FIRST LOVE BY May Renthlei (Completed)

Episode nei ho a hlawm a dahkhawmna
Ngaia
Site Admin
Posts: 25813
Joined: April 30th, 2016, 4:07 pm

FIRST LOVE BY May Renthlei (Completed)

Unread post by Ngaia » October 15th, 2017, 2:17 pm

FIRST LOVE.jpg
FIRST LOVE.jpg (11.12 KiB) Viewed 19296 times
FIRST LOVE BY May Renthlei

A link chiah tih loh hi chu khawiahmah copy/paste phal a ni lo.
A link share dan: viewtopic.php?f=2&t=917
A share dan tur nen lam kan inkawhhmuh chung pawh a, a story full a whatsapp lama la copy/paste lui in awm anih chuan Police-ah FIR kan thehlut anih pawhin nangmahni chochhuah liau liau a ni ang...
Copyright ©
All rights reserved
www.storyfb.com

FIRST LOVE
PART - 1
MAY RENTHLEI
(He story hi thil thleng tak tak behchhanna ka ziah ani a. A tawngtu ngei ina min hrilh a,chuta tanga ziak mai chu ka ni e. Tih danglam ngai neuh neuh techu a awmlo theilo a.
I chhhiar chhuak vek hram dawn nia.)

"Paula hi kei chu a mizia zawng zawng nen hian ka duh telh telhin ka hria, kan school ah hian alo lut velo ang tih ka hlau tak zet." Ka hma a kal ho chuan Paula chanchin an sawi phei char char a.
Alo awmna ala rei loh ngaihtuahin a hre leh vek tawh emaw tih mai tur a ni.

"I va lo thleng har ve." Ka thiannu Mawitei chuan alo ti nghal tawnga.

"Tlai vak hleinem." Ka bag dahtha in ka thu ve nghal a.

"Paula chanchin lo hi chu senior ho hian sawi tur an hre thlawt lo." Kan senior kan class a lo lut ho melh zauh pahin ati a.

"Mi thar anih vang aniang,a rei anga ngai ah an nei leh vat mai ang." Kalo ti awlsam et a.

"Nia mithar hi chu an lawm ve ngawt mai,Paula alo chhe lo ve bawk nen."

Paula chu Aizawl atanga kan khua a school lo kal a ni. A luck phian bawk.
Ka thiante hian mipa lam an sawi pawh hian sawi ve tur hre lo in thil dang ka ngaihtuah daih zel. Unau zinga naupang ber tihtakah ka rualpui te zingah pawh hian ka nau leh zualin ka hre tlat thin. Ka zia a zawiin,mi tawng bawrh bawrh leh mi va nel mai ang chi hi ka ni velo.

"Kha lai naupangte kha i bag rit itih hmel e mai kalo kensak mai ang che." Tih pahin Paula chuan ka bag arawn la thla nghal ringawta.

"Angai lo,ka ak thei." Ka bag laksawn tum chuan kati a. Ka ban phak lohna turin a khai kanga,chimawm takin ala nuisuk duh chauh leh nghal a.

"Ka kensan duh che alawm." Lungawi chiah lo chuan ka pawn hram a. Haw kawngah chuan kan nui phei dar dar a.
Paula hi chuan nau angin min en a,min duat em em bawk.

"Kalo ak ve tawh a nge." Kanin peng ka thlen chuan kati a

"Awle tha deuhin lehkhazir tur aw." Ka bag chu min ah tir a.

"Min naupangchhe chei viau suh,kei ai tlemin i pawl a sang ringawt." Kati nai naia. Kei ai kum3 chiahin a upa.

"Ka chhang leh lehpek rual chauh inia lawm." Nui chung chuan ati a. Mi fiam hi a ching ve hrim hrim.

"Ka awih bawk lo." Chak tak chuan ka kalsan daih a. Ka in chhuih bu dawr a, min nuih zui hlawm a. In lak chhiat loh ka tum tehlul nen.

"Naupangte i na em?" Paula chuan min rawn ti a.

"Teuh lo." Kala pawr zawk phian a,ka zah vang zawk a ni. Min hmuh phak loh na ah chuan ka liam vata.

A tuk lunch break lai chuan school kawta Paula te inkhel chu kan en a,a hmeltha in a fuh vel vek a ni. An au leh dar dar thin bawk a. Ngaihzawng lam ang chiah chuan ka en thinlo na in,mipa dang ai chuan keimah ah hian danglamna mak tak a nei.

"Naupangte kum thar atang hian Aizawl lamah ka awm leh angai tawh dawn sia min ngai a ngem?" Paula chuan ka bula lo thu in min zawt a.

"Ngailo ang, i sual si."

"Ka duat em che hi aw,sual te mintih. Ka ngaih dawn tehlul che nen." Lung nilo tak chuan ati a.Kei erawh ka nui thunga.


"Nih i sual leh lo. Mahse maw mi ngaih neiha hun hman ka peih loh vangin ka ngai miahlo ang che."

"A awm alawm." Atho nghal hmak a. Ka fiamthu mai mai sia,a thinrim tak tak emawni dawn ni. Ka inthiam leh chiah lo.

"Ka fiamthu mai mai anih kha,la thutak suh." Min melh chhuk run a,a nui leh ta suk a.

"Rim lo e,ui note inthahrung deuh i ang lutuk." A ke ah chuan ka rap vak a.

"Ahhh...Ana nia naupangte." Ati vak a,kalo nui kar kar a.
Class room lam ah kan in nam phei dat data,kei aia a pawlsan vangin kanin then hranga. A kal bo hun ah chuan ka ngai ngawt ang.

Chu kum pawh chu a liam vata,ka nuna mi pawimawh tak Paula pawhin min liamsan a. Ka ngailo ang che tiin a bulah khan ka sawi tak na in,ka ngaiin hmuh leh ka chak a ni.A taksa inphut mawi tak leh a hmel thatak te, a engkim kha ka ngai a ni.

"St i awm em kan lo leng dawn ania." Ka thiante pa3 Mawitei, Thani leh Puii te an lo lut diah diah a.

"Insuk kalo tum chiah a,mahse a hmanhmawh thlak chuang loh." Tiin an bulah chuan hun ka hmang hmasa a. Ho mai mai sawiin kan nui reng hlawm a.

"In huana thei ho pawh arah hnem leh tawh khu." Huan lam hawi thla in Thani chuan ati a.

"I ei ka phal velo." Kalo tivat a.

"I thulo lutuk,tunah pawh ka zuk lawh nghal loh." Chhuk a tum nghal uaia. Ka pawt beta, a hnu ah chuan kan zuk lo leh ta nghe nghe a.An lo len chhan chu an thil eiduh vang ani tlangpui.

"Kan haw nghal mai dawn insuk te ila ngai ve bawk sia." Mawitei chuan ati a.

"Induh ber in hmu tawh bawk a,haw vat in chak anih kha." Kati nghut a. An khi tha a.

Puiin," A sawi dik leh ta." Alo ti a,nui hawrh hawrh chung chuan an haw a.

Ka suk tur ho chu ka su sawk sawk a,kan in bula tui zem kan hunah chuan tleuh fai tumin ka keng chhuak a.

"Naupangte ilo dam maw?" Minlo titu chu ka en vata.

"Paul nang maw?" Hrilhhai,makti tak chuan kati a. Hmuh ka inbeisei loh tawp a ni.

"Aw ni chiang e,ilo nula tawh hle mai." A nuisang a,a hma ai mah khan a hmeltha zawk. Tlangval pangai a ang ve deuh tawh.

"Ka nula lo ngai ami?" Ni in min chhun avangin mengtha vaklo in, ka meng siar siar a.

"Uhmm naupangte tia koh pawh i duh tawhlo ang a,mahse pawi kati lo zawk ania." A cycle chuan an in lam panin a inkhalh pheia.

Ka awm chu ka dawm vang vanga,tunah hian ka hlim a ni. Kum 1 aia reimah kanin hmu tawhlo a,tunah chuan ka hma maiah a rawn inlan ania..

"Bawihi vawin chu eng thil tha nge ilo tawn bik le aw." Ka nu chuan minti a,ka hlim lutuk hi kalo inthup theilo ani ngei ang. Engkim ah ka phur surh vek bawk a ni.

"Ka thiante an lo lenga" Kati ringawt a. Paul hmuh hlan mawlh ani ka nghahnghelh ni.

"Bawihi dawr hla zawkah sawn va kal lawk ta che,chhawkna lei angai tlat." Ka pa in atih chuan ka lawm ngei mai. Paula nutei te inlam ani miau a.

"Aw ka zu kal ang." Nidang chu nise ka kal peihlo ngawt ang.

Dawr ka thlen pawh chuan ka hmulo a,ka thinrim tun mai.

"Van induh tak." Ti ri ah chuan ka phu zawk a. Khua athim tan tawh bawk.

