Reign BY By Mami chhakchhuak (Completed)

Episode nei ho a hlawm a dahkhawmna
Ngaia
Site Admin
Posts: 25813
Joined: April 30th, 2016, 4:07 pm

Reign BY By Mami chhakchhuak (Completed)

Unread post by Ngaia » September 17th, 2017, 3:08 pm

Reign.jpg
Reign.jpg (25.57 KiB) Viewed 21037 times

Reign
By *Mami chhakchhuak*

(,A tawp a tawpah chuan ka rawn post ve thei ta hram e,he thawnthu hi keima ziah liau liau ani a,history a hmun leh mihring hming te hi a inang maithei a mahse a thawnthu hi chu ka kutchhuak liau liau ani tih min lo hriatsak dawn nia.Regular taka rawn post ka tum anga,chutih rualin saturday leh sunday erawh chu ka chawl thin dawn tih ka sawi chiang nghal e.Ngaihnawm i tih ngei ka beisei.)

Chapter - 1

A link chiah tih loh hi chu khawiahmah copy/paste phal a ni lo.
A link share dan
viewtopic.php?f=2&t=917
A share dan tur nen lam kan inkawhhmuh chung pawh a, a story full a whatsapp lama la copy/paste lui in awm anih chuan Police-ah FIR kan thehlut anih pawhin nangmahni chochhuah liau liau a ni ang...
Copyright ©
All rights reserved
www.storyfb.com


"Zing ni chhuak engmawi tak ani.Tui chhunchhuah ami tui va khai rawh le" tiin lo neitu pakhat chuan a fapa chu a tir a.Naupang chu a kal ta nghal a.

Tuichhunchhuah a tui a khai mek lai chuan sipai pakhat hi arawn kal a" mama tukthuan eitur min ngaihtuah sak ta che" arawn ti a,naupang chuan a hlau ngang mai a.

"Artui chu tlem kan nei a,i duh em?"

"Artui maw? A tui ngawt ang chu,mahse neih belh dan i ngaihtuah angai dawn anih chu" tih pahin a hnunglam chu a hawi a,a hawina lam chu naupang chuan ahan en chuan sipai tamtak an lam pana lokal mek chu a hmu a,naupang chuan makti takin "Turkish sipai" ati sap a, khur nghal dar dar a.An awmna chu Hungary lalram chhung ani si a.

Pressburg khaw daifem a convent ah chuan naupang leh tleirawh ho chu ball petin anfiam a,nun pakhat chu lokalin zanriah ei hma a intifai tawh turin arawn hrilh a."Viollet,nang chu mother superior in a be duh che" tiin a hma a hmeichhe tleirawl sam dum,mitmu violet rawng nei zahawm zet,duhawm leh hmeltha fahran mai chu a ko hrang a.Viollet chuan a hmela mak atih zia ti lang hauhlo in a zui a.

Mother superior lehkha ziakna pindan an thlen chuan nun chuan kawngka a kik karh karh a"Lo lut rawh"

Kawngkhar hawnga anlo lut a hmuh rual rual chuan mother chuan "Nang chu ka mamawh rih lovang che,sister maria" dam raih hian alo ti a.

Sister maria chu a chhuak leh nghala,kawngkhar a khar fel hnu chuan mother chuan "Vawiinah i pa lehkha alo thleng a,lalfanu.A hun alo thleng ta ani e" tiin ngainat hmel takin a en a.Viollet chuan a sawi awmzia chu a hrechiang khawp mai,engtikni ah emaw chuan alo thleng ngei ang tih a hria alawm,mahse ala inpeih lo ani.Engtik ah mah a inpeih ngailo ang.

Apa lehkha dawhkana mi chu ava hmu a,mother lam hawi chuan "ka lo chhiar ve dawn em ni ang,mother?" mother chu alo bu nghat a.

Lehkha ah chu an chhiar a, arang thei ang bera hruai chhuah anih tur thu leh lo inpeih tura hrilhna ani tawp mai,a hrilhhai ang reng hle a.

Apa chuan an inhualna chu alo sut tawh pawh ani maithei asin, mahse chu chu duhthusam thleng ngailo tur ani.An ram ri ah Turkish sipai anlo kal thu chu convent ah pawh an hre tlat ani.

Pasal anei tawh dawn ani,hlim tur anih vei nen.Mahse engtinge a hlim theih ang kum 6 mi lek anih laia a pasal hual chu eng ang mi nge anih pawh a hre si lo.Mi sawi dan chu a hria alawm,fing leh rem hre tak,lalram zau leh hausa tak neitu,hmeltha tak.Kut lum thar thar in a kut arawn vawn takah chuan a hawichhuak a.Hmangaihna leh lainatna a khat mitmeng chuan alo en reng a.

"Iti thei em em ang ka fanu,lalnu tha tak ini ngei ang".

"Ka la inpeih lo ani mother"

"Ni love,ka fanu.I inhriat aia nasa daih hian i huaisenin thil iti thei zawk asin".

Kum hnih chhung amah enkawltu chu ahan en a,a hmangaihin a ring tawk em em ani si a.A kuah ta vawng vawng a,"Ka tan i hlu tak zet ani,mother"

"Nangpawh he ram leh i pa tan i hlu takzet asin" mother chuan alo ti a,chu zawng a dik chiah em a hre lo.

A tuk zingah chuan sakawr tawlailir sipai 50 rual zetin an venna hnuaia mi chu Viollet hruai mai inpeih chuan gate pawnah a ding a.Viollet chu a pindan atang chuan alo chhuak a.Pawnah chuan convent a chengho chu amah thlah turin anlo ding thap a.Kum hnih chhung zet a chenna chu a ngai dawn hle mai,a chhunga chengte nen chuan.Hahdam leh thlamuang taka alo chenna hmun chhuahsan chu a hreh hle a ni.

Amah thlah tura lo dingte chu Viollet chuan kal pahin a nuih sang a,fahrah naupang thlaruk liamta a lo awm thar chuan"Viollet fimkhur hle rawh aw,French Court ah chuan thlahrang a awm anti nia" ngaihtuah hmel deuh hian a ti reuh a.Viollet chu a thu hniam a,naupang chu thlamuan tum taka nuih var var pahin "French Court ah chuan ka awm reng tawh thin alawm,thlahrang engmah a awm hleinem" naupang chuan a ngaih ala that hmel loh hle a."Chumai ani lo,a nuamin a nalh teh asin,huan nuam leh zau tak ala awmzui" atih zawm leh a.Naupang chuan a thi awrh lai chu la thla in Viollet chu a pe a "Hei hi invenhim nan ka pe ang che,i fel ka tiin ka ngaina hle si che a" ati reuh a,a chhan leh hman hma chuan Mother superior chuan a darah khawih in "I tan kan lo tawngtai reng ang" Viollet chu thovin mother chu a en a,a nuih sak a.Mother chuan a biangah lo fawh sak pahin "Tluang takin le,ka fanu" ati a.Viollet chu hawikir tawh lovin sakawr tawlailirah chuan a lut a,a hma a athil tawh tur chu ngaihtuahin a rilru a buatsaih sauh sauh a.

Buda casstle chu Hungary khawpui Budapest mualpawng laiah chuan a ding to lurh mai a.Bang chhah pui hmanga hung chhuah vek niin,lalin sirah chuan dil mawi tak a awm bawk a.

"Ka lalpa anlo thleng tep e" tiin a chhiahhlawh chuan arawn hrilh a,King Mathias chuan a lehkha kenlai chu dah thla in alo hawichhuak a,"Anlo thlen veleh Lalfanu chu ka hnenah,hetah hian inrawn hruai nghal dawn nia"

Chhiahhlawh chhuah hnu chuan a thutna atanga tho chhuakin tukverh lian leh sang zet bulah chuan dingin pawn lam chu a thlir a.

Hungary ram chhunga Turkish sipai engemaw zat anlo luh ni atang khan a awm a nuam thei tawh lo a.Turkish ho chuan anrawn tei lut satliah mai msi tih chu an sawi ngei alawm,mahse an bei thut lovang tih tunge sawi thei? Turkish bei tur chuan sipai leh sum ang ngah tawklo.Chu chu an hria anih vaih chuan a lal hun chu a tawp ngei ang le.Hungary chuan thian a mamawh ani,thian thiltithei tak ,sipai leh sum leh paia pui thei tu tur.

Viollet ahan ngaihtuah a.....hmeichhe nunnem leh zaidam,mitmeng fiah leh zahawm tak "A nu ang mai" ati rilru a.France tan lalnu tha tak ani ngei ang.Mahse....France lal Louis atan nupui tha tak ani thei angem le? Mi rilru sak leh tihmawh zet mai,rorel thiam leh sumdawn thiam tak ani a.A lal atangin France in kawng hrang hranga hma a sawn zia te a ngaihtuah a, alo hriat danin Anna,England mi Lord Darnley a fanu chu hmei ah a nei a,a duhin a hmangaih hle a.Chumai ala ni lo,tunah phei chuan a fa a pai mek lehnghal.

A u Isabella ang chu Viollet chu ani lo tawp ang,ani chuan a tihtur chu a hria alawm.Isabella kha zawng Portuguese lal fapa naupang zawk nena an inhualna kha sipai captain ve mai mai a duhzawk vangin a pawtchat hmiah anih kha,ati mualpho hle ani.

Turkish sipai ten an ram lak an chakzia leh sipai leh sum an neih ve si loh dan theihtawpin hrilhfiah a tum a.

"Portuguese lalfapa nena in inneih chu a tul asin,kan ram min venhim pui theih dawn bakah sumdawnna thlengin....kan ram mipui te tan a tha a ni" .Mahse awmzia a awm chuang lo anih kha.

Ahan thaw huai a.Tunah chuan a fanu kum 17 mi, Viollet chauh hi amah leh a lalram venhim nan a beisei neih chhun ani tawh.Fapa anei si lova.

Sakawr tawlailir in Gate chhung a luh chuan Viollet chu alo thaw hak a.Apa chu ala thinrim reng angem le,nge a lungngai zawk ang.Engtinnge alo dawnsawn dawn a hre hauhlo.

Chhiahhlawhin kawngkhar arawn hawn rual chuan a chhuk nghal a."Lalberin a lehkha ziakna pindanah hmuh nghal che a duh a,lalfanu" Engmah sawi lovin chhiahhlawh chu a zui nghal a.Lal huan mawi tak tak te,inchhung ropui leh nalh em em te chuan a mit an la hman tawh lo.

Pindan chhung a luha apa a hmuh veleh chuan hlim takin "Ka pa" ahan ti a.Tukverh lam chu hawisanin alam arawn hawi a."Thu rawh.Viollet" ati bung nghut a.Viollet chu a rilru alo na ngang mai a,in lawmna pawh a awm dawnlo ani tih a hrethiam nghal mai a.

"King Louis hnenah lehkha ka thawn a,pasal nei rual ini tawh tih pawh ka hrilh nghal kha.Hrilh kher angai lo nangin" ati leh nghut a.

A pehhel lo kher mai maw,Viollet chu a a zak in a thinur ve phat a.A pa thu hi zawm loh lai ala nei ngailo a,chutianga ti tur chu ani lo asin.Mahse a insum hram hram a.

"Ka lo rindanin inneih ni turte a rawn sawi...." A pa lo ner sawk a hmuh chuan thawk ahan la a,a thusawi dan chu a thlak a."Inneih a hmanhmawh rihlo ani mai alawm.Ka lo hriat danin English mi hmei hmangaih em em mai a nei a,tunah a rai mek lehnghal".

Apa chuan mak atih zia a hmelah alo lang a,a insum hmanlo ani ngei ang.

"Convent ah min dah ani mai a,ka pa.Ka beng a ngawng hleinem" dak vah chuan ati ve kher a.

A mak tihna chu thup lehin "Ka lehkha thawn chu arawn chhang let thova,inneih chungchang chu a sawi lova" a ner leh deuh sak a "mahse i him zawk nan leh lalram pahnih te inlaichinna a that zawk nan Palace of Fontanebleau ah a bula cheng turin a sawm che a".

