THE HEALER BY Judy Chhak Chhuak (Completed)

[Ngaia]

Chapter-25

HMANGAIHZUALI POV

"Ka hrethiam alawm," tih paha Nunmawia ka en chuan abu ve nghut a, uRuatfela awm sela chuan a thik leh maithei,palai an rawn kal tawh a.Nunmawi'an ka hmêl hi a hmeichhe hmel duhzawng anih vanga lo leng ani tih min hrilh tawh a,mahse au nen kan innei leh dâwn sia.Ani pawn ṭha deuhin min hrilh a,ṭha deuh a min hrilh nana lo huat ngawt thu awm suh.






Palai lo kal nawn leh turin an inthlah a,papuite pawh an lo lâwr ve deuh sek tawh mai.Papuia te tih loh chuan ka naupai hi uRuatfela fa anilo tih an hrelo a,midang hrilh hriat kan tumlo thung,an hriat hun hunah hre ve mai rawh se.






"Hei chu a lawmawm lutuk,ka han chho nghal mai ange," tih pahin a bike chahbi chu ala a,alo len hnuhnung ber khan a bike chahbi alo keng a.Khatah khan kan inah a theihnghilh kha ania,tûnah a hrechhuak ve chauh nge,alo la har ka ti rêng ani.






Adeline'i naupai thu uRinpui'an a hre tawh a,anni pawh inneih vat te kha an sawiin ka hria, Adeline'i ka pasal neih hunah ṭhian ah hman ka tum viau na in nau alo pai veleh bawk sia.Tharte'i lah tunlai an chhûngkua an buai sia,han sâwm ngam na chi ani siloa,ka duty pui ṭhin Duati nakinah inneih nite han ruat fel se, Duati chu ka sâwm ang ka tia.






"A haw leh nghal ami,Nunmawia kha" kanu in room aṭang a lo chhuah paha atih chuan kalo aw ve vat a. "Ava haw hma ve," atih chuan ka chhang tawh lemlo.





"Zanin ah uRuatfel'a te inah chaw ka ei dawn ka tih kha aw,apa leh uRuatfela te min sâwm tlat sia,ka peihlo rapthlâk" nur nang a ka tih chuan kanu alo hlim lehpek khawp mai.






"Ava ṭha ve,han kal ngei ngei ang che," ati hluai a. "Ka peihlo e...chaw ka eipuar ngam dâwn amawni," ka tih chuan ka hnungah nalo te in min beng a. "Thil reng reng hi huphurh thei lutuk suh,engpawh ti dâwn la ka huphurh e iti vek zel mai a,i ei puar ngam loh leh nangmah i in hrem animai a," atih chuan ka ner nang nang mai.





"Nangpawh ni la i zak ve tho ang chu,an in a ka vawikhat chaw ei na tur ania," ka tih chuan anui deuh uar uar a. "Keite chu ipa te in a chaw ka ei hmasak ber pawn ka kham har ber,nula dang chu nise an zak ve maithei chengkawl anla hmeh leh nghal a,hmanlai phei chuan tlangval hma a chengkawl hip hi nula ten an ngam ngailo a," kanu in atih chuan ka en zawk a.






"Ngatinge an ngam loh a," ka ti sep. "Aw...chengkawl hip dâwn a hmui tih zum kha an ngam hleinem,kan hunlai kha chuan tiang kha a reh tawh zâwk hlauh a,ipi te kha chu hmanlai tak tak ah khan anla cheng hman a,hmanlai ah chuan nula uisa ei te hi an ten thei lutuk," kanu bawkin ati leh dap dap a.





"An va sual," ka ti sep ringawt, uRuatfel'an chaw ei dawn ah chiah kalo hruai ang che atih vangin ka nghâk ta reng a. "Eirawng te i han bâwl pui dâwn nange," kanu in ka bula lo ṭhut paha atih chuan sana ka melh zeuh a,eirawng bâwl chu a hun ve tawh reng.






"URuatfel'an chaw ei dawnah kalo hruai ang che ati sia," ka tih rual deuh thaw in ka chal ari fawk mai. "Mawl thei lutuk,eirawng te han bâwl pui ta che,a ei ringawt nilo in thleng te kha han sil ngei ngei la Ruatfel'an phallo mahse ti lui tlat rawh,han bâwl pui rawh inchung lawk ani tho alawm," atih chuan kapa pawn alo tuihnih vat a. "Ni e,mate han bawl pui rawh,an ngainat theih nân che be vel siam siam la" an tih takah chuan room lamah inthlak tûrin ka lut a.






"Nu anih chuan ka kal dawn ania," ka tih chuan alo aw ve vat.URuatfela te in a mahni chiah a luh hi anuam kala tilo,pâwnah Nunmawia tal lo awm se ka ti ngawt mai,ka hawikual ngial pawn tumah ka hmu siloa.






Doorbell chu loh theihloh in ka hmet ta nge nge a,rinloh deuhin an fanu khan alo hawng ve mial a.Kawngka bulah ding in minla en reng zui,lo lût rawh tih nachang pawh a hrelo, "kalo lut thei angem," keimah zawkin kati leh ta nge nge a, "lût la" ati deuh hmak mai ka kek lut nghal sawk zâwk dâwn amawni.





"E...Hmangaih ilo chho tawh animo,lo kal rawh Ruatfela pawh alo haw mek ang," inchung aṭang smart deuh a inchei zâr in pu Ruatsanga alo chhuk a.Chhuah na tur anei ani ngei ang, "tikhan lo ṭhu lawk rawh aw,Hmangaih sawtah ka ṭhianpa nu a boral a,kava ral ve lawk ange Ruatfela pawh alo haw ṭep ang,alo haw hma kha Remsangpuii nen khan lo inkawm ru," a fanu melh zeuh pahin ati a.





A hmanhmawh ve deuh nge ka chhan na pawh nghak lo in a chhuak zui nghal daih,a fanu lah chu sofa ah thatchhe zetin a ṭhu awn duai a.Min ngaihsak lo hrim hrim,a phone a khawih a a chang leh anui leh thut zêl a.





Min ngaihsak lo bawk nen choka lamah ka phei a,an nula amah te in alo che rak rak mai.Nunmawia leh nu Teremi te hmuh tur an awmlo, "Mimi kalo pui ang che,eng nge i siam a" ka tih chuan alo nui ve var var a.





"Pâ ka kang a," alo ti ṭha ve mai a,hna an thawh tîr reng nge engtik lai pawn appron hi a hreng reng mai. "Khawi kalo tih pui ang che,eng nge siam leh tûr" ka tih chuan "engvakmah kala siamlo,pâ ka kang a chaw ka chhum tawh a nimai,bai vel siam ani tawh mai, uRuatfel'an arsa alo lei haw dawn a,lo awm mai mai rawh" ati zung zung a.





Ka naupai a puar ve deuh ak tawh sia,thawmhnaw pawh hak tawk mang ka nei tawhlo a,tuna ka kawrfual haklai hi a fan thei hlauh zawk a,nilo Sela chuan kanu thawmhnaw lian deuh deuh kha ka hakpui duh mai ka ring. "Bai siam tur chu kalo chan ve tal ang,min tîr hreh suh aw" tih pahin a bulah ka ding ve tlat a,a te reuh sia min biak dâwn chuan arawn dâk ve vah zêl.





"Mimi khawmaw ka ril aṭam ania,chaw ei min siam rawh" rui tih hriat zet hian mipa pakhat hian dawhkan bawh zawi nguai pahin arawn ti lut bawrh bawrh a.A hmel chu ka hmuh hnu a ang lutuk,taka ahma kan inkawt a chatthla pa kha ani tih ka beng awmna ka chian tluk zetin ka chiang.





"UVal,chaw ala hminlo a,ka chhuang na ala rei vaklo a,chaw ṭhing chu adai iti anga i ei leh duh awm siloa" inthlahrun hmel deuha Mimi'in atih chuan a ding deuh hluai a.Ṭhuthleng a pawt deuh dawrh bawk nen keimah tak pawh chu ka phu nasa lutuk, "ka rilṭam ka ti ani lâwm ni!!awmpui mai mai si,min pe vat ta che" thinrim tih hriat zet hian ati hrawk a.





"Ka ti hmin vat vat thei ngawt bawk siloa," Mimi'in ati leh chiah chu a pan hnai deuh rawk a,kutthlak pawh a hreh ka ringlo.Tunge anih ka hrelo a,he inchhung ah hian eng nihna nge a chelh ka hre bawk siloa,tih dan vak hrelo chuan Mimi bulah ka ding ta reng a,Mimi hmaah tak ading a kut erawh a thlâk chiahlo,mahse Mimi'i hi vawikhat ṭawng leh sela chuan a thlak duh mai ka ring.





"Vala buaina siam zawngin i khawsa leh ami," Nunmawi'an choka lama lo luh phei paha atih chuan ka thaw huai thei. "Naupang lo in rawlh ve suh," Vala an tih pa chuan ati ram hmak a, "e...in rawlh ve e,Mimi'i hi kut i thlâk mai mai theilo,zankhat vel jail a awm leh iduh te anih loh chuan" tih pahin a hmaah tak a ding a,Mimi'i chu a namsawn nghal zât.





"Eng nge ni leh ta buan buan ṭhin a,Vala han inbual la mu hmak rawh,chaw chu nakinah i ei mai dâwn nia,i rui deuh phual zêl a" nu Terem'in atih takah chuan Vala an tih pa pawh chu thuawi deuhin a kal ve mai a,zu a in nasa aniang a hnar pawh a sen deuh hlar a.A hmel ah chuan en ringawt pawn zu tih a inziak kuau thei ṭep ang.






An chhûngkaw buai lutuk chu ka huphurh a,hreawm ka ti nghal pang.Heihi ka lawi luhna tur în chu ani ve sia, "Hmangaih lo ṭhu rawh,Mimi'i te chu eirawng bâwl a hnehsawh lutuk,engmah i tih ve a ngailo,nau ipai leh nghal a" atih chuan nu Terem'i pawn minlo en zawk a.






"Thla engzat nge," zawhna mitmeng a min en ran paha atih chuan "thla li," ka tive sep a.Nu Teremi rei tak a awmlo hlauh chu lawm tak kani,Nunmawia erawh dawhkan bulah a ṭhu ve reng a.A khat tawk in min be leh zeuh zêl a,a tîr lam ai chuan tlêm in nuam ka tive deuh.





"Miriam hei aw," uRuatfel'an polythene a thil khai paha tiin choka lamah alo lut a.Min hmu chu mak atih hmel khawp mai, "ilo va chho hma ve," hnunglam aṭang a minlo kuah paha atih chuan kalo nghawk sawk a.Nunmawia kan hma lawkah aṭhu ve sia, "ka u alo haw tawh tho bawk a,hna khawih zawh loh kala nei a,chaw ei hma in kava ti zo law law ange," atih hnuah nui suk suk in a kal a.






Ka bawkbawn chan laite chuan alo khawih ve deuh sek a, "amak khawmaw,lo awm ṭha mai mai teh" ka tih pawh chuan chemtê te chu alo vuan leh ṭhin a. "Min ngailo ami," ka beng bulah ril ruih a atih chuan ka mur deuh seng seng thei.






"Mimi'i a awm hi,hreawm ati ange" a lama hawi meuha tiin ka mitmei a,a la hrethiam lo der tlat zui. URuatfel,arsa hi engtin nge siam tur" Mimi'in atih chuan uRuatfelan minla en reng a.






"Engtia siam in nge i ei chak," ka bianga fawh zauh paha atih chuan "ka hrelo,ka ei thei vek,in chhungkua in tui in tih dan khan siam rawh u," ka tih chuan ka pum alo chûl alo chûl a. "Engtin pawn siam se tui anti lo,a hel in kan eive mai dâwn ami" tih paha ka mawng a ṭham deuh salh chuan a awmah kalo chum dawt a.





"Miriam corn flour nen khân siam leh mai rawh,chuan hei a bai theih aw," tih pahin dawhkan a ka thil chan sa chu a melh zeuh a.Ka kutah vuan in a room lamah min chho pui veleh ringawt,keipawn hnial nachang ka hre hauhlo.





"Min thlâk chak em," a kamis ban kilh na phelh paha atih chuan a khumah kalo ṭhu a. "Inthlak vat vat teh,Mimi'i puih ka duh ania," ka ti deuh hlar thung,chhuk tum pawh ni ila a phal leh dâwn siloa.





A room chhung chu ala eng deuh uarh a,ni erawh a tla tawh thung. "Khaw awmdan te chu ava lunglenthlak reuh,kan khuaah chuan awm ila Thereng an hram leh chiah chiah anga,kan ui,ar leh vawk a hram thei chikim kha an hram leh anga,an ril ṭam hunlai vel ania" a balcony a chhuah paha ka tih chuan minlo zui veleh vat tawh.






"Ka nupui tur lungleng thei em em nu hi,in khua i sawi ve ziah a,inneih hma in kanla zin dawn nia,anuam viau ania nge mahse keimah nilo mipa dang i ngaihtuah ka phal dâwn miahlo ania,mipa dang i ngaih dawn ai chuan ni hi tla theilo mai rawh se," atih chuan ka thaw hak.A thil sawi ho thei lutuk hi, "va inthlak vat rawh" tih paha a lama ka inher chuan kawr alo ha tawhlo hrim hrim zawk,a taksa in phiar ṭalh leh a six pack nalh tak chuan ka mit ala khawp mai,a taksa chu a mawi tawk chiah in a ngo a.A perfume rim nge thawmhnaw a hak loh pawh chuan ala rimtui lutuk ringawt.





Ka lamah lo kun hniamin ka hmuiah alo fawp deuh vang vang a,ka tukhum ah dâwm in ka kâ chhûngah alei alo hawl lut deuh nawk a.Kissing class kal ang maiin a zei,nge bialnu alo ngah tawh viau zâwk.





"I chhungten diklo deuhin minlo sawi palh ang,chhuk vat zawk ang" a awm a bei chial paha ka tih chuan min kuah let ve vat a.Ka hnungah duat tih hriat zet hian a chûl thuak thuak.





Nisat lai chhun pachang te chu nise hetiang hian ka kuah awm siloa,tûnah chuan khua a dai deuh tawh zâwk a.Bakah a roomah hian ac a awm a,a on bawk nen a nuam tawk vel chiah, "kan in tleuh thuak thuak ang," atih vangin a roomah kalo awm ta reng a.Lehkhabu damlo enkawl dan mai bakah a dang a ngah khawp mai,a bu lah chu a chhah hlawm sia,a chhiar zo vek peih amawni.





Bathroom kawngka arawn in hâwn rik khep chuan ka phu nasa bawk nen ka thil kenlai chu ka thlauh keh pawp a.Ka ke bul maia tla ani bawk nen mak tak maiin ka thil thlauh chu a khu arawn chhuak deuh a, "tihpalh lutuk,ka tilui pawh ani miahlo" uRuatfela ka lamah hmanhmawh deuha alo phei takah chuan kalo ti deuh sep a.





A damdawi nge a thil ka tih keh chu a ui hmel khawp mai,hnai zetah a en reng a. "A pawilo,mahse hemi damdawi chhuar hi chu khawih tawh suh,i inti palh ang,chemical hlauhawm tak tak a tam ania," atih chuan kabu nghat a.





A inthlak mai dâwn amaw tih laiin hnunglam aṭang minlo pawm thut sia,ka ṭe deuh ṭhat mai.A khumah dim tih hriat takin min nghat thla a,ka chungah alo lawn kai nghal zat. "URuatfel,kan chhuk dawnlo ami" a awm a nam hla deuha tih pahin ka melh kar a.





"Kapa alo la haw lo,alo la haw har ang hmanhmawh vak a ngailo," atih chuan ka chhang tawh lo,a puan chuan min in khuh pui a.Inbual zo chiah ani bawk nen,a puan a kawng a a ven chu a phelh a,a boxer bak engmah a ha tawh siloa,ka zam lek lek.





"Duati" ril ruih a tih pahin ka taksa a fawp lâwr dan dan a,ka taksa chuan uRuatfela khawih chu a hre khawp mai,duh aiin alo dawngsawng ṭha mah mah.Hnuailam in ka kawngah min do run a,eng nge anih sawi a ngailo in ka hrethiam ve nghal vek.






"uRuatfel," ka tih chuan "immm" tih pahin ka taksa ala fawp kual dan dan a.A sam la huh deuh chhap ah chuan kalo ṭham veleh salh zêl a,a rimtui bawk sia tuna kan boruak tawn mek hi nuam hle siin a hreawm lek lek.





uRuatfela pawh a thawk dan aṭang a awmdan a diklo tih ka hrethiam nghal vek,a hmeichhia zawk ka nia dang tur pawh kani,ka rilru in dan duh mahse ka taksa erawh chuan a aia thui kal belh zêl ala chak si a.





Ka awmbawr ṭham deuh salh in a rum deuh nghut a, "uRuatfel" aw ṭial deuh ruai a ka tih chuan "min dang suh," alo ti thum dut a. "I nu in a duhloh kha,kan innei ṭep tawh tho a" tih pahin kalo kuah nghet salh a.Ka bulah chuan a mu thla dawt a,kan puan sin chu keu in thawk ala nghal ham ham.





"Ka duhloh vang che anilo ania," a awm a bei deuh chial paha ka tih chuan minlo kuah ve vat a. "Chhuk tawh ang," keimah bawk chuan kati leh a,ani pawn min hnial tawh biklo.





Khum aṭang a a chhuk chiah chu hnuailam a pawng deuh ul a,ka zak lutuk chu ka hawisawn hmak.Ani pawn a hmu nge anui deuh suk a, "i chhûnga luh chakin a na lek lek," ka beng bula atih deuh sup chuan ka namsawn a, "inthlak vat vat rawh" zah zelah kati ta ringawt a.





Inhnuai lamah inkai rialin kan chhuk a,nu Teremi leh Vala te pawh anlo in dinchilh leh ran tawh mai,Vala hmaah nu Terem'i a kawng dâwm meuhin a ding a,a bulah a fanu in phone alo khawih mial mial bawk.






"Ngaihsak suh," ti sup in Rinsangpuii ep chiah ah min ṭhut pui a, "i fanu saw maw kut ka thlak lo hrim hrim,i duat lutuk a i duat sual vek anih saw hmun leh hmun a dawt sawi mai pawh a hreh lo," thinrim tih hriat taka Val'an atih chuan ka melh hrek hrek a.URuatfela erawh a phone a khawih mual mual thung.





