T.M.L.M (Tell me you love me) BY Sentei Chhakchhuak Bochung (Completed)

Episode nei ho a hlawm a dahkhawmna

Moderator: writers

Ngaia
Site Admin
Posts: 8829
Joined: April 30th, 2016, 4:07 pm

T.M.L.M (Tell me you love me) BY Sentei Chhakchhuak Bochung (Completed)

Unread post by Ngaia » February 5th, 2018, 5:47 pm

T.M.L.M.jpg
T.M.L.M.jpg (18.03 KiB) Viewed 5496 times

T.M.L.M
(Tell me you love me)

Chapter 1
T.M.L.M
Prologue

"Mia, kal chu i duh țalh a maw?

Tunah khan engtin maw min koh, ni lo a ni hian tunge ka nih a hria, engtik khan nge ka nihna dik tak a hriat chhuah nizan min hmuh tirh khan nge tunah mai zawk. Ka sam rawng a dan avang leh ka awmdan avang khan min hriat loh ka lo beisei ve tawp kha a ni a. Min hre reng si in engmah a sawi chuang bawk si lo. Ka hlauhthawn bakah ka thin a rim takzet.

"Nang, nang hian tunge ka nih i hria a maw? Ka lak ațang hian eng nge i duh? Pawisa maw? Nge kei hi min kidnap a nga tlanna sum i phut zawk dawn em ni? Keimah avang a hmingthan i tum a nih chuan i theihnghilh nghal thei ang, engtikah mah chu thil chu a thleng ngai lo vang."

Kan awmna tuipui kam ațang chuan thinrim zet in ka kal sawn hlawk hlawk a. Tun a ka duh awmchhun chu a rang thei ang ber a helai hmun chhuahsan hi a ni.

Kum 26 chhung ka lo vawn him ve țang țang leh ka thianghlimna ka pasal lakah ngei ka hloh ang ka lo tih ve țhin te kha zan khat lek ka la hriat mipa hnenah ka hlan ta mai si a. Kei hi mi mawl ka nih hi.

********

Pan lam ber tur pawh hre lo in ka car chu ka khalh mawp mawp a. Ka biang a mittui lo luang ve chhen pawh hi ka hua, a tawp thei der bawk si lo. Ka hru buai peih tawh hrep lo e, a duh chen chen luang mai mai teh se. A tawpah chuan ka car chu tidingin ka awmna hmun ka hriatchhuah meuh chuan tuipui kamah ka lo awm reng tawh a.




Ka hma a tuipui cham put mai chu hmu miah lo in ka thlir tlawk tlawk a. Zanin a ka thil hmuh khan min thawng lutuk hi sawi fiah dan pawh ka hrelo. Ka mittui bawk chu lo tla leh ta. Ni e, ka na a ni. Min țhawn mai piahlamah khan ka induh tawk ve na te pawh min tihchhiatsak vek a nih kha. Kha mi tenawmpa khan ka mittui far khat pawh hi a phu hlawllo. Mahse dan rualloh in a rawn tla zel tho si.




Kar khat liam taah khan hun rei tak ka lo ngaihzawn tawh nen inhualna kan nei a , kar khat em pawh a ral hmain phatsan ka ni leh si a maw!? Tu mihring in nge na ti lo awm reng ang ni?

*Flashback*



Kei hi Amelia Izabel Windsor ka ni a, Mia tiin min ko mai țhin a, ka mitmu pawl phat avang hian ka naupan lai chuan Bluebelle ti te pawn min ko fiam țhin. Kum 26 ka ni a. Windsor Interior Designing Company neitu fanu neih chhun ni in, Ka pa hi Paul Windsor a ni a, ka nu Caroline Windsor nen thingtlang khaw te tak te Pineview-ah an khawsa mek a, kan company chu ka unaupa Anton'n a enkawl tawh avang in a retired hnu hian khawpui nun bengchheng leh ni hulh hulh mai tlansanin Pineview ka pi leh pu te lo chenna țhinah ngei awm an thlang a.


Kei pawhin Pineview hi chu nuam ka ti khawp mai, theirah tharlam tak tak te, sawi hmaih hauh loh tur chu Pear mawlh mai hi, ka ei tawh ah chuan a la tui ber mai awm e. Keini pawhin pear huan zau tak mai kan nei nghe nghe. Ka naupan lai phei chuan pear kung hnuai a in fiam te kha nuam ka ti țhin khawp mai. A mi cheng tam ber te eizawnna pawh a ni reng bawk a. Tlai ni tla turin a Pear hnah a chhun tlet sep sep phei hi chuan Pathian thilsiam mawi zia a hrilhfiah chiang kher e.




Kumtin thlai thar a lo hun a piangin "Harvest festival" kan hmang țhin a, kan thlai tharte pho chhuak in, a țha ber leh tui ber thlan chhuahna an nei țhin a, khang hun hlimawm tak tak te kha a nuam ka ti țhin khawp.




Mahse nuam ti in hlimpui viau țhin mah ila kei erawh chuan thil hrethiam rual ka nih ațang a ka nih chak ber leh thawh chak ber modeling lam ka luhchilh thung.




Kan company chu khawvelah pawh Interior Designing company lar ber te zing a mi niin hotel lar leh company building lar tam tak hi kan kutchhuak a ni. Kan kut hnu a nalh mai piah lamah idea țha tak takte hi mi mit latu a ni. Mahse kei erawh company lamah chuan ka inrawlh ngailo hrim hrim a ni ber mai.




Kum 14 chauh ka nih in IME Modelling Agency nen contract kan signed a. Khatih lai ațang daih tawh khan ka thlensan an ring sa hrim hrim a, kei pawhin ka pian dik thlarh leh ka mitmeng miten mawi an tih em em hi ka chhuang ve hle.



Thla ruk kal ta khan Agency a ka contract chu renew duh tawh lo in kan titawp a, tunah chuan fakna leh show a ka in lan reng reng in Agency lamin min buaipui tawh lovin direct takin keimah biak ka ni țhin a, a hnuah ka manager leh lawyer in an lo tihfel mai țhin. Mahse ka sign hma in ka duhdan thlap a ni em tih ka endik ziah thung. Tunah hian CHANEL leh SPORTWEAR tan ambassador ka ni mek a. Chubakah Ralph&Russo leh desingner dang tan show a inlan turin contract sign lai ka nei nual bawk.



Ohh chuan tunah hian Bluemoon company in an thil siam chhuah thar ka fak sak dawn bawk.
An ni hi tlereuh, make up, thawmhnaw leh bag siam chhuaktu lar tak mai an ni.


Tun a ka dinhmun thleng tur hian ka theih tawp tak meuh ka chhuah a, khawvel a model hlawhtling berte zing a mi ka ni reng bawk.




Modelling industry a ka zuan luh tirh ațang in hlawhtlinna ka hmu nghal mawlh mawlh a, model zawng zawngte nih chak ber țhin Victoria Secret Angel ka ni bawk. Kum 17 chauh ka nih ațangin VS show-ah ka inlan țan a, Angel ni thei tura ka thawhrim țhin zia kha. Kum 3 chhung model pangngai ni a ramp ka zawh hnuin Angel-ah promote ka ni a. A hun lai a ka lawm zia kha sawifiah vak dan a awm pawhin ka hrelo. VS Angel leh model ten a kan chak em em țhin Fantasy Bra ha tur a thlan ka ni tih min hrilh țum a ka hlimna khan van a tawng hialin ka hria. Fantasy bra kher hi chu a hlu a ha tu nih kan chak țheuh a lawm.



