You'll Regret (M&B) (Completed)

Episode nei ho a hlawm a dahkhawmna
Ngaia
Site Admin
Posts: 25813
Joined: April 30th, 2016, 4:07 pm

Re: You'll Regret (M&B)

Unread post by Ngaia » November 26th, 2017, 5:06 pm

Andrewa tawng chhuah huntur chu Laura i chuan a ngaichang lo thei tawh lo, a chhan chu a ni pawh hian engemaw tak chu a awm tih a hrethiam tawh ngei a ring a. A Ni lah chuan,"ti khan lo in kawm teh u, kan hahchawl lawk ange" a ti ta mai si a. Rilru nuam lo leh i thlahrung rilru tak chuan Laura i chu a thu ngawi ta ran a. A Ni a kal liam ta maw tih chuan an ngawi dun deuh vang vang a, Andrew a chu tawng chhuak hmasa ah a tang ta a,"Laura, sawi loh i nei?" a ti ta tawng a.

Nuam ti chiah lo chuan Andrew a hmel chu a va melh zawk a, a hawisawn leh nghal vat a,"Enge chu chu?" a ti ta ngawt a.

"Kha pa chanchin kha!" a lo ti vawt raih a.

"Sawitur a awm lo, Andrew" a hmui pet sawi pah chuan a ti a.

"Mahse, a en dan atang che kha chuan a awm teuh hmel ka lo tia sin!" a ti a.

"Kan sawi loh hi a tha zawkin ka hria..." a ti ta tawp a.

"Awle....mahse sawi chhuah te hi a tha zawk fo an tih kha aw..." lungawi chiah lo hian a ti a.

"Nia, hun min pe rawh, Andrew!" a ti a.

"I duh hun hun i sawi thei ang, mahse kha pa kha kei chuan ka ngaina lo!" a ti tawng a.

Sawi tur pawh Laura i chuan a hre lo,"Nia, ka ring..." a ti mawl tawp a.

Andrew a chuan a rawn thlek vang vang a,"Engpawhnise, ka haw phawt ange, nidangah kan la in hmu leh dawn nia. Lo inenkawl tha la aw, Laura" a ti dam thlup a.

"Nia, kan in hmu leh dawn nia, nangpawh lo in enkawl tha la aw..." a ti a, an ding dun nghal a. Pawn thleng chu ava thlah ta a, Andrew a chuan a biangah a fawp zeuh a, Laura i erawh chu a ding mawl tawp a, chhanlet pawh a tum lem lova.

Inchhunga a luh leh chuan a ruak huai hian a hria a, mipa pahnih te uapna nat zia chu aw...a ti rilru neuh neuh a. A room lamah chuan chhovin tui vawtin a inbual ta tawp a, intih harh nan. Naktuk atang chuan office a tan leh tawh anga, a ngaihtuahna pawh a kalding hman lo turah a ngai a. Bill a chu haw tawh se a ti rilru hle a, a awm reng chuan a thuruk hi hailan a ni ang tih a hlauh mai bakah a nun khua a hreawm loh deuh te a ring a.

A nupui then tawh ngawt mahse, a nupui tur pawhin a sawm hek lova, tin a hma ang thovin engmah tiam leh hmangaihna thu pawh Bill an ala sawi chuan loh avang chuan a lo hmang tangkai mai mai tih a in hre ta a. Tisa chakna lamah chuan an sosang dun thei khawp mai, an in mil hle bawk, mahse chu chu a tawk zo lo. Hmangaihna tel lova nupa nih chuan a daih rei a ring lo a ni, a nupui hmasa in a daih rei lo ang bawk khan. Andrew a lam an ngaihtuah ve leh thung a, Andrew a nen chuan tisa lamah an la inzawm hauh lo, mahse Bill a bula a awm angin Andrew a bulah chuan a awm lo tih pawh a hria. Andrew an a fawh pawhin engtin mah a awm hek lo. Mahse Andrew a hian a ngaihsak a, amah lah a felin a zahawm a, Laura i chu hlim se a duh tih pawh a in hai hauh lo, tin a Ni pawhin a duhin a ngaina hle bawk. A rilru chu a buai nuaih nuaih a, enge tih tura, engtia awm tur nge ni dawn pawh a hrethiam tawh lo a ni.

Inhnuai ah chuan a chhuk thla a, fridge a beer chu bottle hnih a la a, a huan lamah chuan a kal ta hnak hnak a. In ngaihtuah a rilru hah belh chu a peih tawh lo, engmah tih theih ka nei chuang hleinem, ka duh avanga heng hi ka chunga thleng a ni hleinem tiin a in ngaihtuah lungpuam a. Pangpar huan kil a bul hring dap daihlim laiah chuan a thu a, a beer um chu hawngin a in ta mial mial a. A lo chatthla tih pawh a in hre lova, a harh meuh chuan khua alo thim dawn dawn tawh a, e khai aw...tiin in lam chu hmanhmawh takin a pan ta nghal a.

A Ni chu a dan pangngai in tv en in alo thu a, fiamthu enin alo nui ar ar a, Laura i ava luh chuan, "Khawnge maw i kal bo daih le, Laura" a lo ti lang lang a.

khawiah kal love, pangpar huanah ka awm alawm" a ti a.

"Lo kal la ka bulah hian lo thu teh!" a ti a. A lo rin sa ang ngei chuan zawhna hmachhawn hun alo thleng ta...a ti rilru a, nuam ti chiah lo chuan a Ni bulah chuan a thu thla ve ta a.

A Ni chuan ngun tak hian a rawn en a,"Laura, darling...duh mah ila ka dampui reng dawn lo che tih i hriat kha. Chuvangin pasal hi nei la ka duh thu pawh ka sawi awl lo bawk, mahse hei Bill a hi a rawn lang ta tlat a...tin tun maia in hria chu in nilo tih pawh a lang mai a, min hrilh duh te i nei em?" dam thlap hian a ti a.

Laura i chu a ngawi deuh vang vang a, sawi tur a hrelo a ni, bakah chhan dantur ber pawh a hrelo...

A Ni bawk chuan, "Andrew a hi a fel tiin ka lo kawhhmuh tawh che ang khan, ka la duhpui reng che tih hi ka sawi duh a. Tin, Bill a chanchin hi ka hresual lo anih chuan nupui a thenna pawh ala rei lo ani maw...?" a ti leh dap dap a.

Laura i chuan nuam a ti tawh lo ngang mai, a Ni chuan a lo chhui chhuak leh vek tawh tih pawh a hrethiam mai a. A sawi tam vaih chuan a awk dawn tih hriain,"Ni, min ngaihsak lo Bill a hian, helai a awmchhunga hun hman pui atan mai mai aniang min tih!" a ti ta ringawt a. Chumi ni chuan a Ni chu pehhel dan ngawt zawngin a kal kual ta vel mai mai a.

A tuka office a kal chu a hna alo in chhek khawl nasa tawh hle a, a buai malh malh khawp mai a. Lunch break pawh chu alo hre lova, a pu in kalpel paha, "Lunch ei phawt rawh, Laura. Hna thawk tur chuan chakna neih phawt angai ania" nui vur vura a tih chuan lunch a lo hun der tawh chu mak a ti hial a. "Awle, boss ka kal ani mai e" tiin a chhang thuai a.

Pawn lama ei tumin lift ah chuan a chhukthla a, lift atanga a chhuah chuan mak tak maiin Bill a leh security inbe lai chu a va hmu a.

"Ka pu, pawn lam mi luh kan phal lo, hetah thawk ten luhtir tura thu min pek hmasak phawt loh chuan.." security chuan a ti a.

"Ka thiannu Laura Carter i kha i hria em? Lunch ei tura hruai chhuah ka tum a..." nui sang hian Bill a chuan a ti a.

Security chu a ngawi vang vang a,"Pu Mantor a secretary kha ani ang maw? Ka hria alawm ka pu, mahse luh erawh ka luhtir thei chuang lo che" a la ti talh a.

Laura i chu Bill a chuan a hnungchhawn avang chuan a hnung lawka dining a en reng tih a hre lova,"Thianpa, ka luh ngei angai, ka hmuh loh chuan a pawi dawn lutuk ania.." ngenngawl taka a tih lai chuan Laura i chuan mak ti tak hian a en tlawk tlawk a. Ani khawvel huap pawh a lar leh hausa in security mai mai ka pu tiin a duh a dil chu mak a ti ang reng hle a. A hming sawi sela security pa chuan a hlauhthawn phah zawk tur zia pawh a hria a, Bill an thinrim leh a theihna hmang miah lova, nui sanga ala be thei chu Laura i chuan mak a ti hle a. Bill a mizia hi ka lova han la hrechiang awm love aw...a ti reuh reuh a, a va hnaih chilh ta a.

" Pu Tom, ka lawm e. Ka lo buaipui tawh ange" Laura i chuan a ti a.

Bill an a hmuh chuan a lawm hmel hle a,Ka lo kal tlang thei lo reng reng mawle, Laura!" a lo ti hluai a.

"Oke...oke...lo kal rawh. Lunch ei hun ka nei tlem teh mai ania" ti pah chuan a kal ta dawr dawr a. Midangin an hmuh tam chu a duh lo a ni, an sawi leh hat ang tih a hlauh bakah an belh leh nual bawk awm sia.

An piah lawka restaurant ah chuan an lut dun a, an office ami te pawh anlo awm nual leh hlawm a. Laura i chuan waiter hnena an thil chah chhung chu ngawih hram hram a tum a, an chah zawk hnh chuan a kal ta maw tih veleh,"I mawl deuh em ni, Mr. Curtis? Helai thleng thlenga min rawn zui angai hleinem!" a ti hlak a.

Bill a chu a nui tawi tak a," Laura zanin hian ka haw dawn a, chuan min rawn zui la ka duh a ni!" a ti mawl tawp a.

Ka hau hian Laura i chuan a en a,"I a tak tak anih hi...engvang chuan maw ka rawn zui dawn che?" a ti ha a.

"A chhan chu kan in mamawh tawn avangin" a lo ti hmak a.

"Chuvang chauh chuan ka zui ang che anga maw?" a ti hlaiai a.

"Thildang vang chu ani thei dawn em ni ang?" a lo ti let ve thung a.

"Bill, min kalsan la a tha ang! Kan pahnih hian maw in hmu leh tawh ngai lo bawk ang!" ati ta a. A rilru a hrethiam hauh lo hepa hian, in mamawh tawn vang chauhva a bula awm tura a sawm anih chuan engchen mah a daih dawn lo tih Laura i chuan a hmu tlang vek a ni.

"Laura, kha pa kha i lo mutpui tawh tih min hrilh miah suh!" a ti chang fal a.

"I lo hriat ve tur a awm lo..." rilru na tak chuan a ti a.

"Ka hriat tur chu a awm alawm, zanin hian ka thlawh haw ngei ngei a ngai a, ka rual chuan lo kal ve mai rawh, Laura" vau pah si thlem pah si chuan a ti a. Laura i chuan Bill a bul tluka awm duhna a neilo. Mahse a sawm dan ki chu a duhdan ani hauh lo thung, hepa hian a tihlim a,a ti phur a, a ti na reng bawk dawn anih hi.

"Ka dal lo che, i duh hunah i haw thei!" a ti ve fak a.

"Mahse ka rualin lo kal la ka duh alawm, i duh phawt chuan i Ni pawh ka be mai ang!" a la ti talh a.

A rilru chu ana ngawih ngawih a, a hmangaiha a bula awm tur chuan han sawm na se a kal ngei ang tih pawh a in hria mahse tuna a sawm dan chu a dub lo a ni, a hmei anga awm leh tur bakin a sawm lo tlat a ni. "Ka thei lo, Bill..." a ti chuai raih a.

An eitur a lo thlen chuan Laura i chuan ei chakna pawh a nei tawh lo,tlem te a ei a, a bak phei chu hmu mang lo hian a thai kual mai mai a.

"Ei ta che, Laura" Bill an a tih chuan a phu deuh zawk a.

"Ka kal tawh mai ange, ka tan a hun leh tawh tlat. Tluang takin i kal dawn nia..." a ti a, a tho nghal a. Bill a pawh chuan a chelh ta lem lova, Laura i erawh chuan a rilru te te chuan min chalh la ka tel lova i awm theih loh thu min hrilh ta che,Bill a ti mawlh mawlh a. Office kawngkhar a luh thleng pawh chuan Bill a chelh chu a la nghal rilru deuh reng a mahse Bill a chu a kal dawn a,a chelh dawn lo bawk. An in hmu leh ngai tawh bawk hek lovang, a chhan chu an inkar chu chiang takin a tawp tawh tih a chiang a ni.

Ina a thlen pawh chuan a hlim lo hle a,mahse a Ni hmuh tur erawh chuan a in thup hram hram a ngai leh ta a, a nih loh chuan a lo man thiam leh mai a hlau a ni. Dinner pawh chu a ei mang lova, "I dam tha lo ami, laura?" a Ni in a tih chuan, chhuanlam a siam vat a. "Ka tha alawm Ni, ka lu hi ana deuh a, ka mu hma mai ange" a ti a.

"I thawk nasa lutuk aniang, i room han hahchawl tawh, zanah i nat zual chuan min hrilh vat dawn nia" a ti thuai thuai a.

"Awle...Ni, mangtha le" tiin a Ni biangah chuan a fawp zauh a, a room lamah chuan a chho ta a. Khumah chuan a inphih hnu chuan a mu thak a, Bill a chu a ngaihtuah leh lo thei ta lova. A haw ta ngei awm sia, a hmu leh ngai tawh bawk hek lovang. Enge khuanu hian hetianga ka theihngilh dawn vela min hmuh tir leh le...inhmu lo ila a tha ani mai tur! A nupui a then tawh tih te kha hrelo law law se a tha tur, tunah chuan a duh duh nula hmeltha tak tak a thinh kual anga, zantin thlak tur pawh a hmu ang chu. London a thleng anga a rawn hre tawh teuh lo mai, mahse ani hian engtin nge a theihngilh ve thung tak ang?

A tukah chuan office a kal hma chuan phone a dawng nawlh a, "Laura, zanin chu dinner ei chhuak ila?" Andrew a aw hian a rawn ti a.

"Nia, Andrew kan ngaihtuah dawn nia aw...office te ban phawt loh chuan hna ka pending nasa tuk a.." a ti ban charh a.

"Awle...i haw hmain min lo hrilh leh la tiraw?" a ti a.

"Tehreng mai, hei ka tlai dawn aw..kan in be leh dawn nia" tiin phone chu a dah nghal a. Hmanhmawh tak chuan a in khalh chhuak ta a. Kalkawngah chuan Andrew a nena chhuah dun pawh chu phurawm lemloh viau mahse a ni chuan a tihhlim leh theih ngei a beisei a, chhuak dun ila a that mah zawk ka ring a ti ta a.

