STAR BOY II BY May Renthlei (Completed)

Episode nei ho a hlawm a dahkhawmna
Ngaia
Site Admin
Posts: 25813
Joined: April 30th, 2016, 4:07 pm

STAR BOY II BY May Renthlei (Completed)

Unread post by Ngaia » September 10th, 2017, 3:46 pm

Star Boy 2
Chapter-1
May Renthlei

A link chiah tih loh hi chu khawiahmah copy/paste phal a ni lo.
A link share dan
viewtopic.php?f=2&t=917
A share dan tur nen lam kan inkawhhmuh chung pawh a, a story full a whatsapp lama la copy/paste lui in awm anih chuan Police-ah FIR kan thehlut anih pawhin nangmahni chochhuah liau liau a ni ang...
Copyright ©
All rights reserved
http://www.storyfb.com


After Seven Years
("Tu nge ka ni tih i hrelo tak tak em ni a ? Kopiko." Thinrim leh rilruna rilru na inchawhpawlh nawkin ati a.

"Kopiko tih khan min koh tawh suh. Karlie pasal hual ini tih ka hria. I lawm tawk tawh em?)

Ka phone ri chu ka la a,"Aw Zothan tun ang zingkar hma taka minlo call chhan chu ka hre mah mah a nia." Mut chhuak aw deuhin kati a.
Ani hi ka thian tha tak nithin, ka bialpa lo nita a ni.

"Bialnu murei thei deuh ka duhlo a nia. Tho vat rawh." Zangkhai vahin arawn ti a.

"Ve bawk a che. I hna ah ibuai viau lo mi? Lo kal ve turin ka phut lui miahlo che a nia."
Anihna takah chuan Zothana hi lo kal ve turin ka duh hranlo. Kanin Ngaizawng tih hria an tam phah mai mai.

"Kha tia itih khan lo kal ka chak leh zual ania Ruatpui." Nui deuh kur kur chungin ati a.

"Awle anih chuan dar9:30 ah chhuah hman kan tuma, lo thleng hman rawh aw."

"Awle ka lo thleng hman dawn chiang." A bula awm hi a hahdam thlak a nia. Minti nui reng thei thin.

Ka u chiah Melody in Lunglei ah pasal a neih dawn avangin vawin lamah kan phei dawna. Ani pawh senior lamah pasal anei ve chiah.

Ka intifaia ka chhuk chuan anlo ri laih laih a.

"Bawihi iva tho tlai ve, I insiam peih tawh em?" Ka nu chuan alo tivata.

"Aw peih tawh e. Nu, Zothana lo kal ve atum a, a rualin Tluangi leh Sawmi te nen kan kal dawn ania." Kati nghal a.

"Zothana chu a va fel ve, a buaiawm tehlul nen."

"Nia ati tha khawp mai." Zalo deuha nuih pahin kati a.

Chaw kan eikham hnu chuan Lunglei lam pan chuan kan pheia.

"Ruatpui nangni pahnih pawh hi ti ve tawh mai ula." Sawmin arawn tih chuan rum deuhin ka melh chho a.

"Tun ang laia doctor pasala nei te chu tha deuh asin tiraw Zothan." Tluangi chuan arawnti ve bawka.

"Nia, kei chu ka inpeih reng Ruatpuii inpeih hun hun hi ani mai." Khi vur vur chungin ati a.

"In ninawm in bulah kalo chuang peih a ni." Tum bar chungin kati.
An nui vak vaka. Kawng tluan deuh thaw in min fiam char char a. Ka thinrim poh leh nuam anti ting mai bawksi. Zothan lahin alo zawm tha theisi.

Tlai lutuk lo ah kan thlenga. Hmeichhe ho chu u Melody nena kanin luah ah kan awma. Kanin luahna hi ka pute a te in ani bawka. Zothana leh Rina teho an thleng ve thung in chung, ka pute a te in ah an awm ve thung.

Kawr in ang kan thui tir chu kan ha thap a. U Melody chu mawi kati tak zet. A pasal tur pawh hi amah ang tho a,zirtirtu a ni.

"Ruatpui i dam maw? Ivan ngaihawm em em." Rpi chuan minlo tichul a.
Lunglei ah hian college ka kal vangin hmelhriat ka nei ve nual.

"Aw dam e, keipawhin ka ngai lutuk che u." Kanin kuah nak nak hlawma.

"Inlo inkhawm ve chu ka lawm hle mai." Nuisangin kati a, fel kati hlawm hle a ni.

"Loh theih nang,tuntum ilo kal chu vengtu pawh inei tha sawt hle mai." Kimi chuan ka hnunglam melh zeuh pahin ati a.
Ka nuisuk ringawt a.

"Ruatpui kan lut tawh dawn ami?" Zothana chuan arawnti a.

"Aw nia pawilo. Lut ang u." Ka college kal pui ho melh pahin kati a. An khi thaw hlawma. Inla hrethiam hlawm lutuk mai.

Inkhawm ban ah thla te kanlak zawh chuan,a hmunah thingpui kanin nghala. U Melody pasal te in hi biakin bul lawk ani nghal a,a awlsam phian.

"I chau em?" Zothana chuan min melh vang vang pahin ati a.

"Chau love. I ning viau zawklo maw?"

"I bul ah ka awm a, nin nachhan tur ka nei hleinem." Fiamthu deuh hian ti a.

"Tak tak ang deuh hian awm thin suh." Melh rum pahin kati a.

"Awi nagni pahnih chu, Ruatpui minin hmel hriattir veta che." Rpi chuan ati a. Kan thutna lam panin an rawn phei hlawm a.

"Tu man an chhaithlu thei dawnlo emw kanlo tihmana." Ati chhunzawm leh nghala. A nui awr awr a.

Sam an,"Dinpuia phei chuan Ruatpuii chu Pathian nen pawh bem ila, kan bem thlu theilo ang ati hial asin." Alo tive bawka.an nui vak vak a.

"In va tawngthei tak. Ka thianpa Zothana anih hi." Kati zaih a. Zothana chu ka melh duh thaklo.

"Thian chauh chu anilo tawp ang, tiraw Zothan?" Nuih har har pahin Kimi chuan a zawta.

"Kanni alawm." Kalo tih khalh leh vata.

"Zothan thudik sawi teh." Sam an ati a .

"Ruatpuii nen techuan." Rum tawkin ka melh a,ka lu ka thing zeuha..
"Asawi ang kha ani mai." Tuiloh hmel deuhin ati a. Kalo nui var var thunga.

"Ruatpui khu lam ah chhuk tawh ang u." Sawmin minlo koh hlauh a.

"Kan kal tawh mai dawn. In hmel ka hmu a, ka lawm lutuk a nia."
Kanin vai liam ta hlawm a.

Zothan an,"Ruatpui i sual ve chiang ngawt mai." Kan kal fal hnu chuan ati a.

"Nagmah alawm. Thil khirh deuh min tihpuia." Kalo tilet ve thunga.

"I sual tho tho." Nui deuh chungin ati a.

"Ka pawm mai ang." Kalo ti a. Kan pahnih hi chuan kan inti lungawi leh nghal mai zel.

Atuk lam ah chuan kan hawphei leh nghal a. Hnathawh nei vek kanni a. Kan cham hman hlawm lo.

School ka thlen chuan minlo be sap sap a, naupang ho chuan. Min ngaina hlawm lutuk.
Teacher nih tumna hi ka nei ngai miahlo a, mahse duh ang hian a awm tawp theih silo a.

Office ah class neilo ho chu kan awm a.
Miss Mawitei chuan,"LMT Company hi tunlai boruak an nei lian khawp mai. A fapa in a enkawl tawh bawka. A pa ai pawhin a che ropui zawk anih hi." Ngaisang tih hriat fahranin a sawia.

"A pa ai pawha alo chet bawn zawk chuan, a puiawm hle mai." Sir Albert chuan alo ti ve bawka.An sawi zui nak naka
Class ka neih dawn avangin ka kalsan a.
Tlar hnung lama naupang tawngho chu ka hau a.
"Miss High Mountain ah i lut vethin tiraw?" Min nel deuhtu Rinsanga chuan ati a.

"Aw lut ve thin e, tha deuhin class10 hi pass ula inlut ve dawn nia." Nuisangin kati a.

"A u pawh alut vethin a. LMT Company neitu pa pawh hi a kal vethin atia. Chu vangin ka kal ve chak."
2016-2017 kum kha ka kal tawpna a nia. Kum7 lai aliam tawh a. Lo rei veta deuh hlek a ni.

"LMT Company neitu pa hi kan class hmeichhe ho pawh hian an star lutuk a nia. Anla naupan nen Miss hau rawh." Tlana naupang lian deuh â chum buang hian ring deuhin arawn ti a.

Hmeichhe ho chu an zah ve hmel lutuk.
"Thildang sawilo in tha deuhin zir tawh ang u le." Katih chuan an ngawi ta thapa. Enkawl an nuam phian. Luhlul fal deuh hi chu an awm tho a.

Tunlai chu LMT Company a lar ber awm e. A chanchin hi hriat loh tum teh mah ila a theih loh. India ram chu sawiloh khawvel pum ah an in zar pharh si a.

"Bawihi naupang enkawl chu hahthlak iti em?" Ka pa chuan minzawta.

"Ti lo e, nuihna anti tam phian mai. Anni ho aia temah hi zirtir ka chak." Thingpui pek pahin kati a.

"A tha hlauh anih chu." Thingpui in hlak pahin ati a.
Zothana alo lut hlawla. Mak tideuhin kalo en a. Nidangah min hrilh lawk ziah sia.

"Zothan teh mial che chuan, ilo va langkhat ve." Ka pa chuan alo ti a.

"Nia damdawiin thar hawn kan tumna vel ah hian tunlai chu ka buai thei khawp mai." Nuisang chungin ati a. Ka chhungte pawh hian an ngaina lutuk.

"I ngaihsanawm hle mai, naupang te a damdawiin din theih te chu." Ka pa chuan chhuan hmel deuhin alo ti a.

"Keimah chauh ka nilo a,thlawp tu thian ka nei thaa. Ruatpui i thingpui chhuan a so" Ati nghal zata. Thingpui min lum rawh atih vena a nia.

"I in ve ngai ami?" Tih pahin ka thawhsana.

Thianpa a sawi ve ziah hi tunge mawni... A boss niawm tak a ni.
Zothana hi kei ai kum3 in a upa bawk.

Thingpui keng chungin ka pheia. Anlo la tawng mawlh mawlh a.

"Zothan tikhan lo inkawm rawh u. Naktuk zan ka thusawi ani sia, ka han in puahchah lawk ange." Tih pahin min thawhsan a.

"I buai viau aniang, I tarbawih alawm." Nuih tha chungin kati a.

"Teuhlo lutuk. Ka chelo sawt zawk alawm." Hawisan vah pahin ati a. Kalo nuih ringawta.

"Damdawiin in hawn thar tur ah hian i thianpa chuan a pui che tihna ami?

"50% tawp hi aman a chang ang. Ani vanga din thei chauh tur kan ni a."

"I thianpa hi a fel viau ami? Nge ni a Doctor ve tho zawk?" En kar chungin ka zawta.

"Ani chu sumdawng a nia. A hmeichhe hmangaih tak vangin damdawiin din hi a duh a."

"Hmeichhe vanneih tak anih dawn chu." No dah phei pahin kati a.
Ka sil faia, ka let leh nghala. Minlo en kura.

"Ruatpui I vanneih daih zawk. Ka bialnu ini thei a nia." In chhuang vel deuhin ati a.

"Ni e ka vanneih khawp mai. Kanin Ngaizawng tih Muanin a hriat chhuah loh chhung hi chu."

"Engtin mah ati lo ang che." Nui tawi tak chungin ati a.

"Engtin emaw deuh min tih vaih chuan, Zosang nangmah zawk hi ka sawisa hrep ang che." Ka kut tum lek va pahin kati a.

'Ati lo ang che. Insum teh." Ka kut tih tlak pahin ati a.

Kanin fiamzui bawrh bawrh a. In Ngaizawng awm hian kan awmlo hrim hrim.. Awmdan pawh kan hre chuanglo.

Ka school bang haw lamin Tluangi leh Feli ka hmu a. Ka scooty ka tiding nghal dawta.

"Feli i chak dawnlo lutuk." Tih pahin an bulah ka phei a. Feli chu tlan chhiat atum a, ka man hmana.

"Ruatpui tihpalh lutuk. Kan tum reng vang pawh anilo." Tal chhuah tum pahin ati a.

"In in chawina ho lutuk ah ka hming inlo theh lut ve a." Thin ur deuhin kati a. Tullo ah ka in ham tan phah.
Tluangi lah alo nui char char a.

"I hming kha chu Tluangi ziah tel alawm." Atih chuan ka thlah a.

"Tluangi eng vangin nge i ziah tel?" Rum deuhin ka melh phei.
Ka melh phei veleh leh lam a hawi vata. Thil tullo en in a hawikual vak vaka. Ka ngei lutuk.

Feli chuan," Kan in chawina kha kanti tak leh lutuk a. Kanlo over hret a ni." Atih chuan. Kan thaw chhuak nghal vaka.

"In va ho hlawm tak." Kanti ringawta.

"Ruatpui i ngaihzawn ve tak tak ka hlauh naklai. Thian ang khan awm tho ula. Min hrereng rawh aw." Feli chuan ala tizuia.
Taxi lo tlan chu pharin min hawnsan nghal a.

Tluangi chuan," Ruatpui min thlah thei." Min tlawn deuhin ati a. Ka ban a vuana.

"Ka phur peih dawn che emaw nile. Eng vangin nge ka hming i ziah tel?" Kati leh vaka.

"Felin Zothana a duh zia te chu ihriat kha. Puzzzle kan khelh khan Feli leh Zothana in ngaihzawn tir dan kan zawnga, Feli pawt fuh lo i hming ka ziah kha a pawt fuh daih alawm. Tihpalh lutuk Ruatpui." Min nek talh pahin ati a.

"Awle haw phawt ang. Thian neih fuh loh hi chu a pawithin." A ngeidan deuh turin kati a.

"Min neih fuh mah man Lalruatpui." Ka lu a min nem kun pahin ati a.
Nui chung chuan kanin khalh haw veleh mai a.

"Ruatpui, Feli hi Zothana hi lo tihpui tho rawh aw. In ngaizawng rih man ula." Nui awr awr chungin ati a.

