All For Love BY Becca Lnz (Completed)

[Ngaia]

Chapter-13



Amelia Lalnuntluangi POV




"Nicholas duhtawk rawh" ka ti tawk tawk a, "Nilo ve, ka nupui I nih zia ka fiah dawn alawm, duh lo angin awm der a ngai lovang, i duh tih ka hria, chuvang chuan tang buai duh suh, kha I bialpa pawh khan a duh duh danin a khawih thei che nilawm ni?" tih hrawk pahin ka kekawr hak lai chu min phelh sak lehnghal a, ka panty a pawh thlak tel avang chuan ka tha zawng zawng hmangin ka tal leh nghek, mahse a tan ka in siam rem a ni ringawt. Min delh bet reng chungin a thawmhnaw hak lai chu a phelh sawk sawk a, a kut khing khat in ka kut a la vuan reng bawk, a mipatna ruh tung in ka mal a rawn sik takah chuan a hma aiin ka hlauthawng zual zawk, he in lian leh fal lutuk ah hian min chhan ti tur tumah an rawn kal dawn lo tih ka hrechiang si.




"Aih.. ka duh lo, tawp rawh, thil pawi zawk a thlen hma in" ka au ring thei tawh lo, ka aw chu a chhuak thei tawk tawk a nimai, "Engmah pawi tur a awm lo, nupa kan ni a nilawm ni, hetiang te chu nupa inkar ah thleng tur alawm, hah... tang buai vak duh suh, mipa dang pawh hetiang hian i awmpui fo va, i pasal ka nihhi, chuvang chuan tan buai in awmzia a neilo" nui ro hawk chungin a ti leh a. A mitmeng ah chuan tisa chakna nasa lutuk rawn lang chhuak chu ka hmuh hmaih lo, a kut chu hnuai lamah sawn thla in ka hmeichhiatna chu a rawn khawih a, ka taksa chu a khur thei hial tawh, chuchu Nicholas-a pawh hian a hriat hmaih ka ringlo, mahse tawp a tum chuanglo, ka hmui ah a rawn fawp leh a, ka che thei meuh tawh lo, kan in len hleih bawk si, tunah hian pawngsual ka ni dawn tih ringawt chu ka rilru ah a awm tawh.




A mipatna chu ka hmeichhiatna zawnah a rawn dah a, "Ti suh, ka duhlo" ka ti leh tiau, a nui suk duh chauh, chutah a rawn nawr lut a, a na lutuk chu ka er deuh ngawng ngawng a, a che lai a tawp chawt. Ka mit chu ka chhing ngawt ngawt a, ka mittui chu ka bekah a luangthla ngiai ngiai bawk, "Bawihi" Nicholas-a aw ah chuan mak a ti zia a hriat hmaih theih loh, ka la meng chuanglo, ka na lutuk chu sawifiah thiam dan pawh ka hrelo, ka taksa mai bakah ka rilru chu a na a ni tawp, dim zetin a phawi chhuak a, ka chung atang chuan a letthla nghal bawk, khum mawng a puan chu ban in ka saruak na chu a rawn khuh a, ka la che chang lo hrim hrim, ka mit chu ka meng riai riai a, inchung lam chu ka en tlawk tlawk, ka mittui vangin ka khaw hmuh a hmu phe vek bawk, ka sir ah chuan a la mu ve reng a, hreawm tih hmel zetin a thaw chhuak leh hawlh zel bawk.




"Bawihi, ka tihpalh" a ti sup a, min rawn hnaih nghal ruak bawk, ka lo tawlh sawn vat a, rilru tawt hmel zetin a thaw chhuak leh hrawk a, khumah bawk chuan a lu chu a nghat leh dawt a, engmah ka la sawi theilo, sex pangai kan hmang hman lo, mahse a taksa peng pakhat chu ka chhungah a awm hman tho. Ka thianghlim na ka in chhuan ve na ver chu tih luih na hmangin min laksak tih ka ngaihtuah ringawt pawn ka lung a vit ngawlh ngawlh thei, khum atang chuan muangchangin ka tho chhuak a, ka che vel chu min en reng tih ka hria, puan a in khuh hlun chungin bathroom ah ka lut a, shower chu herh haw in a hnuai a ka ding reng, ka tap chhuak hawk bawk, darkar chanve chuang chu shower hnuaiah ka ding tawh, ka taksa pawh a khur hlawk hlawk tawh a, kalsawn erawh ka tum chuanglo.




Kawngka chu a rawn ri dawt dawt a, Nicholas-a a ni tih ka hria, ka haw takzet, nep ka in ti hle bawk, keimah leh keimah ka in venghim theilo chu ka in haw hlur a, chak tak emaw ka nih ka in tih laiin ka lo chak tawk loh zia ka hre thar bawk, "Bawihi, kawngka lo hawng teh, I tha em?" a rawn tih pawh chuan ka chhang lo, ka phal na tello in ka thianghlim na min laksak a, ka theihnghilh mai mai thei lovang. Ka taksa a zawi tial tial a, ka thil hriat hnuhnung ber chu bathroom kawngka ri dawp chu a ni. Ka harh leh chuan khum ah ka lo mu reng tawh a, ka bulah Nicholas-a a lo awm ve ran bawk, ka harh tih a hriat chuan min rawn buaipui chu a tum a, ka kut a rawn vawn chuan rang zetin ka lo la sawn nghal, hreawm tih hmel zetin min en a.




"Enge I an, I tha em?" a tih pawh chuan ka chhang lo, khum atang muangchangin ka tho chhuak a, ka lu hai lutuk avang chuan khumah bawk chuan ka thu leh dawt a, a lo che uk hman chu ka hmuh hmaih lo, room atang ka chhuak a, ka ril a tam lutuk ringawt, inhnuai lamah chhuk nan pawh hun ka duh rei hle, ka hnungah chuan min veng thawng zetin a rawn kal ve zel a, a khawih ka duhlo tih hria in min khawih luih a tum tawh biklo thung. Choka ah ka lut a, zanlai a ni tawh bawk nen chawhhmeh te chu ka ti lum leh a, chaw ka ei lai te chuan ka hma zawn ah a thu ran a, sawi duh nei mahse sawi hreh hmel zet hian min en ran ka ti mai, chaw ka ei kham chuan hmun hnawk chu ka tifai leh a, ka taksa a zawi bawk nen ka che muang hle, thlengsil ka tum lai chuan ka kut ah a rawn chelh a, "Naktukah Tluangi'n a ti mai ang, awm hahdam zawk rawh" a ti sup a, "Ka ti thei" ti fak in ka kut chu ka thing a, thleng chu ka sil zawm nghal mawlh mawlh a.




Ka sil zawh chuan ka room ah ka lut nghal, a rawn luh ve avang chuan ka melh ngar a, "Enge rawn tih ve i tum chhuak vat rawh" ka ti that a, "Bawihi" min koh dan avang chuan ka lo ner sak a, "Khatiang khan min ko suh, ka hre peih lo, chuan chhuak tawh rawh, ka chunga i thiltih avang khan ka chau hle tih i hrethiam maiin ka ring, I hmel nilo i engkim hi ka ten hluah hluah" ka ti chhuak tawn tawn a, "I chunga ka thiltih kha a diklo tih ka hria, ka thinrim em a, min kalsan tur anga I sawi avang khan ka thinrim na ka thunun zo lo a ni" a ti sup sup a, ka lo nui chhuak hak, "Engpawh nise thleng tur ang chu a thleng vek tawh, chuvang chuan engmah sawi leh ka duh tawh lo, chhuak la, ka phal na tello chuan ka room ah hian rawn lut tawh suh angche" ka ti leh fak a.




Zankhua in chhin khat pawh ka chhing lo, ka thawmhnaw thenkhat ho chu bag lian vak lovah ka khung a, khawvar hun chauh ka nghak tawh, khawvar rual rual in ka nute in lamah ka haw ang. Khua a var hnu chuan ka bag chu ka la a, ka mamawh ang tur ka khung khawm vek tawh bawk a, chhuah vat ka duh, U Tluangi lo thlen hma ngeiin, ka bawr ve bawk nen U Tluangi'n hetianga min hmu a nihchuan zawhna a ngah lutuk dawn tlat a ni. Car hnung ah chuan ka bag chu ka dah a, driver seat ah thu lut in ka in khalh chhuak nghal, ka nute in zawnah motor ka ti ding a, a la hma bawk nen an la thawh ka rin loh vangin motor ah chuan ka thu reng, dar 6 a rik takah chuan ka nu ngeiin kawngka a rawn hawng a, min hmu lo a ni ngei ang, kawngka chu tlem hawngin inchhung lamah a lut lehnghal.




Motor atang chhuak in ka bag te chu ka la a, kawngka a in hawng tho bawk nen ka kik duh ta lo, inchhung ka lut chiah chu ka thawveng huai thei, choka lam chu a ri rek rek a, ka nu a ni tih ka hriat vangin ka va kal vat a, ka nu chu a lo che mawlh mawlh, "Nu" ka ti sep a, a rawn hawi rang hle, "Bawihte, hetah nangmaw, enge i rawn tih dawn a, zing zing ah lehnghal" a ti a, ka bag ah lai chu a melh zeuh bawk. A thingpui chhuan lai chu off in choka atang kan in zui chhuak a, sitting room ah kan lut a, thutthleng a kan thut rual in "Enge awmzia, bag te nen" a ti a, "Nu.. Nicholas-a bulah ka cheng reng thei tawh lo, ka lo haw dawn" ka ti nghal tawp, sawi dan tur dang ka hrelo a ni, ka nu chu ka thusawi avangin mak a tih hmel hle, "Enge awmzia? In in hau tihna nge?" a ti leh haw a.




"Ka tuar thei tawh ngang lo, a bulah sawn reilote pawh ka awm thei tawh lo" mittui tling pam chungin ka ti leh a, ka chunga a chet dan kha ka nu bulah sawi mai harsa ka ti a ni, "Bawihte, puitling I ni tawh a, chuvang chuan hetiang a awm mai mai loh tur, nupa in ni a, in hauh chang pawh in nei ang, in hmangaih vanga in nei in nilo tihchu ka hria, mahse hetianga tlan ringawt tur a ni ngailo, ka fanu I ni a, chuvang chuan i pasal hnenah chuan haw leh zawk la a tha" a tih te chuan tah khum nghek mai ka duh. "Aih, ka let tawh dawn lo, inthen ka duh" ka ti leh a, ka mittui a tla hial tawh, ka nu bulah ka awm vangin ka zuau thar tih ka hria, "Enge thleng han sawi phawt teh" a ti a, sawi mai chu tha ka ti zawk, a nihloh chuan min haw tir leh ngei a tum dawn tih ka chiang a ni.




Nizan thil thleng te chu ka sawi a, mahse hmei a nei tih erawh ka sawi lang duhlo thung, "Chu room khatah in mu dun ngai miah lo amaw?" a ti a, "Aw.. mu dun lo, nu ka let duh tawh lo, kan in neih tirh khan I thusawi zawm in nupui tha tak nih chu ka tum ve asin, mahse ka beidawng tawh, Khuanu ruat kan nilo, Nicholas-a nen hian awmdun tur a ruat kan nilo, chuvang chuan ka let tawh dawn lo" ka ti a. Ka nu chu a ngawi deuh vang vang a "Awle, engpawh nise hetah awm hrih mai rawh, mahse i pa hnenah chuan sawi lan chi a la ni hrih lovang, i hriat angin a hrisel na in a tuar thei a, mahse Bawihte, i pasal hnenah chuan kir leh la ka duh khawp mai, nupa in ni tawh a, hetia in then ringawt chu tha ka tilo, thu in tiam dun tawh a, in thutiam chu bawhchhe lo ula ka duh" a tih leh chuan "Ka chunga a chet dan i hre vek chung pawh in min let tir leh I duh amaw?" ka nu chungah chuan ka lungawi lo lek lek.




"A thiltih kha a tha ka tihna a nilo, ka fanu I ni a, i chunga a thiltih vang khan ka lungawi bik hauh lo, mahse Pathian hmaah thu in tiam tawh a, chuchu bawhchhe lo turin ka duh mai che ani" a ti a, ka thaw chhuak hak, "Engpawh nise i chauh hmel emai, room lamah han mu hahdam rawh, nakinah kan sawi tha leh zawk dawn nia" a ti leh a, room ah chuan ngawi rengin ka chho a, khumah ka mu nghal hnawk. Nizan lamah ka muhil lo bawk nen ka lo muhil a ni ngei ang, ka nu in min rawn kaitho a, "Chaw kan ei tawh dawn a, lo chhuk la" a ti a, ka nu nen chuan inhnuai lamah kan in zui thla a, "Bawihte, helam ah i rawn awm hrih dawn amaw, ngaihtuah awm ka ni tawh chuang lova i rawn awm phei kher a ngailo asin" ka pa chuan a lo ti a.




Ka nu chu ka en a, "Ka ngaihtuah che alawm" ka ti ringawt, chaw kan ei a, chaw ei na vel ka tihfel hnuah inchung ah ka chho leh a, ka phone ka la khawih miah lo, ka bag atang ka phone chu ka la chhuak a, miss call a lo tam ngang mai, Nicholas-a hnen atang vek in a ni, call back lem lovin phone chu ka charge a, inbual turin bathroom ah ka lut nghal daih. Ka chhuah leh chuan ka phone ri tawp chiah chu ka hria a, tunge a nih ka hriat chian em avangin en pawh ka en peih lo, ka in thlak zo ka sam ka khuih mawlh mawlh lai chuan ka nau a rawn lut a, "U i phone i chhang theilo a mi, U Nicholas-an min rawn call a" a ti a, "Ka charge a, min lo call tih pawh ka lo hrelo" ka ti ringawt, "I lo awm phei nachhan hi thil diklo a awm chu a nilo maw, zing atang khan i hmel a dik lo riau ania aw, tap hrep hmel i pu" a ti a, ka nui hak.




"Engvangin nge ka tah ngawt anga, a hahthlak thin e" ka ti a, "U ka ti tak tak ania, U Nicholas-a lah khan helamah I rawn awm hrih dawn tih a hriat loh hmel sia, in in hau ami?" a ti leh a, "Chutiang engmah a awmlo, zingah khan a mu tui bawk sia, hrilh lovin ka lo kal ringawt a, chuvang a nihchu" ka ti leh ringawt, ngaihsak lo ang deuh a awm chuan ka sam chu ka la khuih mawlh mawlh a, "A nihchu, in in hau emaw ka tia, a lo kal mek ania" a ti leh a, "Enge a lo tih dawn, hna kal a ngai awm sia" ka ti hap a, "A ngai tawh che pawh a niang" tiin room atang a chhuak nghal daih, rawn kal eng ang pawh nise zui haw ka tum lo bur a nimai. Room ah chuan ka in khung char char a, Nicholas-a lo kal hun tur ka lo nghak a ni mah zawk.




Ka room kawngka an rawn kik a, ka kalh avangin ka va hawng vat a, ka nu a lo ni, "Bawihte, in pa a lo kal a, lo chhuk ta che" a ti a, "Enge rawn tih a tum, haw lehnghal turin hrilh zawk rawh, ka hmu duh lo, chuan zui haw pawh ka tum lo bawk" ka ti nghal thawr a, "Engpawh nise lo chhuk phawt rawh, a rawn thleng tawh a, lo hnar haw ngawt a mawi lo, kan makpa a ni a, tha tak lo biak chu kan tihtur alawm" tiin a kalsawn zui nghal daih. Phur lo deuhin room atang ka chhuak a, Nicholas-a leh ka pa chu sitting room ah an lo in bia a, ka nu pawh a lo thu ve, ka nau erawh hna kal turin a chhuak tawh thung, "Bawihte, thingpui han lum ta che, kan in lo in ange" ka pa in a ti a, an bulah kal lovin choka ah ka lut nghal, Nicholas-an min en zui reng tih ka hria.




Thingpui chu ka chawi chhuak a, center table ah nghat in ka nu bulah ka thu thla ve nghal, ka pa chuan Nicholas-a hnenah a hna lam te a zawt a, Nicholas-a pawh chuan tha takin a lo chhang ve mai, rei fe an titi hnuah ka pa chu a chauh deuh avangin room ah a lut a, ka nu in a zui lut ve nghal, kan pahnih chauh a kan awm takah chuan thawm a reh zui tlawk tlawk a, "Bawihi, haw tawh ila" a ti a, "Ka haw dawn lo" ka lo ti hmak, "Haw rawh, chuan lo kal fo lo la ka duh bawk" tiin ka tho a, inchung lamah ka chho nghal, room ah ka lut fel chiah tih chuan a rawn lut ve a, ka lo melh nghek, min zui tih reng reng ka lo hrelo, "Engvanga ka room ah rawn lut ve ngawt nge i nih?" ka ti hlar a, "Bawihi, i chunga ka thiltih kha a diklo tih ka hria, ka siamṭha leh vek ang, chuvang chuan min zui haw rawh, khawngaihin" a la ti cheu nia.




Engthil nge siam that a tum chu ni, "Enge i siamthat tur chu?" ngeiawm zetin ka ti a, nidang chu nise min thing nawk chakin min melh rum leh tawh viau ang, mahse a thiamloh tih a hrechiang a, mitmeng dul ruih in min en a, "I chunga ka thiltih kha ka siamthat leh theih nan hun min pe rawh" a ti a, kut beng meuh a nuih khum vak ka chak, "Engmah I siamtha leh tawh dawn lo, ka thianghlim na ka in chhuan ve na kha nanghian tih luih na hmangin min laksak, chuchu engtinge siamthat leh I tum, hre rawh, i siamtha leh tawh ngai dawn lo, chuvang chuan i thiltih theih ngai loh tur sawi chhuak tawh lo zawk mai rawh, chuan kan in atang hian chhuak la rawn lang leh tawh suh, ka pa hi han dam tha deuh se nang nen a kan in then tur thu ka hrilh ang, chuvang chuan i inah khan ka rawn let tawh dawnlo" ka ti a.




"Aih, kan in then ngai lovang, ka then dawn lo che" a ti a, "I thusawi chu ka zawm nachhan tur ka hrelo, hre rawh, i bulah hian reilote pawh ka awm duh tawh lo, Engvangin nge min rawn um zui, nizan a ka chunga khatiang thil I tih nachhan pawh kha i hmei nu vang kha a nilawm ni, tunah chuan ka chhuak tawh bawk a, a ni nen khan nuam chu tawl ta che u, tibuai tur cheu in ka awm tawh dawn loh hi, in hlim tawh zawk ngawt lo maw, lem rawn chang kual vel lovin i hmei nu nen khan in duh ang tak chuan khawsa rawh u, i hmei nu vang mai mai a khatianga ka chunga i che kha rin harsa ka la ti, ka theihnghilh mai mai tawh lovang tih hria ang che" ka ti chhuak leh tawn tawn a, ka thusawi chhung zawng chuan min lo en ngawt ngawt a, engmah sawi ngam tur a nilo reng a ni.




"Chhuak tawh rawh, i hmel pawh hi ka hmu peih lo ve" tiin ka in her hmak a, "Awle, ka kal ang, mahse ka then dawn chuanglo che, hun thawl I mamawh a nihkha, zanah ka lo kal leh dawn nia" tiin room atang chuan a chhuak a, khumah ka thu thla a, nizana ka chunga rawng taka a che lai chu ka mitthla let a, ka ngen mawlh mawlh lai khan tawp nise ka thianghlim na kha ka chan lovang. Nunrawng taka min nuih khum lai te kha ka mitthla let phei chuan ka thau ah min la man hial thei, thla li tal tawp kan chen dun chhung khan khatiang tak khan ka chungah a che ngailo a, ka duh lo chung ka thianghlim na min laksak turin eng dikna mah a neilo, hun lo awm tur chu ka sawi theilo, mahse tun atan chuan ka ngaidam theilo, ka ngaidam mai mai thei lovang.



Nicholas Ramnunpuia POV



Bawihi room atang chuan ka chhuak a, inhnuai lamah ka chhuk a, ka pi zawn in min hmuh chuan min biak duh thu a sawi a, pawn lamah chuan kan in zui chhuak a, "Amelia-in thil thlen dan min lo hrilh a, a pawi hle mai" a ti zawi sep a, "Ka thiam loh vek a ni" ka ti ve sup, "Bawihtei thiam loh pawh a awm ang tih ka hria, in in neih hnu khan tha takin in awm emaw kan tih laiin room pawh in lo in tawm miah lo tih ka hria a, a zialo hle a ni, in duh leh in hmangaih vanga in nei in nilo tih chu ka hria a, mahse hetiang ang a in awm chu ka lo ring lo va" a ti leh a, "Engkim siamthat leh na hun min pe hram rawh, I fanu hi ka duh a ni, ka duh tih ka lo hre har mah mah a, mahse tunah chuan a tello in ka awm theilo, in then ka duh lo bawk" ka ti nghet charh a.




"Ka hrethiam alawm, keipawh hian in in then ka rem ti lo, engpawh nise ka fanu hian hun a la mamawh dawn a, i nghah deuh a ngai ang, hmeichhe luhlul ve tak a ni a, a duh loh naah chuan a tih luih theih lo, chuvang chuan han nghak deuh la, engkim a tha leh vek mai a, i duhthu I sawi kha ka ringhlel lo, i mitah ka fanu i duhna ka hmuh sak thei che, chuvang chuan i duh a ni tih a hriat fiah theih nan tan i la dawn nia, ka fanu chunga i thiltih ah khan I inchhir takzet tih ka hmuh sak thei che a, I chungah lungawi loh na ka neilo" a nui sen sen a, ka thawl huai thei. "Ka lawm e ka pi, I fanu hi ka duh takzet a ni, khatiang thil kha a thleng leh tawh ngai lovang tih ka tiam a che" thu tak zet chuan ka ti a, "Awle, lo lut la, thingpui kan in dawn nia" tiin inchhung lamah chuan kan in zui lut a, thingpui ka in zawh chuan ka pu ka hmu leh zawk a, hna kal turin ka chhuak nghal.




Bawihi nute in atang chuan ka chhuak a, hnathawh na lam ka pan nghal, nizana ka chet dan avang khan ka inchhir hle, mahse ka then dawn lo a ni tawp, eng ang pawn in then a duhthu sawi mahse ka then lovang, hnathawh tur ang ka thawk mawlh mawlh a, pawn lamah kal chhuah a ngaih avangin ka chhuak leh a, ka hmanhmawh viau tawh bawk, Bawihi hmuh vat vat ka duh a ni, kan thil siam chhuah te ka en lai chuan ka phone a rawn ri a, Cindy hnen atang a ni, ka lak hnuah ka awmna te min zawt a, min hmuh duh thu a sawi chuan ka office ah rawn kal turin ka ti a, keipawn thil sawi duh chu ka nei a lawm, kan in kar hi tih tawp vek ka duh a ni, sum vang mai mai a min hnaih a ni tih ka hria a, nupui ka nei tawh a, ka nupui hi ka duh hle bawk, chuvang chuan hmeichhe dang hnaih vak ka tum tawh lo.




