Perfect/Inperfect
Match
Mami Chhakchhuak
Chapter - 1
A office tukverh atang chuan Cary Van Der Woodsen chuan New York khawpui chu a thlir kual a,a awmna chu a san em avangin kawngpui leh car te pawh chu an lang te in fanghmir tlan sep sep te pawh an ang lek lek alawm mawle!! Nui suk chungin a hma zawn lam chu a thlir leh a,a awmna building chu a san em avangin building dang,a khawhawi han hliah thei tur pawh a awm lova.Hla vaklo a Empire building te pawh chu a hmu thei a, boruak zau tak leh van te chu a thlir a,ni chu a sa tha in pawn lam chu a lum ngawt ang le.
A office kawngkhar chu anrawn kik karh karh a,a secretary maggie,mihang nu lian ve tak chu lo lutin "An nghak reng tawh che nia Mr Woodsen" tiin arawn nuih var var a.Karleh maia a pasal leh a fate nen nipui chawlh hmanga an zin theih dawn avangin a hlim hle a ni.
Cary chuan a ngaihtuah fo thin , 'engtinnge naupang harh tak tak pahnih leh pasal nei chunga hetiang hna hahthlak hi a thawh theih zawk' tiin.
"Ka lawm e" tia lo nuih ve var var pah in a bula file chu a la a,an meeting na tur lam chu a pan a.A hnuaia thawk mi tam zawkte chuan nipui chawlh hman an duh vangin in chawlh an inlak chhawk a ngai hial dawn a,mahse chu te chu kum tin a anlo tih thin dan alawm.
A boss chhuah hnu chuan a dawhkan te tihfel pahin maggie chuan chanchinbu lo awm chu a en a,a zawnin a kum lina atan a boss chu Forbes magazine chuan khawvela mi hausa berah an thlang leh ta chu ania,a awm ve tho mai Woodsen Company a pu hnen atanga a rochun atangin an Company in hma a sawn nasat zia a taka hmu tu a ni miau a,thawk ala hak a pindan chu a chhuahsana,a hna chu a thawh zawm leh mawlh mawlh a.
Meeting na tur hmun Cary an a va thlen chuan dawhkan lian zet kil chuan board member te chu anlo thu thap tawh a.Dawhkan tawpa a thutna turah chuan thu in Meeting chu an tan nghal a.
An company in hma a sawn dan te chu sawi ho in an hmalak zel dan tur te chu an sawi bawk a.Kum 7 chhung teh meuh Direct selling company world no.1 an nihna chu vawn nun zel tuma hma an lak dan te chuan a ti lungawi kher mai.Tunah chuan direct selling mai ni lo,Network selling lamah a huang a zauh ngei tawh a hun a ni.Direct selling leh Network selling a kal kawp theilo ti tu te chu dawt a sawi tir a hun tawh tlat.
Thla khatah vawikhat chauh board member meeting an neih thin avangin Company tana a hmachhawp leh tihtur te chu board member te chu a hrilhfiah zung zung a,an tih tur te a ruat fel bawk a,meeting chu zawh vat a duh a ni....a chhungte'n an rawn call leh tep tawh ang,zirtawp a ni si a.
Kartawp chawlh apianga a nu leh pa,pi leh pu te nena
inhmuh ziah hi a chang chuan a ning ve lek lek thin...a u leh nau te fa harh tak tak te,a cousin te fa nen,an ri leh chul awm si a.
Meeting a tih tawp rual chuan a smart phone chu arawn vibrate nghal char char reng a,a en chuan a rinlawk ang chiah...nui suk chungin call chu a chhang a.
"Hello,Nina"
"Hi,unaupa duhtak"
"Kartawp chawlh in hman chhung atan Emily min awm tir chu i tum em law'ng chu" a tunu kum li mi harh zet ,mahse lawm awm em em chu a ngaina in a hmangaih hle a ni.Christina-i pasal chu Doctor a ni a,hun awl an nei tlemin tunah phei chuan an fa pahnihna tur a pai mek a ni a,hun thawl chu an mawmawh nupa ngawt ang le.
"Emily pawn a hmangaih lutuk che,super uncle Cary" Nina chu a nui har har a."Ka rawn call nachhan che chu zanin hian Long Island-ah i rawn kal dawn em tih kan hre duh a?"
"Enge i sawi awmzia,tunah Long Island-ah i awm maw!!"
"Aw,kan vai in kan awm tawh.Kan vai ka tih awmzia chu kei leh Brad chhungkua te,i tunu Emily te,ka nu leh pa,Bob-a te chungkua te.Nangmah chiah i awm lo" awmze nei fe leh pawisawilo hmel zet chuan a ti a.
A u Bob-a te chhungkua chu inrinni hma in an kal ngai si lo a,engthil nge maw a chhungte ho chuan an ngaihtuah le,thil tha tak chu a ni lo tawp ang.
"Ka pu a tha em?"
"Oh..tehreng mai,chutiang lam a ni lo,England atanga U.S thlawh chhung ninawm zia a sawi tui khawp mai.Chuan,ilo kal dawn em?" Nina chuan arawn ti zang vah a.
Cary chu a thaw huai mai,a pu chu chhungkhat laina ngaina tak mi niin tunah kum 92 mi lai ni tawh mahse ala zin kual reng thin a.A private jet a a zinkual theih vang te pawh a ni mahna,England-ah pawh chuan thildang vak a pi leh pu chuan anva tih a rinawm loh. Chhungkhat an tlawh anih loh chuan. "Zanin chuan ka lo kal thei lo ang,midang zawng kha ka hmangaih a ni tih minlo hrilh sak la min lo mangtha sak dawn nia,naktuk ah ka lo kal ang"
"Hna i thawk nasa mah mah a ni tih i hria tiraw!?" ngaihtuah hmel tak chuan Nina chuan a rawn ti leh a.
"Bye Nina ,ka hmangaih che" tiin phone chu a off ta nghal a,a nau lehzel in ahan ngaihtuah hi chu...
Zaninah chuan hna a nei pawh a ni lo,Nicole-i nen an inhmuh ngei a ngai a ni.
A office lian zetah chuan lutin a chair chu panin a thu nghal a,hna thawh tur tamtak chu a thawk tan leh mawlh mawlh a.Kawngkhar chu rawn inkik leh karh karh in maggie chu bag ak chungin alo dak dek dek a.Cary chuan a sana manto zet chu ahan bih zauh a,a tlai tawh zia a hmuh chuan inthiamlo zetin "Ka tihpalh maggie,i haw thei tawh ang" ati a.Maggie chu nui sakin kawngkhar chu a khar lehnghal a.
Central park bula a in lian leh nuam zet lam pan nan chuan a tlai tawh mah mah a ni.A hnathawh te chu dah felin lift ah chuan a lut a,inchunga a apartment lam chu a pan a.
"Ka nu khatiang kha chu ken a ngai lo ang" suitcase lian ve tawk taka thlalak leh thawmhnaw a nu in a rem mawlh mawlh lai chuan Olivia chuan a lo ti a.
London atanga hla lo te,Lavenham thingtlang khaw te tak te a in pakhatah chuan an nufa in anlo buai ve em em a.
"Engtia rei nge i cham dawn a hriat hleihnem,ruahman anga thil a kal phei chuan ilo kir tawh dawn lo asin" a nu chuan beisei nei takin a ti a.
'Ruahman ang' chu chu a ni Livie hlauh zawk dik tak chu,a nu beisei ang te chu a ni chuan thleng lo se a duh zawk.Mahse a nu chu a phurin beiseina a nei sang hle si a,tih lungngaih a duhloh vang chauhin a thu chu a awih a ni a.Bakah enge chan tur a neih chuan...ruahman ang chuan thil a kal dawn chuang hleinem,a awihawm loh lutuk!!!
Ngawi rengin a nu in phur taka a thawmhnaw a pack sak lai chu a thlir ta zawk a.London atanga New York thlawh chhung chu a rei lutuk lo ang chu maw!!!
A apartment leh office building ni bawk chunga helicopter chhip vir muai muai tawh lam chu Cary chuan hmanhmawh zetin a pan a,tukin zing a thawh atang a chhungte chuan anrawn inbiak chhawk chhen tawh a,a tum aia hma in Long Island lam a pan a ngai ta a ni.Helicopter chhunga a thut fel rual chuan pilot chuan a thlawh tir ta nghal a.
Long Islanda a pu in chu Victorian style a sak,tunlai taka chei niin Palm kung leh pangpar mawi tak takin an hual vela,phul hring dupin hmun zau tak a awh bawk a.CCtv leh bodyguard tam takin an hual bawk a,media ho phei chuan 'Army of body guard' antih sak hial a.A pu chu chhungkaw ngaina mi tih takah pindan 60 chuang lai mai a inah chuan a awm a,media ho ten an sawi peih hle bawk a ni.
Helicopter atanga a chhuk fel deuh chauh chu naupang ho chuan anlo bawr nghal laih laih a,a unau te bakah a cousin leh an fate thleng chuan anlo awm tawh a.Naupang te chu in lam hawi zawng chuan a um nghal a,nui te tuarh tuarh chungin an tlanchhe ta hlawm a.
Nina sawi ang chiahin inchhung a luh chuan a chhungte chu anlo awm kim tawh hle a,a cousin leh an kawppui te,an fate leh a pate-a te nupa pawh.Chu in lian leh ropui tak pawh chu naupang leh puitling infiam hlim nui ri in a khat a ni ber!
Putar lu tuak var vo tawh,a kut dinglama tiang hawl chu rawn kal hnaiin "Cary,i lo thleng har hle mai" tih pahin a darah chuan a rawn beng thak thak a.
"A pawi ka ti khawp mai, hna ka ngah deuh a ni ka pu" Cary chuan alo ti vat a,a pu chu hlim hmel takin a nui leh vur vur a,pindan chhuahsan pahin a tuchhuan te ho chu a au chul a.
"Hey unaupa,ka nu in eirawngbawl turin a nghak che nia" corridor atang chuan Bob chuan a rawn ti lawng lawng a.Midang chu nuihsangin choka lam chu a pansan a.
Billionare chhungkua ni mahse chhungkua ngai pawimawh tak anni a.Hnathawktu tamtak ruai thei reng mahse chhungkaw inhmuh khawmah hi chuan anmahniin an bawl kher thin a ni.
Media ho pawhin an chhungkaw chanchin hi chu an ngaihven peih hle a,an thiltih apiang hi chu chanchinthar lamah hmuh tur a awm ve nghal ziah reng a.
Chumi ni chu nidang ang bawkin hlim takin an hmang a,zanriah ei hun dawnah chuan a nu leh pa chuan Cary chu Library ah chuan an ko hrang a.
"Engthil nge ni a" hriatthiamloh hmel takin a nu leh a pa chu a en a.
"Thu phawt la"a pa chuan a lo ti a
Ngaihtha vaklo chung chuan a thu ve mai a.
"I pu in nupui neih tir che a tum a" Blake chuan ati a.
Thawk ala hawk a "Thil thar pawh a ni hleinem,ka pu chu hrilh ula,tuchhuan tamtak a nei tawh tho a,engah nge ka nupui neih hi a hmanhmawh viau le"
A nu leh a pa chu an in melh zauh a.
"Thildang ala awm em ni?"
"Thil awmzia chu,tun tum chu i pu hi a kal thui hreta...i nupui tur chu, a in sawidan chuan a zawng hmu tawh a,a be fel tawh a nih hmel" inthiamlo hmel tak..mahse inthiamlo tak tak a ni lo tih hriat deuhin a pa Blake Woodsen chuan ati a.
"Eng a?" a nui tawi tak a "Ka pu chu keimah ngeiin kan hrilh ange,ka nupui tur chu ka zawng hmu thei a zawnpui ka ngai lo,chu bakah..."
"Cary a ni lo zawngin ngai lo la,i pu te chu i hriat kha.A tan chuan nupui, pasal neih hi thil hmahmawh thlak alawm" a nu chuan alo ti dam diai a.
A nu thusawi awmzia chu a hrechiang khawp mai.Bob-a leh Annie inneih te,Nina leh Will te pawh,a pu ruahmanna vek a tih theih ang chu. "Chu pawh ni se ka hrilh tho a ngai a ni.Min ngaihtuah ka ngai lo" tih pahin a tho hluai a.A nu leh pa chu mangang hmel an pu nghal a,a pa chu rawn ding ve nghal in "Cary min lo ngaithla teh,i pu hriselna hi a tha lo lutuk ania aw,chutiang thu i hrilh chuan a tuar zo lo ang e" mangang aw tak chuan ati a.Cary chu a ding chawt a,a pa chu a en a.
Blake chu thawk la hawkin "A Doctor in rei tak a dam tawh loh a ring a,a lung hi a chhe chak khawp mai chuvangin i thu hrilh tum chu a hrilh chi loh ang.I pi leh pu hi i ngaihtuah an ngai a ni"
A pa chu en tawh lovin tukverh bul lamah chuan ava kal a,rawn leh hawiin "Engpawh chu ni se,nupui min neih tir a tum kher hi ka hrethiamlo a ni.Midang zawngin kawppui an nei vek tawh a,fa an nei theuh lehnghal engah nge kei.."
"Chuvang tak chuan alawm i pu in nei tura a duh che,kawppui neilo awmchhun i ni tawh a" a nu chuan hrilhfiah tum takin a ti a.
"Tu nge a?"
"Maw?"
"Tu nge ka nupui tura a biak chu?"
"Oh...aaa..England a mi... i fourth cousin aniang!!?"
Za lo deuha nuih leh hak pah chuan "Chu chu a ni maw England a alo zin chhan dik tak" a khabe chu a tuai nauh nauh a."Heng thil hi a atthlak lutuk,kum zabi 21 na ah kan chen tawh hi..."
A pa chu a bulah chuan a rawn kal a "Enteh Cary,i duhloh pawn a pawi hleinem..mahse i pu rilru tihnat chu a tha lo ang,a bik takin a hriselna a that loh lai phei chuan.I pu chu hnial lo la,i lo kawm ve chhin phawt ang a thil thlen zel dan tur chu tu in nge hria?! I lo duhlo viau a nih chuan i thawn haw leh mai dawn alawm,i pu pawhin a sim phah ve deuh ang chu!" zangkhai ang reng tak chuan arawn ti a.
Cary chuan a nu chu a va melh zauh a,a nu pawh chu alo nui sang a "Heng thilah hian ka pu chu in puh vek thei lovang,in telve tih ka hria ania" lawmlo zet chuan ati a.
A nu leh pa chu manchhuah anni tih inhria in inthiamloh hmel taka lang pawi ti si lovin an inmelh dun a " Engpawh nise i chenpui anga inlo in hmangaih phian maithei sin,i nu nen kan in hmangaih ang hian"
"Ka chenpui dawn a maw? Ka pa,media ho in engtinnge an sawi anga"
"An sawi hma te chuan kan hre nang" a pa chu a nui vur vur a "Naktukah alo thleng dawn a,Airport-ah i va hmuak ang chu..."
"Private jet in a lo kal nange? thlalatu te leh thuthar lakhawm tu ten an hriat vaih chuan an bawr buai nghal dawn asin,a himna tan pawh a hlauhthawn awm!!"
"Enteh nu-i a ngaihtuah nghal zia hi,mo kan lawm vat dawn a nih hmel " tih pahin a nu leh pa chu an in en a,an hlim hmel hle lehnghal.
Cary chuan thaw huai chungin lu a thing a."He thu hi midang zawng chuan an hre vek tawh tiraw? A hre hnunhnung ber tu ka ni." ati nghet charh mai a.
A pa chuan thutak deuh zawkin a dar lehlam lehlamah chuan a vuan a "Cary,i u Bob-a hi misual ni lo mahse a rintlakloh zia chu i hriat kha,i nau Nina leh a pasal pawh.A nihna takah chuan i cousin te zawng zawng pawh.I pi leh pu te,i nu leh i pa te thleng hian nangmahah hian kan inghat asin.I thawhchhuah kan ringa,chhungkaw khaikhawmtu ber i ni bawk a....chuvangin i nupui tura i pu rawn thlan chu lo ngaihven chhin ta che,nupui neilo leh chhungkaw din lo a i awm mai chuan....thla khat tal hun pe la,i pu sawi hmangin hmeichhe fel tak a nih hmel a" ngen ngawl takin a fapa chu a en a.
A pa thusawi chu a hrechiang khawp mai.Ni e,a chhungte zawng zawng hi chu a chawm vek anni,Nina pasal hospital hi sum lama a puihna tello chuan a kal thei lo,Bob-a gallery te,a cousin te ho zawng zawng pawh,thlatin sum an mawmawh tur zat a chhutsak a a pe ziah a nih hi,a hming chuan sumdawnna chi hran hran chu nei hlawm mahse a tak takah chuan a chawm vek anni.Company a rochun khan rapthlak khawpa tam company leh mimal angin an chhungkua khan leiba an nei a,hlawhtling tura a beih nasat zia kha a la hrechiang khawp.
"Tha takin ka lo enkawl ang tih ka tiam a che,nupui atan erawh ka nei ngei ang tih ka tiam thei lo che"
A pa pawh chuan hrethiam takin a bu nghauh nghauh a.
Zanriah an ei dawn chuan a pu chuan a nupui tura nula a biak sak chungchang chu a sawi chhuak ta reng a.England a an va in hmuhchhuah dan te,Cary a nupui ni tura a biak dan te leh rem anlo tihdan te chu hlim zetin a sawi suam suam a "Hmeichhe fel tak a ni,kan chhungkaw zingah alo lawi luh vat ka beisei" tiin a thusawi chu a ti tawp a,midang ho pawh chuan phur hmel takin Cary chu an melh deuh sek a.
Cary chuan mawi hnai takin alo nuih zel a,a rilru ah erawh chuan engtinnge chutianga awlsamin hmeichhe chuan inneih chu alo duh mai theih,eng ang hmeichhia nge maw a nih le? A private investigator zanin la la a a biak a ngai dawn a ni.
Darkar 8 dawn thlawhna a chuan hnu chuan New York an thleng tawh tih an rawn puang a,phurlo ru tak chungin Livie chu thlawhna atang chuan a chhuk a.Tu in nge lo hmuak dawn tih lah a hre si lo,kekawrbul leh t-shirt alo ha hlauh chu tihzia ati ta khawp mai khua lah chu a lum nasa mai si a.Airport kawtah chuan a hawikual ruai a,a awm a nuamlo in a khur nasa lutuk tur chu a thup hram hram a.'Khawngaihin tunah chuan nilo' a ti sap a.Piah deuhah chuan camera hi a lo de chuai chuai a milar tu emaw chu an bawr ngei a ni.A hmuh chian theih deuh hnu chuan tunlai zaithiam lar te zinga mi tih a hre thei a.
"Olivia Wardof ini em?" a hnunglam a rawn ti ri ah chuan a phu deuh zawk a,chupa chu suit nalh taka inthuamin a palian hle bawk a,Livie chuan a chil lem khalh pahin"Ni e" ati sap a.
"He lamah hian min rawn zui rawh " tih leh a bag khai sak chu a rual a,a rawn kalna lam ni awm takah chuan a phei lehnghal nul nul a.
Livie chuan nuamlo ati kher mai,mahse duhthlan tur nei hek lo chupa chu a umzui ta dawr dawr a.Hla vaklo hmun biru lai deuhah chuan limousine car dum tle nalh tak mai chu a lo inhung a,a bulah chuan mipa lian zet pahnih hi anlo ding bawk a,hrilh kher ngailo in bodygaurd anni tih chu a hriattheih nghal mai a.Pakhat zawk chuan a hnung kawngkhar chu alo hawnsak a,a bag kengtu lah chuan chu limousine hnunga car dang lo inhung lam chu a pan daih bawk si a,hrilhhai ang reng takin a kawk ringawt a.
"Lut rawh miss Wardof,i thawmhnaw te chu an ngaihtuah awm lo" kawngkhar hawngtu pa chuan a ti leh a.
Ngaih tha chiahlo chuan a lut ta a.A chhung chu a zau tha kher mai,thutthleng dup nuam taka a thu fel chiah chu a hmazawnah chuan mipa designer suit thui tih hriat fahran mai dumpawl ha,hmeltha zet mai hian chik fahranin alo en a,Livie chu a thu ngil nghal at a.
"Hi,miss wardof.Livie tiin ka ko thei che ang em?" nui deuh sang,a mitmengah enge a ngaihtuah tih hriattheih miah loh chuan alo ti zang vah a.
Perfect/Inperfect Match BY Mami Chhakchhuak (Completed)
Perfect/Inperfect
Match
Mami Chhakchhuak
Chapter - 2
A sambuang uluk vaklo a tawnkhawm leh a mitmu pawl ram chu a inhmeh phian lehnghal.A private detective rawih hnen atangin Livie chanchin a hriat tur pawimawh zual engemaw zat chu Cary chuan a hre tawh tho a,ala duh khawp loh avangin lo chhuichian belh leh turin a hriatir a nih kha.Tuna a hma a hmeichhe thu a ngaihna hrelo taka hawi hai hmel chu chik fahranin a en a,alo beisei ang a ni hauh lo mai.A hmel a tha tih chu a thlalak alo hmuh tawh vangin a hre tho a,mahse hetiang em em in a itawm ang tih chu alo hre lawk lo tlat.A t-shirt satliah zet hak phena a hnute bu nalh tak,a kekawrbul khuh chin bak a mal lo lang te chu....chutianga ngaihtuah ta mai chu!!
Livie lah chuan chhan ngaihna hre lawk lo a a ngawih deuh hnu chuan "Tu nge i nih a?" An chuanna limousine chu a su dat a,a lo tlan tan der tawh a.Livie chu a hlauthawng ru kher mai,mahse tihlan loh hram hram a tum a.
"Min hre lo a maw? Ka awih chiah lo.Mahse ka han insawi tho a nge.Cary,Cary Agos Woodsen.I pasal tur" Cary chuan a rilru hriat nan anti deuh kher a.
Livie chu sawi ber tur hre lo in a ngawi reng ringawt mai a,hria pawh nise a sawi ngam lovang.Tunge a nih chu a hrechiang khawp,mahse a hamhaihin a hma a thu pa chuan a ti zam chhe lo chauh a ni."Khawnge kan kal dawn a?" zam ru tak chungin Liviechuan a zawt a.
"Ka in ah"
Awle,a ngainatawm lo hle mai maw!! A pawilo,England ah a kir leh hma ani mai lawm!! A thil ngaihtuah vang chuan Livie chu a inthlahdul ta deuh a.Chu chu lo hmu in Cary chuan a mal chunga file chu la in a keu a "High school i chhuah hnu ah zirna i chhunzawm tawh lo a ni maw?"
"Kha kha enge a? Ka chanchin ilo chhui a ni maw?"
Livie chu a thinrimin mak ati kher mai.A kut chu phar chhuakin file chu va laksak a tum a,Cary chuanlo hmu hmanin rang zetin a keng kang ta daih a."Engah nge ka chhuichian loh ang che!? Ti teh,nangpaw'n ka chanchin hi hriat i tum miahlo chu ti duh suh" ngaih pawimawh loh hmel zet chuan alo tih khum a.
Livie chu a ngawi hmak a,thinrim teuh chungin a in kuangkuah than a,a sawi dik miau bawk si a.A nu leh Mr.George, Cary-a pu an inhmelhriat atang khan an chhungkaw chanchin chu alo ngaihven ve tawh a,New York a pan hma lawk pawh khan Cary-a chanchin bik phei chu google-a a hmuh theih ang ang a chhiar vek ve tho a ni.
"Hmeichhe nungchang tha tak i nih dawn hi,ka pu sawi ang chiahin" a file ken chhiar niawm taka bih pah chuan a rawn ti a,mahse a thinrim laia ngawi renga a inkuangkuah chu a sawi chhan zawk tih Livie chuan alo hrethiam tho a.
Livie chuan Cary file kenah chuan engtiang chiah a chiangin nge a chanchin a in ziah tih chu a hre chak kher mai,a naupan lai hun hriatchhuah fo a duh loh te,a pa chanchin te,Craig-a chanchinte a inziak ang em? Chutiang a ngaihtuah chuan a thinrimna chu lungngaihna leh zahna in arawn thlak a,a mittui chu a tling piau mai a,car glass lam chu engmah hmu chuang lo in a hawi daih a.
A awmdan chu lo hrethiamin Cary chuan a file ken chu a khup thawk a, "Hmeichhe tah belh deuh hi ka ngaina lo ania,ka rilru hneh i tum chuan i inthlak vat angai ang" nin hmel zet chuan ati a.
"Engvang in nge i rilru hneh ka tum chu i rin a?" Livie chuan alo ti hlar a.
Mak ti deuh a Cary-a'n a en lai chuan an chuanna car chu a ding a,Cary in chu an thleng ta!!Engmah an sawi zawm hman tawh lo chuan Livie chu a ti lawm zawk a,hepa chapo zet mai hi pasala neih chu sawi loh,biak pawh a chak tawh lo e.Car kawngkhar anrawn hawn saka a chhuk chuan Livie chu a thinrimna zawng zawng a bo zo ,a hma ah chuan inlian leh nalh em em mai,sailungvara sak chhawngthum a sang chu alo ding luah mai a,a sir vela thingkung leh pangpar te chu uluk taka enkawl tih hriat fahranin a faiin an duah hluah mai a.An tlanluhna a hnunglam chu a hawi leh a Gate lianpui mai chu hla deuh takah hian alo awm a,a ram chu a zau hmel hle mai,Livie chu a thaw a chham lo chauha ni.
"I beisei ang a tha a ni em?" Cary chuan ten hmel zetin a ti a.
"Ka rinphak bakin...!!" Livie chuan a tawng elna chu haiderin a ngaihdan diktak chu a sawi ve hmiah a.A ni ang pindan pahnih chauh nei in a cheng thin tan chuan a ropui lutuk a ni.
Cary chu kawngkhar lam pan chuan a kal daih a,chu chu a hmuhin Livie chuan a umzui ve nghal a,kawngkhar lo inhawngah chuan nu lian leh thau tak mai hi alo lang vat a "Chibai ka pu" tiin nui sangin Cary chu alo bia a,Livie a hmuh chuan a tum deuh hmak a.
"Dorota,hei hi Olivia Wardof a nih hi,ka hrilh tawh che ang khan enge maw chen chu kan hnenah a cheng ve dawn a" Livie lam chu hawi lehin "Hei hi Dorota,ka in enkawltu a nih hi,mamawh i neih apiang chu ani hi i zawt chawt mai dawn nia" tiin a inhmelhriattir a.
Livie chuan a kut phar chhuak a chibai a tum pahin 'Hello Dorota,Livie tiin min ko thei ang" nui sangin a ti a,peihloh hmel deuh a lo chibai pahin "Aih,Miss Wardof emaw Miss Olivia tiin ka ko zawk ang che" alo ti ve tlat a.Chutia ati chu amah tluk zetin Cary chuan mak ati ve tih alang reng mai a.
"Awle,tha i tih ang khan min ko mai dawn nia" Livie pawh chuan ati ve ta mai a.
Inchhung an lut fel deuh chauh tih chuan"Hey Cary,ka lo nghak rei tawh lutuk....Wow....Olivia chu i ni ang maw?" Brad chuan arawn ti nghal a.
"Dorota Livie hi a pindan turah han hruai ta che" Cary chuan ati ve nghal a.
"Min rawn zui rawh miss Wardof" tih pahin Dorota chuan inchunglam a pan a.
"I unaupa hi min in hmelhriattir dawn na nge?!" lungawilo deuh chungin Brad chuan a thlir zui a.
Ngawi rengin Livie chuan Dorota chu a zui ve tawp a,engtinnge an inbiak zui zel a ngaihtuah lo ,a hria a ni!! A nu leh pu George a ruahmanna,Cary leh amah inneih tir chu Cary leh amah bakin an hriat a ringlo kha nia,engzata tamin nge hria ang le!!?