"Nang a zurui thusawi nge ka fanu harh fim thusawi ka awi i rin zawk reng reng a,ka fapa te ber inia i unau mipa dangte ai pawn ka duat che,kalo duat sual che anih hi ipa sawi ang tak tak in home ah dah che ila aṭha ang,mahni unaunu pawh kutthlak hrehlo," nu Terem'in ati ve phiar phiar a.





Hetiang inchhung ah hian ka fate an seilian awm si a, ngaihtuah na a kal thui duh khawp mai.Theih phei sela chuan in dang daih ila,mahse lawi luh velah a in dan nghal chuan mo sual ang maiin ka hmingchhiat ka hlau ve tho sia.





"A tawk!!Vala i roomah phei rawh, Rinsangpuii pawh dawt sawi i hreh lo a i luhlul lutuk hi kutthlak mai che a awl ṭhin,i unau te min dodal zawng ringawt hian awm suh,keini tluk a i mizia hrechiang an awmlo," uRuatfel'an din hluai pahin ati deuh hrawk a.





Midang pawn an en ṭhup mai,Vala pawh uRuatfela bulah a ding ve reng a.Nu Teremi erawh a lawm hmel vaklo,engmah phei chu a sawi lem hleilo a, uRuatfela a upa ber tih takah an hlau ve tawh te pawh aniang,a hma kha chuan an chhang fawk fawk ṭhin kha ania.





"Ahma aṭang min duat ve ngailo hrim hrim,midang bulah pawh min chhan ve ngailo a unau mipa pathum lai ka nei ve chu a," in sut hlap hlap paha Rinsangpui'in atih chuan ka en tawp. "Ṭan na chhan tur che kan neilo,i diklo zawk ziah" uRuatfela bawkin ati ram hmak a.





"A hahthlâk emai,kei zawng ka lu te hi inti na ber bur,in tetlai aṭang buaina remkhawm ngai reng reng in in awm a,tun thleng in in zia inla thlah lo" ṭhuthleng a ṭhut deuh hnawk paha nu Terem'in atih chuan Rinsangpuii pawh a la inhnit feih feih a.






"Eng nge awmzia," tih paha pu Ruatsanga lo lut chu kanlo en deuh ṭhap, uRuatfela ka ṭhutna lamah lo pheiin ka kutah alo vuan a. "A zahthlâk thei lutuk,Vala ṭhu teh chaw ei tur te kan nei ve a,Hmangaihi hmeichhe fel tak ani hlauh zawk a,midang chu nise kan mualpho vak tawh ang,eng nge in buaina ni leh tawh a," pu Ruatsanga ati khur khur a.A lungawi lo takzet tih a hmel aṭang a hriat reng, "Rinsangpui'in sawn kut ka thlak ang in kanu bulah alo sawi a,ka kut hmawr pawn ka khawih lo hrim hrim,tv remote ka dil mai anih kha ṭha deuh khan min pêk hle hle mai tur ania,ka lu ah arawn vawm kher a ka hnek zawk law law dâwn amawni," din uaih paha Val'an atih chuan uRuatfelan alo pawt ṭhu vat a.






"Hmangaih,kan chhûngkua chu hetiang reng hi kan nia,min hrethiam hrâm dâwn nia lo lawi luh hreh nân te hmang lo la, Ruatfel'a,Nunmawia te an awm a,Vala pawh hi rui bawk bawk ṭhin mahse thil hrilh a tlak lutuk ania,dawt a sawi khat khawp mai a,ka fapa hi ka chhuan ve na pakhat ania a ruih phei hi chuan thudik bak a sawi ngailo ania," Vala hnunga ben dat dat pahin ati a.





Min lo en deuh ṭhup takah chuan ka nui deuh sang a. "Hreh lo e," ka ti zawi sep,an hre phak kher angem ka hrelo, uRuatfela kutah ka vuan deuh ngawt ngawt a. "A tlai tawh,chaw ei ang u khawnge Nunmawia Rinsangpui i u va ko rawh,in hau miahlo in lo chhuak ang che u" pu Ruatsang'an atih chuan a kal ve hnak hnak a,apa chu a hnial ngam biklo nge engmah a sawilo,sap hming emaw hming koh duatna a nei velo nge Rinsangpui anti lawl lawl zêl sia,inchhung a a awm mai mai dress te chu a nalh zâr reng mai.





"Remi chaw te va siam rawh u," pu Ruatsang'an atih takah chuan keipawh ka ding vat a, uRuatfel'an phallo mahse kanu sawi ang tak khan ka tilui ve tlat a.Min pawt bet reng duh biklo ania,min thlah ve mai.






Chaw ei siam laite chuan an thil dahna kala chianglo bawk nen,kala che thiamlo khawp mai,Mimi'i te hi ala naupan hmel sia a mawng a zang in a che rang reuh zêk a.Mahse a hmel hi ka khawngaih leh tlat zêl, "mahni in kan ṭawngṭai mai zel a,a duh an ṭawngṭai a,a duhlo an ṭawngṭai lo a vanram kai tur hian kan inti lui lemlo bawk a,a ṭawngṭai ṭai kha an kai hmasa a nimai a tiro Hmangaih," pu Ruatsanga atih chuan "nia" kati sep a,a sawi dan vel nen ṭawngṭai loh ngamna chi anilo hrim hrim.





Mimi'i chu chawhmeh siam vak a ngailo ati amaw ka tia,alo siam ṭeuh hman chu niin,sa pawh chi hrang hrang a lo siam hman. "Arsa iduh em," uRuatfel'an atih rual deuh thaw in min suah ṭeuh a,a mawm reuh bawk sia.Min zawt ve thlap ṭhin ania,ka chhan hma in min suah hman zel a,ka thleng chu chaw aiin chawhmeh a tam zawk.





"Khawnge ka âr ke," Val'an tih pahin a hawikual zuk zuk a,midang pawh an hawi deuh zuk zuk a.Nichin khan a ke kalo suak hman chiah sia,ake pakhat chiah a awm nge ka chaw thleng ah chuan an mit a fu ṭhup a. "Kan mikhual nu thleng ah a awm daih," Vala chuan ala ti ta deuh deuh a,ka zak lutuk chu dawhkan hnuaiah uRuatfela kut ka sik vak ringawt a.





"Vala ei phawt rawh asa dang a tam em hi,a bawp te hi ei ta che," uRuatfel'an atih chuan a thleng ah âr ke chu kava dah fel der tawh. "I ei duhlo ami,ei rawh Vala sawn ati vel mai mai anih saw" uRuatfela bawk chuan alo tileh a.






"Ka ei duh lemlo,ka la ve mai mai" ka tih deuh ṭalh takah chuan Vala thleng ah uRuatfel'an a dah a.Chawhmeh a tam tho bawk a,suah belh a ngai tawh in ka ringlo,sa ngat phei chu an sa duh lai ka suak fuh ang tih ka hlau tawh lutuk,Mimi'i takngial pawn nichin khan min en ṭhup sia,hnar chu lian duh tak ani.





"Ka fate ve hi zawng an thluak hi a kim chiahlo a,a te te pahnih hi hrethiam mai rawh aw Hmangaih," nu Terem'in alo tive ngei a. "Aho lutuk,ka nau pawn sa duh lai bik te anei ṭhin alawm," ka ti ta ringawt a.Om'in sa a ei vak ngai der siloa.





Chaw ei thleng uRuatfel'an leh midang in sil phallo viau mahse ka chuh lui tlat a,a tawp a tawpah chuan min sil tir leh ta nge nge a.Rinsangpuii chuan engmah tih ve chhin eih pawh a tumlo aniang,tûnah phei chuan Shikhar pawng deuha hmuam pahin phone a khawih leh chawt tawh.





Thleng ka sil zawh veleh reilo te an bulah ṭhu ve in haw ka rawt vat a, "lo leng chho ziah ru aw," ka
haw dawnah pu Ruatsang'an ati sup a. "Nia kan lo leng ziah ang," a mawiah ka tive ta ringawt a,hla lo mahse uRuatfel'an min thlah duh miau sia,kan in bul step ah chuan kan ding dun deuh vang vang a.





"Ilo leng dawnlo ami," ka tih chuan alu a thing vut a. "Zanin chu hna khawih tur ka ngah lutuk a,zan dangah ni mai rawh se," atih chuan ka hnial biklo. "I puar tak tak em,i ei tlem sia" ka kawng a hmer deuh salh paha atih chuan "puar lutuk" kalo ti deuh hluai a ka pum a puar hrim hrim a,ka ei puar leh puar loh a hre lo tawp ang.





"Naktukah ka rual in ikal dâwn nia,mahse inneih hma chuan i châwl rih vang vang ang i hria em," atih chuan ka ner sak a.Min rawn pawh nilo in thu min pe niin ka hria, "awle i thu thu animai,chho tawh rawh tih tur i neih kha," ka tih chuan min hnial lo in ka hmuiah alo fawp zeuh a.Ka pum lah chu ngatinge mawni ana deuh riai riai a,thawk zawng pawn ana tawh, uRuatfel'an lut hmasa tura min tih tlat avang in pangai thei ang ber chuan ka chhuk a,ka pum ana deuh tih a hriat chuan min ngaihtuah leh dâwn sia.






Inchhung ka lut chu ka chhungten chaw anlo ei ve dâwn chiah, "i puar em" kanu in alo tivat a. "Aw puar,ka pum ana damdawi ka ei dawn" tih pahin roomah ka lut vat a,tunlai hmarcha ka ei nasa sia,khami vang te pawh kha aniang thil ei ka insum theilo ṭhin lutuk hi ka pum in a tawrh phah ziah.


Show post links
Top

[Ngaia]

Chapter-26

HMANGAIHZUALI POV

Hun leh ni a liam ve zel a,kan inneih hun tur pawn a ni leh thla an ruat fel tawh a.Thla thar ni ruk ah man kan in hlan anga,ni sarih ah inneih ania, Adeline'i te pawh uRinpuia nen lo kal tûrin ka hrilh nghal vek tawh a,inneih chu ka phur rual rual in ka phur lo.A chhan chu kan in chhuahsan a midang in a kumkhua a awm a ngai tawh dawn sia.





"Eng nge i ngaihtuah vung vung a,ka sawi chu i hre miahlo," Adeline'in ka lu a min khawng deuh fawk paha atih chuan ka enve vat a. "I naupai hi i sual,a nghal zawng ringawt in i awm a,ana thei lutuk uRinpuia pawh kut i thlâk nasa thei ngawt ang," ka ti deuh hlak hlak a,a naupai vang nge mi kutthlak hi a chîng thar a,a raino vang te pawh aniang a thin a chhe em em mai bawk sia.






"Ka rai no lai khan ka thin a chhe ve miahlo,nangmah ang hian" ka tih leh phei chuan a tum bar tawh. "Ka bestfriend tiin kut ka thlak ngam ve che a,ilo ni tak tak lo tawp anih hi,fake friend ilo nih hi" tih pahin a damdawi kenlai chu a dah tau hmak a.





"In buai viau em," kan lam a lo phei paha Arin'an atih chuan "buailo e," kalo ti vat a.Arina hi doctor ania,kan ward ah hian an rawn sawn thla a,a fel in mi a nel khawp a,keimah nen pawh kan in be zeuh zeuh zel a,in lama kan awm pawh hian mi arawn call leh zuai zêl a,pasal ka nei dâwn tih a hre reng sia mahse ṭhian ang in nge eng ang in nge min biak ka hrelo,a chang leh min koh duat em em a, "i hmelṭha" te hi min ti leh thut zêl a,nau ka pai tih a hriat phei kha chuan engkim ah mi a awl hnêh a,keiai upa mahse a upat na atam em em lo thung, uRuatfel'an Nunmawia a kha a thik viau amaw ka tia Arin'a hi chu a thik lutuk hi mak ka ti zawk,Nunmawia a unaupa a nih vangin a thik vak ngamlo zâwk nge pawh ka hrelo.





Ka dul alian ve tawh sia,thawmhnaw hak tawk mang pawh ka nei tawhlo.Nakinah inneih bazar hun velah lei lawk vek tur ani, "in ei ve duh em," Duat'in kan ṭhut na lama lo phei paha theihai sarang a inpek pali vel lai alo ken chu kalo ban rang khawp mai.





Ka nau ka pai tih an hria a,ka pum a lang ve tawh bawk nen kan ward counter ve deuh ah min duty tîr ṭhin a,kan awm awl thei khawp mai,in zaina room tih vel leh nau chhar na roomah phei chuan uRuatfela ten min luhtir an phal tawhlo tawp a.A chhan pawh nau neih lamah harsatna emaw keimah ah hlauh na a awm an hlauh vâng ania.





"Zanin chu kan hahdam ve tawp,nizan lama kan buai nen Hmangaih,engtik ah nge in khaw lamah chuan kan chho dâwn" ka bula lo ṭhut paha tiin theihai chu a en tuam tuam a, "tun thla tawp lam velah kan chho dâwn nia,chawlh kan la anga uRuatfela te rualin kan chho dâwn nia,motor an keng dawn a kan khaw lamah tih tur neuh neuh a awm ve dâwn sia,man hlan zawh veleh a chhuk leh nghal tur kan ni dâwn sia a peih awm loh," ka ti chhuak halh a.






Ka u pawn a sumo in Aizawl lam aṭanga kan chhungte man hlan na a chho tur ho a phur chho dâwn a,thla tawp lamah chuan a service thei rih biklo ang. "Dinpui che ka chak vei nen a,uRinpui'an a phal tlat siloa,mahse in inneih hunah chuan ka mawi viau ang,nang chu ipum alian ve deuh tawh sia,i mawi vak theilo ang" Adeline'in alo tive sep a.






"Teuhlo mai,ka mawi dâwn reng ala lian over chuanglo a," kalo ti ve deuh hlak. "Lo ṭhu ve rawh,ngatinge i din reng a" Arin'a melh zeuh pahin kati a,Duati alo kal zui bawk nen kalo theihnghilh daih chu niin.





"A ngailo,kava phei leh zâwk ange,in titi lai ka ti buai palh zawk ang che u," atih hnuah a kut a tih dan ziah in a thing ri khep a,a kal zui nghal.





"Duati,Arin'a kha nih pui daih ta che,in inhmeh reuh phian ang" Adeline'in atih chuan "teuhlo,amah kha ka type anilo keite chuan bad boy lampang alawm ka duh,Arin'a kha chu a fel mah mah,bakah hmeichhe thu hnuai a awm duai duai ang kha a nih duh hmel ka ti,khatiang kha chu ka duhlo mipa hi chuan min han control phawt mai se" tih pahin a nui sen sen a. "I story chhiar ang mipa kha mizo mipa ah hian i hmulo ang,i ngaihtuah na mai mai anih kha,zawng buailo law law rawh,khatiang ang mipa kha chu suangtuah na mai mai chauh,story boy leh midang i khaikhin zêl chuan tumah i teh tling theilo ang,khawvel takah hian cheng rawh" Adeline'i bawkin ati deuh hlak a.





"Pawilo,nakinah alo in lar ve mai ang,Pathian in ka tana a ruat min pêk hunah chuan ka duhlo thei dâwn miah siloa,pasal kala nei ve anga mahse ka pasal tur hi alo thi hman ang tih te ka hlau," atih chuan ka nui ta ringawt,henu hi chu a ṭha chhuak tawhlo ang,a story chhiar ṭhin hian a tibuai em a.





"Hmangaih,Ruatfela office lamah chho rawh," nurse senior uMangai'in atih chuan ka ding ve vat a. "Min koh tih na mi," tih paha ka ṭhiante lam ka melh thlâk chuan "office a kohna i dawn te chuan a koh che nimai lawm," Adeline'in atih takah chuan ka phone la in ka kal ve mai a.





Step a ka chho tur chu eng nge a chhan ka hrelo,ka hmul thi te chu an ding sung sung thei,zan dangah ka hlau ngai siloa.A thim em vang te pawh aniang,tilai bulb hi a keh daih bawk sia,an thlâk har reuh khawp mai.





Thawm ri hlek ah ka hawi nghal hra a,ka phone light ti eng in ka chho deuh hnak hnak a.Ka hnungah mi anlo kal ve ang tlat a hriat na ka nei te chu amak kati,ka hawi thlâk lahin tumah ka hmu bawk siloa, uRuatfela chuan a duh te chuan minlo hruai ve mai awm te ka tia,ka ngei lek lek mai.





A office hi chûng lamah daih a awm a,ward One lamah ka duty bawk nen.Ward pahnih lai kal pelh a ngai a,naute awmna ward leh ICU kal pelh a ngai a,nurse leh doctor duty awm reng mahse kawngah tumah anlo chhuak siloa,buaina tawk lemlo in uRuatfela room pawh ka thleng ve mai a.





A room ka kik dâwn chiah tih ah chhûnglam ah ri deuh bur a awm avâng chuan kik talo in ka ding reng a.Ka dinna lai hi light a eng tawh a,a zia ka hlauh na pawh tlêm chuan a kiam ve deuh.





"Hetiang anga damdawi lo khawih chingpen tu hi ka man chhuak vat ang tih hre rawh u,nangni ho hi suspend vek inni ang,kapa bulah pawh in sawifiah tum eng ang mah ula ka thu ang vekin a kal ang," atih hnu reilo te ah mipa aw hian, "keimah ni kan nilo kan tih mawlh mawlh chu," ati chiah tih ah "min la chhang ngam alaw," uRuatfel'an pawr deuh hian atia,hmeichhe ṭe ṭhawt ri ka hre zui nghal zât.






Kawngka pawh kik lo in a room chu ka hawng deuh ṭhuai a.Mipa pakhat hi chhuatah alo let bal a,amah chu a harh in ka hria,a kam sir erawh a thi deuh ser ser a,a ṭhiante niâwm tak chuan an buaipui vat.An inthuam danah doctor leh nurse ve tho an ni tih ka hria a,an hmel erawh ka hriat ngai an nilo.






"Chhuak vat rawh u," uRuatfel'an a ti leh deuh ṭhawt a,a thinrim leh tawh hle aniang a hmai a sen up up thei.A ṭhianpa chu an kaitho deuh lawp a,ka awmna lamah an lo phei ṭhap ṭhap a,kawngka a an chhuah thleng chuan ka enzui reng.





"I ṭha em," uRuatfela bula phei paha ka tih chuan vanvadak meuhin thawk ala hawk a. "URuatfel," ka tih leh chuan ka lamah alo hawi ve ta nge nge a,a lamah min pawt hnai in min kuah zui nghal vang vang.





"Eng chungchang ah nge a," a awm a bei pahin a hnungah ka beng ve dat dat a, "damdawi Nunmawia a awm a,Nunmawia nen a kan chhui chhuah theih phawt chuan engkim a fel leh vek mai ang," ka chhîp a fawh vang vang paha tiin ka samah duat zetin a chul a.