Cindy chu a rawn thleng a, min khawih a tum chuan ka lo dang vat, "Cindy sawi duh ka nei, chuvang in awm tha rawh" ka ti hluk a, a ni pawh chu ka hmaa thut na awm ah chuan a thu thla a, "Kan in kar hi ti tawp ang" ka ti nghal a, "Enge i sawi awmzia?" a ti sep, ka thusawi chuan a thawng hle tih ka hria, "Nupui nei tawh ka ni tih i hriat kha, chuvang chuan kei lo tlangval pangai tak nen nun bul tan tha rawh u, kei nen chuan a rem lo a ni" ka ti leh a. Min en ngawt ngawt a, "Ka sawi duh chu ka sawi zo tawh, I kal thei ang, nupui nei lai ka ni tih i hriat kha, ka thusawi chu I hriatthiam ngei ka beisei" ka ti leh a, "Ngatinge hetiang hian i tih, I sawi vek tawh kha, nupui pawh nei mahla kan tawp loh tur thu I sawi kha, chuvang chuan hetiang hian ka chungah I ti thei lo, ka hmangaih che tih i hriat kha" a ti a, a mittui a tling pam bawk.




"Cindy a harsa zawngin awm lo teh, a tir atangin kan in kar awm chu tisa lam thil chauh a ni tihchu i hriatthiam ka ring, min hnaih chhan pawh kan hrechiang ve ve, chuvangin kan tawp a tha zawk, nupui ka nei a, ka nupui tan a pasal tha tak nih ka duh" ka ti a, ka thusawi chu hrethiam se ka ti takzet. A lu a thing nawk nawk a, "Aih ka theilo, ka kalsan theilo che, ka hmangaih che alawm, engtinge awlsam taka kan in kar tih tawp I tum theih zawk, engtinge kan in kar kha tisa lam thil mai a ni i tih theih zawk, engkim kha ka hmangaih vang che ani asin, ti mai hian kan tawp theilo, nilo ka kalsan theilo che, kha i nupui kha awmlo nise hetiang rilru hi i pu hauh lovang tiraw, engtin emaw ka tih ngei a ngai a nihchu, a ni rawn lan hnuah khan i danglam tak zia te hi ka hriat hmaih hleinem chuvang chuan a ni kha ka dah bo hmasak a ngai a ni, i nupui hi awmlo se engkim a fel vek a nimai" a ti hlawih hlawih a.




"Ngawi hmak rawh, ka nupui hi engtin mah i ti hauh lovang, tih nat han tum chhin teh, i chunga ka chet dan tur hi i rin phak bak a ni ang, chuvang chuan i kut hmawr pawhin khawih suh ang che, ka ti na tam tawk tawh, tun atang chuan ka nupui tan hian ka ding zel tawh dawn, chuchu hre reng ang che" ka ti thawt a, mak tih hmel zetin min en a, "I nupui chu i hmangaih tih sawi miah suh, kha hmeichhia kha kei ai hian i thlang amaw, a ni khan engah mah min tluk na a neilo, a ni ai chuan ka ti hlim thei zawk che tih i hriat chian kha, kei ang in khumah a zei ve em, kei angin a siam nuam ngai lovang che tih i hriat kha" a ti leh that a, "Ngawi hmak rawh, ka nupui chungchang sawi tawh ngai suh, ka nupui nen i in tehkhin ngam amaw, ka nupui tluk na pakhat mah I neilo, a mizia a chezia a zahawm na, a engkim ah nang ai a tha zawk, chuvang chuan ka nupui nen hian in tehkhin tawh ngai suh" ka ti leh hrawk a.




"In hlim rei chuang lovang, hre rawh, in hlim hi ka phal ngai lovang, nang hian min rawn pan leh ngei ang" tih pahin a chhuak a, ka pan anga maw ka damchhung zawng chuan a thleng ngai lovang. Office atang chuan chhuak ve nghal in kan in lam ka pan a, Tluangi chu a lo che mawlh mawlh a, "U Nicholas Amelia-i hi a rawn la haw dawn lo ami, a tlai tawh sia, hnaah a buai viau nge?" a lo ti a, "Um.. a buai deuh a, chuan ka pu te inah a awm hrih ang, ka pu a damtha lo riau bawk sia, karkhat vel chu a awm ang" ka ti a, "A va ngaihawm dawn ve, hna atang a la bang lo ah ka lo ngai ngawt a, engmah min hrilh bawk silo" tih pahin a che lehnghal mawlh mawlh a, keipawh chu room ah chho in ka inthlak a, chaw ka ei hnuah ka pu te in lamah ka kal lehnghal.




Ka thleng a, Bawihi chu choka ah a lo awm a, ka pu in thingpui lum turin a hrilh a, thingpui a rawn chawi chhuak a, ka lo melh reng, min en ve lem hlei lova, ka pi bulah chuan a thu tharh a, Matthew-a erawh hmuh tur a awm lo thung, ka pu chuan hna lam chanchin te min zawt a, ka lo hrilh ve nghal, thurawn te min pe a, sumdawng mi ve tho a ni a, a thurawn chu ngun takin ka lo ngaithla a, Bawihi chuan tv a en a, vawikhat pawh min la en lo, "Bawihtei helam ah rawn awm hrih a tum thu a sawi khan mak ka lo ti deuh a, a rawn awm kher a ngailo a nia, ka tha viau bawk a, nupa in ni tawh bawk a, han awm hran lah a chi in ka hre lo bawk a, chuvang chuan zanin hian rawn zui haw lehnghal che sela tha in ka hria" Bawihi nen kan in melh nghal chat a.




"Ka haw dawnlo ka tihkha Pa" lungawi lo deuh in Bawihi chuan a ti a, "Bawihte, min han en la, ka that tawh em hi, pasal nei I ni tawh a, helam a i rawn awm reng hi thil mawi a ni tawh hleinem, midang pawh an awm tho a, chuvang chuan haw leh zawk rawh" ka pu bawk chuan a lo ti leh a, "Ka pu buaina tur a awm hleinem, Bawihi hian a ngaihtuah em che a, helam ah awm hrih mahse pawi na a awm miah lo ania" ka lo ti sup a, Bawihi thaw huai chu ka hmuh hmaih lo, "Awle.. ni hnih thum vel chu han awm la, mahse awm rei viau a ngailo a nia, ka tha lutuk tih i hriat kha" ka pu in a lo ti leh hram a, "I nau pawh hi a lo va haw har tawh ve, tun hnai chu zan chhuah a ching riau a, ngaihzawng te hi a lo nei ve anilo maw?" ka pi in a ti a, "Ka hrelo, zingah khan phone a hmang lai ka hmu a, a nui ver ver lehnghal, bialnu a nei aniang" Bawihi pawh chuan a lo ti vat a.




Kawngkhar atang chuan Matthew-a a rawn lut nawlh a, "Khawiah nge i kal a Bawiha?" ka pi in a lo ti a, "Thian te inah ka leng mai mai" Matthew-a chuan a ti a, "Awihawm loh emai, i bialnu I rim a nihkha, sawi tha ve mai ta che" ka nupui in a lo tihchuan Matthew-a chuan a melh rum hle, "Bialnu ka nei lo" tih pain inchung lamah a chho nghal daih bawk, kan lo nui dar dar a. Dar 10 a rik dawn hnaih chuan ka pu te chu an room lamah mu tura kal an tum a, keipawh riak ve nghal turin min tih avangin ka riak dawn ani, Bawihi room ah kan in zui lut a, a thaw hak, "Ka chhungten riak tura an tih che pawn lo hnial ta che, a hrim hrim in rawn lang fo lo la ka duh ka tihkha" a ti hmak a.




"I bul hnai a awm ka duh alawm, I tello chuan kan inah pawh let leh ka duh tawh lo" ka tihchuan a ner sawk a, "I hmei nu kha riak turin sawm mai ta che, heta rawn riah tum lo hian" a ti leh a, "Bawihi, Cindy nen kan in kar ah engmah a awm tawh lo, kan inkar ka ti tawp vek tawh, tun atang chuan I tan pasal tha ber nih ka tum tawh ang" a in siam chhe nasa hle, a lawmawm letling phian a, ka nui chhuak teuh hle, mahse ka nui chhuak a nih vaih zawngin a lung ka ti awi lo zual dawn tih ka hrechiang si. Rum zet a min melh pahin "In in kar a tawp leh tawp loh ah ka buai lo, in duh chuan lo in then ula in duh leh in zawmna pawh lo nei ula pawi tihna ka nei reng reng lo, ka tan engmah a nilo, ka pa in riak tura a sawm vang chauh che in i riah ve ka phal sak ang che, zan dangah chuan lo hnial tawh ang che" tiin a in her a, puan sin tur la chhuak in thutthlengah ah chuan a mu nghal hmak bawk.


Cont....



A comment theih tawh a, comment leh theuh ang u aw...


Show post links
Top

[Ngaia]

Chapter-14



Nicholas Ramnunpuia POV




Thutthleng a Bawihi mu lai chu ka en reng a, lehlam a hawi a, min haw hle tih ka hria, ka thiam loh a ni a, a chungah thinrim thei ka nilo tih ka hria, eng ang pawn min haw mahse ka bei ang, kan pahnih a hlim taka kan awm hma chu beidawn ka tum lo hrim hrim. Zing ka harh chuan room chhung ah tumah hmuh tur an lo awm tawh lo, bathroom ah ka in tifai thuak thuak a, inhnuai lamah ka chhuk nghal, Bawihi hmuh tur a awm mai lo lehnghal, ka pi chuan min hmuh in min be nghal vat a, Bawihi awmna ka zawh chuan hnaah a kal tawh thu min hrilh a, tunah zing dar 8 pawh a la ri silo a, "Hnaah buaina a awm deuh a ni awm e, I la muttui bawk sia, a hrilh duh lo che aniang, lo kal rawh, thingpui te hi lo in la" a ti a, choka ah chuan in zui lutin thingpui te kan in a.




Ka pu pawh a rawn tho chhuak ve a, chaw ei ka tum loh nen min tih luih tlat avangin ka ei ta ngawt a, in lamah haw hmasa in ka in buai fai a, hna kal turin ka in siam tlang nghal bawk. In atang ka chhuah meuh chuan dar 10 a pel tawh, company lamah tlang lovin Bawihi dawr ka pan a, ka thlen chuan an lo buai hmel hle, Bawihi ber pawh hmuh tur a awmlo, Terina'n min hmuh chuan min rawn pan a, nidang ang a nilo, ka chungah a lungawi loh hmel hle, "Enge i lo tih dawn?" a ti hmuk a, "Ka nupui hmu turin ka lo kal, khawiah nge a awm a?" ka tihchuan a ner sawk lai chu ka hmuh hmaih lo, "Engvanga Amelia-i chu rawn hmuh tum nge i nih, i bialnu hlui in buai na a rawn siam zo chauh a, nanghian buaina dang rawn siam belh i tum a mi?" a tih leh chuan ka melh run a, a thusawi awmzia ka hre hauh lo.




Enge i sawi awmzia chu?" ka ti nghal charh a, "I hrelo amaw , kha i bialnu Cindy kha lo kal in kan dawr hi a rawn ti hnawk vek asin, kan thawmhnaw zawrh lai te hi a rawn paih thla a, customer an awm hman lo hlauh a, a vannei a nihkha, chuti nilo se a hmingchhe ngawt ang, Amelia-i kut a la thlak zui, kan dawr bul ami te pawh hian an hmu vek asin, a au tuar tuar a, Amelia-i kha mi inkar a in rawlh angah puh in tawngkam chhe tak tak in a ankhum a sin, Engvangin nge bialnu i neih chuan Amelia-i hi nupui ah i neih, Nangmah vangin zahna ko tlangah a ding tih i hria em?" thinrim tak chuan a ti tawn tawn a, a thusawi chhung zawng chuan ka lo in hum ruh ngawt ngawt, hetah Cindy a kal amaw, buaina a siam mai bakah ka nupui kut a thlak bawk, ka sawi chiang viau tawh, ka nupui a tina a nihchuan ka ngawi mai mai bik lovang ka ti a, ka thusawi a zawm in a hrethiam duh lova, a tha e, enge a chungah ka tih theih a hre khawp ang.




Dawr atang chuan ngawi rengin ka chhuak a, company ka thlen chuan ka secretary chu ko in meeting ko turin ka ti nghal, meeting room ah chuan an thu thup tawh a, Cindy pawh a tel nghe nghe, tunah hian ka company model ni lai mek a ni bawk a, ka thuthluk na a hriat hunah chuan a hma hun zawng zawng in a nghawng vek thei tih a hre tawh ngei ang, pawi tihna ka nei hran lo, ka nupui kut a thlak a, a chan tawk a hmu ah ka ngai hmiah thung. "Meeting ka koh chhan chu ka thuthluk na sawi ka duh vang a ni" ka ti hmasa te te a, ka thusawi leh tur chu an lo ngaichang thup a, Cindy pawh chu min en ran chungin a nui sang a, a nui reilo tawp ang. A thiltih pawi zia a hriat huna chuan ka nupui hnenah ngaihdam dil turin a kal ngei a ngai bawk ang.




"Vawin atang hian Cindy Lalramhluni hi kan company model a ni tawh lovang, kan lakah a lungawi lo a nihchuan a duh ang zat pawisa a ngiat thei bawk ang, buai na tur kan neilo" ka ti nghal sup sup a, ka thusawi avang chuan mak an tih hmel hlawm hle. Cindy chuan phawk zetin min en bawk, ka nupui chungah kut thawh lo turin ka ti chiang viau, mahse ka thusawi ngaihthah in a duh dan in a che a, he thil hi a cho chhuah a ni tlat, "Kan company model tur lo zawng ang che u, mi tha tak a ni tur a ni" ka ti leh sup a, "Mahse sir, hmani a shooting kan neih te kha, engtinge ni ang, kan pho chhuah a hun tep tawh si a, midang kan zawng leh dawn a nihchuan kan tih tlai ngai dawn asin" Pakhat in a lo ti chuan ka rum nghut.




"Pawi tihna ka neilo, duh chuan tlai deuh mahila kan chan phah dawn chuanglo, a nilawm ni, vawinah midang chu in lo zawng dawn nia, ka sawi tawh ang khan mi tha tak a ni tur a ni, meeting chu a zo e" tih pahin room atang chuan ka chhuak a. Office chhungah ka lut a, Cindy-in min zui lut ve nghal. Ka chair ah chuan hahdam takin ka thu a, min en ngar bawk, "Engvangin nge hetiang hi I tih, hetiang hian ka chungah I che ngawt thei lovang" thinrim takin a ti a, "A chhan awm ang tur chu i hriat ka ring" ka ti a, ka melh nghal run bawk, a mitmeng chu a danglam zawk a, "Enge ka tih, engmah tih ka neilo" a la ti ngam cheu a nihchu, a mitmeng ah erawh hlauhthawn na ka hmu chiang viau bawk.




"I thiltih ngei chu ka hrelo I ti thei lovang, min bum tum suh, engvang a ka nupui dawr ah kal a, buaina siam nge i nih, chuan kut i lo thlak hial bawk a" ka ti chhuak hrawk a, ka thutna atang ka ding nghal zat bawk. "Chuvang mai chuan maw keihi min ban, Nicholas min ban avang hian in company hian in chan duai thei tih i hriat kha, kei ai model tha Mizoram ah an awm lo tih i hriat kha" ti fuh in ti zetin a ti a, ka nui chhuak tep a ni, "Nang ai model tha an tam lutuk, nang ang hmeichhia hi kan mamawh hrep lo che, ka nupui kut I thlak avang khan ka en liam mai mai theih che i ring a nihchuan i tisual hle ang" ka ti hmuk a, "Hetiang hian i ti theilo, in company atang min ban a nihchuan kei ai in chan nasa zawk dawn tih chu thil chiang sa a ni" a ti leh a.




"Kan la hria ang chu, tunge thil ti thei zawk i hriat kha, ka nupui buaina i siam sak avangin i hma hun eng tak chu nang hian i ti chhia tih hria ang che" ka ti leh hluk a, a mitmeng ah chuan a hlauthawng tih ka hmu nghal thei, "Chhuak rang rawh, company atang a i banna ringawt hi chu a ve lek a ni tih hria ang che, i hma hun i ngaihtuah a nihchuan ka nupui hnenah ngaihdam dil ang che" ka ti leh charh a, "Chhuak vat rawh, I hmel pawh hi ka hmu peih lo ve" ka ti leh hluk a, ngawi rengin a chhuak a, chair ah ka thu thla nghal dawt bawk. Bawihi chu ka ngaihtuah hle, dawr a ka kal in a lo awm bawk silo, tunah a awm tawh angem, ka phone chu la chhuak in ka call a, a in ring ral thak thak lehnghal, file check ngai ang chu ka check zung zung a, ka zawh chuan company atang ka chhuak lehnghal vat.




Bawihi dawr ah chuan ka kal leh a, amah a lo awm tawh, customer a lo be mek a, min hmu mai lo, nula la naupan hmel tak pahnih chu a lo buaipui a, Bawihi chuan kawr a en kual tir a, chu hmeichhia te pahnih chuan min rawn hmuh chuan an in signal chu ka hmu thei, Bawihi tawng mawlh mawlh pawh chu ngaithla lo chuan keimah ngawt min en a, ka lo ner sawk, an lam panin ka kal a, Bawihi pawh chuan min rawn hmu ve nghal zat bawk, min beisei vak lo a niang, min hmu chu mak a tih hmel hle. A bulah chuan amah si chet in ka ding a, "Enge i lo tih dawn?" a ti sep a, "Ka ngai che a, ka lo kal a nihhi" ka tihchuan a ner nang a, kei ka lo nui suk thung. "Customer ka nei mek tih i hmuh thiam ka ring, chuvang chuan hmun dangah lo va awm rawh" a ti zawi leh sep a, kan hmaa hmeichhe ding te lam chu en in a nui leh sang a.




Ka bulah nuih a hreh nen midang hmaah chuan nui sangin a awm ania, ka lungawi lo dawn lek lek hial. "Ih.. Pu Nicholas thla kan lak pui thei che angem?" hmeichhe pakhat zawk chuan a rawn ti a, ka en vat a, laih hmel zetin hnuai lam a bih nghal daih, chhang lovin ka en ngur a, an la naupan hmel ngaihtuah in an zaktheilo ka ti dawn nge ka hmeichhe ngaihnat loh chi tak an ni, Bawihi chuan min rawn nghawk sawk a, "Lak pui rawh u" a ti nghal zat bawk, ka lo rum nghut a, "Min lo lak sak lawk mai la" ka nupui hnenah chuan an la ti zui a, a laia ka ding a, Bawihi chuan thla a la a, lawmthu te an sawi a, ka chhang lemlo, kawr te chu an en a, pakhat ve ve an lei bawk, Bawihi chuan lawmthu sawiin kawngkhar thleng a thlah a, "Min rawn zui rawh" a rawn luh leh lam chuan a ti zawi sep a, a office lamah chuan kan in zui lut a.




"Tinge ka hnathawh naah i rawn kal?" a ti fak a, min hmu chu a lungawi loh hmel hle bawk, "Ka ngai che ka tihkha" ka ti sup a, a hmel chu chiang zetin ka en a, a hmai chu a vung deuh a, chiang taka en loh chuan a hriat loh thung. Ka in hum ruh nghal tawlh tawlh a, Cindy khan a beng na hle tih ka hre nghal thei, "Lo kal fo tawh suh, hetah hian kan lawm lo che chuvang chuan let leh vat zawk rawh" a ti leh hmak a, "Vawin thil thleng ka lo hria a a pawi ka ti" ka ti leh sup a, "Thleng tur ang chu a thleng vek tawh tho a, mahse i hmei nu bulah khan lo sawi la, ka dawr ah hian a rawn kal leh a buaina a rawn siam leh a nihchuan ka ngawi mai mai tawh dawn lo ania" tiin chair ah chuan a thu thla a, "Ka buai deuh a, min lo va chhuahsan tawh dawn em ni?" min en lem hlei lovin a ti leh a.




"Awle.. ka chhuak ang, zanah ka lo kal leh dawn nia" ka ti a, engmah a sawi hma chuan ka chhuak nghal daih, a sawi leh tur ka hriat chian em vang ani pakhat, a nu te in lama kal tawh lo tura min tih a tum tih ka hria, mahse reilote pawh a tello in ka awm hleithei tawh silo, a rang lam a kan inah a rawn let leh duh nan a rilru ka hneh sak vat a ngai dawn a ni. Inah ka haw leh phawt a, ka room ah lut ta lo chuan Bawihi room ah ka lut a, a rim nu chek chu a la nam a, ka hip lut vang vang, a khumah chuan ka thu thla a, room chu ka en kual a, Bawihi che tla lai vel te chu ka mitthla in ka hmu thei, in a a awm lo chiah chu a reh huai a, kan nupa in chu a ruak ngawih ngawih a ni ber. Bawihi ka nun a a rawn in lan hma kha chuan mahni a awm nuam ka ti thin, mahse tunah chuan he in lian zet hi Bawihi tello chuan a khawhar thlak ka ti a ni.




In atang chuan hma takah ka chhuak a, Bawihi nu te in ka thlen chuan ka lut tlang a, ka pu nen kan titi leh mawlh mawlh, a ngai te bawkin Bawihi chu Anu bulah ngawi rengin alo thu ve reng a, "Thenawm ah damlo an awm a, Bawihtei nu nen kal kan lo tum tawh bawk nen kan va kal ange" ka pu chuan tih pahin a ding chhuak nghal a. Ka pu te an chhuah hnuah chuan Bawihi nen chiah kan awm leh ta, tawng a tum bawk silo, ka en reng a, Matthew-a chu a leng chhuak leh tawh te pawh a niang, hmuh tur a awm leh tawh lo. "Bawihi, engtikah nge rawn haw I tum, i tello chuan saw kan in lian zet saw a reh ngawih ngawih a ni" ka ti sup a, min rawn en a, "Ka sawi tawh kha, hetah ka awm dawn, in then ka duh ka tihkha" tha deuh chuan a rawn ti ve teh mial a, nilo, a rawn haw leh dawn a ni ringawt, a tello chuan ka awm theilo.




"Ka then ngai dawn lo che, I tello chuan ka awm theilo, in then duh eng ang mahla kei hian ka pawm ngai lovang" ka ti nghet charh a rum zetin min rawn en a, ka lo nui suk, a duhawm hluah hluah a ni tawp. Min melh rawm rawm a, "I duh leh duh loh kha ka tan pawimawh na a neilo, ka nu bulah chauh thil thlen dan ka la sawi a, ka pa leh ka nau hian an hriat hunah chuan nang neih reng che hi an phal i ring em ni, teuhlo, ka nu bulah pawh hman zan a thil thleng bak kha ka la sawilo bawk, an makpa fel em em a an ngaih hian kan in neih tirh atang a tun thlengin hmei a nei tih an hriat chuan nang nen a in then ka duh hi min sawisel sak dawn hauh lo, chu chu nang pawh hian i hriat chian ka ring" a rawn ti chang fak a, a thusawi chhung zawng chuan ka lo in hum ruh ngawt ngawt ringawt.




