Perfect/Inperfect Match BY Mami Chhakchhuak (Completed)

[Ngaia]

Perfect/Inperfect
Match

Mami Chhakchhuak

Chapter - 7

Zing a than harh phat atangin Cary chu a lo la haw lo tih Livie chuan a hre nghal mai a.Tukthuan ei alo hun a,chaw chhun ei alo hun leh a Cary chuan engmah sawi ala rawn nei lo.A reh vang vang mai a.

"Reporter thenkhatin biak che an duh a?" Library a thutna dup nuam takah lehkhabu a chhiar a, a bul chair leh dawhkan awmna ah chuan Blair chu a thu a,lehkha chi hrang hrang chu a en fel pah a.

"Reporter ho chuan enge sawi se min tih le" a lehkhabu chhiar hawisawn san chuang miahlo in Livie chuan a lo ti a.

"Engmah a ni lo ang.Lo ni ta pawh ni se Mr.Woodsen-a'n biak a rem ti chuang hleinem" envelope chu chhiarin Blair chuan a rem fel pah zel a.

"Eng maw ?" Livie chuan a lehkhabu chhiar lai chu hawisanin Blair chu a en a.

"Reporter ho biak maw le,tumah lo biak tir lo tur che in min ti a" pawisawi lo zet chuan a ti a.

Livie chu a thinur ru kher mai.A dam lo pawh a ni mahna ,a duh duh a tih theihna dan a nei lo hrim hrim.

"Enge i tih kha?" a thinurna thup in Livie chuan a ti dam diai a.

"Oh..ahh..i thuthawn dawn zawng zawng ka ching fel a nih hi"

"Thuthawn ka dawng a maw?"

"Sawmna a ni zawk mah,a tam zawk hi chu.An khua ah i awm tih Hampton nu ho hian an hria a,an party na a kal turin an rawn sawm hlawm che a nih hi"

"Anih chuan engtinnge i lo chhan?"

"Eng tin mah.Mr.Woodsen a'n khawi ah mah chhuah tir lo tur che in min ti a " tim leh inthiamlo deuh chungin Blair chuan a chhang a.

Livie chu a thutna tangin a tho a ,Blair hma a lehkha in rem fel thlap tawh ho chu va la in a chhiar hmiah hmiah mai a.Blair sawi ang khan sawmna a tam ber a thenkhat chu lawmpuina thu ringawt te a ni thung a.Lehkha pakhat chu Blair mit taka en chung chuan la in a thutna ah chuan a kir leh a,a lehkhabu chhiar lai chu a chhunzawm leh a.

Blair chuan "Khatianga ti tur kha i ni lo asin.Mr. Woodsen.."

"Hmm.." Livie chuan ngai pawimawh lo zetin alo ti a.

"A thinrim viau ang" Blair chu a awm a nuamlo takzet tih a hriat reng mai a.

"I hrilh loh te chuan a hre nang,ni lawm ni?" Livie chuan awmze nei fe in Blair chu a en a.Blair chu a ngawi ta hmak a.

A office tukverh bulah chuan dingin a hma a New York khawpui lang tuarh chu hmu chuang miahlo in Cary chuan a en ngai a en reng a.

Vaughn Private investigator firm a mite khan thla khat hnu velah thu chiang an hriat theih chauh an rin thu an hrilh a nih kha.

"Pawisa lamah kha chuan lungngai suh u" Cary chuan a ti a.

"Pawisa lam pang a ni lo Mr.Woodsen" Joe,partner pakhat zawk chuan alo ti a.

"Hetiang Court seal hnan tawh original maw? A copy te hi chu a neih theih mai a.An nun a bul te atanga kan chhui vek a ngai dawn a ni. Thla khat tal a ngai ang" Bruce chuan alo ti ve a.

"Chutiang thil harsa chhui tur chuan a ni lawm ni he firm hi in din?" Cary chu a lungawi lo kher mai.A thu hriat theih ang ang hriat thuai thuai a duh a ni."A let hnih ka pe ang che u,kar khat chhungin result ka hre duh thung ang"

"Pawisa chu kan it tluk zetin,karkhat chhung chuan thudik kan chhui chhuak thei lo ang.A tam zawk chuan an nun hlui sawi chhuah sak tu nih an duh dawn lo a.Mr Woodsen, kan tih theih tha ber chu thla khat a ni." Joe chuan zah tak chungin a ngen a.

Lungawi lo viau mahse Cary tan tih theih dang a awm rih lo,anni aia tha rawih tur dang a hria te a nih ngawt loh chuan .Chu lah chu thil harsa a ni ang.Vaughn private investigator firm chu khawvela a tha ber a chhal anni miau a.

Cary chu a ner sak a,kawngkhar rawn kik ri dat dat lam chu a va hawi a "Lo lut rawh"

A secretary Maggie chu a rawn nui lut sang a."Ka chawlh hma in rawn hmuh leh lawk che ka duh a"

Cary chu rawn inherin Maggie chu a nuih ve sang a."Khawi lamah nge chawlh chu in hman dawn tak a"

"Hawaii ah mawle" Maggie chu a phur hmel kher mai."Ka chawlh chhunga ka ai awh tu tur pawh alo thleng tawh a" atih zawm zat a.

"Hlim deuhin hun in hmang dawn nia Mag" tiin Cary chuan va pan hnaiin a kuah thuak a.

"Nangni pawh Miss Olivia nen hlim deuhin hun inlo hmang dawn nia.In inneihna a tel hman turin kan lo kir leh ang" tiin a thlah ve a.

Maggie chhuak ta chu a thlir a,chutah phone a hmang nghal a.

"Hello"

Blair aw chu nidang ang lo takin a zangkhai lo riau a hriatna a nei a.

"Engkim a tha maw Blair"

"Tehreng mai Mr.Woodsen"

"Livie a tha em?" Cary ngaih chu a la tha chiah lo.

"Tehreng,Miss Olivia chu a tha lutuk e.Pawimawh a awm em ni Mr.Woodsen?"

"Kan zanriah kilna tur lo hauh lawk tura ka tih che kha..Cancel leh rawh."

"Awle.Miss Olivia ka.."

"Livie chu keiman ka lo hrilh mai ang.Sassa kha lo ko la,lo chei rawh se.Chuan Dorota kha Woodsen Tower ah hian lo kal bawk rawh se aw"

"Awle" Blair tawng leh hma chuan phone chu a tawp daih a.

"Enge a rawn sawi a" ngaihven takin Livie chuan alo zawt a. Blair-i'n chhan a tum lai tak chuan Livie phone ah lai chu alo ri a.

"Hello"

"Dar rukah hellicopter in an rawn hruai ang che,i lo inpeih dawn nia"

"Eng a? Khawiah"

"Hetah.Zanriah kan kil dun dawn kha"

"Hampton ah hian a maw kan ei dawn ka tia.Blair kha restaurnt..." Blair chu a va melh a,Cary chuan a ruahmanna chu alo thlak fel leh der tawh tih a hre mai a.

"New York kha nuam ka ti lo" thinur ru teuh chung chuan ati a.Tih mualpho leh a tum a ni chiang mai !!

"Lo inpeih ang che" tih leh phone dah Cary chuan a rual a.

Livie chu thinur leh tlawm ngawih ngawih a inhria in phone chu a en reng mai a.

"Sassa alo thleng tep tawh ang" Blair tih ri ah chuan a in thing harh a.

Dar ruk alo rik meuh chuan a inpeih at tawh a.Sassa chuan uluk zetin a chei a,kawrfual pawl a mitmu rawng nena inmil zet mai designer lar tak pakhat kutchhuak chu a ha a.Mahse a zam a ni.Cary chuan khawi hmunah nge a hruai dawn a hre si lo.

Hellicopter atanga Woodsen Tower a hmuh pawh chuan a zamna chu ala reh lova.Inchung zawla a tum chuan Cary chu lo lang vatin a banah a rawn kai ta vat a.

"Khawiah nge min hruai dawn a?" A zamna chu a theih tawpa thup hram hram chungin Livie chuan Cary chu lift a an chuan lai chuan a zawt a.

"Ka apartment ah hian" lift chu a rawn in hawng chiah a.Cary apartment chu an lut a.

"Hmun dang..mipui tam deuhna ah min hruai dawn lo maw?" a ngaihna hre lo takin a zawt a.

"I natna neih hre reng chung hian maw? Chutiang em em a nunrawng chu ka ni lo Livie" a lungawi vaklo tih alang reng a.

Livie chu a hawisawn ta ringawt a,apartment chhung ropui zet chu a thlir a.A chhung bungrua reng reng chu man tam tak a ni tih a hriat reng mai a,a chhuatphah lah chu Persian carpet manto chi niin Livie pheikhawk sang nena vei pawh chu ati nuam hle a,hmuhnawm ti zetin lemziak vel te chu a thlir kual a.

Cary chuan hmuhnawm ti zetin Livie chu alo thlir ve thung a,a nalh zia hi a inhria ang em le..

"In engzat chiah nge i neih a?" Livie chuan ati a.

Cary chu alo ner sawk a "Ka chanchin i chhui a maw ka tia,"

Livie chu alo sen tan tan a "Nang ang in private investigator rawihna tur ka nei ve lova,ka chhui chiang thei hleinem che"

"Helam hi kan zanriah eina tur chu a nia" tih pahin dawhkan leh thutthleng lo peih sa diam tawh lam chu a kawh hmuh ta daih a.

"Ka lawm e" tih pahin Livie pawh chu a kawhna lamah chuan a kal ve mai a.Chu dawhkan an hun na bul chu darthlalang vek niin New York khawpui chu a lang ut mai a.

"A mawi hle mai" Livie chuan a ti sap a.

Cary chuan Livie mitmeng hlim avanga de sar sar chu alo thlir reng a "Ni e,a mawi khawp mai" ati ve sup a.

"I zungbun hi i in hmeh hle mai" Cary chuan ati zawm a.

Livie chu alo sen leh tan tan a,a kuta Pink Fantasy lian zet mai chu a tuai nauh nauh a,a bunna kut zungtang te chu a sa vek hial in a hria a.

Tirhkah te chuan eitur chu an rawn chhawp zung zung a,an tihtur an tih zawh chuan an kalbo leh ta diak a.

"Hmmm...a tui hle mai" tih pahin Livie chuan bawngsa chu a thial talh talh a.

"A tui iti chu ka lawm e"

"I siam ania maw?"

"Keimah te chuan ni love,Dorota hian min pui a" tih pahin a nui suk a.

Livie pawh chu lo nui ve in an zanriah ei chhung chu titi hrang hrang sawi dunin an hlim hle a.Livie pawh a inthlahdul ve tial tial a.

"Ram hrang hrangah pakua ka nei"

"Maw?" zanriah an eikham tawhin Livie chuan thingpui a in a,Cary chuan Coffee a in thung a.Thutkhawmna pindan zau nuam fahran mai ah chuan a in ep zawngin an thu a.

"In maw le.Apartment leh Cabin te,Villa te chhiar tel lohin.In ringawt hi chu pakua ka nei" Cary chuan a thutna nghenchhan ngheng ur ur pah chuan a ti a.

"Oh...i ngah hle mai" Livie chu a nui sak a,an boruak nuam tak kha a chhe tan ni a hriatna a nei a.

"Ni e,ka ngah alawm"

An ngawi dun vang vang hnu chuan "I pa Jail tan thu hi eng huna min hrilh nge i tum Livie,leiba tam tak in nei tih nen hian" Cary chuan ati dam thlup mai a.

Livie chuan a thingpui no chu muang changin a malchungah a nghat a,chi ai lo turin a in thunun hram hram a.

Chik zetin Cary chuan Livie awmdan chu alo en reng a.A thawk lak rang ta sawt leh a biang sen tan tan atang te chuan a thusawi chuan a nghawng hle tih a hre mai a.Engvanga kha thu kha sawi chhuak ringawt nge a nih a in hre lo !! A bikin a chanchin thla khat hnu ah a hriat vek tawh dawn tho si te chuan.

"Kan chhungkaw nunah in rawlhna chhan tur i neih loh ang bawk in ka hrilh kher che a tulna ka hre lo" a aw a khur lo chu a lawm hle mai.

