The De Santis marriage BY Mami Chhakchhuak (Completed)

Episode nei ho a hlawm a dahkhawmna
Ngaia
Site Admin
Posts: 25813
Joined: April 30th, 2016, 4:07 pm

Re: The De Santis marriage BY Mami Chhakchhuak (Completed

Unread post by Ngaia » July 30th, 2017, 4:25 pm

The De Santis marriage

by Michelle Reid
lettu L.H Varte

Chapter - 13

Mitmeng dum dur ham chuan thah duh mai hmel pu chuan arawn en a,Bianca Moreno chuan a rawn pan hnai a,a biangah chuan arawn beng ta chawrh mai a.

"Engtinge i tih theih zawk a,Lizzy" a aw chu a khur hlawk hlawk mai a." Engtinge khatiang khan i neih mai theih zawk?"

Lizzy chu alo tawlhhnung dawrh a,a biang chu a dawm nghal vang vang a."Mahse Matthew nen in tlanbo dun alawm.Luc kha in tlansan...."

"Ka tlanbo san lo!" A thiannu tawngkam chu a vinin a kha a,a rinh fiak thak bawk a."Luc khan midang a tawn avangin min neih a duh ta lo tih min hrilhin min hnar bo ta anih kha!"

A thil hriat chu a awihlo."Mahse anilo.A ni lo tih i hria alawm,i...."

Bianca chu inchhung lamah a pen lut ta nghal a,Lizzy chuan khur dar dar chungin a zui lut a,a bianga a benna chu ana hle bawk a.

"Matthew khan min chhanchhuak ani.Luc nena in inkara thilthleng ka hmuh khan ka ko nghal a...."

"Mahse engmah a thleng hleinem!" Lizzy chuan alo ti let thuai a.

"Ka nun irawn tihchhiat hma ngeia rawn la bo tur che in Matthew kha ka mamawh a!" Bianca natuar hmel chu ahan hmu a."Lakbo ngei che pawh a tum alawm,khami zan Luc nena pawn huana ka rawn hmuh che u atang khan...zinga hruaibo nghal che a tum a.I hmel ka hmuh rual khan maw,Lizzy,i thiltih kha ka hria alawm!" a inhnit hrawih a.

Kha thilthleng khan ala vaw let ngei dawn a a inhriatna chu alo thleng ta ngei mai le.

Bianca chuan alo melh rum ngang mai a."A rang thei ang berin ka hruai sawn ta che a.I unaupa khan i nghawnga reh a rawn hnuhchhuah mai che a duh hial a,mahse a tlai lutuk ta vek ani." A tap chu a nita ber a."Hotel kan thlen hnu reilote ah Luc chu alo thleng ve nghal a.Kan inkar a tawp tak thu min rawn hrilh ta ani....ka unaupa Vito leh i unaupa awmve lai ngeiin! Kan inkar chu rawn ti tawpin! Ka pian a hnu lama ka tlawm ber leh ka zah ber ala ni hial ang!".

A dik theilo,engmah a diklo vel vek! "Dawt i sawi tih i in hre reng" ahan ti ringawt a.

"Ka daw amaw? I hmuh hmasak ber atang khan ka pasal hual kha tha iti hle ani lawm ni?" chuan alo ti kawlh hra mai a.

"Lalpa leh !" Lizzy chu alo khur dar dar mai a.

"Thian kan ni a ...thiantha ber! Chuti chuang chuan min phatsan ta si a! Awle tunah chuan tihnata awm leh tih mualphoa awm hrehawm zia chu i hre ve dawn ta alawm,Lizzy,a chhan chu maw,Luc a fa hi ka pai a,amah chu ka nei let leh dawn ani!".

A reh vang vang a,chutah thil alo thleng ta zut zut mai a.Luc chu pindan inkalpawhna laiah chuan alo ding a,a sirah Abriana chu hmai dang lawp lawpin alo ding bawk a.Bianca chuan alo hmuh rual chuan tap chungin a pan a,ava kuah nghal chawt a.

