"Chhuanpui, mi ngawichawite hi chuan Pathlawi an nei ṭhin asin", an tih ziah avangin, Tlangval hnahkhat ngat nei tum ruh em em a ni.
Ngawichawi tia sawi tur ni tho mah se, a hrechiangte chuan, "A ṭawng thei lutuk hi ni buaina", an ti teh châwk.
A ni lah tak a, a mi nêl tawhte bulah chuan a ṭawng bar bar reng a, sawi tur a hre em em ṭhin.
Mahnia awm nuam ti mi a ni bawk a, hmun fianriala Love Story Bu chhiara, chu Lehkhabua Love Story chu Suangtuahnaa fan nuam a ti thei hle a ni.
Naupang ngaina lutuk tia sawi theih ni lo mah se, "Au Chhuanpui", tiin, a kawng kal mai mai te hi naupang hoin an ko awl lo a, "Au Chhuanpui Nghapih", tih hmang mai mai te hian naupang ho hian an inumkawi kual tir zet zet thei.
Hun kal zel hian mahni duhdan leh remruat angin min kalpui si lo le.
Lalchhuanpuii, Tlangval hnahkhat ngat nei tum chuan Pathlawi, Politician ni bawk Samuel Remsangpuia a neih a ngai ta tlat!
Chu Pathlawi chuan Fapa pahnih leh fanu pakhat a nei a, Nu berin a ngaihsak ngai rual vek an la ni zui.
A Hring Nun chu, a maka makin a danglam takzet a ni
*************************************
IPS Lalzahngaia nge Politician Samuel Remsangpuia hi zei zawk ang?
M&B rawng a kai deuh dawn
Politician Nupui Hring Nun
Political Love Story_Fiction
Chapter-1
Ziaktu: Cck Lalchhuanawmi
"Ṭap lo khan sawi rawh, tu nge a nih ka zawt che a ni lo'm ni?", hnung lamah ka tawlh hrat hrat a.
Bangah ka bei thlawp tawh.
Kan inneih tirh, ni lo, inneih hma aṭangin âw nêm hian min la be lo.
Inneih hnuah a zia ve mai ka ring a ni a, a zual ting emaw tih tur a ni. Classmates hluite nena inbiak loh tur tih a awm lo.
Min rawn pan hnai a, ka khabe kual hmer vakin, "Kei tih loh mipa dang i ber tur a ni lo i hria em?", inthunun takin a ti chhuak hrawk.
Harsa takin, "I fapa te pahnih tiamin maw?", tiel takin ka tih khum sak a.
Min thlah rawkin, a inbengdai thei ta a ni chêk ang chu, "Chhuanpui", in chung en chhoin a thaw chhuak hawk.
"Sam(Sém), ngati nge min rin theih miah loh?", mittui a tla lo a. Ka thinrim lo a, ka lungngai a ni.
He pa thinlung hi hlauhthawnna, phatsan a nih leh mai rinna ten nasa takin a uap a.
Âw nêma min biak duhna ai mahin, a hlauhthawnna hi paih boin, a nupui hi min ring turin ka duh.
Hun hmasa lama a lo paltlang tawh natna kei chuan ka paltlang tir dawn lo tih hria sela, thlamuang takin awm se tih hi ka duh ber a ni.
Ka phone a vawm darh a chhar khawm a, bang siin ka la ding reng.
Zan lai a ni tawh a, eng vanga ka muthilh laia ka phone lo en nge a nih ka hre lo. Mi mu tui lai min kaithoin, min ânkhum chiam.lehnghal.
Kawngkhar bula Bawlhhlawm bawm têa paih luh pahin, "Naktukah Sim nen a thar kan lei dawn nia", a ti thawp sup a.
Lungngaihna chhiar sen loh hian kalsan hun an la nei ngei dawn tih hi ka ring a, ka nghak fan a, ka nghah chhuah ngei pawh ka ring.
"Sam, khawngaihin min ring rawh. Classmates hlui mai a ni, ka u hnen aṭangin ka number a nei a, School kal lai chanchin bak kan sawi lo. Zan khat chauh a ni, chu pawh kan inbiak", rinna a tlachham mah mah.
Class-4 ka zirpui daih mi a ni a, zan khat, min lo biak zan tak tak chauh kan inbia.
Chuta ṭangin kan inbe tawh lo.
Sammy(Semmi)-a chu, "Zan khat chauh maw?", dâwt sawi hmang chhuaha min chhuahin ka lamah a lo thle bak.
A thinrim thar tih ka hriat avangin ka ngawi hmak, ka ṭawng emaw ka hnial emaw chuan thil pawi a thleng palh ang.
"Lalchhuanpui", a ti vin ṭhak a, ka phu zuk. "Hnuai lam bih tlat suh", a ti fiak leh ṭhak a. Naupang ho an harh ang tih mawlh ka hlau.
Hnuai lam ni loin a mah en ngar zawk ila chu, a thinrim leh hle si dawn.
"Mu rawh", khum min kawhhmuh. Rang taka khuma lawn kaiin puanin ka inkhuh bo hmak.
Zingah sawi fel tur ka va ngah leh dawn tak em aw!
Tuna a sawi fel mai theih lo ṭhin hi a hreawm. Ani pawh a lo mu ve thuai.
Puan sin loin puan a delh a, puan pawnah a mu. A tlaivar leh dawn a nih hi.
Kan inneih hma pawhin mipa dang ka biak a hriatin emaw a hmuhin emaw min hau vak ṭhin.
Tun kan inneih hnu thleng hian a ni, amah leh kan fapa te pahnih tih loh mipa dang biak a phal lo.
Chhungkuaa mipa te chauh biak a phal, chutah pawh biak tur a la thliar hrang a, chu mai ni lo, anmahni'n min bia te a nih ngawt loh chuan a hranpaa keiin ka biak a phal lo.
Kan pa te, kan unaupa te bakah makpa te biak a phal a, chumi te chu a ni, anni'n min lo biak hmasak loh chuan keiin ka va biak hmasak a remti lo.
Aizawlah kan awm a, mahni chhungkaw bilin, a ṭha nge ṭha lo ka hre ṭhai lo.
Chutiang a nih chuan zanah tlaivarin, a nun hlui a ngaihtuah ta ṭhin a.
Mahni inkhawngaihnain a tharin a luah a, zingah chuan Sakei chiah chiah a ni tawh ṭhin.
Huphurhawm thei tak a ni.
Zan hi ral thei lo se!
Muangchang lui ngatin ka tho, ṭum danga ka tih ngai lohin, "Sam, Sammy", ka sâwi a.
A muhil lo, a intimuhil der lui ve tlat.
"Sam, thawh a hun, hna i tlai ang e",
"Dar ruk bak a la ni lo", ner nakin ka thawhsan daih. Bathroom-ah lutin ka inphihfai a.
Pindan chhungah bathroom kan nei a, a zia phian.
Pindan chhuahsan aṭangin Sammy-an thinrimna tur a zawn lohna turin ka tifel zung zung.
Ṭhutthleng-te chu ka vaw fai a, Choka aṭangin Nu Papuiin min lo hmu, "Zanah in intilungawi thei nange?", min lo ti a.
Tv hru fai thuak thuakin, "A lungawi tawh reng, lem a chang thiam em a ni", zawi thei ang berin ka ti a.
Min lo ngaithla ru reng mai thei a ni.
Naupang pindanah lutin, Siamtea chu kan Lal Fanu nen an lo la inkuah muhil tui bawrh bawrh.
An mutna khum bul lawkah Freddy-a pawh a la mu tui nasa mai.
Siamtea hi upa ber tih takah, a naute ho hi a hmangaih tlat a, an lawmna a hriain a chhawnchhaih thiam riau a.
Lal Fanu pawh hian kan bulah aiin a u bula mut hi a duh ṭhin reng a ni.
Nizana a u bula a mu hi a lawmawm a nih hi, ṭul lo lutukah a pa thinrimin min ânkhum ta si a.
Naupang hriatah leh hmuhah min hau ngai lo thung a, an awm lai hi chuan a thinrimna te a dah bo hram hram zel.
Chuvang chuan, a chang hi chuanin naupang ho bulah hian ka awm tlat ṭhin.
Nu Papuii puiin ka buai ve phian, "Eng chungchangah nge in inhauh a?",
"Pawl lia kan ṭhianpain hmanniah min lo bia a, kan inbiakna ka lo paih hman si lo, nizanah a lo hmu chhuak mawle",
"A va han ho ṭhin tak em aw!", Nu Papuii pawhin a ti vawng vawng.
Dik chiah, thinrimna atana chhan a tling lo.
A ho lulai em mai.
Nu Papuii chuan, "Mahse, Chhuanpui, hrethiam tawh mai rawh. A thikthu chhe ngai miah lo se a mak zawk ang. In inneih hma aṭang hauhin a thikthu a chhe tawh a, a lawmawmah ngai zawk mai ang", a ti sep sep a.
A lawmawmah ngai mai ang.
Nimahsela, a chang chuan a chhe uchuak leh mah mah deuh a ni.
Sammy-an min rawn ṭhawng thut thei reng a ni si a, Nu Papuii nen kan ṭawng zawi dun lutuk.
Dar sarih rik hnaih chuan naupang ka kaitho a, Lal Fanu pawm chhuakin, Siamtea leh Freddy-a hnenah, "Intifaiin lehkha zir ula, chaw ei dawnah ka lo ko ang che u. Hriatthiam loh in neih chuan min lo ko ula aw", ka ti a.