Khawvel huap a magazine lar ELLE, HARPER BAZAAR, MAXIM, COSMOPOLITAN leh VOGUE leh magazine tamtakah cover girl ka ni tawh a. Khawvel hmeichhe hmelțha leh nalh MAXIM magazine-in an thlanah pawh No.1 ka hauh zak zak tawh bawk.




Ka pasal hual Stephen-a surprise tur in ka kal a kan inhual ațangin kar khat awrh chauh a la liam a, kan hna ve veah kan buai dun em avangin kan awm dun tlem hle thung. Zanriak tur a inngai kha ka haw leh thei hlauh zawk a, ka kal dawn a a lungawi vaklo thlem nan a țhawn thut tum ka ni.



A in kawngkhar chu ka chahbi kawl hmang chuan ka hawng a, min hmuh huna a mak ti hmel tur ka ngaihtuah ringawt pawhin keimahin ka nui ver ver mai.


Inah a awm ngei tih ka hria a, a inchhungah chuan thawm dim thei ang berin ka lut a, a roomah chuan lut in surprise....ni lo engthil nge ka hmuh hi.....ka bing mup mup in ka hria, room ațang chuan ka kal chhuak hlawk hlawk a mumal taka thil ka hriat meuh chuan tuipui kamah ka lo awm reng tawh a nih hi.

*End of flashback*



Link:
BBcode:
HTML:
Hide post links
Show post links

Ngaia
Site Admin
Posts: 8829
Joined: April 30th, 2016, 4:07 pm

Unread post by Ngaia » February 5th, 2018, 5:47 pm

T.M.L.M

Chapter 2

Car ațang chuan chhuakin tuipui lam pan chuan ka kal a, tuipui fawn hlup hlupah sawn inchiah i la ka natna te hi a zia deuh mahna. Ka pheikhawk chu tlawh phelh in ngaihsak zui tawh lo in ka hmalam pan chuan ka kal zel a. Tui vawt in ka taksa a deh chuan ka hahdam sawng sawng in ka hria, tui thuk lamah chuan kal zelin mit chhingin tui fawn dan ang ang chuan ka in len kual tir a.




Tui ri bawrh ri ka hriat rual chuan ka taksa chu tha chak takin min pawm kang lawp a, ka thil hriat leh hmasak ber chu hlauthawng thaw ri huam huam ri a ni. Min pawm behna ațang chuan tal chhuah tum in ka che phat a, mahse min vawnna nghet zet avang chuan tal chhuah chu khawi lamah, min vuan nghet tulh tulh zawk.




Tui ațang chuan a phih in min phih chhuak a ni hrim e. Min ngai pawimawhlo zetin hmalamah chuan min kalpui dawr dawr a, min thlah tur a ka tih pawh chuan awmzia a nei lo mai ni lo in hre miah lo ang maiin a kal hmiah hmiah zel a. Ka theih ang a na in min vawnna lam a bânah chuan ka chum zawt zawt a. Huisss ka tha ka seng thlawn mai a ni. A ni ang palian lutuk tan chuan ka chumna te chu engtihna tham mah a ni tawp nang.



"Hey, engthil nge i tih a? Tu nge maw i nih a, ka tui cheng lai min rawn tih buai le?"



Ka zawhna pawh chu min chhan a tum lo tih hriat zetin a rum nghut ringawt a, a khawsak dan hi ramhnuai a sakei ram tla a Lalna hmun kan chuhpui a, a thuneihna hmang a a ram chhung ațang a min paih chhuah tum nen a in ang berin ka hria.



"Enteh mister engvang a hetia rawn awm nge maw i nih le? Mi awm țha hle hle lai tihbuai hi thil mawi a ni hauh lo a nia aw." Chutia ka tih chuan ka lamah muangchang a rawn hawiin min rawn en a.




Kan awmna hmun a thim deuh avang chuan a mitmeng chu ka hmuchiang thei lo na in a țawngkam bung hmuk a vang chuan a thin arim hle tih ka hre mai.




"I nunna i la duh a nih pawhin helai ni lo hmun dang pan mai ta che, naktukah tui tla ruang an hmuh avang a police thu zawh fiah nih ka duh hauh lo. Chuvang chuan ka awm lai chuan in tihhlum chu tum buai duh lo mai rawh." Lalpa leh! A aw ri zet chu, khawvel a aw ri ka hriat tawhah chuan a la pa ber mai awm e. Kei hi tun ang hun a hetiang ngaihtuahte chu a, a awm in a ang lo lutuk.





Kan awmna bul vel ka'n enkual chuan kan piah a in ding leh a chhung ațang a êng rawn de ve ve chu ka hmu a. Helai ka thlen tirh khan ka rilru buai lutuk avang khan ka lo hmu lo mai mai a lo ni. In lam pan chuan min kai phei hmawk hmawk a. In chhung kan lut chu mak tih vang in ka thaw halh mai.




A in chu a lian lem lo hle a, engkim mai chu thing hmang a siam a nih hmel. Chenna in panngai tak tur a duan a ni lo tih chu han en mai pawh hian a hriat hliah hliah. In pangngai tak ang a in ping dang thliah thliah lo in in pum pui mai chu a hmuh kim nghal vek theih a. Khum lian ve pangngai tak a in hung a, a piah lawkah chuan kitchen awm lehnghal in dawhkan lian vaklo leh chair mawlmang tak a siam a in hung leh tawp a. Kitchen leh bedroom chu kawng thleng vel a sang in a in ping dang a, chu pawh chu thing hmang a siam tho ni in a eng emaw mawi phian mai. In chu eng emaw titakin a hahdam thlak raih thung.




"Ti khan i ding reng dawn nge i intifai dawn?"

Chu aw ri ka hriat rual chuan ka ngaihtuahna ațang chuan ka harhchhuak zawk a. Lalpa leh ka lo inngaihtuah nasa lutuk a, a awm ve tih ka lo theihnghilh daih a lawm le. Engtin nge ka theihnghilh theih zawk ni. A hmel en tur a ka hawi chhoh chuan mitmeng hriatthiam har deuhin min lo en run a, kei ngei pawh min ti zam chhe lo chauh a lawm le. Rei en duh lovin rang zet in ka hawi sawn a, min hriatchhuah ka hlau ve hrim hrim bawk.




"Khawiah nge ka in tihfai dawn?"

"Helamah hian lo kal rawh, tuilum pawh a awm sa ang." Min tih chuan țha deuhin ka zui ve mai bawk a. Washroom chu in nen inzawm chiah lo deuhin pawn lamah a lo awm a,a chung erawh in pui nen a in zawm vek thung. Hmanlai in te pawh a ang deuh reuh e.




Tuiah khan ka thawmhnaw a huh vek a, kei hi eng nge ka hak tak ang le aw. Ka ngaihtuahna chu hrethiam ni awm takin towel min rawn pe a. Ka la ding reng chu ngaitheilo ni awm takin min pawm kang lawp a bathtub-ah min dah lut nghal hmiah a, kal sawn tum hmel pawhin a awm chuang der si lo a.



