All For Love BY Becca Lnz (Completed)

[Ngaia]

Chapter-19



Amelia Lalnuntluangi POV




U Tluangi pawh vawin atang a rawn kal leh tawh dawn a, lo kal hrih lo tur a kan tih lahin "Thlakhat lai a liam ve tawh a, in a ka in khung char char chuan thaw a ipik zual" a ti tlat bawk si a, kan hnial duh ta lo. Zuali pawh a la thawk ve ta reng a, Nicholas-a hna lam a buai changin a rawn haw lo leh zeuh zel bawk nen keimah chauh a ka awm ai chuan a ti a, pawi ka ti lemlo, U Tluangi nen pawh an in kawm ngeih nghal khawp mai, ka pa lung thlak na tur pawh doctor ten an hmu hloh a, kan lawm tlang hle, ka pa taksa a la fit that loh avang erawh in an la zai theilo thung, karleh lamah an check leh anga chuta a taksa a chak that tawh chuan an zai dawn a ni, kan phur tlang tawh hle. Ka pa unaute pawh rawn zin vek an tum a, ka pa a ngai pawimawh bawk a, kan hnial lem lo, engpawh nise tluang taka an zai ngei kan beisei a, kan tawngtai thupui ber pawh a ni.




Choka ah ka lut a, vawin chu dawr ah pawh ka kal lo, Christmas a hnai tawh bawk nen in chei ka duh vang a ni pakhat, nimin ah Nicholas-a nen kan chhuak dun a, in chei na kan lei nual a, ka thlan vek a ni a, nalh pawh ka ti khawp mai. "Inchung vel hi hawl fai phawt ila chuan kan chei tan mai dawn nia" ka ti a, inchung chu kan hawl hlawm a, kan in a lian ve bawk nen hun pawh a duh rei khawp mai, bang velah chuan light kan dah a, christmas tree pawh kan lei nghal a, a liam tham ve bawk nen kan zo lutuk lo bawk a, hun fel nan pawh hun kan duh rei viau, ka duhna hmun takah kan hun fel hnu chuan light chuan kan zem kual a, a cheina tur a kan lei te kan tar leh hnuah ka en vang vang a, a nalh ve viau mai. Kum khatah Christmas vawikhat chauh a thleng thin bawk a, chuvang chuan in hi chei ngei ngei ka duh thin, pasal ka neih hma pawh khan kan in kha keiman ka chei vek zel.




Kan tihtur ang te kan tih zawh takah chuan chau zetin thutthlengah kan thu zawi ngiai hlawm a, tawng pawh kan tawng peih lo, reife kan thut hnuah kan riltam thu kan sawi hlawm a, choka ah lut in eitur kan siam a, kan ei zawh hnuah room lamah in tifai turin ka chho nghal. Ka pum a ni deuh nghulh lehnghal, hna kan thawh hma khan tengtere bawl kan ei a, ka ei tam bawk nen ka pum lam a nawm loh phah. Inbual zawh a kan phone ka en chuan dar 3 a ri hnai a, inhnuai ah pawh ka chhuk peih tawh lo, ka mut a chhuak lutuk tlat U Tluangi leh Zuali an awm tho bawk a tiin ka muhil a, kut vawt thler in ka hmai a rawn khawih chuan ka meng riai riai, Nicholas-a hmel kan hmu nghal zat bawk, a va rawn haw hman ve vawin chu ti rilru in banga sana in tar chu ka en a, ka harh nghal kawk mai, dar 7 a lo ri tawh chu niin, ka va han mu rei em em ve leh.




"I lo haw na a rei tawh em, enge maw I tih le?" ka tawng lai chuan ka chungah min rawn bawh beh avangin ka ti hlar a, "Ka ngai che, vawin nileng in ka rilru ah I awm vangin hna pawh ka thawk tha theilo tih i hria em, ka chungah hian eng dawi chiah nge maw I hman le?" tiin ka hmui ah a rawn fawp zeuh a, "Khawi tho rawh, ka riltam tawh teh mai nia, inhnuai ah chhuk ila chaw zuk ei ang" ka ti a, thawh a tum loh hmel khawp mai. Ka tal fat fat a, ka chau vek tawh, a rih zia te hi a hre miah lo emaw tih mai turin min delh bet nasa bawk si, ka thaw tawk tawk ringawt, "Tho rawh, i rit si, ka thaw tha theilo, ka thaw a chham mai dawn" ka tih takah chuan tlem in a awm hla deuh a, mahse min la bawh bet reng tho, "Tho pangai ta che mawle, ka riltam ka tihchu" a awmdan ka ngaithei tawh hlawl lo chu ka au ta nghek a.




"Keipawh ka ril a tam khawp mai" a ti sup a, "A nihchuan tho la, chaw kan ei dawn lawm" a nui suk a, "Ka riltam dan leh i riltam dan a in anglo tlat a ni" a tih leh chuan a thusawi awmzia ka hre bawk silo, ka en hau a, a mit ah tak ka en takah chuan a thusawi awmzia ka hrechiang lutuk mah mah. "I ninawm, tho rawh" ka awm ah chuan ka nam a, a che eih lo, "Bawihi, nizanah min muthilh san daih a, ka tam tawh viau a nia" a ti leh a, a hmel lah chu khawngaih thla la zetin a siam a, ka nuih a za bawk si ka nuih lahin ka ti lungawi lo leh emaw a ni dawn si a, ka insum hram hram, "Engpawh nise tho phawt teh, I rilru ang kha engmah tih chakna ka nei miah lo a nia" ka ti a, a nui hawk, "I chak lo tak tak amaw?" ka mitah en kar chungin a ti a, ka mal chu a rawn zut nghal zat bawk, chutia chet a lak takah chuan ka lo in sangmar nghal vek thei.




Ka awmdan a hmuh chuan a nui nghawr leh dat a, mak tak mai in hetia min khawih tawh chuan ka taksa hi ka thunun theih piah lamin a danglam nghal vek zel, chuthil chu Nicholas-a hian a hrechiang lutuk tlat bawk. Ka mit ah a la en ran a, ka mal chu a zut chho zel a, ka panty a zut thlen takah chuan ka thaw ka ip nghal chawih, "Bawihi, in sum suh" rawn kun hniam in ka beng bulah a rawn phun sup a, ka panty chu pawt kau in a kut lawng chuan ka hmeichhiat na chu a khawih nghal zat, ka in sum thei tawh lo, ka thaw chhuak hak hak a, ka taksa chu a za chhuak vek bawk. Ka hmui chu a hmui chuan a rawn chuk tuah a, duhthawh zetin min fawp nghal tawn tawn bawk, ka lo chhanglet ve thuai a, "Bawihte" ti khur hluk in ka thawmhnaw hak chu min phelh sak a, kawrfual ka ha bawk nen awlsam zetin a phelh nghal mai a, ka bra chu min phelh sak leh in ka panty a phelh zawm nghal zat bawk, in bual zo hlim a ni bawk a, a ni erawh boxer chiah phelh tur a nei thung.




Saruak ve ve a kan awm hnuah ka chungah bawk chuan a rawn bawk leh a, a mipatna chu hum in ka hmeichhia hna chu a rawn hawl kual a, eng dang mah ka ngaihtuah thei tawh lo, ka chhungah lut vat vat se tih bak duh ka neilo, dim te in ka taksa chhungah chuan a rawn lut a, ka au chhuah mai loh nan ka hmui ka lo pet fan fan a, ka mit ka chhing chial bawk, muangchangin a che a, ka hmui ah chuan a rawn fawp leh vawng vawng thin bawk, ka chhang let theilo, ka thaw chu ka ka ah a lenglo a ni mah ang chu. A tawp lamah chuan a in sum theih na hloh tih hriat takin a che duhthawh tawh kher mai, ka taksa atang chhuak in min bawh khup tir a, ka taksa chhung ah chuan a rawn lut leh nghal zat, rei kan daih tawh lo, ka hnungah chuan a rawn bawk thlawp a, kan thaw dun hlawi hlawi mai.




"Tho la, in tifai ang" rei fe kan mut leh hnu chuan ka ti a, a ni pawh chu a tho ve mai, bathroom ah chuan min pawn lut a, kan chhuah leh hnuah kan thawmhnaw te kan ha fel a, inhnuai a kan in zui thlak lai te chuan a nui leh vur vur thin a. Zuali chu sitting room ah thil a lo ziak mawlh mawlh a, "Zuali enge i tih a?" ka tawng thut avang chuan a phu zawk a, "Aa.. engmah a nilo, lem ka lo ziak mai mai a" a ti a, a thil ziah en turin ka kal hnai a, ka rin ai daih in a ziak thiam, "Lem i ziak thin tih ka hre miah lova, I va ziak thiam ve" ka ti a, "Ka van lawm, hun awl ka neih chang hian ka ziak ve leh zeuh thin a" a ti mai a, "A nihchu chaw I ei tawh em?" ka ti a, a ei tawh thu in min chhang a, chaw kan ei ve tur thu ka sawi chuan min siam sak tum in thawh a tum a, keimah ni a kan in siam mai tur thu ka sawi avang chuan a lem ziah lai chu a chhunzawm leh mawlh mawlh a.




Chaw kan ei a, ka riltam tawh bawk nen Nicholas-a ai pawhin ka ei tam zawk, ei na vel kan tihfel hnuah sitting room ah kan nupa chuan kan kal a, Zuali pawh chuan a thil ziah lai a lo zo tawh a, "A va nalh ve" ka ti a, a ziak thiam lutuk, duh nise lar pha hat tur khawp in a ziak thiam alawm, "Nalh I tihchuan nei daih rawh, ka ziak ve mai mai a nihkha" a tihchuan lawmthu te ka sawi a, frame in siam ila, kan room ah tar daih teh ang. Zuali chu a room ah a lut ta daih a, "Ka pu kha karthar lamah hian tiraw an zai dawn tak?" a ti a, "A taksa a chak dan a zirin a nimai, a taksa in in zai a hmachhawn thei a nihchuan an zai tawh mai ang" ka ti a, ka pa chungchang chu kan sawi dun ta char char a.


....

Ka pa chu an lo zai thei dawn hloh a, kan lawm tlang hle, in zai naah an nawr luh thleng chuan kan en liam a, ka pa unau te pawh an kim khawp mai, Nicholas-a chu ka bulah a awm deuh chawt bawk. "I hna ah chuan va let tawh la, ka pa chu an zai rei dawn bawk si a, chanchin ka rawn hrilh ang che" ka ti a, meeting pawimawh tak an nei dawn tih ka hriat vang a ni, a sana chu a en zeuh a, "A nihchuan ka kal phawt a, meeting zawh ve leh ka lo kal lehnghal dawn nia" tiin ka chal ah a fawp a,, ka chhungte bulah chuan hna lamah let lawk a ngaih thu a sawi hnuah pawn lamah kan in zui chhuak dun a, a tlan liam hnuah damdawiin chhungah ka lut lehnghal. Darkar li vel kan nghak tawh, ka pa chu an la zai zo lova, a rei riau tawh in ka hria, Nicholas-a lahin min la rawn be miah lo bawk.




Darkar chanve kan nghah leh hnu chuan ka pa chu an zai zo va, ka pa zai tu doctor a rawn chhuak a, chanchin kan zawt nghal vat, "Tluang takin kan zai e, cabin ah kan sawn lut anga, a rawn harh har lutuk lovang, chuan zai zawh hlim a nih avangin in dim hle a ngai dawn a, bawr huai huai a chi loh bawk ang "a tih takah chuan kan thawveng hawk hlawm a, Doctor hnenah chuan lawmthu kan sawi mawlh mawlh a. Ka pa chu cabin ah an sawn ta a, kan vaia luh a rem bawk silo nen pahnih te te in kan lut ta zel a, ka nu leh ka nau an lut hmasa ber, ka nu te ka pa cabin a an luh chhung chuan Nicholas-a pawh a rawn let hman a, chanchin ka lo hrilh ve vat bawk. Ka pa tluang taka an zai tih a hriat chuan alawm ve hmel khawp mai.




Ka nute (Nicholas-a nu) hnenah chanchin te ka sawi ve a, an ni pawh an lawm khawp mai, naktuk lama rawn kal an tum thu an sawi a, ka pa chanchin te chu min zawt ve luam bawk, kan vaia kan hmuh kim vek hnuah a then an haw a, awm ve ka duh viau na in ka nu in min lo hnial tlat a, ka pa harh hunah min rawn hrilh tur thu an sawi takah chuan Nicholas-a nen kan haw dun ta a, zan lamah kal leh tho kan tum a ni. In kan thleng a, kan in thlak hnuah chaw kan ei nghal zung zung, Zuali pawh zan lamah chhuah na tur a lo nei a, a chhuah dawn hunah in kalh tha turin ka chah a, keini pawh damdawiin lamah kan kal lehnghal, in a kan awm lai khan ka pa a harh tawh thu ka nau in min rawn hrilh tawh bawk.




Ka pa cabin ah chuan kan lut a, ka pa chu harh mahse a chauh hmel hle, a la tawng tha thei meuh lo bawk, kan awm ta reng a, kan haw leh meuh chuan dar 11 a ri tep, in ka thleng a, a lo la in kalh thiap mai, Zuali chu a va haw har ve le aw, kan mut tawh hnuah pawh ka muhil mai theilo, Zuali lo haw hun chu ka nghak reng a, ka pasal erawh a thaw ri sak sak tawh mai. Dar 1 a rik dawn ah chuan Zuali a rawn haw tawh em tih en turin in hnuai ah ka chhuk a, step ka chhuk lai chuan kawngka pui lam atangin thawm ka hria a, Zuali a nih ringin hmanhmawh zetin ka chhuk a, a lo ni ngei bawk, a ruih hmel em em lehnghal, zu emaw beer a in thin awm ang ka hre miah lo, a banah ka va man chawt a, a la phu zawk zui, min hmuh chuan a meng phawk vak a, "U Amelia I la muhil na nge?" a ti bah nawk bawk.




"I lo la haw silo a, ka ngaihtuah che alawm, hrim hrim in I va rui ve" ka Iungawi zan lo, nau angin ka en a, hetianga a awm hi ka duhdan a nilo hrim hrim bawk, "Ih.. beer ka in ve a, ka lo in tam deuh a" a ti bah nawk nawk a, "Engpawh nise a tlai tawh, i room ah ka hruai ang che" tih pahin a room lam chu ka pan pui a a kal tha theilo bawk nen kal chung pawh rei duh ngat ngat tak a ni. A thil in rim lah chuan ka luak a ti chhuak deuh hlui bawk si, hreawm ve tak chu a ni, khuma a leh thlak rual rual chuan a muhil zui nghal daih, a pheikhawk te chu ka phelh sak a, naktuk zingah a harhfim hunah ka hau ang, hmeichhia a ni a, hetianga awm hi a mawilo, puan ka sin that tir leh hnuah room atang chuan ka chhuak a, a thil in rim khan ka hnar a luh tlat mai bawk si, ka luak chhuak chu a zual zel emaw tih mai tur a ni.




Kan room ah ka chho a, bathroom ah ka lut tlang nghal, ka hmai te chu ka phih a, thawm dim tak chungin Nicholas-a bulah chuan ka mu thla lehnghal, a harh lo hlauh a, nghet zetin ka kuah a, a awm ah bei chial in ka muhil a. Zing ka harh chuan keimah chauh in ka lo mu tawh, in tifai in inhnuai ah ka chhuk a, U Tluangi chu choka ah a lo che mawlh mawlh a, Zuali erawh hmuh tur a awm lo thung. Nizan a in tam ve bawk nen a ka tho peih lo anih ka ring. Nicholas-a hmuh mai tur a awm lo, "Amelia, U Nicholas-a kha dar 7 rik dawn khan a rawn tho chhuak a, hna lamah buaina a awm thut vangin a kal nghal aw, I la muhil tui bawk sia lo hrilh tur che in min ti a" U Tluangi chuan a ti a, eng buaina tak chu tawk ang maw, ka ngaihtuah khawp mai,, chanchin min rawn hrilh vat beisei phawt ila.




"Zuali pawh a room ah ka va kal a, ka koh ka koh hnuah pawh a harh thei silo a, ka kaitho duh ta lo mai a nihkha" a ti leh a, a chawhmeh kan lai chu a chawk mawlh mawlh bawk a, "Nizanah zu a rawn in haw a, a rawn haw tlai bawk nen a rawn thawh chhuah hunah a lu a na viau ang, eng emaw in tur lo siam rawh aw" ka ti nghal vat a. U Tluangi nen chuan chaw kan ei dun a, dar 10 dawn ah Zuali chu a rawn tho chhuak ve ta chiah, a phak chuap a, a lu chu a dawm vang vang reng bawk a, "Heihi in rawh, tinge zu te i in reng reng a?" U Tluangi chuan Zuali hnenah chuan a ti a, "Kan thian hovin kan in hmu khawm a, a tirah khan in ka tum chiah pawh a nilo, mahse min ti lui tlat a" a ti niah niah a, a hma zawn a in tur U Tluangi siam sak chu a ban nghal zat bawk.




"Nidangah chuan tikhan awm tawh suh aw, I lo haw har bawk sia, ka ngaihtuah che a, ka muhil theilo alawm, hmeichhia i nia, khatianga I awm kual mai mai a nihchuan I la hmingchhe vat dawn, hmingchhiat na hi ho te a ni thin ania" ka ti dap dap a, a ni pawh chu a in thiam loh hmel hle, engtin ka ti vak duh tawh lemlo. Tukin ka tho chu ka nawm loh riau avangin dawr ah pawh ka kal ta lo ringawt, ka thiante nen kan in be hlawm a, tunlai chu kan buai lai a ni vek bawk nen kan in hmu khat hlawm viau mai. Chhana chuan private in min rawn bia a, a thu rawn sawi chuan min thawng ngei mai, "I ti tak tak em?" ka va ti nghal a, "Tehreng mai, engtik atang nge ka hrelo, a lo thleng ve tawp a nimai" a tih takah chuan ka nui ta ver ver a, ka thiannu em em Thakimi a duh thu a rawn sawi a nihchu.




"I hrilh tawh hrim hrim em?" ka ti leh a, "La hrilh lo, ka la ngam thlawt lo ani, mipa a ngaihsak lo bawk sia, min lo duh lo ta se ka hmu ngam tawh kher lovang" a thusawi chu a dik ve reng, ka thiannu hi chuan mipa lam hi a ngaihsak hlawl lo a ni. "Engpawh nise, i zep reng thei lovang, hrilh vat zawk rawh" ka ti a, keimah zawk hian sawi sak ka chak et et, ka thiannu hian a duh ve mai angem, Chhana ka duh thin zia hre tu a ni a, mahse tunah chuan pasal ka nei tawh a, ka pasal hi ka duh hle bawk, ka hmangaih em tih erawh ka la hrelo thung. Kan nupa inkar that zia pawh an hre ve vek a, a tira pasal a ka neih duh loh zia an hre bawk a min fiam nan tak an la hmang zui, ka thian dang te pawh an in ngaizawng vek tawh a, Chhana leh Thakimi chauh an bang tawh, an ni an in ngaihzawn leh chuan engkim a dik vek a nimai.




