THE SICILIAN (Book I &II) By Mario Puzo (Completed)

Episode nei ho a hlawm a dahkhawmna
Loma hmar
Posts: 123
Joined: March 20th, 2018, 11:51 pm

Re: THE SICILIAN By Mario Puzo. Chapter 1 - 6(a)

Unread post by Loma hmar » April 25th, 2018, 10:08 pm

Chapter 10b

Thlakhat chhung lekin Guilianno chuan hmuntinah enthlatu a dah a, anni chuan sumdawng hausa, Black Market atanga an sum hmuh zinpui thim te, lal chhungkaw zinga mite khawsak dan te, misual, Police hnena thu rawlruk thin ho chanchinte chu an rawn hrilh thin. Gulianno chuan Alcamo Duchess chuan a incheina thil hlu tak nen mipui zingah a inlan fo thin tih thawm a lo hria a. Chung a incheina te chu Palermo-a Bank pakhat Vault-ah dah that reng a ni thin a, mahse Party pawimawh tak taka incheina atan a la chhuak niin an sawi a. A thil hriat chu hlawkpui tham a nih dawn em tih en thlitlai turin Guilianno chuan Pisciotta chu Alcamo Estate-ah chuan a tir ta a ni.

Montelepre chhimthlang mel 20 a hlaah chuan Alcamo Duke leh Duchess chenna in leh huan zau tak chu a awm duai a, hung chhuah vek niin Gate-ah chuan vengtu silai keng a awm bawk. Duke chun Friends of friends hnenah ‘in luah man’ a pe thin a, chu mi avang chuan a ranvulte ruksak ni ngai lo ang a, rawk bakah a chhungte zinga mi rukboin an awm lo bawk ang. Vatican-a Pope aiin a him zawk hial awm e.

Huan zau tak tak neitute chuan November thla tir lamah Grape rah an seng thin a, chuta thawk tur chuan khaw hnai deuha mite an chhawr thin. Pisciotta pawh chu Town Square-ah hnathawk duh anga in-reportin, Alcamo Duke hnenah inhlawh tur chuan a inziak lut ve ta a. A ni hmasa ber chu hnathawktute hnu dawlin, Basketa grape dahtuah a tang a. Chu Grape huana hnawthawktu chu mi za aia tam an ni a, hmeichhia, mipa leh naupangte an niin hna an thawh pah chuan an zai rual dual dual a. Chhunlaiah chuan chawchhun pangngai tak an fak a.

Pisciotta chu a mah chauha thuin midang ho chu a thlir a. Hmeichhe pakhat kulh atanga thlenga chhang rawn chawi chhuak mek chu a hmu a. Hmeltha tak ni mah se a dawldang deuh hle, ni eng hmu khat a ni tih a hriat hle. Chubakah midangte aiin a inthuamna chu a tha bik hle bawk a ni. Mahse Pisciotta an a lo hmuh chu a hmel chapo tum deuh hman leh hnathawktu dangte pumpelh a tum tlatna chu a ni. Chu hmeichhia chu Duchhess tirhkah bik a ni tih a hre thei nghal a.

Pisciotta chuan chu nu chu a thil tih turah chuan midang zawng aiin a tangkai dawn tih a hre nghal mai a. Guilianno, Pisciotta thil tih thin dan hre tak chuan a thil hriat duh a zawnna kawngah khawchhung hmeichhiate timualpho lo turin khauh takin thu a pe a. Mahse Pisciotta chuan Guilianno chu hmangaihna kawng a la run mah mahin, khawvel kalphungah tawn hriat a neih loh van niin a naih sak mai a. Lawmman tur atha nasa mai si, hmeichhia lah chua hmeltha kher bawk nen.

Thleng lian taka chhang chawi chunga a lo chhuah leh chuan Pisciotta chuan a kut pharin a thil chawi lai chu a lo ken sak a, hmeichhia chu a phu zawk a. Pisciotta-an a hming a zawh chuan a chhang duh lo va.
Pisciotta chuan a thil ken lai chu nghatin, a banah chuan a man a, kawlhran hmel taka nui chungin,“Zawhna ka zawt che a nih chuan min chhang mai rawh, chu ti a nih loh chuan Grape hmunah khian ka phum mai ang che.” a ti a. chutah a fiamthu a ni tih lantir nan a han nui a. Ngaihnobei thei ang berin a nui a, dam em em hian, “Ka hmeichhe hmuh tawhah chuan i la hmeltha ber mai,” a ti a, “Ka biak che a ngai tlat a ni.”

Hmeichhia chu a hlauthawngin Pisciotta chuan a hip tel deuh tlat si a ni. A kawnga chemte a pai hriam hmel zet te leh a pai dan vel te chu, amah chu Duke ni mai awm a ni. Tunah chuan a ngaihven ve tain, a hming chu Graziella a ni tih a hrilh a.

Hnathawh hun chhung a zawh chuan Pisciotta chuan Choka hnung lam kawngkhar chu a kik karh karh a. Nu upa lam hian alo hawngin Pisciotta chuan Graziella a hmuh duh thu a han sawi a. Chu nu chuan a thil sawi chu a han ngaithla zo te te a, chu tah, “Chhiahhlawhte chu kantu neih phal an ni lo,” tih pahin kawnka chua khar nghal thuai a.

A tukah chuan Pisciotta chuan Graziella Tray chu ken sak pahin a zawite hian hnathawh zawha a hmuh duh thu chu a hrilh a. a ban chulsak pahin rangkachak ban bun a buntir zauh bawk a. Graziella chuan Thim hnuaah Grep huana inhmu turin a tiam ta a.

Chumi zan chuan Pisciotta chuan Silk kawr, Palermo-a a ma tan liau liaua thui tir chu inbelin an intiamnaah chuan a lo awm a. Graziella a lo kal chuan a lo kuah a, fawh rem tura a hmui a rawn dawh chu lo fawh chawt pahin a kumkar lam a dap nghal a, nula chu han tang deuh mah se nghet takin a kuah bet tlat a.

An infawp mawlh mawlh a, Pisciotta chuan apawnfen chu a hlim sak a, silk Underpant a ha tih a hriat chuan mak a ti hle, Duchess ta a hawh sak a ni maithei, tiin a ngaihtuah a, a huangtau reuhin a rukru reuh zek mai.

Leia Blanket phahah chuan an mu a, zauthau zetin an infawp bawrh bawrh a, Pisciotta chuan nula silk underpant hma lam huh chap atang chuan a chak tawh hle tih a hre thei. Rangtakin a kekawrte chu a pawhthlak sak a, tisa hnawng chap leh sa ham ham chu a kutah a awm ta. Nula chuan a kawnghren chu rawn phelh sakin an infawp reng bawk a. A chungah chuan lawnin, a taksa chhungah chuan a thun ta a. Graziella chu a rum dar dar a, a rawn nawr let auh auh a, Pisciotta chuan a tha chak zia chu mak a tiin, amah chu insep dawrh dawrh ni maiin a inhria. Chutah Graziella chu a rawn rak that a, a mu ta hle hle a. Karei leh, a va rang ve le, tiin Pisciotta chuan a ngaihtuah a. Mahse a pawilo e, a tum ber chu thil hriat a ni a, ama lungawina chuan a la nghak thei ang chu.

Blanket chu sinin an inkuah a. Pisciotta chuan University of Palermo-a luh a duh avanga inhlawh a nih thu leh a chhung ten danhremi ni tura an duh thu te a hrilh a. Mi tha tak angah ngai se a duh a ni. A chanchin chu zawtin, a hna chu nuam a ti em tih te, a chhiahhlawhpuite chu eng nge an an tih te a zawt choo a, zawi zawiin Duchess chungchangah chuan a luh pui ta a.

Graziella chuan Pisciotta kut chu lain a kapkarah a dah a, chutah Duchess chu a thawmhnaw tha leh incheina tlereuh hmanga a incheia a hmelthat thu te, amah, Graziella chua ngainat ber a nih thu leh a kawrfual hluihlawn tawh te a pek thin thu te a hrilh a.

“I pi thuamhnaw i inbel lai chu ka hmu chak hle mai, a tlereuhte chu a inbel tir thin che em?”

“aw, Krismas urlawk Ni tlai lamah hian thi min awrh tir thin”

Guilianno-a rin ang chiah a ni, ni pawimawh bikah chuan tlereuh ho chu in lamah an kawl thin ngei mai. Thil pakhat chiah hriat a ngai ta. Mahse Graziellla chuan a rawn kherh thut a, Pisciotta chu a lo inpeih nghal at bawk a, blanket chu a intheh hlim a, Graziella pawnfen pawhin tangkaina a nei tawh lo. an inbuan leh ta thial thial a. an zawh fel chuan chuan thlan avanga huh hlapin an mu ta hle hle a.

Aspanu chuan, “Pawn boruak thiang tak hi a nuam viau na chungin, engtikah nge ina lo kalin hmangaihna kan chen dun theih ang?” a ti a.

“Duke heta a awm lai chuan ni love, Palermo-a a zin hunah, inchhung lam pawh kan inthlahdah deuh thin a. Thla lehah Krismas hma hretin kar engemaw zah a kal bo dawn a ni.”

Pisciotta chu a nui a, tunah chuan a hriat duh zawng zawng chu a hre kim ta, a hnaah chuan a rilru zawng zawng a pe a ni. Pisciotta chuan nula taksa chu thamin, Blanket chungah chuan a kilh leh ta mawlh mawlh a, chutia dim lo taka a tih chuan nula chuan nuam a ti kher mai, a hlau rilru deuh bawk a.

Krismas thlen nan ninga a la awm tihah chuan Guilianno, Pisciotta, Passatempo leh Terranova te chu Alcamo Estate Gate-ah chuan an chuanna sakawrtawlailr chu an tiding ta a. Loneitu khawsa thei deuh sapel tur incheiin an inchei a, Security Gaurd pahnih hian gate chu an lo veng a. Chun khaw en lai a nih avangin an inring lovin an silai pawh an darah an pu mai mai a ni.

Guilianno chu thothang tha leh sau taka pen chuangin Gaurd-te chu a pan a, nui sang chungin, “Gentlemen, ka hming chu Guilianno a ni a, Duchess duhawm tak kha Krismas chibai buk tur leh miretheite tana thilpek dilsak turin ka lo kal a ni.” a ti a.

Guilianno hming an han hriat chuan gaurd-te chu mak tih avangin an ding khawng reng a, an hriat chhuaha an silai chuh an tum meuh chuan Passatempo leh Terranova chuan Machne Pistolin an lo tin der tawh a. Pisciotta chuan an silaite chu chhuhsakin wagonah chuan a dah lut a. Passatempo leh Terranova chu Gaurd ho veng tur chuan an dah a.

