THE HEALER BY Judy Chhak Chhuak (Completed)

[Ngaia]

THE HEALER

Ka story thar tur ania, khawngaih in minlo chhiar sak leh hrâm dâwn nia,prologue pawh ka ziak dawn lemlo.

Dr.Lalruatfela leh Hmangaihzuali te story ani dawn a,in chhiar duhzawng anih chuan inlo sawi dawn nia,a changtunu hi single mom ani dawn a doctor leh nurse romance lampang ani dawn aw

Based on true story


Chapter-1


HMANGAIHZUALI POV

Thli in min rawn chhêm chuan ka hahdam sawng sawng thei,Tharte'i pawh a hah ve ngang aniang a thaw hlawp hlawp mai.Naktuk maia Aizawl a chhuk leh tûr ka nih vangin nu Mazaii, Tharte'i nu hian an huan lama an chawhmeh neih ang ang te min hâwn tîr ve a.Aizawl lamah thei leh thlai te ato sia,a lawmawm phian mai.





"Min chhuk sân leh hma dawn ropui sia,i thil trainning chu engtik ah nge i zawh ang," tih paha tui bottle minlo pêk chu kalo ban ve vat. "Kala zo mai lo ang,tun kum chhûng zawng kala nei," ka tih chuan abu ve nghat a.Tunah hian nurse ka training mek a,kala kal tluang rih viau mai.





Thartei hi apa in nikum hmasa khan a boral san a,unau pahnih niin amah hi a upa zawk ani bawk nen,a thil zir chak em em pawh zir theilo in Darlawn lamah hian dawr ah te a inhlawh ve lawp lawp zêl a.A nau lah a la naupang si a,anu in huan thlai te siam in bazar ah a ṭhutpui ve zeuh zeuh zêl.





Khawsa thei lutuk nilo mah ila nu leh pa leh u leh nau kala nei a,ka vânnei ka inti takzet,unau hi pathum niin keihi a milai kani a.Kan u chiah hi mipa niin ka nau erawh hmeichhia ani thung.





Kan upa ber hian nikum hmasa khan nupui anei a,annu hi a hrisel na apan ve a.Nau an pai theih pawh an rin lo laiin, vânneihthlâk deuhin naute phîr an nei hlauh mai a,mipa veve niin tunah hian kum khat na an hmang ve mek a.Tu hmuh hmasak ber tih takah kan duat hlawm khawp mai.





"A hla em em tawhlo bawk a,kan kal leh tawh mai dâwn ami,khua a thim mai dâwn" ka em phurh ṭhat paha ka tih chuan alo ding ve vat.





Titi pahin kan in kawng lam panin kan phei dun zêl a,Tharte'i hi Darlawn lama ka ṭhiannu ve ber ania,kan in chhak lawkah hian an in a awm a.Darlawn lama ka awm chuan engpawh ti dâwn se min tel ve ngei ngei zel.





"Zanah lo leng thla la,naktuk maiah ka chhuk leh tawh dawn sia," Tharte'i thei leh theilo a enchho paha ka tih chuan "nia,kalo chhuk ang zan inkhawm itum em," alo tive vat a. "Tum lemlo,zanin chu ka inkhawm lo mai ang,kala insiam bawk siloa" ka tih chuan alo aw ve mai a,ka thil phurh a rih deuh avâng in keipawh kan in lam panin ka chhuk thla vat a.





Inchhung ka lut tur chu ka kalna tur kalo enlo ve bawk nen,ka em phurh lai nen chuan kan tlu dun ta bal mai. "Awi aw...ana em," tih pahin u Tlani kan monu chuan minlo pan vat a,ka chawhmeh phurh ho pawh an let bal hlawm mai, "na lo e" dinchhuah pahin ka ti sep a.





"I kalna tur iva enlo awm em em ve mawle,Bawihtea te kawngka dalna a awm tih te chu ihre reng sia,che phut phut zel suh" kanu in Bawihtea pawm pahin alo ti deuh hlak hlak a.





"I chau em," kapa in alo ti dam diai thung.Kanu hi chu a thinchhe ve hlak hlak sia,a ṭawng phawng phawng zêl a a rilru erawh a chhe hranlo,kapa erawh pa zaidam mi pawisawi hlau êm em a ni thung.





"Iva lo hâwn hnem reuh ve,heta kan eitur pawh a awm nual dâwn anih hi," ka u in chawhmeh bua vel chhar mawlh mawlh pahin ati a.Ka u hian sumo a khalh ṭhin a,Darlawn aṭanga Aizawl a in hlat over loh avâng in a lehlang deuh reng zêl a.Sumo hi kapa hlawh a kan lei ve ngei ania,ka u lehkha zir lama tui vaklo chi ani bawk nen awm mai mai aiah tiin lei an rawt kha ania,a hlawk reuh phian leh nghal a, passenger pawh an full ve reng zêl.





A damloh nikhua emaw anih loh chuan a lehlang deuh reng zêl a,Darlawn lamah a nupui leh fate an awm bawk nen,a ngai ve ṭhin sia chau ṭhin hle Mahse a duhdan zawk ani miau sia.Aizawl lamah kan unau in in kan luah ve a,ka nau erawh pâwl sawmpahnih exam lai anih avâng in arawn chho ve theilo thung.Keipawh trainning lai ka nia,ka pi lung kan phhun dawn avâng a rawn chho kha ania.





"I bal si,va intifai phawt la i pawm dâwn nia" naute pawm ka tum chiah chu kanu in alo ti vin leh deuh hlar tawh.A naute pawm hi Roonie zawk ani tih ka hre thei,a malah hian kutchuk lian vaklo anei a,Daniel erawh in anei velo thung,midang pawn a kutchuk aṭang hian an chhinchhiah fo mai.





"Ni e,va inti fai la chaw kan ei dawn nia," kapa in a tih veleh takah chuan hnial lemlo in ka roomah ka lut vat a.Ka roomah tak hian bathroom a awm ve loh avâng in kanu te room lama bathroom ka hmang mai ṭhin.





Ka inbual tur bathroom ka lut chiah chu ka phone ari deuh ral ral a,ka en chuan Ruata alo ni,Ruata hi ka bialpa ania kum khat vel awrh chauh kanla inzui a.Tunah hian missionary in vairam lamah a thawk mek a,a hna avâng hian ka chhungte pawn min duhpui ve lutuk.





"Aw inbual kalo tum chiah a," phone lâk pahin kati sep a, "naktuk ah hian Aizawl kanlo thleng ang,ka ngai tawh lutuk che,ka thlen veleh kalo leng nghal ang," atih chuan ka nui deuh hak.A bul vel chu ari deuh reng a,a bengchheng reuh tak tak ani.





"Khawnge i awm a," ka tih chuan a hre theilo ni ngei tûr ani, "engtin maw" atih deuh lang lang a. "Khawnge i awm a,ava bengchheng ve" ka ti nawn veleh sep.





"Train chhûngah ka awm a,naktuk dar riat hi ka Flight ania,kalo thlen hunah kalo hrilh leh mai ang che,ṭawng hriat a har emai" atih hnuah ka chhan hma in a off zui nghal a.Kan khaw lamah ka haw chho zawk tih ka hrilh lemlo bawk nen,Aizawl ah ka awm turah a ngai ani ngei ang,mahse naktuk ah ka chhuk tawh dawn tho a hrilh erawh ka tum lo law law.





Phone ah hla play tur ka thlan leh tête hnuah ka thawmhnaw hak lai chu balbawm ah ka dah rih a.Hnathawh thawmhnaw ani bawk nen,Aizawl lama ka kenthlak tur anilo bawk a,naktuk ah machine in lo nuai tîr mai rawh se,hmanhmawh lemlo takin ka lu ka su tête a,ka inbual zo ṭep tih ah kawngka arawn ri bur bur mai.





"Hmangaihzual,em em ṭhin a mutbu pêk i ngai em,bathroom ah hian eng tak nge itih ṭhin le,nangmah in bathroom ah khan i inkhawm ṭhin ami,ipa inkhawm kal aduh chaw kan ei dawn,hmanhmawh ve deuh ṭhin rawh inkhawm zan phei hi chuan," ati leh lang lang tawh kanu hi chu tlangau ah te hian ruai se ka ti ngawt mai.Nitin Tharte'i te inbul aṭang khian han au ṭhin se,a hlawh hnem thei ngawtin ania ka rin,kan vawk a han ankhum tak tak ṭhin phei hi chu rapthlâk tak ani,ruah sur lai pawn ṭek tla ri aiin kanu ang ri a ring zawk.





"Aw ka lo chhuak dawn,minlo eisan mai rawh u" towel a in tuam ṭhat sawk sawk pahin kati ve mai a.Ka phone ka lak hnuah ka room lamah ka phei zui nghal,ka chhûngte pawh an fate ho chaw pe in anlo la buai sap sap khawp mai.Naute a rualin pahnih lawih kan nei bawk sia,kanu lah hi zaidam vak silo hian a keu thei zawng zawng vulh vek hi aduh bawk sia.Vawk,ar mai bakah ui leh zawhte kan nei bawk nen kan chhangchhe thei khawp mai,anu vek ala duh leh ta nghal a,an han hur a fa an nei suau phei hi chu kan in te hi a hîng rum rum zêl hian ka hria.Mahse zawhte note leh uite note duh anlo awm ve zel a,a zia phian mai.





"Hmangaihzual,i inthlak zawh ah kawta kan pangpar ho saw tui va pe ang che,i inkhawm dâwnlo in ka hria,Bella kalsawn rawh i hnawk lutuk," atih zawm nghal zât a.A pet leh kher aniang chu,kan zawhte a miau ring khawp mai.





Hmanhmawh deuhin ka inthlak a,lotion leh cream vel pawh engmah ka hnawih hmanlo,room aṭang chhuak vatin Bawihtea te ka chhaih zuai zuai a.Kal an zir ve ṭan tawh a, Daniel'a zawk hi ala harsat deuh a,Roonie erawh a chak khawp mai,a kal pawh a nghet.





Pawn lamah pangpar tui pekna bucket a awm sa diam avâng in kanu in min hauh leh hma in ka chhuak vat a.U Tlani pawh hi a vin phar nasa thei sia,U Tlani alo fel in kanu mizia a hrechiang tawh bawk nen,a nuih liam san mai mai zel,Darlawn khua tho hi ania an in pawh kan in aṭang a hla em em hranlo.





"Khatin tlêm tête pe suh,i in dive avâng khân kan pangpar te kha an in dive ve kherlo ania," kanu in Bawihtea pawm pahin kawngka aṭang arawn la tizui hram a,Aizawl lama ka chhuk sân in min ngai ber ber ani leh awm tho sia, "a ninawm tui ala khah loh hi,ka theh chhin mai mai anih kha,bakah in dive anti ngai reng reng lo,indiet an tia lawm," ka tih chuan ka thusawi a ngaithla leh duh tawhlo,inchhung lamah a lût leh nghal daih.





"Hmangaihi chu ilo haw chho animo," tih ri ah chuan ka hawichho vat a.UKima alo ding reng,uKima hi kan khaw Pastor fapa ania,a nupui in a uire san tih thawm te ka hre thawi fua a,mahse ka hriatchian loh avâng in engmah ka sawive ngamlo thung.Fa pakhat chiah anla nei hman a,a fanu erawh Api te in lamah a awm phei anih hmel.





"Nia,hei kalo haw na arei ve tawh,naktuk lamah ka chhuk leh ang," ka tih chuan ka bulah alo ding der tawh.Ka bula kan ui Pate'i bawk chu a chhaih a chhaih a,kan ui hi kanu in kan lâk tirhin Pate'i ati deuh tlat a,a hming a hre ve laklawh tawh bawk nen Pate'i kan tive ta tawp a.Ka nau erawh a lungawi lo khawp mai.






"Kar hmasa kha ipi lungphun ani tak e tiro,khuaah ka awmlo a,kalo hre har deuh hlek ani" ati ve sup a. "Aw ni e,khawnge kal itum hrim hrim a,iva in chei ve" ka tih chuan alo dingchhuak ve vat.






"Nia,hei ṭhianpa Mawi'an chaw lo ei rawh ati deuh tlat a,inkhawm kal tur in ka insiam nghal anih hi," atih chuan chhang lemlo in kabu nghat.





"I thil trainning laite ila tluang zêl em," a kal tawh mai dâwn amaw ka tih lai chuan alo tileh deuh sup a, "aw Pathian zarah kala tluang ve zel rih e," ka tih chuan a bu ve nghut nghut tih ka mit sir in kava hmu thei,UKima hi chu a chhelo ve mawle,star tu pawh a ngah viau tih ka hria.Keipawn nupui aneih hma chuan kalo duh ru ve thei lutuk,mahse tûnah chuan ka duh tawhlo aniang,ahma ang khân a bula ka awm pawn engtin mah ka awm tawh ngailo.






"Ka zu kal phawt ange,kan inhmuh tawh loh takin tluang deuhin ikal dâwn nia aw" atih chuan kalo aw ve vat a.A kal chu ka enzui reng ringawt,ahma ai khan a chêr ve deuhin ka hria.





Kanu in minlo hauh leh hma in pangpar tui kape vat vat a,inchhung ka lut chu kanu leh pa leh uTlani te anlo insiam peih der tawh. "I u nen lo awm mai ru aw,i inkhawm dâwn chuanglo a thleng te saw lo sil la," kanu in ati leh zung zung a.Roonie chu a pawm zui nghal zât bawk.






Kanu te inkhawm kal tur chu an chhuak hma riau mai,Tharte'i te in lamah lengkawi an tum deuh te pawh aniang, "Mami ka chhuak lawk dawn ania aw,ka reilo ang" ka u in atih hnuah a chhuak zui veleh nghal daih,mahse keimah a awm ṭhang ka nia,mahni a awm hi anuam ka ti zawk daih.






Phone ah thil en pahin chaw ka ei zui ve nghal mawp mawp a,Bella'i leh Pate'i te pawn chaw anlo ei vek tawh.Ka rin ang ngeiin chaw a pe hnem lehpek khawp mai,kanu hi chuan a duhsak deuh mah mah ṭhin ani,an ei bang hnuk zêl tho sia anni pawh an puar ngang aniang,an mu hle hle tawh mai.





"Awi...henu hi chaw alo la ei,i che hi chu amuang ve mawle tiro," Tharte'in inchhung a lo luh pahin ati deuh hluai a.Kalo nui mai thung,a kuhva ei chu a eitui hmel phian leh ta nghal a,a tep Chuap Chuap mai.





"Awi ka che muang em em pawh anilo,in ka thlen aṭang khan kala ṭhu chawl hmanlo hrim hrim,kanu in min tîr nghal char char," ka tih chuan anui ve har har a.Ka chaw eina bulah alo ṭhu ve reng.





"Inkhawm itum lo ami," a awm ve reng takah chuan kati sep a.Sana ka en chuan dar hmasa rik a hun der tawh,kan in aṭang hian dar ri kan han hre phâlo chiah chiah a,kapa tlai hlau hi a kal hma thei khawp mai.





"Khawm dawnlo e,inu in ka inkhawm dâwnlo tih a hriat khan zu awmpui rawh atia,ka nau leh ka nute nen an inzui chhuak," atih chuan a lawmawm angreng,kan in thlang lawk hi kawngpui ania,Tharte'i te in pawh han chho ve deuh angai a,a reh deuh ruih zel bawk nen Tharte'i lo leng thla chu a lawmawm phian mai.





"I bialpa nen chuan inla tluang zêl maw,ka zawt ang che ka ti ṭhin a,midang anlo awm ve zel sia zawhna hun a awmlo em a," atih chuan kan tluang thu in kalo chhang ve mai a.Thleng sil tur chu atam ati deuh nge "khawi,kalo tleuh anga lo nuai zêl rawh," atih chuan ka nui ver ver.






