HERE BY Gee Vanchy (Completed)

[Ngaia]

Prologue

Hlauthawng tak Chung chuan ka hma a car mawi zet ding reng chu ka en leh thin ,, enga tinge tah sawn a din char char ?
Kawngpui a zau loh ém avang chuan tlân pelh theih Ani bawk si lo kawng a block tlat a lawm mawle .

A vawi engemaw zah nan chuan horn chu ka'n hmet ri leh tuarh a , awmzia a awm Chuang lo , a khalhtu a awm tih chu ka hria mahse engvang a sawtia ding tlat saw nge anih!!!

Ka insum thei tawh lo chuan ka car kawngkhar chu hawng pawp in hmanhmawh tak Chuan ka chhuak hlawp hlawp a ,, a turverh kik koh koh Chung chuan " i motor hi lo dahsawn lawk ta che ". Ka ti Lang Lang a " kawng I block char char a , i motor hi a chhia ....." Glass a rawn down ruala ka mi hmuh avang chuan ka thil sawi lai chu ka tawp chat mai ..

Hmanhmawh zet chuan ka car lam pan chuan ka pen phei hlawk hlawk a , kawngkhar ka hawng dawn chiah tih ah chuan ka Sam ah rawn pawt nawk in lei ah chuan min paih thlu thruai mai !! Hawi chhuah ka tum leh chiah chu ka chhip Sam ah chuan rawn tham in , a car awm na lam ah chuan min hnuk phei dawr dawr mai
Nà ka ti lutuk chu ka thren tlawk tlawk a

Chu vel leh a car kawngkhar ah chuan min in tauh tir ta chawrh mai ,, lei ah chuan ka tla thla nawk a ,, ka Sam ah bawk rawn tham leh in a car kawngkhar ah chuan min tauh tir leh ta chawrh mai

Ka khaw hmuh chu a thim ta vek a ,, engtin nge min tih chhunzawm zel pawh ka hre ta lo ..

Ka harh leh Chuan car engine chu alo ti thi ve chiah a ,, hlauhthawn hmel tak Chuan
" khawnge min hruai?? ". Ka ti a .. a thaw hawk mai ,, ka lam ah chuan rawn Kun hniam in car kawngkhar chu a rawn hawng a ,, chu vel leh car atang chuan min nam thla leh ta chawrh a ,,

Ka din hmun ka ngaihtuah chuan ka in khawngaih kher mai ,ka in ngaihtuah lungpuam a , ka tap ta hliam hliam mai .
Ka hma ah tak rawn ding khup in , a kekawr ipte chu a zen ât a ...engtin nge min tih leh ang tih ngaihtuah chuan in hnit hraih hraih pah chuan ka en ran a ..

" i mittui kha'n i tenawm Zia a lantir " a rawn ti a ,, chu vel leh ka bàn ah rawn man in min Tung ding chawt a ,, min kai hlawk hlawk a , room te reuh té , éng pawh awm lo ah chuan min nam lut chawrh a ..

Chu vel leh kawngkhar chu rawn khar chawrh in pàwn lam atang chuan a kalh ri ta khap mai

A thim lutuk ,, éng pakhat mah a awm lo
Ka thaw tha thei lo nghal der , ka tlu nghal tawp a , engmah ka hre zawm ta lo ...


Ala tawi tha khawp mai a rei tial tial anga , a sei tial tial ang

Chuan hetia link a ka dah theih Nan hian @beccalnz hian min pui nasa lutuk a , a Chung ah ka lawm em em bawk Ani

Mari briana pov



Nidang ang bawk in vawiin chu kan buai leh cher cher khawp mai , ka office ah lehkha in zam hnawk niai in kei pawh ka awm nileng leh ta thak mai , sign ngai te ka sign a , keima tawk ah ka buai ve thin khawp mai ..

Ka office kawngka chu a rawn in kik karh karh a , lo lut tur a ka hrilh hnu ah , a lo lut ve thuai a ka hmuh ngai Ani hauh lo , ka team te zing ami Ani lo tih ka hre bawk ..


"Miss kan team hian proposal kan siam a chu chu min approve sak thei angem?" A rawn ti var a , lo bu nghut in , a paper ken lai chu ka lo ban thuai bawk "a rang lam a min tihsak theih chuan ka lawm ngawt ang" a rawn ti leh a "naktuk lam ah i lo ngaihven leh dawn nia" ka tih chuan "ka lawm lutuk e miss" tih pah chuan a Kun zauh a ,, a chhuak tur chiah chu zawhna pakhat ka zawt chak tlat pek a , achhan pawh a chhànna hian min ti hlim thin miau Ani .


"Tinge linda in approve tir mai loh?" Hawisang vah chung a ka zawh chuan , "kan duh ber che lawm miss" nui seih pah hian alo ti vat thung .

Lo bu nghat nghat in , "I chhuak thei ang" ka ti a , a chhuak zui ve nghal mai bawk .

Linda a team te pawn an ring zo lo chu ania!
A nuihzathlak zawk , thiam na pawh nei fum fe lo , nu leh pa zar zo a , ka dinhmun ang ding ve thei chauh Ani.

Dar zat ka en chuan tlai lam dar 4:00 alo ni leh tep tawh ka office atang chuan chhuak vat in , first floor lam ah chuan ka chhuk thla nghal thuai a ..



Ka mi pelh apiang te chuan chibai min lo buk liam liam hlawm a , kan hnathawk te hian min zah thiam ve em em a , tin, kei hi kan company nei tu hi ka patea a ni bawk .


Thil ei tur Chuan restaurant ah chuan ka lut a ,,"lunch I va ei tlai ve" thawktu pakhat chuan a lo ti var a ,, "kan buai lai ania ,ka hman lawk lo thin a" ka lo ti let ve vat a
Ka ei tur chah te ka ei zawh hnu chuan company lam ah bawk chuan ka lét leh nghal thuai a .


Counter a ka mi hmuh avang chuan ka nui sak mai,ka patea , FG company neitu Mr Kevin Herron Ani .He lam hian a rawn kal khat viau asin! Min biak duh na pawimawh tak anei Ani ngei ang.

Min hmuh chuan min lo Hui vat a , rangtak in a bul ah ka va phei ve bawk , a bul ka va thlen chuan "hei hmu tur che in appointment siam ka lo tum a" nui huah huah Chung hian alo ti a , "min lo call mai la i office ah ka lo kal mai tur ania" nuih sang pah chuan ka ti let ve thuai a .

"A khaih ! chungte chu a chi nâng , I buai ve dawn nen nen , kei ka buai loh lai tak ania , lo pan che hi ka tan a harsa hleihnem" a lo ti leh thuai a .

"Ka office ah kan in be dawn mi? Chho ila" ka tih zawm zat bawk , kan chhoh lai te chuan hna chungchang bak chu titi ah a leng lo , elevator kan chuan lai te chuan kan ti ti chho barh barh a .

Ka office kan lut chu couch ah chuan thu in "zanin chu zanriah kan kil ho dawn em ni?, chhungkaw meeting te pawh neih angai ang" a lo ti a , ka phur hran lo khawp mai "hna hi a laklawh sia ...." Ka sawi zawh hma hma chuan "hna chu a awm reng alom , chhuanlam hi i siam ziah mai ,thil pawimawh tak sawi tur ka nei a " a lo ti hmuk a ,, ka lu ka lo bu ta ringawt "dar 6:00 hma in I hna hi kalsan la , i appartment ah pawh peng kawi lo in ka in lam i lo pan nghal dawn nia" a tih chuan "awle" ka lo ti vat a .


Patea a chhuah fel hnu chuan ka thaw hawk mai , patea hian min duhsak in ka tan a awm reng thin , ka nu leh pate'n zu vang a min boralsan hnu khan patea hi ka khawvel neihchhun a ni tawh , mahse patea nupui leh a fanu te pahnih sawn min ngaina hlawl lo , kei pawn ka ngaina bik hek lo ,an ni vang sawn zanriah Kil ho a , chhungkaw meeting neih chu ka hreh phah hle bawk ..

Ka hna chu ka thawh chhunzawm mawlh mawlh a , ka team te ho pawh ka signature la tur in ka office ah an rawn lut àwl lo bawk ,
Sana ka en chuan dar 6:00 a lo hnai kuarh tawh mai , hmanhmawh tak Chuan ka in dahfel sawk sawk a , ka team te room lam chu ka pan phei thuai a , an lo la ri nak nak mai !, An room chhung ka luh chuan an lo ngawi Dak a , min lo enthap mai "awle in dahfel Ula ,in haw thei ang ,naktuk ah kan in hmu leh theuh dawn nia" ka ti a , ka chhuak nghal thuai bawk .

Ka chhuak chiah chu an ri nghal huk mai , nui hak pah chuan elevator lam chu ka pan a , tun lai chu company in kan design te kan hralhchhuah hnem lai tak Ani a , kan buai tlang hlawm khawp mai , 1st floor ka thlen thlak chuan staff dang pawh an lo la tam khawp mai.


Rang tak Chuan parking lot lam chu ka pan thuai a , ka car ah thu lút in , chak tak Chuan ka tlan chhuak nghal a , ka tlai thiang lo, ka tlai anih vaih chuan hun vawng dik em em ka patea hian min zilh leh nek dawn tih ka hriat vang Ani.

Ka hma a in Lian tak ding luah chu ka en ta ran mai "a lo rei ve ta hle mai" tiin ka phun chhuak sep a , step ah chuan pen chho in , kawngkhar Lian tak chu ka nam hawng a ,
A chhung chu a hma ai khan a lo mawi tawh zawk , chu vel leh nute Janice(patea nupui) chu ka lam pan chuan a lo phei nghal a ,"meeting room ah Han chho rawh" alo ti hmak a , chhang lét lem lo chuan inchung panna kailawn ah chuan ka pen chho nghal vat a , ka hnung ah chuan nute Janice pawh chuan min lo zui ve bawk ..


"Gracie leh Lamila te chungchang ah lo inrawlh ve Suh ang che , I patea hi I lo fuihpawrh leh anih vaih chuan ka en liam tawh bik lo ang che" alo ti a ,, ka ding dat a , amah hmachhawn tur Chuan ka in her vut bawk , a mit ah tak en ran in ,"chu chu ka thu aw" ka ti ve ta salh a , a mitmeng chu rum tha tak ani , nuih lui sak in ka inher leh a , zai rat rat Chung chuan ka pen chhoh chhunzawm leh nghal thuai a .


A hma kha chuan Hmeichhe tihnat Sam tak , thinlung ném tak nei ka ni thin ,ka thupui ber kha chu 'i Chung a thleng tur a i duh ang in mi Chung ah ti thin rawh ' tih hi Ani thin a , mahse tun ah chuan Ani tawh lo , an Chung a ka thatna ka lantir em em Chung pawh a ka laka that chhuah harsa ti tlat te hian min ti na thin , mahse tun ah chuan ka rilru leh ngaihdan te ka thlak tawh a , tihnat mai mai theih ka ni tawh lo , mi tamtak hian emotion nei ve lo ang mai ah min ngai thin, ka hmel ah hian ka lungngaihna te , ka thinrimna te , ka nélawmna te ka ti Lang chhuak ve ngai miau lo.


Hmeichhe tawngtlem leh zezawi tak mahse tumah in an pawh ngam loh tiang mi chu ka ni , midang hnen ah ka in hawng ngai lo bawk , keimah hian ka tha a , ka nun ah midang ka mamawh hrih lo bawk!


Meeting room kawngka chu ka kik karh karh a , chhung lam atang a lut tur a min hrilh hnu ah ka lut nghal thuai a , kawngka ka hawng chiah chu mak ka ti khawp mai , patea leh Gracie te unau chauh lo awmtur a ka beisei laiin an bul ah chuan mipa pahnih an lo thu tel ve bawk a.

Kawngka bul a ka din ngawi reng avang chuan ka lam chu an rawn hawi thap a , in siam rem nghal thuaiin couch ah chuan ka thu thla ve nghal thuai a , ka thuthla chiah ka mipa hmuh vang chuan ka mengphar nasa hle Ani .

Ka patea chuan ka awmdan chu alo hrethiam chék aniang chu "ka lo la hrilh lo che a , Anni hi G&F company a tangin an rawn kal a" min en pah chuan a Han ti a , an lo kal chhan chu engtak niang maw?

"Ka la hrilh lo che a collaboration ropui leh Lian tham tak kan company leh G&F company hian kan nei dawn a, chumi Chungchang chu kan lo sawi ho mék Ani" a ti leh nghal zat a , mahni inrintawk hmel tak hian "eng thil ah ber nge Collab chu neih in tum?" Tiin ka lo zawt lét thuai a .

"Decor ah nge , clothing line lam ah kan la rel fel lo" a tih leh Chuan ka lo bu ve nghat nghat mai .


Gracie chuan "decor lam ah chuan an duh ka ring chiah lo , clothing line lam ah hian Collab pui ila a that ka ring , decor lam ah hian a sulsutu an ni a , an beisei ang kan phak lo anih chuan min ti mualpho zui hrep thei tlat" a lo ti a , a tawngka chhuak tin ah te chuan kei min ngaihnep Zia a hriat theih , achhan pawh interior design leh decor hi ka kut a awm Ani miau a , clothing line hi an nufa kut ah a awm bawk .


Meeting chu kan zo ta , G&F company lam erawh in thu chhuak an nei tlém hle a , kan thuthluk na min lo ngaichang ve anih ka'n ring ringawt a , kan company leh G&F company te hi kan lo pian ve hma atang a in hmelma an ni a , tun a collaboration chungchang an sawi khan mak ka ti hle bawk!!.


In hnuai ah chhukthla in zanriah chu kan kil ho a , "clothing line lam ah chuan Collab pui zawk a fuh ang paaaa" Lamila chuan naupangchhia zet hian a ti a ,, "ni ee atha zawk ang, decor lam ah te chuan Mari chauh hi nia ,Hades nen a thawh dun te chu a tan a harsa bik lutuk ang keini te chu kan nufa thum hian kan ti thei Anga" nute Janice chuan a lo ti a , min ngaihtuah áwm tak a ahan tawng vel te chu nuih a tiza zawk hial.


Ka patea chuan "Mari i ngaihdan te sawi ve la , decor lam ah an ni team te saw chu sulsutu te an ni a , Han thawh ho chu i chak hran pa lo ami ?" A lo tih Chuan ka chhanna ngaichang chuan min en thap mai , tun dinhmun ah tak hian 'aw ka duh alawm , keiman thawhpui ka duh' tih chu sawi ka chak kher mai achhan pawh nute Janice te nufa tih thinrim hi nuam ka tia , mahse ka ti lo ang Hades Vanguard chu ka thawhpui chak hauh lo , amah ka hmu in mimal Tak in ka hria pawh Ani lo ,mahse thu leng kual vel atang hi Chuan thawhpui nuam zawk zawk anih ka ring lo , chu lo ah keima tawk ah hian buaina ka ngah ve lutuk tlat..


"Ka hnial hrih mai ange , thawhpui chu a chakawm viau a , mahse Gracie te unau hian thawhpui zawk se ka duh , clothing line lam ah chuan tihsual a lo tlém doh hlek a interior design leh decor lam hi chu a Lian tham doh hlek a , collaboration nei lo pawh hian keini lam chu kan ngaihtuah awm loh"
Ka lo ti lét var a , "anih chuan clothing line lam a collaboration nei tur Chuan arang lam in sàwmna i lo sem chhuak dawn em niang?". Alo tih leh Chuan ka bu nghat mai ..