Viollet chu a rilru a buai ngang mai.Mi zawng zawngin an inhual thu an hria a.Tunah kum 17 ani tawh a,Louis lah chu kum 29 ani bawk a.Convent atanga hruai chhuah anih chhan chu King Louis chuan inneih ni turte ruat felin ,inneih arawn sawm tawh ah a ngai anih kha.Mahse tuna a thu hriat chuan ati hnual rawihin tlawmthlak ati hle a.

"Kan inhualna hi pawhchah leh chi aniin ka hria" apa chu alo phu dawrh mai a.

"Eng a?" a vin kher mai.

"King Louis hian tun thlenga inneih ala sawi loh danah,a hmei hi nupuia neih a duh anih ka ring tlat,kan inhualna hi pawhchah a hreh mai mai aniang,keimah hian pawtchat ila a tha ang" ati nghet charh mai a.

"A teuh lo! A rawn sawm ang che hian France ah chuan i kal anga,nupuia a neih ngei theihnan che i hmin ang" apa chuan ati vin tuarh mai a.

Chutiang taka a chunga a pa thinrim chu ala hre ngailo,a khur ru dar dar a" Ka pa kemahni chauh pawh hian Turkish chu kan hneh thei em em ang,mi in hmangaih takte kara tlakzeh kher angai em ni?". a ngen a ni ber a.

A pa chu a thaw huai a,"Chutiang lam ani lo.Tihdan dang a awmlo.France hi kan lam tang reng turin kan mamawh ani.Sipai leh sum kan ngah tawk lo,kan ram hi a nung ve hram hram ani zawk" Viollet chu a melh a"Tihdan dang chu awm se ka ti daih tawh ang" ati dam ta thlup a.

Apa mitmenga lungngaihna leh tawrhna a hmuhin Viollet chuan apa in Bella a hrechhuak tih a hrethiam mai a,apa chu hnial zui zel a tum ta lova.

"Engtikah nge ka kal ang" ati chhuak ta sap a.

"Naktukah.Paris i thlen hunah i thiante'n anlo hmuak ang che" ati sup a.

"Ka pindan lam ka pan thei tawh engem?"

"Thil pakhat leh chiah,Viollet.I thuamchhawm tur ka lo ngaihtuah tan nghal dawn nia"

A thil sawi awmzia chu Viollet chuan a hre chiang khawp mai,a duhzawng ani hle bawk.


Palace of fontanebleau ah chuan a lehkha ziakna pindanah chuan King Louis chuan lehkha pawimawh ho chu alo en mek a,"Alo kal dawn amaw?" rawn luh pah chuan Catherine De Medici chuan arawn ti a.

"Aw,ka nu,ka nupui hual ania,ka court hi atan a in hawng reng alawm" a thiltih lai chawl chuang miahlo chuan alo ti a.

"Mahse Anna hi i hmangaih hle amaw ka tia" ringhlel hmelpu deuh chuan ati a.

"Lal tan hmangaih neih a thiang hleinem,ka nu,a hrechiang bertu ini alawm."alo ti bauh a.

Catherine chuan a fapa thusawi chu hrelo ang hmiah a awmin "alo thlen chuan tuna Anna nen zalen taka in awm ang hian in awm thei lovang,ani chu lalfanu ani a,i khawnbawl te pawn Anna ai chuan an ngaina zawk daih ang" Louis chuan a chhang lova.

"Hungary nena inthian that hi kan tan a tangkai lo ani,sipai leh sum hekna mai mai," ala chhang chuang lova,"in inhualna hi sut leh la tha ang" ati hlar a.

"Engvangin maw?" a hmelah chuan a ngaihtuah awm a hriat theih lova.

"Engvangin a....Engang mize pu nge anih kan hre hleinem,kum hnih lai apa in convent ah a dah lehnghal,French lalnu ni a,House of Valois chawinung zel tur hian a tlak dawn em ni?"

"Ngaihdan i siam hma mah mah ani" ati leh nghut a.

"Eng ang hmel nge a put pawh i hre hleinem," ati leh hram a.

"Kan inhual laia a ha hmai bal kha i ngaipawimawh anih chuan ka nu,a to tawh ngei ang tih ka tiam a che" nuihzat hmel lek lek hian ati a.

Catherine chu a fapa thusawi avang chuan a nui duh hauhlo a,"Hei hi fiamthu ani lo.I hmalam hun chauh pawh ani lo,France leh Hungary hmalam hun pawh ani asin" ati nghet charh a.A fapa hi a rintlak reng thin tih chu a hria,mahse a hlauthawng ru tlat ani.

A thutna atang Louis chu rawn tho chhuakin anu hma ah chuan a ding a "Fiamthu ka thawh hleinem.Vawiinah alo thleng dawn a,tha taka ilo dawnsawn ka beisei dawn ania,ka nu.Insiam ka ngai tlat" a chhuahsan ta nghal a.

Palace of Fontanebleau panna chu a nuam hle mai,thingkung mawi tak tak te leh boruak thianghlim te...."French court ah chuan pindan 1500 chuang a awm anti asin" phur fahran chuan Clarise chuan a ti hliai a,a sam sen kir deuh chhap leh a mitmeng uk khak chu Viollet chuan inhmeh ati hle a,"An ei in a tui lutuk anti bawk a" lo ti tu Verna lam chu ava hawi leh a,sam buang uk deuh khak leh a mitmu pawl ram mai nen chuan mipa mit ala ngawt ang le ati rilru a,Ailley lam chu ava hawi ve leh a,ngawi reng leh nui sangin an thiante titi chu alo ngaithla a,a sam dum leh mitmu pawl ram atang chauh lo pawh English thisen kai ani tih a hriat kher mai ti rilru in a nui sak a,apa sawi ang ngeiin a thiante chuan Paris ah anlo nghak a,French court ah a bulah chengin a lady anni dawn ani tih a hriatna chuan ati hahdam sawng sawng thei hial a.Hmelhriat loh hlir bula awm angai dawnlo ani.

"Kan thleng ta" Clarise in atih chuan Viollet chu ahan insiam rem a,kawngkhar anlo hawn veleh chuan chhukin a hnung deuhah a thiante chu an ding a.

A hma lawkah chuan Palace of Fontanebleau ngei mai chu alo ding to lurh a,a luhna gate chu rangkachaka luan ani a.A pan phei na lai kawngsir lehlam lehlam thui takah chuan sipai anlo ding tlar thup a,lal thisen kai alo thleng ani tih hriattirnan tawtawrawt an ham ri ruai ruai bawk a ,a tawpa tualzawl ah chuan mi engemaw zat lo ding zingah chuan mipa lian deuh chu a langsar hle a,a sirah chuan hmeichhe pahnih an ding bawk a.

An lam pan chuan an kal ta nghal a."Saw saw mi Louis a chu,mi sawi ka hriat danin a hmeltha in a palian lutuk anti lawm" Verna chuan Viollet hriat phak lek chuan arawn ti sar sar a."A ni ngei ang" alo ti sap a.

"A sira mi saw Anna chu ani ang a," Clarise chuan arawn ti ve nghal a,Ailley chuan "Nilo,Anna chu England ah kum 3 liamta khan ka hmu tawh" alo ti a.Viollet chuan "Louis a nau,Cornelia anih saw, ka la hria ani" alo ti a.

An bul anva thlen chuan King Louis chu a hmeltha in a lian kher mai,a hrisel hmelin a khabe chu a in vuah nghet charh a, mahse a hmel erawh chu a vawt raihin a nelawm loh hmel hle a.Viollet chuan dak vah in a en a,chutah kunin chibai a buk leh a.

"Chibai le lalfanu,ilo thleng tluang thei chu kan lawm hle mai" nghet charh leh thunei aw taka tih pahin a kut arawn phar chhuak a,Viollet chuan a kut dinglam alo pe a,Louis chuan French tihdan pangngaiin a fawh sak a.



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » September 17th, 2017, 3:09 pm

Reign

By *Mami Chhakchhuak*

Chapter - 2

A hmui lum thar thar in arawn tawh chuan Viollet chu alo khur ru dar dar a.Louis chuan a mitah tak chuan chiang em em mai hian a mitmeng uk khak chuan a en a.

Catherine chu lo pen chhuakin "Chibai le,Hungary lal fanu" tih pahin a darah a vuana a biang lehlam lehlam chu a fawh sak a.An boruak chu a hrethiam ani chiang mai."Kan inhmu lo rei ta hle mai" nui sangin ati a,a mitmeng erawh a hlim hmel lemloh hle a. "Chibai le,Lalnu Catherine" Viollet pawh chuan alo ti ve a.
Cornelia nen pawh chuan chibai an inbuk a.

A naupan lai kha chuan amah aia kum hnih a upa ni mahse Cornelia nen an in ngaina hle thin a,Catherine pawh khan a duat thei hle si a.Tunah erawh chuan mawi hnaiah an chibai ringawt a,a mak ati hle a.Anlo lawm alo rin tehlul nen.

"In pindan tur lamah chho in hahdam ula a tha ang.Zaninah inlo thlen lawm nan party kan buaitsaih dawn nia" Louis chuan arawn ti a.

A pindan tur an thlen chuan ropui anti ngang mai.Rangkachak a luan khum ban te, meichhemna thuk ropui zet te,parda manto ber ber te nen,France lal in ropui zia hi chu an sawi fo a,mahse a thiante chuan anla hmu ngailo."A ropui hle mai,kan pindan tur pawh ka hmu chak tawh lutuk" Verna chuan phur fahran hian ati a.

"Engtinge he hmun hi i rawn chhuahsan theih zawk le? Kum engzat nge i awm kha?" Clarise chuan a lo tih zawm ve nghal a.

"Kum hnih.Kum ruk leh Kum sarih ka nih kum". A nui lui deuh sak a.

"Clarise zawhna kha keipawh ka zawhna ani e.Engtinnge he hmun hi i chhuahsan theih zawk?" Verna chuan nuam ti fe a hawikual pah chuan ati a.

Viollet chu a nui lui leh hram hram a,chhuahsan kha engtik lai mahin a duh ngai lo.A mitthla ah a chhuahsan lai vel alo lang a.Ahan in thingharh thuai a,a naupan lai hun alawm tunah chuan puitling ani ve tawh.

"Loneitu fanu lal in ropui a vawikhat kalna ang mai kha chuan awmlo ula,mi hausa fanu innih kha" tiin Viollet chuan a thiante chu a fiam a.Mahse an sawi chu adik zia a hre tho,amah ngei pawhin an lalin Buda Castle nen a tehkhinin ropui ati hle ani.

"Mahse hei zet chu a ropui alawm,kan kalna corridor ropui zia te kha lemziak te,an cheidan hrim hrim te hi...." tiin Ailley pawh chu alo chek tlak tlak a.

A thiante hlim hmel a hmuh chuan ati lawm hle a,a naupan laia a awmna thin pindan anlo buatsaih sak lo chu mak ati deuh a.

"I va hlim hmel loh ve,Viollet ?" Ailley chuan ati ta nge nge a.

"Ka chau deuh mai ani e."

"I ti dik ang.I lo kalna a hla si a,hahdam deuhin awm rawh zanah party na ah hlim deuhin hun kan hmang dawn nia" Ailley chuan ati a.

A thawmhnaw ken chhiahhlawh in an dah thatsak zo ta bawka,a thiante chuan an pindan lam pan turin an chhuahsan ta vek a.

Clarise kha chuan chhuahsan a hreh hmel ngang mai.Viollet chu a nui sak a,Anna a hmu miah lo chu mak ati deuh a,mi sawidan khan engtik lai pawhin Louis nen an inzui chawt anti si a.i

Chutiang lam ngaihtuah hman ka ni love,tiin amah leh amah ahan in hau a.A thawmhnaw te chu phelhin inbualna an siamsak ah chuan a inchiah vang vang a,chhiahhlawh ten engkim an tihsak thin na kha alo rei ve ta hle mai convent ah kha chuan lalfanu anih vangin engkim an tihsak ngailo,hna a thawk ve bawrh bawrh thin anih kha.

A inbual zawh chuan a mu hahdam a,alo muhiltui ngang aniang a thianten party tura anrawn sawm chuan a harh ve chauh a.

"Viollet party turin khawnbawl ho te pawh anlo thleng tawh ania,nang lah chu" Verna chuan ati hliai a.Clarise chuan mak tih hmel leh ho tih hmel deuh a khuma Viollet tho phang zet chu en pahin " Nangmah an nghak dawn tho che lawm" alo ti awlsam et a.

