A THUPUI TUR KA HRE LO! BY Toni DA Ralte Ahmangaihi

[Ngaia]

A THUPUI TUR KA HRE LO!





Min rawn kalpel fua a, rang zetin a rawn let leh vut a ! hepa tak hi chu aw..



“ka hai che lawm; ngahnge I sam I tan teh ei?” a ti leh ringawt a. A chezia a changa naupangchhia leh puitling ru zet hian min nuihtam tir thin.



“I duhlo mi?ka sam ka tan chu” ka tih lai chuan ka sam bul mat chu a rawn chul thuak thuak a; ner deuh sak pahin, “a putu nang I nih tlat te chuan enmawi loh theih pawh a ni hleinem” a ti leh nghut a. Min kai a, dil lam panin min hruai a, dil tui nu lek lek chu ni tla tur chuan a rawn chhu tle sur a, boruak chu a dai ruih mai bawk a, thlifim a lo thaw ve heuh heuh bawk nen, ka bulah ka mipa duhber a ding bawk a, khawvel hi a mawiin ava thlakhlelhawm thar si em! Ka hnunga ding chuan min rawn kuah a, ka kokiah a khabe nghatin nitla tur chu kan thlir dun vawng vawng a. Ka beng chu a seh leh ner ner thin, za ka ti si, kan han nuidun leh rih a. Chutah muangchangin min hmachhawn zawngin a rawn ding a, a mitmu dum leh fiah kakah chuan hmangaihna tamtak ka hmu a ni.



“keima duat, min nei duh a ngem?” a ti zawi sap a. He hun hi a ni lawmni ka lo nghahhlelh em em thin kha; a la thingthi lo mah mah, boruak leh dil leh nitla tur zawng zawngte nen chuan engkim chu a romantic takzet ani.

“tehreng mai, papa [papa min ti rawh ti tlat hek}” ka ti a. Nui hmel a pu tawh lova, a thutak lutuk chu ka lo zam zawk hial a ni. A ipte a zen a, bawm killi nei a rawn phawrh a, chutih chhung zawng chuan kan inmelh ngawt ngawt ringawt. A thingthi ta a, ka hmaah chuan.



“ka nupui hual I ni duh angem?”



Ka kut chu ka pe tawp, ka tawng ngam tawh lo a ni ber e. Zungbun simple leh manto hmel zet chu ka kutzungtang {zungte u} ah chuan a rawlh lut ta a. Zungbun pakhat zawk chu keiin ka buntir ve ta bawk a.A kim ta thlap e. Ka zirlai zir zawh nghah chiah kan hmabak ta e.



Face book-ah ka thiannu leh a bialpa an lo ck pek a, thiannu chuan pic sexy zet zet a lo thawn khanglang si, a hnuah anin then a, mahse chu a bialpa pui roh chuan a rawn umzui zel a. A duhanga a awmloh chuan a pic hmanga Blackmail a tum ta mai! Hui ham! Ka thiannu mangangin min rawn hrilh a, a tap pur bawk si; kawng ka hriat awmchhun chu Police hmanga chinfel ani mai. Ka thiannu lah mualpho a lo hlau tumhrang si, ka hauh hrep hnuah Police pun chu a remti ta hram a. Tichuan Vaivakawn Police station-ah ka kalpui ta a. Thana hi ka nel tehchiam bik lo a, mahse anlo fel khawp mai. Kan case I.O tur room kan luh rual chuan Zami {ka thiannu} chuan min rawn sik hrep ringawt a, ngei zetin ka va melh a, a ni chuan police officer lam a lo melh daih ! ka va hawiphei ve nak chuan Zami min sih chhan kha ka hre ta mai. A hmeltha em a tin ni.



