THE HEALER BY Judy Chhak Chhuak (Completed)

[Ngaia]

Chapter-13

HMANGAIHZUALI POV

"A ngailo,keimah pawn ka in check up ve thei reng,ka awl lai velin ka kal ve mai ang," kati deuh khâr khâr a,uRuatfela lah chu kalsawn a tum hmel loh ropui mai bawk sia,naute ultra sound a en angai dawn a,min kalpui phet atûm chu ka duh hauhlo.






"Ka sawi tawh ani lâwm ni,luhlul viau zel suh,i duhlo anih chuan midang hmuh lai hian ka kai leh dawr dawr mai ang che," atih chuan ka melh rum leh tawh khawp mai.Ka duhlo ka tih chuan min kalsan ve ṭhin mai se a dik vek mai tu ania,min tih thinrim te hi nuam ati ṭhin hrim hrim amawni.





"I thil tih lai kha dah rawh," atih takah chuan ka dah ve riai riai a,anih loh chuan midang hmuh laiin ati leh duh tak tak mai ang.





Ka kutah lo vuan in doctor Sangpuii awmna lamah min kai phei a,damlo in entir tur pawh anla awm nual.Doctor Ruatfel'an midang aia min luh pui hmasak zawk miau avâng in min enlo ngamlo niin ka hria, "teh hlawl che u chuan," min hmuh rualin alo ti deuh hluai a.





Ka naupai ultra sound a en tura uRuatfel'an ati chu doctor Sangpuii mak ti hmel kha ka hmuh hmaih hauhlo. "Doctor Ruatfel'a chu ka lawmpui hle mai che u," nuisâng in ati dap dap a,uRuatfela erawh chuan engmah a sawi velo.





A hmel chu kava en leh zeuh zeuh ṭhin a,ameng rum leh nasa tawh mai sia.Midang hmuh lai hi chuan a inla cool ve deuh ṭhin nge mawni,ka bula a chimawm theih ṭhin nen.





"Naute pawh aṭha e,Hmangaihi pawh iṭha,iron vel chu i ei tho anga tiro,naute lungphu pawh aṭha vek ania hlauhthawn tur a awmlo e," doctor Sangpui'in atih chuan ka thaw deuh huai thei.





"Aw damdawi i sawi ho hi chu ka nei vek tawh a," ka ti chu uRuatfela a en zeuh a,ala nui ruh ruh zui a. "Nia inei tak ang,kalo theihnghilh daih alawm," ala ti deuh ham ham zui a. "I hre sual anih kha naute hi..." Ka ti hman ṭawk tih ah uRuatfel'an min pawt tho nawlh a.






"Aṭhat chuan a lawmawm,kan kal phawt ang,inneih sawmna te pawh ila hmu vat mahna," atih hnuah min chhuah pui leh dawr dawr a, "ngatinge khatia itih kher a," ka kut dah thlâk deuh sawk paha uRuatfela ka en chuan anui deuh huk a,ka darah minlo kuah nghal vat.





"Ka sawi tawh ang i thluak tereuh te ah hian vawng reng rawh,ka nupui tur inih kha" atih chuan a kawr ah kalo ṭham ve deuh ṭang ṭang. "Min thlah rawh,midang an awm ve vek hi,form kala ha leh nghal zui a" ka tih pawh chuan step ah min kuah reng chungin min chho pui pawk pawk a.





"Ehe Ruatfela chu," tih ri kan hriat na lam kan hawi chuan nu valai lampang hi alo ding reng a.A inchei dan aṭang chuan an harsa ve tih a hriat theih, "nu Mawi ilo kal animo," min kuah na thlah chuanglo in uRuatfel'an ati deuh sup a.





"Nia,kalo kal anih hi keimah lo chuan ka fanu enkawl tu an awm mang siloa,ka fanu rilru na tal ka hnem ve ang chu,a rilru nat lai takin tu emawni in ala kalsan zui bawk sia," min eiloh hmel zeta min melh paha atih chuan ka kimki chawih chawih mai.





"Anih chu,lo dam vat rawh se,ka nupui tur hian nau apai sia a chau lutuk palh ang kan kal phawt ange," ka chhîp a fawh zeuh paha atih chuan kan hmaa nu pawh chu a kal deuh nghawng nghawng a, "i bialnu Sangtei nu kha emni,an in ang lutuk an kal dan zawng zawng nên" ka tih chuan ka dara a vawn na a hmer deuh salh a.





"Tu nu pawh lo ni rawh se," tih pahin step ah min chho pui leh nghal a.Ka tluk hlau niâwm fahran in min kuah nghet ropui si,ka thawhpui mai nilo nurse kan tawh te ho chu an phun leh sep sep ṭhin a,keimah ni chanchin an sawi tih pawh chiang takin ka hre thei.






URuatfel'an a office lama min chho pui zêl takah chuan ka hawi hu hu a,a office kawtah pu Ruatsanga nên kanla intawk zui a. "Ruatfel,i duty zawh veleh in lamah haw ang che," ati dam dap a.A mit a sen deuh rum a,a chauh hmel takzet.





URuatfela room chhung kan lut chu a dan ngaite bawkin alo fai leh pek khawp mai, "ngatinge hetah min hruai daih a,midang an lungawi lo lutuk ange aw,bakah i fa ka pai amaw anti vek ang," kati nghal mawlh mawlh a.





"Midang ngaihdan ah buai suh,midang care vak an ngailo,ka nei dâwn che a ka fa ani ve tawh bawk,ka fa tibik tawh suh ang che" a doctor coat phelh mawlh mawlh pahin ati deuh sup a.Ka awmna lamah alo phei zui nghal.





"Naute nu hian eichak anei em," ka beng bulah alo tisup a,ka hmai bulah athaw lum leh ham ham tawh.URuatfela hi kei ngei pawn hmelṭha kati lutuk,mahse ka naute leh keimah vanga a mualpho ve tûr hi ka ngai ngam ngang siloa,a fa anga a sawi anih chuan kalo mualpho lo pawh ani mahna,mahse keimah ah in thiam lohna a awm tawh tho tho.





"Canteen ah khuan chhangban an zuar angem,chhangban leh kurtai ka ei chak," tih paha ka en chuan ka biangah alo fawp zeuh a.





"I ei duh anih te chuan Sangtei nu in a zuar alawm,kurtai chu bazar ah a lei theih ang," tih pahin a phone a hmet mual mual a. "Sangtei nu anih chuan ka duhlo,adang eitur ka ngaihtuah mai ang" ka tih chuan chik zetin min melh run a.





"I chiang amaw," tih pahin ka ṭhutna bânah arawn in nem khalh run a, "chhangban chu ka eichak a,mahse Sangtei nu kher nilo midang hriat ineilo ami," ka ti ta thlawt a,Sangtei nu pawh a zahawm alâwm hmeichhe khawlo deuh angah min ngai tawh ngei ang.





"Ka leisak khan an tan pawn a lawmawm zawk alawm,pawisa an hmuh ve theihna ber ani sia," ka hnar a piai zeuh pahin ati sup a.A dawhkan awmna lamah pheiin phone call a hmang nghal a,a thil sawi danah chhangban chu min chah sak ngei ani tih ka hre thei.





"Ei chak dang inei em," min pawm deuh nawlh paha atih chuan kalo rak ṭhat. "Min dah thla phawt teh,midang anlo lût thut ange" a kut a ben dawt dawt paha ka tih chuan a ngai ho mai bawk sia.






"Ei chak zawng inei em sawi phawt rawh," atih chuan ka thaw deuh hak.Hepa thu duh lutuk hi, "luhlul minti ziah a,nangmah anih hi luhlul chu" a sam a ṭham paha ka tih chuan alo nui mai mai.





"Chakai i chhit thiam em," uRuatfela hmaia thai riak riak paha ka tih chuan mak ati deuh nge min en deuh ren rawn a, "thiam e enga tan nge itih" alo ti ve nghal sup.





"Ka ti mai mai mawle," tih paha thawh chhuah ka tum chuan min man nghet lutuk ringawt. "Naute hi ava virlo ve," ka pum chul hliau hliau pahin ati thawp sup a.





Asawi diklo hranlo,ahma ang khan ei chak huam huam ka nei tawhlo a,ka thil ei erawh a tuilo phah em em chuanglo. "Chhangban chu i chah tak tak ami," zawhna mitmeng a melh kiau paha ka tih chuan anui deuh suk ringawt a,a chah tih erawh ka hre reng a,zawh ve hrim hrim ka duh vang ania.





Kawngka an rawn kik deuh dat dat takah chuan ka tho vat a, "doctor Ruatfela room ani em," mipa la upa lo tih hriat tak hian rawn luh pahin ati dek dek a.





"Aw ni e,eng nge iduh" URuatfel'an alo ti chang leh bâwl tawh, "hei chhangban i chah kha ania," tih pahin polythene ah alo khai ṭeuh a.Pawisa pêk ka tum chu min melh no lemlo khawp mai.





A chhangban lei chu ka eichak tawh bawk nen ka ṭhet darh sawk sawk a. "Tur te lo telh ta mai se,Sangtei vang in min haw viau tase," ka thil eitur dah let leh meuh a ka tih chuan ka lu ah alo kuk ri deuh fawk a.





"Chutiang anga rilru chhia anni bik hauhlo ang," tih pahin ka zai sa chu ala a,a hmawm deuh pawp mai.Amah berin a ei tawh bawk nen,ka eichak ve tawh tho sia ngaih ṭha deuh chuan ka eive ta mial mial a.





Vawiin lam chu in zai tur an awm vaklo nge emergency alarm te chu ala ri lo rere,ka ham leh deuh bai bai a,ka thil eite chu kalo muthlu thul.





DOCTOR RUATFELA POV

Ṭhuthleng ah tui ti taka amu chu ka en a,ka nuih leh suk ṭhin,puan ka sin ṭhat tîr hnuah paper khawih fel ngai ang ang ka tifel zung zung a.A duh tak a eitawh bawk a,a puar ve khawp aniang.





"Ṭhianpa," kawngka rawn hâwn pawp paha Rinpui'an atih chuan thawm dim tûrin kalo tivat a. "Eng nge awmzia,Hmangaihi hian ifa pai ang in in thang vak ania,hospital a thawk ho hian an hrechhuak zo ṭep tawh ang,an inhrilh pui chak si" ka hmaa ṭhuthleng a ṭhut pahin ati a.






"Buaina a awm loh chu,ka fa ani tawh a nupui a neih ngei ka tum," tih pahin paper chu ka en zung zung a. "I â ta emni,Sangtei te saw i ṭhen ringawt a,a mit vanga ṭhen ini em i khawngaih ve hauhlo emni,a nute saw" atih chuan ka in hum ruh deuh ngawt ngawt.





"Sangtei chungchang rawn sawi hauh suh,chuan ka nunah in rawlh buai tumlo mai rawh,sawnu Sangtei sawn keimah aiin ka ṭhianpa Thana a ring zawk a,a chan tawk ah ngai rawh ka hriatah leh Hmangaihzuali hriat ah vawikhat mah a hming saw sawichhuak leh tawh suh ang che," kati deuh khur khur a.






"Aṭha lawm,ka sawi tawhlo ang" tih pahin ading zui nghal a. "Chu chu kalo hrilh ve mai mai che," atih hnuah a chhuak zui leh nghal,nep lutuk.





HMANGAIHZUALI POV

Thawm ri deuh mur mur in minti harh zawk a,ka meng chiang khawp mai,heihi ka va han zak theilo tak,uRuatfela roomah kalo la awm char char chu niin.Ka duty bawk siloa,ka van mawl chiang tak em.






Hmanhmawh deuhin ka insiam ṭha sawk sawk a,room chhung chu alo thim deuh khup tawh.URuatfela ka hmulo bawk nen ka chi ai lo chauh,hmanhmawh deuhin room aṭang ka chhuak a,inhnuai lama ka chhuk pawn hmuh tur a awm hauhlo,damlo zai tur an awm te pawh aniang.





"Lo kal teh," ka duty na hmun ka thleng chu Adeline'in min pawt hrang nawlh a. "In lar tawh teh mai ania, doctor Ruatfela nen doctor Ruatfela fa ipai tiin in thang vak ania,engtin nge itih ang" Adeline'in atih chuan ka hre biklo khawp mai.






"Keimah vangin i mualpho ngun tawh mange," ka kut kheuh neuh neuh paha ka ti chu alo nuichhuak ta hawk mai.Mak ti zetin Adeline'i chu ka en deuh hu hu a.






"Aho lutuk ania,ka ṭhian ṭha ber inia,hetiang mai mai te chu ka tuar thei lutuk nangmah zawk hi ania,naute ipai bawk sia,ka ngaihtuah vang zawk che mawle," nui sen sen pahin ati ta daih a,asawi hi ka hrethiam teh nuai tawhlo.





Duty tawp thleng chuan uRuatfela kala hmu leh ta miahlo a,eng vanga zawng ru ve reng nge ka nih,ani te chuan keimah nilo ngaihsak tur dang a ngah emai min ngaihsak kalo ring ve ringawt chu ka zah pui awm mange.





"Ka rualin i haw dawn em," pawn a kan chhuah vek tawh hnuah Adeline'in ati deuh sep a, "ka hrelo mahse scooty ikeng sia,kala chuang ngam siloa,taxi pawn ka haw zawk mai ang,min thlah kher a ngailo" ka tih ve deuh tlat avang in ani pawh a hmanhmawh deuh nen min haw san hmasa a.





Taxi chang tura ka chhuk lamah chuan uRuatfela nen kan intawk hlawl a,mit ti zim sun a min en chuan ka enlet ve ngar ngar.





"Ngatinge minlo nghah loh," lungawi lo tih hriat zet hian ati deuh sup a.Doctor coat pawh alo ha fel leh diam tawh, "ka hmanhmawh deuh a ka zu haw hmasa mai ang," ka tih chuan a rum nghut mai.Ka kuta rawn vawn atum chiah chu min rawn su tu an awm avâng chuan ka awm hrang deuh nawlh a,min rawn su na bawk nen ka inring hman bawk siloa,kawngpui ah chuan ka ṭhu sawp ta niai a, "shit!!fimkhur ta che,bawihi iṭha em" tih pahin uRuatfel'an min buaipui vat.





Min kaithawh hnu chuan ka in en zung zung a, "naute aṭha angem," hlauthawng ru taka tih pahin uRuatfel'a ka enkar a, "hlauthawng suh" min kuah pahin ati thawp sup,mahse ka hlauthawng lo theilo ka taksa chu ka enkual a.Na chu ka nei hranlo,mahse ka in en kual ta vak a,a dik vêkin ka hria.





"Awi ka tihpalh lutuk,ka hmanhmawh lutuk a,kalo hmulo che u alawm" tih ri kan hriat na lam chu kan hawi vat a.Hmeichhia nula la upa lo tih hriat tak hian in thiamloh hmel zetin min en reng.






"Iva fimkhur lo em em ve a," tih pahin uRuatfel'an a hnaih chilh ruak a.A bânah kalo vuan vat, "uRuatfel,ngaih dam min dil tawh kha,phei ang" ka tih takah chuan min hnial lo ve ngei.





A office lamah bawk chuan kan chho leh a. "Ka rualin i haw ang," ati leh tlat mai bawk sia,a hmelah chuan ala lungawi lo hle tih a hriat,chuan a hmelah sawn hreawm tih na nasa tak ka hmu theiin ka hria,eng vang nge ni ang.





"Iṭha em uRuatfel," min hnungchhawn tlat takah chuan a dar a khawih da da pahin kati sep a.Ka lamah lo hawiin min rawn kuah thut a, "reilo te tihian awm lawk rawh," ril ruih a atih chuan ka che sawn biklo.