"A pawi ka ti lutuk" tap hlap hlap a ti chung chuan Luc chu a kuahbet tlat s,Luc chu ding ngawi rengin Lizzy hmel chauh chu alo en thung a.

Bianca kha atawng a ring tawk hle a,a thusawi kha a hre pha ngei ang.Engmah a sawiloh avang chuan thilthleng thei ani ngei bawk.Bianca chu alo nemsawn lo bawk.Amah chu engemaw tal sawi tura beisei nei niawm fahranin arawn en ringawt mai si a.Enge sawi tur awm chuang le? Anlo mudun tawh ang tih ngaihtuah nachang hriat awm tak.Kalbo vat a tha ber.

A ke khur hlawk hlawk a pen tan lai chuan Bianca chu Luc a awma beiin ala insut hlap hlap a.An zawn a thlen lai chuan Luc chuan a darah arawn man ta chawt a,alo phut nasat em avang chuan Luc chuan anchhe zet ahan phuhchhuak hluk a.

"Kal suh" Luc a aw chu a hlauhawm hle a.Ahan ding dat a,Luc chu ahan en a,chutah a awma Bianca bei chu ahan melh leh a,a hmai chu a dang var pap a,an landan avang chuan hmui ner sawkin ahan nui a....a nupui tur tlanbosan mipa,a nupui leh a nula chu!

A ngaihtuahna chu alo hriatsak ani ngei ang."Kal suh.Ka chingfel vek mai ang"

Enge chinfel tur awm le? A nupui tur alo kir leh chu maw? A nupui mawl lutuk chungchang maw? Naute,naute chu a pawimawh ber ani.

Luc kut chu thingthla in a kalsawn ta hlawk hlawk a.Mut pindan a pan ta nghal a.Engkim a tawp ta,anih tur ang ani reng ani.Bianca chuan De Santis ro luahtu tur a pai tawh si a,amah chu a kalbo mai tur ani.Alo phu ve reng pawh ani mahna le,chhuar chu ahan hawng a,a thawmhnaw ala khawm tan ta a,chutah a rilru thlak thutin a hmuh hmasak ber jean kekawr leh t-shirt a inbel ta mawlh mawlh a.

Kut khur hlawk hlawk chuan a lehkha pawimawh te chu ahan endik zung zung a,a thawmhnaw dang te chu hrechang tawhlo lekin an mutna pindan chu a chhuahsan ta nghal a.Inchhung chu alo reh vek a,tumah hmuhtur anlo awm tawhlo a.Luc a lehkha chhiarna pindan kawngka inkhar chhungah chuan an awm ani ngei ang.

Pawn a thlen chuan ruah alo sur buan buan mai a.Taxi pharin Linate tumhmun buai nuaih nuaih chu a thleng ta mai a.Mak takin Londan thleng tur thlawhna ala nang zui ta lehnghal a,darkar thum hnu ah chuan Gatwick tumhmun luhna ah chuan a kal chhuak ta der mai a.

Mihring hmel a hmuh hmasak ber chu apa hmel ani.A mittui alo hnai nghal a."Engtinge ilo...?"

"Luc an min rawn bia a" tiin a hnung lama midang ding chu ahan buk khum zauh a.

Lizzy chu ahan hawikual a,chutah apa hmel chu en lehin a nui ta sak a.In a chhuahsan atang khan helai thleng hian Luc a michhawr te venna hnuaiah a thleng a,a ke pen tin ngun taka enthlak reng alo ni.A mittui alo hnai a,apa chu kuahin a tap ta hlawp hlawp mai a.

"Engkim a tha vek alawm,Lizzy," apa chuan a hnungzanga chulsak pah chuan alo ti a ."Hawh le,ka car iva zawng teh ang".

In an thlen hma deuh chuan Matthew chanchin chu a zawt ta hram a.

"A tha alawm.Zirlai tha tak a zir ani,mahni ta nilo rutu chuan a pek let leh a ngai tihte a hriat phah anga".