Thleng sil pahin Ruata nen a kan chanchin chu ka hrilh ve melh melh a,alo haw thu te pawh ka hrilh nghal vek a, Kolkatta ah kan batch ho tour a kan kal laia intawng kan ni nghe nghe,Pathian avâng a ram hla taka a awmbo thei te kha ka ngaisang em em a,amah hi ka zah ani tawp mai.





"In awm em," kawngka lam aṭang a anlo tih takah chuan kan hawi phei vat a.Ka school kal pui ṭhinte lek chu lo ni,a ṭhen nupui neite an ni nuk hlawm tawh a,anlo leng theih pawh ka beisei lo asin mawle.






"Lo kal rawh u,awi inlo kal theih pawh ka ringlo a,kalo beisei ngamlo hrim hrim chu a,in van fel em em" ka ti nghal zung zung a. "Ilo haw hmasak pawh khan kanlo leng thei siloa kan tia,kanlo kal hrâm anih hi" Benjamin'an alo ti vat a,Benjamina tih loh hi chuan kawppui an nei vek tawh.






"Hei Remremi pawh puar ul chunga alo kal ve hram hram hi,naktuk lamah i haw tawh dawn sia kan tia," Benjamina bawk chuan alo tileh a, "nia in vân fel tak,la awm ve reng ru,thleng kanlo sil zo chiah a thingpui te kan in dâwn nia," ka tih chuan min hnial lemlo.





Kan ṭhian ho chuan kan titi deuh mawlh mawlh a,an fate chanchin ringawt ani an sawi hlawm ni,fa la neilo pathum chuan sawi tur kan hreve lo khawp mai,Tharte'i leh Benjamina pawh keimah ang tho in an hawi an hawi mai.






"Awi nakinah fa inla nei ve anga in hrethiam mai ang,ṭawng an han zir a thiam thil an neih hi chuan nu tan chuan a lawmawm ve em a," Remremi chuan ati zung zung a.A fa pahnih na tur apai mek a,Albin'a pawh mipa mah nise a fapa chanchin a sawi a sawi ve mai.






"Tikhan lo inkawm ru aw,thingpui kan lum ange," tih paha ka ding chu Tharte'in minlo zui ve vat a.Kan thingpui chhuang nghah pahin kan titi zui ve mial mial,midang ho pawn min rawn ngaihsak lemlo.






"Sangsanga nên khân inneih te kha in sawi ri ṭan deuhin ka hria,ani em" Tharte'in melh zeuh paha ka tih chuan anui deuh sang a. "Nia kan sawi ve deuh a,mahse keimah ni lam hi kanla in peih chiahlo a,bakah sum kan harsa ve sia,ka inkhawl ve deuh phawt ang ka tia,tûnah chuan ka neih theih rih ka ringlo,ka nute ka nau nen chiah an ni dâwn sia pawisa thawk chhuak tu ber ka ni bawk nen ka kalsan thei rihlo ang" ati ve siam siam a.Ka khawngaih angreng,a mah tak hi chuan pasal neih chu a hreh lemlo tih ka hria,mahse anu te a ngaihtuah vang zawk ani tih ka hrethiam ve nghal mai.






Thingpui hâng leh kurtai chawi chunga kava let leh chuan anlo la titi tui khawp mai.Party lam daih daih ani anlo sawi tawh ni, "aw Remremi chu kuhva ilo hmawm leh hman alaw," nui hak hak a Tharte'in atih chuan anui ve deuh sak a.





"Thingpui leh kuhva ka hmeh pawlh vek thei alâwm," nui uar uar chungin ati heu mai.Ahma ang tho in alo la nui ring reng anih dâwn hi,a naupai vang nge a mum ṭha kûng kûng bawk sia,a hmai te chu a bial kerh mai.





Rei pawh awmlo in thingpui an in zawh ah an phei leh vat a.Remremi phei chu mi inah a mo tawh sia,aleng rei ngam vaklo aniang,ka ṭhiante an haw hnuah Tharte'i nen ka roomah kan inzui lût a.Kala insiam loh avâng in naktuk lama ka ken thlâk tur ka insiam zui mawlh mawlh a,Tharte'i pawn minlo khung pui ve mawlh mawlh.






"Ka lung avan leng leh dâwn tak,i awm loh hi chuan kan khua hi areh ruih ni maiin ka hria,nangmah lo chu midang ka kawm ngai em em bawk siloa," ati ve siam siam a,keipawn ka ngai dawn khawp mai.





Kanu te inkhawm an rawn ban hnu ah Tharte'i a haw chho ve ta chauh a,ka u pawh ka chhuak lawk atih kha alo la let leh lo hrim hrim.Ṭhenawm dawrah a kal leh tawh ani ngei ang.





"UTlan, Daniel'a hi avan nghet lo bik em em,Roonie lah a nghet em em mai bawk sia," Daniel te toys khalh bula ṭhut pahin kati sep a. "Nia,kha Daniel'a khan a chhun che aniang,a ṭuan a muang em em a,a nghet lo chi ve hrim hrim aniang,a piang tlai zawk anih vang te pawh aniang," ati ve duah a.






"I u hi khawnge a awm a," hawikual pahin atih zawm nghat zât. "Ka chhuak lawk dawn e atia,uPatea te dawr lamah a phei aniang," ka tih chuan min chhang tawh lemlo,uPatea leh ka u hi tette aṭang a inkawm chawt an nia,pa an nih hnu thleng pawh hian anla inthlah thei tak tak lo.






"Mate i chawhmeh hâwn tur pawh kan siam fel vek tawh aw,zingah i u sumo chungah kan dah tîr mai dâwn nia" kapa in kan bul lama lo phei pahin ati dam dap a.A tupa chu hmangaih tih hriat tak hian a pawm leh nghal chawt mai.






"I insiam tawh ami," kanu pawn choka lama lo phei pahin ati ve sep a,a ṭawng dam ve phian mai. "Aw siam zo vek tawh," ka tih chuan abu ve nghat mai, "ṭha deuhin va zir leh phawt maila,i nau kha duat rawh aw,exam lai te ani sia,exam zawh veleh lo haw chho lawk rawh se,i thil zir nan pawisa kan seng ṭeuh tih hria la,kan sen thlawn loh nan theihtawp i chhuah dawn nia rei a ngaih tawh loh kha" kanu in ati leh duah a.






Naktuk lama ka chhuah hma dâwn avâng in keipawh ka mu har lemlo,kan sumo a chhuk tur kan ni bawk nen,zin veivah pawh a awlsam phian a,pawisa chawi ngailo ani lehzêl bawk nen kan chhûngkua hrim hrim kan chuan ve hi chuan seat hmalam hi midang pawn min kian ve ziah a.An fel ve ṭhin khawp mai.






Ruata pawn ka Message ala seen mai bawk silo nen ka mutsan ta ringawt a,zingah Pate'i ka room a rawn lut chuan minti harh hlawl mai.A ṭe deuh ngher ngher a,a zun a chhuak amaw a ek a chhuak ani ngei ang,sana ka en chuan dar li leh minute Sawmli panga chiah ala ni.





Zing tho hma chi kani bawk nen ka kawr lum hma phel chu banin Pate'i ka chhuahpui a.Zingkar boruak chu ala vâwt deuh sur leh nghal a,intih harh pahin tiin keipawh pawn lamah ka zir mar deuh ar ar a.Zing ram lama kal tur a chhuak te pawh an inpel suau suau tawh mai.






"Iva tho hma ve mate,thingpui lum la kan in dâwn ami" kapa in arawn tih takah chuan ka lut vat a.Patei pawh a rawn haw veleh mai ka ring,thingpui ka siam rek rek laiin ka Message tone ari deuh khep a.Ka en chuan Ruata Message alo ni.





"Hotel ah kan chawl lawk a,dar ruk ah airport lam panin kan phei ang," tih te mai hi alo nia,a awmdan tur min hrilh thlap thlap ṭhin hian kalo lawm ve veng veng zêl.





Thingpui kapa ka pêk chuan alo ban ve vat a,a phone a thai chho ve niap niap mai.Kanu leh ka u te anlo tho sap sap a,ka bungrua leh ka chawhmeh hâwn tur vel ka u in motor lamah a dah thla nghal vat vat a.Keipawh ka insiam peih fel leh der tawh,chemuang hle mah ila zin dawn vel hi chuan ka hmanhmawh ve thei lutuk.






"Mate ka sawi kha,i nau ṭha deuhin lo enkawl la aw,nangpawh fimkhur viau la,che phut phut zel lo la,nakinah chawhmeh te pawh kanlo thawn reng ang che u,in ngeih deuhin lo awm ula,i nau kha duat la aw" kanu in ati mawlh mawlh a.






"Ka duat lutuk,eirawng bâwl pawh keimah vêkin alawm ti ṭhin,zing leh tlaiah ka bâwl a,thleng asil a chu zawng chu animai,min zahlo thei em alawm" ka ti a.





"Nia,i nau pawh kanlo hrilh ve ang," atih chuan ka chhang tawh lemlo, passengers anlo kal khâwm nak nak a.Kan kal hma in Bawihtea te sumo awmna thleng ka pawm a,ka ngai dawn reuh tak tak ani,bungrua vel an load zung zung a,rei awmlo in sumo chhûngah chuan kan ṭhu lut vat.





"Mate anih aw,tluang deuhin kal ula,ka sawi kha aw" kanu in ati deuh mawlh mawlh a, "Bawiha tlân chak vut vut lo ula," kapa in alo tive vat,kan in mangṭha hnuah kan tlanchhuak vat a.Kan khua ka chhuahsan tur leh kanu leh pa ka kalsan tur chu ka hnuk a ulh ve ṭep ani,Tharte'in nizan lamah zinga min thlah hmanloh tur thu asawi tawh tho a,ka hmulo chu mak kati hranlo a hna hi zînga thawh ngai chi ani ve bawk sia ka hrethiam lutuk.





Ka u leh midang ho chu an titi siam siam a,ka u ṭawng duh chi ani bawk nen a motor khalh a an chuan Duh chhan pawh hi ani ve pakhat a.Kei erawh earphone vuah in hla ka ngaithla daih thung,ka nau kan chhuah tawh thu pawh ka hrilh lemlo,vawiin an exam ni ani bawk nen phone a khawih leh theih pawh ka ringlo.





Kan tlan vang vang hnuah hotel ah chaw kan ei a,ka chaw ei man pawh ka u in min pêk sak vek.Haw leh tur anih avang erawh in kan ding rei hranlo,zun ram thiar a kan ding zeuh te anih loh chuan kan tlan deuh par par bawk nen Aizawl pawh kan thleng har lemlo khawp mai.






Ka u sumo dinna ah midang zawng an chhuk a,kan in luah na thleng kei erawh ka u in min thlah thlap thung.Ka nau pawh alo bang tawh ani ngei ang,in aṭang alo chhuak ve chiah a,bungrua vel kan hlan thlâk zawh ah ka u pawh inchhung lamah arawn lût tawh lemlo,midang in an nghak ve reng bawk nen keini pawn kan chelh lui lo.






Kan unau in ka bungrua vel kan thiar thla zung zung a, "vawiin lam exam iti ṭha em," ka tih chuan "a pangai" tih zawng in min chhang,ka nau hi kan unau zîngah lehkha a thiam thei ber a.Ka fakna lam nilo se top ten ah alang ve ziah a,tûnah pawh hian a lan leh ka ring ve tawp a.





"I inbual duh chuan tuilum a awm ania,chaw pawh a awm" atih chuan kabu nghat a,ṭhuthleng ah thatchhe zetin ka ṭhu awn duai duai mai.Ka nute ka thlen tawh thu ka hrilh hnuah pawh chuan kala thochhuak peihlo,kan in luah hi azau ve angreng hle a,ka nu leh pate an rawn zin ve reng bawk nen a zau lampang kha pawi kan tilo zawk a.Room pawh a a nual a,mahse a luah man erawh ato ve khawp mai,kan khawsa ve naw naw rih ani,ka thil zir hi ka zawh hunah chuan hlawh te ka nei ve anga kan khawsak pawh a zia ve deuh ang.





Chapter-1 na hi chu a boring deuh maithei a,chuan story hi ka lo dah regu dâwn bawk e awa tawp thleng in minlo chhiar sak veleh hram ula


Show post links
Top

[Ngaia]

Chapter-2

HMANGAIHZUALI POV



"U tho tawh la,chaw ei ang" ka nau in minlo sawi dat dat paha atih chuan ka meng ve riai riai a.Ṭhuthleng a kalo mu mai mai kha kalo muhil tlang daih chu niin,sana ka en chuan dar nga ari thuak tawh.





Ka nau in chaw ei alo siam fel diam tawh a, "naktuk chu lehkha zir chawlh kan nei a,naktip ah subject pakhat kan exam leh anga kan zo animai," chaw bar mawlh mawlh pahin Omom'in ati siam siam a.





"Naktip ah chuan eng subject nge intih dawn," kalo tive deuh sep. "Science" alo ti awlsam et a,a subject awl tih ber ani bawk nen ka ngaihtuah hranlo. "Hriatloh ineih chuan min zâwt dawn nia," ka tive ta tho a.





"Ei thleng vel chu kalo seng fel mai ang,lehkha va zir rawh" chaw a eikham hnuah pawh a awm ve tak rengah chuan kati a. "Exam zawh ah ka haw chho ve lawk dawn ania,kalo pass hlauh chuan college heti lamah ka zawm leh mai ang," atih chuan kabu nghat.





"Nia,han awm thawveng ve rawh,kanu pawn a exam zawh ah lo chho rawh se ati hrim hrim a, college chu kal duhna bik te inei em," tih pahin thleng ka seng fel zung zung a, "nei lemlo, Dorothy nen a in ang a kal kan duh a,kanla thlang fel thei rihlo" atih chuan ka chhang chhunzawm tawh lemlo.Dorothy hi kan inah pawh alo hruai fo tawh a,an inkawm ve nasa tih ka hria,an hmel te pawh a in ang reuh lutuk.





"Lehkha kava zir leh phawt ange," atih hnuah a room ah a lut zui nghal a.Thleng ka sil zawh ah keipawh awm khawmuang tawhlo in ka intifai sawk sawk a,Ruata lah chu ala reh vang vang mai bawk sia,anla thleng lo nge mawni.





Naktuk ah damdawiin lamah nileng in hun hman angai leh tûr chu ka huphurh ru khawp mai.Ka trainning puite ho zingah a thiam thei pâwl ka nive a,in zaina room ah pawh min luh tîr ve zeuh zeuh tawh.





Vawiin lam ka motor chuan na ka chau deuh nge ka meng hleithei tlat lo,mutchhuak in min rawn zem leh chiai chiai a.Ka nau thil chhiar ri pawh ka hre pha reng,meng luih ka tum ngial pawn ka theilo,ka phone ka khum bulah dah in ka mu ta nge nge a.




************

"U,damdawiin lamah i kal dawnlo ami," ka nau in min sawi dat dat paha atih chuan ka harh chiang khawp mai.Sana ka en a,dar nga vel chiah ala ni,thawh ka hai amaw ka ti hman a,ka nau in min kaitho lo se chuan ka tlai ngei ngei ang.





Hmai ka phih hnuah eirawng ka bâwl a,Ruata Message pawh alo awm leh vang tawh.Nizan a minlo call na a awm nual a,kalo hrelo ani ngei ang,Aizawl alo thlen tawh thu leh a hman veleh a alo len tur thu asawi a.Ka reply hnuah chaw ka eizui nghal,ka nau school lamah a kal dawnlo bawk a,ala hma bawk nen a eipeih ka rinloh vang ani.Room lamah a awm deuh chawt bawk sia,tih buai ka duh lemlo.





