All For Love BY Becca Lnz (Completed)

[Ngaia]

Chapter-7




Nicholas Ramnunpuia POV




Thawm dim takin Amelia-i room atang chuan ka chhuak a, enge ka ngaihtuah naah awm chiah ka hrelo, mahse Amelia-i bula awm hi nuam ka ti a, rei la in nei lo mahila ka chhungril takin ka ngaina tih ka hria, a lang ah erawh ngaihsak lo angin ka awm a, a dawr kawt ah ka kal ngun hle tih pawh a hrelo ang. Ka room ka lut chiah chu ka phone ri tawp chiah chu ka hre hman a, tunge a nih ka en chuan ka ner sak, Cindy a ni pawh hian ka duh aiin min hnaih mah mah, zaninah pawh an ina kal turin min ti a, kal tumna ka neilo, ni e, vawi tam sex kan hmang dun tawh, min duh hle tih ka hria a, engvanga min hnaih nge a nih ka hrechiang bawk. Nupui ka neih hma atang tawh a ka lo kawp tawh a nih vanga thlah lo ka ni a, ka chhungte leh Amelia-i tih el ka duh vang a ni pakhat bawk.




Kan in a a lo kal kha ka duhdan a ni bik chiah lo, Amelia-i nen an in hnial pawh khan ka lo in rawlh duh lova, ka chungah a lungawi lo hle nghe nghe a nih kha, mahse engah mah ka ngai hran lo, ka lakah hian a thinrim rei ngam lo hrim hrim bawk a, ka phal na la lovin ka inah min zui haw a, a thlavang ka hauh na chhan tur ka hre tlat lo a ni. Ka phone chu a rawn ri nawn leh a, Cindy hnen atang bawk a ni, "Hello" ka ti a, "Bawih, ka nghak reng che ania, i lo kal tawh em?" a ti a, a aw no lutuk te chu ka hre hne, "Ka lo kal hman lo, ka buai, min lo nghak suh" ka tihchuan "Mahse, ka chhungte an awm lo, kan pahnih chiah in hun thawl nuam tak kan nei thei dawn a sin" a ti leh a, a aw hur hmel lutuk te chuan ka luak a ti chhuak, "Cindy ka sawi tawh kha" ka ti bul hmuk a.




"Ngatinge hetiang hian i awm tlat a, nupui I neih atang hian i danglam sawt lutuk tih hi I in hria em?.. Ka bulah hun i hmang khat tawh bawk si, ka thlahlel viau che tih i hriat kha, ka mamawh bawk che" a rawn ti leh tiau a, a no leh lutuk te hi ka ngaih theih loh zawng tak a ni, eng emaw hlek tawk se, a tap titih nghal zel thin. "Tunlai hnaah kan buai lai tak a ni tih i hriat kha" ka ti leh a, tawngkam vin hmang lo turin ka in sum nasa viau bawk, "Mahse, zanin chauh chu lo kal hram la, ka ngai che, anih loh pawhin ka rawn kal mai ang" a la ti hram a, ka ner sawk, "A tullo, mu rawh, zan a tlai tawh, ka dah a nia" ka phone chu ka dah nghal hmak a, a rawn call nawn leh pawn ka chhang tawh lo, hnathawh tur ka hawn nual a, ka phone ri sek chu silent in hna ka thawk nghal mawlh mawlh.




Nupui ka neih atang tu hmeichhia mah ka la mutpui leh lo, Cindy nen ka ina kan haw tum khan kan che parak ve deuh a, mahse sex erawh ka hman pui lo, a hma zawnga insum thei ngailo kha engvanga insum thei ta viau nge ka nih lah ka hre der lo, nupui nei chunga hmeichhe dang sex hmanpui ka duh lo ni berin ka hria. Amelia-i ka hrechiang telh telh a, a tirah kha chuan hmeichhe dang ang bawk a nih ka ring a, mahse hmeichhe dang ang a nih loh zia ka hrechiang telh telh thung, hmeichhe huaisen tak a ni tih ka hria, a duh loh naah chuan min hnial let ve pang pang zel, a thusawi tamtak kha a dik tih ka hria, kan in neih hma atang tawh in keimah zawk in kan nun ve ve ah kan in rawlh loh tur thu leh kan duh dan a kan nun theih tur thu ka sawi kha a nia, mahse ka thusawi ngei chu zawm harsa ka ti a, mipa dang hnaih a a awm ka hmuh te hian ka sa pup pup thin.




Hna ka thawh zawh meuh chuan dar 3 a ri tep, ka mit a kham thum bawk, tunlai chu hnaa kan buai lai a ni bawk nen inah pawh ka haw khat khawp mai, kan in awmna hi a fal deuh avangin Amelia-i ka ngaihtuah thin hle, chuvangin in a awm chilh thei tur lak ka rilruk a, Amelia-i hnenah ka la sawilo thung. Tluangi hi a thawh na a rei tawh a, awmpui dang la dawn mah il ban tir kher ka tum lo, Amelia-i nen an in kawm ngeih bawk a, chuvang chuan a theih anga rei kan inah hian thawk turin ka duh, kan in hi Amelia-i hian nuam a tilo tih sawilo mahse ka hrethiam a, Tluangi nen an awm dun erawh in nuam a tih hmel viau thin thung. Engvanga ngaihsak em em nge ka nih ka hrelo, mahse a awmdan engkim ka chik a, a chezia te hian ka mit a la hle bawk.




Zep thu awmlo, Amelia-i hi chu hmeichhe hmeltha leh nalh tak a ni a, Cindy hi Mizoram model ah chuan a ber tih theih hial khawp ni mahse Amelia-i a tluk chuanglo, engvanga modelling lama kal lo nge a nih tih ka hmuh hmasak ber khan ka ngaihtuah hmasa ber a, mahse a tuina lam a nihloh vang ah ka ngai. Ka rin loh lam daih in designer a lo ni a, a thiam hle tih an sawi ka hre ngun ve mai. Ka chauh deuh avangin chuan khum ka thlen rual rual in ka muhil zui nghal, zingah chuan hma takah ka tho a, zing tin keima gym bikah exer ka la mai thin a, mahse nupui ka neih hnu atang khan hnaah ka buai zui nen exer pawh ka la ta ngailo, vawin atang hian lak leh ka duh vang tho hma pawh ka ni, ka duh tawk a ka taksa ka sawi zawi hnuah gym atang chuan ka chhuak a, Amelia-i step a rawn chhuk thla mek nen kan in melh nghal ran mai.




Ka taksa thlan huh dup chu a en kual a, mahse rei min en lovin a hawisawn leh nghal vat, Tluangi pawh a rawn thleng tawh a, Amelia-i nen chuan choka ah an che dun malh malh. Thil pakhat ka hriat belh leh chu Amelia-i hian vawikhat mah duh hmel takin min la melh ngailo tihhi, hmeichhe dang chuan min thlir ngawih ngawih thin a ni ngai a, ka nupui ve hi chuan min en liam satliah mai mai si, kei hmeichhia te vei rawn ka ni bawk nen chutia min en liam vel mai mai chu ka tha a na deuh tlat pek a nihchu. Enge maw ka hriat ni, ka ngaihtuah atthlak zet avang chuan lu ka thing nawk a, room ah ka lut nghal, ka in bual hnuah insiam sa vek in inhnuai ah ka chhuk a, chaw ei an peih tawh vangin dawhkan ah chuan ka thu a, Tluangi leh Amelia-i chuan chaw ei an siam zung zung, Tluangi chu choka atang a chhuak a, kan nupa chuan ngawi rengin chaw kan ei a.




Nidangah chuan kei aiin a insiam hmasa thin kha a nia, vawin chu hnaah a kal hma dawn lo pawh a ni mahna, fashion show a buatsaih dawn tih ka hria a, kei aiin in a thleng hnuhnung ziah bawk, chaw kan ei kham a, in be lova chhuah tawp ai ah tiin "Ka kal dawn nia, hna atang I rawn haw tlai leh dawn em?" ka ti a, "Aw.. kan buai bawk sia, ka rawn haw hma ka ringlo" tha tak chuan min chhang ve mai a, "Awle, anih ka kal" tiin in atang ka chhuak a, mipa tawng duh tak ka nilo bawk nen han biak dan vak ka hrelo, a ni lahin min biak a tum bawk silo. Company lam pan chuan ka in khalh chhuak a, ka thlen veleh a chhungah ka lut a, ka hnathawk chhawr te chuan zahna chibai min lo buk liam liam a, ka kal pel zel a, ka office ka lut chiah tih ah ka secretary chu a rawn lut ve nghal, vawin ka hun neih dan tur te a rawn sawi a, chawhma leh chawhnu lamah meeting ka nei.




Ni rei tak chu a ni leh ngei dawn e, meeting turin office atang ka chhuak a, meeting room ka lut chiah tih chuan an lo ding vek a, ka thut na kam panin ngawi rengin ka thu a, meeting te chu kan tan a, kan bungraw siam chhuah thar mipui hmaah kan ti chhuak tep tawh a, engkim fel fai taka ti turin ka duh, ka duhkhirh zia an hriat avangin an hnathawh pawh a fimkhur thin viau bawk. An thil rel dan te chu ngun takin ka ngaithla a, ṭhalo ka tih lai chu ka sawi a, an lo chhinchhiah zel, ka duhkirh vang hian kan bungraw siam thar te hi a tha ber an ni reng thin a ni. Meeting a zawh hnuah office lamah ka let leh a, chawhnu lama kan meeting neih tur erawh kan partner te nen anih vangin company pawn lama kan nei dawn thung.




"Bawih" Cindy chu ka office ah rawn lut a, ka lo melh ngur mai, "Cindy ka sawi ngun tawh a nilawm ni? ka phal na tel lovin emaw min hrilh hmasa lo chuan ka office ah lo kal tawh suh ka tihkha" ka ti nghut a, ka tawngkam bul zet chu haider luiin min rawn pan hnai a, "Nizanah i rawn kal silo a, ka ngai tawh che a lawm" a ti sep a, a mitmeng leh a che zia ah chuan enge a beisei ka hrechiang lutuk tlat. A thil duh ang chu tih puitlin sak tum na erawh ka neilo thung, "Hnathawh na hmun a nihhi, lo va chhuak rawh" ka ti leh hmuk a, "Ti teh, ka ngai che, chuan ka mamawh viau bawk che a nia, tinge ka lak atang hian i in lak hran tak em em a" tiin ka hmaah chuan a rawn ding a, no zet chuan min en in a mitmeng ah chuan a thil duh chu a hai theih loh.




"I chau a nihkha, I chauh na ti reh turin alawm ka lo kal" tih pahin a kawr chu a hlip a, kawrfual a ha bawk nen ka hmaah chuan bra leh panty nen chiah a ding a, zah ah pawh a la tawh lo, engvangin nge a zah tehlul ang ni, a taksa hi hmaih awm lovin ka hmu kim vek tawh, ka hrechiang em em bawk, ka sawi tawh ang khan vawi tamtak sex kan hmang dun tawh miau a, ka malchungah chuan min hmachhawn zawngin a rawn thu a, a mawng chu a ti che zui salh salh bawk. Chutia a chet tak rengah chuan ka Bawiha pawh chuan a lo hre rang khawp mai, a rawn che tual tual a, chuthil chu Cindy-i chuan a hriat hmaih lo, a nui hak a, "Ka mamawh ang chiah che hian min mamawh ve tih ka hria alawm" ka beng bulah chuan a rawn phun sep a.




Rum nghut in a sam ah chuan ka kek dak awrh a, a lo nui har har, na zetin a hmuiah chuan ka fawp nghal buan buan bawk, duhthawh zetin min lo chhang let a, a hnute bu nalh zet chu ka tham zui tawn tawn bawk, "Oh.. Bawih, he i thil mipa danga aia lian leh thir ang maia khawng hi a lawm ka mamawh em em chu" tiin ka mipat na chu a tham zui a, thawk a rang duh khawp mai, ka malchung atang chuan thawh tirin ka kekawr zipper chu ka phelh rawk rawk a, ka mipat na rawn ding vah a hmu chuan it hmel takin a en a, a nghawng ah vuan in ka kuai kun a, a tihtur a hailo nasa, a ka lum huam chuan ka mipat na chu a hmu*m a, chunglam hawiin ka rum chhuak nghal hawk, a zei bawk a, nawmna chuan min tuam hlup hlup, a thiltih chu duhtawk mai lovin a tukhum ah chuan ka tham a, ka duh ang tawkin a ka ah chuan ka d*p a, a auk leh that thin.




Ka kawchhung chu a electric shock ang mai hian a tek sawk sawk a, a vawrtawp chu ka thleng zawm nghal, ka mipatna atanga b** lo chhuak chu ten hauh lovin a lem fai vek a, a rawn ding chhuak chu a hmai a tai vek a, a mitmeng a da va ruai bawk. Ka kekawr chu ka ha tha sawk sawk a, mak tih hmel zetin min en a, "Kha chauh kha maw?" a ti sep bawk, "Ka sawi tawh kha, helai hmun hi ka office a ni a, chuvang chuan eng dang mah tihpui che ka tum lo" ka ti a, "Mahse min ngaihtuah ve miah lo ami?, ka mamawh vang che in ka rawn pan che a, vawikhat chiah pawh min tihpui I tum lo maw?" lungawi loh hmel zetin a ti a. A banah chuan ka pawt sawk a, ka malchungah bawk chuan a rawn thu nghal tharh, a party chu zen in a kap chu ka nuai sak nghal nawk nawk a, a rum chhuak nghal dar dar bawk.




Ka kut zungtang pahnih chu a kawchhung ah ka luh tir a, nuam a lutuk chu a meng phal tawh lo, a hmui chu a pet fan fan a, in leh out in ka kut chu ka chet zawt zawt, rei a daih lo, a hmeichhiatna atang chuan tui hnang a rawn chhuak a, a au chhuak that bawk. A taksa pawh a khur dar dar a, a pangai hma chu ka malchungah a la thu reng, a thaw kawk kawk bawk a, "I duh ang chu i hmu tawh a nilawm ni, I kawr ha la chhuak rawh, chuan ka sawi tawh ang khan ka phal na tello chuan helai hmunah hian rawn kal leh tawh bawk suh ang che, nupui ka nei tawh tih i hriat kha, kan pahnih a miten min hmuh fo hi ka duh lo, in ha vat la chhuak rawh, meeting tura ka chhuah a hun tep" ka ti a, "Awle, tunah chuan ka kal ang, mahse a dawt leh ah chuan i mipatna ngei kha ka duh tawh tih hria la" in ha mawlh mawlh chung chuan a ti a.




"Ka kal ange, ka chhungte an lo la haw dawn lova, zaninah I lo kal ngei ka beisei tawh a nia" tiin ka hmuiah chuan a rawn fawp a, mawng sawi lah lah chungin ka office atang chuan a chhuak a, a tawngkam te kha hmeichhe hman atan chuan a nasa mah mah ka ti thin, mahse a mipa mutpui hmasa ber ka nilo a, mipa dang tamtak in an mutpui tawh ang tih ka hria, chuvanga hetiang thu a sawi ngam pawh hi mak ka ti hran lo. Meeting kan neih zawh hnuah company lamah let nghal mai lovin ka nupui dawr lam ka pan a, a in hnaih bawk a, ka thleng har lo, a chhung ka lut chu hnathawk ho an lo buai hlawm khawp mai, ka nupui nen a ka hmuh dun fo mipa Terina a ti emaw ni, khapa khan min rawn hmuh chuan min rawn pan vat, "Amelia-i chu a office ah a awm a, client nen an in be mek" a ti a, tlem in a nu deuh tih a tawng danah a hriat nghal mai.




Client a hmuh vang chuan a room ah lut mai lo chuan ka lo nghak a, minute 15 vel ka nghah hnuah pawh tumah an rawn la chhuak lo, sana ka en a, hnaah let leh vat ka ngaih avangin hmu lova let leh mai ka tum a, ka thutna atang ka ding chiah tih ah chuan Amelia-i room chhung atang chuan hmeichhe au thawm a rawn chhuak a, dawr chhung a awm te chuan kan hre vek, Amelia-i office ah chuan hmanhmawh zetin ka lut a. Ka thil hmuh avang chuan ka thisen a lum bulh nimai hian ka hria, ka lut thawm an hriat chuan an lo hawi rual thawt a, Amelia-i chu ka en chiang a, a hmai chu ben na hnu hma tih hriat takin a sen hlar a, a kawr hma a huh dup bawk, a hmaah hmeichhe pakhat nasat hmel deuh a lo ding ran bawk.




"Engthil ti ah nge i in ngaih hrep a?" ka ti chhuak hrawk, ka thinrim lutuk chu Amelia-i hmaah hmeichhe ding chu kutthlak lo turin ka in sum nasa viau bawk. Chu hmeichhia chuan min hmuh chuan a meng phar deuh awk a, "Pu Nicholas-a chu enge hetah te I lo tih ve teh mial a?" nichin a a thinrim hmel bo vekin min nuih sang ang, "Engvanga ka nupui kutthlak ngam nge I nih?" ka ti leh hrawk a, a meng phar awk, chutah thil hrechhuak ni awm tak hian Amelia-i chu a en a, "Nanghi Pu Nicholas-a nupui i ni..." "Ka sawi chu I hria em, Engvangin nge ka nupui kut I thlak ngam zawk?" ka ti leh thawt a, "Ka tihpalh ani, i nupui a ni tih ka lo hrelo a, Mizoram ah hmani lawk khan ka lo haw a, ka lo hrelo palh a ni" a ti a.




"Ka nupui kut I thlak man hi i hmu khawp ang" ka ti leh hmuk a, "Ka tihpalh a ni, i nupui a ni tih ka lo hrelo a, khawngaihin min ngaidam hram rawh" a ti leh a, "Ka nupui kut I thlak hma khan chutiang te chu ngaihtuah hmasa ta che" Ka ti leh a, "Nicholas a ho lutuk, chuan pawi ka ti, I kawr chu naktuk ah kan lo ti tha anga, kan peih hunah kan lo dah dawn nia" Amelia-i chuan a ti dam dap a, chutia tha taka a la be thei chu ka lo rum nghut, kut hial thlak tu a ni a, chuvang chuan that chhuah a tul na ka hrelo, "A ngailo, ka thiam loh a nihkha, ka kal phawt mai ang" tih pahin chu hmeichhia chuan a bag a ban rawk rawk a, hmanhmawh zetin room atang chuan a chhuak nghal. Amelia-i chu a chair ah a thu thla hnawk a, ka lo en ran.




"Engvanga a chunga that chhuah nge i la nih?" ka ti hmuk a, "Kan customer a ni a, tha taka biak chu ka tihtur alawm, bakah kan thiam loh a ni hrim hrim a" a ti leh sep a, "Kut hial thlak tur che in enge i tihsual?" ka ti leh hmuk, ka nupui hi tumah in kut a thlak mai mai ka phal reng reng lo, "A ho lutuk, tinge I lo kal a?" a ti a, chhang lawk lo chuan a biang chu ka en leh vang vang a, kha hmeichhia kha ka hmuh hnu ni tlat in ka hre bawk. Ka hriat chhuah hunah chuan a chak lo khawp ang, "Ka zawhna che chu?" a tih leh tak avang chuan ka hawi sawn vut a, a biang sen hlar chu hmuh hreawm ka ti tlat a, "I dawr bul maiah hian meeting kan nei a, a remchang em a tiin ka rawn kal kawi mai mai" ka ti a.




"Anihchu, lo thu la, coffee kan in dawn ami?" a ti leh a, nidanga a dawr ka kal in hetiang hian min be ngailo, a thil tawn vang te kha a ni angem tih ka ngaihtuah rum rum a, mahse tha taka min bia chu ka lawm viau thung. "Thil i ei tawh em?" a lu a thing a, "Ok.. thil eitur in chhuak ila, a tlai tawh viau a nia, i riltam tawh ang" min hnial ka ring deuh a nia, mahse min hnial ta lo chuan ngawi rengin a rawn ding chhuak a, a bag chu a la nghal zat bawk. Restaurant changkang ve takah chuan kan in zui lut a, in be lo chuan kan eitur ve ve chu kan order a, vawin chu a zia a zawi riau, eitur a lo thleng a, a ei nghal mial mial, ka eitur chah pawh ei lo chuan ka en reng a, ka en tih hria in thil hmuam pung chungin a rawn hawi chhuak a.




Hmeichhe naupang a an em avang chuan ka nui chhuak hawk, hrethiam lo zet a min en pah chuan a thil ei lai chu a thial a, a va han duhawm chiang tak, enga, tunah khan duhawm ka ti em ni?... Lu thing nghut in eitur chu ka ei ve nghal a, "Thlaleh hi tiraw fashion show I buatsaih hun tur kha?" ka tihchuan "Aw.. a hnai tawh bawk sia, kan buai khawp mai" a ti a, "I kut chhuak a mawi tih an sawi nasa viau a, i show pawh chu a hlawhtling viau ka ring" ka ti leh a, a nui seih, "Hnaah I buai tih chu hre tho mah ila i lo kal ve ang tiraw?" a ti a, "Tehreng ka lo kal dawn chiang, ka nupui show hmasa ber ah hian ka tel pui ngei ngei a ngai ang chu" ka ti leh a, a hlim hmel hle, hetiang khawp hian a nimaw ka tel pui a lo duh ni?..




"Karleh ah hian kan company in kan thil siam chhuah mipui hriat theih turin tlangzarh na kan nei dawn a, min tel pui thei ang tiraw?" ka ti veleh a, "Awle, hun ka lo in siam dawn nia" a ti leh a, vawin kan in biakna chu a hahdam thlak khawp mai, nidang ang a nilo, nupa in ngeih tak ang mai kan ni. Thil te kan ei zawh chuan pawn lamah kan chhuak a, sawi tur ka hre tawh der silo, ngawi rengin a hnungah chuan ka zui ve zel a, "Hnaah let leh I ngai bawk sia, i duh chuan kal nghal mai rawh, keipawh ka let leh tawh mai ange" a ti a, "Awle... i rawn haw tlai dawn tiraw?" ka ti tha leh a, "Um.. ka rawn haw hma vak in ka ringlo" a ti sep a, "Awle, chaw ei ah ka lo nghak ang che" ka tihchuan a bu nghat nghat a, vawin a kan awmdan chu a nuam dangdai takzet, hetiang reng hian awm thei ila ka ti hle mai.




Company lamah ka let leh a, hna chu ka thawk zung zung, in a haw vat vat bak a chak ka neilo, nidang aia hmaah hna atang chuan ka haw a, in ka thleng chuan Tluangi chiah a lo awm a, eirawng a lo bawl mek, min hmuh chuan mak a tih hmel hle, a awmlo hran lo, tun anga hmaah hian ka haw ngai miau lova. "U Nicholas-a chu I va rawn haw hma ve, i damlo ami?" a ti a, "Dam e, ka rawn haw hma mai mai mawle, enge i siam?" ka ti a, a chawhmeh siam te chu a sawi a, "Alu kha kang la aw" ka ti a, Amelia-i chawhmeh duh ber a ni tih ka hriat vanga siam tur a ti ka ni. Room ah chho in ka in bual fai a, ka chhuah leh hnuah in hnuai ah chhuk in pawn lamah chuan ka kal kual a, khua a la eng deuh ut a, sana ka en chuan dar 5:30 chiah a lo la ni.