"Hei hi ania i pindan tur chu" Dorota tawng ri ah chuan a harh deuh zawk a,a pindan tur chu a zau tha in a nalh kher mai,a chhung chu a var vek leh tunlai thei ang bera chei niin khum atanga en mai theih turin t.v te a awm thlap a.
"Tikhan lo awm la i thawmhnaw chu nakinah kan lo dah tha ang" tih deuh hmuk pahin Dorota chu a inhera kawngkhar lam chu a pan a.
"Ka lawm e,Dorota" Livie chuan a ti sap a.Dorota chu arawn hawi let zauh a,a chhuak ta a.
Livie chu khumah thu in a nui hul hak a,amah ngaina lo tu pahnihna.A nu kha chuan beiseina a nei sang hle na a,Cary nen chuan an inneih hmel loh an khawvel a in anglo lutuk,chutah a ngainat lohzia ati lang hreh miahlo lehnghal,a in enkawltunu paw'n a ngaina chuang lo,Cary chhungte dang pawh hmu se.....England ah chuan a kir leh thuai dawn e,a nu chuan hrehawm ati viau ngei anga,mahse a ni tan ve thung chuan duhthusam...thawk ala hak a,a rilru pik chuk pawh a veng ta sawt alawm,bualin zau tha tak ah chuan lutin shower chuan a inphuh ta sar sar a.
A inbual zawh a arawn chhuah meuh chuan a thawmhnaw te chu thawmhnaw khaina ah chuan alo inkhai fel thlap tawh a,engdang mah ngaihtuah tawh lo chuan in hru hulin pyjama a ha a ,khumah chuan inthawlhin a muhil ta siai siai a.
A pindan kawngkhar kik ri ah chuan a harh chauh a,a lo thim ruih tawh a,kawngkhar chu rawn in hawngin Dorota chu arawn lut a "Mr.Cary leh Mr Brad ten zanriah kil turin an nghak reng tawh che nia,nge hetah ka rawn pe zawk dawn che Miss Olivia" Lungawilo tih hriat deuh chuan ati chhum deuh hmaka.
Khum atanga thawhchhuah pah chuan "Cary a te rual chuan ka lo ei a nge" tiin thawmhnaw khaina lam chu ava pan a,a kawrfual ken ve tlemte a hmuh chuan a rilru a thlak leh ta thut a,chhunah khan 'Ka rilru hneh i tum chuan i inthlak a ngai ang' Cary khan ati ni lawm ni,a rilru hneh a tum si lova engahnge a inthlak ang,!!
A inhera,kawngka bula Dorota lo ding chu nuih sangin a kalpel a zanriah eina pindan lam chu a pan a,mak ti leh awihlo zeta Dorota in a thlir zui vawng vawng pawh chu a hmu hman ta lova.
"A harsa hleinem court a inkhin kher pawh a ngai dawn lova,chutiang vela awlsam chu" Brad an a tih mawlh mawlh lai chuan Livie chu ava lut ve a.Dawhkan kil in an lo thu tawh a,eitur erawh anla chhawp lova.Livie inchei dan an hmuh chuan an meng phawk nasa dun kher mai,Livie lah chuan hre lo ang hmakin dawhkan chu a kil ve hmiah mai a.
"English ho chu incheina an uluk viau amaw tia" a mak tihna thup senglo chuan Brad chu arawn tawngchhuak phawng mai a.
"A tam zawk chuan an uluk alawm,kei chu ka nu nen chauha cheng kan nih vangin tihian zanriah ka kil mai thin a" Livie chuan a hma a an bawngsa rawn chhawp chu ei pahin alo ti a.
Brad a mak tihna chu nuihzatna in arawn thlak a. Cary, suit dum nalh tak ha,a mitmengah enge a ngaihtuah tih hriat theih miahloh a Livie en reng lam chu hawiin "In inhmeh dawn hle mai a" ati a."Ee..chuan,Cary cousin Brad ka ni e,Woodsen and Gardner ukil firm a Woodsen zawk kha ka nia" tih pahin Livie lamah chuan a ban a phar chhuak a,rem leh rem lovin an chibai a.
Livie chuan an zanriah chu tui ati kher mai,insumna nei miahlo in a ei mawlh mawlh a Brad nen chuan an titi pah mawlh mawlh bawk a,fiamthu a thiamin sawi tur a hre em em mai lehnghal.Cary chuan ngawi rengin a zanriah chu a ei mawlh mawlh thunga.
"Nicole i nena in inthen hi chu ka lawm ngawt mai,kha nu kha chu ka ngaina ngai lo.Naktukah in chanchin hi alo chhiar hunah chuan mak ati ngawt ang le!" engmah ngaihtuah chianglo chuan Brad chua tawng mawlh mawlh a.
Livie leh Cary chu an thil eilai chu an tawp chawt a "I sawi awmzia chu kan....," Livie chuan zawh pawh a zawt zo ngam lo.
"In pahnih chungchang hi ni e,nichinah ka hmelhriat chanchinbu mi pakhatin min rawn zawt a,in inneih tur thu hi ka lo hrilh maw le" Brad chuan ngaih pawimawh loh hmel zetin a ti liam puat a.
Livie chu thawk pawh a thaw tha ngamlo,hlauthawng zetin Cary chu ava en a,a ni chu tualthat duh mai tur hmel hi alo pu a.
Thawm reh ta thapah chuan Brad chu a thil eilai hawisanin arawn dak chhuak a Livie chu ava en a,Livie in Cary a en kar tih a hmuh chuan Cary lam chu a hawi leh a.Cary thinrim hmel a hmuh chuan a phu deuh zawk a,sawi mai tur hre lo in a ka hau ringawt mai a.
"Haw mai la a that ka ring" Livie chuan alo ti sap a.
Livie lam chu hawi leh in "Ka la kham hleinem" ati thuai a,a sawi zawh rual chuan a thusawi atthlak zia chu hre chhuak lehnghalin "I sawi dik,aaa..mangtha u" tiin Brad chuan a hmui chu hru thuakin a tho nghal a.
"Mangtha le,Brad" Livie chuan ati sap a.
Brad a chhuah hnu chuan Cary chu a fian ken lai chu dahthla in a thutthleng hnung chu a ngheng a,a kut dinglam chuan a khabe chu a tuai nauh nauh a.Livie pawhin a kut chu a malchungah dahin a tuai ve nauh nauh a.Chhiahhlawh pakhat chuan Cary no ah chuan wine arawn thli leh a, "Wine aia chak ka mamawh" tih pahin a tho a,chaw eina pindan chu a chhuahsan ve daih a.
Livie chuan a ngaihna hre lo takin a enzui a,'enge hepa hian a hriat le! Media ho in an hriat chu atan a pawi viau tur ang maiin?' a tho hluai a,Cary chu a umzui ve nghal a.
Drawing room a va thlen chuan Cary chu tukverh lam hawi hian Brandy ni awm tak hi alo in a.Pindan chhung chu a zau nuamin meichhemna thuk lian ang reng tak hi thutthleng dup nawm hmel tak tak hian alo hual a,a pindan dangte ang bawkin a felfai in a changkanga ,mipa in a ni tih a hriat hliah hliah bawk a.
"Brad-a'n a sawi vang maiin miin an ngaihven dawn tihna a ni hleinem.Nang leh keiin engmah kan sawi ve loh chhung chu! I cousin lakah khan i rawng mah mah a ni,hlauhthawn tur a awm lo" Livie chuan a va tia.
Cary chuan mawl tih hmel zetin alo nuih suk ringawta,chumi chu a hmuhin Livie thin chu a sa phat a "En teh,miin heng thil te hi lo hria pawh ni se enge i tan a pawina ? Pawi ti tur an awm a nih chuan keimah hi ka ni ang, nang te chu..."
"Ha...pawi i ti anga maw? I duhdan chiah zawk a ni ang chu!! Mi zawng zawng in nang leh kei min han hmehbel vel te chu! min nei turin a ni lawm ni ilo kal?" hmusit zet chuan ati ngul ngul mai a.
A tawk tawh! thudik tak a sawi a hun,hepa hmuhsit mai mai tur hian a awm lovang! "Nang neih che maw? Lalpa leh... he hmuna ka lo kal nachhan chu i pu leh ka nu duhdan a ni.Kei ni lovin,mi chapo leh mahni indah sang nang ang hi engah nge ka neih duh ang!! Ngaihzawng nghet pawh nei thei lo, hmeichhia te'n an tihlawm chhung chauh hmangaih,i nin hun a lo thlen veleh a i hnawl leh mai mai turin ka inphal teuh lo.I bialnu hnuhnung ber nen khan thla thum pawh in in date hmanloh kha!!" ati tawn tawn mai a,a sawi hnem lutuk mah mah tihchu a inhre nghal tho,mahse alo sawi zo hmantawh si.Livie chuan thawk ala hawk hawk mai a.
Cary chuan a kut dinglama no dawm chung chuan a en deuh vang vang a,Livie chuan a ka alo chip mai mai lo chu a inchhir tan khawp mai.Cary mitmengah lah chuan engmah a hre thei der mai si lo a.
Pindan chu a reh deuh vang vang a,chutah "Kha kha nia ka sawi media ho thu thehdarh thatlohna chu,engmah sawi lo mah ila,sawi anga min ziah tawh chuan mi tamtakin an awih thin.Tuna i thu rawn sawi pawh kha mi min sawidan i chhiar atanga ngaihdan i siam a ni ngei ang.A dik em?" cho zet chuan a mitah tak a en a.A no chu a tlak pawp a.
"Chutiang em em a tha lo chu a ni lo ang,chuan Brandy kha in tawh lo teh" Cary-a'n a no a thli khat leh mek chu a hmuhin aw nem deuh zawkin a ti a.
Cary chu a nui leh suk a,mahse tun tum chu inhmuhsitna lam a lang tawh lo "America a nih hi,Brandy kan in vak ngai hleinem Whiskey lawm.Zu i in ngailo ni maw?"
"Ngai lem lo,a tha ka ti lova" dik takin a chhang ve mai a.
"Hhmmm....min neih i duhloh zia i sawi chiang tawh bawk a,heng thil hi a tlangthan loh nan ka lo buaipui ange,mahse engmah ka tiam thei lo che.Media ho hi chu sum tamtak nena thlem pawh hian an duhlo thin a" Cary chu a inthlahdul hmel ta hle mai a.Livie chu a bu nghauh a,pindan chu a chhuahsan a.
Ngaihzawng leh inneih chungchang a sawi Cary-a'n a chhanna chu a hrethiam chiah lo,media te'n dawt mai mai an thehdarh ni awm takin sawi mahse thlalak zo zai te kha..dawt chu a ni vek thei lo alawm! A ngaihtuahna a kawm nasat lutuk vangin a awmna chu a hre mai lo,pawnlam a pan emaw atia mahse corridor-ah chuan a kal a kal ta mai,a hawi vel ruai a Dorota leh chhiahhlawh dang inbe lai chu ava hmu fuh hlauh a,a va pan nghal a.Dorota chuan lo hmu ve in a mi biak lai chu a kalsawn tir daih a.
"Hi..Dorota,minlo hrethiam lawk,huanah sawn len vah ka duh a,kawng hi ka bo tlatin ka hria,in hi a lian bawk sia" inthiamlo takin a va ti a.
Dorota chuan "I lo kalna ah khan let leh char char la,veilam a peng i hmuh hmasak ber kha ni mai." ati a.
"Ka lawm e,tuna i lo biak kha he ina hnathawk tho hi a nni em?" Hriatchian chak tak chuan a zawt a,a chhan chu a thlen hlim a Dorota a hmelhriattir bak kha Cary-an midang a hmelhriat tir lo a chumi hnu ah he ina hnathawk engemaw zat a hmuh belh leh tawh a.
"Ni e,in lian tak ania Mr Woodsen-a a buai thei hle bawk a,hnathawktu tamtak a mamawh alawm" lungawi hmel vaklo chuan ati a.
"Tih lungawi loh che ka tum miah lo,dik tak chuan America ah hian ka cham..."
"I mutna ka lo han siam tawh zawk dawn em ni ang,Miss Wardof?"
"Ka lo thlen hlim khan ka mu tam tawh alawm,ka mut pawh a chhuak vak lo zanin chu kan leng vak mai mai ange.Chumi hma in thingpui ka in chak lutuk,choka hi khawilamah nge?" nui sang chuan ati ve a.Tu zawk nge chungnung tih a hriattir a ngai a ni.Dorota chuan a lawmlohna ti lang ngam chiah si lo in choka lamah chuan a hruai a.
Thingpui chawi chung chuan huanah chuan a tei vel a,khawpui chhunga thawm bengchheng te chu tlem hriat theih mahse New York khawpui lun laia awm ani tih hriat harsa khawpin a reh nuamin phul chunga kal a thingkung thlir vel chu a nuam a.England a an khua Lavenham nena a danglamna chu a lum tih deuh chauh a ni.A thingpui ken lai chu an in hlak a,Cary sawi ang em em chuan a buai a ringlo New York a cham chhung chu reilo hle dawn hian a hria a,a cham chhung na na na chu am deuhin a hmang ang chu! Chuti a nih chuan Cary nena inhnial fo pawh hi a tha lo ang,a ni paw'n a nei duhlo ve tho tih a chiang reng a...ani angin 'ka nei duhlo che' chu ala ti ve miahlo a! Inrem taka awm an zir angai a ni,thiantha tak annih theihloh pawhin thian chu anni thei hrim hrim ang.
Thutthleng lo inhung a hmuh hmasak berah chuan thingpui a in zawh hnu thleng pawh chuan a thu a,huana pangpar vel bakah khawpui chhunga inchhawng sang tak tak a hmuh theih tlemte chu a thlir kual vel mai mai a,engtia rei nge chutah chuan a thut a hre lo a hnunglama ke pen thawm a hriat chuan a inher vat a.
"Hi" Cary chu a neck tie pawt thawlin a kawrchung alo phelh tawh a,"I mengrei hle mai" tih pahin a bulah chuan a rawn thu a.
"Ka mut a chhuak lo va" Livie chuan alo ti sap a.An in thuthnaih em avang chuan a mipa rim pa hrak mai te chu a hre thei a,a zam thar leh ta riau mai a."Nichina ka thusawi kha...sawi..sawi lo tur ka nia,apawi ka ti khawp mai".
"I ngaihdan sawi chhuah chu a pawi hleinem.I sawi ang khan kei min neih tum sa a lokal chu i nilo tak tak maw? Dawt min hrilh suh,a chhan chu ka hre lehdawn tho" Cary chuan ati dam dap mai a,mahse chu chuan a thusawi chu ati hlauhawm zawk mah a.
"Tehreng mai,neih che ka tum lo hrim hrim" sawi zawm zel tumin a ka a ang zuau a,a ngawi leh ta daih a.Chu chu lo hmu in Cary chuan "Sawi zo rawh" ati nghet churh mai a.
Zam ru ang reng tak chungin Livie chuan"Awle,nang....nangpawhin inneih hi i duh biklo in ka hria a,kan inhmuh tirh atang khan tha taka inbiak kan nei lo a,kan in ring tawn lo ve ve bawk a.Tunah chuan neih che ka tumlo tih i hre ta bawk a,thianah kan insiam thei ang chu" Cary chuan mitkhap miahlo hian alo en a,huan mawi tak leh thim deuh ruih nen chuan a hmel chu a inhmeh phian lehnghal,Livie chu a zam ru tawh takzet."Ka sawi awmzia chu thian....kan inhnial ziah kher a ngai ....England ah ka kir leh vat dawn tho a,chumi chhung chu nangpawhin mikhual pangngai angin min ngai mai la" Livie chuan ati bah deuh niaih a.
"Mikhual pangngai i ni si lo alawm.Brad-a thil lo sawi kha thup hram ka tum ania,ka thei ta lo a ni.Nang leh kei hi kan lar dawn khawp mai" Cary chuan ati mar put a.
Livie chu a ka hau a sawi tur a hre lo.Media ho chim buaia awm a milar nih chu engtiangin nge a awm a hre tlat lo alawm.
"Mu hahdam tawh la a tha ang,naktuk atang chuan kan buai dawn teh a nia,i thil sawi kha a dik,thiantha tak kan nih theihloh pawhin inrintawn chu kan zir a ngai dawn a ni.Chuan,England a kir chu hmanhmawh vak duh suh!! I beisei anga hma chuan i haw thei lovang." ati a.
"Mu tawh rawh.Naktuk atang chuan i chau tawh dawn lutuk,min ring rawh" Livie thil sawi tum a hmuh chuan Cary chuan alo tawng khalh vat a.Engmah sawi tawhlo chuan Livie chu a tho a.
"Livie.." Cary chuan a ti leh sup a.
Livie chu rawn hawi lehin a thin chu a phu dup dup a.
"I thingpui inna no i theihnghilh" tih pahin Cary chuan no chu a rawn keng kang a.
Livie chu a nui hak a,no chu la in inchhungah chuan a luhsan ta a.
A pindan a thlen veleh khumah chuan a mu nghal a,chhun lama alo mut tam deuh vang a ni mahna a muhil thei der lo lehnghal,a in let tawn chhen a.Khawvar dawn lamah chuan alo chhing ve sek a.
Pindan kawngkhar rawn kik ri chuan a ti harh a,"Lo lut rawh" chhiahhlawh pakhat hi alo lut a
"Tukthuan hetah kan rawn pe dawn che nge tukthuan eina pindan..."
"Ka lo chhuk ang,minute nga hun min pe la"
"Awle Miss War..."
"Olivia min ti rawh"
"Awle Miss Olivia" ala ti talh a,a chhuak a.
Tukthuan eina pindan a zuk thlen chuan dawhkanah hian eitur chi hrang hrang hi alo inchhawp teuh mai a,Cary chu suit nen alo awm thlap tawh a,a sam chu a inbualna ala reilo tih hriat takin ala huh deuh hlap bawk a .Laptop khawih mawlh mawlh pah chuan a tukthuan chu a lo ei a,Livie pawh chuan a zawm ve mai a.
"Good morning,i mu tha thei vak na nge"amah pawh en chuanglo chuan alo ti a.
"Ka mu hnem lutuk" bacon leh pancakes ei pah chuan ati a.
"Dawt.Zaninah party na ah kan kal a ngai dawn a nia,personal stylis leh assistants ka rawih sak tawh che a,anni nen chuan thawmhnaw pawh inlo en ho mai dawn nia,zanah ka rawn lam ang che" tih thuak pahin Livie hnunglam ami chu a buk khum zauh a ,Laptop chu khup nghal thawkin hnathawk turin a chhuahsan nghal daih a.
Livie chu a thil ei lai pawh thial lo chuan a ka hau a,Cary thusawi zawh chiah kha hriatthiam tumin a ngaihtuah a.
Match
Mami Chhakchhuak
Chapter - 2
A sambuang uluk vaklo a tawnkhawm leh a mitmu pawl ram chu a inhmeh phian lehnghal.A private detective rawih hnen atangin Livie chanchin a hriat tur pawimawh zual engemaw zat chu Cary chuan a hre tawh tho a,ala duh khawp loh avangin lo chhuichian belh leh turin a hriatir a nih kha.Tuna a hma a hmeichhe thu a ngaihna hrelo taka hawi hai hmel chu chik fahranin a en a,alo beisei ang a ni hauh lo mai.A hmel a tha tih chu a thlalak alo hmuh tawh vangin a hre tho a,mahse hetiang em em in a itawm ang tih chu alo hre lawk lo tlat.A t-shirt satliah zet hak phena a hnute bu nalh tak,a kekawrbul khuh chin bak a mal lo lang te chu....chutianga ngaihtuah ta mai chu!!
Livie lah chuan chhan ngaihna hre lawk lo a a ngawih deuh hnu chuan "Tu nge i nih a?" An chuanna limousine chu a su dat a,a lo tlan tan der tawh a.Livie chu a hlauthawng ru kher mai,mahse tihlan loh hram hram a tum a.
"Min hre lo a maw? Ka awih chiah lo.Mahse ka han insawi tho a nge.Cary,Cary Agos Woodsen.I pasal tur" Cary chuan a rilru hriat nan anti deuh kher a.
Livie chu sawi ber tur hre lo in a ngawi reng ringawt mai a,hria pawh nise a sawi ngam lovang.Tunge a nih chu a hrechiang khawp,mahse a hamhaihin a hma a thu pa chuan a ti zam chhe lo chauh a ni."Khawnge kan kal dawn a?" zam ru tak chungin Liviechuan a zawt a.
"Ka in ah"
Awle,a ngainatawm lo hle mai maw!! A pawilo,England ah a kir leh hma ani mai lawm!! A thil ngaihtuah vang chuan Livie chu a inthlahdul ta deuh a.Chu chu lo hmu in Cary chuan a mal chunga file chu la in a keu a "High school i chhuah hnu ah zirna i chhunzawm tawh lo a ni maw?"
"Kha kha enge a? Ka chanchin ilo chhui a ni maw?"
Livie chu a thinrimin mak ati kher mai.A kut chu phar chhuakin file chu va laksak a tum a,Cary chuanlo hmu hmanin rang zetin a keng kang ta daih a."Engah nge ka chhuichian loh ang che!? Ti teh,nangpaw'n ka chanchin hi hriat i tum miahlo chu ti duh suh" ngaih pawimawh loh hmel zet chuan alo tih khum a.
Livie chu a ngawi hmak a,thinrim teuh chungin a in kuangkuah than a,a sawi dik miau bawk si a.A nu leh Mr.George, Cary-a pu an inhmelhriat atang khan an chhungkaw chanchin chu alo ngaihven ve tawh a,New York a pan hma lawk pawh khan Cary-a chanchin bik phei chu google-a a hmuh theih ang ang a chhiar vek ve tho a ni.
"Hmeichhe nungchang tha tak i nih dawn hi,ka pu sawi ang chiahin" a file ken chhiar niawm taka bih pah chuan a rawn ti a,mahse a thinrim laia ngawi renga a inkuangkuah chu a sawi chhan zawk tih Livie chuan alo hrethiam tho a.
Livie chuan Cary file kenah chuan engtiang chiah a chiangin nge a chanchin a in ziah tih chu a hre chak kher mai,a naupan lai hun hriatchhuah fo a duh loh te,a pa chanchin te,Craig-a chanchinte a inziak ang em? Chutiang a ngaihtuah chuan a thinrimna chu lungngaihna leh zahna in arawn thlak a,a mittui chu a tling piau mai a,car glass lam chu engmah hmu chuang lo in a hawi daih a.
A awmdan chu lo hrethiamin Cary chuan a file ken chu a khup thawk a, "Hmeichhe tah belh deuh hi ka ngaina lo ania,ka rilru hneh i tum chuan i inthlak vat angai ang" nin hmel zet chuan ati a.
"Engvang in nge i rilru hneh ka tum chu i rin a?" Livie chuan alo ti hlar a.
Mak ti deuh a Cary-a'n a en lai chuan an chuanna car chu a ding a,Cary in chu an thleng ta!!Engmah an sawi zawm hman tawh lo chuan Livie chu a ti lawm zawk a,hepa chapo zet mai hi pasala neih chu sawi loh,biak pawh a chak tawh lo e.Car kawngkhar anrawn hawn saka a chhuk chuan Livie chu a thinrimna zawng zawng a bo zo ,a hma ah chuan inlian leh nalh em em mai,sailungvara sak chhawngthum a sang chu alo ding luah mai a,a sir vela thingkung leh pangpar te chu uluk taka enkawl tih hriat fahranin a faiin an duah hluah mai a.An tlanluhna a hnunglam chu a hawi leh a Gate lianpui mai chu hla deuh takah hian alo awm a,a ram chu a zau hmel hle mai,Livie chu a thaw a chham lo chauha ni.
"I beisei ang a tha a ni em?" Cary chuan ten hmel zetin a ti a.
"Ka rinphak bakin...!!" Livie chuan a tawng elna chu haiderin a ngaihdan diktak chu a sawi ve hmiah a.A ni ang pindan pahnih chauh nei in a cheng thin tan chuan a ropui lutuk a ni.
Cary chu kawngkhar lam pan chuan a kal daih a,chu chu a hmuhin Livie chuan a umzui ve nghal a,kawngkhar lo inhawngah chuan nu lian leh thau tak mai hi alo lang vat a "Chibai ka pu" tiin nui sangin Cary chu alo bia a,Livie a hmuh chuan a tum deuh hmak a.
"Dorota,hei hi Olivia Wardof a nih hi,ka hrilh tawh che ang khan enge maw chen chu kan hnenah a cheng ve dawn a" Livie lam chu hawi lehin "Hei hi Dorota,ka in enkawltu a nih hi,mamawh i neih apiang chu ani hi i zawt chawt mai dawn nia" tiin a inhmelhriattir a.
Livie chuan a kut phar chhuak a chibai a tum pahin 'Hello Dorota,Livie tiin min ko thei ang" nui sangin a ti a,peihloh hmel deuh a lo chibai pahin "Aih,Miss Wardof emaw Miss Olivia tiin ka ko zawk ang che" alo ti ve tlat a.Chutia ati chu amah tluk zetin Cary chuan mak ati ve tih alang reng mai a.
"Awle,tha i tih ang khan min ko mai dawn nia" Livie pawh chuan ati ve ta mai a.
Inchhung an lut fel deuh chauh tih chuan"Hey Cary,ka lo nghak rei tawh lutuk....Wow....Olivia chu i ni ang maw?" Brad chuan arawn ti nghal a.
"Dorota Livie hi a pindan turah han hruai ta che" Cary chuan ati ve nghal a.
"Min rawn zui rawh miss Wardof" tih pahin Dorota chuan inchunglam a pan a.
"I unaupa hi min in hmelhriattir dawn na nge?!" lungawilo deuh chungin Brad chuan a thlir zui a.
Ngawi rengin Livie chuan Dorota chu a zui ve tawp a,engtinnge an inbiak zui zel a ngaihtuah lo ,a hria a ni!! A nu leh pu George a ruahmanna,Cary leh amah inneih tir chu Cary leh amah bakin an hriat a ringlo kha nia,engzata tamin nge hria ang le!!?
"Hei hi ania i pindan tur chu" Dorota tawng ri ah chuan a harh deuh zawk a,a pindan tur chu a zau tha in a nalh kher mai,a chhung chu a var vek leh tunlai thei ang bera chei niin khum atanga en mai theih turin t.v te a awm thlap a.
"Tikhan lo awm la i thawmhnaw chu nakinah kan lo dah tha ang" tih deuh hmuk pahin Dorota chu a inhera kawngkhar lam chu a pan a.
"Ka lawm e,Dorota" Livie chuan a ti sap a.Dorota chu arawn hawi let zauh a,a chhuak ta a.
Livie chu khumah thu in a nui hul hak a,amah ngaina lo tu pahnihna.A nu kha chuan beiseina a nei sang hle na a,Cary nen chuan an inneih hmel loh an khawvel a in anglo lutuk,chutah a ngainat lohzia ati lang hreh miahlo lehnghal,a in enkawltunu paw'n a ngaina chuang lo,Cary chhungte dang pawh hmu se.....England ah chuan a kir leh thuai dawn e,a nu chuan hrehawm ati viau ngei anga,mahse a ni tan ve thung chuan duhthusam...thawk ala hak a,a rilru pik chuk pawh a veng ta sawt alawm,bualin zau tha tak ah chuan lutin shower chuan a inphuh ta sar sar a.
A inbual zawh a arawn chhuah meuh chuan a thawmhnaw te chu thawmhnaw khaina ah chuan alo inkhai fel thlap tawh a,engdang mah ngaihtuah tawh lo chuan in hru hulin pyjama a ha a ,khumah chuan inthawlhin a muhil ta siai siai a.
A pindan kawngkhar kik ri ah chuan a harh chauh a,a lo thim ruih tawh a,kawngkhar chu rawn in hawngin Dorota chu arawn lut a "Mr.Cary leh Mr Brad ten zanriah kil turin an nghak reng tawh che nia,nge hetah ka rawn pe zawk dawn che Miss Olivia" Lungawilo tih hriat deuh chuan ati chhum deuh hmaka.
