You'll Regret (M&B) (Completed)

Episode nei ho a hlawm a dahkhawmna
Ngaia
Site Admin
Posts: 25813
Joined: April 30th, 2016, 4:07 pm

Re: You'll Regret (M&B)

Unread post by Ngaia » November 26th, 2017, 5:03 pm

An thusawi mek chu Kham ta deuh hlek a,enge an pahnih hian an hmalam ni chuang? Catherine i then nan a duh a pek mai si loh chuan ani tan Bill a nena in hnamhnawih reng hian awmzia a neilo, a mualpho tam zual zel anga, nakin ah phei chuan tuman an hmu pangngai dawn lo bawk. Kalsan hi a tha berin a hre ta a, a tho thut a,"Dinner tur kan tilum ange,ka ril a tam tawh" a ti deuh nghat a.

Choka ah chuan a che rak rak a,a che pah chuan a ngaihtuah na chu a kawm pah bawk a. Hepa hi ka duh mahse ka nei thei ngai dawn lo anih hi. Keimah hi ka kalbo mai a tha ber ang, anih loh chuan a huhang hian a bual a zel si a, a rawn hnaih tawh lahin a lo insum thei thin si lo nen. Engmah sawi kual a ngai tawh lo,tihian naktuk ah a rang thei ang berin he khua hi chhuahsan sela, a Ni amah ngai em em tu bulah haw leh sela,hna a hmuh loh pawn a tuina em em pangpar huan siam lamah pawh ei a zawng thei tho alawm,tiin a rilru a siam ta a. Bill a pawh a nupui nen inthen lovin hlim takin awm sela, a pa pawh a dam chho vel zel turah ngai ila,chhungkua an in remkhawm leh thei em em ang a ti ta a.

"Bill, lo kal rawh le" tiin a au ta a.

"Chinese kha i duh thin bawk a ka tia, enge a an hmel" pangngai tak hian Bill a pawh chuan a rawn ti a.

"Hmm....a tui hmel khawp mai, thu rawh le" a ti a.

Dinner an ei chhung chuan an tawng lem lova, thu ho te te an sawi leh zauh zauh bak chu a eilai ah chuan an bur deuh chawt a. Laura i chuan a khawngaih lutuk tih a inhria mahse kalbo tura a rilru a siamfel ta chu a tihsual loh a ring bawk. Engpawh nise, zanin ah hian ka inti fel hman vek tur ani, tiin a nui deuh sak a. Dinner an ei zawh chuan Bill a chuan lo tihpui a tum a,mahse Laura i chuan choka atang chuan a nawr chhuak a,"Lo va thu hahdam rawh" a ti deuh tlat a.

A bula a awm tam chuan a inveng leh thei lovang tih a hlau a ni, choka atanga a chhuah phei leh pawh chuan Bill a hlat thei ang berah chuan a thu lui ta a.

"Dinner avang khan ka lawm e, Laura" a tih chuan a melh duh lo lui ngat a.

"Nangma lo ken ania,lawmthu te chu sawi zawk tur alawm ka nih" hawi kual vel pah chuan a ti a.

"Vawiinah i hah awm sia, ka haw tawh mai ange" a tih chuan Laura i chuan mak a ti hial zawk a. Zan dangah a remchang lo chung chung pawha riah tum tlat thin kha a ni si a,enge a hriat le, a ti rilru a.

"Nia, nangpawh i chau ang,hahdam i mamawh in ka hria" a ti a. Bill a chu a en duh chuang lova, a mitmeng mawi tak leh pa hrak a hmuh leh chuan a tuiral leh mai ang tih a hlau a ni.

Bill a chu a tho nghal mai a, zawimuangin Laura i pawh chu a tho ve a, a hnungah chuan a zui a. Kawngkhar ah chuan an ding dun ta ran mai a,:Mangtha le, Laura" ti pah chuan a rawn fawp ta a. A tawpna tur a nih avang chuan Laura i pawh chuan a chhanglet lo phal bik lova,"Goodbye, Bill" a ti sap a. Bill a a chhuak chhiah chu kawngka a khar nghal a, a kal liam tur a thlir reng chuan a tap mai ang tih a hlau a ni. Khumah a tlan phei a a mu hlawm tawp a, a na vawng vawng tih chhiah a in hria,mahse amah leh amah chu a in fuih a. Mu mai mai hman ka ni lo,naktuk a London chhuahsan ka tum anih chuan ka chet nghal vat vat angai, tiin phur lo zet chuan a in perh tho leh ta a.

Thawmhnaw a ngah lo bawk a,darkar tlemte chhung chuan a insiam zo thuai a. A banna lehkha chu a ziak leh mawlh mawlh a, naktuk ah Steve a pektir a tum a ni. A boss erawh a lungawi hauh lovang tih a hre reng a,mahse pawi a tih loh luih a ngai ve a bawk si a. Mut tura a inthlawh meuh chuan zanlai alo pel tawh a. A Ni erawh engmah hrilh lawk a tum lem lo, engvang lo ho nge a nih tih vel chu nakin ah ala phuah chawp mai ang,tiin a ngaihtuah a.

Zinga a hrah chuan a lo hma tawh hauh lova, a motor hi a check tir loh chuan a kal lam ang mai khan a buai leh a hlau viau bawk a. Steve a inah chuan a inphih sawk sawk hnu chuan a phei ta a. Thudik hrilh chu a chak hle nain engmah hrilh loh chu a tha zawkin a hre ta a,a chhan chu a an khua hi tumah ala hrilh miah lova, hrelo law law se a tha ber zawk pawn a hre ta a. Steve a bantur thu a hrilh chuan thil tam tak a zawt kual dawn ani tih a hriat mai bakah a chenna phone number te pawh a dil ngei a ring a, pek loh kha a tihchi dawn lo bawk nen, engmah sawi lova kal hmak chu tha berin a hre zawk a ni.

Steve a chu office kal turin a lo chhuak ve chiah bawk a, Laura i nen chuan a varanda ah chuan an in tawk ta a. Laura i la insiam lo a hmuh chuan mak a tih hmel viau a,"I damlo ami?" a ti nghal vat a.

"Dam e, Steve. Ka kal dawn lova, hei hi Mrs. Beasent i pek ngei ngei a ngai sia min lo peksak thei angem?" a ti a.

"Peksak thei lutuk e,mahse engvanga kal dawn lo nge i nih? Ka hriat chi a ni em?" ngaihthat loh hmel tak hian a ti leh a.

"Engvak a ni lo,Steve. Ka chawl mai mai dawn a ni e" a tih chuan Steve a pawh chuan zawh belh zel chi a nilo tih a hrethiam mai a.

"Awle...engpawh ni sela,lo in enkawl tha la,tlaiah ka ban hunah kan leng khawthawng dawn nia" a ti ta a.

"Tehreng mai, Alice i pawh min lo biak dawn nia aw" a ti chuai raih a.

"Awle...ka kal ange,ka tlai mai dawn, bye bye Laura" a motor pan pah chuan a ti a.

"Awle...ni hman nuam le, Goodbye Steve" a ti sap a. Steve a inkhalh chhuak lai chu a ban a vai lauh luah pah chuan a thlah liam ta a.

Rang takin inah chuan a tlan lut nghal a, a thawmhnaw a thlak sawk sawk a, a sam chu a khuih thuak thuak a, a tawn hlawm tawp a. A phone chu a swtich off nghal hmak bawk a, anih loh chuan Mrs. Beasent in a rawn phone ngei anga, sawitur a hre dawn si lova. Bakah Bill a pawh a banna chu a hmuh tir ngei dawn a, a rawn biak a hlau bawk a. A thil leh thawmhnaw chu a 'Minic' ah chuan a thiar lut zung zung a, a hmanhmawh em avang chuan a thlan te a tla hluam thei a. Motor entir a la duh avangin a rilru a hmanhmawh hle a ni. A in chu a chhuahsan hma chuan an enkual leh dan dan a, a ngai hle dawn a ni. Tah mai a hmabak tih hria in kawngka lam chu hawilet miah tawh lovin a pan nghal vat a. A kalh tha thlap a, steve a kawngkhar hnuai ah chuan a thehlut a,hawi let eih tawh lo chuan a motor chuan a lut a, a tlan chhuak nghal ta vang vang a.

London khaw daifem a thlen chuan a ding a, workshop ah chuan a motor chu a check tir ta a. An enkual vel chhung chuan a mamawh tur vel chu dawr lian ve tak la inhawng ah chuan a lam khawm a. A let leh chuan work shop neitu pa chuan, "Miss, i motor i hlui viau tawh mahse a la tha khawp ania, i kal duhna hmun chu a thlenpui ngei che ka ring" a lo ti hluah a.

A purse atang pawisa la chhuak pah chuan,"Ka lawm e, engzat tur nge?" a ti a.

"A ngai love, nidangah harsatna i neih chuan ilo la kal zawk dawn nia" a ti mai a.

Laura i chu a lawm hle a,"Ka lo kal ngei ngei ang, ka lawm lutuk e" a ti a, motor chu a tinung a, a tlan chhuak leh ta nghal a.

Kalkawng pangngai atanga tlan chu a tum tawh a,a chhan chu London a kal dawn a a buaina tawh kha ala hre reng a. Khatiang khan buai leh ta se tanpui tu a hmu tawh kher lo maithei tih pawh a inhria a ni. A car tape chu a play a, Bill a leh a kaihhnawih engmah chu ngaihtuah loh a duh mahse engchenna rei nge a theih ang erawh a in hre bik lo. Tluang taka a tlan zel chuan an khua North Onin chu zan tlai lutuk hmain a thlen theih a beisei a.

An khua hi London hmar lama awm a ni a, khaw tereuhte, hmanlai chuan mi hausa hovin an holiday vel hman nan bera an hman thin a ni a. In pawh zahnih vel lek a awm a, a khua chu a faiin a reh nuam hle a. Mihring cheng te pawh an in nelin an in hrechiang tlangpui a. A khua hi a nawm em avangin tun thleng pawh hian khualzin tlawhtu hi an la nei ve reng a. Mi hausa te pawh hian ram hi rawn lei leh nawlh nawlh thin a. Khaw nuam tak a ni a,Laura i pawh hian nuam a ti hle bawk a. An khua a chhuahsa. Kha a pawi a ti leh hnahnawh hle mai a,mahse lehlamah chuan experience tha tak a va neih avang khan tunah chuan hna pawh a tan a awlsam tawh dawn thung a ni.

A motor chuan a phatsan loh avangin tluang takin a tum ang hunah chuan an in khawtah chuan a ding ta dat a. An in hi a lian em em hran lova. Hmanlaia sak ani tawh a,chhawng hnih a ni a, a Ni nen phei chuan an thawl mah mah zawk a ni. An kawtah hian pangpar a ngainat em avang hian awmze nei hian a ching kual chhuak vek a, a vullai tak tak phei hi chuan an mawiin hmuh an nuam thei hle thin a ni. A Ni nen hian an pangpar mawi tak tak thlir pah hian pawn varanda ah thingpui te in in lunch te an ei dun fo reng bawk a ni. Motor atang chuan a chhuak lawk lova, a Ni bula a sawi dantur te chu a ngaihtuah kual neun neuh a, a mut tawh ngei pawh a ring a. Motor atanga chhuah a tum lai tak chuan an in kawngka chu a rawn ri rak rak a, a Ni chu a rawn chhuak ta a.

"Laura, ilo haw em ni?" a Ni chuan a rawn ti a.

A Ni aw a hria chu a tap mai dawn hian a inhria a, a ngawi vang vang a, insum tak hian, "Aw...Ni ka ngai tawh lutuk che a,ka rawn haw anih hi" motor atanga chhuak pah chuan a ti a. A Ni nen chuan an in kuah vawng vawng a,"Bawihte, ilo haw chu ka va han lawm em! I tihtur dik tak i ti anih chu" a lo ti thuai thuai a.

"I hah awm sia hawh i lut teh ang. I motor ri ka hriat khan ka awih lo zawk asin aw..." nui var var chung hian a Ni chuan a ti a.

"Nia,ka surprise duh che avangin ka rawn hrilh lawk duh lo che anih kha, ka Ni duhtak" a bianga piai sak pah chuan a ti a.

"Sual lutuk mai!" a Ni chuan a ti hlak a, an nui dun awr awr a.

An mahni in ngei an thleng leh chu hahdam hawk hian Laura i chuan a in hria a, mahse a kalsan tak lampang a ngaihtuah erawh chuan a rik em em thung a. "Dinner te i ei duh em, darling?" a Ni in a tih chuan,"Duh lo mai Ni,ka chau em mai. Mut mai ka duh,naktuk ah kan la ti ti dawn nia aw" a ti a.

Zanin ah ngat phei hi chuan a Ni bula awm rei chu a duh hauh lo, a dawt hrilh kha in man chhuah tir te a duhlo anih loh chuan. "Awle,darling. I chau viau ang. I room pawh fai takin ka dah sa thlap alawm,han mu tawh" hmangaih tih hriat taka en pah chuan a Ni chuan a ti a.

"Awle, mangtha phawt aw,Ni" a bianga fawp zeuh pah chuan a ti a. A ni pawh chuan,"Mangtha le, Laura" a ti a,a room lamah chuan a luhsan ta a.

Thla ruk lai a lo awmbo ve hman a ni tih Laura i chuan a hre chhuak chauh a, a room erawh a lo la pangngai reng a. A khumah chuan an tlu thla thlarh a,tui taka mut tum chuan a in thlawh ta sat sat a.

Zing a harh chuan sava an lo hram lauh lauh ri chu a hria a,a nui sak a. Hei hi ani Laura i khua diktak chu, London kha a awmna tur a lo ni hauh lo tih pawh a hrechhuak pawh a. Thingtlang nula a ni a, he khua hi a selienna a ni bawk a, a Ni hian a mamawh bawk nen a kalbo san tawh ngai lovang tiin a rilru te te chuan a intiam mawlh mawlh a.

A bual sar sar a, a intih hak fel hnu chuan inhnuai lamah chuan a tlan thla zai zai a, step a thlen chuan a Ni thil siam rim chu a hip vang vang a, a ril a tam hle a ni tih a hre ta chauhva. Choka ah chuan a tlan lut nghal a, a Ni chuan coffee a lo thlit nghal vat a. Eitur a siam chu a hmeh atan a rawn chhawp nghal bawk a, ka a lenglo dawn dawn a hnawh pah chuan a ei tawlh tlawh a. A Ni chuan nui hak hak pah chuan,"Laura, hahdam tak khan ei teh,tuman an ei khalh dawn lo che" a lo ti a

"Mmmm....i thil siam ka ei chak tawhzia hi i hre pha lovang, Ni. Chuvangin min hau reng reng suh!" thimrim der pah chuan a ti a.

"Awle...ei rawh i duh tawk khan mahse zawi muang khan ka ti mai ania" a ti a.

A thil eilai a ei mawlh mawlh lai chuan a Ni bawk chuan,"Laura, let leh turin nge ilo hawn a awm hlen turin?" a ti ta a.

A thil thial lai chu a thial muang ta kher mai,thutak hlatak ah an lut dawn tih a hrethiam mai a. "Ni, kal leh ka tum tawh lo" ti chiahin a chhang a.

"Nuam kha i ti hlein ka lo hria asin, buaina i tawh ami, Laura?" a tih chuan a Ni chu a en ngam lo a ni.

"Tawk love...ka ning tawh alawm. Mahni chauhva awm te, eirawng bawl te, a...a vai khan ka ning ani mai" a ti zat zat a.

"Awle...awle...ilo haw leh chu a tha lutuk anih chu. Nitin nangmah ngaihtuah reng reng hian ka nileng thin a,ka bula i awm hian ka tan pawh a nuam bawk nen" a Ni chuan a lo ti ve duah a.

"Ni...hetah pawh hna thawh tur te chu a awm tho alawm" a ti a.

"Nia, a awm em em ang. Thawh nghal chung chung pawh a ngai hleinem. Hah te pawh i hahdam ve phawt ang chu, tiraw?" a lo ti mai a.

"Hahdam pawh a ngai hleinem, hna chu karleh atang hian ka zawng tan nghal ang ka lo ti mai asin" a ti a.

"Nia, i la zawng dawn nia" a lo ti mai a.

Breakfast an ei zawh chuan han len khawthawn vel chu a tum deuhva mahse a peih leh ta lova. A huanah chuan pangpar te leh a thil chin ho chu a thlek kual a. Tui te a pe a,hnim te a pawt pah bawk a. Hetia hna a thawh hian a ngaihtuahna kalbing tur chu a pumpelh theih phah avangin a tha a ti hle a, a huan a enkawl pah na a lo ni bawk nen. Thingbuk hnuaia a thut hahchawlh lai chuan a Ni in a rawn au ta lauh lauh a,"Laura, lunch ka peih tawh e" a tih chuan lunch eitur chuan in lam panin a kal ta hnak hnak a.

An tih fo thin danin pawnah chuan a Ni lunch eitur chu alo chhawp fel diam tawh a. A insil fai hnu chuan a pahnih chuan hlim taka ti ti barh barh pah chuan lunch chu an ei dun ta a. "Mrs. Daniels i tlawh lawk ka ngai a, inah hian ilo awm hreh em?" a Ni chuan a ti a.

" Hreh love, ka room vel ka lo tifel ang. Va kal rawh,thiante pawh i tlawh khat leh viau ania ka rin" fiam pah chuan a ti a.

"Nia, inah hian ka tlei khawp a, i hriat vek kha. Doctor hmeltha deuh kan khua ah hian a rawn awm thar a. A felin Mrs. Daniels i pawh hian a damdawi chawh te hi ngeih riau hian a inhria" a ti ta duah a.

"A va lawmawm ve...ka lo kal ve zawk ang, Ni. Mrs. Daniels i chu ka kan ve duh tlat" a ti ta a. Inah amah chauhva a awm chuan a ngaihtuahna a kawm leh anga, chu chu a duh lo a ni.

"I peih vak ka ring lova, i kal peih chuan a tha lutuk alawm. Mrs. Daniels i pawn a hmuh che chuan a lawm ngawt ang" a lo ti ve var a.

A Ni bula leng tur chuan a insiam tan ta a. An khua hi thlasik tak tak lovah chuan a vawt ngai em em lova. Boruak te pawh khawpui nilo tih takah a thianghlim in a thiang kak a, vawiin pawh hi a lum nuam hle a ni. Kawr var khup chen a ruka a pawl a par sep sep chu a ha a, a sam chu a phiar mawl tawp a, converse var a bun bawk a. Make up erawh tlem a hmang thung a, darthlalanga a in en chuan a mit hnuai chu a dum deuh raih a, hmai hnawih chu a khuh nan a hman belh leh ta a. A Ni nen chuan ke in an kal hnal hnalh a, an in atanga a lenna tur chu a hlat lem loh vang chuan.

Mrs. Daniels i hi a pasal a boral tawh a, a fate hmun dangah hna thawkin an awm bawk a, amah chauhva cheng a ni a. A hrisel thin viau nen a pasal a boral atang hian in sawisel na neuh neuh hi a nei ta deuh reng a,pawn pawh hi a chhuak vak tam lo hle tawh a. Kawngka a Ni in a kik karh karh chuan, "Lo lut rawh u" tih ri hi an hre ta a. Inchhunga an luh chuan Mrs. Daniels i leh mipa pakhat hi an lo thu a, coffee hi an lo in mek a.

Laura i Mrs. Daniels in a hmuh chuan, "Oh....darling! Ilo haw elo? Lo kal hnai teh" a lo ti chul a.

"Nia, hei ka lo haw anih hi, enge ilo an?" a ti a.