Hun hi a kal muang riau a hriatna ka nei, Tluangi chu eirawng a bawl zawh hnu chuan haw turin ka ti a, keimah chiah a ka awm takah chuan Amelia-i rawn haw hun chu ka lo nghak ran a, vawin kan boruak in a zir bawk a, Amelia-i hmuh hlan chu ka nghakhlel tawh takzet. Dar 7 a rik dawn chuan kawngka a rawn ri rek a, Amelia-i a rawn lut zui nghal, a chauh hmel hle lehnghal, "I lo thleng tawh maw, chaw ei ah ka lo nghak che a, i in thlak hmasa dawn nge?" ka lo ti vat a, "I ril a la tam vak loh chuan ka han inthlak hmasa phawt ang chu" a ti a, "Tam lo e, han inthlak rawh, ka lo nghak ang che" ka ti ve mai a, a room lam pana a chho lai chu ka en reng, darkar chanve hnu vel ah chuan a rawn chhuk a, a inbual nghal a ni ngei ang, a rim nu zet mai chu ka lo hip lut hmanhmawh a.




Chaw te chu kan ei a, a ei tlem hle, ka en leh zeuh thin a, a chau viau aniang, a chaw ei te chu a meng tawk tawk a ni ber, chaw kan ei zawh chuan tihfel a tum a, ka lo dang vat, "Keiman ka lo ti ang, I chau a nihkha, i room ah han hahchawl daih rawh" ka ti a, min hnial ve tang tang a, mahse ka tih luih tlat avangin choka atang chuan a chhuak a. Thleng ka sil zawh hnuah kawngka te chu ka kalh tha a, mut nan la hma viau mahse tihtur em em a awm loh avangin inchung lamah ka chho a, ka room ah luh tlang mai ka tum chu Amelia-i room zawn ka thlen chuan ka ding chawt, engtinge a awm ka hre chak tlat pek a, kawngka chu dim te in ka hawng a, khum ah chuan a lo mu a, ka lut pawh chu a hrelo, a muhil tui viau tawh a ni ngei ang.




A muhil hmel te hi thlir nin a har ka ti, ka duh chuan ka hre silo, mahse a bula ka awm hi chuan ka sawifiah thiam siloh in ka chhungril hi a hlim veng veng thin. Ka en reng lai chuan a rawn meng chhuak a, min hmu chu mak a tih hmel hle bawk, a rawn tho chhuak vat a, "Enge i lo tih a?" tho phang aw zet chuan a ti a, "I nawm sam loh hmel sia, ka lo en dik che, mu leh tawh rawh, keipawh ka chhuak ange" ka ti a, ka in her dawn chuan min ko ding leh a, "Sawi chi a ni em chu ka hrelo a mahse" tiin a ngawi leh daih a, "Sawi la" ka lo ti sup, "Dawr a i lo kal khan kan buai zia chu i hriat ka ring, customer an awm ve neuh neuh thin bawk nen, Cindy hnenah ka dawr a lo kal tawh lo turin lo hrilh ta che" a ti a, a thusawi avang chuan ka meng deuh awk a.




"Cindy a lo kal amaw?" ka ti a, "Vawin khan a lo kal a, tlang deuhin ka sawi anga, buaina a rawn siam a, midang hmuh ah a mawi lo bawk si, a thil rawn sawi te avang khan kei mai nilovin in pahnih pawh in in hmingchhe thei, chuvang chuan fimkhur turin lo ti tawh la, chuan ka dawr ah rawn kal tawh lo turin lo ti rawh" a ti leh a, Cindy chuan engthu nge maw a lo sawi ni. "Enge a rawn tih?" ka thinrim na chu thup hram hram ka tum a, "Vawinah i company ah a rawn kal thu ka lo hria a, chuan in khawsak dan kha chiang takin a rawn au chhuah pui bawk, Terina khan kan customer te kha chhuah hma tir hlauh lo phei se chuan tunge hmingchhe tur chu i hriat ka ring, engtiang pawn lo awm mah ula keichuan pawi tihna ka neilo, a chhan chu i bialnu a ni a, nupa ni mah ila in in kara in rawlh ka tum lo" a ti leh a.




"Kan in hriat hma daih tawh atangin in zawm na in nei tawh tih ka hria, chuvang chuan in in kar hi tih chhiat ka tum lo bawk, chuvang chuan khawngaihin Cindy bulah chuan hlauthawng lo tur leh kan inkar nupa tak tak ang kan ni loh zia hi lo sawi chiang la, ka dawr a buaina siam tawh lo turin I lo hrilh bawk dawn ania, a hnen a sawi lova I bula ka sawi nachhan chu nangmah ngeiin i hrilh a nihchuan a zawm lo ngam dawn lo tih ka hriat vang a ni, ka thusawi kha chiang takin i lo hrilh dawn nia" a ti leh a, Cindy teh hrep chu, sawi mai tur pawh ka hrelo, vawin ka office a kan chet dan a lo sawi vek te chuan ka thin hi a ti so bulh bulh thei, engtin emaw tak ka tih ngei a ngai dawn a ni, Amelia-i nen in ngeih takin kan awm ve dawn chiah a, Cindy teh hrep khan a ti chhe vek.




"Ka chau deuh a, khawngaihin min chhuahsan ta che" a ti leh a, sawitur ka hriat loh em avang chuan ngawi rengin ka chhuak a, ka room ah lut in ka phone chu ka hmet nghal mawlh mawlh, Cindy ka call a, a lo la vat, "Khawiah nge i awm?" phone a lak rual rual chuan ka ti nghal a, "Inah, eng.." a thusawi pawh ngaithla zo lo chuan phone ka dah a, motor chahbi la in room atang chuan ka chhuak lehnghal. Cindy te in lam pan chuan ka in khalh chhuak a, ka tlan chak bawk a, ka thleng nghal vat, an in kawt ah motor ti ding in ka chhuk nghal. Kawngka a lo hawn hun chu ka lo nghak ran, a rawn hawng a, kawr tawng chham zet ha in min nuih sang a, inchhung lamah chuan ka nawr lut a, "I lo kal hman dawnlo emaw ka ti a" tih pah a min kuah a tum chuan a kut chu ka lo man chawt a.




"Vawinah ka nupui dawr ah I kal em ni?" ka ti hmuk a, "Aaa.. nia, thawmhnaw en turin ka kal a" a ti bah niai a, "Dawt sawi suh, engvangin nge ka nupui dawr a kal in vawin thil thleng vel kha I va sawi?" ka ti thawt a, "Bawih" a tap leh ti tih tawh, "Sawi vat rawh, engvanga ka nupui dawr ah chuan va kal nge i nih, Engvanga thil thleng vel kha va sawi nge i nih, hmeichhia i ni tihhi I in hre miah lo em ni, Lalramhlun zak ve ta che, vawina hmeichhia i ankhum kha ka nupui a ni asin, nangchu ka hmei mai mai bak i nilo, khatiang thu lawilo zet zet kha engtinge I sawi ngam zawk, midang in hre ta se mualpho ber tur chu nangmah i ni, tun atang chuan hre rawh, khatiang thil kha i ti leh a nihchuan maw kan inkar hi a tawp nghal ang tih hria ang che" ka ti hrawk a.




"I nupui dawr a ka kal chu enge a pawi na, thudik ka va hrilh mai a nihkha, enge thinrim na tur awm, thudik hria se in in then vat anga tichuan nang leh kei hi kan in nei mai dawn alawm" a rawn au ve ta nghek a, "Thu lawilo kha sawi suh, nupui ka nei tawh a, then leh mai mai tura nei ka nilo, chuvang chuan i thil tih tul lo zet kha vawikhat mah ti leh tawh suh ang che, tun bak hi ka sawi nawn tawh lovang" ka ti nghet leh charh a. Rilru nat hmel fe chuan min en a, "Chuti engvangin nge keihi in zawmna min la neih pui si?" a ti leh tiau a, "Ni e.. thil diklo a ni, chuvang chuan kan inkar chu tunah hian tawp nghal law law rawh se, nula pangai tak I ni a, chuvang chuan nupui nei lai nilo tlangval pangai tak i phu, tihian kan in kar chu tawp rawh se" ka ti a, "Aih.. Bawih, vawikhat mah i nupui dawr ah chuan ka kal leh tawh lovang, kan in kar tih tawp chu ka duh lo" a ti nghal chul a, "Ni lo e, tawp tawh rawh se" tiin ka chhuak nghal a, min au zui lawm lawm pawh chu hre mah ila ka ngaihsak zui lo, motor ah chuan lut in ka tlan chhuak nghal.


Cont....




Click a that viau chuan naktuk zanah ka dah lehnghal ang aw...


Show post links
Top

[Ngaia]

Chapter-8



Amelia Lalnuntluangi POV




Nicholas-a hnenah Cindy lo kal thu ka sawi kha a pawina ka hrelo, phone hmanga min rawn tawng el thin kha chu ka ngawih bo pui thei, mahse ka dawr ah leh zel min rawn kal chilh chu ka duh hauh lo. Eng ang pawn Nicholas-a nen lo khawsa dun pawh nise ka hriat a a rawn sawi kher a tul na ka hrelo ang bawkin midang pawn an hriat ka duh lo, khatiang thu a rawn sawi vang khan engmah a chhiat in a that phah lo, engtinge khatiang thu kha a rawn sawi ngam tih ka hrethiam lo zawk, mi pasal a ngaizawng mai bakah a nupui hnenah an khawsak dan a sawi ngam a nia, keimah mai pawh nilo hnathawk te leh customer te pawh an awm bawk, mualpho tur pawh kei nilovin a mah a ni tih a hriat ngei chu ka ring, nge ni a a pawi sa vak lo zawk.




Nicholas-an ka hnenah vawi tam tak a hming ti chhe lo zawnga khawsa turin min ti a nihkha, mahse enge thleng hi, amah leh a bialnu ngei chuan a hmingchhiat na tur thil an ti reng zawk si, diktak chuan khatiang thu Cindy in min rawn hrilh khan na chu ka tilo, mahse tlawm ka in ti a ni. Ka thinrim bawk, a tirah kha chuan Nicholas-a hnenah ka thinrim na te kha tih lan ka tum a, mahse enge sawt ang, chu ai chuan tha takin hrilh ila a thil tihsual chu a man a hre mai ang tih ngaihdan ka nei leh ta zawk a, ka duh ang takin thil a thleng bawk, a bialnu lo kal thu leh an khawsak dan a sawi tih ka hrilh khan tawng ngaihna hrelo in min en reng ringawt a nihkha, a thiltih sual ngei chu a hriat ka ring, a hmingchhiat na turin vawikhat mah ka la che ngailo, lo hmingchhe ta pawh nise a ma thiamloh a ni tihna a nimai.




Hun a kal ve zel a, Nicholas-a te company in an thil siam chhuah an tlangzarh hun tur pawh vawin zan hi a ni tawh, company neitu nupui ka nih avangin mipui hmaah zahawm taka lan ka ngai dawn tih ka hria, chuvang tak chuan ka kawr hak tur pawh Nicholas-an kal pui tura min sawm atang khan ka design nghal a. Kawrfual ka ke rek thleng a fual, a pawl tak a ni a, a ban tluan, a ngawng erawh tlem in a zau thung, ka kawng fek lang chiang tur a ni a, hmeichhe pian chhe zawk zawk ka nilo bawk nen kan han hak chhin vel pawn nalh ka in ti ve viau, in lamah nimin hna ka ban pah in ka hawn tawh thung. Dar 3 a rik chuan in lamah ka haw a, Nicholas-a erawh a lo la haw lo thung, ka inbual fai a, insiam nan a la hma bawk nen inhnuai lamah chhuk in U Tluangi nen chuan kan in kawm a, rawngbawl a hun a, U Tluangi chu ka pui a, Nicholas-a a rawn haw chuan chaw ei kan lo peih vek tawh, a inbual hmasa a, chaw kan ei kham ah insiam turin kan room ve ve ah kan lut a, U Tluangi chu a haw tawh thung.




Make up simple takin ka in bel a, ka sam chu ka ti kir bawk, sam ngil aiin a kir hi in hmeh ka in ti a, ka sam hi ngil chi a ni a, khawih danglam vak ka duh ngailo vangin ka ti kir vak ngailo thung. Kawr ka ha leh a, a mil pui turin pheikhawk sang ka bun leh bawk, ka in peih thawkhat tawh viau, ka clutch bag chu la in room atang chuan ka chhuak a, inhnuai lamah ka chhuk nghal, Nicholas-a chuan min lo nghak ran tawh, a coat hak chu a in hmeh hle, min hmuh chuan a thut na atang a ding chhuak a, a lam pana ka kal hnai chu mit khap miah lovin min lo en reng, min ti lai dawn lek lek mai. A hma zawnah chuan ka ding a, tawng pawh a la tum lo, "Kal ila" ka tih takah chuan a hawi sawn vut a, engmah sawi lovin pawnlam chu a pan nghal nal nal, a hnungah chuan ngawi rengin ka zui ve zel a.




Motor kawngkhar te chu min hawn sak thlap a, ka thut luh hnuah khar in motor chu a kal hual a, ka lo en reng, a chhelo takzet, a rawn thu lut ve chiah chu motor a hniam sulh in ka hria. A la tawng lo hrim hrim, "I company ah a mi party chu awm dawn?" party na hmun tur ka la hre reng reng lo, "Aw.. ka chhungte pawh an thleng tawh, ka pi leh pu te pawh lo kal thei se a tha tur a nia" a ti sup a, ka nu leh pa te ka nau awmna lamah an kal a, Mizoram ah an awm loh lai tak a ni chu a pawi hle, "Nia, tlaiah khan kan in bia a, duhsak na min lo hlan sak rawh an ti tak a sin" ka ti a, "Kan awm rei dawn lo ania, tunlai i thawk rim bawk si, haw I duh hunah kan haw dawn nia" a ti a. A hmun kan thleng a, kawt velah pawh chuan mi an lo tam hle, motor atanga kan nupa kan chhuak chiah chu min en thup a, security pakhat bulah chuan chahbi a pe a, thil sawi sup bawk, inchhung lamah chuan kan in zui lut a, ka nute (Nicholas-a nu leh pata) ka hmu nghal.




"Bawiha in lo thleng maw, Amelia-i chu I va nalh ve" ka nu chuan a lo ti a, "Nang deuh alawm nalh" ka tihchuan a lawm hmel hle, kan in neih atang vawi thum chu inpui lamah chaw kan ei tawh, an fel hlawm a, ka nu leh pate diktak ang maiin ka ngaina a, an ni pawhin an fanu ang maiin min en ve bawk. Kan titi a, Nicholas-a erawh a thawhpui te nen an in be fal thung, mi pawh an tam khawp mai, ka pa chuan a thiante bulah keichu min in hmelhriat tir a, ka pa thiante chuan ka hmelthat thu te an sawi ve luam a, nuam ka ti ve viau, min fak der mai mai pawh nise fakna tawngkam hrim hrim chu hriat a nuam ve thin a ni. Wine chu ka dawm ve vang a, mahse ka in tam lem lo thung, Nicholas-a chu a rawn lang ve hlawl a, ka bulah chuan min si chet in a rawn ding nghal.




"Nu Amelia-i hi kan thawhpui te bulah in hmelhriat tirna te kan nei ve ange, an hmu ve chak a" a ti a, ka kawngah chuan a rawn vuan nghal, ka lo phu zawk zui. Nicholas-a ang rual mipa panga vel lo din khawm naah chuan min kalpui a, "Bawihi, an ni hi ka thawhpui te leh ka thian tha tak tak te Ropuia, Awma, Zira, Tlankima leh Siama te an nihhi, phai lamah an hun tam zawk an hman avangin kan inneih ni khan an lo tel ve theilo a, chuan thiante u a ni hi ka nupui Amelia Lalnuntluangi a nihhi" a ti sup a, a thiante chuan min chibai a, "Engtinge kan thiana hian nang ang hmeichhe hmeltha lutuk te a thlem thuk theih zawk che a" tiin Nicholas-a chu an fiam a, Nicholas-a pawh a lo nui ve suk suk mai.




An titi na bulah chuan ka lo awm ve reng,a changin min be veleh zeuh thin bawk, an thusawi chu lo zawm ngaihna ka hre lo, ka nute bulah khan let leh daih mai ka duh rum rum a, mahse Nicholas-a hian ka kawngka a chelh ran mai bawk si. Stage ah chuan Nicholas-a chu a chho a, kan lo en thap, an thil siam chhuah te chu a sawi a, mipui hmuh turin a ti lang a, kut kan lo beng dar dar a, a rawn chhuk leh chuan ka bulah a rawn ding a, ka nute pawh reilote an awm hnuah an haw a, haw ve tawh mai ka duh a, mahse a la hma deuh vang chuan haw ka la sawi duh lo thung. Nicholas-a chuan min kal hlat san lo hrim hrim, ka bulah chet a awm a, a chang leh mamawh ka neih leh neih loh min zawt reng a, min ngaihsak em avang chuan ka lawm hle, midang hmuh a a ti a nih ka ring, lamchan vang mai mai a min ngaihsak pawh nise hetia min ngaihsak taka a awm hian nuam ka ti.




Kan pahnih chiah a kan din lai chuan "Bawih" ti ri kan hria a, kan sir lam atang chuan Cindy-i rawn kal phei chu ka hmu nghal zat bawk. Nicholas-a chu a rawn kuah a, Nicholas-a erawh in engmah a la sawi lo thung, "Ka lo thleng ve chiah a, vawinah shooting kan nei bawk sia, ka lo thleng hma theilo a, ka tihpalh a ni" a ti leh zung zung a, keichu min hmu ang pawhin a awm lo. Nicholas-a chuan engmah sawi a tum lo tih hriat takin a ka a chip tlat a, kan in awm hnaih bawk nen a ban lehlam ah Cindy in a kuah tlat bawk si, ka awm chu a nuam zan lo khawp mai. Cindy pawh chu ngawi rengin kan bulah a ding ve ta reng a, Nicholas-a ka en thin, nidang chu nise a ngaihsak leh viau tawh anga, mahse zanin chu a dang riau, Cindy-i lo kal ve chu a lawm hmel vak lovin ka hria.




Oh.. enge maw ka hriat ni, midang mit hmuh ah kan awm ania, engtinge lawm hmel leh ngaihsak hmel takin a awm theih tehlul ang ni?... Nicholas-a thiante pawh chu an lo kal a, Cindy-in Nicholas-a thiante a hmuh chuan a hre sa tih hriat takin a lo be nghal a, "I lo kal dawn ta lo emaw kan lo ti a" Tlankima chuan a ti hluk a, a aw chhuak chu nichin a kan in biak lai nen a in ang lo khawp mai, "Kei ber ka lo kal loh te chuan Nic hi a lungawi lo lutuk dawn asin" nui har har chungin a lo ti nghal zat a. "Amelia, Nicholas-a hi engtinge i tih bik a, in lo thlen tirh atangin i bulah a awm char char a, nidang ah chuan kan bulah a awm deuh chawt a, mahse zanin chu a thiante hi min ngaihsak hlawl lo, a chungah hian eng dawi nge i hman bik, hetiang khawp a hmeichhia a ngaihsak hi kan la hre ngailo" Awma chuan nui hawk chungin a ti a.




Chhan ngaihna ka hriat loh em vang chuan ka lo nui ve ringawt, min ngaihsak tih chu ka hre tho a, mahse midang hmuh atan bak a nilo tih Nicholas-a nen ka hrechiang thung, Cindy-i pawh chu ngawi rengin a ding a, keichu huat hmel zetin min en bawk, engah ka ngai lemlo. An thian ho chuan kan bulah an awm ve ta reng a, min be ve reng bawk nen keipawh nichin a nuam lo ka tihna kha tlem in a zia ta deuh, Cindy thung chu a ngawi reng a, Nicholas-a a melh leh zeuh thin bawk, vawikhat mah Nicholas-an a la be lo. "Chu hla chu, Bawih kan lam ve dawn em ni?, he hla ah hian kan lam dun nasat theih em kha" min rawn melh kher chung chuan a ti a, "Cindy, I tawngkam kha fimkhur rawh, Nicholas-a hi nupui nei lai a ni tih i hriat kha, chuvang chuan khatiang khan ko tawh suh" Zira chuan a lo ti a, Cindy pawh a ngawi chiang hle.




Kan ding reng bawk nen ka chawn a kham vek tawh, hmeichhe chhelo zet zet mai hi kan lam panin an lo kal a, Tlankima te chu lampui ah an rawn sawm, an in hre sa a ni ngei ang, an ni pawh chuan an lo pawm ve mai a, kan pathum chauh chuan kan awm leh ta reng mai. "Ka ke a kham, thut naah sawn ka va thu teh ang" Nicholas-a bulah chuan ka ti a, "Awle, keipawh ka rawn kal vat ang, Cindy min rawn zui rawh" Cindy-i melh ran chung chuan a ti a, pawn lama an kal chhuak lai chu ka en zui reng, thut na lam chu ka pan a, ka thut thlak rual rual in ka chawn kham ut ut chu ka hmet nghal neuh neuh a, Nicholas-a te khan enge an tih dawn chu ka hrelo a, mahse an rei loh hram ka beisei, a lo let vel ah haw ka duh thu ka sawi ang, tunah chuan in a awm a, mut hahdam vang vang ka duh, wine ka in bawk nen ka lu a hai deuh bawk a.




Darkar chanve chuang ka nghah hnuah pawh Nicholas-a leh Cindy te hmel reng reng hmuh tur a la awm lo, ka sana bun lai chu ka en zeuh a, dar 12 a ri hnai tawh, an va han rei em em ve mawle, mipa pakhat hi ka bulah a rawn thu a, "Ka lo thu ve chu pawi I ti em lovang chu maw?" a ti sup a, "Ti love" Ka ti ringawt, "I pasal hi hmuh tur a va awm lo ve" a ti leh a, "Nia... pawn lamah mi be turin a chhuak a" han biak dan tur vak ka hriat loh avang chuan ka ngawi leh vang vang a, "Aaa... in hmelhriat tirna pawh ka la nei lo a, keihi Lalrinsanga ka nia, i pasal nen hian school kan kal ho thin" a ti leh a, kan han in biak tak zel ah chuan a lo fel reuh phian a, Nicholas-a nen chuan middle an nih atanga Higher thleng school an kal ho thin a, mahse an in kawm ngai em em lo thung.




"A tlai tawh bawk sia, ka kal mai ange, in pa chu biak ka duh nen mahse a pawi lo, a buai zia ka hria a, nakinah ka hmu mai ang" tiin a ding a, kan in mangtha hnuah keipawh chu ka ding chhuak a, Nicholas-a te chhuah na lamah chuan ka kal a, ka la hmu mai lo zui, thim deuh laiah chuan ka kal zel a, thawm ka hriat takah chuan ka ding chawt. A thim deuh avangin tute nge an nih chu ka hre thei mai lo, ka kal hnai leh deuh a, eng in tlem a rawn chhun takah chuan ka hmu chiang thei ta. Lalpa leh, engtinge sawtiang sawn an awm theih zawk, ka in her vat a, inchhung lamah chuan a tlan in ka tlan lut zui nghal, ka thut naa ka bag kalsan chu la in pawn lamah ka chhuak nghal, engtinge ka haw tak ang, tun ang zanlai tawh ah chuan taxi hman mai tur pawh a awm tawh awm silo a.




