You'll Regret (M&B) (Completed)

Episode nei ho a hlawm a dahkhawmna
Ngaia
Site Admin
Posts: 25813
Joined: April 30th, 2016, 4:07 pm

Re: You'll Regret (M&B)

Unread post by Ngaia » November 26th, 2017, 5:08 pm

A tukah chuan a Ni chu a damdawi hian a chhawk thei ta tlat lova, a Ni mi tuarchhel pawhin na a sawi takah chuan Laura i chu a hlauthawng ta hle a. Rang takin Bill a nen chuan damdawiin lamah an hruai ta nghal a. Andrew a leh a ho te chuan an lo buaipui nghal thuai thuai a, Laura i chu a tap deuh par reng bawk nen Bill a chuan a kuah vawng vawng a, a chala fawp zeuh pah chuan,"Sweetheart, i duh phawt chuan damdawiin tha berah kan kal ang!" tiin a thlamuan a.

Laura i chuan nghet taka Bill a kuah pah chuan,"A result kha a tha vek si a, enge thil awmzia hi ka hrethiam hauh lo... Ka Ni hi ka chan thei lovang, Bill...." mittui tla zawih zawih pah chuan a ti a.

Andrew a chu a rawn chhuak leh thuai a, "Nachhawkna kan pe a, a chhawk thuai ang. Thisen te pawh a mamawh anih hmel a, hlauthawng lo phawt teh u..." a ti tak na chuan Bill a chu awmze nei tak hian a melh ralh a. Bill a pawh chuan Andrew a signal pek chu a man thiam khawp mai, Laura i Ni hian a daih rei tawh dawn lo tih pawh a lang ni berin a hria a. A Ni thih hma ngeia inneih fel chu a duh avangin, "Andrew a a awm thova, ka lo kir leh vat ang" tiin a kalsan ta a.

"Laura, lokal rawh ka room lamah i kal phawt teh ang" Andrew an a tih takah chuan ngawi reng chuan Laura i chuan a zui ve ta nghal a.

Andrew a room an luh chuan an thu fel deuh chiah maw tih ah chuan, "Andrew, thil awmzia hi min hrilh rawh lhawngaihin! Ka Ni hi a tha hauh lo tih ka hria ania, enge ka hriat lohva thup in neih? A tha lo takzet a ni ka Ni hi..." Laura i chuan a ti ta tawp a.

Andrew a chu a rilru a buai hmel khawp mai a, a in ngaihtuah vang vang a, hrilh mai hi tha in ka hria tiin a hrilh ta vek a, Laura i chu a dang bawih bawih a. A mittui chu a tla leh zung zung a, a Ni in alo hmangaih zia a ngaihtuah chuan a na a ni.... "Andrew, engvanga a hma atanga min hrilh lo nge i ni?" a ti zuai raih a.

"Ka hrilh theilo che a ni, Laura. Bill a pawh hrilh lo tur che in i Ni in a tih avangin a ngawi anih hi!" Andrew a chuan lainat na a khat aw hian a ti a.

"Chu mi zawng zawng an hria a, keia lakah chiah inlo thup tihna ani maw...engtin nge in theih zawk a!!" a ti fiak thak a.

"Laura, a hreawm ang tih chu ka hria alawm, mahse sawilo tura min ngen vang zawk chauh ani" a ti dam duai a.

Laura i tawng leh hma chuan Bill a chu a rawn lut ve hlawl bawk a, Laura i leh Andrew a awmdan a hmuh chuan thil diklo a awm a ni tih a man nghal mai a. "Enge diklo awm a, Laura?" a ti nghal a.

"Enge diklo maw? Engvanga engmah min hrilh lo nge in nih?" a ti ta bawrh bawrh a. Bill a chuan a hria tih a hriat chuan Andrew a chu dem hmel tak hian ava en a, mahse Andrew a pawh chuan,"Sawi mai kha a tha zawk, Bill. Pi Nora i hian rei a dampui tawh dawn silo nen" nuam tichiah lo hmel tak hian a lo ti ve a.