Kan buaina chu ka sawi mawlh mawlh a, chiang zetin minlo en kul bawk si, ka zam lek lek. Zami lah naupangtha ang maiin a in kuangkuah a, a ngawi hle hle mai si, mahse a mah ngei a tawngchhuah ve a ngaih takah chuan aw lawi zetin a rawn sawifiah ve ta a.Diktak chuan chu police hmeltha leh zahawm tak bula bialpa hlui nen a an buaina tenghneng tak han sawi vel chu a chakawm tehchiam lovang. Zawhna neuh neuh a zawt leh a, zaidam takin a tawng thlamuan a, kan haw ta a. Ngaihzawng hi pa 3 ka nei ve tawh a, mahse ka hmangaih ngailo, ka hne zel! Kum 21 –na ka hmang mek a, M.A {Mizo} ka zir mek a, kan chhungkua pawh chhungkaw pangngai ve tak kan ni; unau pa 4 kan ni a, naupang ber dawttu ka ni. Ka pa hian dawr pahnih a nei ve a, chu chu kan sum hmuhna ani, a hlawk ve viau.



Ni 2 hnuah Zami te buaina chu chinfel niin a bialpa hlui chu a reh ta a; mahse pawi tak mai chu Zami chu engemaw chenah a hmingchhe ve lo thei bik lova; mi thenkhat chuan “a chawh ngawt a lawm, tinge a pic sexy deuh deuh te a thawn vel ni” an ti. A dikna chen pawh a awm, mahse Zami hi ka hrechiang a; bialpa te thuawih chi leh hlau chi a ni ve a, a virgin leh ginloh chu ka hre bik hauh lo, mahse a takah chuan a easy em em ka ring lo. A bialpa hlui kha a duh ve thin khawp a, serious mi a lo ni chhap nen, a ex lah sas te thunun tum mi tak a lo ni lehzel a; inhmu fo theilo na na na chu fb kaltlang a a chakna hrikthlak a lo duh ve a ni mai! Mipa dangte chin than tak pawh a ni reng a. Zami’n a hnial chuan inthen a rawt nghal zel a, hmeichhe serious leh derthawng tak tan chuan a thuzawm kha kawng awmchhun a nihna lai a awm ve tho mai! Chutiang vel chu a ni e..hahthlak hlawm hian!





Ka inbox ka check chuan, “hi, min hria em?” tih a lo awm ve a, a pro pic ka en a, karei! Ka hriat chian si zia kha! Kha pa ngei kha ani. Ka lawm lutuk chu ka nui vur vur mai, ka reply vat, mahse a reh ta veng veng a, a wall ah ka lut chhen ringawt.Kan lo infriend reng a lawm le!



“ka hmuh tirh che khan ka hre nghal che” a ti. Ka photo ka lo edit ve ngailo chu ka lawm phian, lo edit ta ila min hai maithei a! hehe..Kan inbe chho ta zel a, kan inngaina chho a, ka lo * em em kha ani bawk nen, ka inhawng em em tih a hre ve kur a niang chu. Min bem ta nge nge a, tichuan tun hun hi kan thleng chho ta ani. Ka phulo hian ka hre hlur a, mahse a bulah ka sawichhuak duh lo hrim hrim. Ka thikthu a chhiat em vangin a password min hrilh dawn pawn ka duh lo zawk, a chhan chu a a/c ah ka lut ang a, hmeichhe dangin an biakna ka hmu anga, a chhan dan chu engpawh nise, ka thik leh thovang, thil ka ngaihtuah vak vak anga, ka ngaihtuahna kha a tak tak emaw ka ti anga, min hriatpui ve miah lovin ka lo hrehawm em em ang tih ka hlau ani, chuvang chuan hmuh loh law law ka duh zawk, then ka duh lova, rin tawp mai chu ka duh a ni.



A password ka hre lo chung pawn thik tur a pui ka hmu reng mai, vawi1 phei chu, “em em che hian; nangmah leh nangmah I inhrem mai mai ani, inthlahdul rawh, dawt vanga mahni lo intih hah chiam hi sim rawh” min ti bawl tawh. A dik chiah, ka hre ve reng, mahse thikthu hi nuna alo beh ngheh tawh chuan thunun hi har ve tak ani e. Mahse min dawhthei em em a, a hmeltha a, a luck, min hnawl mai ang tih hlau hian a chang chuan ka tap tawp zel! Ka duh em em chung hian a laka tlawm leh duh ngawih ngawih anga lan hi ka hreh ve tumhrang a! mahse ka duh zia a hre tho, zana ka mutthilh theih loh changte hian, “min ngai lutuk a nih khaaa, min ngaihtuah tlem deuh rawh” te hi a rawn ti vel ang a, a ngeiawm dan hi a huatthlala hlek silo, mahse keimah vangin midang a hnawl ve tho, “min duh ve tho kha” ka va ti ringawt anga, “kha maw, a in puang leh ta” a rawn ti hlauh zel! Papa tak hi chu’h!