"Tunah khawnge a awm?".

"Ngawlvei enkawlna hmun hautak zetah mawle,Luc an a senso a tum vek alawm,i hre nange? A hrilh che ka lo ring a" apa chuan mak atih hmel hle a.

Luc chuan a hriat atana tha atih chin bak alo hrilh ngailo anih chu."Engtinnge ngawlvei enkawlna ah dah a tulna?" ati he haw a.

"I unaupa khan heng thil lo thlen hma daih tawh atang khan chin thalo a ching tawh alawm.Keimah hi ka in dem a,ka hmangaihte pahnih hi in duhna lam kawng nilovin ka duhna lam kawng zawhtir che u ka lo tum thin a....Matthew khan mi pawisa alo ba nasa hle a,Hadley pawisa alo lakruk khan chung a ba te chu rulin a bak chu i hriat kha.Bianca nen Australia lamah an tlanbovin a zir tur a zir phah ta ani".

Lizzy chu alo ngawi reng a,ama pindan hluia a nun zawng zawng hmanral chu a fuh ber ani tawh mai a.

Inchhung an luh rual chuan phone arawn ri nghal a,apa chuan ahan la thuai a.

"Luc ania" inbiakna chu Lizzy chu pek mai ahan tum a.

Lizzy chu tum hmakin choka lamah a kal ta daih a.A be lovang,biak tulna a neilo,a be ngai tawh lovang.

A tuk zinga rawn biak a tum leh pawh chuan ala chhang duh chuang lova.

"A lakah bat kan nghah tehlul nen" apa chuan Lizzy hmel tur khai en pah chuan alo ti a.

"Kei chuan ka nei lo.Ka ba chu ka tlak tawh" alo ti tawi tak a.A coffee no nen a mutna pindan lam apan ta daih a.

Kartluan chuan Luc chuan arawn be nawn leh ta lova,chuvang ngawt pawh chuan a hua ani,huatna ringawt chuan a rilru a luah khat tlat a,phuba lak chakna in a tur ut ut mai a.Amah chauhva a awm tlaia an kawngka a alo lan tak thutah phei chuan lo zuan chawt mai a duh hial a,Bianca in a ben anga lo ben ve chawrh mai a duh a.

Mahse Luc te ang mipa lo tih thinrim chu a peihlo.A ruahtui dal kawrfual chhana a taksa lo lang chu a huh chuap hlawm a,a hmel lah chu a ruh teuh mai a.

"Ka lo lut thei angem? Chumi hma in,i tum hmui pawrh tarh kha ti reh teh,cara,nge ka han tihreh sak dawn che?" arawn ti pawr chhak mai a.

A mitmengah chuan a vauna chu ati duh ngei dawn tih alang reng bawk a,chutah alo hmuh avanga a taksa lo danglam nghal ringawt pawh chu a inhua ani.A han dak vah a,cho zetin ahan en a.

"Helaia lokala tih tur min rawn hrilh vel turin enge i nih? ka han hrilh ang che,khatiang ti turin i thuneihna kha i hloh tawh...."

Luc chuan a hnaih nghal ruak a,Lizzy chu alo tawlh hnung dawrh bawk a.Kawngka ah chuan pen lutin a kalh nghal hmiah bawk a.An inhnaih tak em avang chuan Lizzy chu a zam chhe ta hle a,hmanhmawh zetin thutkhawmna pindan chu a pan a,mei chhemna thuk vam huam bulah chuan a ding ta ran mai a.An in tereuhte ah chuan Luc chu alang lian lehzual niin a hriat a,an inmelh tawn ran mai a.

"I rihna i hlauh anih kha" anlo in enchik dun hle tih a in hrechhuak chauh a.

"Ka hloh love" a inkuangkuah than mai a,a rihna a hlauh chu alo hriat ve a ngailo.

"I chauh hmel hle bawk.Min ngaih vangin ilo muhil theilo em ni cara?"