Nu hrawn sual tak ni lo turin theihtawp ka chhuah takmeuh meuh.
Siamtea hi kum sawm niin, Freddy-a kum sarih a ni a, Lal Fanu erawh kum thum chauh.
Lal Fanu thla hnih lek a nihin Sammy-an, "Inṭha ṭhen mai ang", a tih avangin an inṭhen a ni awm a.
"Mipa a umsan", tih aiin ngaihthlak a la nuam.
An inṭhen chhan hre lo mah ila, Nu Papuii ṭawng hmangah Sammy-a hian lerhsan a hlawh ṭhin ni tur a ni.
Sammy-a thikthu chhe lutuk te hi Nu Papuii tih dan takah, a lawmawm rualin a hreawm ṭhin.
A hreawmna pakhat leh chu, inneih hnuah pawh Politician te a nih venaah be ṭha tu a ngah thei lutuk a, pasalte a nihna anga thikthu lo.chhuaka han sawi ve pawhin, "Hlau suh", a ti thla ngawt zel a.
Sawi tur a vâng thei.
"Anu, McDonald awm em?", wipes-in a hmai ka hru a.
"McDonald tam taawwk a awm", Lal Fanu a nui ver ver. Alu kan(kang) ro hi McDonald a ti a, zing leh tlaiah Tomato Sauce nen a awm ngei ngei a ngai, Dal kan(kang) nen.
Lal Fanu tiin kan ko ṭhin a, Sammy-an a tettê aṭanga a koh avanga ko chho zel kan ni.
A hming tak chu Remruatfeli daih.
Sammy a rawn chhuak a, a rukin a hawi kual hru hru, Lal Fanuin, "Morning Papa", ka mal chung aṭangin a ti a.
"Morning", ti ve supin, "Morning", a lungawi lohna a la bo chuang lo.
Kan bula lo.ṭhu thlain Chanchinphek a ban a, "Lal Fanu, lo.kal rawh, ka lo.pawm ang che", a ti a.
Lal Fanu pawhin a duh ve mai.
"Zaninah chuan Papa bulah mu tawh rawh aw",
"A u bulah", Sammy ngaih dan a ni lo lutuk.
Nu Papuii ka pui a, an pafain inbia se, a thinrim tih a theihnghilh mahna.
"Papa, Elsa ka duh", Elsa Barbie vawi engzah nge kan lei ka sawi seng tawh lo.
A ṭhen chu midang kan pe, Lal Fanuin Barbie a ngainat ber chu Elsa a ni a, kei ngei pawh hian leisak hnem tawh tak ka ni.
Sammy-an, "Tlaiah ka lo hawn ang, min lo hmuak dawn nia aw", a ti chu, Lal Fanuin a chuks zauh.
"Chhuanpui, khawiah nge Siamtea leh Freddy-a?", ka va han khawng châk.
Fianpui hian ka khâwng ṭawlh dawn mawni?
Zingah lehkha an zir tih a hre ve kur, amahin zir tura a tih ṭhin an ni. Ka ner nak nak chu Nu Papuiin min nghawk sawk.
"Lehkha an zir, an zo ṭep tawh. Zana an zir an ennawn a ni mai a, an rei lo ang",
"Tun ang huna lehkha zir, hei aia hmaa zir turin hrilh ta che", ka va han bêng hawi sawk châk tak em!
"Zing dar nga leh dar ruk inkarah rilru a fim a, lehkha zir nana hun ṭha ber a ni. Zana zir thiam loh pawh a thiam theih", tukin chu naupang hmangin a che tlat.
Fing kir ker lutuk mai.
"Tihpalh, naktuk aṭangin ka lo zir tir tawh ang",
"Sawi mai mai loin ti ngei ang che",
"Dawn chiang", ka ti sep.
Thinrim rei thei si, belhchhah turin thinrimna tur a zawng dûk dûk ziah leh nghal.
Hnung lam aṭanga tlawh thal ṭhuai mai hi ka nâp a.
Chaw ei a hun mai avangin Siamtea leh Freddy-a chu insiam turin ka hrilh a. Ka chhuahsan leh thuai.
Nu Papuii nen chaw ei kan siam a, "Khawiah nge an awm?",
"An insiam mek", ring leng lawngin ka han ti mai a, ka inchhir râp mai, "Naupang hriatah âw kî sân hlek suh", a kutin min bêng lo mah se, a ṭawngkam erawh chuan min bêng.
Kut min thlak ngai lo nachungin, a ṭawngkam hmang hian kut min thlak reng chu a ni ber.
"Nu, Freddy-a kawrkilh a tla", hmanhmawh tawkin Siamtean min lo ko a, "Aw, ka lo kal", kan pindan lamah khawlla var leh hriau lain an pindanah ka tlan lut.
Freddy-a Kamis nghawnga kawrkilh chu ka ṭhui ṭha mawlh mawlh a. Chutih laiin Siamtean an School.pheikhawk a lo nawt tle hliau hliau.
Ka en ṭhin a, ka lainat. An fel lutuk hian ṭah a tichhuak a, an Nu thla hi ka hau leh ringawt zel.
Hetiang naupang fel lutuk, mipa lehnghal hi engtin nge a kalsan theih zawk le?
Sammy-a nen an inkarah eng emaw tak buaina an nei ang a, chumi zualkona turin mipa dang a kawp ṭhinah ka ngai.
An nupa inkar thûk zawkin ka hre lo tlat atin ni!
"Chhuanpui, in va rei ve", he pa ve ziah lah hi.
"Kan lo kal", ṭeng tawkin ka au a, hre thei tak ang maw.
Siamtea leh Freddy-a ka insiampui leh ang rih a. An School bag kengin ka chhuahpui a.
"Morning Pa",
"Morning", an pafain an in-wish liam liam.
Tun hnaia Freddy-a nungchang zawiawi lutuk hian ngaih a tiṭha tawh lo.
Kun ngurin chaw a ei chho, vawiin chu nilengin ka enthla ang. An Zirtirtu ka zawhin, School-ah buaina a neih loh thu a sawi a.
Siamtea pawhin School-ah buaina a nei lo a ti ṭhin bawk a, buaina a nei chiang a ni.
Hetianga a nungchang thlak tirtu hi a awm ngei tur a ni. Harh tak leh ṭawng duh tak a ni a. A nungchang inthlak hlawk hian chhan a nei tur a ni.
"Vawiinah ka zin chhuak dawn a, in Nu thu hi lo awih ang che u", a ti leh ta.
Nizanah te khan sawi lawk tur alawm.
Sammy bawkin, "Ni hnih bak ka châm lo ang", a ti leh.
"Thenzawlah maw?",
"A nih lohin", min rawn chhâng hmuk.
"Ka nu leh pa min tlawhsak theih ang em?",
"Tlawh chu na an ti lutuk palh ang, an hnenah ka tlu lut zawk mai ang e", Sammy chu ngei zetin ka melh rawm rawm.
Nu Papuii leh naupang ho an nui ru dar dar, min tizak mang e.
"Ṭha lawm", hriat tawk lekin phun sep ringawt.
Medium Trolley(Suitcase ke nei)-ah Sammy-a thawmhnaw khung zung zungin, File pakhatah lehkha pawimawh tur a sawi ang ang vawm lut leh hmiah hmiah.
Bathroom aṭangin Lal Fanu nen an lo inpawm chhuak, Lal Fanu ka siam chhungin a insiam ve leh thung a.
Pathlawi Story chhiar nasat chuan thin hi a rim ṭun thei.
Story-a kan Pathlawite an fela an zaidama Nupuite an duat thiam bakah, an taksa te a nalh theih tehreng nen, kan Dream veng veng ṭhin a ni a.
A taka kan Pathlawite hi chuan e, chal hi min dawmtir ngawih ngawih mai zel a ni.
Sammy-a phei phei hi, a thinchhe si, thinrimna tur hre thei si, thikthu chhe si, min duat lo si, si hlir sângkhat, chu pawh a chhe zawngin.
Darthlalanga inen chungin necktie a suih a, Smart tak taka a awm reng zel te hi ka lo ngei thei lutuk.
Thauin a dul kiar luah lo mah se, a mawi tawk chauhin a cher a, mahse; tlêmin a dul a tam deuh.
Chik loh phei chuan a hriat loh thung.
Kekawr chhunga kamis a hnawh luha kawnghren a hren hnan phei chuan, kei ai pawhin a dul a thêp zaih zawk.
Lal Fanu chu a sam ka ṭawn kâk sak a, kawrfual pâwl ka hak tir. Elsa a duh em avangin a thawmhnaw thlengin a pâwl deuh vek.
"In hman em?", ka la insiam lo tih a hmu ve kur sia.
"Hman", Lal Fanuin, "Anu, kawr thar i la ha ve lo", a ti reuh a.
A nui sen sen. Piai nawk nawkin, "Ka Lal Fanu hian min lo ngaihtuah ber a nih hi, kawr thar ka lo ha vat vat ang aw", ka ti a.
He in chhung tinuamtu a ni chiang alawm.
"Princess, lo kal rawh le", Sammy-an a pawm a, "Insiam vat rawh, pawnah kan lo nghak ang che".
Zin vat vat se, Spicy Noodles leh Kimchi ei ka châk tawh lutuk mai ina!
Insiam vat vatin ka chhuak a, Siamtea leh Lal Fanu chauh ka hmu.
"Khawiah nge i pa leh i nau?", Lal Fanu pawm pahin Siamtea ka zawt a.
