THE HEALER BY Judy Chhak Chhuak (Completed)

[Ngaia]

Chapter-19

HMANGAIHZUALI POV

Tunlai uRuatfela awm dân hi amak ka tia,amah ngei pawn a lak aṭang hla takah awm rih turin min ti kha ania.A chhan ka hrelo,eng vang nge ni ang? "Nau-i ike ti kang lawk teh," tih pahin a ke chu ka tifai zung nghal mawlh mawlh a.Omi pawh damdawiin aṭang a chhuak tawh a,in lamah keiman ka dressing sak reng thei dâwn tho a,kan in thar pawh Omi leh kanu ten nuam anti khawp mai.





"In awm maw?" Tih ri ah chuan kan hawi ṭhup a,kanu kan bul lawkah a awm bawk nen "lo leng rawh.." alo tive vat,hmanni a Police form ha pa lek chu niin, "in thar chu anuam maw," tih pahin ka nau ke ka dressing na bul lawkah alo ṭhu thla a.





"Nuam khawp mai,a fai bawk a varanda aṭang thli alo lut ṭha bawk sia," kanu in alo tivat vat a. "Kha ngatinge a," tih paha ka nau ke ka dressing mawlh mawlh alo en chuan kalo nuih deuh sang a, "a chesual palh anih hi" ka ti deuh sep.





"Ava pawi ve aw,anat hmel mai sia," alo tive mai a.Min zawt thuilo hlauh chu ka lawm khawp mai,amah Omi tak pawh hian sawi hreawm ati ṭhin a,kan chhûngkua leh kan ṭhian hnai vai deuh lo chuan tuman an hrelo.





"Kan inchung ah in awm ami tlangval," kapa in alo ti dam dap a. "Aw nia kan în ania," alo ti ṭha ve mai a, "i hming te min hrilh thei angem," kapa bawkin ati leh a. "Ni dâwn tak maw,keihi LalNunmawia ka nia,tûnah hian Police hna chhe te ka nei ve a, Vaivakawn saw kan station ania," ati ve dap dap a.URuatfela nen an mizia a danglam khawp mai.





"Chuan Ruatfela kha i unaupa tihna emni,a fel kan ti khawp mai a,kan chhungkaw tan hian a ṭangkai si a,nangpawh i unaupa ang maia fel inih dâwn hi" kanu in alo tive ngei a.Unau tak tak an nilo tih erawh a sawi duh biklo ani ngei ang, "animo,ava lawmawm ve" alo ti ve mai a.





Omi ke ka tuam zawh chuan ka thil tihna vel ka tifai zung zung a,Omi lah a duh duhin ala chesawn thei siloa.Ka u in an nute a ngaihtuah ve bawk nen min hawsan tawh a,kanu te erawh ka nau a dam deuh hma chu anla awm ve reng ang, "thingpui te kan lum dâwn nia,la awm ve reng rawh" tui dehna lama phei pahin kati ve siam siam a.





Hmanni a uRuatfela damdawi min pêk kha a bel chi panga vel lai kalo la nei hlauh a,ka hmai pawh ka chhûngte hriat miah loh in a reh thei a.Ka lawm tak tak ani,kut ka sil zo chiah tih ah kawngka an rawn hâwn avâng chuan ka hawi phei vat a.Rinloh deuhin uRuatfela alo lut ve hlawl mai,a hmel pawh ahma aiin tlem in a zia tawh zâwk.





"Lo leng rawh," kalo ti ṭha ve mai a,ka chhûngte an awm ve bawk nen ka biak ṭhat loh chuan an lungawi leh awm siloa.A unaupa ep chiah ah a ṭhu thla a,keimah pawh min en lemlo,a unaupa zawk chu a en ngur a.





Nunmawia leh kapa chu an inkawm thei phian a,a hna chungchang a sawi pui loh leh politics chungchang te an sawi kai thul.URuatfela leh kanu an inkawm bawk a,anni erawh zawi tête in thil an sawi sep sep reng a,eng nge an sawi ka hre phâlo.URuatfela chu a inhmeh lo ka va han titak,sawtia mi rel ang maia zawi tête a an ṭawng sawn awm anti nuamlo dawn dawn mai,uRuatfel'an kanu thusawi uluk deuhin a ngaithla a,a chang leh a bu leh nghut ṭhin a.Thilsual in tih tir tum te pawh an ang lek lek,a khat tawkin Nunmawia kanu in ava be leh zeuh zêl a,mahse kapa nen an titi tui sia a tibuai duh lemlo aniang,Omi erawh ṭhuthleng a ṭhut awn duai pahin a phone a khawih melh melh.





Ka thingpui lum aso takah chuan ka thli chhuak vat a,thingpui kava pe chu uRuatfel'a alo nui deuh sang vel anih chu,ka eilo lutuk ringawt a ha te saw ka chhu bal vek zâwk dâwn amawni.Kapa te kava pe chu anni erawh chuan min ngaihsak lemlo, "Omi i duh ve em," ka tih chuan alu alo thing vat a. "Duh lemlo,u tray i dah zawh khan khumah min va hruai teh aw,ka mut a chhuak" atih chuan ka aw ve vat a.






Omi ka kuah tho tur chu uRuatfela leh Nunmawia anlo ding vat a, "khawi" tih pahin uRuatfel'an a pawm nawlh mai.Omi a pawm chu hnehsawh tak ani,Omi a mut dâwn hian a ke dahna tur bik kan siam sak ṭhin a,Omi room ah kan inzui lût vat a,zan lamah harsatna a neih palh takin tiin kanu in a roomah a riah pui mai ṭhin a.Kapa amah in room hranah a mu thung.





URuatfela kei aia thiam tih takah a ke dahna tur chu a siam fel sak nghal zung zung a,nizan a ka dah dan ai a dah rem daih zawk. "A sang mah mah em," tih pahin Omi a en zeuh a, "sanglo a tawk chiah" Om'in alo tive mai a.





"Kan chhuahsan phawt ang che aw,mamawh ineih chuan minlo au vak mai rawh Nau-i i zun duh pawn ilo sawi mai dâwn nia," ka tih hnuah kan chhuahsan a.Omi room hi ama thlan ngei ania,tlem in ava kil deuh hlek a,a reh lai lai hi a thlang veleh tlat ṭhin bawk sia, "duati" ka kuta lo vawn paha uRuatfel'an atih chuan ka hawi ve mai a.





"Ka tihpalh," tih paha ka kuta a thil lo dah chu hrethiam lo zetin ka en reng, "heihi enga tan nge" tih pahin a pawisa tam tham zet min pêk chu ka lekchhuak va va a. "Naute thawmhnaw leh mamawh leina tur," atih chuan ka thaw hak, "ka duhlo,engmah min pe tawh suh ka tih kha,kutdawh ka ni biklo ania ka lei ve thei vek," ka tih chuan ka kutah nghet zetin alo vuan a.






"Kutdawh ah ka ngai hauhlo che,ka tihsual thu pha chawi na anih kha," tih pahin ka chhîp ah alo fawp zeuh a.Pawisa chu ka kawr ipte ah lo dahin kanu te awmna lamah a phei zui nghal,a kawr hak lah chu ala inhmeh reuh em em zui a.





Kanu te awmna lama ka va phei leh chu kanu bul setah alo ṭhu tawh,an in ṭhut hnaih tawh khawp mai.URuatfela nilo in kanu zawk uRuatfela bulah ava ṭhu phei ani ngei ang,sawtiang taka sawi zawih ngai khawp a sawi tûr an nei anih chuan a pawimawh viau ani ngei ang.





Tlangval te pahnih chuan minlo rim ve amaw ka tia,kanu leh pate nen an inkawm tui lutuk ringawt,ka phone ka ensan ta ringawt a.Ruata message pawh alo awm leh nual tawh,alo haw tih ka hre reng a,ka hmu duhlo tlat kha ania.Hmuh tumna pawh ka neilo,engmah sawi dun tur kan nei tawhlo,în kanlo luah sawn hman hlauh chu tih zia tak ani,kan in te hi a hria ang tih ania ka hlauh.





"Ka han chho phawt ang,zan dangah kalo leng leh zâwk dâwn ania,naktuk zing lam duty ka nei sia," Nunmawi'an din paha atih chuan ka ding ve vat a.Kapa pawn thlah turin min signal nasa khawp mai, "chuti tur maw lo leng leh ngei ngei rawh aw," kanu pawn alo tive luam a.Pawn thleng ka thlah a, "in pangpar khawi chu ava vulmawi ve," tih paha minlo en chuan ka hawikual a,kan in step a rose par asawi na ani ngei ang.





"Nia,ka nu pangpar anih hi" kalo ti ṭha ve mai a,pangpar hi chu amawi ka tia,mahse ka enkawl peih vak lemloh avâng hian ka khawi peih ve ngai lemlo a.Kanu erawh hi chuan ati peih khawp a, Darlawn aṭang alo keng thla ṭeuh zêl.





"Ka han chho phawt ange Hmangaih," atih chuan "awle" kalo tivat a.A chho deuh chiah tih ah hnunglam aṭanga aw thian kharh ri ka hriat chuan ka phu nasa lutuk.






URuatfel'an kut kuangkuah rûn in minlo en reng chu niin, "eng nge" melh ram ram pahin kati bak hlar a,ahma a chet dan avâng khân kala lawm teh chiam lo, "ka nupui leh fa lo piang tur hi mipa dang in an tlawhpawh vak ka phallo ania," ati leh phei chu nasa ti lutuk in ka melh tlawk tlawk.





Ka naupai in thla thum apum ve tawh a,ka pum pawh alang ve ṭan tawh,mahse pakhat na ani bawk nen alian em em hranlo. "I zaklo anih chu a," tih paha luh mai ka tum chu ka kutah alo vuan vat a, "inu nen kan sawi vek tawh," atih chuan a ngaihna hrelo zetin ka melh chho kar a. "Eng chungchang maw," kati nghal haw.





"Ka neih dân tûr che,naute ka enkawl thei a nangmah nen,inu in min nei dâwn" atih leh phei chuan mengphawk tawh tak kani, "kanu in anei dâwn che maw!!" Kati deuh hluai a.





"Ṭawngsual hre thei nu,inu in makpa atan min duh" atih chuan ka nui deuh hak, "kanu chu kalo sawi ṭhat pui ang,ve ringawt ṭhin a" tih pahin min vawn na a kut ka thing thla deuh hmak a. "Haw rawh," tih paha ka lut chu amah anglo takin min danglo ve ngei.





URuatfela chu a haw ve mai amaw tih laiin kawngka ah arawn dâk leh hrâm a, "mangṭha leh mai u" atih chuan kapa pawn a tarmit kar aṭang a en haw mai,kanu alo nui put put leh nghal a.





"Mawl lutuk," tih deuh hlak pahin ka thleng sil sa chu ka remfel zung zung a, "ti ringawt ṭhin suh,mi mawl anti ringawt ngailo,mawl se doctor ani thei nang" kanu in arawn la tizui hram a.Alo la hre pha chu niin,kanu beng ṭha lutuk hi chu, uRuafela a ṭan thei ropui si,min hnek thu kha hrilh ila a awi leh duh tawp nang.





DOCTOR.RUATFELA POV

"Eng nge in zu len daw daw a,an mizia pawh la hrechiang hawt lo in sual deuh te pawh anlo ni thei asin," Terem'in ati leh hlak hlak a, ngaihsak lemlo in choka lamah ka phei a. "Mimi eitur minlo pe teh," ka tih chuan a che ve sawk sawk.Ka haw khan ka ril aṭam lemloh avâng in chaw ka ei peihlo kha ania,mahse Hmangaihi hmel ka hmuh meuh chuan ril pawh aṭam ve thei khawp mai.





"Eng nge i ei ang u" Mimi'in alo tizawi sep a, "chaw nilo a awm awm animai,pizza tlaia ka order kha tilum mai rawh," ka tih chuan abu nghat a,chair ah ṭhu in phone ka khawih zui nghal a,Duati inhnuai lawkah a awm bawk nen inhnuai lam pawh chu ana duh khawp mai,rilru ah inhnuai lam anih loh leh Duati bak a awmlo.






Hmanni a ka hnek chhan kha mipa hming asawi vanga thinrim ka ni hauhlo,ka damdawi eisual vang zawk ani,Golomb kha nachhawk na ang in kalo hmu a.Golomb hi drugs ania,he damdawi hian mahni insûm theih loh na leh thinrim na a pai a,damdawi hlauhawm tak ani,kar khat vel thleng a thawk thei a khavang khan karkhat vel tawp Duati ka hmu ngamlo anih kha,kut ka thlak kha ka inchhir a mahse ka duh vanga thlâk ka ni hauh siloa.Midang sawisak chak na in ka khat a,ka bula awm awm sawisak kha ka chak ber ani,ka unaunu hrawn pawh a hmaiah tum loh deuhin ka hnek duk chur a.Anu in a thinrim pui lehpek khawp mai,Police station ah fir a theh lût lo chauh anih kha.






Kha damdawi Golomb kha ka room ah engtia lo awm ve ringawt nge anih ka hrelo,nakinah cctv a uluk deuha la en angai ani,tunlai hian ka office a lut an awm tih ka hria a,engtak nge an zawn ka hrelo an thil duh ka kawl te pawh ani ngei ang.





"Lalnunsang alo rui haw leh ta!!khatiang anga i awm reng anih chuan ipu te bulah ka thawn tawh tak tak ang che," Terem'in ati leh hlak hlak tawh,a fate mai nilo a ang ri hi ka hre hne khawp mai. "Home a dah tur anih hi,Remi ang reng lo teh a ninawm khawp mai,beng iti kham mah mah mut naah thleng thleng i ang ri kan hria a," kapa in ati chiah chu a hmai a sen nghal vek thei.





"Ka fapa ah hian ilo sawi ve tûr pakhat mah a awmlo,nang te chuan Lalruatfela bak saw i ngaihsak ngailo hrim hrim alawm,Bawiha hetia a awm chhan pawh hi i ngaihtuah loh lutuk vang anih hi,ahma te khan a duh ang tak khan phai lamah awm tîr mai mai la ṭha tur ania," ati leh hlak hlak a.Ka hming asawi tel kher avâng chuan ka hmaa dawhkan chu ka tlawh zui pawp a.






Kan nula hlauthawng hmel chu a khawngaihthalk reuh khawp mai, "ka hming i kâ ânchhe dawng khan lam ri tawh suh ka tilo emni," tih khur khur paha ka pan phei chu a fanu duat chuan alo hlauh hmel khawp mai. "Ka ring dan chiah ani,nu siar nu siar inu kha awmlo sela chuan maw i piang lo mai tur ania,nangpawh ka fate hi i en hrang bik hrim hrim,an tetlai aṭang Ruatfela chiah i ngaihsak a,a duh zâwng engkim i leisak a" atih chuan ka pan phei nghal ruak a.





"Hey hey hey!!unaupa in bengdai rawh," tih pahin Nunmawi'an min dang vat a,nilo Sela chuan a hmai saw ka hnek duk ve chur duh ang,kanu khatiang a sawi thei kha anilo hrim hrim.Sual zawk chu henu hi ani,thil tisual tu zawk pawh amah tho hi ani.





"Lalnunrem,a ninawm zozai khawp mai mualpho aiah tiin ka dawh hram hram che a,in duh chuan chhuak vek rawh u,hmeichhe mize thup thei lutuk,i inchei parh hluai ringawt a" kapa in atih chuan a mittui a tling deuh pam a.Lem a chang leh dawn pawh ani mahna.






HMANGAIHZUALI POV

"Nu iti awm anglo emai,ka bialpa ania isawi dik ka phâlo mahse ka nei duh kher em ka hrelo,hun min pe rawh" ka tih chuan a lungawi lo tih a hmel aṭang a hriat reng. "Ruatfel'an a duh viau che nen,i nei anih chuan i mualpho dawnlo asin,nau ipai tih Rami te takngial pawn anla hriatloh kha, Ruatfel'an a fa ang chiah a a en theih thu min tiam vek tawh,inei tur hi ani ringawt mai pa tello ngat phei chuan fa enkawl a harsa ania nei ngei ngei la ani ringawt mai," kanu in ati duah a.Kanu hi hetiang ang em em hian a lungawi lo ngai siloa,uRuatfela hian eng tak nge alo hrilh ang ni.