"Sawi pawh i zak nange?" alo ti vin hlar a.

Luc chu alo nui suk duh chauh a "Zak lo.Ka kawrchung hi ka phelh thei angem?" A kawrchung a phelh lai chu alo en reng a,suit a hak nalg zet chu alo langin biak vel ati huphurh awm zual a.

Luc a hmel en duh miahlo chuan a kawrchung chu a laksak a,ava kir leh chuan kum sawmpariat a nih kuma school an chhuahsan ni a a thlalak,banga intar chu alo thlir vang vang a.Chutah chuan Bianca thlalak pawh a in tar thin a,mahse apa in a tirh angin Matthew khan ala thla anih kha.

"Enge a an? Bianca ani ka tih" alo ti hlak a.

"A tha alawm.A nu leh pate bulah Londan ah a awm.Ellizabeth..."

"Matthew pawh a awmna atangin a chhuak tawh a" alo ti rang vat a.

"Ka hria alawm,Ellizabeth..."

"Alo haw rih dawnlo.Helai khawpui te takte,tupawh kan inhriat tawnna hi ala thlahleh vak lova,Falmouth a a thianpa hnenah a khawsa rih in an pahnih chuan zinkual an tum ani awm e.A nun siamthat zui zel nan pawh a tha anga,ka pa pawhin a tui zawng alo ngaihthah sak tih a inhrechhuak tawh a,Matthew chu...."

"Naute a awmlo,Amore" Luc chuan a thusawi lai chu alo pawt chat a.



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » July 30th, 2017, 4:26 pm

The De Santis marriage

by Michelle Reid
lettu L.H. Varte

Chapter - 14
last chapter

Lizzy chuan alo en reng ringawt a."Thu lawilo mai mai leh khawchin sawia i tawp hma a hrilh che ka duh a ni.Bianca khan dawt arawn sawi alawm,Ellizabeth.Naute a pai lovin a pai ngailo ang.Tu chungah pawh a thin a ur ani mai a..nang,kei,leh i unaupa a nuna buaina a inthlen avangin ama chungah pawh a thin a ur tho bawk."

"Tichuan....min tihnat a duh vangin khatiang thu kha arawn sawi amaw?"

"Keimah pawh.A hrechiang em che ani.Ka lak atanga i kalbo theihna tur kawng a hrechiang alawm.Tichuan,engvanga lawm taka ka tanga rawn bei mai lo nge inih hi mak ka ti ani".

Luc a thinur chu mak ti zetin alo en a."Enge ka lawmna chhan tur...?"

"Naute a awmlo ka tih chu.Naupang enkawlna tur thubuai neia ka awm dawn loh avang leh ka nupui ila nih reng theih dawn avangin...Milan ah khan awm ve in kha thil ka chinfel chhung khan minlo pui la ka ti hle asin"

"Lo thawveng ve huai turah min ngai amaw,Luc? Bianca lo lan hma khan chhuahsan che ka tum tih i theihnghilh ta elo?"

"Engmah ka theihnghilh lo" An inkar chu arawn dang chep sauh a."Kha thil hote lo thleng kha a reh hun thleng nghahna hun ka pe mai chauh che ania".

"Theihnghilh ka duh hleinem" arawn hnaih zel chu alo tawlh hnung harh harh a."Min rawn tawk hlek suh.Dawt min hrilh a,i duh ang angin min chhawnchhaih kual a,mahni duh ang pawha nung thei lovin min khung bet a,enge min pek let ve?" a mittui alo hnam sawk a."I taksa leh a nawmna min pek mai kha maw? Chu chuan zahawmna leh i bula lo tanpui che a phu in i hria em ni?"
.
"Hre love.A aia chungnung fe i phu alawm".

Lizzy thinur chu a reh phah lova."Ka lawm e" a lam pana va tlana va kuah a chakna chuan ati thinur zual sauhin amah pawh chu a inhaw hluah hluah mai a."Tichuan tunah chuan kal tawh turin ka duh che tih i hrethiam ngei anga.Kapa alo haw thuai tawh ang.Alo haw laia ilo awmloh..."

