KA ZEI LO VE NI MAI A ! BY Toni DA Ralte Ahmangaihi

Episode nei ho a hlawm a dahkhawmna
Ngaia
Site Admin
Posts: 25813
Joined: April 30th, 2016, 4:07 pm

KA ZEI LO VE NI MAI A ! BY Toni DA Ralte Ahmangaihi

Unread post by Ngaia » May 31st, 2016, 4:54 pm

KA ZEI LO VE NI MAI A !



Hmeichhe duhawm zingah a tel phak a, a nui mawi a, a nalh a ni. Ni e, a mawi em em a, a sam kir chiat leh buang thar te chuan a ti lang changkang em em, make-up pawh a mawi tawk in a hmang thiam a, model a ni lo a, model tamtak hi chu a pet ve det ! tawng duh ve tak, nui har har thin, nelawm tak leh thinchhe ve tak erawh a ni. Ka hmuh hmasak ber chuan ka en vawng vawng a, ngaihzawn ka chak hle. Mahse a bialpa ngo piak puak, no mah mah tih tur nen inkuah riala an din dun vangin melh nawn loh ka tum ta thung a. Nitin college-a ka hmuh a ngai chu pawi ka ti. Engmah ka ni lova, ngaihzawng ka la nei ngai lova, chhungkaw hausa tak atanga seilian lah ka ni ve si lo. FB –ah ka nawi em em reng a, thian ka ngah a, rinngam erawh pa 2 chauh! Ka zei lo a, hmeichhia I hlau tia fiam rawn ka ni thin.



Zan 1 chu a pic hi k’n comment ve reng reng teh ang tiin nawi zet zetin ka comment a, min reply ve zel a, nuam ka ti khawp mai. Inbox ka chak em em, ka ngam ngang si lo. Ka mu tep tawh tihin mak takin amah zawk chuan min lo inbox a nih chu!!



“College-ah hian I van induh thei em em” a rawn ti! Min lo hria a nih chu! Huhu..kei mimawl satliah, thutak pai lo, nawi em em reng hi !



“Awihawm loh eee” ti baka chhan dan ka thiam tlat lo.



“A nia lawm, mu tawh em?”



“Mu chiah, hil tel lovin”



“muhil duh tawh em?”



“aih, nang?’



“awi tunlai chu ka rilru hah lutuk a” tehdaih a!



“I rilru a hah ve thin law” ngeiawm chhuah hun a ni lo sin le..



“hmm, hah ve loh ten..ka sas nen kan inthen a”



“eheee, I sas ngo deuh kha maw?” mawla ka inti mawlh mawlh a, mahse ka kutzungpui nghal zet hian a type tlat sia lawm!



“sualthiam veee, haha, min lo kawp khanglang a”



“anih khanglan chu le..kawp san atan chuan I uiawm tehreng nen”



“over suh, min lo hnem ve ta che”



“ka va’n thiam lo, ih..englo, a ho ee, midang I hmu awm tho sia”



“Hmu mah ila ka duh vek kher hleinem” hmeichhe ho hi chu awww..’ka hmu lo’ tih hi chu tlawmah an la ve tlat!

“keite pawh” hihi..ka zak theilo tih ka inhre ve chiah.



“I phakar e mai a, min duh loh kha”



“duh duh duh, duh rapthlak” chiam chiam a!



“tak tak maw?” ihi le..a fuh tan dawn mi le?



“umm tak tak, ka arsi thei lutuk che” Mahse a reh daih! Zing dar 2 thleng min reply k’n nghah chu le! ka thinrim lek lek, a ngawi hmak reuh sia.