"Ka nei duhlo tawp pawh ka tih loh kha,eng nge tun thut thut ah min dah bo hi ahma aṭang i chak hrim hrim alawm,kan unau ah pawh min ngaihsak lo bik ziah,Omi leh ka u hi i duat hliau hliau a,keipawn kapa ka nel zawk daih hi" ka tih chuan min chhang duh tawhlo. "Ni e,nu-i a duhthlanna ani tawh mai,kan fanu ania a puitling vek tawh amah a thutlukna siam rual ani tawh,keinin lo va tih vak vak kha a ṭul lemlo" kapa in atih chuan ka pan vat a.






"Ilo ṭan zel vang alawm,tumah en hran ka nei ngailo hrim hrim che u,ipa zawk hian a duat em che a ilo inla hrang mai mai anih chu,ka fate vek in nia ngatinge ka en hran ringawt ang che u" kanu in ala ti hlak hlak a,kapa bula ka ṭhut chuan a hma aṭang a tih dan ang in ka hnungah alo beng leh thak thak a.





"Chupawh nise,ngatinge pasal ka neih pawh chu iva duh awm em em ve," ka la ti veleh hram a. "Aw ka hmangaih vang che anih hi mawle,i mualpho a hreawm ti lutuk a i awm ka hlau a,ka tu hmel hmuh ka chak lutuk bawk,mahse nangmah a fa i enkawl tur hi ka huphurh pui che a,Ruatfela hi itan a ṭha ber anih hi nge Ruata te kha ila beisei reng reng ami, theihnghilh hmak rawh khapa kha chu maw a hmuh pawh i hmu leh tur anilo hrim hrim,a ngam chuan lo kal rawh se a mawng ka hlep sak hlawk duh mai ang," kanu in atih deuh phiar phiar chuan kapa alo nui hawk hawk a.






"Inu ṭhin hi a,insum teh chutiang em em" kapa in atih takah chuan kanu pawh a nui veleh hak a, "thinrim dawn hian tikhan lo ti ziah suh," ati veleh sep a. "Omi kava en ange," tih pahin a tho zui nghal daih.





"Mate,nang pawh va mu tawh rawh naktuk lamah i duty dâwn anilo mi," kapa in atih chuan din pahin lu ka thing vat a. "Naktuk chu ka chawl,naktuk lamah Adeline'i nen naute thawmhnaw leh puan vel kan va en ang," kawngkapui kalh ṭhat mawlh mawlh pahin kati a.






"A ṭhat chu,mahse Bawihtea te puan vel a ring thei tho ang chu,puan chu lei a ngai dawn ami" kapa in alo ti dam dap a. "Naute anla nei leh thut palh takin,ka lei hrim hrim mai ang,anla te sia Bawihtea te anla hmang duh ang," ka tih takah chuan min hnial tawh lemlo.





Mut tûrin ka room lamah ka phei a.Ahma kan in luah hmasak ai ka room hi azau zawk a,hawi thawveng na tur tukverh nuam deuh an siam a.Zingah phei chuan thlifim alo lut hauh hauh zêl a,a nuam lutuk.





Ka phone khawih pahin kamu mai mai a,ka mut a chhuak lemlo khawp mai,video ho deuh deuh en in ka nui leh ṭhin a. "Duati ka rawn spiderman dâwn" tih message ka hmuh chuan ka nuichhuak hawk mai.





"I mawl thei emai,i hlauhawm si ka duhlo,min hnek leh palh ang" tih ka thawn chu a seen vat a,mahse min reply mailo,min reply tawh dawnlo amaw ka tih hnuah "ka tihpalh,kut ka thlak tawh hauhlo ang che,ka thlak leh che anih chuan i duh duh dan in ka awm ang," arawn ti veleh duah a,ka chhang tawh lemlo .





"Ka rawn spiderman tak tak dâwn ania,tukverh kha lo hâwng rawh" atih chuan ka ngaihsak duh miahlo a,ka room awmna pawh a hre reng reng amawni.Ka muhil ṭep tih ah ka tukverh a rawn in khawng keuh keuh chuan ka hlau lutuk chu ka au chhuak ṭhelh ani, "ngatinge ilo kal tak tak a," tukverh hâwn paha ka tih chuan alo lut zui vat a.





"I bulah kalo mu dâwn,ka ngai che" atih chuan lawm lo tak kani,ka mengrum viau in ka ring. "I zak theilo ve emai a,hetianga itih dâwn chuan inluah tur dang kan zawng daih ang," ka tih chuan anui suk a. "Hmelṭha an thinrim ngailo," tih paha ka hmai alo chûl thuak thuak chuan akut kalo beng thla vat a.





"I mizia i thlâk emai,ahma URuatfela kha ka ngai" ka tih chuan ka kut a hum vang vang a. "Nangpawh i luhlul sâwt,ahma Hmangaihzuali kha ka ngai," alo ti ve sup a, "ka mut a chhuak viau ania," tih pahin khum lamah min pawm phei a.Ka room a khum hi a awmsa ania,alian bawk nen kan pahnih pawh chuan a thawl khawp mai,ka hnunglam aṭang min kuah ran a, "hetianga iti ziah dawn anih chuan kapa ka hrilh ang,ka au vak ang" ka tih chuan anui suk a. "I tello chuan ka awm thei nang,min ṭhen itum leh anih chuan ka ru hmak tawh ang che" atih chuan chhang tawhlo in ka mu ngawi ran a,tunlai a mizia inthlak lutuk hi eng nge a chhan ni ang ka hrelo.




Zanin chu ani deuh naw naw em


Show post links
Top

[Ngaia]

Chapter-20

HMANGAIHZUALI POV


"Analh tho a,mahse heihi kan la zâwk dâwn ami,naute hi hmeichhia anih ka ring e..." Ka tih chuan min en vang vang a. "I tih dan dan,i duh ber kha thlang rawh,keichu ka ring vaklo mipa anih ka ring zawk a,an tetlai te chuan an in hak ṭawm thei vek alâwm,a eng a pawh kha leila a pawilo,a pink kher iduh pawn a pawi chuangloa" Adeline'in ati zung zung a,kanu in naute thawmhnaw lei dawn velah chuan ka kalpui ang che ati viau na chu ka nau alo accident palh hlauh bawk sia,in lamah awmpui angai bawk nen min kalpui leh thei talo kha ania.





"Nizan ah chuan alo riak maw,iduh ve viau tawh in ka hria," min rawk nek deuh ṭalh ṭalh paha Adeline'in atih chuan ka nui hak a, "riak e mahse ka hrethiam lo,ka duh ve viau tawh chuan ka hria,a tello a awm har ka ti tawh lutuk,amah hi a rilru hriatthiam a har thei lutuk a ka duh che chu ti tho mahse a rilru chhûngril tak tak kava hmu tlang thei siloa," ka tih chuan abu ve nghat a.





"Hei chu keimah kalo leisak ang," Adeline'in atih chuan ka envat a. "Ato si,a ngailo kha ai tlawm zawng zawk rawh," ka tih pawh chuan a duh leh bik tlatlo, "heihi nalh ka ti alawm,engmah pawh kala leisak loh hi" atih deuh ṭalh avâng in ka hnial biklo.





"Thawmhnaw lei zawh ah khutah min zu kal pui ve lawk rawh aw,rei pawh awm a ngailo zu lak zawk animai,ka nu in ka nite dawrah a pheikhawk lei a theihnghilh a,chu chu lam sak lawk angai dawn a" atih chuan kalo aw ve mai a.Min kalpui tawh bawk a,a nite dawr ah hian kan kal fo tawh a,kan awmna ṭang a hla em em hranlo bawk nen keipawn ka hnial duh biklo.




Vawikhat ah tam deuh leilo in a mamawh zualpui tur,naute puan leh thawmhnaw tlêm kan lei phawt a.URuatfela pawisa min pêk erawh hman ka tumlo,keimah mai nilo in ka nau leh ka chhûngte thil a leisak nasa tawh sia,a inthlahrun awm.





"Hawh aman va pe ang,nakinah zawi zawi in ka in lei khawl zêl mai ang,tuna kan lei vek chuan pawisa hman tur a awm dawnlo tlat," ka tih chuan min hnial lo in counter lamah kan phei dun a,naute puan leh thawmhnaw ringawt pawh chu to tak ani,a vaiin sâng riat vel lai ania,ka rinai in kan lei tam phian a.Mahse kan vawikhat leina ani sia,ka fa pakhat tur ani bawk nen kala lei thiam vaklo.





A man kan pêk fel hnuah kan inzui chhuak a,bag vel pawh Adeline'in min ah sak vek a,a ngailo ti ve ṭhin mah ila a duhna ah hi chuan a thu duh ve tak mai hi ania.A chang phei chuan a sual chhuah tlat chang anei ṭhin a,a ngeiawm ve ṭhin lutuk,mahse a fel a chhuah erawh chuan afel leh viau ang lawi a.





"Awi kanu kapa nupui," Adeline'in ati zo chiah tih ah step ah chuan a tawlh thla ta zawrh mai.Kan awmna lai hi mi awm tam loh na ani hlauh zawk a,ani te dawr bul step hi anal ve thei ṭhin em bawk ani, "awi ana em" tih paha kava kaithawh chuan arawn nui deuh ṭhaw a, "eng nge ana lo ami," ka tih pawh chuan ala nui tawp mai theilo.





"Nalo,ka mawng ka sawh deuh a nimai," in benfai thuak thuak paha tiin a kal ṭha veleh mai a,vawiin chu a mood a fuh khawp aniang,lawm loh in anui reng mai.





A nite dawr kan lut chu rinai in customer anlo nei ngah a,an buai ve bawk nen rei awmlo in pheikhawk kan lak veleh kan chhuak zui nghal mai a. "Kal duhna te ila inei em," ka kuta lo vawn paha atih chuan "nei lemlo,i nei zawk ami" kalo tilet vat a.





"Nei lemlo e,in în ah kalo pengkawi ang,naktuk ka duty ani sia ka peihlo tak tak ani,nangpawh ani tho in ka hria,tunlai mut ka kham thei bawk silo nen ka ning tlat,haw vat ila muhil zawk ang alum si" ati deuh hlak hlak a.Keipawn ka hnial bik lemlo,in lamah awm dai ila anuam zawk ang.





Taxi in kan veng thleng kan kal a,kan in thar ala hmulo bawk nen a remchang phian mai. "Heihi uRuatfela te in anih hi,a hnuai hi kan luah a" ka tive zung zung a. "In an vân nei lian em em,an hausa bawk a a awm ve tho," ati ve deuh vawng vawng a,kan in a kan chhuk chu "ahma in in ai anuam daih zawk anih hi,ngatinge hman hman ah inlo luah loh a," ṭhuthleng a ṭhut pahin ati deuh har har a,kanu te nên pawh an innel ve tawh a,ka nu pawn a fanu ang chiah in a en a,kan in hi chu a in pahnih na ani ringawt.





"Khawnge i room,ka mut a chhuak lutuk,kava mu mai mai teh ang" tih pahin a ding leh nawlh a.Ka room awmna ka hrilh chuan hmanhmawh deuhin a phei a, "khawnge mate thawmhnaw leh puan vel in lei chu kalo en ve ang,in lei thiam tak ang maw" kanu in atih takah chuan bag chu ka pe vat a,ka nau pawh an muhil leh nge alo chhuak miahlo tun kum chu college pawh a chawl law law mai dâwn a,ake hi ala hmang mai thei awm siloa,ei leh mut tawp kha ani bawk nen a thau hnur hnur tawh khawp mai.






"Kha kha Adeline'i leisak anih kha,kawr leh kekawr inzawm ang kha ania," ka tih chuan "ka hmu ve reng alawm mawle," alo ti deuh hlar a. "Rinkimi chu ava fel ve," kanu pawn alo tivat, Adeline'i sap hming hi lam har atia,a hmingpum in a ko mai zel a kan unau ah pawh tuman sap hming kan neilo.Bawihtea te an pian khan a nute-i te pahnih in an sap hming hi an phuah a,kanu ten duhlo viau mahse an phuah chak tlat sia,han phallo ngawt kha a chi silo a kanu leh UTlani nu in an Mizo hming an phuah ve thung.





"Taka nichin ah Ruatfela alo chhuk a,kha eitur alo dah ṭeuh a,vawiin chu a chawl ve nge arawn chhuk zeuh zeuh reng mai,nangni lah in lo haw har angreng sia" kanu in alo ti zung zung a.A eitur lo dah chu thei hrisel deuh hlir ani,coconut leh grape tih vel ania a lei hnem mai bawk sia,thil hi min pe reng lo se ka duh asin mawle.





"Alo dah leh chuan lo hnial ve tawh rawh aw,thil min pe reng a a zahthlâk zawk,keimah ringawt in ka hrilh chuan a awi siloa,i hrilh chu a zawm ve deuh mahna" tih pahin kanu bulah ka ṭhu a, "ka hnial reng alawm,a ngailo ka ti mawlh mawlh a,alo dah tlat chuan tih theih a awm siloa lo duhloh viau lah khan a ngaikawi ang tih a hlauhawm ve bawk sia," naute thawmhnaw leh puan vel thleh mawlh mawlh pahin ati a.





"Inneih chungchang chu lo ngaihtuah veleh rawh aw,nichinah pawh chuan asawi leh deuh a,palai in in peih hun hunah kanlo tîr thei reng ania te kha atia," kanu in atih chuan ka tum leh nghal bur.





"Ber bur zêl a che,i duh viau amaw ka tia eng nge neih pawh chu i hreh viau mai le,nge ni a i fiam mai mai zawk" kanu in atih chuan ka chhang mailo.Neih chu ka hreh em em pawh anilo,mahse kala inpeih chiah lo in ka hria.






"Keimah lam zawk hi ania,kala inpeih chiahlo in ka hria,bakah a nu a fel em em siloa,hrawn a hreawm hmel ka tia" ka tih chuan ka hnungah a beng dawt a. "Chutiang mai mai,anu nilo in Ruatfela alawm ineih dâwn,anu te chu i tlawn huam huam anga a duhlo rei miahlo ang che,ṭha deuhin ibe bawk anga ṭawngkam ṭha in sial aman an tih kha,nakin lawkah chuan a nel em em ang che" atih chuan adik ve viau tho bawk sia.





"Ka inthlak dâwn,tikhan suk fai vek angai ang hei chu," tih pahin ka ding a,ka room lamah ka phei zui nghal.Adeline'i chu a mut a chhuak tak tak viau aniang,a mittui suk suk khawp mai,a mang chhe ropui mai bawk sia amah chiah pawn khumah chuan a khat nghal vek.





Ka room aṭanga ka chhuak chu kanu in naute thawmhnaw leh puan vel machine ah alo nuai tîr a, "heihi inchungah han dah chho teh,paih tur anih hi a khat tawh lutuk bawlhhlawh paih motor alo kal hunah kan buai lutuk loh nan han dah lawk teh," kanu in atih chuan ka kal ve mai a.





Vawiin chu nidang aiin a reh daih mai,ni asa vur a mak tak maiin ka lung aleng tlat anih chu,nisat lai lai a lunglen chu a inhmeh lo khawp mai,ka bawlhhlawh dah zo chhuk leh mai ka tum chu ka hnungah uRuatfela alo din thut avâng chuan ka ṭe ṭhat a,ka awm ka dawm nghal vang vang.





"Iva han mawl thei tak,thawm te nei ve ta che lungphu chawl in kala thi vat dâwn anih kha,mawl leh lutuk mai" ka ti deuh hlak hlak a.Ka mood a inthlak ve reng bawk sia,nau pai hi chu a hreawm ve anih dâwn hi.





"Thawm te chu ka nei reng a,i hrelo mai mai anih kha" ati thum deuh dut a. "I neilo anih hi,nei la chuan ka hria ang chu" kawng dâwm meuha melh chho kar pahin kati let veleh salh a.





"Teremi unaunu inih hi" atih chuan a ngaihna hrelo zetin ka en reng, "tunge Teremi chu" kati deuh hap a. "Ila hre mai ang,lo leng rawh" tih pahin ka kutah alo vuan a, "ka duh rere lo,a hmeichhia zawk ka nih hi a mawilo" tih pahin ka kut kalo pawt let ve ṭang ṭang a, "thusawi hi zawm ve hle hle ṭhin la tih luih i ngai miahlo tur," atih chuan ka melh leh deuh khâr khâr a,kekawr bul leh t-shirt nen chiah a awm a,mahse a inhmeh leh lutuk tho.