"Alo haw rih lovang"

"Eng a?" Lizzy chu alo meng phawk hra mai a.

"Alo haw thuai lovang.Ka lo kal tih a hria alawm.Zanriah ei tura ka hruaichhuah che aring ngei ang"

"Zanriah.Zanriah eipui che ka duhlo"

"Min hnarbo theihna kawng awmchhun ani tlat,cara"

Luc a hmel ahan en chuan a duh atih hlawhtlin nana engmah pawisak neilo hmel alo pu leh tawh a.

"Han sawifiah teh" alo ti hmak a.

"Zanriah eidun.Chu zawng chu.Dawhkan ka hauh tawh a,ka bula chaw ei mai chu i tihtur awmchhun a ni"

Chu chauh zawng kum sangbi pawh ral se a phut hauhlo ang le.

"Anih loh chuan in chhungkaw leiba hi thin ani ngei ang'

A hmaia ham sak chawt chawt a chak kher mai."Zanriah..." Luc a mitmengin alo en reng tih a hriat chuan a phu darh a.",Khawiah?"

",Langwell Hall ah,ka thlenna ania"

"Langwell Hall hmuna zanriah eina tur thawmhnaw ka nei lo" Luc te ang chuan a tha ber leh a changkang ber bak an thlang dawnlo tih a hre ve bawk.

Luc chuan a mitmeng de sar chuan a thawmhnaw inbel mawlmang fahran chu arawn en a."I awm pangngai khan lokal mai rawh.Chaw kan ei dawn alawm.Thawmhnaw pholang tur ni lovin" pawi tilo hmel zet chuan alo tihsan mai a.

Nihnih lai alo hak tawh kawr nen Langwell Hall chaw eina pindan ropui lutuk ah alut anga maw? "Zantiah ei chauh.Tichuan min hruai haw lehnghal anga,engmah min siam zui tawh lo anga maw?"

"Siii..." alu alo bu nghat a.

Engmah sawi leh lovin hmai pho lah chuan a kalsawn ta nghal a,inchung lamah chhovin Luc an thaw huai a hmai a tuai pawk pawk chu a hmu zui hauh lova.A thawmhnaw hak tlak ve deuh chu a inbel thuai thuai a,a chhukthla leh ta a.Luc pawh chuan a kawrchung chu alo ha leh tawhin ruahsur hnuaiah chuan an inzui chhuak ta a,Luc a car rawn hman hawh chuan an inkhalh chhuak ta nghal a.An inbe hauh lova.

Chaw eina pindan ropui zeta dawhkan pakhat chu anlo kawhhmuh nghal thuai thuai a,pindan chhung leh a bungrua nena in khaikhin rual ah chuan vhulai tirhkah pawh chu tluklo in a inhre hial a,Lizzy thutna bula tirhkah lo ding chu Luc chuan ahan vai kiang a.

"Lunghlu i mamawh anih hi' Luc vhuan arawn ti ta sup a.

"Min tih lungawina anih dawn chuan a tul ka ti love".

"Chuti chu lunghlu hring chi,i mit nena in chawih turin" alo ti tluang leh purh a.

"Ka mit a hring lo"

"Tunah tak kha chuan hring love" Lizzy lo sen tawn tawn a hmuh chuan tifuh intih hmel zetin alo nui vur vur a.A mitmeng inthlak hun chu an hailo dun ve ve hle mai si a.

Eitur inziahna a enkual lai chuan alo thlir reng tih a hria a."Min en reng suh" dakchhuak chuanglo chuan alo ti hlak a.

"Enreng che ka duh thin.A chang phei chuan ka thawk iti chham hial thin asin" zawi sup chuan a lo ti let a.

"Mipat hmeichhiatna in itna satliah anih chu" ngaihven lo zet chuan alo tihsan a.

"Chu aia tam chu i duh em ni?"