"Freddy-a nen pindanah an lut daih", a ti a.
Lal Fanuin, "Anu, Papa hming hre lo leng leng", a ti chu, ka hre thiam. Dawra lo kal te hian a pa hming an zawt ṭhin a.
Inhrilh zing viau pawh ni ila a hre hleithei ṭhin lo, "Lal Fanu, i hriat reng kha",
"Mimi tih chu dik lo", Nu Papuii choka aṭangin a lo nui.
Sammy tiha a tawp lam 'My' hi 'Mimi' tiin a hre ber a, mipa hming atan chuan a ni lo deuh a ni.
Thlarau sualin min luhkhung chawpchilh, a zin dawn tho tiin, "I pa hming lo chhinchhiar kar rawh aw. Sammy?",
"Samuel, Samuel Remsangpuia", a thinrim ang chu...
Ka ko ring bawk a, in chhungah a thangkhâwk ruai ruai thei.
Nu Papuiin, "I insawifiah nasa leh hle si ang e aw", a lo ti dam dap a. "A zin dawn", zai zirin ka ti.
Freddy-a nen an lo inpawm chhuak. Nu Papuii chauh kan hnutchhiah leh dawn ta.
Driver pawh a lo thleng.
Kan Nufa thumin hnung lamah kan ṭhu leh thlap, tukin erawh Sammy-an a fanu a pawm.
A zin dawn tih a hre thiam leh dawn lo a, Sammy-an zawhna a dawng ngun leh malh malh ang chu.
Siamtea leh Freddy-a School-ah kan thlah a, an bân hmain ka kal ang a, bân hnuah pawh ka châng leh ang.
An School bân hnu, hruai tura ka thlen hmain tibuaitu a nei ṭhin a ni ngei ang.
Phone dawr kawtah kan ding a, chhuah a tum chu, "I lo haw hunah ni zawk rawh se",
"Lal Fanu tan a buaithlak",
"Laptop a awm tho", ti lui ve tlat.
Ka duh lohnaah chuan nêm har ve tak ka ni. Seh tawh chu chhuah mai mai ngai lo ni ve ngei a, min zuam sual fo reng a ni.
Laptop sawi rik takah, Sammy pawhin a hnial ta lo.
Dawtah min thlahin min hawnpui leh thlap.
"Fel deuhin lo awm rawh aw", a fanu hi a hmangaih bik hliah hliah hian ka hre ṭhin. A nu hmel a hmu thei dawn a, hei vang te pawh a ni mai thei.
A fanu ngei pawh ka thik dawn alawm le!
Kei pawh chu, ka biangah mi rawn fawp zeuh. Thu kam khat mah min fah lo mah se, lawmnain Van a tawng tawh tho tho.
Nakumah MLA inthlan a ni tawh dawn a, hmâân kumah tawh, Freddy-a pian lai vel niin ka hria, Hrângturzo Bialah dingin a tling lo a.
Kumin chu Serchhip Bialah a ding dawn thung.
Tlin ngei a tum ruh a, Thenzawl hi kan khua a ni bawk a, Vote a hmuh tam theih nana min nei angah an sawi nasa ṭhin.
Ngaihtuah chian phei chuan a rilru natthlak châng a tam.
Nu leh pa thu awihin ka nei ve tawp mai chu a nia, "I ṭawng tam loh chuan Pathlawi i nei dawn", tia min fiamna te haw(hua) viau mah ila, Pathlawi chu kan nei ta reng a nih hi!
Aizawlah Lehkhabu dawr nghakin ka awm a, ka pain Sammy-a Palaiten min rîm thu min rawn hrilh hmain Sammy-a te pafa hi ka hre tawh.
Mahni pasalte Politician an nih ve takah, ṭawngkam leh hawiher leh nungchang reng rengte hi uluk a ngai a, fimkhur a ngai.
Lehkhabu lei tura lo kal te hian Sammy-a chanchin min sawipui loh leh, keima chhungkaw chanchin bikte min sawipui ṭhin a.
Nu leh pa bakah pi leh puin min la dampui ve ṭawk ṭawk te hi a lo hlu a ni.
Freddy-a te School-ah ka kal a, Lal Fanu nen ral khat aṭangin kan thlir. School chhungah chuan buaina a nei loin ka hria.
Dawrah let leh phawtin, "Lal Fanu, chhunah eng nge kan ei ang?",
"McDonald", ka dêk nui awr awr.
McDonald hi a ti reng mai ni.
Chutia kan inchhaih nuih laiin Nu pakhat hi a lo lut a, "In awm maw?",
"Awm e, lo lêng rawh".
Lal Fanu ka pawm a, "Lo lêng lawh(rawh)".
Tihian, min chhâwnpui ve ṭhin.
Nu chu a lungngaiin ka hria, "Lehkhabu rawn lei ka tum ve a, helaia nautê hmel ṭha deuh hi tu nge ni a?", Lal Fanu a rawn piai zauh.
"Ka fanu a nih hi, a hmel ṭha tiraw? Lal Fanu zawng zawnga hmel ṭha ber a nia", Lal Fanu biang leh ka biang innawh tirin ka ti a.
Nu hmelah lungngaihna bakah min huatna a lang tel nia mawle!
"Eng Lehkhabu nge i duh ang aw? Lo en kual la, a thar hi chu kan nei zung zung ve zel ṭhin a nia aw", Lal Fanuin ka nghawngah min kuah a.
Kan nufaa kan inkuah chu min thik tlata ka hriat chu.
"Min lo zawnpui thei ang em?",
"Thei e, a Bu hming sawi la, a awmna kan kawhhmuh chat thei ang che".
Kan zawnpui a, a Bu hming a sawi si lo, zawn a harsa tawp.
Lal Fanu pian kum leh Thla te, a pian ni te min zawt daih.
Ka fanu a ni a, chutiang te chu ka hre ve em mai a.
"A nih, Lal Fanu Nu hming min lo hrilh ve la",
"Lalchhuanpuii, Chhuanpui tiin min ko mai", a nui deuh sen sen a. A ṭah(ṭap) a chhuah hmel e.
Lal Fanu a thlêk ngawih ngawih.
"Nakinah ka lo kal leh mai ang", Lal Fanu biang a dawm a, "Fel deuhin lo awm zel rawh aw, i hmel ṭha si".
A chhuah hnu pawhin min thlir reng mai hian ka hre pek a, hmul thi a ding thei!
Freddy-a lam turin Lal Fanu nen kan chhuak a. An bân tak tak hmaa thleng kan ni a, ral khat aṭangin ka thlir phawt.
Eng takin nge a nungchang thlaktir ka hre duh.
An lo chhuak sup sup ta a, hnung lamah muangchangin a lo kal ve hnup hnup. Freddy-a hian a Pa a chhûn ber mai.
Tibuaitu an awm loa ka hriat avangin kan kal ta a.
Min hmuh ve leh min kuah nghal vawng vawng. A hnungah bêng thak thakin, "I rilṭam tawh em?", tiin ka zawt a.
"KFC ei ang u", a lo dâk chho hâ.
Vawiin chu a mizia a dang leh tawh. Sammy nen eng tak sawi ang maw?
Siamtea School bâng hruaiin, dawrah let tawh loin kan haw tlang.
Lal Fanuin, "Papa khawiah nge?", a ti sek sek ṭan.
"Sawwtah a kal a, zanah kan be dawn nia aw", ti mah ila, a khât tawkin a pa awmna min zawt sek tho.
Freddy-an, "Anu, zanah Noodles leh Kimchi ei ang u", a ti reuh a.
"Dawn chiang e a, lehkha in zir zawhah".
Sammy-an Noodles leh Kimchi tihang reng a phal lo a, a awm loh hlana ei puk puk ni mai.
Nu Papuii haw tur thlah pahin, Lal Fanu nen Spicy Noodles leh Kimchi kan lei.
Lal Fanu bik ei tur Maggi bawm khat nen, Noodles hi chu a pumin a zo lo.ṭhin a. Chu lo rengah, ei tir ka la duh rih lo.
Fate ho pindanah zau tawka mutna siamin, lehkha kan zir a. Sammy-a zin apiangin tihian kan awm ṭhin.
Zir tur an ngah ve thei lutuk a, "Zir rawh, zir rawh", intih ve reng hi a ngai ṭhin.
A chanve zir hnuah Laptop hmangin Sammy-a kan bia.
Sammy-a lo lang chu, "Papa", Lal Fanuin a ti hluai. A kutte a bêng a, Siamtea leh Freddy-a pawhin an ngai lutuk.
Laptop hmaah an unaua lan an inchuh.
Sammy-an, "Api leh apu te hi 'Hello' lo ti rawh u", a tih chuan, "Hello", an unauin an ti dual a.
Ka nu leh pate âw ka hria chu, ka ngai tih ka hre chiah. Ka pi leh pu te nen pawhin an inbia a.
Sammy-an, "Anu lo tilang ve tawh rawh u", a lo ti a. An nui nasa mai.
Darkar chuang fe kan inbia ang.
"Papa ka ngai e", Lal Fanu chu a ṭap dawn dawn.
"A lo haw vat dawn alawm, lo kal rawh ule, Noodles leh Kimchi ei tawh ang u".
Spicy Noodles ei lai laiin, "Apa hi zin reng se", Freddy-an a rawn tichhuak hlawl.
A pa nen an inbiak aṭangin a nungchang hmasa a nei leh tawh. A lawmawm.