"Ka char bet tlat tawh ang. Inthiamloh ani tho." Mit ko san ak chungin kati a.

"A pawi pawh kati chuang lo." Ati a, ka duh dawn chuanglo tih a hre chiang mah mah tlat.
An in thleng ka thlah hnu chuan ka haw nghal a.

Ka phone ri chu ka la a."Ka bialpa duhtak han sawila."

"Damdawiin thar lawmna party kha zirtawpni hian kan nei dawn a. Ka partner tur ini ania aw." Hriat nuam deuhin arawn ti a.

"Party na ah ka kal ngailo tih ihriat kha Zothan."

"Ka bialnu ini sia i kal ngei angai." Nui chungin arawnti a.

'Zothan eng vangin nge Feli i hruai mai loh ang. In in hmeh zia lah chu sawi ngaihna pawh ka hrelo zawk." Uar tawkin katih khum a.

"Ka bialnu inia lawm,ka hruai ngei che i ngai."



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » September 10th, 2017, 3:46 pm

"I bialnu ka nihna hi ka pe ang nga nimai lawm." Nui hak hakin kati.

"Ruatpui uang renglo khan lo in ringla ani mai." Tih pahin a dah hmaka. Ka kal ngei chu a ngai dawn anih hi.

"Nu vawin chu kalo haw tlai ang aw. Bazar kal kawi ka ngai a."

"Awle,eng nge tih kawi ingaih a Bawihi?" A chanchin bu chhiar lai dahthlak pahin ati a.

"Zothan an dawiiin hawn thar lawmna ah kal turin min sawm a."

"Nih chuan nalh deuhin i lei dawn nia." Ngainatawm taka min en chungin ati a.

"Awle, ka kal nghal mai dawn nia." Ka chhuak nghal a. Scooty ka keng lo a, a ke thlak a ngaih vangin.

Ka thlen chuan,"Ruatpui LMT Company neitu thar hi, a hmeltha lutuk an tia, atak ah ka hmuchak e." Miss Mawitei chuan ati ngawih a.

"Mihring pangai ve tho alawm. I bialpa ka hrilh ang nge aw." Tih pahin ka nuih a.

"Hrilh chiloh. LMT neitupa hi chu a hnatawh ropui deuh hi ralkhat atangin kan hre reng ringawta,a hmel hmuh tur awm silo." Anti leh hapa.
"Awi ka theihngilh dawn,class ka nei alawm." Lehkhabu la a chhuah dawr dawr pahin ati a. Abula awm hi a nuam, a ri chul renga.

Canteen ah coffe in pahin ka chawla, helai hmun ah pawh LMT Company chungchang tho maw. Helai hmuna in sawh ngheh an tum anih hmel.

"Miss Ruatpui Scooty ilo keng na nge? Kalo thlah dawn che mi." Sir Albert chuan ati a.

"Angailo mai. Bazar lam ah tlang ka tuma."

"Ka haw kawng tho alawm. Lo chuang rawh." Hnial duh lem talo chuan ka chuanga.

Bazar kan thlen chuan ka chhuk a," Sir Albert ka lawm e." Tih pahin ka chhuka.

"Eitur minlo lei rawh aw. Naktuk ah minlo ken ang nga." Nuisang chungin ati a.

"Awle ka theihngilh loh chuan aw."

"Theihngilh awi loh." A tlan liam hnu chuan, ka thawmhnaw hak tur ka zawng kuala.

New Fashion dawr lian tak an hawn tharah chuan ka luta,a nalh hlawm ngei mai. Dawr pawh anti changkang khawp mai. Zahpuiawm lo tak a ni.

Kawrfual hnalh ka duh ang thlapa nalh ka hmuh hnu chuan hawn mai ka tuma.
Rik nuai nuai na lam chu ka hawi pheia, reporters ho an tam ngei mai. Mipakhat biak ngei an tum a, bodyguards ho in an lo dang hram hram a. Tu chu nge mawni an buaipui hlawm ni.

"Awi Mizoram ah awm tawh a tum an tia ka lawm e." Ka hma a hmeichhe ho chu an lawm hmel hlawm ngang mai. An in be sup sup a.Lift ah chuangin ka chhuk thlaksan hlawm a.

"Ruatpui i bazar ve elo. Hmuh tur iva awmlo ve." Minlo titu chu ka en a. U Melody thawhpui nu Maliani alo ni a.

"Aizawl lam ah te ilo phei a ni maw? Chawte pawh lo ei ve ula." Nuisagin kati a.

"Nia a chakawm khawp mai remchang a awm chuan aw." A thian ten anlo koh a."Ka kalsan phawt mai ang che."

"Awle awle."
Dawr piah deuh ah chuan taxi kalo changa. Ka phar din tawh hnu luh mai ka tum lai chuan. Min koh ri ang deuh hi ka hria a. Ka hawilet a.

Kan hnunga motor dangin horn min pek avangin ka lut ta vata.

Taxi driver chuan,"Nula thil theihngilh te inei em? Mipa khatin minlo um zui tlatin ka hria." Ati a.

"Ai neilo e. Keimahni kan nilo ang." Katih chuan engmah a sawi zui talo a. Ka thin erawh achhan ka hriat miahlo in a phu dup dup.

Damdawiin thar lawmna a kal tur chuan nalh takin ka in cheia, ka kawrfual hak chuan minti lang nalh tak zet.

Zothana pawh alo thu ran tawh a. Min hmuh veleh a ding hluaia." I nalh lutuk a, kalpui che pawh ka insit ta rum rum mai." Nui sawng chungin minlo ti a.

"Anih chuan kallo mai ila." Kati vata.

"Ka bawl che anih kha, la thutak suh."

"I van nghal tak. Palian thluak thawl ru riau pa." Ka tih chuan chuan a nui mai mai a.

Ka luhna tur min hawnsak ah chuan ka thulut a. Kan chhuak ta nghal a.
A hmun kan thlen chuan rin ai daihin a ropui. Tiang em em anih ka ring pha hleinem.
Nalh tak takin anlo awm suau a. Mihausa kal khawm tih hriat reng mai.

"Zothan kan rei lutuk lo ang tiraw?" En chhoh pahin kati a.

"Rei vaklo ang,ka thianpa leh a bialnu ka hmelhriattir dawn che nia." Lo lut mek te en pahin ati a.


"Zothan tun ah hian bialnu tha ber angin kan awm ange aw. Nangpawh bialpa tha ber angin awm ang che." Dak vahin kati a. A ruk tak chuan ka zam a ni.

"Chu tur chu a ni. Ti chiah ila." Phur lutukin ati a.
A ban ah chuan ka kut ka rawlh lut nghal vata. In en in kan nuidun a. In ngaizawng tak tak kan ang veta khawp e.

Khap miahlo a min lo en char char tute lam pan chuan min kai pheia. A bula hmeichhia chuan duh tih hriat ngawih ngawihin a nek talh talh bawka.
Anni pahnih chungah chuan mi mit a fu thup mai. Sawisel bo dun tak anni.

Zothana chuan,"Rinpui inlo thleng thei maw? Hmelhriat tir tur che ka neia." Tih pahin min duh hmel deuhin min melh a. Kalo nuihlet sanga.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » September 10th, 2017, 3:47 pm

Star Boy 2
Chapter-2
May Renthlei

Rinpuia chuan min en tawpa, a tawng bawksi lo.
"Karlie ka nia." A bula hmeichhe nalh tak lo ding chuan a kut chibai turin alo phar chhuaka.

"Ruatpuii ka nia, ka hmu thei cheu chu ka lawm hle mai." Nui sangin kati a.

"Zosang iva in zep thei ve a." Karlie chuan Zosanga no taka melh pahin ati a.

"A duhawm teh mai a nia." Ka hmai khawih zeuh pahin ati a.

"Duhawm tih ka duh loh kha." Inla pangchang vel zetin kalo tive thunga.

"A ruka i sexy zia hi mibula sawi ka duh hleinem." Lo kun hniamin ka beng bulah a sawi sapa. A va han inla zei vel tak.
Keipawh hi ka zei ve tho. Ka melh ralh a, induh hmel deuhin kanin en vela.

Karlie chuan,"In in hmangaih hmel hle mai." Rinpuia nek talh pahin ati a.
Ka nuih a za nge,ka tah a chhuak tih pawh ka hrethiamlo.

"Zosang kal tawh mai ila." Kati a.

"Awle, Karlie in chung lamah kan cho dawn aw. Rinpuia hi zan in a biak tlak loh e mai." Atih chuan Rinpuia chu a then suka.
Mit meng hriatthiam har deuh hian min melh reng bawksi.

Kan kalsan hnu chuan ka zawta," Anni pahnih kha an in hmangaih viau a mi?" Kati a.

"Ka hre chiah bik lo. Karlie hian a at chilh mah mah tih erawh ka hre chiang. Rinpuia mei ang chiah." Nih vel ka ring renga.Zalo deuhin ka khisuka.

Music ari riai riai a. A then an ti ti a,an lam bawka. In tur chi hrang hrang pawh mawi takin ei tur nen a intlar put mai.

A thian teho min hmelhriattir bawka , an felin kawm an nawm hmel hlawm khawp mai. Mahse hmel hriat tak tak anni lo a,Zosanga chuan min ngaihsak viau lo phei se chu awm dan tur pawh ka hrelo.

A rei hnu chuan ka ning tan ta khawp mai.
"Zosang chhuak thawveng ila, anih loh pawn haw tawh ang."

"Awle kan haw dawn nia. Ka thian te hi kan be kual leh lawk a nge. 5minutes awm leh lawk ang."

"Awle be thuai thuai rawh." Naupang chhia mintih hmel deuh hian min en a. A nui deuh bawka.
"Tah hian kalo nghak ang che."

"Awle ka reilo ang." A thiante lam pan chuan a phei a.
Ka hawikual a, Rinpuia te bawk chu ka hmu leh a, en zui an hlawhin,an ngaihsak hlawm hle tih a hriat.

"Ka lam pui thei che a ngem?" Min titu chu ka en vata. Mipa sang tak, ngo leh hmelchhe lemlo tak a ni.

"Hawn kanlo tum tawh a,min hrethiam mai rawh." Nelawm takin ka hnar a. Rinpuian minlo melh leh char char tawh. Eng nge maw a hriat teh hrep ni. Karlie in a biak pawh a hre miahlo.

"Ka hming chu Nathana a nia." A kut chu ka chibai theih turin a phar chhuak a.

"Ruatpuii" tiin ka chibai leta.

"Ka hriat hnu i ang hle mai." Min melh vang vang pahin ati a.
Ka chhan hma in Zothana alo let hlauha.

"Ruatpui kal ila." A kut min pe a,kalo vuan vata. Ka thutpui pa lam en pahin.
"Nathan ilo kal ani maw. Iti lawmawm hle mai." Lawm hmel vak chuang silo hian ati a.

"Thawh ho na tha neih nan chuan a ngai sia lawm." Then sukin ati let ve a.
An in milh hmel lem lo. An in melh dan atangin. Haw turin kan chhuak a.

"Zothan haw mai in tum ami a?" Rinpuia chuan arawnti a.
Engtik laiin nge alo chhuak ve hman ni.

"Aw haw mai ang. Bawihi hi hmun ngai ah a awm rei theilo a." Nui chungin ati a. Kalo ner naka.
"Motor ka va la chhuak lawk ang. Tah hian lo awm lawk rawh." Ka bu nghata.

Rinpuia chu ka lam panin arawn pen phei pawk pawk a. Min melh dan leh a hmellan dan zawng zawng te saw atha chiang a ni.
Mahse tlan chhiatsan daih ka duh. In herin kal daih ka tum a. Mahse min pawt let dawrh a. Chiang takin kanin melh a.

"Kopiko eng nge a awm zia? Nang hian." Tawnglo in a ngawi daiha. Rilru na, thinrim lutuk hi a ang. Min melh ngawt ngawta.

"Eng thil nge maw ihriat le? Min thlah rawh." Min la vuan nghet telh telh zui.

"Zanin a ka thil hmuh zawng zawng te kha min hrilh fiah rawh" Aw ri hlauhawm lutukin min ti a.

"Tu nge maw nia i inhriat le? Min kalsan nghal rawh." Ring taka au ka tum a, ka tawng ring thei miahlo.

"Kopiko tiang hian awm suh. Thil tam tak hrilh tur che ka nei." Ngen ngawl lutukin min en a.

"Min hai aniang, kopiko pawh ka nilo." Ka kut lak sawn tumin ka che a. Rum deuhin a ka melh a.

"I ni tih ka hria." Nget lutukin min kuah thlawp a. Ka tal aih aih a.

"Ka kopiko ka ngai lutuk che." A thaw ri te, a lung phu ri dup dup te chu ka hre thei.

"Min thlah vat rawh." Min kuah nghet sauh a. Thlahlel tih hriat lutuk in.

"Engtik lai pawhin ka ngai em em reng che." A awri chhuak chu na tak a hliam ang mai a ni.

Zothana motor eng alo lan chuan min thlah a. Min en dan hian min tikhur hial thei.

Motor ah chuan ka lut vata.Eng vangin ka hlauhthawn a, ka zam em em le. Ka khur thei hial a ni.

Zothana nen chuan an in bia tih ka hria. An thil sawi pawh ka hre chuanglo.

"Ruatpui i tha maw? Ka thil sawi pawh i hrelo." Min khawih zeuh paha atih chuan ka harh zawk mai.

"Tihpalh kan che bawn dun lutuk a. Ka zolo deuh a ni" Nuilui hram chungin kati a.

"Karlie pawh khan a awi mah mah a nih kha." Nui hawk hawk chungin ati a.

"Anni ho nen khan in in hriatna a rei tawh em?" Hawi phei zeuh pahin kati a.

"Rinpuia nen chuan naupan lai atangin kanin hre tawha. Mizoram ah lehkha a zir ngailo a. Mahse class12 anih kumin a pa in Aizawl ah alo dah chho a. A mizia a thlak veka atha zawngin." Hahdam hmel takin ati a.

"A mizia kha a nelawm loh." Kati ringawta.

"Nia a pangai viau tawh emaw tih hnu ah, hmana a mizia kha a pu thar leh a. Hriatthiam tum hram rawh." Minlo melh zeuh pahin ati a.

"Kanin hmu tawh kher nang." Kanin kan thlenga.

"Rinpuia khan la hmuh leh ngei che a duh thu asawi a." Kawngka min hawnsak pahin ati a.