Chhungte hriatpuina a inngaizawng ta chu kan inpawh em em a, thuruk kan nei ngailo, zan1 erawh chu, “a tak takin I duh ngai si lova, hawh ck ve ang, I pic minlo thawn ve la” a rawn ti pek a!



“mu rwh” ka va ti.



“mawwwwh, duati, min van khawngaih lo tak”



“ka taksa te chu I hmukim vek tawh lawm”



“kimlo lai te kha”



“teuh lo”



“ka blackmail ve lovang che”



“eheee! Chu min then ilo tum reng e law”



“heiii, chutiang a nilo aw, Zami a vang khan I hlau emaw ka tia lawm”



“chutichu midang pawh ka ck pui thin angah I lo ngai ni maw”



“thil iva ngaikawi peih tak, tawngkam ka thiamlo tih I hriat ve reng kha”



“a tawk, mangtha” ka ti hmak a, mut dawn a “mangtha” tih hi a duh ngailo, a inthenna tawngkam a ti tlat thin a, “muttui” tih a duh thin. Mahse ka mangtha ta tlat.Ka titau char char, a phone call ka pick duh silo; ka nu a lo call a, ka nu bulah a lo vui chiam a, a mawl dan em em hi chu ka tihtauhna chhan te a sawi vek! “ck puiah ka sawm ve mai mai a, a lo duh si lova, ka tawngsual palh a” a lo ti..ka nu leh ka u te pawh an nui ringawt, “tinge ck pui I tum kher?’ an tih lah chuan, “a takah duh ngai hek lo, mite pawh an ck tho a, a duh ve mai ka ring a lawm” a ti..huh..



A dik a dik chuan a la naupang ve a, kum 25 chiah a la ni ve a, fapa mal leh naupang ber a lo ni bawk nen, police station ah chuan patling leh puithu takin a inlengte a lo dawngsawng thin a, ka bulah leh anin chhungah chuan naupangchhe chetin a che tlat thin. Heitak hi a mize lawmawmna ka ti ve tlat, mahse ka nu bula khatiang sawi em em te chu an duhloh phah ka lo hlauhpui a, mahse a mize frank lutuk chu ka pa in a lawm leh tlat pek a! tin, lawmawm ta riau chu sex kan la hmang lo tih a rawn tichiang ve tlat chu ani. Ka chhungte rin a hlawh zaw mah ta a, mahse an fiam leh zauh thin, a vei nuih suk ringawt zel..





“keima duat, enge I duh? I titau rei thei bik ee” a rawn ti a.



“inthen ang” he ka thinurna ka thunun zolo fo thin hian min vawlet ve ziah. Kan inbiak danah khan thinrimna tur leh inthen phah na tur a awm lemlo, mahse ka thin a rim laklawh tawh a, a tawp thlen hi ka duh nghal chuk chuk zel, mi thinchhe zia a ni.



“engvangin nge kan inthen ringawt ang?”



“min ngai easy kha ka duh lo”



“hmm, easy la ka fa ipaina a rei tawh ang”



“I fa pawh pai mah ila, min nei lovang tiraw?” ka va mak tak..tikhan ka ngaihtuah kai nghal zel, midangte pawh hi an ni ve tho a ngem aw..a rim laklawh miau a!