Room atang ka chhuak a, ka ril a tam lutuk ringawt, inhnuai ah chhuk in U Tluangi hnenah chuan eitur min siam sak turin ka ngen a, a ni pawh chuan min siam sak ve vat, ka ei dawn chiah a, mahse eng emaw rim ka hria a, ka in ring hman lo, ka uak ta tuar a, ka luak mai dawn a ka in hriat avangin ka ka hup chungin bathroom lamah ka tlan a, ka thleng chiah chu ka uak nghal tuar tuar, U Tluangi leh Zuali chu min ngaihtuah hmel zetin an rawn tlan ve thuai a, "Enge awmzia, nanghi I tha miah lo ania" U Tluangi chuan tih pahin ka hnungah a rawn zut a, ka chau hlauh hlauh, engmah ei chakna pawh ka nei tawh lo, mahse ka ril a tam em em tho bawk si, bathroom atang chuan ka chhuak a, "U Tluang ka ei tawh lo mai ang, ka han mu teh ang, ka pum hi a ni deuh nghulh mai" ka ti a, inchung ka chho tur chu U Tluangi'n min koh leh vangin ka ding leh rih.




"Nanghi i awmdan atang hian i rai a ni thei mai lo maw?" a ti chiah chu ka meng phawk vak, a ni thei dawn em ni, ka thla tin hun bi ka chhut a, thla hmasa kha ka period miah lo, chuan tun thla pawh thla chanve a ral leh tep tawh a, ka la period chuanglo, "A ni dawn ami?" keimah leh keimah ka in bia a ni zawk mah, "Test kit kawl sa I nei em?" a tih leh chuan ka lu ka thing ringawt a. Zuali hnenah chuan test kit lei turin a ti a, Zuali pawh chu hmanhmawh zetin a tlan chhuak nghal, a reilo, a rawn thleng rual chuan min rawn pe a, "Va in test rawh, I rai ka ring tlat I awm dan hi" a ti a, huphurh leh phur ru tak in bathroom ah chuan ka lut a, rei fe ka nghah hnuah ka en chuan rin sen pahnih chu ka hmu a, enge tih ber tur pawh ka hrelo, ka ka ka hup a, U Tluangi ten pawn lam atangin chanchin min rawn zawh pawh chuan ka chhang theilo.




Kut khur dar dar chungin bathroom kawngka chu ka hawng a, enge chanchin tih melh in min lo melh dun, ka bu ta nghat a, ka nui hak bawk, an hrethiam nghal a, an ni pawh chu an nui chhuak hak hak a, "U Nicholas-a hrilh la, a lawm ngawt ang" Zuali chuan phur zetin a lo ti a, "Aih, la hrilh hrih lovang, hmai chhan ah ngei hrilh ka duh, tumah lo la hrilh suh u aw, kan chhungte pawh" ka ti sa thlap a, an lo pawm dun khawp mai. In chungah ka chho a, Nicholas-a rawn haw hun chu ka nghakhlel hle, a hriat hunah chuan a lawm dawn lutuk tih ka hria, fa a awh zia min hrilh fo thin a nihkha, zing lama ka nawm loh na zawng zawng te kha a bo vek in ka hre hial. Zuali chu room ah a rawn lut a, eitur min rawn ken luh sak a, "U Tluangi'n han pe rawh engmah a ei bawk silo a ti a" tih pahin khum bulah dawhkan te ah chuan a dah a, a chhuak lehnghal.




Nicholas-a chu a rawn haw har tawh riau in ka hria, sana chu ka en sek a, dar 5 chauh a la ri, chhun a kan in biak bak kha chu kan la in be leh ta miah lo bawk, nidangah chuan dar 6 ah in a rawn thleng thin a, a rawn thleng a la hun lo, nidang aiin sana a kal muang zawk tlat a ka hriat chu. Ka insum thei tawh ngang lo, ka phone chu la in ka call ta ringawt a, a chhang har lo, "I lo haw tep tawh em?" engmah a rawn sawi hma chuan ka ti nghal thawr a, "Rawn haw tep, enge nita, thil thleng a awm em ni?" a tihchuan "Ka ngai tawh che a, lo haw vat la ka ti" ka nui nghal ver ver, hetia ka sawi chuan a thiltih lai dah in a rawn haw nghal dawn tih ka chiang, ka rin ang chiah in a rawn haw nghal tur thu a sawi a, kan in biak zawh hnuah khum atang ka tho chhuak nghal.




Nicholas-a rawn thlen hma in ka inbual a, in leh company hi darkar chanve tlan lai a ni, ka kut ah test kit chu ka keng ran a, khum ah thu in a lo luh hun tur ka lo nghak ran tawh mai, inhnuai lamah thawm a awm a, step ah hmanhmawh zeta pen riin a zawm nghal. Kan room kawngka chu a rawn in hawng a, Nicholas-a a rawn lut nghal zat bawk, min hmuh chuan ka lamah a rawn kal hnai vat a, "Min lo ngai viau tawh amaw?" tih pahin ka hmuiah chuan a rawn fawp nghal vang vang a, "Ka ngai lutuk che a, ka lo nghak char char che" tiin ka nuih var var a, a nui ve suk bawk. Ka thusawi tur a hriat hunah a awmdan tur ka ngaihtuah a, ka sawi mai theilo.




"Nicholas hei enteh, ka kut hi a khur nasa lutuk a, ka taksa te hi a khur vek" ka kut chu a hmaah ka dah a, "Tinge Bawihi, i khua a sik a mi?" tiin ka chal a rawn dawm a, ka nui hak "Heihi Enteh" ti leh in ka kut lehlam a ka test kit ken chu a hmuh theih turin a hmaah ka lek chhuak a, a hriatthiam loh hmel hle, ka kut atang chuan a la kang a, hnai zet ah a en a, "Heihi enge, i khawsik leh sik loh en na a mi?" a ti hu a nihchu, ka nui hak a, mak tih hmel zetin min en bawk, "Mawla, hetiang te chu hriat ve tur che alawm, khakha test kit a nihkha, rin pahnih kha i hmu em?" ka ti a, a bu nghat a, min la en reng tho, "A awmzia chu pa I ni tep tawh tihna a nihchu" ka ti leh a, "Oh.. min ti hlauthawng alawm, I damlo emaw ka tia" a ti a, ka thusawi kha a ngaihtuah chiang lo tih ka hria.




"Ngawi lawk, tunah khan pa ka nih dawn thu I sawi tiraw?" min melh vut chungin a ti a, nui var var chungin ka lo bu nghauh nghauh a, test kit chu a en leh vang vang a, chutah rawn nui chhuak ta hawk hawk a, "Keihi pa ka ni dawn a nihchu" a ti a, a mitmeng ah chuan a hlim zia hmuh hmaih theih chi a nilo. A thutna atangin a tho chhuak a, min pawm kang nawlh in min vir pui ta chiam a, ka au chul mai, U Tluangi leh Zuali te chu hmanhmawh zetin an rawn tlan lut a, keini nupa awmdan min hmuh chuan an nui ve ta hak hak a, "U Nicholas in nu kha naupai hlim a nihkha, dim a ngai a nia" U Tluangi'n a rawn tih takah chuan dim zetin min dah thla a, "Bawihi, na I nei em?" tiin min ngaihtuah hmel zetin min en kual a.




"Engmah na ka neilo" ka tih takah chuan a thaw huai a, U Tluangi te pawh chu a chhuak ve leh mai a, "Bawihi ka lawm tak tak a ni, tunah chuan chhungkaw diktak kan ni dawn ta" tiin ka pum zawnah chuan a thu hniam a, "Ka naute, dam takin rawn chhuak angche aw, ka hmangaih lutuk che ania, pa tha tak ka ni ang tih ka tiam a che" tiin ka pum chu a fawp vang vang a, rawn ding tha in lungchim zetin min en vawng vawng a, "Bawihi ka hmangaih che, chuan ka lawm e, fa min pek dawn avangin" tiin ka chalah a fawp vang vang a, ka mittui a hnuai kuar mai. Kan chhungte engmah kan la hrilh duh lova, naktuk ah kan in check up phawt anga kan chhungte chu kan hrilh ve chauh ang, mut hmunah te chuan kan nui leh hak hak thin a, kan muhil har kher mai.




A tuk lamah chuan damdawi inah kan kal a, doctor in min check lai te chuan Nicholas-a chuan a lo ngaithla uluk leh khawp mai, kan naute chu thlahnih a la pum loh deuh thu a sawi a, ka taksa ah sawisel na tur a awm lova, hna erawh thawk nasa lutuk lo turin min chah thung. Clinic atang kan chhuak a, doctor in damdawi min chawh te kan lei leh hnuah in lamah let lovin ka pa tlawh kan tum a, nau ka pai thu sawi kan tum nghal bawk. Ka pa cabin ah chuan kan lut a, ka nute (Nicholas-a nu) te leh Nicholas-a unau te an lo awm kim thap, an kal dawn tih min hrilh hauh silo a. A remchang ta phian in kan hria a, an bulah kan thut reng hnuah "In awm kim bawk a, Bawihi nen hian thil sawi duh kan nei a" ka pasal chuan a ti a, "Enge nita, han sawi ula" ka pa in a tihchuan min rawn en a, ka lo bu zeuh.




"Bawihi hi a rai" ka pasal chuan a ti a, thawm chu a reh thiap a, chutah Nicholas-a nau te (Phir) te kha an rawn au chhuak hluai a, "Yess ni ka ni leh dawn e" Dini zawk chuan phur zetin a ti a, kan chhungte chuan lawmpui na min hlan sap sap a, in sawisel na ka neih leh neih loh te min zawt a, ka chhan hma hma chuan Nicholas-a chuan min lo chhan khalh zel. Ka pa (Keima pa) pawh chu a la tawng tha thei lutuk lo na chungin a nui ve suk suk a, a hlim hle tih ka hria, inah kan haw a, ka naupai chu thlahnih a la pum loh deuh thu U Tluangi leh Zuali te hnenah kan sawi a, room kan luh hnuah kan thian ho group ah ka rai thu ka sawi chuan an phur tlang hlawm khawp mai, kan inah chaw ei an rawt nghal ringawt a, Nicholas-a ka hrilh chun a hnial lo nasa, kan chhung khat laina hnai te leh kan thian te nen chaw ei khawm naktuk ah kan rawt nghal chuk chuk ni ber, ka naupai chu kei ai mahin an lo lawm zawk a nihhi.


Cont....

Click leh comment a kha aw, min ngaih pawimawh sak hram hram ula, a that loh chuan naktuk ah kan awl ang...


Show post links
Top

[Ngaia]

Chapter-20



Amelia Lalnuntluangi POV




Chaw ei khawm kan neih dawn avangin kan chhung khat hnai leh kan thiante pawh an rawn kim viau tawh, Remremi te leh ka thiante Thakimi te chu an vawikhat in hmuh na mah nise an in kawm ngeih nghal em em a, an awm ho deuh chawt mai, chutiang bawkin ka thian mipa te leh Nicholas-a thiante pawh, kan boruak chu a nuam a ni tawp. Nicholas-a lah min si lo chuan a awm theilo emaw tih mai turin ka bulah a awm deuh chawt a, midang te chuan kan nupa min fiam nan tak an hmang a, min han fiam deuh zuk zuk lahin Nicholas-a ber ber chuan nuam a ti emaw tih mai tur a ni, a nui suk suk a, a thiante bula awm tura ka tih lah in a duh der bawk silo, a duh ang chuan han awm phawt mai teh se, eng ang pawn sawi mah ila ka thu a zawm dawn lo tih ka hrechiang lutuk tlat.




Chaw kan ei a, Nicholas-a ber a che over leh tawh a, chawhmeh te chu ka thleng ah a rawn suak zung zung a, midangte chuan kan nupa che tla lai chu en in an nui ru vur vur hlawm mai. Chaw kan ei kham a, puitling deuh ho inchhung ah an awm laiin kan thian hovin inchung lamah kan chho a, Chhana leh Nicholas-a pawh an in kawm thei viau, nizan khan Chhana a lo kal ve dawn leh dawn loh min zawt a, a lo kal dawn thu leh ka thian a nih thu ka sawi khan a lungawi lo deuh a nihkha, mahse Chhana chuan Thakimi a duh tih ka hrilh takah khan a lungawi ve ta chiah a nihkha. Puia'n guitar a perh a, kan zai dual dual, mi 20 aiin kan tam a, kan thawm pawh a tha hum hum viau. U Tluangi leh Zuali te pawh an awm ve bawk, nuam an ti ve viau in ka hria, "Kan thian ho zing a nupui nei har ber tura kan ngaih in nupui a nei hmasa ber a, fa hial an pai tawh a nia, rin har in ti ve em?" Zira chuan a ti a.




"A hun kan hria alawm, nangni pawh hi nupui nei ve tawh rawh u, in senior zo dawn" Nicholas-a chuan nui vur vur chungin a ti a, a thiante chuan an ei loh hmel teh a sin, "Nupui i neih dawn a I awmdan kha kan sawi mai tur asin" Awma chuan a lo ti hmuk a, "Hun liam tawh a nihkha" a lo la ti duh lek zui. "A awmdan tur chu ka hrethiam mai, Amelia-i pawh hi pasal a neih dawn khan tap chungin min rawn call thin alawm" Thakimi chuan nui hak hak chungin a lo ti a, rum zetin ka en a, midang ho chu an lo nui hawk hawk hlawm a, "In in neih dawn a in han in duh loh tawn nen Amelia-i pawn rei kan in nei lovang a ti hial a nia, mahse hei kum em pawh in la in neih hma in in in duh hlum lo chauh chu a nia" Thakimi bawk chuan a ti leh a, a thusawi chu a dik ka ti khawp mai, kan in neih dawn khan kan in duh tawn loh zia hrechiang tu te vek an ni, mahse hei tunah chuan engkim a danglam vek tawh a, nupa hlim tak kan ni in ka hre bawk.




Chhana'n Thakimi a en leh zeuh thin chu ka hmu ru reng a, Thakimi chuan a hriat ve hmel loh, a nui uar uar lehnghal. Zan tlai tak thlengin an awm a, an haw dawn takah chuan pawn thleng kan thlah a, "Engtik ah nge hrilh i tum?" Chhana hnenah chuan zawi te in ka ti a, a dar a kan ak a, "Hrilh vat rawh, a nihloh chuan keimah ka hrilh dawn nia" ka ti leh a, "Ka hrilh dawn alawm, mahse nangpawn i hria anga, a awmdan en hian min duh ve hmel loh em alawm" a ti niah niah a. A duhthu han hrilh chiah se chu Thakimi hian a hnar bik ka ringlo, engpawh nise a hrilh hun tur ngawt chu ka nghakhlel. Kan thiante an haw hnuah chuan in chu a reh huai in ka hria, vawin lam kan hun hman te avang khan ka ke a kham thum lehnghal, Zuali pawh a room ah mu turin a lut tawh bawk, keini pawh chu kan room lamah kan lut ve thuai a.


...


Hun hi hriat loh kar in a lo liam zing zing a, ka nau pai pawh thla li lai a ni ve tawh, ka pum pawh a puar ve ak tawh a, zan kan mut dawn apiang hian Nicholas-an ka pum zawnah a beng dah in kan naute chu a be ziah a, keipawn ngai ah ka nei tawh, rai haw chi ka lo ni bawk nen ka thin a chhe hlur a, a chang phei chuan Nicholas-a hi ka vin leh hrep thin, a hnuah ka in thiamlo ngei ngei a, mahse ka pasal hi a fel em a, dawhthei takin ka vin na te pawh chu a ngaithla liam mai thin, ka rai hmaa ka thil ei duh ngai loh te kha ka rai hnu hian ka rawp thar em em a, a bik takin dawnfawh, kawl loh lai kan neilo, Nicholas-a hna atanga a rawn haw apiangin a rawn lei thin a, ka ei nghek zel, chaw ka ei theilo em em thung, mahse thil dang ka ei nasa bawk a, ka taksa ah pawh a hriat, a hma aiin ka thau a, rai haw viau e tilo chuan ka taksa chu a chum buang thung.




"Nicholas" ka pasal chu ka au lang lang a, "Enge nita ka nupui duhtak" rang zetin kan room ah a rawn lut a, "Ice cream ka ei chak lutuk" ka ti leh sep a, "Lo nghak rawh, lei turin ka chhuak lawk anga ka lo let leh vat ang" tih paha chhuah mai a tum chuan ka lo dang vat a, "Ka kal ve duh inah ka awm reng a, chhuah thawven te pawh ka mamawh ve alawm" khum atang chuan ka tho a, khua a lum tawh bawk a, kawrlum pawh ka ha lo. Ka rai tih kan hriat atang khan Nicholas-a chuan dawr kal pawh a phal tawh lo, inah ka awm tlawk tlawk a, dawr han kal luih pawh tum ila a thu hnial theih a nilo. A car in kan chhuak a, ice cream chu min leisak hnuah let leh mai lovin khawpui chhungah chuan kan tlan kual a, nuam ka ti hle, zan boruak chu thiang tha tak a ni.




"Kan haw tawh mai dawn em ni?" hmun reh deuh laiah chuan a ding reng tawh a, ka mut a chhuak tawh deuh bawk nen pawi ka ti hran lo, in kan thleng a, Nicholas-a hnenah lo han chho hmasa turin ka ti a, a ni pawh a chho ve mai. Zuali room ah ka lut a, a lo la haw lo, Nicholas-a hriat lovin chhuah min dil a, kan hnenah a awm rei ve tawh bawk nen nau ang chiah in kan nupa in kan en a, hmani deuh khan rui chungin a lo haw leh a, Nicholas-an a hau nghe nghe, chuvang a nia Nicholas-a hriat lova chhuah min dil nachhan, kum thar atang khan a tuina lam tak lem ziah a zir tha leh a, a zirna man pawh kan tum sak vek a ni, tunlai a awmdan hi a danglam riau a, zing khua te han var se tha deuhin ka sawi pui ang, rilru hah na a nei a ni mai angem tih te ka ngaihtuah a, tunlai a mizia danglam dan en hian chubak chu puh tur ka hrelo.




A tuk lamah chuan inah U Tluangi leh Zuali nen chiah kan awm leh tawh a, U Tluangi nen kan titi mawlh mawlh laiin Zuali erawh kan bulah ngawi rengin a lo thu ve reng a, ka en leh zeuh thin, a chauh hmel em em lehnghal. U Tluangi bazar tura a chhuah hnuah Zuali hnenah ka biak duh thu ka sawi a, sitting room ah chuan kan thu dun a, "Tunlai I awmdan hi ka lo chik che a, i danglam riau in ka hriat eng emaw zep I nei em ni, nge ni a rilru hah na I nei zawk?" ka ti a, hnuai lam chu a bih ngar a, a chauh hmel ngawih ngawih bawk, "U Amelia sawi dan tur pawh ka hrelo" a ti chuai raih a, eng emaw diklo chu a awm chiang alawm. "I u angin min en tiraw?" ka tihchuan a lu a bu zeuh a, "A nihchuan i u ka nihna angin min han hrilh teh le, puih theih na che pawh ka nei maithei asin" ka tih leh chuan a thaw chhuak hak a.




"Englo a nia, in ina ka lo awm hnua zan ka chhuah hmasak ber zan kha, rui deuh a ka lo haw a, min hauh nghe nghe kha" a tihchuan ka bu nghauh nghauh a, "Khami zana ka lo haw hma khan ka chat thla a, ka harh chhuah ve leh chuan ka lo haw nghal tho, mahse ka chat thlak lai khan ka thiante zing a mi ka rin em em in ka video a lo siam a, a duhdan a ka awm lo a nihchuan video chu theh darh sak ah min vo a, tih ngaihna pawh ka hre tawh lo, a duh ang ang chuan ka awm ta a, zanah chhuak tura min tihchuan in mut tawh hnuah a rukin ka chhuak thin, chuan a duh duh danin hun min hman pui a" a ti a, a mittui a hru zeuh bawk, a thusawi chuan min thawng lutuk, eng emaw harsat na a nei ngei chuan ka hria a mahse hetiang a nih rin ngaihna ka hrelo, a lo tuar nasa awm hle mai.




