STAR BOY II BY May Renthlei (Completed)

Episode nei ho a hlawm a dahkhawmna
Ngaia
Site Admin
Posts: 25813
Joined: April 30th, 2016, 4:07 pm

Re: STAR BOY II BY May Renthlei

Unread post by Ngaia » September 10th, 2017, 3:49 pm

Star Boy
Chapter-6
May Renthlei


Damdawiin kan thlen chuan anlo buaipui nghal vat vata. Pangai tak pawn ka awm theilo. Ka hlau thawng lutuk hi ka a mup theiin ka hria.

"Rutapui i tha em? Damdawiin ah ilo hruai ve tih kalo hria a." Zothana aw dam dap ka hriat chuan ka lawm ngei mai.


"Kei chu ka tha, Rinpuia zawk kha atha ang tiraw?" Ka aw pawh hlauhthawn vangin a chianglo ruai mai.


"Aw atha leh em em ang. Chhuah hun hma in alo kal chhuah a. A taksa in a zo lo anih kha." Ka dara ben thak pahin ati a.


"Khaw nge a pa hi a awm a?" Lawi ratin kati a.

"Rinpuia damloh vangin a aiawh turin Chennai lam ah nimin khan a kal a. Alo haw leh vat ang. Rinpuia hi a ngaihtuah lutuk a."
Rinpuia room atangin doctor alo chhuak a.

"Dr Zo eng nge a an?" Zothan an alo tivat a.

"Hlauh thawnawm ani love. Alo harh chhuak vat ang. Indim ala ngai deuh mai a nia." A tawngka chhuak atang chuan doctor zaidam tak anih ka ring.


"Awle kan lawm e." Min rawn melh a."Ruatpui lut ila."
Ka bu nghata. Pangai taka lan ka tum hram hram a ni.


Ala harh lo a. A bul ah chuan kan thu vang vanga. Darkar chanve vel hnu ah chuan alo harh a. Ka thaw huai mai,kuah nawk nawk mai ania ka duh ni.


"Ilo harh ve thei hram maw. Thu awiloh rah anih kha." Zothanan ngeiawm deuhin alo ti a. A thensaka.

"Kopiko" ati sapa. Chauh hmel deuhin min en a.


"I koipiko chu alo la thlenglo. Alo lawr tep ang." Zothanan atih chuan ka nghing lawih mai. Ka tawngtum pawh ka ngawi leh hmak a. Kan thungawi deuh ran hlawm a.

"Rinpui ilo harh chhuak ta bawk a. Kal mai ka ngai tawh a ni." Kati chhuak tawk a. Kal lo hram rawh tih melh hian min melh a.


"Nia keipawh damlo en kual ka ngaia. Kan kal mai ang. Kalo kal leh vat ang." Zothana chuan alo ti ve bawka.


"Ruatpui la awmla,ka chhungte lo thlen hma." Zawite in ati sup a. Ka kal lai chu ka ding data.

Kawngka a rawnin hawng a." Duhtak indim deuh tur che nia. Ti nge ilo chhuah a?" Karlie in arawnti luta. Keini chu min hmu ang pawn a awmlo.


"Zothan chhuak ang." A kut ah ka vuan a. Ka taksa chhung hi a na vawt vawtin ka hria.


"I tha em? I hmel lan dan adik miahlo." Min ngaihtuah tih hriat takin ati a.

"Damdawiin boruak hi ka zolo deuh aniang." Nuilui hram chungin kati a.


"Rinpuia nen hian in in hresa tawh em? Ahma khan. A endan che leh ilaka a awmdan hi amak thei lutuk a." Min melh ran chungin ati a.


Lu ka thing zeuh a." Zothan kal tawh rawh. Damlo ho in anlo nghakhlel tawh ang che." Kati sapa.


"Awle, in enkawl tha rawh. I damlo ve mai ang." Nuisangin ati a.


Ka in her a,muang changin ka kal chhet chet a. 'Duhtak,kopiko' chulai chu ari tlut tlut a. Ka mittui lo luang chu ka hrutawk a.
Ani hi ti nge ka theihngilh mai lo ang. Ani tello pawhin ka awm thei tho alawm.


Tu emaw nen kanin su a"Fimkhur ta che. Mawl reuh lutuk." minti hlaka.


"Tihpalh." Ka kal leh nghal maia. Minla melh ram zui.


Rinpuia nu pawh alo thleng chiah anih hmel. Car nalh tak atang alo chhuak a. A hawisang vah vah khawp mai.
Anni ho hi minti chau. Ka inkhalh haw leh ta nal nal a.


Zan ah chuan ka phone ri chhen chu ka la a. Arik ngun em vangin.
"Eng nge nita mawlh mawlh." Kati nghal tawp a. Ka mood a fu lo thlawt.

"Kopiko keimah." Ati supa.

"Karlie maw minti anih hmel." Ngeiawm zetin kati a.


"Karlie hi chutin ka koh ngailo. Min hmu turin vawikhat chiah lo kal leh la. Engkim hrilh fiah che ka duh". Ngenngawl takin ati a.


"Ngailo mai rawh se." Phone kati thi hmak a. Kan thaw kawk kawk a.


Rinpui nen pawh ni4 kanin hmu tawhlo. A call lah ka chhang ngai heklo. Zothana hnen atang damdawiin vawin ah a chhuahsan tih ka hria.


Ka school bang Zothana nen kanin hmu a. Coffee in pahin kan chawl a.

"Ruatpui Feli kha." Angawi daih a.

"Feli chu engtin." Kava kun hnai deuh ngeia.

"A duhawm reuh kati a." Ka nui chhuak hawka. A chhan chu tuna a hmel landan hi a nuihzatthlak em a ni.


"Ka duh e mai. Engtin nge bul ka tan puia ang. Tih sawi mai ta che." Mit ko ka san ak a. Cooffe in zeuh pahin ka thu awn diai a.

"I tawngtawng tam lutuk. Chutiang sawi ka tum pawh anilo." A tum bur a.

"Ka hresual anih chu. Mipa dang bem tu an awm ania. Itlai a nge." Ka nui haka. Min melh ram ram a.


"Hmanni khan thil ka hresual a Ruatpui." A hmellan dan thlakin ati tak riau a.


"Eng thil?" Ka melh kar a.

"Kopiko diktak kha kalo hresual a. Mahse a dik ka hretawh." Min melh let ve a. Ka thin a phu dap dap mai.


"Thil hriat sual hi i ching ve a. Kal tawh ang." Ka hlauthawng lutuk tlat. Ka hrechak tho na in.


"Chu nu chu i hreduh lo ami? Ani chu Rinpuia nunthlak danglam vek tu leh. Rinpuian anun a tel ve tura a mamawh ngawih ngawih hmeichhia ania sin." Ka kut chu nghet takin ka hum a. Ka khur ru tlat.


"Chu tiang nithei chu Karlie ani mai lawm." Kati chhuak tawk a. Ka awmdan teh nuai pawh hi ka chianglo.


"Karlie hi Rinpuia tan engmah anilo. Rinpuia hmeichhe hmangaih chu."

"Atawk min hrilh kher ka ngailo." Ka ding hluai a.

"Ruatpui nangmah ini." A sawi zo chu ka thu leh hnawka.

"Rinpuia hi ka haw tak zet." Tap tiauin kati a. Ka hmui ka hup a, tah mualpho chu duhlo viau mah ila. Ka mittui ka dang zolo.

"Bultan leh ru. Ka pui ang che u. Rinpuian a endan che hi ka hai hleinem." Ka hnungah a chul hauh hauh a.

"A harsa tak zet. Engkim hi."


"Nia in tuar hnem ve ve. Inti na tawn tawhlo in,sawifel ru."

In a ka awm hnu chuan ka in ngaihtuah vang vanga. Rinpuian minlo call a kala ve hram a.


"Kopiko kanin hmu lawk thei a ngem? In in kawtah ka awm a. Khawngaihin lo chhuak rawh."


"Ti hian sawi mai la."

"Lo chhuak rawk. Kalo nghak ang che."
Thawla hawkin ka chhuak veta hram a.


A motor nghengin alo dinga, minlo en char char a. Ka pen rual palh mai ang tih ka hlau, hetia min en reng hian ka la zam tho thin.


A driver hnen ah motor lova dah sawn turin a hrilh a. Kan in melh ran a.


"Kopiko engmah sawilo a, ka kalsan che vang khan pawi kati tak zet. Mahse i hnena ka thutiam kha kala hrerenga, ka tipuitling ngei bawk ang." In ringtawk takin ati a.


"Thutiam pui min ngah mah mah anih chu Rinpui." Ka nuilui saka.

"Karlie hi katan engmah anilo. Kan thawhpui satliah ve mai a ni." Minlo pan hnai a.

"Chu chu ka awilo."

"Kopiko min ring rawh, ahma ang khan awm leh ang." Mangang hmel hi a pu.


"Anih chuan Mizoram a ilo let khan eng vangin nge min hmu turin ilo kal loh." Thinrim deuh a tawngkhum ka tum nen, ka aw a chhuak tawk.


"Ram dangah i awm emaw ka tih vang alawm." Ka dar tawn tawn ah min vuan a. Chiang takin kan in en a.


"Engmah hi i chianglo, kei min hmangaih leh hmangaih loh pawh hi i chiang tawhlo ang." Thinrim zetin ka au khum a.

"Chu vang chuan ka..." Duhthawh fahranin min fawp a, nghet takin min chelh bawka.


"Nang hi ka theihngilh ngailo che kopiko." Nghet takin min kuah a,a khur deuh dar dar tih ka hrethei.

"Engtik lai pawh hian ka ngai em em reng che." A aw chu a mah ani talo hial emaw tih tur a ni. Min kuah bawrh bawrh a,thawk harsa khawp in.


"Ka thaw tha theilo Rinpui." Thaw tekin kati a.
Anui hak a, a inla hrang deuh a. Minla kuah reng tho a.


"Kopiko ka hmangaih che,ka chhungah hian thinrimin min haw viau mahla ka hrethiam vek ang che." Harsa ti takin chu thu chu a sawia.


Ka inla hrang deuh a, ka en cho kar a, ka awi theilo hial zawk Rinpuia mittui atla nia.


"Keipawhin kala hmangaih reng che. A hma ka sawi chhuah hman loh vang khan pawi kati."


A nghawngah ka kut pahnihin ka kuah a. Dingdi hlip ak in ka fawp veta thunga,ka engkim ka nei let leh ta ang maiin ka inhria. Ka biangah ka mittui a luang thla ngiai ngiai a. Ani pawh a bang biklo.
Kan thaw dun halh halh a.


"Kopiko kan tha ni tiraw?" Ati sup a.

"Aw tehreng mai."

Min pawm kang nawlh a. Ka te that a." Rinpui min dahtha vat rawh. Miin min hmu ang nge." Kati chul a. Bengchheng viau na chi nibawk silo.


"Zan dar12 ari tawh dawn. An muhil vek tawh ang." Alo ti et a.


"Chu pawh nise min dahthla vat rawh." Min dahthla veta hram a.

In en in kan nui dun leh hawk hawk a.

"Kopiko helai hmun lo hmundangah awm ila ka au vak chak." Nuih var var pahin ati a.


"Au vak la chu mi a maw anti ang che. I lian si." Ka nu dawr bang nghen dat pahin kati a.
Min si chetin alo ding ve a, ka kut a vuan lum thar thar bawk a.


"Rinpui he tia kan awmdun leh thei ta mai hi,awih ala har hial kati." A lam hawia melh cho kar pahin kati a.


"Keipawh ka hlim lutuk hi, ka in bin zankhua zak dawn emawni kati" Ka chal ah tauh dat pahin, mit min siai zeuh a.


"I damlo palh ang." Kan thawri tang ringawt pawh hian kan hlim tih a hriat hliah hliah.


Rinpuia chu a hmel ka en chho a, a hlim hmel eng set chu hmuh a nuam a. Ati lang hmeltha zual tak zet. Minlo melh let a, hneh zetin min kuah bet a. A awm nghengin ka thaw sak sak a. He thil ka tawn leh hun tur hi vawi tam tak kalo suangtuah thin si a.


"Rinpui kal tawh rawh. I driver khan alo nghak rei tawh ngawt ang che." Ka inla hrang dat a.A bula zankhua a awm hi ka chak lutuk. Naktuk ah hian kanin kalsan leh mai ang tih ka hlauthawng.


"Min ning tawh ani maw kopiko." Mit ti zim sanin chimawm deuhin min melh a.

"In hauh tan leh nghal iduh ani maw?" Ka in kuangkuah than a, a men dan chiahin ka meng ve a.


"Duh lo,duh lo. Ka haw dawn,ka haw dawn." A tum barh a.


"Awle anih chuan muttui aw. Kal tawh rawh le." Ka nui hak a. Ala tum deuh a.

"Lut hmasa rawh."

*** KAN WEBSITE A FAKNA LAM THIL MILEM LANG THIN I LO HMET ZEUH HIAN KAN WRITER TE HLAWH KAN TUMSAK ZEL TIH KAN HRE THEUH DAWN NIA, KAN LAWM E***

WEbsite link ho awlsam zawka in zawn hmuh zung zung theih nan STORY FB group siam a ni e, in lo hmangtangkai theuh dawn nia... Whatsapp group pawh siam a ni e.
Group link : https://www.facebook.com/groups/991354610918230/


Ka bu nghat a, in her in ka kal tawh a.Ka hnunglam atang minlo kuah leh hnap a, min thlahlel tih hriat taka a awm hmuh hi nuam kati.. A kutah kalo vawnsak a.


"I bula lo mut ve mai ka duh kopiko." A aw chuan min fan raih raih thei. A thawri hriat ringawt pawh hi katan chuan alawmawm.


Ka leh hawia, a hmui ah ka fawp zeuh a," Naktuk ah kan leng chhuak dun thei a ngem? Tlai lam ah." Kati sap a.


"Tehreng mai. Tun ah chuan ka luh tir tawh ang che." Min fawp leh vang vang phawt a. Hreh zetin kan in thlah thei ta hram a.


Zingah chuan nalh tawkin ka inchei a. Chawei lai techuan kalo nui leh thin a. Ka chhungte pawh chuan min nuih leh rah rah thin. Phur fahranin school lam pan chuan ka kal a.


"Miss vawin chu iva nalh ve a." Naupang ho in min fiam nak nak a. La thawh tirh nen, a chang hi chuan ka lai ve lek lek thin.


Ka hlim tak zet, school bana Rinpuia hmuh mawlh ani ka chak tawh ni.

Last period ka la zo office a ka lut tur chu Mike ang deuh nen hian kanin tawk a. Ka hawilet ha a.


"Mike" in ring tawk chiahlo in kati sapa. Alo hawilet a.
"Mike lulian ini tak tak elo." Ka nui chhuak hawk a.


"Nang eng nge hetah itih a?" Alo let leh a.


"Ka thawk alawm. Nang zawk eng nge ilo tih a?"


"Ka nau alut velawm, kan te ber Mami kha. Nimin alo kallo a, kalo sawisak. Ka nauin a sawi thin an miss Ruatpuii atih fo thin hi nag ini ang tih kalo ring hleinem" Min tih el deuh lek lekin ati a. Ka ner naka.


"Kha kha ani mai." Kati lah a." I nau chu nimina kallo kha anih chuan ka hria alawm."


"Itha mah mah tawh ani tih ka hremai. A lawmawm e." A nuisanga. Ka ke nat kha Mike hian a hria.


"Nia ka tha tawh lutuk. Chuan khu Rinpuia" parking area a motor lo dah mek chu ka melh a.