Ka rilru chu a hah takzet, ka hawi kual a, motor tlan hmuh tur a awm lo hrim hrim, helai te chu hmun ual au lutuk ania, engtinge nge motor tlan pakhat mah hmuh tur a awm loh theih zawk ni, building hnuai garrage Nicholas-an security motor a park tir na lam atang chuan car a rawn tlan chhuak a, Rinsanga a lo ni, ka zawn a rawn then chuan motor a ti ding a, "I haw dawn em ni?" a ti a, "Aw.. mahse haw na tur" ka tih lai mek chuan "Ka hrethiam e, Nicholas-a ka hmuh loh danah a la haw ve hman lo a ni ngei ang" a ti leh a, "Nia.. a la buai deuh a, ka lu a na riau a, haw san mai ka lo tum a" ka ti a, "Um.. ka rual in lo haw ta che, in in lamah ka kal dawn tho a" a tih takah chuan hnial ka tum lem lo, haw na tur ka nei tlat lo a ni, a motor a ka lut tur chu Tlankima'n min rawn ko a, "In pa nen in haw rual dawn lo a mi?" a ti a, "Aw.. nia, englo ka haw san thu min lo hrilh sak ta che, ka nuam lo deuh a" chhuan lam dang siam tur ka hrelo.




Kan haw kawng ah chuan Rinsanga'n min be leh zeuh zel a, tha tak chuan ka chhang ve mai zel, ka thil hmuh avang khan ka la pangai theilo, ka luak a chhuak deuh hlui bawk a, in thlen vat vat tluk a chak ka neilo, "Ka lawm lutuk a nia aw, awm lo la chu haw na turah ka buai hrep awm sia" ka ti a, kan in zawn ah motor a tih din dat rual chuan kawngka hawn na chu ka vuan nghal a, "A ho lutuk, I chauh hmel emai, mu hahdam vang vang rawh" a nui sang a, kan in mangtha hnuah a ni pawh a tlan chhuak ve nghal. In chhung ah ka lut a, mahni chauh in ka awm ngun ve tawh bawk a, ka hlau tawh hran lo, kawngka chu kalh lovin ka khar tha a, ka pheikhawk bunin ka ke a nawt deuh bawk nen ka bai euh euh a, ka room ka thlen chuan ka thawmhnaw hak te chu phelh sawk sawk in in tifai turin bathroom ah ka lut tlang nghal.




Ka zawh hnuah ka chhuak a, bathrobe ha chungin mut kawr chu ka la chhuak a, ka ha nghal sawk sawk, ka sam huh chu ka hru thuak thuak bawk. Ka sam ro deuh hnuah chuan khum lam ka pan a, ka chau bawk nen muthilh vat ka duh, ka mu chiah chu muthilh chu hnai lo tak a ni, party neih na hnung lama ka thil hmuh te chu ka mitthla ah a rawn lang uar uar a, engtinge khatiang khan an chet theih zawk ni, tenawm lutuk mai. Kei lahin engmah hrelo in an lo let hun ka lo nghak a nia, ka ngaihtuah chiang hian ka thinrim a, tlawm ka in ti ngawih ngawih bawk, engtinge kei a nupui inchhung lama ka awm reng laiin hmun thim tham ah sex an lo hman theih, na tih na chu ka neilo, mahse Cindy-i min hmuhsit na belh chah leh tur avangin ka thinrim em em a, Nicholas-a ka ten hle bawk.




Nupa dang angin khum khat ah mu lo mah ila a nupui ka nih na ang tal chuan min zah ve ka ring a nia, mahse ka rindan sual zia zanin khan ka hrechiang tawk tawh. Pawn lamah ka hmuh phak leh ka awm ve loh naa an khawsa dun a nih pawhin ka hrethiam mahse zaninah kha chu hriatthiam harsa ka ti, kan pahnih in in atang kan chhuak dun a, a nupui ka nih na ang tal chuan min ngaihsak in khatiang khan hmeichhe dang a bialnu pawh nise a awmpui tur a nilo hrim hrim. Ka ngaihtuah chiang telh telh a, ka thinrim na a zual zel bawk, Nicholas-a nen hian nupa hlim tak kan nih theih chu ka ring ngailo, mahse thian ang tal a kan awm theih chu ka ring a nia, mahse min zah lo lutuk chuan in ngeih taka awm pawh a tul na ka hre leh ta lo, mu chunga ka ngaihtuah na ka kawm melh melh lai chuan room pawn lamah thawm a awm a, Nicholas-a bak a nih ka ring lo.




Ka room kawngka chu a rawn hawng a, a rawn lut zui nghal zat bawk, engmah sawi lovin ka lo en ran a, ka khum sir ah chuan a rawn ding a, "Tinge min lo nghah loh, engvanga lo haw daih nge i nih?" a ti chhum hmuk a, a thinrim hmel hle bawk. Ka ner sak a, engvangin nge a ni nuam tawl mai mai kha ka nghah tehlul ang ni, "I rei em a, ka haw a nihkha" ka ti sam et a, ka thinrim na te chu sawi lan ka tum lo, mahse a tul a nihchuan sawi lan pawh ka hreh lo thung, "Kan kal rual a, nupa kan ni bawk, mipa dang nen in haw dun tih miten an hriat khan mak an tih dan tur i ngaihtuah pha miah lo em ni, Lalrinsanga ber kher nen lehnghal a in haw dun kha ka lungawi ring hauh suh" a ti leh nghut a, vin lo mahse a aw chu a chang tha fak fak hle.




"Mite ngaihdan tur ka ngaihtuah si se lo, haw ka duh a, a ni a lo haw dawn chain a, a remchang nen a rual in ka haw mai a ni, chuan chhuak tawh rawh, ka chau viau a nia, mutthilh vat vat ka duh" ngeiawm zet chuan ka ti a, "Lalnuntluang, khatiang khan engvanga awm nge i nih hrep a?" ka awmdan chu ngaithei lo tih hriat zetin a ti ta hrawk a, "Engtinge ka awm, ka chau ka ti mai a nihkha, chuan chhuak vat teh" ka ti leh a, "Engvanga min lo nghak lo nge i nih, engvangin nge mipa dang i in thlah tir, nge ni a nang hi hmeichhe sih hnip tak, mila ten an duh duh naa an hruai kawi theih I ni zawk?" a sawi zawh rual rual chuan thinrim zetin khum atangin ka tho chhuak a, engtinge a bialnu nen khalai hmunah khan sex an hman hnuah engmah ti sual lo ang maia min la ṭawngkhum ngam zawk ni, nge ni a keihian engmah ka hrelo emaw a ti zawk?..




"Min vin hauh suh, chuan khatianga min ṭawngkhum tur khan enge i nih bik, Cindy nen in thiltih kha ka hrelo bik turah I ngai a nihchuan i tisual hle ang, duhthawh taka in che dun lai kha ka mit ngei hian ka hmu che u, chuvang chuan mipa fel ber awm zia zang khan min ṭawngkhum lo mai teh, tunge tenawm zawk chu kan hrechiang ang chu, i lakah hian ka lungawi hi inring bik em ni?.. Nupa tak tak nilo mah ila kan pahnih in kan chhuak dun a, chuvang chuan min ngaihsak ve ka phut a sin, mahse enge i tih kha, kei i nupui ngei inchhung a ka awm ve reng laiin thim tham ah i bialnu nen nuam in tawl a nilawm ni, lu na ut ut chungin in rawn let hun kha ka lo nghak reng cheu asin, mahse in rawn let mai silo a, In kalna lamah khan ka rawn kal ve a, in pahnih a in khawsa dun lai kha ka rawn hmu, chuti chung chuan nanghi ka lo nghak ang che maw?" a au in ka au a ni ber.




A mitmengah chuan in thiamloh na ka hmu a, mahse a ti der bak a nih ka ring lo ve, an khawsa lai ka hmu tih a hriat takah chuan a zak nge tawng mai lovin min en a, a mitmeng pawh a khup deuh lap mai, "Chhuak rawh, I hmel i engkim hi ka ten a nia, chuan ka phal na tello chuan ka room ah hian rawn lut leh tawh suh ang che" ka ti leh fak a, "I thil rawn hmu..." a tih lai mek chuan "Engmah sawi suh, I in sawifiah kher a ngailo, i hriat chian kha a hming mai chauh a nupa kan ni, i bialnu nen khan in duh ang ang chuan in khawsa thei alawm, mahse maw, a hming ang tal a i nupui ka nihna laiah min zah ve ka ring asin, ka awm ve reng laia i bialnu nen in khawsa dun khan min ti tlawm hle tih hria ang che, ka hria in hmangaih emaw in duh vanga in nei kan nilo tihchu, thian tal kan nih theih ka lo ring a, mahse ka rin na dik loh zia chu ka hrechiang tawh nang nen hi chuan engtik ah mah thian emaw nupa diktak kan ni ngailo ang" ka ti leh a.




Ka lungawi loh na te ka sawi chhuak vek chu ka thawl huai in ka hria, "Chhuak vat teh, I hmel pawh hi ka hmu hne ngawih ngawih" ka ti leh nek a, in thiamloh hmel takin a in her a, ka room atang a chhuak chiah chu ka thaw hak a, "Zaktheilo lutuk, engtinge khatiang khan min ṭawngkhum ngam zawk ni?" ka la phun hlak hlak a. Zingah pawh chuan nidang aiin ka tho tlai, zan lam ka mu thalo bawk nen ka mit a kham thum lehnghal, in tifai in ka in siam nghal a, hna kal thei nghal mai tur chuan inhnuai lama ka chhuk a, choka ka lut chu U Tluangi min lo be nghal vat, ka chhang let tih loh ah chuan ka tawng mang lo, chaw ka ei lai chuan Nicholas-a pawh chu choka ah a lo lut a, a ni erawh a la insiam lo thung.




A rawn luh lai a ka melh zawk tih loh chu ka en leh tawh lo, chaw chu ka ei mawlh mawlh a, min rawn en leh zeuh zeuh thin tih ka mit sir in ka hmu thei. Chaw ka eikham chuan ka tho tharh a, ka kut te chu silfai in "U Tluang ka kal nghal mai aw, kal hma ka ngai a" ka ti a, "Awle, I lo tlai leh dawn a nimaw?" a ti ve a, "Aw.. lo haw hma vak lovang, kan buai deuh bawk sia" choka atang chuan ka chhuak a, ka car chhung a ka lut tur chiah chu Nicholas-an min koh avangin ka hawi let a, "Nizan thil thleng kha ka thiam loh a ni tih ka hria, khatiang kha a thleng nawn leh tawh lovang" a ti sup a, "Ka sawi tawh kha, in duh ang ang in che rawh u pawi tihna ka neilo, mahse ka awm ve reng lai chuan khatiang kha thleng tawh suh se, chuan hmingchhiat i hlau hle bawk a, in fimkhur dawn nia, nizan te khan kei nilovin midangin rawn hmu ta cheu se in hmingchhe hle dawn tih i hriatthiam ka ring" dam dap chuan ka ti a, motor ah chuan ka lut zui nghal daih bawk.




Karhnih lai a liam leh tawh, Nicholas-a nen chuan kan in be ngai lo a tih theih ang, in khat ah cheng mah ila kan in hmu khat em em a, a ni ai hna ka haw tlai a, chaw ei ah erawh min lo nghak ziah thung, ngawi rengin chaw kan ei a, biak ka tum ngailo, chaw kan ei dun tih loh ah chuan kan in hmu ngailo, ka room ah ka tawm deuh chawt a, a ni pawh hna a thawk rim tih ka hria, in ah hian office a nei a, tah chuan hna a thawk thin. Karleh mai hi show kan neih hun tur a ni a, kan in peih thawkhat tawh viau bawk, zaithiam lar tak tak kan sawm bawk a, midang duh ang ngeiin keipawh model angin ka in lan dawn a, Terina a phur fal hle, midang thawn thut kan duh avangin kan la sawi chhuak lo thung, show kan neih dawn avangin karhnih chhung lai order kan la tawh lo bawk a, kan buai pawh a zia deuh.


....


Show kan neih ni a ni a, kan chhungte pawh an rawn tel kim hle, ka nau a rawn haw tawh bawk a, ka pasal chhungte pawh an rawn kal tam khawp mai, ka phur rual rual in ka zam a, model ang a ka in lan dawn miau avangin mipui lo kal khawm te pawh ka be mumal theilo, a tawp ber ah ka in lan dawn a, midang an in siam vek tawh laiin kei erawh show tan a nih hunah mipui hmaah ka in lan a ngai dawn a, ka la insiam ve lo thung. Terina chuan a host a, min koh takah chuan ka chhuak vat, mipui lo kal khawm te chu an lo au a, kan thawmhnaw tih chhuah tur ang te chu ka sawifiah a, ka rin ai takin mi an lo kal tam, thla la tute pawh an awm far a, camera chu a de chuai chuai a, mit a ti vai lek lek hial thei, ka thusawi tur ang te ka sawi zawh chuan stage hnung lamah chuan ka lut a.




Nicholas Ramnunpuia POV




Kan nupa in kar chu a hma aiin a hla sawt a, ka thiamloh a ni tih ka hria, engvanga lo insum zo lo nge ka nih, Amelia-i khan min hmuh ka ring miah lo ania, Cindy nen kan in zui chhuah khan kan inkar tawp tawh thu chiang taka sawi ka tum kha a ni a, mahse min hre chiang em a, ka chakna ti so sang tura chet lak dan a thiam lutuk tlat, ka lo lem ve sek tawh bawk nen ka insum thei lo khan khatiang thil kha ka ti ta kha a ni a, inchhir in sawt na a neilo tih ka hria, mahse kan nupa inkar hla ta sawt chu hreawm ka ti. Amelia-i tawngkam te khan ka sawifiah thiam loh natna min pe bawk, Cindy-i lah chuan min zar buai lehzual a, nitin ka office ah a rawn kal thin, kan inkar tawp tawh thu ka sawi hnu a khatiang thil ka tih leh vang a ni a, engmah sawi buai theih leh tuma dem tur ka neilo.




Amelia-i biak ka duh a, mahse a tan engmah ka nih loh zia chu a tuk lama a tawngkam atang khan ka hrechiang lehzual, Cindy-i nen kan duh ang ang a kan awm theih thu leh engah mah a ngaih loh zia a sawi te khan ka na zawk a, mahse engvanga nge ka nih erawh ka hrelo thung. Nge ni a keihian Amelia-i hi ka lo duh reng tawh zawk, ka rilru put hmang pawh hi ka hrethiam tawh hrep lo ve. Show a neih ni a nih avangin company atang ka chhuak hma a, a hmun ka thlen chuan an lo tam khawp mai, ka chhungte bulah chuan ka thu a, rin phak bakin a ropui. Show an tan a, Amelia chu stage hnunglam atang chuan a rawn chhuak a, a nalh takzet, a nui sang a, a thusawi atang chuan a in rin tawk zia a hriat theih.




Show an tan a, an thawmhnaw rawn pho chhuah te chu a nalh hlawm takzet, mipui kal khawm te chuan an phone lek chhuak in video in an la a, ka nupui hi designer satliah mai mai a nih loh zia a thawmhnaw design atang a hriat theih. Zaithiam an sawm nual bawk a, an thawmhnaw rawn pho chhuah zawng zawng te hi hralh a kal dawn hle tih ka hre nghal, tunlai hmeichhia te thawmhnaw duhzawng tak vek ni chungin a zahawm a, taksa lang tam thei lutuk ang kha a nilo. Terina a host a, a zei bawk nen mipui kal khawm te chuan nuam kan ti dar dar viau mai, show tawp na atan hmeichhe kawrfual party naa hak chi an rawn pho chhuak dawn a, tunlai zaithiam lar em em mai thalai te duh rawn in thiam takin hla a rawn sa nghal zat bawk.




Model te chu an rawn kal zel a, a tawp na ber a rawn kal chhuah takah chuan mit tla lo chauh in ka lo en a, model angin a in lan dawn tih reng reng ka hrelo, a kawrfual hak a vun nen a in rem zet te nen chuan thlir nin har tak a ni. Zei takin a kal a, camera hmaah chuan zam hauh lovin a in pose a, chulai hmun a kal khawm te chuan mit tla lek lovin kan en thup, model pangai te ai pawhin a kawr hak chu a in hmeh in a zei zawk bawk. Ka lam chu a rawn hawi a, a nui sang bawk, stage hnung lama a luh leh thleng chuan ka en zui reng. Terina a chu a rawn chhuak ve leh a, show buaisaih tu leh kawr design tu ni bawk chu a ko chhuak a, ka nupui ngei mai chu a kawr hak ngai nen chuan a rawn chhuak leh a, hlim hmel zetin a kut chung lamah a phar a, hmundang ka hawisawn theilo, ka nupui chhelo em em mai chu ka en ngawih ngawih a ni ber.


Cont....


Click a that viau chuan naktuk zanah ka dah leh ang aw...


Show post links
Top

[Ngaia]

Chapter-9



Amelia Lalnuntluangi POV




Show kan zo a, a hlawhtling hle bawkin ka hria, pawnlam ah chuan an chhuak vek tawh a, ka chhuak ve chuan min lawmpui tu te pawh an awm nuk mai. Model anga ka in lan kha mak an tihthu leh model lama kal ve mai tura min ti tu pawh an awm a, mahse ka chhang lem lo thung. Ka thiante pawh ka bulah an awm a, nuam an tih ve hmel hle, naktuk atang kan thawmhnaw pho chhuah te kha kan zuar chhuak nghal dawn a, kan hralh theih ngei pawh ka beisei. Nicholas-a pawh show kan neih lai khan ka hmu a, mahse ka be lo hrim hrim, tunah phei chuan hmuh tur a awm leh tawh lo, show zawh vel ah a kal nghal pawh a ni maithei a ni, ka chhungte ho nen reilote kan in biak hnuah an haw a, thawk tute leh ka thiante bak kan awm tawh lo, tihfel ngai kan tihfel hnuah midang ho chuan party te nau neih an rawt a, show tluang takin kan zo bawk nen pawi ka ti hran lo.




Pawn lamah kan chhuak a, Nicholas-a pawh a lo awm ran mai, mahse a mah chauh in a nilo, a bulah Cindy-i a lo awm bawk a, "Ka lo nghak che, kan haw nghal mai dawn mi?" a ti sup a, a bulah a bialnu a ding a, chuti chung chuan a rual a ka haw duh a ring emaw ni?... "Ka lo la haw hman lo, ka thiante nen hian show kan neih zawh lawm na kan nei dawn a" ka ti tha ve mai a, midang awm lo chu nise ka chhang peih hauh lovang. A mitmeng chu a dur nghal khup a, "A tlai tawh" a ti leh a, ka hriat loh a ring emaw ni, "Nic.. Hrethiam ve la, hetiang ah te chuan lawmna a awm ngei ngei tur a lawm" Cindy chuan a ti a, a hma khan ka hmuh awm pawh ka hrelo, show zawh hnuah a rawn kal chauh pawh a ni maithei, "Nia.. ka lo haw tlai deuh ang" ka ti a, "Kan lo kal ve anga pawi in ti em lovang chu maw?" Cindy bawk chuan a ti a. An lo kal ve a tul na pawh ka hre hran lo, ka thiante chu ka melh a, pawi a tih hmel loh avangin "In duh te chuan lo kal ve ula" ka ti mai a.




Car ka ken loh vangin Chhana car ah luh mai ka tum chu ka kut a min rawn vuan tu an awm vang chuan ka che lai ka tawp chawt, "Ka car ah rawn chuang rawh" a ti hmuk a, "A ngailo, Cindy nen khan rawn kal rual zawk rawh u, Chhana car ah hian ka chuang mai ang" ka sawi zawh rual rual chuan a rum nghut a, a lungawi lo leh ringawt tawh a nih ka ring. "Ka bulah i kal ang" tih pahin a motor awm na lamah chuan min kai nghal dawr dawr a, "Enge maw I hriat le, ka thiante an awm hi, atthlak takin che suh" zawi te in ka ti a, ka thiante leh dawr a thawk te lah chuan min en thup mai bawk si, ka thusawi chu hrelo ang maiin a motor awmna kan thleng chiah tih chuan kawngkhar a hawng a, min hnawh lut zui rawk rawk bawk. Kawngka a rawn khar dawp rual chuan rang zet a che in hawn leh mai ka tum a, mahse a lo lock hman, rawn lut mai lo chuan ka thiante bulah thil a sawi a, enge a sawi erawh ka hre theilo thung.




Driver seat a a rawn thut luh rual rual in hnunglam kawngka chu a in hawng ve nghal a, Cindy a rawn thu lut zui ve nghal, "Bawih, tinge Amelia-i te chu a thiante rual khan i kal tir mai loh?" lungawi lo aw zet chuan a ti a, "Ka nupui a ni a, a pasal ka awm ve reng laiin mipa dang bulah a awm tur a nilo" a ti chhum hmuk a, a thusawi dan ka ei loh em avang chuan ka ner sawk a, tawng pawh ka tawng peih lo, party na tura kan tih na hmun chu ka hmun ngainat em em kha a ni a, ka thianten eitur vel an buaipui dawn avangin keini ai an rawn thleng tlai a. Ka thiante an rawn thleng chiah chu ka thaw huai thei, kan pathum chauh a kan awmlai kha chuan ka awmdan a lai huih a, Cindy lah in min tih el tih hriat takin Nicholas-a a bawh deuh huam huam a, pakhat pa lah chuan engtin mah tih a tum silo, ka hmu ve tih hre reng chung pawn engtin mah tih a tum lo chu ka tha a na viau bawk.




Kan zai a, thei tui an lei te chu kan in a, Nicholas-a te pahnih pawh ngawi rengin an awm ve ran a, an lo kal ve chu an inchhir viau ka ring, engah mah ka ngai lo, an duhthu a lo kal an nia, nuam an tih leh tih loh chu ka ngaihtuah tur pawh niin ka hrelo. Engtinge a bialnu nen ka thiante hmuh ah a rawn in lan ngam zawk pawh ka hre hrep lo e. Game te kan khel a, kan thu bial thap a, bottle ruak pakhat a lai ah kan dah a, pakhat in a tuai vir a, bottle hmawr chuan min rawn kawk vah a, zawhna min zawt tu nih an in chuh laih laih a, "College I kal lai a I mipa duh em em mai hming sawi rawh" Sawmtei chuan a ti a, ka meng kawk, chutiang te chu a hriat sa vek a ni si a, engvanga min zawt nge maw anih le, ka chhan dan tur chu Chhana tih loh ka thiante hian an hrechiang lutuk tlat.




Ka ngawi vang vang a, Chhana, Nicholas-a leh dawr a hnathawk te hi awm lo ta se chu ka chhang nghal mai tur a nia, mahse tunah chuan hnathawk te mai bakah Chhana leh Nicholas-a an awm ve bawk sia, han chhan mai dan tur ka hrelo, nilo ka hrelo pawh ni lovin chhang harsa ka ti. Min ngaichang thup mai bawk sia, "Thil hlui sawi chhuah hun pawh a niin ka hrelo" ka ti ta zawk a, "Midang pawh kan zawt vek tho alawm, sawi mai mai rawh" an la ti deuh tlat zui, enge maw an hriat hlawm ni, thudik tak ka sawi a ngai dawn bawk si, nuam lo duh ve tak chu a ni, ka chhanna an ngaichang ran hlawm a, ka thaw chhuak hak a, "Ih.. naa, a ho e" ka ti leh a, "Sawi vat rawh, a nihloh chuan keiman ka sawi mai ang" Thakimi chuan a lo ti hlak a.