Cary chu rawn thu tha in Livie lamah chuan a va kun hniam a "Hriatna chhan tur awm e,ka nupui hual i ni tlat"

"Engtik-ah? He zungbun lian leh manto zet min pek vang hian maw?" Livie chuan a thingpui no chu dawhkanah hungin a kut a zungbun lian zet chu Cary hmuh theih tur chuan a kut chu a keng kang va a.A mittui a parawl kiang mai bawk a.

"Ni lo ve.Ka pu nena inremna in lo siam atang khan maw le.Kha kha chu a nemnghehna mai a nih kha" Cary hmel chu a ruh teuh a.

Livie chuan a puhna chu a dawh tawp mai a, sawifiah leh pawh tum se nidang ang bawk khan Cary chuan a awih leh dawn chuang lo tih a hria a.

"I hriat duh apiang i hnuchhui thiam te hmanga i hriat theih tho te chuang enge ka hrilh kher che a tulna.I hriat duh hre turin tuma'n an dal thei chuang lo che tih ka hria a ni?" Livie chu a thawk lak a pangngai tawhin a bing chuk chuk te chu a reh tawh a,tunah chuan a thinur tawh zawk a.

"Inrin tawnna neih rawt tu zawk i nia"

"Ka hnung lama min chhui chhung chuan ka thil rawt kha ka sut leh a tha ang"

"Ka nihna leh hausakna atang hi chuan ka bula awm tur te chhui hi bansan chi a ni lo tlat a ni.Mahse min ring turin ka duh che." Engvang in nge Livie rin leh in nghahna nih chu a duh em em a hre lo,mahse a pawimawh tlat a ni.

"Eng vangin? Eng vangin nge ka rin ang che?" a mittui tla mai tur chu a khap kir sak a.

"A chhan chu in chhungkaw harsatna ata chhanchhuak thei tu che u ka nih vang maw le!"

"I thei ngei ang tih ka ring.Mahse i tanpui ka duh lo !" Livie chuan hmai zangthal ha in Cary chu a en a.

"A ni maw? Chuti i pa saw tanin atanga lakchhuah i duh lo maw?"

"Tanin atang i la chhuak thei a maw?" awihlo leh beisei nei takin a ti a.Tanpui a sawi kha sum chungchang chauh emaw a tia,a pa tanin atang a lakchhuah maw?

"Thei e. Ka thei alawm." Cary chuan ati nghet churh mai a.

"Kan ring chhin,ka pa tanin atang a i lachhuak dawn a nih chuan enge maw ka tihsak ve che a ngai ang! A dik em?" A sawi zawng pawh chuan Livie kawchhung chu a hit rawih rawih mai a.

"I fing hle mai.I pa..." Cary-a'n a tih mek lai chuan...

"Uncle Cary" Inchhungah chuan hmeichhe naupang lu kir bep mai chu a rawn tlan lut a.Cary a hmuh veleh chuan a lam panin a tlan nghal a.

Cary chu lo tho vatin naupang te chu a lo pawm kang nawlh a "Heyyy..pokey bear." tih pahin a chalah chuan a fawp a.

An hnung lawkah chuan hmeichhe sam uk kharh mai raipuar dul lian ve tawh tak chuan a rawn zui a.

Livie chu a thutna atang chuan alo tho ve a,Christina te nufa chu a takah la hmu lo mahse Cary farnu leh tunu anni tih a an thlalak alo hmuh tawh avangin a hria a.

"Rawn tihbuai che kan tum pawh a ni lo...Hi,Olivia i ni ang maw? " Cary pawh chu ngaihven zui lovin Livie lam chu a pan daih a.

"Christina ka nia,Cary farnu neih chhun.Nina tiin min ko dawn nia" nui sanga tih pahin Livie chu a chibai nghal a.

Livie-i'n a chhan hman hma chuan "Ka chhungte hian 'privacy' tih awmzia hi in hre lo a maw ni le" Cary chuan a tunu pawm chung chuan a rawn ti bul bul a.

"Kan chhungkua a ilo piang hi chu i vanduai ngawt mai" nui sang leh pawisawi lo hmel zetin Nina chuan alo ti duh lek a.

"In zan hun hman kan rawn tibuai che u a pawi ka ti khawp mai" Livie lam hawi chuan a ti thung a "A pawm lai saw ka fanu Emily a nih saw" Nina chuan a tih zawm a.

"Oh..a pawi lo ve." Livie chuan alo ti ve niah niah a.

"Emily honey,uncle Cary nupui hual hi rawn hmel hriat ta che" tiin a fanu Cary pawm mek chu a ko nghal a.

Livie chuan chu naupang te in a ngainat nghal ang bawk chuan a ngaina ve nghal mai a.

"Engthil nge thleng a,tun ang hunah.."Cary chuan Nina chu Emily leh Livie in chhaih lai chuan a lo bia a.

"Engmah a ni lo.Kan in ka ning thut a,raipuar ho awmdan a lawm"

"Will-a'n a hria em?"

"Teh reng mai.Ka nu leh ka pa bulah weekend hma va kal lawk ka duh a,chutih chhung chu Emily hi lo mikhual ta che"

"Will nena in inkar chu a tha chiah a maw?" ngaihtha vak lo chuan Cary chuan a zawy nawn leh a.

"Tha e.I duh leh amah i be dawn nia.Kal nghal mai ka duh a ka..."

"Tunah hian maw? Zan a nih hi Nina.I tha em?" Cary chuan a farnu chu a han en a.Emily a pai lai pawh khan hetiang hian chhan awmlo in a pasal a tlansan ringawt tawh a.An buai nasat phah a nih kha.

"Cary,i lo mikhual thei a nge'm?" Nina mitmeng chu a chauh hmel hliah hliah a.Chu chu a hmuhin Cary chuan a zawt chik duh ta lo a.

"Thei e,ka tunu alawm.Tha deuhin ka lo enkawl dawn nia" ati ta a.

Livie chuan Cary leh Nina te inbia chu Emily be chung chuan a melh leh zauh zauh thin a.Thil fello enge maw chu a awm chiang a ni.Chutah "Em honey,i nu hi rawn mangtha rawh le" Cary chuan a rawn ti a.

Hampton lam phone a bia in Emily pindan tur lo buatsaih sak tur in a hriattir nghal bawk a.

An thil sawi lai kha Livie chuan sawi chhunzawm duh viau mahse an bulah Emily a awm tawh vangin an sawi zawm thei tawh lo va.Nina-i'n Chicago lam a pan hnu lawk chuan anni pawh chu Hampton lam an pan ve nghal a.

Hampton an thlen thleng chuan Emily chu a felin buaina engmah a siam lo va.Cary nen an inbiak vel dan atang chuan Emily chuan a pute-a chu a ngaina hle tih Livie chuan alo hre thei mai a.A nu in a mangtha a a pute-a bulah a awm rih dawn tih a hrilh pawhin harsatna engmah a siam lo a.

Inrinni thlen hma zawng chuan Hampton-ah Emily te nen chuan an cheng ho a.Cary chu a hna vangin New York leh Hampton chu a kal tawn reng thung a.Cary awmloh chuan Dorota nen Emily chu anlo awm mai thin a,Emily nen chuan an in ngaina tawlh tawlh bawk a.

Cary nen inbiakna hun tha erawh an neih theih rih loh phah thung .An thilsawi hnuhnung ber kha...Livie chuan a ngaihtuah zui reng a.A pa kha Cary hian a chhuah zalen thei tak tak dawn em ni? A theih hlauh chuan aw...Cary chu a tih theihloh tur sawi mai mai chi a ni si lova...inbiakna hun tha neih a sawi pui leh vat chu a duh takzet.Mahse a lakah enge phut let a neih ve ang le? Engpawh lo phut let dawn se a pa a zalen a,Livie chhungkaw harsatna a sutkian theih phawt chuan enge pawi?

Inrinni tuk ah chuan Long Island lam panin an pathum chuan an thlawk a.Cary pi leh pu mai bakah a chhungte zawng zawng Livie chuan a hmu tawh dawn a ni.Cary nupui hual angin ! Tunah chuan an i hualna chu a tak a nilo pawh ti se tuman an awih tawh hauh lovang ?"

[Ngaia]

Perfect/Inperfect
Match

Mami Chhakchhuak

Chapter - 8

Long Island a Cary pu inchung zawnah an chuanna hellicopter a vir vut vut lai chuan Livie chu a dak chhuak a.Cary pu in ,lian leh compound zau zet mai a hmuh chuan a thaw hak a.

"Kan thleng ta" Emily te chu Cary malchung atang chuan phur fahranin chung lamah a ban a phar a,a nui sen sen mai a.

"Ni e,kan thleng ta.Tui chen i chak tawh em?" Cary chuan a tunu chu duat em em in a be reng a.A hmel chu a lang danglamin a nelawm em em bawk a.

A suangtuahna-a Livie a chen tak tak hman hma chuan thlawhna chu a tum ta a.

Thlawhna atanga chhukin inlam chu an pan a.Emily chu Cary pawm duh tawh lovin, amahin veranda a pi leh pu lo ding chu tlan chungin a va pan a.

"Long Island-ah hian kan lo lawm a che u" Betty chuan alo chibai thuai a.

"Khawnge midang hi?" in lo reh deuh thap chu Cary chuan mak ati hle a."Kan lo thleng hmasa ber em ni?"

"In lo thlen har ber vang zawk a nia" George chuan khawngaihna nei lo zetin alo ti a.

Cary chuan hriatthiam loh hmel tak leh zawhna zawt hmel pu tak chungin a pu chu a melh a.George lah chuan a tunu chauh chu a ngaihven tawh ni hian a lang a.Inchhung lamah chuan an in um lut ta nge nge a.

"Midang zawng chu Lawng-in an lengkual mek alawm.Chaw chhun ei hmanin anlo hawng ang" Betty chuan alo chhang a. "Nina leh Will tih loh chu" a tih zawm leh a.An ni pawh chu inchhung lamah chuan an in zui lut ve a.

"Nina chu a tha maw?" ngaihthat loh hmel takin Cary chuan a zawt a.

"Aw,tha e.Hmeichhe hi chuan rai lai hian mizia hi kan nei ve a"

Kawngkhar hnaih ber thutkhawmna zawn an va thlen chuan Nina leh Emily lo inpawm chu an hmu a.An bulah chuan George pawh chu alo awm ve a.Nina chuan rawn hmu ve in a rawn nuih var var a.

"Han awm hahdam la,chhun chaw tui tak kan ei dawn nia" Betty chuan atih zawm a.

Cary chuan Nina chu lo nuih letin an nufa chuan a thlir zui a "Ka chau hleinem" alo ti a.

"Nang ka ti lo che tlangval.Nang te chu eitur min siam pui dawn alawm" Betty chuan nuihzat hmel takin a ti a.

Cary chu rawn leh hawiin Betty-i'n Livie dar a alo kuah chu a hmu a,a pi chuan Livie zawk awm hahdam turin ati tih a hrethiam ve chauh a "Oh..Awle" ati a.

"Keipawh ka chau hleinem Betty.New York leh helai inkar chu a hla lo emai" Livie chuan nui sangin ati a.

"Chutia nih chuan a tha hle anih chu.Kut ka mamawh hnem teh ania" tih pahin choka lam chu a panpui a.

"Kan thawmhnaw ho hi an dah fel em ka han en pui lawk ang e.Ka rei lovang ka pi" tih pahin Cary chuan inchung lam a pan thung a.

"Rei lo la" tih pahin Betty chuan choka a pan a.

Livie chuan mak ti takin a en zui ringawt a.An thawmhnaw en fel pui tur ni lovin thildang vang zawk a ni ngei ang!

"Livie"

"Ka lo kal e" Betty aw a hriat chuan ati vat a.

Choka lian leh changkang zetah chuan eisiam thiam pakhat chu alo awm tho a."Anjou anih hi.Anjou,Olivia" Betty chuan a inhmelhriattir nghal a.

"Khawngaihin Livie tiin min ko zawk rawh" Livie chuan alo ti thuai a.

Chu choka chu bungraw dahna nalh tak tak te leh hmanraw changkang leh manto tih hriat tak tak in a khat a.Chhuar thenkhat leh dawhkan te chu Oak thing atang siam tih hriat zetin a dum tle hlurh mai a.Livie duhthusam ang choka!!