"Khai a, nangni pahnih chu." A tukhum a khawih zauh a.
"Ruatpui a nelawm lo in, atawh khirh lutuk tih Rinpuia hnuaia thawk ka hmelhriatin min hrilh a. Kala fiam ngam tho a ngem?" Rinpuia telam hawi thlak pahin ati a.


"Ngam loh na chhan tur a awmlo. Kal ang, ben harh leh deuh ngaiin a awm leh tawh zawk a." Nui hak hak chungin kati a.
"Ka bag kan la lawk." Office ah ka lut leh zuai a.


"Ruatpui nangmah duh deuhtu angin kanlang lawk aw. Rinpuia khu tih thinrim a chakawm." A keh huia.


"Chiloh, a buaithlak." Kalo ti nanga.


"Buaithlak loh. Naupang an bang zotawh tho a lawm." Naupang tlem chu anla awm tho. Rinpuia car chu a kal pel apiangin an thlek dak dak hlawm a. A nalh em bawk a ni.


Step ah chuan kan chhuk a. School kawt kan thlen ve leh min kuah thaka.

"I van ho mai mai tak Mike." Kati a. A helmet khum chu a siam tha sauh sauh a.

Rinpuia chu a car atang alo chhuak a. Mipa in min kuah chu a lawm hmel loh kher mai. To haw tur ang maiin a dur khup alawm.


"A thinrim zia saw. Tih chi lutuk." A bike dahna lam min kuai her a. Ka kut ah a vuan tlat bawksi.


"Ani kha thlah nghal rawh." Rinpuia aw chu Khawpui ri ang mai alawm .


"Ka thlah dawn reng alawm. An in thlengin." Mike chuan ngeiawm deuhin ati a.


"Sawisak hrep che iduh ami?" Min pawt phei dawr a. Mike chu a hnek mai dawnin ka hria.


"Mike" kati vak a. Mike chu a helmet la thla in a nui hawk hawk a.

"Nang pa mai mai chu." Mike a kuai kun dawr a. A nghawng ah a kuai bet tlat a.


"Rinpui min thlah rawh. Nupui nei rual ka nih tawh hi." Mike chuan thei leh theilo in alo ti ve tawk tawk a.


"I la mawl reng tho alawm." Rinpuian nuisuk chungin ati a.

"Inthlah tawh ru. Miin an ngaiin upa tawh che u." Nui rah rah chungin kalo ti a.


"Kopiko in a sawi vang chiahin ka thlah ang che." A thlah a. Anla in tin uai tho tho a.


"I va la chhe tho tak." Mike chuan Rinpuia melh pahin ati a.

"Nang alawm le,i chhe telh telh. Khawi maw i sam tehi ava thing ve." An in sawisa kual vel chu tihngaihna hrelo deuhin kalo en ringawt a.


Mike phone chu ari hlauh a. Inhmuh leh vat tiam chungin kan in vai liam a..


Ka luhna tur min hawnsak a. Alo thu lut ve nghal a. Min en in a nui a,a hmeltha chiang alawm. Kalo nuihlet ve bawk a.

"Ka in thar vawin chu min hmuh puila kopiko. Kan in pui atang ka insawn chhuak a."


"Ti nge i in sawn chhuah kher a?" Ka melh pheia.

"Hnathawh nan hmun fal ka mamawh deuh a. Bakah ka nu hrawn fanu alo awm tawh bawk sia." Ka hauh hlau deuhin min melh zak a.


Hauh ka tum lai takin a phone ari a. An in be mawlh mawlh a.


"Kopiko hotel ah kal lawk ang aw. Thil en fel ngai ka neia. Areilo ang." Ati a.


"Awle pawilo."
Hotel kan thlen chuan, anlo be nghal sawk sawk a.


"Kopiko chunglam ah chho lawk ila." Ka kut ah a chelh ran renga.


"Coffee kalo in zawk ang. Hetah hian kalo nghak mai ang che." Min en vang vanga.


"Awle tha lawm. Kalo let leh vat ang." Coffee min laksak vek hnu chuan a chho a. Alo leh hawi leh hram a. Kan in nuihsaka.

Chu lai thawk ho chuan mak tih hmel takin min en hlawm a.


10 minutes kal thu tlinglo deuh ang. Tih ah Muani te ka hmu a. Minla rawn hmu ve zuia.


"Kanin hmu ve thei ta hram maw. Zothana bula zin vel chu nuam iti viau ang chu." A hmui hnawih sen zet chu a pet sawi a. Athian nu nen chuan tham loh tih hriat zetin min melh a. Kei ai an san bikna ka hre hauhlo.


"Nia a nuam khawp mai. Sawisel bo a ni." Ka nuisanga. Muani ai chuan a thiannu hi a hlauhawm hmel zawk daih..


"Midang i hmu zo thlawtlo em ni a? Ka thiannu bialpa ilo tihbuai ngam zawka." Hlauhawm zet i chuan minti a. Ka nuih anti za zawk.


"Kopiko rei minlo titawh em? Tihpalh lutuk. Kal tawh ang." Chhan buai an ngailo hlauh e.


"Rei lo e." Ka nuih a. Ka kut ah vuanin min kai tho a.


"Unaupa ani hi hmeichhe tha lo tak a sin." Hmeltha si, ka thisen dawt kang vek duh hmel i chuan ati a.


"Unaupa a." Rinpuia chu ka melh ha a.


"Kopiko kal phawt ang." Ka lu ah chul zeuhin, anuia.

"Kopiko bul hnai ah hian lo awm suh ang che u." Anni pahnih chu rum deuh a melh pahin ati a. A farnu thinrim hmel chu hmuh a nuamlo tak zet a ni.


Min chhuah puia, car kawngkhar hawngin min thut luh tira.


"Kopiko an ni kha chu eng ah mah ngai duh suh. Ka nu hrawn fanu Caroline anih kha." Ka hmui ah a fawp zeuh a.


"Kan thlen hun ah i sawifiah deuh angai ang. Tunah chuan kan muhil lawk." Ka chhingzui nghal a. A nui ri chu ka hria. Zai a play a.


Mo kawrfual var thianghlim tak ha in Rinpuian biakin chhungah min lo kai luta. Mi tamtakin hlim hmel pusangin minlo en a. Biak in chhung chu a khat vek bawk a. Min lawmpui hlawm hle tih a hriat bawk.


Inneih thuchham kanti zo a. Kan hlim tak zet a ni. Pastor in mipui lam ah zawhna a zawt a.


"Keimah hian ka pawmlo, ka pawm ngai hek lo ang." Thinrim lutuk a,ring zeta au rilo chhuahna lam chu ka hawi pheia.

"Caroline" kati sap a. Kawr dum vekin a in thuam a. Huatna mit meng a khatin min en bawka.


Mi zawng zawng chu thawk leh khat ah an bo vek a. Ka tlu hnawk a. Rinpuia chu ka melh chho tawk a. Engmah ti theilo ka lo awm a. Rinpuia ka hmu thei miahlo leh nghal a.


Ka harh kawk a. Hlauh thawnna leh awm nawm loh na in min tuam a. Ka tha a khur dar dar bawk. Caroline hian engthil emaw tak ti tura ngaihna ka nei. Thil tha lam chu a ni hauhlo.


Tunah khan ka muhil nge, eng thil emaw tak hian min aikaih in ka hria.



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » September 10th, 2017, 3:50 pm

Star Boy
Chapter-7
May Renthlei
www.storyfb.com mizo story thar englai pawhin chhiar tur a awm reng

"Kopiko kan thleng e. I va chauh hmel ve." Ka hmai a chul kual a. Min ngaihsak tih hriat takin min melh a.


"Ka lo muhil hman a. Chu vang mai mai aniang. Ka chau hranlo." Ka nuihsak a.


"Awle anih chuan atha nih chu."

Kan chhuak a. A in awm na hmun chu fal tak chu ani hranlo. A bulah in nalh deuh deuh a ding ve a. Kawngpui bul ani na in areh raih tho mai. Mihausa ho insak khawm na anih hmel.


Pawnlam atang pawhin a nalh tak zet a ni.
"Kopiko ka password ah hian kopiko tih ka hmang a nia. I duh duh hun ah ilo lut vel thei tihna a nih chu." Min min siai khum in, a nuisak a.


"Ka lut ru ngun ngawt ang." Nuih hak hakin kati a. "In nalh tak anih hi." Kati sap a. A fai thianghlim ngei mai. A thawvengin hmuh a nuam tak zet bawk.


"I in vetho anih hi aw Kopiko. I hming vekin engkim ka dah a nia."


"I nupui pawh ka nih loh hi." Nui chungin ka hawi phei a. Alo tak run a, a fiamthu emaw ka tia.


"Ila ni vat dawn tho a. Ngah rei viau ka duh tawh lo a ni." Ka kut ah a vuan a. Fiah kak in min en a.


"I nupui ka nih hun ah chuan ka sual ngawt ang." Kan ti thla rawk a. A nui hak a.


"Nag hi chu i sual thiam ve lo ang." Mit ko san ak in ati a.
"Kopiko room ah chho lawk ang. In thlak ka duh."


"TV kalo en zawk ang." Rang deuhin kati a.


A mit ati zim san a, "Ngailo, lo kal ve rawh." Min kai chho dat dat a.


"Ka in tifai lawk anga, ka reilo ang. Ka kawrhak tur minlo lak chhuahsak rawh aw." Bathroom a luh pahin ati a.


"Awle kalo thlansak ang che." Ka hawikual a. A thawmhnaw dahna lam ah chuan ka kal a.


A room chu mipa room tih a hriat ngawih ngawih, a bikin a khum a tihdan leh a rawng hman atangin. A ni ruih a, a zau nuam em em bawk.


A kawr hak tur ka zawng kual a. In cheina chi hlir ka hawng fuh a. Mipa che fel tak chu ani, awm ze nei takin a in rem kual thlap a.Ka en kual dan dan a. A tarmit bawm chu hawngin ka vuah kual vak a. Keimahin ka nui ka nui ka nui mai. Sana ho te hi eng atan em em nge maw atih bik ni.

Awm hmun kawr a dahna chu ka hawng fuh hlauh a. Hak nuam deuh tur ka thlansak a. A nupui te pawh ka ang rum rumin ka hria. Ka nui var var a. Ka thil ngaihtuah vang chuan.


A bul chiah a mi chu a danglam bik deuh vangin ka hawng chhin a. Hmeichhe thawmhnaw alo awm dul a. Nalh tak tak anni hlawm bawk. Mak ti deuhin ka en kual a.

Tu ta nge nita ang? Helai hmun ah hian hmeichhia a hruai lut thin nge ni a. Karlie hi alo cheng ve reng tawh zawk.


Ka hlimna chu vawmbo ang duak ani mai. Ka thinrimin haw nghal nal nal a nia ka duh ni. Hlawm nawk nawk a. Vawmbo vek ka duh.


A kawr hak tura katih chu. Khum ah ka vawm pawp a. A room bathlar ah chuan ka zuk ding vang vang a. Khaw hawina nuam tak a ni. Khawpui chhung chu ralkhat atangin alang pe ut bawk a.


"Ilo ning hman em?" Ka kawngah a rawn kuah a. A inbual zo chiah bawk a, a rimtui ram ram mai.


"Ka rei lutuk a. Ilo thinrim hman ani maw. Tihpalh kopiko" Ka lu ah a fawp zeuh a. Ka tawng duh rihlo.
Ka dar ah a khabe a nghat a. A thaw ham ham a. Thli thaw chuan min chhem sang sang bawk a.


"Haw mai ka duh tawh Rinpui."


"Eng vangin? Zanriah kan kil dun ang chu." A lam hawiin min kuai her a. Mit meng nalh takin min en kalh a.


"Kan in hmuh loh lai khan hmeichhia eng zat chhiah nge i kawp a? Nge ni a helai hmun ah hian Karlie nen inlo cheng dun tawh zawk." Thinrim zet in ka tih khum a. Hmeichhe dang awmpui vel tura ka ngaihtuah hian ka na lutuk mah mah a ni.


"Kopiko eng nge isawi awm zia?Chutiang engmah a awmlo." Hrilhhai deuhin min en a. Ka tawlh hnung dat a. Min rawn vuan zui leh nghal a.


"A nih chuan sawng hmeichhe thawmhnaw te saw tu ta nge?" Ka tih khum vak a.


"Kopiko saw te chu." Min vawnna thlahin a sam a tuai zauh a.


"Ka haw dawn." Tih paha kal mai ka tum a. Min pawt let dawrh a. Chiang zetin min fawp a.


"I ngaih dan a diklo kopiko. Minlo zui rawh." Ati nghuta. Thawmhnaw dahna lam ah min kai phei a. Lungawi lo zetin ka zuia.


Thawmhnaw bawm chu a hawng a." Heng te hi nangma kawr tura ka tih vek anih hi." Ka darah vuanin min kuai her a. "Helai thlalak ka tar tehi i hmu lo mi?"

Kan school kal lai form nen a kan thalak chu a chung lam deuh ah lian deuhin alo in tar a. A lunglen thlak tawp. Atir khan engtin nge kalo hmuh loh theih ni. A lansarh nen.


"Hmeichhe thawmhnaw ho saw kata ani bawklo." Kanti leh hram a.


"Itana ka lei an ni tho alawm." Ati nai nai a.
" Kopiko thinrim ringawt lo la umm." Ka biang leh lam ve ve ah vuanin sexy lutukin min melh vang vanga.


"Eng rilru pu a, minlo lei lawksak nge inih le?" Nui rah chungin kati a. A thawhuai a.


"Ka nun engkim ah hian itel ve tlat a ni kopiko. Engpawh tidawn ila ka ngaihtuah hmasak ber ini zel a, kopiko hian engtin nge a ngaih ve ang tiin ka ngaihtuah thin." A aw ri leh athil sawi engkim hian min hneh tak zet. A mit mengah dawt a sawi loh zia alang chiang hle bawksi.


"Ka lawm e." Ka kut in a nghawng ah ka kuah hnalh a. A mit meng nalh lutuk tuar zo tur hi chuan ka en loh tawp angai ang. Mahse ka enlo theilo.
A hmui ah ka fawp zeuh a.


"Kha chauh kha maw." A thensuk a. Bangah min nawr bet a, chinlem neilo in min fawp bawrh bawrh a. A kut a vak kual ruai a. Keipawhin nghet taka kuah letin ka chhang let ve mawlh mawlh a.


"Atawk duhtawk ang." Ka thle sawn a. A hmuiin ka biang leh ka nghawng vel a fawp kual dan dan a,min nawk na na bawk a. Ala duhkhawp lo tih ka hria. Mahse kan tawp angai a ni..


"Rinpui khawngaihin duhtawk teh." Kati chhuak halh a. Kan mumal lo dun tak zet a ni. A thaw huam huam te, kan lungphuri dup dup leh leh rang zaih zaih te hi, kan thunun theih piahlam a ni.


"Kopiko" Ati sup a. Ka melh chho a, ka kun leh nghal vat a. A mitmeng hi ka en reng anih chuan engpawh ka tihpui duh mai dawnin ka hria.


"Rinpui chhuk tawh ang." Ka che deuh a. Hreh deuhin a awmsawn a, min tilui dawnlo tih ka chiang.


"Awle" Ka kawngah a vuan a. Kan chhuk thla a. Pangai tak chuan kanla awmlo ve ve.


"Rinpui nangmahin i awm ami ?"


"Eisiam tu leh intifai tu an awm a. Vawin chu chawlh ka pe."


"Anih chuan a pawi loh chu." Kati a.


"Pawilo tak a ni. I ei siam ka ei loh na reitawh zia hi kopiko." Ati hluai a.


"Ka tiffin ei zo tu lian kha ini miau a." Nui chungin kati a.


"Ka eitui bikin ka hre tlat alawm." A nuia, fridge hawngin siam tur alo la chhuak a.