"Chhana" ka ti sep, midang chu a lo e dual a, hawi pawh ka hawi chhuak ngam tawh lo, Chhana'n engtinge a ngaih ang ka hrelo, ka awm chu nuam tawh lo tak a ni, helai hmuna kan kal khawm kher kher chu pawi ka va ti chiang ber tak em. Midang chu an tawng leh nak nak tawh a, kei erawh ka la thu ngawi reng thung, Chhana pawh chuan engmah a sawi tawh lo, ka duhthu hi midangin hre vek mahse Chhana ber hian a hrelo a, mak a ti viau in ka ring, Nicholas-a ka va en chuan thinrim hmel zetin min lo melh a, a bek a pawng tawlh tawlh bawk. A thinrim chhan chu ka chiang, a nupui ka ni a, a awm ve reng laia ka mipa duh thin hming ka sawi chu tlawm ah a la ngawt ang, ka inthiam lo dawn a, mahse enge pawi a ni pawhin min zahna nei lek lovin a bialnu nen an khawsa dun tho alawm ka ti ta zawk a.




Chhana tawng ve ta miah lo chuan ka awm a ti nuam lo zual, a tlai tawh avangin haw an rawt a, "Ka rual in haw ta che" Chhana chuan ka bula rawn din pah in a ti a, "Ka nupui a ni a, ka rualin a haw ang" Nicholas-a chuan a lo ti chang fak, midang te chuan kan boruak chu hrethiam in engmah an sawi lo. "Nic, haw tir mai mai rawh, bakah nangte chuan min thlah kawi I la ngai dawn a, a tel ve zel chuan a buaithlak mai mai" Cindy-i chuan a lo ti a, Chhana hnial ka tum kha ania, mahse chutiang a a rawn tawng takah chuan hnial ka tum leh ta lo, "Chhana rual in ka haw mai ang, bakah in bula ka awm chuan Cindy in nuam lo a ti palh ang" ka ti a, Nicholas-a chu a hma aiin a hmel a dur zawk.




Ka thiante chu an kalsawn sap sap a, Nicholas-a pawh a ngawih reng takah chuan Chhana motor dahna lam chu ka pan a, ngawi rengin kan chuang dun a, ka zam em em bawk, "Min lo duh reng thin tih ka lo hrelo a" a ti zawi ta sup a, "Aaa.. nia, college kan kal lai kha a nia, mahse engah mah ngai duh suh, hun kal tawh a nihkha" ka ti ta zung zung a, "Amelia, keipawh hian ka hmuh hmasak ber atang che khan ka duh che a sin, mahse khatih hunlai khan bialnu nei lai ka ni a, ka rilru put hmang kha a diklo tih ka hriat avangin ka hnaih duh ngailo che, mahse ka vei em em reng che, ka bialnu hlui in min phatsan khan na tihna ka nei hauh lo a sin, a chhan chu nang nen bul kan tan that theih ka rin vangin, mahse ka tlai hret a ni tiraw?" tiin za lo deuh in a nui a.




Chhan ngaihna ka hriat loh avang chuan ka ngawi ta reng a, kan in kawt ah motor a tih din takah chuan chhuk tumin kawngka hawnna chu ka chelh a, "I pasal nen hian in duh vanga in nei in nilo tih ka hria, zaninah pawh khan a hmeichhe kawp nu nen a hmachhawn che a, he in neih naah hian i hlim lo tih i hmel atang khan ka hre thei asin, mahse a thleng tur ang chu a thleng vek tawh, engpawh lo tawk la, i bul hnaih ah ka awm reng ang tih hria la aw, i pasal hian na taka a siam che a nihchuan keihian ka kal tir mai mai tawh lovang che" a ti nghet charh a. Engmah sawi lo chuan kawngka ka hawng a, ka chhuak zui nghal, "A nih muttui aw" tiin ka in her a, in lam pan chuan ka kal nghal hlawk hlawk. Inchhung ka lut chiah chu ka thin phu nasa zet ka dawm nghal vang vang a.




Zanin thil thleng vel chu ngaihtuah zui duh tawh lovin room lamah ka chho a, Nicholas-a chu a rawn haw mai pawh ka ringlo. Ka inbual fai a, ka mut hnu reiloteah room pawn ah chuan thawm a awm a, ka room kawngka kik tu an awm nghal zat, ka kalh avangin hawng turin ka tho chhuak leh a, Nicholas-a a lo ni, "In be lawk ang" a ti a, room ah chuan ka luh tir ve mai. Khumah chuan ka thu a, a ni erawh a ding thung, "I sawi duh chu sawi la" ka ti a, "Khapa nen khan enge in in kar ah awm?" a ti a, a aw chu a zawi hle, zawt kher lo pawh ni ila Chhana a sawi na a ni tih ka hria "Engmah kan inkar ah a awmlo, thian mai kan ni" ka ti a, "A tha a nihchu, kha mihring kha lo duh thin mahla tunah chuan i pasal ka nih tawh vangin mipa tumah in zawmna i siampui tur a nilo" a ti leh a, a thusawi chu ka ngaithei leh tawh der lo.




"Enteh, hetiang thu hi sawi fo lo teh, a hrim hrim in khatiang thu sawi ngam tur pawh kha i nilo, mipa ka duh duh chu in zawmna ka siampui ang, nangpawh hmeichhe dang nen in zawmna in nei tho a nilawm ni, engmah ka sawi buai lo, chuvang chuan ka chungah thu neih emaw min control hi tum suh" ka ti hmak a. Chhana nen kan inkar ah engmah a awmlo chungin hetiang hian thu sawi tur a nilo hrim hrim, a mah zawk hi hmeichhe dang nen a in zawmna nei a ni a, mipa dang nen in zawmna lo nei pawh ni ila engmah sawi buai theih a nei lo, a thiltih hrelo a min khuah khirh a tum lutuk hi ka hne. Nupa pangai ang nilo mah ila ka mit hmuh ah zahawm taka a awm a nih phawt chuan a thusawi engkim hi ka zawm ngei ang, mahse a nundan in a zir lo bawk nen a thusawi hi zawm harsa ka ti.





"Hmeichhe dang sawi a ngailo, ka thusawi chu zawm la a nimai, i pasal ka ni tih hre reng rawh" a ti leh a, "Ka hria, vawikhat mah ka pasal i ni tih hi ka la theihnghilh ngailo, mahse ka pasal i nih na anga I tihtur ang hi vawikhat pawh I la tilo, hmeichhe dang nen ka hmu duh fo cheu a, chuti chunga mipa dang hnaih lo tur a min ti reng te hi ka hne lutuk, ka duh duh ka hnaih ang, nangpawh in hmeichhe dang i awmpui thin a, keipawh hian ka theih loh na chhan tur ka hrelo, chuvang chuan ka nun ah hian rawn in rawlh tawh suh, ka nun a in rawlh tur hian ka tan engmah I nilo" ka ti nghek a, ngawi rengin min en a, "Tun atang chuan kan duh dan dan in nung ang, in tibuai tawn tawh lo ila, kan awm ang ang hian in en liam zawk ang, kan in nei hlen kher dawn lo tih kan hre ve ve, chuvang chuan i duh duh hmeichhia hmu in hnaih mahla keichuan sawi buai ka tum lo, keipawh hian mipa duh em em mai ka nei tih i hre tawh bawk a, chuvang chuan ka nunah hian thu neih tum suh" ka ti a, ka sawi ring tawh biklo.




Min en ren rawn hnuah "A tha alawm, i duh ang chuan le, tu hmeichhia pawh he inchhung ah hian ka lo hruai lut a nih pawhin sawi buai suh ang che, i duh ang ngei chuan i nun ah ka rawn in rawlh tawh lovang" a tih hnuah ka room atang chuan a chhuak a, ka duh ang tak in thil a thlen tawh hnuah pawh ka la lungawi thei der lo, enge ka ngaihtuah naah hian awm chiah pawh ka hre tawh lo. Show neih naah kan buai bawk nen Nicholas-a nen kan in hnial na pawh ngaihtuah zui tawh lovin ka muhil ta daih a, zing ka harh hnuah inhnuai lamah ka chhuk a, chaw ei kan peih hnuah pawh Nicholas-a a rawn la chhuk loh avangin chaw ka ei san a. Hna kal tura ka in siam zawh hnuah pawh a hmel reng reng hmuh tur a awmlo.




Khami ni atang khan Nicholas-a chu inah a rawn haw khat em em a, a rawn haw chhun ah pawh a room ah a tawm deuh chawt a, U Tluangi haw hnuah phei chuan a reh hian a reh tlawk tlawk zel. Hna ka ban pah chuan ka nute (Nicholas-a nu) in lamah ka kal kawi a, tlai thim dawn ah in lamah ka haw ve ta chauh, chaw ka ei nghal a, Nicholas-a hnenah ka nute inah chaw ka ei tur thu hrilh ka tum khan phone a la thei bawk silo a, u Tluangi ka hrilh ta tawp kha a nia, a lo sawi mai ka ring, a nih loh pawhin amah zawk hi in lamah a rawn haw lo leh maithei a ni. In ka thleng a, ka rin ang ngeiin tumah an lo awm lo, U Tluangi chu a haw tawh tih ka hria a, Nicholas-a hi a rawn haw dawn em ka hrelo thung, phone a la thei bawk silo.




Kawngka ka kalh lo a, room ah chuan ka awm a, ka lu a na deuh et et lehnghal, damdawi ka kawl mai loh vangin room atang chuan ka chhuak a, U Tluangi khan inhnuai lamah damdawi a dah tih ka hriat vangin inhnuai ah chuan ka chhuk a, step a ka chhuk thlak lai te chuan ka lu hai lutuk ka tlu leh tep thin, damdawi chu ka zawng a, ka hmuh chuan pakhat ka la chhuak a, choka ah lut in tui ka thli a, damdawi ka ei zawh hnuah chair pawt chhuak in ka thu a, ka lu chu ka dawm vang vang bawk. Kawngka lam atangin thawm a rawn awm a, Nicholas-a a nih ngei ka ring, choka atang chuan ka chhuak a, ka rin ang ngeiin Nicholas-a a lo ni a, Cindy nen an rawn in zui lut a, an pahnih chuan an ruih dun hmel hle.




Zawmna



Choka luh na bul a ka ding min hmuh chuan an ke pen an tawp deuh chut a, Nicholas-a chu nui suk in "Ka nupui lem lem chu I la mu lo a nimaw?" ngeiawm zetin a ti a, nuamlo hle lo ila chu ka chhang let ang, mahse tunah chuan an ni pahnih hi hmuh dun reng pawh ka peih lo. Inchung lama ka chho tur chu ka banah a rawn man a, engtik laiin nge ka bul a rawn thlen hman pawh ka hrelo, a rui hle emaw ka tia, mahse a lan ang ai ngawt chuan a rui lo tih a hriat. "I pasal ka lo haw a, chaw ei te min siam dawn lo em ni?" a ti leh a, "I duh te chuan nangmah in in siam ve mai ta che" ka ti hmak, ka damdawi ei in min la chhawk lo bawk nen ka lu chu a hma aiin a hai zual a, mut leh vat ka duh.




"He inchhungah hian thu nei tu ber ka ni tih i hria ang chu maw, chaw ei min siam sak rawh, Cindy pawh saw siam nghal ang che" a ti leh a, "A teuhlo, ka siam dawn reng reng lo, chaw in ei duh a nih te chuan saw i hmei nu saw siam tir mai ta che, keihian in pahnih eitur hi ka siam sak lul lovang che u" ka ti a, ka ban a vawn na thing thlak ka tum chu ka la thei mai lo zui. "Min thlah teh, ka lu a na, mut hahdam vat ka duh ania" ka ti leh a, min thlah ve mai, ka lu dawm chung chuan inchung lamah ka chho a, zanah chuan ka muhil lo tluk a ni, hetiang chuan hna ka kal peih pawh ka ringlo, khua a var hnuah ka tho chhuak a, U Tluangi a lo la thleng lo, green tea ka in a, pawn lamah ka chhuak a, khua a thiang hle, kawngpui ah chuan ka kal a, zing walk tur te nen kan in tawk pheuh pheuh a, ka nawm sam loh em avang chuan ka kal thui lo.




Ka let vat a, U Tluangi pawh a lo thleng chiah, gate bulah kan in hmu a, "I va tho hma ve" a ti a, "Nia.. ka muhil theilo a" "I damlo ami, I hmel a va diklo ve, i chak loh hmel lutuk a nia" a ti leh a, "Um.. ka lu hi nizan atang khan a na a, damdawi ka ei lah khan min chhawk mang silo, vawin chu inah ka hahdam anga ka tha leh mai ang" ka ti a. Inchhungah chuan kan in zui lut a, rawng a bawl lai chuan dawhkan ah ka lo thu a, ka nuamlo tih hria in engmah min tih tir duh lo. Nicholas-a te hmel hmuh tur a la awm lo bawk, nizan khan engtinge a awm zui ka hrelo a, mahse Cindy kha hetah a riak tih ka hria. U Tluangi chuan thei tui min pe a, ka in nghal vat. Ka lu chu a hma aiin a rawn na a, ka tha a khur der der bawk. U Tluangi bulah engmah ka sawi duh lo thung, a hlauthawng vak ang tih ka hlauh vang a ni.




U Tluangi hnenah ka room lama ka chho tur thu ka sawi a, awm hahdam turin min lo ti ve luam bawk, ka room ah ka lut chiah chu khum ah ka mu thla hnawk a, ka chau nghulh mai, engvanga hetianga awm nge maw ka nih le, ka chhungril a khur der der bawk nen ka awmdan chu a nuamlo tih bakin ka sawifiah thiam lo. Ka lo muhil a ni ngei ang, ka harh leh chuan dar 8 a lo ti leh tawh, darkar khat vel ka muhil a nihchu, ka tho chhuak a, ka inbual hnuah inhnuai lamah ka chhuk leh a, choka ka luh chuan tumah an lo awm lo, khawiah nge U Tluangi hi a awm le?.. In hnung lamah ka chhuak a, huan a siam a, eng eng emaw chin ve te ka duh, Nicholas-a nen ka in neih hnu khan ka buai bawk nen ka la ti thei ta lo a, tunah chuan buai zual pui a reh tawh bawk a, han ti tak tak ila nimai.




Inchhung ka luh leh hnu chuan U Tluangi chu bathroom atang a rawn chhuak ve mek a, a inthiar a ni ngei ang, "Ka dam chian veleh in hnung lamah sawn thlai ching ila, a lei saw a tha sia, sawtia awm tawp tur saw chuan a uiawm emai" ka ti a, "Aw.. i duh phawt te chuan, karleh lamah i hman chuan a ti chi viau ang" a phur hmel hle, "Chaw I ei duh tawh em, chaw ei ka hman tawh ania aw" a ti a, "Aw.. a pawi miah lovang, ei rual nghal mai ila" ka ti a, "A ngailo, keichu nakinah a nimai" a ti deuh tlat a, "Mahni chauh a ei ai chuan a nuam zawk, kan ei rual dawn nia" thleng chu kan pahnih ta turin ka la chhuak a, ka ril chu tamlo tak a ni, mahse damdawi ei leh ka duh vangin chaw tlem tal ka ei a ngai. Bar hnih thum vel bak ka ei theilo, U Tluangi ei lui tura min tih pawn ka ei luih theih tawh loh thu ka hrilh ta tawp a.




Kan thil ei na vel kan tihfel lai chuan choka ah Cindy-i a rawn lut hlawl a, Nicholas-a shirt a rawn ha a, U Tluangi chuan mak tih hmel deuhin a lo en a, "Thei tui ka in duh, min lo pe rawh" U Tluangi bulah chuan a ti a, "I duh a nihchuan nangmah in in siam ve mai rawh, kan buai tih i hrethiam ve maiin ka ring" ka lo ti a, U Tluangi fridge lam pan tawh chu lai deuh in a lo ding a, "Engvangin nge kei hian ka tih ang, awmpui an awm reng alawm" a va han zaklo mai mai tak aw, tu ah nge maw a lo in ngaih chiah ni, "U Tluangi hi awmpui I ti a nihchuan nanghi enge i nih ve, he inchhung ah hian thu nei lo ber chu nanghi I ni, chuvang chuan u Tluangi hi i duh duh danin tirh kawi tum suh ang che, nang aiin a upa daih tih hria la, zah takin be tawh bawk ang che" ka ti a, a thinrim hmel chu a sen tawn tawn thei.




"I va zaklo ve, engvanga khatiang a min ṭawngkhum ngam nge i nih?" a ti hlar a, ka lo ner nang, "Engvangin nge ka tawngkhum ngam loh ang che, he inchhung a nu ber ka nih hi, nang erawh Nicholas-a hmei mai mai I ni, chuvang chuan bengchheng siam vak suh" ka ti a, a kut khur dar dar in min kawk a, "Hre rawh, nanghi Nicholas-a hian engah mah a tilo che, a chhungten nei turin ti lo che se chu a nei ngai lo ang che, a nupui tak tak I nilo tih ka hria, chuvang chuan he in chhungah hian thu neih tum buai vak lo mai rawh, tun atanga reilote hnuah he inchhung a thu ber hi ka la ni vat dawn, Tluangi thei tui chu min rawn lak rawh" a ti fiak that a, "I duh chuan nangmah in in lak mai rawh" ka lo ti chang ve fak, nep viau tura min ngai a nihchuan a ti sual hle ang, Nicholas-a nen hian nupa tak tak angin khawsa lo mah ila, he inchhung a nu ber ka nihna a bo chuang lo.




"U Tluang, lo va chhuak lawk mai ta che" ka ti a, a ni pawh hian Nicholas-a nen a kan inkar hi a hrethiam tih ka hria, mahse engmah min zawt ngailo. "Cindy ka thusawi hi chiang takin lo ngaithla rawh, Nicholas-a nen hian nupa tak tak angin kan khawsa lo a ni maithei, mahse chumi avang ringawt chuan he In chhung ah hian thu neih na ka neilo tihna a nilo, keihi dan ang taka a nupui ka nih chhung chu he inchhung a nu ber ka ni tihna a ni a, thu neih na pawh ka nei tih i hriatthiam ka ring, chuvang chuan U Tluangi hi i duh ang ang a i tih hi ka phal reng reng lo, mamawh I nei a nihchuan nangmah in in ngaihtuah chawp mai rawh, puitling I ni tawh, thil te ber atanga lian ber thleng in nangmah in I in ngaihtuah thei vek tawh" ka ti leh a, ka tawng rin hran lo.




"Nang khan engtinge khatiang khan min ṭawngkhum ngam zawk, keihi Nicholas-a hmeichhe duh awm chhun ka nih hi" a ti that a, "Ka ring chiah lo, Nicholas-a hian duh tak tak che nise hetiang mai mai hian a tih che ka ringlo, nupui nei chungin a kawp che tih chu ka hre teh meuh mai, mahse han ngaihtuah chiang teh, nanghi duh tak tak che nise kei min neih hma khan engvangin nge nanghi nupui ah a neih mai loh ang che, mipa a ni a, mipa pangai mai pawh nilovin mipa puitling mahni a thutluk na siam thei khawp a hlawhtling a ni bawk, a chhungte hnenah khan kei min neih duh loh thu sawiin nang zawk a neih duh thu che kha a sawi thei reng, mahse chutiang chuan a tilo, a chhan chu maw nanghi chu kawp kual mai mai atan bak a tih loh vang che a ni" ka ti ta sak a.




"Hmeli" tih pahin ka samah rawn tham a rual ta mai, keipawh chuan ka lo khawih let ve vat a, kei aiin a te deuh a, min hneh lo lutuk, ka sam ah chuan a tha tawp in a kek a, ka lu a lo na sa bawk nen ka l ulei te chu a sa hum hum hial in ka hria, a sam ka tham na chu la sawn in tlem in ka nawr deuh a, a tal nasat lai chu chuh in a hmaiah ka hnek ta sawk a, a te nghal that, min thlah chiang teh a sin. A hmai chu a dawm vang vang a, ka tha tawp a hnek ka ni bawk nen ka kut chu a na ve det, a mittui a la tling par zui, ka lu hai lutuk chu ka pai leh khat a, dawhkan ah ka in vuan hman hram, "Engthil nge in tih kha?" tih ri ah chuan choka pawn lam chu kan en rual thawt a, Nicholas-a hmel rum zet chu ka hmu nghal zat bawk.




"Bawih, Amelia-i hian tawngkam mawi lo tak tak in min tawngkhum a, Tluangi hnenah thei tui min pe turin ka ti a, mahse a lo dang a, Tluangi pawh choka atang a chhuah tir hmak bawk, i hmei ka nih thu leh he in a thu ka neih ve loh zia te min sawi khum a" a ti nghal zat zat a, "Engvang chutiang thu saw chu nge i nih?" thinrim zetin min rawn en a, hlauh na chhete mah ka neilo. "Thudik lo ka sawi chuang em ni? nupui nei chungin hmeichhe dang i kawp a, hmei a nih mai lovin enge a nih ang?" ka ti a, "Ngawi hmak rawh, a ni hi ka bialnu a ni tih hria ang che, a hming maia ka nupui I ni a, chuvang chuan he inah hian thu neih tum buai duh suh, Cindy hi a duh duh danin a khawsa thei, engmah sawi buai theih I neilo, chuvang chuan i huang chin hre tawh ang che" a ti ta hrawk a.




"A tha alawm, i duh ang chuan le, he in hi nuam tihna pawh ka nei chuang lova, in duh ang ang chuan han khawsa ta poh che u, mahse thil pakhat hria ang che, in pahnih hian ka ten dun lutuk che u, pakhat lah mi pasal a ni tih hre reng chunga thlah tum chuang lo" tih pahin Cindy chu ka en a, a meng rum khawp a, nichin a ka hnek na kha a sen deuh hlar bawk, inthiam loh na chhe te mah ka neilo, min khawih hmasa tu zawk a ni a, a chan tawk a hmu ah ka ngai hmiah. Nicholas-a chu ka en veleh a, thinrim insum tih hriat zetin min melh run a, ka nuih sak, "Pakhat lah in nupui a nei tih hre lek lovin a nupui nen a an chen dun na in ngei ah a hmei nu hruai in nuam an tawl dun a nia, in kawp tur awm tawk tak in lo in kawp a nihhi, nanghi anga inhmeh hi an awm leh tawh kher lovang, mihring lerh leh awm tha duh lo, a hmeichhia zawk mipa tello a awm theilo, chutiang bawkin a mipa zawk pawh, hmingchhiat hlau em em si a hmeichhe dang chhuah pui reng" ka sawi zo chiah chu ka biang a ri nghal sawk.




Ka lu lo hai sa bawk nen chutia mipa tha ngah tih hriat takin min han beng chu ka beng a kiu vawng vawng thei hial, U Tluangi chu choka ah a rawn lut a, min ngaihtuah hmel zetin ka bulah chuan a rawn ding nghal, ka biang chu ka dawm a, "Ka thusawi chu i va ngai haw awm ve, thudik ka sawi mai a nihkha nge nia thudik hriat chu hreawm I ti zawk?" ka ti tuar a, ka pian a hnu lamah tuman kut min la thlak ngailo, chutia kut ka tuar chu ka rilru a na nghal vawng vawng bawk. Nicholas-a chu ka melh ngar a, ka lu hai lutuk chu ka thing deuh nawk bawk, a bula Cindy nui hmel ka hmuh chuan sawi sak hrep ka chak hluah hluah bawk, "Tawngtam viau suh, hmeichhe tawngthei lutuk, ka nundan ah hian engmah sawi theih I neilo, tun atang chuan tunge I nih chiang tawh ang che, khatiang khan vawikhat mah min ṭawngkhum tawh bawk suh ang che" Nicholas-a chuan a ti zawi sup.




