihawmzia sawi dunin, Lal Fanu School bâng hruai a hnaih avangin, Hriati nen inthlahin, School panin kan tlan.
A chhun thil eina tur ka pe a, a puar turah ngai ang.
Zana Chanchinthar ka en chu, Pi Lalchhuanawmin, "Serchhip Bialtu MLA Samuel Remsangpuia chuan, Thenzawl khuaa Puan Tahtute ṭanpuina tur Sum a tichingpen niin, Eptu Party President Pu Hrângvungan a sawi", a ti ta mai.
Chanchinthar ka hmet sawn thuai.
Siamtea te unauin an ngaithla lo hlauh a, ka lawm.
An muthlilh hnuah Chokaah awm lehin Sammy-a ka call. Zanin chu min rawn call miah lo.
Min lo call loh avangin chhuanlam ka siam phah.
Vawi sawm aia tam ka call pawha min chhân theih loh avangin ka nu ka call.
"Nu, Sammy-a a awm em?",
"Aw, awm e, i pa leh i u te nen an titi a. Lo ngaihtuah suh aw, a ṭha vek a nia", a lo ti sep.
"Min lo biak tir rawh aw, ka lo nghak ang. Min lo biak hma chu ka mu dawn lo a nia", ka ti a.
Chanchinthar meuha han puan(puang) dum dum mai chu(h)!
Ka phone ri chu Sammy-a emaw tiin ka en vat, Taiṭita lek niin. Beisei loh lam daih.
Ka chhân loh avangin message min lo thawn a, ***Chanchinthar ka lo hria a, pawi ka ti lutuk***
A delete leh nghal daih, Noti Bar aṭangin ka chhiar hman tho tho.
***Lal Fanu min lo biak rawh aw, a ngaihawm em mai, mut tui ule*** tih a rawn thawn zawk.
A ṭha hrim hrim e.
Chokaah ka awm reng, Sammy-a chuan min rawn call ta nge nge.
"Chhuanpui, i la muhil nange?",
"Ka nghak che",
"I muthilh ka ring a, ka call ngam lawk lo che alawm", thatchhe zet hian a lo ti a.
Khum chungah a mu ang a, a mit a chhing ang a, a chalah a kut a nghat vang vang ang.
"Sam, Chanchinthar ka lo hria a, engtizia nge ni le?",
"Engtizia mah ni lo e, dâwt mai mai a nih kha, lo ngai thutak suh. Party inbeihna mai mai mawle. Finfiahna an nei chuang hleinem",
"Chutiang ringawt, Chanchinthar meuha an puan chuan awm a awm a ni mai", ka ti hram.
Awm a awm a, an sawi a ni mai.
Ei rukna lehkhaa a hming a ziah hnan te, ka nu hnena pawisa a pek te, khangte kha ka hre ve kur tho a, thâwk a ipik.
Sammy-an, "Zan a rei tawh em mai, mu tawh rawh. Naktukah ka lo haw dawn a, kan sawi ṭha dawn nia", a lo ti a.
"Aw le, tluang deuhin lo haw rawh aw",
"Chuannn, thil ṭha tâwkin min lo hmuak dawn ta em?",
"Lo haw phawt rawh", ka ti hlak.
A rawn nui nasa mai, "Hmar Hrangsie, ka rawn haw ang",
"Rawn haw rawh, mut tui", phone ka dah daih.
Kei aiin Hmar Ṭawngte hi a thiam.
Lo haw teh se, Chanchinthara puan ngai khawp khawpa hna a thawh ṭhat loh vei. Ka'n ṭim nghek ang e.
Hnahthiala ka nuin min lo bia, "Samuel-a chu engtizia nge aw? Dâwt a nih ring phawt teh ang, i pa nen kan lo kal dawn e aw",
"Ni e, ka nu, dâwt a nih ring phawt ila, a hma thei berin lo kal rawh u aw", ka ti a.
Sammy-a aiin lo thleng hma se ka ti.
Siamtea te unau School-a an lut fel chiah tihah, "Chhuanpui?", Taiṭita a ni.
Tunah tak chuan, inbiak ka duh vak lo asin le.
"Khawiah nge i kal?", hnathawh a nei lo emawni tehreng?
Taiṭita chuan, "Inbe lawk ang, Thingpui in man ka tum ang a", a ti chu, "Sawi tur ka hre lo", ka ti khauh.
"Keima'n ka hria, lo kal rawh", a nui sâng a.
Sawi tur ka hre lo tak tak, "Sangsangi chungchang ka hrilh che kha i la hria em?", a rukin ka nui hak.
Manoi a tihna a ni si.
"MLA Samuel-a nupui kha a ni em?", tia hmeichhe pakhat sawi ka hre fuh ta. Hnung lam aṭangin a ni.
Hmeichhe pakhat dangin, "A pasalin a eiru a, a nupuiin mipa dang a hmu bawk a", a ti a. Min nuihzat hle a ni.
"Chhuanpui, engah mah ngai suh, mi sawisel tur zawng reng renga khawsa ho hi chu, kalpah mai mai tur", Taiṭitan a ti sup.
Kalpah mai mai tur pawhin ka ṭhut tlat hi maw.
Awm rei a thiang lo, Sammy chang ni lo, ka mualpho tel dawn tlat.
"Sangsangi chu eng nge, han sawi tawh la", sawi vat teh se. Haw ka duh tawh.
Chutih nak laiin, Hmingi ka la be lo tih ka hre chhuak. Manganthlak eee.
Taiṭitan, "Sangsangin a pasal hlui leh a nupui inṭhentir tuma ṭan a lak tawh lohna turin ngaihzawn ka tum a, nizanah inngaizawng turin ka sawm tawh. Min chhâng lem hlei lo a", a ti chu, ka hmaa Tui hian han leih huh chuaih ka nâp a.
"Ngati maw?",
"A nupui chu chang thei lo mah ila, hlim turin ka duh", tehhrep chuan a...
Lalhriatchhunga mai mai chu!
"A nupui i duh avangin maw?", sak ṭelh ṭawlhin ka ti a.
Âw nêm hman chhuah ka tum lo.
Keimah avangin Manoi ngaihzawn a tum tih a sawi, âtthlak hle mai.
Tichuan, mahni a intihrehawm tur chu keiin ka lo hlimpui ang a, a va han hnai lo tehhrep em!
"A ni mai ang chu, hlim turin ka duh takzet, a nui hmel hmuh reng ka duh. Sangsangi nen kan inngaihzawn theih chuan, tibuaitu a nei dawn lo a, a hlim chuan ka hlim", dawhkan chungah ka kut phah ka nghat chawrh.
Taiṭita chu a phu nghek.
"Taiṭit, keimah avang chuan i hlimna tur tichhe suh. Ka ngen che a ni e, khawngaihtakin keimah avangin i hlimna tur tichhe lul suh",
"Chhuanpui, i sawi awmzia-",
"Ka hre vek tawh, Sangsangi chu tudang ni loin Manoi a ni. Tawp rawh, chuan, Manoi hnaih tawh suh. Kei ngei pawh, kan Chhungkaw buainaa midang lo inrawlh turin ka duh lo che. Taiṭit, High School zirlai kan ni tawh lo. Dawra kal ka ngai a, a nih phawt".
Heng ho ina min tihbuai dan hi, Pasal ka neih hma chuan hetianga buaina hi ka tawk ngai lo.
Pasal ka neih hnu hian buaina a inchhawrdawh chho zut zut.
Thâwk ngaihna ka hre lo ṭep tawh.
Hmingi ka call, "Aizawlnuin min la hre ve maw?", a va han ngeiawm tak.
"Hria, hria, hria, hnathawh tur ka hmuhsak che",
"I ti tak tak em? Ka va lawm tak. Lalchhuanpui, thudik lo min han hrilh vaih teh, Aizawlah ka rawn kal ang a, ka ru bo ang che. A nuam e, hnathawh tur ka hmu ta", a naupangchhia thei si.
Tikhan, a zuang leh vak vak mai ang.
Hmingi bulah chuan, "Kan Lehkhabu dawr kha i hria em? Min lo thawhpui rawh, ei leh in ka lo tumsak vek ang che, kan bulah i chêng bawk ang", ka ti a.
"I chawh, chutiang a nih dawn chuan ka lo kal lovang e. Hlawh duh avanga hnathawh tur zawng na na na", a lo ti nuah nuah.
A lungni lo hmel hmuh a châkawm.
"Hlawh i nei dawn, lo kal rawh. A hmanhmawhthlak, Hriati chauhin a nghak, kan ṭhiannu Nancy loh theih lohna avanga a bân a ṭul a, nang lo chu khawngaih han dil tur ka hre thlawt lo",
"A va Politician ṭawngkam ta ve", a lo ti thûm dut.
Lalhmingi tak hi chu aw...
Vin deuh hlekin, "I lo kal dawn nge dawn lo, a hmanhmawhthlak si, midang zawn ka duh", ka ti a.
"Lo kal dawn, vawiin leh naktuk min pe lawk la. Mahse, in luah tur min lo zawn hmuhsak diam rawh",
"In luah tur maw ni a, ka lo zawng ang. Takin, kei aiin Duhsakan a hria ang, ani chu chhuak rengah. Ka lo zawt ang", Duhsaka hming a hre ringawt pawh, a lo, "Awiiiiiiiiii", chiam.
A lo thlen hun a huphurhawm dawn..
Hriati hnenah ka sawi a, "Ka va lawm tak, lo thawk thuai thuai tawh se".
Haw lamah Duhsaka hnenah in luah tur min zawnsak turin ka hrilh ve leh.
Hmingi len tawkna tur, tui leh êng ṭhatna bakah Bathroom ṭha tak awmna nise.
Ka duh dan angte ka hrilh a, "Ka lo zawng dawn nia", a ti mai bawk. Hmingi tan a ni a, in luah tur ṭha tak a hmu dawn tih ka hre ru kar.
Nu Papuiin, "Samuel-a chu, a lo thleng tlai dawn nge le aw? Chaw chhum kep a ngai ang em le?", a ti lang lang.
Call a chhâng thei lo a, a chin ka hre tawh lo.
"Nu, chhum kep phawt teh ang. Party Office-ah a tlang a ni ngei ang".
Chaw kan eisan, lehkha zir laiin a lo haw ta a, kei ni loin a fate a ko hmasa ber a, a kuah hmasa ber bawk.
Pawi ka ti lo, a fate pawhin an ngai em asin.
"Sam, chaw ei ka lo siam ang aw",
"A pawi miah lo ang".
Intifai hmasa loin chaw a ei a, a rilṭam ngang a nia nge, a ei ṭeuh mai.
"Call i chhâng thei lo a",
"Ka mute alawm, call chhân ka peih tehchiam lo. U Ngaian a lo bia che em?",
"Be nang, tinge a?", tiin zawt mah ila, u Ngaian a hre dawn a, a hlauthawng deuhin ka hria.
Tihmangan tan tal pawhin min lo call ka ti dawn mawni?
A u Police a ni a, Sum a tichingpen tak tak a nih chuan, a nasa lo teh ang chu aw...
Kan MLA Samuel Remsangpuia mai mai chu!
Show post links
Top
| Link: | |
| BBcode: | |
| HTML: | |
| Hide post links |
Politician Nupui Hring Nun
Political Love Story_Fiction
Chapter-15 Chhunzawmna
Ziaktu: Cck Lalchhuanawmi
(Mutthluk harh rualin ka lo dah, naktuk atang chuan ka zia tawh mai ang
)
A mizia leh chezia a inthlak hlawk zel a, khum khata a mut pui ngei pawh hian a mize dik tak ka la hre thei lo.
Chuvang chuan, ka chhânna chu 'Aw' tih hi a ni.
"I ngawih rengna khan Chhânna dik tak min pe e. Dik loa min ngaitu zawng zawngte avang hian lunghnura lak ka tum lo. I awm avangin a ni. Tunah, min rin(ring) tlat ka lo Beiseina che Bang chu nangmah ngeiin, i ngawih rengna hmangin min tihchimsak ta a nih hi".
Sammy chu a tho a, a Office-ah bak kalna tur a nei lo.
Rin ka duh a, rin tumin ka insangmar nasa, nimahsela; min tih ang chiahin amah ngeiin, ka rin theihna tura Bang ka rem chu a tichim zel zawk alawm.
Umzuia insawifiah ka tum lo, inngaihtuah sela, ka rin loh chhan ngaihtuah chhuah tum rawh se.
Airport-ah Lalfela te chhungkua kan thlah a, Siamtea te unau thum School an kal avangin Sammy nen chuan kan haw hma.
Lal Fanu hi chu a bâng hma pawlah a la ṭang a, Siamtea leh Freddy-a te School bân hmaa hruai a ngai ṭhin.
Ka nu leh pa, Hriatpuia leh u Hmai te lo haw hma chu Sammy-an min thlêk vung vung.
Ka awmna bulah a inṭhuttir zel, ka hlau tawp si lo.
U Ngaia ka hre ru kar, ka chungah eng pawi emaw tak a khawih chuan u Ngaia ka mantir hmak dawn.
Thinlung phêkah Chemtêin ka ziah hnan tawh, Chemtêa ziak ka nih avangin Thisen a hnâm ṭiam ṭiam reng tunah hian.
"Sam, Lal.Fanu hruai ang hmiang", min chhâng loin mi melh kal.
Chokaah kan ṭhu a, Hmarcha ka siam. Haw huna Atta nuaia kan(kang) ni tawh mai. U Hmain a lo kang thut thei bawk a.
"I lo kal ve dawn em?", ka ti leh, "Khati khan i kal dawn em ni?", ka inenkual, "Ni mai, Dawrah ka pêng dawn lo a",
"Kal ang", a tho vut, a mawng phe ka hmu hman chang chang.
Motor ka thlen chuan Driver seat-ah a ṭhu fel diam tawh. Motor bulah Driver a ding ngawi reng.
Duhsaka, Airport-ah a la awm tak e.
"Sam, nangmahin i khalh dawn em ni?", a khalh lai ka la hmu lo, "Lo ṭhu rawh", a ti hmuk.
A hnung lam kawngkhar hawnga ṭhut luh pahin, "I khalh thiam ringawt mi le? Min accident pui vaih, ka hrânkhum chiang ang che chu", ka ti lang lang.
"Engvanga hnung lama ṭhu nge i nih?",
"Thiam lo chunga khalh i ni dawn a, ka invêng a nih hi", ka ti hlak.
Nge nina vei, âw nêm min hmankhum bik hleinem maw.
Sammy-an, "Ka thiam leh thiam loh hre turin ka khalhah i chuang tawh em ni?", a ti hluk.
Va han chhe zawt zawt tak.
Dim hlek loin, "Chutiang hre turin i khalh tawh mi? Driving Lisence-te i nei reng reng em? Ka chuang ngam hi lawm hle tur i ni", ka ti bawrh bawrh.
"Khalh chhuah hma hma", a ti thâwp sup.
"I suahsual tukkhum pâwna rawn kuk lawlh che i duh loh chuan khalh chhuak vat rawh. Lal Fanuin min lo nghak reng palh ang e", ka ti zet zet.
A khi sak ringawt, "Ka bulah i lo.insawn hma ka khalh chhuak dawn lo",
"Remsangpui", ka vin ṭhat.
Ṭha te tea biak a theih loh. Tunhnai phei chu a chunga lungnih lohna a lian si, min han fiam ngam zawk te hi ka ti.
"Hmar Hrangsie i koh chhuah hmain khalh chhuak vat mai rawh", vin tâwkin ka ti leh.
A ruka Driver nui kur kur ka la hmu zui.
Remsangpuia bakin a tuar dawn chuang lo, "Nupui ngam lo", tiin, Driver-an a sawi chhuah phei chuan an khêl luai luai ang a, a nuam ngawt ang chu.
"Ṭha lawm", phun hlukin a tinung a.
A khalh thiam tih ka hre miah lo, thin phu dêp dêpa ka awm pawh a zia hret hret.
Inbe leh miah loin School kan thleng, School kawtah Lal Fanu a lo ding reng tawh.
"Nangmah vang", ti hlakin ka chhuk a.
Lal Fanuin min hmu chu, lo tlanin min pawm vawng vawng. Sammy pawhin kan bul lo thlengin, "Haw hma ang u", thawt thawt hian a...
"Princess, eng nge i ei duh?", kun hniamin a zawt a, "Ice Cream", KFC a ti lo chu, a vanneihthlak mang e.
Ice cream lei turin Dawrah kan lut a, Sammy-an ka nu leh pa leh u Hmai te kêpin, Polythene-ah a khaiin a khai.
A man a pe, kalsawn a tum chu vei lamah sir zawngin a let ringawt!
"Sam?",
"Apa?", Lal Fanu nen kan pan thuai, "Sam, i ṭha em?", a meng kual ruai a, a hmui a inchip tlat mai.
