SUDDEN LAW O’THE LARIAT (Completed)

[Ngaia]

SUDDEN LAW O’THE LARIAT.jpg (12.49 KiB) Viewed 28970 times

SUDDEN LAW O’THE LARIAT
CHAPTER-1

www.storyfb.com mizo story thar englai pawhin chhiar tur a awm reng
Website story link ho awlsam zawka in zawn hmuh zung zung theih nan STORY FB group siam a ni e, in lo hmangtangkai theuh dawn nia... Whatsapp group pawh siam a ni e.
Group link : https://www.facebook.com/groups/991354610918230/

Hope an tih khua chu danglamna bik engmah a nei chuang lo. Khaw chhungah chuan kawtthler pakhat chauh a awm a, a sir tuakah chuan in chhe te te a intlar phei thluah a. Chung zingah chuan inchhawng pahnih chiah a awm a, pakhat zawk chu Hotel a ni a, a pakhat erawh chu ‘Come again’ Saloon a ni a, saloon hnunglam chu ‘Dance Hall’ ani nghal a. Chung pahnih baka la sawi tlak deuh leh te chu Bank in te, General Store pahnih te, thirdeng in tel leh saloon dang thenkhat la awm ve te chu an ni tawh mai a. Kawngdung sir tuakah chuan thingphel an phah phei a, chu chu kal veivah nan ber an hmang a. Kawtlai chu tin ruak leh bawlhhlawh chi hrang hrang in a khat a. Khaw hmawr leh lamah chuan lui te tak te a luang a, mahse khua atanga mel khat lekah chuan thlaler zau tak a awm a, lui chuan lui dang va fin tur pawh nei chuang lovin chung lai thlaler ram velah chuan a va thamral ta mai mai a.
Khaw chhungah chuan mihring hmuh tur an vang hle a, saloon pakhat kawt zawnah chuan mi pahnih chauh hi an ding a, pakhat chu saloon neitu, Benta an tih chu ani a. Benta chu pa tawi te, thau tak leh hlim thei tak hi a ni a. A bula ding erawh chu mikhual ani a. Benta chuan mikhual chu tunge a nih hriat a chak hle a, mahse chung lai ram velah chuan thil hriat chak lutuk chu a hrisel lo fo tih a hriat ve tlat avangin engmah chu a sawi chhuak duh bik chiah lova.
Mikhual zawk chu pa sang tak, dar pharh hlai tak mai, kawng fek tha zet hi a ni a, a hmel landan atang chuan kum 25 leh 30 inkar vel niawm takin a lang. Mit dumpawl ram mai, hrisel hmel hliah hliah hi a ni bawk a. A hmui hmai vel atang chuan fiamthu duh tak niawm hian a lang a. Cowboy inchei dan pangai maiin a inchei ve a, amaherawh chu a enkawl ngun hle thung a. Puakruk pahnih a pai bawk a, chungte pawh chu a thuamhnaw dangte ang bawk chuan a enkawl ngun hle a ni tih chu hai rual a ni lova. A puakruk te chu a then a then loh nan a bawm chu a malpuiah a tawn bet tlat bawk a, sakawr chu Benta saloon hnung lamah chuan a thlung na a, a sakawr atang ngawt chuan tunge a nih Benta chuan hriat ngaihna a nei chuang lo, sakawrah chuan chhinchhiahna engmah a inchhu tlat lova.
Benta chuan mikhual chu tu tak ni ang maw ti chungin a en reng a. An khua Hope ah chuan engvanga lokal nge a nih ang tihte a ngaihtuah neuh neuh a. Chutih lai chuan puakruk ri ang maia ri fiak thuai hi an hri a, ui beleuh ri an hre leh a, tah chuan mihring inhrosa ri an hre zui ta zel a.
Come Again saloon kawngkhar chu a rawn inhawng a, ui pakhat hi a lo leng chhuak lawp mai. A nghawngah chuan hrui a inthlung a, hrui hmawr lehlam chu vuan chungin cowboy pakhat hian ui chu a rawn zui chhuak a, a kut lehlamah hruihrual a rawn lek chhuak bawk a. Ui chu rang takin a lo tho thuai a, tlanchhiat a han tum a, mahse chu pa chuan hruia pawt chungin a um zui a, chuti chung chuan a vaw zui reng bawk a.
Ui chu hruihruala vuak pahin, “Min seh te i han tumna vei chu le! Vun ral raih turin ka han vaw law law teh ang che”. tih pahin a han hlap leh nghek mai a. Ui na tuar beleuh ri leh a sawisatupa nui ri chu a ring kher mai a. hruihruala in vuak chu Puakruak ri a an em avangin engtizia nge ni ta tia thil awmzia hriat chakin tukverh leh kawngkhar atang chuan thlirtu an lo tam sawt hle a. Thenkhatte phei chu pawnah an lo chhuak ve a, mahse silaimu leng lak tawn palh hlauvin an fimkhur hle hlawm a, silaimu chuan tumah zah leh pawisak bik a nei tlat si lova. Thil awmdan chu an hmuh chian veleh thenkhatte chuan “Mad Martina a che leh ta pek a ni maw?” an tihsan thei mai a.
Lo entu zinga pakhat pehi chuan “Vaw hlum la, hnuk hrep rawh,” a lo ti ve a. Ani chuan “hremhmun thleng zawkin ka hnuk law law dawn a ni,” a lo ti a. Ui chu a lam hawi zsawngin a han pawt kir leh a, Benta saloon bulah chuan vuak leh mai tumin a hruihrual chu a han lek a. Mahse a vuak hmain, “I hruihrual kha dah rawh,” tih thupek chu a hre ta mai a.
Martina thu rawn petu, Benta saloon kawta mikhual lo ding chu a lo kal hnai a, Martina kiang hnaiah chuan a va ding a. Martina chuan mak ti awm deuh maiin mikhual chu a lo en reng a. A hnenah chuan,”Hremhmunah kal ringawt rawh a lo ti a. Mikhual chuan engmah dang vak pawh sawi leh chuang lovin,”Paih thuai rawh, zawnga,” a han ti leh a. Hruihrual chu a paih thuai loh chuan insual a ngai ngei dawn tih Martina chuan a hria a, hruihrual chu paih thlak pahin a puakruk a chuh ta thut mai a.
Puakruk kawm atanga puakruk a phawi chhuah hma chuan mikhual chu chet pawh a che ve duh hauh lova, mahse Martina’n puakruk a phawi chhuah rual chiah chuan mikhual kawngbawr dinglam atang chuan a lo puak chhuak nghal thuai mai a, Martina chu a leng dawr a, ui nghawng a hlinna hrui leh a hruihrual ken lai chu a thlauh a, kawt laiah chuan a tlu ta a. Mikhual chuan “Ui kha nangma ta em ni?’ tiin Martina chu a han zawt a. Martina chuan, “Ni ang chu, engvanga lo inrawlh ve ngawt nge maw i nih reng reng chu le?” thinrim meng sen teuh chung hian a han ti a. Mikhual chuan,”I ui kha lei sak che ka tum a, chu chu ka lo inrawlh ve na chhan chu a ni mai” a han ti a. A ipte atang chuan pawisa a phawrh a, Martina bula paih thlak pahin,”Kha i ui man aiin a let nga a tam zawk, nangma man ai phei chuan a leh sawmnga a tam zawk tur a nih kha” hmusit deuh mai chuan a han ti zui a.

Martina chuan “Heti mai hian tawp ngawt turah chuan ngai suh ang che. Kan la intawng leh ang” a han ti a. Mikhual chuan “Kalbo thuai la, i tan a tha zawk hlein ka ring” a han ti leh a. Martina chu a lo tho chhuak a, a kut zungtang ding lama puakruk kahna pem chu hup chungin kawtthlerah chuan a kal phei ta a. Mikhual chuan rei vak lo a en zui hnuin a han faifuk a, ui lo dinna lam chu a pan phei ta a. Ui chu la naupang tak,’Lak hran rual vel’ an tih ang lek hi a la ni a. Amah chhantu chu hre ve ni awm takin mikhual chu a rawn pan hnai ve ta mai a. Mikhual chuan a lu ah a lo chul sak a,”Thiana, sawisak i tuar zing hle niin a lang a, i nakruk lo lan chian dan atang pawh khan chaw mumal taka i ei lohna rei hle tawh awmin a lang bawk a, i ei tur ngaihtuah a tul hmasa ber dawn a nih kha a lo ti a.
Chutih lai chuan “Dawihzep pa,” tih ri a han hre ta mai a. A rawn titu aw chu ngaihnobei thei tak tur hi chu a ni ngei mai a, mahse chumi tum chuan ngaihno a bei teh chiam lo. Mikhual chu a han hawi vel a, amah rawn betu chu hmeichhia a ni tih a hre sa tawh na a, mahse chuti taka hmeltha a ni ang tih ngaihna phei chu a hre chiah lem lo. Nula vantlang tak, pian mawi deuh mai, sakawr chuanna tura siam, pawnfen chhing tak feng hi a ni a. Pheikhawk rawng sang a bun a, a nghawngah chuan rawmawl a suih a, lukhum a khum bawk a, lukhum khuh phak lohva a sam lo lang chhuak chu a buang thang mai a, mikhual hnenah chuan “I kap hlum thelh a nih kha” a han ti leh a.
Mikhual chuan lukhum chu rang deuh maiin a han phawk thuai a, nui deuh sak chung hian,”I ti dik khawp mai, duh ila chuan kah pawh ka kap hlum thei ngei ang. Mahse ka kap thawi hlek chauh a nih kha, kar hnih khat hnu lekah ngai a awh leh mai ang. Ka pi, ui i ngaina vak lo a ni maw? a han ti ve a. Chu nu chuan, “I ring sual a nih chu. Ui chu ka duh ve em em a, mahse ui ai ngawt chuan mihring nunna chu ka ngaihlu zawk ani,” a han ti deuh hmak a. Chutih laia mikhualpa mitmeng chu hmuhnawm tak a ni. Nula hnenah chuan “I ti dik ngawt mai, kapi. Ui leh mihring nunna chu a inang lo tawp a ni,” a han ti a.
Nula chuan, heh pet ran chungin,”Khapa kha puakruk phawi lo thei lovin i cho lui a, i phawi khalh thei dawn tih pawh i hre sa reng a,” a han ti leh a. Mikhual chuan “Amah kha ka hriat mi pawh a ni lova, eng anga rang nge a nih pawh ka hre bawk lova, chu lo rengah puakruk a phawi hmasa leh nghal” a han ti ve a. Nula chuan “”Chance” ka pe ve tih ve chu tualthaha eizawng thinte chhuanlam tha ber a ni lawm ni? Nang pawh hi tualthaha eizawng thin i nih hmel a. I mihring thah zat pakhata han tih pun leh chu i thil chak ber a nih hial pawh ka ring. puakruak i kah dawn pawh khan nui chungin a nih kha i hmeh puah ani a han ti leh a.

Mikhual chuan a puakruk pahnih chu rang deuh maiin a han phawi chhuak leh a, a ke bula ui note lo bawk reng chu a han entir a, a hnenah chuan,”Han hmeh puah hi chu nuam ka ti khawp mai mawle. Mahse thil theihnghilh kan lo la nei a nih chu-puakruk kawm zairekna chang ka lo hre lo a ni,” nui chung hian a han ti a, (Cowboy sual, tualthah hmangte chuan an mi thah zat chhinchhiah nan an puakruk kawm chu mi an kah hlum a piangin an zai khuar hlek zel a, chutiang chu “Notch? an ti mai thin) Nula chuan, “I va han tenawm ber mai em! tih pahin dawr chhungah a luh san ta a. Mikhual chuan a lukhum chu a han khum leh te te a, ui berng chu zawite a han pawh pahin, “Thiana, kan tlatlum lo hle mai maw? Min ngaina lo hle na a, mit chu a ti hahdam teh e- Han nui leh lek phei se chu....” a han ti a. Mahse a sawi zawh hmain sakawr chungchuang pali hi kawtthlerah chuan chak deuh maiin an lo tlan phei a, saloon kawtah chuan an sakawr chu an han pawt ding a, an hotupa niawm, sam duh deuh, hnar kul run mai chu thinrim awm fe hian a lang a. “nang hi em ni, ka hote zinga pakhat lo kap hliamthu chu?” a rawn ti a.
Mikhual chu a han ding mar a, amah rawn betu chu en reng chungin a hnenah chuan, “Min bia elaw?” a han ti phawt a, tah chuan “Nichin lawk khan rannung hman tlak loh lutuk, ke pahnih nei chi chu ka lo kap hliam ngei mai a, kha kha i hote zinga mi a lo nih ve phawt zawngin mi tha i thlang thiam lo hle a ni ang,:” a han ti a. Hnarkula chuan, “A neitu chuan a ui chu a duh duhin a sawisa ang chu- lo inrawlh ve turin eng thuneihna nge maw i lo neih ve hrep chu le?” a han ti leh a. Mikhual chuan, “Thuneihna chu ding lam leh vei lama hi ka pai reng alawm,” tih pahin a puakruk bulah a kut khinghnih chu a han thlak thla nghal a.
Hnarkula chuan deusawh awm deuh maiin E heu! Huaisen chi bawk maw? Heng laiah hian tih tur enge i neih? a han ti leh a. Mikhual chuan, “Ka tih tur maw?” muangchanghian a han ti phawt a, tah chuan, “Sheriff nge maw i nih a, eng hna thawk chiah nge i nih chu le?” a han ti let ve a. a thu han sawi dan atang ngawt pawhin a lungawi lo hle a ni tih a lang tawh a, Hnarkula chuan “Sheriff chu ka ni lova, mahse.....” a han ti hman chauh a, mikhual chuan “I thu thin i kaihruai thei tho a ni maw?” chu zawng sheriff i ni ve ngawt a nih chu a han ti zet a, tah chuan aw danglam deuh maiin i hnunga mi khan a kut kha a dah fimkhur deuh loh chuan ho pakhatin i neih tlem phah ngei ang a han ti ta a.
Hnarkula chuan “Penton, lo inrawlh ve suh,” tiin a hnung lama mi chu a han hau zet a. Mikhual hnenah thung chuan Eng ti tura lokal nge i nih ka zawt a che a, i thil tih dan hi ka ning tan tawh hle ani tiin a han vau ta a, chuti a ni maw? tih pahin mikhual chuan rang lutukin a puakruk pahnih chu a phawi chhuak nghal a. Hnarkul leh a hote chu tin reng chungin,”Second khat chhung lekin in pali khan ka kap hlum thei vek che u tih hria la, meikhupin tlanchhe nghal ula a ni mai- keipawh i thil tih dan hi ka ning ve tawh hle a ni a ti ve ta a.
Mikhual pa hmel chu danglam ta vek hian a hriat a, a mitmeng te pawh chu a danglam vek tawh a, a la nui deuh reng na a, lungawi vanga nui erawh chu a ni tawh lo, ui thinrim, ngho langa han then hi lungawi vanga nui a ni e te kan ti zel dawn a nih nghal loh chuan, a thusawi chu a ti tak tak a ni tih an hriat tak avang leh an tan kawng dang a awm tawh loh avangin Hnarkula leh a hote chuan sakawr chu an pawt her a, kawtthler leh lamah chuan an kal ta nghal a. Hnarkula chu a kal hnuhnung ber a, a liam dawn tep chuan a lo lehhawi a, mikhual hnenah chuan tunah hi chuan chan th i chang a, mahse hun dang a la awm ang, a ahan ti a, Mikhual chuan chu chu alawm ka duhthusam a lo tihsan mai a.
Hnarkula leh a hote chu Come Again saloon ah chuan an lut ta dial a. An luh hnu chuan a bula lo ding bent a chu mikhual chuan a han en a, a hnenah chuan Engtizia nge, rilru hreawmna enge maw tak i nei em ni? tiin a han zawt a. Benta chuan I buai thui hle dawn a nih kha. Tuna mi kha tunge a nih i hria em? Black Barta a nih kha. A thu hnial ngam pakhat mah he khuaah hian an awm hleinem,” a han ti a.
Mikhual chuan “Chuti a lo ni maw? mak pawh min tih viau dawn chu,” a han ti zet a, tah chuan nui chungin,”Lawm hmel zawng a put vak loh tak kha mawle,” a han ti zui leh a. Bent chuan “Nuihzata lak chi a nilo. A hote nena an lo thawh leh vaih chuan an rawn kap hlum ngei ang che mawle,” a han ti leh a. Mikhual chuan,”Chuti te a nihh dawn chuan thlanmual lian tawk leh Damdawiin tha tawk he khuaah hian a awm em ang chu maw, kan mamawh ve ve dawn tlata,” a han ti a.
Benta chuan”Engemaw zat chu lo kap hlum ve ta pawh nila, an kah hlum ve tho si che chuan i tan thatna enge awm chuang? Sawmhnih rual chu nangmah chauh chuan i kap hlum vek thei awm chuang si lova. Barta hi ka ngainat vang ni hauh lovin ka salooon ah hi chuan in bei lo hram ula ka ti ngawt mai a han ti leh a.