Atuka ka class kal tur chu nidang aiin darthlalang ka kawmngeih ta tlat! Ka farnu leh ka nu te chuan mak an ti deuh niin ka hria. Hundangah chuan ka intuai nawk nawk a, simple deuhin ka kal ve puat puat mai thin lah tak a; vawiin erawh ka thawmhnaw inhmeh ve ber nia ka hriat in ka inthuam a, ka sam erawh a buk ngai ngaiin ka dah ringawt, siam nalh chhung a rei dawn lutuk.Hmanah kan thenawm te mikhual nula hian min lo sitar ve ngei a! ka nau bulah “I u hi chu a hmeltha em em lo, a pa ve thlawt; a mitmeng please lutuk leh a khabe phir hi ka atchilh” tiin ka laka a luanliam na chu a lo sermon ve chiam chiam tawh a, mahse ka duhzawng ang lo takin a cher leh lutuk a, a khal lo ve ropui sia! Ka hnar ve ngat a ni. Diktak chuan min bem tu hi chu hmu lo ka ni bik lo, ka thutak loh em vang hian min duh leh lo niin ka hria, ka ngaihzawng ni miah lo te pawn a rukin min lo ban leh daih zel! Ka mitmeng chu k’n bihchiang ngial a, eng nge a ‘please’ em em na phei zawng ka hrethiam ve lo. Ka khabe phir taih chu ka tuai a, k’n nui sak a, confi tawkin ka chhuak ta a.



“Josh, min lo nghak ve la” ka ding chawt a, ka lehhawi a, nizana min ti thinrimtu nula nalh-I kha a lo ni reng mai! Ka lai em em a, ka sa up up mai. Ka va pa lo tak e aw.



“Nizanah pawh...,” ka sawi zawh hma hma chuan, “Net a chhe lutuk a, ka out daih nih kha, sorry” ka thiante anga hnek fiam chawrh chawrh chi a ni reuh si lo; sorry a tih vang chuan ka mitmeng please {?} zet chuan ka han melh run run ringawt a! ka banah a rawn vuan a, kawngkan tur kan nih vangin keipawn ka thing thla phal teuh lo. Kawng kan kan hnu pawh chuan a la chelh reng a, zep loh chuan hmeichhia class ka kalpui awmchhun ala ni hial ang. “Em em ana” min lo ti nih paw’n hmeichhia ka ngaihven loh zia leh star tak ngial pawh henu chiah hi ka la neih zia hria ula chuan mak inti bik lovang. Ka khur lek lek nia mawle!



“I bialpa khan min hmu nge” ka aw lawi rut chu ka van ngei tak.



“ka bialpa a ni tawh hleinem, ho eee, nge I bialnu in min lo hmuh I hlau zawk?” a ti ve ta hmak mai. Bialnu ka neih loh zia ka hrilh chiam dawn mi le..mahse luck lo min ti ang tih ka hlau ve bawk si.



“Ka single lai tak” k’n ti ve rawk a! ka nui suk lehnghal.



“A that chu” a tawi tek tawk viau na a, awmze neihtir talh ka lo duh a. Nun ho viau leh nawi viau anga ka lan lai hian lehkhabu ka chhiar peih ve zek a! love story erawh ka chhiar ve paw’n ka chhiar chhuak peih ngai lo. Ho ka ti . Mahse love story tih loh chu ka chhiar peih ve viau. Bible erawh lehkhabu-ah ka pawm ve lo nge..chhiar khat ve thawkhat. Tin, FB-ah hian mi hnial ka hrat em em a, inti fing zet zeta ka lehkhabu chhiar tawh te atanga ka ngaihtuahna te hmang khan ka hnial ve zut zut thin. Nawi hunah lah a nawi ber pawl ka ni ziah bawk, a nuam ve lawm le.



“Class banah min lo nghak ta che”



“Tinge?”



“Ka thiannu te inah min kalpui la”



“Tinge scooty I ken loh a?” ka lo ti hu a nih chu! Anihna takah chuan scooty a keng lo chu ka lawm em vang zawk ania, a thiannu te ina kalpui chu ka chak sakhai, mahse a scooty khalha kei a khai uai zawk chuan vu vu kha ka zak leh tlat pek a lawm! Min dem bik suuu..