Chu kulh pan pheina tualzawl chu lunga ren chhuah vek a ni a. A sir kilah chuan pitar pakhatin buh a phona bul velah chuan ar an tla noh noh a. Guilianno leh Pisciotta chuan In chu an pan a, a information dawn chu a dik zet mai, Gaurd pahnih bak kha an awm hauh lo. Guilianno chuan dar chu a hmet ri a, chhiahhlawhin a lo hawn veleh kawngka chu a nam nghal a. Gaziella chu Pisciotta hmalam kawngkhara a lo lan thut avang chuan a phu zawk a, kawng a lo kian a.

Guilianno chuan, “ Hlauthawng mah ta che, i pi hnenah chuan sumdawnna thilah Duke-in min tir tih va hrilh rawh. Ka biak a ngai a ni,” a ti a. La hrilhai deuh tak chungin Graziella chuan Drawing room, a piin lehkhabu a lo chhiarnaah chuan a hruai lut a. Duchess chuan a kuta lo zapin leh hriat lawk loh inleng a neih vanga lungni lo deuh chuang hian, “Ka pasal a awm lo a, eng nge in duh?” hriam hrak hian a ti a.

Guilianno chuan a chhang mai thei lo. Chu room mawi lutuk avang chuan a bin chuk chuk a, a room hmuh tawhah chuan a la lian ber awm e; kil bik nei loin a bial pup a, french ho hman ang chi tukverh te chu Grape rangkachak rawng hian a zam kual chukin, a ceiling inchung mum pulah chuan a tlang chho ruah a, serafim lim a awm chuk bawk a. lehkhabu lah chu hmun tinah a awm a- Sofa chungah te, Table chungah leh a dahna tur bik chhuar an siamah te chuan. Lemziak ropui leh mawi tak tak te chu bangah chuan intarin, hmun tin maiah chuan pangpar khawi mawi tak tak a inhung thluah bawk a. Roomah chuan mi za lai chu thawl takin an khawsa thei ngei ang, chuti chungin a luahtu lah hmeichhe khawhar tak, silk kawrfual vara inthuam chauh chu a ni si. A vawikhatna atan Guilianno chuan sum leh pai thlemna chu a tawng ve ta, pawisa chuan chutiang thil mawi chu a thlen thei si a. Tin chung mawina te chu nunrawnthlak taka tihchhiat chu a duh hauh lo mai le, a tih tur chu a ti mai ang a, he hmun mawi tak hi a tihmelhem hauh lo ang.


[*]Loma_Hmar[*]

Link:
BBcode:
HTML:
Hide post links
Show post links

Loma hmar
Posts: 123
Joined: March 20th, 2018, 11:51 pm

Unread post by Loma hmar » April 28th, 2018, 6:54 am

Chapter 10c


Dawhthei taka a chhanna nghaktu, Duchess chu chu tlangval naupang tak hmelthatna leh pa hrak mai chuan a deng deuh dawt a. Room chhung mawina chuan a hip hle tih a hmu a, a ma hmelthatna hre lo ang maia a awm chu a lungni lo deuh hle. A ma hriat ho chhunga awm a ni lo leh loneitu satliah mai a ni chu a pawi mange, tiin a ngaihtuah a; han chhaih fiam deuh zauh pawh a pawi lem lo ang chu. a hma aia nem leh no zawkin, “Tlangval, a pawi ka ti khawp mai, in leh lo lam thil avanga lo kal in nih chuan nidanga in lo kal leh a ngai ang, ka pasal Inah a awm tlat lo.”

Guilianno chuan a han en a. Chutia hmeichhe hausa takin a hausakna leh vantlang thila a nihna avanga a thuneihna a lantir dan avang chuan a khingpui en deuh nghal run a. a kuta zungbun mitla tak a bun tih hre ran chungin hawihawm takina han bu zauh a. Inngaitlawm der tak hian, “Nangmah avanga lo kal ka ni e, ka hming chu Guilianno a ni.”

mahse chu inngaihtlawm derna chu Duchess lakah chuan engmah lo mai a ni, chhiahhlawh chhawr thang tih takah, tihdan tur rengah a ngai mai a. Hnam zia chhawm mi tak a niin, rimawi leh lehkhabu a ngaina a, Sicily ram nitin nun lam a ngaihtuah vak lo. Nitin chanchinbu a chhiar ngai lova, thu inziak te nunrawnthlakah a ngai mai. hawihawm takin, “Inhriat chu a lawmawm ngawt ang chu, Palermoah kan inhmu tawh em? Nge rimawi tumna hmunah zawk?”

Nuihzat rilru taka ngawi renga lo thlirtu Aspanu pisciotta chu lo nui chhuak hawkin, tukverh lamah chuan chhiahhlawh rawn tibuaitu an awm takin tiin a phei ta daih a.

Guilianno chu Aspanu-an a lo nuih avang chuan a thinur ru deuh viau a, Duchess thil hriat lohna chuan a hip deuh bawk si, nghet charhin, “Duchess duhtak, kan la inhmu ngai love, ka hming pum chu Salvatore Guilianno a ni a, Sicily venghimtuah ka inngai a ni, vawiina ka lo kal nachhan chu, i tlereuh te miretheite tana thilthlawnpeka pe tur che a ngen tur chein a ni a, Krismas niah Isua pianna champha hlim leh lawm takin an lawm ve thei dawn a ni.” a ti a.

Duchess chu awih lo zetin a nui a, he tlangval, a hmel leh a taksaina amaha riltamna maktak kaihthawhsaktu hian a tina theiin a ring lo. Hlauhawm thlentu tur anga a lang chu a ngaihna a hre lo hle. Palermoa party-naah an chanchin sawi ngei tur a nih hi. Nui seih chungin, “Ka tlereuh zawng zawng chu Palermo-a bank pindan awmkhauhah a awm vek alawm, he ina pawisa awm ang ang chu i nei thei ang.” Tumahin a thusawi an la awih lo ngai lo. Hmeichhe naupang a nih lai atang tawhin dawt a sawi ngai lo a, tun hi a vawikhatna a ni.

Guilianno chuan a lunghlu thi awrh chu a han en a, dawt a sawi tih a hre mai, mahse a tih nei tur chu a ti hreh hle. Chutah Pisciotta lam hawi chuan a han bu nghat a, ani chuan chang vawithum a han tum a, reiloteah Passatempo-a hmel bumro pui chu tukverhah chuan a lo lang ta a, a landanah chuan ennawm chhuahnaa tel awm tak zawk a ni a. Gorrila-te pawh a ang thei lek lek. Duchess a hmuh chuan a ha eng thut mai lang thu chuan a han nuih a.

Suamhmang pathumna lo lang chuan Duchess chu a tihlau ta nge nge a. A thi chu phelhin Guilianno chu a pe a, “Kha khan a tilungawi zo che em?” a ti a.

“Aih,” Guilianno chuan tiin, “Ka pi duhtak, Thinnel tak ka ni a, mahse ka thiante hian duh dan dang an nei asin. Ka thianpa Aspanu hi, hmeltha viau mahse, a hmuihmul tereuhte nena mi rilru a tihnat zat zeta nunrawng a ni a. Passatempo hi, ka thuhnuaia awm a ni chung hian mumang tha lo min man tir fo thin. Chettir tur chuan min tilui lul suh, Huanah khuan mupui angin an thlir vel ang a, naupangte khu tlang lamah an hruai daih palh ang e. I lunghlu dangte chu min han lak teh le.”

Duchess chu mut pindan lamah tlan lutin reiloteah tlereuh bawm nen a rawn chhuak leh nghal a. tlereuh tlem chu a thukru then hman tho a ni. bawm chu Guilianno chu a pe a. Ani chuan lawmthu hrilh pahin, Pisciotta lam chu a han hawi a, “Aspanu, Kan pi hian theihnghilh a nei mial maithei asin, a tihchian nan mut pindan lam va en chhin teh,” a ti a. Pisciotta chuan tlereuh thuhruk chu a va hmuchhuak nghal mai a, Guilianno chu a rawn pe a.

Guilianno chuan bawm chu a han hawng a, thil hlu tak tak a han hmuh chuan lawm avangin a au chhuak lo chauh a ni. Montelepre khua thlakhat lai chawmna daih zan tur a ni. A hnathawktuten thlantui far zawih zawiha an hlawh chhuah pawisa hmanga Duke-in a lei a nih avang chuan a lawmna a zual hle bawk. Duchess-in a kut a tih chet zawnga a lunghlu zungbun lo lang chu a zu hmu leh a.

“Ka pi duhtak, i thil hlu thupa min bum tum khawpa eng vanga a em em nge i nih le? Khatiang kha nangni ang mahni rohlu bawiha tang ten an tih ka rin i ring lo em ni? tlereuh pahnih khat vang leka i nunna leh i fate nunna i dahkham tak mai le, i pasal Duke an a lukhum a ngaihtuah ang lek bakin i ngaihtuah awm der si lo a. Tunah phili buai hlek lovin, i kuta zungbun kha min han pe teh le.” Guilianno chuan a ti a.

Duchess chuan mittui tla zawih zawihin, “Tlangval, hei chu min laksak lul teh suh, a hlutna ang tawk pawisa chu ka lo thawn mai ang che. Hei hi chu ka pasalin inhualna thilpeka min pek a ni a, a tel lo chuan ka awm thei lovang, ka keh chhe vek a ni mai.” a ti a.

Aspanu chu tilui tih hriat deuhin a lo nui leh hak a. A ngenna avangin a nem ang a, zungbun chu a la lo mai ang tih a lo hlau a ni. Chu emerald zungbun chu a hlu ber a ni si a.

Turi-an duchess bana man a, a kuzungtang khur beuh beuh atanga zungbn a pawh chhuah sak hrawk laia a mitmeng chu Pisciotta chuan a hrereng tawh ang. Turi chuan zungbun chu a kutzungteah a bun ta daih a.

Turi chuan Duchess hmel ngui tak leh a miita mittui a hmuh chuan a nem leh ta deuh a, “I hriatrengna zahna lantir nan he zungbun hi ka hralh lovang, keiman ka bun thung ang.” a ti a. Duchess chuan tihelna hmel a han beisei deuh a, mahse chutiang reng a lang lo.