Mrs. Daniels i chuan a biangah alo fawh sak pah chuan,"Hei, Doctor Andrew a hian min enkawl mek a,ka tha sawt khawpin ka inhria a" hlim tak chuan a lo ti a.

"Ka lawmpui lutuk che, Mrs. Daniels. I that zel pawh ka beisei" a bianga fawh let sak pah chuan a ti a. A Ni bulah chuan a thu thla ve nghal a.

Mipa chuan,"Mrs. Daniels,hei inleng i nei tawh bawk a,ka haw tawh ange. Coffee avang khan ka lawm lutuk ania" ti pah chuan a ding ta hluai a.

Mrs. Daniels i chuan, "Dr. Andrew, hei hi Laura i ania,in hmelhrait lawk teh u" a lo ti vat a.

Laura i pawh chu a thuthmun atang chuan a tho thuai a, an in chibai ta lawp lawp a. "Andrew a chuan,ka hmu che chu ka lawm hle mai" amah Laura i en kal pah chuan a ti a.

Laura i chu a lai deuh hlek a, hmai sen deuh ap ap pah chuan,"Keipawh le. Mrs. Daniels i min enkawl sak avangin kan lawm lutuk ania" a ti ve a.

Doctor Andrew a a kal tak hnu chuan, Mrs. Daniels i chuan, "Kan tlangvala kha a hmeltha in a fel ka ti riau ania, mi enkawl a thiam bawk si" Laura i melh zeuh pah chuan a ti a.

Laura i chu nui har har a,"Nia a fel hmel khawp mai, a enkawl na i ngeih chu ka lawmpui lutuk che ania" a sawi tum tak hrelo awm tak chuan a ti a.

Mrs. Daniels i chuan, "Oh, Laura...ka sawi tum i hre reng tih ka hria ania aw...khatiang te kha an tha ania. Pasal neih hun te pawh i ni ve tawh" a lo ti hlak a.

"Pasal neih ka tum lo alawm, ka Ni bulah hian keichu ka awm reng dawn" fiamthu titak hian a lo ti ve a.

A Ni Nora i chuan,"Nia neih chu hei a hun ve reng tawh,mahse a ngaihsak lo lutuk hi ka rilru a lo hah thin" tiin a lo tui hnih vat a.

Laura i chu a ang pham a,"Ni....nanga pawh chu,sawi tawh suh u..." titau deuh pah hian a ti a. An nui ta dar dar a, Laura i chu a nui ve ngei mai mahse a chhungrilah chuan a tap a ni. Engmah lah a sawi chhuak ngam der si lova, Bill a kha a hmangaih em em a,midang a nunah a sengluh leh theih pawh a inring tawh lo a ni. Mahse hemite pahnih hian an nawr luih ngei erawh a ring hmiah thung a chhan chu pasal neih hun ani ve tawh reng a ni. Eng engemaw sawia an ti ti hrep hnu chuan Mrs. Daniels i chu mangtha in an inlam an pan leh ta a.

In an thlen chuan a Ni in thil a sawipui hma chuan,ka inbual dawn tiin a room lamah chuan a tlanchho nghal thuai a. A Ni nui ri hak hak chu a hre zui bawk a,mahse engtikah emaw chuan pasal neih chungchang hi ala sawipui leh ngei ang tih pawh a ring tlat a ni.

Kar a vei a, thla hial a lo vei ve leh ta reng a. Hna a dil pawh a result a chhuak tawh a. An khua a company pakhat Planet B an tihah chuan secretary an mamawh thu kar2 vel kalta khan an rawn tlangzarh a. A dil ve ta kha a ni a, an result a chhuah lawk theih lohna chhan pawh chu company neitu ber chu a boral vang a ni a. An letter box zinga a huan kal paha a en chuan a hming chuang vang lehkha hi a hmu a, an enchian chuan Planet B company atang lokal a ni tih a hre thei mai a. A hawng nghal vat a, a tling tih an rawn hrilh na leh a tuk atang hna tan tura hriattirna hi alo ni a.

Au chul chung chuan inah chuan a tlanlut leh a. A Ni choka a lunch buatsaih mek chu a va kuah chung chung a,"Ni hei ka tling ania,naktuk atangin ka hna chu ka zawm dawn anih hi" nui var var pah chuan a ti a. A Ni pawh chu a lawm hle a,a chala fawp pah chuan, "An lak che hi ka lo ring reng a ni,darling. Ka lawmpui lutuk che" a lo ti sarh sarh a.

"A lawmnan zaninah Mrs. Daniels i nen ka treat ang che u" a ti a.

"Awle...kan phone nghal ange" ti pah chuan a phonr chu a ban nghal a. Laura i erawh inchung lamah a lehkha dahtha tur chuan a chho leh thung a. A room a thlen chuan a mittui a tla ta zawih zawih a, Bill a nena an inhmuh hmasak ber ni kha an ngaihtuah a, a ngai hle a ni. Mahse a ngaihtuah rei duh lo, a Ni bulah chuan a chhuk leh ta vat a. Ngaihthuah mahse awmzia a awm lo,mi pasal a ni a,a nupui a thenna a rawn pan te anih loh chuan ngaih kha a tan awmzia a awm lo ani tiin a amah leh amah chu a in fuih ve sauh sauh a.

A Ni chu sitting roomah a lo awm a,Laura, zanin dar sarih ah ka tih kha aw.. Mrs. Daniels i hnenah khan" a lo ti sarh sarh a.

"A tha vek e, Ni. In duh duh in ei dawn nia" a ti larh larh a, a Ni bulah chuan a thu thla nghal a,a kuah vawng vawng a. A rilru natna leh a tawrh mek te chu hrilh theih a chak kher mai mahse sawi chhuah chi ah pawh a ruat lo. A Ni rilru nat dantur a ngaihtuah phei chuan a ip chawih chawih thei a.

A ni chuan, "E...leh lawk aw... Laura. Mrs. Daniels i khan a doctor pa kha lo hruai ve min dil a, ka phal ta mai anih kha" inthiamlo awm tak chuan a ti a.

Laura i chuan a Ni leh Mrs. Daniels i thil tum chu a hre lutuk. Andrew a nen khan in kawm nel sela,an duh tih a hre reng a. Lungawi chiah loh hmel hian,"Ka sawm tel loh an lo tel ve dawn anih chu" an ti deuh nghat a.

A Ni chuan, "Aw... Mrs. Daniels i te chu i hriat ve reng kha....a duhdan te in thil a ti thin tih,Laura" ner deuh pah hian an ti vel a.

Laura i chu a nui hak hak a, a Ni leh a thiannu chuan a tana thil tha an ngaihtuah tih a hre ve reng a, han tihluih zel pawh a duh tawh bik lova,"Awle...awle...ka tlawm e" a ti ta a.

Dinner ei tur chuan a Ni nen chuan an insiam tan ta a, engnah in uluk vak ngaiin Laura i chuan a hre lem lova. Andrew a hi a hriat ngai mi ani lova, tin Andrew a pawn a damlo lungngai taka siam a duh loh vang te pawhin a lo aw sak ve thei tho tih te chu a ngaihtuah a. Vawikhat chauh hmu mahse Mrs. Daniels mi khirh lutukin a ngainat theih chu misaul tak anih a ring lem lova. Gold colour kawrfual a kawng thleng a zuih,a hnuai lam erawh tlem a A cut thla deuh a mal thla a kak hi a ha a. Pheikhawk pawh gold colour a bun bawk a. Make up erawh a mit tlem a hnawih a, a hmui chu lip gloss a neih hlek chauh a. Purse a ken turah chuan a buai deuh hlek a, a hnu ah chuan a dum lian vak lo hi a thlang chhuak ta a. A Ni pawh inhnuaia a zuk chhuk thlak chuan a lo nalh hle a.

Pawnfen leh kawr in suit thlap a cream colour hi alo ha a,a kawr hnuai ah chuan top dum nalh tak hi a ha bawk a. A Ni phur em em zia chu a inchhei dan atang chuan a hre thiam mai a,a nuih te pawh a za ru hle a. "Kan hman chuan i kal ang hmiang,chhelo te" an ti fiam zauh a.

"Laura, ka fanu, i nalh lutuk ania" a Ni chuan thaw hak pah hian a ti a.

"Nalh vak pawh ka lo tum hleinem" a tih chuan an nui dun har har a, pawnlam pan chuan an chhuak dun ta a. A 'Minic' chu ken a tum a, mahse a Ni chuan "ka car kha keng zawk teh. I car hi chu a te lutuk a ka thaw a pik thin " a ti deuh tlat a.

"Awle...old Lady, lo kal ta che i car ah ngei chuan kan phur ang che" nui sen sen pah hian a ti a.

An dinner ei na hmuntur chu an khaw pawn deuhah hian a ni a, hmun lun tak mahse lian chuang si lo. Mi hip em em mai,a hmun te chu mawi tak, a boruak pawh zang vah na hmun a ni a, an thlen chuan manager chuan an dawhkan tur lamah chuan a hruai nghal a. A thu fel awrh tih ah chuan Mrs. Daniels i leh Doctor Andrew a te pawh chu kawngkhar ah chuan an lo lut ve chiah bawk a. A Ni Nora i chuan a ban a vaih lauh lauh a, anni pahnih pawh chu nui sang hian an lam pan chuan an rawn phei ve ta a.

Andrew a chuan a thut fel hnu chuan,"Sawm lemloh mikhual ka lo kal tel ve tawp ania, engpawh nise ka lawmpui lutuk che, Laura" ti pah chuan pangpar bawr nalh zet hi Laura i chu a pe ta a.

" Mrs. Daniels i kawmhlim tu tur awm ve angai alawm,sawm tel i ni lutuk ania" Laura i chuan lawmthu sawi pah chuan a ti ve mai a.

An thut fel vek hnu chuan waiter chuan intur an duh leh duh loh te a rawn zawt ta a.

Hmeichhe pathum chuan sherry an chah a,Andrew a erawh chuan whiskey a chah ve thung a. "chuan... Laura" Mrs. Daniels in a rawn tih takah chuan a lam chu an hawi ta thap a.

"
Bur fun nalh zet hi a rawn phawrh chhuak a,"Darling, hei hi pawm hram ang che" a ti pah chuan Laura i lamah chuan a lek kawh ta va a.

"Oh! Mrs. Daniels....a ngai lo reng reng hetiang. Mahse min lawmpui tih hriat reng nan kan la ange" lawm tak chuan a ti a, a la ta a.

Waiter in an intur a rawn dah takah chuan an ngawi leh ta thap a. Dinner tur order chu an pe ta nghal a. An duhzawng an sawi sap sap chu waiter chuan a lo ziak thla malh malh a, a tawpa eitur pudding erawh Laura i chu an thlantir ta a.

An no an dawm kang a,"Laura i hna thar tan" tiin an in chhers a, nui hawk hawk pah chuan hlim takin an in tan ta hlawm a.

Andrew a chuan an pitar pahnih ten inla hrang taka an ti tk tak tlat ah chuan Laura i chu a ti ti pui tan ve ta a. "London chu nuam i ti em?" a tih chuan Laura i chuan Mrs. Daniels i chu ava melh zeuh a. Ani lah chuan pawisawi lo hmel deuh hian a dar a lo san ak a. Nui sak pah hian,"Chu ilo hrevek ani maw? Nuam ani mai" a ti ve mai a.

"Hre vek love, Mrs. Daniels i khan a sawichhuak palh mai mai ania" tiin a lo tlip mam thuai a.

"Hetah i awmna a rei tawh em? Khawi atang rawn insawn nge i nih?" Laura i pawh chuan a ti ve ta a.

"Hmm...rei vak lo, thla thum vel chu a ni tawh maithei. New Jersey atangin min rawn sawn a" amah en reng pah chuan a ti a.

Andrew an a en chik deuh hlek avang chuan Laura i chuan nuam a ti chiah lova,"Kan khua hian zun a nei ania, chhuahsan hi harsa anti thei hle ania" tiin a fiam deuh hlut a.

"A nih dawn hmel khawp mai hei,keipawh cham hlen mai duhna rilru te ka nei dawn dawn hian ka hre tawh" a fiamthu ani tih hriain Andrew a pawh chu a fiamthu ve hlut a.

An dinner tur alo thlen takah chuan wine in pah chuan an ei tan ta a. An nui leh dar dar thin a, Andrew a chu pa fiamthu duh tak ani tih a hre thiam mai a. A damlo te tan chuan doctor fel tak leh biak nuam tak anih pawh a ring nghal mai a. Alo kal ve pawh chu lehlam takah chuan a nuam a ti phian a, nilo sela chuan heng pitar pahnih te chuan pasal neih vel sawi khan an chhaih buai leh chiam ngei dawn tih lah chu a hre reng mai si a.

Dinner an ei zawh chuan pudding chu alo thleng leh a, an ei zoh chuan,"Bill ka va pe lawk ange,ti khan lo thu rawh u" Laura in tho paha a tih chuan, Mrs. Daniels i chuan, "A ngai lo, Laura. Andrew an i hna thar hmuh chu a lawmsak ah che ngai mai rawh" a lo ti thuai a.

Laura i chuan awihlo zet hian Andrew a chu ava melh ralh a,"Huntha ka nei hi ka lawm hle ania,Lady!" mawi taka lo nui pah hian a lo ti a.

"Ngawi lawk rawh! A chi loh lutuk...nangma treat tura chhuak kan nilo reng reng" mangang tak chuan a ti ta a.

Andrew a chuan,"Laura, ka patient te tihhlim hi ka hna a bet pakhat ania, pawm hram mai rawh" a lo ti leh a.

Laura i chuan a Ni chu ava melh a, Mrs. Daniels i chu an melh leh a,"Nia, darling pawm mai rawh!" an lo ti rual that a.

Awihlo tak hian a nui hak a,"Awle..engpawh nise kan ina chaw ei i ba tihna a kan ngaih tlan theih chauhvin ka pawm ang" a ti ve ta a.

Pitar pahnih chuan kut beng dar dar pah chuan,"Aw...ti vat rawh, Andrew!" an lo ti then thaw a.

"Kan pawm zel mai aniang chu" a lo ti veleh chuan a bengcheng leh zual a. Laura i chuan,"Shh...kan in anih loh ho" tiin pitar pahnih chuan a melh nghek a, an vai chuan an nui leh ta dar dar a.

Pawn an chauh chuan lawmthu te an in hrilh tawn a,an in mangtha hnu chuan kan in kalsan ta a.



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » November 26th, 2017, 5:03 pm

Laura i office tan ni pawh alo thleng ve leh ta reng a, phur tak chuan a insiam sarh sarh a. Tlai hlau takin a Ni pawhin breakfast leh a pawimawh dang tur awm anga a hriat te zing atangin alo buaipui ve char char bawk a.

Laura i inhnuai lama a chhuk chuan a Ni lo phe buai em em chu a hmu a, a nui deuh sak a. London a mahni chauhva a awm lai te leh office a tan dawn ni te pawh a hre chhuak rum rum a, a lungte pawh a chhe lek lek a. Khang hunah kha chuan mahni khan a in buaipui ve mawlh mawlh kha a ni a, vui pawh a vui hek lo,mahse tuna amah hmangaih em em tu a Ni in a theihtawp a alo buai ve ziate a hmuh chuan a lung a chhe lek lek a, chhunhte tih tur a neih ve chhun a Ni chungah chuan a lawm em em bawk a ni.

A Ni in a thil chhuan a chawh mawlh mawlh lai chuan a hnung lam atangin ava kuah thak a,"Ni engkim ah hian ka lawm e. Ka Ni ilo ni kher kher hi chu ka lawm hle a nia" a va ti sar sar a.

A Ni chuan, "Laura, ka vaha ilo piang hi ka lawm hle zawk ania. Nang hi awmlo ta la ka khawvel hi khawhar takin ka hman ngei ka ring thin asin" a lam lo hawi pah chuan a ti a.

A pahnih chuan an in kuah vawng vawng a, boruak tih zangkhai nan chuan Laura i chuan,"Ehmzz...ka ni hmasa ber turah hian min tlai tir i tum loh chuan breakfast kha min eitur vat rawh" a ti ta a. Hlim taka nui dun hak hak pah chuan breakfast chu an ei dun ta a.

An office thar ava thlen chuan a rin loh takin an pu chuan alo lawm thiam hle a,midang te nen pawh chuan a in hmelhriattir hlawm a. A pu tur office a an luh dun hnu chuan hna kalhmang leh tihdan vel tur te chu an in hrilh leh mawlh mawlh a. Pu Chris Mantor a chuan,"I hna chu i hriat mai ka ring,khang bak kha chu hrilh vak pawh i ngaih ka ring lo" nui vur vur pah chuan a ti a.

"A tul leh ka hriatthiam loh chu ka zawt zel mai dawn che nia, tihdan tam tak te hi alo in ang lo ve thin a" tiin a chhang a.

"Tehreng mai,i thawhna hmasa te ang company lian kha kan ni ve lova, hetah chuan hunawl pawh i ngah deuh zawk ngei ka beisei" tih tlangnel tum tak chuan a ti a.

"Ka thawhna hmasa chu dahtha ila,tha tak leh i duh ang ngeia thawh zel erawh ka tum ngei ang" tiin a Pu thar chu a hrilh a.

"Nia, i thawk ngei ang tih ka ring tlat,engpawh nise vawiin atan chuan in enfel leh inzir chian nan hun hmang la,nileng a awm pawh a ngai lo ania" a lo ti leh zung zung a.

"Awle, ka lawm lutuk e" tiin a Pu Mantor a office piah deuh lawka a office thar tur chu a pan ta a.

A office thar chu London a mi ai khan a te chuang lova,dawhkan leh chair nalh pangngai tak hi a awm a,dawhkanah chuan computer tunlai tak hi alo in hung bawk a. Telephone pathum hi a awm a,tin almirah lehkha pawimawh an dah na te nen, chubakah chuan a mamawh tur thil eng eng emaw te pawh a awm bawk a. "Hmm...a nawm dawn phian hi" amah leh amah chu inbia in a ti chhuak sap a.

An kalphung leh thil tihdan tur vel te chu an company director chuan a rawn hrilh zung zung a, "Hna pawh a awlsam phian dawn hi, London ai chuan" a ti rilru a.

File vel a enkual nghal zung zung a, an thil lo tih thin dan te pawh chu a man nghal deuh vek a,buaina em em neiin a inhre lo bawk a. An company hi London a a thawhna nen kha chuan tekhin chi pawh ani lova, London a an branch pakhat tiat vel lek kha a niin a hria a,mahse thang chho mek an ni a, a lian chak hle tih pawh titi lengvak atangin a lo hre tawh a. Nitin a hnathawh natur a nih tawh avangin a theihtawp chhuah a,hmasawn pui ngei pawh a rilru chuan a tum ve hle a. Lunch break ah chuan a chhuah peih loh avangin, coffee chauh a in a. A lehkha enfel tur te chu a bih chhunzawm zel a,dar 2 velah chuan Pu Mantor a office lampan chuan a kal ta a.

"Pu Mantor, vawiin atan chuan ka en zo tawhin ka hria a,i phalna angin hei haw mai ka lo tum a" a ti a.

"Awle, Laura. Naktukah kan in hmu leh dawn nia" a lo ti thuai a.Hlim takin inlam chu a pan ta a.

In a thlen chuan a Ni chuan a lo chiau au vat a,"Darling, enge i ni hmasa ber chu a an?" tiin a lo zawt a.

"Nuam ka ti a, ka thawhna pawh a nuam dawn in ka hria e, Ni" hlim tak chuan a ti a.