Bonus chapter zuai ania,muthlu chunga ka type nawk nawk te ani sia a ngaihnawm vaklo ang,minlo hrethiam mai dâwn nia tawi pawh atawi deuh ang


Show post links
Top

[Ngaia]

Chapter-14

HMANGAIHZUALI POV

"Buaina i nei emni," a hnunga ben thak thak paha ka tih chuan a thaw deuh hak a. "Neilo e,ka thlah ang che kan tifel lawk ang minlo nghak rawh," tih pahin dawhkan a paper awm ho chu a rem ṭha zung zung a.





"Min thlah kher a ngailo ania,keimah pawn ka haw ve thei reng alawm" ka tih chuan arum deuh nghut mai. "Lo ṭhu rih rawh," a ṭhuthleng ka lama lo dah phei paha atih chuan ka ṭhu ve mai a,a thil rem fel chhungin phone kalo khawih mial mial thung.





Adeline'i Message lo thleng chu ka seen vat a, "Ruata zah theihloh zia hi," tih paha an inbiak na niâwm tak minlo thawn chu ka enve mai a.I ṭhiannu kha minlo biak tir rawh,tih te naute chu a ti tla duhloh anih chuan hriat pawh min hre tawh suh se tih te ani nuk hlawm a, Adeline'i reply na pawh a rapthlâk khawp mai,a thinrim hle aniang ṭawngkam chhe tin reng a hmang a,hetiang em em a ka thlavang hauh tu ṭhian ka nei hi ka vânnei takzet.





"I bula ka awm lai reng hian eng nge i ngaihtuah ṭhin,keimah lo midang i ngaihtuah em ni," ka lu ah na lo te a minlo kuk zeuh paha atih chuan ka phone ka dah vat a. "Izo tawh mi" nui sen sen paha tiin ka enchho kar a,a mit ti zim sun in min en deuh reng.





"Eng nge," tih paha thawh ka tum chu min nam ṭhu leh deuh chawrh a,ka ṭhutna ban lehlam lehlam ah chuan a kutin a in nem khalh nghal run, "i tih tur i hria em," nuih insum hmel taka atih chuan ka hawi deuh hu hu a.






"Tih tur kala nei ami," zawhna mitmeng a melh pahin kati sep,ka inrin hma chuan ka hmuiah alo fawp deuh vang vang a.Keipawn kalo chhang let ve ngei a,ka chhan let vang nge a duhthawh zual sauh, "min pawm thei tawh angem," kan chal insik tîr paha tiin a thaw lum deuh ham ham a.





"Keimah zawk hian ka phulo che alâwm," a biang lehlam lehlam a dawm pahin kati zawi sep a, "ka thinlung in a thlan ini ka tih che kha,min pawm thei anih phawt chuan buaina a awm hauhlo ania," a biang ka dawmna kut lo vawn ve paha atih chuan ka ngawi deuh vang vang a.






"I mualpho ve dâwn asin," hnuailam bih ngar in kati leh sep a, "chutiang ah buai suh,naute hi ka fa ang ah an ngai vek tawh a,keipawn ka fa ang maiin ka en thei ka tih kha,min nei la i mualpho hauhlo ang" atih chuan ka en mawl tawp.





"Aw i tihna ang ah ka ngai dawn ania,kal ang le" a kut ka vawn theih tura alo dah chu kalo vuan vat a,a room aṭang inkai rialin kan chhuk thla a.Zan lama duty tur ho vêlin minla hmu hram a,engtin tak minlo sawi leh ang maw,hetia an sawi an sawi chhawn hian dawt an tel kher zêl bawk sia a tawpah phei chuan kan chhuak mak leh ngawt ang.





"Dawr lamah chaw kan ei dawn ami,i duh em" ka dara minlo kuah paha atih chuan kalo en chho vat a. "A ngailo,i hek thei emai min pêk tîr i phal ngai bawk siloa," ka tih chuan ka dar alo hmer deuh salh a.





"Pawisa ah chuan lungngai suh,ka sawi tawh kha iduh leh mamawh chu min dil zêl rawh,iduh anih chuan ka lei zêl ang," tih pahin motor kawngka min hâwn sak a.Keipawh ka lut zui vat, "ka bulah ilo riak leh duh em" a mit minlo siai zeuh paha atih chuan a dârah ka chum pawp a.





"Teuhlo mai,ahma pawh khan ka hriatloh vang mai mai anih kha,ka mu duh tawh miahlo minlo hâwn leh ringawt palh ang," ka tih chuan anui ve deuh suk a.





"Khawnge kan kal leh tawh dawn a," kan veng lama a tlân loh takah chuan ka envat a. "Thil ei zawh ah ka thlah ang che," atih chuan ka hnial bik lemlo restaurant lian ve angreng tak kawtah motor ati ding a,a chhûng chu a pui leh pek khawp mai.Mi hausa fapa tih takah tlêm a changkang vaklo ah minla hruai ngai miahlo,hetiang anga changkang deuha kan ei hian hreawm kati daih zawk zel,mahse ka sawisel sak duh siloa.





"Eng nge i ei ang," menu minlo pêk paha atih chuan ka enve ngei a,chaw pangai a awm leh tawh hauhlo.A awm chhun chu rice ani mai,mahse a rice hming hi amak sia,ka chah tawp ngamlo.





"Ka hrethiam lo e a,i duh duh chah rawh an menu a mak emai," ka ti ta thlawt a. "Sa ei theihloh inei em,ei duhloh inei em" atih chuan kalu kalo thing vat a,kan ei tur a chah kan nghah chhûng chuan ka kutah a vuan deuh tlat a.





"I chau em" ka beng bulah ati thawp sup. "Aih chau lo e,i chau thei viau zâwk ang a,vawiin phei chu nileng in kamu ani ringawt ka ṭhiante lakah pawh ka inthlahrung,khatiang kha chuan ka ti tawh miahlo ang" kati ve sep sep a.






"Ehe!!Ruatfel nangmah ini em," hmeichhe aw sin ve lampang tak hian alo tih deuh hluai chuan kan envat a. "Brenda nangmah emni," uRuafela pawn ati deuh sup a,ka kut a vawnna thlah in ading zui nghal zat.





Brenda-i tutak nge ni ang,ngatinge a ngaih pawimawh em em, "iva danglam tawh ve,ahma aiin i chhelo zual sawt anih hi" nui har har pahin chunu chuan ati deuh har har a,ka eilo takzet chuan tûnah khan keihian ka thik ve deuh tihna emni.





"Chuan heihi tunge a,Sangtei nen inla inzui reng amaw tih laiin" tih pahin kan hmaah chiah chuan a ṭhuthla a,uRuatfela pawh ka bulah alo ṭhu leh vat.





"Zui tawhlo,heihi ka nupui la ni mai tur anih hi" ka kut la kang a fawh zeuh pahin ati sup a,chunu nui hmel tawp riai riai chu kan hmuh hmaih hauhlo,mi pangai tan chuan a awmdan chu hai theih rual anilo uRuatfela hi aduh chiang alawm.





"Anih chu...chuan Sangtei chanchin kha kalo hria a,apawi ka ti khawp mai," minlo melh zeuh pahin ati leh sep a,a hmelah chuan pawi ti tak tak hmel pawh apu lemlo.





A inchei dang aṭang chuan an hausa ve thawkhat ani ngei ang, "duati heihi Brenda-i anih hi,ka school kal pui ṭhin,chuan Brenda heihi ka nupui nimai tur Hmangaihi anih hi" ka kut hum vang vang pahin uRuatfel'an ati sup a.





"Anih chu mawle,inneih hunah te chuan min sâwm ve ang chu tiro," nuisâng in ati a,a sam chu a khawih danglam nasa ve hle aniang a hmel en reng reng pawh chuan aro rap mai.





"Sâwm ang," atih hnuah kan eitur arawn thleng tak avâng chuan ka ngaihsak tawhlo, "Ruatfela hi kalo be fal lawk thei angem,pawi itih loh chuan" uRuatfela en paha atih chuan tuber nge a dil pawh ka hrelo,keimah min en bawk siloa.





"Ka reilo ang,lo ei rawh" ka chhîp a fawh zeuh paha uRuatfel'an atih hnuah ka chhang hma in an ding zui nghal a,kan dawhkan piah deuh lawkah chuan thil an sawi dun ani ngei ang.URuafel'an a en chhuk deuh rûn a,chunu Brenda-i atih chuan ka duhai in a nel mah mah ani,a ler hmel ropui si ka ngaihtuah na mai mai nge pawh ka hrelo.





Ngaihsak duh lo in kan thil chah chu ka ei mial mial a,sa ka ei duh leh duh loh min zawh chhan kha ka hre chiah bawk.An eitur siam ah hian sa a tel zeuh zeuh a,bawngsa niin ka hria,kala eitui phian zui a.






URuatfela arawn let har lutuk chu va kal chilh mai te ka duh rum rum tawh,ka hmuh phak ah an awm hlauh zawk a.Eng tak sawi dun ang maw,ka en reng lai chuan uRuatfela a rawn inher vut a,ka awmna lamah arawn pen phei nghal pawk pawk mai.





"Ilo ei em,atui maw" atih chuan ka chhang lawklo,ka thil eilai chu ka hmawm zui nghal mawlh mawlh a. "Hmanhmawh suh,i hak ange" atih pawh chuan kala ngaihsak duhlo,a eitur chah chu a ei zui ve nghal mawlh mawlh a.A thil chah chu a hrisel hlawm khawp mai,hmarcha thak awmna a chah miahlo bawk.





"Ka puar tawh,aman ka pe anga kalo va chhuak ang," ka bag lak paha tiin kal mai ka tum a,ka bana alo vawn chuan ka enlet ve ta nge nge a. "Brenda-i kha i thik emni,a ei man pawh ipek a ngailo ka tilo emni" dur khup a min melh pahin ati chang run a.





"Ka thik hauhlo,chuan ka hmanhmawh a heta ṭang taxi ka chang mai ang," tih pahin min vawn na phelh ka tum chu min vuan nghet tulh tulh a. "Ruatfel ka sawi kha aw,nakinah chuan ilo kal ngei ngei dâwn nia, classmate hlui te nên a inhmuh khawmna ani bawk a,a kalloh theih miahloh ania mahse kawppui te hruai kan ti tel miahlo a" tih paha min en kher chu ka huat tawk a tling leh em em tawh.A in kam sang ropui si.





URuatfel'an a chhan tak loh ah chuan ka envat a,ani erawh chuan keimah ringawt minlo en. "I chhang dawnlo emni,a din reng hi chhang vat ta che," kati fiak deuh ṭhat a.Brenda'i atih nu chu rum deuhin ka melh nghal kha kha.





"Ka nupui leh a pum chhunga ka fa hi ka kalna piangah an leng velo anih chuan kalo kallo mai ange," Brenda-i lawmlo tih hriat zeta melh paha uRuatfel'an atih chuan ka en haw mai,ka thinrim pawh tlêm in a zia veleh ta deuh.





"Nia,aw kan sawi ṭha leh dawn nia,ka ṭhian ten min nghâk reng sia,kava kal phawt ange" atih hnuah a kal deuh nghawng nghawng a,a hmel kha a lem ropui si a hmui lah a tih len tîr tih chiang reng reng,a mithmul te kha min zâp lo chauh anih kha.Khawlum lai phei chuan hmaizah ah a hman theih hial ang chu,a kuttin seng sung te kha Phungpuinu ang chiah ani.





"Ka nupui tur hi a lungawi siloa,ka thil ei pawh a tuilo zo vek anih hi,kal mai ang" ka bula lo din paha uRuatfel'an atih chuan ka khawngaih veleh deuh tho bawk sia. "Ṭhu rawh,ei rawh kalo nghâk ang che" ka ṭhutna ngaiah bawk ṭhutthlak leh pahin kati leh ta nge nge a,ka lungawi leh awi loh hriat atum nge min thlek nasa khawp mai.





"Min en reng dâwn ami,ei ta che" kati leh khar khâr chuan anui suk a,ka nau thil kan ei chhuak dawn tih ka hrilh siloa,min ngaihtuah emlo ang chu maw.





"Kan in ngaizawng tihna ani em," ka ti chhuak deuh phawng a.A thil eilai dah meuhin minlo en, "in ngaizawng chuan kata chauh ini tih theihnghilh suh," ka nghawng rawn tawk zeuh paha atih chuan nizan a love bite min siam sak kha ka hrechhuak leh chiah.





"Anih chuan rules ka siam ang,kan in ngaizawng ta rau rau bawk a,kan inkârah hmeichhe dang an inrawlh ka duhlo,ka peih velo ania chuan thil min leisak vak vak suh," ka tih chuan abu nghauh nghauh a.





Ka hmuia alo fawh zeuh chuan a hnungah kalo beng deuh pawp.Kan awmna hi a kil ber ania,couple thil eina tur bik ang khân an siam a,parda an zâr vel thlap hlauh zawk a,engtin nge Brenda-i khan minlo hmuh theih zawk ni.





"Naute hi apuar em," ka pum lo chûl hauh hauh paha atih chuan "puar," kalo tivat a. "Kan kal dawn ami," atih chuan ka hnial hranlo,a tlai ve tawh ang reng sia,pawisa pêk a phal miau loh avâng in aman ape leh ta vek a,an hausa tho bawk a pawi ka ti tawh lemlo.





Motor a kan luh chuan a tlanchhuak lawklo a, "kanu diktak ihre duh em," a mitmeng pa hrak a minlo melh zeuh paha atih chuan kalo aw vat a.An în a kan kal laia mi kha chu anu anilo tih ka chiang tawh a,ka zawt ngam lawklo kha ania.





"In inhnuai nu kha" atih chuan ka en hu mai, "tuber kha nge,kan inhnuai ah in pathum lai ala awm sia" ka tih chuan ka kutah alo vuan vat a. "Ahma pawn min hmuh dun tawh kha," atih chuan ka ngaihtuah vang vang a,nitak "ehe!!nu Saipuii kha inu maw,ka ring reng ah" ka tichhuak deuh halh a,engtin nge kalo hriatloh theih.





"A hreawm em," ka tichhuak deuh halh a,tuna a hmel awmdan tak hi ka lainat ru deuh tlat. "A englai ber maw," tih paha minlo en chuan a biangah kalo dawm vat a.





"A vaiin,inu bulah i awm siloa,in în a kalo kal laia mi kha tunge a,inchhung tiang reng kha anih chuan a hreawm viau ang a" kati sep a.A nun tereuh hi ka khawngaih ru tlat tawh.





"Ka tetlai chuan hreawm kati ngei alawm,mahse tûnah chuan ka chakloh phah nan hman ka tum tawhlo," tih pahin ka kut a fawp deuh vang vang a. "Ngatinge inu bulah i awm daih loh a," melh kiau pahin kati sep a.





"Kapa hi ka haw ṭhin hle a,a rosum leh a in zawng zawng hi ka chhuak anih chuan ka chang dawnlo,damdawiin thleng khian chuvang chuan ka awm lui hram hrâm ani,tûnah chuan ka hming in a dah tawh a fanu leh fapa laktlak loh zet anei bawk nen,keimah lo chu min ring ngam tawhlo a tûnah chuan amah zawk hian ka chhuah a hlau ngawih ngawih tawh zâwk," atih chuan chhan mai dân tûr ka hrelo,alo tuar hnem ve ngawt in ka ring.





"Ka thlah ang che,a tlai zel" atih hnuah motor a tinung a. "Tunah hian nu Saipuii chu ila ngai tho em," ka tih chuan abu nghut a, "min hringtu nu ania,harsatna keimah vangin a paltlang hnem tawh a,ka ngai ve ṭhin khawp mai mahse i hmuh ang in ka tlawh awllo a,kapa pawn a tlawh leh zeuh ṭhin" ati ṭha veleh mai a kan titi dun thei reuh phian mai.





"Zanin ah inu bulah i riak chak em," ka tih chuan anui chhuak deuh huk a. "Kanu ai chuan i bulah ka riak chak zawk," a motor steering herh kual pap paha atih chuan "hmmm" kalo ti ringawt a,kei a pawh chu puitling vek tawh ania,ngatinge chutiang te kalo zawh reng reng ni.