"I duh te chuan lo leng zawk mai ta che," ka tih chuan a ngawi vung vung a. "Ka duhlo a kalo leng lo anih hi,minlo zui lawk rawh" atih deuh ṭalh avâng in hnial peih tawhlo in ka zui lut veleh ta nge nge a.





Inchhung chu a reh deuh ruih a,an nula bak hmuh tur a awmlo, "khawnge i chhûngte an awm vek a" tih pahin ka hawikual thuak thuak a. "Break anla ve lawk anih kha," atih chuan a ngaihna hrelo zetin ka en reng.






"Teremi a tlân,kapa nen an va in um ve zuai" atih chuan Teremi nichina asawi kha anu tihna animo,anu hming kalo la hre miahlo a. "Ehe!!anih chuan nichinah khan Teremi unaunu min tia,eng nge i nu unaunu min tih ve ringawt a," step a kan chho lai chuan ding meuhin kati hluai a.






"Nangmah ni leh ân hi a inzawm," tih pahin min chho pui leh a,ka lo ang nasa ṭhin viau amawni, "ka bula awm hi hreawm iti em anih chuan," a room kan thlen rualin kati deuh sep a.





"Sakei ah pawh chang mahla ka vulh peih tho ang che," nuih deuh suk paha atih chuan ka nui ve ta ringawt a.Kanu ka kalna tur ka hrilh siloa,min lo ngaihtuah em lo ang chu maw, "eng nge min hmuh tir tur chu," ka tih chuan khumah min ṭhut tîr a,ka bulah alo ṭhu ve nghal vat.






"Min fawp phawt la," tih pahin ka hmai bul setah alo kûn hniam a,a hmel hi chu a ṭha ve mawle,hmeichhia in an en vawng vawng pawh hi a awmlo hranlo.A hmai leh vun vel hi atawk vel chiah in a ngo a,a hmel hi a pa deuh hrak mai bawk sia a mah ah hi chuan sual thut chang anei tih loh chu sawisel na tur avâng khawp mai.





A hmuiah chuan dimte in kava fawp da da a,ka tukhum ah lo dâwm in uar leh zual in min fawp deuh tawn tawn a,min thlah meuh chuan thawk kan la dun ham ham mai.






"Ka thinlung hi hmuh tir theih che ka chak,i hmu theilo anih pawn ka hmangaih zia tal che hi hre thei la," a lungphu awm na ka kuta min khawih tîr pahin ril ruih a atih chuan ka melh kar a.A mitmeng mawi zet chuan min en ve reng a,a hmel chu a thutak phian bawk sia.






"Hmangaihzual,min nei la hreawm in ka siam hauhlo ang che,i chungah ka kut hi ka lek leh tawh hauhlo bawk ang,hmanni kha chu ka thiam loh ani,min nei anih phawt chuan nuam sa takin ka siam ang che nangmah mai nilo in i pum chhunga naute leh i chhûngte thleng in" atih chuan ka en vang vang a.






"Ka hrelo,ka nei duhlo tawp che chu anilo,mahse kala inpeih chiahlo in ka hria" kati zawi ve deuh sep a. "Inneih hi chu inpeih hun tak tak a awmlo ania,min hmangaih ve anih chuan min pawm tawp rawh,risk lak na chi ania a tisual an awm rualin tifuh erawh an tam zawk thung,i hrethiam em" ka kut hmer vang vang paha atih chuan kabu ve ta nghat a,kanu sawi ang tak khan uRuatfela aia ṭha hi an awm leh tawh pawh ka ringlo,in hauh buai thinrim chang hi chu awmlo theilo ania mahse asawi ang taka a awm thei tawh anih ngat phei chuan a lawmawm viau ang.






"Zanah kalo leng anga,ipa ka sawi pui ang" atih chuan kalo aw ve mai a. "Inu tuna in in a awm zawk inu hian eng lampang nge a ngainat a," ka tih chuan a ngawi deuh vung vung a. "Engmah a ngaina lo," ati chhuak halh a.






"Tle reuh lampang te,thawmhnaw te chutiang velah chuan ania" ka tih pawh chuan "pawisa bak hmangaih anei lo," ati bur mai bawk sia. "anih nu Saipuii khan eng nge a ngainat a," a awm a ka lu nghah dat paha ka tih chuan ka sam alo chûl ve thuak thuak a.






"Engpawh a ngaina vek," a ti thum dut a.Anu hi a hmangaih zia ka hria a,mahni hringtu nu nge nge chu a dan adang anih dawn hi,keipawh ni ila kapa hian nupui dang nei leh se a nupui thar chu ka ngaina kher a ngem ka hrelo.






"Vawiin ah naute thawmhnaw leh puan vel kan va lei a," ka tih chuan "a mawi em," alo ti deuh sup a. "Imm amawi chu atam khawp mai,mahse vawikhat ah ka lei ṭeuh duh rihlo a,eng ang nge alo pian dâwn ka hre lawk bawk siloa" ka tih chuan ka pum alo khawih ve ngei a, "kalo enchhin" atih chuan ka ding vat a.






"Ngatinge," ka ti deuh hluai a, "mipa nge hmeichhia anih ka enchhin dawn alawm," atih takah chuan a lamah ka phei veleh mai a.Ka kawr haklai chu alo keu dada a,ka pum puar ve deuh ak chu a chûl thuak thuak a, "hmeichhia anih dâwn hi" ati sup a,a confi mai bawk sia.






"Engtin nge i hriat,mipa te pawh ani thut thei a" ka tih pawh chuan "hmeichhia a awm dân aṭang khan a hriat," ati tlat mai bawk sia,keipawn hmeichhia anih ka ring deuh tho bawk nen ka hnial duhlo,ka hnial chhûng chu min hnial peih leh dâwn tho.





"I nu leh pate chu engtik khan nge an in um a," ka tih chuan anui deuh huk a. "Nizan ah," ati deuh sup mai,ka kawngah kuah in a mal chungah min pawm a, "i chau viau lo ami,i off day te ani sia mu ta che," a sam bûk ve deuh tak khawih niap niap paha ka tih chuan ka hmuiah alo fawp zeuh a.






"Ka bula i awm hian ka hahdam,kan inneih hunah chuan damdawiin lamah i kal ka remti vaklo ang,mahse ka tilui lo ang che nau neih dawn hnaih ah chuan a remlo bur" atih chuan ka nui ve hak hak a.Kum tam tak nurse ni tûrin ka zir ve a,ka thawh na ala reilo bawk nen chawlh san mai mai ka tumlo hrim hrim.






"Ka chhuk leh tawh zâwk ang,kanu in minlo zawng palh ang," ka tih chuan min hnial lo ve ngei a, "nangpawh mut tum rawh,i chau viau ang" tih pah in a room aṭang ka chhuak a,pawn thleng min zui chhuak a. "Lo kal tawh lo mai rawh,inhnuai lawkah kan awm hi" tih pahin ka kuah deuh thuak a,ani pawh ka chhîpah alo fawp ve vang vang.






Inchhung ka lut leh chu ka phu zawk thei, Adeline'i hmel awmdan zawng zawng leh alo awmdan chu ka rap reuh lutuk,a mit a dum vek bawk sia,a mascara leh mit line na chu waterproof anilo aniang,ahma chuan waterproof deuh hlir a hmang ṭhin sia,a tum nasa bawk sia a bulah ka nu alo mu tlawn zuah a.Kapa erawh room lamah lehkhabu a chhiar anih hmel.


Show post links
Top

[Ngaia]

Chapter-21

HMANGAIHZUALI POV

"Kava phei teh ang,a tlai zel ka peihlo mai mai dâwn," din hluai pahin Adeline'in ati a, "chaw te ei ve nghal law law ta che," kanu in alo tive vat. "A ngailo,thim hnu a haw chu a hlauhawm emai,tun ang laiah chuan hmeichhia mahni chiah a haw a him tawh siloa,Mizoram pawh hi a râlmuang tawhlo," a bag ah a phone leh purse vel khung ṭhat mawlh mawlh pahin ati a.





"I kal hma in i hmai kha phih law law rawh," ka ti chu minlo en deuh haw a, "ngatinge a" alo ti sep, "i mit i nuai dum vek alâwm, darthlalang ah va en la" tih pahin a lamah ka phei a.Ani pawh zai rat rat pahin darthlalang awmna lamah a phei zui ve nghal mai a, Adeline'i hi chu a thawveng ve ngawt mai,mahse thawveng viau lo sela chuan ka kawm peih kher angem ka hrelo.





"Hmai ka phih peihlo,wipes i nei em minlo hman tîr mai teh, sunscreen hnawih ṭhat leh vel kha ka peihlo," ati deuh lang lang a. "Ka makeup dahna drawer hnuai pawh-dawh ah khan a awm,la tawp mai rawh" kalo tive vat a,a phei ve mai aniang chu a thawm ka hre leh tawhlo.





"Omi hi ala tho chhuak miahlo ami,a ke dressing a ngai tawh asin," kanu melh paha ka tih chuan "tho lo,ka tho chhuak peihlo atia,a mu reng mai" atih chuan ka chhang zui tawhlo.Adeline'i haw hunah law law ka dressing sak mai ang, "ka va phei tak tak ange,a tlai zel naktuk duty a ngai bawk sia,ka peihlo tak tak ani" tih pahin ka bula a bag chu arawn ban a.





"Ni e aw,i hmanhmawh sia va phei phawt mai teh," kanu pawn alo ti ve mai a,gate pawn thleng ka thlah a. "In in luah thar chu anuam reuh tak tak ani,a bul ah thingkung ṭhutna tur ala awm zui a,khawlum tak tak hunah phei chuan kalo phei deuh reng ang," ati deuh duah a. "Nia lo phei ve reng mai rawh,inhnuai ani bawk a alum em em hranlo," ka tih hnuah taxi arawn tlân tâk avâng in a chuang zui vat a.






"Anih aw, damdawiin ah kan inhmu dâwn nia" atih chuan ka lo bye ve vat,khua a tlai ve deuh tawh bawk nen a lum lutuk pawh kha tlem in a zia ve deuh tawh,kan in luah na uRuatfela te inkawt chiah ah hian bung kung lian deuh a awm a,a ti dai khawp mai an garage chungah saron par a zâm duah a,a par vul ṭan lai vel ani bawk a a mawi takzet, compound an nei zau in an nei ṭha bawk nen naupang tan pawn a nuam viau ang,an gate chhûng lamah bung kung rinchhan in pipu motor ke niâwm tak hian an suih a,uai a nuam reuh viau ang.






"Iva thlek nasa vual vual ve," ka dar a minlo khawih zeuh paha an rawn tih takah chuan hnunglam ka hawi vat a,Nunmawia alo ding reng ala nui deuh sang zui a.





"Nia,khawlum tak tak hunah hemi bung hnuaiah hian awm anuam viau ang tih vel kalo ngaihtuah mai mai a," ka tive vat a. "Nia nuam viau ang,mahse kan awm vak ngailo a bakah pipu hi a rei ve tawh a,a hlui ve tawh bawk nen uai ngam na chi ani tawhlo,ka u in ṭhiah a phal tlat siloa," a ti ve dap dap a.





"I kal dawn chiah ami," tih pahin ka enthla dan dan a,a Police form nen a ding luah sia. "Kalo haw tawh zâwk,vawiin chu haw hma ka dil hrim hrim a,in lamah tih tur ka nei sia," ati ve zung zung a.





"Ka luh san phawt ang che," ka dar a ben thak thak paha atih hnuah ka chhan na pawh nghak tawh lemlo in a lût zui nghal a,ka chhuk thla tur ka hawi chho chu uRuatfel'an a room tukverh aṭang minlo thlir reng,a kutah intur a hum ran a,min melh no fahran lo khawp mai.





"Nu Omi chu lachhuak lawk ang,a room a thim sia ka tih sual palh ka hlau,ṭhuthleng ah hian tih sak leh mai ang," ka tih chuan kanu pawh alo tho ve vat a,Omi hian ka nu a chhun a,a sa a ṭha nelh nawlh bawk sia,thau tih tur erawh ani miahlo thung,amah saw a khal ṭalh reuh a,ngo em em lo mahse a hmel erawh keiai a ṭha daih thung,midang pawn kan unau ah hmelṭha anti ber zel,a hâng ngaih no bei anti ziah a,amah phei hi chuan ngo a chak ve thei lutuk.





"Nau-i em em a che,tho rawh i ke dressing a ngai ania," ka tih chuan alo meng ve siar siar a,kanu nên kan kuah chhuak chu amah a ṭang ve deuh ṭung bawk sia kalpui a har khawp mai.





"A dam har e u,engtik ah nge a ṭhuina hi a phelh theih ang,a ninawm tawh class kal te ka chak tawh,ka ṭhian ten min zirsan hnem tawh sia,a bul aṭang tak tak a tih leh a ngai anga,dorothy'in an zir tawh ho min hrilh ve ṭhin hlauh zawk a" ati nuah niah a.A ke ṭhui na pawh a phelh ve theih ṭep tawh, "a phelh dâwn tak tak ah chuan damdawiin ah kal angai ang,hman rua hetah ka kawl tlem sia,kar leh velah chuan a theih tawh mai ang," ka tih chuan alo bu ve nghat a,a ke erawh a ser lian khawp ang,a dam var vek hunah chauh lo chuan a ser rehna damdawi pawh hi hnawih ngam ani dawn siloa,khawlum a inṭan tawh bawk nen kekawr tlawn ah pawh a thawl deuh emaw a nih loh chuan aha thei rih dâwn siloa,kekawr bul ha ngawt dâwn se amah hi a zak ve dâwn sia,pawnfên fên lah a inhmeh lo ve ropui sia a awmna lai hi a fuhlo khawp mai,a taksa lang vaklo laiah te ni zawk se azia deuh tur ania.A bialpa hlui pawh jail chhûngah ala awm reng a,chhûngte ngaihsak tu a nei vaklo zâwk nge an bail chhuak lo chu amak kati khawp mai,hetiang ruihtheihthil in a tih buai ho hi chu jail ah nilo in home ah emaw in enkawl na ṭha deuh hnuaiah awm se ka ti ngawt mai,a tirah haw viau mah ila tûnah chuan ka khawngaih leh tlat tawh.





"I room lamah i mu leh dawn nge," ka tih chuan alu alo thing vat a. "Kamu peih tawh rihlo,tihian ka ṭhu rih mai ang," atih avâng chuan ka tih na vel paih in ka glove vel bawlhhlawh bawmah ka paih a,ka kut ka sil fai zui nghal.





"Ruatfel'an sawi anei leh tawh em," alu ka chan mawlh mawlh laiin kanu in alo ti deuh sur sur a, "eng vak nge sawi se itih a," tih paha ka en chuan a insiam chhe nasa ngang mai.





"Aw palai chungchang chu min sawi pui a,inneih hi chu a risk a risk chi ania atia,ka tifuh dawn nge dawnlo chu ka hrelo a,mahse aman min neih duh phawt chuan keipawn ka hnial em em tawhlo,mahse biakin hawng in ka nei thei dâwn siloa,keimah ah hian hreawm tih na a awm deuh tlat a,keimah nilo hmeichhe dang a hmu zo dâwn lutuk a,ka tih sual vang liau liau in biakin hawng in kan innei thei dawnlo ber hi," ka tih chuan ka bulah alo ding ve reng a.





"Chuvang chuan nangpawh in innei anih pawn i duat hluak hluak a ngai dawn tihna anih chu,in ngaihzawn rei vak te hi ani berlo a,in ngaihzawn lai leh nupui pasal a inneih hnu hi chu a dan a dang hlak ania,a innei tur a ber ten an duh phawt chuan innei vat vat zawk se aṭha ber,mahse kum sawmhnih tal hi tling se mipa chu hmeichhia aiin an puitling har zawk a,Ruatfela erawh mipa puitling tak a niin ka hria,ipa nen a kan inneih khan kanla upa em em lo a,ipa pawh hi ala â ve teh mai ania khatih lai vêl khan kanla harsa zual em em a,tui leina tur pawh kan nei mang ngailo a luiah tui chawiin kan kal ṭhin a,a chang leh min haw san daih a ipa hi a titau zawkah a ṭang ziah a,keilah hian ka fiam peih ve sia" nui hak hak pahin ati a.A lung a leng ve thei viau in ka ring.