"A mawi i ti em?" Betty chuan a rawn nuih var var a.

"Lutuk tlat.Duhthusam a ni" alo ti sap a.

"Apple pie siam ka lo tum a,Apple hi lo chan ta che." tih pahin Betty chuan Livie chu Apple basket khat hnur chu a kawh hmuh a.

"Wow..."

"Kut ka mamawh tam ka tih kha" Betty chu a nui var var a.

"Tunah chuan ka hrethiam e" tiin Livie chuan alo nuih let ve var var a.

Eisiamna dawhkanah chuan Apple chu a chan tan nghal mawlh mawlh a.A ke bul maiah chuan Emily chu lo awmin "Apple kha ka ei thei em?" a rawn ti reuh a.

"Tehreng mai" Livie chuan pawmin dawhkanah chuan a thuttir a.Livie Apple chan sa ho chu Emily chuan a ei tan nghal mial mial mai a.

Cary pawh chu lo let vatin an eisiam chu a rawn pui ve a.Livie chuan rilru nuam vaklo chungin alo melh zauh a.

An eisiam oven ah an ur a,nghak pah a coffee an in lai chuan midang ho pawh chu an lo thleng a.

"Hi uncle Cary" rawn titu hmeichhe tleirawl te chu kum 13 vel hmelpu,a pute-a ang bawk a sam dum hlap mai leh hmeltha tak a ni reuh a.

"Hi,Sophia" Cary chuan a chalah lo fawh sak a."Olivia nen hian in hmelhriat ta che u"
Livie lam chu a rawn hawi a.

Phur fahranin Sophia chuan Livie chu a pan nghal a,a kut a zungbun a hmuh chuan thildang ngaihtuah tawh lovin a ri nghal chul a "Pink fantasy...a ni tak tak em?" Livie kut chu la in a en chik kher mai "Wow"

"Sophia,chibai phawt ta che" thutak deuh zawk chuan Cary chuan a rawn ti a.

"Ka tihpalh.Sophia ka nia" tiin a chibai tha leh a.

"Olivia" Livie chuan alo ti sap a.A awm chu a nuamlo leh tan riau tawh a.

"Karen-i fanu a nih kha" Cary-a'n alo tih mek lai chuan an thawmah chuan midang ho chu anlo lut sup sup a.

Cary chu a bulah lo ding vatin a darah a rawn kuah a, alo inhmelhriat tir zelin a chhungkhat dan alo hrilhfiah zung zung a.Cary pate-a te,a cousin te leh an fate ho nen chuan an ri chel chul mai a.Livie zungbun mawlh chu hmuhnawm antih leh an en duh a ni zel lehnghal.

"Francis.I lo kal tih enga tinge ka hriat loh a!?" mak ti leh lawm takin Cary chuan amah tluk deuhthaw a sang tlangval chu alo kuah a.

"Surprise" a ni chuan a rawn ti fiam zui nghal a.

"Livie,Francis.Ka ni Rose-i fapa a nih hi.France a cheng a nia"

"Nang hi a ni maw kan bachelor lo kuahbet tlattu chu.Ka hmu che chu ka lawm hle mai" tiin chibai turin a kut a rawn phar a.

Livie chuan a kut chu a lo pe ve mai a,chibai ta lo chuan Francis chuan alo fawh sak zauh a.

"Ka pa lamah hi chuan France mi ka nia.Chuan i nalh takzet bawk" Livie kut dahthla pah chuan a nui var var a.Livie chu alo sen tan tan a.

"I France mi nihna kha ka nupui hual lakah hian hman tangkai i tum leh vaih chuan i mawngah khan ka pet ang" Cary chuan alo ti khauh fuk mai a.

"Mi thikthu chhe lutuk hi i nin hunah min lo be dawn nia" tih pahin Francis chuan Livie chu a siai zauh a,a kalsawn ta a.

"France-ah ka thawn kir lehnghal mai dawn em ni?" Cary chuan ati sup a.

"Chaw chhun tui tak saw i va ei phawt zawk ang u" an tawng hre pha Natalie chuan alo ti thuai a.A nuihzat hmel hle lehnghal.Cary chu a rum nghut a,Livie chu a kai a.

Choka bul veranda zau nuam zetah chuan dawhkan lo hungin an eitur chu an chhawp teuh a.Thenkhat chuan anlo ei mawlh mawlh tawh a.

An thut fel hnu chuan Livie chu a han hawi vel a.Tu te mai pawh chu an hlim hmel hlawmin an nui sang mai a.Naupang hlim nui ri nen.Cary a han en chuan a ngaisang thar leh a,an vai mai pawh chuan an ngaisangin an zah theuh a.Chhungkaw enkawltu ber ni mahse a inti thu lovin a nu leh pa,pi leh pu te chu a zah thiam em em bawk a.An chhungkaw zing a anlo pawm nghal mai thei te chu thilmak tak a ni. A nu in alo duhsak em em mai te chu a vawikhat nan a dem ta lo hial a! Anu leh a pa a hriat chhuah chuan tunah te hian engtinnge an awm ang? hrehawm ati thar leh a.

"I duhzawng a ni lo em ni?"

Cary rawn biakna chuan a ngaihtuahna ata ati harh a. "Teuh lo,a tui ka ti lutuk" ti-a nui lui in ei tur chu a ei a.

An inhnawh puar zawh chuan a thenin tennis an khel a,a then tui an cheng bawk a.Livie chu choka lamah a che thung a.

"Ka pu hian a hre sa tiraw?" office chhungah chuan Cary leh a pa chu an thu a,tukverh atang chuan swimming pool a tuicheng ho chu an hmu thei a.Blake Woodsen chuan file chu a khup thawk a.

"Ka hre bik lo le,i pu..."

"Hrep tak a ka pa!! " Cary chuan a ti hrawk mai a.

Blake chuan chutiang em em a Cary thinrim chu a la hmu ngai lo,mak ti tak chuan a en a. 'Enge sawi se min tih? Engmah ka hriatpui hleinem?"

"Ka tihpalh.Heng thil hian ka ngaihtuahna an tibuai em a ni " Cary chuan a thinurna thununin a rawn ti dam leh ta thlup a.

'Ka hrethiam che lawm.Mahse buaina tham a awm loh hi.Tunah chuan i chenpui tawh a,i hrechiang tawh ang chu." Blake chu a hahdam hmel leh ta deuh a.

"Hriatchian maw? Nitin mai hian a chanchin thin thawng tak tak hi ka hriat belh ziah a ni ka pa.Thuruk lianpui kal thei a ni ringawt a lawm" Cary chuan tukverh a dak vauh vauh chung chuan a ti leh sup a.

"I en dan ka hmuh hian chu chuan harsatna a siam ka ring lo Cary.Nunhlui chu siamthat theih a ni hleinem"

A pa hnenah chuan Craig leh Livie chungchang chu a sawi hman tep a,a insum leh ta zawk a.A pa chuan Livie pa jail tan thu leh an leiba ngah zia chauh a hria a ni mai a.A sawi awm reng a sawi a ni. A pa lam chu a rawn hawi a "Ni e,i sawi dik alawm"

Veranda atang chuan phul a Bob-a leh naupang infiam lai chu Livie chuan a thlir a.

"I va tel ve duh lo em ni a?" a bul maiah chuan Cary chu a rawn kal a.

"Thlir hi ka duh tawk e" Livie chuan ati a.A nu leh a pa te a ngaihtuah em vangin in tihhlimna lam pawh a ngaihsak lova.

"Cary,hetah ilo awm a ! Sai ar hi min lo siampui ta che" Betty chuan kawngkhar bul atangin a rawn ko zui ve nghal a.

"Awle"

"Sai ar maw? Thanksgiving pawh a ni si lova!" Livie chuan mak tih hmel takin a zawt a.

"Ka pi tan chuan weekend apiang hi Thanksgiving alawm" Cary chu a nui suk a.

An bul maiah chuan an thusawi hre phak an awmloh avangin tun hi sawina hun chu a ni."Cary" Cary luh mai tum chu a ding chut a.

Livie chu inti huaisen luiin thawk anla hak a "Ka pa chungchang i sawi kha..."

Cary chuan tawng tum hmel pu lovin a en reng ringawt a.A tha lawm! Sawi tir ngei a tum a ni.

Thawk an la leh hak a "Ka pa,jail atang i la chhuak thei ang i tih kha !?" a tap lo chauh tawh a.Cary lah chuan hmel danglam eih lo hian a en reng mai a."Ka lo ngaihtuah a...ka lo ngaihtuah..." sawi zawm mai dan tur pawh a hre lo.Cary chu a haw hluah hluah tawh mai a.

"Livie..oh" kawngkhar ah chuan Sophia chu a tuichen kawr nen alo ding a.

Cary leh Livie chu an hawi rual thawt a,"Livie phone i keng lova,call i dawng a nia" tih pahin Livie phone chu a rawn lek va va a.

Rang takin Livie chuan a va la nghal a,tu pawhin lo call se an hriat miah lohin Livie an chhanhim a lawm.Cary lak atanga kalsawnna remchang a hmu chu a thaw huai a.

Pindan lo ruak hnai berah chuan lutin kawngkhar chu a khar nghal a "Hello,Ka nu" a nu a ni hlauh chu a lawm kher mai,a aw te chu a khur deuh dar dar a.

"Hello Livie"

"Pa" a phone chu an enchiang leh a,a nu number ngei chu a ni si.

"Pa,i ni tak tak"

"Ni e Livie.Keimah ngei ka ni e"

"Mahse engtin?"

"Sawi tur a tam khawp mai.Cary hnenah khan lawmthu min lo hrilh sak dawn nia aw" Livie chu a ngaihna hre lovin a ka hau mai a.

A pa chu chhuah lailawk niin a thubuai chu ala tawp lova,mahse an ba zawng zawng bakah a pa khingtu te ber Royce Holding and Trust te chu Cary chuan in rem siamna a neihpui alo ni a.

"Kan ba phei kha chu a pe tla vek tawh.Tunah chuan engmah ba kan nei tawh lo" a pa chu a lungchhia tih a aw atang chuan a hre thei mai a.Livie pawh chu lawm avangin a mittui a tla a.A nu nen reilote an inbiak leh hnu chuan phone chu a dah a,thawk ahan la vang vang a.Ngatinge nichin te khan a hrilh mai loh!! A awmna pindan atang chuan a chhuak nghal a, Cary chu zawn hmuh a lawmthu hrilh vat a duh a ni.

Cary a va hmuh chuan pawnah hian a lo ding a,In kawt a Car lo thleng ve chiah chu alo nghak anih hmel khawp mai.

Car chu a ding a,a chhung atanga nula lo chhuak chu Cary chuan alo pui vat a.Nula chuan Cary chu kuahin an in fawp a,chutah Livie chu rawn hmu in a nuih sang a.

"A tawp a tawpah chuan i rawn thleng ta alawm Nicole " Francis chuan tih pahin Livie chu a rawn kal pel a,Nicole leh Cary te chu a zuk zawm a.

[Ngaia]

Perfect/Inperfect
Match

Mami Chhakchhuak

Chapter - 9

Livie chuan a kut chu a hum ruh nasa mai a.Francis leh Nicole te chu an in chibai lai chuan Cary chuan a rawn hmu ve chiah a.A hmel chu a buai deuh nak a,mahse a rei lo.

An pathum a an rawn chho chu hmachhawn ngam lo in Livie chu a lut vat a,Nicole nui ri chu a hre zui ta tho a.Choka a va thlen chuan Betty chu a lo buai leh hle tawh a.Eisiam thiam pawh anlo thlen belh tawhin Livie lo lut pawh hre chang lo lekin an eisiam chu an uluk a.

"I tha em? I dang var vek a lawm!" ngaihtuah hmel takin Betty chuan a rawn hmuh veleh a ti a.

"Ka tha e.Engtinnge ka lo puih ve theih ang che"

"Ni lo ve,awm hahdam rawh.Min puitu chu i hmuh ang hian ka nei tha tawk a lawm" Betty chuan a ti nghet charh mai a.

Hnial zui chi a ni lo tih hria in Livie chu a bu ta nghauh a.Kal mai a tum chu a pindan tur awmna a la hre lo tih a hre chhuak a.