Ailley chuan rum deuh a melh pahin "Chhiahhlawh va ko vat rawh" ati a.Clarise chu a chhuak nghal a.Viollet lam chu enin "Eng thawmhnaw nge i hak ang?" a chhanna pawh nghak lo chuan Viollet kawrfual ho chu ava en nghal a.

Viollet pawh chu lo tho ve nghalin Verna chuan a sam te chu alo buaipui sak nghal a.Chhiahhlawh ho anlo thlena a thiante nen an han chei meuh chuan reilote ah Viollet chu a inpeih ve nghal a.

A thiante hnenah chuan "Ka lawm e.Ka lo mutui lutuk alawm mawle" inthiamlo takin lawmthu a sawi sap a.

Ailley chuan "Hei hi alawm i lady kan nihna chhan" tiin a nui var var a.

Clarise ve thung chuan "Pasal tha tak,hausa bawk si min hmuhsak la i lawmthu sawina chu kan pawm chauh ang" alo ti fiamthu a.

An vai chuan an nui ta hlawm a.Viollet pindan chu chhuahsanin party an siamna pindan lam chu an pan a.

Party an siamna pindanah chuan mi anlo zi nuaih nuaih tawh a,chu pindan pawh chu a ropui kher mai a chhuat chu rangkachak a luan chhuah vek ani a,a bang vel te chu lemziak mawi tak takin a khat vek a,tukverh darthlalang an vuah te chu a manto ber ber leh dangdai ber ber ani tih a hriat nghal mai a.Pindan laitak chung zawnah chuan Chandelier ropui zet mai chu a uai nulh bawk a.

Hmun rem lai takah chuan tlema dawhsan deuh lai bik a awm a,chutah chuan thutthleng mawi leh ropui zet bakah a bulah chuan thutna dang tlem a awm a.Lal leh a mi ngainat zual tlemte te thutna ani tih a hai theih hauh loh.

Mahse Louis a chu chutah chuan thu lovin mikhual lokal te chu alo be vel mek a.

Chu pindan a lut tih an hriat chuan thawm lo ri mur mur chu a reh duak a.Louis pawh chu a awmna lam rawn hawiin, arawn pan ta nghal a.

"I nalh hle mai lalfanu" ati thawp sat a."Viollet.Viollet tiin min ko la nuam ka ti zawk ang" Viollet chuan alo ti a.An naupan lai pawhin Viollet tiin a ko thin a tuna taka 'Lalfanu' ati fo chuan enge maw ti takin a awm ati nuamlo tlat a ni.

"Viollet" ati leh sup a,a kut chu la in a fawhsak leh a.Thawm pawh chu a hma ang khan a ri leh mur mur tawh a.

Viollet chu alo lum leh pup pup a.Louis chuan a kut chu dahthla in wine anrawn chawi chu alo la a,a pe a,,Verna chuan no chu lo ennin "France hausak zia an sawi hi chu kan hre tho va,mahse rangkachak no a wine han in zet chu " ati halh a.

"Inneih thilpek anih kha,ka nu leh pa inneih lawmpui nana pope rawn pek." tiin Louis chuan alo hrilfiah nghal a .
An tawng ve hman hma chuan "hlim deuhin hun i hmang dawn nia,Viollet" tiin a kalsawn nghal daih a.

"Mi hipna a ngah hle mai" aw sin ratin Clarise chuan arawn ti a.Ailley chuan alo melh nghek a."Enge?" Clarise chuan ati leh hram a.

Dawhkan pakhat lam chu panin an thian ho chuan an thu bial ta laih a.Viollet chuan Anna a hmuh a in beisei tawh tehlul nen ala hmu chuang lo va.Engvanga Anna hmuh pawh chu chak viau nge anih a inhre chuang lo.

Louis chu thutna an dawhsan hma takah chuan dingin a no chu a khawng ri karh karh a.Thawm a reh veleh chuan "Vawiinah in hriat theuh angin Hungary lal fanu leh ka nupui hual ni bawk chu ka Court ah hian alo thleng a" Viollet lam chu rawn hawiin a mit takah chuan a enin a nuih sak a,a nui hmel chu a tha kher lehnghal.Midang ho lam chu hawi lehin "Ka lo lawm ang hian,in vaiin in lo lawm ka beisei.France leh Hungary tan" tiin a no chu a chawikang a,Viollet lamah thlek zeuh pah chuan a in a.Midang pawh chuan an in ve tliar tliar a.

Rimawi tang tha tak anlo tum chuan an naupan lai ati hrechhuak a,an thianho chuan lam turin lamna tualzawl chu anva panna.An naupan laia an lam thin dan ang mai chuan hlim deuhin awmze nei lem chuanglo chuan anva lam chiam mai a.

Catherine chuan chu chu alo hmuhin a lungawilo ngang mai a.A fapa bulah chuan va kalin "Kan Hungary nula mawl ho chuan min chim hneh hle mai" midang hriat phak loh tur chuan ava ti sar sar a.

Louis chuan "Engatinge i huat em em a ka nu,a naupan lai te kha chuan i ngaina in i duat thei hle si a" alo ti mar put a.Catherine chuan chhang lovin a kalsawn a.

Rimawi arawn inthlak tak thutah chuan Viollet te thianho chuan an thutna lam an pan a,an thu fel deuh chauh tih ah Ailley chuan ",Saw le,Anna chu" tiin lalthutna tura an dawhsan chunga thutna pakhata thu,hmeichhe sambuang kir chiat mai,hmeltha em em mai leh dul lo puar deuh chu a kawhhmuh a.Viollet chuan chik zetin a en a,alo duh viau pawh hi a mawh love,a hmetha em anih hi mawle,ati rilru a.

A thiante hnenah chuan "Min lo hrethiam lawk ula" tih leh thawh a rual a,Anna lam pan chuan a kal ta a.Mahse a thiante chuan a hnungah anrawn zui nghal a.

"Chibai le,Anna i nih ka ring ringawt a,Viollet ka nia"Nui sang chuan ahan ti a.Anna chuan "Chibai le,Anna chu ka ni alawm" alo ti liam puat a.

"Tho la,chibai buk ta che,Hungary lalfanu leh France ram lal Louis a nupui hual anih hi" Verna chuan alo ti nghet charh mai a.

Mahse Anna chuan a ngaih pawimawh loh hmel kher mai,la thu reng chung chuan Viollet chu a mitah tak chuan zam hauhlo hian a en a,"I hmuh ang hian" a pum chu ahan dawm a "ka tan chet vel hi a harsa deuh alawm mawle" ngeiawm zet chuan ahan ti a.

Chutah zet chuan Viollet pawh chu a lawmlo kher mai.Tawng a tum lai tak chuan " Ka nupui hual chu a phu ang tak zahna lantir chu a harsat viau ka ring lo,Anna" fiah tak leh hnial chi miah loh hian arawn ti a.

An hawi let deuh thap a,an hnung lamah chuan Louis chu alo ding reng mai a.Anna chu lo thovin Viollet chu lalfanu Chibai buk dan pangngai in kun in chibai arawn buk tha leh a.

Chutah a hnung atang chuan Louis chuan "min lampui ta che,Viollet" arawn ti thawp sat a,lo hnar chu a mawilo tih hria in a kut chu alo pe a,lamtual lamah chuan a kai phei ta a.

Rimawi rem chuan an lam dun a,Louis a taksa lum thar thar leh an lam zawnga an han innawk zeuh zeuh chuan Viollet chu a ti zam leh ta hle mai a.Lalfanu tan chu chu a tha lo tih hre reng mahse a in thunun thei tlat lo ani.

"I lo puitling ta hle mai" arawn ti thawp sat a.

"A rei ve tawh alawm" Viollet chuan dak vah leh mahni in ringtawk rak chuan alo ti a.

"Rei tak chu ani hleinem" nui ruh ruh chung chuan ati a.Viollet chuan a chhang lova.

"Engah nge Anna kha i va biak a?" a nui hmel chu a reh hmak a.

"Biak phalloh ani tih ka lo hre hleinem" A hmei nu thlavang chu a hauh hle mai maw.

"Biak phalloh ani ka ti em ni?"

"Cornellia hi a dam tha vak lo em ni?" thildang sawi chu a finthlak zawk ang.

Louis chu a nui deuh suk a "Karleh ah pasal a nei dawn a"

"Oh.Spain lal fapa Conde kha....mahse ava tlangthang rih love?" an inhual kha chu a hria a,mahse chutiang taka inneih hma tur si a hre lo chu mak ati a,hetiang thil hi mi hian an ngaihven in a tlangthang hma thin si a.

"A chhan chu anni lamin Spain a inneih tir an tum a,keiin France a inneih tir ka tum a" alo ti zang vah a.

"Oh..."

"Chu zawng chu em ni sawi tur i neih 'Oh' tih chu". thildang sawi tel se ti niawm takin a melh run a.

Viollet chuan a hrethiam lo kher mai,mak ti deuhin alo en hau ringawt a.A ni in enge alo sawi ve ringawt ang a.

Chutah lamtual atang chuan kai in a kut chu thlah lovin ahruai a,"Mi dang ho hi hmelhriat la a tha ang" tiin a khawnbawl te chu a hmelhriat kual tir a.A tam zawk chu a hmelhriat sa vek anni a,mahse mumal leh zahawm taka in hmelhriattirna ala nei ngai lova,an nupui te nen phei chuan an hming leh an thil hrilh te hriat ngei tumin an thusawi chu a ngaithla uluk hle a.Khawnbawl ho pawh chuan an lo lawmin an ngaihsan hmel em em lehnghal.

A thiante hnena a let leh meuh chuan a chau leh hle tawh a.

"Wine hi in ve teh" tiin Ailley chuan no pek pahin khawngaih hmel deuh hian alo en a.

"Anna chu a chapo reuh hle mai" Clarise chu a thinrim hle tih a lang reng a.

Viollet chuan lo khap daiin "Hahchawlh ka duh tawh riau mai Louis va hmu ila pindan lam i pan ang u" ati sap a,a tho nghal a.A thiante pawh chuan engmah sawi lovin an zui ve nghal a.

Louis chu Anna bulah chuan alo thu a,enge maw hi anlo sawi dun a,Anna chu a hlim hmel hle lehnghal,a nui sen sen mai a.

"Lalpa,min lo hrethiam la,ka lady te nen hian chawlh hahdam kan duh tawh a" Viollet chuan ati a.

"Tehreng mai. Chawl hahdam rawh u,tui deuhin in mu dawn nia" a nui deuh sang a.

Viollet i pindan an thlen chuan "I in bualna tur siam turin chhiahhlawh ka ko dawn em ni ang?" Verna chuan ati a.

"A ngai lovang," Viollet chuan tih pahin meichhemna thuk lian leh mawi fahran hma a thutthleng ah chuan a thu hnawk a.

"I chauh hmel hle mai,i thawmhnaw kan lo thlak pui ang che" Ailley pawh chuan alo ti ve a.

"Convent ah chuan ngui anlo zirtir che mi?" a thawmhnaw an thlak pui zawh hnu chuan Clarise chuan arawn ti chhuak phawng a.

Viollet chu a nui lui hram hram a "Zanin ka mut leh chuan ka harhvang tawh ngawt ang.Nangni pawh va mu tawh ula tha ang," Chhuahsan tawh tura thupek ani tih an hrethiam a ,chibai an buk thliah thliah hnu chuan an chhuahsan ta a.

A lung a awilo ani.Mei eng chu a en reng a.Louis khan Anna in chibai a buk duhloh laia a thlavang arawn hauh kha a lawm em em a,mahse a hnu a Anna nen an titi a hmuh khan an inhmangaih hmel hliah hliah si a.

Chu te chu i hre sa reng alawm thil thar pawh ani lo, tiin amah leh amah chu a inhau a.

A pindan kawngkhar chu arawn in hawng thut a.Lalnu Catherine chu alo lut a,mak ti taka alo en reng lai chuan a bulah rawn kalin , "He hmun hi chhuahsanin Hungary ah let leh la,oh....chumi hma in ka fapa nena in inhualna hi pawt chat ang che" thinrim hmel zet leh thupe aw zet chuan arawn ti a.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » September 17th, 2017, 3:09 pm

Reign

By *Mami Chhakchhuak*

Chapter - 3

Viollet chuan thawk ahan la raih a,a zam mai tur ani lo."Chibai le Catherine.Mut ka lo tum chiah a" a mit taka en chung chuan ati nghet charh mai a.

