HMANGAIHZUALI POV
Kan fapa chuan zan ṭah a chîng khawp mai a,zanah mai nilo chhun lamah pawh a ṭap deuh reng zêl a.Ka ngaih aṭha lo lek lek zêl, uRuatfela pawh ka hrilh tawh nghe nghe a,mahse kapa in a en vel thuak thuak a, "ṭhat loh na anei lo,a zun vela a mawng huh kha hreawm ati anih kha," ati mai zel a.Thla kim chiahlo a piang ani bawk nen,ka awm erawh anuam zanlo.
"Naktukah Bawihtea chu damdawiin lamah hruai ang aw," uRuatfela en paha ka tih chuan "tûnah pawh ala tlai hleinem,mahse nangmah ber hi i kal ṭha thei siloa" atih chuan khum aṭang ka dingchhuak vat a. "Thei e,hei ka kal thei alâwm" tih paha ka kal chhin vel chuan bu nghut in bawihtea a pawm a,a kut lehlam in Bawihtea thawmhnaw leh emergency thut a a inthlak na tur vel a khai tel bawk a,kawrfual lian hnek hnawk ha in chapal ka bun leh tawp a,keipawn an hnungah ka zui vat.
"Kha khawnge kal in tum a," kapa in min hmuh rualin minlo be vat a. "Bawihpuia damdawiin ah kan kalpui dâwn,in check up tîr hrim hrim aṭha" uRuatfel'an atih chuan kapa in a hnial ka rin vei nen, "aṭhat chu ni e ngaih ṭhat nân va in entir nge nge mai teh u," alo ti dam dap a, uRuatfela awm lai hi chuan phalloh hi a nei ngailo mawle,min biak te hian a ṭawng dam thluam thluam thei sia.
"Puih in ngailo maw," kapa bawk chuan alo tileh a. "Ngailo," tih deuh hmuk pahin pawn lamah uRuatfel'an min chhuah pui a.Motor pawh aman khalh lo in driver a khalh tîr a,a hnungah bawihpuia a pawm a, uRuatfela hi a fel ka tiin pasal nih a tlin takzet,a awm hi chuan ka hahdam a ka fapa nen min hmangaih zia ka hriat te hian vânnei ka inti takzet,kapa te thusawi pawh engah mah ka ngai duh tawhlo.
"Ami ami a," tih paha kan naute te ve tak mai va en paha ka tih chuan "min en kar" alo ti deuh sup a.A muhil miahlo chu niin,a ṭap ve ngei te chu amak zawk,thla kim chiah lo a piang tih takah a te hle a,kg hnih leh gram za thum vel chauh ani.
An pafa in pawm chu hmuhnawm ti zetin ka thlir reng a,bawihpui'an la hmu theilo mahse uRuatfel'an a chhaih a chhaih ve ngei a,an hriat loh in thla ka lak rûk sak zeuh a,Bawihtea ka tih khan uRuatfel'an "i koh nu emai" ati deuh tlat a,bawihpuia tih hi ama phuah sak ve ngei ania,kan fapa chuan a inhmeh reuh phian a.
"I len hunah motor i duh ber ka leisak ang che,apa nen kan khalh ṭhin ang,i duh duh min dil la ka pe vek ang che,i duh duh ini dawn nia lawng captain ini duh anih pawn kan pawm pui vek ang che," uRuatfel'an ati deuh sup sup a,kan fapa pawh chuan hrethiam lo mahse a melh ve kar reuh a.Ahma in uRuatfela hian min hrilh tawh a, doctor nih hi a thil chak zawng anih loh thu leh apa tih luih na vanga medical lama kal hrâm hrâm anih thu te,lawng captain anih chak zia te asawi ṭhin a,tun thleng in ala theihnghilh theilo te pawh ani mahna.