"A tha vek e, Laura i Ni hian i hria a ni tih a hre tur ani lo. Chuan a men lai ngeia pasal nei tura a duh ang che khan kan innei nghal bawk ang. Naktuk dar 11 ah court ah kan inneih natur ka tifel zo chiah e" a ti ta charh charh a.

Laura i chuan, "Engtin nge tun ang hunah hian pasal nei se min tih a??" a ti vin hlar a.

Andrew a erawh a shock hmel hle a, mahse a in siam rem leh thuai a,"Laura, i Ni tan vek alawm i tih dawn, Bill a rorel chu a tha in ka hria" a lo ti ve ta a.

"Engmah hi ka hrethiam lo, pasal ka nei dawn a rawn lah ka ni hek lo..." thu thla hnawk pah chuan a ti a.

Bill a chuan a dara vawnsak pah chuan,"In rawn na hun kan nei tawh lo Laura, i Ni hi engtiklai pawh a kal mai thei ani tawh. A duh ang ngeiin him taka i awm chu i hmuhtir ve duh ngei ka lo ring asin! I Ni hian a kalsan hma chea i him a ni tih leh i hmangaih tak nena in inneih hi a duh ber a ni asin!" a ti ta charh charh a.

Andrew a pawh chu lo in rawlh leh in,"Ni e, Laura. A duh ber chu him takin a kalsan che a, ngaihtuah awmin i awm lo tih hriat kha a ni e..." a lo ti ve bawk a.

Laura i chu a ngawi reng a, sawitur pawh a hre hek lo. A duh emaw duh lo emaw a Ni hlim nan chuan pasal chu a neih ngei a ngai ani tih erawh a hrethiam ta a. "Awle...ka nei ang che, ka Ni hlimna anih dawn phawt chuan, ka tih theih zawng zawng ka ti vek ang" a ti ve ta a.

Bill a chu thawveng hawk hian a lang a, nizan kha Laura i hian a sawmna kha aw mahse a thulh leh kha a lo hlauh ruk ber a ni a. A Ni natna hmangin a nupui ah nei dawn pawh nise a neih theihna anih phawt chuan pawi pawh a ti tawh lova. A rilru chu a hlimin a lawm veng veng a, mahse Laura i chuan thinlung takin pasal atan a pawm lovang tih erawh a hlau hle thung a.

A tukah chuan an thian tlemte te hma ah chuan court ah chuan an innei ta a. Mo kawr a ha lova, honeymoon a awm dawn bawk lova, engkim chu a lem hle hian a hria a, mahse Bill a nupui a ni ta tlat mai. Hmangaih ve lo mah sela, a Ni hlimna a duhpui hrim hrim avang pawh chuan lehlam takah chuan Laura i chu a lawm hle thung a. Andrew a erawh chhuanlam siamin a lo telve lova, a lainat rilru hle bawk a. Romela i leh Justin a te chu thianah an hmanga, an inneih fel hnu chuan damdawiin lam an pan leh ta dial a.

A Ni rooma an luh chuan a Ni chu alo muhil lova, an pahnih chuan hlim tak hian alo nuih hram hram a. "Darling, ka lawmpui lutuk che" a ti sap sap a. Bill a lam chu a en leh a,"Ka vahnu hi hlim takin i siam ang tih min tiam rawh, Bill!" a ti thung a.

"Pi Nora, Laura i hi ka hmangaih alawm, ka nunna ai pawhin ka hmangaih avangin engtiklai mahin a hreawm hi ka phal ngai lovang!" chang fak chuan a ti a.

'Hmangaih'a tih avang chuan Laura i chuan phawk ta hian Bill a chu a en a, a Ni rilru nawm nana sawi mai mai nge anih a lo hmangaih tak tak tih chu hriat tumin Bill a mit chu a en kar a, mahse engmah a hre thei chuang lova. A rilru chu a vuak kual thui hman hle a ni, hmangaih tak tak se pawh a ti hle bawk. Mahse a ni thei hian a hre bawk silo.... Bill a hmangaihna tih vel awih lo leh pawm lo hian min hmangaih tawp lovang, ka Ni rilru nawm nan a sawi mai mai aniang tiin amah leh amah chu a inzilh ru mawlh mawlh a.