“Nia, vawiin chu ka keng lo mai mai” a ti ve mai a.



“Umm, ka lo nghak ang che, khawi I number” k’n ti tawng a. Thuawih takin min pe ve mai a. College kan thleng a, class roomah kan in luhsan ta a. Ni chu a rei ka ti. Ka text ngam si lo, online pawh a nuam lo. Break lai te chuan ka chhuak duh lo lui tlat vel! Ka thiante pawn mak min ti viau. Ka chhuah a kan inhmuh leh chuan a thiannu te ina kalpui a ngaih leh loh thu min hrilh ang tih ka hlau ve a ni mai a..eng nge ka hlauthawng ve ni mai lawm..



“Josh, hei hi Zari a nih hi, zar, hei hi Josh” a ti zangkhai vah a, ‘ka next’ tih chhunzawm se ka lo ti rilru hle. Diktak chuan a mak, nizan atang maiin kan in kawm ve a, thil chu a thleng rang lutuk tlat, ka ngaih a tha lo lek lek zawk. Zari chu Lunglei khua a ni a, a nau nen in an luah a lo nia, a tawng siam siam a, ani pawh chu chhe lo ve tak a ni. KIM KIMI a tluk lo deuh tih mai loh chu! Kei pawh hi tinge hmeichhe ho hi hmeichhe en a ka lo en va tak dawk dawk chu le!? henu vang vek hi lawm.



“In luah man ka han pe lawk nge, lo awm ru. Ka rei lovang” hmm, ka hrethiam ve lutuk, chance min pe tih chu..in luah man te chu engtik hunah pawh a pek theih e mai. Tinge ka bialnu ni si lo nen hian a fala kan awmdun ve ngawt le..a hrehawmmmm..awmdan ka thiam lo.



“Josh, hawh a roomah awm daih ang, mi an lo lut thut ang, Zari chu a rei leh viau ang, a han titi leh anga” a ti sar sar a. Ka zui duan duan a. Ka rilruin ka tawngtai..tak tak.



Khumah chuan kan thu dun a, a sam a zut niap niap a, ka phone ka tuai vir ka tuai vir ringawt a, ka hawi kual vak vak bawk tak e..amah ka en chu min lo en ve chiah a, kan mit in tawng sawk chu film ang maiin ka tek chhawk ni hian ka hria, ka meng khup zul zul a, ka rilru chuan ‘nepa, hrilh vat vat rawh’ ka inti a.



“I bialpa chu I ngai em?” huh..ka rilru pawh sawichhuak ngam lovin pehhelna ka la zawng tak tang tang a.

“ninawmmm, sawi reng suh” a lo ti hmak a. Eng nge ka sawi ang? Sawi tura min duh chu ka hre ve lutuk, bultan dan tur ber hi alawm ka buaina..ka thiante ka lo rawn hmasa lo chu pawi ka ti kher mai. Min fiam nasat leh dawn em vangin an hriat hlau takin ka pumpelh zawk kha ania, ka mizia an hre vek a, ka buaina ah chuan min pui hreh bik dawn miah lo tih ka lo ngaihtuah pha lo a ni.



“KA DUH CHE A” ka piantirha a vawikhat nan chu tawngkam chu ka han chhakchhuak ve ta thawr mai a nih chu!! Ka bing mum mum in ka hria. En pawh ka en ngam chuang lo. Khatiang baka chiang leh fiaha sawi dan ka hre lo a, han thluaithlum kual vel turin ka ril lo bawk, ka thiam tawk leh ka ngam ve chin pawh chu harsa leh zam tak chungin ka sawichhuak ve tawp a ni.



“Tak tak ami?” fiamthua a lak vaih chuan amah aiin ka nghal ang ka lo ti rilru char char a, mahse a hmel chu a thutak ve khawp mai.