A buai ve leh malh malh nileng a, tlai a haw hma chuan Andrew a chu a hman tur thu hrilhin a be zawk a, in lam panin a inkhalh haw ta nghal a. A Ni bulah chuan Andrew a nen an chhuah dawn thu leh a hmanhmawh thu a hrilh zung zung a, a Ni pawh chu a lo nui var var a,"Um...khatiang tur kha a ni, nula chu maw. Ina tawm reng lo hian pawnah te hian intih hlim thin tur..."a lo ti ham ham a.

A Ni chu melh rum deuh pah chuan a room lamah a chho ta a. Mahse a Ni hlim hmel a hmuh avang pawh khan Andrew a chhuahpui chu a tha ani tih a hre thiam mai a. Engpawh nise Bill a chu a hmu tawh ngai dawn lova, Andrew a ani emaw nilo emaw midang chu a duh dawn tawh chuang lo nain,nun hlim nan chuan a chhuak ve zauh zauh tawh ang tiin a intiam ta a. Hetia amah duh lotu leh ngaihsak lotu buaipui reng hi a tum tawh bik lo, enge a sawtna!!

Nalh taka inthuam a duh avang chuan a kawr hak tur pawh a thlang uluk hle a, kawr sen leh dun inpawlh, fual nalh chu a ha a, pheikhawk sen sang a bun bawk a, a sam chu a vial chho a, a hmai lamah hian a ti tla deuh bawk a. Inhnuaiah Andrew an a lo nghak reng tawh tih a hriat avang chuan zawi muang hian a chhuk thla ta a, step a a chhuk lai chuan Andrew a chuan nalh tih hmel tak hian a lo en reng a,"Zanin chu i nalh hle mai,Laura...ka chhuang ngawt ang che tih la hre mai" hlim hmel tak hian a lo ti vat a.

Andrew a chuan suit pawlduk nalh tak hi a ha a,a chhungab chuan kamiz var nalh tak hi a ha bawk a, a lang faiin a zahawm hle bawk a,"Nang pawh i nalh lutuk,Andrew" a ti ve thuai a.

A Ni chuan,Hlim tak leh nuam tak khan in hun in va hmang dawn nia"nui sang hian a lo tive bawk a, an chhuak tur chu varanda thleng a thlah a.

Kalkawngah chuan Andrew a chuan a hruai tumna chu a hrilh chauhva, an khua a restaurant lian leh changkang berah hruai a tum hi alo nia. Laura i chuan nuam a ti chiah lova, a chhan chu mi an tam viau dawn tih a hria a,chumi piah ah chuan an thang hat dawn tih pawh a hre mai a, "A to sia a ngai kher kher hleinem" a ti sap a.

"To love, hmun nuam deuhva kal ve te hi a tha riau ania" dam thlap hian a ti a.

An va lub chuan manager hian a lo buaipui thuai a,"Doctor Andrew helam ah hian aw..." tiin a an thutna tur chu alo kawhhmuh zung zung a.

"Kan lawm lutuk e..." Andrew a chuan hlim tak hian a ti a. He restaurant ah hian member nilo a kal theih hauh lova, an khua ah pawh mi hausa chin thah chauh an kal thin a, hetianga kal tur hian Andrew a hi alo hausa tih Laura i chuan a hre hauh lova. An thut fel hnu chuan, waiter a rawn kal nghal thuai a, intur te an lam nghal a.

"Laura, Mrs. Daniels i pawh a dam tha leh ngei dawn in ka hria..." Andrew a chuan Laura i rin loh lam daih a rawn sawi a.

"A ni maw, ava lawmawm em em vele...ka Ni in a hre tawh em?" phur tak hian a ti a.

"Tumah ka la hrilh lo,vawiinah a test hnuhnung ber result a chhuak a, amah pawh naktuk ah chauh ka hrilh ang. Ka lawmpui khawp mai Mrs. Daniels i chu..." a ti a.

"Awle...ka Ni chu ka lo la hrilh dawn lo nia, amah Mrs. Daniels i ngeiin hrilh sela a tha ang" a ti ve thuai a.

Dinner an ei chhung chuan thil ho te te an sawi a, a nihna takah chuan an in vengthawng ve ve a chuvang chuan sawi tur chiah pawh an hre lova. Mahse an chhuak chu Laura i tan chuan a tha phian a, amah chauh chuan awm sela a ngaihtuah na ngai bawkah a let leh anga, a tap leh emaw kha a nia nga...Andrew a chungah chuan a lawm hle a.

"Duh belh ila nei em?" Andrew an a tih chuan,Ka puar lutuk, ka lawm lutuk e, zanin avang hian, Andrew" a ti sap sap a.

"Awle..keipawh le, min chhuahpui duh avangin" a lo ti ve a.

Andrew a hi fiamthu duh tak anih bawk avang hian a bula awm hi Laura i hian nuam a ti phian thin a, mahse amah a duh tih a hriat takah chuan ani lahin midang daih alo duh avangin amah Laura i hi a i thlahrung tawh zawk a. Mahse zanin chu thiantha tak angin hun an hmangdun thei a,Laura i chu a lawm hle a.

In thleng Andrew an a thlah a, coffee in tura Laura in a sawmna erawh a hnial a,"Naktuk hnathawk tur kan ni sia,mu hma ila a tha zawk ang" tiin a kalsan ta a. Laura ina ava luh chuan a Ni chu a lo la meng a,"Hmm...a nuam bawk em?" a lo ti fiam chul a.

"Umm...nuam lutuk e...Andrew a chungah ka lawm lutuk min hruai chhuak duh a" a ti el a.

"Ka duhzawng hi chu heti hi an ni tlat zel" a ni chuan a lo ti leh hauh hauh a.

"Ni e...nangmah hian nei la a that ka ring,kei hi mo thianah ka lo tang anga" a tih chuan an nui dun hak hak a. A Ni nen coffee te an in leh hnu chuan khum lam an pan ta a.

Bill a pawh a ngaihtuah hman lo ta fo thin a, a chhan chu an company chu zauh belh an tum avangin kawng engkimah an buai em em a, zanah pawh haw tlai an nei zeuh zeuh bawk a. Chhunah pawh a Pu Mantor a chu a kalna apiangah a zui kual a ngai a, thil chhinchhiah tur chu a lo ziak zung zung a, a hnuah a chhut chhuah leh vek a ngai a, chumi hnu chuan a Pu in alo en that leh theih nan a dawhkan ah a dah leh thlap thin a. A hlawh pawh an san phah nain Laura i chu a chau ve thei hle a. Lenchhuah leh party tih vel chu a ngaihtuah hman lo ani deuh thaw a, Andrew a nen pawh an in hmu khat hle a ni. An inah chuan a Ni tlawhin a lo kal zeuh zeuh tih chu a Ni hnen atangin a hria a mahse amah nen chuan an in tawng ngai manglo. Mrs. Daniels i result pawh a Ni chuan a hre ve tawh a, a lawm hle a, an thiandun chuan a hma ang maiin an in leh pawh tan leh ta bawk a.

A nun chu a kal mawp mawp a, hun pawh a liam duak duak a ni tih pawh a hre chang lo hial a. Christmas pawh ni tam in a lo dang tawh lova, an khua chu kum tina an tih thin angin kil tin chu an chei mawi tan tawh a, vur pawh a sur nasa tan tawh hle a. Christmas chuan a nunah awmzia vak pawh neiin a hre tawh lova, Andrew a pawh khawvawt lai ani bawk a, damlo enkawl tur a hma aiin a ngah zual sauh nen phone a an inbiak zeuh zeuh bak chu an buai dun bawk a, in hmuh leh lenchhuah pawh an hman talo a ni ber a. Friday tlai khat chu, an door bell ri ral ral ava hawn chuan Andrew a hi alo ni reng a, a lo thaw khu hlat hlat a.

"Hi, Laura...ka lo lut thei angem?" a ti hlat hlat a.

"Lo lut thuai rawh...meilum kan ai ania,pawn a vawt sia...a ti a.

A Ni nen meilum an aina lamah chuan a hruai a, Andrew a chuan,"Kha hei hi ka rawn ken che" tiin wine bur hi a rawn lek chhuak a.

"Ka lawm e, ka lo thli nghal ang, kan in ho dawn nia, lo va thu rawh" a ti a.

Andrew a leh a Ni chu an tihdan than pangngaiin an ri leh hlut a, no thum ah chuan a thli chhuak a, meichhemna room lamah chuan a chawi lut nghal a.

No dawm thap chuan an in cheers a, hlim tak chuan an in ho ta a. "Tunlai chu vur tla nasa nen, damlo an tam viau ang a, Andrew?" Laura i chuan a ti a.

"Nia, ka buai zia chu phone ah pawh ka rawn hrilh che kha.... Nangni enge inla buai tluang zel em?" a ti a.

"Buai khawp mai, mahse karleh lamah chuan kan zia chho ang, Christmas hma ngeia zawh fel tum ani bawk a" a ti a.

A Ni chuan, "Hmm..wine chu a tui hlemai, min tilum ta. Tikhan lo inkawm teh u, keizawng kan mulum mai ange.." tiin a tho nghal taih taih a.

"La mu lo la...kan in hmu khat alawm, Pi Nora?" Andrew a chuan fiam pah chuan a ti a.

"Nula leh tlangval awmdun hi ka hua, a chhan chu ka tar tawh vang hian!" a tih chuan an nui ho dar dar a. A Ni a kal liam hnu chuan Andrew a chuan Laura i kut chu lain,"Ka ngai thin khawp mai che, Laura" lungchim tak hian a ti a.

"keipawn ka ngai che alawm, Andrew" a ti ve mai a, a ngai reng bawk a mahse Andrew an a ngaihdan kawng chuan ni lovin.

Andrew a chu Laura i bulah chuan ava thu hnai a, fawh che hi ka chak tawh lutuk tih leh fawh chu a rual a. Laura i pawh chuan a chhang ve ta thuai a, a wine in chu a thawk nge enge thil awmzia pawh Laura i chuan a hrethiam chiah lova. A lunglen lutuk chuan a fawp let ve ta mai hi ni ber hian a hria a, anih loh pawhin Bill a a chan ta lo sa sa tiin Andrew a hnaih thei tur chuan a ke a pen a ni te pawhin a in hria a. Mahse a hriat chian tak pakhat chu Andrew a bula a awmin Bill a nen an awmdun a tisa chakna ang kha a nei hauh lo tih chu a ni. Andrew a chuan ngun tak hian a en vang vang a, "Ka lawm e min chhan avangin" hlim hmel tak hian a ti a.

A hlim hmel chu hmuh nuam a tih em avangin Laura i pawh chuan, " Keipawh ka lawm e" a ti ta sap a. A rilru tak tak hrilh ta sela tuna a nui hmel hi a hmu hauh lovang tih a hre bawk. Andrew a nen chuan nidang ang lo takin an ti ti bawrh bawrh a, an hlim dun hle a. A tlai tawh takah chuan Andrew a pawn haw zai a rel ta a, pawm thleng a thlah a, an in mangtha ta a.



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » November 26th, 2017, 5:06 pm

Nitin Laura i nun chu a kal chho ve bek bek a, christmas pawh alo hnai chho ta hle a. Vawiin hi an office tawp ber ni a ni tawh dawn a, zanah an staff ho zawng zawng dinner 'Grand Hotel' ah an ei ho bawk ang. Office pawh thil tul zual an tihfel chuan a bang ani deuh mai bawk ang. Hmanhmawh lemlo tak chuan a insiam a, Christmas lo thleng tur chu a rilru te te chuan a ngaihtuah neuh neuh a.

Office ava thlen chuan thil a enfel zung zung a, an chawlh chhung a rei dawn si a tiin thil reng reng fel sa thlap a dah a tum a. A Pu Mantor a pawh a lo kal zawk a, zana dinner a inhmuh leh hma atan an in bye bye a. A office leh a pu office chu a enkual leh thuak thuak a, fel hlel awm a a hriat loh meuh chuan alo chawhnu leh duai tawh a. An company hi tihlen a ni a,mahse engvang nge tuman an hre lo...an Pu ber lah hian a zawi ngai bawk si lova, Laura i lah chuan ka hriat ve a tul lo ani mai tiin zawh pawh a zawt bik lem lova.

Tlai dar nga atanga function tan tur ania, chumi zawhah chuan party leh dinner in a zawm nghal dawn a ni. In a thlen chuan a thu hahchawl lawk a, inbual turin a lut nghal thuai a. Tlai bik nih hi a thil duhloh ber pawl a ni a, chuvang chuan thlen hma hram a a Pu hnungzui hman ngei a tum rilru ran a. Thawmhnaw hak tur en chuan a kawr inkhai ho chu a thlek kual ngail hlawm a,a tawpah chuan kawr khup thleng a fual a brown chuan a ti lang nalh in a ti lang sexy riau a a hriat avang chuan a ha ta a. A hmalam chu a sexy vak lova mahse a hnung chu a lang thui hle thung a, mahse zanin hi a special avangin midang pawh an rawn nalh hle dawn tih a hre ve reng a, nalh loh bik nih chu a tum hauh lo bawk. Pheikhawk pawh a brown sang tha tak a thlang leh a, make up pawh a in hnawih uluk hle a ni. Purse erawh a silver lam a thlang thung a, a hman hnu chuan a in thlek leh vang vang a,a nui ta sak a. Over coat a la chhuak leh a, a dum nalh tak hi a ni a, a vawt tawh bawk a,intih lum a ngai ve tlat tawh tiin a phun sap sap a.

Andrew a kal ve thei se a ti hle a mahse an office thil ania a kal ve erawh a rem lem lo a ni. An office a thawk ho hi an fel hlawm hle nain,tumah hi a la ngaina tak tak lo. Amah hian a nunah hian thup a ngah em avang hian a tu a mah hi pawh tumna pawh a nei hran lo bawk nen. A kaltur chu a Ni chuan uluk takin a thlek kual vang vang a, "I nalh lutuk, Laura. Hlim takin hun iva hmang dawn nia" a ti a.

"Awle...Ni, ka kal mai ang tlai ka duh lo bawk nen" tiin a motor ah chuan a lut nghal a, a tlan chhuah thleng chuan a Ni chuan a thlir liam a. He nu hi enge a hmalam ah hian a hmachhawn ang aw... Bill a nen khan an in laichhinna hi a sawi duh bawk si lova, mahse engemaw riau hi chu a awm tlat bawk si! Hlim se ka duh ber tih hi a hre si lova maw...a ti vawng vawng a.

Grand Hotel ava thlen chuan motor pawh a lo in park nual tawh a, zanin atan hian an mahni office thiltih nan bik he hotel hi book lawk vek a ni tawh a, motor awm ho pawh chu a staff puite ho an nih a ring mai a. Motor nalh tak mai an office kawt vela ala hmuh ngai hauh lo hi alo in park bawk a mak erawh a ti deuh hlek a. Zanin ah hian midang an beisei ang tih a Pu in a hrilh bawk si lova, awle..engpawh nise lut phawt teh ang a ti rilru a,inchhung lamah chuan a pen lut ta a.