"Ka chhungte bulah ka sawi ngam silo, zu ka in duh tawh lo ka tih in kut min thlak a, a chang leh ka video min thehdarh sak ah min vo reng bawk si, awm ngaihna pawh ka hre tawh lo, zu atangin damdawi hial min tih tir a, tunah phei chuan damdawi ngawl chu ka vei a, tilo in reilo te pawh ka awm thei tawh lo, chuan.." a hmui a pet fan fan a, a mittui chu a hru leh zeuh zeuh thin bawk, a tawrh na chu ka ngaihtuah sak thiam lo zawk, rilru hah reng rengin a lo awm reng chu a ni si a, a taksa danglam na te, a vun nung sarh mai a dan tan em em chhan te chu hrilhfiah chawp ka ngai tawh lo, a damdawi tih thin vang tih ka hrechiang hle. A ni ang kum naupang te, mahni a din chhuah tum tlat mi leh mi tum ruh lutuk in harsatna lian tak a lo tawk a ni a, engpawh tih ngai dawn mahse ka nau lo vo thin tu chu a thiltih man ka hmuh tir chiang khawp ang.




"A duh hun hunah sex min hmanpui a, ka taksa chau te chu engah mah a ngailo, a tirah kha chuan karkhat ah vawikhat chauh te min ko chhuak a, mahse a rei telh telh a, tunah phei chuan zantin min ko chhuak a, a thu ka hnial ngam silo, hmani khan nau ka pai tih ka hre chhuak a, ka hrilh hnuah ti tla turin min ti a, ka duh vanga rai nilo mah ila tih tlak chu ka duh loh thu ka sawi a, mahse video hmang bawk chuan min vo leh ta a, ka ti tla leh ta a ni" a ti a, a in sum thei tawh lo, a tap chhuak hawm hawm tawh a, keipawh chu ka insum thei biklo, Zuali chu kuah in ka tap a, "Chutiang harsat na i tawk tih ka lo hre hauh lova, engpawh nise tunah chuan ka hre ta bawk a, lungngai reng reng suh, Nicholas-a kan hrilh anga, a nin tihdan tur a hre em em ang" ka ti sep sep a, "Mahse, ka video a kawl a, a theh darh a nihchuan ka chhungten khaw eng an hmu ngam tawh lovang" a ti leh a.




"Lungngai reng reng suh, i video chu a theh darh hauh lovang" ka ti a, rei fe kan thut dun hnuah a chauh hmel em avangin a room lamah a lut ta a, thil thlen dan te chu Nicholas-a hrilh ka duh a, phone hmanga sawi mai chi nia ka hriat loh avangin a hnathawh na lam pan turin ka in siam a, U Tluangi a lo let tawh bawk a, Zuali lo en thli thlai turin ka tih hnuah in atang ka chhuak a. Nicholas-a hnathawh na ka thlen chuan a chhungah ka lut thuai a, tunge ka nih an hre tawh bawk a, zahna chibai min lo buk liam liam a, Nicholas-a room ka thleng a, kawngka pawh kik lovin ka lut tlang nghal tawp, a lo buai hmel hle, a mood a tha vaklo aniang a hmel chu a chang deuh rat bawk a, "Bawihi, enge i lo tih dawn a, I lo kal tur thu min hrilh lawk bawk silo" tih pahin ka lamah chuan a rawn kal a.




"Thil pawimawh tak hrilh tur che ka neih vang a nia, phone hmang a sawi mai mai chi pawh a nilo, chuvang in ka lo kal tawp" Ka ti a, ka hmel chu chiang zetin a en a, a ngaih a that loh hmel hle lehnghal. Couch ah kan thu thla a, "Han sawi la" a ti sup bawk, ka kal chhan chu ka sawi ta vek a, Zuali awmdan zawng zawng, a nau tih luih na hmanga a thianpa in a tih tlak sak thu zawng zawng te nen engmah zep awm lovin Zuali min hrilh ang ang chuan ka sawi a. Ka sawi zawh ah chuan mittui tling pam chungin Nicholas-a chu ka en a, a thu hriat chuan a thawng ve tho tih ka hria, a ngawi vang vang a, keimah mai chuan tihdan tur ka hre dawn lo, chuvang chuan Nicholas-a ngaihdan ka nghak a ni ber.




"Chutiang thil chu engtinge a thlen theih zawk?" a aw chhuak khauh zetah chuan a thinrim hle tih ka hre thei, "Engtia hma lak chi nge ni ang, Zuali video a kawl bawk si" rilru hah zet chuan ka ti a, "Lungngai suh, tihdan a awm em em a, engpawh nise Zuali hmaichhan ngei a biak ka duh, a niin a duhdan te han sawi se, hma kan la dawn nia" a ti ta sup a, ka pawm khawp mai. Nicholas-a chuan a hnathawh lai pawh ngaihsak chhunzawm lovin in lamah kan haw nghal a, inchhung kan luh rualin Zuali chanchin U Tluangi hnenah ka zawt a, a room a awm thu min hrilh chuan Nicholas-a chu a va lut a, kei erawh U Tluangi hnenah ka awm thung, ka hmelah chuan thil diklo a awm tih a hrethiam a niang, thil awmdan te min zawt a, tunlai Zuali awmdan hi a hai biklo, Zuali awmdan mak a tihthu pawh min hrilh ve fo tawh bawk.




U Tluangi hnenah chuan ka sawi ve ta vek a, pawi a tih hmel hle, "Chutiang thil chu a lo tuar reng amaw, ka va han khawngaih em aw, a mizia zawng zawng a thlak phah vek a, a hmaa harh vang tak ni thin kha a nun a zawi awi tawh bawk si, a rilru a hah tur zia ka ngaihtuah thiam phak lo" a ti ve sep sep a, a mittui a hru zeuh zeuh bawk. Nicholas-a leh Zuali chu an rawn in zui chhuak a, U Tluangi chuan Zuali a va kuah chawt a, "I lo tuar nasa hle mai, engpawh nise i lam kan tang tlat tih hria la, zam reng reng suh aw" a ti a, Zuali pawh a bu zeuh a, "Tunah police station ah kan kal ang, hmelhriat ka nei a, kan be hmasa phawt ange"Nicholas-a chuan a ti a, a kalsawn zui nghal, Zuali chu ka en thin, a hmel dang bai mai te chu en harsa ka ti.




Nicholas-a rawn let leh hnuah police station a kal tum chuan kan in zui chhuak a, U Tluangi erawh inah a lo awm thung dawn a ni. Police station kan thleng a, Nicholas-an a hmelhriat a tih pa chu kan hmu a, Zuali hnenah chuan a thianpa in a chunga a thiltih dan zawng zawng chu chip chiar takin a zawt a, "A pawi hle mai, hetiang thil hi Mizoram ah a thleng ang tih ka ring pha lo, engpawh chu nise hma kan la vat anga, chu mihring tenawm zet chu a phu tawk hremna kan hmuh tir ang, chuchu i hmingin ka tiam e" Nicholas-a hmelhriat police officer chuan a ti a, a hming chu Lalnunngheta a ni a, Zuali lo vo thin tu hming chu Zonunmawia a ni bawk. Mualpho theih na thil a nih avangin a ruk thei ang berin hma an la a, a rang lamin Zonunmawia chu man turin a naute a tir nghal bawk.




Police station ah chuan kan lo nghak ran a, Zuali chu a khur deuh der der a, a kutah chuan nghet zetin ka vuan a, darkar khat hnuah Zonunmawia ni ngei tur chu an rawn hruai a, a hmelah chuan zam hmel a lang lo hrim hrim, a rawn luh tirh atangin Zuali chu a melh ngar a, a mitmeng hmang chuan a vo ni berin ka hria, Zuali erawh chuan melh pawh a melh tha ngamlo. "Zuali, zam reng reng suh, nang nilovin a ni zawk hian thil sual chu a ti a, chuvang chuan khatiang hmel kha i pu tur a nilo" Officer Nunngheta chuan a ti a. Zuali a vo na te chu thudik a ni em tih an zawh chuan thudik a nihloh thu in a tang tlat a, "Zuali finfiah na tur I nei em?" Officer in a tihchuan Zuali chuan a phone chu min pe a, Officer chu ka pe nghal zat. Password a dah loh vangin awlsam takin a hawng a, zana Zuali a koh chhuah dan zawng zawng te, an in biak dan te chu a la awm vek, Zonunmawia tan chuan phat ngaih na a awm tawh lo.




"Kan lawm hle mai, he thil thleng hi midang hriat lovin a tih theih chuan kan lawm khawp ang, midangin an hriat chuan Zuali hi hmeichhia a ni bawk si a, amah bak an dem dawn silo" ka ti a, "Awle, mipui hriat lovin a ruk thei ang berin case kan siam dawn nia" Officer in a tihchuan thawk a veng hawk thei, in lamah kan let a, U Tluangi hnenah chuan thil thlen dan te chu ka hrilh a, a ni pawh a lawm hmel khawp mai, Zuali chu awm hahdam turin ka ti a, case kha a la fel loh avangin police station ah kan kal a la ngai dawn a, tunah hrih chuan awm hahdam phawt rawh se. Kan chhungte pawhin Zuali an hria a, an in ngaina bawk a, thil then dan te chu ka hrilh hre ve a, pawi an ti hlawm khawp mai, zanah an rawn kal khawm a, kan thiante erawh kan hrilh lo thung, kan chhungte ah pawh upa chin lo chu kan hrilh lo bawk.




Zonunmawia an man hnu thla khat naah police station ah chuan kan kal leh a, judge chuan thutluk na a siam a, Zonunsanga chu kum 15 chhung tang turin a ti ta a, ka duhdan phei chuan damchhung in tang se ka ti mahse hrem na an pe hrim hrim pawh chu kan lawm tawk a tling em em tho. Mipui lamin an hre lova, a chhan pawh Zuali hmeichhia a ni bawk si a, mihring kan in ang lova, Zuali dem tawk an tam dawn tih kan hria, a thil tawn te avang khan a rilru leh taksa in nasa takin a nghawng a, mipui sel na leh zel a tawrh chuan a tan a hreawm zual dawn em a ni. Mizo mipui te hi thil hrechiang lo leh a tuar tu tuar nat dan tur ngaihtuah pui miah lova kan thu hriat chin thudik emaw ti a sawi khu chuk thin kan nih vang a ni pakhat.




Zuali hnenah chuan a chhungte hrilh tur a nih leh nihloh kan zawt a, a ni chuan hrilh a duh lova, a chhan pawh a chhungten an hriat chuan an rilru a nat dawn em vang a ni. A zep reng theilo maithei mahse a theih chhung zep a duh tih a sawi a, kan hnial lo, kan hnenah a la awm chhunzawm zel a, a thil tawn te khan nasa takin a rilru ah nghawng a nei a, a tirah chuan a lang chhuak mai lo, mahse a rei a, case chin fel a nih hnu kar khat na vel atang mahni in tih nat te a ching a, doctor hnenah kan kalpui a, a rang lama enkawl a ngaih thu min hrilh chuan enkawl na tha ber ber hmu se kan duh a, kan ram a Psychiatrist tha ber ni a an sawi chu kan pan pui a, a enkawl a, that lam a pan ve zel tih kan hriat chuan kan lawm hle, midang bula a awm chuan dik lohna a neilo, mahse amah a a awm chiah hian in tih nat chakna a nei thin a, chuchu a buaina ber a ni bawk.




Hun leh ni a liam ve zel a, ka nau pai pawh thla 7 hmel a hmu ve tawh, Zuali pawh a hma ai chuan a tha tawh bawk, ka nau in bialnu a nei ve tawh bawk a, Nicholas-a hnenah thurawn a lak na hmeichhia ngei kha a lo ni. Ka pum a len ve tawh em avangin duh angin ka che zung zung thei tawh lova, Nicholas-a pawh hna atang a rawn haw hma ta ziah. Dawr ah nimin khan kan kal a, ka in check up pahin, engkim felfai takin an kalpui a, hnathawh ngai a awm a nihchuan in atangin ka thawk mai thin, sitting room ah ka thu a, Zuali pawh a thil zir lai a zir chhunzawm leh tawh a, a zir zo ve tep tawh, a thiam sa bawk a khatiang harsat na kha tawk lo se a zir zo tawh ang, "Amelia hei aw, han ei teuh teh" tih pahin U Tluangi chuan a ser bawl chu ka hmaah a rawn chhawp a, phur zetin ka lo ban nghal.




A siam tam nen kan ei zo vek, dar 3 a rik chuan Zuali a rawn haw a, doctor a hmuh pah nghal avangin a rawn haw hma theilo a ni. Doctor thu hrilh te chu U Tluangi nen kan bulah a sawi a, hma a sawn thu te min hrilh chuan kan hlim tlang khawp mai, "Taka, U Tluang heihi vawin a ka ziah ania, ka pe ang che" tih pahin a file ken lai atang chuan lehkha pakhat hi a rawn phawrh chhuak a, kan han en chuan U Tluangi lem a lo ziak chu niin a ziak nalh em em lehnghal, "Awii.. ka van lawm ve, i ziak thiam bawk si" a lem ziah en vang vang chung chuan a ti a, a en ning thei thlawt lo a ni ber. Nicholas-a pawh a lo haw hma leh a, eitur eng eng emaw min rawn hawn leh a, chocolate tih ang reng a ni nual.




Chhana'n zanah min rawn be hlawl a, mut hmunah kan in be ta char char, Nicholas-a chuan mipa ka biak vangin min melh leh run run zel bawk, a thik thu chhe lutuk hi tih ngaihna ka hre tawh biklo. Min melh rum sawt em avangin loud speaker ah ka dah ta ringawt a, "Vawinah ka duh thu ka hrilh a" a tihchuan ka phur kher mai, "Chuan engtinge a chhan che?" hre chak zet chuan ka ti nghal vat a, "Ka sawi zawh hnu khan min en vang vang a, a tlanchhe nghal daih" Nicholas-a chu a rawn nui phuh thawt a, ka awm ah ka lo beng thlawp, "In pa in ka thusawi a hre ve em ni?" Chhana chuan a rawn ti chiah reng a, "Aw hre ve e" ka tihchuan a chek tlat tlat a, "Thiana, chu.. tih ngaihna I va hriat loh hmel ve, i umzui lo hrim hrim tihna em ni?" Nicholas-a chuan nuihzat hmel zetin a ti a.




"Umzui e, ka au zui mawlh mawlh bawk a, mahse min chhan chu sawi loh a tlan char char a, a tlan chak zia lah chu" Chhana'n a rawn tih leh phei chuan kan nupa in kan in sum thei tawh lo kan in en a, kan nui chhuak hak hak, "Nui tawh lo teh u, engtinge ka tih ang, min duh lo tih hria ila chu ka sawi miah lovang mawle" lehlam atang chuan a rawn ti nuah nuah a, "A duh lo che tih a sawi loh kha, hrim hrim in Thakimi te chu bialpa pawh a la nei ngailo a, tihdan tur a hrelo aniang, a duh em em ang che, han nghak deuh la, a lo chhang vat mai ang che" ka ti a, kan in bual na kan tih tawp hnuah Nicholas-a nen chuan kan nui leh nghek a, a tlan chhiat laia Chhana tih ngaihna hrelo lutuk a a awmdan tur thlengin ka mitthla thei.




Zingah chuan Nicholas-a aiin ka harh hmasa a, tho chhuak mai lovin Nicholas-a muhil lai chu ka en reng, a muhil lai mai mai pawh hmuhnawm tham a tling, ka en reng lai chuan a rawn meng siar siar a, ka en tih a hriat chuan a nui suk a, "Tukin chu min thawh khalh a nimaw?" tih pahin min kuah a, a awm ah chuan ka lo bei nghal chial, ka rai hnu atang khan zingah ka thawh khalh ngai meuh lo, "I muttui hmel lutuk a, ka kaitho duh lo che a nihkha" ka ti a, a awm a ka bei leh takah chuan ka muhil lehnghal mai dawn in ka hria. Ka lo muhil leh tak tak a ka harh chuan keimah chauh in ka lo mu leh reng tawh, Nicholas-a chu hnaah a kal tawh a niang, ham bai bai chungin khum atang chuan ka tho a, khum ka siam fel hnuah bathroom ah ka lut nghal.




In hnuaiah ka chhuk a, ka rin loh deuh in Nicholas-a chu sitting room ah a lo thu a, hna kal tur ang pawhin a awm lo, awm hmun nen a la awm vek, tunah dar 10 a ri tawh dawn a, hnaah a kal dawnlo emaw ni, min hmuh chuan a nui suk a, "I tho nuam maw?" tiin min rawn pan hnai a, ka chal ah chuan a fawp vang vang bawk, "Tinge hnaah I kal loh a?" ka lo ti thung, "Vawin chu inah ka awm dawn, kan naute leh ka nupui hi kan awm ange" ka nui hak a, in a a awm dawn tih ka hriat chuan ka hlim ngei mai. Chaw ei turin min lo nghak a, chaw kan ei nghal, "Bawihi, ka secretary kha a ban a ngai dawn a, naktuk lamah ka secretary thar tur interview na kan nei dawn a" a ti a, "Tinge, a fel nen" ka ti sep a, "Phai lamah hna a hmu a ni awm e, a tan pawh a tha zawk a" a tih leh takah chuan engmah ka sawi tawh lo.




"Karleh lamah ka zin chhuah a ngai dawn bawk a, Delhi lamah" a tih leh chuan ka en nghal vat a, "Tinge, a rei dawn em?" ka ti nghal vat a, a zin dawn tih ka hria chu ka hnual nghal rawih mai, "Ni thum vel a ni ang, chu ai hmaa lo haw ka tum dawn nia" a ti a, a kal hma hauh in ka ngai nghal in ka hria. Nicholas-a hnaah a kal lo bawk a room ah awm in movie ka en dun a, ka ham leh bai bai thin, "Bawihi muhil la, nakinah kan en chhunzawm leh mai dawn nia" a tih pawh chuan "Ka duhlo, a tawp tep tawh ang" ka ti tlat a, diktak chuan ka meng hleithei tawh lo, mahse kan movie en lai hi ka muthilh san phal bawk silo, "Duhawm reuh lutuk" tih ri chu ka mang hriat ruai ruai a ni, a hnu deuh ah chuan thil lum nuam zet hian min rawn kuah chial a, engmah ka hriat zawm tawh lemlo.




"Bawihi harh tawh la" ka pasal chuan min rawn sawi dat dat a, ka meng hleithei lo, "Ka nupui chu a mut a la chhuak hle a nimaw, mahse i thiannu a lo kal a a, han ti lui teh le" tih pahin min pawm tho nawlh a, ka la harh hleithei chuanglo. Harh chiang mang lovin room atang chuan min kai chhuak a, inhnuai kan chhuk hnuah Thakimi ka hmuh takah chuan ka harh ve ta chiah in ka hria, a bulah chuan ka thu a, ka la ham bai bai bawk, Nicholas-a erawh a kalsawn nghal daih, "Tinge I lo kal a, chun chun ah lehnghal, hnaah I kal lo ami?" ka ti a, "Kal e, ka awl lai a nia ka lo kal lawk" a ti a, "Enge i lo kal chhan?" ka tih leh takah chuan sawi hreh hmel zetin min en a, a thusawi tur chu ka hre nghal mai, mahse hrelo ang deuh chuan ka awm tlat a.