A Ni chu damdawi in an chiu leh takah chuan a mu leh ta bawrh bawrh a. Thisen pawh unit hnih lai an pe a, nurse fel tak takin an vil hneh hle bawk a, Bill an sum leh paia buai lo tura a tih avang te pawh ani mahna thawktu ho te chu an vai hian an phe suau suau hian Laura i chuan a hria a. Andrew a pawh inti pachang takin an mahni lawmna thu hlan tur chuan a rawn lut ve a, mahse a hmel ah chuan tilang lo mahse Laura i leh Bill a te chuan a na a ni tih an hrethiam hle bawk.

Romela i chuan, "Laura, zanin chu inah va riak ula, hei kan lo awmpui thei alawm" a ti a.

"Ka duh lo, ka Ni hi ka kalsan dawn lo. A bulah hian ka theih anga tam awm ka duh a ni.." a ti vat a.

"Aw...i la awm dawn chauh alawm, pasal i neih zan ania in haw kha a tha zawk" tiin Justin a chuan a lo hnial ve tlat a.

Rei tak Laura i an thlem hnu chuan Bill a chuan a hruai haw ta a. In an luh chiah chuan lauraw i chu kawkharna namen lo hian a rawn tum hlup hlup a, "Bill, ka Ni hi chhan thei an awmlo ami?" tiin Bill a awmah chuan a bei thlawp a, a inhnit leh ta nghal hlawp hlawp a.

"Laura, mihring hi tupawh la thi vek tur kan ni alawm. A na tawrh saw a na em a, i khawngaih lo ami? Sawitia a dam reng chuan ama tan sawn a hreawm hle dawn asin. I rilru kha ti pau khauh la aw..." a lo ti duam duam a.

"Mahse, a kal hi ka la phal lo alawm" a ti faih faih a.

"Kan hmangaih te hi an kal tuman kan phal hleinem, mahse khawvel dan ani miau si alawm" a ti a.

"Cancer hi ka hua, ka Ni min laksak tu ani miau dawn a" tap uarh sauh pah chuan a ti a.

"Shhhh.... Sweetheart, insum rawh! Pachang tak leh puitling taka i awm angai ania. A bulah phei chuan hlim taka lan kan tum reng tur ani, i hria tih hi a hre tur ani hauh lo aw..." tiin a hnungzang ah chuan a chulsak hauh hauh a.

"Ka bula i awm avang hian ka lawm e, Bill. Nang hi awmlo ta la, engtin nge ka awm tak ang?" Bill a en pah chuan a ti a.

"A tawk e...hei i bulah ka awm a, ka awm reng tawh dawn alawm!" tiin a hnem a.

Vawiina a Ni hma a hmangaih tih vel a sawi kha laurae i chuan zawhfiah a chak hle a, mahse amah Bill an a sawi chhuah bawk si loh avang chuan a Ni rilru nawm nana sawi a ni tih a ring ta hmiah a.

"Lokal rawh le, mut hahchawlh i mamawh ania, i hrisel na kha i ngaihtuah tel loh chuan i Ni i enkawl thei dawn hauh lo ania" tiin Laura i room lamah chuan zawimuang hian a hruai ta a.

An inneih zan pawh ni mahse Bill a chuan insum a tha in a hria a, Laura i chu hahchawl se a duh ber a. A men reng chuan a rilru ah a Ni a ngaihtuah bang dawn lo tih a hriat avang chuan, "Muhil rawh aw, i bulah ka awm reng ania" tiin a fawp zeuh a. Laura i pawh chu a muhil ve ta thuai a, a pasal neih hi chu ropui lo hle hian a hria a, mahse a Ni a hlim avangin a ni pawh a hlim tur a ni tiin a infuih ru sauh sauh a.

A tuk chawhnu ah chuan a Ni thawk chu a buai ta thut a,doctor leh nurse rual chu a Ni roomah chuan an tlan lut a. A tul ang ang anti zung zung a, mahse a Ni chuan a kalsan ta thova. Bill a leh midang ho nen chuan a Ni room pawnah chuan an lo awm thap a, kawngka chu zawimuang hian a rawn inhawng a,Andrew a hi meng hnuai lap chung hian a rawn chhuak a.