“Aw ka ti tak tak, dawt a ni lo” tiin ka han tuihnih ve leh ta sak a, ka huai sawtin ka hria. Min rawn melh rawm rawm a, a va han hmeltha tak, ka zei lo lutuk chu min zuam ni zawk hialin ka hria.



“Keipawn ka duh lutuk che” ka hriat duh ber ka ngaihthla zo chu hnara hlit phawi nag huai a ni e. Ka thaw hawk mai. Mahse, khatiang ringawt kha a tawk leuh! Inngaihzawn nemngheh nana inkiss te pawh angai ve lawm..mahse tawngkam ai chuan ka huphurh lo feeee! Ka virgin tawh lo miau a! mak in lo ti leh ringawt ange..mipa ka nih ve hi., vawi2 lai ka virgin ve tawh tlat! Hihoha..kan picnic tumin kan rui hlawm khawp a, ka thianpa cousin tleirawl te thak zet nen bath room-ah kan su ve tlauh tlauh tawh a, chuan, kan inchung nuthlawi in red min khilai a, ka hmaah ka hmuh loh hlau niawm fahranin a in thlak sawt sawt vel a, kei rui phialphual tawh chuan ka dogy ve ta mai a ni e..a zei hrep lehnghal! Mahse khangte kha chu ka harhfim laia thleng a ni lo a, tin, ka ngaihzawn vang leh ka fight vanga thleng a ni lo bawk, an cho a, an cho chhuak a ni ve mai. Tuna ka fawh hmabak hmeichhia erawh ka bialnu a ni ve ta tlat! Ka harhfim em em bawk, ka zah a, ka ngaisang tel bawk, hmeichhe sihhnip anga ngaia ngampa taka va chul bawrh bawrh kha kei ang mi zei lo tan chuan a awlsam fahran lo.



A kut ka la a, ka chul a, min lo nuih sen sen a, ka inrin hmain ka pawt dawrh a, a tukhum sam tham chungin ka fawp ta a, ka dim lo ngam lova, ka dim phal bawk si lo. Zei zetin min lo chhanglet a, ka tukhum sam a kek nget nget bawk a, khumah chuan ka bawhthlu ta nge nge a, p0rn ka en ve nasa a, an chetdan ang diak diak a chet chu a theih loh maithei, mahse ka theihtawpa ka pawnlam zei lohna chu khuhmawi ka duh a ni. A nghawng leh ir vel te chu ka fawp dan dan a; a chik ngher ngher a, min va’n ti zauthau tak. Mahse khawih chhiat ka phal hrih lo. Vawi1 inhmuh na a fight nghal ngawt chu ka duh lo bawk. Thawh ka tum a, mahse min lo kuah tawk tawk a! ka zuk bawh leh ta nge nge a. A hnute mum var haih leh a hmur sen no chek te chu fawh loh atan chuan uiawm ka tia..hehe..ka hne dek dek a, a rum tiah tiah reng chuan mipa min chawkphur tlat!



Ka thisen lum chu ka che ta buan buan a, a thawmhnaw ka hlip a, a kekawr tight lutuk te kha awlsam taka ka phelh theih dan formula kha keipawn ka hre tawh bik lo. Zari ka ngaihtuah chhuak thut. Mahse ka bawhbeh mek hmeichhia chuan a kut sei sal leh nel thep chuan ka chakloh na point chu a rawn dap de de a, huh..pawi tawh lo..’ti I la ni mai’ ti rilru chungin ka bialnu thar chu ka thiam ang tawka zeiin fan zeuh zeuh ram chu k’n fan pui ta a..a virgin lo chiang hle !!!