A thawhpui te ho chu an lo awm sap sap tawh a,an hall cheidan chu a enkual a nalh a ti ngang mai a. Waiter in intur a rawn sem chu a kal pah chuan a ban zeuh a, table ruakah chuan a thu ta a. Midang ho chu a enkual a, an nalhin an hlim hmel hle a, a tan chuan kal ngei ngei a ngaih avangin a kala a ni maia, a bak chu chutiang hlim leh nuam han tih nachhan em em tur pawh a nei hran lova. "Ka lo thu ve thei angen?" tih ri a hriat chuan a phu zawk a. Ani thei lovang ti rilru chung chuan aw lo chhuahna lam chu a hawi phei ta a, a rin ang ngeiin Bill Curtis a alo ni a.

"Enge hetah hian i tih ve?" mangang tak hian a ti nghal ruai a.

"I tih ang tho kha mawle.." mit siai zeuh pah chuan a lo ti et a.

"Mahse...mahse...staff te chauh sawm an ni si a.." a ngaihna hrelo tak chuan a ti a.

"Nia, mawle... Mahse min sawm ve miau sia!" inti thei tak hian a ti a.

"Sawm ah?? Tu in??" a ngaihna chu Laura i chuan a hrelo tulh tulh a.

Bill an a chhan leh hma chuan a no chu an in leh te te a, chhan a tum lai tak chuan,"Mr. Curtis hetah hian ani maw ilo awm? Ka zawng che asin!" Pu Mantor an a rawn tih phei chuan Laura i chuan mak a ti lehzual a.

"Aw...hei Lady hmeltha tak bulah hian ka lo ti ti a mawle" a ti duh lek chauhva.

"Kan tan tawh dawn a, i thutna tur kan buatsaihah khian i thu thei tawh angem?" Pu Mantor a chuan zah tak hian a ti a.

Laura i chuan thil awmzia chu a man hlawl lova, han zawh lah chu a duh chiah bawk si lova. Engtiklai khan nge a pu leh Bill a te hi an lo in hmelhriat reng reng? Chuan engvanga ani hi an office function a sawm nge an nih? A pu lahin a sawi ri hauh si lova, programme te pawh kha amah Laura i chuan a endik ve reng si a, Bill a hming awm reng reng kha a hmu si lova. A hmel buai nak chu Bill a chuan ngun tak hian a lo en reng a,"Awle...ka hman e.. Nakinah kan inhmu leh dawn nia" nui sak paha tiin Pu Mantor a sawi na lamah chuan a kal ta a.

A hnu lawkah chuan host chu a rawn dingchhuak a an function chu an tan ta nghal. Laura i chuan a thil intur ken chu a lem pawp a, enge thil awmzia hi? A mak a ti tawp theilo a ni... Host chuan kan company extend chhan hi puanzar ala ni lova, tunah hian kan puangzar dawn chiah a ni. Mr. Curtis a hi hrelo in awm ka ring lova, sumdawnna lamah chuan a theihna leh thiamna hi a san em avangin amah eltu company te chuan sakeibaknei an ti thin a ni. Ani hian kan company ah hian share a nei tawh dawn avangin a extend na pawh hi a rawn tum vek a ni, khawngaihin lo ding chhuak sela thu tlem tal rawn sawi ve se...a ti a. Bill Curtis a chu a thuthmun atang chuan a dinga, host dinna lama lectern ah chuan a sawi tur chu a sawi tan ta a. Laura i erawh chuan engmah a sawi a hre lo reng reng, a mak a ti lutuk chu a lu te chu a na ut ut hian a hria a, engtin nge heng zawng zawng hi a ni Company neitu ber secretary ni si hian a hriat loh theih? Bill curtis a hian hriat tir lo turin a Pu chu a ti ani ngei ang? Iva han tenawm tak e aw...ka bang nghal ang, tiin a rilru a siam nghal a. Waiter in intur a rawn ken chu a la a a thlak leh pawp a.

A hnu ah chuan tu tu nge ding pawh a hre tawh lo, hriat chakna pawh a nei hek lo. Engvanga Bill Curtis a hian umzui a tibuai reng nge a nih? A nun hi tihchhiat vek a tum zawk em ni ang? Engpawh nise naktuk atanga office an kal tawh lo tur chu a lawm rilru hle a, an luh leh hunah chuan ani chu a lut tawh lovanga, a banna lehkha thehlut tur chiahin a kal ang, tiin a ngaihtuah nasa a.

Party an tan pawh chuan Laura i chu a thutna ngaiah chuan ala thu ran a, haw mai te pawh a duh rum rum a,mahse zanin chauh alawm ni tawh, tiin a awmlui ve hram hram a. "Lam ila?" Bill a a bula ding chunga lo en reng tuin a tih chuan ngei tak hian a khi sak a. "Engvang nge?" a ti nghat a.

"Engchu maw? Lam chu maw?" a sawi awmzia hrelo awm tak chuan a ti a.

"Engvanga heng thil zawng zawng hi ka laka thup nge in nih?" a ti leh tawng a.

Bill Curtis a chu a bulah chuan a rawn thu thla leh a,"Laura, keimah vang ania" a ti awlsam et a.

"Nia, i ni ngei ang. Mahse engvanga thup tura ti nge i nih?" a ti leh hram a.

"Ka rawn kal theih tur leh tur loh ka chianloh vang mai mai ania" ngawi pawimawh lo tih hriat tak hian a ti a.

"Ani lo... Ka nun atang hian kalbo rawh, Bill Curtis" a ti deuh nghek a.

"Laura, insum teh, kan sawi tha thei alawm. Mi zingah erawh ni lovin" a ti deuh hmak a.

"Nilo....tunah hian sawi ka duh" a ti talh a.

"Tunah nilo, i rui anih kha!" a ti thawp sat a.

"Ka rui mawh!! Bill Curtis mi bum hmang i nih hi!!" a ti leh phiar phiar a.

Bill a chuan a banah a kai lawk a, a kalpui ta dawr dawr a. "Miin min en ania, min thlah vat rawh!" Laura i chuan a ti zawi sap a. A bana a man na chu a ti nghet sauh a,"En rawh se, ka pawiti hauh lo mai" luhlul tak hian a lo ti hmak a.

Party an tan tawh bawk a, midang ho chu an mahni buai buaiin an buai a, a then an lam a, a then zu in pahin an ti ti a. Kil khata lo in chul pah lah an bang hek lo, office staff thalai rual kal khawm tih takah, chawlh a lo ni tawh dawn bawk nen, an hlim tlang hle a. Hall atanga an chhuah hnu chuan lift ah an chhuang leh a, Laura in an chhuk dawn a en chuan chhawng li na ah hian an lo awm reng tawh a.

"Mangang tak hian khawnge kan kal dawn?" a ti a.

"Ngawi mai mai rawh! Sawifiah i duh ani lawm ni?" a lo ti hmak a.

"Duh e mahse helai laiah kal angai hleinem!" a ti ta ringawt a.

Bill a chuan room pakhat kawngka hi a hawng a Laura i chu a theh lut lawp a. Laura i chuan a en ha a, inthin harh a tum ngial a,mahse chaw ala ei bawk si lo nen, a zu in kha a thawkna phian a ni.

"I duh chu sawi tawh rawh le, tikhan?" Bill a chuan a ti hmak a.

"Ka sawi vek tawh alawm, ka kal dawn" tiin thawh a tum a.

"Thu rawh!" Bill a chuan a lo ti tuarh a.

Laura i chu a khur ru dar dar a, engtin nge a tih tak ang? Bill Curtis a bulah hian awm tur a ni lo, an awmdun chuan enge thleng tur pawh a hria a ni!

"Ka kal angai, helaiah hian ka awm thei lovang! Midangin engtin nge min ngaih ang!" a ti chuai raih a.

"Ngawi rawh ka tih lai che khan chu chu i ngaihtuah pha tur ani reng alawm! Ani lawm ni? Laura enge i buaina hi?" nin hmel zet chuan a ti a.

"Buaina ka nei lo...he i company rawn extend hi ka bansan nghal dawn ani" a ti ta a.

"Maw?? Ka share a awm avang ringawtin maw? I Ni i ngaihtuah lo ami?" a ti thum char char a.

"Ka hrilh vek anga, min hrethiam thovang" nuam ti chiah lo chuan a ti a.

Laura i thutna sofa ah chuan Bill a chu a thu thla a, a sam chu a chul sak ta heuh heuh a,"Laura, i Ni rilru nat dantur chu i hria alawm. Keimah vang chuan kalsan a ngai hauh lovang" thlem deuh pah chuan a ti a.

"Bill, ka theilo a ni. Ka Ni chu a na ngei ang tih pawh ka hria mahse ka sawi ngei angai tihna a ni mai" a ti a.

"Laura, min en teh! Engvanga min pehhel hi tum reng nge i nih? Ka duh che ka ti ani lawm ni?" a ti ta nghat a.

"Duh...aw..duh kha ka tan a tawk lo tih hi i hria em?" a ti tuarh a. A ruih avang chuan sawi hreh pawh a nei chiah tawh lo. Hepa avang hian eng eng nge a tlansan ala ngaih dawn? Tinge amah hmangaih miah lo tu hian a rawn tihbuai reng?

"Hmangaihna tih vel kha chu ka awih zawng ani lo, ka duh chea chu chu ka tan chuan a tawk" a lo ti vawt raih a.

"Chu tak chu alawm ka pehhel nachhan che! In hmangaih te chauh hi an awmdun thin, anih loh chuan induhna hian a daih rei ngailo..." hrilhfiah tum tak hian a ti a.

Bill a chuan a hmuiah chuan a rawn fawp thut a, a hnute chu a rawn dap nghal bawk a. Thaw huam huam pah hian,"Laura, ka duhna che hi a nasa lutuk, hei bak hi chu ka pe theilo che" a beng bulah chuan a ti sap a.

Laura i chuan khawi atanga chakna nei nge anih tih pawh a inhre lo, a nam sawn dawrh a kawngkhar lam chu pai chawn chawn pah hian a pan ta a. Bill a chuan rawn nangching thuaiin bangah chuan a nam bet ta ran mai a. A mipatna tho urh tawhin a do leh tak ranah chuan Laura i thawk chu a buai leh tan ta a. "Bill, hei hi kan ti tawh tur ani lo, min kaltir mai rawh!" a insum theih loh hma chuan a ti hram hram a.

"Kaltir che maw? Ka theilo ani,Laura. Ka mamawhna che hi en ta che a san em hi, nangpawn min mamawh ve tho tih ka hria" chakna a khat aw chuan a ti a.

"Nilo.... Bill!! Kan ti tawh tur ani lo..." a ti zawi sap a.

Ka kir thei tawhlo Laura...tih leh Laura i kawr khum thleng lek hlim chu a rual a, an kap kual chu a nui var var a,"I chak na keimah ang bawkin a nasa anih hi.." tih leh Laura i kekawr te pawhthlak chu a rual a, a thun nghal chu ani mai a. Khumah chuan engtikah nge an thlen pawh a hrelo, an zoh dun hnu chuan an mu leh hle hle a. Laura i rui pawh chu alo harh hawk a,"Bill...ka haw angai a tlai tawh lutuk" a ti ruai a.

"Engmah pawh ila ei hleinem...dinner ei phawt ila chuan ka thlah dawn che nia" a ti a.

An in ha tha ta sawk sawk a,roomah chuan waiter in an eitur a rawn chhawp chu ngawi reng hian an ei dun ta a. "Laura...ka rualin London ah chuan lo kal tawh mai rawh!" a ti leh a.

"Ka theilo, ka tih tawh kha..." a ti a.

"Mahse, kan in rem zia i hria alawm...nge kha doctor pa kha ilo duh zawk?" hmel dur khap chuan a ti a.

"Andrew a maw?? Bill kan pahnih hian maw hmalam hun thlir tur kan neilo...chuvangin vawikhatmah inhmuh leh tawh pawh hi ka duh lo..." a ti tial rian a.

"I tap elo, Laura" tiin a Laura i thutna lam chu a pan vat a, a mittui luang ngiai ngiai chu a hruk sak a. "Kan hlim dun ngei ang tih ka hria a ni" a ti zawi sup a.

"Mahse, lo hlim dun ta lo ila?? Inneihna pawh awm lova awmdun ringawt chu ka theilo, Bill" a ti a.

"Inneih mawh! Ka nupui ka then chauh a, nupui dang neih tumna chu ka la nei lo. Mahse kan chendun erawh ka duh tih ka chiang a ni..." a sam chul thuak pah chuan a ti a.

"Ka kal tawh mai ang, sawidun zel hian awmzia a nei lo" tiin a thova.

Bill a chuan a pawt let a,a kuah thlawp a,"Laura, ka thu hi awih ve mai thin la.." sawm tih hriat tak hian a ti a.

"Ka theilo, tun bak hi chu kan in hmu tawh tur ani lo..." rilru na tak chuan a ti a.

"Mahse.... Laura, ka duh che alawm!" a ti hrawih a.

"Mahse...a awmlo. Ka Ni ka kalsan ringawt theilo.." a ti a.

"Maw...i Ni vangin maw min hnar? Kan bulah a awm thei alawm..." a ti nghat a.

"A theih em em ang mahse a theih lo a ni i remruat chu, ka haw tawh mai ang!" tiin kal tum chuan tal chhuah a tum a.

Bill a pawh chuan a dang ta hauh lova, "Ka lo thlah ang che.." a ti ta zawk a. Laura i chu rilru na tak hian a kal nghal a, kalkawngah pawh chuan an ngawi dun reng a. Laura i a chhuk pawh chuan Bill a chu ala ngawi reng a,mahse Laura i chuan a mawi ah,"Mangth le, Bill" a ti sap a. Bill a erawh chuan chhan pawh a chhang lo, chak tak hian a motor chu a khalh a a tlan nghal vang vang a.

A tukah chuan a Ni chu a thiannu nen lenna tur an neih avangin a chhuak a. Andrew a pawh a buai a zual tawh vak lo anih hmel a rawn phone zin tak deuh danah tiin Laura i chuan a ngaihtuah mai mai a. An in leh a chhehvel chu a thlo fai a, a nuam tihzawng ani bawk a, hah pawh a hre meuh lova. Hna a thawh loh chuan a rilru a kalding lutuk avangin enge a bula miten an sawi pawh a hrelo trep thin a ni. A rai mai ang a! tih chu a rilru ah a rawn lut thut a, mahse Bill a chu a fimkhur a, invenna a hmang ziah bawk a, rai lo hram turah chuan a indah a.