Ka hnial thu an hriat chuan nute Janice te nufa chu an hlim hmel kher mai , zanriah te kan ei kham chuan haw tur in ka insiam nghal mawlh mawlh a , ka car ah lut in chak tak Chuan ka in khalh chhuak nghal vat a .

Ka phone chu lo ri in , caller ID chu ka en thuai a , Driana Ani ka thian neih chhun leh ka thawhpui Ani bawk "I sawi duh chu sawi rawh , car ka khalh" ka ti nghal thawr a , lehlam atang chuan lo nui hak hak in "G&F company nen a collaboration chungchang kha ka lo hria a , lo bawh zui rawh" a lo tih chuan "Gracie te unau in clothing brand tih lar nan an Collab pui dawn" ka tih chuan , a lo chek tlat tlat mai " i thluak I hmang lo leh tawh Ani maw?" A lo ti a "enge i sawi awmzia ?, ka thawhpui pa tur Hades Vanguard saw ka thawh pui chak hran lo" nui hak hak chuan ka'n ti leh a , a lo treu hlar tawh mai "Hades Vanguard lak atang a license I hmu anih chuan , thil thlen dan tur chu i hriat kha" alo ti a ,, ka harh chhuak zawk mai ...

"Call ka dah hrih aw" tih pah chuan ka dah nghal zat a , ka thil ngaihtuah avang chuan ka lawm Ani , ka nui var var reng mai .
A chhan chu license min pe chhuak thei anih chuan thil ropui tak lo thleng tur chu
ZALENNA Ani ...


Gracie te unau ni lo in kei hian Mr Hades Vanguard hi ka thawh pui ang!!...



End of chapter 1


Show post links
Top

[Ngaia]

Ruah a rawn tla sep sep a , ka speed ti hniam in , ka hla duh ber mai chu play in ka appartment lam ah chuan ka in khalh phei zar zar a , ka thiltih tur ka huphurh rual rual in ruahman Anga akal anih chuan ka tan ZALENNA kawng Ani bawk si!,
Ka khum ah chuan ka bawkthla thlawp a , vawiin chu a nuam hle mai , tho leh thuaiin in bual tur Chuan bathroom ah chuan ka lut vat a .


Ka chhuah leh hnu chuan khum ah bawk lâwn leh in ka laptop chu ka hma ah ka dah a
Ka thuthlukna patea te chhungkua hrilh leh tawh lem lo chuan interior design & decor a collaboration neih pui tur Chuan g&f company ah chuan sâwmna chu ka va thawn ta a ...

Naktuk lam ah patea chu hrilh ka tum Ani , ka thuthlukna chu a hnial ka ring hauh lo mahse nute Janice te nufa chu an lawm lo viau ang tih ka Chiang ,chu chu pawi ka ti hauh lo bawk!, Ka laptop chu ka khum bul a dawhkan ka hun ah chuan dah in mutthilh mai chu ka tum ta a , a la tlai lutuk hran lo mahse ka chau tawngkhawng te pawh aniang ka mutthilh chu a chhuak kher mai
Ka muhil tur chiah chu ka Phu harh leh ta zawk mai , mutthilh leh mai ka tum chu ka thei leh ta reng reng lo.

Tho chhuak in ka khum bul pawhdawh chu pawt hawng in, sleeping pills bur chu hawng in ei theih mai tur Chuan ka kut ah chuan ka dah chhuak a , khum ah bawk let leh in ka mu leh nghal a , ka sleeping pills chu ka hum ran bawk , heihi ka tih dan ziah Ani sleeping pills tello a mutthilh hi ka duh lutuk tun ah hian nasa takin ka tum ve mek bawk mahse loh theih loh a ei ngaih hun hi ka ngah zawk mah ..

Ka dinhmun leh ka nihna hi mitam tak in an awt thei em em thin mahse ka nun ah hian hlim na tur em em hi a awm hran lo , mi thenkhat chuan ka patea a hausak ém avang in tun a ka dinhmun hi thleng thei ang chauh in min ngai thin mahse Ani vek lo!!

Sana ka en chuan zan lam dar 10:00 a lo ri tep tawh a , ka mutthilh hun chu ala ni lo nasa Ani , zanin chu hna pawh khawih lo chuan ka laptop ah chuan movie en tur ka zawng kual dan dan a , mahse movie en chu ka mood ah pawh a awm chiah lo , ka thil ngaihtuah chhuah avang chuan ka nui nghal sen sen a , khum a tang chuan tho chhuak vat in ka insiam nghal mawlh mawlh a , ka phone chu la vat in, ka call nghal zat a, rei pawh a ring hma chuan a lo la nghal thuai a
"In la meng em? , Ka lo kal dawn sin" ka ti nghal sawk sawk a "naupang chu an mu tawh , mahse lokal tho rawh" alo ti let ve var a , nui san san chungchuan ka insiam chhunzawm mial mial a ..


Ka car chu la chhuak in , bronx veng lam pan chuan ka in khalh chhuak nghal vang vang a , ka awmna veng hi soho,mahattan Ani , New York City ah chuan veng hausa ber pawl Ani bawk , time square ah chuan traffic light avang chuan ka ding a , chu tih lai tak Chuan billboard ah chuan kan company in advertisement a neih te chu a lo Lang ve bawk ..

Ka in khalh chhuak leh nghal thuai a , ka kal na tur lam hi ka awmna veng nen hian a in hlat lutuk lo ,darkar chanve tlan bak Ani lo a , ka hmanhmawh lutuk lem lo , Bronx veng chu ka va thleng a , kawngpui ah chuan ka tlan zar zar a , kawng kawi ah chuan péng in ka car engine chu ka ti thi nghal duk a ..


Ka hma a building Lian tak, hlui ve lam tawh hma ah chuan ka ding ta ran mai , chu vel leh kawngka chu lo in hawng in ka mi beisei chu alo chhuak vat a , ka lo nuih sen sen bawk . Ka thianpa ve em em Lucas scott Ani , fahhrah in ah hian a thawk bawk , he fahhrah in hi ka chawm ve Nasa thin hle bawk.

"I lo va thleng hma ve" a lo ti var a , nuih sen sen pah hian "ka lo tlan chak em alawm!" Ka lo tih chuan a meng Nur nasa khawp mai "lut ang" ka ti leh nghal zat a , ka hnung ah chuan min lo zui ve bawk.


In chhung kan luh chuan sister Maria leh Lucy te pawh an lo awm ve a , inchungah chuan chho in naupang ho mu chu kan thlir ta reng a.

"Tun lai chu i lokal khát lutuk a , naupang ho pawn an ngai tawh teh mai che ania" Lucas chuan alo ti a , "ka hman lo ve lutuk a tun lai chu , keima tawk ah ka buai ve lutuk, an dam tha hlawm em ?" Ka ti lét thuai a , alo bu nghut thung ..

"Lucas ka kal Bo trep tawh" ka tih leh Chuan min lo en thuai a , a mitmeng ah chuan lungngaihna ka hmu in ka hria!! "I dam thei mawlh si lo a!" A lo ti a , kan ngawi dun ta reng a , in hnuai a chhuk a rawt tak ah chuan kan in zui thla ta a , ka ruahmanna te pawh sister Maria leh Lucy te nen a sawi ho chu a tha in ka hria.


In hnuai a kan zuk chhukthlak hnu chuan sitting room ah chuan sister Maria leh Lucy te chu an lo thu ran a , couch ah chuan thu thla ve that in ka bul ah Lucas pawh a lo thu ve thuai bawk, "tun lai I buai em ni?" Sister Maria chuan alo ti var a "aw ka buai ve lai tak ania" ti in ka lo chhang let thuai bawk , àw thian kharh kharh in "thil sawi tur pawimawh tak ka nei a" ka ti nghal zat a min en thap mai "collaboration ropui tak kan company leh G&F company hian kan nei dawn a , heihi a thleng tluang anih chuan Hades Vanguard lak atangin license ka hmuh theih ka in beisei a , chuan license ka nei thei anih chuan ka patea company hi ka chhuahsan thei dawn Ani" ka ti charh charh a , "Hades Vanguard chuan thawhpui che chu a duh dawn mi?, A duh anga thil a thleng lo anih chuan tun a i license neih sa pawh hi a ti hlum thei asin" Lucy chuan alo ti ve vat a , "ka theih mai ka ring" ka lo ti leh thuai a "I patea lak atang a inlak hran i duh ber miau sia" lunggaih hmel tak Chuan sister Maria chuan alo ti a .


"Ka thiamna te hi ka tan hman ve ka duh , ka patea ai tha ka ni tih ka patea hian a hriat chuan min dah bo duh mai ang" ka ti a , ka patea hi ka tan tha em em mahse ka thiamna te leh ka theihna te avang chauh a hetia min humhim hi Ani , heng thiamna te hi neilo ila chu , min tuithlar hmiah in ka ring , tumah hi chawm thlawn a duh lo , Kum 10 mi ka nih in ka nu leh pa in zu vangin min boral san ka tih tawh kha , ka patea kha ka khawvel neihchhun Ani bawk mahse kha Ní , an in a min hruai luh ni atang Khan keihian harsatna liantham tak ka tawng zui nghal a , chu chu Nute-i leh a fate bak ah an in a hnathawk te Chen khan min hmusit in min diriam thei hle anih kha , Chaw kaw puar ka hmu ngai lo a , zan ka mu lum ngai hek lo , ka taksa ah hian nitin pem thar a awm ziah!! ,chu chu ka patea pawn a hria mahse min chhan ngai lo , keimah ah thiamna leh theihna a hmuh hnu ah chauh khan ka Chung ah thatna A lan tir anih kha , achhan pawh min hman tangkai theih a rin vang Ani , ka naupan hun lai hriatrengna duhawm loh Tak avang chuan trauma ka nei nasa em em a , tun thleng hian anxiety leh disorder hrang hrang in min tlakbuak bawk!!



Tun a ka duhber chu , ka hlimna tur hmun a awm Ani , patea te in atangin in dang tawh mahila ,a hnuai a thawk ka la nih na hian awm nuam in min awm tir hleithei lo , he orphanage home ah hian thinlung takin ka hlim Ani tih ka hria mahse , hlauhthawnna chhe té hi ka la nei tlat thin .


Rei fé kan tí tí hnu chuan alo tlai ve leh ta duai mai , "a tlai ve leh ta duai mai , ka va haw ve tawh ange naktuk hna kal ka ngai sia " ka thutna atanga tho chhuak chuan ka ti zung zung a , Lucas pawh alo ding ve hluai mai "ka thlah ang che " a lo tih chuan ka lo hnial nghal vat a , "car ka rawn ken kha!, Thlah ka ngai lo ang" ka lo ti vat a
A tum bur mai "pawn thleng min lo thlah la a tawk" ka tih zawm zat a , min lo zui ve mai bawk , sister te nen Chuan pawn thleng chuan min lo zui chhuak ve a .


Ka car bul thleng chuan Lucas chuan min lo zui a , "hey Hades chu thawhpui I tum tak tak ami?" A tih chuan , ka lo bu nghat a , a lo thaw chhuak hawk mai "I rin ang Ani lo ang , ka unaupa mah ni se ...." sawi zawm lo chuan a thaw chhuak hak a , "min ngaihtuah a ka lawm lutuk mahse ka tih ngei ngei angai " nuih pah chuan ka ti let var a ..


Car ah ka lut zui nghal a , ka bân chu vai zoh in ka in khalh chhuak nghal thuai a .. Lucas leh Hades te hi cousin an ni a , Lucas hnen atang hian a mizia chu ka hre hnem ve viau
Mipa sak tak leh thinlung khauh tak nei mi Ani , a duh loh zawng a thil a thlen chuan ramsa ang mai in a che thin tih te thleng in lucas chuan min hrilh ani ,mahse ka duh ber neihtheih nan chuan engman min dang lo ang.


Ka appartment ka thlen leh Chuan zanlai dar 1:00 a lo kawk va tawh mai , khum ah chuan ka laptop bawk chu en leh in email ka dawn chu ka check vat a , ka nui sak mai, ka sàwmna thawn chu an lo pawm rang khawp alawm...
Hreh zet chungchuan ka sleeping pills chu ka ei a ,ka muhil nghal mai bawk


Zing ka tho chu ka harh vâk mai , nidang ang lo tak in ka hlim sarh reng mai a, ka thiltih engkim chu ka phur em em vek a , ZALENNA dàr ri ka hre thei hial in ka hria!!
G&F company in ka sàwmna te an pawm tawh bawk a , ka patea hmin chu thil harsa Ani lo , collaboration hi tluang taka akal anih ngai chuan sum a hai lut hnem phah leh dawn lutuk keimah vang hian.


Company ka va thlen chuan staff ho pawh an lo tam tawh khawp mai , ka office lam pawh pan lo chuan ka patea office lam chu ka pan nghal vat a , kalkawng ah Gracie te unau ka tàwk a , an meng Nur nasa khawp mai! , News an lo hre tawh chék aniang chu.


Ka patea office kawngka chu kik karh karh in , lút tur a min hrilh hnu chuan ka lút thuai a , a chair ah chuan lo thu in min lo melh ràn mai , thutna tur min kawh hmuh pah chuan "lo thu ta che" a lo ti a , ka thu ve nghal thuai a "tukin zinglam ah ka lo hre ve chiah a" alo tih chuan nuih sak pah chuan "ka rilru ka thlak a , interior design & decor lam ah hian thawhpui ila ka duh leh zawk a, collaboration hi a kal tluang anih chuan sum lo hàw tur chu i hriat kha" ka ti a , a lo bu nghat nghat mai , sum tam tak a awm dawn anih chuan ka patea hi hmin a harsa ngai lo..

"Anih chuan tlai lam ah meeting va nei ho Ula a tha ang" alo ti nghal vat a , "I hmanhmawh lutuk lo maw?" Ka'n tih fiam chuan alo nui huah huah a , "taktakin zing ah Khan min lo bia a , a rang lam a meeting neih an duh thu an sawi a" alo tih chuan "ka secretary ka lo hrilh Anga , a rang lam in lo va be pawp rawh se" ka lo ti nghal thuai a .
Ka patea office atang a ka chhuak chu ka thaw huai mai .

Ka secretary chu ko vat in "a rang lam in ,G&F company te nen meeting kan neih hun tur lo ruat ta che" ka tih chuan "awle miss" tiin min chhuahsan zui thuai a , a hmél ah mak tih na ka hmuh loh avang chuan collaboration kan neih tur thu chu an lo hre vek tawh anih ka ring ..



Ka hna te chu ka thawk mawlh mawlh a , tun ah chuan designing lam ah ka thluak ka hman leh tawh angai ang , ka thawhpui tur te hi an theuneu lo viau a , chuvang chuan ka theihtawp ka chhuah angai , an beisei ang ka pha lo ang tih chu ka hlau ber tawh , kan company ah hian interior design & decor lam ah hian head officer leh head designer ka ni a , ka thawhpui te beisei ang ka pha lo anih chuan ka tan mai ni lo kan company tàn pawh hian a zahthlak dawn lutuk tlat...



Kawngka rawn kik in ka secretary chu a rawn lut nghal thuai a "miss meeting chu dar 1:00 hian kan ruat a , a hmun ah G&F company ah Ani ang" a tih chuan ka lo bu nghat a , sana ka en zawmzat bawk dar 12:30 a lo ni der tawh ,, "lo insiam la kan kal nghal dawn nia" ka ti a , lo buk zoh pah chuan achhuak zui nghal a...