Chu lai hun tawiteah chuan Guilianno chuan danglamna mak tak a lo tawng thung a. Chutia a kuta zungbun a han bun chiah chuan thiltihtheihna nei ta riai riaiin a inhria a. Chu zungbun hmang chuan a tana khuanu ruat chanvo nen inkutsuih ta ni maiin a inhria. Mihausate khawvel atanga a hlawhchhuah thuneihna chu. Chu zungbun hring thim nghalh mai, rangkachaka luan kual raih chu, kum tam tak chhung thlamuang taka lo buntu rimtui inhnawih rim a nam chak a, a ta ni nai lo tur nun ze ril zawk chu a tem ta a ni.

Don Croce chuan ngawi rengin a lo ngaithla a.

Duke of Alcamo chuan a vuina thu chu a mah ngeiin Don Croce hnenah a thlen a ni. friends of friends hnenah chuan ‘humhimna man’ a pe lo em ni? rukru eng chi pawh lakah a himna an pe thei lo maw? Hmanah kha chuan hetiang thil hi tu man an ti ngai lo. Engtinnge Don Croce hian tlereuh te chu lak let a tum dan? he rukrukna hi thuneitu te hnenah Duke chuan a thlen tho a, chu chuan Don chu a tilawm lo ang tih a hlau deuh. Mahse Insurance lak tur a awm tlat a ni. Rome chuan Guilianno chu an ngaih thutak phah maithei asin.

Don Croce pawh chuan Guilianno chu ngaih thutak a hun tawh hlein a ngai a. Duke hnenah chuan, “I tlereuh chu la let leh thei ta ila, a hlutna hmun lia thena hmun khat i pe duh ang em?”

Duke chu a thinrim kher mai, “Kei leh ka bungruate himna atan ‘humhimna man’ ka pe che a ni lo’mni? I tih tur i tih loh hnuah tlanna sum pe turin min beisei leh a maw? Hetianga i sumdawnna i kalpui chuan engtinnge a dawrtu che zahna i hmuh theih ang?”

Don Croce chu a bu nghat a, “I ti dik e, mahse hetiang zawng hian ngaihtuah teh, Guilianno kha khuarel chhiatna lo ni ta se, emaw Pathian hremna te lo ni ta se? Friends of friends chu lirnghing, tlangkang leh tuilian laka hum tur che chuan i beisei lo ang ti raw? A hunah chuan Guilianno chu thunun a ni ngei ang, ka tiam a che. Mahse ngaihtuah teh, ka ruahmanna angin tlanna sum chu i pe ang a, kum nga chhungin humhimna man tel lovin venhim i ni ang a, inremna tha tak nen Guilianno chuan a tibuai leh ngai tawh lo ang che. Mahse engatine a mah leh kei hian chutiang thil hlute chu Palermoa banka pindan awmkhauha awm tura kan ngaih tlat ni? Hmeichhiate hi chu an mawlmang lutuk a, mipa ten he khawvela thil hlute hi itna leh duhamnain kan khat tih an hre zo thin lo.” A han chawl hlek a, “Kum nga chhunga inhumhimna man i pek tur te i chhut chuan tuna vanduaina avang hian tlemte chauh i hloh tih i hre thei ang.”

Duke chuan a ngaihtuah tehmeuh mai. Don Croce chu a dik a ni, a hma lamah hun khirh tak a hmachhawn thei tlat. Tlereuh tlannaah chuan Kumnga chhung ‘humhimna man’ awl dawn pawh nise ‘tlemte’ aia tam deuh chu a hloh ngei dawn tih a hria. Chu kum nga thleng chu Don Croce chu a la dam ang emaw Guilianno chu a thunun reng thei ang tih tunge sawi thei? Mahse duhthlan tur tha ber chu a ni si. Tlereuh dang duh belh zelna lakah Duchess chu a insum deuh maithei a chu chu pawisa khawlna tha elkhen a ni dawn bawk si. A ram thenkhat hralh leh a ngai dawn a ni, ram zau tak a la nei tho a. Duke chuan a remti ta a.

Don Croce chuan Hector Adonis a ko ta a. A tukah chuan Hector chu a Godson tlawh turin a kal ta a. A kalna vel chu sawifiahin, tlang takin a sawi a, “Palermo-a rukru hnena tlereuhte hi i hralh a nih pawhin hei aia man man zawk chuan i hralh thei chuang lo ang.” a ti a, “Hun a duh reiin i beisei angin krismas hma chuan pawisa i dawng lo ngei bawk ang a. Chubakah i tana pawimawh em em Don Croce-a duhsakna i dawng bawk dawn a ni; a zahawmna i tihchhiat sak nasa tawh a, chungte pawh chu a ngaidam vek dawn che a ni.”

Guilianno chuan a Godfather chu a nuih a, Doncroce-a duhsakna chu enga tan mah a ti lem lo. Mahse Palermoah tlereuhte chu lei turin zawngin mi a tir tawh a, hun a duh reiin thil tih ngai tam tak a awm tih a hria. Chu indawrna chu a remti ta a, mahse emerald zungbun chu a pe let duh lova.

A kal hma chuan Hector Adonis chuan thawnthu lungkuai lam Guilianno a zirtir thin chu a bansan ta nge nge a, a vawikhatna atan Sicily ram dinhmun dik tak chu a sawi ve ta a ni. “Ka fapa, i theihna te kei aia dahsang hi an tam pui lovang, tum sang tak i nei tih ka hria. Mahse nun khawchhuahna lam kan sawi a ngai a ni. friends of friends hneh chu i beisei thei lovang, tun kum sangkhat liam ta chhung khan Maimawm tam tak ang maiin sicily hmun tinah hian ril zamin an inzarpharh vek a, tunah chuan Don Croce chu a lai takah a awm a ni. A ngaihsak em em che a, i thian nih a duhin amah anga hausa ni turin a duh che a ni. A chang chuan a duh anga i awm a ngai ve dawn a ni. I lal ram hi i nei reng ang a, mahse Don Croce-a huam chhungah a ni thung ang. Thil chiang tak awm ta chu - Don Croce hi i khingpui en ngawt thei lo, chutiang a nih chuan nangmah a ti chhe vek ang che tih tunhma chanchin chhui pawhin a hriat theih a ni.”

Tichuan tlereuhte chu Duke hnena pek kir a ni ta a. Guilianno chuan a man chanve chu Pisciotta, Passatempo leh Terranova te insem tlan turin a dah hrang a, a kutzungtea Emrald zungbun chu hmu reng mahse engmah an sawi lo, a chhan chu tlereuh hralhna man chu engmah a la ve lo a ni.

A chanve dang chu mihausa ho beram vengtu te, hmeithai te leh fahrah te bakah mirethei zawng zawngte hnena sem tura tih a ni.

Pawisa tam zawk chu midang tirin a sem chhuak a. Mahse ni khat chu pawisa tam tham tak kengin , Montelepre leh Piani Dei Creci inkara khaw awmte fang tur chuan a chhuak a, Terranova-an a zui bawk a.

Khaw pakhatah chuan Pitar pathum, chhuan chham lek lek tawh te an va hmu a, an vai chuan pawisa tel a pe theuh a, lawm avanga tap zawih zawihin a kut an fawp ngawih ngawih a ni. Khaw pakhat dangah ve thung chuan dahkhamna sum a pek theih loh avanga a ram leh lo hloh mai tur mi pakhat an va hmu a. Dakhamna pek vek theihna khawp sum hnutchhiahin an kal san leh ta a.

Khaw pakhat dangah pawh chu khawchhunga chhang siamtu chhang zawng zawng chu lei sakin khaw mipui zawng zawng chu a hrai bawk a.

Chu khaw piahah chuan naupang damlo nu leh pate hnenah pawisa pein chumi hmang chuan Palermo Hospitala kal theihna tur leh an khaw doctor an rawn man pek tur an nei thei dawn a ni. Inneihnaah a tel bawk a, thuam chhawm tur thahnem tak a tum sak bawk.

Mahse nuam a tih ber mai chu naupan berh tak tak, kawtthlera vak vel ho hnena pawisa pek chu a ni, sicily khaw hmun tin deuh thawah an awm a ni. Thenkhat chuan Guilianno chu an lo hria a. A bulah chuan lo kal khawmin Guilianno chuan pawisa a lo sem a, an nu leh pate hnena pe turin a hrilh hlawm a. Hlim taka an in lam pana an kal chu a thlir reng a.

Pawisa tel tlemte chauh a nei tawh a, khaw thim hmaa a nu tlawh zawk chu a tum ta a. An in hnunga huana a kal lai chuan mipa leh hmeichhe naupang lo tap keuh keuh hi a hmu a, an nu leh paten an kawl tir pawisa chu carabinieri ten an laksak tih an lo hrilh a. Pawisa pein an nu leh pate pek tur dang pawh a la pek belh ta cheu a ni.

Chung naupangte nu leh pa chauh chu an hlim lo, Borgetto, Corleon, Particino, Monreal leh Piani Dei Creci khaw mipuite chuan an lawmna lan tir nan, ‘King of Montelepre’ tiin an ko ta a ni.

Duke lak atanga kum nga chhung ‘venhimna man’ a hloh tur chung pawhin Don Croce chu a hlim hle. Adonis hnenah Duke chuan tlereuh hlutna atanga zaa sawmhnih a pek thu a hrilh a. mahse Duke hnen atang chuan zaa sawmhnih panga lain, zaa panga chu a ipteah a thun hmak a ni.

A lawmna ber zawk erawh chu chutianga hmaa Guilianno a hre hma leh dik taka a awm dan a teh thei chu a ni. Mipa tling tak a ni. Naupangte ni siin thil a hmu thiam a, a fingin, thil hre zawk leh upate thu a ngaithla thiam tlat. A duhzawng tih nan rilru fim tak a hmang thin bawk, chu chuan Don Croce a tilawm hle., tunge amah ang thawhpui tura a a duh ang? Turi chu a thachhang dawltu atan a beisei hle a, a fapa ang mai a a en tur chu.

Guilianno chuan chung thilte chu a hmuh hmaih bik lo. A godfather chu a thil tih a ngaihsak hle tih a hria a, mahse a upa zawkte thu a ring pumhlum tihna a ni chuang lo. Friends of friends ho bei tur chuan a la chak tawk lo tih chu a hria a, an puihna a la mamawh zawk a ni, mahse rei tak erawh a tum chuang lo. Hector Adonis thu a ngaithla a nih chuan Don Croce zara nung mai mai a ni dawn tihna a ni a, chu erawh a duh miah loh thil a ni tlat. Hun erawh a la duh deuh dawn a ni.
[*]Loma_Hmar[*]

Link:
BBcode:
HTML:
Hide post links
Show post links

Loma hmar
Posts: 123
Joined: March 20th, 2018, 11:51 pm

Unread post by Loma hmar » April 28th, 2018, 10:05 pm

Chapter 11A

Guilianno-a pawlte chu mi sawmthum lai an tling ta a. chung zinga thenkhat chu Passatempo leh Terranova pawla tel thin te an ni hlawm a. A then chu Montelepre khaw mi, Guilianno an a chhuah zalen tak te kha an ni. Pawisawi lo an ni chungin thuneitute chuan an ngaidam chuang lova, zawn lai an la ni reng a ni. Mahni chauh leh thian nei loa zawn nih ai chuan Guilianno nena Outlaw nih chu an duh zawk a ni.