School an kal hmain, Freddy-a chu a falin ka bia a, "Bawihte, miin an tibuai che a nih chuan maw, min hrilh la keiin ka hau ang, aw",
"Ih maw?",
"Aw, sawi la",
"Anu a lo kal ṭhin a", a kun ngaih a, hreh tak chung hian, "Nautê i neih hunah min vaw(vua) ṭhin dawn mi?", a ti chu, chil ka lem khawlh!
Freddy-a a ṭap a, "Anuin a sawi a", a ti leh chu ka âwmah ka pawm bei vawng vawng.
A nu hi tu nge ka hre ve si lo a, a hma zawnga lo lang si lo, tuna takah lo lana, rilru na takin a fapa a la siam zui.
Siamtea hi, a bulah pawh a sawi ve ngei ngei ang.
Ngati nge, chutiang thu laktlak lo lutuk te a lo sawi ṭhin aw!
"Ka vaw(vua) dawn hleinem che, nautê nei pawh ni ila, engtikah mah ka vaw(vua) ngai lo ang che",
"A u leh Princess pawh maw?", insut faihin a ti a.
"A u leh Princess pawh, a bikin nang mah, nang chu keima fapa duat bik i nih kha. Keima thu bak awih tawh suh aw", a hnung ka bêng thak thak.
Sammy-a lo haw hunah hrilh ve chi a ni ang em le?
Freddy-a chauh lo, Siamtea pawh ka hrilh. An unau thuma kuah khawmin kq hrilh a.
Lal Fanuin a nu Hmel a hmu lo leh, tu nge a ni tih pawh a hre lo. A nuah min ngai nghet mai thei ang a.
Freddy-a leh Siamtea chuan an hmuin, an nuin a pawm hman tlat a. A harsa deuh mai thei.
Naupang an nih avang ringawtin a awlsam bik lo.
Chuta karah, thu lawilo lutuk hmanga kan nufa inkar chhiatna tur an hriat reng ka duh lo.
Nimina Lehkhabu lei tura lo kal bawk a lo kal leh, "Ka lo lêng mai mai, tun lai chu hna kan chawl a",
"Lo lêng rawh, kan nufa chauh chuan a khawharthlak ve ṭhin alawm".
Lal Fanu pawm min dil a, Lal Fanuin a duh bau lo. Min kuah tlat.
"A zakzum thei lutuk a", ti ringawtin, "A ho lutuk", chu a ti ve mai a. A mit aṭang erawh chuan a lungawilo deuh.
Freddy-a pawh a ṭha leh ta a, kan nufa inkar a ṭha leh tawh chu ka lawm.
Sammy-a pawh a lo haw ta a, hre tawh tho mah se, Siamtea bulah Lal Fanu a awm tho tiin, "Sam, Freddy-an a nu nen an inhmuh ṭhin thu min hrilh asin", barakhaih hlim hlawt ang maiin min melh ta!
A hre ve lo tihna nge?
"Tu maw?",
"A nu", a hming pawh ka hre lo.
Sammy-a chuan a kâwng dawmin, "Ngati nge min lo biak loh a?", a ti thawp sup.
A lungngaih hmel lutuk.
"I hmu ve em?",
"Aih, hmu lo", Sammy-a chu hlauthawng tak hian a âwm a sêp kâng awk awk.
"Sam, i zinna a ṭha em?",
"Lal Fanu a hmu em?",
"Tu chuan maw?", sawi sual tih inhriain a lu a thing nawk.
"Eng nge min zawh kha?",
"Lal Fanu a lo hmu lo, an Nu ka nia, kei lo Nu dang an nei hleinem", inringtawk takin ka ti ngat.
A ni reng bawk a, kei lo Nu dang an nei tlat lo alawm.
"Chaw ei ka va siam ang e aw", chhuah ka tum chu hnung lam aṭangin min kuah, "Zaninah i peih ang em?", ka nghawngah a hmui a nawr a.
Ka kut ka hum ruh sauh sauh.
Nau ka pai loh nan indanna, Copper-T min dah tir a, a duh hun hunah Nupa Nun min hmanpui leh ringawt zel bawk.
Nupui satliah, a fate chauh enkawltu tur leh, a inhrikthlakna tur chauha inngaih châng ka ngah.
"Lal Fanu muthilh hun i nghak thleng thei dawn em ni?",
"Thei dawn lo'm ni", ti pahin ka hnutê a ṭham salh.
Tal chhuak phutin, "Ka menpui char char ang", nui sakin ka ti a.
Ka chhuak daih.
Naupang pindanah ka lut a, "Noodles leh Kimchi ka ei leh châk tawh", Freddy-an min hrilh ru ngei.
Keimah avanga Noodles leh Kimchi ngaina an ni.
Lal Fanu muthilh hnuah, min kuai her sawkin min phelh nghal mawp mawp.
"Sam, i hmanhmawh em mai",
"Sorry", rawn kun hniamin min fawp a, "Vawikhat chauh a ni ang", ka beng bulah a phun sup.
Min ngaichang lo lekin ka chhungah a lut nghal hmiah.
Nupa nun nawmna hi vawi khat mah ka pawh pha ve lo. A nawmna hi ka hre thlawt lo.
A nawmna ai mahin a natna bak ka tuar lo.chu a ni.
Sammy-a chauhin nuam a ti. Inhrikthlak nan hian min hmang tak tak alawm.
Insil turin ka tho a, ka tâi bawr aṭanga mal chhuk thla hi a na ngut ngut thei. A chet tawh chuan min dimna a nei ngai si lo.
Nupa nuna vawr tawp hi ka thleng ve ngai lo, a lungchhiatthlak nge a lawmawm ka hre lo e a.
Zinga ka harh chu Sammy-an Lal Fanu a lo kuah a, kan inkarah Lal Fanu a muttir lai ka hre mai lo.
Sammy-a chu a la meng kur zui.
"I va harh hma ve",
"Chhuanpui, sual min ti em?",
"Ti e", a ṭhawng deuh nge ni, min melh hâ a, a khi suk.
"Dâwt var tal chu sawi ve la",
"Zingkar kar aṭanga dâwt sawi te chu a",
"Hmar lunglien", ka ṭhen khum sak.
Thawh ka tum ka kut manin, "Rawn betu che mipa kha, khawiah nge a awm?", va han chhe tak.
A rei tawh nen, a la hre kur mai a.
"Tu mipa?",
"Hre lo der suh, Tlangval a nih ngat phei chuan...", min hmer na vin tuk mai.
A thinrim hle a ni.
"Tlangval a nihnaah bialnu a nei, keiin pasal ka nei tawh tih a hria a, ṭhian nihnaah lawmpuina te kan inhlan ve a ni mai",
"Class-4 ami daih daihin, tun ataka lo biak chhan tur che a nei lo",
"A nih, nangpaw, i zin kualnaah nula tam takin an bawr luai luai che a, thla lak pui chein an Ig-ah an post chuai chuai ve tho, eng mah ka sawi bik lo", Lal Fanu tihharh hlau takin ka ti kharh kharh.
Min thlah a, tho hmak.
Chhe thei ang bera min puh hi a tum a, ngawi rengin ka awm mai mai zel a, min zuam a nih hi.
Lal Fanu nen an lo inpawm chhuah pawhin ka be duh lo, Lal Fanu chauh ka bia.
Ṭul loah thikthu a intichhe hlur ringawt zel mai, keimah zawk hi thikthu chhe hlur tur ka ni.
Ig-ah nula leh tleirawlten thla an lakpuina an post nasa lutuk.
Duh ngat ila chu chhuahchhal nasa ber tur ka ni asin. Keimah ringawt min hau a, ngaihzawngte min neihsan ang tih ka hlau ve tho.
Sawi tur ka va han ngah tak, hunin min daih lo.
Thla thum kan innei ve ta a, mipa lakah min hauh bur a, hmeichhe dangah ka hauh bur ve thei lo.
Chhe hri hre lutuk mai!
A ngaih a ṭha lo nge ni, nêm duaiin, "Chhuanpui", min lo ko a.
"Nge?", chhâng deuh hmuk.
Nu Papuiin a rukin min nghawk zauh, "Chaw a ei theih ṭep, Siamtea te lehkha zir va enpui rawh. Zanah i enpui hman ngai si lo",
"Chhuanpui?",
"Nge?", Lal Fanu pawm chungin ka darah min lo kuah.
Lal Fanu hnenah, "Anu lungawilo engtin nge kan thlêm ang?", a ti a. "Kimchi", Lal Fanu lahin phur lutukin a ti.
"Chhuanpui?",
"Nge? Mi ei châk ve te", Lal Fanu chu, min puan fai vek alawm le aw.
Siamtea te bulah an kal daih.
A awm loh apiangin Noodles leh Kimchi kan ei ziah tih a hre tho tho.
Siamtea leh Freddy-a School-a kan thlah zawhah dawrah kan kal a. Vawiin chu min awmpui dawn.
"Party Office-a i kal a ngai lo em ni?",
"Naktukah ka kal ang".
Lehkhabu chhiar tur Lal Fanu pawm chunga zawngin, a hmuh ve leh an pafain an chhiar dun.
Ka ṭhian chhar thar Manoi a lo lut, "Ka lo lêng leh dawn",
"Lo lêng rawh, i lo lêng dawn tawh lo emaw kan ti hman a",
"Tak tak ina, ka lo dâk zawk, hna thawh turin min hmuak a, ka lo inreport zuai a nih hi", a ti seuh seuh a.