Mikhual chuan,”I thil min hrilh chu ka lawm ngawt mai.tunah hi chuan ka kalbo rih dawn a,” a han ti a. Saloon hnung lama a sakawr thlun chu a va kai chhuak a, a chetla chu enthla tu an awm reng tih hriain muangchangin a insiam a, khua atang chuan a chhuak leh ta a. Ui note, Quirt tia hming a vuah tak chu a hmaah chuan a tlan zel a, a khat tawkin a rawn lehhawi a a hlim ve hle hian a lang a. A pu chuan “Lawm nachang hre ve pawh i an viau hi mawle. Mahse lo lawm lutuk mai teh suh khai, buai kan tan dawn chauh ni te pawhin a lan hi tiin a nui chu a han be luam a.
An liam tur chu Saloon neitu, Bent-a chuan a thlir zui reng a, tah chuan, inchhungah a lut leh a, inchhunga lo awmte hnenah chuan,”Gentlement, lo ngawi lawk teh u khai, keimah ngeiin thu ka han sawi teh ang. vawinah he khuaah hian mipa a lo zin a ni,” a han ti a.

Le hei SUDDEN LAW O'THE LARIAT chu ka lo ti chhuak leh dawn ta e, min lo chhiar sak leh vek dawn nia.
Nikhat ah Epesiod khat zel ka post tawh dawn a, he tia story kan post a min lo comment sak leh min lo like sak te hian min ti phur a in comment dan zir in kan post zel ang, in feedback hian chak na min pe thar leh thin ani.
min lo comment sak zel ula post poh phur awm deuh.
a tawp ber tan chuan Advertisement hi min lo click sak hram hram ula, in lo click avang chauh a lo post thei kan ni a, kan top up man te alo tum ve a ni, chhiar tui ule

[Ngaia]

Lazy M Ranch neitu, Phillip Masters chu Ranch bathlarah chuan a thu a, Hope panna kawng dung chu a thlir a thlir a. Amah chu pa tawi, sa tha tak hi a ni a, kum sawmnga vel a ni tawh bawk a. A sam te pawh chu a tuak var phauh phauh tawh a, ngaihtuah lungkham engemaw tak nei ni awm hian a lang tlat a, Pa hlim thei leh fiamthu duh tak lo ni thin mahse, tun hnai kum hnih vel atang kha chuan a hlim hmel hmuh tur a awm tawh mang lo. Chung lai ram velah chuan hausa bera an ngaih a nih avangin hlim lohna chhan han nei ve awm lo tak hi a ni a, mahse a hlim thei tlat si lo a ni.
Rei fe kawng dung lam chu a thlir hnuin ral khat la hla feah dum nel nel hi a va hmu ta a. Minute sawm leh panga hnuah chu thil dum chu sakawr chung chuang a ni tih a va hre thei ta a, sakawr bulah chuan engemaw tlan niawm tak hi a va hmu tel bawk a. “Amah ngei chu a nih dawn saw maw- Mahse enge a um saw- Sihal em maw ni dawl le?” a ti rilru neuh neuh a. Ranch in thlen dawn tepin kawng chu a kual chho deuh a, chuti laia sakawr chung chuang kal lai chu Ranch nei tupa chuan a va hmu thei lova. Tichuan nghakhlel takin bathlarah chuan a lo vei a lo vei hman tawh a. Reilote hnuah sakawr chung chuang chu a lo lang leh a. Ranch in atanga hla fe ah chuan sakawr atangin a chhuk a, ranch neitu chu chibai buk nan kutin a rawn zap a. Ani chuan,”I dam em, Severn, lokal thuai thuai teh khai,” a lo ti luam a.
Ranch in chu a lo thlen veleh inchhungah a neitu chuan a hruai lut nghal a, inchhung chu a pawna en aiin a lo ropui hle mai a. Dawhkan leh thutthleng te chu uluk taka siam vek an ni hlawm a. Piono te pawh a awm bawk a. Chu lo pawh thildang hlu fe fe hmuh tur a tam a. Chung thilte chu an awmna Ranch a rawn la tur chuan thil harsa tak ani.

An awmna atanga Rel Station hnai ber chu Mel sawmli zet a ni a. Lo thleng thar chuan inchhunga thil awmte chu a han en kual vel a, muangchangin mei a han tan kai a. Mastersa Ranch neitu chuan engmah dang pawh sawi hmasa set set lovin, ‘Tunhma kar hnihah tawh khan ka Foreman Stevensa chu min an lo kap hlum a, amah tel lovin a sakawr chauh inah a lo hawng a, ka hote zawng turin ka tir chhuak nghal thuai a, Pinacles an tih, hmun ruam laiah khan a ruang chu an va hmu a, a hnunglam atanga kah hlum a lo ni leh nghal a. Fel tak leh tawng tam lo zet a ni a, hmelma a neih pawh ka hre lo reng reng a, ka tan a rinawm em em bawk a, A aiawh tua han tan chu a hlim thlak vak lo maithei a ni. Thil awmdan chu i hre chiang ang chu maw? a han ti a.
Severna chuan Hre chiang e, ngaihsak mang awm lo tak hian a lo ti ve mai a. Mastera chuan thil tha lo tak engemaw vangin kum tam fe chhung chu mi pakhat thu hnuaiah ka lo kun tawh a. Ka neih tlin bak thlengin min dil apiangin pawisa pawh ka pe zel a, pawisa pek tur ka neih loh hnu pawhin ka rualte ka pe ta zel a, ka Ranch ngei pawh hi min neih sak a rilruk tih ka hre chiang bawk si a. Chuvangin amah chu hneh theih dan kawng khat chauh a awmin ka hria a, mahse chu kawng chu zawh tur chuan ka Ranch lo enkawltu tur mi rinawm tawk ka mamawh tlat si a. Chuvangin nang hi ka ko ta mai che ani. Enge i ngaihdan le? a han ti a.
Severna chuan chu pa chu tunge a nih? a lo ti thuai a, Mastersa chuan Mesa tlang bula Bar B Ranch neitu, Bartholomew saw a ni a ti ta a. Severna chuan i duh ang chuan ka ti ang e a ti ta a, Mastersa chu thawveng ta sawt niawm tak hian a han thaw huai a, pa tha tak a nih avangin Severna hnenah chuan I thil tih tur hi harsa tak leh hlauhawm tak ani tih hi i hriat chian hle ka duh a, chuvangin i duh phawt chuan han inngaihtuah leh rih mah la, pawi ka ti hauh lo ania. Heng lai velah hi chuan Black Bart-a (Bartholomewa) hi thil ti thei lutuk a ni a, mite pawhin Pathian tluk thaw thangin an hlau bawk a. A duh loh zawnga awm tawh chu rei pawh an dam ngailo, kei pawh hi chhawrna min la neih vang chauha dam ka la ni. tiin Severna hna thawh tur hlauhawm zia te chu a han sawi fiah leh te te a.

Severna thung chuan, “Ka hrethiam vek a lawm Amaherawhchu, thil hriat tur pawimawh tak pakhat i la nei Judge Emblya khan i hnenah khan ka hming chu Jim Severna niawm takin a rawn sawi a, mahse mi tak tak chuan Sudden tiin min ko bawk thin a, Suddena hming chu i lo hre ve tawh thin emaw? a han ti a.
Mastersa chu a phu deuh zawk a, Severna chu makti tak mai chuan a han en a, Suddena hming chu la hre ngailo tunge awm ang? Severna hi a lo ni dawn maw-Outlaw hlauhawm lutuk a puakruk phawi ran leh kah thiam vanga misual tawng taw raw ber berte pawhin an lo hlauh thin chu? A hmel han en ngawt chuan hlim thei tak, nelawm zet niawm hian a lang si a. Mahse a mitmeng chu chik taka han en chuan mi naran mitmeng a ang hauh lo tih chu hai rual ani lova. Mastersa chuan rei pawh ngaihtuah zui duh lovin, “Ti rawh, chibai i han inbuk teh ang, Jim- Jim ti ngawt chuan ko che ila a tha zawk ang em/” a han ti leh rih a.
Severna chu a lu a lo thing nghat a. Masters bawk chuan tunah chuan ka vannei ve tan dawn ta a ni ang. Kan ram zawng zawng hi zawng chhuak vek mah ila, nang tluka tha hi chu khawiah mah ka hmu dawn hauh lova taka YZ Ranch atanga lo kal i ni ang maw, engatinge he thilah hian i lo tel ve reng reng chu le? a han ti a.
Severna chuan nui chung hian, “Lokal hi duhna chhan ka nei ve tho a, Judge Emblya hi ka thian hlui a ni bawk a. Tunah phei hi chuan chung lo pawh chu duhna chhan dang ka nei leh tawh bawk a. a han ti zet a, tichuan Hope khaw kawtthlera Bartholomewa leh a hote nen an inhmuh thute chu a sawi zawm ta zel a. Mahse nula a hmuh thu kha erawh chu a sawi tel duh lem lova.
Mastersa chu za fe hian a han nui a, Severna hnenah chuan Hope khua mi zawng zawng hmuh laiin Black Barta leh a hote chu nangmah hlauvin an tlanchhe ta a maw? Hmuh ve ka va han chak em! A chunga thil lo thlengah chuan chu chu tawrh hrehawm a tih ber a la ni hial ang. Chuvangin a theihnghilh mai hauh lovang. Martina pawh chu rul tur nei chi ang maia hlauhawm a ni a, chuvangin i tan fimkhur hle a tul ang a han ti a.
Serverna chuan Fimkhur chu ka tum a lawm. A nih leh i hote hi rin ngam tur an ni hlawm em? a han ti ve thung a. Mastersa chuan lu thin pahin, Ka hre lo. chu chu nangmah ngeiin i zawn chhuah a ngai ang. Stevensa kha chuan a thente hi chu rinawm niin a ngai a. mahse a tu ate hi nge a sawi ta chuang si lova. Tam tak te hi chu Bartholomewa rawn tirh te an ni a, ka lo ruai lo thei si lova. Tunah chuan i duh duha i tih atan engkim i kutah ka dah dawn ani a han ti a.
Severna chuan Bartholomewa chuan i bawng a la thin tih thu kha i sawi a, a ruk sak thin che em ni? tiin a han zawt leh a. Mastersa chuan ru kher lovin bawng 50 emaw 100 emaw ka mamawh e a rawn ti ringawt a, ka lo pe lo ngam thin si lova.Ka sawi tawh ang khan hnial ngam lohna chhan tha tak ka nei tlat ani, tunah rih chuan. Tunah i lo kal theih avang hian ka lawm takzet a ni. Kei leh Phili hi min pui thei ngei dawn nia rinna nghet tak ka nei tlat a ni. a han ti leh a. Severna chuan Phil maw? Fapa i nei tih ka lo hre hleinem a han tih chuan “Ka nei lo reng ani. Fapa ka awt em em thin a, mahse fanu kan nei ta hlauh si a, chuvangin a hmingah Philipina tiin kan vuah ta ngawt mai ani.
Mastersa chuan alo ti thuaia. Chutih lai chuan pawn la tanga “Inchhungah tunge awm chu le?” tih ri chu an hre ta a. Mastersa chuan chu chu Phil anih chu, a lo ti a. An pahnih chuan batthlarah an chhuak phei a, Phili chuan a pa chu a rawn kuah chuk chuk a, tah chuan Severna chu a han hmu chiang ve ta chauh a. Mastersa chuan Phil hei hi Jim Severna Stevens a aiawhtu tur chu anih hi a fanu hnenah chuan a lo ti a.
Chibai pawh buk chuang lo leh aw nelawm teh chiam lo hian Mister Severna nen hian kan inhmu tawh a ti chauh a, Mastersa chuan mak a ti hle mai a, mahse Severna chuan Ui ka lei dawn lai hian Miss Phil nen hian kan inhmu a, ka hrilh tawh che ang khan Ui neitu nen chuan tlemin kan inhnial deuh nghe nghe a tiin a lo hrilhfiah ta thuai a. Thu a han sawi lai vel chuan Severna chu thutak awm hlein a lang a, mahse nuihzat ne nei ni tlat hian a hriat bawk si a. Chu chu Philli’n a hmuh chuan a lawm lo leh zual a, amah chu a nuihzat ni deuh tlat hian a hria a.
Mastersa erawh chuan ui chu en reng chungin Ui chanchin hi chu ka hre lo hle a, mahse i ui hi a hlutna bik teh chiam tur ka hmu lo hle a, ui naran ve mai bawk niin ka hria a lo ti a, Severna chuan Ni chiah e, Ui naran mai a nih vang chauhin ka duhna a zual ani. Ui tha chi te anih a a chapo viau mai chuan a buaithlak dawn a, Cowboy naran mai mai ti niawm taka a hnar min len khum mai zawng in ka ngaithei lo hle mai dawn si a, tih pahin a han nui a, Mastersa pawh chu a lo nui ve bawk a. mahse phili chu a ngawi tlat a, Severana chuan a mah chu a sawisel pah nan a hmang ni deuh tlat hian a hria a, a lawm vak lova.
Chutia an inkawm lai chuan Ranch Cowboy ho sakawr thawm chu an hre ta a, Ranch kawt an lo thlen chuan Severna leh mastersa te chu pawnah an lo chhuak a. Cowboy ho hnenah chuan Boys hei hi Jim Severna a ni a, Stevensa aiawhtu tur anih hi, tun atang chuan engkim a thu thuin a ti tawh ang Mastersa chuan a han ti a.
Cowboy thenkhat te chuan dan pangaiin “Howdy” an lo ti a, a thente chuan lu an bu nghat chauh a, thenkhatte erawh chuan Severna chu ngawi rengin an lo en ve thung a, Chung mite chuan Severna chu an lawm vek lo ni hian a lang a. Severna pawh chu a ngawi reng a.