"Ka..aahh..ka pindan.."

"Ka tihpalh lutuk.Sophia,Livie hi a pindan turah khan han hruai ta che" tiin Betty chuan a tunu chu a hrilh zui a.

Sophia chu alo kal vat a,a tuichen kawr ha tawh lovin thawmhnaw pangngai a lo in bel tawh a."He lamah hian"

Livie chuan Sophia chu a zui ve nghal a.

Inchung lamah chuan hruai chho in a pindan tur chu a kawhhmuh a.Pindan chhung an luh chuan an chei dan chu a nalhin khum lian pui mai chu a inhung bawk a.Mahse an chei dan chu a hriat hnu a ang tlat...Mipa pindan.Pawhdawh chunga rhlalak lo intar chu a en diat diat a,Cary!

"Hei chu i uncle Cary pindan a nih hi ?" Sophia khuma lo thu mek chu a va en a.

"Tunah chuan i pindan pawh a ni ve tawh a lawm."

"I uncle nen hian pindan kan in tawm dawn i tihna mi ? Min chhan a ngai lo !" a chhanna tur chu a hre sa tlat.Thawk an la hak a "Pindan dang ka awmna tur ngaihtuah a ngai dawn a ni" ati chhuak sap a.

"Mahse in inhual tawh a ni lo em ni ? " Sophia chuan ati a.

Livie chuan a chhang lo.Tu thu nge pindan in tawm chu ni ang ? Cary chu a ni lo tawp ang a,a pi nge a pu le? Engtinnge a tih ang aw ! Cary chu hrilh sela a ni pawhin a duh lo tawp ang.A tlansan zawh chauh chu a hmuh leh a ngai dawn a ni ! A chal chu a dawm vang vang a.

"I damlo em ni aunt Livie?"

"Aunt Livie maw? Chutianga min koh kher chu a ngai hleinem Sophia.Kan la innei lova" alo ti dam thlap a.

"Mahse in innei dawn tho a.Flower girl ah ka tang duh a nia aw" phur fahran chuan atih zawm a.

Livie chuan za lo zetin a nuih lui hram a.An inneih loh tur zia sawi a chu hmeichhe naupang ngaihtuahna hlimawm tihchhiat sak kher chu a tul lo a ni.

"I mu hahdam dawn lo em ni?"

"Awle.Ka lo mu hahdam a nge" Cary chu nakinah a hmu mai ang chu.

Sophia-i'n a chhuahsan hnu chuan khumah chuan a thu hnawk a.A nu leh a pa te a ngaihtuah chuan a nui var var a,chutah Nicole a ngaihtuah a.Cary-a'n a sawm a ni ngei ang chu.A nupui hual awm laiin a bialnu hlui a chhungte hmu turin a sawm ania! Livie chu an chek tlak a.A nupui hual tak tak a ni tlat hleinem,chu chu Cary hian a hrechiang khawp.Chuvangin a Nicole emaw hmeichhe dang tu pawh sawm se a ni lo sawi ve tur a awm lo!

Khumah chuan a thawmhnaw pawh thlak lovin a mu tawp a.A nu leh pa te ngaihtuah chung chuan a muhil a.

Kawngkhar khar ri ah chuan a harh a,lukham atang chuan a lu a kan ak a.Chutah Cary chu towel chauh veng chung a bathroom atang a lo chhuak chu a hmu a.Livie chuan a chil a lem khalh a.

"I lo harh tawh maw sleeping beauty,ka rawn fawh kher che a ngai dawn a maw ka lo ti hman tawh a" Cary chu a lang thar sar in a hlim hmel hle lehnghal.Nicole alo thleng tawh a,a hlim ang chu ! Chu ngaihtuahna chuan Livie chu ati tang teuh mai a.

"I thil hmuh chuan i lung a ti awi zo na nge ?" tih pahin Cary chuan a towel ven chu phelh a tum ta mai a.

Rang lutukin Livie chu khum atang chuan a tho a,khum sirah chuan dingin a hmai a hup ta ringawt a.

Cary chu a nui hak a "Eng ti turah nge min ngaih a.Zanriah ei a hun tawhin ka ril a tam tawh hle a ni" nuihzat hmel tak chuan a ti a."Hmeichhe naupang anga awm kha bansan la zanriah ei turin in peih vat tawh zawk ta che".

Livie chu a la chesawn ngam chuang lo a.

"Hrep tak a Livie ! mipa saruak i vawikhat hmuhna a ni lo tih kan hre ve ve a lawm i kut kha i la thla dawn nge ka rawn lak thlak sak dawn che" a nuih a zat hmel tawh lo kher mai.

Livie chu Cary thusawi chuan a nghawr dawt a, 'mipa saruak i vawikhat hmuhna a ni lo' maw ? a kut a rawn lakthlak sak duh mai ang tih a hlauh vang chuan muang changin a la thla in Cary lam chu a melh duh lo a.

"Ti kha chuan a zia e" tih sup pahin thawmhnaw dahna room ah chuan a luh san a.Livie chu a thaw hawk a.

"Inbual la insiam vat rawh,kan tlai dawn a nia" Cary chuan a rawn au leh lauh lauh a, innei tawh ang maiin!?

Rang takin Livie chu bathroom a lut a.Bathroom zau nuam zet chhung a luh chiah chuan a thawmhnaw lo in khai dal pawh a va hmu thei a,Cary luhna chauh kha a maw thawmhnaw dahna atih chu a hre sual der a ni.Chu pindan chu mipa leh hmeichhe tana duan a ni tih a hriat phah a.

Shower chu inphuhtir ve sar sar in a insiam ve ta nghal a.

"I inpeih tawh em?" Cary chuan a rawn ti a.

"Lo kal hmasa mai rawh.Ka rei lovang" a nihna takah chuan closet chhunga thutthlengah chuan inpeih vek tawhin a thu a,Cary hmuh chu a hreh vang mai a ni.

"I inpeih tawh tih ka hria a nia Livie,i tawm zankhua thei lovang.Lo chhuak teh"

Thil a inti hrethei lutuk chu Livie chuan alo haw hluah hluah a,muangchang a tho in kawngkhar chu a va hawng ta nge nge a.

Cary chuan tlailam suit thui nalh tak mai ha in uluk takin alo en reng a.Livie chuan kawrfual hring a khup thlenga fual hnalh mai chu a ha thung a.

"I nalh hle mai" Cary chuan alo ti sup a.

"Ka lawm e.Nangpawh" alo ti ve sap a.

Zanriah kilna pindan an thlen chuan Livie chu a zam thar leh ta hle mai a.Naupang leh puitling ri deuh nuaih nuaih karah chuan Nicole chu a va hmu thuai a,a bula kal Cary chu a rawn nuih var var a.

A han hawi vel chuan Nicole bul bak chu thutna alo awm tawh lovin Cary nen chuan a bulah chuan an va thu a.Nicole nena an inkarah chuan Cary chu a thu a.

Zanriah an ei chhung zawng chu Cary leh Nicole te chu an inbia a ni mai a.Livie chuan ngawi reng leh tui ti lo zetin an zanriah chu a ei thung a.A sir deuh a thu Francis nen chuan an in nuih leh zauh thin a.

"Hetiang hian anlo la inngaihven tawn tih ka lo hre miah lo a" Francis chuan Livie beng bul te ah chuan a rawn ti a. Zanriah an ei kham tawhin coffee an in ho mek a.Cary thutna thutthleng banah chuan Nicole chu a thu a,Livie chu Cary tan chuan awm ve lo ang mai a ni.

"Chutia law,ka lo hre hleinem" ngaih pawimawh loh hmel zetin Livie chuan alo ti a.

"Chuti maw? Zanriah ei chhung zawng in tikhan i en tawh a nia" Francis chuan ati a.

"Engtin? Engtinmah ka en lo"

"Oh..i en chiang a lawm.Nicole saw 'ka ei zo vek dawn che' ti ni awm takin i en a lawm"

Francis chu kawm alo nuam phian a,fiamthu te a duhin sawi tur a hre em em mai a.Livie pawh chu a ti nui hawk hawk a.

"I mut a hun tawh lo maw?" an bul maiah chuan Cary chu alo ding a.

"Naupang chhia ka ni lo Cary" Livie chuan alo ti a.

"Nicole saw ka lo va kawm hlim a nge" Francis chuan lo ti thuaiin a kalsawn nghal daih a.

Cary chu a hma takah chuan a rawn ding a.

"I mikhual saw nangman va kawm hlim zawk la a tha ang" Livie chuan a ti a.

"Tu maw? Nicole saw maw? Ka mikhual a ni hleinem"

"Phat kher a ngai hleinem,ka hrethiam lutuk che lawm"

"Eng maw i hriatthiam chu!?"

"Kei leh nang hi chu kan in ang lo em a ni " chumi a sawi takah chuan lawmthu ala hrilh miah lo tih a hre chhuak a."Ka pa chung chang kha...ka lawm e"

"Eng vangin? Chhuah lai lawk chauh a nih kha.A thubuai a la tawp hleinem.Lawmthu sawi nan chuan a la hma mah mah"

"Ni lo.Tanin atang i la chhuak a ka nu bula i awm tir...hei ringawt pawh hi lawmthu sawina tur ania sin' Livie chuan a melh ngar mai a.

Cary thinur hmel pawh chu alo danglam tawhin thinur hmel a lang tawh lova. "Pawm a ni e" ati sup a."Tunah chuan,han mu hahdam tawh rawh le"

"Chumi chungchangah chuan pindan danga mut ka duh.Nang nena intawm..."

"Hetah ni lo" tih pahin Livie chu chu pindan atang chuan a kai chhuak a.

"Khawiah nge min hruai dawn a?"

Cary chuan thutkhawmna pindan atang a hruai chhuak a.Midangte hmuh phakloh an thlen veleh chuan Livie chu bang ngheng chuan a nawr bet a.In hmachhawn chuan an in en ta reng mai a.

"Enge kan sawi lai kha ?" Cary chuan ati thawp sat mai a.

Chu aw thuk ril raih mai chuan Livie ngaihtuahna chu a tibuai vek a. "Ka...ka.."

" I..sawi zo rawh" tih pahin Cary chu Livie fawh tumin a kun hniam a.Livie chuan pindan an intawm loh tur zia te,naupang ang mai a en tawh lo turte-a hrilh a tum a ni tih chu a hria.Mahse chu ai chuan Cary taksa lum thar thar te,a mipa rim tui tak te chuan a ngaihtuahna an tibuai vek zawk si.A ngaihtuahna fim chuan an thlawhbo san mek a, Cary thiltih tum chu alo nghak tawp mai a ni.

Thil ri dup leh te ri chul chuan chung ngaihtuahna lak ata chu a kai harh a.

"George..." tih ri ah chuan rang takin an chhuahsan tak pindan lamah chuan an tlan leh a.

"Engthil nge thleng a ?" Cary chu tumahin chhang lo mahse chhuata a pu lo zangthal leh thaw tha thei lo Will-a'n alo buaipui mek a hmuh chuan rang takin a va dawm ve nghal a.

"Ka pu..911 call rawh u " Cary chuan pindan chhunga lo awm ve dang te chu a hrilh a."Enge a chhan ?" Will lam hawi chuan ati leh a.

"Heart attack a ni " Will chuan lo tih sup pahin George kawr chu a phelh thawl sak mawlh mawlh a."A pheikhawk pawh khu Cary " a tih rual chuan Cary chuan a phelhsak ve nghal a. Bob chuan ambulance lam chu alo be ve mawlh mawlh bawk a.

Livie chu kawngka bulah chuan alo ding khur hlak hlak a.Pindan chhunga mi che vel chu a en a,mipa ho tih loh chu an chi ai hle a ni.Naupang an mu tawh hlauh a,nilo phei se chu ! Nicole chu Cary te bul velah chuan alo che ve sek a.

"Engkim a tha vek ania ka pu" chi ai ve hauhlo in Cary chuan a ti dam thlup in a pu chu a hnem malh malh a.George thawk harsa lutuk chu tlemin a rawn zia awm deuh a.Chutah rawn hawi chhuak thutin Livie, kawngkhar bula in kuangkuah hlan chunga ding khur hlak hlak chu a rawn hmu a.