April thla tuk khat chu Montelepre-a Guilianno enthlatu rawih pakhat chuan mi hlauhawm hmel tak mai, police Spy ni maitheiin an pawl zawm dan tur vel mi a zawt kual tih thu a rawn thawn a. Chu pa chuan Central Square-ah a lo nghak reng tih te nen. Guilianno chuan Terranova leh midang pali chu Montelepre-ah chuan a tir ta a. Spy a lo nih chuan thah tur a ni ang a, hman tangkai theih tur a nih thung chuan, zirtirna an pe ang.

Chawhnu her zet chauhah chuan Terranova chu lo let lehin Guilianno hnenah chuan, “Chu pa chu kan zu hmu a, kan kah hmain hmel hriat hmasak phawt i duh kan ring deuha kan rawn hruai a ni.” a ti a.

Ruangam lian tak mai Sicilian loneitu inchei dan pangngaia inchei a hmuh chuan Guilianno chu a nui hawk a, “Well, thiana, i hmel kha ka theihnghilh thei i ring em ni? Tn tum chu silaimu tha zawk i rawn keng tawh ngei ang maw?”

Chupa chu carabinieri corporal, Canio Silvestro, Jail tangte an chhanch huah tuma Guilianno lua pistola kap tu kha a lo ni reng mai. Silvestro-a hmel ser do chu a thutak hle. Guilianno chu eng emaw ngen duh hmel a pu a. Guilianno pawh chu he pa, thi thei lo ang hiala lantirtu lakah hian a nem ru riau a ni.

Silvestro chuan, “Nangmah zawm turin ka lo kal a ni,i tan chuan ka hlu viau ang,” Inchhuang takin, thilpek pe tur ang larha inchhuangin a ni a sawi ni. Chungte hlei hlei chuan Guilianno chu a tilawm a, a chanchin chu a sawi tir ta a.

Jail tangte chhuah zalenna beih pui hnuah khan Silvestro chu Duty thlahthlam tia puhin Palermoah Court Martial tura thawn a ni a. Maresciallo chu a thinur em em a, khinna thu a tihtluk hmain uluk takin zawhna a zawt a ni. Mak tak maiin Maresciallo-a rinhlelhna tizualtu chu Corporalin Guilianno kah a tum kha a ni. Silai a puah theih lohna chhan kha silaimu chhiat vang a ni tih hriat chhuah a ni a. Silaimu chu hrereng chungin Corporal chuan silai chu a kau niin Maresciallo chuan a ngai tlat a ni. Khatia a lo dodalna kha inbumna mai niin a ngai a, Corporal chuan tangte chhanchhuahnaah a puiin gaurd dangte pawh a hlawhtlin theih nan engmah ti lovin a awm tir niin a ngai tlat a ni.

“Engtinnge silaimu chu a chhia a ni tih i hre thei ang tih an rin theih?” tiin Guilianno chu a lo inrawlh zauh a.

Silcestro chuan zah hmel deuhin, “Hre tur ka ni tlat, kan pawlah khan ralthuam enkawltu ka ni a, expert ka ni, ” a hmel a rawn rum a, dar chhin ak pahin, “Ka tih tur ka ti lo ngei alawm, dawhkanah min thut tir a, ka tih tur dik takah rilru ka pe tawk lo a ni. Mahse i tan chuan ka hlu thei hle dawn a ni, i ralthuam enkawltu ka ni ang a, i ralthuam zawng zawng ka enfiahin siam that ngai te ka siamtha ang. I silaimute chu uluk taka enkawl a niin enkawl uluk loh avanga puak darh turah a veng dawn a ni. He tlangah ngei hian I ralthuamte chu hmanna tur azirin ka siam danglam thei bawk ang.”

“I chanchin dang zawng zawng min han hrilh zel teh,” he thil hi a pawlte tih darh nana enthlatu rawn inphumrukna a ni thei tlat. Passatempo, Terranova leh Pisciotta te chuan an ring lo hle tih Guilianno chuan a hre thei a.

Silvestro chuan a sawi zawm a, “Mi a leh hmeichhia ang maia hlauhlawp vek an ni. Maresciallo khan barracka tang an khah vek lai a an zavai deuh thawa tlanga kal kha a atthlak a ni tih a hre ve reng a ni. Carabinieri te hian Sicily hi ramdang va awp beh ang lekah an ngai a, chu chu ka hnial thin avangin min ngaihdan a dik ta lo a ni. Chu bakah Palermo-a thuneitu te hian an Maresciallo te chu an tan ve tlat a, mawhphurhna an nei ve miau a ni. Ballempo Barrack chu anmahni aia fing leh huaisen zawkin a hneh tih aiin chhung lam atanga puitu neih vanga lak anga a lan khan a lang mawi zawk tlat bawk a ni. Court martial chu ka tawk lo a, bang turin min ti ta zawk a ni. Chu chu inhuatna vang ni lo angin an sawi a, mahse chu ai chuan an ni chu ka hrechiang tlat a ni. Sorkar hna chu ka hmu tawh lo ang tih ka chiang. Thil dangah ka lak tlak lohin Sicilian hnam chawisan duhtu ka ni bawk nen. Tichuan, eng nge tih theih ka neih tak? tiin ka inngaihtuah a, Guilianno hnenah ka kal ang, tiin keimah l;eh keimah ka inhrilh a ni.”

Guilianno chuan Eitur awmna lamah eia in turin a tir ta a, chu mi hlan chuan hotu dangte chu a rawn ta a.

Passatempo chuan, “Eng ang fakaua mawl ah nge an ni ho chuan min ngaih le, kaphlum la khamah nem liam daih rawh. Kan pawlah hian Carabinieri kan mamawh love,” a ti a.

Pisciotta chuan Guilianno chu Corporal chuan a hneh deuh tih a hre thei mai, a chet ziaah chuan a man thiam mai a ni, “Inbumna a ang riauvin ka hria, lo ni lo pawh ni se risk lak kher a ngai em ni? hlauthawng reng rengin kan awm reng dawn asin, engvangin nge i thawn kir leh mai loh vang?” a ti a.

Terranova chuan, “Kan camp awmna a hre tlat, kan thian thenkhatte a hmuin engzatnge kan nih tih a hre tlat. Chu chu an tan thilpawimawh leh hlu tak a ni,” a lo ti bawk a.

“Sicilian dik tak a ni a, a zahawmna zawng zawng nena rawn ti a ni, spy anga rawn che a nih chu ka ring lo,” Guilianno chuan a ti a, a rilru thianghlimna an nuih zat tih a hmu a.

Pisciotta chuan, “Thah che a tum kha, hre reng rawh. Ralthuam thuhruk a nei a, kan mitang a ni chungin tlan bo beisei miah lo leh thinurna nasa tak avanga thah tum che a nih kha,” a ti a.

Guilianno chuan a rilruin, chu chu ka tana a hlut nachhan tak a ni a ti a, a ri thung chuan, “Chu chuan mi zahthlak tak a ni tih a tilang zawk lo’mni? Hnehin a awma mahse thihchilh thak pawh a ngam a nih kha. Chubakah eng thil pawi nge a khawih chuan ang? kan pawl minaran zingah a awm ang a, thuruk a hre ve dawn chuang lo a. Uluk takin kan thlithlai reng bakah keimah ngeiin ka ngaihtuah ang e. Hun remchang hmasa berah Carabinieri ho spy a nih tak zet chuan a hnial ngei ngei tur thil kan tih tir dawn a ni. Ka kutah dah mai rawh u.”


Tlai lamah chuan Guilianno chuan Silvestro chu an pawl zinga tel a nih thu a hrilh a. Silvestro chuan, “Thil tihna engkimah min chhiar tel thei ang,” Guilianno chuan thihna ata a chhanchhuak leh ta tih a hre thei a ni.

Easter a lo thlen chuan Guilianno chuan a chhungte a tlawh a. Pisciotta chuan a remti lo hle mai a, Police hoin thang an kam palh thei a ni. Sicily-ah chuan Easter Ni hi Bandit-te tana thihna ni a lo ni fo tawh thin a. Police te chuan he mi niah hian Outlaws te chu an chhungte tlawh turin tlang atangin an lo chhuk thin tih an hre ve tlat a ni. mahse Guilianno-a spy-te chuan Maresciallo chu hmunpui lamah a chhungte tlawh turin a kal bakah Bellampo Barrack-a Carabinieri awm zahve zet chu Palermo-a an chhungte tlawh tura chawlh pek an nih thu an rawn sawi a. Guilianno chuan vengtu thahnem tawk nen a chhungte tlawh chu a tum ta a ni. Easter ham chiah inrinniah chuan Montelepre lam chu a pan ta a ni.

A hmain a kal tur thu a chhungte chu a lo hrilh lawk tawh a, a nu chuan chawhlui a lo buatsaih sak a ni. Chumi zan chuan a ma khumah ngei chuan a mu a. A tuk zingah chuan a nu Biakina mass nei tura kal chu a zui a, bodygaurd paruk, an chhungte tlawha khawchhunga lut ve, mahse a kalna apianga veng tur te a nei bawk a ni.

Biakin atanga a nu nena an chhuah chuan a bodygaurd paruk leh Pisciotta chuan an lo nghak reng a. Aspanu-a hmel chu thinrim avangin a var pap a, “Phatsanin i awm Turi, Maresciallo kha Palermo atangin a mite sawmhnih rual nen nangmah man tumin an lo kir leh a ni. Tunah hian i nu In chu an hual mek, a chhungah i awm emaw an ti a ni.”

Guilianno chuan a fimkhur tawk loh vang te, a a intih avangte chuan a thinrim hle, vawikhatmah fimkhur lo taka ti tawh lo tur chuan a intaim nghal a. A nu inah pawh ni se Maresciallo leh a mi te sawmhnih lek chuan an dang zo chuang lo ang, a bodygaurd te chuan an lo lambun mai dawn a ni. Mahse indona nasa tak a thleng ngei ang le, chu chuan Easter thianghlim taka ti hmel hem dawn tlat. Lal Isua thawhlehna hi remna leh muanna tihchhiatna hun a ni lo tlat.