"Ti hian kalo thu mai mai ang aw. Mikhual ka ni bawk sia." Dawhkan bawhin a che vel chu ka en a.


"Ini bawk lo aw kopiko, minlo pui rawh." Kut kuangkuah thakin mit tizim deuh sanin min en a.


"Awle siam tak tak ila." Ka tho a. Alo nuisanga, thil chi hrang hrang kan siam teuh a. Kan nui bawk bawk a.
Rinpuia nuiri hriat hi anuam ngawih ngawih, min fan rain rain thin. A nuiri hi midangin an hriat ve vak ka ringlo.


"Rinpui ei tawh ila." Kan chawhmeh siam ho chu ka chhawp dan dan a. Minlo pui vata. Nupa niawm tak kan ni. Kan hlim zia hi, tiang hian kumkhua in awm thei mai ila aw.


"Kopiko tihian cheng dun thei tawh mai ila kati ngawt mai." A thil ei lai chawl meuhin min en a.


"Keipawn ka tia lawm. Ala thleng ve em em ang." Ka nuia. Rem lo deuhin min fawp hram a.


"Thleng chu sil lo mai ang. Naktuk ah an lo kal leh nghal dawn tho a." Ati a.


"Ka pawmlo. Kan tih hnawk thianfai lo a kalsan chu ka duhlo." Apron chu ka hrenga, arum nghata.


"Nih chuan kalo pui mai ang che." Ka hnung ah dingin ka kut phuan vek chu arawn khawih a.


"Thleng a lawm sil fai tur,ka kut nilo in." Ka leh hawi a.


"Awle anih leh." Min pui tha ve maia." Thleng ka sil ve nia,kopiko." A nui huk huk a.


"Pasal tha tak ini dawn e." Ka nui kar kar a. A hmui ati pawrh deuha. Duhawm lutuk.


"Kopiko ha nawt dun ang le." Ka dar tawn ah avuan a,min nawr dat dat a.
"A pink kha ita nia, a pawl hi keimah." Toothpaste atat a,minlo pe a.


"Minlo ngaihtuah tel vek tak tak a." Nuam chiang alawm. Ha kan nawt dun suah suah a. Thil arual a tihdun vel chu nuam kati tak zet. Ani pawh in nuam ati in a hlim tih ka hria.


Kan taksa chu insi reng ang a ni.
"Kopiko tv en mai mai ang aw. TV ka en lohna pawh hi arei tawh." In ngheng rialin kan thu duna. A awm ah ka lu ka nghat a. Min kuah than a.


"Rinpui Coroline kha engtik atang nge in in ah alo awm ve a?"


"A rei leh deuh tawh. Hmundanga ka awm laiin ania,alo awm ve." Ka lu ah a fawp zeuh a.


"I ngaina em? Hmeiche hmeltha tak anih kha." A hmel ka mitthla ah alo langa, hmeichhe fel hmel tak angin ka hmulo.


"Ngaina tur pawn a bul hnai ah kala awm lem lo a. Ka ngaina lo ang." A aw tang pawn, ani chu a pawm chiah lo tih ka hria.


"Ngainat tum chhinla, unaunu neih te chu itan pawh a nuam dawn alawm." In kawmngeih se kati tak tak.


"Kopiko ka bula i awm chuan atawk. Chu chuan minti hlim ber."Ati sup a.


"Min thlah tawh mai la. Atlai lutuk hma hian haw ka duh a ni." Ka awmdan siam remin ka melh chho a.


"Haw tawhlo maila kopiko. I haw hun ah ka khua a har dawn lutuk." Tak raihin min en a.


"Kalo bia ang che. I khawhar te chu ka phal bik hleinem." A hmai ah ka khawih a, ka nuih sei a.


"Awle nih chuan ka thlah ang che." A biang ka khawih na kut chu la sawnin a fawp zauh a.


Ka kawngah a kuah a,kan chhuak a. Kawngkhar min hawnsak ah chuan ka thu lut kak a. Ani pawh alo thu lut ve nghal a. Ka kut chu a vuan renga, a bula awm hi engtik lai mai pawhin nuam kati in ka hne ngailo. A bula awm reng mai hi ka duh zawk.


"Rinpui lo lut kawila. Ka chhungte pawn an hmu chak tawh ang che." Ka melh phei kiau a.


"Lo luh kawi chu ka duh viau a,hnathawh tur pawimawh ka neia. Naktuk zan ah lo kal ka tum mai dawn nia." Minlo en zawk a. A nuisak a.


"Rinpui engtik lai pawhin i buai em em reng thin ami?"


"Hna chu ka ngah lutuk a, ka buai bawk. Mahse ka hna zawng zawng aia minti buai thintu a awm a." A hmel ati ner deuh a.


"Eng chu maw? Kalo chinfel sak ang che." Pawr deuhin kati a.


"Kopiko nangmah bak bak a minti buai theitu hi chu an awm tawh kher lo ang." Hmui chip chungin a nuia. He tia nuih hi ala inhmeh reng a ni.


"Naa a pawi chuan loh chu a." Ka nui hak hak a. Kanin kan thleng zawm ve nghal a.


"Kopiko" ka hawilet vata. Min fawp leh vawng vawnga.
"Kal tir che hi harsa kati." A chalin ka chal a si a,a thaw ham ham a.


"Naktuk ah kanin hmu leh nghal dawn a lawm." Ka chhuk a, alo chhuak ve nghal a.
"Rinpui kal tawh rawh. Hna thawh tur ila neih kha."


"Lut phawt rawh. Mipa in anlo chang palh ang che." A nuisuk a.


"Awle nih chuan muttui aw." Ka fawp zeuh a, in her in ka pen lut a. Ka hawi let leh zauh a. Minlo la en renga, va let leh a kuah vawng vawng ka chak a ni.


Ka ban ka vai zeuh a. Alo vai let ve a,a nui a. A hmeltha chiang alawm.
Amah ah hian ka duh ang zawng zawng chu ka hmu kim in ka hria. Famkim lohna nei vek chu nimah ila. Kanin hriat thiam phawt chuan.
In chhunga ka luh hnu ah a tlan chhuak veta chauh a. Ka hlim veng veng.


"Bawihi ilo hawtawh maw? I va eitui bawk em?" Ka pa in minlo ti vata. A TV en na ah chuan ka thu ve nghal a.


"Aw tui e,ka hlim khawp mai." Ka hlimzia chu sawi kher lo pawh ni ila ka hmel ah alan ka ring.


"Kha tia i hlim hmel kha lawm engtik lai pawha hmuh kan duh thin." Ka hnung ah a beng thak thak a.
"Puitling in nitawh a, awmdan mawi leh tha chu in hrethiam vek ang chu tiraw?" Ati dam dap a.


"Aw hria e." Ka bu nghata.


"Ka ring tawk che lawm Bawihi." Min rintawk zia min hrilh hian, an duhdan lova awm ka hlau thin. Min rinna tih chhiat ka hlau a ni.


"Bawihi han inti fai la. Ei tur iduh ve em?" Ka nu in thingpui lo chawi phei pahin ati a.


"Duh lo mai. Kala puar a, kan inti fai lawk a nge." Ka room lam ah ka chho nghal a.


Ka inbual zawh hnu ah phone ka en a, Rinpuia message alo awm a. Nuisak chungin ka en a.


Tuitakin ka muhil a. Ka hlim tak zet a ni. Ani ka nei let leh hi ka lawm bawk a ni.


Rinpuian zing dar2 ah, 'ka mu dawn chiah.' Tih alo thawn chu ka hmu a, a buai thin ngawt ang. Ka khawngaih tawp.
Nileng bakah zan lama thawh chhunzawm ngai nen. Ala zin kual reng zui bawka.


School ka thlen chuan anlo ri laih laih tawh a. Office lamah ka lut nghal a.


"Nimin ah lo lam tu che hmeltha tawk,pa zet mai i nei an tia nia." Miss Mawitein minlo tinghal a. Minlo hmu hman emaw ni.


"Ohh chutiang pawh kalo hre hleinem." Naupang homework check pahin kati a.


"Pasal min neih khalh vaih i chaklo ang." Minti a. Kan nui hawk hawk a.


Class ka neizo ka phone ri chu ka la a."Zothan itha maw? I reh hle mai." Zangkhai vahin kati a.


"Aw tha e. Nimin thil thleng kha pawi kati khawp mai, Muani te kha nia katih chu." Arawnti nanga.


"Engmah anih loh kha. Rinpuia nen kanni hlauh a. Engtin mah minti hleinem." Zangkhai vahin kati a.


"Rinpuian min lo hau alawm." Nui kur kur chungin arawn tia.


"Alo hauh phah ang che tih ka lo ring pha hleinem." Rinpuia tak hi chu aw, atha leh lutuk a ni.


"Nia a hauh na dawn khawp mai che. Anui hmel kan hmu leh thei ta a alawmawm tak zet ani Ruatpui." Thutak deuh zawkin arawn ti leh a. Ka nui hak hak a.


"Ben harh deuh hi angai thin a. A unaunu Caroline leh Muani kha an inkawmngeih viau ami?" Kati a.


"Kawmngeih ve tho mai. Hnaih lutuk lo ve ve rawh aw."


"Eng vangin?" Ka hnaih theih tur chi an nilo ve ve.


"I kawmngeih thei dawn chuanglo a." A nuia.
"Nih phawt aw Ruatpui."


"Awle hnathawh nuam le." Kan in biakna chu kanti tawp a.


Muani leh Zothana hi an in kawp ve zuai tawh a. Muanin a at chilh leh a zar hneh lutuk vang chauh leh nghalin. Hmeichhe pangai tak chu anilo.
Zothana leh Feli anlo in zui ta anih pawn atih buai loh hram ka beisei a ni.


Zan lam ah Rinpuia a buai deuh vangin alo kal leh theilo a, a sumdawnna hian ati buai tak zet tawh a ni. Mahse minla ngaihsak viau thoa a lawmawm.


"Ruatpui i awm maw? Kalo leng a." Tluangi ka room kawngkhar ah alo dak a. A khi thaw a.


"I van fel tak. Khum ah hian inkawm ang." Phur deuhin kalo ti a.Ka khum ah kan thu mu deuh a.


"Rinpuia nen in tha leh tawh chu a lawmawm hle mai." Ka phone melh zauh pahin ati a. Rinpuia nen kanin be mek a.


"Keipawh ka lawm tak zet a ni. Mahse a buai tawh lutuk a. Duh duh hun ah a hmuh theih tawh loh." Kati nai nai a.


"Atha daih zawk anih chu." Ngeiawm deuhin ati a. Rum deuhin ka melh a.


"Unaunu Caroline a neia. Kanin melh no thei ngawt ang." Nui chungin kati a.


"A fel loh vaih chuan, in in dang daih ang nga nimai lawm." Nui awrh awrh in ati a..


"Kan inneih ngawt dawnlo aw." Nui chungin kati a.


"In intawn leh dan vel tehi khuanuruat in nih ka ring tlat Ruatpui."


"Nangni pawh Mike nen hian in nih ka ring ve tlat a ni." Ka nuih a. A ner nawnga.


"Kanin ngaizawnglo aw, vawikhat mah. Min dem ve ziah suh." Ka chal a nem vak pahin ati a.


"Navy a atan atangin pangai tak pawhin inla in hmu leh hleinem Tluangi. Mike te chu a fel alawm." Nui tha chungin kati a.


"Nia a fel chu kati a,a chelo bawk. Kalo kal chhan chu high mountain a class12 kan kal pui ho khan reunion nei ang u an tia. Kal ve ila, ihman a ngem?"


"Kal chu atha ngawt ang. Hmuh an chakawm hlawm alawm. Kum7 lai kanin hmu tawhlo hlawm bawka. " kati a.


"Nia kal tum ang, ka hmuh chak hlawm tawh zia mai chu, ka za zek zek tawh."
High mountain kan kal lai vel kan sawi zuia, kan nui vak vak a.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » September 10th, 2017, 3:50 pm

"Mike nen inhmuhna remchang tha tak innei dawn ania aw Tluangi" A hmai si tepa en chungin kati a.


"I van ninawm tak. Rinpuia lo kal pui ang che. In chanchin leh nangni pahnih hmuh dun leh cheu hi nia kan duh." Ka khum a thawhsan a. Darthlalang hma ah chuan a insiam tha mawlh mawlh a.


"Rinpuia chu a hman leh hman loh kalo zawt ang. La awm ve rihla ala hma tho a."Kati a.


"Zana hmeichhe chhuah pawh amawilo a, lenrei te chu achi nang." Ati liam puat a.


"Thiante in a len te chu a ho e." Kalo ti a. Zana hmeichhe chhuah ching hi amawilo chu kati a. Zana rei deuh deuh len chin hi nia ka tih.


"Minlo thlah rawh." Min pawt tho a. Kawt thlengin ka thlah a. Ka lut leh nghal a.
Ka chhungte bula rei vaklo ka awm hnu in ka room lam ah muturin ka chhoh sana.
Naktuk ah Rinpuia nen kanin hmu thei tawh em ang chu.


"Kopiko zan ah kalo kal ang. Ka ngai tawh lutuk che." Ka zing tho Rinpuia message ka en chuan minti nui var var a.


Sir Albert a birthday anih vangin lunch ei chhuah an rawta. Kalo aw ve maia.

Kan chhuak ta hlawm a. Kan kal kim vek chhuanglo a, pa6 kan kal.


"Ruatpui kan in hmu khat hle mai." Karlie chuan minlo bia a, anui sang na in, min ngei hmel riua in ka hria.


"Nia kanin hmu khat khawp mai." Kati ve maia. Ka thiante chuan min luhsana.


"Nia kei hi chu ka zin kual deuh renga, Rinpuia nen hian kan ni deuh chawt zel a. Tun tum chu min zui ve hman lo zawk a." Inti thei deuhin ati a. Ka nui tawi tak mai.

"Zothana nen khan in tha zel maw?" Leh ta nghal chuan, ninawm reuh mang e.


"Ani nen chuan thian alawm kan nih. Ka kalsan phawt mai ang che." In her in kal mai ka tum a.


"Zothana nen chuan in inhmangaih viau emaw ka tia." A nui hak a.
"Rinpuia nen chuan in neih vat kan tum asin, kan chhungte ve ve pawh an in hmu thlap tawh." Ka hawi let leh a. Lungawi hmel fahranin a nuisanga, engkim kati thei tih melh tak hian min melh a.


"Ka kal phawt mai ang." Karlie chu a kal vah vah a. Nalh zawng a nalh chiang alawm, a car sen vut tle hlarh chuan a in khalh chhuak a.


Ka rilru chu ati na tho mai. Inneih thleng thlenga lo sawi tawh chu. Rinpuia zawh chian ngei ka ngai a ni. An zin dun fo bawka. Ka thik tak zet.Rinpuia bula hun ka hman theih loh laiin a hmang reng thei bika. Ka mood ati chhe zo vek.



Phurlo deuhin ka thiante bulah chuan ka pheia. Ka hlim leh ta phian, Rinpuia hi rin ka duh ani. Karlie thil sawi vel mai mai awih ka duhlo.


Zanah chuan door bell arik veleh phur deuhin ka tho chhuak a. Rinpuia kawngkhar bulah inkhai bawr deuhin alo ding a, avan tha fuh chiang tak. Kan in nuih var var a. Kuah vawng vawng mai ka duh.


"Rinpui teh hlawl che chuan lo leng rawh khai,I hmel kan hmu ngai tawh dawn lo emaw kan lo tihman alawm." Ka nu chuan alo ti chula.


"Kalo lang vat theilo a, min hrethiam ru. Hei thupha chawina pawh kalo keng thlap." Athil khai bawrh teuh chu ka nu a pe a. A nui sanga.