Damdawiin kan thlen chuan bag khai chung bawkin a chhuak leh a,Bawihpuia a pawm bawk nen kei lah ka kal chak thei siloa.A bag khai na lamin ka bânah arawn chelh hrâm hrâm a, "min kalsan rawh u,muangchang in kalo kal ang" ka tih pawh chuan a duh bik tlatlo, uRuatfela office lamah pawh kal hmasa lemlo in naute doctor pu Sanga room lamah min kal tlâng pui tawp a,pu Sanga leh uRuatfela te an inhre ṭha bawk nen in entir hun pêl tawh mahse minlo dawngsawng ṭha khawp mai.
"Fapa inlo nei tawh reng a,in fapa chu kan en ange" tih pahin bawihpuia chu a phelh darh deuh a,khum a amut tîr chuan bawihpuia pawh a muhîl leh daih tawh. "Thla kimlo a piang inti tiro, doctor leh nurse in ni a nangni pawn in hriat tho ka ring a,naute hi thla sarih a piang aiin thla riat a piang hi an damchhuak lo zawk tlangpui a timai ang,thla kimlo a piang rau rau ah pawh thla sarih a piang hi an dam duh zawk a,mahse an vai chuan ka tilo thla riat a piang damchhuak pawh an tam lutuk,mahse in fapa hi a landan ah chuan thla kimlo a piang anih mai bakah i neih hma ṭep in naute huat tur thil ei inei in i inhria em,a pian na lamah a tang rei deuh inti leh nghal a chumi pawh chuan a effect thei a,in lama nei hi awm zeuh zeuh mahse a theih hram chuan damdawiin a neih hi aṭha ber a,in naute pawh hi a hrisel vaklo ang ti tawp mai teh ang" atih chuan ka rilru a nghing dawt thei.
"Naute pai laia eitur ṭha leh hlauhawm chu ka hre ve vek a,chutiang ka ei awm ka hre siloa,avan mak dawn ve" tih paha uRuatfel'a ka en chuan thil ngaihtuah muk deuh hmel apu.
"Khami iva ei pawp lo a chawhmeh vela anlo telh palh pawh hian a nghawng thei lutuk a,naute pai laia hlauhawm tam tak a awm a khami ah kha chuan a eng ber nge i ei kha kalo hriatpui silo che a,mahse tihian damdawiin lamah han awm phawt ula maw,naute pawh a awmdan zêl kan en anga in duh chuan in lamah pawh in enkawl thei tho a," atih chuan uRuatfela a ding thut a.
"Damdawiin lamah kan in dah lut mai ang,chuan a pawimawh a awm chuan kalo koh tir zel mai ang che pu Sang," tih pahin bawihtea chu ava pawm deuh nawlh a.Cabin lamah kan indah lut a,Nunmawia kan thawmhnaw vel minlo kensak tûrin uRuatfel'an a chah a,pu Sanga thil sawi erawh rilru ah a awm reng,engtin nge keimah pawh chuan kalo hriatloh theih le aw...
Eng ber nge ka fapa hian a huat anga,a eng ber kha nge kalo ei palh ang aw...ka fimkhur ve viau chuan ka hre sia, "iṭha em," uRuatfel'an arawn tih deuh sup takah chuan ka envat a.Bawihpuia khumah ka mutpui a,kan bulah alo awm ve reng.
"Ṭha e," nui deuh sang a ka tih chuan minlo fawp zeuh a. "Eng nge i ei i hre thei miahlo ami," a kekawr ipte zen run a atih chuan ka thaw hak. "Ka ei in ka fimkhur a,naute tana ṭhalo tur ei ka neih awm ka hrelo,ka chhûngte pawh uluk takin ka hrilh a,anni pawn chawhmeh ah pawh nise naute tana ṭhalo chu an siam ngailo hrim hrim,ka pailai vel khan chuan naute neih hma ṭep in atih khan in în ah ka awm daih tawh a,Mimi'in eirawng a bâwl tlangpui a,a hrelo a alo telh palh te pawh ani thei tho a," ka tih chuan alu a thing nghut a.