Ṭawng tuma ân a tum a ni ngei ang, a hmui a tiche nasa ngang.
Midangin min pui a, hmun kil deuha zangthalin an muttir. A bân leh dar bawr vel ka hmet nawk nawk.
A ṭhat phah dawn pawhin ka ring lo.
"Damdawi inah hruai ila",
"Ambulance ka lo ko ang aw", an ti luai luai.
Ka hnial duh lo, "Aw, khawngaihin min koh sak teh u", ka ti chu, Sammy-a a rawn ṭhu chhuak hlawl!
"Ka ṭha", a ti thûm dut.
A ṭha chiang bal a nih hi.
"Apa, i ṭha maw?", Lal Fanuin a ti a. A kuah hle hle.
Min timangang hman alawm. Khatianga han tluk tawp, hrisel ṭha sen suah a nih vei nen.
Rilru hah hun lai a ni sia, chumi avang a ni mahna. A thluak a hmang rim dawn sia.
Inenkawl ṭhat a mamawh hle.
Lal Fanu nen a hmaah kan ṭhu ta a, Sammy chu a ngawi leh reng tawh.
U Hmain Atta a lo kang a, ka nu leh pa te an inbual mek thung. U Hmai chu zo lam ni mah se, ka pui tho.
Zanriah ei laiin, "Naktuk chu kan haw ve tawh ang e", ka pain a ti a.
"Boruak hi a reh lam a ni ta a, thu thar a awm tak leh, Chhungkaw inhmuhkhawm kan nei leh mai dawn nia", ka pa bawkin a ti leh a. Kan nui ham ham.
A nuam e, Sammy-an buaina tâwk leh se. Rilru chhiatthlak mang e.
Zingah ka tho hmaa, Hriatpuia tho hma chuan min ṭhawng a nia. A tho hma si lo. Alu kâwr ka velna bulah a lo ṭhu ve.
"Tho hma ve, mu tui meuh maw?",
"Um", ti ringawtin min chhâng. Remsangpui siar siar chuan a...
Nu Papuiin, "Thirbel ka chhuansak dawn che em?", a lo ti a. "Chhuang rih lo ang, ka la vêl zo lo deuh".
Hriatpuian, "Chhuanpui, thil.pakhat min tihsak teh a", kimki chiaiin a ti roh a. "Sawi la", a ngawi ren rawn.
"A ngai leh lo, a ho lutuk", a ti a. A kalsawn daih.
Nu Papuiin, "Hemi te unau hi chu aw, hriatthiam an har", a ti ve tawp. "Nu, Sammy-an Sum a tihchingpen i ring ve em?",
"Maw?", Nu Papuiin a ti hû. Marble tiatin a meng zui.
"Teh daih a, kei chuan ka ring lo. A naupan lai aṭangin Chief Minister nih tum ruh em em a nia, eiruk emaw mipui chan ai emaw chhuhsak a duh lo bur. A eisak dawn lo tih lah ka chiang", inring tâwk takin Nu Papuii chuan a ti nasa mai.
A ṭang na hle bawk.
Sammy-a naupan lai aṭangin a enkawl tawh a, a hrechiang thawkhat ang.
Zawt zui ta loin, "A kan theih ta, Nu, Thirbel min lo chhuansak, ka han silfai lawk ang e", ka ti a.
Min chhuansak ve mai bawk.
Tukṭhuan ei kham hnu, Siamtea te unau School kal tura insiam fel vek hnuah, Hnahthiala haw turte chu kan thlah liam ta.
U Hmain min awmpui a tum tehreng nen, Hriatpuian a phal tlat lo.
School-a kan inthlah hnuah, "Sam, Dawrah ka kal dawn a, inah i haw dawn nge?",
"Ka haw ang, lo haw har lo la", mi.pawh en loin, pawn a thlir char char.
In aṭang hian a chhuak tam lo, a zak tih a hriat. A zahthlak ve em a ni. Mahse, an puhna chu dâwt a ni tih a hriatchian tho chuan zahna tur a awm lo ka ti ve tlat.
Mahniin kan dik tih kan inhriatchian tluka hlu a awm lo.
Dawr kan thleng, ka chhuk hmain, "Sam, lo lut la, kan rei dawn lo nia", kawngkhar ka hawng a.
Mi pawh en chuang loin a lu a thing.
"Lo haw har lo zawk la", min rawn en ta. Ka bu nghat.
Ka chhuk a, an tlan liam hnuah Dawrah ka lut. Hmingi leh Hriatin min lo hmu a, nui ver verin min hmuak.
"H² (eich square), in dam maw?", an pahniha kuah tuma ka kut pahnih ka phar uaih chu, an vaisawn.
An va han ho tak.
"Tute nge H²(eich square) chu?", an inkuangkuah hlun. An lawmawm reuh em mai. Ka hlau teih teih lo.
An pahnihin ka kâwk a, "Min kâwk tel suh", an ti ve ve.
"In ni, in ni", nui sângin ka ti a.
An nui dun hak hak, H² te bula awm nilên a châkawm.
Dawr pawn thleng Hmingin min thlah, "Teh, Chhuanpui, Sammy-a nau Hriatpuia mawni kha, a haw tawh em?",
"Tukinah an haw, tinge a? A tibuai che em ni?", a tibuai a nih zawngin, pasalte nau a nihna haiderin ka zilh hrep ang.
Hmingi chuan, "Tibuai deuh", a ti ta a. "Engtin? Min hrilh vek rawh",
"Eng lo, naaa, zanah ka lo text ang che. Lal Fanu hruai i ngaih kha, kal tawh rawh",
"Zanah min rawn text ngei ngei ang che, min hrilh loh vaih, ka bân che ni mai", a ner sâwng.
Ka chala min namin, "I chawh a nih chu, haw rawh. Khawiah mah min bân lovang e", a ti a. Dawr chhungah a lut daih.
Lalhmingi Nun hi chu, a Hring bik mang e.
Hriatpuian engtin nge a tihbuai ang le. LalSammy-a te unau hi a(h). Mi tihbuai chang an thiam.
Lal Fanu nen kan haw a, School-a a hun hman dan min hrilh zung zung.
Sammy chu a Office-ah a lo awm a, dawhkan a lo bawh.
Lal Fanuin, "Apa, i muhil mi?", a sâwi a. Vawithum a koh hnuah Phak phek phawkin a lo dâk chhuak.
"Lal Fanu, apa hi thingpui in turin lo hruai rawh aw".
Pindan aṭanga ka chhuak chiah chu, Choka thleng rawkin ka nui dir char char. VanlalSammy-a hmel nuihzatthlak lutuk khan, min nuih tawp tir thei lo.
A chilthli thlohna thlâ a lang kuau a, a sam a delh sual nimaw, a chhipa mk tak Sam a ding chho vah.
Mak thei a nia.
Ka phone a lo ri a, number hriat ngaih loh ni mah se, ka chhâng.
"Hello?",
"WhatsAap message en rawh", Robot âw hian a lo ti.
Ka phone chu ngunthlûk taka thlêk vang vangin, WhatsAap message a rawn thleng ta.
Noti Bar aṭanga a lan danin video a ni tlat. WhatsAap-a lên luh peih loh nak laiin, ka off hmak.
Video ṭha tak khawilamah va ni suh. Thlalak dukdak lo ang khan a ṭhat a rinawm loh.
An pafain an lo inkai chhuak a, Sammy-an mut a kham lo.chiang a ni.
Inhnawhpuar aṭanga rei loah an pafaa inbualna tur ka siamsak a, an duh lo chung chung Bathroom-ah ka nawr lut.
A tawpah, ka nawrlut thei ta a, "Keiin ka bual che u in duh loh chuan inbual rawh u", ka ti a.
"I bual kan duh", an la ti rual zui.
"Ka hman lo, inbualna tur ka siam zo vek tawh, vatin; inbual nghal rawh u", ka kalsawn a.
An inbual turah ngai ang.
Fai ser sawra an inbualfai chu, an hmelṭha sawt sawt mai alawm.
Sammy-a hmel ngurchuai lutuk lah a bo hmak.
An Party lamin an lo koh avangin chhun thil ei zawhah a chhuak zui nal nal.
Thâw a veng huai thei nia!
Sammy-a chhuah karah Manoi a lo lang. Ka ning a nia aw, a duh hun hunah a rawn lang a, a rawn lan tawh chuan buaina a chhuak ziah bawk.
"A chhuak chiah", ka han ti nghal ringawt a. "Chhuak lo se chu, ka lo lut ngam dawn hleinem", a ti mai bawk.
Min cho hle hian ka hria, bul ṭantu a ni a, cho ve ar tak ka ni.
Tuna, Sum tihchingpen buaina pawh hi, Sammy te nen ṭangruala an tih a nih a rinawm.
Ni se, ni lo se pawh nise, an hmel hmuh hi ka ningin ka kham hluah hluah.
Lal Fanu chu pindanah a awm a, ko chhuah ka tum lo.
Ṭhu tura ka tihin a ding tlat, "Ka awm rei dawn lo", a ti a. He In chhunga thuneitu a lo ni ve tawh a, tuna he In chhunga thuneitu chu Kei ka ni ve leh tawh.
A ṭhut duh loh a hnu, ṭhu malek se ni mai.
"Sammy hmu tura lo kal i nih loh chuan, eng nge i duh?", Lal Fanu hmuh a duh tih chu sawi reng reng suh se.
A sawi zawh rual, ni lo; a sawi lai mekin a kâ ka zai thler ang. Ka ngam khawp mai.
Manoi chuan, "Kan inneih lai chuan ka chhungte hian mualphona an thlen ngai lo, nang chu; i chhungte avangin a mualpho tawh a. Vawikhat dang leh, in khaw hnaisailo tak avangin a mualpho leh tawh", a ti hmiah hmiah.
"Eng nge sawi i tum ber?",
"Buaina i siamsak reng a, i ning lo em ni?", nui sakin ka inkuangkuah.
Ka bêng châk e.
Engtikah nge buaina ka siamsak?
"Ngaithla rawh, ka in chhungah a nih hi i awm. Dâwta min puh hmain Thudik tak hriat tum hmasa rawh", ka ti let.
"A thuhrimah, i duh loa i chhuahsan hnu hi lo ngaihven thar tûk lo la, i zahawm zawk ang", ka ti leh. Manoi chu a intimualpho peih mai mai ka ti.
Manoi chuan, "Nang zawk hian i chhuahsan lo a nih chuan, i zahawmlo zawk. MLA-a a tlin chhan te chu kan hriat vek kha", ngeiawm zet hian a nui pah.
MLA-a Sammy-a tlin chhan, a ni thei lo; khami hmunah khan a awm ve.
Sammy-an min nghaisak dan zawng zawng a hmu ve vek tihna.
Keimah pawh ka inring hman lo, Manoi chu a biang tawn tawnah ka bêng a, "He In aṭang hian chhuak nghal rawh, tunah chhuak rawh", nasa takin ka taksa an khûr a.
Hlauhna leh zahna avanga phu rang em em Lûng chu a thlawk chhuak mai dawn.
"Nangmah zawk hi chhuak rawh", a ti vah. Ta deuh deuh chuan a.
"Anu, ngati nge?", pindan aṭangin Lal Fanuin a lo ti.
Engtikah mah Lal Fanu hnenah a nu A nihzia ka hrilh ngai lo ang.
Manoi chu a namin ka nam chhuak.
Pindanah lutin khum chungah ka ṭhu a, ka thâw hluam hluam. Ka pian a hnu lamah hetiang renga thinrim ka la nei ngai lo.
"Anu", Lal Fanuin ṭap chungin min lo pan.
Ka pawm a, "Anu bulah i awm duh ang em?", ka ti a. "Duh", ṭap ṭeuh chungin a ti a.
Khum aṭanga thoin Lal Fanu ka siam sauh sauh a, keipawh ka insiam.
Trolley Large la chhuakin, Lal Fanu nena kan thawmhnaw ka khung. A tam lo, hak thlak pathum tur vel lek.
Makeup tlem nen.
Pindana tukverh kalh ṭhain, Siamtea te pindanah Trolley nen Lal Fanu nen kan lut a, Freddy-a nena an thawmhnaw ka khung leh mawlh mawlh.
Siamtea leh Freddy-a te School bân rual rualin, Thenzawl ka panpui nghal ang.
Show post links
Top
Political Love Story_Fiction
Chapter-15 Chhunzawmna
Ziaktu: Cck Lalchhuanawmi
(Mutthluk harh rualin ka lo dah, naktuk atang chuan ka zia tawh mai ang
)A mizia leh chezia a inthlak hlawk zel a, khum khata a mut pui ngei pawh hian a mize dik tak ka la hre thei lo.
Chuvang chuan, ka chhânna chu 'Aw' tih hi a ni.
"I ngawih rengna khan Chhânna dik tak min pe e. Dik loa min ngaitu zawng zawngte avang hian lunghnura lak ka tum lo. I awm avangin a ni. Tunah, min rin(ring) tlat ka lo Beiseina che Bang chu nangmah ngeiin, i ngawih rengna hmangin min tihchimsak ta a nih hi".
Sammy chu a tho a, a Office-ah bak kalna tur a nei lo.
Rin ka duh a, rin tumin ka insangmar nasa, nimahsela; min tih ang chiahin amah ngeiin, ka rin theihna tura Bang ka rem chu a tichim zel zawk alawm.
Umzuia insawifiah ka tum lo, inngaihtuah sela, ka rin loh chhan ngaihtuah chhuah tum rawh se.
Airport-ah Lalfela te chhungkua kan thlah a, Siamtea te unau thum School an kal avangin Sammy nen chuan kan haw hma.
Lal Fanu hi chu a bâng hma pawlah a la ṭang a, Siamtea leh Freddy-a te School bân hmaa hruai a ngai ṭhin.
Ka nu leh pa, Hriatpuia leh u Hmai te lo haw hma chu Sammy-an min thlêk vung vung.
Ka awmna bulah a inṭhuttir zel, ka hlau tawp si lo.
U Ngaia ka hre ru kar, ka chungah eng pawi emaw tak a khawih chuan u Ngaia ka mantir hmak dawn.
Thinlung phêkah Chemtêin ka ziah hnan tawh, Chemtêa ziak ka nih avangin Thisen a hnâm ṭiam ṭiam reng tunah hian.
"Sam, Lal.Fanu hruai ang hmiang", min chhâng loin mi melh kal.
Chokaah kan ṭhu a, Hmarcha ka siam. Haw huna Atta nuaia kan(kang) ni tawh mai. U Hmain a lo kang thut thei bawk a.
"I lo kal ve dawn em?", ka ti leh, "Khati khan i kal dawn em ni?", ka inenkual, "Ni mai, Dawrah ka pêng dawn lo a",
"Kal ang", a tho vut, a mawng phe ka hmu hman chang chang.
Motor ka thlen chuan Driver seat-ah a ṭhu fel diam tawh. Motor bulah Driver a ding ngawi reng.
Duhsaka, Airport-ah a la awm tak e.
"Sam, nangmahin i khalh dawn em ni?", a khalh lai ka la hmu lo, "Lo ṭhu rawh", a ti hmuk.
A hnung lam kawngkhar hawnga ṭhut luh pahin, "I khalh thiam ringawt mi le? Min accident pui vaih, ka hrânkhum chiang ang che chu", ka ti lang lang.
"Engvanga hnung lama ṭhu nge i nih?",
"Thiam lo chunga khalh i ni dawn a, ka invêng a nih hi", ka ti hlak.
Nge nina vei, âw nêm min hmankhum bik hleinem maw.
Sammy-an, "Ka thiam leh thiam loh hre turin ka khalhah i chuang tawh em ni?", a ti hluk.
Va han chhe zawt zawt tak.
Dim hlek loin, "Chutiang hre turin i khalh tawh mi? Driving Lisence-te i nei reng reng em? Ka chuang ngam hi lawm hle tur i ni", ka ti bawrh bawrh.
"Khalh chhuah hma hma", a ti thâwp sup.
"I suahsual tukkhum pâwna rawn kuk lawlh che i duh loh chuan khalh chhuak vat rawh. Lal Fanuin min lo nghak reng palh ang e", ka ti zet zet.
A khi sak ringawt, "Ka bulah i lo.insawn hma ka khalh chhuak dawn lo",
"Remsangpui", ka vin ṭhat.
Ṭha te tea biak a theih loh. Tunhnai phei chu a chunga lungnih lohna a lian si, min han fiam ngam zawk te hi ka ti.
"Hmar Hrangsie i koh chhuah hmain khalh chhuak vat mai rawh", vin tâwkin ka ti leh.
A ruka Driver nui kur kur ka la hmu zui.
Remsangpuia bakin a tuar dawn chuang lo, "Nupui ngam lo", tiin, Driver-an a sawi chhuah phei chuan an khêl luai luai ang a, a nuam ngawt ang chu.