Tawng tum a ka kâ ka ang zuau tawh chu ka tawp chiang kher mai. A hma khan ka ngaihtuahna buai nuaih avang khan thawmhnaw a in bel leh in bel loh ka lo ngaihven hauhlo a, kekawr bul nen chauh a lo awm reng chu ni in. A taksa nalh zet chu hawisawn san har ka ti takzet. Mipa kawr ha lo ka hmu ngai lo pawh a ni lo a, mahse he pa hi chuan min hip riau thung. A dar pharh hlai hlap te, a taksa tha hrui ngah tih hriat ngawih ngawih sek phiar fut ni si lo a a tawk chauh a sek te, a six pack zawng zawng te nen lam, a V line nalh zet te, ka chil lem khawlh in ka ban ka phar chuak a, a awm chu ka chul sak tih ka hria.

Link:
BBcode:
HTML:
Hide post links
Show post links

Ngaia
Site Admin
Posts: 8829
Joined: April 30th, 2016, 4:07 pm

Unread post by Ngaia » February 5th, 2018, 5:47 pm

T.M.L.M
Sentei Chhakchhuak Bochung

Chapter 3


Ka kut chu rang deuh a lo man betin min dah sawn sak a, ka thil tih ka hriatchhuah meuh chuan zah avangin ka sa pup pup thei. Ka duhthusam ber chu ka awmna bathtub hi in hawng thut se pil vang vang thei i la ka ti ber mai.



A tawngkam chuak dengkhawng zet chuan min ti zak leh zual, theih ni se thla neih a thlawh bo san daih ka duh.



"Oh! sex tel lo a khawsa thei lo hmeichhia maw? Hei vang hi em ni i nun ning a mahni intihhlum hial i lo tum? Mahse vanduai thlak takin nangang hmeichhia hi ka ngaina lo tlat."


A ngaih ang hmeichhia chu ka ni tawp si lo a. Hmeichhe thianghlim ka ni tih hrilh au khum vak hial mai ka duh. Hrilh mah i la a awih dawn chuang lo tih ka hrechiang ve tawk. Ka thil tih zawh tak chiah ngaihtuah kha chuan a mi ngaihdan hi a awm e, sex namawh ngawih ngawih ka ang bawk em a ni.



"Ti hi chuan i inbual rei lutuk dawn tlat." Tih pahin ka nawhfe ken lai chu min lak sak a, ka kawr chu a pawt hlim pawp bawk a, bra ka ha hauh lo lehnghal. Panty nen chiah ka awm avang a ka taksa khuhtu awm lo chu hup bet in a theih ang ang in ka inhliah a.


"I thil tih zawh chiah ngaihtuah kha chuan zak tur i ni hauh lo a sin, zah der vel kha a ngai lo vang."


A țawngkam mai mai chuh kei hian a țanpuina ka dil pawh a ni hleinem le.


"Hey Mister, kei hian i țapuina ka dil hauh lo che, keimahin ka in tifai ve thei. I lo va chhuak thei ang," ka tih pawh chuan chhuah a tum loh hmel ngang mai.


"Ka țanpuina chu i dil hauh lo mai, mahse ka ti duh miau si a," tihpahin nawhfe chuan min nawt nawk nawk a. A pa len ngaihtuah in a mi khawihna erawh a dam thlap thung. Kal turin ti mah i la a sawt dawn chuang lo tih ka hriat avangin ka dawh vel mai mai a.


Sahbawn min hnawih zawh hnu chuan bathtub a țang chuan min kai chhuakin shower hnuaiah min din tir a.


"Tikhan lo intleuh rawh, mahse i rei chuan ka lo let leh dawn nia" tihpahin min chhuahsan a.
A lo let leh hlau zet in ka intleuh sawk sawk a, towel chu veng țat in washroom ațang chuan chhuakin chokaah ka lut phei a. Ka thawm hria a lo hawiin a T-shirt leh boxer ken lai chu min pe a.


"Hei hi ha mai rawh, i thawmhnaw a huh vek bawk si a. Ti khan lo inthlak la, i inthlak chhungin ka va in tifai ve a nge. Tu emaw vangin ka huh vek bawk si a," tih pahin a nui sak a. A nui hmel mawi zia chu, hetiang em em hian mihring nui hmel hi a lo mawi thei a ni maw. Min fiam tih hre tho mah i la, rum deuh a melh pahin ka ner khum sak a.


Washroom pan a a kal hnu chuan a shirt min pek chu in thawlhin ka la thawl em em lehnghal ah....ka malte a thheng thla deuh thaw hial a lawm le. Pawi tawp lo thawmhnaw hak tur dang ka nei miau lo a lawm le.




A lo let leh chuan chair-ah fel than in ka lo thu a. Tunah chuan thawmhnaw a ha ta vek e. Ka bul a chair chu pawt hnaiin min en vang vang a, min hrechhuak ang tih ka hlauh lutuk avang in nuam lo ti in ka che sek thung.



"Hmuh tawhna che ka nei em? Ka hriat hnu i ang riau, t.v velah a ni mai thei." Ka hlauh ang ngeiin maw!



"Aih nei lo ang, ka hmel ang hi chu a vantlang a, chuvang mai mai a niang," tiin rang zetin ka chhang a.


A dar san ak pahin ,"A ni mai thei" a tih chuan ka lo thaw huai thung.


Tun atan chuan ka him leh ta phawt e. Ka sam rawng buang thang kha photoshoot ka neihnaah Native American(Red Indian) thuam ka hak a ngaih avangin ka ti danglam a, hriat ka awlsam lutuk lo turah ka ngai.


A ni pawh chuan min hriatchhuah țalh tumin engmah min zawt zui ta bik lem lo a. Mahse helai a ka awm chhan ka ngaihtuah chhuah chuan ka na nghal vawng vawng thung.



Ka hma zawnah tak rawn thu in " Le engvang a intihhlum tum nge i nih min hrilh rawh le."


"In tihhlum ka tum teivet lo e," tiin vin zet in ka chhang let a.

"Khatiang thil i tih khan chhan chu a nei tur a ni. Ka țanpui thei mai thei che a sin, chubakah i sawi chhuah khan i ziaawm phat sawt mai thei bawk a," a tih chuan dik ka ti viau mai. Kha thil thleng kha ka thiam loh pawh a ni lo a, sawi chhuak ta i la ka thawl hawk mai thei a sin.



"Kar khat kal ta khan kum hnih lai ka lo zui tawh ka bialpa nen kan inhual a, chuan zinglamah hna thil avangin kal chhuah ka ngai a, zan riak tur a in ngai kha kan hman hma leh tak avang in riak lo in ka haw a, ka kal dawnin kan inhnial deuh bawk nen a inah surprise turin ka kal a mahse......



Ka thil hmuh chu ngaihtuah letin ka hmuh tirh a natna ka neih ang chiah khan min tuam a, ka hmai hupin ka țap khur hlawk hlawk a....



"Sawi a harsa a nih chuan sawi duh suh, thil awmzia chu ka hria e," tih pahin ka hnungah min rawn chul hauh hauh a.



Che sawn hret in ka thut dan ka siam rem a, a ni pawh chu in la hrang nghalin min hmachhawn zawngin a thu țha leh a. Ka lu chu thing in " Nang pawn i sawi ang khan ka zia awm phah sawt mai thei a sin," tihpahin ka sawi chhunzawm lehnghal a.