Khum atanga thawhchhuah pah chuan "Cary a te rual chuan ka lo ei a nge" tiin thawmhnaw khaina lam chu ava pan a,a kawrfual ken ve tlemte a hmuh chuan a rilru a thlak leh ta thut a,chhunah khan 'Ka rilru hneh i tum chuan i inthlak a ngai ang' Cary khan ati ni lawm ni,a rilru hneh a tum si lova engahnge a inthlak ang,!!
A inhera,kawngka bula Dorota lo ding chu nuih sangin a kalpel a zanriah eina pindan lam chu a pan a,mak ti leh awihlo zeta Dorota in a thlir zui vawng vawng pawh chu a hmu hman ta lova.
"A harsa hleinem court a inkhin kher pawh a ngai dawn lova,chutiang vela awlsam chu" Brad an a tih mawlh mawlh lai chuan Livie chu ava lut ve a.Dawhkan kil in an lo thu tawh a,eitur erawh anla chhawp lova.Livie inchei dan an hmuh chuan an meng phawk nasa dun kher mai,Livie lah chuan hre lo ang hmakin dawhkan chu a kil ve hmiah mai a.
"English ho chu incheina an uluk viau amaw tia" a mak tihna thup senglo chuan Brad chu arawn tawngchhuak phawng mai a.
"A tam zawk chuan an uluk alawm,kei chu ka nu nen chauha cheng kan nih vangin tihian zanriah ka kil mai thin a" Livie chuan a hma a an bawngsa rawn chhawp chu ei pahin alo ti a.
Brad a mak tihna chu nuihzatna in arawn thlak a. Cary, suit dum nalh tak ha,a mitmengah enge a ngaihtuah tih hriat theih miahloh a Livie en reng lam chu hawiin "In inhmeh dawn hle mai a" ati a."Ee..chuan,Cary cousin Brad ka ni e,Woodsen and Gardner ukil firm a Woodsen zawk kha ka nia" tih pahin Livie lamah chuan a ban a phar chhuak a,rem leh rem lovin an chibai a.
Livie chuan an zanriah chu tui ati kher mai,insumna nei miahlo in a ei mawlh mawlh a Brad nen chuan an titi pah mawlh mawlh bawk a,fiamthu a thiamin sawi tur a hre em em mai lehnghal.Cary chuan ngawi rengin a zanriah chu a ei mawlh mawlh thunga.
"Nicole i nena in inthen hi chu ka lawm ngawt mai,kha nu kha chu ka ngaina ngai lo.Naktukah in chanchin hi alo chhiar hunah chuan mak ati ngawt ang le!" engmah ngaihtuah chianglo chuan Brad chua tawng mawlh mawlh a.
Livie leh Cary chu an thil eilai chu an tawp chawt a "I sawi awmzia chu kan....," Livie chuan zawh pawh a zawt zo ngam lo.
"In pahnih chungchang hi ni e,nichinah ka hmelhriat chanchinbu mi pakhatin min rawn zawt a,in inneih tur thu hi ka lo hrilh maw le" Brad chuan ngaih pawimawh loh hmel zetin a ti liam puat a.
Livie chu thawk pawh a thaw tha ngamlo,hlauthawng zetin Cary chu ava en a,a ni chu tualthat duh mai tur hmel hi alo pu a.
Thawm reh ta thapah chuan Brad chu a thil eilai hawisanin arawn dak chhuak a Livie chu ava en a,Livie in Cary a en kar tih a hmuh chuan Cary lam chu a hawi leh a.Cary thinrim hmel a hmuh chuan a phu deuh zawk a,sawi mai tur hre lo in a ka hau ringawt mai a.
"Haw mai la a that ka ring" Livie chuan alo ti sap a.
Livie lam chu hawi leh in "Ka la kham hleinem" ati thuai a,a sawi zawh rual chuan a thusawi atthlak zia chu hre chhuak lehnghalin "I sawi dik,aaa..mangtha u" tiin Brad chuan a hmui chu hru thuakin a tho nghal a.
"Mangtha le,Brad" Livie chuan ati sap a.
Brad a chhuah hnu chuan Cary chu a fian ken lai chu dahthla in a thutthleng hnung chu a ngheng a,a kut dinglam chuan a khabe chu a tuai nauh nauh a.Livie pawhin a kut chu a malchungah dahin a tuai ve nauh nauh a.Chhiahhlawh pakhat chuan Cary no ah chuan wine arawn thli leh a, "Wine aia chak ka mamawh" tih pahin a tho a,chaw eina pindan chu a chhuahsan ve daih a.
Livie chuan a ngaihna hre lo takin a enzui a,'enge hepa hian a hriat le! Media ho in an hriat chu atan a pawi viau tur ang maiin?' a tho hluai a,Cary chu a umzui ve nghal a.
Drawing room a va thlen chuan Cary chu tukverh lam hawi hian Brandy ni awm tak hi alo in a.Pindan chhung chu a zau nuamin meichhemna thuk lian ang reng tak hi thutthleng dup nawm hmel tak tak hian alo hual a,a pindan dangte ang bawkin a felfai in a changkanga ,mipa in a ni tih a hriat hliah hliah bawk a.
"Brad-a'n a sawi vang maiin miin an ngaihven dawn tihna a ni hleinem.Nang leh keiin engmah kan sawi ve loh chhung chu! I cousin lakah khan i rawng mah mah a ni,hlauhthawn tur a awm lo" Livie chuan a va tia.
Cary chuan mawl tih hmel zetin alo nuih suk ringawta,chumi chu a hmuhin Livie thin chu a sa phat a "En teh,miin heng thil te hi lo hria pawh ni se enge i tan a pawina ? Pawi ti tur an awm a nih chuan keimah hi ka ni ang, nang te chu..."
"Ha...pawi i ti anga maw? I duhdan chiah zawk a ni ang chu!! Mi zawng zawng in nang leh kei min han hmehbel vel te chu! min nei turin a ni lawm ni ilo kal?" hmusit zet chuan ati ngul ngul mai a.
A tawk tawh! thudik tak a sawi a hun,hepa hmuhsit mai mai tur hian a awm lovang! "Nang neih che maw? Lalpa leh... he hmuna ka lo kal nachhan chu i pu leh ka nu duhdan a ni.Kei ni lovin,mi chapo leh mahni indah sang nang ang hi engah nge ka neih duh ang!! Ngaihzawng nghet pawh nei thei lo, hmeichhia te'n an tihlawm chhung chauh hmangaih,i nin hun a lo thlen veleh a i hnawl leh mai mai turin ka inphal teuh lo.I bialnu hnuhnung ber nen khan thla thum pawh in in date hmanloh kha!!" ati tawn tawn mai a,a sawi hnem lutuk mah mah tihchu a inhre nghal tho,mahse alo sawi zo hmantawh si.Livie chuan thawk ala hawk hawk mai a.
Cary chuan a kut dinglama no dawm chung chuan a en deuh vang vang a,Livie chuan a ka alo chip mai mai lo chu a inchhir tan khawp mai.Cary mitmengah lah chuan engmah a hre thei der mai si lo a.
Pindan chu a reh deuh vang vang a,chutah "Kha kha nia ka sawi media ho thu thehdarh thatlohna chu,engmah sawi lo mah ila,sawi anga min ziah tawh chuan mi tamtakin an awih thin.Tuna i thu rawn sawi pawh kha mi min sawidan i chhiar atanga ngaihdan i siam a ni ngei ang.A dik em?" cho zet chuan a mitah tak a en a.A no chu a tlak pawp a.
"Chutiang em em a tha lo chu a ni lo ang,chuan Brandy kha in tawh lo teh" Cary-a'n a no a thli khat leh mek chu a hmuhin aw nem deuh zawkin a ti a.
Cary chu a nui leh suk a,mahse tun tum chu inhmuhsitna lam a lang tawh lo "America a nih hi,Brandy kan in vak ngai hleinem Whiskey lawm.Zu i in ngailo ni maw?"
"Ngai lem lo,a tha ka ti lova" dik takin a chhang ve mai a.
"Hhmmm....min neih i duhloh zia i sawi chiang tawh bawk a,heng thil hi a tlangthan loh nan ka lo buaipui ange,mahse engmah ka tiam thei lo che.Media ho hi chu sum tamtak nena thlem pawh hian an duhlo thin a" Cary chu a inthlahdul hmel ta hle mai a.Livie chu a bu nghauh a,pindan chu a chhuahsan a.
Ngaihzawng leh inneih chungchang a sawi Cary-a'n a chhanna chu a hrethiam chiah lo,media te'n dawt mai mai an thehdarh ni awm takin sawi mahse thlalak zo zai te kha..dawt chu a ni vek thei lo alawm! A ngaihtuahna a kawm nasat lutuk vangin a awmna chu a hre mai lo,pawnlam a pan emaw atia mahse corridor-ah chuan a kal a kal ta mai,a hawi vel ruai a Dorota leh chhiahhlawh dang inbe lai chu ava hmu fuh hlauh a,a va pan nghal a.Dorota chuan lo hmu ve in a mi biak lai chu a kalsawn tir daih a.
"Hi..Dorota,minlo hrethiam lawk,huanah sawn len vah ka duh a,kawng hi ka bo tlatin ka hria,in hi a lian bawk sia" inthiamlo takin a va ti a.
Dorota chuan "I lo kalna ah khan let leh char char la,veilam a peng i hmuh hmasak ber kha ni mai." ati a.
"Ka lawm e,tuna i lo biak kha he ina hnathawk tho hi a nni em?" Hriatchian chak tak chuan a zawt a,a chhan chu a thlen hlim a Dorota a hmelhriattir bak kha Cary-an midang a hmelhriat tir lo a chumi hnu ah he ina hnathawk engemaw zat a hmuh belh leh tawh a.
"Ni e,in lian tak ania Mr Woodsen-a a buai thei hle bawk a,hnathawktu tamtak a mamawh alawm" lungawi hmel vaklo chuan ati a.
"Tih lungawi loh che ka tum miah lo,dik tak chuan America ah hian ka cham..."
"I mutna ka lo han siam tawh zawk dawn em ni ang,Miss Wardof?"
"Ka lo thlen hlim khan ka mu tam tawh alawm,ka mut pawh a chhuak vak lo zanin chu kan leng vak mai mai ange.Chumi hma in thingpui ka in chak lutuk,choka hi khawilamah nge?" nui sang chuan ati ve a.Tu zawk nge chungnung tih a hriattir a ngai a ni.Dorota chuan a lawmlohna ti lang ngam chiah si lo in choka lamah chuan a hruai a.
Thingpui chawi chung chuan huanah chuan a tei vel a,khawpui chhunga thawm bengchheng te chu tlem hriat theih mahse New York khawpui lun laia awm ani tih hriat harsa khawpin a reh nuamin phul chunga kal a thingkung thlir vel chu a nuam a.England a an khua Lavenham nena a danglamna chu a lum tih deuh chauh a ni.A thingpui ken lai chu an in hlak a,Cary sawi ang em em chuan a buai a ringlo New York a cham chhung chu reilo hle dawn hian a hria a,a cham chhung na na na chu am deuhin a hmang ang chu! Chuti a nih chuan Cary nena inhnial fo pawh hi a tha lo ang,a ni paw'n a nei duhlo ve tho tih a chiang reng a...ani angin 'ka nei duhlo che' chu ala ti ve miahlo a! Inrem taka awm an zir angai a ni,thiantha tak annih theihloh pawhin thian chu anni thei hrim hrim ang.
Thutthleng lo inhung a hmuh hmasak berah chuan thingpui a in zawh hnu thleng pawh chuan a thu a,huana pangpar vel bakah khawpui chhunga inchhawng sang tak tak a hmuh theih tlemte chu a thlir kual vel mai mai a,engtia rei nge chutah chuan a thut a hre lo a hnunglama ke pen thawm a hriat chuan a inher vat a.
"Hi" Cary chu a neck tie pawt thawlin a kawrchung alo phelh tawh a,"I mengrei hle mai" tih pahin a bulah chuan a rawn thu a.
"Ka mut a chhuak lo va" Livie chuan alo ti sap a.An in thuthnaih em avang chuan a mipa rim pa hrak mai te chu a hre thei a,a zam thar leh ta riau mai a."Nichina ka thusawi kha...sawi..sawi lo tur ka nia,apawi ka ti khawp mai".
"I ngaihdan sawi chhuah chu a pawi hleinem.I sawi ang khan kei min neih tum sa a lokal chu i nilo tak tak maw? Dawt min hrilh suh,a chhan chu ka hre lehdawn tho" Cary chuan ati dam dap mai a,mahse chu chuan a thusawi chu ati hlauhawm zawk mah a.
"Tehreng mai,neih che ka tum lo hrim hrim" sawi zawm zel tumin a ka a ang zuau a,a ngawi leh ta daih a.Chu chu lo hmu in Cary chuan "Sawi zo rawh" ati nghet churh mai a.
Zam ru ang reng tak chungin Livie chuan"Awle,nang....nangpawhin inneih hi i duh biklo in ka hria a,kan inhmuh tirh atang khan tha taka inbiak kan nei lo a,kan in ring tawn lo ve ve bawk a.Tunah chuan neih che ka tumlo tih i hre ta bawk a,thianah kan insiam thei ang chu" Cary chuan mitkhap miahlo hian alo en a,huan mawi tak leh thim deuh ruih nen chuan a hmel chu a inhmeh phian lehnghal,Livie chu a zam ru tawh takzet."Ka sawi awmzia chu thian....kan inhnial ziah kher a ngai ....England ah ka kir leh vat dawn tho a,chumi chhung chu nangpawhin mikhual pangngai angin min ngai mai la" Livie chuan ati bah deuh niaih a.
"Mikhual pangngai i ni si lo alawm.Brad-a thil lo sawi kha thup hram ka tum ania,ka thei ta lo a ni.Nang leh kei hi kan lar dawn khawp mai" Cary chuan ati mar put a.
Livie chu a ka hau a sawi tur a hre lo.Media ho chim buaia awm a milar nih chu engtiangin nge a awm a hre tlat lo alawm.
"Mu hahdam tawh la a tha ang,naktuk atang chuan kan buai dawn teh a nia,i thil sawi kha a dik,thiantha tak kan nih theihloh pawhin inrintawn chu kan zir a ngai dawn a ni.Chuan,England a kir chu hmanhmawh vak duh suh!! I beisei anga hma chuan i haw thei lovang." ati a.
"Mu tawh rawh.Naktuk atang chuan i chau tawh dawn lutuk,min ring rawh" Livie thil sawi tum a hmuh chuan Cary chuan alo tawng khalh vat a.Engmah sawi tawhlo chuan Livie chu a tho a.
"Livie.." Cary chuan a ti leh sup a.
Livie chu rawn hawi lehin a thin chu a phu dup dup a.
"I thingpui inna no i theihnghilh" tih pahin Cary chuan no chu a rawn keng kang a.
Livie chu a nui hak a,no chu la in inchhungah chuan a luhsan ta a.
A pindan a thlen veleh khumah chuan a mu nghal a,chhun lama alo mut tam deuh vang a ni mahna a muhil thei der lo lehnghal,a in let tawn chhen a.Khawvar dawn lamah chuan alo chhing ve sek a.
Pindan kawngkhar rawn kik ri chuan a ti harh a,"Lo lut rawh" chhiahhlawh pakhat hi alo lut a
"Tukthuan hetah kan rawn pe dawn che nge tukthuan eina pindan..."
"Ka lo chhuk ang,minute nga hun min pe la"
"Awle Miss War..."
"Olivia min ti rawh"
"Awle Miss Olivia" ala ti talh a,a chhuak a.
Tukthuan eina pindan a zuk thlen chuan dawhkanah hian eitur chi hrang hrang hi alo inchhawp teuh mai a,Cary chu suit nen alo awm thlap tawh a,a sam chu a inbualna ala reilo tih hriat takin ala huh deuh hlap bawk a .Laptop khawih mawlh mawlh pah chuan a tukthuan chu a lo ei a,Livie pawh chuan a zawm ve mai a.
"Good morning,i mu tha thei vak na nge"amah pawh en chuanglo chuan alo ti a.
"Ka mu hnem lutuk" bacon leh pancakes ei pah chuan ati a.
"Dawt.Zaninah party na ah kan kal a ngai dawn a nia,personal stylis leh assistants ka rawih sak tawh che a,anni nen chuan thawmhnaw pawh inlo en ho mai dawn nia,zanah ka rawn lam ang che" tih thuak pahin Livie hnunglam ami chu a buk khum zauh a ,Laptop chu khup nghal thawkin hnathawk turin a chhuahsan nghal daih a.
Livie chu a thil ei lai pawh thial lo chuan a ka hau a,Cary thusawi zawh chiah kha hriatthiam tumin a ngaihtuah a.
| Link: | |
| BBcode: | |
| HTML: | |
| Hide post links |
Perfect/Inperfect
Match
Mami Chhakchhuak
A makti leh ngaihna hre lo chuan Dorota chu ahan en ringawt a,a nih lah chuan "Engmah thil awmzia ka hre lo e" tih melhin alo melh a.A ngaihna hre lo takin a thil ei lai chu a ei chhunzawm a.
Tukthuan a eikham chuan chu in lian tak chu a fang kual a,pindan tam zawk chu a lut vek a,thenkhat erawh chhiahhlawh ho chuan a luh an phalloh vangin a lut thei lo a.Chu in chuan mi tamtak party dawl thei tur ball room te a nei hrang thlap a,music ring taka ngaihthlak theihna pindan te,library, gym leh pool lian zet te,spa room leh theatre te nen Livie chuan a hmuh hnuhnun apiang chu ropui ti takin a thlir kual zel a.
"In leng i nei ania,miss Olivia" tih ri chuan ati phu deuh zuk a,a lehkhabu en lai chu dahtha in a jeans ipte chu zen tatin chhiahhlawh chu a zui a.
Thutkhawmna pindan pakhata a hruai luh chuan mi pahnih hi anlo thu a,pakhat zawk chu coat leh pawnfen chhing nen zahawm takin a inthuam a,pakhat zawk erawh chuan make-up leh tlereuh a inbel nasa in jeans nen a awm thung a.
Livie lo lut an hmuh veleh chuan anlo ding a,"Hi,Blair ka nia,Miss Wardof i ni ang maw? I personal assistant tur ka ni e" tih pahin zahawm taka inchei zawk chuan a ban a rawn phar a.
Livie chu a hamhaih tep a,Cary thusawi kha alo theihnghilh hman a "Oh...a.... ni e,Olivia emaw Livie tiin emaw min ko thei ang" tiin a kut chu phar chhuak ve in an inchibai a.
"Chuan...kei hi Sassa ka nia,i stylist tur" tiin a bula mi chuan a rawn chibai ve nghal a.
"Awle," tih pahin a chibai ve a.
Chumi te pahnih chuan thildang sawi tawh lovin Livie chu an en kar mai a,Livie chu a ngaihna hre lo takin a nui ringawt a."Chuan...." tih pahin a ban a phar a.
An pahnih chuan an in en he haw a "Tihtur min hrilh hun kan nghak a" Blair chuan a rawn ti ta a.
"Oh...ahh...engmah tihtur a awmlo"
"Mr Woodsen khan zanin atana lo buatsaih tur che in min ti a" Sassa chuan tih pahin a thlek leh vang vang a.
"Chuan,i sam kan tan hmasa ber ang" Livie in zawhna zawt hmel deuh a alo en chuan atih zawm a.
"Wow...ha..engmah a ngai lo,Mr.Woodsen chu kan bia ange" tih pahin a cell phone chu a phawrh nghal a,anni pahnih pawh chu an din ngaiin an ding reng a.
"Hello" Cary aw chu a dam thlup mai a.
"Umm..Cary,tukin khan kan inbe chiang hmanlo a,assistant leh stylist chungchang vel i sawi kha..."
"Anlo thleng tawh em?"
"Thleng tawh e,chu chu nia ka..."
"A nih chuan engah nge min lo biak Livie ka buai viau ania" Cary chu a hmanhmawh hmel tan riau a.
"Ka mamawh lo a ni,hawn tir la a tha in ka hria!"
"Enga?!. Livie zaninah Attorney General te inneih Aniversary lawmna party ah kan kal a ngai ania,tihtur tul apiang Blair..."
"Engah nge kei ka kal ve dawn,ka hriat ngai pawh anni hleinem.Nimin maiah America ka lo thleng ve chauh a nia"
"Chutiang lamah chuan ka nupui hual hi i lar tawh khawp mai,mi zawng zawng in hmuh che an chak alawm?" awmze nei fe chuan arawn ti a.
"Enteh,chutiang ringawt a ni thei lo!! ka kal dawn lo" Livie chuan mangang takin ahan ti ringawt a.
"Chutiang atan chuan a tlai tawh mah mah.Blair kha puih i mamawhna apiangah in puih tir la,Sassa thurawn kha lo pawmin inchei ang che.Thil pawimawh zual chu Blair kha ka lo thawn mai ang" Cary chuan phone a off hmak a.
"I sam tantu tur chu be vat ila a tha ang" Sassa chuan Livie in phone a hman zawh rual chuan alo ti leh then a.
Reilote hnu ah chuan sam tan turin a thu fel der tawh a,sam tantu tur chuan a sam chu an en thuak thuak a "Miss i sam an tan lai hian lir a nghing a mi?" tih pahin Livie sam hmawr tan rualloh zet chu arawn keng lang vaw vaw a.Bathroomah a remchan dan ang anga ama tan a nih thu chu sawi lang ngamlo in Livie chuan a ka a chip hmak thung a.
A sam an tan zawh hnu chuan a hmai leh tin te chu an tihfai sak a nakin deuhah chuan massage.Pindan pakhat khat tlat chuan designer chi hrang hrang siam thawmhnaw alo awm a,chung zingah chuan a stylist chuan a thawmhnaw tur a thlansak char char a,Livie chuan thawmhnaw chu nalh ti hlawm viau mahse chutianga duh duh lo thlan tawp chu nuam ati chiah lo,Sassa erawh chutiang a ni ve lo.Zan lama a hak tur mai bakah hun bi hrang hranga a hak tur te thleng chuan a thlan sak a,pheikhawk leh thildang te pawh a duh ang a awmloh chuan Blair chu biak tur a hrilh zung zung a,Livie chuan ngawi rengin an thu chu alo awih tawp mai a.
"Tikha chuan sawisel bo i ni ta" Sassa-in a tih hliai takah chuan darthlalang taksa pum lan theihna ah chuan Livie chu a in en a.Kawrfual rangkachak rawng ha in a sam chu uluk takin an tawn sak a pin rangkachak atanga siam mawi em em mai hi an kilh bawk a,a inhmeh chu ati ve tho mahse a rilru a nuam thei lo,mahni nihna lo anga langah a inngai tlat a ni.
"I nalh hle mai" pindan kawngkhar ngheng chuan Cary chu alo ding reng tawh a,zinga a suit hak kha lo thlak tawh in suit dang alo inbel tawh a,a inbualna ala rei lo tih hriat takin a sam chu ala hnawng deuh chap a.Sassa leh Blair chu Cary an hmuh chuan ngawi rengin an chhuak a.
"Nangpawh.I lo hawn lai ka lo hre miah lo a?"
"Ka lo thleng ve deuh chiah"
"Mahse i thawmhnaw...!!"
"Ka office building chungah sawn apartment ka nei alawm,he in nen hian ka awm tam lam chu a in ang reng ang"Livie hrethiamlo hmel a hmuhin a hrilhfiah a.
"Awle..ahh..kan kal tawh mai dawn em ni?" Livie chuan zam ru ang reng takin a zawt a.
Cary chu rawn kal hnaiin bawm lian vaklo hi arawn keng a,Livie hma ah chuan dingin a hawng a,"Kan kal hma in,hei hi awrh phawt ta che" tih pahin bawm chhunga lunghlu hlanga siam thi chu a phawrh nghal a,Livie chu sawitur hre lo in a ka hau mai a.Darthlalang hawi zawng chuan Livie chu a dintir a,a hnunglam atang chuan chu thi chu a rawn awrh tir ta a.
"I mitmu rawng nen hian a inhmeh hle mai,a kap eng sar sar mai alawm" Livie beng bulah chuan a rawn thaw lum ham ham a.
An inhnaih apianga a chhungril khur dar dar thin chu Livie chuan a inhaw ru kher mai "Ka awrh thei lovang" ati sap a.
"Engvangin? I duhzawng ani lo em ni?"
"Chulam a ni lo,hetiang thil manto ..."
"Ka thilpekah che ngai rawh"
"I nupui hual tak tak ka ni si lova,zungbun pawh ka bun loh hi,mi hmuhah va inlan pawh hi a tul chiahin ka hre lo" ati niah niah a.
"Zungbun i duh zawk chu lo rin thiam awm a nia" Cary chu a inla hrang nghal a
"Chu chu ka sawi tum a ni lo tih i hriat kha" Livie chuan hriatthiam tir tum takin a ti a.
"Kal ang ,kan tlai dawn ania" tih leh chhuah a rual a.Rilru nuam chiah lo chungin Livie chuan a zui ve a.
Kawtah chuan limosouine dum nalh tak hian alo nghak reng tawh a,a hma leh hnungah chuan car dang hi a awm ve ve bawk a,body guard ho car a ni tih Livie chuan a hre nghal mai a,Cary chuan a luh hmasak tir a.Gate pawnah chuan paparazzi tamtak in an thla lak ngei tumin camera chu anlo hmet de chuai chuai a,chu chu a hmuhin car chhunga awm
mah nise Lizzy chu a hlauhthawng kher mai.
"Engah mah ngai duh suh,an rawn hnaih thei hauh lo ang che" Cary chuan alo hnem vat a.
An sir velah te chuan bike rawn tlanin an thla rawn lak phet an tum a,Lizzy awm chu a nuam lo takzet.
"Lungngai suh,engmah an hmu thei lo pawn lam atang chuan car darthlalang hi a dum vek alawm" a nuih suk a.Livie pawh chu tlemin a inthlahdul ve ta deuh a.
Attorney General (US a dan lama hotu ber/ India ah chuan supreme court judge kan tih ang hi,mahse an thuneihna a sang zawk) in an thlen chuan carpet sen hi anlo phah zui mai a,a sir velah te chuan camera chu a de sup sup bawk a.Car kawngkhar an rawn hawn chuan Livie chu zam ru takin a kawrfual chu a sik niap niap a,Cary chu chhuak hmasa in a kut chu Livie vawn turin a phar a.Car atanga a chhuk chiah chu an lam hawi chuan camera chu a de nghal sup sup ni maiin Livie chuan a hria a,a bengchhengin mi thenkhat chuan a hmingin an rawn au luai luai bawk a,a lu chu a hai deuh muai muai a.
"Ka vuan che ania,nghet deuhin min vuan rawh.Thui lo te bak kal a ngailo" a beng bulte ah chuan Cary chu a rawn phun sur sur a,a kut veilam chu vawn sakin a kawngah chuan a kuah bawk a,Cary ngheng chung chuan kawngka lam chu a pan a,a taksa lum thur thur leh a perfume inkah rimtui zet hip chung chuan him riau hian a inhria a.
"Engtikah nge in in tawn?"
"Engtia rei nge in in date tawh?"
"Engtikah nge in inneih dawn?"
An sir a thuthar thehdarhtute chuan an chhan hlauh beiseiin an lo zawt hlawm a.
Inchhung an luh veleh Cary chuan "I tha em?" tiin ngaihtuah hmel takin a en a.Lizie in a chhan hma chuan "Ah...Cary" tih pahin nu upa lam, sam tuak ve tan tawh hian arawn chibai a.
"Hi,Mrs.Lenn,happy aniversary" tih pahin Cary chuan alo chibai ve a.
Livie a hmuh chuan "Dawt thuthang a maw tih lai a,min han in hmel hriattir ta che tlangval!" Mrs.Lenn chuan atih zawm zat a.
"Olivia Wardof a nih hi,ka nupui hual" Livie lam chu hawi lehin "Hei hi Mrs.Lenn,Mr.Lenn a nupui a nih hi,a eisiam sawisel miah suh" tiin a nui sang a.Livie leh Mrs.Lenn an in chibai zawh chuan "Min lo hrethiam lawk" tih pahin Cary chu a kalsawn daih a.Livie chu a lungawi lo ru kher mai.