"Ṭha lawm", phun hlukin a tinung a.
A khalh thiam tih ka hre miah lo, thin phu dêp dêpa ka awm pawh a zia hret hret.
Inbe leh miah loin School kan thleng, School kawtah Lal Fanu a lo ding reng tawh.
"Nangmah vang", ti hlakin ka chhuk a.
Lal Fanuin min hmu chu, lo tlanin min pawm vawng vawng. Sammy pawhin kan bul lo thlengin, "Haw hma ang u", thawt thawt hian a...
"Princess, eng nge i ei duh?", kun hniamin a zawt a, "Ice Cream", KFC a ti lo chu, a vanneihthlak mang e.
Ice cream lei turin Dawrah kan lut a, Sammy-an ka nu leh pa leh u Hmai te kêpin, Polythene-ah a khaiin a khai.
A man a pe, kalsawn a tum chu vei lamah sir zawngin a let ringawt!
"Sam?",
"Apa?", Lal Fanu nen kan pan thuai, "Sam, i ṭha em?", a meng kual ruai a, a hmui a inchip tlat mai.
Ṭawng tuma ân a tum a ni ngei ang, a hmui a tiche nasa ngang.
Midangin min pui a, hmun kil deuha zangthalin an muttir. A bân leh dar bawr vel ka hmet nawk nawk.
A ṭhat phah dawn pawhin ka ring lo.
"Damdawi inah hruai ila",
"Ambulance ka lo ko ang aw", an ti luai luai.
Ka hnial duh lo, "Aw, khawngaihin min koh sak teh u", ka ti chu, Sammy-a a rawn ṭhu chhuak hlawl!
"Ka ṭha", a ti thûm dut.
A ṭha chiang bal a nih hi.
"Apa, i ṭha maw?", Lal Fanuin a ti a. A kuah hle hle.
Min timangang hman alawm. Khatianga han tluk tawp, hrisel ṭha sen suah a nih vei nen.
Rilru hah hun lai a ni sia, chumi avang a ni mahna. A thluak a hmang rim dawn sia.
Inenkawl ṭhat a mamawh hle.
Lal Fanu nen a hmaah kan ṭhu ta a, Sammy chu a ngawi leh reng tawh.
U Hmain Atta a lo kang a, ka nu leh pa te an inbual mek thung. U Hmai chu zo lam ni mah se, ka pui tho.
Zanriah ei laiin, "Naktuk chu kan haw ve tawh ang e", ka pain a ti a.
"Boruak hi a reh lam a ni ta a, thu thar a awm tak leh, Chhungkaw inhmuhkhawm kan nei leh mai dawn nia", ka pa bawkin a ti leh a. Kan nui ham ham.
A nuam e, Sammy-an buaina tâwk leh se. Rilru chhiatthlak mang e.
Zingah ka tho hmaa, Hriatpuia tho hma chuan min ṭhawng a nia. A tho hma si lo. Alu kâwr ka velna bulah a lo ṭhu ve.
"Tho hma ve, mu tui meuh maw?",
"Um", ti ringawtin min chhâng. Remsangpui siar siar chuan a...
Nu Papuiin, "Thirbel ka chhuansak dawn che em?", a lo ti a. "Chhuang rih lo ang, ka la vêl zo lo deuh".
Hriatpuian, "Chhuanpui, thil.pakhat min tihsak teh a", kimki chiaiin a ti roh a. "Sawi la", a ngawi ren rawn.
"A ngai leh lo, a ho lutuk", a ti a. A kalsawn daih.
Nu Papuiin, "Hemi te unau hi chu aw, hriatthiam an har", a ti ve tawp. "Nu, Sammy-an Sum a tihchingpen i ring ve em?",
"Maw?", Nu Papuiin a ti hû. Marble tiatin a meng zui.
"Teh daih a, kei chuan ka ring lo. A naupan lai aṭangin Chief Minister nih tum ruh em em a nia, eiruk emaw mipui chan ai emaw chhuhsak a duh lo bur. A eisak dawn lo tih lah ka chiang", inring tâwk takin Nu Papuii chuan a ti nasa mai.
A ṭang na hle bawk.
Sammy-a naupan lai aṭangin a enkawl tawh a, a hrechiang thawkhat ang.
Zawt zui ta loin, "A kan theih ta, Nu, Thirbel min lo chhuansak, ka han silfai lawk ang e", ka ti a.
Min chhuansak ve mai bawk.
Tukṭhuan ei kham hnu, Siamtea te unau School kal tura insiam fel vek hnuah, Hnahthiala haw turte chu kan thlah liam ta.
U Hmain min awmpui a tum tehreng nen, Hriatpuian a phal tlat lo.
School-a kan inthlah hnuah, "Sam, Dawrah ka kal dawn a, inah i haw dawn nge?",
"Ka haw ang, lo haw har lo la", mi.pawh en loin, pawn a thlir char char.
In aṭang hian a chhuak tam lo, a zak tih a hriat. A zahthlak ve em a ni. Mahse, an puhna chu dâwt a ni tih a hriatchian tho chuan zahna tur a awm lo ka ti ve tlat.
Mahniin kan dik tih kan inhriatchian tluka hlu a awm lo.
Dawr kan thleng, ka chhuk hmain, "Sam, lo lut la, kan rei dawn lo nia", kawngkhar ka hawng a.
Mi pawh en chuang loin a lu a thing.
"Lo haw har lo zawk la", min rawn en ta. Ka bu nghat.
Ka chhuk a, an tlan liam hnuah Dawrah ka lut. Hmingi leh Hriatin min lo hmu a, nui ver verin min hmuak.
"H² (eich square), in dam maw?", an pahniha kuah tuma ka kut pahnih ka phar uaih chu, an vaisawn.
An va han ho tak.
"Tute nge H²(eich square) chu?", an inkuangkuah hlun. An lawmawm reuh em mai. Ka hlau teih teih lo.
An pahnihin ka kâwk a, "Min kâwk tel suh", an ti ve ve.
"In ni, in ni", nui sângin ka ti a.
An nui dun hak hak, H² te bula awm nilên a châkawm.
Dawr pawn thleng Hmingin min thlah, "Teh, Chhuanpui, Sammy-a nau Hriatpuia mawni kha, a haw tawh em?",
"Tukinah an haw, tinge a? A tibuai che em ni?", a tibuai a nih zawngin, pasalte nau a nihna haiderin ka zilh hrep ang.
Hmingi chuan, "Tibuai deuh", a ti ta a. "Engtin? Min hrilh vek rawh",
"Eng lo, naaa, zanah ka lo text ang che. Lal Fanu hruai i ngaih kha, kal tawh rawh",
"Zanah min rawn text ngei ngei ang che, min hrilh loh vaih, ka bân che ni mai", a ner sâwng.
Ka chala min namin, "I chawh a nih chu, haw rawh. Khawiah mah min bân lovang e", a ti a. Dawr chhungah a lut daih.
Lalhmingi Nun hi chu, a Hring bik mang e.
Hriatpuian engtin nge a tihbuai ang le. LalSammy-a te unau hi a(h). Mi tihbuai chang an thiam.
Lal Fanu nen kan haw a, School-a a hun hman dan min hrilh zung zung.
Sammy chu a Office-ah a lo awm a, dawhkan a lo bawh.
Lal Fanuin, "Apa, i muhil mi?", a sâwi a. Vawithum a koh hnuah Phak phek phawkin a lo dâk chhuak.
"Lal Fanu, apa hi thingpui in turin lo hruai rawh aw".
Pindan aṭanga ka chhuak chiah chu, Choka thleng rawkin ka nui dir char char. VanlalSammy-a hmel nuihzatthlak lutuk khan, min nuih tawp tir thei lo.
A chilthli thlohna thlâ a lang kuau a, a sam a delh sual nimaw, a chhipa mk tak Sam a ding chho vah.
Mak thei a nia.
Ka phone a lo ri a, number hriat ngaih loh ni mah se, ka chhâng.
"Hello?",
"WhatsAap message en rawh", Robot âw hian a lo ti.
Ka phone chu ngunthlûk taka thlêk vang vangin, WhatsAap message a rawn thleng ta.
Noti Bar aṭanga a lan danin video a ni tlat. WhatsAap-a lên luh peih loh nak laiin, ka off hmak.
Video ṭha tak khawilamah va ni suh. Thlalak dukdak lo ang khan a ṭhat a rinawm loh.
An pafain an lo inkai chhuak a, Sammy-an mut a kham lo.chiang a ni.
Inhnawhpuar aṭanga rei loah an pafaa inbualna tur ka siamsak a, an duh lo chung chung Bathroom-ah ka nawr lut.
A tawpah, ka nawrlut thei ta a, "Keiin ka bual che u in duh loh chuan inbual rawh u", ka ti a.
"I bual kan duh", an la ti rual zui.
"Ka hman lo, inbualna tur ka siam zo vek tawh, vatin; inbual nghal rawh u", ka kalsawn a.
An inbual turah ngai ang.
Fai ser sawra an inbualfai chu, an hmelṭha sawt sawt mai alawm.
Sammy-a hmel ngurchuai lutuk lah a bo hmak.
An Party lamin an lo koh avangin chhun thil ei zawhah a chhuak zui nal nal.
Thâw a veng huai thei nia!
Sammy-a chhuah karah Manoi a lo lang. Ka ning a nia aw, a duh hun hunah a rawn lang a, a rawn lan tawh chuan buaina a chhuak ziah bawk.
"A chhuak chiah", ka han ti nghal ringawt a. "Chhuak lo se chu, ka lo lut ngam dawn hleinem", a ti mai bawk.
Min cho hle hian ka hria, bul ṭantu a ni a, cho ve ar tak ka ni.
Tuna, Sum tihchingpen buaina pawh hi, Sammy te nen ṭangruala an tih a nih a rinawm.
Ni se, ni lo se pawh nise, an hmel hmuh hi ka ningin ka kham hluah hluah.
Lal Fanu chu pindanah a awm a, ko chhuah ka tum lo.
Ṭhu tura ka tihin a ding tlat, "Ka awm rei dawn lo", a ti a. He In chhunga thuneitu a lo ni ve tawh a, tuna he In chhunga thuneitu chu Kei ka ni ve leh tawh.
A ṭhut duh loh a hnu, ṭhu malek se ni mai.
"Sammy hmu tura lo kal i nih loh chuan, eng nge i duh?", Lal Fanu hmuh a duh tih chu sawi reng reng suh se.
A sawi zawh rual, ni lo; a sawi lai mekin a kâ ka zai thler ang. Ka ngam khawp mai.
Manoi chuan, "Kan inneih lai chuan ka chhungte hian mualphona an thlen ngai lo, nang chu; i chhungte avangin a mualpho tawh a. Vawikhat dang leh, in khaw hnaisailo tak avangin a mualpho leh tawh", a ti hmiah hmiah.
"Eng nge sawi i tum ber?",
"Buaina i siamsak reng a, i ning lo em ni?", nui sakin ka inkuangkuah.
Ka bêng châk e.
Engtikah nge buaina ka siamsak?
"Ngaithla rawh, ka in chhungah a nih hi i awm. Dâwta min puh hmain Thudik tak hriat tum hmasa rawh", ka ti let.
"A thuhrimah, i duh loa i chhuahsan hnu hi lo ngaihven thar tûk lo la, i zahawm zawk ang", ka ti leh. Manoi chu a intimualpho peih mai mai ka ti.
Manoi chuan, "Nang zawk hian i chhuahsan lo a nih chuan, i zahawmlo zawk. MLA-a a tlin chhan te chu kan hriat vek kha", ngeiawm zet hian a nui pah.
MLA-a Sammy-a tlin chhan, a ni thei lo; khami hmunah khan a awm ve.
Sammy-an min nghaisak dan zawng zawng a hmu ve vek tihna.
Keimah pawh ka inring hman lo, Manoi chu a biang tawn tawnah ka bêng a, "He In aṭang hian chhuak nghal rawh, tunah chhuak rawh", nasa takin ka taksa an khûr a.
Hlauhna leh zahna avanga phu rang em em Lûng chu a thlawk chhuak mai dawn.
"Nangmah zawk hi chhuak rawh", a ti vah. Ta deuh deuh chuan a.
"Anu, ngati nge?", pindan aṭangin Lal Fanuin a lo ti.
Engtikah mah Lal Fanu hnenah a nu A nihzia ka hrilh ngai lo ang.
Manoi chu a namin ka nam chhuak.
Pindanah lutin khum chungah ka ṭhu a, ka thâw hluam hluam. Ka pian a hnu lamah hetiang renga thinrim ka la nei ngai lo.
"Anu", Lal Fanuin ṭap chungin min lo pan.
Ka pawm a, "Anu bulah i awm duh ang em?", ka ti a. "Duh", ṭap ṭeuh chungin a ti a.
Khum aṭanga thoin Lal Fanu ka siam sauh sauh a, keipawh ka insiam.
Trolley Large la chhuakin, Lal Fanu nena kan thawmhnaw ka khung. A tam lo, hak thlak pathum tur vel lek.
Makeup tlem nen.
Pindana tukverh kalh ṭhain, Siamtea te pindanah Trolley nen Lal Fanu nen kan lut a, Freddy-a nena an thawmhnaw ka khung leh mawlh mawlh.
Siamtea leh Freddy-a te School bân rual rualin, Thenzawl ka panpui nghal ang.
Show post links
Top
| Link: | |
| BBcode: | |
| HTML: | |
| Hide post links |
Politician Nupui Hring Nun
Political Love Story_Fiction
Chapter-16
Ziaktu: Cck Lalchhuanawmi
Siamtea leh Freddy-a te School bân rual rualin, Thenzawl ka panpui nghal ang.
Sammy-a a chhuah avangin Motor pakhat mah a awm lo. Pawi ka ti lo teh a nia.
Taxi phar dingin kan ṭhu lut a, chahbi chu Doormat hnuaiah ka dah. Hei hi, kan chin dan ṭhan.
Dawrah ka kal phawt, Taxi driver hnenah min nghak turin ka hrilh a, awm rei ka tum lo.
Hmingin, "Nangnu hi, biak hleihtheih hian i awm thlawt lo, i tlei lutuk mai", a ti nuah nuah.
"Tlei loh ten", Hriatin Hmingi chu a mitko a sankhum ak ak.
"Ni tak", Hmingin a ti a. An nui dun ta bâwk bâwk. "Ka hrethiam nia aw", ka han ti a.
"I hriatthiam turin alawm ka sawi", Hmingin a lo ti. Ka lu ka thing nar nar.
Hriati nen an inkâwm tawk hle mai. Ṭha ka ti. Thenzawla kal loin Hmingi bulah ka awm dawn mawni?
Sammy-an min man chhuak rang dawn lutuk, ka nu leh pa bulah kal ila ka him zawk ang.
"Dam takin lo awm ula aw, hlawh beitham zet dawng turin", ka ti chu, an nui lai tawp chatin, "I dawr hian a tuar a ni mai", min han vo chawpchilh.
"In hlauhawm tham lo em mai", ka ti duh lek.
An pahniha ṭangrual chuan ka hneh dawn lo. Mahse, ka hlau lo ve chiang em mai.
Thenzawlah chuan kal phawt teh ang u.
Kan nufa thumin Taxi-ah kan ṭhu ta ran. "Anu, khawiah nge kan kal dawn?", Freddy-an a ti a.
"Trolley a awm bawk sia", a ti leh.
Freddy-a zawhna ngah, mangang lek lek hmel chu ka thlêk vang vang.
Sammy-a nen inanna pakhatmah an nei lo, an inang hlawllo. Manoi hmel chiah chiah zu nia!
"Anu, ngati nge a?",
"Engmah ni lo e, Thenzawlah reilotê kan kal ang aw", ka ti a. A lawm nge lawm lo ka hre lo.
Naupangin tihsual an nei lo a, huata ensan ka duh lo. Puitling tihsual, naupang pawisawilo chunga tlaktir lah duh lo tak ka ni.
Siamtean, "Anu, min hruai ve dawn maw?", tiin min zawt a. A thu min zawh dan kal hmangah chuan, a hrethiam tih a hriat.
Fapa fing ka nei tlat atin a ni e!
"Kan nufa zain awm ila, Thlai hmun siamin kan zuar ṭhin ang a, in duh em?", ka nui ver ver a.
Lal Fanuin, "Anu, Carrot a awm dawn em? Ee, ni tak, McDonald awm dawn tho tiraw?", a ti lang lang.
A khabe tuai zeuhin, "Lal Fanu duhzâwng hlir a awm dawn alawm", ka ti a. A nui sen sen.
"Khawiah nge?", Driver-in a lo ti a, "MC kawtah aw".
Freddy-a chuan a Pa kan chhuahsan dawn tih a hrethiam chiah lo a ni ang, Thenzawla kal tur anga ka sawi chin chu a khi vur vur.