Mastersa chuan “Jim, sawti laia a fal deuh bika sak saw i chenna tur ani a, kan lo siam fel vek tawh a, mamawh i neih chuan chaw chhum hnenah sawi zel ang che,” a han ti a. inchhungah a luh san ta a. Severna chuan sakawr chu huangah a va thlunga a zin leh a ma thawmhnaw dangte chu a chenna turah chuan a pu lut a, Inchhungah chuan a lut a, pindan pakhat chauh hi a lo ni a, pindan hnunglam leh hma lamah chuan tukverh pakhat ve ve a awm a. Severna chu a han inthlak fai te te a, tichuan chaw ei pindan lam panin a kal chhuak leh ta nghal a, Inchhung a va luh dawn tep chuan “Ui hi ka hlau bawk a, ka ngaina lo teh a sin aw,” an chaw chhum John chuan a lo tih lai Severna chuan a va hre hman a.
Severna chu a luh veleh inchhunga lo awmte chu an ngawi ta thap a, Severna chuan Negro chaw chhum Johna hnenah chuan ‘Tih dan ka hria, Ui hi sa tlem han pe ve la tichuan dam chhungin i thian a lo ni mai ang, Ui hi zawng mihring an ang ve lo- i tih that phawt chuan engtikah mah an theihnghilh ve tawh ngai lova ni” a han ti a, chu veleh Johna chu a tho thuaia ui chu eitur a rawn pe ta a, Midangte pawh chuan chaw an ei tan ve ta a.
Severna chuan a bula thute chu ngawi rengin a han en kual vel a, an vai chuan sawm an ni a, kum inang lo tak tak te an ni hlawm a, an vai chuan hnathawk thei awm tak hmel an pu hlawm a, an zinga pakhat Bull Devinta an tih chu severna chuan a en fal ta bik deuh a.
Bull Devinta chu sang teh chiam lo, sa tha tak , kum sawmli vel niawm tak hi a ni a, Khabe hmul chu sei fe hian a zuah a, mitmeng zim tak leh lungawi awm lo taka nur deuh nang reng mai hi a ni a. Bull tih a hming bula an telhna chhan pawh chu “Bully” tihna ni ngeiin Severna chuan a ring a a hmel a tang pawh chuan a nih hmel reng bawk a. (Bully - sawisel tur zawng reng mai, ngam zawngte tiduhdah ching ngeih nei lo tihna ani ber ang)
Bull Devinta chuan a coffee in lai chu hmui ner deuh nung chung hian a han lek sang a, “Hei Mihang bawlhhlawh inhlawmkhawmpa, hei hi enge ni?” tiin an Negro chawchhum Johna chu a va zawt a, Severna chuan a coffee chu a han tem hlek a, tah chuan nui chung hian ‘Coffee tui tawk tak ni ve maiin ka hria,” alo ti a.
Devinta chuan ‘Niin i hria maw?’ tih leh eng ang coffee nge i lo in thin kan hre ve lo va le ! Stevensa kha chu la awm na se zawng a duh hlek lovang mawle - thil tha a hria a, a fel bawk si a, amah tluka Foreman tha kha chu hmu leh lawk lawk tawhin ka ring lo” a han ti a.
A huatthu sawi a tum tih Severna chuan a hre reng a, mahse a chhan hmain Linley chuan Steven kha chu pa tha tak zawng a ni ngei mai, mahse a tha tih i va han hre tlai lu deuh ve mawle? A ruang an rawn thlen lai pawh khan mittui i seng ve tih reng ka lo hre lova, ui awma i lan pawh ka lo hmu bawk lo che a, a lo ti a, An inhnial thui zel a hlauh avangin Severna chuan Masters khan Stevensa a thih dan chu mak viau awm khan a sawi a, a lo ti daih a.
An zinga pa ria thel thawl, Bailey a an tih a chang chuan Bones tia an koh thin chuan ‘Thil mak engmah a awm lo, White Masks ho tih hlum a nih ngei ka ring,’ a lo ti thuai a, chu pa chu Bones tia an kohna chhan tak pawh ruh chauh lo chu thil dang neih a nei teh chiam loh vang ani
Bull Devinta chuan chu thu chu i sawi fo zawngin a mah Stevensa ngei kha til awm dan zawt thei tur dinhmunah i la ding ve thuai ang a lo ti a, Severna chuan ‘White Masks’ ho chu tute nge an nih chu le? An hming pawh chu ka lo la hre ve ngai hauh lo a?” a han ti leh a, Devinta chuan kan puin a lo hrilh lo che chu a mak hle a, awmze nei deuh tak hian a lo ti leh talh a, mahse Bailey chuan Rukru rual an ni a, ram tinah Pinnacles velah bihrukna hmun - The Caverna an tih chu nei ni awmin an sawi a. Hope khua a mi pakhat chuan an bihrukna hmun chu hria niawmin a insawi a, Sheriff hnenah ka hruai ang che a ti a, Mahse Sheriff chuan a lo awih duh lova, ‘Lo va kal rih la, i harh chhuak leh mai ang’ a lo tih sak mai si a, chupa chu a mu bo ta ngei a “Thlanmualah” a han ti a.
Severna chuan “A nih leh Steven a chu engtia boral nge nia in rin?” a han ti leh a, Bailey bawk chuan “Rukru ho tawmkhawmna bul hnai deuhah a lo va kal palh pawh a ni mai thei a, White Masks ho chu hlauhawm tan an ni a, Black Berta (Bartholomew) ngei pawh hian a hlau ve bawkin ka ring a ni a lo ti a.
Bull Devinta thung chuan Barta zawngin a hlau ve hauh lovang, Hun remchang a neih hunah a la man vek mai ang a lo ti a, Pa upa lam deuh Rayton chuan “Manna tur hun chu ngah tawk hle tawhin ka hria, Hatchet Folly gang ho phin darhtu, Sudden-a an tih kha lo kal na se zawng White Masks ho hian an chak lo ve hle tur a” a lo ti ve a. Linlaya pawh chuan “Sudden-a chu a phawi rang hle niawmin an sawi a” a lo ti ve bawk a.
Rayton-a chuan “A rang e - iti em ni. Kawlphe hi a rang e’ ti ngawt lovin sawi fian dan dang i hre nange? a lo ti leh a. Bull Devinta thung chuan “A ran tehchiam ka ring ta lo, ka hriat dan a dik chuan nupui a nei tawh a ni awm e, nupui nei tawh tan puakruak a phawi hi a ran theih teh chiam loh ania” a lo ti a. Pakhat ve leh chuan, “A enga pawh chu nise, kawng zim deuhah tawh palh dawn hlauh chuan kawng thlangah ka pen san vat mai ang” a lo ti ve leh a.
Severna chuan a ma chanchin an sawi lai chu ngawi rengin a lo ngaithla a, nupui a neih vanga a phawi muan tak leh muan tak loh chu amah ngei pawh chuan alo hre chiah bik lo. Mahse kan la hre thuai dawn e.
Chaw eikhamah Severna chu a pindan lam panin a kal chhuak ta a. Zan mut hnu rei fe thlengin chhuna thil lo awm zawng zawngte chu a ngaihtuah let nauh nauh a. Mastersa chuan puih a ngai tih chu a hre chiang thaw a, engvanga puih ngai nge a nih chu a la hre chiang thei rih lo, Judge Embly-a’n va pui tura amah a rawn sawm khan kal duhna chhan dang a lo nei ve sa reng a ni.

LO CLICK LEH VEK RU AW

[Ngaia]

CHAPTER-3
A tuk zing chaw eikham veleh cowboy ho chu sakawr huang bulah chuan ‘Enge thawh tur’ tih ngaichang turin an lo kal khawm a. Bull Devinta leh mi pakhat Darby an tih leh Mexican pakhat Ignocio an tih te chu a falin an lo ding a, thil fel lo awm nia a rin avangin Severn a chuan mite pathum chu a va pan a. Devinta hnenah chuan “Stevens-a thih atang khan Strowbose ah i lo tang thin a ni maw?” tiin a va zawt a. Ani chuan a lu a lo bu nghut a. Severn a chuan I hna chu i chhunzawm zel thei ang a han ti leh a.
Severn an chutia a rawn tih avang chuan a mah Devinta chu hlauhtlawn nia ngaiin a awm a sang phek a, “I hna hi kan zinga tu ber emaw hian chang tur kan nia, kan pu thiltih dan hi a fel lo hle ani,” a ti a. Cowboy dangte chuan ngawi rengin an lo thlir thap a, Severn-a pawh chuan Devinta thil tum chu a hre thei nghal a. In tih buai chu hreh hle mahse hotu tlak a nih leh nih loh Cowboy ho han hriattir chu thil tul tak niin a hre tlat bawk si a. Tichuan Devinta chu en reng chungin,”I thu sawiah chuan enge ka lo tel vena tur awm?” mastersa hnenah chuan Foreman tura i mi rawih hi rawih loh zawk tur a ni e tia va hrilh turin min beisei em ni? a han ti a. Cowboy ho chu an lo nui ta a.
Devinta chuan Severna chu thua inbeih ralah chuan a hneh dawn lo tih a hre nghal a. Chuvangin, thinrim deuh mai hian “Tul nia ka hriat chu keimah pawhin ka hrilh ve thei tho” a han ti a.Severna chuan “I hna atangin ka ban ta che tih hi va hrilh nghal la a ni mai,” a han ti a. Devinta han chet dan chu a duh loh zawng tak a nih avangin,”I puakruk khawihna kut kha la sawn thuai rawh, i phawi tak tak ngam awm chuang si lova” a han ti leh a. Rei vaklo chhung chu an pahnih chuan ngawi rengin an inen a, an inkar lah chu hla hnih zet tur hi a ni chauh si a, Devinta chuan engmah a tih ngam tak loh avangin a mit a la sawn ta a. Khawdang a hawi san ta a. Chu veleh Severna chuan “Ka tih reng kha - Dawihzep,” hmusit aw deuh mai hian a han ti leh a.
Devinta chuan thinrim deuh maiin “Vei che chuan, Ka’n....” tih pahin puakruk phawi a han tum dawn ngawt a, mahse a kut che lai chu Severna chuan a lo hmu reng si a, kut vei lamin Devinta banrek dinglam chu a va man chawt a, Devinta chu na zet mai hian a han sawi nawk nawk mai a, Devinta nghawng chu Severna chuan a rek nghet tulh tulh mai a, Devinta chu thidang tur ang mai hian a ang hlui a, a heh te pawh chu a duk chur tawh a. Tah chuan na zet maiin Severna chuan a han nam ta a, Devinta a leng phei dawrh a, a tlu nghal a, a thaw huam huam mai a.
Severna chuan “Rang takin tho la, i thil neih zawng zawng nen chhuak nghal rawh - tunah,” a han ti zui a. Phun nuah nuah chungin Devinta chu a lo tho a, a thawmhnaw la tur chuan a kal ta nghal a. A kal hnu chuan, “Kal bo duh ve in awm em?” tih pahin Severna chuan midangte chu a han en kual a, a tawngkam a nem teh chiam lo na a, a thinrim tawh lo tih erawh chu a hriat tlat a.
Mexican pa chuan “Mister Devinta hi ka zui ve ang e” a lo ti a, Severna chu a bu mai a, tah chuan Darby-a chu a va en leh a, ani erawh chuan,”Kei chu ka awmna ngaiah hian ka awm dawn,” a lo ti thuai a. Severna chuan a tha nih chu a han ti a, tichuan an hnathawh turte chu a hrilh ta hlawm a. Linley-a leh Darby-a chu hmun khata thawk turin an chhuak dun a. An kal pah chuan, “I lo hmu ve em? Devinta a a han reh beh lai khan hlim awm takin a nui thei nia,” Linleya chuan a han ti a. Darbya erawh chuan Nuih zawng a nuih kha, mahse chianghniain bawng a seh laia a nuih ang hian a lo ti hlak a.
Cowboy ho chu an hnathawh tur a hrilh zawhin “Severna chu Ranch inah chuan a han lut a, inchhungah chuan Mastersa leh a fanu chu an lo awm a. Phili chuan sakawr chungchuan kawr a lo ha a, Mastersa chuan E,Severn, i hote thu sawi ka lo hria a, hnathawh i tan ta ni maw?” a lo ti a. Severna pawh chuan nui chungin “Cowboy pahnih chuan nuam an tih vak loh avangin an hna atangin ka ban tir ta mai a nih kha,” a han ti a. Phili erawh chuan lungawi mang lo tak hian Bartholomew an lo ruai tura min tih, fel tak leh taima tak ve ve an nih kha, tun hmain nuam tih lohna engmah an nei ngai hleinem, a lo ti hlak a. Severna pek chuan Miss Phil, i thiante anni ang tih ngaihna ka lo hre hauh lo a ni a han ti a.
Phili chuan Cowboy naran leh Mexican ho chu ka kawm ve ngai lo, i tihdan pangai ang bawkin puakruk phawitir tumin i cho leh pek a ni ang maw/” a lo ti leh a. Severna chuan Puakruk kawm hmun hniha ka zai rek belh theih nan maw? Devinta chu engti vak mahin ka cho phawk lo, Straw boss hna thawk zel turin ka ti a, mahse a duh lova, hnunglam atanga min kah a tum leh a, chu chu kan inhnial chhan ber chu a nih tak kha. Tin, Mexican pa kha chuan Devinta kha zui ve a duh reng reng a nih kha a han ti a.
Phili chuan Bartholomew a chu a lawm hlek lovang le, a lo ti leh a. mahse a pa chuan duh leh lawm malek ang hmiang, ka Ranch a ni a, ka duh duhin ka enkawl ang chu. Hotu tura mi ka dah tawh vek vek chuan a tih ang a piang chu lawm takin ka zawmpui zel mai ang. chuvangin Severn tul i tih phawt chuan an vai pawh hian i ban vek thei ang. Min hmuh duhna chhan dang i la nei em? a lo ti ve ta a.
Severna chuan in ram chhung hi han fan vel te ka duh a, a han ti zet a, tah chuan nui chung hian, Miss Phil hian a peih chuan min va kawhhmuh thei sela ka han ti deuh a ti ta a, Phili chuan hmusit awm tak maiin Severna chu a han en a, a hnenah chuan ka hman lo, tih tur ka nei, a han ti ram deuh hmak a, Severna pawh chu a chhuak ta nghal a. An chhuah hnu chuan a ui hnenah “Kan Lal fanu chuan min ngaina vak lo hle maw? Kan bula awm ai chuan nghawng khawihli vanga mut reng pawh a thlang zawkin a rinawm Severna chuan a han ti zui a.
Zanlai vel a ni tawh maithei e, a khum bula ui rum ri chuan Severna a chu a han ti harh a, a inbengkang a, pindan chhung chu a en kual vel a. Thla awm loh lai a ni a, mahse khua a thian em avangin Arsi a tam hle a, chuvang chuan pindan chhung pawh chu a eng deuh ruai a, Tukverh bula mihring ding niawm tak hi Severna a chuan a va hmu a, a kut dinglama Puakruk keng reng chungin a ui chu bengchheng lo turin a han khap a. Tukverh hawn tum niawm tak thawm a han hre leh a, ngawi rengin a khum atang chuan a lo en reng a, mahse thawm chu a reh leh ta mai a, reilote ah chuan thawm a han hre leh a, tukverh hnuailam chu a rawn inhawng de de a.
Pindan chhungah chuan thil engemaw a lo tla ri thlawrh hi Severna chuan ahan hre leh nghal a, chutih lai la la chuan mi pakhat mit chauh tilang, a hmai zawng zawng puan var tuam bo vek chu a va hmu zawk a. Mahse chu pa chu a bo leh ta nghal mai a, Severna chu a han inngaihtuah chianga Cowboy ho chuan an tihthaih a nih a ring a, White Masks tih thu an sawite pawh kha tihthaih an tum vang chu niin a ring ta zel a. Severna chuan, a tu a pawh chu lo ni tehreng se, a va han a em!! Lo kap ta mai....? a han ti tan chauh a, a sawi zawh hmain inchhungah chuan kuta lehkha han hlawm ri niawm tak thil ri mak zet chu a hre ta a. a pindanah chuan Rattle Snake (Rul tur nei chi) a awm a ni tih chu a hre ta nghal a. A ui pawh chu a rum deuh chhar chhar reng a, Severna pawh chuan han tih ngaihna a hre lo kher mai.
Rul awmna lai chu hriat tumin ngun fe hian a han ngaithla a, mahse rul tleng ri chu han hriat chi rual a ni silo. Rattlesnake chu dawihzep tak leh ti tak ania, chhaih kawlh hmasak phawt loh chuan mi pawh a chuk ngai zen zen lo, mahse tun tuma mi hi chu man tawh hnu ni ngei tur ani a, chuvangin a kawlh hle tawh tih pawh a rinawm ani. Engpawh nise, thimtham zingah chuan engmah a tih theih dawn loh tih a hria a, mahse khawnvar han chhi turin a nawalh chu pindan laia dawhkan ah chuan a dah daih si a, hlauthawng tak chungin khum hnuaia pheikhawk dah chu a han dap chhuak a, a pheikhawk a bun hnu chuan chhuatah chuan thawm dim tak chungin a zuk ding chhuak a.
Dawhkan awmna lam chu panin vawihnih lai a va pan phei a, dawhkan chu a han dap vel a, nawalh awmna lai chu a hmu thei mai lova, rul chu rah palh a hlau bawk si. Chutia a han chet vel zawng chuan a thawm chu hria niawm takin rul mei inthing ri, a ke bul lawkah chuan a ahan hre leh nghal a, hlauthawng tak chungin dawhkan chu a han dap leh vel a, Nawalh chu a dap fuh ta hlauh mai a. Nawalh chu a han nawt eng a, Adinna atanga Yard khat lek turah rul chuan amah chu rawn chuk mai tumin a lo in din uaih tawh mai a, hnungtawlh pahin a puakruk chu a han phawi a, rul lu ah chuan a va kap ta ta, Tah chuan dawhkana khawnvar chu a han chhi a, chhuatlaia rul chu thuk lamah chuan a thai phei ta a.
Severna chuan pawn lama ke per ri chu a han hre ta a, an tawng ri leh kawngkhar an rawn kik ri te pawh chu a hre ta zel a. Tichuan kawngkhar chu a va hawng a, pawnah chuan kawr pawh ha tha hman manglo leh puakruk rawn phawi chhuak saa cowboy lo dingte chu a va hmu ta a, Cowboy lo lut hmasa ber Darby chuan “Engtizia nge ni ta?” tiin Severna chu thil awmdan a han zawt a, Ani chuan “Rulin min rawn kan ve lawk a, ka lo hnawt bo ania,” a lo ti a.
Cowboy ho chuan thuk bula rul thi chu an han en a, an zinga pakhat chuan,”A puitling a nih ngei hi a lian kher mai a,” a han ti a. Inchhung vel chu rul dang a la awm emaw tiin cowboy ho chuan an han zawng vel thuak thuak a, mahse engmah an hmuh tak loh avangin an chhuak leh mai a, Darbya erawh chu a la muangchang deuh a, Severna hnenah chuan a mak angreng mang e, i pindan bul velah hian lute thil a tam hle a, Rattle Snake hian lung thil chu an ngaithei lo hle si a, a han ti a, Tukverh ah chuan a va dak chhuak a, tukverh hnuaia savun pawhzih ipte lo awm reng chu a han chhar a, E khai, chen rei a tum hle a nih dawn hi, a ipkhai pawh a rawn chhawm nghal alawm le a han ti fiam leh a.
Darby-a mizia chu a la hriat chian loh em avangin Severna chuan engtin mah a chhang lo. Tu’n emaw a mah chu tih hlum tumin Rul chu a pindanah an rawn chhuah tih chu a chiang em em a, mahse tu rawn dah nge tih erawh chu a la hriat theih mai rih lo deuh ani.
A tuk khua a lo var a, Severna chuan a kawtzawl chu mihring hniak hmuh tur a awm mahna tiin a han en kual vel a, mahse kawtlaiah chuan lungte thil a tam em avangin mihriang hniak han lanna chi rual a lo ni lova, in atang chuan tlemin a va kal hla deuh a, hni te a lo to ta bawk a, hnim zingah chuan mihring hniak chiang fe mai hia va hmu ta a. Ke ding lam hniak chu tlemin a danglam deuh bik a, a hnuah chuan thil awm dan zawng zawng chu Masters-a chu a hrilh ve ta a.
Masters-a chuan ‘White Masks’ ho lakah chuan buaina kan la nei ve ngai reng reng lo. Bawng pahnih khatte chu an lo ru bo ve pawh a ni maithei, mahse i han sawi ang chu an ni chet duh dan a ni vein ka ring lo, Mexican tih chi awm lek a nih chu a lo ti a. Chu chu Severna ngaihdan pawh a lo ni ve chiah a.
Chumi ni tlai lamah chuan Severana hmuh tumin mi pakhat thau deuh, mit dumpawl ram mai. la upa teh chiam lo hi Ranch ah chuan a lo kal a, Severna chu a lo hmuh veleh a hnenah chuan “Foreman i ni ngei ang maw?” tiin a lo zawt thuai a. Severna chuan “Ni e, harsatna enge i neih le?” a han ti a. Chu tlangval chuan “Ka ipte hi a ruak hle tih mai loh chu harsatna dang engmah teh chiam ka nei lo,” a han ti a.
Severna chuan “Inhlawhna i zawng em ni?” tiin a han zawt leh a. Tlangval chuan “Ka mamawh ngawt mai mawle, tunhma kum hnih velah te kha chuan ni khata chaw vawi hnih ei hi ka lo ching ve tawh thin a,” a han ti leh a. Severna pawh chuan “I thil chin chu sim harsa i ti hle a ni ngei ang maw? Bawng enkawl lam hnate i thiam ang emaw chu le? a han ti a.
Tlangval chuan “Bawnghnutea chawm len chu ka ni ve ngei mai a,” a han ti leh a. Severna a chuan “An chawm tha tawk lo hle che a ni ngei ang maw?” a han ti zet a, tah chuan “Inhlawhfa tur chu kan duh alawm, mahse engtinnge kan koh ang che?” tiin a han zawt ta a.
Tlangval chuan i duh ang angin min ko mai la, ka lo tlan vat zel ang a han ti a. Severna chuan a nih leh Sunset tiin kan ko mai ang che a han tih meuh chuan chu pawh chu a tha mahse ka hming tak chu Larry Barton-a a ni a ti ta thuai a,Severna chuan a tha nih chu chaw ei pawh a hun tep tawh a, i chenna tur chu Gentle Annie hian a kawhhmuh dawn che nia, a han ti leh a, Linlay-a chuan engvang nge....? a lo ti hman chauh a, Severna chuan tukin zinga Gentle Annie min hmangaih em? Hmana min hmangaih ang khan tih hla ring fahrana i sak lai kha ka hre tlat alawm” a lo ti thuai a, cowboy lo awm ve te pawh chu an nui zo ta a.
Tlai lam ni tlak dawn tepah Larry-a chu Severn-a pindanah chuan kawngkhar pawh kik chuang lovin a va lut a, Severn-a chu a va hmuh veleh nui chung hian, “A tirah khatiang hming kha min lo vuah tih hre lawk na ila chuan kal pawh ka lokal lo tawp tur,” a han ti a. Severn-a chuan “Engahnge khati tea min rawn fiam khanglan teh reng ,” a lo tih san mai si a. Larry-a chuan “I hote hi enge an an hlawm?” tiin a han zawt leh a, Severna chuan Enge an an chiah chu ka la hre bik lo, nangman hriat i la tum dawn nia, a han ti zet a. Tah chuan Hope khua a lo thlen atanga tun thlenga thil awmdan Larrya chu chiang takin a hrilh ve ta a.
Larrya pawh chuan “Heti laia lokal ka tum ve tlatna chhan i hria em?” tiin a han zawt ve thung a, Severn-a chuan “I dan pangai angin hna thawh tur tlanchhiat san i duh vang a ni ang chu ka ti mai,” a han ti zet a. Mahse Larry-a chu a nui ta mang hauh lo mai a, chuvangin severna chuan “Enge i lo kal duh chhan chu?” tiin thutak deuh chuan a zawt ta a.
Larry-a chuan hmela lungawina reng tel lovin Forby-a an khaihlum dan zawng zawng chu a kip a kawiin Severna a chu a hrilh ta a. A thusawi tawpna atan,”Naupang chu ka ni a, an khaihlum chu ka pa ani. Chuvang chuan phuba lak tuma lokal ka ni? a i ta a.
Severn-a chuan Larry-a koki chu a va vuan a, a hnenah chuan I pa kahihlum tute chu i la hre reng em? tiin a han zawt a, Larry chuan An vai chuan ka la hre vek, An hming erawh ka hre vek lo, Darby-a tuna i hote zinga tel ve pawh hi an zingah chuan a tel ve a, mahse a ni hi chu ka chunga a that avangin huatna engmah ka nei lo. Mexican pakhat ignacio leh Pentona leh Fallana te chu ka la hre reng a, a han ti a. Severna chuan Fallena chu ngaihtuah a ngai tawh lovang, Ignacio pawh chu he Ranch ah hian a awm ve zet a, mahse a kalbo ta rih ani. Midangte nen chuan kan la hmu leh vek tho ang Bartholomew-a chuan ka rin ai daihin leiba rulh tur a lo ngah a nih chu ! Mahse a leiba chu kan pahnihin kan la thing chhuak leh tho ang a vaiin a han ti zui a. Larrya chuan ka lawm ngawt mai. A nih leh Bartholomewa chuan Mastersa chu engvanga a thu hnuaia dah thei nge anih chu le? tiin a han zawt ve leh a.
Severn-a chuan ka hre lo min hrilh bawk si lova, engemaw tak zawng a awm a ni phawt mai ti chauhin a chhang a. Larrya chuan a nih leh Mastersa fanu chu a hmeltha em a han ti leh a. Severna chuan nui chung hian mak tak a ni a han ti ringawt a. Larrya chuan i lo ngaizawng hman tawh pek a ni maw? a han ti deuh ha a, mahse Severna chuan “Pawm lai nei, pa rinawm tak ka nih avangin ngaihzawng lam chu ka ti ve tawh lo.Tin, ka thian i ni bawk a, thuruk ka han hrilh ang che - ani pawhin mi ngaizawng bik hauh lo mai ngaihzawng chu sawi loh, hnawk min ti hle niin ka hria a han ti a.
Larry-a chuan Severn-a chu hmusit awm tak maiin Ui te chauh hi thiana i lo siam theih chhun chu a nih awm hi maw a han ti leh a, severna chuan Ui hi thian tha tak an ni ve asin, tunah chuan pahnih ka nei tawh leh nghal che u a, a han ti a. Larry-a chuan, lungawilo tih hriat fe hian “Ngawi teh, cowboy, ui....” a han ti hman chauh a, mahse Severn-a chuan “I awmna turah chuan rang takin kal nghal la, min hmuh leh huna i awmdan tur pawh i Foreman ka ni a, min ngeih vak lo bawk a ni tih hre reng ang che . Tun hma in kan lo inhre tawh tih hi tuman hre ve lo se ka duh a ni a han ti a.
Larry-a chuan “Nang la hre ngai lo anga lan leh haw awm taka lan te chu ka thiam zawng leh ka duhthusam tak a ni,” a han ti zet a. tah chuan aw danglam zet hian “Don, i bula han chet leh chu nuam ka ti ngawt mai,” a han ti ta a. Mahse Severna chuan “Mi aaa pa, tunge i biak hi i hre nange?” Jim Severn-a I Foreman ka nih hi, theihnghilh rawh reng reng suh” a lo ti ta hlur mai a. Larry-a pawh chu rang deuhin a chhuak ta nghal a. a chhuah veleh Severna chuan kawng a va khar a, a hlim hle bawk a. An pahnih chuan an inhrethiam tawn hle mai.