Kut min thlak chu a in thiamlo ve deuh niin ka hria, oh.. Engvangin nge maw a in thiamloh tehlul ang ni, a ni ang mipa sual leh mahni hmasial lutuk hi a in thiamlo lul lovang, "Ramnunpui, hre rawh, nanghi ka then dawn che, i bulah hian ka cheng reng peih reng reng lo, vawinah ka chhungte hnenah ka kal anga, inthen ka duh thu ka sawi ang, eng ang pawn kan in then chu rem tilo mahse nang neih reng che hi ka peih lo, hmei I neih thu sawi a tul a nih pawhin i lak ata hla taka ka awm theih na a nih dawn phawt chuan ka sawi mai ang, ka chhungte hian an fanu pasal in hmei a neih thu an hriat chuan an fanu duhdan chu an pawm vek ang, chuvang chuan i chhungte bulah kan in then tur thu lo sawi ve ang che, tichuan he i hmei nasa zet mipa tel lova awm theilo nen hian nuam chu in duh tawk in in tawl dawn nia" ka ti a, a mit ah chuan eng emaw a lang zawk a, mahse a reilo, ka lu hai nasat tawh em avang chuan u Tluangi chu ka chelh nghet sauh sauh a, "U Tluang, room ah min han hruai lawk mai ta che" ka ti sep a, ka pen sawn tur chiah chu ka mit deuh sulh, U Tluangi'n min ko chul ri chu ka hre hla tial tial bawk.


Cont....



Monday ah chapter thar a awm ang aw...


Show post links
Top

[Ngaia]

Chapter-10



Amelia Lalnuntluangi POV




Ka harh leh chuan khumah ka lo mu reng tawh, ka tho chhuak thei mai lo, tumah hmuh tur an awm lova, Nicholas-an ka biang ah min beng zo chiah kha engmah hrelo in ka tlu zawm nghal kha ania, mit ka chhing vang vang a, ka hriat theih chin ah kut min thlak hmasa ber tur a ni, ka haw takzet. Kawngkhar lam a ri rek a, tho chhuak lovin tunge lo lut ka en chuan U Tluangi a lo ni, "I lo harh tawh maw, doctor in I taksa a chak lo a ti a, chawlh hahdam I mamawh tih a sawi a, chuan thil ei tha turin a ti bawk che" a ti zung zung a, "Doctor lo kal lai pawh ka lo hrelo a" ka ti sep a, ka tho chhuak tur chu min rawn pui nghal vat bawk. "A zialo hle mai, U Nicholas-a kha a tal buai asin aw, min vin nghek lehnghal, khatiang taka a hlauthawng kha ka la hmu ngailo" a ti leh a, min ngaihsak tak tak lo tih ka hrechiang em a, engah mah ka ngailo.




Kut min thlak vang khan ka lu hai a zual a, khatiang khan kut min thlak lo nise ka tlu lo tawp ang, "Buh hawp ka siam sak che a sin, ka zuk la lawk ang" tih pahin room atang chuan a tlan chhuak leh a, ngawi rengin khumah chuan ka thu char char a, ka biang a ben na chu ka khawih a, a la na deuh vawng vawng mai, kut min thlak tih hi ka theihnghilh mai mai lovang. U Tluangi chuan buh hawp chu ka hmaah a rawn chhawp a, ka lo ei nghal vat, tlem te chauh ka ei thei, Doctor in damdawi eitur a min chawh chu U Tluangi chuan min lak sak a, a chhuah hnuah keipawh chu ka mu tha leh a, ka damdawi ei vang nge ka mit chu ka meng hleithei lo, reiloteah ka muhil nghal a, ka biang chul tu an awm tih hriat takin a za deuh mer mer a, ka la meng theilo.




Mahse a tawp mai loh vang chuan peih lo zetin ka meng chhuak a, Nicholas-a nen kan in melh nghal ran a, ka biang ah chuan damdawi ni awm tak hi a lo hnawih a, ka thle sawn nghal vat, "Min khawih suh" au nghek ka duh nen ka hrawk a in hnawh tlat a, zawi te bakin ka sawi theilo. "Ka hnawih zo tep, lo tuar lawk rawh" dam dap in a ti a, ka ner sak, "Min khawih lo mai rawh, hmuh pawh ka hmu peih lo che, ka room atang hian chhuak vat rawh" ka ti hmak a. A in thiamlo ve deuh chuan ka hria, "Kutthlak lo tur che ka ni tih ka hria, ka tihpalh a ni, khatiang thil kha a thleng nawn leh tawh lovang" a ti sup a, "Thleng nawn dawn tawh lo reng e, a chhan chu i hnenah hian ka awm tawh dawn loh vang in" ka ti leh a, ka thinrim lutuk chu au chhuah nghek ka chak, mahse ka taksa a la chak lo em a, ka aw pawh a chhuak tawk tawk a ni.




"Aih.. khatiang thu kha sawi suh, ka tihpalh a ni ka tihkha, chuan kan in then lo bawk ang" a tih chuan ngeiawm zetin ka lo nui hak a, "I thu thu a min tih tum suh, hmeichhe kut thlak hreh lo mipa nep tak bulah hian ka awm reng peih i ring a nihchuan i ti sual hle ang, i hria em, mihring zahawm na nei ve tho ka nihhi, i hmei awm lai ngeiin he in a thu neihna ka neih loh zia i sawi a, kut min thlak hial bawk, mipa diktak pawh i lo nih hrep loh hi, ka chhungte bulah engkim ka sawi vek dawn, reilote pawh I bula awm hi ka peih tawh lo, I sawi ang ngei in he in a thu neih na neilo, i nupui lem mai mai hi ka chhuak ang, chuan i hmei nu ngei kha i nupui atan I la lut dawn nia, in pahnih khan in duhtawk in nuam lo chen rawh u" ka ti a, tlem chuan ka au ring ve thei ta deuh.




"Chutiang thu sawi suh, ka then dawn lo che, khatiang thil kha vawikhat mah a thleng nawn leh tawh ngailo ang" a aw chu a nghet tha cherh chawrh hle, mahse a thu zawm chu ka tum lo nasa, ka tihtur ang chu ka ti tho ang, "Khatiang thu I sawi vang khan thil a danglam phah dawn lo, thil thleng tur ang chu a thleng vek tawh, chuvang chuan min dan buai tum duh suh, ka thil tih tum chu ka ti dawn tho tho, chhuak rawh i hmel ka hmuh hian ka chau zual" luhlul zetin ka ti a Min en vawng vawng a, min hnial in sawt na a nei dawn lo tih a hria nge, room atang chuan a chhuak nghal daih bawk. Khum atang tho chhuak in bathroom ah in tifai turin ka lut a, ka chhuah leh hnuah ka thawmhnaw hak tur ka la chhuak a, ka bag ah chuan ka phone te khung in ka car chahbi ka ban nghal zat bawk, ka ti ang ka tihchu tih ngei ngei ka tum bur, inhnuai lamah ka chhuk a, Nicholas-a chu sitting room ah a lo thu ran a, min hmuh chuan a tho chhuak hluai a, "Khawiah nge i kal dawn?" a ti sup bawk.




Chhang buai peih lovin kawngkhar pui lam chu ka pan nghal a, ka chhuah hma chuan min rawn man hman, "Khawiah nge i kal dawn ka tihchu" a ti nawn leh a, "Ka sawi chian tawh kha, ka chhungte hnenah in then ka duh thu ka sawi dawn, nangpawh i chhungte bulah lo sawi rawh" ka ti a, "I kal lovang, kan in then dawn lo, he in atang hian i chhuak hlek lovang" a ti hrawk a. "Min vin hlek suh, min vin tur hian ka engmah i nilo, chuan ka kal ang, min dang tum buai duh lo mai rawh" ka ti a, "I kal lovang ka tihchu i hria em?" a au thawt a, U Tluangi chu hlauhthawn hmel takin choka atang a rawn chhuak a, "I taksa a chaklo, chuvang chuan i room ah chawl hahdam rawh" dam deuh zawk chuan a ti leh a, a va han thulo ve chiang tak, ka duh leh ka chawl hahdam anga a sawitur pakhat mah a awm lo.




"Min ngaihtuah ber awm ang khan awm lo mai teh, kut hial min thlak a nihkha, chuvang chuan ka thiltih ah hian rawn in rawlh suh" ka ti nghek a, ka phone a rik avang chuan ka kut a vawn beh chu ka thing a, a la thlah duh mai lo zui. "Min thlah rawh, enge i hriat a?" ka ti that a, muangchang chuan min thlah a, ka phone ka lak chhuah chuan ka nu a lo ni, ka la nghal vat a, ka nu aw ka hre chiah chu ngaihthat loh na in min rawn luah khat nghal, "Nu enge thleng han sawi teh?" ka ti a, "Bawihte, I pa, a office chhungah nikhaw hrelo in an hmuh thu min rawn hrilh a, tunah i nau nen damdawiin lam kan pan mek, I hman chuan rawn kal ve ta che" a ti a, a mangan zia chu hriat hmaih chi pawh a nilo.




"Awle.. ka lo kal nghal ang, nu lo hlauthawng suh, ka rawn thleng vat dawn nia" ka sawi zawh rual rual chuan phone ka dah a, pawn lamah tlan chhuah ka tum chu Nicholas-a bawk in ka kut ah a rawn man leh, "Enge i hriat a, min thlah rawh, kalna tur pawimawh ka nei" ka au tuar a, "Enge thleng, thil diklo a awm a mi?" a ti a, "I buaina tur a nilo, min thlah vat rawh" tiin ka kut chu lak let mai ka tum a, mahse a thlah duh thak lo, "I sawi hma chu ka thlah dawn lo che, enge thleng sawi rawh" a ti nawn leh sup a, ka hmanhmawh tawh bawk nen tawi khawmuang chi ka nilo, hepa lah hian min thlah a tum bawk silo nen "Ka pa nikhaw hrelo in a awm, damdawi inah ka kal vat angai, chuvang chuan min thlah rawh" ka ti a, ka tap lek lek hial tawh.




"Kan kal dun dawn nia, khatiang kha chuan motor khalh chi pawh i nih loh kha" tih pahin a mah zawk chuan min kai chhuak a, hnial pawn ka hnial lo, a motor ah chuan ka chuang lut a, tawi khawmuang lovin kan kal nghal a, damdawi in chu kan thleng har ka ti ngei mai, Nicholas-a hnenah chuan tlan chak turin ka tur deuh sek bawk. Damdawi in zawna motor a tih ding rual rual chuan ka chhuak nghal, damdawiin chhungah chuan ka tlan lut a, nurse pakhat in min hmuh chuan min lo be vat, damdawiin hi kan ta a ni bawk nen min hre hlawm viau a, ka pa awmna lamah chuan min hruai a, ka nu te chu pawn lamah ka nau nen an lo awm a, ka nu in min hmu chiah chu a thlamuang hmel sawt in ka hria "Nu enge thleng, ka pa chu khawiah nge?" ka ti nghal sawk sawk a.




"Doctor ten an check mek, an zo tep ang" a ti a, a hmel chu a mangan hmel hle, ka nu te bulah chuan ka thu thla a, reilote hnuah Nicholas-a chu a rawn lang ve nghal a, kan kal rual tih ka lo hre leh pek tawh lo, ka nu nen chuan an in bia a, kei erawh ka pa an check mek chuan min ti mangang a, ka lo vei tawn sek, "Bawihte, thu hahdam rawh, i pa chu a tha leh vat mai ang" ka nu in a ti a, mahse ka awm hle hle thei chuanglo. Doctor a lo chhuah chuan ka pan hnai vat, chanchin te chu kan zawt nghal a, test neih a ngaih thu a sawi a, kan hmuh theih leh theih loh ka zawh chuan hmuh a lo rem ti ve mai a, mahse a la harh lo tih min hrilh bawk. Room chhungah chuan kan lut a, ka pa chu khumah a lo mu bam a, kan in hmu khat bawk nen a hmel ka hmu chiah chu a cher deuh riau in ka hria.




Ka pa, pa ah pawh pa chak tak, damlo ve mai mai ngailo kha hetia damdawiin khum a ka han hmu mai chu ka rilru a na vawng vawng a, ka pa kut ah chuan vuan in a hmel chu chiang zetin ka en a, "Nu ka pa hi a va that loh hmel ve, a hmai te hi a dang bawk si" ka nu chu en pawh en lovin ka bia a, "Nia.. tun hnai chu a nawm loh thu a sawi ve zeuh zeuh thin a, a hrisel tha bawk nen kan lo ngaihtuah lo deuh a ni, hna a thawk rim si a, hahdam a mamawh a nih ka ring" a lo ti ve sup sup a, "Nia.. hetia han en mai pawh hian a chak loh hmel lutuk" ka ti leh a, ka nau chu ka bulah a lo thu a, "U... ka pa chu a dam tha leh vat mai ang, a damlo ve mai mai ngailo a, hahdam a mamawh a ni ang" ka nau chuan a ti sup a, "Nia.. lo harh se, ka hau hrep ang, hna a thawk nasa bawk si, a upa tawh bawk nen a taksa in a zo lovang tih te ngaihtuah hmasak ve tur ania" ka ti ve a.




Ka pa lo harh hma chu tumah kan tawng leh tawh lo, Nicholas-a pawh chu ngawi rengin a lo awm a, ka pa a rawn harh a, "Pa i harh tawh maw, na te I nei em, Matthew doctor va ko rawh" ka ti nghal zung zung a, "Ka tha tawh lutuk" a ti a, "I chau a nih te chuan hna thawh hah loh mai tur che ania, I taksa in a tlin loh bak bak hna I thawk a, chuvangin hetianga awm hi i nih ka ring, tun atang chuan rim deuh a hna I thawh ka remti tawh lo ania" ka ti leh mawlh mawlh a, "Ka hria e, ka tha tawh lutuk min ngaihtuah duh suh" a sawi zawh rual chuan doctor a rawn lut a, ka pa chu a check nghal zung zung. Ka pa chu admit a ngaih thu leh naktuk lama test nei turin a ti a, ka pa chuan a lo hnial a, mahse ka nu leh ka nau te nen ka tih luih tak tlat ah chuan a pawm ve ta hram.




"Nu ka pa chu keiman ka lo awmpui mai ang, ka nau nen hian haw ula va hahdam rawh u" ka ti a, Nicholas-a chuan min rawn en vut tih ka hria, ka dam tha lo tih a hriat vang pawh a ni mahna, mahse ka hrelo der hmak thung. "Nilove, va haw zawk rawh u, i pa chu keiman ka awmpui thei alawm" ka nu nen chuan ka pa awmpui kan in chuh a, "Ni e.. kan va haw phawt anga, naktuk lamah kan lo kal leh zawk ang, Amelia-i pawh hi a dam tha lova" Nicholas-a chuan a ti a, chutia ka damlo tih a sawi chu tul ka lo ti lo hle, "Ni e, va rawh rawh u, Bawihte i chauh hmel bawk si, naktuk lamah min rawn awmpui zawk dawn nia" ka pa pawh chuan a ti a, lung si zan lovin ka pa room atang kan chhuak a, damdawiin kan chhuahsan fel chiah tihchuan ka ding a, "Lo va haw rawh, zanin chu ka nute in lamah ka riak dawn" ka ti sep a, amah pawh ka en chuanglo.




"U tlangval ka nih tawh hi, keimah pawhin ka awm hreh hleinem, va haw zawk rawh u" ka nau chuan a lo ti vat a, "A ngailo, nangmah chauh a awm tur chuan ka ngaihtuah che, zanah te I lo chhuak ru palh ang" nui chungin ka tihchuan a lo duh lo nasa, "Chhuah na chhan tur ka neilo" a ti hmuk a, a lungawi lo hle aniang a tum nasa em mai. Ka nau en a kan nuih hak hak lai chuan "Kan in lamah rawn riak phei ve zawk ta che, kan in lamah pawh i rawn la riak hleinem" Nicholas-a chuan a ti a, "A ngailo, ka nau nen hian kan haw mai ang, nangpawh hnathawh tur I nei ang, kal tawh zawk rawh" ka lo ti vat a, Nicholas-a in lama let leh ka tum lo bur, ka pa dam that veleh in then ka duh thu ka sawi bawk ang.




Ka nau chuan Nicholas-a nen chuan min en tawn zak zak a, "U a ngailo tak tak alawm, bakah i pasal hi I tello te chuan a mu thei nang" nui chungin a ti a, a hnungah ka beng pawp, vawikhat mah khum kan la in tawm lo tih hi hria se chu khatiang thu kha a sawi tawp lovang. Nicholas-a lah chu a lo nui ve suk suk lehnghal, "Haw tawh rawh, Matthew taxi hman tur lo zawng la" ka ti ta daih a. Nicholas-a chu a thaw deuh hak a, luhlul min tih hmel fe in min en ran bawk, ka haw dawn lo ka tihchuan ka haw dawn lo a ni tawp mai, eng ang pawn min ti lui mahse ka haw dawn chuanglo. Matthew-a chuan taxi a phar ding a, ka chhang lut nghal a, Nicholas-a erawh a din na ngaiah a la ding ran thung, kan tlan liam dawn chuan ka en leh zeuh a, min lo en zui ve reng, ka nau nen chuan ka pa chanchin kan sawi a, a that hram kan beisei a ni.




In kan thlen chuan ka room thin lam chu ka pan nghal a, ka chau lutuk, ka khua lah chu a sik deuh ser ser lehnghal, khumah ka bawk thla thlawp a, ka muhil zui nghal. Ka harh leh chuan khua a lo thim deuh ruih tawh, room atang ka chhuak vat a, choka laab chu a rik deuh rek rek avangin ka lut a, ka nau leh Nicholas-a te chu an lo buai dun hle, "Enge in tih?" ka tihchuan an phu deuh zuk a, "I lo harh tawh maw, i room ka lo luh khan i muttui hmel sia, ka kaitho duh lo che a nihkha, U Nicholas-a hi kan inah riak turin ka sawm a, chaw ei kan peih tawh ania, i riltam tawh em?" ka nau chuan alo ti zung zung a, chhang mai lo chuan Nicholas-a chu ka en a, min lo en va ran a, engvanga heta rawn riah tum ve ngawt nge maw a nih le?.. "Tinge riak tur a I sawm kher, zan lamah pawh hnathawh tur a nei reng thin sia, i tibuai mai mai" amah melh ran chung chuan ka ti a, ka sawi awmzia chu a ni hian a hrechiang khawp ang.




Zan lamah te chuan kha a hmei nu nen khan nuam tawl in a buai thin viau reng a nihkha, "U Nicholas-a I buai viau em ni?" ka nau chuan a ti a, "Buai love, ka nupui a lo riah dawn phei chuan lo riak ve ngei ngei tur ka nia lawm, a dam tha silo a" min ngaihtuah awm ang taka a tawng te hi ka ngaithla hne. Ka ner sawk chu a hmu a niang, a nui deuh suk a, "Chaw ei ang u" ka ti a, chaw kan ei lai te chuan ka nau nen an in be leh zeuh thin a, kei erawh ngawi rengin chaw ka ei thung. Kan ei kham chuan engmah ka tih an phal loh avangin sitting room lamah ka awm a, ka phone ka hmet mual mual bawk, ka nau nen choka atang an rawn chhuak a, ka lo ngaihsak lem lo, Thakimi nen kan in bia a, ka pa chungchang te chu ka hrilh ve a, naktuk lama a lo kal tir thu a sawi a, ni e, lo kal ve tak teh se.




"U tunge I biak a, i nuih deuh sen sen a?" ka nau chuan a ti a, "Hriat ve chi loh" ka lo ti zeuh a, ka phone bawk chu ka en lehnghal, Thakimi nen chuan thil dang dang kan sawi a, a class naupang ten lehkha an thiam loh hlawm zia te chu a rawn sawi a, kan in biak zawh chuan ka phone chu ka hmet thim a, ka nau te in khel en tum a ka hawi chhuak chu Nicholas-a ka hma zawn a thu ka melh zawk a, tak ngur hian min lo melh reng a nihchu, tv lam chu ngaihsak ang pawn a lang lo, en rei duh lovin tv chu ka en ta daih a, in khel tih vel hi chu ka tui na lam a nihloh vang hian en pawh ka en ngailo. Ka thut na atang ka ding hluai a, "Ka mu dawn ania" tiin room lam ka pan nghal, ka hmai te ka phih fai zawh hnuah khum ah chuan ka lawn kai a, puan sin tha in muthilh tumin ka mit ka chhing nghal.




Chhun lamah ka muhil tawh bawk nen ka muhil theilo hrim hrim, muthilh ka tum poh leh ka harh telh telh. Ka lehkhabu dah na lamah chuan ka kal a, lehkhabu pakhat chu la chhuak in khum lamah ka let lehnghal, khumah thu mu in lehkhabu chu ka keu a, ka chhiar tui ta phian a. Nicholas-a nen kan in neih khan ka lehkhabu tam zawk chu ka hnutchhiah a, tlem te chiah ka keng a, mahse chhiar na hun ka neih loh em avangin ka la chhiar leh lo hrim hrim, "I va chhiar tui hmel ve" ka beng zawnah chuan mipa aw in a rawn ti thut a, ka phu chiang teh a sin, khum atang ka la tla thla tep zui, ruk zetin ka melh chho a, nuih za in sum hmel fe in min lo en ve ran bawk. "I mawl a mi, engvanga khatia rawn ti nge i nih?" ka ti a, "I chhiar tui lutuk a ka rawn luh lai i hrelo mai mai a nihkha" a ti sup a.




"Enge ka room ah hian i rawn tih?" a thaw chhuak hawlh a, "Mu turin ka rawn kal a nihhi, sana khi en la mut a hun viau tawh bawk" banga sana in tar chu a en zeuh a, "Room dangah va mu rawh, ka room ah hian i rawn mut ve ka duh reng reng lo" min melh chhuk run a, "Nupa kan nihhi, chuan kan pahnih chauh in kan awmlo tih i hriat ka ring, room hran a kan mu a nihchuan i nau in mak a ti dawn lutuk asin" a ti sup a, "Ka nau chu a room ah a awm dawn a, engmah a hre lovang, chuvang chuan ka room piah saw a awl a, sawtah sawn va mu rawh" ka ti leh hmak a, "I nau a la mu lo, in khel a la en dawn chauh" a tih leh chuan "Inhnuai ah a lawm a en tho, va mu mai mai rawh.." a nui hmel ka hmuh chuan ka tawng lai ka tawp chawt.




"I nau nen a in room inkar sitting room ah zawk hian a nia in khel chu a en" a ti takah chuan khum atang ka tho a, kawngka ka hawn chuan ka nau tv en a lo thu ka hmu nghal zat, nge maw zanin a tak a sawlai ah kher in khelh en a tum, zan dang ah te chuan in hnuai lamah a en ziah kha a nia. Kawngka chu ka khar leh a, "Thutthleng ah hian mu ang che" ka ti a, "Nupa alawm kan nih, Engvangin nge khum awm reng laia a hrang a kan mut kher ang" tih pahin a kawr hak chu a phelh a, a kekawr pawh a phelh nghal zat bawk, boxer nen chuan ka khumah a in thlawh a, "I va zaklo ve, engvanga ka khum ah mu ve ngawt nge i nih? tho la thutthlengah sawn va mu rawh" ka tihchuan hria ang pawhin a awm lo, a mit chu a chhing hmak a, ngaih na hrelo lutuk in ka en mawl tawp.