"Paul kalo hmu miahlo che a,tihpalh." Lai ru deuh hian kati a. Kawi sawi deuhin adinga,min melh char char leh nghal a,awmdan tur hriat a har tak zet.

"Min hmulo lian hle mai,kalo thlah ang che." Ati a,kanin lam pan chuan kanin zuia. Sawi duh tamtak ka neih rualin sawi chhuah dan tur ka hre silo.

"Engtik thleng nge i cham dawn?" Ka awm reng tawh ang timai se aw.

"Kar khat aia rei deuh aniang." Atih chuan ka zawi nghulh thei.

"Ava reilo ve." Kati sap a.

"Nia chawlh lai tiin kalo kal zawk mai mai,i ngaihawm bawk sia."

"Keimah chauh maw?" Nui Chung chuan kati a.

"Aw." A thutak phian.

"Ka awih chiahlo." Kanin kan thlega.
"Nih phawt." Ka tih zawm a,luh mai ka tum chu ka kut ah vuanin a lamah min kuai her a.

"Minlo ngai ve tho em?" Ati sup a,fiah kakin min melh thunga.

Ka ngai ngawih ngawih alawm,hmuh ka chak thei em em bawk. Mahse ti nge ka tawngchhuah theih miah loh.

"Mawh min ngai ve miah lo em ni?" A aw zet chu,min fan raih raih.

"Ngai." Ka kun chal a.

"Tak tak?"

"Aw." A nuiri hak a,ka zak tak zet. Mipa dang ka en ang ngawt chuan ka enlo tawp mai.

"Atha e,lut tawh rawh." Ka darah vuanin min nem data.
Pangailo zet chuan ka luta,ka taksa te hi a sa vekin ka hria.

Paul nen chuan pangngai taka inhmuh lehna hun kan neilo tak zet.

"UMam mathematics tah hian ka chawk dawn,room dawhkan chu a hniam mah mah." Kati a.

"Pawi hleinem." Lehkhabu a chiara,midang ho chu an inkhawm.

1+1=2 gether+2gether=4ever
Chu thil chu zanin a ka mathematics chawh chhuah ve chhun a ni.

Kawngka an rawn kik a,kei chu inleng kala neih ngai loh avangin Umami chuan alo chhawn vata.

"Tehmial cheu chuan ilo va lengkhat ve." Ka u chuan alo tivata.Paula causin Zova leh athiante pa2 an ni.

"Kei chu helamah hian ka thu dawn." Paul chuan ati a,ka lehkhazirna bulah kher arawn thu a.

"Nula fel." Naupang chu minti tawh bik miahlo.

"In va fel ve." Zawite in kati a.

"Ka hmuchak che a,khawlai ah hmuh tur i awm bawk silo." Vui aw deuh chuan ati a.

"Ka buai alawm." Ka nuideuh a.

"Tha deuhin zir rawh." Ka thil zir melh zauh chuan ati a.
Paul ka bula a awm vang ani ngei ang,eng thil dang mah ka ngaihtuah tha theilo.

Ka ngaihtuah loh hmel ati deuh aniang,ka note book chu la in eng emaw hi a ziak a.
"Ka duh che,a hma daih atang tawh khan." Ka chhiar chuan ka phu zawkin ka hria. Ka rinloh lam daih.

"Min chhangla." Tih a ziak leh a,lawm bawksi,zak bawksi in ka awm.

"Ka thiante kalo rawn phawt ang." Heta ka chhan dan ka ngaihtuah let chang hian naupan chhiatthlak kati.

"Thiantha ber pawh hmelma lian ber anni thei asin." Tih a ziak leh a,mahse keimah mai chuan thuthlukna ka siam ngam tlatlo.

"Min nghak rih rawh." A chhiar zawh chuan a bu nghat a,milem hmelchhe deuh hi a ziak a,en in kan nuidun a.

An haw hnu pawh chuan ka ngaihtuah leta,ka hlim tak zet zet. Minlo duh vereng anih chu. Ava han nuam chiang tak em.

"Thiante u thil pawimawh lutuk zawh tur cheu leh hrilh tur cheu ka nei." Kati a,an hriat chak hmel tak zet.

"Paulan kei hi min duh thu min hrilh a." Ka sawi zawng pawh chuan ka zak deuh.

Puiin," Ava mak ve,ka duhpui tawp che." Ati hluaia.

"Nia ani ang mipa tha techu nihpui rawh." Mawite in alo tibawk a.Min sawi phur pui bawk a. Ka lawm ngei mai.

"Chuti naktuk chu i hmuhna remchang siamsak in ngai anih chu." Thanin ati a,kan sawikhawm nak nak hnu chuan kan haw a.

A tukah chuan chhungte a vawikhat nana bumin an ni ho nen chuan kanin hmu a,a nuam veng veng.
Ka hawilet a,kan pa2 chauh chuan kanlo inzui tawh a. Kan thiante ho kha khawiah nge maw an lo kal bo zawh ni.

"Tah hian thu ila." Ati sup a,thuawi tak chuan ka thu ve maia.

"Ka thil zawh che kha a chhanna hriat ka duh tawh a in." Mitmeng zaidam leh ngilhneihna a khatin min en a,k zak tak zet.
Ka duh ve thu sawi chhuah chu ka chak lutuk,mahse tinge tuna taka ka tawng chuah theih miah loh.

"Min duhlo em ni a? Mahse chutiang nitur chuan ka ring phal silo." A aw chu natuar leh hlauthawng inpawlh nawk niin ka hria.

"Keipawn ka duh che." Rei deuh fe hnu ah chuan ka chhanga.

A lawmzia leh a hlim hmel mawlh mai chu,a mal pahnih inkar ah min thuttir a,thlamuang takin a awm ngheng chuan ka awm a. Engkim hi neiin,a famkim ta vekin ka hria.

"Kan haw tawh mai dawn ami?" Kati a,ka samah a fawp zauh a.
Darkar khat dawn lai kan awm tawh.

"Awle." Atho a, keipawh chu dimte in min kai tho a.

"Lalrinsang." Ka nu awri ka hriat chuan ka thin hi hlauhthawn lutuk vangin a phu dup dup a.

Kan haw kawng tluan chuan ka nu in tek leh khawpui phuh chhuakin min deng dawt dawta. Ka lungphu te chu a phu nasa in,buh her chip nan atha khawpin ka ring.

"Naupang mai ila ni a,ngaihzawng nei rual ila nilo lutuk." In kan thlen chuan ka nu in ati nghal a.

"Zirlai ila ni a,eng thildang mah ngaihtuah tel thei ila nilo." Ka nu leh pa chuan min hau bawrh bawrh a. Ka hresenglo zawk.

Zanah a lehkhathawn ka hmu a,mittui tla zawih zawihin ka chhiar a. Ka nu leh pa min hauhna te khan ani ka duhna leh hmagaihna hi an ti reh thei chuang silo.

Kum tamtak lo in kawp tawh ang maiin,kanin kar chu a nghet tlut a ni.
Thian kawm leh khawlai chuah ka chhungten an phallo a. Ani nen pawh kanin hmu theilo. Alo leng tawp ngam bik silo a. Mahse vawi khat chu ka nu leh pate awm loh laiin an lo kal hram.

"Kanlo leng dawn." Tiri ah chuan phurlo takin ka hawi chhuak a,Paula leh a cousin te lo niin ka hlim tak zet.

"Zanin chu thla a eng nuam bawka,kawtah hian zai ang u." An rawt khawm a,guitar la chhuakin kan zaia,a hlimawm a ni.

"Duh anga inkawm na hun kan neih loh vang hian pawi kati. A hrehawm pawh kati tak zet." Paula chuan arawnti thuk raih a.

"Keipawh." Chu thla eng no ngulh hnuai ah chuan a langtha leh zual.

"I chhungte hauh i tawrh phaha keimah vang vekin ka tihpalh." A inthiamloh hmel chu hmuh nuam kati lo.

"I thiamloh anihna a awmlo,chutiang zawng chuan ngai suh." Midang hriat loh tur si chuan ka kut chu nghet takin a vuan a.
Chu zanthla eng,lung tileng. Van thiang fiah kuk hnuaiah chuan thinlung inpawh leh in hretiam tawn takin hun chu kan hmag liam a ni.

"St,Paula te an haw tawh dawna,hmuh che tumin alo kala he lehkha pe tur che hian. Mahse I nu in a awmlo alo ti che a." Ka thiannu Puii chuan min hmuh ve leh ati a.

"In ah ka awm char char alawm." Ka nu chuan thudiklo a hrilh a ni.

"An chhuak tawh a ngem?" Hlauthawng tak chuan kati a.

"Ka hre lo,chhuak tawh mai thei." Ka lehkha tur chu laksakin hmanhmawh takin ka tlan a.

Motor tlan liam tur chiah chu ka zuk hmu hman a. Ka na vawng vawng.

"Paul vawikhat chauh tal hmuh leh lawk che ka duh asin." Chu lai hmunah chuan tah hawm hawm mai chu ka chak a ni. Engtikah nge ani nen khan kanin hmuh leh theih tak ang le.