"Kan inneih hma te kha chuan kan inneih hunah chuan in lian nuam takah ka awm pui che anga,kan fate pawn midang aiin engkim an nei ṭha vek ang atih nasat theih nen,i u a pian phei kha chuan tawlailîr ah te a chuan tîr mai mai a,midang aiin a nei ṭha bik vaklo hrim hrim,mahse ka phun nawi ngailo,a chhan chu ipa kha ka hmangaih a sum vanga nei ka nilo miau a,i u kha kan fa hmasa ber ani bawk nen kan duat ve a kan in chhuk na ah khan kan chhûngkua in tawlailîr in kan in nawr thla ṭhin a.A nuam thei asin aw,mahse tûnah chuan Bawihtea te hi chu kan ti peih vak tawhlo zawk a,kan tha a zawi ve ṭan a," ati leh dap dap a.





A chaw chhuan a phit takah chuan gas awmna lamah a phei vat a, "tilai chu anuam viau na chu ṭhian kawm tur an vang lutuk a,i nu Saipuii leh Rami te an ngaihawm ve khawp mai," kanu bawkin ati leh a,ṭhian ngaina chi tih takah hreawm kha a tih ka ring deuh reng a. "Inchung nu lah a tlân daih sia,kawm rawh ti dâwn che mah ila in inkawm thei ange maw,URuatfel'an a ang peih lutuk atia" ka tih chuan fridge a tui vâwt chu ala chhuak a.





"Alo haw veleh han len ve chi anih chu,inu tur anih phei chuan be ṭha hluam hluam ila,ṭha taka kan tih reng chuan min be ṭhalo bik reng thei hauhlo ang,min be ṭha tu na na chu keini pawn kanlo hnar reng theih bik loh hi" ati leh dap dap a,tunlai chu Aizawl lamah a awm tam bawk a a aw vin lutuk pawh kan hre khat deuh alawm,Darlawn lama a awm kha chuan Bawihtea te an harh ve sia,a vin phar dawr dawr reng a mahse kanu hi chu han ang bawrh bawrh ṭhin mahse a rilru a chhe lemlo a.






"Bawihtea te an dam em,kan inbe khat riau a" ka tih takah chuan "nichin lawk pawn kan in video call reng alawm,ṭawng an zir ve ṭan tawh a,a lawmawm rual lek an nia haw chho vat a ngai ani,Omi lah hruai chho ngawt dâwn ila nangmah chiah a i awm a ngai dawn sia,râlkhat aṭang phei chuan in ngaihtuah ana thei si," kuhva ei tuam tuam pahin ati a.






"A chho theih te chuan aṭha viau zâwk alawm,inchung lawkah uRuatfela te an awm a,kan awmna lah gate a ṭha a,cctv camera a awm vek bawk a hlauhthawn tur a awmlo,mahse Omi ke ber hi ania khiti lamah in han dressing thei awm siloa, damdawiin awm tho mahse a phelh dawnah tak khan Aizawl lam tho in rawn pan a ngai leh dâwn sia,in peih leh peih loh ani tawh mai" ka tih chuan min chhang tawh rihlo.





"Eng nge in siam a,ava rimtui vung vung ve" kapa in arawn tih takah chuan kanu in alo chhawn vat a. "Bawihte,i nau ke i dressing sak tawh emni," atih chuan kalo aw ve vat, "in awm maw,ava rimtui vung vung ve" tih paha Nunmawia lo lût chu kapa in alo chhawn vat a.






"E...lo kal rawh,lo leng ṭhu rawh Nunmawi" a ti dam dap a, "ṭhu rei hman pawh ka nilo,ka ṭhian te nghah pahin kalo chhuk lawk mai mai mawle,inlam a reh em a" tih pahin kapa te ṭhutna ep chiah ah aṭhu thla ve a.






"Lo ṭhu rawh thingpui te kan lum dâwn nia,inu te an ṭha maw" kanu in atih chuan ka melh deuh ha a,an inchhung chanchin a ṭha vak siloa zawt vaklo se ka duh asin mawle.





"Aw ṭha e," Nunmawi'an alo tive vat a,minlo nuih deuh suk takah chuan ka nui ve ta ringawt a. "In inah pawh kalo la leng ve ang ka ṭhin a,kala hman ngang siloa inu te nên pawh in hmelhriat ve hrim hrim ila ka tia,zan lam velah kan nupa in kanlo leng chho ang" kanu in atih chuan a kawr ah kalo pawt deuh vak a.A la hre duh ṭhaklo zui, "ni e lo leng chho ve rawh u,nizan lamah kapi te an ṭha vakloa,kapa leh ka nau te nên an va phei a,tlai lamah chuan anlo haw phei ve tawh ang chu maw" Nunmawi'an ati veleh sup a,chhuanlam tur a hre nghal mai chu amak kati zawk,nge uRuatfela zawkin dawt asawi pawh ka hrethiam tawh neklo e.





"Anih chu,ava pawi ve aw nu-i thingpui chu lo lum teh u," kapa in atih takah chuan kanu in a thil tih lai dah in gas ah thingpui a chhuang kai a, "Darlawn khi 2019 vel khan ka kal ve tawh a,anuam viau in ka hria a khaw mite an fel bawk sia,Khawruhlian ah khan kan tang hrep a," Nunmawi'an ati ve leh dap dap a, uRuatfela anglo takin sawi tûr a hre khawp mai.






"Animo,tûnah chuan Khawruhlian luh tlang ngailo in a kal theih tawh a,kawng pawh aṭha tawh viau asin,an metal vek tawh a tlân anuam tawh khawp mai" kapa in alo tive vat a,kawng an siam hma kha chuan fur lai khan a buaithlâk thei ṭhin khawp a.A ninawm duh ṭhin khawp mai,lung lian atam thei sia in kan thleng meuh chu kan mawng a bung rem rum lo chauh zel,kawng chhiat lai kha chuan ka u pawh lehlang in a kal ngailo,lehlang loh pawh khan a chauh theih viau ṭhin a,tun nen a tehkhin chuan a in nawm hleih tawh lutuk ringawt.





Ka phone arik takah chuan ka envat a, uRuatfela call ani, "aw hello" varanda a chhuah pahin kati sep a. "Nunmawia kha alo chhuk emni," atih chuan kalo aw ve vat.A awki ah chuan a lungawi chiah lo in ka hria, "nel vak suh ang che," ati thum deuh dut a, "ngati maw" kalo ti deuh hu mai.






"Ka sawi chu awi tawp mai rawh,thingpui i siam sak pawn tih thlum kher a ngailo ania,engpawh a in thei vek hâng deuh khan siam rawh," atih chuan ka nui deuh hak a.






"Ka fiamthu hauhlo ania," atih takah chuan nuih ka insum ve ngar ngar a,a naupangchhia lutuk ringawt, "imu em ni a,ilo va lêng duhlo ve" ka ti ta daih a. "Mulo,kanu te in lamah ka phei lawk dawn,ka chhuak dawn chiah zanah kalo leng ang" ati ṭha veleh mai a, "awle eirawng ka bâwl laklawh sia,ka dah phawt mai dâwn asin" ka tih chuan "Nunmawia khan khawih che atum chuan min hrilh ang che," ati leh hrâm a.






"Awle,awle ka hria ka dah dâwn ania" ka tih chuan min dah khalh leh daih ang lawi a,a kal dawn chiah tak tak aniang motor ri ka hre zui ve nghal, "thingpui hi va pe rawh mate," inchhung ka luh ruala kanu in atih takah chuan tray chawi chungin ka phei ve mai a, "Hmangaihi hi a upa zawk ami inih a,unau pahnih chiah nge innih a" Nunmawi'an atih chuan "nilo e a milai ka nia,u mipa kanla nei,Darlawn lamah annu te nên an awm mek a," ka lo tive mai a.






"Anih chu,pahnih chiah inni amaw kalo timai a," ati veleh mai a.Sawi tur ka hrelo bawk nen ka nui veleh ringawt, "u bathroom ah min va hruai lawk teh," Om'in alo tih takah chuan ka phei ve mai a.Ke ulh ani lo a,a ke hi ṭhui ani sia amah a kal vak hi ka phallo a,ke ulh vel chu nise ke a kal luih kha aṭha zawk a mahse ṭhui tak hi chu ṭhui na a peh a hlauhawm ve bawk nen,ake veilam hi a hmang theilo hrim hrim zawk.





"Pa lehlam ah lo vuan lawk teh," ka tih chuan Nunmawia zawk alo ding vat a, "khawi kalo pawm ang," tih pahin a pawm veleh nawlh mai.An unau hi an chak reuh phian a,Omi hi zang chhe zawk zawk anilo chung pawn rit loh hmel deuhin an chawi nawlh nawlh zel sia.





"Bathroom ah hian min dah tawp mai rawh,keimah in ka zung thei" Om'in atih takah chuan a zui lut bik lemlo.Choka bathroom lamah hian European commot ang kha a awm hlauh a,azia phian mai,khatiang nilo ah chuan a zung thei siloa.






Nunmawia pawh rei awmlo in a chho leh vat a, "ka hmai te hi ka van phih khat tak,ka hmelchhe vek tawh ka hmai a mawm si" Om'in ati deuh hlak hlak a,a thawh zung zung theihloh avâng hian wipes in a in hru fai mai zel a,ha nawh na vel pawh a khum bulah kan dah sak a.A nawh zawh ah a khum bula tukverh ah a chhak mai zel a,a thlang ah in a awm lemlo bawk nen kanu idea vek ania rem a hre reuh phian a.





Chaw ei thleng vel ka sil zo chiah tih ah uRuatfel'a alo lut hlawl a,Nunmawia ang in in awm em arawn tive ngai bawk siloa,ka en deuh hu zêl ṭawngkam han tih hluam hluam vel te hi a thiamlo ve ropui sia.Alo len ve te hian alo lut tawp mai zel sia,mahse kanu hian a duh tawp viau nge hetia alo lut tawp zel te hi a duhawm ati tlat pek a,midang chu nise a mawl ati leh awm hle sia kanu bula in sawi luh dan uRuatfela hian a thiam ka ti mai.





"Ilo vân lang hma reuh," tih paha a bula ka ṭhu chu kanu alo nui leh vur vur tawh, "nia englo ania,pu ngaih in fanu hi nupui a neih ka duh a,min phal sak hram ula" kapa en paha atih chuan mak ti zetin ka en reng,kanu chuan mak atih hmel em em hranlo,Omi pawh a phone en lai dah meuhin alo hawichhuak ve a.






"Phalloh tur a awm dâwn ami,innei tur a te in in duh phawt chuan,mate nang eng nge inneih te iduh ve tawh reng eng em," kapa in min en paha atih chuan ka chhang mailo, uRuatfel'an ka kut a alo vawn takah chuan "duh e pa" kalo tive vat a.





"Chutia in induh te anih chuan palai te lo tîr ula,mahse Ruatfel tlangval fel tak ini tih ka hria a,kan fanu hian nau apai tih pawh i hria anga,nakinah thudik ala lang chhuak tho awm sia,in mualpho vak ang tih chu a hlauhawm viau a,ipa te pawn an duh dawn reng reng emni aw...thutlukna siam ava har deuh ve,sawi tlang tawp mai ila kan fanu lah hian midang fa apai bawk sia,naute hi ifa tak anga i enkawl pui thei te anih chuan pawi kan tilo viau a mahse tlangval fel tak hna ṭha tak nei ini a hmeichhia kan fanu aia ṭha pawh i tawng nual ang,uluk takin han in ngaihtuah chiang leh phawt la,kan fanu dinhmun tur pawh min hriatthiam puiin ka ring.Engkim hi tih hma a uluk taka ngaihtuah phawt hi aṭha a,i rilru i siam fel huanah chiah palai pawh ilo tîr dâwn nia,a hmanhmawh thlâk loh a makpa atan phei chuan kan duh khawp mai che,amah erawh chu biakin hawng in in innei thei dawnlo tih te kha hre phawt ula," kapa in ati dap dap a.A sawi chu adik fu mai,khatiang thleng thleng khan kalo ngaihtuah lo hrim hrim.






"Nia,ka hrethiam vek alâwm uluk taka ka ngaihtuah hnuah chauh ka hrilh che u anih hi,mahse ka chhûngte kalo rawn ve phawt anga,nakinah nangni pawn inla hre dâwn tho a tûnah ka sawi tlang nghal mai anga,nunhlui ah chuan thil sual leh harsatna tawk vek tawh kan nia,kei ngei pawh tuna kan in a awm khi kanu tak anilo a,tuna ka unau te pawh hi ka thisen zawmpui te anni lo bawk.Ahma chuan chhungkaw hlim thei tak kan ni ṭhin a,kum sâwm ka nih in ka nu leh pate an inṭhen a,chutah chuan kanu min hringtu kanu hian ka chhang tur apai mek nghe nghe,mahse vanduaithlâk takin a rilru hah bawk nen nau chu a chhiat hlauh mai a,rei vaklo hnuah tuna kanu khi kapa in arawn hruai lût a,kanu bulah reilo te ka awm a kapa hian min lo hruai leh nghal a.Tuna ka unau te khi tuna ka nuhrawn leh kapa te fa bik anni vêk a," ati ve dap dap a hetiang ang thleng thleng hi asawi ka ring miahlo.





Kanu leh Omi chuan mak an tih hmel khawp mai,an en deuh ha a,kapa erawh a hmel a ngai reng, "animo,naupang te in ilo tuar ve nasa hle mai,chuti anih phei chuan ipa nen pawh kanlo inbe ve chhin anga,chhûngkua han inpawh ve deuh phawt ila pawi iti viau em" kapa in atih chuan ka kut a vawn na chu ka hmer deuh salh a. "Puitling zawk in in tih dan dan ani tawh mai," atih chuan ka thaw huai thei,a puitling lo viau amaw ka tia mahse ka rin ang em em chu alo nibik lo tawp mai.






"Mate,thingpui te va lum la Ruatfela te nên kanlo inkawm ange," kanu in atih takah chuan ka tho ve mai a,thingpui ka chhuan laite chuan uRuatfela thusawi ringawt ka rilru ah a awm.Ka khawngaih ve reuh lutuk,hre tawh tho mah ila a sawi zau meuh chuan min den dan a dar zar mai,a tirah pawh khan mak ka ti tawh viau ania,a Nau kha lo piang tase tu bulah nge a awm ang,unau thisen zawmpui ngei nei se a hlim ve viau in ka ring,mahse Pathian hian kan ṭhatna turin engkim a ruat lawk vek bawk sia,chunglam rorel dan hi chu hriatthiam hi ahar ṭhin khawp mai.






Thingpui chawi chunga kava let leh chuan anlo nui deuh dar dar a,min en deuh ṭhup bawk sia, "eng nge" ka ti deuh hu mai. "I tetlai a i ek ei chungchang vel kha kanlo hrilh a," kapa in alo tive vat a,uRuatfela bula ka ṭhu thla chiah chu ka beng bulah "ek ei nu," ati deuh sup a.






"Hmmm ka tetlai ami daih ania,tetlai rilru harh hma te chuan eng nge kan tih kan hre hleinem,bakah midang pawn an tetlai te chuan an ei ve awm tho e...in sawi tenawm emai a," kati ta daih a,an nuih ala za tulh tulh zawk amawni. "I tetlai a i nghal theih em kha aw,ipu in asawi vek kha i tetlai in mi inchung vawm tur ringawt in zingah i tho ṭhin atih kha,tah chuan nang chu i rilru pawh a harh daih tawh leh nghal," ka tih ve chuan ka kawng ah alo hmer salh a, "dawheh nu" atih chuan ka nui ve hak hak mai.Nghal tih chu a duhlo ve khawp mai,mahse min chhaih zui nan a hmang reng anih chuan ka sawichhuak ve zeuh zeuh ang.


Show post links
Top

[Ngaia]

Chapter-22


HMANGAIHZUALI POV

"En rawh,sawnu saw lawm hmanni a ka insual pui nu chu,ka la ngei char char va keh leh hrep mai ania ka duh,ṭawngthei zit zet ropui si" ka ti deuh hlak hlak a. "Awi!Laljenet'i saw maw a inla ṭawng no si,URuatfela a star teh mai ania,mei nei deuha ṭawng a hrat lutuk a tuman an kawm peih lo vat mai ang" Adeline'in ati ve hlak hlak a.