Inchungah a chhova, a inthlak fel hnu chuan a pangpar huan lamah chuan a kal nghal a. Hnim te a pawt a, pangpar chi tiak te chu a phun dar pah bawk a. A thlan chu a luang deuh zawih zawih a, mahse haw mai chu ala tum lo. Amah a awm hi a hlauh ber thil pakhat a ni tawh a, ngaihtuah na kawm pawh a duh tawh hek lo. A kal liam tawh chu liam mai sela, hmalam erawh thlir tho mahse thlir vak ngaihna a la hre chuang lo. Mahse a Ni amah hmangaih em em tu bula a let leh chu him riau hian a in hria a, na hle mahse a lawmna pawh a tam hle bawk. A Ni hi awmlo ta se a khawvel khawhar dantur te chu a tihtur ti malh malh pah chuan a ngaihtuah neuh neuh a, a theih tawpa a Ni thu awih pawh amah leh amah chu a intiam bawk a.

Thlan deuh hluam chunga in a pan chuan an kawtah chuan motor ding an ta ni si lo hi a hmu a, tunge tih erawh a hre hauh lo thung. In ava luh chuan a tet lai atang a kawm thin a thian tha ber te zing ami Romela i chu lo ni reng in. An inhmu chu an khek dun nasa mai a, an hlim hle a ni. Inkuah chung chung pah chuan an in lawm tawn a, kum tam tak hnua in hmu an ni bawk a, sawitur an ngah lutuk chu sawiber tur pawh an hrelo zawk a.

Laura i chuan, "Romela, lo thu la, ka Ni nen pawh khan sawidun tur in ngah ka ringa, kan inti fai lawk ange" a ti a.

"Yes, yes, yes....kal rawh....Ni Nora i hi sawipui tur ka ngah alawm" a lo tive thuai a.

A roomah chuan a inbual phar phar a, a dai sawng sawng hian a hria a. Hmanhmawh tak chuan a inti fel zung zung a, inhnuai lamah chuan a chhuk thla ve leh thuai a. A Ni leh Romela i chu choka ah chaw eina dawhkan kil hian eitur leh coffee nen inchhawp pahin an lo ti ti mawlh mawlh a. A va luh ve chuan a Ni chuan, "Hei lo in ve nghal rawh" tiin a no tur hi alo thli nghal a.

Kum 5 vel lai Romela i chu a kalbo tawh a, America ah lehkha a zir zawh in hna a thawk hngal a. An in hmu lo rei ta vang vang hle a ni. Romela i chuan,"Laura, ka rawn let na chhan i hria em? Ni Nora i hi ka lo hrilh mek a" mitko san ak pah chuan a ti a.

"Hre nang aw...i awmna ah i awm peih tawh lo aniang chu. Kan khua ka ngaih ang hian i ngai ve anga, i rawn let leh tawp anih ka beisei ngawt a" a ti ve mai a.

"No....darling....pasal ka nei dawn a...." Laura i awmdan tur a hmuh duh avang chuan a en kar bawk a.

"Oh...my God!! Ka lawmpui lutuk che, engtik ah nge?" hlim avanga mitseng de sar sar chuan Laura i chuan a ti a.

"Thla thum hnu ah, hetah kan biakin ah hian kan innei dawn a, chumi inbuatsaih tur chuan ania ka lo let" hlim tih hriat tak hian a ti sar sar a.

"Wow!! Chuan mipa vannei chu tunge? America a i tawn chu anih ngei hmel a?" zawhna zawt mitmeng tak hian Laura i chuan a ti a.

"Nia, America lama mi ani e. Ka thawhna company neitu a ni a" a ti ta a.

Laura i chuan a kuah thak a, "Ka lawmpui lutuk che, hlim taka awm turin ka duhsakna sangber ka hlan nghal bawk che ania. Mahse kan in hmu khat leh zual tawh dawn anih chu" ngui deuh raih hian a ti a.

"Kan in hmuh zin dantur ka lo ngaihtuah vek tawh alawm,Laura" a tih chuan Laura i chuan phawk fe hian ava en ha a. "Enge i sawi awmzia chu?" a ti ta ha a.

"Aw...kan inneih hnuah chuan kan company ah i rawn thawk anga, Ni Nora i nen hian America ah in rawn insawn ang mawle" hlim tak hian a ti sarh sarh a.

Laura i chu a nui hak hak a,"Min duhsakna avang chuan kan lawm lutuk e,Romela. Mahse maw, kan khua hi chhuahsan ka duh tawh lo" a ti ta deuh tlat a.

"Come on....Laura. puitling ve teh! He khua ah hian enge awm a,i damchhunga heta i awm ten!" a lo ti a.

"Awle...awle. chulam chu dahtha ang aw...kan la ngaihtuah leh thei alawm" tiin a thiannu hlim tak chu a hnem ta a.

"Chuan kan inneih hunah chuan ka thianah i tang dawn tih ka lo hre bawk la aw..." a ti a.

"Oh....ava nuam dawn ve aw..." a Ni chuan a lo tihkhalh a.

Laura i ala ngawih reng avang chuan Romela i chuan nghawk deuh sawk pah hian,"Min ti lungni lo hauh suh aw " tiin a lo vau a.

"Romela...ka tang em em ang o.k" a ti ta a, hlim tak chuan an nui ho dar dar leh thin a. Dinner ei nghal tura Laura in a sawm erawh chuan tihtur dang a ngah thu leh nidanga la ei zawk atan chuan an in tiam ta a. Romela i a kal liam hnu chuan a Ni chuan, "Darling, thiante thianah hian i tang reng mai ang tih ka hlau ania" a lo ti zeuh a.

"Oh! Ni... Pasal neih pawh hi ka lo tum hleinem" nui sang hian a Ni hnem nan chuan a ti a.

"Chu chu ka duhpui hauh lo mai che,darling. Ka awmloh hunah phei chuan enkawl tu tur i mamawh hle dawn ania" thutak deuh hian a ti a.

A Ni rilru tur awm ang chu hriain,"Hmm...kan la zawng dawn nia, mahse keichu i bula awm reng hi ka duh ber a" a ti har har a.

" Darling....nula hmeltha tak i ni a, mipa tha tak pawh i la tawn ngei ka beisei bawk. Chung hunah chuan Romela i anga hlim taka hmalam hun thlir tur hian ka duh che tih hi hre reng ang che" a ti leh a.

"Ni, min ngaihtuah lutuk anih kha, ka la zawng dawn alawm, i lawm em?" tiin a Ni chu tlawn pah hian a nuih sak a.

"Awle....awle...min tih lawm nan chauhva sawi i nih loh chuan" a lo la ti talh a.

Nui hawk hawk pah chuan a room lamah a chhohsan ta a. A thil enfel tur a hawn chu a phawrh a, bihchian chu a tum hle na in a rilru a pe thei thlawt lova. A room bula varanda ah chuan a chhuak a, pangpar lo par vul chak chu a thlir a, Bill a bulah kha chuan hetiang pangpar ang mai hian ka par vul asin le aw....tiin a ngaihtuah a. London a chhuahsan hnuah engtin nge an awm tak zel tih engmah a hre tawh lova. Catherine i nen chuan nun bul an tan tha leh ta nge an in then ta tih te. Steve a pawh a biak loh avangin Alice i nen engtinnge an awm zel a hre lo bawk. Bill a pa pawh a dam tha zel em engmah a hre lo, hriat pawh a tum hek lo. News reng reng engmah a en duh lova, a chhan chu Bill a te ang milar chu an chanchin hi an rawn puang leh nawlh zel nen, a theih ang ang chuan London lam chu an chanchin hriat loh a tum a. Bill a chuan a dem viau angem tih te pawh a ngaihtuah fo thin,mahse dem turin enge a demna chhan tur? Engmah hmalam hun a tiam ngai hleinem, a nupui then a tum thu bak a sawi ngai hleinem, tiin a in hnem leh ta a. Engpawh nise hepa hi chu a damchhung in a theihngilh leh tawh ngai lovang tih erawh chu a hre chiang hle a ni. Chutia awm reng chu dikin a hre ta lova, sana an en chuan a lo tlai leh duai tawh alo ni a. Dinner vel buaipui turin a Ni pui tur chuan a chhuk thla ve ta a, a Ni bulah hi chuan a theihtawpa hlim anga lan hi a tum ber a ni a. Zawhna a zawt tura a Ni hi a siam vaih chuan engkim kha a sawichhuah vek angai dawn si nen. An pahnih chuan an dinner eitur chu hlim takin an siam dun a.

A tukah chuan Laura i chu a tho hma hle a,a Ni breakfast siam a puih hnuah, an varanda ah chuan an ei dun a. Insiam turin a chhohsan ta a. A kawr chu an enkual dan dan a, a suit dum chu ala chhuak nalh a, kamiz sen nen chuan a ha ta a. Pheikhawk dum sang a bun leh a, a sam chu a tih ngai lem loh takin a thlah thla hniang a. Eyebrow a hnawih a, glip gloss mawm pink dal raih a hnawih bawk a. A hmui chu a no em avang chuan mipa tan chuan fawh a chakawm fu ani tih pawh Laura i chuan a hre hauh lova.

A kaltur chu a Ni chuan an varanda thleng chu a thlah a, an in vai liam ta lauh lauh a. Office ah chuan London ang khan thawk an tam em em loh avangin an in pawh deuh nghal tham mai hian a hria a, amah pawh chuan thawk thar e tilo chuan mikhual em em in a inhre lova. A pu ten meeting an neih na ah chuan thil pawimawh te alo ziak mawlh mawlh a, tichuan a office ah thuin a hna tur awm ruih chu a thawk ve leh nghal char char bawk a. Hawn a hun meuh chuan a lo hma tawh hauh lo tih a hre ve chauh a, lunch break te khan a la rei lo viau in a hre hial a.

A haw lamah chuan an mamawh lam haw pah a rem em avang chuan Bazaar lamah chuan pen a rilruk ta a. Mall lian takah chuan trolly nawr kualin an mamawh ang a hriat hriat chu a thun tan ta malh malh a. Chips packet lian tak a lak thlak chuan a lehlam a mi nen chuan an in melh ta ran a, Andrew a chu lo ni rengin!

Nui ruh ruh pah chuan,"Kan in hmuh hlawl dan chu ava mak ve,Laura" a lo ti vat a.

"Ni e tiraw, mak hle mai" nui pah chuan a ti ve mai a.

"Andrew a chuan ka rawn in nawr phei dawn e, lo awm rawh!" a ti a.

Laura i chuan alo nghak ve mai a, a dinna tlar a rawn thlen chuan an han in "Hi" tha leh te te a.

"I office bang i tlang nghal ava ang ve kha?" Andrew a chuan a ti a.

"Nia, hei mamawh neuh neuh awm te ka lam haw e ka tia. Enge iva lei nasa zawk ve?" pangngai tak chuan a ti a.

"Nia, mamawh hlirin ka lo khat tawh a mawle. Hei mipa te chu kan awm naw naw mai zel hi,i hre tho ang a" nui hak pah chuan a ti a.

"Awle...ka lei zo ani mai a, ka kalsan mai ang che" tia kal mai chu a tum a.

"Laura, tun Saturday zanah hian party a awmdawn a kalpui tur ka nei lova, min lo kalpui thei angem?" in thlahrung awm ang reng tak chuan a ti a.

"Ka hrelo le, Doctor. Ka lo in ngaihtuah dawn nia" a ti a.

"Nia, lo in ngiahtuah rawh mahse rei lutuk lo aw" fiam pah chuan a ti a. "Awle..." a ti a. An in mangtha hnu chuan mahni in lam panin an kal ta a.

In a thlen chuan a Ni chu alo lawm hle a, "ka kal buai ngai lova i rawn bazaar chu ka lawm hle mai,Laura" a lo ti siam siam a.

"I mamawh chu sawi zel la ka haw pahin ka rawn lam zel dawn alawm" inti fel tak chuan a ti a.

"Darling, ina i rawn let leh hi chu ka lawm takzet zet ania" hlim tak chuan a lo ti leh a.

"E.. Ni, vawiin khan Andrew a nen mall ah kan in hmu asin" tiin a hrilh a.

"Oh..." tiin a Ni chuan alo chhaih nghal vat a.

"Hey! Chhaih natur engmah a awmlo aw...kan in hmu zuai ringawt alawm" meng kual kawi pah hian a ti a.

"Laura, doctor a hi ka mihring ngainat zawng tak ania aw...lo hre mai mai la" a ti a.

"Nang chauh pawh i ni hleinem, Mrs. Daniels i pawh khan a comment that viau kha!" an ti a.

"Pasal hi neih tawh la kan duh alawm,i hriat vek kha! Mahse mi fel ania kan duh chu,kan hmangaih vang che a ni bawk!" tum deuh hian a lo ti kauh kauh a.

"Awle...awle...ka hria alawm,ka neilo ang ka tih loh kha" a Ni tih lungawi nan chuan a ti a.

"Leng chhuak tur ten a sawm lo che ami?" phur tak hian a Ni chuan a lo ti leh a.

"Sawm maithei..." tiin a sawi duh lova.

Phur tawk tak hian,"Engtikah?" a lo ti vat a.

"Ka rilru ka siamfel hunah ka hrilh ang che" induh der vel pah chuan a ti a.

"Naupang sual lutuk!" ti halk halk pah chuan Laura i thil rawn hawn dahtha tur chuan choka ah chuan a luhsan ta a.

Nui ar ar pah chuan a room lamah inti fai turin Laura i pawh chu a chho ve nghal a. A Ni bula awm hi chu a hlimawm thin reng a ni,naupang chhia an na te hi a nei tan tawh hian a hria a. A chang leh a phur hluai a, a chanh leh a tau hma em em a, a hlim na te hi a ho em em bawk a.

A intih fai hnu chuan a khumah chuan a muzal ar ar a, amah a a awm vela a rilru luahtu chu a rawn lang leh nghal zat a. Tunah tak hian Bill an enge a tih ang le? Min ngai ve angem le? Catherine i nen an in zawmna a tha tawh angem le? Thil dang dang zawhna a rilru chuan a rawn luah zel a, a tho tharh a. Rooma ka awm reng chuan min tibuai leh dawn heng ka ngaihtuahna te hian tiin inhnuai lamah chuan a chhuk leh ta nge nge a.

A Ni chuan hmanlai movie alo en mek a, A Ni bulah chuan a thu thla a, an pahnih chuan movie chu an en dun t a. An movie en a tawp meuh chuan an lo tap dun par hi alo nia, an han in en dun chu an nuih aza leh sia an nui dun ta bawk bawk a. Hlim takin an in kuah a, an in hmangaih hle a ni tih a lang chiang hle a. A Ni hian zankhat mitchhin lo tawk ta se he in reh tur zia te chu a ngaihtuah pha hial in a in hria a.

A ngaihtuahna chu dahtha in,"Awle...khua a la lum em mai, theitui ka va siam anga pawnah thu thawveng pahin ka in dawn nia" a tih chuan a Ni pawh chuan,"A tha khawp ang" tiin pawn lam chu a pan ta nghal a.

Laura i theitui nena a chhuah chuan an piah lawka an in gate ah chuan Mrs. Daniels i lo kal mek chu a va hmu a. A Ni chu a signal zauh a,chutih chhung chuan no dang siam turin a lut leh nghal a. A va chhuah leh chuan an thiandun chuan an lo thu ar ar tawh a. "Mrs. Daniels, ilo leng thei chu ava lawmawm ve!" Laura i chuan a ti a.

"Doctor Andrew a hian min enkal dam tho thang chu ani tawh maiin ka hria hei" a lo ti ve thuai a.

"Hmm...a thiam hle anih dawn hi tiraw?" nui var var pah chuan a ti a.

"Nia, ka leng leh thei chu ania lawm hei. Laura kan tlangval a hi nei mai la a tha in ka hria,enge i ngaihdan?" an ti leh thawr a.

"Mrs. Daniels, a mak thin em mai! Tlangval hmeltha tak leh hlawh nei ania, bialnu te pawh a nei ve ang chu" tiin a chhang a.

"A nei hauh lo mai, Laura. Ka zawt vek tawh alawm" a ti ta a.

Laura i chu a zak hle a, "A va zialo thin ve aw...nangni thiandun hian min lo zuar em lovang chu!" a ti fiamthu a.

"Zuar love...darling. Mahse kan duhpui khawp mai che tih chu hria la ka ti khawp mai" a ti a.

"Engpawhnise, i theitui te kha han in phawt mai teh" tiin a thu thla ve ta a.

A Ni nena an thusawi chu a hrethiam ve vak lova, a theitui a in zawh hnu chuan a room lamah a chho ta a. A computer chu a on a, hna thawh tur tlem a neih chu a thawk ta mawlh mawlh a. A Ni dinner tur siam rim chuan a ril a tih tam tak viau avang chuan in hnuai lamah chuan a chhukthla leh ta a. Mrs. Daniels i erawh alo awm tawh lova.

"Thleng kha lo khawp ta che,Laura. Hei ka hman ani mai" a Ni chuan a lo ti vat a. An pahnih a thleng tur leh mamawh tur a chhawp zawh chuan wine no hnih chu a thli nghal bawk a. Hlim taka ti ti dun pah chuan dinner chu an ei ta a. Andrew a chanchin a Ni in a sawichhuak leh ta lo chu a lawm rilru hle a. A chhan natur erawh a la hrelo, kal pui ve mai chu a tha angem aw...nge a hnar zawk dawn? Mahse he khua alo let leh atang hian intih hlimna lampangah ala kal miah lova,kal ve pawh pawi tih lohna a nei deuh a.

Ni chu a kal ve zung zung a, friday zan alo thlen chuan ohone kol a dawng ta nawlh a. A Ni in,"Laura lo chhuk teh i phone a nia" a ti ri a hriat chuan a chhuk thla ve mai a.

Phone la pah chuan,"Hello, Laura i ka nia" a ti a.

"Hi! Andrew a ka nia, ka thil sawi kha ilo ngaihtuah em?" a rawn ti a.

"E..aw..nia ka lo ngaihtuah chuan ka hria" a ti ban deuh charh charh a.

"Chuan, enge ilo ngaihtuah chhuah chu?" a rawn ti a.

"A...awle...tih ani mai" then deuh sak chuan a ti a.

"Ka lawm e, Laura. Dar sarih ah ka rawn lam ang che" a ti ta a.

"Awle...kan in hmu dawn nia" tiin phone chu an dah ta a.

A Ni chu a hnungah hian kawng dawm meuh hian a lo ding tau a,"Hmm....tu nen maw in in hmuh dawn a?" tiin a lo fiam nghal hlat a.

"Aw... Mrs. Daniels i nena in chhass pa kha mawle" tiin a nui hawk hawk a.

A Ni chu a ngawi vang vang a,"Nia darling,chhuak vak la ka duh. Andrew a chu lo dahtha ila,ilo hawn atang hian ila chhuak miah lova, thalai nih chuan nun te hi chen tur. I hlim lo emaw ni aw...tih chang hi ka ngah ania" muk taka in ngaihtuah hmel chuan a ti a

"Oh!.... Ni,ka hlim lutuk alawm. I hriat ve reng kha! Ka buai ve em em a, chhuah leh hi a peihawm loh alawm" tiin a ni chu a tlawn tih tih a. A rilru hah na leh a khawhar rukna chu tihlang ngai lovah alo in ngai nain a Ni nu fing tak chuan a lo hre thawi deuh ani leh chiang a ni tih chu a man mai a. Chuvangin a Ni ngaihtha taka siam nan chuan a tlawn a ngai reng bawk.

"A that chu, i hlim chuan. Ka lo ngaihtuah lutuk che te pawh a niang e" a ti ve ta a.