Car ah chuan ka secretary nen Chuan kan thu ran a , nidang ang lo tak in vawiin chu ka zàm ve hle mai , ka tha te chu a rawn khur leh thin hian ka hria zahthlak zawk hian a!!

G&F GROUP tih liantak a in ziak ah chuan kan lut a , rin ang ngei in hnathawk pawh an lo ngah hle mai , interior design leh decor lam a hmahruaitu tih tak ah an building chhung chu a mawi tih piah lam Ani!


Counter a receptionist bul ah chuan ka secretary chu a va kal a thil engemaw an sawi hnu ah a lo lét leh thuai a , "miss 2nd floor meeting room ah min lo nghak reng tawh anih chu" alo tih chuan elevator lam chu kan pan vat a.


Lift atang kan chhuah hnu chuan, an hnathawk pakhat hian kan lam chu lo pan vat in amah zui tur Chuan polite tak Chuan min hrilh a, kan zui ve mai bawk hallway zau tak kan kal pelh hnu chuan kawngkhar lianpui hma ah chuan min din pui a "Mr hades chuan alo nghak reng che u" nui sen sen pah hian a ti a , a kalsawn zui nghal mai bawk ..



Ka secretary hnen ah chuan "recorder khan engkim lo record vek ang che , chuan lo trawng ve angai lo ang" ka tih chuan alo bu nghal sawk sawk a


Kawngka chu min hawn sak in meeting room ah chuan ka pén lut nghal thuai a
Dawhkan lo kil ho chu an lo tam tham khawp mai,Mr Hades chauh ka lo beisei laiin ,mi pangnga vel lai chu an lo awm a min lo en thap mai .


Ka va thlenphei chuan ka secretary chuan ka chair chu min lo pawh chhuahsak nghal thuai a , ka lo thu nghal thuai bawk , ka hma a thru mipa chuan min lo melh nghal run a , mipa hmeltha tak ani tih ka'n sawi tel lawk .


Ding lam ah nu pahnih inchei fai veng leh vei lam ah nu pahnih upa ve lam tawh hi an thu a , Hades bul ah chuan hmeichhia keimah ang rual vel hi a lo ding bawk , a hmeltha hrep leh nghal!! .. a secretary anih ka ring .


Ka sana en pah chuan "minute 2 in kan tlai anih hi , a Zia lo hle mai nidang ah chuan tlai tawh lo tur ah in ngai ang" tih pah chuan thupha chu ka'n chawi nghal zung zung a ,
Ka ding lam a thu hmeichhia chuan "introduction kan pe dawn mi niang? Kei hi ka hming chu Anabelle Vanguard ka ni a , head officer ka ni" a lo ti nghal zung zung a midang pawn an hming leh an nihna te an lo sawi ve Liam Liam a , mak ka tih doh chu an last name ah 'Vanguard' tih chu a tel vek a , a awmzia ah chuan chhungkaw khat vek an ni tih na Ani !!!


Ka hun a lo thlen ve chuan "Mari briana ka ni a , FG company ah head officer leh head designer in ka awm mék" confi tak Chuan ka ti a , ka hma a thu mipa chuan "Hades Vanguard, CEO" a lo ti Sam ét a , a hmà a lehkha chu a a bih zui nghal daih bawk ..


Hera Vanguard chuan "i design te chu kan lo en chhin dawn em ni? Kan duh ang anih loh Chuan collaboration hi cancel ani ang" a rawn ti Ram hmak a , a tawngka chhuak nél awm loh dan em em chu ka insum theihna a phet teuh kher mai .


Ka secretary chuan a tablet ken chu Mrs Hera hnen ah chuan pe vat in ka design ho chu a lo entir a , a enlai a , a hmel a siam dangmlam dan te chu a huat awm ngawih ngawih ..



"Tiang te chu kan design ve fo alawm , thil harsa a awm lo ang, kan tan chuan thil thar teh lua Ava ni lo ve , in company chu in ngaihtuah awm khawp ang" nui sak Chuang hian alo ti leh a , chu vel leh Mr,. Hades chuan lo ban ve vat in a enkual ve mawp mawp a ..

Hmeichhe dang pathum te erawh an lo thu ngawi reng a , an hmel chu a nélawm loh hlawm kher mai , kei erawh ka hmaikawr ka la vuah ve ngar ngar a , Han chhan lét ve salh pawh ka chak tawh hle mai , mahse a la hun hrih lo ..


Engmah pawh sawi lém lo chuan tablet chu ka secretary hnen ah chuan a pe lét thuai a.
Mrs Hera bawk chuan "engthil tak maw i patea nen Chuan tih in tum ? Collaboration ngawt hi Chu anih ka ring hauh lo" ngeiawm fé hian a rawn ti leh hmak a , a tawngkam chhuak chu a huatthlala awm tak zet!!

Hades leh midang te erawh an la ngawi reng a , Khap pawh an tum Chuang lo ,
Ka chhan hma hma chuan Hera chuan "lét leh nghal Ula , I hna I thawh zawm thei ang , collaboration chu kan kal tlang pui lo ang , i design neih ve te hi chu an common tawh hlawm lutuk , heng design te hmang hian eng ram ropui mah kan thleng lo ang" alo tih chuan ka insum thei ta lo ..


"Interior design leh decor lam ah hian head officer I nih ka'n ring ringawt a , thil hi I hre vak lo nge?, Interior design leh decor ah chuan season ang in kan kal thin , emaw , kan client te duhdan ang in kan design thin , design kan hralhchhuah thin hi chu a tlangpuiin season mil tur ber a kan design ho hi a ni bawk , tuna i thil en ho kha ka design chu an ni vek alawm , mahse Kum tam kal ta a ka design ho an nih kha , mawi lo i ti kha keipawn ka trawmpui che
Nitin , darkar tin hian enge a ken tel? Kan tih chuan 'changkanna' hi Ani kan ti thei ang, a hun leh hmun mil zela a design thlak hi a tha ber in ka hria , tun a in en tàk ho pawh khan i lungthlu zân lo mahse a hun lai Chuan a mawi ve teh mai sin!" Ngeiawm zet chuan ka'n chhang let a .


"Tun hnai a i design chu engvang in nge i lo ken loh" a lo tih leh Chuan "interview nei tur ka ni hleihnem" ka lo ti Sam ét a , Hades chuan âw lo thian kharh in "i office tur kan buatsaih tawh a , a rang lam in I lo insuan lut dawn nia" alo ti hmuk a , ka nuih lui var var mai , hemi te thiltih dan mai mai chu'h!! Ka rin loh lam daih Ani . Mahse an office a ka thawk anih chuan ka tan thil a awlsam zawk ngei ang..


Meeting kan zawh hnu chuan kan chhuak nghal thuai a , min lo lâwm lo hle Ani tih an tawngkam chhuak atang in a hriat theih , kan company nen a in hmelma leh , in el ber thin kan ni a , thawk leh khata kan Collab thut hian rinhlelhna a neih tir te pawh Ani mahna .ka patea mizia an hre Chiang thaw khat bawk a , an dem awm lutuk hran loh.

Hades a lo chhuah ve chuan a bul ah va kal vat in "biak lawk che ka duh" ka ti nghal thawr a , a lu lo bu zauh in "min lo zui rawh" a lo ti hmuk a , ka secretary chu mitmei zauh in , kan zui nghal thuai a , a office kan thlen chuan a chair ah chuan lal hmel tak hian thu in min melh ran mai , "sawi rawh" lo ti leh hmuk in a bawp chu a khawkherh àt a.


"Collaboration hmanga , sells leh review kan neih tha anih chuan license min pe chhuak tur Ani" ka ti a , a lo nui suk mai "thildang in beisei kha ka lo ring reng asin!" Ngeiawm fé hian alo ti a ..

"I thawh that dan a zirin kan ngaihtuah tha leh dawn nia" a lo tih zawm leh zat a .


"A tha e , deal" ka tih chuan "deal" lo ti ve sup in , min ngaihtuah zawm tawh loh Chuan a hma a laptop chu a en zui daih a
Ka chhuak ve nghal vat bawk..


Show post links
Top

[Ngaia]

Kan company lam chu pan leh in , vawiin law law a insawn chu ka duh ta zawk a , ka office ah chuan ka thil mamawh tur te chu cardboard ah chuan ka dah lut zung zung a , chutih lai tak Chuan ka patea chu lo lut in "i va hmanhmawh ve" alo ti a , zawm vat vat a that zawk ka rin thu chu ka lo hrilh thuai bawk.


Meeting a kal tluan leh tluan loh te chu min Han zawt a , a kal tluan thu chuan ka lo chhang ve mai bawk , mamawh ka neih Chuan amah hrilh hreh lo tur a min hrilh hnu ah min chhuahsan nghal thuai a , nidang aiin a mizia a zawi a , a mitmeng ah Khan min khawngaihna ka hmu thei in ka hria!!


Ka insiam zawh hnu chuan driver ko in , G&F company lam pan chuan kan tlàn ta vang vang a , ka va thlen chuan staff pakhat chuan min lo buaipui vat in , ka office awmna tur ah chuan min hruai nghal thuai a.
ka office thar a ka in rem that mawlh mawlh hnu chuan naktuk lam a hna tran tur Chuan ka chhuahsan ta a ..

Ka driver in ka appartment thleng min thlah leh hnu ah taxi in kan company lam chu min pansan zui a , in tih fai ka tum lai tak Chuan ka phone chu lo ri in , Driana Ani , ka hna chungchang te leh ka chét lak dan chungchang vel kan sawi hnu ah kan in biakna chu ti tawp in , ka inbual zui nghal a .


Tihtur em em ka neih tawh loh avang chuan, sleeping pills chu eiin mutthilh ka tum ta a , sleeping pills ei duh lo hle mah ila , ka mu nghet ve thei mawlh si lo a..



Ka harh leh Chuan khua a lo thim khup tawh a , ka che buai lo chauh Ani! Rang tak Chuan ka khum bul a lamp chu ka on thuai a , tho chhuak sawk sawk in ka inchhung light ho chu ka on ta vek a ..



Zanriah pawh ei lo chuan orphanage home ah chuan ka in khalh phei nghal thuai a , ka va thlen chuan naupang ho chuan min lo lawm khawp mai ,,ka mal Chung a thut te chu an in chu'h reng mai a , an bul ah chuan ka táp chawt Ani ber mai , an bul a ka awm hian hahdamna maktak ka nei thin , an bul ah hi Chuan ka mizia zawng zawng paih in ka hlim thei hle , riak ve tur Chuan min ti tlat a , mahse ka lo hnial vat thung , naktuk ah hna thar ka zawm dawn avang in ,lo in buatsaih lawk ka duh hrim hrim bawk a..



Ka haw leh chuan alo tlai leh duai tawh mai naktuk lam a ka hnathawh tur te chu en thuak thuak in , ka mu leh nghal thuai a ..


Ka harh leh meuh chuan dar 7:00 a lo ri va va tawh , tho chhuak in ka in siam nghal mawlh mawlh a , coat dum suit ha in pheikhawk sang zet ka bun bawk , ka sam chu trawn leh tawp in ka hman chu Ani nghal der , make up hi ka hmang lutuk ngai lo a , ka thatchhiat vang te pawh ni mahna , hmai Han chei vel te hi ka peih zawng Ani hauh lo ,, Hmeichhe hmetha tak ka nih thu mi dang in min hrilh fo thin a ,min duh tu pawh ka hmu ve zut , mahse eng ah teh vak mah ka ngai ngailo thung , hmeltha Han tih zawng te chu ka nei ve tho a , mahse ngaihzawng neih ka la in peih lo Ani ber...




A hun tak ah office ah chuan thleng in , design lam chu ka khawih nghal mawlh mawlh a , ka thiamna zawng zawng ka sawmkhawm angai tak zet zet , an company in design an lo neih tawh ho te chu en in , a ai tha leh nalh zawk a design chu ka duh ber Ani , an design ho chu a mawi hlawm hrep leh nghal!!

Chutia mahni tawk a , ka lo buai ve em em lai Chuan kawngka chu lo in kik ri karh karh in lút tur Chuan ka lo chhang let thuai a , Hades a secretary hmeltha zet kha alo ni
"mr.hadesa'n tlai lam ah i design te lo paih tur in a duh che , chuan meeting neih nghal Ani ang a i design ho chu an en fiah ang" alo ti nghal zung zung a , ka lo buk nghat nghat hnu ah min chhuahsan zui nghal a .



Tlai lam ah chuan meeting te chu neiin , boruak a sang thin viau mai ,min lawm loh Zia an ti Lang a , keipawh in ngeiawm ka chhuah ve char char bawk a , meeting kan neih ho lai te chuan kan in khei fek fek reng zel a , kan tawngkam chhuak tin mai te chu a lo dawngsawng tu te tan chuan huatawm tur tak ani ,Chutih laiin Hades erawh in engvak mah a sawi ngai lo a, a hmél nélawm loh lutuk leh a trawngkam bung thin lutuk chauh chu Ani mai..




Hun a kal ve zel a , kei ni pawh in kan design te ka peihfel a , kan tlangzarh chiah chu rin ang ngeiin sells leh review chu tha tak ani
Ka in chhuan phah ve hle bawk.


Kan collaboration te tluang tak a a kal leh kan hlawhtlin pui ém avang chuan kan company leh G&F company te chuan party ropui tak an huaihawt a , kei erawh ka kal ve lo thung ..


Ka kal ve lo chu mak an ti hlawm hle bawk!, Mahse party te leh huau huau ngaina lo ngang hi ka nia , mahni chauh a awm nuam ti mi ka ni , chu lo ah khang mi chapo tak tak te bul a , hun hman chu ka chàk teh fa lua lo.




A túk lam ah chuan ka patea chuan an in lam ah kal tur in min ti a , thu min hrilh tur pawimawh tak a neih thu min hrilh avang chuan an in lam ah chuan ka va in khalh phei a ...



Meeting room ah a awm thu an awmpuinu chuan min hrilh hnu ah meeting room lam chu ka pan chho vat a , kawngka ka kik hnu ah lút tur a min hrilh in ka lut ve nghal thuai bawk.



Ka patea chuan "I lo va thleng hma ve" alo ti var a , ka lo nuih ringawt thung "hna i thawk tha hle mai" tih pah in a hma a thingpui in hung chu a Han lem leh khalh a , a hmel ah erawh hlim hmel alang lo thung!! Mak ka ti hle a , achhan pawh a hlim viau ka ring Ani .mahse a hmél ah hian kei min khawngaih ngawih ngawih na hmel ka hmu thin Ani..chu chu mak ka ti hle bawk!



Ka kut ah chuan rawn húm in min melh doh vang vang a , ka lo melh ve reng bawk
Âw a thian leh phawt a , "ka fanu ang chiah in ka en che tih i hria ti raw?" A rawn ti a
Mak ti tak chuan ka en reng mai "diktak chuan ka fanu te ai pawh hian ka duhsak zawk che , nang chu i taima a , I hna ah i tui in i thiam em em bawk" a ti leh charh charh a , thil engemaw min tih tir a tum Ani tih ka hrethiam nghal uarh uarh a


Ka kut chu lasawn vat in "enge min tih tir I tum? Sawi rawh" ka lo ti ram hmak a , ka patea hian min hmangaih lo , min duhsak lo bawk , thilti tur a min duh Chang bak hian hetiang hian a awm ngai lo.....