"Thu dang daih,tunlai chu chakai leh kaikuang vel lui lam sangha vel ka eichak tawp a,bazar ah te hian chakai zuar se ka lei duh ngei ngei ang,mahse sangha lian pangai chu ka eichak leh chuang miah siloa," ka tih chuan min en vung vung a. "I van ti kher kher tak,a awm lo hlir hi i eichak mai a," Adeline'in ati deuh hluai a.






"Kan khaw lamah chuan a awm ang mawle,au lah a hman dawn siloa," ka ti deuh vawng vawng a.Ka ngaihtuah zawng ringawt pawh chuan a rim ka hre thei hial in ka hria,a bawppui lian deuh deuh te kha ka ei chak, "a ke ṭang te kha hip ila,a pum thau deuh nise chaw nen chawm ila,a ṭâng te kha seh ri pawp pawp ila" ka tih chuan Adeline'in minlo nghawk sawk a. "Iva ei chak awm bawk ve mawle aw...Hmangaihi chu" tih ri ah chuan ka hnunglam ka enve vat a,pu Ruatsang'an alo ding reng.





Ka awm dân tûr hrelo lutuk chu ka nui deuh ver ver a, "Adeline'i nen hian sawti lamah sawn va phei lawk ta che u,counter lamah sawn an in daih lo riau a,nangni in kut a rang deuh" atih chuan kan lo aw ve vat a.Pu Ruatsang'a kal veleh keini pawh kan kal zui ve nghal.





"Awi ngatinge pu Ruatsang'a alo kal tih min hrilh vat loh a,ka zak lutuk" Adeline'i sik deuh nawk nawk paha ka tih chuan "ka hrilh reng che a i hre theilo anih kha,i chakai bawppui leh a sa ei dan ringawt alawm i ngaihtuah,i naupai hian i thluak i hmang ve nasa lutuk a,biak i har ṭalh tawh mai" atih chuan ka nuih tlawn ta ringawt a.






Pu Ruatsanga sawi ang tak tak in anlo buai khawp mai,an in kal pêl fua fua mai, "khami ah khan bill pe tawh ho lo ziak lut rawh u aw,hetah damlo in admit ho" nurse senior hian alo ti deuh zung zung a.Kan hnial ngamlo mai bakah hnial na chi anilo bawk nen keini pawn kanlo ziak thla ve zung zung a,Mizo chiah nilo hnamdang lo lût pawh an ṭhahnem khawp mai.





"Emergency ward two lamah,a rang lamin" ti deuh tuar ah chuan kan hawichhuak vat a, uRuatfela leh a pâwl te ho anni,an damlo pa chu a serious hmel khawp mai, uRuatfel'a pawh a kawr ah thisen a kai nuai a,a glove bunah te chuan a kai deuh nuai mai.Intipalh a nih duh hmel kati,ka hmu chiang siloa eng tak nge ka hre theilo,vawiin chu nau chhar na ward lam kan awm awl deuh zâwk a,buai loh lai chu awmlo mahse kan in daih rih viau mai.





"Awi hming ṭhenkhat hi amak hlawm si,vai ti dâwn a ni chiah silo eng hnam nge maw an nih ang le," Adeline'in ati deuh hlak a.Ka en ve ngial pawn keipawn ka hre mailo, "counter lama duty hi alo nuam vak dawnlo anih hi,pawisa diklo deuh a ziah palh in a hlauhawm dâwn emai,a ziak tu vek an mawhpuh leh awm sia" ati leh hlak ṭhin a.





"Khawi kan lo chhunzawm veleh tawh dawn ami,sawti lamah kan pawimawh vak tawhlo,nangmah ni hi in pawimawh zâwk ang va phei zawk rawh u," nurse pakhat in alo tih takah chuan Adeline'i nen bawk kan inzui chhuak leh a.Ward dang ho chu an buai sap sap khawp mai,step a kan chho tur chiah chu ka pum rawn na zawk avâng chuan ka ding deuh chawt a.





"Ngatinge a," ka kun deuh tlawk tlawk takah chuan Adeline'in min ngaihtuah hmel zetin alo tivat.Ka pum nilo in ka tai zawk niin ka hria,ana lutuk ringawt chet pawh ka che thei lawklo. "Khawilai nge na,ngatinge a" Adeline'i bawkin alo tileh a,a hlauhthawn hmel khawp mai,ka nau pai a fual deuh nge a nat dan chu nau pai fual ho tai na ang mai ani,naupai a fual deuh hian tai leh pum te thleng in a na vek thei a.Mahse ana zen zen lo thung,a na hle anih chuan naute awmdan a diklo bawk ṭhin a,chutiang chiah chuan a awm in ka hria.





"Lawks,ka che thei rihlo" min pawh sawn atum chu kalo dang vat a.Keimah ber pawh chu kava laktlak loh tak,damlo enkawl tutur ber kani asin mawle,ka thawhpui te lakah pawh a inthlahrun awm tawh zâwk.





"Damdawi kava la lawk mai dâwn ami,i che thei bawk siloa" atih chuan kalu ka thing vat a. "Ka kal thei mai ang,hei a tîr ai khan a zia tulh tulh,hawh chho ang tian muangchang in ka kal anga a dam veleh mai ang," ka tih chuan min melh nasa mai. "Duty zawh veleh in entir ngei ngei ang che,chumi hma pawn kal mahla a pawilo,kan buai over chuan rihloh hi,nakinah itih zêl chuan a ṭhalo ang,buai loh lai tak tak a awm siloa,naute te kha alo ṭhalo palh hlauh ange,i indim thiamlo ve ropui sia" ati zung zung a,keipawn ka hnial lemlo.





"inneih chungchang chu,engmah thu thar ala awm lemlo ami," damdawi pêk tur siam mawlh mawlh paha Adeline'in atih chuan "nizan ah chuan kapa hnênah min dil a,mahse ka dinhmun hi a laklawh ve em hi,chhûngkua han in rawn phawt se,amah min neitu tur berin min pawm theih chuan a ṭha animai," ka tih chuan alo bu nghat a. "Dik chiah, uRuatfela berin a neih duh che chuan a tawk chiah,Ruat'a lah khan i chanchin min rawn zawt ve deuh reng a,mahse ka chhang duh ngailo a zaklo ve ngawt mai minla zawt ngam hi" atih chuan ka nui ringawt a.Drip khai tur keng chungin damlo awmna lamah ka phei san ta daih a.






"Engtik vela nei tûrin nge an tih che a," a drip khai lai thlâk sak paha ka tih chuan chau tih hriat zet hian minlo melh a, "zan lamah chuan ka nei thei tawh mai ang an tia,keimah hi ka chau lutuk a tha ka nei mang tawh siloa,an zai chhuak dawn an tia mahse drip hi a zawh phawt angai an tia" atih chuan kabu ve nghat a.Ani pawh a naupai a fual khawp mai.





Nileng deuh thaw a han kal kual zak zak chu hahthlâk ve tak ani,naupai nen phei chuan keimah te hi ka mood a off ru deuh ṭun a,ka chau lutuk ringawt ka naupai ala lian lo hlauh zawk a.A len tak tak hunah phei chuan damdawiin lamah ka kal thei tawhlo maithei,nau neih dawn tak takah chuan leave lâk a ngaih ka ring.





Ka phone ri deuh ral ral chu ka en zawk a, uRuatfela alo ni ka inthlak laklawh bawk nen la talo chuan ka ring ral tîr ṭhak a.Arawn la call nawn sek zui,a pawimawh viau nge mawni,call kala tur chu a ring ral hman chiah chiah,a pawimawh anih chuan minlo call leh mai ang ti rilru in ka bag kala a.Inthlak na room aṭang chuan ka chhuak zui nghal, Adeline'in in entir ti viau mahse vawiin chuan ka peih ngânglo,ka chau bawk nen naktuk lamah tiin ka thlem thei hram a.Ana a reh tawh bawk nen,engvak a nilo turah ka ngai.






Fiamthu ho deuh deuh sawiin kan nui leh hak hak ṭhin a, damdawiin kan chhuah san ṭep tih ah ka ban a min pawt nawlh tu an awm avâng chuan ka tlu sual ṭhelh ani.





"Ngatinge call i lâk loh," uRuatfel'an ati deuh nghut a.A hmelah chuan a lungawi lo viau ani tih a hriat, "ka inthlak laklawh lutuk a," ka ti ṭha mai a.





"Ka call lâk chhûng lawk kha a rei viau ami," vin deuh taka atih chuan a kutah ka vuan vat,kan bula awm te chuan min en duh angreng sia. "uRuatfel,chhuak phawt ang" a kawr hmawr a hmer ṭang ṭang paha ka tih chuan thawk ala deuh hawk a.Ka darah kuah in min chhuah pui zui nghal.





"Adeline Rinpuia inthlah tîr mai rawh,i ṭhiannu nên kan haw rual mai ang,a rem zawk saw Rinpuia alo chhuah saw" uRuatfel'an atih chuan Adeline'i pawn a hnial lemlo. "Nupa inni ṭep tawh sia,in awm dûn tam lutuk chuan in inhne ange," nuih deuh hak hak paha Adeline'in atih chuan uRuatfela erawh anui duh ṭhaklo.






"Ka taksa ah bet tlat mahse ka hne ngailo ang,theih phei sela chuan ka bula awm tîr reng ania ka duh," ka chhip a fawh zeuh pahin ati sup a.A motor dahna lama kan inzui thla chu rinloh deuhin Sangtei kan tawk hlawl mai,tarmit dum a vuah a,mipa pakhat nen an rawn inzui chho chu a mipa zawk chuan min melh no fahran lo khawp mai,Sangtei erawh khua a hmuh theihloh avâng in min hmu theilo hrim hrim ang.





"Mate,i bialpa hlui laktlak loh zet kha hmu leh tala engtin nge itih ang,bialnu dang lo nei tase" a mipa zawk chuan mei nei deuh hian ati sup a,min melh pah kher bawk. "Engtin vak nge ka tih irin a,keima thiamloh zawk ania,a thusawi kha lo awi ila chuan khua kala hmu thei ngei ang,ka bialpa nilo in midang ka ring zawk a tun hi chu ka thiamloh ve liau liau ani,bialnu nei leh mahse ka lawmpui zawk viau ang ngatinge min zawh deuh thut a u" Sangtei chuan ati sep a,a rilru a ṭha reuh phian a Brenda-i zawk kha a rilru alo chhe reuh khawp mai.





"Kal ang,ngatinge i din reng" tih paha ka kuta alo vawn chuan Sangtei pawh a ding chawt tih ka hre thei.URuatfela aw chu alo la hre ve reng te pawh aniang, "u ka mi rin hi ani tiro," atih ri chu kala hre pha.URuatfel'an min kal chak pui bawk nen ka ngaihven thei tawhlo hrim hrim,thli a thaw deuh vuk vuk a ruah a sur dawn amawni.





"Eichak inei em,i ril aṭam em" uRuatfel'an atih chuan ka envat a. "Nizan aṭang tawh in lui lam sangha leh chakai tih vel ka eichak char char,mahse lei tûr a vang awm sia" ka tih chuan motor minlo hâwn sak vat a. "Chakai ei chuan naute in chil thli an ngah duh anti asin," alo tive ngei a.






"Aho emai,duh leh ngah se ka eichak ve zawng ania,thil ka eichak khat em hi naute chil thli tam tih mai mai,beep kan awrh tîr reng mai dâwn alawm," ka tih chuan anui ve deuh suk a. "I eichak zawng anih phawt chuan ka lei ang che,a la tlai chuanglo bawk a bazar lamah kan pengkawi dawn nia" motor tih nun pahin ati sup a,a hmuh hma chu azâwng leh dâwn tih ka hria a ka nui nghal ver ver mai.





"Kan khaw lamah awm ila chuan zanah ka u te nên sangha man in kan kal leh awm sia,khawlum lai ani bawk nen zam lama sangha man pawh anuam leh tawh viau ang," ka tih chuan minlo enve zawk ṭhin a,kan tetlai aṭang lui lamah kapa ten min tal tam pui a.Lui nuam ka tiin khawlum lai phei chuan tlai tin min kalpui ziah a,kan chhûngkua a luia kan picnic ṭhin laite kha kala mitthla uar uar thei,ka u nupui neih hma ania tûnah chuan khatiang ang khân kan ti thei tawh mai mai siloa.





"Nangni chu khawpui a seilian inni sia,lui lamah in kal khat ṭhin viau ang a,current hmanga sangha man vel pawh in hreve lo ang,keini chu kapa khan thing ah rubber a ṭawn a,sangha perh na min siam sak ṭhin a,khang hunlai kha anuam asin aw...ṭhian ho in lui lamah kan liam thla dual zêl a,luiah te kan in bailemchhuan ṭhin a," tih paha kava en chuan alo nui deuh vur vur a.





"Ka nupui tur hian thiam thil a ngah khawp mai a,lui lamah irin ai daih in kan kal nasa ang," alo tive vat a.Motor seat ngheng dawt pahin pawn lam ka thlir vang vang,ka chau bawk nen vawiin tlai chu eng rau in nge min ang ni,ka lung aleng riau a kan naupan lai te ka ngaihtuah a ka lunglen a kaitho chiang khawp mai,kan nun dan hi thlang thei ila ka tetlai a ka awmdan ang tho khan ka awm leh duh ang,thintlang nun bak bak a nuam kha kala hrelo mahse tûnah erawh ka ṭhiante nen pawh kan inbe pawp zen zen thei tawhlo a,nupui pasal a ṭhen in an nei tawh bawk nen inbiak zeuh zeuh bak in kan inbe thei tawhlo.






"Motor ah ilo awm dâwn nge,sawti laiah sawn kava enchhin ang" atih chuan ka insiam ṭha vat a. "Kalo kal ve duh,motor rim hi a hreawm luak ati chhuak ṭep" ka tih chuan min hnial bik lemlo.





Chawhmeh zawrh na lamah inkai rialin kan chhuk thla a, uRuatfela chu asang in a hmelṭha bawk nen an en duh hlawm khawp mai.Ani erawh chuan a ngaihsak hmel vak lemlo,a awm dân ngai reng in a awm.





"Chengkawl i ei chak em,khu chengkawl chu a awm" kawh deuh va paha atih chuan ka en ve deuh vang vang a, "ate e ka kher peih vaklo chengkawl hi chu,tui viau mahse a sawl phei chu naute an pai zêl a," ka tih chuan min en deuh vung vung a. "Nangpawn i pai tho alawm,nau pai leh nau pai in in ei tawn anga,tu nau pai lian lian en ila chengkawl chuan vawikhat ah nau an pai ṭeuh asin,a hlawk viau ang" atih chuan a dârah ka sik deuh vak a. "Chengkawl nen min tehkhin suh,mihring leh chengkawl te han tehkhin rere,a awm anglo lutuk vawikhat ah ka pai ve ṭeuh thei hleinem,chengkawl chu ka ei chak hranlo chakai leh kaikuang te a awm loh chuan a pawi chuanglo" ka tih chuan min kal chhuk pui zêl a.





"Khutah kan en dâwn nia," atih chuan ka zui ve zel a. "Awi khu chingit khu lei ang,khanghu te saw a tui ngawt ang," tih pahin keimah zawk chuan ka kai phei dawr dawr a, "iduh uih thei emai,uih ei vak rih suh ipum ana ang," tih pahin carrot awmna lamah amah zawk chuan min pawt leh dawr dawr a.






"Awi hetiang a tuilo si,a ninawm carrot fanghma tih ringawt,hrisel mahse ka duhzawng ka eikhat em hi,bakah ka chhungten an eichak ang in bazar mai mai a har si,kapa lah a chaklo ve tawh sia a chhuak zawk zawk thei tawh siloa a khawngaihthlak," ka tih deuh ṭalh takah chuan thlai hnah awmna lamah min phei pui leh hrâm a.Thlai rah chu a thar hlawm khawp mai, "heihi eng nge a" tih pahin hrui zik mak deuh hi uRuatfel'an alo haichhuak nalh a.