"Ih.. englo a nia, nimin ah Chhana khan min duh thu a sawi a?" a ti a, "Chuan" ka ti sep, "I thinrim lo ami?" a tihchuan ka nui hak, "Enge ka thinrim ngawt anga, thinrim lo nasa" ka tihchuan a thaw huai a, "I thinrim ka lo ring a" a ti leh mai a. "Pasal ka neih tawh hi, Engvangin nge ka thinrim ngawt ang, chuan Chhana chu i duh ve reng reng em?" a ngawi vang vang a, min chhan hun ka lo ngaichang reng, "Ka hre tawh biklo, ka hnar em em lova, mahse...". ti a, "Chu i hnar bik lova, buaina a awm loh chu, chhanglet hmiah tawh, Chhana hi kan mi hriat chian a nihkha" ka ti a, "Nia.. ka ngaihtuah tha leh ang, ka kal lehnghal phawt mai ang, ka tlai dawn tlat, ka hmu che chu ka thawl huai mai" a ti a, pawn thlengin ka thlah a, inchhung ah chuan nui vur vur chungin ka lut lehnghal.


Cont...

Comment leh click ah hian tan min han lakpui hram hram thin ula aw.. regu in duh thin kha..


Show post links
Top

[Ngaia]

Chapter-21



Amelia Lalnuntluangi POV




"I va hlim hmel ve" Nicholas-a chu inchung chhoh na step bulah a lo ding reng tawh a, "Hlim tak ka ni" a lamah chuan ka kal hnai a, "I rilru a nat viau ka lo ring a" min fiam tih ka hria, "Engvang ngawt chuan maw?" ka ti a, "Aw... Chhana hian a duh ve thin em che a, nangpawn i duh thin kha" a ti a, a hmel ah chuan nuihzat na ka hmuh sak thei, tih el ka chak ve tlat, "Tlem chuan ka rilru a na ve deuh" ka ti a, ka nuih chu a za hle, mahse ka in sum hram hram, a rum nghut a, nichina a nuihza hmel te kha hmuh tur a awm tawh lo chiang a sin, a tum deuh hmuk a. Ka chhungril ah ka nui ru ver ver a, "Chu.. I lo la duh reng tihna em ni?" a ti hmuk a, en pawh min en leh duh tawh lo, sir lam a hawi daih a, a kekawr ip te a zen hlun bawk nen a awmdan chu a hmuhnawm bawk si, ka nuih chhuah loh nan ka hmui ka pet fan fan ringawt.




"A tha alawm, Chhana chu ka lo bia anga, ka nupui rilru a na a, bialnu chu neilo mai rawh ka lo ti ang" ti hmuk in step ah a pen chho nghal daih a, a hnungah chuan ka zui ve zel a, a kal chak bawk si keilah ka pum a lo lian ve tawh bawk nen ka um pha lo nasa. "Nicholas min lo nghak teh, I kal chak lutuk, ka hah vek" ka ti pawh chuan "Chhana ka bia anga, step a kai chho tur che in ka lo ti ang" hawi pawh rawn hawi let lovin a ti a, ka in sum thei tawh lo ka nui chhuak hak a, kan room kawngkhar chu hawngin a lut zui nghal a, na zetin a khar ri leh bur bawk, keilah step ah ka la chho mek bawk a, "Ngatinge thawm a va na ve" U Tluangi chu choka atang a rawn chhuak a, "Nicholas-a mawle, min fiam hmasa a, ka fiam let a, a titau a nihkha" ka ti a, "A va ho tak, mipa si tihtauh a hrat zawk a" nui hak hak chunga tiin choka ah chuan a lut leh mai a.




Room ah chuan ka lut a, khum ah a lo thu a, a lo la tum hmuk bawk a, a hmaah chuan ka va ding a en pawh min en duh lovin hmundang a melh nghal daih, a awmdan hi a cute thin ania, "Hey" ka tih pawh chuan min la rawn melh duh chuanglo, "Mipa i nihkha, chuta karah pa i ni tep tawh bawk a, titau bur bur thin suh" ka tihchuan lungawi loh hmel zetin min melh khui a, "Tunge titau?" a ti hmuk a, amah a ni tihchu a hre ve reng sia. Nui hak hak chunga ka en chuan a hma ai mahin a lungawi loh hmel zual a, "Nichin a ka thusawi kha ka ti mai mai a nihkha, Chhana te chu ka thian ania, a hma chuan ka duh thin ngei alawm, mahse tunah chuan nangmah ka duh che a, khawvel ah ka pasal aia mipa duh ka neilo, ka hmangaih em em bawk che" ka tih leh chuan min en char char a.




Sawi dik loh ka nei emaw tih mai tur a ni, "Tunah khan engmaw i sawi?" a ti sup a, "Ka sawi tam em kha eng ber khe nge i hriatchian loh?" ka ti a, "Min hmangaih thu I sawi tiraw, ka hriat sual a nilo tiraw?" a ti a, a thutna atang a ding hluai a, nui sen sen chungin ka bu zeuh a, "Bawihi i ka ngei khan han sawi chiang leh teh, nanghian min hmangaih tiraw, I sawi chiang tiraw?" a mitmeng chu a de sawr sawr a, "Aw.. ka hmangaih che alawm, ka hmangaih lutuk che, engtik atang nge ka hrelo" ka ti leh a, ka sawi zawh rual rual chuan chunglam hawiin a nui chhuak hawk hawk a, "Bawihi tuna ka awmdan hi ka sawifiah thiam lo, khawvel a mipa hlim ber ka ni hial ang, ka hmangaih che, min hmangaih ve avang pawhin ka lawm e" tiin ka hmui ah a rawn fawp vang vang a.




In ngeih deuhin inhnuai lamah kan chhuk leh a, Zuali pawh a rawn haw a, sitting room ah chuan kan nupa leh U Tluangi te nen tv kan en a, Nicholas-a chu a mood a fuh hmel hle, kan tv en lai pawh chu a ngaihsak hmel loh, "U Nicholas-a chu i va hlim hmel vur vur ve" U Tluangi chuan a ti a, "Nia.. hlim lutuk mah mah" a lo ti vat a, kan vai chuan kan nui dar dar hlawm a. Tlaiah chuan chaw kan ei a, zan lamah ka pate inah kan leng dawn a ni. Ka pa pawh a tha sawt em em a, in sawisel na a nei tawh meuh lo. Hna pawh a kal leh tawh a, mahse kar tluan in a la kal lo thung, ka pate in lam panin kan chhuak a, U Tluangi a haw tawh bawk a, Zuali amah chauh a awm tir ka rem tihloh avangin kan hruai ve bawk. Ka pate in kan thleng a, kan kal dawn tih kan sawi lawk bawk silo nen min hmu thut chu mak an tih hmel viau.




Inchhung ah kan lut a, ka nau pawh a lo awm a, Zuali chu a lo fiam leh a, Zuali lahin a lo haw ve ting tang bawk si nen an in hnial lai chu kan ngaithla thap a, "I bialnu aia ka hmelthat vang mai a khatia min tih?" Zuali chuan a ti ta hlak a, "Ka bialnu i tluk hlawl lo" Matthew-a lahin a lo ti hluk a, an in ngaih loh dan em em hi ngaihtuah tham a tling a ni. Matthew-a pawh hi hmeichhe bulah a awm tam loh nen Zuali hi chu a ngaina em em a, an in ngeih lo em em bawk, "I ninawm" an in hnial rei hnuah Zuali chuan a ti ta ringawt a, nui vur vur chungin Matthew-a pawh a ngawi ve ta hram, "Pa tunlai in sawisel na te I nei em?" ka ti a, "Neilo ve ka tha lutuk, thingpui in ang u aw" a ti a, Zuali chu a tho nghal tharh, ka nu te hian awmpui an nei ngailo a, pasal ka neih hma pawh khan ka nu leh keimah hi kan che deuh ber thin.




"Keiman ka lo lum ang" tih pahin choka ah chuan a lut a, ka nute ina ka kal hian ka hruai ve zeuh zeuh thin a, a tlang nel ve tawh viau bawk, thingpui a lum zawh chuan a rawn chawi chhuak a, "Bawihte, i naupai chu in sawisel I nei tawh lemlo maw?" ka nu in a ti a, "Aw.. neilo ve, ei ka thei lutuk hi a buaithlak zawk" ka ti a, an lawm hmel viau. Rei fe kan len hnuah kan haw a, in kan thlen hma chuan Zuali tawng kan ngaithla char char, ka nau chu a sawi chhe hneh sawh khawp mai, Nicholas-a lah hian Zuali bawl deuh pahin a lo sawi pui zel bawk si, ka lo nui ru ver ver ringawt. In kan thleng a, sitting room ah kan thu khawmuang leh hnuah Inchungah kan chho a, khuma ka mut thlak rual chuan Nicholas-an min lo kuah nghal thuai a.




"Matthew-a leh Zuali hi an in hmeh riau in ka hria" Nicholas-a chuan a ti a, "Nia.. mahse Matthew-a te chuan bialnu a nei a lawm" ka ti ve sep, diktak chuan Zuali hi ka nau bialnu ni turin ka iai hauh lo, amah a fel a, hmeichhe sual a nilo tih ka chiang a ni. Ka muhil lai chu ka harh thut a, ka pum chu a ri deuh rawk rawk a, ka riltam lutuk ringawt, Nicholas-a ka en a, a muttui hmel em avangin ka kaitho duh lova, a harh hlau zet chuan ka tho a, inhnuai ah chhuk in eitur ka zawng a, chocolate leh apple chu ka la a, ka ei nghal mawlh mawlh, ka ei zawh chuan ka thil tih hnawk vel chu ka tifai leh a, Inchungah chhoh lehnghal mai ka tum chu Zuali room atang thawm ka hria a, ka pan hnai vat, tap feih feih ri ka hriat chuan Zuali room a chuan ka lut vat.




Zuali chu khuma mu chungin a lo tal chiam chiam a, ka pan hnai a, ka va sawi nawk nawk a, a harh theilo, "Zuali" tiin ka au mawlh mawlh bawk, a hnuah a rawn meng deuh siar siar a, a mit chu mittui in a chim khat vek, a thlan hluam bawk. "I tha em?" ka ti a, a thaw kawk kawk bawk si, a khum bulah tui chu ka thli chhuak a a rawn tho chhuak ve mek bawk, ka pe a, a in nghal khawlh khawlh a, "I tha em, enge i an?" ka ti leh a, a awmdan chuan min ti mangang takzet, "Ka tha, mumang thalo ka nei a, chuvang mawle" a ti a, "A tha vek e, mu leh la, i muthilh hma chu ka lo awmpui ang che" ka ti a, khumah chuan a mu tha leh a, a muthilh hma chu a lu ka chul sak hliau hliau a, a muthilh hnuah pawh ka la chhuah san mai lo, ka awm ve ta reng a.




Darkar khat chuang ka thut hnuah thawm dim zetin room atang chuan ka chhuak a, kan room ah ka lut chiah chu Nicholas-a rawn chhuah tum nen kan in tawk a, "Bawihi, khawiah nge i kal a, ka hmu mai silo che a, ka hlauthawng hman a lawm" a ti a, "Ka riltam lutuk a, inhnuai ah thil ei turin ka chhuk lawk alawm" ka ti a, khumah chuan ka mu leh a, "Ka thil ei zawh khan rawn chhoh lehnghal mai ka tum a, mahse Zuali room atangin thawm ka hria a ka va luh khan a lo tal chiam chiam a, ka sawi lahin a harh lawk thei bawk silo, a taksa kha thlan in a bual vek a" ka ti a, "A zia tawh em?" a ti sup, "Aw.. rei fe ka thut hnuah chiah ka lo chho a, a tha tawh turah ka ngai, engtia han tih chu nge ni ang aw, a thil tawn te avang khan a nih ka ring" ka ti sep sep a.




"Hun a la liam tam lo em a, a thil tawn te khan amah ah nghawng a la nei dawn a, chuvang a nihchu, engpawh nise a tha leh vek mai ang, tha takin kan enkawl anga, kan ngaihsak bawk anga, a tha leh em em ang" a ti sup sup a, chuchu ka beisei a ni. Zing kan tho a, inhnuai a kan chhuk chuan Zuali pawh a lo tho chhuak tawh a, nizan thil thleng kha chu a hriat tawh hmel loh, "In lo tho tawh maw, vawin chu in nupa in in tho rual ve ngei alaw?" nui hak hak chungin a ti a, "Nia, chhung lamah mut a duh sawt bawk a, zing lamah chuan a harh hma ve deuh tawh" Nicholas-a chuan nui vur vur chungin a ti a. Zuali chuan thingpui kan nupa chuan min pe a, dining chair a thut pahin U Tluangi nen an eirawng bawl lai chu kan en reng.




Nicholas-a hna kal a ngaih vangin chaw kan ei vat a, insiam turin kan room ah kan chho a, necktie ka awrh tir lai chuan ka hnute a rawn tham leh thin a, "Awm tha mai mai teh, ka ning ania aw" ka ti hlar a, a rawn tih luih leh chuan "Nangmah in in siam rawh, ka ning che" tih pahin ka kalsawn ta daih a, nui vur vur chungin a in siam chhunzawm a, a in siam lai chu ka lo en reng, "Le.. min thlah la" a tihchuan room atang chuan kan chhuak a, pawn ah chhuak in a motor a a luh hma chuan "Vawinah lo che hah lutuk lo la, in chungah chhoh khap tlat a ni bawk tih kha hriat tur" a ti a, kar hmasa khan a rawn haw hma tiin inchung a ka pangpar khawi ho tui ka pe a, mahse nidang aiin a rawn haw hma a, ka pum a lian tawh bawk nen inchung a chhoh a rem tilo a, min man chiang bawk nen nitin hnaa a kal hmain a sawi ta ziah.




Room ah ka chho a, ka pum a na riai riai mai, ka thawh tirh atang ka pum a nuam lo tawh , a dam leh vat ka rin vangin Nicholas-a hnenah pawh ka sawi duh lo kha a nia, khumah chuan ka mu a, a na telh telh, ka thlan a rawn bawl chhuak tiam tiam bawk, ka pum chu ka dawm a, chet pawh ka che tha thei tawh lo, chutia ka pum dawm a ka lo mut ngawt ngawt lai chuan Zuali a rawn lut a, ka awmdan a hmuh chuan hlauhthawn hmel zetin a rawn tlan lut a, "U Amelia I tha em, engtinge i awm, i pum a na ami?" a ti a, ka chhang theilo, a thusawi te chu hla tak atang a hria ang maiin a aw chu a hla tial tial a, U Tluangi a ko chul ri pawh chu ka hre ruai ruai ringawt, ka pum dawn in mit ka chhing ngawt ngawt a, ka naute chungah thil diklo a thleng a nihchuan ka in thiam thei tawh lovang.




U Tluangi a rawn chho a, a hlauhthawn hmel hle, hmanhmawh zetin a phone chu a hmet a, Nicholas-a a call nghal, kan in awmna a fal tih ka sawi tawh kha, hmeichhe pathum chiah kan awm a, pawn ah chhuak ringawt mahila taxi hman tur kan hnu mai dawn lo, "Amelia tuar hram hram rawh aw, U Nicholas-a a lo let mek, a rawn thleng har lovang" U Tluangi chuan a ti a, Zuali chuan ka chal chu a lo hru a, engmah ka sawi thei lo, ka mittui chu a luang ngiai ngiai reng a, "Bawihi" ka pasal aw ka hre chiah chu ka thla a muang huai thei, room ah a rawn lut a, ka awmdan a hmuh chuan min rawn pan hnai nghal rawk rawk, "Damdawi inah kal pui vat a ngai ang" U Tluangi pawh chuan a lo ti a, Nicholas-a chuan min pawm tho nawlh in inhnuai ah min chhuk thlak pui nghal.




Damdawiin hnai berah min kalpui a, Doctor te chuan min check nghal vat, eng emaw in min chiu a, engmah ka hriat zawm tawh lo. Ka harh leh chuan in chung var vek chu ka thil hmuh hmasak ber a ni, thil thlen dan te chu ka ngaihtuah a, ka pum ka dawm nghal vat, vanneih thlak takin a lo la puar a, ka thaw huai mai. Ka harh tih an hriat chuan kan chhungte chuan min rawn hnaih nghal a, cabin ah kan awm bawk, "Bawihte, enge I an, na I la nei em?" ka nu chuan min ngaihtuah hmel zetin a rawn ti a, "Nu ka tha alawm, enge awmzia engvanga ka pum kha na vak nge a nih?" ka ti a, "Doctor sawi dan kha chuan ei sual i nei an ti a, engmah hlauhthawn na tur a awm tawh lo, I naupai lai pawh a tha e" a ti a, Nicholas-a hmuh tur a awm ve miah lo.




"Bawiha chu damdawi lei turin a chhuak lawk a, a lo let ve vat ang" ka nu (Nicholas-a nu) chuan a ti a, tui te ka in a, khum chu tlem in min tih kan sak bawk, Nicholas-a pawh chu a rawn let thuai a, ka harh tih a hmuh chuan min rawn pan nghal vat, "Bawihi, I tha tawh tiraw, na lai I la nei em?" tiin ka taksa chu a en kual a, "Ka tha tawh engmah na ka neilo" ka tihchuan a thaw huai a, kan chhungte chu ka harh tawh bawk a tiin an haw ta a, U Tluangi leh Zuali te pawh an haw nghal, ka pasal nen chauh chuan kan awm a, "I pum a na tih Engvangin nge min hrilh loh?" lungawi lo aw tak chuan a ti a, "A dam leh vat ka ring a, bakah a na em em lova I kal dawn kha chuan, hna lamah thil tihtur pawimawh i nei bawk nen khan ka hrilh duh lo che a nihkha" tim dai in ka ti a, ka thiam loh a ni tih ka hriat avangin ka tawng ring ngam lo.




"Bawihi, ka tan chuan nang hi i pawimawh ber, hna te chu engmah a nilo, eng emaw i chungah thleng ta se engtinge ka awm ang, tun atang chuan na I neih hlek pawhin min hrilh hmasa ber tawh tur a ni" a ti nghet charh a, "Awle" ka tih takah chuan a nui ta suk a, "Kan naute nen hian ka chan dawn cheu emaw ka ti alawm" tiin ka pum chu a fawp vang vang a. "Kan naute hi ka chan dawn emaw ka ti a, mahse engmah a thleng lo hloh a, kan vannei takzet" ka ti ve sep. Doctor a rawn luh takah chuan Nicholas-a chu a awm tha vat a, "Engmah that lohna I nei tawh lo a, in chhuak thei nghal mai ang, mahse i thil ei turah i fimkhur dawn nia, chuan awm hahdam I tan a tha ber a, mut tam I tan a tha ber" doctor chuan a ti dap dap a.




In kan haw hnuah pawh chuan Nicholas-a chuan khumah min mut tir a, Zuali leh U Tluangi te hnenah chaw pawh room a min pe turin a ti a, "A ngailo" ka tih pawhin ka thusawi chu a hai der lui hmiah. Hnaah pawh let tawh lem lo chuan ka bulah a awm ta reng a "Nicholas-a i secretary thar tur interview I ngai a nilawm ni, let tawh la, keichu ka that tawh em hi" ka ti a, "Midangin an lo buaipui thei, ka tan chuan nanghi i pawimawh ber" a ti sup a, khumah chuan in kuah rial chungin kan muhil a, ka harh leh chuan kan khum sirah eitur tui hmel zet zet hi ka hmu a, ka riltam zia ka hrechhuak chiah bawk, kan room kawngkhar a rawn ri ve chiah a, Nicholas-a a rawn lut a,s oup a rawn chawi lut a, "Le.. han ei theuh teh le, I taksa tan a tha vek tur a nihhi, Zuali leh Tluangi ten uluk deuh a an siam sak che a nihhi" a ti a.