Dinner an ei zawh chuan an pahnih chuan movie enin an meng leh ta reng a. A tuk weekend a ni bawk a, tih tur an nei lem lo nen, an thil en chu an nui bak bak reng a, Laura i pawn a rilru a thawl huai in a hre ve bawk a.

A tuk zanah chuan hak turah a buai ta deuh a. Andrew a chu engang mi nge tih pawh a hriat chian loh avang leh an vawikhat chhuah dun natur anih avang chuan a in uluk ve deuh hlek bawk a. Kawr sen lar nalh tak a fual dalh, a ha a, pheikhawk high heel sen a bun bawk a. Make up erawh a hmang ve deuh hlek a. A sa chu a thlah thla hniang a, a kawr awm zau deuh hlek erawh darthlalanga a in en chuan a duh chiah lova, a sam chu a hma lamah a tam thei ang ber a ti uai thla ta hial a.

A Ni chuan a kawngkhar bula dingin a rawn au a,Andrew a lo thlen tawh thu a rawn hrilh a. "Awle..lo thh rawh se, ka rawn chhuk ani mai" a ti a.

Step a a chhuk hnalh hnalh chuan a Ni leh Andrew a chuan an rawn thlir ta reng a, a chhuk thla zel chu step tawpah Andrew a chuan a lo nghak a, a kut a lo la vat a,a fawh sak ta a. "I nalh hle mai,tih hi ka sawi lo thei lo" thaw hak pah hian a ti a.

A Ni pawh chuan,"Darling, i nalh lutuk" a lo ti ve bawk a.

A lai deuh chuan a hmui chu a pet deuh zeuh a,"Ka lawm e,in pahnih a chungah" a ti sap a.

"Awle, kan kal theih chuan kal ang hmiang" tiin Andrew a chuan muangchang hian a kai chhuak ta a.

Motor a an tlan chhuah hma chuan a Ni chuan,"Hlim takin hun in va hmang dawn nia" tiin a lo vai lauh lauh a.

Motor chu a tlan chhuak ta a, an kalna tur ber pawh Laura i chuan a hre chiah lova, a chhan chu a zawt miau lo a ni. Andrew a chuan,"Zanin a party na a kal zawng zawng zingah i chhelo ber ngei ang!" tiin a lam hawi pah chuan a rawn nui var var a.

"Ka.... Sawitur ka hrelo, ka lawm e" a ti mawl tawp a.

Kalkawngah chuan London a a awmlai chanchin te Andrew an a zawh ang ang chu a hrilh ve mai a, ama chanchin leh a chhungte chanchin chu Andrew a chuan a sawi pah bawrh bawrh bawk a. Fiamthu a duh avang chuan an nui dun leh hak thin a, Laura i pawh chuan a bula awm chu a nuam a ti ta phian a, a lo huphurh aiin a zia phian in a hria a.

Party natur in chu an khaw mayor te in alo ni a, an luh chuan mi pawh anlo awm nual tawh a. Laura i chu chu khuaa seilian anih avang chuan be tu a nei nual a, amah Andrew a lah an khaw doctor anih mai bakah tlangval hmeltha tak anih avang chuan nula ho chuan an zar hneh hle hian Laura i chuan a hria a.

Intur te an dawm a an thut fel chuan an khaw mayor fanu Lorna i chuan an dawhkan chu a rawn pan a, Laura i erawh a enkhum miah a, Andrew a chu lam puiah a rawn sawm a.

Chutia a in neitunu berin a rawn sawm takah chuan "Aih" tih chi ni hek lo, "Min lo hrethiam lawk rawh aw,Laura" tiin Lorna i chu a kai a, lamtual lamah chuan an in kai phei ta a. Laura i chuan a enzui reng na in pawi tihna hranpa pawh a nei lem chuang lova.

Andrew a hi pa sang tak, feet 6 vel ni tur a ni a, a sam a buang thar a, a mitmeng pawh a buang a ni a. A vun pawh a mawi tawkin a uk deuh kharh a, a biangsum chuan a ti hmeltha leh zual a. Amah hi fiamthu a duhin tupawh a be tha vek a, hmeichhe tam tak tan chuan min duh emaw tih tur hian a be tha vek a ni. Lorna i hian a ngaizawng em em chuvanga zanin ah pawh sawm ani reng bawk a.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » November 26th, 2017, 5:04 pm

Lorna i leh Andrew a lam dun chu ava melh zeuh a, inhmeh hle hian a hria a. Lorna i hi hmeichhe hmeltha tak a ni a, a pian pawh nalh tak a ni, mahse a chapo em em a chuvang chuan ania Laura i hian a ngainat ngailoh. Tet te atanga in hria an nia, sikul te pawh kal ho thin, mahse inbe ngai lem lo an ni.

A thil intur chu a lem zeuh zeuh a, a hmelhriat te pawh a hmu nual a. "Hai...iva nalh em em vele, zanin zet chu Laura!" a bula rawn thu pah chuan Peter a an sikul kal tlan pui thin chuan a rawn ti thar thar a.

"Oh! Pete...i dam maw? Hetah engtikah nge ilo let leh a?" Laura i chuan a lo ti zang vah a.

"Umm...thla tam tak chu ka awm leh tawh, i hre miah nange?" lungawi chiah lo hmel chuan a ti a.

"Hey! I hria alawm...keichu engmah hre ngailo hman ata ka ni tih te chu" nuam ti chiah lo chuan a ti a.

"Laura, i nun boring tak atang khan chhuak ve tawh teh! Thiante pawh hi tumah i ngaihsak ngai lova, i insiam that deuh hi chu a hun tawh lo maw?" mitko san khum ak ak pah chuan a ti a.

"Ni e tiraw... Mashe hna ka thawk hian lawm khawiah mah min tam tir hman lo" tiin chhuanlam a la siam fan a.

"Awle...zanah i thawk lo tih erawh kan hre vek!" tum hmak pah hian a ti leh a.

Inthiam chiah lo hian, "Awle...ka lo insiamtha dawn nia" a ti ve ta a. Mahse a rilru tak chuan ka awmdan hi a nuam ber ka tihdan ania, enge ka nunah hian ka thiante ho hi anlo buai viau le? Ka chhuak vak peih lo ani maia, a ti rilru a.

"Kan lam ve dawn em niang, Laura?" Pete an a tih chuan phur lo tak hian, "Awle" a ti ve ta a...


Lamtual ah chuan an lam sup sup hlawm a, an hlim tlang hle hian Laura i chuan a hria a. A ni ve erawh khawhar na in a luah khat mek leh tawh a. Pete a nen chuan lam pah chuan an chanchin an sawi sap sap a, an bul lawkah chuan Andrew a te an lam ve tih pawh Laura i chuan a hre tawh lo. An naupan lai leh an thian ho nena an chanchin chu an sawi dun pah mawlh mawlh a, a rilru pawh tlem chuan a thawvengin a hlim ta deuh a. Pete a a hmu chu a lawm ta phian a, nilo se Andrew a lah Lorna in a hauh deuh tung sia, tiin a ngaihtuah rilru a.

Andrew a te lamtual atanga an in kai chhuak lai chu Laura i chuan a hmu zuai a, mahse a ngaihsak lem lo. Lorna i hnaih ah chuan a awm peih vak lo,chuvang chuan dinner pawh Pete a bula ei chu a tum rilru ta zawk a. An lam zo chu Pete a chuan an thian hlui te bulah chuan Laura i chu a hruai a, an thawm pawh a tha hle. A then khua ah an awm laiin a tam zawk hmun danga hnathawka chhuak an ni hlawm a, an in hmukhawm khat ve hle tawh bawk a ni.


No dawm hovin an ti ti laih laih a, an thawm pawh a tha phian a, an nui leh hak thin a. Dinner te pawh an ei ho leh a, an thiante erawh an kim lo nual, kim taka in hmuhkhawm an chak thu te an sawi khawm a, Laura i chu a kal ve avang chuan a lawm tha phian a. A chhan chu a thiante ho chu a lo ngai hle tih te a in hriat chhuah phah a ni, Bill a chu a ngaihtuah na sirah erawh a awm reng thung.

Dinner an ei zawh a, an thutkhawm leh dawn lai tak chuan Andrew a chu a rawn kal ta a,"Kan la awm dawn nge kan haw dawn?" a rawn ti a.

Party naah a hruai a mahse a ngaihsak eih lova, hmeichhe dang bula a awm tluan thak avang chuan Laura i chuan phuba lak a tum ta a. "I duh chuan i haw thei, keichu ka la awm dawn" a ti ta fak a.

Andrew a chuan a rawn en deuh vang vang a,"I thinrim a mi?" a rawn ti leh a.

"God! Enge thinrim natur awm le. Nuam i tia,keipawn nuam ka ti ve ani mai alawm" a ti leh pang pang a. A lo lem hnem deuh tawh bawk nen, enge a hriat pawh a hrelo a rilru a na deuh tlat a.

"Awle...i bulah hian ka lo thu anga, i duh hunah kan haw mai dawn nia" dam duai hian a ti a.

Laura i chuan phawk deuh tak hian ava en a, amah lo en rengtu tan chuan a kai tawh tih pawh hai chi ani lem lo. "Opss! Doctor....fel tak hi chu iva ni em tiraw?" ner deuh sak pah chuan a ti a.

Andrew a chu a nui hak a,"I thiante ho nen hian in hlim hle anih dawn hi" tiin a thiante chu a enkual ta dan dan a. An khaw doctor anih avang chuan an ni ho chuan an hre deuh vek hlawm a, mahse amah Andrew a erawh chuan a tu amah chu a hre lem lova. "Thiante u ka tihbuai loh hram che u ka beisei, hei Laura i hi a rui deuh tawh sia,ka hruai haw mai ange ka lo ti deuh va" fiah fel fai tak chuan a ti ta a.

An ngawi deuh thap a, Pete a chuan,"Nia, doctor, hruai haw mai la a tha ang" a tih chuan midang ho pawh chuan an lo pawmpui tih lantir nan an lo bu deuh nghauh nghauh hlawm a. Amah pawha a kal theih tawh loh avanh chuan Andrew a leh Pete a chuan an kuah chhuak ta a. Motor an thlen chuan Laura i chu a chatthla chu a ni ta der mai, Pete a chuan,"Duh leh keiman ka va dah mai dawn em niang?" a ti ta a.

"A ngai love...ka hruai ania lawm" a lo ti mai a.

Motor a tlanchhuah thleng chuan Pete a chuan a en reng a, Laura i hi an naupan deuh lai atang khan alo ngaizawng tawh a mahsr Laura i hian chutiang zawng chuan a en lo tih a hriat avangin a sawi chhuak ngam ta lova. Sawi chhuak ta sela an in thian thatna pawhin a tuar phah te a hlau bawk a ni, mahse Laura i nunchang tha tak, mi pawo sawi ngailo leh zu pawh in ngai lemlo khatianga a rui ta mai kha mak a ti a, a chhan hriat pawh a chak hle a ni. A na lai hi hmuh a thei thlawt lo tih te a in hrechhuak uarh uarh bawk a, mak pawh a ti hle a. Kha pa kha a thik em niang, mahse a bialpa pawh a ni lova eng vanga thik nge a nih ang? Laura i nunah hian a ruk taka natna lian tak a awm ngei tih erawh a man thiam nghal a ni. Chak vak tawh lo chung chuan in chhung lamah chuan a lut leh ta a.

An motor thawmah chuan Ni Nora i chu a harh deuh zawk a, mahse a che chhuak duh lawk lova. Mahse door bell a rik takah chuan mak a ti deuh hlek a, Laura i chuan door bell hmeh a ngailo tih a hre reng sia,tiin a tho chhuak ta a. Kawngka ava hawn chuan Andrew an Laura i chu a lo pawm vu hi ava hmu a. A ka chu a hup chat a,"Doctor Andrew, kan nauvi chu enge a awmzia?" a ti hluai a.

"Pi Nora, eng a ni love...khawnge a room awmna ka han mut tir ange" a ti a.

Pi Nora i chuan in chunglam chu a kawk va a,an in pawm chho ta a. Laura i room a luh chuan khum ah a mut riai riai a, a harh a hlau hle a. Chhuksan leh mai a tum lai chuan a banah kuan chelh tu a awm ta tlat mai le. An hawi chu Laura i chuan a lo vuan bet a ni tih a va hmu a, amhse a va kal hnaih deuh chuan a lo muhil tui hle tih a hmu a. A vawnna chu phelhsak a tum lai tak chuan,"Min kalsan suh, ka ngai tawh lutuk che" tih ri a hriat chuan a phu lo chauh a.

Laura i an en chian leh chuan a muhil tih a hre bawk si mak a ti hle a, amah chu a ngai lo tawp ang tih pawh a hre bawk a. Laura i a hmuh vawikhatna atang khan engemaw amah ah hian thil thup a awm hian a lo ring tawh reng a, a nui sang reng nain a phenah chuan thil inthup awm tlat in a hre bawk kha a ni a, a lo hresual lo tih pawh a hrethiam ta a.

Laura i a hmuh hmasak ber khan a hmeichhe duhzawng tak a ni tih a hre nghal mai a. A hmelthat mai bakah a pian hi a nalhin a sexy a ti hle a. Tin hmeichhe nungchang tha tak a nih pawh a ring bawk, mahse a hmel hlim reng anga lang si phenah chuan thil a thup tih a ringhlel tlat bawk. A Ni Nora i hi a lo hmelhriat tawh a, Mrs. Daniels i kaltlangin, tiang vahnu hmeltha tak a nei tih pawh a lo hre hauh lova, Laura i chu kawm chian a chak hle nain, a sawi duh chuan erawh a ring lem lova.

Kal mai chu an tum leh a,mahse Laura i bawk chu a rawng tawng leh a,"Ka bulah hian lo mu ve ta che, a vawt ka ti ania" tiin a phun leh sap sap a. A bulah chuan ava kal hnaia, a hmui no chek ah chuan a fawp zauh a, puan chu a khuh tha a, thildang a tih leh hma chuan a kalsan ta a.

Pi Nora i chuan a lo la nghak reng a, Coffee pe pah hian,"Ava zia lo ve, tinga a ruih hi ka la hre ngai reng reng lo" a ti chuai raih a.

"A ngaihtuah awm hleinem, ka bulah a lawm a kal. A thian hlui te ho nen an inhmu a, an hlim tlang anih kha" tiin alo hnem thuai a.

"I lo awm hlauh chu ka lawm hle mai,kan khua hi ralmuang hle mahse mipa hi chu i hria alawm" tiin a hawi sawn daih a.

"Keima thiamloh pakhat pawh a ni in ka hria, midang bulah ka awmbo san daih alawm mawle" nuam ti chiah lo chuan a ti a.

Mak tih hmel tak hian pi Nora i chuan a en ha a,"I kalpui kha a ni bawk sia" a ti ha a.

"Nia, pawi ka ti hle mai,nidangah chuan a thleng leh ngai tawh lovang" coffee lem hlak pah chuan a ti a.

An ngawih dun deuh vang vang takah chuan Andrew a pawh chuan haw mai a rilruk ta a,"Pi Nora, mut a hun tawh, ka haw tawh mai ange. Nidangah kan la inkawm leh dawn nia, magtha le" ti leh din a rual a.

"Awle...mangtha le" tii. Kawngka thleng chu a thlah a.

A in a thlen a khumah mut a tum chuan a mu thei ta lawk lova. Laura i hi kawm chian a duh deuh ta tlat a, zanin a a kalsan pawh kha a tul vang chu ni phakhat mahsela a thiante bulah khan a hlim zawk a rin vang pakhat a nia. Lorna i lah hian a hmuh tawh hi chuan a ta emaw ti hian alo kuah chawt zel bawk si nen, hmeichhia pawh hi an lo in ang lo hlawm hle anih hi a ti rilru neuh neuh a. Laura i hlir ngaihtuah chuan a zan hun chu a hmang a, a muthilh ve meuh chuan kawl a eng tan tawh hial a.

Zinga Laura i a harh chuan a lu a na ngang mai a, a keh phel vek dawn emaw a ti hial a. Hmm...hei ngei hi anih hi pentawng an lo tih chu a ti rilru a, a khum bula dawnkhan hnuaia drawer chu a pawt hawng thuai a, damdawi a la chhuak a, a ei ta a.

A inbual vel chhunga a chhawk hman hram a beisei a. Office kal ni ani lo hlauh chu a vannei hle a ni, sana a en chuan dar 11 a lo ri der tawh tih a hmuh chuan a phu deuh zawk a, tinge a Ni pawh hian a rawn kaihthawh loh reng reng le aw...tiin a inha sawk sawk a, inhnuai lamah chuan a chhuk thla ta a.

A Ni chuan tu emaw inleng a nei tih chu an tawng thawm atang chuan a hre nghal mai a. Choka a ava luh chuan Andrew a hi a hmu ta a. Laura i lo lut an hmuh chuan a Ni chuan, "Darling, i tho thei maw? Kha coffee siamsa kha lo inthlit ve mai ta che" a lo ti a.

"Good morning, Laura! Enge i an?" Andrew a chuan a lo ti ve bawk a.

" Good morning, doctor. Ka tha in ka hria e" a ti hul hak a. Nizan ah khan engtin nge a awm chiah pawh a in hre tawh lova. A khumah khan engtin nge a thlen tih pawh a hre hrek lo, Andrew a nen an vawikhat chhuah na ala ni leh nghal! Mahse ani pawh enge a nih bik chuan, party chhungin Lorna i bulah a awm tho alawm, a ti rilru a.

Coffee chu a in thlit a, a in hlak hlak a,a Ni leh Andrew a chuan a awm ve tih pawh hrelo ang mai chuan an ti ti chu an chhunzawm leh nghal a. "Lunch kan nei dawnah chuan Mrs. Daniels i pawh a lo thleng hman tawh ang" a Ni chuan a ti a.

Hmm...a Ni hian a hriat lohvin lunch ei turin sawm alo nei anih chu mahse mihran pawh a ni lo bawk a, pawi a ti lem chuang lova. An bulah chuan ngawi reng chuan a thu a,sawi tur pawh a hre hek lova.

"Andrew a hian lunch min rawn eipui dawn bawk a" a Ni chuan a ti a.

"A tha lutuk alawm" tiin a huan lama kal tur chuan a chhuak ta a. A pangpar te chu a be sap sap hlawm a, lo par vul chuk chuk ula, nalh tak takin chuan ka hlik em em ani mai, in hria em? tiin a biak chhunzawm zel a. Hnim a hmuh te pawh a pawt pah zel a, a kung do that ngai te a do lai chuan, a hnunglam atang chuan," ka lo pui ang che khaw" tih ri a hria a.

A lehhawi hma pawh chuan tunge anih tih a hre nghal mai a, hawi duh ta lo chuan, "Inlengte ka tir ngailo, lo va thu hahchawl rawh" a ti a.

"Thut reng pawh hi a ninawm ve thei tho ania, Mrs. Daniels a rawn thleng tawh a, an ti ti pawh a ring leh tawh khawp mai" nui suk pah chuan a ti a.

"Ka ti thei alawm, ka ti thang a, min lo en mai mai rawh anih chuan" a la ti hram a. Mahse Andrew a chuan a rawn tihpui ta thova. "I do tumna kha a te em mai a tlu thla leh thuai ang" tiin mau Laura i ken aia lian deuh mawlh tlawm chu a rawn vit phun a, hrui chuan a tawn sak ta a. "Hmm...ti kha chuan a par chhung chu a daih ang!" tha tih hmel taka en pah chuan a ti leh a.