"Pasal nei la ka duh Ani Mari" a rawn ti a , ka melh ngawt ngawt mai , "engmaw I sawi?" Ka ti chhuak sep a , a hmai a tuai puat a , a hmel ah chuan in thiamlohna hmel ka hmu thei , mahse engvang in nge pasal nei tur Chuan min tih?? Chhan tha tak a awm dawn tih ka hria mahse ngatinge tiang thleng thleng hian min nawr luih le? Pasal nei tur ém hi Chuan min nawr luih ka ring Miah lo asin!




"Sawi tur ka nei a min lo ngaithla la ka duh Ani" a rawn ti a , ka lo bu nghut thung "in remsiamna kan nei a , kan hnen a I lo tluk luh hnu khan kan company hian hun harsa tak kan paltlang a , Coslo company te hnen atang in sum tam tham tak kan púk a , a rulh nan chuan Gracie,Lamila leh nang ... a tu emaw ber hi in lo Len hun ah an fapa Gordon hust nen a in nei tur in an duh che u a , Gracie, Lamila leh nang hi an en thla reng che u a , I hna i thiam in i mizia hi an duh zawng tak anih avang in nang hi an thlang che Ani" a ti a ..



"Tun ah hian an duh Chuan an Tan ka thawk ang , mahse pasal neih ka la duh lo , chuan nang pawn min nawr lui thei lo tih i hriat kha" ka lo ti lét ve salh a , Coslo company te nen hian thiantha tak kan ni a , company neitu te nen pawh kan in ngaina em em bawk , Gordon nen hian thiantha tak chu kan ni lem lo a ,mahse kan in hmelhriat tha ve hle a , hna chungchang ah kan in be nasa ve thin hle bawk , Gordon pawh chuan in neih hi a duh ka ring bik kher lo , biak a tha in ka hria..




Ka chhuak tur kawngka ka hawng chiah chu "tha tak in ka hrilh che, nang hi I ni ang tih ngaihna ka hre bik lo , Gracie emaw Lamila thlang zawk se pawh ka ti mahse nang an thlang che a , I nei anih loh Chuan ba kan la nei reng ania , kan ba hi pawisa a rulh chi Ani lo tih i hriat ve tho pawh ka ring" a rawn ti a , rang tak Chuan amah hmachhawn tur Chuan ka kal lét nghal mawp mawp a , a hma ah tak Chuan ding in "pate thil min tih sak zawng zawng hi ka lawm lutuk , ka nu leh pa ai awh tu I ni bawk , ka zah che a , ti tur a min tih a piang chu ka hmaih ngai lo , mahse i hria em ?? Ka nun ka hlauh tih hi!
, I lung tih awi loh ka hlauh avang in ka tui zawng leh chàk zawng pawh ti ngam lo in, i duh zawng leh tha i tih zawng ka ti thin vawi khat pawh hi i duh loh zawng in ka awm tawh em? engtik ah nge Gracie leh Lamila ang hian min en ve theih ang? An ni chu i fanu an ni tih ka hria mahse i hmangaihna kha ka thlahlel ve thin asin,, naupang té ni Chung khan puitling tak a ka awm a ngai a , i hria em? He in a min hruai luh ni a , harsatna ka tawh hnem Zia te kha , ka taksa ah hian maw ser chhiarsen loh a awm asin !! Ka Nute-i kha I zilh ve thin ka ring a , mahse I zilh ngai lo , ka hliam leh pem te kha I hmu lo der thin a ni lawm ni? I toys ka ni lo , ka thu in ka awm ve tawh ang". Thinrim tak Chuan ka ti tawn tawn a .



Ka patea hmel ah erawh engmah ka hmu tawh lo , ka Chung a a inthiamlohna hmuh tur a awm tawh lo a , min khawngaih hmel pawh a pu hek lo!! , Ka biang a thil lum rawn luang thla zawih ka hriat rual chuan ka hawisawn vat a , ka hmai chu ka hru tawk a
Ka trah loh na chin pawh hi ka hre tawh lo asin, trah hi ka duh lo takzet, midang hmuh lai ngat phei chuan..

Engmah a sawi tak loh ah chuan , ka chhuak nghal vat a , kailawn ah te chuan a tlan hian ka tlan tawh , hnathawk ho in ka hmel an hmu ang tih chu ka hlau ber..



Ka car ah lut vat in ka in khalh chhuak nghal vat a , Gordon chu ka call zawm zat bawk.
Phone a lo lak chuan "inneih kha ka duh lo" ka ti nghal thawr a , "hahdam teh Mari , he thil hi kan dan theih thil Ani lo , kan nu leh pa te hi kan hnial thei lo , nangpawn i patea I hnial thei lo ang" dam dap hian alo ti a , ka thinrim a ti zual kher mai "min nei lui thei nge thei lo kan en dawn nia" tih pah chuan ka phone chu ka dah hmak a..





Ka appartment lam chu ka pan nghal a , a lo tlai ve duai tawh mai , tihtur em em pawh ka neih tawh loh avang chuan zan lam a Hades te company a kal chu ka tum a , license chu min pe chhuak vat se ka tan pawh thil a awlsam zawk ang , he ram hi chhuahsan vat vat ka chak ber tawh..



.ka in bual a , rei lo te ka muhil bawk a , door bell chu lo ri in , hawng tur Chuan ka kal nghal thuai a , driana a lo ni min lo nuih var var a , "G&F company lam ah chuan kan kal dawn mi niang? License dil chhuah a hun tawh viau in ka hria" alo ti var a , zanriah pawh ei tawh lo chuan G&F company ah chuan kan kal nghal a, ka bungrua pawh lak ka duh ve hrim hrim bawk
Motor ka khalh lai Chuan ka phone chu a lo ri a , Gordon Ani ,ka be chak lo viau na chu ruahmanna dang aneih ring in ka chhang leh ta a , in hmuh a duh thu a lo sawi a , Hadesa company lam ka pan mek thu leh in hmuh ka hman loh thu chu ka hrilh tha ve mai a , inneih chu a duh bik vak ka ring chiah lo bawk a , lo biak chhiat vak pawh ka duh leh ta bik lo.

Gordon nen kan in bia chu driana chuan mak alo ti hle a , achhan min zawt sek sek reng a , mahse la hrilh chi Ani in ka hre lo , a thinrim ve viau dawn tih ka hriat vang Ani.


Company kan thlen chuan kan lut nghal thuai a , zanin ah hian an company hian thil lawm tur an neih avang in , zan thleng a an hnathawk te nen a lo la awm an ni , Hades erawh a office ah a awm ka rin avang in a office lam chu ka pan ding nghal a.

Driana erawh ka office lam a ka buangrua chu min lo pack sak tur a ka hrilh avangin ka office lam ah chuan a lo va phei a

Kawngka ka kik karh karh hnu ah lut tur Chuan min lo ti thuai a , ka lut chiah chu amah chauh ni lo in mipa upa lam ve tawh nen hian an lo awm a , thu muk tak an sawi hmel lem loh avang chuan ka zah duh ta bik lo a , "nangmah chauh a biak che ka va duh ve" ka ti nghal thawr a , a lo nui leh suk tawh
"I duh chu I sawi thei ang" a lo ti nghut a , midang lo awm ve chu pawi a tih vak lo avang chuan tlang tak Chuan ka sawi nghal thawr a "license chu min pe chhuak thei tawh angem" ka ti nghal zat a..
...

A mitmeng ah chuan thinrimna chawp leh chilh in a rawn Lang nghal a , min melh run mai "ka pek chhuah na chhan tur che ka hre lo" a lo ti hmuk a "inremsiamna kan nei Ani lawm ni?" Ka lo ti let nghal thuai a.




"I mizia hi ka ngainat zawng Ani lo , kan company hi i hua Ani lawm ni? Ka license pek chhuah hmang che chuan min bei lét ta la" rawn ding chhuak pah chuan ngeiawm zet hian a rawn ti a , sawi tur reng ka hre tawh lo , chungtiang rilru chu ka pu ngai lo bawk "chungtiang rilru chu ka pu ngai lo , license chu min pe chhuak la ,min hmu leh tawh ngai lo ang ni lo ka hming pawh hi I hre leh tawh ngai lo ang" ngenngawl zet chuan ka'n ti leh nghal zat a...




Ngeiawm fé hian min lo nuih suk a "I hlawh tur chu ka pe tawh che , in company lam khan sum in rut hnem khawp ang he kan collaboration hmang hian , i thawk tha a , i design pawh analh , i thawhrimna chu i patea account ah Khan kan lo thun fel diam tawh, license erawh ka pe chhuak lo mai ang che" alo tih leh Chuan tihngaihna ka hre tawh bik lo tun ah hian HEPA hnen ah hian khawngaih dil in license min pe chhuak hram tur Chuan ka ngen ang maw?? Teuhlo mai , a lak a tang hian license chu duh ber mah ila, ka dam chhan ber Ani lo thung..




"Zalenna hi ka tan chuan thil hlu ber Ani , i thil neih hlut ber i chàn ve hun ah kei hian nuam tih hmel tak in ka lo thlir ve ang che mr Hades Vanguard, mahni thu ngei ah pawh ding leh ngam lo , mipa diktak pawh i ni lo" tih pah chuan a office atang chuan ka chhuak nghal a ..



Ka office lam chu ka pan nghal mawp mawp bawk , ka thinrim lutuk chu ka thaw tha ka thei lo hial , ka office chhung ka lut chiah chu driana chuan min lo buaipui vat a , ka hmel a tang chuan thil a kal dik lo tih chu a hrethiam aniang engmah pawh min zàwtlo chuan ka che vel chu min lo melh ngawt ngawt tawp a , ka inhaler chu la chhuak in ka hip kawk kawk a , ka thawk ipik lutuk pawh a zia huai mai ..


"License chu a pe chhuak duh lo che em ni?" A rawn ti nghal thuai a , ka lo bu nghat nghat ringawt "lo insiam rawh ka va bia ange" tih pah chuan a chhuak nghal daih a , va biak leh trul ka tih loh nen , a chhuak nghal daih bawk si.


Ka insiam zawm mawlh mawlh a , driana chu a rei hrep mai , ka lu chu a hai chhu leh nghal a , ka phone chu la chhuak in Driana chu ka call nghal thuai a ,rei vak lo a ring hnu ah lo chhàng in "lo kal tawh rawh , a license kha ka mamawh lo" ka ti nghal thuai a ,inhnuai lam ah a awm thu in min lo chhang vat a , parking lot lam ah lo awm tur a min hrilh hnu ah call chu a dah nghal daih a.






Lift atang chuan ka chhuk a , parking lot Lam chu ka pan nghal nal nal a , ka kal lai te chuan ka Chiang lo ruai mai hian ka hria , ka cardboard pawm chu chhuat ah chuan ka dah ta ringawt a ,ka'n thru leh rih phawt a
Ka Chiang lo Ani, chutihlai chuan car a tang chuan mipa khat hi a rawn chhuak a , ka hmu Chiang thei lo , ka bul a rawn thlen chuan ka hmu Chiang thei ta , ka hma ah tak Chuan a rawn ding khup a Gordon alo ni.



"Enge i lo tih dawn" bah doh nak hian ka ti a
Engmah pawh sawi lo chuan min kai tho lawp a , min rawn fawp nghal mawlh mawlh a , ka lo trang nasa khawp mai mahse ka trang tha thrum thei hauh lo , min pawm kang lawp in parking lot bul a in té lo awm ah chuan min luh pui a , ka nghawng ah te chuan a rawn fawp leh a , ka lo tal nasa khawp mai , "min nei rawh, hetia tih che ka duh lo ania" a rawn ti leh hrawih a "nang neih che ai Chuan thih pawh ka duh zawk" ka lo tih leh Chuan a thinrim hmel kher mai
Bang ah chuan min nawr bet thlawp a , ka kawr chu a rawn pawt thler hlawk a!! Ka theihpatawp in ka lo tal ve bawk...



Ke pén thawm ka hriat rual chuan ka au tuarh a , ka ka a rawn hup nghal chawt bawk
Ka lu hai ém avang chuan ka chau chhe der tawh , chu vel eh ka kut chuan engemaw hi ka khawih fu a , thirtiang Ani in ka hria , a lu ah tak Chuan theihpatawp chuan ka"n chhu ta vak a , 'zawngi' tih pah chuan chhuat ah chuan min paih thla nawk a , ka huntha Ani tih chu hria in ka chhuak nghal thuai a , chhuat lai a ka bag lo tla hlawm reng chu ka chhar nghal vat a , hla deuh tak a Hades lo phei mek chu ka hmu bawk , mak tih hmel tak hian ka lam chu a rawn en ngur bawk
ka car ah chuan lut nghal vat in rang tak Chuan ka in khalh chhuak ta nghal a , ka bag chu hai in ka phone chu ka la chhuak nghal thuai a , driana missed call a lo tam khawp mai ,..




Ka call lét nghal thuai a , ka khaw hmuh te chu a phe ruai hian ka hria damdawiin tu emaw ber chuan min hrai Ani tih ka ring nghal hmak bawk phone a lo làk chuan "khawnge I awm a" alo ti nghal thawr a
"Driana tun ah hian tu emaw in damdawiin min hrai rui Ani , Gordon khan min pawngsual a tum" bah doh nak hian ka ti nghal mawlh mawlh a , "engemaw I sawi, khawnge tun ah i awm?" alo ti lét nghal sawk sawk a "ka in khalh chhuak mék" ka lo tih leh Chuan "company ah Khan ka la awm a sin ,mahse rawn lét angai tawh lo , i appartment lam ah in khalh phei nghal vat rawh aaaaaaa ni leh lo, lo ding rawh ka rawn úm ang che , i accident palh ang " hlauhthawn hmel tak hian a rawn tih zawm mawlh mawlh a , ding chi ka ni tawh pawn ka hre lo Gordon khan min rawn umzui ta se ka tan a hlauhthawn awm dàwn lutuk tlat , min rawn nangchin hman vaih chuan min pawngsual tawh ngei ang...




In tih harh hram hram ka tum a , mahse ka mut chu a chhuak lutuk tlat , phone chu ka dah nge dah lo pawh ka hre tawh lo , ka motor khalh ah chuan ka insawrbin angai mahse kawng te chu ka hmu phe ruai tawh bawk si, chu tih lai Chuan kawng ah chuan pitar leh putar chuan kawng an rawn cross chu ka hmu thut a , kawngthlang lam ah chuan ka cut nghal vak a , kawngthlang lam ah chuan ka tlan liam zui ta a , kawngthlang lam chu park alo ni a ,a awih lutuk lo mahse thil ka su rum rum tih chu ka hria , in tihhlimna tur a tan a an dah pipu te leh eng emaw chu ka su thla rum rum mai.



Thingkung chu su in , steering ah chuan ka in tauh chawrh a , engmah ka hre zawm ta lo.....





..........






Ka harh chhuah leh Chuan damdawiin ah chuan ka lo awm a , ka patea te chhungkua leh driana leh Lucas te an lo awm ve bawk , ka harh tih an hriat chuan min lo en thap a .
An hmel ah chuan lungngaihna ka hmu thei , driana chu rawn kal vat in " I lo harh tawh chu kan va lawm ém" trap triauh hian a lo ti a , ka lo in sawh na viau em mawni le?




Chu vel leh kawngka chu lo in hawng in police pahnih hi an rawn lut a , "thu zawhfiah duh che kan nei" an rawn ti a
Park a thil awm ho kha ka su chhe ve nual sia , chu lam tur ah chuan ka lo ngai hmiah bawk , Lucas chuan "nghak doh Ula , a rawn harh ve chiah anih kha" a rawn ti nghal thuai a , lo khap vat in ka thrat thu chuan ka chhang nghal mai bawk.