"Kan pawm duh dawn emawni le." Ka pa in room atanga lo chhuah pahin thutak deuhin ati a. Atum hmuk a


"Ka pa" kati a, Rinpuian nuamlo atih hmel ropui.


"Hetiang tih te angaih loh nen Rinpui." Ka nu nen chuan a thil lo ken chu an in pe a.

"Pa a uan na hun pawh anih loh hi, I fiamthu thawh ve dan khan ati hlauthawng zawk." Ka pa melh rum pahin ati a.


"A nuam ve lawm. Sitting room lam ah phei ang u." Ka pa in nui huah huah chungin ati a. Rinpuia dar a kuahin an phei duna, kan nui ta veka.


Ka nu leh pa te chu a kawm bawrh bawrh a. Kan nui leh chiam thin bawka. Ka nu leh pa ten reimawi tawk tak min thutpui hnu chuan min thawhsana.


"Kopiko ka ngaih hman zia che hi." Min kuah nghal hlu hlu a.


"Min ngai vaklo aniag min hmulo in i awm thei ania."


"Ka ngaih zia che chu a." Min kuahna thlah dulin min en a.
"Ka buai lutuk hi aw ka ngei." Anti ringawta. Ka nuih tawpa.


"Min ngaih tho chuan atha ani mai." Ka hmui ah chuan a fawp vang vang a.


Thatchhe deuhin amah ngheng rialin ka thu a. Phone kanin khawih thlenga.
'Ka ngai tawh lutuk che. Min hmu turin lo kal vat rawh." Karlie message lo thleng chuan minti lawmlo tak zet.


"Rinpui Karlie nen hian in inkar ah engmah a awmlo tak zet em?" Ka tho hluai a. Ka melh kar a.


"Awmlo, sumdawnna thil ah bak in kung kaihna kan neilo." Ka kut ah vawn atum a, kal sawnin thutthleg dangah ka insawn a.


"Vawin ah Karlie nen chuan kanin hmu." Lungawilo deuhin kati a. Ka bulah alo insawn leh nghal a.


"Kopiko min en teh." Ka dar tawnah a vuan a. "Engpawh miin tiin sawi se,keimah chauh hi min ringrawh. Ka engkim ini kopiko" Nalh lutukin min en a, ring tura min duh zia alang chiang hle bawk.


"Mahse Karlie in inneih hial in tum thu pawh asawi alawm." Karlie chuan alo la call zuia.
"Kha be rawh. A message pawh a awm." A phone ka pe a. Ka dar a vawnna a thlah a. Leh lam ka hawi hmak a.


"Kopiko a harsa zawngin awm suh. Ka tan chuan nang chauh i awm. Min ring tawp rawh." A lam ah min pawt hnaia.


"Anni ho in min tawngkhum theih dan turin awm suh ang che." Kati nghata.


"Ka hmangaih che kopiko." Ka mit taka en chungin a sawi a. Ka chal ah a fawp zeuh bawka.


"Engkima rin vek che ka duh." Kati sap a. Maimichhingin ka thawhalh a.


"Min ring thei ang." Min fawp vawng vawng a. A bulah hi chuan engkim hi atha vek ani mai.
Kanin thlah a, kan thawdun halh halh a.


"Atawk." A kut che reng chu ka vuan beta, a nuiri haka.


"Kopiko misualpa." Nuisuk chungin ati a. Ka inla hrang data. Sofa hnung chu a ngheng dawt a. Minlo melh phei kar a. Kalo nuih a. A tum bar a.


"Reunion neih an tia, a hun tur chu kala chiang chiahlo a. Kal va ila." Kati a.


"Hun neih kalo tum dawn nia. Mahse midang angin ka zalen thei dawnlo ania." Ka mal chungah a mu zarh a.


"An hrethiam ang che, kan lal hmel deuh dawn ani maia." Nui chungin kati a.


"Nia ka bialnu ini tih an hriat chuan tibuai tu itawng ang tih ka hlau a. Chutih rualin ka ta inih zia mi zawng zawng hriattir ka chak bawksi." Ka hmai a chul kual riak riak a.


"Miin hrelo mahse,kan pahnihin kan hre tho a." Lo tho kang deuhin ka hmui ah a fawp zeuh a.


"I sawidik, kopiko tihian ka muhil lawk dawn aw." A mit a chhingzui nghal a.


A lu ah chuan ka chul a, a hmeltha tak tehi ka thlir ning thei ngai dawnlo a ni. A hmui sexy zet, fawh nuam tak tehi. Ani hian min hmangaih chu ani sia ka vanneih tak zet a ni.


Kun hniamin ka fawp zeuh a.
A rawn meng siar siar a," Kopiko ti tha leh teh. Anuam riau." Ati ham ham a.


"Tho tawh rawh. Tihna anih kha." Kati ta ringawt a.
Alo tho ve maia.


"Kopiko min thlah tawh rawh." Ati sup a. In kai rialin kan chhuak a. Atlan liam thlengin ka thlir zuia. Ka ruak huaiin ka hria.


Ani nena kanin kar hi tha reng tawhse kati tak zet a. Mahse paltlang tur tam tak kanla nei si a, harsa viau mahse kan la paltlang thei em ang chu maw...

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » September 10th, 2017, 3:51 pm

Star Boy
Chapter-8
May Renthlei


Kan reunion neihni tur chu an ti fel tawh a. Tunkar rinni hian a ni. Ka thian te ho hmuh ka phur tawh tak zet.


Chuan vawin ni hi thawhlehni a ni bawka. School lam panin ka in khalh chhuak leh ta vau vau a.

School ban ah Rinpuian minlo lama,ka scooty a drivera khalh haw tir hmak a.



"Rinpui i buailo mi? Minlo hmuh hmana." Nghen talh pahin kati a.


"Nang hmu tur che hi chuan eng pawh ka kalsan hreh hauhlo ang." Ka chal ah a fawp zauh a. Ka nui var var a.


"Rinpui nih chuan khaw nge kan kal dawn?"


"Kan lengkual khat tawh em a. Kan spot ah kal ila, kan kal dun khat tawh sia."


"Awle tha lawm." Kan tlan chhuak ta nghal a. Teachers dang ho min hmu hman an awm a, min fiam nasa leh ngawt ang.


A hmun kan thlen chuan, kan hawi thawveng a. Helai hmun hi kan tan chuan hmun pawimawh tak a ni.


"Kopiko he lai hmuna thing kung hi alo lian vetawh hle mai." Ip te zen tat chungin a thlir chho a.


"Nia a hma kha chuan keini aiin a sang awrh thin kha nia." Ka thlir pui ve nghala.


"Helai hmun ah hian i kal fo thin em kopiko." Khawpui lang uar lam chu ka hawisan a.


"Kum4 lai chu ka kal biklo. Ka theilo a." Kati sap a, ka ke nat lai. Ka beidawn ngawih ngawih hun lai leh Rinpuia ka kiangah awm vese ka tih deuh lai kha ka hre chhuak ram ram a.


"Pawi kati tak zet a ni." Ka kut ah arawn vuan a. Ka ngaihtuah chhuah a hria ani ngei ang. Ka nuihsak a.


"Thil kal tawh alawm. Engkim athat vek tawh hi." Ka melh pheia, minlo melh vawng vawng tih ka hre chiah.


"Mahse engtik ah mah ka theihngilh thei tawh lo vang. Ka tih dik loh zawng zawng te kha rulh let leh vek che ka duh a ni." Ati sup a. Ka hnunglam atang min kuah a. A hmuiin ka nghawng leh biang vel a nul thuak thuak a. Ral leh lam chu kan thlir dun a. Aizawl khaw chhung chiang takin alang bawka.



"Ni tla tur sen phut sawn lung ati leng tak zet. Kum7 kalta khan tiang hun chiah ah hian helai hmun ah kan ding dun anih kha." Kati a. Ka mitthla ah arawn lang iai iai a. Ngaihawm kati tak zet zet a ni.


"Kopiko ka lawm e. He tiang dinhmuna ding thei tura chakna min pek avangin." Ka kut vuanin ka sir ah a ding a.


"Keipawh ka lawm e. Nang ang mipa ka tawn vang hian." Min kuai her a, a mit meng thil tithei tak chuan min aikaih vekin ka hria.


"Ka hmangaih reng ang che." Lo kun hniamin min fawp vawng vawnga. Engkim hi ka nei ta vekin ka hria.
Min kuah leh vawng vawnga, a lungphu ri dap dap te leh a taksa sik nuam leh chak tha em em te hi ka duh vek a ni.


"Haw tawh mai ila Rinpui." Ka kuah nghet sauh thunga. A nui nghawr data.


"Kopiko naktuk ah ka zin chhuah angai dawna." Ati sup a,inla hrangin ka melh chho a.


"Rinni ah ilo haw hman a ngem? I tello chuan nuam kati dawnlo a nia." Pangchang deuhin kati a.


"Ka chiang chiahlo." Ka inla hrang nghal vata. Ka thinrim nghal ringawt, a buai zia chu ka hre tho a.


"Kopiko thinrim nghal lo la umm." Ka biang leh lam ve ve ah avuan a. Ka melh duhlo lui tlat a.


"Chawhnu lam ah tal kan kal hmanlo mi?" Kati sap a,ka ngui ruai mai. Min zinsan dawn pawh tih tawh naklai.


"Awle zirtawp ah lo thlen hman ka tum ang." Zangkhai vahin ati a.
Ka hmui ah a fawp ri chek a. Hawi chho in ka nui veta hram a.


"Ilo thlen hman loh chuan ka be duh tawh miahlo ang che." Hmui tisawiin ka melh chho a. Ka hmel tihdan chiahin ati ve nghal a. Nghal lutuk mai.



"Awle ka lo thleng hman em em ang." Lungawi deuh chuan kanin zui haw ve maia.
Min zinsan reng dawn chu ani sia. Lunglen thlak duh dawn mang e.


Atuk zan dar11 vel ah minlo call a. Ka chauh deuh vangin kalo chhingsek hmana.


"Kopiko i mu tawh bik ami?" Arawn ti dut a.


"Aw mu tawh e." Ka ham bai bai a,a nuiri mawi tak chuan min fan raih raih mai.


"Kalo be vat theilo che a, tihpalh lutuk. Kala buai char char a." In thiamlo deuhin arawnti a.


"I buai zia ka hria lawm, pawi tiduh suh." Kati sap a. A aw hriat ringawt pawh hi a nuam.


"Bialnu fel deuh neih chu anuam hle mai." A thaw hak ri chu ka hre thei.


"Kha kha nimai. I hah chawlh hman tawh ami?"


"La hmanlo deuh. Ka thawk rei vak tawh chuanglo ang."


"Hah lutukin thawk suh aw, I damlo leh palh ang." Ka ngaihtuah tak zet a ni.


"Awle nang berin itih techuan, min ngaihtuah deuh tu neih chu anuam hle mai." Hahdam hmel takin ati a.



"Ngaihtuah tak che ka ni. I mutdawn ah minlo hrilh rawh aw."


"Awle kalo hrilh ang che. Kopiko muhil tawh rawh le. I mumang ah minlo hmula, mipa dang ihmuh chuan ka sawisa hrep dawn a nia." Thutak deuhin ati a. Ka nui kar kar a.


"Awle kalo hmu ang che." Kanin biakna kan titawp a.
Keimahin ka khi var var a. Ahma pawh khan tiang hianin a sawi ziah thin anih kha. Ka hrechhuak ram ram mai.


School ka thlen ve leh miss Mawitei ka bulah alo thu hnaia.
"Miss Ruatpui thawhlehni ami kha a thalak tal ka hmu duh ania, a hmeltha anti ropuisi." Arawnti sa sa a. Kalo nuih ringawta.


"Kala inhmel hriattir dawn che nia." Katih chuan a lawm var var khawp mai.

Ka bialpa hi a hriat hunah chuan mak ati nasa ngawt ang chu. Ami hmuh chak em em ani si a.


Vawin class chu an bengchhengin thu an awihlo khawp mai. An ngaithla tha vak bawksi lo. Ka hrethiam deuh tho, a ninawm chang atam ve em a ni.


Rinpuia pawhin a hun awl ah chuan minlo be ziah a. Zan lam ah hi chuan kalo muhil hman thin. Athawhrim zia nitinin ka hriat belh zel chu a nih hi.


Ka phone a thalak lo thleng chu ka en a. Karlie leh Rinpuia thalak a ni, ka sa pup pup mai. An zindun leh tawh tihna ani ngei ang. Rinpuia hian engmah a sawi bawk silo a. Ka thinrim a, ka thik bawk.


"Thlalak kha kalo thawnsual palh a. Rinpuia thawn ka tum zawk a nia." Lehlam atang chuan nui har harin arawn ti a.


"Karlie ami inih a?" Kati sap a. Engtin nge maw ka phone number te aneih ni.


"Aw ni e, Rinpuia nen hi chuan kan zin dun reng thin alawm. Mizoram lamah kanin hmu ngai lem lo a." Anui har har a. Ka van ngei tak. Mintih nat hi chu a chak ve ngawt mai.


"Minlo thawn sual lui kher a Karlie. I tactic hman hi a fin loh thlak lutuk. Mi inringlo lai lakpui vel mai mai." Ngaih pawimawh loh hmel deuhin kati a. Ka kut ka hum ruh vak a.


"Ohh ka lo thawnsual lui che maw?" Anui hak a." I duh dan danin ngai rawh, Rinpuia hi ka pasal tur anih hi." Ati chang fak a.


"Chu chu nangma ngaihdan mai mai anih chu Karlie, ka dah ania." Dah mai ka tuma.


"Kan insumdawn tawnna vang hrim hrim pawh hian kannla inneih khawp tho ang." Thinrim deuhin a au chiam a. Changlet lo in ka titawp a. Rinpuia hi a chaklo khawp ang.
Karlie hian kan chanchin hi a hre tawh zawk emaw ni.



Minlo call lai chuan la lo in ka en char char tawpa. Ka la chak lutuk a, mahse Karlie nena lo zindun kher. Karlie hi ka tan engmah anilo tih asawi kha ka awi tho a,mahse ka thik tho bawksi.
Ka mutthilhsan ta daih a.


"Bawihi tho teh Rinpuian a nghak che nia." Ka nu in min rawn kai thoa.


"Khawiah? Zingkar ala nih hi." Thophang deuhin kati a.


"Lo tho phawt teh, kanin ah a awm." Ka nu chu a nuih a za tih ka hria a sawi zawng chuan.


"Tunah maw? Ti nge tun ang hun ah te." Ka harh chiang kawk mai. Sana ka en a zing dar5:30. Hmai pawh phih lo in ka tlan thla nghal hlawk hlawk a.


"Rinpui" kati sap a, rilru hah tih hriat deuhin alo thu a. A bul ah athingpui in mek a awm bawka.


"Kopiko, ti nge ka call i chhan loh char char a." A ding nghal hluai a. Min en tlawk tlawk a. A mu tlem hle tih a hmel atang alang reng mai



"Chu vang chuan maw zing karah ilo kal?" A chauh hmel lutuk chuan, keimahah inthiam lohna min neihtir chiang khawp mai.


"Ka in ah tlanglo in kalo kal nghal. Nizan ah kalo thlawk haw a lawm." Thutthleng ah chuan athu leh a.


"Rinpui ka tihpalh lutuk. Chawlh haham phawt tur che lawm." A bul ah kalin ka kuah thaka.


"Ka hmuh phawt loh che chuan ka hahdam thei chuanglo ang." Ati sup a. Chauh hmel takin a thaw sak sak a.


"I chau awm sia,vawin chu kan kallo mai dawn a mi?" Kati ta ringawta.