"Mimi'i hian kan sawi loh chu chawhmeh pawh engmah ama thu in a siam ngailo,nang pawn i hriat kha" atih chuan a sawi dik veleh tho sia, "anih chuan kanu ten an hrelo a anlo siam tir palh aniang," ka tih chuan min chhang hma in kapa leh Nunmawia te an rawn luh tâk avâng in engmah a sawi lemlo a.An hnungah kanu pawh alo kal ve reng, "ava pawi ve aw...engtin nge anlo tih a ka tupa chu," kapa in atih chuan chhan pawh ka chhang buai peihlo,amah te hi ka hmu lem vek tawh.
"A rai laiin eisual anei," tih zawng in uRuatfela pawn a chhang a. "Mimi'i eitur siam tura ti ṭhin ber chu Teremi leh kapa te in nia,naute tana ṭhalo tur chu kapa phei chuan i hre lutuk ang,Teremi hi chuan a hre vaklo zawk anga" atih chuan ka en haw mai.Tunah khan kapa nilo in kanu aṭan ve zawk ngei tih na ami, "ni e chawhmeh chu keiman ka siam tir ṭhin ngei alawm,mahse Mimi'i hian alo thlak palh te pawh ani thei a,ka van hre chiah tawhlo ve aw tar lam kan hnaih tawh bawk nen ka thluak te hi a chawl ṭan a,ka hre chhuak thei tawh mailo" ati dam dap a.
"Kan fapa hnaih ah hian awm vak tawh suh u,kan mamawh inlo dah tawh tho a,a lawmawm in kal vat thei ang," uRuatfel'an atih chuan an melh ṭhup a. "Hmangaihzuali thil ei sual ah chuan min puh deuh tihna ami,nge min ringhlel deuh,naute ah ngat phei hi chuan in hnamhnawih na engmah ka neilo ania," kapa in ati ta khur khur a.
"Ka in ringhlel che ka tih lai ka hrelo,lo ti ta tehreng pawh nila a awmlo hranlo,hmeichhe rilru na taka siama uire san duh tu kha inia,khatiang itih aṭang khan mihring ang ah ka ngai tawh hauhlo che,he in kan awmna hi kapu kanu te in nilo Sela chuan ka chhuahsan na arei tawh ang,în hi ka la let anga kapu te damlai ngei hian kape leh bawk ang,an tar tawh avang sawn engmah ti theilo turah in ngai hauh suh,Teremi i neih chhan pawh hi a hmasa berah chuan i rosum vang ani kanu vanga hausa thei mai mai ini tih theihnghilh hauh suh,engkim hi ka hriatloh iring reng reng ami" uRuatfel'an thinrim zeta a tih deuh hrawk chuan mak ti zetin kan en ṭhup.
"Ipa ta anilo a,chu chu eng nge awmzia" kanu in alo tivat a.Nunmawia erawh a kilah ṭhu in alo en ve reng, "naute a awm sia,bengchheng vak suh u" Nunmawi'an arawn tih deuh sup takah chuan uRuatfela pawn bawihpuia chu alo envat a.
"Kapa ta ani hauhlo,kapa hian rosum leh pai it in kanu kha anei a,a duh chu ahmu ta reng bawk mahse tûnah chuan in Saw ita a ni tawhlo,ka hming in idah tawh a ka duh hun hunah ka hnawtchhuak zawk thei che u,kanu min ngen na vang chauha tilo kani,ka unau te hi ka khawngaih ve vang chauh ani" uRuatfel'an atih chuan kanu a mittui a tling piau tawh.