"I ril aṭam em,eitur ka leisak che a," tih pahin a sofa awmna lamah min kai phei a.Ṭhuthleng a kan ṭhut rualin dawhkan a kfc leh lassi in tur lo awm chu ka hmu zui nghal, uRuatfel'an thil a hmeh rik khep chuan a lam ka hawi vat a,mak ti zetin ka en reng.





"uRuatfel,mei i zu ngai siloa," zawi deuh sap a ka tih chuan minlo enve zawk a. "Tlêm tê chiah ka zu ang," atih hnuah a hip lut vang vang a,chutia ka hma a meizial a zu ta mai chu ka rilru ana tlat pek a,ka chhûngte bulah ruihtheihthil engmah tilo tiin kalo in sawitheih pui tawh vei nen a.





"Ka chhûngte bulah pawh engmah ruihtheihthil iti lo ka tia,ka chhuan vei che nen a,nge ka hriat loh vang mai mai zawk ilo zu ve reng ṭhin zawk ami" din paha ka tih chuan a kûn ngul a.A meizial chu ala zuk chhunzawm ngar ngar,ava han ngêng mai mai tak.





"Ka rin ang mihring ilo nilo tawp mai,ilo in thup thei hle mai," tih pahin ṭhuthleng a ka phone chu lâk ka tum a,ka kut lo vuan vatin ka phone chu ala a,a ipte ah a ak nghal hmak, "i duh leh i phone tello in chhuk rawh,i ei dawnlo emni" min melh zeuh pahin ati chang run a,a mood a off te lah hian a off mai mai thei sia.





"Min hmai zah vete ka ring a,ka hriatloh a ilo zu ṭhin anih pawn ka hmaah tal chuan zu lo ve la,nau ka pai tih i hre ve reng a,naute tân meizial khu kha aṭhalo tih i hre ve reng sia," ka tih chuan ka pum a melh thla zeuh a.






"Ei rawh" dawhkan a a thil min lei ho adah a melh zauh hnuah minlo en leh a, "ka ei chaklo e,ka ei duh tawhlo ka phone kha min pe la,ka kal dawn i bulah hian rei ka awm peih tawhlo" ka tih chuan ka meizial a nawr hlum a.





"I ei dawn em," ka kut a na zeta hmer paha atih chuan "aih" ka la tive ṭang ṭang a, "ka tihpalh anih kha,ei rawh le duati" ka sam ka benga lo zeh zeuh paha atih pawh chuan kala duhlo ṭang ṭang a.





"Ka ei dawnlo," tih pahin kala ding lui ngar ngar,ka rilru ana laklawh tlat tawh.Ka kut a vawn na thlah in balcony lamah a phei a,thawk a la leh deuh hawk ṭhin tih a taksa chet dan aṭang ka hre thei. "A lum lai khan ei vat rawh,tih luih kher ngai ṭhin suh Hmangaihzual," ka lama lo in her pahin ati deuh hrawk a.





"Ka eilo ang ka tih chu,ka phone chu minlo pe vat mai rawh inneih ka ṭhulh tîr leh daih mai tur asin," vin taka ka tih let ve deuh ṭhat chuan a mengrum khawp mai, "inneih ṭhulh sawi leh tawh ngai suh,i ei duhlo anih chuan paih vek ila nimai lawm," ti deuh hrawk in dawhkan chawp chuan a a paih keh,a dawhkan lah glass ani sia.





"I thinrim pawn ka chungah ṭuan kher zêl suh,thil ti chhe zawng hian thinrim tawh suh,pawisa hi in tan chuan thawh chhuah a awlsam ani maithei,mahse midang tan chuan a nive hleinem,i ti chhe dâwn ro ro anih te chuan a neilo te pe zawk ta che" ka ti khâr khâr a.





"Ka tih tur leh tih loh tur ilo sawi ve a ngailo,Arin'a kha vawi engzat nge a hnaih ah awmlo tur leh be tawhlo turin ka tih che,Sangtei cousin ani tih ka sawilo emni,phuba lâk dan ringawt asin an zawn,naute nen hian in na palh thei asin," ka dar a vawn paha tiin min sawi deuh nawk a.






"Thluak nei rawh,mihring hi nangmah ang veka fel anni lo,naute leh i chungah hian thil thleng palh tase engtin nge ka awm ang,Hmangaihzual fing rawh thosi ang maiin i thisen an dawt dan tur ringawt an ngaihtuah tih i hria em,that che mahse pawi tihna an nei dâwn hauhlo asin," ka hmai bulah a ti vin tuarh a.





"Sangtei cousin ni mahse a sual kherlo maithei asin,midang pawn fel an tih em kha" zawi deuh sap a ka tih chuan thawk la hawk in min thlah hnawk a.Room chhûngah chuan a kal kual vut vut.






"I rilru a buai zo anih kha,thil i ngaihtuah tam lutuk a khavang anih kha,i ngaihtuah na kha chawlh hahdam tîr ve rawh" a dara khawih paha ka tih chuan minlo kuah vat a. "Thil hi hriatthiam tum zawk rawh,mihring te hi irin ang vek a fel anni lo ania," atih chuan ka chhang tawhlo.





Eitur lah chu a paih vek mai sia, "a dang kan chah leh mai dâwn nia," atih chuan ka hnial lo,ka ril aṭam ve deuh a tiffin ka pai lo bawk nen. "A zualpui hi kan chhar ange," tih paha ka ṭhu thla chu "ding rawh,khawih suh" alo ti nghut a.






A thusawi ngaihsak lo zetin ka chhiar mial mial a,ka bânah minlo pawt tho lawp mai. "Luhlul viau zel suh,nakinah anlo tifai mai ang,ṭhu rawh nang tal chuan thusawi zawm rawh" tih pahin ṭhuthleng ah min ṭhuttir a.Keipawn chhar ka tum buai tawhlo law law,ka pum avâng hian ṭhut tung a harsa tawh a,thil tla chhar mai mai pawh a harsa ṭan der chu ania.






Eitur a chah hnu rei vaklo ah ka bulah alo ṭhu a,ka malah alu nghat in a mit a chhing zui vang vang. "Mu daih rawh,i chau anih kha" a sama chûl sak paha ka tih chuan "chau lo,ka ngai che" tih pahin ka kut alo fawp deuh vang vang a.





"I sam hi inneih hma in i meh a ngai dawn anih hi,a hnim tawh riau mai," ka tisep a. "Nichin khan inneih ṭhulh iduh amaw ka tia," nuih zât hmel taka atih chuan ka tum deuh bar a.






"I va han sual mai mai tak,ka ṭhulh tak tak zawk mai ang,bulb hi a power a tawp hian a keh mai zel a,mihring pawh hi min nawr nasat lutuk leh min hrawk nasat lutuk te hian kan dawhtheih na a keh chhia a,duh loh deuh deuh sawi chhuah a awl ṭhin,chuvang chuan ṭha deuha sawi kha a finthlak zawk,thinrim a thil sawite hian ṭawngkam na deuh sawichhuah a awl a,keipawh ka ni chiah kalo sawichhuak palh anih kha," ka tih chuan alo ṭhu chhuak a.





"I thinrim a hma ang khân i thinrim rei tawh em em lo a,azia" alo tih ve chuan ka nui suk a. "I bul ah hun ka hmang tam a,mihring te hi kan bula awm a te zir zêlin kanlo inthlak danglam ve zel chu anih hi,ka thinrim rei i phal ngailo a ka thinrim reh hma chu i bulah min awm tîr ngat ngat zêl a,ka thinrim na te ni in a tlak liam pui i phal lo bawk a,khavang kha anih hi nangmah a ka zirchhuah tawh ah chuan ala ṭha berin ka hria," ka tih chuan anui ve deuh suk.





Eitur a chah chu zan ala tlai em em lo bawk nen alo thleng har lemlo, "ei ve ta che" tih paha a lama ka dah phei chuan alu alo thing vut a. "Ka rilam lo,nang leh i puma naute kha in puar chuan ka puar," ati deuh tlat sia.





Ka thil eilai in ka bulah lehkha vel alo enfel a,ka ṭhiante chuan rei minti tawh reuh ngawt ang. "URinpuia te hi inneih an tum ve reng reng em, Adeline'i sawi ri zeuh mahse a sawichiang siloa," ka tih chuan "nei ang,Rinpuia hi mahni mawhphurna la ngamlo khawp a mipa nep anilo,tih tur a neih reng reng pawn a tlanbo ngailo," atih chuan kalo hlimpui ve ringawt.





"Midang ang em em in rai lai mood swings i nei nasa lo a,azia min haw tlat ta la ka awm thei dâwn siloa," atih chuan ka nui hak hak a. "Ka haw lo che,a chhan chu Ruata saw ka haw lutuk a,naute pa tak tak zawk ani sia mood swings an pate huat tlat ang kha chu ka nei aniang,Ruata ka huat dan saw a turu tlat,a hmel ka hmuh hlek pawn luak a pawt" ka tih chuan a thil tih lai dah in ka lamah alo hawi a.





"Naute pa hi keimah chiah kani tih theihnghilh suh,Ruata sawn a fa tih theih na dan a nei ve tawhlo i hria em," min en kar pahin ati chang run a.Kalo ṭawng sual leh palh ṭhin, "nia naute pa chu nangmah chiah," ka ti ṭha ve mai a.





"Thla lah chu a tawp ṭep tawh mai sia,zanin hi kan inneih hma a ka duty tawp ber na tur ani hi amak kati reuh,kan khuaah kan awm rei em em hman dawn bawk siloa,inneih hi ka huphurh rual rual in ka phur tho bawk sia," ka tih chuan ka kawngah minlo kuah vat a.





"Ka ta a ka siam hun tur che ka nghakhlel," ka hmuia fawh zeuh paha atih chuan a awmah ka lu ka nghat ve dat a.Hmalam chu lo hre lawk ni ila, uRuatfela fa chiah hi ka pai duh ang,hetia a fa ni silo mawhphurh na ala te hi ka khawngaih leh tlat zêl a,a chang chuan in thiam lohna in ka khat a,amah hi lo fel hrim hrim lo phei sela chuan naute hi a duh kherlo maithei,Papuia te chhungkua in anlo hreve ting tang sia,nu lian puii lah thil sawi peih chi alo nive bawk nen midang kan chhûngte bulah uRuatfela nen a kan chanchin alo sawi vak a, uRuatfela fa anih loh thu te midang ka aṭang kan hre leh vek sia.Ka ngei reuh tak tak,midang bulah phei chuan zawllaidi a tat aniang,sawtiang afa pawh nilo a pawm thei a atih loh leh a khawngaih a nuthlawi ni a miin an hmusit a hlauh pui vang mai mai te alo ti vak a,a rilru saw a ṭhalo tih ahma aṭang ka hre daih tawh a,midang in an awi vaklo zawk a a tih zia phian.





Zanin chu atawi deuh naktuk zanah kati sei dawn nia,chapter hi a tam em em tawh dawnlo a,minlo la chhiar sak hram hram dâwn nia


Show post links
Top

[Ngaia]

Chapter-27


HMANGAIHZUALI POV

"I in siam fel vek tawh ami," kanu in ka room a lo luh paha atih chuan kalo aw ve vat a.Kan khaw lamah naktuk ah hian kan chho tawh dawn a,Aizawl lama kan chhungte pawh an rawn leng lut ve reng tawh mai.URuatfela te kan in chung lawkah an awm bawk nen,anni pawh an chhungte niâwm tak an lût chhuak ve reng a,a chang phei chuan nau kalo pai bawk nen ka zo lo lek lek zêl.





"Omi kava tih pui ange," atih hnuah ka room aṭang a chhuak leh vat a.Ka keng tur vel ka khung kim tawh bawk a a tih zia viau,man hlan na a kan hak tur pawh Darlawn lama ka cousin in min ṭhui sak a,kei phei chuan a takah pawh kala hmulo puan ṭhui thiam ani bawk a,ka ring ve deuh tawp.





"I ṭhian te chu anlo riak dawn iti ani lâwm ni,khua a thim mai dâwn phone leh chhin rawh," kapa in min hmuh ruala atih chuan ka phone phawrh chhuak in ka call ve mai a.Kan chhûngte ṭhenkhat pawh anla awm,chaw ei khawm anti kher bawk nen naupang nen kan ri deuh nak nak mai.






Pawn lamah chhuak in ka ṭhian te chu ka call nawn leh a,a vawihnih naah chuan an la ve thei hram. "Aw Hmangaih,kanlo thleng ṭep,thil kan lei kawi lawk a,kan bawr ve reuh sia kawtah khan minlo hmuak teh" Duat'in ati deuh zung zung a,thawm a rik nak nak danah an buai ve tak tak aniang.






"Pa kawtah ka han nghak ange aw," kawngka a dah zuai paha ka tih chuan alo aw rang khawp mai, uRuatfela te pawh an in bul velah mi an vei thuak thuak reng mai.Nu Teremi pawh alo chhuak ve deuh reng tawh, "kha khawnge i kal dawn a" gate ka hawng tur chiah Nunmawi'an arawn tih takah chuan ka hawi let veleh vat a, "ka ṭhiante anlo riak dawn a,kawtah hian ka nghak lawk dawn mawle" ka tih chuan anui veleh sang tawh.





"Anih chu,va hmuak rawh" atih hnuah an in lam panin a phei a.Ka ṭhian te pahnih lah chu anlo lang har zêk leh nghal a,bung kung bulah dingin kalo nghâk deuh reng a, "inlak no hun a nilo,chawi nawlh rawh i chak zia ka hria," thlang lam aṭang a tih ri ah chuan ka hawi thla vat a, uRuatfela leh Mary te thil khai ṭun chungin anlo inzui chho chu niin.





Ka dinna bul an rawn thlen chuan chik deuhin kalo en a,Mary hmel a lungawi loh na lang pawh chu chiang takin ka hmu thei.uRuatfela chuan min nui deuh suk a, "khawnge kal itum" tih pahin min si chet in a ding a, "ka ṭhian te ka nghak lawk a," ka tih rual deuh thaw in taxi kan hmaah tak arawn ding a,ka ṭhiante pahnih chu an rawn in khai bawr khawp mai.





"Mary va lût rawh," uRuatfel'an Mary melh zeuh paha ati chu a ṭap ṭep in ka hria. "Ka thlah ang che u," tih pahin ka ṭhiante pahnih air bag chu a kut leh lam leh lam ah a khai sak nawlh a,nikhat vel lek riak tur siin hetiang em em an rawn keng chu mak ka ti.





Aizawl lamah man in hlân thei tho mah ila Darlawn a tih kha aṭha ka chhungten an ti tlat sia,Darlawn lama kan chhungte lo kal theilo an awm nual dâwn a.Man hlan na ah tal lo kal se kapa in ati tlat sia,kei phei chuan ka hnial lo hrim hrim.





Inchhung thleng an bag a khai sak a, "heihi kan makpa tur chu anih hi,han in chibai ve reng reng teh u," kapa in uRuatfela an awmna lama hui zeuh paha atih chuan uRuafel'a pawh a phei ve vat a.





Ka chhûngte nge tute nge an nih ka hre hlawm lo,tuna uRuatfela chibai tu tak phei hi chu ka vawikhat hmuh na.Khawi aṭanga rawn kal nge mawni, "makpa in nei ṭha dâwn khawp mai,a hmel pawh a ṭhat hi Hmangaihi nen pawh an inhmeh viau mai a," nui huah huah chungin kapu chuan ati a.





"La ṭhu ve rih la," uRuatfela ban a chelh ran paha ka tih chuan "an tam emai," ati thum dut a. "Eng nge i sawi awmzia," kalo tivat "i chhûngte an tam emai,zan lamah kan rawn chhuk leh zâwk ang," atih chuan ka hnial bik hranlo,pawn thleng ka thlah a nidang ah chuan a haw dawn in ka chhîpah tal a fawp ziah ania,vawiin chu mi an tam deuh nge step a a chho chu ka en zui reng a.






Inchhung a luh leh mai ka tum chu min pawt tu an awm avâng chuan ka inher vat, uRuatfela bawk chu niin "ka theihnghilh," tih pahin ka chhîpah leh hmuiah alo fawp zeuh a.Pawn a awm ho chuan min la chhaih zuk zuk zui a,midang mit hmuh ah min hmangaih zia a ti lang ngamlo amaw ka tia,mahse ka rin ang lo bawkin a che leh tawh.





Inchhung ka lut chu ka lu te Ana bur thei,boruak hi ka zo lo deuh tak tak ani. "Mu zal mai mai ru,chaw ei kan la peih chiah chuanglo," tih pahin keimah pawh chu khumah ka mu zal deuh ar ar a, "awi Hmangaihi pum hi khatia i mut khan a lian tawp,i kawr hak vang nge" tih pahin Duat'in ka pum arawn chûl thuak a.






"Ka kawr hak hi a lian em em lo a,chuvang aniang" ṭhut ṭhat paha tiin ka pum chu ka en a,ka kawr hak vang pawh a ni em em chuan ka hrelo,a lian ve tawh hrim hrim "khawimaw Adel nang ve," Duati bawkin ati leh hluai a.A phur lutuk hi a za cheng mai, "en tham pawh ala awmlo," tih pahin a kawr a hlim ve mai a asawi ang tak tak in ala thêp nel mai.






"Ka faten ifa te an la vel an la vel dâwn anih hi," ka tih chuan "teuhlo,naupang zâwk dâwn mahse ka naute hi chu apa dâwn em,hmeichhia pawh nise mahni lu zo veh vawh tak ani dawn alawm," a pum la thêp nel mai chûl pahin ati dap dap a.






"Mate,i ṭhian te anlo thleng tawh maw,chaw kan ei mai dâwn ami zan lamah inlêng te kan nei leh awm sia,in ei fel vat zawk ila aṭha ang,zan lam tih tur a tam dâwn riau" kanu in atih chuan kan lo aw ve vat a.Kanu chhuah hnu lawkah keini pawh kan chhuak ve nghal, "chaw ei hma in ṭawngṭai na te hmang phawt ila,a hmasa in veng hla tak tak aṭang kan fanu pasal neih tur min lawmpui tûra in rawn kal vang vang hi kan lawm hle mai a,biakin hawng in tlin lo mahse Pathian hmaa thu an tiam hrim hrim kha keini chuan kan duh ber ania,Aizawl lama man in hlân mai te kha chu awlsam viau mahse Darlawn lamah kan chhungte lo kal theilo tam zawk an awm a,chumi vang chuan Darlawn lamah tal man in hlân se kan ti kha ania" kapa in ati dap dap a.