Zawmna




In her hmak in khaw vawh deuh changa ka puan sin thuah thin ka dah na bawm chu ka hawng a, pua chu ka la chhuak nghal, a duh leh khumah mu rawh se, a bulah ka mu dawn lo hi a ni tawp mai. Thutthleng ah chuan puan chu ka dah a, sin turin ka pharh nghal bawk, ka che vel chu min en reng tih ka hria, ka mu fel chiah tihchuan khum atang a rawn tho chhuak a, "Khumah sawn rawn mu rawh" a ti sup a, ka hrelo der hmak, "Ka sawi nawn tawh lovang khumah sawn rawn mu rawh, a nihloh chuan tih luihna hman pawh ka hreh hauh lo a nia" a ti nghet leh charh a, hrelo der hmakin ka in let a, vawileh khatah min rawn pawm kang nawlh a, "Enge i tih a, min dah thla rawh" tiin ka tal nghal vak vak a, ka tal na te chu engah mah ngailo in khum ah chuan min pawm phei nawl nawl a, min nghat thla nghal zat bawk, rang lutuk in min rawn bawh bet a.




"Enge i hriat a, tho rawh" ka ti a, a awm ah chuan ka chum nghek nghek bawk, "Awm tha mai mai rawh, Engthil dang mah tih ka tumlo, I dam tha lo tih hria la, hahdam tum rawh" a ti a, "I bulah hian ka mu dawn reng reng lo, tho rawh, i duh chuan khumah hian mu la keichu thutthlengah ka mu thei tho, tho rawh ka tihchu mawle, enge i hriat a?" ka ti leh that a, ka room pawn lamah ka nau awm mahse ka tawng ri a hre dawn lo tih ka hria. Ka thusawi ngai pawimawh lo zet chuan a mit a chhing hmak a, "Ramnunpui tho rawh, ka ning a nia, i duh duh a min tih kual tum reng reng suh" ka ti leh hlar a, "Zan a rei tawh, muhil rawh, engmah ka ti dawn lo ka tihkha, hahdam ka mamawh mai a ni, chuvang chuan bengchheng lovin mu hahdam ang" a ti leh a.




"I duh a nihchuan nangmah in mu mai rawh, enge ka nute inah hian rawn riah I tum ve ngawt, tukin zing a ka thusawi kha i hrelo a mi, nge ni a ka fiamthu mai mai ah I ngai zawk, hre rawh, ka thusawi te kha pakhat mah ka fiamthu lo tih hria ang che, nanghi ka then vat dawn che, chuvang chuan min hnaih tum suh, i duh a nihchuan kha i hmei nu bulah khan I mu thei reng alawm, tunah phei chuan i in lian zet ah khan tibuai tu awm lovin in awm thei tawh dawn a, a lo nghakhlel viau maithei che asin, chuvang chuan kan ina tang hian chhuak a, i hmei nu bulah khan va kal zawk rawh" ka ti leh tawn tawn a, min delh tlat bawk nen ka tawng zawng te chuan tan a ngai lutuk a, ka hah vek thei. "Cindy chungchang sawi suh, tunah chuan a ni bulah awm lovin ka nupui bulah ka awm, chuan naktuk ah kan in lamah kan let ang" a ti a, ka va han let awm hlei lo.




"I thu thu hian thil kalpui tum suh, I rualin ka let dawn hlek lo, i nupui ka nih thu te kha sawi lo mai teh, nupui angin min en ngailo a nilawm ni, i hmei nu hmaah tlawm takin min chhuah a, kut hial min thlak a nihkha, kha in, thu neihna ka neih loh na hmun, i hmei nu nen a min hmai zahna nei lek lova in khawsak na inah khan ka rawn let tawh dawn reng reng lo, lawm zawk ta che, ti buai tu che leh ven thawn tur awm lovin in awm dun thei tawh dawn a, oh.. min veng thawng ngai reng reng lo, nangni te chuan engah mah min ngai hleinem, i room lehlam ah dan anga I nupui a awm ve reng tih hre lek lovin i hmei nu nen in khawsa thin zawk tak e" tiin ka nui hak a, min en run run a, min bawh bet na ata chu ka tal hrang a, "Vawikhat mah i duh ang ang a min tih tum tawh hlek suh, i duh a nihchuan khumah hian i mu thei ang, i ina thla thum chhung ka awm chhunga room min luah tir ve manah ka khum hi ka lo kian ang che" tih pahin khumah atang chuan ka tho chhuak a, thutthlengah bawk chuan ka va mu leh a.




Engmah a sawi tawh bik lo, ngawi reng a kan awm tak reng ah chuan ka mut a chhuak tan a, reiloteah ka muhil nghal daih, zing ka harh chuan khum lam ka en vat a, Nicholas-a hmuh tur a lo awm tawh lo. Ka puan sin chu thlep tha in a awm na ngaiah chuan ka va dah a, room atang ka chhuak a, ka nau pawh a lo tho leh daih tawh, eirawng ka bawl lai chuan min pui ve a, "Exer ka la zo kha room atang in pa a lo chhuak a, hna lamah buai na a awm avangin a kal a nihkha, i la muttui bawk nen lo hrilh tur che in min chah a" , a ti sup sup a, engtin mah ka chhang lo, chaw kan ei zawh chuan min tih fel pui leh zung zung a, thawmhnaw hak thlak tur ka keng lova, ka thawmhnaw bawm chu ka hawng a, ka hnutchhiah ho tlem a lo la awm, ka nu in a lo su fai a ni ngei ang, a rim pawh a la dik thlap, ka in bual a, ka inthlak zawh hnuah room atang ka chhuak a.




Ka nau nen chuan damdawiin lam kan pan lehnghal, ka thlen chuan ka pa awmna cabin lam kan pan nghal a, ka pa pawh nimin lam ai khan a lo harh tha tawh a, a hmel pawh hmuh a nuam sawt khawp mai. "Nu test kha dar engzah ah nge neih tur an tih a?" ka ti a, "Zinga doctor a lo kal kha chuan dar 12 ah khan a tia, darkar chanve hnuah chuan a theih tawh mai ang" a ti a, Thakimi pawh a lo thleng a, amah chiah in a lo kal dawn emaw ka tia, ka thiante ho zawng zawng an lo kal a, ka pa chu an be nghal mawlh mawlh a, ka pa pawhin nuam a tih hmel khawp mai. Doctor a rawn lut a, ka pa chu test nei turin room atang an nawr chhuak a, a kal thei tawh tho na in ka thiante hian nawr an duh tlat a, ka pa pawhin a lo rem ti ve mai.




Pawn lamah kan lo nghak thap a, Nicholas-a pawh a lo lang ve hlawl, company lamah a awm ang chu tih laia chutia a rawn kal chu mak ka lo ti ru hle, ka nute (Nicholas-a nu) pawhin zing ah khan ka pa chungchang te chu min lo zawt a, nimin lamah khan ka buai bawk nen engmah hrilh nachang ka lo hrelo a, Nicholas-an a hrilh a nih ka ring ringawt. A rawn thlen tirh atangin ka nu a bia tih loh chu a la ngawi leh char char a, a lungawi loh hmel em em lehnghal. Ngawi rengin min melh a, ka awm a nuam chiah lo, ka nu leh ka nau bulah chuan ngawi rengin a thu a, ka thiante bulah ka thu thung, ka va en leh zeuh thin a, kei min en tawh lovin ka bula thu Chhana chu a lo melh leh ngur tawh a, Chhana hnaih a ka awm hi a lawm chiah lo tih ka hria, mahse enge pawi ka thian mai mai chauh a ni a, kan in karah engmah a awm lo, a ni ve chu ka mit hmuh ngei ah a hmei nu nen an awmdun thin a nihkha.





Ka pa chu an rawn nawr chhuak a, doctor chuan test result chu nihnih hnuah kan hriat theih a rin thu a sawi bawk, room lamah chuan kan let leh a, ka thiante chu an awm rei tawh lo, "Pawn thleng min lo thlah la" an ti a, "Awle, nu ka thiante hi kan thlah lawk ang aw, ka lo let leh vat ang" ka ti a. Room atang kan chhuak tur chu Nicholas-a a rawn tho ve nulh a, a let ve nghal dawn anih ka ring, ngawi rengin kan thian ho bulah chuan a kal ve a, "Kan hman hunah kan lo kal leh dawn nia" Chhana chuan a ti sup a, "Awle, in lo kal a, ka lawm lutuk ania" ka ti a, an kal liam hnuah pawh Nicholas-a chu ka bulah ngawi rengin a la ding ve a, "I kal ve nghal dawn a mi?" ka ti a, "Dawn lo, chho ang" ti nghut in damdawiin chhungah chuan a lut lehnghal nal nal a nihchu.




A hnungah chuan ngawi rengin ka kal ve a, a awmdan chu mak ka ti ru hle, ka pa room ah lut tlang lo chuan doctor kan hmu leh te te a, ka pa chu a chhuah theih tawh mai ka rin nen doctor sawi danah ka pa chu a la chhuah theih hmel loh, "Tlang takin ka sawi mai anga, i pa hi rin aiin a tha lo a, ka rin dan chuan stroke a nei niin ka hria, chuvang chuan damdawi inah hian result chhuah hma chu la awm mahse a pawi lovang, chhuah in duh a nih pawhin a pawi na a awm chuanglo a, in duh dan dan a nimai" a ti a, ka hlauthawng khawp mai, damdawiin ah la awm se ka duh avangin doctor hnenah chuan ka pa chu damdawiin a awm a la ngaih hrih thu sawi turin ka ti a, keini in kan sawi a nihchuan min hnial dawn tih ka hriat chian vang a ni.




Ka pa result chhuah ni a ni a, ka nute in lamah ka la awm ta zel, Nicholas-a chu zantin a rawn kal a, haw tawh turin min rawn ti fo, mahse ka chhang ngailo, ka pa result hi han chhuak phawt se, In then ka duh thu chu sawi la ka tum fan tho. Hetiang renga nun hi ka ning tawh, chu ai chuan tunah hian ti tawp law law ila tu tan pawh a tha zawk ang. Damdawiin ah kan kal a, doctor chu a rawn lut a, kei chu min ko hrang a, doctor office ah chuan kan in zui lut a, thut na tur min kawh hmuh ah chuan ka thu thla a, "I pa test result chu a chhuak tawh a, stroke a lo ni a, a lung thlak vat a ngai dawn bawk, pa hrisel tha tak a nih avangin a lang chhuak har a, tunah chuan a nun na atan a pawi thei tawh tlat, chuvang chuan in dim a ngai dawn a, thu thin thawng tak phei chu hriat tir chi a ni lovang, tha tak angin lang mahse a lan ang ai hian a nasa tawh tlat a ni" a ti a.




Ka thu hriat chuan min ti zawi hnawk thei, ka pa chu a lo tha tawh lo hle tih ka hriat chuan hlauhthawnna in ka khat a, ka chan mai ang tih hlauhna chuan min rawn luh chilh nghal a, ka tha te chu a khur nghal dar dar thei, "Doctor engtia tih chi nge ni ang?" ka aw chu a chhuak thei tawk a, "Damdawi ei tha se, hlauhthawn na tur a awm lo, mahse ka sawi tawh ang khan thu thin thawng tak te hriat tir loh hram hram in tum dawn nia, i chhungte hnenah I lo sawi dawn nia, vawinah in chhuak thei nghal mai ang, la hahdam deuh se hna pawh thawk hrih lo mahse a pawi lovang" a ti leh sup sup a. Doctor office a tang chuan ka chhuak a, ka pa awmna cabin lamah chuan muangchangin ka kal a, a chhung ka luh chuan ka nu in min lo en nghal vat, ka hmel atang chuan thil tha a nilo tih a hria a niang, a hlauhthawn hmel deuh.




Doctor in min koh hran dan atang khan ka pa result min hrilh dawn tih an hrethiam vek a, "Bawihte, doctor chuan enge a lo sawi?" ka pa in a tihchuan chhan mai ka harsat, ka hrawk a in hnawh tlat a, ka chhan hun chu ka chhungte chuan min lo ngaichang ran a, sawi nghal vek ila tha ka tih avangin ka sawi tlang ta tawp a, ka pa chuan a lo hrethiam hle a, ka nu erawh a hlauhthawn hmel hle thung, doctor in kan chhuah theih tawh thu a sawi tho avangin chhuak tur chuan kan insiam a, ka nau in motor a khalh a, a hnungah chuan ka nu leh pa an thu a, seat hmaah ka thu a, tumah kan tawng lo, in kan thleng a, kan chhungte Aizawl lama awm te chu an lo kal khawm a, Nicholas-a leh ka nute pawh an lo thleng phei vat, ka pa chuan result te chu a sawi a, pawi an tih hmel hlawm viau.




Ka pa hi kan chhungkaw tan hian a hlu em em a, chuvang chuan hetiang nat na a nei mai hi tu mai pawh in kan tuar a, min thawng hlawm em em bawk, mahse doctor khan a in enkawl that chuan a hlauhthawn awm loh thu a sawi a, a lung thlak na tur kan hmuh vat a ngai tih ka hria. Kan chhungte an haw darh hlawm a, ka pa pawh a harh tha viau, Nicholas-a pawh a la awm ve ran a, "Bawihte, nangni pawh va haw tawh rawh u, hei ka tha tawh alawm" ka pa in a ti a, "Aih.. ka haw dawn lo, hetah ka awm ve hrih dawn" ka lo ti vat a, "Bawihte, va haw zawk rawh u, i pa damdawiin a a awm hnuah in in lamah I la haw lo hrim hrim tih kan hria a, hei i pa pawh a that em hi, i nau nen kan awm a, pasal nei tawh I ni a, helam a I awm reng kha a mawi chuanglo" ka nu pawh chuan a lo ti ve a, han chhan ngaihna vak ka hrelo, thudik hrilh nghal mai ka duh a, mahse ka pa natna avangin ka sawi thei hrih silo, Nicholas-a lah chuan ngawi rengin min a la en zui.


Cont....

Click kha aw, chapter thar a awm leh vat ang aw...


Show post links
Top

[Ngaia]

Chapter-11



Amelia Lalnuntluangi POV




"Nu.. hetah ka awm hrih ang, ka pa hi dam chiang phawt rawh se" ka la ti talh a, "Chutiang in an ti ngailo, i pa te chu kan enkawl thei alawm, ngaihtuah awm lutuk a nilo bawk a, va haw rawh u" a ti leh bur mai si, "Ni e, Bawihte va haw tawh rawh u, in pa pawh hnaah a buai ang, nangpawh hna i kal ngai miah lo tih ka hria ania, ngaihtuah awm em em ka nih loh hi" ka pa chuan a lo ti dam ve dup a. Haw ka duh lo bur, ngawi rengin ka nu bulah chuan ka la thu reng a, chet pawh ka che sawn eih lo, "Kan va haw phei phawt anga, remchang hmasa ber ah kan lo kal leh dawn nia" Nicholas-a chuan a ti sup a, "Kal ila" min en pah chuan a rawn ti zui lehnghal zat bawk, phur lo zetin ka thutna atang ka tho chhuak a, room a ka bag dah ka lak hnuah inhnuai lamah ka chhuk thla lehnghal.




Ka nu te nen kan in mangtha hnuah Nicholas-a motor ah chuan ka chuang a, a rawn thut luh ve pawh chuan melh pawh ka melh peihlo. Pawn lam ka en vang vang a, in kan thlen hma chu ngawi rengin kan awm a, a ni pawh in min biak a tum chuanglo, in kawt ah motor a ti ding a, ka chhuk nghal vat, kan in chu a in kalh avangin ka bag atang chahbi ka la chhuak a, ka luh chuan a lo thim deuh ruih, current te ka on a, Nicholas-a pawh a rawn lut ve vat, inchung lamah chho in ka in room ah ka lut a, inbual turin bathroom lamah ka lut a, tuiin ka chhip atanga min rawn phuh chiah chu ka harh sawng sawng thei. Bathrobe ha in ka chhuak a, ka khumah Nicholas-a lo thu ka hmuh chuan ka phu zawk, enge maw a rawn tih ni, ka thawm chu hria in min rawn en a, ka chhip atanga ka ke ler thleng chuan min en chhuak vek, ka mur er er in ka hre hial.




"Enge i rawn tih dawn?" ka ti a, min la en reng zui, awmdan mai tur pawh hrelo in bathroom kawngkhar bulah chuan lai zetin ka ding reng ringawt, "Biak lawk che ka duh" a ti sup, "Sawi la" ka tihchuan "Inthlak hmasa phawt rawh" tih pahin khum a ka thawmhnaw hak tur ka lak chhuah chu a melh zauh a, rang lutuk a tlan phei in ka va ban nghal rawk rawk, zathlak lutuk, ka panty leh bra lah chu a hmu chiang em em mai lehnghal. Bathroom ah chuan lut in ka in ha leh sawk sawk a, ka sam chu tuam tha in ka chhuak a, a thut ngai chuan a lo la thu reng, "I sawi duh chu sawi vat la, ka chau riau a, mut vat ka duh a nia" ka ti a, a bul hnai a kal lovin ka dressing table lam chu ka pan nghal daih bawk, "A pawi ka ti, kut ka thlak vang che khan" a ti a, ka lam chu ka en vat.




"Chuzawng chu a mi I sawi duh chu?" ka ti a, "Amelia" a ti sup a, sawi la ti ang hrim in ka mit ko ka lo kan ak, "Kut thlak lo tur che ka ni a, mahse ka thinrim ka in sum zo ngang lo a ni" a ti leh a, "A tha a nihchu, I sawi duh i sawi zawh tawh chuan chhuak tawh la" ka ti a, "Khatiang thil kha a thleng nawn leh tawh ngai lovang, i duh lo chung chu he inchhung ah hian hmeichhe dang ka rawn hruai lut tawh lovang" a ti leh a, "I duh duh i rawn hruai lut thei alawm, engmah sawi buaina tur ka nei lo, a hrim hrim in he in a thu neih na ka neih loh zia min hrilh chiang tawh a, chuvang chuan thu neih tum na emaw ka nei lo, tun a ka lo haw vang hian ka rilru ka thlak tihna a nilo a nia, ka pa dam loh vang chauh a ni tih i hriatthiam ka ring, a hrisel na te han tha deuh se, chumi hnuah chuan kan in then tur thu chu ka sawi ang, hun reilote in lo nghah leh a ngai dawn tihna a nihchu" ka ti a.




A thaw chhuak hawlh a, "Ka thusawi te kha ka thinrim vang chauh a sawi ka ni, ka rilru tak tak a sawi ka nilo" ka lu ka thing nghal nawk a, "Thinrim laia kan thusawi te hi kan rilru put hmang diktak a ni thin, chuvang chuan min ngaihdan ka hrechiang tawh a, I awmdan, i hmeichhe kawp emaw Nangma lam thil hrim hrim ah in rawlh ka tum tawh lo, a hma kha chuan a hming a nupa kan nihna angin ka lungawi loh na te ka sawi thin, mahse tunah chuan engkim a danglam tawh ang, i duh ang chuan nung la, keipawh ka duh angin ka nung bawk ang, mipa dang ka hnaih a nih pawhin sawi buai theih I neilo tih hria la, i hmingchhiat na turin ka che ngai dawn lo tih hre bawk rawh, chuan thil pakhat leh hmingchhiat i hlau viau a nihchuan i hmei nu nen khan in fimkhur deuh dawn a nia, keimah min hrilh lovin in awmdan ah khan fimkhur rawh u ka tihna a nihchu" ka ti leh a.




Sawi tur a hre tawh lo nge a ngawi vang vang a, "Chhuak tawh la, mut ka duh tawh hle a nia" ka tih takah chuan ngawi rengin a chhuak a, ka sam chu ka chhem ro tir a, ka muhil nghal. Zing ka harh chuan a la hma hle, inhnuai lamah ka chhuk a, U Tluangi choka a lo che mawlh mawlh chu ka zuk pawh a, "Awii, I lo haw tawh tih ka hrelo a, ka ngaih hman zia che chu, I awm loh chuan in hi a reh lutuk a" a ti nghal bawrh bawrh a. Eirawng kan bawl dun a, chaw ei hma chuan inchung ah chho in ka inbual nghal, hna kal turin ka in siam a, inhnuai ka chhuk leh chuan Nicholas-a pawh a lo awm tawh, a ni pawh hna kal turin a lo in peih fel diam tawh a, ngawi rengin chaw kan ei a, min en leh zeuh thin tih ka mit sir in ka hmu thei, ngaihsak lem lovin chaw ka ei mawlh mawlh a, ka ei zawh hnuah ka tho chhuak a, ka kut ka sil lai chuan Nicholas-a pawh chu a rawn tho chhuak ve nghal zat bawk.




"U Tluang ka kal dawn a nia aw, ka hmanhmawh deuh a" ka ti a, "Awle, nuam deuhin hun i hmang dawn nia" a ti ve nghal vat, pawn ah ka chhuak a, Nicholas-a chu ka hnungah a rawn kal ve zel, "I rawn haw tlai dawn em?" a ti sup a, "Ka hrelo, lo haw tlai maithei" ka chhang tha ve mai a, car ah lut in ka tlan chhuak nghal. Dawr ka thleng a, an lo buai hle, hna ka kal loh chhung khan Terina nen kan in be reng a, a rintlak bawk nen buai na em em a awm lo thung. Office ah chuan Terina nen kan lut dun a, "Order kan hmu leh nual tawh a, chuan Chhandami khan nangma design kher a duh thu a rawn sawi bawk, a pasal neih naa a lawi kawr tur a nia, duh dan em em pawh a neilo, i design ang ang kha a pawi tih loh thu a sawi a" a ti nghal zung zung a, Chhandami hi Aizawl mi hausa fanu a ni a, an hausa hle na in a chapo lo a, kawm a nuam em em bawk.




"Awle, Engtiknge in neih chu an tih a?" ka ti sep a, "Thlaleh ni 29 hi a nia, taka heihi in neih sawm na card a nihhi, lo pe rawh min ti a" tih pahin a file ken atangin card a rawn phawrh chhuak a, ka lo la vat, "Awle, I kal thei ang, buai na a awm a nihchuan min lo hriattir vat dawn nia" ka ti a. Hna ka thawk nghal mawlh mawlh, ni thum lai hna ka kal lova, kawr an lo hralh chhuak nual a, mahse felfai takin kan thawmhnaw halh chhuah te chu an lo chhinchhiah a, buaina a awm lo, laptop ah chuan ka chhu lut mawlh mawlh a, vawin chu Bank ah kal ka ngai ngei dawn a nihhi. Chhun thil ei a hun chuan ka room atang ka chhuak a, bank a kal tlang nghal ka duh avangin Terina bulah ka sawi nghal bawk.




Thil ei zawh ah bank lam pan chuan ka kal a, ka thiltih tur ka tihfel hnuah ka chhuak lehnghal, Chhandami kawr tur design a ngaih avangin dawr lamah let leh nghal mai lovin a chei na tur ka en kawi a, ka lei nual bawk, puanthan kan lak na thin ah ka lut kawi leh a, a lo thleng thar leh nual tawh, ka en dan dan a, a nalh hlawm ngei mai, a puan a tha hlawm bawk a, an puan zawrh hi a tha hlawm a, midang aiin an tih tlawm avang hian an hralh thei hle bawk, vawinah lak nghal mai ka duh vangin ka puan duh ang te chu ka sawi a, car ka keng tho bawk nen a awlsam bawk a, hnathawk te chuan ka car hnungah an dah lut a, puanthan man te kan in pek fel hnuah dawr atang ka chhuak a, car a luh ka tum chiah chu Cindy ka hmaah a rawn ding chat a, a nui sawng lehnghal.