Kan inkawt a kan din chuan ka hmuiah bawk alo fawp leh vang vang a, "lo riah i phal siloa,ka chau viau asin le" a lu hmet mual mual paha atih chuan an inchhung a a nuhrawn te nên ka ngaihtuah a,ka khawngaih veleh tho bawk sia.





"Iduh chuan zankhat te chu lo riak la,mahse zingah midang hmuh hma a i kal leh vat angai ang," ka tih chuan ka hnunglam aṭang minlo kuah a, "ka fiamthu anih kha,kava phei phawt zawk ange" min fawh leh zeuh paha atih hnuah min thlah in a motor awmna lamah a phei a.A tlan liam thleng chu ka enzui reng.





Keipawh pâwnah rei awmlo in step ah ka chhuk thla vat a. "UHmangaih" thim tham aṭang a an rawn ti thut chu ka phu nasa lutuk, ka thlarau a chhuak lo chauh. "Awi!!lal Albin minti phu nasa lutuk,eng nge khatah itih rere a," ka awm dawm vang vang in kati hlak hlak a.





"Engmah kan tilo," hnunglam a thil thuhrûk ṭat ṭat paha atih chuan an thil tih ka hre chak zual sauh,a ṭhianpa lah chu a thle dul dul mai sia,an rim aṭang chuan zu an inru ve ngei amawni.





"Awi ila naupan nen a aw..." Tih deuh vawng vawng pahin inchhung ah ka luhsan a,engtin pawn hau mah ila ka thusawi te mai mai chu an zawm chuanglo ang.





Inchhung ka lut chu alo hnawk deuh nuai a,mak ti zetin ka hawikual vak ringawt, "Omi" ring angreng taka ka tih chuan min chhang mailo, "Vanlalawmpui," tih pahin a room ka hawng a,a awm bawk silo.Ka rilru chu hah tawh tak ani,khawiah nge a kal ang,inchhung lah chu a hnawk nuai mai sia,bathroom ah pawh a awm chuang siloa,rilru hah zetin inhnuai ah ka tlân thla tawp a,kawngka ka kik vak vak chuan nu Saipuii ngeiin alo hawng. "Nu Saipui,Omi alo kal em" aw khur deuh dar dar a ka tih chuan "kal miahlo,ngatinge a mate iva hlauh thawn hmel ve" hrethiam takin alo tivat a.






"Inah ka hmu zolo a,a chhuah dawn chuan min hrilh ziah sia," ka ti deuh halh a. "Khawmaw,inah chuan han chho teh ang,ava mak dawn ve kanu lo awm lawk mai rawh u aw" atih hnuah min kuah chho a. "Phone han tum chhin teh,inchung ah ka han en ange,i rilru ti hah suh aw kan hmu leh em em ang,khawiah emaw akal lawk te pawh aniang" ka hnunga ben dat dat pahin ati a,ṭhuthleng ah chuan ka ṭhu deuh hnawk.





Dawrah pawh lo kal nise in hetiang em em hian a hnawk lo ang,a phone lah chu a room lamah ari deuh ral ral a.A phone khumah alo let bal bawk sia,ṭhuthleng chair te chu a tlu deuh rum rum a,ka rilru a buai takzet,ka nau hi hlauthawng hma chi tak ani bawk sia,zanah phei chuan a chhuak ngam tawhlo tawp a.Khawiah mah a kal dawnlo hrim hrim,misual lut ru nise in hnaih deuh deuh ah kan awm a,midang chuan lo hriat ve awm tak ania.





"Hmangaih,engtin nge ava hnawk ve,Omi chu engtin maw a awm a," ring leng lawng in nu Ram'in alo ti phei lawl lawl a.A hnungah uṬpa te nupa pawn an rawn zui, "ka haw kha ka hmu zolo a,zanah a mah in a chhuak ngam ngailo a,ka hrethiam tawh biklo" ka tichhuak deuh halh a.Rilru fim tak put ka ngai tih chu ka hria,mahse ahar takzet ka mittui lah chu aluang deuh sek a.





"Ava mak ṭhin ve,kan veng lah hi a himlo ropui sia,engtin nge kan tih ang le YMA kan pun mai dâwn ami,i chhûngte i hrilh tawh hrim hrim em" nu Ram'in ati zung zung a. "Aih,tumah kala hrilh lo," ka phone nghet zeta hum pahin kati sep a,ka inthiam lo takzet, "Hmangaih,i nau password i hria em," uṬp'an ka nau phone lo ken chhuah paha atih chuan kalu ka thing ringawt a, "aih ka hrelo" ka ti chhuak leh deuh halh.Midang ho chuan ka chhûngte an phone zung zung a,kei erawh ṭhuthleng bul chhuat ah ka ṭhu reng ringawt.


Show post links
Top

[Ngaia]

Chapter-15


HMANGAIHZUALI POV
"Yma lam kan va hrilh ange,hetia nghah ringawt chuan a dik dawnlo" nu Ram'in atih chuan ka mittui hru hul sawk sawk in ka dingchhuak a. "Baby'i te inah kava en ange," tih pahin ka chhuak zui nghal.Baby'i te kawngka chu ka chum deuh pawp pawp a, "tunge a" anu in alo ti deuh hlak hlak mai.






"E,hmangaih nang alaw ngatinge a iva hmanhmawh hmel ve," min hmuh rualin ati dam leh diai a, "ka nau alo kal em," ka tih chuan alu a thing vut a. "Kal miahlo, ngatinge a" ati deuh hu a,mak atih hmel khawp mai,a kutah chaw bêl a ken danah thleng asil ani ngei ang.





"Kan hmuzo lo a,in lo hmu mial em" kati deuh sep a,ka rilru a buaiin ka hah takzet, "hmu miahlo,tlaiah kha chuan pâwnah hmun phiah arawn la a,kha kha ka hmuh hnuhnung ber chu animai" atih chuan kan in lamah ka phei leh hnak hnak a.Pawnah midang ho pawh chuan minlo nghak reng.





Ka nau pawh ka vênghim zolo ania,engtin nge ka tih ang ka va han laktlak loh tak, "ka hre tawhlo,tih dan ka hre tawh biklo" ṭap ṭiau a ka tih chuan nu Saipui'in minlo kuah vat a. "Hlauthawng reng reng suh,kan zawng hmu leh em em ang,khawiah emaw akal lawk te pawh aniang," ka hnunga ben dat dat pahin ati dam dap a.





"Ni e,Hmangaih hlauthawng reng reng suh,i uṬpa Yma lampang hrilh tûrin ka tirh phei kha," inchhung a min hruai luh pahin anti dap dap a,ka inhnit feih feih mai. "Ka thiamloh vek ani,ka nau kalo ngaihsak tawk lo ani,hetiang thil hi a thlen ka ring ngailo hrim hrim,ka nau phei chu adawi a hmelhriatloh kawngka hâwn sak pawh a ngam ngailo ania,a awmzia ka hre tawhlo" ṭap bai bai chunga ka tih chuan min hnem ve ngial a,mahse awmzia erawh a awm lemlo khawp mai.





"Ni e tiro,Mizoram ngeiah pawh hian thil mak deuh deuh hi a thleng zut tawh reng mai chu anih hi,kan veng lah hi a râlmuang lo ropui mai bawk sia" nu Ram'in ati dap dap a.Ka rilru chu a chaw mawlh vek nimaiin ka hria.





Ka thawmhnaw pawh thlâk lo in chhuatah chuan ka ṭhu kawm reng ringawt a,midang an rawn lut sap sap pawh chu ka ngaihven thei derlo.Kanu call ka dawng awllo a,mahse kala ngamlo thung nu Saipui'in a lâk loh leh nu Ram'in ala a,ka chhûngte ka zah takzet.





Hmangaihi ṭhiannu ber Dorothy kan zawh lahin a awmna a hre bik siloa, "ka nau zawng tûrin ka chhuak dawn," ka ṭhutna ṭanga din chhuah paha ka ti chu minlo dang vat a. "Midang in an zawn kha,Hmangaih nang chu ikal a ngailo e,inah hian awm rawh" ka kuta rawn vawn paha an tih chuan ka kawchhung a lum pup pup thei.





"Ka nau alawm,ka zawn loh in tu in nge zawng hmu ang,tun ang zanah khawnge a awm anga" thinrim deuha tih tuar pahin ka kal lui ta tho a,kawtthler te chu areh duk tawh mai.Ka sam ṭawn na ala chat daih zui,ka thinrim a kal tluang takzet.





"Omi" kawngpui a din paha ka tih vak chuan tuman min chhanglo, "Vanlalawmpui" kati leh tuar a,minla chhang chuanglo.Kawngpui ah chuan ka nau au lawm lawm pahin ka kal zêl a,a ke hniak hmuh tur takngial pawh a awmlo, "Vanlalawmpui khawnge i awm," ṭapchhuah hawk pahin kawngpui ah chuan ka ṭhu tawp a,ka ke te chu ana vek tawhin ka hria.





"Omi" inhnit feih feih paha ka tih pawh chuan minla chhang chuanglo,hetiang ang em em a hlauhthawn hi kala nei ngailo,mittui nen meuh a ka nau hi ka koh ka ringlo. "Duati" tih ri ka hriatna lam ka hawi chuan uRuatfela ka lamah arawn tlân phei vat a. "Chanchin kalo hria a,iṭha em" tih pahin a awmah chuan nghet zetin min kuah nghal vat a.





"Hetiang dinhmun ah hian ka ṭhat iring ami," kati deuh ṭhat a. "Ka tihpalh,în lamah phei phawt ila i nau chu kan zawng ṭha leh zâwk dâwn nia," atih chuan kalu ka thing vat.





"Aih,ka hmuh hma loh chu ka haw dawnlo,ka nau tello in înah sawn ka haw duhlo,a room te saw a ruah vek saw" kati leh deuh hlak hlak a.Keimah te chu ka vai riai mai, "intifai phawt la,aṭha em min en rawh duati Police lampang ka hriattir tawh a,hma an la vat ang" tih pahin min pawm deuh nawlh a.





DOCTOR.RUATFELA POV

Duati chu a chau bawk aniang ka awmah beiin a muhîl sak sak a,a mittui tlak na amit asen deuh ram a.A khat tawkin a nau hming alo lam leh zeuh ṭhin bawk nen,ka lainat reuh khawp mai nau apai sia,ka ngaihtuah ru khawp mai.





În kan thlen chuan a ṭhiannu Adeline'i leh midang dang in anlo buaipui vat a,na a nei lemlo bawk a,kanu ten an thlâk dâwn avâng in ka kalsawn vat. "A zialo hle mai,zanin aṭang an zawng ṭan dawn iti em khah" Rinpui'an atih chuan kabu nghut a. "An zawng hmu vat mai ang" ka phone hmet mual mual pahin kati a.





Duati sawn tûnah rih chuan hahdam a mamawh,a taksa a la chak tawk siloa,a nau pai vang ani pakhat.A nau a bo vanga inthiam loh na nen,a rilru a buai vek rih ani.





"Bawiha,i awm tlang dawn nge ilo chhuk dawn,ipi te an mahni chiah in an awm sia an ngaihtuah awm riau mai,ka chhuk dawn asin" kanu in atih chuan kalo hnial vat a. "Hmangaihi kalo awmpui ang,nangni pawh buaina in tawh chuan lo sawi vat ula" ka tih chuan "awle" atih hnuah a chhuak zui nghal a,kanu engkim kan chanchin ka hrilh vek tawh a.Hmangaihi nau a bo tih pawh ama min hrilh ani.





Midang ho an haw darh tawh bawk nen duati awmna lamah ka phei vat a,a ṭhiannu kei leh Rinpuia bak kan awm tawh rihlo, "ngatinge a," Duati a rum ṭiah ṭiah takah chuan ka phei vat a.





"Aw...a khua asik anih hi,a pang asa vur mai a tlun nasa lutuk," a ṭhiannu in atih chuan fan ka on vat a.A thawmhnaw hak chu ka phelh thawl nghal zung zung, "puan pan lampang a awm em,bedsheet pawh a pawilo va zawng rawh" Adeline'i ka bula alo ding reng takah chuan kati vin ṭhawt a,Rinpui'an damdawi vel alo keng hlauh a,nachhawk na in alo chiu nghal vat.






HMANGAIHZUALI POV

Ka taksa chu a khur deuh dar dar a,avawt kati takzet bawk, "avawt avawt lutuk" khur deuh bap bap a ka tih chuan ka kutah kut lum vung vung hian alo vuan a, "tikhan i awm rih angai,i bulah ka awm reng ania i khawsik adang lutuk a,chuvang chuan ka tihlum thei rihlo che Duati i khawsik areh hma chu vâwt i tuar rih angai," ka kut fawh vang vang paha uRuatfel'an atih chuan ka melh ṭawk ṭawk a.Ka mut a chhuak hauhlo,mahse meng tûrin chakna ka nei ngânglo ani.





"Omi kha in hmu tawh em," zawi angreng takin kati sep a,ka thusawi chu keimah pawn ka hre chang chang chauh ani, "zawn a ngai asin," ka ti leh sep a.Keimah ngei pawh chuan ka taksa chauh zia chu ka hre thei, "an zawng hmu vat mai ang,hlauthawng reng reng suh aw" Adeline'in alo tive sep a.





"Min kaitho rawh u," ka tih chuan min kai tho ve mai a.URuatfel'an a awmah min kuah bet leh nghal hlu hlu,uRuatfela a awm hi chuan ka thla amuang a,ka nau pawh an hmuh vat ka beisei.





"I ril aṭam em,thil eng emaw tal ei rawh aw" Adeline'in atih chuan ka lu ka thing vut a. "Ka ril aṭam lo," tih pahin sana ka en zeuh a,dar sawmpakhat leh a chanve vel ari tawh.





Ka phone arawn rik leh ral ral takah chuan kala ve vat a,kanu bawk ani "i peh hel reng thei dawnlo ania,hlauthawng suh la tawp rawh" Adeline'in atih chuan kala ve ta nge nge a.





"Aw nu" ṭi dâk a ka tih chuan "bawihte iṭha em,nang tal chu iṭha tiro i nau chu khawnge a awm ang le...naktukah kanlo chhuk nghal dawn ania," in hnit feih pahin ati a. "Nu ka tihpalh lutuk aw,ka nau ka vênghim zo siloa," inhnit feih pahin kati ve sep a.Ka mittui pawh arawn baw leh nghal zuai mai,ka ṭap nasa sia ṭawng pawh ka ṭawng ṭha hleithei lo.






"Mate,i thiamloh engmah a awm hleinem,ipa nen pawh hei kanlo sawi a,ṭhenawm khawveng te anlo leng a" kanu in ṭapchhuak hawk pahin ati leh a. "Mate,kan dah rih phawt ang aw,inu hi a ṭah a chhuak zel mai sia,tui deuhin lo mu rawh aw,nangmah in emni i awm" kapa in min ngaihtuah hmel takin ati a.





"Nilo e,hei ka ṭhiante anlo kal alawm,Papuia te pawh naktuk lamah lo kal an tum,nulian Puii a dam ṭha siloa,anlo la kal lawk theilo a" ka tih chuan "awle,mate kan dah phawt ange" an tih hnuah an dah zui nghal a.Kanu ṭap ri pawh kala hre pha.






"I chhûngten hreawm an tih zia i hriat ka ring,nang tal chu chak taka i awm angai ania,hmeichhe chak tak ini tih ka hria" ka chhîp a fawh vang vang paha uRuatfel'an atih chuan asawi dik ve reng.Ka chhûngte tan tal chak taka ka awm angai ani,ṭah vak hian awmzia a nei viau hranlo,ka nau pawh kan zawng hmu leh ngei ang.