Trainning lai ni mah ila form kan ha ve deuh ṭhlap a.Mahse damdawiin kan thlen hnuah kan inthlak mai ṭhin, "Om'i ka kal ania aw,lehkha lo zir ṭha la," ring ve angreng taka ka tih chuan "aw" alo tive mai a.





Kan in luah na chhak lawk hi taxi stand ania,a remchang phian mai,mahse nitin kal chuan pawisa erawh a hek duh khawp mai.Haw lamah chuan ka ṭhiannu Adeline'in min thlah haw chang a ngah a,lirthei alo nei bawk nen a remchang phian a,hnial ve ṭhin mah ila ani hi zawng a duhdan anih tawh chuan tuman an dang theilo.





Taxi stand ka thlen chuan ka vannei khawp mai, passengers dang anlo awm nual tawh a.Pakhat chuan theihna chiah chiah alo awm tawh, "civil hospital lamah aw" tih paha ka pan phei chuan lût tûrin minlo tivat a.





Kan tlanchhuak deuh chiah tih ah ka phone ari deuh ral ral a,minlo call tu chu Ruata bawk ani, "aw hello" ring vaklo chuan kati sep a. "Damdawiin lamah ikal tawh em," alo ti ṭial ruai a,a mut a chhuah hmel lutuk ringawt.





"Aw ka kal dawn chiah," ka ti ṭha veleh mai a. "Zan velah kalo leng phei ang,i phal chuan" atih hnuah thawm ari zui sat sat a. "Phal e,ilo leng dâwn nia" ka ti ve mai a,anu nen an inbia nge nutling ṭawng lawng lawng thawm te a awm nuk mai.





"Zanah chuan kalo kal ang,ka dah phawt ang aw,hei inlêng an awm sia" atih chuan kalo aw ve vat.Keipawh damdawiin bulah ka chhuk a,pawisa te ka pêk leh tête hnuah damdawiin lam panin ka pen chho nghal pawk pawk.





Keimah ni batch bik timai ila,kan batch ho hi chu kan vânnei a,Mizoram lama kan zir hma in vai ramah kûm hnih dawn kan zir hrep tawh bawk nen,inzai na room velah pawh kan lut ve zeuh zeuh tawh a.Keini ai junior anlo awm veleh zêl bawk nen,anni erawh Mizoram lamah chiah zir anni bawk a,class anla la thlap thlap thung,kan batch ho bik hi chuan doctor hnung zui leh kan senior te hnung zui kha kan tih dan ani rih tawh mai a,tun kum chhûng zawng kala nei ka tive ringawt a.Kan batch bik chu kanlo zo ve ṭep tawh mai,chuvang te pawh chu aniang an buai zual ni phei chuan damlo serious em em lo chu kan kutah te pawh an dah ve ngam tawh.Mahse doctor pakhat tal in min vêng ziah thung.





Kan inthlak na room ka thlen chuan Adeline'i alo la thlenglo ani ngei ang,a locker pawh ala in kalh form la chhuak in ka inthlak zung zung a.Midang pawh anlo thleng ve nual tawh,ka in peih fel deuh chiah tih ah ka ṭhiannu pawh thlan hluam in alo thleng ve ta nge nge a, "traffic a jam nasa lutuk a,awi ka thi lo chauh" tih pahin a locker a hawng zui nghal rawk rawk mai.






"Midang hi an kal vek tawh ami,pawilo kan in partner tho,e chuan taka doctor Rinpuia kan zui dâwn a,ani pawh kalo thlen khan alo thleng ve deuh chiah,hmanhmawh vaklo ang," inthlak pahin a ti zui zât zat mai.





"Keichu hlawh kan neih ve hun tur mawlh hi ka nghakhlel,tihian kan thawk ve thei ṭep tawh chu ani mai sia,mahse zan lama duty ngai tur ber hi ni ka peihloh chu,nang chu keiai ila huai zawk tal a,ICU lamah te hian min duty tîr ang tih ania ka hlauh,thlarau an inpel suau suau hian ka ring tlat" inthlak na room aṭang a chhuah pahin ati leh zat zat tawh.






Adeline'i hi chu ngaina lo pawh hi an awm ka ringlo,amah te hian ate ve reuh sia,aṭawng duh in a mawng azang si a.Keipawn kan inhmuh tirh aṭang phat in ka nel nghal a,vairam lama kan zirlai pawh khan Adeline'i nên hian kan in roomate char char, "hawh saw midang bulah sawn va awm ve ang, doctor Rinpui'a alo phei ṭep ang" ka tih takah chuan alo aw ve mai a.





Kan khaw lam chanchin ringawt min zâwt leh tawh,engtik ah emaw chuan kala hruai ve ngei ngei ang.Alo zin ve chak sia asawi ve ziah a,ka u sumo service lai ngei hian la hruai ve ila aṭha ang.






"Zonunthari leh Malsawmdawnga te inzai na roomah minlo zui lut ru," rum lam lek lek a tih ri kan hriat chuan Zonunthari leh Malsawmdawnga nilo mah ila kan hawi nghal ṭhap mai.





A coat hak dan aṭang doctor senior lampang ani tih ka hre nghal chat thei,mask a vuah avâng in a hmel erawh ka hmu chiang theilo thung.A mit chu apa in analh takzet,a hawikual thuak thuak a,kan lam alo hawi chuan kalo zak ve em em ringawt,Zonuni leh Sâwma pawh ding chhuak vatin doctor chu an zui vat a,an kal liam thleng chu ka enzui reng.





Kan bul ami te pawh chuan anlo en ve ni ngei tûr ani,a kal hnu pawh chuan an phun zui sap sap a, "in zaina room te atih danah kha chuan surgery lam doctor anih hmel sia,avan hmelṭhat hmel em em a mitmeng amawi tawp," Adeline'i pawn alo tive ta chiah reng a,kei erawh chuan engmah ka sawi ve lemlo.





Doctor Rinpuia alo thlen takah chuan keini pawh kan ding ve vat a.Doctor hmasa pa anglo tak khan ani erawh a nelawm hle a,anui deuh sang reng mai.





Ward D lamah kan pathum in kan inzui phei a,nau neih na ward lampang ani bawk a,naute an ṭap ri chuah chuah mai, "nau pakhat tal in chhar tawh em," kan lama lo hawi pahin doctor Rinpui'a ati hlawl a. "Chhar lo,in zaina lampang ah bak kanla kal chhin lo a" kalo tivat a.






"Vawiin chu nau neihna room lamah inlo lut ve ang, Adeline'i doctor Sangpuii bulah i phei dâwn nia,Hmangaihi ka bulah" doctor Rinpui'an atih chuan kan bu deuh nghat nghat a.





Nau nei tûr chu an tam ngang mai,a vei mek te a ṭhen anlo in dâwm kun deuh tluk tluk a,a ṭhen nei zo hlim tih hriat takin anlo nawr chhuak mek bawk a.Doctor Rinpuia nen chuan room lamah kan inzui lût vat.





Tuna kan nau chhar tur nu chu ala naupang hle tih a hriat,chuan a au ring hle bawk,a fa pakhat na ni ngei tûr ani. "Alu alang e,kapi sang leh vak rawh" Doctor Rinpui'an atih chuan "ipi rual ka nilo" pakhat lah chuan ati vin deuh hlar bawk sia,nau avei nat lai pawn kapi tih chu a duhlo ve khawp mai.





"Aw,aw alo chhuak dawn Mami han sang leh vak teh" doctor in atih leh takah chuan theih tawp in asang ta vak a.Naute pawh alo chhuak zawt mai,ka rinai in nau a harlo, "Hmangaih a lai hi lo chep rawh le,a in hliam ve nual a,a ṭhui dan ka hrilh ang che u" atih chuan ka phei ve vat a.Mahse min koh thut bawk sia ka zam chhe der mai, "hlauh tur a awmlo ania,lo ti vat vat rawh" atih takah chuan nau lai cheh dan te chu kan zir vek tawh bawk nen,ka zamna paih bo hram hrâm in kava ti ta nge nge a, "aṭha lutuk kha kha animai,i thiam lutuk" atih chuan ka thaw huai thei.






"Naute hi va tifai rawh" tih paha minlo pêk chuan ka ban ve vat a.Ka rinai in a bal phian mai,mipa ah chuan a ngo pâwl tak ani,nau an pai laiin sex an hmang nasa ve deuh ni ngei tûr ani,nau pai laia sex an hman nasat hian naute hi an bal duh khawp mai a,ka naute pawm lah chu aṭap uar nasa mai bawk sia.





Ka tih fai thuak thuak hnuah a nu awmna lamah ka phei a.a hliam vel anlo ṭhui mek, "naute kha anu ipe thei tawh ang," a lu bûk nghut paha Doctor in atih chuan a nu bulah ka pawm phei a,a fapa ahmu chu anui ve ver ver mai.





Ka naute chhar hmasak ber ani bawk nen hmelṭha hi ka tive hliah hliah mai ni,anu kan nawr chhuah lai chuan a chhûngte niâwm tak hian pâwnah anlo nghâk deuh ṭhup a.A mutna tur vel ka buaipui fel vek hnuah doctor Rinpuia awmna lamah ka phei leh vat a.






"Tikha chuan emergency ah pawh nau chhar chu i thiam tawh mai dâwn anih kha," min nuih vur vur paha atih chuan ka nui ve sak.Ka ṭhiannu pawh room pakhat aṭang nui vur vur chungin patient pakhat arawn nawr chhuak a,a hmel chu a in chhuah hmel lutuk ringawt.






"Keichu nau neihna ward lamah ka duty chawt angai dawn a,ward pangai lamah va phei rawh u,damlo drip thlâk ngai te an awm nual ang,sawti lampang saw an indaih lo ve thei sia,va pui rawh u ala hma emai," doctor berin atih takah chuan Adeline'i nên kan inzui phei a.






"Zanin ah Ruata alo leng dâwn asin," ka ti chiah chu a meng phâwk khawp mai. "Tak tak ami,awi engtin vairam ah khan ala awm amaw ka tia," ati deuh hluai a,Ruata leh Adeline'i hi keiai an inhre hmasa daih a, Adeline'i min tih pui hi ani bawk.





"Nia,chawlh kala a,kalo chho lawk atia" ka tih chuan anui deuh ver ver a, "lo be ṭha hle rawh,i pasal turah dah tawp la,Ruata te chu fel hmel em kha" ati ve sep sep a,ka chhang zui tawh lemlo.





Kan batch dang ho nen kan intawk leh zeuh ṭhin a,mak tak maiin nichina surgeon doctor kha hmuh leh ka chak deuh tlat,mahse Adeline'i erawh engmah ka hrilh lemlo,bialpa ka nei tih a hria a min ngai khawlo lutuk palh ang.





"Hawh hetah hian ṭhu ang,damlo min mamawh deuh an awm chuan a hriat theih tho,vawiin chu class kan la mumal dâwn chuanglo" Adeline'in atih takah chuan a bula ṭhutna awmah chuan ka ṭhu ve mai a.





"Kum thum vel dawn lai kan trainning a,engkim kan zir ve vek tawh a,min ring ngamlo hi ka tia,exam ah lah nise kan pass ve zel tho sia,ngatinge nge maw thla nga dang hi trainning an tih leh kher ni,a ho ka ti tawp keini phei chu nau chhar na ward lama duty tam ber tur kan nia, surgery ho ai pawn kan thiam daih ang chu hlawh neih vat vat ka chak ka ning a" Adeline'in ati leh deuh duah a.A thin te hi a chhe ve reuh sia,a nuihzatthlâk zawk.





"Aw hetia trainning thla nga kan neih leh hian aṭha mai alawm,kan thiam chiang dâwn tihna animai a" nuih têt tet paha ka tih chuan ala lungawi lo nasa mai, "trainning anti rei lutuk a,damdawi hming pawh ka hriat pawlh hman vek dawn" atih chuan ka nui deuh hak.






Nileng in eng eng emaw tiin damdawiin lamah hun kan hmang zo veleh mai a, Adeline'in min thlah dâwn avâng in kan chhuk thla rual a.Step a kan pen thla chu nichina surgeon doctor pa nên khân kan intawk leh hlawl mai,ka mitah chiang zetin min melh kar a,a mitmeng chu mawi tak ani,chuan a mit bulah khuavang amawi tawk lekin anei bawk.






"Ruatfel,iva hmanhmawh ve,minlo nghak rawh ka tih kha" tih pahin step ah doctor Mangur'i arawn chho ve chiah a, doctor Mangur'i leh ka hma a ding mek pa hi kan senior te veve ani tih ka hai hauhlo.





"Adeline'i leh Hmangaihi chu,in haw dawn tawh ami" doctor Mangur'i chuan min hmuh rualin ati sep a,anui sang bawk min hriat chhan pawh kan class ah arawn kal tawh miau a.





"Nia hei kan va haw tawh ange,min release tawh bawk a" Adeline'i zawk chuan alo tivat a,ka hma a ding pa lah chu ameng rum nasa tawh mai sia, Adeline'i awmna lamah ka tawlh phei hret hret a.Chupa pawh chu arawn pen chho ve mai a,min kalpel dâwn a a kut in ka kut a dik chuan ka lum deuh pup mai,eng vanga zam chhe em em nge maw ka nih le.





"Va phei rawh u,keipawh kan kal ange" UMagur'in atih ri ka hriat chuan ka harhchhuak zawk, Adeline'i chuan ka kutah alo vuan a,step ah chuan min chhuk thlâk pui deuh pawk pawk.





"Awi!!engtin nge kalo hriat loh theih zawk,khapa kha UMagur'in Ruatfel atih khan ka hre chiah,ahma pawn ka hmu tawh reng sia,apa pawh hi doctor tho ania hemi damdawi inah hian a thawk ve tho,awi pafa a doctor nih veve chu avan nuam dawn tak,an senior veve tawh dawn sia ngaihtuah teh an hlawh hnem tur zia chu" kut zaizir meuha ṭawng pahin ati hluai a.





"Awi iho emai,min va thlah vat vat la min thlah dâwn chuan,i haw na tur a tlai vek palh ang" ka tih chuan a helmet a khum ṭha sat sat a,amah te chuan ala phun bul bul maiin ka hria.





Adeline'in kan inkawt thleng min thlah a,a tlai ve deuh tawh avang in ani erawh alo lut velo thung,inchhung ka lut kawngka ka hawng chiah chu ka meng deuh kawk thei, "engtin!!" Ka tichhuak deuh halh a.Ka awi theilo zawk,engtin nge alo awm ringawt theih!!





Chapter-2 pawh ala boring deuh maithei a,mahse a ngaihnawm chho ve zel turah ngai ang awkalo regu em em dâwn tih hre phawt ila


Show post links
Top

[Ngaia]

Chapter-3


HMANGAIHZUALI POV

"Awiha!Ruata,ilo vân kal hma,ka tih awmzia zawk chu engtin nge kan in awmna te i hriat theih a" a lama phei pahin kati deuh hluai a. "Duh ber te awmna chu ngatinge kan hriat loh ang,tak tak in mi kalo zawt phei alawm" atih chuan kabu nghat a,ka nau lah chu aṭhu hla mai bawk sia,Ruata ṭhuthleng a a ṭhut laiin ani erawh bathroom bul daih ah ani a ṭhut ni.





"Ka bag vel hi kan dah lut lawk ang aw,lo ṭhu lawk rawh,thingpui te kan lum dâwn nia" ka tih takah chuan alo aw ve vat a.Room a ka lut chu ka nau in minlo zui lut vat, "u saw saw maw Ruata itih ve ziah chu,pangpar kuhmum avan ang em em,alo luh tirh aṭang mi a melh deuh ang zawk zawk a,a hur hmel si ka milh lo nghal ringawt,Hmangaihzuali te in ani em atih khan in diklo zawkah alut amaw ka tia,mahse i thil trainning zawng zawng nên a hre vek sia" ati nghal zât zat a.