“khaih2 I dawn thui lutuk e mai, ka nupui tur I nih khaaa..ok, tihian ti ang, ka lo ngawi hrih anga, I thinrim reh hun ka lo nghak ange..duati, min then dawn lo tih ka hriat vangin ka lawm e”





Ka thinrim reh ran leh em em si zia chu! A chang chuan ka thinrim hlen dawn lo tih a hriat vang hian min tih thinrim hi a pawisa lo ni te hian ka hre hial thin. A laka tlawm lo theilo a min siam a thiam lutuk te hi ka ngei thin.Police a ni bawk a, min dawp hi a thiam em em lehnghal a! tum loh deuhin ka inpuang leh zung zung thin. Zan1 chu a lo len laiin kan kawmchhak kawngpuiah mi an intibuai a, kan thenawmpa YMA President a rawn tlanlut a, papa chu a rawn ko a, kan inzui chho ta hlawm a, intibuai satliah mai mai tura ka ngaih kha a lo ni awzawng si lo. Pa pa1 in a nupui uire leh a uiretu chu thah tumin chempui nen a lo vau khur khur chu niin! Mipa phei chu a bek a thi hnuang a, hmeichhia lah a lo khur hlawk hlawk bawk a! tlangval leh pa ho thenkhat ten thlelh an han tumin, an han inrawlh dawn dek dek a, ani thinrim beidawng bawk si chuan chempui nen a lo tin uaih uaih zel bawk si, a palian roh si a, pa naran tan chuan hnaih ngam ni hek lo, a duh ang chuan a che maithei bik lova, zim tu chu an tam hrim hrim a! uiretu mipa chuan thingfak a keng ve thung a. A tlanchhiat chuan a umzui zel si, thu hmanga chinfelpui a tum ta ringawt a nih hmel. Papa chuan chempui kengpa chu va hnaih a tum a, kei lah dawihzep ta ngang chu a kekawr kawngah ka lo pawt ta tlat a!



“engmah a thleng lovang, khawi min thlah lawk rawh” a tih pawn lu thing nar nar chungin ka chelh tlat si; police ani tih hre ho chuan beisei nei takin an lo thlir ve thup a, ka kaltir phal silo. Ka pain thlah turin min ti a, ka thlah ta a.



“thianpa, thu hmanga sawifel tum zawk ula” a va ti dek dek a. Pawr em em hian, “thuin a daih tawh lo, he mi tenawm lutuk leh kan mi hurnu te hian thih an phu” a lo ti a.



“THANA a chinfel ngailo turin hetah hian duhtawk tawh mai rawh, ka duh chuan ka man thei che nia”



“eee..naupang, heng mi tenawm te hi man zawk ta che; kei hian tihsual ka neilo”



“in buaina chu engpawhnise buaina siamtu I ni si a lawm”



“nangpawh I thianpa I rin em em khan I nupui lo uire ta se ka tih ang hian I ti ve mai lovang maw? Ka ring a, kan khua a tangin hnathawh tur zawngin a lo kal a, ka lo mikhual a, engkim ka tumsak a, a laka ka that na te chu hetiang hian min rul a nia; ka thinrim hi ka insum thei dawn lo..khawinge” tih leh va pan a rual ta phut a! rang zetin papa chuan a va chelh a, ka lo rak thawt ringawt; mahse chempui chu a duh angin a hmang thei ta lova, papa nen an han inchai deuh lai chuan midangin an lo bawr ve ta bawk a, himin a lo chhuak ta hram a. A mit ko hi a kak hlek a, police ten chupa an rawn hruai ta a.





“va pan loh mai tur nia” tih pahin a mit ko chu damdawi ka hnawihsak a. Ner sak sak chungin, “I uire ve vaih” a’n ti leh daih pek a!



“khapa kha zu ngawlvei a nia, a nupui in a uire san pawh kha mak ka ti vak hleinem, kutthlak a hrat bawk bawk si, a nupui kha a khawngaihthlak zawk a sin aw” ka ti a. Kan vengte anni bawk a, ka hriat nual bakah ka nu ten an chanchin an sawi danah a nupui chu ka demlo nilovin a pasal thiamlohna tamtak pawh a awm bawk ani.



“kan inneih hunah chuan ka thiante pawh lo leng lo se ka duh ang” hepa hi chu aw..



“nangte chu uiresan phal chi I ni ve hleinem, papa” ka tih chuan a hlauthawng nep ta ani ngei ang, midang hmuh loh hlanin ka biang a rawn piai zeuh a.





Ka ke ka bilh vangin class pawh ni 2 ka kal tawh lova; ni 3 ni chuan a rawn lang hlawl mai a.