A nu chu inmangtha nan a fawp a, ina haw a Biakina a mah chu a kalsan thu hrilh turin a ti bawk a, chutiang zawng chuan a fihlim thei dawn a ni. A mite chu ralthuam pai vek an nih thu leh awlsam taka an tlan chhuah tur thu te, inkahna a awm lovang a, Carabinieri te chuan tlangah an zui ngam loh tur ziate hrilhin lungngai lo turin a ti a.

Guilainno te chu him takin Police te hmuh hlek lohin tlang chu an thleng a. Chumi zan chuan Guilianno chuan Pisciotta chu zawhna a zawt a, engtinnge Maresciallo khan a chhungte a tlawh dawn tih a hriat theih? Tunge hrilhtu? Chumi zawn chhuak tur chuan engpawh tih mai tur, “Chu chu i tih tur pawimawh bik a ni ang Aspanu,” a ti a, “Thil pakhat a wm chuan a dang pawh a lo awm leh zel, eng tia rei nge tih leh pawisa eng zat nge i hman tih ka ngaihtuah lo, i hre chhuak ngei tur a ni.”

A lungawi tawk zan hnuah Pisciotta chuan Lumettu, Friscella chu Police Spy a ni tih leh Omerta dan a bawhchhia tih a report ta a ni. Maresciallo khan tihpalh thil thu mai maia rawn bei a ni lo tih a chiang a, kha tah khan Turi a awm ngei a ni tih thu a dawng ngei tur a ni. A tlawh hma darkar 24-a a chhungte a hrilh chiah kha engtinge a lo hriat mai theih?
[*]Loma_Hmar[*]

Link:
BBcode:
HTML:
Hide post links
Show post links

Loma hmar
Posts: 123
Joined: March 20th, 2018, 11:51 pm

Unread post by Loma hmar » April 30th, 2018, 12:16 am

Chapter 11B

Pisciotta chuan ama enthlatu rawih bik hmangin kha mi ni darkar 24 chhunga Maresciallo kalna zawng zawng chhui chhuak vek turin a ti a. Guilianno-a nu leh pa pawh a hretu awm chhun an nih avangin a thuphungin mi hnena an sawi palh takin tiin thu a zawt bawk a.

Maria Lombardo chuan a hriat duh chu a lo hrethiam nghal mai a, “tu hnenah mah ka sawi lo, ka thenawmte hnenah takngial pawh. Inah awmin Easter tana ei tur buatsaihin ka awm reng a ni.”

Mahse Guilianno putara chuan a fapain a rawn tlawh ni zingah khan lumettu Frisella chu a tlawh a ni. A fapain a rawn tlawh dawn avang chuan mawi hnai taka lo lan a duh ve a ni. frisella chuan a hmul meh pah leh a lu a meh sak pah chuan a tih thin dan pangngaiin fiamthu nen a chhawnchhaih a, “Signor chu Palermoah nula tihlim turin a kal dawn em ni? rome atanin khualtha a thleng dawn zawk em ni?” Amah, Friscella chuan ‘lal’ lo dawngsawng thei khawpa hmelthain a siam thei, tiin. Pisciotta chuan thil awm dan a han riruan chhin a, Guilianno-a pa chuan thup nei tih hriat taka nui deuh hmun chungin mipa chuan a ma lungawina avang chauh pawhin mawi hnai taka lan a tul alawm tiin an sawi ve sup ang a, chubakah a fapa chu ‘king of Montelepre’ tia koh a nih thu a hre ve reng bawk nen. Thil dang avang pawhin chumi nia a fapain a rawn tlawh dawn tih hriat theih turin a va tlawh pawh a ni maithei, pahnih leh pahnih a lo belh khawm tawh mai dawn a ni.

A tuktin dan angin Maresciallo Roccofino chu inmet fai turin Frisella hnenah chuan a kal leh a. Mahse thu inhlanchhawng tura inbiakna an nei niin a lang lo. Mahse Pisciotta chuan hrechiang a inti tlat bawk si a ni. Pisciotta chuan enthlatute tirin an ni chuan nileng lengin friscella dawrah chuan awmin, card te an khelh pui a. Wine te inin, Politics lam te an sawi a, kawnga kal te an lo chhaih vel bawk a. kar a liam meuh chuan enthlatute chuan an thu hriat te an vuah khawm ta a.

Frisella chuan lumeh chhung leh hmul a meh chhung chuan Opera hla thluk ngainat tak sain a faifuk rut rut thin a. A changin a radio mum pul chu a zai tir thin bawk. Chu chu Maresciallo a ziah fai laiin a ni deuh ber thin. Police officer lama kun hnaia thi a hrilh ruk hun pawh a awm ngei ang. mahse chu chu a customer-te tih hlim nana a ti mai mai pawh i lo ti mai thei, vawi khat chu Pisciotta spy pakhat chuan pawisa tel Maresciallo-an a pek chu a lo hmu hlauh a ni. Lumettu chuan a coat chhung lam ipte ruk deuhah chuan a thun ta daih a. Spy pakhat leh a puituin chu pawisa chu phawrh tura an tihluih deuh chuan, cheng sing chuang lai a lo ni a. Lumettu chuan tla liamta chhunga a hlawh chhuah niin a sawi a, spyte chu amah ring awm takin an awm a ni.

Pisciotta chuan chung evidence te chu Guilianno hnenah, Passatempo leh Terranova leh Corporal Silvestro awm laiin a sawi ta a. Tlanga Camp-a an awm lai a ni a, Guilianno chuan kham chung hmawr tawp, Montelepre lan theihna pakhatah chuan a phei a, khua chu a thlir thla a.

Guilianno-an a hriat theih tirh atangin Friscella chu montelepre khuaah chuan a awm tawh a. naupangte a nih a, Holy Confirmation a nih dawn pawhin lumet turin a kal a, Friscella chuan silver pawisa nawi a lo pe a ni. Friscella nupui leh fate chu a hriat mi an ni a. Friscella chuan khawlaiah fiamthuin a au fo va, a nu leh pate chanchinte a zawt thin.

Mahse tunah chuan friscella chuan Omerta dan chu a bawhchhe ta a. hmelmate hnenah thuruk a hralh a, hlawh neia Police thuruk hrilhtu a lo ni ta. engvanga a em em nge a nih le? amah, Guilianno chuan a chungah chuan eng nge a tih tak ang? Indonaa police thah mai chu a har lem lo a, mahse thisen lum lai pawh ni lo a, mahni chhung hnai putar tihhlum chuh. Turi Guilianno chu kum 21 chauh a la ni a, he thil, a tih ngei tur thil pawimawh tak hi a tawn vawikhatna a ni.

Midang lam chu a hawi a, “Frisella hian ka naupan lai atangin min hre tawh a. Ka naupan lai chuan Ser atanga siam vur min pe thin, i lak hrereng em, Aspanu? Maresciallo nen chuan ti ti satliah niin, thu pawimawh a rawlruk miah lo pawh a ni thei. Khawchhunga ka kal dawn tih amah kan hrilh a aniin police a lo hrilh ang chi kha a ni tlat lo. Pawisa pek an tiam avangin rinthu a lo sawi pawh a ni thei, chutiangte tunge hnar phal teh lul ang?”

Hyena-in sakeibaknei thi tur chang rana a en ang hian Passatempo chuan Guilianno chu chik takin a en a, a hun a lo thlen a bawh thuta pawtsawm vek duh hmel hi a pu a. Terranova chuan a lu a thing mat mat a, naupangin thawnthu mawlmang tak an hrilh an maiin a nui a. Mahse Pisciotta chauh chu a lo tawng chhuak a, “Nawhchizuar Ina puithiam kal ru thin ang chiah a thiamna nei lo a ni.”

“Warning kan pe thei alawm,” Guilianno chuan a ti a. “Kan hnenah kan hruai chho ang a, thuneitu te hnenah thu dik lo kan hrilh tir thei alawm.” chutia a sawi lai pawh chuan a dik lo tih chu a hrereng, an zahna a hlawh zo tawh lo ang.

Pisciotta chuan thinur takin, “Engah nge Buhfai ip emaw arsa emaw thilpek atan i pek zawk mai loh? Turi, kan nunna leh tlanga mi dang awm ve zawng zawngte hi i huaisennaah te, i thiltihah te leh i hruaina ah te hian a innghat asin. bumtu Frisella te ang, omerta dan bawhchhetu te ang hi i ngaihdam zel chuan eng tin nge kan zui theih ang che? friends of friends te chu ni se hei aia nep zawkah pawh hian a thin leh a lun chu banah an khai daih tawh ang chu. I chhuah zalen chuan phatsantu ten vawikhat chauh thuruk puan chu hrem lohin an chhuak tih an hria ang a, chu ‘vawikhat’ lek pawh chu kan tan thihna a ni thei asin.”

Terranova chuan, “Frisella chu mi a, duham leh phatsanttu tenawm a ni. Ni dang ang chu nise mi chimawm satliah mai a ni ang a, mahse tun dinhmunah chuan mihlauhawm a ni tlat. Kal tir chu thil atthlak tak ani ang, insiamtha turin a fing tawk lo, serious tak kan ni lovah min ngai mai ang, chutiang bawkin midangte pawhin. Turi, Montelepre khuaa friends of friends te thl tih i bawngdai hneh hle a, mahse an mi leh sa Guido Quintana chu inralrin rengin a awm reng asin. Frisella hi thihna ni lo thildang engawpha chunga i tih chuan, i chak lo hleah an ngai ang che a, an enchhin leh fo angche. carabinieri te an rawn pawng tharin an hlauhna a reh ang a, an hlauhawm sawt ang. Montelepre mipuite pawhin an ngaih dan che a hniam phah sawt ngei ang. frisella chu dam chi a ni lo.” a thusawi tawp ber chu pawiti awm takin a sawi a ni.

Gulianno chuan uluk takin a ngaithla a, Passtempo an a en dan leh a rilru tur chu a hmuh hmaih lo, Frisella a dam a nih chuan Passatempo chu rin theih a ni tawh lovang. charlamange pasaltha nih chuan kir leh theih a ni tawh lo. frisella chu tihboral ngei a nai a ni.

Ngaihdan a nei ta thut a, Corporal Silvestro lam chu a hawi a, “Eng nge i ngaih dan? Maresciallo chuan thu rawlruk thintu chu a hrilh ngei ang che, Frisella chu a thiam lo takzet em?” tiin a zawt a.