Ni 17 lai chu kan inngaizawng ve ta a, min care a, mahse fb-ah ka duh aiin a che na mah mah thin. Tupawh a be tha a, pawi ka ti chuang lo na a, a wall a rawn be DUAT ngam an awm reng chuan ka thikthu a kaitho lo thei lo thin a ni. A inla strict em em a, ka wall-a a luhin thik tur a hmu thei reng bawk; group thenkhata kan nawi chang lahin min rawn khap thuai a, a chang chuan a inla thutak viau zel chu ka millo thin. Zantin ka call a, keini aiin an hausa zawk a, mahse balance a nei ngai lo reng reng ! relate ang ka tih lahin a duh bawk si lo. Mahse ka lo star em em thin kha a nia, hriatthiamna in ka khat ve a, love story pawh amah vangin ka chhiar ta fo; care huam huam erawh ka duh bik lo. Engmah ni si lo hian ka chapo ve viau ringawt a lawm!



Zari in kan hmang tangkai thin teh e. Sex pawh kan hmang ngun ta. Damdawi a ei mai zel a, rai mah se ka nei ang. College-ah chuan kan inngaizawng tih hria chu an tam lem lo, kan awmdun vak lo tlat a; ka ngaihsak loh deuh chuan a pangchang thiam em em a, a lo hmeltha tehvawr bawk si a, ka tihtauh khum rei ngam ngai lo. Ka thianten mak an ti em em a, vannei min ti tih ka hria, nuam eee..An inah vawi2 ka leng tawh a, inrim hi ka peih vak lo nen, Zari te ina inhmuh kha ka thlang zawk.



“Josh, nizanah Kim-kimi leh Puia te inphur ka hmu” titu ka thianpa Hmuna chu ka melh hrawk a. Puia chu a bialpa hlui kha a ni.



“Nizanah Puia nen khawnge in kal a?” ka ti a. Makti hmel a pu deuh a.



“Kan in hmu lo hrim hrim”



“Ka hmu che u sia”



“Awihawm loh ee”



“I samin inhliah I tum a, ka hre tho che”



“Tak taka damdawiinah ka in hruaitir lawk a nih kha”



“Tinge?”



“Ka cousin a awm a, kan kan a”



“E”



“Ninawm, thik thu chhe e mai, Puia te chu ka thian a ni tawh” a thikthu chhe lutuk vanga status a post te, a mawnghlima ka thiannu pakhat a lo hauh chiam tum te kha a theihnghilh tawh mawni le !? ka ngawih reng vang chuan a thinrim a, a ang leh vak vak a, ka kham ve ta deuh tlat! Nia, ka mawl, mahse ball anga petkual mai mai tur erawh ka ni bik lo.



“Puia chu I la duh anih chuan kal rawh, ka dang lovang che”



“Inthen pawh chu I cho hle mai maw?” tikhan a ti leh daih ang, a mak thei asin. Thiamlo zawk angah min chhuah daih zel.



“Cho ve tho e” ka ti ve ta ngat a, min ankhum leh uite ang maia min kaiphar reng tur khawpa hmeichhe zahawm leh thiltithei a ni bik lo e.

A hnuai ah conti...
*** KAN WEBSITE A FAKNA LAM THIL MILEM LANG THIN I LO HMET ZEUH HIAN KAN WEBSITE ENKAWLNA TUR LEH WRITER TE HLAWH MIN TUMSAK ZEL TIH I HRE DAWN NIA, KAN LAWM E***



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » May 31st, 2016, 4:54 pm

“A tha e, kan inthen anga ni mai lawm” a ti a, min kalsan ta a. Ka thinrim hrih vangin ka ngai miah lo, na pawh ka ti lo. Mahse zanah erawh tawrh har khawpin ka ngai a, kan inbiak hun awm velah chuan ka phone ka khal ka khal a, ka call hreh si, a aw ka hre chak bawk si! Ka online a, a online miah lo. Ka tlawm ngang mai, ka call leh ta nge nge a, “Duat, vawiin kha tihpalh aw, ka thinrim vang a nih kha” ka ti a. Ka in sik ru vawt vawt mai, achhan chu a thiam zawkin ngaihdam ka dil chu ka zak a ni. Aw..hmeichhia, mipa hi chi I va ti buai hneh ve tak em!