" Khumah chuan hmeichhe dang nen saruak ngal ngat in an lo mu dun a nih chu, a hmeichhia pawh chu tudang ni lovin ka cousin a ni lehnghal. Engtin nge ka chungah khatiang thil kha an tih theih zawk. An vawi khat awmdunna a ni hauh lovang tih ka chiang a ni!"


Ka sawi chhuak ta e. Ka thawl huaiin ka in hre bawk. Ka sawi lai chuan min lo en ngar ngar a, mahse a hmelah engmah a ti lang lo thung. Ka mittui lo luang ngiai ngiai chu hru tawk in ka in sut hraih a.



"Chutiang mipa chu hriat reng tlak pawh a ni lo, i mittui kha a phu hauh lo, tenawm lutuk." Ti a phun hluk in ka țhutna ațang chuan min pawt tho nghal bawk a.



"Le, tunah chuan mu tawh rawh,"tih pahin khum lam panin min kai phei a.



Mut a sawi chiah chuan ka hlauthawng thar leh ta tlat mai. Khum pakhat chauh a awm si a, engtin nge ni ta ang le.


"Ih kan mu dun lo ang tiraw? Ka sawi awmzia chu khum hi pakhat chauh a awm si a?" Ti a ka zawh chuan, " He in ah hian mikhual neih ka in beisei lo a, chubakah puan dang a awm tawh lo hrim hrim, mutna tur dang a awm lo tihna a nih chu, nge i zam thar leh ta deuh em ni? Opps nichin a i thil tih ngaihtuah kha chuan zah na chhan tur i neiin ka ring lo."

Link:
BBcode:
HTML:
Hide post links
Show post links

Ngaia
Site Admin
Posts: 8829
Joined: April 30th, 2016, 4:07 pm

Unread post by Ngaia » February 5th, 2018, 5:47 pm

T.M.L.M
(Tell me you love me)
Sentei Chhakchhuak Bochung

Chapter 4


A va han ngeiawm ber tak em. Ni e a sawi ang chiah khan ka zam nachhan tur ka hre lo. Rang zetin khumah chuan ka lawn kai a puan ka sin nghal hmiah bawk.


Nui ri hawk in ka bulah chuan a rawn mu ve a, a mah si lo thei ang ber turin ka mu a, rawn in let thawkin a mal chuan min rawn khan in ka kawngah a rawn kuah nghal hmiah a. Ka lo in sangmar țeuh thung, Stephan nen khan in zui rei viau mah i la hetiang hian kan awm dun ngai hauh lo.



A hmui lum thar thar in ka beng leh nghawng rawn nul zai zaiin a kut chuan ka hnute a rawn hup nghal chat a, ka mur nghal er er mai. Min kuai thalin ka chungah a rawn bawk kai nghal run a, țawng tum a ka ang ziau tawh chu a hmuiin a rawn khar hnan hmiah a. Zei zet leh hnial theih hauh loh turin min fawp a, na lo te in ka hmui hnuailam a seh pahte chuan mak tak maiin zauthauna min siam tlat. A lei chu ka ka chhungah rawn rawlh lutin chhanlet phut zetin min fawp ngawng ngawng a, chhan let loh pawh tum i la ka thei lo hrim hrim. Hetiang em em hian infawh hi a nuam ang tih ka lo ring pha ngai miah lo.



Min fawp pah reng chungin ka kawr haklai chu a hnawl tawm chho a, a kutin ka hnute khuhtu nei lo chu hup betin a țham nghal tawn tawn a, a kutzungțangin ka hnute hmur a tuai ne ne chuan nuam tih avangin ka lo thaw halh halh thung. Ka hmui a fawhna chu tawp in ka hnute chu a hmuam lehnghal hmiah a, ka taksa chu a danglam hneh chiang kher mai, a kut chuan zei lutukin min chul kual ruai a, ka ti tih ka hriat hauh lohin amah chu ka kuah let a, a hnungzangah te chuan ka țham tawn tawn mai. Ka zep lo a nuam ka ti thlawt a ni.




Ka hnute a fawh lai reng pawh chuan a kut chuan min chul kual pah reng a, in siamrem deuh in ka bawp chu nawr kau in ka kap karah a rawn tla zep nghal hmiah a. A mipatna in min do run a, chu ringawt pawh chuan phurna min siam belh. Tuipuiah khan ka thawmhnaw a huh vek a vangin panty pawh ka ha lo a, a kut in min chulna a piang chu phal takin ka lo dawh harh harh zel mai ni lo in a ai a nasa duh belhnain ka khat vek zawk.



Ka ngaihtuahna a fim lo a, ka thinlungin tawp tur a a duh laiin ka rilru erawh in chhunzawm turin a duh thung. Tham țiakin,"kan thei lo, hetiang hi thleng tur a ni lo..." ka ti bah nawk nawk a, ka chung a a thil tih chu tawp se ka duh chiah em pawh ka hre chuang lo. Rum nghutin a thil tihlai chu a chhunzawm hmiah hmiah a.



A kut in a point lai tak a khawih thlen chuan ka insum hman lo nuam tih vangin ka țe thawt a, ka thaw a mumal lo a, ka țe ri pawh chu hla tak a mi a ni maiin ka hria. A kutzangțang chu a rawlh a lut riai riai a, zawi muang a ti che in a hnuah chuan rang zetin a in and out zawt zawt a. Nawmna sawifiah hleih theih loh hian min tuam hlup hlup a ni ber mai. Țe chhuah loh tum zetin ka hmui ka pet fan fan a, bedsheet ka țham tawk bawk.



A thil tihlai tawp chuang hauh lo in,"Ka tawp dawn em? Tawp turin min la duh em? A tih chuan...


"Aw....aih ni lo tawp suh...." bah nawk nawk a ka tih chuan phur zetin min rawn fawp leh ngawng ngawng a, ka theihtawp a uarin ka lo chhang let ve tan tan bawk a. A vawrtawp ka thleng nawn awn awn ni maiin ka hria.


Ka kut chu la in min khawih ve rawh tih pahin a awm min chul kual tir a, a hnute hmur te takte chu hrual niap niapin a hnuah phei chuan ka hmuam sak a, a nuam ti chu a rum ve halh halh mai. A taksaah nawmna ka thlen tih ka hriat chuan min ti phur zual sauh a, a kekawr chhungah chuan zen lutin a mipatna khawng vek tawh chu ka hum sak a, nuam tih vang a rum chhuak hawk chung leh a insum theihna a hlauh tih hriat zet in a kekawr chu rang lutuk in a pawt phelh a, engtik laiin nge ka kawr chu a lo phelh hman pawh ka hre lo hrim hrim.



Ka bawp chu nawr kau leh zual deuhin ka taksa chhung a luh mai inring zetin a insiamrem a, keipawh in a rem thei ang ber turin ka lo che ve sat sat zel a, a mipatna khawng vek tawhin ka taksa chhung a rawn luh chiah chuan ka insum hman lo, na tih vangin ka țe that a, ka ang pham bawk. Ka mittui chu rawn baw thla zawih a, a thil tihlai chu chawlin, "i la thianghlim tih i sawi si lo a...." a aw a mak tihna ri chu ka hrechiang ngang mai.... ni e ka chet dan ngaihtuah khan hmeichhe thianghlim chu ka ang mawlh lo a lawm.