"Ka hlau ka hmu duh tawhlo." Nuisuk chungin kati a.

"A melh nih mai mai pawh an chak hlawm ania. I dangdai thin e."

"Hmm muttui aw."

"Muttui le." Car a aluh tawh hnu ah a kut lo dah chhuak in alo vai lauh lauh a. A liam hnu chuan ka luta.

Ka chau ngawih ngawih.Rinpui ringawt ka ngaihtuah a. Eng vanga ngaihtuah nge ka nih? Tiang tur hi ani lo.

Zingah chuan ka online zuai a. Nizana Karlie leh Rinpuia thlalak chu ka hmu a. An in hual thu kala hmu kuau zui.
Nizan khan min duh hmel ngawih ngawih ngawih ang khan min en sia. Ka ngai diklo a ni ngei ang.

Phur lo deuhin school kal turin ka in siam a.
Chanchinbu ah lah miin an hmulo ang tih hlau niawm takin lian tawkin ala chuang kalh zui.

Canteen ah ka luta. Chaw ka eithat loh vangin ka ril atam tlat.

"Miss Ruatpuii eng nge kalo chawp sak ang che." Zangkhai vahin kan canteen enkawl tunu chuan arawnti a.

"Coffee leh chhang iduh duh minlo chhawpsak maila."
School naupang anlo lut nak naka,'LMT Company neitu te kha ka thik e. An inhmeh bawk sia." Pakhat chuan ati a.

"Kei chu hmeichhia kha chu chelo chu ka tia. LMT neitu kha chu a phulo. Miss Ruatpuii nen hian an inhmeh ka ring " hmeichhe pakhat chuan ati a.
Kalo nuisuka. Ka lawm ru riau a ni. An sawi zui nak naka. Teachers awm ve ho pawh chuan an sawi ve tho bawka.

Coffee in pahin ka hawi phei a, hmeichhe naupang pakhat hian minlo en char char a. A hmeltha phian mai. Ka nuih seih a, zak tih hriat takin hnuailam a melh vata.

"Ruatpui i tha em?" Tluangi chuan arawnti a. Class ka lak laklawh lai takin alo call a.

"Aw tha e, ti nge?"

"Engmah nilo e, ka ngai thut che a." Thawk huai pahin ati a.

"Kei hi chu ka ngaihawm ve em a ni. Ka dah dawn class ah ka awm sia."

"Awle zan ah lo kal ka tum ang."
Hrawk thip hluiin asexual reproduction chu ka hrilh fiah a.

Exam an hnaih tawh a. An exam question tun ka lawrkhawm nasa ve khawp mai. Ka kum1 thawhna chiah ani bawksi a.

Question ka set mawlh mawlh laiin ka nu alo luta," Bawihi itha maw?" Min ngaihtuah tih hriat lutukin min en a.

"Aw nu ka tha lawm. Ti nge chu chu min zawh hlawm a? Ka pa leh Tluangin in chhun ah minlo zawt bawka." Ka thil tih lai dahin ka zawta.

"Kan zawh che a in rual palh mai mai anih chu. Tih chhunzawm leh tawh rawh." Min nuih a, a chhuak zui ve nghal maia.

Ka phone ri chhen chu ka en a,tun ang hun ah zan dar12:50 ari tawh a nia. Vawi20 lai, ka dah zawi hlauh a, ka hrelo zawka. Number hriat ngai loh leh nghal.

Ka phone ri chu kala a."Ruatpui tun ah Zothana te dam dawiin hawn thar ah khan lo kal vat teh." Hmanhmawh tih hriat lutukin a rawn ti a.

"Thil thalo thleng a awm a mi? School kan bang chiah a."

"Lo kal vatla a ni mai." Ati hlur a. Ka kal ta nghe nghe a.
Ka scooty ka park a. Feli pawh chu hmuin ka pan pheia.

"Eng eng ni a? Minti hlauthawng a lawm." Kati nghal a.

"Ka kut hi ka ti ulh aniang Zothana bul ah kher min hruai rawh."

Awi ka rei haleluijah.... Ka kawng dawm meuhin van lam hawi chho in kan thaw vaka.

"Chu thil titur chuan nangmahin ikal mai theilo ami a?"

"Theilo, midangin minlo en ang anga sin." A kut dawm ngawih ngawih pahin ati a.

"Khawi maw i kut chu kalo en." Ka en sak chuan ka inthiam loh leh deuh, anat hmel phian a.

"Feli engtin nge itih nata? Lut vat ang i khua te pawh ati sik hial thei dawn asin." Ka kai luta.

"Ka tlu a, a na reuh sia Zothana ka rilru ah a awm nghal a lawm." Ati awlsam et bawk si.
Zothana ka call a,alo remchang hlauh bawka.

"Ruatpui ka lawm e, Zothana hi ka bansan mai theilo a ni." Zuai raihin ati a.

"Awle theih tawp kan chhuah dawn nia." Katih chuan a nui leh ta var var a.

"Zothan a ban hi ati na a, enkawl vat teh." Zothana ka hmuh ve leh kati nghala.

"Awle helam ah lo kal ru." Khi sangin alo ti vata.

"A van tha chiang tak." Feli chuan ati sapa. Ka nui ringawta.

A khawih lai vel chuan na atih hmel viau leh nghala.

"Zothan i hawtawh dawn em?" Zothana melh pahin kati a.

"Aw haw ka tum laiin minlo call zawka." Fuh lutuk.

"Feli taxi in ami ilo kal?" Ka phone ri miahlo ah chuan mi ka be der nghala. Ka kalsan a.

Ka kal thui viau hnu ah Zothana ka call a," Hmanhmawh deuhin kal thut ka ngai a, Feli kha lo thlah ngei ngei ang che." Minlo chhan let hma in phone ka dah nghal hmaka.

An damdawiin vel chu ka en kual a, a changkang khawp mai. Athianghlim si.
Ka hawi kual lai takin Rinpuia te ka hmu a, palian deuh pa4 in an zui bawka. A van pa chiang tak em! Sawiselna tur thlawt a awmlo. Midang pawhin an en zui dauh dauh hlawm a.

Minlo hmu ve chiah a, ka hawisawn vata. Ka lungphu arang leh vek tawh. Hetia awm tur hi ka ni miahlo a sin.

Ka lam panin alo kal phei hmawk hmawk leh nghal. Ka in her vut a, chak deuhin ka kal nghal a. Eng vanga hmuh hreh em em nge maw ka nih le??

Lift ah ka luta,ka hmet nghal vata. Ka hmu hman zuai,alo lut hmanlo hlauh e. Ka thaw huai a. Eng vanga danglam nghal vek zel nge maw ka nih le.. Hahthlak lutuk mai.

"Lo ding teh in biak kan ngai ania." Lo ti tu aw chu ka hria. Scooty tinungin hmanhmawh fahranin ka in khalh chhuak a. Ka awmdan hi a ho kati. Mahse khapa biak kha ka duhlo a ni. Karlie pasal hual leh nghal.

Naupang exam ka venga, ka phone lah hi ari reng mai. Silent in ka bag ah ka khung bo ta daih a.

Door Bell arik chuan ka hawng vata. Zothana alo ding khi tha a.

"Nuam ivan ti tak." Kanti ringawta. Min sului kherin ava thu at a.

"Ruatpui thil tha deuh hrilh tur che ka nei a nia. Lo thu vat teh." A bula thut na chu a beng thaka.

"Feli nen in inngaihzawng ta tih na ami?" Phur deuhin kati a.

"Nangmah nen zawk. Kar leh ah zin ho ang u."


"Ka hman dawn a mi? Zin chhuah em em te chu." Kati nai nai a.

"I pa pawh ka dilsak tawh che, in exam chawlh lai ania ihman tih min hrilh." Inti thei deuhin ati a.

"Feli sawm mai la." Nuihtlawn deuh pahin kati a.

"Ka bialnu ini rih alawm. Ilo kal ngei a ngai, ilo kal loh chuan ka car ngainat ber saw ka chan nghal ani mai." A ngah ngah nen.

"I chan anga ani mai alawm." Rang fahranin kalo ti a.

"I sual lutuk ka ring dawn tho tho che. Holiday Inn Resort Goa ah kan kal dawn nia. Ni2 bak kan chamlo ang."

"Holiday Inn Resort te chu ato awm si, ka kal man tur zawng zawngte nen ka thla 3 hlawh vel a ral ngei ngei ang." Alam hawi phei pahin kati hluai a.

"Chutiang ngaihtuah buai angailo. Kal kawng nen ni4 vel kan thang ang. Hei chu kan tih dan thin alawm." Min melh let ve kur pahin ati a.

"Ka tla chhe vek palh ang." Ka then khum a.

"A thlawnin kan kal dawn alawm. Ka hruai tho tho ang che." Kanin melh ran ran a.

"Engtin?" Kati vaka.

"Kum2 lai kan zin ho tawhlo a, zin kan tum ani mai atawk." Kan pawr dun tawh bawk sia.

"Kalo in ngaihtuah ang." Kati ta nghe nghe a.

"Aw itihna ah ka ngai mai ang.. Ka haw nghal dawn" Ading nghal vuta.
"Ka car ka chhanhim e." Ban phar meuh in ati chhuak a. Ka ngei lutukin ka vawmzui a. Ala nui chhuak hawk hawk zui.

Message alo thawn zui chu ka en a,"Kanin ngaihzawn na hi thla khat kher ngailo in, kanti tawp thei ang ilo kal phawt chuan." Ka nui haka.

Holiday Inn Resort thalak vel chu ka en kual a, a nawm hmel in,a mawi phian reuh mai. Hmun changkang leh tha tak pawh a ni.Kal pawh a phurawm ta viau e.

Naupang exam pawh an zotawh a. Kar khat kan chawl dawn bawka, ka hman ang chu. Tunlai K.T.P lam ah hla zir ngaihlai anilo bawka.

"Nu naktuk chuan ka zin dawn ania aw. Ka zin lohna arei tawh bawka, ka phur lutuk." Hlim deuhin kati a. Chawhmeh ka siampui nghal mawlh mawlh a.

"Zu fimkhur viau ula, Mizoram chhung nithei se tha tur ania." Min ngaihtuah thin bawk sia.

"Kan ngaihtuahawm loh ang, keipawh eng in sawiselna mah ka neilohna a rei tawh em hi nu."

"Ni e, nuam thei ang berin in zu hmang dawn nia." Ati ve ta hram a.

Ka thawmhnaw ho zan lamah ka pack lawk tawh a. Ka insiam zawh chuan ka chhuk thla nghala.
Tawngtaina nen min thlah thlap hnu chuan ka chhuak zui nghal a. Zothan an kawtah minlo nghak tawha.

"Kan kal pui tur te i hmuh hun ah mak ti lutuk suh aw. Ka thiante vek an nia." Airport lam pana kan tlan lai chuan ati a.

"Ka hmelhriat an ni tihna maw? A lawmawm zawk ang chu." Nuisangin ka tia, kan kalna tur hi a nuamdawn tih ka hria a, atir a ka peihlo ai phur tawh tak ka ni.

"Paruk kanni dawna,mipa 3 leh hmeichhia3. Chuan tun ah hian Rinpuia private jet in kan kal dawn."

"Eng a? Awi ka rei." Ani kher kher.

"Mak ti lutuk suh. A nuam dawn ania." A nui ang vur vur a.

"Ti nge min hrilh chian loh." Lungawi lo deuhin kati a.

"Ruatpui nuam iti dawn lutuk. Kan kal na tur Holiday Inn Resort pawh hi ama ta alawm." Leh ta deuh deuh chuan.

Kan thlen chuan Rinpuia te chu anlo la thleng velo a.

Zothana chuan,"Dami leh Msa te annih hi. Kan zinpui tur te." An fel dun hmel khawp mai.

"Kan in ngaizawng velo ania." Dami chuan ati nghal vata. Keini pawh tih ve mai ka chak.

Dami chu a tawng bawrh bawrh a, a bula awm anuam dawn khawp e. A aw dam thlap atang hian ka ngainat chi tak a ni.
Msa pawh a pangai viau mai.

"Msa nen hian cousin kan nia, Rinpuia pawh chuti tho." Dami chuan ati a.

Rinpuia tepawh anlo thlenga, engtin emaw deuh tak hian ka awm leh tawh. Ka ngei phah. Karlie chuan inti neitu takin a ban ah a vuan a.

"Inlo thleng tawh hlawm ani maw?" Karlie chuan ati a. Ani pawh a phur hmel sarh sarh khawp mai.

"Aw inlo thlen chuan lut ila." Zothana chuan ati nghala.
Rinpuia chu a ngawi renga,min melh kur ringawta. Haw leh daih mai ka duh rum rum.

Dami chuan," Rinpuia hi chu a tawngduh lo ve a. Class12 anih kumin kanin kawm ve chiah, kan be tawng thei ngailo a. A fel viau a, a mize ngai ah alut leh tawha.." Ka in thlahrun hlau deuhin min hrilh a. Ka nui ringawta.

Zothan an," Dami hetah va thu rawh. Khalai kha ka chanpual." Arawn ti a.

"I van over tak,ka thului dawn e mawni le." Ti chungin a insawn a.

A chhunga chuan pawh anuam khawp mai. Msa leh Dami a mal ve ve in an thu a.
Karlie leh Rinpuia an thu duna,ka melh lai takin Rinpuia alo hawi phei a, thinrim hmel deuh hian min en renga, nuamlo ngei mai.
Chawlh kan hmang ho dawn chu ania. Awi ka rei.

Ka muhil daiha. Ka harh chuan kanlo thleng tawha.. A mawi lutuk a, ka harh kawk thei..

Holiday Inn Resort nuam leh changkang tak ah chuan kan lut a. Rinpuia chu anlo zah hlawm ngang mai. Hetiang hmun mawi lutuk hi engtin nge maw aneih theih bik ni.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » September 10th, 2017, 3:47 pm

Star Boy
Chapter-3
May Renthlei

(Athui teh mai ania.)

Deluxe room ah kan awm a, ka room tura ka luh chuan nuam ka van ti tak. Khum lam ah ka phei a,ka mu zangthal awrh a. Ka room vel chu ka en kual a. Nuam tak a ni,ka kallo ang tih ka va hlau leh si em..
Ka intifai sawk sawk a. Ka chhuak harh a. Swimming pool te chu a lian lutuk a, lui tui te pawh a ang zawk alawm. Anlo awm ve nak nak a. Ka hawina lam apiang chu a mawi em em vek a ni.