"Pathian hmingin ka nu,Livie kha ! " tih pahin a nu chu a va melh a.Livie chuan engvanga thinur hmel em em nge a nih a hre lo.

Rang takin Natalie chuan Livie chu a rawn kuah a, pindan atang a hruai chhuaha tum lai tak chuan ambulance chu alo thleng a.

George chu a zawnna hmanrua te nen ambulance ah chuan zawn lut ta thuai a.Cary chu a chuang tel ve nghal a.

"Ka kal ve nghal dawn a tunge min zui ve dawn che u ?" Blake chuan a coat chu a kilh pah malh malh a. "Nang chu ka nu leh midang ho hi lo awmpui ta che" Natalie chu a hrilh sup a.

"Ka lo kal ve ang " Jason,Cary pate-a chuan alo ti ve bawk a.Nicole chuan kal alo chuh ve tlat bawk a.

Nicole leh Francis te nen mi tam zawk chuan car in hospital lam chu an pan a.

Livie chu khumah Natalie chuan a thuttir a.

"Betty kha !?" a aw chu a khur der der a.

"Midangin an awmpui alawm,a ngaihtuah awm loh" tih pahin mutna chu a siam thatsak a.Livie chuan a khur nasa lutuk chu tih reh hram hram a tum a.

"Ka...hospitalah khan va kal ve ila a tha ang "

"Mawl viau teh suh" Nat chuan alo ti hlak a.

Natatalie damdawi rawn pek chu a ei a,khumah chuan a in thawlh ta than a. A damdawi ei in hna a thawh thleng Nat chuan a awmpui a,George chu engtinnge a awm ang tih ngaihtuah chung chuan a muhil ta siai siai a

Zing a than harh pawh chuan a lu chu a la rit bur a.A han in let thak a,a sirah chuan Cary chu thawnhnaw pawh thlak lovin a lo mu a,a chauh hmel kher mai.Livie chuan a hmel tha em em mai chu uluk leh chik takin a en a.

"I lungawina khawp i hmu em?" Cary chu a rawn meng a.

'I muhil a maw ka tia"

"Nichin kha chuan muhil e "

"Ka tihpalh" tih sap pahin Livie chu a tho a.

"Inthiamlo em em reng teh suh"

"George a tha em? Vawiin chu va hmuh ve ka duh " Livie chuan ati a.

"A tuar chhuak ang.Dr.Suzane ka be tawh a,khawiah mah i chhuak dawn lo " tih pahin Cary chu a tho ve a.

"Min dang thei lo ang.Ka hmu ve duh a lawm.George chu ka ngaina hle asin."

"A ni pawhin a ngaina che.Mahse..i hmu dawn lo"

"Cary ?"

"Inhnial na'n a la hma em hi" bathroom ah chuan a luhsan daih a.Livie chu a ding ngawi reng mai a.

"I mu tha thei em?" Nat chuan ngaihtuah hmel takin alo zawt a.A hma a eitur chu ei chakna a nei lova,a coffee chuah chu a in a.

Cary chuan George hmuh ve a dilna chu a hnawlsakin a chhuahsan a nih kha ! "Ka mutui lutuk.Betty hi..." tih pahin a hawikual a.

"Cary rual khan hospitalah a kal ve a"

"I kal ve dawn em?"

"Midang an lo kir hunah le.I Dr. pawh chawhma-ah alo thlen tur thu a rawn sawi a"

"Oh..."

"Nizan kha chu Cary i ti mangang khawp mai?"

"Maw?"

"I muthilh hnu khan vawi enge maw zat a rawn call a,i muhil tawh tih ka hrilh pawhin a lo haw ta tho a nih kha.George nen inti hlauthawng ve tak tak a lawm" Nat chu a nui sak a.

A natna kha a zual a hlau a ni ngei ang,a dang a awm lo! Nicole awm lai lehnghalin."Francis hi a lo kir tawh em?"

Hospital-a chhawng chung ber chu an hauh tawp vangin George room pawnah pawh chuan hnathawk leh an chhungkua bak chu hmuh tur an awm lo a.

"A in enkawl tha hle in kan hre sia" Blake chuan hrethiamlo takin Doctor chu a zawt a.An bulah ding chungin Cary chuan a pi in a pu khum bula thu chunga a be mek chu darthlalang atang chuan alo thlir a.A pu chu a harh tawh na khawl chi hrang hrang nen a la thaw ve hram hram a.

"A upa ve tawh a,Mr.Woodsen.A kum angah hi chuan a thleng fo a lawm"

"A rilru hah vang a ni thei ang em?" Cary chuan Doctor chu a lo zawt ve a.

"Chu pawh chu a ni thei tho.Enteh u,tunah mai chuan eng vang nge tih kan hre thei lo.Test hrang hrang kan nei phawt ang a kan hre mai ang.Tun dinhmunah saw chuan a ngaihtuahawm loh a nia." Doctor chuan ati dam thlup mai a.

Doctor kal kian hnu chuan "Hma a sawn zel ka ring" Will chuan lo ti ve in Cary bulah chuan a ding a,George leh Betty chu a thlir ve a.

"Hawng ula va intifai ve tawh rawh u" Cary chuan alo ti a.

"Livie chu a lo tha em?" Blake chuan a ti a.

"A tha mai ang" Cary chuan a ti sup a.A pu pindanah chuan a luh san a.

George chuan harsa ti takin a lo nuih a,Betty chu chhuahsan rih turin a hrilh bawk a.

"Enge kha tia min en reng a tlangval ? Reilote-ah ka tha chhuak leh dawn a lawm" George chuan a lo ti a.

Cary chu a nui lui sak a "Ka hria a lawm.I tha chhuak leh vat mai ang" ngaina tih hriat takin a pu chu a melh vang vang a.

"Livie kha a tha em? Nizan khhan a hlauhthawn hmel riau a"

"I hmu a maw?"

"Heart attack in ka tlu a lawm.Ka thi hleinem"

"Ka tihpalh" Cary chu a nui ta sang a.

"Enkawl tha ang che aw"

Cary ngaihtuahna ah chuan thil tamtak a lo lang a.

"Khatiang hmel i put chhan kha ka hria a nia."

Cary chuan mak ti takin a en a."I hria a maw?"

"Livie hian chanchin ngaihnawm loh tak tak a nei tih chu ka hri alawm.A nunah hian mipa dik tak a mamawh a ni.Tu emaw,phatsan ve mai mai lo tur"

Hospital a thlen chuan Blake leh midang haw tur ho nen chuan an in tawk a.

"Livie.Francis" mak ti takin Blake chuan a lo en a.

"Ka hmuh ve ngei a ngai a ni" Livie chuan a lo ti a.

Blake chuan hrethiam takin a bu nghauh a,an kalsan ta a.Francis chuan pindan pawnah chuan a din pui a.Cary leh George inbe mek chu an thlir a.Cary chu anmahni hnungchhawn zawnga a thut vangin eng hmel nge a put Lvie chuan a hre thei lova.

"Hi..Olivia"

Francis nen chuan hnunglam chu an hawi a.Nula samdum hmel chhelo tak mai chu Cary-a'n restaurant-a a chawlhpui ngei kha a ni.A taka ahan hmuh takah chuan chu nu chu Livie chuan a lo hrechiang khawp mai.An in en reng mai a.Chu nu lah chuan awmze nei fe hian a nuih sang lehnghal.

Livie chuan "Hi.." a tawpah chuan a ti ta sap a.Engah nge Craig farnu chu a hriat loh ang!? Hetah enge a rawn tih le ? Chu aia pawimawh zawk,Cary nen chuan enge an inlaichinna?

"Jeanine" Cary chu kawngkhar bulah chuan a kut pahniha a kekawr ipte zen chung chuan a lo ding reng a. A hmelah chuan enge a ngaihtuah a hriat hauh loh bawk a.

(Saturday leh sunday ka chawl tih kha min lo hriat sak ula )

[Ngaia]

Perfect/Inperfect
Match

Mami Chhakchhuak

Chapter - 10

"Hi Cary, Mr.Woodsen chu enge a an tawh?" Jeanine chuan Cary chu lainat hmel takin a en a,a hmel inthlak danglam rang lutuk chu Livie a lo then sak a,Jeanine chu a la ngai reng a ni.

"Hma a sawn zel e.I lo kal chu a lawmawm hle mai" Cary chuan a ti a.

"Min rawn hrilh hnu kha chuan thildang ka ngaihtuah thei tawh lo a lawm.Nangmah i tha em? I pu i ngainat-zia ka hria a" Jeanine chuan sawi tur dik a hre hle mai.Livie chu a lo lum pup pup a,a awm a nuam lo em em bawk a.

"Ka tha a lawm.Francis, Jeanine hi coffee lo va in pui ta che " Cary chuan a tih zawm a.

Cary thil tum chu hrethiamin "Ka chak lo ve,i pu..." Jeanine-i'n a tih lai mek chuan "Chhungkhat chauh luh an phal a,Livie nen hian kan lut dawn a.I thu thu le" Cary chuan a ti sup a.Livie luhna turin kawngka chu a hawng nghal a.

Livie chu ngawi rengin a lut a,Cary chuan kawngka khar in darthalang parda pawh chu pawnlam mite'n an hmuh theihloh na'n a zar phui nghal vek a.

Livie chu George bulah chuan a va kal hnai a,a ni chu tui takin a lo muhil thung a.

"A muhil a nih hi " a ti sap a.

"Enge i ngaihtuah a ? Doctor Suzane hmu tur i ni si a." Cary chu a tawng ring lo na a,Livie chuan a thinur zia a hai hauh lo a.

Inti huaisen lui taka dak vah in "George hi hmuh ka duh a ka lo kal mai a ni.Harsatna a awmin ka hre lo" a ti a.

"Eng nge a chhan?"

"Enge 'eng nge a chhan' i tih awmzia chu.Ka ngaina a chu chu a tawk viau a ni."

" 'Ngaina' " Livie thusawi sawi nawn pah chuan a ner sawk a."Chuvang chuan Francis i rawn in hruai tir a.Nangmah en zui reng tura ka rawih ho chu ban then an ngai dawn a nih hi" a tih zawm a

Cary ner sawk chu a lo hmuhin Livie chuan Cary-a'n a ngaihdan awm ang chu a hrethiam mai a.Jeanine a hmuh atanga a hlauhthawn ruk ngei mai chu!

"Min enzui reng turin mi i ruai a maw?" Livie chuan rapthlak a ti kher mai.

"Aw,bodyguard anti thin nghe nghe" inthiamlohna nei miah lo chuan alo tihsan hmiah a.

Thudang an sawi leh hma chuan kawngkhar chu rawn in hawngin Doctor leh nurse an lo lut a.

"Lo chhuak tawh ta che u,nurse hian lo awmpui tawh se a tha ang" Doctor chuan a ti a.

An pahnih a chhuahsan an tum chuan "Mr.Woodsen nang chu lo awm lawk la,a rei lovang.Zawhna tlem bakah paper i fill up ngai a awm a.Mrs.Woodsen khan nangman i buaipui tur thu a sawi a " Doctor chuan a ti leh a.

"Ka pi maw?"

"Aw ni e.Nurse in chawlh hahdamna tur kan buaitsaih ah a awm tir mek a" Doctor in a tih chuan Cary chu a bu nghauh a.

Livie-i'n Cary a kalpelh dawn tak chuan Cary chuan a banah alo vuan a "Kan la sawi zo lo a nia.Ka hriatlohin khawiah mah lo kalsawn tawh suh ang che" a ti a.

"Engkim a tha vek maw ?" Livie lo chhuak a hmuh chuan Francis chuan a lo ti thuai a.Jeanine chuan alo en reng thung a.

"Tha e,Doctor khan en chian a duh a"

"Francis,Livie nen hian coffee kan lo in a nge,kan la awm rei hmel si a" Jeanine chuan a rawn ti vat a.

"Chuan...mi hausa bum thluk tur dang i zawng leh a ni maw? Tun tum chu i ti tha khawp mai tih ka sawi duh.Khawvel a mi hausa ber...Wow..." Francis-a kal liam rual chuan Jeanine chu a insum theihna a hlauh ta a ni ngei ang.

Jeanine thutak sawi pui tum chu a atthlak zia Livie chuan a lo hre tawh a,a ngawi reng a.