"Hetah te enge i tih?" tih pahin dawr lam chu a en zeuh a, "Oh.. puan I lei a ni ang maw, taka I biang kha enge a an tawh a?" tiin a nui hak a, "I hmuh ang hian engtin mah a awmlo tih i hmuh thiam mai ka ring, nge ni a tawngka kher a hrilh I ngai zawk?" ka ti a, "Aha.. nuamlo ka ti deuh a, keimah vangin Nic-a khan kut a thlak si che a" a ti leh a, nuamlo a tih tak tak loh zia a hmelah hian a lang chiang hle thung. "Oh.. nangmah vanga I lo in ngai chu a pawi hle mai, mahse nangmah vang a nilo ania, nuamlo lo ti lo duh suh, kan nupa inkar a ni a, ka chhungte bulah in then ka duh thu sawi ka tum lahin Nicholas-a khan sawi lo turin min ngen nasa bawk sia, hei tunah chuan kan nupa in ngei ah khan ka let leh ta a nihhi" tiin ka nui hak a.




Cindy erawh a nui ve tawh lo thung, nuam ka lo ti sawt, "Nicholas-an a ngen che maw?" tiin a nui hak a, "I hriat ang khan" ka lo ti vat, "Hah... ka awih I ring em ni, i chhuah hun hi a nghakhlel viau tawh zawk asin, i hria em, kan hun hman dun thin te kha, nupa angin khum khat ah in la mu lo tih min hrilh vek bawk, nangmah zawk hian zahtheih loh chhuah in I rawn let a nilawm ni?" thinrim zet chuan a ti a, "Khawngaih thlak, Nicholas-a chu kan zawt dawn em ni?" ka ti ve ngat a, "Zawh kher a ngaih na ka hrelo e, ka hrechiang tawk bawk, mi inkar a tlak zeh ching tak i ni tih chu kan hre ve ve, chuvang chuan Nicholas-a hi chhuahsan vat rawh" a ti a. A sawi avang ringawt pawh hian Nicholas-a inah hian ka la awm lui ngar ngar zawk ang, "Mi inkar a ka tlak zeh na ka hrelo e, kan chhungte vangin kan in nei a, kan in neih hnuah khan in la in zui reng tih pawh ka hre ve bawk, amaherawh chu, kan inneih hnu khan in inkar Nicholas-a hian a ti tawp tih ka hriat loh i ring ami?" ka nui hak a.




"Chuti chung chuan nangmah zawk hian Nicholas-a chu I la hnaih a, Nicholas-a a thiam bik ka tihna a nilo, in thiam lo ve ve, mahse in inkar tawp hnu khan in thiar fihlim mai lovin i rawn la hnaih tang tang a, chuan tu zawk nge mi inkar a tla zep zawk chu le, nang nge kei hi?" tiin a mit ah chuan ka en kar a, a thinrim lutuk chu a hmai a sen tawn tawn thei, "Ka kal phawt mai ange, ka buai hle tih chu i hriatthiam mai ka ring, mite angin mi pasal zar buai reng ka hman ve lova" ka ti leh kher a, motor ah chuan ka chuang lut nghal, ka tlan chhuah thleng chuan thinrim zetin min la en reng tih ka hria, ka nui hak a, mai mai a, khatiang a min ṭawngkhum hnu khan ka ngawih mai mai a ring emaw ni, min tih ang zelin ka ti ve zel dawn hi a ni tawp, hmeichhe zaidam leh dawhthei tak ka ni biklo.




Dawr ka thleng a, ka puanthan lei ho te chu kan la lut a, ka dawr awmdan hi ka la sawi ang miah lovin ka hria, dawr lian ve tak a ni a, parking a remchang bawk a, a hmun hi a lun hle, ka pa thianpa te building a ni a, min duhsak em em bawk, dawr lian ve tak a ni a, kawr vel kan design na tak hi chu kan thawmhnaw vel kan pho chhuah na hnungah a ni thung. Hna atang ka haw theih meuh chuan a lo tlai leh duai tawh, in ka thleng a, Nicholas-a aiin ka haw hma ve thung, U Tluangi pawh a lo la awm a, a tlai tawh nen a haw tawh ka ring a sin mawle, "U Tluang I va haw tlai ve" choka a luh pah chuan ka ti a, "Nia,, vawin chu eirawng ka bawl tlai deuh a, ka haw hman chiah, ka kal nghal mai dawn asin" a ti a, "Ka thlah ang che" tih pahin ka car chahbi chu ka ban lehnghal a.




"I chau awm bawk si, min thlah duh lo mai rawh, haw na tur chu a awm ve mai ang" a ti deuh tlat a, "Khua a thim tawh hi, lo kal rawh, motor tho in alawm kan kal dawn, chauh na tur a awm lo" tih pahin pawn lamah ka chhuak nghal daih a. U Tluangi chu an in thleng ka thlah a, ka let lehnghal, Nicholas-a pawh a lo haw tawh a ni ngei ang, a motor ka hmu a, inchhung ka lut a, sitting room ah chuan a lo thu a, ka bag ka dah avangin ka kal hnai a, "Khawiah nge i kal a?" a ti sup a, "U Tluangi ka thlah lawk a" ka ti tha ve mai, ka bag ka lak hnuah Inchunga chho tumin ka in her a, "Vawinah Cindy nen in in hmu em ni?" a rawn tih leh tak vangin chuan ka ding a, ka hawi let a, "Aw.. in hmu e" ka ti ringawt, a sawi kha ka rin sa reng a ni.




"Engvanga khatiang thu sawi kha nge i nih a?" a ti hmuk a, a lungawi loh hmel hle bawk, "Enge ka sawi?" ka hrelo der a, "I hrechiang ang chu, engvanga khatiang thu sawi kha nge i nih?" a ti leh hluk a, "Ka sawi tam alawm, ka thil sawi engah ber khan nge i lungawi loh sawi la" ka ti dam leh thlup a. "Engvanga Cindy nen kan inkar midang bula sawi chhuah a lo vo nge i nih?" a tihchuan ka meng phar awk a, "Enga chutiang thu ka sawi amaw?" ka ti haw a, vawin khan thusawi chu ka nei ngei, mahse ka vo thu erawh ka sawi tello thung, engvanga chutiang sawi nge maw a nih le, "Chutiang thu ka sawi awm pawh ka va hrelo ve" ka ti a, a awih loh hmel hle, awih in awih lo mahse pawi tihna ka neilo, "Ka hming ti chhe zawnga engmah I tih loh tur thu I sawi a nilawm ni, chuti si engvanga Cindy lo vo nge i nih?" a ti hrawk a.




"Min vin reng reng suh, chuan hre rawh chutiang thu chu vawikhat pawh ka la sawi chhuak ngailo, i hmei nu chu ka rin ai daih in a lo mak, a zahtheih loh chu thu hran dawt sawi a la hreh lo cheu amaw?" ka ti fak a, ka nui hak a, "Hre rawh, nangni ang ka nilo, i hria em, vo maw, tumah ka la vo ngailo, i hmei nu chu lo hrilh rawh, vawikhat pawh dawt in min puh tawh hauh suh se, chuti a nih loh chuan maw, in inkar a in zawmna awm tenawm zet hi ka sawi chhuak palh ange, min nawr lui zel a nihchuan sawi chhuah pawi ka ti lo tih hre bawk ula" tiin inchung lamah chuan ka chho a, thinrim zetin room ah ka lut nghal, engtinge khatiang thu dawt muhlum lutuk kha a sawi theih zawk ni?..



Nicholas Ramnunpuia POV




Amelia-i inchung lama a chho chu ka en zui reng a, Cindy khan dawt min hrilh a ni thei mai angem, chutiang a nihchuan a chungah ka lawm lo hle ang, Cindy chu ka call a a la vat, "Amelia-i hian a vo che amaw?" ka ti a, "Aw.. ka saw tawh kha, min vo ngei alawm" a ti a, "Cindy thudik ka hre duh, dawt min hrilh hauh suh, dawt min hrilh tih ka hriat vaih zawngin i chunga ka thiltih tur hi I ngaihtuah thiam lovang" ka ti hrawk a. "Min ringlo maw?" a rawn ti nghal tiau, ka thaw hawk, henu pawh hi ka hne tawh takzet, tawngkam vin hman khum hlek ila a tap nghal tiau zel a, hmeichhe no lutuk hi ka tei thei thlawt lo, "Tap suh, thudik hriat ka duh mai a ni, chuan nanghian thudik min hrilh lo tih ka hre bawk, vawikhat mah dawt min hrilh tawh suh ang che" tiin phone chu ka off hmak a.




Room ah ka lut a, khatiang thil kha engtinge Amelia-i hian a tih theih ka rin zawk ni, ka chungah a lungawi lo sa bawk nen tunah tak hi chuan a hma ai mahin min haw tawh zawk ang tih ka hria, ka muhil thei lo chu khum atang ka tho a, thawm dim zetin room atang ka chhuak a, Amelia-i room pawn lam kawngkhar ah chuan ka ding vang vang a, ka in sum theilo, kawngkhar chu ka hawng riai riai a, khumah tui ti taka lo muhil chu ka hmu a, ka pan hnai a, ka en reng, a muhil hmel te hi a tha takzet, ka rilru put hmang hi ka hrethiam tawh, Amelia-i hi ka duh a ni, ka duh takzet, mipa dang bulah ka hmuh in ka in sum zo lova, ka thinrim vak thin a nihkha, hetiang tak hian hmeichhe dang ka kawp thin te lakah ka thikthu a chhe ngailo.




A hmai bul chet ah chuan ka kun hniam a, en hnaih poh leh a hmelthat na a zual thin, ka en reng lai chuan a hmui chu a rawn tep chiap chiap a, ka in sum theilo, a hmui ah chuan dim zetin ka fawp a, min chhang let lo mahse a nuam takzet, kan hmui a in sik reng mai chuan a in let thak a, ka nui chhuak hawk. Darkar fe ka en hnuah ka chhuak a, ka room ah ka luh leh hnuah mut pawh tumlo chuan lehkha chhiar na room ah ka lut a, dar 3 a rik takah chuan ka mit chu a kham deuh thum a, library atang chuan chhuak in ka mu a, reilote hnuah ka muhil nghal. Zing ka harh chuan a la hma hle, dar 5 chiah a la ni a, in thlak in gym room ah chuan ka lut a, ka duhtawk a ka thlan ka tih chhuah hnuah ka chhuak a, choka ah lut in tui vawt ka in nghal khawlh khawlh.




Tluangi a rawn thleng chawpchilh ve nghal a, "U Nicholas-a chu exer i la a nimaw, tukin chu thawh ka hai a, ka lo tlai deuh a ni" a ti zung zung a, "A pawi lo, Inchungah inbual turin ka han chho ange" ka ti sup a, room ah ka luh hnuah ka inbual nghal a, ka chhuah leh hnuah in siam in room atang ka chhuak nghal, Amelia-i pawh a lo tho tawh, Tluangi nen eirawng an lo bawk leh diam tawh a, "U Nicholas chaw ei kan peih tawh asin, i ei nghal dawn em?" a ti a, "Aw.. lo siam la" ka ti sup a, Amelia-i chu ka en reng a, "Keichu ka la ei dawn lo aw, hna ka kal tlai deuh dawn a, I rualin ka ei mai ang" a ti a, choka atang chuan a chhuak nghal, ka zui chhuak ve nghal a, "Nizana ka thusawi te avang khan min ngaidam dawn nia" ka ti sup "A pawilo, i nupui lem mai mai ai te chuan i hmeichhe duh tak thusawi chu i ring zawk tur alawm" a ti a.




"Amelia, kan inkar hi sawi that a ngaiin ka hria, nupa kan ni a, chuvang chuan hetiang hian awm lovang, in ngeih takin awm ang" ka tihchuan min en a, "Ka tum alawm, kan in neih tirh khan in hmangaih vanga in nei nilo mah ila nupui tha tak nih kha ka tum ber a sin, mahse kan in neih zo chiah a, enge thleng kha, i hmei nu i pan nghal a nihkha, tunah chuan engmah tih ka tum tawh lo, kan awm ang ang hian in en liam ila a tha zawk tih ka chiang tawh, chuvang chuan kan in then hma chu tihian in en liam mai mai ila, kan tan ve ve pawh a tha zawk" a ti nghet charh a, ka thaw chhuak hawk, ka thiam loh a ni a, hetiang rilru pu tur hian keimah ngeiin ka siam a ni si a, a kalsawn a, pawn lamah chuan a chhuak nghal daih.




Company ka thleng a, file check ngai m ang ang chu ka en nghal mawlh mawlh a, "Bawih" tih pahin Cindy chu ka room ah a rawn lut a, vawi tamtak ka sawi tawh, min hriattir hmasa lovin ka office ah rawn kal tawh lo turin, mahse engah mah a ngailo, "Cindy hna ka thawh lai chuan min rawn tibuai thin suh ka tihkha" ka ti bul hmuk a, "Ka hria alawm, mahse hun awl ka neih lai tak a nia, ka ngai bawk che a, ka lo kal a nihhi" a ti sep a, "Hun awl ka neilo, i hmuh ang hian ka buai hle bawk, chuvang chuan chhuak rawh" ka ti a, dawt min hrilh vang khan a chungah hian ka lawm hauh lo, "Ti teh, Bawih, nuam takin ka siam dawn che alawm" tiin ka malchungah rawn thut a rual a, "Cindy ka sawi tawh kha, tho la chhuak vat rawh" ka ti ta hrawk a, ka dawhtheih na fiah a tum reng hi ka hne takzet tawh.




"Tinge hetiang hian i awm tlat a?" a ti a, tap mai tur hmel a pu leh der tawh, "Ka sawi tawh kha, ka buai, dawt min hrilh avang pawh khan i chungah hian ka lungawi lo hle tih i hre dawn nia, chuvang chuan chhuak vat rawh, i hmel pawh hi ka hmu peih lo" ka ti chhuah thawt a, "Enge a pawi viau na, kha hmeichhia kha engvanga tan ta em em nge i nih a?" a ti ve nghek a, "Ka nupui chungchang sawi hauh suh, vawikhat mah dawt min hrilh tawh ngai suh ang che, i hria em, nang hian keihi min bum mai mai theih i ring em ni, chhuak vat rawh, i hmel pawh hi ka hmu peih lo ve" ka ti chhuak leh hrawk a. Rilru nat hmel fe in min en tlawk tlawk a, "Kha hmeichhe thing zet vang khan keihi min vin a maw, Engvangin nge i danglam tak em em a?" a ti leh nghek a.




"Ka sawi tam peih lo chhuak vat mai rawh, i hria em, chhuak rawh, kut ka thlak hma che hian" ka ti leh a, hmanhmawh zetin a tlan chhuak nghal dawr dawr, min hrechiang bawk a, in thiar fihlim hun tih a hre chiang ber ang. Chair ah ka thu thla hnawk a, hnathawh lam pawh a lang leh tawh lo, ka secretary rawn lut a, "Sir kan partner te hmu tura i chhuah a hun tawh a" a ti a, "Awle, motor kha lo peih fel ula" ka ti sup a, a chhuak lehnghal. Kan partner te nen kan in hmu zo chiah chu ka thawl huai thei, kan duhdan ang te min pawm pui vek a, a lawmawm takzet, company lam pana kan let leh lai chuan jam ah kan tang a, khua a lum bawk nen horn a ri tuar tuar a, a hneawm takzet. Phun hluk chunga pawn lam ka hawi chhuah chu ka thil hmuh avangin ka in seh ruh nghal nghek a.




Amelia-i leh kha a thianpa a tih, Chhana kha an ni a, an hlim hmel hle, in nel takin an in nuih a, Chahna'n Amelia-i dar ah a vawn lai te chuan motor atanga chhuah a, ka nupui saw va lak hran daih mai a nia ka duh ni. Restaurant te ve tak ah hian an in zui lut a, enge an tih dawn, an ni pahnih hian in zawmna an lo nei ru reng a ni thei mai angem, nilo, Amelia thusawi dan atang kha chuan thian mai an nihkha, mahse ka ngaih chu a tha thei chuanglo, Chhana khan ka nupui a melh dan atang khan a duh tih ka hre thei, chuan Amelia-i pawhin a tleirawl tirh atanga a mipa duh ruk a lo ni ve tawh thin bawk, tun thlengin a la duh angem tih te chu ka ngaihtuah a, ka tawt tun thei, company kan thlen chuan office lamah hmanhmawh zetin ka lut a, Amelia-i te pahnih hlim taka an awm dun lai kha ka mitthla ah a lang reng.




Hna atang chuan ka haw hma a, Tluangi chu haw hma turin ka ti a, Amelia-i lo haw hun chu ka lo nghak ran a, a rawn haw mai dawn emaw ka tih laiin a rawn la haw theilo, ka ngaihtuah takzet tawh, ka phone a la thei bawk silo, dawr lama kal ka tum lai chuan pawn lamah motor ri ka hriat avang chuan ka chhuak vat a, Amelia-i a lo ni, mahse amah chauh in a nilo, Chhana nen bawk khan an ni, Amelia-i chu motor atang a chhuak a, Chhana erawh a chhuak ve lo thung, an in be khawmuang leh a, kei chu min la hmu lo hrim hrim, enge maw an sawi ni, Amelia-i lah chu a nui sen sen lehnghal. Chhana tlan liam hnuah chuan a rawn in her a, min hmuh takah chuan a ding deuh chawt a, mahse a kal zawm lehnghal.




Min kalpel in inchhung lamah a lut a, ka zui ve zel, "I va rawn haw tlai ve" ka ti hmuk a, "Nia.. hnaah kan buai deuh a" a ti ve mai, "Chuan Engvangin nge i car in I lo haw loh?" ka ti lehnghal zat a, "A chhia a, workshop ah ka dah nghal" tiin choka ah a lut a, tui a in a, a bulah chuan lungawi lo zetin ka lo ding ve a, engah mah min ngaih loh hmel zet chuan en pawh min en lo, "Tlai takah i rawn haw a, chuan mipa i rawn in thlah tir bawk amaw, pasal nei lai I ni tih i in hre lo em ni?" ka ti leh a, "Ka hria, sawi chhuak chhen suh, ka ning, tu mipa pawh ka rawn in thlah tir ang, lo buai duh suh" a ti hmak reuh a nih chu. "Chaw ka ei tawh, hnathawh tur ka hawn bawk a, room ah ka chho dawn a nia" tih pahin choka atang chuan a chhuak nghal nal nal a nihchu.




Amelia-i chu hna atang a rawn haw tlai ta zeuh zeuh a, Chhana nen an in hmu ngun hle tih ka hria, engvanga in zui reng nge an nih, an ni pahnih in karah hian eng emaw chu a awm a ni thei mai angem?.. Nilo engmah a awm tur a nilo, office atang chuan chhuak in Amelia-i dawr ah ka kal a, nidang ang bawkin an lo buai leh hlawm viau mai. Terina hnenah chuan Amelia-i awmna ka zawt a, a chhuah lawk thu a sawi a, a lo let tep a rin thu a sawi vang chuan ka lo nghak a, minute 5 vel ka nghah hnuah chuan dawr ah a rawn lut a, Chhana nen bawk an lo ni, min hmuh chuan mak a tih hmel hle, "I lo kal animaw, engmah i sawi bawk silo a" a ti sep a, "Sawi lawk kher a ngai tih ka lo hrelo a" ngeiawm zetin ka ti a.




"Amelia ka kal nghal mai ang, hnaah kan buai lai a ni bawk sia" tih pahin Chhana chu dawr atang chhuah a rual a, "Hetah kan ding reng dawn nge i office ah kan lut zawk dawn?" ka ti a, ngawi rengin a office lamah chuan kan lut a, "Engvanga kha mipa nen khan in zui reng nge in nih hrep a?" ka ti nghal hrawk a, "Au vak suh, pawn lam ami ten an hria ang, chuan ka mimal nunah rawn in rawlh tum reng reng suh, ka duh duh ka zui ang, sawi theih I neilo" a ti ve nghal zat a. "I pasal ka nihhi, keilo tu mipa mah i hnaih theilo" ka tihchuan a ner sawk a, "Khatiang thusawi kha bansan tawh teh, ka hre hne ngawih ngawih, ka sawi tawh kha, kan nun ve ve ah hian in rawlh lovang, i duh angin i nun I hmang a, ka duh angin ka nun ka hmang ve a nimai" a ti hmak a.



Cont...


Click kha aw...


Show post links
Top

[Ngaia]

Chapter-12



Amelia Lalnuntluangi POV




Nicholas-a nen chuan in khat ah cheng mah ila kan in be ngailo, kan in hauh hnu atang khan min en liam tawp a tih theih ang, ka duh dan tak pawh a ni. A ni pawh Cindy nen an in zui nasa a, midang pawh in an sawi duh hle, engah mah an ngailo aniang, fimkhur pawh an tum chuanglo, a hma ang khan engmah sawi ka tum tawh lo, a duh ang chuan a nung thei a, keipawh ka duh ang takin ka nung bawk a, tihian kan nun ve ve kan duhdan in kan hmang a, a tha a nimai. A hma ang chiah khan inah a rawn haw khat a, a lo haw loh chang pawhin a awmna awm ang tur ka hriat avangin chanchin ka zawt ngailo, Chhana nen kan in zui tam a, a chhan pawh hna lam vangin, a unaunu in pasal a nei dawn a, ka kut chhuak ngei mo kawr a hak duh thu a sawi a, u angin ka en ve bawk a, ka theihtawp ka chhuah bawk.




Inneih naa pawimawh tur ang ta Chhana'n a buaipui angai thin a, hetiang lam a la buaipui ngailoh avangin ka puihna min rawn dil a, ka thian a nih na leh a unaunu hi ka u anga ka en avangin ka theih ang ang a puih ka duh ve bawk. Mo kawr pawh ka peih fel fiam tawh a, vawin lamah Chhana leh a u U Mapuii te an lo kal dawn a ni, aman duhdan em em a neih loh avangin nalh ka tih angin ka design a, a ni phei chuan a la hmu lo hrim hrim, nalh a tih ngei ka beisei. Chhana te unau an lo kal a, ka room lam ah kan in kawm phawt a, "U Mapuii chu i phur tawh awm?" ka ti a, a bialpa nen hian kum 7 lai an in kawp tawh a, an in kawp rei ve khawp mai, an in hmangaih hle bawk in ka ring a, a mipa duhtak a nei thei chu ka lawmpui takzet.




"Palai an lo kal lai kha chuan phur tak ka ni, mahse a hnai telh telh a, ka huphurh telh telh, pasal neih loh leh daih mai te a nia ka duh" a ti a, kan nui dar dar hlawm a, "Amelia, pasal i neih dawn khan ka awm ang chiah hian i awm ve em?" a tihchuan ka nui lai ka tawp riai riai a, Chhana nen kan in melh tawn zeuh bawk. Chhan mai dan tur pawh ka hrelo, a chhan chu pasal ka neih dawn khan phur na ka neilo, ka huphurh em em zawk a nihkha, chuchu Chhana pawh hian a hrechiang lutuk tlat, "U chutiang te chu tu hmeichhia pawn an tawng ang chu" Chhana chuan a lo ti hlauh a, "Nia tiraw, karleh mai hi a ni tawh bawk sia, a mak e, hun hi a kal chak riau in ka hria, hriat loh karin a lo hnai tawh bawk si, kan in neih ni ah ka che chhia ang tih ka van hlau tak" a ti leh a, keichu ka ngawi reng.