"Happy Aniversary.In innei nuam hle mai Mrs.Lenn" Livie chuan a ti thuai a.
"Ka lawm hle mai.English mi maw i nih a?"
"Aw ni e"
"I hmeltha hle mai,Cary an a thlan nachhan che pawh hi ka hrethiam mai e" Mrs.Lenn chu a ngainatawm viau na a Livie chu a thusawi vang chuan a nui lui vel mai mai a.
"Kha le" a bulah chuan Cary chu tuisik kengin a rawn ding a.
"Ka lawm e" tih pahin Livie chuan lo la in a in nghala.
"Ohhh...i nuam sam lo em ni?" Mrs.Lenn chuan ngaihtuah hmel takin arawn ti ve nghal a.
"Ni lo e,ka tha lutuk e" Livie chuan a ti a.
"Ka tello in hetah party in lo nei hrang em ni a?" Putar lu tuak var vo tawh,chal sam nei tawh manglo chuan a rawn ti lung lung a,Cary nen chuan an in chibai nghal a.
"Enteh darling kan tlangval Cary pawhin nupui a nei ve tawh dawn ania" Mrs.Lenn chuan lo tih vat pahin Livie chu a en a.
"Ohh..i hmeltha hle mai.Cary hi vuan tlat rawh aw,chuti lo chu i hriatloh hlanin midangin anlo vuan sak daih ang che !" Livie chibai pah chuan a nui ruh ruh a.
"Heta hi ka ding reng ania" Cary chuan lungawi hmelloh zetin alo ti bul bul a.
Mrs.Lenn chuan anpa hnungzanga ben thak thak pahin "Ani tawng hi chu engah mah ngai duh suh" alo ti ve thuai a .
"Hlim tak in hun in hmang dawn nia,President pawh alo thleng tep tawh ang" tia nui huah huah chungin an nupa chuan an kalsan a.
"I ti tha lutuk ania" Cary chuan mipui tam zawk awmna lama hruai pah chuan a ti a.
"A ni maw?"
"Ni e,i talbuai viau ka ring ania.I ti tha lutuk" ati nawn leh sup a.Cary chuan alo ring zo lo kher mai!!
Chu inah chuan United States huam chhunga mi pawimawh zawng zawng chu an awm kim vek emaw tih mai tur a ni a,an zahawm hlawmin pitar putar deuh vek anni a,Cary chuan mi tam zawk hnenah chuan inhmel hriattir zelin a nupui hual a nih thu a sawi zel bawk a.
Nakinah chuan President pawh first lady nen lo thlengin Cary chuan a in hmelhriat tir leh a,Livie chuan Cary an a landan leh thawmhnaw alo ngaipawimawh em em chu a dem ta hauh lo mai.A nula hruai chu sawiloh,a nupui tur lehnghal chu miin an en dan tur a lo thlir thiam tlat a.Cary chuan inti ta tu tak leh ngaihtuah hmel takin Livie chu a vuan reng a.
Wine no chu rawn inkhawng karh karhin Mr.Lenn chu alo ding chhuak a "Zanin a kan inneih champha min lawmpui tura lokal zawng zawng te inzavai a chungah kan nupa in lawmthu kan sawi e,mahse Cary leh Olivia te hian ngaihven an hlawh zawkin kan hria a kan thik a ni" a rawn tih chuan mipui chu an nui dur dur a,Livie chu alo zak ru kher mai a thusawi zawm zel pawh a hre mumal lo.Zantir atanga a luhai chu ala reh chiang thei lo lehnghal.
"Cary babe,min la in hmelhriattir ve miah lo" nula sam dum kawrfual sen lar tak mai ha chuan a rawn ti no hnap a.
"Hi,Nicole...Hei hi Olivia Wardof ka nupui hual a nih hi.Livie,hei hi Nicole,Senator Herbard a fanu a nih hi" Cary chuan ati a.
"Senator fanu ringawt maw,kan in date thin kha.Ohh..i nupui hual lakah hian zep i duh zawk em ni?" ngeiawm fe chuan a ti a
"Zep hauhlo mai,ka hmeichhe date ho chu a hre vek alawm" A ni pawh chuan awmze nei fe in Livie chu a en a.
Livie chuan hawi ngaihna a hre mang lo.
"Chuan engtikah nge in intawn a! Ava thleng rang teh thut em,kar hmasa lawk pawh khan i apartment ah zanriah kan la kil dun sia" Nicole chuan arawn ti leh a.Cary chuan chhan tum hmel pawh pu lo in a en mai mai a.Livie chu a lu a hai leh deuh muai muai tawh a,Nicole i perfume rim na tak vang pawh a ni mahna.
"Hey babe" tiin an hnunglam atang chuan Cary hriatchian tak mai senator pakhat fapa chuan Nicole chu arawn kuah a.
Eng chiah nge an sawi pawh a hre thei tawh lo,kut tha chak takin lo man hman lo se chuan Livie chu a tlu ngei ang.
"A lu a hai maw? A rai a ni tiraw? Chu chu mi inneih in tum chhan?" midang hriat theih ngei tura ringin Nicole chu a tawng lawng lawng a.An bul vela mi te chuan an rawn en deuh thup mai a.
Cary chuan nghet deuhin a vuan a,Livie chu thidang lo turin a ngaihtuahna chu sawr bing a tum hram hram a,phun ri deuh mur mur nen ngaihtuahna sawrbing chu a harsa lam a ni.
"A tha em?"
"Enge thil awmzia?"
Hriatchak hmel tak chuan an zawt hlawm a.Nicole chuan sawi fuh inti fahranin an bulah chuan makti der hmel tak pu chungin alo ding ve reng a.
Cary chuan zo deuh maiin Livie chu a pawm nawlh a,choka lam chu a pan pui daih a.Chuta awmve doctor pakhat chuan a zui ve nghal a.
"Engkim a tha vek e,enkawlna tha tak a dawng ang.Party i chhunzawm leh tawh ang u" Mr.Lenn a fapa chuan mipui lo awmte hnem tum takin a rawn ti lauh lauh a.Phun deuh mur mur chung chuan an thiltihlai chu an chhunzawm leh a.
"Hei hi in rawh?" Doctor.Matt chuan tuisik rawn pek pahin Livie chu a ti a.
Cary chuan Livie chu choka thutna remchangah chuan dimte hian a nghat a.
"Ka lawm e" lo tih sap pahin no chu ala a,mahse a kut chu a rawn khur nasa ta mai a,tui no pawh chu a keng nghet hleithei lova.
"Lalpa leh!!.. Enge maw ti teh Matt" tiin Cary chuan Matt chu ava en a.
"Thawk han la vak teh le Miss.Aw tikhan," Livie chu tlemin a khur nasa lutuk chu a zia deuh a,"Zaninah no engzatnge i in tawh le?" Dr.Matt chuan atih zawm a.
"Engmah a in lo Matt.Zu a in ngai lo" thinur zetin Cary chuan alo ti nghet churh mai a.
"A that nasat chu,ka zawh a ngai miau sia lawm Cary" hriatthiamna beisei zetin a ti a.
Cary chu lungawilo zetin a lu a thing mut mut a,Livie lah chu an inhnial thawm chuan a ti khur nasa leh zual a.
"Oh...Cary 911 call rawh " Dr.Matt an a tih ri chu Livie chuan a hre ruai ruai a,a bak chu a thim khup a.
Livie mit chu a meng diar diar a,pindan lian vaklo ah hian alo awm a,thil hmuh chian lehzual tumin a lu chu ahan kan a.
"Hey,damdawiinah i awm alawm,hlauthawng suh" Cary chuan a rawn ti dam thlup a,a nem mu lehnghal a.
"Engtia rei...engtia rei nge ka.."
"Nizan chauh kha,"
Cary hmel chu thei leh theilo in a en a,nizan lama a suit hak tho kha alo la ha a,a hmul chu a to tan siar siar bawk a,a mitmeng erawh a hahdam in hmuh a nuam takzet,chau hmel a pu lo.
"Ka tihpalh takzet,khatia ka awmna chhan kha ka hre lo reng reng..ka"
"Chu chu Dr.te'n hriat chhuah an tum mek alawm,hahdam deuhin awm rawh.Tukthuan atan enge i duh le?" Cary chuan ngaituah hmel takin ati a.Lo hre lawk lo se la chuan a ngaizawng emaw ati ngei ngei ang.
"Muffin...muffin ka lo ei ange" ati sap a.
"Ok...alo thleng nghal ang" tih pahin a chalah chuan a rawn fawp zauh a,a chhuak ta nghal a.
Livie chu a chetdan chuan ati hamhaih kher mai,a chal a rawn fawh rual chuan a taksa pumpui chu a lum pup pup lehnghal a.Pindan kil a nurse lo ding reng ava hmuh chuan Cary awmdan vel kha a hrethiam chiah a.
Nurse chu rawn kal hnaiin a khum bula khawl vel chu arawn en fel a.
"Sleeping beauty chu alo harh tawh maw?" George Woodsen chu a tiang nen chuan a rawn in hawl lut a,a hnungah chuan a nupui Betty Woodsen pawh chuan a rawn zui a.
"Hi George,Betty,ka hmu cheu chu ka lawm hle mai" mak ti leh lawm takin Livie chuan alo en tawk tawk a.
"Enge ila tih renga nurse,a pu kalo thlen tawh hi!" George chuan a ti bul bul a,nurse chu a inthiar fihlim vat a.
"Mi ka la ti zam thei a ni tih hriat chu a nuam hle mai" tih pahin a nui suk a,khum bul Thutthlengah chuan a thu pah a.
"Enge i an tawh le," Betty chuan alo ti thuai a.
"Ka tha alawm,inlo kal chu ka lawm hle mai"
"Enge maw i sawi le,kan tih tur alawm" Betty chuan ati a.
"Khatianga hma khan party lian thamah a hruai tur che a ni lo asin,tlangvala chu keiman kan hrilhfiah ange" George chuan alo ti ve bawk a.
"A thiamloh a ni hleinem,keimah lawm ka..."
"Oh,ka hrethiam e" George chu hlim hmel deuhin a bu nghut nghut a.
"I hrethiam a maw?"
"I ti hlauthawng a nia George" Betty chuan alo ti dam diai a.
Kawngkhar chu rawn inhawng in Cary chu muffin leh bawnghnute tray chawi chung chuan alo lut a.
"Ah..a hun takah ilo thleng a ni.I nupui hual hi en teh a dang vek alawm eitur i pe tha lo em ni?" George chuan alo ti bul bul a.
Cary chuan eitur chu Livie ei mai theih turin a siam nghal mawlh mawlh a.Livie chuan tlema thu kang deuhin a ei a,Cary chu khum tlangah chuan a thu a.
"A thil eilai te hi chuan chhuak ve em em ula ka pi,ka pu?!"
"Kan lo lut ve chauh alawm,chutin min ti..." Betty chuan a darah chulsak pahin "Hun i pe teh ang,an mamawh in ka hria" ati a.George chu a tho tuah tuah a,"Pawnah kan lo nghak ang che" ati a
"Khatia tih kher kha a ngai hleinem," dem hmel takin Livie chuan George-a te chhuah hnu chuan Cary chu a en a.
"I breakfast kha ei zo vat rawh,a chhan chu i chhuak thuai dawn a nia" .
Livie chuan Cary mitmengah chuan khawngaihna ni awm tak hi a hmu zuai a,mahse a rei lo "Nizan a ka thihdan nachhan kha an hre tawh em ni!? test ka la hmachhawn dawn chauh emaw ka tia!!" hriatthiam loh hmel tak chuan Cary chu a en a.
"Chutiang chu a ngai lo ang,an beisei aiin i thihdan chhan kha hriatchhuah a awl,ti mai ang.I breakfast kha lo ei zo la,ka pi leh pu kha ka va bia ange" a tihzawm zat a,a chhuahsan ve ta a.
Livie chuan a la hrethiam chiah chuang lo na ,a thil ei chu tui a tiin a ril alo tam kher mai a , a ei mawlh mawlh a.
"Engtinnge Doctor ho chuan anlo tih a?" George chuan Cary lo chhuak a hmuh rual chuan alo zawt nghal a.An awmna hospital floor chu an hauh tawp vangin damdawiin hnathawk leh anmahni mi chhawr te bak chu hmuh tur an awm lo a.
"Ka nupui tur atana in biak lai khan in hre sa nge hre lo?" Cary chuan a pi leh pu en chung chuan ati nghet churh mai a.
"Enge i sawi awmzia chu Cary?" a pu chuan mak tih hmel takin a ti a.
"Social anciety,nge Social phobia ka ti zawk dawn.Enge maw i ngaihtuah le ka pu,hetiang...hetiang natna nei te chu ka tan..i ngaihtuah reng reng em?" Cary chuan ati mawlh mawlh mai a.
Betty chuan makti leh pawi tih hmel takin a hmui alo hup a,George Woodsen chuan thawk ahan la hak a "Thil ni thei a ni tih chu ka hria a,mahse Cary ka hre lawk sa lo.A pa chungchang kha i hriat ka ring a,kha vang kha a niang.Enkawlna tha tak hnuaiah chuan a dam vat mai ang" tih pah chuan thawk a la hak a.
A pu awmdan chu a hmuhin Cary chuan inhnial pui vak chi a ni lo tih a hrethiam mai a "Ni e,amah enkawltu tur pawh ka ngaihtuah tawh e.A dam vat mai ang" ati a.
A thusawi chu amah ngei pawhin a ring chiah lo,a dam thei tak tak a ngem? Social phobia,Vantlang hma a inlan ngamloh tlatna,a nasa zual phei chu inchhung pawh an chhuahsan ngai lo.Mi an be ngam lo a,an zakzum em em bawk.Chutiang natna nei nen chuan inzawmna nei chi a ni hauh lo,ani lah chu a thiltih apiang mipui ngaihven a ni si a,a hna nen vantlang hma a inlan hi a pawimawh em em si a ni,Livie nen chuan an inmil lo takzet!.Mahse Livie chungchang bikah hi chuan Doctor khan a nasat loh thu a sawi a,kartin vawikhat therapy a neih ziah chuan atan a that tur thu a sawi kha..mahse a dam ngei ang tih erawh a sawi hauh lo.
"Engtinnge hetiang natna nei chung hian amahin London atang New York a lo thlen theih?" A mitthla ah Doctor a zawh lai kha alo lang a.
"A nasa lova,mi ngaihven a hlawhlo bawk a,chuvang chu.Mite'n an ngaihven a,an bawr luai luai khan a ti zual a ni.Puipunna lakah chuan i lak hran rih deuh a ngai ang" tiin a chhang a nih kha !
"New York ah chuan i chenpui thei lo ang a,khawiah nge..ruahmanna i nei tawh em?" Betty chuan a tupa chu ngaihtuah takin a en kar mai a.
Muffin pathum ngawt a ei zawh hnu chuan Livie chu a puarin a harh sawt a.Cary pi leh pu te kha England-a a hmuh bak kha ala hmu leh miah lo a,Long Island-ah an cheng tih chu a hria a,amah kan tura anlo kal vang vang chuan a ti lawm hle mai.Enge maw a ngaihtuah le!! ,amah vanga lokal annih leh nihloh pawh a hre hleinem.
"Nurse hian a pui che anga i damdawiin kawr kha thlak tawh ta che,i chhuak thei tawh a" Cary chuan a rawn ti a.
'Doctor ka hmuh ve kher chu a ngailo maw?" Livie chuan ringhlel deuh takin a ti a.
"Tehreng mai,hawn vat a inbual vat vat ka chak tawh teh mai nia".
"Oh..okay ....lo va chhuak la"
Car atang a chhuk a helicopter tum hmun ani tih a hriat chuan Livie chu a hrilhhai hle mai a "Khawiah nge kan kal dawn a?"
"Hampton ah,nipui chawlh kan va hmang ang chu!!" Cary chu a nui sang a.
Match
Mami Chhakchhuak
A makti leh ngaihna hre lo chuan Dorota chu ahan en ringawt a,a nih lah chuan "Engmah thil awmzia ka hre lo e" tih melhin alo melh a.A ngaihna hre lo takin a thil ei lai chu a ei chhunzawm a.
Tukthuan a eikham chuan chu in lian tak chu a fang kual a,pindan tam zawk chu a lut vek a,thenkhat erawh chhiahhlawh ho chuan a luh an phalloh vangin a lut thei lo a.Chu in chuan mi tamtak party dawl thei tur ball room te a nei hrang thlap a,music ring taka ngaihthlak theihna pindan te,library, gym leh pool lian zet te,spa room leh theatre te nen Livie chuan a hmuh hnuhnun apiang chu ropui ti takin a thlir kual zel a.
"In leng i nei ania,miss Olivia" tih ri chuan ati phu deuh zuk a,a lehkhabu en lai chu dahtha in a jeans ipte chu zen tatin chhiahhlawh chu a zui a.
Thutkhawmna pindan pakhata a hruai luh chuan mi pahnih hi anlo thu a,pakhat zawk chu coat leh pawnfen chhing nen zahawm takin a inthuam a,pakhat zawk erawh chuan make-up leh tlereuh a inbel nasa in jeans nen a awm thung a.
Livie lo lut an hmuh veleh chuan anlo ding a,"Hi,Blair ka nia,Miss Wardof i ni ang maw? I personal assistant tur ka ni e" tih pahin zahawm taka inchei zawk chuan a ban a rawn phar a.
Livie chu a hamhaih tep a,Cary thusawi kha alo theihnghilh hman a "Oh...a.... ni e,Olivia emaw Livie tiin emaw min ko thei ang" tiin a kut chu phar chhuak ve in an inchibai a.
"Chuan...kei hi Sassa ka nia,i stylist tur" tiin a bula mi chuan a rawn chibai ve nghal a.
"Awle," tih pahin a chibai ve a.
Chumi te pahnih chuan thildang sawi tawh lovin Livie chu an en kar mai a,Livie chu a ngaihna hre lo takin a nui ringawt a."Chuan...." tih pahin a ban a phar a.
An pahnih chuan an in en he haw a "Tihtur min hrilh hun kan nghak a" Blair chuan a rawn ti ta a.
"Oh...ahh...engmah tihtur a awmlo"
"Mr Woodsen khan zanin atana lo buatsaih tur che in min ti a" Sassa chuan tih pahin a thlek leh vang vang a.
"Chuan,i sam kan tan hmasa ber ang" Livie in zawhna zawt hmel deuh a alo en chuan atih zawm a.
"Wow...ha..engmah a ngai lo,Mr.Woodsen chu kan bia ange" tih pahin a cell phone chu a phawrh nghal a,anni pahnih pawh chu an din ngaiin an ding reng a.
"Hello" Cary aw chu a dam thlup mai a.
"Umm..Cary,tukin khan kan inbe chiang hmanlo a,assistant leh stylist chungchang vel i sawi kha..."
"Anlo thleng tawh em?"
"Thleng tawh e,chu chu nia ka..."
"A nih chuan engah nge min lo biak Livie ka buai viau ania" Cary chu a hmanhmawh hmel tan riau a.
"Ka mamawh lo a ni,hawn tir la a tha in ka hria!"
"Enga?!. Livie zaninah Attorney General te inneih Aniversary lawmna party ah kan kal a ngai ania,tihtur tul apiang Blair..."
"Engah nge kei ka kal ve dawn,ka hriat ngai pawh anni hleinem.Nimin maiah America ka lo thleng ve chauh a nia"
"Chutiang lamah chuan ka nupui hual hi i lar tawh khawp mai,mi zawng zawng in hmuh che an chak alawm?" awmze nei fe chuan arawn ti a.
"Enteh,chutiang ringawt a ni thei lo!! ka kal dawn lo" Livie chuan mangang takin ahan ti ringawt a.
"Chutiang atan chuan a tlai tawh mah mah.Blair kha puih i mamawhna apiangah in puih tir la,Sassa thurawn kha lo pawmin inchei ang che.Thil pawimawh zual chu Blair kha ka lo thawn mai ang" Cary chuan phone a off hmak a.
"I sam tantu tur chu be vat ila a tha ang" Sassa chuan Livie in phone a hman zawh rual chuan alo ti leh then a.
Reilote hnu ah chuan sam tan turin a thu fel der tawh a,sam tantu tur chuan a sam chu an en thuak thuak a "Miss i sam an tan lai hian lir a nghing a mi?" tih pahin Livie sam hmawr tan rualloh zet chu arawn keng lang vaw vaw a.Bathroomah a remchan dan ang anga ama tan a nih thu chu sawi lang ngamlo in Livie chuan a ka a chip hmak thung a.
A sam an tan zawh hnu chuan a hmai leh tin te chu an tihfai sak a nakin deuhah chuan massage.Pindan pakhat khat tlat chuan designer chi hrang hrang siam thawmhnaw alo awm a,chung zingah chuan a stylist chuan a thawmhnaw tur a thlansak char char a,Livie chuan thawmhnaw chu nalh ti hlawm viau mahse chutianga duh duh lo thlan tawp chu nuam ati chiah lo,Sassa erawh chutiang a ni ve lo.Zan lama a hak tur mai bakah hun bi hrang hranga a hak tur te thleng chuan a thlan sak a,pheikhawk leh thildang te pawh a duh ang a awmloh chuan Blair chu biak tur a hrilh zung zung a,Livie chuan ngawi rengin an thu chu alo awih tawp mai a.
"Tikha chuan sawisel bo i ni ta" Sassa-in a tih hliai takah chuan darthlalang taksa pum lan theihna ah chuan Livie chu a in en a.Kawrfual rangkachak rawng ha in a sam chu uluk takin an tawn sak a pin rangkachak atanga siam mawi em em mai hi an kilh bawk a,a inhmeh chu ati ve tho mahse a rilru a nuam thei lo,mahni nihna lo anga langah a inngai tlat a ni.
"I nalh hle mai" pindan kawngkhar ngheng chuan Cary chu alo ding reng tawh a,zinga a suit hak kha lo thlak tawh in suit dang alo inbel tawh a,a inbualna ala rei lo tih hriat takin a sam chu ala hnawng deuh chap a.Sassa leh Blair chu Cary an hmuh chuan ngawi rengin an chhuak a.
"Nangpawh.I lo hawn lai ka lo hre miah lo a?"
"Ka lo thleng ve deuh chiah"
"Mahse i thawmhnaw...!!"
"Ka office building chungah sawn apartment ka nei alawm,he in nen hian ka awm tam lam chu a in ang reng ang"Livie hrethiamlo hmel a hmuhin a hrilhfiah a.
"Awle..ahh..kan kal tawh mai dawn em ni?" Livie chuan zam ru ang reng takin a zawt a.
Cary chu rawn kal hnaiin bawm lian vaklo hi arawn keng a,Livie hma ah chuan dingin a hawng a,"Kan kal hma in,hei hi awrh phawt ta che" tih pahin bawm chhunga lunghlu hlanga siam thi chu a phawrh nghal a,Livie chu sawitur hre lo in a ka hau mai a.Darthlalang hawi zawng chuan Livie chu a dintir a,a hnunglam atang chuan chu thi chu a rawn awrh tir ta a.
"I mitmu rawng nen hian a inhmeh hle mai,a kap eng sar sar mai alawm" Livie beng bulah chuan a rawn thaw lum ham ham a.
An inhnaih apianga a chhungril khur dar dar thin chu Livie chuan a inhaw ru kher mai "Ka awrh thei lovang" ati sap a.
"Engvangin? I duhzawng ani lo em ni?"
"Chulam a ni lo,hetiang thil manto ..."
"Ka thilpekah che ngai rawh"
"I nupui hual tak tak ka ni si lova,zungbun pawh ka bun loh hi,mi hmuhah va inlan pawh hi a tul chiahin ka hre lo" ati niah niah a.
"Zungbun i duh zawk chu lo rin thiam awm a nia" Cary chu a inla hrang nghal a
"Chu chu ka sawi tum a ni lo tih i hriat kha" Livie chuan hriatthiam tir tum takin a ti a.
"Kal ang ,kan tlai dawn ania" tih leh chhuah a rual a.Rilru nuam chiah lo chungin Livie chuan a zui ve a.
Kawtah chuan limosouine dum nalh tak hian alo nghak reng tawh a,a hma leh hnungah chuan car dang hi a awm ve ve bawk a,body guard ho car a ni tih Livie chuan a hre nghal mai a,Cary chuan a luh hmasak tir a.Gate pawnah chuan paparazzi tamtak in an thla lak ngei tumin camera chu anlo hmet de chuai chuai a,chu chu a hmuhin car chhunga awm
mah nise Lizzy chu a hlauhthawng kher mai.
"Engah mah ngai duh suh,an rawn hnaih thei hauh lo ang che" Cary chuan alo hnem vat a.
An sir velah te chuan bike rawn tlanin an thla rawn lak phet an tum a,Lizzy awm chu a nuam lo takzet.
"Lungngai suh,engmah an hmu thei lo pawn lam atang chuan car darthlalang hi a dum vek alawm" a nuih suk a.Livie pawh chu tlemin a inthlahdul ve ta deuh a.
Attorney General (US a dan lama hotu ber/ India ah chuan supreme court judge kan tih ang hi,mahse an thuneihna a sang zawk) in an thlen chuan carpet sen hi anlo phah zui mai a,a sir velah te chuan camera chu a de sup sup bawk a.Car kawngkhar an rawn hawn chuan Livie chu zam ru takin a kawrfual chu a sik niap niap a,Cary chu chhuak hmasa in a kut chu Livie vawn turin a phar a.Car atanga a chhuk chiah chu an lam hawi chuan camera chu a de nghal sup sup ni maiin Livie chuan a hria a,a bengchhengin mi thenkhat chuan a hmingin an rawn au luai luai bawk a,a lu chu a hai deuh muai muai a.
"Ka vuan che ania,nghet deuhin min vuan rawh.Thui lo te bak kal a ngailo" a beng bulte ah chuan Cary chu a rawn phun sur sur a,a kut veilam chu vawn sakin a kawngah chuan a kuah bawk a,Cary ngheng chung chuan kawngka lam chu a pan a,a taksa lum thur thur leh a perfume inkah rimtui zet hip chung chuan him riau hian a inhria a.
"Engtikah nge in in tawn?"
"Engtia rei nge in in date tawh?"
"Engtikah nge in inneih dawn?"
An sir a thuthar thehdarhtute chuan an chhan hlauh beiseiin an lo zawt hlawm a.
Inchhung an luh veleh Cary chuan "I tha em?" tiin ngaihtuah hmel takin a en a.Lizie in a chhan hma chuan "Ah...Cary" tih pahin nu upa lam, sam tuak ve tan tawh hian arawn chibai a.
"Hi,Mrs.Lenn,happy aniversary" tih pahin Cary chuan alo chibai ve a.
Livie a hmuh chuan "Dawt thuthang a maw tih lai a,min han in hmel hriattir ta che tlangval!" Mrs.Lenn chuan atih zawm zat a.
"Olivia Wardof a nih hi,ka nupui hual" Livie lam chu hawi lehin "Hei hi Mrs.Lenn,Mr.Lenn a nupui a nih hi,a eisiam sawisel miah suh" tiin a nui sang a.Livie leh Mrs.Lenn an in chibai zawh chuan "Min lo hrethiam lawk" tih pahin Cary chu a kalsawn daih a.Livie chu a lungawi lo ru kher mai.
"Happy Aniversary.In innei nuam hle mai Mrs.Lenn" Livie chuan a ti thuai a.
"Ka lawm hle mai.English mi maw i nih a?"
"Aw ni e"
"I hmeltha hle mai,Cary an a thlan nachhan che pawh hi ka hrethiam mai e" Mrs.Lenn chu a ngainatawm viau na a Livie chu a thusawi vang chuan a nui lui vel mai mai a.
"Kha le" a bulah chuan Cary chu tuisik kengin a rawn ding a.
"Ka lawm e" tih pahin Livie chuan lo la in a in nghala.