Silvestro chuan a dar a chin uk a, a hmel chu a thutak run a, mahse a chhang lo. Tawng loh chu a zahawmna, a hotu hmasa rinna phatsan lohna a ni tih an hre vek. A ngawihrengna chu lumettu leh Maresciallo te an inbe pawp thin tih a chhanna a ni tih an hre bawk. mahse Guilianno chuan chiang faka hriat a duh a ni. corporal chu nuih sak pahin, “Tun hi kan laka i rinawm zia tihlanna tha tak a ni, Montelepreah chuan kan kal ang a, nangmah ngeiin lumettu chu mipui hmaah i tihlum ang.”

Pisciotta chuan a thianpa finna chu mak leh ropui a ti fo thin. A rin loh takin Guilianno hi a che leh thin. Corporal chu mi dik leh rinawm tak a ni tih an hre tawh a. Lumettu chu a thiam lo a nitih a hriat chian bal loh chuan a, eng pawh tawk dawn se a tihlum duh lovang tih an hre vek. Pisciotta chuan Guilianno nui deuh sak chu a han hmu a- corporal chuan a hnial chuan lummettu chu thiam lohna nei lo anga naih a ni an a, a zalen ang.

Mahse Corporal chuan a hmuihmul buk tak chu zutin, midang chu an mitah tak a en vek hnuah, “Frisella hian lu a met nalh lo thei em mai, chu ngawt pawh chu thihna tham a ni. zingah ka inpeih ang.”

Vartianah chuan Guilianno leh Pisciotta leh Ex-Corporal Silvestro te chuan Montelepre lam chu an pan ta a. An chhuah hma darkar khat liam tawhah khan passatempo chu mi sawm hruaiin central square tiruaka a pawhtu kawtthler te dan chat turin an kal tawh a. Terranova chu Camp-ah incharge a dah a niin, buaina lian tham an tawh thulhah khawchhung lama a pawlte rawn hruai thei turina inbuatsaih bawk a ni.

Town Square an thlen chuan a la hma hle a, naupang ho chu hmana Guilianno ten mule leh sabengtung inpawltirna an neihna hmunah te khan an lo infiam sap sap hlawm a. Guilianno chuan naupang ho chu um bo turin Silvestro chu a tir a, thil lo thleng mai tura thu hretu an nih a duh lo a ni. Silvestro chuan thinrim hmel takin a han hau hlawm a, an bo ta diak a.

Guilianno leh Pisciotta chu silai hmehpuah inring rengin lumehna dawr chu an lut ta a. Frisella chuan ramneitu hausa tak lu hi a lo met mek a. Lumettu chuan a dawrtu chu an rubo tura ngaiin, present ni awm fahrana nui sung chungin a khuhna puan chu a lo hlip a. Chu ramneitu, Sicilian loneitu thin, indo laia italy police hnena ran rual a hralh thin avanga lo hausa ta chu chapo takin a rawn ding chhuak a. Mahse Pisciotta chuan nam kiangin, “Kan buaina man rul turin pawisa i nei zo lo tlat,” a ti a.

guilianno chu a inringin, lumettu chu a melh ran reng a, lumettu chuan a bakcheh chu a la keng reng a, “Kha kha dah thla rawh, i kalna turah lumeh a ngai dawn lo. pawnah chhuak rawh le.”

Frisella chuan bakcheh chu a thlauh a, harsa taka nui lui chungin, “Turi, pawisa ka nei lo, dawr ka hawng hlim hlawl a ni, rethei tak ka ni alawm.”

Pisciotta chuan a lu buk takah chuan manin pawnah a hnuk chhuak a, Silvestro-an a lo nghahna kawtthler lung rem ah chuan a hruai a. risella chu a thingthi hnawk a, a tap ta a.

“Turi, Turi, i nuapan laiin i lu ka meh thin kha, i hre tawh lo em ni? ka nupui a riltam dawn asin, ka fapa lah a chak lo em em si.”

Pisciotta chuan Guilianno an a rawn vai zauh chu a hmu a, lumettu chu pet chawrh pahin, “Thu i rawlruk lai khan chungte chu ngaihtuah ta che.” a ti a.

“Turi-a chungchang engmah ka sawi lo, beram rukhmang chanchin chauh a ni ka hrilh ni, ka nupui leh fapa hming chhalin ka sawi e.”

Guilianno chuan a han en thin a, a thinlung chu a keh chhe vek dawnin a hria, tuna a thiltih hian a damchhungin a tichhe hlen dawn nih hi. “Tawngtai nan minute khat hun i nei e.”

Frisella chuan a mah hualtute chu a han en hlawm a, zahngaihna a hmu lem lo, a lu kunin tawngtaina thu a chham sup sup a, Guilianno en pah chuan, “Ka nupui leh fapa kha riltamin awm tir suh ang che.”

“Chhang ei tur chu an nei ren ang tih ka tiam a che,” Guilianno chuan Silvestro hnenah chuan, “That rawh le.” a ti a.

Corporal chuan chiai deuh takin a lo thlir ve reng a, mahse thupek a hriat chuan pistol chu ahmet puak ta a, lumettu taksa chu a kang dawrh a, chu kawtthler lungrem chunah chuan a tla ta hnawk a. Thisen chu lungrem karah te chuan a luang nghal nguai nguai a. Chu lai chu a reh thiap a, chutah Pisciotta chu mitthi bulah chuan thingthiin mitthi kawr awmah chuan lehkha them a zuk bel a.

Maresciallo-in inthahna hmun a rawn thlen chuan lehkha inbel chauh chu fiahna a hmuh chhun a ni. dawr nghaktu te chuan engmah an hmu lo va, a then chu an dawr hnung lama an kal zawk hlan te, Monte d’Ora tlanga chhum awm zat an chhiar hlante a lo ni hlawm, an sawi danin. frisella dawrtupa khan silai ri a hriat chuan a hmai a phih lai tak a ni a, tualthattu chu a hmu lo bawk a ni awm e. Chuti chungin tu tih nge tih a chiang hle, Frisella taksaa lehkha inbelah chuan Guilianno phatsantu te chu an thi zel tih a inziak tlat a ni.
[*]Loma_Hmar[*]

Link:
BBcode:
HTML:
Hide post links
Show post links

Loma hmar
Posts: 123
Joined: March 20th, 2018, 11:51 pm

Unread post by Loma hmar » May 3rd, 2018, 7:57 pm

Chapter 12A

Indopui a lo tawp a, mahse Guilianno tan chuan a intan dawn chauh a ni. Kum hnih chhung chuan salvatore Guilianno chu Sicily rama mi hmingthang ber a ni chho a. Sicily thliarkar hmarchhak lam zawng chu a awp a ni ber. A lal ram innghahna ber chu Montelepre niin, Piani Dei Creci, Borghetto leh Particino te a thunun a, chubakah Corleon khaw hlauhawm tak, a mi chengte pawh kawlh hrawng tak, Sicily ram meuhah pawh sual avanga thang hat te pawh chu. Trapani khua pawh a huam zauh zauh a, Monreal leh Sicily khawpui Palermo pawh a tihlauthawng zauh zauh thin. Democracy sorkar tharin a luman atana Lire maktaduaih sawm an siam tum chuan, Guilianno chu a nui hawk a, khaw hrang hranga a vah vel a thulh chuang lo. A chang changin Paermoah pawh zanriah eiin a kal fo va, a eikhamah a thleng hnuaiah chuan, “Hei hi Guilianno chu a duhna hmun apiangah a kal thei tih lantirna a ni,” tih thuziak a hnutchhiah ziah bawk.

Guilianno-a himna kulhpui chu Cammarata tlang lian leh zau tak chu a ni a. He tlang atang hian Sorkar Convoy lam bun tur te, rel rawk tur leh nu hausa deuh te incheina tlereuh chhawk zangkhai turin a mite nen chuan an thawk chhuak thin. Tawlailir cheimawi khalhtu te chuan Kut thianghlim a lo thlenin chibai an buk a, a mite chuan a tirah hlau thin mahse a hnuah huan zahna leh ngaihnatnain an en tawh thin. Tumah, beram vengtute leh hnathawktu te pawh, a thil sem dawng lo an awm ngai lo.

Chulai thingtlang khaw mi zawng zawng chu a ma tana enthlatu an ni vek a. Naupangte chuan an tawngtainaah Virgin Mary chu, ‘Carabinieri laka Guilianno chhan turin’ an ngen thin.

Tlangah chuan thlasik chu a rei bik hle a, a vawt hle bawk, chuti chungin Guilianno-a pawl chu a thang zel a. Zanah chuan tlang pangah chuan mei a de chuaih thin. Mei ang chu silai tihfai nan te, thawmhnaw thawm that nan te leh insuk nan hial te an hmang thin.

Guilianno chuan a mite chu trench khur lai teuh turin leh ngaihthlakna hmun inhlat deuh taka siam turin a hrilh a, sorkar sipai beih an tawh thut pawha inrin lawk nan an ti a ni. Vawikhat chu chutia lei an laih lai chuan ramsa ruhro lian em em mai, an ngaihruat phak baka lian tur hi an lai chhuak a. Tlaiah chuan Hector Adonis chuan lehkhabu ip khata kengin a lo kal a, a chhan chu Guilianno chuan engkim hriat vek a duh tlat tawh a ni. Science lam te, damdawi lam te, Politics leh Phylosophy bakah indo dan kalhmang hrang hrangte a chhiar tlut tlut thin, adonis chuan kar hnih khat danah lehkhabu a lo ken thin a ni.

A miten ruhro an laih chhuahnaah chuan Adonis chu a hruai a, an hriat loh avang chuan adonis chu a nuih a za hle, “History lam lehkhabu ka pe tam viau che a ni lo’m ni?” guilianno hnenah chuan a ti a. “Mi kum sanghnih chhunga mihring history hre lo mi chu thim zinga cheng tluk a ni.” a han ngawi hlek a, a aw chu zirtirtuin zirtirna a pek ang raih a ni a.

“He thil hi Carthage hringei ten indonna atana an hman thin ruh a nih hi, kum sanghnih liam tawhah khan he tlang paltlang hian Rome lal ram tichhe vek turin an lo kal tawh a ni. Indona atana khawi fin sai ruhro a nih hi, he khawmualpuiah hian hmuh a ni ngai lo. Rome sipai tan chuan an hlauhawm dan tur zia mai chu, mahse hringeite chu engmahloah an chan tir a, rome chuan a ti tlawmin Carthage chu a tichhe vek a ni. He tlang hi hmuhtheih loh thlarauin a khat a, chung zinga pakhat chu in hmuchhuak a nih hi. Ngaihtuah teh Turi, nakinah chuan nangpawh thlarau mai i la ni ve dawn a ni.”