A changleh ka zui tawp mai dawn em niang? Hetiang hian ka mualpho tawh thova, bakah min duh tal alawm, te a ti rilru a. A chang leh ka kal daih chuan ka Ni hi engtinnge a awm ang? Ngaihtuah tur ber pawh a tawpah chuan a ngai te bawkin a hre mumal leh tawh lova, a huan a thlawh zawh hnu chuan tui a pe leh a, inbual turin in lamah chuan a phei ta a.

Zanin chu in leh Christmas tree te hi ka chei ve ang tiin a rilru ah a ngaihtuah neuh neuh a. Amah hmangaih ve tu pawh nilo chu zui lo turin a in hrilh ru mawlh mawlh a, a duhna kha a duh tawk tlat lo bawk. A tet te atanga alo suangtuah ve dan nen pawh a inmil lo reng reng, mo kawr ha a, a pasal hmeltha tak nena mi zawng zawng hma a thutiam chu a duh a ni. Awmdun tawp chu enge a hlawkna, a nin hunah amah aia nula chhelo tak tak in an zar reng nen a petchhuak leh thuai thovang, awle...tuna ka duhthlanna hi ka kalpui tur ani tiin, a rilru a siam fel ta a.

A Ni pawh alo haw tawh a, an pahnih chuan an in leh a vel chu an cheimawi ve a, zanlai a thleng trep tawhah chuan Christmas tree chu a cheizo thei hram a. A Ni erawh dinner an ei zawh hnu deuh lawkah a chau bawk a a mu ta a. Laura i pawh a khum a thlen chuan a muhil ve nghal mai a.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » November 26th, 2017, 5:06 pm

Christmas ni alo thleng a, a Ni nen chuan Mrs. Daniels i inkhawm turin an sawm phei a. Hlim taka awm a tum a ni vawiin ni ah chuan, rilru a vei leh suangtuah na neih pawh a duh lo mahse a thei ange maw! Biakin an thlen chuan an lo chei nalh hle mai a, hlim takin Christmas chibai an in buk laih laih hlawm a, Andrew a pawh nalh takin a rawn inkhawm a.

Inkhawm banah Mrs. Daniels in thingpui leh Christmas cake ei turin an vai chuan a sawm a. Hlim takin cake te an ei hova, an lo tum sa dan ang ni lem lovin Laura i pawh chu a hlim ve phian a. Heng ho bula a awm hi chuan a thawpik lutuk te hi a veng hawk zel hian a hria a,amah a awm hun hi a diktak chuan a huphruh hle thin a ni, a chhan chu a rilru ah mipa pakhat hming a rawn lang nghal zel tlat a ni. Theihngilh pawh tum sateh mahse a thei tlat lo, Bill a aia mipa duh leh hmangaih a nei ngai dawn lo tlat a ni.

Tlai thim dawnah chuan Andrew an a thlah a, coffee in tura Laura in a sawm takah chuan a lo hnial lem bik lova. Mahse Andrew a pawh hian Laura i hian a hnaih thei tak tak dawn lova hriatna a nei deuh tlat tawh avangin tihluih emaw tumna a nei tawh bik lo. Duh hle mahse a hlimna tur anih dawn phawt chuan kiansan mai a tum mah tawh a ni. Mahse harsa erawh a ti hle ang, amah ang tho hian Laura i pawh hian Bill a hi kiansan harsa a ti ve a ni tih pawh a hrethiam hle bawk. Chuvangin nawr a tum tawh lova, a puih a mamawh erawh chuan engtik lai pawn a hreh miah lo thung. Laura i a in lamlet a a lam a rawn hawi ta hlauh anih pawn lo hnar emaw a tum chuang lo,lawm taka a lo pawm theih a in ring tho a ni. Coffee te an in zawh hnu chuan la leng tura Pi Nora in sawm mahse Laura i hmel a en chuan a ho mai a tha tih hriaiin a haw ta zawk a.

Chumi zan an mut hma chuan a Ni Nora i chuan,"Ka lu hi a hai muai muai mai a, Laura. Kan mu hma mai ange aw..." tiin a mutsan ta a.

A tukah chuan Laura i a harh chuan nitin a a hnar verh em em thin a Ni eirawngbawl rim a hre tlat lo chu mak a ti hle a,mahse nizan a a lu a hai thu a sawi kha a hrechhuak leh zawk a,rang taka in perh thovin in hnuaia a Ni room lam chu a pan ta nghal a. A Ni chu amah lo ang takin a lo mu bam hi ava hmu a, a Ni hi kum 76 lai a ni ve tawh a,in sawiselna em em nai ngai lem lo mahse a kum telin a tla hniam ve zel tih erawh a hre thova. A Ni khum bulah chuan ava kal hnai a, a chalah chuan a khawih a mahse khawsik erawh a awm lo. A Ni chu a rawn meng diar diar a,"Ka tha alawm, ka lu a hai mai ania. Khatia damlo deuh anga en kha ka duh hauh lo ania aw..." a lo la ti pang pang a.

Mahse Laura i ngaih erawh chu a tha hauh lo,a chhan chu a Ni hi tho peih lo khawpin a awm a la hre ngai tlat lo a ni. "Awle...awlee,ka hria alawm. Enge i an ka rawn zawt mai che ania" tiin a Ni chu puan a sin that tir a.

"kei chuan engmah ka ei peih dawn lova, fridge ami kha i lo inlum ve mai tawh aniang chu!" a Ni chuan then deuh sak sak pah chuan a ti a.

Laura i ngaihtha lo chuan,"Ni..i enge na min hrilh thuai teh!" a ti hluai a.

"Engmah na ka neilo....ka lu hi a hai a, a na deuh zeuh thin mai ania. Va kal tawh! Thil va ei tawh!" a lo ti leh hlar a.

Ngaihtha chiah lo chuan a Ni room chu a chhuahsan ta a, a kalsan vat lo chuan a na tawrh nen a thin tihrim belh zel a hlau nen. Andrew a chu phone mai tha a a hriat avangin phone dahna lam chu a pan ta nghal a.

"Hello, Laura..." a rawn ti thuai a.

"Andrew, i chawlh lai ni mahse ka tibuai dawn che a ang khawp mai..." nuam ti chiah lo chuan a ti a.

"Enge nita, Laura. Buaina hmachhawn hi nuak ka tih zawng anih vang alawm he hna hi ka thlan!" zang tak hian a lo ti a.

Laura i chu an thaw hak a,"Englo ania, ka Ni hi nizan i haw hnu lawk atang khan a lu a hai tlat a.." a ti ta a.

"Aw...na te a nei em?" ngaihven tak hian Andrew a chuan a ti thuai thuai a.

"A sawi tha duh lo nain, a lu hi a na riauvin ka hria a. Ka Ni hi chu a na neih ang te hi a sawitha duh ngai lova, a mizia i hria alawm..." a ti a.

"Ka lo kal nghal ange..." tiin phone chu a dah nghal a.

A kawr hak te chu an en a, mutkawr nen a lo la awm avangin,inthlak turin a room lamah a chho a. Andrew a lo thlen hma a lo intih fel hman tumin a che ta sawk sawk a. Pawna motor inhung ri a hriat chuan a chhuk thla nghal thuai a, Andrew a lo lut tur nen chuan an in tawk ta a. "Khawnge i Ni chu a awm? A muhil em ni?" Laura i chu a zawt nghal vat a.

"Lo thu rawh,kan en ange.." tih leh a Ni room lam pan chu a rual a, a rawn let leh thuai a,"A muhil lovin ka hria.." a ti sap a.

"Awle..tikhan lo awm la, keimahin ka va lut ange" Andrew a chuan a ti a.

A tha zawk phianin Laura i chuan a hria a, a chhan chu a koh a ni tih a hriat vaih chuan a Ni chuan a hau leh ngei dawn si a. Damdawi ei hi a duhloh mai bakah damlo nih hi a duh lo bawk.

Andrew a ava luh chuan a lo mengchhuak vat a,"Doctor, iva rawn leng zing ve?" a lo ti vat a.

"Nia...ka rawn kan dawn che a.." a ti a.

"Mai mai a...kan pawh ka ngai lo, ka that em hi hei. Laura i hlauthawngin a rawn pun che a ni maw?" a lo ti a.

"Aih! Ka rawn phone a, i thawh peih loh thu min hrilh a. Khawimaw, lo kal takah chuan kan en fiah hrim hrim teh ang che.." tiin Andrew a chuan a hmanrua kente chu a la chhuak nghal zung zung a. Pi Nora i chuan phun niah niah pah hian a lo dawh ve ta mai a, Andrew an a en zawh fel hnu chuan, "Ka tha vek ka tih kha, i awih tawh em?" a lo ti var a.

"Nia,i tha lutuk ka rin ai daihin. Mahse naktuk ah ka clinic ah rawn kal la ka duh tlat mai. Tar lam in ni tawh a, vitamin te chawh che ka duh alawm" fiam pah hian Andrew a chuan a ti a.

Pi Nora i chu a ngawi deuh vang vang a, "Doctor, in entir ka mamawh lo. Ka natna hi ka hria alawm, mahse Laura i hian a hriat ka duh lo ania" a ti ta a.

"I hria maw? Ka rin hi a dik em, anih chuan?" mak ti tak hian Andrew a chuan a ti a.

"Enge i rin chu ka hre hauh lo,mahse hun ka nei rei tawh lo tih erawh ka hria alawm. Doctor in ka natna an hmuhchhuah tirh pawh khan min hrilh vek alawm" meng khup lap hian a ti a.

"Mahse, Pi Nora, Laura i hrilh loh ringawt chu a tha lovang. In enkawl na tha i neih phawt chuan rei tak ila dam thei alawm" tiin a thlem a.

"Chuap cancer ka nia, a rei berah kum 2 bak ka dam dawn lo tih ka doctor khan min hrilh vek alawm" a ti chuai raih a.

"I taksa a chak tha anih a,i ei leh in te i fimkhur chuan ila dam reng thei alawm" tiin a hnem a.

"Min hnem tum suh, Doctor Andrew! Ka in hriat mai bakah hian chuap cancer an damrei theilo tih pawh ka doctor khan min hrilh chiang hle asin. Laura i hi a thlabar ka duh hauh lo,chuvangin engmah i hrilh lovang tih min tiam rawh!!" a ti ta tlat mai a.

Andrew a chu a mangang rilru hle a, hrilh lawk kha nge tha anga hrilh kha tha zawk ang? Nakin ah hian Laura i hian ala hre dawn tho tho si a, a dem lutuk angem? Nge a Ni hun reilote chauh nei tawh hi rilru hahdam taka awmtir tha zawk ang? A rilru ah chuan zawhna a rawn lut zut zut a, tha ber tur pawh a hrethiam hek lo. Mahse, Pi Nora i rilru nawm nan chuan,"Ka hrilh hauh lovang,min ring rawh!" a ti ta zawk a.

Pi Nora i chu a hmel a hahdam phah sawt hian a hria a. "Andrew, Laura i hian a naupan tet lai atangin a nu leh pa a chan a, kei lehzel min chan chuan a tan khawvel hi a hreawm dawn hle a ni tih hi ka hria a. Tin amah ka enkawl na lama keimah in enkawl theilo ka ni tih a hriat phei chuan hreawm ti reng rengin a nun a hman phah dawn tih ka hre bawk. Chu chu a thlen ka duh lo,keichu ka kal mai anga, ka kal hnua amah leh amah a in huat phah emaw a inthiamlo tur hi ka duh hauh lo,chuvang ania ka hrilh duh tak loh" a ti zawi raih a.

Andrew a pawh chuan Pi Nora i thil sawi chu a dik a ti a, mahse Laura i chan a ngaihtuah chuan fare lo a ti bawk si! "Awle...tha i tih ang ang in le. Ka sawi hauh lovang,mahse naktuk ah i rawn in entir ang tih min tiam la" a ti ve ta thung a.

"I ngaihthat nan ka rawn kal dawn nia,mahse hun hi ka nei rei tawh lo tih ka hria a, engmah tuman an ti thei tawh lo tih pawh ka hria" a ti leh charh charh a.

Andrew a chuan Pi Nora i hmel chu a en vang vang a, a lainat a ni mahse ama sawi ang tak khan engmah tih theih a nei tawh tlat lo. Hetiang a amah hnaih tu te leh a enkawl mek te thi mek hmuh hi alawm hreawm a tih em em thin. Sawi tur pawh a hre lo lek lek zawk hial a ni,mahse sawi a ngai miau si,"Laura i hi i hmangaih in i ngaihtuah takzet tih ka hria alawm. I awmlo anih pawn kriman ka lo enkawl zel ang tih hi ka tiam duh che ani!" a ti ta tawp a.

"I enkawl thei ngei ang tih hi ka hria alawm, lo thlahthlam ngai suh ang che aw... Doctor. Nang lo chu tumah thu tawp chah tur pawh ka neih loh hi.." mittui luang zawih zawih pah chuan a ti a. Pi Nora i mihring hlim thei tak leh nu tumruh mittui luang a hmuh chuan Andrew a chu a khawih takzet a. Hetiang nu tha leh tawrhchhel hi a ngaisang a, a ui bawk thin.

"Hahdam i mamawh ania Pi Nora, damdawi ka pe ang che anga, muhilh tum ang che aw... Ilo harh leh hunah chuan i zia hawk mai ang" a ti a.

"Awle..mahse engmah kha sawi hauh suh ang che.." tiin ala ngen tawk tawk a.

A lu bu nghat pah chuan, "Ka sawi lovang,damdawi i ei phawt chuan" a ti ta a. Damdawi te a eitir hnu chuan choka lamah Laura i bulah chuan a phei ta a.

"Enge a an awm? A enge na nia i hriat?" Laura i chuan a lo ti thuai thuai pah chuan thu turin a zaizir pah bawk a.

"A...khua te a vawt a, tar lam an ni ve tawh a. Taksa chakloh na te pawh an lo ngah tawh thin a heng ang kum an nih tawh hi chuan. Mut theihna damdawi ka eitir a,naktuk ah ka clinic ah lo hruai thei la a tha khawp ang" nuam ti chiah lo chuan a ti a.

" Damdawi i pe thei chu ka lawm hle mai, a ei duh ngai lo hi ania kan in hauh phah fo na chhan. Ka hahdam huai e...breakfast ei ang aw, ka lo peih chiah a.." thlamuan hmel tak chuan a ti a.

Eiloh chu an tum deuh uk a,mahse Laura i rilru chu a nuamlo ang tih hlauhvin,"Awle...i thil siam ei pawh a chakawm alawm" tiin phur hmel tak chuan a chhang a.