"Ruatpui ka zawng che lawm." Zothan an min rawnti a.

"Ka en kual vela." Thawveng zetin kalo ti a.

"Coffee shop ah kal ang, restaurant iduh zawk pawn a pawina a awm chuang lo a? I duhna zawkah a ni mai." Ka ngaihtuah zuaia.

"Restaurant zawk le." Ka kutah kaiin min luh puia.
Ram hrang hrang eitur an nei chikim tawp a. Chinese food chu ei chin ka chak vangin ka order a.

"Zothan khaw nge midang ho hi an awm a?"

"Karlie chu a room ah ala chawl hahdama, Rinpuia chu meeting an nei nghal. Msa te hi chu an kal kual hnem leh tawh khawp ang." Ei tur ei mawlh mawlh pahin ati a.

"Rinpuia hian helai lo hmun dangah ala nei tho em? Helai hmun ka kal chin ringawt pawh hi nuam kati viau mai" Ka eitur chu ka chawk kual mai mai a.

"Aw nei e. Keipawn kala hmu kim vek biklo. Ani hi chu a zin kual reng thin. A zin kawng hi a mutthilh ve theih lai zawk ania. Ani tan hi chuan." Nuihsuk pahin ati a.

"Nia a buai viau ang." Kati sapa.

"Naktuk chu beach a kal nge iduh a helai hmun fan kual." Kan thil eina kan thawhsana.

"Ka duh ve ve."

"Anih chuan beach ah kan kal phawt dawn nia."
Rinpuia te ho nen kanin tawka, an zo chiah anih ka ring.

"Helai hmun chu nuam in tih zawngte ani em?" Mit meng nalh lutuk a, min en pahin ati a.

"Tehreng mai. A mawi lutuk." Phurh sarhin kalo ti a.
Nalh lutukin a nui ta lawm. A nui ve theilo emaw tih hnu ah anui hmel kan hmu ta hram e.
Midangin an lo bia a,min kalsan a.

"Anui ve thei anih kha Zothan." Nui var var chungin kati a.

"Nia iti nui anih kha." Ati sup a.Thil dang daih ngaihtuah hi a ang.
"Ruatpui zanin chu hahdam phawt ila,naktuk atang helai hmun hi kan chingpharh dawn nia."

"Awle ka chak zawng tak. Muttui"
Ka room ah ka luh sana. Khua athim tawh a. Ka dak chhuak vang vanga. Zan ah pawh a mawi tak zet a ni. Eng chi hrang in pawlh nuai te, tuipui chunga awm ang chiah kan ni.

Ka khum nuam tak mai ah chuan ka mu a, ka harh leh chuan alo eng ut tawh a. Ka inti faia ka insiam zawh tawh hnuin ka chhuk thla a.

Thil te kan zawh hnu chuan beach lamah chuan kanin khalh chhuak a. Msa leh Dami chu hmundangah an kal daih a. Rinpuia te nen kan kal ho a.
Karlie chuan a ngaihsak hlawrh hlawrh khawp mai. Rinpuia taksa silo hian a awm theilo emawni. Rinpuia erawh chuan a ngaihsak lem lo.

Minutes 10 vel kan tlan hnu chuan kan thlenga. Mi pawh anlo awm sup sup a.

"Ruatpui water bike riding saw ti ve ila." Tuipui lam hawi vauh vauh pahin ati a.

"Ka tih loh na a rei tawh bawka kei chu khalh ngei ka duh e." Karlie chuan alo tivata.

"Ka lo en ang cheu, heta awm hi ka duh tawk viau." Ka hlau deuh tlat a ni.

"Anih chuan kan khalh lo mai dawn ami?" Zothana chuan ati a.

"Tha kalo laksak ang che u." Nui var varin kati a.
Water bike awmna lamah chuan kan pheia.

"Ka chau deuh riau ka ride puilo mai ang che u." Rinpuia chuan ati a. Kan melh thapa.

"I na viau a mi?" Karlie chuan a khawih nghal vat a.

"Na chuanglo e, kanlo en ang che u. Lut ru."

"Ti tak tak ila nimai lawm." Zothana chuan phur deuhin ati a. An lut ta nghal a.

Anih chuan Rinpuia nen chiah kan bang ta a. Ka melh vata, ti fuh intih hmel deuhin min melh a. Nui hmel a pu deuh bawka.

In her vutin ka kal sana, minlo zui ve zel leh nghal a. Ka kal muan leh a kal muang zel a, ka kal dan danin a kala.

"Ti nge minlo zui zel a?" Tih pahin ka hawi phei a. A taksa ka su chawrh a. Minlo kuah bet nghal vata. Tal chhuah tumin ka beia,ka hlawhchham der mai.

"Tiang thil hi eng vanga tinge inih a? Kopiko." Thawp sapin ati a. Min thawk khum sa sa a.

"Eng vangin nge chu hming chuan min koh ziah a?" Thinrim deuhin kati a.

"I hming anih vangin." Min kuahna thlahin, Chiang zetin min en a.
"Angai ang chiah khan awm leh ang." A aw chu ka hrephak tawk. Mit meng tawrh har zetin min en bawka.

"I eng ah nge min ngaih a? I thianpa bialnu ka nih hi." Ka tih khum vaka.

"Dawt anih chu. Ka chungah ithin rim vang mai mai a ni." A awrawl vin mah mahin ati a.Min thing nawk bawka..

"Ka hre ngailo che." A kut paih thla lawpin ka kalsan a. Ka thin phu dup dup leh ka hlauhthawnna te chuan min man a.
Eng vangin nge ani bulah hian ka awmdan a danglam vek zel. Tiang tur hi anilo. Ka thu hnawka. Thli chuan ka sam te chu a chem leng sang sang a. Tuipui chunga mi tam tak infiam chu ka en a, nuam an tih hmel hlawm khawp mai.

"Ruatpui kha hei in rawh." Mit meng nung sârh in min en a. A chang leh min ngei hmel bawka.

"Ka lawm e." Ka ban nghal a. Ka bulah alo thu ve a. Ka melh phei zeuh a. A tha thlawt alawm. Helai hmun ah pawh hian ani aia tha tumah kala hmulo.

"Water bike riding i hlau sia. Lawngte saw khalh ila,a hlauhawm loh ania." Min pawt tho a, zui loh theih loh.

"Ka la khalh miahlo ania." Kati a.

"Ka zirtir ang che." A nui leh tawh.

Kan pahnihin kan chuanga, nuam kati lutuk. Tui te chu ka khawih vel bawka. Ani pawh a hlim ve hmel tawp.

"Zothana nen hian in in hriatna arei tawh em?" Lawng khalh pah chuan ati a.

"Kum3 kanin hriatna a ni tawh."
A ngawi vang vanga,sawi duh tam tak nei hmel hi a pu a.Min melh leh zauh thin.

"Rinpui let tawh mai ila. Minlo zawng palh ang." A bu nghata, kanin khalh let leh a.
Lawng atanga ka chhuk dawn chuan a kut minlo pe vata, kalo vuan a. A thlah duh tawh miahlo leh nghal.

"Rinpui min thlah vat rawh." Zothana te kan lam panin anlo phei meka.
Ka tawng hrelo ang hmakin a awm. Kala chhuak thei bawksi lo.

"Ruatpui kan rei ta phian sia, ilo ning em?"Zothan an arawnti lang langa.

"Ninglo e nuam kati lutuk." Kan bulan lo thlen chuan min thlah ve hram a.

"Rinpui eng nge inlo tih a?" Karlie chuan Rinpuia nen kanin kar taka lo din pahin ati a, a kutah a vawnsak bawka. Min nek sawn lawpa. Ka ngei lutuk.

"Kan kal kual vel mai mai. Zothan kan haw tawh mai dawn a mi?" Zothana melh pahin ati a.

"Aw apawi chuanglo." Ka bulah lo kalin min kaia.
Rinpuia te kan hma ah an kal thunga. Motor dahna lam ah kan kal a.

Karlie chuan," Kan thiltih kha ka zolo ani ngei ang, ka chau lutuk. Ka lu tehi a hai, kal pawh hi ka harsat." Inla pangchang deuhin ati a. Rinpuia chuan pua se,emaw pawm se tih melh hian a melh a. In la no kalo tiviau.

"Nih chuan nghet deuhin min kai rawh." Rinpuian atih chuan ka nui chhuak teuh lutuk. Zothana ka han melh a, ani pawh anui deuh.

"Ruatpui i chau awm sia, ka pua ang che." Zothana chuan minti a. A fiamthu tih ka hria. Karlie tih el nan a sawi ve mai mai.

Rum lutukin Rinpuia chuan min rawn melh let a. In puak luih ngamna chi pawh ani tawhlo.

Rinpuia bawkin motor a khalh leh a. Karlie lah hi, uite ngeiawm deuh hi a ang kati.

"Ruatpui a lum sia ice cream i ei duh em? An zawrhna tui deuh ka hria nia." Zothana chuan ati .

"Aw duh e." Kalo tivata.

"Ice cream ei rual pawh ini tawhlo." Rinpuia chuan alo ti leh hmuka.
Zothana nen chuan kan in en haw ringawta.

"Vawin thlalak dun mumal pawh kanla neilo thla la ang " Zothana chuan phone lak chhuah pahin ati a. Min rawn kuah zui bawka.

Motor a che lawih a,kanin tauh ri bawpa. Van na tak.

"I van khalh thiamlo tak." Kati a.

"Motor a thalak vel kha atullo." Minlo la tihkhum zek zuia.

"I tha em?" Zothan an ka lu chul hauh hauh pahin ati a.

"Tha e,ka na lo." A lu ensak ve pahin kati a.

"I room ah kan en chiang leh deuh dawn nia. I room a awmdun zawk mai ka chak. I room kha a nuam bik." Zothana tak hi chu aw, ka room ah alo la lut miah silo a.

"Lo awm ve maila." Nui hak hak chungin kati a. Darthlalang atangin Rinpuian thinrim lutukin minlo en a. Eng vanga thinrim ve ringawt nge maw a nih le?

"Kan thleng e."
Rinpuian ring lutukin kawngka a khar thuai a, kan phu nasa hlawm ngei mai. Thinrim deuhin minla luhsan hlawm zuia.

"Coffee shop ah kal ila." Zothan an ati a. Ka bu nghata.

Msa leh Dami anlo awm ve bawka. Kan ri hluaia.

"Ruatpui naktuk chu spa lam kan awn vethung dawn ami?" Dami chuan ati a.

"A pawilo khawp ang chu." kalo ti leta, kan awmna bul vel ho hi tui vek alo nih hi mawle.
"Spa chu hetah hian a awm nghal ang tiraw?"

"Aw, iduh ang thil chu helai hmunah hian a awmkim vek ang. Kan fang senglo zawk." Nui harh harh chungin ati a.

Msa an," Zanin chu bar lam ah kan che tla teh ang. Nula chhelo deuh deuh lo thleng thar an awm tlat." Nui rah rah chungin ati a. Damin alo tin uaia.
Coffee shop atang chuan kanin zui chhuak a.

"Nula chhelo ka tih ho kha Karlie thian te anlo nih saw." Kan ral leh lam hawi phei pahin ati a.
Khawi ram nula te nge mawni? An inkuah nawk nawk hlawm a. Nuam antih hmel khawp mai. Rinpuia ala awm ve zuia.

"Zothan saw lam ah sawn eng nge awm? Ka kal chak riau." Kati a, Rinpuia te nena intawh saw ka peihlo. Kanin karah tui a awm a. Mahse kan room lam kalna ah an awm bawksi.

"Kids garden vel niin ka hria,infiamna lam a awm. Kal ila." Nuihsuk pahin ati a.

"Puitling infiamna pawh atam mai. Kal vat ang u." Dami chuan ati a,min kuah pheia.

Infiamna hrang hrang alo awm teuh a.
"I'm Thor." Tih pahin tubauh lian tawkin Zothanan min chhu a.
Ball in ka vawm zuia. Kanin um kual zuai zuai hlawm a.

Puk luh chhuah ngai chi ah te kan lut bawka. A chhuan na chi lam saw chu ka peih chiah lo a ni. Chau hnap a kanin fiam hnu ah kan let leh hnak hnaka.

Ka intih fai hnu ah ka chawl hahdam vang vanga. A hnu deuhah. Zothana alo kala.

"Vah harh vel te i duh em? Thil ei pahin chhuak ila." A rawnti a. Kalo pawmpui thlap a.

Lift a kan chhuk thlak dawn laiin Karlie leh Rinpuia lo in zui chhuak ka hmu a. Ka chhungril hi an ti na.

"Helai hmun ah hian kan ei mai dawn ami?" Zothanan ati a. Hmun nuam tak a ni.

"Awle pawi chhuang hleinem."
Rinpuia te pawh anlo in zui lut ve a. Vawin lo kal thar ve ho bulah khan an thu a. Karlie chu a care leh viau sia.
Eng vanga thik vengawt nge maw ka nih le?

"Helai hmuna kan awm atang hian mumal takin thil engmah i eilo ania." Zothana chuan min ngaihtuah deuhin ati a.

"Ka ril atam theilo alawm." Kati ngawta."Zothan en la,he thil pawh hi englem emaw a ang." Ka fork chuan ka khai kanga.
Kan nui dun hawk hawka. Rinpuian minlo melh leh kur tawh. Ka nui tawp daiha.

"Helai hmuna i kal hi i inchhir em?" Min en kar pahin ati a.

"Nuam ka tia. Heng eitur maksak tui vedeuh deuh tehi ka ei phaha a, China, Korea etc an rama kal ngai miahlo in an chaw ka ei hnem tawh e mai." Nui chungin kati a.

"Awle atha nih chu. Rinpuia te saw chu chhoh san ang. Paris a an awmlai a, athian teho an nih saw." Melh phei zeuh pahin ati a.

"Karlie nen an awmdun thin tihna mi?" Kalo tivata. Ka thinrim nghal tlat

"Kum1 chiah hmun in ang ah an zirduna, Rinpuia hi hmun hrang hrangah a awm kual renga, hnathawh tel angai bawk sia. Karlie hian a um zui dat dat reng mai." Khisukin ati a.
Karlie in tullo zeta Rinpuia a khawih, siam tha vel tesaw,thil ei lai lai.

"Zothan kal tawh ila." Kan chhuak a, rei vak lo kan len kual hnu chuan kan room lam ah kan leta.