Ṭawngtai na te a hman zawh ah chaw ei hmeichhe ho in kan siam nghal zung zung a,Omi pawh a ke a hmang thei tawh a,mahse ala bai deuh suih suih a.Duh ang em em chuan ala hmang ṭha hleithei lo,inneih zawh ah ka chhûngte Darlawn lamah an chho vek dawn a,Omi pawh Darlawn lamah a han awm ve deuh reng rih ang helai ah class a kal thei bawk siloa,in luah ah kanu in a awmpui reng kha a thei bik siloa kan in luah chu kan khâr rih mai angai dawn anih hmel.





"Adeline,Duati ei ṭeuh ru aw inthlahrung miah suh u,in ei puar ngam leh nangmah ni tan vek tho ania," kanu in atih chuan Duati a nui deuh hak a.A chaw eilai pawh chu a ei ṭha hleithei meuhlo,a eng ber chuan nge a nuih lo tiza ni, "ava za awm ve aw..." Kapa pawn ati deuh vawng vawng a.





Chaw eikham ah kan chhungte naktuk a kan ruala chho velo tur ho an haw nghal duak a,boruak pawh a nuam deuh sawt in ka hria,ka u pawh chaw ei kham a a chhuak kha alo la let lehlo.UTlani te nufa erawh an nute in lamah an phei leh rih a,ka nute an chho theih phei chuan an phei reng a ngai tawhlo ang,naute nen anni sia tilai a lo chhuk a a tûk a chho leh tûr kha an peihlo a,nau pawm alo nibawk nen keipawh ni ila ka peihlo ang fa pakhat chiah chu nise thu hran ania.Phir a pawm kher bawk nen,amah pawh a tla dawk sawk thei.





URuatfela message minlo thawn chu ka hawng vat a, "naktuk ah kan inhmu dâwn nia,duati zanin chu ka ṭhian te nên tlangval tawp ber na kan thlah lawk dawn a," tih hi alo thawn a,ka ṭhian te ka hrilh ve chuan an phûl deuh hlut mai.






"Ngatinge i nulat tawp ber na tur kan lawm ve loh ang,dawr ah kal ila drinks vel han lei ang u,nangpawh naute a lian tawh tho a a hlauhawm loh ang,coc leh sprite vel mai mai te chu apawi teuhlo, uRuatfel'an in a phal sak leh dâwn silo che a,a hriat loh in zanin chu in ṭeuh rawh" Adeline'in din pahin ati deuh hluai a.






"Dik chiah, Adeline'i nen kan tum vek ang,nang chu lo awm tawp rawh,dawrah min han kalpui la animai,Adel in ah hian lo awm zawk la naute ala te sia,i kal vak vak chuan a ṭhalo ang Hmangaihi nen hian kan han kal ang,kan in na tur room vel lo tifel rawh" Duati pawn ati ve zung zung a.





Ka ṭhian te hi han phur em em phawt mai se,a dik vek animai Duati nen dawr lam pana kan kal tur chu uRuatfela te motor tlân chhuak chu ka hmu thawi fua,kan in nang hmanlo vel chiah chiah khawia lawm nge maw an tih dâwn ni, uRuatfela te in a an tih ve mai ka rin nen.






Dawr kan thleng chu Duati nen kan in nuih tut tut a,kan kal phur vei nen eitur tui hnai a awm vaklo. "Sawti lai dawr lian zawkah khan kan kal leh mai dâwn ami,kuhva leh meizial chhang tuilo deuh nen a i nulat tawp ber han thlah liam tawp mai chu ka khawngaih che," ka beng bula arawn tih deuh sar sar chuan ka hnial lemlo,a dawr nghâk a ten min ngaihsak lemlo bawk nen kan inzui chhuak leh vat a.





Cup noodles intur tih ang reng vel kan lei nual a,a nau pai lo ber hi a thil ei a tui thei sia.A duh hnem leh pek khawp mai, "zanin chu zan dang zawng aiin a lum, uRuatfela te inkawt a bung hnuaiah khan pipu a awm tiro,uai lawk ang reilo te a lum emai," Duat'in atih chuan kan in bul gate pawh kan thleng zui ve nghal.






"Heihi aṭha vak tawhlo an tia,keipawh a hma in uai ka tum tawh a,mahse uRuatfel'a nau in a rei tawh sia,a rintlak tawh lo ang ati tlat a ka uai ngamlo kha ania,a Hrui hi a chhah sia,a chat mai chu ka ringlo uai chhin teh khawi kha kha kalo khai ang," ka tih chuan a polythene khai lai chu minlo peve vat a.





Pipu a a uai chu a chat mai biklo, "in then na deuh chhin teh," tih pahin ka tawlh hnung deuh a.A in then na deuh chiah tih ah nui vak ri kan hriat chuan "awi kanu!!ka duh theilo,Remruati thlahrang" tih pahin pipu aṭang a tla thla nawlh a.Ka kutah kai in min tlân pui ta vak mai,kan in lamah pawh min tlanpui chuanglo a.





"Duati,khawmaw ana ania min thlah teh,eng nge i hlauh chiam chiam nu Teremi uRuatfela nu nui ri anih kha,a nui ring ve deuh ṭhin a,saw en ta che kawngka bula a ding reng saw" ka tih takah chuan a thaw deuh huai in ka hria.Nu Terem'i khatiang ang em em a ring a anui ka hmu khat sia,keipawn ka hlau lek lek ani,mahse kawngka arawn hawng khan amah alo lang nghal hlauh a nilo Sela chuan keipawn ka hlau viau ang,vawiin chu a hlim ve hle aniang a ha a lang reng mai.






"Awi mother in law i nei rapthlâk dâwn e...sawtiang a anuih reng phei chuan Thlamuang in i awm thei dâwn ami,a za awm mange saw ala nui char char nia ka rap reuh lutuk," ka hnung aṭang a min vawn beh tlat pahin ati la ti ta deuh deuh a.





"Nidang zawng a hlau ngai manglo,i duty naah pawh thlahrang te chu i tawng nual zawk ang chu,eng nge mi nui mai mai te nangpawh i hlauh vak ni,ka thil ken min thlauh keh tîr ṭep lo chauh ani," ka tih chuan a awm a dâwm vang vang a. "Ka thin phu pawh ala normal theilo,awi kha chu arawn nui thut sia zâna pipu uai a ṭhalo an ti bawk nen ka hlau hman lutuk alawm,Remruati thlahrang nizan hmasa khan kalo en kher kher bawk sia" ati leh deuh hluai a.





"I ho emai,chhuk ang" tih paha ka kaih chuan min vuan nghet khawp mai. "Mi hlau ve te,a ho han in tih sak ringawt,hlauh zawng te hi a in ang lo ve a,tunlai chhan ah phei chuan mihring an hlauhawm tawh zâwk leh nghal a,i mother in law chu rapthlâk dâwn emai" ala ti deuh ṭalh a.Duati hian nu Terem'i hi uRuatfela nu tak tak anilo tih ala hre velo a,hrilh pawh ka tum hranlo Adeline'i erawh chuan a hre tawh thung.





"Kha Hmangaihi chu khawnge in kal a,hei en rawh Mawite,kan monu tur chu anih hi" tih pahin kan din na lamah an rawn phei a. "Anih chu mawle,kha ava puar lian tawh ve" ka pum melh thlâk zeuh paha Mawitei atih nu zawkin alo tih chuan ka nui sang a.





"Nia lian ve tawh lutuk," ka tive mai a, uRuatfela fa anilo tih hi tu bulah mah an ni lam zawk hian an sawilo nge,vawiin a uRuatfela pa lo hruai te phei kha chuan uRuatfela fa ah an ngai hmiah a,naute thawmhnaw pawh min rawn ken nual anih kha,nu Saipuii pawh alo phei ve in ka hria.





"Ka unaunu hi kan thlah lawk ange," min melh zeuh paha nu Terem'in atih chuan kabu nghauh ngauh a. "Chhuk san ang,min nuih leh vak palh ang" Duat'in atih chuan ka nuih aza zawk,a hlau lutuk hi.





Ka room kan thlen rualin a pipu uai thu leh nu Teremi nuih dan vel chu Adeline'i a hrilh nghal zung zung a.A nuih dan thleng chuan ala zir zui, Adeline'i lah chu anui ring mai sia, "Adeline'i nen an nuih dan a in an deuh reng kha, Adeline'i anuih chuan i hlau leh chuang miah siloa," ka tih chuan "aw ani te chu ka bul lawkah ka hma lawkah a awm a,bakah a nui ri ka hre ṭhang em a" ala tive fan a.





Chaw eina la rei vaklo mahse kan thil lei chu kan eizo leh vek thei tho, "zanin chu ac ka on sak ang che u,keimah a ka awm chuan ka ui a ka on ngai manglo a,khum a lian tho a kan leng vek ang a laiah Duati mu se" ka tih chuan ac remote Duat'in ala nghal zât a.






"A chhia amaw ka tia,kalo sawi ngam lo vel a zanin bak hman na hun inei tawhlo hrim hrim,i uikawm luatah mahni i inti hreawm mai mai anih chu,thil te hi ren lutuk loh tur keimah ni ta anih phei chuan midang in an hman ai chuan mahni nawm na ngaihtuah kha aṭha ber,thlasik hunah i hmang leh tak tak chuanglo anga,khawlum over lai tal chuan hman tur che alâwm," tih mawlh mawlh pahin ac remote chu a hmet mual mual a.






"Awi iva ti vawt ve," kalo ti deuh hlak. "A ho emai,tihian vur ram kal kan ni mai,puan kan sin thei anga a nuam hlei hlei,thlasik angah ngai ru a laiah ka mut dâwn phei chuan vâwt deuh ka duh rai puar te u mu ru,in phun chiar" ati leh ta ringawt tawh.






"Nangmah bak tumah kan ṭawnglo,i phun chiar ber" Adeline'in tih pahin a mut na tur a siam ṭha zung zung a. "Hei te hi eng lukham nge ni ngai,a kawi ngul mai a a pian ṭhin reuh zia hi" tih pahin ka lukham ka dul kâm nan a ka hman chu alo la chhuak a.






"uRuatfela min leisak anih hi,a pawimawh zia chu aw ka kalna piangah ka keng zêl dâwn,naktuk ah pawh ka pai ang,raipuar lian over phei tan chuan hman anuam leh zual naute in siam rualna ani nghal bawk a, Adeline nakinah online ah chah ve rawh,naute a len hunah phei chuan tiang hi hmang la nuam iti viau ang" ka tih chuan alo en ve ngial a.






"Engzat man nge,a to leh awm e" ati deuh sep. "Ka hrelo, uRuatfela min leisak ania,a man a sawi duhlo a online a ka en kha chuan sang khat leh zanga vel bak anilo,a ṭha sia uRinpuia lei tîr ve rawh" ka tih chuan anui ringawt a, "nakinah inneih hun law law ah naute ala te emai a ṭhang zung zung chuanglo a," atih chuan ka chhang tawhlo.





Ka mutna siam ṭha in keipawh kamu vat a,ac lah chu a on sang sia,a vâwt tawh lutuk ringawt room chhung chu avawt ruih thei tawh.Puan sin ṭha in ka phone ka khawih mual mual a, uRuatfela message alo la awm leh miahlo.





"Ka call mai dâwn amawni le," ka tih chuan "a ngailo, a tlangval tawp ber na tur ania an thlah dâwn atih kha,va call buai sek duh suh a ning zâwk palh ang che,tikhan mu hmak rawh a tlai tawh" Adeline'in atih takah chuan phone ka khum bul dawhkan ah dah in mut tumin ka in let ka in let a.





"In mu tawh animo,zing thawh hma a ngai ania aw mate," kanu in kawngka a lo dah paha atih chuan "aw ka hria lawm nu,minlo kaitho mai dâwn nia thawh kan hai tak leh," ka tih chuan alo aw ve mai a.


*************
"Hei nge heihi mawi zawk ang,awi bialpa zawn pah ka duh dawn sia,eng ber hi nge nalh ang aw" a thawmhnaw ho hak diat diat paha Duatin atih chuan "a pâwl kha ha rawh,hmuh anuam khawlum ati zia awm,i inhmeh zawk bawk kawrfual kha ha rawh," kalo ti ve mai a, Adeline'i lah chu ala muttui mai sia.





"Nizan a mu ṭha theilo iti tiro,la mu mai rawh se ala hma tho," ka tih chuan abu nghat a.Darthlalang ah in en in a hmai a chei zui nghal mawlh mawlh,a phur lutuk hi ka ngaih aṭha lo zawk lek lek,kan khaw lamah cham hlen a tum amawni tih tur khawp in thawmhnaw a keng tam bawk sia.





Kawng a ka hak tur kawrfual a dum leh var in pawlh chu kala chhuak a, sneaker ka bun leh anga a zo der animai,makeup chu chaw kan la ei siloa,chaw eikham ah ka in chei ve thuak thuak ang.Nimin lamah hmai kan Facial tîr a,makeup Duat'in a thiam tho a,man hlan ni ah chuan Duatin min chei dâwn a,inneih ni tak tak ah erawh min chei tûrin mi pali lai uRuatfela nu in a ruai a,nu Terem'i hmai lam duh uluk mi alo ni bawk nen a rawih man pawh aman a tum vek tur thu asawi a,a awm mai mai pawh hi ani chu a in chei deuh hlar zel bawk nen makeup tello a a hmel ka hmu khat angreng.





"In lo tho tawh maw,artui sawm nga man vel han lei lawk ta che u,alo daih lo chiah chiah a," kanu in atih chuan kan hnial hranlo. "Duati chu iva nalh tawh ve,duati te hi i mitmeng a mawi reuh sia,i luck reuh viau ang,i hmai fang a ṭha reuh bawk sia i pian lah chu analh bawk si," kanu in ati chu Duati pawh a meng de sawr sâwr mai.






"Awi iti awm anglo e..." Kanu ban a ben dat dat pahin ati ringawt a,hetia a awm tawh chuan a lai tih na "nupui lo la neilo ila chuan Duati hi ka bem hrim hrim ang," ka u in atih ve phei chuan lai tawh tak ani,a beng te chu asen vek tawh in ka hria.






"Duati ilo kal ve dâwn em,ka kal dawn asin" pawisa lâk paha ka tih chuan minlo zui vat a.Duati hi an chhungte lampang hi vai thlah deuh nge mawni a mit hi a vai mitmeng riau a,a mit hmui te hian asei sang reuh a,kanu khan a sawi sual hauhlo a hmelṭha reuh a bialpa anei ngailo hi amak kati zawk,a luck ru ve viau ang luck chu a in sawi ngailo mai mai zawk a.





uRuatfela te in pawh a in hâwng hma khawp mai,motor mipa pakhat hian alo sil mek a.URuatfela hmuh in ring in ka thlek deuh zuai zuai a,ka hmu hranlo "awi motor sil tupa kha a chhelo reuh iti ve em,an chhungte amawni le" Duat'in dawr lam pana kan kal laia atih chuan ka melh deuh hra a.





"Motor sil chhelo iti leh tawh, Vaivakawn motor sil na ami pawh kha chhelo iti ani lâwm ni,motor sil mipa hi i duh hrim hrim in ka hria," ka tih chuan anui deuh hak a.






"In khaw lamah ka bialpa tura hual lawk deuh te inei em" atih chuan "neilo,kan zawng dâwn nia" ka ti ta ringawt a.Artui kan lei zo kan let leh chuan Rinsangpuii pawh sam thur bam in kawtah alo ṭhu a,kal a tum velo nge mawni,a bum lian thei ropui sia,a hmelchhiat loh nen a tum nasa thei lutuk hi ka hmu hmelṭha lo zo vêkin ka hria.





Chaw eikham ah keini pawh kan khaw lam pan tûrin kan insiam zung zung a, uRuatfela te ṭhian dun pawh an inpeih at tawh.Duati bawk hi a buai ber ber ah aṭang leh a,chaw ei hma in alo in chei lawk diam sia,a hmai phih ṭha leh vêkin a bul aṭang a inchei leh a, Adeline'i pawh apum ala puar lo bawk nen ala nalh khawp mai.Keimah ber hi ka in hmu nalh thei tlat lo a,ka ṭhian te chuan mawi min ti viau mahse mawi ka inti thei tlat lo,Duatin ka hmai min chei sak a ka hmai chu a dik fu.






uRuatfela ten kan bungrua vel motor a an dah fel hnuah kan lut ve sap sap a.Adeline'i uRinpuia motor ah uRinpuia leh uRuatfela thawhpui te ho nen an chuang a,keini uRuatfela motor ah Duati leh midang pahnih nen kan chuang ve bawk,a hmaah Duati ka ṭhut san daih sia nuamlo ati viau dâwn amaw tih laiin zai a ngaithla a,a hlim bawk nen a bul a ṭhu te pawn an nuih an nuih mai.





"I mawi lutuk," seatbelt minlo hrên tîr paha ka hmuia lo fawh zeuh paha uRuatfel'an atih chuan ka nuih sang a.Ka sam sei ve tak chu ka thlah hniang a, "buaina a awm chuan in sawi dawn nia,vawiin lamah tih tur em em a awmlo bawk a,kan nu hian nau apai sia,ka tlanchak pui em em theilo ang che u" uRuatfel'an atih chuan "e...hmanhmawh rere suh,muangchang khan tlân zawk rawh" hnunglam ami te pawn anlo tivat.






"Tlân chak deuh mahla a pawilo ania,kawng aṭha tawh tho a,min ngaihtuah suh" uRuatfela en paha ka tih chuan minlo melh ve zeuh a. "Kawng ṭha ah accident a awl zawk,mut tum zawk rawh thlen hunah i mu mai mai thei dâwn siloa,i chau lutuk palh ang" ka pum lo khawih zeuh paha atih chuan ka chhang tawhlo.





Kanu te kan hnung lamah sumo in an rawn tlan a,Aizawl aṭang a kal chu kan tam em em lo,Darlawn lam aṭang a inneih tak tak hmang tura min zui thla erawh an tam khawp ang.Sumo pawh ka u sumo mai bakah kan khaw sumo leh motor kan hmang nual dâwn a,biakin hawng a in nei tûr nilo mah ila ka chhungten theih tawp min chhuah sak a,a pui thei ang bera min tih sak an tum hi hreawm kati lek lek zawk.






Duati pawh a tîr lama a phur vei nen a chau hma khawp mai,tûnah phei chuan earphone a beng ah vuah in a muhîl leh bawrh bawrh tawh.