"Hetiang ang em em hi chu inih kalo ringlo asin,i rilru ka rinai daih in a chhia,kan fapa hming in pakhat tal dah ve rawh kati mawlh mawlh a,i fing viau amaw ka tia" kapa ben deuh dawt dawt paha atih chuan "eng nge itih chuan anga,i tlân leh mai dâwn ami in pakhat chiah ka nei hleinem,tuna kan chen na saw Ruatfela nute ta ania,chuvang alawm a hminga ka dah reng ni,engkim i sawi chhuak ta bawk a ka fapa ka fapa zingah pawh ka chhuan leh ka favourite ber ini a,iduh hun hunah inu te pawh ila lut thei ang,hetiang hi a thleng dawn tih hre sa vêkin alawm Luangmual lama in ka sak tîr kha,tûnah chuan an zo fel tawh bawk a kan insawn chhuak ang," uRuatfela dara ben dat dat paha kapa in atih chuan mak ti zetin ka en tawp.
Kapa te zawk an chhuak tur chu amak ka tia,keimah ni zawk chhuak chu ni ila thu hran, "in chhuah kher chu a ngailo ang," uRuatfel'an ati deuh sup a. "Ngai e,inu nen a kan inneih khan reilo te awm na atân saw in saw ipu ten an neih zawng zawng in min leisak a,ka hma sial vang in engkim a pawi zo ta vek a,Luangmual lama in sak pawh kha an zawh na arei tawh kan bulah in duh chuan inlo cheng thei zawk ang,kan awm na kan insawn dâwn animai a,saw in saw chu i duh duh danin iti thei ania,mahse khuti lama kan in erawh i nau Nunmawia hming in ka dah ve thung a," kapa in atih chuan kalo thaw deuh hak a.
An chhûngkua buaina in phûm ru tam lutuk hian minti chau zo, "bungrua pawh a awm sa vek a,thawmhnaw vel lâk thlâk ani tawh mai,kan awm sawn avâng hian ka fapa inih na abo dâwn chuanglo a,nakin zela i fate nen a in awmna tana in saw ipu te sak sak che ani hrim hrim a,lawm takin pawm zawk rawh in duh duh hunah kan bulah inlo awm thla thei ania," atih chuan mak ti zetin ka en tawp,tun ṭum chu ati ve tak tak nge.
Kapa te chhuah hnu chuan uRuatfela nen kan awm rek rek a, "engtia tih nge itum" tih paha akut ka vawn chuan alo hum ve salh a. "Kapa ania ka hrechiang,a duh chu ani dawn chiang bawk,Luangmual lama an insak pawh ka hriatpui a chhawng nga lai ani nghe nghe.In ṭha zâwka awm an duh te pawh ani mahna,an chhuah hunah kanu te hruai luh pawi iti angem," ka kut fawh zeuh paha atih chuan ka nui sang a.
"Teuhlo,anuam daih zawk ang" ka tih chuan anui ve suk.Zan tam mu tawhlo ang maiin amit a sen rum a, "i mut a chhuah hmel sia,lo mu ve rawh khum alian tho a," ka tih chuan min hnial hranlo.Naute kan neih aṭang phei hi chuan an mu hman meuhlo,amah te hian a buai em em a,naute a laiah kan mut ṭhin bawk nen a delh hlau hi a muttui theilo ni berin ka hria,a chang leh alo pawm leh daih anga,a zun ek thlâk vel pawh ten miahlo in aman ati vek a,hnute pêk vel bakin ka tho ngai manglo.
uRuatfela in lama a buai deuh avâng in Adeline'in leh Duat'in a in chhâwk in min awmpui reng a,kanu te pawh a sawi danah in ah anlo lût tawh anih hmel,kapa te erawh Luangmual lamah an insawn thla tawh thung a.An in chu ka rinai daih in azau a,a changkang hle bawk uRuatfel'an a thlalak min hmuh tawh a,Nunmawia leh Rinsangpuii te an ngaihawm reuh dawn khawp mai,an awm ve mai mai te khan anuam ve reuh a.