Rei tawk fang kan in kawm hnuah room atang kan chhuak a, ka mo kawr design chu a en a, mawi a ti khawp mai, a ha chhin a, tlem in a lo fual deuh, mahse tih that a awlsam tawh a, a takah a tawk vek bawk a, a buaithlak lem loh. Taksa lang tam a duh loh thu min hrilh nasa bawk a, khua a vawt tan bawk nen a ban tluan tlem a puk deuh laih in ka tihsak a, amah a ngo bawk nen a cheina vel chu a var tawp hmang lovin a senno ka hmang a, nalh a tihthu a sawi cham chi a, engmah dang tihsak theih em em ka neih loh vangin a man lak ka tum lemlo, chu erawh engmah ka la hrilh lo thung. Ka room ah bawk chuan ka let leh a, a man tur vel ang te min zawh chuan a man a ngaih loh thu ka sawi a, min hnial nasa mai, mahse a tir atanga a man vel lak kq tum loh thu ka sawi tlat a, pawisa min pek a tum pawh chuan ka la duh lo, a tawp ah chuan a pawm ve hram, an haw dawn thleng chuan lawmthu min hrilh a.




Hna atang ka haw hnuah in lam ka pan tlang nghal, nidang aiin ka haw hma deuh a, U Tluangi buai hmel taka a lo che chu ka hmu a, "U Tluang, I va buai awm ve" choka a luh pahin ka ti a, "Nia.. U Nicholas-an min lo bia a, chaw ei turin a thian thenkhat te a sawm a, min lo hrilh har deuh bawk nen ka ti zung zung a nihhi, ka zo tep tawh, I va rawn haw hma ve vawin chu" a ti ve nghal a, "Nia.. kan buai lo deuh a, ka han inthlak anga ka lo tihpui ve nghal ang che" tih pahin inchung lamah ka chho nghal a, in tifai hmasa lovin ka inthlak sawk sawk a, a tlai ve deuh tawh bawk nen U Tluangi chu ka chet pui nghal zung zung a, dar 6 a rik chuan kan zo ve thei hram, "U Tluang haw nghal daih rawh, a tlai tawh bawk si" ka ti a, "Chaw ei tur in nei bawk sia, vawin chu ka haw tlai deuh mai ang, tihtur dang ka nei chuanglo" a tihchuan ka lo hnial vat, zingah hma takah a lo kal tawh a, chuvang chuan tlai lutuk a a haw chu ka duh lo a ni.




"Ka awm tho alawm, keimah pawhin ka lo ti thei tawh mai ang" ka ti a, pawn thleng ka thlah a, a hmelhriat taxi driver a phone a, an tlan liam lai thleng chuan ka en zui a, Nicholas-a chuan tu a thiante nge chaw ei ah a sawm dawn ni, an lo thleng hun chu ka lo nghak a, chhun ah khan thil ka ei hma bawk nen ka ril chu a tam tan nghal der mai. Chaw lo ei san lah thil tih chi a ni der silo, an lo thleng vat turah ka ngai ringawt a, room ah inbual turin ka chho a, Nicholas-an kawngkhar chu a hawng thei tho bawk a, hmanhmawh chung chungin ka che lo, ka in bual zo a, ka in thlak hnuah ka sam ka hru hul leh thuak thuak a, an lo thleng tawh in ka hria, ka in bual lai kha thawm ka hria a, inhnuai lamah ka chhuk a, ka rin ang ngeiin alo thleng tawh, ka rin ai daih in an tam a, U Tluangi bulah khan mi engzah chiah nge an nih dawn ka lo zawt miah lo.




A thian mipa te chu ka hre tawh, Zira te ho kha an lo ni a, an kawp pui te ni awm tak an lo hruai tel bawk. Min hmuh takah chuan min lo be vat hlawm a, Cindy pawh a lo tel ve, Nicholas-a nen chuan an thu dun a, "I lo dam maw, kan in hmuh lohna a rei ve tawh bawk sia, I lo hmeltha zual a nihhi" Awma chuan a ti a, "I va ti lawmawm ve, chaw ei pawh kan peih tawh a, in duh hun hun ah a ei theih a nia aw" ka ti sep a, single sofa ah chuan ka thu thla nghal zat. Nuam ka ti chiah lo, midang an awm ve bawk si, ka pasal ber lah chu hmeichhe dang nen in hnaih takin an thu a, min ngaihsak pawh a tum bawk silo. "Nicholas-a nupui maw I nih a?" Zira lo kal pui nu chuan a ti a, ka bu zeuh ringawt, "I hmeltha hle mai, Mizoram ah ka lo haw ve chiah a, a takah ka la hmu miah lo che, Zira hian i thlalak min hmuh tawh a, a takah i hmeltha lehzual a nihhi" a ti a, a nui sen sen bawk.




Chaw te kan ei a, la haw mai lo chuan an la thu khawmuang a, beer an dawm far bawk, choka ah chuan ka che mawlh mawlh a, "Ka lo pui ang che" tih pahin hmeichhe pahnih Zira leh Awma bialnu te kha an lo kal a, "A ngai hleinem, hei ka zo tep tawh tho" ka ti a, thleng sir tur a awm hnur a, ka la sil hman lo, hmun ka la phiat chauh a ni, "Kha i buai em kha, thleng hi kan lo sil ang" tih pahin thleng silna lamah chuan an che nghal mawlh mawlh a, kan in biak rei tak zelah chuan an fel reuh phian a, Remremi leh Dawngi te an ni a, chhungkaw hausa tak atang seilian an ni tih a hriat, mahse an chapo lo tih ka hre nghal thei bawk a, fiamthu an duh bawk a, Mumbai ah college a kal thin a, an in kawm na a rei tawh thu te an sawi siam siam a.




"Amelia, zawh awm che a ni em chu ka hrelo a, mahse Nicholas-a nen hian enge in awmzia hi?" Dawngi zawk chuan a ti a, "Engtinge kan awm a?" nui chungin ka ti a, mahse a sawi awmzia chu ka hrechiang viau, "Nicholas-a hi I pasal a ni tihchu kan hria a, mahse hmeichhe dang nen an in zui reng tho bawk si, Cindy nen hian in in neih hma khan an in zui nasa tih chu kan hria a, in in neih hnuah pawh hian an la in zui reng tihna a mi?" a ti leh a, "Thian angin an la in kawm a" ka ti sep, "Chutiang a nilo tih kan hria alawm, hetiang a awm reng chu a tha lo ania, i pasal a ni a, nang pawhin hrilh rawh, a hrim hrim in Cindy-i pawh a zaklo mah mah, mi pasal a kawp a, chutah zahna nei lek lovin nang I awm ve reng laiin a rawn zui haw ngam a nia" Remremi chuan a ti ve hlak hlak a.




"A... a ho lutuk, kan in hriat hma tawh in an lo in zui tawh a, an in thlah theilo pawh a ni ang" ka ti leh ringawt, "In in neih chhan kan hre ve a, a tirah chuan kan hre biklo, Cindy-in min hrilh a, mahse in in nei tawh a, i pasal a ni tawh, chuvang chuan Cindy nen hian an in kawp hi thil dik a nilo a, engmah kan sawi duh lo mai mai a, engpawh nise hetiang renga awm chu a ṭhalo, an zah lo mah mah che alawm" an ti leh a, ka chhang tawh lemlo. Choka atang kan chhuak a, ka pasal leh a hmei chu in hnaih takin an lo thu dun a, Nicholas-a chuan a pawm lo chauh zawk, "An awmdan saw en rawh, a mawilo, an thiante pawh ni mah ila, hetiang hian an awm tur a nilo hrim hrim, chuvang chuan I lungawi lo a nihchuan sawtianga an awm ngam tawh loh nan engtin emaw i tih a ngai" Dawngi chuan ka beng bulah a rawn ti sep a.




An bulah chuan kan va thu phei a, "Cindy thu pangai ve la, Nicholas-a i in pawm tir lo chauh alawm" Remremi chuan Zira bula thut pahin a ti hlak a, "A ho emai, tihian a nuam alawm" Cindy lah chuan a lo ti awlsam et, "Amelia-i a awm ve reng a, khatianga awm kha i zaklo a mi, thu tha rawh" Dawngi pawh chuan a lo ti a, "Enge maw in hriat le, thil awmdan te chu in hriat ve vek tawh kha, Amelia-i hian engah mah a ngai chuang hleinem, a ni te chuan Nicholas-a nen kan awmdun lai a hmu ngun tawh, nilawm ni Amelia?" tiin keichu min rawn melh ralh a, "Engang pawn lo awm thin mah ula, in awmdan kha a diklo, bakah khatiang thusawi te kha i zak miah lo ami, mi pasal a nih tawh kha, chuvang chuan khatiang khan awm tawh suh, i zahawm na I ti chhe mai mai" Dawngi bawk chuan a ti leh a.




Nicholas-a lah chuan engmah sawi a tumlo tih hriat zetin a ka a chip hmuk a, "Amelia-i hi awm lo nise Nic-a nen hian kan in nei daih tawh ang, amah vanga hetiang a midang hriat lova kan awm a ngaih phah a nihhi" Cindy-i chuan a lo ti fak a, "Engpawh ni rawh se, in awmdan kha a dik chuanglo" Remremi chuan a lo ti leh a, "Cindy-i thusawi kha a dik, Ani hi awmlo nise hetianga a ruk a kan awm hi a ngai lovang" Nicholas-a chuan a lo ti ve hluk a, "Thiana, khatiang thu kha sawi hauh suh, nupui nei lai I ni, engpawh lo thleng tawh mahse in thiamlo, engmah kan sawi ngailo a, mahse khatiang khan i hmeichhe kawp lai kha kan hriat ah a thlavang hauh reng reng suh" Awma chuan a lo ti hluk a.




Nicholas-a chu a ner sawk a, "Engmah in hrelo, a ni pawh khan mipa kawp lai a nei reng alawm, kan in ang reng, nitin a mipa kawp pa nen khawlai ah an chhuak dun thin a, chuti chung chuan a thlavang hauh tum reng reng suh u" a lo ti leh hmuk a, Chhana a sawi na a ni tih ka hria. Ka sa ve nghal phat, "I duh duh sawi hauh suh, Chhana chu ka thian mai ani, nang ni ang ka nilo, chuvang chuan nang nen hian kan in an na a awmlo" ka ti a, Nicholas-a chu a nui hawk a, "Ka thiante hmaah hian pawisawi lo hmeichhe thianghlim ang a lan tum duh suh, I nihna hi an la hre chhuak vat ang, hmeichhe tenawm" tih pahin a ner sawk a, min tih dan avang chuan ka rilru a na ve takzet, a thiante hmaah lehnghal, hetiang chuan engtinge ka hmuh leh ngam tawh hlawm ang.




"A tawk viau, in thiante kan la awm ve hi, hetiang chungchang chu sawi tawh suh u, keini pawh kan kal ange" Zira chu a rawn tho chhuak a, an thianpa chungah chuan an lungawi lo hle tih an hmelah a lang. Remremi leh Dawngi nen chuan kan in mangtha a, an chhuah fel hnuah kei leh Nicholas-a te pahnih bak an awm tawh lo, "Vawikhat mah khatiang khan min ṭawngkhum tawh suh, nang anga tenawm ka ni ve lo, chuan Cindy nangpawh Nicholas-a nen kan in neih chhan hi tu hnenah mah lo sawi tawh bawk suh ang che, mi nupa inkar midang hnena I lo sawi vak hian hlawk na I nei chuang lo bawk a, vawikhat pawh midang bulah I sawi leh a ni tih ka hriat chuan ka en liam mai mai che ring tawh bawk suh ang che" ka ti fak a, inchung lamah ka chho nghal.


...

Vawinah ka pa an check up dawn a, kal ve ngei ka duh avangin hna atang ka chhuak a, doctor in ka pa a en zawh hnuah "A tha viau e, mahse i in enkawl uluk a la ngai a, chuan i lung thlak a ngaih vangin hna la thawk tam lo la, damdawi ka chawh ang che kha tha takin I ei dawn nia, damdawi I ei that chuan ngaihthat loh na tur a awmlo" a ti a, a nui sang bawk. Ka pa nen thian tha tak an ni a, an in kawm na a rei tawh bawk nen ka pa pawh tha thei ang berin a enkawl dawn tih kan hria, ka pa chu hnathawk thei a la nihloh vangin in lamah a la in enkawl tawp a, a nin thu a sawi reng a, ka nu in a awmpui deuh chawt bawk a, hna a han thawk lo chiah chu awm ngaihna a hre hlawl lo tih ka nu in min hrilh tawh a, in lamah pawh hnathawh tur a zawn reng thu leh ka nu in a hauh nasat thin zia ka hre ve vek bawk.




Ka nu te in lamah chuan ka kal ve nghal a, ka pa te nen kan in bia a, kan nupa chungchang te min zawt a, karleh lamah chaw ei turin min sawm bawk, Nicholas-a ka hrilh tur thu ka sawi a, vawikhat kan ei tawh ngei a, Nicholas-a pawh khan a hnial lemlo a nihkha. Awm rei lovin in lamah ka let a, Nicholas-a a lo haw chuan ka lo hrilh a, engtin mah min chhang lo, a kal ve hman turah ka ngai ringawt. Chaw kan ei kham a, kan room ve ve ah kan lut tlang nghal daih, meng rei lovin ka muhil nghal a. Sunday a nih vangin inkhawm turin ka in siam a, ka theih phawt chuan inkhawm ka thulh ngailo, Nicholas-a erawh kanin neih atang khan a la inkhawm lo hrim hrim thung. Inkhawm kan bang a, ka thawmhnaw te ka thlak zawh ah inhnuai ah chuan thil eiturin ka chhuk a.




Thil ka ei zawh chuan in te ka tifai a, in hnuai lam ka tihfai hnuah inchung lam ka tifai leh a, a tawp ber ah ka room, Nicholas-a room erawh ka lut ngailo thung. In vel ka tifai hnuah in hnung lamah ka chhuak a, kar hmasa khan U Tluangi nen thlai kan ching a, a la thiak chiah lova, mahse tihfai reng a ngai thung, hnim a to duh em em a, nikhat dan ah ka pawt fai thin. Huan ka tihfai hnuah inbual turin inchung lamah ka chho a, ka inbual zawh hnuah chuan rawngbawl a lo hun leh der tawh, Nicholas-a lah chu hmuh tur reng reng a awmlo, Chawlhni ah te chuan a chhuak ngailo kha a nia, ka inkhawm hlan in a lo chhuak daih a ni ngei ang, rawng ka bawl zawh hnuah pawh a la rawn haw chuanglo.




Dar 7 a rik meuh chuan chaw ei ah pawh lo nghak duh tawh lovin chaw ka ei san daih, naktuk hi U Mapuii te inneih ni a ni a, ka kawr hak tur ka la en loh avangin room ah ka lut a, inneih naa hak a mawi deuh ka la chhuak a, a rem turin puan ka la chhuak nghal bawk. Dar 10 ah ka mu a, Nicholas-a rawn haw lai pawh ka hrelo, a tuk lamah chuan hna pawh kal lovin inah ka awm a, dar 12 a rik chuan ka insiam tan ta chiah, Nicholas-a erawh zing ah hna kal turin a chhuak daih tawh thung. Ka car in ka kal a, hun kan hman zawh chuan thlalak na te an nei leh a, ka pasal neih ni kha ka mitthla let lo theilo. Kan thian hovin kan kal vek a, a nuam leh em em mai ni, ka thiante bulah hi chuan engkim hi a nuam vek, chaw te kan ei zawh hnuah awm rei tawh lovin ka haw tlang nghal a.


...


Hna ka bang a, nizanah Nicholas-a hnenah ka nu te in lamah chaw ei ka sawi a, engtin mah min chhang lo leh a, a lo kal hman turah ka ngai ve tawp, ka nu te in ka thleng a, Nicholas-a nen kan kal rual bawk silo a, a lo kal ve dawn leh dawn loh te min zawt a, a lokal tur thu leh hna khawih laklawh lai a neih avangin a rawn tlai deuh tur thu ka sawi a. Ka pa pawh a phur hle, ka nau in min biak a duh thu a sawi avangin room ah kan in zui lut a, "U.. ka pa hetiang hi a ni sia, ka zirlai ka zo tawh bawk nen hotel lam hi enkawl tawh mai ka duh a, enge i ngaihdan, ka la naupang bawk sia, hnathawk te hian hotel enkawl tur hian min ring ngam a ngem? ka pa hrisel na han en hi chuan hnathawk vak thei a ni tawh bawk silo" a ti sup sup a.




"Tehreng mai, i kum phu lovin i puitling a, tha takin i enkawl thei em em ang tih ka hria, chuvang chuan in ring tawk la, engkim a tha a nimai" ka ti a, a lawm hmel hle, room atang kan chhuak a, Nicholas-a chu kan nghak ran, chaw ei a hun tawh mahse a la rawn thleng thei bawk silo, "Bawihte, in pa chu han be chhin la, a rawn thleng tep tawh em tih han zawt teh" ka nu in a ti a, ka phone chu ka la a, hmundang ah ka kal nghal daih bawk. Ka call a chhang theilo, ka ti nawn zel a, mahse a in ring ral thak thak, hnaah a buai viau a mawni le, vawikhat chiah ka call leh ang ti rilru in ka call leh a, a la tawh dawn lo emaw tih hnuah a rawn la a, "Hello" a ti hmuk, biak a phurawm hlawl loh, "I lo kal dawn em, hei chaw ei ah kan nghak che a" ka ti tha ve mai a.




"Ka lo kal hman lo, thildang tihtur pawimawh ka nei" a ti leh nghut a, phone a dah hmak, mahse phone a dah hma khan hmeichhe aw ka hria, Cindy aw ngei a ni, pawimawh a tihchu Cindy nen hun hman dun a ni ngei ang, ka thinrim takzet, hetah ka nu leh pa ten riltam in an lo nghak a, a ni ve thung chuan engah mah a ngailo a nia. Thinrim zet chuan inchhung ah ka lut a, "Bawihte, in pa chu a lo thleng tep tawh em?" ka nu in a lo ti nghal a, "Nu.. a buai deuh a, a lo kal hman dawn lo, thupha min lo chawi sak rawh a ti a" ka ti ringawt, "A pawilo, a buai awm sia, a nihchuan chaw kan ei nghal mai dawn mi?" ka nu chuan a ti a, chaw pawh ka ei tui lo, chaw eikham chuan reilote ka thu leh a, ka haw hnuah khawi dangah mah kal kawi lovin in lam ka pan nghal, engah mah min ngailo mahse ka chhungte hi chu a zah tur a ni asin.




Inchhung ka lut chiah chu ka thinrim na a zual sauh a, Cindy leh Nicholas-a chu an lo thu dun a, "I lo haw a nimaw?" Cindy chuan a lo ti sep bawk, "Engvanga lo kal lo nge i nih, I lo kal hman dawn lo a nihchuan a hma khan min hrilh ta che, engmah I sawi bawk silo, ka chhungten a lo nghak reng che asin, keichu engah mah min ngailo mahla pawi ka tilo, mahse ka chhungte chu i zah ve ka phut a sin" ka ti nghal that a, "Tihtur pawimawh ka nei ka tihkha" awlsam zetin a ti a, ka la duhtawk mai lo, "Ka hria, I tihtur pawimawh pawh he i hmei nu nen a nuam chen hi a nilawm ni, tenawm lutuk" ka ti leh a, "I tawngkam fimkhur rawh" a ti ve ta hmuk a. "Ka tawngkam ka hman fimkhur na chhan tur ka hrelo, i nupui ka nih na ang talin ka chhungte i zah ve ka phut a chu mai chu a ni" ka ti a.




"Ka nupui, ha.. ni e, ka nupui I ni, mahse a hming maia nupa a lawm kan nih, chuvang chuan i chhungte duhdan a ka awm reng nachhan tur ka hrelo" a ti a, "Vawikhat mah ka chhungte sawi ve tawh ngai suh, nang ang mipa tenawm ka atang khan ka chhungte hi sawi ve tawh suh ang che" ka ti tuar a, "Chuan nangkha chhuak rawh, kan chhungkaw inkar a nihhi" tih pahin Cindy thu lai chu ka phih lawp a, kawngkhar lamah kai chhuak nghal dawr dawr in ka nam chhuak a, "Engthil ti ah nge i in ngaih hrep a, hre rawh, ka hmeichhia khatianga ti tur khan engmah i nilo" tih pahin min nam sawn dawrh a, a tawk viau e, ka peih tawh lo, "A tha alawm, tihian tawp rawh se" tih pahin inchung lamah ka tlan chho nghal a, min rawn um zui tih ka hria.




"Ka kham tawh, ka dawh theih chin a pel tawh e, i hnen ah hian ka cheng peih tawh lo, i duh a nihchuan kha i bialnu kha hruai lut la, in pahnih in nuam chu tawl rawh u, ka tuar hnem ta mah mah e, ka chhuak dawn" tiin ka thawmhnaw bawm chu ka hawng a, thinrim zet a min en na pawh chu engah mah ka ngai duh lo, khumah ka thawmhnaw chu ka dah a, a dang lak leh ka tum lai chuan ka hnung atangin min rawn pawm kang deuh nawlh a, ka lo in ring bawk silo nen ka te that a, "Ramnunpui, min dah thla nghal rawh" ka ti tuar a, ka thusawi chu hrelo der hmak in khum lam chu min pan pui a, min theh thla hnawk bawk, ka tawlh sawn tur chu min man in min rawn bawh nghal run a.




"Enge i hriat a, tho rawh" a awm ah chuan ka nam tang tang a, "Ka phal na tello in chhuah i tum amaw?" a ti hrawk a, "Tum e, i phal na la tur hian ka engmah I nilo e" ka ti hlar a, "I pasal ka nihhi, Lalnuntluang" a tih leh chuan ka lo nui hak a, "A hming maia ka pasal i nihkha, i hria em, kan in neih hmaa I thusawi te kha i hre tawh lo ami, a hming maia nupa kan nih tur thu sawi tu i nihkha, ka nunah in rawlh i tum loh thu nen lam a nihkha i sawi, ka nunah hian thu nei tu ni tur hian tunge I nih, ka pasal lem mai mai bak i nilo e" ka tihchuan a hmel chu a hma ai mahin a rum a, a rapawm lek lek, diktak chuan ka hlau, mahse ka hlau tih tih lan ka tum lo bur thung.




Engmah sawi lovin min melh chhuk ngur a, keipawh chuan ka melh let ve ran bawk, chutah a kut chu ti che thut in ka kawr chu a pawt ri thawt a nihchu, ka tal nghal vak a, ka kut chu man kawp in ka lu chungah a kut pakhat chuan a man kawp a, a tha a chak bawk nen ka tal chhuak theilo, ka kawr chu a pawt thler leh thawt a, ka bra a lang chiang tawh hle, "Engthil nge I tihhi, min kaltir rawh" ka au nghek a, "A teuhlo, nupa kan nih zia ka hriattir ang che" a tihchuan ka hlau tawh hle, "Tho vat rawh Ramnunpui" ka ti leh a, a kiai suk duh lek. Ka bra chu a nawr tawm a, ka hnute chu dimna tel hauh lo chuan a tham ta tawn tawn a, chutia dim lo lutuk a a chet vang chuan ka then leh sak zel a, mahse chuchu hria angin a awm lo, a rawn kun hniam a, ka hmuiah chuan na zetin a rawn fawp leh nawk nawk a, a hmuiah ka lo seh sak vat a, ka ka chhung a al pap bawk, a tawp duh chuang lo, ka hlauthawng tawh hle, ka tal na lamah ka chau tawh hle lehnghal, ka rilru in ka nu leh pate ka au mawlh mawlh a.


Cont...

Click a that chuan naktuk zanah kan dah lehnghal ang...


Show post links
Top