Siamtea erawh chu a ngui deuh nghiai, a Pa a hmangaih tlat tih ka hria a, kalsan lah a duh bau lo tih ka hria.
MC kawtah kan chhuk a, Siamtea chuan, "Anu, Freddy-a leh Lal.Fanu te nen kal mai rawh u", a ti ta.
"Siamte?",
"Apa ka kalsan thei lo, in kalna ka sawi miah lo ang a, keima'n ka lo awmpui ang", a dak chho vah a.
Ka mitah tak min en, a pa a hmangaih ka tih tawh kha.
Sual hle mah se, a pa a hmangaihnain a hliah khuhsak tlat. "Siamte, i tel lo chuan kan kal lo ang",
"Naa, a U, lo kal ve mai mai rawh. Apa pawh a kal a kal tho a, nakinah min rawn zui mai ang. Lo kal mai mai rawh", Freddy-an a u a kutah a pawt.
Siamtea chu a ṭang tlat, "Apa nen kan lo kal ang, amah chauh chuan a khua a har dawn a. Lal Fanu nen Anu lo duatin, a thu awih tlat r'u aw", Freddy-a chuan beidawng zetin min en.
Siamtea chu lainat hle mah ila, seh tawh thlah mai mai mi ka ni lo nen, haw ka tum lo.
Amaha haw tir ka tum lo bawk.
"Siamte, i haw lo ang. Kan vaiin kan kal dawn, hetah hian ngawi rengin lo awm ang che u", ti nghutin, Lal Fanu pawmin Counter-ah kan kal a.
Chhuak tur awm hmasa berah kan nufa thum hmingin seat ka hauh . Siamtean min hawsan a duh thu a sawi leh, "I lo kal ngei ngei dawn, chu chu thu tawp".
Siamtea kutah ka chelh tlat, Freddy-a leh Lal Fanu chuan thil thleng mek hrethiam hek lo, an hlim em em ringawt.
Rilruin Siamtea nen kan inhnial char charin ka ring.
A pa hnena hnutchhiah ka tum lo, a kal duh loh pawhin ka hnûk tho ang.
Phone a lo ri, Sammy-a a nih avangin ka chhâng lo. Switch off-in bag-ah ka khung ṭha leh hmak.
"Kal ang aw", tiin Driver a au a. Kan Troller nawr tuma kûna ka ban chiah chu, khawi aṭangin nge a lo kal ka hre lo, ka hmaah tak a rawn ding khawng luah mai a nih kha!
Hnung lamah ka kat dawrh thei!
Ka pawm mek Lal Fanuin, "Apa", a ti a. Sammy-an Lal.Fanu chu a chuhin min chuh.
Freddy-a lahin a Pa chu a va kuah, mak deuh maiin Duhsaka leh Hmingi an tel ve bawk.
"Naupang ho hi awmpui lawk rawh", Sammy-an a ti a.
"Eng nge thleng?", tih melhin Hmingin min melh. Ani pawh hian hriat a nei lo a nih hmel.
Sammy-an eng thu tak sawi hrilh ang maw?
Duhsaka leh Hmingi te chuan Naupang an kalpui ta a, Lal.Fanu pawhin Hmingi bula kal a duh ve mai.
A mak em asin, a pa nena kan inhmuh thiam lohna te hi a hre ve ṭhin chiang a ni.
Siamtea a awm a, Lal Fanu a tlei dawn.
Ka hmaa Trolley chu pêt bo a châk hluah hluah, "I lo lut dawn nge, ka pawm lut dawn che?", a nui sâng.
Min pawm lut lovang e, ka lut hek lo ang.
Min rawn pan hnai a, "Khawia kal nge i tum? Ka hriatpui lohin khawiah mah i kal thei lo", ka kal thei tih a hriat avanga min zawng alawm a nih.
Ka nuih sak, "Chuti maw?", ka ti let ngat.
Cho.leh cho chu kan inhmachhawn leh ta ran. Nupa kan ni pawhin ka hre lo. Nupa awm dan tur hian kan awm ngai lo chu a nih hi.
Min zawn hmuh dan zawh ka tum lo, a hma pawhin Police ho hnenah ka phone kaltlangin a chhûitir a nih kha.
Chutiang ni se, phone ka switch off daih sia, a mak ve det.
"Tunah rawn haw nghal rawh", a inher a, "Aih", muangchangin a rawn inher leh.
Nui sakin, "I chiang maw?", a ti chu, zâm duh hauh loin, "I chiang zawk em?", ka ti khauh.
Awlsam takin min kaltir dawn lo, a fimkhur a ngai, mipui tamna lai a ni a, mualphona fawng a vawn(vuan) lai a ni a, fawng dang a vawn belh a thiang lo.
Naupang tel lo pawhin Thenzawlah i kal.phawt teh ang.
Hei hi, ka hun ṭha neih chhun a ni tawh.
Bawhpelh a thiang lo.
Sammy chu rawn hnai ṭhem ṭhemin, tawlh hnung thei ka ni tawh si lo, "I rawn haw dawn lo chiah maw?",
"Aih' ka tih chu 'Aw' ka tihnaah i ngai lui tlat tihna em ni?", a mitah tak ka melh kal.
Sammy chu a han nui suk a, "Hmar lunglien nge, Hmar Hrangsie tih hi i inhmeh zawk ang aw?", ka beka sam chu ka benga zep ṭhain, "Chhuanpui Darling, tharum hman hi ka hreh hauh lo a nia, mipui hei zozai hmaah pawh, nupui thuawih lo zilh ka hreh lo, ka duh lo zawk mai a ni", Trolley tel lo pawha tlan phuta, motor danga chuan(chuang) ka thlangin ka duh.
Tharum hman a hreh loh leh, hmang ta poh se.
Rawn kun hniamin ka beng bulah, "I lo haw lo a nih chuan, uire chhuahin ka chhuah ang che", a nui vur vur.
Ram Sakawlh chiah chhiah, Ram Sakawlh tia a hming phuah tlak lah a ni lo.
Ram Sakawlh aiin a kawlh.
Amah lah chu Motor-ah chuangin, vawikhat tê pawh lo hawilet lo leh, mi pawh en loin Driver hnena kal tura a tih angin an tlan rûm vung vung.
Ka kut ka hum ruh nghek nghek.
Ka haw loh chuan eng mi-ah maw min chhuah a tum kha? Uire angin!
Pu Hrekiman a enkawl a ngai tak zet tawh. A hmain a lo enkawl tawh a, tunah a enkawl hun a thleng leh ta.
Chumi hmain tih tur ka nei.
Phone la chhuakin ka switch on a, "Hming, naupang ho an la awm em?",
"Awm e, ka inah kan awm. Lo kal hmanhmawh teh, eng nge in awmzia hi ka man pha ve lo, lo kal la min hrilhfiah thuai thuai teh",
"Ka lo thleng har lo ang, Sammy a rawn kal emaw a lo biak chein, "Chhuanpuiin a lo hawpui dawn", ti tlat rawh aw".
Hmingi ka be zo a, naupang ngaihtuahna a kiang ta.
Hmun reh laiah ṭhuin, u Venpuii ka call.
"Aw.., Chhuanpui, in dam maw?",
"U Venpui, kan dam alawm. Ih, eng lo, u Ngaia a awm em?",
"Awm tehreng e, kha hei, inbia ula".
U Ngaia chuan loud speaker-ah a dah em ka hre lo.
Nimahsela, Sammy-a nena kan inkara thil thleng zawng zawng ka hrilh vek.
A bikin, Inthlan thlen hmaa keimah hmanga ruahmanna tenawm leh ṭha lo lutuk zawng nen lam ka hrilh vek.
Kan nupaa thleng zawng zawng nen.
"U Ngai, khawngaihtakin Jail-ah min khungsak rawh",
"Eng maw?", u Venpuii nen an lo ti rual.
Loud speaker-ah a dah, pawi ka ti lo. U Ngaian a hrilh leh vek dawn tho. Anni nupa anga awh ka nei lo, ka thik bawk.
Hmingi inah ka kal a, Lal Fanu leh Freddy-an min pawm chawt.
"Siamtea chu a muhil daih",
"A pawi lo, muhil rawh se", Lal Fanu leh Freddy pawh hi muthilhtir ka duh.
Hmingin, "In awmdan sawi hmanhmawh rawh, Dawrah lo kalin min hruai chhuak ringawt, MC kan ding a, Zin leh naupang ho nen in awm si, in awmzia eng nge?", a ti sek sek.
Ka sawi châk lem lo khawp.
"Mak i ti dawn lutuk, Sam-", hmanhmawh takin Duhsaka a rawn tlan lut, kawngka pawh a kik tawh lo.
"Au Chhuanpui, Police", a ti a. Lal Fanu leh Freddy-a a en.
"A u Siamtea bulah lo va mu ula, nakinah ka lo kal ve ang", thuawih takin an kal a.
Duhsaka chuan, "Pu Sammy-a Police-in an man", a ti chu, nui chhuak lo tura ka inpehruk nasat zia tumahin min hriatpui lo ang.
U Ngaian helam Police biain a mantir a ni phawt a, eng thubuaiah nge le?
"Ngati nge, an man chhan i hria em?", hlauthawng fee hian ka inawmkualtir.
Hmingin min kuah, "Ka hre bik lo, inah Police an lo kal a, an lo man ringawt", Duhsaka chuan a ti leh.
A cho chhuah, uirea min chhuah a tum vei a, tu nge chan chhe zawk ta?
Show post links
Top
Political Love Story_Fiction
Chapter-16
Ziaktu: Cck Lalchhuanawmi
Siamtea leh Freddy-a te School bân rual rualin, Thenzawl ka panpui nghal ang.
Sammy-a a chhuah avangin Motor pakhat mah a awm lo. Pawi ka ti lo teh a nia.
Taxi phar dingin kan ṭhu lut a, chahbi chu Doormat hnuaiah ka dah. Hei hi, kan chin dan ṭhan.
Dawrah ka kal phawt, Taxi driver hnenah min nghak turin ka hrilh a, awm rei ka tum lo.
Hmingin, "Nangnu hi, biak hleihtheih hian i awm thlawt lo, i tlei lutuk mai", a ti nuah nuah.
"Tlei loh ten", Hriatin Hmingi chu a mitko a sankhum ak ak.
"Ni tak", Hmingin a ti a. An nui dun ta bâwk bâwk. "Ka hrethiam nia aw", ka han ti a.
"I hriatthiam turin alawm ka sawi", Hmingin a lo ti. Ka lu ka thing nar nar.
Hriati nen an inkâwm tawk hle mai. Ṭha ka ti. Thenzawla kal loin Hmingi bulah ka awm dawn mawni?
Sammy-an min man chhuak rang dawn lutuk, ka nu leh pa bulah kal ila ka him zawk ang.
"Dam takin lo awm ula aw, hlawh beitham zet dawng turin", ka ti chu, an nui lai tawp chatin, "I dawr hian a tuar a ni mai", min han vo chawpchilh.
"In hlauhawm tham lo em mai", ka ti duh lek.
An pahniha ṭangrual chuan ka hneh dawn lo. Mahse, ka hlau lo ve chiang em mai.
Thenzawlah chuan kal phawt teh ang u.
Kan nufa thumin Taxi-ah kan ṭhu ta ran. "Anu, khawiah nge kan kal dawn?", Freddy-an a ti a.
"Trolley a awm bawk sia", a ti leh.
Freddy-a zawhna ngah, mangang lek lek hmel chu ka thlêk vang vang.
Sammy-a nen inanna pakhatmah an nei lo, an inang hlawllo. Manoi hmel chiah chiah zu nia!
"Anu, ngati nge a?",
"Engmah ni lo e, Thenzawlah reilotê kan kal ang aw", ka ti a. A lawm nge lawm lo ka hre lo.
Naupangin tihsual an nei lo a, huata ensan ka duh lo. Puitling tihsual, naupang pawisawilo chunga tlaktir lah duh lo tak ka ni.
Siamtean, "Anu, min hruai ve dawn maw?", tiin min zawt a. A thu min zawh dan kal hmangah chuan, a hrethiam tih a hriat.
Fapa fing ka nei tlat atin a ni e!
"Kan nufa zain awm ila, Thlai hmun siamin kan zuar ṭhin ang a, in duh em?", ka nui ver ver a.
Lal Fanuin, "Anu, Carrot a awm dawn em? Ee, ni tak, McDonald awm dawn tho tiraw?", a ti lang lang.
A khabe tuai zeuhin, "Lal Fanu duhzâwng hlir a awm dawn alawm", ka ti a. A nui sen sen.
"Khawiah nge?", Driver-in a lo ti a, "MC kawtah aw".
Freddy-a chuan a Pa kan chhuahsan dawn tih a hrethiam chiah lo a ni ang, Thenzawla kal tur anga ka sawi chin chu a khi vur vur.
Siamtea erawh chu a ngui deuh nghiai, a Pa a hmangaih tlat tih ka hria a, kalsan lah a duh bau lo tih ka hria.
MC kawtah kan chhuk a, Siamtea chuan, "Anu, Freddy-a leh Lal.Fanu te nen kal mai rawh u", a ti ta.
"Siamte?",
"Apa ka kalsan thei lo, in kalna ka sawi miah lo ang a, keima'n ka lo awmpui ang", a dak chho vah a.
Ka mitah tak min en, a pa a hmangaih ka tih tawh kha.
Sual hle mah se, a pa a hmangaihnain a hliah khuhsak tlat. "Siamte, i tel lo chuan kan kal lo ang",
"Naa, a U, lo kal ve mai mai rawh. Apa pawh a kal a kal tho a, nakinah min rawn zui mai ang. Lo kal mai mai rawh", Freddy-an a u a kutah a pawt.
Siamtea chu a ṭang tlat, "Apa nen kan lo kal ang, amah chauh chuan a khua a har dawn a. Lal Fanu nen Anu lo duatin, a thu awih tlat r'u aw", Freddy-a chuan beidawng zetin min en.
Siamtea chu lainat hle mah ila, seh tawh thlah mai mai mi ka ni lo nen, haw ka tum lo.
Amaha haw tir ka tum lo bawk.
"Siamte, i haw lo ang. Kan vaiin kan kal dawn, hetah hian ngawi rengin lo awm ang che u", ti nghutin, Lal Fanu pawmin Counter-ah kan kal a.
Chhuak tur awm hmasa berah kan nufa thum hmingin seat ka hauh . Siamtean min hawsan a duh thu a sawi leh, "I lo kal ngei ngei dawn, chu chu thu tawp".
Siamtea kutah ka chelh tlat, Freddy-a leh Lal Fanu chuan thil thleng mek hrethiam hek lo, an hlim em em ringawt.
Rilruin Siamtea nen kan inhnial char charin ka ring.
A pa hnena hnutchhiah ka tum lo, a kal duh loh pawhin ka hnûk tho ang.
Phone a lo ri, Sammy-a a nih avangin ka chhâng lo. Switch off-in bag-ah ka khung ṭha leh hmak.
"Kal ang aw", tiin Driver a au a. Kan Troller nawr tuma kûna ka ban chiah chu, khawi aṭangin nge a lo kal ka hre lo, ka hmaah tak a rawn ding khawng luah mai a nih kha!
Hnung lamah ka kat dawrh thei!
Ka pawm mek Lal Fanuin, "Apa", a ti a. Sammy-an Lal.Fanu chu a chuhin min chuh.
Freddy-a lahin a Pa chu a va kuah, mak deuh maiin Duhsaka leh Hmingi an tel ve bawk.
"Naupang ho hi awmpui lawk rawh", Sammy-an a ti a.
"Eng nge thleng?", tih melhin Hmingin min melh. Ani pawh hian hriat a nei lo a nih hmel.
Sammy-an eng thu tak sawi hrilh ang maw?
Duhsaka leh Hmingi te chuan Naupang an kalpui ta a, Lal.Fanu pawhin Hmingi bula kal a duh ve mai.
A mak em asin, a pa nena kan inhmuh thiam lohna te hi a hre ve ṭhin chiang a ni.
Siamtea a awm a, Lal Fanu a tlei dawn.
Ka hmaa Trolley chu pêt bo a châk hluah hluah, "I lo lut dawn nge, ka pawm lut dawn che?", a nui sâng.
Min pawm lut lovang e, ka lut hek lo ang.
Min rawn pan hnai a, "Khawia kal nge i tum? Ka hriatpui lohin khawiah mah i kal thei lo", ka kal thei tih a hriat avanga min zawng alawm a nih.
Ka nuih sak, "Chuti maw?", ka ti let ngat.
Cho.leh cho chu kan inhmachhawn leh ta ran. Nupa kan ni pawhin ka hre lo. Nupa awm dan tur hian kan awm ngai lo chu a nih hi.
Min zawn hmuh dan zawh ka tum lo, a hma pawhin Police ho hnenah ka phone kaltlangin a chhûitir a nih kha.