A sawi ang ngei in a chhungte hian Cindy nen kan inkar an hriat chuan in then turin min duh ngei dawn, ka thiltih sual a ni a, siamthat leh ngei pawh ka duh bawk. Engpawh lo thleng se ka nupui hi ka then dawn lo a ni tawp mai, a rilru ka hneh sak theih nan chuan engpawh tih ka huam, "Bawihi, ka thiam loh a ni tih ka hria alawm, i chunga nunrawng taka ka chet avang khan ka in thiam biklo asin, hun pawt let leh thei ni ngat ila chu nang nen a kan in hriat tirh khan ka pawt kir leh anga, nang nen hian nun bul tan that ka duh takzet a sin, nun bul tan tha in in ngeih takin kan awm theih nan engpawh tih ka huam, khawngaihin ka in thiam loh zia hi min hmuh sak hram rawh, khatiang thil kha a thleng nawn leh tawh ngai lovang" ka ti sup a, a ngawi vang vang thung.




"Engtinge ka rin theih ang che, nilo ka ring theilo che, nang hian vawi tamtak hmeichhe dang hmaah tlawm takin min siam tawh asin, tawngkam chhe tak tak in min ankhum a, chumai duh tawk lovin kut hial min thlak a nihkha, chupawh i hmei nu hmuh laiin, nuih sawh taka min en lai te khan nang chuan min lo en liam mai mai a nilawm ni, chuan tunah i hmei nu vang bawkin ka chungah rawng takin i che a, ka thianghlim na hial min laksak a nihkha, tihluih na hmanga ka thianghlim na min laksak avang khan ka hua che, khawvel a ka mi huat ber I ni, i hria em, ka haw lutuk che" a ti tawn tawn a, a thusawi lai chuan ka lo en tlawk tlawk ringawt. A thusawi ah khan diklo lai pakhat mah a awmlo, keimah chiah ka in ngaihtuah avangin ka nupui ngei chu na takin ka siam a ni si a.




"Engkim kha ka thiamloh vek ani" Ka ti sup, a bak thil dang sawitur ka hrelo, nilo sawi tur ka neilo a ni, "Ni e, i thiamloh a ni, tunah chuan engkim tawp tawh rawh se, ka tuar hnem tawk tawh, i tawngkam chhe tak tak te chu ka pai dam thei mai, mahse ka chhungte zahna nei lek lova i khawsa leh i hmei nu vanga ka chung a rawng taka i che kha chu ka pai dam theilo, tunah chuan i in atang ka chhuak tawh bawk a, i lawm tawh zawk ngawt ang chu, i hmei nu nen hun nuam tak in hman theih phah tawh dawn a, khatiang khan in thiam loh hmel zet khan ka hmaah rawn in lan lo mai teh, hun kal deuh se ka pa hrisel na lam a that velah sum kan rawn chhuah ang, chumi hma chu kan inah hian rawn lang tawh suh" a sawi hnem bawk a, a thaw chhuak kawk a. Ka en vung vung az a ni pawhin min en ve ran bawk, "Tun atan chuan ka kal phawt ang, mahse ka then dawn chuanglo che, I rilru ka hneh hma chu ka beidawng lovang" in ring tawk tak chung chuan ka ti a, pawn lamah ka chhuak zui nghal zat bawk.


Zawmna


Amelia Lalnuntluangi POV




Ka chhungte ina ka awmna pawn kar hnih lai a liam leh tawh, Nicholas-a pawh a rawn lang zing viau a, ka pa in riak tura a tih pawhin riah a tum tawh ngailo, a lo kal apiang lahin chocolate min lo ken ziah a, engtinge ka duh tih a hriat zawk ni, ka pa lung thlak na tur kan la zawng ve zel a, hospital a thawk ten min ngaihtuah pui bawk nen kan hmu har lo turah kan ngai. Ka nu in engmah a sawi loh laiin ka pa thung chuan kan nupa in lamah haw turin min ti fo a, chhuan lam eng eng emaw siam in ka la hnial ve thei zel, mahse ka hnial reng thei dawn lo tih erawh ka hre chiang viau thung. Hna pawh a kal tluang viau a, order kan hmuh tam lai tak a ni, hna atang ka haw tlai deuh ziah a, ka haw hi chuan Nicholas-a a lo awm vang tawh zel.




Chau hnap in inah ka haw a, zan dang ang bawkin Nicholas-a chu sitting room ah ka pa nen an lo titi leh a, ka nu erawh hmuh tur a awm lo, "Pa khawiah nge ka nu a awm a?" ka ti a, "Thenawm ah a kal lawk a nihkha, a lo haw tep tawh ang" a ti a, "A nihchu, ka han inthlak lawk ange" tiin inchung lamah ka chho nghal a, ka inthlak zawh hnuah in hnuai ah ka chhuk a, ka nu pawh a lo awm tawh, "Bawihte, i lo haw na a rei tawh em, chaw kan ei san che a, hei in pa hian chaw a la ei lo bawk a, in pahnih in ei dun mai rawh u aw" ka nu in a lo ti zung zung a, "Awle" tiin choka ah ka lut nghal, Nicholas-a pawh chuan min rawn zui lut ve a, chawhmeh ka chhuan lai chuan chair ah ngawi rengin a lo thu ve reng a, chaw ei ka siam chuan min lo pui ve bawk.





Ngawi rengin chaw kan ei a, ka kham hmasa a, kut ka sil hnuah Nicholas-a kham hun ka nghak a, a kham ve vat bawk, hmun a tihfel laiin thleng ka lo sil thung a, "Tluangi pa a dam tha lova, karkhat chhung a chawlh a ngai dawn a" a ti sup a, chanchin engmah ka lo hre ve lo, U Tluangi nen kan in be fo va, engmah min hrilh bawk silo, "A nihchu, a va zialo ve, eng na nge a sawi em?" ka ti tha ve mai a, "Cancer a nih an rin thu a sawi a, a rilru a hah hmel khawp mai, a khawngaih thlak a nia" a ti ve a, U Tluangi chu ka ngaihtuah hle, rethei lutuk tia sawi tur an nilo a, a pa hi zirtirtu a ni a, an in nghah na ber a ni bawk, cancer nilo hram se ka ti takzet, zanah ka be ngei ang, kan in hmuh lohna a rei tawh bawk nen ka ngai tawh viau bawk.




Nicholas-a chu awm rei lovin a haw a, a haw hnuah ka room lam ka pan ve chiah, U Tluangi ka call a, reiloteah a la a, "Chanchin engmah min hrilh lova, i pa chu enge a an a?" ka ti nghal zung zung a, "Sawi thiam a harsa, a pum hi na a ti thin a, a na reng lova, mahse a na a chhuah tawh chuan kan chiai nghal vek zel" a ti a, a aw ah chuan a pa chu a ngaihtuah hle tih ka hre thei, "A va zialo ve, naktuk ah ka lo kal dawn nia" ka tih leh chuan min lo hnial vat a, "Naktuk chu ka pa entir in kan chhuak dawn a, kan haw hun tur pawh ka sawi lawk theilo, nidang ah lo kal zawk mai la, a pawi I ti em?" a rawn ti a, "Pawi love, lungngai lo la, a tha em em ang" tiin ka tawng thlamuan ve a, kan in biak zawh chuan mu turin ka in tin tuah nghal a, ka muthilh tak tak hma in lehkhabu ka chhiar thin a, ka lo muthilh san ziah bawk.




Nidang zawng aiin zing ka tho nuam, inhnuai ah ka chhuk a, rawng ka bawl nghal mawlh mawlh, thingpui ka in lai chuan ka nu a lo lut a, "Bawihte, i va tho hma ve, min thawh khalh ve ngei a" ka nu chuan a ti a, nidangah ka thawh khalh ngai lova, chuvang a sawi chu a ni tih ka hre bawk. Thingpui ka lo pe vat a, chaw ka chhuang mek a, chawhmeh siam vak a ngailo, chair ah a thu a, kei erawh ka ding thung, "Bawihte, hetah lo thu ve lawk teh, biak che ka duh" a tih avangin a bulah chuan ka thu thla a, "Sawi la" ka ti a, "Engtia awm zel nge i tum?" a tihchuan ka ngawi vang vang a, ka rilru a buai a ni, a tirah kha chuan then kha ka tum nghet bur a, mahse kan inah a rawn chuang kai ngun a, min ngaihsak em em bawk nen ka rilru put hmang pawh hi ka hrethiam tawh biklo.




"Ka hrelo" ka ti zawi sep a, "Awle, ka hrethiam che, nizanah mut hmun ah i pa in a sawi a, haw phei tawh mai la a tha in a hria a, ka ngaihdan chiah pawh a ni, i pa in engmah a hrelo a a rilru chu i hriatthiam ka ring, Nicholas-a a rawn lang reng bawk a, a ngaihsak zia che ka hmu thei a ni, a thiltih ah khan a inchhir takzet tih ka hria a, ngaihdam na hi thil ropui tak a ni tih i hria tiraw, chuvang chuan in ngaihtuah chiang la ka duh" a ti leh a, ka ngawi reng, ni e, a chezia engkim ah hian a in chhir zia ka hmuh sak thei a ni. Let leh mai pawh ka hnial tawh lo, mahse ka rilru chhungril hian let tawh lo tura min dang tu a awm tlat bawk si, rilru fim taka ka in ngaihtuah that a ngai a ni, ka nu pawh chuan engmah a sawi tawh biklo, ka nau leh ka pa te an lo thawh takah chuan inchung lamah ka chho nghal daih a.




Ka inbual pah chuan ka nu thusawi te chu ka ngaihtuah leh a, lo let leh ta ila, a hma ang mai khan a che leh mai angem, chubak ah a hmei nu nen khan in zawmna an la nei angem tih te thleng chuan ka ngaihtuah a, aw.. ngaihtuah tawh hrilh lovang. Dawr ka thleng a, an lo buai leh khawp mai, thil tul ang ang chu ka tihpui zung zung a, buai zual a reh hnuah ka office ah ka awm a, vawin chu meeting te nau neih a ngai a ni, kan dawr hi renovate ka duh a, midang rawn phawt ka duh a ni, ka office ah chuan kan thu khawm a, dawr tih danglam dan tur vel a ka duhdan te chu ka sawi a, min lo pawm pui hlawm khawp mai, kan kawr zawrh chhuah thar tur chungchang te kan sawi leh hnuah ka duhtawk a, midang an chhuah hnuah Terina nen kan la awm a.




"I pa chu a tha zel maw?" a ti a, "Aw.. tha lutuk, in sawisel na vak a neilo, tunlai chu" a nui sak a, "Hman deuh hunah ka lo kal ve dawn nia, tunlai chu dawr ah kan buai bawk sia, in lamah buaina neuh neuh ka nei ve reng bawk nen lo kalna hun ka neilo lutuk a" a ti siam siam a, unau a awm an ni a, nu leh pa an nei tawh lo, Terina kum 19 a nih khan accident an boral tawh a, college pawh luh zawm lovin a nau te enkawl nan a theih ang ang hna a thawk tawp a, dawr ka hawng tirh in a lo thawk nghal a, a tirah chuan engmah thiam a neilo, mahse amah a tum ruh a, thla thum hnuah chuan thiam tawh tak ani, kum hnih dawn ka hawng tawh a, tunah phei chuan ka mi rin ber a ni hial tawh, ka thian tha tak a ni tel bawk. A nau te hi hmeichhe ve ve an ni a, a naupang zawk phei chu kum 17 chiah a la ni, a u hi an zah em em a, an in hmangaih hlawm hle bawk.




Terina chhuah hnuah ka phone ka en a, hetia meeting kan neih dawn hi chuan ka silent thin a, a chhan chu engman min tibuai lo se ka duh thin vang a ni pakhat. Ka nu, ka nau leh Nicholas-a te hnen atang miss call a lo tam khawp mai, thil pawimawh tak a awm a ni ngei ang, ka nu chu ka call back a, a lo la vat, a thu rawn sawi avang chuan ka chiai nghal, ka pa damdawi inah an kalpui a nihchu. Hmanhmawh zetin ka office atang chuan ka chhuak a, Terina min biak na pawh ka chhang hman tawh lo, jam ah ka la tang zui, hmanhmawh tawh nen a in rem lo khawp mai, darkar chanve dawn lai ka tan hnuah kawng a thawl ve thei ta hram, ka thinrim tun hman, damdawiin ka thleng a, motor chu park tha in a chhungah ka tlan lut nghal.




Nurse ka hmuh fuh hnenah ka pa awm na ka zawt a, min hrilh vat, ka pa awm na ni a an sawi zawn ka thlen chuan ka nu te chu ka hmu a, thil awmzia ka zawt vat, "Chhun thil ei tur ka siam a, i pa chu a muhil thung, eitur nen kan room ah ka lut kha i pa chu thaw chham ang mai hian a lo thaw kawk kawk a, ka buaipui nghal vat a, a hnuah phei chuan a taksa a zawi vek, ka rawn call che a, mahse i chhang thei silo, i nau ka call leh a, a ni pawhin a lo chhang theilo, Nicholas-a ka call a, rang taka rawn thlengin i pa hi damdawiin lam kan pan pui nghal ani" a lo ti zung zung a, ka in thiamlo hle. Pawn lamah chuan ka pa a check zawh hun kan lo chang ran a, Nicholas-a hnenah lawmthu sawi ka ba bawk, ka vei tawn sek chu ka darah a rawn man a, "Hahdam tum rawh, ka pu chu a tha em em ang" tiin hmel hmuh nuam zet chuan min en a, a mitmeng dam dap ka hmuh chuan tlem in ka thawl deuh.




Doctor a rawn chhuak a, "Doctor ka pasal chu enge a an?" ka nu chuan a lo ti vat, "A tha tawh e, a thawk a diklo mai a ni, tunah chuan a la harh lova, a lo harh hunah in haw thei nghal ang, hlauhthawn tur a awm lo" a ti a, kan thaw huai hlawm in ka hria, "Engvanga khatianga awm kha nge a nih?" ka lo ti thung a, "A hah deuh pawh a ni maithei, chhuah na te a nei em?" tiin ka nu chu a en a, "Aw... Thenawm pa nen an chhuak dun a, a lo haw hnu khan a chauh deuh thu sawiin room ah a mu a" a lo ti vat a, "Chuvang a nihchu, in lamah awm hahdam se, chhuak vak lo se a tha a nimai, a lung thlak na tur pawh kan zawng mek a, kan hmu vat turah ngai ang" a ti leh a, doctor chhuah hnu chuan ka pa room ah kan lut a, khumah tui tih hmel zeta a mu lai chu ka en reng.




"Nicholas kan lawm lutuk a nia aw, awm lo la chuan kan che buai hman ngei ang" ka nu chuan a ti a, "Ka pi ka tih tur ve reng alawm, Bawihi pa a nih angin ka pa ve tho a ni a, harsat na in tawh chuan min hriattir hmasa ber dawn nia, tih theih ka nei a nih phawt chuan ka ti zel ang" a ti dam dap a, a thusawi chu a sawi mai mai lo tih ka hre thei, ka thlamuan phah hle bawk. Ka pa a lo harh hnu chuan in lamah kan haw a, Nicholas-a pawh chuan min zui haw ve zel bawk, vawin khan Nicholas-a awm lo ta se engtinge ka pa hi a awm ang ka ngaihtuah ngam lo zawk, midang pun tur pawh an tam tih ka hria, mahse ka nu mangang rilru buai khan keini chauh hi min hrechhuak tih ka hria, a chungah hian mimal tak pawhin lawmthu sawi ka ba takzet a ni.



Cont...



Chapter thar ka dah nghal kha aw...


Show post links
Top

[Ngaia]

Chapter-15



Amelia Lalnuntluangi POV




Ka pa chu in sawisel na a nei tawh lova, Nicholas-a hnenah pawh lawmthu ka sawi a, a chhanna min pek khan min hneh takzet a nihkha, "Ka nupui i ni a, ka hmeichhe duh I ni bawk, ka hmangaih che em chu ka hrelo, mahse ka duh takzet che a ni tihchu ka hria, chuvang chuan i harsat na chu ka harsatna a ni a, i hlimna pawh ka hlimna a ni bawk, tun hma a thil thleng kha chu ka ko kir thei tawh lo, mahse tun atang chuan i tan ka ding anga, i mamawh hun apiang ah ka awm bawk ang" a ti a nihkha, diktak chuan Nicholas-a hi ka hua pawhin ka hre tawh lo, keimaha ka awm chang te hian ka lo ngaihtuah leh veng veng zel, haw turin min sawm leh tawh miah lo bawk a, haw tura min tihchuan hnial ka tum tawh lo bawk, a chhan chu pasal tha tak nih a tum tih ka hria a, engvangin nge chance vawikhat chu ka pek leh theih loh vang ni.




Hna atang ka haw hma hle, engin nge min tur pawh ka hre lo, mahse Nicholas-a hmuh hlan ka nghakhlel a ni ber in ka hria, zantin a rawn kal thin a, ngai ah ka neih tawh mai piah lamah a bula awm nuam ka ti a ni. Chaw kan ei kham a, ei na vel ka tihfel hnuah ka nute bulah sitting room ah ka thu ve a kawngkhar lam chu ka melh leh zeuh thin, dar 7:30 a rik pawh chuan a rawn la lang thei lo, zanin hi rawn kal a tumlo zawk nge, dar 8 a rik phei chuan ka tum bur tawh. Zanin a tak a rawn kal loh, ka nute chuan tv en in an titi leh thin a, Matthew-a pawh a leng lo, "Bawihte, i va tum nasa ve, lungawi lohna I nei ami?" ka pa chuan a ti a, "Aw... pa hrethiam ve mai ta che, a pasal a rawn kal silo a, a rawn kal a beisei bawk nen a lo kal lo a thinrim a nihkha" Matthew-a zek zawk chuan a lo ti a, ka nute pawh chu an nui chhuak hak hak a.




A thusawi dik bawk si, hnial let ngaihna ka hrelo chuan rum zetin ka melh ringawt, "U Nicholas-a nih ka va han chaklo ber tak, tikhan mut hmun ah an hau leh vak vak anga" a ti leh zel a, "Lalpeksang, i tawngthei ngawi hle hle khan thu rawh" ka ti hlar a, "Ngawi reng a thut ka peih biklo, U Nicholas-a chu ka lo hauh sak angche, nge maw a nupui in a ngai ve em em a, a rawn kal loh ni" a la ti ham ham a, lukham chu la in ka vawn nghal pawp a, a lo la man chat zui, nui vur vur chungin min en a, "Mipa ve si tawngthei lutuk" ti hmakin ka thutna atang ka tho a, inchung lamah ka chho nghal daih bawk, ka nute nui dar dar chu ka hre hman bawk, room ah ka lut a, kawngka na zetin ka khar a, bathroom ah lut tlang in hmai ka phih leh te te phawt hnuah ka chhuak ta chauh.




Lungawi zan lovin khumah ka mu a, a lo kal dawn lo a nih pawh in min rawn hrilh ve tal tur a nia, ka muhil theilo chu ka in let tawn sek a, min rawn biak hun ka nghak a ni mah zawk, ka nute pawh an mu vek tawh, zanlai dar 12 a rik chuan ka phone a rawn ri a, ka en chuan Nicholas-a a lo ni, lak pawh la duh lovin ka ring ral tir thak, a rawn ti nawn sek a, ka ning lutuk in ka la ta hram. "Dar zat i hrelo a mi, tun angah tuin nge mi call ngai tawh a?" ka ti pawt hlar a, lehlam a mi lah chu a nui huk huk lehnghal, ka beng atang ka phone chu la sawn in ka melh nghek a, "I muhil ka rawn ti harh che em ni?" a ti sup a "Harh e, vawikhat i phone call ka lak loh te chuan hrethiam ve nghal mai ta che" ka ti leh hlar a, "I muhil tawh tak tak amaw, i aw chu muhil tho hlim aw a va ang lo ve, a ring tha kher mai" a ti leh a, a nuih a za tih a aw chhuak ah chuan ka hre thei.




"Thil dang sawi lovin min rawn call chhan sawi rawh, ka mut a chhuak a nia" ka ti ta daih a, "Ka ngai che a, zanin ka lo kal hman bawk silo, hnaah kan buai deuh a, inah ka la haw lo, ka chawlh lawk chhungin ka lo bia che a nihhi" a ti leh zung zung a, "A nihchu" ka lo ti mai a, sawi tur dang vak ka hriat loh vang a ni, mahse min lo bia chu ka hlim ru veng veng thung, Nicholas-a hi ka duh tan mek tih ka hre thei. "Hey.. i thinrim em ni, ka lo kal loh vangin I lo titau vel amaw?" tiin a nui leh hawk hawk a, Lalpeksanga'n a lo sawi hman a ni ngei ang, a chaklo ang chu aw... "Thil nilo lo sawi lo mai teh, Engvangin nge i lo kal loh avangin ka titauh ngawt ang" ka ti nghat a, "Tunah pawh khan ka lo biak hun che i chang tih ka hria alawm Bawihi" a ti leh zel a, dawt a ni bawk silo, chhan dan tur ka hriat loh avangin ka ne ne kual ta ringawt a.




"Bawihi ka ngai hle che ania, hnathawh leh tawh ka ngai a, ka dah phawt mai ang, naktukah dawr ah ka lo kal anga lunch kan ei dun dawn a nia" a ti a, ka hnial ta lo, ka phur ru viau zawk. Nui ver ver chungin ka mu a, zingah pawh ka harh hma leh khawp mai, zai rat rat chungin rawng ka bawl a, "Ehem, nizan i muttui a ni maw?" Matthew-a chu choka bulah a lo ding a, "U Nicholas-a nen in in bia tih ka hre mai, i titauh thu ka hrilh a, a thlem lungawi che tih ka hre mai" a ti lehnghal zat a, "Nicholas-a hnenah thil nilo lo enge i lo sawi a" ka ti hlar a, a la nui duh lek zui, "A ho emai, kha i mood a that khawp kha, ka han in bual teh ang, ka thlan a tla nasa lutuk" tiin choka atang a chhuak nghal daih.




Chaw te kan ei a, hmun vel ka tifel hnuah inchung lamah insiam turin ka chho a, nidang zawng aiin ka insiam rei, ka thawmhnaw hak tur ka thlang nawn sek a, vawi thum lai ka inthlak tawh, a tawp ah kawrfual ka khup chen a fual, ban nei, a nghawng zau lam lek lek a uk chu ka ha a, sandal ka bul leh tawp bawk, ka sam ka kawng chen a sei chu ka ti kir bawk, make up nasa lo te in ka in hnawih bawk a, nalh ka in ti viau. Inhnuai ah ka chhuk a, ka pa chuan min hmuh in "Bawihte vawin chu I va nalh ve" a lo ti a, ka nui ver ver, "Pa.. an pa nen an in hmu dawn aniang" Lalpeksanga tawngthei lutuk hi engtia tih chi nge maw ni le, pawn thlengin ka nu in min thlah leh thlap.