"Ohhh...i nuam sam lo em ni?" Mrs.Lenn chuan ngaihtuah hmel takin arawn ti ve nghal a.
"Ni lo e,ka tha lutuk e" Livie chuan a ti a.
"Ka tello in hetah party in lo nei hrang em ni a?" Putar lu tuak var vo tawh,chal sam nei tawh manglo chuan a rawn ti lung lung a,Cary nen chuan an in chibai nghal a.
"Enteh darling kan tlangval Cary pawhin nupui a nei ve tawh dawn ania" Mrs.Lenn chuan lo tih vat pahin Livie chu a en a.
"Ohh..i hmeltha hle mai.Cary hi vuan tlat rawh aw,chuti lo chu i hriatloh hlanin midangin anlo vuan sak daih ang che !" Livie chibai pah chuan a nui ruh ruh a.
"Heta hi ka ding reng ania" Cary chuan lungawi hmelloh zetin alo ti bul bul a.
Mrs.Lenn chuan anpa hnungzanga ben thak thak pahin "Ani tawng hi chu engah mah ngai duh suh" alo ti ve thuai a .
"Hlim tak in hun in hmang dawn nia,President pawh alo thleng tep tawh ang" tia nui huah huah chungin an nupa chuan an kalsan a.
"I ti tha lutuk ania" Cary chuan mipui tam zawk awmna lama hruai pah chuan a ti a.
"A ni maw?"
"Ni e,i talbuai viau ka ring ania.I ti tha lutuk" ati nawn leh sup a.Cary chuan alo ring zo lo kher mai!!
Chu inah chuan United States huam chhunga mi pawimawh zawng zawng chu an awm kim vek emaw tih mai tur a ni a,an zahawm hlawmin pitar putar deuh vek anni a,Cary chuan mi tam zawk hnenah chuan inhmel hriattir zelin a nupui hual a nih thu a sawi zel bawk a.
Nakinah chuan President pawh first lady nen lo thlengin Cary chuan a in hmelhriat tir leh a,Livie chuan Cary an a landan leh thawmhnaw alo ngaipawimawh em em chu a dem ta hauh lo mai.A nula hruai chu sawiloh,a nupui tur lehnghal chu miin an en dan tur a lo thlir thiam tlat a.Cary chuan inti ta tu tak leh ngaihtuah hmel takin Livie chu a vuan reng a.
Wine no chu rawn inkhawng karh karhin Mr.Lenn chu alo ding chhuak a "Zanin a kan inneih champha min lawmpui tura lokal zawng zawng te inzavai a chungah kan nupa in lawmthu kan sawi e,mahse Cary leh Olivia te hian ngaihven an hlawh zawkin kan hria a kan thik a ni" a rawn tih chuan mipui chu an nui dur dur a,Livie chu alo zak ru kher mai a thusawi zawm zel pawh a hre mumal lo.Zantir atanga a luhai chu ala reh chiang thei lo lehnghal.
"Cary babe,min la in hmelhriattir ve miah lo" nula sam dum kawrfual sen lar tak mai ha chuan a rawn ti no hnap a.
"Hi,Nicole...Hei hi Olivia Wardof ka nupui hual a nih hi.Livie,hei hi Nicole,Senator Herbard a fanu a nih hi" Cary chuan ati a.
"Senator fanu ringawt maw,kan in date thin kha.Ohh..i nupui hual lakah hian zep i duh zawk em ni?" ngeiawm fe chuan a ti a
"Zep hauhlo mai,ka hmeichhe date ho chu a hre vek alawm" A ni pawh chuan awmze nei fe in Livie chu a en a.
Livie chuan hawi ngaihna a hre mang lo.
"Chuan engtikah nge in intawn a! Ava thleng rang teh thut em,kar hmasa lawk pawh khan i apartment ah zanriah kan la kil dun sia" Nicole chuan arawn ti leh a.Cary chuan chhan tum hmel pawh pu lo in a en mai mai a.Livie chu a lu a hai leh deuh muai muai tawh a,Nicole i perfume rim na tak vang pawh a ni mahna.
"Hey babe" tiin an hnunglam atang chuan Cary hriatchian tak mai senator pakhat fapa chuan Nicole chu arawn kuah a.
Eng chiah nge an sawi pawh a hre thei tawh lo,kut tha chak takin lo man hman lo se chuan Livie chu a tlu ngei ang.
"A lu a hai maw? A rai a ni tiraw? Chu chu mi inneih in tum chhan?" midang hriat theih ngei tura ringin Nicole chu a tawng lawng lawng a.An bul vela mi te chuan an rawn en deuh thup mai a.
Cary chuan nghet deuhin a vuan a,Livie chu thidang lo turin a ngaihtuahna chu sawr bing a tum hram hram a,phun ri deuh mur mur nen ngaihtuahna sawrbing chu a harsa lam a ni.
"A tha em?"
"Enge thil awmzia?"
Hriatchak hmel tak chuan an zawt hlawm a.Nicole chuan sawi fuh inti fahranin an bulah chuan makti der hmel tak pu chungin alo ding ve reng a.
Cary chuan zo deuh maiin Livie chu a pawm nawlh a,choka lam chu a pan pui daih a.Chuta awmve doctor pakhat chuan a zui ve nghal a.
"Engkim a tha vek e,enkawlna tha tak a dawng ang.Party i chhunzawm leh tawh ang u" Mr.Lenn a fapa chuan mipui lo awmte hnem tum takin a rawn ti lauh lauh a.Phun deuh mur mur chung chuan an thiltihlai chu an chhunzawm leh a.
"Hei hi in rawh?" Doctor.Matt chuan tuisik rawn pek pahin Livie chu a ti a.
Cary chuan Livie chu choka thutna remchangah chuan dimte hian a nghat a.
"Ka lawm e" lo tih sap pahin no chu ala a,mahse a kut chu a rawn khur nasa ta mai a,tui no pawh chu a keng nghet hleithei lova.
"Lalpa leh!!.. Enge maw ti teh Matt" tiin Cary chuan Matt chu ava en a.
"Thawk han la vak teh le Miss.Aw tikhan," Livie chu tlemin a khur nasa lutuk chu a zia deuh a,"Zaninah no engzatnge i in tawh le?" Dr.Matt chuan atih zawm a.
"Engmah a in lo Matt.Zu a in ngai lo" thinur zetin Cary chuan alo ti nghet churh mai a.
"A that nasat chu,ka zawh a ngai miau sia lawm Cary" hriatthiamna beisei zetin a ti a.
Cary chu lungawilo zetin a lu a thing mut mut a,Livie lah chu an inhnial thawm chuan a ti khur nasa leh zual a.
"Oh...Cary 911 call rawh " Dr.Matt an a tih ri chu Livie chuan a hre ruai ruai a,a bak chu a thim khup a.
Livie mit chu a meng diar diar a,pindan lian vaklo ah hian alo awm a,thil hmuh chian lehzual tumin a lu chu ahan kan a.
"Hey,damdawiinah i awm alawm,hlauthawng suh" Cary chuan a rawn ti dam thlup a,a nem mu lehnghal a.
"Engtia rei...engtia rei nge ka.."
"Nizan chauh kha,"
Cary hmel chu thei leh theilo in a en a,nizan lama a suit hak tho kha alo la ha a,a hmul chu a to tan siar siar bawk a,a mitmeng erawh a hahdam in hmuh a nuam takzet,chau hmel a pu lo.
"Ka tihpalh takzet,khatia ka awmna chhan kha ka hre lo reng reng..ka"
"Chu chu Dr.te'n hriat chhuah an tum mek alawm,hahdam deuhin awm rawh.Tukthuan atan enge i duh le?" Cary chuan ngaituah hmel takin ati a.Lo hre lawk lo se la chuan a ngaizawng emaw ati ngei ngei ang.
"Muffin...muffin ka lo ei ange" ati sap a.
"Ok...alo thleng nghal ang" tih pahin a chalah chuan a rawn fawp zauh a,a chhuak ta nghal a.
Livie chu a chetdan chuan ati hamhaih kher mai,a chal a rawn fawh rual chuan a taksa pumpui chu a lum pup pup lehnghal a.Pindan kil a nurse lo ding reng ava hmuh chuan Cary awmdan vel kha a hrethiam chiah a.
Nurse chu rawn kal hnaiin a khum bula khawl vel chu arawn en fel a.
"Sleeping beauty chu alo harh tawh maw?" George Woodsen chu a tiang nen chuan a rawn in hawl lut a,a hnungah chuan a nupui Betty Woodsen pawh chuan a rawn zui a.
"Hi George,Betty,ka hmu cheu chu ka lawm hle mai" mak ti leh lawm takin Livie chuan alo en tawk tawk a.
"Enge ila tih renga nurse,a pu kalo thlen tawh hi!" George chuan a ti bul bul a,nurse chu a inthiar fihlim vat a.
"Mi ka la ti zam thei a ni tih hriat chu a nuam hle mai" tih pahin a nui suk a,khum bul Thutthlengah chuan a thu pah a.
"Enge i an tawh le," Betty chuan alo ti thuai a.
"Ka tha alawm,inlo kal chu ka lawm hle mai"
"Enge maw i sawi le,kan tih tur alawm" Betty chuan ati a.
"Khatianga hma khan party lian thamah a hruai tur che a ni lo asin,tlangvala chu keiman kan hrilhfiah ange" George chuan alo ti ve bawk a.
"A thiamloh a ni hleinem,keimah lawm ka..."
"Oh,ka hrethiam e" George chu hlim hmel deuhin a bu nghut nghut a.
"I hrethiam a maw?"
"I ti hlauthawng a nia George" Betty chuan alo ti dam diai a.
Kawngkhar chu rawn inhawng in Cary chu muffin leh bawnghnute tray chawi chung chuan alo lut a.
"Ah..a hun takah ilo thleng a ni.I nupui hual hi en teh a dang vek alawm eitur i pe tha lo em ni?" George chuan alo ti bul bul a.
Cary chuan eitur chu Livie ei mai theih turin a siam nghal mawlh mawlh a.Livie chuan tlema thu kang deuhin a ei a,Cary chu khum tlangah chuan a thu a.
"A thil eilai te hi chuan chhuak ve em em ula ka pi,ka pu?!"
"Kan lo lut ve chauh alawm,chutin min ti..." Betty chuan a darah chulsak pahin "Hun i pe teh ang,an mamawh in ka hria" ati a.George chu a tho tuah tuah a,"Pawnah kan lo nghak ang che" ati a
"Khatia tih kher kha a ngai hleinem," dem hmel takin Livie chuan George-a te chhuah hnu chuan Cary chu a en a.
"I breakfast kha ei zo vat rawh,a chhan chu i chhuak thuai dawn a nia" .
Livie chuan Cary mitmengah chuan khawngaihna ni awm tak hi a hmu zuai a,mahse a rei lo "Nizan a ka thihdan nachhan kha an hre tawh em ni!? test ka la hmachhawn dawn chauh emaw ka tia!!" hriatthiam loh hmel tak chuan Cary chu a en a.
"Chutiang chu a ngai lo ang,an beisei aiin i thihdan chhan kha hriatchhuah a awl,ti mai ang.I breakfast kha lo ei zo la,ka pi leh pu kha ka va bia ange" a tihzawm zat a,a chhuahsan ve ta a.
Livie chuan a la hrethiam chiah chuang lo na ,a thil ei chu tui a tiin a ril alo tam kher mai a , a ei mawlh mawlh a.
"Engtinnge Doctor ho chuan anlo tih a?" George chuan Cary lo chhuak a hmuh rual chuan alo zawt nghal a.An awmna hospital floor chu an hauh tawp vangin damdawiin hnathawk leh anmahni mi chhawr te bak chu hmuh tur an awm lo a.
"Ka nupui tur atana in biak lai khan in hre sa nge hre lo?" Cary chuan a pi leh pu en chung chuan ati nghet churh mai a.
"Enge i sawi awmzia chu Cary?" a pu chuan mak tih hmel takin a ti a.
"Social anciety,nge Social phobia ka ti zawk dawn.Enge maw i ngaihtuah le ka pu,hetiang...hetiang natna nei te chu ka tan..i ngaihtuah reng reng em?" Cary chuan ati mawlh mawlh mai a.
Betty chuan makti leh pawi tih hmel takin a hmui alo hup a,George Woodsen chuan thawk ahan la hak a "Thil ni thei a ni tih chu ka hria a,mahse Cary ka hre lawk sa lo.A pa chungchang kha i hriat ka ring a,kha vang kha a niang.Enkawlna tha tak hnuaiah chuan a dam vat mai ang" tih pah chuan thawk a la hak a.
A pu awmdan chu a hmuhin Cary chuan inhnial pui vak chi a ni lo tih a hrethiam mai a "Ni e,amah enkawltu tur pawh ka ngaihtuah tawh e.A dam vat mai ang" ati a.
A thusawi chu amah ngei pawhin a ring chiah lo,a dam thei tak tak a ngem? Social phobia,Vantlang hma a inlan ngamloh tlatna,a nasa zual phei chu inchhung pawh an chhuahsan ngai lo.Mi an be ngam lo a,an zakzum em em bawk.Chutiang natna nei nen chuan inzawmna nei chi a ni hauh lo,ani lah chu a thiltih apiang mipui ngaihven a ni si a,a hna nen vantlang hma a inlan hi a pawimawh em em si a ni,Livie nen chuan an inmil lo takzet!.Mahse Livie chungchang bikah hi chuan Doctor khan a nasat loh thu a sawi a,kartin vawikhat therapy a neih ziah chuan atan a that tur thu a sawi kha..mahse a dam ngei ang tih erawh a sawi hauh lo.
"Engtinnge hetiang natna nei chung hian amahin London atang New York a lo thlen theih?" A mitthla ah Doctor a zawh lai kha alo lang a.
"A nasa lova,mi ngaihven a hlawhlo bawk a,chuvang chu.Mite'n an ngaihven a,an bawr luai luai khan a ti zual a ni.Puipunna lakah chuan i lak hran rih deuh a ngai ang" tiin a chhang a nih kha !
"New York ah chuan i chenpui thei lo ang a,khawiah nge..ruahmanna i nei tawh em?" Betty chuan a tupa chu ngaihtuah takin a en kar mai a.
Muffin pathum ngawt a ei zawh hnu chuan Livie chu a puarin a harh sawt a.Cary pi leh pu te kha England-a a hmuh bak kha ala hmu leh miah lo a,Long Island-ah an cheng tih chu a hria a,amah kan tura anlo kal vang vang chuan a ti lawm hle mai.Enge maw a ngaihtuah le!! ,amah vanga lokal annih leh nihloh pawh a hre hleinem.
"Nurse hian a pui che anga i damdawiin kawr kha thlak tawh ta che,i chhuak thei tawh a" Cary chuan a rawn ti a.
'Doctor ka hmuh ve kher chu a ngailo maw?" Livie chuan ringhlel deuh takin a ti a.
"Tehreng mai,hawn vat a inbual vat vat ka chak tawh teh mai nia".
"Oh..okay ....lo va chhuak la"
Car atang a chhuk a helicopter tum hmun ani tih a hriat chuan Livie chu a hrilhhai hle mai a "Khawiah nge kan kal dawn a?"
"Hampton ah,nipui chawlh kan va hmang ang chu!!" Cary chu a nui sang a.
| Link: | |
| BBcode: | |
| HTML: | |
| Hide post links |
Perfect/inperfect
Match
Mami Chhakchhuak
Chapter - 6
Hellicopter atang a hmuhnawm ti hmel taka Livie in ram a thlir lai chu Cary chuan a en reng a,a nunah hian ruahman lawk lohin engthilmah ati ngai lo.Mahse tun tum chu a hma a thu nula hmeltha leh pian nalh tak,natna enkawl harsa tak nei mek nena an awmdan turah chuan ruahmanna anei thei tlat lo.Chu chuan ati thinur hle bawk! A ner sawk a.
"A pawi ka ti khawp mai,tihbuai che ka duh hauh lo asin" Cary hmel rum ul mai a hmuh chuan Livie chu a inthiamlo kher mai.
"Nangmah lampang a ni lo" Cary chuan a lo ti hmuk a.
Livie chuan engmah sawi tawh lovin pawnlam chu a thlir leh dauh dauh a.
Hampton a Cary in a hmuh chuan Livie chu a thaw a chham lo chauh ,tuifinriat atanga hla lo te niin in lian leh ropui zet mai a ni a,a bul vela in te lakah chuan alang lian lehzual a.Hampton chu mihausa ho nipui chawlh hmanna ber niin millioniare leh billionaire ho in in an nei sup tih alo hre tawh a,mahse Cary in chu a len bik zia leh a ram zau bik zia chu a chuanna helicopter atang chuan alang chiang hle mai.
"Hamptona in lian ber neih hi ka duh tlat a" Cary chuan Live hmel a hmuhin alo ti a.
Livie chuan ang pham chunga va melh zeuhin lei lam chu a thlir leh a,"A bula lawnglian deuh khu.."
"Aw ni e.Ka ta a ni e,tuipui ah khuan ka la lenkual pui dawn che nia" tih pahin a nuih sak a.
Livie chu a phur kher mai "Tak tak maw,lawngah ka la chuang ngai miah lo"ati hliai a.Cary chu a nui suk a,a inthahdul hmel ta deuh a.
Helicopter a tum a,anmahni lo hmuaktu zingah Dorota hmel a hmu chu Livie chuan mak ati deuh a.Cary pi leh pu George leh Betty te pawh anlo awm bawk a.
"Dorota hi chu kan chhungkaw zinga mi ang mai ania" Cary chuan anlam pan pui pah chuan a hrilhfiah a.
"Hamptonah kan lo lawm a che" George chu alo nui huah huah a.
"Ka lawm e.Long Island lamah in kir lehnghal emaw ka lo tia"
"Chuti mai chuan kan tlangvala bulah hian kan thlah fal tawh rih lo ang che,a rintlak loh emai" a thusawi anglo takin a tupa chu a chhuang hle tih a melh danah chuan a hriat lawi a.
"Awle,ka pu i duhtawk tawh chuan Livie hi awm hahdam se atha ang.Keipawn fai ser sawra inbual ka mamawh takzet" tih pahin a pi biangah chuan a fawp zauh a.Livie hnungah chuan kuahin pindan lam chu a panpui a.Dorota pawh chuan arawn zui a.
"Thingpui tui deuh ka lo siam ang" Betty chuan ati zui lauh lauh a.
"Lemonade lo siam zawk ta che" rawn leh hawi zeuh pah chuan Cary chuan ati a.Betty chu a nui var var a .
"Hei hi i pindan tur ania" Cary an a pindan kawhhmuh chhunga an luh chuan "Wow" Livie chuan ati a.
"I duhzawng a nih hmel em"
"I fiamthu mi,ka duh lutuk ringawt" tih pahin Livie chu a vei kual vel a.Pindan chu a eng tha in Tuifinriat chu a pindan tukverh tang chuan alang chiang hle mai a,varanda zau takah chuan pangpar a lo vul chuk bawk a.
"I ngaina chu a lawmawm lutuk e"
Kal mai tawh tur ani tih chu Cary chuan a inhria,mahse Livie naupang ang maia nui sanga varanda a ahan phar vel chu ala hmu khamlo a ni.A kawrfual khup chen lek hak chuan a chawn nalh tak mai chu ati lang chiang a,a sambuang nalh tak mai thli in arawn len zawnga darh niaih te,a mitmu pawl ram mai lah chu tufinriat leh a hma a pangpar velte nen chuan a inhmeh em em mai leh nghal!! Livie chuan en rengtu a nei tih hria niawm takin arawn hawi thut a.
"Ka va intifai tawh nge" Cary chuan alo ti vat a.
"Ka lawm e."
"Enge i.."
"Heng thil zawng zawng hi hawisanin England ah min thawn kir leh thei renga,mahse min enkawl ta zawk a.Chuvangin,ka lawm e" Livie chuan a mit taka en chungin ati nghet charh mai a.
"Ka tlanchhe ngai lo" a inher vut a,a chhuak ta a.
Dorota in ngawi renga a thawmhnaw alo rem fel mawlh mawlh lai chu Livie chuan ava hmu a."Ka lo ti mai ang Dorota" ava pan nghal a.
"Ni love,minlo tihtir rawh" alo nuih sang a,Livie chu a hamhaih lek lek.Nimin maia amah ngaitheilo em em tu kha ani sia....
A inbual zawh chuan a hna thawh zawh loh tamtak chu Cary chuan thawh tumin a laptop chu an hawnga,a email chu chhiar dun dun in a khup leh nghal thawk a, choka lamah chuan a kal ta zawk a.
"I awmlo emaw ka ti hman dawn alawm" tih pahin a pi chuan lemonade chu alo thlitsak nghal a.
"Ka lawm e" tih sup pahin a hawikual vel a.
"Livie i zawng anih chuan i pu nen an awm" Betty chuan a ti a.
"Khawi ah?"
Cary sira choka tukverh fim vek lam chu a kawk a.Tiau vaivut chunga George leh Livie muang changa an kal vel chu a lang chiang hle a.
"I pu hian a ngaina hle a ni.Keipawn ka ngaina" Betty chuan hmuhnawm ti takin anni pahnih chu a thlir a.
"Mihring hi kan landan ang ngawt hi kan ni lo ania" Cary chuan alo ti hmuk a.
"Enge i sawi awmzia?" hrethiamlo takin Betty chuan ati a.
"Engmah ni lo e,midang rin hma lutuk hi a tha lo ka tihna ania" ati a.A private investigator rawihin email sei zet mai Livie chanchin mipui chhiar theihloh tura court in a seal tawh zawng zawng pawh a copy arawn pe a nih kha.Damdawiinah khan Doctor te khan social anxiety a neih nachhan chu a nunah zah ngawih ngawihna a tawn tawh vang emaw,hmuhsitna a dawn hnem lutuk vang zawk pawh a ni thei tiin an hrilh a.
'Hmeichhe lepchiah leh lemchan thiam lutuk mai,keichu min bum lovang' tih rilruk pahin a pu leh Livie inkawm lai chu a thlir reng a.
Tuifawn ri hlup hlup sirah chuan Livie leh George te chu hahdam leh hmanhmawh lo takin an kal zel a.
"Party na a thil thleng kha a pawi ka ti tak tak a ni.Cary-an kartin therapy ka neih thin a ngai dawn a ti a,,ka natna lah chu enge a nih min hrilh bawk si lo a" kun chungin za vaklo in a nui a,rawn dak chhuak lehin George chu a en a "Eng natna nge ka vei le,mental illness (rilru lam buaina) a ni tiraw?" Livie chuan hriat chak takin a zawt a.
"Aw ni e,a ni alawm.Hlauhthawn awm engmah a awmlo,i dam vat mai ang Doctor thurawn i zawm that chuan.Party-na a thil thleng kha chu theihnghilh daih rawh" George chuan a nuih suk a.
"Doctor ho hi ka ngaina lo" ati sap a.
George chuan chhang lo in an ngawi dun vang vang a.
"Tunah chuan mi zawng zawngin an hre tawh tiraw! A ni em?" Livie chuan ati leh sap a
"I hmelthat zia hi maw!? Tehreng mai" George chu a nui tut tut a.
"Ka sawi awmzia chu i hriat kha!"tih pahin Livie pawh chu a nui ve a.
"Cary nen in chungchang a nih chuan,media ho chu an buai khawp mai.Engtia intawng nge innih leh khawia mi nge i nih tih vel ringawt pawh an buaina tawk a tlin vei nen Nicole-i zarah nau i pai emaw anla ti lehnghal.Chanchinthar chu inluah hneh rih khawp mai" George chuan a hlimpui zawk mah emaw tih turin a nui huk huk mai a.
"A tha lo takzet a ni" tih sap pahin Livie chu a ding a,an hma hla ang reng tak deck chunga mihring tlemte awm chu a thlir a.Ni lah chu a rawn sa tan em em lehnghal.
"Cary pa hian enge a tih..ka sawi awmzia chu ka la hmu miah lo a,hmaichhanah ka tihna ania" Livie chuan ati bah deuh nawk nawk a.
George chu a nui leh huk huk a,hmalam pan chuan a kal leh a Livie pawh chuan muang changin a zui a 'Alu huan a siam tih hrilh ta che ila mak i ti lutuk a ngem?"
Livie chuan sawitur hre lo in a en he haw a,chutah "Wow...tak tak maw? ngatinge?"
"Sumdawn lam hi Blake hian a ti mi vak lo a ni.Tui pawh a tui lo ,kum 17 mi lek ni a Cary-an Ph.D a hmuh atang khan chawlhsan a tum tawh alawm.Tuna a nundan hi a nuam tihdan ber a ni !. Kir leh tawh ila a tha ang,Betty-in lunch tuihnai tak alo buatsaih ang tih ka hria a ni" atih zawm a.
"Awle"
"I la hmu em em ang.A ni chauh lo pawh ,Woodsen ho chu min la hne hlui ang" tih pahin Livie hnungzang chu a beng thak thak a.
"Ka apple pie siam hi ei ve i duh anih chuan plate hi min lo rempui ta che" Betty chuan ngawi renga thu Cary chu a va melh zauh a.Minute enge maw zat chu chutiang chuan a thu tawh a.
"A pawi ka ti khawp mai ka pi New York ah kir leh ka ngai tih ka hrechhuak.Thawh tur ka nei tlat" tih leh thawh a rual a.
"I thleng chauh si a,chawlh i hmang dawn ani lawm ni?" mak ti takin Betty chuan a zawt a.
"Ka hria alawm ka pi,ka kal ngei a ngai tlat a ni"
"Tu maw kal dawn a?" An thusawi hre chiang chiahlo George chuan a rawn ti lut a,a hnungah chuan Livie in a rawn zui bawk a.
"I pu hi hrilh ta che?" lungawilo zetin Betty chuan a tupa chu a en a.
"Ka kal a ngai a ni.Hna thawh tur ka nei" Cary chuan ati nghet churh mai a.
Livie thinphu chu alo rang sauh a,Cary hmel chu a nelawm lohin a inla hrang tlat a,tihsual a nei em ni? An mit leh mit chu a in tawnga,Cary chuan enge a ngaihtuah tih chu hrethei lo mahse a lungawi lo ani tih erawh chu a hre ve mai a.
"Ka va hrethiam lo ve" George chuan ati a.
"Hnathawh tur ka nei ka..."
"I thusawi chu ka hria alawm,mahse ngatinge? Livie nen hian chawlh hahdam in mamawh" George chu a lungawi lo hle tih a hriat theih a.Cary chuan chhanglo in pindan chu chhuahsan a tum a.
"I nu leh ipa te pawh zaninah anlo thleng ang Cary" George chuan ati zui leh hram a.
Cary chu rawn leh hawi lehin "Zanriah ei hmanin ka lo kir leh dawn nia" a chhuak nghal a.An pathum chuan an thlir zui thap a.
Betty chu rawn harh chhuak hmasa berin Livie ngawi renga lo ding chu "Apple pie ka siam asin,i ril a tam em?" nui sangin a zawt a.
Livie tan chuan ni nuam tak a ni hran lo,Betty leh George te chu kawm nuam viau mahse Cary mize mak tak kha a hrethiam thei lo,an titi mawlh mawlh lai te chuan a mitthla ah alo lang leh thin.USA a thlen atangin a nu ala be miahlo tih chu a hrechhuak a.
Lunch ei zawh chuan a nu a bia a,a nu lah chu tthuthang leng vel chuan ati lawm hle tih a hriat mai a.A fanu chu khawvela mi hausa ber nupui a ni ngei dawnin a hria a ni ngei ang!!
Cary nu leh pa te chu zanriah ei hma deuhin anlo thleng a,alo rindang ang chiaha kawm nuam anlo ni a.
Zanriah ei hun thleng pawha Cary lo let lo chuan Livie ngaih ati tha lo kher mai.Uluk taka incheiin a thawmhnaw thar tamtak zinga mi kawrfual senduk chu a ha a, zanriah eina pindan lam chu a pan a.