"I ṭhiannu in eitur asiam a,ei rawh aw" atih chuan kabu nghat a.Dawhkan awmna lamah min pawm phei nghal vat a,duhlo viau mah ila keimah in ka kal peih thlawt siloa.





Dawhkan a thil awm ṭeuh chu Adeline'i siam anilo tih chiang takin ka hria,hetiang tam deuh a siam hman dawnlo hrim hrim,chu mai bakah eirawng bawl pawh a thiam ṭhalo a,a chah ani tih ka hre thei.Midang pawh chuan an hrethiam vek tho ang,an sawi duhlo mai mai aniang.





"Omi phone kha khawnge a," hawikual thuak thuak paha ka tih chuan uRuatfel'an dawhkan ah alo dah vat a.A phone hi hawng chhin ila,eng tak nge awm ang,a pattern erawh ka hrelo thung.





A pattern chu theih tawp in ka thaikual a,engtak nge a hman ang tih ka hre mailo, "ka thiam tawhlo," tih pahin dawhkan ah ka dah thla tawp a. "Phone ah khan pin ami a hman," doctor Rinpui'an atih chuan ka envat a. "Nilo e,pattern a hmang a" ka tih chuan alo la vat.





URuatfel'a ka bulah aṭhu a,a awmah ka ngheng ve deuh ar ar a,kan ṭhian te pahnih pawh chuan engkim an hrethiam vek ang ka ring. "Hemi ei zawh ah mu rawh u,in chau lutuk palh ang ka roomah Adeline'i nen kan mu thei anga,mikhual room ah sâwn khum pahnih a awm a,uRuatfela leh uRinpuia in mu thei ang" ka tih chuan minlo hnial vat.





"Room khata mut vek pawi inti ami," uRinpui'an ati chhuak deuh phawng a.Amah leh a thil sawi in remlo lutuk avang chuan ka melh deuh ha mai, "thil sual kan ti dâwn pawh anilo a,mut ho vek mai aṭha in ka hria,duh leh mikhual room a khum pahnih chu kan zawm anga,hmeichhia in pahnih maia in mut chu a ṭhalo ang" atih chuan uRuatfela ka envat a.





"Nia," ka chhîp a fawh zeuh pahin alo tive sup,kan mipa te pahnih in mut ho anti miau sia,mikhual room a khum chu ate hranlo bawk a kan dawh zawm a.Omi room ka enfel leh thuak thuak a,a hnu hma hmuh tur pakhat mah a awmlo.





Khumah chuan a kil berah uRuatfela amu a, a sir berah uRinpuia, Adeline'i nen a laiah min muttîr tihna anih chu,puan erawh a hran ṭheuh kan sîn a.Light kan off bawk nen uRuatfela chuan ka puan asin der tawh,ka kawngah min kuah run a,ka hmai bulah a thaw lum deuh ham ham a.A chau deuh nge amu hma khawp mai, Adeline'i nen erawh kan meng deuh reng a.





"I haw kha alo bo daih tawh ami," atih chuan Omi chanchin asawi tih ka hre thei. "Aw,ka haw kha in alo hnawk nuai a,nu Saipuii leh uTe'i(uṬpa nupui) ten an tifai tawh zâwk a" ka tih chuan a ngawi leh vang vang a.





"A mak ve e tiro,uRinpuia khan minlo hrilh a,ka u in minlo thlah nghal a,ka hriat tirh khan mak kati asin aw..." Atih chuan ka thaw chhuak ham ham a. "Keipawn mak kati alawm," kati zawi sep.





"I chau viau ang,mut tum daih rawh" Adeline'in atih leh takah chuan ka be zui tawh biklo,amah zawk hi a chau viau ang,nizan a duty bawk sia ka khawngaih reuh angreng,uRinpuia leh uRuatfela phei chu an chau dawn lutuk an mitttui dun tawh khawp mai.






URuatfela lam hawiin ka inlet a,ka pum chu ka chûl nghal thuak thuak.Kan buai thei bawk sia,ka naute pawh ka ngaihsak hmanlo,a nutei a bo tih te hi a hrethiam ve awm der siloa.





URuatfela hmai chu ka zut riak riak a,tukverh aṭanga thla eng rawn eng lut avâng chuan a hmel pawh ka hmu chiang thei deuh, "ka hmuhnawm viau ami" ka kut lo vawn paha atih chuan ka phu zawk thei.





"Ila mulo alaw," tih pahin kalo enve kâr a, "nula hmelṭha deuhin min en reng sia,ka mutsan phal hleinem" ati thum dut a,ka samah nalo te a ṭham pahin a lamah min pawt hnai deuh a,ka hmuiah chuan a hmui lum thar thar in alo fawp nghal vang vang.





"Mu tawh rawh,i chau viau ang" a awm a bei kak paha ka tih chuan ka samah a chûl deuh hliau hliau a,chutia atih takah chuan keipawh mutchhuak in min zem chiai chiai a,mumang ramah ka lut zui nghal vang vang.





"U...min pui rawh," ka nau aw ri ka hriatna lam ka hawi chuan muttui tling pamin alo ding a. "Omi khawnge i kal daih a," tih paha pan mai ka tum chu ka kalsawn thei hauhlo,ka ke pen a sak deuh ṭalh a. "Omi min vuan rawh," tih paha ka kut kava pe phei chu a ral deuh riai riai nimai hian ka hria. "U ana,u ana lutuk" tih ri chu hre mah ila amah hmuh tur a awm tawh hauh siloa.






"Omi" ring deuha ka tih chuan min sawi dat dat a, "Duati iṭha em" tih ri ah chuan ka mengkawk, "uRuatfel," hlauthawng zeta ka tih chuan min kuah vat a. "Hlauh tur a awmlo ania,i bulah ka awm tlat hi" ka hnung chûl hauh hauh paha atih chuan nghet zetin ka kuah a,keimah chu ka vawt vek theiin ka hria.





URuatfela mut hnuah pawh chuan keimah in kala meng ta reng a,ka muhil thei tawh hauhlo.Ka mumang kha a tak tak ni tase,tûnah hian ka nau hian ka puih na mamawh em em in alo awm mek angem,a chang leh phone te chu ka khawih leh ringawt ṭhin a.UTlani nen kan inbe zeuh zeuh a,anla mu biklo ani ngei ang, "kanu amu thei siloa,mut bik kha a nuamlo a" tih Message minlo thawn leh chu ka reply vat.





"Mut san rawh uTlan,naktuk lamah lo chhuk in tum vek phei chuan in chau lutuk ang,Bawihtea te awm i ngai leh awm sia" tih a ka thawn chu a seen leh vat a. "Keini nufa chu kanlo chhuklo mai ang,motor kan rui vek bawk sia,kan buaithlâk kan ti buai mai mai ang che u,ka nute in lamah kan lo va phei rih mai ang i u pawn a phal tho a," atih chuan "awle" tih bakin ka reply tawhlo.A chang hi chuan a inla hrang deuh nge,a inthlahrung zawk pawh hi ka hrethiam lo.





Khawvar thleng chuan chhin khat te mah ka chhing tawhlo,dar nga velah ka ṭhiante chu ka thawhsan a.Nizan lamah min buaipui nasa bawk nen,thingpui ka lum sak a,kawngka ka hawn hnu rei vaklo ah nu Saipuii,kapi leh kapu te an rawn chho a.Kapi leh kapu hi nu Saipuii nu leh pate an nia, uRuatfela pi leh pute tihna anih chu,uRuatfela nu ani tih ka hriat aṭang hian a bula ka awm in ka lai deuh ṭut tawh zêl.





"Nizan lam engmah chanchin ala awmlo tiro," nu Saipui'in atih chuan "aw awmlo," kalo tive vat a. "Kanu te pawh anlo chhuak tawh ang,kan la inbe leh miahlo a" ka tih chuan alo bu ve nghat.





"A...Omi chu a zia lo tak tak ani,a fel tehreng nen a aw..." Kapi in ati ve vawng vawng a, "nia a pawi tak tak ani" tih bak chhan vak ngaihna ka hre biklo.Thingpui ka pêk laiin uRuatfela arawn thochhuak a,anu,Api leh pute a hmu chu a ding ve deuh zâwk a,a tho phang hmel chu naupang lawmawm deuh a ang reuh lutuk,a sam a thur phung bawk sia boxer chiah ha in alo chhuak bawk nen kalo signal vat a.Ka signal ve chu hria ang pawn a awmlo.





"A Ruatfela chu hetah eng nge itih ve teh daih a," kapu in atih chuan Ruatfela pawh an awmna lamah a phei vat a. "Hmangaihi leh Ruatfel'a te hi an thawk dun alawm kapa,kalo sawi theihnghilh daih a nizan lamah a ṭhiante nen an riah pui a," nu Saipui'in alo tivat a.





"Ava fel tawh ve aw...ahma te chuan naupang sual deuh kha ani ṭhin a,Hmangaih Ruatfela hi a tetlai chuan a sual thei teh mai ania aw...a nghal bawk si a,zingtin mi inchung vawm tur ringawt in a tho hma ṭhin ania," nui hak hak paha kapi in atih chuan kalo nui ve sang a.





"Chanchin engmah ala awmlo emni,Hmangaih" nu Ram'in ring leng lawng a arawn tih luh chuan ka phu deuh zâwk mai.Nu Rami ṭawng ring thei lutuk hi chu, "aw engmah chanchin ala awmlo," kalo tive mai a.URuatfela pawh thochhuak vat in room lamah a lût zui leh nghal.





DOCTOR.RUATFELA POV

Room lamah thawmhnaw ha tura ka lut chu Rinpuia leh Adeline'i anlo in bawh deuh rûn a,an tih tum chu mi pangai tan chuan hai rual anilo, "ava laklawh ve,ka thawmhnaw kan ha phawt anga,in chhunzawm leh mai dâwn nia" tih pahin ka kawr leh kekawr dahna lamah chuan ka phei a. "Mawla," Rinpui'an alo ti deuh hluk mai.





Ka inha zo ka hawi let leh chu Adeline'in a hmai alo khuh nghal kek kek reuh a, "naute hming tur kalo ngaihtuah nghal ang," ka phone ban zeuh paha ka tih chuan "chhuak vat mai teh" Rinpui'an alo ti deuh khur khur a.Hmeichhia leh mipa ta hrim hrim hi chu ka hmu ngun a,ka patient te anni bawk nen ka engah vak a thawk lemlo te pawh aniang,nurse ṭhenkhat ka mit lâk tuma theih tawp a inla sexy pawh an awm nual mai.Min beisei tih ka hmuh hmaih hauhlo,an duh anih phawt chuan a zawn in vawi sawmhnih pawh ka ti tla awn awn thei ang,mahse ka fimkhur a natna hlauhawm kai ka hlau hle bawk,hmeichhe nazawng ka khawih duh bik hauhlo.





HMANGAIHZUALI POV

"Aw a ngailo asin mawle,nu Ram kan bâwl ve thei tho asin" ka tih pawh chuan adah lui tlat a. "Zingah Te'i nen kan siam a,kan siam kep vek che u alawm,i ṭhiante khan nuamlo an tih kan hlau a,kalo pe mai che u anih hi" atih chuan ka ṭap lo chauh.Hetiang anga fel hi in kan luah tawh ah kala hmulo reng reng, "aw...Nu Rami chu kan van phulo ṭhin tak,nang hi chu ka tan chuan vantirhkoh ini ringawt alawm," kati ve luam a.Ṭawngkam thiamlo tih takah lawmthu han hrilh vak ngaih na ka hrelo.





"Tui deuhin ei rawh u,chuan inu te chu anlo chhuk tawh em" atih chuan "aw chhuk tawh e,nichin khan kan inbia a" ka tivat a. "Aṭhat chu,anlo thlen ah kalo kal leh mai ang aw,chaw kanla ei siloa ka han chho phawt ang,nang pawh nizan ai chuan i zia deuh in ka hria" atih chuan kalo nui sang a.






"Ka ṭha tawh lutuk," kalo vat nu Rami chho hnu thleng chuan kan ṭhian te chu anlo la thochhuak lo a,chawhmeh chu ka en dan dan a,atam ropui sia arsa te chu min lo pe hnem mai bawk sia.Chaw erawh chhum a harsa lemlo bawk a,ka chhuang fel diam tawh.





"Ava rimtui ve" hnunglam aṭang ka dinna bula dawhkan lo nem khalh run paha uRuatfelan atih chuan a lamah ka hawi ve vat a. "Nia,nu Ram'in alo dah a,a fel ṭhin tak tak ani" ka tih chuan min enkur bawk sia,a mitah ka melh ṭha ngam derlo.





Ka khabe ah vuan in ka hmuiah alo fawp deuh vang vang a, "heihi tui ka ti ber," atih chuan a dârah kalo chum pawp. "Thingpui i in duh em,siam sa a awm ania" ka tih tak daih ah chuan a pawiloh thu in minlo chhang vat a.






Thingpui ka thlit chhuah lai chuan kawngka na zeta arawn in hâwng pawp takah chuan ka phu leh deuh dawrh a. "UHmangaih,Omi abo ami" ka bana lo vawn paha Albin'an atih chuan phâwk zetin ka melh reng, "thlah rawh" tih pahin uRuatfel'an a lamah min pawt hnai hrawk a.A mengrum khawp mai.






"Nizan khan mipa pakhat in Omi a chhuah pui lai ka hmu alawm,ka ṭhianpa nên step ah zu kan in a,mipa sa ṭha ve lampang tak nen an in kai chho a,ka ngaihtuah chiang a Omi kha a hmel a dik chiahlo in ka hria," atih chuan ka pan hnai ruak a,uRuatfela pawn minlo hnaih vat.





"Albin mi mawl pa,tinge nizan ka hmuh lai che khan i sawi loh a" a dara ben pawp pawp paha ka tih chuan uRuatfelan min kuah khâwm leh nghal vek a. "A bo tih ka hrelo alawm,zing ka harhfim khan kanu in min hrilh a" atih chuan ka thaw chhuak deuh ham ham.





"An kalna lampang i hria em," ka tih chuan alu a thing vut a. "An rawn inkai chho lai chiah ka hmu,ka enzui lemlo bawk nen ka hrelo" atih chuan ṭhuthleng ah ka ṭhu hnawk a, "Omi ka biak khan min chhanglo ka ti rêng ah" atih leh phei chuan ka melh rum tawh khawp mai.uRuatfel'an call a dâwn tak avâng in pawn lamah a chhuak vat a,Albin'a in thiamlo hmel ka hmuh chuan ka khawngaih leh bawk sia,a tih sual a awm siloa hepa â em em lutuk chu.





Zanin chapter chu ngaihnawm ka tilo keimah hianchuan ADS kha click zuai aw in hmelṭhat em kha


Show post links
Top

[Ngaia]

Chapter-16

HMANGAIHZUALI POV

"Vanlalawmpuii ani tih i chiang amaw Albin," melh deuh rawm rawm paha ka tih chuan "chiang e,ka chhaih a minlo en ve zawk zawk alawm," atih chuan ka chhang zui tawhlo.URuatfela pawh inchhung lamah arawn lût leh tawh a,kan ṭhiante pawh anlo inzui chhuak dun hnak hnak mai. "Kava haw leh phawt mai ang," Albin'an atih hnuah a chhuak zui nghal a, "chanchin engmah ala awmlo ami," uRuatfela melh kar paha ka tih chuan alu a thing nghut.





"Damdawiin lamah ka kal theih hmel siloh a,kanu te pawh anlo thleng ṭep ang" chaw kan ei mawlh mawlh laia ka tih chuan "kan beisei lo hrim hrim che," uRinpui'an alo ti sup a,uRuatfela pawn "chawlh ka lâksak vek tawh che" atih chuan ka melh tawp.Keiman ka sawi ngailo in engkim minlo tih fel sak diam zêl a, "bialpa nih i tlin ṭhin mange," fiam zeuh paha ka tih chuan ka ṭhiante anlo nui kur kur a.