CLICK CLICK CLICK CLICK CLICK CLICK

[Ngaia]

CHAPTER-4

An lo rawih tura a tih, mi pahnihte chu Lazy M neitute chuan an lo ban tak avangin Bartholomew chu a thinrim hle a, amah an pawisak loh vang niin a ngai tlat a. Chuvang chuan Lazy M Ranch lam panin a kal ta nghal a. Ranch a va thlen chuan pawn atangin a han au a. Mastersa chu bathlarah a lo chhuak a. Bartholomew chuan sakawr atanga chhuk pahin, Phili sakawr chungchuan pui tura lokal ka ni a, mahse biak che ka duh hmasa a ni, a han ti a. Masters nen chuan inchhungah an inzui lut ta a. Engmah dang pawh sawi leh lovin engvangin nge Devinta leh Ignacio kha in lo ban Bartholomew chuan a han ti nghal chawt mai a.
Mastersa chuan Devinta a kha chu Strawboss ni turin kan ti a, mahse a duh lova, ka foreman laka lungawi lovin puakruk a chuh ta a nih kha. Tin, Ignacio kha chu a mahin a inban ve mai ani a han ti a. Bartholomew chuan Devint kha lo duh lo pawh ni ula a aiawh tur, midang ka rawn ngaihtuah leh thei tho alawm Severn in tih hi khawi atang i chhar nge ni reng reng? a han ti a. Mastersa chuan Desert Edge velah a chanchin ka lo hria a, rintlak dawn hlein ka lo ngai a, a han ti leh a. Mahse Bartholomew chuan a ni maithei, mahse ka ngainat chi a ni velo, chuvangin i ban tur ani ang a ti ta nghoh mai a.
Mastersa thinrim chu a sa phat mai a, mahse a han ingaihtuah chiang a, Bartholomewa hnenah chuan “Engpawh nise, engemaw hun chhung chu ka......? a han ti hman chauh a, Bartholomew chuan naktukah i ban nghal tur ani. Tin, thildang - Bawng, kum thum tling tawh, 75 ka mamawh dawn a, ni hnih hnu velah rawn la turin ka mite ka rawn tir ang a han ti leh a.

Mastersa thinrim lutuk chu insum harsa a ti hle tawh a, puakruak han phawi a, Bartholomew chu han kah thluk tawp mai hi a chak ber a, mahse a ngam chiah bawk silo, Bartholomew an Masters ka damchhung chuan i him ang a lo tih thinte khan a hre chhuak a, lo kap hlum ngam ta pawh nise a chungah thil fel lo tak a lo thleng ngei dawn tih chu a hrechiang em em bawk si a, Mastersa chuan a chhan leh hmain Phili sakawr chungchuang chu an va hmu a, chu veleh Bartholomew a chu a tho thuai a, a sakawrah a chuanga, Phili nen an pahnih chuan an tlan liam leh ta mai a.An liam hnu chuan, ngawi renga lo thlirtu, Severna pawh chu ama pindanah chuan a lut ve ta a.
Thui fe an tlan hnjin, “In Foreman kha enge ang i tih?” Bartholomewa chuan a han ti chawt mai a. Phili chuan, “Eng a an ka hre hleinem,” alo ti thuai a. Bartholomewa bawk chuan “Chu zawng ka lo in ngaihtuah buai vak a tul lo anih chu. I pa hnenah khan in foreman chu ban turin ka lo hrilh a. i lo ngaina viau te a nih takin ka han ti deuh a a ti leh a. Phili chuan “Mister Bartholomew, chuti maiin mi ka ngaina ve ngai hleinem. I thu chu ka pa chuan zawm ngei se ka ti ngawt mai,” a han ti a, mahse a rilru ah chuan thil dang a lo lut thuai a, Severna lo tel ve chin kha chu a pa pawh kha danglam ta leh hlim ta sawt khan a hre tlat a.
Phili chuan engahmah ngai lo nia a hriat avangin Severna chanchin chu Bartholomew chuan a sawizawm ta bik lova, Phili nupuia neih a tumna chu a rei tawh a, a hnenah chuan la sawi chiah lo mahse neih theih ngei pawh a lo inbeisei thin a, Amah Bartholomewa chu upa viau tawh mahse hausa leh thiltithei tawk nia a inhriat avangin itawm tawk hlein a inngai bawk a. Phili pawh chuan chutiang lam hlir chu a lo ngaihtuah ve bawk a. Bartholomewa chuan nupuia neih a duh tih pawh a hria a, chik takin lo la ngaihtuah chiah lo mahse la innei tur niin a a lo inngai ve mai thin a. Mahse vawiinah hi chuan a rilruah duhlohna a lo lut tan ta a, duh lo tak chungin Bartholomew leh Severn te pahnih chu a han khaikhin vel a, nidang angin Bartholomew bula sakawr chung chuan pawh chu nuam a ti thei ta mang lova.
Khua a tlai hle tawh a, Severn chuan kawngkhar kik ri a hriat avangin a va hawng a, Masters chu a lo lut a, a hmel atang chuan ve engemaw tak a nei tih Severn chuan a lo hre nghal mai a.

Mastersa chuan “Tukin zingah Bartholomew a lo kal a, Bawng 75 mi rawn dil a, naktukah nang hi ban tur chein min ti bawk a, - a thu ang chuan ka tih hmel loh a han ti zet a.
A han ngawi rih a, mahse Severn chuan engmah a lo sawi ve tak loh avangin, “Ka tum ai a hmanhmawh a tul ta tlat a ni. Bartholomew chuan keimah chauh hi a thu hnuaiah min dah thei a, midang chu tumah engtinmah a ti thei dawn lova, chuvang in kei hi ka awm loh chuan.......” a han ti leh a. A sawi tum chu Severn chuan a lo hrethiam nghal mai a. Amah, Mastersa ber a awm tawh siloh chuan Bartholomew an Ranch chunga a thil tih theihna chu a tawp dawn tihna a ni a.
Mastersa bawk chuan, “ Ka thil tih tum dan chu hetiang hi a ni - Engmah sawi lovin ka bo ringawt ang a, ka bo hlan chuan nangin Ranch hi i enkawl ang a, Ka bo rei deuh hnuah chuan thi ta angin min ngai ngei ang a, chuti a nih chuan ka thurochhiah anga thil lo ti turin Desert Edge khuaa Judge Emblya ka ruat lawk vek tawh a, a ni chuan tih tur tul apiang chu a lo ti zel dawn a. Tin, amah chu Phili enkawltu (Guardian) atan ka ruat nghal bawk a, Phili chu kum tlinglo a la nih avangin tun atanga kum khat chhung chu Judge Emblya thu thu angin a chet a la tul dawn bawk a. Judge Emblya chu nangmah min kawhhmuhtu hi a ni nghe nghe a, chuvangin harsatna i neih phawt chuan a pui duh zel ang che. Amaherawhchu, ka thil tum dan kalbo ka tum thu hi chu ka hriattir ve dawn lo a ni.” a han ti a.
Severn chuan “Phil tan chuan a mangan thlak hle dawn a nih chu - chanchin engmah hre lova han awm ringawt mai chu’ a han ti a. Mahse Masters chuan,”Chungte pawh chu ka ngaihtuah vek tawh a, mahse tih dan kawng dang a awm lo. Ka thil tum hi ka hriattir ve phawt chuan a awmdan atangin Bartholomew chuan a man chhuak thuai ang a, a hote min zawntir mai ang tih ka hlau si a, chuvangin thi emaw min ti se a tha ber zawk a ni, Bartholomew pawhin thi tawh anga min ngaih chuan ka tan chet vel a awlsam sawt dawn a ni. Duh leh, Phili chu lo lungngai deuh ta mahse a pawilo, Phili te ang rual hi chuan rei hrehawm an ti ve ngai lova nia, a enga pawh chu nise kawng dang a awm hek lo, a ti a, reife a han inngaihtuah leh rih a, tah chuan,”Bartholomewa pawisa pek tur hi ka mamawh thin avangin mi pawisa ka puk tam hle tawh a. Judge Emblya min puk sak a ni nghe nghe a, ka pawisa pukna hnenah chuan ka Ranch hi ka dahkham a. Engemaw hun chhung min la nghah theih hram chuan rulh leh theih mai ka inring ani. Tin XT Ranch in bawng 80 vel an duh a, i lova hralh mai ang a, a mah chu Ranch enkawl nan i lo hmang dawn nia, Jim, Judge Embly an a rin ang che in kei pawhin ka ring tlat dawn che ania,” a han ti a.
Severn chuan ‘Mi ring sual lovang,’ ti chauhin a lo chhang a. Mastersa chuan “Ka chhiatna leh thatna tur chu i kutah a innghat a ni. Tin, hei hi hre reng ang che, zaninah pawh hian min hmu lova, ka chet vel dan leh khawia kal nge ka nih pawh i hre lo a nih chu - dam takin,” a han ti leh a. Kut insuih meuhin chibai an inbuk hnu chuan Mastersa chu a chhuak ta a. Pawna chhuah hnu chuan Mastersa chu thawveng huai hian a inhria a. A dinhmun derthawng zia chu a hre chiang hle a. Mikhual kuta a thil neih zawng zawng a han kalsan vek mai chu tihsual palh pawh a hlau hle a ni. Severna chu lo a lo ring sual palh ta te a nih chuan a thil neih zawng zawng chu a chan dawn tihna a ni a, mahse chu pawh chu pawi a ti chiah lo - Englekhawle, a thil neih chu Bartholomewa kutah a la hloh vek dawn tho niin a inngai tlat a, chu chu thil awm thei a ni tlat bawk si a.