“nilengin ka awm duh che a, vawiin a tan chawlh ka la a” a rawn ti leh ta pek! Ka inbual a, dil lam panin kan chhuak ta a. Dil ka han ti ngawt a, len nana kan hman ber ani a, khaw dai a awm anih vangin midang te pawn len nan an hmang nasa hle. A hmun a nuam bawk a, dil lian vak lo a awm vangin Dil hmun kan ti mai thin.Kan thleng chiah tihin mipa leh hmeichhia hi hawn tumin an lo in puahchah ve mek a. Mipa nen chuan inhriat than hmel fe hian anin be bawrh bawrh a. A hnua kan thut dun hnuin, “Rama te mai mai thin hi a..nupui a nei tawh reng sia” a ti a. A biak pa kha ani tih ka hre mai.



“ava ti anglo tak ve mawle..hmeichhia pawh kha a van zaklo” ka lo ti ve a.



“aaa..hmeichhia khan a hre lo pawh ni thei tho; Rama te chu tlangval ang chiahin a lawm khawlaiah chuan a awm; a la naupang ve tho bawk sia, an nu chu a khawngaihthlak hle mai”



“hmm,,mi pasal a ni tih te chu a hre awm e, a duh ve vang a nih kha; hriat loh ngaihna awm lo, inthup engang mahse chik tu tan chuan hriat theihna a awm tho tho”



“I hre lo nih kha aw,,mipa te hi kan duhnaah chuan kan inthup ve thei lutuk, hmeichhia chauh hi inthup thiam inni biklo”



“chutichu nangpawh hi mi pasal ilo ni reng lo maw?’ ti el deuh in ka lo ti hmanhmawh a.



“nangte chu kan inah pawh ilo len tawh khaaa”



“inthup ve suh aw”



“umm..i bulah chuan inthup ngai ka ti ve lo, nangpawh I inthup lo tih ka hria, innei vat vat ila, ninawm khawpa duat che ka chak tawh”



“min duat rei awmlo e mai”



“fa kan neih hunah pawh a laiah muttir te kha I tum nge aw; a sirah a mu ang”



“em em a che, a laia a mut loh ten, ka duat ngawt ang”



“hmm, keiai a I duat vaih”



“fa te han thik te chu a”





Ka inrin hmain minlo fawp a, a thlum dek dek mai. Midangte hi kan inngaihzawn ang hian an inngaizawng ve tho ngem le? Ka thiantha ber a ni a, a thianthaber ka ni bawk, tiatu in inhau fo mah ila; thinrim reh hun kan innghak tawn thin. Hringnun hi a ni nen chuan a lo nuam a; ka pangchan poh leh min duat a; ka pangchan loh pawn min duat a thulh chuang lo; min hmangaihna aia nasa a hmangaihna lantir tam zawk ka tum pawn he pa hi chuan engkimah min hmakhalh zel zawng a nih hi a!



“love you , muah”



“aih, mizotawngin sawi rawh”



“kher kher zel che hian, umm. Ka hmangaih che, papa”



“keima duat, tam tawk in lei leh van tiatin ka hmangaih che..muah”



Ka phone chu ka dah a, ka tawngtai a, ka tawngtai zawh hma hmain a lo call leh a! chhumbung nuaihin ka tawngtai zo hram.



“tawngtai lai lai a, enge?”



“haha, duati, ka ngai leh hman tawh che a”



“ka mut a chhuak tawh lawm”



“nih muttui aw”



“muttui le”



Zing a a sms chuan min va tinui nasa tak, “min hmusit miah suh; nizan ka tawngtai tur kha..ka maimichhing vang vang a, Lalpa ti ta lo chuan DUA T k’n ti pek a nih kha!! Ka zak lutukkk..nangmah vang vek” tih hi..huiizzzz!!..papa tak hi chu awww..



{tum lawksa pawh awm lovin ka type a, a lo lut a, a lo lut zel a, vaukam tumbu ka khawrhsan zawk zawk a..a thawnthu phen a inzep thil pa 3 te hi a hran a ziah tham nisi te vek anni..ngaihtuah zui peihte tan..hihi..}