"I thiam hlemai! Huan lampang ah i tui ve em ni?" mak tih hmel taka en pah chuan Laura i chuan a ti a.

"Tehreng mai, ka nu hian huan a nei thin alawm. Pangpar hi a hmuh tawh chuan khawiah pawh kal se a hmaih ngai lo. A huan hi tui te ka peksak fo thin alawm, chu bakah a siam theih loh thil eng eng emaw ngai te pawh min pur ve thin bawk a" a ti ta duah a.

"Anih chuan pangpar ah enge nalh i tih ber?" tiin a zawt a.

"Ah! Orchids blue hi nalh ka ti hle a, chuan rose hi a rawng zawng zawng nalh ka ti vek bawk" nui tuh tuh pah chuan a ti a.

Laura i pawh chu a nui ve mai a, "Doctor leh pangpar chu a inhmeh lo deuh em alawm" a ti a.

"Nia, mahse nizan a i ruih pawh kha i inhmeh bik hleinem?" amah en reng pah chuan a ti a.

"Nia, ka ching lo viau ani. Ka roomah khan nangmah in em ni min hruai?" nuam ti chiah lo chuan a ti a.

"Pawi i tih viau loh chuan, ni e. Keimah vang chu ani em lovang chu!" meng zim san pah hian a ti a.

"Ni lo turah ngai rawh! Mahse i rual chuan ka chhuak leh tawh lovang tih ka hlau khawp mai" a hmui seh neuh neuh pah chuan a ti a.

"Nia, ka che mawi chiah lo tih chu ka hria e, ngaihdam theih ka nih pawh ka ring lemlo" a ti dam duai a.

"Bialnu te party na a kal turin nula dang i hruai a, a awm lo em alawm" a ti hlak a.

"Hmm...tuin nge Lorna i kha ka bialnu ti reng reng a?" mak tih hmel tak hian a ti a.

"Tuman an ti lo, min hruai ve te te a, party chhung zawngin i zui kual sia. I bialnu anih ka ring mai" a lo ti then a.

"Ani lo...chuan nangmah hi ka ngaihven che ti ta ila i awih angem?" zawi sap hian a ti a.

Awih lo leh mak tih na hmel inpawlh chungin Andrew a chu ava melh ta reng a, chutih lai chuan Andrew a pawh chu a bul hnaih chet ah hian alo thleng phei tawh bawk a. Laura i kawngah chuan a kuah deuh sak a, "Nizan ah kha chuan i bula mu turin min sawm kha!" nui deuh sak pah hian a ti ta a.

Laura i chu a sen awp awp a,"Ka lo ti em ni? Ka hre hauh lo mai,thildang sawi ka nei em?" a ti thuai a.

"I bula la awm rih tur pawhin min sawm kha le.." a ti leh a.

"Aw...ava zahthlak tak em!!" ama hriat tawk leka phun sap sap chuan a ti a.

"Zahthlak vak hleinem, ka duh che alawm Laura. Phat pawh ka tum hek lo,i thil sawi chu sawi zel tawh lo mai ang" a ti ta a.

Laura i chuan hawi ngaihna pawh a hre lova, chutih lai chuan Andrew a chuan a hmai kun lap chu a kuai dak a,a fawp ta a. Laura i chu a phu zawk a, mak a ti lutuk chu chet thawh ngaihna pawh a hre lo hial a, Andrew a lah chuan a chhan mai loh avang chuan a duhthawh tulh tulh mai si a. A chhan tak hauh lovah chuan a thlah ta a,"Fawp che ka chak na a rei tawh hle asin" a ti thawp sat a.

Engmah sawitur a hre lo, hepa hian Bill a nena an chanchin kha a hriat chuan a ngaizawng hauh lovang. Sawi erawh tumna pawh a nei chuang lo, mahse amah hlat tir theihna tur chuan eng emaw a tih ngei a ngai si a. A la ngawih reng avang chuan Andrew a bawk chuan, "Laura, tunah hian min chhang turin ka tilo che! Ka la nghak thei alawm. I rilru ah khan awm lian tak i sawi chhuah duhloh a awm tih pawh ka hria ania" dam thlap hian a ti a. Mak a ti lutul chu phawk tak hian a en reng ringawt a.

"Engmaw i sawi a?" a hnu ah chuan a ti chhuak thei ta hram a.

"Vei lian tak i nei ka ti anih chu, mahse enge erawh ka hre lo. Midang an lp awm tawh anih pawhin ka duhna che chu ala ngai reng tho ang tih erawh ka sawi duh a nia" a ti leh charh charh a. Laura i chuan hreawm a ti hle a, a thup ve viau emaw a tih laiin alo hre tho si a
A Ni hian a hria angem le? Hre ta se engtin nge niang le? Andrew a hian hrilh a nei tawh angem? A mang a ang ta hle a, sawi lo tura ngen chu a duh deuh ut ut a mahse a ngen vaih chuan enge a vei a hrilh a ngai dawn bawk si, a rilru chu a insual but but a. A tawng chhuak hman trep tih ah chuan a Ni aw chu an hre ta a. An hawi dun that a, a Ni chuan lunch ei ina lut turin a rawn ti a. Laura i ala ngawih reng avang chuan Andrew a zawk chuan,"Kan lo kal e..." a ti ta a.

"Laura i Ni bula thil ka sawi leh sawi loh i ngaihtuah mek anih chuan ka sawi hauh lo tih i hre dawn nia, mahse kan la sawi zo lo tih erawh i hre dawn nia" a ti vawt raih a.

"Sawi i tum em ni?" hlauthawng taka en pah chuan a ti a.

"Tum love, mahse i tuar mek hi mim hrilh a ngai ang, chuan ka sawi lovang" a ti a. Laura i chuan chhan ngaihna pawh a hre lo, a hrilh dawn lo hrim hrim. A Ni alo hrilh vaih chuan a na lutuk dawn a ni. Mahse a thu a awih loh chuan a hrilh thei tlat bawk, a rilru a insual laih laih lai chuan, "Kal rawh le, i lut ang hmiang" Andrew an a tih chuan a zui lo thei ta bik lova.

Inchhungah chuan a Ni te thian dun chu an lo nui bawk bawk a, an dan pangngai ang thovin an thatlai hun an lo sawi leh tih pawh Laura i chuan a hre thiam mai a. Thutna awl chu an lo kawhhmuh thuai a, an pahnih chuan an thu thla ve nghal a. Laura i chu a ngawi deuh reng a, Andrew a erawh chuan tar pahnih chu a kawm thiam leh hle a. Pitar pahnih lah chuan nuam hi an tih hmel em em mai lehnghal a.

A thil ei pawh chu a tuina a hre miah lova, a Ni ngaihthat nan chuan a ei ve hi a ni hrim a. Andrew a chuan a rawn en leh zeuh zeuh thin a, Laura i chuan nuam lo a ti leh zual sauh thin bawk a.

Lunch an ei zawh chuan pitar ho leh Andrew a chu sitting room ah an phei ta diak a, Laura i amah chauhva an awm chu thawveng huai hian a inhria a. An thil eina vel chu a seng a, a sil dawn chuan Andrew a chu a rawn khuh kharh kharh a. "Hmm...ka lo hrukhul pui ang che?" a rawn ti a.

"A ngai love, lo va hahdam rawh. Keimaha tih ka duh zawk!" a ti a.

"Sawitur te pawh ka lo nei thei a?" chhaih deuh pah chuan a ti a.

"Keiman ka neilo alawm" a ti hmak a.

"Mahse, ka sawitur hi i ngaihthla thei alawm" thaw hak pah in a ti a.

"Ngawithla peih lo ta ang ila?" cho taka en pah chuan a ti a.

A hmui ti pawrh pah chuan,"Mahse min ngaihthlak sak la chu ka ti khawp mai!" a ti a.

"Minute hnih hun i nei" a ti ta a.

"Awle...i rilru hahna kha min hrilh la puih che ka duh ani tih i hriat ka duh a,chuan chumi lo leh chu ka duh che tih nen" a ti ta a.

Ang pham hian Laura i chuan a en leh ta ran a,"I a anih hi! Tunge ka nih a eng ang mi nge ka nih pawh i hre hauh lo" tum deuh hmak chuan a ti a.

"Hriat chian theihna tur chu in hun min pe la chuti chu..." a lo ti thak a.

"A ngai lo, ka duh lo. Enteh, midang an tam alawm, nangmah duh em em tu che. Nizan party na ah khan ka lo hmu alawm,khang ho kha va um rawh!" a ti ta nghek a.

"Hmmm....ka duh hlawm si lova. Khang ho leh nangmah hi in in ang miau lo tlat!" luhlul tak hian a ti a.

"Aw...khawngaihin, engmah ka hrilh dawn lo che. Chuan ka duhzawng i ni bawk lo" a ti ta hrep a. A rilru te te chuan min kalsan mai teh, ka zakin ka hna hluah hlauh ania, a ti a.

"Naktuk zanah ka inah dinner lo ei ta che?" ala ti hram a. A kal duh loh vaih chuan a rilru a hah tih a Ni hi hrilh ta sela a pawi thui dawn si, "Ka lo kal lo mai ang" chu ala ti hram a.

"Awle...i thu thu alawm. Ka tilui loang che!" a ti ta nghat a.

Rilru nuam chiah lo tih hriat reng hian Laura i chuan ava en ta reng a, Andrew a pawh chuan a mit ala sawn duh chuang lova, rei tawk fang an in mekh reng hnu chuan,"Ka lo ngaihtuah tha leh ange" a ti ta zawk a. Kal kha a tha zawk maithei, a rilru hahna sawi chhuah vek kher pawh ngai lovin a hneh thei mial mahna.

Sitting room lamah chuan an in zui phei ta a. Pitar i te chuan card den an rawt ta a, phur vak lo chung chuan Laura i chu a tel ve leh ta tho a. A rin ai daihin an hlim tlang ta phian a, Mrs. Daniels i pawh a leng thei ta bawk a, a lawmawm a ti hle a. A Ni nen hian hman ata tawh an in kawm deuh chawt a, an in ngai em em reng bawk a. Nitin hian an in len chhawk hi a ni ngawt a, tihtur dang nei chuang hek lo chuan. A chang leh bazaar ah te an leng dun a, an thian hluite pawh an tlawh ve leh zeuh thin bawk a. Damlo te kan dunin, an hlim dun thei hle a ni. Rei tak a damloh avangin an inah hian a lo kal leh theih pawh an ring tawh lo hial kha a ni a, Andrew a chungah pawh chuan a lawm thar tha leh hle a. Andrew a hian enkawl lo ta sela tun dinhmun hi a thleng kher lo maithei a ni tih chu a Ni nen chuan an sawi dun fo thin a, dinner eitur a a kal anih chuan lawmthu hrilh ngei pawh a tum ta a.

Khua alo tlai deuh takah chuan Andrew a leh Mrs. Daniels i chuan haw zai an rel ta a. Dinner ei nghal tura an sawm chuan an hnial ve ve a. An kal liam tur chu a Ni nen chuan an vai liam a, an benhchheng phian leh nghal a. A Ni chuan Andrew a fel a tihzia bawk chu a sawi leh a, Laura i pawh chuan a pawm tho mai, Mrs. Daniels i a enkawl na avang ringawt pawh chuan. Mahse a rilru ah chuan a duh mai ang tih a hlau ta thut a, a nun kalta a hrilh chuan a iai ngei anga, hrilh loh lah a duh dawn der si lova, chuvangin hmuh tam loh chu tha ta ber chuan a hre ta a.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » November 26th, 2017, 5:04 pm

A tuk zinga a pangpar huana a awm lai chuan a Ni in phone a dawng tiin a rawn au a. "Tu tak ni ang maw" tia phun hlak pah chuan in lam chu a pan ta a. Sunday a ni a,a Ni nen inkhawm pawh an tum ve a,mahse a thawh hma deuh avangin a pangpar te tui pe a, phone la kang pah chuan,"Hello..." a ti a.

"Keimah ka nia" tih ri a hriat chuan Andrew an tlai lama dinner ei tura a sawm kha a hre chhuak zawk a. "Tlai chu enge i rilru i siam fel tawh em?" thaw hak pah hian a rawn ti a.

"Aa...siam chiah lo, a pawi hle mai, ka lo kal lo zawk mai ange" a ti niah niah a.

"Hmm....min tih lungnih loh ka lo beisei asin,Laura" a ti a.

"Nia...mahse chawlh ka neih ve lai hi chuan ka Ni bula awm hi ka duh ve deuh a..." a ti chuai raih a. A nihna takah chuan hepa hian a duh tih a pha lova, Bill a lah a tan beisei awm ani si lo nen, a Ni te thian dun lah hian an duhpui hle mai bawk si a, in hmuh zin chuan in ngainat mai a hlau deuh tlat a ni.

"Awle...a nih chuan keimah zawk ka rawn ei dawn nia, dinner tur chu sa vel pawh ka lei vek tawh a,ka rawn keng mai ang" phur hmel tak hian a ti a.

Chutia a tih tawh hnu pawh a chhuanlam siam zel chu ni theiin a hre ta bik lova,"A tha alawm" a ti ve ta mai a.

"Dar nga velah ka lo thleng dawn nia,a tha em?" tiin a rawn zawt leh a.

Sawi tur vak awm tawh chuang hek lo,"Aw...a tha alawm" nuam ti chiah lo chuan a ti a.

Andrew an phone a dah hnu pawh chuan phone dahna bulah chuan a la ding reng a, hepa hi ka tan a in pe zo mah mah, ka ngaina in ka inhre bawk mahse Bill a hmun erawh ka nunah hian tuman an luah thei tawh lovang tiin a ngaihtuah rauh rauh a. A bul lawkah a Ni chu a lo kal hnai a,"Tunge rawn bia che a? Koh pawh i hriat theih tak loh?" a rawn tih chuan a phu zawk a.

"Koh ka hre thei lo maw? Ava mak ve...umm...tu dang ni love, I doctor bialpa kha mawle" chhaih deuh pah chuan a ti a.

"Aw...midang daih in an rawn be leh che emaw ka lo ti hman alawm maw le...enge a rawn sawi a?" hriat chak hmel deuh hian a ti a.

"Zaninah sa a rawn keng anga, kan inah dinner a rawn ei dawn anih chu, i lawm em?" a Ni biang piai zauh pah chuan a ti a.

A Ni chu a ngawi vang vang a, thutak deuh hian, "Laura, pasal nei la ka duh a, keimah ang hian awm lo la ka duh bawk. Chuan, he pa hi ka mi fel tihzawng tak a ni tih chu i hriat kha, a dah nuamsa viau ang che tih pawh ka ring tlat. Nawr luih che erawh ka tum hauh lo nain, hepa hi nei la chuan i hlim ka rin mai bakah i nun pawh a nawm ka ring tlat a ni" a ti ta duah a.

"Ni...ka tana tha tur i ngaihtuah tih ka hria alawm, tin Andrew a hi a hmel a tha a, a fel hle pawn ka hre bawk. Mahse maw...pasal neih hi chu ka tum lem lo tlat" a ti ta a.

"Ka sawi tawh kha...ka nawr lui dawn hauh lo che, mahse nei la erawh ka duh hle tih i hre dawn nia" a ti nghauh nghauh a.
"Awle...awle...pitarte...insiam tan ila,inkhawm kan tum anih si chuan" thlem deuh pah chuan a ti a.

Cream rawng pawnfen leh kawr a ha a, pheikhawk pawh a rawng in mil turin cream rawng a thlang leh bawk a, lukhum parh a khum a, a nalh ve hle chuan a in hria a. A sam chu a thlah thla hnap a, make up pawh tlem azawng chu a in hnawih a, a thiannu Romela i pawh a inkhawm ngei a beisei a. A Ni pawh a rawn chhuak chiah chu a nalh hle mai a, a kuarfual dum hak chu a inhmeh hle a. Hlim taka in kuah rualin biakin an in atanga hla lo takah chu an pan ta a.

Inkhawm banah chuan pawnah thingpui in pahin an hmelhriat te nen chuan an hlim tlang hlawm sep sep hle a,Romela i pawh a lo kal ngei bawk a. "Karleh atang chuan maw thianni, shopping tan mai ka duh tawh dawn a, hei kar khat chiah a awm tawh nen. Chawlh i lak ngei chu a ngai dawn ania aw...nang lo chu tumah min buaipui tu tur an awm lo ania. Ka nu lah i hriat ang khan a inlam cheina leh hall cheina turah a buai leh dawn hle si nen, ka theilo tih kha ka ngaithla peih dawn miah lo ania,i hria maw? " a ti zet zet a.

"Lo ngawi lawk teh Romela, ka thawk thar ve chauh ani tih i hriat kha. Hei thla hnih vel awrh ka la thawk a, chawlg hi min pek theih dawn leh dawn loh pawh ka hre miah lo. Engpawh nise ka lo dil anga, a theih ngei pawh beisei ang aw..." a ti a.

"A theih dawn loh chuan i bang anga a ni mai, kan inneih hnuah chuan hna te chu buaina tur a awm hleinem" a ti larh larh a.

Nui hak hak pah chuan,"Awle...awle...kan la hria ang chu,biak nachang pawh i hre tawh lo maithei asin aw..." tiin an fiam zeuh a.

"Nia ka hre tawh lovang" thinrim der pah chuan a ti a, an nui dun hak hak a.

"Kan haw tawh mai ange, ka Ni hi i hriat kha a chau hma thei lutuk tawh a, mipui hu hang hi a zo vak tawh lova" tiin chanchin in hrilh leh thuai in tiam pah chuan an in haw san ta a.

Andrew a chu a rawn tlai hauh lo mai, dar nga ah chiah chiah chuan an door bell chu a ri ta ral ral a,Laura in ava hawn chuan eitur leh chawhmeh hi a lo khai bawr tun a. "Khatiang zat zat kan ei thei nang,iva rawn keng hnem ve..." nuam ti chiah lo hian a ti a.

"Ka ina i rawn kal duh loh manah i ei zo vek ang chu ka lo tia" nui hawk hawk pah chuan a ti a. A thil ken khaipui pah chuan choka lamah chuan an in zui lut dun ta a.

"Lo thu rawh, coffee ka lo thlit ang che" a ti a.

"Eirawng min bawlpui duh angem, Laura" thu pah chuan a ti a.

Mak tih hmel tak hian ava en ha a,"Eirawng bawl i thiam a maw?" a ti ha a.

"Ka thiam viau lo, mahse hei ka la inbawl ve zel chu anih hi" hmui ti pawrh pah chuan a ti a.

Coffee no pe pah chuan, "I duh chuan mi i chhawr thei lutuk ang chu" a ti a.

"Nupui neih hi ka mamawh tawh hle tih a lang mai lawm ni ti khan, mi chhawr chu ka duh hauh lo mai" Laura i en ran pah chuan a ti a.

Sawitur lawk a hre lova, a Ni a lo kal hlauh chu a lawm hle a. Andrew a thil rawn ken zo zai a Ni in a hmuh chuan a meng phawk nasa hle a,"Doctor, ei tir teuh a min enkawl nan sum min bill leh teuh i tum em ni?" fiamthu titih chuan a ti a, an nui ho dar dar a..

Andrew a lah chuan,"In ina lo kal reng hi ka duh sia,chhuanlam tha tak kha zawng ngai lovin i damloh chuan ka lo kal reng thei dawn alawm" a lo ti ve a, an nui tlang leh dar dar a.

"Khawi lo va inkawm ru, keiman eirawng chu kan bawl a nge" a Ni chuan a ti sauh sauh a.

"A ngai lo, Pi Nora. Laura i hi a eirawng bawl ka ei chak tlat, nupui eirawngbawl thiam deuh tur hi ka zawng mek a" Laura i melh ralh ralh pah chuan a ti a.