"Ringawt zel a,khatin mi an ti ringawt ngailo,lehkha va zir rawh naktuk exam in neih kha," ka tih takah chuan a chhuak ve mai a.Keipawh rei awmlo in ka chhuak zui ve nghal, "i chau viau lo maw,kawng athui ropui sia" a bula ṭhut paha ka tih chuan alo nui deuh suk a.





"Ka hmu che a ka hahdam nghal vek thei," ka kut hmer vang vang paha atih chuan ka nui ve deuh sang a, "engtik ah nge haw thlâk leh itum" ka tih chuan a ngawi deuh vung vung a, "ka la hre chianglo,tih fel tur neuh neuh ala tam ve a,ka zawh fel vek hnuah ka chhuk chauh ang,thla khat dâwn leave kala a" ati deuh sup a.





"Thingpui kan lum ang aw," tih paha thawh mai ka tum chuan minlo dang vat a. "Thil kalo kal hma in ka ei a,kala puar rih lutuk," tih pahin a mal chungah min pawt ṭhu a, "kan inhmuh loh kârah ilo hmelṭha zual sawt anih hi," ka biang chul thuak paha atih chuan ka ṭhen ve deuh sak a.





"Zantin ka awm chhûng chu lo leng ta ila min ning angem," atih chuan kalu ka thing vat. "I duh duh hunah ilo kal thei alâwm," tih pahin a sam ka chûl sak thuak thuak a.A hma ṭang sam a chûl nuam atih zia ka hria a,ka bula a awm hi chuan a inla naute thei lutuk.





"In rawngbawl na lam te a tluang zêl em,ring thar te in nei belh zêl lo maw" ka tih chuan abu ve nghut nghut a. "Baptistma chang hi chu an tam a,mahse lo inkhawm zui peih hi chu an tlem thei khawp mai, baptisma an chan hian vanram kai turah an indah ringawt zel a," ati ve dap dap a.





A mal chung aṭang min hlang thla in ka lamah arawn awn deuh riai riai a,ka hmuiah alo fawp deuh vang vang a. "Ka ngai tawh lutuk," ati deuh sup a,ka hmuiah bawk alo fawp leh deuh vang vang,a kut lah chu a dah hle hle thei bawk siloa.Ka taksa ah a vahkual tîr deuh reng a.





"Loks,Ruat kan kal thui hma in duhtawk ang," ka tih chuan a thaw deuh halh halh a. "Hmangaih,rawngbawltu ka ni tih i hria tiro" ka mita min en kal pahin ati a. "Aw hria e," kalo tive vat.





"Rawngbawltu ni mah ila mihring ve tho ka nia,tisa chakna ka neilo theilo,mipa hrisel ṭha tak ka nia,insum harsa ka tive ṭhin,khawngaih in i bula ka awmlai tal hi chuan min danglo thei angem" atih chuan mak ti zetin ka melh deuh tlawk tlawk.Ka lo zah rûk ve em em nate kha an bo nghal duak ni maiin ka hria.






"Nia,mahse inneih hma chuan ka duhlo," lungawi vaklo in ka ti deuh hmak a,hmeichhe khawlo deuh ang ah minlo ngai ang tih te ka hlau ang reng.





"Immm ka hrethiam e,ka tihpalh anih kha" ṭha deuhin ati veleh ta tho a. "Kava phei phawt ang,zan dangah kalo leng leh mai ang," atih chuan ka ding ve vat a,pawn thleng ka thlah a,ṭha deuh chuan kan in thlah veleh mai a,mahse a lungawi chiahlo chuan ka hria.





"Omi chaw i ei tawh êm," ka nau room kik dat dat paha ka tih chuan "ei tawh,i bialpa kuh mum a lo thlen hma khan ka eifel vek tawh alawm," atih chuan ka room lamah ka lut a,ka inthlak fel leh tête hnuah ka phone ban nghal zâtin choka lamah ka phei a.





Ka nau hi eirawng bâwl thiam over anilo a,a bawl ve pawh hian alu kan leh dal kan hi asiam a nimai a,bai vel phei hi chu a siam chu a thiam na a asiam tuilo thei khawp mai a.Ka haw tlai hi chuan eirawng te pawh hi a thiam ang tawk chuan alo bâwl ve ṭhin,chawhmeh a awm loh em avang in noodles vel ka chhum ta ringawt a,hrisel viau lo mahse chawhmeh a tuiloh hi chuan ei a har ve em ani.





"U keichu college kal ka peih tawhlo e...lehkha zir hi ka ning tawh,sawmpahnih zawh ah hian thil ka zir daih dâwn amawni le" chaw ka ei mawlh mawlh laiin ka nau in alo ti deuh hluai a.





"Sawmpahnih i zo tawh mai dâwn a,ti hram hram rawh tun ang laiah lehkha thiam tak tak hna hmulo an tam em hi,B.A tal chu zo hram rawh" ka tih chuan a hmel a pe chhe khawp mai, "sawmpahnih zawh ah zir duh te inei hrim hrim ami" en deuh hâ paha ka tih chuan a ngawih deuh vang vang a.





"Zir duh em em pawh ka nei hranlo,ka thil zir duh ah hian kala chiang theilo,medical line lamah kal dawn ila thisen ka hlau bawk sia,law zir dâwn lahin Mizoram chhûngah chuan college degree tal neih angai bawk si,Sawrkar hna ka duh ve tlat bawk sia" atih chuan ka thaw deuh hak.





"Tunah pawh i tum ila chuan loh chuan ava buaithlâk duh awm ve,tum nei ranin lehkha ilo zir ve char char amaw ka tia,nih tum nghet tak nei tawh rawh,college chu B.A tal zo la ila naupang a,Law te chu college zawh ah izir mai dâwn alawm,nang phei chu lehkha i thiam theiin i fing ropui sia,history nuam iti tho bawk a law te chu izir thei hrim hrim ang,izir hunah te phei chuan hlawh kalo nei ve tawh anga,keiman i zir na senso chu ka tum vek ang" ka tih chuan a in ngaihtuah ve ani ngei ang.





"E nia tiro,law chu ka tan aṭha berin ka hria,u hlawh nei vat vat rawh duh leh mamawh ka ngah teh mai ania,ka nute bulah pawh ka sawi ngamlo,ka sawi chuan lei leh ngei ngei an tum anga,Bawihtea te an awm ve tawh bawk nen kan harsa lutuk palh ang,inluah man electric bill an mahni tum vek ala ni bawk sia" ati deuh hluai a.A puitling ve tawh khawp mai, "kava en nawn leh thuak thuak ange," atih hnuah a room lamah a phei veleh mai a,ka nau hi keiai pawn alian in asang zawk a,asa pawh a ṭha nelh nawlh khawp a,kan khaw lamah pawh gas la tu berah kanu ten an hmang ṭhin.





Ka chaw eina vel ka tih fel thuak thuak hnuah inbual tûrin ka room lamah ka phei a,bal viau lo mah ila inbual loh hi chuan mut ahar ka ti deuh tlat.





Kapa hi tunah kan khaw school pakhat ah Zirtirtu in a thawk ve a,sing khat leh tlem a hlawh ve a,kan khua ah chuan School lian ve ber alo nibawk nen kapa kum lama upa tawh tih takah an khawngaih ve a,a hlawh pawh midang aiin a tam zawk,ka u sumo khalh ah hian passenger pakhat chuan man zathum sawm nga ania,sumo service hi kan khuaah an tam ve tawh bawk nen ka u hi a ti tlawm ber pâwl ani.





Lu su lo a in tleuh thuak thuak kani bawk a,ka inbual rei hranlo,kan khaw lamah ka haw hian ka inbual rei theih nen Aizawl lamah duhtawk a reia ka inbual theih lai lahin ka inbual zo hma thei phian ang lawi a.





Ka inthlak zo ka hmaia thil ka hnawih hliau hliau laiin ka phone ari deuh ral ral a,caller id ka en chuan Adeline'i call ani.





"Enteh Hmangaihzual,naktuk chu kalo sâwm ang che minlo nghak rawh aw,group kha i en em miss Hmingmawi'in damdawiin lam an indaih loh avâng in duty turin min release dâwn atih kha,mahse an thlang dâwn atia,nang chu itel sa keimah ni bik rau rau ah a thiam ve ber kha ini sia," ati deuh zât zat a group kalo la en miahlo a.






"Ka inbual zo chiah alawm,group reng reng en hman in ka khawsa lo,ka haw kha Ruata alo ṭhu reng a,mak ka tih zia chu a haw veleh chaw ka ei a,ka inbual zo a ka hman ve chiah anih hi" ka tih chuan anui deuh ar ar mai.






"Awi Ruata chu ka hmuh ve chak nen,alo haw tih thu pawh engmah min hrilh velo a,ka hmuh hun hun ah ka hau ang," ati leh deuh zat zat.





"Kan ṭhian ho group bikah khan hrem doctor Ruatfela bula kal Sawmdawnga kha a che chhia aniang,uRuatfela a thinrim lutuk an tia,step a kan tawh pawn a men rum em kha," atih chuan a hmel kha ka mitthla ah alo lang leh uar uar mai.A mask phen a a mitmeng rum tak te kha,a bula kal nih a hreawm viau ang ka ring.





"Sawmdawnga te chu keimah ni bikah pawh tlêm a harsa ti deuh kha ania,a tirah pawh amah pawn ka zo thei dâwn amawni leh atih reng kha,a khawngaihthalk e a, doctor Ruatfela kha a sual hmel kati" ka tive duah a.





"Nia tiro,mahse sual mahse ala hmelṭha tal a azia,hmelchhe si sual bawk hi chu a rapthlâk kati emai," nuih uar uar pahin ati leh tawh,henu hi chu a mak thei ania.





"Ka dah dâwn,vawiin a min guide tu doctor khan lo in en ṭha leh rawh min tia,kan chhiar leh thuak thuak ange" atih chuan "aw keipawh lehkhabu kan chhiar ange," ka tih hnuah kan in mangṭha leh tête a call kan dah zui nghal.





Ruata ka inbual hma a ka text na Message ala chhang mang siloa,ala buai ni turah ka ngai,phone dahin medical lampang lehkhabu ka chhiar a,duty chu ka chak ve reuh khawp mai.Kan hna hi hahthlâk dâwn hle mahse hemi zir tur hian science kala ve ngat ngat sia,tûnah chuan kanlo zo ve ta ṭep mai chu ania amak rum rum zawk.





Lehkhabu chhiar hi chuan mut hi a chhuak thei ropui si,phone khawih ila ka meng leh kur awm tho sia,ka thil chhiar lai chu ka chhiar pawlh deuh nuai mai,muthlu chunga chhiar hi chuan thiam hi ahar ve alawm,ka chhiar laklawh laiah Mithun-a te anlo tel leh ṭhin a.Thil chhiar lai hi chuan ho deuh deuh hi rilru ah alut duh ropui si.





"In awm em," tih paha kawngka an rawn sawi deuh dat dat chuan ka harh chiang khawp mai,ka nau room hi kawngka hnaih zawkah a awm a.Ka room nen a in opposite chiah a,ka room erawh sitting room hnunglam ah daih a awm thung.





Ka nau a dawi chi tih takah ka rin ang ngeiin a hlau chu ka room kawngka bulah alo ding zum leh zat tawh,ka phone hum ran chungin kawngka lamah ka phei a.Kawngka ka hawng chu kan in neitupa fapa lek chu niin, "aw uṬpa chu eng nge nive teh mial a," ṭha deuh chuan ka tive mai a.A rim lah chu atak zêk leh nghal a,zu rim anam hum hum mai.






"Hmangaih,khawmaw za minlo hman tîr lawk teh," atih chuan ka nau in ka bânah a hmer nghet tawh khawp mai. "Ngatan nge itih a,keipawn ka nei bik vaklo asin," ka tih lahin sitting room lamah a phei a,aṭhu deuh tlat bawk sia,uṬpa hian nupui anei tawh a,a nupui leh a fapa a ruih san reng mai bawk sia,a nu leh pa erawh mifel tak anni thung.





A haw leh lawk dawnlo a ka hriat avang in ka room lamah lutuk za chu ka pe leh ta nge nge a, "ka lawm e aw" tih paha ading chiah chu kawngka lam aṭang, "Lalṭanpui,hetah ilo kal leh tawh alaw,zu kal ziah suh ka ti ani lâwm ni,an hlau ang che" tih pahin nu Ram'in a bengah a pawt ta mai.Anu hi chu zu a ruih chang pawh hian engtin mah ati ngam ngailo,a zah thiam ve lutuk.






"Kha khawia pawisa nge,idil leh tawh animo,Hmangaih alo kal pawn pawisa lo pe tawh rere suh u aw,ani hi zawng a buaithlâk em mai a,kan thiamloh ani lo hrethiam hrâm mai ru aw,pawisa kha pe rawh" nu Ram'in ati deuh lang lang a.A ṭawng ring ang reng sia,kan inhau amaw anlo ti palh ang tih ka hlau angreng hle.





"Nia aw a pawilo," kalo ti zawi deuh sep a.Pawisa min pêk pawh chu keipawn kalo la ve vat,an chhuak chu pawn thleng kan umzui a, "kawngka kalh daih rawh u,in unau chiah in ni sia,mi anlo lût palh ang buaina in tawh chuan zanlai pawh nise min lo kaitho hreh miah su aw," ati deuh siam siam a "awle" kalo tive vat.






Kawngka te kalh ṭha in keini pawh kan room lamah kan lut zui leh mai a.Misual anlo kal thut in tiin ka khum bulah tuboh ka dah ṭhin a,kan unau chiah kan ni bawk nen a chang hi chuan ka nau ka bulah alo riak fo a,a room pawh sawn mai rawh vawi tam ka ti tawh,mahse a room aṭang kawngpui hi alang thei a,chumi vang mai mai a duh chu ania,a room hi room dang aiin a zau hret bawk.





Naktuk thawh hma a ngaih avâng in keipawh rei meng tawhlo in mut zai ka rel a,alarm thawh ka hai loh nan ka set thlap bawk.




************
"U,tho teh tho teh" ka nau in atih ri ka hriat chuan ka tho vat a. "Eng nge,chiam chiam zêl a" kati deuh hlak, "saw tho rawh,kawngka ka hawng kha mipa pakhat kawngka bulah alo chatthla ringawt a,nge athi pawh ka hrelo,va en rawh" thaw hlawp hlawp a atih chuan ka tho ve vat.





Ka nau sawi ang ngeiin kawngka bulah chuan tlangval ni ngei tûr hi alo ṭhu mu deuh a,a hmai leh ban vel ah thisen a kai deuh nuai bawk sia,a hliam awm dân velah hian kut thlâk na hnu a ang khawp mai.A mar phu ka en chhin chuan ala dam,ka thaw ve deuh huai thei ringawt.





"Omi nu Rami te han koh mai rawh,an tho tawh ang,an thawh hma theih em kha kan unau ringawt chuan kan buaipui theilo ang," ka tih takah chuan a chho ve vat a.Amah a lian angreng sia,arawn tho thut ang tih erawh ka hlau angreng,rei vaklo hnuah nu Rami leh ka naute an rawn inzui thla a,uṬpa pawh tho phang tih hriat zet hian alo chhuk thla ve chet chet mai.






"Tunlai chu misual an tam riau a,fimkhur angai teh mai ania,zanrei ah phei chuan kawngka hi hawng reng reng suh u aw," nu Ram'in alo ti thla bawrh bawrh a,ka nau a hrilh ani ngei ang.





Kan awmna veng hi misual veng tih a an hriat lar kha ani ve hrim hrim a,a awmlo hranlo,keini pawh ka nau school kalna a hnaih vang mai a heti laia awm hi kan nia,nilo Sela chuan veng dang ah kan insawn daih ang,ke pawn an school a hla lo a chumi vang mai mai chu ani.