Lizzy chuan ala en duh hauhlo a."Ka French tawng thiamin a daihlo.Heng hi enge anih han sawi teh" alo tihsan ta daih a.

"Ti amo" Luc chuan arawn ti sup a."A awmzia chu ka hmangaih che tihna ani".


Lizzy chuan dawhkana no chu a nghawk thla lo chauh a."Chu te chu Italian tawng alawm" Luc chu natuar hmelpu zetin ahan en a."Bakah nuihza siam nan min hmang suh,Luc....anih loh chuan ka kalchhuak daih ang"

Mahse Luc a hmelah chuan fiamthu leh elsenna alang hauh lova,a kawrchung lam ipte chu zenin Lizzy thil chhiarlai chungah chuan arawn dah a.

Luc a mitmeng dum thuk raih chu enin a chil a lem khawlh a,a thil rawn dah chu ahan en a,a khawng nghal awt mai a.

"Min han hrilh teh' zawite chuan arawn ti sup a."He lehkha a thil inziak eng ber hian nge ti lungawi lo che a hmehhlawma choka chhuata paih tir che le".

Lizzy chuan alu alo thing na na a,a mittui alo hnai a."Ka thlauh tih ka ko hre hauhlo a".

"A englai ber hi nge han sawi teh.Zanriah dar riatah tih hian thupek ati ang em ni? Nge kan lenchhuah dunna hmasa ber tur tih hian?" Luc a aw chu a dam raih mai a.

Ati thinur tu lai chu a hrereng alawm "He infiamna ah hian ka tel peih love" tih pahin a ding ta hluai a.

Luc pawh chu alo fing chhuak ve nghal a,Lizzy kal tum chu a banah alo vuan a",Ti amo" ati nawn leh sup a.

"Ni lo" alo tal laih laih a.

Luc chuan alo vuan nghet sauh a."Ti ami,i ngaihthlak hma chu ka sawi nawn leh thin ang".

"Khuma fiamthu thawhnana i hman ang khan maw?".

A insum hman nganglo ani,Luc an a tihnatna hliam chuan a tur nasa em a,chulai chaw eina pindanah chuan a sawi chhuak ta mai si a.Mite chuan an chaw eilai chawl meuh chuan anlo thlirin pindan zau zet chu a reh ta duak mai a.

"He lehkha hmang hian hrilhfiah che ka tum a.He lehkha hi tihtakzet rilru pu a ka ziah anih hi,mahse nangin ilo ngai kawi mai mai si a".

"Mi rilru neilo nunrawng ber ini" Lizzy chuan alo ti let hlar a.

"Ti amo.I tan ka upa tawh tih i sawi a,ni e,ka pawm thlap alawm,mahse ka nei lui ta tho che a,chhuanlam tha tak hmangin,tichuan ka nupui la ni reng turin ka duh bawk che ani".

"Bianca nen kan inrual rwng alawm...enge a danglamna" hnialna a hriat chhuna ni miau a.Luc hmel chu alo danglam ta daih a.A awma a bei thlap thleng chuan a pawt hnai ta dawr dawr a.Lo hnial tum chuan ahan ang ziau a,thil lo thleng tur chu a hre hman nangin a dang hman ta lova.Luc a rawn fawhna chu duh satliah mai ani lo,kuah bet lo phei se chu a tlu thei hial ang chu.A taksa pum chu a fan chhuakin a zawi rawih rawih msi a.

An mahni lo thlir thap tute lo ri hak chu a hre rei ruai a.Mipui,mi zahawm leh hausa awmkhawm hovin Luc De Santis an a nupui duh taka a fawp lai vhu anlo thlir thup ani si a.

"Kha kha a danglamna chu ani" ahmui lak sawn pah chuan ahsn ti thawp sat a.

Lizzy chuan alu alo thing ringawt a."Laksak tu chauh ini,Luc.Ka phalsak chhung che chu min laksak zel ang,engmah pek tur che ka neih loh thlengin.Khami zan khan i nunrwng hle ani.I hria em?" a awmah ahan chhum sak chawrh a."I tilui ngat lehnghal a,min runluih nan.Kha lehkha tereuhte khan engkim suamtha turah i ngai amaw?"