Catherine pawh chuan alo hriat thin ang, naupang nunze zawi leh thuawih tak kha ani tawh lo tih alo hrethiam ve nghal mai a."Ah...Ilo inti puitling ve ta hle mai maw,chiang deuhin kan hrilh leh ang che.He hmun leh ka fapa hi arang thei ang berin chhuahsan la,lo kir tawh suh.He hmunah hian lawm ini love" hmusit deuh a melh pah chuan ati a.

"Ka puitling tawh alawm.Inti kha a tello.Chuan i fapa nen chuan kan inhual a .....i hriat angin,aman a pawtchat anih loh chuan kan inhualna pawhchah keichuan ka tumlo". ati nghet leh charh a.

Catherine chuan nuihsawh pah chuan "Inhualna pawhchah te chu in chhungkua ah thil thar ani hleinem" awmze nei fe chuan atih khum a.

Viollet chu a hawisawn ta daih a,Catherine thil rawn sawi chuan a rilru ati na em ani.

"Ka thusawi chu awih mai rawh.In innei dawn chuang lo,zanin a Anna nen an awmdun lai te kha i hmu lawm ni ? Anna lo thlen atang kha chuan hmundang a hawisawn thei tawh lo nih kha?" khawngaihna tel hauhlo chuan ati a.

"Chu chu i sawi dik lo.Anna lo thlen hnu ah min lampui a,a khawnbawlte min hmelhriat tir bawk a." a ngawi deuh dat hnu ah chuan "Engvanga min haw ta viau nge inih hrim hrima ? Louis nen kan inhual hlima heta ka rawn chen lai pawhin nang hian min duatin min ngaina thei hle si a?" Viollet chuan ati ta nge nge a.

Za hauhlo hian Catherine chu a nui hak a" Hmm...midang hmuh a mawi a zawn vangin a lampui mai mai che nih kha,i pasal hual anih vanga a tihtur chin bak chu zanin ah khan Louis-a lakah i dawng miah lovang.Tunah te hi chuan Anna bulah,a pindanah an awm ang chu,nang lah hetah khawhar takin i awm a,innei pawh ni ula hetiang hi ani reng ang,Anna hi a hmangaih miau a." ngei awm zet chuan ati leh a.

Catherine thil sawi duh dan chu a duhlo takzet,mahse a sawi dik vek si "Chung te chu ka hriat sa vek alawm.Lal in an nupui te aia an hmei te anngainat zawk leh an duh zawk te chu thil thar ani hleinem ,ram dang ho pawh anni deuh vek alawm,mahni nupui hmangaih em vanga hmei neih duh lo lal ka hre love" ati let ve salh a.

"An hmei ten an fa hmasa ber tur an paisak hi chu i hre khat khawpin ka ring.Anna hian mipa a hrin vaih phei chuan nupuiah a nei duhlo ang tih ka tiam thei lo che,Anna lah hi khawnbawl fa ani ve tho a,hnamchawm ani bik si lova.I rilru nat hma leh mualpho taka hnawl inih hma in kal mai rawh" khawngaih hmel deuh leh nem fahran chuan ati a,a mitmengah erawh khawngaihna alang miahlo thung.

"I mi duhsakna chu ka lawm hle mai,Catherine" a hmela lawm hauhlo chuan ati ve a.

"Min hrilh lawk lo ti miah suh" chhuak pah chuan Catherine chuan ati a,avauna engah mah alo ngailo chu a thinur hmel hle mai a.

Viollet chu a khumah chuan pheiin a thu hnawk a,a thin a dawm vang vang a.Amak hle mai,chu bak chu a rilru ah a awm thei lo.Khatiang em em a hmuhsit a ahan awm tak mai chu.

Khumah chuan mu in Catherine thil sawi zawng zawng chu a ngaihtuah a,dawt a sawiloh zia a hrechiang.Tunah hian Louis chu Anna bulah a awm ngei ang.Ahan in thing nawk a,chu te chu a hriatsa vek alawm.France a thlen hma kha chuan heng thu te hi hre vek mahse a pawm thiam theih kha alo in ring a,mahse tunah zet chuan tawrh har ati tawh ani.An inhmu leh hi Louis pawh hi a hlim hmel loh hle lehnghal.

Catherine,Anna,Cornellia leh Louis ngei pawhin engah mah an ngai si lova,Louis a ngaihtuah chhuah chuan an inhual lai te a mitthla ah alo lang a.A ni chu khatih lai pawh khan lal anih tawhin a kum ngaihtuahin a puitling tawh em em a,a duatin a ngaihsak hle bawk a,ani lah khan alo ngaisangin a bula awm kha nuam ati hle a.Tunah chuan tlangval kum 29 mi hmeltha leh mi hip zet ani a,a pian ahan mitthla a,a mipa rim te kha...chutiang mai mai ngaihtuah hman ini lo Viollet tiin mutthlih ahan tum a.

Reife hnu ah chuan a muhil thei ta hram a.

Zing ni chhuak engmawi tak chuan a hmaiah arawn chhun sar sar a,a rin ai daih a amuttui chu.Thu chhuakin ahan in zi mar ar ar a,chhiahhlawh te chu a pindanah anlo awm reng tawh a,a intihfai hnu chuan tukthuan ei turin a pindan a chhuahsan a,a pindan pawnah chuan a thiante pathum chuan anlo nghak reng tawh a.

Tukthuan eina pindan an thlen chuan Catherine,Anna leh Cornellia te chuan ngawi rengin dawhkan anlo kil a,Anna in dawhkan alo kil ve mai chu mak ati a,hun bik pawimawh a awm a nih loh chuan Lal thisen kai lo chuan dawhkan an kil ngai si lova,mahse a hre chhuak lehnghal Louis a fa apai alawm,a naupai chu Lal thisen mai ni lovin lal pawh ala ni maithei asin.Louis a awm ve lo chu mak ati deuh a.Tuman lo biak an tum loh avang chuan ani pawh chuan ngawi rengin Cornellia hma zawn ah chuan a thu a.

Eitur an rawn chhawp tuihnai tak tak te chu ei pahin "Lawmpui na che hun pawh ka la nei lova Lia,ka lawmpui khawp mai che" nui sangin ahan ti a.

"Ka lawm e" lawm hmel lem loh zet chuan Cornellia chuan ahan ti a.

Biak zui a chak loh hmel em avang chuan engmah pawh sawi zui tawh lo chuan a ngawi ta daih a.Anna chuan nuihsawh hmel zet hian alo melh ralh ralh a.

"Vawiin lam enge itih dawn?" satliah zet chuan Cornellia chuan arawn ti a.

"Huan vel hi ka fang kual ang chu ka ti,ka hmuhlohna kha a rei tawh em a.....min fan kual pui hman angem".

Cornellia in a chhan hma chuan "Tukin chu Louis zing thawh atang ala buai char char a,a tukthuan tur ka va pe ange" inti thei zeta tih pahin Anna chu a tho nghal a.An pathum chuan an thlir liam thap ringawt a.

"Khatiang em em a tukthuan ei boruak nuamlo kha chu a tam lo khawp ang.French court ka lo hriat thin nen kha chuan a danglam ta hle mai" huana a thiante pathum nen an vah kual lai chuan Viollet chuan ngaihtha chiahlo hian ati a.

Palace of Fontanebleau huan chu a mawiin len vah a nuam kher mai,khawvel ah pawh huan mawi a sawi kha ani reng reng a.Huan hnung lampang ah chuan an kal pah zela.

"I awm lai khan i la naupang em a i lo hrechiang vak lo ani mahna" Verna chuan alo ti vat a.

"England a ka awm lai a Anna chanchin ka hriat hi a dik anih chuan helai hmun hi nuam chi ani lo hrim hrim alawm" Ailley chuan alo ti sap a.

"Engthu nge i hriat a?" Viollet chuan a hrechak lutuk chu a in haw ru hial a.

"Mahni hmasial leh duham tak mawle.A pa kha English Lord ani a,an hausak tehlul nen a duhtawk lo a Lal hausa deuh thlem thluk tur a zawng anti lawm,a dinhmun pangngai ah chuan Lord tho pasala nei tur ani a...." Ailley chuan ati sap a.

"Tunah chuan nau a pai tawh lehnghal"Viollet chuan alo ti sap a.

A thiante chuan an khawngaih khawp mai"mahse a nei duh chuang lo ang,Viollet, lal fanu ngei nupuia neih hi atan a zahawmna alawm" Verna chuan alo ti a.

Lalfanu ni mahse a chan chu tlawmthlak hle hian a hria a 'zahawmna' vang chauh a neih han nih tur chu.

An hma hla deuh hleka sakawr in ah chuan Louis leh sakawr enkawltu te niawm tak inbia chu an hmu a,Louis chu a sangin a incheina ropui tak te nen chuan hai rual ani lo.

A lady te amah zui lo tura a hrilh hnu chuan Viollet chuan ava pan hnai a.A bul a thlen hma chuan Louis chuan lo hmu in a mi biak te chu a kalsawn tir a.

"Tukchhuah nuam le Viollet" alo ti zang vah a.

"Nangpawh le,Louis.Tukthuan i ei lova" a sawi zawh rual rual chuan a inchhir nghal a,Anna in pek a tum kha mawle .

"Huana han lenvah vel chu a nuam em?" Louis chuan chiang zeta en chung chuan alo ti teh daih a.

"Nuam khawp mai,i sakawr ho pawh an that hmel khawp saw" tih pahin sakawr an kaih chu Viollet chuan ava en zui tawk tawk a.

Louis chu inherin Viollet hawina lam chu a thlir ve a "Sakawr chi tha ber chi anni alawm.An man pawh a to hle asin"

Viollet chuan alo ring thiam mai a,sakawr an kaihluhna in chu enin engzat fakau a tam nge Louis chuan chutiang chu aneih ang ,sakawr in len zawng chhut ru pah chuan alo ngaihtuah a.

"Ka hausakna i chhut ami Viollet? Lungngai suh France bakah Hungary enkawl theihna khawp chu ka nei alawm" a nui hul hak a.

Viollet chu alo zak ru chem chem a,"i hausakna chhut a ngai hleinem ,chungte chu Europe pumpui mai bakah khawvelah pawh a thang alawm le. In ram sum leh pai dinhmun i chawikang nasa hle ani Louis ,lal tha tak ini".

"Ka nupui i nih theihnana min thlem dan chu ka duh hlemai" awmze nei zet chuan ati a.

Viollet chu alo sen tawn tawn a "Chutiang vanga sawi ka nilo.Lalram ropui tak din tur hian naupangte ni chunga i beih nasat zia ka hria a lawm" thutak deuh chuan ati a.

Louis chuan rawn pan hnai in a hmel zawng zawng hriat tum ni mai awm a chik hian arawn en a,"I lungngai ani,i mitmu rawng atak tlat" ati thawp sat a.

Viollet chu a zam ru kher mai,an in din hnaih lutuk chu a thaw chham lo chauh a.Chutiang em em a alo la hrechiang chuan ati thinur bawk ."Anna nena in inkar ah tlakzeh ka duh lo.Inhualna hi tihtawp i duh pawn ka hrethiam lutuk che ania " A aw a khur lo chu a lawm hle a.

Mak tih hmel deuhin Louis chuan a en a,chutah a nui ta suk a.

"Hlim deuhin hun hmang rawh Viollet,karleh ah Cornellia in hetah pasal aneih dawn kha ' ati zang vah a.

A tum chu a ti hlawgtling leh ta ani maw,nizan mai kha chuan Lia pasal neihna tur ah khan an inhnial thu a hrilh si a.

Chhiahhlawh pakhat chu lokalin thusawi duh a nei tih hriattir nan arawn dinga.

"Min lo hrethiam la Viollet."Louis an a tih takah chuan Viollet chu alo inthiar fihlim ta vat a.Thawk ala hawk a,chhiahlawh khan a chhanhim ani ringawt alawm.