A tuk zing chaw ei laia a pa tel ve lo chu Phili chuan engah teh chiam mah a ngai lova, zanah pawh a pa chu a lo la haw ta lo che a. A tuk nilengin a pa chu a lo lan tak loh avangin Phili chu a mangang rilru ta hle a, tichuan hreh tak chungin an foreman, Severn hnenah chuan a pa chu a hmuh leh hmuh loh a va zawt a. Ani chuan, “Ka hmu lo, XT Ranch ah a va kal pawh a ni maithei a, anih loh leh Desert Edge ah a va kal a ni mahna,” a lo ti mai si a. Phili chuan “Tun hmain kei min hrilh lo chuan kawiah mah a kalbo ngai si lova,” a han ti leh a, chutih lai chuan an bulah Derby chu a lo kal ve a, Phili chuan “Enge ni ta?” a lo ti thuai a.
Darby chuan, sawi hreh fe niawm tak hian,”Kan foreman hi biak ka han duh mai ania,” a rawn ti a. Phili chuan, thlaphang leh ngaih tha lo tak chung hian,”Ka pa chanchin i sawi dawn te a nih chuan ka hre ve duh a nia,” a lo ti leh a. Darbya chuan a lo sawi lawk loh avangin Severna pawh chuan “sawi ta mai che, Darby, Enge ni ta?” a lo ti ve ta a. Darby chuan “Kan pu sakawr chu a lawngin a lo kir leh a, huang bulah sawn a awm reng mai,” a ti ta a. Phili hlauthawng lutuk chuan heh a pet fan tawh mai a, Engmah pawh sawi leh tawh chuang lovin sakawr hnunglam chu an pan phei za ta a. An kal pahin Darby chuan a ruk tein Severna hnenah chuan “Miss Phili hi kal ve lo tuin i ti thei lawm ni?” Sakawr Jean-ah chuan thisen te a kai asin mawle,” a han ti a. Severna chuan lu a thing mai a. Chutih lai chuan sakawr dinna hmun chu an va thleng ta mai a.
Phili chuan sakawr chu a va hnaih thuai a, ngun tak chuan a han en vel a. Sakawr Jean sir a rifle awm thin pawh chu a awm tawh lova. Sakawr chu hah awm hle hian a lang bawk a. A Jean sir velah te chuan thisen niawm tak a kai ngiai bawk a, chu chu Phili chuan a hmuh veleh a tap chhuak ta phawng mai a. Chu veleh Severn bawk chuan “Hmanhmawh rawh u. In sakawr te buatsaih thuai thuai ula, eitur leh silai nen inring tak chungin kan pu hi zawng tuin i chhuak thuai ang u” cowboy ho hnenah chuan a ti ta thuai thuai a.
Phili chuan “Kei pawh ka kal ve dawn,” a han ti a. Severna pawh chuan, “I kal ve dawn nia, ram chin chang pawh min hrilh thei ang a,” a lo tih pui ve mai a. Cowboy ho chu pahnih te tein an insem darh ta sang sang a. Severna erawh chu a ui nen chauh an kal dun a. Hmana Stevensa ruang an chharna lam pan chuan a kal ve ta a.

Severna pawh chu a inngaihtuah buai ve hle mai. An pu sakawr lo kir leh tak avang leh a rifle te a bo tak avang chuan Mastersa chuan tawh sual a va tawh ta anih te a ring ve rum rum a, Bartholomew chuan Mastersa chu thah duhna chhan neiin a hre lova, a thih chuan atan hlawkna pakhatmah a awm dawn lo tih a hre si a. Chuti a nih chuan White Masks te ahu a va hmu fuh palh ta em ni ang tih te chu a ngaihtuah zui zel a. Chumi ni chuan Masters a chu an hmu zo ta lova. Ni ruk chhung chu tuktin zawng turin an thawk chhuak ziah a, mahse an hmu zo ta ngang lova.
Ni ruk ni chawhnu lamah severna chu Ranch a a lo kir leh tawh hnuin Ranch batthlara Phili leh Bartholomew a thu dun chu a rawn hmu ta a. Phili pawh chuan Severna chu a lo hmuh veleh a hmel chu a a ti danglam thuai a, thinrim awm tak hmel hi a pu a. Bartholomew chuan “Ka zin bo a, tunah hian in chanchin ka lo hre ve chauh a ni. Phili, i duh phawt chuan ka hote pawh i pa zawng tur chuan i hmang vek thei ang,” a lo ti a. Severna hnenah thung chuan “In zawng ngun tawh hle ngei ang a, hmuh theih te la ni se chuan in hmu daih tawh a rinawm a. Ngaihdan enge i neih le?” tiin a lo zawt a.
Severna chuan “A ngaihna ka hre ta lo,” tia a chhan veleh Bartholomew chuan “Tih ngaihna vak chu a awm lo na a, hmuh leh ngei chu han beisei phawt ila - Taka Phil, i pa khan bawng 75 min pek a tiam a sin” tiin Severna chu a han hrilh a. Severna chuan “A man i pe tawh em ni?” tiin Bartholomewa chu a zawt ta a. Ani chuan, “A man a ngai hleinem, leiba rulh thennana tih chauh ani,” alo ti thuai a. Severna chuan leibatna lehkha ziak chu i nei em ni? a han ti leh a, Bartholomew chuan chu chu nang a hriat tur enge awm? Bawng chu min pe turin i piin thu a pe tawh che a ni lawm ni? a lo ti ta a. Severna chuan Nanga thu ringawt chu ka zawm dawn lo phawt mai a. Miss Phili thu pawh hi a awm tawk chin bak chu zawm ka tum chuang lo. Tunah chuan Ranch hi ka enkawlna hnuaia awm a ani a, chuvangin mi naran thupek ringawt chu ka zawm dawn miah lo, a neitupa thu chauh lo chu,” a han ti leh a.
Bartholomew chuan “ Ranch enkawltu ka ni e i ti a ani maw?” tun atang hi chuan i enkawl tawh dawn lo, Miss phili hian a ban nghal dawn che a ni. a ti ta ringawt mai a. Severna chuan Phili chu rawn niawm tak hian a han en a, Phili chu heh pet teuh chungin a a la ngawi reng a, Chuvang chuan Bartholomewa thusawi chu a pawmpui nia ngaiin Severna chuan, “Chu zawng, Miss Phili tih theih chi a ni lo,” muangchangin a han ti a.
Hmusit leh nuihzat awm tak maiin, Bartholomewa chuan a ti thei lo aaa ni? Ranch pawh hi Miss Phili ta a ni lo tih te i tum zel dawn em ni? a lo ti leh a. Severna chuan i ring dik chiah nih chu, apa chu a thi ngei tih hriat chian a nih hma chuan Phili hian Ranch hi a nei ngawt thei lo, chumi hnuah pawh kum tling a nih phawt a la ngai ang, a ti ta deuh deuh mai a. Reilote a han ngawi leh a, tah chuan Kan pu Mastersa khan he Ranch enkawltu atan hian min dah a, ka enkawl ngei dawn tih pawh chu ring nghet hle mai rawh a han ti a, a sawi zawh chuan Phili te chu a kalsan ta nghal a.
Severna liam tur chu Bartholomewa chuan a enzui reng a, tah chuan, “Kha pa khan thil zir tur a nei chiang hle mai. Zirtir ngei pawh ka tum bawk a, chuvangin ngaihtha thakin awm rawh,” Phili hnenah chuan a han ti a. Bartholomewa kal hnu chuan Phili chu a inngaihtuah buai hle a. Hna chi hrang hrang, Ranch ah chuan lo thawk ve thin mahse a enkawl dan, sum leh pai an deh chhuah dan tak tak chu hriat engmah a nei lo tih pawh chu a hre chiang ta a. Kawng thenkhatah chuan Severna’n thuneihna a la ta chu a hahdam thlak a ti angreng hle a. Mahse a haw tlat bawk si, chuvangin Severna chu Bartholomewa chuan a ban tir theih dawn phawt chuan pawi a ti chuang lo hle a ni.
CHAPTER-5
Kar hnih zet a ral hnuah pawh Masters chanchin hriatna chu an la nei ta lo cheu a. Severn-a chuan Lazy M Ranch chu hneh takin a enkawl zel a. Phili pawh chuan haw rilru hle mahse Ranch a han enkawl vel danah, Severna chu tling hle hian a hria a. Tukkhat chu a pi, Phili chuan a koh avangin Severna chu a va kal a, Phili chu a lo ngui hle a, Severna chu a lo hmuh veleh, ‘Bawng i khalhkhawm tih ka lo hria a, Bartholomewa pek tur chu a ni phawt ang chu maw?’ a lo ti a. Severn chuan “Ni love, XT Ranch hnena pek tur a ni. I pa lo sawifel sa vek tawh ani a, a hralhna pawisa chu ka mamawh bawk a, a han ti a.
Phili chuan “I Mamawh a maw?” a han ti deuh kher a, Severna chuan “Mamawh ang cheu, Cowboy ho hlawh tur leh Ranch enkawl nan pawisa a ngai alawm, ‘Ka’ ti lovin ‘Kan’ ti se min ti deuh a ni awm a, danglamna engmah a awm chuang hleinem” a han ti zui a.

Phili chuan “Khawngaih takin bawng chu lo va pe rih suh. Desert Edge ah ka va kal phawt ange” a lo ti leh ta a. Severna chuan engmah dang pawh sai lovin nangmah mai chuan i kal thei lovang, Bartona i kalpui dawn nia, a ti ta mai a, tichuan Phili leh Larrya te chu Desert Edge khaw lam panin a hnu deuhah chuan an chhuak ta a. Phili chuan Larry a chu a ngainat zawng tak a lo ni hlauh a, Larrya chu ngawichawi leh zakzum tak ani a. phili hnung deuh zelah a sakawr chu a kaltir a, mahse Phili chuan a ruala kal ve turin a sawm ta a, an kal pah chuan an titi ta zel a. Phili chuan “In foreman hi enge anga i hriat?” tiin a han zawt a. Larrya chuan a hna hi chu a zo hle mai a, mahse tih lungawi tawk har tak ani. thil engkim a duh ang taka tih zel loh chuan hlauhawm thei tak ani a han ti a.
Phili chuan ‘Luhlul’ mahni thu duh tak anih dawn chu a lo ti thla rawk a, Larrya chuan a thu a duh teh chiam phei chu ka hre lova, mahse a tul nia a hriat chu tih puitlin zel tum ni a ni. A han ti leh a, Phili chuan Severna chu hmusit hle tih hriat tak hian Puakruk hman thiam eizawnna atna hmang thin Gunman a ni ngei ang a han ti leh a. Larrya chuan a lo ni reng pawh chu a ni mahna mahse kei chuan a nih ka ring lo, a enga pawh chu lo nise puakruk kaha chotu chuan a cho sual thei hlein ka ring a han ti ve a.
Tah chuan Gunman te, Puakruk phawi thiam hmingthang deuh deuh - Wild Bill Hickok te, Salde te, Dusty Fog te, Billy The Kid te, Jesse James te leh Suddena chanchin te chu an sawi zawm ta zel a. Chungte chuan an ram an lo tih thawven dan kawng hrang hrangte pawh chu a sawi zel bawk a. Mahse Phili chuan thil sual titute chu hrem turin sawrkar a awm a ni lawm ni? tia a lo zawh chuan Larry a chu a nui sak a. Phili hnenah chuan Mi an thih tawh hnuin an tana tha tura rorel enge sawt tawh chuang ang? tun ang huna kan ramah te hi chuan a tha ber a ni. Kei pawh hi pa nunnem tak zawng ka ni a, mahse, misual laka invenna tur neih reng chu tul ka ti ve tlat a ni a han ti a.
Thil dang eng engemaw te sawi chung zelin Desert Edge khua chu an lo thleng ta a. Chu khua chu Hope khua ai chuan a lian deuh zawk a. Phili chuan Judge Emblya chenna in chu a zawng chhuak nghal a. A in a va thlen chuan Judge Emhle a chu a lo awm hlauh a, Phili chu a lo hmuh veleh a hnenah chuan Nang hi i ni maw? Phillip Mastersa fanu chu? i pa chu inla hmu zo lo a ni awm phawt a, beidawn mai tur ani lo ania, enge i duh tak le? a lo ti luam a, Thutthlenga thut pahin Phili chuan kapa thawmhnaw ka khawih velna lamah a lehkha ziak ka hmu chhuak a, a chungah thil engemaw a thlen phawt chuan nangmah hi rawn hmu tur cha min hrilhna lehkha a lo ni reng mai a, a han ti a. Judge Emblya chuan a ni tak asin, hman deuhah tawh khan i pa chuan thurochhiah a siam a, tah chuan nang hi lo enkawltu atan min siam a, i pa chu a lo kir leh loh chuan emaw a chanchin chiang taka hriatna kan neih hma chuan nang hi ka enkawlna hnuaia awm turin a ti che a, chuvangin kum i tlin hma chuan i pa ai ka lo awh dawn tihna anih chu a han ti a.
Phili chuan anih leh tunah hian pasal neih pawh lo duh ta ila, i phalna tello chuan ka nei thei dawn lo tihna a ni ang maw? tiin a han zawt a. Judge chuan ni mai e, i pa’n a thurochhiaha a ziak danah chuan ka phalna lova pasal i neih luih chuan rokhawm tur engmah i chang dawn lova, pawisa tlemte chauh hmuh tur i neidawn tihna a ni ang, i pa’n chu chu engvanga lo telh kher nge a nih chu ka bik lo, mahse pawimawh niin a hre tlat a ni ang chu, a lo telh miau si a, a ti ve mai a.
Phili chu a ngawi vang vang a, a rilru tak chuan Severna hnawhchhuah theihna a nih dawn phawt chuan Bartholomewa neih mai pawh chu a lo duh dawn thut thut tawh a, tunhma chuan a pa pawh khan Bartholomewa chu duhsak ve hle thinin a lang a, mahse tun hnai deuh mai atang khan chu chu ni chiah lova hriatna Phili chuan a nei ta nghe nghe a ani. Chutiang thil a ngaihtuah lai chuan, in ranch hi ingaihtuah a nih chuan ngaihtuah a ngailo, Foreman tha tak i nei ani, a lo ti leh a.
Phili erawh chuan, ka duhzawng mi a ni lo, Ranch chu ka ta ani ti ang hrimin a thu thu in a bawl zan vel a, a han ti a. Judge chuan Neitu aiawh a awm a ni a, rorel tura awm a ni bawk alawm, tiin phili chu a han hrilhfiah a. Mahse Phili chuan chu chu a dik a, mahse ka chunga rorel tura awm chu a ni hleinem a la ti fo a. judge chuan chutianga tih a tum reng em ni tia a han zawh meuh chuan tum chu tum chiah love mahse ka thu a awih duh tlat lo alawm tih pahin Phili chuan severna hnenah Bartholomewa bawng pe tura a hrilh thu leh ani’n a lo hnial thute chu a hrilh ve ta a.
Judge chuan “Severna chuan a ti dik a nih chu. I pa chanchin chu ka hre chiang hle a, Bartholomewa hnenah pawisa a ba tih reng reng ka hre lo, I pa hnenah Severna hi sawi luttu ka ni a, ka beisei ang ngeia thil a lo tih avang chuan ka lawm ngawt mai a ti ta daih mai a. Phil lo tum dan chuan Severna chu bantir turin Judge chu hrilh mai a lo rilruk a, mahse a sawt dawn lo tih a hriat tak avangin a sawi chhuak duh ta chuang lova. Chubakah Judge Embly-an Bartholomewa chanchin a han sawi vel danah Bartholomewa chu a ngaina vak lo tih te pawh Phili chuan a lo hre thiam nghal mai bawk a, tichuan beisei tur engmah awm tawh lova a hriat avang chuan hawn leh mai tumin Phili chu a han ding a. Judge chuan “I bei lo tidawng lutuk suh khai. ramtin ah i pa chanchin hre turin mi ka tir a, reilote ah a chanchin chu kan hre thuaiin a ka ring harsatna engpawh i neih phawt chuan lokal thuai zel ang che Tin, i Foreman chu i ring ngam tur ani a han ti leh a.
An haw kawngah chuan Phili chu a inngaihtuah thinrim hle mai a, Severna chu ban dan tur leh Ranch-ah chuan thuneitu ber anga a awm theihna tur zawngin Judge kha a va pan zawng ani phawt mai a, mahse a beisei loh ang takin thil a lo awm ta si a, Severna thuhnuaia Ranch han awm leh turte chu ngaihtuahin a thinrim hle a, eng han tih ngaihna vak phei chu a hre bawk si lova. A tukah chuan Bartholomewa a lo lang hlauh a, Phili chuan khuaa a val thu leh thil awmdan te chu a lo hrilh ve ta vek a, Judge nen an inbiakna dante a han hriatin Bartholomewa chuan engvangin nge Judge kher chu i pa in chutianga a lo ruat chu le? thil mak tak a awm tlat in ka hria, chuvangin fimkhur hle a tul a ni, inbum tumna engemaw awm tlain ka ring a han ti a, Phili chuan “Engtin maw/” a lo ti ha a.
Bartholomewa chuan a ni e zawng ka ti chiah ngam lo, mahse thil awmdan chu a nih ka ring - emblya chuan i pa thurochhiah chu a ziak a, tah chuan amah chu nangmah enkawltu atan a inruat nghal a, Stevensa kha mak takin a boral a, a aiah chuan Embly-an Severna hi a rawn nawr lut leh a. Tunah hian i pa chu a lo bo leh a, tin, heng laia Ranch tha ber mai chu Severna leh Judge te kutah chuan a awm ta a, Tin, Judge phalna lo chuan Pasal i neih a thiang hauh lovang ti rawh? a han ti leh a. Phili chuan “Kum ka tlin hma chuan theih love,” tiin a lo chhang ve mai a. Bartholomewa chuan An va han huatthlala tehreng ve le!!!! Thil awmdan chu i chhut chhuak thiam ve mai lawm ni ? Ranch hu an thuhnuaia an dah hnu chuan Severna hian neih che a tum ngei a rinawma a, Tin, Judge pawhin chu chu rang lutukin rem a lo tihpui ve nghal mai ka ring tlat bawk a. Mahse chuti mai chuan i nei duh em lovang chu ti rawh? Severna chuan pawisa a nei reng em? a ti ta a.
Phili chuan, “Bawng 75 vel a hralh dawn a,” a tih veleh Bartholomewa chuan Khawiahnge a hralh dawn? eng hunah nge? a lo ti thuai a, Phili chuan XT Ranch hnenah naktipah hian a hralh dawn a han ti a. Bartholomewa chuan a tha nih chua, a thiltih tum chu tibuai turin hun pawh ka neih hman dawn chu a lo ti hmuk a, Bartholomewa thil tum chu Phili chuan a hre chiah lova, mahse Severna chu bawng hralh thei lo tua siam a tum niin a ring ringawt a, Severna chu a huat em avangin a ma tan ngei pawh a pawi ang tih te chu a ngaihtuah phak lo reng reng ani.