Khawilaiah emaw tuemaw phun ri sap thawm ahan hre ta a.Lizzy chu ahan hawikual a,hmel hlir,hmel hlir mai chuan anlo thlir thup msi alo ni.A ka a ro nghal vek a,inhnit hrawih chungin a talchhuak a atlan ta dawr dawr a.

Pindan zau zet a tlanchhuahsan dawn lai tak chuan Luc chuan arawn nangching leh ta a,apawm kang nawlh a."Nakinah minla sualpui leh dawn nia" Lizzy lo talbuai chu sehchilh nawk chuan ahan ti a,inkhaichhohna lam a panpui ta nghal a.

Hotel hnathawk pakhat chuan arawn hnaih nghal thuai a."Ka nupui anih hi,nupa karah an inrawlh ngai lo" alo ti nghet charh a,lift ah a luhpui ta nghal a.

"Hmuhnawm min siampui kha nuam itih hle ka beisei.Min chhuah rawh" ahan ti chhusk thawt a.

"Teuhlo mai.Min ngaithla duhlo anih kha.Ngaihdamna neilo reuh lutuk.I laka ka awmdan hi i ngauhtuah tel pha lo reng reng.Min hmangaih a.,min hmangaih silo"

Chu thu awmzia chu a hre lo kher mai a.A han inngaihtuah vang vang a,a inthlahdul rual chuan Luc pawh chuan lei a rah tir ta chauh a.Lift atang chuan a hnuk chhuak dawn dawn a,a hmuh tawh a zawnga pindan mawi berah chuan a hruai lut a.

Luc chu a thinur hle ani,a taksa peng tinah chuan alang chhuak a,intur a inthlit chu a tlsk nghal pawp mai a,chutah Lizzy chu a hmachhaen ta a.

"Ka lak atang hian enge duh belh ila neih? Bianca kal tirin ka theih anga rangin ka nei che a.Ka chapona leh ka hmingchhiatna tur pawh ka dawn zo lova.Heng thil hi engvanga ti nge ka nih hi ila hmu tjiam hlawllo ani maw?"

A thluak buai chur chur chu ahan thing harh a,Luc chu a hma zawng aiin a tha in a nalh a,apa hluah hkuah bawk.A tawpah chuan a inhawng ta nge nge alawm le! A kut chuan a awm a dawm a,a thaw hlawo hlawp mai a,uite hlim ang maiinba ang pham mai a.

"Ti amo" ahan ti chhuak halh a.

Luc chu alo insang mar tlat a,alu alo bu nghut a."Londona kan mit a intawn hmasak ber atang khan.Keipawhin mak ka ti hle a,ka pi i an em vangah ka puh ta ringawt a,mahse alo ni hauhlo a,anih lah ka phal heklo.Ka buai zo ta a ni.Bianca nen inneih kan lo tum tawh bawk si..."

"In mudun tawh bawk a" alo ti zauh a.

"Enge sawi se min tih? Ka kum nena ngaihtuahin mi tilreh ang maia awm turah min ngai emni? Bianca nen kha chuan..."

"Sawi sub" An pahnih ahan khaikhin vel tur chu alo duhlo hle a.

"Ka sawi ang,tun ang hunlai te chuan unnei turte tan chuan mutdun chu thil pangngai anga ngaih ani tawh alawm.Mahse ka lo duhve na kha nang ka han hmuh chiah che atang khan a reh nghal vek ani.Kan inneihna tur kha Bianca sawi ang khan in hmangaihna vang ani lova,hausak lehzual tumna leh lalram zauh tumna mai ani.Nula nalh tak aniin a thisenin a zir bawk a.Tichuan,thlenga eitur inchhawp sa chu ei mai a awlsam a hriatna ka nei ta ani.Mahse ka han hmu ta che a,i mi melh dan kha hmuhnawm ti leh nuamti takin ka lo thlir reng thin a,engvanga lo lawma nuamti viau nge ka nih phei chu ka lo in ngaihtuah hauh lova"