"Ṭp nang i lian tho pawm lût rawh,Hmangaih inchhung ah dah lut rih ila pawi inti lo ang tiro,taxi kan zawn chhûng Ṭpa te nên hian lo awmpui lawk ta che u,hetiang a kan kalsan ringawt chuan a thi palh ange a hliam anat hmel ropui si,ala naupan hmel nen a engtia hetia lo awm ringawt nge maw anih le,anu leh pa in hmu sela chuan an rilru ava na dâwn ve aw..." Nu Ram'in ati deuh vawng vawng a,a sawi dik ve reng,ka fapa niin hetiang hian mi inkawt ah lo mu tawp tase ka rilru anat pui viau ang.






Nu Rami leh ka nau in taxi an han zawng a,keiin ka damdawi kawllai ka neih ang ang in a hliam kalo buaipui ve a.A ban a kak deuh tih loh chu hliam na em em aneilo,a hmai an hnek na ni ngei tûr a biang leh bek vel a duk deuh kalh a.A hnar aṭanga thi chhuak tih loh chu aṭha vek ani ngei ang.





Taxi driver niâwm tak nen nu Rami te anlo lût a,an zawn chhuah hma chu ka nau erawh inchhung lamah alo lut duh lawk lo,thisen hi a hlau mai nilo a ten in a ten a.A en ngamlo ani chêk ang chu.





Ka hruk na damdawi leh lapua vel ka tih fel vek hnuah keipawh eirawng bâwl tur vel fridge aṭang ka la chhuak a. "U,ikut i sil fai tiro,a khawih tawp tawp bawk sia," dawhkan bula din pahin ka nau in ati deuh sep.






"Glove ka vuah vek alâwm,va in en nawn leh thuak rawh,ala hma lutuk hlauh tur a awm tawhloh hi,khua a thim tawh chuan kawngka kalh tlat tur tihna anih kha aw,kalo haw har deuh anih pawn lo kalh tlat ang che,nangmah a awm i hlau anih leh inchungah ilo awm ṭhin mai dâwn nia" ka tih chuan min chhang tawhlo,a lehkhabu la chhuak in dawhkan ah a dah a,lehkha a zir leh nghal melh melh.Zing thawh ka hre viau amaw ka tih pawh hian keiai ka nau hian a hre leh chhâwng a,zing thawh te chu a thei lutuk ringawt.





"Exam vawiin ah kan zo dâwn a,naktuk velah ka haw nghal mai dâwn amawni ka tia u,naktuk au alo chhuk dawn tho a,ka lung aleng ve tawh reuh" om'in atih chuan pawi kati hranlo. "I duh hun hun animai alawm,mahse result puan dawn ah ilo chhuk leh tho angai dawn ania" ka tih chuan abu nghat,mahni a awm pawh ka hreh chuang lemlo a.Haw ve tawh mahse pawi ka tilo,a haw khat ve bawk em a.






Chaw ei kham veleh ka nau school kal tûrin a chhuak a,keipawh Adeline'i alo thlen rualin kan inphur chhuak nghal.





Damdawiin bul lawkah hian kan class a awm a,class kan thleng chu midang pawh anlo awm leh nual tawh.Kan kal hma ve viau amaw tih pawh hian keini aia kal hma hi chu anlo awm veleh ziah, "ka vawikhat tihna ania,ani pawn a hre awm tho sia,ṭha deuha min hrilh ve ka ring ania" Malsâwm'an atih danah doctor Ruatfela chanchin bawk aniang an sawi leh.





Changtupa Alan tam hma hi chuan ala ngaihnawm tak tak thei rihlo ania boring viau chuan inlo sawi dawn nia,tunlai chu ka lo dah hma thei ngailo a,minlo hrethiam hrâm dâwn nia


Show post links
Top

[Ngaia]

Chapter-4


HMANGAIHZUALI POV


Kan senior te anlo thlen chuan kan ṭhut na lamah ṭheuh kan phei sap sap a,rinloh deuhin doctor Ruatfela pawh alo kal ve hlawl mai.Doctor Ruatfela alo kal vang nge an phun deuh sep sep a,eng vanga mask vuah reng nge maw anih le...





"Vawiin chu in hmel hmuh ngai loh kanlo hruai a,a ṭhen chuan inlo hre tawh tho anga, doctor Ruatfela surgeon doctor ania,duty tur pawh aman a thlang ani,ani hi surgeon lar tak ania a duhzawng sawi duh a neih chuan," tih pahin UMagur'i chu a tawlh hnung dat a.





"Sawi tûr ka nei lemlo,hetah hian duty tur hming list kan ziak thla vek a,ka koh apiang ka bulah hian inlo dingchhuak dâwn nia.Heta hming inziak ho hi a thiam fal hlak an nia,hemi damdawiin a thawh nghal theihna chance an nei sang hle bawk," atih hnuah a lehkha ken chu a pawt parh a.





"Hmangaihzuali atih chuan ka phu deuh zâwk thei,midang ho pawh chuan kan ṭhutna lam an rawn hawi deuh suau a, doctor Ruatfela pawn min melh chiang lehpek tawh khawp mai.





A bul lama ka phei laite chuan ka ke a sak deuh ṭalh a,midang hming alam pawh chu tutu nge ka hre zui lemlo,a bul seta ding kani bawk nen a thil inkah rim chuan ka hnar adek zar mai.





"Hêng ho hi duty tura kan thlân chhuah te an nia,zanin aṭang damdawiin lamah an duty nghal ang,duty hun timing kan inpe vek dawn a,tih sual in nei ani erawh chuan in duty theilo nghal dawn tih hria ula,thil ho te tisual anga in in ngaih khan midang in an nunna an chan thei ani tih hria ang che u,adang chu doctor Mangur'i kutah ka dah e" atih hnuah minlo kal pêl fua a.Min kal pelh dawn a ka lam arawn hawi deuh zâwk khan ka mur deuh chuai thei.





Duty tur a min thlân chhuah ho chu ka enkual a, vânneihthlâk lutuk in ka ṭhiannu Adeline'i atel ve hlauh.Kan vaiin sâwm vel kan ni.





"Tikhan damdawiin chhûng lamah va phei ula,in thil zir chu in hriat vek kha, Adeline'i leh Hmangaihzuali nau neihna ward lamah in phei anga,Sanga leh Mawii te in zaina lamah" uMangur'in atih takah chuan kan thil vel kan la khawm sap sap a.





"Midang duty tura tling velo te kha in rilru ti hnual mai lo ula,tlin theih na chance ala sang teh mai ania,in theihtawp in chhuah dawn ania" uMangur'in kan chhuah dawn a atih ri pawh kala hre thei.





Adeline'i hi a inthup thei kati takzet,a zirlo amaw ka tih laiin alo zir ru ve rek rek ani tih a tlin danah ka hrethiam chiah,nau neih na ward lam kan thlen chuan kan duty na tur minlo hrilh zung zung a.Adeline'i nen duty dun thei dawnlo mah ila kan in hlat over dâwn chuanglo,ani nau neihna ward two lamah a duty dâwn a,kei ward One lamah ka duty dâwn thung.





An sawi danah zan thleng kan duty hmel bawk sia,ka nau pawh nakinah call in ka hrilh mai a ngaih hmel.Nau nei tûr lah chu an rawn luh belh zêl a,a ṭhen lah na tih avang in an nu niâwm tak te an hrawk vak vak a,nau vei tam tak zingah pawh chuan an in anglo hlawm lutuk chuan nuih ati za.






"Hmangaih,sawti laia mu saw nau vei tîr na hi va khai sak mai rawh,na atih na arei tawh emai,a khawngaihthalk" doctor Rinpui'an atih takah chuan ka phei ve vat a.





"Kapi nau vei tirna hi ka khai sak dâwn tawh ania aw," anu niâwm tak a bula lo ṭhu ve reng bula ka tih chuan alo ding vat a. "na atih na arei tawh sia,in zai mai theilo ami" alo ti deuh sep.





"Nau vei tirna hi kan khai phawt anga,ala nei theilo fo anih chuan kan zai dawn nia" ka tih takah chuan a ngawi veleh mai a,ka thil khai tur chiah ka bula ding an awm tih ka hriat chuan ka hawichhuak vat a, doctor Ruatfela alo ding leh run tawh,ngatinge in zaina lama awm lo a heti lamah daih arawn kal ni,nge ka thil tih lai min endik atum zawk.





Keiai a thiam doctor ka bula alo din vang nge a vein ka hmu mai theilo,vawikhat ka vit lut a a dik mai siloa.Doctor Ruatfela lah chuan kut kuangkuah rûn chungin minlo en reng mai bawk sia.





"Ka vein hi hmuh a har anti thei lutuk a,an vit dik lawk thei ngailo rere" ka vih nu chuan chau tih hriat zet hian alo ti deuh sep a. "Nia,i vein hi ate lutuk a vih fuh ahar tawp," kati zawi ve deuh sep.





Hriau chu vih luh leh mai ka tum chuan "a dik leh dikloh i chiang amaw,i vih tumna kha a vein ani em tih i chiang ngam chiah a maw" doctor Ruatfel'an alo tih leh phei chuan ka confi tawhlo takzet,ka thil tih lai chu dah meuh in thawk kala deuh ham ham a.






"Ngun deuhin en rawh,hetiang anga vein te ah chuan lastic hi i hmang mai ang,a ban bulah nghet deuhin iṭawn anga,a vein chu alo lang kulh tawh mai ang i hmuh ang hian,vit rawh" atih takah chuan ka vit lut ve riai riai a.Ka taksa si chet a awm ani bawk nen a rem vaklo khawp mai,kalsawn rawh tih deuh tawp lah ka ngam der siloa,a tawp a tawp ah chuan ka tidik ve thei ta hram a.





"Itih zawh ah khan ka office ah minlo zui ang che," atih hnuah a kal nghal vang vang a.Ka va han peihlo mai mai tak,bakah a office pawh ka hrelo hrim hrim,ka khai zawh ah kan senior te awmna lamah ka phei leh a, "doctor Ruatfel'an a office lama phei turin min tia," ka tih chuan anlo hawichhuak rang khawp mai,an thil ziah lai dah meuhin minlo en haw hlawm a.





"Tih sual inei ami," nurse senior zawk chuan alo ti deuh ha a, "ka hre biklo" ka tive ta ringawt,nichina ka vih sual chungchang kha chu ka sawi duh bik teuhlo,khatiang kha kan zir hmasak ber ania,engtin nge keipawh hian mi chiu mai mai te kalo tih sual theih rere ni.





"Va kal rawh," an tih takah chuan ka phone kala vat a. "Ih, doctor Ruatfela office awmna ka hre miahlo," ka tih chuan min en vung vung mai,a thinchhiat hmel si ka nel lemlo khawp mai.





"Heti lai kawngka bula step awm hmasa berah i chho anga,second floor lama dinglam ah i phei leh ang,a room chungah a hming alo intar va mai ang,a room bul chiah ah doctor Ruatfela pa room a awm a,chutah chuan an ko che anih loh chuan lût ringawt suh ang che" atih chuan bu nghat in ka kal zui nghal a.





Step a ka chho chuan Adeline'i hmuh beisei takin ward two lamah ka hawi kual thuak thuak a.Raipuar bak hmuh tur an awmlo rere,second floor ka thlen chuan an sawi ang ngeiin doctor Ruatfela room chungah a hming alo intar kalh a.Eng vanga min ko nge anih ang a chhan ka hre bik hauhlo,mahse nichina ka vih sual vang kha anih chu ka ring deuh tho bawk sia.





Kawngka chu ka kik deuh dat dat a, "lo lût rawh" inchhung lam aṭang alo ti thum dut mai.Kawngka chu dimte in ka hawng riai riai a,dawhkan ah lehkha alo in chhâwk hnawk ruih mai,a buai hmel takzet chuan mask a vuah loh sawn a hmelṭha takzet.





"Lo ṭhu rawh," a hma zâwna ṭhutna kawh zauh paha atih chuan ka ṭhu thla ve vat a.A thil ziah lai dah in ka lam alo hawi vat, "in class a kalo kal laia ka thil sawi kha ila hria em," atih deuh nghut chuan a eng ber kha nge a sawi ka hre mailo,amah lah chu a thutak run mai bawk sia.





"A eng ber kha nge isawi ka hre miahlo," zam tak chungin kati ve ta nge nge a,ka ṭhin erawh a phu nasa khawp mai,ka thin phu ri chu a hre pha hial maithei,thawm bengchheng a awm bawk siloa.





"Tih sual pakhat pawh in nei anih chuan in duty lo nghal ang ka ti em,Hmangaihzuali in batch zingah a thiam thei pâwl ini a,in report hi keimah vêkin ani en ṭhin,khatiang thil ho mai mai pawh iti dik theilo a,nakinah phei chuan nau zai chhuah naah pawh nangman itih ngaih chang ala tam dâwn,nge i duty duh loh vanga tisual hrim hrim ini zawk" atih chuan chhan mai dân tur ka hrelo,ka zak a hreawm ka ti hle bawk.





"Amah pawn asawi hrim hrim a,a vein kha hmuh alo har em a,min ngaidam rawh ka tihpalh" ka kut kheuh neuh neuh pahin kati sep a.A mitah pawh ka en ngam tawhlo hrim hrim.





"Ka mitah min en la,sawi ṭha leh rawh" rum lam lek lek a atih takah chuan a mitah ka en ve ta ngur a, "ka thiamloh ani,min ngaidam rawh ka tisual leh tawhlo ang," ka ti nawn veleh sep a,ka khaw hmuh a phet deuh ruai danah ka mittui a tling tih ka hre chiang khawp mai,ka rilru nat vanga ṭahchhuak kani hauhlo,ka zah lutuk vang zawk ani.





"A tawp na ni rawh se,ka ngaidam ang che mahse tisual leh tawh suh,thil ho te tisual ang ah nang chuan i in ngai maithei,mahse damlo tan thil pawi zawk a thleng thei," atih chuan kabu nghat a.





"URuatfel,in zaina room lamah an mamawh tlat mai che,i hman chuan khawngaihin ilo kal thei angem,damlo khu a senior riau a, doctor dang lah an buai sia" nurse pakhat in kawngka a lo dah paha atih chuan "kalo kal ang," doctor Ruatfela pawn ati deuh nghut a.






Nurse a chhuah veleh ani pawh a ding zui nghal, "an buai viau ang,i duty na tur lamah phei rawh" atih chuan ka ding ve vat a.Mask a vuah ṭhat leh tête hnuah ani pawh ka hnunglam ah minlo zui tih ka hre thei.





Step a ka chhuk tur chiah chu "Hmangaihzual" atih avâng chuan ka ding leh rih a, "in zaina roomah minlo zui lut rawh," atih chuan ka meng deuh kawk mai. "Mahse surgeon ka ni siloa," ka tih chuan arum deuh nghut a.






"Ka sawi ang chuan awm mai rawh," atih takah chuan ka zui phei vat,a mengrum leh tawh ropui sia,a bula awm a hahthlâk khawp mai,a bula ka awm hian ka ṭang deuh ṭun zel bawk sia,a mawngah te hian ka tlawh deuh zawt zâwk dâwn amawni.





In zaina room a kan luh dawn chuan kan inthlak hmasa tete a,room a kan lut chu nurse dang pawh anlo awm nual,mahse anni erawh ka senior te vek anni thung.Min hmu chu mak an tih hmel khawp mai, Ruatfel'a chuan a hna a tih deuh nghal mawp mawp a,a va han thiam zaih zaih tak.





"Hmangaihzual,damdawi kha lo chiu lut rawh" min lo melh zawk paha atih chuan midang pawn min en ṭhup mai,hetiang in zaipui ah phei chuan ka vawikhat luhna ania, doctor Ruatfela chu ka ngei ngawih ngawih.