Ka office a ka awm lai chuan kawngka a rawn in hawng a, ka en nghal vat, Nicholas-a a lo ni, "I rawn thleng tawh maw?" tiin ka thut na atangin ka tho chhuak a, ka bag ka ban nghal zat bawk, min en vung vung a, ka lai lek lek, chutah nui suk chungin "I nalh lutuk" a ti sup a, ka lawm tawk a tling em em mai ni. Pawn lamah kan chhuak a, kan dawr bul maia restaurant ah kan ei dawn emaw ka tia, a car ah kan chuang lut a, hmun dangah min kal pui a, khawiah nge kan ei dawn lah min hrilh bawk silo, ngawi rengin ka thu ringawt. Khaw pawn lamah min kalpui a, restaurent nawm hmel zet, te fel ren rawn ah chuan min luh pui in thut na awmah kan thu a, ka hawi kual a, chawl an awm ve nual, Nicholas-a nen chuan min en duh hlawm em em lehnghal.




"Helai hmun hi ka hre ngai miah lova" ka ti sep a, "Hun ka neih chuan ka kal fo thin, a changkang lutuk lo na chu an thil siam hi a tui a nia" a ti ve sup a, nu lian lam hi a lo kal a, "Nicholas-a chu teh hlawl che chuan I va rawn lang khat ve" a ti nghal a, an in nel hmel viau mai." Nia.. kan buai deuh a tin ni, i lo dam maw?" chunu chu a hlim hmel viau. "Heihi ka nupui Amelia Lalnuntluangi a nihhi, Bawihi a ni hi Pi Hlimi a nia, helai hmun neitu hi, a fel ania, ei siam a thiam hle bawk" Nicholas-a chuan a ti a, "Phone vel ah ka lo hmu thin che a, thlalak aiin a takah i hmeltha daih mai, Nicholas-a hian nang anga hmeichhe hmeltha hi engtin nge a thlem thluk theih zawk che a" tiin a nui huah huah a, ka nu ai chuan a naupang deuh ang, a fel hmel bawk a, keipawh in ka nel nghal mai.




Kan eitur order te chu a lo thleng a, ka ei chhin chu tui ka ti ngei mai, "A van tui em em" ka ti hluai a, Nicholas-a chu a lo nui suk, "Tui i tih kha ka ring reng a ni, ei theuh rawh" a ti sup a, ka plate a eitur awm zawng zawng chu ka ei zo vek. Pi Hlimi hnenah a eitur siam te chu a tui zia ka sawi a, a lawm hmel hle, lawmthu a sawi mawlh mawlh a. Restaurant atang ka chhuah leh hnuah kan let lehnghal mai dawn emaw ka ti a, mahse hmundang ah kan kal kawi leh a, huan a ang, in te reuh te a awm bawk a, a nalh hle bawk, inchhung ah min min pui a, a pawn lam lan dan aiin a chhung lam chu a lang zau zawkin ka hria, bungraw mamawh ang tur chu a awm kim vek, in hnung lamah chuan min kalpui leh a, ka thil hmuh avang chuan ka au chhuak hluai a.




Lui a awm chu niin ka hmuh ringawt pawhin ka dai sawng sawng hial in ka hria, khua a vawt dawn emaw tih tawh laiin a rawn lum tha leh a, lui ka hmuh ringawt pawh in ka dai nghal thei, ka kal hnai a, tui chu a fim hle, chuan sanga a awm bawk, hetah hian ka vawikhat kalna a ni a, Nicholas-a chhungte ta a nih ka ring ringawt bawk. Tui chu ka khawih a, sangha te chu an lo awm sawn a, ka nui nghal ver ver, "Nuam I ti em?" ka hnung lam atang chuan Nicholas-an a rawn ti thut a, ka lo phu zawk mai, a awm ve tih pawh ka lo hre leh tawh lo, a lam chu hawiin ka bu nghauh nghauh a, "Ka pu ta a ni a, a boral khan ka tan a dah a, ka hmun ngainat ber te zing a mi a ni, duh angin ka kal zing theilo thung a" tiin ka bulah chuan a rawn thu thla a.




"Hetiang i nei tih ka hrelo reng reng, min hrilh vat tur che a nia" ka ti nghal bawrh bawrh a, amah pawh en lo chuan lui a sangha te chu ka en a, "I duh hun hunah i kal tawh thin dawn nia, mahse a hmun hi a fal deuh a, chuvang chuan nangmah a I kal chu ka phal lo, keimah nen kan kal dun thin dawn nia" a ti leh a, ka sam chu a khawih a, "Sangha te hi ka khawih thei miah lo, an lo kalsawn hman zel a" tiin a lam chu ka en a, hmuhnawm tih hmel zetin min lo en ve a, ka lai lutuk chu ka hawisawn leh vat, a nui nghawr dat a. Tui bulah chuan kan thu reng a, kan in be leh zeuh thin bawk, "Kal kual ila, thei chi hrang hrang a awm nual bawk ania" a tih leh chuan phur zetin ka tho chhuak a.




Thlang lamah kan kal a, apple leh serthlum a lo tam ngang mai, apple pakhat chu ka lo a, ka tuai fai sawk sawk a, ka ei nghal, Nicholas-a lam ka en chuan mak tih hmel zetin min lo en a, "A tui lutuk" ka nui sen sen a, "Sil fai lovin i ei ringawt a" tiin ka apple ei lai chu a kawk a, "Ka tuai fai a lawm, leiah a awm pawh a nilo a, helai hmunah boruak khu pawh a awm lova, a fai vek" tiin ka ei lehnghal a, engmah a sawi tawh biklo, serthlum chu ka lo a, ka ei leh, a va han tui chiang tak, ka puar sa bawk nen ka ei teuh thei silo, hawn turin ka lo nual a, Nicholas-a ka ken tir bawk, in te ah kan lut leh a, reilote kan awm hnuah kan let ta chauh a.




Vawin ka hun hman dan ka ngaihtuah let a, nuam ka ti takzet, hetiang taka Nicholas-a bul a ka awm a nuam tih ka la neilo, vawin chu pasal tha ber a ni ka ti ngam sak, "Bawihi, engtik ah nge lo haw i tum?" dawr ah kal tawh lovin min thlah tlang a, "Ka hrelo" ka ti sep, "Zaninah ka lo kal anga, min zui haw tawh ta che, ka ngai tawh hle che a ni, saw in lian zetah sawn mahni chiah in ka awm a, min khawngaih ve em em tawh lo em ni, Tluangi lah a lo kal ngai bawk silo, mahni in eitur ka in siam chawp a, min khawngaih viau lo maw?" a thusawi avang chuan ka nui chhuak hak, a ni lah chuan hriatthiam loh hmel zetin min la en zui, a thusawi naupang chhia lutuk vang khan ka nuih a za deuh deuh lehnghal, pum na urh in ka nuih phah.




"Awle, ka lo haw ang, mahse a hma ang khan thil a thleng tawh tur a nilo, chuti a nihloh chuan ka chhungte hnenah ka let lehnghal ang" ka ti a, "Tehreng mai, khatiang thil kha a thleng nawn leh tawh ngai lovang" a ti ve ta a, ka thaw huai thei. A haw tlang nghal a, zanah a lo kal hma tur thu a sawi bawk, inchhung ka lut a, ka nu hnenah chanchin ka hrilh a, tha a lo ti khawp mai, ka room ah inthlak turin ka lut a, ka inthlak zawh ah ka nu chu ka pui nghal mawlh mawlh a, chaw kan ei kham hnuah Nicholas-a hnenah ka let leh tawh dawn bawk nen insiam tiin ka room ah ka lut leh a, thawmhnaw ka keng tam em em lo bawk nen insiam chhung pawh a reilo khawp mai, inhnuai a ka chhuk leh hnu chuan Nicholas-a pawh a lo thleng leh der tawh, a hmel lah chu a nung sarh bawk a, hmuh a nuam takzet.




Min hmuh chuan a nui suk a, an bulah kal mai lo chuan thingpui ka lum leh hmasa phawt a, thingpui chu chawi chhuak in center table ah ka dah a, Nicholas-a bulah chuan ka thu nghal, "Bawihtei pawh haw leh tawh i tum a, a tha e, nu leh pate in lama awm reng zawng thil mawi a nilo a, a tira haw I hreh dan em em ah khan in nupa in in ti thiamlo emaw ka ti hial a, mahse i nu in keimah vanga rawn awm i nih thu min hrilh a, ngaih tha takin ka awm ta kha a nia, nupa hlim tak ni ula, tu hmel hmuh vat ka duh a ni tih hria ula aw" ka pa chuan a ti a, a thusawi avang chuan ka hmai a sa hat hat thung. Nicholas-a ka en chuan nghal hmel zetin min rawn en a, ka chhungte chu awm lo se ka sik vak hrim hrim ang.




Nicholas-a nen chuan kan haw dun ta a, kawng a kan tlan ai te chuan a hlim ngang a niang a fai fuk leh thin a, a awmdan chu ka lo nuih tawp, in kan thleng a, ka thawmhnaw bag a ka khung khawm chu Nicholas-an a lo keng lut a, inchhung ah kan in zui lut a, kan nupa in ngei ah ka let leh ta chu a nia, a hma anga thil a thlen tawh loh ngei ka beisei. A tlai ve deuh tawh bawk nen ka room ah chuan ka lut a, a ngai ang ang in a lo la awm, mut bu chu a dang a lo in phah a, Nicholas-an a lo tihfai tir thin a nih ka ring. Bathroom ah lut in ka inbual leh te te a, ka chhuah leh hnuah mut kawr chu ha in ka hmai ah cream te ka hnawih a, ka zawh chuan ka sam la huh deuh nen chuan ka mu a, kawngka a rawn in hawng a, Nicholas-a a rawn lut a.




"Tinge I lo luh, i room ah va mu ta che" ka ti a, "I bulah ka lo mu ve dawn, mahni chauh in ka mu peih lo" tih leh engmah ka sawi hman hma chuan ka sir ah a rawn in thawlh nghal thak a, ka lo melh vak na pawh chu a hrelo der hmiah, ka kiu in ka in nam khalh a, "Mu vat ang, ka chau a nia" tiin min kuah mu a, min han kuah ngheh dan em em chu chet pawh ka che sawn thei lo. Ka thaw thei tawk tawk a ni, "Min kuah nghet lutuk ka thaw tha thei hleinem" ka ti a, a nui dat a, min kuah na a ti thawl deuh a, ka thaw huai mai, ngawi rengin kan mu a, a kut chuan ka kawr chhan ah ka pum a zut delh delh a, mutchhuak in min rawn zem nghal chiai chiai a, ka beng bula a rawn phun sup pawh chu ka mang hriat ruai ruai tawh.




Zanlai ah chuan ka hnute a lum deuh huk huk avang chuan ka harh zawk a, Nicholas-a chuan ka hnute chu a lo tham tawn tawn a, na tih tur chu a nilo thung, a thaw halh halh bawk a, ka harh tih a hriat chuan ka beng bulah a rawn thaw lum ham ham a, ka lo mur er er mai. Chiang takin a tisa chakna a chhuak tih ka hria, "Bawihi, ka ti na lovang che, ka in sum theih na ka hloh a ni, hei chuah hi ka tih phal hram rawh" tih pahin ka chungah a rawn bawk a, rawn kun hniam nghal zatin ka hmui ah a rawn fawp nghal tawn tawn a, ka chhang let lo, ka lo dawh mawl tawp. Ka kap kar ah a awm miau avangin ka kap zawnah chuan a mipatna in min do run chu ka hre thei, a rawn dep leh deuh thin a, ka lo thaw ve hak thin tho.




"Bawihi" tih pahin a rawn dep rang telh telh a, keipawh chu ka danglam tawh viau, ka thaw lak a rang a, ka khur der der bawk, ka hlauh vang a ni pakhat, mahse a hma ang khan ka chungah a che tawh dawnlo tih ka hriat avang erawh in dan emaw ka tum lemlo. A rawn rum chhuak hawk a, min rawn bawh bet nghal run bawk, a rit bawk nen ka thaw tha theilo, ka sir ah a let thla tap a, ka chhip ah a rawn fawp vang vang bawk, "Engtianga rei pawh nghah ngai mahla I in peih hma chu i chhungah ka lut lovang tih ka tiam a che" a ti sup a. Kan titi ta melh melh a, ka muthilh lai pawh ka hrelo, Nicholas-a tawng mawlh mawlh lai khan ka lo muhil daih a niang.




Thil rit takin ka pum ah min delh avang chuan ka harh a, Nicholas-a ban a lo ni, ka dah sawn sak a thawm dim zetin ka tho chhuak nghal bawk, ka in tifai zung zung a, room atang ka chhuah hma in khuma mipa mu chu ka en leh vang vang a, thlamuan hmel taka thawk a ka suai suai te chu hmuh nin a har thlawt ani. In hnuaiah ka chhuk a, rawng ka bawl a, nidangah chuan kei ai Nicholas-a a tho hmasa zawk ziah kha a nia, a chau tak tak te pawh a ni ang, chawhhmeh siam tur ka zai mawlh mawlh lai chuan hnunglam atang Nicholas-a chuan min rawn kuah thut a, ka phu zuk nghe nghe, "I van mawl tak, chawhmeh chan lai lai a, min rawn tih phut ni, ka kut ka zai tep lehnghal" ka ti hlak a.




"Good morning ka nupui duhtak" tiin ka biangah a rawn fawp a, a awm sawn nghal, fridge chu hawngin tui a la chhuak , a in nghal khawlh khawlh bawk, "I va tho tlai ve, nidangah I tho hma thei hle sia" ka ti a, "I awm loh chhung zawngin ka mu tha theilo a, duh ang thala mut ka mamawh alawm, i bulah ka mu bawk a, ka mu tui khawp mai" tiin a nui suk a, keipawh ka lo nui hak. Chaw ei ka peih tawh vangin reilote hnuah kan ei a, insiam turin kan room ve ve ah kan lut nghal, ka insiam zawh chuan inhnuai ah ka chhuk a, Nicholas-a a lo awm leh run tawh mai, a insiam reilo thin khawp mai. Min hmuh chuan a thutna atang a ding chhuak a, "I hman chuan kal ila, motor keng lo mai rawh, ka thlah ang che, chuan hna atang I haw hman hunah min lo hrilh la ka rawn lam leh bawk ang che" a ti a.




"A ngailo a buaithlak mai mai alawm" ka tihchuan lung nih loh hmel zetin min en khui leh ta nghal, "Kan kal rual ang" ti hmuk in pawn ah a chhuak nal nal a nihchu, a awmdan hi hriatthiam a har thin zawng ani e, ka chhuah ve chuan a motor bulah a lo ding a, ka thut luh nan kawngkhar a lo hawng sa bawk, ka thu a, a rawn khar a, dawr lam pan in kan kal a, "I haw tlai angem?" a ti sup a, "Ka hrelo, ka tlai vak lovang, tinge?" ka ti a, "Ka zawt mai mai che, I haw theih hunah min rawn hrilh la, taxi emaw hmang suh ang che, ka lo lam ang che" a tihchuan ka hnial lo, ka dawr kawt kan thleng a, a hmanhmawh avangin a kal tlang nghal, dawr chhungah ka lut a, Terina'n min lo hmu a ni ngei ang, min fiam zuk zuk a.




Hana ban a hun chuan Nicholas-a ka bia a, a lo kal mek thu a sawi a, a lo thleng har lo, in kan thleng a, ka room ah ka lut a, mahse ka thil hmuh avang chuan ka ka hau, ka khum a lo awm tawh reng reng lo, khawiah nge ka khum a awm, ka thawmhnaw bawm chu hmanhmawh zetin ka hawng a, thawmhnaw pakhat mah hmuh tur a awmlo bawk. Kan inah hian mi an lo lut ru tihna em ni, hlauthawng zetin Nicholas-a room ah ka lut a, hahdam hmel zetin khumah a lo thu run a, "Nicholas kan awmloh hlan in kan inah hian mi an lut ru aniang, ka khum a awmloh mai bakah ka thawmhnaw a awm lo bawk ania" ka ti a, mak ti ang pawn a awmlo, kei ka hlauthawng bawk si, a ni ve hahdam hmel takin khumah a la thu mai mai ania.




"Khatia awm lo khan eng emaw ti ta che" ka ti leh hlar a, "Hahdam teh Bawihi, thawmhnaw bawm saw va hawng la" tiin min mitmei zeuh a, hrethiam lo zetin ka en hau ringawt, "Va en rawh, thawmhnaw hak tur i hmu maithei asin" a ti leh a, thawmhnaw bawm chu ka hawng a, ka thawmhnaw ho chu a lo in rem dal chu niin, "Engtinge hetah a awm daih theih a?" ka ti a, "Vawinah hnathawk tur ka ruai alawm, i room ah khum a awm tawh bawk silo, hetah ka bulah I mut ve ziah a ngai tawh dawn a nihkha" tiin a nui vur vur a, nuih na tur a awm pawh ka hrelo, "Khawiah nge ka khum chu i dah tir a?" ka ti a, "I aw hi chu a ring tha mawle, zaithiam lo ka hriat ah chuan aw i la nei tha ber ang" a la ti zui, "Ka zaithiam leh thiam loh pawh i hrelo" ka ti leh nghek a.




"Ok.. mahse i khum chu kan in leh a velah hian hmuh tur a awm tawh lovang" awlsam zetin a ti leh a, rum zetin ka melh tawh, a duh duh dan a thil a ti chu ka haw hlur a ni mai, "Enge i duh duh dan a thil I lo tih ve ngawt, i bulah ka mu duh em tih pawh i hre ngawt ami, a hrim hrim ah ka room a nia, ka phal na tello in engvanga midang lo khawih danglam tir nge i nih?" ka ti leh hlar a. A thut na atang rawn tho chhuak in ka hmaah tak a rawn ding a "Bawihi, nupa kan nihhi, hun kal tawh ah engtin pawh lo awm ila, tunah chuan nupa hlim tak nih kan tum tur a ni dawn lawm ni, chumi atan chuan room hran ah nilovin room pakhat ah kan pahnih hian kan awm a ngai alawm" a ti sup a, a sawi chu dik ka ti ve tho.




"Engpawh nise ka chau, in tihfai a mut hahdam ka chak tawh takzet, ka inbual dawn ania, ka chau bawk sia, zanin tlai chu rawng lo bawk mai la" rawngbawl a thiam pawh ka ringlo, ka sawi ve mai mai ani, ka rin loh lutuk in "Awle, i in bual zawh ah i duh chuan i lo mu hahdam dawn nia, rawng chu ka lo bawl mai ang" a ti a, ka hnial duh lemlo, ka hriat loh hlan a ka room a lo tih danglam vangin han che buai ve deuh hlek teh se. Tui vawt in ka chhip atanga min rawn leih takah takah chuan ka hahdam sawng sawng thei, ka inbual zawh hnuah kawr hak nuam deuh ha in room atang chhuak tawh lovin ka mu nghal a, ka phone reilote ka en hnuah ka muhil nghal daih.




Tui in ka hmai ah a rawn far chuan ka harh a, Nicholas-a chuan min lo melh chhuk run a lo nia, ka harh tih a hriat chuan a nui suk a, "I harh tawh maw, lo tho la han in phih fai la chaw kan ei dawn nia" a ti a, a inbual zo deuh chiah aniang, a sam a la hnawm a, kekawr bul leh t shirt a ha tawp bawk, ka hmai te ka phih hnuah room atang kan in zui chhuak a. Rawng a bawl vek tawh avangin chaw ei ka siam a, a thil siam ho chu ka en dan dan a, a rimtui em em lehnghal, ka han ei chhin chu phawk zetin Nicholas-a chu ka en a, a tui lutuk, kei ai pawhin rawngbawl a thiam daih zawk, "Rawng i bawl thiam tak tak pawh ka ringlo a, kei ai pawhin i bawl thiam daih zawk" ka ti a, "Delhi ka awm laiin ka in bawl chawp thin alawm, rawngbawl te chu ka thiam zawng tak a ni" in tihtheih hmel fe in a ti a, "Tun atang chuan rawn i bawl ziah tawh ang" ka ti a, a nui chhuak hawk a.


Cont ...

Ka check hman ta lo aw, chuan click leh comment kha tih ngei ngei tum bawk ula, a awm leh hma dawn tihna a nimai


Show post links
Top

[Ngaia]

Chapter-16



Amelia Lalnuntluangi POV




U Tluangi pa chu pumpui cancer a lo ni a, stage sang ber a nih tawh avangin doctor te pawn tih theih an neih tawh loh thu an sawi a, pawi ka tihpui hle, ka la kal miah lova, hun awl neih hunah Nicholas-a nen la kal ve tur a ni. Ni thum lai chu khum betin ka damlo tawh a, Nicholas-a lah in hna kal chu sawi loh engmah ka tih a phal lo, a ni pawh inah a awm deuh chawt a, in atang hna a thawk mai thin, hna kal tura ka tih lahin a duh bik der lo a, mahse hetia min ngaihsak a min duat hian nuam ka ti, a thil siam thiam zia ka hre tawh a, ka eitur pawh min siam sak ziah, tam erawh ka ei ngailo thung, zanah ka tlun nasat thin em avangin a muhil ngai mang lova, ka muthilh hma chu a muhil duh bik ngailo, a taksa si chet in min kuah bet thin a, na chhawk na ka ei in min chhawk hleithei lova, a buaithlak thin khawp mai.




"Vawinah ka pu in min rawn bia a, a ngaihtuah khawp mai che, lo kal an tum a, I tho chhuak peih ang tiraw?" Nicholas-a chu room ah a rawn lut a, "Lo kal kher a ngailo a sin, damlo satliah mai mai bak ka ni chuang lova" ka ti a, ka tawng zawng te chuan ka hrawk a na thip thum a, "I aw pawh a la chhuah hleih theih loh kha, khati chung khan damlo satliah i in ti amaw?" lungawi loh hmel zet chuan min melh dur khup lehnghal. Thil ka ti sual emaw tih mai a awl alawm, "Dam lam ka pan tawh tho alawm" ka ti leh a, ka mit ka chhing vang vang, ka lu hai a rawn chhuak leh a, ka men chuan ka luak mai dawn in ka hria, "I tha em, damdawi ei rawh aw" ka awmdan a hmuh chuan hlauhthawn hmel takin a rawn ti a, "Ka ei tawh alawm, nichin ah min ei tir kha, ka lu a hai deuh mai a ni, a reh leh vat mai ang" ka lo ti thuai a, tun hnuah ka hriat chhuah leh chu Nicholas-a hi mipa rintlak, mipa diktak ni mahse a hlauthawng hma takzet tih hi a ni.




A dawih ka tihna a nilo, mahse a chhungte leh a mi ngainat te lakah chuan a nem hle ka tihna a ni zawk, mi ngaihtuah na ngah tak a ni a, hetiang mizia hi a nei ang tih rin ngaihna ka nei ngailo. Ka muhil leh a ni ngei ang, ka harh chuan doctor in min lo check mawlh mawlh a, mak ka ti hle, room ah ka la awm reng si a, Nicholas-an doctor a ko tih ka hrethiam nghal mai, "Thil a ei tha lo deuh a nihhi, hna a thawk nasa bawk nen chawl hahdam hrih se, khaw awmdan in thlak tur nen hriltlang a kai bawk a, engpawh nise lo in enkawl tha ula, awm hahdam se a tha leh vat mai ang" a ti dap dap a, Nicholas-a chuan Doctor thusawi chu uluk zetin a ngaithla ran a, damdawi te min chawh hnuah Nicholas-a leh Doctor chu an in zui chhuak a, Nicholas-a lungawi lo hma chhawn turin ka rilru ka lo siam sauh sauh thung.