A lehkha min hnutchhiah chauh chu ka chantawk ani tasi. Ani chuan ka engkim a hawn telvek ang maiin,ka ruak vek a. Ka zawi ngawih ngawih bawk.

"Bawihi i uMami nen Aizawlah zuk bazar lawk ula atha ang, in school chawlh lai ani bawk a." Ka nu in atih chuan ka hlim ngei mai.

Krismas a hnaih tawh em vanga bazar tur kan ni a. Paul ka hmuh theih ngei ka inbeisei vanga hlim leh phur ka ni bawk.

Chhuanlam siamin kanin hmu ta ngei bawka. Hun hlimawm tak kan hmang duna,ka nuih tam ber ni leh ka damchhunga ka hun tawn hlimawm ber lai ani reng tawhin ka ring bawk.

" Ka ngai lutuk che." Kan awm fal ve leh chuan ati a. Kanin kuah vawng vawnga,kanin thlahlelh dun tak zet bawk.

"Keipawhin ka ngai lutuk che." Ka lungte chhu a chhe lek lek hial a ni.

"Tun kum chhung ka hmu dawn tawhlo che emaw kati hman hial asin." Ka hmai a chul kual riak riak a.

"Lo zin leh tur inia sin." Pangchang tak chuan kati a.

"Ka thei tawh rih lo alawm." Hmangaihna a khat mitmeng chuan min en a,ka tuiral zo vek a ni.

"St ilo zin avang hian ka lawm tak zet." Chu ni chu kan pa2 tana ni chinchhiah tlak tak a ni. Nilengin taksa insi rialin hun kan hmang dun si a.

"Ka hmuh chak em che avangin kalo zin anih hi." Kan nuidun var var a. Keini baka hlim hi an awm kher lo ang.

"Paul ka haw mai a ngai tawh a ni." In then chu kan huphurh dun ngang mai.

"Awle." Min fawp vawng vawnga.
Nuam kan tihdun em avang hian vawin ni hi a reilo lulai tak zet.

Min thlah thlap hnu chuan a haw zui leh a. Awm dun chhung te hi ava reilo thin em.
Keini pawh chu kan khawlam ah kan haw a,khaw lama haw tur nisi ka phur vak miahlo.

Lehkha kanin thawn thin a,ral khata hmangaih neih zawng lunglen a na. Duh hunah kanin hmu ve thei bawk silo. Amah ngaihtuah ran chugin zan mu te hi ka chhing thin.

"Pa tunkum chu Aizawl lamah ka zir chhunzawm thei ang tiraw?" Ka pa bul seta thu chuan ka zawta.

"Nia i nite bulah awm mai i ngai tawh sia lawm le. " Ka hlim zia chu.

Zirna sang zawk zir tur chuan Aizawl lamah ka awm veta ran mai. Mahse duh ang chuan veng kar hla nen kanin hmu mai mai thei chuanglo. Ka ni lah chuan min khuahkhirh nasa bawksi a.

"Bawihi tha deuhin i exam dawn nia aw." Ka ni chuan ati a.

"Awle" Exam na tur hmun lam pan chuan ka chhuak a.
Ka chhan zawh hnu pawn ka chuah chuan Paul alo awm rana,ka van hlim tak.

"Iti tha em?" Ka pan phei lai chuan minlo nuih var var a.



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » October 15th, 2017, 2:17 pm

"Tha ve tho ang,ka hrethiamlo."

"Iti tha turah ngai ang,chuan vawin chu kanin ah hruai che ka duh a ni." Hniallo turin min duh hle tih ka hre mai.

"A zahthlak e." Kati nai naia.

"Zahthlak loh, ka pi bak inlamah a awm chuanglo." Ka kut arawn vuana,ngenna mitmeng mawi takin min melh a. Hnial chu nuam kati biklo.

"Exam lai kani sia chu vangin"

"Aw ka hria lawm,ka thlah haw leh vat dawn che nia." Minlo tihkhalh vata.

"Atha lawm." Kati veta nghe nghe a.

"Khati mai tur kha." A hlim hmel hi hmuh anuam a ni.
An inlam pan chuan kanin zuia,kal kawngah eitur te kan lei pah bawk a.

"Mama khawilam nula nge ni a?" Api chuan nelawm takin alo ti vata.

"Ka thiannu Sti anih hi." Kan khaw hming a sawi langtel bawk a.

"Anih tak chu mawle,lo len nachangte ihria a,i fel hle mai." Min chibaia,pitar fel tak a ni.

"Fel vang vak pawh anilo." Tawngkam hi ka thiam teh luam bawk silo a,Paula pi chuan min be siam siam renga.

"Pi ithiannu in a koh che ania." Paula chuan tukverh a zu dak vauh vauhin ati a.

"St lo la leng reng rawh aw,ka zu kal lawk a nge." Tih leh thawh a rual a.

"Awle ka pi."
Paul rang lutukin ka bulah rawn thu thla in min kuah nghal thaka.

"Lutuk che hian." Thaw siai siai a lo kuah letin kati a.

"Engtik lai pawh hian kuah vawng vawng che hi ka thlahlelh a ni." Ati sup a.
"Chuan maw ka pi pawh kha ka tih der alawm."

"Chimawm lutuk." Inla hrang deuhin a hmel chu ka en a. A khi var var a.

"Kha tia katih mai loh chuan he thil hi kati theilo alawm." Kun hniamin min fawp vawng vawnga,ka thiam ang tawk chuan ka chhang let ve bawk. Ka hlimin,nuam kati veng veng.

"I pi kha alo let dawn tawh ang." Thawhalhin ka inla hranga.

"Ka nupui nitawh maila kati." Ka nui hak a.
" Ka fiamthu lo ania." Ner nangin ati a.

"Ala hunlo lutuk." Keipawhin chu thil chu ka duh leh chak a ni. Mahse pasal neih mai chu la duhlo.

"Ka nghak thei che." In kuahin, kanin fawp leh vawng vawnga. Kan tawp theilo ang tih hlauhawm a ni,kanin thlahlelh em em si a. Mahse Paul hian min tihchhiat tumna rilru a pu ngailo a,min nawrhluih a duh hek lo. Chung thil techuan ani hi min duh tir zual a ni.

"Ka hawn a hun tawhin ka hria." Kati sep a.

"Awle ka ngai leh nghawt ang che." Ka sam pawr lai chu mintih thatsak a,atih fo thin angin ka bag chu la in a keng a. Kanin zui chhuak a.

"St engtik nge kanin hmuh leh thei ang?"

"Exam zawh hian kan khua ah choh ka tum a,lehkha minlo thawn thin rawh aw." Ka melh ralh a.

" Lutuk, hun ka neih chuan lo zin ve ka tum dawn nia."

"Tak tak." Ka lawm zia chu ka aw ah pawh chiang takin a lang chhuakin.

"Ni chiang e." Kanin nuih a. Kan veng kan thlen tak avangin ka bag chu min pe a.
"Tha deuhin i zir dawn nia."

"Awle." Ka zir that chu ka ring vak chuanglo,amah bak hi ka ngaihtuah tak tak lo.

Ka kal liam tur chu ka lan theih chhung min thlir zuia,hawi letin ban ka vai zauh a,nui var varin minlo vai let ve bawka. Tlan leta va kuah vawng vawng chu ka chak tak zet.

Exam kan zo a,kan khaw lamah ka haw chho a. Chuta tang chuan kan khua ah chuan ka awm zui leh ta a ni.

Kum hial Paul nen pawh kanin hmu leh talo, vawi khat chu alo zin ngeia,ka chhungte vang bawkin inhmuh leh inkawmna mumal engmah kan nei theilo. Eng vanga Paul hlata min awm tir tum tlat nge maw an nih le?
Naupangchhia pawh kan ni tawh bik silo a.

Mahse Paul nen chuan a khat tawkin lehkha kanin thawn thina,chu chu kanin hnem ve theihna ani mai. Ka ngai thin tak zet.

"St lo kal vat teh." Thani chuan ina ka awm lai min koh chhuak a.

"Eng vangin?"

"I hmuh hunah i hre mai ang." Ati ringawta,ngaihna hrelo tak chuan ka zuia.

"Min hrilh tawh rawh." In kan thlen chuan kati a. Room lam chu a kawk zauh a.
"Va lut rawh." Ner nang chuan ka luta.

Ka te that a. Ka awih theilo hial zawk.
"Paul engtin." Tlan pheiin ka kuah chawt a, nghet takin minlo kuah let ve bawka.
Inthlahlelh lutukin kanin fawp nghal ngawih ngawih a. A hnu chuan ka zak leh deuh.


"Ti nge min hrilh loh?" Tap aw lek lekin kati a.

Min thlah dul deuhin min melh chuk ran a."Thawn thut che hi ka duh alawm."

"Sual lutuk." Nalo te in ka chum taih a,alo nui thunga. Lawm lutuk bawksi,thinrim ru deuhin ka awm.