Ka nau ngaihtuah viau mah ila hmel hmuh nuamlo leh tum bur a ka awm reng chuan ka ṭhian te hian hreawm an tih ka hlau sia.Ka tan hi chuan an va hlu tak, "bialnu nih i tlin ve ṭep ang chu," uRuatfel'an atih chuan ka en vat a, "bialnu nih ka tlin lo ila ti deuh ami," ka ti deuh haw mai.





"I tlin lo tih ka sawi emni," ati leh ta daih a.Min en run bawk sia, "i sawi danah khan ka tlin loh hmel em alawm," ka tih chuan a ngawi ve mai dâwn amaw tih laiin "i tlin ve ṭep ang ka tia i tlin lo ka ti hleinem," ati thum dut a.





"I nghal emai a," tih paha ka hawisawn deuh hmak chuan "nghal ve tho nu," arawn la ti deuh hrâm anih chu,chaw ei na vel kan seng fel mawlh mawlh laiin uRinpuia leh Adeline'i damdawiin lama kal tûrin an insiam a.Nizan lamah an thawmhnaw vel anlo keng vek tawh a,motor ah anlo dah reng chu niin lo keng luh ve mai awm ania.





"Damdawiin ah i chho ve dawnlo ami," uRuatfela dawhkan bula a ṭhut reng takah chuan kati a, "ka awmpui ang che" atih chuan ka duh biklo, "keimah vanga hna i ṭhulh ringawt kha anuam lo,ka duhlo han kal ve rawh" tih paha a bula kava phei chuan a lamah min pawt hnai a,ka kawngah a hmer nghal salh.





"Ka nupui tur hi rilru hreawm deuha a awm ka duh hleinem, damdawiin lamah min mamawh rihlo,nang hian min mamawh zawk adik em?" atih chuan ka thaw hak a. "Ka mamawh che adik,mahse kei aiin damlo tam takin an mamawh zawk che alâwm, surgeon thiam tak inia,chumai bakah adang i khawih tel thei vek tho sia,i thluak hi a ṭha ve ngawt mai" ka tih chuan a nui ve deuh suk a.





"I bulah hi chuan mi â ang mai ka nih hi,hmangaihna hian min bual â zo tawh anih hi,i zun a uai ana khawp mai Hmangaihzual" ril ruih a atih chuan a hnungah ka chum deuh dawt a. "I van over mai mai tak,han kal mai mai teh" ka ti deuh hlar a.





"Min ning deuh tawh tihna ami,min hnawh bo dan ringawt i zawn a" ala ti ta deuh deuh a. "La kawi der vel lo mai teh aw,i bula awm te chu ka duh lutuk alawm mahse keimah vanga i chawlh ringawt ka duhlo,keilah ka chawl ngun ropui si" ka tih pawh chuan a duh tlatlo.





"Awm tîr mai mai rawh,kan han kal ange" room aṭang a lo chhuah paha uRinpuian atih takah chuan ka sawi chhunzawm tawh biklo.Pawn thleng an kal tur chu kan thlah a,ka nau pawh zawn vak ngaihna ka hre tawhlo,Yma lamin thu thar an rawn la nei bawk siloa.Nizan lamah theihtawp in an zawng tawh a,nu Rami leh nu Saipuii te vang liau liau ani ka tilo theilo.





URuatfela nen ka chhûngte lo thlen hun kan nghak tawp a,nu Saipuii a rawn chho zeuh zeuh a,nu Rami te erawh hna nei vek anni sia,an rawn lâwr hman meuhlo a,keipawn ka hrethiam lutuk min buaipui nasa tawh a.Ka phut ngam tawhlo hrim hrim,chawhmeh minlo pêk te kha ka ringlo ania,mahse phuloh malsawmna kan dawng nasa khawp mai.





"Omi kan zawng hmu phawt anga,in te hi luah sawn daih tur amawni," ka tih chuan uRuatfel'an minlo en zawk a.Damdawiin lama a kallo chung pawn a phone ah thil a type mual mual reng a,ka en ve lahin eng lehkha emawni submit tur nge ka hrethiam ve der siloa.





"A bo chhan hriat tum phawt rawh,mahse luah sawn iduh anih leh kan inhnuai pawh a ruak alawm,man chawi lo in i luah thei reng ania" atih chuan ka lu ka thing vat a. "Chutiang te chu ka duh teuhlo,a zahthlâk bawk,Pathian zarah kanla khawsa ve naw naw thei a,keiin hlawh ka nei ve tawh bawk nen a thlawn ringawt a mi in luah ka duhlo," ka tih chuan min en deuh vawng vawng a.





Ṭawng a tum chiah chu kawngka lama thawm arawn awm tâk avâng in kan ngaihven vat a, "mate kanlo phone hman lemlo chu a,iṭha maw" tih pahin kanu in minlo pan vat a.A ṭap nasa tih a hmel aṭang chuan a hriat,ka chhûngte lo thleng chu an ri deuh nawk nawk a, "uRuatfela anih hi nizan aṭang minla awmpui char char,ka thawhpui pa ania, Adeline'i te pawh an awm a nizan chuan mahse zing lamah damdawiin lamah min chho san ta a," uRuatfela an melh deuh reng avâng chuan kalo ti zung zung a.





"Ava lawmawm ve,Ruatfela maw iva fel ve aw,kan fanu ilo awmpui a" kapa chuan chibai pahin ati nghal zung zung a.Kanu pawh Omi room lamah a phei vat a,kanu hi a ṭahbelh ve deuh bawk nen a khum a ṭhut pahin aṭap leh nghal bawrh bawrh a.





"Naute aṭha em," ka u in atih chuan kabu nghat,kan thawm hria in nu Saipuii te anlo chho ve vat a,tih theih vak nei heklo kanu te pawh an ṭhu ve reng a,uRuatfela hi afel ka tia,keimah mai bakah ka chhûngte a buaipui leh vek a,tûnah pawh ka u nen chanchin ngaihven turin Police station lama kal tûrin an inzui chhuak a.Ka chhungte pawn pasal atân nei duh mah ila min hnial hauhlo ang.





Thingpui ka pek hnuah an bulah chuan ka ṭhu ve ta reng a,Baby'i nu te pawh anlo phei ve a,ka nau chungchang leh abo dan tur ni a an rin an sawi dan dan a,kei erawh kil khatah kalo ṭhu ngawi kar ringawt.





"Engpawh nise heti lai hmun tluang taka kanlo thlen theih avâng leh, kan fanu Vanlalawmpuii pawh kan hmuh leh vat theih nân Pathian hnênah kan ṭawngtai phawt ange aw," kapa in atih chuan kan ngawi nghal dâk a.Kapa ṭawngtai lai chuan kanu a inhnit leh feih ṭhin a, "Lalpa engpawh thleng sela,kan fanu chungah hian engpawh lo thleng se lawm na thinlung kan neih zel theih nân min pui la,tûnah hian a tawh sual alo tawk palh anih pawn nang in awmpui tlat la," kapa in ati dap dap a.Kapa ṭawngtai zo chu a mit a sen ve rum mai.





"Kan fanu hi Vanlalawmpuii ania,Pathian in a awmpui tlat ang tih ka ring tlat ani,dam takin kan hmu leh ngei ang" kapa bawkin ati leh dap dap a. "Ni e,lungngai lo phawt ila" nu Saipuii pawn alo ti sep a.





Ka phone arawn rik ral ral takah chuan ka envat, uRuatfela call ani. "Duati,ka sawi tûr hi ngun deuhin lo ngaithla rawh,chiai nghal mai lo la tûnah kan damdawiin ah inlo chho thei angem,i nau pawh zing lamah khan anlo hmu daih tawh anih hmel a,tunge anih tûnah an confirm chiah a,hruai in ngai angem" atih chuan ka thin a phu nghal dup dup mai.





"Ngailo ang,ka nau chu engtin nge a awm,aṭha em" ka ti nghal zung zung a.Midang pawn min en ṭhap mai, "chiai suh ka tih kha,lo thleng phawt rawh u" atih chuan call dah rih in ka chhûngte chanchin ka hrilh zung zung a.Ka u lah a chho ve daih tawh bawk sia, "taxi hire mai ang u,ka kalpui ang che u zingah ka u fanu arawn phei a kanu te chu alo awmpui mai ang" nu Saipui'in atih chuan hmanhmawh nen hnial na hun a awm lo bawk a,in aṭang kan inzui chhuak vat a.





Taxi pakhat ah kan leng chiah chiah bawk nen alo ding hmasa ber chu kan phar tawp a,ka thawh na damdawiin lam panin kan inzui chho nghal, damdawiin hial a awm a ngaih chuan ana ve viau anih ka ring.





Pawisa ka pek hnuah kan chho nghal vat a,pâwnah uRuatfel'an minlo nghak a.URuatfela nen a kan thawh na ani bawk nen kan lut tlang nghal pawp a,ka nau an dahna ward lah chu damlo na deuh ho dahna ala nizui a.





Ka u in alo awmpui anih hmel,kanu leh pa ten an pan phei vat a.Ka nau hmel ka hmu chiah chu ka phu zawk thei,a hmai chu a duk deuh chur a,a kut an tuam luk bawk a.A ke pawh anlo ṭhui anih hmel, "heihi tu thil tih nge i hria em," thinrim zeta ka tih chuan uRuatfel'an "an man tawh," alo ti sup a.





"Ka nau chunga hetiang ti tu hi ka hmu duh,tunge anih a engtin nge hetiang em em hian a nunrawng theih," kati leh ṭhat a,ka thinrim luat ah ka khur dar dar thei.






"I nau bialpa," atih chuan mak kati hle bawk,ka nau hian bialpa a nei a maw,anei tih ka hre hauhlo. "A lo harh tawh em," uRuatfela melh paha ka tih chuan alu a thing vut.Ka nau in ka mumang a ka puihna minlo dil te,hetiang vang hi emni na a tawrh lai khan a rilru alo van hreawm dâwn ve,ka rilru ana takzet ka thin chu vih sawk sawk ang vela na ani,a tetlai in naupang dang in an lo velh ṭah ṭhin te khan ka thinrim pui ṭhin hle a,hetiang taka lo sawisa tu hi thah nghal mai ka duh rum rum.





"Tûnah misual pa chu khawnge a awm," ka tileh chuan "ka hruai ang che" uRuatfel'an alo tivat a.Ka u ka nau khum bula ṭhu ngawi reng ka hmuh chuan a thinrim ve hle tih ka hre thei,a thinrim hi chuan a ṭawngchhuak theilo ṭhin.





URuatfela nen Police station lam panin kan tlan thla vat a,lock up chhungah anlo khung daih tawh anih hmel.Min hmuh chuan min hre ngai vaklo nge min en haw a,keipawn ka vawikhat hmuh na ani,bialpa anei tih pawh ka hriatpui hauhlo, "ka nau kha eng vanga na taka kutthlak nge inih," thinrim zeta ka tih chuan ṭhat chuan ala nui mai mai zui,a mit a sen rum a mi â ang mai ani.





"Min chhang ta che," ring deuha ka tih chuan ka aw pawh a khawk rum rum thei,ka thinrim lutuk chu ka sen vêkin ka ring. "Keimah lo midang a thlan vang anih kha,min ṭhen te atum vei khanglang a" tih pahin anui deuh sawng a.Ka bulah thil awm sela chuan ka vawhlum ve duh maiin ka ring,lock up chhungah awmlo ngat phei sela chuan ana viau ang.





"Atawk rih e,Duati kal ang hetiang damdawi in a bual ât hian engmah a sawi dawnlo," ka kuta vawn paha tiin pawn lamah min pawtchhuak dawr dawr a. "Min thlah rawh," pawn kan thlen chuan ka kut pawtsawn dawrh in kati tuarh a.





"I nau anih ve loh vang anih hi i hriatthiam loh,ka thisen zawmpui ka nau sawtiang taka an sawisak hnuah engtin nge hahdam taka awm turin min duh ami,nau inei lo a i hrethiam ve tawp nang,nau chu inei mahse i thisen zawmpui ngei han nei la i hrethiam ve mai tur ania," thinrim takin kati phiar phiar a.Ka mittui lah chu alo tla ve sek leh nghal a.





"Adik,nau ka neilo ka hriatthiam pui lo ang che,i lawm em i tawrh nat tur zia ka feel pui theilo che,a chhan chu ka nau ani velo miau alawm ilawm tawh em" atih ve deuh ṭhawt chuan ka ṭap bai bai lo chauh ani,midang kan bul vela awm ve te chuan min en deuh haw haw a.





Ka rilru na leh ka ṭawngsual zia ka hriatna chuan min vaw let chiang khawp mai,khatiang a tilo tur kha ka ni asin mawle, uRuatfel'an theih tawp in min buaipui tawh zâwk a. "Ka tihpalh," mit chhing deuh tawp a ka tih chuan a awmah min kuah khawm nghal vek a. "Ka thiamloh ani,ka ṭawngkam kalo thlah dah deuh a" a kawr hmawr a nghet zeta hmer vak pahin kati hak a,ka inchhir a ka zak hle bawk.





Kan chhungkaw tan hna ṭhulh ṭhak khawp in zîng aṭang a buai a,a motor a kan chuan leh thleng chuan ka ṭawng tawhlo.Damdawiin lama kal ka duh miau avâng in min hniallo ve ngei a,ka nau pawh alo harh tawh aniang,mahse amah ala chiang lutuk lo.





"Hey,Nau-i i ṭha maw,na inei em" a bul kan thlen chuan kati vat a.Arawn harh leh thei chu ka lawm lutuk ringawt,kalo nuih deuh sang takah chuan min en reng a. "U.." zawi angreng taka atih chuan ka nuichhuak hak.





"Ka van lawm tak,Nau-i min kalsan dâwn amaw kati hman a,khawnge i kal bo daih a,minti mangang lutuk alawm" tih pahin ka kuah deuh chawt a.





"U..ka hlau lutuk," mittui luang ngiai ngiai chunga atih chuan a kutah kalo vuan vat. "Nau-i engmah hlauh tur a awm tawhlo ania,i bulah kan awm tlat alawm,kanu te pawh anlo chhuk a thil ei tûrin an chhuak lawk a," ka tih chuan a ṭap ala bang thei mailo.Rilru na tih hriat zet hian aṭap hâwm hâwm a,a lu lamah hliam a tuarlo hlauh chu a tih zia.





"Hetiang thil i chunga ti tu pawh an man tawh a," ka tih chuan thaw huai hmel apu, "u...nizan ah minlo hruai chhuak a,hetiang hi a thleng dawn tih ka hre biklo" atih chuan kabu nghat nghat a.





"Chawlh hahdam i mamawh rih,nakinah i sawi dawn nia aw" ka tih takah chuan a aw ve mai a, "damdawi hian kan chiu leh lawk ang che aw,i taksa na lutuk tur kha aveng dâwn a," uMangur'in atih chuan hlauhna mitmeng hian minlo melh a.





"U ka muhil duh tawhlo,ka hmu zêl" ka kutah nghet zeta min vawn paha atih chuan "hlau suh,mutna a tel hleinem,i na a chhâwk ringawt dâwn alawm imu miah lo ang" ka tih takah chuan a kut a dawh ve vat a.Doctor Ruatfela a thu pawl ani bawk a nurse pawh nilo doctor hlir in minlo buaipui a,ka hmelhriat te vek anni bawk nen ka nau chu an buaipui hlawm khawp mai,cabin lamah kan sawn fel tawh bawk a,kanu te a hmu chu ka nau pawh tlêm in azia sâwt in ka hria.





URuatfela pawh damdawiin lama kan chho takah chuan a duty tlang nghal a,keipawh ka kal ta ro ro bawk a kanu te an awm bawk nen ka duty tlang ta ringawt a.In lamah pawh nu Saipuii te an awm a,in lam pawh ka ngaihven hranlo,in luah tûr erawh sawn vat ka duh.