Ka chung ațang chuan a che sawn hrut a, kei lah ka lo vawt rawih rawih thung...lukham chu la in ka kawng a kam kang a," hei hian a pui deuh ang che, hlauthawng suh a hma ang khan a na tawh lo ang..." tih pahin, a rawn thun lut leh riai riai a, a la na deuh tho na in a hma ang em em kha chu a ni tawh lo, a rei deuh hnu phei chuan na ka hre tawh lo mai ni lovin nawmna nasa lutuk in min tuam hlup hlup a, khawvel dang daih a awm ni maiin ka inhria. Kan pahnih khawvelah kan cheng dun a, nawmna min pek ang chu pek ve duhnain ka khat a, hnuai lam ațang chuan ka thiam ang tawk in ka lo pui ve sat sat a, chu chuan a phurna pe zual sauhin a hma ai a uar lehzualin ka chunglamah chuan a che sauh sauh a.




Khawvelah hian a ai a nuam a awm leh tawh lo ang a tih tur khawp a nuam in min rawn tuam hlup hlup a ka khur ngawt ngawt bawk, a vawr tawp ka thlen rual in a ni pawh chu inthlah dul ve nghal in ka taksa chhungah chuan a rawn lum lut puat a, chutih rual chuan min fawp nghal ngawng ngawng bawk a, zawi zet a rawn mu thla in a awm thlan dap ah chuan min pawt kai a, ka chal a fawh zauh pahin "i chau a nih kha muhil tawh rawh.." tih pahin a mit a a chhing nghal hmak a.




Ka thinlung a na vawng vawng thei, ka thu hriat tur a ka duh leh beisei a nih loh vang a ni mahna, engthil vak nge kei hian ka lo beisei reng reng ni, kan thil tih zawk tak chiah kha hmangaihna leh induhtawnna avang a thleng a ni lo tih kan hre ve ve a ni lawm ni. Kan tisa chakna kan inphuhru tawn mai chauh a ni.



Tunah chuan ka thil neih hlut ber ka chan ta, chu pawh ka hriat ngailoh mihring lakah lehnghal. Inchhir a sawt lo a, mahse ka inchhir mek tho si chu a nih hi. Ka ngaihtuahna avang chuan insut hraihin ka mittui a luang ngiai ngiai bawk a.


"No....Țap lul teh suh, i la thianghlim tih ka hriat hian min ti hamhaih deuh a. Ka lawm e,i tan a mipa hmasa ber ka nih avangin," tisupin ka mittui chu a rawn fawp fai a, chumi pah chuan min kuah nghet lehzual sauh bawk a. Ka lawmna tawk a lo tling em em thung...hahthlak hian...engvang a a bulah hian nervous riau nge ka nih le, ramp ka zawh laiin ka'n confi theih nen a.




Ka harh leh meuh chuan khua a lo var vek tawh a, ni pawh a sang tawh viau mai. Khum bul a sana ka en chuan dar sawm a lo ri va tawh a Ka muttui em em kher ve le, ka mutna bul pawh a lo ruak hiai tawh a, khawiah nge aw a kal ni. Tho chhuakin nizan a ka shirt hak chu ka zawng a, chhuatah a lo tla niaih a,ha sawk sawk in washroom panin ka kal nghal vat a, nizan kan chetna a vang khan ka sil deuh thum mai.



Kan khawsak dun dan ka ngaihtuah let a, ka chet dan kha keimah tak tak ka ni meuh em le. Khatiang khawp khan ka phur thei ang tih ka lo ngaihtuah ngai hauh lo.



Khawiah tak chuan kal ni maw, kei hi khawpui lamah ka let a ngai ngei tawh ang. Nimin thil thleng ka hriat chhuah lehna chuan ka luak a tichhuak hlui thei.


"Good morning, i lo tho thei maw?"

Tuicheng zo hlawl tih hriat zetin a taksa a la huh hliam a,tuipui rim fresh zet a nam chem chem bawk. A sam huh hniang chu tuai puat in chik zetin min rawn en a. Nizan a thil thleng kha a ngaihtuah let ve pawh a mi mahna, ka zak chu ka sen awp awp in nia ka rin ni.



"Breakfast ei ang aw, i mutui lutuk a ka ti harh duh ta lo che a nih kha." tih pahin dawhkan bulah min kai pheiin chair ah min thut tir nghal a. Dawhkanah chuan eitur siam sa chu puanin a lo khuh thlap a . Bacon, artui kan, a kan dan pawh ka duhber chi sunny side up ngei leh toast bread,avocado bakah harsh brown a la tel cheu bawk. Ka tui tih em em vek lehnghal . Ka mak ti mitmeng chu a hmuhin ka muthilh hlan a a siam a nih thu a sawi a. Huhh min thawng leh ta, a mah en hi chuan eisiam thiam hmel a pu hauh si lo.



Nizan a lan dan ai kha chuan khaw engah hian a nalh leh zual, a thil ei pah a a hrawk bawk che ralh ralh te, a vun nisa em țhan tih hriat zet a uk khak te, a mahah hian mipa zawng zawng neih chak pian leh hmeichhia te nalh tih a kim vek ni maiin ka hria.



"I kawr pawh ka suk tawh kha aw, a ro țep tawh ang, mahse a chuar viau mai tihngaihna a awm si lova," a tih ri ah chuan ka ngaihtuahna ațang ka harh chhuak zawk a....hei pawh in țhawn lehna dang bawk...




"Ohhh ka lawm e, ka tibuai hle mai che. Kei pawh khawpui lamah ka let a hun tawh in ka hria.." ka tih chuan muangchang a min rawn en in,"a hmanhmawh thlak hleinem, he lai hmunah hian awm ve hrih la, i ngaihtuahna ațang khan kha mihring lak tlak loh zet kha ka thai bo sak ang che, i rilru a dam hunah i let dawn nia" a tih chuan a thusawi awmzia ka hriatchian lutuk vang nge ka sa pup pup thei. Ka bul a tui chu la in ka in khawlh khawlh a, hnial buai pawh ka tum hran lo, a țha phian zawk mai thei a sin.



Thil nuam lo tak pawh a nih loh kha, chubakah tunge ka nih a hriat hmel loh bawk nen thil țha ber chu ni lo mahse darkar rei lo te ka awm leh avang hian ka thih phah dawn pawh a ni em hleinem.



Helai hmun reh raih mai, paparazzi leh mi dangte chim buai theih miah lohna hmun hi ka thlahlel ve pah hrim hrim bawk.


Breakfast kan ei zawh hnu chuan tuipui kam lamah kut in kai rial in kan kal dun a. A bul a awm a hahdam thlak takzet, tunge ka nih hriat tumin ka chanchin min zawt lo va, ka hming takngial pawh hriat a tum chuag lo, ka duhthusam chiah. Tunge ka nih hre ngat se chuan buaina ka tawk fe mai thei a ni.




Kei pawhin tunge a nih hriat ka tum bik chuang lem lo. Tun bak hi kan in hmu tawh dawn chuang lo va. Inchhir leh dawn pawh ni ila rei lote atan hlimna ka um ve a ni mai.