"Ka chau tawh hleinem i bula ka awm tawh hi. Kan kal dawn nia." Inla hrang hlekin ka fawp zeuh a. A nuisuk a.


"Karlie nen in zin dun vangin ka thinrim thut a, engmah min hrilh bawksi lo a."


"Kopiko" pawi tih hmel deuhin min melh a.
"Min ring turin ka tih che kha." Lung awilo deuhin min melh a.


"Min hrilh lawk la chu ka thinrim bik miahlo ang." Ka kuahna phel in, a bulah chuan ka thu fel at a.


"Hrilh lawk tur che pawn alo kal dawn tih ka hre hleinem. Ani chu ka tan engmah anilo, thinrim chhan tur a awmlo" A aw chu ringlo mahse, athinrim tih ka hria. Min melh khuia, ka hawisawn daih a.


"Nia in zin dun fo a, ngai a neih kalo tum dawn nia. Mahse ka ngaihdan a pel chin ah chuan kanin then nghal hmak ang." Ka sawi zo tawk a, min kuaiher nawka. Thinrim lutukin min melh a. Min vawnna chu a nat em vangin ka then naka.


"In then tih thu hi vawikhat mah sawi tawh suh. He thu hi ka hua a,minti hlauhthawng thin bawk." Kanin chu nilo pheise min hau hrep ngei ang.


"Min thlah rawh, vawin chu Tluangi rualin ka kal dawn minlo lam suh ang che." Thinrim deuhin ka melh phei ve a.


"Ka rualin ikal ang, anih loh chuan kalo kal velo nghal ani mai." Ati nghuta. A thawh rualin min pawt tho ve nghal bawka.
"Minlo thlah rawh. Dar 9:30 ah kalo lam ang che." Ka zui chhuak hnak hnak a.


Motor 2 lai alo dinga, kawngka anlo hawnsak vata.
"Kopiko thinrim tawh suh. Ka tan chuan nang chauh i awm, hrereng ang che." Ka biangah a fawp zeuh a.
A lut nghal a, an tlan liam thlengin ka thlir a, thaw kala ham ham a.
In chhunglam ah chuan ka pen lut ta nghal a.
In tihthinrim vel hi ka duh loh tehlul nen.


Insiam vel pawh chu a hma ang em em in ka phurlo.


Tluangin minlo call a, kala vata.
"Ruatpui, Rinpuia nen chuan ami lo kal in tum a? Dar9 ah thlen kim a, dar10 :15 vela a hmun thlen hman kan tum a." A rawnti lang langa.


"Aw Rinpuia rualin kalo kal ang, chuan kan lo thleng tlai bik deuh dawna, minlo sawifel sak mai rawh aw." Kati a.


"Awle awle, Vawin kan kalna tur vel zawng zawng hi Rinpuian a tum vek dawn an tia, alawmawm e." A nui har har a.


"Ava titha ve. Ka inti lal ngawt ang." Nui hak hak chungin kati a.


"Vel a che,lo thlen ve vat tum ula ani mai." Ati a.


Kanin biak zawh hnu chuan ka insiam a, Rinpuia lo kal hun ka nghak a. Tukin zing vang khan ka awm anuamlo riau leh nghal a.


Ani pawh nghah rei lutuk ngailo in alo thlenga, anui sanga. A hmel hmuh anuam tak zet. Zinga kanin hauh kha hretawh awm pawhin alanglo.


"Kopiko lo lut rawh le, I nalh lutuk." Car kawngkhar min hawnsak ah chuan ka lut a. Alo thulut ve nghal bawka.


"Midang ho ka hmu chak tawh lutuk." Kati halh a.


"Kopiko kan muhil lawk aw." Thatchhe deuhin athu a. Min ngheng ar ar a.


"Anni ho hi anlo kal ve angai ami?" Ka hnunglam ah ka hawi let zeuh a. Kan motor chhuanna ang chiah dangin min zuia.


"Anlo tel ve chak lutuk a." Anui a.


"Sawitha mai mai teh." Kati hlar a.


"Kopiko an ni ho hi chu awm velo ang ah ngai rawh. Ngaia ineih vat an ngai ania." Hah dam hmel deuha min ngheng chungin a thaw sak sak a.


"A har awm e Rinpui"


"Tunlai chu kan el pui te nen kanla in hmu fuh theilo a. Fimkhur kala ngai deuh a ni." An vih sakna lai khawih zeuh pahin ati a.


"Anih chuan hlauhthawn awm ah ila ding reng tihna ami?" Ka hlauhthawn pui nghal em em a ni. Beih te kha tawk leh ta se.


"Kalo hrilh duh kher che ni. Tuman minti na thei hleinem." Awmdan thlakin min melh a, a hauhthawn ve hmel loh ropui si.


"A hlauhthawnawm loh tak zet maw?"


"Hlauh thawnawm lo e, bialpa dang min neihsan a hlauh thawnawm zawk." Nui chungin ati a. Min rawn ngheng tha leh a. Ka kut a hum bo veka, a maimichhing chial a. Athawri sak sak bawk a.


Brenda te picnic spot lam pan chuan kan tlan char char a. Reunion neih nan an thlang hnai lem lo khawp mai. Nilengin kanin tihlim thei ang chu.


"Rinpui zing ami kha, Karlie nen chuan in zin dunlo tak tak maw?" Inthlahrung dekin ka zawt a.


"Zin dunlo e, zirtawpni khan alo thlenga, kalo hawsan nghal alawm."


"In thlalak minlo thawn a."


"Ka hmeichhe hmangaih inih thu ka hrilh a. Ala na deuh aniang,zing kha chu ka chauh deuh vangin kalo thinchhe deuh ani tihpalh lutuk." Ati sup a. Ka kut nghet leh zualin a hum vang vanga.


"Awle atha vek e. Muhil tawh rawh." Kati a, hahdam hmel takin athaw sak sak a. Ka hlim leh tawh viau a ni.
Ho te ah ka thinrim a,minti lungawi hma leh em em bawksi.


Motor ading dat a." Rinpui tho tawh rawh,kan thleng tawh ania." A biangah ka piai vaka.


"Kopiko ka biang i piai na hi ana nia,tidam rawh." Arawn dawh hnaia.
Nui hak chungin,a biangah chuam ka fawp ri chek a. A khi chhuak var var mai.


Kan va luh chuan an lo awm thap tawh a. Ka lai deuh hu in ka hria, min hmuh chuan kut an lo beng dar dar a. Minlo chiau au vat a.



"Lalruatpui induh nu hmuh tur pawh awm reng reng lo mai."


"Awi ha Tete ila dam maw? I van ngaihawm tak." Alam panin ka pheia.


"Damlo ila hetah ka awm dawn ami?" Kan inkuah nawk nawk a. Kan ri chel chul hlawm mai.


Hmeichhe ho chu tawngna pawh kanin chanlo, sawi tur atam lutuk ringawt.


Linda in,"J-a saw lung ati leng reuh e." Ati a. J-a lam kan hawi phei thap a.


"Nun hlui ngaih lunglen a na." Bz in alo tive thunga, kan nui vak vak a.


Athen tui ah an cheng barh barh a,kan ti ti khawm laih laih bawka. Rinpuia nen pawh kan awm dun meuhlo.
Mipa ho nen eng emaw an sawi ve hlawm aniang. An nui ve leh ham ham thin.


"Kar leh nilaini khian dine out ang u. Kanin hmu khawm khat e mai." Tetein ati a. Kan phur hmel hlawm khawp mai.



Tluangin," Kan hman hlawm chuan a pawi hleinem. Thian ho inhmuh khawm pah ani maia." Alo tive bawka.


"Calendar a sen alawm, tih ngei tum ang u." Brenda in alo tive bawka.


"Calendar sen ni hi chu nuam kanti em em reng dawn anih hi." Kati a, kan nui dar dar a.
Thla techu kanla ho leh nawk nawk bawk a. Kan nui nasa bawk bawk khawp mai, vawin zet chu.


Rinpuia te lam ka va hawi phei a, nalh lutukin minlo en reng chu niin. Ka mur chuai thei. A nuisuk a, ka nuih let ve nghala.


Dar1 ah kan eitur order alo thlenga, kan ei nghal a. Atlai chhiat hma haw leh hman kan tum si a.


"Ka awm ve tih hrelo ang maiin i awm alawm le kopiko." Midang hriat phak loh tur si hian min rawn hrilh a.


"Teuhlo lutuk." Ka awm ah ka kut ka nghak zeuh a." Ka hrereng chelawm." Mit ko ka san khum ak a. A tum deuh bar a, naute duhawm deuh titau hi a ang tawp.


"Ka bulah awm ve tawh rawh Kopiko, min duatlo si." Ati a, ka nui chhuak hawk a.


"Awle ka awm ang." An eikhawm na lam ah chuan kan kal a.


Ka ei tur min laksak thlap a, ka bul ah tak a thu bawk a. Mamawh ka nei em tih a ngaih ven em em bawka. Min ngaihsak lutuk te chuan minti lawm tak zet. Pangchan a awl dawn riau in ka hria.


Pool bula thutna awm ah chuan kan thu a, midang ho chu an teikual hlawm leh tawh.


Rinpuia bodyguard lo kal phei chu kalo en renga, Rinpuia chu eng thil emaw hi a hrilh a. Ka hre pha ve bawksi lo a.


"Kopiko engkim atha nia." Nuisakin arawnti a, ka lo hlauthawng hmel kha a hmu ani ngei ang.


"Ka pu ruahman na dang kan siam angai a ni." A bodyguard chuan ati a.


"Awle ka hrethiam e, kalo ngaihtuah dawn nia." Rinpuia chuan ati a. Ani pawh chu a kal zui ve maia.


"Rinpui engkim atha tak zet maw?" Tluangi nen chuan zawhna mit meng deuhin kan en a.


"Ka awm na hi reporters ho in anlo hria a, minlo chang ang ka ring. Ka nunhlui vel hi an hrechak a." A ngaihpawimawh hmel tehchiam lo.


Rinpuia chanchin hi midang tan chuan hriat tur a awmlo ve bawk em a ni. Mizoram ah class12 chiah a kal tih theih a nia. Anu thih hnu khan ramdangah a awm char char bawk sia. A pa hian a thukru hneh em bawk a ni.


"Anih chuan engtin nge kan tih dawn?" Tluangin ati a, ka lo bu ve nghat a.


"Kan aiawh tur mi kan mamawh. Hmeichhia ka kal pui tih an hria a, chu chu tunge tih hriat an chak bawk a." Anui ang suk suk a.


"Mike leh Tluangi an ni mai lawm." Phur deuhin kati hluai a.


"Chu chu ka sawi tum tak ani kopiko, I tha ber." Kut zungpui ati pir vah a. Ka nui var var a.


"Chi loh lutuk. Mike pawn a duh lo ang." Tluangi chuan hreh hmel zetin ati a.


"Mike lo kal lawk teh." Rinpuian, Mike tui cheng lai chu a koh lang lang a.
Kan lam panin alo hleuh phei vat a.


"Eng nge Lalrinpui tui chen tui lai laiin." Arawnti nghal a.


"Tluangi nen hian kan aiawh lawk ula."


"Nia Mike min pui lawk ru." Kalo ti ve nghal bawka.


Rinpuia nen tihdan an in hrilh zung zunga. Tluangi chu alai deuh tut leh nghal a, ka nuih ru tet tet a.



Hawn kan tum tawh a. Kan khamlo hlawm khawp mai. An landan a dang tawh hlawm lutuk a, thin anti rim thei hial dawn alawm. Mahse anla fel em em vek a, fa lo nei tawh te pawh an awm bawka. Kan chikim viau tawh mai.


Tluangi leh Mike chu Rinpuia motor in kan hma deuh hlek ah an tlan a. Keimah ni emaw anti ngei ang. Motor pakhat zawk erawh kan hnung lam ah atlan thunga.


"Kopiko bus ah hian ka vawikhat chuan na anih hi aw." Rinpuia chuan nuisangin ati a. Kan thudun a, ka kut a hum ran bawka.


"Thil thar tih inei bik anih chu. He tia thian te ho nena chhuan phei hi chu a nuam ve ania." Kati a. A bu nghat a.


Kan school kal lai chanchin te sawiin kawng tluanin kan nui bawk bawka. Thil hlui sawi tur chu alo awm tam khawp mai.

Inhmuh khawm leh vat theih dan tur te chu an sawi leh nghal a.


"Ruatpui, Rinpuia nen khan inneih vat ula kanin hmu khawm hma leh thei ani mai." Tetein ati a.

Anlo pawm tlang hlawm khawp mai.


"Nghah rei vak angai tawhlo ang." Rinpuia chuan ring leng lawngin ati a. An au dar dar a. Kalo nui thaw ringawt.


Bus atanga kan chhuk chuan inhmuh khawm leh vat intiam chungin kan kal darh hlawm a. An ngaihawm leh rum rum dawn khawp mai.


Rinpuia car pakhat zawk in kanin thlengin min leh thlap a. Anni pawh an tlan chhuak leh ta nghal a. Tunkar chhungin Rinpuian hahchawlhna hun pawh ala neilo bawka. Zanin chu hah dam vetawh rawhse.


Zingah chuan Rinpuia hnen ah chau viau mahse inkhawm hram turin ka hrilh a. Alo pawn thlap a. Fel thin ania.


Brenda in minlo call a." Rinpuia te hotel ah naktuk chu dinner ei mai ila. A hmun alai li deuh bawka."Arawnti talh talh a.


"A pawi loh chu, midangan hman ami?"


"Kan hrilh kual lawk ang. A hman hman ani mai lawm. In tlar ho leh kan tlar2 kha kan kan kim chuan atawk mai." Nui har harin ati a.


"Awle ka pawm vek e." Kati a.
Tlar khata thu te kha chu inkawmngeih a awl bik em thina. Kan hma tlar leh hnung chiaha tlar tepawh hi kanin kawm nasa duh bik bawk..


Atuk ah chuan Tluangi ka zuk sawm a, Rinpuia te hotel lam panin kan kal a.

Rinpuia chuan tih tur pawimawh dang aneia. An hotel a kan kal tur thu chu ka hrilh thoa. Bakah vawin chu hmeichhe ho bik chiah kan ni dawn.


Kan thlen chuan tumah anlo la awmlo a. An tlai bik lo tur ah ngai ang.


"In lo thleng tawh bik a." Brenda leh Tetei anlo thlenga, an chhelo dun khawp mai. Min rawn kuah ve ve a.
Bzi te pawh anlo thlenga, pa6 kan nia kan kim ani mai.


Ei tur kan chah a,thil ho mai mai sawiin kan nui leh char char tawh. Mahse la kan bengchheng chuanglo.


Lo lut chiah te hmel ka hmuh chuan ka hlim lo zo vek.
Caroline in thamlo hmel zetin min en a, ngeiawm zetin anui sawnga. Min huat hmel em em ringawt maia. A pawi ka sawi tawp silo a.


Kan piah chiah ah an thu a,Muani pawh atel ve. Anni chu ngaipawimawh awm pawhin ka awm duhlo a. Thil kan sawi ho a, kan hlim viau.


"In bengchheng lo deuh thei a ngem? Thil ei pawh inti tui nek love." Min lo titu lam chu kan hawi thap a.


"Caroline" kati sap a. An thian li chuan kei kani inti chin thah an ni chiang mai. Chapo hmel hlawm lutuk.


"Kan bengchheng hranlo asin, mahse kanlo tibuai cheu chu pawi kanti hle mai. Min hrethiam ru." Tetei chuan ati a.
Keini ho chuan ngawihsan nghal mai kan tum tawh a.


