THE SICILIAN (Book I &II) By Mario Puzo (Completed)

Episode nei ho a hlawm a dahkhawmna
Loma hmar
Posts: 123
Joined: March 20th, 2018, 11:51 pm

Re: THE SICILIAN By Mario Puzo. Chapter 1 - 4(b)

Unread post by Loma hmar » April 6th, 2018, 11:46 pm

Chapter 5b

Guilianno-a paten an rawn koh avangin, a tuk zing lamah chuan Hector Adonis chuan Montelepre chu a thleng a. Montelepre-a a inah hian a awm khatin a pian leh murna ni mahse he khua hi a ngaina fahran lo. A bikin Festa phei chu a pumpelh hram thin. An cheimawina te chuan a tihrehawm fo va, light eng chuaih-te chu khawchhung retheihna atana sual hmaithinghawng vuahah a chan thin. Festa lai chuan tihnawmnah a tuar fo va – zu rui hovin a dung tawi avangin an diriamin an nuihsawh a, hmeichhe ho lahin tham lo takin an nuihzat fo bawk. Anmahni aia zir sang leh hre tam a nihna chuan a pui lo thin kher mai.

Via Bella chu Carabinieri a kawp te tea kal hian kil tinah an hual hi a ni hawt a, hmel rum takin, rifle leh Machine Pistol kah inpeih atin an vei vel reng a ni. Festa ni hnihna chu a intan mek mah se khawlai chu a reh ruih a, naupang tual chhuak takngial pawh hmuh tur an awm lo. Adonis chuan a Car chu Guilianno-te in kawtah chuan a park a, Car atanga a chhuah hma chuan carabinieri pahnih hian rinhlelh hmel zetin an lo en reng a, mahse a mah an han hmuh chian chuan a tawi bik avanga nuihzat tih hriat takin an lo nui a.

Kawngka lo hawng a, in chhunga luh puitu chu Pisciotta a ni teh tlat a. Guilianno-a nu leh pa chuan chokaah an lo nghak a, dawhkanah chuan tukthuan atan sa thithun, chhang leh coffee a lo inhung bawk a. Maria Lombardo chu pangngai takin, Pisciotta-an a fapa chu a dam chhuak le hang tia a thlamuan avangin a awm a. Hlauhthawnna aiin thinrim hmel a pu zawk. Guilianno-a pa chu lungai hmel aiin chapo hmel a pu zawk a, a fapa chuan mipa a nihzia lantirin, a mah chu a dam a, a hmelma a thi miau a ni.

Pisciotta chuan thil awm dan sawi nawn lehin, tun tumah chuan fiamthu te zep telin Guilianno-a hliam chu a nat vak loh thu leh ama tih ve chu a tlem thei ang berin a sawi a. Mahse Hectora chuan Pisciotta te ang tana hliam lehnghal mel thum zet kal pui a harsat leh hrehawm tur zia a hre mai. Guilianno-a hliam nat dan pawh chu a lap thei ang berin a sawi a ring, Chu aia nat chu a ring bawk.
“Engtin nge carabinieri ten heta lo kal nachang an hriat?” tiin a zawt a, Pisciotta chuan Guilianno-an ID a pek thu kha a hrilh a.
Guilianno-a nu chu lungchhe takin a rawn puak chhuak phut a, “Engvangin nge Turi chuan cheese chu a lak tir mai loh? Eng vanga bei ve nge a nih?”
“Engtin nge a tih chuan ang? Loneitu hming a hrilh anga maw? Chhungkaw hming a tichhe kumkhua dawn asin,” tiin Guilianno-a pa chuan a ti hrawk a.

Hector-a chuan chung thilah chuan thil inhmeh lo tak a hmu tlat. Guilianno-a nu chu a pa aia chak zawk leh thunei zawk a ni a, chuti chungin tualdawih zawkah a tang a, a pa chu luhlul zawk a ni teh hlauh a. Aspanu pawh chu, chutianga thiante chhanchhuaka hmun hima dah ngam khawpa huaisen ni si chu a nu leh pate bulah an fapa nat dan leh tawrh dan chungchang thudik a hrilh ngam lo leh bawk a.

“ID kha lo pe lo hlauh ni se chuan, kan thiante hian helaiah a awm ve ngei an ring ve ngei ang,” Guliannno-a pa chuan a ti a.

Guilianno-a nu chuan, “Chutiang pawh ni se an man tho ang,” a tap a, “Tunah chuan tlangah a chen a ngai ta dawn nih hi.”

Hector Adonis chuan, “Abbot chuan Police hnenah a hlan loang tih kan chian a ngai a ni.” a ti a.

Pisciotta chuan, “A ngam lo vang, chutianga a tih chuan a kawrfual hak lai ngeiin ka khaihlum ang tih a hre tlat.”