Thlasikah chuan an camp chu an sawn fo thin a, kar khat chhung lai an chhungte leh an thian beram vengtute hnenah emaw mihausa ho chhekinah te an riah darh chang a awm thin bawk. Guilianno chuan chu thlasik chhung chuan lehkha zir nan leh ruahmanna siamin hun a hmang deuh ber thin. Hector Adonis nen rei tak tak an inkawm thin bawk.

Nipui a lo thawt tirh chuan Pisciotta hruaiin Trappani kawng lam panin an chhuk dun a. kawngah chuan tawlailir pakhat a banga Pasalthate lem inziak an hmu a, a vawikhatna atan Guilianno lem inziak chu an hmu ve ta a ni, chutah chuan Duchess kutzungtanga emerald zungbun kun chunga a la lai lem a ni a, a hnungah chuan Pisciotta chu dingin Machine gun a keng a, mi dang hlauhlawpa awm te a lo rikrap vel a ni. Chumi ni vek chuan a vawikhatna atan bawk kawnghren Buckle, Rangkachak kil li neia siam, mupui leh sakeibaknei vak kual lai lem inker chu an hreng a ni. Chu chu Silvestro siam a ni a, tunah chuan ralthuam enkawltu a ni tawh a ni. Guilianno leh Pisciotta a pe ve ve a, an pawla hruaitu chhinchhiahna a lo ni ta a ni. Guilianno chuan a kawngah a hreng reng thin a, Pisciotta erawh chuan Guilianno bula a awm chauhin a hreng thung; Khawpui te deuh leh thingtlangkhuaah te, bakah Palermo-ah te hial pawh inchei danglama a kal fo vang a ni.

Zanah chuan Guilianno chuan a Buckle chu phelhin a en vel a, a vei lamah chuan mihring ang tak mupui a awm a, a dinglamah chuan sakeibaknei vak vel chu a awm thung, mupui thlain a tih ang chiahin a tin hriam tak chuan an inkara rinbial awm chu a khawih ve a. An pahniha khawvel tivir ang maiin a lang a ni. Boruak lam lal leh lei lam lalte chu rawng eng nem tak, rangkachakah chuan ker an ni a. Guilianno chuan mupui angah a inchan a, sakeibaknei chu Pisciotta, rinbial chu Sicily.

Kum za chhung zet zawt chu sicilyah chuan mihausate rukbo chu sumdawnna hlawk ve tak pakhat a ni a. A rubotu berte chu Mafia mihlauhawm ber ber te, an rukbo hmaa lehkha thawn hmasa phawt thin te an ni. Chu chu hawihhawmna lantirna niin, buaina tam tak tawh ngai lova tlanna sum dil lawkna a ni tlangpui. Bungraw zuartuin a man pe tla nghal te a hniam thin ang deuhin, chutianga tih a nih chuan inrukbona tak tak thleng lemlo a, tlanna sum tlem deuh zawka tih ang chi tein a ni. A dik takah chuan chutianga mihausa rukbona chu ngaihdan tlanglawn anga awlsam a ni lo, a sakechek leh silai hum satliah ngawtin an tih ve theih a ni hek lo.

‘Inrukbona’tih thumal hi Sicily-ah chuan hman a ni ve ngai lo a, naupangte pawh tlanna sum ngiat vanga hren ngawt a ni ngai lo bawk, puitling kaihruaitu an awm tel a nih ngawt loh chuan. Sicilian te chu sual tur renga piang, hmeichhiain pangpar a lawh ang leka tualthah awlsam, Turk ho ang maia fing phakar, kum 300 liam ta a mi ang maia tunlai lo an ni chungin, naupang an ngaina, nilo, an pathian biak thawthang a ni tih hi hnial rual a ni lo. Chuvangin chutiang chu sicily-ah chuan ‘inrukbona’ tih a ni ve ngai lo. Mihausate chu lengah an ‘sawm’ zawk thin a. an riah man leh room luahman te, hotela an tih ang hian an pek hma loh chuan chhuah an ni ngai lo.

Guilianno an inrukbona lam a hawi tirh chuan, Sicly rama mi hausa ber berte chauh a hma a ni. A hmasa ber chu Sicily rama mihausa ber leh lalchhungkaw zinga thiltithei ber, Prince Ollorto (a hma lamah pawh a hming kan hmuh tawh kha, a lo puitling ta nih dawn hi - loma) a ni a. Sicily rama a in leh lo zau tak chauh lo pawh, Brazil lamah pawh ram zau tak a nei nia sawi a ni bawk. politics lamah pawh a lang loa mipawimawhh ber a ni. Rome-a Minister of Justice chu a thian bulfuk a niin, Italy lal hlui pawh a fate tana Godfather a ni bawk. Sicily-a a in leh lo ram zawng zawng enkawl puitu chu Don Croce a ni a, chung avanga a hlawh tam tham tak chuan Prince Ollorto rukbo tumtu leh thah tumtu laka hum te, a thil hlu leh ranrual leh beramte ruk ruk laka hum te chu a huam tel ang tih chu sawi loha lum a ni.

A kulh rinawm tak chhungah chuan, Don Croce-a mi ten Gate an ven tlatna hnuaiah leh a bula a ma gaurd bikin a ven tlat naah chuan Prince Ollorto chuan he khawvel thildang zawng aia a ngainat a telescope chuan vana arsite thlirin tlai lam hun nuam leh muanawm tak a hmang mek a. Ke pen ri ring tak, a thlirvelna pindan pana lo chho mek chu a hre ta thut a, kawngka chu rawn intheh hawng thuaiin mi pali bumro tak tak, silai kengte chuan chu pindan tereuhte chu an rawn luah khat nghal a. Prince chuan a kuta telescope chu hliahin, arsi pawisawi lo tak a tang chuan a mit la sawnin chu mite chu a hmachhawn a. terranova hmel tlumtherh ang tak a hmuh chuan Pathian hnenah tawngtaina a hlan zauh a.

Mahse Terranova chuan hawihawm takin, “Ka lalpa, Tlang lama Guilianno hnena chawlh hmang tura hruai tur che a thupek ka ni. Pindan hran chenna tur pek i ni ang, chu chu kan tih dan thin a ni. Naute pianghlim ang maia enkawl i ni ang.”

Prince chuan a hlauhna chu thup hram hram a tum a, buk nghat pahin,“ ka damdawi leh thawmhnaw tlem azawng ka la thei ang em?” khawngaihna dil hmel takina ti a.

Terranova chuan, “Chu mi la tur chuan mi kan tir mai ang, tunah chuan hmanhmawh a tha ber, Carabinieri te an lo thleng tep ang a, he kan party tereuhteah hian sawm an ni ve si lo. Tunah ka hmaah stepah hian kal thla rawh le, khawi hmunah pawh kan mite an awm a, lal fapa meuh pawhin silaimu chu a tlan san thei bik lovang.”

Gate sir hla deuh takah chuan Alfa Romeo Car leh Jeep hi a lo ding a. Alfa Romeo-ah chuan Prince leh Terranova chu an lut nghal a, midang ho pawh chu Jeepah chuan lut ve nghalin chak takin tlang lam pan chuan an tlan ta a. palermo atanga darkar chanve tlan leh Montelepre atanga hnai te ah chuan dingin an chhuk ta a. Kawng sirah chuan Maddona lim hi a lo awm a, terranova chu Madonna hmaah chuan thingthiin Kraws chhinchhiahna a siam a. Mipanga te chu arsi pianhmang ang taka inremin, Prince chu a lai takah an dah a, awih tlanah chuan an chhuk ta a, ruam an zu pawh anga chuta tang chuan cammarata tlang to lurh lam panin an lawn leh dawn a ni.

Darkar engemaw zat an kal ta a, Prince chuan chawlh a rawt fo a, a kalpuite chuan dawhthei takin an chawlhpui fo thin. Granite lung lian tak hnuaiah chuan cawlin zanriah atan chhang leh cheese leh wine te an eiin an in a, Terranova chuan a inzat theuhin, prince tel chuan a sem kual a, “Hei aia tha zawk ka pek theih loh che avangin pawi ka ti khawp mai, Campa kan thlen hunah chuan Guilianno chuan chaw sa ver vawr, sazupui tuihang nen a hlui ngei ang che, Cook thiam tak, Palermo-a restaurant a thawk thin kan nei alawm,” a ti a.

Prinse chuan lawmthu a lo hrilh a, tui ti takin a ei a ni. Nidanga zanriah ropui tak a kil thin ai pawhin a ei tui hial awm e. Chutianga riltamna chu kum tam tak chhung a hre tawh lo hial a ni. A ipte atang chuan english sikret a phawrh a, a pe kual a, Terranova leh a mite chuan pakhat te tein an la diat diat a, chu sikret chu a zuk phak ngai loh a ni tih a hria.Chuvang chuan a tihuangtau deuh a, “Damdawi ei reng ngai ka ni. Zunthlum vei ka ni a, nitin insulin ka lak a ngai a ni.”

Terranova an a ngaihsak viau tih a hriat chuan mak a ti zawk hle. Terranova chuan, “A hma khan engatinge i sawi loh? Reilote chu kan nghak thei tur che a nia.Engpawh nise lungngai suh, Gulianno-an a ngaihtuahsak angche a, zingah chuan i nei hman em em ang.”

“Thank you.”

Tlang lam pan chuan an kal tan leh ta a.
[*]Loma_Hmar[*]

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Loma hmar
Posts: 123
Joined: March 20th, 2018, 11:51 pm

Unread post by Loma hmar » May 4th, 2018, 10:15 pm

Thlakhat leh a chanve lai ka lo tulpui ve tawh Book I leh II chu a tawp tep ta, tuna ka post bakah chapter pathum vel a la awm e. Karkhat daih zen zawn chu a la ni tho ang chu maw.

Chapter 12B

Darkar engemaw zat an kal hnu chuan tlang chung zawl chu an thleng chho ta tawk a. Mei chu hmun thumah lo inchhepin kham chung zawl laiah chuan dawhkan leh chair-te a lo inhung bawk a. Dawhkan pakhatah chuan Guilianno chuan khawnvar eng hnuaiah lehkhabu a lo chhiar a. A bulah chuan savun bagah chuan lehkhabu a lo inrem thut bawk a. Rannung hram ri nuaih nuaih te chu Guilianno chuan hre awm pawhin a lang lo.

Guilianno chu lo thovin hawihhawm takin Prince chu chibai a lo buk a. A mitang a nihna angin a en lem lo, thui tak kea a lo kalna ngaihtuahin Guiianno chu a nui sak a. Kum hnih hma lamah kha chuan loneitu satliah ve mai kha a ni a, tunah erawh chuan a thuhnuaiah sicily rama lal thisen kai leh hausa ber chu a awm ta si a.