Lungchhe aw deuh hian min ngaih thu leh a thiamloh a nih thu a rawn sawi a, ka hlim veng veng mai, tichuan kan inngaizawng tha leh ta a. Hun chu a liam ve zel a, a nun erawh a sim duh chuang lo. Zu pawh a in zeuh zeuh tih ka hria, ka bulah chuan a inthup tlat thung; ka bulah in zawk se, hmundangah chuan in lo se ka duh zawk a. Mahse ka bialnuin zu a han tlak pap pap lai chu ka hmu thei chiah angem tih erawh ka chiang ngam chuang lo, a harhfim lai pawn a lerh ve thawkhat a nia, a ruih phei chuan lerh aia thui a kal ka ring lo hran lo. Chuti chung chung pawh chuan ka kaltir phal chuang lo, na tak taka min tawngkhum te, mipa dang nena a thinrim laia min runluih thin te, single em em a status a update thin te, Puia leh a ex dangte a la be tha hiam hiam vek te chu na tuar chungin ka en liam lui zel a, ‘a tawk e, lumam’ tih hun hi ka nunah a thleng ve thei lo ni berin ka hria. Inngaihzawnna hlimawm tak a ni lo a, a hahthlak a, mahse ka la chelh lui tang tang tho si..hui ham! Ka mawl vang nge..ka hmangaih vang zawk ?



Kan thianho in chaw eikhawm kan rawt a, kan sas te theuh hruai turin. Keipawn phur takin ka hrilh ve a, a ni pawh a lo phur ve khawp. Ka thian te hi a millo nge ka thiante hian an millo tih erawh ka hrethiam vak lo. Ka thiante sas ka kawmngeih ang aiin ka thiante nen anin kawmngeih ve thei tlat lo. Chaw eikhawm ni chuan class a rawn kal lova, “Durtlangah ka nite hmuh lawk angaia, chhungkaw thil a nia, tlaiah chuan ka rawn thleng hman ang” a rawn tih vangin ka lungawi ve mai a. Tlai a lo ni a, thiante chu inkawp far chungin an in kawm sar sar hlawm a, kei erawh ka kawppui a lo thleng ve thei si lo. Mal takin guitar ka kuah a, ka thiante pawh chuan min zawt tho a, a lo thleng tep tawh ang ka ti ringawt zel a. Ka call a, switch off hmak bawk si! Ka thin hi a ur ru teuh mai. Diktak chuan thiante zinga chuang leh awl bik nih hi tuman nuam an tih ka ring lo.



Tui lo zetin chaw ka ei a, ka tah te pawh a chhuak e a! ka thiante chuan min fiam reng lehnghal, boruak an ti zangkhai a, a lawmawm phian. Ka chhungril erawh a ippik ngawih ngawih thung. Ngawi hmak lovin a rawn kal theih loh chhan te chu rawn sawi ve se..min van ngainep tak! Zanah chuan tlem ka lem ve hlek bawk a, anin a len ka tum ta a. A u hmeichhiain kawngka min lo hawnsak a, min lo nuih var var a, a u nen hi chuan inang lo tak anni. Sitting room-ah chuan hmuh ka duh loh ber thil ka hmu ta a. Puia bulah chuan ka bialnu chu kekawr bul fahran ha in a lo nui har har a! min rawn hmuh chuan a nui tawp chawt a, inthlahrung hmel a pu zawk a, mahse, nui chungin, “lo kal rawh” a ti ta zawk a.



A bulah chuan ka va thu ve ta ngat a, vawiin chungchang chu engmah ka sawi lova,.



“Puia, vawiin chu class I rawn kal lo in ka hria” ka ti a.