Damdawiin lamah pawh kar khat dâwn kan awm tawh a,hma kan sawn vaklo nge pu Sanga pawn a en leh vung vung zêl,pu Sanga hi doctor senior thiam ber pâwl ania,bawihpuia doctor bik ani bawk.
"Awi ka duh theilo,Hmangaih bawihpuia hi" Adeline'in atih deuh hluai chuan ka phei vat a.A hmui a duk vek, "pu Sanga va koh rawh," tih pahin bawihpuia chu ka theih ang ang in kalo bawih sâwm ve a,ṭah tîr tumin theihtawp in a mawngah ka beng a,a ṭap thei hauhlo.Ka mangang bawk nen mittui nen theihtawp in ka bei ve a,hnute a ka far te chuan awmzia a awm theilo.
"Khawimaw" tih pahin naute chu alo la vat a,sir lamah kalo ding khawng reng ringawt. "Anu kha pâwnah chhuah pui rawh u," nurse senior uMangai'in atih te chu ka hre ruai ruai,ka mitthla ah bawihpuia bak a awmlo.
"A ṭha leh mai ang," tih pahin Adeline'in min kuah a. "Khawnge a awm," tih paha uRuatfel'a hmanhmawh deuha lo pen phei hlawk hlawk te chu ka mittui tling vang chuan ka hmu fiahlo ruai a,a hnungah doctor ṭha hnem takin anlo zui bawk.Ka rilru a hreawm a,ka rilru ah beisei tur ka nei tawhlo,keimah ngeiin ka fapa awmdan kha chiang takin ka hmu a,a ṭha mawlh lo anih kha.
Rei ngial room a an awmpui hnuah an rawn chhuak deuh sap sap a,en pawh kalo en lo.Ka rilru ah bawihpui'an min kalsan tawh tih ringawt a awm a, "Hmangaih,apawi kati emai" pu Sang'an ka dar min khawih paha atih pawh chuan chhuatah ka ṭhut ngaiin kala ṭhu reng a,ka hnute lah chu a ṭang na mai bawk sia.
"Duati" uRuatfel'an atih deuh sup takah chuan ka hawichhuak ta nge nge a,kan fapa chu puan mawi takin an tuam a, uRuatfela ngeiin a rawn pawm chhuak bawk. "Kan fapa hi en rawh,Pathian in min lâksak anih hi reilo te khawvel eng a hmuh tir a,mahse a kianga awm turin min lâksak tawh," uRuatfela ṭawngkam kher kher chuan min vel ṭap chiang lutuk.
Ka fapa nunna nei tawhlo tih hriat zeta mu bam mai ka hmuh phei chuan awrawl chhuah meuhin ka ṭap hâwm hâwm a.Ka fapa hi a damlai pawn hreawm tuar reng reng in a awm a,bawihpui ivan na rei tak tiro,ngatinge na tuar tura ilo pian kher kher le khawvel ah pawh khawvel hreawm irawn tem zuai a,ngatinge min kalsan leh nghal daih.
ADELINE'I POV
Hmangaihi chan chu ka chan ah ka dah a,ka rilru anat pui takzet,a fapa chu hmangaih tih hriat takin a awmah a kuah bet a.uRuatfela pawh a mit a sen rum a,Hmangaihi kuah in a in hru ve zeuh ṭhin a,a chhûngte ka phone sak tawh a,naute mah nise kan vui thlap dâwn a a chhûngte pawn a takah anla hmu hmanlo asin mawle,naute khawngaihthlak tak zawng ava ni chiang tak em,a len hun kan nghahhleh hlawm nen,ka hming phuah anih vangin ka ngai hlu bik a,ka mittui chu a luang ve char char mai.
"Bawihpui," tih paha Hmangaihi ṭap hawm hâwm chuan ka rilru ati na a, "kala phallo che asin" a awm a kuah deuh chawt paha atih phei chuan en hreawm kati takzet. "Khawi in lamah kan chhuk thla dâwn ami," uRinpui'an atih takah chuan uRuatfel'an naute ala vat a,Hmangaihi chu a kuah nghal zât bawk.