"Oh...dear...a thiam lutuk alawm, i lei i lem palh ang. Chuvangin lo va inkawm ula keimah hian ka lo bawl zawk ange" a tih tak deuh tlat ah chuan sitting room lamah chuan an in zui phei ta a...

Sawi mai tur Laura i chuan a hriat loh avangin a ngawi reng a, Andrew a zawk chuan,"I pangpar te an par tha em?" a ti a.

"Umm....a then chu an par mek a, par tur pawh an la tam mai. Ka la rawn pe ve dawn che nia an vul deuh hunah,tunah chuan par an la tam lova" a ti a.

"Laura, ka rawn kal hi i lawm vak lo tiraw? Min hmu duh lo anih chuan sawi mai ta che,tihbuai che hi ka duh hauh lo ania" thutak zet chuan a ti ta a.

Laura i chu a zak hle a, a sen ap ap hian a inhria a, a hmui seh neuh neuh pah chuan,"Aa...chutiang lam pawh a ni lo..." a ti ta niah niah a.

"I nunah hian mipa dang an awm tiraw?" Andrew an a rawn tih takah chuan hreawm a ti hle mai a.

"Andrew, an awmlo mahse awm ang ah pawh i ngai thei ang" inthiamlo zet chuan a ti ta a.

"Ka hria alawm, mahse Laura i nunhlui chu ka theihngilh theih ka ring asin" thutak zet chuan a ti a.

"Keimah hi ka inthlahrung reng dawn asin...ka chunga i that poh leh hreawm ka tihna a zual zel ang" nuam ti chiah lo hian a ti a.

chutiang hun chu ka thlentir hauh lovang tih ka hria alawm" nghet charh hian Andrew a chuan a lo ti a.

"Mahse ka rilru a midang awm reng chunga ka hnaih che chuan keimah hian nuam lo ka ti a ni.." kun ngal pah chuan a ti a.

"Min nei la chungte chu a nuai bo vek ang tih ka tiam a che..." lungrun tak hian a ti a.

Laura i chuan Andrew a hmel chu a en ta ngawih ngawih a,"Andrew...keimah ka na tawh a, keimah avanga i nat hi ka duh lo a ni..." a ti chuai raih a.

"Ka ta i nih phawt chuan i theihngilh ngei ang tih ka hria alawm" a lo la ti talh a.

"Hun min pe rawh...tunah chuan midang tina tur mai chuan in zawmna ka siam thei rih lo" a ti ta tawp a.

"Awle..ka nghak ang che..mahse rei tak chu ka thei lovang" a ti ve ta a.

Andrew a rilru thatna te chu Laura i chuan phu lo a inti leh hnahnawh hle a, hetiang anga hmeltha, fing leh lehkhathiam hian amah mai pawh nilo, a rilru a awm mipa dang nen thlenga a pawm thei chu a mak a ti a, Andrew a chu zahawm a ti ta hle a. Bill a vethung kha chuan enge a tiam ngai? Engmah a tiam ngai loh mai bakah an hmalam huntur pawh a sawipui ngai miah lo amih kha...chu Bill a chu maw a la ngaih em em a, a la thlakhleh em em! Laura harh teh tiin amah leh amah chu a in zilh ru mawlh mawlh a. Andrew an a kuta a rawn chelh chuan a phu deuh zawk a, amah en tur chuan a hawi chhuak ta a.


"Laura, ka thusawi khan a tih nat che ka duh miah lo ania.." a ti thawp sat a.

"Andrew...khawngaihin min ti zak belh tawh suh...engmah sawi tawh suh..." a ti ta tawp a.

An boruak tih zangkhai tum tak chuan, "Awle...tunah chuan hawh teh...i huan min va fanpui teh. Ni tlak dawna pangpar huana awm hi a nuam duh phian a nia" a ti ta daih a.

Andrew an a khaihthawh hnu chuan huan lama pangpar en tur chuan an in zui chhuak ta a. A pangpar par mawi tak tak chu kawk pahin an hming te a hrilh dan dan a, ni tla turin kawl a chhun en phut chu an thlir dun a, mawi an ti em em a. Andrew a chuan an pahnih chungchang chu a sawi duh tawh lova, thildang ho te te a sawipui ta zawk a, fiamthu te thawh pahin an in dun ta hak hak thei ta a.

Laura i hriat loh lai chuan a melh leh reng thin a, he nu hi a hmeltha thlawt a ni, tin a nun khawhar tak phenah hian mi nungchang tha tak leh hl thei tak a awm tih pawh a hmu chiang hle a. A hmeichhe lo zawn rul ngei chu a hmu ta tih pawh a in hre chiang hle a ni,mahse Laura in a duh ve lo ang tih hlauhna erawh a nei lian hle bawk. Duh lo ta se engtin nge a awm ang le, mipa dang a rilru ah awm reng chung pawha neih talh a duh nachhan chu a la theihngilh tir mai theih a beisei tlat a ni. A bulah a awmtir anga, a nun pawh amah lamah a bet tial tial anga, a fa te a pai meuh chuan a hmangaihna a chang ve thei tawh ngei ang tiin a suangtuah rilru a.

Laura in pangpar a kawka an hming leh an par hun te a sawi lai chu a ri chiah a hria a, a thil suangtuah ah chuan a lo cheng nasa hle a ni ang, "Heitang i ka sawi tawh ang khan a daih rei phian ania, i duh ve chuan ka la pe ve dawn che nia, i duh angem?" a tih pawh chuan enge a zawh a hre meuh lova. Laura in, "I duh dawn em?" a tih vin deuh hlak takah chuan a harh chhuak ta thut a,"Engmaw? Duh ee..." a ti ta nuiah a.

"Ilo ngaithla hauh lo ani maw?" tia a thinrim der lai te chuan a hmel chu a tha tawlh tawlh hian a hria a.

"Ngaithla mang nang...ti ta ila i thinrim awm sia...aw ka duh e..min pe dawn nia" a ti thla ve ta rawk a.

Hmui pawrh tarh hian, "Lorna i i ngaihtuah chiang!" a ti a.

"Lorna i chu tunge?" a tih chuan Laura i thinrim chuan chum a tum a, Andrew an a chum dawn tih a hriat avangin a lo kalsawn deuh hlek chu Laura i chu a tlu dawn ta mai a. Andrew a chu a tlu thelh a,a man chu a man hman mahse an ngheh loh em avang chuan an tlu dun ta a. Pangpar sam par chak chuan an tho dun a, an in ena an nui ta hawk hawk a. Mahse an din chhuah meuh chuan an lo bal duh hle tih an hmu ta a, Laura i inthiam lo chu a thaw hak a,"Lo kal rawh intih fai i ngai anih kha dinner ei hma in" a ti a.

A roomah chuan an in zui chho a, bathroom chu a kawhhmuh a,"Nang inti fai hmasa rawh,chuan i zawh hnu ah keichu ka ti mai ang" a ti a.

Chaih deuh pah chuan, "Lut dun ila...?" Andrew a chuan a ti a.

"Lut vat rawh anih loh chuan ka luh khalh mai ang che" tiin a vau ta a.

Andrew a chu nui hak hak pahin a lut ta a, chair a thu pah chuan a lo nghak a. Hepa hi a fel em em a, amah pawh a theihtawpin tih hlim a tum tih pawh a hai lo, mahse Bill a a rilru a awm reng chung chuan hma a sawn pui thei lovang, a bum tihna a ni dawn a. A Ni rilru nawm nan erawh a be tha tho ang,bakah mi sual a nih loh avangin biak chhiat a tulna pawh a hre lo, thian tha tak tal an ni thei tho alawm,tiin a ngaihtuah a. A rilru tihnat sak chu a hlau hle a, a chhan chu amah pawh rilru na takin a awm mek tlat a ni.

Kawngka inhawng ri leh Andrew a aw ri chu a hre nghal a, Ka zo tawh e, va lut rawh le..." a ti a.

Kawr ha mang lo leh, towel chhing tak veng chunga a hmuh chuan a phawk deuh hlek a. Nuam ti chiah lo hian,"Awle...lo in ha rawh, ka va ti ve lawk ange" tih leh thawh a rual a. Andrew a chuan a banah a lo chelh sak a, "Laura i tlanchhiat zel angai hleinem, i duh chu puitling i ni tawh a, i ti thei alawm " a ti vawt raih a.

"Andrew, min kaltir rawh! Kal thui a nakin a tihnat nih leh hi kan tan a tha lo ve ve. Keipawh ka na tawh a, nang leh zel i nat ve a ngai lo" a ti zawi sap a.

"Enge ka nat natur chu? Min hmangaih loh vang hian maw? Rilru te chu a in thlak thei asin, Laura" a ti thawp sat a.

"Nia, thlak thei e...mahse engmah ka tiam thei lo che ani, Andrew. Khawngaihin min kaltir zawk mai rawh,kan pahnih a tan a tha zawk ang" a ti ta tawp a.

Mahse Andrew a chuan a kuah bet ta thlawp a, Laura ka duh che a ka hmangaih che in ka hre bawk. Chan che hi ka duh loh vangin ka lo tur viau che anih chuan min ngaidam dawn nia, mahse min nghah tir rei lutuk suh aw..." lungrun tak chuan a ti a.

Laura i chuan a en ha a mak pawh a ti bawk a, amah a duh loh thu a sawi lai ngei pawha chutianga dawhthei taka a la awm thei chu mak a ti a, amah chuan hreawm a ti zawk hle a, "Andrew, ka tina che anih chuan min ngaihdam rawh mahse tun bak hi chu ka la pen sawn thei lo ani" a ti a. Andrew an a kuahna a phelh rual chuan a kalsan ta nghal a. Bathroom a a luh hnu pawh chuan Andrew a hlir chu a ngaihtuah a. An rilru a in ang mahse mi pakhat ah nilo in midang lakah ve ve an na a ni. Laura i rilru Bill a lakah a na a, Andrew a lah amah Laura i lakah a na bawk a, mahse Andrew a chu a la zia deuh hlek zawkin a hria a, a chhan chu amah Laura in a dinhmun a hrilh sa vek a, an pahnih karah in zawmna an nei lo bawk a, mahse Bill a kha chuan engmah a sawi chiang ngai lova, a duhthu erawh hrilh mahse an pahnih khan engmah hmalam hun thlir dun tur kha an rel ngai lo reng reng a ni. A nupui a then anga a nei ang tih pawh a tiam lova, a rilru a tina pawh a hre lo hial ang chu. Mahse chuti chung chung chuan ala theihngilh thei chuang si lo chu amah leh amah chu a in ngei hle a.

A insil zawh chuan an chhuk dun a, dinner pawh ei theih mai in a Ni chuan a lo peihfel tawh a. Hlim tak hian an pahnih a hmu dun chu a lo be siam siam a, dinner chu an ei nghal a. Wine an in pah a, Laura i chuan a in hnem phian lehnghal a, tinge maw Andrew a bula a awm hian in lamapang hi a tih hnem viau thin le aw...tiin a Ni chuan a lo melh deuh hrak hrak a. Laura i chu an dinner eina vel tihfel in choka ah chuan a awm a, a Ni leh Andrew a chu an nui dun leh hak hak thin a. Ava chhuah ve chuan Andrew a chu haw a lo tum mek a,"Naktuk ah hna te i thawk leh dawn sia mu hma rawh, hahchawlh tam i mamawh" a ti a.

Pawn varanda thleng chu a va thlaha, a biangah chuan Andrew a chuan a rawn fawp zeuh a,a ni pawh chuan mangtha nan a fawp ve mai a. Amah a ngaihtuah avang leh a tihhlim avanga lawmthu sawi nan a ti a ni. A tlan liam thleng chuan a thlir reng a, Bill a a tawn hma khan lo in tawng ta sela, vannei a inti hle maithei a ni,tiin a ngaihtuah neuh neuh a, nui deuh sak pah chuan a room lamah mu turin a chho ta a.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » November 26th, 2017, 5:04 pm

Laura i chuan office ah chuan hreh tak chung chuan mo thiana a tan dawn thu leh chawlh a mawmawh thu chu an Pu Mantor a chu a hrilh ta pawp a. An pu chu an ngawi deuh vang vang a, a phal dawn lo emaw a ti hman hial tawh a. Laura i pawh chu a ruk tak chuan a inthlahrung hle mai a, a zawm na a la rei lo nen, staff an tam in an indaih em em alo ni bawk si lo nen, a hrechiangtu tan chuan in thlahrun loh na chi pawh a nilo reng bawk a.

Pu Mantor a chuan,"I awmloh chuan ka buai hle dawn anih chu a...mahse i thiantha a ni bawk sia...ka pe hram mai ang che" a ti ta chuar chuar a. Laura i chu a lawm em avang chuan va kuah hial a duh rum rum a,"Sir, ka lawm lutuk hi enge sawi ber tur pawh ka hre lo...ka lo let leh hunah tun aia tha leh taima zawka hna thawh ngei ngei ka tum ang" hlim tak chuan a ti sarh sarh a.

"Awle...nula...va kal tawh! Hlim takin hun iva hmang dawn nia" a ti a.

Laura i chu phur zet hian a office ah a kal a, a bag lain a chhuak ta nghal a. Pawn a thlenga,a motor a a lut chiah chu a phone a ri nghal a. Phone a la chiah chu a thianu in vau ti tih hian,"Chawlh chu ila theilo tih ka hre duh miah lo ania" a rawn ti nghal tawng a.

Nui sak pah hian,"Lo ngaithla ve phawt thin teh! Chawlh chu maw...." tiin a ngawi leh daih a.

"Sawi vat ta che...enge i ngawih reng" Romela i nghak thei tawh lo chuan a rawn ti vin that that a.

"Awle...awle...chawlh chu min peeee...." a ti chiah chu an au dun ta nghek nghek a. An bulah chuan mi awm sela chuan mi a emaw an ti hial ang, tiin Laura i chuan a ngaihtuah a, a nui tet tet a. "Ka chhuak chiah office atangin hei" a tih zawm zat a.

"Oke...kan bazaar ang, kan kawr hak tur en nghal ka duh... Wedding cuties ah khan inhmu ila tiraw?" Romela i chuan a rawn ti zung zung a.

"Awle...ka kal nghal dawn a nia, rawn rei hlek suh" tiin an vau fiam a.

"Ka lo kal nghal keipawh" tiin phone chu a dah ta nghal a. Laura i nuih chu ala za hle a, he nu tak hi chu aw...tiin amah leh amah chu a inbia a. Kal phawt ang aw..'Minic' tiin Romela i dawr sawina lamah chuan a motor chu a khalh chhuak ta nghal a.

Dawr a then chuan Romela i car a bul hnai vela parking ah chuan a hmuh tak loh avangin a lo la thleng lo tih a hrethiam ta mai a. Lo nghak pahin motor ah chuan a lo chhing diar diar a, a phone a rawn rik chuan tunge tih pawh en mang lo chuan, Romela i a nih ringin mitchhing chung chuan, "Ila rawn thleng har tawh ve...ka haw dawn ania" a ti nghal pang a.

"Ka rawn thleng har maw? Khawiah nge min lo nghah a?" Andrew a aw in a rawn tih takah chuan a meng chhuak nghal vat a, a thu tha nghal zawt bawk a.

"Andrew...nangmah elo! Eh...ih...aih ka nghak lo che..." a ti bah ta niah a.

"Mahse kal har min ti bawk sia" ani lah chuan nui rah rah pah chuan ala rawn ti cheu a.

"Oh! Nia...englo ania... Romela i bazaar pui ka tum a mawle. Amah i nih ka lo ring a..." nuam ti chiah lo chuan a ti a.

"I office lo ami? Chhun chhuna bazaar te chu ava pawimawh awm ve..." a rawn ti leh lang lang a.

"Nia, chawlh ka dil a mawle...pawimawh a ni mai aniang chu! Khawnge i awm a?" a sawi tur hre lo chuan a ti ta ngawt a.

"Hei damlo en in ka buai ve khawp mai mahse ka awl lai tak chuhin ka rawn bia che anih hi!" a ti thawp sat a.

"Oh! Anih chu! I damlo te kha tha deuh khan lo enkawl rawh aw...saw a lo thleng tlat mai,nakin ah kan inbe leh mai dawn nia" Romela i car a hmuh chuan a ti ta a.

"Awle...hun nuam tak i hman lai khan min lo theihngilh chuang lo la aw..." ala rawn ti fiam hram a.

"Tehreng mai,ka lo hre reng ang che" tiin phone chu a dah a. Romela i car lam chu a pan ta nghal a. In kuah chung chung pah chuan an lawm zia chu an sawi dun hlut a, dawr lamah chuan an inzui lut ta a.

Tunah chuan an thian dun chuan buaina an nei ta lo, theih tawp a Romela i pasal neih na tura in buatsaih bak chu, an hlim bawk a, an thawm pawh a tha dun hle a ni. Wedding Cuties ah chuan darkar thum dawn hi hun an hmang dun a, an duh khirh bawk nen, Romela i te inneih ni a an hak tur leh an sam design dantur te leh a bak neuh neuh zawng nena an han inchei a darthlalang a an hmel an hmi chiah chu an nalh dun ngang mai a. Laura i ngaihtuah na chu a kal thui hman trep tih ah, Romela i chuan a rawn be buai hlauh a, a lawm ru phian bawk a.

"Ti khan chuan kan khua a monu te mo thian lo ni tawh zawng zawng zingah kan la nalh ber ang" Romela i chuan nui hak hak pah chuan a ti a.

Laura i pawh chuan hlim taka lan tum tlat pah chuan,"Ni chiang e" pawr tak chuan a lo ti ve a.

An tihfel hnu chuan Romela i te inah an kal ta nghal a, Mrs. Walker i chu alo buai hle mai a. An thiandun a hmuh veleh chuan, "Inlo thleng chu ka lawm hle mai, enge in en fel thei em?" a lo ti thuai thuai a.

"Tehreng mai, darkar thum lai thang hnuah pawh ala fel loh chuan a chi nang!" Romela i chuan nui har har pah chuan a ti a.

"Awle...awle...hna pakhat chu kan zo ta maw? Tihtur a tam sia, hun kan nei tlem tawh bawk sia ka lo buai hle ania. Hei hall chei natur hi ka thlang fel theilo, coffee leh a hmeh ka lak chhungin lo en ve teh u aw.." mangan hmel tak chuan a ti a.

"Awle..kan lo en dawn nia" Laura i chuan a ti zang vah a. Mrs. Walker i hi chu a che buai chi a ni ve hrim hrim bawk a. Tha leh nalh hi a duh si a, mahse amah hian engmah hi a ti kaw thei mang lem hlei lova. A cheina tur catlog chu an thian dun chuan an en ta a, an in hnial leh nak nak thin a. Mahse a tawp ah chuan Laura i thlan pahnih chu an chhinchhiah ta a.

Mrs. Walker i coffee leh a hmeh nena a lo let leh chuan an lo hmuh thuai a. A ngawih vang vang hnu chuan,"Ka lo hual lawk chiah chiah an nih kha, mahse khawi zawk nge tha ang?" a ti sarh sarh a.

"Thlasik ala nih loh avangin kei chuan pangpar var leh a pawl dal mix hian a nalh ka ti a..
" Laura i chuan a ti a.

Romela i pawh chuan, "Nia a sen ai mah khan a kool zawk ka ring keipawh" a lo ti ve a.

Mrs. Walker i pawh chuan a Amen pui ve ta a, hlim tak chuan ti ti pahin an mo kawr tur thlan dan tur sawiin an nui ho dar sar a. Tichuan nitin a tul buaipuiin an tihtur theuh ah chuan an buai chho ta nak nak a, inneih chu kar lovah naktuk a lo ni ta mai a.