Chutiang ni se, phone ka switch off daih sia, a mak ve det.
"Tunah rawn haw nghal rawh", a inher a, "Aih", muangchangin a rawn inher leh.
Nui sakin, "I chiang maw?", a ti chu, zâm duh hauh loin, "I chiang zawk em?", ka ti khauh.
Awlsam takin min kaltir dawn lo, a fimkhur a ngai, mipui tamna lai a ni a, mualphona fawng a vawn(vuan) lai a ni a, fawng dang a vawn belh a thiang lo.
Naupang tel lo pawhin Thenzawlah i kal.phawt teh ang.
Hei hi, ka hun ṭha neih chhun a ni tawh.
Bawhpelh a thiang lo.
Sammy chu rawn hnai ṭhem ṭhemin, tawlh hnung thei ka ni tawh si lo, "I rawn haw dawn lo chiah maw?",
"Aih' ka tih chu 'Aw' ka tihnaah i ngai lui tlat tihna em ni?", a mitah tak ka melh kal.
Sammy chu a han nui suk a, "Hmar lunglien nge, Hmar Hrangsie tih hi i inhmeh zawk ang aw?", ka beka sam chu ka benga zep ṭhain, "Chhuanpui Darling, tharum hman hi ka hreh hauh lo a nia, mipui hei zozai hmaah pawh, nupui thuawih lo zilh ka hreh lo, ka duh lo zawk mai a ni", Trolley tel lo pawha tlan phuta, motor danga chuan(chuang) ka thlangin ka duh.
Tharum hman a hreh loh leh, hmang ta poh se.
Rawn kun hniamin ka beng bulah, "I lo haw lo a nih chuan, uire chhuahin ka chhuah ang che", a nui vur vur.
Ram Sakawlh chiah chhiah, Ram Sakawlh tia a hming phuah tlak lah a ni lo.
Ram Sakawlh aiin a kawlh.
Amah lah chu Motor-ah chuangin, vawikhat tê pawh lo hawilet lo leh, mi pawh en loin Driver hnena kal tura a tih angin an tlan rûm vung vung.
Ka kut ka hum ruh nghek nghek.
Ka haw loh chuan eng mi-ah maw min chhuah a tum kha? Uire angin!
Pu Hrekiman a enkawl a ngai tak zet tawh. A hmain a lo enkawl tawh a, tunah a enkawl hun a thleng leh ta.
Chumi hmain tih tur ka nei.
Phone la chhuakin ka switch on a, "Hming, naupang ho an la awm em?",
"Awm e, ka inah kan awm. Lo kal hmanhmawh teh, eng nge in awmzia hi ka man pha ve lo, lo kal la min hrilhfiah thuai thuai teh",
"Ka lo thleng har lo ang, Sammy a rawn kal emaw a lo biak chein, "Chhuanpuiin a lo hawpui dawn", ti tlat rawh aw".
Hmingi ka be zo a, naupang ngaihtuahna a kiang ta.
Hmun reh laiah ṭhuin, u Venpuii ka call.
"Aw.., Chhuanpui, in dam maw?",
"U Venpui, kan dam alawm. Ih, eng lo, u Ngaia a awm em?",
"Awm tehreng e, kha hei, inbia ula".
U Ngaia chuan loud speaker-ah a dah em ka hre lo.
Nimahsela, Sammy-a nena kan inkara thil thleng zawng zawng ka hrilh vek.
A bikin, Inthlan thlen hmaa keimah hmanga ruahmanna tenawm leh ṭha lo lutuk zawng nen lam ka hrilh vek.
Kan nupaa thleng zawng zawng nen.
"U Ngai, khawngaihtakin Jail-ah min khungsak rawh",
"Eng maw?", u Venpuii nen an lo ti rual.
Loud speaker-ah a dah, pawi ka ti lo. U Ngaian a hrilh leh vek dawn tho. Anni nupa anga awh ka nei lo, ka thik bawk.
Hmingi inah ka kal a, Lal Fanu leh Freddy-an min pawm chawt.
"Siamtea chu a muhil daih",
"A pawi lo, muhil rawh se", Lal Fanu leh Freddy pawh hi muthilhtir ka duh.
Hmingin, "In awmdan sawi hmanhmawh rawh, Dawrah lo kalin min hruai chhuak ringawt, MC kan ding a, Zin leh naupang ho nen in awm si, in awmzia eng nge?", a ti sek sek.
Ka sawi châk lem lo khawp.
"Mak i ti dawn lutuk, Sam-", hmanhmawh takin Duhsaka a rawn tlan lut, kawngka pawh a kik tawh lo.
"Au Chhuanpui, Police", a ti a. Lal Fanu leh Freddy-a a en.
"A u Siamtea bulah lo va mu ula, nakinah ka lo kal ve ang", thuawih takin an kal a.
Duhsaka chuan, "Pu Sammy-a Police-in an man", a ti chu, nui chhuak lo tura ka inpehruk nasat zia tumahin min hriatpui lo ang.
U Ngaian helam Police biain a mantir a ni phawt a, eng thubuaiah nge le?
"Ngati nge, an man chhan i hria em?", hlauthawng fee hian ka inawmkualtir.
Hmingin min kuah, "Ka hre bik lo, inah Police an lo kal a, an lo man ringawt", Duhsaka chuan a ti leh.
A cho chhuah, uirea min chhuah a tum vei a, tu nge chan chhe zawk ta?
Show post links
Top
| Link: | |
| BBcode: | |
| HTML: | |
| Hide post links |
Politician Nupui Hring nun
Chapter-16
(Zawmna)
Hmingin, "Awi, a va han mak em em, Chhuanpui, engtin nge ni dawn? Police ho bulah i kal a ngai a nih chu", a ti a.
Ka hnung a bêng thek thek, Police ho bula kal ka peih mai mai lo.
"U Chhuanpui, Pu Sammy-a hmu tura i kal a ngai".
Nia, a nupui ka la ni ve alawm.
Hmingin, "Chhuanpui, Poilce bula kal hmain inah haw phawt rawh u. Engmah i sawi si lo, in inhau hi, tlan i tum chiang mai. Ho tê têa tlan loh tur, Thenzawlah kal i tum nimaw?", a ti zêk a.
A lungawi chiah lo.
Chutia Hmingin min han ti chu ngei tum viau mah ila, ṭhian ṭawngkam chhuak a ni tlat a.
"Inah haw phawt ang u", Hmingin a ti leh. Haw ka tum lo, "I bulah kan awm rih mai ang", ka ti chu, Kâwi tiat tiata meng bial kâwk kâwkin, "A sawi pawh kha i zak nange?", teh zêk chuan.
Ka nuih a za si, ka nui ngam bawk si lo.
Duhsaka a awm tawh chuan a nêm ṭhin vei nen, a lung ka tiawilo nasa tak zet a ni.
"Tunah hian kan haw nghal ang", a tih zawh rualin, pindanah a lut a. Siamtea muhil a kaitho dawn tih ka hria.
Ka va lut ve a, "Nula chu sawi loh, naupang rilru pu thei i ni lo. I fate hi en rawh, Pa tel loa enkawl i tum tihna mi? Engtin nge in inhauh ka hre lo, ngaihtuah chian hmasak hnuah chauh zel chet chhuah tur", a ti khur khur.
Haw thei ka ni lo, min zilhna chu a ngaihah a dik vek.
Thenzawla haw ka tum chhan hre miau hek lo le. Sammy-a chu Police ho kutah a awm a, Hmingi bula awm daih a dik lohna chen a awm.
"Lalchhuanpui?", Hmingin ka nâkah min sik hlawk. A han na mai mai khawp a.
"Lal Fanu hi pawm la, kan haw dawn", kan Trolley a hnûk a, min chhuahsan daih.
Lal Fanuin Siamtea a pawm bet tlat a, Freddy-a pawhin a bânah a kuah. Min hlau chu ka duh lo ngei mai.
Va panin, "Kan haw ang aw", ka ti a. Siamtea a bu nghat.
"Lal Fanu, lo kal teh", ka pawm bet a, "Haw ang ule, Noodles leh Kimchi kan ei ṭeuh dawn nia", ka ti a.
Freddy-a mit tui tling piau chu a biang ka tuai heuh heuh.
Haw kawngah Noodles leh Kimchi kan lei a, in kan thlenin cooker-ah tui vawtin chaw ka phit thuai thuai.
Hmingin, "Sammy-a bulah kal tawh rawh, a lo beisei tawh ang che. In lam chu lo ngaihtuah duh suh", a ti a.
Ka ring hmiah, ngaihngam takin ka kalsan bawk.
Thir ban chhunga Sammy ṭhu kûn ngaih han hmuh zet zawng, Police-in an man tih ka hriata ka hlimna zawng zawng an bo duak.
Ka kal hnai a, "Sam?", a lo hawi chhuak lo. Eng dang ka sawi lo.
Amah lahin sawi a nei si lo, ka ding ngawi reng ringawt. Ka phone a lo ri chu ka lawm a nia aw.
Pawnah ka chhuak a, u Ngaian, "I u Venpuii nen kan lo thlawk chhuak aw, kan lo thleng har lo ang. Zanin chu, tikhan riak sela, naktukah keima'n ka sawipui ang", a lo ti dup dup.
U Ngaia ang hian Sammy-a hi, tinge a nih ve loh le?
U Ngaia angin awm se chu, hetiang hun kan tawng lo tura.
Police ho hnenah, "Khawngaihtakin man a nih chhan min hrilh teh u",
"Hotu te lam thupek a ni a, kan sawi mai thei lo", an ti ve tlat.
Sammy-a an manna chu, Chanchin thar hrang hrangah a lang chuai chuai leh ta a.
An man chhan Police lamin an sawi duh si lo, an sawi tam ber erawh, Puan Tahtute ṭanpuina tur Sum a tihchingpenna avanga man a nih an rin thu a ni.
Hnahthiala ka nu leh pa, u Hmai leh Hriatpuia, Thenzawla ka nu leh pa te an lo thleng thuai.
U Ngaia te pawh an lo thang mek, chumi chhung chu Sammy-a a rawn haw lo. U Ngaian engtin nge a tih ni?
Min hrilh ṭha duh bik bawk si lo, nakina min hrilh hun ka nghak tawp mai.
Hnahthiala ka pa, Sammy-a Pa zawkin, "Remsangpuia reng reng eng thu mah sawi duh lo a mawle! A ngawi ngul a, biak ṭawng theih a ni bau lo. Engtak hria nimaw? Thil awmdan zawh lahin ṭawng duh lo, a thiam thu lah sawi tum lo", a ti chhur chhur.
Zanriah ei lai a ni a, chaw ei thei abar kan awm lo.
"Ngaia pawh hi a lo thleng har tawh hle mai, han chingfel thuai teh se", Thenzawla ka pain a ti ve leh.
Ka pa te pahnih bak hi chuanin thu hla an nei vak lo. Ka nu te pahnih leh a dang zawng hi chu, kan phun sú sú zel.
Ṭawng lo ber ka ni mai thei bawk, ka man tir a ni tlat!
Siamtean, "Anu, School-ah min chhaih a, Police-in ka pa an man daih sia. Engtikah nge a lo chhuah ang?", tiin min zawt a.
Chhân ngaihna ka hre hlawllo.
A pa man tirtu ka ni, a tuartu berte erawh!
Siamtea mitah tak ka en ngam lo, "A lo chhuak thuai mai ang. Pawi ka ti lutuk, mahse maw; lo chhaih nasa viau che pawh nise, nang chuan tihsual i nei lo a nia aw",
"Mahse, ka pa a ni tlat si a", a ti nghet charh.
A pa hi chu, a va han hmangaih tak.
Sammy nen kan inṭhen chuan ka bula awm a duh thu a sawi a, tunah; a thleng chu a ni ta reng, a Pa lamah a ṭang leh tlat si.
Ka dem hran lo, "Min mamawh chuan min lo ko rawh aw, thingpui ka va lum sak ang e".
Pindan aṭangin ka chhuak a, Freddy-a chu koin, "Bawihte, lehkha zir a hun tawh nia, a u bulah va kal tawh rawh le",
"Zanin chu, ka lo chawl", ka thaw hap.
Party lama hruaitute an lo lêng a, u Ngaia te pawh an lo thleng tawh.
"Mut hma duh chuan, lehkha zir tur", nui ver verin u Hmai a lo kal.
"Keima'n ka han zirpui ang e, nang chu hetah lo awm rawh. An beisei zawk che a nia", a ti a.
Chokaah ka awm char char tho.
A tukah chuan u Ngaian, "Chah duh te i nei em?",
"Inṭhen ka duh tih min hrilhsak ta che".
Epilogue...
Aizawl SP Office-ah, Serchhip Bialtu MLA Samuel Remsangpuia chu Jeep-in an hruai ta a.
Chutah chuan Lalzahngaia, IPS(Indian Police Service), Kota District Rajasthan-a DGP-a awmin a lo nghak a ni.
Samuela chu an lo thlenpui ta a, Lalzahngaia an hmuh chuan zahna chibai bukin, khawng taka dingin Salute an pe a.
"Min chhuahsan rawh u", tiin, an chhuahsan hlawm ta a.
"Sangpui?", tiin, a hmaa ngawi ngala kun ngul, a nau chu a han ko a.
"Ka lo kal chhan hi i hria em?",
"Ngaia, min ring em?", Samuela chu a hawi chhuak a. Ngeng takin a hmaa ṭhu a u chu a en ngur.
Zaidam takin Ngaia chuan, "Ka ring sual ang che tih hi ka hlau a ni", a ti a.
"Min chhûi turin an ruai che nge?", a nui hak a, a khabe tuai puatin, "I duh tâwkin min chhûi rawh, MLA ka nih chhan ka hria, mi chan aia ei duh tur khawpa tlachhia ka ni lo", a ti nghet charh.
Ngaia chuan, "Ka hria alawm, i fihlim vek. Chhuanpuii i hrilh em?", tiin a han zawt leh a, "Min ring lo, insawifiah sawmsarih mah ila, min ring lo ang", beidawng âw a chhuah ta mai a.
A ṭhutna hnung chu chat zetin a ngheng a, a nupui duh takin a ring lo chuan a tina ber.
Ei ruk theihna reng rengah a kut a sil a, a hnar ṭang ṭang ṭhin.
Sum tihchingpena an puhna ata insawifiah a tum lo, a dik tih a inhria a, insawifiah mah se, ring leh ring lo an awm dawn.
Samuelan, "Ka fihlim chiang bal, Chhuanpuiin min ring lo hi mak ka ti", a ti a.
Ngaia chuan, Chhuanpuii thuchah sawi chhuah hun a ni lo tih a hria.
A theih ang angin a lo chhûi ve a, Samuela sawi angin, eiruk theihna reng rengah a fihlim a, Sum tichingpena an puhnaah pawh a fihlim.
"Man i nih chhan i hria em?",
"Hria e, Chhuanpuiin a lo bia che tih ka hria asin",
"MLA ni tura i nghaisak dan te min hrilh a, nupa karah pawh nise, "Ka duh lo", tih hian kawng a su tlang tur a ni. Nupa nih tawh chuan mi pakhat thu chauhin a kal thei lo".
Samuela chuan a chhûi kir a, a thinlung chhunga inchhirna nasa tak chu alh ṭanin, a alh chhuak ṭep ta.
A hmaah, Chhuanpuii ding nawn ngat se zawng, a alh chhuak ngei ang.
Ngaia chuan zaidam takin, Chhuanpuii nena an inkara thil thleng te, zilh ni pah fawmin, "Chhuanpuii hnenah ngaihdam i dil tawh em?", tiin a zawt a.
"A nih chuan, ka nupui ka pawngsual ṭhin tihna maw ni a?", Samuela chu a han nui sak a.
"U, Rawlthar tê ka nih lai khan, Krismas chawlha kan haw lamah Thenzawla Dilpuiah kan lêng a, chutah chuan hmeichhe naupang pakhat, duhawm zet, ninhleia tlan kual zet zet hmu fuhin, a tlan kualna lamah min su nghe nghe a, amah zawk chu a tlu", Samuela chu a nuu sun sun a.
Chu a thusawi chuan a tihimin, thu muhnu kaitho mah se; a thinlung a phawrh chhuak tlat.
"High School kal lai khan Thenzawlah Excursion-in kan kal leh a, Vantawngah kalin, chutah chuan, Dilpuia hmeichhe naupang tho chu, School Uniform ha hian ka hmu leh. Ka vawikhat hmuhnaah khan ka hre thei", Ngaia chuan ngun takin a ngaithla a.
Punjab-a an awm laia a nupui Venpuii hnena, a ṭhianpa duh tak chanchin a sawi lai te a mitthla a.
Ngaithlatu a neih ṭhat em avangin a inphawrh chhuak a nih kha.
Samuela pawh chu a inphawrh chhuak tih a hria a, thu dang han rawlh emaw, a thusawi lai pawhchah a tum lo.