A thiante hnenah chuan va kir lehin engmah thlenglo angin huanah chuan an leng kual leh a.A thiante chuan thil thleng zawng zawng kha an hmu vek,mahse tuman hre awm pawhin an awmlo a.

Chaw chhun ei alo hun chuan ei turin lalin lam chu an pan leh a,lalin varanda pakhat nuam fahran ah chuan an thu bial laih a,chhiahhlawh ho chuan eitur chi hrang hrang an rawn pe a.An thian ho a an lo titi lai chuan chhiahhlawh pakhat chuan lehkha pahnih arawn pe a,a han en chuan a pa lehkha ve ve alo ni a,"Min lo hrethiam teh u" tih pahin a thiante chu kalsanin a pindan lam a pan a,apa lehkha chu ava chhiar a,Turkish sipaiin an ram anrawn run thu leh France sipai tam tak rawn tir tura Louis ngen tura hrilhna alo ni a.

Viollet chuan lehkha pakhat chu chhiar lehin tunah Turkish ho chuan Budapest rawn thleng tawhin lak an tum mek a theihtawpin anlo dang ve hram hram tih apa in a hrilhna alo ni a.

Apa lehkha pahnih te chu kengin hmanhmawh deuhin Lal rorelna pindan lam chu a pan a,alo awmlo a,rorelna hmun dangah a awm tih an hrilh chuan chulai pindan chu a pan lehnghal a,a thlen chuan kawngkhar vengtu chuan a luh alo phallo a.An inhnial buai lai chu Catherine chuan lo hmu in "Engthil nge maw tih i tum le? Hei te chu rorelna hmun pangngai ani hleinem.Ral beih dan tur an ruahman na hmun anih hi" tiin hlauthawng deuh hian alo hrilh a.

Catherine chu enin "Chutiang ruahmanna chu alawm ka mamawh." tih pahin luh a tum leh a Catherine chuan a banah lo pawt her sawkin "Min va pawisa lo em em ve,Viollet.Lalnu ka nih hi" zawi si hlauhawm zet hian ati a.

"I ni rei tawh lo ang.Louis hi pasalah ka nei dawn alawm" ati ve hmiah a.Catherine in rapthlak ti zeta a en lai chuan a kut chu dahthlak sakin pindan lam chu dak vah hian a hawi leh a.Kawngkhar vengtu te pawh chuan engmah an sawi ngam ta lova.

Pindan chhung a luh chuan alo thim deuh khup a,tawngri a hriatna lam chu pani puanzar nalh zet leh ropui deuh mai chhuatthlenga in zar dulh chu ava keu hawng hmiah a,dawhkan lian zet kila lo ding sipai hotu te leh lal upa thenkhat te chu anlo hawi nghal thap a,an thil hmuh chu mak ti taka an en hnu chuan engtinge a tih dawn tih hriat tum in dawhkana akut pahnih nem chunga lo ding King Louis a lam chu an thlir leh ta thap a.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » September 17th, 2017, 3:10 pm

Reign

By *Mami Chhakchhuak*

Chapter - 4

Mitmeng vawt raih leh tumruh hmel zet in arawn enna chu Viollet chuan zam hauhlo hian dak vah in alo en let ve ngar mai a.Ni lo,a chhungril ah chuan a zam ve tho a thup mai zawk ani.A bula mite chu a hmulo der hmiah a,anni lah chu enge thleng zel dawn tih hriat chakin an ngawi thap mai a an entawn sek ringawt a,Hriau pawh tla se a ring viau ang tih ang vel ani.

Reitawk fang an in en hnu chuan Louis chu a then ta suk a,rawn ding ngilin "Min lo chhuahsan rih ta che u,pute u" zawi tak leh thupe aw chuan ati a.An chhuahsan ta nghal a.

"Engthil nge chuti fakau a pawimawh chu.Ka khawnbawl leh sipai hotu te hnawhchhuah tir rawk rawk tu thil chu a pawimawh viau angai ang" Dawhkan hela alam rawn pan pah chuan ati a

Viollet chuan apa lehkha chu alo pe a,ngawi rengin a chhiar zawh hun chu a nghak a.A lehkha chhiar lai chu en pahin Louis chu za lo zet hian a nui huk a.

Viollet chuan makti leh ngaihtha lo zetin alo en reng ringawt a.Louis chuan alam rawn hawi lehin "I lehkha te hi i dawn hma deuh theihnan ngai pawimawh turin ka sipai te ka lo hriatir dawn nia" a lehkha ken lek va va pah chuan ati a.

Viollet chuan thinrim zetin "Tunah chuan lehkhathawn aiin ka pa leh kan ram tan sipai leh eitur ka mamawh zawk" ati ve ta kha kha mai a.

Hmuhnawm ti zeta lo en pahin Louis chuan "Nizana i awmdan kha a hrilhfiah ta chiah mai" alo ti nghut a.

Viollet chuan au khum vak mai hi alo duh tawh a,a pa leh a ram mipuite a ngaihtuah tawh tehreng nen."Nizan a ka awmdan....."

"Aw ni e....nizanah khan hlim takin i awm thei a,heng thu te hi hre tawh ni lang chuan....." sawi tullo a sawi vanga mahni in haw hmel zet hian a lu a thing nawk a."I ram mipui te chuan eitur an nei tha tawk a.I pa phei chuan tam awmzia a hriat pawh ka ring lo" ati ta zawk a.

"Enge i sawi awmzia,he thil hi ilo hre tawh amaw?" a bo tulh tulh mai.

A lehkha ken chu dawhkanah chuan a dahin arawn pan hnai a,a hma takah chuan rawn dingin a thaw lum ham ham pawh Viollet chuan alo hre thei a.

"Ka enthlatuten Turkish sipaiten an bei thut thei reng che u tih min hrilh a ka sipai te a rukin ka ven tir reng tawh che u alawm.Chuan an bei ta reng a,he hmun pan tura Buda castle i chhuahsan zan khan an bei a,ila awm emaw antia,chuan ipa sawi ang em em khan an tam lo Hungary lak tumin an bei lo Budapest chauh alawm an beih ,an lak hma in ka sipai te leh in sipai te tangrualin an hneh daih tawh alawm,zahnih bak an inbei hleinem ,tunah chuan thlamuang takin an muhil siai siai tawh ang" a bek sam chu la in a bengah a zeh sak a.

Viollet ngaihtuahna chu ati buai vek a "kan ramah enthlatu i dah amaw?" thinrim deuh a sawi a tum na a,a aw chu a sin ta rat a.

A bek vel a hmuia rawn nul pah chuan "Venhim i ngai alawm,ka nupui hual ini si a". ati thawp sat a.

Viollet chu chu thu chuan ati harh zawk a,a inla hrang nghal a,dawhkan lam chu panin "Ka pa chu a tha tih i hrechiang chiah maw" sawi mai tur a hre tlat lo.

"Nakinah a lehkhathawn dang i hmu vat mai ang" a hmel chu a rum leh sawt a."Le...tunah chuan min chhuahsan tawh rawh le,rorel tur tam tak ka la nei ania" ati nghet churh a.

Viollet chuan "Sipai tamtak i chhawp sa amaw?" ala awih thei chiah lo.

"Aw,Viollet.A tul hun apianga che chhuak mai thei turin Hungary ram chhung leh ramri ah enge maw zat ka dah sa ani" nin hmel deuh chuan ati a.

Viollet pawh chuan rinhlelh rual ani lo tih hria in "Ka lawm e,ka lalpa" tiin chibai a buk zauh a,apa lehkha dawhkana mi chu la lehin rorelna pindan chu a chhuahsan a.

Pawnah chuan Catherine chu alo vei kual sek a,Viollet lo chhuak a hmuh veleh chuan alo pan nghal thuai a.Viollet chuan be lovin a kal pel nghal a,a hnunglama Catherine in alo en reng ani tih chu a hrethei a,mahse a ngai pawimawh lo lui tlat a.

A pindan a panna lamah chuan chhiahhlawh thenkhat inneih na atan thil pawimawh lo buaipui chu a kal pel nual a,France ah Cornellia te an inneih dawn tak avangin mi thenkhat chu an buai tawh hle a ni.Spain lam atanga inneihna rawn hmang tur te pawh kawngah anrawn thang mek tih te alo hre tawh bawk a.Ngahnge chung thil chu a buaipui zawk loh tiin Catherine chu a ngaihtuah a.

A pindan a luh chuan a thiante chuan an lo nghak thap a "Viollet engthil nge ni a" Ailley chuan alo ti vat a.

A pa lehkha te pe in a chhiar tir ve a.

"Hail mary....engtin nge kan tih ang?" Ailley hlauthawng lutuk chu a khawngaihthlak khawp mai.Verna leh Clarise pawh chu anlo phawk hra a.

"Engmah hlauhthawn tur a awm tawh lo,lehkha a ziah ni kha en la.....Louis a hnenah ka va thlen a ,ani chuan alo ching fel vek tawh ani.Ka pa leh kan ram chu a him e" a thiante chu an thaw huai a.

Chu chuan thil pakhat a hriat chhuahtir zawk a.

"Keimah a lenvah mai mai ka duh.Zanriah ei hunah kan inhmu leh dawn nia" tiin a thiante chu a chhuahsan lehnghal a.A thiante chu an in en he haw ringawt a.

Lalin in sira dil siam chawp ni lo zawkah chuan va kalin a kam sir velah chuan a tei a tei a,siam chawp anih loh avangin a bul velah te chuan hnim a to nasa hle a,lalin atangin a hla deuh bawk a,hmun fal nuam tak ani.A naupan lai khan he hmunah hian Catherine khan Louis leh Cornellia nen vawi engemaw zat a picnic pui thin a nih kha.

Convent a chhuahsan atanga a thiltawn zawng zawng chu a chhuikir a,kum tam tak ni tawh ang mai a ni.Thlakhat em pawh ala ral lo lehnghal.A pa in France an mamawh zia a sawi chu a dik zia vawiin khan ava hrechiang leh ta nghal a,Hungary lak tumin an bei lo maw? amah leh apa an thah phawt chuan Turk ho chuan Hungary chu an ta chiang sa ah an ngai anih chu ! Mahse a dik tlat si,anni pahnih ber an awmloh chuan lalthutthleng luahtu tur an awm dawn tlat lo.France hi an vawn ngheh hle loh chuan......ahan thaw hak a,Catherine hnena a thil sawi ve ringawt te kha.Louis leh Anna,Anna leh a pum chhunga naute.

Dil sirah chuan dingin a inkuangkuah than a,Lal in a chen hahthlakzia hi alo theihnghilh tawh a ni.Convent ah khan kir lehin sister nih te a chak rum rum hial a,ahan nui hak a.Huaisen a zir a ngai,a pachan hle loh chuan he hmunah hian a dam khawchhuak zo lo mai ang.

A hnung lamah chuan ri deuh rap a hria a,a hawi nghal ruai a,engmah a hmu lo.Chutah thawk leh khatah a veilam sir atang chuan Dalmatian ui pa lian zet hi tlan pahin arawn bauh a,"Engthil........Stirling...stirling" tiin a chul ta hauh hauh a,ui lah chuan lawm zetin alo liak hlap hlap a.Tunah chuan Lalin a thlen hnu a amah thlahlela lo lawmtu dik tak a hmu ta.

"Ka van ngai tawh tak che em Stirling...i lo lian ta hle mai" thu hniamin chul hauh hauh pah chuan ui chu a be mawlh mawlh a.Sakawr tlan ri a hriat chuan a ding chhuak vat a.

Sakawr pahnih a lam pana rawn tlan phei chunga chuang te chu lalin vengtu sipai an ni a.A bul anrawn thlen veleh chuan "Lal in lamah let leh tawh rawh lalfanu,he lai hmun hi chu i tan a him lo" sipai pakhat zawk chuan ati a.

"Mahse he lai te chu lal in hung chhung vek ani alawm,ngaihtuah ka ngai love' tiin Viollet chuan alo chhang a.

"Hruai kir ngei tur che a thupek kan ni,khua a tlai tawhin ni pawh a tla dawn tawh lehnghal" .

An thupek dawn anih chuan hnial vakin awmzia a nei lo tih a hria a,kir tumin Stirling chu han hruai mai a tum a,a hmu zo ta hauhlo mai a.