Reilote hnuah Nicholas-a chu a rawn lut leh a, ka rin ang ngeiin a lungawi loh hmel hle, ka dam loh tirh atang khan damdawi inah kal ang a ti thin a, damdawi inah ka kal peih loh mai bakah mahni in en tir tur ngat phei chuan ka peih loh lehzual avangin ka hnial zel a, ka luhai lutuk ka muthilh lai khan a mangang in doctor a ko ringawt tih lah chiang reng. Ka mutna bulah a rawn thu thla a, "I lu na chu a zia deuh tawh em?" a ti sup a, a hmel lan ang aiin a tawngkam chhuak chu a dam daih, "Ka tha tawh lutuk" ka ti a, ka nui seih bawk, min nuih let velo chiang asin, "Damdawi inah kal ang ka ti a, min hnial tang tang a, i dam that theih miah loh hi, a tir ah khan kal nghal ni ila hetiang ang em em hian i na lovang" a ti ta hmuk a, ka thiam loh a ni tih ka hriat avangin ngawi rengin ka mu ringawt, a ni lah chuan min melh chhuk run bawk si.




"Engpawh nise, tun atang chuan ka thusawi apiang i zawm zel tawh ang, a chiang em?" a tih takah chuan ka lo bu zeuh a, a nui ta suk, a lungawi lo hmel pawh hmuh tur a awm tawh lo, ka thaw huai thei, a hnena let leh atang khan a pangchang thar riau a, patling a pumpa titauh bur bur te hi a ching thar a, a lungawi hma chu thlem fe a ngai thin. Ka haw leh hnu atang khan kan inkar a tha em em a, a hma ang khan eng boruak mah a awm tawh lo, ka hna kal tur min hruai fova, min thlah leh thlap thin bawk, ka motor in ka kal mai ang ka tih lah hian a phal ngai der bawk silo, a nupui ka ni a, hetianga a tih hian a hlim ni ah ka ngai mai. Ka bulah chuan a rawn mu ve a, min kuah nghal hlun bawk, keipawh chu a lamah ka tawlh hnai sat sat a, a lung phu ri chu ka ngaithla kar, a lung phu ri ka hriat hian ka hlim takzet thin.




Ka chhip ah a fawh vang vang hnuah a thaw ta sak sak a, a muhil aniang, min kuah na a thlah thlawl ta bawk a, a hmai zawn ah chuan dim zetin ka tawlh chho a, a hmeltha leh pa zet chu ka en vang vang, ka pasal chu a nimai si a, kan in neih dawn a pasal neih ka huphurh zia te kha, kan in neih atanga thla li thla nga tal tawp kha chu kan hlim lo, kan in hau a, kan in karah khan in hauhna, in tih thinrim na leh in huat na bak a awm lo, tunah thung chuan in ngaihsak na leh in ngaihtuah na a ni ta thung a, ka hlim a ni. Tu in nge hetiang hian kan awm ang tih ring bik ang, nupa hlim tak kan nih ka ring ngailo, hmei a nei a, Cindy kha a hmeichhe hmangaih a nih ka rin ngheh hmiah avang khan nupa hlim tak kan nih ka ring ngailo kha a nia, mahse tunah chuan nupa hlim tak ni turin hma kan la mek a, kan la hlawhtling chho zel chu a nihhi, hmalam hun chu sawi theilo mah ila tuna kan hlimna hi danglam lo se ka ti ber.




Darkar khat chuang chu ka en tawh, ka mu tam bawk a, ka mut a chhuak tawh hlawl lo, Nicholas-a erawh a mu tlem bawk si nen a duh chen chen mu rawh se, a che deuh hrut a, nghet zetin min kuah tha sauh sauh a, ka nui suk, muhil chuang silo in ka pasal awm ngheng tha sauh sauh chungin ka mit ka chhing riai riai a. "Bawihi" min sawi dat dat tu an awm avang chuan ka meng siar siar a, Nicholas-a chuan chiang zetin min lo en a, "Tho tawh ila, i ril tam tawh ang, zanriah kan ei zawh ah i duh chuan i mu leh zawk dawn nia" a ti a, muangchangin ka tho chhuak a, Nicholas-a chuan min lo chelh vat. Step a kan chhuk thlak lai te chuan min veng run a, a ninawm lek lek, "Nicholas kal tha mai mai teh, khatia min ven tung te chuan ka tan pawh a nuam hleinem" ka ti hlak a, ka thusawi chu hria ang pawh in a awm lo, min la veng reng tho.




U Tluangi lo kal hma chu awmpui thar Zuali chu Nicholas-an a la a, a la naupang a, a fel hle bawk, ka ei tur erawh Nicholas-an a siam vek thin thung, choka ah kan lut a, Zuali hnenah chuan chaw ei siam turin a ti a, Zuali pawh chu a che nghal mawlh mawlh a, chaw kan ei kham chuan sitting room ah kan thu a, "Bawihi, mut hahdam i duh em?" tiin ka bulah rawn thu a, thei tui min pe nghal bawk, "Duh lo ve, ka mu tam emai, ka pang a kham urh mai, ka pa te chu an lo thleng tep tawh angem?" ka ti a, "Thleng hnai tawh ang" tih pahin tv channel chu a thlak a, in khelh a chhuah avangin kan en dun a, in khel hi hmuhnawm ka ti ve a, tan em em erawh ka neilo thung. Door bell a rawn rik takah chuan ka chhungte an nih ringin ka lo thu tha vat a, Zuali'n kawngka a hawng a, ka chhungte rawn pen lut chu ka lo en reng, ka nu chu ka bulah a rawn thu thla a, "Bawihte, enge i an, I tha deuh tawh em?" a ti nghal a, ka taksa chu a en kual a, cher min ti deuh tih ka hre thei.




"Nu min ngaihtuah lutuk duh suh, hei ka that tawh em ni" nui chungin ka lo ti a "I va cher ve, thil i ei tha lo ami?" a ti leh a "Tha lutuk, zaninah pawh chaw tam deuh ka ei alawm" Nicholas-a chu a lo in rawlh vat a, "A ei tam lo, ei lui turin tilo phei ila chu a ei mang lovang" a lo ti zawt zawt a, rum zeta ka en na chu hai der hmiah in ka pa nen an in be nghal daih bawk. Ka nau ve thung chu an lo thlen tirh atang a la tawng lo hrim hrim thung a, eng emaw rilru kap tu nei a ang ka ti, "Matthew i va ngawi thei ve, engmah I la sawi ve miah lo a nia, nidangah i tawng theih tehreng nen" ka ti a, "Ngawi mai teh, tawng char char ila, min ning leh vat dawn a, i dam lo bawk sia, ngawih ka chuh mai mai a nihhi" a ti a, ka melh nghek ringawt, ka nau hi hetiang ang zia a nei tih ka hre ngailo, Mizoram a a lo haw hnu atang hian a mizia a thlak nasa lutuk a, a mak zawk.




Ka nu te nen kan titi a, nuam ka ti ve takzet, Zuali'n thingpui a rawn chhawp a, kan in ho a, Zuali hi kan inah a awm nghal a, amah tak hi chu thingtlang lam mi a ni a, an khawsak a harsa zawk zawk lo tih a chhungkaw chanchin a sawi dan atang khan a hriat theih a, engvanga hetiang hnathawk duh nge a nih ka hrethiam lo, a pa hi an khaw lamah contractor in a awm a, Zuali lah M.A thlengin a zo vek a, a duh phawt chuan hna tha tak a hmu thei reng, mahse a fel a, kan hnen a a thawh duh chhung chu a lawmawm a nimai, ka nu in thil ei tha turin min chah chamchi a, Nicholas-a vang vek, ka nu in min zilh lai te chuan a lo nui suk suk thin a, ben pawp mai a nia ka duh ni, ka chhungte haw hnuah a chak lo viau ang.




Matthew-a chuan Nicholas-a a fal a a biak duh thu a sawi a, enge an sawi dawn ka hre chak khawp mai, Nicholas-a ka zawt tho ang, "Nu Matthew-a awm dan hi a mak I ti ve em, a hma in hetiang mizia hi a nei tih ka hre ngailo reng reng, a tawng thei sawt si, zan chhuah a ching thar bawk nen ngaihzawng te hi a nei a nilo maw?" an kalsawn rual chuan ka ti a, "Ka hrelo le, i pa nen pawh mak kan ti dun khawp mai, zana a leng a rawn haw te hian a rawn nui lut leh vur vur thin a, a chhan kan han zawh lah in min chhang tha duh ngai bawk silo, taka tunlai chu hna kal a phur thin khawp mai" a ti a. Enge maw tak chu a awm hrim hrim ang, Matthew-a hi hetiang anga a awm chhan hi enge niang aw, hmeichhe duh deuh a nei te hi a lo ni thei mai angem, chutiang a nihchuan ka lawm khawp ang.




A naupan lai atang tawh in lehkha zir bak a rilru ah a dah ngailo, thian a nei tam a mahse school ah lo chuan a thiante pawh a kawm ngailo, inchhung ah a tawm deuh chawt thin a, chhungkua a kan chhuah ho tih loh chu pawn chhuah a peih lo tawp a nimai, ka nu ten lehkha a zir nasa lutuk a, chawl ve thin tur leh in ti hlim ve tura hrilh ngai hial thin kha a nia, mahse tun hnai chu zantin a chhuak ziah mai a, Engthil nge a zep chu ka la hrechhuak dawn tho tho. Minute 15 hnu velah an rawn let leh a, Matthew-an rilru buai hmel tak a put laiin Nicholas-a lah chu a nuih a zat hmel em em lehnghal, chik zetin ka lo en a, Nicholas-a hnenah enge an sawi tih mit ngeiin ka zawt a, a la hawi sawn daih zui, ka chhungte pawh an awm rei tawh lo, dar 9 velah an haw a, kawt thleng kan thlah.




Room a kan chhoh hma in Zuali bulah light vel off turin ka hrilh a, choka lamah a la che malh malh mai, room kan lut chiah tih ah ka nau nen an in biakna chungchang chu ka zawt nghal a, "Hmeichhe hriat chi loh, i nau in a hun a tih hunah chuan a la hrilh em em ang che" a ti deuh tlat a, ka zawh luih pawh in min chhang duhlo, lungawi lo deuhin khumah chuan ka mu a, ka sir ah rawn in thawlh in min rawn kuah a tum chuan a kut ka lo vei sawn hmak a, "Bawihi titau lo la" tih pahin min rawn awm hnaih leh a, "Ka nau chuan enge a sawi min hrilh ve mai la" ka ti leh hram a, "Awle, i nau in la sawi hrih suh min ti a, mahse ka chungah i Iungawi dawn loh ai chuan ka hrilh mai ang che" a ti takah chuan rang zetin a lam chu ka hawi a.




"A secretary tunge a hming a tih tak kha aw" tiin a ngawi vang vang a, "Nunpari a ti tak e, a duh a, tihdan tur min zawt a nihkha" a ti a, "Maw... ka nau in hmeichhe duh a nei ve maw?" ka ti hluai, ka rin dan kha a dik chiah tihna, ka phur kher mai, "Aw.. Matthew-a hi chu han en pawh hian a hmeichhe mi vak lo tih a hriat a, tihdan tur min zawh lai a a hmel awmdan kha hmu ve chiah la chuan i nuih a za ve tho ang" tiin a nui hawk a keipawh ka lo nui ve mai. Ka nu ten hria se an lawm ngawt ang, ka sawi tawh ang khan hmeichhia tumah a duh awm kan la hrelo, kei leh ka nu, ka thiante lo kal changin a be ve zeuh a, chutiang a nihloh phei chuan hmeichhia a hnaih ngailo tawp, Nunpari a tih chu a fel viau a ni ngei ang, ka nau hmeichhe ngaihsak lo lutuk pawh a zunah a uai tir theih danah.




Ka dam veleh ka nau hnathawh na lamah ka va thawng thut ang ka ti rilru a, Nicholas-a nen chuan kan titi a, ka pang a rawn sa leh tan a, mu lovin a thu a, ka kut a hum ran bawk, "Lo mu rawh, damdawi ka ei tawh kha, ka dam leh vat mai ang" tih mah ila awmzia a awmlo, min ngaihtuah hle tih a mitmeng ah ka hmuh sak thei bawk. "Lo mu ve rawh, a vawt ania, min kuah lum rawh" ka tih leh takah chuan a rawn mu rem vat a, a taksa chungah min hlang kai in min kuah a, vawt ka tihna pawh a reh ta deuh e, damdawi in min chawk tan bawk nen ka mut a chhuak a, reiloteah ka muhil nghal, zing ka harh chuan Nicholas-a taksa chungah ka lo la mu reng, a la muttui hmel hle thung, dim takin ka che a a taksa atanga ka awm hran dawn lai tak chuan a rawn che phut a, a hnuai ah ka mu ta ran mai, ka chungah a in nam khalh a, a nui suk bawk.




"Ka nupui duhtak, i muttui maw?" tiin ka hmui ah a rawn fawp a, "Muttui lutuk" tiin ka nuih sen sen, a rawn kun hniam leh a, ka hmuiah chuan dam zetin a rawn fawp vang vang a, ka ka chhungah chuan a lei a rawn hawl lut a, ka chhang let lo, a in la hrang a, "Bawihi, min chhang ve la" ti supin ka hmui chu a hmui in a rawn bawh thuah lehnghal a, keipawh chuan ka thiam ang tawkin ka lo chhang let ve nghal vat, ka chhang let chiah chu a phur zual sauh tih hriat lutuk in a hma aiin a duhthawh a, a duhthawh lutuk chu chhan let ngaihna ka hrelo zawk, a tawp ah phei chuan ka dawh mawl leh ta tawp a, a ni pawh chu a in la hrang a, ka hmui la hnawm chap mai chu a kut in a tuai a, a nui suk suk bawk, "Zeilo viau mahla, fawh i nuam takzet a ni, engtik ah mah ka kham thei ngai lovang che" a nui nghawr dat a.




A thusawi vang chuan ka zak hle, engtinge ka zei reng ang ni, a nilo mipa ka la fawp ngai miau lova, "Tho rawh, in tifai ila, inhnuai ah chhuk ang, a tlai tawh a nia, company ah kal i ngaih kha" ka ti a, a awm ah chuan ka nam bawk. Nizan khan meeting an neih tur thu a sawi a, tunah dar 8 a ri dawn tawh a, muang chan na hun a awm tawh lo, tha deuhin a tho ve mai a, kan in tihfai hnuah inhnuai ah kan chhuk a, chaw ka ei hnuah insiam turin room ah kan in zui chho lehnghal. A coat hak tur chu ka thlan sak a, a necktie ka suih sak lai te chuan min lo ti buai chhen a, kan in vin leh hlak hlak thin bawk, mahse sawiin awmzia a neilo, a necktie suih chhung pawh rei tak a ni, a in peih hnu chuan in atang kan in zui chhuak a, a motor thleng ka thlah, "Ka rei lovang, meeting zawh vel ah ka lo haw nghal dawn nia" tiin ka biangah a fawp zeuh a, motor ah a thu lut nghal, a tlan liam hnu chuan inchhungah nui sen sen chungin ka lut a.




"U Amelia-i chu ka thik che e" inchhung ka luh rual rual chun Zuali'n a lo ti a, "Engah chuan maw?" ngaihna hrelo zet chuan ka lo ti let ha "Aw.. Mizoram a hmeichhia te duh rawn i pasal a nih mai bakah a duat bawk che sia" a ti leh a, ka lo nui hak, "Nangpawh pasal i neih hunah chuan nangmah hmangaih deuh tu che i nei ve em em ang" ka ti a, "U Nicholas-a ang ka hmuh hunah chauh lo chuan pasal ka nei mai mai lovang" a ti a. Nicholas-a lo haw hma chu kan in kawm dun a, Nicholas-a chungchang te chu min zawt duh hle, a tleirawl tirh atang tawh a a star thin zia te a sawi a, amah mai nilo an thian ho a an star zia te a sawi nasa mai, ka ngai haw hran lo, kan in neih hma atang tawh in hmeichhia ten an duh theih zia ka hre vek tawh a, tunah ka pasal a ni tawh bawk a, lo ngaih huat na chhan tur ka neilo, bakah Zuali phei chuan kan nupa kan in hmeh a tih zia thu te a sawi nasa a, ka lawm hle bawk.




Nicholas-a chu a sawi ang tak tak in a rawn haw hma hle a, darkar 1 vel bak a thang lo, eitur min rawn hawn sak bawk a, pangpar nen min rawn hawn sak a. Kan room ah chuan kan awm mai mai a, movie ka en a, ka en tui ngang mai, kan movie en a zawh takah chuan Nicholas-a lam ka hawi a, a lo muhil daih chu niin. Zanah a mu tha lo bawk nen a duh ang thal in han mu teh se, inhnuai ah ka chhuk a, ka nuam deuh tawh bawk nen rawngbawl a hun tawh tho bawk a tiin Zuali rawngbawl chu ka pui a, alu kan tur ka vel mawlh mawlh lai chuan "I lo tho daih a" ka hnung atang chuan Nicholas-a chuan a ti a, min melh ngur bawk, "I muhil tui em alawm, I va harh hma ve" ka bulah min hnaih zetin a rawn thu thla a, "I damlo tih i in hrelo a mi, ngatinge hetiang te I lo tih a?" a lungawi loh hmel leh tawh hle, ka nuih tlawn a, a lungawi hmel chuang loh.



Zawmna




"Hetiang ti tur chuan i la chak tawk lo" ti leh sup in ka chem ken lai chu a rawn la a, dawhkan ah dah in min kaitho nghal zat bawk, "Kan ti zo law law ang, a laklawh em hi" ka tih pawh chuan choka atang min kai chhuak a, Zuali nui hak hak ri chu ka hre pha tho. Sitting room ah chuan min thut pui a, thawh leh mai ka tum chuan ka banah a rawn man a, "Tihpui a ngailo, thu mai mai rawh" a ti leh hluk a, "Ka kut ka sil fai dawn alawm mawle, en la, a balh vek hi" tiin a hmai zawnah ka kut chu ka lek va a, ka kalsawn nghal, min rawn zui ve zel a, Zuali rawngbawl ka puih leh a hlau a nih ka ring, kut ka sil chhung zawng te chuan ka bulah min si chet in a ding ve reng, tun hnai a a awmdan hi mak ka la ti tawp theilo, ka bul hnaiah a awm a, min hmuh loh hlek in min zawng nghal vat thin bawk nen ka tello in a awm rei theilo a ni ber in ka hria.




Chaw kan ei hnuah sitting room ah kan thu a, vawin chu nileng in ka khua a sik lo, dam lam ka pan tawh dawn niin ka hria, "Naktuk atang hna ka kal tawh dawn asin" ka tihchuan min rawn en nghal vut a, "I kal lovang" a ti hmak mai, "In a awm reng hi a hneawm tawh em alawm, ni li lai inah ka awm tawh a nia, chhuah thawven te pawh ka mamawh ve tawh, bakah dawr ka ngaihtuah a, an lo buai viau tawh ang" ka ti leh a, a ngawi vang vang a, "Awle.. mahse kan pahnih in kan kal dun ang, i tlawh zuai anga, kan haw lehnghal ang" a ti a, ka lawm hle, "Ka lawm e" nui sen sen chungin ka ti a, "I lawm chuan ka biangah hian fawp rawh" a tihchuan awih lo fe in ka en a, thutak zetin min en thung, a biang ala rawn dawh ta deuh deuh, enge maw a hriat thin ni.




"Bawihi, ti vat la, ka rilru ka thlak hmain" a ti leh a, a phal leh lo mai ang tih ka hlauh avangin a biangah chuan ka han fawp zeuh a, a nui nghal vur vur, "U Amelia ka mu mai dawn aw, ka lu a na riau a" choka atang Zuali a rawn chhuak a, "Aw.. mu rawh, i nawm loh chuan min hrilh tur che a nia, damdawi ei la aw" ka ti a, a room ah a luh hnuin keini thung chu kan la thu reng a, "Ka nu ten karleh ah chaw ei turin min ti a" a ti sup a, "Aw.. kan ei dawn nia" ka ti nghal vat. Kan inah an rawn kal fova, an fel bawk nen ka nu leh pa diktak te ang maiin ka ngaina a, an ni pawh in an mo ni lovin an fanu angin min en bawk, pasal nei vanduai in ti thin hle si kha tunah chuan ka vanneih zia ringawt a ni ka hriat chhuah tak ni.




Chaw kan ei a, sitting room ah thu chungin kan titi leh a, dar 10 pelh hnuah an room ah kan chho chiah, khuma mu chungin kan la in be mawlh mawlh a, kan sawi zo theilo a ni ber, kan muthilh meuh chuan zanlai a pel tawh, ka muhil lai chu ka taksa chul kual dan dan tu an awm vangin ka harh hlawl a, Nicholas-a chuan ka hnungzang atang chuan a lo chul a, a thaw leh hawk thin bawk, chiang takin a tisa chakna a chhuak tih ka hria, awmdan mai tur ka thiamloh avangin muhil angin ka la awm ngar ngar a, ka mut kawr chu dim te in a keu a, a chhungah a kut a rawlh lut nghal zat bawk, ka lo mur er er mai. Ka hnute chu dim zetin a khawih a, ka hnute hmur a hrual lai te chuan ka mur sung sung a, ka awmdan a dik biklo, ka nghawng ah hmai phum in a thaw lum ham ham bawk nen thawm dim takin ka lo thaw chhuak ve hawk hawk tho.




"Bawihi" a ti sup a, a aw chu a khur deuh hluk bawk, "I harh tiraw?" a tih leh takah chuan ka lu ka ti che zeuh a, "Ka tihpalh, ka in sum theihna ka hloh a ni, I taksa si reng chung a in sum har zia hi i hrethiam pha kher lovang" a ti leh a, a kut ka kawr chhung a awm chu a la ti che reng a, dim light kan on vangin a mitmeng tawrhhlelh awm lutuk chu ka hmuh hmaih lo, a chet dan chu dan tumna ka nei lo bawk, ka zai ngai takin a kut chu a ti che a, engmah ka sawi tak lovah chuan a ngampa zual sawt a, ka chungah a rawn lawn kai a, rawn kun hniam zui zatin ka hmui chu a rawn bawhthuah a, dam dap leh ril zetin min fawp a, la chhanglet lo, a in la hrang a, min thut tirin ka kawr chu a phelh a, mut naah bra ka ha ngai lova, ka hnute chu chiang zetin a hmu thei, nalh tih hmel zetin a en dauh dauh a, in hup ka tum chu ka kut ah rawn man in ka lu zawn ah a dah a, "I nalh lutuk" tiin a kun hniam a, ka hnute chu a ka lum huam chuan a rawn hmuam a.