"Lal Fanu hmu lawk la",
"Hmu tawh lo mai ang, a nih phawt aw", pawnah ka chhuak ve a.
Lo lehhawi lehin, "Chhuanpui, hei hi ka number a nia, kan inbe ṭhin dawn nia aw", lehkha themah a number a ziak chawpchilh.
Pen-te a ak ṭhap a, mi invawng fel tak a nih ka ring.
Nula nge Nu a nih ang le?
Dawr chhungah lutin, "Tu nge ni?", Sammy-an min rawn ti a.
"Ṭhian thar, Manoi a nih kha. Lo lêngin kan inkawm ṭhin a", nui ver verin ka ti a.
A hmel a rum rapthlak.
"Freddy-a hruai a hun", tih leh thawh a rual nghal. Ṭhian thar ka chhar avangin a thinrim leh ringawt tihna nge mawni?
Thinrimna tur te hi a va han hre thei tak.
Seat hnungah kan pathumin kan ṭhu a, Lal Fanu a pawm beh(bet) tlat bakah, ka kut a hmer vawng vawng.
A khûrin ka hria.
Vuan letin, "Sam, i zinna chanchin min la hrilh miah lo a nia", ka ti a.
Nui sukin, "Ni tak maw", a ti zawi sup a. "Thenzawl bakah khaw hrang hrangah kan kal a, ka pu(ka pa) pawhin min zui. A hah ngawt ang. Ka lawm tak tak a ni",
"Tun ṭum chu i tling thei tawh ang em?",
"'I' ti suh, 'kan' tirawh", ka nui deuh seih a.
Sammy bawk chuan, "Ring phawt teh ang", a ti a. Tlin a inring chiah loin ka hria.
Freddy-a hruaiin Restaurant-ah kan lut a.
Duh duh lam hmiah hmiahin ka ei nghek. Pa berin ei man a tum vek dawn tho.
Manoi lo kal aṭangin a hmel a dik leh tawh lo. Lal Fanu leh Freddy-a chu a vêng tlat ka ti mai.
Lal Fanu a pawm a, Freddy a kai tlat bawk.
Chutiang bawkin Siamtea pawh a ni.
Lal Fanu nen an inawm laiin lehkha kan lo zir a, "Anu, Noodles ei leh tawh ang u, ka ei leh châk tawh e", Freddy-an a ti ngawih ngawih.
Lainat takin ka pawm a, "Naktuk tlaiah kan ei dawn nia", ka ti a.
"Tak tak aw",
"Tak tak", kan kut zungtê kan inkuaisapir a. Siamtea pawhin, "Kei pawh", tiin a lo tel ve.
Kan nufa thumin Pa ber kan han rel tak tak mai a nih kha.
"Lehkha nge in zir, mi rel dan?", kan nufa thuma kan phu nasa lutuk chu, kan inkuah khawm.
Thawm nei loin kan hnungah a lo ding char char.
"Lehkha kan zir", chu ti mah ila, min man chiang lutuk lulai em mai.
Siamtea leh Freddy-an min kuah nghet nasa mai. "Intifai ula, mu tawh ang u", ka ti a. Sammy-a pawhin, "Lo kal r'u le", dam takin a ti a.
A hau lo ang.
Lehkhabu te dah felin, an khum ka lo tifai a.
An pafa thumin nui chungin an lo lut.
Sammy-an, "Mut tui", ti pahin an biangah a fawp a, an beng bulah, "Ka hmangaih che", a ti sup a.
An ngaih a va han ngam tak em aw.
Kan inkarah Lal Fanu a mu a, Sammy-a chu a kut pakhat khamin, a kut pakhat a âwm chungah a dah a.
A mit chhing mah se, a muhil chuang lo.
A âwma a kut chungah ka kut ka va nghat a, "Sam, i la muhil lo tih ka hria a nia. I zinnaah harsatna i tâwk em ni?", mengin ka kut hmerin a âwm chungah a nghat a.
"Tâwk lo e, tuna ka tlin leh loh chuan ka chawlhsan tawh ang",
"Politics maw?", chawlhsan a tum chu ka khawngaih.
Sammy-a chuan, "A lo har em mai, dik taka Vote zawn hian awmzia a nei dawn loin a lang. Ka-", a ti a. A ngawi leh daih.
"Chutiang an sawi ngai lo, chhungkuain kan ṭang dawn alawm. Kan tling ngei ngei ang",
"Vote zawn nana ka neih che hi i ring ve reng em?".
Ka ngawi rei deuh nge ni, "A ni tak tak a nia aw", min rawn ti a. Chhan sawi tur neih si lo hian, chu a ṭawngkam chuan min vit ngawih ngawih.
Na ka ti lutuk!
"Chhuanpui?", dam deuh hian min ko a, chhâng lawk loin, "Inṭhen chu ka awih miah lo thung, hreawm ti takin ka awm tir ngai lo ang che", Lal Fanu ka en char char.
Copper-T min dah tir, la chhuak turin ka hrilh dawn nge aw?
Sammy bawk chuan ka ngaihtuahna hria nimaw, "Pakhat leh, Lal Fanu kum sarih a tlin hunah chauh nau neih ka phal bawk".
Duh duh hunah nau a neih ringawt theih loh.
Zanina a ṭawngkam chuan kut thawh loin kut min thlak nasa hle mai. Chhungril lamah min tina tak zet.
"Muhil tawh rawh", ka biangah min rawn fawp zauh a. Mit ka chhing zui a, muthilh vang vang erawh a har.
Dawra Manoi lo lênin ka rilru hahna te ka hrilh ve dawn emawni ka ti deuh a. Mahse, Nuhrawn ka nihna hmanga ka intihmualphona mai tur a ni bawk si.
"Rilru hahna te i nei em ni?", min ti ta reng bawk a, ka inthup ve hram hram asin maw aw.
"Nei lo e, Nu nih hi a lo awlai lo em mai, a hahthlak rual rual hian a hlimawm bawk si, anmahni avanga hah viau pawhin anmahni avang bawkin kan hlim leh lawi sia, chutiang vel chu a ni", ka ti duah.
Hrin loh fa pathum ngawt en kawl mah ila, Nu ka ni tho a, a hahthlak rualin a hlimawm.
Manoi chuan, "In nufa inkar piah lamah, i pasal nena in inkar a ṭha maw?", a ti reuh a.
Chutiang zawhna ka la dawng ngai miah lo, keimah ngei pawhin ka lo la ngaihtuah ngai miah lo.
"Nupa kara thleng tur chu a thleng ve vek tho mai", nui chungin ka ti a.
Manoi pawh a nui sen sen, "Takah, pasal i neiin ka ring chiah lo a, ngaihzawngte i nei em?", ka ti phawng a.
Hrilhhai takin a han nui hmasa phawt, "Kan inṭhenna a rei tawh",
"Awi, ngati nge in inṭhen a?", ka inthiam lo hnuhnawh.
Lal Fanu biang a rawn tawk zauh a, "Ka thiam loh a nia, tun hnu hian ka inchhir asin. Ani chuan nupui a nei leh tawh a, a neih hma pawhin ngaihdam ka dil, mahse...", a chawl deuh dat a.
Beng a vir ṭha duh lutuk, "Min ngaidam mah se, ka bula awm a duh tawh lo a ni", harsa fe hian a ti chhuak a.
"I pasal zawk chu thiam lo nise, i ngaidamin i bulah i awm tir tur", ka lo ti hmanhmawh.
Ka ngampatna bulah lo chuan ka ṭawng mai mai ngai lo a, Manoi hi chu a fel bawk a, ka ngaina thuai mai.
Chuvang chuan, a mawi leh mawi lo thlu lo hian ka ṭawng leh phawng ṭhin reng a ni.
"Fa in nei hman em?", ti thla leh ringawt bawk a, Manoi pawhin, "Pathum kan nei hman, amahin a enkawl vek, a khât tâwka ka hmuh min phalsak a, mahse; nupui a neih aṭangin min hmuhtir a phal tawh lo, a nupui dil turin min ti tawh a, chuvang chuan a rukin ka hmu ṭhin", a ti duah a.
Manoi awm dan chu ka lo ngei ru ve ringawt.
Ngaina mah ila, fim khur tluk a awm dawn lo a nih hi.
Kei pek chuan, "A nupui chu ṭha takin bia la, a phal em em ang. A ruk a rala thiltih chu a ṭha ngai hleinem", ka ti a.
"Nia", ti ringawtin min chhâng.
A pasal chuan ama thu maia thutlukna siam duh loin, a nupui thutlukna a ngai thiam a, a ṭha ka ti.
Kei pawh hi, Sammy-a nupui hluiin Siamtea te unau lo hmuh duhin, Sammy-an min râwn hmasa loa a lo.phal chuan ka lungni lo viau ang.
"Mano, i fate hmuh i duh chuan a nupui chu ṭha deuhin be rawh, a phal lo dawn lo",
"Ka be mek alawm, sawi dawt lo mah se, a phal loin ka hria", ngui ruaiin Manoi chuan a ti a.
"Aa, eng pawh nise", a ṭhu ṭha a, "I pasal kha ka hre ve alawm, TV-ah te a lang a", lâi deuh takin ka nui a.
"Lehkha thiam leh fing tak tak te hi nupuite tihlawm dan an thiam mawh khawp thei a nia aw", min tizak lutuk chu ka ṭhu hniam riai riai.