Romela i chuan,"Andrew...." a ti thei hram a.

"A pawi ka ti lutuk, kan chhan thei ta lo ani e" Andrew a chuan Bill a dara beng thak thak pah chuan a ti ta a. Chu velh Laura i chu Bill a kuahna atang chuan a talchhuak thut a, a Ni roomah chuan a tlan lut nghal a. A Ni taksa lumna pawh nei tawh lo chu a hau mial mial a, a sawi erawh chu midang tan chuan hriat a harsa hle a. Bill a chuan ava kuah thlawp a,"Darling, insum teh! Khawi lokal rawh hei midang hi an hna thawh tir ta che" tiina thlem a.

Mahse Laura i chuan a sawi chu hre awm pawh hian a lang lova, a Ni chu a kuah a, a be leh mawlh mawlh a. Romela i chuan tap aw tuau chung chuan,"Laura lokal rawh le...inah kal ang aw..." a ti a.

Laura i chu a meng a ruai a, an pawhsawn loh chuan a kal dawn lo tih an hrethiam ta mai a, Bill a chuan a pawm ta nawlh a, a kalpui ta nghal a. Laura i chu a shock em avang chuan an lainat hlawm hle a, mutduhna damdawi hian an chiu ta a. Bill a chuan pastor leh a phumna tur vel chu a tifel zung zung a, Laura i pawh a rawn harh leh meuh chuan a pangngai ta deuhva.

A tuka a Ni vuina programme an hman pawh chuan Laura i chu a pangngai thei meuh lova, mahse nimin ang em em kha chu a ni tawh lova. Pasator in hun a hman zawh hnua kuang an thlak lai chuan Bill a chu a kuah a, a tap thlawk tlawk a, Bill a chuan haw pui nghal mai a tum a, mahse Laura in ka la awm duh a tih tlat avang chuan midang chuan an hawsan ta a. A Ni thlan chunga leivungah chuan a thu thla hnawk a, "Ni, ka ngai dawn lutuk che, min veng reng thin rawh aw...ka bulah awm reng thin rawh aw..i tih ziah thin ang khan! Ka lo kal leh vat dawn nia" tiin a ding ve ta nalha, Bill a chu a kuah a,"Kal ang le" a tih chuan Bill a chuan mak a ti zawk hle a.

In an thlen chuan Romela i te nupa te, Andrew a leh Mrs. Daniels i te an lo awm kim thap a, Laura i chu an lainat hle a ni tih pawh an hmel atang chuan a hriat hle a.

Kar thum hnuah chuan Laura i pawh a zia tawh hle a, a nun pangngai a hmang tan chho veleh tawh a. Zinga a tho coffee siam tura a chhuk chu a luak hi a chhuak delh tlat hian a hria a, a lu te pawh hai deuh muai muai hian a hre bawk a. A Ni boral atang khan engmah hi a ei in mumal tha lo nen, a taksa chu a chau lutuk anih ber a ring a. Coffee leh a hmeh nen a pasal mutna lamah chuan a inchhawi chho va, step pawh chu nidang lo ang takin kal harsa a ti hle a.

Rooma a luh rual rual chuan a try chawi chu dawnkhanah a nghat chawrh a, bathroom ah a tlan lut nghal a, a thawmah chuan Bill a pawh chu a harh ta a. Bathroom a thleng chu a luak ta bawrh bawrh a, a chau hnawk thei a ni. Bathroom atanga a chhuah leh chuan Bill a chuan a lo en uluk hle a,"Na i nei em ni?" a lo ti hu a.

"Nei love...ka lu hi a hai deuh hleka, chuan ka luak kha a chhuak em em bawk a. Mahse ka zia huai tawh e.." a ti ve mai a.

"Anih chuan eisual te i nei aniang, doctor hnenah ka hruai dawn che nia.." a lo ti vat a.

"A ngai lo, ka tha leh tawh alawm hei...Kha coffee hi in rawh" tiin a pe a.