Ka in rin hman hma in ka thaw chhuak zui halh a, a nui nghawr dat chu ka hriat hmaih lo, duhthawh lutuk in ka hnute hmur chu a fawp hlawih hlawih a, ka taksa danglam na chu kei mai nilo Nicholas-a pawh chuan a hrechiang hle tih ka hria, a hmuam lohna lam chu a tham tawn tawn bawk a, na erawh a nilo thung. A rawn tawlh chho leh a, a hmui hnawm hlap mai leh a mitmeng sexy zet mai chu en nin har tak a ni ringawt, "Bawihi, i pasal ka ni a, ka nupui i ni bawk, tun atang chuan nupa diktak a hming maia nupa emaw midang hmuh lai chiah a nupa ni lovin nupa diktak nih ka duh a ni" a ti a, a thusawi chuan min ti lawm hle, a thusawi ka pawmpui tih lan tir nan ka lu ka lo bu zeuh a, a nui ta suk.




Ka chalah chuan a fawp vang vang a, insawn thla zelin ka hnar a fawp leh a, ka biang ka mit ka hmui te thlengin, min tih nat hlau takin a che chu a dam raih bawk, hnuai lam a min do tu chu ka hriat hmaih lo chiang kher a sin, kan taksa in nawk vel te chuan ka thawk a ti rang takzet bawk, a awmdan chu siam rem deuhin hnuai lamah a tawlh thla leh hret a, ka nghawng ah chuan a bur ta chat. Ka nghawng chu a fawp kual dan dan a, ka ir ka beng te thleng chuan a nul kual a, ka mit ka lo chhing diar diar a, a chet dan chuan min ti danglam hneh lutuk tih chu a ni ai hrechiang an awm lo, ka nghawng ah chuan a fawp leh vang vang a, a awm sawn mai dawn emaw ka tih laiin a hne ta dek dek a, love bite siam a tum tih ka hre nghal mai, a duhtawk a fawh hnu a a awm sawn dawn chuan a nghawng chu a seh zeuh bawk, ka lo te that a.




A kut chu hnuai lamah tawlh thlak tirin ka dul chu a chul kual a, hnuai lamah a tawlh thla zel a, ka kekawr chhung ah a zen lut a, ka panty chhan ah chuan ka hmeichhiat na chu a nuai ne ne a, ka mit ah min en ngar bawk, engtinge ka awm tih hmuh hmaih hlau ni awm hrim in min en uluk, a kut chu a ti che rang deuh a, ka mal chip ka tum chuan a lo dang vat, "Zanin hian hmeichhia ten nawmna nasa tak an tawrh thin ang chu ka tawrh tir dawn che a ni, hmeichhia dang te la hriat ngai loh nawmna nen lam ka pe ang che" a ti a, a tho chhuak a, ka kekawr chu a hlip zui nghal a, ka panty pawh a pelh zui nghal bawk. Saruak ngal ngat in a hmaah chuan ka mu ta a, ka zak lutuk chu ka mit ka chhing tawp, a hmuh hnu vek tawh a ni tih chu hre mah ila ka zahna a reh phah chuanglo, a nui ri suk a, hetiang hian ka puitlin hnuah ka taksa tuman an la hmu chiang ngai miau lo a ni.




"Bawihi, zak duh suh, i pasal ka nihhi, nang anga hmeichhe nalh hi ka la hmu ngailo, I nalh takzet, ka nupui i ni hi ka lawm takzet bawk" a ti a, ka mal chu a chul kual dan dan a, "Tuna ka thiltih tur hi tu mipa mahin an la tihsak ngailo ang che tih ka hria, I tan thil thar vek a ni dawn tih ka hria, nuam I tih ngei pawh ka ring" a ti a, ka mal pahnih chu a ti kak a, kun hniam in ka hmeichhiat na chu chiang zetin a en a, a thawk khum lum ham ham bawk, "Nicholas" ka ti a, "Bawihi min ring rawh" a tih leh takah chuan a thil tih tum chu ka lo ngaichang ran a, chutah ka hmeichhiat na chu a lei lum leh thap hrak chuan a rawn l*ak a nihchu, ka meng kawk a, hetiang thil hi a tih ka ringlo a sin, a chet dan avang chuan awm ngaihna ka hrelo.




Bedsheet chu nghet zetin ka hum a, a duhthawh sawt em em a, nuam ka tih em avang chuan ka mit ka meng phal tawh lo, ka rum chhuah loh nan ka hmui ka pet fan fan bawk a, a kutzungpui hmang chuan ka ma*n a rawn nuai leh rual chuan ka in sum theihna chu hloh in ka rum chhuak ta hak a, chu chuan a ti phur zual sauh tih hriat takin a thiltih lai chu a duhthawh zual a, a chetdan chu ka dawng sawng thiamlo a ni ber, ka mal chip ka tum lah in a man bet hmiah bawk si, rei ka daih lo, ka khur ta dar dar a, ka taksa chu a phu euh euh bawk, a rawn tawlh chho a, mitmeng da va riai chuan ka lo melh a, a hmel pawh chu ka hmu fiah theilo, ka mit deuh sulh nimai hian ka hria.




A boxer hak chu a phelh rawk rawk a, a che hmanhmawh lutuk chu ka nuih a za, boxer a phelh zo chiah a mipatna rawn pawk chhuak nawlh avang chuan chawp leh chilh in ka nuih za chu a tawp nghal vek, a va han lian em em ve, a hma khan ka lo hmu miah lova, ka chil ka lem khawlh, ka awmdan chu hrethiam in a rawn awm hnai a, "Bawihi, a tirah chuan a na ang, mahse a na rei lovang aw, min ring rawh" a ti sup a, ka chungah chuan a rawn bawk a, lukham chu la in ka kawngah a rawn kam a, "A zia deuh ang" a ti sup bawk. A mipatna chu hum in ka kawchhung ah rawn luh tum chuan a in siamrem a, mahse a hmaa min khawih dan kha ka mitthla ah rawn lang let zuai zuai in hlauh na chuan ka taksa chu a rawn tham a, ka khur nghal der der mai.




Ka awmdan chu a hrethiam aniang a awm sawn deuh a, ka lo thaw kawk kawk thung, hreawm tih hmel zet chuan min en reng a, "Ka ti lui lovang che, ka thiamloh a ni" ti sup in in lak hran a tum a, a banah ka lo vuan nghal chawt a, min rawn en nghal vat bawk. Tun hi a hun chu a ni, nupa kan ni a, a hming maia nupa nilo in nupa diktak kan ni, chuvang chuan ka paltlang thei em em ang, "Ka in peih alawm" ka ti sep a, ka pawt hnai nghal zat bawk, "Bawihi, i la in peih loh chuan ka nghak thei che ka tihkha" a ti sup , ka lu ka thing a, "Ka in peih ka tihkha" tiin a hmuiah chuan ka han fawp hmasa ta a, a mipatna chu ka hmeichhiat na zawnah chuan dah in dim te in a rawn nawr lut ta a, a nat deuh avangin a ban ah chuan ka lo man nghal chawt a, a che lai chu a chawl a, "Chhunzawm rawh" na ti chung chung in ka ti a, a luh vek hnu chuan ka bek ah ka mittui chu a luangthla nghal pap a, ka mittui luan na chu rawn fawp in muangchangin a che ta a, a rei deuh hnu chuan a na pawh a zia ta deuh, mahse nuam tihna erawh ka nei lemlo thung, a tawp lamah chuan nawmna chu ka pawh ve ta deuh a, ka kawchhung a rawn lum pup pup rual chuan ka te chhuak that, ka sirah chuan thlan hluam chungin a rawn mu thla a, duat zetin min kuah nghal hlun bawk. Ka chal ah a fawp vang vang a, "Bawihi, ka lawm e, ka hmangaih che" a ti sup a, ka chhang let thei tawh lo, ka chau lutuk tlat a ni.


Cont....


Comment kha aw...


Show post links
Top

[Ngaia]

Chapter-17



Amelia Lalnuntluangi POV




Zingah chuan ka hmai za mer mer avangin ka harh a, Nicholas-a chuan hnai zetah min lo en a nihchu, ka mit ka chhing leh vat a, a nui huk riin a zawm nghal. Nizan kan chet dan te chu ka ngaihtuah a, ka zak thar tlat pek a nihchu, "Bawihi, I tho nuam maw?" a ti sup a, ka chhang lo, mit ka la chhing char char a, nuih za aw deuh hian "I mut a la chhuak em ni?" a ti leh a, ka la che lo, a tawng zawng chuan ka hmai a rawn lum deuh huk huk bawk a, "Bawihi, nizan avang khan i zak tih min hrilh tum miah suh" a ti leh a, ka meng chhuak vat, "Ka zak hlawl lo" ka ti vak bawk, a nui chhuak hawk hawk a, "A tha a nihchu, chuan na I nei em?" a ti a, min ngaihtuah hmel zetin min en bawk, ka taksa chu a sil thum mai, "Neilo, dar engzah nge?" nizan thil thleng kha sawi chhuah reng ka duh loh vangin ka ti ta daih a.




"Dar 8 a pel tawh" a ti a, ka meng phawk vak, ka va mu rei em em ve, "A va tlai tawh ve, tho ang, tinge min kaih thawh vat loh a?" ka ti a, khum atang thawh chhuah mai ka tum chu ka mu leh rang lutuk, engmah ka in bel reng reng lo, "Nangmah kha tho rawh" ka ti a, a che sawn eih lo. Hahdam hmel zetin a mu a, inchung chu a en reng bawk, a nui leh suk suk thin bawk a, enge a ngaihtuah pawh a hriat theih loh, "Tho rawh ka tihchu, a tlai tawh si, dawr ah kan kal dawn kha" ka ti a, a che hrut a, a thawh rual chuan min pawm tho ve a, "I mawl a mi, min dah thla rawh" ka ti a, "Bawihi, nizan kan chet dan avang khan inbual kan ngai hle tih i hrechiang ang chu tiraw?" mit min siai zeuh a, "Chupawh nise, inbual hmasa la, keichu nakinah a nimai" ka ti a, ka sawi chu engah mah a ngailo.




"Dawrah kan kal dawn kha, a tlai tawh, kan pahnih in inbual ila hun a hek lo zawk" a ti a, bathroom ah chuan min pawm lut nghal, chhuat ah chuan min nghat a, shower chu a on nghal zat bawk, ka chhip atang tui in min rawn ti huh a, a ni pawh a huh tho, kan in din hnaih em avangin ka awmdan chu a danglam lehnghal der tawh. Ka hnungzang chu a rawn chul dan dan a, a ni pawh a danglam tih ka hria, ka beng bulah chuan a rawn thaw lum ham ham a, "Bawihi" ti sup in ka hnute a rawn tham tawn tawn a, ka beng vel chu a fawp kual dan dan bawk, "Nicholas duhtawk teh, ka chau teh mai nia, ka taksa te hi a la sil thum mai" ka ti a, a nui nghawr dat, "Bawihi, keima vek alawm che tur, lungngai suh, I chau hman lovang" a ti a, min kuai her nghal bawk.




Ka hmui ah chuan min rawn fawp a, ka lo chhanglet ve vat, "Bawihi, ka kham thei ngai lovang che" tiin ka mal pakhat chu a chawi kang a, "Kan hmanhmawh a ngai si a, ti zung zung ang aw" tiin a mipatna chu ka kawchhung ah a rawn nawr lut nghal zat a, a dar ah nghet zetin ka vuan a, chho zawng in a rawn d*p chho zawt zawt a, rei ka daih leh ta lo, ka kawchhung a rawn lum pup pup a, a thaw chhuak ve hawlh hawlh tho, a mipatna a phawi a, ka la ding pangai theilo, kan zawh dawn lamah phei kha chuan ka din theih tawh miau loh avangin ka ke pahnih ah chawi kangin min pawm a nihkha, ka che tha peih tawh lo, amah chuan min bual a, thuawih zetin ka lo in dawh a, bathroom atang kan chhuah hnuah ka kawr hak tur min lak chhuah sak a, a hma tawh lo bawk nen chhuak turin kan in siam lawk sa diam.




Inhnuai ah kan chhuk a, Zuali chuan tv a lo en a, "Zuali chaw ei min lo siam ta che, Bawihi nen hian chhuah kan ngai a, kan hmanhmawh tawh riau" a ti nghal a, Zuali pawh chu a thut na atang tho in choka ah a lut zui nghal. Chaw kan ei zawh ah hmun vel ka tih fel pui leh a, in atang kan chhuah meuh chuan dar 10 a pel tawh, dawr lam kan pan a, Terina'n min hmuh chuan a lawm hmel hle, ka dam loh lai khan vawikhat a rawn kal a, dawr ah an buai deuh avangin a rawn kal nawn leh thei tawh lo, "I dam tawh ami?" a ti a, "Aw.. dam tawh e, mahse vawin chu ka lo kal lawk, ka let lehnghal ang, hei ka bula mi hian dawr a kal a la phal lova" tiin Nicholas-a chu ka en zeuh a, "A va in la boss ve" Ner nang chungin Terina chuan a ti hlak a, Nicholas-a erawh a lo nui suk thung, darkar chanve vel kan awm hnuah kan chhuak a, Terina a rintlak bawk a, engmah buaina a awm lo.




"Company ah kal lawk ang aw, file check ngai a awm nual a, a rei lovang" a ti sup a, "Aw.. kan inneih hnuah ka la kalpui miah lo tak che alawm" ka ti tha ve mai. Kan thleng a, motor a park hnuah a chhungah kan lut a, hnathawk te chuan min en duh hlawm hle, kan kal pelh te lah chu an phun ru nghal sup sup bawk a, nuam ka ti chiah lo. Office chhungah kan lut a, ka thaw deuh huai mai, "Hahdam rawh, ka nupui i ni a, engmah zahna tur a awm lo, helai hmun hi ka ta a nih ang bawkin i ta a ni ve tih i hriat kha" a ti sup a, ka bu zeuh, kawngka kik ri a awm takah chuan Nicholas-an lut turin ati a, a secretary chu lo lut in file tam tham zet a rawn pawm lut bawk, dawhkan a a dah hnuah pawimawh ang te a sawi a, a chhuak lehnghal.




"Bawihi, kan check zung zung anga, kan haw leh vat dawn nia, i ril a tam em, thil ei hmasak phawt i duh chuan kan ei dawn nia" a ti leh a, "A la tam chiah lo, hna saw va thawk la, lem ziak hi ka lo en kual ang" ka ti a, a ni pawh chu a kal nghal mai, bangah chuan lem ziak a lo in tar nual a, en mai pawh in a man a tlawm dawn lo tih a hriat. Pakhat nalh tih deuh ka nei a, kan room a tar atan ka it hle, mahse ka sawi lang lemlo, "Nalh i ti viau em ni?" ka hnung atang chuan min rawn kuah thut a, "Aw.. tu ziah nge a?" ka tihchuan "Ka hrelo, ka secratary lei a nia, i duh chuan kan hawn dawn nia" a ti a, a office a a tar lai a nih avangin ka lo hnial vat, min kuah chungin lem ziak ho chu a en ve a, "Tinge I rawn kal a, hna va thawk ta che" ka ti sep a, "Ka thawk dawn alawm, mahse hetia awm hi nuam ka la ti rih" tiin ka sam chu a hnim vang vang a.




"Va thawk tawh rawh, kan tlai lutuk palh ange, bazar ah kal leh te ka duh a nia" ka ti a, "Enge bazar ah chuan i tih dawn?" a ti haw a, "I hre mai ang, hna chu va thawk phawt la" ka ti a, a nui ta suk a. Ka lak atang a in lak hran hmain ka hmui ah a fawp leh vang vang a, couch ah chuan ka thu a, ka ning tawh hle, Nicholas-a hnenah erawh ka sawi chuanglo, hriat chhuah zawk ka nei, Nicholas-a company hi ka la fang kual miah lo, kan in neih hmaa ka kal khan en kual na hun pawh ka neilo, hna a la thawk laklawh tho sia tiin a company fang kual dil ka tum a, ka thut na atang tho in a bulah chuan ka kal a, a hnaah rilru a pe viau aniang, a bul a ka din hnuah pawh a la rawn hawi chhuak lo, tarmit a vuah a, a la in hmeh em em zui, a ni hi chuan in hmeh loh a nei lo a nihhi, ka ngaihtuah na avang chuan ka nui seih a.




"Nicholas" ka ti sep a, a rawn hawi chhuak rang hle, "Sawi la Bawihi" ka ngawih leh daih avangin a ti a, "Hna I la thawk laklawh tho sia, company hi ka la fang kual miah lo tih ka hrechhuak, hna I thawh chhungin ka lo fang kual ang chu, ka rei lovang, hna I thawh zawh hmain ka lo let leh ang" ka ti nghal zung zung a, a phal lo ang tih mawlh ka hlau. A ngawi vang vang a, "Hna ka thawh zawh hnuah keiman ka fang kual pui zawk ang che" a tihchuan ka ner nang a, "Engmah tihtur a awm chuang lova, ngawi reng a lo thut ringawt a ninawm alawm, phal mai la, ka reilo tak tak ang" ka ti a, in la khawngaih thlak zet chuan ka en bawk, a nui ta suk a, "Awle.. minute 15 chhungin lo let leh la" a tih takah a biangah ka fawp zeuh a, office atang chuan ka chhuak nghal.




Ka chhuah rual chuan Nicholas-a secretary chu a lo ding a, "I hna thawh chhunzawm rawh, kan kal kual mai mai ange" ka ti a, a ni pawh chu athu thla veleh nghal mai. Hmun hrang hrang chu ka en kual a, a nuam hle, hnathawk te chuan an boss ber nupui ka ni tih hria in zah takin chibai min lo buk a, min en duh hlawm hle bawk. "Miss khawia kal nge I duh, i bo ami?" mipa pakhat chuan a lo ti a, "Bo lo ve, ka fang kual a, khawiah nge in thil siam chhuah te in dah na, ka en chak a" ka ti sep a, "Min lo zui rawh, ka hruai dawn che a nia" a tihchuan phur zetin ka zui a, inhnuai lamah min chhuk pui a, an thil siam chhuah na hmun ka hmu chiah chu a pui ka ti ngei mai, mi hmuh tur an awm tam lo, min hruaitupa chu hnathawh tur a la neih avangin a kalsawn a, ka kal kual a, chulai hmun a awm te chuan min hmu chu mak an tih hmel hlawm hle, mahse an boss nupui ka nih vangin nge ni engmah an sawi lem lo thung.




Ka duhtawk a ka en kual hnuah ka chhuak a, ka zun a chhuah em avangin washroom ka zawng a, ka hmuh chuan luh mai ka tum a, mahse an thusawi avang chuan ka tawp chawt, kawngka a in hawn deuh avangin an ni chu ka hmu thei a, mahse min hmu velo thung, "A nupui nih a nuam ngawt ang, a duh hmel bawk sia Sir Nicholas-a lah khan, a nupui kha ka thik e" hmeichhe pakhat chuan lipstick in hnawih tha mawlh mawlh pah chuan a ti a, "A nupui kha ka khawih hrep chak, engtinge Sir Nicholas-an a ni ang hmeichhia kha a duh theih ni, a hmelthat na vak pawh ka hrelo, a chapo hmel si" a bula ding nu chuan a lo ti hlak a, chutianga min sawi tur chuan eng a ni vak bikin ka hrelo. In sawi theih na pawh nilo se ka pian a pangai a, Mizo hmeichhia ah chuan a sang pawl tak ka ni ve, ka hmelthat thu min hrilh tu pawh an awm ve nual thin a, chuan ka chapo na pawh ka hrelo bawk.




"Duhtawk teh u, Sir Nicholas-a nupui kha chu a hmeltha ve thlawt alawm, a pian pawh a nalh em kha, keichu an in hmeh ka ti" hmeichhia la tawng ve miah lo chuan a ti a, "I mit entir a ngai a nihchu, khatiang te hmeltha han tih, hrim hrim in chhungte in sawi rem vang mai mai a in nei an nih thu Cindy in a sawi kha, ka rin tawk vel chiah a nia, chhungte vanga in nei nilo se Sir Nicholas-a hian a duh teuh lo mai, an in neih hnuah pawh Cindy nen an la in zui nasat em kha, a nupui ve kha chu sex toy vel atan mai mai bak a ti teuh lo, rei pawh an in nei lovang" nichin a lipstick in hnawih nu khan a ti leh a, "Chutiang in mi nupa chungchang an sawi ngailo, nichin a an rawn luh dun pawh khan Sir Nicholas-a khan a duh hmel em kha" a fel ber nu chuan a ti leh a, "Nanghi enge i hriat a, a ni nen khan in in hre thin ami, I va tan ve, khatiang hmeichhia kha chu an tam lutuk, Sir Nicholas-a hi hausa viau lo se chu pasal atan a nei duh tak tak awmlo emai, a sum vang mai mai a nei bak va ni suh" an thusawi chu ka ngaithla thei tawh thlawt lo, kawngkhar chu hawngin ka lut a, min hmu thut chu an meng phawk hlawm hle.




"In duhtawk in sawi tawh maw, kan nupa inkar hi them te pawh hriat in nei em, engvanga khatiang a kan chungchang sawi nge in nih?" ka ti that a, min hlauh hmel hlawm hle, nichin a min tan zawnga thusawi tu nu kha ka en a, ka nuih seih bawk, "Chuan kan in neih chhan tih vel ah lo buai suh u, in buai na tur a nilo, in hnathawh lai ah chauh khan rilru pe rawh u, nge ni a in boss in hnathawh na neitu leh a nupui chungchang sawi tur chauh in helai hmunah hian hna in thawk zawk?" hmeichhe pahnih te chu ka en ran a. En pawh min en ngam lo, "Vawikhat pawh kan nupa chungchang hi lo sawi ve tawh suh ang che u, in rilru chhiat ang ang khan thu sawi tawh lo bawk ula, chuti a nihloh chuan enge in chungah hian ka tih dawn ka sawi thei hauh lo ania" ka ti leh fak a.




Ngawi rengin an ding a, "Chuan ka lawm e, i thiante ang lo takin kan nupa chungchang I sawi avangin" hmeichhe pakhat bulah khan ka ti a, a lo bu zeuh, kalsawn mai lovin ka la ding reng a, an ni pawh chu an che lo hrim hrim. Chutia kan lo in din chilh reng mai chuan kawngkhar a rawn in hawng a, Nicholas-a leh a secretary kha an lo lut a, "Bawihi, hetah i lo awm daih a, ka zawng nasa lutuk che alawm" a ti sup a, ka bulah chuan a rawn ding nghal zat bawk. "Diklo a awm em ni?" min en chung chuan a ti a, "Awm lo ve, thil kan lo sawi ho mai mai mawle" ka ti a, ka nui lui sang bawk, ka thusawi chu a awih lo hmel hle, "Enge thleng?" a ti ta chiah reng a, "Engmah a thleng lo, kan lo titi mai mai alawm" ka ti a, "Hmeichhe washroom a nihhi, tinge in rawn luh hrim hrim a, chhuak ang u" tiin tawng leh a tum lai chuan ka chhuah pui ta daih a.




Nicholas-an thil thlen dan vel kha a hria a nihchuan khang hmeichhia te khan an hna an chan nghal dawn tih ka hriat vang a ni, keimah vangin midang in hna an chan phah ka duh lo, office ah kan lut , ka zun a chhuak tawh lutuk, "Enge thleng chiah sawi la?" a ti leh nghal zat a, "Lawkin ka zun a chhuak tawh lutuk" tih pahin bathroom ah chuan ka lut a, ka zun zawh chuan ka thawl huai mai, ka tai a na hman vek alawm. Bathroom atang ka chhuak a, Nicholas-a lah chuan thil thlen dan min la zawt reng a, "I va dil chut tak, engmah a nilo ka tihkha, ka zun a chhuak a, washroom awmna ka zawt mai alawm, an tawng duh phian a, zun pawh zung lovin kan in kawm ta daih a nihkha" ka tih takah chuan engmah min zawt zui tawh bik lo.