"Mrs Maria Vanguard thihna ah case file sak ini a , kha thil thleng kha tumreng vang nge tihpalh thil thu zawk?" Police pakhat chuan a rawn ti a , mak ka ti lutuk chu ka hmél ah chuan a hmuh theih hial ang "tumah ka that lo , in hmuh ang hian damdawiin ka awm hi" ka lo ti lét thuai a , ka patea chuan lo hrethiam vat in police te chu lo va chhuak hrih tur Chuan alo ti a , ka patea hi mi thil ti thei tak anih avang hian a thu chu an hnial ngam lo Ani mahna an chhuak ve nghal mai bawk a.



Ka patea chu ka bul ah chuan rawn kal in ka khum ah chuan a rawn thu thla ve nghal a "enge a awmzia car in ka accident a , tumah ka that lo" ka lo ti nghal thuai a, lo thaw hawk in "Park ah Khan Maria chu a lo awm a , chuan i su tel Ani" alo tih chuan ka mit sulh hian ka hria ... ...




Thil tam tham tak kha chu ka su thla buan buan tih chu ka hria ,mahse mihring ka su tel Ani tih ka hre reng reng lo , kei hian tual ka that a maw !! Engetin nge ka awm ve tak ang? Jail tán chu Chiang sa Ani a , ka mittui chu a rawn luang thla pap a , mi nunna hlu tak chu keihian ka la Ani a , engtin nge kei hi ka in ngaihdam thei tawh ang le!



Ka patea chuan min lo hnem mawlh mawlh in , a theihtawp a chhuah tur te chu a sawi a , mahse a thusawi chu mumal pawn ka hre lo , ka hai chhulh mai hian ka hria , ka ngaihtuahna te chu a tawi mup vek a , driana leh Lucas chuan khawngaih hmel fé hian min en reng bawk ..

Ka mi sut hlum tàk Maria Vanguard hi Hades Vanguard nu Ani a , Hades hian min en liam mai mai lo tawp ang .....


Show post links
Top

[Ngaia]

Ka thil ngaihtuah vang chuan awm nuam in ka awm thei mawlh lo , rei lo te hnu ah police te chu rawn lút leh in , "police station lam ah min zui nghal tur Ani" an lo ti a , patea te ho chuan an lo phal lo nasa khawp mai , mahse keini ai a thilti thei zawk Vanguard chhungkua ho chuan an lo nawr nasa hle ni tur Ani , ka patea'n a biak hnu pawh chuan an thu chu an sawhsawn duh lo..




Drip khai Chung chuan police station lam chu min pan pui a , vawiin lam ah hian Maria chu an vui dawn avang in Vanguard chhungkaw hmel hmuh tur an awm lo thung
Ka thil tihsual ah chuan tlan chhiat ka duh lo a , ka tihsual Ani a ka tuar mai tur Ani tiin ka rilru chu ka siam mawlh mawlh a , mahse ka tih luih anih loh thu chu ka sawi angai a , Hades bul ah pawh ka sawi angai ..



Room pakhat ah hian min luhpui a , ka patea leh Lucas chu luh ve an phal loh avang chuan pawn ah chuan min lo nghak a
Ka hnung, ka hma leh ka sir ah chuan camera a lo awm bawk , chair ah chuan ka thu thla nghal thuai a , ka kut ka en chuan ka lungawi thei lo Ani , handcuff ka bun a , he thil hi ka bun ka ring ngai reng reng hleihnem!



Ka hma ah chuan police officer ni awm tak hi alo thu a , ka hnung ah Hmeichhe police pakhat a lo ding bawk , min dàwp tur an nih ka ring hmiah bawk "Mari briana Kum 25" tih pah chuan min lo melh nghal run a , ka lo bu nghal thuai bawk, "evidence Chiang takin a awm a , ni hnih hnu ah court ah trial in nei ang" a lo tih chuan , ka lo melh reng a , "lawyer tha ber ber i ruai thei tih hria la , thil thlen dan kimchang tak in sawi bawk ang che , engmah zép leh phuah belh a awm tur Ani lo" a ti a ,ka hnung a mi chu mitmei zauh in "hruai rawh" a ti a , police hmeichhia chuan min hruai chhuak nghal vat a , pawn kan chhuah chuan ka patea leh Lucas chuan min lo ngaihven thuai a ..



Patea chuan ka hnung a police officer chu lo be thuaiin , ka bul a Hmeichhe police chuan ka handcuff chu min phelhsak nghal bawk a , "a rúk doh in va haw pui Ula , trial neih dawn ni ah a rúk bawk in helam ah lokal leh ang che u" police officer chuan patea bul ah chuan a ti a , min rawn en leh in " i in ah inkhung char char ang che, jail ah i awm lo tih hi tuman an hre tur Ani lo" lo ti leh in min kal pel nghal vut bawk.



Ka nawmsam loh ém avang leh ka thu hriat khan min thrawn lutuk avang chuan ka chau lutuk chu in ah haw a , mut hahdam chu ka chak ber hrih , car ah chuan Chuang in , a ruk thei ang ber chuan ka appartment lam chu kan pan nghal a , kan thlen chuan patea chuan min lét san leh nghal thuai a , Lucas erawh a la awm thung .



Ka chau ngawih ngawih hi Ani ber , chhuat ah chuan ka thru thla nghal niah a , Lucas pawh a lo thru thla ve nghal thuai bawk , coat dum suit chu a lo la ha a , Maria funeral ah a kal a nih ka ring thiam nghal bawk
"Min haw lo ami?" Ka lo ti sap a , min en char char tih chu ka hre thei , "tinge ka lo pian ve kher kher le" ka ti leh sap a , a lo thaw hawk thung "I tum réng vang Ani lo tih ka hria a lawm" a lo tih leh Chuan ka trap chhuak ta hawk a , ka hnung lam ah chuan rawn tawlh phei in ka hnung lam atang chuan min lo kuah a , kei erawh ka trap nasa khawp mai "ka tum réng vang pawh ni lo se , mi nunna hlu tak chu ka la asin Lucas i ní nunna ka laksak asin" trap hlawp hlawp chungchuan ka ti a , min kuah nghet sauh thung "min haw ve ta che , min kuah lo hian , diriam tak in min trawngkhum rawh chu chu ka Phu tawk chiah" ka tih leh Chuan "ni lo e , ni lo e " lu thing nar nar Chung chuan alo ti a , ka lu ah a hmui chuan a nawr vang vang bawk.




Rei tawk fang ka trah hnu chuan , khum ah mu tur Chuan room lam ah chuan min hruai lut a , ka la in hnit faih faih bawk khum ah chuan min muttir in ka Sam ah chuan a chul hliau hliau reng a "ka lét leh vat loh Chuan , an ngaih a tha lo palh ang , rei lo te ka va in lan leh zawk ang a , ka lo phei leh ang , ka riah pui dawn che nia" dam dap hian a ti a , tho vut in ka pawhdawh a ka sleeping pills dah chu la in min ei tir thlap bawk ...




A kal hnu chuan ka ruak huai in ka hria , lucas nen hian tét te atang a in kawm chu kan ni lo , orphanage home ka tranpui thrin lai vel khan Ani hi orphanage home ah Khan a lo thawk ve chiah bawk a , ka hmuh tirh kha chuan hmeltha ka ti thei em em a , ka lo ralkhat star ve em em thin anih kha , mahse kan Han in hrechiang tial tial a , in ngaihzawnna lam aiin in thian thatna lam ah kan in sawrbing zawk a , zawi zawi in a Chung a ka rilru put hmang pawh a in thlak ve tial tial bawk a , amah hi tlangval fel leh Kristian thra tak a ni a , thu thra min hrilh ngun hle bawk , Vanguard chhungkaw zing ami anih avang in orphanage home ah mai mai a thawk duh chu mak kan ti hle a , mahse Lucas hi chu a danglam , a chhungte ang lo tak in a chapo ve ngai lo a , a in ngaitlawm em em bawk ....



Ka harh leh Chuan khua a lo éng ut tawh a , Lucas lo lét leh lai te chu hre lo tak hi ka ni , ka muttui lutuk te chu mak ka ti hle , choka lam ah chuan thawm ri a awm sat sat reng a , Lucas chuan breakfast tur a siam anih ka ring ..




Sitting room a couch ah chuan ka thru thla hnawk a , ka phone en mai ka tum chu , ka phone awmna pawh ka hre lo , ka car kha an dap ka ring a , ka phone pawh chu police station ah a awm ka ring , tv chu on in news ah chuaan ka chanchin leh Vanguard te chhungkaw chanchin chu a Lang chuaih chuaih reng a , ka patea company atang a chhuak tur , reporter ho in an lo bawr nuaih nuaih te chu a lo Lang zut bawk , rei pawh en duh lo chuan ka off leh nghal vat a.




Choka lam ah chuan va kal ve thuaiiin Lucas chuan tukthruan tur chu a lo siam mawlh mawlh a , min lo hmu chu min lo nuih var var in "I muttui thei maw?" A lo ti var a




A zawhna pawh chhang lo chuan "I phone ka lo hmang lawk" ka ti a , tha tak Chuan min pe ve mai bawk choka atang chuan chhuak leh vat in , sitting room lam chu ka pan leh vat a , couch ah chuan thru in news vel chu ka en kual a , mi tamtak in min thiam lo hle a ,trawngkam chhe tin reng an chhakchhuak bawk , rui Chung a motor khalh ang ten min lo sawi a , drugs addict hial ah min lo chhuah bawk!!



Lucas chuan ka phone ken lai chu min lo pawhthlak sak hlawk a "en Suh , engkim a tha leh vat mai ang , i patea leh keini hian theihtawp kan chhuah dawn" min ngaihtuah hmel zet chuan a ti a , "Lucas damdawiin min hrai a lawm , ka lu a hai lutuk a , chuan Gordon khan min pawngsual a tum in ka hria" ka ti a , thil thleng kha engmah ka hre tawh lo , Gordon khan min khawih ngei chuan ka hria in ka hria , mahse ka hrechiang thei hauh lo .




Lucas chu lo thru thla thuai in "damdawiin an hrai che Ani tih chu i Chiang maw? Chuan Gordona'n pawngsual che a tum a maw?" A lo ti nghal sawk sawk a , mahse Chiang in engmah ka hre thei tawh lo , chil lem khalh pah chuan "ka hrechiang lo engkim hi a ni nuaih mai , damdawi kha chuan min hrai rui ngei chuan ka hria achhanchu ka lu kha a hai lutuk a , chuan ...." Ka ngaihtuah leh ngial pawn engmah ka hre chhuak thei tawh lo , car ka khalh lai pawh chu ka hre lo a , thil engemaw ka su buan buan tih kha chu ka hre ngei bawk sia , thil engemaw chu ka theihnghilh thren tih chu ka hrechiang hle tawh.




"Awle tun ah chuan engmah ngaihtuah tawh hrih Suh, breakfast ei la , I mu hahdam zawk dawn nia". A lo tih leh te chuan ka lo trap leh ringawt tawh , ka in hua a , ka inthiamlo em em bawk , Chaw pawh chu ka ei thei Chuang lo , ei luih tir min tum ngial na chu , ka ei thei tlat bawk si lo a , luak lam ah a kal mah zawk.




Trial neih ni a ni a , a rúk thei ang ber chuan police station ah min hruai in , ka kawr hak tur a an lo dah chu ka thlir ngawih ngawih reng a , kawr serthlum rawng suit chu la kang in ka en vang vang a he kawr hi ka hak ve tur ah ka lo dah ngai reng reng hleihnem.
Handcuff min bun tir leh hnu ah , court lam chu min panpui ta a , car atang kan chhuak chu reporter an lo tam khawp mai , khawvel pum huap pawh a company Lian ve ve kan nih vang leh kan company hi ui leh kél thlunpawlh ang mai a an sawi thin avang khan media ho ngaihven kan hlawh phah nasa hle bawk.



Court chhung kan lut chu , Vanguard chhungkaw ho chuan min melh no lo nasa hlawm khawp mai , a hma ber a lo thru mitmeng ka hmuh chuan ka tim chawih thei , min lo melh reng a , a mit a lasawn chhin eih lo , a mit chu a sen Ram bawk ..



Ka patea'n lawyer tha ber ber min rawih sak bawk a , trial chu tran nghal Ani a , lehlam in theihpatawp chhuah in min bei a , keini lam in theihtawp kan chhuah ve bawk a , Hades erawh in ka luh tirh atang Khan ka lak a ta a mit a lasawn lo a , a mitmeng ah chuan min huatna hlir ka hmu thei...




Thusawi tur Chuan min ko chho ve ta a , ka zam khawp mai judge chuan "an puhna che hi i pawm em?" Ti a min lo zawh te pawh chuan chhan dan tur ka hre mai lo mahse in ti huaisen lui in jail ka tang dawn emaw tang dawn lo emaw ka tum réng vang a ni lo tih chu sawi ka tum ve ta a , "kha thilthleng kha ka tum réng vang Ani lo , damdawi a hrai ruih ka ni a , tu in nge min hrai rui a , eng atangin nge min hrai ruih chu ka hre lo , engmah hi Chiang fak a sawi tur ka hre tawh lo , ka hriat zawng chu thil ka su thla buan buan tih chauh ka hria , mihring ka su tel ang tih ngaihna reng reng ka hre lo," ka tih chuan court chhung a awm ho chu an lo phun mar mar a , Hera Vanguard chu a thutna atang a lo tho chhuak meuh chuan "I tum réng vang a that I nih kha , i duh zawng kan pek theih loh che avang in Hades hi i vo Ani lawm ni" thinrim tak hian a lo ti tawn tawn a , judge chuan a lo khap vat bawk..


Ni a liam a , thilthlen atang in karhnih zet a lo Liam ve ta reng mai , keipawh ka in lam ah ni lo in jail lam ah chuan ka awm ve ta zawk a , ka tànpui te an fel vak loh avang chuan single room ka patea chuan min dil sak a , single room ah chuan ka in suan lut thuai bawk , ka patea,driana leh Lucas te pawh min hmu tur in an lo kal fo a , ka tànpui te'n kut min thlak na hliam te an hmuh chuan an thinrim khawp mai ..



Kei erawh a ni tel in ka chhe tial tial a , ka rilru leh ngaihtuahna pawh ka hmang thei meuh tawh lo , naktuk lam ah hian court chuan thuthlukna a siam fel tawh dawn Ani
Keini lam in lawyer tha tak kan neih ve avang chuan Hades te lam pawn an duh ang a hma ah min tàn tir thei lo a , keini lam pawn theihtawp kan chhuah ve, mahse Chiang taka engmah ka hriat loh avang chuan tih ngaihna vak a awm lo thung , Kum engzat chiah nge ka tàn ngai ang tih chu ka ngaihtuah tluk tluk tawh..




A túk ah chuan court lam ah chuan min phur phei leh a , ka lawyer te chuan theihtawp chhuah in ruahman làwk reng a su ka ni lo tih chu an au pui lawm lawm a , thusawi tur a min koh chhuah leh te pawh chuan engmah sawi tur ka nei tawh lo , khami ni khan driana nen company ah kan kal dun tih kha chu ka hria a , mahse driana chuan 'inhnuai lam a a awm laiin keichu hmanhmawh tak in ka in khalh chhuak nghal daih' tih bak chu sawi theih anei bik Chuang lo , Hades office ah Khan kal in , license chu ka Dil ngei a , min pe duh lo tih pawh ka hria , khami hnu a thilthleng erawh hriat a bar ka nei tawh hauh bawk si lo..