Mahse Bill an coffe tui ti taka a in lai chuan a luak chu a rawn chhuak leh ta tlat a, insum a tum nain a thei nang lo chu bathroom lamah chuan rang tak hian a tlan lut leh ta nghal a, a luak leh ta nghek a. Bill a mangang chuan, "Laura, darling....kawngka hi lo hawng teh i tha em?" a ti chung a.

"Bill, ka tha engmah a nilo...ka lo chhuak tep..." tih leh luak chu a chhunzawm leh nghal a.

Bill a mangang lutuk chuan," Kawngka hi hawng rawh, Laura. Anih loh chuan ka tichhia ani mai..." a ti vin hlur tawh a.

Laura i chuan phelh phang hian kawngka chu a hawng ta a,"Ka tha alawm..." a ti a.

"Lo kal" Lo kal nghal rawh!" tih leh a kuta chelh chelh chu a zui nghal a, Laura i chu inhnuai lamah chuan a kai thla ta dawr dawr a. "Khawnge min hruai dawn...?" Laura i chuan a lo ti chul a.

Motor ah chuan Laura i chu a thut tir lawk a, rang leh chak tak hian Bill a chuan a kalh chhuak ta nghal a. Damdawiin kawtah chuan a ding ri tuarh a, Laura i chu a chhuak ve nghal maia. Bill an a banah chuan a rawn kai leh chat a, dawmdawiin chhung lamah chuan a kai lut leh ta dawr dawr a. Mi te pawh chuan an en duh hle a ni tih Laura i chuan a hria a mahse a zak lo, enge mawti tak chuan nuam a ti phian zawk a ni.

Doctor chuan an enkual vat vat a, Bill a erawh chu a thu hle hle thei hauh lova, ka rin hi a dik angem le, tiin phur ru tk hian a inngaihtuah a.

Doctor in Laura i a en zawh chuan nui sang hian,"Hlauhthawn tur a awmlo ve, Mr. Curtis. Pa i ni dawn anih hmel..." a tih chuan, Bill a chu hlim tak hian a tho thuai a, kil khata Laura i ding chu a pan a, a fawp ta vawng vawng a. "Ka hmangaih che, Laura" a ti thawp ta sat a. Laura i chuan meng bial kaw kaw hian a en ta reng a,chhan ngaihna pawh a hre lawk lova, a hnu ah chuan hlim tak hian ,"Keipawhin ka hmangaih che alawm, Bill Curtis" nui har har pah chuan a ti a.

Doctor a khuh tak kharh kharh ah chuan an pahnih chauhvin an awmlo tih an inhre ta a, an nui chhuak hak a. Doctor chuan in enkawl dantur te, ei leh in te leh a tul tur ang ang chu a hrilh hnu chuan in lam panin an haw leh ta a. Kalkawngah chuan Bill a chuan Laura i pum chu a khat tawk hian a rawn chulsak leh zeuh thin a, a nui deuh sang reng bawk a. Hetiang em em a a hlim hi amah pawh ala hre ngai lo, Laura i chu a hma ai mah hian a hmangaih zual hian a inhre hial a.

Laura i chu a hma zawng ai chuan a duat leh zual a. Tin laura i pawh a lawm a kim tawh bawk nen a hlim na chu a thuah hnih tawh a ni. Bill Curtis a hna duh lutuk tia an sawi khan a nupui bulah a awm tam theihnan in atanga hna a thawh a tam ta mai a. Andrew a pawn Laura i chu a rawn kan zeuh zeuhva,Bill a nen pawh rin ai takin an in thian tha ta phian a.

Laura i Ni in Bill a bula a ngen angin a Ni nena an lo chen thina inah chuan an awm ta nghal a. Bill a nu leh pa pawhin an sawisel hran lova, Bill a chuan helaia an office atang chuan hmun dang zawng zawng pawh a enkawl thei tho bawk a. Bill a nu leh pa in tu an awh em em an nei dawn tih an hriat chuan an rawn zin nghal vat bawk a, Laura i chuan chhungkua tak tak a nei ta tih a hriat chuan a hlim hle a.