"Livie duhtak,Cary chu a hna lamah a laklawh deuh a zanriah chu restaurant lamah a ei mai tur thu arawn sawi a" Betty chuan nuam ati chiahlo ani tih a hriat reng mai a.Livie chu a bu nghat a,midang te hmuhah chuan a nui sang a,a rilru chhung erawh a thinur kher mai.Ngati nge amah chu arawn call mai loh!!
"America ah hian Alu kan ei nasatzia hi i hria em? Chuvangin min dem ringawt thei lovang" coffee in pahin Blake chuan ati a.Tuna a hnathawh mek chu nuam ati hle tih zanriah eikham atanga ala sawi tui dan atang chuan a hriat mai a.
An bula T.V chu George leh Betty te chuan anlo en a,George an a hmehsawn leh chiah chuan Cary leh hmeichhe sam dum,tunlai model lar zet mai chu restaurant atanga anlo chhuak lai chu milarte chanchintharah chuan alo lang mek a.Cary lah chuan chu nu chu ngaihtuah hmel takin a kutah a vawn sak a, car ah chuan a luh tir daih a.
'Hna pawimawh...i hna pawimawh chu a hriat hle mai' ti rilru chungin a coffee chu Livie chuan an tem hlak a.Chu nu hmel chu...make-up inhnawih nasa viau lo se chuan a hriathnu ang a ti viau ang.
Match
Mami Chhakchhuak
Chapter - 6
Hellicopter atang a hmuhnawm ti hmel taka Livie in ram a thlir lai chu Cary chuan a en reng a,a nunah hian ruahman lawk lohin engthilmah ati ngai lo.Mahse tun tum chu a hma a thu nula hmeltha leh pian nalh tak,natna enkawl harsa tak nei mek nena an awmdan turah chuan ruahmanna anei thei tlat lo.Chu chuan ati thinur hle bawk! A ner sawk a.
"A pawi ka ti khawp mai,tihbuai che ka duh hauh lo asin" Cary hmel rum ul mai a hmuh chuan Livie chu a inthiamlo kher mai.
"Nangmah lampang a ni lo" Cary chuan a lo ti hmuk a.
Livie chuan engmah sawi tawh lovin pawnlam chu a thlir leh dauh dauh a.
Hampton a Cary in a hmuh chuan Livie chu a thaw a chham lo chauh ,tuifinriat atanga hla lo te niin in lian leh ropui zet mai a ni a,a bul vela in te lakah chuan alang lian lehzual a.Hampton chu mihausa ho nipui chawlh hmanna ber niin millioniare leh billionaire ho in in an nei sup tih alo hre tawh a,mahse Cary in chu a len bik zia leh a ram zau bik zia chu a chuanna helicopter atang chuan alang chiang hle mai.
"Hamptona in lian ber neih hi ka duh tlat a" Cary chuan Live hmel a hmuhin alo ti a.
Livie chuan ang pham chunga va melh zeuhin lei lam chu a thlir leh a,"A bula lawnglian deuh khu.."
"Aw ni e.Ka ta a ni e,tuipui ah khuan ka la lenkual pui dawn che nia" tih pahin a nuih sak a.
Livie chu a phur kher mai "Tak tak maw,lawngah ka la chuang ngai miah lo"ati hliai a.Cary chu a nui suk a,a inthahdul hmel ta deuh a.
Helicopter a tum a,anmahni lo hmuaktu zingah Dorota hmel a hmu chu Livie chuan mak ati deuh a.Cary pi leh pu George leh Betty te pawh anlo awm bawk a.
"Dorota hi chu kan chhungkaw zinga mi ang mai ania" Cary chuan anlam pan pui pah chuan a hrilhfiah a.
"Hamptonah kan lo lawm a che" George chu alo nui huah huah a.
"Ka lawm e.Long Island lamah in kir lehnghal emaw ka lo tia"
"Chuti mai chuan kan tlangvala bulah hian kan thlah fal tawh rih lo ang che,a rintlak loh emai" a thusawi anglo takin a tupa chu a chhuang hle tih a melh danah chuan a hriat lawi a.
"Awle,ka pu i duhtawk tawh chuan Livie hi awm hahdam se atha ang.Keipawn fai ser sawra inbual ka mamawh takzet" tih pahin a pi biangah chuan a fawp zauh a.Livie hnungah chuan kuahin pindan lam chu a panpui a.Dorota pawh chuan arawn zui a.
"Thingpui tui deuh ka lo siam ang" Betty chuan ati zui lauh lauh a.
"Lemonade lo siam zawk ta che" rawn leh hawi zeuh pah chuan Cary chuan ati a.Betty chu a nui var var a .
"Hei hi i pindan tur ania" Cary an a pindan kawhhmuh chhunga an luh chuan "Wow" Livie chuan ati a.
"I duhzawng a nih hmel em"
"I fiamthu mi,ka duh lutuk ringawt" tih pahin Livie chu a vei kual vel a.Pindan chu a eng tha in Tuifinriat chu a pindan tukverh tang chuan alang chiang hle mai a,varanda zau takah chuan pangpar a lo vul chuk bawk a.
"I ngaina chu a lawmawm lutuk e"
Kal mai tawh tur ani tih chu Cary chuan a inhria,mahse Livie naupang ang maia nui sanga varanda a ahan phar vel chu ala hmu khamlo a ni.A kawrfual khup chen lek hak chuan a chawn nalh tak mai chu ati lang chiang a,a sambuang nalh tak mai thli in arawn len zawnga darh niaih te,a mitmu pawl ram mai lah chu tufinriat leh a hma a pangpar velte nen chuan a inhmeh em em mai leh nghal!! Livie chuan en rengtu a nei tih hria niawm takin arawn hawi thut a.
"Ka va intifai tawh nge" Cary chuan alo ti vat a.
"Ka lawm e."
"Enge i.."
"Heng thil zawng zawng hi hawisanin England ah min thawn kir leh thei renga,mahse min enkawl ta zawk a.Chuvangin,ka lawm e" Livie chuan a mit taka en chungin ati nghet charh mai a.
"Ka tlanchhe ngai lo" a inher vut a,a chhuak ta a.
Dorota in ngawi renga a thawmhnaw alo rem fel mawlh mawlh lai chu Livie chuan ava hmu a."Ka lo ti mai ang Dorota" ava pan nghal a.
"Ni love,minlo tihtir rawh" alo nuih sang a,Livie chu a hamhaih lek lek.Nimin maia amah ngaitheilo em em tu kha ani sia....
A inbual zawh chuan a hna thawh zawh loh tamtak chu Cary chuan thawh tumin a laptop chu an hawnga,a email chu chhiar dun dun in a khup leh nghal thawk a, choka lamah chuan a kal ta zawk a.
"I awmlo emaw ka ti hman dawn alawm" tih pahin a pi chuan lemonade chu alo thlitsak nghal a.
"Ka lawm e" tih sup pahin a hawikual vel a.
"Livie i zawng anih chuan i pu nen an awm" Betty chuan a ti a.
"Khawi ah?"
Cary sira choka tukverh fim vek lam chu a kawk a.Tiau vaivut chunga George leh Livie muang changa an kal vel chu a lang chiang hle a.
"I pu hian a ngaina hle a ni.Keipawn ka ngaina" Betty chuan hmuhnawm ti takin anni pahnih chu a thlir a.
"Mihring hi kan landan ang ngawt hi kan ni lo ania" Cary chuan alo ti hmuk a.
"Enge i sawi awmzia?" hrethiamlo takin Betty chuan ati a.
"Engmah ni lo e,midang rin hma lutuk hi a tha lo ka tihna ania" ati a.A private investigator rawihin email sei zet mai Livie chanchin mipui chhiar theihloh tura court in a seal tawh zawng zawng pawh a copy arawn pe a nih kha.Damdawiinah khan Doctor te khan social anxiety a neih nachhan chu a nunah zah ngawih ngawihna a tawn tawh vang emaw,hmuhsitna a dawn hnem lutuk vang zawk pawh a ni thei tiin an hrilh a.
'Hmeichhe lepchiah leh lemchan thiam lutuk mai,keichu min bum lovang' tih rilruk pahin a pu leh Livie inkawm lai chu a thlir reng a.
Tuifawn ri hlup hlup sirah chuan Livie leh George te chu hahdam leh hmanhmawh lo takin an kal zel a.
"Party na a thil thleng kha a pawi ka ti tak tak a ni.Cary-an kartin therapy ka neih thin a ngai dawn a ti a,,ka natna lah chu enge a nih min hrilh bawk si lo a" kun chungin za vaklo in a nui a,rawn dak chhuak lehin George chu a en a "Eng natna nge ka vei le,mental illness (rilru lam buaina) a ni tiraw?" Livie chuan hriat chak takin a zawt a.
"Aw ni e,a ni alawm.Hlauhthawn awm engmah a awmlo,i dam vat mai ang Doctor thurawn i zawm that chuan.Party-na a thil thleng kha chu theihnghilh daih rawh" George chuan a nuih suk a.
"Doctor ho hi ka ngaina lo" ati sap a.
George chuan chhang lo in an ngawi dun vang vang a.
"Tunah chuan mi zawng zawngin an hre tawh tiraw! A ni em?" Livie chuan ati leh sap a
"I hmelthat zia hi maw!? Tehreng mai" George chu a nui tut tut a.
"Ka sawi awmzia chu i hriat kha!"tih pahin Livie pawh chu a nui ve a.
"Cary nen in chungchang a nih chuan,media ho chu an buai khawp mai.Engtia intawng nge innih leh khawia mi nge i nih tih vel ringawt pawh an buaina tawk a tlin vei nen Nicole-i zarah nau i pai emaw anla ti lehnghal.Chanchinthar chu inluah hneh rih khawp mai" George chuan a hlimpui zawk mah emaw tih turin a nui huk huk mai a.
"A tha lo takzet a ni" tih sap pahin Livie chu a ding a,an hma hla ang reng tak deck chunga mihring tlemte awm chu a thlir a.Ni lah chu a rawn sa tan em em lehnghal.
"Cary pa hian enge a tih..ka sawi awmzia chu ka la hmu miah lo a,hmaichhanah ka tihna ania" Livie chuan ati bah deuh nawk nawk a.
George chu a nui leh huk huk a,hmalam pan chuan a kal leh a Livie pawh chuan muang changin a zui a 'Alu huan a siam tih hrilh ta che ila mak i ti lutuk a ngem?"
Livie chuan sawitur hre lo in a en he haw a,chutah "Wow...tak tak maw? ngatinge?"
"Sumdawn lam hi Blake hian a ti mi vak lo a ni.Tui pawh a tui lo ,kum 17 mi lek ni a Cary-an Ph.D a hmuh atang khan chawlhsan a tum tawh alawm.Tuna a nundan hi a nuam tihdan ber a ni !. Kir leh tawh ila a tha ang,Betty-in lunch tuihnai tak alo buatsaih ang tih ka hria a ni" atih zawm a.
"Awle"
"I la hmu em em ang.A ni chauh lo pawh ,Woodsen ho chu min la hne hlui ang" tih pahin Livie hnungzang chu a beng thak thak a.
"Ka apple pie siam hi ei ve i duh anih chuan plate hi min lo rempui ta che" Betty chuan ngawi renga thu Cary chu a va melh zauh a.Minute enge maw zat chu chutiang chuan a thu tawh a.
"A pawi ka ti khawp mai ka pi New York ah kir leh ka ngai tih ka hrechhuak.Thawh tur ka nei tlat" tih leh thawh a rual a.
"I thleng chauh si a,chawlh i hmang dawn ani lawm ni?" mak ti takin Betty chuan a zawt a.
"Ka hria alawm ka pi,ka kal ngei a ngai tlat a ni"
"Tu maw kal dawn a?" An thusawi hre chiang chiahlo George chuan a rawn ti lut a,a hnungah chuan Livie in a rawn zui bawk a.
"I pu hi hrilh ta che?" lungawilo zetin Betty chuan a tupa chu a en a.
"Ka kal a ngai a ni.Hna thawh tur ka nei" Cary chuan ati nghet churh mai a.
Livie thinphu chu alo rang sauh a,Cary hmel chu a nelawm lohin a inla hrang tlat a,tihsual a nei em ni? An mit leh mit chu a in tawnga,Cary chuan enge a ngaihtuah tih chu hrethei lo mahse a lungawi lo ani tih erawh chu a hre ve mai a.
"Ka va hrethiam lo ve" George chuan ati a.
"Hnathawh tur ka nei ka..."
"I thusawi chu ka hria alawm,mahse ngatinge? Livie nen hian chawlh hahdam in mamawh" George chu a lungawi lo hle tih a hriat theih a.Cary chuan chhanglo in pindan chu chhuahsan a tum a.
"I nu leh ipa te pawh zaninah anlo thleng ang Cary" George chuan ati zui leh hram a.
Cary chu rawn leh hawi lehin "Zanriah ei hmanin ka lo kir leh dawn nia" a chhuak nghal a.An pathum chuan an thlir zui thap a.
Betty chu rawn harh chhuak hmasa berin Livie ngawi renga lo ding chu "Apple pie ka siam asin,i ril a tam em?" nui sangin a zawt a.
Livie tan chuan ni nuam tak a ni hran lo,Betty leh George te chu kawm nuam viau mahse Cary mize mak tak kha a hrethiam thei lo,an titi mawlh mawlh lai te chuan a mitthla ah alo lang leh thin.USA a thlen atangin a nu ala be miahlo tih chu a hrechhuak a.
Lunch ei zawh chuan a nu a bia a,a nu lah chu tthuthang leng vel chuan ati lawm hle tih a hriat mai a.A fanu chu khawvela mi hausa ber nupui a ni ngei dawnin a hria a ni ngei ang!!
Cary nu leh pa te chu zanriah ei hma deuhin anlo thleng a,alo rindang ang chiaha kawm nuam anlo ni a.
Zanriah ei hun thleng pawha Cary lo let lo chuan Livie ngaih ati tha lo kher mai.Uluk taka incheiin a thawmhnaw thar tamtak zinga mi kawrfual senduk chu a ha a, zanriah eina pindan lam chu a pan a.
"Livie duhtak,Cary chu a hna lamah a laklawh deuh a zanriah chu restaurant lamah a ei mai tur thu arawn sawi a" Betty chuan nuam ati chiahlo ani tih a hriat reng mai a.Livie chu a bu nghat a,midang te hmuhah chuan a nui sang a,a rilru chhung erawh a thinur kher mai.Ngati nge amah chu arawn call mai loh!!
"America ah hian Alu kan ei nasatzia hi i hria em? Chuvangin min dem ringawt thei lovang" coffee in pahin Blake chuan ati a.Tuna a hnathawh mek chu nuam ati hle tih zanriah eikham atanga ala sawi tui dan atang chuan a hriat mai a.
An bula T.V chu George leh Betty te chuan anlo en a,George an a hmehsawn leh chiah chuan Cary leh hmeichhe sam dum,tunlai model lar zet mai chu restaurant atanga anlo chhuak lai chu milarte chanchintharah chuan alo lang mek a.Cary lah chuan chu nu chu ngaihtuah hmel takin a kutah a vawn sak a, car ah chuan a luh tir daih a.
'Hna pawimawh...i hna pawimawh chu a hriat hle mai' ti rilru chungin a coffee chu Livie chuan an tem hlak a.Chu nu hmel chu...make-up inhnawih nasa viau lo se chuan a hriathnu ang a ti viau ang.
| Link: | |
| BBcode: | |
| HTML: | |
| Hide post links |
Perfect/Inperfect
Match
Mami Chhakchhuak
Chapter - 5
A thil hmeh chhuah vang chuan George chu a hrilh hai ang reng hle mai a.A kut dinglam chu a thin zawnah a nghat a.Betty chuan T.V chu a off ta ringawt a.
"I nu nen khan in inbia...a dik em? Enge a lo an a?" Livie lam chu a hawi a,Betty chuan an boruak chu siamthat vat a duh a ni.
Livie chuan a thingpui no chu a hum nghet sauh a "A dam tha e" tih pahin a no chu a dah thla a " Min lo hrethiam ula" tiin a tho a,pindan chu a chhuahsan a.
"Kan nau-a mai mai chu(h)!! " tih bul bul pahin George chu a tho tuah tuah a.
"Kan nawr nasa mah mah a ni thei ang em?" Blake chuan nuam ti lo zetin ati a.
"Chutiang lam a nih ka ring lo.Cary-a anih hi" Natalie, Cary nu chuan alo ti ve a.
"A nih chuan englam nge anih ang? Nupui fanau neih a,in ben bel lam hi a tum hmel loh khawp mai" George chuan a tiang hawl pahin ati a.A tar hmel sawtin a chak loh hmel sawt bawk a.
"Ka pa i tha em?" Ngaihtuah hmel takin Blake chuan alo zawt vat a.
"Ka tha e.Mut hahchawlh ka mamawh mai chauh a ni.Naktukah chuan mi thar ka ni leh tawh ang" inti zangkhai lui takin a ti a.A thawk erawh a harsat hmel hle thung a.
Betty chu a bulah a kal vat a,an pahnih chuan an inzui chhuak a.Blake chuan a thlir zui a.
"Cary hi kan biak a tha in ka hria" Natalie chuan anpa rilru nawm loh hmel zet chu lainat hmel taka en chungin a ti a.
"I sawi dik.Engemaw chu kan tih a ngai a ni.Mahse...eng...ka pa hian min dam rei pui lo ang tih a hlauhawm a ni" rilru na takin Blake chuan thawk a la hak a.
Livie chu a room a thlen chuan inthlak vatin khumah chuan a inthawlh than a.Ceiling lam chu a melh ngar mai a.Engvanga lo thinur ve ringawt nge maw a nih le!?
Zing lam dar 2 vela hellicopter rawn tum lai pawh chuan alo la meng kar mai a.Zan a riak nghal law law lo chu a mak zawk ngawt mai!! Tukverh bula va kala thlir a chakna chu a insum hram hram a.
Nakin deuhah chuan a pindan kawngkhar zawna ke pen tawp chat ri chu a hria a,a muhil der nghal a.Reilote hnuah chuan rawn lut lo in ke pen thawm chu a hla tial tial ta zawk a.Chu chuan Livie chu ati lungawilo riau a.Engvang nge?? amah leh amah chu a in zawt a.A mut tlem lutuk vang a ni ngei ang!.
Kha nu kha tunge ni ang le?! A bialnu thar em ni? A ni thei lovang,amah nen inhual angin a thang chauh a hmeichhe dang a kawp lehnghal te chuan a mualpho lutuk dawn asin, 'mawl lutuk teh suh,chung te chu a hre ve bawk ang chu' tiin amah leh amah chu a inhau leh a,'chutiang hre reng chung chuan..engvang nge? kha nu kha tu nge?' A hmel kha a hriat hnu chu a ang viau na,a lang chianglo in a lang rei lo em a...a hresual zawk pawh a ni mai thei...Jeanine chu a ni lo ang.
Thawk a la hak a pindan kawngka lam hawi chuan a in let a,kawngka chu a rawn in hawng thut a.Mutthilh derna hun a awm tawh lo! Kawngka a ding chu pindan chhung a thim avangin hmu theilo mahse a pian nalh tak leh taksa lian tak vang chuan Cary a ni tih a hre thei mai a.Khumah chuan a thu nghal awt a.
Pindan chhungah chuan rawn pen lutin light chu a rawn ti eng a.A kawrchung leh necktie chu lo phelh tawhin a kut dinglam chuan kawngka bula chair pakhat chu zo deuh maiin arawn keng a,a kut veilam chuan a kekawr ipte a zen thung a.Livie khum mawng lam hla deuh takah chuan chair chu a hung a,a thu zui nghal a.Hriat chhuah vek tum ni mai awm a chik in Livie chu a en reng mai a.
Livie chu Cary awmdan engkim mai chuan a barakhaih em avangin ngawi rengin alo thlir tawp a.Ngawi renga Cary-a'n a en tak reng avang chuan a harh chhuak thut a,tho chhuakin khum bula rope a khai chu a ha sawk sawk a,nghet zet maiin a tawn a,a in kuangkuah nghal than a.
"Enge i tih a?" inti huaisen lui taka Cary hmachhawn zawng a dingin khum bul atang chuan a zawt a.
"Enge ka ti a min hriat?" thatchhiat hmel zetin alo chhang a.
"Ka pindan atanga chhuak tur hian ka duh che"
"Hmm.."
"Mut ka duh ania"
A thutna atanga rawn tho in Cary chuan a rawn pan a.A chetdan chuan Livie chu a ti hlauthawng ru kher mai, tlanchhe mai lo tur chuan a huaisenna sawm khawmin a dinna ngaiah chuan a ding ve tang tang a.
Rawn pen hnai zelin Livie hma-ah tak chuan arawn ding a.Livie chuan lo melh ngamlo in hnuailam a bih ta ringawt a,an in din hnaih em avang chuan Cary rim leh thaw ri te chu a hre thei a.A ma thinphu ri nen!
Cary chuan a kut veilam chu rawn laksakin zungbun a bun tir a.Light eng atang chuan lunghlu lian tak ,pink dal raih a ni tih a hmu thei a.
Cary chuan a khabe-ah dawmin amah en tur chuan a kuai dak a,Livie chu a maimitchhing ta ringawt a.
Cary thaw hawk ri chu a hmui a rawn fawh chuan a zawm nghal a.Thiam leh zei tak,dim tak bawk si a a fawhna chuan Livie chu a inthlahdul tir tial tial a.A thiam ang tawkin alo chhang let ve a,a ke chuan a zo ta lo emaw tih turin Cary chu a va ngheng hnai talh talh a.Chutah Cary chu rawn inla hrang thutin Livie darah chuan a vuan a,chiang zeta a en leh hnu chuan a vawnna chu a thlah a,a chhuahsan zui ta nghal a.
Livie chu khumah chuan a thu hnawk a,a kut khur dar dar a rectangle shape lunghlu lian zet mai,pink dal raih,tle sep sep chu a thlir vang vang a.
Ni engin a hmai a rawn chhun chuan alo muhil a ni tih Livie chuan a inhre chauh a,lu na deuh bur chung chuan a tho a ,a kuta zungbun bawk chu a en leh a.A lian mah mah a ni,a lem chu a pe awm si lo a dollar 5 man lek chu a ni lo tawp ang.
A inbual fai zawh chuan choka lam a pan a.Dawhkan kil in Cary tih loh midang zawng chu anlo awm tawh a.George chu a chauh hmel takzet.Betty chuan alo hmuh veleh "Darling i mu theilo em ni?" ngaihtuah hmel takin alo zawt a,arawn panhnai nghal a.
"Naute ang maiin ka mutui alawm" a thiam tawk a dawt sawi chu nuamti lovin a sam chu a chul mam thuak a.
"Ohhh..Lord...kha kha inhualna zungbun em ni?" a kut pahnih a a hmui hup chung chuan Betty chu a meng de nghal sar sar a.Midang ho chuan an rawn ngaihven nghal bawk a.
Livie chuan a pe satliah ringawt ti a chhan mai a duh a,mahse chung mi pali te hlim leh phur hmel a hmuh chuan a tawng chhuak mai thei lova.
Betty chuan a zungbun bunna kut chu la in a en chiang a "A va han mawi ve le" tih pahin Livie chu a kuah a,a biangah chuan a fawh sak bawk a. "George,enteh" mitmeng de sar sar in a pasal,a hnung lawka lo kal phei bauh bauh chu a hrilh a.
George pawh chu a lawm khawp mai,Natalie leh Blake te pawh chuan lawmpuina an rawn hlan a,an kuahin an fawp bawk a.
"Cary" Natalie chuan a fapa chu alo kuah nghal chuk chuk a.
Livie chuan a bul lawka Cary lo kal a hmuh chuan a thinphu chu alo rang leh sauh a.Cary lah chu arawn nui sang in a hlim hmel hle lehnghal.A bula rawn din pah chuan a hmuiah chuan arawn fawp thuak a,fawh satliah mai chauh a ni.Mahse Livie taksa chu tekin a den ang mai hian a hit chuai a,Cary lah chuan a kawngah a dawmin a thutna tur ah chuan a hruai a dawhkan chu kil ho in tukthuan chu an ei zui nghal a.
"Long Island-ah kan kir leh tawh dawn tih hrilh che u kan lo tum a.Tunah chuan engagement party ropui tak buaitsaih tur kan nei dawn ta anih hi" Betty chuan ati a.
"Livie hian ama party chu a buaitsaih duh ka ring ka pi" Cary chu a nui sang reng a,hlim tak tak te pawh a ang hle mai.
Livie chuan a pancakes ei chu a tui leh tui loh pawh hre lovin a ei a,Dorota coffee rawn thlit chu a in bawk a.
"Oh..hetah a niin buatsaih se,keiin Long Island lamah ka lo buatsaih nawn leh anga" midang ho pawh chu anlo nui a.
"Betty kan inhualna party pawh i buatsaih tawh a,keima'n tun tum chu ka lo buatsaih ve tawh ang e" Natalie chuan hlim taka nui chungin alo ti ve a.
An thusawi vel chuan Livie awm chu a ti nuamlo kher mai,zungbun a bun tir lai khan Cary khan engmah a sawi lo,engvanga pe nge a nih a sawi hleinem.Inhualna a nih leh nih loh pawh a hre lo.A bul chiah a thu Cary chu ava melh zauh a,nui sangin a chhungte titi ngaithla pah chuan a breakfast chu tui tih hmel takin a ei a.
"Eng tin nge Pink fantasy hi i lei theih zawk a Cary" a nu chuan arawn zawt a.
"A man dik taka dawr chuan Russof khan alo hralh phal reng alawm" Cary chuan ati a.
Livie chu an thusawi ah chuan a bo kher mai,chu chu a hmuhin Natalie chuan "I zungbun kha enge a nih i hre lo a ni" a ngaihtuahna sawi chhuak ni awm takin a ti a.
Livie chuan zawi te in a lu alo thing na na a.
"History zirtir i ngai a nih chu" Natalie chu a nui sang a.Livie chuan a coffee no hnihna a in mek a.
"Kha lunghlu kha Africa a laih chhuah a nih atang khan khawvela lunghlu manto ber te zingah a awm char char a,a tiat pui lunghlu zingah chuan a to ber maw le! lal hrang hrangin an neih hnuah Museum a dah a ni a,kum hnih liam ta a Russsian mi hausa Russof-a'n dollar maktaduai 29 a a lei hma zawng kha chuan" Natalie chuan ati ta a.
Livie chuan a coffee in mek chu an eitur chhawp chungah chuan a phuh thawt a,a khuh zui nghal bawrh bawrh a.
A hnungzang chu Cary chuan arawn chul sak a,a khuh a reh deuh hnu chuan Cary chu ava melh a.A mitmeng chuan enge maw a sawi tih chu Livie chuan a hria,mahse enge a sawi a chhiar thiam mai lo!
"Ka nupui hual tan chuan a tha ber ka duh alawm" Cary-a'n arawn tih takah chuan ava en leh a.Cary chu a nuisang na a,a mitmeng erawh hlauhawm rukna riau a nei thung a.
Hellicopter a Blake leh Natalie te chuang lai chu tukverh atangin Livie chuan alo thlir a.Cary leh a pi leh pu te pawh chu phulah chuan an dinga,Cary nu leh pa te thlawhna chhunga an lut lai chu an thlir ve reng a.
A kut chu la kangin a zungbun chu a thlir leh vang vang a,rit ta riau hian a hria a.A tuai nauh nauh a.An tukthuan a tih khawloh hnu phei kha chuan phelh daih mai a duh tawh a.
"Maktaduai 29 maw !" makti taka Cary a zawh khan "Ni love,kha kha chu Russof a leina a nia.Kei chuan maktaduai 35 in ka lei sak alawm" ngaih pawimawh loh hmel zetin a ti anih kha!.
Kha mi hnu kha chuan tuisik takngial pawh lem harsa ati tawh a ni.Maktaduai 35. A kut zungtang te chu sa ta hut hut hian a hria a.Chutiang zat te chu ram thenkhat budget daih daih alawm! A kutah,a kut zungtangah a tle sep sep a ni si a.Mawi ati lutuk te chu a inthiamlo zawk !!