"I pasal nena in inkar hre lo mah ila, pawn lama a lan dan aṭanga ka lo hmuh ve dan a nia. Kei pawh, ka pasal kha lehkha thiam tak a ni. Mi biangbiak a thiam a, thu ṭha tak tak sawi a thiam. Nupuite tihlawm dan tih chauh lo chu thiam a nei vek", Manoi chu, a pasal nena an inṭhen chhanah a thiam lo zawkah a insawi emaw tih nak laiin.
A sawi hmangah erawh a hriat theih, a pasal chu ka khawngaih.
"In nupa inkar ka zawh chhan che i hre mai em? An inhrikthlakna tur chauh kan ni lo", Manoi hian min tibuai.
Lal Fanu a meng ve kur si a, tiang lam hi chu sawipui ka duh chiah lo.
"Mano, tiang kha chu sawi lo ang, Lal Fanu venthawn tur alawm", ka tih mek laiin Driver a lo lut.
Phone min lo.pe chu niin, "Sammy-a a lo kal ve lo em ni?",
"Office-ah a awm, phone pe tur chein min lo tir a ni", a ti a.
Manoi melh zawkin a chhuak ta a.
Phone chu, a insiamṭha sa vek. Keimahah chuan phone hian buaina min thlen.
Sammy-an a en ziah a, lungnih lohna tur a hmu chhuak ṭun ngei ngei bawk.
Manoin, "Phone i nei tawh bawk a, kan inbe ziah dawn nia, number ka pek che kha i la nei em?", a ti zung zung a.
"La nei, zanah ka lo bia ang che",
"Tunah zawk le, call loin text-in kan inbe ṭhin dawn nia", Manoin a ti a.
Ka call a, ani'n ka number a lo save.
Zana inbe turin kan inthlah liam ta a, "Anu, thil ei tawh ang",
"I rilṭam tawh law? A u Freddy-a hruai phawt ang aw".
Dawr kharin Freddy-a kan hruai a, tlaia chhum tur Noodles lei nghalin, Kimchi pawh kan lei nghal.
Sammy-an a sawi buai thei lo, sawi buai theihna tur a nei lo hrim hrim.
Tlaia a rawn hawin a hnar a len ruai ruai.
"Tinge maw, Hriselna tur ni lo in ei reng mai le?", a ti ta chiah.
Keiin, "A hrisel lutuk em mai, Zikhlum leh Purunhnah te chu Thlai hrisel tak a ni asin", a inthlakna thawmhnaw dah ṭha pahin ka ti a.
A zin a lo haw hnu hian hmel hlim min la hmuh miah lo.
Ka pasal a ni ve a, a lak aṭanga ka phût hi a lian tham lo, ho tak tak an ni.
Hlim hmel min hmuhin, nêm taka min biain, ka duhzâwngte pawh min ngaihpawimawhsak ve sela, min ringin ngaihngam takin awm bawk sela tih hi ka duh ber.
A duh leh inhrikthlak nan mai mai pawhin min hmang sela pawi ka ti lo.
Kei, a nuipui aia hmeichhe danga a inhrikthlak aiin a la ṭha.
Manoi ang chu ka ni ve dawn miah lo, nupa nun nawmna aiin dam chhung khawsak hun chhûng a rei zawk.
Love Story ka chhiar nasa lutuk a, ṭawngkam bungrua ka thiam narawh.
Dim takin Lal Fanu ka muttir a, intifaia bathroom aṭanga ka chhuak chu khum chunga ṭhuin min en kur.
Ka phone a la keng ang ta nghal a, a en dik leh tawh.
Tu mipa mahin min be thei lo, an number ka hriat loh tluk zetin ka number an hre dawn lo.
A meng rum nasa mai sia, dinna ngaiah ka ding khawng reng.
"Ngati nge khatah khan i din reng a?",
"Ka chawn tha a rawn chat thut a, a na lutuk", dâwt ka sawi tih a hre lo ang. Ka chawn tha chat lai a hre tawh a, na ka ti lutukin khum aṭangin ka tlawh thla tawh tlat atin ni.
Sammy chuan, "Bialpa ka nei ngai lo i ti sia, engtin nge i bialpa hluiin a lo biak theih che? Phone thar neih i zo dawn loin ka hria", va han awihawm lo tak.
"Awihawm loh, Manoi bakin ka number thar a la nei lo, bialpa ka nei ngai lo ka tih chuan ka nei ngai lo a ni mai. Mi thusawi aiin ka thusawi hi awih zawk rawh", Lal Fanu a harh ang tih ka hlau.
Manoi bakin ka number thar a hre lo a, mipain min lo biak ngawtna tur a ni lo.
Ka bialpa hluite chu a ti leh ta nghal a, bialpa pakhat pawh nei loin pasal ka nei a, chu pawh Pathlawi leh nghal.
Ngaihtuah chian hi chuan rilru natthlak ve deuh a ni.
In tibâi deuh suih suihin dinna aṭangin ka kalsawn a, Lal Fanu tihharh hlau takin puanah ka inthawlh.
A muhil ṭha thei leh miah lo ang, mit ka chhing zui daih a, thinrim ṭun chungin a mu meng leh kur mai ang.
A hma khan dang duh bik loin ka hnial ve ziah a, tunah chuan ka hre tawh, ngawi rengin awm ila, ngawih theih loh tawpah chauh ṭawng ila, a ṭha zawk.
Ka hnial khan a thinrimna a zual a, ka ngawih theih loh tawpa ka ṭawng chhuahin amah a ngawi hlauh thung a, buaina a fel vek thei.
Nu Papuii ni loin a fanu a lo kal, "Awi, a pum a nuam lo a, vawiin chu ka lo.pui dawn che u",
"A va han zia lo tak, nizan aṭangin em ni a pum a nat?",
"Ni e mawle, Nimbu bâwl a ei ve a, thak a ngam lo ve em kha", Puipuii chuan a ti a.
"Lo dam vat teh se, a tel lo chuan kan chhungkua kan awm thei lo",
"Ka nu in duat bik em mai, Siamtea leh Freddy-a te hi ka awm tlei an nih hi aw, Lal Fanu hi chu u Sammy-a nuin a pawm mai mai zawk a, ka ṭangkai ve tho", a ti lung lung.
A sawi dan chu a lungni lo lutuk a, nuih a tiza reuh.
A ṭawng duh bawk a, khi suk sukin ka lo ngaithla char char. Siamtea leh Freddy-a a awm lai chanchin a sawi a.
"U-", a ti hman chauh a, "Anu", Sammy-a te an lo kal.
"I tho tawh maw?", ti pahin Sammy-a kut aṭangin ka la a, a pain a lo tihfai tawh avangin tihfai nawn a ngai tawh lo.
Sammy-an Puipuii a hmu chu, "Pasal i um ni lo'm ni?", a han ti a.
Puipuiin, "I chhe em mai a! Pasal um ai chuan Sakei inseh tir ka duh zawk", a ti mauh mai.
"Chuti, Sahuana Sakei saw va insehtir ta la ti nia!",
"I chhe zet zawt em mai a! Mi hi hmusit viau suh, min chan loh hlaua kan Veng Tlangval zawng zawng an phet suau suau te hi i hre ve nange?", Puipuii chuan a ti zêk.
Sammy ngaih dan ni lo lutuk, chhâng peih tawh si lo chu ka nuih rah rah.
A tlawm chiang em a ni.
Party Office-a a kal dawn avangin File a ken tur ka tifel a, keimah zawk hi Politician niawm ka ni.
"Nizana mi kha", ṭan leh dawn ta.
Ka phone a kawl daih a, eng mah hriat zui nei tawh hek lo i.
Sammy chuan, "Lukham hnuaiah phone ka dah", a ti a. Peihlo tâwkin lukham hnuai ka hai.
A phone en sak tum ve ila a duh bik miah lo ang.
En sak ka tum ngai hek lo.
Manoi number chu ka nei ngei mai a, min rawn betupa chu number hlang.
*bialnu hlui, i va induh ve* a rawn ti mai a! Ka hmuh phakah awm se chu aw, a ruh a tliak rem rum tawh ang.
Sammy-a thikthu chhiat tawh mah nak laia, hriat ngai lohin hetianga rawn ti chu, a choin a rawn cho te hi a ang alawm.
Sammy-a chhânna chu *i zei lo* tih niin, a block zui hmak.
Ka duh em mai a, zei lo a han ti ngei chu a ni a. A block nghal hmiah bawk a. Engtin nge an inchhân zel ang tih hriat a châkawm, a block hma em a ni.
Sammy-an phone min rawn chhuh, ka kut aṭangin a phih sawk.
"Keimah hian kawl ila a ṭha ang, Lehkhabu bak i ngaihtuah chuang lo", rang takin ka chhuh let.
Dâk chho vahin, "Teuh lo lutuk, i rawn haw hun tur zawh nan che ka duh ve tho. Nu tlingpui.phone neih loh te chu a, i nunrâwng em mai", ka ti a.
Ka chhuahsan nal nal.
Inrinni a ni a, Dawr kal ka hmanhmawh tehchiam lo.
Lal Fanu ka pawm chu min kuai her a, Lal Fanu a hmuhin a inbengdai. Chhir zawt hi ka va duh ṭhin tak.
"Ka rualin in kal dawn nge?",
"Nakinah kan lo kal ang, a la hma em mai. I tlai ang e, kal tawh zawk rawh", Puipuii a la awm ve kur si a, Naupang an awm bawk nen, ka inthunun hram hram.
Sammy-a kan thlah, "Anu, Noodles ei ang u", Freddy-an a ti a.