"Stirling ....stirling" tiin hawikual chungin a au a,sakawr pakhat zawka sipai chu rawn chhuk thla in "Keiman ka lo zawng mai ang lalfanu" arawn ti a.

Lungawi chiahlo chung chuan Viollet chu sipai chhuksan tak sakawr chungah chuan a chuang a,lalin lam chu sipai pakhat nen chuan an pan ta a.

An kalsan tak sipaiin stirling zawnga hnim vel a hai lai chu Viollet chuan a thlir zui tawk tawk a.A bula sipai hnenah chuan "in hmuh veleh min hriattir ang che u" tiin thu a pe a.

A pindan an thlen leh chuan chhiahhlawh tih loh chu anlo awm lova,a thiante awmlo chuan ati thawveng deuh huai zawk a,tunah chuan a be chak rih hlawm lo ani.

A thawmhnaw a thlak fel hnu chuan thutthlengah thu in thingpui a in a.Chhiahhlawh pakhat chuan Stirling anrawn hruai haw tawh thu arawn hriattir a.Hmanhmawh deuhin a chhuak ta nghal a.Stirling a hmuh chuan a lawm kher mai a kun hniam a,a mittui a hnam sawk hial a.A pawm vawng vawng a,engvange a hre lo chu ui chuan a lung a ti chhe tlat a ni.

"Ka zawng nasa che sin Stirling.A lo tibuai che chu pawi ka ti khawp mai" a hnung lama aw a hriat chuan a mittui chu a hru nghal sawk sawk a,tu pawh ni se a mittui tla chu an hmuh a tha lovang.

"A pawi hleinem,kei pawhin ka ngai lutuk alawm" hnunglam hawi pah chuan ati a.A hnunga lo ding chu pa tar lam lu tuak var vo tawh kum phu lo a hrisel that hmel deuh mai a ni a.

"Lord Nevarre." Louis a khawnbawl rin ber te zinga mi chuan chik zetin alo en a.

"Min lo ngaidam teh lalfanu,nangmah ini tih ka hre lo alawm" tiin chibai a buk tha leh a."Stirling khan alo tihbuai nasat loh hram che ka beisei " a tih zawm a.

"Buai love,ani te chu ka ngaina alawm ani pawn min ngaina" tiin ui chu a en a,mei vai lauh lauh pahin alo melh let kar a,a thusawi chu hrethiam niawm takin.

"Ni dawn tak e,ka lo theihnghilh alawm mawle,heta irawn awm hmasak zawk khan i ui anih tak kha" ati ban churh a,Viollet chuan ngainat awm alo ti khawp mai a.

"I sawidan hmangah chuan hetah lalin ah hian a cheng tawhlo tihna mi?" .

"Cheng tawh love,thlaruk vel lai chu ka enkawl tawh alawm,Anna hian a ngaina lo a" a sawi zawh rual chuan inthiamlo hmel a pu deuh a.

Viollet pawh chu a awm a nuam chiahlo nangin chu putar chu tih hrehawm zual a duh lova,a nuih seih a.

A hmel chu chik zeta lo enin ahan hawikual vel a,mi an awmlo tih a hriat veleh chuan Lord Nevarre chuan "Thurawn ka pe thei che ngem,lalfanu"

"Tehreng mai".

"I rilru ti hah duh suh,mi te rilru tur pawh ngaihtuah duh suh,i nih ang ang hian awm tawp rawh,".

A thil sawi chu Viollet chuan a hrethiam chiah lo,chu chu alo hmuhin Lord Nevarre chuan "King Louis nen in inhual avang hian a hmangaih che beisei nghal lo la,in hmangaihtir pawh tum duh suh,in nawrluih hi a tha ngailo.A duh sa tawh reng che i tan beih leh chuan tur vak a awmlo ka tihna nih chu" ngainatawm taka nui sang chung chuan ati a.

A khumah chuan muhil thei lovin Viollet chu a tal a tal a.Zanriah ei chhung zawng pawh khan a rilru ati buai a, Lord Nevarre a thusawi kha a hrethiam thei meuh lo ani e.

Khum atang chuan tho chhuakin shawl a bat a,a pindan Veranda ah chuan chhuakin a hawi vel mai mai a.Van chu a thiang kuk in arsi a de tuarh mai a,thla lah chu a bial kulh bawk a,a hnuailam chu thlirin phul hring dup mai te a piah hla deuh fe ah chuan chhuna a lenna dil chu tlem tlem lo lang theiin a sir vela hnim leh thingkung te pawh thlahlim annei thei hial a.

Dil chung tui tle siar siar tlem langtheite chu hmuhnawm ti taka a thlir kual vel a.Lalin atanga hla vak lo phul piah deuh thingkung bulah chuan mihring hlimthla chu fiah vaklo hian a hmu a, thing bul atang chuan a lo chhuak leh zauh thin a,a vei tawn sek tih a hriat theih mai a,mi nghah nei niawm takin.Hmuhchian tuma uluk taka a thlir lai chuan hmeichhia niawm tak kawrfual ha chunga chu mi lampana lalin atanga kal hlawk hlawk chu a hmu a.An inhmuh veleh chuan infawp tih hriat tak hian an inpawm in an kuah nasa mai a.

An awmdan atang chuan rei vaklo chu an inbia ni ngei tur a ni.Tute chu nge maw ni dawn ti a,alo ngaihtuah lai chuan an inthen a,hmeichhia zawk chu lalin lam pan chuan arawn kir leh a,Viollet dinglam sir deuh a luhna chu arawn hnaih hnu chuan hmuh chian tumin Viollet chu Veranda sir lamah chuan ava kal a,eng in a chhunphak alo thlena a hmel a hmuh chuan a hnungtawlh dawrh mai a."Cornellia" ati sap a.

Karleh mai ah Prince Conde nen an innei dawn a,tunah France lam panin anni chu anlo thang mek a,Cornellia fawh pa kha chu ani lo tawp mai.Bella a hrechhuak nghal a,engtinnge a tih ang le?

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » September 17th, 2017, 3:11 pm

Reign

By *Mami Chhakchhuak*

Chapter - 5

A thil hmuh chu Louis hrilh nghal mai tur em ni ang? Chu chu a tih chi loh tawp ang Cornellia biak a thil awmzia a hriat phawt a ngai a ni.Chumi hnu ah a tih zel dan tur chu a ngaihtuah leh mai ang chu.

Muthilh tumin khumah chuan a in thawlh leh than a,mahse a muhil theilo a reife a tal a tal hnu chuan alo chhing sek a,mahse khawvar chian hma in a harh leh a.Mutthilh tum tawh lovin a tho a chhiahhlawh a koh hnu chuan inbualin a in ti harh a eisiamna pindan lam a pan a.

Eisiamna pindanah chuan ei siamtu ho chu anlo buai hle tawh a Viollet lut ve pawh chu anlo hmu lawk lova,an hmuh chuan mak anlo ti hle a,lalfanu te hi choka ah an kal zen zen si lova,mahse Viollet chuan amah ngai pawimawh lo tur leh an thiltih lai theuh chhunzawm leh turin a hrilh a.

An hnathawh theuh an chhunzawm leh hnu chuan Viollet chuan thirbel leh artui awmna a zawt a,ama artui kan ngei ei a chak tawh tlat.

Chutia mi a biak buai vel lai chuan pawna Cornellia vei vel chu tukverh atang chuan ava hmu a.Khua var tawh mahse ni ala chhuak lo a,chutiang em em a hma a pawna a awm mai chu mak ati viau dawna nizana a thil hmuh nen kha chuan a awm ve tho mai pasal nei mai tur hmangaih dang nei bawk si tan chuan ati leh ta zawk a.

"I tho hma hle mai Lia,i muhil thei lo em ni?".

A hnunglama rawn be tu chu a hmel hmu lo mahse tunge anih Cornellia chuan a hre nghal mai a.Hawi letin "Nangpawh" tiin a chhang bul deuh hmaka.Viollet hi a haw em em pawh ani lo,tunlai an boruak leh ani rilru thianghlim tak chenho hi a inmil chiahlo a ni.

"Ni e,ka muhil thei lo alawm" Viollet chuan ati a.Cornellia chuan chhang lo a kalsan mai tumin a inher a..."Nizanah thingkung bulah khan ka hmu che a" zawite Cornellia hriat phak tur lekin Viollet chuan a ti a.

Cornellia chuan hlauhthawn hmel zetin an bul vel chu hre phak an awm em tiin a hawi kual a.Tumah chutiang awm a hmuh loh hnu chuan Viollet chu pan hnaiin "Engpawh hmu in hria emaw pawh inti mahla,i hnena sawi leh hrilh inih loh chuan i hriat ve tur ani lo tihna ani mai" vau pah tih tih chuan a melh kaw kaw a.

Lainat tak in Viollet chuan alo en reng a,a lo rin lawk ang ngei maw "Louis hrilh ila a tha ang,a hrethiam em em ang che"

"Ngawi mai mai la,i buai lohna turah rawn inbarh lut suh"

"Ka unaunu ini a,ka buaina tur alawm inih".

Za lo zeta nuih hak pah chuan Cornellia chuan Viollet chu a en a,mawl atih hmel hle bawk a."Ka unaupa pasala neih i inbeisei tlat hi a mak ka ti,inhualna atthlak tak politics vang mai mai lehnghal"

Ka unaunu ti a a sawi chhan chu a dang daih a ni,mahse in hrilhfiahna hun ani lo tih hria in "Chu chu em ni Lalfapa Conde i neih duhloh nachhan,politics vang chauh a inhualna ni a i hriat vang in maw?" ati ta zawk

"Mawl viau lo mai teh Viollet,politics vang ani tih te chu khawvel in an hria alawm,nang leh Louis ang chiah ang hi.Kan naupan laia kan inhual a ka hmuh bak kha ka la hmu leh lova,tunah kan innei ringawt dawn ania... chu pawh France leh Spain inlaichinna tih ngheh lehzual nan,a bak a awm lo." mittui tla teuh chung chuan Cornellia chuan ati a,thaw chham tur ang mai chuan a thaw deuh kawk kawk bawk a.

A beidawn hmel takzet a ni.Viollet chuan a lainat ngang mai a"Nizana mi kha i hmangaih anih phawt chuan..."

"Hmangaih a..." an lam pan chuan chhiahhlawh thenkhat rawn titi phei bawrh bawrh chu an hmu a ,thildang an sawi leh hma chuan Cornellia chu a kal ta daih a.

Thil enge maw tak chu a tih a ngai a ni.Isabella chunga thilthleng ang kha chu Cornellia chungah thleng ve lul suh se.

Tukthuan pawh midang ruala kil peih lovin a pindanah a ei a,Louis a hmuh chuan a insum zawh loh mai a hlau a ni.Engtinge a hrilh anga Louis chu a hmin theih ang tih a ngaihtuah lai chuan a thiante anlo lut a, " ilo nuam deuh tawh em?" Ailley chuan ngaihtuah hmel takin ati a.A pindanah tukthuan ei a duh zawk tih a sawi khan mak antih hmel em avangin a nawmloh thu a chhuanlam ta ringawt anih kha.

"Ka tha tawh lutuk e.Louis hi khawnge a awm in hria em?" a hrilh vat loh chuan a tlai mai ang.

"Tun lawk kha chuan puanthui thiam te nen inneih na a a hak tur buaipuiin pindanah an awm kha" Ailley chuan alo ti a.

Midang tawng ve hma chuan "Keini pawh kan thui tir ve dawn lo mi,French kawrthui thiam te kawr thui design thar ngei ka ha chak tawh lutuk" Clarise chuan phur fahran chuan alo ti a.

"Kha chen Paris ah i awm a French thawmhnaw thui ila ha miah lova maw?" nui chungin Verna chuan alo fiam a.

"French kawr thui chu ka ha tawh a,mahse lalin a mi, lal chhungkaw kawr thuisak thin tute thui chu ka la ha lo alawm,tunlai thawmhnaw chhuak thar ber ber ching hmasa tu te anni tih inhre lovem ni?" tum deuh vuau chung chuan Clarise chuan a chhang a.

Verna chuan nui sang pahin Viollet kawrfual ho chu ava en a, "Kawrfual thar chu i mamawh tak tak ania aw Viollet" tiin wordrobe a kawrfual hak senloh khawpa tam chu a thlir kual den den a.