Inneih hma zan chuan Laura i chu a thiannu bulah chuan a riak ve a, mopa tur pawh a lo thleng tawh a,a hmel pawh a tha hle a ni. An hausa a, sum ah pawh a buai lo lhawp mai, Laura i nen chuan dinner an ei khawmna ah an in hmu a, an in nel chho ngei pawh a rinawm. Mi fel tak a nih Laura i pawn a ring a, a thiannu chu vannei a ti hle bawk a.

Ni 12 November zinga an tho chu an phur hle mai a
Inneih nan hman loh hlauvin an phe suau suau a, Laura i leh Romela i erawh chu roomah beautycian ten an chei mawlh mawlh a, midang ho pawh chu nalh loh hlau reng reng in an mahni tawkah an buai ve em em a ni. Romela i nu leh pa lam atanga an chhungte ho pawh an lo kal nual a, an hlim tlang a ni ber ang chu an thawm a that laih laih danah chuan. Inneih chu dar 11 a tan tur anih avang chuan tlai ho ta reng reng an ni bawk nen a tu amah pawh chu an in be mumal hman lova.

Laura i leh Romela i chu Justin Poter a Romela i pasal tur limousine lo tirah chuan biakin lam panin an kal dawm a, midang haw pawh mo lo thlen huna awmloh hlauvin biakin lam an pan ta sang sang a. Biakin an thlen hma chuan an thian dun chuan an zam ve hle a,mahse Laura i chu hnem tu zawkah a tang thei hram a

"Romela, ka thian, i tana ni pawimawh ber anih hi. Zam mah la engmah tihsual loh tum hram hram ang che, i bulah ka ding reng dawn ania aw..." a ti sap sap a.

"Nang kher hi ka bulah ding dawn lo sela chu tun ai hian ka la zam hle zawk ang. Ka thian ka lawm engkim ah hian ka lawm lutuk ania!" tiin mittui paral kiang chung hian Romela i chuan laura i chu a kuah ngawih ngawih a.

"Mi a nu, tap reng reng suh aw...hei kan thleng ani tawh mai ania. Justin Porter an ka vel che emaw a ti palh ange!" tiin a thiannu chu a fiam a.

Biakin kawt an thlen chuan Romela i pa Mr. Walker a chu a fanu biakin chhunga hruai lut tur chuan a lo ding vang a. Hlim takin a fanu chu a kuah a, malsawmna a hlan hnu chuan inchhung lamah chuan a hruai lut ta nghal a. Laura i erawh thian thutna a thu tur anih avangin vasteriy lamah mo thianpa tur chuan a kai ve ta nghal a.

Inchhung an luh chuan mi an khat vek tih chiah Laura i chuan a hria a, a bak chu a hawi ngam eih lo, mahse entu bik riau nei hian a in hre tlat a. A hmulthi te chu a ding ar ar hian a hria a, hetiang hian Bill a bulah bak a awm ngai miah lo, mahse Bill a lah a awm dawn der si lo, a ti rilru neuh neuh a. Monu leh mopa in inneih thutiam an chham lai chuan a rilru ah Bill a lo lut leh zawk a. Heng ni hi an ni pahnih ah chuan a awm ngai dawn lo a ni, hmuh pawh a hmu leh tawhin a ring hek lo. Pastor in mopa in monu a fawp thei tih a puan chuan a harh zawk a. Pawnah chuan monu rial chuan a chhuak ve ta a, tumah pawh chu a hmu lo a chhan chu a hnuk a ulh deuh tlat a ni. Pawnah chuan inchibai na te an nei nak nak hlawm a, mi lo kal an thahnem bawk nen, an hlim tlang dar dar hle a. Monu leh mo thian nalh an tih zia pawh an hre bang lova, an thian dun chuan an in melh leh ralh ralh thin a.

Hall lamah chuan an in phur chhuak leh ta a, tah chuan inneih cake te an zai a, mi zawng zawng chu eitur in alo hmuak leh intur in alo hmuak bawk nen an thawm a tha hak hak tawh hle a. Romela i te bulah chuan a thu deuh chiah tih chuan Laura i chuan thil mak tak hi a hmu ta thut a, Justin a leh Bill a lo ti ti mawlh mawlh leh inkuah hlawp hlawp a hmuh chuan mak a ti lutuk chu a mit pawh a khap thei lawk lova. Engtin nge Bill a leh Justin a hi an in hriat le? Helai hmunah hian an in hmu ang tih hi Laura i chuan a lo ring pha ngai lo. Tlanbo chu a duh hle a, mahse a theih loh mai bakah Bill a chuan a rawn hmu hman tlat tawh. A lo en reng tih a rawn hmuh chuan a khi deuh suk a, a lam pam chuan a rawn kal nghal bawk a.

Engtia lo dawnsawn tur nge pawh Laura i chuan a hre hauh lova, a mang a ang hle ringawt a ni. Romela i chuan mal ti deuh tak hian lo en ha pahin,"Laura, i damlo ami? I dang vek ania" ngaihtuah hmel tak hian a ti a.

"Aih...ka tha lutuk, ka chau deuh aniang" a ti bah niah a.

"A nih chuan hei champagne hi in la i zia ngei ang!" tih ri a hriat chuan a thaw a tawp hial in a hria a.

Midang awm ve teuh nen han tih vak ngaihna hre bawk si lo chu,"Ka lawm e" tiin a laksak ta tawp a. An mit erawh an la sawm theilo ve ve a, Bill a chu suit dum nalh taka thui nen, kamiz var nen hian nalh takin a inchei a. A hmai chu a thim deuh hlek hian Laura i chuan a hria a, mahse engmah erawh zawh a tum lem lo. A theih anga rangin a kalsan tur a ni tiin a rilru a siam malh malh a. Chutih lai tak chuan Justin a chu a rawn kal a, "Romela, Laura hei hi Bill a anih hi, ka cousin ania. London ah chuan amah hre lo an awm miah lo ania, bakah sumdawnna khawvel ah chuan a ni tluk hi an vang viau ania aw" chhuang tak hian a ti a.

Romela i chuan, " ka hmu che chu ka lawm khawp mai, magazine velah chuan ka hmu tawh che alawm. I lo kal thei chu kan lawm lutuk!" ti pah chuan a chibai lawp lawp a.

Laura i erawh a ngawi reng a, mahse Bill a zawk chuan,"Monu thiannu hi a hmeltha ka tih zawng tak a ni tlat mai" justin a melh pah chuan a ti a. Laura i chu a melh leh thuaia, ngawih reng chu a mawi lo tiin,"Ka lawm e" a ti ta sap a.

Awmdan tur pawh a thiam lo hial a, hetiang hmunah hian Bill a nen an in tawng leh ang tih hi a suanhtuahna zingah a lo awm ngai lo bawk nen, sawitur pawh a hre thlawt lo bawk. A hawi hai hle lai chuan Andrew a a rawn lang ta nawlh a, a lawm rilru hle bawk a.

"Laura, monu ai hian i nalh ka ti zawk daih ania" Romela i melh zeuh pah chuan a ti a. Romela i lah chuan a lo nuih hak hak deuh lek chauhva.

"Ka lawm e, Andrew. I lo kal ve thei hram maw?" nuam ti chiah lo chuan a ti a.

Chutih lai chuan music ring takin a rawn ri ta a, Justin a chuan Romela i bana vuan pah chuan,"Darling lam a hun" tih leh lam tuala kaih phei chu a rual a.

Bill a chuan Andrew a melh zeuh pah chuan,"Monu thiannu hi ka lo lampui ve lawk thei ang che angem?" a ti vawt raih a.

Laura i chuan Andrew a chu a va melh zeuh a, a ni chuana lampui rawh ti ni awm tak hian a lu a lo buk khum zeuh a, "Awle..." a ti zawi sap a. Lam tualah chuan an in kai phei ta a. Midang pawh an lo lam siau siau tawh a, vawiin ni hi hlim taka hman a tum tehlul nen Bill a rawn lang thut chuan a tibuai lo thei lo a ni. Bill an a kawnga a rawn kuah chuan a ip chawih a,amah hlat thei ang bera lam a tum nak alai chuan ala pawt hnai deuh deuh zui a. Laura i chuan Bill a rim pa tak leh a rimtui hnawih te chu a hip vang vang a, a chan loh tur ni si hi engvanga a hmuh tura rawn inlar leh nge a nih aw...tiin a ngaihtuah a.

"Laura, kan lam dun khat tawh hle mai tiro?" a beng bula Bill an a ti sap chuan, a mur leh nghal chhuai chhuai a. Hetiang hian Andrew a bulah a awm ngai lo, tuma bulah a awm ngai lo. Hepa hian eng hipna nge a neih bik le, thinrim rilru tak chuan a ti a.

"Nia, khat khawp mai" ti bakin a chhang lova. A nat leh zual na tur in a lo inlan leh ni ber hian a hria a.

"Engvanga engmah min hrilh lova tlan bo nge i nih le?" a rawn ti thawp leh sat takah chuan Laura i chu a mangang rilru hle a. Zawhna a zawt zel dawn anih chuan a in phawrh mualpho vek ang tih a hlau hle a ni.

"Haw ka ngai alawm" nuam ti chiah lo hian a ti a.

"Ngaih chuan min hrilh thei alawm, tiraw?" a ti deuh nghat a.

"ka haw thuai thuai a ngaia ka hrilh hman lo che alawm!" a ti ta ngawt a.

"Ka pa in i chanchin min zawt thin asin!" tawrh nei ang maia a tih hrawk chuan, Laura i chuan a en chho vat a.

"Engatan nge min tih a?" a ti ha a.

"A dam leh na chhan chu nangmah i nih thu ka nu in a hrilh alawm" dam thlap hian a lo ti a.

"Oh! Mahse ka ni hleinem, amah in a rilru a siam vang zawk anih kha" a ti dam diai a.

"Mahse ka nu in min fuih dan te kha a hrilh vek alawm" a ti leh a.

"I nu chuan a ti lawmawm hle nain keimah vang ani hauh lo tih te chu in hriat ve vek tho kha" a ti niah niah a.

"Vawikhat tal dinner eipui che a duh thu a sawi fo asin" thutak zet chuan a ti a.

Chhan mai dantur a hre lawk lova, a chhan natur a ngaihtuah mek lai chuan an hnunglam atang chuan, "Ka lo lampui ve thei tawh angem?" nui sang hian Andrew a chuan a ti a.

Bill a chu a lawm loh hmel hle a," inbiak kan ngai ania ,Laura. Zanah kan in hmu dawn nia" chang deuh fak hian a ti a, a kal nghal ta nal nal a. Laura i chuan a enzui reng a, enge inhmuh an ngaihna chhan tur a hre lo a ni. Bill an zu no a dawm a a tlak pawp lai chu a en reng a, Andrew a an, "Ehmezz..."a ti rik deuh tak kharh kharh ah chuan inthiamlo tak hian Andrew a chu a nui ta sak a.

An lam dun ta chu a rilru ah zawhna a rawn lut leh nghal ta pang a, Bill a nen an lam dun lai ang khan engatinge engtinmah a awm loh le? "I hriat ngai mi em ni?" Andrew an a rawn ti tak ah chuan a harh zawk a. "Aih..aih...hre ngai love" a ti bah nak nak a.

"In hre thang in ang em a, ka ti mai mai anih chu. I nalh lutuk tih hi ka hrilh nawn leh duh che ania, Laura" a ti dam thluam a.

"Ka lawm lutuk e, Andew" nui sen sen pah chuan a ti a. Hepa hi engatinge a duh zawk mai loh le...a ngaihsakin a bula awm te hi a hahdam hle si a. A Ni lahin a duhpui in a lawmngeih hle mai si a, enge amah ah hian diklo awm le? Bill a mi pasal ai chuan a tha fe lawm ni? A hmeltha a, hna a nei a, a zaidamin amah lah a ngaihtuah bawk si nen, enga tinge Bill a hian a nei dawn lo tih inhre reng chunga a rilru a lakpen tir tlat le?

"I chau tawh ang, hawh intur te va dawm dun ang hmiang?" Andrew an a tih chuan a hnial lem lo khawp mai. A dang a char vek a, a ngaihtuah na pawh a mumal tawh lova, intur dawm sela a zia deuh mahna. Lamtual atanga an chhuak chu mit en reng tu awm leh tlat hian a hre leh ta a, mahse a hawi kual duh lo luia. Romela i leh Justin a pawh lamtual chhuahsanin thiante ho nen an lo awm laih laih tawh tih a hmu mai a, an bulah chuan an thu thla ve nghal a. Romela i chuan Andrew a nen chuan a lo be nghal bawrh bawrh a, intur an dawm chiah tihah chuan Bill a pawh an hma zawn lawk ah chuan a rawn thu ve nghal bawk a. Hlim taka awm a tum na chu a theih loh tih Laura i chuan a hre nghal pang a, Bill a awm tawh na ah chuan hlim aiin rilru natna in a khat tlat thin miau a ni. A nei thei dawn ngai lova, tin an awmdun ngai dawn bawk hek lo tih hrereng chunga a hmel hmuh chu hreawm a ti em em tawh a ni.

Hriat loh hlanin khua a lo thim dawn titih ta mai a, Romela i leh Justin a pawh an honeymoon hman natur lam pana an kal a ngai dawn hnai ta mai a. Romela i chuan phur tak hian, "Nula ho kha lo kal hnai ru le...kan kal a hnai tawh ania...pangpar ka vawr dawn!!" a ti lauh lauh a. Nula ho chu phur tak hian an rawn kal hnai hlawm a, Laura i erawh a che chang eih lova, a neih tum a nei dawn chuan loh avangin pasal a neih pawh a in ring lo a ni. Zawi te hian Andrew a chuan,Va kal ve ta che, i dawng nalh maithei ania" a beng bulah chuan a rawn ti sar sar a.

Laura i chuan Bill a chu a va melh zawk a, a lo meng zim san a. Nuam ti chiah lo hian a thutna atang chuan a tho ve ta a, a tlar hnung lamah chuan a mawihnai ah ava ding ve ta ran a. Andrew a ava melh leh chuan nui sang hian a ban alo vai lauh lauh a, phur lo chung hian ava nuih let ve hram a. Dawn chu sawiloh a ngaihtuah hauh loh lai chuan pangpar chu a awmah a rawn tla ta nawlh a, nula ho chu an au ri a ring khawp mai a, Laura i chuan hawi hai zet hian pangpar chu a en reng ringawt a. Bill a chu ava en lo thei lova, a ni lah chu a lo meng zim san duh lek chauhva. Andrew a chu phur em em hian a bulah a lo kal a, "Ka hria alawm, Laura. Ka hre sa reng a ni!!" hlim hmel tak hian a ti a. Laura i chu a nui ta ringawt a, awih lohna hian a khat ni ani ringawt a.

A hnu reilote ah chuan Romela i te kalna tur helicopter pawh an piah lawkah chuan a rawn tum ta a, an vai chuan hlim takin duhsakna hlan chungin an vai liam ta a. Andrew an a thlah dawn lai tak chuan Bill a chu a rawn inlar leh ta thut a. "Thianpa nangte chu a khaw neitu i nia lawm, ka lo thlah zawk ange?" polite vak lo hian a ti a.

Andrew a chu a hawihai deuh hlek a mahse Bill a chuan a tum chu a ti tlang ngei ang tih a hriat sa avangin Laura i chuan a mitmeng a tha vek e...tih a hrilh ta a. Lungawi chiah lo hian Andrew a chuan, "Awle...tehreng mai" a ti ta a.

Bill an kawngka a hawnsak ah chuan a thu lut ta vat a, anih loh chuan mipa pahnih te chu an in chaltauh ang tih a hlau a ni. Bill an motor a khalh chhuak chiah chu a thaw a chham dawn hian a hre tawh a.

"Khawi lamah nge in in kalkawng sawi rawh le" a tih phei chuan a hlauthawng hle a.

"Bill, kan ina lo kal chu thil tha ber ani lovang" hlauthawng tak chuan a ti a.

"Biak che ka duh ka tih tawh kha!" chang fak hian a ti a.

"Mahse, sawidun tur kan nei lo, Bill" mangang tak hian a ti a.

"Hotel a i kawr zawng zawng nena phurh i duh loh chuan in in awmna chu sawi mai rawh!" viau titih chuan a ti a.

Laura i tih ngaihna hrelo chuan a hrilh ve ta mai a,"Ka Ni a awm asin!" a ti mawl ta tawp a.

"A that hlauh chu, ka hmelhriat thei dawn anih chu!" a ti duh lek chauhva.

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » November 26th, 2017, 5:05 pm

Nuam ti chiah lo thlan tur hre tawh bawk si lova a awm takah chuan Bill a chuan hnehna a chang leh ta nge nge tih a hrethiam mai a, lungawi chiah lova phun hlak pah hian an in awmna kawng chu a hrilh ta a. An kawt an thlen chuan a Ni ala meng tih a hre mai a, sitting room atanga thawm a rawn chhuah danah chuan. "Enteh Bill hei hi i tih a ngai lo ania, kan in hmu leh hi tihpalh thil a nih avangin in sulpel tawp ila a tha ber ang" a ti ta a.

"Chutiang tur chuan zawhna chhantur i ngah lutuk! Bakah ka sawi tawh kha tihluih i duh loh chuan awm tha hle hle mai teh, Laura" a ti deuh hngat hngat a.

Beidawng tih ngaihna hre ta lo chu,motor atang chuan a chhuak," Ka Ni bulah engmah sawi a ngai lovang!" vau pah deuh chuan a ti ve nghat a.

Bill a nui hak thawm a hriat chuan a ngei rilru hle a, enge tunah hian a rawn lan leh kher kher? A bik takin vawiin ni a thian tha ber pasal neih ni ah hian, hlim taka hman a lo tum ve tehlul nen khan! Hepa hian chuan a nun hi a tibuai khawlo zo tawh anih hi, hlat pawh tum mahse a hlat theilo chu anih ber hi!!

Laura i chuan pen pah chuan,"Awm rei lo la a tha ang" a ti deuh nghat a.

"Ka hre lo le..." pakhat lah chuan alo ti duh lek chauhva.

A Ni in midang hmelhriat ngailoh a hmuh takah chuan mak a ti tih Laura i chuan a hre mai a. A Ni a rawn tawng hma chuan inhmelhriattir na chu Laura i chuan a nei ta vat a. "Ni, hei hi Bill curtis a ania, chuan a ni hi ka Ni Nora i ani e" chuan lo thu la ka han inthlak lawk ange a ti ta zung zung a.

Laura i kal liamta chu an pahnih chuan an thlir dun reng a, sawi mai tur hre lova Bill a thut lai chuan Pi Nora i chuan,"Khawi lam atanga lo kal nge i nih, tlangval? He khua ah hian ka la hmu ngai hauh lo che" mit zim san a en pah chuan a ti a.

"Nia, min la hmu lovang, nizan mai khan ka lo thleng a" a ti a.

"Chuti chu engtin nge Laura i nen in lo inzui haw daih theih dan? In in hre lawk em ni?" a ti leh ha a.

"Aw... justin a thian ka nia, ka rawn thlah lawk anih hi!" a ti tha ve mai a.

"Oh! A nih tak chu.... Inneih hmanga lo zin zinga mi i nih dawn chu!" a ti a.

"Ni e, hei in inva nei nuam ve..." phur hmel tak hian a ti a.

"Nuam hran love, mahse ka vahnu nen hian kan hlim ve lutuk tho ania" hlim hmel tak chuan a ti a.