"I ril aṭam em," uRuatfel'an atih chuan kalu kalo thing vat a, "ṭam lo e,chhuah hma in chaw kan ei vek alâwm, Rinsangpuii te kha an kal ve em," ka tih chuan min melh deuh zâwk tih ka hre thei.Ka zawh na teh daih chu mak ati deuh nge, "kal vek e kapa te nên hnunglam ah anlo tlân a,Nunmawia erawh kan hma lamah bike in a kal hmasa a," ati ṭha ve mai a.





"Nizan ah in haw har em,engtin nge hun iva hman a" kati leh a. "Haw har em em lo,dar sawmpahnih rik hma in in kan thleng,ṭhian te nên hotel lama thil ei pahin kan va in ti hlim ve zuai" atih chuan ka bu nghauh nghauh a.





Kan hnunga mite an muhil vek sia,ka mut chhuak hle mahse uRuatfela chu ka men pui hram hram a, "muhil rawh" ti mahse amah chiah a motor a khalh kha chuan nuamlo atih ka hlau sia,bakah a vawikhat kalna ania kawng a hre awm siloa.





uRuatfela tlanchak vaklo pawh chu ka u speed nen chuan in anglo tak ani,thlen pawh kan thleng harlo,dar khat rik hma hret in kan in kan thleng a.UTlani leh kan chhungte dang dang in thingpui ruai nen minlo hmuak a,ka chhûngte ka tâna an inpek na hi a ropui ka ti takzet.






"Bawihtea te chu hmuh loh karin anlo va lian chak ve,ka ngai tawh reuh lutuk" tih pahin Roonie leh Daniel te chu kala a.URuatfela Roonie zawk chu alo la vat,duhloh an nei vaklo zâwk a, "heihi mi inpa tur chu," uTlan'in atih chuan kalo aw ve vat a, "khawi in chibai ila thlalak ah hmu tho mah ila a taka hmuh nen chuan a danglam khawp mai," atih chuan kalo nui ve hak hak a,midang in minlo be buai ve sek bawk nen duh ang in uRuatfela leh ka ṭhian te pawh ka ngaihsak hmanlo.






"Han chawl hahdam phawt ula,thingpui te in ula ṭawngṭai na te kan hmang dâwn nia," papui'an atih chuan kan ṭhu ve vat a.kan in pawh anlo singsa nual a,Yma ṭhuthleng an hawh anih hmel, Adeline'i motor a rui deuh nge kil khatah a ṭhu zawi khawp mai,Duati erawh kan ui pate-i nen in ngheng chial in an ṭhu a,khawlum ti theilo tak ani bawk nen tukverh bul pate-i mutna bulah a ṭhu a,pate-i pawn a nel nghal khawp mai.





Roonie leh Daniel te uRuatfelan ala pawm reng a,ka rinai daih in nau pawm pawh a hnehsawh zêk, damdawiin lam velah an pawm nasa deuh nge mahse a tih nat a hlau lutuk a,a khawih ṭha ngam vaklo.





"Kanu te kan pawm tîr dâwn ami" ka tih lahin a duhlo ve tlat sia,bawihtea te pawh eng nge an hriat ni an awm hle hle mai.Mihring kan awm nuai nuai sia,chumi vang te pawh chu aniang,ṭawngṭai na vel kan hman zawh chuan kan ri leh laih laih a.





Min chibai tu lah anlo awm ve reng sia,bawihtea te pawh kanu ten anlo la vat, uRuatfela chu ka chhungten hmelṭha anti hlawm khawp a,ka cousin fate tleirawl deuh deuh ho pawn an en ve dauh dauh mai.URuatfela lah in min ngaihtuah sia,ka ṭhat leh ṭhat loh min zâwt deuh reng a,ka inti thei ve lutuk,mahse Tharte'i inchhung kan luh aṭang khan kala hmu miahlo a,ka awm anuam em em lo ka classmate hlui Rini te ho erawh nau pawm chung in an rawn kal hrâm hrâm a,Rini pawn fanu hmelṭha deuh alo nei ve tawh a.





"In inthlak duh chuan heti lamah hian aw,Ruatfel hei mikhual room ania,Duati Adeline nangni Hmangaihi room lamah hian animai aw," kanu in atih chuan an ding vat a,Duati phei chu a inbual chak thu ringawt a sawi tawh kha ania.






"I duh chuan va inti fai vela," uRuatfela kut a vawn paha ka tih chuan ka kut alo hmer ve salh a.URuatfela nu leh pate pawh an hawi tawn zak zak mai,betu an awm ve reng sia,a unau te erawh ka cousin te nên an inzui chhuak a khawnge an kal dawn ni,Omi pawh ake la dang chianglo mahse a ṭhian te anlo kal ve sia a chhuak leh daih tawh.





"Room awmna chu ka hmuh ang che,hawh khawnge uRinpuia te kha inthlak an duh ang," tih paha ka din chuan alo ding ve vat a.uRinpuia te chu an ko zui nghal.





"Pâwnah kalo va awm ang," an room awmna ka hrilh hnuah an inthlak duh ringin ka chhuah san leh vat a. "Mate,lo en teh hei" uTlan'in alo tih takah chuan ka phei zui ve vat.


Show post links
Top

[Ngaia]

Chapter-28

HMANGAIHZUALI POV


"Enge a," tih paha kava phei chuan kan Pastor fapa naupang zâwk Rinmawia alo ding reng. "Ehe!!engtik khan nge ilo haw a," ka ti deuh hluai a,vairam lamah thil zirin a awm reng a,alo haw chang hian kan inkawm ve ṭhin a, "kar hmasa khan kalo haw daih tawh,nang lah chuan pasal min neih san daih dâwn sia" nui deuh sang pahin ati a,a mah lah hi a ngo puak reuh a,a hmel pawh a chhe hranlo.





"Inpa tur te chu min hmuh ve la," inchhung lam thlek kual paha atih chuan "lo lût rawh," kalo ti vat a.URuatfela te an mut hahdam ring viau mah ila room chu dimte in ka hawng a,anlo mu awzâwng lo uRinpuia nen tukverh ah anlo dâk chhuak a,tunge an chhaih chu ka hrelo.





"Kha kha i tlu ange,a khal mange" uRinpui'an ati leh ṭhin a,uRuatfela erawh a bulah a kekawr ipte zen in a ding ngawi reng. "In va buai hmel ve," ka aw then kharh paha ka tih chuan anlo hawi ve vat a, "uRuatfel,hei ka ṭhianpa Rinmawia ania,a hmu ve duh che a Rinmawi kawr dum ha zawk saw kan pa tur chu" ka tih chuan kan dinna lamah anlo phei ve vat a.






"In in hmeh dawn hi," Rinmawia pawn ati ṭha ve mai a, "awm hahdam rawh u ka ṭhian te nên hian kan va inkawm ve lawk ange," tih pahin Rinmawia ka chhuah pui leh nghal a.Inchhung lamah mi an tam deuh bawk nen,pawn lama ṭhutna awmah chuan kan ṭhu a.






"Tûnah hian eng nge itih mek,vairam lamah i chhuk leh dâwn em" ka tih chuan a kut ati ri khep khep a, "ila sim miahlo animo" ka tih chuan anui ve huk mai.Kan inkawm tirh aṭang kut tih rik a chîng a,a kut ti ri ringawt te chuan lung ati leng rum rum mai.






"Aizawl lamah min post tawh a,azia mahni ram a awm nge nge chu,vairam chu a lum si a a hreawm emai,tui lah a bal in a al bawk sia,inbual nan leh eirawng bâwl nan tui thianghlim lei zêl angai a," ati ṭha ve mai a.






"Eng nge i zir khah," ka ti nawn leh sep a, "stenographer hna ka thawk ve mek a," atih chuan kabu nghauh nghauh,a hlawh pawh a chhe zawk zawk dawnlo tih ka hria.






"Nupui te neih itum ve tawhlo ami," a nak a dek zeuh paha ka tih chuan anui leh deuh huk a, "teuhlo la nei mai mai lo ang,ka chhûngte leh ka tute hi ka châwm phawt anga,nupui neih chu a hmanhmawh thlâk loh," atih chuan kalo fiam zeuh a.






"Mamawii nên khân inla ni reng amaw ka tia," ka ti chu a duhlo khawp mai. "Mamawii nên hian min hmeh bêl tum ṭalh ṭhin suh," ati deuh hluk a.A duhloh zia ka hria a,ahma khan an inbe ve zuk zuk a,mahse Mamawii khan alo kawp ve khanglang a,khatih lai khan hna ala neilo hrim hrim bawk nen tun hnu hian Rinmawia rawn glow chho lutuk hi ka hrethiam lo.






Chhak lam aṭanga lungte a min rawn vawm reng tu an awm avâng chuan ka hawi chho ve ta nge nge a.URuatfela leh uRinmawia te anlo ṭhu reng,uRuatfela lah chu a lungawi loh hmel sia,ka en reng lai pawh chuan lungte in min rawn vawm leh a,tun ami phei chu lungte mai pawh anilo Tharte'i te rora chhût sa lung chuan ani minlo vawm.






"Inpa tur chu a va lungawi hmel chiahlo ve,thik thu a pek chhiat hmel riau mai a," Rinmawi'an nui deuh tut tut paha atih chuan uRuatfela ka melh deuh rem rawm a,a hmel a siam chhe khawp mai,a lungawi lo lutuk chu runluih ka chak hrim hrim.





Rinmawia hnaih deuh ah chuan ka tawlh phei a,uRuatfela te lam ka hawi leh duh tawhlo hrim hrim. "Ipum a lian ve tawh khawp mai a,engtik ah nge naute hmel kan hmuh ang" atih takah chuan ka pum ka chûl ka chûl a, "thla nga na a hmang ve mek,August velah chuan ka nei ve thei mai ang," kati sep a.





"Hmangaihzual,khawnge in vawk in hi" ka bula lo ṭhut ve paha uRuatfel'an atih chuan ka nui chhuak hawk lo chauh.Ka darah kuah in a lamah min pawt hnai deuh a, "kawmthlang ah khuan a awm,in duh chuan zuk en rawh u,tlai lama talh an tiin ka hria,nangni pawn in pui ve ang chu makpa test na animai a,kapa in makpa vawk talh thiam lo chu a duh miahlo ania,ban khur lai zak zak thei te hi aduh a" uRuatfela kut khal niap niap paha ka tih chuan a nui deuh suk a.






"Eng vângin nge vawk talh mai mai ka thiamloh ang," ati deuh hmuk a. "Vawk talh a sa chan pawp pawp anilo a,a kawchhung tih fai te,a thi thun siam te i thiam ve reng reng dâwn ami,tih neuh neuh tur atam asin a sa chan ringawt chu a harsa lemlo anga" ka tih chuan min en deuh vung vung a.






"Hmangaih,ring tawp rawh Ruatfela kha vawk talh expert anih kha,i awi loh chuan tlai vawk kan talh hunah i en chhin dâwn nia,ar talh phei chu expert tak ani a lu te hi a ṭhuai bung hmawk zêl a,bâwng tuk thlûk te chu a kal pah mai mai i rinai daihin a chak ang," uRinpui'an atih chuan uRuatfela ka envat a,a in rintawk hmel mai bawk sia.






"Kava phei leh rih phawt ange Hmangaih,tlai lamah kanlo kal leh zâwk dâwn nia" din paha Rinmawi'an atih takah chuan kalo aw ve mai a. "Nuam deuhin kan khua a in awm chhûng chu awm ru aw,Ruatfel nuam deuh khan han hmang phawt mai ula" a hnunga ben dat paha Rinmawi'an atih chuan abu ve nghut a.






Rinmawia kal thla chu kan en reng a, "awi in ar in min lim hrep,in ar in chhûngah min luh pui a,ar ek rim ka nam vek,inbual ṭhat leh a ngai dawn anih hi tlangval bula ar ek rim nam deuha awm te chu ka duh bik hleinem," kan ṭhut na bula lo kal paha Duat'in atih chuan a ni ve tak tak in ka hria,a rim a nam deuh ther ther.






"Eng nge ar inah te in va tih rere a,tute nen nge in kal" ka tih chuan "i cousin te ami ka hrelo,lo kal ve rawh an tia ka kal ve mai a,naktuk lama ar sawh chiar siam na tur ar min kalpui a,min lim hrep ka thin pawh ala phu zaih zaih mai," atih chuan uRinpui'an "i thin phu lo se ithi tihna ani dâwn asin," alo ti zeuh a.






"Awi uRinpuia hi i sual ve e...kan hotu te lam nilo la chuan ka chhang hrep ang che,ka thin phu arang ka tih na ani ve mai a,i hrethiam ve awm reng sia" ati deuh erh a. "Khawnge Adeline'i" uRinpuian alo ti leh ta daih a.





"Roomah a mu,a chau deuh a va ngaihsak rawh ka pum anuam lo te a tiin ka hria,in naute a dam ṭha lo aniang va en vat vat rawh,i ngaihsak lo ve e.." Duatin ati leh deuh duah a.URinpuia pawh a tho rang khawp mai.






"A pum anuam lo ati tak tak ami,ngatinge le" ka tih chuan ka bulah alo ṭhu a. "Aw ti tak tak e,damdawi naute tana hlauhawm loh chi chu ka pe a,a muhîl in ka hria a bengchheng atih ka hlau a,kalo chhuahsan daih tunge nichina i ṭhut pui pa kha,ka van choice reuh ve" atih chuan Rinmawia anih ka ring ve tawp.





"A haw tawh,tlai lamah alo kal leh ang,ka ṭhianpa anih kha a single leh nghal a, stenographer hna chelh lai mek ania,a hlawh hnem dâwn asin nang lah in hlawh inei a,Aizawl ah an awm a alo zin lai ani ve a,ka tih pui ang che i duh chuan a fel in a tlawmngai asin aw" ka tih chuan anui var var a.






"Kalo kal hi a fuh chêr chêr e...kalo kallo ang tih ka hlau tawp,i ṭhian ah min hmang lo tala kalo kal awm siloa,Pathian remruat chiah alo nih dâwn hi Pathian hian ka tana a ruat ani chiang mai," atih chuan ka nui hak a. "Va inbual rawh,i ho thei emai" ka tih takah chuan a kal ve vat,a tlangnel hma bawk a a kal pah te chuan ka naute ho a chhaih zuk zuk mai.






"I ril aṭam em," uRuatfela ka bula a ṭhut ngawi reng takah chuan ka envat a. "Ṭamlo," alo tive sup, "tikhan in khek rilṭam la,tlaiah vawk sa nen i ei ṭeuh dâwn nia,kan vawk saw a tette ṭanga kan vulh ania,ka u te an inneih khan a unaupa zawk kan talh tawh a,a lian tawh asin aw i hmu tawh em a sa pawh a tui viau ang," ka tih chuan "hmulo,tette ṭanga in vulh anih chuan i khawngaih lo ami" alo tive ngei a.






"Khawngaih vaklo,vawk chu vawk ania a sa atui alawm,mahse kan ui hi talh dâwn ta se ka thinrim viau ang,kan ui hi chu zanah pawh ka riahpui ziah" ka tih chuan "i rilru ava ṭhalo ve," alo ti leh ta daih a.






"Eng vang chuan maw,vawk leh ui te chu an in ang thei hleinem,bakah ui te chu an ngainat awm a,a upa ve tawh reuh asin aw fa pawh vawihnih lai anei tawh,a fate kan hralh sak ṭhin a,a hlawk asin" ka tih chuan ka rinloh deuhin "i duat viau amaw ka tia,a fate in hralh sak leh bawk sia,i rilru a chianglo anih hi" alo ti leh ta daih a.






"Aw khaw khat vek tho ania,bakah a fate enkawl vek ila kan chhangchhe dâwn lutuk asin,ka vahte nen ui anlo vei ve sek anga,kan zawhte apa a ni hlauh zawk a,nilo Sela chuan kan hralh vek ang" ka tih chuan "anih bui bui chu" tih pahin ka lu ah a chûl zeuh a.





"Hetah animo inlo awm a,kan zawng che u alawm inchhung ah lo lût ru,mopa tur pawh an hmu ve chak alawm,mopa en tûrin anlo kal a nangni lah inlo bo daih sia,lo lût ru aw" kanu in atih hnuah a kal zui leh nghal mai a.






"Mi innei ve chu mo en tûrin anlo kal ṭhin a,keini chu mopa en tura lo kal an tam tlat,kawmchhak ah khian ka thlalak in tar lawk mailo a" uRuatfel'an inchhung kan luh paha atih chuan ka nui chhuak hak a.






"Monu zawk ini mai," ka ti chu min chhang tawhlo.Banner pawh anlo tar lawk diam tawh a, "Adeline'i chu kava ngaihven ve lawk ang,kanu bulah sawn va ṭhu mai rawh" ka tih hnuah ka room lamah ka luhsan zui nghal a.






"Adeline'i chu eng nge a an a," uRinpuian alo ṭhutpui na lama phei paha ka tih chuan chau tih hriat zet hian alo hawichhuak a,uRinpuia a ngheng chial bawk. "Ka luak theilo hi a hreawm a,luak ila chuan ka zia huai ang,ka motor chuang sual mai mai mawle min ngaihtuah suh,ka ṭha leh mai ang" Adeline'in alo tive zung zung a.





"Thei thur i ei duh em,ka naute kan lawh tîr dâwn ami,theihai saw a lian ve tawh reuh asin,kan vawk in bulah a awm a," ka tih chuan alu alo thing nghut a. "Ka ei chak rihlo,tihian luak ila ka zia zawk ang ka luak ve thei mai ang," alo tileh sep a alu ah uRinpuian a dâwm sak a,an inhmeh reuh tak tak ani.





Duati pawh a inbual zo leh diam tawh aniang,a mawi leh tawh khawp mai.A hmai a chei lo chung pawh hian a mawi em em tho,ka inchei na dawhkan hmaah a ṭhu ran a.Adeline'i te chu alo en ve char char,tih vak ngaihna a hre biklo aniang, "nichin a Duati damdawi min pêk khan kalu na chu ati zia huai a,luak damdawi lah kan pai siloa," atih chuan khumah ka ṭhu a.






"A ngaihtuah awm loh,anlo zawng ang che Hmangaih,va chhuak zawk rawh u hei aṭha mai ang,a hnungah ka chûl a a luak ve thei ṭep ang" uRinpui'an atih chuan Duati nen kan inzui chhuak a,a fal a awm an duh rih te pawh aniang.





uRuatfela pawh kanu bulah alo la ṭhu reng a,nutling ho in anlo hual ṭhup mai.uRuatfela te nên chuan eng nge an sawi ka hre theilo na chu uRuatfela pawh abu nghut nghut a,pi Hmingi te ho anni,anni hi an rau thei khawp a ruh zut thiam deuh mai hi ania,pi Hmingi lah chu a ṭawng tui bawk sia,uRuatfela kut zaizir meuhin thil a hriatfiah aniang chu, uRuatfela pawn a ngaithla uluk ve khawp mai.