"Bawiha kha chu kan zawrh lai anilo a,chawhmeh ṭawn na ania," a neitunu in alo tivat a.Ka chawhmeh thlan na bulah alo hai ve nasat vei nen,a hmel tum hmak ka hmuh phei chuan ka nui deuh ruh ruh a,thlai hnah ho chu a khawih tawhlo hrim hrim,a kekawr ipte zen in a ding khawng luah ringawt tawh.





Chawhmeh man pêk tum viau mahse tun ṭum chu ka hnial thei hram a,kan chawhmeh hmeh tur leh zêl alo pêk ka duhlo ani,bag ka keng lian hlauh a a tih zia tak tak,thlai hnah ani bawk nen a rit em em hranlo na chu uRuatfel'an a lo pawt ve tlat sia,a tawp ah chuan ka khai tîr leh ta nge nge a.






"Nangmah in lo kal tîr ta che ila lei tûr i hre dawnlo lutuk ringawt,carrot fanghma leh bean tih vel bak lei tûr i hre dâwn miahlo ania,kalo kallo ang tih ka hlau tawp," tih paha a bana kava vawn chuan anui duh tawh ṭhaklo.






Kan motor dahna lam pan a kan chho lamah vânneihthlâk lutuk in chakai anlo zuar hlauh a.Mahse ato khawp mai,chheh khat zathum an tia,chheh khat lek chu a tlêm ropui mai bawk sia,an rawn zuar ve chiah nge en tu pawh anla awm em em lo.






"I eichak kha bâwm thum la rawh," uRuatfel'an atih chuan ka eichak bawk nen ka hnial biklo.Pawisa pêk ka tum chu "inpa hian min pe tawh alawm," alo ti fel at a, uRuatfela ka en chu alo hawisawn deuh hmak mai.






A motor dahna lam kan pan laite chuan ka ha alang deuh reng tawh,in thlen hun a chhûm hlan mawlh ani ka nghahhleh tawh ni,a motor khalh te chu ṭum dang aiin a muang riau in ka hria,motor hmaa chakai an bawppui che vel te chu hmuhnawm ti zetin ka en reng a.






"A hel khan ilo ei ange,in ka thlen pui hmanloh che a hlauhawm khawp mai,kan khalh chak deuh ange" min hrethiam takin uRuatfel'an alo tivat a. "Chaw lo eila,chakai kan hmeh dawn sia,mahse pawisa ilo pe hman zel a" lungawi vaklo a ka tih chuan "a ngailo,ei vek zâwk rawh" alo ti deuh sup a.






"Chheh khat tal hi hâwn ve rawh,pali law law kanlo la lo a,pahnih i hawn ve tûr ania" ka tih chuan alu alo thing vat a. "Chaw kan ei vak ngailo,kan mamawh lo ei vek zâwk rawh" ati deuh tlat sia keipawn ka hnial tawh lemlo.






In kan thlen veleh rang deuhin ka chhuk nghal a, uRuatfela pawn min hrethiam hle aniang, "zanah kalo leng ang,ipa te kan in a len an tum chuan ka awm ve reng chuan an duhtawk an sawi ngamlo ang," atih chuan kalo aw vat a.Ka hmuiah a lo fawh zeuh paha "ka hmangaih nu" atih chuan ka nui sang a,Ka bag leh chakai chu khai thla vatin step ah te chuan ka tlân thla ani ringawt.






"Nu chakai hi chhum rawh aw,ka phelh ngamlo min chep ang hei thlai hnah vel nen kanlo in bazar haw a,chakai kha uRuatfel'an min leisak anih kha" ka tih chuan alo phei ve vat a. "Ava thau hmel ve,ngatinge i in leitîr ziah a,a inthlahrun awm thei emai" kanu in alo tive hluai a.






"Ka in leitîr pawh anilo,amah alo pe hman a pawisa ka pêk lah in a la duh ngai siloa," tiin kalo in sawithiam ve nghal zung zung a. "Va inthlak phawt teh,inau ke pawh dressing leh a ngai ṭep ang,zîng a itih sak kha a fuh vaklo nge a tuam na a nghet lo ati reng a saw,zawng rilṭam ang in a rak a rak mai" atih chuan ka nau roomah ka phei hmasa a.A muttui em vangin kaitho lemlo in ka room lamah inthlak tûrin ka phei vat.






Ka room thlang ah hian zanpar rimtui a awm a,zanah a rimtui thei lutuk,a par lah chu amawi reuh em em leh nghal a.A par var sinte ania,a par a tla nasa thei khawp mai,zana a rim alo nam veng veng hi chuan uRuatfela leh kan khaw lampang ka hrechhuak ziah.





"Mate,Hmangaih lo kal vat teh" kanu in ring ang reng taka alo tih takah chuan a pawimawh anih ringin hmanhmawh deuhin ka chhuak a.Kan kawngka bula lo ding ka hmuh chuan ka ding chiang khawp mai,kanu pawh a meng ling deuh hlar a,kan awmdan aṭang chuan kan lawm lo tih a hriatthiam ve mai ka ring.


Show post links
Top

[Ngaia]

Chapter-23

HMANGAIHZUALI POV

"Eng nge ilo tih dâwn a," ka ti ram hmak a. "In ṭhat leh ṭhat loh kalo ngaihven dâwn a,kalo zin lai laklawh in a remchang em a,in în luah inlo sawn daih tawh a" atih chuan chhang pawh ka chhang buai peih tawhlo.





"Naute leh anu chu an ṭha,sawn man rawn pêk tawh phei chuan rawn kal tawh miah loh tur ania,inei duhlo tihna ania mate'i pawn pasal anei dâwn a,rawn kal reng kha a mawi dâwn miahlo ania" kanu in ati chang deuh fak a.





"Anih chu,kalo hrelo ani khawilam ami nge aneih dâwn a," tih paha minlo en chuan kalo hawisawn deuh hmak a. "A neih hunah ihre ve mahna,ilo leng duh anih leh ṭhu la" kanu in atih chuan nuamlo atih ve hmel deuh,a awm ve reng mi pangai tan chuan len ngam na chi ani tawhlo hrim hrim,keiphei chu ni ila zah avâng in ka tlân haw nal nal tawh ang.





"Eng nge in va bengchheng reuh ve,e Ruata nang animo lo lût ta che ngatinge kawngka ah khan iding reng," kapa in atih chuan "pa..." Ka ti vak a.Kapa in minlo khap vat,kanu hmel ah pawh chuan a lawmlo takzet tih a hriat, "Hmangaihi a ṭha tih ka hre tawh tho bawk a,kava phei leh zâwk ang tih tur dang kala nei sia" minlo melh zawk paha chhuah atum chu kapa in "aw..lo ṭhu ve reng reng la," atih pawh chuan a kal chhuak nal nal.






"Aw Ruata chu inlêng an nih reng reng chuan ṭha deuha lo biak vek tur ania,a puitling lo zia emai buaina arawn siam pawh anih em loh kha,hreawm atih ve hmel em kha" kapa in kan nufa min en tawn zak zak paha atih chuan kanu kava kheuh zeuh a.






"Thin hi ala rim ve alawm,ka fanu ania a tir a a ṭawngkam te kha i hrelo ami,naute ti tla rawh atih kha ka rilru hi ala nat pui lutuk asin," kanu in ati deuh hlak hlak a. "Mihring hi chu in ngaihdam tluk a hlu a awm hleinem,thil tisual thei vek kan nia,in ngaihdam zêl aṭha ngai e,in ngaidam theilo anih pawn biak chhiat kher a ṭullo emai,naupang pawh inni tawhlo" kapa in min ti let deuh zêk a.





Kanu nên kan in en deuh hrek hrek a,kapa a lungawi vaklo tih kan hre bawk nen kan chhang let duh tawhlo. "Mate behlawi hnah kha lo thian rawh,kan bai dâwn nia,chakai pawh a hmin ṭep ang ka chhum nghal a" kanu in atih chuan behlawi hnah chu ka thian ve mai a,kapa pawh Omi bulah ṭhu in tv a en a tv lian vaklo kan kawl ve a.A chhan pawh kapa te an rawn zin hian chanchin thar tih vel ang reng an en reng duh ṭhin sia,kan unau chiah a kan awm phei chuan kan en ngai em em lo.





"Chakai chu atam phian a,ka chhum nghal vek a Ruatfela te chu i han suah ve mai dâwn nia," kanu in atih chuan "ka ngam teuhlo," kalo tivat a. "Eng nge i ngam loh,nakin lawk a i lawi na tur in în tur anih khi," minlo en deuh ha paha atih chuan "anu khi ka hlau,a ṭawngkam anat hmel sia minlo ti deuh nek palh ang," ka tih chuan a hmel a siam chhe khawp mai.






"Khatiang ah khan i fin phakar i chhuah a ngai reng alawm,i thluak kha hmang ta che,khatiang ho kha chu a tlawn a tlawn huam huam chi,Ruatfela nuhrawn pawh ni mahse inu i chenpui tur ania ka tlawm peihlo tih vel kha a theih dawn miahlo ania,i tlawn thiam a i biak thiam poh leh i nuam sa animai,a duhzawng te leisak la amah te khi han fak huam huam zêl rawh" kanu in ati hlak hlak a,kanu ṭang lutuk chu ka nui ta ringawt.





"Nangmah zawk hi uRuatfela nupui tur ni zawk mai la,mi i tlawn iti huam huam thiam sia,fing phakar nih iduh leh miah siloa" ka tih chuan anui ve deuh hak a.Ka bul lawkah khanghu chu kan tur in alo siam nghal zung zung.





"Zanin ah chuan in han leng dâwn em," kanu en zeuh paha ka tih chuan "leng ve ang chu, Ruatfel'an inneih vat aduh sia,ka bulah asawi nasa thei ania inneih vat a duh thu,i fanu hi ka nei anih chuan in chhûngkua in nuam sa takin in awm ang atia asawi nasa thei lutuk," atih chuan ka nui deuh huk. "Em em a,a ti tak tak dâwn ami,kan chhûngkua chuan min enkawl vek theilo ang" ka tih chuan kanu pawh alo nui ve sang mai.





"A hmin tawh in ka hria,a sat lai hian han pe chho rawh," tih pahin plate ah chakai chu a suak chhuak mawlh mawlh a.A hmin deuh chiah bawk nen a la sa lutuk ringawt,a rim lah chu atui mai sia,chaw ei hma in a bawppui pakhat tal chu ka ei chiang ngawt ang.






"Engtin nge ka han tih ang,nu nangman han pe mai la" ka tih chuan a duh tlatlo,anu ber alo awm phei chuan ka huphurh reuh lutuk. "A seh miahlo ang che,eng nge maw i huphurh em em ni,chawhmeh han pêk ringawt kha animai alawm,kha hei lo ei ve rawh u kan chhum hmin chiah a,han ti mai la a harsat loh nen" atih deuh hlak hlak takah chuan ka kal ve ta nge nge a.






An inkawt a ka din te chuan thawk kala tête phawt a,an nula te chiah kha lo awm se ka ti ngawt mai.Doorbell ka hmeh hnu rei vaklo ah Nunmawia khan alo hawng a, "hei chawhmeh kalo pe dâwn chu a," ka tih chuan anui ve vur vur mai.Nunmawia hi chu a ngainat awm ve chiang alawm, "lo lût la choka lamah sawn ka chhûngte an awm ang,pawn aṭang a inpek chu a ṭhalo palh ang," atih chuan hreh deuh chungin ka lut a.Ani pawh lo lâk ve mai tur ania,eng nge ka pêk kher an duh hlawm ni.






Choka lama ka phei chu ka rinai ngeiin anu kha alo awm a,khua alum ve ṭan tawh bawk nen a inha bul leh ting teng khawp mai,a vun hi a ngo mai bakah a mâm em em a.Tlangval tam tak pawn an iai miahlo ang,ala chhelo zak zak lutuk ringawt,a hmel lah a chhe siloa a fanu pawh khan a chhun viau mai a,mahse anu ala tluk chuanglo.





"Hei chawhmeh kalo suah dâwn chu a," ka tih chuan an nula nên anlo hawi vat a.Eirawng a bawl ve ngai chuang siloa,ngatinge choka ah hian a awm ve reng ṭhin ni, "eng chawhmeh nge a," atih chuan dawhkan ah ka dah a. "Chakai ania,kan lei hnem lutuk a,a hmin chiah ala sa" ka sawi tur hrelo lutuk chuan kati ringawt a.





"Ava lawmawm ve,dawhkan ah khan lo dah rawh plate chu nakinah Mimi'i kalo dahthlak tîr mai ang," ati zung zung a.A ṭawng rang angreng sia, "awle" tih paha inher in chhuk mai ka tum a, "leh lawks in Mami inhnuai a lo awm thar te kha inni em," atih chuan ka bu nghat a.





Mimi'i kalo dahthlak tîr mai ang te kha ati sia,a hre ve awm reng sia ngatinge min zawh leh kher ni, "ahma khan kan inah hian ilo kal tawh em kha,ka hmuh hnu i ang riau mai," atih chuan "aw vawikhat kalo kal tawh," ka ti ṭha ve mai a.






"LalRuatfela bialnu kha ami," atih chuan kabu nghat,uRuatfela ka hawikual deuh ngial pawn ka hmu miahlo.A room lamah a awm nge mawni, "anih chu mawle" ati veleh mai a, "nu pawisa minlo pe teh,kapa ka hmulo a,ka ṭhiannu birthday ah ka kal dawn,a Gift tur lei angai a" a fanu in chei parh deuha lo chhuk paha atih takah chuan ka kalsan ta daih a. "Engzat nge iduh," anu in atih ri pawh chu kala hre pha,a fanu neihchhun ani ve in ka hria a a duat viau ang.





Kan in a ka chhuk leh chuan kanu in chanchin minlo zawt vat a, "engvak anilo,nakinah plate kalo dahthlak tîr mai ang atia,chu zawng chu" ka tih chuan "kha kha animai a,a har loh nen" alo ti sep a.






Chakai bawppui a lian lian ka lachhuak a,ka hip chiah chu tui ka ti takzet.Ka lei ka lem lo chauh, "awi nu avan tui,vanram tla fual ani ringawt tuifinriata lian deuh ang kha ei phei ila chuan ka khawvel a kim vek nimai tur," ka tih chuan kanu alo nui deuh hak a.






"I u te kan chah dâwn nia,khiti lamah lei tûr a tam deuh zâwk ang tlawm te in Bawihtea te unau vawiin chu ka ngai riau mai,hmuh loh kârah anlo lian vek tawh ang," kanu in atih chuan a awm ve viau mai,nitin in awm chawt reng kha an nia an in ngai viau ang.Bawihtea te pawn an ngai tawh viau ang,uTlani pawh kanu a awm hi chuan a hahdam ve deuh a,in lamah lah vawk leh ar kan vulh hnem bawk nen ka u a awm hlauh zawk a.





"Ipa tal hi han chho vat se aṭha ang,i u te an in thlahrung ve te pawh aniang,vawk chaw pawh kan zawng thei anti mai a,an theilo tawp ang vawk chaw nau nen phei chuan a chhum thei tawp nang" kanu in atih chuan "a dik viau mai,khalam kha ngaihtuah nachang kalo hre miahlo a,heti lamah engmah tih tur a awm siloa palai te an duh anih chuan lo tîr phawt se,tih fel vek hnuah ka chho ang mate'i te an innei thei anih phei chuan kan vawk pakhat zawk khi kan talh dâwn nia" kapa in atih chuan ka hniallo khawp mai.





Zanin ah kapa te len an duh sia,chaw pawh kan ei har lemlo.Chakai kan hmeh bawk nen chakai hmeh hi chuan chaw nen ka hmeh pawlh thiam tlat lo a,chaw alo khawng hman vek zel, "tikhan in unau in lo awm ula,mate inau ke dressing tur kha theihnghilh lo la,inu nen kan han leng chho ange anni lam lah mipa lam ni mahse an chhûngkua an inpawh hmel vak siloa,keimah ni zawk in kan han len chilh mai ange" kapa in ati zung zung a.






"Awle," ka tih hnuah chaw eina vel ka tifel zung zung a. "Thleng sil zawh ah ike chu kan ti mai dâwn nia aw,nau-i" ka tih chuan alo aw ve vat, "ka ke hi engtikah nge a ṭhuina a phelh theih ang le,a rei tawh si a ninawm tawh emai" ka nau in ati deuh hlak a.