Ka han ei chiah mai chu tui tak hi a ni ringawt, "A van tui em em, lo ei va la" ka thil ei lai min reng avang chuan ka ti a, "Ka ei tawh alawm, nangmah khan tui ti deuhin han ei nghek phawt mai teh" a tihchuan nui sen sen chungin ka ei lehnghal a, eitur in chhawp zawng zawng chu ka ei zo vek, "Ka puar zia hi" tiin ka pum chu ka chul a, "I puar chuan a tha a nihchu, tho la, kan inbual dawn a nia" a ti a, khum atang ka tho tur chu min rawn pui vat a, ka thawmhnaw hak tur min lak chhuah sak sa diam bawk a, inbual turin bathroom ah kan lut a, ka sam chu min suk sak a, ka duh ang in ka chet theih tawh meuh loh avang hian min bual tawp thin, keimah in ka in buai thei lutuk tho na chungin ka pasal hian min bual ziah a, ngaiah ka nei tawh.




Karthar kan chuang kai a, Nicholas-a zin hun pawh naktuk mai hi a ni tawh, ka insiam pui a, a cham rei dawn loh vangin thawmhnaw pawh a keng tam hran lo, "A hma thei ang berah rawn haw tum rawh aw" ka ti deuh chhen a, a zin tur chu ka huphurh lawk em em mai ni, rai lo ila chu hetiang em em hian ka huphurh pawh ka ringlo, mahse min duat bawk si a, zan thum chauh cham dawn mahse a tello a mut chu ka thil hreh ber a ni. "Ka lo haw leh vat ang" tiin ka chhip ah a fawp vang vang a, a ni pawhin a zin tur chu a huphurh ve zia ka hria, zantin a awm lum nuam zet a bei chial a ka lo mut tawh thin avangin zan thum chauh pawh nise a pangti lum tello a ka mu tur hi hreawm ka ti em em mai chu a nisia.




Zingah chuan hma takah kan tho a, Nicholas-a a chhuah hma dawn vang a ni, a kal dawn chuan pawn thleng ka thlah a, ka tap mai dawn in ka hria, ka pum chu a dawm vang vang a, "Lo in enkawl tha la aw, ka lo haw leh vat ang, chuan ka thlen ve leh ka lo bia ang che" ka hmui ah chuan a fawp vang vang a, a tlan liam lai chu ka thlir reng, ka mittui ka hru zeuh bawk, "U Amelia-i chu I pasal a kal liam chiah a i ngai nghal der a nimaw?" Zuali chuan a lo ti a, tawi te in ka nui ringawt, chaw ka ei lai te chuan ka ei tui lo khawp mai. Tlem te chauh ka ei a, ka kham ta daih, chawhnu lamah pawh chuan Nicholas-a chu a la reh vang vang, a la thleng lo a nih ka ring, amah chiah in a kal lova, a secretary a hruai tel ve bawk, a secretary thar hi ka la hmu ve lem lova, mahse hmeichhia a ni tih erawh Nicholas-a khan min hrilh tawh.




Tlai lamah chuan ka phone a rawn ri a, ka la vat, Nicholas-a a ni, "I thleng tawh maw, min va lo be har ve, ka lo nghak char char che alawm" ka ti nghal zung zung a, "Nia.. ka buai nghal a, hun ka neih ve leh ka lo be nghal che, vawinah enge i lo tih, hna te I lo thawk em?" a ti a, "Aih room ah ka awm char char, min lo biak hun ka lo nghak reng a" a nui suk ri ka hria, "Ka ngai hle mai che" a rawn ti thawp sut chuan ka mittui a hnai lehnghal kuar nia, ka hru zeuh a, "Kan naute nen hian kan ngai lutuk che" ka ti ve sep, rei fe kan in bia a, zanah meeting an nei dawn a, dar 9 hma chuan min rawn biak hman a rin loh thu a sawi nghal thlap bawk, phone kan dah hnuah inhnuai ah ka chhuk a, U Tluangi pawh Nicholas-a zin chhung chu hetah a riak ve nghal dawn a ni.




"In pa chuan a rawn be tawh che em?" choka a ka lut min hmuh chuan U Tluangi'n a lo ti vat a, "Aw.. kan in be zo chiah, a thlen hnu khan an buai nghal a ni awm e" ka ti a, zing leh chhun lamah khan thil ka ei tha lo bawk nen ka riltam tawh takzet, chaw ei an lo peih sa tawh avangin chaw kan ei nghal a. Hmeichhe pathum chiah kan awm bawk a, sitting room ah chuan kan thu a, ka titi sap sap hlawm a, "Keichu mak ka la ti tawp theilo, Amelia-i leh U Nicholas-a te an inneih tirh chuan maw Zuali an in ngeih lo bawk sia, an in hnial reng a, tunah lah an in ngeih leh em em a, hei nikhat lek pawh an la awm hran hma hauh in an in ngai nghal em em a" U Tluangi chuan a ti a, keipawh hian mak ka ti thin, hetiang em em hian kan in hmangaih ang tih rin ngaihna ka nei ngai biklo.




Dar 7 chauh a la ri a, Nicholas-a a la buai dawn tho bawk a tiin thlahrang film chhuak thar kan en a, kan phu leh zawk thin, U Tluangi lah upa ber e tilo chuan a dawih ber a, amah pawn thu ngam lovin Zuali bulah a thu a, thlahrang film hi chu hmuhnawm ka ti ve a, ka en ve nasa thin lutuk, ka en lai hian ka phu leh zuk zuk thin tih mai loh chu han hlauh zui vak na ka nei tawh ngai lemlo. A tir atang kan en loh vangin a tawp hma a, dar 9 rik hma deuh chuan room ah ka chho a, U Tluangi pawh a mutna room turah mu ngam lovin Zuali bulah a mu dawn a nih hmel, dar 9 a ri ta a, Nicholas-a min lo biak hun chu ka lo nghak ran a, han biak hmasak dawn in a buai lai a lo ni ang tih ka hlau bawk nen min lo call hun chu ka nghak tawp, nghah rei a ngailo, a call a lo luh chuan phur zetin ka la a.




"In meeting chu a tluang maw?" a thaw hawk a, "Kan thu . in hmu hlei theilo chu a ni, naktukah kan chhunzawm dawn a, kan tihfel theih chuan naktip ah ka lo haw ang" a ti a, han tifel thei hloh se aw, ka pasal ka ngai tawh takzet, "I mut a chhuak tawh em?" a ti a, "La chhuak lo, I awm bawk silo a, zanin chu ka mut theih pawh ka ringlo, lo haw vat rawh aw" ka ti a, "Awle... chuan meng rei awih loh ka tihkha aw, kan naute kha ngaihtuah la, i muthilh hma chu kan in be dawn nia, ka ngai tawh hle che a ni" a ti a, "Keini pawn kan ngai lutuk che papa" ka ti sep a. Ka muthilh hma chuan kan in be ta reng a, zing ka harh chuan phone chu a lo in off tawh, choka a ka luh chuan "Vawin chu kan mood a va fuh awm ve" ka nui sak a.




"Zual vawin I lo haw hma angem?" Ka ti a, "Ka hrelo, haw hma ka lo tum ang" a tihchuan "Aw.. dawnfawh min lo lei aw, ka ei chak lutuk, kan kawl tawh bawk silo a" ka ti a, a lo lei tur thu a sawi a, chhu nah chuan Nicholas-a nen kan in be leh zeuh zeuh thin a, vanneih thlak takin naktukah a rawn haw thei dawn tih min hrilh a, zaninah party a hminga an lo buatsaih sak avangin a lo haw thei dawn lo ni. Zanah chuan party a kal hma in kan in be leh a, rui chhe lutuk lo turin ka chah nasa hle, party a zawh hnuah min rawn biak leh tur thu a sawi hnuah kan in biakna chu kan ti tawp a. Zanah Matthew-a a rawn leng a, nidang aiin a mizia a zawi, Zuali pawh chu nidang angin a fiam lo a, a thu ngawi reng ringawt.




Zuali leh U Tluangi room a an luh hnuah "Rilru hahna I nei em ni?" ka ti a, "U.. hmeichhia te hi an lo mak a nihhi" a ti ringawt a, a thusawi awmzia ka hrelo hle, "Han sawi chiang deuh la" ka ti leh a, "Ka bialnu khan min lo kawp reng a, vawin khan ka man chhuak a, engtinge ka lo hriat vat loh theih zawk, nilo engtinge a mize diktak ka lo hriat loh theih zawk ni, hmeichhe nunnem leh rilru tha tak a ni emaw ka ti a, mahse sum vang chauh in min lo hnaih a" a ti a, a aw a natna lang chhuak chu a hriat hmaih theih loh. "Matthew mipa i ni a, chak takin awm rawh, hmeichhia te chu an tam alawm, I tan Khuanu ruat a nilo tihna a nimai, i hrechhuak hma chu lawm zawk rawh, in la kal thui hman lova, i tan tha tura Pathian remruat a ni ngei ang" ka ti a, ka thusawi chu hrethiam se ka ti ber.




Matthew-a nen kan titi zawh hnuah a haw ta a, ka khawngaih takzet, hmeichhe hnaih a nei ngailo a, a hmeichhe duh hmasak berin hetiang hian a chungah a lo ti leh si, mahse ka nau hi ka hrechiang a hetiang mai mai hian a awm dawn lo tih ka hria, chhel takin a paltlang ngei ang. Room ah ka chho a, dar 12 a ri tep tawh, Nicholas-a a la reh vang vang, a haw har loh tur thu kha a sawi si a, dar 1 a rik dawn chuan ka nghak thei tawh thlawt lo ka call ta tawp a rei fe a ring hnuah a la ta chiah "Tinge min va rawn be har ve?" a tawng hma hma chuan ka ti a, zu a rui a ni chiang khawp ang, "Boss chu a inbual a" hmeichhe aw hian a rawn ti a, a secretary kha a ni ngei ang, Engvangin nge Nicholas-a phone a lo chhan ni room hrang ah an awm a nilawm ni, "Tunge i nih?" ka ti a, "A secretary ka nia" a rawn ti leh a.




"Nicholas-a phone pe rawh" ka aw chu a no fahran lo. "A la inbual a, a inbual zawh ah lo be tur che in ka lo hrilh ang" engmah ka sawi leh hma chuan call a ti tawp daih. Thinrim zetin ka phone chu ka en a tun ang zan tlai tawh takah Nicholas-a room ah enge a tih, chu ringawt chu ka ngaihtuah a, Nicholas-a hian min phatsan em ni, chumi ka ngaihtuah zawng ringawt pawh chuan ka tawt up up a, ka phone chu ka en char char a, reilote hnuah call ka dawng a Nicholas-a hnen atangin lak pawh la lovin ka ring ral tir thak a, a rawn tih nawn leh pawhin ka la duh lo, min rawn call tak tlut tlut ah chuan ka phone chu ka switch off daih a, ka be dawn lo hi a ni tawp, a duh leh rilru hah deuhin awm rawh se, enge hmeichhe dang nen room khat ah zan tlai tawh takah an awm dun, lukham hnuaiah phone chu rawlh lut in ka mu hmak a, ka muhil thei pawh in ka ring lo e.


Cont....

Zanin chu ka awl ang ka ti viau na in ka rawn dah hram aw... chuvang chuan click leh comment a that ka beisei viau ania...


Show post links
Top

[Ngaia]

Chapter-22

(Monday zanah last chapter kan dah ang aw, chuan ka story dawt leh tur 'Perfect' tih chu prologue ka dah tawh a, min lo chhiar sak ve theuh ula, in duhzawng a nihchuan like leh comment kha min tihsak ve bawk ula aw)

Nicholas Ramnunpuia POV




Bawihi chu ka phone thin, a chhang thei bawk silo, a hnuah phei chuan switch off a in tih daih a, ka mangang tan tawh, ka ngaih a tha tawh hlawl lo chuan Zuali ka call ta ngawt a, a tlai tawh bawk nen a la thei mai lo, mahse ka tih nawn leh takah chuan a la ta hram a, "U Nicholas enge nita tun ang ah te min rawn call a?" a ti phak chuap a, "Bawihi'n ka call a chhang theilo a, a chungah thil thalo a thleng nge a muhil tawh min en sak lawk ta che" ka ti sup, a ri sat sat a, ka lo ngaichang ran, step a a pen chho ri te chu ka ngaithla reng a, kawngka kik dat dat in "U Amelia" a ti mawlh mawlh bawk, chhanna a dawng biklo, kawngka in hawng thawm ka hre leh a, "U Amelia-i chu a muhil tawh a nihhi" a tih takah chuan ka thaw huai the, ka call a chhang lo ngai silo a, ka hlauthawng deuh a tin ni. Lawmthu te ka hrilh a, phone kan dah hnuah sana ka en a, dar 2 a lo pel tawh.




Ka secretary Nunhlimi pawh a room lamah a let tawh bawk, ka inbual lai khan ka room ah a rawn lut a, engvanga ka room ah khan lo awm ngawt nge ka zawh khan file min pek theihnghilh thu a sawi a, ka phone a lo chhang tih ka hre bawk, Bawihi chuan a ngaih khawih loh hram ka beisei, ka muhil ve ta thuai a, party naah khan zu ka in hauh lo bawk, ka nupui in in lo tura min tih vangin, hmun hla taka awm mahila a thusawi ka hnial ngam lo, min thunun hneh zia hi a hre der silo a. Zingah chuan hma takah ka tho a, Mizoram lama ka haw tawh dawn vang chuan ka phur hle, Bawihi tan eng eng emaw ka lei a, nimin khan midang tir lovin keimah ngei ka bazar a, ka nupui thil tur chu keimah ngei a lei ka duh vang a ni, zingah khan ka call leh a, a tlang lo, a phone battery a thi a nih ka ring.




Ka thlen na room atang chuan ka chhuak a, Nunhlimi pawh a lo in peih fel diam tawh, hotel atang kan in zui chhuak a, airport lam kan pan nghal. Mizoram kan thleng a, hnathawh naah kal kawi lovin in ka pan nghal, ka secretary chu hnathawh na lamah a kal thung, Inchhung ah ka lut a, thawm a awm lo hrim hrim, in a in kalh bawk silo, khawiah nge maw an awm hlawm ang ni. Room ah ka chho a, Bawihi hmuh tur a awm lo, room atang ka chhuak leh vat a, ka haw dawn tih leh ka thlen hun tur kha ka hrilh chiang viau sia, Bawihi koh mai ka tum lai chuan in hnunglam atang thawm ka hria a, ka kal nghal vat, Bawihi leh Tluangi te pahnih chu huan ah an lo awm a, "Bawihi" ka ti sup a, an pathum chuan an rawn hawi nghal thap, "U Nicholas-a chu I lo thleng tawh elaw?" Tluangi chuan a lo ti vat a, "Aw.. ka lo thleng deuh chiah tumah hmuh tur in awm mai silo a" tih pahin Bawihi lam chu ka pan a.




Biak chu sawi loh nichin a min en zawk tih loh kha chu min en leh tawh lo hrim hrim, "Bawihi" ka ti leh sup a, "Enge?" bak zetin a lo ti hlar a, zaidam zawk zawk a nilo a, a rai hnu ngat phei chuan a thin chhiat a zual a min vin reng mai ni, "Min lo ngai em?" nui suk chungin ka ti a, "Engvangin nge ka ngaih ngawt ang che?" a ti hlar a, "Min lo ngaih viau tawh ka ring a, min ngai miah lo tak tak amaw, keichuan ka ngai lutuk che a hna pawh ka thawk tha theilo" ka tihchuan rum zetin min en a, "Dawt sawi lo mai teh" tih pahin inchhung ah a lut daih a nihchu. Ka en zui vang vang a, a awmdan chu mak ka ti hle bawk, "Vawin chu a mood a tha vaklo aniang, zing atang khan a la tum bur mai" Tluangi chuan nui hak hak chungin a ti a.





Inchhung ah chuan ka lut ve nghal vat a, sitting room ah chuan a lo thu a, a bulah ka va thut ve chuan a lo tawlh sawn nghal vat a, "Bawihi tinge hetiang hian i awm a, i lung tih awi lohna ka nei em ni?" zaidam tak chuan ka ti a, a tawng leh duh tawh lo, ngawi rengin hmalam chu a melh char char a, "Bawihi" ka tih leh chuan ning hmel zetin min en a, "I ninawm min be reng suh" a ti that a, eng emaw chu lungawi lohna a nei chiang alawm. Tawng leh ka tum chiah chu a tho lehnghal daih, a hnungah chuan ka zui ve zel a, step a a chhoh lai chuan ka lo veng ru reng a, room ah kan lut a, "Tinge le,.. enge i thinrim chhan enge tihsual ka neih?" ka ti lehnghal a, "Enge chutiang min zawh i hria ang chu" a ti leh hmak a, "I sawi loh te chuan ka hre hleinem, han sawi teh le" ka ti leh a.




"Nizanah i phone lo chhang tu kha tunge?" a ti ta fak a, "Ka secretary thar Nunhlimi a nihkha" ka tihchuan "Engvangin nge i phone a lo chhang, nilo enge i room ah khan a tih?" "File min rawn pek a tum a, chuvang chuan a lo kal a nihkha" ka tihchuan "A va pawimawh awm ve, khatiang ang zan tlai tawh takah khan file chu a pek ngei ngei che a ngai amaw, chuan i phone pawh a lo chhang a" ngeiawm zetin a ti a, "Bawihi ngaih kawih tur a awm lo, file min rawn pek hnuah a chhuak lehnghal alawm, kan inkar ah engmah a awmlo" a nui hak a, "A nihchu" bathroom ah a lut tau hmak a, engtia han tihtur nge pawh ka hre tawh lo, hetiang em em hian a thikthu a chhia tih ka hre lova, mahse chhungril takah chuan ka lawm a ni.




"Bawihi" bathroom kawngka chu ka kik a, min chhang lo hrim hrim, a rawn chhuah hun chu ka lo nghak a, rei nghah a ngailo, "Hnaah I let dawn lo a mi, a la hma em hi, va kal rawh, hmu chak deuh tu che pawh an lo awm thei a" mei nei deuh chuan a ti leh a, en pawh min en lo hrim hrim, "Ka nupui hi ka ngai lutuk a, hna lam pawh ka ngaihtuah theilo, chau takin inah ka rawn haw a, mahse ka nupui ka ngaih em em lahin min lo thinrim khum bawk sia, enge i lungawi nan ka tih ngai ang?" ka ti sup a, "Min be lo la a nimai" tiin a mu daih, "Ka va in tifai ve anga, ka rawn mu ve nghal ang, ka chau riau a, hahdam ka mamawh" ka ti sup a, chhan pawh min chhang lo. Bathroom atang ka chhuak a, boxer chu in thawlh sawk sawk in ka nupui bulah chuan ka mu ve nghal.




A lo thaw sak sak tawh a, ka lamah chuan pawt hnai in ka kuah a, a rim nu chek chu ka hip zui vang vang bawk, ka nupui bulah ka awm chiah chu ka hahdam sawng sawng thei, thawm ri deuh sat sat ah chuan ka harh a, Bawihi chuan min tih harh hlau zetin thawh chhuah a lo tum hi a lo nia, a thu chhuak tur chiah chu ka kuah ta thut a, a phu zawk mai, "I van mawl tak" ka banah chuan a rawn chum taih a, "Bawihi thinrim tawh suh aw, Nunhlimi kha chu ka secretary mai a ni, nanglo chu ka mitah hian hmeichhia an awm lo, nang chuah hi I ni, ka chungah i lungawi lo tih ka hriat hian hreawm ka ti, chuvang chuan thinrim tawh suh aw" ka ti sup sup a, "Mahse ngati nge i phone kha i chhan tir kher?" a thik hle tih a chiang zual.