A office atang chuan kan in zui chhuak a, inah haw tlang lovin bazar ah kan kal a, mipa coat vel an zawrh naah chuan ka kal pui a, necktie an neih leh neih loh ka zawh chuan an neih thu a min chhang in min kawh hmuh a, ka bulah chuan ngawi rengin ka pasal chu a lo ding ve ran bawk. Necktie pawl duk chu ka la a, Nicholas-a nghawng ah chuan ka hmeh bel a, a in hmeh hle, "Heihi kan lo la ang aw, chuan tie pin in nei tel em?" ka ti a, tie pin an dah naah chuan min hruai leh a, ka mit la nghal chat chu ka la a, ka pack tir nghal, "Tinge khatiang te I lei a?" Nicholas-a chuan a ti a, "Nangma ta tir mawle, vawin khan i necktie ho ka en a, a rawng kha a nalh lo hlawm em a, naktukah ka necktie lei sak che kha i awrh nghal ang, pin nen khan, i in hmeh dawn lutuk" ka ti a, a nui suk a.




In kan thleng a, ka chau hnap mai, inthak in ka huan te lamah chuan ka kal a, hnim a lo to leh tawh, ka awm loh chhung khan U Tluangi'n a lo enkawl thin tih hriat takin a lo fai hle a, thlai pawh a lo rah nual tawh bawk, hnim chu ka pawt mawlh mawlh a, ka zawh chuan ka thlan a tla hluam thei, kan room ah chho in ka inbual fai a, Nicholas-a erawh in kan thlen rualin a office ah hnathawk turin a lut nghal, room atang chhuak in choka ah ka lut a, "U Amelia, mamawh I nei em ni?" Zuali chuan a lo ti vat a, "Black coffee ka duh mawle, ka lo siam mai ang, I U Nicholas-a ta tur a nia" ka ti a, ka siam nghal mawlh mawlh bawk, ka siam zawh hnuah no ah thli chhuak in tray in ka chawi a, Nicholas-a office ah chuan ka va lut a, hna a lo thawk mawlh mawlh, "Heihi in rawh" tiin dawhkan ah chuan coffee chu ka dah a, "Nupui tha ber I va ni chiang em" a ti a, ka nui sen sen.


...


Ka nu (Nicholas-a nu) te in lamah chaw ei turin kan kal a, min lo lawm hle, Nicholas-a a buai thin bawk nen kan tlawh hman lo lutuk a, ka nu pawh a lo vui a, tun atang chuan kan hman hun apiangin tlawh tawh ila atha ang, chhungkaw in pawh leh zel na tur pawh a ni a, a nachang kan lo hrelo a ni, kan veng awmna lah a in hlat ang reng bawk si a, keini a naupang zawk kan ni bawk a, kan hun neih apiangin kan kal ziah tawh ang. Nicholas-a te unau hi panga lai an ni a, Nicholas-a hian u mipa pakhat leh nau mipa leh hmeichhia pahnih phir a nei a, an naupang fal em em a, kei aiin kum 2 in an naupang, chhungkaw duat rawn an ni bawk a, an la naupang chhia viau, a u erawh chu nupui neiin in hrang a chah tawh thung, a nupui nen pawh kan in pawh hle bawk.




Chaw kan ei khamah chuan sitting room ah kan thu ho a, U Hruaia leh U Rmi (Nicholas-a U) te nupa pawh an tel la, fa mipa kum thum mi an nei tawh bawk, "Bawiha, kum chanve dawn chu in in nei ve tawh a, tu hmel hi engtik ah nge maw kan hmuh ve dawn le?" ka pa chuan a ti a, "Pa, lo nghak deuh la, a rei tawh lovang, nilawm ni Bawihi?" tiin keichu min rawn en a, ka zak lutuk chu hnuai lam ka melh a, ka hawi chhuak ngamlo hrim hrim, an nui dar dar hlawm a, "Ni e, han nei vat teh u, Amelia-i pa nen vawin khan kan in bia a, tu hmel hmuh a chak zia te a rawn sawi kha, han nei vat ula, kan lawm tlang a nimai" ka pa chuan a ti leh charh charh a, U Rmi nen chuan choka ah kan lut a, "Tunlai in nupa inkar a tha maw?" a tihchuan "Aw.. tha e" ka ti nghal vat.




"Nicholas-an nang ang hmeichhia nupui ah a nei che hi a vannei takzet a ni, i hre lo maithei, Nicholas-a hi chu mipa tawng tamlo tak leh nuih hreh tak a ni a, a bula awm a nuam lo thei lutuk, mahse hei nang nen in in nei a, a mizia zawng zawng a thlak vek a nihhi, hmani ah kan inah a rawn kal a, min biak a duhthu a rawn sawi a, a thusawi vang khan ka lo nuih nghek nghe nghe a sin" a ti leh a. Enge maw Nicholas-a chuan a lo sawi ni, "Enge a sawi a?" ka ti a, "Ka u hian engtinge i thinrim in a thlem thin che?, a rawn ti a, a thu min zawh avang khan ka hrethiam nghal a, Hruaia hian ka lungawi loh changin chocolate leh pangpar min lei sak thin a, ka hrilh hnuah phur zetin a chhuak a" a ti leh a, a thusawi dan hmangah chuan ka hrethiam nghal vek a, ka nute in lama ka awm lai khan chocolate leh pangpar min rawn ken ziah tak kha mawle.




Ka ngaihtuah chhuah chuan ka nuih a za hle, choka atang kan chhuak a, ka pasal bulah chuan ka va thu a, ka nui ru leh sun sun thin, Nicholas-a lah chuan min en leh zeuh thin a, kan haw hunah ka chhaih dawn khawp alawm. Dar 8 a pelh hnuah haw zai kan rel a, ka haw kawngah te chuan ka nui leh ver ver thin, in kan thlen hunah chauh ka chhaih ang, in kan thleng a, Zuali pawh sitting room lamah tv a lo la en a, Korean film bawk a ni, a ni hi chuan Korean hi a ngaisang khawp a, "Zual kan mu nghal mai ang, kawngka vel kha lo kalh tha mai rawh aw" ka ti a, inchung lamah kan nupa in kan in zui chho nghal. Room kan lut chiah a, eng dang mah ti hmasa lovin Nicholas-a hmaah chuan ka ding a, "Ka nute ina ka awm lai khan min thlem lungawi dan tur U Rmi lo i zawt ami?" ka ti a.




"Chutiang te engvangin nge ka tih ang?" hrelo ang takin a ti a, ka nuih a za deuh deuh, "Zep lovin sawi tha ve mai la, U Rmi'n min hrilh vek tawh tho alawm" tiin ka nui hak hak a, a rum nghut a, "Hun kal tawh a nihkha, sawi sawi suh" ti bul hmuk in a kalsawn daih a nihchu, a awmdan chuan ka nuih a ti za ngang mai. Ka pasal hi pa lian tak leh in khar khip tak ni mahse a chet dan hi a cute leh tlat thin, ka mut kawr ka hak lai te chuan ka nui leh ver ver thin a, "Khatia nui ver ver lo khan rawn mu rawh" ka pasal chuan a ti nghut a, "Awle Boss" tih pahin a bulah chuan ka va mu a, min lo kuah nghal vat, "Naktuk hi Remremi birthday a nia, party a siam a, kal turin min sawm a, I peih i ring em?" a ti a, Remremi birthday maw ni a, kal ve ngei chu ka duh ang.




"Aw.. kan kal dawn nia" ka ti a, kan meng rei leh khawp mai, kan muthilh meuh chuan dar 1 a ri tawh, zing kan harh a, Nicholas-a hna kal tur chu ka thlah thlap bawk, vawin chu in chung tual zawl khi tifai ila a tha ang, nizanah khan Nicholas-a hnenah ka sawi tawh a, Inchungah khian engvak mah a awm lova, chuvang chuan pangpar khawi na atan hman ka duh thu ka sawi a, min pawmpui thlap bawk, vawinah pangpar vel en tur a chhuah ka tum a, Remremi birthday a nih vangin present lei pah a remchang dawn bawk, dawr erawh kar thar lamah atang ka kal chauh ang, Terina a awm tho bawk a, ka ngaihtuah em em lo, thil pawimawh a awm a nihchuan min rawn hrilh nghal zung zung thin bawk. Inchung kan tihfai hnuah inbual faiin chhuak turin ka in siam nghal.




Pangpar te chu ka lei fel hnuah kan inah deliver turin ka ti fel a, Remremi birthday present tur lei ila ka haw ve chauh ang, Remremi tan chuan thi nalh leh simple zet mai ka lei sak a, a mil pui turin bracelet ka lei bawk, in ka thleng chuan dar 4 a pel tawh, dar 7 ah thlen kan ngaih avangin ka che zung zung a, Nicholas-a pawh a rawn haw har lo, chaw te kan ei a, Zuali hnenah kan chhuah tur thu ka sawi vek tawh bawk. kawrfual sen ka khup chen leh pheikhawk sang lutuk lo la bun a, ka sam erawh ka kilh thung. Kan in peih hnuah ina tang kan chhuak a, party na hmun tura an tih chu picnic spot a ni a, kan thlen chuan an lo awm nual tawh mai, Remremi chuan min lo lawm nghal vat a, birthday girl tih takah a nalh hle, Zira pawh chu a bulah a rawn kal ve nghal zat a, Remremi chu wish pahin present ka pe a, a lawm thiam hle.




Ka pasal chu an thian hovin an in kawm a, keipawh Remremi te bulah ka awm a, nuam ka ti hle, Dawngi leh Remremi chu ka lo hre lawk tawh a, hmeichhe pathum dang te erawh ka hre ngailo thung, Remremi chuan in hmelhriat tirna te a nei a, an hming chu Sangtei, Nui leh Msi te an ni, an fel hmel hlawm hle a, Ropuia leh Msi te an in kawp a, Siama leh Nui, Thakima leh Sangtei an in kawp bawk, an in hmeh hlawm hle. Remremi leh Dawngi ang chiah in kawm an nuam a, kan inah chaw an lo ei khan Awma leh Zira chauh an lo kal a, chuvang in ka la hrelo mai mai ani, "In pa em em saw, a rawn hawi zuk zuk mai" Nui chuan nui hak chungin a ti a, Nicholas-a te lam ka hawi chuan min lo en reng, a thian ten an biak takah chuan a hawi sawn ve ta chuah a.




"Sawnu sawn enge a rawn tih ve a, Remrem i sawm ve a mi?" Dawngi hawi na lam chu kan hawi nghal thap a, Cindy chu kawr the hlem zet ha in zu no a lo dawm a, a kawr hak chuan a mawng a khuh tawk tawk a tih theih ang, kun ngat phei se chuan a lang vek ang chu, "Sawm nang, a rawn kal ve pawh ka ring miah lova" Remremi pawh chuan a ti hap a, "A kawr hak te reng reng saw, a va han mawilo tak, mawi chu a in ti ve awm sia" Msi chuan a lo ti hlak a. Party chu nuam tih hmel zet leh a ma party emaw tih mai turin a nui har har a "A hmel ka hmuh sawn ka luak a chhuak nghal hlui thei" Sangtei pawh chuan a lo ti a, Cindy chu an ngaithei vak lo tih a hriat. A ruih hmel em em lehnghal a, chutah kan lam chu rawn hawiin nui sang chungin a rawn kal hnai a, kan lo en thap.




"Remrem happy birthday, ka lo kal ve chu pawi I ti em lovang chu maw?" kan bul a rawn thlen chuan a ti nghal zat a, "Ti love, I lo kal duh a a lawmawm lamah ngai mai ang" Remremi pawh chuan a lo ti tha ve mai, "Umm.. nia, kei ber ka lo kal loh in a dik thei nang, chuan Amelia I dam maw, i pasal nen in in kar a that lai tak a ni tih ka lo hria a" tiin min en ran a, "Dam alawm" ka tihchuan a ner sawk a, nui sang mahse a mitmeng ah chuan min haw hle tih ka hmu thei. "A tha a nihchu, i theih anga rei chu lo hlim phawt teh, mahse i hlim rei erawh ring hauh suh, Nicholas-a hi ka nei leh leh vat ang tih hria ang che" a ti chang ta fak a, ka lo en ngar ringawt, a thusawi chu engtik ah mah a thleng ngai dawnlo tih ka hriat miau avangin chhan let en ah pawh ka en lo.




"Cindy duhtawk rawh, mpi nupa in kar a in rawlh tum phet lo hian tlangval pangai ngaihzawn tur zawng zawk ta che, i zak miah lo a mi i chet dan te hi, Amelia-i hi Nicholas-a nupui a ni tih hre rawh, khatiang khan ṭawngkhum theih na dan i neilo hrim hrim" Sangtei chuan a lo ti kha fak a, "In hriat ve vek kha, henu rawn lan hma hian Nicholas-a hi ka ta a ni, henu hi rawn lang lo nise Nicholas-a nen hian kan in nei daih tawh ang" a ti leh a, a au ring sawt bawk si chu midangin an hre pha ang tih ka hlauh takzet, "Buaina siam hauh suh, i party nilovin Remremi party a nihhi, sawm loh in I rawn kal a, chuvang chuan ngawi rengin awm rawh" Dawngi pawh chuan a lo ti a, "A teuhlo mai, he hmeichhia hmaah hian ka ngawi mai mai hauh lovang" a ti leh hlar a, hetiang ringawt chuan buaina chhuak mai ang.




Remremi chu ka signal zeuh a, a lo hai lo nasa, a no ken lai chu a khawng ri tlang tlang a, "Khawngaih in pawn lamah ni lovin in chhungah hian lut khawm tan ila" a ti a, party naa lo kal te chu inchhung lamah an lut a, Zira chuan Remremi hnenah chanchin a rawn zawt a, "Hmeichhe buaina a nihhi, lo va lut rawh u, Nicholas-a pawh saw hruai lut ula, keini pawh kan lo lut vat ang" a ti sep a, Zira chuan engmah zawt zui tawh lovin a thiante bulah chuan phun sup in inchhung lamah chuan an lut a, Nicholas-a chuan min ngaihtuah hmel zetin min en a, ka lo nuih sak thung. Pawn ah chuan keini hmeichhe paruk te bak hmuh tur an awm tawh lo, eng ang pawn Cindy hi au ring mahse in chhunglam ami te sawn an hre mai mai thei tawh dawn lo.




"Cindy hre rawh, Nicholas-a hi ka pasal a nihhi, ka ta keimah ta chauh, I ta a ni ngai lova a ni ngai bawk hek lovang, kan in neih hma chuan engpawh in in karah lo awm rawh se, ka buai lo, tunah chuan keima ta ka mipa chauh a ni tih hria ang che, chuan sawi lan ka duh ngailo, mahse sawi lang lo theilo in min siam a ni, Nicholas-a hian nanghi enga tan mah a ti ngailo che, nanghi chu a hmanraw pakhat ve mai ang bakin a ngai ngailo che, duh tak tak che nise la Engvangin nge kan in neih hma khan nupui ah a neih mai loh ang che ni, nilawm ni?" ka ti a, "A chhungte vang chauh a nei che a ni tih kan hre ve ve, nilo keini mai nilo an ni pawh hian an hrechiang bawk ang chu" tiin Remremi te hi chu a melh kual a, "Chu chu i ring takzet amaw, duh tak tak che nise mipa puitling mahni ke a ding thei a ni a, a chhungte thu hnial in a nei ngei ang che mahse chutiang thil chu a tilo tih i hriat kha, a awmzia chu nanghi a duh ngai hauh lo che" ka ti kha fak a.




"Hmeli nanghi awmlo ni la Nicholas-a hi ka pasal a ni tawh em em ang" tih pahin ka biangah a rawn beng sawk a, a rawn che deuh phut bawk nen ka thiante chu an in ring hman lo, ka biang chu ka dawm a, tawng leh ka tum chiah chu thli pui ang maiin Nicholas-a chu a rawn lang hlawl a, Cindy nghawng ah chuan a rek bet a, "Engvanga ka nupui kut thlak ngam nge I nih?" a ti ṭhawt a, Cindy chu thaw thei lo tih hriat takin a ka a ang hlawi hlawi a, Zira te pawh an rawn lang nghal. Cindy hmel chu a sen tawlh tawlh a, ka hlauthawng chu Zira te hnenah thelh turin ka ti a, Nicholas-a banah chuan chelh betin an la hrang a, "Vawikhat pawh ka nupui hi I kut hmawr pawhin khawih tawh suh ang che i hrechiang em?" a ti leh hrawih a, a thian panga ten man bet mahse a la tal laih laih tho, "Ka nupui hi i kut hmawr pawh in khawi suh ka ti che a, mahse i zawm duh lova enge ka tih theih i hriat kha, i hma hun zawng zawng ka tih chhiat sak vek ang che" a ti leh a, Cindy chu a rawn tho chhuak a, a mittui a tling pam bawk, Nicholas-a reh na chu na a ti hle a niang a dawm vang vang bawk.


Cont...


Monday zanah chapter thar dah in duh chuan click leh comment kha min pek sak vek ula aw...


Show post links
Top

[Ngaia]

Chapter-18


Nicholas Ramnunpuia POV




Cindy-in ka nupui a beng lai ka hmuh chuan ka in sum hman lo, an lam panin ka kal a, Cindy nghawng ah ka reh nghal, thaw theilo tih hriat zetin a ang hlawi hlawi a, thlah tumna ka neilo, engvanga ka nupui, keh thei dawn a ka dawm ka hmeichhe hmangaih kut thlak ngam nge a nih, ka thian ten min rawn pawh hran takah chuan ka thlah ta chauh a, chuti nilo se a thawk tawp hma chu ka thlah hauh lovang. Bawihi biang chu ka en a, a lo sen tai hlar a, chungte chuan ka kawchhung a ti lum bulh bulh thei, Cindy chu a nghawng dawm vang vang chungin a rawn tho chhuak a, "Tinge tiang hian i awm a, engvanga danglam ta em em nge i nih, min hmangaih kha" a tihchuan za lo takin ka nui chhuak hawk a, hmangaih a, he hmeichhia hian ka hmangaih angah a lo in ngai hrep a nihchu.




"Hmangaih, nanghi ka hmangaih che amaw?" tiin ka melh run a, ka thusawi avang chuan na a tih hmel hle, "Hre rawh, nanghi vawikhat mah ka la hmangaih ngailo che, hmangaih chu sawi loh duh pawh ka la duh chhin ngailo che, ka hmeichhe hmangaih chu ka nupui Amelia Lalnuntluangi chauh hi a ni, chu chu theihnghilh suh ang che" ka ti chhuak leh hrawk a. Chu thu ka sawi zo chiah chu a mitmeng a in thlak nghal hlawk a, thinrim na a khat mitmeng chuan min en a, "Nanghian keihi min lo hmang tangkai mai mai thin amaw, min duh ngai hauh lo a nihchuan engvangin nge min rawn pan si, Engvangin nge min duh ang deuh a lem i chan thin?" a ti tuar a, "Nanghi ka pan ngailo che, chuchu nang tluk a hrechiang an awm lo bawk, chuti chung chuan engtinge ka pan che tih i sawi theih, min zar buai reng thin tu chu nanghi I ni a nilawm ni?" ka ti a.




"A tir atang rengin ka sawi chiang tawh, nanghi duhna che ka nei lo tih ka sawi a, ka thusawi chu ngaithla duh lovin min hnaih lui zel a nilawm ni, chuchu theihnghilh hauh suh, vawitam ka hnar chung che pawh a min hnaih lui zel tu chu nanghi I ni" ka ti leh a, ka thusawi dik zia chu a hrechiang bawk a, a ngawi ta reng, a mitah erawh chu ka nupui tih nat chakna in a la khat a, vawikhat pawh ka nupui hmaa kut a lek ka rem ti dawn reng reng lo. Kan thiante chu ngawi rengin an ding ve ran a, midang zawng chu inchhung lamah an awm tawh thung, "Kan nupa hmaah hian vawikhat pawh rawn in lan leh tawh suh ang che, chuti a nihloh chuan i rin phak bak aia nasa in I chungah hian thil ka ti thei tih hria ang che" ka ti leh a, ka aw chu a ring hauh lo mahse ka tih mai mai loh zia chu ka aw chhuak atang chuan a hrechiang hle thung ang.




"Engpawh ti rawh ka hlau reng reng lo, henu hi rawn lang lo nise nanghi ka ta I la ni ngei ang, tun atanga reiloteah hian keihi min la rawn pan leh ngei ngei dawn tih ka hria" a la ti fan a nihchu. Sawi chhuah ka duh ngailo, ka hmeichhe kawp thin a lo nihna angah a zahawm na hi ka zah sak a, mahse kan nupa in kar in a nghawng theih ai chuan sawi chhuah pawi ka ti ta lo zawk a, "A tha e, i hlau lo a nihchuan i video hi midang hmuh ah ka hmuh tir dawn tihna em ni?" ka ti chiah chu a mitmeng a danglam lehnghal vek tawh, ka thusawi chu a ni ai hrechiang an awm hauh lovang, kan pahnih leh mipa pakhat tih chauh lo chuan kan la hrelo bawk, kan thiante chuan ka thusawi awmzia hrelo takin min en a, ka nupui pawh chuan zawhna mitmeng in min en kar bawk, dam dap a en in ka nuih sak a, Cindy erawh tawng leh tur a hre tawh lo, a video hi midang in hmu ni ngat se chu a hmingchhe hle dawn tih a hrechiang miau a ni.




"Nilo, chutiang I ti theilo" a aw chu a ring tawh lo, hlauhthawn na aw a ni mah zawk, nui suk chungin "Ka ti thei tih i hriat kha, min nawr lui zel a nihchuan ka ti hreh hauh lo bawk" ka ti nghet charh a, "Chuvang chuan kan nupa hmaah hian rawn in lan tawh lo la chuchu i tan a tha ber tur a ni bawk, tha taka ka sawi lai khan ka thusawi zawm ni la hetiang hian ka chet a ngai hauh lovang, chuvang chuan min nawr lui tawh suh, hei bak hi ka sawi tawh lovang, tun bak hi in thiar fihlim na hun I nei tawh lo, i chance hnuhnung ber a ni tih i hriat chian kha" hlauhthawn hmel zetin hnuai lam a melh char char a, "Helai hmun atang hian chhuak nghal rawh, chuan rawn lang fo lo la kan zavai hian kan hlim a nimai, ka birthday party ah buaina I rawn siam avang pawh hian i chungah ka lungawi lo hle bawk a ni" Remremi chuan a ti a.