Lizzy hmai dang lap chu ahan en a."I sam hi a mawi ka ti a,ngaihtuah miah lova i chet zawnga arawng inthlak te hi amawi ka lo ti em em a.I taksa mam nem thap,nu zan mai te hi ka duh a,khuma ka bula i mu lo tih hriat rimgawt pawh hian min ti na asin.I bula i taksa ngheng rial a mut te nuam ka ti a,i harh rual a i bula lo mu nih te hi ka kham ngai lovang.Ila hre zel duh em?" Lizzy chu alo bu nghat a.

"Awle,i nulat thinlanghlimna ka laksak danah che khan ka inthiam thei lova,i chungah khan ka che rawng nia hriatna ka nei fo ani.Bianca in ka fa apai nia a insawi laia i hmel put dan ang kha i put leh ka duh tawh lova.Tin kha kawr i hak lai,nalhlo zet kha chhuanlam atan i hmang a,i taksa nalh a khuhbo zovin a chhunga mi kha ka duh bawk,i phal ngai tawh dawnlo emaw tih tur hialin ka duhna che hi a nasa thin a.Tin...khalaia dinga i rilru inthiamlohna neia min en reng chunga i rilru put kha ka duh hle bawk.I rilru a mipat hmeichhiatna hman inthiamlohna awm...."

"Hmangaihna alawm jan chendun,in itna ringawt nilo"

Luc hmel chu alo lang hahdam ta thlup a "A tawpah chuan a un anlohna i hre ta alawm".

Lizzy sam chu a chulin ahan kuai dak a."A hring alawm.Ka thawmhnaw hi phihthlak vek ilo duh leh tawh anih hi"ahan ti su su a.

"I fa neih ka duh ani" Lizzy chuan alo ti sap a.

Luca mitmeng chu alo danglam a.Lizzy kawr kilhna a phelh sak zawng chuan a kut a khur ve dur dur hial a.An saruak rang dun kher mai a.

Englaiin nge khum an kaidun pawh an hrelo hial a,an in ena an innuih tawn ta var var a.

"Ti amo,Ellizabeth"

"Ti amo,Luc"

An pahnih a thawm chhuah tih mai loh chu an tawng leh ta lova.

"Kan leibat chungchang kha..."


Reife hnu ah Lizzy chuan ahan tichhuak fan raih a.Darkar tam a liam hman fe ang chu,thil a ngaihtuah chhuah hun chu.

"Damchhung pawhin ka tlaktir lovang che" tih pahin alo fawp leh tan ta a,Lizzy chuan nui har harin alo kuah let ve leh ta thlap a.

www.storyfb.com mizo story thar englai pawhin chhiar tur a awm reng

A tawp ta

He story chhiara ngaihnawm ti tute zawng zawng in chungah ka lawm e.Ka story post ah hian tihdik tawkloh tamtak ka nei ang tih ka hria a,a ziaktu leh a lettu hming ziah tel nachang ka hriat lawkloh avangin ngaihdam ka dil nghal e.Alo tawp takah chuan keima ziah ngei *Reign* chu lo tihchhuah ve ka tum a,min lo chhiar sak a ngaihnawm in tih ngei ka beisei.

Reign khuhhawnna

Hungary lal fanu chu an lalram chhanhim nan kum ruk mi lek anih laiin French lal nen inhual tir a ni a.Pasal nei rual alo nih chuan a pasal hual chu pasal a nei turin French a pan a.Lal fing,remhria leh thiltithei tak hausa bawk si chu,mahse buaina a awm,French lal chuan hmei duh leh hmangaih em em mai anei a,a hmei lah chuan nau apai mek si a,Lal fa hmasa ber tur chu.French lalnu chu niin Hungary chu a chhanhim thei meuh angem?.
Show post links

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)