Tui fawn in kan ke a rawn hlap hlep hlep a, ka hriat ngai loh mipa bulah thlamuang tak a awm in sex hial ka hman pui ang tih ka ring ngai hauh lo.



"I hria em...a chang chuan nun hi a ho tih riau chang ka nei țhin. A țha ber nih tumin kan bei a, kan mihring puite ngei pawh hmangaih harsa tih tlat chang a awm a. Hmasawn kan tum lutukna lamah midangte tawrhna kan lo theihnghilh fo va. Kan thlen chinah lungawi tum tumah reng kan awm si lo....thla nei i la lungkham nei miah lova van sang a thlawh bo ka chak thin..." ka tih chuan


"Thla i nei lo a mi...i lan dan hi chuan Angel lei a mihringte bula cheng a, mihringte khawsak ang a khawsak ve tum i ang ka lo ti a sin...i thla i thuk ru a nih ka ring...eng pawh nise ka Angel duhawm thil i ngaihtuah nasa lutuk a nih kha hlim la nui rawh le..." tih pahin nui hawk hawk chungin ka biangah a rawn piai zauh a...



Ka inrin loh lai takin min pawm kang nawlh a, kei lah ka lo țe țhat a, ka tlak hlau zetin a ngawngah ka lo kuah vat bawk a, nui hawk hawk chungin tui thuk lam min pan pui a tuiah chuan min thlauh thla bawrh a nih chu...



Lalpa leh!! Engthil nge maw a tih leh ni, tui ațang a ka chhuak chiah chu ka sam ațang tui a rawn dir thla nghal tlak tlak a, ka hmai huh hliam chu tuai pawk in thawk ka la kawk a. Chu mi rual chiah chaua rang lutuk a min pawt hnaiin min fawp nghal hmiah a, kei lahin phur fahranin ka lo chhang let ve nghal zat bawk.



Min fawp reng chung chuan min chawi kang lawp a, a kawngah ka lo kher bet ve nghal vat bawk a, vaukam lam min panpui a tui chim chinah chuan min nghat in min bawh thlu riai riai a, a dawt a thleng leh chu nawmna nasa lutuk in min tuam hlawp hlawp a kan pahnih khawvelah kan pil dun vang vang a, a mah lo chu thil dang reng reng ka ngaihtuah thei lo, ka phal lo bawk.


He hun hi rei lote atan mah nise âm takin ka hmang mai tur a ni. Thaw hawk chungin ka hnute a rawn țham tawn tawn a, a vawr tawp a thleng dawn hnai a ni tih hriat zetin ka chung lamah chuan a che uar sauh sauh...ka hmuiah min rawn fawh leh ngawng ngawng hnuin ka chung a țang chuan a ka bulah a rawn let thla hnak a.



Kei pawh ka rilru a fim ve tial tial a, ka hun neih chu a tawp a hnai tawh tih ka hre bawk. A rei chuan kalsan ka hreh tial tial dawn tih ka hria a ni. Tunah pawh a bulah awm ka la thlahlel em em a ni tih ka pha hauh lo. Tisa thil takin ka inrem thlap a, ka hriat ngai miah loh thil tamtak min zirtirtu a ni bawk. Mahse tunge ka nih a hriat chhuah hma a ka kal a ngai a ni.



Chubakah karleh monday-ah VS lingerie fakna turin group photoshoot kan nei dawn a, teusday ațanga thursday thleng Bluemoon tan shooting ka nei leh a nga, Friday-ah Victoria Secret Sport collection shooting ka nei leh dawn bawk nen tun hi ka kalsan hun țha ber a ni in ka hria.


Stephen nen a kan chungchang pawh chhinfel a ngai ang chu. Kan inhualna kha a ruk thei ang ber a neih a nih avang leh kan inhual tih kan la puanzar loh bawk avangin mipui mimir chuan an la hre hauh lovang mahse kan țhiante leh chhungkhatte bulah engtin nge kan sawi tak ang le.


"Ka let a hun tawhin ka hria, ka chhungte'n ka awmna an hre bawk si lo an lo mangang viau mai thei a ni," ka chhungte hi chu ka chhuanlam ve mai mai a ni...ka bul hnaiah ka chhungte cheng an awm lo hrim hrim a...chubakah weekend a nia...hmun dang a ka hman an ring vek bawk ang....



"Mia, kal chu i duh țalh a maw?

Tunah khan engtin maw min koh, ni lo a ni hian tunge ka nih a hria, engtik khan nge ka nihna dik tak a hriat chhuah nizan min hmuh tirh khan nge tunah mai zawk. Ka sam rawng a dan avang leh ka awmdan avang khan min hriat loh ka lo beisei ve tawp kha a ni a. Min hre reng si in engmah a sawi chuang bawk si lo. Ka hlauhthawn bakah ka thin a rim takzet.

"Nang, nang hian tunge ka nih i hria a maw? Ka lak ațang hian eng nge i duh? Pawisa maw? Nge kei hi min kidnap a nga tlanna sum i phut zawk dawn em ni? Keimah avang a hmingthan i tum a nih chuan i theihnghilh nghal thei ang, engtikah mah chu thil chu a thleng ngai lo vang."

Kan awmna tuipui kam ațang chuan thinrim zet in ka kal sawn hlawk hlawk a. Tun a ka duh awmchhun chu a rang thei ang ber a helai hmun chhuahsan hi a ni.

Kum 26 chhung ka lo vawn him ve țang țang leh ka thianghlimna ka pasal lakah ngei ka hloh ang ka lo tih ve țhin te kha zan khat lek ka la hriat mipa hnenah ka hlan ta mai si a. Kei hi mi mawl ka nih hi.

Link:
BBcode:
HTML:
Hide post links
Show post links

Ngaia
Site Admin
Posts: 8829
Joined: April 30th, 2016, 4:07 pm

Unread post by Ngaia » February 5th, 2018, 5:48 pm

T.M.L.M
(Tell me you love me)
Sentei Chhakchhuak Bochung

Chapter 5

"Amelia Izabel Windsor, tikhan i duh duh i sawi a nga, kei hian ka lo ngaithla liam mai mai ang maw...." min lo zui tih ka hre hauh lo, ka banah a rawn vawn chiah chuan ka in her zawk a....


Ka hriat leh zawng chu ka kut thip țhak chu a ni mai, kei hian a hmaiah ka bêng a nih chu, a mitmengah rilru natna ni awm tak a lang zawk a, mahse a reh leh nghal vat thung...a rei lo lulai em a ka hmusual a nih ka ring.



"Tu nge ka nih hrereng si in min hre lo der a, nang hian min hmusit ngawt ang chu. Mahse ka chung a i thil tih avang khan ka lawm e. Nangmah a vang in Stephen vang a ka rilru na tur a kiam phah a, hlimna leh tisa nawmna min pek avang khan ka lawm e...mahse tunah chuan khatiang thil kha a thleng nawn tawh lovang." ti hmak a inher in in lam panin ka pen nghal hlawk hlawk a...ti ringawt hi chuan ka haw thei lo ka kawr leh ka pheikhawk ka lak a ngai.



Vawi khat mah hawi let tawh lovin tuipui kam ațang chuan ka tlan chhuak vang vang a. Thlawl hawk tur ka nih laiin ka thaw a ippik zual sauh thung. Thil thleng hian min ti chau a, ka apartment thlen vat vat a mut hahdam der der ka duh ber mai.