"Tunlai chu in buai nuai sia,nangmah pawh i in ngaihtuah ṭha hmanlo anih hi tiro,i naute chu aṭha zêl maw i tla dawk in ka hria," Adeline'in atih chuan a sawi diklo hranlo.






"Nia,aṭha ang nakinah ka in check up tîr leh ang," ka tisep a.URuatfela nichina ka ṭawngkhum dan ka ngaihtuah kha kala inchhîr reng,a rilru ana ru ve ngawt ang min ring ngam a min hrilh ve em em a,keilah in kalo la ṭawngkhum hrep zui a.Aduh vanga hetiang anga awm hi ani bik siloa,ka ṭawng phawng phawng ṭhin hi chu apawi ani,thinrim laia thil sawichhuah vak vak hi a ṭhalo anih dâwn hi,tum loh deuh deuh sawichhuah a awl emai.





URuatfela pawh khaw thim dâwn thleng in arawn lang leh ta miahlo a,ka nau kanu leh pa in an awmpui dâwn a,ka u nen erawh in lamah kan inzui haw thung. "Bawihtea te inlo hruai ve mailo a,a reh ropui sia," ka tih chuan "an buaithlâk an harh ve tawh sia,bakah kan buaipui reng hman dawn siloa in lama an mahni chiah a anlo awm kha ka phallo,Darlawn lamah nuam anti zawk ang" atih chuan ka hnial lemlo.






"I ṭhianpa Ruatfela itih kha afel viau kha a,Omi sawisa tu an man pawh khan a thinrim viau a,a sawisa ve nghe nghe a,keilah ka thim alo rim ve tho bawk nen ka ṭhelh duhlo a,Police ho in pawt sawnlo phei sela chuan a sawisa na ve ang,thinrim a khawih ani bawk a" ka u in atih chuan ka thil tih lai dah meuhin ka hawi phei a.





"A khawih ve maw!" Ka ti chhuak hluai a. "Immm" tih zawngin min chhang,keimah bawk hi kalo diklo leh tawh animo, uRuatfel'an minlo la biak miahloh danah te hian a rilru alo na ve viau ang a,pawi ka van ti tak awmzia lah chu a awm tawh der siloa.





Zanin chapter chu ngaihnawm vakloh maithei,zanin chu atawi deuh bawk a naktuk zanah chuan ka tisei tak tak angbonus chapter pawh a awm veleh vat maithei.


Show post links
Top

[Ngaia]

Chapter-17

HMANGAIHZUALI POV

Chaw eikham veleh kan eina vel tifel sawk sawk in hmun ka phiat a.Ka u pawh an nu te bia in room lamah a in khung deuh chawt mai, uRuatfela biak ka tum deuh uk ṭhin a mahse a buai ka ring bawk sia,bakah ka be ngam rihlo,ka ṭawngkam kha ana ve sia aman minlo biak hun ka nghâk tawp a.A khat tawkin phone ka bih leh zeuh zêl a,ka nau pawh aṭha zêl rih aniang chanchin engmah anla rawn sawi leh miahlo a.Nu Saipuii te anlo leng chho bawk nen,kanu te an awm siloa sawi tur avâng duh khawp mai.





"Hmangaih,Ruatfela nen hian in in ngaizawng ve tak tak tiro,engkim a hrilh vek tawh che tih kalo hria a" thingpui ka lum na bula lo din paha nu Saipui'in atih chuan ka thin a phu dawt dawt thei.Min zawh deuh thut em bawk ani, "aw ngaizawng" kati zawi deuh sap a.





"A va lawmawm ve,ka fapa in nang anga nula fel a tawng hi ka lawmpui khawp mai,mahse mama hi a tetlai aṭang harsatna in a tlâkbuak nasa ve a,a tetlai in apa nen kanlo inṭhen bawk nen ka bulah reilo te kha chu a awm a,mahse apa khan arawn hruai leh ta daih a,hreawm kati asin aw khatih lai khan ala te sia ka ngaihven ru reng zêl a,a nu thar alo fello veleh zêl bawk nen rilru nuam in ka awm ngailo hrim hrim,zanah lah nise an inah te khan kava kal leh tawp ṭhin a ani lah in min ngai sia,kum sâwm vel lek ala nia zan pawh kamu ṭha thei ngailo hrim hrim,mahse tikhan alo fel chho ve ta zel a a tîr lamah sual apa in ka bulah te khan reilo te arawn dah leh tawp ṭhin a,inchhung lamah a sual viau ani awm e apa leh anu te ti buai tur hrim hrim in zingah te hian hma takah a tho ṭhin ani awm e,ka bulah ka awmpui mai ang ka tih lahin apa lah khan a hauh ve tlat bawk sia," ati deuh duah a.Eng vanga min hrilh duah nge anih ka hrelo,ka felloh zia hi hria se engtin tak min ngai ang maw.






"Avan lainat awm ve," ka ti chhuak deuh halh a. "Nia...ka fapa hi chuan harsatna hi a paltlang hnem ve tawh a,naupang tê anih aṭang apa hi midang chuan pa zaidam lutuk anti ṭhin a,amah hi zaidam thin thawk kan tih ang kha ania,a thinrim erawh chuan a hlauhawm lutuk a khua a hmulo hi ani ber,mama hian a chhun chiah reng bawk a,a thinrim hi chuan khua a hmulo ve a,nangpawn i hriatthiam a ngai dawn ania," atih leh dap dap a.






Thingpui chawi chunga kapi leh pute awmna lama kan let leh chu phone en in anlo nui dun ve hak hak a,tun thleng hian tleirawl in hmangaih ang maiin anla induh huam huam a.Kapu pawh la ṭhalai ve hle mahse kapi tello chuan a chhuak duh ngailo a,nu Saipui'in pawn a sawi ve nasa thei lutuk,an awh awm ngawt mai.





Rei deuh thleng an leng a,ka u pawh phone a hmang zawh hnu rei vaklo ah alo chhuak ve nghal a.Ka rinai takin a kawm thiam phian mai,thintlang nun nawm zia hlir ani an sawi ni,an sawi dik reng bawk thintlang a piang leh seilian ka nia,keipawn nuam ka ti ber ka zin tawh na zawng zawng ah kan khua aia nuam kala hmulo.





"U ka mu hma dâwn ania,zingah duty ka ngai sia" ka tih chuan alo aw ve vat a.Dawhkan bula ṭhut pahin phone a khawih mual mual a,meizial a hip lut leh deuh vang vang ṭhin a,annu nen an inbia ani ngei ang,in kalsan hlek se an in ngai thei em em a,a chang phei chuan "in in ning ve em em lo ami," ka tileh deuh hlak zêl a,an nui mai mai zel thung.






Room lamah lutin mut tumin khum ka siam ṭha a,uRuatfela message alo la awmlo fo,ngatinge a reh vang vang le a rilru ka tina deuh tak tak nge ni ang le.Nuamlo ti ru deuh chungin mut tumin ka in let ka in let a.


****************
Bêl tla deuh rum rum thâwm ka hriat chuan harh chiang tak kani,khua pawh alo var uar tawh a,room aṭang hmanhmawh deuha ka chhuak chu ka u in a thil tih tlak alo chhar mawlh mawlh a. "Awi u i che sual alaw" ka tih chuan alo hawi ve zawk a.





"Thingpui bêl lâk ka tumna ah an rawn tla vek anih hi," atih chuan a awmna lamah pheiin ka remfel pui zung zung a. "Thil remna hi a te reuh lutuk a,in luah tur dang zawng vat ila aṭha ang,nu Rami te an fel in zahawm viau mahse veng dang melh ve deuh ila ka tia," ka tih chuan ka u pawn "in duh dan dan," alo tive vat a.





"Kan awmna vel hi chu a rem lutuk a,nawm pawh anuam mahse hetiang teh nuai hi a thleng tawh sia," ka tileh sep a. "Kan zawng dâwn nia," ka u pawn ati veleh mai.





Eirawng ka bâwl nghal zung zung a,kanu te eitur nen ka bâwl kep vek a.Duty paha pêk nghal mai arem bawk nen,tiffin ah khung in ka siam zung zung a.Darlawn lamah kha chuan polythene ah kan pai a,thlam ah hnaah chaw kan ei mai ṭhin kha ania,a awlsam a heti laiah chuan damlo chaw inpek hi a buaithlâk khawp a,chhûngte hnai vai deuh an nih loh phei chuan tiffin te hi min pe let leh ngai mang siloa.





Chaw eikham ah ka u in inluah tur en tumin a chhuak vat a,keipawh ka chhuak har lemlo,a sumo pawh kawngpui sir lamah a dah ta reng a.A hnawk emlo ang chu maw, damdawiin ka thlen chuan uRuatfela ka melh ru deuh reng a,avâng khawp mai.






Kanu te tiffin ka pe chu ka nau pawh alo tho harh peih tawh ani awm e,a hmai pawh nimin lam ai chuan tlêm in a zia deuh a,nakinah damdawi ngaihsak sak vat angai dawn ani.A hmai ani bawk sia,a lang chiang bawk nen ala zak dawn chauh sia.





"I ke hi ala na em,i ban te hi" enkual thuak thuak paha ka tih chuan "na rihlo," alo ti zawi ve sep a,a ke chu hmun sarih velah an ṭhui a,a kak thui bawk a thisen pawh a hlauh nasa hman viau ani awm e,kan thlen meuh chuan engkim anlo buaipui fel vek tawh a.Ka thawh pui te ho lakah pawh lawmthu sawi sên loh kaba ani.





"Zingah uRuatfela khan min dressing sak a,ana miahlo Adam veleh vat tur thu asawi bawk a,ka hmai pawh damdawi ṭha deuh min chawh a,a hnawih a hnawih chi ania a ser tur leh duk vel hi a reh vek dawn atia ka lawm tak tak ani,a reh theihloh mawlh ka hlau a" ka nau in atih chuan ka en tawp.





"Chumi damdawi chu khawimaw lo la teh,kalo en chhin dar engzat velah nge alo kal a" ka tih chuan minlo peve mai a. "Alo kalna pawh a rei vaklo,a chhuak deuh chiah zawk,in in hmu hmanlo chiah chiah aniang," atih chuan ka chhang tawh lemlo.Damdawi man lah chu ato mai sia,bur khat lek pawh hi sang hnih zanga lai ani.





"Tikhan lo awm ula,nu harsatna in neih chuan minlo hrilh vat rawh u aw,hemi Bell hi in hmet zeuh anga nurse an rawn lut vat mai ang" ka ti zung zung a.Min biak na pawh chhang lemlo in ka chhuak vat, uRuatfela office lamah hmanhmawh deuhin ka tlan chho a,step kal tur atam bawk nen ka thaw hlawp hlawp tawh mai.





Kawngka ka kik dat dat chuan chhûnglam aṭang lût tûrin minlo tivat a.A room chhung ka lut chu a ṭhuthleng ngheng ar ar in a mit a chhing a,ka lut pawh chu min en lemlo.A awmna lamah thawm dim thei ang berin ka pen phei ṭhem ṭhem a,a hmuiah dimte a kava fawp chu alo meng ve vat a,a mitmeng chu engtin emawni min rap tlat pek a.A mengrum nasa bawk sia,a mit a sen rum a zan amu ṭhalo tih a hriat takzet.





"Duati," ti sup in a mitmeng pawh zawi zawiin a danglam veleh nghal riai riai a, "iva chau awm ve" a sam a chûl sak hauh hauh paha ka tih chuan ka kawngah lo kuah in a mal chungah min pawt ṭhu a.





"Nizan lamah min be miah siloa,i thinrim amawni ka tia" ka tih chuan min en vung vung a. "Thinrim chhan tur a awm emni," alo tilet ta daih a. "Nimin lamah ka ṭawngkhum na deuh hlek che a,ka tihpalh lutuk aw ka thiamloh ani kalo ṭawngthei deuh mah mah a," hnuailam melh ngurin kati leh sep a,a mitah pawh ka en ngam tawhlo.






Ka khabe ah rawn dâwm in ka hmuiah alo fawp deuh vang vang a.Tun ṭum chu a duhthawh khawp mai,ding deuh nawlh in a dawhkan ah chuan min hlang chho a,ka hmui chu a fawp leh nghal zat a,ka kawr chhan a ka awm bawr arawn ṭham chiah tih ah kawngka an rawn kik tâk avâng chuan a phun zui hluk a.





Dawhkan aṭang min hlang ṭha in ka hmuiah alo fawp leh zeuh a, "lo lût rawh" ati chang leh nghal bawl mai,min biak dan leh midang a biak dan hi chu a in anglo thei mange.





"Damlo pakhat in a hmu duh tlat che a,tuman kan khawih theilo a a ṭhiannu kani e atia,engtin nge kan tih ang" nurse pakhat hian min en tawn deuh zak zak paha atih chuan "eng ward ah nge,tunge a hming" uRuatfel'an a ti nghut a.





"Ward five lamah ania,a pumna atia nachhawk na a chiu kan tum pawn a duhlo tlat a, Brenda-i ania" atih chuan a ṭhiannu ahma kan hmuh kha ka rilru ah arawn lang nghal,khanu te reuh kha anih ngei ka ring bawk,nurse nu hi ka hriat loh danah thawk thar emaw ani ngei ang.





uRuatfel'an nurse nu chhuah veleh min en deuh run run a, "eng nge" mak ti zeta ka tih chuan "dawt asawi" ati deuh phawng a, "tuin maw" ka lo ti deuh he haw mai.





"Brenda-i khan pum na tak tak nise a tuar reng peihlo ang,chhuk ila" atih takah chuan kan inzui chhuak vat a.Amah zui tura min tih deuh tlat avang in ka kal veleh ta ringawt kha ania, Brenda-i atih nu chu ka hmelhriat Brenda-i milem ang deuh nu ngei kha ani.





uRuatfel'a chuan syringe chu a hmuh theihloh tûrin a siam sawk sawk a,damdawi nilo in tui a thun bawk.A ngaih na hrelo zetin ka en reng, Brenda-i lah chu a ṭawng zât zat a,ana tak tak lo tih ka hrethiam ve ta chiah, uRuatfel'an tui a thun danah khan a tih der leh der loh en atum pah niin ka hria, "a chhâwk hunah che i chhuak nghal thei ang,admit i ngailo damlo nang aia na tak tak an tam a,khum te hi kan indaih lo lutuk a a chhâwk hunah che i chhuak nghal dawn nia" uRuatfel'an atih chuan Brenda-i chu mengrum tak ani.






"Lo enzui rawh u,nang aia na zawk buaipui tur an tam" uRuatfel'an atih hnuah ka kutah lo vuan in min chhuah pui zui leh nghal a, "ikut avan sa em em," min vawn na a kut va khawih nawn sak paha ka tih chuan chau tih hriat zet hian min melh reng a.





A pang ka han dek chu asa vur mai,nichina ka hriatloh danah a khawsik na ala reilo ani ngei ang. "Office ah ka hruai ang che,i khua asik anih hi" tih paha ka kaih chhoh chuan min hnial lemlo.Ka tih ang ang chuan a awm tawp a.






A office bulah pu Ruatsanga nên kanla intawk zui, "eng nge awmzia" tih pahin min melh deuh reng a. "URuatfela hi a damlo a,chawlh hahdam a mamawh a kalo hruai chho" ka tih chuan a pang arawn khawih ve ngei a. "Hruai lût rawh," atih takah chuan office lamah ka luhpui vat, uRuatfela chu a chau hle aniang ṭawng pawh a ṭawng ṭha peih tawh lo.





A office ṭhuthleng seia ka muttir hnuah puan pan te ka sintir a, "kalsawn suh,tikhan awm rawh" thawh ka tum chu ka kuta lo vawn paha atih avâng chuan ka ṭhu leh riai riai a.





"Damdawi kava la lawk dawn alâwm,ka reilo ang damdawi i ei anga i dam leh vat mai ang,i dawhkan hnungah lawk sawn a awm tho a," ka tih pawh chuan ka kutah avuan tlat a.