"Miss Olivia,"
A hnung lawka Blair lo ding a hmuh chuan a phu deuh zawk a.
"Blair,i lo kal dawn tih ka lo hre lo a.Puih theihna che ka nei em?"
"Min pui dawn lova ka pui zawk dawn che alawm.Chu chu personal assistant ka nihna chhan tak zawk ania" hmel hlim takin Blair chuan a chhang a.
"Ni tak e" tih pahin tukverh lam chu a thlir san leh daih a.
Blake te chuanna chu alo thlawk chhuak tawh a,hellicopter dangah Betty leh George te chu anlo chuang leh mek a.Cary chuan a pi leh pu chu tha takin a thlah a.Eng rilru tak pu ang maw? Livie chuan Cary ngaihtuahna chu hriat a chak takzet !!
"Chawhma lamah therapist hmu turin appointment ka siamsak tawh che a,chawhnu lam chu ...mayor nupuiin dar 1 ah lunch eipui che a duh a,zan lamah charity..."
"Therapist.Khawiah?"
"Hetah,inah hian.Mr.Cary-a'n hmun dangah chuan hrehawm i tih a ring a" pawisawilo hmel zetin Blair chuan alo chhang a.
"Tun a i rawn sawi zawng zawng kha amah nena in ruahman em ni?" Livie chu a thinur ru teuh tawh a.
"Aw ni e" hriatthiam hmel vaklo in alo chhang a.
"Therapist hmuh chu i mamawh alawm" an thusawi arawn hre pha a ni ngei ang,Cary chuan lo lut pahin a ti a.T-shirt ban tlawn leh demin kekawr nen ala awm reng a.
"New York office lamah i kal dawnlo em ni? Hnathawh turin alo hmuak teuh tawh ang che" awmze nei fe chuan Livie in alo ti a.
Rawn pan hnai pah chuan "Vawiin chu ka nupui hual hian min mamawh em a,khawiah mah ka kal dawn lo.Bakah heta tang pawh hian ka thawk thei tho alawm" tih pahin a biangah chuan arawn fawp zeuh a.A kawngah chuan a kuah nghal bawk a.
Ka nupui hual a ti deuh chhen chu Livie chuan hriat hrehawm ati riau tawh a,awmze dang anei tlat hian a hria a.
"Blair Mayor nupui kha chu Livie a kal theihloh tur thu lo hrilh la,midang ho pawh kha...naktuka kan pahnih a zanriah kan kilna tur lo tifel zawk ta che.Chu zawng chu a ni e." Cary chuan ati zung zung a.
Blair chhuah veleh chuan Cary chu a namsawn vat a "Eng thil nge maw i tih le !? "
'Ka nupui hual ka kuah"
"Ti khan min sawi reng suh"
"Anih leh engtinge ka sawi ang che,ka hmei ka ti dawn che mi,nge ka cousin hmuh chhuah thar.Ngeee lemchan thiam,a duh a neih theihnana engpawh tih huam!"
Cary thusawi duhdan chu a ngaithlak duhzawng a ni lo.
"Duh tawk teh.Eng..enge i sawi awmzia.Enteh...England a kir leh ka duh tawh.Ka haw na tur min ngaihtuah sak la a tha ang" pawisa a neilo chu a in haw ru hluah hluah.
"Chuti mai chuan ni love Livie,miin min chhaih tawh chuan a tawp thlenpui ngei hi ka duhdan alawm.I therapist tur alo thleng tep tawh ang" thawven hmel zet chuan ati a.
Livie chu inherin pindan chu chhuahsan a tum a.
"Tlanchhiat i tum em ni Livie,a harsa deuh hlek ang" Cary chuan a au zui a.
Livie chu a ding dat a,mahse a inher ngam lo.Hmanhmawh takin a pindan lam chu a pan ta zawk a.
Pindan chhungah chuan a vei tawn sek a,Cary thusawi duhdan kha...engemaw chu hriat a nei chiang.Enge ni ang le? 'Lalpa Craig chungchang kha chu nih tir lul suh' .A kawngkhar chu an rawn kik a,chupa chu! A la duhtawk lo a ni maw!? Huphurh ru takin kawngkhar chu a hawng a,Blair lo nui sang a hmuh chuan thawk a la hak a.
"I therapist a lo thleng tawh a,a nghak reng tawh che ania" Blair chuan a ti a.
A hma kha chuan therapist hmuh tumna a nei lo,a rilru a thlak a."Oh..ka lawm e" tiin Blair chu a zui ta zawk a.
Pindan reh leh eng nuam tak,tuifinriat pawl ruih mai thui tak lan theihna ah hian a hruai lut a.Cary leh hmeichhe pakhat inchei zahawm tak,mihang leh mingo thlahpawlh tih hriat theih nu hmeltha tak mai chu anlo inbe mek a.An bul a va thlen chuan Cary chuan alo hmu vat a,a bula nu nen chuan a in hmelhriat tir nghal a.
"Livie hei hi Dr.Suzane Wallace ania.Dr Wallace hei hi ka nupui hual Olivia Wardof a nih hi'
"Hi,Suzane min ti dawn nia" a kut rawn phar chhuakin alo ti a.
Livie pawh chuan alo chibai ve mai a,"Olivia emaw Livie tiin min ko thei ang,a tha ve ve" ati ve a.
"Awle,in inhmelhriat tawh chuan ka chhuahsan ang che u" tiin Livie chalah chuan a fawp leh zauh a,a chhuahsana.Livie awm chu a nuamlo ru kher mai.
"Thu ila" tih pahin Dr .Suzane chuan Livie bulah thutna chu a kawh hmuh zauh a,Livie hmachhawn zawng chuan amah pawh chu a thu ve nghal a.
"He therapy hi neih ka duh lo,enge ka neih chhan pawh ka hre si lo a" reife an ngawih hnu chuan Livie chuan ati chhuak phawng a.
"Ka thiamloh a ni e,Social anxiety i neih vang ani e.Engmah ngaihthat lohna tur a awm lo ania,phobia te angin a buaithlak lohva" Dr.Suzane chuan ati a.
Livie chu a thu ngil deuh zawt a.Cary-a'n rang taka New York chhuahsana Hampton a panpui nachhan chu a hre ta alawm!. Lungawilo hmel a lo pu fo pawh hi a mawh love !
"Tuna kan thusawi hi Cary i hrilh leh vek ang tiraw?"
"Hrilh love,hei chu Dr.leh patient inkar a ni a,i phalna lo chuan khawiah mah ka sawi chhuak lovang"
"I hlawh petu che a ni chungin maw?"
"Aw ni e,engpawh ka hnena i sawi chu thuruk vek a ni ang."
"Khawia tangin nge kan tan ang?" Livie chuan chu nu chu a ring zo lo,engmah thu pawimawh phei chu hrilh a tum lo.Mahse ngawih reng ai chuan tiin thil ho te te chu a sawi pui ta tho a.Dr.Suzane lah chuan hriatchian tumin a thusawi reng reng chu a zawt chik viau zel mai lehnghal.Darkar khat zet an thutdun hnu chuan an hun chu a tawp ta a.
"Karlehah ka lo kal leh dawn nia" tiin Dr.Suzane chuan kawngkhar lam a pan a,a hnungah chuan Livie chuan a zui a.
Kawngkhar bul maiah chuan Cary chu a lo ding reng a,Livie chuan an inkawmna zawng zawng kha a lo ngaihthlak vek a ring hial a.
"Suzane ka lo thlah ang che" Cary chuan lo tiin Dr. Suzane nen chuan an inzui chhuak a.
Livie chu inhnunglam atanga chhuakin George nena an len velna tuipui kamah khan a kal vel mai mai a.
England a kir leh a,a hma a a awmdan pangngai a awm leh mai mai kha a chak a ni.Tah kha chuan a him riau a. Social anxiety chungchang tlem hriat a nei ve alawm. A natna nen phei hi chuan Cary emaw milar tu bulah mah awm chi a ni lo ! Hampton hi mi tamtak tan an hahchawlhna hmun ni mahse Livie tan chuan a ni ve lo.Cary hian a chanchin eng chen chiah nge a hriat ang le!! A hma a tuifawn hlup hlup chu hmu chuang miahlo in a thlir a.
Match
Mami Chhakchhuak
Chapter - 5
A thil hmeh chhuah vang chuan George chu a hrilh hai ang reng hle mai a.A kut dinglam chu a thin zawnah a nghat a.Betty chuan T.V chu a off ta ringawt a.
"I nu nen khan in inbia...a dik em? Enge a lo an a?" Livie lam chu a hawi a,Betty chuan an boruak chu siamthat vat a duh a ni.
Livie chuan a thingpui no chu a hum nghet sauh a "A dam tha e" tih pahin a no chu a dah thla a " Min lo hrethiam ula" tiin a tho a,pindan chu a chhuahsan a.
"Kan nau-a mai mai chu(h)!! " tih bul bul pahin George chu a tho tuah tuah a.
"Kan nawr nasa mah mah a ni thei ang em?" Blake chuan nuam ti lo zetin ati a.
"Chutiang lam a nih ka ring lo.Cary-a anih hi" Natalie, Cary nu chuan alo ti ve a.
"A nih chuan englam nge anih ang? Nupui fanau neih a,in ben bel lam hi a tum hmel loh khawp mai" George chuan a tiang hawl pahin ati a.A tar hmel sawtin a chak loh hmel sawt bawk a.
"Ka pa i tha em?" Ngaihtuah hmel takin Blake chuan alo zawt vat a.
"Ka tha e.Mut hahchawlh ka mamawh mai chauh a ni.Naktukah chuan mi thar ka ni leh tawh ang" inti zangkhai lui takin a ti a.A thawk erawh a harsat hmel hle thung a.
Betty chu a bulah a kal vat a,an pahnih chuan an inzui chhuak a.Blake chuan a thlir zui a.
"Cary hi kan biak a tha in ka hria" Natalie chuan anpa rilru nawm loh hmel zet chu lainat hmel taka en chungin a ti a.
"I sawi dik.Engemaw chu kan tih a ngai a ni.Mahse...eng...ka pa hian min dam rei pui lo ang tih a hlauhawm a ni" rilru na takin Blake chuan thawk a la hak a.
Livie chu a room a thlen chuan inthlak vatin khumah chuan a inthawlh than a.Ceiling lam chu a melh ngar mai a.Engvanga lo thinur ve ringawt nge maw a nih le!?
Zing lam dar 2 vela hellicopter rawn tum lai pawh chuan alo la meng kar mai a.Zan a riak nghal law law lo chu a mak zawk ngawt mai!! Tukverh bula va kala thlir a chakna chu a insum hram hram a.
Nakin deuhah chuan a pindan kawngkhar zawna ke pen tawp chat ri chu a hria a,a muhil der nghal a.Reilote hnuah chuan rawn lut lo in ke pen thawm chu a hla tial tial ta zawk a.Chu chuan Livie chu ati lungawilo riau a.Engvang nge?? amah leh amah chu a in zawt a.A mut tlem lutuk vang a ni ngei ang!.
Kha nu kha tunge ni ang le?! A bialnu thar em ni? A ni thei lovang,amah nen inhual angin a thang chauh a hmeichhe dang a kawp lehnghal te chuan a mualpho lutuk dawn asin, 'mawl lutuk teh suh,chung te chu a hre ve bawk ang chu' tiin amah leh amah chu a inhau leh a,'chutiang hre reng chung chuan..engvang nge? kha nu kha tu nge?' A hmel kha a hriat hnu chu a ang viau na,a lang chianglo in a lang rei lo em a...a hresual zawk pawh a ni mai thei...Jeanine chu a ni lo ang.
Thawk a la hak a pindan kawngka lam hawi chuan a in let a,kawngka chu a rawn in hawng thut a.Mutthilh derna hun a awm tawh lo! Kawngka a ding chu pindan chhung a thim avangin hmu theilo mahse a pian nalh tak leh taksa lian tak vang chuan Cary a ni tih a hre thei mai a.Khumah chuan a thu nghal awt a.
Pindan chhungah chuan rawn pen lutin light chu a rawn ti eng a.A kawrchung leh necktie chu lo phelh tawhin a kut dinglam chuan kawngka bula chair pakhat chu zo deuh maiin arawn keng a,a kut veilam chuan a kekawr ipte a zen thung a.Livie khum mawng lam hla deuh takah chuan chair chu a hung a,a thu zui nghal a.Hriat chhuah vek tum ni mai awm a chik in Livie chu a en reng mai a.
Livie chu Cary awmdan engkim mai chuan a barakhaih em avangin ngawi rengin alo thlir tawp a.Ngawi renga Cary-a'n a en tak reng avang chuan a harh chhuak thut a,tho chhuakin khum bula rope a khai chu a ha sawk sawk a,nghet zet maiin a tawn a,a in kuangkuah nghal than a.
"Enge i tih a?" inti huaisen lui taka Cary hmachhawn zawng a dingin khum bul atang chuan a zawt a.
"Enge ka ti a min hriat?" thatchhiat hmel zetin alo chhang a.
"Ka pindan atanga chhuak tur hian ka duh che"
"Hmm.."
"Mut ka duh ania"
A thutna atanga rawn tho in Cary chuan a rawn pan a.A chetdan chuan Livie chu a ti hlauthawng ru kher mai, tlanchhe mai lo tur chuan a huaisenna sawm khawmin a dinna ngaiah chuan a ding ve tang tang a.
Rawn pen hnai zelin Livie hma-ah tak chuan arawn ding a.Livie chuan lo melh ngamlo in hnuailam a bih ta ringawt a,an in din hnaih em avang chuan Cary rim leh thaw ri te chu a hre thei a.A ma thinphu ri nen!
Cary chuan a kut veilam chu rawn laksakin zungbun a bun tir a.Light eng atang chuan lunghlu lian tak ,pink dal raih a ni tih a hmu thei a.
Cary chuan a khabe-ah dawmin amah en tur chuan a kuai dak a,Livie chu a maimitchhing ta ringawt a.
Cary thaw hawk ri chu a hmui a rawn fawh chuan a zawm nghal a.Thiam leh zei tak,dim tak bawk si a a fawhna chuan Livie chu a inthlahdul tir tial tial a.A thiam ang tawkin alo chhang let ve a,a ke chuan a zo ta lo emaw tih turin Cary chu a va ngheng hnai talh talh a.Chutah Cary chu rawn inla hrang thutin Livie darah chuan a vuan a,chiang zeta a en leh hnu chuan a vawnna chu a thlah a,a chhuahsan zui ta nghal a.
Livie chu khumah chuan a thu hnawk a,a kut khur dar dar a rectangle shape lunghlu lian zet mai,pink dal raih,tle sep sep chu a thlir vang vang a.
Ni engin a hmai a rawn chhun chuan alo muhil a ni tih Livie chuan a inhre chauh a,lu na deuh bur chung chuan a tho a ,a kuta zungbun bawk chu a en leh a.A lian mah mah a ni,a lem chu a pe awm si lo a dollar 5 man lek chu a ni lo tawp ang.
A inbual fai zawh chuan choka lam a pan a.Dawhkan kil in Cary tih loh midang zawng chu anlo awm tawh a.George chu a chauh hmel takzet.Betty chuan alo hmuh veleh "Darling i mu theilo em ni?" ngaihtuah hmel takin alo zawt a,arawn panhnai nghal a.
"Naute ang maiin ka mutui alawm" a thiam tawk a dawt sawi chu nuamti lovin a sam chu a chul mam thuak a.
"Ohhh..Lord...kha kha inhualna zungbun em ni?" a kut pahnih a a hmui hup chung chuan Betty chu a meng de nghal sar sar a.Midang ho chuan an rawn ngaihven nghal bawk a.
Livie chuan a pe satliah ringawt ti a chhan mai a duh a,mahse chung mi pali te hlim leh phur hmel a hmuh chuan a tawng chhuak mai thei lova.
Betty chuan a zungbun bunna kut chu la in a en chiang a "A va han mawi ve le" tih pahin Livie chu a kuah a,a biangah chuan a fawh sak bawk a. "George,enteh" mitmeng de sar sar in a pasal,a hnung lawka lo kal phei bauh bauh chu a hrilh a.
George pawh chu a lawm khawp mai,Natalie leh Blake te pawh chuan lawmpuina an rawn hlan a,an kuahin an fawp bawk a.
"Cary" Natalie chuan a fapa chu alo kuah nghal chuk chuk a.
Livie chuan a bul lawka Cary lo kal a hmuh chuan a thinphu chu alo rang leh sauh a.Cary lah chu arawn nui sang in a hlim hmel hle lehnghal.A bula rawn din pah chuan a hmuiah chuan arawn fawp thuak a,fawh satliah mai chauh a ni.Mahse Livie taksa chu tekin a den ang mai hian a hit chuai a,Cary lah chuan a kawngah a dawmin a thutna tur ah chuan a hruai a dawhkan chu kil ho in tukthuan chu an ei zui nghal a.
"Long Island-ah kan kir leh tawh dawn tih hrilh che u kan lo tum a.Tunah chuan engagement party ropui tak buaitsaih tur kan nei dawn ta anih hi" Betty chuan ati a.
"Livie hian ama party chu a buaitsaih duh ka ring ka pi" Cary chu a nui sang reng a,hlim tak tak te pawh a ang hle mai.
Livie chuan a pancakes ei chu a tui leh tui loh pawh hre lovin a ei a,Dorota coffee rawn thlit chu a in bawk a.
"Oh..hetah a niin buatsaih se,keiin Long Island lamah ka lo buatsaih nawn leh anga" midang ho pawh chu anlo nui a.
"Betty kan inhualna party pawh i buatsaih tawh a,keima'n tun tum chu ka lo buatsaih ve tawh ang e" Natalie chuan hlim taka nui chungin alo ti ve a.
An thusawi vel chuan Livie awm chu a ti nuamlo kher mai,zungbun a bun tir lai khan Cary khan engmah a sawi lo,engvanga pe nge a nih a sawi hleinem.Inhualna a nih leh nih loh pawh a hre lo.A bul chiah a thu Cary chu ava melh zauh a,nui sangin a chhungte titi ngaithla pah chuan a breakfast chu tui tih hmel takin a ei a.
"Eng tin nge Pink fantasy hi i lei theih zawk a Cary" a nu chuan arawn zawt a.
"A man dik taka dawr chuan Russof khan alo hralh phal reng alawm" Cary chuan ati a.
Livie chu an thusawi ah chuan a bo kher mai,chu chu a hmuhin Natalie chuan "I zungbun kha enge a nih i hre lo a ni" a ngaihtuahna sawi chhuak ni awm takin a ti a.
Livie chuan zawi te in a lu alo thing na na a.
"History zirtir i ngai a nih chu" Natalie chu a nui sang a.Livie chuan a coffee no hnihna a in mek a.
"Kha lunghlu kha Africa a laih chhuah a nih atang khan khawvela lunghlu manto ber te zingah a awm char char a,a tiat pui lunghlu zingah chuan a to ber maw le! lal hrang hrangin an neih hnuah Museum a dah a ni a,kum hnih liam ta a Russsian mi hausa Russof-a'n dollar maktaduai 29 a a lei hma zawng kha chuan" Natalie chuan ati ta a.
Livie chuan a coffee in mek chu an eitur chhawp chungah chuan a phuh thawt a,a khuh zui nghal bawrh bawrh a.
A hnungzang chu Cary chuan arawn chul sak a,a khuh a reh deuh hnu chuan Cary chu ava melh a.A mitmeng chuan enge maw a sawi tih chu Livie chuan a hria,mahse enge a sawi a chhiar thiam mai lo!
"Ka nupui hual tan chuan a tha ber ka duh alawm" Cary-a'n arawn tih takah chuan ava en leh a.Cary chu a nuisang na a,a mitmeng erawh hlauhawm rukna riau a nei thung a.
Hellicopter a Blake leh Natalie te chuang lai chu tukverh atangin Livie chuan alo thlir a.Cary leh a pi leh pu te pawh chu phulah chuan an dinga,Cary nu leh pa te thlawhna chhunga an lut lai chu an thlir ve reng a.
A kut chu la kangin a zungbun chu a thlir leh vang vang a,rit ta riau hian a hria a.A tuai nauh nauh a.An tukthuan a tih khawloh hnu phei kha chuan phelh daih mai a duh tawh a.
"Maktaduai 29 maw !" makti taka Cary a zawh khan "Ni love,kha kha chu Russof a leina a nia.Kei chuan maktaduai 35 in ka lei sak alawm" ngaih pawimawh loh hmel zetin a ti anih kha!.
Kha mi hnu kha chuan tuisik takngial pawh lem harsa ati tawh a ni.Maktaduai 35. A kut zungtang te chu sa ta hut hut hian a hria a.Chutiang zat te chu ram thenkhat budget daih daih alawm! A kutah,a kut zungtangah a tle sep sep a ni si a.Mawi ati lutuk te chu a inthiamlo zawk !!
"Miss Olivia,"
A hnung lawka Blair lo ding a hmuh chuan a phu deuh zawk a.
"Blair,i lo kal dawn tih ka lo hre lo a.Puih theihna che ka nei em?"
"Min pui dawn lova ka pui zawk dawn che alawm.Chu chu personal assistant ka nihna chhan tak zawk ania" hmel hlim takin Blair chuan a chhang a.
"Ni tak e" tih pahin tukverh lam chu a thlir san leh daih a.
Blake te chuanna chu alo thlawk chhuak tawh a,hellicopter dangah Betty leh George te chu anlo chuang leh mek a.Cary chuan a pi leh pu chu tha takin a thlah a.Eng rilru tak pu ang maw? Livie chuan Cary ngaihtuahna chu hriat a chak takzet !!
"Chawhma lamah therapist hmu turin appointment ka siamsak tawh che a,chawhnu lam chu ...mayor nupuiin dar 1 ah lunch eipui che a duh a,zan lamah charity..."
"Therapist.Khawiah?"
"Hetah,inah hian.Mr.Cary-a'n hmun dangah chuan hrehawm i tih a ring a" pawisawilo hmel zetin Blair chuan alo chhang a.
"Tun a i rawn sawi zawng zawng kha amah nena in ruahman em ni?" Livie chu a thinur ru teuh tawh a.
"Aw ni e" hriatthiam hmel vaklo in alo chhang a.
"Therapist hmuh chu i mamawh alawm" an thusawi arawn hre pha a ni ngei ang,Cary chuan lo lut pahin a ti a.T-shirt ban tlawn leh demin kekawr nen ala awm reng a.
"New York office lamah i kal dawnlo em ni? Hnathawh turin alo hmuak teuh tawh ang che" awmze nei fe chuan Livie in alo ti a.
Rawn pan hnai pah chuan "Vawiin chu ka nupui hual hian min mamawh em a,khawiah mah ka kal dawn lo.Bakah heta tang pawh hian ka thawk thei tho alawm" tih pahin a biangah chuan arawn fawp zeuh a.A kawngah chuan a kuah nghal bawk a.
Ka nupui hual a ti deuh chhen chu Livie chuan hriat hrehawm ati riau tawh a,awmze dang anei tlat hian a hria a.
"Blair Mayor nupui kha chu Livie a kal theihloh tur thu lo hrilh la,midang ho pawh kha...naktuka kan pahnih a zanriah kan kilna tur lo tifel zawk ta che.Chu zawng chu a ni e." Cary chuan ati zung zung a.
Blair chhuah veleh chuan Cary chu a namsawn vat a "Eng thil nge maw i tih le !? "
'Ka nupui hual ka kuah"
"Ti khan min sawi reng suh"
"Anih leh engtinge ka sawi ang che,ka hmei ka ti dawn che mi,nge ka cousin hmuh chhuah thar.Ngeee lemchan thiam,a duh a neih theihnana engpawh tih huam!"
Cary thusawi duhdan chu a ngaithlak duhzawng a ni lo.
"Duh tawk teh.Eng..enge i sawi awmzia.Enteh...England a kir leh ka duh tawh.Ka haw na tur min ngaihtuah sak la a tha ang" pawisa a neilo chu a in haw ru hluah hluah.
"Chuti mai chuan ni love Livie,miin min chhaih tawh chuan a tawp thlenpui ngei hi ka duhdan alawm.I therapist tur alo thleng tep tawh ang" thawven hmel zet chuan ati a.
Livie chu inherin pindan chu chhuahsan a tum a.
"Tlanchhiat i tum em ni Livie,a harsa deuh hlek ang" Cary chuan a au zui a.
Livie chu a ding dat a,mahse a inher ngam lo.Hmanhmawh takin a pindan lam chu a pan ta zawk a.
Pindan chhungah chuan a vei tawn sek a,Cary thusawi duhdan kha...engemaw chu hriat a nei chiang.Enge ni ang le? 'Lalpa Craig chungchang kha chu nih tir lul suh' .A kawngkhar chu an rawn kik a,chupa chu! A la duhtawk lo a ni maw!? Huphurh ru takin kawngkhar chu a hawng a,Blair lo nui sang a hmuh chuan thawk a la hak a.
"I therapist a lo thleng tawh a,a nghak reng tawh che ania" Blair chuan a ti a.
A hma kha chuan therapist hmuh tumna a nei lo,a rilru a thlak a."Oh..ka lawm e" tiin Blair chu a zui ta zawk a.
Pindan reh leh eng nuam tak,tuifinriat pawl ruih mai thui tak lan theihna ah hian a hruai lut a.Cary leh hmeichhe pakhat inchei zahawm tak,mihang leh mingo thlahpawlh tih hriat theih nu hmeltha tak mai chu anlo inbe mek a.An bul a va thlen chuan Cary chuan alo hmu vat a,a bula nu nen chuan a in hmelhriat tir nghal a.
"Livie hei hi Dr.Suzane Wallace ania.Dr Wallace hei hi ka nupui hual Olivia Wardof a nih hi'
"Hi,Suzane min ti dawn nia" a kut rawn phar chhuakin alo ti a.
Livie pawh chuan alo chibai ve mai a,"Olivia emaw Livie tiin min ko thei ang,a tha ve ve" ati ve a.
"Awle,in inhmelhriat tawh chuan ka chhuahsan ang che u" tiin Livie chalah chuan a fawp leh zauh a,a chhuahsana.Livie awm chu a nuamlo ru kher mai.
"Thu ila" tih pahin Dr .Suzane chuan Livie bulah thutna chu a kawh hmuh zauh a,Livie hmachhawn zawng chuan amah pawh chu a thu ve nghal a.
"He therapy hi neih ka duh lo,enge ka neih chhan pawh ka hre si lo a" reife an ngawih hnu chuan Livie chuan ati chhuak phawng a.
"Ka thiamloh a ni e,Social anxiety i neih vang ani e.Engmah ngaihthat lohna tur a awm lo ania,phobia te angin a buaithlak lohva" Dr.Suzane chuan ati a.
Livie chu a thu ngil deuh zawt a.Cary-a'n rang taka New York chhuahsana Hampton a panpui nachhan chu a hre ta alawm!. Lungawilo hmel a lo pu fo pawh hi a mawh love !
"Tuna kan thusawi hi Cary i hrilh leh vek ang tiraw?"
"Hrilh love,hei chu Dr.leh patient inkar a ni a,i phalna lo chuan khawiah mah ka sawi chhuak lovang"
"I hlawh petu che a ni chungin maw?"
"Aw ni e,engpawh ka hnena i sawi chu thuruk vek a ni ang."
"Khawia tangin nge kan tan ang?" Livie chuan chu nu chu a ring zo lo,engmah thu pawimawh phei chu hrilh a tum lo.Mahse ngawih reng ai chuan tiin thil ho te te chu a sawi pui ta tho a.Dr.Suzane lah chuan hriatchian tumin a thusawi reng reng chu a zawt chik viau zel mai lehnghal.Darkar khat zet an thutdun hnu chuan an hun chu a tawp ta a.
"Karlehah ka lo kal leh dawn nia" tiin Dr.Suzane chuan kawngkhar lam a pan a,a hnungah chuan Livie chuan a zui a.