A damdawi nurse dang ho in an siam sa diam avâng in la vatin ka phei ve mai a,kan mi zai pa chu a vein hmuh a awlsam khawp mai.Awlsam deuhin tisual miahlo chuan ka vit lut thei diam a, doctor Ruatfela nui deuh suk ri pawh ka hre pha,a nui ve ngailo amaw ka tia,nuih chu alo nui ve thei anih hi.





In zaina room aṭanga kan chhuak chiah chu ka thaw huai thei,Hlîng rit takin min delh a lâk sawn ang hliau ani, "a harsa ila ti em," kut ka sil mawlh mawlh laia doctor Ruatfel'an atih chuan "aih" kalo tivat a, "a harsa hauhlo,confi deuhin awm rawh,zam vak kha a ngailo ania,in zaina room a i awm hrim hrim chuan Pathian i bulah a ding tih hria la,engmah hlauh tur a awmlo ania" atih hnuah a room lam panin a phei a,a thil sawi chu adik ka ti reuh khawp mai,ka ngaih ang ngawt a sual chu ani bikin ka ringlo.





Zan lam ka duty dâwn amaw tih laiin uMangur'in a ngaih leh loh thu asawi hlauh mai a,ka lawm takzet, Adeline'i nen erawh kanla inhmu leh ta miahlo a,haw tura ka insiam vek tawh tih ah ka nau call ka dawng hlawl mai.





"Aw Omi kalo haw dawn chiah,eng nge nita" ka bag ah ṭhat mawlh mawlh paha ka tih chuan "u ka haw daih,exam kan zo hma sia,au rualin chawhma lamah ka haw chho ta daih sia,vawiin chu haw tur an tlem sia,au alo chawl bawk nen ka haw ta daih a," atih chuan ka ngaihdan a nilo khawp mai.





"Omi ngatinge ṭha deuhin i sawi loh,i haw dawn tih te chu min hrilh vat tur che alâwm,iti awm anglo thei emai,ngatinge i duh dan dan hian thil hi ilo tih ve pawp pawp ṭhin a,i u ka nia i kal hma in mite pawh hrilh ve tal tur che alâwm,ngatinge iva hmanhmawh ve naktuk lamah pawh i haw thei tho a," kati duah a,vawiin ka hun hman dan nen ka mood a off takzet.






"Nia lo hrilh che ka tum a,mahse motor kan chuang laklawh sia,eng nge a pawi vak ami,kan motor tho in ania ka haw,ka lung aleng ve tho alawm" atih takah chuan ka hau zui tawh lemlo,în a thleng vek tawh a hauh vak in awmzia a nei dâwn in ka hrelo.






"In thleng tluang a,a ṭha anih chu keipawh ka haw dawn chiah," ka tih chuan alo aw ve vat a.Bawihtea te rak nawk nawk thawm leh kanu ang ri nen ari deuh nawk nawk a,an buai hmel em avang in ka dah ta ringawt a,ka nau nen hian chahbi kan kawl veve a,a chahbi kawl erawh a hâwn ani ngei ang.





Ka nau nen hian inchhung ah awm dûn mah ila kan inbe vak ngai lemlo a,mahse a awm loh hi chuan ka ngai a,ka lung aleng ve thei lutuk.





"Awi ka zawng nasa lutuk che,ka thlah ang che hawh kal nghal mai ang," ka dara minlo kuah paha Adeline'in atih chuan ka nui deuh hak a.





"A tlai ve tawh angreng sia,a ngai lemlo i haw leh na tur a hla mai mai,taxi kala mai ang" ka tih pawh chuan "ka thlah chak che alawm," ati veleh tlat tawh, "ka nau in min haw san daih a,Omi hi chu a thu aduh leh lutuk a,nangmah ang chiah hi ania" ka ti chu anuih aza khawp mai.






"Kalo riah pui dâwn che ami," atih chuan kalo hnial vat. "Ka hlau hleinem,i haw na tur a hla reuh sia,a ngailo tak tak,kan veng phei chu tunlai misual an tam anti riau leh nghal a" ka tih deuh ṭalh takah chuan ani pawn min hnial tawh bik lemlo.





"Anih chuan naktukah kan inhmu dâwn nia aw," atih hnuah kan in mangṭha a,a scooty dahna lam panin a chhuk thla terh terh mai,hnunglam aṭang chuan naupang tê a ang lutuk.





Taxi lo tlân hmasa ber chu kalo phar deuh tawp a, vânneihthlâk lutuk in kan veng lam kal tur alo ni hlauh zui a.Ka lawm tak tak ani.





Taxi a chuan pahin phone ka khawih melh melh a, "kalo leng dâwn," Ruata Message tawite âwm chu "lo leng rawh," tiin ka reply vat a.Kan in chhang tawk lutuk chu ka nuih aza reuh angreng.





In ka thlen veleh ka inti fai sawk sawk a,ka ril aṭam lemlo bawk nen hmawm sâwm vel ka ei ta ringawt a,Ruata pawh ka rin ang ngeiin alo thleng hma lehpek khawp mai.






"Ava reh ve,khawnge i nau a awm nange" ati deuh sup a.Zanin alo leng chu a fai vung mai, "nia,kan khaw lamah exam chawlh hmang tûrin a chho zuai anih kha," ka tih chuan ka bulah alo ṭhu thla vat a,dawhkan ah a meizial a dah zui nghal bawk.






"Riah pui te i ngai em," a sam hui deuh pap paha atih chuan a ngaihloh thu in kalo chhang vat. "Iva fai veng vung ve,tikhan i hmelṭha sawt alawm,vairam a i awm vang nge khabe hmul chhup in ilo haw a,tikha chuan i Mizo tlangval leh tawh lutuk" ka tih chuan anui ve suk mai,ka nau pawn hmu se pangpar kuhmum a ang ati tawh hauhlo ang.





"Kalo riahpui ang che,hmeichhia mahni chauh a riah a ṭhalo,ka bialnu phei chu ka phallo" atih chuan ka hnial leh vat a. "Ngatinge i duh loh em em,min hlau ami,nge midang riah pui tur inei zawk ami" atih chuan ka thaw hak.





"La kawi zel suh,nupa kanla nilo a,ṭhenawm khawveng te hmuh ah pawh a mawilo,hmeichhe khawlo deuh ang ah minlo ngai palh ang," ka tih chuan ho atih hmel khawp mai.





"An duh duh danin lo ngai rawh se,ini chuang hleinem,ka riah pui ang che" atih deuh tlat takah chuan ka hnial peih tawhlo.





Thingpui te in in rei pawh kan ṭhulo,kawngka te kalh ṭha in kan inzui lût vat a. "Mikhual room ah sâwn mu mai rawh,ka room ah chuan khum ate si kan lenglo ang," ka tih chuan a duh leh tlatlo, "ngatinge min hnar dan i zawng reng a,min hmangaih miahlo ami" min en kar paha atih chuan ka melh ve ngar ngar.





"Ka haw san leh vat dâwn che ania,i bula hun tam ber hman ka duh" hnunglam aṭang a minlo kuah paha atih chuan a kutah ka vuan ve vat a. "Zing thawh hma a ngai mu hma ang," ka tive ta nge nge a.





Ka khum hi alian over siloa,kan pahnih phei chuan kan len ka rinloh nen engtin tin emaw chuan kan mu leng ve thei mai a.A nghal ropui mai bawk sia, "i kut dah hle hle rawh" ka tih pawh chuan ala tilui ve ṭang ṭang.





"Hmangaih,min hmangaih em" ka chunga bawh deuh rûn paha atih chuan ka en deuh zawk a, "aw ngatinge min zawh nawn sek a,mu ṭha mai mai teh" ka tih chuan ka thusawi a zawmlo chiang khawp mai,ka hmuiah dimte in alo fawp a,in fawh ringawt chu keipawn kalo hnar bik hranlo.





Ka hnute a ṭham deuh nawk a, "ana,mu ṭha tawh mai rawh" zawi angreng taka ka tih chuan ka thusawi engmah hrelo ang hmak in a awm. "Tunah hian nuam deuhin ka siam thei che ania,vawikhat chiah khawngaihin vawikhat chiah hman chu apawi chuang hleinem," atih chuan a duh ka hrechiang khawp mai.





"Mahse..." Ka tih chuan minlo pawt chat vat a, "Hmangaih,min ring rawh engpawh thleng se,mawhphurh na kala vek ang,Pathian rawngbâwltu ka nia,min ring ngam rawh" atih chuan ka thaw hak a.Mi pangai ka nia,Ruata lah mipa zei tak alo ni bawk nen ka hnar reng theiin ka ringlo,a mi tawh dan zawng zawng te nên hian min siam danglam ve takzet.





"Min ring tiro," ka mitah chiang deuha min en paha atih chuan kabu nghat a,ka chhûng a arawn luh chuan na tih luat ah ka mittui a tla deuh sawk mai, "ana reilo ang," ti sup in a chet chhunzawm mial mial a,a chang leh ka hnute a ṭham leh deuh hrawk zêl a,a rei hnu phei chuan nawmna in min tuam ve hlup hlup mai.





Ka taksa hmun tin mai chu a zut kual reng a,nuam ati ngang aniang a rum leh deuh hak ṭhin, "Ruatkim" aw ṭial deuh ruai a ka tih chuan "ka zo dâwn,bawihi a rei tawhlo ang" ati sup a,a kutin ka hmeichhiatna a nuai deuh nene a,keipawn nuam kati ve tawlh tawlh,arei hnu phei chuan ka au chhuak deuh ṭhat a, "anuam em,ka zo dâwn" atih hnu rei vaklo ah ka kawchhung arawn lum lût puat mai.





"Ka lawm e aw," ka chunga bawk deuh hnawk in ati sup a,rei pawh meng lo in kan muhil zui nghal.




*************
Zing ka phone ri deuh ral ral ka hriat chuan meng manglo in ka ban a, "Mate,i u chawhmeh kanlo thawn kha aw,inau chahbi kawl kha alo keng thla tel a,i awm loh pawn inah alo dah tawp mai ang," kanu in atih chuan kalo aw liam puat puat a.Rei pawh kan inbe lo,call chu kan dah nghal a,tukin zing chu ka thochhuak peihlo khawp mai,khua lah chu adur deuh khup mai bawk sia,mut ala nuam takzet.






"Iva tho hma ve," ka bianga lo fawh zeuh paha Ruat'an atih chuan ka nui ringawt a,thawmhnaw kan la in bel mumal siloa,ka taksa a zut leh riai riai tawh.



Naktuk zan chu awl zan awchuan tlêm a sexy lam deuh hi ka ziak thiam over lo a minlo hrethiam mai dâwn nia


Show post links
Top

[Ngaia]

Chapter-5

HMANGAIHZUALI POV

Tunlai chu damdawiin lamah in daih loh ana hle a,rei tak kan trainning hnuah duty tura min thlan te khan trainning ngai tawhlo in a pangai in kan thawk thei ve hlauh dâwn a.Ka chhûngte ka hrilh phei chuan min lawmpui thiam khawp mai,kan vânnei a damdawiin lamah kan thawk thei nghal dawn bawk a,thla thar aṭang chuan hlawh ka nei ve tawh dâwn tihna ania,ka lawm ve khawp mai.





"Midang ho nen kan chhuak ho dâwn lo hi a nuam ka tilo reuh tawp,harsa takin pawisa tam tak sengin kan zir ve vek a," Adeline'in atih chuan "an chhuak ve ṭep alawm,a ṭhen phei chu Ebenezer lamah te pawh an sawn dâwn tih thawm te a awm kha,civil ang em em in a lian velo a,a thawk a te pawh an hahdam deuh zâwk dâwn a,an vânnei ka tih daih zawk" ka tih chuan abu veleh nghat nghat a.





Kan hming a mal tête a an lam chuan kan chhuak ve vat, Assembly hall ah doctor thiam tak tak te leh kan pu te an ṭhu deuh ṭhup a.Doctor Ruatfela pawh a awm ve ran mai,kan hriat tur pawimawh te leh adang dang doctor Ruatfela ngei chuan a sawi ṭeuh a,midang pawn an sawi nual mai,mahse a tawk an hre em em a,tumah chuan rei deuh sawi an awmlo.





"Vawiin atân chuan in free rih e,damdawiin lama thawh hi a hahthlâk zia in hre ṭheuh anga,chutiang huam a trainning chu inni reng bawk,in theihtawp in chhuah ṭheuh dâwn nia," putar ve tawh lampang hian ati dap dap a.






Assembly hall aṭang a kan chhuah chuan thla te kan la tête a, "vawiin chu a lawm nan thil ei ho ang u," phur deuha Adeline'in atih chuan midang pawn anlo pawmpui khawp mai,kan inthlak fel vek hnuah thil ei tûrin kan inzui thla dap dap a.





Doctor Ruatfel'a leh doctor Rinpuia te lo kal phei chu kanlo en ṭhap mai, "awi!!an vân chhelo dun tak, doctor Ruatfela phei chu apa si,an sawi danin amah saw mi in vawng tak ani an tia, doctor Rinpuia saw a ṭhianpa ve ber amawni,an inzui ve reng mai" Jenet'in atih deuh hluai a.






"Kha in haw nghal dawn emni,ka lawmpui hlawm lutuk che u ania" uRinpui'an atih chuan kanlo nuih sang a, Ruatfel'a erawh uRinpuia bulah a kekawr ipte zen runin a ding a,mask hi a vuah peih ve ngawt mai,a sana bun reng reng te chu a to tih a hriat hliah hliah.





"Kan kal phawt ange,anlo buai lutuk palh ang" uRinpui'an atih takah chuan kan lo aw ve vat a,vawiin chu khua a chhe bawk nen Adeline'i pawn scooty a keng peihlo aniang, damdawiin aṭang mc a hlat over loh avâng in ke in kan inzui phei diah diah a.





Mc chhûng lama kan lut chiah chu Adeline'in duh a ngah leh khawp mai, "awi saw saw amawi e.." tih pahin a kawk deuh zawt zawt a. "I lei leh tak tak dâwn chuanglo,hlawh ineih hunah i lei dawn nia,ka ril aṭam chho vat ang u" Adeline'i kaih phei dawt dawt paha ka tih chuan kan ṭhian te anlo nui ve huk a.





Kan thil ei tumna kan thlen chuan kan chah nghal sap sap a, "hemi zawh ah bazar velah kal mai mai ila," Ms'an atih chuan "kei chu kalo kal tawhlo mai ang,va kal rawh u" kalo tivat a.





"I inla hrang thei emai,i awm hian a nuam ve alawm,lo kal ve rawh" an tih pawh chuan ka hnial tlat.Ka pheikhawk bun hi ka tawt deuh bawk nen,a hreawm ka ti tawh takzet, "ka nau college a kal bawk sia,in lamah tih tur atam lutuk a," ka tih takah chuan min sâwm zui tawh biklo,in kan luah tih an hre ve ṭheuh a,kan inah pawh vawihnih khat vel chu anlo kal tawh, Adeline'i erawh alo kal ngun hle thung.





Thil kan eizawh chuan pawisa kan thawh khawm leh tête a, "anih chuan mate ilo kallo tak tak ang maw," Adeline'in atih chuan kabu nghat, "aw kallo mai ang,va kal rawh u hun nuam deuh in hmang dâwn nia" ka tih takah chuan anni pawh an inzui phei leh dat dat a,taxi chang in kan in lamah ka phei vat.





Inchhung ka lut chu choka vel alo hnawk deuh nuai a,ka nau a chhuak hnuhnung zawk bawk nen,a hmanhmawh in a che leh sawk sawk ani ngei ang,chaw ei thleng vel pawh thleng sil naah anlo awm nuai mai.