"Minlo ngai em?"

"Ngai lutuk." Ka sawizo tawk, min fawp leh nghal vawng vawnga, hlim tih mai piahlam kan ni.

Rei tak cham thei anih loh avangin inthen na ramah hian inthen alo tul leh si thin. Ngai leh thlahlelh ngawih ngawih siin kanin thlah liam a,mittui a far lo theilo.

A reh ta vang vanga,a chanchin hriat tur ka nei talo khawp mai. Atan chuan ka theih tawkin ka tawngtaisak reng thin.

"St thilpek tur che ka nei ania." Paula cousin lo leng chuan lehkhathawn min pe a.

"Ka lawm e." Paul lehkha anih vang chuan ka hlim tak zet.

"Zova tunlai chu Paul nena kanin kar hi a hla ta riauin ka hria." Kati sap a.

"Hrethiam hram rawh,harsatna nasa tak tunlai chu atawk a ni. Ka khawngaih lutuk ringawt." Zova hmel landan leh thil sawi chuan hlauhthawnna min siam nasa hle.

"Eng harsatna?" Ka aw pawh a chhuak tawk.

"Pa hrawn a hrawn a,an inkar athalo tih piahlam a ni. Sawi vek sen pawh anilo. Ruihhlo a khawih phah nasa bawksi."

"Ruihhhlo maw? A van pawitak." Kati vawng vawnga.

"An inchhungkhur tunlai chu a nuamlo lutuk a,heng vel vang hi ani ber mai ruihhlo atih phah ni."

Zova haw hnu chuan a lehkhathawn chu ka chhiar a,katana atlin tawhlo thute a ziak a. Min vanti na tak em! A harsatna tawh lai hian a kiangah awm thei ila kati ngei mai. Ka mittui chu ka dang hmanlo,ka tana a tlin lohna chhan reng ka hre lo.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » October 15th, 2017, 2:17 pm

Amah biak pawh theih ani lo a,a chhungte ka biak lahin hmundanga a awm bo lawk thu min hrilh a. Ka theihtawpin ka tawngtaisak thin.

Kum a liama Paul pawh a reh ta vang vanga, a cousin erawh a chanchin ka zawt nasa thin.

Kohhran lamah theihtawkin ka in hmang ve a,chutih lai chuan ka nunah Ruata arawn langa, khaw thenawma hla kan zir tuma intawng kan ni.
Ani chuan min ngaihsakin,min duat thiam em em bawk. Kan pi leh puten nulat tlangval lai hi ze inthup hun lai ber anlo ti hi Ruata mizia ah hian ka hmu chiang ber awm e.

"St kar leh ah khawmpui hmang turin kanlo zin dawn a? I chhanna hriat ngei ka duh tawh a ni." Ruata chuan ati bur mai si a.
(Mobile phone heng hunlai chuan kan uar tawh hle)
Ka rilru hi a buai a ni. Paul kala theihngilh thei silo. Mahse Paul hi neih atan atha ber angem tih ka hre silo.

"Kalo in ngaihtuah dawn nia."

"In ngaihtuahna hun chu ka pe hnem tawk tawh viau che in ka hria." A sawi dik a ni.


"Chhanna chu ka pe thei tawh em em ang che." A thaw huaia.

"Atha lam kalo beisei ang." Anui huk huk a. Keipawh chu ka then sak a.

Ruata lamah rilru chu ka pe chho ve tana,Paul pawh ka theihngilh ve thei mahna. Ani lahin min ngaihsakin ka duh zawnga awm dan a thiam viau bawk si a.

Ka phone ri chu ka la a.
"St i dam maw?" Chu aw chu engtikah mah ka haiin,ka theihngilh lo tawp ang.

"Dam e,i reh hle mai." Ka taksa zawng zawng hi ralkhat atang pawhin a thunun vek.

"Ka tihpalh lutuk. I number nei tur hian ka bei nasa teh asin." A aw chu hriat a nuam.

"Paul englo." Ruata nena kan chung chang hrilh ka tuma, ka thulh leh.

"Sawila."

"A ngai leh lo."

"Anih chuan keiman sawi tur ka nei." A ngawt data.
"St khawngaih takin bul tan tha leh ang,a hma ang mai mai kha chuan ka rehsan tawhlo ang che." Ka ngaihtuahna chu a buai nuai,ani hi ka hmangaih a. Ruata ka nei tawhsi.

"Paul pawi kati." Chu bak ka sawi theilo. Phone ka dah a,ani nena chuan kanin hmangaihna kawng hi a bumbauh tak zet a ni.

Paul nen chuan kanin be leh ta zauh zauh a. Leh lamah Ruata alo awm ve tawh bawksi, kawng pengthuam pa2 a awm a,zawh tur zawk ka hrethiamlo a ni.

"Bawihi Ruata hi keini chuan kan duhpui che a,pasal atana neih tlak a ni." Ka ni chuan ka bulah ati a,ka nui tawp.
An ni ho chuan min duhpui viau bawksi a.

Zanah Paul nen kanin bia a.
"Paul pawi kati khawp mai,kanin kar hi tih tawp ka duh a ni." Ka rilru chu anuam hauhlo.

A awihlo lutuk chu a nui tawp." St eng thil nge maw i hriat le?"

"Paul ka thiam loh a ni." Phone chu dah mai ka duh a,a aw kala hre chak si.

"Nilo St bul kan tan tha leh dawn chauh a,he tiang thil chu iti theilo ang."

"Pawi kati Paul." Kanin biakna chu kati tawp a, ani nen chuan kanin then fel ta der mai.

Ka thiannu lo biain kei hi min be turin alo nawr thin. Mahse kei chuan a hmangaihna leh ka hmangaihna hai derin ka kalsan ta si.

Pasal atana athat zawk ringin keiin Ruata lam ka awn ta thunga. Kohhran lama tal tam zawk ta chu. Ani nen pawh kum dawn kanin zui veta reng mai.

Kawngka an rawn kik a,kalo chhawn thuaia. Ruata alo nui lut a.

"Ilo kal tak tak pawh kalo ring pha lo a." Kalo tichul a,min hmu tura lo zin atum thu asawi khan kalo awih chiahlo a.

"Ka insum thei tawhlo,ka hmu chak tawh lutuk che lawm." Ka bul setah arawn thu a.

"Iti tak taklo." Ka melh rum dera.

"Tak tak chiang. Eng nge ka hlawh dawn?" Ka hmai zawnah tak athaw lum ham ham a.

"Uanglo mai teh." Nalo te in ka nem sawna,nui hakin a awmsawn ve maia.

"In neih tura ka sawmna che kha thutlukna i siam tawh ngei ka beisei." Tunlai chu inneih mai tawh turin phone atang pawhin min nawr reng thin.

"Kala thei rih lo." A inla hrang hmak a.

"Eng vangin? Kanin zui rei tawk tawh viau asin." Lawmlo takin ati a.

"Pasal nei em tur chuan kala inpeih lo a ni." Ka rilru ah Paul arawn lang zawk mai. Ka thinlung chungril berah hian ani hi kala khung bet tlata,ka chhuah tir mai thei tawh silo.

"Tumah inpeih thlapin an inneih biklo." A aw pawh a chang rat.
"Nge nia nang hian min chhaihkual vel mai mai?" Amah en turin min kuaiher a.

"A teuhlo,chutiang engmah a awmlo." Paul katan a awm vetawh silo a,ani hi ka chan ngawt thei tawhlo.

"Anih sichuan eng vanga min neih chu duh silo nge inih?" Min melh ran a.

"Ka sawi tawh kha." A nui hak a.

"Hun khawhral reng ka thei tawhlo ang,lo in ngaihtuah tha leh rawh."

A haw hnu chuan ka ngaihtuah rauh rauh a. Mi pangngai leh chungkaw pangai tak an ni bawka,neih mai tur em ni ang?

Ka chhungte lamin min nawrh ve chhen bawksi a,ka nu tih loh chuan.

"St i chhhanna ka hre duh. Ka chhungte lam tak pawh an zahawm,inneih tur hian min duh tawh a ni." Ruata chuan phone atangin min rawn bia a.

"Ka thei rihlo."

"Anih chuan kanin kar hi titawp ila midang pawh an tam alawm." Min vau titih a.

"Chu tiang zawng chuan engtin nge i sawi theih zawk?" Ka thinrim a ni. Ani pawh ka lakah a lawm chuanglo.

"Min neilo anih chuan midang ka neih ngei angai alawm." Ani hian min hmangaih tak tak lo em mawni chu aw? Tiin ka ngaihtuah.

A hnu ah pawh inneih ka remti lo anih chuan mi dang min neihsan mai tur thu min hrilh.(AN : He tiang mipa hi kei chu ni ila ka tlanbo san vang2 anga,kan kawmthlang te vawk vawm nan ka hmang duh ngei ang haha)

Kan thu a inhmuh loh vangin ka then ta ngei a. Mahse kanlo inzui ve nasa in kei pawhin ani kha duhna chen kalo neive tawh tlat.