"Hmangaih,awi kan buai lutuk a kalo hmuak theilo che apawi tawp,ka inbual zo chiah a kalo tlân thla nghal" Tharte'in kawngka a lo luh pahin ati deuh hluai a.






"Awi ka ngai reuh lutuk che,ka hrethiam che alâwm in buai ve em a tunlai chu," kalo tive vat a.Ka pum chu en in a nui deuh tut tut a, "ava lian tawh ve," atih chuan ka nui ve hak.Tharte'i hian uRuatfela fa anilo tih a hria a,mahse Tharte'i hi chu ka ring bur a,engmah a sawi chhuak dawnlo tih ka chiang em a.






"Duati,anih hi min din pui dâwn a,nang chu ka beisei ngamlo che a in buai sia" zawi deuh sap a ka tih chuan, "awi ava hmelṭha ve,nia kan buai lai tak ani sia in inneih hun hi,a fuhlo khawp mai inneih ni ah pawh kalo kal ve thei dâwn siloa,kanu a damlo khum bet in ana bawk sia,ka nau te lah school kal ngai an la ni sia zan lamah hna ka thawk bawk nen ka chau thei lutuk a,min hrethiam a a lawmawm tawp" atih chuan ka nuih sang a.





"Inu pawh tlai lampang ah kalo kan ve ang," ka tih chuan minlo hnial vat. "In buai em hi,buai chung chung chuan ka phut lo che,pawisa min thawn ṭeuh tawh zâwk a,a lawmawm lutuk ringawt buai hle mah ila Pathian hian a tawk chiah chiah hian pawisa min pe ka timai,mamawh hunah chuan engmah kan nghei biklo ania,min ngaihtuah vak suh" alo tive leh zung zung a.





Tlai lama vawk talh ti viau mahse tlai a ei nghal tur ani bawk nen chhun aṭang vawk chu an talh ṭan a, Adeline'i pawh a luak thei tawh a,amah pawh a harh sawt in ka hria,uRuatfela leh uRinpuian vawk talh chu an pui ngei mai a.Mahse zeilo dun tak anni, uRuatfela a ril an phiar tîr ve a,ati bung rem rum mai a, uRinpuia pawh a zei vak biklo,asa chan erawh an hnehsawh khawp mai a kawchhung buaipui tak kha an thiamlo a,an in sawi bawn vei nen a.





Hmeichhe ho in chawhmeh eng eng amawni kan siam a,kan ri deuh laih laih mai.Tlai lamah ruai ṭheh an tia,naktuk ah erawh thingpui ruai chiah anti dâwn thung, "bawihtea te kha kalo pawm zawk dâwn ami," uTlani a buai em avang chuan kava ti a, "a ngailo i naupai a lian ve tawh sia,an harh dun bawk nen i hah vek palh ang,tikhan awm mai mai rawh se mi an tam sia an awm thiam vaklo anih kha" alo tive zung zung a.






"Khawi keiman kalo la ang,duhloh an nei chuanglo a,an hmelṭha si" tih paha Duat'in lâk mai atum chuan an ṭap ta vak a, "vawiin chu an sual tawp a,bakah a hmuh khat vang mai mai che anih kha," uTlan'in alo tive zung zung .






"Khawi keiman kalo awmpui ange," kanu in atih takah chuan kan kalsan vat a,chawhmeh an siam na bulah chuan a ṭul ṭul kan tih pui zung zung a, Adeline'i erawh inchhung a awm mai tûrin ka tia,room lamah a la mu hahchawl rih,a naupai ala te sia,a raino vel nen hreawm atih ka hlau ru khawp mai,alo kal hrâm hrâm pawh hi ka lawm hle tawh zâwk ania,boruak hi a zo chiah lo niin ka hria.






Kan vawk talh chu a thau ṭha bawk a asa tawh tui tak ani,hralh ila chuan a hlawk viau ang.Adeline'i pawh a harh tawh bawk a,a ei ve ṭeuh mai "vawk talh chu in in sawi bawn vei nen a,mahse ka rinai takin asa chan chu in bawn" chaw kan ei mawlh mawlh laia ka tih chuan an nui deuh suk suk a.






"Ruatfel,Rinpui kha a thau kalo suah ang chu aw,mipa chuan a thau te hi kaih hmawk hmawk tur ania,Duati Adeline in duh ve em" kapa in atih chuan ka ṭhiante chuan "aih a sa ti kha animai," anlo tivat a.URuatfela leh uRinpuia chuan an hnial hranlo.





"Nichin khan eng nge pi Hmingi te nên khân in sawi a," ka tih chuan uRuatfela pawn minlo en zawk a,asa chu khawih lo ang vel ala ni,sa a ngaina vaklo zâwk nge. "Damdawi chungchang,a ruh zut dan tektik te min hrilh a,naute pawh ka zut chhuak thei mai ang,i duh hun hun animai" atih chuan ka ner deuh sak.






"Nunmawia te i unau te hi kala hmu leh miahlo a,an haw leh daih ami a" hawikual thuak thuak paha ka tih chuan "haw lo,sawtah pawn lamah i u te nên an awm kha," uRinpuia zawkin alo tivat a.






"Rinsangpuii pawh ka rinai in a che bawn," uRinpui'an atih chuan a chhan kalo zawt vat a. "Thingkung a lawn thei khawp mai,a talent thuhruk alo ni reng a,zawngṭah kûng a lawn chu hnehsawh zaih zaih tak ani,in khuaah hian cham reng phei sela chuan ram lamah pawh a ṭangkai viau ang,ano viau amaw kanlo tia" atih chuan ka awi chiahlo,mahse engmah phei chu ka sawi lemlo.





Zan lamah pawh inlêng an awm reng a, uRuatfela te pawh an chau tawh viau ang,ani phei chu motor a khalh char char a,mut hahdam a duh tawh viau in ka ring.Omi leh Nunmawia te an inzui deuh chawt a,an inkawm ngeih reuh phian mai.





Kapa in kan mut hma in ṭawngtai na a hmang a, uRuatfela pawh duh ang in ka ngaihsak hmanlo.Ani pawh an be buai reng a,a lungawi loh chang in min melh run run a,a chang phei chuan a nin hmel thei khawp mai.






Ka khum a têt deuh avâng in chhuatah mutna kan phah dul a,fan tih loh chu ka roomah ac tih vel a awm ve siloa,tukverh kan hawng vek a.Thli rawn lut chu anuam khawp mai, Rinsangpuii leh Omi te kan bulah anlo mu ve a,mutna kan phah zau angreng a kan leng tawk vel chiah chiah.





An chau deuh nge an mu hma hlawm khawp mai, Rinsangpuii leh Adeline'i a sir veve ah an mu a,Omi leh Duat'in min karcheh a,Duati lah chuan mi a kuah reng mai bawk sia,a lum lek lek midang an mut vek tawh hnu pawh chuan kala meng deuh reng a,pasal ka neive mai tur te chu mumang a ang rum rum.





"Imu tawh em" uRuatfela message lo thleng chu ka en vat a,ala mu thei biklo nge "mulo i chau awm ropui sia,ngatinge ila mut loh a" kava tilet vat a. "Ka bula mite an hnar ring lutuk a," atih chuan nui lai emoji kava thawn tuar a,an unau uRinpuia leh kan ṭhian dangte uRuatfela thawhpui te ho nen an mu hlawm a,mikhual room a zau hrim hrim a anni pawh chhuatah an mu in ka hria.






"I mutna a hreawm em," tih kava thawn chuan alo chhang rang khawp mai. "Ka ngai che hi hreawm kati zawk,min pawt hrang reng a inneih hunah chuan engmah in min pawt hrang tawhlo ang," atih chuan ka khawngaih ve ang reng.





Naktuk thawh hma leh a ngai dawn sia,rei menglo in mut zai ka rel vat a.

*************

"Mate,tho rawh u chawi ei ula insiam rawh u,dar sawmpahnih hun serh ani sia,in inti fel zo hmanlo ang" kanu in atih chuan peihlo zetin ka in let ka in let a.Ka bula mite ho pawh tumah anlo la tho biklo, "dar nga ari tawh ania,midang chu la mu mahse a pawilo Duati nen khan tho rawh u,in in chei chhûng arei leh dâwn sia" kanu in atih chuan Duati a in perh tho at a,kanu pawh a phu deuh zâwk in ka hria.






"Khawnge ka phone,dar engzat nge a" tih pahin lukham hnuai a dap rawk rawk a. "Ala hma,hmanhmawh vak duh suh chaw te in ei fel hma ula," kanu in atih hnuah min chhuahsan a,ka peihlo lutuk chu ṭhulh leh mai te ka duh rum rum ham bai bai chungin ka tho ve ta nge nge a.Duati chu bathroom lamah a lût leh daih tawh, Adeline'i leh midang ho chu anla muttui khawp mai.





Pawn lamah chhuak in ka hmai te ka phih fai a,mipa lam hi anla tho lo nge uRuatfela te ka hmu mailo. "Mate in tho tawh maw,inti fai ula" kapa in Bawihtea te lo pawm luh paha atih chuan hmai kalo phih mek a,zinglam ah hian apu in a lenchhuah pui ṭhin a,kapa in a lenpui laiin UTlan'in tih tur awm ang ang alo ti zung zung zêl a,a fel ṭhin khawp mai.





Nizan lama chawhmeh ho a bang nasa sia,chaw bak chhum a ngailo,kanu ten chaw anlo chhum vek tawh bawk nen tih tur em em a awmlo.Duati a in siam fel vek hnuah uluk deuhin min chei a,ka unau te leh ṭhiante pawh kan insiam lai velin anlo tho chhuak ve chiah.





"Rinsangpui,sawtah sawn bathroom a awm aw,Omi i room lama bathroom kha nang chuan hmang mai rawh, Adeline ka room bul chiah hi kanu te room ania,va lût tawp la bathroom va hmang rawh" ka tih chuan alo aw ve mai a.Ka roomah bathroom an siam thar tawh a,a tih zia phian mai.





"Imit kha heti hian meng rawh, mascara ka hnawih theilo nangmah in i hnawih mai dâwn ami hei chu," atih chuan kalo ban vat a. "Hei chu ka hnawih thiam alawm,ka kawr hak tur minlo lâk chhuah lawk,azo ani lâwm ni hemi bak" ka tih chuan alo aw vat a.Ka sam min tih kir sak a,khua alum angreng sia,rei ka thlah peih ka ringlo.






"Awi kha i mawi lutuk alawm," Adeline'i lo lutin atih chuan ka nui ve sang a. "Monu chu i eng set set mai," atih leh phei chuan lawm ve tak kani, Adeline'i pawh nimin ai chuan azia tawh aniang a che pawh a zang vah tawh a,a hmai chu alo in hnawih ve nghal zung zung.





"Chaw kan ei tawh a,kan ei hma a in duh hunah ei ve mai ru aw,kanu te pawn tuman anla eilo" ka tih chuan anlo aw ve vat a.Omi a awm tho a,ka ngaihtuah vak lemlo.





Kan in tih fel zawh chuan ka thaw deuh huai thei.Mipa lam pawh anlo thleng hma khawp a,kan kawmthlang pa Saia te inah mipa lampang an riak a,pa Saia te hi an awm thei ve pangai a,an mutna pawh anuam zawk in ka ring,an fel bawk nen pa ber hi photographer ania,vawiin lamah pawh anni lamin a thlawn liau liau in kan photographer ah an ṭang dawn a,ka pasal nei tûr chu min lawmpui tu leh min duhsak tu ka tawng nasa a,ka lawm lutuk ringawt.






"I man kan pai theihnghilh ti mai ila," ka beng bula uRuatfel'an atih deuh sup chuan a malah ka sik deuh vak a.Zing min hmuh aṭang "i mawi," ati deuh char char a,ka confi phah ve sawtin ka hria.





Ka pum lian ve tawh mahse puan kanla bih ve hram hram a,ka sam thlah chu a lum kati tawh khawp mai. "Ipa kalo gpay vat mailo a,man in hlân kher ngailo hian" ka beng bula uRuatfel'an atih leh chuan ka en haw a, vawiin chu eng nge a hriat ni. "Chawhnu lamah kan haw leh nghal dawn alâwm,eng nge iva ning hma ve,keichu ka lung aleng teh mai ania" ka tih chuan anui deuh suk a.





Ka man an chhiar laite chuan ka thaw leh halh zêl a,tihian kan khua ka tlawh mai mai thei tawh awm siloa,kanu te chu kan ngai nghal ringawt a.Inneih zawh tuk velah Darlawn lama haw leh nghal mai an tum sia,inhnuai a an awm ve hrim hrim te khan ka thla amuang ve mawle.





Man leh mual kan in hlân fel a, uRuatfel'an min lei ta der mai.Kan haw tum ai a hma in kan haw theilo a,kan thim maithei min thlah tu an awm nual a,Tharte'i nu pawh ka tlawh hmanlo leh tak tak, "tluang deuhin aw,nakinah Aizawl ka zin hunah kalo thleng dawn nia" Tharte'in atih chuan kabu nghat a,ka hnuk te a ulh lek lek,ka khaw lama ka ṭhian te zîngah Rinmawia chiah in min zui thla thei a,man hlan na ah erawh minlo tel pui thei vek thung.





Kan tlanchhuah hnu chuan kawng te chu ka thlir zui vauh vauh a,pate-i te pawh uTlani chhungten minlo enkawl sak rih dâwn a,uTlani te erawh an nufa leh anau nen minlo zui thla ve thung. "I ṭap ringawt elaw," uRuatfel'an atih chuan ka envat a. "Ṭap lo," ka ti deuh ṭiau a,chutia a ti kher kher chuan ka hnuk ati ulh.





"Ngatinge min lei kher kher ni,inneih hunah pawh duh duh hunah haw theih se," ka tih rual deuh thaw in ka mittui a fâr deuh fep a,kanu te bulah kalo chuang zawk lo a,ka ngai nghal lutuk.





"Ṭap bawrh bawrh rawh,keipawh kan inneih khan ka ṭap nasa alawm,man hlan ni zan phei chuan ka ṭap tlaivâr ṭhak,kan khua a hla sia ka haw mai mai thei dawnlo tih ka hre sia" kan bula chuang ve nu pakhat in atih chuan ka nui tawk tak a,tunge anih pawh ka hrelo uRuatfela chhungte lampang ami anih ka ring.





"Nu bti ṭhin hi,lo fuih pawrh suh,a rilru iti no mai mai," a bula ṭhu chuan alo ti ve sep a,kan chuan puite ho chu tute nge an nih ka hrelo,ka ṭhian te uRinpuia motor ah an chuang vek sia,Duati pawn "uRinpuia te bulah ka chuang mai ang," ati kha ania anuam ati chiah lo te pawh aniang.






"Ni e,i sawi hma kha chuan a ṭah miah loh kha,ka bulah a awm anga duat theih tawp in ka duat anga,hreawm ati hauhlo ang" uRuatfel'an ati ve ngei a.





Kawng lakah zun ram thiar in kan ding leh zeuh ṭhin tih loh ah chuan kan chawl khat bawk a,Aizawl khawchhûng kan luh chuan dar nga vel ari thuak tawh.Kan in lamah kan tlang nghal a,ka ṭhian te pahnih pawh inneih zawh ah law law an haw ang,kan in luah lai hi azau ve ang reng a room a tam bawk nen ka chhûngte chu an leng viau mai.Omi erawh kan bulah alo la mu dâwn thung,a room ka u te nupa in an hman sak rih dâwn a.






"Mokawr tur hi analh kala ti char char," tih pahin Duat'in ka mokawr tur in khai chu aha chhin vel a, "i vân ngui ve,ngatinge a" ka bula lo ṭhut paha Adeline'in atih chuan ka nui deuh sak a. "Kan khua kha ka ngai,ka lung aleng" ka tih chuan min kuah vat a, "a tîr lam anih vang anih kha,a reh veleh mai ang" atih pawh chuan ka ṭhu ngui deuh bam a.





"Mate kan room lamah lo phei lawk teh," kanu in atih takah chuan ka phei ve vat.Kapa khumah alo ṭhu a,min koh chhan ka hre bawk siloa,ka hawi deuh lawl lawl mai,a lungngaih hmel bawk sia thil thleng a awm amawni ka ti hial.


Show post links
Top

[Ngaia]

Chapter-29

HMANGAIHZUALI POV


"Pa eng nge a," tih paha a bula ka ṭhut ve chuan min en ve vat a. "Mate,pasal min neih san tawh mai dâwn sia,i pasal te in a awm dân tawk thiam la,pawn chhuah ah pawh i duty te anih loh chuan chhuak zen zen suh ang che aw,a mawi tawk hriat tur ania, Ruatfel'a hi mipa fel tak ani tih ka hria a.I nih na ang ang a a pawm thei che hi a lawmawm tawh viau zâwk a,hetiang ang em em a naute nen a hmangaih tu che hi i tawng tawh hauhlo ang,naute lah midang fa ani bawk si nen,zah takin be ṭhin la midang hmuh ah phei chuan an khum vak vak suh ang che,i pasal i zah der thiam a a thu i zawm anih phawt chuan ani pawn a hmangaih tulh tulh zel mai ang che, theihnghilh miah suh aw pasal inei tawh a,rawn tlan tawh mai mai suh ang che in rawn zin anih chuan thu hran ania," kapa in ati duah a.





"Aw ka hria lawm pa," kalo ti zawi ve sep.


***************

"Awi ka rinai daih in i inhmeh,inchei i inhmeh anih hi,i vân nalh" Duat'in ati deuh hluai a.Darthlalang a ka in en chuan mawi ka inti ve viau mai,mahse duh aiin a puk ṭep,pheikhawk pawh a flat ka bun dâwn a Duati chuan asang a bun dâwn thung,te chhe zawk zawk kalo nilo bawk nen ka tawi em em bik dawnlo.






"In hman tawh em,kan nghak che u ania" kapa in room a lo luh paha atih chuan min en ve vawng vawng a, "i nalh mange" atih chuan ka nui ve ver ver mai. "In hman tiro,kan chho dâwn ami" ka ṭhian te lama hawi paha ka tih chuan anlo bu ve nghat a.






Hall lam pana kan inkhalh chhuah laite chuan thawk kala leh hak zel a,ka huphurh takzet.Kan lawi na biakin a in ang bawk a,mipui pawh anlo ṭha hnem tawh khawp mai,biakin hawng in innei thei dawnlo mah ila min lawmpui an ṭha hnem a,kan thawhpui te anlo kal ve nual bawk nen ka thin te chu aphu dut dut thei.