Siamtean, "Niminah kan ei tawh kha", a ti ve bawk. "Ka kham lo alawm", Freddy-an a ti leh.
Noodles te chu a tui ve em mai.
"Kan ei ṭeuh ang", ka ti a. Freddy-a lawm chu a zuang tawr tawr. An hlim hian min tihlim.
Dawr kal turin kan insiam hlawm, Lal Fanu a u te insiam bula a kal hlanin Puipuiin, "Chhuanpui, u Sammy-an sawi phal lo mah se, u Manoi aiin a ngaihsak chein ka hria", a ti chu, ka phu zuk.
"Manoi a?", ka ṭhiannu hming ang chiah.
Puipuii chuan, "Aw, u Manoi aiin a ngaihsak chein ka hria, pindana in sawi kha ka lo hre ru a, ngaihthlak ka tum miah lo nia", a kut a vai nasa mai.
"U Sammy-a hian u Manoi phone-te hi a en sak ngai lo, a ring em em a, u Manoi duh apiang chu a tihsak zel ṭhin. Mipa a biak pawhin a sawisel ngai lo, a tisual ta reng bawk a nih hi", Puipuii chuan a ti malh malh.
Chutiang ni mah se, Manoi a tih chuan beng a tivir.
"Pui, Manoi chu Sammy-a nupui hlui maw?",
"Aw, ni e, i hre nange? Sawi lo pawh nise ka dem lo, u Sammy-an a ngaihdam nasat hu ngaihtuahin, u Manoi khan insiamṭhat nan hun a ngah ve em asin", a ti leh a.
Ka ṭhiannu Manoi a ni nge ni nge lo hriat ka duh.
"Pui, Manoi thlalak te i nei em?",
"Nei mai thei, lawk aw", a phone a phawrh a, a thai neuh neuh.
"La nei nih hi, Freddy-a tet lai", thlalak chu ka en a.
Ka ṭhiannu Manoi kha a ni!
"A nih, Lal Fanu thla hnihin an inṭha ṭhen tak tak em?",
"Inṭha ṭhen chu tih mai mai, u Manoi tlanbo u Sammy-a hian a va hruai a, "Lo haw rawh, ṭha takin kan inṭhen ang, a mualpho zawnga awm loin", a ti a. An lo haw hnuah an inṭhen chauh", a ti leh zel a.
Hriat belh zel ka duh mang e.
Naupang hoin min lo fin ta si a, "Dawrah kan va kal phawt ang e", tiin, kan inthlah.
Manoi thusawi te ka ngaihtuah kir a, Sammy-a chuan nupuite tihlawm dan chauh thiam loh a nei ngei mai.
Kei erawh chu chuan min tibuai pha lo.
Manoi chu a tibuai a, zahnghaihna nasa tak a chunga lantir a nih pawhin a insiamṭha duh lo a, a rah chhuah duhawm lo tak chu a tuar leh duh si lo.
A lo lên chhante pawh, Lal Fanu a hmuh ṭhin duh vang a nimaw?
Mipa min rawn betu pawh, amah a ni ngei ang. Amah bakin ka number a nei lo.
A ruka a fate a hmuh ṭhin thu a sawi a, Freddy-a nungchang thlak tir theitu thu sawitu chu, ka ṭhiannu Manoi ngei a lo ni.
"A nupui be turin min ti a", a tih kha, Sammy-an ka thu hmu loin a lo.phal lo tihna.
Manoi inzêp thei lutuk chu ka ngei kher mai.
"Anu, mi an lo kal",
"E, aw, aw le", Siamtea chu ka nuih a. Lehkhabu lei tura lo kal chu kan pahnihin kan bia.
Lal Fanu leh Freddy-a chu ṭhutthlengah an awm a, Naupang Lehkhabua milem awm an en a, Freddy-an a changin a chhiar.
An unau thuma ṭhu chu ka en a, nupa nun nawmna thlan zawk avanga kalsan an ni hi na ka ti.
Nu te pawh hi a inan loh theih ngei mai, an tan Nu hrawn mai ni pawh ni ila, an hlimna thlentu ka nih a, anmahni enkawla ka awm thei hi ka lawm.
Manoi ka ngeina a zual ting bawk.
Vawiinah a lo kal miah lo a, phone aṭanga biak hmasak ka tum nahek lo.
Sammy-a nupui hlui a ni tih hre lo derin, ka chhawnchhaih châk riau. Ka sual hmel em mai.
Misual tak nih ka va han châk!
Puipuii ni loin Nu Papuii a lo kal tawh a, Puipuii hnen aṭanga hriat duh tam tak ka la nei.
Nu Papuii chu ka zawt ngam lo.
Ka hriat chhunah erawh, ka lungawi viau.
Tv en laiin hriat chhuah pakhat ka nei, Sammy-an Manoi nen kan inbia tih a hria!
A rukin an inhmu ang e, hmu lo ang?
A ruka an inhmuh ka va ring e...
Manoi chauh ni lo, Sammy-a pawh ka ngei thar.
Ngei tur dik tak ka ngeiin ka hria. An pahniha inthurualte hian min thah an tum vaih chuan, phuba ka la nasa ngawt ang.
"Nakinah i mu dawn nia, ka bulah mu mai rawh", Sammy-an a tih pawhin Lal Fanuin a duh tlat lo.
A u bula mut a duh tlat a, ani pawh hi keimah ang mai. A seh tawh chu thlah duh mai mai lo.
Sammy-an a muthilh hma a ṭhutpui.
A muthilh hnua pawm a tumin a harh zel bawk si a, a tawpa tawpah a u bulah a mut hle hle tir ta tawp.
Lal Fanu awm lo chu a ruak huai. Sammy-a nena kan inkar a ruak ngawih ngawih.
"Lo tawlh phei rawh", amah zawk a lo tawlh phei leh tho.
"Chhuanpui, min kuah ve la", a ti chu ka nui chhuak ṭhelh.
"Min kuah hi ka duhtawk", ti sepin, "Keiin nuam ka ti lo", a ti ve sup thung.
Nupa inhnial hrat tak chu kan ni.
A bân min kham tirin ka biang a tuai heuh heuh a, lo inbeng kâng deuhin min fawp a.
Tun ṭum chu a dan a dang, a hma zawnga ka hmui hnuai hne dawk dawk khan ka hmui a leiin a kau a, ka kâ chhung a hawl kual rawk rawk.
"I lei kha tiche ve la", beidawng zet hian a ti a.
"Engtin?", a rum nghut.
"Love Story i chhiar nasat em kha, tun hi hman ṭangkai hun tak a ni", a kiai sak a. Min tizak.
Ner nakin, "Love Story-ah infawh a awm ngai lo", ti deuh hmak. A awm reng sia.
Mi hi tizak thei lutuk mai a.
"A thuhrimah, khawi aṭanga i hriat nge? Midang hnen aṭanga i zir chu a ni lo tiraw?", a âwmah ka nam a.
Ka kut manin, "Nang chauh lo.pawh hian Lehkhabu an chhiar lo", a ti deuh hmuk a. A lungawilo zawk zamah mawni?
"A nih leh, nuam i ti ve ngai em?",
"Eng chu?", a zawhna awmzia ka hre reng sia.
Sawina hun tak a niin ka hria.
"Han inchhaih kual vel ang hi thiam loh chu thuhran, ka zak a ni. Hetia keimaha nupa nun châkna hrithla tur ringawt pawh hian ka hêl rei ṭhin che asin. Chuvang a nia, ka chet deuh pawp ṭhin",
"Zahna chang i hre ve law?", na zetin min fawp, ka hmui hnuai a seh pilh.
"Tho teh", ka nam ṭang ṭang. "Fawh i nuam reuh, i hmui hi a nêm thep mai a, Khawizu ang maiin a thlum bawk si",
"I chhe zet zawt e a",
"Lalpuipuii ṭawng dan entawn reng reng suh",
"I chhe reuh e a", tilui leh ngat.
"Nuam i ti ve em?", a thutak ta si a, fiamthuna reng chi ni lo ang.
Hrilh mai ang, "Sam, dik takin na ka ti. Nang chuan nupa nun nawmna i tem pawh a ni thei. Kei chuan hreawm ka ti, ka chhunga i luh hian min vit ngawih ngawih, nupa nun nawmna hi ka pawh pha ve lo a ni, pawi ka ti lutuk",
"Keimah hian pawi ka ti, tawn hriat nei tawh si pawh min ti mah la, tun ang reng tho ka ni. Mahse, zanin aṭangin a danglam tawh ang, inṭhen chhan tling lo turin theihtawp ka chhuah dawn alawm", lungchim tak hian min en a.
Theihtawp chhuah dawn lo.pawh nise, ṭhen tumna ka nei lo a, amah zawk hian inṭhen a sawi hmasa chu a nih hi.
Min fawp a, kei pawh hian theihtawp chhuah ve ka duh.
Thiam ang angin ka lei ka tiche ve, ka mal tikauin a laiah tla zepin min bawh a. "Ka nghawngah hian i kut pahnihin min kuah rawh", a tih avangin ka kuah a.
"Tihian, engtin zel nge kan awm dawn?",
"Kei chu ka hre tam lo, nupa nun nawmna i.pawha, a vawr tawp i thlenna turin ka ṭanpui dawn che",
"Engtin?", a nui suk a. "A awl lutuk, Love Stoty i chhiar nasat kha, khata an awm dan ang zela ka chet theih nan min hrilh zel dawn alawm",
"Aih, ka duh lo. Nuam taka i awm chuan a tawk",
"Chutiang ka remti lo, tisual nawn leh turin min duh tihna em ni?", ka lu ka thing nar nar.