Ka chhungte lamin min nawr nasa a,ka tan tak pawh tihngaihna a awmlo, ani hi kalo hmangaih ve hmana ka hriat bawk avangin inneih tur chuan kanin puahchah leh ta tho a ni ; He thil hi ka duhthlan sual leh ka nun tichhe vektu alo nita a ni.

"St" Paul an minlo be thuta,ka hamhaih a,ka tihsual pawizia ka hreta bawk.

"Paul itha em?" Atan hian ka tawngtaisak reng thin.

"Ka biak che hian ka tha chiah, nangin a min tawngtaisakna a zar liau liauin nun thar ka hmang ve tan asin." Ka mittui a luang thla zawih mai.

"Ava lawmawm tak em." Tap rilo turin ka insum nasa asin.

"St ka lawm e, ka tan beidawnglo a min tawngtaisak reng avangin. Tunah chuan nun thara nungin bul tan ka tum tawh a. CHU KA NUN THAR, BUL KA TANNA TURAH CHUAN LO TEL VE IN KA KAWNG HRUAITU INI THEI A NGEM?" Ka na lutuk chu awm ngaihna reng ka hrelo.

"Paul nangmah pawhin iti thei ang tih ka hria." Ka inhumruh ngawt ngawta.

"Nilo itello chuan ka theilo,i tap em ni i a?" Min ngaihtuahna awri mawi tak techu,minti na zualtu mai an changta.

"I thil sawi hian minti lawm a." Ka theihtawh loh vang zawka tap kani si.

"Ka tana i awm reng thin avangin beiseina eng ka neih phah a ni. Ka hmangaih che."
Tu zawk nge ka hmangaih tih ka hriat chian tak zia mai chu.

"Paul ka dah phawt mai ang."

Ka insum zolo,ka tap tlawk tlawk a. A pawi lutuk tih mai loh chu sawi tur ka nei ta lo. Ilo lang leh har mah mah a ni Paul. A tlai tawh lutuk. Engkim a pawi zo tawh.

Ka pasal neihni lah chu a hnaih telh telh a,hlim tur ka nih laiin ka lungngai zual telh telh si. A hahthlak lutuk. Keimah thiam loh liau liau ani si.

"Puii,Paula hnenah ka pasal neih tur thu hi minlo hrilhsak mai rawh aw. Kei chuan ka thei thlawt lo." Kati hap a.

"Awle mak ati ngawtin ka ring." Lainat tih hriat takin min en a.

"A rilru ka tina dawn lutuk." Kanin biak dante ka hrilh a. Tih theih nei tawh silo in,kan tap dun ringawt.

"Paul chu tha deuhin kalo hrilh dawn nia." Ka bu nghata, kanin lam pan chuan ka haw a.

Zan lamah Paul chuan minlo be nghal ta renga. A aw atang ringawt pawhin na atih zia chu ka hre thei.

"St tlanbo mai ang,heti ringawt chuan ka kaltir thei lo ang che." Atih tak zia hairual ani lo.

"Paul ka tihpalh lutuk,pawi kati tak zet." Ka chhungte mualphona ka thlen thei lo.

"St ani chu kei ai pawhin i hmangaih em ni? Awih har kala ti lutuk hi engtia awm tur nge pawh minti hrelo."

"Paul nang tluka hmangaih ka neilo,chu chu hriala ka duh. Mahse tunah chuan awmdun thei kan ni tawhlo. Min ngaidam hram rawh." Ka insum zo lo,ka tah khum ta ringawt a,ani pawh a bang bik chuanglo.

"St kanla awmdun thei,pasal em pawh ila nei hleinem. Khawngaihin." Paul pawh a inti pachang thei biklo.

"A tlai lutuk tawh Paul." Phone ka dah a. Chu zan chu ka mulo chiang teh asin.

Ka pasal neihni alo thlenga,ka va hlim si lo em.. Ka thianghlimna chu ka mipa hmangaih nilo lakah ka hlana. Ani chu ka pasal ani miau si a.
He tiang tur tih hria ni ila chu,Paul hnenah ka thianghlimna hi ka hlan ngei ang.

A hnuai ah conti...
*** KAN WEBSITE A FAKNA LAM THIL MILEM LANG THIN I LO HMET ZEUH HIAN KAN WRITER TE HLAWH KAN TUMSAK ZEL TIH KAN HRE THEUH DAWN NIA, KAN LAWM E***

Website story link ho awlsam zawka in zawn hmuh zung zung theih nan STORY FB group siam a ni e, in lo hmangtangkai theuh dawn nia... Whatsapp group pawh siam a ni e.
Group link : https://www.facebook.com/groups/991354610918230/

Part 2 kalo dah leh nghal ang.. Click kha aw...

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » October 15th, 2017, 2:18 pm

FIRST LOVE
PART 2
MAY RENTHLEI
www.storyfb.com mizo story thar englai pawhin chhiar tur a awm reng



In neih zingah thawh kala hai zuia, a zahthlak duh ngei mai.

Ka chhungkaw tharah chuan ka pa chu a felin,min duat hle a. Ka nu leh URuata farnu erawh hrawn an nuamlo tak zet. Kan inneih tirh te kha chuan an tha ve viau a.

"Nizan ilo va haw tlai ve a?" Ka harh ve leh URuata hnenah chuan ka zawta.

"Kan committee rei deuh alawm le. I mutui lutuk a,ka kai tho duh lo che anih kha" Ka lungawi chiahlo hmel a hmuh chuan min kuah talh talh a.
"Kalo haw tlai tawhlo ang." Anui deuh a.

"Awle." A kut ninhlei zet chu man betin." Thawh a hun tawh." Tih leh thawh ka rual a.

"Ala hma em hi." Ati bai baia. Nuihsakin ka thawhsan ta tho a.
Zingkar atangin mawng ka hung hmanlo,chetna tur hi atam ve thin si a. Ka pasal farnu lah hi engmah tihtum leh min puihna chang hre bawk silo.

"Ti nge tun thleng thlenga vawk chaw pawh inlo la pek loh." Ka nu zing leng haw chuan arawnti lut bawng bawnga.

"Aw ka nu ka pe hman tep tawh alawm." Ka chawhmeh siamlai ala laklawh bawksi. Kuri( Uruata farnu) chawei dawnah bak alo tho leh dawn silo.

"Thawhhma te hi tum vedeuh ta che,tidawn tidawn tivek ringawt mai." Ka ip chawih thei. A nuamlo duh ngei mai,ka tho hma viau asin mawle.

"Ka va pe a nge." Ka chhuak vata, vawk chu chaw hmanhmawh takin ka pe a.
Kum 1 chuang chu URuata nen hian kan inneih vetawh. In dang thei kan nisi lo a,engkim hi ka tawrh vek a ngai a ni.

"Chawhmeh kan hi a ut lutuk,ka ei peihlo." Kuri chuan anti nghal ringawta.

"Ka vawkchaw pek lai khan alo ut hmana." Inthiamlo tak chuan kati a.

"A ei theih khawp hi." Ka pa chuan alo ti hlauh a. Ka lawm ngei mai.

"Chawhmeh tui tak pawhin a ei theih loh anih hi." Ka nu chuan anti nghalh a.

"Vawin chu St hian in lo nghak sela. Tun kar hahchawlhna hun pawh ala neilo." URuata chuan ati a. Ni e, asawi dik ka chau vetawh lutuk.

"Ni e chawlh rawhse." Ka pa chuan alo tive bawk a.

"Ka tai ana lutuk,vawin chu kalo awm zawk mai ang,tunah pawh anuamlo sa." Tih leh Kuri chuan thawh arual a.

"Awle nuamlo chung chung te chu." Ka nu chuan alo ti a,an in chhan dun ania.
Kuri hi tunkar hian hna ala thawh pawh ka hrelo.

Nilengin hah taka hna kan thawh hnu chuan kan haw a.

"St, Kuri hian vawk chaw ala pelo,pe vat teh." Ka nu chuan min tir nghal a.
Kuri hi ina a awm nite chuan tih ve thinawm. Ka che leh nghal char char a,Kuri lahin phone a khawih hmak a,a na chhuanlamin.

Zan lam hi chu ka chau lutuk a,ka meng thei thin tawhlo.

"URuat mutawh mai ila." Kati a.

"Lo han mu mai rawh." Ati hmuk a.
Nuamti lemlo tak chuan ka chhohsan a. Khum ka thlen rualin ka muhil zui nghal.

"Nilo Paul ti suh, khawngaihin." Kalo au lawm lawm a. Ka harh chiang ngei mai. Zan dar 1 alo riva tawh.