"Ka phone a chhang tih ka hrelo alawm, bathroom ah ka awm daih a, ka chhuah hnu khan min rawn call thu a sawi a" ka ti a, "Tun chiah ka ngaidam ang che, chuan hmeichhe dang i phone i chhang tir tawh tur a nilo" a tih takah chuan ka thaw huai thei, "Chuan min lo ngai ve miah lo amaw?" a nui hak a, "Ka ngai lutuk che a ka a hman tep" a tihchuan ka lawm tawk a tling leh em em mai ni. In hnuai kan chhuk a, kan mu rei bawk a, chaw ei a hun tawh, chaw kan ei a. Zuali chu a room ah a awm a, Tluangi erawh ka lo haw tawh tho vangin riak lovin a haw thung, "Ka sawi theihnghilh daih, naktuk ah dawr a kal ka ngai a nia aw" a tihchuan "Enge i tih dawn?" ka ti ngal vat, a pum a lian tawh bawk si nen chhuak ka phal vak tawh lo, a che sual ang tih ka hlau a ni.




"Kan client pakhat nen in hmuh kan ngai a, a rei lovang, kan in biak zawh ah ka haw lehnghal ang" a ti nghal zung zung a, "Ka hruai dawn che nia" ka ti ta sup a, "Kan naute lo chhuah hun tur hi ka va han nghakhlel tawh tak em" tih pahin ka nupui pum chu ka chul a, a rawn che dat dat a, "Bawihi tunah khan a che a nia" ka thu chhuak hluai a, "Chhun lamah phei chuan a che nasa thei lutuk a, ka pum a na lek lek thin" a ti a, thla li a nih atang khan ka nupui hian a che a ti a, a che lai hi ka la nang fuh ve ngailo, tun kha ka hriat vawikhat na a ni, ka hlim veng veng mai, a rawn chet leh hun ka chang ran a, ka nupui chu a nui hak hak, "Rawn mu mai mai rawh, a che reng hleinem" a ti a, "A che leh dawn tih ka hria alawm, a pa kut hi a hai thei lo" ka sawi zawh rual rual chuan a rawn che leh ta a, ka nui chhuak hawk hawk, "A tlawh nat dan atang hian mipa a nih ka ring a" ka nupui chuan a ti sep a.




"Mipa nge hmeichhia i duh?" ka ngawi vang vang a, "Engpawh nise ka duh vek, mahse nangmah ang hmeichhe hmeltha leh duhawm zet hi ni thei se ka ti" ka ti sup, "Keichu mipa ni se ka duh a, ka strict nasa ngawt ang, a pa anga mipa lerh a nihloh nan ka zirtir tha viau bawk anga" ka rum nghut a, Bawihi chu za zetin a nui chhuak har har a, a nghawng ah chuan ka dek a, "Hey.. a za ania, duhtawk rawh ka tlawm" a ti a, kan nupa chuan kan hlim hle, hlim taka a nui lai chu thlir nin harsa ka ti a ni, a hnuah chuan a thaw hak hak a, "Ka hah vek alawm" a ti reng bawk, ka awm hnai a, ka thiltih chak em em chu ka ti ta a, a hmui no chek chu duhthawh zetin ka keih buan buan a, min rawn chhang let ve vat bawk.




Ka kut chu hnuai lamah sawn thla in a hnute a rai vang a lian zual sawt chu ka tham tawn tawn a, a hmui atanga in sawn in a biang a nghawng leh ir te chu ka fawp kual dan dan a, kei ang bawkin a awmdan a danglam tih ka hria, a thaw chhuak hawk hawk a, a pum in min do avangin a sirah ka awm thung, in sum chu harsa tawh tak a ni, rei fe chutia kan awm hnuah chuan ka awm hrang ve thei ta hram. A awm ah hmai ka phum a, ka thaw chhuak zui kawk kawk bawk, "I tha em?" ka lu rawn chul pah chuan a ti sep a, "Tha e, in sum a harsa deuh tih mai loh chu" ka ti sup, a nui hak a, keipawh ka ni tho, Bawihi pum a lian in a taksa ah in sawisel na a neih atang khan nupa nun kan hmang leh ta miah lo kha a nia, mut tawh hnuah bathroom ah ka lut zing thin viau.




Bawihi dawr kan thleng a, a kal lohna a rei ve tawh bawk nen hnathawk te chuan an ngaih thu an lo sawi liam liam a, Bawihi lah dawr kal ka phal loh vanga lo kal ngailo a nih thu te a sawi a, "Heihi in lamah lo en fel la, dik lo leh fel lo lai i tih te i rawn sawi dawn nia" Terina chuan a ti zung zung a, Bawihi office ah kan lut a, a client hmuh tur pawh a rawn thleng har lo, nu pakhat in chei nasa ve tak hi a ni a, a fanu ni ngei tur amah ang zet nula la naupang te nen an ni a, chu hmeichhia lah chuan min en duh em em lehnghal. Ka nupui leh a nu chu an in be mawlh mawlh a, kei erawh couch ah ka lo thu thung, nula chuan min rawn en leh thin a, ka ngai theilo viau kum 20 pawh a la ni em dawn emaw ni tih mai tur a la ni a, a mitmeng lah chu ka ngainat loh zawng tak a ni.




"Kan lawm lutuk e, i duh ang tak chuan kan tihsak ngei ang che" Bawihi chuan nui sangin a ti a, "I fanu em ni?" tiin nula naupang te chu a en a, "Aw.. nihhi, a kawr tur pawh hi kan rawn order thuai ang" a ti a, "A nihchu, a hmeltha hle mai, Duhtak min lo kai tho lawk mai ta che, kan in leng te hi pawn thleng kan thlah ange" tiin Bawihi chuan min rawn en a, chutiang chuan vawikhat mah min la ko ngailo, ka melh haw a, "Lo kal vat la" a nui seih a. Nula chuan kan nupa chuan min en tawn zak zak a, "Nupa in ni tih ka hre miah lova, i unaupa emaw ka lo ti zawk a" a ti sep a, "Ka pasal a nihhi, hei fa pawh kan nei ve tep tawh" Bawihi chuan nui hak hak chungin a ti a, chunu pawh chu za lo deuhin a nui a, pawn thleng a thlah hnuah a rawn lut leh a, min la melh rum em em zui.




"Lerha" a rawn ti ringawt a, "Enge ka lerh na?" ka tihchuan "Kha hmeichhe naupang en dan che kha ka hrelo turah I ngai a mi?" a ti hmak, "Oh.. Bawihi engtin mah ka en ve chuang hleinem" ka thusawi avang chuan a hma ai mahin min melh rum, "Nuam I tih hmel em kha, khanu pawh kha lerh lutuk mai, a la naupan hmel tehreng nen engtinge khatiang fa ko a a en che ni, hrim hrim in ka pasal i ni tih engtinge a hriat loh theih, ka unaupa emaw a la ti zui che ania, ka pum a puar luah tawh a, mimawl ber pawn ka pasal i ni tih an hria ang chu" a ti hlak hlak a, a ang lai chu ka en reng ringawt, tawng chi pawh a ni tawh lo, chuti lo chu keima chungah a tuan leh daih mai ang. Coffee kan in a, a la lungawi thei meuh lo, keihi ka thikthu a chhe viau emaw ka tia, ka nupui zawk hi a thikthu a lo chhe fe zawk tih ka hrechiang tawh bawk, mahse nuam ka ti em em lawi si.




"Inah ka thlah phawt che anga hnaah ka kal leh mai ang" motor kan thut luh hnu chuan ka ti a, "A ngailo, i hnathawh naah ka rawn zui dawn che, engtinge hna I thawh ka hmu duh, nula te I lo chhai kual mai mai em tih te ka hre duh bawk a" thut that pah chuan a ti a, "Bawihi leh" nui hawk chungin ka ti a, "Kal vat rawh" a ti hmak. Nui vur vur chungin motor chu ka kalh a, hnathawh na kan thleng a, building chhungah kan lut a, Bawihi chu a hawi vah a. Office kan luh hma chuan Nunhlimi lo thut na lam chu a pan a, ka zui ve vat bawk, "Nanghi em ni nizan hmasa a ka pasal phone lo chhan sak tu kha?" Bawihi chuan Nunhlimi melh ran chungin a ti a, "Aw.. ni e" a lo ti sep, "Nula pangai tak i ni a, chuvang chuan zan rei ah mipa room ah luh tawp ching tawh suh, nupui nei tawh room ah ngat phei chuan, bakah min lo chhang dan kha ngaih kawih theih tur deuhin min lo chhang a, vawikhat mah ching tawh suh" a ti fak a, office ah a lut zui nghal.




"Eitur min chah sak teh, ka ril a tam teh mai nia" ka lut ve chiah chu a lo ti nghal, "Awle, boss" tiin ka phone ka ban nghal a, eitur rawn thlen hma chuan phone a khawih a, keipawh hna ka thawk mawlh mawlh bawk, eitur a lo thleng chiah a, a phone chu dahin a ei nghal mawlh mawlh, a ril a lo tam tawh viau aniang, "Min lo nghak dawn emaw ka tia" a bula thut thlak pahin ka ti a, "Ka riltam tawh lutuk alawm" thil hmuam tun chungin a ti a, ka nui ringawt. Eitur kan ei zawh chuan hna kal thawk lehnghal a, Bawihi nen kan ni bawk si nen ka hmanhmawh viau, ka en leh zeuh thin a, couch ah chuan a mu a, phone a khawih pah mawlh mawlh bawk, ka thiltih tur tul ang ang ka tih zawh hnuah Bawihi ka va en chuan a lo muhil daih chu niin ka pan hnai vat a, a bianga ka khawih chuan a ner deuh nang a.




Sana ka en a dar 4 a ri hnai tawh, haw tawh mai pawh a pawi tawh lovang, "Bawihi" ka nupui chu ka sawi dat dat a, peih loh hmel zetin a rawn meng chhuak riai riai a, "Kan haw tawh dawn em ni, in ka thlen hunah I mu leh dawn nia" ka ti sup a, a rawn tho chhuak tur chu ka lo pui vat. Office atang kan chhuak a, Nunhlimi chu a thutna atangin a tho chhuak thuai a, Bawihi chuan melh pawh melh eih lovin a kal nghal a, motor a kan chuan lai te chuan a ham leh bai bai thin, in kan thleng a, inchhung kan lut chiah chu Tluangi te bulah a kal a, a tawng lehnghal mawlh mawlh a, a mut a chhuak viau emaw ka tia. Room ah in thlak turin kan chho a, "I secretary kha ka ngainat zawng a nilo" a ti a, "Engvang chuan maw?" min en ran a, "A mitmeng kha ka ngainat zawng a nilo" a ti leh ringawt a, engmah a sawi zawm tawh lo.




A rai vang hian a phun chiar deuh a, tunlai phei chu an na tur ringawt a zawng a tih theih ang, mahse ka ning phal chuanglo, ngawi rengin a ang lai chu ka ngaithla mai thin, karleh ah party kan huai hawt dawn a, Bawihi hi a kal peih chuan hruai ngei pawh ka tum, mut hmunah chuan ka sawi pui a, a lo phur khawp mai. Hun a kal ve zel a, kan party huai hawt tur leh kan thawhpui te nen a inrem na kan siamthat te avangin kan buai hle, hnathawh na lamah pawh ka awm hman meuh lo, chhuah reng ka ngai a, Nunhlimi nen kan in zui chhuak nitin thin, mi hian min sawi duh a, ka secretary nen kan chhuak dun te chu an lo sawi duh leh khawp mai, ka nupui pawh ka lak ah a lungawi lo thin viau, mahse ka sawifiah hnuah a lungawi ve leh mai zel.



Amelia Lalnuntluangi POV



Zanin hi party a kan kal hun a ni tawh a, ka in siam peih vek tawh, Nicholas-a erawh a rawn haw na a la reilo bawk nen a in bual mek chauh, a kawr hak tur ka lak chhuah sak a, a insiam nghal zung zung, a hma tawh lo bawk a, a insiam zawh rualin in atang kan chhuak nghal, U Tluangi leh Zuali pawh an tel ve bawk, party na hmun kan thleng a, Nicholas-a chuan a thawh pui thar te min in hmelhriat tir a, U Tluangi leh Zuali chu ka hlat deuh hlek ah an awmdun thung. Ka titi mawlh mawlh lai chuan Nicholas-a secretary kha a lo kal a, a kawr hak ka hmuh chuan ka ner sawk, sawtiang em em a taksa lang tam thei kawr saw a hak a ngai amaw ni, "Sir, min lo zui lawk thei angem, thu pawimawh tak a nia" a ti a, "Bawihi, kan kal lawk ange, ka rei lovang" a tihchuan ka bu zeuh ringawt, sawnu saw a hmel ka hmuh hma atang tawh khan ka ngaina tawh lo, ka pasal a melh dan saw ka hriat hmaih lo bawk.




Nicholas-a hian a hnuai a hnathawk ang bakin a en lo tih ka hriat avang chauh a la ngawi mai mai ka ni, Nicholas-a chu a rawn let leh vat a, "U Tluangi te bulah sawn ka va awm hrih ange, tikhan lo in be rawh u aw" ka ti a, ka kalsawn zui nghal. Zuali te bul ka thleng a, an bulah chuan ka va thu ve nghal, "Sawnu saw U Nicholas-a secretary kha a nilawm ni?" Zuali melhna lam chu ka melh ve thuai a, Nunhlimi a lo ni, ka pasal a lo la melh char char zui, "U Nicholas-a nen in din dun lai te khan a lo en reng cheu mawle, nichin atang tawh khan ka en tawh, U Nicholas-a hi a duh chiang lutuk, a nasat hmel bawk si, U Nicholas-a ngaihsak a phut hmel bawk si" a ti hlak a, ka ngaihdan chiah a ni. Nicholas-a a la en char char, a hawi sawn a, kan lam a lo hawi chuan kan lo melh reng bawk si nen hmundang a hawi sawn leh rang khawp mai.




"Nuam in ti hrim hrim em?" ka ti ta daih a, "Aw.. ti lutuk, U Tluangi hian star tu a nei a" Zuali chuan phur zetin a ti a, "Thil nilo lo sawi suh" U Tluangi chuan a lo ti hlak, "Tunge?" ka lo ti vat, "A ti mai mai a nihkha" a lo ti leh vat, "Ka ti mai mai lo, U Amelia saw saw laia mipa ding saw" tih pahin min mit mei zeuh a, ka hmu tawh, mahse ka hrechhuak thei mai tawh lo thung, Nicholas-a hnuai a hnathawk a ni tih erawh ka hrechiang thung. "A hmelchhiat loh saw" ka ti a, U Tluangi nen hian kan in hriatna a rei va thawkhat viau tawh a, mipa lam hi a la sawi ngai miah lo thung, "In ninawm, in lerh lutuk" a ti leh ringawt a, Zuali nen chuan in en in kan nui ringawt, "Saw a lo hawi leh tawh a nia" Zuali chuan a ti leh a, "Sawi reng suh" a lo ti hmak a.




"U Tluang, i upa ve tawh ania, nang ai ka naupang a mahse hei pasal leh fa ka neih khalh mai dawn che hi, chuvang chuan mipa lam te hi han ngaihven ve tawh la" ka ti a, "Ka peih lo" a lo ti leh hmak, eng ang pawn sawi pui mah ila ka thusawi a awih dawn lo tih kan hriat avangin kan ngawi ta ringawt a. Nicholas-a chu kan bulah a rawn kal a, "Bawihi, Pu Bta nen hian inchung lamah kan han kal lawk ange aw, thil pawimawh sawi dun tur kan nei a" a rawn ti a, "Aw.. han kal rawh, tah hian kan lo awm ang" a kal ve leh nghal mai a, "Taka nizanah Matthew an min rawn be ve teh nawlh a, kan in hnial hrep lehnghal" Zuali chuan a ti hluai a, "Nangni pahnih hi in ngaizawng daih mai teh u, in in hmeh riau" U Tluangi chuan nui ver ver chungin a ti a, "A teuhlo, ka duhzawng a nilo, a tawngthei si, mipa tawngthei deuh hi ka ngaina lo" Nur nangin Zuali'n a lo ti ve nghal zat bawk.




"In bulah hian ka lo thu ve thei angem?" nichin a mipa U Tluangi nen a kan hmeh bel pa kha a lo ni a, "Lo thu rawh" tih pahin Zuali chu ka bulah a rawn tawlh hnai a, "Ka hming chu Siama a nia, Miss Amelia-i hi chu ka hmu fo tawh a, in pahnih hian ka la hmu ve ngai miah lo che u" a ti a, Zuali chuan in hmelhriat na a lo nei thuai a, U Tluangi erawh a thu ngawi ran thung, Siama chuan U Tluangi chu a beisei deuh tih a en leh zeuh thin danah ka hre nghal mai, kan titi ho tak zelah chuan U Tluangi pawh chu a tawng ve bawrh bawrh tawh a, "Zuali washroom lamah min kalpui lawk mai ta che" ka zun a chhuah vang chuan ka ti a, "U Tluang Siama nen khan lo in kawm mai rawh u aw, kan rawn let leh vat ang" ka ti a, washroom lamah chuan kan kal nghal.




Toilet atanga ka chhuah hnuah Zuali chu a lut ve nghal zat a, Zual building hnung lamah hian ka kal dawn aw, ka lo let leh vat ang, U Tluangi khan nuamlo a ti palh ang, lo va let mai rawh" ka ti a, pawn lamah chuan ka chhuak nghal a, hmeichhe pahnih in be thawm ka hriat chuan an thusawi a pawimawh hmel em avang chuan kalsawn ka tum a, mahse an thusawi avang chuan ka pen lai ka tawp chawt, thawm dang a awm loh avangin an tawng ri chu ka hrechiang hle bawk, ka din na a thim bawk a, min rawn hmu mai dawn lo tih ka hria a, an thusawi chu ka ngaithla reng, "Mahse Sir Nicholas-a te chuan a nupui kha a duh lutuk, a kalsan mai mai teuhlo" tuna tawng nu kha tunge a nih ka hrelo, mahse pakhat zawk saw chu ka hrechiang lutuk tlat, Nicholas-a secretary Nunhlimi kha a ni.




"Engpawh nise beidawn mai ka tum reng reng lo, nangpawh in i hriat chian kha, Nicholas-a hi ka duh zia chu, nupui a neih hma daih atang khan ka duh tawh, a nupui saw a nei rei tawh tawp lovang, enge ka tihtur hi lo en tawp rawh, Nicholas-a secretary a ka tan theih nan ka thawh rim zia i hriat kha, beidawn mai mai ka tum lo, eng ang pawn Nicholas-a hian then duh lo mahse saw a nupui duhlai em em sawn a then ngei ngei theih nan hma ka la dawn, hman zana ka ruahman na kha hlawhtling lo mahse tuna ka thiltih tur hi chu a hlawhtling ngei ngei tawh dawn tih ka chiang, a nupui in la ve tak sawn Nicholas-a hi ringhlel lo theilo turin ka siam dawn alawm" tiin a nui har har a, ka lo in hum ruh ngawt ngawt, "An man chhuah che chuan Sir Nicholas-a hian a en liam mai mai dawnlo che ania" a thiannu bawk khan a ti leh a, "Lungngai suh, min man chhuak dawn lo" in ring tawk fe hian Nunhlimi chuan a lo ti leh nghat a.