Laura i chuan breakfast an eitur vel chu a chhawp zung zung a, an ei dun ta malh malh a. Ngaihthat lohna nei hmel pu hauh lova Laura i a awm chu a ruk tak chuan Andrew a chu a lawm hle a. A Ni sawi ang khan amah damchhunga a indem tur kha a ngaingam bik chiah lova, hlim taka awmtir a duh nen, a hrilh lo chu a lawm ta phian zawk a. Pi Nora i room atanga a chhuah tirh kha chuan hrilh mai kha a thain a hria a mahse hrilh lo tura a lo intiam tawh nen a sawi ngam chiah lo kha a ni a.

Laura i chuan leng rih tura a sawm avang chuan a haw mai bik lova, bakah Pi Nora i chu thli thlai deuh a duh bawk nen, a haw ta mai bik lova. Laura i nen chuan an breakfast eina te chu an tifel a, pawn varanda ah nilum ai pahin an thu dun a. Pi Nora i pawh tui taka a muthilh a beisei bawk a, a chau tawh hle a ni tih a hre mai a. Nidangah mu ngai lovin a na sawi lem lo mahse na hi a neihna pawh a rei tawh ang tih a hre mai a. A sawi lo thei tawh lo bawk ang tih pawh a hre bawk a ni, tunah chuan a tho harh leh tawh lo maithei bawk tih pawh a hre bawk.

Lunch ei hma deuh chuan a hawsan ta a, "zanah damdawi ei tir turin ka lo kal leh dawn nia, nangpawh kha lo in enkawl tha la, hei tlang hrileng te a tam hi" tiin Laura i chu a thlah a.

"Ka tha lutuk alawm, Andrew. Mahse, nia ka lo in enkawl tha dawn nia. Tlai lam chu ilo kal theih hlaub chuan ka lawm hle ang, ka thu a awih si lova" a ti niah niah a.

"Awle,ka lo kal dawn nia. Dinner tur pawh ka rawn keng dawn nia,engmah lo siam lo mai rawh. I Ni saw tha takin lo enkawl la a tawk mai" a ti a. A motor tlan liam thleng chuan laurae i chuan a thlir reng a, hepa hi engvanga duh thei lo nge ka nih le? Bill a ai thlawt chuan min ngaihsakin min ngai pawimawh si a...a ti rilru neuh neuh a.

Zanah chuan Andrew a nen chuan a thil rawn ken an tihlum hnu chuan an ei dun a. A Ni pawh na a sawi tawh lem lova, mahse a chauh hmel riau hian Laura i chuan a hria a, Andrew an damdawi a pe thei zel chu a lawm rilru hle a. Amah hian pe dawn sela chuan an in titau leh ngei ngei ang tih pawh a chiang a ni. A Ni nu hrisel leh insawisel ngailo chutia tho thei lova an mu ta mai chu mak a ti rilru hle a, a ngaihte pawh a tha lo rum rum a. Mahse, doctor berin engmah thil serious leh hlauhthawn awm a awmlo a tih miau avang chuan a ngaih pawh a titha leh deuhva.

A tukah chuan a Ni chu Andrew a clinic ah chuan a hruai a, test pawh anti nual a. Mahse a result erawh ni hnih hnuah a chhuak dawn chauhva. An haw leh hnu chuan a Ni chu a mut tira, inthlak turin a kalsan ta a. A hnua a muhil em tih en tura a kal leh chuan a Ni chu thi hian a lo luak vak a, Laura i chu a mangang ta hle mai a. Enge a tih tur ber pawh a hre lawk lova, a Ni chuan,"Laura, engmah a nilo ka tha ania..." tiin a lo hnem zawk a. Mahse, a Ni chu a thalo tih a awmdan atang chuan a hrethiam mai a, tih thlabar a duh loh avang chuan,"Awle..i tha anih chuan ka lawm lutuk e...i motor chuan te pawh i rui aniang...khawi hahdam tak khan mu rawh, Ni" tiin a luak vel a tihfai sak hnu chuan a mut that tir ta a.

A Ni chu a chan mai ang tih a hlau rilru hle a, test result chu chhuak vat vat se, a Ni natna te chu hre vat var sela,chuan enkawl na te pawh tan thei thuai thuai se a ti hle mai a. Chumi tur chuan ni hnih lai an nghah ala ngai bawk si. A rilru chuan a tawngtai ta tawp a, "lalpa ka Ni hi ka neihchhun ania, min tihdam sak leh rawh aw khawngaih takin" tiin.

A Ni a muthilh hnu chuan a chhuahsan ta a, Andrew a chanchin hrilh turin a phone ta nghal a.

"Thi in a luak maw? Ka rawn kal nghal mai theilo Laura,hei mi zai tur emergency ka nei a..." rilru nuamlo tak chung chuan Andrew a chuan a ti a.

"Tunah chuan a muhil rih e..lo kal nghal a ngai lo. Ka rawn hrilh hre mai mai che ania" a ti dam diai a.

Laura i mangan dan tur leh rilru hreawm dantur chu a hrethiam mai a, a bula awm pawh a duh hle a,mahse naupang pakhat an step atanga tla tha emergency a zai ngai a neih tlat avangin a kal thei rih si lo chu hreawm pawh a ti hle a. "Ka hman veleh ka lo kal ang, Laura. Hahdm tak khan lo awm rawh aw.." a ti ta ringawt a.

"Awle...ka lo beisei ang che. I awm khan ka thla a muang a nia aw, Andrew" a ti sap a.

Laura i tawngkam chuan Andrew a chu a deng dawt a, a mamawh a ni tih a hrilhna ni ber hian a hria a, a lawm rilru hle bawk a.

Andrew a alo thlen chuan a Ni a damdawi eitir a lo tum mek lai ania, a Ni lah chuan a ei duh leh lo tlat peka. Mahse Andrew an a eitir leh then mai thei chu Laura i chuan mak a ti hle a, a lawm rilru hle bawk a. Dinner ei nghal turin a sawm a mahse enge amah Andrew a pawh chuan a hriat a in hre bik lo, a hnial ta zawk a. Zana a buai thut chuan phone hreh lo tur erawh chuan a chah thung a.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » November 26th, 2017, 5:07 pm

Add click ah tang ang aw...tin comment leh like hi a pawimawh viau bawk,a chhan chu chakna hnar a ni tlat maw...tunkar chu mikhual pa8 lai kan nei dawn a, kan rawn dah khat ang tih ka sawi lawi bawk e aw...


A rin loh takin chumi zan chu Andrew a tihbuai ngai lovin an tlingtla thei a, a ruk tak chuan a lawm hle a. A chhan chu dinner eitur a a sawm khan Andrew a khan a hnial tlat a, buaina sawi hreh te pawh a nei anih a ring a. Mahse ani in enge buaina a neih tak ang? Thil ngaihtuah kual hman ka nilo,tiin a tho ta tharh a,inhnuai lamah hmanhmawh takin a chhuk ta zawk a.

A Ni roomah chuan a lut them them a, a lo meng kar a. A muthei lo emaw niang le aw...a ti rilru a. "Ni, i zia deuh em? Enge i an tukin zing chu....?" tiin a Ni bulah chuan a kal hnai a.

"Laura, ka tha e... Mahse Andrew a kha phone la,lo kal sela ka duh a ni..." aw tham chhal chuan a ti a.

Laura i chuan,"Awle...kan be nghal ange" tih leh chhuah a rual nghal a. Room a chhuahsan chiah chu a rilru a nuam chiah lo hle a. A Ni hi a tha hauh lo tih pawh tunah chuan a chiang tawh bawk. Mahse ani nu tuarchhel lutuk leh luhlul bawk si hian a natna hi a sawitha duh hauh lovang tih pawh Laura i chuan a hria a. Engtin nge ka tih ang aw...result lah chu ala chhuak bawk si lova? A Ni hi a awmloh vaih chuan a khawvel tur chu dawn pawh a dawn ngam lo a ni.

Andrew a chuan hmanhmawh hmel tak hian phone chu a rawn chhang a,"Yes..." thaw deuh huam huam chuan a ti a.

"Andrew, i buai em ni?" a ti sap a.

"Buai pawh ani chiah lo, damdawiin lam pan ka tum tawh a. Pawn ka thleng tawh a,phone ri ka hria a, ka let leh mawle...enge nita?" dam deuh zawk chuan a ti a.

"Englo ania... Ka Ni in Andrew a phone rawh a ti a. I buai ang tih chu ka ring thova,mahse Andrew....ka Ni hi a tha chiah lovin ka hria..." a ti zuai raih a.

Sawi mai chu a duh rum rum nain mahse a Ni berin hrilh lo tura a tih miau avangin a insum leh ta zawk a,"Awle...ka rawn kal pah nghal mai dawn nia. Bawnghnute leh chhang vel a ei theih tur ang chi kha lo pe rawh aw..." a ti zung zung a.

"Awle...lo pek ka tum dawn nia..." a ti a.

Andrew a alo thlen chuan a Ni chuan thil tlem te chauh a ei duh tih a lo hrilh nghal vat a. "Damdawiin ah te hian kan admit mai dawn em ni le ka ti deuh a,enge i ngaihdan?" tiin Laura i chuan a rawn a.

"Naktuk ah a result a chhuak dawn alawm,nghak phawt ang. A tul anih chuan a result a zirin kan dah dawn nia. Enteh, Laura, ka awmrei hman lo tlat. Damlo ten min lo nghak sia..." a ti a.

"Awle...kha tikhan ka Ni chu a koh nachhan che lo zawt la, heng a thil eina vel hi ka va dah ange.." a ti a, a kal ta nghal a.

Laura i a chhuak ta maw tih ah chuan,"Pi Nora, enge nita?" a ti thuai a.

"Andrew, ka doctor sawi ang chiah kha a ni,nizan pawh a nat avang hian ka mu hauh lo mai. Ka kal a hnai tih pawh ka hre mai. Ka sawi duh chu maw, Laura i hi lo enkawl tha ang che tih ani" a ti ta duah a.

"Pi Nora, chutiangin engmah a thleng thut thut dawn hleinem. Theihtawpin kan tang anga i dam leh dawn alawm..." a ti chuai raih a. Cancer doctor chu ani hauh lo,mahse a hmel leh a awmdan atang chuan Laura i chu a dampui rei tawh dawn lo a ni tih pawh a hrethiam mai a. Tihtheih neih a chak hle a,mahse a theihna a tlin silo. Laura i enkawl chu a tiam thei dawn em ni? Mipa dang a hmangaih tih pawh an hre ve ve bawk. Mahse a rilru nawm nan chuan, "Tehreng mai, a duh phawt chuan ka lo enkawl em em ang.." a ti ve ta a.

"I awm chuan ka awm tluk ah ka ngai dawn a, kei lo chu Laura i hian tumah he khawvel ah hian a nei lo tih chu i hriat kha" a ti zawi sap sap a. Pen ri an hriat takah chuan Andrew a chuan an thilsawi chu a thlak thuai a, "ka va kal phawt anga, chuan rawn let leh thuai ka tum dawn nia, i damdawi ei tur ka tih kha lo ei ngei ngei la aw.." tiin Laura i lo lut chu a melh zeuh a. "A pek dantur leh a hun pawh i hriat kha aw...a ei duh loh vaih chuan min rawn hrilh nghal dawn nia..." nui lui pah chuan a ti a.

Laura i chuan a Ni melh pah chuan,"Chu i hria maw,Ni. Doctor thu chu i awh angem?" a ti fiam hlut a.

"Awih zel mai aniang chu...." nui lui hram hram pah chuan a Ni chuan a lo ti a.

Andrew a kaltur chu kawngka thleng ava thlah a,"Ka lawm lutuk ania, Andrew. I awm lovang tih hi ka hlau khawp mai" nui sang chuan a ti a.

"Awle...keipawh le... Lunch min lo siam kep la aw..." tih leh a motor a luh chu a rual a. A kal liam thleng chuan Laura i chuan a thlir reng a, hepa hian a hmangaih tak tak tih pawh a hria a ni, enga tinge Bill a a tawn hma khan alo tawn lo le...??

A tihtur chu a tan nghal zung zung a, a Ni pawh chu damdawi te a pek thei mai avang chuan a lawm hle a. Dam leh thuai turah pawh a ngai bawk a, chutia natna khirkhan tak tuar a ni tih pawh hre talo chu, inchhung vel tifel turin a kalsan leh ta mai a. Lunch vel a siam zoh pawh chuan Andrew a chu ala rawn lan tak loh avang chuan an buai deuh anih a ring a. Mahse, min rawn phone tal awm? Enge maw a hriat le...tia phun nang nang pah chuan amah chuan a ei ta a. A Ni chu ava en leh zeuh zeuh thin a, a muthilh tui em avang chuan pawnah varanda a thu thawveng turin a chhuak ta a.

Gate lama motor thawm a hriat chuan Andrew a anih a ring mai a, lo tihtauh der a tum avang chuan gate lam chu en pawh a en duh ta lova. Mahse a bula mi tuemaw a rawn din takah chuan Andrew a ani lo tih a hre ta mai a. An hawi chhuah chuan a phu deuh zawk a, a thutna atang chuan a tla tleh a. "Bill...." a ti zawi sap a.

"Laura, min ngaidam ang che, ka rawn hrilh hmasak loh che avangin..." a ti hmuk raih a.

"Mahse....mahse...enge i rawn tih dawn a?" a ti a.

"Company extend tu ka ni tih kha i hre tawh lo ami?" a ti chang deuh fal a.

"Hria e, mahse tun ang hunah enge i rawn tih dawn tih ka la hrethiam chuang lo..." bangbo deuh hian a ti a.

"Paper pawimawh tihfel tur ka nei a, rawn kal lo thei ka nilo alawm mawle.." a ti a.

"Oh....amah vanga lo kal tura alo ngai hman chu mawl a inti hle a. A nih chu mawle..." a ti chuai raih a.

"I Ni a damlo tih ka lo hria a, ka rawn kan dawn a.." a ti a.

"Engtin nge i hriat a" mak ti tak chuan a ti a.

"Doctor nen khan kan in hmu mawle.." a ti duh chauhva.

Chuvang chiah chu anih chu Andrew a a rawn kal loh nachhan, hepa hian enge a lo sawi leh ang aw...a ti rilru neuh neuhva, "Khawiah nge in in hmuh a?" a ti ta deuh kher a.

"Laura, London atangin zingah ka rawn chhuak a, hetah lah office thilah ka buai leh char char a, coffee ka duh em tih te min zawt zawk la ka lawm hle ang!" a ti ta daih a.

Laura i chuan a melh deuh nghek a,"Awle...lo thu rawh,ka va siam ange" tiin a luhsan ta nghal a. Reilote hnuah chuan coffee leh a hmeh nen chuan a chhuak leh nghal a. "Kha le...in rawh!" a ti bul hmak a.

Coffee a in zawh hnu chuan, "i Ni chu ka hmu ve thei angem?" a ti a.

"A muhil a, mahse thawm i dim dawn chuan ka hruai ang che.." Laura i chuan a ti a.