Gordon pawh chu court ah chuan koh Ani a , ka puhna avang chuan a thinrim hle nghe nghe anih kha , a lo kal ngei Ani tih finfiahna a awm loh mai bak ah , kei ber hian ka hrechiang bik miau lo a , tih ngaihna vak chu a awm lo .hrai ruih ka ni tih chu ka hrechiang a mahse finfiahna pakhat mah a awm lo ve leh zel a .




Damdawiin a ka awm lai khan test chu an lo nei ngei a , mahse ka thisen ah eng drugs mah an hmu chhuak bawk si lo a , chu chu lehlam te tan chuan hmanraw pawimawh tak Ani thung .



.
Thuthlukna chu siam fel Ani ta , lehlam ho in evidence an nei tha em em a , keini lah in evidence engvak mah kan nei lo thung nen min hneh par par thin khawp mai
Keichu Kum 30 tàng tur Chuan min ti a , engtin vak mah ka awm lo , hun rei tak chhung chu ka lo ngaihtuah tawh miau Ani .



Court atanga min hruai chhuah lai Chuan Hades chu ka va en a , a hmel ah chuan lawmna ka hmu thei in ka hria , chu chuan thlamuanna mak tak min pe tlat pek anih chu!!



Achhan chu khawvel a a rohlu ber kei hian ka laksak a , ka Phu tawk hremna ka hmu bawk , hriatthiam loh tum viau pawh ni ila a Chiang em em si a , ka tihsual chu ka tuar mai tur Ani ti chuan ka infuih mawlh mawlh reng a , ka mit atang chuan mittui a lo luang chhuak ngiai ngiai a , ka inchhir lutuk vang nise ka ti mahse ka hun tawn mék leh tawn tur vang hian ani zawk mah in ka hria , insum ka tum buai lo , ka in hnit nghak hlawp hlawp a , Hades pawh chuan min la en reng Ani tih chu ka hre thei , ka hawi kual a , patea leh Lucas leh driana te hmel hmuh a hrehawm khawp mai , an beidawn hmel takzet Ani..




Pawn lam ah reporter an Tam lutuk avang chuan , in hnung lam atang chuan min chhuahpui in ka tàn na tur jail lam chu min panpui nghal a , patea te pawh chuan kan hnung ah min lo umzui ve bawk, 'kei hi hmechhe vanduai tak chu ka ni , ni khua ka hriat ve atang tun thleng hian hlimna em em hi ka nei ngai lo , ka nu leh pa te hmangaihna ka dawng ngai lo a , hmuhsitna tin reng ka dawng fo bawk , engtik ni ah emaw hlimna tluantling tak ka neih ve theih Nan ti in , harsatna kar ah pawh ka beidawng duh lo kha ania ,mahse tun ah chuan ka khawvel chu jail rún thim lam ah ka hmanral angai tawh dawn si a , Mari briana he khawvel ah hian vanduai tur bik hrim hrim a piang ini , bei tawh Suh , beidawng ve tawh rawh hlimna I hmu thei dawn Chuang lo' ka rilru chuan ka ti mawlh mawlh a , ka mittui a Sur zung zung bawk .
Ka nu leh pa in min hrem nan room thim leh chép tak a min khung lai te , ka nutei'n kut min thlak lai te , school a min bully lai te chu ngaihtuah Chung chuan ka mit chu ka chhing Riai Riai a .


Show post links
Top

[Ngaia]

Ka awmna tur ah chuan min hruai a , ka patea te chuan min hmuh duh hle mahse naktuk lam ah chuah min hmuh theih tur thu chu an hrilh a , ka patea hi ka ngaih ang em em a sual kha chu Ani lo in ka hre ta , hetiang em em hian min ngaihtuah ang tih ngaihna ka nei ngai lo , mahse nitin mai hian ka tan a awm Zia chu a rawn ti Lang fo mai , ka pawikhawih avang khan min hlamchhiah kha ka ring ringawt ania , mahse a ti lo , chu chuan ka rilru te chu a ti no thar leh a , khang Kum tam tak kal ta a , trah ka lo insum ve Na te kha vawiin hian a rawn puakchhuak ta ni ber hian ka hria , ka mit hi a hul thei thlawt lo..




Ka cell tur ah chuan min hruai lut a , mi panga hi an lo awm ve bawk , ka lut chiah chu ka chau ngawih ngawih hi Ani mai , Chaw mumal Tak a ka ei loh na a rei tawh em avang pawh Ani ve thei ang ..



A túk ah chuan patea chu min hmu turin a lokal leh nghal a , min khawngaih hmel tak hian min en vang vang a , kei erawh ka melh ngai ka melh char char thung , "ruahmanna dang ka nei a". Àw lawi rat hian a lo ti a , a hmel ka en ve chiah chu a mittui a lo tling ve pam bawk "helai hmun ah hian i awm rei lo ang , thla khat vel chu lo awm ve phawt la , ka lo la chhuak nghal ang che , lo beidawng Miah Suh , i patea hi I tan ka awm reng ania" a lo ti a "enge tihtheih I neih? Min ngaihtuah Suh pate kei chu ka tha mai ang , helai hmun ah hian hahdamna ka hmu maithei asin" ka tih chuan min lo khap vat a ,"Hades hnen a license I dil thu ka hriat khan ka lung awi lo hle a , pasal nei tur pawn ka ti che anih kha , mahse i tuar ve nasa tawh emai , ka fanu ini a , I hlimna tur ngaihtuah lék lo in i nawmsakna ka zawn pui che a , ka nawr lui thin bawk che , mahse ka nawr lui tawh lo ang che , i hlimna tur a i hriat ah chuan ka kaltir bawk ang che" a lo ti charh charh a , ka mittui chu a lo tla leh hmanhmawh tawh! "A khaih,,, I trah ngai loh kha , trap Suh , reilo te bak hrehawm i tuar lo ang , ka theihtawp ka chhuah Anga helai hmun a tang hian ka hruai chhuak khawp ang che" a tih chuan ka trah nuih hawk a , "in enkawl tha la , Chaw te kha ei troh troh rawh , I hmai a hliam awm te pawh kha doctor duty hnen ah entir ang che , sawisa tu te che kha case ka file sak a" a lo tih zawm leh zat a , min veng tu police chu lokal in inhmuh hun a tawp tawh thu chu a rawn sawi a , kei pawh kan cell lam ah chuan min hruai phei nghal a.




Doctor duty chu kan cell ah chuan rawn kal in , ka kamsir leh ka hmai duk lai te chu damdawi min hnawihsak a , ka patea khan a lo hrilh anih ka ring, ka tàn pui te hnen ah chuan min duat tur in doctor chuan fiamthu titak doh hian a ti a , min duat hle tur thu an lo sawi ve Liam Liam bawk.



Ni a liam zel a , ka tàn atangin thla khat chu alo Liam ve ta reng mai, ka tàn pui te chuan min duat ve em em a , ka tànna hmun hi nuam ka ti lo a, hrehawm pawh ka ti Chuang lo , ka patea ,Lucas leh driana te chu min hmu tur in an lokal awl lo a, driana hnen atang a ka hriat dan in lucas chu Hadesa'n kut alo thlak ni awm tak ani , lucas chuan Hades hnen ah ka Chung a zahngai Turin min lo ve dil sak a , chumi avang chuan Hades chuan kut alo thlak Ani awm e , a pawi ka ti hle a , mahse ka tan a a thiltih chu ropui ka ti hle bawk .




Ka patea'n min lo tlawh leh Chuan thu thin thrawng tak min hrilh a , chu chu drianai'n lucas fa apai tih chu Ani , mak ka ti hle a , ka lawm pui em em bawk , driana leh Lucas min hmu tur a an lokal pawh chuan driana hmel chu a hlim sarh reng a ,mahse Lucas erawh hlim hmel a pu lo thung , ka'n chheih fiam lai te chuan a thinrim emaw tih mai tur hian a tum bar reng mai a , driana ka zawh chian chuan an ruih lutuk vang a thilthleng alo ni a , lucasa'n zu a in chu mak ka ti hle bawk ,, driana chuan Lucas chu orphanage home ah a thawh tawh dawn loh thu leh Vanguard chhungkaw sumdawnna lam ah a thawh ve tawh tur thu min hrilh a , an in nei dawn em tih ka zawh leh Chuan "aw" tiin min chhang bawk ,ka thiannu chuan Vanguard chhungkaw zing a tel a hreh thu min hrilh a ,mahse amah chauh ni lo in Vanguard chhungkaw thisen Kai a pum chhung ah a awm tawh miau si a , keipawn hreh lo tur Chuan ka hrilh ve mawlh mawlh bawk .



An hringnun a an Hmalam hun ka thlir pui hian ka lo phur ve em em a , lucas rilru la hel doh mahse naute a lo pian chhuah meuh chuan naute hian a rilru a thlak sak ngei ka ring bawk , kha ni atang Khan driana leh Lucas chu an reh vang vang a , min hmu tur pawh in an lo kal ngai meuh tawh lo , ka patea erawh a lokal àwl lo a , rei lo té nghak leh det tur in min hrilh a , thil a la tihfel loh doh thu min hrilh bawk , a ti fel thei hlauh anih chuan chhuah ka hreh lo a , a tifel thei lo anih leh tàn pawh chu pawi ka ti Chuang lo , tu lai rap in ka awm ni ber hian ka hre tawh .Lucasa'n orphanage home a chhuahsan chuan min mawlh ber in ka hria , a tello Chuan engtinge naupang ho leh sister ho kha an awm ve tak ang le?

Ni khat chu Sister Maria leh sister Lucy te chuan min lo tlawh ve hlawl a , kan in hmu chiah chu insum thei kan awm lo ,min lo tawngtai pui reng thu te chu min hrilh a , naupang ho in lehkha min lo thawn te chu min pe bawk , min tlawh lawk theih loh avang te chuan an inthiam lo hle a , a pawi loh thu ka lo hrilh ve mawlh mawlh bawk ..


Sister Maria chuan Lucas ai awh tur mipa pakhat an orphanage home ah chuan a lo thawh thu te chu min hrilh a , lucas chu a danglam tawh thu te , mi thar ang hlak anih thu te pawh chu min hrilh a, pawi ka ti hle ringawt, a chhungte ho in a thluak an suk sak ah ka ngai hmiah bawk , kei chu min hua se pawi ka ti lo , mahse fahrah naupang te ho leh zel a thlauhthla chu ka ngaihdan a ni lo lek lek.



Hun a Liam ve zel a , thla thum ka tànna alo ni ve ta reng mai , thu ka hriat zel dan in lucas leh driana te chu in nei in state dang ah an pem thu te chu Ani a , chhungkaw hlim tak an din theih Nan ka tawngtai pui thin bawk , naupang te ho nen lehkha kan in thawn awl lo a , zawi zawi in ka insiam rem ve zel bawk , zan mutthilh ka harsat thei lutuk chu hrehawm ka ti ber mai.




Ka patea min hmu tur a , a lokal leh Chuan min lak chhuah tur thu chu min hrilh ta a , zàn lam ah lo in peih fel diam tur Chuan min hrilh bawk .



Zan rei ah chuan tho chhuak thram thram in thawmdim Tak chuan ka insiam a , ken em em tur pawh ka nei Chuang lo mahse naupang ho te nen a lehkha kan in thawnna chu ken ngei ngei ka duh a , ka kal an tur chu ka hre lo , mahse New York ah hi Chuan ka awm tawh dawn lo tih chu ka hre Chiang hle thung... Ka insiam mawlh mawlh lai Chuan "enge i tih a" thophang àw tih hriat tak hian Julianna chuan alo ti a , ka Phu zawk thei , ka thin zawn chu ka dawm vang vang a , "ka patean min hruai chhuak tawh dawn" ka tih chuan a lo mengphawk khawp mai , mahse a hmél chu thlak thuaiin min lawmpui tih hriat zet chuan "ka lawmpui lutuk che ,mahse kan ngai ngawt ang che" a lo ti hlut a , thawmdim tur Chuan ka mitmei nghal thuai a , ka nuih var var bawk.


"Khawvar hun ah midang hi I lo hrilh chauh dawn nia" midang muhil lai thlir vang vang pah chuan ka ti a , "awle , kal Bo la , helai ah hian rawn kir leh tawh Suh ang che , hrehawm i tih em kha" trap triauh Chuang hian a rawn ti a , ka lo bu ve sawk sawk bawk.



Rei lo te hnu ah jail warden pakhat hian kawngka chu dim té hian a lo hawng a , chhuak tur Chuan min mitmei nghal thuai bawk , ka chhuak tur chiah chu Julianna chuan "ka lo thlah ve thei angem?" Tiin warden hnen ah chuan alo dil a , "khawngaih in phalsak hram rawh" ka lo ti ve thuai bawk
Warden chu lo bu nghut in a handcuff ken lai chu Julianna chu a bun tir nghal thuai a ,thawm dim tak chuan kan chhuak threm threm bawk..



Rei fe kan kal hnu ah kawtzawl zau tak hi kan va thleng phei a , thingbuk kar ah chuan ka patea a chu ka hmu a , min lo Hui zauh zauh bawk , hmanhmawh tak Chuan kan va phei a , ka patea leh mipa Lian tak pahnih hi an lo awm a , ka patean juliiana a hmu chu zawhna mitmeng hian min en nghal a "min lo thlah lawk dawn" ka lo ti vat a , "I kawr kha thlak rawh" tih pah chuan kawrfual hi min rawn pe nghal a , car an hun sir ah chuan kal in ka in thlak nghal sawk sawk a
Ka lét leh Chuan Hmeichhe pakhat kei mah ang rual vel hi a lo ding tel ve a , mak ti tak chuan ka en haw a , ka patea chuan "i aiawh tu tur anih hi" a tih chuan mak ka ti kher mai
Phawk zet chuan patea chu ka en leh a "i ai awh tu tur kan la lo anih chuan an hrechhuak vat mai ang , sum a mamawh a ,sum tam tham tak ka pe dawn bawk , a tan chuan in hlawh na tha tak ani" a ti a , nuam lo ka ti hle ringawt.. ka kawr ken chu min lo laksak in hmeichhia chu a pe a , keichu car a lut tur Chuan min hrilh nghal bawk .





Julianna bul ah chuan kal in ka kuah nghal vawng vawng a , hmeichhia chu en in "lo enkawl tha ru aw , ka aiawh tu tur anih hi" trah insum zet chuan ka ti a , Julianna pawh in hnit hraih hraih pah hian a lo bu ve sawk sawk a , car ah chuan ka lut nghal thuai a , patea te pawh chu lo lut ve nghal thuai in kan tlàn chhuak nghal vat a..


Ka thu ngawi reng a , rilru erawh a vak thui duh khawp mai , kha Hmeichhe Chung ah Khan ka in thiam lo hle bawk, ka patea chuan "i appartment ah zankhat riak la , engkim ka ti fel vek tawh a , mahse nghah doh ala ngai dawn a , urus khua ah karkhat vel i awm Anga , ticket vel kan tih fel hnu ah Thailand lam ah i awm dawn nia" a tih chuan "ka lawm e aw pate" ka lo ti let thuai a , a lo bu nghat nghat mai..



Ka appartment kan thleng a , mask leh lukhum min pe bawk , naktuk a ka hman tur in car hlui lam tawh hi an lo dah bawk a , urus khua ka thlen theihna tur Ani , urus khua hi New York atang a hla lo té Ani a , hna vang in vawikhat chu ka kal ve tawh , khaw tereuh té Ani a , a chhung a chengte pawh an Tam lo khawp mai , ticket nghah nan chuan ka tan a him ber ka ring bawk .