A thiante titi chu hriat pawh hrechiang mang lo chuan "Louis ka va hmu lawk ange,inthawmhnaw tur chu lo thui tir rawh u" tih pahin kawngkhar lam a pan nghal a.

"Engthil nge diklo awm a,Viollet.I thiante hi engkim min hrilh thei ania aw" tiin Ailley chuan a umzui nghal a.

Kawngkhar bula ding chung chuan Viollet chuan "Ka hria alawm,ka ring lutuk che u.Mahse tunah chuan Louis hmuh phawt ka ngai a ni" tiin a nuih sak a,a chhuak ta nghal a.

Puanthui tute'n lal measurment an lakna leh an hak chhin tirna pindan chu a pan ding nghal a.A chhung ava luh chuan Louis chu puanthui thiam ho chuan anlo bial laih laih a,amah a palian si a,a laiah chuan a ding lawr zuah mai a.Va pan hnaia va biak a tum lai chuan a sir deuh ah chuan Anna chuan "Khatiang te chuan ka ha thei dawn em ni? A dul kha ti te deuh ula chuan ti tle sep sep bawk rawh u,tun aia nasa khan,a nghawng hi a zim lutuk bawk" tih hlak hlak pahin a hma a kawrfual nalh tak milem an hak tir chu alo en dik vel a.

Viollet chuan chhiahhlawh te a biak dan chu mak alo ti hle a,Louis a lam a pan lai chu Anna chuan alo hmu a "Lalfanu Viollet lokal teh ka thawmhnaw hi minlo enpui teh,nang enge i ngaih ve dan?" tiin alo bia a,Louis pawh chu alam arawn hawi zawk a,engmah sawilo chuan a hawi sawn leh a,a hmelah chuan a rilru putdan a hriat theih lova.

Lo chhan duhloh chu a mawiloh em avangin Anna lam chu va hawiin "Keichuan ka hrethiam ve meuh lo,nangma duh dan kha a tha ber alawm" ati a.

"Chutiangin inngaitlawm teh suh,i kawrfual hak a nalh theiin i incheina a mawi thei si,thurawn min han pe ve teh" ati ta deuh tlat a.A thiltum chu a hrethiam reng,Louis a be lo tura siam a tum a ni.

Mahse ava pan hnai ta tho a,a bul ava thlen chuan Anna chuan a kawrfual thar milem an hak tir chu alo khawih vel a"En ve teh a nghawng te hi a zim si ka dul ati lang lian dawn lutuk bawk,hliah deuh hlek ka duh " pawisawilo hmel pu zet chuan ati a,a dul lo len tawhzia chu mi zawng zawngin hmu se tih chu a duh ber zawk ani tih hrethiamlo tur khawp chuan Viollet chu a mawl lo.

Anna vek chuan zawi deuh tak Viollet hriat tur tawk lekin "Louis hi fapa hrin sak ka duh ngawt mai,unau pianpui mipa a nei lova amah pui thei tu tur leh nakin lama chhawk thei tu tur a duh thu a sawi a sawi mai a" awmze nei zet chuan a ti a.

Viollet chu kun hniamin a beng bul te ah chuan nui sang chung leh zawi te in "Lungngai suh Anna i fapa chu French sipai ho tu ah kan la ruat dawn nia,chutiang chuan apa a chhawk zangkhai thei ber ang" ati a.Louis a lam a pan san ta daih a.

Pindan chhung a len em avangin an thusawi chu Louis chuan a hre pha lo hrim hrim a.A hnung lamah chuan thinrim in sehruh teuh chungin Anna chuan a melh zui a.

"Enge ni a Viollet i thawmhnaw tur i thuitir ve dawn lo mi?" a va hnaih hnu chuan alam pawh rawn hawi chuanglo in Louis chuan alo ti a.

"Biak lawk che ka duh a ni.A fal in".

A rawn melh zeuh a, "Tikhan sawi mai ta che tihtur ka ngah riau mai" alo ti dam thlup a.

"A pawimawh a ni"

"I lehkhathawn vel chungchang anih chuan lo ngai pawimawh tawh turin thu ka pek tawh kha" thaw huai chung chuan a ti a.

"Chutiang lam ani lo,hei hi chu kei emaw Hungary chungchang ani lo" thutak zet chuan a ti leh a.An thusawi chu hriat tumin Anna chuan a beng alo chhi tih a hriat avangin a sawi chiang ngam lova.

"Ka lehkha ziakna pindanah min lo va nghak rawh ka rawn phei har lo ang" .

Viollet chu a chhuak ta nghal a.Anna chuan ngaihtha lo zet hian a thlir zui a.

A lehkha ziakna pindan Louis an ava thlen chuan Viollet chu tukverh bulah alo dinga,a hmel landan chu a dik chiah lo ,thil diklo chu a awm chiang a ni.Thutna chu kawh hmuhin thu turin a ti a,Viollet chuan a lu lo thingin arawn pan hnai deuh a,a ding ta tlat a.

"Sawi ta che Viollet" thut pawh thu bik chuanglo chuan a zawt nghal a.

"Ka thil sawi tur hi ka sawi zawh hunah chuan thinrim mai lovin uluk takin i ngaihtuah ang tih min tiam rawh" Viollet chuan a ngen tak meuh meuh.A lo nghah chhung khan he a thil hriat hian buaina lian tak indona hial pawh a thlen thei tih a ngaihtuah chhuak tlat alawm.

"Sawi rawh Viollet,engthil mah hi ngaihtuah chiang hmasa lo chuan ka ti ngai hleinem" nin hmel lek lek a tih pah chuan a lehkha ziakna dawhkan hma takah chuan ava ding a.

Chu pindan zau tak pawh chu Viollet chuan te ta vek hian a hria a,"Lia hi Lalfapa Conde i neih tir thei lovang,mipa dang hmangaih zawk a nei a ni." a theih ang tawk a pangngai chuan a sawi a.

Louis chu a phu miahlo nia mawle,mak ti hmel pawh a pu bawk silo,Viollet chuan a thusawi kha a hre lo anih a ring hman hial a.

Chutah rawn pan hnaiin "Chu chu engtinge i hriat?" a hmel chu a rum sawt hle mai a.

"Nizanah ka muhil thei lova,veranda-ah khan dingin ka hawi kualna lamah mipa pakhat nen ka hmu dun a ni."

Louis chu kalsawnin tukverh bulah chuan ava ding ve a,enge a rilru chu hrethei lo mahse a inngaihtuah nasa hle tih chu Viollet chuan alo hrethiam ve mai a,a khawngaihin puih theih a chak khawp mai.Inneihna hmang turin ram hrang hrang atangin Lalchhungkua anlo kal khawm mek ani a,Cornellia te inneihna tur lah chu ni nga awrh chauh ani tawh mai si a.

Chutah rawn hawi letin "Min chhuahsan rawh Viollet,keimah a awm rih ka duh e" ati zawi sup a.

"Lia chungah chuan tuan lo hram ang che aw,Bella chunga thil thleng i hriat kha Louis,"rilru na tak chung chuan ati leh hram a.

"Isabella leh Cornellia te chu an inang hauh lo" ati nghut a.

"Ka pa tihsual ang kha chu tisual ve lo la ka ti mai ani Louis,France hi a chak tawk a Spain tello pawh hian a awm thei lutuk asin" Viollet chuan ati dam thlap a.

"Anih leh nang ve hi,pasal hual atana i neih mek ni lo hmu turin zanah i chuak ve ngai em?" rawn pan hnai pah chuan ati ta daih a.

Mak ti taka lo en chung chuan Viollet chuan "Hei hi keima chungchang anih loh hi Louis,"

A ner deuh sawk a,a dawhkan lam pan leh pah chuan "Chhuak phawt ta che,inhnial nan hun ka neilo".

Arawn tihdan kher chu lawmlo hle mahse Louis chuan thil ngaihtuah tur a ngah em a ni.

Zanriah eina-ah chuan Cornellia leh Louis chuan an kil lo ve ve a.Engthilnge thleng zel tih chu Viollet chuan hre chak hle mahse inrawlh hun ani lo tih hria in ngawih a chuh tlat a.

Zan mut hun thleng pawhin Lalin chu ala reh thap mai a,chhiahhlawh te chuan an hnathawh ngai anla thawk reng a,inhualna pawhchah thu lam reng reng ala ri lova.

"Viollet enge i ngaihtuah a, nghah i nei em ni?" Clarise chuan Viollet inngaihtuah muk taka ding reng chu a zawt a.

"Louis leh Cornellia in kan ruala zanriah an kil ve lo kha mak ka ti maw le" ati tha ve mai a.

"Thil hi ngaihtuah vak vak suh Viollet,i tar hma phah mai ang "Verna chuan alo fiam zui a.

Thensak chungin Viollet chuan "I mu tawh ang u hmiang zan a rei mai dawn" ati a.

"Helai kan thlen hnu atang hian i rilru hi a hah hmel thei ngawt mai Viollet.Anna chungchang ani emaw engthil pawh nise pui tur che in kan awm reng ania" Ailley chuan ati dam thlap a.

"Ni e,heng phurit zawng zawng hi nangmah te a i phurh a ngailo,kan phurhpui dawn che lawm" Clarise pawh chuan alo ti ve a.Verna pawh chuan an thusawi a tawmpui ani tihlan nan alo bu nghauh a.

"Tuna mi hi chu Anna lamang ani lo,ka la hrilh ang che u,mahse a ala hun rih lo ani" a thiante titak zet hmel a hmuh chuan ati ve ta nge nge a.

An thianu chu a sawi duh hun nghah mai a ngai ani tih hria in an chhuahsan ta hlawm a.
"Naktuk chuan i kawrfual tur thui tir ve tawh ang che,i ha hman lo ange' chhuak pah chuan Clarise chuan ati leh hram a.

Mutthilh tum chuan a inlet leh ta chhen mai a,zing lamah chuan reilote a chhing sek a.

Mut khamlo zetin a tho a, tukthuan eina pindan a thleng tep tih ah chuan Cornellia nen chuan an inhmu thut a,ani chuan nui var var chungin "Tukchhuah nuam le,Viollet" alo ti a,a hmel chu a eng sar mai a,rilru hahna nei hmel pawh a pu tawh lova.

Viollet pawh chuan hlim takin "Nangpawh tukchhuah nuam le,Lia" pindanah chuan an lut nghal a.A pasal neih tur chu an thulh leh ani ngei ang,a lawmpui takzet.

Louis pawh tukin chu dawhkan alo kil fel der tawh a,Cornellia nen dawhkan kila an thu fel deuh chiah tih chuan "Vawiina Lalfapa Conde te rualin in inneih kawr thui tur chu alo thleng dawn anih chu,an ram thawmhnaw thui thiam ngei thui tir a duh tlat si a" tiin Catherine chu a fanu lam hawi chuan a nui sang a.Cornellia pawh chuan a nu lam chu hawiin a meng de sar sar mai a.

Viollet chuan enge thil awmzia tih hriat tumin Louis chu ava en a,ani chuan lo en rengin a hmelah chuan engmah a hriat theih lova.

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » September 17th, 2017, 3:11 pm

Reign

By *Mami chhakchhuak*

Chapter - 6

"Vawiin chu kan pahnihin picnic ila" Louis chuan hmel danglam chuang miahlo hian a mit taka en chungin a zawt a.

Catherine nui hmel chu a reh hmak a,mak ti takin a fapa chu a en a.Cornellia pawh chuan mak ati ve hle mai a.

Viollet chu a bo tulh tulh mai a hawikual a Anna a hmu lo.A rilru chu hria ni awm takin "Anna chu Paris ah bazar turin a kal" eitur ei pah mawlh mawlh chung chuan a ti a.

"Vawiinah Lalfapa Conde te anlo thlen dawn kha picnic na hun innei lovang" harsa ti taka nui lui chung chuan Catherine chuan ati a.

A nu thusawi chu ngai pawimawh lo zetin Louis chuan Viollet chu a melh ding ngar mai a,a chhanna a nghak a ni.

Viollet chu sawi mai tur hre lo in a ngawi dat a, chutah dak leh vahin "Tehreng mai,ka Lalpa" nui sang chuan ati ta a.