Kei hian Paul nun chu kati chhe ta vek a ni. Hlauhthawnnna avang chuan ka khur dar dar a.
Kalsan lo ni ila chu anun hi beidawngin,ruihhlo bawihah atang haulo tur. Paul ka ngaihtuahna ah a awm char char a,ka pasal lakah pawh ka inthiamlo. Ka muhil lawk theilo a,khawvar dawn ruaiah ka chhing veta hram a.

"Vawin chu thawh i hai ania." Uruata chuan alo ti a.

"Dar eng zat nge?" Mut chhuak aw takin kati a.

"Dar 7 ari tep." Ka inperh tho zawta.

"A van pawi tak ti nge min kaihthawh loh?"

"I chau tih ka hria a, ka kai tho duhlo che anih kha."

'I nu in a hre ve hleinem.' Tih vak mai chu ka duh a. Room chu ka chhuahsan vata.

"Keini hun lai mo vete chu e." Tih atang ka nu chuan minlo hau tan nghal a.
Rilru ana in a hrehawm a, pasal then vang vangte hi a chakawm thin.

"Ka chhuak lawk dawn ania." Uruata chuan ala tizuia. Chhuaklo se kati ngei mai.

"URuata chu a bialnu hlui Nghuri alo haw a,lunghlui tepawh a leng vengawt ang chu. Tu emawni vang mai mai khan an inkar a keh chhe ta vek si a." Kuri chuan mintih chhan takin asawia.

"Han tideuh che ila itum ang bur bur a, zak theilo leh lutuk mai." Ka nu chuan minti hlak hlaka.
Kuri thilsawi nen,tah vak mai chu ka chak a ni.

"Chawei a hun tawh, khawnge Ruata pawh hi a awm?" Ka pa leng chuan arawnti luta.

"A chhuak lawk a,alo haw tep ang." Kalo ti a.
Chaw kan ei laiin ani pawh alo luta, hnathawk turin kan chhuak leh ta dial a. Ka nu inlam ah a awm ve thung.

Kurin ka awm ve tih hrelo ang maiin,a u chu Nguri a chhaih renga,ka tana hriat nuamlo tur tak takin ati lui kher bawksi.

"Kuri i sawi ho lutuk. Nguri tih vel mai mai. Nupui hmeltha leh fel lutuk mai ka nei tawh a,ka hlim tawk lutuk mah mah." Min rawn en pah kherin ati a, zalo zetin ka nuia.

"Zanin chu." Ka mutthilh dawn siar siarah URuatan beisei nei takin arawn ti a.

"Min hrethiam maila zanin chu." Ka chauin ka taksa te hi ana. Mahse ka pasal anih angin,ka hnial thei tak tak chuangin ka ringlo.

"Lo nih vel tak chu." Amu tau hmak a.

"Ka tihpalh." A thilduh chu tihhlawhtlinsak mai chu ka duh a,mahse a thinrim nghal ringawt.

Min hawisan zawng chuan a mu a,a hnunglam atangin ka kuah a. Mahse la min mutthilhsan leh hmak tho.

Ka nute (kan khawlam)phone tumin URuata phone chu kala a.

A message dawn a delete loh ho chu ka en a,Nguri nen chuan an in be nasa mai. Ka thik a ni, ka awm anuamlo ngulh thei.

"URuat, Nguri nen hian inla in be thin em ni?" Tiin ka zawta.

"Be ngai tawhlo a,mahse tu emaw ka thil duh pawh tihlawhtling theilo ai chuan ala tha khawp zawkin ka hria." Ka sa pupin ka hria,awihlo takin ani chu ka en a.

"Engtin nge chutiang thu chu i sawi theih zawk?" Thinrim aw khur dar darin kati a.

"Nang anglo takin ani chuan min ngaihsakin, ani chuan ... Ka sawi tamlo zawk mai ang." Room chu a chuahsan hmak a.

Chumi ni atang chuan buaina neuh neuh neuh kan nei tan. URuata nen tal hi chuan kanin kar hi thase kati thin. A nu leh a farnute pawh tih tawh nak alaiin.

"He mi ni hi avan ngaihawm tak e aw." URuata chuan thlalak en ngawih ngawihin ati a.

"Ani chu i hmangaih viau em ni?" Ka zawtlo theilo.

"Ka hmangaih lutuk." A thil sawi chuan minti na lutuk. A zep vedeuh ka beisei ania.


"Ani hmangaihsi eng vanga kei min nei kher nge inih a?"

"Chu chu sawi chhuah thar leh vel a tulna engmah a awmlo." Ati hmak a.

"I sawi chhuak ta sa sa zawk alawm." Ka aw pawh duh ai avin.

"Eng vanga ani kha lo neilo zawk nge maw ka nih le? Kha tihlai khan kalo mawl lutuk a ni." Mintih khum a, ati mah mah thin.

Keiin kan nupa tan tiin theihtawpin that ka chhuah ve a, Paul pawh theihngilh tumin ka bei ve nasa asin.

A bialnu hlui chu kei ai a thlahlelh in a ngai zawk a. A tuartu tan chuan ana lutuk mah mah a ni. A chanchin min sawi khum reng thin.


"Paul engtin nge nun i hman chhoh ve zel tak ang le? Kanin hmuh lohna leh i chanchin ka hriat lohna a rei veta hle mai." Ka diary, ka thawmhnaw bawma ka dah thuhruk chu ka chhiara,lung aleng thar leh ta hle mai.

"Tih tur atam nen tinge room a i inkhung reng?" Ka nu in arawn tih chuan ka phu nasa ngei mai.

"Kalo kal nghal." Ka dahfel sawk sawk a. Ka chhuak a.

"Tunlai in nupa awmdan hi eng nge awm zia? Mahni pasal te tumkhum bur reng ringawt mai." Ka nu chuan thip fahranin min en a.

"Chutianga ka awm pawh kalo hre hleinem." Ka hrelo tak tak, kan nupa kar siamthat chu ka tum ve lutuk.

Engkim chu ka thiamloh a puhin min hau zui bawrh bawrh a.

Ka pasal lah a bialnu hlui ngaiin kei min ngaihsak lo a,a bialnu hlui aia ka that loh thu leh kei min nei a inchhir thu min hrilh phei chuan ka na lutuk hi thih daih mai a chakawm. Ani hian minlo hmangaih hauh lo. Engkim hi dawt vek alo ni.

Pasal ten min ngaihsak miau loh chuan ka diary chu ka inhnemna ber ani chho leh ta..

Paul ka ngai vawng vawng thina. Ani kha lo kalsan lo tawp ila tha tur hi ania. Ka inchhirin pawi kati a,a sawt tawh silo.

Kan nupa a kan hlim lai chuan Paul ka ngaihtuah bik ngailo,ka pasal tan theihtawp ka chhuah ve.

"Lalrinsang he thil hi eng nge a awm zia?" URuatan ka diary chuata paihthlak lawp pah chuan ati a.

"Ka diary." Hlauthawng tak chuan kati a.

"Ani chu ngaiin ilo la thlahlelh vel viau a maw?" A thinrim ngei mai.
Ani zawk hi ania sin,a bialnu hlui ngaia minti natu zawk chu.

"Thil kal tawh anih kha,thinrim chhan tur a awmlo." Dam dapin kati a.

"Awm tehreng mai, ilo la kawlthat danah hian i rilru puthmang tur chu ka hre mai."
Ka diary a paihthlak chu ka chhar a.
Ka pawtthler a, na in hrehawm katih zia mai chu. Kan nupa tan chuan eng pawh katih angai tawh zawk si.

"I lawm tawh em?" Hnawmbawm ah ka paihzui a.

"Nep lutuk." Ati hluk a.

A kal chhuah hnu ah,ka thil paih chu ka thlir vawng vawnga. Ka nun,ka engkim ziahna. Kum tamtak kalo kawl tawh chu vawi leh khatah a chhe ta vek si.
Ka thinlung hi a na in,a rum tak meuh.

"I bialpa hlui vel chu engtin maw?" Kuri chuan min zawt vela. Ka van haw tak.

"Engmah anilo."
Ngeihawm takin min be zuia,kan nu pa kar leh chhungkuah buaina atam ta khawp mai.

"Kan monu thiamloh vek zawk hi ania." Ka nu leh kan thenawm nu chuan ka chanchin anlo sawi bawng bawnga.
Ka rilru ana ngei mai,buaina neuh neuh kan nghah bawk nen keipawh kanin lamah ka haw ta nghe nghe a.

"Bawihi nupa te chu in hauh chang a awmlo theilo a, he tia lo tlan kher hi atha ber dawn emawni le?" Ka pa chuan ati a.

Kan chhungkaw boruak tlangpui chu ka hrilh lo thei talo a.

"Anih techuan fa em pawh in la neilo a,he lamah kan awm ho leh nawk nawk anga nga nimai lawm. A nuam phian ang chu." Ka nu chuan ati hlauh a,ka thawhuai mai.

Paula causin te anlo lenga, nulat lai a ngaihawm hle mai.

"St, Paulan a be duh che a." Zova chuan ati a.
Paula hming ringawt pawh chuan minla tidanglam thei. Engmah siamthat theih ani tawh silo.