Ka mutthilh theih thlawt loh vangin ka chhuak a. Alo reh raih tawh a. He hmun hi ka ngaina riau.

Swimming pool zau tak chu ka kal kal hual a. Helai hmun hi tuiin a hual khapa. Kawng nuam tak tak tepawh a awm tho a.
Tui lai taka, thutna tur in te an sak lam pan chuan ka kal a. Ka ke a na ut ut mai. Ka kal thui tawh mah mah a ni. Vawin ka infiam nasa bawksi.

Ka thleng chiah a, ka tlu lo chauh tawh.
"I tha em?" Rinpuian min ngaihtuah deuhin arawnti a. Dimte in min thut tir a.

"Aw tha e, ka ke hi ana deuh thut mai ania." Kati sap a, ka ke na chu ka vuan vang vanga.

"Ti nge tun ang zan tlai tawh ah te i chuah a? Mutawh tur inia sin." Min hau ti tih deuh hian ati a.

"Ka muhil theilo alawm. Nangpawh i chhuak ve tho." Rum deuha melh pahin kati a.

"Nula hmeltha deuh chhuak ka hmu a, ka zui alawm kei techuan." Nui chungin ati a. Keipawh chu ka nui veta ringawta.
Kan thu dun vang vanga. Chulai hmun chu ka thlir kual dauh dauh a.


"Kopi...ohh Ruatpui chho tawh ila. Naktuk ihmang nuam theilo palh ang." Ka lu a chul zeu pahin ati a.

"Lo han chho la,keipawh kalo chho ve vat ang." Kati a. Ka ke hi ala na,ka la kal theilo ang.

"Chho rual ang." Ka bulah arawn thu hniam a.
" I ke a na tih ka hria lawm. Ka paw chho ang che." Dam dapin ati a.

"Ngailo ka kal thei." Kal luih mai ka tuma, ka ke ana bawksi.

"Vatin, ka choh san che iduh loh chuan."
Hreh deuh chungin ka in puak tira. Min zo tha khawp mai. Ka thil duh tak a thlengdik ang mai a ni. A hnunga bei chu a nuam tak zeta. Mut chhuakin min zem chiai chiai mai.
Ka khuma min dah thleng chiah ka hria. Ka muhil tlang daih a.

Ka harh leh chuan khua alo var tawh a. In leh mai katum a, min kuah bet thlap chunga lo mu an awm a. Ka hlauthawng ngei mai.Ka hawi phei vata.

"Ilo harh vetawh maw? Dar8 ari tawh ania." Mutho hlim tih hriat deuhin alo ti a. A hmel hmuh chu a nuam phian.

"Eng vangin nge ka room ah ilo riah ve ngawta." Thinrim deuhin kati a. Thawh ka tum a,minla kuah nghet em em zuia.

"Ka mu chak ani mai lawm." Min en kar chungin ati a. Ala nui leh tanghal a.

"Midangin an hria ang, i room ah phei vat rawh." Kati a, a taksa sik nuam tak vang hian, ka duh ang pawhin kati vak theilo.

"Hria se pawi tihna ka neilo. Hre vek se ka duh zawk. Kanin hmangaih tih hi." Min hmangaih hmel ngawih ngawihn min en a, ka en cho ve kar bawka.

"Thil awi awmloh deuh hi sawi thin suh." Tawng khum vak ka tum a,ka theilo.

"Engti kawng pawhin ka nei let ang che." Chiang fahranin min ti a.

"I nula ka ni lo, ka nitawh ang mai khan sawi suh." Ka nam vaka. Min kuah nghet sauhin min fawh tumin alo kun hniam a.

"I ni ngei alawm. Tun thleng pawhin." Ka chal ah fawp zeuhin atho a.

"Ka ni ngailo. Ka ni bawklo ang." Ka tih khum vaka. A nuisuk a.

"I tan liau liau eitur ka buatsaih sak che a. Lo intifai la, kan kal dawn nia." Chhuah pahin ati a. Rum deuhin ka melh vak ringawta.

Ka intifai sawk sawk a, Zothana ruala kal ka duh vangin. Ka insiam zo a. Zothanan ka room bulah minlo nghak a.

"Nizan lamte i muthei maw?" Alo nui var var a. A hlim hmel hmuh tur hi a awm renga, doctor niawm tak pawh a ni.

"Aw muthei e." Ka nuih leta. Rinpuia pawh alo thleng chiah a. A nui leh tawh miahlo.

Zosangan alo biak pawhin rul tawk chiahin a chhanga. Lift a kan chuan laiin ka kut arawn vuan thuta. Lak sawn nghal ka tum a. La vuan tlat zui. Minti hahadam lo thin. A vuanlo awm hmiah hmiah bawksi.

Kan chhuah dawn ah min thlah a. Hmun fal raih tuma awm veloh na hmun ah kan eidawn anih hmel. Ka puala a tih chu ani tak tak em ang chu maw.

An pathumin anlo awm tawh a. Karlie chuan ngei hmel deuhin minlo en veringawta. Msa leh Dami erawh an nui sanga.

"Ti nge ka phone i chhan theih miahlo a." Ti tau aw deuhin Karlie chuan Rinpuia melh pahin ati a.

"Ka hrelo anih chu." Ati hmuk ringawta.
Dawhkan ei tur tam tawk anlo chawp sang sang chuan,keini pawh kan thu a. A khawi ber hi nge eitur tih pawh buaina tham anih hi mawle.

"Ruatpui iduh tur chi chu keiman ka hria nia. Mak deuh i ei fuh tawh loh nan." Nui chungin Zothanan ati a.

"Nia min thlansak theih chuan ka lawm ngawt ang." Kalo ti a.
Kan nui hak haka. Karlie inla note lutuk saw, Rinpuia bula a awm vanga inla note tipawh ka ni thei tho bawk.

Spa lamah kan awm renga, a nuam kati. Kan cham tawpna ni ani tawh bawka, kan fangkual vel a. Zan lam ah party kan tan liau liau min buatsaih sak dawn bawka. Ka phur viaulo.

Ka insiam ve nak naka, party na akal turin.
Zothanan minlo sawma inkai rialin kan chhuk thla a.

"Ruatpui zanin chu nuam deuhin aw. Kan chawlh hman tawp zan ani sia."

"Nia kan lam vak vak teh ang." Kan nui thla hak hak a.

Anlo awm nual tawh a. Keini ho bak Mizo kan awmlo, mahse chu chuan minti confi zawk tlat.

"Helam ah lo kal ru." Msa chuan ban alo vai lap lap a. Sam buang chelo deuh mai hi alo thutpui rana.

An lam hut hut a,then khat anlo infiam a, thutna ruak ah chuan kan thu a.
"I nin hun hun ah kan chho dawn nia." Zothanan ka bengbulah arawnti a.

"Awle." Ring deuhin kati let ve a.
Rinpuia tepawh dawhkan kilin anlo thu a, Karlie i nen inhnaih zetin an thu a.
Henglai nula ho mit hi ala tak zet a ni. Tupawh mai sawn tha theih tawp vekin an melh ralh ralh hlawm. A duh duh hi a pawt phar vel mai mai thei vek dawn anih hi.

"Lam ho saw an thiam lutuk." Msa an arawnti a. A bik taka an sawm anni ngei ang. An thiam dan em em saw.
Ka lam lohna arei ta khawp mai. Ka ke vang hian. Ka lo za vek. Ka lam ve chak a ni. Mahse chu chu athleng tawh ngai dawn silo a.

"Ka lam pui thei che ngem?" Tlangval hmeltha tak hian min rawn sawm a. Kalo hnar vata.

"Keiman lam pui che ila iduh thei mai a ngem?"

"Chhuak zawk ila." Kalo ti a. Zothana nen chuan kan chhuak a.

Rinpuia leh Karlie lam hmuh kha a hrehawm kati.
Swmming pool lam ah pawh anlo awm nual mai. A then an cheng bawka. Pool sir ah chuan kan thu a..

"Zothan kava lut leh lawk. Ka bag kan la lawk." Tih leh luh ka ruala.

Ka phone dahna bag chu la in chhuah leh nghal mai ka tum a.

An au rualna lam chu ka hawi pheia.
Karlie in Rinpuia duhthawh deuha a fawp lai ka hmu a. Lo en lo tawp ila tha tur.. Kut an beng dar dar a. Ka thik chiang alawm. Ka thinrim bawk.Engah mah ngailo tur ka nia sin.

Ka in her chiah a, hmeichhe pakhat nen kanin su a. Ka kawrfual var hak ah chuan a wine min tih buak chu a lang chiang mah mah a ni.

"Ohh sorry sorry." Inthiamlo lutukim ati a. Ka nuihsaka.
Helai hmun thawveng tak ah hian,ka thaw a ip pik lutuk. Ka room lam panin ka kal hmawk hmawk a.

"Lo ding teh." Ani sawn minlo zui amaw. Awi ava har ve.

(KA BO MAP TIHO KHAN, NEXT CHAPTER TANG HIAN IN HRETHIAM CHHO TAN ANG.)

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » September 10th, 2017, 3:48 pm

Star Boy
Chapter-4
May Renthlei
www.storyfb.com mizo story thar englai pawhin chhiar tur a awm reng

(Ka phone kati chhia a,nizan lam ah kalo dah loh bakah engmah kalo sawi thei ta silo a pawikhawp mai. Tun ah pawh hian ala chiang chiah lo a,Chapter hnih kalo dah thei dawnlo a, minlo hrethiam hram rawh u. Mi hriatthiamna in ngah kha)

Lift ah chuan hmanhmawh deuhin ka luhsan a. Ka room lam ah ka pen hlawk hlawk bawk a.
Ka room kawngka ka hawn rual chiahin min nam lut rawp a.
Bangah min nam beta, min fawp bawrh bawrh a, a duhtawk thei dawn ta lo emaw tih turin. Tal chhuah ka tum a,min khuap bet hneh nasa bawksi.

"Engthil nge maw itih le?" Min thlah chuan thinrim lutukin katih khum a.

"Kha tia ka tih chakna kha arei tawh mah mah." Minla nem bet renga,min thawk khum ham ham a.

"Chhuak rawh. Hmeichhe dang i fawp zo chiah a." A nupui hual ania a fawp ang chu. Sawi chhuah tullo lutuk mai.

"I thik a mi? Min hai der tlat lo hian a hma ang khan kan awm leh thei reng alawm." Min thlakhlelh hmel lutukin min en bawk a.

"Hai der tur che pawhin ka hrelo che." Kati chhuak halh a, kan in hnaih lutuk a. Pangai taka awm a har.

"Tiang hian awm suh, ka tihpalh." Ati sup a. Pangailo lo zetin kan thaw dun ve ve.

"Min chhuahsan tawh rawh. Nangnen hian engmah thlenglo ang nirawh se." Kati chhuak tawk a. Ka khur dar dar a.

"Ka hmangaih che, engtik lai pawhin." Min vawna chu athlah hnak a.

"Tuna ah hian kanin hre ve chiah a. Min hmangaih nghal amaw nuihzatthlak ve." Kal sawn pahin ngeiawm deuhin ka tih khum a.

"Nang hian min hrelo tak tak em ni a? kopiko." Thinrim leh rilru na in chawhpawlh nawkin ati a.

"Kopiko ti khan min koh tawh suh. Karlie pasal hual ini tih chiang takin ka hria. I lawm tawk tawh em?" Melh let vak pahin kati a.

Ka dar ah avuan a,"Lawmlo, i ngaihdan hi adiklo tak zet a ni. Karlie nen hian I ngaih ang kha kan nilo." Beidawn hmel lek lekin ati a.

"Ka bul hnaia i awm hian ka na sup sup. Kal bo rawh." Ka tih khum a. Ka na ut ut in ka hria, ka khawi lai mai pawh hi.

"Chawl hahdam rawh. Kanin be tha leh dawn nia." Ka chal ah a fawp zeuh a. Rilru nat hmel deuhin a chhuak a.

Ka thaw vak a, thutthleng ah chuan ka thu thla hnawk a. Ka mittui chu ka hrutawk a. A nupui hual ani reng sia.

Zothan an minlo call a. Mut hahdam ka duh thu kalo hrilh ringawt a. Ka khum lamah pheiin ka mu thlawp a. Ka van chau tak em.

"Nizan lam i mu tha lo ani maw. I hmel en khan ka hre mai." Zothan an min melh vang vang pahin ati a.

"Haw kawngah mutthilh hi sapin ka awm a." Nui chungin kati.
Rinpuia private jet nalh leh changkang tak pawh kan bulah alo ding ve meka. Helai hmun hi a ngaihawm ve phian dawn anih hi.

A chungah kan luta," Engthil nge maw itih le." Rinpuia ka bula lo thu chu rum deuha melh pahin kati a.

"I bulah hian ka thu chak a." Nuisuk chungin ati a. A hnug nghen chhan nghen pahin ala maimiching nghal daih zui.

Karlie kan piah ah athu a,thip ramin minlo melh a. Zothana ve thung chu alo nui mai mai a. Ka nuih let saka.

A hnu deuh ah ka laptop keng chungin kan bulah alo thu pheia.
"Ruatpui helai ,a hranpa a i password siam ah hian eng nge i dah a?" Min entir chungin ati a. Ka thin aphu dawt mai.

"A password ka hretawhlo a,eng nge awm pawh ka hrelo." Kati tawpa. En chi anilo hrim hrim.

"I van tlaw reuh tak." Ti bui bui chungin athutna ah a phei leh a.

Rinpuian," I password kha ka hriat ka ring." Arawn ti dut a.
An en ang tih hlauhnak lai. Ka muhil der daih a. Kalo muhil chhunzawm nghala.
Kanin thleng Zothanan min thlah leh thlap bawka. Ka chhungte chuan minlo lawm chula. A thlamuan thlak thin e. Chhungte bula awm zawng.

RINPUIA POV

Ka bula muhil sek sek chu ka en ngawih ngawih a. Ani hi ka bula a awm reng chung pawh hian, ka bulah a awm a ni tih rinni a harsa tak zet a ni.

Ka thachhang dawltu ber Jack hnen ah Ruatpuii chanchin lo chhui turin ka hrilh a. Ani hian eng vanga min hrelo tlat nge ani tih hriat ka ngai. Kan in hmuh loh chhunga a hun hmandan hriat ka duh.