"Awmna hmun azir hian awmdan tehi thiam ve tur. Changkan loh thlak leh lutuk." Caroline chuan min hmu hniam zetin ati hlaka. Min ei loh hmel zetin a ner nanga.


"Hmun changkangah an kal khat lutuk a, hriatthiam an ngai anih kha." An zinga sam sen thar,makeup hmang nasa zet chuan alo tive bawka. An nui harh harh hlawm a.


Ka thian teho thinrim hmel chu ka khawngaih zawk. Anni ho ai sawn kan hniam bik hlawm hauhlo leh nghal a.


"Hmun changkanga kal ngailo kan ni amaw? Tu nge kan nih pawh in hria em ni a?" Brenda chuan tho hluaiin ati a. Brenda tiang em em a a thinrim kan vawikhat hmuhna aniang.
Millionaire chhungkua atanga chawr chhuak ania,mahse a chapo ngailo.


"I bula kawr var ha nu phei kha chu hrechiang tak ka ni." Min melh kuau a." Mihausa ngaizawng kual thin, mibial pa chhuhsak pawh pawisa lo." Caroline chuan min tih khum a.


"Zothana min chhuhsak a, amah aia Hausa Rinpuia atawn leh tak vang maiin a hawisan leh nghal duh ania." Muani chuan ten hmel zetin minti a.


"Tu te nge in inih ? Sum tlachham viau hlawm ah min ngai em ni a?" Brenda chuan thinrim hmai sen teuhin ati a.


"Ka thiannu hrechiang hauh lo in sawi chhe reng reng suh." Tluangin pawr zetin arawn ti ve bawka.

Ka thinrim tak zeta, Caroline hi ka ngei lutuk bawk.


"Helai hmun neitu fanu hi ka ni." Caroline chuan chapo larhin ati a.


"Rinpuian unaunu aneilo." Bz in ati hmuk a. Kalo hrilh hlawm mang silo a.


"Ka unaupa chu in lo hre ve hlawm maw.. Nangni ho hi helai hmun ah lo kalin in inla ve em em a." A thiante nen chuan min nuihsawh vel a.
An mahni zawk hi ania inla eng emaw vel chu ni.


"Rinpuian unaunu anei maw?" Tetein ati a. Ka thiante hrilhhai hmel chuan minti thinrim zual.


"Chu pawh nise,nang hi he khawvel ah ilo awm ve tih leh tu nge ini tih pawh kan hriat hma daih khan Rinpuia hi kan thian alo nitawh." Tetei chuan nuisawh let zetin ati ve a.


"Nihna thar inei a,i chapo nghal ar a, i nuihzatthlak reuh hle mai." Brenda chuan ati ve a. Ka thian teho pawh chuan anni in min tham loh dan chiahin anti let ve a.


"Nangni ho hian min hmusit ngam amaw?" Caroline chuan ati tuar a. Midang pawhin minlo en thap a. A hrehawm duh ngei mai.


Insual an ni ho leh keini thianho hian kan peih at in ka hria. Mahse naupang insual rual kan ni tawhlo.


Ka thiante tawngtum leh chu ka khap a. Ka thiante hi an pawr ve tulh tulh dawn tlat.


"Caroline thil i hresual anih kha, a unaunu thar inih vang ngawtin hmuhsit chhan tur che kan neilo. Mahse i chapo ve em em na kha chu kan hmusit, nangmah nilo in. Midang nihna rinchhan a i chapo ve ringawt na kha chu a nuihzatthlak zawk." Caroline mit taka en chungin chiang fakin ka sawia.Tawngloh ka tum nen ka insum peih tawh lo.


"Kal ang u." Tluangin ati a. Kan chhuah san daih a. No tla keh ri chuai chu kan la hrepha. In la sang leh lutuk mai.


"Kan awm rei deuh chuan ka insual pui duh mai dawn a." Tetein pawna kan chhuah hnu chuan ati a.


"Keipawh" anlo ti tliar tliar a.


"Sam keh thiam hming thang pahnih lai kan nei bawka, ka lungngailo khawp a." Bz in Tluangi nen min tih chhan deuhin asawi a. Kan nui ho leh rih a.


Min ngaihtuah hlawm lutuk a. Engah mah ka ngaihloh thu ka hrilh hlawm a.


In a ka awm hnu chuan ka ngaihtuah let neuh neuh a. Caroline nen hian kanin mil dawnlo chiang mai. Pawi kati tak zet. A chapo ve em bawk a ni.


Fb ah ka luta an thil post ka hmuh chuan,thinrim sa nen minti thinrim zual ngei mai. Karlie inla chhelo lutuk te hi.

Hei hi maw Lalrinpuia tih tur pawimawh neih chu, ka rilru ana vawng vawng.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » September 10th, 2017, 3:51 pm

Star Boy
Chapter-9
May Renthlei


K&R Group leh LMT Company neitu ten zanriah kil ho in an fa te chung chang thu an sawi ho a. Sumdawnna tih ngheh zual nan inneih tir vat an tum.


A dang phei chu ka chhiar zawm peih tawhlo. Thlalak ah chuan car a Rinpuia te lut tur lai ani a. Rinpuia hmel tak chu alang chiang chiah lo a, Karlie erawh zei takin adinga, a nuisang bawk. Rinpuia te an thlah liam lai ani ngei ang.Karlie te in lam pangah anla ei zui.


Number hriat loh atangin call alo kal a, phur lem lo deuhin kala a.



"Ruatpui keimah Karlie, Vawin tlai chu anuam khawp mai." Arawnti ham ham a. Amah ani tih hria ila chu ka la peih miahlo ang.


"Nuam itih chuan atha ani mai a. Min rawn hrilh kher angailo sin."


"Kha tiang thulawmawm lutuk kan sawi ho tak ah chuan hre ve ngei turin ka duh che lawm."


"Min ngaihpawhna chu a lawmawm e Karlie."


"A nunhlui ami mai ini tawh a. Kei chu a nupui la ni mai tur ka ni. Lo inthiar fihlim rawh." Inlak fel tum deuhin a aw chu ati nem vel a, ka ngei zual.


"Nangmahin i inneih dawn nia." Ninawm lutuk mai. Ka phone chu ka dah hmak a.


Zan ah chuan ka mut san hmak a. Rinpuian alo call char char a, ka chhang hauh lo ang mawle. Ala bei ngawrh em em zui, a khat mawi tawkin ari chhen a. Mutthilhsan ka tum a, ka muhil thei chuang silo a.


Message alo thleng zut zut a. Ka en peih chuanglo, zanin tal hi chu hrem angai.


"Kopiko ka call chhang rawh, in in kawtah ka awm ania." Ka harh hnu chuan ka en a, zing dar2 ari tawh. Dar10:30 a alo thawn tawh.
Ka chhungte ho pawh an mu chiah ang nga, alo lut theilo ani ngei ang.


Message leh call atam lutuk a, ka batry pawh asen vek alawm.
Tukverh atang ka va dak dek dek a, zinglam dar2 ari tawh a, a awm tawh chu ka ring chiahlo.


"Rinpui mi luhlul lutuk pa." Kati hlak a. Ka chhuak nghal ta bawka.


"Lalrinpui eng nge hetah ila tih em em a?" A car nghengin kawisawi deuhin adinga, a kun daih bawka. Ka koh chuan alo hawi phei vat a.


"Kalo nghak che." Ati ngui raih a. Kan in en tawp a.
"Ilo chhuak har kati lutuk." Minlo panhnai a, min kuah mai atum a. Rum deuhin kalo melh a. A ding leh data.


"I tih tur pawimawh deuh kha." Sawi chhunzawm lo in ka ngawia. Ka thinrim rih sia, thil tullo thlengin ka sawi duh mai dawnin ka hria a ni.


"Sumdawnna thil ah chuan kanin hmu ngei a, mahse thudik lo an thehdarh alawm. Adang te kha en leh tur che lawm, thudik zawk anlo sawi leh na te kha." Ati hap a.


"Ka en chhunzawm tawh hleinem. Bakah ka laka insawi theihna a neih na turin awm suh katih che kha." Rinpuia hmel ka hmuh hian ka thin chu a rim chiah tawhlo, ka rilru hi a hneh hma thei leh lutuk a.


"Karlie mai mai vang hian thinrim tawh suh. Ani saw katan engmah anilo"


"In inneih dawn thu min hrilh alawm. Keipawh mipa dangin Ruatpuii nen hian kan inneih dawn, lo inthiar fihlim rawh ti ta che se ilawm bik hauh lo ang." Amah en chho ran chungin ka sawia.


"Chu pa te chhung nen chuan zanriah te kil ho ta bawk ila kei ai hian ithinrim daih ang." Ka pawr tawh lutuk a, a ai nasa in ka dak a. A sang bawksi.


"Ka thinrim lutuk vangin ka ngaidam hmak che nga, chupa chu ka sawisa hrep ang." Inseh ruh teuhin ati a.
"Kopiko a vawt e." Ka kuah beisei deuhin a inti no vel a. Intu lo thin.


"Kha kha nimai..." Dak cho ar in kati a. Lo kun hniamin ka hmui ah a fawp chawta. Min kuah nghal tharh a, a hit vek mai.


"Vawt ti si car chhunga awm loh pawhin haw tawh mai tur che lawm."


"Ka ngai tawh che a. Car chhunga ka thut reng techuan ka muhil ang tih ka hlau alawm." Min kuah nghet sauh a.


"In chhungah lut ila, intih lum ingai. I damlo palh ang." Kati a.


"Ka pawm zawng tak a ni." Anui suk a. Inkuah rialin kan lut a.


"Rinpui thawm dim rawh aw,ka chhungte tih harh kher ka duhlo ania." Kati sa sa a. Uar deuhin alu a bu nghat a,ka nuih ati za lutuk. Kan thawm dim lutuk chetdan naupan chhiatthlak lutuk te hi.


"Kopiko choka ah eng nge kan tih dawn? I room ah kan chho dawn lo a mi." Ati su su a.


"Coffee siamsak che ka tum, ka room ah kan chho dawnlo." A nur nang a.


"Coffee ka in peih lo, i room ah chho ang."

"Atlai tawh em hi haw leh vat i ngai." A tawngrin ngam silo a, ka hmellan dan nena uar thei ang ber turin ka sawia.


"I khum ah ka mu lum dawn. Chho ang." Ka room lam panin min nawr chho a.


"Ka khum a mut ka phal ringawt lo ania aw Lalrinpui."


"Ka mu tho tho ang." Ka room kan luh rualin khum ah a in thawlh nghal thak a. Rum deuhin ka melh a.


"Ka bulah hian lo mu ve vat rawh le." Mit ko san ak in min melh a,inla sexy vel lutuk in a awm a.


"Mi dang taksa si chungin ka mu theilo ania,min si suh ang che." Ka khuma mut ve pahin ka ti a.


"I mutthilh loh angai dawn anih chu." In beng kangin ka hmai zawn ah tak arawn tawng a,ala nui zuia. Ka thin a phu rang nghal ringawt.


"Mu tha rawh." Kati hluka. A hmel landan athlak thut a, ka hlauthawng in, ka tiril a khur nghal der der..


"Kopiko." Ati sup a, a hmel landan atang hian eng nge tih aduh tih ka hria.

"K kaa,muhil dawn." Ka in let thawk a. Ti nge tiang khan min melh leh thin, ka tuar zolo ang.


Ka kawngah a kuah a, a awm khauh tha tak chuan min si chat a. A ke in ka ke arawn khan a. Min thawk khum ham ham a. A hmuiin ka nghawng leh ka biang vel a nul thuak thuak a. Ka beng a seh ner ner a,ka thaw tha thei meuh lo.


A lam hawiin min kuai her a. Ka hmui ah a fawp nghal tawn tawn a. Ka inla hrang a, min si leh nasa zual sauh a, a aia duhthawh mahin min fawp leh nghal tawn tawn a. A kut pawh a awm mai mai lo.


"Duhtawk ang." Mu mallo zetin kati a.


"Kei chuan atawp thlen mai ka duh." Mit meng nung sârh in min melh kalh a.
Kan thil tih lai a chhunzawm leh nghal zat a.


"Hei bak chu a theih loh." A sam ah ka tham vak a.

"I van strict tak,Kopiko misualpa." A khi suk a.
"Ka inthunun theih nan nghet deuhin min kuah la. Chuti lo chu ka tal chhuak leh nghal ani mai." Tuna a hmellan dan that zia hi.


"Awle tha lawm." A awm ah chuan ka bei thlap a. Nghet takin min kuah a. A nuam veng veng, mihring taksa hetiang em em hian sik anawm kalo ring pha ngai hleinem.


"Kopiko kan pahnih hian chak taka awm kan ngai a. Tu pawn eng thil pawh tiin sawi se, kanin rin ngam ve ve angai a ni." Min chul hauh hauh chungin ati a.


"Awle, ka ring bur che." Nuisakin kati a.
"Chuan zingah ka chhungte thawh hma in kan harh angai a nia."


"Ngai kher ami? Kalo riak tih an hriat chuan inneih nghal rawh u, minti mai thei asin." Fiamthu deuhin ati a.


"Teuh lo mai. Ka pa in a rek hrep mai ang che." Kati a. Kan nui chhuak lo chauh a ni.

A awm nghengin thla muang takin ka muhil siai siai a. A thawri leh a taksa lum ham ham te chuan min awi muhil a ni.

"Kopiko minlo thlah rawh." Min fawp kual dan dan a.

"Ka mut ala chhuak lutuk, dar eng zat nge?" Kati niah niah a.

"Dar5 ala rilo deuh." Min tung tho a. Ka sam min zut mam sak a.


"Mutna hun inei tlem hle mai." Khuma thu chungin ka kuah leh thak a.

"Tlem lo e, tho tawh ang le." Kanin zui thla dat dat a.
Car a aluh dawn chuan duhthawh fahranin kanin fawp leh vawng vawnga.
A tlan liam hnu chuan in chhunglam ah ka lut zuia,mutawh lo in eirawng ka bawl hma taringawt a.


Bawihi iva tho hma ve." Ka nu zing tho in arawnti a.


"Nia ka harh hma lutuk a." Hlim hmel pu sangin kati a. Thingpui ka pe vata.


Chaw kan ei a." Bawihi chu pasal neih i ngen tan aniang a, tunlai i awmdan vel ka chik hian." Ka pa in nui khek khek chungin ati a.


"Chu tiang engmah a awmlo i ngaihbel mai mai anih kha." Kati vata.
Chawei lai chuan eng emaw sawiin kan nui dar dar thina. Pasal neiha chhungkua ka din ve dawnte anih chuan kan chhungkua ang din ve hi ka duh a ni. Chhungkaw hlim leh inngeih tlang tak, in fuih phur thiam leh harsatna alo thlen pawh a inhnem dial dial thin chhungkua ang hi.


Lunch break lai chuan phone ka khawih mai maia.
Rinpuia message lo thleng chu ka en a," Kopiko in schhool kawtah ka awm lo chhuak rawh." Mak tideuhin ka en a.
Ka chhuak ta tho a.

Min hmuh chuan a nui var var a, atha chiang alawm. Naupang ho pawh chuan an en duh hlawm khawp mai.


"Pu Buaia chu tun ang hun ah te ilo lan thut a." Nuisangin ka pan pheia.


"Chhawhnu lam class inei tawhlo bawka. Chhuak dun lawk ila."


"Mahse awmtlang tho ka ngai alawm." Kati a.


"In principal ka be fel tawh. I bag va la rawh le." Let leh turin min mit mei zauh a.


"Ani tak tak meuh maw?" Ringhlel ru deuhin ka en a.


"Aw nichiang e. Kalo nghak ang che."
Ka bag la tur chuan office ah ka lut leh a.

"Miss Ruatpui i haw tawh dawn elo?" Sir Albert an arawnti a.