CLICK CLICK CLICK CLICK CLICK CLICK

[Ngaia]

Lehkha chuar tawh tak maiah hian pencil in “Skull Canyon kal tlanga XT Ranch bawng pek i tum chuan i hloh vek ang..... i thian” tih ringawt hi a lo inziak a. Phili-n Desert Edge a va tlawh atang ni hnihna tukah Severna chuan chu lehkha chu a kawngka bulah a chhar a. Lehkha ipte ah a ak a, Darby chu a va zawng chhuak a. A hnenah chuan Skull Canyon ah hian XT Ranch panna kawnga awm em ni? tiin a han zawt a. Darby chuan Awm e, kawng chanve vel a ni ang. Chuti lai velah chuan XT Ranch a kalna kawng chu a peng ta a, Pinnacles lam panin kawng chu a chhuk ta nghe nghe a, a lo ti a. Severna chuan Kan hote kha hrilh la, vawiin a kal lovin naktukah hian XT bawng chu pe turin kan kal zawk ang a han ti leh a. Darbya chuan a pawi chuang hleinem a ti ve mai a, a hmelah pawh chuan hmuh tur severna chuan engmah a hre lova.
Severna chuan XT panna kawng chu amah ngeiin va hmuh a duh avangin sakawrah a chuang a, a ui nen an inzui chhuak dun ta a. XT Ranch leh Lazy M inkar chu mel sawmhnih vel a ni a, kawng chanve vel an kal lai chuan an kalna kawng chu a lo chhuk ta thut a, thing hmun a lo ni ta a, tin a ram pawh chu a lo khawkrawk ta hle a.
Kawng chhuka an kal tan lai chuan an piah hnim buk atang chuan an rawn kap ta thut mai a, an kalna lai tak chu tlema ruam deuh hi a ni a, ruam kam leh lamah chuan sakawr chu a tlantir thuai a, thingbuk zingah chuan a chhuak ta thuai a, sakawr atanga a chhuk lai chu a lukhum an rawn kap thlawk lawp a, sakawr chu a thlung thuai a, ui pawh chu a awmna ngaia awm turin a han hrilh zt a, Rifle keng chungina a langsar lai deuh ah chuan a han chhuak chho leh ta a. Hmun khuar deuh hlek hi a lo awm a, tah chuan a han bawk lut a, silaia an rawn kahna hmun nia a hriat lai chu a han kap chhin ve ngat a, a han kahna atanga Yds 20 zet, sir lam atangin amah chu an rawn chhawn leh ta a, Severna chuan amah rawn kaptu chu a lo awm sawn hman tawh ni tih chu a hre nghal mai a.
Severna chuan E... i la awm maw? Khawnge trick tlem i han thawh hlek teh ang, i lo fing var teh chiam lo pawh a ni maithei asin a han ti a, tah chuan zawitein a hnungtawlh a, a sakawr zina hrui chu a va la, a awmna bula thingbuk bulah chuan a han thlung a, amah chu a pian deuh ah chuan a insawn phei a, kap maithei turin a silai chu a tin chhuak sa a, tah chuan hrui chuan thingbuk chu a han pawt che laih mai a, chu veleh a bul lawk atang chuang thingbuk awmna lai chu an rawn kawp leh ta a, silai kahna hmawralo khu laih chu a hmuh veleh severna chuan rang lutukin chuti lai hmun chu vawi thum a va kap nawn ta a, reilote a han nghak leh a, thingbuk te chu a han pawt che leh thin a, mahse tumah chuan an rawn kap ta lova, amah rawn kaptu chuan bum let a tum ve anihte a rin vangin a che chhuak duh lawk lova, vawikhat a va kap leh chhin a, mahse a reh rei tak deuh avangin sakwrah chuan a va lawn kai a, muangchangin silai lo chhuahna lam pan chuan a kal phei ta a.
A kal tumna chu a pan ding nghal mai lo, zawi zawin a hnaih phei hret hret zel a, a va thlen dawn tep chuan sakawr hram ri a han hria a, a va hawi phei a, an piah lawkah chuan mi pakhat hi bawkkhupin a lo tlu reng mai a. Severna chuan a va pan thuai a, chupa pheikhawk dinglam hnuai chu a hmuh veleh a pindan chhunga rul an rawh theh luh tuma kawtlaia hniak a hmuh pa kha a ni tih a hre nghal mai a. Severna chuan chupa chu a han kai zangthal a, Ignacio a lo ni reng maia, a nghawngah chuan silaimu luhna chu a lo kaw phur mai a. Severna chuan Mastersa khan a lo ti dik a nih hi, tun chinah zawng rul man tur i vai fo tawh lovang, mi lo chang ve reng nge i nih anga, tum lawkna nei lovin min lo hmu palh mai? a han ti a. Ignacio ipte chu a han dap vel a, pawisa tlem, leh vaihlo lehkha them hi a han hmu a, lehkha chu a chanve pawh bun tawh hi a ni a. mahse a bung lehlamah chuan I hun remchang hnuhnung ber thil tih sul ching chu chhawrna ka nei lo the masks ti hian a lo inziak a.
Severna chuan White Masks ho pawi ka lo sawi palh a nih dawn hi, a kut ziak chu a danglam bik hle mai a, a han ti a. Lehkha chu a ak ta a. Tin, ruang bula rifle lo tla reng chu a han chhar a, a kawmah chuan tangkarua a siam perek hi P.M ti chuan an lo chhu lut a.. chu chu a hmuh veleh Severna chuan Phillip Masters engtinnge kan Mexican pa hian he rifle hi a lo neih theih chu le? a han ti leh a. a ngaihna hre lo tak chungin sakwrah a lawnkai a, a kal ta zela.
Skull Canyon pawh chu a lo thleng ta a, chuti lai hmun chu mite lo ambush na tana remchang fahran mai hi a ni a, chung lai vel chu duhtawka enchian hnuin in lam pan chuan zawiin a kir leh ta a. In a va thlen hnuin Severna chuan Larrya chu thil awmdan a han hrilh ve a, Ani lah chuan mi aa chu a vannei chawk a ni an ti reng asin, a lo tihsan lek fang a. Severna pawh chuan a dik ngawt mai, Vannei lo se chuan nang pawh hian angel anga thla i neih vena a rei tawh ang chu a han ti let ve a.
Larrya chuan i lan theih laiin vawihnih ngawt mai maw a han kah thelh che chu, tih leh vawihnih a kah nawnna ah che chuan i zuang per hman ta a ti rawh, a han ti leh a, severna chuan min rawn kah lai chuan pangpar lawr tum zawngin ka muangchang bik hauh lo le, a han ti ve a. Larrya chuan rawn kaptu che chu tunge a nih i hria em? a han ti leh a. Severna chuan Ignacio kha mawle, a tih veleh larrya chu a faifuk raih a, severna hnenah chuan a ruang chu i hnutchhiah mai a ni ngei ang maw? a han ti leh a.
Severna a chuan hnutchhiah mai love, i pa an khaihlumna thing bulah khan ka zalh a, thingkung kha ka han kher belh hlek bawk a, an buai phah viau ang chu a han ti a, Larrya chuan 4B hnathawh pahnihna a nih tak chu, i chungah ka lawm ngawt mai. Jim a han ti a. Severna chuan mai mai a, mi rawn kah vang chauh a nih kha kan hote chanchin hriat theih enge i neih le? ahan ti ve thung a.
Larrya chuan “Geevora tih chauh loh mi dangte chu an tha em em tih ka hria, Geevora erawh chu Bartholomewa rawn tirh a nia, hmanah pawh ka hmu tawh,,” awmze nei tak hian a han ti a. Severna chuan a lo hre thiam nghal mai a. Larrya bawk chuan naktukah chuan mi engzatnge hruai i tum? a han ti leh a. Severna chuan Kei nen paruk kan ni ang a ti mai a.
A tukah chuan ZT Ranch lam panin bawng chu an khalh ta a, Skull Canyon an thlen dawn tepin Severna chuan chawlh a rawt ta a, chaw te an eikham chuan an kal leh a, tah chuan Severna a chu a hmasa fal ta a, Skull Canyon bulah chuan XT Ranch panna kawng kual lam zawkah Severna chu a peng ta a, chu chu Geevora chuan a hmuh veleh a sakawr chu a rawn tlan hnaih tir thuai a, Severna hnenah chuan Boss, kawng dik lovah i kal e, XT Ranch kalna chu heti lam zawk hi a ni a rawn ti a, mahse severna chuan ka hria lawm, heti lam kawng hi a him zawkin ka ring a ni, a lo tihsan ta mai a, chutia a lo tih pah chuan Geevora mite chu a lo enngun hle a, pawiti hmelpu hle hian a hre bawk a.
Geevora chuan i thu alawm le, mahse heti lam kawng hi chu a hrehawm teh ania a han ti leh hram a, Severna chuan Skull Canyon lam chu nuam zawk dawnin i ring em ni? Awmze nei fe hian a lo ti a, Geevora chu a ngawi ta a. An kalna lam kawng chu a lo nuam lo viau reng a, ram chhengchhe zual an pelh fel hnuah an kalna kawng chu a lo nuam leh ta deuh a, hmun nuam lai deuh an va thlen lai chuan puakruk vawihnih a han ri ta a, severna chuan puakruak rikna lam chu rang deuh maiin a va pan a, Geevora’n ngaihna hre lo tak niawma a puakruk a lo en reng lai chu a va hmu ta a. A hnenah chuan Engtizia nge ni mai? Bawng te hi tihthaih, Stampede tir i tum em ni? severna a chuan thinrim deuh mai hian a va ti a.
Geevora chuan ka puakruk hi nghet mang lovin ka hria a, siamthat ka han tum a, ka phawi chhuah zawng chuan a puak ta mai a ni, a ngaihdan ka hre lo hle mai, a lo ti a, Severna chuan puakruk chu a tih luih niin a ring tlata Geevora chu rukru ho tana thawk a ni thei ang em? tih te a ngaihtuah a, tichuan Geevora chu a mitmei rilru ta reng a, reilote ah geevora sakawr chu a lo bai leh ta nghal a, geevora chuan ka sakawr ke a na tlat mai, ka rawn umzui ang che u, midangte hnenah chuan a han ti a, mahse severna chuan thinrim deuh maiin Geevor kan rualin i kal ve ngei tur ani. Sakawr nak hnuaiah khan i pheikhawk chhip zum kha va rawlh lo la, a ke bai pawh kha a dam nghal mai ang a lo ti a.
Geevora chuan phat a han tum dawn a, mahse severna chuan Lazy M kan zir leh veleh i bang nghal ang. Tunah rih chuan kan zingah hian i tel ve zel tur a ni a lo ti ta tlat mai a. Buaina dang engmah tawk lovin XT Ranch chu an va thleng ta a, tah chuan kawng kual lama an kal chhan chu heti hian severna chuan a hote a hrilh ve ta a. Ka lehkha hmuh chu a dik lo pawh a ni maithei a, mahse ngaihthat chi niin ka hre tlat si lova, Phunnawi lova in kal zel avangin in chungah ka lawm ngawt mai a han ti a.
XT neitu, Ridge-a chuan an bawngte chu a lo lei sak fel ta bawk a, Severna pawh chuan a hote hnenah Chaw in ei zawh veleh haw leh nghal mai ula, kei chu tlemin ka la rawn muang deuh ang a han ti a. Severna’n chaw a eikham chuan a bulah Larry-a chu a lo kal a, Kan thiante chu an inpeih tawh a, mahse kei chu i rualin ka haw ve ang, a rawn ti a. Severna chuan An rual chuan haw ve la a tha ang, Geevora kha a haw tawh em? a han ti a, Larrya chuan Haw tawh e, darkar chanve zet a ni tawh ang a han ti a. Severna chuan Hei, lo hawn ang che Bawng kan hralhna pawisa kha tih pahin Larrya chu pawisa ip a han pe a, Larry chuan pawisa chu ah bo pahin Jim, an hriat chhuah a hlauhawm lovang maw? a han ti a. Severna chuan, Khawvel hi hlauhawmin a khat tho alawm, kal mai la, engmah sawi lo turin i ka kha theihtawpin chip hram hram ang che a han ti a.
Larrya te kal hnuin Severna leh Ridgea chu an la inkawm muangchang a, Severna chuan Ridgea chu rin ngam chi ni chuan a hre na a, mahgse Ignacio a kah hlum thute kha chu a hrilh chuang lo va. a hriat chian phawt hma chu ngawih rih thain a hre tlat a. khua a tlai ta bawk a, Severna pawh chu an Ranch lam panin a chhuak ve ta a. Skull Canyon chu a lo thleng dawn ta a, kawng kual lama kal tawh lovin Skull Canyon ah chuan kal tlang ve ta a. a hmanhmawh teh chiam lova, thui pawh a la kal hmain kawng sir lungpui atanga “I ban kha phar thuai la, i sakawr atang khan chhuk nghal rawh,” tih ri chu a han hre ta a.
Severna chu a han hawi chho a, thimtham zingah chuan chiang lo zet hian mi pahnih puan vara hmai tuam a han hmu a amah chu puakrukin an rawn tin reng tawh a, an rawn hmu chiang thei lo bawk a, severna chu a han nui sak a, ban a phar a, sakawr atang chuan a zuang thla a, chu veleh a mah rawn tintu pakhat zawk chu a lokal hnai a, kan hmu ta ngei che alawm a rawn ti chawt mai a.
Severna chuan enga sawi i tum? a lo la ti a, chu pa chuan eng dang ni love, Ridge an bawng man tur pawisa a pek che kha kan nei dawn ta tih thu mai mai mawle a han ti a. Severna chu ring re hian a han nui a, pawisa ka keng awzawng hleinem, ka hote zinga pakhat ka kentir daih tawh alawm, in lo hmu nghe nghe lawm ni? a han ti a, hmaituam pakhat zawk chuan a daw mai mai anih kha, Slick, a ipte te kha han dap vel teh a lo ti a, a thianpa chuan ngaihtuahna pawh chu i va nei chau reng reng ve mawle? a lo ti ta hlur mai a, a tirtu ve thung chuan a ipte kha han dap vel teh, uluk takin Severna chu za deuh mai hian a han nui a, fim ve hle mai a, tu’n nge pawisa chu ka rawn keng tih thu hrilh che u? Geevora’n em ni? a han ti a. Pakhat zawk chuan ngaihtuah mang lo tih hriat fe hian Ni lo a han ti zet a, tah chuan Geevora chu tunge a nih pawh kan hre lo a han ti leh a.
Severna chuan phat marna chu i hre leh rang viau zel a, i chemkalna zawng tak a nih awm che maw? a lo ti leh a. Chupa chuan chhan pawh chhang tawh lovin a puakruk chu a khung tha a, severna ipte chu ngun zet hian ahan dap ta vel a, chutih lai chuan severna chu pakhat zawk chuan puakrukin a lo tin reng bawk a, severna ipte ah chuan engmah a hmuh tak loh avangin a sakawr Jean vel te chu a va dap leh chiam a, tah chuan thinrim deuh mai hia, engmah a awm lo, a han ti a. Severna chuan ka keng lo ka ti reng alawm, dawt phamar thiam pa, i thian kawm duh zawng te’n thu dik an sawi khat ve bawk anih ka ring, hmusit deuh mai chuan a lo ti leh a, chupa thinrim lutuk chuan puakruk a han phawi a, severna chal dar chu tin reng chungin, chutiang thu i sawi leh vaih zawngin ka kap darh vek che a ni nghal mai, a ti ta a, thinrim lutuk avanga chuti khera thil a han ti chu a ti sual der a ni.
a ipte an dap lai atang tawh khan severna chuan a ban chu a phar sang vak tawh lova, zawi zawin a lo thlak hniam hret hret zel a, chutia a hmaia puakruka a rawn tin lai chu a kiu vei lamin a han nghawk zui nghal a, a nghawk na kher a ni ang, chupa chu a tlu nghal der mai a, a thianpa erawh chuan severna chu a rawn kapa, mahse mihring che lai va kap anih avangin a fuh lova, severna ve thung chuan rang lutukin a puakruk a phawi a, amah kaptu chu a han kap let ve nghal a,a ni thung chuan a thelh ve ta lo ani, severna chu rang deuh in sakawr chungah a zuang kai a, chu mite pahnih chu a tlansan ta nghal a.
Tlai lamah a pawisa hawn tir chu pe turin Severna hnenah Larrya chu a lokal a, a hnenah chuan Skull Canyon a kal tlang tur khan min duh em avangin Geevora kha ka ringhlel ta reng a, a puakruk vawihnih zet a han ti puak palh a, chutah a sakawr ke a han ti bai leh ta zel a, ta tang kha chuan ngaihdan ka nei tawh mai a, a sakawr kena kha chhuanlamin a lo va kal hmasak kha ka ring tlat a, kan bawng khalh kha min chhuhsak theih tak siloh avangin a hralhna man tal kha neih an tumin ka ring tlat a.
Geevora chuan phat a han tum dawn a, mahse severna chuan Lazy M kan zir leh veleh i bang nghal ang. Tunah rih chuan kan zingah hian i tel ve zel tur a ni a lo ti ta tlat mai a. Buaina dang engmah tawk lovin XT Ranch chu an va thleng ta a, tah chuan kawng kual lama an kal chhan chu heti hian severna chuan a hote a hrilh ve ta a. Ka lehkha hmuh chu a dik lo pawh a ni maithei a, mahse ngaihthat chi niin ka hre tlat si lova, Phunnawi lova in kal zel avangin in chungah ka lawm ngawt mai a han ti a.
XT neitu, Ridge-a chuan an bawngte chu a lo lei sak fel ta bawk a, Severna pawh chuan a hote hnenah Chaw in ei zawh veleh haw leh nghal mai ula, kei chu tlemin ka la rawn muang deuh ang a han ti a. Severna’n chaw a eikham chuan a bulah Larry-a chu a lo kal a, Kan thiante chu an inpeih tawh a, mahse kei chu i rualin ka haw ve ang, a rawn ti a. Severna chuan An rual chuan haw ve la a tha ang, Geevora kha a haw tawh em? a han ti a, Larrya chuan Haw tawh e, darkar chanve zet a ni tawh ang a han ti a. Severna chuan Hei, lo hawn ang che Bawng kan hralhna pawisa kha tih pahin Larrya chu pawisa ip a han pe a, Larry chuan pawisa chu ah bo pahin Jim, an hriat chhuah a hlauhawm lovang maw? a han ti a. Severna chuan, Khawvel hi hlauhawmin a khat tho alawm, kal mai la, engmah sawi lo turin i ka kha theihtawpin chip hram hram ang che a han ti a.
Larrya te kal hnuin Severna leh Ridgea chu an la inkawm muangchang a, Severna chuan Ridgea chu rin ngam chi ni chuan a hre na a, mahgse Ignacio a kah hlum thute kha chu a hrilh chuang lo va. a hriat chian phawt hma chu ngawih rih thain a hre tlat a. khua a tlai ta bawk a, Severna pawh chu an Ranch lam panin a chhuak ve ta a. Skull Canyon chu a lo thleng dawn ta a, kawng kual lama kal tawh lovin Skull Canyon ah chuan kal tlang ve ta a. a hmanhmawh teh chiam lova, thui pawh a la kal hmain kawng sir lungpui atanga “I ban kha phar thuai la, i sakawr atang khan chhuk nghal rawh,” tih ri chu a han hre ta a.
Severna chu a han hawi chho a, thimtham zingah chuan chiang lo zet hian mi pahnih puan vara hmai tuam a han hmu a amah chu puakrukin an rawn tin reng tawh a, an rawn hmu chiang thei lo bawk a, severna chu a han nui sak a, ban a phar a, sakawr atang chuan a zuang thla a, chu veleh a mah rawn tintu pakhat zawk chu a lokal hnai a, kan hmu ta ngei che alawm a rawn ti chawt mai a.
Severna chuan enga sawi i tum? a lo la ti a, chu pa chuan eng dang ni love, Ridge an bawng man tur pawisa a pek che kha kan nei dawn ta tih thu mai mai mawle a han ti a. Severna chu ring re hian a han nui a, pawisa ka keng awzawng hleinem, ka hote zinga pakhat ka kentir daih tawh alawm, in lo hmu nghe nghe lawm ni? a han ti a, hmaituam pakhat zawk chuan a daw mai mai anih kha, Slick, a ipte te kha han dap vel teh a lo ti a, a thianpa chuan ngaihtuahna pawh chu i va nei chau reng reng ve mawle? a lo ti ta hlur mai a, a tirtu ve thung chuan a ipte kha han dap vel teh, uluk takin Severna chu za deuh mai hian a han nui a, fim ve hle mai a, tu’n nge pawisa chu ka rawn keng tih thu hrilh che u? Geevora’n em ni? a han ti a. Pakhat zawk chuan ngaihtuah mang lo tih hriat fe hian Ni lo a han ti zet a, tah chuan Geevora chu tunge a nih pawh kan hre lo a han ti leh a.
Severna chuan phat marna chu i hre leh rang viau zel a, i chemkalna zawng tak a nih awm che maw? a lo ti leh a. Chupa chuan chhan pawh chhang tawh lovin a puakruk chu a khung tha a, severna ipte chu ngun zet hian ahan dap ta vel a, chutih lai chuan severna chu pakhat zawk chuan puakrukin a lo tin reng bawk a, severna ipte ah chuan engmah a hmuh tak loh avangin a sakawr Jean vel te chu a va dap leh chiam a, tah chuan thinrim deuh mai hia, engmah a awm lo, a han ti a. Severna chuan ka keng lo ka ti reng alawm, dawt phamar thiam pa, i thian kawm duh zawng te’n thu dik an sawi khat ve bawk anih ka ring, hmusit deuh mai chuan a lo ti leh a, chupa thinrim lutuk chuan puakruk a han phawi a, severna chal dar chu tin reng chungin, chutiang thu i sawi leh vaih zawngin ka kap darh vek che a ni nghal mai, a ti ta a, thinrim lutuk avanga chuti khera thil a han ti chu a ti sual der a ni.
a ipte an dap lai atang tawh khan severna chuan a ban chu a phar sang vak tawh lova, zawi zawin a lo thlak hniam hret hret zel a, chutia a hmaia puakruka a rawn tin lai chu a kiu vei lamin a han nghawk zui nghal a, a nghawk na kher a ni ang, chupa chu a tlu nghal der mai a, a thianpa erawh chuan severna chu a rawn kapa, mahse mihring che lai va kap anih avangin a fuh lova, severna ve thung chuan rang lutukin a puakruk a phawi a, amah kaptu chu a han kap let ve nghal a,a ni thung chuan a thelh ve ta lo ani, severna chu rang deuh in sakawr chungah a zuang kai a, chu mite pahnih chu a tlansan ta nghal a.
Tlai lamah a pawisa hawn tir chu pe turin Severna hnenah Larrya chu a lokal a, a hnenah chuan Skull Canyon a kal tlang tur khan min duh em avangin Geevora kha ka ringhlel ta reng a, a puakruk vawihnih zet a han ti puak palh a, chutah a sakawr ke a han ti bai leh ta zel a, ta tang kha chuan ngaihdan ka nei tawh mai a, a sakawr kena kha chhuanlamin a lo va kal hmasak kha ka ring tlat a, kan bawng khalh kha min chhuhsak theih tak siloh avangin a hralhna man tal kha neih an tumin ka ring tlat a.
Chuvangin a fala hawn tlai ka tum thute kha Geevora chuan a thiante a hrilh ka ring bawk a, tin, pawisa chu tumah dang ka kentir duh an ringin ka ring lo bawk a, chuvangin nangni ho kha chu him taka in kal tlang theih mai kha ka beisei tlat a, ka beisei ang ngeiin in kal tlang thei mai reng a, a han ti a. Severna chuan a chanchin chu tumah dang a hrilh duh lova, a chet dan pawh chu a sawi chhawng leh tawh bawk hek lo, mahse a va kalpuite chuan an lo sawi chhawng leh a, chuvang takte pawh chuan severna hming chu a tha ta hle zawk a.
A tuk zingah chuan Phili leh Geevora te inbe lai chu Severna chuan a va tawng fuh a, Geevora hnenah chuan “Engtizia nge, nizan kha?” a han ti ringawt a, Geevora chuan ka sakawr ke kha a nat leh ka hlau a, ka lo kal hmasa ta a ni, ka rin ang ngeiin a ke chu a na leh ta a, chuvangin Ranch pawh ka lo thleng ve zo ta lo a ni a han ti a.
Geevora thusawi chu a awih lo hle tih hriat tak hian Severna chuan I thawmhnaw la khawm la, i bang nghal dawn nia, a han ti a. Phili chuan Engatinge Geevora hi ban i tum a? Sakawr ke nat te chu a ma thiam loh em ni? a lo ti ve ta a. Severna chuan Thiante zinga inlan ve hi zah tlat chang a nei a, chu chu ban a duh chhan ber a ni zawk a, a ni lawm ni kha’h? Geevor a han ti a. Geevora chu rum fe hian a han meng a, tah chuan Mih duh lo tu bulah chuan awm reng ka peih bik awzawng lo a han ti a.
Severna chuan A dik alawm Lazy M Ranch ah hi chuan rawn inlan leh tawh lo la, chuti lo zawng kal bo leh tur i awm tawh lo palh ang e, a han ti zui a, Phili chu lungawi lo tak chungin a in her nghat a, inchhungah a lut ta nghal a, a naupan tet atanga hrehawma tih chang apianga a lo pan thin Dinah-i bulah chuan a va thu a, Negro nu chuan Mami hrehawm ti duh suh. Mister Phillip chu a lo kir leh ka ring tlat, tin, ka pasal tlaktlai lo tak pawh hian Mister Severn hi pa tha tak ani, a ti ve tlat asin, sual hle mahse ka pasal hian thil a hre ve hle ania, tiin Phili chu a lo hnem leh ta nghal a, Phili beidawng lutuk chu a pindanah a tlan lut a, khawvelah chian thian pakhatmah nei ta lo niin a inhre hial a.