Adonis chuan Pisciotta chu a en vang vang a. He naupangah hian hlauhawmna riau a awm a ni. a chhia leh tha hriatna tihchhiat chu a finthlak vak lo vang, tiin a ngaihtuah a.

Midang zawng chuan Hector-a, a hma pawha an fapa lo tanpui tawh thin chu an en thap a, Adonis chuan, “Police-in a awmna an hriat chuan, Abbot tan duhthlan tur dang a awm chuang lo vang. Chutianga amah intawrh tir duh tur chi a ni lo. In phalnain, ka thian pa Don Croce Malo hnenah Abbot nena inbe tura ngen a tha berin ka ngai.” A ti a.

Pisciotta tih loh midang zawng chuan Don Croce nen an inhria tih an hriatin mak an ti hle. Ani chuan a hria tih hriat takin a lo nui a. Chutah Hectora chuan Pisciotta hnenah hriam hrakin, “Eng nge he tah I tih reng, an hre chhuak che ang a, man I ni mai tur asin. I pianzia leh hmelhmang an hriat kha.”

Pisciotta chuan ngaipawimawh lo zetin, “Khang Guard ho ve kha a, an hlauhlawpin anmahni nu hmel pawh an hre thei lo hial ang, bakah niminah Montelepre-ah ka awm tih hriatpuitu mi dawrzawn khat lai ka nei,” a lo ti mai a.

Hector Adonis chuan mizir sang a nih zia tilangin, Gulianno-a nu leh pa hnenah chuan, “In fapa chu tlawh in tum tur a ni lo, bakah in thian tha bera in ngaih pawh a awmna in hrilh tur a ni lo bawk. Police te hian hektu leh enthlatu hmuntinah an dah a nia. Aspanu hian zanah Turi chu a tlawh ang a, a chet sawn theih veleh boruak a daih hma zawnga khaw danga a khawsak theih dan ruahmanna ka lo siam ang. Tichuan pawisa tlemte nen, thil kan tifel thei ang a, Turi chu a lo haw mai ang. Maria, ngaihtuah lutuk duh suh, nangmah kha inenkawl tha la, chuan nangpawh Aspanu, chanchin min hrilh zel ang che.” A ti a.

Guilianno nu leh pa chu inthlah nan a kuah ve ve a, a chhuahsan lai pawh chuan Maria chu a la tap kerh kerh a ni. Thil tam tak tih tur a nei a ni, Pawimawh hmasaah chuan, Don Croce hnena thu thawn vat a ngai a, bakah Guilianno awm mekna chu a la him em tih hriat a tul bawk. Rome-a sorkarin Police thattu awmna hrilh thei tu hnenah lawmman an la tiam lo chu lawmawm a ti hle, chuti ni lo se Abbot chuan hmanlai thil hlu a hralh anga rangin Turi chua hralh duh mai dawn si a.

Turi Guilianno chu khumah chuan che miah lovin a mu a, doctorin a hliam thihpui tham a nih thu a sawi te kha a hria, mahse a thi mek niin a inngai thei lo. A taksa chu na leh hlauhna awm lovin boruakah a kang delh delh niin a hria a, a thi thei ngai lovang. Thisen hloh tam lutukin engthawlna riau a neih tir thin tih hre hek lo le.

Chhun lamah chuan puithiam pakhatin a enkawl a, bawnghnute a in tir a. Tlai lamah chuan Abbot chu doctor nen an lo kal thung a. Zan lamah Pisciotta-an rawn tlawhin a kut a vuan a, chu zan thim lungngaihthlak takah chuan a enkawl zankhua thin. Kar hnih a liam a, Doctor chuan thilmak a thleng tih a puang ta a ni.

Turi chuan a taksa chu dam a, a thisen hloh te insiam thar leh a, a taksa peng pawimawh silaimu tihchhiat te thuikhawm leh tur chuan a tum ruh hrim a. Thisen hloh nasat avanga Engthawlna riau a neih lai chuan boruakah in sang a sa nasa thei hle. Zalenna thar, tuna a thiltihin a tihbuai phak lohna te a tem lawk a, vantlang dan te, Sicilian chhungkaw dan khirh tak te chuan a chungah thu an nei tawh ngai lo. Dan bawhchhiatna lak atangin a zalen a, a hliam natak chuan pawisawi lovah a chhuah vel thul. Heng zawng zawng thlenna chhan hi Carabiniere mi a takin Cheese tlemte vang mai maia a kah vang a ni.

A hliam atanga a dam khaw chhuak a nih chuan, rorelna dik chu hlenchhuah ngei a tum a. A chanpual renga ngaia naupang engmah tithei lo nih a tum tawh lo. Taksa leh thlarauah a inpeih at ang. Thil pakhat chiang em em chu, Police pain a kah ang mai mai leh Guido Quintana hmaa a awm ang khan khawvel hmaah hian mangangin a awm tawh lo vang. Naupang, Turi Guilianno ni thin kha chu a thi tawh.