Ka patea chuan card hi min pe a , pawisa ka mamawh dawn vang Ani , ka card leh thildang engmah ka hmang ngam hrih dawn lo miau a.patea Chung ah hian ka lawm lutuk hi sawi ngaihna pawh ka hre lo hial
Patea chuan a kut lo phar chhuak in min rawn kuah vang vang a "kan in hmu leh har dawn sia , phone Leila , min rawn bia ang che , nitin I chanchin min rawn hrilh thin ang che" a ti charh charh a , ka lo bu nghal sawk sawk bawk.



Ka appartment ah chuan a ruk thei ang berin ka chho a , driana chu chanchin hrilh ve ka duh hle a mahse ka inchhung a phone chu a lo in cut vek tawh avang chuan ka tan biak ngaihna a awm lo , hmun him ka thlen hun ah ka hrilh mai ang ka ti ta ringawt a ,mahse ka ngaihtuah leh a Lucas hian a lo hriat vaih chuan Hades a hrilh duh mai angem? Ka ngaihtuahna avang chuan hrilh loh chu ka duh leh ta Zawk a.



A tuk ah chuan, urus khaw lam pan tum chuan ka in khalh chhuak nghal vat a , mask leh lukhum ka khum tlat avang chuan tuman min hriat ka ring lo ..ka kal hma chuan orphanage home a kal lawk chu ka duh a , naupang ho hmel hmuh a , mangtha ka duh Ani .


Bronx veng lamah chuan ka in khalh phei nghal zat zar a , kawngpéng ah chuan péng in thui vak lo ka tlan leh hnu chuan ka hma ah car mawi zet hi a lo ding ran a , helai veng hi a changkang lo a , heng tiang car mawi lutuk hei lai a alo ding tlat chu mak ka ti hle bawk, ka hmanhmawh tawh bawk si , ka chhuak ngam bawk si lo , ka phi cheng tawh mai..






Hlauthawng tak Chung chuan ka hma a car mawi zet ding reng chu ka en leh thin ,, enga tinge tah sawn a din char char ?
Kawngpui a zau loh ém avang chuan tlân pelh theih Ani bawk si lo kawng a block tlat a lawm mawle .

A vawi engemaw zah nan chuan horn chu ka'n hmet ri leh tuarh a , awmzia a awm Chuang lo , a khalhtu a awm tih chu ka hria mahse engvang a sawtia ding tlat saw nge anih!!!


Ka insum thei tawh lo chuan ka car kawngkhar chu hawng pawp in hmanhmawh tak Chuan ka chhuak hlawp hlawp a ,, a turverh kik koh koh Chung chuan " i motor hi lo dahsawn lawk ta che ". Ka ti Lang Lang a " kawng I block char char a , i motor hi a chhia ....." Glass a rawn down ruala ka mi hmuh avang chuan ka thil sawi lai chu ka tawp chat mai ..

Hmanhmawh zet chuan ka car lam pan chuan ka pen phei hlawk hlawk a , kawngkhar ka hawng dawn chiah tih ah chuan ka Sam ah rawn pawt nawk in lei ah chuan min paih thlu thruai mai !! Hawi chhuah ka tum leh chiah chu ka chhip Sam ah chuan rawn tham in , a car awm na lam ah chuan min hnuk phei dawr dawr a
Nà ka ti lutuk chu ka thren tlawk tlawk mai.

Chu vel leh a car kawngkhar ah chuan min in tauh tir ta chawrh mai ,, lei ah chuan ka tla thla nawk a ,, ka Sam ah bawk rawn tham leh in a car kawngkhar ah chuan min tauh tir leh ta chawrh a.

Ka khaw hmuh chu a thim ta vek a ,, engtin nge min tih chhunzawm zel pawh ka hre ta lo ..

Ka harh leh Chuan khua chu a lo thim ruai tawh a ,car engine chu alo ti thi ve chiah bawk ,, hlauhthawn hmel tak Chuan
" khawnge min hruai?? ". Ka ti a .. a thaw hawk mai ,, ka lam ah chuan rawn Kun hniam in car kawngkhar chu a rawn hawng a ,, chu vel leh car atang chuan min nam thla leh ta chawrh a ,,

Ka din hmun ka ngaihtuah chuan ka in khawngaih kher mai ,ka in ngaihtuah lungpuam a , ka tap ta hliam hliam a
Ka hma ah tak rawn ding khup in , a kekawr ipte chu a zen ât a ...engtin nge min tih leh ang tih ngaihtuah chuan in hnit hraih hraih pah chuan ka en ran a ..

" i mittui kha'n i tenawm Zia a lantir " a rawn ti a ,, chu vel leh ka bàn ah rawn man in min Tung ding chawt a ,, min kai hlawk hlawk in , room te reuh té , éng pawh awm lo ah chuan min nam lut chawrh a ..

Chu vel leh kawngkhar chu rawn khar chawrh in pàwn lam atang chuan a kalh ri ta khap mai


A thim lutuk ,, éng pakhat mah a awm lo
Ka thaw tha thei lo nghal der , ka tlu nghal tawp a , engmah ka hre zawm ta lo ...


- A thupui ah kan lut tran dawn nia aw , lo in ring ru in beisei ang chu ka pha dawn lo a mahse min lo chhiar sak ve hram hram dawn nia aw 🥰 chuan FB lam ah like leh comment min lo hnutchhiah sak hram hram Ula , comment a awm te hian min ti phur ve thin a , chuan sawisel pawh kha a thiang vek aw 🥰🥰


Show post links
Top

[Ngaia]

Ka harh nghal kawk a , tui in min lo theh thrawt chu ni in!, Thaw hliam hliam pah chuan ka melh reng a , ka che thei lo , ka in en chiang vat a , hreptak hian , HEPA hian chair ah min lo trawn bet anih hrep hi..



Ka awmna lai vel chu ka enkual a , min dah luh na in te reuh te kha chu Ani lo tih ka hria , ka awmna lai hmun hi chu bathlar zau tak ani , ka hma ah chuan thifinriat cham put chu a hmuh theih bawk.


"Phakar in chhuah a maw?" Thle bak pah hian a lo ti a , meizial a zu khu hlat hlat bawk, thinrim in sum tih hriat zet chuan a bek a thisen zam te chu a pawng zawk zawk a , ka tim chawih thei .


"Ka tum réng vang a su ka ni lo" ka tih chuan
"Nangni ang fahrah zilh hau na pawh dawng ngai lo hian pawisak I nei hauh lo ang" a lo ti Chang fak a , min trawngkhum dan chuan ka thin a ti rim kher mai, "ka nihna chu ka hria alawm min hrilh ka ngai lo" ka tih chuan
Ka chhip Sam ah min thram Dak awrh a , ka hmai bul Chet ah rawn Kun hniam in ka mit ah tak Chuan min en run bawk...


"Jail tán chu hrehawm i ti ngawt ang a , mahse jail atanga I lo chhuak ta kha i in chhir ngawih ngawih tawh ang" nui suk pah hian a ti a , ka Beng zawn ah rawn Kun leh in "hremhmunah ka lo lawm a che Mrs Mari" zawi sap a tih pah chuan ka sam a thramna chu a thlah hlawk a , rapthlak tih hmel fé hian ka lo en reng thung.


Min kalsan pah chuan gaurd pakhat hnen ah chuan "kan phuarna saw va phelh la , in hnuai lam ah lo chhuk pui rawh" a ti ram hmak a , a kalsawn zui nghal nal nal bawk , mipa chu lokal in min phuarna hrui te chu a rawn phelh a , min kai nghal dawr dawr in , in hnuai lam ah chuan min chhukpui nghal dawr dawr a , min kal chak pui lutuk te chuan ka thin a tirim tun tawh , in hnuai kan thlen thlak chuan ka kut chu pawt sawk in "keimah pawn ka kal thei" ka ti vin hlar a ..



In chhung chu rin phak bak in a mawi Ani , interior design leh decor lam a thawk ka nih vang in , ka en uluk hlawm khawp mai engkim mai chu design ka la hmuh ngai loh an ni a , a mawi tih bak chu sawi tur ka hre lo.

Ka hawi kual vual vual lai Chuan ka hnung lam atang chuan ke pén thawm ka hria a , ka hawi ve vat bawk.
"He in ah hian i dam chhung hun I hmang tawh ang, hrehawm tinreng i tuar bawk Anga , thil I la tih ngai loh thleng thleng i ti ang , hre reng rawh tlan chhuah I tum anih chuan hremna chu a na viau ang" tih pah chuan rum em em hian ka mit ah tak min en kal a.



Ka hnung a mi chu mitmei zauh in "la sawn rawh " a lo ti hmuk a , min kalpui leh nghal dawr dawr bawk , choka ah chuan min hruai lut a , Hmeichhe pahnih an lo awm ve bawk mak tih hmel fé hian min lo en reng a , ka mengkual ralh ralh bawk .


Ka bul a mi chuan "an bul ah hian i awm ang a, an thawh ang chu i thawk ve zel bawk ang" tih pah chuan min chhuahsan nghal daih a , tun ah tak hi Chuan tih theih ka nei hrih lo, tlàwm tak a ka awm angai hrih , maimit chhing vang vang pah chuan thawk ka'n la halh a ...



Ka men leh Chuan hmeichhia pahnih te khan mak tih hmel tak hian min lo la melh reng chu ni in , àw chu ka thian kharh kharh a , "ka hming chu Mari briana ania , in bul ah hian ka thawk ve tawh dawn anih hmel" ban charh chuan ka ti a , lo in siam rem ve vat in a Lian zawk chuan "hailee ka nia" a lo ti var a , a té zawk chuan "amber" a lo ti ve sap bawk.



An bul ah chuan ka awm ve ta reng a , eirawngbawl hi ka thiam loh zawng tak ani a , Han puih vak ngaihna pawh ka hre chiah lo , hailee leh amber te chu an in be mawlh mawlh a kei erawh ka ngaihtuahna ka kawm tui khawp mai , engtin nge Hades hian ka kal na tur te kha a hriat chat chat theih le? Chuan jail atang ka chhuak Ani tih kha engtin nge a hriat theih? Min phatsan tu chu an awm Chiang Ani , mahse heng thil vel hi chu ka patea leh kei chauh hian kan hriat ka ring si a ,ka patea chu anih ka ring lo, ni lo ka ring phal lo zawk , a tih a ni Miah lo bawk ang , min ngaihtuah ve em kha mawle mahse hades hian engtin nge a hriat theih? Renchang ah zawh a tha in ka hria. .




Ka dar a min lo sawi dat dat avang chuan ka ka Phu zawk a , hailee kha alo ni min lo nuih sang pah hian "I hmai ah Khan damdawi te hnawih ila" a lo ti a , ka hmai ka khawih chuan a lo na threm thrum khawp mai , ka kamsir chu ka khawih leh a , thi khar a awm in ka hria



"A na tih ka lo hre Miah lo" nui lui sak pah chuan ka Han ti a , "lo thu thla rawh damdawi kan lo hnawih ang" amber chuan a lo ti ve thuai a , ka thu ve nghal thuai bawk .
Damdawi te min hnawih sak hnu chuan "car atang a a nem thlak vang che kha Ani em?" Amber chuan alo ti leh a , "Ani tho Anga , chu mi lo doh vang te pawh chu aniang" ban charh chuan ka ti a , kan misuala khan a car kawngkhar ah vawi hnih ngawt min tauh tir anih kha mawle.



Gaurd pakhat hi choka ah chuan lo lút leh in "Mari briana a awm em" a lo ti a , ka awm thu chuan ka lo chhang ve vat a "min lo zui rawh" tih pah chuan a chhuak leh nghal thuai a , ka zui ve nghal vat bawk...


In Chung pan chhohna kailawn zau pui leh ropui tak ah chuan a chho a , a kal chak bawk si , ka um ti tih hial , bang vel ah te chuan mi lem mawi tak tak a inker hi a tam hle a , Lal in te pawh a ang zawk mah in ka hria .





In Chung lam thutkhawmna ah chuan Hades chu a lo awm a , a hma a thlalak lianpui in tar chu a lo melh vang vang bawk , thlalak ami ka hmuh chuan ka Phu zawk mai Maria Vanguard a ni , keimah ah hian in thiamlohna chawp leh chilh in a awm nghal a , Hades mize cool ruih te chuan inthiamlohna min neih tir nghal hial bawk.



Ka lam chu rawn hawiin , thuthleng ah chuan a thu thla a , a bawp chu a bawp lehlam ah chuan a nghat nghal zat bawk
Tim dai hian ka melh reng a , min melh ve nghal run bawk ...



Maid pakhat chu rawn kal in engemaw hi arawn keng a , ka lo melh reng lai Chuan "va pe rawh" maid hnen ah chuan a lo ti sup a
Maid chuan a thil ken lai chu min lo pe ve thuai bawk "ha nghal rawh" a lo tih chuan phawk zet chuan ka en a , "ka duh teuh lo" ka lo ti let nghal hlur a "tun ah ka ti hleihnem , eng rilru nge i put a" nui suk pah hian a lo ti a , maid hnen ah chuan "a room tur ah hruai chho la , kawr kha hak tir nghal ang che" a ti a , maid chuan amah zui tur Chuan min ti nghal thuai a , rang tak Chuan ka zui ve nghal bawk ...




Step ah chho leh in pindan pakhat kawngkhar chu a hawng nghal thuai a , lut tur a min tih hnu ah ka lut ve thuai bawk , pindan chhung chu ka lo suangtuah ang ngei kha a ni in ka hria engkim chu thing hmang vek a siam a ni a , mawi tak tur a siam phei chu Ani lo ,mahse ka mit ah chuan an Lang mawi hle thung , khum pathum lo awm in , pindan tàwp lam ah chuan kawngkhar hi a lo awm a , kawngkhar lam chu ka pan vat a , ka hawng chiah chu ka mitthla thrin ka suangtuah na a in ka design nen a in ang chiah chiah mawle.


Balcony zau vak lo a lo awm a , pangpar chu pot ah a lo in khawi thliah thliah bawk , thing kung liantak zar chuan balcony chu a lo zar hliah a, thingkung hlim ah chuan Han mut diai diai te pawh a chakawm kher mai balcony pawh chu thing hmang vek a sak Ani bawk.



Maid chuan àw lo thian kharh kharh in "kan rei lutuk anih chuan ka pu kha a thinrim mai ang" a lo tih chuan ka lét thuai a , nichin mai kha chuan suangtuahna ram ah ka lo awm mek asin le , ka suangtuahna hmun a awm hlen kha ka chak tak zet , a tak ram hi chu a hahthlak thei mah mah Ani.



Ka kawr hak tur chu ka la vat a ,ka ha nghal mawlh mawlh bawk , he kawr hi hailee leh amber te pawh khan an ha , chuan tun a ka bul ami hian a ha bawk , maid ho kawr anih chu ka ring thiam ta mai bawk..

Darthlalang a ka in en chuan ka awih thei lo , keimah ka ang lo hial zawk , ka cher em em a , ka dàng lap bawk , damlo hrep ang mai alawm ka nih le , ka hmai chu a duk thleh thluah a , ka kamsir ah thi khar a awm niai bawk , ka sam lah chu a pawr em em bawk a ,hailee leh amber ten mak tih hmel tak a min lo en leh thrin pawh kha a lo àwm viau mai..