A Ni room lamah chuan an in zui lut ta a. A Ni chu a lo harh avang chuan chhuak leh nghal mai lo chuan Bill q chuan a pan hnai ta a. "Pi Nora, i damlo tih ka lo hria a, enge i an tawh?" a ti a.

A Ni chuan chhang mai lo chuan a en ta vang vang a, Laura i chuan a hre tawh lo emaw a lo ti hman hial a. A tawng tawh dawn lo emaw a tih hnu chuan a rawn tawngchhuak ta a,"Ka tha viau ania, tlangval. I haw tawh emaw ka ti a?" pangngai tak chuan a ti a.

"Nia, mahse hei i damlo tih ka hria a, ka rawn kan dawn che anih hi" Bill a chuan a ti dam duai a. A thut natur chu a Ni chuan a mitmeng chuan a lo hrilh a, Laura i chuan a Ni in Bill a tha taka a bia a, a bula thu tura a ti chu mak a ti hle a. Bill a pawh chu a Ni khum bula chiar thutna tura an dah ah chuan a thu thla ve ta a.

A Ni chuan, "Laura, ka eitur va siam ta che,ka ril a tam tlat mai.." a ti a.

"Awle...Ni. Enge i ei duh ang?" a lo ti vat a.

"Bill a nena kan eitur i thiam anga tui engpawh kha va siam teh!" a lo ti a.

"Awle...kan siam ange.." tiin a chhuak ta nghal a.

Laura i pen ri a hla ta maw tih velah chuan Pi Nora i chuan,"I hria tiraw?" a ti ta ngawt a.

Bill a chu a ngawi deuh vang vang a,"Doctor khan sawilo tur chuan min ti a, mahse nia ka hria alawm" a ti ve ta a.

"Laura, i hi i hmangaih em?" Pi Nora i chuan a ti ta daih a.

"Ka hmangaih tih ka in hriat chhuah avang alawm ka lo let leh" Bill a chuan kun deuh ngaih chung chuan a ti a.

"Ka thla a muang huai e, tlangval. Laura i hian a hmangaih che tih hi kei chuan ka hriatna a rei tawh a, mahse Andrew a nen hian innei se ka lo ti a. A chhan chu i hmangaih lo tih pawh ka hre bawk a ni" zawi muang chuan a ti a.

"Nia, ka hmangaih tih hi ka in hre chhuak har em a ni...mahse ka ti lungni lo ngai lovang che tih ka tiam a che" a ti nghet ta charh a.

Pi Nora i chuan Bill a chu a en leh vang vang a,"I la tlai love. Laura i hian rilru dang a pu thei hauh lo a ni tih pawh ka hria a, mahse keimah hian ka tur avangin a sawisel lo mai chauh tih pawh ka hria alawm" a ti chuai raih a.

"I vahnu hi hlim takin ka siam ang tih ka tiam a che.. Pi Nora" a ti nghat a.

"Ka ring che e... Mahse ka natna hi a hriat ka duh hauh lo ania.." a ti chang fak a.

"Ka hrilh hauh lovang tih ka tiam a che" a ti nghet ve charh a.

"Ka kalsan hnuah chuan i duh leh i hrilh dawn nia, chuan he khua ah hian cheng ula ka duh bawk" a ti leh charh charh a.

"He khua a ka company ka extand nachhan pawh heta chen hi ka duh vang ania" a lo tive a.

"A nu leh pa leh kei ngei pawh min phumna tur anih avangin, he khua hi Laura i hian a kalsan a remlo tlat reng a ni" ngaihtuah muk hmel tak chuan a ti a.

"Ka nu leh pa pawn min phalsak vek tawh alawm,thlamuang takin i awm thei ang" a ti thuai a.

"Ka vahnu hi a rilru i tihnat sak ka phal lova,hlim taka in awm lai hmu hman dawn lo mah ila, in hlim erawh ka duh ber a ni" hnuk ulh teuh chuan a ti a.

"Ka tiam...." a tihlai mek chuan Laura i pen ri chu an hre ta a, Bill a chu a ngawi ta a. Laura i chuan a rawn chawi rimtui hle a, Bill a chu a kutah bowl hi a pe a, a Ni erawh chu amahin a barh thung a. An thil eilai te an ei zawh hnu chuan a Ni chuan,Laura," Bill a thlenna tur hi room ruak kha lo buatsaih sak rawh" a tih chuan Laura i chu mak tih avang hian a phu hlum lo chauh a. A Ni hi a na a ta em niang? Amah hian ani lawm ni Bill a hi duh loh pui tu kha le? Mahse, "Awle..ti khan lo inkawm ru aw.." tiin a kalsan ta a.

Bill a chuan Laura i mak ti hmel chu alo en reng a,a nui deuh suk a. Laura i Ni nen chuan an ti ti chhunzawma, an sawi muk dun kher mai. Mahse Bill a chu a hlim a ni,amah Laura i bulah a hmangaih thu la sawi lo mahse a Ni engtiklai pawh a kal mai thei tawh,amah duh lemlo tu in an inngaih zawnna a pawmpui tih a hriat avang chuan, au vak vak mai hi a nap zawk a. A kal dawn pawh khan Laura i Ni ber hi biak a huphurh kha ania,kha leh chen Laura i hreawm a tawrh tir avangin a Ni hian a lo pawm mai duh a ring lo kha ania, hlim avang chuan a ti ti pawh chu a phul hlut lo chauh a.

Zanah dinner te an ei zawh hnu chuan, Laura in an thil eina te a tihfel laiin Bill a erawh chu Pi Nora i bulah a thu leh a, sawidun tur an ngah hle a ni ber e. Laura i chuan chutia a Ni leh Bill an tha taka ti ti na an neih theih nachhan chu ala hre lem lova, mak erawh a ti phian a ni. Enge maw hemi te pahnih hian an hriat le,a ti rilru nauh nauh a. Mahse, engpawh nise an in kawm thei tawh chu a lawm hle a, a chhan chu a Ni hian kawmtur a mamawh a,amah Laura i lah hi a damloh atang hian a hlat du emaw tih tur hian a awm tlatin Laura i chuan a hria a.

Kawngka a rik tak dat datah chuan,a kut hru hul thuai thuaiin ava hawng a, Andrew a alo ni a. "Hi, vawiin kha ka buai lutuk a, min ngaidam dawn nia" a ti nghal pawng a.

"Awle...i buai anih ka lo ring reng ah!" a ti ve mai a.

"Enge i Ni chu vawiin lamte a an?" ngaihtuah hmel tak chuan a ti a.

"Vawiin chu a nula phian mai, a room lamah kal ila?" tiin an in zui a.

An va luh chuan a Ni chu alo muhil alo nia, Bill a pawh chu a chair thutna ah chuan a lo maimitchhing a, a muhil anih an ring deuhva, thawm dim tak chuan sitting room lam panin an kal leh nghal a. Laura i chuan Andrew a hmel chu a en deuh vang vang a, Bill a lo awm chu nuam lo a ti hle bawk a, mahse a duh avanga awmtir pawh ani bik hleinem, mahse Andrew an nuamlo a tih dantur a ngaihtuah chuan a khawngaih rilru hle a.

"Vawiin chu i buai hle ani maw? Lunch eitur a ilo kal theih loh thu pawh i rawn sawi si lova?" a ti siam siam a.

"Nia, sawi hman lo anih kha, ilo ei tho ang chu maw?" fiam titih chuan a ti a.

"Ei ang chu male, ka ril a tam tawh miau alawm,bakah khatia engmah rawn sawiloh kha ka ngaihdan ani lo ania aw..." inti pangchang tak chuan a ti a.

"Nia, min ngaidam mai teh, Laura. Duh ang hian a awm theihloh fo ania..." a ti hak a.

"Laura i chuan ava melh zawk a, i chau awm sia, coffee lum ila tiraw?" a ti ta a.

" A lawmawm khawp ang, ka mamawh viau bawkin ka hria" a ti ve mai a.

Laura i chu coffee siam turin a kal ta nghal a, bel a chhuang chiah tihah chuan a hnunglam atang chuan,"Laura, keipawh ka duh ania" Bill a hian a rawn ti a.

"Awle...." melh deuh zauh pah chuan a ti a.

Andrew a nen chuan an ti ti tih an thawm atang chuan a hre mai a, enge a hriatloh hian thil thleng mek le... A Ni lahin Bill a an inah awm turin a ti bawk nen, Andrew a leh Bill a tha takin an ti ti te chuan a ngaih a ti tha lo hial zawk a, mahse enge buaina awm a enge an tawh mek erawh rin ngaihna pawh Laura i chuan a hre hauh lo.

Coffee chu an in ho a, a tu amah chu tawng pawh an tum lemlo hlawm a, an rilru theuh an kawm ni mai hian Laura i chuan a hria a. Thil han sawi maitur a hriat loh avang chuan a ni pawh chuan ngawihah a tlak ta mai a.

"Andrew, ka Ni hi a eng ber nge na i hre thei mai lovem ni? A awmdan hi ka rilru a nuam chiah lo ania" Andrew a en reng pah chuan Laura i chuan a ti a.

"Ka sawi tawh ang khan, result a chhuah hma chuan engmah ka sawi thei bik lo. Tar lam an ni ve tawh a, chakloh vang te pawh a ni thei tho a..." Laura i hnem tum tak chuan a ti a.

"Nia, mahse ka Ni hi a hrisel em em a,hetiang anga a awm hi ka la hre ngai miah lova. In pahnih hian a ngai thar riau chein ka hre tlat bawk!" a ti sar sar a.

Bill a chuan, "Engmah a ni lovang Laura, min ngaina ve tawh tihna ani maia, ngaihthat lohna tur engmah a awmlo.." a lo ti ve vat a.

Andrew a chuan, "A dik chiah ngaih tha tak khan awm rawh! Engmah ani lovang, hei Bill a a awm bawk a ka hawsan phawt ang che u. Min mamawh chuan rawn sawi hreh hauh suh ang che u..." a ti ta a.

Andrew a ho tur chu an pahnih chuan an thlah a, a Ni roomah chuan an lut leh ta a. Bill a chuan,"Han mu rawh Laura, ka lo veng ang!" a ti a.

"A ngai lo Bill, ka lo veng ang han mu zawk rawh!" a ti a

"Keichu ka mengthei alawm, ka mu har thang alawm" a ti sup a.

"Kan pahnih in kan mut hi a tha zawk ang, min mamawh chuan min rawn kaitho leh mai dawn alawm. Bakah, zanah tak chuan a muthei lo lem lo in ka hria a" a ti a.

"Awle, anih chuan zanah min rawn kaitho hreh hauh suh aw..." a ti dam duai a.

"Awle...lo kal rawh i room turah ka hruai ang che.." a ti a. Inchung lamah chuan an in zui chho ta a, mak tak maiin Bill a chuan a hnaih hauh lova, nidang angin tawh pawh a tum miah lo bawk. A room tur an thlen hnu chuan, "Let tawh rawh, mangtha le, Laura" a ti zawi raih a.

Laura i chuan mak a ti hle mai a, mahse enge sawitur a neih chuan, "Awle... Mangtha le Bill" a ti a, a kalsan ta nghal a.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » November 26th, 2017, 5:07 pm

A tukah chuan Laura i chu a Ni result lam tura a kal dawn chuan Bill a chuan, "Ka lo kalpui ang che" a ti a.

"A ngai love, inah hian lo awm zawk la. Ka Ni amah chauhva a awm chuan ka ngaihtuah dawn em a..." a ti zawk a.

"Awle...a tha vek e...result tha tak rawn hawn ang che.." a ti ve mai a. A rilru te te chuan Andrew a chuan a lo peihfel hman tawh angem aw...a ti a. A chhan chu cancer lai lang lo tura tih kha a tum kha ania, Laura i Ni dilna avangin. A tirah chuan a hreh hle a mahse a ngen nasat em avang khan,"Ka lo tum dawn nia" a ti kha a nia. Bill a leh Andrew a in ngeih tawh nachhan pawh amah Andrew a vang tho ania, damdawiina Bill a ava kal khan a nihna takah chuan Andrew a kha khawih hial pawh a duh anih kha Laura i alo ngaihzawn ve avangin mahse Andrew an Laura i pawhin amah Bill a chauh a hmangaih avanga kiansan a tum thu leh, "I enkawl tha dawn tih min tiam phawt la.." a tih takah kha chuan Bill a pawh a inbengdai ta kha a ni a.

Andrew a hian Luara i a hmangaih em avangin a Ni pawh a duhdan te zah sakin Bill a pawh chu a hrilh fai ta vek a, mahse Laura i engmah a Ni damloh na vel hrilh lo turin a ti bawk a. "Laura i hnena i kir dawn rau rau chuan hengte hi i hriat a ngai a ni..." tiin Andrew a khan a hrilh kha ania. Bill a pawn Laura i leh a Ni chu a lainat hle a, mahsr a Ni duhdan chu zah sakin Laura i pawh engmah a hrilh ta bik lova. Andrew a chu a ruka va bia in a result tih danglam sak turin a va ti kha a ni reng bawk a. Laura i kal ta chu a thlir reng a, a lainat in a khawngaih hle a, a theih ang zawng zawng chu Laura i leh a Ni tan pawh tih a tum nghet tlat bawk a.

Laura i damdawiina ava thlen chuan Andrew a a hmu phawt a, result en tur chuan an pahnihin an kal ta nghal a. Reception in a Ni result a pek veleh chuan Andrew a chu a pe nghal a,"Han en teh le, a tha vek em?" a ti vat a.

Andrew a pawh chuan uluk tak hian an enkual vel a,"Laura, a HB hi a hniam a,tin a pum hi a ulcer nasa bawk a chuvang ania a na a tih nachhan kha. Chuan amah hi a chak lo hle bawk anih hi! Eitha a ei a ngai hle tihna anih chu, thil thalo em em a awm hran lo anih hi" Laura i pawh en tha duh lo chuan a ti a.

Ani Laura i lah engmah hre hek lo, a lawm ve em em a,"Ka van lawm tak em!! Natna khirhkhan deuh te kha alo ni ang tih ka hlau rilru lutuk a..." a ti mawlh mawlh a.

"Lo kal rawh ka room lamah, a enkawl dantur ka hrilh dawn che nia..." Andrew a chuan a ti a. An in zui phei ta hnak hnak a.

"Ilo awm hi chu kan vannei hi ka ti hle mai, ka Ni pawh i chungah a lawm lutuk ania" a ti sarh sarh a.

"Lawmthu engmah sawi angai lo, e...takah Mrs. Daniels i pawh ka hrilh a, vawiin chu ka va leng ange.." a tih kha a ti a.

"Aw...nia... Mrs. Daniels i pawh ka hrilh miah lo tak. Amah ala dam chiang lo nen, a lo buai phah ka hlau deuh bawk a.." a ti niah niah a.