A sawi zel a, "Middle School a kal ṭan mekin ka hria. An Zirtirtu pakhatin, "Puipui", tiin a lo ko a. A hming ka hre ve chiah bawk. Camera ka keng bawk a, Lung chunga a ṭhu lai chu a ruk thei ang berin ka laksak. Chu thlalak chu Lehkhabu karah ka zep a, Lehkhabu hming ka hre thei tawh lo. Manoin a hmu a, a tichhia a ni mai thei", a sawi pah chuan a nui sâng a.
"Ka hmu lo leh vang vang a, tu bulah mah ka sawi chhuak lo. A rukin ka vei a, a rukin ka luangliam a ni ber. Phaiah College ka zawm a, Chawlha ka lo haw chho chu, ka School kalna ṭhin Synod-ah a lo kal reng tih ka hre leh ta a.
Ka hriat chhan pawh, School tlawha ṭhian hoa kan kal avangin. Chuta aṭangin ka hmu lo leh char char. Va biak ka ngam si lo", Ngaia chuan tu nge a sawi a hre ta.
Samuela chuan, "U, Manoi nen kan intawng a, Puipuii chu theihnghilh ka tum nasa, ka thei thlawtlo. Manoi kha ka hmangaih chuan ka hria. Kan innei a, Siamtea pian hnuah, Aizawlah a awm ve reng a ni tih ka hre chhuak leh ta a, ralkhat aṭangin ka thlir ṭhin", a ti a.
A lungchhia chu a han insût deuh hrawi a, "Hrehawm ka ti lutuk, chuvang chuan Manoi chungah rilru chhia ka pu thei lo. Nupa nun han hmanpui dawn pawhin, Puipuii mitthlaah a cham reng zel. Manoi kha ka tirethei em asin", a chawl deuh vang vang.a.
Chumi hnuah, "Ka u, Puipuii hi pawngsual ka duh lo. Ka nupui a nih theih nan ka Ṭawngṭai hial ṭhin. Manoi nen kan intawn hnu chuan ka dil tawh lo. Manoin min chhuahsan khan, ka hun ṭha neih chhun bawhpelh ka tum lo hrim hrim", a ti a.
"Palai i tir vat a",
"Ni lo, Manoin min chhuahsan khan hrehawm taka ka siamzia ka hria a, ka inchhir ngawih ngawih. Ka ngaidam thei ngei mai, keimah ka dik tlat lo atin ni. Pawm tur erawh chuan", a lu a thing a, "Ka thei lo a ni".
" Nupui nei reng chungin hmeichhe dang ka vei bur a. Min uiresan loin, inṭhen min dil tawp mai tur kha a nia, a nih loh pawhin, inṭhen rawt hmasa zawk tur ka ni".
A chawl leh hlek a, "Ka nupui a ni ta hi, ka â vek thei. Awm dan tur ka hre lo, duat taka enkawl ka châkna te, a duhzâwng leh mamawh apiang tihsaka pek ka châkna te aiin, ka zahzumna a huaisen tlat a ni. Ka duhna te lantir ka duh, mahni ka infuih a, ka inzilh fo. Ka hmuh hi chuanin ka buai vek zel, mipa a biak ka hmuh phei chuan, ka zâ chhuak vek a, a mipa biak chu a hmuh lai ngeia thah ka duh ṭhin".
Ngaia chuan a Nau chu, a rilru lam enkawl a ngai a ni tih a hre chhuak leh ta!
Samuela chuan Chhuanpuii chungchang vek a ni a sawi.
A hnuh hmasak ber ṭuma hmeichhe naupang duhawm zet leh ninhlei tak, a ruka a ngaihzâwn, nupuia a han nei thei ta chu awm dan a thiam hlawl lo.
Nupui ṭhen a ni a, "A nupui hlui kha a hmangaih lo em ni le?", tia miten an sawi a hlau a.
"Mite thusawiah buai loh tur", tia mahni inzilh chang nei fo mah se, a nihna takah chuan, mite rilru ni loin, Chhuanpuii rilru zawk a dâwn a ni.
"Puipuii chunga ka duhna ka lantir hma lutuk luat chuan, min ngaikhawlo zo vek ang e", tiin, a mei a khup leh zâl zâl ta ṭhin.
Mei khup loin, mei kawh lahin, a duhna hrilhhriain, lantir ta zawk se, tun hi an thleng kherin a rinawm loh.
Ngaia chuan, "MLA tlin theih nana i thiltih kha a ṭha lo, ngaihdam i dil tawh em?", a ti a.
"Dil lo, min ngaihdam i ring em?", beisei takin a han melh a.
"I kutah a innghat. Engpawh nise, engtia awm zel nge i tum?",
"Engtia awm zel turin nge min duh?",
"Ṭhen rawh", Ngaia chuan a ti a.
Samuela chu meng phawk hrain, "Ka u", a ti fak a. Ṭhen a tum lo bur.
"Inṭhen ka duh lo, ka nupui a ni kumkhua dawn. Tumahin min pawt ṭhen lo ang, ka ṭhen dawn lo, engtikah mah, a theih loh", a ding chhuak hluai a.
Tei vut vutin, "Engtikah mah ka ṭhen dawn lo, ka ṭhen lo ang", a ke a chhir a.
Show post links
Top
Chapter-16
(Zawmna)
Hmingin, "Awi, a va han mak em em, Chhuanpui, engtin nge ni dawn? Police ho bulah i kal a ngai a nih chu", a ti a.
Ka hnung a bêng thek thek, Police ho bula kal ka peih mai mai lo.
"U Chhuanpui, Pu Sammy-a hmu tura i kal a ngai".
Nia, a nupui ka la ni ve alawm.
Hmingin, "Chhuanpui, Poilce bula kal hmain inah haw phawt rawh u. Engmah i sawi si lo, in inhau hi, tlan i tum chiang mai. Ho tê têa tlan loh tur, Thenzawlah kal i tum nimaw?", a ti zêk a.
A lungawi chiah lo.
Chutia Hmingin min han ti chu ngei tum viau mah ila, ṭhian ṭawngkam chhuak a ni tlat a.
"Inah haw phawt ang u", Hmingin a ti leh. Haw ka tum lo, "I bulah kan awm rih mai ang", ka ti chu, Kâwi tiat tiata meng bial kâwk kâwkin, "A sawi pawh kha i zak nange?", teh zêk chuan.
Ka nuih a za si, ka nui ngam bawk si lo.
Duhsaka a awm tawh chuan a nêm ṭhin vei nen, a lung ka tiawilo nasa tak zet a ni.
"Tunah hian kan haw nghal ang", a tih zawh rualin, pindanah a lut a. Siamtea muhil a kaitho dawn tih ka hria.
Ka va lut ve a, "Nula chu sawi loh, naupang rilru pu thei i ni lo. I fate hi en rawh, Pa tel loa enkawl i tum tihna mi? Engtin nge in inhauh ka hre lo, ngaihtuah chian hmasak hnuah chauh zel chet chhuah tur", a ti khur khur.
Haw thei ka ni lo, min zilhna chu a ngaihah a dik vek.
Thenzawla haw ka tum chhan hre miau hek lo le. Sammy-a chu Police ho kutah a awm a, Hmingi bula awm daih a dik lohna chen a awm.
"Lalchhuanpui?", Hmingin ka nâkah min sik hlawk. A han na mai mai khawp a.
"Lal Fanu hi pawm la, kan haw dawn", kan Trolley a hnûk a, min chhuahsan daih.
Lal Fanuin Siamtea a pawm bet tlat a, Freddy-a pawhin a bânah a kuah. Min hlau chu ka duh lo ngei mai.
Va panin, "Kan haw ang aw", ka ti a. Siamtea a bu nghat.
"Lal Fanu, lo kal teh", ka pawm bet a, "Haw ang ule, Noodles leh Kimchi kan ei ṭeuh dawn nia", ka ti a.
Freddy-a mit tui tling piau chu a biang ka tuai heuh heuh.
Haw kawngah Noodles leh Kimchi kan lei a, in kan thlenin cooker-ah tui vawtin chaw ka phit thuai thuai.
Hmingin, "Sammy-a bulah kal tawh rawh, a lo beisei tawh ang che. In lam chu lo ngaihtuah duh suh", a ti a.
Ka ring hmiah, ngaihngam takin ka kalsan bawk.
Thir ban chhunga Sammy ṭhu kûn ngaih han hmuh zet zawng, Police-in an man tih ka hriata ka hlimna zawng zawng an bo duak.
Ka kal hnai a, "Sam?", a lo hawi chhuak lo. Eng dang ka sawi lo.
Amah lahin sawi a nei si lo, ka ding ngawi reng ringawt. Ka phone a lo ri chu ka lawm a nia aw.
Pawnah ka chhuak a, u Ngaian, "I u Venpuii nen kan lo thlawk chhuak aw, kan lo thleng har lo ang. Zanin chu, tikhan riak sela, naktukah keima'n ka sawipui ang", a lo ti dup dup.
U Ngaia ang hian Sammy-a hi, tinge a nih ve loh le?
U Ngaia angin awm se chu, hetiang hun kan tawng lo tura.
Police ho hnenah, "Khawngaihtakin man a nih chhan min hrilh teh u",
"Hotu te lam thupek a ni a, kan sawi mai thei lo", an ti ve tlat.
Sammy-a an manna chu, Chanchin thar hrang hrangah a lang chuai chuai leh ta a.
An man chhan Police lamin an sawi duh si lo, an sawi tam ber erawh, Puan Tahtute ṭanpuina tur Sum a tihchingpenna avanga man a nih an rin thu a ni.
Hnahthiala ka nu leh pa, u Hmai leh Hriatpuia, Thenzawla ka nu leh pa te an lo thleng thuai.
U Ngaia te pawh an lo thang mek, chumi chhung chu Sammy-a a rawn haw lo. U Ngaian engtin nge a tih ni?
Min hrilh ṭha duh bik bawk si lo, nakina min hrilh hun ka nghak tawp mai.
Hnahthiala ka pa, Sammy-a Pa zawkin, "Remsangpuia reng reng eng thu mah sawi duh lo a mawle! A ngawi ngul a, biak ṭawng theih a ni bau lo. Engtak hria nimaw? Thil awmdan zawh lahin ṭawng duh lo, a thiam thu lah sawi tum lo", a ti chhur chhur.
Zanriah ei lai a ni a, chaw ei thei abar kan awm lo.
"Ngaia pawh hi a lo thleng har tawh hle mai, han chingfel thuai teh se", Thenzawla ka pain a ti ve leh.
Ka pa te pahnih bak hi chuanin thu hla an nei vak lo. Ka nu te pahnih leh a dang zawng hi chu, kan phun sú sú zel.
Ṭawng lo ber ka ni mai thei bawk, ka man tir a ni tlat!
Siamtean, "Anu, School-ah min chhaih a, Police-in ka pa an man daih sia. Engtikah nge a lo chhuah ang?", tiin min zawt a.
Chhân ngaihna ka hre hlawllo.
A pa man tirtu ka ni, a tuartu berte erawh!
Siamtea mitah tak ka en ngam lo, "A lo chhuak thuai mai ang. Pawi ka ti lutuk, mahse maw; lo chhaih nasa viau che pawh nise, nang chuan tihsual i nei lo a nia aw",
"Mahse, ka pa a ni tlat si a", a ti nghet charh.
A pa hi chu, a va han hmangaih tak.
Sammy nen kan inṭhen chuan ka bula awm a duh thu a sawi a, tunah; a thleng chu a ni ta reng, a Pa lamah a ṭang leh tlat si.
Ka dem hran lo, "Min mamawh chuan min lo ko rawh aw, thingpui ka va lum sak ang e".
Pindan aṭangin ka chhuak a, Freddy-a chu koin, "Bawihte, lehkha zir a hun tawh nia, a u bulah va kal tawh rawh le",
"Zanin chu, ka lo chawl", ka thaw hap.
Party lama hruaitute an lo lêng a, u Ngaia te pawh an lo thleng tawh.
"Mut hma duh chuan, lehkha zir tur", nui ver verin u Hmai a lo kal.
"Keima'n ka han zirpui ang e, nang chu hetah lo awm rawh. An beisei zawk che a nia", a ti a.
Chokaah ka awm char char tho.
A tukah chuan u Ngaian, "Chah duh te i nei em?",
"Inṭhen ka duh tih min hrilhsak ta che".
Epilogue...
Aizawl SP Office-ah, Serchhip Bialtu MLA Samuel Remsangpuia chu Jeep-in an hruai ta a.
Chutah chuan Lalzahngaia, IPS(Indian Police Service), Kota District Rajasthan-a DGP-a awmin a lo nghak a ni.
Samuela chu an lo thlenpui ta a, Lalzahngaia an hmuh chuan zahna chibai bukin, khawng taka dingin Salute an pe a.
"Min chhuahsan rawh u", tiin, an chhuahsan hlawm ta a.
"Sangpui?", tiin, a hmaa ngawi ngala kun ngul, a nau chu a han ko a.
"Ka lo kal chhan hi i hria em?",
"Ngaia, min ring em?", Samuela chu a hawi chhuak a. Ngeng takin a hmaa ṭhu a u chu a en ngur.
Zaidam takin Ngaia chuan, "Ka ring sual ang che tih hi ka hlau a ni", a ti a.
"Min chhûi turin an ruai che nge?", a nui hak a, a khabe tuai puatin, "I duh tâwkin min chhûi rawh, MLA ka nih chhan ka hria, mi chan aia ei duh tur khawpa tlachhia ka ni lo", a ti nghet charh.
Ngaia chuan, "Ka hria alawm, i fihlim vek. Chhuanpuii i hrilh em?", tiin a han zawt leh a, "Min ring lo, insawifiah sawmsarih mah ila, min ring lo ang", beidawng âw a chhuah ta mai a.
A ṭhutna hnung chu chat zetin a ngheng a, a nupui duh takin a ring lo chuan a tina ber.
Ei ruk theihna reng rengah a kut a sil a, a hnar ṭang ṭang ṭhin.
Sum tihchingpena an puhna ata insawifiah a tum lo, a dik tih a inhria a, insawifiah mah se, ring leh ring lo an awm dawn.
Samuelan, "Ka fihlim chiang bal, Chhuanpuiin min ring lo hi mak ka ti", a ti a.
Ngaia chuan, Chhuanpuii thuchah sawi chhuah hun a ni lo tih a hria.
A theih ang angin a lo chhûi ve a, Samuela sawi angin, eiruk theihna reng rengah a fihlim a, Sum tichingpena an puhnaah pawh a fihlim.
"Man i nih chhan i hria em?",
"Hria e, Chhuanpuiin a lo bia che tih ka hria asin",
"MLA ni tura i nghaisak dan te min hrilh a, nupa karah pawh nise, "Ka duh lo", tih hian kawng a su tlang tur a ni. Nupa nih tawh chuan mi pakhat thu chauhin a kal thei lo".
Samuela chuan a chhûi kir a, a thinlung chhunga inchhirna nasa tak chu alh ṭanin, a alh chhuak ṭep ta.
A hmaah, Chhuanpuii ding nawn ngat se zawng, a alh chhuak ngei ang.
Ngaia chuan zaidam takin, Chhuanpuii nena an inkara thil thleng te, zilh ni pah fawmin, "Chhuanpuii hnenah ngaihdam i dil tawh em?", tiin a zawt a.
"A nih chuan, ka nupui ka pawngsual ṭhin tihna maw ni a?", Samuela chu a han nui sak a.
"U, Rawlthar tê ka nih lai khan, Krismas chawlha kan haw lamah Thenzawla Dilpuiah kan lêng a, chutah chuan hmeichhe naupang pakhat, duhawm zet, ninhleia tlan kual zet zet hmu fuhin, a tlan kualna lamah min su nghe nghe a, amah zawk chu a tlu", Samuela chu a nuu sun sun a.
Chu a thusawi chuan a tihimin, thu muhnu kaitho mah se; a thinlung a phawrh chhuak tlat.
"High School kal lai khan Thenzawlah Excursion-in kan kal leh a, Vantawngah kalin, chutah chuan, Dilpuia hmeichhe naupang tho chu, School Uniform ha hian ka hmu leh. Ka vawikhat hmuhnaah khan ka hre thei", Ngaia chuan ngun takin a ngaithla a.
Punjab-a an awm laia a nupui Venpuii hnena, a ṭhianpa duh tak chanchin a sawi lai te a mitthla a.
Ngaithlatu a neih ṭhat em avangin a inphawrh chhuak a nih kha.
Samuela pawh chu a inphawrh chhuak tih a hria a, thu dang han rawlh emaw, a thusawi lai pawhchah a tum lo.