"I sam kha i trawn duh em" ka hnung ami in a lo tih Chan ka lo bu nghal sawk sawk a , ka Sam hi a sei em em a , ka mawng pawh a khuh hlap thei , a kir doh chiat bawk heihi ka siam danglam ni lo in ka pianpui Sam Ani .




Samtawnna tur chu min lo pe vat a , ka lo tawn ve nghal sawk sawk bawk, in hnuai lam ah chuan inzui thla leh in , ka hna tur chu min hrilh nghal mawlh mawlh a ," in chhung enkawl hi i kut ah a awm tawh ang kei hi naktuk lam ah kan ram ah ka lét tawh dawn a , ka ai i awh dawn Ani" a ti a , ka lo 'imm' 'e' liam vel mai mai .




Tihtur ang te min hrilh zawh hnu chuan choka lam ah chuan ka kal nghal thuai a , hailee leh amber pawh an lo la buai ve khawp mai "ka lo pui ang che u" tih pah chuan an lam pan chuan ka kal thuai a , eitur chu an lo siam hnem khawp mai "engati em em nge" tih pah chuan phawk zet hian ka en a , hailee chuan "zanin ah sir Hades leh a thiante ho Chaw an ei khawm dawn a" a lo ti var a, puih ve ka tum ngial pawh chuan Han puih dan vak ka thiam bawk si lo , an thilti lai ka ti buai mai mai chuan ka hre ta zawk a , counter ngheng in an che kual vel chu ka lo thlir ta mai mai zawk a.


Khua a lo tlai ve leh ta duai mai , amber leh hailee te nen Chuan ka ti ti bawrh bawrh reng a , an tawng duh in kawm an nuam hle bawk ,tlai lam ni in khua chu a thim thet thet tawh a , hailee chuan "an lo va thleng har tawh ve" a ti nang nang reng a , choka dawhkhan chu kan thut bial laih a , "helai hmun ah hian tinge Hades hian a lo hruai che , a bialnu hlui I ni em ni?" Tiin amber chuan min lo zawt sar sar a , a zawhna vang chuan ka hamhaih kher mai , "a bialnu maw? A teuh lo mai!" Ka lo ti let nghal vat a .





"Hetah a lo hruai ringawt che hi amak em alawm" a lo tih leh Chuan , heta ka awm chhan tak hi hrilh chi Ani pawh in ka hre lo , tualthattu ka ni tih an hriat chuan ka tan thil a harsa mai mai ang ,, min en dan a danglam nghal dawn tih chu hriat sa Ani..


"Heta in awmna hi a rei tawh em?" Ka tih chuan "rei vak lo Kum 2 vel chu aniang" amber chuan a lo ti thuai a , "in in hlawh em ni?" Ka tih leh Chuan "in hlawh em em pawh kan ni lo , min humhim Ani pu Hades hian" a tih chuan ka hrechiang chak kher mai..


"Kan pahnih hian orphanage home ah kan awm thin a , chuan hmun dang a nun bul tran tur in kan pahnih hian orphanage home chu kan chhuah san a , mahse misual kan tawng fuh a , min bum in , min hralh an tum a , Hades hi kan tawng hloh a , a in ah hian thawh kan dil a, hlawh phei chu kan beisei lo mahse a thlawn tawp a min chhawr chu a duh lo a" a tih chuan ka lo bu nghat nghat a , midang tan chuan mi fel tak anih ngei dawn hi..




"Chuan engvangin nge helai hmun ah hian i awm ve le?" Ti a min lo zawh leh Chuan chhan mai ngaihna ka hre lo , ka ngawi doh vang vang a , an pahnih chuan min lo en reng thung , chu vel leh motor horn chu a lo ri tuarh tuarh a , hailee leh amber chu tho chhuak thuaiiin "an lo thleng , Mari dawhkan saw lo set fel ta che" tih pah in dawhkan awmna chu alo kawk va a , hall lehlam a pool bul ah chuan dawhkan mawi leh Lian tak hi alo awm a .




Hmanhmawh tak Chuan ka tlan chhuak ve nghal thuai a , dawhkan Han set fel vel te chu ka thiam zawng tak ani ve alawm mawle, hailee leh amber chuan an zanriah siam chu an lo chhawp chhuak zung zung a , kei pawn ka lo set fel zung zung bawk, Hades leh a thiante erawh thutkhawmna ah chuan an la awm hrih a , an Tam hmel khawp mai , mipa àw Rawl Lian tak tak leh Hmeichhe àw no tak tak te an ni nawk mai.





Ka zàm lutuk chu ka khur ti tih hial mai , ka bowl ken lai te chu a che dat dat reng a , amber chuan mak tih hmel tak hian min lo en reng a , ka bowl ken lai chu min lo laksak thuai bawk "hahdam rawh , an fel hlawm lutuk" min nuih var var pah hian a ti a , kei erawh hlauhthawnna in min chiahpil hneh hle thung ,achhan pawh a thian te chuan min hre dawn nasa mai si a , a nu su hlum tu ka ni tih chu an hre doh fur ang. Engtin emaw tak min tih ka ring hmiah bawk .


Amber leh hailee chuan in Chung lam ah chair lak belh tur in min chhoh san daih mai si a , keimah chuan dawhkan bul ah chuan ka awm ta ran mai , tihtur a awm tawh bawk si lo , inchung a chhoh dawn lah in , Hades te awmna kal pelh angai si , hetah lo awm pawh ni ila zanriah Kil tur in he tah hian an lo kal dawn tho tho bawk si.



Chutia ka lo din ngawi reng lai Chuan , "tui ka lo in thei angem?" Hmeichhia hian a lo ti a ,ka Phu zawk mai "in thei e , saw lai mi saw va in rawh" tiin dawhkan sir lam a kan hun tui dahna chu ka kawk vat a "min lo thlit ta che" a tih leh Chuan amah hmachhawn tur Chuan ka in her nghal thuai a , Hades secretary hmeltha leh chhe lo zet kha alo ni , coat dum suit a ha a , a in hneh leh pek khawp mai , min lo nuih sang bawk ,dawhkan sir lam ah chuan kal in a tui tur chu ka thlit chhuah sak nghal thuai a , ka pe tur chiah chu ka no ken lai chu min lo vei thlak sak a , no chu chhuat ah a tla keh chuaih mai , mak ti zet hian ka en haw a , "ti fai mai rawh aw" ngeiawm zet a tih pah hian a in her nghal hmak a , ka thinrim lutuk chuan "nangmah khan tifai rawh" ka ti let ve salh a , tun ah tak hi Chuan an thu thu ang a awm tur chu ka ni mahse , ka thin tiartek lutuk hian a ti thei hlawl lo Ani .




A rawn hawi let rang kher mai , rawn pen phei leh mawp mawp in "Mari briana enge chapo pui theih I neih , sal I nih kha , hlutna I nei ve tawh lo" ka chal a min nem dah awrh pah chuan a ti a , "enge i nih bik?, Hades secretary mai mai maw!, I nihna hi ee tun a ka nihna ai hian ka duh lo fe zawk" nuih lui var var pah hian ka'n ti a , ngeiawm dan te chu ka thiam ve lutuk alawm , a hun leh a hmun a zirin ka mizia hi ka siam rem zung zung thei.




Hailee leh amber te chu chair rawn keng chuan an rawn lut a , chhuat a no lo tla keh vek an hmuh chuan , mak an tih hmel khawp mai , kei ni lah kan lo in melh no lo nasa mai sia, min en tawn Zak Zak reng a .

Hades secretary chuan amber chu en in "zanriah in peih fel tawh chuan, sir Hades te saw va ko rawh" a lo ti ram hmak a , rang tak in amber pawh a kal ve nghal vat a .



Hailee chu en leh in "henu hi chhuat hi tihfai tir rawh" tih leh pah chuan thutkhawmna lam ah chuan a kal nghal hmak bawk, a chhuah hnu chuan hailee chu ka bul ah lokal vat in "enge thleng a?" a lo ti thuai a , "no hi a ma tih keh ania , tifai Turin min tia ka duh lo anih kha" ka tih chuan "marry saw chu a zaklo ania , Hades bialnu chu ni lo phei se ka ti let ve hrep thin ang" a tih chuan mak ka lo ti hle , Hades bialnu maw a lo nih , chuvang chu niang a lo in luling em em ni



Chhuat kan tih fai lai Chuan "pu hian thren daih se ka ti tak tak ani, a awm ve tawh hi Chuan a sual thei sia , thil a duh uluk bawk si , amah avang hian helai hmun a awm te pawh hi hrehawm ka tih Chang a Tam mai" a ti sap sap a .



Hades leh a thian te chu zanriah Kil na tur ah chuan an lo phei khup khup a , mi hausa rual thrah awm khawm an ni bawk a , an zahawm hlawm khawp mai , hades rawn lut chuan min melh no lo khawp mai , a bialnu khan nichin a thil thleng kha a lo hrilh hman anih ka ring , thenkhat chuan min hria a , thenkhat chuan min hre lo tih min hmuh a an hmel lan dan ah ka hre thei , Mary chu rawn lut ve in , kawrfual sexy zet hi a lo ha tawh a , Hades bul ah chuan a thu chat bawk , a bul a hmeichhia nen Chuan in be sar sar in min lo en leh thin , an zanriah Kil na bul ah chuan kan lo ding ve reng bawk.




Hades chu kan lam lo hawiin "in chhung lam choka ah , zanriah va kil ve rawh u" a lo ti hmuk a , hailee leh amber te chuan "awle sir" tih pah chuan min kai chhuak nghal dawr dawr a , in Chhung lam choka ah chuan kal in , kan zanriah Kil tur chu an siam mawlh mawlh a , Chaw kan ei lai te chuan ka ngawi ta reng a , hailee leh amber te erawh an trawng malh malh thung , min biak na te pawh chu ka hre mumal lo , tlanchhuah dan ringawt ka ngaihtuah miau a , ka rilru chu ka seng nasa khawp mai , he lai hmun a awm reng hi ka tum hauh lo , zan in hi a hun tak chu ni in ka hria , hades te zanriah Kil in hall dang ah an awm a , chuan guard ho tumah an awm lo bawk .



Ka thil ei lai chu tawp in , ka tho chhuak nghal thuai a , min lo en haw mai "pawn ah ka kal lawk dawn" tih pah chuan pawn lam chu ka pan nghal nal nal a , min manchhuah leh hun ah engtin nge min tih ang tih pawh ngaihtuah lo chuan ka pen nghal hlawk hlawk a , min mawlh ni ber hian ka hria , ka taksa chu ka thunun thei lo , ka rilru chuan nghak doh hrih tur in min ti a , mahse ka taksa erawh pawn lam pan chuan hmanhmawh takin a kal thung, ka tetlai zawng zawng in tih duh dah ka tuar thin ka tih kha , ka tihsual ni Miah lo ah pawh hremna ka tawk thin , chu chu maryi'n tui no min vai thlak sak khan ka hrechhuak zawk anih kha , ka trauma neih kha a rawn Kai tho leh a tih theih ang , hlauhthawnna ka nei nghal a , ka mize ngeiawm tak chhuah mah ila , engtik ni ah emaw chuan tlawm tak a ka awm a la ngai ang a , ka naupan lai a ka thil tawn duhawm lo tak kha , tu hun ah hian a thleng leh dawn tih ka hriat avang in helai hmun a tang a chhuah hi ka duh tak meuh meuh Ani .



Pawn ka chhuak chiah chu ka thaw hawk thei mai , hades te awmna hall atang chuan pawn lam chu a hmuh theih lutuk lo a , hmanhmawh tak Chuan ka tlan nghal hlawk hlawk a , compound zau tak a neih avang chuan ka tlan rei khawp mai , a tawp a tawp ah chuan kawngpui chu ka pawh thla ve ta a , ka thaw hawk hawk mai , ka hah em a tin ni, ka sam chu ka hmai ah ka thlan nen Chuan a in char ban chial bawk,ka Han hawi kual vel a , khawi lai hmun ah nge ka awm ka hre thei hauh lo , new york khawpui chhung chu Ani lo mahse New York khawpui nen Chuan a in hlat lo tawp ang, motor rawn tlan ka hmuh rual chuan thing lo din khup na lam ah chuan ka tlan lut nghal thuai a , mipa trawngthawm ka hriat leh chuan chak tak in ka hma lam ah chuan ka tlan nghal hlawk hlawk a , a thim em em bawk si , thawk leh khat ah ka lu chu a rawn na zawk a , ka tlu nghal tawp a , ka lu chu a hai muai muai bawk , mipa khat hian min rawn bih Dak Dak in "I huaisen mah mah lo maw" nui sung pah hian a lo ti a ,engmah ka hre zawm tawh lo.




Trawng ri mar mar thawm ka hriat chuan ka meng siar siar a , "a lo harh tawh ,sir Hades va ko rawh" tih ri ka hre zawm zat bawk , ke pén thlap thlap thawm ka hriat chuan engtia lo awm chi nge tih ka hre mai lo , chhuat vawt thlar ah chuan ka mu niah a , ka hnung lam a ke pén thawm chu a tawp chat a , bawkkhup zawng a ka mut avang chuan ka hmél a hmuh theih ka ring lo , ni khaw hre lo chuan ka awm der tawp mai dawn mawnle ti a , ka ngaihtuah rauh rauh lai Chuan.



Ka Sam ah rawn thram in , min Tung tho nawk a , ka lu vun chu na tak ani "kan sawi Chiang viau khan ka hre si a , ni khat ém pawh a la liam loh hi mawle Mari" tih pah chuan bek vel chu a rawn chul riak riak a .
"Basement ah hruai ru" tih pah chuan min thlah hlawk a , guard pahnih chu rawn kal in min Tung ding nghal chawt bawk
"Lo veng char char ang che u , ka lo kal thuai ang" tih pah chuan Hades chu thutkhawmna lam ah chuan a phei leh nghal nal nal a.basement awm na lam ah chuan min hruai ve nghal bawk .




Basement chhung min luhpui chuan éng che te hi a lo awm a , chain in min ka kut chu an thlung bet bawk , "i thi maithei Ani" guard pakhat chuan a lo ti a "thih ka hlau lo" ka ti nghal hlar a , min nuihsak pah hian ka hmai chu a rawn khawih a "Hmeichhe kawlh tak hi sir hian a ngaina ania , a that phal lo maithei che, a that lo che anih tak leh he in ah hian kan thawk ho Anga , chuan engemaw te te kan ti Anga" nui sung pah hian a ti a , a chal ah tak chuan tauh vak in ,a hmai ah tak chuan chil ka chhak tuarh bawk, "I va huaisar roh ve a nang nu hi" tih pah chuan ka hnar ah tak Chuan a rawn hnek chawrh a , a thi nghal zawih bawk.



"Ti leh ta che , min hnek leh rawh , min that nghal law law ta che" hawisang vah pah chuan ka ti let ve salh a , nuih hak hak pah hian "i ti ngamlo ami a?, Min hnek leh ta che" ka ti leh tuarh a , a kut chu a lo kàn uaih a , guard pakhat khan lo khap vat in "insum rawn sir Hades in a hriat chuan buaina a tam zawk ang" a lo ti a.



Min melh khui khui pah chuan kawngkhar chu nam hawng in a chhuak nghal daih a , gaurd pakhat zawk erawh ka bul ah chuan a ding ran thung , rei fe kan awm hnu chuan ke pén thawm ka hre ta a , kawngka chu lo hawng in a lo pén lut nghal thuai a ,min sawisakna tur ni awm tak hmanraw chi hrang hrang chu a rawn keng lut trun bawk.


Show post links
Top