Laura i nau neih lai pawh chuan an awmkim hle a, Romela i te nupa, Bill a nu leh pa, Andrew a leh Mrs. Daniels i te chuan Bill a ho chuan pawnah hian pangpar nalh tak tak leh thilpek tur chitin reng nen hian nghakhlel tak hian an lo nghak thap a. Doctor nui var var alo chhuah chuan naute leh a nu chu an tha tih an lo hrethiam mai a.

Bill a chuan doctor chu rang tak hian ava pan nghal a,"An tha tiraw, doctor?" a ti nghal a.

"An tha e, Mr. Curtis. Fapa i nei ta e..ka lawmpui lutuk che u.." a ti chiah chu lawm a hlim nui ri chu a ring phian a. "Kan hmu thei angem, doctor?" Bill a nu chuan a lo ti vat a. "Hmu thei e, va lut rawh u.." doctor in a tih chuan hlim tak hian Laura i te nufa awmna roomah chuan an inzui lut ta hlawm a.

Bill a chuan Laura i chu a pan vat a, a chalah chuan a fawp zauh a,"Ka lawm e....sweetie" a ti thawp sat a. Naute lo te thet thet a hriat chuan Bill a chu a hawisawn vat a,"Ka fapa..." tiin a pawm kang a, a fawp vawng vawng a.

A hnu lamah chuan naute pawm ve tum chuan an in chuh laih laih a, an hlim tlang hle a.

Nithum hnuah chuan damdawiin atang chuan an in lamah an haw ta a. Bill a chuan a fa chu a kalsan thei manglo hial a, a tah phei chuan a phili buai thei hle a, Laura i chuan a ngaihsak duh lawk thin lova. An fapa in buaipui a hmuh chuan lawm avang hian a mittui chu a tla fo va, a Ni khan hmu ve se tiin a ngaihtuah rauh rauh thin a.

Naute hmingah chuan Brooklyn tih an sa a, a pa in party ropui tak a buatsaih bawk a. A nupui leh a fapa a kalsan thei manglo chu a Nu leh Pa chuan fiam takah hian an nei a, Bill a pa phei chuan,"Inah hian awm tawh la, office hi ka kal leh mai ang" a ti hial a. Laura in Bill a khawvela a hmangaih leh duh ber a neih mai bakah fapa Brookle an nei tawh bawk nen, a nun hi hlimna hian a khat hi a ni bera. A pasal lah chuan a duat tulh tulh ni mai hian a hria a.

Romela i te pawhin fanu duhawm tak an nei ve a,tin Andrew a pawhin nula fel tak a doctor pui ngaihzawng a nei bawk a. Mrs. Daniels i pawh a dam tha zel a, mahse a khua a ruk takin a har thei hle a,a thian nu berin a awmloh san tawh nen.

A hman chang apiang hian Laura i chuan a Ni thlan chu pangpar nalh tak tak keng hian ava tlawh ziah a, Bill a hi a Ni pekah a ngai hmiah a, lawmthu a hrilh ziah bawk a. Tupa a neih tawh thu te, a ngaih thin zia te leh thil dang dang hrilhin a awm rei thin hle bawk a.

Tichuan a Ni thu awiha a neih tak leh a hmangaih ber ni bawk Bill Curtis a leh an fapa Brooklyn Curtis a te nen chuan hlim takin an cheng za ta a.

Website story link ho awlsam zawka in zawn hmuh zung zung theih nan STORY FB group siam a ni e, in lo hmangtangkai theuh dawn nia... Whatsapp group pawh siam a ni e.
Group link : https://www.facebook.com/groups/991354610918230/

๐Ÿ’Ÿ๐Ÿ’Ÿ๐Ÿ’Ÿ THE END๐Ÿ’–๐Ÿ’–๐Ÿ’–๐Ÿ’–

Note; min chhiarsak tu te zawng zawng chungah lawmthu thinlung takin ka sawi e. Ka lo let leh har tawh maithei a, mahse min lo theihngilh suh ang che u aw...๐Ÿ˜‚๐Ÿ˜‚๐Ÿ˜‚


Show post links
Top



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)