"Lo len i phal chuan ka awmchhung chu ka lo leng zauh zauh dawn nia" mahni inring tawk tak hian a ti a.

"Tehreng mai, i duh phawt chuan lo leng rawh! Dinner te ilo la ei dawn nia.." a ti sar sar a.

Laura i chuan an hnunglam atang chuan,"Ni, Mr. Curtis a hi mi buai tak ania, chutiang a hman lo!" a lo ti hmak a.

Bill a chu a then sak a,"Min sawm na chu ka rawn ti hlawhtling ngei ang" a lo ti hmak a.

Laura i chuan ngei hmel tak hian ava melh nghek a,mahse enga tan mah ngai hmel pawh a pu lova. A Ni in ,"coffee te va chhuang va chhuang ta che, darling" a tih chuan phur lo zet hian choka lamah chuan a lut ta a.

Coffee a chhuan lai chuan a Ni leh Bill a chu hman atanga in hre tawh ang mai hian an ti ti tih a hre thei a mak pawh a ti hle a. A Ni hian mipa hi a be tha mai mai ngai lova, ngainat te bik a nei a chung ho chauh chu a ti ti pui thei thin a ni. Engtin nge Bill a hi a ngainat theih erawh a hre hauh lo, a mi ngainat zawng a nih lah a hre hek lo. Coffee no nen chuan sitting room lam chu a pan ta a, a Ni bulah chuan a thu thla ve nghal a. Bill a chuan a lo en reng tih hre mahse a en duh lo lui ngat a.

A Ni nen chuan awmve lo ang mai chuan an ngai leh ta hmak a, an ti ti chu an chhunzawm leh ta nghal mai a, Laura i chuan melh nghek nghek pah hian haw turin a va signal thin a mahse Bill a lah chuan a lo hrelo der hmak zel a. A tawpah phei chuan Laura i hlauthawng insum zo tawh lo chuan, "Mr. Curtis, a tlai tawh viau ania, i thianten i bo emaw tiin an zawng palh ang che" a ti ta hmak a.

"Awle...ka haw tawh mai ange, Pi Nora ka hmu che chu ka lawm khawp mai, inkawm deuh rih pawh a chakawm hle nain...." Laura i chu a va melh zeuh a, "ka haw rih phawt mai ange" a ti ta a.

Pi Nora i pawh chu a thutna atang chuan a tho ve nghal a,"Laura, varanda thleng va thlah ta che,i thianpa chu" a lo ti thuai a. Chaklo tak hian Bill a chu a zui chhuak ta a.

"Min hnar haw chu i chak hle mai maw, kha pa kha alo kal dawn ami?" Laura i ten hmel zeta en pah chuan a ti a.

Laura i chu a nghing deuh dat a, mahse Andrew a chamchin a sawi tih chu a hre chhuak leh zawk a,"Kal maithei,ilo ngaihven tur a awmlo" a ti ve nghat a.

"Awle...kan la hria ang chu!" tih leh motor a luh chu a rual a, chak tak hian a tlan liam ta nghal vawn vawn a. Inchhunga ava luh leh chuan a Ni chuan chik tak hian a lo en ran a,"Laura, kha pa kha i hre tawh ngai tiraw?" a lo ti vat a.

"Aw...hre tawh e...mahse min zawt thui lo la a tha ber ang,Ni" a ti chuai raih a.

"Awle...i sawi duh loh chuan ka zawt lovang che, mangtha le, darling" tiin a room lamah chuan a kal ta a.

An coffee in na no vel chu a sil leh te te a, light te off felin a room lam chu a pan ta hna hna a. A Ni rilru nuam lova a siam chu hreawm a ti hle a, a Ni hi tar hle tawh mahse a mit hi ala fing hle reng a ni. Thil man chu a nei a ni tih a thil zawh dan atang khan a hre mai a, mahse a bak chu hrilh tumna pawh a nei hran lo. Sawi chhuah tlak engmah London a ava awm chhung khan nei hek lo le...fel leh tha taka va awm tura a Ni in a ngaih laiin a ni lah chuan mi pasal ava ngaizawng ani reng si a, Bill a hming chu sawi chhuah tawh lo nise a ti rilru hle a ni.

A khumah chuan a mu zangphar der a, a rilru a vak thui hle bawk a. Bill a hian engtin nge hma a lak zel ang le? Tih mualpho nan an khaw mite hi an chanchin a hrilh thei tih lah a hre ve khiau a, a Ni a hrilh phei chuan aw...heart attack te a neih theih hial a ring a ni. Chutian thil a ngaihtuah kual vel lai tak chuan a tukverh darthlalang chu a in kik ri karh karh tih a hre ta a. Ava hawi phei chuan Bill a alo ni reng a, hlauthawng tak hian a kut chuan kal turin a ti a, mahse a ni lah chuan kal a tum hmel hauh lo mai.

A Ni in an thawm a hria anga a rawn chho ang tih a hlau bawk si chu tukverh chu a va hawng ta nge nge a. Thinrim tak hian,"Enge i rawn tih dawn,i a ta em ni?" phun pah chuan a ti hlar a.

"Ka a tih te chu i hriat reng kha, Laura. I Ni tih harh i duh loh chuan ngawi hle hle khan min luhtir vat mai rawh" a lo ti ve a.

Tukverh chu a pahnih in tih ngaihna hre ta lo chuan a hawng leh ta nge nge a,"I haw tawh kha a ni sia?" a ti leh ta ngawt a.

"Hei leh chen hnuah ka hmu leh chea, ka ho mai theih ilo ring awm?" dam thlup hian a ti a.

"I haw mai lohvin, kan pahnih hian inhmu tur kan ni tawh hleinem, engkim kha mumang anga theihngilh vek ka duh!" a ti ta sak sak a.

"Min theihngilh theilo, ka theihnghilh theihloh ang bawk chein" tiin Laura i chu a pan hnai ta a.

"Min rawn hnaih miah suh! Kal leh zawk rawh! Sawidun tur kan nei tawh lo ka tih chu..." a ti vin hlar a. A rawn hnaih zel chuan hepa laka a insum theihloh zia a inhre chiang em em bawk si nen a hlauthawng a ni.

Mahse Bill a chuan hnaih loh chu a tum hmel loh khawp mai, Laura i chu a hnunglam atang chuan ava kuah chat a, "ka thei lo a ni, Laura. Ka ngaih tawhzia che hi i hria em?" a ti thawp sat a.

Bill an a khawih apainga a taksa danglam thin ang ngei chuan a mur leh chhiai chiai nghal a, "Nilo... Bill. Hei hi a diklo a ni... Catherine i hnehah kir leh zawk mai rawh" tih ngaihna hre lo tak chuan a ti vai riai a.

Bill a chu a khawng ta lah a,"Catherine i maw?? Engvangin nge a bulah chuan ka kir leh ang? Ka then tawh alawm!" a ti ta a.

Laura i chuan a thawk a tawp hial hian a inhria a,"Maw?? Engtin maw? I then tawh amaw?" a ti ta ha a.

"Lo thu teh, laura. Sawi dun tur hi kan ngah asin" tiin Laura i khumah chuan a kai pheia, a thut tir ta a.

"A duh ka pe a, ka nun atang hian hla taka kalbo turin ka ti alawm. Ka pa pawn engkim a hre tawh a, ka then kha min phalsak bawk asin" a ti zawi sup a.

"Mahse, chu chuan hetiang a awm min phalsak tihna a ni chuang hleinem!" a lo la ti ve talh a.

"Phal hauh lo, mahse mihring pahnih induh te chu an awm tlang thin alawm, ka zawn nasat zia che hi i hria em, Laura?" na tak tuar hmel pu chung hian a ti a.

"Min zawng mawh!! Mahse engvangin?" a lo ti ha a.

"Ka pa an zai lai vel khan ka rilru a buai em em a chuvang chu ania ka rawn biak pawh that ngai loh che. Lehlamah catherine in kawng tinreng in min lo vau ve bawk a, ka hrilh che chuan i thiamlo anga, min kalbo san ang tih ka hlau bawk si nen. Ka rilru buai zia leh hah zia kha i hre phak lovang, mahse ka hrilh lo chung che pawhin min lo tlanbo san ta tho si a..." hreawm tih hmel tak hian a ti a.

Laura i chuan a lainat hle a, mahse nem nghal mai chu a tum bik hauh lo. "Inthen i duh thu bak i sawi ngai hleinem. Kan pahnih hian enge hmabak kan neih chuan?" a ti deuh fak a.

"Nia, engmah ka hrilh chiang ngam lo che kha alo pawi anih hi. Kan pahnih a kan hmalam huntur lo sawi pui chiam thei che pawh ka ni bik tlat lo ani" a ti hrawk a.

"Nia, chuvang reng chuan alawm ka haw tak. Khatia mi sawi sep sep kara awm reng kha chu ka thei mai ang, min tiam nei la chuan!" a ti leh nghat a.

"Tiam ngam tur chein ka dinhmun khan a zir miau lo a ni, chuvang ania engmah pawh ka sawi mumal ngailoh reng. Mahse kha kha ka lo tidik lo ani tih erawh ka pawm thlap" inchhir hmel tak hian a ti a.

"Bill, haw phawt la a tha in ka hria. Engmah hi ka hrethiam neih nuaih lo" a ti chuai raih a.

"Haw turin ka lo kal lo, Laura. Ka ngai che a i bula awm hi ka thlahlel alawm" naupang chhia deuh hian a ti a.

"Mahse, ka Ni inah a awm a, a hmuh che chuan a pawi thui dawn hle a ni. Tin, hei hi thil dik ani lo, kan kal thui tawh lutuk hi vawiin thleng hian mi zingah pawh keimah leh keimah ka insit phah asin" mittui tling pam chuan a ti a.

Bill a chuan a mit chu dim tak leh duat tak hian a fawh sak a, a hnung zang a chul heuh heuh pah chuan, "Ka thiamloh vek a ni, Laura. Mahse min hnar lul suh, ka mamawh na che hi a sang tawh hle a nia" ti pah chuan Laura i kut chu a kap lamah chuan a la thla a, a mipatna chu a khawih tir ta a.

Laura i chu a phu deuh zawk a, a sosang hma theih zia pawh a hai hauh lo. Mahse a nupui a then tak avanga lo mutpui ringawt chu a thei lo a ni, a ngai lutuk in a thlahlel em em mahse hetianga awmdun leh a sex hman leh ringawt hi thil dik ni theiin a hre tlat lo a ni. Chutiang vel a ngaihtuah lai chuan Bill a erawh chuan a theih na lai lai ah alo chul kual ruai a, a hnute te chu alo khalh sak niap niap in a lo fawp mawlh mawlh a. Bill a chu a theih pa tawpa hnar a duh laiin a chhungril erawh chuan zawi zawiin a phatsan mek tih a inhre ran a, "Bill tawp rawh! Kan ti thei lovang!" a ti zawi sap a. Amah pawh chuan a in lahrang thei tawh meuh lo tih chu a pha thei tawh tlat lo.

Bill a chuan a hmuiah chuan ngenngawl tak hian a rawn fawp a, chhan loh chu an tum tak nain a tawp a tawpah chuan a insum zo ta ngang lova, uar theih patawp hian a chhang ta a, an duhthawh tial tial a, reilote ah chuan thawmhnaw pawh an lo ha leh tawh lo der a. "Min ngai ve tho em, Laura. Min mamawh thu han sawi teh" tisa chakna a khat aw khur deub dur dur hian Bill a chuan a ti a.

Laura i erawh a tawng thei tawh lo, a lu a bu ta ringawt a, "Sawi rawh Laura, sawi rawh. Min ngaia min thlahlel tih hi, anih loh chuan i duh hi ka pe dawn lo che" Bill a chuan inti tatu tak chuan a ti a.

"Bill...." tih bak chu a sawi hleithei lova, a dang te chu a ro vek tawh bawk a.

"Min han ngen teh, ka hming lam ngeiin" chul kual pah leh fawp kual pah chuan Bill a chuan a ti leh sar sar a.

Bill a a mamawhna a san tawh em avang chuan Laura i chuan zah pawh a hre leh tawh lo,"Bill, ka mamawh che.." a ti buh nuaih a.

"Yes...darling...kha chiah kha alawm ka hriat duh!" tiin Bill a chuan a kekawr te chu a pawhthlak sa ta nghal a. Zawi te chuan a lut ta riai riai a, a bak chu khawvel dangah an cheng ta vang vang a, Laura i zo chu a au deuh that that a, Bill a pawh chuan a zo ve nghal a. Khumah chuan in kuah hle hle in a mudun ta vang vang a.

An lo muhil sek tih laura i harh chuan a hre mai a, zing a nih vaih chuan Bill a chu a Ni in a hmu ngei dawn tih a hre si a, haw tur chuan a tur ta a. "Bill, tho teh, i haw angai ania.." a ti sar sar a.

"Ka haw dawn lo,i bulah ka riak dawn" mutchhuak aw tak chuan a ti a.

"Aih...a theih loh. Ka Ni in a hmuh che chuan a tha lovang, tho rawh..." tiin a sawi leh nawk nawk a.

"Awle..awle..."ti pah chuan a meng ta duar duar a.

A inha chu Laura i chuan a lo pui vat vat a,reilote an in fawh leh zeuh hnu chuan tukverh a chuan an in nawr chhuak ta a. An in chu a san lem loh avangin Bill a chu a tlak loh hram a beisei a, enge thil thleng mek hi a hrethiam leh tawh lo. Enge a duh a, enge a tih leh mek hi a inhre thiam leh tawh lo a ni berin Laura i chuan a hria a. Bill a chu a duh in a hmangaih em em a, mahse Bill a hian a hmangaih thu ala sawi ngai hauh lo. A it thu leh a mamawh thu erawh a hrilh chamchi thin a, mahse chung thil pahnih chu Laura i tan a tawk zo lo a ni, a aia sang a beisei tlat a ni. Chu erawh Bill a hian a pek theih dawn leh dawn loh a chiang ngam lo tlat, a nupui kha leh chen a lo neih tawh pawh a hmangaih miau loh avangin. Mahse Bill a telo a nun erawh hreawm a tiin harsa a ti hle bawk si, awmdan tur a hre tawh lo a ni ber mai. Kawl alo en hunah ni thar in thil thar te ala rawn her chhuah pui mahna tiin a in hnem ta ringawt a, mut tum chuan a maimitchhing ta a.

A tuk chu sunday a ni bawk a, nizanah a mengrei nen a lo murei phian a, inhnuaia a chhuk chuan a Ni chu a lo zai rat rat a, "Lunch ei chu haw hunah ti ang aw, kha coffee leh chhang ka ur thar hi ei thuai thuai a, inkhawm na lam pan a hun hnai tawh ania" a lo ti siam siam a.

A Ni mood fuh lutuk chu Laura i ngaih a tha lo hial a mahse ngaih han tih that lohna tur a hre bawk si lo. Nizan a Bill a lo kal leh kha a hria em niang le? Hria sela chuan a ngawih mai mai chu a ring bawk silo! Engpawh nise ei a in hna thawk phawt mai ang, tiin ngawi reng chuan a in tan ta a.

Inkhawm na ah chuan a thianu a awm tawh loh vang nge nuam a ti chiah lova, hmelhriat leh thian hlui te chu awm teuh mahse engemaw hi a diklo tlat hian a hria a. Zaipawl an zai lai chuan a a kawr chu siam tha pah hian an hnung lam an melh zawk chu Bill a hi alo nui vun vun a,rang tak hian hmalam a hawi leh nghal nain a thinphu erawh a dik thei chuang lova. Hetah lehzel hian tinge a rawn zui le? Mi zawng zawng hian an chanchin hi hria se a ti em ni le? Andrew a pawh alo inkhawm ve ngei anga, nimina hruai haw tura a luahlan te khan nui sang e tilo chuan a hmel kha a ngui tlat tih a hria a ni. Bill a vanga hreawm taka Andrew a a awm tur chu a ngaingam chiah lova, hmangaih kher lo mahse a nun tihhlim tuma a beih nasat zia te, amah a duh zia te a hria a, tilui ang maia a hmuh laia Andrew a rilru na leh tur chu a khawngaih lo thei lo. He Bill a hian engvanga biakin ah leh zel rawn umzui nge maw a nih le, a nun tihchhiat vek a tum zawk em ni?

Inkhawm bang an chhuak chu a lo suangtuah ang ngei ngeiin Andrew a chu nui sang hian a Ni nena an kal chu a rawn pan a, chutih lai tak chuan Bill a pawh chuan an mahni chu a rawn pan ve mek tih Laura i chuan a hmu nghal a. Thaw dep dep hian thil lo thleng tur chu a lo nghak ta tawp mai a ni. Andrew an a rawn biak lai chuan Bill a chuan a Ni a lo be ve mek bawk a, nuam ti chiah lo hian Laura i chu a hawi kual ta vel mai mai a.

A Ni in tlangval pahnih te chu an in a lunch ei tura a sawm chuan a lo meng phawk hle a, a ngailo lo tih tak hi a nap a mahse thil mawi a ni tawh si lo. An ni pahnih lah chuan in er ran ni mai awm hian Laura i Ni sawmna chu an lo pawm nghal hmak lehnghal a, ngei zet hian Bill a chu ava melh nghek a, ani lah chu a lo nui sawng duh chauh a. Andrew a chuan nuamlo a ti ang tih hlauvin a banah chuan a va kuah a, "Kal ang lem,doctor" a ti a.

Andrew a lah chu hlim hmel taka lo nui var var pah chuan,Lady nalh tak hi kalpui loh ka phal nang" tiin an kal tan ta a. Bill a erawh chuan Laura i Ni chu a chhawm thung a.

In an thlen chuan Laura i chu inthlak turin a room lamah a chho nghal a, a Ni chuan an inleng te chu pawn varanda ah a thut pui thung a. Laura i chu hmanhmawh tak hian a inthlak a, a phun pah hlak hlak a, Bill a awmdan chu a haw takzet a ni. An inleng te intur theitui a siam a, khua a lum bawk nen, pawna thu pah chuan an in ho ta a.

Lunch ei a hun meuh chuan an pali chuan an in melh hrek hrek tawh hi a ni ber a. A Ni chuan Bill a chu Justin a thian mai mai ani lo tih a man hle tawh a, tin Bill a pawhin Andrew a chu thian satliah a nilo tih a man thiam hle bawk. Mipa pahnih te an han inbe reng reng chu an in tai fak fak a, Laura i inchuh tih takah, an bula lo awm ve te tan chuan man thiam loh chi pawh a ni lo reng a ni.

Lunch erawh rin ai taka a tui avang te pawh aniang chu, hlim tlang takin an ei thei ta chu a ruk tak chuan Laura i chu a lawm hle a. A Ni hi eirawngbawl a thiam bawk a, mipa pahnih te chuan an fak awl lova. Enge a hriat pawh a hrelo Bill a chu haw hmasa ah a tang ta zawk tlat mai a, a ruk tak chuan Laura i chu a thawl huai mai a. Andrew a chu mifel tak anih avangin leh amah mai bakah a Ni a ngaihsak thin em avang chuan rilru na taka a awm chu a phal hauh lo a ni. Andrew a a haw hunah chuan a Ni chuan zawhna a ngah hle a tih pawh a hre mai a, a huphurh rilru hle bawk. A chhan chu tawngsual a hlau a ni, bakah Bill a nihna sawi pawh a ngam dawn lo bawk. Sawi vaih se chuan a Ni hian a tuar lo maithei bawk, Andrew a tanpuina lah chu dil chi ani hauh si lo nen, rilru nuamlo tak chuan a thu ta ran a.

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)