"Cary nupui hual nih chu enge a an a,hmeichhe dang nena intawm fo a ngai dawn si a i thikthu a chhiatloh viau a ngai dawn a ni.George dam loh thu min rawn hrilh..."

Livie chu a nui chhuak hawk a "I sawi dik.Nangma tana i lo beisei ve a nih chuan Jeanine.Nicole Archibald chu a lawm hauh lo ang le.A ni chu Woodsen inpui a weekend hmang tur a sawm te pawh a nia.Tan i lak deuh chu a ngai a nih hmel.Oh,a nupui hual kei ka la awm bawk " a ti let ve sak a.

Jeanine chu a thinrim zia a hmel rawn sen tawn tawn atang chuan a hriat theih a.Chutah mitmeng tenawm zeta Livie en leh in 'Ka unaupa Craig nen a in chungchang i hrilh tawh em? I la hrilh lo tih ka hre mai e.Chuvang a ni maw ka hrilh lai khan mak a tih em em?"

Livie thin chu a awm atangin a rawn chhuak dawn a maw tih tur khawpin a phu dup dup mai a "I hrilh a maw ?" Chutah a hmel chu hlauhthawnna tang thinurna-ah a rawn inthlak a."Enge i hrilh a?"

Intihtheih hmel fe chuan "Ho te maw le,enge maw hunlai kha chuan inlo inkawp ve tawh thin tih vel.Lungngai suh,a tawp lam kha chu ka la hrilh lo,tunah rih chuan .A hlimawm lai chauh ka la hrilh a lawm." Chutah a hmel chu rawn inthlakin a meng rum leh ta sawt a "Ka thin i tih rim erawh chuan sawi hrehna chhan tur ka nei hauh lo" tiin a vau zui a.

"Court pawhin thiamloh a chantir tawh che'u a.Sawi mahla Cary pawhin a awih bik hauh lovang" a thusawi chu amah ngei pawhin a rinawm loh zia Livie chuan a hria a.

"Kan fiah chhin dawn em ni ang?"Cho zetin Jeanine chuan a en a.Livie chu a ngawi reng a "Ka rindan chiah.Court-ah khan kan hneh lo che u a ni mahna,mahse i thil tum kha chu ti hlawhtling thei lo in, i pa Jail tang tur chu i chhan thei chuang lo a nih kha" Jeanine chuan ngei awm zetin a nuih a.

Coffee no nen a Francis lo let mek a hmuh chuan Livie chu a ip pik zual sauh a.Engmah sawi tawh lo in Francis chu a lo nghak tawp a.Jeanine chuan ti fuh inti fahranin Livie chu a en a.

"Kha u le,nula te u" Francis chuan coffee pek pah chuan a ti a."Nangni pahnih hi inlo inhre tawh thin a ni tiraw?" A tih zawm a.

Chu zawhna chu a chhang chak lo "'Min lo hrethiam teh u" tih pahin Livie chu coffee pawh in lo chuan a kalsawn a.Francis chuan a au zui a,Livie chuan chhang lo in chhuahna lam ni a a hriat chu pan zelin lift ah chuan a lut a,chhawng hnuai ber number chu a hmet a.

Lift-ah chuan inkuangkuah thanin a ding a,enge a tih dawn a hrethiam lo.Engpawh nise chu hospital chu chhuahsan vat a duh a ni.Rei pawh a chuan hma in lift chu a ding a nupa ni awm tak leh,nu nau-pawm hi anlo lut ve ta mai a.

Hospital an thlen tirh a an chuan na kha chu a ni ta lo tawp mai.Lift chu a enchiang a,an kal lama Francis-a hruaina kha chu mi pawimawh bik te hman tura duan a ni a,tuna mi hi chu vantlang hman thin a ni tlat.Chuti a nih chuan.....Lift a din a piang chuan mi chu an lutin an chhuak chhen a.Chuang ve dangte chuan an en leh thin a.

A tawpah chuan chhawng hnuai ber chu an thleng thei ta hram a,a chhuah chiah chuan mipui chu an lo vei nuaih nuaih a.Livie chu chhuahna kawngka zawngin a hawi ruai a,a hmuh rual chuan hmanhmawh zetin a kal hlawk hlawk a.

Chu mi hmuna lo awm mi thenkhat chuan Livie chu tunge a nih an lo hria a,amah en chuan an phun sap sap a.

"Cary Woodsen nupui hual Olivia kha i ni tiraw?" a bul maiah tleirawl pakhatin phur hmel taka alo en a hmuh chuan chhan mai ngaihna Livie chuan a hre lova.

"Oh my God...i zungbun chu!! " tih pahin a phone camera chuan Livie kut a lunghlu lian zet,pink dal raih mai chu a thla a la nghal a.Livie chu a hmanhmawh zual sauhin kawngkhar chu a va su hawng rawk a.

Pawn a chhuak chiah chu khawia tangin nge tih pawh hriat hleihtheih lohin camera chu a rawn de nghal chuai chuai a.Livie chuan a kut pharin a mit a hliah a,kal ngaihna hre lo in a ding reng a.

Kut tha chak zet hian zo zeta rawn pawm kang lawpin a kalpui ta daih a.

"Enge maw i ngaihtuah le?" Cary chuan thinur zeta tiin Livie chu a din tir a.

Hospital garage chu alo reh thap a."Ka..he lai hmun hi chhuahsan ka duh' Livie-i'n a tih mek lai chuan an bulah limousine chu a rawn ding a.

"Lut phawt mai teh" Cary chuan a ti hlur a.

Kawngtluan chuan inbe lovin an awm a.Mahse chu chuan Livie ati lawm zawk thung a,engmah a sawi peih rih lo.A bik takin Jeanine leh Cary te chuan eng ang chiahin nge Livie chu an lo nuih thin ang tih a ngaihtuah phei chuan !!

In an thlen chuan Livie chu hmanhmawh takin bedroomah a lut tlang nghal a.Cary rawn luh ve hma chuan kawngkhar chu kharin a kalh hmak a.

A tirah chuan Cary chuan kawngkhar chu a kik a,a hawn duh loh vangin a hnu-ah chuan a chum bur bur mai a.Livie chu closet-ah lutin chhuatah chuan a thu a,a khupah a lu nghatin mittui tla chungin Cary kawngkhar chum ri chu a ngaithla a.

"Livie rawn hawng rawh" Cary chuan kawngkhar chu a chum leh bur bur a.

"Eng nge thil awmzia" Natalie rual chuan Doctor Suzane pawh chu Cary bulah chuan a lo kal a.

"Hria ila ka ti khawp mai" Cary chuan alo ti tawi tak a.

[Ngaia]

Perfect/Inperfect
Match

Mami Chhakchhuak

Chapter - 11

"Livie..Livie..kawngkhar hi rawn hawng rawh." Cary chuan kawngkhar chu a chum leh bur bur a.

"Hrep tak a Livie!" A insum theihna chu a hlauh tan tawh tih a hriat reng mai a.

"Cary.." a nu chuan hlauthawng aw takin a lo ti a.

"Khatianga tih khan a tha lo zawk a nia Mr.Woodsen" Doctor Suzane chu a lo in rawlh vat a.

"A nih chuan enge ti se min tih a?" Cary chuan a lo ti hlur thung a.

"Thawk lakna hun pe rawh" Doctor Suzane chuan alo ti nghet charh a.

Cary chuan thaw huai chungin "Engtia rei?" ati a.

"Nghak rawh Mr.Woodsen.Dawhtheihna neih i zir a ngai a nih hi " alo ti leh a.

Cary chu inthunun leh tawhin a ding ngawi ta reng a.

"A tha ang em ?" ngaihtuah takin Natalie chu a phun sap a.An pathumin pindan kawngkhar bulah chuan an ding thap a.

"Hei hi Nicole vang a ni em ? Chu chu a em ni in buaina? " Natalie chuan rawn ti lehin Cary chu dem hmelpu takin a en a.

"Engtin tehlulin nge ka hriat bik ang" tih sup pahin a kut veilam chuan a kawng a dawm a,dinglam chuan a lu a chul puat a.A kalsawn ta deuh a.

Natalie chuan va umzui vatin a hma-ah chuan a ding a,a fapa chu en kar chungin "Thil tih dikloh i neih vaih chuan Cary,tunah hian siamtha nghal rawh" muttui parawl kiang chung chuan ati a.

A nu mitmeng chu en harsa a ti hle mai.Chutiang em em a nu in a thusawi a chian a la hre ngai lo !

Kawngkhar chu a rawn ri rek a,zawi muangin Livie chuan a rawn hawng a.

"Ka tha e.Keimah a awm rih ka duh." ti sap in kawngkhar chu a khar leh ta daih a.

Cary chuan Livie mit sen ram atang chuan a tap a ni tih a lo hrethiam mai a.Tunah chuan kawngkhar va chum leh bur bur chu a tum tawh lo.Ngawi rengin Long Island a hawn chang apianga office atana a hman thin ah chuan a kal ta zawk a.

Natalie leh Dr.Suzane an lo luh lai chuan Livie chu khumah a lo thu a.

"Keimaha awm ka duh thu ka sawi zo chiah a maw ka ti a!" a lo ti sap .

"A pawi ka ti khawp mai " tih pahin Natalie chuan a va kuah a.

"A pawi love" Livie chuan a ti leh sap a.Natalie chuan a ngaihtuah hle tih a hria a ni,a phu tawk aia nasa mah in.

"In kawm i duh tawh em?" Dr Suzane chuan a lo ti a.Livie chuan a lu a bu nghat a.

Livie leh Dr. Suzane te a chhuahsan hnu chuan Natalie chu Cary awmna lam a pan nghal a.

"Chhun chhunah Scotch maw Cary?" makti leh awihlo zetin Natalie chuan a fapa chu a en a.Cary chuan ngaipawimawh lo zetin a dinna ngai, tukverh bula ding chung chuan a no ken lai chu a tlak leh pawp a.

"Cary,i pu damdawiin khuma a mut lai leh i nupui hualin hnemtu a mamawh em em laiin nang lah chu...!"

"A tha em?" Cary chuan a ti a.

"Ka hre lo Cary,a that i ring em? Dr.Suzane nen an inkawm mek"

Cary chuan a that a ring hauh lo,chu pawh amah vangin! Hospitala a pu room atang a chhuah khan Francis a'n a au zui lai kha hmu hman lo se chu engtinnge Livie kha a awm ang?A ngaihsak tha lo lutuk kha a in haw hlur mai a.

"Livie,Dr.Suzane nen in inkawm emaw ka tia.Khawiah nge a awm ?" Livie lo lut a hmuh chuan makti takin Natalie chuan a lo zawt a.

"Inhnuai lamah a nih ka ring.Cary hi a falin ka be lawk thei ang em?" Livie chuan a ti a.

"Doctor Suzane chu ka lo zu ngaihven a nge " tih pahin Natalie chu a chhuak a.

Cary chuan Livie chu chik takin a lo en reng a.Nichin maia hmeichhe chi-ai leh lungngai hmel tak kha ni tawh lovin tuna mi hi chu a dak vahin a huaisen hmel tawh hle a ni.Tihnat awlsam tak hmel erawh Cary chuan a la hmuhhmaih hauh lo !

"Nichina ka awmdan avang khan ngaihdam dil che ka duh a,a thleng tawh lo ang."

"A pawi love" Cary chuan a lo ti thuai a.

Livie chuan Cary chu a la en kar mai a.

"Sawi duh dang i la nei em ni?"

"Dik tak chuan,aw nei e.Naupang chhia anga min en hi bansan rawh,ka dam lo tih chu ka hria.Mahse 'nang chu lo awm hahdam rawh' min ti reng bik tawh tur ani lo." ati nghet charh a.

"Awle" Cary chuan a ti sup a.

Livie chu a hamhaih lek lek a,chutianga awlsam chuan a chhan a lo ring lo a.

"Chuan tunah hian George hmu tura damdawiin lama kal leh ka duh a,min dang tawh tur a ni lo bawk.Nidang reng rengah pawh" ati leh a.

"Awle"

Livie chuan sawi mai tur hre lovin a en tawp a.

"Damdawiinah chuan va hruai tur che in min duh em?" Cary zawk chuan a rawn ti leh a.