Kawngkhar bul maiah chuan Cary chu a lo ding reng a,Livie chuan an inkawmna zawng zawng kha a lo ngaihthlak vek a ring hial a.
"Suzane ka lo thlah ang che" Cary chuan lo tiin Dr. Suzane nen chuan an inzui chhuak a.
Livie chu inhnunglam atanga chhuakin George nena an len velna tuipui kamah khan a kal vel mai mai a.
England a kir leh a,a hma a a awmdan pangngai a awm leh mai mai kha a chak a ni.Tah kha chuan a him riau a. Social anxiety chungchang tlem hriat a nei ve alawm. A natna nen phei hi chuan Cary emaw milar tu bulah mah awm chi a ni lo ! Hampton hi mi tamtak tan an hahchawlhna hmun ni mahse Livie tan chuan a ni ve lo.Cary hian a chanchin eng chen chiah nge a hriat ang le!! A hma a tuifawn hlup hlup chu hmu chuang miahlo in a thlir a.
| Link: | |
| BBcode: | |
| HTML: | |
| Hide post links |
Local Advertisement
MOBILE SIAM ZIR DUH TAN!!!
Tech-Inn Mobile Repairing Traning Centre, Bazar bungkawn
Kum tin mi za chuang eizawnna kan siamsak a, Eizawnna tlaka thiam turin kan zirtir thin
Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122
Perfect/Inperfect
Match
Mami Chhakchhuak
Chapter - 6
"Hma i sawn phah dawnin i hria em?"
"Khatianga min tih phut kha bansan teh" a hnung lawka Cary lo ding leh reng tawh a hmuh chuan Livie chuan ati hliai a.
"I ngaihtuahna i kawm nasa lutuk a nih kha?" a bula rawn kal ve pah chuan ati a.
"Ka hmu duh tawh lo"
"A field-ah hian a tha ber anti asin"
"Ka ngai pawimawh lo,therapy neih ka duh tawh lo a ni mai"
"Mi hausa nupui ang maiin i tawng a lawm" Cary chu a nui suk a.
Livie chu a tum hmak thung a "Ka fiamthu lo ania Cary"
"I mamawh alawm,ka nupui nih i tum chuan"
Za lo zeta nui hak in Livie chuan "Ka hrilh nawn leh ang che Cary...."
"Ka nupui nih i tum lo,ka hria e" Cary chuan alo tih khalh a.
Livie chu a ding chat a,beidawng taka a kut vai vel pah chuan "Ka hrethiam lo...i hriat tho si chuan enga ti nge hetiang..hetiang hmel hi min hmuh reng a!?" tiin amah Cary chu a kawk zauh a.
"I ril a tam tawh em? Keichu ka ril a tam khawp mai.Tukthuan kha ka puar khawp ka ei hman si lova" tiin an tukthuan eitur Livie-i'n a coffee in a a phuh kha hriatthiam theih turin a sawi khum a.
"Kei chu a tam ve lo" Livie chuan alo ti ve hmak a.
Cary chu a nui suk a,a in her a,in lam pan chuan a kal a.
"Ka hmu tawh dawn lo ania" Livie chuan Cary kal liam tur chu a au zui a.
Cary chu alo let a,chu chu a hmuhin Livie chu a hlauthawng ru kher mai.Mahse a dinna ngaiah chuan a ding lui ve tlat a.
"I hmu leh ang.Chuan in enkawl dan tur a tih apiang i zawm ang Livie.A chhan chu ka khawvelah i cheng tawh a,ka khawvel chu thian leh hmelma tam takin min hual vel asin.Bihruk san emaw tlanbosan theih a ni lo.Hei hi i thlang tawh a i hmachhawn a ngai.Social anxiety nei chung chuan i hmachhawn thei lo.Party apianga i thihdan zel te chuan hna ka thawk hman nang" ati nghet churh mai a,a inher vut a,a kalsan ta a.
In thazo tak maia a kal thauh thauh lai thlir reng chung chuan ama hriat tawk lekin Livie chuan "Ka thlang lo.He nun hi ka thlang lo" ati sap a.
Nilengin Cary chu a hel char char a,a awmdan leh a tawngkhum thin dan te chuan an tina a ni.
"Hampton-a in lian berah i cheng ania,a ropui em? Lawng te khan in leng kual tawh ang tiraw?" .Zanriah ei peih lovin a nu biakna hun atan a hmang ta zawk a,a nu chuan zawhna chi hrang hrang lo zawtin a phur phian lehnghal.A bia chu a inchhir tep alawm.
"Ka nu Laventham-a kan in kha nuam ka ti zawk!" Livie chuan ati ngui riai a.
"In tihtur pawh i neih loh tep tawh hi Livie." thawk la hakin a nu chuan alo chhang a.
"Bawihi, Cary leh a chhungte chauh kha ngaihtuah la Chhungkaw thar neih vat tum zawk ta che.Laventham-ah hian i tan engmah a awm lo tih i hriat chian em kha" a nu aw chu a zangkhai ta lo hle mai a.
"Ka pa i hmu leh tawh em?" tim ru tak chungin a zawt a.
"Hmu rih lo.Kartawpah hmuh ka lo tum ang.I pa ai chuan Cary..."
"Ka nu media ho hian ka chanchin an ngaihven zia hi i hria em? Heng zawng zawng hi Cary nen kan inhual ni a an hriat vang ania.Ka pa chanchin pawh hi an hre thuai ang,Craig te..." a mittui tla tur chu a khap per sak a.
"Ngaihtuah hah duh suh"
"Engtinnge chuti chuan i sawi mai theih ka nu.Cary hi hrilh tha in ka hria ala hrechhuak tho ang,a hre vek tawh zawk pawh a ni maithei"
"Livie,hun tha pek i ni a hmang thiam ang che.Ka thurawn hi pawm la engmah sawi chhuak suh.Thil thenkhat chu a hre ngei ang a kan thup vek seng lo.Mahse thil zawng zawng chu a hre lovang.A theihloh.Court in an seal vek alawm,Craig chungchang phei chu hriat ngaihna a awm lo" a nu chuan arawn ti nghet charh mai a.
A nu nena an inbiakna chuan Livie chu ati hahdam chuang hauh lo.Craig a han ngaihtuah a,kha mi tenawm bum hmang kha.Cary ve hi...enge maw chu hriat a nei chiang a ni.A nu sawi ang khan engmah pawimawh a hre lo ang,hausa viau mahse Court in an seal hnan tawh em chu a hawng thei bik lovang tiin a inhnem a.A pa ahan ngaihtuah leh a,Tanin-ah chuan a muhil thei ang em le,chaw a ei thei ang em? A pa te ang mi zaidam leh rothap lo ve tak mai tanin a ahan tang ve hi chu!!
A hma a computer chu thlir reng mahse engmah Cary chuan a hmu lo ,a ngaihtuahna chu sambuang leh mitmu pawl ram mai chuan a luah vek a ni.A thiltihtur hi a ruahman lawk vek thin,mahse he mitmu pawl ram mai hi engtinnge a tih dawn ? Ruahmanna a siam thei miahlo hi a inhua a ni.
Computer bul a file a dah chu a la a,a chhunga in ziak chu a hrechiang tawh khawp mai.A private investigator in a rawn pek atang khan vawi engemaw zat a chhiar nawn tawh a.A copy chauh ni lo in original neih a duh ngei mai.A copy ah hi chuan thuziak tam zawk chu rawng dum a hliah vek a ni a,original nei thei ngat se chu...a chhung thu chu an chhiar nawn leh a.Craig leh Olivia in khinna chu ! Craig a tan chhan ho chu rawng duma hliah a ni mang lo a.Livie ve thung chu hliah deuh vek a ni thung.An thubuai a chhiar theih chin atang hi chuan Court hian eng vanga Livie chak tir nge a hrethiam lo.Craig hi hnehna chang tur awm zawk tak a ni.
'A pu vang chu ni lo se England -ah a thawn haw daih tawh ang' tiin amah leh amah chu a inhrilh a.Dik tak chuan,a thawn hawng a nih chuan media ho laka a thil thup sak zawng zawng hi puan chhuah a ni ang a,Livie chuan hawi ngaihna pawh a hre lovang.
Ni e,a nupui hual anga a than hnu kha chuan a chanchin mak pui pui hria mi thenkhat chuan an ka hup nan pawisa an rawn phut fo tawh a.Thudik a ni emaw,dawt pawh lo ni se lo thup sak char char mai loh chu tih theih a nei lo.Amah a mualpho tel dawn tlat a!
Chuvang ringawt chu a ni chiah em? Cary chuan a file ken chu khup thawk in thawk an la hawk a.Livie in zah hmel taka a en lai te,inti paukhauh lui taka a melh let ve ngar te kha a mitthla ah anlo lang a,a hmui fawh nuam zet te kha.
A lu chu an thing nawk a,Jeanine-i thu hrilh te a han ngaihtuah chhuak a.Livie mizia ni a a hrilh leh tuna Livie hi chu an in ang lo takzet,mi hrang daih ang mai an ni.A kut zungtang chuan a chal chu a tuai nauh nauh a.Enga ti nge thutlukna a siam theih reng reng loh le !!.
Kawngkhar chu an rawn kik ri dat dat a.
"Lo lut rawh"
"Zanriah ei a hun tawh ania ka pu" Dorota chuan arawn ti a.
"Ka ei chak lo" Cary chuan alo ati a.
"Hmm...enge nangni pahnih hian in hriat a,in ei peih dawn loh te chuan pawisa tamtak senga Chef rawih kher a ngai hleinem" Dorota chu a lungawi lo kher mai.
"Livie paw'n a ei bik lo i tihna a mi?" dawhkana a phone chu arawn vibrate a.
Cary chuan la in a chhang nghal a "Hello"
"Chu chu lawm ka sawi" a thusawi a ngaithla tawh lo tih hria in Dorota chuan chhuak pahin kawngkhar chu a khar deuh bur a.
"Eng ri nge ni a?" Alex-a ,Cary kut leh ke ber mai ,a thian leh a Company CEO ni bawk chuan ati a.
"Ngai pawimawh duh suh.Enge ni tun ang hunah min rawn biak a Alex?"
"Chawlh i hmang tih chu ka hre tho a mahse Dubai chungchang a nia.Buaina kan tawk"
Cary chuan thawk ala hawk a "Ka lo kal nghal ang,chanchin kim chang min lo thawn la" tiin phone a off a.Pilot a be nghal a.
Hellicopter ri a hriat chuan Livie chu a tho a,veranda-ah chuan a va dak nghal a.A awmna hmunin a zir loh vangin a hmu chiang thei lo na Cary a ni tih chu a hre thei a.Mak ti leh ngaih tha lo takin New York lam pana a thlawk lai chu a thlir zui a .
"Saudi Lal fapa Ahmed a chu biak theihin a awm tawh em?" office a thlen rual chuan Alex chu a zawt nghal a.Board member thenkhat pawh conference room-ah chuan anlo awm tawh a.
"Biak theihin ala awm lo."
"Biak theih tura a awm hma chu tum char char ang che" ti a Alex hrilh pahin confrence room ah chuan a lut tlang nghal a.
Alexa'n thil awmzia a hrilh chian meuh kha chuan hmanhmawh loh chi kha a ni tawh lo.Network Margeting lama a hmalakna hmasa ber atan Dubai ah product launch in,departmental store hawn a tum kha a ni a.Tunah Saudi lal fapa chapo zet vangin a thulh thei lovang.Advertisment an tih chhuah man te,maktaduai tamtak a hlauh thei tlat a ni ! Pawisa chu engpawh nise,mi rinna a hlauh tel tur chu a duh loh ber a ni.
Chawl lova zan khua deuh thaw a an beih hnu zing lamah chuan an in rem thei ta hram a.
"Ka nupui chuan min that duh hial ang" nui suk chungin Alex chuan a ti a,a file chu a remkhawm pah mawlh mawlh bawk a.Board member dangte pawh chuan chauh hmel zetin pindan chu an chhuahsan hnu hnu hlawm a.
"Erika i tawng hi chu i vannei ngawt mai" Alex-a nupui ,Alex-a hmangaih leh zah em em tu chu a mitthla ah alo lang a.
"Ni e,ka vannei ngawt asin.Nang pawh i vanduai hran lo,Olivia i tawng tawh alawm" Alex chu chair-ah chuan chauh hmel zetin a thu hnawk a.
"Ni e,Olivia ka nei" Cary chuan tih sup pahin a hma a thil ngaihtuah bawk chu a rilru ah alo lang leh a.
"Kha Russian pa Pink Fantasy i leisak kha chu a ropui khawp mai,a inhmeh viau in ka ring a ni.Eng pawh nise nang angin inchung lamah apartment ka nei ve si lova ka va haw vat ange" ti a nui sang chungin a chhuahsana.
Pink Fantasy a lei lai chu a mitthla ah alo lang a,a hmuh phat atang khan Livie kut sei sal mai khan a inhmeh dawn lutuk tih kha a hre mai a.In ngaihtuah miah lovin a hralh phalna zat khan a leisak hmak mai a nih kha.Khatiang thil manto lutuk kha engvanga leisak ngawt nge a nih le!
Haw tawh lo in inchunglama a apartmentah chuan a chho a,inbual faiin a inthlak a. Muhil lova khawvar chian thleng a inngaihtuah hnu pawhin Livie chungchangah thu tlukna ala siam thei chuang lo.Mahse thil ngaihtuah chhuah a nei,chu chu thutlukna dik siam tur chuan a nupui hual hi a hriatchian a ngai.A tun hma nun hriat chhuah a tum anga,a tun hun hman mek pawh a hre vek tur a ni.Tichuan thutlukna dik a siam thei ang!
Maggie-in apointment a siamsak tawh vangin harsatna awm lovin Vaugh private investigator firm a thlen chuan a lut tlang nghal a.
"Chibai le Mr.Woodsen eng tin nge kan puih theih ang che" firm neitu te pahnih chuan anlo dawng sawng a.Cary Woodsen meuhin a pan chu an lawm hle a ni.Thutna chu an kawh hmuh nghal a.
Cary chu a thut fel hnu chuan file a phawrh a,chu mite chu a pe a.
Pakhat zawk chuan File chu an inkar dawkana dah thlak pahin Livie thlalak chu arawn phawrh a "I nupui hual chhui chiang turin min duh a maw Mr.Woodsen" mak ti zetin a zawt a.
Cary chuan file-a thlalak dang pakhat chu a la chhuak leh a,dawhkana dah ve pahin "Ka nupui hual chauh ni lovin.Ka nupui hual leh a fa paina pa chhui chiang turin ka duh che u a ni" tiin Craig-a thlalak chu Livie thlalak bulah chuan a dah a.
Match
Mami Chhakchhuak
Chapter - 6
"Hma i sawn phah dawnin i hria em?"
"Khatianga min tih phut kha bansan teh" a hnung lawka Cary lo ding leh reng tawh a hmuh chuan Livie chuan ati hliai a.
"I ngaihtuahna i kawm nasa lutuk a nih kha?" a bula rawn kal ve pah chuan ati a.
"Ka hmu duh tawh lo"
"A field-ah hian a tha ber anti asin"
"Ka ngai pawimawh lo,therapy neih ka duh tawh lo a ni mai"
"Mi hausa nupui ang maiin i tawng a lawm" Cary chu a nui suk a.
Livie chu a tum hmak thung a "Ka fiamthu lo ania Cary"
"I mamawh alawm,ka nupui nih i tum chuan"
Za lo zeta nui hak in Livie chuan "Ka hrilh nawn leh ang che Cary...."
"Ka nupui nih i tum lo,ka hria e" Cary chuan alo tih khalh a.
Livie chu a ding chat a,beidawng taka a kut vai vel pah chuan "Ka hrethiam lo...i hriat tho si chuan enga ti nge hetiang..hetiang hmel hi min hmuh reng a!?" tiin amah Cary chu a kawk zauh a.
"I ril a tam tawh em? Keichu ka ril a tam khawp mai.Tukthuan kha ka puar khawp ka ei hman si lova" tiin an tukthuan eitur Livie-i'n a coffee in a a phuh kha hriatthiam theih turin a sawi khum a.
"Kei chu a tam ve lo" Livie chuan alo ti ve hmak a.
Cary chu a nui suk a,a in her a,in lam pan chuan a kal a.
"Ka hmu tawh dawn lo ania" Livie chuan Cary kal liam tur chu a au zui a.
Cary chu alo let a,chu chu a hmuhin Livie chu a hlauthawng ru kher mai.Mahse a dinna ngaiah chuan a ding lui ve tlat a.
"I hmu leh ang.Chuan in enkawl dan tur a tih apiang i zawm ang Livie.A chhan chu ka khawvelah i cheng tawh a,ka khawvel chu thian leh hmelma tam takin min hual vel asin.Bihruk san emaw tlanbosan theih a ni lo.Hei hi i thlang tawh a i hmachhawn a ngai.Social anxiety nei chung chuan i hmachhawn thei lo.Party apianga i thihdan zel te chuan hna ka thawk hman nang" ati nghet churh mai a,a inher vut a,a kalsan ta a.
In thazo tak maia a kal thauh thauh lai thlir reng chung chuan ama hriat tawk lekin Livie chuan "Ka thlang lo.He nun hi ka thlang lo" ati sap a.
Nilengin Cary chu a hel char char a,a awmdan leh a tawngkhum thin dan te chuan an tina a ni.
"Hampton-a in lian berah i cheng ania,a ropui em? Lawng te khan in leng kual tawh ang tiraw?" .Zanriah ei peih lovin a nu biakna hun atan a hmang ta zawk a,a nu chuan zawhna chi hrang hrang lo zawtin a phur phian lehnghal.A bia chu a inchhir tep alawm.
"Ka nu Laventham-a kan in kha nuam ka ti zawk!" Livie chuan ati ngui riai a.
"In tihtur pawh i neih loh tep tawh hi Livie." thawk la hakin a nu chuan alo chhang a.
"Bawihi, Cary leh a chhungte chauh kha ngaihtuah la Chhungkaw thar neih vat tum zawk ta che.Laventham-ah hian i tan engmah a awm lo tih i hriat chian em kha" a nu aw chu a zangkhai ta lo hle mai a.
"Ka pa i hmu leh tawh em?" tim ru tak chungin a zawt a.
"Hmu rih lo.Kartawpah hmuh ka lo tum ang.I pa ai chuan Cary..."
"Ka nu media ho hian ka chanchin an ngaihven zia hi i hria em? Heng zawng zawng hi Cary nen kan inhual ni a an hriat vang ania.Ka pa chanchin pawh hi an hre thuai ang,Craig te..." a mittui tla tur chu a khap per sak a.
"Ngaihtuah hah duh suh"
"Engtinnge chuti chuan i sawi mai theih ka nu.Cary hi hrilh tha in ka hria ala hrechhuak tho ang,a hre vek tawh zawk pawh a ni maithei"
"Livie,hun tha pek i ni a hmang thiam ang che.Ka thurawn hi pawm la engmah sawi chhuak suh.Thil thenkhat chu a hre ngei ang a kan thup vek seng lo.Mahse thil zawng zawng chu a hre lovang.A theihloh.Court in an seal vek alawm,Craig chungchang phei chu hriat ngaihna a awm lo" a nu chuan arawn ti nghet charh mai a.
A nu nena an inbiakna chuan Livie chu ati hahdam chuang hauh lo.Craig a han ngaihtuah a,kha mi tenawm bum hmang kha.Cary ve hi...enge maw chu hriat a nei chiang a ni.A nu sawi ang khan engmah pawimawh a hre lo ang,hausa viau mahse Court in an seal hnan tawh em chu a hawng thei bik lovang tiin a inhnem a.A pa ahan ngaihtuah leh a,Tanin-ah chuan a muhil thei ang em le,chaw a ei thei ang em? A pa te ang mi zaidam leh rothap lo ve tak mai tanin a ahan tang ve hi chu!!
A hma a computer chu thlir reng mahse engmah Cary chuan a hmu lo ,a ngaihtuahna chu sambuang leh mitmu pawl ram mai chuan a luah vek a ni.A thiltihtur hi a ruahman lawk vek thin,mahse he mitmu pawl ram mai hi engtinnge a tih dawn ? Ruahmanna a siam thei miahlo hi a inhua a ni.
Computer bul a file a dah chu a la a,a chhunga in ziak chu a hrechiang tawh khawp mai.A private investigator in a rawn pek atang khan vawi engemaw zat a chhiar nawn tawh a.A copy chauh ni lo in original neih a duh ngei mai.A copy ah hi chuan thuziak tam zawk chu rawng dum a hliah vek a ni a,original nei thei ngat se chu...a chhung thu chu an chhiar nawn leh a.Craig leh Olivia in khinna chu ! Craig a tan chhan ho chu rawng duma hliah a ni mang lo a.Livie ve thung chu hliah deuh vek a ni thung.An thubuai a chhiar theih chin atang hi chuan Court hian eng vanga Livie chak tir nge a hrethiam lo.Craig hi hnehna chang tur awm zawk tak a ni.
'A pu vang chu ni lo se England -ah a thawn haw daih tawh ang' tiin amah leh amah chu a inhrilh a.Dik tak chuan,a thawn hawng a nih chuan media ho laka a thil thup sak zawng zawng hi puan chhuah a ni ang a,Livie chuan hawi ngaihna pawh a hre lovang.
Ni e,a nupui hual anga a than hnu kha chuan a chanchin mak pui pui hria mi thenkhat chuan an ka hup nan pawisa an rawn phut fo tawh a.Thudik a ni emaw,dawt pawh lo ni se lo thup sak char char mai loh chu tih theih a nei lo.Amah a mualpho tel dawn tlat a!
Chuvang ringawt chu a ni chiah em? Cary chuan a file ken chu khup thawk in thawk an la hawk a.Livie in zah hmel taka a en lai te,inti paukhauh lui taka a melh let ve ngar te kha a mitthla ah anlo lang a,a hmui fawh nuam zet te kha.
A lu chu an thing nawk a,Jeanine-i thu hrilh te a han ngaihtuah chhuak a.Livie mizia ni a a hrilh leh tuna Livie hi chu an in ang lo takzet,mi hrang daih ang mai an ni.A kut zungtang chuan a chal chu a tuai nauh nauh a.Enga ti nge thutlukna a siam theih reng reng loh le !!.
Kawngkhar chu an rawn kik ri dat dat a.
"Lo lut rawh"
"Zanriah ei a hun tawh ania ka pu" Dorota chuan arawn ti a.
"Ka ei chak lo" Cary chuan alo ati a.
"Hmm...enge nangni pahnih hian in hriat a,in ei peih dawn loh te chuan pawisa tamtak senga Chef rawih kher a ngai hleinem" Dorota chu a lungawi lo kher mai.
"Livie paw'n a ei bik lo i tihna a mi?" dawhkana a phone chu arawn vibrate a.
Cary chuan la in a chhang nghal a "Hello"
"Chu chu lawm ka sawi" a thusawi a ngaithla tawh lo tih hria in Dorota chuan chhuak pahin kawngkhar chu a khar deuh bur a.
"Eng ri nge ni a?" Alex-a ,Cary kut leh ke ber mai ,a thian leh a Company CEO ni bawk chuan ati a.
"Ngai pawimawh duh suh.Enge ni tun ang hunah min rawn biak a Alex?"
"Chawlh i hmang tih chu ka hre tho a mahse Dubai chungchang a nia.Buaina kan tawk"
Cary chuan thawk ala hawk a "Ka lo kal nghal ang,chanchin kim chang min lo thawn la" tiin phone a off a.Pilot a be nghal a.
Hellicopter ri a hriat chuan Livie chu a tho a,veranda-ah chuan a va dak nghal a.A awmna hmunin a zir loh vangin a hmu chiang thei lo na Cary a ni tih chu a hre thei a.Mak ti leh ngaih tha lo takin New York lam pana a thlawk lai chu a thlir zui a .
"Saudi Lal fapa Ahmed a chu biak theihin a awm tawh em?" office a thlen rual chuan Alex chu a zawt nghal a.Board member thenkhat pawh conference room-ah chuan anlo awm tawh a.
"Biak theihin ala awm lo."
"Biak theih tura a awm hma chu tum char char ang che" ti a Alex hrilh pahin confrence room ah chuan a lut tlang nghal a.
Alexa'n thil awmzia a hrilh chian meuh kha chuan hmanhmawh loh chi kha a ni tawh lo.Network Margeting lama a hmalakna hmasa ber atan Dubai ah product launch in,departmental store hawn a tum kha a ni a.Tunah Saudi lal fapa chapo zet vangin a thulh thei lovang.Advertisment an tih chhuah man te,maktaduai tamtak a hlauh thei tlat a ni ! Pawisa chu engpawh nise,mi rinna a hlauh tel tur chu a duh loh ber a ni.
Chawl lova zan khua deuh thaw a an beih hnu zing lamah chuan an in rem thei ta hram a.
"Ka nupui chuan min that duh hial ang" nui suk chungin Alex chuan a ti a,a file chu a remkhawm pah mawlh mawlh bawk a.Board member dangte pawh chuan chauh hmel zetin pindan chu an chhuahsan hnu hnu hlawm a.
"Erika i tawng hi chu i vannei ngawt mai" Alex-a nupui ,Alex-a hmangaih leh zah em em tu chu a mitthla ah alo lang a.
"Ni e,ka vannei ngawt asin.Nang pawh i vanduai hran lo,Olivia i tawng tawh alawm" Alex chu chair-ah chuan chauh hmel zetin a thu hnawk a.
"Ni e,Olivia ka nei" Cary chuan tih sup pahin a hma a thil ngaihtuah bawk chu a rilru ah alo lang leh a.
"Kha Russian pa Pink Fantasy i leisak kha chu a ropui khawp mai,a inhmeh viau in ka ring a ni.Eng pawh nise nang angin inchung lamah apartment ka nei ve si lova ka va haw vat ange" ti a nui sang chungin a chhuahsana.
Pink Fantasy a lei lai chu a mitthla ah alo lang a,a hmuh phat atang khan Livie kut sei sal mai khan a inhmeh dawn lutuk tih kha a hre mai a.In ngaihtuah miah lovin a hralh phalna zat khan a leisak hmak mai a nih kha.Khatiang thil manto lutuk kha engvanga leisak ngawt nge a nih le!
Haw tawh lo in inchunglama a apartmentah chuan a chho a,inbual faiin a inthlak a. Muhil lova khawvar chian thleng a inngaihtuah hnu pawhin Livie chungchangah thu tlukna ala siam thei chuang lo.Mahse thil ngaihtuah chhuah a nei,chu chu thutlukna dik siam tur chuan a nupui hual hi a hriatchian a ngai.A tun hma nun hriat chhuah a tum anga,a tun hun hman mek pawh a hre vek tur a ni.Tichuan thutlukna dik a siam thei ang!
Maggie-in apointment a siamsak tawh vangin harsatna awm lovin Vaugh private investigator firm a thlen chuan a lut tlang nghal a.
"Chibai le Mr.Woodsen eng tin nge kan puih theih ang che" firm neitu te pahnih chuan anlo dawng sawng a.Cary Woodsen meuhin a pan chu an lawm hle a ni.Thutna chu an kawh hmuh nghal a.
Cary chu a thut fel hnu chuan file a phawrh a,chu mite chu a pe a.
Pakhat zawk chuan File chu an inkar dawkana dah thlak pahin Livie thlalak chu arawn phawrh a "I nupui hual chhui chiang turin min duh a maw Mr.Woodsen" mak ti zetin a zawt a.
Cary chuan file-a thlalak dang pakhat chu a la chhuak leh a,dawhkana dah ve pahin "Ka nupui hual chauh ni lovin.Ka nupui hual leh a fa paina pa chhui chiang turin ka duh che u a ni" tiin Craig-a thlalak chu Livie thlalak bulah chuan a dah a.
| Link: | |
| BBcode: | |
| HTML: | |
| Hide post links |
ADVERTISEMENT (A hnuai a milem hi a nia hmeh zeuh tur chu)