************


Long beach NYC
Marcus cottage


Marcus PoV*


Thla khat liam taah khan kan thil design thar atan a fakna min tihsak tu tur model buaipuiin kan buai hrep a, model nalh leh lar tak tak zingah a ni kher hi ka duh tlat. Victoria's Secret Angels zingah pawh a țha leh zual zing a mi a nia. Kan thil siam chhuah thar fak tur pawh hian a ni tluk a țha hi an awm dawn lo tih ka chiang a ni.


He sumdawnna khawvelah hian ka vawi khat inrawlhna tur a ni hial ang. Ka nu a hriselna ațhat tawk tawh loh avangin a ai awh turin min ti miau si a, peih lovin tui lo viau mah i la ka nu a ni a a thu ka hnial thei lo. Ka nuam tih ber sakawr intlansiak ka bansan a ngaih phah leh ta nghal a. Ka unaunu lah in kan branch dang a enkawl avangin New York lam a ngaihven hman bik der si lova. Tui vak lo chung chung a ka thawh a ngai miau si a nih hi.


Ka hna hmasa ber a tan tlereuh siamtu te nen țhi, bengbeh leh bracelet set lunghlu hmang a siam kan design a, kan bei nasa bawk a a nalh kher mai. A fak tur pawhin model satliah ka duh lo reng bawk a. Kan model chhawr laite thlang lovin model thar leh khawvel a lar hat ka thlang reng bawk a ni. Ka tih tawhna lam a ațha ber nih ka duh ziahna hian tun țuma kan thil siam chhuah thar turah pawh min pui nasa leh pek viau mai.



Contract pawh kan signed fel thlap tawh a, mahse atakah kan la inhmu hauh lo thung. Contract sign a nih in ka tel ve tawh lo a company lawyer leh midang in an lo tihfel mai avangin ka tan tel ve a ngai lo hrim hrim a.



Kan company a lar bawk a contract pawh awlsam takin an ziak fel thei mai reng a. Model zawng zawng hian kan company tan a fakna tihsak chu an chak țheuh ang chu. Sum lah a tam na ngiang reng bawk.



Khawpui nun ri hulh hulh ka nin chang a piang a ka kalna țhin khaw pawn tuipui kam a ka cottage ah weekend hmang turin ka kal a. Ka rin loh tak maiin kan company model tur Mia nen kan intawng hlawl a nih kha. A sam rawng buang thang kha a lo dum hlap a, ka hrelo țep a, mahse ka inchhung a ka hruai luh hnu khan tunge a nih ka hre leh nghal mai.





A chet dan kha mak ka ti hle a, a thil tawn a sawi hnu kha chuan a rilru tur awm ang ka hriat thiampui thei mai. A mitmeng na tuar tih hriat zet te, a mittui luang te kha mipa dang vang a ni tih ka hriatna hian ka taksa ah na eng emaw tak a siam a, tichung chuan hnem ka la duh tlat tho a nih kha.




Mahni intihhlum tum ti a ka sawi lai a, a lungawi lo hmel mawlh te kha hmuh a nuam takzet. Mahni intihhlum tum a nih loh zia uar takin min hrilh vei tan tan a nih kha. Hmeichhe thianghlim a la ni tih ka hriat khsn ka lawm tak zet. A ni ang khawvel huap a milar leh hmeichhe nalh hian ngaihzawng mai pawh ni lo pasal hual hial pawh a neih ngei laiin kum 26 ni chungin a la invawng thianghlim thei a nia. A chung ka chet lai a phur zet a min lo chhanglet ve te khan tisa thil takin kan inhip tawn hle tih a tichiang viau a ni.




Tunge ka nih a hre miah lo tih ka hria a, tunge a nih ka hre lo turah a ngai bawk a nih kha. Tum loh tak a a hming a ka koh khan a hlauthawng a, a thin a rim viau bawk, an ni tan chuan hmingchhiat a awlsam em a vangin ka thiam lo hauh lo. Min puhna te pawh kha awm ka tihpui viau e. Mahse ka insawifiahna pawh ngaithla duh lova min kalsan rum rum erawh ka ring pha bik lo.



A hun hman dan tur tlangpui ka hria a, kar lehah Victoria's secret group photoshoot an nei a nga, an zawh hnu atuk ațang kan company fakna tur kan shoot țan ang.


Chuan kan naupang ber Erin hian a ngaisang hle bawk. Show a a telna hi en loh a nei pawhin ka hre lo. Kan model hman tur a ni tih ka sawi pawh khan phur lutuk in a khek raih a, couch ah a zuang zak zak a nih kha.


A room-ah lah a thlalak a tar țerh tuar a, T.V leh thlalak ai daih in atakah a la țha zawk zui. A lo duh viau pawh hi a awm e. A mah a vang a fashion Industry luh chilh tum ve a ni bawk. Designer lar tak nih a, a thawmhnaw design ngei chu Mia hian ha se tihte a suangtuah nasa țhin khawp.


Kan jewellery set leh a fak dan tur plot pawh duhthusam a tha a ni a, Director lah duhthusam a thiam a ni bawk. Kan model hman tur te lah khawvel a a ber ve ve an nih avangin beiseina ka nei sang hle.




Mia, lo nghak rawh, min hmuh hunah leh tunge ka nih chiah i hriatchhuah hunah eng ang fakau in nge mak i tih dawn le.

*End of Marcus PoV*

*** KAN WEBSITE A FAKNA LAM THIL MILEM LANG THIN I LO HMET ZEUH HIAN KAN WRITER TE HLAWH KAN TUMSAK ZEL TIH KAN HRE THEUH DAWN NIA, KAN LAWM E***

Website story link ho awlsam zawka in zawn hmuh zung zung theih nan STORY FB group siam a ni e, in lo hmangtangkai theuh dawn nia... Whatsapp group pawh siam a ni e.
Group link : https://www.facebook.com/groups/991354610918230/

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni.

Hrechiang duh tan Contact : 9612099411 / 9862016122


Ngaia
Site Admin
Posts: 8829
Joined: April 30th, 2016, 4:07 pm

Unread post by Ngaia » February 5th, 2018, 5:48 pm

T.M.L.M
(Tell me you love me)
Sentei Chhakchhuak Bochung

Chapter 6

Mia Apartment
Manhattan NYC
14th street


Mia PoV*


Tuipui kam ațang a ka tlanchhuah hnu khan ka apartment ka pan ding nghal a. Thil thleng khan min tichau hluah hluah...Stephen pawn min lo call a tum ve nasa khawp mai....ka phone lah car-ah a awm daih bakah a battery a la low zui daih bawk si a. A lo mangang ve visu a ni ngei ang...huhhh duh leh msngsng ve msi mai ang hmiang, amah avang a khatiang a awm kha ka nia lawm le.




Ka chung a kha mihring chet dan kha ka ngaihtuah let a, misual tak chu a ni hauh lovang. Min ti na duh chu ni se hun a ngah lutuk tlat. Mahse min hria tih ka hriat khan ka hlauthawng em a ni...chanchinbu lamah darh ta se ka hmingchhe dawn lutuk ringawt, mipui mit lakna a nih dawn phawt chuan thudik tak hre lovin an chhuah leh chuai chuai ngei dawn si a. Hriat ngai loh mihring bulah kha ti khawp khan ka ngam pa a nia, a hun lai kha chuan hun nuam tak chu ka hmang si a nih kha. Kha pa khan engthil mah a sawi chhuah loh beisei phawt mai teh ang.