Hall chhûngah chuan uRuatfela te anlo ṭhu tawh a,ka u in min kaih luh te chuan ka in pal phei nawk nawk ṭep lo chauh ani.Pheikhawk sang bun phei ila chuan ka tluk theih mai ka ring,Duat'in bun lo tura min ti kha lo zawm lo ila chuan ka inti mualpho der mai dâwn ania.






"I mawi lutuk," ka beng bulah uRuatfel'an a bul kan thlen rualin alo tisup a.Ani pawh a coat hak zawng zawng nên,a hmelṭha takzet a palian bawk sia,a inhmeh lutuk ringawt.





Kan bul velah camera arawn de leh zuai ṭhin a,inneih thu kan chham laite chuan ka thin phu nasa lutuk chu a pawk chhuak mai dâwn in ka hria,buaina a thlen ka hlau a ka naupai hi uRuatfela fa anilo tih an sawichhuak thut ang tih te ka hlau a.Kan inneih ni mah nise ka awm a nuam lo ṭun a,thlamuang takin ka awm lo rere.





Thla kan chhungte leh ṭhenrual min lawmpui tûra lo kal te nên kan la zung zung a,kan ding reng lutuk chu ka ke a kham vek tawh.Sangtei leh Brenda-i ka hmuh leh ngat phei chuan ka hlauthawng leh nghal ringawt,mahse thla kan lâk lai pawh chuan engmah buaina a thleng lo a,tlêm chuan ka hahdam ve deuh.





Chawhnu lamah hall ah bawk cake zai leh present pêk na vel kan nei a,kapa pawn thu asawi hnem reuh khawp mai. "Mopa leh monu lam aṭang sawi duh te a awm em," Adeline'in atih chuan uRuatfela a ding vat a, Adeline'i host ah kan hmang a, "kan sawi ve lawk anga," tih pahin Mike chu ala a.






"Kan nu ti tawh mai ila,ka nupui lo nita Hmangaihzuali nên hian in hriat vek ang in damdawiin aṭang a in tawng kan ni a,a tirah chuan kan in karah hian hmangaihna alo piang chhuak nghal mai biklo a,Hmangaihzuali hian in hmuh ang hian thla nga mi nau apai mek bawk a," atih chuan eng nge a sawi tum ka hre mailo,ka thin alo phu leh nghal dawt dawt tawh.






Min rawn en in a lama phei turin min hui zeuh a,keipawh ka ding ve vat. "Kan inneih na min lawmpui a inlo kal hi a lawmawm kan ti a, Hmangaihi nen hian kan perfect bik loh zia kan inneih dan aṭang hian in hriat ka ring,kan in tawn hma hian harsat na tam tak alo paltlang ve tawh a,mahse a nih dân ang ang hian ka hmangaih a,a mizia a thup ve ṭit ṭet lo te hi ka duhna ber ti ila ka sawi sual kherlo ang,hmeichhe dang ang in a titau ber bur ngai lemlo a ka nupui ani thei hi ka lawm em a,ka pu zawn leh ka pi zawn te chungah pawh lawmthu hrilh ve hrim hrim ka duh a,hetiang ang a fanu ṭha ka nupui tur min hrin sak hi ka lawm a,tlin loh na tam tak ka nei tih ka chhûngte ngei pawh hian an hria mahse kut ke kala neih chhûng chuan kan naute nen hian rilṭam hreawm in ka dah hauhlo ang,ka hmangaih a ka phatsan ngai dawn heklo tih kha sawi ve hrim hrim ka duh a," atih ve duah a eng vanga chutiang sawi vak chu nge maw anih le,kanu te chunga lawmthu a sawi duh anih pawn a fal in hrilh maise.






"Kan in kar thawnthu ah hian sawi tûr vak a awm lemlo a,hmangaih na sawi chhuah hi midang tan chuan thil harsa a ni maithei,kei erawh chuan ka nupui hi ka hmangaih zia second tin hrilh reng ka duh a,a taksa lo vuaiin lo chûl vek tawh mahse ka hmangaihna a dan phah hauhlo ang,a chhan chu a taksa mawina hi ka hmangaih lo a a thinlung chhûngril ṭhatna vang zawk a hmangaih ka nia,ka thih hma zawng in ka hmangaih reng ang tih mipui hmaah leh a bulah hian ka tiam duh a ni,sawi tur tam tak chu awm mahse khua a tlai ve zel sia khami zawng kha nimai rawh se," tih pahin Mike chu Adeline'i ape a,a thusawi chuan min hneh ve takzet, uRuatfela hian hetiang em em a min hmangaih hi ka ring ngailo .






Cake cutting leh eng eng amawni kan zawh chuan inthlak tûrin ka ṭhian te nên kan in lamah kan phei leh vat a.Ka chhawm luh tur ho pawh a in pack fel diam tawh a, uRuatfela te inchung lawk ani bawk nen midang in an thiar nghal zung zung a,lawi kawr kan hak fel hnuah roomah kan ṭhu deuh ren rawn a.






"Kal ang u le,in hman tawh chuan chho ang u nangmah ni bak kan nghak tawhlo che u ania," kanu in ka room a lo luh paha atih chuan kalo envat a. "Ngati leh ber bur nge,ipa te in a ka lawi luh dawn khan ka ṭap miahlo ania,tunlai generation ho hi ṭah in in tih hmuh amawni," atih chuan ka melh rawm rawm a.






"Ka lung aleng ve animai a,bakah mi tih dan ka zir pawh anilo,ka ngai lo tawp ang che u Darlawn lamah min chho san leh daih anga,an chhûngkua kala nel bawk siloa inthlahrung reng reng in ka awm dâwn asin," ka ti deuh ṭiau a.






"I inthlahrun leh nangmah i inti hreawm mai mai ka tih kha,kanlo zin reng dâwn alawm" kanu in ati ve a.Ka ṭhian te pawh chuan tih dan vak an hrelo aniang,min en deuh tawp a "mate,hawh le i chho ang u hmiang,khua a tlai zel a a ṭhen haw mai tur an ni bawk nen," ka dar a min kuah paha kapa in atih chuan ka rilru ano laklawh bawk nen ka in hnit leh feih ṭhin a.





"Aw...bang rawh le,kan in hlat dâwn lemloh hi i nau awmpui a ngaih phei chuan kanlo zin reng dâwn alawm," kapa in min hrethiam takin alo tivat a.Ka mittui hru hul thuak thuak in keipawh ka ding veleh ta nge nge a, uRuatfela ka nei duhlo nilo in kan in ka chhuahsan tur hi ka lung aleng a ka chhûngte ka ngai dawn hle bawk ani.





Step a kan chho chu "Ruatfela run in chhûngah Hmangaihi a lawi dawn e.." khuang te vuak pah meuhin anlo ti rual ṭhap ṭhap a,ka kal pawh chu ka lai lutuk ringawt,thingkung bula Brenda-i lungawi loh hmel zeta a ding ka hmuh chuan inti thei deuhin kava nuih deuh sang a,a thinrim hmel zual sauh.





"I luh hma in kanu kapa kalo lut thei angem,itih phawt angai ang" palai lo kal zînga pakhat in atih chuan ka zak lutuk chu Duati ka sik vak ringawt a. "I sawi loh chuan i lut thei dawnlo ania,kan nghak ṭhup che ania aw" ati dam dap a.





"Kanu,kapa kalo lut thei angem" zawi deuh sap a ka tih chuan an nui dar dar a, "thei tehreng mai,lo lût rawh" pu Ruatsang'an alo tivat.Sir lama nu Saipuii hreawm ti hmel ka hmuh chuan ka rilru anat pui reuh takzet,nu Terem'i hi awmlo sela chuan kanu tur ani awm sia,tûnah pawh kanu ni tho mahse kawngka a minlo nghak tu hi amah ani awm sia a tawrh na hriatthiam puilo mah ila tlêm chuan ka hrethiam ve deuhin ka hria.





Kan ṭhut ṭhap hnuah pu Ruatsang'an ṭawngtai na a hmang a,ka bungrua ṭhenkhat pawh ala awm nual a,a ṭhen ka thawmhnaw bâwm ho vel chu room lamah an dah tawh anih hmel.





Chaw kan ei fel hnuah room lamah kan chho nghal a, "i chau em" uRuatfel'an atih chuan chhanglo in tukverh lam hawiin ka ṭhu reng a.Khua a thim thet thet tawh a,kan khaw lampang ka ngaih a zual hle bawk.





"Lungawi loh na inei emni," min kuah paha tiin ka chhîp ah a fawp zeuh a. "Khatia i awm ringawt chuan i lungawi loh na ka hre dâwn hauhlo ania," atih leh takah chuan a lamah ka inher ve ta nge nge a.





"Ka lung aleng alawm," thawk lak deuh halh paha ka tih chuan min kuah vat a,a awmah ka bei nghal hle hle mai. "Ka duat viau ang che ka tih kha,a tîr lam anih vang mai anih hi i lung aleng hman hauhlo ang," atih chuan ka chhang tawhlo,ka sam te lah chu a phîr deuh sang a an awm kawisawi khawp mai,kan ṭhian te ho an rawh luh takah chuan kan inthlah vat a, uRuatfela khum pawh anlo chei ve ngei a.





Kan chauh zia hria in kan ṭhiante pawh rei an awmlo,kan in tih fai hnuah mu tûrin kan in thlâk zui vat a. "Kan thawm tuman an hre theilo ang,room hi a phui ṭha a" uRuatfela alo mutthlak ve ruala atih chuan ka nui ve deuh hak a.





"Naute a lian tawh tho a,a pawilo lawi ṭhat zan ngeia tih hi a ṭha ve a," atih hnuah ka thawmhnaw alo phelh nghal zung zung a. "Nau ipai chung pawn nula tam tak aiin i nalh takzet," tih pahin ka taksa alo fawp kual dan dan a,ka taksa a mur deuh uai uai thei.





Rei tawk fan min zut kual reng hnuah ka chhûngah alo lut ta nge nge a,ka pasal hnên a ka thianghlimna ka hlan theilo chu apawi ka tiin hreawm ka ti zual takzet, "ana emni,ngatinge i ṭah a" ka in hnit deuh feih chuan min ngaihtuah hmel takin alo tivat a.





"Ka phawi leh mai dâwn emni," atih chuan kalu kalo thing vat a, "ka tihpalh aw," ka ti chu a hrethiam ve nghal aniang chu. "A pawilo ania,ka sawi vek tawh kha" tih pahin min fawp deuh vang vang a,vawiin chu ka ṭap hnem khawp mai mi chu an inneih ni a an hlim theih vei nen a,kei erawh kan inneih ni mah nise thlamuang takin ka awmlo hrim hrim.





Nizan lam uRuatfela a duhthawh deuh sia,zing ka tho chu ka na ṭhem ṭhum mai ka pasal te in nilo Sela chuan kala mu ngei ngei ang,sana ka en chuan dar riat a ri ṭep.





uRuatfela lah ala muttui sia,khum aṭang thawm dim deuhin ka tho a,ka intih fai thuak thuak hnuah inhnuai lamah ka chhuk thla vat.Mimii pawh amah te in alo che leh rak rak tawh mai,uVala thatchhe zetin chair ah alo ṭhu a,midang chu hmuh tur an awm hauhlo,anla tho lo te pawh aniang.






"Eng nge tih tur awm,kalo pui dâwn che mi" Mimi'i bula din paha ka tih chuan "a ngailo," alo ti leh vat a. "Anih chuan pawn lamah boruak thianghlim kava dawng lawk ange aw," tih paha chhuah mai ka tum chu "ni chhuah hnuah boruak thianghlim a awm tawh emni,nizan ah thawm in dimlo ropui si mut ahar khawp mai,in room hnuai chiah hi ka room ania zanin ah chuan dim ve deuh tawh ang che u,single tan hriat a nuamlo tlat" Val'an atih chuan ka envat a.






"Kanlo dim tawh dawn nia,kan hriat loh vang ania" ka tih chuan a ngawi mai dâwn amaw tih laiin, "Ruatfel'an a hre vek alâwm,naute kha engtik laia in siam hman nge a,a lian tawh sia nizan a in siam mai chu anih hmel mang siloa," ka pum en thlâk paha atih leh chuan ka ip chawih thei.Vala hian engmah ala hre velo te pawh ani mahna.





"A hun leh ni ka hre tawhlo," ka ti ta ringawt a. "Ilo buai na tur a awmlo,naute kan siam ni leh thla hriat zêl iduh tihna ami," hnunglam aṭang uRuatfel'an alo tih thum deuh dut chuan Vala pawh a ngawi hmak mai.





"Inu te an chhuak tawh em zu en ila," tih pahin ka chhan na pawh nghak lo in pawn lamah min chhuah pui a,kanu te chu anlo la ṭhu awr awr mai,an chhuah ṭep ka rin tawh nen "nu dar engzat ah nge in chhuah dawn a," tih pahin bawihtea te ka chhaih nghal zât a.





"Vawiin ah chuan kan chho rihlo ang,chauh ana dâwn emai naktuk lamah kan tum leh ta zawk a,Bawihtea te pawh an khawngaihthlak" atih chuan ka lawm rilru ve lutuk.





"Puih in ngaih chuan minlo koh dâwn nia," uRuatfel'an ka kawng a kuah pahin ati thum dut a. "Inlo chhuk thla animo,nangni nupa chu in chau viau lo ami," kapa in room aṭang a lo chhuah pahin ati dam dap a.





"In chho dâwn amaw kan tia,lo thlah che u kan tum a" kalo tive vat a. "Vawiin chu kan ṭhulh leh si a,lo ṭhu ta che u eng nge in din reng,saum kan neih loh lai tak ania," kapa in atih chuan ka nui sak a. "Ṭhu rihlo ang,tih fel tur ala tam sia,vawiin lamah in haw dawnlo chu a tih zia kan han chho leh phawt zawk ang,inlêng an awm leh palh takin" keimah zawk chuan kati zung zung a.






"I duh chuan inu te bulah hun ila hmang thei ania," uRuatfel'an atih pawh chuan kalo hnial vat a,in lama kan let leh chuan Nunmawia pawh alo tho tawh anih hmel. "Miriam thingpui leh bawnghnute lo thli rawh aw," uRuatfel'an atih chuan Mimi'i pawh a che leh nghal zung zung a.Ngatinge maw Miriam a tih tlat zêl ni,Mimi te tive mai se.






"Chaw hi chhuah tur ami,khawi kalo sil chhunzawm ang" tui dehna lama phei paha ka tih chuan uRuatfela pawh alo ding vat a. "Itih tur anilo,mo inih vang kherin i tih a ngai hauhlo," atih chuan ka lo hnial vat.





Ka tih luih ve deuh ṭalh takah chuan min thlah ve ta nge nge a,chaw ka sil zawh chuan gas ah ka chhuang zui vat. Bawnghnute Mimi'in minlo pêk chu ka in khawlh khawlh a, "nu ka peihlo a ninawm thei e...min ti lui ṭalh zêl a,an naute lah sâwn min ek khum loh leh min zun khum ve ziah a," Rinsangpuii leh kanu te rawn phei chu ka en reng a, Rinsangpuii sam hi a buk deuh chhup chi ang kha ania,zingkar ah hi chuan amawi vak lemlo khawp mai.





uRuatfela nen hna lamah kal dawnlo mah ila kapa te hna lama kal an duh sia,chaw ei an rawt vat a. "Ehe!!!" Mimi'in chaw bêl a hawng chu ati deuh hluai a, "eng nge" kanu in alo tivat,nu Teremi hi uRuatfel'an anu bawk siloa,han koh dâwn hian ka lai deuh ṭut zêl a,ko mai dân tûr ka hrelo.





"Chaw hi a hminlo,a in chhuang lo hrim hrim," tih pahin Mimi'in minlo melh zawk a,chaw ei dawhkan kan kil vek tawh bawk sia.Ka zak lutuk ringawt,nau pai lai chuan haihawt alo awl bawk nen,gas a ka chhuang kha gas kalo on miahlo chu niin.





"Chaw i chhuang lo tihna ami," kanu in Mimi'i en pahin ati deuh hmak a, "kalo theihnghilh daih anih hi" nuamlo tih hmel taka atih chuan "keima chaw chhuan ania,gas kalo on theihnghilh daih a" kalo tivat a.Midang pawh chuan min en deuh ṭhup mai, "ka ril aṭam tawh asin le.." Rinsangpui'in atih leh phei chuan hreawm kati zual sauh.






"Chaw a hmin har hleinem,Mimi chhuang rawh hna kan tlai deuh anga a nimai, theihnghilh palh te chu a awm ve thei alâwm," kapa in alo tivat a.Chutia ati chu nuamlo ka ti zual sauh zawk,ngatinge tunlai hi ka chet chhiat theih em em le,theih sela chuan thlawh bo vang vang ka chak.





"Va khawih ve suh ka tih reng kha," ka beng bulah uRuatfel'an alo ti deuh sup a. "Sawtah hotel ah ka in hnawh puar mai ang,ka ril aṭam tawh" din paha Val'an atih rual deuh thaw in Rinsangpuii ading ve vat a. "Ṭhu rawh u,kapa te pawn an nghak chaw a hmin harlo ang" uRuatfel'an atih deuh hmuk chuan a naute pahnih pawn an ṭhu leh zal zal a.





Kanu leh pate pawh anla ṭhu ve reng sia,chaw hmin chhûng an nghak tawp dâwn nge mawni, "chaw ei lai bak kan awm khawm theihloh hi,chaw hmin hma chu kan titi ang,Vala khawiah maw vawiin i chhuah dawn" kapa in ati deuh hmuk a,dawhkan hnuiah uRuatfela kut ka hmer ka hmer tawh mai.





Zanin last chapter ti viau mah ila bonus chapter a duh zawk an tam sia,chapter tam vaklo kalo dah belh dâwn e aw...chuan Sunday zan kan awl dâwn avâng in Monday ah chapter-2 kalo dah dâwn nia.


Show post links
Top

[Ngaia]

Chapter-30


HMANGAIHZUALI POV

"Ka kal ve chak e..." Ka tih pawh chuan lehlam a hawi deuh tlat a, "a ngailo tih vawi tam ka sawi tawh,naupai lai inih kha hre ta che" atih chuan khumah ka ṭhu deuh hnawk a. "Kan inneih lai khan thu ril deuh sawi itum ve nasa sia,i sawi thiam bawk siloa a ka nuih sawh vak mai tur che asin," ka tih chuan "a ṭullo" ati deuh hmuk a.