“Nia, hei Kim kimi hi khitah ka kalpui a” a ti ta a. Hmmm..ka hriat duh chu ka hre ta ngei e. Kim kimi chuan min rawn melh zawk a, engmah phei chu a sawi chuang lo. Thingpui kan in a, sawi tur ka hre lova, an titi chu ka lo ngaithla a, Puia insawitheihna ringawt ngaihthlak chu khamawm hle mah se an hun chu pawh pen sak ka duh ve hrim hrim. Diktak chuan vawiinah an awmdun tih ka hriat khan ka rilru chu a let daih tawh. Ni a, ka induhtawk na leh inrintawkna te kha a rawn let leh tawh a; hawilet tawh lo turin ka mangtha hlen tawh. Mahse tlawm tak a min siama min bumtu hmeichhia chu a hriatreng tur thil hmanga thlah ka duh a ni. Tawngkam ka thiam lova, na taka tawngkhum ve dan pawh ka hre hek lo. Ka rilru a buai ru hle.



“Tawng ve ta che” tia min rawn nek harh tu hmeichhe tenawm-I chu ka melh vawng vawng a. Lemchan thiam lawmman chu ka hlan nghal mawlh mawlh mai.



“Ka va haw tawh zawk ange; chuan, in hlimdun ngei ka beisei” ka ti a, Ka thinlung rum chu puahdarh vek chakin a so buan buan niin ka hria. Ka let leh a, “Ka fa I pai kha I titla mai dawn nia aw” ka va ti ta a! ka sual em? Ka ti dik lo viau em? Enteh, thinrim laia insum thei mihring te hi mifing anni tih ka hria, mahse ka mawl tih pawh ka hrilhlawk vek tawh che u tiraw??! Tichuan, ka thinrim insum thei lo tawngkam avanga mawl min ti anih paw’n mifing nih chu ka la thlang zawk chuang lo reng reng nia. Hawilet tawh lo in ka hmeichhia lo ni thin chu ka kalsan ta a.



Ni 3 chhung vel chu ka mumal bik lo. Tlawm taka min siam kha na ka ti a ni. Ka chapona rapbeta phatsanna hmanga ka thinlung hliam ani hi tawrh har ka ti a, ka dam nghal thei bik lo a lawm! Mahse pawnlangah chuan JOSHUA mi hlim thei em em, thiante tihlim tu ber kha ka la ni reng; pawnlam hlimna lem leh alanga nuihna, chhungril tahna nisi hi vuiliam a va har tak em!! Kimkimi chu ka hmu fo, khamizan khan min rawn call a, na tak takin min la tawngkhum ngam anih chu! Ka thusawi vang khan Puia khan engtinnge a tih chu ka hre lo, mahse Puia khan a bialnu hlui kha ka khawih rak ve nasa thin tih hi hria se ka duh a ni. Bialpa hlui ania, I thik duh mai mai e a..min ti in awm em? Fair taka inngaihzawnna kalpuitu tana fair lo taka inngaihzawnna hlimpui harsat zia hi in hrethiam lo a niang e. Ka hrethiam ve laileng tawh bawk a lawm le!



Puia nen chuan an inphur leh zauh zauh thin a, ka ngaihven em em tawh lo. Hmeichhia hi rin harsa ka ti, mahse ngaihzawng neih hi ka sim dawn reng reng lo, Kimkimi aia min tihlim thei hmeichhia hi an la awm dawn tih ka hrechiang; bumhmang vanga mi rinawm ka hnawl te chuan bum ka nihna kha ka natpui kumkhua dawn a nia, ka duh teuh lo. Bumhmang hi mi rinawm te avanga awm anni tih ka hria; bumhmang chu ka cho a, bum nawn theih ka nih leh nih loh fiah turin ka huaisen ve tlat ! mipa vannei tak ka ni e.