“Thil i ei tawh em? Min rawn tlawh hi nuam i tih theih deuhna turin eng nge mamawh i neih? Hun eng emaw ti chhung chu kan hnenah i awm hrih dawn a ni,” a ti a.

Prince chuan a riltam thu leh Insulin a mamawh chhante leh damdawi dang a mamawh thute chu a sawi a. Guilianno chuan hnuai lama a mite chu zuk auvin, anni chuan antui sa vervawr hi an rawn chhawp nghal vat a. Guilianno chuan Prince chu a damdawi mamawh angte chiang takin a ziah tir a. “Damdawi lam thiam thian tha tak mai Monreale-ah kan nei a, a ni chuan eng hunah pawh ni se kan tan dawr hawn a hreh ngai lo, i damdawi chu naktuk chhunlai velah i nei hman ang.”

Prince chuan thil a ei zawh chuan Guilianno chuan awihtlanah chuan chhuk puiin puk te deuh pakhatah hian an lut a, chutah chuan buhpawl khum, mattres awm nghal hi a lo awm a. Bandit anmahni zuitu te chuan Blanket an rawn keng bawk a. Prince chuan khum khuhna var leh lukham lian tha tak a awm tel tih a hriat chuan mak a ti zawk hle. Chu chu Guilianno-an a hmuh chuan, “Mikhual zahawm tak i nih avangin i chawlh rawn hman chhung reiloteah chuan a tha thei ang bera enkawl che ka duh a ni. Ka mite tupawhin zah lo taka an tih che chuan khawngaihin min hrilh ang che, I nihna leh Sicily ram hmangaihtu i nihna avanga zah taka en tur i nih tih thupek khauh tak dawng vek an ni. Tui takin mu ang che, naktukah kawng thui tak zawh tur a awm avangin chakna i mamawh dawn a ni. nangmah tlanna tur ngiatna lehkha chu pek a ni tawh a, carabinieri te chu min zawng tura tih an ni ngei tawh dawn a, chuvangin heta tanga hla taka kan awm a ngai a ni.”

Prince chuan a hawihhawmna avang chuan lawmthu a hrilh a. Tlanna sum chu eng zat nge a nih ang tih a zawt zui nghal a.

Guilianno chu a nui a, a nuih dan chuan Prince chu a lem kher mai, naupang hmeltha tak nui chu. mahse Guilianno-a chhanna chuan chu thil chu a titawp chawpchilh nghal a. “In sorkar chuan ka luman atan cheng maktaduaih sawm a phal a. Chutiang letsawm tala sang a nih loh chuan i lalna hmuhsitna hial a ni ang chu.”

Prince chuan sawi tur a hre mai lo, chutah mei nei deuh takin, “Ka chhungte chuan nangman min dah san ang hian min dah sang ve em ang chu.”

“Inbiak rem dan a zir te pawh a ni ang chu.”

Guilianno a chhuah chuan bandit pahnihte chuan khum chu an siam sak a, an zawh chuan puk pawn lamah chuan an thu ta a. rannung hram ri a tam viau chungin Prince Ollorto chu nidang zawng aiin a mutui a.

Zankhuain Guilianno chu a buai a, Montelepre-ah Prince damdawi lam tur chuan mi a tir a, prince hnena Monreale tia sawi khan dawt a hrilh a ni. Chutah Terranova chu Monastery-a Abbot manfredi hnenah a tir a, tlanna suma inbiakremna chu Abbot chuan kengkawh se a duh a ni, don croce kal tlangin a ti dawn tih chu a hre tho na a, Abbot chu ni han tih vel thiam tak a niin, don Croce pawh chuan chan tur a nei ve tho dawn a ni.

Inbiakna chu a rei viau mai thei a, cheng maktaduaih za chu pek theih a ni dawn lo tih chu hriat sa a ni a, Prince Ollorto chu hausa viau mah se, thil kal tawh thlirin ngiat hmasak ber zat chu a man dik taka ni ngai lem lo a ni.

An rukbo ni hnihna chu Prince tan chuan hun nuam tak a ni. Kawng thui tak, mahse kal harsa lemlo takah kalin Tlang chhung pilril lama formhouse rauhsan tawh lamah an insuan a. Guilianno chu thingtlang pa hausa tak, hrilh lawk loha lalina tlawh thut ang deuhin, lal upa ang maiin a inchei a. Prince mita a incheina avanga hrehawm ti hmel chu Guilianno chuan a hmu thei a. Prince inthuamna english suit thui nalh zet chu a han melh a.

Guilianno chuan hmuhsitna tel hlek lo, dilchhut tak hian, “I taksa pawn lamah eng nge i hak ang tih hi ngaihsak viau a mi?”

Prince chu thil zirtirna lama tui mi a ni a, tunah lah hun an ngah viau mai si a, tichuan Guilianno chu inthuam dan dik te, thui dan nalh leh puan thain mihring a tih zahawm theih zia chu a hrilh a. An titi chho zel a, Sicily ram retheihna leh rome hlimthla lamte an sawi kai chho zel a.

“My dear Guilianno, enga ti nge Don Croce nen hian inzawma Sicily ah hian ro in rel dun mai loh? Ani chuan upat finna a nei a, nanglah a tha ber duh mi i ni bawk nen. sicily in hmangaih ve ve tih lah sawi loha lum a ni a. Kan hma lam hun khirh tak kan hmachhawn turah hian engvangin nge in chakna chu in suih zawm mai loh? tunah chuan indo a lo tawp ta a, thil a inthlakthleng nasa hle a ni. Communist leh Socialist chuan kohhran thiah an duh a. Political party-a kan tih tur chu nute kan hmangaihna aiin a pawimawh zawk tiin an sawi ngam der tawh a nia. Inthlanah lo chakin an thil tum hi a takin kalpui ta se engtinnge ni ang?”

“An chak thei lovang,” Guilianno chuan a ti a, “Sicilian ho hian Communist an vote thei ngai lovang.”

“Chutiangin a chiang ngawt lo,” Prince chuan a ti a, “I naupan lai thian Silvio Ferra kha i la hria em? Naupang tha tak Silvio te ang kha indonnaah kalin rilru dang daih puin an lo haw asin, a tibuaitu te chuan ei tur leh ram a thlawna pek an tiam miau a ni. Mi rethei ho hi sabengtungin hnim thatna apiang a pan thin ang mai hi an ni asin. Socialist an vote maithei a nia.”

“Kristian democracy chu ka duh em em a ni hran lo, mahse Socialist sorkar a din ai chuan engpawh tih ka huam ang,” Guilianno chuan a ti a.

“Nang leh Don Croce chauh hian Scily zalenna chu in pe thei a ni,” Prince chuan a ti a, “In inzawm ngei tur a ni. A fapa i ni ang maiin i chungchang a sawi nasa thin a, a ngaina hle che a ni. Amah chauh hian nang leh friends of friends inkara innhirnghona hi a tudai thei a ni. I thil tih ngei tur i ti thin hi a hrethiam lutuk che a, chutiang chiahin kei pawhin. tun thleng pawhin kan pathum hian thawk hovin kan chanvo hi kan la humhim thei a ni. Chutiang a nih loh chuan chhiatrupna kan tawk mai thei a ni.”

Guilianno chuan a thinurna chu a thup hleithei ta lo a, mihausa ho chaltlai zia hi chu aw! Dam dap, hlauhawm ru riau si hian, “I tlanna sum pawh tihfel a nih hmain thawh ho i rawt a ni maw? I thi maithei asin.”

Chumi zan chuan Prince chu a mu tlem kher mai. Mahse Guilianno chuan a thinrimna a tilang lem tawh lo a. kar hnih a liam meuh chuan Prince chuan hma a sawn hle, a hriselna a tha chho a, a taksa dang cher si, dul chauh kiar te chu bo zovin, nitin insawizawi a nihna leh boruak thianghlim hip reng a nih avang chuan taksa lamah chuan hma a sawn hle a ni.

Rilru lamah pawh a hlim hle. A chang chuan hmun dang danga an insawn chuan a blah Guilianno a lo awm reng lo a. A bula mi awm remchang apiang, lehkha thiam lo leh hnam dan engmah hre lote chu a titi pui thin. Mahse an nungchang chuan a tiphuzawk thei hial. bandit tam ber chu hawihhawm em em leh pianpui zahawmna nei larh hi an ni hlawm a. A nihn chelh hmang chuan kovin, a ngen ang apiang tihsak an tum thin. A Sicilian puite nen chuti takin an inhnaih ngai lem lo a, mak tak maiin a ram leh a mipuite hmangaihna chu a nei thar ta deuh tlat a ni.

A tawpah chuan tlanna sum chu sawi fel a ni ta a, Rakkachak tangka maktaduaih sawmrukin, Don Croce leh Abbot manfredi kal tlanga pek a ni ta a ni. Chhuah tir a nih hma zan chuan Guilianno leh a pawl hotute bakah an pawla mi pawimawh sawmhnih laite chuan pangpar bawr an pe a. Palermo atanga lak Champange-in Prince Ollorto zalenna thar chu an lawm a ni, an lo ngaina hman viau a ni. A tawpah chuan Prince Ollorto chu lo ding chhuakin, “Sicily rama lal chhungkaw zahawm ber ber hnenah te pawh khual zahawm ka lo ni tawh thin a,” a han ti phawt a, “Mahse helai hmun ang reng reng a mikhual chunga thatna te, inenkawlna tha leh nungchang duhawm tak awmna hi ka la dawng ngai lo. Hetiang reng rengin ka la hnar ringin ka ei a tui ngai awm love.” a chawl hlek a, chutah nui chungin, “A man erawh a sang deuh, mahse thil tha nge nge chu a lo duhawm narawh e,” an nui hlauh hluah a, Guilianno chu a nui ring berah a tang a, mahse prince chuan Pisciotta chu a nui ve chhin eih lo tih a hmu.

A lo hrisel zel nan uain chu an in tlang ta a ni. chumi zan chu hlim takin Prince chuan a damchhungin a hre reng tawh ang.

A tuk chawlhni-ah chuan Prince chu Palermo Cathedral tualah chuan dah a ni a, a ni chuan zin lam mass chang nghalin lawmthu sawi tawngtaina a nei nghal a. rukbo a nih ni a a inthuam dan ngai chiahin a inthuam a ni. Mak tak maiin Guilianno chuan Prince suit hlui chu Rome-a puanthui thiam ber hnenah siam that leh sukfai turin a thawn ta a ni.
[*]Loma_Hmar[*]

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)