"Aw tih tur pawimawh ka nei thuta, ka hawsan mai ang che u." Kati ringawt a.


"Ka ringhlel riau che." Miss Mawite in a pen ken laia min kawh va pahin ati a. Ka nuih tlawn a.
"Miss Ruatpui kalo thlah ang che." Arawn tho zui nghal a.


"Angai hleinem." Kati tak na in min kuah chhuak lui ta thoa.


"Ka va ringdik tak em" Rinpuia lo ding a hmuh chuan ngeiawm deuhin a hmui hupin a nui kar kar a.

"Min in hmelhriattir ve dawn lo mi?" Cho deuh a min melh pahin ati a.


"Minlo zuila. Tu nge nei chhelo zawk tih te pawh kan hria ang chu." Ka cho let ve nghal a. Nui tha chungin Rinpuia lam pan chuan kan pheia.


Ka in hmelhriattir a, Mawitei chuan hmeltha ati ve hle tih ka hre mai.


"Ka hriat hnu i ang hle mai Rinpui." Miss Mawitei chuan Rinpuia chik deuh a melh pahin ati a.


"I mumang ah in pa zawk hmulo in, ka bialpa hi ilo hmu thin anilo maw?" A hnunga ben thak pahin kati a.


"Teuhlo lutuk. Kan pa te chu meng reng Chung pawh hian ka hmu reng thin." Ati a, kan nui leh tawp tawh.
Rinpuia nen chuan kan kalsan a, min bye bye lauh lauh a. Thawhpui anuamin, a fel hle a ni.


"Rinpui ti nge len chhuah itih deuh thut a?"


"Thla thar atang hian ka buai tawh dawn lutuk a, tunah hian atam thei ang ber ibula awm ka duh alawm." Lo hawi pheiin min siai zeuh a.


"Pu Buaia ni tawh maila." A hairstyle tih chhiat sak zeuh pahin kati a.


"Ks sam iti chhia ania, ka hmuh dawn che vangin uluk tawkin ka siam ve a, minlo tih chhiatsak daih bawk sia." Ati nai nai a. Kalo nuih ker ker a.


"I nau lian chi ho hi vawin chu ka va hmulo ve." Kati a.


"An awm ve khan nuam itih loh thu ka hrilh hlawm a,an inthlahrung ve deuh aniang min zuilo tura ka tih pawhin an hnial lem lo." Ati a, a fiamthu anih ringin chiang deuhin ka melh a. Ati tak viau bawk sia.


"I hrilh hlawm tak tak lo ang." Ringhlel ru deuhin kati a.


"Hrilh lo ila chu minlo zui ngei ang."
Nuam tilo deuhin ka awm a.
"Ka fiamthu anih kha kopiko, kan kalna tur tuman an hre hleinem." Nui chhuak hakin ati a.


"Uhmmm sual thiam e mai." Dah chhuahsan pahin kati a.


"Ka fel thiam bawk tho a kopiko. Seat hnunga bawm khi hawng chhin teh. I duh zawng a awm ka ring tlat." Nuisukin ati a.
Leh hawiin ka ban rak rak a. Bawm chu la in ka hawnga.


"A nalh hle mai. Ka duh chi tak." Phur deuhin kati a.
"Kawr in ang pawh kan ha khat tawh alawm le." Hlim deuhin kati a.


"I duh zawng ani chu ka lawm hle mai. Kan pheikhawk tur ka lei lai khan ka nuih a za deuh tlata."


"Eng vang chuan?" Ka hawi phei ha a.

"A in ang kher ka duh bawk sia, ka bun tawk ka lak dawnin a hmeichhe bun zawk kha i thawl zel a. I hmai hlai phek aiin i ke hi ate reuh phian a." A nui hak hak a.


"I ke kha a pawngpaw len vang mai mai anih chu." Uar deuhin ka tih khum a. Kan kalna tur hmun pawh chu kan thlenga.

"In thlak lawk ang." Rinpuia chuan ati a,inthlakna room lam ah kan kal hmasa a.

"I inhmeh lutuk." Ka chuah ve leh Rinpuia chuan minlo tivat a. A hmel hmuh anuam hle a. A eng phet phetin ka hria.

"Nangpawh i inhmeh ve tho alawm." A hma taka dingin ka melh chho a.


"Lukhum pawh hi khum ve ve mai ang aw. Midangin min hmuh palh takin." Tih pahin kan kawr rawng ang, a var leh asen in pawlh chu min khum tir a.
Ke kawr dum leh pheikhawk a var leh a dum inpawlh kan bun bawka. Nuam hawrh hawrh tak a ni. Ka khi leh reng dawn anih hi vawin zet chu.


"Kal tawh ang le." Kut in kaiin kan chhuak dun a.

"Rinpui a hma a kan kalna lam ah khan chhuk ila a reh raih a, a nuam riau."


"Awle nang berin itih te chuan."
A sir vela an pangpar phun ho chu ka khawih thla dan dan a, an mawi hlawm mah mah a ni.


"Kopiko eng pangpar nge i ngainat ber a?"

"Ngainat ka ngah lutuk a, sawi ber tur pawh ka hrelo. Mahse rose hi chu a romantic riau kati." Nui sen sen chungin kati a.


"Rose par ai chuan mawi kati zawk che." Ka biang piai hlak pahin ati a.
Mi dang ho hmuh tur pawh an awm ve zeuh zeuh a, in ngaizawng anni tlangpui hlawm.


"Kopiko tah hian lo thulawk rawh aw. Sawtah sawn kava kal lawk." Thingkung lian tak hnuaia thutna awm ah chuan min thuttir a, a kal nghal vata.

Kalo thlir kual vel mai mai a. Panpar rim tui tak rim chu thli thawt zawngin a leng chem chem a. Maimichhingin boruak thianghlim tak chu eng thawl deuhin ka hip lut ham ham a.

Ka men leh chuan ka hma zawnah tak Rinpuia alo ding tawh a. Duh tih hriat ngawih ngawihin min en a. Saw tisawn min en rengse tar mawi ah ka duh ngawt mai.


"Ilo thlen lai ka hremiah lo a. Pasaltha ramsa pel ang maiin eng thawm mah i chhuah lo a." Chhuan hmel deuhin kati a. A hnunglam ah chuan engthil emaw hi a keng a.


"Min len chhuahpui vangin ka lawm e." Rose par bawr nalh deuh mai hi min pe a.


"Ka lawm e, analh lutuk." Tih pahin ka la a. Dingdi hlip ak in a hmui ah chuan ka fawp a.


"I nalh zawk." Ka kawngah a kuah a. A aia thuk zawkin min fawp vawng vawng a.
"Ei zawh vek mai che hi ka duh." Ka hmui a seh zeuh a.


"Ka awm tawh lo ang nga min ngai viau mai ang." Nui chungin kati a.


"Ni viau bawk si." Ka lu tauh bap pahin ati a.
Insi rialin kan thudun a.

Thil eng emaw kan tikual duah a. Hun hi aliam duak duakin ka hria. Nuam kan tih em vang ania nge.


Atuk a office a ka thut lai chuan, mi pakhat hi min hmu turin alo kal a.

"Miss biak lawk che ka pi in a duh a, khawngaihin minlo zui lawk thei a ngem?" Ati a. A incheidan atang chuan Rinpuia hnuaia thawk vel a ang.


"Ka va hre ngailo che ve,tu i pi chuan maw min hmu duh a?" Ka thil check lai dah tha in ka melh a.


"Pi Mapuiin a hmu lawk duh che a ni."


"Awle atha lawm." Kanin zui chhuak a. Rinpuia nu pawh chuan en thil ah nge maw min hmuh aduh reng reng ni.


Minlo hruaitu chuan car kawngkhar chu min hawnsakin ka thu luta. Pi mapuii chu car ah hian a awm mai dawn emaw ka tia. A awm miah bawk silo a.


"Pi Mapuii chuan khawi ah nge min hmuh a duh a? Class ka neih a hun tep tawh asin." Driver hnen ah chuan kati a.


"Hmun fal deuh ah biak che a duh aniang, kan thleng har lo ang." Hawihhawm takin ati a. Ka hmuchak lemlo viau a ni. Caroline nen hian thuhmun deuh an niin ka hria.

Motor chu ading a, driver in min hruaina lam ah chuan ka zuia.

"He mi room ah hian a nghak che a." Kawngkhar min hawnsak pahin ati a.

"Awle ka lawm e." Driver chu alo lut velo a. Room nuam leh changkang takah chuan ka pen luta.


"Pi Mapui min hmuh iduh em ni a?" Kati a. Minla ngai pawimawh lo em em zui. Nula pahnih hian a sam anlo tih kir sak a. A chhing diar diar a. Hmanhmawh nen ka ngei ru ve khawp mai.


"Lo va chhuak rawh u." Nula te bulah chuan ati a. An chhuak zui nghal a.

"Tah khan thu rawh." Chang deuhin ati a. Min melh kur a, Caroline nen an in ang tak zet. A hawisang larh a.

An pianphung mawina leh an hausakna tehi an chhuang mah mah a ni. Chhungril hmuar, rimchhe viau thungsi.


"Kan hotel ah ithian te nen inlo chawl ve ngeia a lawmawm. In rawn rap pha ve a, kei ka ni inrawn inti ve em em a." Ngeiawm deuhin a kiai suk a.

"Mi zingah mawilo takin ka fanu i tawngkhum a, a rilru itih nat sakin i thiante nen in hmusit vel a. Nangni ang mihnuaihnug hmuhsit phak kan nilo asin." Dawhkan chum dawt pahin ati a.Thinrim meng dur khuihin min melh a.


"Thil hriatsual palh inei in ka hria,bakah mi hnuaihnung ti chuan min sawi theilo ang." Thinrimna tilang lo hramin ka sawia. Min lo hmachhawn nghal ngawt dan hi ka lawm hlawllo.


"Ka fanu ilo chhang ngam ve ringawt pawh kha i huai kati." A ban phar hluai a. An dah hniam leh deuh a," Nagni ho hi chuan zah pawh in hrelo a ni. Rinpuian nupui hual anei tih hrereng chunga ilo pawt buai ngam hrim hrim te hi."

Ka na vawng vawng. Dawt hmanga in hauh chiam ringawt te chu.Tawngkam chhe lutuk mai, kei aia upa chu nilo se ka chhang hrep chak a ni.


"Rinpuia hi ka tibuai lo,nupui hual anei lo bawk a ni." Kati chhuak tawk a.


"I zaklo reuh hle mai kati. Rinpuia hi i phu hlawllo, bansan rang rawh. A harsa zawnga thiltih hi atullo." Mahni indah sang larhin ati a.


"Rinpuia nen hian naupan lai atanga inkawp tawh kan ni a, kanin kar hi chuti maiin kanti tawplo ang." Ka huaisenna sawm khawmin a mit ah tak ka melh let a. Min haw ngawih ngawih ani tih hriat takin min melh ngur a.


"I bansan ala ngai tho tho dawn. I inchhir hma hian lo inthiar fihlim la atha ani mai." Ka hriat chian loh hlau niawm takin chiang fek fawkin asawia.


"Chu chu Rinpuia nena kanin kar a ni." Kati ve hmak a.


"Nang tereuh hi." Zalo zetin anui lui hak a." Kei min hmachhawn ngam tur chuan ila nau mah mah a ni." Alu athing nak nak a.


"Kanla hria ang chu." Kati ve a. Ka rilru na leh thinrim lutuk hi ka puak pawp mai dawnin ka hria.


"I kal thei tawh ang. Min nek lui hauh suh ang che naui." Ani pawh chu ading ve nghal a.

A driver nen min tlan liamsan a. Ka van ngei hluah hluah tak em. Ka kawng dawmin thaw kala kawk kawk a. Ka tah a chhuak ngawih ngawih, mahse anni vang maia tah ka duh silo. Ka awm chu ka dawm vang vanga.

He thil hi Rinpuia hrilh chi ani a ngem pawh ka hrelo. Ani chuan anu atan a pawm lo a. Ka lamah chuan atang zawkin ka ring deuh a ni.

"Miss Mawite ka class neih tur ah khan lo lutla, i class zawk ah ka lut mai ang." Tiin ka zuk hrilh ringawta.
Alo pawm ve maia.


Ke te chuan minutes 15 dawn kal ani sia, ka thleng hman dawn silo a. Kan school lam pan chuan ke in hmanhmawh ru deuhin ka chhuk thla hnak hnak a.


Rilru na leh thinrimna in min tuam a. Anni ho hi ka haw tak zet. Mi huat neih hi ka duh hauhlo a, mahse ka huat tur leh ka rilru tina tur zawngin an awm zel si.

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » September 10th, 2017, 3:52 pm

Star Boy
Chapter-10
May Renthlei

(KA EDIT LO AW,CHHIAR AHAR ANG.KA MIT IN KA HMU FIAH TAWHLO A. KA TYPE REI DEUH CHUAN ANI THIN A.
SIGNAL A CHHE LUTUK A, KALO DAH LUT LAWK THEI BAWK SILO A,KA TLAI TA VEK A NI)

Thinrim ru teuhin school chu ka thlenga. Class ka lak lai pawh chuan min hauh dan khan ka rilru a kam tun renga, ka lungawi lo tak zet a ni.


In ka thlen pawh chuan kala thinrim tho,na deuha in tawngkhum hi ka tuar ngai lo a. Tuar ngai pawh ni ila ka na tho ang.


Chawei kham ah chuan vah harh lawk ka duh a.
"Nu, Tluangi te in ah ka kal lawk dawn ania,ka reilo ang."


"Awle zu rei lo la." Ka nu chuan ati a. Ka chhuak nghal vata.

Ke in ka kal thla hnak hnak a. Kanin hlat lutuk hranlo.

"Nu Tluangi hi a awm em?" An ina ka luh rualin ka zawt nghal a. An in ah hi chuan ka tal tam ve a, ka tlangnel viau.

"A inbual lawk a, lo thu rih rawh." Min nuih var var a. Nu tawngduh leh a bula awm nuam tak a ni.
"Ee Ruatpui bawngse pickle ka siama ei chhin rawh."

"Avan tui dawn tak." Ka thutna tangin ka tho nghal zawta. Choka lam ah kanin zui pheia.

Ala chhhuak rak rak a.
"Avan tui tak, isiam thiam ve ngawt mai." Ei talh talh pahin kati a.

"I naupan lai atang tawhin tui hi iti em em reng maia, i hawn tur kalo siamsak dawn che nia"

"Ka van lawm tak. Ka ei zo hma leh ngawt ang." Nui hak hak in kati a. Ani pawh anui ve sun sun mai.


"Ka nu chhawhmeh siam helin ilo leng dawk dawk ani maw." Tluangi inbual zo in arawn ti a.

"Hmelchhe hmuh a khat tawh emai tih vangin kalo kal mai mai alawm." Zamlo ham ham deuhin kalo ti leta.

"Mi hi chu ingai ve ngawt mai. Kal ang." Ati lah a. An in kawta thutna an siam lam panin kanin zui chhuak a.

"Tluangi vawin ah Rinpuia nu min hmu turin alo kal a."

"Eng nge alo hrilh che a, a fel hmel em?"

"Atha lemlo khawp mai. Rinpuia hi bansan turin min duh a." Rilru hah deuhin kati a.

"Eng vangin? Duh loh ngawt nachhan tur che an nei hleinem, bakah Rinpuia nen chuan in in zuina arei ve tawh e." Thinrim deuhin ati a.

"Rinpuian nupui hual anei chunga tibuai ah min puh alawm." Thutna hnung ngheng dawt pahin kati a. Ka lungngai tawp a ni.

"Hmanna mi tawh kha maw? K&R group neitu te fanu kha."