"A dam tha tawh alawm a ni te chu...ala chak lo deuh tih mai loh chu..m" a ti a.

"A lawmawm ngawt mai, a dam hi kan ring tawh miah lo asin le.." a ti ngui raih a.

"Pathian hi a tha ania" a ti a. A roomah chuan an lut duna, Laura i chu thutna a kawhmuh nghal a. Nurse chu coffee la turin a tir nghal bawk a. An thut fel hnu chuan,"Enteh, laura, i Ni hian eitha a mamawh ho hi ka ziak anga eitir hram hram ilo tum dawn nia. Chuan a damdawi tur te pawh kan ziak nghal ange..." a ti a.

Nurse chu coffee nen chuan a lo let leh vat a,in zeuh pah chuan,"Awle...ka theihtawp ka lo chhuah ange, office chawlh lai ani chu ka lawm khawp mai. Nilo sela chuan ka duh ang pawn ka enkawl thei awm si lova..." a ti vawng vawng a.

Andrew a chuan a rawn melh zauh a,"Bill a lo awm ve chuan i thla a ti muang sauh ang chu tiraw, laura?" a ti ta daih a.

"Keimah chauh ka nia, ka thla hi a bar hma thei em em bawk a, kawng tam takah chuan nia i sawi dik. Mahse Andrew i rilru tihnat hi ka duh hauh lo ania.." Andrew a tana a nat dantur ngaihtuah chuan a ti a.

"Mai mai a...ka tana rilru natna tur a awm hleinem, ka awmpui thei ve lo chea, chutih kara alo awm chu kei deuh hi ania lawm chu.." a ti ta daih a.

Laura i chuan mak ti tak hian a en ta reng a,"Mahse, i thik lo ami? "a ti ta ha a.

"Laura, thik turin tunge ka nih! Awle..i Ni chuan kan pahnih hian innei ila a duh tih chu ka hria,mahse i rilru ah hian ka awm hauh lo tih pawh ka hre bawk, chuvangin ka tan chuan in hlim dun hi a tha ber alawm" hlim hmel put tum hram hram hian a ti a.

"Mahse, Andrew... Bill a hian min neih a tum hleinem, min hmangaih bawk hek lo! A duh chu min duh mahse chutiang ringawt chu kei hian ka duh khawp lo!" a ti ta a.

"Hmm...chu erawh a diklo ang, Laura. Hmangaih lo che sela a lo let tawh hauh lovang!" a ti a.

"Keimah vanga lo let ani hleinem, ama hna avanga lo let alawm. Ka Ni a damlo a min lo awmpui mai chauh alawm" uar tak chuan a ti a.

"A ni maithei e, mahse engvanga hotel a thleng lova in ina thlen remti thei nge anih ang? Mihring rilru hi a inthlak thei alawm, Laura" a ti leh dap dap a.

"Aw...theihngilh rawh, Andrew. Bill a hi ka hrechiang alawm, mihring mahni thu duk lutuk, hmangaihna awmzia hre hauh lo, duh duh hmeichhe kawp kual tur buai hauh lo anih hi!" a ti nghek a.

"Awle...engpawh chu nise, i mamawh laia i bula a awm hi a tha ti phawt mai teh!" a ti a.

Laura i chu a ngawi vang vang a, tunlai hian a tu a te pawh hian tinge dangdai deuh deuhva awm leh tawng an chin le aw...a ti rilru a. Bill a hian heng ho hi alo hneh vek emaw ni le...te a ti rilru hial a, mahse ni thei in a hre bawk si lova. Engpawhnise a Ni pawhin a result te hriat a chak tawh a ring a,"Andrew, ka haw phawt mai ang aw...ka Ni ka ngaihtuah tlat" a ti ta a.

"Awle...damdawi te kha a hun takah pek theihngilh suh ang che aw..." tiin an in thlah liam ta a.

In ava thlen chuan Bill a chu pawnah hian a lo thu a,"Enge result chu a tha em?" a lo ti thuai a.

"Aw...ka rin aiin alo tha a, ka lawm lutuk. Ka Ni ka va hrilh nghal ange aw.." hlim tak chuan a ti a.

"A muhil a, chuvang chu ania ka chhuah khawthawn lawk! Lo thu ve phawt rawh i chau ang" a ti a.

"Chau love, ka han inthlak zawk ange a muthilh lai lai chuan" tiin a room lam a pan a.

A chhukthla leh thuai a, lunch ei alo hun tawh bawk a. Choka lama a kal hma chuan a Ni roomah chuan ava dak dek dek a, tui taka a Ni mu a hmuh chuan a nui saka choka lam panin a kal ta nghal a. Fridge a eitur siamsa ho chu la chhuakin a ti lum a, a siam zawh chuan Bill a chu a ko lut a. Lunch an eilai chuan an ngawi dun deuh reng a, a hnu ah chuan Laura i chu tawngchhuak hmasa zawkah a tang ta a,"Engtika haw nge i tum deuh,Bill?" pangngai tak hian a ti a.

Bill a chu a ngawi deuh vang vang a, a chhang dawn lo emaw a tih hnu chuan,"Ka ruala ilo kal ve theih hunah!" a ti ta charh charh a.

"Bill, i a ta em ni? Ka rawn kal dawn hauh lo i bulah. Ka Ni hi ka enkawl a ngaia chu mai bakah kan sawi fel tawh in ka hria kan pahnih inkar hi chu" a ti deuh hmak a.

"Enge kan sawifel chu, i telo chuan ka let tawh dawn lo tih kha hria la ani mai" a ti deuh fak a.

"Chuan, i rualin emaw i bulah ka kal dawn hauh lo bawk. Ka sawi tawh kha a hma pawhin maw...nang nen hian awmdun thei kan ni lo, Bill" a ti phiarh phiarh a.

"Laura, kan in mil kawng engkimah, chuvangin kan awmdun hi a tha ber ang, i Ni pawhin a phal ania aw..." Laura i en kar pah chuan a ti ta a.

Ka hau hian Laura i chuan a melh ta reng a,"Maw?? Engmaw i sawi kha...engtiklai khan nge a phal a?" mak ti lutuk tih hriat tak chuan a ti a.

"Ka dil vek tawh alawm, mahse a damthat hunah" nui ruh ruh pah chuan a ti a.

"I va han zak theilo tak e aw... Ka Ni hian maw a phal hauh lovang tih ka hria" a ti leh nghek a.

"Awle...anih chuan i bulah hian ka awm reng mai dawn tihna anih chu!" a lo ti duh lek a.

"I awm thei lovang, vawiinah hian haw nghal la ka duh, kan ina i awm reng hi thil dik ber pawh ani lo" a lo ti leh hmak a.

"I theihngilh tawh em ni, Laura. I Ni phalna la a awm ka nih hi! Haw rawh min ti anih loh chuan ka haw hauh lovang!" a lo ti hmiah thung a.

Ngei taka melh ra ra pah hian, "Ka Ni chu keiman ka bia ang!" a ti ta a.

"Laura, hmangihna i nei miah nange? I Ni tihian a damlo mek a ni a, enge keia vang chuan a rilru tihhah phet chu i tum le?" a ti nghat a.

"Hmangaihna a?? Nangmah khan i nei lo zawk in ka hria, Mr. Curtis! Ka Ni hi ka hmangaih tih hre bawk ang che! Mahse i awm ve hi a tulna ka hrelo mai a ni" a ti leh hrep a.

"Awle...i Ni chu a rilru tihhah i duh leh tihhah sak la ani mai, ka puar e. Pawnah meizial zu turin ka kal dawn" tia tho pahin a kalsan ta daih a.

Awihlo hmel taka Bill a kal liam pah en chung chuan Laura i chuan dawhkan chu a chum deuh bur a,"Inti vei lutuk,he mihring takzet hi chu!" tiin a phun hlak a.

A Ni khuh thawm a hriat takah chuan a tlan phei vat a, khumah hian a lo khuh leh bawrh bawrh a, a ka atang chuan thi hi a chhuak deuh bawk a. "Bill...Bill..." a ti tuarh tuarh a.

Bill a chu hmanhmawh tak hian a rawn tlan lut nghal a, Laura i bulah chuan a rawn ding nghal vat a,"Enge nita a Laura?" a ti vat a. A Ni chu kawk pahin Laura i chuan," Thi a chhuak ania.." a ti chuai raih a.

"Khawnge i damdawi rawn hawn, a ka vel kha lo hruksak la ka rawn eitir ang!" Bill a chuan a ti ta zung zung a.

Laura i chuan a damdawi rawn hawn a dahna chu a kawk ringawt a, chet pawh hi a chesawn thei mang lova. A Ni pui tur pawh chuan a kut chu a khurh nasat em avang chuan a ti hlei thei lova. Bill a chuan a beng bulah chuan zawi deuh sap hian,"Laura, inti pachang la, i tihtur kha ti thuai rawh! I Ni khan enkawl a mamawh tih hre bawk la!" a rawn ti sar sar a, a fuih pah tih pawh Laura i chuan a hre reng. A Ni lah chu ala khuh tawp thei lova, puih a mamawh tih pawh a hmu reng mahse a hlauthawng lutuk chu ala chesawn thei chuang hauh lo.

Bill a chuan, "Laura...harh vat teh, i puih a mamawh ania.." damdawi enkual pah chuan a rawn ti vin deuh ta hrak a. Laura i chu a phu deuh zawk a, "Awle.... Bill" tiin a che ta sawk sawk a. A Ni ka leh hmai vela thi kai chu a hru ta sawk sawk a,"Ni, hlauthawng suh aw, engtinmah i awm lo ania, damdawi i ei anga i tha leh mai ang" tiin a hnem ta mial mial a. Bill an a tihfai hnu chuan damdawi chu a rawn pe ta nghal bawk a. A khuh nasa bawk a, thisen a chhuak nen Pi Nora i chu tawng pawh tawng peih chuan a mu ta hle hle a. Laura i chuan hnem tumin,"Ni, i result pawh a chhuak tawh ania aw...chuan maw...i tha lutuk ania. Tlema i ei that deuh angaia, chuan i dam leh thuai dawn ania.." a lo ti mawlh mawlh a.

"Ngawi mai mai teh, Laura! Ka tawng peih lo ania" a Ni chuan chau tih hriat tak hian a ti a. Bill a damdawi pek chu a thawh har loh tur thu Bill a chuan a hrilh a. Laura i erawh chu a Ni eitur siam turin a tir ta nghal a. Ka lo let leh vat ang tiin Laura i chu a kal ta nghal a.

"Pi Nora, i result chu i duh ang ngeiin Andrew a chuan a lo siam danglam anih kha. Mahse khawngaihin eitur leh damdawi hi chu i thlah thei bik lo tih hi hria la ka duh ania" Bill a chuan zawi te te hian a beng bulah chuan a ti a.

Chau tih hriat tak hian a meng da da a," Ka tum ange, mahse Laura i erawh in hrilh lo tiraw?" zawimuang hian a ti chiar chiar a.

"Hrilh lo, hahdam tak khan awm tum rawh. Ka awm hi engmah i tan lungaih a ngai lo aw.." hnem tum tak hian Bill a chuan a ti a.

Laura i arsa soup nen alo kir leh chuan a Ni pawh chuan a lo hawp ve ta mai a, Laura i chu a hlim hmel hle a,"Ni, Andrew an eitha i ei anga, damdawi i ei that phei chuan i dam tha leh thuai ang a ti ania" a ti sarh sarh a.

"Mai mai a, tar kan nih tawh hi, Laura. Ka duhthusam ah chuan i fate awm tlei ani a, mahse ka thei dawn ta lo anih hmel hle mai" a Ni chuan a ti chuai raih a.

"Ni, kan thu i awih chuan maw, chak tak i ni leh thei alawm. I result pawh ka en ve vek alawm, a tha lutuk. I tu te pawh ila awm thei ngei dawn alawm" a ti sarh sarh a.

"Darling, ka damlai hian pasal hi nei la ka duh hle mai!" a Ni chuan a ti ta charh charh a.

A bowl ken chu Laura i chuan a thlauh lo chauhva, "Ni, i a ta em ni? Thu nilo lo sawi tawh reng reng suh! I dam leh thuai dawn alawm!" a ti nghat a

"Laura, mo i nih tur ni hi ka lo dawn ve fo thin a, ka damlai ngei hian mo thuama i inthuam hi ka hmu chak che alawm!" a ti nghet charh a.

"Chutiang sawi tawh suh! I ei tha anga, damdawi pawh i eitha bawk anga, i dam leh thuai dawn tih Andrew an min hrilh alawm. Min la dampui dawn chauh alawm,Ni" a Ni sama chul heuh heuh pah chuan a ti a.

"Ka mu duh tawh ania, kalbo teh u!" a Ni in a tih tak hlakah chuan, a ni Laura i engmah a ni natna hre ve ta lo chu a khi sak a. A vin leh peih anih chu! Dam lam a pan chiang mai tiin a nui var var a. Bill a nen chuan an in zui chhuak ta a, pawn an thlen chuan Bill a chuan,"I pangpar huanah min vah thawven pui ta che?" tiin a sawm a.

"Awle...thawven chu keipawn ka mamawh alawm" a ti ve mai a. Pangpar huan lam pan chuan an in zui ta a. Laura in a pangpar te be mawlh mawlh paha tui a pek lai chuan Bill a chuan a lo thlir reng a, a hmaia a sam chhawlleng tla te chu hui kiansak a lo chak et et a mahse a insum tur a ni tiin a in fuih mawlh mawlh a.

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » November 26th, 2017, 5:07 pm

Laura i rilru hah lai chance a lak chu duh lo viau mahse a neih theihna anih dawn phawt chuan Bill a chuan pawi tihna hranpa pawh a nei hran tawh lo. A chhan chu Laura in neih a duhloh thu a sawi hnua London a a let leh tuma hreawm a tawrh nasat zia kha a la hre reng a, Laura i telo chuan a awm theilo tih pawh a chiang kek kawk tawh a ni. Mahse bul tan mai ngaihna a hre lo kha ania, Pi Nora in bul a rawn tan sak ni mai hian a hria a. A rin loh deuhvin a lo pawm a, a rin thu pawh a hrilh hial anih kha, tin amah chauhvin Laura i a ti hlim thei ang a ti bawk anih kha, chuvangin Laura i rilru hneh dan tur chu a ngaihtuah char char reng bawk a ni.

Bill a chuan a rilru a awm tet tet chu a sawi chhuak ta nge nge a, "Laura, min nei rawh!" a ti mawl ta tawp a.

Laura i chuan a pangpar tui pek lai dah meuh chuan a rawn en ta vawng vawng a,"Bill, ka sawi tawh kha, ka nei thei lovang che..." a ti chang fak a.

"Engvangin, hmangaih tih vel vang tho kha mi la ni?" a ti nghat a.