CLICK CLICK CLICK CLICK CLICK CLICK

[Ngaia]

A pindan chhung thutthlenga thu chungin Bartholomewa chuan mei a han tan kai a. Pindan chhung chu a han en kual vel a. Chumi ni chuan a pindan tawp te pawh chu a ngaimawh thar hle a. A hma lam chuan pawi a lo ti vak ngai mang lova, Phili chu neih a, Lazy M Ranch ina insawn mai chu a lo beisei rilru thin a, mahse tunah chuan chu chu a beisei awm ta lo hle hian a hri a. Lazy M ho chuan Foreman thar an neih bakah an pu, Mastersa chu a bo ta daih bawk si a. Masters-an thurochhiah a siam a, Phili kum tlin hma a pasal neih a rem tih sak lohna chhan te pawh kha a hrechiang em em bawk si a.
Chutia a ingaihtuah lai chuan Pentona chu a lo lut a, engtizia nge ni le, Bart? Phili kha Desert Edge ah ka hmu asin, Bartholomew a hnenah chuan a rawn ti a, Bartholomew chuan “A Pa’n tirawh a tih angin Judge Embly hmu turin a va kal nih kha. Kan masters mi aa pa lah chuan Phili enkawltu atan Emblya chu a lo ruat khanglang a, a remtihna lo chuan Phili’n engmah tih theih a nei ta bawk si lova,” a lo ti a. Pentona chu a faifuk raih a, chuti chu, in la innei thei lawk dawn lo tihna a va ni mai awm ve? Phili chuan Emblya remtih lohvin nei lui ta che sela engtin nge ni ang? tiin a han zawt a. Bartholomew chuan thinrim deuh maiin Ranch hi a hloh anga a, engkim a chan vek ang a lo ti hmuk a. Pentona chuan, a nih hrep tak chu, Masters chu a va han fing vervek ve mawle, Phili chu a hmel pawh a tha hle a, mahse sum tel lo chuan hmelthatna ngawt chu a famkim tawk lo deuh a ni. Lazy M hi han rochun chiah sela zawng a hmel thatna pawh a famkim deuh tur, a han ti a. Bartholomew chuan chanchin hriat thar enge i neih? tiin a han zawt leh a. Pentona chuan Judge chuan a hmangaih lo hle che, tih mai loh chu hriat thar engmah dang ka nei lo a han ti a.