Ka in sum thei tawh lo, an lam pan chuan ka kal a, min hmu thut chu mak an tih hmel viau, "Kan nupa inkar tih chhiat I tum amaw, hre rawh nang a tih chhiat mai mai theih a nilo, Nicholas-a hi ka then ngai dawn lo tih hria ang che, chuan i hna atang hian ban nghal i ni bawk" ka ti fak fak a, "Enga, tu ah nge i in ngaih a ka hna atanga min ban ngawt turin, i hnuai a hnathawk nilovin Nicholas-a hnuai a thawk zawk ka ni" Nicholas-a ka bula a awm lai kha chuan en pawh min en tha ngamo kha a nia, "I sawi dik, chuan Nicholas-a hi ka pasal a ni a, a ta chu ka ta a ni bawk" ka ti leh sak a. A nui hak a, "I pasal a ni tawh lo tep alawm, Nicholas-a hian a la kalsan vat ang che" a sawi zawh rual rual chuan a biangah ka beng nghal pawp a, a thle sawk bawk.




"Ka tihpalh a ni Miss" Nunhlimi chu a tap nghal hlawp hlawp a, a awmzia ka hrelo hle, "Enge thleng?" ka hnunglam atang Nicholas-a aw ka hria a, ka hrethiam ta chiah, "Sir, Miss Amelia-i hi ka thiannu nen kan in biak laiin a rawn kal a, nangmah hnaih lo tur che in min ti a, hna kan thawk dun a engmah kan in karah a awm loh thu ka sawi pawhin a ring duh tlat lova, hna atang min ban bawk a, mahse i thu tello chuan ka bang ringawt theilo tih ka sawi khan kut min thlak ta mai a ni" dawt a sawi hneh sawh lutuk chu engmah sawi mai tur pawh ka hrelo zawk, engtinge khatiang dawt chiang lutuk kha a sawi nghal mai theih zawk ni, "Chuchu thudik a ni em?" Min en ran a, a hmelah chuan enge a ngaihtuah naah awm a hriat theih loh.




"Ni lo, thudik a nilo.." ka sawi zawh hma hma chuan "Sir, Miss Amelia-i hian Nunhlimi hi a rawn ankhum vak ringawt a, Nunhlimi hian tha taka a chhang chung pawn Miss hian a ngai kawi zel bawk sia, kut hial a thlak alawm" a thiannu khan a lo ti a, "Engvanga dawt sawi nge i nih, thil thlen dan engkim i hmuh vek kha" ka ti that a, "Miss ka thil hmuh ang chu ka sawi reng alawm, thudik ka sawi tih chu nangpawn i hriat chian ka ring" ka thinrim lutuk chu ka tha a khur dawt dawt thei hial. "Ka nupui thusawi laiin engvanga rawn in rawlh ngam nge i nih?" Nicholas-a chuan kha hmeichhia kha a en ran a, "S.. sir englo ih" a ti nawi nak a, "Sir buaina ka thlen avangin min ngaidam rawh, ka thiamloh vek a ni" fel ber awm zia zangin Nunhlimi chuan a ti leh a.




"Ka nupui hian bang tura a tih che chuan i bang mai tur a ni, ka ta chu a ta a ni a, tuna in thusawi kha pakhat mah ka ringlo bawk, ka nupui hi ka hrechiang, tuna in thusawi zawng zawng kha a mizia a nilo tih ka hria, chuvang chuan dawt sawi hmang hi ka hnuai a hnathawk atan ka duhlo, naktuk atang I rawn kal leh a ngai tawh lovang" Nicholas-a chuan a ti a, hmeichhe pahnih te chuan an beisei lo zet tawngkam an dawng tih hriat takin an meng kawk a, "Mahse Sir" Nunhlimi chuan a ti sap a, "Ka sawi tawh kha, engmah sawi a ngai tawh lo" Nicholas-a chuan a ti nghet leh charh a, "Chuan nangpawh kha ban nghal i ni, ka nupui dawt a I puh vangin" Nunhlimi thiannu bulah chuan a ti leh a, hmeichhe pahnih te chu an rin loh lam daih a thil a kal vangin engmah sawi nachang pawh an hre tawh lo, an ding ngawi kar ringawt, "Bawihi, lut ila" dam zetin Nicholas-a chuan a ti a, ka bu zeuh, inchhung a kan luh leh hma chuan hmeichhe pahnih te chu en in ka nui sak a, an phu tawk chiah an hmu a ni.


Cont ..


Show post links
Top

[Ngaia]

Last Chapter



Amelia Lalnuntluangi POV




Inchhung ah chuan kan lut a, ka pasal in ka thlavang a hauh vang khan ka lawm takzet a ni, diktak chuan thil thlen dan kha a rawn hmu ve vek lova, min rin loh ka ring zawk a nia, mahse ka ngaihdan chu a diklo tih ka hrechiang hle. Inchhung kan luh hnuah pawh Nicholas-a chu ka en reng a, "Bawihi, ka chhelo tihchu ka hria a, mahse khatia min en reng chuan ka lai ve thei tho a nia" a ti sup a, ka nui hak, "Nichin a i rawn chet dan kha, engmah I hre bawk silo a, mahse ka lam kha i tang tho bawk sia" ka ti sep sep a, a nui suk, "Ka nupui i ni a, ka hrechiang che alawm, an sawi ang mizia kha i nilo tih hrechiang turin kan cheng dun rei ve tawk tawh bawk, an phu tawk chiah an hmu a nihkha" a ti nghat a, "Ka lawm e, ka pasal duhtak" a biangah ka han fawp zeuh a, U Tluangi te awmna lam kan pan nghal.




Siama te nen chuan an lo in in be mawlh mawlh a, Siama'n Nicholas-a a hmu chiah chu a tho nghal zawk a, "Thu rawh, hnathawk lai pawh I nilo a, khatia awm kher kha a ngai hleinem" ka lo ti vat a, a ni pawh chu a thu thla leh ruai ruai, U Tluangi chuan nuam a tih hmel khawp mai, Zuali erawh a lo thu tum bur a, enge maw awmzia ni, "Tinge I va tum nasa ve?" a bul a thut thlak pah chuan ka ti a, "Kha Matthew-a nen an in bia a, an in hnial leh a nihkha" U Tluangi chuan nui hak hak chungin a lo ti a. Zuali lah chu a lungawi loh hmel nasa si, Matthew-a pawh hi hauh a ngai a ni, Zuali hi a fiam peih lutuk mah mah, hetiang reng reng chuan nakinah an la in sual duh mai ang, Siama chu a fel em em a, U Tluangi nen an in mil nghal em em bawk si, la hre rei lo hle mahila ka mipa rin zawng tak a ni.




"Siama hian U Tluangi hi a beisei deuh in ka hria, an in hmeh bawk sia, U Tluangi lah a naupang chhe zawk zawk tawh lo bawk nen in ngaizawng daih se ka ti" ka pasal beng bulah chuan ka han phun sap sap a, a nui nghawr dat. Dar 12 vel ah kan haw a, Siama chuan polite takin min mangtha a, U Tluangi hnenah a phone no a dil bawk, Nicholas-an naktuk lamah a hmuh duh thu a sawi a, eng tak chu ni ang maw. In kan thleng a, a tlai tawh bawk nen U Tluangi pawh a riak nghal mai dawn a ni, kan room ah kan lut a, ka thawmhnaw hak te ka phelh sawk sawk a, a fan thei ha mahila ka pum chu a tawn mar tang a, phelh hlan ka nghakhlel tawh lutuk ringawt. Khumah kan mu a, ka chau bawk nen reiloteah ka muhil nghal thuai a, ka pasal tawng sup sup ri chu ka thil hriat hnuhnung ber a ni.


...


Ka nau neih thla a ni tawh a, Nicholas-a chu inah a awm deuh chawt tawh, tukin atang khan ka pum a na riai riai a, mahse a nat reng loh avangin ngaih han tih that loh na vak pawh ka nei chuanglo, Nicholas-a chu a chhuak lawk a, a lo let tep tawh in ka ring, room atang chhuak in inhnuai step chhuk thlak naah chuan muangchangin ka chhuk a, step chanve vel ka chhuk hnu chuan ka pum chu namen lovin a rawn na a, hetiang ang em em hian a la na ngailo, ka then chawk chawk a, ka kut pakhat chuan ka pum ka dawm a, pakhat zawk in step chhuk naa vawn na tur chu ka vuan bet tung bawk, U Tluangi te koh ka duh mahse ka tawng theilo, ka thawk thleng in a harsa zo vek tawh, ka thlan a rawn bawl chhuak tiam tiam bawk a, thaw chham ang mai chuan thawk ka la hawlh hawlh bawk.




"Awii... Amelia engtinge I awm?" U Tluangi'n min rawn hmuh takah chuan min rawn pan vat a, ka chhang theilo, ka pum chu ka dawm ngawt ngawt ringawt, chutah ka kap lam a rawn lum deuh pup a, ka tui bawm a kek tih ka hrethiam nghal mai, "Zuali lo kal teh" U Tluangi chu a au tuar tuar a, Zuali pawh chu a rawn lang ve nghal vat, "Inchung ah han chho la, naute thil tur kan pack sa kha han la rawh, damdawi inah kan kal vat a ngai, U Nicholas-a pawh hi a va rei em em ve" a ti nghal zung zung a. Zuali chu inchung ah a tlan chho a, "Amelia, tang fan fan rawh aw, U Nicholas-a ka be tawh a, a lo thleng tep ang" ka chet sawn theih miau loh avangin ka awm ngai chuan ka la awm reng a, U Tluangi chuan min veng deuh ran bawk, Zuali chu inchung lam atangin a lo chhuk a, a ni pawh a hlauhthawn hmel hle.




"Bawihi" Nicholas-a chu hmanhmawh zetin a rawn tlan chho a, "Engtinge I awm, a na viau em?" tih pahin ka pum chu a rawn dawm ve vat a, "U Nicholas, damdawi inah kan kal vat a ngai ang" U Tluangi'n a tih takah chuan dim zetin min pawm kang a, pawn lamah chuan min pawm chhuakin motor chhungah dim zetin min hlang leh a, Zuali chu hmalam ah a thu lut a, U Tluangi erawh a hnungah thu in a malchungah ka lu a nghat a, "Bawihi tang hram hram rawh aw, kan thleng tep a nai, Zuali kan chhungte kha lo hrilh la, chuan ka pu hnenah khan kan thlen har loh tur thu leh lo in ring sa turin hrilh rawh" a ti nghal zung zung a, a aw ah chuan a chiai zia leh a hlauthawng zia chu a hriat hmaih theilo, kei erawh ka pum a nat em avangin ka tawngthei tawh lo.




Damdawiin kan thleng a, doctor in min check nghal, ka pa pawh a lo awm a, ka nute an rawn kal mek thu a sawi bawk, doctor chuan nau neih ka hnaih tawh thu a sawi a, nau neihna room ah min luh pui nghal. Doctor leh nurse te chuan sang turin min fuih sauh sauh a, ka aw pawh ka chhuah theilo, ka pum nat dan hi ka sawifiah thiamlo zawk. "A lu a rawn lang tawh a nia, han tang leh deuh teh le" doctor chuan a ti a, ka thei tawh lo, ka tha a zawi vek tawh, "Tang rawh le" an tih pawh chuan ka thei tawh ngang lo. Ka chau a, nurse leh doctor te min biak na pawh chu ka hre hla tial tial, "Hetiang chuan a tha dawn lo tawp mai" doctor chuan a ti a, "A pasal kha va ko lut rawh u" a ti lehnghal zat bawk, reilote hnuah Nicholas-a hmel ka hmu a, ka kut ah chuan nghet takin a chelh a.




"Bawihi, tang rawh leh, kan tan leh kan fa lo piang tur tan" ka pasal chuan a ti a, ka pasal aw ka hre chiah chu ka chak na te a rawn let leh nimai hian ka hria, ka theihtawp in ka sang leh vak a, naute tap ri ka hriat chuan ka dam huai in ka hria, "Mipa a ni e, a hmeltha lutuk" doctor chuan a ti a, mahse ka awmdan hi a la dik theilo, san ka la pe reng a, "Lalpa leh, phir in nei dawn a nihhi" Doctor chuan a ti hluai a, ka sang leh ta vak a, minute 5 hnuah fanu kan neih thu chu min hrilh leh a, ka dam sawng sawng ta mai, ka pasal chu ka hmu phe ruai a, a mit chu a hnawm chhap a, "Bawihi ka lawm e, fanu leh fapa duhawm tak min pek avangin, ka hmangaih che" tiin ka chal ah a rawn fawp vang vang a, ka chhang let theilo, ka chau lutuk tlat, a hnu reiloteah chuan engmah ka hre zawm ta lo.




Thawm ri deuh nak nak ah chuan ka harh a, ka hawi kual a, ka chhungte chu an lo awm kim thap a, an hmel ah chuan hlimna hlir a ni ka hmuh, "Bawihi" ka pasal chuan ka harh tih hria in min rawn pan vat a, "I tha em, na te I nei em?" a ti zung zung a, "Ka tha, khawiah nge kan naute?" ka ti sep, chutah ka nute pahnih chuan kan fate chu an rawn pawm hnai a, kan fanu zawk chu ka pawm a, kan fapa erawh Nicholas-an a pawm thung, "A mak e, phir i pai tih kan hre miah lo a nia" an ti hlawm a, keipawh hian mak ka ti a, kartin ka in check up a, ultrasound kan tih pawhin phir ka pai thu doctor in a sawi ngai miahlo, a ni pawh khan mak a ti ve tho tih nau ka vei lai khan ka hria. Ka fate chu ka en vang vang a, an hmeltha takzet, kan fapa chuan keimah min chhun thu an sawi a, kan fanu erawh in Nicholas-a a chhun thung.




Nau ka neihna ka hliam nasat deuh vangin damdawiin atang kan chhuak thei mai lova, ka pasal chuan min awmpui deuh chawt a, hna pawh a kal ngailo, kan chhungte a bikin ka nute pahnih hi chhun lamah an rawn kal thin a, Nicholas-a hnenah ka nute awm chhung chu hna kal turin ka ti thin a, mahse a duh thak lo, a fate hi a atchilh khawp a, a pawm reng mai ni. Karkhat hnuah damdawiin atang kan chhuak thei ta a, in kan thleng chiah chu kan inchhung chu hlim a nui ri hlir in a khat a, kan fate hming phuah tum chuan an in hnial a, ka pa (Keima pa) in kan fapa hming atan Zoliansanga tih a sa a, Nicholas-a pa in kan fanu hming atan Lalawmpuii tih a sa thung, kan fate hming chu nalh ka tiin sawisel na tur ka neilo.


..


Kan fate pawh thla thum lai an ni ve tawh, a pa hian a atchilh bawk a, hna pawh a rawn bang hma ziah, an hnute hnek tur choka ah ka siam a, an pafa hovin room ah an awm thung, hnute tui ka neih tlem em avangin an pahnih chuan an kham bawk silo a, siam chawp an hnek chang a tam khawp mai, Pathian zarah an fel a, an tap ngai manglo, a bikin kan fanu Awmpuii, kan fapa ve thung hi chu zan rei ah tah a ching leh zeuh thin thung. U Tluangi leh Siama pawh an in ngaizawng ve ta nge nge a, tunah chuan Siama pawh ka pasal secretary a ni ve tawh bawk. Matthew-a a rawn lang zing hle bawk a, kan fate vang a rawn kal angin in sawi thin mahse Zuali vang a ni zawk mah in ka lo hre thung, a chhan pawh Zuali a hmuh loh chuan a awmna min zawt vat thin a tin ni.




Room ah ka chho a, Nicholas-a chuan a fate pahnih chu a lo pawm a, an pa in a pawm tih hre awm fahran in an nui ver ver a, an hmuhnawm takzet, hnute an hnek zawh ah an in muhil a, "Nicholas mu mai mai teh, i khawih reng chuan an harh leh ange" ka ti hlak a, an biangah a chul reng a, an harh vang bawk si, an harh vat ang tih ka hlau a ni. A ni pawh chu a mu tha ve mai a, "Chhana te chu an in be fel thei ta em?" a ti sup a, "Chanchin min rawn la hrilh lova, zanin khan an chhungte an hrilh tur thu chauh kha min rawn hrilh a, naktuk lamah min rawn hrilh mai ka ring" ka ti a, Chhana leh Thakimi hi an in zui na a la reilo hle, mahse an in hmangaih tawn hle tih kan hre bawk, tunah hian Thakimi nau thla khat a upa a pai mek a, a lang chhuak vat dawn tih an hriat avangin zanin khan an chhungte an hrilh a ni.




Rem tih lohna tur a awm in ka hrelo, ka muhil lai chu kan fapa tap ri vangin ka harh hlawl a, Nicholas-a a rawn harh ve nghal zat bawk, kan fapa chu ka pawm a, kan fanu erawh muhil si lovin a lo meng kar a, tah pawh a tum lo, a pa chuan a pawm ve nghal vat a, hnute ka pe a, a muhil lehnghal, kan fanu erawh a muhil duh leh tawh lo, chhun lamah a mut theih ngai bawk siloh nen ka mut chu chhuak tawh tak a ni. "Bawihi muhil rawh, ka lo pawm ang" ka pasal chuan ti ve bawk mahse ka in thlahrung a, a ni pawh hna a thawk a, a hah tih ka hriat vangin ka muhil duh bik lo, "Hnute ka lo pe ve ang, a muhil vat mai ang" ka ti a, kan fanu chu ka pawm a, hnute chu a hne dawk dawk a, a hnek pahin min en kar bawk a, kan fapa ai hian kan fanu hi a fing zawk a tih theih ang, a mitmeng te hi a fiah kal a, kan fapa hi chu a buang tur ang chi kha niin ka hria.




Thakimi leh Chhana te pawh nau a lo ken tawh vangin an chhungten a rang lam a inneih an rawt ta a, Chhana chu phur surh surh tawh tak a ni ringawt, kan thian hovin kan fiam luai luai a, Thakimi a laih hle laiin Chhana erawh in nuam a ti hle thin. Thakimi'n mo thian a min hman a tum viau a nia, mahse nau pawm lai ka ni bawk nen a rem lo em a tiin Sawmtei a hmang dawn a, Chhana pawhin Puia a hmang dawn bawk. Naktuk mai hi an in neih ni a ni tawh bawk a, kan phur hlawm viau mai, kan thian dang te pawh hian an tih hnai ve tawh mai ka ring, an naupang chhe zawk zawk tawh lo bawk a, chuvang chuan in nei vat hlawm teh se, Zuali'n kan fate a awm a, kei erawh in kan room ah kan thawmhnaw suk tur awm ang ang ka su thung, bathroom a ka awm lai chuan kawngka in hawng ri ka hria, Nicholas-a a nih ka ring.




"Bawihi" tih pahin bathroom luh na bulah chuan a ding a, "I lo haw tawh maw, suk tur a tam tawh riau a, ka lo in su a nihhi" ka ti zung zung a, nau puan vel a nih vangin kut in ka su a ni, "Khawiah nge naute te?" a ti a, "Zuali'n a awm a nihkha, nichin khan an thawm ka hre reng sia, an reh e mai an muhil a niang" ka ti zung zung a, ka in suk zawh hnuah kan nupa chuan in hnuai ah kan chhuk a, Zuali room ah ka kal a , Nicholas-a erawh sitting room lamah a awm thung, Zuali leh naute te chu khumah an lo mu a, an muttui hmel hlawm hle, ti harh duh lovin ka chhuak leh ta daih a, Zuali pawh dawr hawn ve a tum a, kan phur pui hle, a thiam bawk a, mahse kan in chhuah san kan phal chuanglo, awmpui ang pawh in kan en tawh lo, kan nau angin kan en a, chuvang chuan kan inah hian rei thei ang ber awm se kan ti a ni.