"Ni chiang e, Karlie kha mawle." Awki san deuhin kati a.

"A van pawi ve aw. Mahse Rinpuian nangmah a duh tho che lawm. A nu tesaw chu ngatan mah ngailo ang, a fanu Caroline ka hmuh atang khan an mizia tur awm ang chu ka hre mai."

"A nu tak anih loh vang ngawtin kan nek lui ngawt theilo alawm. A nu tak ka nih loh vang maiin min zah lo chuti kha ti ati leh vel sia nga. A zahtlak vak bawksi lo a, zah ve tho angai dawn bawk si." Kati nai nai a. Huphurhawm kati lutuk.

"Lungngai lutuk suh aw thiannu, ilam kan tang tlat dawn alawm. Rinpuia nen hian in hmangaih bur tawp phawt mai teh u." Ka kut rawn vawn pahin ati a.

"Awle, ka bansan phah lo tawp ang, Rinpuia pa ngaihdan pawh kanla hre em hleinem tiraw?"

"Ani chuan a pawm em em ang che, Rinpuia luhlul zia te chu kan hriat kha, a nei lui tho tho ang che." Nui vur vurin ati a. Ka zia ta viau mai. Ka lungngai lutuk talo deuh e.

"Min van hnem thiam tak. Thian tha tak ini." Ka kuah thawk a. Minlo kuah let vata.

"Kha kha ani mai. Chuan maw Mike pawn len chhuahpuiah min sawma."

"Ani maw? Chuan engtin nge ichhan?" Ka kuahna phelin ka en haw a.

"Ka pawmlo phal nang, nangpawn min duh pui kha." Nuamtih hmel deuhin ati a.

"Awi ka van lawmpui cheu, hetiang daih tawh tur hi lawm." Phur sar in kati a.

"Kan lo in mil phian mai theia, in zui diah diah ila ani mai lawm."

"In in mil dawn lutuk. Keini ai pawh hian inneih hma thei hial ang a. Keini ai in inneih hmasak vaih chuan in chaklo ang." Ka kut humruh hmuh zuai pahin kati a.

"Kan la tih khalh dawn chiang lutuk che u." Nuih vak pahin ati a.

"Mike ka call ang nga, min tihkhalh lo turin ka hrilh dawn. Tluangin inneih vat kan tum ati kati bawk ang nga." Tluangi tih hlauhthawn tum deuhin kati a. A thawk tha khawp mai.

"Ruatpui ka fiamthu mai mai anih kha. Mike bulah engmah sawi reng reng suh." Hlauthawng deuhin ati a. Ka nui chhuak tep a ni.

"Ka hrilh tho tho dawn. I in tithei emai." Uar deuhin katih khum a.

"Ruatpui ivan sual tak. Kan la in nel viaulo ania, minti zak reng reng suh." Ka hrilh palh ang tih chu hlau tak a ni.

"In inhriatna a rei tawh e. In in ngaihzawn tak vangin i zak thar leh ta deuh ani lo maw?" Ka nuih vak vak a. Athu tum bur a.

"Nui rawh,tuna inuih phawt chuan ka hrilh leh lo ang." Sawi dat dat pahin kati a.

"Hiii" min thenkhum vaka.

"Khatiang kha nui anilo. Ka hrilh dawn." Phone kala chhuak a, Mike ka call a.

"Lalruatpui i call elaw off nghal rawh." Ka phone kanin chuh a.

"Hello hello, Ruatpui ka tawng ihre thei em?" Mike an arawnti a.

"Aw hre thei e, Tluangi hian." Ka hmui arawn hup a.

"Mike keimah Tluangi, Ruatpuii hian alo call sual che a, zanah kalo be dawn che nia." Ka phone chu off hmakin, tum hman chungin min pe a. Kei kalo khi vur vur thunga.

"Tluangi min thlah tawh la. Ka duh ai kalo lengrei tawh." Va nek sak sak pahin kati a.

"Ka thlah peilo che, I sual si nagmahin haw rawh." Rum deuha min melh pahin ati a.

"I thinrim der thiamlo si,minlo thlah mai mai teh." Ka pawt tho a.
"Tluangi ithinrim der anih pawhin Mike bulah tal chuan tum der hmeltha vedeuh rawh aw,a hlau ang che." A bengbul ah kati sa sa a. Min rawn tin uai a. Ka lo in bum zauh a.

"I sual lutuk aw." Min beng dawta. Kal kawnga kal pahin kanin nek phei char char a. Alai takah kanin then a, kanin kal sawn dawn chuan kan hreh leh viau sia.


"Rinpui" Alam panin ka tlan phei vat a, alo phar duai a. Ka va kuah thlawp a. Nghet takin minlo pawm vawng vawnga.
Vawin ka natna te leh a nu vanga ka thinrim na te chu a pawm bo vekin ka hria. Thlamuang leh nuam titakin naute ang maiin a awm ah chuan ka bei thlap a. A rimtui tak te leh a taksa,a engkim mai hi ka duh em em vek a ni.

"Ka naute hian min lo ngai hman viau ani maw." Hriat nuam zetin ati a.
Chhang lo in a awm a bei thlap chungin ka bu nghat a.

Thaw ri hraihin min kuah ghet sauh a.
"Tiang em em hian min ngai ani tih hria ila chu, chhun ah khan hmu tur che in kalo kal ngei ang mawle." Min kuah reng pahin a khabe ati che ralh ralh a.

"I buai viau laiin ka hmuh duh thu che hrilhin lo call ta che ila ilo kal vat dawn tho ami?" Inla babe zetin kati a.

"Aw lutuk tlat." Ka lawm lutuk tlat kei pawh hi.

"Ilo thlenna arei tawh em?" A kawnga la kuah reng chungin ka inla hrang deuha. Melh cho kiau in ka zawta.

"Ka lo thleng ve chiah. Khawi ah nge i kal a?" Hmangaihna hlir a khat mitmengin min en chhuk a.
Hepa hi aw ka duh zual telh telh dawn anih hi.

"Tluangi te in ah ka kal a. Mike nen an ni pawh an in kawp tawh a." Nui ver ver chungin ka sawia.
"An lawmpuiawm hle mai." Ati sup a.

"Keini ai an inneih hmasa daih mai ang tih ka hlauthawng, Tluangi hi monu thiana hman ka duh dawn sia." Kati a. Rinpuia nuih kati za tawp.

"Chuti chu inneih vat mai ila, ka naute." Nuiza hmel pu deuhin ati a. Ka hmui ka tih sawi khum ringawt a.
"Ka duh viau che pawh hi a awm a ni kopiko." A englo lai deuh ah min nawr pheia, lo kun hniam min fawp vawng vawnga.
A hrehawm loh chiang alawm. Duh ber te nena tih atan chuan.

"Rinpui lut tawh ang." Ka inla hranga, athaw ham ham. Min fawp leh zui zeuhin anuisuk a. Kanin zui lut a.

"Awi ka theih ngilh chiang lutuk." Pawi tideuhin kati a.

"Eng chu maw?" Ka sam a chul dalh dalh pahin ati a.

"Tluangi nu in chawhmeh ka hawn tur asiam a, ka hawn miahlo. Zingah ka la leh tho tho ang." Kati bai bai a. A nuisuk a.

"Khaw nge i chhung tehi an awm a? An reh thiap mai." Hawikual pahin ati a.

"Room lam ah an awm aniang." Sitting room lam ah kan thu a.

"A pawi loh tawp chu a." Ka bula lo thut pahin a sir zawngin min kuah a. A hlim hmel sarh sarh bawka. Hmuh anuam mah mah a ni.

"Thlalak hmuh tur che ka nei. Ilo hmu tawh zawk em?" A phone phawrh pahin ati a.

"Ka hrelo, ka hmulo aniang."
A phone chu a hmet kual a.


"Hei hi mawle, an hrechiang chak khawp ang che." Anui vur vur a. A phone chu la in ka en a.

"Eng tin nge kan thalak hi an neih theih a?" Mak tideuhin ka zawta.
Kan len chhuahni a kan thlalak kha group lun tak tak ah anlo post a, mahse kan lukhum khum vangin kan hmel alang chianglo ve ve. Kan land an mai atang pawhin kan in duh hmel ngawih ngawih.

"Ti kha chuan hmangaih ka nei tih an hre tawh ang nga, Karlie nena kan chung chang hi chu a reh vat mai ang." Thawveng deuhin ati a.


"Ka hmel alang chuanglo a, a pawilo e. Kan lan dan atang pawh hian kanin hmangaih zia alang tiraw?" Khi ver verin kati a..
Rinpui hian mite ngaihven engkim ah a hlawh em em a. A bik takin thalai rual ho ah hian atla na zual hle a ni. Star Boy ani reng mai dawn anih hi.

"Kanin hmangaih em alawm." A lam ah min pawt pheia, a awm ka ngheng rak a. A thawri dat dat chu ka hre thei.
"I bula hun hman reng theih hi ka duhtak zet ani kopiko." Thawp sapin ati a.

"Keipawh." Kut kanin khalh sak nauh nauh a.
Min fawp zauh zauh reng bawk a. Kan pangai thei meuhlo, kan thaw ri tehi aring bik ngawih ngawih zel. Kan awmdun tawh phawt hi chuan.
Abul ah hi chuan khawvel thildang engmah tehi ka hre changlo a, a nuam a ni.

"Rinpui vawin khan maw." Sawi zawm lo in ka ngawi data. Ka hrilh kher duh angem aw tih ka ngaihtuah leh hnuhnawh.

"Sawi zawm la." Alu ti che in, ka biangah a fawp zauh a.

"Angai leh lo mai. A ho lutuk." Kati ta ringawt a. Buaina a awm zawk mai mai dawnin ka hria. Ka ngaih theih loh chinah ka hrilh chauh ang.


"Sawi mai mai la. Ho katih sak miahlo ang che." Ka hmel a en theih nan min kuaidak deuh a.

"Ih mawm ka ngai lutuk che a." No deuhin ka melh ralh a. Alawm teh mai ania aw. Ka hrilh fuh lutuk.

"Keipawn ka ngai che lawm." Mawi lutukin min melh a. A nghawng ah ka kuah hnalh a. Ka hmui chu a insi leh ngar ngar tawh.
Pen ri arawn awm a, ka phu nasa lutuk a. Ka tla tep a ni. Rinpuia kalo ring tawp tawh sia. Kanin siam tha vat a. Ka sa hat hat mai.
Pen ri chu kan ngaithla dun kar a, pawnlam ah a chhuak daih a.
Kanin en hau a, kan nui ta tlak tlak a.

"I phu hlum lo chauh alawm le kopiko." Anui huk huk a.

"Nangpawh i phu vetho alawm. Ka pa ani ngei ngei ang." Kala nui char char a. Ka hmel awmdan tur ka ngaihtuah hian ka nuih a za tlat alawm.

"Teuhlo mai." Ala titlat zuia.
"Ka pa in a reh hrep che chu i hlauh em kha." A awm ah ka hnek salh a. Alo man beta, min pawt phei rawk a.



"Ti tha leh tan tawh ila." Sexy zetin min melh a. Ahma ang khan ka bet chiah tawhlo. Alo luh hun tur kan hre silo a.

Dar10 velah a haw a. A chhungte lakah buaina ka tawh loh hram ka beisei. An inla ve ropui sia, ka ngaisanglo ve ngawt mai. Anu leh a farnu te hi.


Zing ka thawh chuan ka hlim veteh reng nen, Rinpuia zin ngaihthu ka hre leh sia. Ka hlimlo zo leh vek alawm. Kar hnih dawn lai ala zin dawn zuia.

School lam ah ka in khalh pheia, Rinpuia Mizoram ah a awmlo tih hriat chuan minti zawi. Ka ngai nghal em em bawk. Hei chu kala tawrh fo tur ani si a.

"Miss Ruatpui dawr ah min kal kawipui lawk rawh aw." Miss mawite in ati a.

"Eng dawr ah?"

"Kan pa birthday ani tawh dawn a,thilpek tur leisak ka duha. Rinpuia thil tur i lei ve duh ang chu kati." Midang hriat loh tur si hian asawi a

"Awle kan kal dawn nia." Buk nghat pahin kati a. Rinpuia thil ka leisak khat bawk a. A pawilo khawp ang.


School ban ah chuan kan kal kawia, an inhmeh leh an duhzawng tur awm ang kan en kual a. Kan nui leh hak hak thin a.

"Ruatpui ivang hle mai. Hmuh tur reng reng awmlo mai." Minlo titu chu ka en tawp a. Ka hre ngai hauhlo mai. Ka hmutawh mai thei bawk.

"Chu tia mi." Amah chu en in ka nuitawp a. Mipa chhelo tak chu ani, a changkan hmel viau bawk a.

"Min hriat tawh loh hmel riauin ka hria, Nathan ka nia, damdawiin thar lawmna ah kanin hmuh tawh kha." Nuisangin ati a.

"Mi hi ka hre rei theilo lutuk a, min hrethiam rawh." Nui chungin kati a.

"Kei chuan kha mi hma daih pawh khan kalo hre tawh che a. Ka theihngilh theih loh chitak ini ania nge." Nelawm takin anuia.

"Min hria amaw?" Khawi ah tak chuan minlo hre bik tak ang maw.

"Hre mah mah che. Mipa vanneih tak anih dawn hi." Ka thil enlai lo khawih ve pahin ati a.

"Iti lawmawm e." Mawite in minlo koh hlauh a.
"Nathan ka kalsan phawt mai ang che."

"Awle, kanin hmuh leh vat ka beisei." A vei nuihsuk a.
Ka kal tawh hnu chuan ka hawi let leh a,minlo la en zui char char mawle.

"I va hre chelo thei ve a." Miss Mawitein nui har harin ati a.

"Ka hre lutuk lo." Nuisak pahin kati a. Inlam panin ka in khalh haw a.

Rinpuia nen pawh kanin be ngun lutuk lo. A hman meuh hi chuan kalo zanlai tawh thin a. A chang chuan minti harh lui kher thin bawk.
Ka hmuchak tawh hle a ni.


Rinni ah chuan ka nu aiawhin ka bazar a. Nathana nen kanin hmu fuh leh a. Biak kher pawh ka tumlo a, min hmu ve hman hram a.

"Ruatpui lunch eidun ila, school kal lai sawi chhuak leh tepawh a chakawm alawm." Ka kut ah kaiin min kal pui nghal ringawta.


"Min thlah teh, mi an tam em hi." Lungawilo deuhin kati a. Min thlah ve mai bawk a.
Kan dawr luhna chu a nuam reuh khawp mai.

Ka eitur duh zawngte min order saka a fel phian reuh.

"Ruatpui high mountain a iluh lai khan keini chu LM school ah kan lut thin a. Ka hriatna che chu a reitawh." Ati a. Kan eitur pawh chu alo thlenga.

"Chuan engtin zel?" Ka ei tur chawh kual pahin kati a.

"Kanin hriatdan chu a lawmawm lem loh, in school mipa ho nen kan insual.". Nui ruh ruh chungin ati a.

Ka ngaihtuah let vang vanga. An insual vel kha chu kala hria.mahse an hmel ka hre hlawm tawhlo.

"Insual vel kha chu kala hre lutuk alawm." Nui hak hakin kati a.

"Khata tang khan ania ka hriat daih tawh che."
School kal lai eng emaw sawiin kan nui hak hak a. Abula awm anuam ang reng viau.
Kanin thlengin minla thlah lui tlak zuia.

Thil pawitak a thlen phahna tur ani tih hre lawk ila chu Nathan hi biak pawh ka be hauh lo ang mawle. Mahse kan hma hun hi kan hre lawk silo a.
Caroline hi ati mah mahin ka haw tak zet a ni.

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)