"Damdawi ka mamawh lo,nangmah hi ka damdawi inih hi" tih pahin a bulah min kuai mu deuh thut a.Hnunglam aṭang minlo kuah nghal than mai.





"Mi an lo lût thut ange,tikhan lo mu hahdam la,damdawi i ei bawk anga duty ka ngai ania," ka tih pawh chuan engmah hrelo ang hmak in a awm.Rei deuh chutia kan awm vang vang hnu chuan a muhil ve ta nge,a thaw deuh suk suk tawh mai.





A hmel chau tih hriat zeta a muhîl bam chu ka khawngaih reuh lutuk,tunlai damdawiin ah buai azual a, Adeline'i nen pawh kan inkawm hman meuhlo kha ania.Kan duty na a in ang tawh bawk siloa, uRuatfela chu a muttui em avang in ka kalsan rih a.






Ka duty na tur ka thlen chuan uRinpuian tih tur minlo hrilh nghal zung zung. "Naute hi va tuam rawh," atih loh leh "nawr chhuak rawh le" ati leh ṭhin a,mahse hetia buai deuha kan awm hian nuam kati daih zawk.Naute a ṭhen an ṭap ri chuah chuah a,a ṭahbelh deuh phei chu nu tan a hahthlâk duh viau ang.





Ka duty hun timing a zawh veleh naute entir turin doctor Sangpuii office ah ka phei vat a.Vanneihthlak tak in ala inkhar lo chiah chiah, "naute min ensak lawk thei angem," kava ti dek dek a,ka form kala thlâk lo bawk nen ani pawn a buaipui leh nghal zung zung a.






"Naute lung phu pawh aṭha e,naute mipa nge hmeichhia in neih dawn i hre chak viaulo maw," nuisâng in ati sep a,biak anuam in afel khawp mai. "Hre chak lutuk," ka tih chuan alo nui deuh hak a. "Ka sawi chuan a pawi thui palh ang,nakinah alo pian hunah ni leh si mai rawh se," ati leh daih tho sia,ka van ngei reuh mai mai tak,min ti hre chak ting tang a.





Naute aṭha bawk nen ka thaw deuh huai thei,kanu te ka thlawh leh zuai hnuah uRuatfela office lamah ka han chho leh a,kawngka ka kik chuan min chhang mailo,uRuatfela hian a room a luh dawn hian tupawh kawngka kik hmasa lo a luh a phallo a.Keipawn ka kik deuh thlap thlap zêl,mahse tun ṭum chu min chhang siloa,ala mu anih ringin ka lut pawp a.





A room chhung ka lut chu Brenda-i tum loh deuhin ka hmu chu ka meng kual ralh a,mahse a mit a sen deuh ram a,alo in hnit feih feih chuan uRuatfela mak ti zetin ka en deuh haw a.





uRuatfel'a chu tukverh lam hawiin a ding a,min la hmulo hrim hrim.Brenda-i erawh chhuatah a ṭhu sawp niai a,a hmai lah chu ben na hnu tih hriat zetin a sen hlar bawk sia.






"uRuatfel" va khawih dada paha ka tih chuan "chhuak rawh kati lo emni," tih ṭhawt pahin ka hmaiah arawn hnek ta bur mai.Mipa hnek nge nge ana bawk a,ka mittui atla ve deuh sak thei.





"Duati" tih pahin ka hmai a hnek na chu arawn dawm vat a,chhuta Brenda-i ṭhu deuh niai chu a samah ṭham in a pawt ding nghal zat mai, "lo that law law che ila ṭha tur ania," thinrim inseh ruh ṭawlh ṭawlh pahin Brenda-i hrawk ah a rek thut a,a thinrim hle aniang a bek te chu a pawng ṭawlh ṭawlh thei,a kuta a thisen zam pawh chu alang chiang khawp mai.





"uRuatfel,a thaw a chham ange,thlah rawh" tih paha nemsawm ka tum ve chu awmzia awmlo tak ani,a thinrim zual sauh zawk in ka hria,ka mitah tak minlo en a tuna uRuatfela hi chu a rapawm in a hlauhawm lutuk, "uRuatfel" ngenngawl zeta ka tih takah chuan a thlah ve riai riai a, Brenda-i chu a zawi vek tawh zâwk.Chhuata a mu zawi deuh ngiai chu ka buaipui vat a.





"uRuatfel,minlo pui rawh a thaw lo ania" hlauthawng taka ka ti chu anui deuh hawk a,keimah tak pawh chuan ka rap tak tak ani, Brenda-i ka buaipui lai chu ṭhuthleng ban a ṭhut pahin min en run a.A in kuangkuah fel than mai bawk sia,thi pawh nise pawi a tih hmel tak tak loh khawp mai,hetiang em em a thinrim tur hian eng nge Brenda-i hian asawi ang.






"Thi tlak anih kha," tih pahin kan awmna lamah arawn phei a.Brenda'i lah chu ala mu zawi reng mai bawk sia,ka bânah lo vuan in min pawt tho deuh nawlh a.Ka kawngah kuah in ka nghawng ah alo fawp nghal zat a.





"URuatfel,a hunlo a harh vat loh chuan tualthat ini ringawt dâwn asin,buaipui vat rawh" amah namsawn deuh nawlh paha ka tih chuan min hnek na ka hmai chu arawn tawk zeuh a, "uRuatfel,harh rawh ngatinge hetia i awm," a chianglo deuh ruai a ka hriat avang chuan a hmaiah ka beng deuh dat dat a.





Brenda-i chu a nghawng khawilai ah emaw a khawih zeuh a,arawn khuh chhuak nghal bawrh bawrh mai.Boruak a kham khawp lo tih hriat zetin thawk ala kawk kawk a,uRuatfela chuan dawhkan ngheng chunga din pahin a melh reng a, Brenda-i chu a chhuak ve mai dâwn amaw tih laiin "Ka tlawm mai mai lo ang," arawn la ti deuh deuh a,uRuatfel'an alo that law law lo kha kati leh hnuhnawh,ka haw reuh tak tak ani.





A dawhkan a lehkha a dah chu ka hmaiah arawn bel a,ka hmai chu adai nghal sawng sawng thei.A room a darthlalang ah chuan in en in ka hmai ka enve vang vang a,a kutthlak ana bawk a khawih zawng ringawt pawn ana,naktuk ah phei chuan ana viau ang.





"He thil hi Mizoram ah ala awmve lo a,naktuk ah chuan a hil duak zawk mai ang," tih paha ka kuta paper ang deuh minlo pêk chu kala ve mai a. "I ṭha tawh em," ṭi dâka en paha ka tih chuan anui lui deuh suk a.Ka lama kut alo lek chuan kalo in dang vat, "ka tina lo ang che," thawk deuh hak paha tiin a awmah min kuah bet nghal run a.






"Ngatinge nichin khan ivan thinrim em em, Brenda-i khan eng nge asawi a," ka tih chuan min en chhuk deuh ren rawn a, "i hre duhlo ang,nakinah kala hrilh zawk ang che,mi dang tih nat hreh lo hmeichhe rapthlâk anih kha" ati chang bawl a.A thinrim leh mai dâwn a ka hriat avang chuan ka sawi zui pui duh lemlo.





uRuatfel'an kan in thleng min thlah a,ka u pawh alo haw leh diam tawh, "mate in luah tur chu hmu sa ang ka nia,i duh hun hunah a insawn luh theih" ka u in atih chuan "a va lawmawm ve,eng nge a an aṭha em" ka tih chuan alo aw vat a.A thil tilai dah a minlo en chuan a mengphawk khawp mai, "ngatinge i hmai chu" alo tivat a.Min zawh kha ka ring sa reng a, "damlo pakhat in min hnek palh a,tlêm in thluak lama chianglo deuh ania" ka ti ta ringawt a, "fimkhur tawh rawh" atih hnuah engmah min zawt zui tawh bik lemlo.






"I duh chuan chaw eikham ah kan va en dâwn nia,in luah vat vat zawk ula,keipawh ka haw chho leh vat zawk ang" atih chuan ka hnial hranlo,zing lama chawhmeh siam sa ala rin vek theih avâng in kati lum ringawt a.Ka u in chaw alo chhuang ve ngei bawk nen ka intih fai hnuah kan eizui nghal a.





"A veng vel pawh anuam,a in nei tute an awm a,a hnuai chu a zau lutuk luah man pawh a tlawm,midang an luah tir zen zen lo a a in nei tute chiah an awm bawk nen anuam zawk" atih chuan kabu nghat ngat a.Chaw eikham veleh hmun hnawk vel tifel sawk sawk in kan inzui chhuak a,taxi pawh ala awm nual mai.





Kanu leh pate pawn mamawh anla neilo aniang,minla be leh miahlo a,ka nau pawh aṭha ve zel a,a lawmawm tak tak ani.Kan in luah na tur kan thleng chu ka u chu phâwk fe hian ka en a, "u ngatinge tilai kher hi" kati chhuak hak.





uRuatfel'a te inhnuai hi maw, "Ruatfela i ṭhianpa khan tilai hi aṭha atia,gate a ṭha bawk a,i ṭhianpa ani bawk nen a rem phian zawk alawm" atih chuan ka hnial ngam biklo.Pu Ruatsang'an min hmuh chuan anui sang a, "Hmangaih nangni in nia a lawmawm khawp mai,mi hrang inni lo a," pu Ruatsang'an tih pahin inchhung chu min hmuh tir thuak thuak a.Room pawh atam a,azau ṭha hlawm bawk nen a nuam phian mai,kan in luah lai nen chuan in nawm hleih tak ani,midang in anla luah ngailo nge a thianglim khawp mai.






"In duh duh hunah in luah lut thei ania," pu Ruatsang'an atih chuan kabu ve nghat a,gate pawn thleng min thlah a.uRuatfela te inlam ka hawi leh chu kawngka aṭang alo chhuak ve chiah a,a chhelo leh pek khawp mai.Ka hmai ka tuam nasat bawk nen pu Ruatsanga pawn engmah min zâwt lo ve ngei, "naktuk ah lo luah lut nghal ang che u,in thiar pui tur che u in mi ka rawn tîr mai ang" uRuatfel'an arawn tih chuan kan en ṭhup mai.






"Bawiha,iva hmanhmawh pui em em ve mawle,an duh hun hun animai alawm," pu Ruatsang'an alo tivat a. "Naktuk ah" ka mita min en kal paha atih chuan ka enve kiau a,min en danah chuan min vo te pawh a ang lek lek alawm mawle. "Nia,kan tum dawn nia" kati ve ta ringawt a,in kan thleng chu ka thaw chhuak hak,duh aiin min control a tum dawn tlat in ka hria.Ka phone message tone lo ri khep ka en chuan "naktuk ah... damdawiin lamah kallo in insiam ang che,mi ka rawn tîr ang," tih bawk hi alo thawn leh a,vawiin chu eng nge maw a hriat ni.





Zanin chapter chu a boring in aho deuh maitheinaktuk awl zan ani bawk aw


Show post links
Top

[Ngaia]

Chapter-18

HMANGAIHZUALI POV


uRuatfel'a kan inluah turah a hmanhmawh em avang in chawpchilh deuhin kan insawn kha ania,a motor mai bakah pick up in kan bungrua vel an thiar a,bungrua kan ngah over lo bawk nen vawikhat velah an thiar zo nghal vek a.A tih zia phian mai,inrem fel velah pawh ka u leh midang in min tih pui vek a,kei phei chu uRuatfel'an chet vak a phallo a,ka u lah chuti tho ka nau pai vang anih ka ring ber.





Tunlai damdawiin lamah kan buai sia,keipawh chhûn lam ka duty loh vangin zan lamah ka duty dâwn a,uRuatfela pawh a buai khawp mai, damlo chung pawn chawlh ala duh miahlo a,a taksa in a tuar ang tih erawh ka hlauh pui viau mai.





"U eirawng ka bâwl vek tawh aw,kalo eisan mai che a,tih tur em em a awm tawhlo taxi ka chang anga ka kal mai ang," ka tih chuan alo hawi ve zawk a.Sitting room bul lawkah hian varanda a awm a,a kawngka pawh nawr tawlh thei glass aṭang a an siam ania,an in sak dan changkang lutuk chu kanu phei chuan a hreawm ati deuh maithei.Ka rinai in inluah man a tlawm bawk a,keimah ni kan nih vangin uRuatfel'an ati tlawm lui leh vel nge ka hrelo,anih chuan ka lawm lo viau ang min pui nasa tawh ropui si.





"Nangmah in ikal ngam dawn ami,thlah i ngai em" ka chhuak ṭep tawh tih ah ka u in arawn tih leh avâng chuan ka hawi veleh vat a, "ngailo keimah pawn ka kal ziah alawm,khua ala thim over chuanglo taxi tlân a awm ve mai ang," ka tih chuan min chhang tawh lemlo.






Nu Saipuii leh Nu Rami te ho an ngaihawm reuh khawp mai,a bik takin Babie-i leh Albin'a te kan innel ṭan ve dawn chauh a,mahse khati laia awm reng kha ka nau tan a him siloa.URuatfela te nên hian gate pakhat kan inṭawm a,chahbi pawh a spare min pe thlap tawh a,kan in sir lamah hian garage zau deuh mai an nei a,motor leh bike a in hung thluah mai.





Gate pui ka hawng tur chiah chu pawnlam aṭang an rawn hawng thut sia,ka chal arawn tauh nghal pawp mai.Thir ani bawk nen a na ve vawng vawng thei, "iṭha em,ka tihpalh lutuk" mipa aw thum ve lampang hian alo tih chuan ka hawichhuak vat a.






"Ka ṭha alawm," kalo ti ṭha ve mai a,a in thuam danah Police ani tih chiang takin a hriat, uRuatfela unaupa nge mawni.An chhûngkua hi kala hrechiang em em biklo a,ka hmaa ding pawh hi tunge anih ka hrelo.





"Kal hmasa rawh," gate hâwn zau deuh paha atih chuan kabu ve nghat a, "ka lawm e" tiin ka chhuak zui nghal.Zawhna min zâwt lemlo bawk a,keipawn zawh ka tum hranlo,kan in luah na hmasa kha chu a chhak lawk taxi stand ania,tuna kan awmna erawh taxi a vang reuh khawp mai.





Ke a ka kal fe hnuah pakhat arawn tlân hram a, vânneihthlâk lutuk in bazar lama kal tur ani hlauh bawk nen,ka chuang chho ve nghal a.Damdawiin ka thleng chu anlo buai leh map map khawp mai,keipawh inthlak vatin ka duty na tur lamah ka phei nghal a,kanu te pawh kan awl deuh hunah kava tlawh mai ang ka ti rilru a.






Ka nau pawn ṭhat lam a pan zêl a,a ke erawh a kak zau ve deuh avâng in ala hmang theilo a.Kal duhna a neih chuan wheelchair in an nawr mai zel a,akut leh hmai vel erawh a dam chak khawp mai.A kut pawh an tuam tawh lemlo.





"Hmangaih,minlo pui lawk ta che,heti lamah" uRinpui'an atih na lamah chuan ka thil tih lai dah in ka phei vat a. "Naute hi nicu ah dah luh angai dawn a,anu lah a chau ang reng sia,naute hi va dah phei rawh aw," tih pahin naute hmelṭha deuh mai hi minlo pe a.Keipawn kalo pawm vat,naute chu a hnârah pipe an vuah a,nausen mai ala ni sia ka khawngaih reuh mange,a damchhuah pawh ka beisei vaklo.





Naute ka dah fel hnuah doctor ten anlo buaipui vat a,ka naute dah zo ka duty na tur lama ka chhuk leh chu step ah uRuatfel'a nen kan intawk hlawl mai.A kutah syringe a hum ran a,mak ti zetin ka en deuh reng,ani pawn min melh deuh vung vung a,a mitmeng aṭang chuan a chau hle ani tih ka hre thei.