Damdawiin lamah a kal dawn tawh a,in a awm ka peih loh em avang in kal ve ka dil a,zingkar aṭang ka dil tawh tun thleng in min la be ṭha duhlo zawk a. "Anih chuan în a awm ai chuan ka leng daih mai ang," ka tih leh chuan alo hawi ve ta nge nge a.






"Heihi kan în anih hi,engmah hlauh tur a awmlo ania, Terem'in alo vo che anih leh min hrilh rawh an awm awm in an awm tawp a,kapa a awmlai anih phei chuan engtin mah a ti ngam dawnlo che tih hre rawh,kut alo thlak che anih phei chuan kalo haw nghal ang" ka dar pahnih a vawn pahin ati a.






"Chutiang lam anilo,în a awm reng hi ka ning alawm,nitin min chhuah san ziah bawk sia,kal ve i phal bawk silo i Night zan phei chuan a hreawm," kûn ngul paha ka tih chuan ka hmaah arawn ṭhu hniam a.






"Min en rawh,hna hi chawl rih turin min duh em," atih chuan kalu ka thing leh ang lawi a. "I awm loh chuan an buai dâwn lutuk,damlo tam tak in keiai in an mamawh zawk che" ka tih chuan anui deuh suk, "i hriat reng chu,i duh chuan inhnuai ah te zu awmlai,in în hluiah mahse compound hi pel suh ang che" ati deuh hmuk a.






"Ka duhlo,bed rest te hi ka mamawh lo mawle,ka thau vek tawh zâwk" tih pahin ka thaw deuh halh a. "Naute tân leh itan vek ani tih hre rawh,i naupai a fual chet vak vak a remlo i hrethiam em," ka lu a lo kuk zeuh paha atih chuan kabu ve ta nghat a.





A hna kal tur chu pawn thleng ka thlah a,pipu pawh kha an siam ṭha tawh a,a lum deuh a ka hriat chuan kava uai leh ringawt zel a.A hmun vel anuam bawk nen,a nuam ve reuh lutuk, "ka u a kal leh tawh animo," Nunmawia hna kal tur nen kan intawh chuan min be leh nghal siam siam tawh.






"Nia,a kal deuh chiah anih kha" kalo ti ṭha ve mai a.Inchhung a awm ka hreh chhan ber pawh mi pangai ho an chhuak vek ṭhin sia,Vala, Rinsangpuii leh kanu te lah inah an awm deuh tluk tluk sia.Vala leh Rinsangpuii hi chuan hna an hmuh ka beisei pui vaklo,zan lamah lah an chhuak leh dudu zêl tho bawk sia,khuai chhun mu hi an ni ringawt.





Inchhung a ka luh chuan kanu tv hmaa ṭhut pahin a hmai alo pack leh hliau hliau tawh,a vun hi mawi loh ngaih na a awmlo hrim hrim.A enkawl uluk a,thil te hi a hnawih hliau hliau peih bawk sia.





Room lamah naute thawmhnaw vel ka dah fel mawlh mawlh a,naute thawmhnaw leh puan vel pawh kan ngah tawh khawp mai.Puakpuan pawh pathum lai kan nei tawh a, uRuatfela chhungte lam aṭang vek ani thung.




Thla thum leh a chanve hnuah chuan(tidaih ang)

"Kalsawn rawh,kalsawn rawh" uRuatfela ka bul vela alo vei deuh thuak thuak reng chu ka ning takzet,nau ka vei hnu rei vaklo damdawiin kal tura kan insiam lai velin ka tui bâwm a keh thut sia.In lamah doctor thiam tak tak te leh kapa te ho nen nau min neih tir turin an awm deuh ṭhup tawh a,naute lah chu a tang rei bawk sia, "kha ei rawh" tih paha Apple uRuatfel'an minlo pêk chu kalo beng per lawp a.





Ana ka ti lutuk chu ka ṭawng thei tawhlo hrim hrim, "sang leh vak rawh," tih paha uRuatfel'an ka kut alo vawn te chuan ka melh rawm rawm a.Engmah ti silo a alo buai ve em em ringawt te hi ka ngei lutuk, "i tawrh ve loh vang anih hi,ka sang reng alawm hetiang bak bak" kati leh hlak a ka thlan te chuan min bual huh hnap tawh mai, "Hmangaihzual,a chhuak dawn ania vawikhat chiah han sang leh vak teh," uRinpui'an atih chuan ka tha neih zawng zawng sawm khawm in ka sang vak a,rei vaklo hnuah naute ṭap ngak ngak thawm in room chhung chu a luah zui nghal.





"Ana em,iṭha em" uRuatfel'an alo tive sek bawk sia,ka chau lutuk chu chhang pawh ka chhang buai peihlo.Ka hliam an ṭhui laite chu ka hre reng,mahse nau neih ang em em chuan ana lo, "mipa anih hi,a duhawm reuh lutuk" tih pahin Duat'in alo pawm phei a, uRuatfel'an alo ban vat.






"Kan fapa" ti sup a minlo en chuan ka hnuk te a ulh lek lek zawk,a fa tak tak hrin sak ila engtiang anga nasa in nge a lawm ang.Tunah pawh hetiang khawp hian a lawm thiam ania,naute a piang chu Ruata ka hrechhuak lo theilo, "damdawiin lamah kal a ngailo ami," kanu in alo tih chuan "naute leh anu an ṭha tho a,buaina dang a awm leh kan kal leh zâwk mai dâwn nia,tûnah chuan ala chau rih emai mu hahdam rawh se Ruatfel thlâk rawh aw" kapa in ati dap dap a.






"In lama nau ka neih hi ka ring ngailo," zawi angreng taka ka tih chuan Duati alo nui deuh hak a. "Naute chu" ka fapa ban paha ka tih chuan uRuatfela pawn minlo peve vat a, "ka tupa chu a hmelṭha hle mai," kapa pawn ati ve ngei a,mahse a hmelah chuan a lawm chiahlo a hriat na ka nei,ka ngaih bel vang nge naute te chu pawm an tum ve miahlo amawni,lawm takin anlo lâk a min pawm sak ve ka lo beisei ru ve a.






"Hnute pe rawh le,a cute reuh lutuk awi aw...tunge a chhun le,inu te ila hrilh lo tiro," Adeline'in atih chuan kalo bu ve nghat a,hnute ka pe te chu ahne ve dawk dawk mai. "ka fapa anih hi," a hmai khawih da da paha ka tih chuan a tal ve laih laih a,khawvel a hlim na zawng zawng nei sela ka ti takzet,alo piang hi eng tiang a nasa in nge min tih hlim a hre awm der siloa.





Kanu te call in kan hrilh zung zung a,ka chhûngte chu an lawm khawp mai.Naute thlalak kan thawn phei chuan ka nau in minlo video call rang khawp mai, "khawi kalo pawm rih ang,va inti fai rawh u" uRinpui'an atih takah chuan kape ve mai a,bathroom lama kan kal hma in ka hawi let leh hrâm a.





Duhlo hle mah ila uRuatfel'an min sil fai vek a,mutna vel pawh ka ṭhian ten an thlâk vek.In hliam nasa êm em lo mah ila kal zawng chuan ala deuh ut ut thei,a tîr lam anih vang te pawh aniang.





"Kanu leh pate kha khawnge a," Adeline'i beng bula ka tih sep chuan "an chhuak deuh chiah," alo tive mai a. "Naute hi an pawm em," ka tih leh chuan chik deuhin min en vang vang a,alu a thing nghut. "An lawm vaklo aniang tiro, uRuatfela fa anilo tih an hre ve sia" thawk lak deuh halh paha ka tih chuan ka hnungah alo beng dat dat a,naute an hmuh hun a an lawm ka rin ve nên ka hlimna chanve chu a bo duak in ka hria,keimah ah in thiam loh na leh hreawm tihna a rawn awm nghal a,ka rilru te chu ana thar leh nimaiin ka hria,ka fapa hi alo lian ve zel anga uRuatfela nen fa kan nei veleh ngei awm sia,tun a an awmdan zawng zawng nên an en hrang lo ang tih a sawi theihloh,ka fapa te chu ka en leh ṭhin a,ka lainat nghal ringawt chu ania.






"uRuatfel'an a hmangaih zia saw enla,a chhungten an hmangaih pui theilo che anih pawn hreawm tisuh, uRuatfel'a kut aṭang kan laksawn hleitheih miahloh saw," Adeline'in atih pawh chuan ka rilru a nuam thei derlo, damdawiin lama in check up tîr duh viau mah ila kapa berin a ṭul a ti siloa.






"Khawi hnute kalo pe ang," naute a ṭe reng takah chuan uRuatfela pawm lai chu kava lâksak a. "Hey ka fapa anu tête kha kan inṭawm tur anih kha aw,ita vek ani biklo ania" ka fapa hnute hne lai a bianga lo nul thuak paha uRuatfel'an atih chuan ka nui ve hak a.





"Nau ivei chiah chu kapa te pawh ivin phar lawp lawp mai alawm," uRuatfela bawkin alo tileh a. "Chutiang ka tih lai ka van hrelo," rilru nuamlo deuh chunga ka tih chuan "na iti em a,i hrelo anih kha" atih leh phei chuan hreawm kati tulh tulh,chutiang te chu hre ve tur kani reng sia.





"Naute hming hi tuin nge phuah dâwn," uRinpui'an alo ti chhuak phawng a, "i chhûngte nge ka chhûngte lam in phuah ang," uRuatfela en paha ka tih chuan "a chhar tu doctor hian phuah rawh se,a hlu bik alawm" ati teh daih a.





"I chhûngte lam aṭang naute hming lo phuah lawk an awm chuang ami," atih chuan kalu ka thing vut a,kapa te pawn uRuatfela chhungte an kian tho bawk a, "uRinpui i phuah dâwn ami," ka tih chuan a phone bih lai dah meuhin minlo en a. "Kava chang sang dâwn ve,apa khan a phuah dawnlo ami" atih chuan rilru Ruata alang leh tlat zêl.





"Kan fapa chhar tu inia,nangman phuah rawh a hlu bik alawm" keimah bawk chuan ka ti leh a, "a hmel nen a inhmeh tûrin Lalchhanchhuaha ni rawh se" atih chuan ka fapa chu ka en a,a inhmeh dawn riau in ka hria ka pailai khan Pathian in uRuatfela hi kan tân lo tirlo se,ka fapa thleng in a mualpho awm sia chumi chu phallo in a hun takah uRuatfela alo tîr a,Pathian in ka fapa hi a chhanchhuak tak tak ani.





"Sap hming anei dawnlo emni," uRuatfela bawkin ati deuh dût a, "a sap hming kalo phuah" Adeline'in atih chuan kan envat. "Ipa te hi an lungawi lo viau angem,kan rawn ve siloa" uRuatfela rawn deuh titih a ka tih chuan "a ngailo,a chhar tur doctor ka ṭhianpa phuah ngei hi a hlu" ati ve deuh tlat bawk sia.






"Sawila,eng nge a sap hming tura duh inei ami" ka tih chuan kan fapa chu a en vang vang a. "Healer-a ni rawh se," atih chuan ka meng phawk viau mai, "awi ngatinge healer tih kher,a nalh lo ve e..." Ka tih chuan "a Mizo hming nên pawh a in tuha alawm,alo pian khan i rilru leh ina a dam nghal sawng sawng lo ami,chuvang chuan Healer Lalchhanchhuaha ni rawh se," ati mauh mai sia,kalo phuah tir ta kher kher a.






"Hitler tih nen a lam rik dan ava in ang dâwn ve," uRuatfel'a pawn alo ti deuh sup a. "Awi engmah i hrelo anih kha," ati deuh tlat sia Adeline'i leh uRinpuia duh dan ang ngei chuan kan fapa hming ah "Healer Lalchhanchhuaha" tih kan sa ta nge nge a.





Kan ṭhian te haw hnuah uRuatfela Bawihtea birth certificate siam tûrin a kal chhuak nghal a,Papuia te pawh ka ṭhiante leh uRuatfela chhuah hnu lawkah naute en tûrin anlo thleng nghal a.Nu lianpuii a ṭawng hnem ka rin ang ngeiin thil awmlo deuh deuh a sawi leh duah a,ka mitmeng aṭang ka lawm vaklo tih papui'an a hria nge vawiin chu a khap ve ngei a.





"Apa a chhun hmel anih kha,nangmah a chhun silo che a apa Ruata zawk ania ka tih" ngeiawm lek lek a atih chuan ṭawng tum in ka ang zuau a. "Ngawi tawh rawh,ding rawh kan haw ang" tih paha papui'an a kaih dawr dawr takah chuan engmah ka sawi tawhlo .






"Ruat'an a hre tawh em,naute chungchang hi" kapa(uRuatfela pa) in atih chuan "hrelo," ka ti deuh sep a.Engtin nge Ruata hming thleng thleng a an hriat theih,ka thin te chu aphu leh nghal dup dup mai, uRuatfela ka nei te hi ka inchhir lek lek,rilru nuamlo reng a awm angai te hi ka fapa nen chuan he inchhung ah hian kan hrang bik riau in ka hria a, uRuatfel'an pawm mahse keimah ah nuamlo tihna a awmlo theilo.





"Hrilh itum em," atih leh deuh hmuk chuan "tumlo" kalo ti veleh mai a. "A ṭhat chu,naute chungchang hi engmah a hre tur anilo,kan chhûngkua hi kan mualpho tur anilo tih hre reng rawh aw,naute nen hian kan in a in awmna kum khat em pawh ala nilo a,ka fapa fa anilo leh zêl bawk nen chhungkhat anga en in har rih deuh tlat a,mahse midang bulah chuan Ruatfel'a fa ang in sawi zêl ang che" atih hnuah room aṭang a chhuak a.Khang thla sarih chhûng zawng khan lem alo chang mai mai ani thei angem,kapa hi hetiang ang hi anih ka ring ngailo,ka rinloh daih in a che.






Ka fapa ka mal chungah tui taka muhil thaw sak sak chu ka en a, "bawihte,Api te bulah awm ila chuan a nawm dâwn nen,Api te chuan an duat dâwn ropui che sia,ilo piang tih an hriat rual rual in apu in ar te kha a talh sak leh nghal duh mai awm che sia" tih pahin ka inhnit deuh feih a,naute hian hlim na tam tak kan inchhung ah hian min thlen ka rin vei nen a, uRuatfela sawi ang tak tak in milem vek anlo nih hi.





Rilru ah mahni in khawngaih na a awmlo theilo a,naute min pawm chhâwk tu an awmlo ringawt te chuan ka rilru ati na a.Bawihtea hian lawmtu a neilo lutuk te hian ka rilru ati tawt deuh ṭun a,inchhung ah a hming in apu leh pite a ni leh Patea turte an tam ve nen,Mimi'i bak anlo la lut lehlo hrim hrim, uRuatfela thil siam tir lah chu arei bawk sia.





"Ka fapa Lalchhanchhuaha hi khawvel ah a hmelṭha ber," tih pahin a biangah ka fawp zeuh a. "Lawm tu neilo mahla anu hian a hmangaih ber che alâwm tiro bawihte,apa nen kan hmangaih na che hi atawk alawm tiro Darlawn lama Api leh apu te anutei te ho in an duat dâwn che emai" tih pahin ka fapa muhil chu ka be mawlh mawlh a,a len huna mama min tih hun tur mawlh chu ani ka nghah hleh ni.






"Nakin ah apa te nên kal te kan zir anga,school ah te khan ka hruai ṭhin che anga toys te kha iduh ila thlang ve reuh zet zet anga," tih pahin keimah zawk chu ka nui ka nui a,ka phone phawrh chhuak in ka fapa thla ka lakpui hnuah status ah ka hmang ve ngei a.





"Minlo ngai hman em ka fapa khan, lollipop kalo lei haw sak a" uRuatfel'an atih chuan ka melh rawm rawm a. "Naute piang hlim nichin lawk a piang ve chauh anih hi,engtin nge lollipop ei se itih a," ka lo ti deuh hlar a.





A thil lei ho chu khumah a bun ruih a,a sawi ang tak tak in lollipop chu a lei hnem em em leh nghal a. "Eng hi nge maw i rilru ah awm rere le,eng ngatan motor lem te hi,i khalh dâwn ami" ka tih chuan kan fapa chu alo la vat a.






"Nakinah pawn ah kan la khalh dâwn alawm,kan fapa khalh atân a i duh loh leh kan nupa in kan in nawr anga,kawtah kan khalh ṭhin anga nimai alawm" alo tive deuh hmuk a.





"Ka ril aṭam nen,engmah minlo hâwn velo leh nghal a,cake te vaimim te ka eichak vei nen a,min va ngaihsak lo sawt ve" ka ti deuh phiar phiar a,rilru hreawm nen a ka thi mai dâwn ten ka hria.





"Eitur chu lei e,eng nge i awmzia naute nei hlim a an stress ṭhin hi chu ka hria a,mahse a piang hlim ah hi chuan an la stress vaklo asin," chik deuha minlo en paha atih chuan "ka ril aṭam alawm," dam deuh zawkin kati nawn veleh sep a.






"Khawmaw ka tupa chu," tih paha Nunmawia lo lût chu kanlo en reng,a la inthlak loh danah alo tlang nghal aniang, uRuatfela naute pawm lai chu a lâksak deuh nawlh a.






"Zonunmawi,fimkhur rawh a ring i ṭhuai bung mai dâwn alawm,misual i sawisak ṭhin te ang maia i dim loh le" uRuatfel'an ati chang run a. "Kati na dawnlo,ka pawm ve duh animai," Nunmawia lah chuan alo ti ve deuh hmak bawk sia.






Kan fapa chu a tâl deuh laih laih a,a hnute chak nge a ṭap leh ta vak a. "Kha,a duhlo che anih kha isik ani ngei ngei ang" uRuatfel'an alo ti leh deuh hmuk a. "Duhloh hre rual ala nih loh hi,vawiin ah a piang ve chauh a khua pawh ala hmu thei nang,a ril aṭam aniang" kalo tive vat a.





"Ka me deuh nge mawni,kan inthlak anga ka tih fai zawh ah kalo kal leh ang," atih hnuah Nunmawi'a room aṭang a chhuak vat a. "Inhnuai lama chhuk ka van duh,ka ril te aṭam" ka tih chuan "i che ṭha theilo,kalo pe ang che lo awm rawh" atih hnuah ka chhan na pawh nghak lo in a chhuak vat a.Nichina kapa thusawi vel kha chu hrilh ka tum hranlo,a thinrim anga buaina a pun lun zawk mai mai ang.




Zanin chu aho riau maithei,chapter hi pakhat bak a awm tawhlo ang aw


Show post links
Top