Doctor a zir khan ka hresi a, doctor alo nimiah bawksi lo a. Amah vanga R&R damdawiin din ka nia. Ka kalsan vanga,thupha ka chawinan. Mahse doctor alo nileh miah bawksi lo.

#FLASHBACK

Kopiko nen inhmuh kan tum a, nimin a exam ah khan atlin ngei pawh ka ring bawk.

"Ka fapa inbiak lawk kan ngai. Thil hmanhmawh thlak ah." Ka room ah alo kal a.

"Awle sawi ta che. Kopiko nen inhmuh kan tuma." Hlim deuhin kalo ti a. Ka pa pawh chu a khisuk a.

"Ruatpuii nen chuan in inhmu theilo ang. I pate a a boral thuta rang taka Delhi a kan chhuk thlak angai. " Ati nghet churh a. Ka patea hi Delhi a kan branch enkawl tawp tu a ni. Athi anih chuan buaina atam khawp ang.

"Avan buaithlak ve.Kopiko ka hmu phawt ang nga kan kal dawn nia." Tih paha chhuah mai ka tum a.

"I kal chuan kan tlai ang, John amah hmu turin ka tir tawh. Kan chhuah nghal angai." Hnial chi hauhlo in ati a.

"Awle kan cham rei tur anilo." Lunngawilo zetin kati a. Kopiko lah ka phone tlang thei mai silo.

"Rinpui Delhi ah kan cham rih ang. Sumdawnna lam i zir tan ang. Lehkha pawh i zir tel tho ang nga." Thlawhna a kan luh dawnin ati a.

"Haw chhoh leh nghal ka duh." Kati vaka.

"Ruatpuii kha thlahna thu isawi mai angai." Thinrim lutukin ka melh a. Ka tum ang tih an ringsa ani ngei ang. Guards tam tawk an rawn chhuak nghal sup supa,lo ringhlel tur ka nia sin.

"I duh ang chuan ka awm biklo ang." Ka tih khum vaka.Min dahlut lui a. Ka thinrim Zia mai chu.
Atawp nan Kopiko ka biak min phalsak a,a aw ka hriat chuan ka tah theih mai ka in rin vangin message ka thawn ta ringawta. Mizoram chu kan chhuahsan ta vang vanga.

Delhi ah thla4 kan awma. Kopiko ka ngai em em a. Ka thinchhe lutuk a, vai ho chuan min hlau thei lutuk. Chaw ka ei theilo a,ka cher kawk bawk.

"Ka pu ka thil sawi engmah ihrelo a nia." Company chungchang min hrilhfiah tunu chuan ati a.

"Anih chuan sawi tawhlo la." Kati hmuk a.

"President in engkim hi hrevek turin aduh cheni." Ka laptop chu ka dawhkan atang kati tla lui thuaia. Ka sual em vangin thil min hrilh tupawhin an hreh vek.

"Naktuk ah U.S lam panin i thlawk chhuak ang." Ka pa in atih chuan ka ngawi ran a.

"Ka fapa ngati nge mizawng zawng hi beidawng taka min siam a." Ka pa chuan ati hap a.

"Mizoram a let leh ka duh." Ka pa melh vak pahin kati a.

"A hma zawng pawn Mizoram ah i awm ngai chuang hleinem."

"Tun ah chuan adang tawh." Kati hmuka.

"Awle atha e,U.S ah chuan kal phawt la. Tha taka i awm chuan ilo let leh vat thei ang." Ka dara ben thak pahin ati a.

Ka pa in kan ramah chuan min vengtu tur a dah thup renga, U.S ah chuan a zia deuh. Lehkha pawh tha takin ka zir..

Khawpui lun lai takah in lian leh nuam tak ah ka chenga. Sum lah ka tla chham lo nasa,ka college kalna ah pawh ka lar leh viau tawh a. Hmeichia ah ka tla na leh rem rem khawp mai. Hneawm zawk khawp in. Sum kalo nghah bawk a,hmel leh pianin a zir bawk nen.

Kopiko ka ngai thei em em a. A mah ngaihtuah chunglo chuan ka muhil thei ngailo. Ka bula awm reng angin ka suangtuah thin.

U.S ah kum2 ka awm hnu ah Mizoram lamah kalo chho a. Ka phur leh ka hlim zia mai chu. Keimah chauh tehian ka khi leh vur vur thin.

Mizoram kalo thlen chuan ka thinlungah kopiko tih hi ari tlut tlut a. An in lamah rang takin ka in khalh pheia.

An in lo inkalh thap ka hmuh chuan tah vak mai ka duh.

"Ka pi in thenawm te hi khawnge an awm veka?" Tiin an in bula mite hnen ah chuan ka zawta.

"Vawin khan Lunglei lam panin an zin a. An cham rih deuh ka ring." Anlo ti a. Buaithlak ka vanti tak.
Hmuh ka chak tehreng nen.. Ka ngai tak zet a ni.

Company leh Hotel lamah ka buai leh char char a. Kar khat chiah chamna hun ka nei bawksi.

Mizorama sumdawng lian deuh ho nen ka hotel ah zanriah kan kil ho a. Sumdawnna thil pawimawh kan sawi ho bawka.

"Rinpui inhmuh a khat hle mai." Tih paha min chibai tuma kut phar chhuak chu ka en a. Tu nge anih ka hre lo. Hmeichhe nalh tak chu a ni.

"Nia a dik ang." Chibai let pahin kati a.

"Ka pa hnung ka rawn zuia. Ilo haw choh lai kher a, Ruatpuii hmuh tur a awmlo chu pawi kati hle mai." Elsen lam mah hian min tih khum a. A nui hmel tehi ka huat chi.

"Tu nge inih a? Eng nge ihriat?" Lawmlo zetin kati a.

"Nang nen hian magazine ah tepawh kan lang dun tawh a. Min hrelo amaw?" A meng ranga, ngeiawm deuhin a nui haka.
"Awi ava har ve,high mountain ah kan lut ho Catherine ka hming chu aw." Inla zei ,no deuhin ati leh ang lawia. Beisei nei deuhin min melh a.

"Nih tak chu." Ka inher vuta.

"Ani chu ramdangah nang ang bawkin a awm bo." Arawn tizuia. Ka kalsan a.

Ni e,doctor zirin hmundangah a awm daih tak ang chu mawle. A tuk ah chuan U.S ah ka zirna chhunzawm turin ka kal leh a.
Amah biak pawh theihna engmah ka nei silo. Tha taka lehkha ka zir phawt hi angai a ni.


Kum3 chhung U.S lama ka awm hnu in Paris lam ah ka insawn a. Chutah chuan Karlie nen kanin tawnga. An company nen hian in zawmna nghet tak kan nei bawk.

Karlie hian min duh lutuk tih ka hria. A thian teho zawng zawng nen hian ka duh ber hi chu engtik lai pawhin zan hun ka hman pui theih vek ang tih ka chiang.

Ka pa te an nupa in Paris ah anlo kal ve a. Karlie anlo hresa ve ve bawk sia, chawei ah te anla sawm zuia.

"Rinpui sumdawnna lam i kutah dah ka tum tawh a. Theihtawp i chhuah angai dawn a ni." Ka pa chuan minti a.

"Mizoram lama awm kalo tum tawh asin." Ngaihdan ni chiah lo deuhin kati a.

"Mizoram lam ah chuan ila awm theilo ang. Thil zir ngai tamtak ila nei ani." Ati churha.

"Ka zir pah thei tho ang chu."

"Paris ah tunkum hi awm tlang la, kan ramah ilo haw ang. Mahse Mizoram ah chuan ila awm theilo." Ka pa hi ati mah mah a ni.

"Sumdawnna ka enkawl iduh chuan intiamna min neihpui angai ang." Kati ve nghata.

"Awle,i pu te ngaihtuah la engkim hi tha taka itih theih ngei ka beisei ania."

Ka pa nen chuan intiamna kan neia, kanti puitling ve ve ngeiin ka ring bawk.

Paris ka awmna hun pawh alo tawp tawh dawna. Inthlahna party ka thian teho in min siamsaka. Nula pawh an nalh hlawm khawp mai.

Kopiko ka ngai tak zet a ni. Kanin hmuh lohna rei tawh zia hi. Ka thinlung zawng zawng hi minla neih sak vek si a.

"I va hlim loh hmel ve." Ka bulah Karlie arawn thu a. Ka thil in in ka lu ati hai tlat. Nidangah chuan ka in ngai pawh ani lo. Kopiko ka ngai em a ni.

"Hlimna chhan tur a awm hleinem." Ka then saka.

"Ka awm alawm." Min thawk khum sa sa a.
"Rinpui lam ang." Min kai chhuak a. An lam mup mup a. Ka taksa si chetin alam a. Min nek talh talh bawk. Zei tak a ni,mintih phur a tum tih pawh ka hria.

"Haw mai ka duh." Tih pahin kalsan ka tum a.

"La ngailo, i khawharna kha tih rehsak vek che ka duh." Ka nghawngah a min kuah chial a, a meng de sar a. Fawh cho takin min melh kar a.

"I ngai diklo anih chu." Amah zawkin min fawp a. Ka thil in vangin ka harh fim vaklo nen ka haw lem lo.

"Kopiko" kati chhuak sap a. Duhthawh deuhin ka chhangleta. Kopiko angah ka ngai tlat a ni. ka kuah vawng vawng a.
"Ka ngai lutuk che." Tih pahin ka kuah deuh nawk nawk a. Ani lahin nuam alo ti nasa.

"Ka tihpalh,ka hai che ni Karlie." Ka nam sawn lawp a.

"I nula nih ka duh. Tu ang ah pawh min ngai rawh pawi ka tilo." Minlo kuah leh a tuma.

"I ni ngailo ang." In herin lamna hmun chu ka chhuahsan a. Engthil nge maw ka tih tak hi le?

Sumdawnna lamah kanin kungkaihna atha bawk nen Karlie hian minta chei tlata. Duhna engmah ka neilo. Mahse ka be che hran lo.

India ram hmun hrang hrangah ka awm kual renga, darkar4 vel hi ka mu hman tawk. Ka buai viau loh chuan kopiko bula kal mai ka chak thin.
Hmeichhe tam takin min zarh buai a, ka engah mah an thawk lo.

Company hi kalsan a kopiko zawn chhhuah a, a bula hun hman ka chak thin. Ka pa leh ka pu te ka ngaihtuah hian ka theilo leh thin. An thawhrimna rah hi ka tichhe thei bawk silo.

Hna pawimawh vangin Mizoram ah kalo chho a. Ni hnih chiah ka cham, ka zin chhuak leh nghal.

"Ka pa min rawn hauh lo in ani saw ila lut amaw? A awmna arei leh tawh bawksi." Ka pa hnathawhna room bik ah ka kal a. Ka lungawilo tak zet.

"Ka fapa ka hrilh loh chhan che chu hmundangah i awm reng tho a. Bakah i unaunu anih saw."

"Ka pawmlo, min hrilh thawi vetal la. Ka pawm thiam mah na. A fanu leh zel chen pui te chu, in nuam tak i leisakin i chawm vek tho sia. Kan in a lo awm hi a mamawh lo."
Helai hi ka hmun ngainat ber ania,ka nu leh kopiko te nen kan hun hmanna anih vangin. An lo tikhawlo zo vekin ka hria.

"Ka tihpalh a ni. I nu fanu ani a, pangai takin bia la ka duh a ni." Ati a.

An pahnih hian ka pawmlo ve ve.
Zan in pawh hi hetah awm ka duhlo, hotel lam ah hun ka hmang ang.

"Ka unaupa duhtak chu khi alo chhuk alawm." Keimahni ang rual vel tur a ni. A thian teho chu an lo au dar dar a. Ka thin an tirim.

"Engtin nge tiang em em sawn a hmelthat theih." Min en ngawih ngawih hlawm a. Zalo zetin ka then khum sak hlawm a.

"Unaupa lo thu velawk la. Ka thian teho hian i chanchin lo chu sawi tur pawh an hrelo." Inla no, zei vel lutuk in ati a.

"Nia kan hmu chak thei lutuk che. Reilo te techu lo awm ve lawk la." Inla sexy zetin hmeichhe pakhat chuan ati a.

"Unaupa ka ngai lutuk che sin, la chhuak rih bik suh." Ka ban ah arawn vuan a,ka duh ai a zak theilo. Unaunu atan ka duhlo leh zual.

"Ka buai." Ti nghutin ka chhuahsan a.
An hrilhhai hmel hlawm lutuk.
Ka driver in hotel lamah min hruai a. Mizoram hi chhuahsan vat ka duh. Anni ho hi ka hmu peihlo.

Kopiko ka ngai vawng vawng che. I tello chuan nundan phung pangai hi ka hloh vek a ni. Nuih dan leh midang biak dante ka hrelo a ni.
Mizoram pawh ka chhuahsan leh nghal a. Kopiko nen kum5 kan inhmu talo..


Kum2 dang chu sumdawnna zauhin hun ka hmang leh a. Kopiko nen kum7 lai kanin hmu talo.
Kopiko in a zirlai a zawh tawh ka ring a, Mizorama lo chhoh leh pawh ka tum ta bawk.
Company pawhin nasa takin hma a sawn a. Ram hrang hranga ka awm kual kha ka chhawr a. Kanin zar pharh nasa hle a ni.

New Fashion ah hna pawimawh vangin ka kal a. Reporters ho in minlo bawh buai viau a. Guards ho vangin ka him hram.

"Kopiko" kati sap a, amah ani chiang a ni. Hmanhmawh takin ka um a. Lift ah min luhsan daih bawksi. Step lam ah ka um vata.
Taxi a a chuang tur hi kava hmu hman a. Ka um vata.
"Kopiko, Lalruatpui." Ka au vaka.Miho chuan min en thup a. Ka zak zo tawhlo. Min tlan liamsan ta tho a.

"Ka pu itha em?" Ka guards ho pawh anlo thleng vata.
Ka kawng dawmin ka thaw halh a. Mizoram ah a awm tal alawm.

Ka buai em vangin hmu tur tal pawhin kala kal theilo a. Amah chauh chu ka ngaihtuah tlut tlut tho.

Party na ah kanin hmu a. Zothana bialnu anih tak tak ka ringlo. Mahse thik tak ka ni. Ka thianpa chu nilo se ka sawisa hrep tawh ngei ang.

Ani hi ka chan ta tihna ani thei mai a ngem? Chumi zankhua chuan ka muhil lo. A number ka nei thei hram a,Kopiko chu ka call a,ala chhang theilo zui.