"A tha a lawm" Livie chuan a ti ve a.

"Nicole kha weekend rawn hmang turin ka sawm lo a nia.Nang nena kan inlaichinna hi ka zah asin," limousine-ah damdawiin panin an chuang mek a.

"Eng inlaichinna maw?"

"Ka ngai pawimawh lo viau a ang mai thei.Mahse Livie tu nen pawh nise inlaichinna hrim hrim hi ka zah a ni.Nicole emaw Jeanine...." Cary-a'n a tih mek lai chuan...

"Kei chuan ka ngai pawimawh lo Cary.Anni pahnih emaw midang tu pawh lo date la..."

"Tumah ka date lo.Chu chu ani hrilh che ka tum.Ka pi leh pu,nu leh pa te hmuh laiin ka nupui hual hi ka thlauhthla lovang" Livie mit taka en chung chuan a ti a.

Livie chuan a chhang tawh lo.Cary chuan a sawi chiang tawk viau,Livie chu a mi ngaih pawimawh a ni lo.Ni e,a tan chuan a chhungte chu an pawimawh hle tih a hria a ni.Ni lo se chu US a thlen hma daih tawh khan inhualna a awm loh tur zia hrilhin a be daih tawh ang chu!

"Ka thusawi kha ka thutak ania Livie,nang nena kan inlaichinna hi ka zah hle a ni " Hospital an thleng tawhin George awmna room kawta Francis leh Jeanine te inbia pawh an hmu thei tawh a. Engvanga Livie hrethiamna chu duh em em nge a nih Cary chuan a inhrethiam lo !

Livie chu a ding chat a,Francis leh Jeanine te chu a en a.Chutah, Cary lam chu hawi lehin "Anih chuan lantir ta che" a ti a.

Cary chuan a hmelah enge a ngaihtuah tih hriat theih loh hian a en deuh vang vang a.Chutah Livie chu kaiin George a room chu a panpui a.Francis leh Jeanine te lo biakna chu chhang lovin kawngka chu a hawng a,Livie chu a luhtir a.

Cary thil tihdan chu mak ti viau mahse George-a'n a lo koh thuai vangin Livie chu a bulah a va thu vat a.George chu lo harh tawhin Betty chu a lo awm ve bawk a.George leh Betty te chuan antih dan pangngaiin anlo kawm a,Livie pawh chuan tha takin a be ve mai a.

Pawn lamah chuan enge thleng? Hriat chak viau mahse a ngaihtuahna te chu dahtha in George leh Betty chu hlim takin a be ta zawk a.

"In chawlh hman ka ti khawlo ta vek chu pawi ka ti khawp mai.Cary i lo siamthat tir leh mai dawn nia" George chuan a ti a.

"I tha chhuak leh vat dawn alawm.Weekend hlimawm tak tak chu kan la hmang dawn chauh" Livie chuan a ti dam thlap a.

Cary leh Francis lo lut a hmuh chuan Livie thinphu a lo rang sawt a.Jeanine-in a rawn zui ve lo chu mak a ti deuh a.Cary chu a thutna bul chairah a rawn thu a.

"Francis,khawiah nge Nicole kha ?"Betty chuan a lo ti a.

"A ni te chu nizanah khan a haw lehnghal daih lawm.Jeanine i tihna a ni lo maw?" Francis chuan a lo ti zang vah a.

"Jeanine tu ?" George chuan tawng harsa ti takin a ti a.

"Tunlai model lar deuh hi, Victoria's secret Angel zinga.." a pi leh pu in mak tih hmel deuha an en takah chuan a thusawi chu an hrethiam chiahlo a ni tih Francis chuan a hria a."Model lar a ni tawp mai" a ti leh ta zawk a.

"I bialnu maw?" George chuan a ti khawl mai a.

"Nilo nilo,Cary thiannu hi lawm" Francis-a'n a tih chuan Cary chu lo tawng chhuak vatin "Thiannu ni lo.Hmelhriat alawm.New York-ah zanriah ei hmanin Livie nen hian kan kir dawn tih hrilh che u ka duh a" Cary chuan a tih zawm zat a.

Midang ho chauh ni lo in Livie pawh chuan mak a ti kher mai "Kan kir dawn maw?" a lo ti tham tiak a.Hampton a kir kha chu a hreh lo,New York...

"Kan inhmu khawm ve chauh si a,ka va hrethiam lo em?' Francis pawh chuan a lo ti a.

George erawh chu a lo nui sung a.Chawhma lama a titi puina chu a tupa-ah chuan a thawk a ni tih a hrethiam mai a.

New York khawpui chu an chuanna helicopter atang chuan lunghlu tle sep sep te pawh a ang thei hial alawm le! Livie chuan a hma a inngaihtuah muk hmel zeta thu Cary chu a va melh zauh va. Long Island hmanhmawh taka an chhuahsan nachhan a hrilh duh miah lo chuan a ngaih ti tha lo viau mahse a zui lo thei si lo.

"Ka lawm e Dorota,kha kha chu ka lo ti mai ang" Dorota-i'n a thawmhnaw a rem fel sak lai chuan a lo ti a.New York a kir leh chu nuam lo a ti in Long Island lamah hun khirh tak a va tawng bawk nen a chau hluah hluah mai a.

"Ka zo e.Min mamawhna i la nei em?" Dorota chuan zangkhai takin a ti a.

Livie chuan mak a ti a,Dorota a hmuh hnuhnun ber kha chuan a ngaina lo hle si a,"Nei tawh love"

"Steak tui tak ka lo siam ania,i ngainat deuh kha" a nuih sang a,Cary apartment a an ei kha a sawi a ni ngei ang .

"Ka lawm e " Livie chuan a ti sap a.Dorota chu a bu nghauh a chhuah tumin a inhera.

"Dorota" Livie chuan ko lehin " Enga tinge ka chungah i that taka,engmah ka tih ka hre si lo a ?" a zawt ta nge nge a.

"Engmah ti lo e." tiin a chhuak ta daih a.

Zanriah ei chhung zawng pawh chuan Cary chu a tawng miah lova.Livie chuan enge a ngaihtuah hriat a chak kher mai.Ngawi rengin bawngsa tuitak chu an ei a.Cary chu phone call a dawn thu an rawn hrilh a "Min lo hrethiam teh" tih pahin a hmui a hru thuak a,a chhuahsan a.Livie chuan amah te in a ei chhunzawm mial mial a.

A kham hnu pawhin Cary chu hmuh tur a awm lova,Livie chu inchhung velah chuan a tei kual mai mai a.Theater room a thlen chuan a lut a,screen lianpui sirah chuan movie chi hrang hrang,play mai theih a lo awm teuh a.Casablanca chu phawrhin a play a,a bul lawka popcorn machine a mi chu eitur va la teuhin thutna a rem fel ta sauh sauh a.

Hmuhnawm ti taka a lo en lai chuan Cary chu lo lutin a bulah chuan a rawn thu a.

"Black and White movie i en thin maw?" Cary chuan a ti a.

"A hmuhnawm ber alawm"

"Eng lampang nge ni a?"

"I la en lo maw !? I ta a ni sia" Livie chuan a ti hliai a.

"Mahse ka lei a ni lo alawm.Ka secretary ani ang"

"I nula date tawh te nen pawh in en ngai miah lo maw?"

"Party leh Event's a kal nuam anti zawk a,Opera te" Cary chuan Movie chu en ve pah reng chung chuan a chhang a.

"Hmeichhe pakhatin mipa pahnih a hmangaih chungchang a ni a,thlan zawk tur a hre lo a" a hrilhfiah a.

"A tawpah tu zawk nge a thlan ?"

"En la i hre mai ang" Livie chu a nui sang a.

"A rualin mi pahnih a hmangaih kawp theihloh' rei vak lo a en hnu chuan Cary chuan a rawn ti chhuak sup a.

"Chutiang sawi tur atan chuan...." Livie chu a ngawi leh daih a,a thusawi tum chu a sawi zo ngam lo a.

"Sawi zo rawh Livie.Chutiang sawitur atan chuan kei ber kher hi chu a pawm awm lo tih i tum tiraw?" Cary chuan cho zetin a ti a.Livie chu a ngawi reng a.

"Mahse ka hria asin.Ka pi leh ka pu te,ka nu leh ka pa te,ka unaute.Nupa kawpchawi hlim tak takin min hual vel a Livie,ka hria asin.Mi pakhatin a rualin mi pahnih a hmangaih thei lo" Cary chuan Livie mit taka en chung chuan a ti nghet charh mai a.

"Jeanine kha engtinnge i tih ?" Livie chuan a lo ti daih thung a.

"Engtinnge ka tih vak ang,kan inbia" Cary hmel chu a lang hahdam thlup mai a.

"Hetah hian engvanga min kir pui leh nge i nih?"

"Chu'ng chu naktukah kan sawi dawn nia,a hmuhnawm hle mai" tih pahin an hma a srceen lian deuh chu a en a.

"Tunah sawi ka duh Cary.Ka pa jail tang i lachhuak hi ka lawm em em a,mahse hetianga i nautelem ang maia duh duha min hruai kual hi ka ning tawh.Engmah min hrilh dawn lo anih chuan England-a kir tawh ka duh" a rilru kap em em tu chu a sawi chhuak ta alawm.

Cary chuan a en vang vanga,chutah "Kan inneihna tur buaipui na'n Hampton ai chuan a tha zawk alawm"

[Ngaia]

Perfect/Inperfect
Match

Mami Chhakchhuak

Chapter-12

"Eng a?" Livie chuan mak ti takin a en a."Nangnena inneih hi ka duh lo" nang emaw,mipa tupawh a rilru chuan a tih zawm a.

"Biakin-ah nge hmun dangah,i ngaihdan i siam fel vat a ngai ang" ngai pawimawh lo zetin Cary chuan a lo ti a.

"Ka sawi chu i hre lo em ni ! Ka nei dawn lo che " Livie chuan au khum vak mai a duh tawh a.

"Chuti maw? I pa jail tantir leh kha i duh tawh lo in ka hria a" Cary chuan mitmeng danglam chuang miah lo hian a lo ti a.

"Enge i sawi awmzia ?"

"Ka pu in nang ka neih che hi a duh tlat mai a,i hmuh ang khan a dinhmun lah chu a chhe chak hle mai si a,atan ka tih a ngai alawm.Mimal thil a ni lo" Cary chuan a ti liam puat a.

"Eng a?" Inneihna chu thil ho mai mai ah a ngai a ni tih a lang reng mai a,Livie in neih a duh lohna chhan dang leh.

"Naktuk zingah sawi ang ka tih kha " Cary chuan a lo ti then a.

Livie chu a tho hluai a,"I a tawh a nih hi nang leh kei hi kan innei thei lovang.I nundan leh ka nundan..."

"In bengdai teh.Ka thusawi hi uluk deuhin lo ngaithla rawh.Nangin i pa jail tantir tawh loh i duh ang bawkin kei pawhin ka pu hi ka ngaihtuah ve tho.Duhthlan tur i nei lo"

"Chu chu adik lo.Ka pa leibat i rul tawh a,thubuai thehlut tute'n an ngaidam tawh bawk.Tih theih i nei tawh lo.Min tanpui na-ah khan ka lawm em em a mahse kawndangin ka rul zawk mai ang che"

"An ngaidam a maw? Livie inremna kan siam ringawt a nih kha.In ngaihdamna a awm reng reng lo.Chu lo leh-ah chuan,Craig chungchang kha ka hria ania"

Chu thu a hriat chuan Livie chu a mitsulh thei hial a,a hit sung sung a,chutah a ke chuan a zo ta lo amaw tih turin a khur dar dar mai a.Cary chuan rawn vuan hman lo se chu a tlu ngei ang!Cary chuan a thutpui a,a awmah chuan a bei hle hle a.

"I rilru tihnat tum a sawi ka ni lo Livie." tih pahin Livie darah chuan duat takin chul a.

"I hria...mahse" Livie aw chu a ri chang chang a.

"Kha pa chungchang kha chu ngaihtuah tawh suh,tunah chuan kan pahnih hmalam hun chauh ngaihtuah tawh zawk ang"

"Kan pahnih maw?" Livie chu Cary hmel hmu turin a dak a.

"Ni e,kan pahnih." tih pahin Livie fawh tum chuan a kun hniam a.