Min rin theihna tur kawng a nih phawt chuan, a duh dan takin awm teh se.
Duh takin kan infawp leh ngawng ngawng a, Sammy-a sawi angin Love Story ka chhiar ho hmang ṭangkai tak ka ni.
Ka mal a zut thla chho pah bawk a, infawp reng kan ni bawk nen, beng hawlh ang mai hian ka za mer mer!
Min thlah a, "Changtupain Changtunu ir-te a fawp ṭhin", ka ti a.
Theihtawp tak meuh meuhin ka ir, leh nghawngte a fawp. Theihtawp ka chhuah ve tho, zauthauna fumfe ka la nei thei lo.
Sammy-a a ṭang nasa si a, vawr tawp thlen ngei duhna min neihtir.
"Sam, infawp pah ang", ka ti a. "Ni tak e", a ti hâ. Chhangchhiatthlak thei.
Kawr phelh chu hrilhchawp a ngai lo, "Changtupa engtin nge a chet zel?", fiamthu thawh kan ang.
Ka hrilh angin a che zel a, zak duh tawh bik loin, amahin, "Kei aiin nawmna i pawh theihna tur tisa i hre zawk a, sawi zel rawh", a tih avang pawhin, mahni nawmna tur a nih bawk avangin ka duhthawh thiam ve lutuk.
A kawr a phelh a, a kekawr a phelh ve duh lo chu, "Sam, i kekawr phelh rawh", ka ti a.
"I tuar zo lo ang",
"Hei chen zo takin ka tuar a ni lo'm ni?",
"Chuti maw? Kum sawmli bang su tlang tawh mah ila, Tlangval tam tak hian min tluk lo ang", intithei tak hian a ti a.
"Han fiah la", a khi deuh sak.
Phelh erawh a tum chuang lo, ka lû siam remin, lukham min vawn tir. "Nghet takin chelh ang che", cho tak hian ka en chho.
Ka khûp pahnih tunin, ka mal inkarah a la awm reng. "I kut kha thlah suh aw",
"I muangchang em mai", a nui chhuak hawk.
Ka chal aṭangin min fawp thla a, ka hmui a fawh thlenin keimah hian ka fawp nasa.
Ka hnutê a fawh dawn laiin, "Nautê kan ang dawn mang e", a ti a. "I duh chuan i kalkân thei", ka ti tak naa, ka hnute pahnih kawh lah chu min fawh sak bawrh bawrh se ka ti.
"Changtupain hmaih a nei thiang lo", a ti ngei.
Ka zauthau ṭan mai ni lo, ka zauthau der tawh zawk.
Hnutê hmur khauh ṭang chu a hmet niap niap a, chumi hnuah ka hnutê veilam fawpin, ding lam a khâl a.
A kâ chhung lum taka ka hnutê han awm mai chu, ka mawng ka kân awk awk.
"Sam, ka taksa a za chhuak vek", a zat(za) chhuah bakah, ka sensitive point aṭanga chhuak a awm.
Period-a thisen chhuak ang chiahin.
Sammy-a chu a tawlh thla zel a, sensitive point chung chiah chu a fawp dawk dawk a, chu chuan nasa takin ka taksa a fan chhuak vek, ka alh chhuak dawnin ka hria.
Lukham ka chelh reng thei lo, Sammy-a sam ka ṭham, "Sam, ka alh chhuak dawnin ka hria, a lum lutuk", thaw halhin ka ti a.
Lukhamah lû ka nghat thei lo.
"I ti tak tak em?", nui sâng hian a ti a. Min lo en chho. Ka bu nghauh nghauh. Ka ṭawng chhuak thei tawh lo.
Sammy chu lo hawi chhuakin ka hnutê min khawihtir, "Tunah khan eng tin nge i awm?",
"A nuam", a nui chhuak hawk a. "A vawr tawp thleng turin inring rawh", a ti a.
Ka sensitive point chhungah a kutzungṭang a hnawh lut, a kutzungpuiin a pawn lam a tuai heuh heuh bawk a.
A kut lehlamin ka biang a rawn dawm a, chu a kut chu ka kut pahnihin ka lo vuan. Vuan nghet tak ka ni ringawt.
"Tuna ka kutzungpuiin a tawhna hi 'mâwn' an ti a, nupa nun châkna leh vawr tawp thleng tura hmahruaitu a ni an ti a. Tihian, ka tuai pah dawn a nia aw".
A kutzungṭangin chhung lama hna a thawhtir ang bawkin, pawnah a kutzungpuiin hna a thawhtir bawk.
Ka mal chu ka chip hmak, ka tikau thei lo. "Sam, tawp chuang suh aw", chhing sawk sawkin ka ti a.
"Tawp dawn lo, thildang ngaihtuah loin nupa nun nawmna chauh ngaihtuah rawh".
Bung hrang hrangah ka chhuakin ka hria, kâng awkin, "Sam, ka thleng", ti thâm chhalhin, lukham chungah ka lû ka nghat chawrh.
Ka thaw halh halh a, ka ke chu chip chungin ka thluang a, Sammy-an a kut a la lachhuak lo.
A la tiche hrut hrut.
Ṭum khat nan, nupa nun nawmna leh a vawr tawp ka thleng!
Mahse, a nawmna erawh a va rei lo. A vawr tawp thlen rual rualin nupa nun châkna leh nawmna a bo nghal vek.
"Sam, i kut kha",
"Ka hrufai tawh alawm", wipes min hmuh.
Ka kiuin ka inbeng kang a, ka ṭawp kher mai. Sammy-a mit chu a sen vek a, nupa nun châknain a tuihâl, a tawp a la thleng ve lo atin ni.
"Sam, ka insil lawk ang a, ka lo let hunah i duh tawkin i che dawn nia aw",
"A ngai lo, na i ti tawh miah lo ang", min mut ṭhattir a, a kekawr a phelh ve chu meng phar kâwkin ka chhing sawk.
Sammy-an, "Ka tih reng kha", a la ti zui.
"Ka tilui a nih kha", ka ti chu a ei lo lutuk.
Ka sensitive point chhuk thlaa luang thla awm chu a thilin a hrut chho a, "Chhuanpui, min lo pui",
"Engtin?", ka tho kâng deuh a, "Min lo vawnpui rawh", chil lem khawlh khawlhin ka kut ka phar chhuak.
Ka vawnpui dawn chiah tihah ka phone a lo ri, ka phone zawk a ni a, lukham hnuai maia awm a nih avangin, ka la a, Manoi a lo ni.
"Tu nge a?", ka nui a, "Puipuii nih hi", tih leh silent-a dah ka rual.
"A va han chhe zet zawt tak", a ti chu ka nui hak.
Lukham hnuaiah dah leh daihin, "Sam, hmanhmawh suh aw, i duh ang takin che rawh", ka ti a.
A thil chu muangchangin a thun lut a, na la ti tho mah ila, a hma anga na a ni tawh lo thung.
Nawmnain min tuam ve chiai chiai. Ka taksa chungah bei thlawpin, ka tukkhum samah ṭhamin, "Ka nghawngah min kuah leh rawh", ka beng bulah a ti a.
Nghet takin ka kuah, "Chhuanpui, ka che na dawn a nia, hreawm i tih chuan sawi rawh aw".
A sawi ang tak takin che na tak a ni.
Mahse, a hma angin min vit ngawih ngawih tawh lo. Amah aiin nuam ka ti zawk emaw tih turin ka rum chhuak leh ṭhin.
Zahthlak thei lutuk.
"Sam, thleng vat rawh, min tizauthau leh ṭan a nia", ṭap chung hian ka ti a.
Ka inthlahrung em a ni, ka zak bawk.
Sammy erawh chuan, "Ṭap suh, a tur reng alawm, ka thlen hma chu lo inthunun tum la, min lo pui rawh", a ti a.
Ṭap chung bawkin, "Engtin?", ka ti leh.
"Ka kap bawr lo chul kual rawh".
Thiam ang angin ka chul kual a, a thil awmna lai ka bitum bik.
A tawpah chuan a thleng ve ta a, a thleng zo, min han nawr chho hrawk mai chu, na duh tak a ni.
Sammy-an a thil a lak chhuah hmain zawi muangin min nawr chho a, a vawr tawp min thlen tir a tum mawni?
A la chhuak ta a, wipes-in a hrufai mawlh mawlh, kei pawh ka inhrufai.
Hmaichhan, chiang leh fiah taka kan nupaa taksa ka hmuhchian hmasak berna a ni.
Fiamthuin, "Kan inneih zan nise ka ti", tiin, "Ngati maw?",
"Virgin hawn nat vang leh, ka zei loh avangin na i tuar chhuah tluan zak avang em ni?", Sammy zawkin a ti leh a.
Inthiamlo tak chungin, "Aw, ni e", ka ti a.
A lama min pawt hnaiin, "Zanin aṭang chuan na aia nawmna hlir i tuar tawh ang", a ti a.
Sammy-a chu a muhil thuai a, Phone lain Manoi hming chu Puipuii hmingin ka thlak.
Sammy-a hian a en leh ngei ngei dawn.
Manoi hmachhawn ka hlau lo a, ka ta ni tura a pasal a kalsan avangin ka lawm a ni.
Nghak deuh se ṭha tur.
Show post links
Top