"Thla leh ah chuan a theih ve tawh mai ang,khatiang kha chu Adam har alawm Nau-i awlsam taka dam mai chi anilo a," ka tih chuan min chhang tawhlo.Thleng ka sil mawlh mawlh laiin uRuatfela alo lut a,ṭhutna lama phei nghal mai lo chuan ka bulah alo ding ve ta reng a.





"Ilo kal ta sasa, uRuatfel Omi saw a ke lo dressing sak lawk teh a,thleng ka sil laklawh sia,chuan a ṭhui na phelh hun tur te saw ihre thei mai ang nang chuan," ka tih chuan a phei veleh mai a.





Damdawi awmna leh a tuam na glove vel awmna ka hrilh hnu chuan alo la ve mai a.Ka nau pawn la nel em em lo mahse Ruata a ngei ang khan a ngei lo a,uRuatfela hi chu abiak ṭhat loh mawlh a hlau ni maiin ka hria.





"Eng nge a heihi," ka thleng sil zo dawhkan a polythene a thil lo awm chu ka en a, "ei rawh" uRuatfel'an alo ti deuh sup mai.A chhunga awm ka en chuan thei buhfai alo keng leh tawh chu niin,thei buhfai hi thisen chhia tleuh fai tu ah leh thisen siam tu ah aṭha a.Ka nau pawn eise ka ti viau mai.





"In zo tawh ami,in vân zo hma engtik ah nge a ṭhui na chu a phelh theih ang," an awmna lama phei paha ka tih chuan "kar leh Nilai velah a phelh theih tawh ang,in dressing ṭha bawk a a hil duak tawh a,mahse phelh hnu pawh hian ke a i kal vak vak a theih dawnloh a,a chhûnglam hi a dam har a pawn lam dam mahse a chhûng lam hi ala dam dawnlo lutuk a class pawh ila kal theilo ang.Phelh hnu ah pawh hian zing leh tlaiah thlâk reng tho a ngai dawn a," uRuatfel'an atih chuan ka nau hmel a hnual nghal vek thei,pawn a chhuah chak tawh zia ka hria a a bialpa hming sawi chhuah hlek phei chuan a thinrim lutuk hi amah a inti na lo chauh zel.





"Lo ṭhu la,thei kalo la ang,kan ei dawn nia" tih pahin choka lamah ka phei leh a.URuatfela minlo pêk tho grape apple lah thei buhfai keng chungin an ṭhutna lamah ka phei a,ka nau leh uRuatfela inkar ah ka ṭhu a,thei buhfai chu a mu kala chhuak zui nghal mawlh mawlh.





"Lo ei mek rawh u, uRuatfel ei rawh" ka tih chuan alu a thing a. "Ka eichak lo,ei zawk rawh u" atih chuan ka nau ka pe phei a,uRuatfela hian ruihtheihthil engmah a tilo a,meizial leh kuhva takngial pawh a ei ngailo,mouth fresher tûrin chewing gum leh mouth fresher a in a in chi kha a ti animai a,khatiang phei chu alcohol engmah a tello a,amah pawh a fresh var reng mai,a ha a var rual nalh sia a nuih te hian a hmelṭha bik ngawih ngawih.Chewing gum pawh pum tan a ṭhat em em loh avâng in a ṭhial zen zen lo.






"Grape tal hi ei ve la," tih pahin pakhat chu kala a,a kâ bula ka dah chuan alo eive mai a. "Kha adang pawh ei zêl rawh," ka tih chuan ka beng bulah "i barh lo chu ka duhlo," alo ti deuh sup a.A nui deuh suk bawk sia,ka lai ve ringawt.





"Ei ṭha mai mai teh," ka tih chuan a ei duh miahlo a, uRuatfela anglo takin kei erawh kuhva ei zeuh ka ching a,mahse ka ei nasa lo thung,ka ei ve pawn a rah a hnah leh chinai tello in tlem ka seh a chu bak ka ei vaklo.Mouth fresher ah pass pass tih vel ka ei ṭhin a chu zawng chu animai.





"Ilo chhuk in kanu te nên in intawk em," ka tih chuan ka kutah alo vuan a, "kan in a anlo luh tawh hnuah kalo chhuk san," a ti ṭha ve mai a.A sam lah chu chunglam ah a dah chho vang a,zanin phei chu a inchei ve deuh riau in ka hria,ka hmu hmelṭha zual sauh.





"I sam chunglam a i dah khan i inhmeh daih zawk anih kha," ka tih chuan anui veleh deuh suk a.Zanin chu a hlim ve ngang aniang,a nui a nui mai "alian tawh em," tih paha ka pum alo khawih chuan "a lang ve deuh tawh," ka lo ti ṭha ve mai a.






"U roomah ka mu duh,vawiin nileng in ka ṭhu sia ka mawng a kham vek tawh," ka nau in alo tih takah chuan uRuatfela bawkin a pawm leh a.Ka ti thei ti mah ila "nau ipai kha,in tlu sual ang" ati deuh tlat a,ka nau room thleng kan inzui lût a,a mutna kan siam sak leh vek hnuah uRuatfela nen kan inzui chhuak leh a,ka nau room erawh kan khâr saklo thung.






"Kalo enve chhin," hnunglam aṭang a minlo kuah paha uRuatfel'an atih chuan a ngaih na hrelo zetin ka en haw a. "Engmaw i en dâwn," kalo ti deuh haw mai,ka pum a kawh zeuh takah chuan "ivan ho tak" tih pahin ṭhutna lamah ka kai phei a,ka pum a en chak tlat bawk nen ka entir veleh ta nge nge a.






"A lungphu i hre tawh em,i ngaithla tawh em" atih chuan kalu kalo thing vat. "Ala te deuh ka tia," tih pahin uRuatfel'a ka ngheng chial a,ani pawn ka bianga lo fawh zeuh pahin min kuah ve hlu hlu.





"A te tawh hauhlo,naktukah duty hours zawh hun velah kan pahnih in kan kal dawn nia, Doctor Sangpuii kan pan laklawh sia,ka rin ve ber ani bawk a a bulah kan kal leh ang," ati nghet charh a.A thusawi chu zawm loh a hlauhawm zawk,thupek min pe ang mai alawm anih.






"I tih dan dan,keimah leh naute ṭhatna tur i duh dawn tih ka chiang a,ka hnial hauhlo ang che,taka vawiin ah Ruata alo kal a" ka ti chiah chu a ṭang nghal ṭung tih a taksa awmdan aṭang ka hre thei.






"Eng nge alo tih,ngatinge minlo koh loh" ati chang deuh rûn a, "kanu leh pate an awm lai ania,a tih zia kanu in alo hau hrep a,buaina a siam lemlo bawk a kalo koh duhlo che anih kha,ho tête a tih buai che kha a inthlahrun awm ve a bakah ka chhungte an awmlo amaw ati aniang,kanu leh pa chu a hlau ve lutuk" ka tih chuan "ho mai mai ani hauhlo,alo kal leh anih chuan minlo hrilh vat ang che,engpawh tawk la min hrilh zêl rawh nang leh kan naute hi ho mai mai inni hauhlo ania," ka sam ah duat tih hriat taka min chûl hliau hliau paha atih chuan ka thin phu arang zaih zaih khawp mai.






"Kan naute maw," zawi sap a tih pahin ka en chho deuh ha a, "aw ka fa ani ve tawh ka tih kha,apa kani tawh i hrethiam em" ka hmuia lo fawh vawng vawng pahin ati a.URuatfela hi ka tawnglo ang tih ka hlau,tûnah rih chuan ka damna ani,uRuatfela hi tawnglo ta ila tûnah hian hreawm leh mualpho na in ka khat ngei awm sia.






"Awm lo tala,lo tawng lo ta che ila engtin nge ka awm ang ka hrelo,ka naute nen phei chuan mualpho na leh mi sawichhiat na tin reng hi ka tuar zolo maithei ani,ka naute nen kan pahnih tan hi chuan i hlu takzet,min tuam dam tu ini tûnah chuan ka thinlung chhûngril ber i luah zo tawh," ka tih chuan mitmeng de sawr sâwr in min en a.





"Nangni pawn ka thinlung chhûngril ber in luah zo tawh chu anih hi," ati ril ruih a. "Kan inneih hunah pawh min phatsan miah suh aw,ka tuar zo miahlo ang,Pathian zarah ṭha taka nau kalo nei thei anih phei chuan ka taksa mawina te alo chuai ve deuh anga,Chumi hunah pawh chuan kan tân i awm reng ang tiro tuna ka fa pailai hi ifa ani bawk siloa nangmah nen kan fa kanlo neih anih pawn i en hrang lo ang tih min tiam rawh," ka ti deuh duah a.






"I taksa mawina vanga hmangaih che kani hauhlo,chuan ka fa anilo tive tawh ngai suh,ka fa ani tawh a en hran na ka nei ngailo ang,ka hmangaih veve che u ka tiam bawk che" atih chuan a awmah ka bei hle hle a,nau ka pai tih a hriat in min dim em em a.Vawikhat kut min thlâk ve mahse kha chu ka hrethiam a,ka ngaidam vek tawh bawk sex vawikhat mah min hmanpui a tum eihlo te hi ka chhuang a,mipa hrisel ṭha tak ania a chak ve dâwn lutuk tih chu ka hria mahse a insum hram hram te hi ka chhuang lutuk zawk.





"I chhuan awm e,sex hman te hi i chak ve ngai em,nge ka taksa hian a hip vaklo che" ka tih chuan "chak ve takzet,i taksa amawi a min hip lutuk bawk mahse kanu khân inneih hma a sex hman a duh ngailo a,ka bialnu te pawh tumah hmanpui ka tum chhin eihlo,vawikhat kalo tisual tawh a kanu in min zilh aṭang chuan ka tum leh tawhlo hrim hrim,hmeichhia khawih chhiat kher hi a ṭul hauhlo,nupui pasal a inneih hma phei chuan a ṭullo khawp mai,mipa te hian min hmangaih tak tak anih chuan sex min hmanpui rawh an ti fo a,mahse kan bialpa te pawh kan hmangaih anih pawn taksa a tih lantîr a ṭullo ngaihsak a tawk khatiang mipa kha chu kalsan hmak aṭha zawk,nangpawh hmangaihna in imit ati del a i hriatloh vang ah ka ngai ang," ati duah a.A sawi hnem khawp mai,midang bulah hetiang hi anih loh nen, "i damlo te pawh i thawhpui te chunga i rum theih nen, damdawiin ah chuan i ṭawngkam a ni hmuk hmuk sia,ka bulah chuan isawi hnem thei e..." Ka tih chuan anui suk a, "ka hmangaih vang che anih hi,hmangaih lo che ila chuan ka be peihlo ang che" atih chuan asawi dik leh viau tho bawk sia.






Kawngka a rawn inhawng takah chuan kan inthlah vat a,kanu leh pate lo lût chu uRuatfel'a nen kanlo envat.




Sunday zan awl zan aw....


Show post links
Top

[Ngaia]

Chapter-24

HMANGAIHZUALI POV

"Nu Eng nge chanchin," ka tih chuan minlo en ve deuh zâwk a, "aṭha e,ka rinai takin biak an nuam,inneih pawh an remti a naute chungchang pawh kan sawi nghal vek a, Ruatfel'an a duh phawt chuan lungngaih na tur a awmlo an tia," kanu in atih chuan ka thaw huai thei.





URuatfela pawh kanu te anlo haw tak avâng in rei a awmlo a,a chho hnu lawkah kapa in min koh tâk avâng chuan an ṭhut na lamah ka phei a. "Pasal inei anih pawn i hlim reng thei dawnlo tih hre rawh aw,naute lah Ruatfel'a fa ani siloa,nakinah sawichhuah hun emaw anla nei ang,haw mai lo la nupa a in hauh chang chu a awmlo thei dawnlo a,ho mai mai ah in lamah tlân reng loh tur ania,pasal nei hi tih mai mai ani siloa," kapa in ati dap dap a.






"Sawi an nei ami," ka tih chuan an lu an thing leh tho bawk sia, "neilo mahse ka hrilh ve hrim hrim che anih chu,palai pawh naktip zanah an rawn tîr nghal dawn a,in ngaihzawng rei chuan mualpho a hlauhawm a,innei vat zawk ula a pawilo,nau ipai bawk nen" kanu in ati veleh a.






"Nia ka hria lawm," ka ti zawi ve sep.Naktuk ah duty ka ngai bawk nen room lamah mu tûrin ka phei vat a, uRuatfela Message alo awm leh vang tawh. "Sawi an neilo maw i chhungten," tih te hi ania,a rilru a hah ve ngei amawni, "nei lo" tih te hian ka reply a,naktuk ah thawh hma ka ngai bawk nen ka meng rei lemlo.


***********

"I nau in pasal neih atum ve a, Ruatfel'a hi chu mipa fel tak ani reuh a,keini pawn ngaih ngam takin kan thlah thei ang," kanu in atih lawng lawng ri ka hriat chuan ka meng vat a,khua alo eng uarh tawh mai. "Ni ang chu mawle,Ruata kha neih lo tum sela lo ngaidam sela chuan ka tuithlar duh hial ang,an inneih naah pawh ka kallo ang ka ti kha ania,midang a nei tûr hi a vannei nimin ah alo lang leh nghal a,kut ka thlak lo kha a vannei" kanu in ati leh hlak hlak a.A ṭawng danah ka u a bia ani ngei ang,tho mailo chuan ka ngaithla deuh reng a.





"Nizan ah ipa nen kan han leng a," ati chiah chu thawh ka tum uk pawh chu ka ṭhulh leh vat.Nizan lama an kal dan chanchin kha ania ka hriat chak ber, "engvak chu an sawilo,anu pawh an sawi ang em em a sual chu a niin ka hrelo,nge a zia ala thup ve deuh te pawh aniang,ka biak ṭhat reng chuan min be chhe reng biklo,a tir kha chuan ati ve deuh fawk fawk a" kanu in ati veleh hlak hlak a.





"Bawihtea te an dam ṭha maw,pate-i te palai lo kal se,ipa pawh alo chho vat ang Omi lah a la kal ṭha thei siloa,ipa hi lo chho se mate-i pasal neih hma chu ka awm tlang law law mai ang,Omi ke pawh karleh velah chuan a phelh theih mai ang anti atia Omi hian," kanu in atih takah chuan khum aṭang ka tho chhuak a.Bathroom lama ka in zun thawl hnuah room aṭang ka chhuak vat,chawhnu lamah daih ka duty ani bawk a ka hmanhmawh hranlo,zanin ka Night dâwn thung.






"Nu eng nge isiam a," zik mar ṭiah ṭiah paha tiin kanu awmna lamah ka phei a.Phone alo hmang tawhlo, "nimin a ilo lei sap thei hnah kha ka bai a," tih pahin alo chawk rawk rawk a.Sap thei hnah hi tui tive lo mah ila kanu hian tui ati em a,bazar a ka hmuh tawh chuan ka leisak ngei ngei.





"Damdawiin lamah i kal dawnlo ami," kapa in atih chuan "zan lam ka duty ania,chhun velah ka chho ang,zanin chu tiffin ka pai ang" ka tih chuan min chhang tawhlo,zing aṭang tv a en ring lehpek khawp mai.






"Omi ke saw va tih sak lawk rawh," kanu in atih takah chuan ka phei ve vat a.Tukin zing chu kan chhûngkua ah ka tho har ber,nidang ah chuan Omi ka thawh khalh ziah ania, "Hmangaih'in pasal aneih chuan in hi kanla luah tho angem," Om'in atih chuan "luah loh in, Ruatfel'a te inah han awm ve ringawt itum ami,kanlo zin chang te hian khawnge kan thleng anga," kanu in atih chuan ka nuichhuak deuh hak a.






"Hmangaih'in pasal aneih chuan ka awm chho ve mai dâwn amaw ka tia,an inhnuai kan luah tho sia," Om'i bawkin ati leh a.Kapa pawh alo nui deuh hawk hawk mai, "i tum na ringawt pawh kha i zaklo kati,ka pasal te inah ka chhawm lut che ani ringawt dâwn asin,ti awm anglo lutuk" ka tih chuan a hmel ape chhe khawp mai.






"Pasal inei anih chuan i pasal in a châwm dâwn che sia,in luah man hi chu ilo la tum tho angai ang,mahse chhûngkua kan ni tawh dawn sia,min free ve mai se" Om'in atih chuan a chal ah ka kuk deuh fawk a. "Hmangaihzual,ana" alo ti bak hlar mai.