An hnungah kei nin kan zui zel a,an în kan thlen chuan uRuatfela nu leh Api leh pute ṭap ri in minlo hmuak a,midang pawh kan ṭap thawm hria in anlo kal khâwm nak nak mai.
Bawihpuia chu khumah an mut ve bal a,a piang hlim ai chuan a lian ve deuh riau in ka hria,a thih dâwn a anui hmel ang kha hmuh leh ka chak takzet.Thil la hmu thei silo khan a nui anui ve thei ṭan a,a lu dip ahma phu deuh ut ut ṭhin te kha aphu tawhlo a,a lungphu phu ve et et ṭhin te kha an chawl duk tawh a,Hmangaihi chu a bulah a mu a,a fapa chu a kuah deuh tlat tawh.
HMANGAIHZUALI POV
Leng zawng te nghah fâk Lalchhanchhuaha alo piang e,khuavel ti mawi an...Lawm lo fa tunge awm ang le?beisei bo hnu beiseina min siamtu,chanloh tur ini ang tih reng dâwn phak lo in kan chan leh si che erawh bawihpui...Hrilh ava hai lua em!!kan kham mawlh lo che,ami leng te u... engtin tuar dai bik che u maw?kan phal theilo piallei a chham ang zal tur chuan nunna hlu,aw nunna hlu khawvel thiam na leh sum a lei theih ni la tiin duhthu kan sam asin,chun chawi loh zua chawi loh a thlafam chang tur chuan i pamhmai lua e...Hnuntui a hrai thlahlel i chunnu chan tur hi i dâwn velo emni?uarna ṭawng tinreng te hian an sawifiah zo theilo,thinlai na hi...A ngai a luaithlinul hi khuarei pawhin a hnem zo hian ka ring nem maw,hringmi zinga i sakruang tawn ni awm dawnlo mahse kan nghil phal lo'ng che bawihte...Angel te u,kan bungdawntuai,hmangaihna kut a kan chelh chak em em kha minlo chelh sak reng ru aw...
"Bawihpui ilen hunah ipa in motor te leisak atum che asin," tih pahin ka fapa engmah hre lo chu ka be mawlh mawlh a,i kal theih hun tur te kalo suangtuah ve nasa asin chu suangtuah na erawh chu zan khat mit chhin lekah a danglam vek a.
"School ah te ka thlah che anga," tih pahin ka fapa chu ka awmah ka pawm bet tlat a.Ka mittui erawh tla tur pawh a awm tawhlo zawk, "ka hmangaih ka fapa Healer Lalchhanchhuaha," ka ti sep a.Ka hnute ṭang nasa lutuk chu a hreawm takzet, "bawihpui i ril ṭam ahun leh tawh asin,inu hian ka hnute tui ngeia hrai puar leh che hi ka chak asin lei hnuia phûm atam chuan ka phallo che,zanah te vâwt iti anga" tih pahin ka fapa chu ka fawp ka fawp a.Ka bulah kar khat vel chiah dam in awm mahse bawihpuia chu ka ngai nghal veng veng mai.
"Mut rih rawh,hmangaih" uRinpui'an tih pahin bawihpuia chu khumah a mut a,ṭap ri te chuan ka lung anti zing takzet .
RUATFELA POV
Ka nupui chu a hnute a ṭan nasat em avang in ka sâwr sak tawp a,na thuah hnih a tuar hi ka lainat a,a tawrh na te hi chhâwk zangkhai ka chak takzet.Ka fapa nilo mahse ka hmangaih chhe te mahin a dan phahlo a,hetia min kalsan ringawt hi Hmangaihi thil eisual vang berah ka ngai a,he thil hi kala hrechhuak ngei ang.