Thakimi te inneih ni a ni bawk a, zing atang kan buai hle, kan fate chu ka siam vek tawh a, ka insiam ve mek bawk, ka hman ve leh in atang kan chhuak nghal a, biakin kan thleng chuan an lo kal khawm nual tawh, a chhungah kan thu nghal a, Bawihpuia ka pawm a, Bawihtei Nicholas-an a pawm thung, Thakimi chu a pa in a rawn kai lut a, ka lo en reng, thutiam an chham a, tunah chuan nupa an ni ta, pawn ah kan chhuak a, Bawihpuia chu a tap a, midang awm tam vak loh naah kal in ka awi a, a muhil nghal vat, ka let leh chuan Bawihtei pawh a pa awm ah a lo bei chial a, a mut a chhuak tawh tih a lang reng, a meng dul ruih a, Chhana te inah kan kal a, Zuali hmuh tur a awm lo, khawiah nge a awm ang aw, kan thlen tirh kha chuan kan bulah a la awm ve reng kha a nia, Matthew-a nen an bo daih, an ni pahnih hi zep an nei chiang a ni.



Zuali POV




Matthew-a chu ka en reng a, ka beidawng tawh takzet a ni, a ni lah chu beidawn a tum mai mai lo tih a hmel ah a lang chiang bawk si, "Matthew ka ti tak tak a nia, kan pahnih in karah hian engmah a awm theilo, beidawng tawh zawk rawh" ka ti leh sep a, awmzia a awm dawn lo tih ka hrechiang hle thung. "Engvangin nge a awm theih lovang, eng buaina nge i neih, nang hian min duh ve a ni tihhi ngatinge i pawm mai loh?" thinrim aw khauh zet chuan a ti a, ka thaw chhuak halh, "A theih loh" ka aw chu a zawi hle, diktak chuan Matthew-a hi ka duh alawm, ka duh lutuk mahse ka phu lo a ni, kei sulhnu chhe tak nei tawh hian a ni ang mipa tha lutuk hi ka phu lo a ni, a nun hlui te hre ta se a ni hian min pawm thei hauh lovang.




"A theih loh nachhan chu sawi ta che, engvang in nge ka duhna che hi i pawm theih loh?" a ti ṭhawt a, hnuai lam bih in ka mittui tla tur chu ka dang tawk tawk a ni, "A theih loh a nimai, min zawt nawn tawh suh khawngaihin" tah aw lek lek in ka ti a, "Zuali ngatinge ka duh na che hi i pawm theih miah lo le, ngatinge min duh ve theih mai loh?" a aw chu a zawi hle, "Ka tihpalh a ni" ka ti leh sep. Chunglam hawiin a thaw chhuak hawlh a, a hmai a tuai puat bawk, "Engpawh ni rawh se, ka beidawng lovang, nanghian min duh ve tih ka hria, chuvang chuan ka beidawng dawn lo" tum ruh tih hriat zetin a ti leh hrawih a, "Beidawng zawk rawh, eng ang pawn bei mahla kan in karah engmah a awm thei ngai chuang lovang" ka ti a, ka kalsawn nghal daih bawk.




U Chhana te inchhung ah chuan ka lut a, U Amelia-i ka hmuh takah chuan ka kal hnai vat, "Khawiah nge i lo kal daih a?" a bula ka thut thlak rualin a lo ti a, "Pawn ah ka awm a" ka ti sep ringawt. Zanah kan haw ta chauh a, ka chau ve bawk nen ka room ah ka lut tlang nghal, Matthew-a chu ka ngaihtuah char char a, engvangin nge ka vanduai bik em em le, ka mipa duh em em pawh ka hnaih theilo chu a ni si a, ka nun hlui tawp tak kha a hrelo tih ka hria, chuvanga hetiang rilru pu pawh hi a ni, ka nun hlui a hriat loh vangin bul lo tan pui ringawt ila mahni hmasial lutuk ka ni dawn si, Matthew-a ang mipa tha lutuk hi kei hian ka phu lo a ni, keichu khawvel a hmeichhe tenawm ber ka ni si a, fa hial ka ti tla tawh tih a hriat phei chuan min hnaih chu sawi loh ka hmel tak ngial pawh hi hmuh a duh tawh dawn lo tih ka chiang.




Khumah chuan ka mu a, ka mittui a luang ngiai ngiai bawk, ka chunga khatiang thil a thleng chhan ah khan Pathian ka dem dawn thin mahse dem thei ka nih loh zia leh min hmangaih zia ka hrechiang a, ka dem ngam lo, chuti chung chuan engvanga khatiang thil ka chunga thleng bik nge a nih tih ka zawt fo thin, mahni nunna lak duh hial khawpin ka beidawng a, ka fa la piang ve hman lo ka tih tlak tak vang pawh khan keihi dam tlak ka nih loh zia ka hria, vawi tam mahni nunna lak tumin rilru ka siam fo thin, mahse Pathian hnenah ka beidawng tawp ah ka tawngtai a, chham tur em em ka hre ngailo, chuti chung chuan ka tawngtai na te chu a chhang thin tih ka hria, ka nunna lak ka tum apiangin Pathian in min hmangaih zia hi a takin ka hmu leh thin a ni, chuvang in Pathian hi ka kal hlat san ngam lo.




Mahni in sit reng reng in nun ka hmang a, chuti chung chuan ka la dam ve zel a, Pathian hian ka thih a la phal lo tih ka hria, hun te han kal se hetiang reng chuan ka nung bik in ka ringlo, mahse tunah hrih chuan tu mipa mah ka hnaih ngamlo, a chhan chu ka fa ngei ka thisen ring a ka pum chhung a awm ngei ti tla tu hian mipa tumah phu ka in tih loh vang a ni. U Amelia-i leh U Nicholas-a ten ka tan theihtawp an chhuah a, an chungah pawh ka lawm hle, an ni hi awm lo se engtinge ka nun ka hmang ang ka sawi theilo. Ka ngaihtuah na ka kawm melh melh lai chuan ka phone a rawn ri a, screen a hming in ziak ka hmuh chuan ka en reng ringawt, a tawp hnuah pawh a rawn ti leh zel a, ka phone chu ka silent ta ringawt a.




"Keipawh hian ka duh lutuk che asin, mahse i tan ka tling silo a ni" ka mittui chu ka hru a, mahse ka biangah chuan a rawn luang thla leh zel tho, ka room kawngka kik tu an awm vang chuan ka mittui chu ka hru hul sawk sawk a, lut turin ka ti nghal vat bawk, U Amelia-i a rawn lut a, ka bulah chuan a rawn thu thla a, chik zetin min en bawk, "I tap em ni?" a ti a, ka lu ka thing ringawt, "Zuali ka lakah engmah zep nei suh, i u angin min en a nilawm ni?" a ti leh a, "U Amelia-i nun hi a harsa a ni" beidawng aw zet chuan ka ti sep a, min rawn kuah nghal vat. Ka u anga ka en in min hnem tum a min rawn kuah takah chuan ka in sum theih na te chu hloh in ka tap chhuak ta hawm hawm a, engmah sawi lovin min kuah ta reng, rei fe ka tah hnu chuan ka thawl huai in ka hria, min kuah na a tang chuan a in la hrang a.




"Ka nau in thil awmdan min hrilh a" a ti sep a, ka lung chu a phu nghal dup dup a, "Zuali ka nau hi i duh ve em?" tlang takin a ti a, "U Amelia Matthew-a te chu ka thian angin alawm ka en" harsa zet chuan ka ti a, ka thusawi chu a awih loh hmel hle, "Zuali ka hrechiang che, dawt min hrilh suh, ka nau hi i duh ve tih ka hria alawm" ka ngawi reng a, "I duh tih ka hria chuvang chuan engvangin nge i hnar tlat?" a ti leh a, "U Amelia diktak chuan Matthew-a hi ka duh alawm, ka duh takzet, mahse i hriat kha kei ang hmeichhia hian Matthew-a hi ka phu lo a ni, chuvang chuan kan inkar ah engmah a awm theilo" ka aw chu a khur lek lek. A Amelia-i chuan min en vang vang a, "I nun hlui chu engpawh ni rawh se, i duh vanga khatiang tawk kha I ni hleinem, chuvang chuan mahni in sit kha bansan la Matthew-a hi i duh tak tak a nihchuan bul tan pui a a sawm na che hnar suh, hlim i phu alawm, i phu takzet" a ti a.




"Mahse fa hian ti tla tawh hmeichhia ka nihhi, a hriat chhuah hunah chuan keihi min hnaih duh tawh hauh lovang" ka ti tial ruai a, "Engkim tlang takin hrilh rawh, chuchu a tha ber, ka nau hi ka hrechiang i nun hlui vang mai mai in a kalsan hauh lovang che, a duh tak tak che a nihchuan i nun hlui ah a buai lovang, chuvang chuan in ngaihtuah chiang la ka duh a ni, i hlimna tur chu pan rawh, hreawm taka nung reng tur i ni hleinem" a ti a. U Amelia-i chhuah hnuah chuan ka in ngaihtuah vang vang a, a thusawi kha a dik a ni, Matthew-a chu ka bia anga, ka hun kal tawh te pawh zep awm hauh lovin ka sawi bawk ang, in zawmna neih a duh lo a nih pawhin ka dem hauh lovang, min la pawm duh a nih erawh in hnar ka tum tawh bik lo bawk.




Matthew-a hnenah chuan naktuk lama in hmuh ka duh thu ka sawi a, a lo pawm ve mai, zing lamah ka muhil ve ta chiah a, ka tho tlai hle nghe nghe, ka harh meuh chuan dar 8 a ri tep, hmanhmawh zetin room atang ka chhuak a, choka a ka luh chuan U Tluangi leh U Amelia-i chu an lo che malh malh a, ka inthlahrung hle, "I lo tho chhuak tawh maw, chaw ei kan peih tawh a, Nicholas-a hnaah kal hma a ngai bawk nen chaw kan ei nghal mai dawn nia" U Amelia-i chuan a lo ti nghal zung zung a, "Thawh ka hai a, ka tihpalh lutuk a ni" Ka ti sep a, "A ho lutuk, nizan I mut that ka ringlo a, kan kaitho duh lo che a nihkha" nui sen sen chungin a ti leh a, U Amelia-i tluk a hmeichhe fel hi a awm theih tawh pawh ka ringlo.




In atang ka chhuak a, Matthew-a nen kan in hmuh na tur hmun ka thlen chuan a lo awm der tawh, "Coffee kan in dawn mi?" ka thut thlak rual chuan a ti nghal zung zung a, "A pawi lovang" ka ti sep, waiter hnenah chuan coffee a order a, ka la thu ngawi reng, Matthew-a chuan min en reng a, ka thaw dep dep mai. Ka thu hrilh tur hian a tawng viau in ka ring, min hmuh a duh tawh loh thu pawh a sawi maithei, mahse ka rilru ka siam fel tawh a, ka hrilh ngei ang. Coffee a rawn thlen hnuah ka in a, "Ih.. hmuh che ka duh chhan chu thu pawimawh tak hrilh tur che ka neih vang a nia, ka thu hrilh tur che i hriat hunah chuan min hmuh i duh tawh lo maithei" ka ti a, ka ngawi leh vang vang a, thaw chhuak hawlh in ka hun kal tawh te chu ka sawi ta a.




Ka sawi zawh hnuah chuan Matthew-a chu ka en ve ta chiah, min lo en ve ran a, a ngawi reng a, a rilru tur awm ang chu ka hria, min ngaihdan turte nen lam, "Ka hun kal tawh zawng zawng zep awm lovin ka hrilh vek tawh che a, mak pawh min ti maithei, min hmu duh tawh lo a nih pawhin ka dem lo che, engmah hun kal tawh chhuan tur neilo hmeichhia hian nang ang mipa hi ka phu lo che tih ka hriat vang a nia ka hnaih ngam lo che a ka pehhel hram hram thin che ni, engpawh nise i thutluk na ka pawm vek" ka ti a, en pawh en ngam lovin hnuai lam ringawt ka en a. Ka bulah chuan a rawn kal hnai a, ka khabe ah rawn dawm in min kuai dak a, kan mit a in tawng chat, "I hun kal tawh chu engpawh ni rawh se, ka buai lo, ka duhna che hi a kiam phah bawk hek lo, chuvang chuan nun bul tan tha ang, nang leh kei kan pahnih in" a ti sup a.




"Ka hun kal tawh hre vek chungin min la pawm duh amaw?" ka tap mai dawn in ka hria, a nui suk a, "Tehreng mai, i thiamloh a nilo tih ka hria alawm, chuan mahni in sitna nei tawh reng reng suh, ka mitah chuan nang anga hmeichhe thianghlim hi an awm lo, i hun kal tawh vangin ka duhna che hi chhete mahni a kiam phah lo bawk, Zuali tun atang hian nang nen nun bul tan ka duh a ni, min pawm duh angem?" a ti leh a, ka tap chhuak ta nge nge, "Aw.. Tehreng mai" ka in sum theilo, ka mittui chu a la luang reng a, "Tap tawh suh le, midangin min en duh teh mai ania, ka vel che emaw an ti ange" a nui suk a, ka mittui chu min hruk sak a, tunah hian ka hlim takzet a ni, U Amelia-i thu ka zawm chu ka in chhir lo bawk, tun atang chuan ka nun hlim taka hman ka phu ve tawh, ka mipa duh em em ka bulah a awm chhung chuan ka hlim ang.


4 Years Later


Amelia Lalnuntluangi POV



"Lalawmpui" ka ti vin tuar a, ka fanu chu a phu zawk a, "Engvangin nge ka kawr thleh fel tawh sa I lo tih hnawk leh, vuak i duh em?" ka ti a, mittui tling pam in min en a, ka fate pahnih hian min ti hah lutuk, ka awm awl hman lo hrim hrim, han en lo hlek ila eng maw an lo ti hnawk hman ziah, a chang leh an in ti berh vek a, ka fate harh lutuk hi tunge an chhun pawh ka hre tawh lo, keilah ka nu in ka naupan laia ka fel thin thu a sawi a, Nicholas-a bak an chhun lovang. Bawihtei chu a che ngam lo hrim hrim, Bawihpuia erawh a pa hnathawh naah a zui a, ka buai lo deuh ang chu tih nen ka fanu harh lutuk vang hian ka la awm awl hman lo hrim hrim, chutah ka pum a lo lian ve tawh bawk si, ka tan chet a harsa tawh nen ka thin a chhe hlur mai ni.




"Che lovin tikhan ding reng ang che" ka fanu chu bang lam hawiin ka din tir a, a tap feih feih a, ka thlem duh chuanglo, hrem ve deuh hi an ngai thin, pawn lam atangin Nicholas-a motor ri ka hria a, ka fanu chu a che hrut a, mahse ka lo en reng avang chuan bang lam bawk chu a hawi lehnghal a, Nicholas-a leh Bawihpuia an rawn in zui lut a, "Bawihi, ngatinge Bawihtei chu?" ka fapa chuan min rawn kuah nghal thak a, "A harh lutuk a, ka hrem a nih saw" ka ti a, "A va buaithlak thin, Bawihte hetah lo kal teh" a pa chuan a ti dam dap a, Awmpuii pawh chuan a pa chu a pan vat a, a pa awm ah a bei rual rual in a tap nghal, ben hrep mai a nia ka duh ni, "Tinge Anu thu I lo awih lova" Nicholas-a chuan a mittui chu a hruk sak a, "Pa.. Anu chu a sual emai" uar zetin a tap a.




"Thu awih nila ka hrem lovang che, thu i awih lova chuvang a nihkha" ka ti hlak hlak a, "Bawihi naupang mai a la nihhi, khatia tihkha a tha ber lo" Nicholas-a chuan a lo ti hluk a, "Ka hauh deuh hlek in I lo tan zel a, chuvang a nihhi an sual em em, naktuk atang chuan i hnathawh na lamah hruai ve ve tawh angche" ka ti a, inchung lamah ka chho nghal daih bawk. Kan fate hi kum 4 lek mah nise an luhlul a, an duh an sawi tawh chu tih ngei ngei a ngai thin, Nicholas-a hi ka dem lo theilo, ka han hauh deuh hlek hian an thlavang a lo hauh ziah a, an pa hian a duat tih an hre lutuk a, chuvanga sual em em pawh an ni. Room kawngka chu a rawn in hawng a, ka ngaihsak duh lo, "Bawihi" ka pasal chuan a rawn ti dut dut a, ka chhanglo hrim hrim, ka hnunglam atang chuan min rawn kuah a.




"Min kuah lo teh, a lum si, in thlak vat rawh" ka tal a, min kuah nghet sawt, "Bawihi, i lungawi lo em ni?" ka biangah chuan a rawn fawp a, "Lungawi lo ve, kan fate hi an thlavang i hauh hlur ringawt a, han hau deuh ila i lo tan zel bawk si, an sual tawh em hi, an luhlul bawk si" ka ti hlak hlak a, "An puitling chho anga, an fel mai dawn lawm, kan fate hi misual an ni dawn lo tih ka hria alawm" a tih leh phei chuan rum zetin ka melh a, "Khatiang vang tak khan alawm an sual em em ni" ka tih leh hlak a, "Awle, engpawh nise i pasal hi chau takin ka lo haw a, min thinrim khum lo la, ka nagi che ania, chuan helai a mi pawh hi ka ngai" tih pahin ka pum chu a rawn chul a, thlaleh mai hi ka neih hun tur a ni leh tawh.




"Ka ti tak tak ania aw, ka hauh chuan lo tan tawh miah suh, hetiang reng chuan an sual chho telh telh dawn" a kawrkilh chu ka phelh sak a, inbual turin bathroom ah a lut tlang nghal, a inbual zawh ah inhnuai ah kan chhuk a, chaw kan ei a, tunah chuan chhungkaw tak tak kan din ve ta a, awmpui kan nei tawh lova, nau ka neih tep tawh avangin awmpui thar lak kan tum a, U Tluangi pawh Siama nen nikum hmasa khan an in nei a, fa an nei tawh bawk. Tun kum tir lamah khan ka nau leh Zuali an in nei bawk a, an ni erawh nau an la pai lo thung, chaw kan ei kham a, kan chhungkaw te chuan tv kan en leh a, dar 9 a rik chuan room ah kan chho a, kan fate chu an tawng leh nasa tawh mai, an muthilh hnuah zawi te in Nicholas-a nen kan titi a, "Ka hmangaih takzet che, ang leh kan fate nen hian kumkhua in ka hmangaih ang che u" a ti sup a, "Keipawn kan fate nen hian ka hmangaih lutuk che u" ka ti ve sep, ni e ka pasal leh kan fate hi ka hmangaih takzet, ka khawvel an ni si a.


A TAWP TA.


Ka story min ngaih hlut sak a, min chhiar sak tute in za vai chungah thinlung takin lawmthu ka sawi e, ka story dawt leh tur 'Perfect' tih chu prologue ka dah tawh a, in duhzawng te a nihchuan comment na lamah khan lo sawi ula, min lo chhiar sak leh theuh turin ka sawm bawk a che u‍


Show post links
Top