"Craig chungchang chu eng nge i hriat?" lo thlek zeuh pahin Livie chuan a ti a.

'Chu chu a pawimawh em ni?"

"Ka tan chuan pawimawh tehreng mai" Livie chuan a ti nghet charh mai a.

"Hrep taka Livie.Inrem pui che ka tum mek anih hi" Cary chu a tho a."Mahse chulam chu i ngai pawimawh ve lo tih ka hrethiam mai e" tiin a chhuahsan a.

Livie chuan a hmalam chu engmah hmu chuang lo in a thlir reng a,inremna siampui a tum maw? Cary nena inrem tluka duh khawvelah a nwi dawn em ni ? Mahse Craig,Craig chungchang a hria maw? Ni tak e,Jeanine-in a hrilh kha.Jeanine khan eng chen chiah nge a hrilh a sawi duh si lova.Cary chuan a hlimawm chin chauh kha em ni a hriat ang? A ngaihtuahna chu a buai nuaih mai a.

"Tho tawh rawh le,khua pawh a eng nuam tawh khawp mai" Livie hnar zawnah chuan coffee rim a rawn nam vang vang bawk a.Zankhua in mut a hmu mang lo a,zinglamah alo chhing ve sek a ni ngei ang.

A han meng chu Cary chuan coffee no keng chungin a lo nuih sang a,Livie chu a meng nghal kawk a.

"Ka pindanah hian enge i rawn tih a?" a puansin chuan a in khuh tha sauh sauh a.

"Nizanah khan thu kan sawi tha hman lo a,ka kal hma in inbiak leh tha ka ti a." Cary chuan a sana manto zet chu a bih zauh a."Hun ka ngah tawh lo khawp mai" a ti zui a,suit manto zet nen a lo inthuam leh thlap tawh a.

"Ka ngai pawimawh lo,chhuak rawh" Livie chuan a lo ti vin hlar a.

"Nupui zinglama biak harsa tur chi maw?"

"Eng a?"

"Coffee?" Cary chuan Livie hma zawnah chuan Coffee chu a va keng a.Livie chuan a lu a lo thin khum a.Amah chuan a in ta daih a.

"Inneihna buatsaih i duhna hmun lo thlang fel la,puih i ngaihna ah chuan Blair a awm a,i lo in puih tir dawn nia.Mi 1000 vel kan sawm dawn vangin hmun zau tha tak kan mamawh ang.Nina pawhin a pui chak ngawt ang che.Min mamawhna i neih chuan min rawn call bawk dawn nia" tih pahin a tho a.

"Lo ding teh.Kei pawhin sawi ve duh ka nei." Cary chu a ding a.

" Ka nei dawn lo che" Livie chu khumah chuan a thu tawh a.

"I thusawi chu ka pawm lo tlat"

"Cary,i a ta em ni a? I pu vang ringawt a inneih te chu ,inneihna hi fiamthu-ah i ngai em ni?"

"Ka ngai hauh lo mai"

"Anih chuan heng hi enge ni a ? Kan innei thei lo tih chu i hria alawm"

Cary chu khumah chuan a thu leh a,"Craig nena court a in inkhinna kha ka hria asin Livie,i pa jail tang mai thei reng a ni bawk a.I duh chuan min hnial thei anga 'innei tur kan ni lo" tiin min nei lovin England-ah pawh i kir leh thei ang.Mahse chutianga i tih chuan keipawh nang leh i chhungte lak atang hian ka inthiar fihlim ang.Vawiin chu in ngaihtuahna'n lo hmang la,zaninah zanriah ei pahin kan sawi dawn nia.Dar sarihah,lo inpeih ang che." a ti dam thlup mai a.Livie chuan rapthlak ti takin a en hau mai a.

"In blackmailna a ni" a ti sap a.

"I duh duh vuah rawh.Duhthlanna chu i ta alawm" khawngaihna nei lo zeta tih pahin a tho a,a chhuak ta a.

Craig nena courta an inkhinna a hria maw? Livie chu a hit sung sung mai a. Chuti chu nau alo pai tawh a ni tih pawh a hria ang chu.Anih chuan Cary hian a lak atang enge maw a duh chiah le?

A office dawhkana hnathawh tur tamtak chu Cary chuan hmu reng mahse thawk lo in a thu a.Livie chuan engtinnge a lo tih ang,a sawi ang khan inneih chu duh lo in England-a kir leh chu lo duh tlat se.

Cary chuan a khabe chu a tuai leh nauh nauh a.Livie lakah hian a rilru a siamfel tawh a,mahse a la hahdam chuang lo.Jeanine-i vanga Livie pindana a inkalh khum tlat atang khan venhim duhna a nei lian ber tawh a.A tunhma nun chu engpawh lo ni se tunah chuan a bulah a cheng tawh a,khatiang thil hrehawm kha a tawrh tir tawh hauh lo ang.

"Ka unaupa bum nan nau a pai thu te a sawi vel maw le.A pa ang chiah,mi duham lutuk.A pa pawhin a thawhna Company sum a eiru teuh a,an fihlim theihna'n Olivia hian ka unaupa a ngaizawng a,a thil tum a hriata Craig-a'n a hnawl khan Court ah kalin naute chawmna te a dil vel maw le.Cary,hmeichhe hlauhawm tak a ni" Damdawiin atanga lo va hawsan mai tura a hrilh khan Jeanine-i'n Livie chanchin a hrilh ta teuh anih kha.

Thudik chu hre lo mah se a ngai pawimawh tawh lo,Livie hi a hmangaih a ni.Ni e,a hmangaih a ni.A thil ngaihtuah chhuah vang chuan a thu ngil awt a.A pu vang emaw midang vanga inneih hi duh a ni lo,amah ngei hian a ni inneih chu lo duh ni!

"I tha em?" Library a Livie lo thu ngawi reng a hmuh chuan Dorota chuan a zawt a.

"Ka tha alawm.Ka lawm e" Livie chuan a ti sap a.

Dorota kalsawn hnu chuan Livie chu a thut ngaia thu in a ngaihtuah ngai bawk chu a ngaihtuah leh a.Cary chu a nei thei dawn em ni? Hnial ta se...Engpawh thlang se atan chuan a tha lo ve ve,mahse a nu leh pa tan erawh chuan....thawpik zetin pawnlam chu a thlir mai mai a.

Blair chu a tablet keng chung chuan a lo lut a "Biakin lian deuh in duh chuan St.Catheral Church , Brooklyn Church,Oh..a hmun nuam deuh..." a tih mawlh mawlh lai chuan "Keima pualin thlawhna hi ka hmang ve thei em? Mrs.Woodsen ka ni thuai dawn si a" Livie chuan a lo ti a.

Blair chu a ding chawt a " I.. hman theih ka ring" a ti ban deuh chat a.

"A that chu, pilot lo bia la kal chhuah ka duh tlat" Livie chuan Hamptona sawmna card Blair a laksak kha en chungin a ti a.

"Mahse Mr.Cary..."

"Cary chuan ka thu awih turin a tih che ka ring" Livie chuan a ti dam thlap a.

Blair chuan inthiam lo deuh chungin phone chu a hmang nghal a.

Livie chuan card chu a en leh vang vang a,Cary nen lo innei ta se a natna chu a do hneh ngei a ngai dawn a ni.Inneihni ah ringawt pawh mi 1000 vel hma a a inlan a ngaih dawn chuan ....party-na a kal chu amah in enchhinna tha tak a ni ang.

Cary chu a apartment-ah chho in shower chu a inphuh tir sang sang a,dar ruk a ri tawh a Livie sawm turin a inpeih vat a ngai a ni.Phurna leh hlauhthawn rukna chuan a tuam a,'hlauhthawnna' chu thil chu a la nei ngai lo.Livie rilru tur chu hriat a chak takzet,a hmangaih a ni tih a inhriat chhuah hnu atang kha chuan eng thildang mah a ngaihtuah thei tawh lo.Livie nen an inkar chu siamthat a duh a,Livie tunhma nun zawng zawng nen.Shower chu off in bathroom atang chuan a chhuak a "Nicole" a barakhaih chiang hle mai.Nicole chu a khum bulah chuan a lo ding a."Engtinnge i lo luh theih a?"

"Vengtute'n min hria alawm.Nangpawhin i la theihnghilh bik lo ang chu,ka lo kal fo thin kha" awmze nei fe chuan a ti a.

Cary chuan a chhang lo,tunhma chuan Nicole chu a lo duh thin pawh a ni mahna,mahse tunah chuan a hmelthatna siam chawp te,a mitmeng itsikna a khat te chu a hmuthiam tawh.

"Chuan... zanriah ei hma in thil present che ka duh a" tih pahin a coat kawrkilh chu a phelh ta mai a.

"Duhtawk rawh Nicole,chiang takin ka sawi tawh kha.Nangnen hian eng inlaichinna mah neih ka duh tawh lo" Cary chuan a ti nghet churh mai a.

Nicole chuan pawisa lo zetin a rawn pan hnai a,Cary hma ah chuan dingin a coat chu leiah a tla thla hnak a,a kawrfual hnunglam chu ban lehin a zipper chu a phelh leh hmiah mai a " I ti tak tak lovang,hmeichhe pakhat naupai ni a insawi tawh lehnghal phei chu i nei duh tak tak lovang,ka hria a ni" tih pahin Cary chu kuah a tum a.

Cary chuan a kut chu lo man betin nghet zetin a vuan a "Engmaw i sawi kha,tu in maw naupai a?"

"Cary min ti na ania" Nicole chu a chik ngher ngher a.

"Sawi rawh Nicole,tu in maw naupai a?"

Cary hmel rum ul mai a hmuh chuan Nicole chu a hlauthawng tan a,"Olivia maw le,tu dang nge ni ang.Min thlah teh Cary,ka kut i ti na ania" Nicole chuan na ati tak tak tawh a.

"Tu in nge sawi a,engtinnge i hriat?".

"Mi zawng zawngin an sawi luih luih alawm,milar te chanchintharah pawh an puang a,tweeter ah te...."

"Eng a!" Cary chuan a thlah thut a,Nicole chu a pai khawt khawt a.

"I a zo tawh nih hi" tiin a inhnit hlawp hlawp a,Cary room atang chuan a tlanchhuak a.

Cary chuan reilote a ngaihtuah hnu in phone chu a la ta vat a.A hmet nghal mawlh mawlh a.Livie chuan call a pick up thei lo,hmanhmawh deuhin Blair chu a dial leh a

"Hello" Blair aw chu a tim deuh a.

"Blair,Livie a tha em ?"

"Tha...e"

"Engnge ni a Blair .Khawiah nge Livie?"

"A pawi ka ti lutuk Mr.Woodsen Hamptonah partyna-ah a kal alawm"

"Eng a?" Cary chuan a ti vin tuarh mai a."Engtikah?"

"Tun mai khan a la..."

"Ban i ni e" Cary chuan a ti zui hmuk a,Blair rawn tawng leh pawh ngaithla tawh lovin line a cut hmak a.

Pilot be lehin lo inpeih vat turin a ti a,hmanhmawh takin a siam zui bawk a.

Hampton a thlen chuan a boruak chu Livie chuan nuam a ti kher mai,party-na a rawn sawm tu mayor nupui nen chuan a takah an la inhmu miah lova,a hmelhriat tumah an awm dawn lo bawk.

Party neihna in chu an thleng a,an kawt phula thlawhna tum hmun an siamah chuan thlawhna chu a tum a,Livie chuan thawk an la hak a,inchhung leh pawna mipui tamtak lo awm te chu chi-ai miah lova a dawnsawn theih ngei a in beisei tak meuh meuh.

Thlawhna atang a chhuk chuan Guard pakhatin a lo pui vat a,an pahnih chuan in lam panin an kal a.An kal thui deuh hnu chuan thlalakna chu a lo de leh chuai chuai a,zawhna chi hrang hrang chu anlo zawt nuaih nuaih bawk a,a theihtawpa inti huaisen luiin hmalam chu a pan ding ngar ngar mai a.

Inchhung a thleng tep tih chuan "Craig Leridge a fa kha i pai tak tak em ni? Nge in bumna zawk?" thlalatute zinga mi ni ngei tur chuan a rawn ti a.