"In zaina room aṭang ilo chhuak chiah ami" ka tih chuan abu deuh nghut a,a hmel chu a mood a ṭhat hmel teh chiam lo, "i vân chauh hmel em em" ka tih leh chuan a phun deuh hluk a,a ngaih na hrelo zetin ka en reng.





"Zing lamah ka office ah lo chho ang che,kalo nghâk ang che kan haw rual dâwn nia" atih chuan "a ngailo," kalo tivat a. "Ka chau viau ania,min hnial suh ka sawi ang chuan awm mai rawh,anih loh chuan ka tilui hreh hauhlo che ania," tih pahin ka biang arawn chûl thuak a,min kal pelh hnuah keipawh ka duty na tur lamah ka chhuk zui vat.





"Animo,a zaklo reuh ka ti,bakah chawlh ala reng a doctor Ruatfela bialnu anih vang mai hian a inla ve deuhin ka hria,a naupai te hi a inla no thei sia,hmanni ah pawh doctor Ruatfela office a a kal kha ka hmu reng alawm,a zaktheilo ka ti lo thawk thar ve tête si,nau a pai nghal ania thlêm a awlsam ve hle aniang doctor Ruatfela pawh hian a duh tak tak ka ringlo," ka duty pui ten an tih chuan ka chanchin an sawi tih ka hre nghal,an hnung lawkah ka awm tih an hrelo ani ngei ang.





Ngatinge maw mi sawisel te hi an peih em em maile,an tan hlawk na pakhat mah a awm siloa.URuatfela fa anilo tih hre leh ngat phei sela chuan,hmeichhe khawlo deuhah min chhuah duh ngei ngei ang.






Aw then kharh paha an awmna lama ka phei chuan anlo hawi ve vat a,min hmu chu mak ti leh hreawm ti hmel pawh an pu miahlo.Adeline'i zing lamah a duty bawk sia,a awmloh hi chuan kawm tur hi ka neilo ve thei ropui si, doctor Rinpuia ani leh deuh tawp a,mahse ani lah mipa alo ni bawk nen inkawm reng theih ani bawk siloa.





"Hmangaih,inchung lamah han chho rawh,an buai deuh a inchung lamah chho mai ta che" doctor Rinpui'an alo tih chuan ka lawm lutuk ringawt,a chung chiah leh a hnuai hi a inzawm ang ania,nau neih na leh nau nei zo hlim ho awmna a hrang a,nurse ṭawngthei zet te pahnih bula ka duty lo tur chu lawm tak kani.





DOCTOR.RUATFELA POV

"ka sawi tawh kha,ka sawi nawn tawhlo ang,a duh ang chuan tih sak rawh pawisa pawh keiman ka tum vek ang,chuan Brenda-i kha in rawlh a tum leh anih vaih chuan ka that tak tak duh tawh ang," tih hnuah call ka dah zui hmak a.





Ka kut chu ka hum ruh deuh ngawt ngawt,henu Brenda-i hi a che leh ngam anih vaih chuan ka that tak tak ang,Sangtei pawh kha ama lo thlem thlûk vek alo nia,amit zai vel kha Sangtei hmeichhe rilru ṭha tih takah mi zawng zawng hi a rilru ang pu turah a ngai hi a diklo khawp mai, Brenda-i hi ramhmuai tluk zeta rapthlâk ania,Hmangaihzuali tih nat a tum anih ngat phei chuan kei aia rapthlâk hi a hmu leh tawhlo ang,thi silo in na takin ka siam phawt duh ngei ang.






Ka office hnawk nuai pawh chu tih fel ka tum buailo law law,chair nghengchhan chu ngheng in ka mit ka chhing vang vang a,Hmangaihzuali hlim zeta a nui hmel ringawt ka mitthla ah alang,kan inhnuai lawkah an awm tawh a,ka venghim tlat thei tawh ang.






HMANGAIHZUALI POV

"I va zaklo ve a,bathroom thleng a minlo umzui,midang nunah ngatinge ilo buai em em,ka fello itih leh minlo ṭawngtai sak zawk ta che" thinrim zetin ka tive ta phiar phiar a.Henu hi ka senior pawh ni mahse zah tlak in a awmlo a,zah pawh ka tum buai tawhlo law law.






"Damlo enkawl tur chuan i rilru a chhe mah mah," ka tih leh chuan a thil kenlai in min rawn vai fua a.Min fuh sela chuan Kana ve ngawt ang,thir plate ang hi ania,a tawp mai dâwn amaw tih laiin ka samah min rawn kek leh deuh hram a,tlawm mai mai ka tum bik hauhlo hetiang ah ka in phah hniam zêl anih chuan min zuam lutuk palh ang.






A samah chuan ka kek ve ṭang ṭang a,ani pawh min thlah bik chuanglo.Thinrim ve ringawt thei pawh anilo hrim hrim, "min thlah vat loh chuan ka hnek hrep ang che," ka tih chuan a ngai pawimawh hauhlo,min kehna a tih nat tual tual takah chuan alo kûn remchan lai takin a hnârah ka hnek pawp a.Ka sam vawnna pawh a thlah chiang khawp mai, "Hmeli!!ana lutuk," tih paha minlo pan leh chuan kalo indang vat a.






"Shit!!engthil," tih ri kan hriat rualin kan awm hrang dawrh mai,ka thinrim bawk nen ka thaw deuh huam huam a,ka sam uluk taka ka ṭawn pawh a kek chhe vek,minlo pawt hrang tu chu URuatfela lek niin,a laiah a ding a ka thinrim insum tum tak hmel a hmuh chuan a thaw deuh hak a.





"Eng nge thil awmzia,tuin nge in khawih hmasa zâwk," tih paha kan pahnih a min en tawn zak zak chuan ka hmaa ding chu ka kawk vat a. "Ka nau pai leh nangmah nen min sawisêl char char anih kha," ka tih chuan a pha ve nasa mai.A thiam thu a sawi ve ngal zât zat a.






Chhuat a tray let bal chu en in a kawng dâwm in vanvadak meuhin thawk ala hawk a, "damdawiin hi insual na hmun tur ani emni,damlo enkawl tu tur inni tih in inhre lo emni,in in sual duh anih te chuan wrestling lamah te kal zawk ta che u,nge ni a damdawiin ah hian wrestling khelh na kan hawng dâwn zawk emni," atih chuan kan in melh kar a.





"Ka thiamloh anih chu, wrestling lama kalo kallo chu apawi khawp mai,kal ila chuan coach ṭha deuh zirtir na hnuaiah ka awm anga,ka dikna ah pawh min ṭan ngamlo tur mipa nilo in ka dikna ah chuan min ṭan ngam tu mipa te kalo tawng zâwk tûr ania,mipa insual thiam nge nge hi chuan min ṭan ve ngam deuh mahna" mei nei deuhin ka ti kher a.URuatfela chu a thinrim tih ka hre reng,hai der lui tlat in bathroom aṭang chuan ka chhuak a.






"Ngatinge iva pawr fip fep ve," nurse duty ve tho Melina-in atih chuan ka nui lui sak a, uRuatfel'an min ṭan miahlo kha ka rilru ana ve reuh lutuk, "nia fare Fight kan va nei lawk anih kha," tih pahin ka sam ka siam ṭha mawlh mawlh a.Melina'i hi chu afel reuh a,kan junior veleh chhâwng ania, Adeline'i nen pawh an inkawm ve zeuh zeuh.






Inchung lama ka duty thleng thleng a minlo umzui te kha ka sawilo mai mai zawk a,bathroom aṭanga uRuatfela alo chhuah pawh chuan ka hmulo der tlat a,ka hmaa lehkha chu ka chhiar der ta char char a.Kan awmna lamah alo phei tih pawh ka mitsir in ka hmu reng, "Hmangaihzual,ding rawh" uRuatfela chuan ati ta ngei a,mahse ka luhlul chhuah in ka hrelo der hmak.





"UHmangaih, doctor Ruatfel'an a koh che ania,kalo ti mai ang va kal rawh" Melina-in zawite in alo tisep a,kan hnung lawkah nurse senior pahnih lai an ṭhu a,anni erawh chuan minlo ngaihven lemlo aniang.





"Hmangaihzual,ka sawi chu i hria em," uRuatfel'an ati deuh ṭhawt chuan kan hawi rual ṭhup a,kan hnung a nurse ṭhu te pawh chu anlo hawi chiang tawh khawp mai.Kan hmaa darthlalang aṭang ka en reng a,damlo bul lawka awm kan ni bawk nen a bengchheng deuh dâwn a ka hriat avang chuan ka ding ve ta nge nge a.





Ka ding chiah chu ka bânah lo vuan in min kalpui nghal dawr dawr mai,a kal châk bawk sia a thlawh in ka thlawk lo chauh.






Corridor reh deuh lai kan thlen chuan min thlah vat a, "nichina i sawi kha han sawi nawn leh teh," ka dara hmer vak paha atih chuan ka melh ve ṭawk ṭawk a.






"Nichina ka sawi ka hre tawhlo," ka ti chu a huat tawk a tling leh em em tawh,ka dara a vawn na thlah in ka hmaiah arawn hmer vak a, "mipa dang chanchin i kâ aṭang a chhuak leh anih ngat chuan tu emawni berin in tuar ngei ang,an hming emaw an veng hming pawh lam hauh suh ang che,ṭha deuha tih hian i duhlo zawk in ka hria,na tawrh hi nuam iti viau pawh ani mahna" tih paha ka khabe a hmer leh deuh vak chuan na ka ti lutuk ringawt.






A kut chu lakthlak tumin ka beng vak vak a,ka sik vak vak pawh chuan na ati lo reng reng. "Min thlah rawh, rapthlâk pa min control tum hauh suh," tih pahin ka melh ren rawn a, "sakawlh ang maia rapthlâk kala ni thei ania,tun hi chu nep te ala ni" ati chang bawl a.






"Ka ṭhen dâwn che,ka duh tawhlo che i nep si,mipa ah chuan ila nep ber" ka ti leh chiah chu ka samah arawn kek thut a,ka inring lo bawk nen ka au deuh ṭhawt. "Sawi leh rawh,min ṭhen in mipa dang ipan dawn emni," thinrim zetin a ti hrawk a.A mitmeng pawh a inthlak nghal hlawk thei.






"A ṭul chuan,mipa dang ka pan ngei ang,ka naute pa pawh hi kala pan lo ang tih a sawi theihloh" ka luhlul chhuah in kala tive ṭang ṭang a,kutthlak na te mai mai aho ka ti lutuk,kutthlak ai chuan rilru na taka min siam hian hreawm kati fe zawk.






Ka pum chu a enthla a,a nui deuh suk "naute pa a" tih pahin ka sam a kehna a thlah a,min hnungchhawn zawnga dingin thawk ala hawk hawk a.A thinrim tawp tawh amaw ti a ka en reng lai chuan arawn che leh deuh thut a,ka inring lo bawk nen chhuatah ka ṭhu hnawk thei,tûnah khan uRuatfel'an min hnek anih chu!!a awiawmloh zawk hial.





Ka hmai min hnek na na lutuk chu ka dawm vawng vawng a,ka mittui pawh na ka tih em avang in a hnam sawk thei, uRuatfel'a chu inchhîr hmel pawh ala pulo.Ka bulah lo ṭhu hniam in ka sam arawn hui kiang a.






"Mipa dang chanchin sawi tawhlo turin warning ka pelo che emni,anuam iti viau emni,kut ka thlak che khan i hlim em" atih chuan ka chhanglo,ka hmai na lutuk dawm pahin thinrim zetin ka melh ve ngar ngar a.






"Ala na tawklo emni,i ngam chuan sawi leh rawh ka that duh tak tak ang che,kha naute pa laktlak loh zet pawh kha ka chiu hlum duh mai ang,ka neih thei dawnlo che anih chuan tuman an nei hauhlo ang che," ala ti khur khur a.





Ka ṭhutna aṭang tho chhuak in corridor ah chuan ka kal phei a,thui pawh ka kal hmanlo.Hnunglam aṭang uRuatfela bawk chuan min rawn kek leh deuh dawrh a,nu Saipuii sawi kha ka hrechhuak chiah,a thinrim chuan khua a hmulo a,engmah tih hreh a neilo atih kha.





"Min thlah rawh,LalRuatfel" vin deuh taka ka tih chuan ka nghawng ah leh ka biang velah hnunglam aṭang alo fawp a,a lamah min kuai her sawk in bangah min nem khalh nghal run mai.Ka hmuiah duhthawh zetin alo fawp deuh nawk a,kan bul velah kal an awmlo hlauh zawk a, "Lalruatfel min thlah rawh," tih paha ka hawisawn chuan "min u rawh" alo ti chang run a.





"Min thlah rawh," vin zeta ka tih chuan "khawiah mah i kal tawh dawnlo,ka bulah bak i awm tawh lo bawk ang,i duty a ngai hauhlo kan haw ang" ati chang leh deuh rûn a.






"I thulo emai,min thlah loh chuan ka duhloh deuh thil ka ti dâwn ania," rum deuha melh paha ka tih chuan "ti rawh,i duh duh ti rawh" alo la tive zêl a.Min thlah a tum hmel bawk silo nen a hmaia chil ka chhah chuan a chhing ve deuh sawk a, "i chil hi la let leh ang che," tih paha ka biangah arawn hmer vak a,ka anglo theilo ka ka chhunga thil rawn lum puat chu eng nge anih ka hai hauhlo,ka ten takzet.






A hmai a ka chil kai a hruk fai hnuah ka kutah vuan in step ah min chho pui dawr dawr a,ka kal duhlo chu ka ṭang leh deuh ṭung ṭhin a.A ning ta deuh nge min pawm deuh nawlh a,a office lamah chuan min chho pui nghal a,ka hah a ka chau tawh takzet ṭang buai peih tawhlo in a tih ang ang chuan ka awm hle hle tawh.





Room kan thleng chiah tih ah ka phone arawn rik avâng chuan ka ipte aṭang ka la chhuak vat a,Ruata number lo lang ka hmuh chuan dah mai ka tum a,mahse alo phone ngai tawhlo bawk nen sawi duh anei anih ringin kala leh ta zawk a. "Hello" nem fahran lo a ka tih chuan "Hmangaih kalo haw a,khawngaih in hmai chhan ah ka be lawk thei che angem," ati chiah tih ah ka phone uRuatfel'an alo la daih a, "a theihloh" atih hnuah call chu a dah nghal hmak.





"I van zaklo em em," tih pahin uRuatfel'a thinrim zetin ka en a,min control atum hi ka duhlo takzet. "Phone kha min pe let rawh," tih paha lâk tumin kava zuan thut a,a kut khing khatin min pawm nawlh mai.A kut lehlam ah ka phone a hum ran bawk a, "i phone nge i naute i thlan," atih chuan hrethiam lo zetin ka en.






"I phone nge nangmah hi ka paih dâwn che,i tla anih chuan naute a thi ngei ang,phone hi a tla anih chuan a chhe ngei bawk ang" atih chuan ka hlauthawng ve tawh takzet,ati leh tak tak ngei awm sia.






"uRuatfel,ṭha tete in minlo pe mai teh," ka ti chiah tih ah ka phone chu tukverh ah a thlâk ta daih mai,tih ngaih na hrelo zetin thawk kala hawk a,dawhkan ah min hlang zui nalh mai "ngatinge hetia i awm tlat zêl a," kûn ngul chunga ka tih chuan min chhanglo,tifuh intih hmel zetin ṭhuthleng ah chuan a ṭhu a,a ke dinglam chu a ke veilam ah a hlang kai a,hahdam hmel zeta a ṭhu ka hmuh chuan ka thin arim leh thei mai dâwn in ka hria.





Kalo dah har viau a minlo hrethiam dâwn nia,Google a chhe sia kalo dah lawk theilo a,edit chhûng nen a rei deuh ani e,zanin chu a boring ve deuh maithei


Show post links
Top