Bartholomew chuan chanchinthar zuk hre thei hrep che a le, ka hnen atanga va kal i nih te i va insawi elaw? lawm mang lo zet hian a han ti leh a. Pentona chuan Ka hrilh kher pawh ngai lovin a lo hresa vek ani. “Tin, Severna chanchin chu ka han sawi tan dawn chauh a, Severna chanchin hre duh te i nih chuan heng heng a lokal a ngai hleinem, in bul hnaiah amah severna ngei pawh a awm a, zawt la nimai lawm mi lo tihsan mai si a, a han ti a. Reife a han ngawi leh rih a, tah chuan Desert Edge khuaah chuan Severna chanchin hria an awm manglo, Judge hmu turin akal zeuh zeuh a, mahse khawi atang lokal nge a nih hria an awm lo, tin mikhual pakhatin fallana a kap hlum tih thu kha i hre tawh emaw? a kap hlumtu kha severna hi a lo ni reng alawm. Sawi buai theih engmah pawh a awm lo, sawi buai tum pawh an awm bawk hek lo. Fallena khan hmangaihtu a ngah teh chiam lo, a boral ta mai pawh kha a leibatna te chauh lo chuan pawi ti an awm lo. Engpawh nise amah hi a kal hmasa ber chu a ni phawt mai a han ti leh a.
Bartholomew chuan enge maw i sawi tak daih chu le? a ngaihna hre mang lo tak hian a han ti a. Pentona chuan hmanhmawh lo fe hian, ka tum chhan chiah pawh hre chuang lovin, Forbya in hmun lam kawngah khan ka lo hawng a, Forbya kan khaihlumna thingkung ah khan mi pakhat a lo inkhai reng mai a. Chu pa chu thingkung atang chuan ka han la thla a. Ignacio kha a lo ni reng mai a. a nghawngah an kaphlum zeta thingzarah chuan an khai leh ta tih a hriat nghal mai a. An sawisak dan kher chu a mak viau a ni. Mak i ti ve em? Bartholomew a chu a han zawt a, a ni chuan chhan pawh chhang lovin a lo rum nghut a.
Pentona bawk chuan Thingkunga 4B inziahna chungah khan hmun hnihah thar zetin a lo inrek leh tawh bawk a. Tin, Fallana leh Ignacio te chu kan thil tihna a tel ve ve kha anni a, tichuan mi 5 kan la awm a, Kei, nang, Darby,Devint, leh Geevora te, kan zinga tu ber hming hian nge thing kung chu reh a nih leh dawn tih chu ngaihtuah tham tak a ni a han ti leh a. Bartholomew chu za lo zet hian a han nui a, I zam leh lutuk a, thil hmuh sual te pawh i tan a nih chu, kum sawm zet a ni tawh a, chumi chhung chuan kan zinga mi tupawh boralna hun chu a awm tho alawm han ngaihtuah chiang la, Ignocio kha pa langsar lo tak leh hmelma ngah tak a ni a, a maherawh chu a thattu in khami thingkung kher kher a, a lo khai kang erawh chu a mak deuh hlek pawh a ni maithei, A khai a, ngaihtuah thui vak lo teh ang, a aia pawimawh zawk ngaihtuah tur a awm, severna chuan Ridge a hnenah bawng chu a va hralh tawh a, a man pawh him takin a thlen leh tih thu ka lo hria a, chuti a nih chuan Lazy M ah chuan thuneitu ah a thu nghet hle tawh tihna a ni si a, engtinnge kan tih tak zel ang? a han ti a.
Pentona chuan Shady hi a phawirang bawk a, Hope khuaah hian hmel hriat a nei lo bawk a, kan tirh a ni tih pawh hriat chhuah harsa tak a ni dawn a, chuvangin severna that tur chuan tir mai la, a tha lawng maw a ti ta a. Bartholomew chuan Shady hi chu a phawi rang ve hle a, mahse severna chua a tluk dawn em ni? a thah mai chuan a uihawm viau dawn bawk si a. tiin pentona chu a hnial a. Pentona thung chuan Shady chu lo phawi rang lo deuh zawk pawh nise fair taka inbeih tir kher a ngai heinem, khaw chhungah te chuan thu i nei ve bawk a, chuvangin i thil tih theihna i hmang mai ang chu a lo ti leh a. Pentona rawtna chu Bartholomew chuan a han ngaihtuah vung vunga a, i sawi ang chuan ti ila a tha ang severna hneh theih dan tur chu keiman ka lo ngaihtuah ang. Tin, Mastersa bo dan ah hian severna hian thil hriat engemaw a nei niawm takin lo sawi kual vel la a tha ang a han ti a.
Chawhnu tlailam deuh hlek tawhah Hope khuaa an Bank kawtah chuan Severn leh Larry te chuan an sakawr tiding in Bank ah chuan an lut a, Dollar 2000 zet Bank ah chuan an dah lut a, an chhuak leh ta mai a, bentona Saloon lam panin an kal leh ta zel a. Saloon chhung an va luh chuan Benta chuah lo chu tumah midang pawh an lo awm ve lova, severna te chu a lo hmuh veleh in tur te a lo pe sawk sawk a, in dam zel maw? enge Lazy M chanchin a lo ti luam a. Ridge a Ranch thlenga Bawng i va khalh theih dawn leh dawn loh thuah te an lo inchawi nak nak asin, i theih loh ring an tam zawk nghe nghe a, a han ti leh a, Severna chuan Benta a thusawi chu a chhang lo nain al beng lut zawng tak ani a.
Severna te thiandun chu Ranch mamawh thil leiturin Callahana dawrah an lut leh a, mahse Callahana chuan Mastersa thil rwan leina ber chu kan ni a, mahse engmah leitir tawh lo tur chu u in min hrilh tlat a, a lo ti a, Severna chuan chuti e anih leh Wintera kan va dawr anga ni mai alawm tiin dawr neitu hming dang chu a han sawi a, Callahana chuan ngawi rih teh, Barta chuan thu min pe tih thu ka sawi mai ania, zawm ka tum tih thu ka la sawi heinem a han ti a, an thil mamawh te chu a tuka rawn thawn turin an hrilh a, dawr atang chuan an chhuak leh ta a.
Mugera saloon Come Again chu a awmna khaw tet ngaihtuah chuan ropui ve tak hi a ni a, Saloon chhung a thutthleng leh dawhkanin a khat a, kil tinah chuan darthlalang lian fe fe a inhung thluah bawk a, bar se fe mai chu a inhung a, Bar hnung lamah chuan zu um a inhung tlar tuarh mai bawk a, Severna chu amah chauh in saloon ah chuan a va kal ve a, Bar ah chuan a va ding a, Saloon chhungah chuan mi an tam bawk a, severna chuan chung mite chu muang changin a han thlir kual vel a, Severna sir leh lamah chuan Bartholomew leh Pentona leh Martina te chu an ding hova, reilote ah martina chu achhuak leh ta nghal mai a. Saloona a luhna chhante chu a han ngaihtuah a, Bartholomew a leh ahote chen khawmna ber a ni tih pawh a hre reng si a, chuti chung pawh a akalna chhan chu thil pawimawh engemaw te hriattur a awm palh tak hlauhvin tih thu mai mai vang ani ber a, Larry a pawn ho a tih em vangin a kalpui ve duh ta lo kha ani nghe nghe a, mahse a han hawi vel chuan Larrrya lo lut lai chu a va hmu hlauh va, a nuih a za rilrul hle a.
Hmun ralmuang lova awm thangte chuan thil hlauhawm lo thleng tur hriat lawk theihna mak tak an nei thin a, Saloon chhungah chuan rei pawh a la awm hmain severna pawh chuan thil engemaw lo thleng tur awm nia hriatna mak tak chu a nei ve ta mai a, Bar dawhkan a sir zawng deuha ngheng chung in severna chuan Bartholomewa te pahnih chu a en ru deuh reng a, buaina engemaw pawh lo thleng se chu mite pahnih chu a chawk chhuaktu an nih ngei a ring tlat a, a ngaihtuahna chu a dik thawkhat hle a, mahse Bartholomewa fin kherek zia a la hre chiang lo deuh a ni.
A kawr awma Sheriff chhinchhiahna badge chiang fahrana intar chungin Sheriff chu a lo lut a, a hnungah chuan martina leh midang pakhat in an rawn zui lut nghal bawk a, anni pahnih chuan Bartholomewa te awmna chu an pan nghal a, chu veleh bart chuan Bar nghaktu hnenah chuan In tur min han peh teh, sam a han ti a, an panga chuan Bar bula an din ve tak avangin Severna a chu insaseng tumin a han hnungtawlh deuh a, severna chuan a hnunglamah ding an awm tih pawh chu a la hre lova, chupa bul lawkah chuan a va ding ta a, chutih lai chuan no tla keh ri chu a han hre ta mai a, a hnung lam atanga “Bawng veng, mi nikhua lo lutuk, mi tihbuai lova awmdan ka han zirtir ang che,” tih ri severna chuan a hre ta a. Chu tih lai la la chuan a hnungzangah Puakruk ngulin a rawn hawlh reng tawh a ni tih pawh chu a hre nghal a, “I chet hlek chuan ka kap darh vek che a ni nghal mai,” awm chuan a han ti zui a.
Severna chu a din ngaiin a ding reng a, a inring lo lai an nangching ani tihpawh chu a hre chiang hle a, a rawn vautu chuan a ti mai mai lo ani tih pawh chu a hre chiang em em bawk a, han che hlek se chuan thih pawh a thi nghal mai dawn reng a. Chutih lai chuan Che suh, Pathum ka chhiar thlen hmaa i puakruk kha i paih loh chuan ka puakruk hi ka hmet puak a ni nghal mai- Pakhat-Pahnih tih ri chu a han hre leh ta a, Severna puakruka tintu chu a han lehhawi a, a hnung lamah chuan tlangval pakhat hian amah chu a rawn tin ve reng tawh mai a, a rawn tintu hmel chu a rum em avang leh ti mai mai hmel a put loh em avangin a puakruk ken lai chu a thlauh ta a. chuveleh a mah tintu chuan Khaile.. Don a ha ka phawisak ta bawk a, i duh duhin han che ve tawh teh a han ti a.
Chuveleh Severna chu rang lutukin a in hre a, a inher pahin chu pa khabe ah chuan nna lutuk tak mai hian a han hnek ta a, a hnek na kher bawk a, chupa chu a leng phei nawlh a, an piah lam a, dawhkanah chuan a va inbang kuai ta reng mai a. Severna chuan puakruk pahnih chu phawi mai inpeih rengin a kut a thlak thla a, chupa chu a va pan hnai a, mahse sheriff chu a rawn inrawlh ve ta a.
Aw ring zet mai hian sheriff chuan enge ni tih i tum chu le? heti laiah buaina i rawn siam a, mi zahawm tak takte i rawn khawih vel a, engtih tih tur....? a han ti hman chauh a, severna chuan Sheriff i inngaihlu lutuk deuh a nia nge? eng teh chiam han ti thei tur hmel pawh i put loh hi mawle a lo ti a, inchhung amite chua an lo nui huk a, chu chuan sheriff chua ti thinur zual sauh a, severna bawk chuan tih leh, hepa hi i thian a ni ang tih ngaihna ka lo hre lo bawk ani ahan ti leh a.
Sheriff chuan ka thian a ni awzawng lo , amah hi tun hmain hmuh pawh ka la hmu ngai bawk hek lo, mahse dan kengkawhtu ka ni....? a han ti leh a, severna chuan hmusit tih hriat tak hian i rawn in rawlh tlai lu deuh a ni lo maw? He pa hian puakruka ka hnunglama mi rawn tin lai kha chuan chirhdiak hlawmkhawm ang mai khan i awm mawl ve ringawt a, mi rawn tin laite pawh kha i hmu ve reng tho si a, a han ti leh a.
Sheriff chuan a ke i rah sak a, a no dawm lai i tihbuak luih sak bawk a, ka hmu ve reng che alawm, lo kap ta che pawh nise i chawh ka ti hle zawk ang a han ti vel leh a. Severna chuan inchhunga mite chu nui chungin a han enkual zet a, tah chuan sheriff i mit a dik meuh tawh lo a nih ka ring, Doc entir thuai la a tha ang, chuti lo chu i la buai thui phah viau ang tih a hlauhawm a han ti zet a, chumi hnu chuan thu tak zet mai hian, Sheriff leh Marshall hi ka lo hmu ve zeuh zeuh tawh thin a, ka hmuh zingah chuan a lak tlak loh ber i la ni. he khuaa mite hian engvangin nge laiking tur nei chu va man a, a awm a sheriff badge an lo vuah sak ngawt mai hi mak ka ti viau a ni a han ti a.
Sheriff thinur lutuk chu a dang nghal sawp sawp mai a, a biangte pawh chu apuar deuh uk tawh hian a lang a, a men pawh chu a meng zau hlei thei tawh mang lova, a maimitchhing deuh sur tawh a, a lo entute pwah chuan laiking tur nei chi te pawh chu ang thei dawn dawnin an hria a, severna hnenah chuan thinrim tawp khawkin sheriff hmusit takin i hau a, dan kalh zawngin thil i ti ani, a han ti ngawt a, mangang tawh tak maiin a puakruk chu phawi tum chungin i ban phar rawh ka man nghal dawn che ani a han ti leh a,
Severna chuan i va han mawl tak em !!! ka duh phawt chuan i puakruk phawi hma hma khan ka kap darh vek thei che tih i hre lawm ni?? a han ti zet a, tah chuan, “ AA ni lo ve, Sheriff, rem ka han ruat pui zawk teh ang che. Lehkhaden thar hlak kan la ang a, kan phawk ve ve ang a, a phawk huai zawk chuan kal hmasak tur a ni ang a, pen hnih vela inkar hlatin kan ding anga, a phawk huai zawk chuan a phawk dawih zawk chu akap hmasa mai dawn a nia. Chutianga khawpa hniah chuan nang meuh pawh hian i hlah tawh bik em lovang chu maw?? Chutia kan tih chuan i tan pawh beiseina pawh a awm ve deuh dawn a sin a han ti a.
Chutih laia Sheriff hmel chu hmuhnawm tak ani. Inchhunga mite chu a han enkual vel a, anni lah chuan engtin tak chhang ang maw? ti niawm tak hian amah hlir chu an lo en thup mai si a. Severna chu man tuma midang tanpuitu a sawm vaih chuan a mah chu a thi hmasa ber tur ani tih a hre chiang nasa mai si a. Lehkhaden phawh ringawta nunna han dahkham mai tur chu a ngaingam chiah bawk si lo. Lo phawk ngam tehreng pawh nise a phawk dawih zawkah a tan ngei a inring tlat mai a. A han inngaihtuah vung vung a, tah chuan “Mi han vau der dan i thiam zet mai. Hemi hi vuan reng chung chuan min chona chu ka pawm thei lo tih i hrechiang hle ani lawm ni?” tih pahin a awma Badge chu a han khawih a.
Severna erawh thung chuan I vunah a inthui bet lo ani lawm ni? a han ti zet a. A enga pawh chu nise ka rawtna chu lawm taka i pawm nghal mai zawng ka lo beisei ngam lo reng a ni. phat mawina tur i zawng chungin ka ring reng a ni. mahse ka thil rawt chu ka ti mai mai lo ani tih hriat nan i aiah i thiante tupawh lokal se ka pawm tho ang, hemi thian hi emaw ti chungin a hnek thluka kha a han kawk leh a, a mit erawh chuan Bartholomew a chu a enreng thung a, Bartholomew chuan dar a han chhin a, hepa hi ka hre ngai lo tawp mai, chu lo rengah ka hmelmate chu keimah ngeiin ka bei mai thin, keima duh ve dan kawng zawngin a lo ti thuai a.
Severna chuan nui deuh reng chungin, “Mi sawi ka lo hriat ve danin chu chu a dik hlein ka rin,” a han ti phawt, Bar enkawltu hnenah chuan,”He pa hia lo harh chhuah leh hunah mi rawn zawn hmuh theihnan ka lo awmna tur chin lo hrilh ang che,” tih pahin a inher a, inchhunga mite chu pawisa lo tih hriat fe hian a kal chhuak ta nghal a.
Khaw pawn a thlen hnuin Larrya chuan a rawn umpha ve a, lawmthu lo hrilh a tum a, mahse engmah a sawi hman hmain Larrya chuan Saloon chhungah khan thil kha ka lo en ngun hle a, thil zawng zawng kha an lo ruat lawk vek niin ka hria, a zu no pawh kha i va khawih sak lo reng reng ani. tunge a nih pawh kha tunah chuan ka hre chhuak tawh, Gunman a ni a, a phawi rang em em bawk a, a hming chu Shadewell a ni a, mahse shady tiin an ko ber thin, a reng rengah engvangin nge khatiang thil atthlak te kha i han rawt chhuah reng reng ni? Sheriff khan lo ngam ve ta tak tak se engtia tih nge i tum dawn? a han ti ha a...
Severna chu a han nui vak phawt a, tah chuan a dawih em a, a ngam dawn chuang lo tih ka hre tlat a ni. Sheriff kha ka tum ber pawh a ni bawk lo reng reng a. Lehkhaden phawh ringawta thi tur leh dam tur zawk han zawn ngat mai chu huaisen ngai tak ani tih pawh ka hria, dan pangai anga hmachhawna inbeih hi chuan beiseina a tam hle zawk ani. Saloon chhunga mite khan kan thusawi kha an hre vek a, Bartholomewa ka han cho ta pawh kha thenkhat chuan lo pawm ve mai turin an lo ring ngeiin ka ring a. Chu chu ka han duhna chhan tak pakhat pawh a ni zawk nghe nghe a a han ti a.
Larry-a chuan,”I at-mu len vang mai maiin tul lovah i nunna hlauhthawnawm takin i siam ta ni maiin ka lo ngai asin,” a han ti ve a. Severn-a chuan,”Bartholomew-an a hming thatna a hloh tur kha kan tan chuan thil hlu tak ani. Mihring rilru lam Psychology ngaih pawimawh a tul ber a ni,” a han ti leh a. Larry-a chuan,”A lo nih hre hlawm tak chu - Professor,” a ti ta deuh salh a

CLICK CLICK CLICK CLICK CLICK CLICK CLICK CLICK CLICK CLICK CLICK CLICK CLICK CLICK

Click tu in tam chuan a dang kan ti leh ang