A sawi zel a, "Middle School a kal ṭan mekin ka hria. An Zirtirtu pakhatin, "Puipui", tiin a lo ko a. A hming ka hre ve chiah bawk. Camera ka keng bawk a, Lung chunga a ṭhu lai chu a ruk thei ang berin ka laksak. Chu thlalak chu Lehkhabu karah ka zep a, Lehkhabu hming ka hre thei tawh lo. Manoin a hmu a, a tichhia a ni mai thei", a sawi pah chuan a nui sâng a.
"Ka hmu lo leh vang vang a, tu bulah mah ka sawi chhuak lo. A rukin ka vei a, a rukin ka luangliam a ni ber. Phaiah College ka zawm a, Chawlha ka lo haw chho chu, ka School kalna ṭhin Synod-ah a lo kal reng tih ka hre leh ta a.
Ka hriat chhan pawh, School tlawha ṭhian hoa kan kal avangin. Chuta aṭangin ka hmu lo leh char char. Va biak ka ngam si lo", Ngaia chuan tu nge a sawi a hre ta.
Samuela chuan, "U, Manoi nen kan intawng a, Puipuii chu theihnghilh ka tum nasa, ka thei thlawtlo. Manoi kha ka hmangaih chuan ka hria. Kan innei a, Siamtea pian hnuah, Aizawlah a awm ve reng a ni tih ka hre chhuak leh ta a, ralkhat aṭangin ka thlir ṭhin", a ti a.
A lungchhia chu a han insût deuh hrawi a, "Hrehawm ka ti lutuk, chuvang chuan Manoi chungah rilru chhia ka pu thei lo. Nupa nun han hmanpui dawn pawhin, Puipuii mitthlaah a cham reng zel. Manoi kha ka tirethei em asin", a chawl deuh vang vang.a.
Chumi hnuah, "Ka u, Puipuii hi pawngsual ka duh lo. Ka nupui a nih theih nan ka Ṭawngṭai hial ṭhin. Manoi nen kan intawn hnu chuan ka dil tawh lo. Manoin min chhuahsan khan, ka hun ṭha neih chhun bawhpelh ka tum lo hrim hrim", a ti a.
"Palai i tir vat a",
"Ni lo, Manoin min chhuahsan khan hrehawm taka ka siamzia ka hria a, ka inchhir ngawih ngawih. Ka ngaidam thei ngei mai, keimah ka dik tlat lo atin ni. Pawm tur erawh chuan", a lu a thing a, "Ka thei lo a ni".
" Nupui nei reng chungin hmeichhe dang ka vei bur a. Min uiresan loin, inṭhen min dil tawp mai tur kha a nia, a nih loh pawhin, inṭhen rawt hmasa zawk tur ka ni".
A chawl leh hlek a, "Ka nupui a ni ta hi, ka â vek thei. Awm dan tur ka hre lo, duat taka enkawl ka châkna te, a duhzâwng leh mamawh apiang tihsaka pek ka châkna te aiin, ka zahzumna a huaisen tlat a ni. Ka duhna te lantir ka duh, mahni ka infuih a, ka inzilh fo. Ka hmuh hi chuanin ka buai vek zel, mipa a biak ka hmuh phei chuan, ka zâ chhuak vek a, a mipa biak chu a hmuh lai ngeia thah ka duh ṭhin".
Ngaia chuan a Nau chu, a rilru lam enkawl a ngai a ni tih a hre chhuak leh ta!
Samuela chuan Chhuanpuii chungchang vek a ni a sawi.
A hnuh hmasak ber ṭuma hmeichhe naupang duhawm zet leh ninhlei tak, a ruka a ngaihzâwn, nupuia a han nei thei ta chu awm dan a thiam hlawl lo.
Nupui ṭhen a ni a, "A nupui hlui kha a hmangaih lo em ni le?", tia miten an sawi a hlau a.
"Mite thusawiah buai loh tur", tia mahni inzilh chang nei fo mah se, a nihna takah chuan, mite rilru ni loin, Chhuanpuii rilru zawk a dâwn a ni.
"Puipuii chunga ka duhna ka lantir hma lutuk luat chuan, min ngaikhawlo zo vek ang e", tiin, a mei a khup leh zâl zâl ta ṭhin.
Mei khup loin, mei kawh lahin, a duhna hrilhhriain, lantir ta zawk se, tun hi an thleng kherin a rinawm loh.
Ngaia chuan, "MLA tlin theih nana i thiltih kha a ṭha lo, ngaihdam i dil tawh em?", a ti a.
"Dil lo, min ngaihdam i ring em?", beisei takin a han melh a.
"I kutah a innghat. Engpawh nise, engtia awm zel nge i tum?",
"Engtia awm zel turin nge min duh?",
"Ṭhen rawh", Ngaia chuan a ti a.
Samuela chu meng phawk hrain, "Ka u", a ti fak a. Ṭhen a tum lo bur.
"Inṭhen ka duh lo, ka nupui a ni kumkhua dawn. Tumahin min pawt ṭhen lo ang, ka ṭhen dawn lo, engtikah mah, a theih loh", a ding chhuak hluai a.
Tei vut vutin, "Engtikah mah ka ṭhen dawn lo, ka ṭhen lo ang", a ke a chhir a.
Show post links
Top
| Link: | |
| BBcode: | |
| HTML: | |
| Hide post links |
Local Advertisement
MOBILE SIAM ZIR DUH TAN!!!
Tech-Inn Mobile Repairing Traning Centre, Bazar bungkawn
Kum tin mi za chuang eizawnna kan siamsak a, Eizawnna tlaka thiam turin kan zirtir thin
Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122
Politician Nupui Hring Nun
Political Love Story_Fiction
Chapter-17
Ziaktu: Cck Lalchhuanawmi
Lalchhuanpuii pov...
Siamtea te unau School an kal a, chutih chhungin Sammy-a hmu turin kan kal a, Lock-up-ah a la awm reng.
Ka pa ten Ukil be mah se, u Ngaia thuneihna hnuaiah chuan an la chhuak thei chuang lo.
Chuvang chuan buaina a awm ṭan ta, man a nih chhan fiah taka puan chhuah a nih loh avang te leh, Ukil takngial pawhin a lak chhuah theih loh avangin Sammy-a ṭantu te chuan u Ngaia chungah thubuai thehluh hial an tum a.
A chhan chu, Sawrkarin a ruai lo a, DGP leh Sammy-a unaupa ni mah se, a DGP nihna chu Rajasthan, Kota District-ah chauh a ni a, chutah chauh chuan a thuneihna a hmang thei.
U Ngaia nen a fala inbiakna hun kan nei a, "Hei hi", lehkha min pe a, "Tuna an puhna ata a fihlim tih finfiahna a ni a, eiruk theihna kawng hrang hrangah chuan a fihlim e", u Ngaia chu ka en a.
A nau a nih avangin dâwt min hrilh a tum kher lo, dikna duh mi a ni a, a chhungkhat laina te ngei pawh ni se, an dik loh chuan a hrem dawn tih ka hria.
A lehkha min pek chu ka keu ka keu, hetianga fihlim chiang bal si, engvanga insawifiah tum lo nge a nih?
Mi bulah insawifiah kher lo mah se, kan sawi dun zan khan sawifiah ang hmiang.
Ka ring lo tih a hriat avanga sawi duh lo a nih ngat zawngin. Sawi mai tur alawm. Âng phiar phiarin sawi ta se, khatih lai khan ka ring chuang lo ang.
U Ngaian lehkha min pek chu a dik ngei mai. Thil pakhat, hriat duh ka la nei.
"Ka nu hnena pawisa a pek chhan min zawhsak leh rawh",
"Nangmah ngeiin zawt tawh ta che", u Ngaia chuan a ti dam dup mai a.
Zahawm ka ti, ka zah ru tlat. U Venpuiin a zah em em chhan ka hre tawh. A intizahawm chawp lo a, huai takin a ding mai a.
Miin an sawi dan turah a buai lo, thudikah a ṭang tlat a, dâwt hmanga din chan a tum lo.
Sammy-a nen inanna an nei ngei mai.
Mahse, mahni nupui ngei duat leh ngaihsaka enkawl a tum lo.
U Ngaian heti hian min ti ta a, "I hriat angin, Sawrkar rawih ka ni lo a, ka duh thua ka lo inrawlh ngawt chhan tur a awm lo. Ngun takin ngaihtuah ang che. Jail-a tâng ngei ngei tura i duh chuan, nangmah ngei ina FIR i thehluh a ngai ang, kut a thlak ṭhin che avang emaw, i duh loh chunga nupa nun emaw a hmanpui ṭhin che avangin thubuai i siamsak thei. Hmeichhe dinhmun a ṭha a, thudik emaw dâwt emaw i sawi a nih pawhin Sawrkar chuan a humhim chein i lamah a ṭang tlat ang. Thutlukna i kutah a awm a, nangmah bakah, Siamtea te unau a nghawng dawn tih hre tel bawk rawh. Amaherawhchu, eng thutlukna pawh titlu la, i lamah ka ṭang ang".
Engto nei loa Lal Fanu muhil thaw sât sât chu thlirin, a bul lawka lungkham reng nei loa muhil bawrh bawrh Freddy-a chu ka va kuah.
Chiang takin Lal Fanu hi a fanu a ni lo tih a hria a, Freddy-a thung hi, tun thlengin a hre lo.
Rin ngaihna a hre lo zawk ang.
Nu leh Pa Thlain a uap loh an ni a, Sammy-a chu an Pa dik takah an ngai nghetin, an Pa lo atan chuan an ngaingam tawh lo zawk ang.
Keiin, an Pa duh tak ka tân tir lehzel chuan, an retheiin an fahrah zual ngawih ngawih dawn.
Lainatawm hian!
Sammy-a lo dah ṭha ta ila, Siamtea pi leh pu te hian, an tupa leh tunu te hi an fapaa fa hrin an ni lo tih hre chhuak ta se, an fapa hnenah thlauhthla turin an ti mai lo'ng maw?
Sammy-a nena an inkar chu eng pawh nise, midang inkawpsan lo zâwnga awm hram tum tur asin.
Manoi ka dem bik lo a, Sammy-a ka dem bik hek lo.
An pahnihin ka dem ve ve. Sammy pawhin Politics a ngaihtuah nasa a, a chhungkua theihnghilh khawpin a zin chhuak tih a hriat reng reng.
In lama a nupui leh fa te khawhar taka awm a dâwn pha tawh lo ṭhin.
Nu Papuiin, "Chhuanpui, zan i mu thei em? Muthilh theih loh nana hman hlek loh tur, a fihlim tih hi ka chiang a ni. Min ring tawp rawh, ka fapa hi ka zilh nasa a, a Nu a tilawmlo dawn lo tih hi ring tawp rawh", a ti sep sep.
Sammy-a a hmangaihna chu a der a ni lo, a fanu Puipuii ang chiahin a hmangaih.
Hmangaihna hi chu aw, mahni hrin loh te pawhin kan thinlung an luah.a ni a!
Manoi thawm hriat tur reng a awm lo, in aṭanga ka nam chhuah, Sammy-a man a nih aṭangin hmuh tur a awm leh ta lo a, a chanchin reng hriat tur a awm lo.
Kan boruak hun tawn dan zir zel hian a inlâr ni ber hian a hriat tawh.
"Ngaia, engtin nge kan awm zel dawn le?", Sammy pa zawkin a ti a.
"Tih theih ka va nei bik lo ve maw, vawiin hian kan fel turah ngai teh ang", u Ngaian a ti a.
Keimahah a innghat ta hmak mai le!
Eiru tak tak se chu, a eirukna hmangin a hrem theih dawn a. Hrem ka duh chuan, puan hnuaia inthup phawrh chhuah a ngai dawn thung.
Sammy chauhin a la tuar dawn lo cheu, kei leh naupang thleng thlengin kan tuar thei tlat.
Siamtean a Pa a ngaih thu sawi chhen lo mah se, Lal Fanu leh Freddy-a hi chuanin an Pa an ngaih thu hi sawi nasa tak an ni.
An Pa an ngai hi an ṭap kher zel a, inthlêm hrep a ngai.
School kal tura Lal Fanu ka siam laiin, pindan kawngka u Ngaian a lo kik a, lo lutin, "Chhuanpui, i thutlukna chu eng nge ni ta?".
Thaw hapin, "Lal Fanu, Apa i ngai tawh tiraw?", ka ti a. Uar fe hian a bu nghauh nghauh.
"Engtikah nge a lo haw dawn?",
"Vawiinah, Apa Ngaia hian a lo hruai haw dawn alawm", u Ngaia ka en a.
Ka thutlukna a lo man thiam nghal.
Sammy-a hruai turin a mipa chin zawng an kal a, a hmeichhia chin zawng inah an awm a.
Kei leh naupang ho erawh School kan kal. School-a ka thlah zawhah Dawrah ka tlang.
Nilengin Dawrah ka awm a, Sammy-a ka ngaichang reng tho.
Hmingin, "Vawiin chuan a chhuak thei ang maw? Thenzawlah khan kal i tum tiraw? Kut a thlak che em ni?", a ti seuh seuh.
Han hrilh ta vek ila, mak a ti ngawt ang.
"Ka pangchangin tlan tauh ka tum.a nih kha, buai ve reng reng se, in chhunga Nu ber hlutna hre ve se ka ti alawm", ka ti pek a.
Hmingi chuan, "Um, i sawi hmangah chuan in inhauh chhan ka hrethiam mai e. Ani chu Politics avangin a chhuak reng a, nang; inah i awm tawp a, i nuamsa leh lutuk a, awm ngaihna i hre lo zawk a ang", a ti lang lang.
Hriati awm ve reng mah se, zahah ka la lo.
A fiamthu pah tlat a.
Ka han nui hlek chuan min tithawl huai thei nia! Nuih te hi a lo ṭha a nih dawn hi.
U Ngaian min lo bia a, "Police Station aṭangin kan chhuak e, mi hmuh theih loh ber turin kan lo chhuak a, Media hriat loh turin Police ho ka hrilh nasa khawp mai. Naupang ho nen in lo haw hunah chuan a lo hmuak ang che u", a lo ti a.
Ka nghilh dup theiin ka hria.
Hmachhawn ka la duh lo, Thir ban chhunga ka hmuh khan ka lainat ngei mai.
Mahsela, hmachhawn ka la zuam lo a ni e.
Lungchhe vankaia ṭah khuma, lungchim taka kuangkuah lam a ni lo, a chunga ka lungnih lohna hi a la bo tak tak thei lo.
Eiruknaa fihlim lo tura ka ngai kha a lo fihlim reng a, ka nu hnena pawisa a pek lah MLA Fund aṭanga ni loin, kan chhungkaw pawisa a ni!
Tin, MLA a nih theihna tura tenawm taka min hman avangin ngaihdam min dil lo.
A inchhir awm tun thlengin ka la hre lo.
Duhsakan min lo hruai a, Hmingi leh Hriati chu mangṭhain School kan pan.
"Sammy-a a rawn haw tawh em?",
"Aw, haw tawh e. Naktukah Press Conference an nei dawnin ka hria", Duhsaka chuan a ti a.
Mipui hmaah a insawifiah dawn a ni ang.
Zaninah, ka hmaah a insawifiah hmasa phawt tur a ni a, namen loin ngaihdam min dil bawk tur a ni.
School kan thleng a, Lal Fanu ka pawm lut thuai.
Tlaiah chuan u Hmain Siamtea leh Freddy-a hruai ve tawh mai rawh se.
"Anu, Apa a lo haw dawn tak tak em?",
"Tak tak e, inah a awm tawh", ka ti chu, "Yesss", tiin, seat chungah a ding a, min kuah chung chung.
In kan hnaih zel a, thinphu a rang ṭha ngei mai.
Duhsaka chu muangchangin a ding ta a, Sammy-a rim ka hre thei. Cinthol Sahbawn ngaina miau hek.
"Apa", tiin, Lal Fanu a tlan lut a, chau leh beidawng âw thûm ṭha lutuk tak mai hian, "Princess, ka Lal.Fanu", a ti a.
La hmu lo mah ila, a tar leh buai ang chu.
Lal Fanu School bag ka ak lut a, an pafaa inpawm ngawih ngawih ka hmu hmasa ber.
Sammy-a ka hmu chu, u Ngaia hnenah, "Man rawh", tih leh ka châk a nia aw...
"Chhuanpui?", ka nui sêih a, Lal Fanu pawm chunga min lo pan a tum chu a tlukpui ta mai!
Lal Fanu a pawm nghet hlauh a, a na lo.
"Sangpui?",
"Sam?",
"Apa?", tia ko chulin, u Ngaia leh Hriatpuian an kaitho a. Ṭhutthlengah an chawi chho.
Dawra a tluka a awm dan ang chiahin a awm leh tawh.
A taksa ka hmet nawk nawk, a kâ chu ân tumin a tiche nasa mai a, min melh ngawih ngawih mai bawk.
"Sam, i ṭha a nia", a mit tui luang ngiai ngiai ka hruksak.