Atuk zing chanchinbu a an thil chhuah chu Karlie tih anih ka ring.

"Karlie thuleng diklo tak hi itih ani em" An in ah ka kal chilh a. Thinrim deuhin ka hmachhawn a.

"A dik lohna a awm ami? Kei chu kalo lawm viau asin." A mal chu ka it theih ber turin ati lang lui kher a.

"Ka hmeichhe duh zawng ini lo." Fiah fakin kati a.

"Ka duhzawng ini a,chu chu atawk Rinpui. Engti kawng pawhin neih che ka tum ang." Min en kalh a. A luhlul ve zia ka hria.

"I in ti na mai mai ang. Hmeichhe hmangaih kei chuan ka nei Karlie."

"Ka pa hi ka duh zia che ka hrilh anih chuan min pui ngei ang, kan sumdawnna thanlen nan pawh inneih turin min duh ve ve ang. I chhungte leh ka chhungte lam pawhin." In ring tawk lutuk in ati a.

"Mizoram hi chhuahsan rawh." Din hluai pahin kati a. Huatna mit mengin Karlie chu ka en bawka.

"I awmna hmun a piangah ka awm ve zel ang." Karlie hi control a harsa dawn riau mai.Ka chhuaksan nghal vata.

Holiday Inn Resort a ka hruai ve chhan pawh, ahnu lam ah mintih buai tawh loh tur thu a sawi vang a ni.

Zothana leh kopiko hi an in duh tak taklo tih ka hria. A chhan chu kopiko hian keimah min en thin ang khan Zothana hi a en lo. Mahse ka thik em em tho si.
Kopiko hi ka ta chauh ni turin ka duh a. Ani kumkhua bawk ang.
END OF FLASHBACK

Kopiko chanchin chu uluk takin ka chhiar a. A chungah hian ka inthiam loh tak zet a ni. Bul ka tan pui leh ngei ang. Tuman min dang theilo ang.

Aizawl khawpawn ah daih ka awm a. Kopiko hmuh tumin chak zetin ka in khalh chhuak a.

Ka mittui pawh ka dang zo lo. Kei hi mi a tak ka ni. Kopiko hian min theihngilh anih pawhin ka demlo. Mahse ka theih tawpin ka ta anih leh theihnan ka bei ang.

Motor dangin minlo um zui tih ka hre chiah. Chak takin ka tlan a,ka hma ah tak motor dang alo langa,an mahni ho tho an ni. Hmelma neih hi chu a bauithlak, sumdawnna thil vang tih pawh ka hria.

Kan in su bur a, ka intauhna lam ah ka lu a hai chhawlh a. Ka chal atang thisen alo luang chhuak a.

"Lo chhuak nghal rawh." Kawngka chu a in hawng rawka.
Ka chhuah pahin chupa chu ka hnek chawrh a. Ka hnunglam ah minlo hlap leh a. Ka eu dawr a.
Ka bodyguards ho anlo thleng ve chiah a. An in khawih nghal bawrh bawrh a. Keipawh ka awm awl thei biklo.

"Jack fimkhur rawh." Tih pahin alam ah ka tlan pheia,ka namsawn dawrh a. Keimah ka inveng him hman talo.
Ka thingthi thla hnawk a. Ka pum ah chemte in an vit hman tlat

"Ka pu itha em?" car ah min dah lut a. Ana tak zet. Mahse thi thei ka nilo. Kopiko tan ka dam angai.

Kopiko chiah ka ngaihtuahna ah a awm. Ani tawrhna zawng zawng ngaihtuah hian, ka thil tawrh hi chu eng tham mah anilo.
Mawi takin minlo nuih sen sena. A hnu ah chuan mittui tla chungin minlo thlir leh thunga. A sam chu thliin a chem leng siau siau bawka.

"Kopiko ka hmangaih che. Chu thu chu tumahin an nawt reh thei tawh ngailo ang. Ka bula awm turin ka mamawh lutuk che." Kopiko ngaihtuah chungin ka chhing riai riai a. A hmel pawh chu a ral riai riai bawka.

(Kopiko tan leh Rinpuia tan hi kan awm a. Kanin pumkhat tep turah ngai ang.)

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » September 10th, 2017, 3:49 pm

Star Boy
Chapter-5
May Renthlei
www.storyfb.com mizo story thar englai pawhin chhiar tur a awm reng

RUATPUII POV

T.V en pahin phone ka khawih a. News group a an thil post chu mak ti takin ka en a. Ati chiang leh zual turin TV ah lah chuan an rawn puang leh ta nghal a.
LMT Company neitu in beih a tawk a. ICU ah a awm mek, a din hmun athalo hle.
An thil puan dang chu mumalin ka hretawh lo. Min thawng tak zet a ni.

Ka thin a phu dup dup a. Ka hlauthawng tak zet bawk. Ka chiai buai nuai mai,ka tha khur zawih zawih bawksi.

Ka scooty la chhuakin damawiin lam panin ka in khalh chhuak vata. Rinpui a ni theilo, i dam ngei a ngai. Ka mittui atla a,ka tawngtai mawlh mawlh bawk a.
Damdawiin ka thlenga, keimah mai chuan ka hmu thei hauh lo ang.

Zothana ka call ringawta. "Zothan in damdawiin ah ka awm meka." Kati ringawta, engkim sawi chhuah phiar phiar mai chu ka duh a ni.

"Eng nge ilo tih a? Min hmu turi ilo kal ami?" A nuiri deuh chu ka hrethei.

"Kalo kal remchanga, Rinpuia tlawh pah lawk ka duh a. A rem a ngem? Thil thleng kha ka lo hria a" Ka sawi zawng pawn ka khur thei. Mahse hmuh ngei ka duhsi.

"Aw rem e. Midang awmloh lai tak ani. Lo kal rawh." Ka thaw huai mai. Ka tlan vak thei silo a, hmanhmawh deuhin ka chho a.

"He lam ah hian lo kal rawh." Zothana chuan alo tivat a, a thianpa a ngaihtuahna lamah a mu thalo tih a hriat hle. A hmel atangin.

VIP room lamah min hruai a,kawngkhar bulah guards anlo ding thup a. Keimah chuan kal ila ka lut thei dawn miahlo anih hi.

"ICU atangin kan sawn chhuak tawh a. A bodyguards tel lo in a chhuak a, a pawi ngawt mai. Tunlai hi buaina neuh neuh a el pui te nen an nei a" Zothana chuan ati a.

Khuma nikhaw hrelo a,a mubam mai hmuh chu tawrh harh kati lutuk. Zothana mitmei ven tel angai bawksi. Ka awm ah hian min hnawh cho tup tupin ka hria. Awmdan ber tur hriat a har.
Ka hawisawn ta ringawta. A awmna room chu damdawiin tih pawh a hriat lem loh. A mutna lam en chiahin a hriat.

"Zothan a dinhmun hi atha lo viau a mi?" In thunun hram chungin kati a.

"An vit thuk lo hlauh a.Atha ve zel e. A hma khan kan hlauthawng hman viau a." Rinpuia check pah chungin ati a.

"A chhungte ho hi khawnge an awm veka?" Lawi ratin kati a.

"An haw deuh chiah a. Karlie alo thleng tep ang." Karlie hming asawi chuan minti na zual.

"Ruatpui room piah ah sawn kal lawk ka ngaia. Ilo chhuak ve nghal dawn nge?" Min melh kar a.

"Karlie lo thlen hma kalo awm ang." Rinpuia melh vang vang pahin kati a.

"Awle, I fel thin ngawt mai." Ka darah a beng thaka. Nuisuk chungin a chhuak a. A kal sawn chu ka lawm tak zet.

Rinpuia bulah chuan ka thu thla hnawk a. A kut ka vawnsak a, ka insum thei tawhlo. Ka tap chhuak hawka. Ka hmui chu ka hup vata. Ka bing mup mup in ka hria.

"Lalrinpui misualpa lo harh vat rawh. Chuan ka ngaidam ang che. Na ve thei hmel pawh hi i pulo." Tap tiauin kati a.Ka mittui a tla lo theilo a ni.

"Haw viau che mah ila, ka la hmangaih tho che ,a ngai ang bawk khan." A hmai chu ka chul kual dan dan a.
"I engkim hi ka ngai vek. Nun hi a awlsam lo tak zet ani Rinpui, dam vat rawh ka mamawh che." A awm ah chuan nalo te in ka si a. Ka kuah vang vanga. Abula awm reng mai hi ka duh. A theih tawh silo.

Karlie lo let hma in ka chhuak a. Ani hi ka thik lutuk. Hmuh pawh ka duhlo.
Ka inkhalh chhuak vang vanga. Mahni chauha awm a, in bunruah ka duh a ni.

Rinpuia nen kan kalna fo thin hmun ah chuan ka dinga, insum hauh lo in ka tap chhuak hawm hawm a. Ka thil tawrh zawng zawng tehi ana lutuk a ni.

Ani hi ka thinlunga alo luh awlsam ang khan, awlsam taka paih chhuah leh theih nise kati. Ka duhdan ngawtin ka awm thei silo.

Awmdan leh thuthlukna siam hi a harsa kati tak zet.
Ani hi huat tum viau mah ila, huat a harsa kati.

#FLASHBACK

Ka harh chhuah leh chuan damdawiin ah kalo awm tawh a. Ka thil tawn zawng zawngte ka hrechhuak a. Rinpuian min kalsan tih hriat chhuah chu a na tak zet.

"In fanu hi ke in a kal thei tawhlo mai thei a. Alo harh chhuah hun ah, awmdan inlo thiam dawn nia." Doctor niawm tak chuan asawi a.

"Awi ni theilo Bawihte." Ka nu chuan ati a. An tap zawih zawih a. Ka harh tih an hrelo.

Tawng mai ka tum a,ka theilo. Ka che deuh chu minlo hmu vata.

"Pa a Bawhi hi a harh in ka hria. Doctor han en Chiang teh." Ka nu chuan ati chula.

Min endik vata. Zawi zawiin ka harh chianga.

"Bawhte ilo harh thei maw. Kan va lawm tak em! Ni3 lai engmah hrelo in i awm tawh sin." Ka pa chuan minti a. Chhungkhat ho pawh an awm nuala. Khawngaih leh lainat tih hriat takin min en hlawm a.

"Pa ke in ka kal thei tawh dawnlo tih kha a dik em?" Ka sawi zawng pawh chuan ka hlauthawng lutuk. Ka mittui a luang ngiai ngiai a.

"Nilo e, i kal leh thei em em ang. Nang techu hmeichhe chak tha tak alawm inih." A nuia, mahse ani pawhin a hlauthawng tih ka hria.

Damdawiin ah thla khat kan awm a. Nitin mai hian kal chhin ka tum thin mahse ka beidawng zual mai mai a ni. Kut zungtang pakhat lek hman theih loh pawh hi a hrehawm tehreng nen. Ka nu leh pa tap ru lai hi ka hre fo..

Rinpuia ka hrechhuak lo thei silo.
A message hnuhnung ber ah khan, keihi min neih ngei dawn thu leh min hmangaih reng tur thu kha a sawia.
Mahse tun ah hian kei ke na ve mai mai hi minduh tawh pawh ka ringlo. Ka mittui chu a far zawih zawih a.

Phai lam ah min kalpui leh a, mintih vak dan anlo hrechuang silo. Ka beidawngin thih mai ka chak a ni. Kal thei tawh dawnlo a in ngaih hrehawm zia mai chu.
Hmachhawp tam tak ka neia. Engmah lo mai ah an chang dawn si a.

"Bawihi NED exam result a chhuak a, ati tha pawl tak ini." Nuisangin ka nu chuan min hrilh a.

"Nih chuan doctor ka ni thei ngei dawn ani maw?" Ka hlim hman viau a. Ka chungte nui phena, an lungngai hmel chu ka hmuhhmaih lo.

"Mahse nu, ka ke hi ana sia ka nih chak ber pawh ka ni thei dawnlo tihna anih chu."Zuai raihin kati a. Chu thu lawmawm tak chu,min tina zual tu mai a ni.

"Bawihi i kal leh thei vat dawn alawm. Exam leh nan khua ala tlai hleinem." Ka pa chuan ka mittui min hruksak pahin ati a..

"Mahse engtik ah mah ka kal thei tawh dawn hleinem." Tap pur chungin kati a. Ka nu pawh amittui atla ve tho. Keimah ang bawkin an rilru ana tih ka hria.
Ka pa pawh a insum hram hram.

"Pa kal theih leh ngei ka duh engtin nge ka tih dawn? A fair lo lutuk." Ka au khum chiam a.Thawhlui a kal mai ka tum a. Ka thei silo a.

"Doctor tha tak nih ka duh." Tah pawh ka tap tha thei tawhlo zawk. Kan chhungtah ani ringawt.
Chumi zan chuan vawikhat mah kan muhil lo vek. Keilah ka tap reng bawksi.
Rinpuia leh midangho ka ngaihtuah a,ka na zual sauh.

Kum khat tawp in lamah hun ka hmanga, kan thlalak te en a,tahpui mai loh chu tihtheih ka neilo. Ka khua a har thei em em a. Lam tak ngial pawh kati thei ta silo a. Ka ngui thei em em bawk. Mahse kal leh theih ngei ka tum, Rinpuia vang tal pawhin.

A kum leh ah Lunglei lamah u Melody bula awm ka dila. Helai hmun ah hi chuan mi pangai ah ka chhuak lo tawp ang. Boruak thar dawn ka mamawh a ni.

"Lunglei lam ah science subject lak theihna college a awm ve tho bawka. Kal ka duh a ni." Ka nu leh pa tebulah chuan kati a.

"Bawihi kan ngaihtuah lutuk ang che. Kanlo zin reng thei dawn silo a. Helam ah kal maila." Ka nu chuan hmangaih tih hriat taka, min en ngawih ngawih pahin ati a.

"Nu helama zir chu ka duhlo. Hmelhriat tam tak an awm dawna,hmuh ka duhlo." Kati hlur a.

Ka pa in," Lunglei lama awm i inhuam phawt chuan a pawilo. Kanlo tlawh fo dawn che alawm." Ka nu melh zeuh pahin ati a.

"Nia awm ka duh. Ka thian teho kei ai an pawlsang tawh dawn si." Kati sapa. An remti ve maia.