"Ka be theilo ang."

"Be hramla, ahma ang tho khan ala ngaihtuah che a ni."

"Nilo, kati na tawk tawh. Kei aia tha hi a phu" ka hnial thei hram a.

Tuna mipa dang ka be leh nghal anih chuan uire tlukah ka in ngai.

Thil hi duh ang ngawtin a kal tir theih hauhlo. Then hlen ka tum tehlul nen ka ruak ta hauh lo mai. Naute thla2 mi kalo pai reng tawh chu niin. Fate fahrah ai chuan tiin ka let lo thei talo a. An niin thiam takin minlo koh leh ta bawk nen.

"Pa kani vat dawn ania,awih a har hial mai." URuata chuan ati sar sar a.

"Mipa nge hmeichia nise itih zawk?" Kan naute lo piang tur vang hian kanin kar pawh athat phah tak zet.

"Pawi kati lo ve ve." Thlamuang takin kan muhil ta siai siai a.
Ka nu pawh azia veta deuh. Kuri chu a ngai reng.

Naute hmeichhia duhawm lutuk kan neia,kan chhungkua chu kan hlim tak zet.
Aizawl lamah remchan zawkna avangin kan awm thla a.

Kan naute alian deuh a, ka pasal pawh a ze ngai ah let lehin kei ai chuan a phone a khawih ngunin, a ngaihsak zawka. Ka khua a har thei lutuk tlat.

"St an be duh che." Kanin chung nu in minlo koh lang langa.
Ani phone ah daih daih tu nge min be duh dawn ni.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » October 15th, 2017, 2:19 pm

"St i dam maw? I reh hle mai." Chu aw zet chu, ka taksa leh ka engkim hi asawi danglam nghal vek.

"Paul ka dam tha e."

"Minla hre nalh ve thei tho a. In pa nen chhiah em ni Aizawl lamah inlo awm?" A aw chu hriat anuam ngei mai.

"Kan fanu pawh telin." Kati sap a.

"Fanu maw? Ka hmuchak hle mai,anu a chhun ngat phei chuan." Ka nui hak a.

"Min chhun lutuk." Kati a.

"Anih chuan engtik nge ka hmuh theih ang che u?" Ka hnar ngei a ngai,pasal nei kani tawh.

"A harsa ang, kan chuak mai mai thei silo a."

"St thian ang tal chuan in en ang,i awm dan tur chu ka hrethiam. I aw atang pawh khan i inthlahrung lutuk, thian anga inbiak chauh te chu." Arawn ti a.

"Nia ka hrethiam alawm, thian." Ka aw kati zangkhai luia.
Eng emaw sawiin kan nui duna,thian ang chauh tak takin ani kanin biak.

Aizawlah pawh chuan kan awm rei veta khawp mai. Paul pawhin minlo be zauh zauh. Ka fanu hmuh a chak thu asawi reng thin.

"URuat naktuk chu mamawh leiin ka chhuak dawn ania." Ka tawng pawh a hrelo,tu em em hi nge maw a biak thin ni.

"Ka sawi chu i hria em?"

"Minlo be chhen teh suh." Minlo tizek a. Hahthlak thin.

Chumi ka bazar chhuak chu Paul nen kanin hmu a,alo lang upa sawt tawh a. A ruihhlo tih vel vangin a hmeltha tak tepawh a bo zo. Mahse ka hmangaih Paul kha ala nireng tho.

"Fanu inei hmeltha hle mai." Bawihtei melh zauhin ati a

"Ka lawm e." Sawi tur tamtak, sawi rem tawh silo hi ava tam tak em.

Thil te kan ei ho a,Bawihtei pawhin a nel lutuk. Ka thinlung tak takin vawin ni hian ka nui.

"In haw nghal mai dawn em ni?" Paul chuan min zawta.

"Aw haw nghal mai ang kati a." Bawihtei nen chuan kan kalsan a, ani chu ngaihtuah zui pawh ka tum lemlo.

"Vawin chu nuam iti khawpin ka ring." Thle bakin URuata chuan minlo ti a.

"Nuam hranlo." Ka thil lei ho chu ka phawrh a.

"Ani nen khan inhmuh chu sawi loh vawikhat pawh in be ngai tawh suh ang che u." Ala rui deuh zuia.

Ruihhlo leh zu in mi haw em em khan chutiang mi chu ka nei tasi. Alo inthup mawi thiam em a ni.
A hma in a in tih ka hre ngailo, Aizawla kan awm hnu hian a in nasa zual.

"Kan inhmu ngailo, Aizawl kan awm hnua kan vawikhat inhmuhna chauh anih kha. Tihpalh thil thu ah leh nghal." Ka chhang ve a,mahni chauh in ngaihtuah hlur hi ka hua.

"Eng pawh chu nise inbiak leh inhmuh kha atulna a awm tawhlo." A phun zui char char a,ka chhang tawh lemlo.Kanin kar a chhe zual ang tih ka hlau.

Paul an minlo be leh a. "Khawngaihin minlo be tawh suh." Tih zawngin ka chhang. Paul lakah ka inthlahrungin, hrehawm pawh kati.
Mahse Paul nen kan bia hi ka dik biklo, thian ang pawhin lo in be ta reng pawh ni ila.

Fapa pakhat Pathianin min pekbelh leh a. Kan lawm tak zet. Kan khawlamah kan let leh ta bawka, URuata nau mipa hmundanga awm alo let tak avangin keini pawh kanin dang veta hram.

(A tawi zawngin)

"Lalrinsang eng vangin nge minlo mutsan?" Aw teng chuaiin arawn tih chuan ka tho nghal zawta.

"URuat naupang mutpui an ngai alawm." Kati dek dek a.

"I chuanlam siam ka ngaithla peihlo,inbualna tur min siam rawh." Ati chhuk chhuk a. A ruih tawh hi chuan kut pawh min thlak hreh lo.

"Awle." Ka siamsak vata.
"Ka siam zo va inbual rawh." Kati a,a lut khut khuta.

"Lalrinsang tui hi a sa lutuk mintih hlum itum em ni?" Ka hlau tak zet.
"Rawn tidai nghal rawh." Rang takin ka luta.

"A sat lutuk loh hi." Kati a, tih daih ve mai awm,ka tih daihsak a.

"Iti dai leh lutuk,inbualna pawh siam thiamlo."
A sawi zawh rual chuan ka lu a hi mup a, ka pai nawk thei. Kut inthlak nan chuan a ho lua a ni.

"Kal rawh,chhuak rawh." Ka lu hai reh hma hma chuan bathroom atang min nam chhuak nawk nawk a. Ka tlu hnawk a.

"Anu." Mampuia alo harh a, alo tap tuar tuar bawksi.

"Mampui kalo kal." Lu hai chung chuan ka pai phei nawk nawk a.

"Tap suh le." Pawmin ka awia.

"Ka kawrhak tur lo la vat rawh." A inbual zo chuan vin fe in arawn ti a.

"Lo inlak mai teh Mampuia."

"Chuanlam siam suh nang ang hmeichia mai maiin ka thute i hnial ve ngam." Mintin leh nghal uaia,thla hi avan muanglo thin tak em.

"Thutthlengah riak ang che,i bula mut ka peihlo." Ka kawr pek lak pah chuan ati a.
Mampuia nen thutthlengah kan mu ta ringawta.

Kut hi vung ber bur khawp ten minthlak chang anei thin. Fate tih fahrah ai chuan tiin ka tuar hram hram a ni. Ka tawngtai nasa thei hle bawk.

"Ka nu sawi kha adik,chawhmeh siam pawh thiamlo. Pasal te tihlawmdan hre bawk silo." Thawh pahin a thutna a chhuih tlu khera,ka phu nasa ngei mai.

Zan reiah rui tawkin arawn haw a,nuisanga lo hmachhawn thin chu har deuh mai asin. A duh loh dana awm in na takin kut min thlak hrep thin bawksi.

Kan kawmchak nu in."St in pa hi vengtha deuh rawh,tunlai chu sawi hat khawpin an awm ania." Tu nen nge tih asawi chu ka hre mah mah.

"An ti ve mai mai anih chu." Kati chhuak thei hram a.

"A nilo, Nguri hi irin ai a nasa zek ang aw. Fimkhur viau rawh."

"Awle." In lamah ka haw a.
He lama kan awm leh atang hian Nguri lo nuthlawi ve leh ta bawk nen ka pasal nen hian khawtlang sawi hat khawpin an inkawp. Ka haider lui hram hram a ni.

"Nu ka ril atam." Bawihtei chuan ati a.

"Awle ka siamsak ang che." Mampuia khawsik alo tap ve chhen bawksi.

"URuat, Mampuia tap khalo thlem teh." Kati a, a phone khawih reng chu dahin a pawm ve maia.

"Mampuia hi ka mutpui dawn ania." Room lamah an inpawm pheia.