Ka pheikhawk tawt deuh a ka bun ṭang ṭang ka phelh chiah chu ka thaw deuh huai thei,ka ke pawh alo sen nasa hman khawp mai.Chawl deuh vang vang in phone te ka khawih leh tête a,Ruata missed call alo awm deuh vang mai, "min chhuah pui hman angem,tlai lamah" tih a message chu ka reply vat.





A haw thla leh ṭep tawh sia,chhuah pui pawh chu pawi ka ti em em hranlo,ka nau hmun tih hnawk vel chu ka tifel vat vat a.Omi hi chu a te ber alo ni bawk nen,kan duat hlawm bawk a,a la inti pangchang thei hle a,in lama a haw chang pawn ka u fapa te hi a thik tlat zêl a,ala â ve bawk sia achang phei chuan a thil duh ngen hi ala ṭap deuh rawih rawih zêl.





"Dar hnih velah kalo lam ang che," Ruat'an atih takah chuan inthlak pawh inthlak lemlo in ka awm ta vel mai mai a,tuna ka hak ngai hi ka ha leh mai ang ka tih rilrûk vang ania,ṭhuthleng a ka mu chu kalo chhing leh sek ṭhin,ka mut lah chu a chhuak em em mai bawk sia,ala hma bawk nen Ruata lo kal hma mut zuai tumin ka phone ka dah rih a.





DOCTOR.RUATFELA POV

"Zu a in leh chuan athi vat ang," ka tih chuan kanu hrawn in min melh rum leh tawh khawp mai,a fapa duat em em lah hian zu bak a ngaihtuah siloa,a pumpui zu hian a ei chhe hneh tawh em a.A in leh anih chuan a damchhuak zo tawhlo tak tak ang,tûnah pawh a zu in avâng in a pum a puar luah a,Ṭpa hi chu a hmel a chhe lo in a sa aṭha si a,zu in a ei chhe hneh tawh a tunah erawh a hmel adang vek tawh.





"Ahma aṭang tawh in i unaupa hi i milh ngai reng reng hleinem tiro," mit sen ram a min melh paha atih chuan kapa in alo pawtchat vat. "Ngawi tawh rawh u, damdawiin anih hi Ṭpa tan pawn bengchheng vak vak a ṭhalo," kapa in atih chuan ka mask chhan aṭang ka nui deuh suk.





Kapa hian a rosum leh engkim ka hming vêkin a dah tih ka nu hrawn hian a hre ve reuh kar a,khavang a min hua kha ani berin ka hria,kanu nên an inṭhen chhan pawh henu vang bawk hi ani,kapa rosum it in kapa hi anei a,mahse pawisa engmah an nufa in an chang leh dâwn siloa,kapa nen hian fa pathum an inneih hnuah an nei a.Mipa pahnih leh hmeichhia pakhat neiin tûnah kapa sum an chen mek chu ani sia,a fanu lah anu ang maia zak theilo niin mi pasal a ngaizawng a,a fapa Ṭpa lah zu in a ei chhe mek bawk nen a fapa pakhat zawk Martin'a erawh Police niin tunah Vaivakawn ah a duty mek a,an unau zîngah a danglam in a pangai ber bawk,kan pahnih pawn kan titi dun thei khawp mai.






"Ka kalsan phawt ang che u," Ṭpa en zeuh paha ka tih hnuah ka chhuahsan a,Terem'i ang deuh hlak hlak ri pawh kala hre pha,kanu hrawn hi Terem'i ania kum sâwm ka nih laiin kapa nen an innei a.Kan in a arawn awm aṭang vawikhat mah nu tiin kala au chhin eihlo hrim hrim,a hming in ka ko mai zel a,kanu tak tak pawh ala dam a,tûnah Dinthar vengah kapi te nên an awm ho mek a.A chang phei chuan kanu te in lama haw zawk chang ka ngah a,mahse kapa fapa hmuh hmasak ber kalo ni bawk nen kapa hian ka awm hran a phal siloa,ka hlawh pawh kanu leh kapi te pêk chang ka ngah a,kapa pawn a rukin pawisa a pe fo tih ka hria,ka nu hrawn erawh in ala hrelo ani ngei ang.





Ka office ah lut in ka ṭhu deuh vang vang a,ka tetlai aṭang enkawl tu nei ṭha mumal lo kani bawk nen,kum sâwm ka nih chuan keimah in ka in buaipui thei vek tawh a.Thianghlimna ka ngai pawimawh hle bawk,ka room nitin deuh thaw ka tifai a,kan awmpui te luh pawh ka phal ngailo,tun thleng in ka pheikhawk ah bal tlêm tê awm se ka bun duhlo nghak hmak a,thawmhnaw var lam ka ngaina bawk a ka thawmhnaw hak ah hian bal hmuh tur a awm ngailo hle.





Ka phone ri deuh dar dar chu ka ban vat a,Sangtei lek chu niin "Ruatfel,damdawiin ah kalo kal a,kalo tlawh kawi ang che aw,a theih angem" alo ti deuh siam siam a, "damdawiin ah eng nge itih" kalo ti vat thung, "ka in entir a,ka tarmit power thlâk alo ngai tawh a,ka tifel zo deuh chiah a,kalo chho dâwn" atih chuan ka hnial hranlo,Sangtei hi ka bialnu ania nula fel tak niin kohhran ah pawh a in hmang hle a.Mak tak maiin ka nuhrawn nen pawh an innel phian a,amah hi a fel in tih dan a thiam hrim hrim ah ka ngai mai.






Ka nuhrawn hi chu a bâwl thiam thiam ani mai a,kei erawh chuan kava ti hluak peihlo.Engtin pawn ti ila kapa rosum an chan dâwn loh avâng hian min haw tawh hrim hrim a,keipawn ka milh teh chiam lo,kanu rilru na taka siam tu hi ka ngaihdam theih ka ringlo ani,kapa pawh chuti tho ahma ang in ka nel tawhlo a,a sum vanga in a la awm ve hram hram kani.





"Iva buai hmel ve," kawngka a rawn dah dek dek paha Sangte'in atih chuan kalo nuih deuh suk a, "imit chu a lo ṭha deuh em," mitko san ak a ka tih chuan a thaw deuh hak a. "Teuhlo mai,a sang tulh tulh,a chang phei chuan thil ka hmuh fiahlo deuh ruai zêl a,tarmit ka vuah loh phei chuan engmah hmu theilo ang vel kani" ngui deuh ruih a atih chuan a kutah ka vuan vat a.






"Tarmit ṭha deuha i vuah zêl chuan a dam vat mai ang,i tarmit power kha tla hniam deuh se,lazer in ikah tîr dâwn nia" ka tih chuan min ngheng deuh chial a.Keipawn a dârah kuah in a chhipah ka fawp vang vang a.





"Ka theih ka ringlo,kan harsa ve ropui sia,lazer tih man a tlawm zawk zawk siloa,kanu leh pa lah an tar ve tawh ropui sia,kan unau thawh chhuah ringawt chu a tlêm deuh ani" ati zawi deuh sep a.





"Pawisa lamah chuan lungngai suh,ka awm hi" ka tih chuan awmsawn deuhin minlo envat, "a ngailo,min pui nasa tawh emai,bakah i pawisa vanga duh leh hmangaih che ka nilo tih i hria tiro,ka rilru hah na i bula ka sawi ṭhin avang hian min puih ka phut tihna anilo ania,ka bialpa inia engkim ka hrilh ngam ve che a chuvang mai chu ani," atih chuan ka kuah deuh vang vang a,a rilru ṭhat na hian min duh zual tîr zêl dâwn zawng anih hi.





"I tarmit phelh chhin teh," ka tih chuan min en deuh haw a. "Ka duhlo e a,tarmit ka vuah loh chuan ka mak lutuk," nui sen sen a atih chuan "i ṭha reng alawm,imit chu kalo enchhin ang" ka tih takah chuan a phelh ve zal zal a,a mit chu ka ensak thuak thuak a,khawl a en loh chuan a chhe over tih ala hriat em em hran biklo.





"Mit chhe sa a ka piang hi chu ka vanduai ve ngawt mai,ka tetlai aṭang tarmit ka vuah reng a,tarmit vuah loh a awm te ka chak ve ṭhin nen,lens vuah lah i phal siloa," beisei nei zeta minlo en chuan ka nui hak a.





"Lens vuah a ṭhalo alawm,lens khan imit a tih chhiat belh thei zawk,lens vuah chu tarmit vuah ai chuan amawi zawk khawp a mawi chu,mahse a ṭha miau siloa,tarmit i vuah hian i duhawm a i inhmeh zawk alawm" ka tih chuan anui ve ta ringawt a.





"Taka zanah i duty dâwn loh chuan lo leng la,anih loh pawn Sunday ah tal,kanu in chhangban a deng a,kan chhum ṭeuh a atui rap,kanu in lo hruai rawh ati deuh reng che a, damdawiin a kalo kal dawn pawh hian min kentir a tum a,mahse a rem siloa" tih pahin min ngheng leh deuh ar ar a, "awle zanin ka duty dâwn lo a,kalo leng ang" ka tih chuan anui leh ver ver tawh.





"Lo kal ngei ngei rawh aw,zânah ilo leng dâwn tho a kava phei san ang che,ila buai hmel sia" tih pahin ading nghal zat a,a kal mai dâwn amaw tih laiin lo kun hniam in ka biangah a fawp zeuh a,kawngka lam panin a tlân nghal vang vang,a che zia duhawm thei lutuk avang hian a bula awm anuam ka tia,a bula awm a hahdam thlâk hliah hliah.





HMANGAIHZUALI POV

"A ngailo ka tih kha,a ngai ve zello" ka tih pawh chuan min leisak lui ta tho a, "kan inhmuh khat leh tawh dawn em hi,i graduate thil pek anih kha" atih takah chuan kala ve ta hram a,a man a tlawm zawk zawk siloa nuam erawh ka ti chiahlo.





"Iril aṭam em" ka kuta min kaih paha atih chuan kalu ka thing vat, "ka puar lutuk zawk" ka ti deuh sep a. "Anih chuan lei tûr em em ka nei tawh lo bawk a,kan phei phawt mai dâwn ami khua a tlai ve deuh tawh sia" atih chuan kalo aw ve vat a,haw vat vat ka chak tawh ka nau pawh alo bang daih tawh ang,eirawng alo bâwl tak ang maw.





A thawh na lama ken thlâk tur thil neuh neuh ka lei pui nual a,kan in kawt thleng min thlah a,zan lamah thusawi na hun an veng kohhran ah anlo pe nge,a hmanhmawh reuh khawp mai,step ah muangchang in ka chhuk thla chet chet a, "Hmangaihi chu ilo haw chiah animo," nu Ram'in nuisang a atih chuan ka nuih let ve sen sen a, "nia hei kalo haw chiah anih hi" kati ve sep.





Kan in pawh alo in hâwng deuh huai a,inchhung ka lut chu ka khuh nghal bawrh bawrh mai. "Awi!!Vanlalawmpui eng nge isiam a," ka ti deuh hluai a,kawngka a hawng zau ka ti rêng ah engtak chu lo siam leh ang maw.





"U,tel ka chhuang kang palh a,a bul chiah ah hmarcha ka rawh bawk nen ahma chakawk tauh i siam ang kha siam ka tum ve a,anu ten anlo thawn a" alo ti zung zung a,tel hmui a ka leih vel kha chu alo hre ve thuak ni ngei tûr ani.





"Hmarcha ka rawh rere hleinem,hmarcha hmui anih kha ka telh,off vat rawh gas a Uiawm lutuk,i bêl chhuan kang chu sil faila,hmarcha i rawh kha rawt mai rawh,ka inthlak anga chakawk chu keimah kalo siam ang" ka tih takah chuan min hnial ngamlo,nidang chu nise min hnial leh zawt zawt awm sia,a bêl chhuan alh vang kha ni ber in ka hria,min hnial ngam loh chhan.






Room ah ka thil khai vel dahin inthlak lemlo in ka chhuak leh vat a,chakawk chu sil faiin ka siam nghal sawk sawk,Aizawl lamah thlai vel ato sia,kanu in kan huan ami alo thawn awllo a,chawhmeh chu kan nei ṭha thei khawp mai,kanu in huan lian vaklo a siam ve a,mahse kan thar ṭha thei khawp mai a kan vânnei.






Ka phone nghawr deuh dar dar chu ka envat a,kanu alo ni sawi lai mek mek in, "aw hello" ka lak rualin ka ti nghal vat a, "Hmangaih,naktuk zing ah in entir turin kalo chhuk dawn ania,keimah in ka pile hi tunlai a thi nasa thei riau a,Omi kha class ni khat vel lek chu chawl mai rawh se,nang lah i hman awm siloa," atih chuan kalo aw ve vat a.Omi pawn a ngaithla ve ran a,kanu nên kan inbiak na ahre vek tho bawk a ka hrilh nawn leh lemlo.


Show post links
Top

[Ngaia]

Chapter-6

HMANGAIHZUALI POV

"Kapu heti lai chhûngah hian mipa luh kan phallo a,bakah damdawiin a thawk te lo chu an lut theilo hetah chuan," ka tih pawh chuan a ṭang deuh ṭung a,mipa ani bawk nen Pavalai lampang deuh hi ania,nau neih na room ah luh ṭalh atum chu a mawl deuh amaw ka ti hial.






"Kapu!i lut theilo ka tih chu,i nupui chuan ṭha takin naute a nei mai ang,heti laiah doctor thiam tak tak te an awm a,midang pawh naute an zai chhuak fo,i nupui leh fa te chu dam takin anlo chhuak mai ang,sawti laiah sawn lo va ṭhu rawh" ka ti vin deuh hrawk a.Ka zaidam bik em em siloa,midang pawn min en deuh ṭhup mai.





"Ka nupui emaw ka fa ka chan anih chuan in chaklo viau ang hre rawh u," min kawh va va paha atih chuan ka thaw hak.Eng ang mi nge maw anih le,hetiang hre lo rual ani siloa,annu damdawiin a an rawn hruai khan nikhua a hre mumal tawh manglo a,an rawn tlai ṭep kha ania.





"Eng nge in buaina," doctor Ruatfel'an ka bula lo ding pahin ati chang deuh rûn a, "nau neih na roomah hian luh phet atûm a," ka tih chuan "lo ngawi rawh,room a awm saw ka nupui anih saw,buaina a tawk anih vaih chuan in chak lo khawp ang," kan hma a mipa chuan ala ti deuh khur khur a.





"Room ah sâwn va lût rawh," doctor Ruatfel'an ka beng bula atih deuh sup chuan ka en chho ha a,lut tura min signal leh takah chuan keipawh ka lut ve vat a.Adeline'i te ho anlo buai khawp mai, "Hmangaih,naute hi lo tifai rawh," doctor in atih takah chuan ka pawm ve vat a,naute chu hmeichhia ania a hmelṭha reuh khawp mai.





"Ngatinge a," naute nu an buaipui sap sap takah chuan Adeline'i beng bulah kati deuh sep a. "A la harh theilo,an rawn hruai luh aṭang khan nikhua a hrelo hrim hrim a,rawn tlai leh deuh hlek phei sela chuan naute pawh kha kan chhan hmanlo ang," atih chuan ka thaw deuh hak,anpa lah khan min vo nasa bawk sia.





"Eng nge chanchin," room chhunga lo luh paha Doctor Ruatfel'an atih chuan kanlo en deuh ṭhup a.Doctor Rinpuia hlauthawng hmel pawh chu a hriat khawp mai,naute chu pawm sawnin ka tifai sawk sawk a, "hetiang room a awm hi hreawm ka ti ber,a dam chhuah tawh hmel siloa,room a ka awm ve hi hreawm ka ti tawp" Adeline'in naute ka pawm lai en vang vang paha atih chuan ka chhang lemlo.