Louis pawh chu arawn nui ve ta sang a,a hmel chu a tha em em mai lehnghal.Catherine chuan lo hnial chak zet chuan a ka alo ang zuai a,a ngawi leh ta zawk a.

"In picnic dawn a maw?" mak ti leh phur hmel fahran chuan Clarise chuan ati hliai a,Viollet chuan "Tehreng mai,chuvang chuan min in siam pui ka ngai ania,khawiah nge kan kal dawn ka hre si lova" a thawmhnaw ho enkual pah chuan ati a.Dik tak chuan in rin lawk a duh a ni,tukin zinga thilthleng kha ala hrethiam thei lo.

Phur fahran chuan a thiante chuan a thawmhnaw tur vel chu an en pui a, "a hringdal hi ha la tha ang.Ni leh lo a rangkachak rawng hi"

"Anna awmloh vang mai mai alawm min picnic pui dawn phur lutuk suh u" a thiante phur lutuk hmel a hmuh chuan ati a.

"Chu pawh ni se,France ilo thlen atanga in pahnih a in awmfal na hmasa ber alawm,alo thlawnin liam tir miah suh" Clarise chuan ati awlsam et a.Ailley chuan alo melh leh nghek a .

"Enge? nangni pawh in ngaihdan a nih tho kha,hma a lak vat vat a ngai alawm" ala ti tak deuh deuh a.

Verna chuan Viollet lam hawi pah chuan"Engpawh nise hun in va hmangdun rei thei awm lo ve,Lalfapa Conde lo thleng thut thei reng ani si a," zawt pah chuan ati a.

"Ka hre lo le,Lal ania a thu thu alawm" ngaih pawimawh hmel vaklo chuan alo chhang a.Mahse Viollet pawh chuan Louis a thiltihdan chu mak ati a ni,khawiah nge a hruai dawna engvanga hun chep tak karah picnic pui duh thut nge anih a hre lo.Cornellia chungchang pawh kha...hriat duh a ngah lutuk tlat.

A thiante leh chhiahhlawhte chuan an chei mawlh mawlh a,kawrfual hring dal raih en nuam em em mai hi a inbel a,lukhum erawh chu a khum lova.

Kawngkhar chu rawn kik in chhiahhlawh pakhat chu alo lut a "Lalberin sakawr tawlailir nen a nghak tawh che" tiin Viollet chu chibai arawn buk a.

A thiante chu a melh zauh a,an inzui chhuak ta a.

Louis an a nghahna hmun an thlen chuan Louis chu Lord Nevarre nen anlo inbia a an bulah chuan Stirling pawh alo awm a,alo hmuh veleh chuan Stirling chu an lam panna rawn tlanin alo lawm vat a.

"A pawi ka ti hle mai,Lalfanu zahawm." tih pahin Lord Nevarre chuan ui chu arawn kai a.

"A pawi ka ti hleinem" tiin nui var var in Stirling chu alo chul ve bawk a.

"A lo ngai tawh hle mai che"Louis chuan arawn ti a.

Louis alam chu a hawi nghal a."Nia..keipawn ka ngai alawm" Lord Nevarre chu va nuih sak pahin Viollet chuan "Lalin ah hian a theih anga tam min rawn hruai sak la ka lawm ngawt ang Lord Nevarre" .

"Rawn hruai fo ka tum dawn nia" nui vur vur chungin chu putar ngainat awm tak pawh chuan ati ve a.

Louis alam chu hawiin chibai a buk a "Min lo hriatthiam ula ka kalsan rih phawt mai ang che u" tiin Lord Nevarre chu a kalsawn nghal a.

"A ni pawh khan a ngaina che anih kha" Louis chuan ati zawi sup a.

"Khawiah nge min hruai dawn ka hre thei angem Louis"

"Min ring phawt mai rawh.I kawrfual inbel chu i inhmeh hle mai" ati daih a.

Sakawr tawlailir chu an rawn hawn sak a,duhloh nan chuan a tlai tawh mah mah a ni.Viollet chu lutin a thiante chuan an thlir liam a .

Mualpawng lam chu an pan chho zel a,sakawr tawlailir chhungah chuan in hma tawnin an thu a Louis chu a lian si a chep ta riau hian Viollet chu a inhria a,chutah uluk em em hian Louis lah chuan a en reng mai si a.

"Anna chu engtikah nge alo let ang?" sawi mai tur hre lo chuan ati ta ringawt a.

Louis chu a thaw deuh huai a,"Ka hre lo le Viollet,enga ti ge midang chanchin hi i ngaihven em em a" .

Tun hi tu nge a nupui hual zawk tih a hriattir hun ani ti rilru chungin "Midang chanchin chu ka ngaihven pawn ka lo hre hleinem,Anna chu ka pasal hual hmei ani miau va hre turin dikna nei ah ka lo inngai asin" a mit taka en let ngar chung chuan ati dam thlap a.

Louis chu a nui suk a,a nuihzat ani chiang mai "Cornellia te,Isabella te anni chanchin pawh chu i ngaihven lo a maw?"

"Anni pawh ka unaute an nia lawm" ngahnge maw Bella hi an sawi chhuah ziah le,hriat chhuah fo a duhlo asin.

Thudang an sawi leh hma chuan tawlailir chu a ding a,an kalna tur hmun an thleng tawh alo ni a.

Tawlailir atanga ahan chhuk chiah chu Viollet chuan nuam ati ngang mai,thingkung mawi tak tak, ramhnuai deuh ruih ni bawkah chuan ni chu a sa lutuk lo nen.Louis chuan a kut a rawn pe a, lo vuanin a kai a,thingkung lian zet zet te chu kal tlangin phul ang deuh ram hnim mawi tak mai te, poppy leh pangpar lo par tuarh mai te chu,chung pangpar leh thinkung inkarah chuan phul zau vaklo awmin chutah chuan puan alo in phah a,ei leh in tur chi hrang hrang alo inchhawp sa bawk a.

Viollet chu ahan thaw halh a,chhiahhlawh ho chu Louis chuan kalsawn tirin an pahnih chauh chuan an awm a,puan phahah chuan Louis chuan a thuttir a arawn thut ve hnu chuan ",Ka lawm e" Viollet chuan ati ta sap a.

"Chuan enge kan sawi lai kha...ah....Cornellia leh Isabella chungchang" Louis chuan arawn ti leh nghal a,Tunah tak hi chuan engmah ngaihtuah lova hahdam taka picnic mai mai tur anni asin mawle,a lo sawi chhuak ta ta.

"Louis ka inrawlh lohna tura inrawlh chu ka duhlo viau a,mahse Lia kha ka ngaihtuah em ani" ati a.

"Isabella ang anih i hlauva" Louis chuan alo sawi zawm sak a."Hlauthawng duh suh Viollet Cornellia leh Isabella chu an in anglo ka tih kha"

"Enge i sawi awmzia hi ka hrethiam lo,"

",Ka sawi awmzia chu,Isabella kha chuan hmangaih a nei a,Cornellia hi chuan anei ve lo"

"Chu chu engtinge a nih theih,ka hmu alawm.Chu mi hnu ah ka bia a,Politics vang mai mai a pasal neih a duh loh thu min hrilh lehnghal" Viollet hrilhfiah tum zetin ati a.

"Ni e.Politics vang emaw a tih vangin,thildang a awmlo"

"Mahse kha pa kha..."

"Viollet,Cornellia chu politics a hman tangkai ni a a inhriat vangin a thinrim mai mai alawm,mipa chungchang pawh kha min hrilh a,a hmangaih lo tih a sawi ani"

"Chuan chu chu ilo awih a maw,a hlauh vang che in a sawi ngamlo pawh ani maithei asin"

"Viollet i pa ka nih loh hi.Kei chuan ka mi hmangaih te lakah Isabella chunga thilthleng ang kha chu ka thlentir ngai lovang,tukin zinga Cornellia hmel te kha ilo hmu em? Lungngai hmel chu a pu tawh lo alawm." ati nghet churh mai a.

A pa khan ati mah mah thin tih chu a hria a,mahse sawi chhuah erawh a tumlo "Conde neih chu alo duh reng amaw?" a thil hmuh kha ahan mitthla a,awih harsa ala ti a ni.

"A hreh lo alawm,hman tangkai ni a a inhriat vang mai mai ani,kei in politics thil vang nilovin Conde a neih nachhan tur chu mi rintlak leh ka farnu neih chhun enkawl tura ka rin ber a nih vanga he inneihna hi buaitsaih ka ni tih ka hrilh a,a hrethiam tawh anih kha"

"Keini ang nilovin" a ngaihtuahna a sawi chhuak ani tih chu a inhre miah lova .

Louis chu alo rum nghut a.Chu chuan Viollet chu ti harhin "Ani chu a vannei hle mai" ati chhuak sap a.

"Nang anglo takin" Louis chuan alo ti nghut a.

"Kei chuan ka pa thuawih hi phurritah ka ngai lo" Viollet chuan ati nghet charh mai a.

"Fanu thuawih tak" ner sak chung chuan Louis chuan ati a.

Chhan zel chu a finthlak bera a hriat loh avangin Viollet chu a ngawi a,bakah a duh ber chu Lia hlim taka awm tir ani a,chu lah chu a thleng tawh anih hmel si a.Pangpar vul chukna lam chu a thlirin a hawikual ta zawk a,an picnic boruak chu tih nawmloh belhchhah tawh lo hram a tum a ni.

An ngawih deuh vang vang hnu chuan sazupui tlankual vel hi pangpar karah chuan alo lang leh zauh thin a,chu chu Viollet chuan hmu in a nui var var a.

"Kan naupan laia kan um thin ai kha chuan a chak hmel daih mai a" Louis chuan arawn ti chhuak phawng mai a,alam ava hawi chuan ani pawh chuan alo en reng a,an nui dun ta hawk hawk a.

"Thu ho mai mai leh midang chanchin sawi lovin i inkawm teh ang Viollet"

"Thu ho mai mai kan sawi ngai hleinem" Viollet chuan nui deuh sangin ati a.

"Convent kha enge a an?"

A rinloh thil deuh a rawn zawh avang chuan mak alo ti hle a "A nuam khawp mai,nundan mawlmang leh awlsam takin kan nung a,kan inhmangaih tawn vek bawk a" conventa a hun hman te ngaihtuah chung chuan a chhang a.

Louis chuan uluk deuh hian alo en reng a,enge maw sawi tum chuan a ka a ang zuau a,a ngawi leh ta zawk a.

Chu chu lo hmu in Viollet chuan "Ka naupan lai pindan a min dah lo hi a mak ka ti deuh a"

"Bungraw dahnan kan hmang tawh alawm,tuna i awmna hi a nuam zawk ang a zau zawk bawk a".

Chu mi hnu chuan titi ho mai mai leh an naupan lai te sawiin an inkawm a,an inkar boruak pawh chu a nuamin daidangtu engmah awmlo ang mai a ni.

Hlim taka an inkawm lai chuan ni a tla dawn ta mai a,an hawn kawngah thleng pawh chuan an inkawmin Louis pawh chu a inthlahdul hle tawh a.

Lalin an va thlena tawlailir atanga an chhuk chiah tih chuan chhiahhlawh pakhat chu hmanhmawh deuhin alo kal a,Lord Nevarre chuan arawn zui bawk a,chhiahhlawh in thu a sawi hma chuan lo kalsan vat turin Lord Nevarre chuan arawn hrilh nghal a,a thusawi tur chu Louis leh Viollet te chuan anlo nghak tawp a.

Chibai a buk zauh hnu chuan "Ka Lalpa,Lalfapa Conde alo thleng tawh a...." a sawi zawh hma chuan mipa pakhat Lal chhungkaw zinga mi tih hriat zet mipa lian leh hmeltha sam dum kir deuh chhap chu kawngkhar atang chuan alo chhuak a,"Ka lalpa chibai le" tiin Louis chu chibai a buk a.Viollet lam chu hawi lehin "Kan inhmuh lohna a rei ta hle mai Lalfanu Viollet," nui sangin arawn ti a mawi tak leh zahawm takin chibai a buk a.

"Lalfapa Migeul,chibai le" tiin Viollet chuan alo chhanga,Bella thih hnua Bella pasal hual a hmuh lehna hmasa ber a ni.

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)