A sawi ang chiah khan ka ngaihtuahna ațang Stephen a la kiang a, ka rilru natna te min thawidam sak a nih kha. Hetia ka ngaihtuah let vang vang hian Stephen kha ka lo hmangaih tak tak hauh lo a lo, ka duh mai chauh a ni. Chuti ni lo se tunah te pawh hian ka keh chhe vek thei ang chu. Chutiang ni lovin ka rilru a na vak tlat si lo. Mahse ka induh tawkna erawh min tih hniamsak rawih thung, kawppuite ti hlim zo lo hmeichhia ka nih hmel em a lawm.




Saturday zan kha chuan chhuak peih lovin inah ka awm ta reng kha a nia. Stephen an min rawn biak khan Sunday-ah inhmuh ka duh thu ka hrilh a, ka cousin Lexi pawh rawn hruai ve turin ka ti a, ka chung a an thil tih vang khan ka thinrim lo a ni lo, mahse Stephen ka lo hmangaih hauh lo a ni tih ka hriatna hian ngaidam tur a chakna min pe tlat lawi si a ni.




Chhun a kan inhmuh khan ka thinrim viau an ring a, hreawm an ti hle bawk. Min bum avang in ngaihdam min dil mawlh mawlh a nih kha. Ka chet dan erawh kha chuan a ti hrilh hai dun viau a nih kha le. Damthlap in ka ngaidam tih ka hrilh a, mahse bumna tenawm tak an hman avang khan hun rei tak chu ka hmuh duh loh phah ve ngei ang...kan inhualna zungbun pek let pahin hlim reng turin duhsakna ka hlan a, ka chung an thil tih avang tal pawh khan ințhen lo turin ka duh tih ka hrilh lai a an mitmeng a mak tihna, rin ngam lohna leh lawmna lo lang kha ka hmuh hmaih hauh lo.



Lexi phei chuan mittui tla chung a min kuah in lawmthu min hrilh a, a thil tih avang a a inthiam loh ngawih ngawih thu te, Stephen nen hian damchhung a ka huat leh ka hmuh duh tawh loh hial a rin thu a sawi a nih kha. Mahse chutiang ni lova țha tak a duhsakna ka la hlan thei te, an mahni ka la hmu duh ringawt te pawh a lawmzia min hrilh mawlh mawlh a nih kha.




Tunah chuan Stephen leh Lexi an ni emaw...kha pa tuipui kam a ka hmuh emaw pawh kha ka ngaihtuah tawh lovang. A tu te mah hian ka ngaihtuahna luah hi an phu hlawllo.



A hma a ka nun dan ngai, a țha ber nih tum enghelh nei lo khan ka nung leh thei reng a lawm...


End of Mia PoV*



Monday
07:00 A.M

Pier 59 studio NYC

*Victoria's Secret Lingerie commercial group photoshoot*

VS lingerie siam chhuah thar fakna tur photoshoot nei turin kei, Candice, Lily, Taylor leh Lais kan awm khawm mek a. Kan call time zing dar sarih a nia...a ai a hma deuhah ka thleng a....a hlimawm leh dawn khawp mai.



Ka ngaihtuahna luah tur a ka duh hauh loh mahse ka ngaihtuah reng si pawh hi a kian phah mai thei a sin. Tun țum kan fakna shoot tur phei chu a hlimawm zual viau ang, a dang ho pawh nuam ka ti viau zel tho na a. Ka thawhpui turte hi modelling industry ah chuan a ber vek an nih avangin an bul a hnathawk thei nih pawh hi a nuam takzet.



Kan photographer lah khawvel a a țha ber zing a mi ngat a ni lehnghal.




Chawhma lamah chuan wings tel lovin kan shoot phawt a, chawhnu lamah chuan theme hrang hrang neiin wings nen kan shoot dawn thung. Chawhnu lama ka theme chan tur chu Dark Angel tih ni in ka panty leh bra pawh a dum vek a ni ang nga...ka wings pawh a dum tho a nia. Heng fakna kan neihte hian hralh chhuah kawngah a pui nasa em em a, a chang phei chuan VS Store a thil leitute hi surprise meeting kan neih pui țhin.




Kan photographer a thiam bawk a a nalh leh pek viau ang chu.


"Lawk Mia, i wings kha zar pharh deuh teh, aw tikhan...țha lutuk....i ke kha khai sang deuh la, i ban chunglamah phar chho rawh le...." ti mawlh mwlh chungin a camera chu a hmet de pah zuai zuai bawk a, a ni ang photographer țha ka thawhpui thei hi ka lawm tak zet a ni.


"Ok, ladies vawiin a tan chuan a tawk e....in ti țha tak zet...,"a tih chuan ka thaw huai mai...nileng a shooting neih chu a hahthlak ve bawk em a ni. Tun a ka tih leh tur chu ka apartment a haw a, naktuk a Bluemoon company tan a shooting kan neih na tur a zinchhuak tur a insiam a ni mai.


Ka apartment ka thlen hnu ah rei lutuk lo gym ah kalin ka work out leh phawt a, pian dik thlarh ka neih theih nan a thil pawimawh ber te zing a mi a nih avangin ka ngai pawimawh hle...healthy diets ka ngaih pawimawh tluk chiahin work out hi ka ngai pawimawh. Ka zawhah shower nei zuaiin ka in pack fel leh nghal char char a, Bluemoon tan a kan shooting neihna tur hmun hi ramhnuai thing hmun a nih dawn avang in zan riah chhuah ngei ngei a ngai a...tunge ka mipa thawhpui tur pawh ka hre lawk lem lova, tluang tak a kan thawh dun theih ngei ka beisei.

****************

Next Day



Kan shooting neihna tur hmunah company car in min hruai a, a hmun lah chu a nuam kher lehnghal....thingkung ding thelh sung hnuaiah chuan kalna tur kawng nuam zet a lo awm a...fairy tales pawh min hriat chhuah tir rum rum mai. Kan shooting theme tur nen pawh a inhmeh dawn khawp e. Cottage nuam zet zet a awm vek bawk avangin weekend hman nan leh camping vel nan pawh a duhthusam a ni.




Car rawn tlan chu ka lo en reng a, helsi ka thlen hnuah pawh ka partner tur ka la hmu hauh lo. Ka piah deuhah rawn ding chat in a chhung ațang chuan mipa lian țha zet zawt leh pa zet mai hi a rawn pen chhuak a. Ka lam panin a rawn kal phei zel a, kei lahin mak tiin ka lo melh tlawk tlawk thung. Tunlai chu min țhawng dawt dawt tu ka va tawng hnem em!




Ka bul a rawn thlen chuan nui var var chungin ,"Amelia, nangmah i nih ka ring miah hleinem, Lalpa leh engtia rei nge ni tawh," a rawn tih chuan mak tih vang leh lawm avang a khek raih chungin ....


"Derek...nangmah i ni ngei tiraw? Helai hmunah engtin nge....ka partner tur kha nangmah hi a mi?"

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)
Post Reply
  • Similar Topics
    Replies
    Views
    Last post

Who is online

Users browsing this forum: No registered users and 22 guests