Kimkimi chu fb-ah a luangliam leh tan tawh hle mai, min tihchhan deuh deuha a update pawh ka hmu, ka like sak a, ka enliam mai zel! Chutak chu ani chuan tawrh har a ti ve thung, ka ngaihsak zui duh miah lo chu tlawm a inti a, na a ti bawk; inbox-ah rawn insawifiah leh a tum ngial thin na a..ka chhiarsak peih tawk; reply chu khawilamah..Mipa rilru let tawh chu hmeltha bumhmang nmittui mai mai hian a ko let thei tawh leuh! Mipa ka ni miau a! ka nunah hmeichhe pakhat a rawn lut ve ta a. ZARI kha a ni ta tlat! Amak ani. A rawn inpuang tawp, min duh zia leh min vei thin zia te, Kimkimi nena a in kan hman tangkai laia na a tih theih zia leh Kimkimi chetdan khawlo tak tak te min hrilh a chak thin zia leh a ngam bawk si loh dan te min rawn hrilh a. Ka zawt leh tho. Ngaihven loh luih tum paw’n ngaihzawng hmasa ber a lo ni bawk nen min lo thlim dan te chu ka hre chak ve tho a, min lo kawp tun a lo nia; riahbo zeuh zeuh changte a lo nei lehnghal! Ka va inbarh lut hlen teuh em! Lalpa ka lawm e.



Zari chu a chhe lo ve bawk nen, ka nih pui ta a. An in chu ka tlawh ngun kher mai; a bula awm a nuam em em a, thiantha tak kan ni tel bawk chuan a ti ngaihawm zual in ka hria. Ka thiante nen pawh anin kawmngeih ve thei ta. Tin, Kimkimi letling chiah a ni a, engkimah keiin ka kaihruai ve ta zawk a, chu chuan inrintawkna min pe a; mipa ka nihna pawh ka hmang thiam ve ta. Tin, ka duh em em tak nachhan chu- sex ka hmanpui thei hlek lo chu a ni. Hei hian amah chu ring turin min nawr niin ka hria. Zan1 chu ka leng a, kan titi a, Kimkimi a rawn lut thut! Zari nen kan nih atang hian an inkawm ta vak lo a, a rui deuhin ka hria.



“Mi tenawm pahnih chu” tih pahin a nui hawr hawr a. Zari chuan a mitmeiin min rawn khap nghal a, a fing a sin.

“Thiannu, lo riak la, tikha chuan I haw thei nang” a ti ta hlauh a.



“Thian bumhmang bulah ka mu duh leuh, hahai, ka nuih in tiza tawp” a ti vel a. Ka bulah a rawn thu a, “I van ngaihawm thei em em, min lo thlah teh a” a ti hawm hawm a.



“Kan nu hi dil la, a phal chuan aw” ka ti sak a. A na tuar hmel chu hmuh nuam ka ti kher mai. Hetiang ang deuh hian a ni lawmni khamizan pawh khan min awmtir ..



“Va thlah la” Zari chuan a lo ti a.



Ka kut a la a, min thawh pui a tum a, kei ka lo tang si, kan inpawt ta a. Thinrim takin kan pahnih chuan min ankhum hlawih hlawih a, a tap vel, a hmeltha tak kha a hur hmel hluah hluah hian ka hria nih chu!



“Kal bo teh, khawngaihin, Zari hi ka hmangaih a ni” ka ti ta a. Zari mittui tla ka hmuh vang a ni. Kimkimi tap hawm hawm ai chuan Zari mittui far khat lek khan ka thinlung a hneh zawk a ni. A Chhan chu mal taka ka awm lai leh hnawl ka nih laia ka mamawh min phuhruksak tu, ka thinlung hliam leh kehsawm te chharkhawma min tuam damtu kha a ni miau a! ni e, he hmeichhia hi keichuan hmangaih ka duh a ni.



{Ka story ziah te hi a tak tak emaw ti in lo awm thin a, Thisen cancer ka vei emaw ti pawl te pawh in lo awm a, hehe..a pawi lo, ka chanchin ka ziak ngai lem lo a, ka hming ka hmanna te pawh hi ka chanchin a ni chuang lo ania, tin, midang chanchin hi ka ziak mang lo bawk. SMUAH..hihi..)

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)