"I zak theilo emai,chhûngkua nih vanga han free,min tih tlawm sak duai zawk hi hmelhriat te annia, inthlahrung lo thei lutuk," ka tih chuan aner nawng nawng mai. "Ike hi dah hle hle rawh,a dam tawh lutuk mah mah zawk anih hi karleh ah chuan a phelh theih tawh ang,pawisa chawi ngailo a zing tin tlai tin tih sak thei tu che u inei hi lawm hle rawh,ka hming te hian mi ko lawl lawl zêl suh" tih pahin ka tuam ṭha mawlh mawlh a.






"Ni e,Omi lawm hle rawh,i u te hi a mawiah te hian u tive tal ṭhin rawh," kapa in atih chuan a ṭap ṭep zawkin ka hria,ka thil tihna vel dusbin ah paih in ka kut ka silfai a. "Hmangaihi hna aneih aṭang hian in duat lutuk a,hriat pawh min hre chang tawhlo," ati deuh ṭiau a.





"Kan duat em che hi,i u duh aiin i zahlo ve mah mah ṭhin,i u hian i uTlani leh Bawiha te khatiang khan an hmingin ala ko lawl lawl ngailo,a u ve ziah a hminga i koh duh anih pawn uHmangaih tal ti rawh," kapa bawkin ati leh a. "In ho emai,chaw ei ang u bawihi khawi kalo kuah tho ang che," kanu in tih pahin Omi lamah a phei a, "ka ei peihlo," alo ti deuh hlar mai.






"Nula ve uaih tawh si,ka titau e te hi iti ziah a,ilo ei dawn nge chaw i nghei dâwn" kapa in atih takah chuan a hnial ngamlo aniang,alo tho ve ṭiah ṭiah a.Kapa thinrim hi chu a hlauhawm ve em ani,kan titauh te hian chaw ei a phallo tawp zel,damlo chaw ei peihlo te kan nih loh a thinrim vanga chaw kan ei peihloh hi chuan a hnuah ei a phallo ziah.





Chaw kan ei laiin ka phone ṭhuthleng a ri deuh ral ral ka hriat chuan kava la vat a,caller id ka en chuan rinloh lutuk in nu Saipuii alo ni, "aw hello" ka lak rualin kati deuh sap a.





"Hmangaih,Ruatfela nen inneih in tum tih kalo hria a,a lawmawm tawp" a ti nghal vat a. "Nia,palai pawh anlo la kal chuanglo," ka tih chuan ka chhungten min en zawk zawk tih ka mit sir in ka hmu thei.






"In in luah sawn aṭang minlo tlawh khat ta lutuk a,i ngaihawm ve ropui sia" atih chuan "nia,hun a awmlo ve lutuk a,hman veleh uRuatfela nen kanlo phei ang" ka ti ṭha ve mai a, "nia lo phei rawh u,hrilh tur che pawh ka ngah ania i hman veleh nangmah pawn lo kal ngei ngei rawh aw kanu te pawn an sawi reng mai chu,in unau hian in ngaihawm ve reuh lutuk a" atih chuan ka nui ve hak hak a.






"Nangni deuh alawm,ka hman veleh kalo kal dawn nia" ka tih hnuah thil ho deuh deuh asawi a,rei pawh kan inbe lemlo. "Tunge a," kanu in alo ti nghal vat a, "uRuatfela nu,nu Saipuii zawk" chaw bar mawlh mawlh paha ka tih chuan min zawt zui biklo.





Kawngka arawn in kik deuh kharh kharh a, doorbell te pawh a awm ve reng sia. "Lo lût rawh" kapa in alo tivat a,kawngka alo in hâwn rualin uRuatfela alo lang nghal zat. "In va hmelchhe ve" ati deuh bâwl a,kapa pawh a hawi lawl lawl mai, "eng i sawi tum na nge a,lo lût rawh" kanu in atih chuan "nakinah," atih hnuah kawngka a khâr leh a, "eng nge maw sawi atum ang ni.." kanu in ati deuh vawng vawng mai.





Chaw eikham ah ei thleng vel ka tifel zung zung a, uRuatfel'an Message in ka rualin kal rawh ati bawk a ka hmanhmawh hranlo,taxi a kal chuan pawisa a hek sia,hnial tumna pawh ka nei hranlo.





"Tiffin tur chu i duh leh chaw chhum mai rawh aw mate,chaw dai chu a tuilo ang," kanu in atih chuan "a ngailo,a thar pawh chhum ila a dai hman vek dawn tho," ka tih chuan min hnial zui lemlo.






Adeline'in lo kal hma rawh ati sia,chaw eikham veleh ka insiam sawk sawk a, uRuatfela ka kal hma tur thu ka hrilh tawh bawk nen,ani pawh a kal hma ve mai dâwn aniang.






"Nu ka kal dawn ania,kawngka kalh ṭha ru aw,Omi ke chu zanin lek chu dressing lo mai ang,a tuam na atih huh leh pa tih dan i hriat tho kha" ka ti zung zung a. "Awle,awle min ngaihtuah suh,han kal vat zawk rawh" kapa in atih takah chuan ka chhuak vat.






URuatfela pawh an inkawt ah alo ding reng tawh a, "i va ngaihtuah muk hmel ve," a bula din paha ka tih chuan a la phu deuh zâwk zui a.A lamah min pawt hnai leh deuhin ka hmuiah alo fawp nghal zeuh, "kan kal nghal mai dâwn ami," atih chuan ka hnial lemlo.





"Minlo nghak rawh ka ti rêng sia,i rualin ka kal nghal mai ang ka tih kha," inchhung aṭanga tih paha hmeichhe hmelṭha vur mai,te ve lampang alo chhuah chuan hrethiam lo zetin uRuatfela ka en a.






"Teremi nau fanu anih hi," ka kawnga lo kuah paha atih chuan kabu ve nghat, "Teremi iti ziah a,nute-i hi nu tive mai la" lungawi hmel vaklo a atih chuan uRuatfelan a motor dahna lamah min phei pui daih tawh.






"uRuatfel,min thlah kawi law law rawh,i bialnu ami a" tih pahin min en kar a,a la naupang hmel nen ka rinai daih in a confi. "Ka nupui tur,thlah iduh chuan a hnungah chuang rawh," uRuatfel'an atih takah chuan Motor hnungah ṭha deuhin aṭhu ve mai a.






"Pawi iti em," ka biang chul thuak paha atih chuan "pawi tilo e,ka ring che alâwm hmeichhia ka tello in lo hmu fal pawh ni mahla,nangmah ber hi ka tan i rinawm phawt chuan ka ring lutuk che,ka rin avâng che hian min kawp phah nan hmanglo la," ka tih chuan ka chhîpah alo fawp deuh vang vang a. "Ka hmangaih che,min rin ngam ang bawkin i rintlâk in ka awm ang," atih chuan ka nui ve ver ver.





"Movie en ang mai alawm ka nih,engtik ah nge kan kal theih ang" motor chhûng aṭanga hmeichhe naupang te khan alo tih chuan "ngawi la ṭhu hle hle rawh," tih pahin motor kawngka min hâwn sak a.Keipawh ka ṭhu lut ve vat,midang bulah hi chuan an sual reuh thei mawle,hmeichhe naupang Te-i pawh a ṭhu tum bur mai.






"Damdawiin lamah kan kal vat angai a,bazar aṭang nangmah in i chhuk mai dâwn nia,i hria em Mary" uRuatfel'an ati chang bawl a.Lungawi loh na nei ang mai ani leh tawh, "zawhna zawh che in chhan nachang hre rawh,mi mawl ang in ngawi reng suh" uRuatfel'a bawkin ati leh deuh hmuk takah chuan "aw" alo tive sep a.





Darthlalang aṭang a ka en chuan ala ṭhu tum bur mai,ka fanu ani ang tih ka hlau,ala naupan hmel nen a sam te chu a eng mai sia,a mithmul lah chu a lem tih hriat ngawih ngawih, "nichin a kan in a ilo luh khan eng nge sawi itum a," uRuatfela en kar paha ka tih chuan minlo melh ve zauh a.





"Engmah,chaw eilai a luh chuan i hmelchhia an tih ṭhin kha," atih chuan ka hrethiam ta chiah. "In hmelchhiat lai kalo nang fuh animo te anti ṭhin ani ngai,khatiang deuh tawp te chuan in hmelchhia minti deuh tawp a,kan hrethiam lo lutuk alawm i thinrim ta amaw kan tia" nuih hak paha ka tih chuan a ṭhen ve chak chak mai.






"Heta ṭang hian taxi in chhuk mai rawh," damdawiin kawt a motor park ṭhat paha uRuatfel'an atih chuan Mary-i atih nu pawh chu a chhuk ve vat a.Motor kawngka chu a khâr deuh nghal sawk, uRuatfela pawh chhuk tumin kawngka a hawng hman zuai a, "hmeli chuh!!" Ati deuh hluk mai.






Mary pawh a bag ak ṭhat pahin a chhuk thla ve hnak hnak, "kum engzat nge a" motor aṭang a kan chhuk hnu a ka tih chuan "kum hnih na," alo ti sup a. "Kum hnih a!eng nge awmzia," ka ti deuh haw mai, "ka motor hi anilo ami min zawh," ala ti ta deuh deuh.






"Nilo e,Mary kha nia ka tih chu" ka tih takah chuan ka darah min kuah in a lamah min pawt hnai deuh a. "Kum sawmpasarih vel niin ka hria," atih chuan kabu nghat,ka rin dan vel ani.





Damdawiin lama ka inzui chho chu kan thawhpui ten min fiam nak nak hlawm a,a ṭhen lah hnunglam ah min sawi deuh sur sur a,a ṭhen chuan min thik nimaiin ka hria.






"Kava inthlak lawk ang," inthlak na room kawt a kan din takah chuan kati sep a, "ka han in ha fel ve ange," ani pawn alo tivat.Inthlak na roomah ka lut chu Adeline'in minlo nghak reng tawh chu niin, "ngatinge a" ka tih rual deuh thaw in bathroom lamah min kai lut a.





"Engtin ka tih dâwn!!" Rilru hah hmel zeta atih chuan ka en deuh ha a. "Eng chu maw," ka ti sep, "nau ka pai" tih paha test kit minlo pêk chu ka envat a,rin sen pahnih "ehe!!tak tak ami," tih pahin a pum ka enthla vat a, "tak tak chu anih kha" alo ti deuh hlar mai,apum ala puar lo a kei erawh thla li na ahmang ve tawh a.Ka pum pawh a puar ve ak tawh mai,ka mut pah te hian ka chûl ka chûl zêl.






"Tu fa nge a," ka tih chuan "uRinpuia" ati deuh sep a.Mak ti zetin ka melh reng, "uRinpui'an a hre tawh em,engtik khan nge inlo tih a awi amak reuh e,in in ngaihzawn ka hre bawk siloa," ka tih chuan ka darah min beng pawp a.






"Keipawn ka hrelo,min bem lo a mahse in în a kan riahkhawm zan vel khan ania,khami bawr vel khan kan inbe ṭha lutuk a,in ngaizawng ang maiin kan awm a,kan in ngaihzawn awm pawh ka hre siloa,amah pawh ka hrilh ngamlo ka chhûngte ka hrilh ngam bawk silo nangmah chiah ka hrilh che" atih chuan ka hrethiam lutuk.Ahma nau ka pai tih ka hriat tirh a ka awmdan ang chiah ani.





"URinpuia chu ka hrilh sak dâwn che ami" ka tih rual deuh thaw in "a ngailo," ati deuh hlar a. "E..taka tih dan ka hria, uRuatfela kan hrilh tir dâwn ami,nakinah ala hre tho tho dâwn" ka tih chuan "nia,a fuh zawk ang" alo tive vat a.





Kan inthlak zawh hnuah kan duty hun ala ni chiahlo bawk nen uRuatfela room lamah kan chho a. "Pâwnah kalo nghâk ang che," atih chuan ka hnial vat, "lo lût ve rawh" ka tih deuh tlat avang in min hnial biklo,kawngka kan kik kharh kharh hnuah "lo lut rawh" chhûnglam aṭang a atih takah chuan kawngka kan hawng da da a.






URinpuia leh uRuatfela ṭhuthleng ah in hmachhawn in anlo ṭhu a,a lai dawhkan ah paper a awm nuai bawk,an buai hmel bawk sia. "In vân buai hmel," ka tih chuan uRinpuia alo nui deuh sang a, Adeline'i lah chuan ka kutah min kai tlat sia.






"Buailo e,mamawh in nei ami" uRinpuia zawkin alo tivat a.URuatfela chu ṭhuthleng ah a ṭhu awn duai a,kan ṭhian dun chu min en chik khawp mai, Adeline'i awmdan ah chuan engkim a hrethiam leh vek tawh ang,nau ka pai laia ka awm dân ang deuh khan a awm a, Adeline'i a en leh zâwk ṭhin a, Adeline'i kimki deuh chawih chawih a hmuh chuan anui deuh suk.






"uRuatfel biak lawk che ka duh a," ka tih takah chuan alo ding ve vat a. "A falin" ka tih chuan abu nghut, "sawi ril in va tum hmel ve," uRinpui'an min chhaih zuk zuk paha atih chuan ka nui ve ringawt.





A roomah hian damlo mutna khum pakhat a awm a,a in ping dang thung,chumi lamah chuan ka kai phei a.Ka kawngah alo kuah leh nghal zat, "uRuatfel ala hunlo,hrilh duh che ka nei a" ka tih chuan khumah min ṭhut tîr a,ka hmaah a ding run a,a kutin ka ṭhutna khum bulah chuan a in nem khalh nghal bawk.






"Sawi rawh," ril deuh ruih a atih chuan "Adeline'i arai a" ka ti hmasa tete phawt a. "Ka hria lawm," alo ti deuh sup mai,ka rin dan chiah ani "chuan..." Tih pahin min melh kar a, "uRinpuia fa ania" ka tih leh pawh chuan "ka hria lawm" alo tizel mai sia.






"Engtin nge i hriat vek theih a," mak ti zetin kati hluai a, "naute an siam lai ka hria lawm," atih chuan ka thaw chhuak deuh pap a, "kan hrilh ngamlo a" a kawr siam ṭhat sak mawlh mawlh paha ka tih chuan "hrilh sak in duh emni" alo tivat a.






"Aw i ṭhianpa ve ber ania,nangman hrilh la" ka tih chuan ka kut alo man bet vat a. "Hrilh sak in duh chuan a man angai ve ang," a hmui khawih zeuh paha atih chuan ka nui deuh sang a.A hmuia fawp zeuhin awmsawn leh mai ka tum chuan ka tukhum ah dâwm in uar zetin minlo fawh zawm nghal a,tun ṭum chu ka awmbawr a ṭham deuh nawk a,ana lek lek ṭep ani.






"URuatfel" awmsawn deuh paha ka tih chuan ka nghawng ah alo fawp deuh vang vang a. "Kalo hrilh dawn nia," ka nghawng fawp reng chunga atih chuan a lum deuh pup pup thei,ka biang asa deuh hat hat a,ka lai ve ngei amawni.





Kan awmna ṭanga kan chhuah chuan inhnaih te in anlo ṭhu a, "naute hming chu keimah kalo phuah ang," uRuatfel'an atih chuan anlo hawi dun vat a. "Tu naute maw," uRinpui'an alo ti haw mai, "Adeline'i awm loh hunah,kava chhuah pui phawt ang" uRuatfel'a ka lama pawt kûn paha ka tih chuan "awle raipuar nu," ka pum tawk zeuhin alo tisup a. "Adeline kan va chhuak phawt dawn ami," ka tih chuan alo ding rang khawp mai,kan awmna lama alo phei te chu a in pal phei nawk nawk a. "I kal thiamlo nghal der alaw," uRuatfel'an atih chuan a hnungah ka chum pawp.Adeline'in hreawm a tih tawh vei nen,pawn kan chhuah hma a uRinpuia kava en chuan alo la hawi hu hu a,nau neih na ward lama duty ṭhin zawk si a hrelo chu mak ka ti viau mai, "uRuatfela sual zia kha," pawn kan chhuah rualin Adeline'in ati sep a,a awm a dâwm nghal vang vang.


Show post links
Top