Bawihtei chawei kham a leng daih bawka. Thut pahin kan pa phone chu ka khawih a.

Nguri: "In nu chu engtikah chiah nge then itum a? Ka nghak thei tawhlo.

R: " Ani bak baka hne leh nin hi ka neilo ang,lo nghak hram rawh." Ka sa chhuak pup pup,ani hian engtin nge tiang khawp hian min sawi theih zawk.

Nguri: "Zanin chu aw."

R: " Tehreng mai,ani ang hmeichhe zeilo lutuk ai thlawt chuan itha zawk."

Ka na lutuk hi awm ngaihna reng ka hrelo. Pasal ten bialnu min han neihsan zet zawng ana ngawih ngawih. Min sawidan te lah chu a a rapthlak hial zawk.

An inbiakna dang techuan minti tim sung sung thei. Awih awmloh khawp a ni.

Chumi zanah chuan dar2 dawnah alo haw chauh a. Zu rim a nam si,a muhil nghal bawrh bawrh a. Kei erawh ka muhil lo chiang.

"In be lawk teh ang." Dar 4 vela alo harh, a zung zo a mu leh tur chu kalo bia a.

"Eng nge."

"Nguri."

"Ka sawi peihlo." Ati nghal hlura.

"Nupui neilai inih hi,i fate hi ngaihtuahna chhete tal nei veta che." Arawn tho a.

"Ngawi mai mai rawh." Kut minthlak chhak hmel hle a ni.

"Kan fate vang tal pawhin in ngaihtuah tha leh rawh." A mu leh a,kei erawh ka tho tlang ta thung.

Zing khawvar riai ah chuan Paul ka ngaihtuahna ah alo lut leh tawh. Na takin ka kalsan a,ka tuar ta anih hi. Kan nupa kar abuai hian ka ngaizual thin.

Nguri alo lenga,ka tana awm nuamlo khawpin an khawsa,insum har kavan tithin em..

"In lengte lo tumkhum bur kha atul em ni?" Minla tizawk zuia.

"Ka bialpa lo lengse tha takin ilo hmachhawn thei bik dawn em ni?" Kati ve a..

Nguri atan zawk tlat tho a,kanin hnial chho thinrim viau bawk.
Ka ngawiin,kawng engkimah ka dawhrei mawlh mawlh bawk alawm le.

Mutna ah fim takin thil ka ngaihtuaha, hmeichhia pawh hian dawh theih tawp chin kan nei.

"Nguri nge kei leh i fate hi ithlan zawk?" Nizan min sawisakna avangin tawng pawh hi a harsa.

"Nguri chu ka hmeichhe hmangaih a ni." Nat leh dan tur chuang pawh ka nei tawlo. Ka rilru leh taksa thleng hian ati na tawk tawh lutuk a ni

"Atha e,vawin ni hian kanin then ang." A phawk hra mai,he thu ka sawi ngam hi alo ringlo pawh ania nge.

"I ngam tak tak hauhlo ang." Minla nuihsawh zuia.

A rinloh dan takin kumkhuaa let tawhlo turin ka chhuahsan ta a ni.

An inru vat ta renga,tenawm dun lutuk. Mahse an tluang chuanglo.

Thil thalo kan tih na na na chuan thih hnu chu sawiloh,kan damlai ngei pawh hian min vawlet thin.

Paul kalsan lo in,ka hmangaih kha lo ring ngam ni ila chu heng buaina leh natna,hmingchhia nate hi ka pumpelh mahna.

"St Paulan kalo zin dawn ati. Hmu tur che in." Zoan atih chuan ka hnial talo, inneih lai pawn an inkawp ngam tho alawm le.

Min hmu turin alo kal vang vanga,sana mawi tak minlo hawn a. Tun thleng pawh hian chu sana chu kala bun.

"St hmu tura kalo kal che avang hian ithinrim em?" Ka lu ka thinga.

"Ka lawm zawk." A hlim hmel chuan ka natna zawng zawngte ati dam vekin ka hria.

"Kala dahtha vek asin." File ah lehkha kanin thawn ho tekha avai maiin alo la dah tha vek ani chu mawle.

"Paul lung anti leng hle mai." En in,kan chhiar duna. Biangah mittui aluanglo theilo.

Ani nen kanin hmangaihna hi a dai thei tawhlo chu a ni.

A cham chhung chu kanin kawm thin a,kan hlim a ni. Chhungte pawhin mindang tawhlo. A hma daih khan heti hi lo nise tha tur ania sin.

Chu alo zin tum chu Paul ka hmuh tawpna tur ani tih reng ka hre silo.

Ka fate pa2 kanin then khan ka hruai ve ve a. An lian vetawh a,ka nu leh pate kuta dahin phai lamah ka liamsan ta a ni.
Ka nu leh pate hian min dampui reng thei dawn silo a, ka fate tan sum thawhchhuah ka ngai a ni.

"Rinsang fate pawh ngaihsak lo in engtin nge i kalsan theih zawk." Uruata call ka chhang chu ka inchir ngei mai.

"Ilo buai vena tur a awmlo,i nupui ka nih tawh loh hi."

"Naupang engtin nge i kalsan theih?" Minla rawn vin ngam chu ka thinrim tak zet.

"Chu zawhna chu nangmah kha in zawt zawk rawh." Kan inhnial nasa khawp mai,chumi zan chuan.

Reitak kanin biak hnu ah chuan,"Eng nge ka tih theih lo thlir rawh." Ti hmakin phone ka dah hmak a.

Hostel ah ka awm a,tawng thiam loh chu thuhran. Fate ngaih ana ngei mai, ka ngaihtuah lutuk vanga muttheih loh hi ka ngah teh asin.

An tan nasa takin ka tawngtai thin. Tawngtai thil tih theihna lo chu hmachuan tur hi avang teh asin. Ka in nghat thlap.

"St camp ka lut dawna." Paula ani. Kanin be zauh zauh.

"Nun thar nen ilo let ngei ka beisei."

"Vawi leh khata nghei thut hi a har em a ni."
Chumi zan chuan Paul chu ka zilh nasa ngei mai
Camp aluh vangin biak pawh kanin be thei talo.

Ka fate tan hrehawm pawh pawisa lo in phai lamah chuan kan awm veta lawp lawp a,ka fate ka biak chang hian ka tap lo chauh thin. Fate ngaih hi ana em a ni.

"St, Paul ICU ah a awm." Zoan arawn tih chuan ka phu dawrh thei. Ka awih chiah bawk silo.

"Fiamthu thawhna chi pawh va nisuh." Kalo tihmuk a.

"Ka fiamthulo."
Anat dan asawi chho a,mak tiin ka a lo chauh.

"Tinge ahma daih khan min hrilh tawh loh?" Ka khur thei hial,ka aw pawh chu hlauhthawn lutuk vangin a tham tuak.

"A that leh mai kan ringa,ana zual ta thut a ni. Keni pawhin tiang em em chu kan ring pha biklo."
Natna leh hrehawmna te hi ka ta niawm reng anni, kan hlim vedawn chauh emaw tia.

Atuk mai ah Paul thih thu ka hre leh tasi,na tih hian a sawi fiah zolo. Inkawp tura duan kan nilo tak zet ania nge.

"Paul awih har kati, he khawvel damchhunga nang hmu miah tawhlo tura in ngaih leh ngaihtuah natzia hi. Eng ang pawn duh ni ila he khawvel damchhung hian kanin hmu leh tawh ngai dawn silo." Midang hriat loh tur chuan ka tap tlawk tlawk a.

Ka hamhaihin,kala ringhlel ru reng tho. Ka mumang mai nise,harh chhuakin bo vek turin ka duh a ni. A nat dan hi sawifiah ngaihna hlawl a awmlo.

"St itha em?" Nui chuan min zawta.

"Ka tha e." Hna ka thulh thei chuang silo,bialpa hluite thih tak vanga tah chiam chu mak anti dawn lutuk a. Inthup hram angai si. Hrehawm duhtak a ni.

Motor atang chuan ka dak vauh vauh a.
"Paul engtik lai pawhin ka thinlungah hian i awm reng tawh ang nga,ka hriat rengna atangin tumahin an nawt reh thei tawh ngailo ang che. Min kalsan mai hi a fair lo lutuk. Hun hman dun tur tamtak kanla nei asin."

PAUL KA HMANGAIH CHE, KA TIHDIK LOH ZAWNG ZAWNGAH KHAN KHAWNGAIH TAKIN MIN NGAIDAM RAWH AW...

The end.

Website story link ho awlsam zawka in zawn hmuh zung zung theih nan STORY FB group siam a ni e, in lo hmangtangkai theuh dawn nia... Whatsapp group pawh siam a ni e.
Group link : https://www.facebook.com/groups/991354610918230/

AN: Huaisen taka hmalam pana, hlim taka nun hmang zel turin duhsakna ka hlan a che St.
Chhiar tute pawhin hlawkpuina inlo neih ngei ka beisei.

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)