Cindy-i kal liam hnu chuan Bawihi biang chu ka va dawm sak a, na a ti deuh a niang a ner nang a, "Kan haw mai dawn em ni?" ngaihtuah zet chuan ka ti nghal, "A ngailo, ka tha alawm, I thusawi kha enge a awmzia?" a ti a, ka thiante pawh chuan zawhna mitmeng in min en vek, an hnenah hian sawi mah ila a chhuak mai mai dawn lo tih ka hrechiang, "Cindy khan kan in kawp lai reng khan mipa hmuh thin a lo nei a, Professor Lalramdina a ni" ka tih lai mek chuan "Zonuni pasal kha i tihna em ni?" Zira chuan a ti a, ka bu nghat, midang pawh chuan mak an tih hmel hle. Zonuni hi kan college kal pui thin a ni a, a pasal in hetiang hian a bum tih hre ta se na a ti dawn lutuk, a pasal a hmangaih zia kan hriatpui ve vek si a, a pasal chu hmaichhan ngei ah ka hmu tawh bawk, a thiltih a a inchhir zia a sawi a, a inchhir tak tak ni pawh in ka hria, chuvanga sawi chhuak lo pawh ka ni.




"A va mak ve" Awma pawh chuan a lo ti sup a, kan hmeichhia te hian an hre ve lo, mahse Professor Ramdina erawh an hre vek thung ang, a thiam na a san em avanga Mizoram ah pawh lar pha ngat a ni. "Enge thleng chiah han sawi chiang law law teh" Dawngi pawh chuan a lo ti a, "Kan in kawp hnu reilote atang khan an lo in kawp a, a ruk thei ang berin an in hmu thin bawk, chuan hmani ah company pawn lamah meeting kan nei a, kan let leh lam khan an pahnih chuan ka hmu dun a, a tirah chuan rinhlelh na em em ka neilo, an in hmu satliah mai turah ka ngai a, a hnuah damdawi inah ka hmu leh, an damdawi in kal naah khan thian ka nei a, a thu phung mai mai a ka zawh kha Cindy-i chuan nau a tih tlak thu a sawi a, engkim ka hrechiang ta vek a ni, Ramdina nen an khawsa dun lai chu video in a lo la ru a, Ramdin'n an inkar tih tawp a duhthu a sawi khan a vo ta thin a, a duh hun hun ah pawisa a dil a, Ramdina lahin Zonuni hriat chhuah a hlau si a, Cindy duh ang chu a ti leh mai thin a" ka tih lai chuan ka thiante chuan rapthlak an tih hmel hle.




"Ramdina hmu turin ka kal ta a, Cindy-in a vo thin dan te min hrilh vek a, a video lo lak ruk te pawh chu min hmuh tir a, Cindy-i hian kha video kha midang hmuh ah a ti lang ngam dawn lo tih ka hriatchian em avangin Ramdina bulah pawh ka sawi nghal vek a, a duh ang ti lo tur leh lo hnial let zel tura ka tih hnuah ka sawi ang chuan a che ta a, Cindy chuan a tibuai ngam ta lo reng a, kan nupa inkar tih chhiat tumin a la rawn che ngei dawn tih ka hrechiang a, kha video kha ka neilo, mahse Ramdina hnenah la delete lo turin ka ti a, chumi hmang chuan ka vo ta a ni" ka ti dap dap a, ka thiante chu an lo bu tliar tliar a, Bawihi pawh a hmelah chuan thawl hawk hmel a pu bawk, tun atang chuan Cindy kha kan in kar mai nilo kan hmaah pawh a rawn in lan ngam tawh hauh lovang.




"Engpawh nise lut phawt teh ang u, midangin rei an lo ti tawh lutuk palh ang" Remremi bawk chuan a tih avangin kan in zui lut a, Bawihi kawngah chuan nghet zetin ka kuah bawk. Cake chu Zira nen an cut dun a, a hnuah music muang fan raih mai an play a, couple te te in an lam a, "Bawihi, kan lam ve dawn em ni?" ka ti sup chuan min en rang khawp mai, a lam thiamlo tih ka hriat hmaih lo, "Lam lo zawk mai ang, ka lam thiam vaklo a" a ti ta reng a, ka nui suk, "Lungngai suh, ka zirtir dawn che alawm, tirawh le" tiin ka pawt tho a, lam tual lam chu ka pan pui nghal zat bawk. A kawngah ka chelh a, ka dar ah a kut a rawn suih zawm ve nghal zat bawk, "Bawihi, ka ke ah hian rawn rap rawh le, ka tih ang zelin ti la, a har lo ania, I thiam vat dawn tih ka chiang" ka ti a.




Ka in sawi pui lai te chuan a tlu leh tep zel, ka dawm nghet reng bawk, "Thu tawh mai ang, ka ke a na deuh tawh" a tih avangin kan thut na lam bawk chu kan pan leh a, "Bawihi, beer hi ka in ve ang aw, a pangai chu ka in lovang" ka tihchuan min en ran a, kan kal hma atang tawhin engmah in lo turin min vo nasa bawk nen a lungawi lo a ni ngei ang, "Awle, pakhat chauh ka phal a nia" a ti a, beer chu ka in turin ka la a, Bawihi tan thei tui ka laksak nghal bawk, dar 11 a rik takah chuan mi pawh an haw ta pheuh pheuh hlawm a, Bawihi ka en a, a lo ham leh bai bai thin, ka nui suk, "Kan haw mai ang, ka nupui saw a mut a chhuah hmel tawh emai" ka thiante bulah chuan ka ti a, min hnial biklo, Bawihi leh hmeichhe dang ho awm khawm na lam chu ka pan nghal zat bawk.




"Bawihi haw tawh mai ila" ka ti a, a bag chu a ban a, an in mangtha fel hnuah pawn lamah kan chhuak a, motor kawngkhar chu ka hawn sak a, in kan thlen hma chuan Bawihi chu a muhil tawh, motor ka tih din hnuah pawh a la harh lo hrim hrim, thawm dim zetin motor atang ka chhuak a, Bawihi thutna lam chu ka va hawng leh a, ka pawm chhuak nghal nawlh, a bag chu ka ken sak bawk, kan room ah ka pawm chho a, khum a ka mut hnu pawh chuan a la harh eih lo, ka nui suk, ka in thlak a, ka inthlak zawh ah Bawihi muhil chu a harh hlau zetin a kawr ka phelh sak a, a taksa nalh zet chu en liam mai mai a harsa hle, ka thaw leh hawk thin a, a muthilh lai em hi chu it tur ka nilo a sin mawle. A mut kawr ka hak zawh tir hnuah bathroom ah lut in tui vawt chuan ka in bual a, ka kawchhung sa bulh bulh pawh a dai riai riai mai, bathroom atang ka chhuak a, Bawihi bulah chuan ka in thawlh ve nghal.




Zing ka harh chuan keimah chauh in ka lo mu tawh a, Bawihi chu a harh tawh a ni ngei ang, tho chhuak in ka hmai te ka phih fai hnuah room atang ka chhuak a, inhnuai ah ka chhuk a, choka ah ka nupui a awm ringin ka lut a, mahse a lo awm hauh lo, Zuali chauh chu a lo awm a, min hmuh chuan a la phu zawk zui. "Khawiah nge Bawihi a awm?" tih leh fridge a tui vawt chu lak chhuah ka rual a, huan lama a awm thu in min chhang a, tui ka in zawh hnuah huan lam pan chuan ka kal ve nghal, huan a siam dawn lai khan tullo ka ti viau a, mahse kan inkar a that loh lai a ni bawk nen engmah ka sawi ta lo kha a nia, a tui leh ta phian sia, ka lo sawisel lo kha a vanneih thlak lamah ka ngai hmiah mai.




A thlai chin ho chu tui a lo pe a, min la hmu lo, hnunglam atang chuan ka en reng a, "Bawihi" ka ti a, min rawn en nghal vat, a lama kal turin min hui nghal zauh a, ka kal ve mai, "Enteh, ka thlai chin ho hi an tha hlawm asin, an mawi hlawm bawk sia" hlim hmel zetin a ti a, "An ni ai chuan nanghi I mawi daih zawk" tiin a biangah ka fawp zauh, "Hna atang I rawn haw hma angem?" a ti ta daih a, "Ka hrelo le, rawn haw hma tura min duh te chuan ka rawn haw hma anga nimai lawm" ka sawi zawh rual chuan a ner deuh nang a, a va han lawmawm thin tak. "I rawn haw hma theih chuan lo haw hma la, U Tluangi pa damlo hi zan lamah va kan ve ila, kan la kal miah silo a, U Tluangi pawh a lo vui tawh viau maithei a ni" a tih takah chuan tha ka ti hle, "Kan kal dawn nia" ka ti a, a thlai te tui a pek zawh chuan kan in zui lut nghal.




Hna ka kal tur chu pawn thleng min thlah leh thlap a, ka nupui ngeiin ka hna kal tur min thlah hian nuam ka ti thin hle. Company ka thleng a, file check tur ka table ah a lo awm leh hnur tawh, ka check nghal zung zung a, ka zawh chuan Bawihi ka call lehnghal, a la theilo, thiltih lai pawimawh a nei a ni maithei a ni, ka ti nawn leh a a la ta chuah, "Hello" a rawn ti sep a, a aw hi ka ngaithla ning thei ngailo ang, "Bawihi, enge i tih a, tinge ka call i lak theih loh?" "Ka inbual a, bathroom atang ka chhuah khan min lo call tih ka hre chiah" a ti ve mai a, "I rawn haw hma dawn kha aw" a ti leh a, thu ho mai mai sawiin minute 15 chuang kan in bia, kan in biak tawp hnuah pawh keimah in ka la nui vur vur mai, ka secretary a rawn luh chuan ka lo insiam tha thuai a.




Hna atang ka haw hnuah ka pa chuan min lo call a, "Pa enge nita?" motor dah na lamah chuan ka kal a, "Bawiha, in hman hunah in nu nen lo kal ta che u, thu pawimawh sawi ho ngai a awm a" a ti sup, kan kal tur thu in ka chhang a, dar thum chiah a la ni bawk a, ka nute inah chaw kan ei a ngaih thu ka nupui hnenah phone atangin ka hrilh nghal bawk. In ka thleng a, ka nupui chu a lo in peih fel vek tawh, ka in thlak zung zung a, "Khakha enge?" Kan khumah chuan polythene a lo awm a, "Ka nute in atang kan haw pahin U Tluangi te in lamah chuan kan thlang nghal mai dawn mi, a awlsam a, heihi chu U Tluangi pa kan kan na tur a nihhi" a ti a, nachang a hre khawp mai, in tang ka chhuah hma chuan Zuali hnenah ka nupui chuan kan haw tlai deuh a rin thu te a sawi a.




Ka nute in kan thleng a, kan chhungte chu thut khawm naah an lo thu thap, "Kan koh phei chhan cheu chu sawi nghal mai ila" ka pa chuan a ti a, midang chuan an hre vek tawh a nih ka ring, "Masanga bialnu hi a rai a ni awm a" a tih leh takah chuan ka nau chu ka en vat a, hnuai lam bih in a lo thu kun ngur mai, "Engtia hmalak chi nge tih sawi ho ila tiin I nu nen hian tha kan ti a, chuvang ania kan koh cheu ni" a ti leh a. Ka nau chu ka en reng a, hreawm a tih hmel hle, "Sanga, i bialnu chu khawi a mi nge?" ka ti sup, ka nau hi hmeichhe mi lo tak a ni a, kan danglam hlak a tih theih ang, chutia sawn a lo thlak chuan min thawng ve hle bawk "Kan veng a mi tho hi a nia, Nu Awii fanu Rini kha" a tih takah chuan ka hre nghal mai.




Pa a nei tawh lova, a nu nen chiah an khawsa a ni, a nu hi a hrisel lo em em a, chuvang chuan Rini pawhin lehkha zir chhunzawm thei lovin a nu chu a enkawl ta tawp a, hmeichhe sual tak a nihkha ringlo, in nei pawh nise ka lak atang chuan hnial na a awm lo, "Engtia awm nge i tum?" ka ti leh a, "Ka u, Rini a rai tawh bawk si a ka thlahthlam ngawt theilo, ka hmeichhe hmangaih hmasa ber a ni a, neih ngei pawh ka duh" a tihchuan ka nui ta suk a, "A tha alawm" ka ti a, ka pa chu a lo in rawlh vat, "Rini hi kan hriatchian a ni a, mo atan kan iai lo bawk, nau a pai ta rau rau a nihchuan hma kan lak vat pawh a ngai ngei ang" ka pa chuan a ti a, ka nau in fa min neih khalh mai dawn chu a ni sia, Bawihi pum a ka fa awm hun tur ka nghakhlel ve takzet a ni.




Chaw te kan ei a, rin ai takin boruak pawh a ziaawm daih mai, kan nui ho dar dar a, ka naute pahnih leh ka nu te chu an phur tawh hle, ka nau te nen hian Rini chu an inkawm ve thin bawk, mahse Masanga nen an in kawp tih erawh an lo hre hauh lo thung. Chaw kan ei kham a, reilote kan thut leh hnuah damlo kan tur kan neih thu sawiin Bawihi nen chuan kan chhuak a, Tluangi te in lam kan pan lai chuan ka nupui chu a ngawi chawi riau. Ka en ve zeuh zel a, "Bawihi ege i ngaihtuah a?" ka ti sep a, min rawn en in a nui seih a, "Masanga te mawle, fa an nei mai dawn chu a nisia, ka awt e, engtik ah nge fa kan neih ve ang le?" a ti a, "Bawihi, kan la nei em em ang, hun a la tam alawm, Pathian in a hun a tih ah chuan fa min pe em em ang" ka ti sup a, a bu nghat nghat a.




Tluangi te in kan thleng a, min lo be nghal vat a, a pa te room ah chuan kan in zui lut a, rin ai daih in a lo cher a, tawng pawh a lo tawng peih lo, a harh tawk tawk a ni ber, Tluangi chuan kan kal chu a lawm thu te min lo hrilh luam a, a nu pawh chuti tho, Bawihi chuan lawmthu sawi a ngaih loh thu leh kan kal har avangin thupha te a chawi ta zawk a. Dar 9 vel ah chuan kan haw ta chauh, in kan thleng a, room ah kan chho nghal, "Pa Zara kha ka khawngaih tawp, a fel bawk sia, a hmaa ka kal te kha chuan a la chak tha a, biak te pawh min lo be peih a sin mawle" a ti a, a taksa han en mai atang pawh khan rei a daih tawh dawn lo tih a hriat, kan mut hnuah pawh a la sawi reng a, a khawngaih ve ngang a niange.




Masanga te inneih na lam chu kan buaipui a, Bawihi nen pawh kan in lamah riak lovin ka nute inah kan riak a, Bawihi pawh a buai khawp mai, naute thla nga mi lai an lo pai tawh reng hi a lo nia, an hriatna pawh a rei tawh, mahse Masanga hian a lo sawi lawk ngam lo a lo ni a, ka nupui pawh a buai khawp ami, Rini mo kawr hak tur amah ngeiin thui a duh thu a sawi a, a pum a puar lian ve tawh bawk nen a duh uluk viau. Ka nau in nupui a neih dawn vangin ropui taka neih tir kan duh a, dan hnih na ni mahse ropui thei ang ber a inneih tir kan tum ruh hlawm hle. Rini te nufa dinhmun kan ngaihtuah a, engmah an tih kan phut loh piah lamah a mamawh ang te a rawn ken luh chuan a dang engmah a ngaih loh thu kan sawi a, kan hmuhsit na lam a nilo, kan mamawh ang kan neih vang leh an dinhmun kan ngaihtuah vang zawk a ni.

1


"Naktuk mai hi inneih a ni tawh si a, i phur tawh em?" Masanga hnenah chuan ka u Thanpuia'n a ti a, an inneih ni tur kan tihfel atang khan ar mawng hawlh ang maiin a za cheng tawh a nihkha, "Tehreng, nupui ka nei mai tur hi awih harsa kala ti, bakah ka u Nicholas-a fa ka neih khalh ta daih dawn sia" a nui vur vur a, kan unau thum in Inchungah kan thu ho a, "Nicholas nangni pawh hi fa neih a hun ve viau tawh ania, kum chanve chuang chu in in nei tawh a, fa neih lam te hi in ngaihtuah tawh em?" ka u chuan a ti a, "Ngaihtuah ve tawh e, mahse hei a la hunlo ani ange" ka ti sup. "Ni e, kan sawi mai mai a, fa neih hi chu Pathian malsawm na a ni a, hun a tih ah chuan a la pe em em ang che u" ka u chuan a ti leh sup a.




"Bawiha, nangpawh pasal leh pa i ni vat dawn a, a hmaa i awm ang mai mai khan I awm thei tawh dawn lo tih hria ang che, puitling takin engkim i hmachhawn thiam a ngai dawn a, i nupui tan pasal in nghah na tlak nih tum bawk angche, nupa in nih hunah chuan in in ngaihzawn lai ang mai mai kha a ni tawh dawn lova, han in hauh thinrim chang te pawh a awm ang, chutih hunah chuan mipa i ni a, tlawm zawk a tam hreh loh tur, i nupui tak pasal tha tak i nih chhung chuan i nupui hian a zah em em dawn che a, chuvang chuan i nupui i dawm thiam hle a ngai, Rini te chhungkaw dinhmun i hria a, a nu rohlu ber a ni a, ngaihngam takin I kutah a dah dawn a ni a, a nu rinna che chu tih chhiat loh hram I tum dawn nia" ka u chuan a ti leh sup sup a.




A tuk zingah chuan chhungkua in kan buai hlawm khawp mai, Rini te in lamah ka nupui chu zingkar ah khan a va phei tawh a, a rawn let tep tawh in ka ring. Chaw ei dawn ah Bawihi pawh a rawn haw a, chaw kan ei zung zung a, ei na vel chu awmpui ten an tifel a, kan in siam lehnghal zung zung, khaw danga kan chhungte lo kal te nen kan in chhung chu a bengchheng hle, kan insiam zawh chuan biakin lamah kal a hun viau tawh, Masanga erawh a kal diam tawh thung, biakin kan thleng a, ka nau te inneih na hriatpui tura rawn kal khawm chu an thahnem hle, biakin ah kan thu lut a, ka nau pawh a thu vang tawh mai, a hmel en mai pawn a hlim zia a hmuh hmaih theih loh, ka pa in Rini chu a rawn kai lut a, ka nau chu a mittui a tla lek lek hial.




Thutiam an chham lai te chuan an tih tak tak zia a hriat, inneih na hun serh a zo a, thlalak na te kan nei leh a, Bawihi chu ka chhungte ho chuan an chhuang hle, Rini kawr hak chu a in hmeh hle a, a pum puar pawh a lang lutuk lo bawk, Rini nu chu kan nupa dinna lamah a rawn kal phei a, "Amelia, ka lawm hle mai, nangmah vangin ka fanu mawi takin a lan theih phah a" tiin ka nupui chu a rawn chibai a, a mittui a tla tep bawk, "Nu Awi lawmthu sawi a ngai hleinem, ka tih theih ve tawk ania, tunah chuan Rini nen pawh unau kan ni tawh a, ka nau tan te chuan ka tihsak ve tur reng alawm a nih" ka nupui chuan a ti a, ka nupui rilru that zia mawlh mai hi a ni ka ngaihtuah, amah aiin midang te hlimna a ngai pawimawh zawk.




In neih zawh ah kan in lamah kan haw a, mo lo lawi hun tur kan nghak thap mai, dar 5 dawn ah chuan pawn lamah thawm a rawn awm a, lawi chal hnenah a thil phut ang te ka pa in a zawt a, mo neitu chu a zai a phut ta tlat mai a, Masanga hi a zai awm ka la hrelo, zai a ngaina vak lo tih ka hria, ka rin lo dan takin a hla sak tur a zawt ta mai a, ka nuih a za kher mai, a zai ta a, rin ai daih in a lo zai thei lehnghal, a zai zawh ah chuan mo a rawn lawi lut tha a, ka nu leh pa ten a kut ah kai chungin inchhung lamah an lut a, hunserh tawi te kan hmang leh a, thusawi na te an neih hnuah present te an in hlan a, zan lamah party a la awm avangin hun kan hmang reilo, chaw te kan ei a, zan lama hun kan hman turah kan in buatsaih leh ta hlawm a.




Party na hmun tur chu ka thianpa te hotel a ni a, an chei nalh khawp mai, mo leh mo neitu te an lam a, Rini chuan ka nupui a ngaina hle bawk. Game te an khel a, an pheikhawk khing khat ve ve chu keng dun in an in hnungchhawn a, kan lo nui dar dar hlawm mai, cake cut na te kan nei leh a, ka nupui chu ka hmu mai lo, ka zawng kual a, washroom atang a rawn chhuak ka hmuh takah chuan ka pan vat, a nawm loh hmel em em mai lehnghal. "Bawihi I tha em?" ngaihtuah zetin ka ti a, "Ka tha alawm, cake kha ka ei hnem lutuk a, ka puar sa bawk nen ka pum a nuam lo deuh mai mai mawle, ka zia tawh lutuk" tiin a nui sen sen a, "I nawm loh viau chuan kan haw dawn nia" ka tih leh chuan min lo hnial vat, "Party a zo tep tawh tho alawm" a tih takah chuan kan thut na lam bawk chu kan pan leh a.




Ka nau nupui neih atang karkhat lai a liam ve leh ta reng mai, ka nupui pawh a dawr ah a kal leh tawh a, a car keng lovin keiman ka thlah thin thung, min hnial lo bawk, hetia hna kal tura kan chhuah rual te hian nuam ka ti ani. Meeting kan zawh hnuah Bawihi call tumin ka phone chu ka ban a, Bawihi hnen atang call a lo tam khawp mai, ka call let vat, "Nicholas, I buai viau em I buai loh chuan min lo hruai la, tun maiah khan u Tluangi pa a chat thla an rawn ti a, kan kal ve vat loh chuan" a rawn ti zung zung a, "Awle, ka lo kal dawn nia, min lo nghak la, ka lo thleng har lovang" tiin office atang chuan hmanhmawh zetin ka chhuak a, Bawihi dawr ka thlen chuan kan in zui chhuak nghal, Tluangi leh a nu a khawngaih thu chu kawng tluan in a sawi a.




Tluangi te in kan thleng a, a chhungah kan lut nghal, room ah chuan kan lut a, tap thawm hlir in a khat, in an lo sing sak mek avangin ka pui ve nghal thuai a, Bawihi erawh Tluangi bulah a awm thung, in vel kan tifel a, YMA hovin sound vel an rawn fit a, an zawh ah mipui an rawn pung khawm a, zai te chu an tan a, Bawihi nen chuan kan thu ve ta reng a. Khaw thim hma deuh chuan haw ka rawt a, Bawihi nen chuan kan in zui chhuak a, in kan thlen hnuah chaw te kan ei sawk sawk a, Tluangi te in lama kal turin kan in zui chhuak lehnghal, "Nicholas sawlai ah sawn ding lawk teh, pangpar ka chah lawk sa a, ka va la lawk ang" a ti a, motor ka tih din rualin a chhuk nghal, pangpar nen a rawn let a, Tluangi te in kan thlen chuan pangpar chu a pe a, thutna awl ah kan thu thla nghal zat bawk.


Cont....


Comment leh click kha aw, a tam dan a zirin chapter thar kan dah leh vat dawn nia...


Show post links
Top