Lunglei lamah chuan ka awm phei ta a. Engkima atha ber nithei thin kha, ka ke ka hmang thei ta silo a. Hrehawm tih mai piahlam a ni.
Rinpuia tal ka kinagah awm se zia deuh tur ania,ka mamawh ngawih ngawih a. A reh vang vangsi.

Kan college ah chuan,'Nula ke bai hmeltha deuh kha.' Tih vekin min hria a. Hrehawm ti chunga pawha ka paltlang a ngai si.

A ruka ka tah tlawk tlawk hi ava tam tak em.. Ka beidawn changte a awm a, Pathian hi ka au hnem mawlh mawlh asin.
Thian tha tak tak ka chhar thar a. Kum hnih na atang chuan nuam kati tan tawh.

"Ruatpui kan tluk theilo che anih hi." Sam an ka bula lo thut thak pahin ati a.

"Min kian mai mai zawk alawm." Kalo tivata. A ner nanga, ati tha ber kala ni chho ve zel. Vanduaina karah pawh hian vanneihna hi kan tawng veleh thin.

Kum2 tawp ke in ka kal theilo a, a hrehawm zia mai chu. College kal lai kanlo ni bawksi. Kal leh tumin tan kala nasa em em a, ka theihtawp tak meuh ka chhuah a ni.

Vawi engzat nge ka tluk a,ka beidawn a,ka tah pawh hi atam tak zet. Thih maite ka chak a. Ka chhungte leh Rinpuia,ka thian teho ka ngaihtuah chhuak a. Ka tilui hram hram thin.

Na katih em vanga ka tah zawih zawih a, ka mut theih loh hialte hian Rinpuia nui hmel ka ngaihtuah a. Mittui kar ah pawh ka nui leh thei thin.

Kum 3 na ah chuan ka zia sawt ta viau, beiseina thar kan nei leh a. Ka nu leh pa tehi ka nu leh pa anni lo ang tih ka hlau thin. Min tih phur an thiam em em a, min beidawn san ngailo.

Rinpuia ka ngai thei em em a,minla hmangaih vereng angem? Tiin keimah leh keimah hi ka in zawt fo thin.
Ka bula awm turin ka duh ngawih ngawih a. Ka hmuh chak em em rualin ka ke vang hian hmuh ka hreh tho bawksi.

College kalna ah in kai rial a, anlo kal ka hmuh te hian Rinpuia ka ngai vawng vawng thin. Awm vese, min ngaihsak leh em em dawnsi a.

Aizawl lam ah ka haw phei tawh a. College ka zawh vetak vangin.

"Bawihi result tha tak nen ilo haw leh avangin ka lawm e." Ka nu chuan min kuah thlawpa.

"Keipawh le,huaisenna nei tura min zirtir vangin ka lawm e." Nui sen sen chungin kati a.

Ka pa in tawngtaina a hman zawhah chaw kan ei a,kan ei zo kan thutkhawm thap lai chuan.

"Nu, pa, Didik minlo en ru." Tih pahin ka thawh ka tuma.. Ka nu in minlo dawm atum a. Ka nuihsuk ringawta.

"Ka ding thei tawh,chuan ka pen leh thei tep tawh bawk." Tah nuih chungin ka sawia.

"Tak tak anih kha." An te chul a,kan va hlim tak em. Lawm vangin mittui a tla vethung tawhsi a.

"I kal leh theih ka ring renga." Didika chuan min kuah chawt chungin ati a.
"Tun ah chuan tumah tah tawh loh tur. A u pawh mi ropui tak ini,doctor te tihdam theih loh leh an beidawn san inia, doctor ai in itha zawk ania." Khi sen sen chungin ati a. Ka mittui tla chu min hruksak a.

"Nau tha tak ini." Ka kuah vaka. Ka nute pawh anlo khi var var a.

Kum3 chuang ke in ka kal tawhlo a. Kal chu la harsat tak ka ni. Mahse kati thei ang. Kal theih loh zawng a hrehawm e mai.

Rinpuia hmuh pawh ka phur sawt tawh. A teddy bear min pek chu amah ang ah ka chan a. Tui takin kuah hlan chungin ka muhil sak sak thin.

Kum 5 na ah chuan ka kal tha ve thei tawh.Kal theih leh zawng a nuam chiang alawm. Ka phurrit hrehawm tak kha lak kian ang huai ani tawh a. Rinpuia hmuh chiah ka hmabak tawh.

"Ruatpui vawin chu bazar ila."Tluangin arawn ti talh talh a. Ani hi chu nurse hna a tan tawh dawn.

"Nia kan tum dawn nia. Ka chhuah lohna chin pawh ka hre tawhlo." Phur sarhin kalo ti a.

Phur deuhin bazar tur chuan kan chhuak dun a. Kawr pawh kan lei nual mai. Ka nui leh sen sen thei tawh e.
Ruatpuii mi hlim thei tak kha kani leh tan tawh.

"Ruatpui LMT hotel ah lunch ei ila." Tluangin ati a.

"Atha ngawt ang. Ka kal lohna arei tawh lutuk." Phur fahranin kalo ti a.

Thil ei tur chuan kan luta, kan thu ran a. Engthil emaw tak hian min mawl a,Rinpuia a awm ve tlata hriatna ka nei. Ka hawikual ruai a.
Amah ang deuh hi ka hmu tak taka. Ka thin a phu dawt dawt mai. Ka hlim mah mah.

"Tluangi lo awm lawk rawh aw. Kan chhuak lawk." Rinpuia te chu ka umzui vata.

Motor a an chuang tur chiah ka hmu a, ka ke a nat em vangin ka tlan thei tawh silo. Ka tlu hnawka.

Amah ani chiang alawm. Ring taka koh ka tum lai takin hmeichhe hmeltha tak pakhat hian alo kuah a. Motor ah chuan an luta. Hrilhhai zetin ka en tawpa.

Tluangin," Ruatpui itha em? I ke ana leh ami?" Hlauthawng zetin ati a.Alo chhuak ve ani ngei ang.
Ka lu ka thing ringawt a.

An tlan liam chu mittui kar atangin ka thlir liam a.Ka na tih hian a sawi fiah zolo ang. Rinpuia Mizoram ah a awm renga,min hmuh pawh atum miahlo.

"Ruatpui tho rawh le. Miin min en thup ania." Tluangin min khawngaih tih hriat takin ati a. Zawi zetin ka tho a. Kan haw nghal daih a.

Ka room chung ah chuan ka thu hnawk a. A thi min pek engtik lai pawh a,ka awrh thin chu ka pawtthla a. Ani hian eng ah mah min ngai tawhlo. Ka theihngilh angai tiin ka infuih sauh sauh a.

"Tu nge inih a? Ka hre ngailo che." Rinpuia teddy bear min pek chu ka tih khum a.

"Ka engmah inilo. Ka tan chuan mi tenawm tak chauh,bumtu ini." Tih pahin teddy bear chu paih ka tum a. Mahse ka thei thlawtlo.
Ka mittui a far fapa. Mittui te hi ka hua. Tah hian engmah awm zia aneilo.

Rinpuia ka hmuh leh huna ka hmachhawn dan tur ka zir nasa thei hle. Ka duhtawh bik loh zia hmuh tir ka tum a ni.

Party na ah hmeichhe dang nen ka hmu leh a. Ka lo inzir lawk nasat nen ka na lutuk tho.

"Rinpui eng vangin nge he tiang hian mintih? ka la hmangaih reng che." Au khum vaka, zawhna tam tak zawh ka duh. A rem tawh silo. Hmeichhe dang a nei tawh miau si a.

Minla hmangaihna niawm tak a mitmeng ah khan hmu a. Mahse Karlie nen an inhual tih an puang chhuak leh si a. Ka na nawn awn awn chu anih hi.

Kan zin hun chhunga a bula awm ringawt pawh kha nuam katia sin. Karlie lak ah ani chu ka chan tawh si a.
Ani hi midang ta tur ah kalo dah ngailo hrim hrim a ni.

END OF FLASHBACK

In ka thlen chuan zanriah ei a hun der tawh mai. Ka nawm vak loh chhuanlamin ka mu ta daih a.

Naupang ho zirtirna pek pawh ka phurlo zo. Rinpuia bak ka ngaihtuahlo. Damtha vat vat se,ka ngaihtuah tawhlo deuh ang.

Ni2 Rinpuia ka tlawh atangin a liam tawh. That lam apan tih ka hria a,kalo lawm ve em em a ni.

"Aw Zothan sawi rawh." Phone ka lak rual chuan kati a.

"I reh lutuk a, ka bialnu inih tak loh vang maia." Fiamthu in arawn ti a.

"Bialpa nilo biak techu ka peih hleinem." Nuih hakin kati a.

"Rinpuia lo tlawh leh la. Tun ah chuan a harh tha tawh a. Ilo kal ve leh veloh min zawt ania."

"A zawtlo tawp ang che." Zawt tak tak se katih zia mai chu.
"That lam apan chu a lawmawm hle mai." Thawhuai chungin kati a.

"Nia kar1 vel awm leh se a chhuak thei tawh mai ang. A harh chian loh lai khan Kopiko tih a sawi renga, a awmzia pawh ka hrelo." Ka thaw nge thawlo pawh ka hrelo.

"A sawi tak tak maw?" Kati tham tiak a.

"Aw sawi chiang e. Naktuk lam ah lo kal la. I kan ngei a phut ania." Nuih deuh chungin ati a.

"Awle kalo tum ang."
Kanin biak zawh chuan kanin ngaihtuah vang vanga. Ani hian minlo la duh ve ang ta se entin nge ka chhan let ve tak ang le??
Mahse nupui hual alo nei hman khanglang bawksi.

Damdawiin lam pan chuan phur leh huphurh ru tak chung siin ka kal a. Kan thaw chhuak leh ham ham thin.

"Zothan damdawiin ah chuan kalo kal a,I buai loh chuan Rinpuia hmu turin min hruai thei a ngem?" Keimah mai chuan bodyguards ho kha ka paltlang theilo ang.

"Phone ka lak hman hi chuan ka hman tihna ani mai. Ka room ah lo cho la."

"Awle kalo thleng vat ang."

A room ka thlen chuan alo nui sanga, Rinpuia room lam pan chuan kan kal a.

Ka hmuh hmasak ber chu Karlie in a kut alo vawnsak chu a ni.

"Duat tu anei tha bawka, Rinpuia pawh a dam chak khawp mai." Zothana chuan ati luta. Ka rilru hi avan hrelo tak em.
Rinpuia chu a thensaka. Min melh kara.

"Ka duat a duh vak loh zawka." Karlie chuan Rinpuia kut vawn ran pahin ati a. Duh tih hriat zetin a melh a.

"Rinpui itha zel chu a lawmawm hle mai." Ka nuia, mahse chhunglam hi ana.

"Ilo kal chu keipawh ka lawm e. Karlie haw tawh rawh. Ka tha tawh lutuk." Karlie melh pahin ati a.

"I bula awm ka duh zawk." Inla pangchang zetin ati a.

"I chau tawh ang,hahdam turin ka duh chelawm." Rinpuian duat deuhin ati a. Keimah zawk hi haw daih mai ka duh.

"Karlie hahdam tawh rawh. A ngaihtuah che anih kha." Zothan an nui rah rah chungin ati a.

"Awle kalo kal leh vat ang." Rinpuia biangah a fawp zeuh a. Min kalh pelh pahin ngeiawm deuhin min nuihsaka. Ve mai mai hian.

"Rinpui tunkar chhung chu awm ila ngai ang. Indim viau ingai bawk ang nga. Hna thawhvak phalsak ini lo ang." Thian ang nilo in,doctor angin thu a pe zawka.

"Inlama in enkawl ka duh zawk." Min en deuh renga, awmdan thiam a har.

"Damdawiin awm rih phawt ingai alawm. Kanin hnial tam hma in ka chhuak dawn." A in her vuta.

"Keipawh ka kal ve nghal mai ang." Rinpuia nena awm dun chu ka zuamlo.

"Angailo." Rinpuian chiang fawkin arawn ti a..

"Ka lo la kal leh zawk ang. Zothan kal ang." Keimah zawk chu ka pen nghal a.

"Rinpui kanla la kal leh mai dawn nia." Zothanan ati a. Ka hawilet zawka, rum fahran hian minlo melh a. Zialo thin.

Atuk ah chuan Rinpuia nen kan spot ah hahdam pahin thlifim ka dawng heuh heuh a. Thil tam tak ka ngaihtuah tuah kual neuh neuh a.

Ka piah deuh a, motor ding datah chuan ka hawi phei a. Driver niawm takin a hnunga mi kawngka a hawnsak, phawk zetin ka en a. Damdawi in a awm tur ani sin.

Ka kal bo vat angai. Ka scooty awmna lam ah ka pen phei vata.

"Kopiko,Lalruatpui ding nghal rawh."Fiah tha lutukin arawn ti a.

"Min hai aniang." Pen mai ka tum a,ka hma takah arawn dinga, min melh khui a.

"Kei hi min hria tih ka hria lawm. Tianga i awm chhan hi ka hria." Mit meng ngui raihin min en leh tawh a.

"Engmah i hrelo." Kati faka.

"Ka thiamloh a ni kopiko. Min ngaidam rawh." Min kuah tumin arawn kal hnai a,ka tawlh hnung data.

"Engmah kha hriat ka neilo, nilo hriat ka duh tawhlo zawk." Ka tap mai ang tih ka hlau.. Heng thil tehi ngaihtuah ka duhtawh lo.

"Kopiko."Ati sap a. A mitmeng hrep pawh hi, ka nem mai dawnin ka hria.

"I nupui hual kha ngaihtuah la atawk." Rum thei ang berin ka melh a. Ka kal san luia.

"Ka hrilhfiah vek ang che, I ngaih ang ngawt kha a nilo." Ka kal luia.

"Kopiko khawngaihin." Harsa tih hmel deuhin atawng chhuak a.

"Ka pu itha em? Engtin nge i awm?" Hlauthawng taka tiri ka hriat chuan ka hawilet leh vata. Rinpuia chu lei ah a tlu a.

"Awi nilo Rinpui." Hlauthawng zetin ka tlan let leh vata.

"Damdawiin ah hruai vat ang." Ka khur nasa ngei mai.. Rinpuia lah a harh chiang silo, thlanin a bual bawka. Driver in motor ah a hlang lut vata. Scooty in ka zui vebawka.

He pa hi ka haider lui thei tawhlo ang.Karlie chu ka ngaihtuah tel thei tawhlo a ni. Kala hmangaih rengsi a.

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)