Doctor rual pathum in theihtawp an chhuah pawn anu chu an chhan hman ta tlat lo a,puan var a an khuh dawn te chuan ka lainat reuh takzet,a fanu pawh hmu hmanlo in a boral mai chu ani sia,nau neih hi thil awlsam anilo tih chiang takin ka hriat phah a,nunna thap meuh a beih a ngai ani tih ka hre chiang tawh hle bawk,raicheh a thi pawh an awm nual tawh mai.





"Naute kha apa in pe dâwn nia," doctor Rinpui'an ati ngui deuh ruih a,a ruang pawh amah ngeiin a nawr chhuak bawk. "Naute kha minlo pe rawh," Ruatfel'an atih chuan kape ve vat a.





Pawn lama kan chhuah chuan anpa thinrim inhro sa chu rapthlâk tak ani,a bulah anu niâwm tak hi alo ding reng tawh a.Naute Ruatfel'an apek chuan naute pi ni ngei tûr chuan alo la vat,kan awmna a hlat deuh avâng in eng nge an sawi ka hre mai theilo, doctor Ruatfela chuan pitar ve lampang chu thil a hrilh tih ka hre thei,a dar a ben dat dat danah a hnem ve te pawh ani ngei ang.





Nichin a anpa bula kalo sawi kha ka inchhir leh hnuhnawh lutuk a,keima sawi ngei "doctor thiam tak tak te an awm a,a ṭha leh mai ang" ka tih chu ka beng ah a ri nawn tluk tluk a,nuamlo ka ti a an in phur chhuak pawh chu ka en ṭha ngamlo, "Adeline a hreawm tiro,anpa kha keimah kher in kalo hmachhawn bawk sia" ka ti deuh sep a.Ka thin te chu a tawt up up ni maiin ka hria.





"Khatiang aia hreawm pawh kha ala thleng fo dâwn alawm,in thiamlo duh suh,hahdam rawh" Adeline'in atih takah chuan tlêm chuan ka in thlahdul ve ta deuh a, "ei rawh u" tih paha Doctor Ruatfel'an lasi minlo pêk chu kanlo ban ve mai a.





"In ṭhian dun in ward two lamah in duty tawh dawn nia," uRinpui'an atih chuan ka lawm ru khawp mai, Ruatfel'a nen an in zui phei chu ka thlir zui reng a. "Doctor Ruatfel'a saw surgeon ani sia,a duh duh naah a duty thei bikin ka hria,a kal kual reng mai, doctor Rinpuia nau neihna ward ah chiah a duty theih laiin" Adeline'in atih chuan ka nui ringawt.





Damdawiin chhûng lama luh pahin intur min pêk chu kan in zui nghal a,a vâwt bawk a khawchhûng a dai sawng sawng thei,atui reuh phian leh nghal a.





Nau nei tûr an awm reng a,naute an piang reng a lehlam ah mitthi anlo awm veleh zêl bawk nen damdawiin a thawh chu a thlamuan thlâk teh chiamlo.Zan lampang ah duty na hun minla pe vak lo zawk a,kanla junior deuh bawk a min khawngaih ve deuh te pawh aniang,zing aṭang tlai lam thleng kan duty ṭhin.





"Vawiin chu kanu alo chhuk dawn a,a pile a thi atia a in entir dâwn a," hriau vel lâk khawm mawlh mawlh paha ka tih chuan "ava pawi ve,zai te alo ngai thut ange" Adeline'in alo tivat a.






"Ka hrelo le,zai a ngaih chuan a cham ve reng rih ala ngai ang," kati deuh sep a,hriau nen chuan kan patient te awmna lamah ka phei zui nghal.





"Naute a ṭha zêl em," nuisâng a ka tih chuan alo nui ve sak a. "Aw ṭha zêl e,naktuk lamah chuan kan chhuah ve theih tawh hmel," alo ti dam diai a,a drip khai chu ka lakthlak sak nghal mawlh mawlh bawk.





"Haw rual ang aw,kan duty hun a tawp ṭep," Adeline'in atih chuan kalo aw ve vat a.Kan ṭhian dangte nên kan kalna line a in ang chiahlo a,midang chu mit lam leh surgeon te a dang dang anni nuk hlawm a.Duty rual ṭhin reng mah ila,kan in hmu khat thei khawp mai.





Kan duty hun a tawp takah chuan in thlâk na room lamah kan ṭhian dunin kan inzui thla a,zan lama duty tur pawh anlo thleng sap sap tawh hlawm mai, Scooty Adeline'in a lakchhuah laiin keiin kawngpui ah kalo nghâk a.





Doctor Ruatfel'a leh hmeichhe pakhat rawn kal phei dun chu kalo en ta reng ringawt a,a hmeichhia lah chu a duhawm reuh em em leh nghal a,tarmit bial ve lampang hi avuah a,a sam ngil dum tle siau chu a thlah hnuang bawk,anu ngawih ngawih doctor Ruatfela pawh chuan a duh hmel khawp mai.A hmeichhe kal pui chuan a kut ah thil a chhût nge mawni,a kut hmang meuhin a ṭawng a,an sawi tum an in man chiahlo nge an nui dun leh ṭhin a,kan awmna a in hlat bawk nen ka awm hmun aṭang chuan kalo suangtuah ve vak vak ringawt a.





"Hmangaihzual,eng nge i ngaihtuah ang aw..." Tih paha horn a rik deuh tuarh chuan ka phu zawk mai, Adeline'i alo ding reng tawh. "Ava hmuhnawm awm em em ve,biak i hre thei miahlo a,eng nge i en bik a" helmet khum ṭhat mawlh mawlh paha atih chuan a hnungah ka lawn ve vat a.





"Engmah ka enlo,thil kalo ngaihtuah mai mai mawle,kal ang" ka tih takah chuan min zawt zui tawh bik lemlo.Kan in kawt thleng min thlah leh thlap a,kanu alo zin tih ka hrilh avâng in ani pawh alo lut kawi ve a,inchhung kan lut chu kanu ṭhuthleng ah alo mu deuh zâr a,phone a lo khawih ve melh melh mai,a bulah Om'in lehkhabu alo chhiar melh melh bawk.





"Nu,ilo thlen na arei tawh em" ka tih chuan alo ṭhuchhuak ve vat a. "Heihi ka ṭhiannu ka thawhpui nu, Adeline'i anih hi" ka tih chuan an in chibai ve tête a, Adeline'i pawh rei a awmlo,khua a thim ve ṭep tawh bawk nen a in khalh haw leh vat a.





"Naktuk lamah in entir nghal ila aṭha ka tia,haw hma leh thei turin,nang lah i duty awm sia,Om'i hian min buaipui law law mai rawh se," atih chuan kan hnial Lemlo.





Chaw eikham ah kanu mutna tur room ka siam fel sak zung zung a.Kan inah hian room pali lai a awm ve a,azau bawk a a luah man minla tlawm deuh zui bawk nen,chhuahsan mai mai chu kan tum vaklo.






"Karleh Nilai ah ka chhuk tawh dawn a,Sunday tlai ah leng ila i hman angem," Ruata Message lo awm vava chu ka hawng vat a.Naktuk inrinni ania,Sunday kan chawl dâwn bawk a,keipawn kalo hnial hranlo.





"Hmangaih,lo phei teh hei ipa te video call inti ami,tih ve ka tum a keimah ringawt ka lang mai,signal an neilo zâwk nge mawni" kanu in atih chuan ka phei ve vat a.






"Aw...nu khatiang khan anti ngai hleinem,camera ah anih kha iluh,camera ah te chuan nangmah chiah ilang reng ang chu,hetah hian ilut anga" tiin ka hrilhfiah chhunzawm nghal mawlh mawlh a.A hre rei leh dawnlo tih erawh ka hre thung,a thawm hi aring ve sia,a ṭawng ring thei bawk si kan in hnuai ten bengchheng anti emlo ang chu maw.






Kan inhnuai ah hian kapu Kapdinga te nupa an awm a,an fanu pasal ṭhen tawh ti mai ila,an in lama lo lêt leh an awmpui bawk a.An fel in keini pawh min ngaihtuah ve thei khawp mai,Omi nen phei chuan an inpawh lutuk,keimah zawk hi in lamah ka awm hman vaklo a,Omi phei chu an fanu en in an en tawp a.Eitur an neih apiang kan unau tan tiin minlo pe ve ziah bawk.





Ka intih fai tete hnuah phone khawih pahin khumah ka muzal mai mai a,Ruata lah a online leh tawh siloa.Movie ka en loh leh Youtube velah short vel ka en mai mai a,naktuk thawh hma leh a ngaih dawn avâng in rei erawh ka menglo thung.



****************
"An sual chuan lo hau bawrh bawrh rawh aw,an unau maia awm an ni sia, ngaihtuah hi an na ve lutuk a,in in an luah hlauh hi chu a vanneithlak hi ka ti emai,naupang mai anla ni sia minlo ngaihven sak reng an ngai ang," kanu in atih lawng lawng ri ka hriat chuan ka harh ve vat a.Ala hma sia,nu Rami nen an inbia ani ngei ang,an ṭawng ring dun khawp mai.





Kanu a thawh tawh hi chuan a mut theih tawp ngailoh rere, "pawn lamah kava inti harh lawk ange," ka tih chuan kanu in minlo envat a. "Pawn lama intih harh kher aṭul lo emai,i harh sa reng alawm" alo ti leh deuh hlak hlak a,nu Rami a awm ve bawk sia,ka nui ta ringawt a.





Pawnah ka chhuak chiah chu ka hahdam sawng sawng thei,zingkar boruak chu a thiang in anuam takzet, "kata anih kha,nizan ah ita chu i ei vek tawh alawm,u khawi minlo pe rawh" chhak lam aṭang a tih ri ka hriat chuan ka hawi chho vat a.Unau ni ngei tûr hi an rawn in um thla dat dat a,an hmel en chuan anla upa em em lo ang,kum sawmpariat vel bak an nih ka ringlo.





"I phakar thei emai,Nau-i nizan ah kata min eipui vek tho alawm" a mipa zawk chuan ati ve sup a.Kan in opposite chiah ah an inzui lût nghal,an hmel kala hmuh ngai loh danah lo awm thar anni ngei ang,ahma chuan kan in opposite chiah ah hian nupa rek an awm ṭhin a,inbe em em ngai lo mah ila kan in hmu ve zeuh zeuh a,an chhuak tawh ani ngei ang.






"Atam si a,Bawiha kan in enkawl ve thei reng ania,min ngaihtuah lutuk anih kha,i nu Terem'in ipa in minpe ve ṭhin tih a hriat phei chuan a thinrim viau ang aw," kan in hnuai nu nu Saipuii aw ka hriat na lam chu ka hawi vat a,rinloh lutuk a Ruatfela ka hmu chu ka meng bial kawk kawk mai.





"A hria anih pawn a pawi na pakhat mah a awm lo,kapa sum hi i duh tawkin chen rawh,saw mite nufa chen tur ringawt saw ani hauhlo," Ruatfela chuan ati khur khur a,ka hrethiam lo takzet.Hetah eng nge atih anga,nu Saipuii nên hian eng in zawmna nge an neih ang.





"Ka han chho phawt ange,zinglam duty ka nei sia,bânah kalo tlawh kawi leh ang che u" atih chuan bihruk na tur ka zawng ruai a.Step ah alo chho tawh bawk si nen,kan varanda ah pheiin hmun phiat ang chuan kan awm ta ringawt a,min hmuh theihloh nan kan in lam ka hawi tlat bawk.





"Hmangaihi chu iva tho hma leh tawh ve,nang hi chu ifel ve ngawt mai," nu Saipui'in atih chuan ka chhing sawk.Nidang ah te chuan fel minti sela chuan ka lawm leh dawn nen,tun ṭum erawh min be ringawt pawh chu ka ṭap ṭep lo chauh.






"A oiomloh emai," an lam pawh hawi lemlo chuan kati deuh sep a, "inu alo zin ami a," ala ti ta deuh deuh a.A hawi loh theih tawh siloa, "nia in entir turin alo zin lawk a," tih pahin an dinna lamah chuan ka hawi ve ta nge nge a.Ruafel'an min hmu chu mak pawh a tih hmel em em hranlo.





"Taka,Bawiha hei Hmangaihi hi in damdawiin ah khan a thawk te tak asin," nu Saipui'in atih chuan hmun phiah chu nghet deuhin ka vuan a, Doctor Ruatfel'a hian min hau hrep tawh tih te hi hre tase engtin tak ti ang maw.





"Anih chu," doctor Ruatfela chuan ati deuh sup ringawt a, "Hmangaih,buaina te inei anih chuan hei Ruatfela hi a awm a,i thawh na damdawiin na na ah chuan a lal pawl ani ve tawh ania,buaina i neih chuan lo hrilh zêl rawh" nui huah huah chunga atih chuan ka nui tawi ve tak,zingkar aṭang kuhva a ei sen leh tawh khawp mai,kanu ang chiah ani.





"Han chho mai rawh Bawiha,kan lut kawi ve lawk ange,Hmangaihi nu alo zin lai ani bawk a," nu Saipui'in atih hnuah doctor Ruatfela chu kan inah a luhsan ta daih a.Inchhung a luh ve mai ka tum chu "in în animo," atih vang chuan ka ding deuh chawt a.





Doctor Ruatfel'a awmna lamah in herin "animo," nuisâng in ka ti chhuak deuh tawl a.A thil min zawh leh ka chhan na in milh lo lutuk chu ka kawr ka hmer ta vak ringawt a,ka va han mawl tak,eng nge ka thluak ah hian awm ni.





"Anih dâwn chu," Ruatfel'an atih ve chuan ka nui tawi tak ringawt,ani pawh a chiang bik vaklo aniang,ala hma bawk sia,kan thluak ala tho ve lo te pawh aniang.





"Thingpui.." ka ti hman ṭawk tih ah ka sawi zawh hma chuan "anih phawt le, damdawiin ah kan inhmu dâwn nia" atih chuan chhan pawh ka chhang tawhlo,ka zahna chuan van a tawng hial ang,mite pawh sawi zawh tir phawt se step a a chho chu eilo zetin ka melh ta reng ringawt a.





Inchhung ka lut chu nutling pathum inkawm tih takah an nui ring khawp mai,an fate chanchin ṭheuh an sawi ani ngei ang,midang bulah hi chuan kan sual thei mawle,kan sualna an han sawi tak tak hi chu setana pawh kan khum ram ram zel,kanu phei chuan min chhuah chhe thei sia setana bestfriend ah min chhuah lo chauh zel.





Room lamah lutin ka khum ka siam fel zui nghal mawlh mawlh a,insiam sa diam a ka chhuah leh chuan kanu leh Omi chiah anlo awm tawh. "Chaw ei nghal mai ang u,eirawng ka bâwl zo vek tawh,chhuah hma kan ngai hlawm si" kanu in atih takah chuan kan siam zung zung a.





"Nu,nu Saipuii khan a fate chanchin nichin khan a sawi ve em" ka tih chuan minlo en zawk a. "Ngatan nge itih," ati leh deuh hlar tawh,mite hi a rinloh hmel thei sia.





"Engmah mawle,ka zawt mai mai che" ka tita sep a, "fapa anei tih chu asawi,a ṭawng a fimkhur khawp mai,a sawi ṭha vak duhlo minla ring chiah lo te pawh aniang,a fapa a pa bula a awm thu leh anla in tlawhpawh ve reng thu asawi a,chu bak a dang a sawi lemlo" atih chuan doctor Ruatfela bawk rilru ah alo lang leh tawh.Mahse a fapa nise ka hre ve tawh ngei awm sia, doctor Ruatfela te nên an inchhung anih chu ka ring phawt a,a fapa anih erawh ka ring chiahlo,ni sela chuan ka hriat na arei tawh ang.


Link:
BBcode:
HTML:
Top