A mit tui tla ka vawikhat hmuhna!
Doctor-in, "Scientist ropui tak, Stephen Hawking-a natna kha i hria em? Motor Neuron natna a vei a nih kha. Chu chuan a taksa zawi tir vekin, a ṭawng ṭhattir thei lo a, a Rilru ngaihtuahna fim kar siin, a taksa a hmang thei lo a nih kha. I pasal pawh hian Motor Neuron natna a vei a ni. Wheelchair-a a hun hman a ngai tawh dawn a, amaha engmah a tih theih dawn loh avangin tihsak zel a ngai tawh ang. A dam chhung zawngin", a ti chu, ka thaw chhuak halh halh.
Motor Neuron natna maw ni a?
A dam chhung zawngin engmah ti thei loin, Wheelchair-ah a hun zawng zawng a hmang dawn maw ni a?
Pathian leh!
Hun reilo tê tak meuh meuh hrem ka duh mai chauh asin.
A tua te mai chu ṭawng reng kan awm lo.
Cabin pana ka kal chu, ka bing muai muai. Ngaihtuahna a tawi tûk mai a, ka hmaa awm tinreng chu ka hmu phé vek.
Sak ṭalha thawin kawngka ka hawng a, khum chunga Sammy-a mu ngawi reng bulah ṭhuin, ka kun hniam a, "Sam, hetiang hian i awm thei lo, ka hmaa ṭhingṭhia ngaihdam min dil turin ka duh che. Chu hun a thlen hma chu ka ngaidam dawn lo che, i hria em?", a lu chawi kângin ka thlah thut a, lukhamah a innghat chawrh.
A mit vun phu uih uihah a harh tih ka hria, "Sam, min han en teh", ka ti a.
A meng duh lo chu a biang vei lamah ka bêng chawrh a nih kha. Dam ṭha pangngai chu nise, a rum nghut ang a, a meng chhuak ngei ngei ang.
"Sam, Remsangpui, meng rawh ka ti. Min han en teh, Remsangpui?", a bekah dawmin a lu ka tiche vak vak a.
A meng duh ṭhak lo. A va han luhlul tak em.
"I harh tih ka hria nia, min en rawh ka ti. Min en rawh, Remsangpui, meng la min en rawh. Ngaihdam min dil rawh, a nih loh chuan ka tlanbosan ang che, min zawn hmuh theih lohna tura ka tlansan dawn che", a kawr nghawngah ṭhamin ka sâwi vak vak.
Ka beidawng chu ka kuah thla thlawp a, ka ṭahkhum nghek ringawt.
Reilo tê tak chauh chauh hrem ka duh mai a ni, a dam chhung ni loin.
Show post links
Top
Political Love Story_Fiction
Chapter-17
Ziaktu: Cck Lalchhuanawmi
Lalchhuanpuii pov...
Siamtea te unau School an kal a, chutih chhungin Sammy-a hmu turin kan kal a, Lock-up-ah a la awm reng.
Ka pa ten Ukil be mah se, u Ngaia thuneihna hnuaiah chuan an la chhuak thei chuang lo.
Chuvang chuan buaina a awm ṭan ta, man a nih chhan fiah taka puan chhuah a nih loh avang te leh, Ukil takngial pawhin a lak chhuah theih loh avangin Sammy-a ṭantu te chuan u Ngaia chungah thubuai thehluh hial an tum a.
A chhan chu, Sawrkarin a ruai lo a, DGP leh Sammy-a unaupa ni mah se, a DGP nihna chu Rajasthan, Kota District-ah chauh a ni a, chutah chauh chuan a thuneihna a hmang thei.
U Ngaia nen a fala inbiakna hun kan nei a, "Hei hi", lehkha min pe a, "Tuna an puhna ata a fihlim tih finfiahna a ni a, eiruk theihna kawng hrang hrangah chuan a fihlim e", u Ngaia chu ka en a.
A nau a nih avangin dâwt min hrilh a tum kher lo, dikna duh mi a ni a, a chhungkhat laina te ngei pawh ni se, an dik loh chuan a hrem dawn tih ka hria.
A lehkha min pek chu ka keu ka keu, hetianga fihlim chiang bal si, engvanga insawifiah tum lo nge a nih?
Mi bulah insawifiah kher lo mah se, kan sawi dun zan khan sawifiah ang hmiang.
Ka ring lo tih a hriat avanga sawi duh lo a nih ngat zawngin. Sawi mai tur alawm. Âng phiar phiarin sawi ta se, khatih lai khan ka ring chuang lo ang.
U Ngaian lehkha min pek chu a dik ngei mai. Thil pakhat, hriat duh ka la nei.
"Ka nu hnena pawisa a pek chhan min zawhsak leh rawh",
"Nangmah ngeiin zawt tawh ta che", u Ngaia chuan a ti dam dup mai a.
Zahawm ka ti, ka zah ru tlat. U Venpuiin a zah em em chhan ka hre tawh. A intizahawm chawp lo a, huai takin a ding mai a.
Miin an sawi dan turah a buai lo, thudikah a ṭang tlat a, dâwt hmanga din chan a tum lo.
Sammy-a nen inanna an nei ngei mai.
Mahse, mahni nupui ngei duat leh ngaihsaka enkawl a tum lo.
U Ngaian heti hian min ti ta a, "I hriat angin, Sawrkar rawih ka ni lo a, ka duh thua ka lo inrawlh ngawt chhan tur a awm lo. Ngun takin ngaihtuah ang che. Jail-a tâng ngei ngei tura i duh chuan, nangmah ngei ina FIR i thehluh a ngai ang, kut a thlak ṭhin che avang emaw, i duh loh chunga nupa nun emaw a hmanpui ṭhin che avangin thubuai i siamsak thei. Hmeichhe dinhmun a ṭha a, thudik emaw dâwt emaw i sawi a nih pawhin Sawrkar chuan a humhim chein i lamah a ṭang tlat ang. Thutlukna i kutah a awm a, nangmah bakah, Siamtea te unau a nghawng dawn tih hre tel bawk rawh. Amaherawhchu, eng thutlukna pawh titlu la, i lamah ka ṭang ang".
Engto nei loa Lal Fanu muhil thaw sât sât chu thlirin, a bul lawka lungkham reng nei loa muhil bawrh bawrh Freddy-a chu ka va kuah.
Chiang takin Lal Fanu hi a fanu a ni lo tih a hria a, Freddy-a thung hi, tun thlengin a hre lo.
Rin ngaihna a hre lo zawk ang.
Nu leh Pa Thlain a uap loh an ni a, Sammy-a chu an Pa dik takah an ngai nghetin, an Pa lo atan chuan an ngaingam tawh lo zawk ang.
Keiin, an Pa duh tak ka tân tir lehzel chuan, an retheiin an fahrah zual ngawih ngawih dawn.
Lainatawm hian!
Sammy-a lo dah ṭha ta ila, Siamtea pi leh pu te hian, an tupa leh tunu te hi an fapaa fa hrin an ni lo tih hre chhuak ta se, an fapa hnenah thlauhthla turin an ti mai lo'ng maw?
Sammy-a nena an inkar chu eng pawh nise, midang inkawpsan lo zâwnga awm hram tum tur asin.
Manoi ka dem bik lo a, Sammy-a ka dem bik hek lo.
An pahnihin ka dem ve ve. Sammy pawhin Politics a ngaihtuah nasa a, a chhungkua theihnghilh khawpin a zin chhuak tih a hriat reng reng.
In lama a nupui leh fa te khawhar taka awm a dâwn pha tawh lo ṭhin.
Nu Papuiin, "Chhuanpui, zan i mu thei em? Muthilh theih loh nana hman hlek loh tur, a fihlim tih hi ka chiang a ni. Min ring tawp rawh, ka fapa hi ka zilh nasa a, a Nu a tilawmlo dawn lo tih hi ring tawp rawh", a ti sep sep.
Sammy-a a hmangaihna chu a der a ni lo, a fanu Puipuii ang chiahin a hmangaih.
Hmangaihna hi chu aw, mahni hrin loh te pawhin kan thinlung an luah.a ni a!
Manoi thawm hriat tur reng a awm lo, in aṭanga ka nam chhuah, Sammy-a man a nih aṭangin hmuh tur a awm leh ta lo a, a chanchin reng hriat tur a awm lo.
Kan boruak hun tawn dan zir zel hian a inlâr ni ber hian a hriat tawh.
"Ngaia, engtin nge kan awm zel dawn le?", Sammy pa zawkin a ti a.
"Tih theih ka va nei bik lo ve maw, vawiin hian kan fel turah ngai teh ang", u Ngaian a ti a.
Keimahah a innghat ta hmak mai le!
Eiru tak tak se chu, a eirukna hmangin a hrem theih dawn a. Hrem ka duh chuan, puan hnuaia inthup phawrh chhuah a ngai dawn thung.
Sammy chauhin a la tuar dawn lo cheu, kei leh naupang thleng thlengin kan tuar thei tlat.
Siamtean a Pa a ngaih thu sawi chhen lo mah se, Lal Fanu leh Freddy-a hi chuanin an Pa an ngaih thu hi sawi nasa tak an ni.
An Pa an ngai hi an ṭap kher zel a, inthlêm hrep a ngai.
School kal tura Lal Fanu ka siam laiin, pindan kawngka u Ngaian a lo kik a, lo lutin, "Chhuanpui, i thutlukna chu eng nge ni ta?".
Thaw hapin, "Lal Fanu, Apa i ngai tawh tiraw?", ka ti a. Uar fe hian a bu nghauh nghauh.
"Engtikah nge a lo haw dawn?",
"Vawiinah, Apa Ngaia hian a lo hruai haw dawn alawm", u Ngaia ka en a.
Ka thutlukna a lo man thiam nghal.
Sammy-a hruai turin a mipa chin zawng an kal a, a hmeichhia chin zawng inah an awm a.
Kei leh naupang ho erawh School kan kal. School-a ka thlah zawhah Dawrah ka tlang.
Nilengin Dawrah ka awm a, Sammy-a ka ngaichang reng tho.
Hmingin, "Vawiin chuan a chhuak thei ang maw? Thenzawlah khan kal i tum tiraw? Kut a thlak che em ni?", a ti seuh seuh.
Han hrilh ta vek ila, mak a ti ngawt ang.
"Ka pangchangin tlan tauh ka tum.a nih kha, buai ve reng reng se, in chhunga Nu ber hlutna hre ve se ka ti alawm", ka ti pek a.
Hmingi chuan, "Um, i sawi hmangah chuan in inhauh chhan ka hrethiam mai e. Ani chu Politics avangin a chhuak reng a, nang; inah i awm tawp a, i nuamsa leh lutuk a, awm ngaihna i hre lo zawk a ang", a ti lang lang.
Hriati awm ve reng mah se, zahah ka la lo.
A fiamthu pah tlat a.
Ka han nui hlek chuan min tithawl huai thei nia! Nuih te hi a lo ṭha a nih dawn hi.
U Ngaian min lo bia a, "Police Station aṭangin kan chhuak e, mi hmuh theih loh ber turin kan lo chhuak a, Media hriat loh turin Police ho ka hrilh nasa khawp mai. Naupang ho nen in lo haw hunah chuan a lo hmuak ang che u", a lo ti a.
Ka nghilh dup theiin ka hria.
Hmachhawn ka la duh lo, Thir ban chhunga ka hmuh khan ka lainat ngei mai.
Mahsela, hmachhawn ka la zuam lo a ni e.
Lungchhe vankaia ṭah khuma, lungchim taka kuangkuah lam a ni lo, a chunga ka lungnih lohna hi a la bo tak tak thei lo.
Eiruknaa fihlim lo tura ka ngai kha a lo fihlim reng a, ka nu hnena pawisa a pek lah MLA Fund aṭanga ni loin, kan chhungkaw pawisa a ni!
Tin, MLA a nih theihna tura tenawm taka min hman avangin ngaihdam min dil lo.
A inchhir awm tun thlengin ka la hre lo.
Duhsakan min lo hruai a, Hmingi leh Hriati chu mangṭhain School kan pan.
"Sammy-a a rawn haw tawh em?",
"Aw, haw tawh e. Naktukah Press Conference an nei dawnin ka hria", Duhsaka chuan a ti a.
Mipui hmaah a insawifiah dawn a ni ang.
Zaninah, ka hmaah a insawifiah hmasa phawt tur a ni a, namen loin ngaihdam min dil bawk tur a ni.
School kan thleng a, Lal Fanu ka pawm lut thuai.
Tlaiah chuan u Hmain Siamtea leh Freddy-a hruai ve tawh mai rawh se.
"Anu, Apa a lo haw dawn tak tak em?",
"Tak tak e, inah a awm tawh", ka ti chu, "Yesss", tiin, seat chungah a ding a, min kuah chung chung.
In kan hnaih zel a, thinphu a rang ṭha ngei mai.
Duhsaka chu muangchangin a ding ta a, Sammy-a rim ka hre thei. Cinthol Sahbawn ngaina miau hek.
"Apa", tiin, Lal Fanu a tlan lut a, chau leh beidawng âw thûm ṭha lutuk tak mai hian, "Princess, ka Lal.Fanu", a ti a.
La hmu lo mah ila, a tar leh buai ang chu.
Lal Fanu School bag ka ak lut a, an pafaa inpawm ngawih ngawih ka hmu hmasa ber.
Sammy-a ka hmu chu, u Ngaia hnenah, "Man rawh", tih leh ka châk a nia aw...
"Chhuanpui?", ka nui sêih a, Lal Fanu pawm chunga min lo pan a tum chu a tlukpui ta mai!
Lal Fanu a pawm nghet hlauh a, a na lo.
"Sangpui?",
"Sam?",
"Apa?", tia ko chulin, u Ngaia leh Hriatpuian an kaitho a. Ṭhutthlengah an chawi chho.
Dawra a tluka a awm dan ang chiahin a awm leh tawh.
A taksa ka hmet nawk nawk, a kâ chu ân tumin a tiche nasa mai a, min melh ngawih ngawih mai bawk.
"Sam, i ṭha a nia", a mit tui luang ngiai ngiai ka hruksak.
A mit tui tla ka vawikhat hmuhna!
Doctor-in, "Scientist ropui tak, Stephen Hawking-a natna kha i hria em? Motor Neuron natna a vei a nih kha. Chu chuan a taksa zawi tir vekin, a ṭawng ṭhattir thei lo a, a Rilru ngaihtuahna fim kar siin, a taksa a hmang thei lo a nih kha. I pasal pawh hian Motor Neuron natna a vei a ni. Wheelchair-a a hun hman a ngai tawh dawn a, amaha engmah a tih theih dawn loh avangin tihsak zel a ngai tawh ang. A dam chhung zawngin", a ti chu, ka thaw chhuak halh halh.
Motor Neuron natna maw ni a?
A dam chhung zawngin engmah ti thei loin, Wheelchair-ah a hun zawng zawng a hmang dawn maw ni a?
Pathian leh!
Hun reilo tê tak meuh meuh hrem ka duh mai chauh asin.
A tua te mai chu ṭawng reng kan awm lo.
Cabin pana ka kal chu, ka bing muai muai. Ngaihtuahna a tawi tûk mai a, ka hmaa awm tinreng chu ka hmu phé vek.
Sak ṭalha thawin kawngka ka hawng a, khum chunga Sammy-a mu ngawi reng bulah ṭhuin, ka kun hniam a, "Sam, hetiang hian i awm thei lo, ka hmaa ṭhingṭhia ngaihdam min dil turin ka duh che. Chu hun a thlen hma chu ka ngaidam dawn lo che, i hria em?", a lu chawi kângin ka thlah thut a, lukhamah a innghat chawrh.
A mit vun phu uih uihah a harh tih ka hria, "Sam, min han en teh", ka ti a.
A meng duh lo chu a biang vei lamah ka bêng chawrh a nih kha. Dam ṭha pangngai chu nise, a rum nghut ang a, a meng chhuak ngei ngei ang.
"Sam, Remsangpui, meng rawh ka ti. Min han en teh, Remsangpui?", a bekah dawmin a lu ka tiche vak vak a.
A meng duh ṭhak lo. A va han luhlul tak em.
"I harh tih ka hria nia, min en rawh ka ti. Min en rawh, Remsangpui, meng la min en rawh. Ngaihdam min dil rawh, a nih loh chuan ka tlanbosan ang che, min zawn hmuh theih lohna tura ka tlansan dawn che", a kawr nghawngah ṭhamin ka sâwi vak vak.
Ka beidawng chu ka kuah thla thlawp a, ka ṭahkhum nghek ringawt.
Reilo tê tak chauh chauh hrem ka duh mai a ni, a dam chhung ni loin.
Show post links
Top
| Link: | |
| BBcode: | |
| HTML: | |
| Hide post links |
ADVERTISEMENT (A hnuai a milem hi a nia hmeh zeuh tur chu)