"In lian pui pui te ka leisak ang itih kha," tih pahin a ṭap leh hâwm hâwm a, "Pathian hnenah a chawl tawh alawm,khawvel hreawm tawrh a phallo a Pathian in min lâksak anih hi,khawvel a awm chhûng lek pawn hreawm a tawrh hnem em kha,a hahdam tawh ania kan fapa chu" tih pahin nghet zetin ka kuah a,ka rilru chu ana khawp mai mahse ka nupui ber hnem thei tura ka awmlo anih chuan ka in haw hle zawk ang, damdawiin a nau kan neih tir lo te kha ka inchhir a mahse engkim a tlai vek tawh.
Kan fapa chu kan bialtu Pastor in a vui a,ka puzawn leh pizawn te pawh anlo thleng tawh a.An tupa an hmuh dan chu a lungawi thlâk lemloh khawp mai,kan fapa chu tlai lam dar li ah thlanmual lam kan panpui a,a kuang kan chhin tur erawh Duati a ṭah nasat luatah a khawng ṭep a,thlanmual lamah pawh kan thlah liam ve talo a.Midang zawng an kal a,in lamah ka nupui chu kanu nên kanlo awmpui thung.
HMANGAIHZUALI POV
Kan fapa kan chan na pawh kar hnih lai aliam tawh a,mahse ngai kala awh hleithei meuhlo,ka kal te chu ka ruak deuh huaiin ka hria a.Fate chan nat zia an sawi tawh a,mahse mahni in a kan tawn meuh chuan anat zia chu thi ve lek lek tur ang mai hi kan ni,nau neih chu fate Chan ai chuan anep lutuk ringawt.
uRuatfel'a leh midang dang in duat theih tawp in min duat mahse ka kimlo riau a,zan ka ṭhang harh te hian bawihpuia ka zawng leh ringawt zel a.A thawmhnaw te uRuatfelan a motor khalh tur ti a alo leisak te kha anla awm duah sia,a thil hlui hmuh ringawt te chuan mittui a ko chhuak lo thei siloa.
***************
"Kan kal thei tawh em," nui deuh sang a uRuatfel'an alo tih chuan ka nui ve deuh sak a,kan fapa kan chan na pawh thla sarih lai aliam ve tawh a.Keipawh ka zia ve hret hret a,mahse ngaih chang erawh kala ngah mai,ka bula awm ten hreawm an tih ka hlau ve ṭhin a.URuatfela erawh chuan bawihpuia chanchin zantin minla sawi pui ṭhin a,tûnah a chhang tur ka pai leh mek bawk nen la dam ve sela chuan thla sarih vel lai ani ve tawh awm sia,ṭawng zir ṭan rual ani ve tawh anga.
URuatfela nen a kan fa lo piang tur hi chu uRuatfel'a a fimkhur tawh em em a,ei leh in ka eitur anih chuan aman a siam thlap thlap zêl a.Pawm lama eitur lei pawh a phal tawhlo,keipawn ka ngam tawhlo hrim hrim a,tun ṭum kan fimkhur lutuk hi midang phei chuan an over te minlo ti ṭhin a, mahse fa chan nat zia kan hre tawh a,la chan velo chuan an hrethiam kherlo ang.
"Fimkhur viau ru aw," kanu(nu Saipui'in) atih chuan kalo aw ve vat a.Park lamah tlai tin boruak thianghlim dawng tûrin min chhuah pui ziah a,keipawn anuam ka ti takzet.
"Ka duat suk suk nu" tih paha hnunglam aṭang a uRuatfel'an minlo kuah chuan ka nui hak a, "i over thei emai,kapu in min en reng saw" ka tih pawh chuan min thlah duh chuanglo.Kapu pawh ri meuhin arawn nuichhuak a, "pu ka nupui hi a chhelo asin," ala tizui a ka khawng fawk zâwk dâwn amawni.