"Kan inneih dawn chuan induh ringawt kha chu kei chuan awmdun rei theih na anih ka ringlo alawm" a ti a.

"Mahse, mi tam tak pawh chhungte in inneih tirin an damchhung an awmdun tho alawm" tiin a hnial a.

"Chu zingah chuan maw ka tel lova, nang lek phei chu i tel thei lo! A chhan i hria em?" cho tak chuan a ti a.

A ngawi vung vung a,"Aih, hre hauh lo mai" a ti bul hmuk a.

"A chhan chu maw, nupui nei tawh i ni a, i hmangaih loh nena in awmdun theih loh zia pawh i hrechiang thaw khat tawh hle bawk!" a ti fak fak a.

"Mahse....chungte chu chhuanlam tlingah ka ngai hauh lo. Catherine i nen khan kan in mil hauh lova,tin nang ang hian ka duh hauh lo bawk" a ti ve tlat a.

"Mahse i nupui atan khan neih nachhan chu i nei tho ang chu..." a ti ve leh talh a.

"Nei e...ka sawi tawh kha... Laura, chutiang sawi kual angai lo,min nei mai rawh!" a ti leh a.

A Ni in pasal a dam lai ngeia nei se a tih zia te chu a ngaihtuah chhuak uarh uarh a. Bill a hi a mipa duh leh hmangaih a ni a, amah lah chuan nei turin a sawm mek ani si a, engtin nge a tih tak ang? Hepa ah hian a duh lah chu a awm kim vek bawk si, chhan mai ngaihna hrelo chuan a ngawi ta reng a.

"Ngaihtuah tur a awmlo Laura, min nei la i Ni pawh hi a hlim ngei ka ring..." te chu Bill a chuan a la ti ang tak deuh deuh nen, Laura i chu a hawi hai hle a. A Ni hian pasal nei tura a tih lai vel te kha alo hria emaw aw...te a ti ta hial a.

"Bill...pasal nei thei pawh ka nih loh hi, ka Ni ka enkawl a ngai alawm..." zawi sap chuan a ti ta a.

"I Ni chu keiman ka enkawl pui dawn che alawm Laura, pakhat aiin pahnih a tha zawk an tih thin kha i hre lawm ni!" a rilru hneh tum tak chuan a ti a.

"Ka hrelo le, ka lo in ngaihtuah tha leh dawn nia" a ti ta a. Enge damchhung daih dawn lo mahse ka mipa hmangaih ber bula a nupui anga ka awmthei anih chuan a tha alawm ti tein a ngaihtuah zui neuh neuh a. Kan awmdun anga min la hmangaih ve mai ang,ti tein a han ngaihtuah kual vel a, mahse a hlauthawng a ni... Tunah chuan innei an ni lova, a kalsan pawn tawrh dan ala awm zel a,mahse an inneih hnu a Bill an a hne veleh a a then leh anih vaih chuan a tuar zawh erawh a ring lo a ni. Tunah pawh hian a Ni vang hian a khawvel hi ala keh chhe lo chauh mai ania, a Ni hi awmlo ta se Bill avang hian rilru na in a awm anga, amah leh amah pawh a ding chhuak zo tawh lo maithei a ni.


Hepa hi ka lo tawng kher kher hi chu aw...a ti vang vang a, mahse a damchhungin Bill a bula a hun hman zawng zawng te kha a hlu hlawm hlak a, a theihngilh ngai tawh bawk hek lovang, tum eng ang mahse. Tuna a Ni damloh laia a lo awmpui avanga a rilru hah na tamtak a chhawk zia te a thlamuan pui zia te pawh a hai hauh lo. Nei dawn ta se a Ni hian engtin nge a ngaih ang? Andrew a hi a duhpui zawk kha ani bawk si a.

"Laura, lo in ngaihtuah rawh aw...i Ni chu a tul phawt chuan keiman ka bia ang" Bill a chuan inring tawk tih hriat tak hian a ti a.

"Biak a ngai anih pawhin ka be ve thei alawm, nia ka lo in ngaihtuah dawn nia"a ti sap a.

In lama an let leh hnu chuan a Ni room lamah chuan a kal tlang nghal a, Bill a erawh coffee siam turin a kal thung a. A Ni chu a lo muhil tawh lo tih ava hmuh chuan a bul hnaiah chuan a kal phei vat a. "Ni, damdawi ei a hun e...i lo harh hlauh chu a tha e...hawh ei rawh aw.." tiin damdawi eitir tura Andrew an a tih ho chu a pe ta hlawm a.

"Ka harh ve deuh chiah e, Mrs. Daniels i hi lo leng turin hrilh la ka duh, Laura" a Ni chuan a ti a.

"Awle...Andrew a khan alo leng dawn a ti sia, kan phone leh ange" tiin a Ni chu a kalsan ta a.

"Hello, Mrs. Daniels" phone a lo lak velah chuan Laura i chuan a ti a.

"Aw...Laura. ka lo leng ang ka ti a... Mahse ka in check up ni alo ni reng chuan, dinner ei pahnih ka lo kal mai ang chu" a lo ti thuai thuai a.

"Awle...kan lawm ngawt ang, ka Ni hian a ngai deuh che aniang" a ti a.

"Awle, darling ka lo kal har tawh lovang aw..." tiin phone chu a dah ta nghal a.

A Ni rooma ava phei leh chuan a Ni chuan an inbe thawm chu alo hria tih a hmelah chuan Laura i chuan a man mai a. " Ilo hria tiraw, Ni?" a ti a.

"Aw...ka tho harh peih tawh lo chu ania hei Laura. Ka duh chu maw, darling ka mit men lai ngei hian pasal hi nei la ka duh ani" a Ni chuan a rawn ti leh ta hlaui a.

"I ti mak thei em mai Ni, pasal tur hi an lo ringawt hleinem!" nui sang pah chuan a ti a.

"Mahse, ka malsawmna hi dawng hman ngei la ka duh alawm, ka naute!" a ti a.

"Andrew a nei se min ti deuh kha ania, a lo len leh hunah ilo be mai dawn em niang?" fiamthu hian a ti a.

"Ka duh aiin i lungawina kha ka lungawina a ni tih hria la ka duh a ni" thaw hak pah hian a ti a.

Laura i chuan a Ni chu a melh zawk a,"Chu Bill a hi i pawm tihna ami?" tiin a zawt ta chawt a.

"Engkim hi ka hre vek bik lo tih hria a, thu thlukna diklo te pawh ka siam ve fo thin tih nen. Ka chenpui tur an ni ve dawn lova, i lungawina leh i thlan apaing kha ka pawm tih erawh hria la ka duh a ni" a ti a.

Laura i chu a hawi sawn vat a, a ngaihtuahna pawh a kal thui hle mai. A Ni hian kalsan a tum tak tak em niang? Engvanga a thil sawi reng reng hi thutawp vek nge ni le? A malsawmna dawn chu a chak hlemai, mahse engtin nge niang? "Ni, Bill a hi ka hmangaih em em a, ka sawiloh hi thil tam tak kan karah hian thleng a awm a. Mahse min hmangaih ve loh avang hian ka nei thei lovang!" a ti ta tawp a.

"Laura, hmangaihna hi chendun hnu hian a pung zel chauh ania, tin mipa tam tak hian hmangaihna hi enge an experience hma chuan an hrethiam lo fo bawk. Tunah chuan a nupui nen an inthen fel tawh bawk a, misual tak chu ani lovin ka hria ania..." thu thup deuh tak chuan a ti a.

Bill a ke pen thawm an hriat takah chuan an ngawi dun ta a, "Coffee....kha le Laura. Chuan Pi Nora nangchu bawnghnute aw.." tiin no chu a rawn sem dan dan a.

Laura i chuan an en chiang a, Bill a chu a cher deuh hian a hre ta a, a mit hnuai te chu a mengrim tih a hriat hle mai a. A lo en chiang ngai hauh lo ani tih pawh a hre chiah bawk a, a Ni a ngaihtuah a talangah engmah thildang chu alo chik hran lem lo reng bawk a. Amah ang thovin Bill a pawh a mutha theilo em niang? Nge hna a thawkrim lutuk? Anih loh chuan nula a kawp nasa lutuk anga, a mu tha hman lo ani ngei ang! "Ka lawm e, Bill" a ti sap a. An bulah a rawn thut takah chuan ti ti dang sawiin an nui leh hak hak thin a, door bell a rawn rik takah chuan en turin Laura i chu a kal ta nghal a.

"Hello, darling... Ka rawn tlai lo tiraw?" Mrs. Daniels i chuan a rawn ti lut bawrh bawrh a.

"Tlai love, ka rin aiin ilo thleng hma zawk, Mrs. Daniels. Hawh a room lamah ania a awm" tiin a kai phei ta nghal a. An thu fel chiah maw tihah chuan door bell chu a rawn ri leh ta a, beisei an neih tawh loh avang chuan Laura i chu a hawi phawk deuh hra a. Andrew a anih ringin kawngka hawng tur chuan a kal leh ta nghal a, kawngka a hawn chuan a ka hau mai a,"Romela..." a ti sap a.

"Yes, darling! Kan rawn ho ve chiah e tukin zing khan. Chanchin ka lo hria, ka rawn kal nghal anih hi" Remala i chuan a ti a.

"Lo lut ru, Justin. In lo kal nghal chu ka lawm hle mai. Hawh u room lamah" a ti a, an inzui lut nghal hlawm a.

Justin a leh Bill a pawh rinloh takin an in hmu tih an awmdan atang chuan a hriat mai a, Romela i lah chuan awmze nei fe hian Laura i chu a melh zeuh zeuh bawk a. Laura i chuan nuam a ti chiah lova,"Romela, lo kal rawh! Tikhan lo inkawm hlawm sela, eitur te iva mgaihtuah teh ang!" sei zeuh pah chuan a ti a.

Choka an thlen veleh chuan,"Hmm...sawifiah tur i ngah hle mai thiani" Romela i chuan a ti a.

"Hey! Tawng zawi rawh! Engmah sawifiah tur ka neilo, enge in honeymoon chu a nuam em?" thildang sawi tum tak chuan Laura i chuan a ti ta daih a.

"Umm...a nuam lutuk! Justin a hi a felin min duat em em a, ka hlim lutuk. Mahse, ka zawhna che kha peh hel tum thak suh, Laura? Bill a nen hian..." chhaih deuh pah chuan a ti a.

"Engmah a awmlo, ka thawhna company ah khan neitu nihna a nei a, ka Ni a damlo tih a hria a a lo kan ve mai mai anih hi!" a ti liam puat a.

"Ani hauh lo tih ka hria ania aw... Kan inneih hi pawh khan a en awl lo che tih pawh ka hmu bawk! Ilo va inzep thei vea Laura, hmmm..." chaih tihtih hian a ti leh a.

"Zep ka neilo! Ka chhang kha try ah khan lo dah rawh! Thi nilo nilo ngaihtuah kual hi sim tawh teh!" a lo ti hlak a.

"Ok...oke...tiang hian maw thiante kan in tih dawn a? A tha vek e..." titau der pah chuan a ti a.

"Try kha chawi la min rawn zui la, chu chu i tan a tha ber ang tun dinhmun ah chuan" tiin Laura i chuan a kalsan ta nghal a.

A Ni room anva luh leh chuan an lo nui ham ham hlawm reuh a, Bill a chu a lo ti ti nasa anih hmel hle bawk a. Laura i chuan mak a ti leh hle a, Bill a hian sumdawn bak a thiam pawh a hre lo kha ania, hetiang pitar ho tih hlim dan hi a thiam ang tih a ngaihtuah pha ngai hauh lo a ni.

Dinner an ei zawh chuan an hlimtlang leh dar dar hle a, a Ni pawh chuan nuam a tiin a hlim hle a ni tih Laura i chuan a hre mai a. Bill a chungah pawh chuan a lawm hle a ni, a chhan chu eirawng vel a bawlpui vek mai bakah a inleng te pawh a ti hlim phian a. An haw dawn chuan varanda thleng chu an pahnih chuan an thlah a,Mrs. Daniels i pawh Romela i te chuan an thlah haw nghal mai dawn bawk a. An haw hnua inchhunga an han lut leh chu a reh huai a, ka Ni damdawi kan pe lawk ange. Vawiin chu nileng a nei nen a chau anga, alo muhil palh ang tiin a kalsan ta nghal a. A Ni damdawi te a pek zawha, a room light te a off fel hnua a chhuah leh chuan Bill a chu sitting roomah tv enin alo la thu a. "Mut mai ka tum asin" Laura i chuan a ti a.

"Chhoh rualpui atan ka lo nghak chea" a lo ti ve mai bawk a. Step a an chho dun chu an tum reng vang pawh nilo chuan an kut chu a in tawk palh hlauh a, Laura i chu a phu leh zawk a. Hepa hian eng hipna nge a neih bik le? Engvanga a tawh hlek pawha tisa chakna a cho chhuah zel theih le, a ti rilru a. Bill a chuan,"Kal hmasa rawh" Laura i hmel a nuam tih chiah lohna a hmuh avang chuan a ti a.

A kal hmasa ta a, a room chu an thleng hmasa zawk a. Kawngkhar bulah chuan a ding dat a, Bill....a ti zo chiah chu an in kuah ta chawt a. Bill a chuan duhthawh tak hian a rawn fawp nghal bawrh bawrh a, Laura i pawh chuan a lo chhang nghal thuai a. Laura i hnunga kawngkhar chu infawp reng pah chuan Bill a chuan a hawng a, khumah chuan engtik laiin nge an lo thlena, thawmhnaw tel lova an lo awm hman pawh Laura i chuan a hre hauh lo. In hnaih tak si mahse in tawk ngam lova an awmna a rei tawh vang chuan an in thlahlel hlum lo chauh tawh hi ani ber ang chu, chumi zan chuan Bill a chu Laura i bulah chuan a riak a. Mut pawh an mu hman meuh lo, Bill a chuan a vawi thumna a tana a zawh hnua Laura i kuah chunga a mut hle hle hnu chuan, "Ka awih theilo Laura, i bulah hi chuan tisa chakna hian min tuam hlup hlup hi ani ber hian ka hria. Nang hi chu ka kham thei ngai lovang che tih ka hria a ni! Min nei mai rawh Laura" a ti thawp sat a.

"Bill, min siam nuam thin lutuk hi ka taksa ah hian i bet reng ni mai hian ka hre thin asin, i bulah hi chuan chauh emaw peihloh hi ka nei ngai dawn lo anih hi! Ka nei ang che, Bill Curtis!" nui san san pah chuan a ti ta a.

Bill a chuan hlim taka kuah pah hian a chalah hian a lo fawp a,"Ka ti lungai ngai lovang che, sweetheart! Ka tiam a che!" a ti mawlh mawlh a. Hlim taka inkuah pah chuan tui takin an muhil dun ta a.

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)