After two years
"Chocolate kha chhuar ah a awm kha,apa nen va ei rawh u Bawihte," kan fanu in min tih buai reng takah chuan uRuatfela ka koh nghal zât a, "ka fanu te hian eng nge aduh a" tih pahin Estheri chu alo pawm nghal zat.Pathian in fanu duhawm tak min pe leh a,a hming erawh kanu(nu Saipui'in) a phuah a, "Esther Vanmalsawmi" tiin kan fanu hmingah kan sa a,apa hian âtchilh khawp a,bathroom a awm lai pawh nise keimah emaw kan fanu in kan koh tawh chuan arawn tlân chhuak vat zêl.
"Chocolate hi thluak tan aṭha asin," room a an pafa a rawn in pawm luh paha uRuatfel'an atih chuan "ka hria lawm,chuvang alawm ka pêk zeuh zeuh,mahse a reng a pêk chuan a ha a chhiat ka hlau ve sia,ka pe biklo" ka tih chuan khumah a let thlâk pui leh tawp tawh.Kan fanu pawh anui deuh har har a, hmeichhia ni mahse mipa thil a lawm zawk tlat a,kan fapa tana kan lei a toys a khalh tak loh ho kha a khalh ṭhin a,apa lah hian thil pink lampang hlir a leisak a bawihtei lah hian a duh ngai mang siloa.
"Papa,ice cream api leisak kha" bawihte'in atih chuan kalo khap vat, hmeichhia tih takah ṭawng a zir hma a,a ṭawng thei hma hle bawk kum hnih lek ni mahse a duh chu asawi zât zat thei tawh reuh a.Kanu keima nu phei chuan a fing lutuk hi au thluak kha Pathian in arawn pe aniang,ati hial a apa hi tun aṭang a bum kual zât zat thei tawh.
"I hritlang lutuk,i hnap tawlh a reh theih miahloh kha,ice cream chu i dam hunah i ei dawn nia" tih pahin ka thil hruk lai chu ka hruk zawm mial mial a.Ka hnunglam aṭang URuatfel'an thil arawn vawm tir leh tawh, "i fanu hi fuihpawrh ziah suh,thil ṭhalo lo hi i zirtir mai a" tih pahin an awmna lamah ka phei a, uRuatfel'an minlo pawt thlu deuh pawp a.
"Anu ka hmangaih che ti rawh le," a fanu a kut lehlam a kuah paha atih chuan Estheri a nui deuh har har a,a kut lehlam a minlo kuah in ka hmuiah alo fawp zeuh a. "Anu ka hmangaih che," kan fanu in atih chuan "keipawn ka hmangaih che alâwm,apa nen hian" kalo tive vat a, uRuatfela pawh a ha rual lang ṭhap in anui ve var var mai,ka fanu leh ka pasal te hi min tidam tu an va ni chiang em,Bawihpuia pawh hun reilo te chhûng atân chiah min ti hlim tûrin Pathian in min pe mahse ka vui hauhlo,keini aia chan nasa zawk an awm a, "a pawilo" tih hla phuah tute nupa phei kha chuan a fate a panga in a chan vek anih kha,ti chung khan a pawilo tih hla an la phuah thei ania.An ropui ka ti takzet,ka chan ah ka dah a,kei ni ila ka tuar zo in ka ringlo,chuvang chuan Pathian hi dem thei kani lo hrim hrim,ka rilru natna min thuam dam tûrin ka fanu leh ka pasal te hi min pe a,ka tan chuan ka damna famkim anni.The Healer diktak anni.....A tawp ta....
Ka story te a tawp thleng a minlo chhiar sak avang in ka lawm e,last chapter hi chu ani nuai nuai maithei a minlo hrethiam mai dâwn nia,a chhum bung emaw a buai nuai a a tawp dan aho te inlo ti anih pawn ka hrethiam vek ania,keipawn kati
next story ah kan inhmu leh vek dawn nia...Show post links
Top