Thlakhat a liam meuh chuan, Doctor chuan kar li chhung chawl hahdam leh a, exercise la zauh zauh turin thurawn a pe a. Tichuan Guilianno chuan Puithiam ho tih dan dungthulin Monastery tual velah chuan a vei vel ve ta thin a ni. Abbot chuan a ngaina chho ta viau a, an inzui kual fovin, A naupan lai chanchin, ram hla taka a zin dan chanchin te a hrilh thin. Abbot-in a ngainatna chu Hector Adonis-an rethei te tana a tawngtai man tia pawisa tih tham tak a rawn thawn thin pawh chuan a tikiam chuang lo. Don Croce pawhin chu naupang chu a ngaihven ve a ni tih a rawn hriattir ve bawk.

Guilianno lamah ve thung chuan, chutianga puithiam ho an khawsa thei chu mak a ti hle. Thingtlangah te chuan mipuite riltamin an thi tep a ni a, hnathawktu te lahin thlan tui far zawih zawihin ni khatah cent sawmnga an hlawh tawk a. Saint Francis-a puithiamte erawh lal ang maiin an khawsa a ni. Chu Monastery chawlh hahdamna hmun zau leh hausa tak a ni ringawt.

Ser huan zau pui an nei a, chhura rual Olive thing a ding ngir khup bawk a. Mau chi kui tiahna hmun te, sazawrhna dawr, beram rual, vuak rualin a chawm reng te thlengin a awm a. Ar leh Saiarte phei chu an vei suau suau a ni ber. Puithiam ho chuan nitin sa leh spaghetti an ei thei reng a, anmahni siam wine tui tak inin, a then black marketah vaihlo nen an thleng a, ngawivei ang maia uarin an zu thin.

Mahse an thawkrim a ni. Kelawng leh puithiam kawrfual nen, thlantui far zawih zawihin chhun lamah chuan hna an thawk a, an lu ziahkawlh nisa laka hliahkhuh nan American sipai lukhum dum leh buang te an hmang a, chu chu Abbotin sipai supply tu hnen atanga wine barrel-a a thleng a ni. A thenin Style hrang hranga an khum thin avangin Abbot chuan hna an thawh lai chiaha an khum a phal sak a ni.

Hemi kar li chhung hian, Guilianno chu Puithiam chiah a ni mai. Abbot mak tih tur tak maiin lovah a thawk nasain puithiam dangte puiin thei leh olive bawm rit tak takte chu a dahthatna hmuna dahin a phur fo a ni. A that chhoh zel takah chuan, Guilianno chuan hnathawh chu nuam a ti ta hle, a chakna han lan tir vel chu nuam a ti a ni. A basket an chhun vum thur pawhin a khup a sai chhin eih ngai lo. Abbot chuan a chhuang hle a, a duh chen chen a cham theih tur thu te, Pathian siam mipa dik tak a nih thu te a hrilh thin.

He mi kar li chhung hian Guilianno chu hlim takzet a ni. Thih hlauhawm atangin a tha chhuak a, khang a suangtuahna te khan amahah hmun an luah thuk viau bawk. Abbot putaran ring pumpuhlum thak chung a, Monastery thuruk tam tak a hrilh te chuan a tihlim viau. Putara chuan an thil thar chhuahte wine tiam lovin sorkar kudama lut lo va, Black Marketa an thawn tlang nghal chu a uan pui hle. Wine erawh chu puithiam hovin an lem zo zel thung. Zanah chuan zuruih leh pawisa khelh pui tham tak a awm ziah a, hmeichhia an chaw lut hial thin bawk. Mahse heng zawng zawng hi Abbot chuan a maimitchhin san mai a, “Hun khirh tak a ni.” tia Guilianno hrilhin, “Vana lawmman kan tana tiam hi a la hla lutuk a, mihring chuan tuna hlimna kan tem ve hi a ngai a ni, Pathianin a ngaidam hlawm ang chu.” A ti mai thin.

Tlai khat chu ruah a sur cherh cherh a, Abbot chuan Monastery hmun dang, thil dahkhawmna hmuna an hmanna hmunah a hruai a. Hmanlai thil hlui hlu tak tak, puithiam kutthem thiam ten an siam chhuaha khat vek hmunah Guilianno chu a hruai a. Abbot chuan, Dawrkaiin a inhralh theih loh laia a tih ang maiin, “Indo hma kha chuan sumdawnna tha tak kan nei a ni, he thil dahkhawmna hmunah hian a chanve pawh a awm hman ngai lo, sakhaw rohlu kan ngah zia hi en teh, Isuan sangha a tih pun ruh te, Mosian ram tiam lam a panna kawnga a tiang ken te hi.” Guilianno mak ti hmel nuihzat taka enin a chawl hlek a, chutah a hmel cher tak chu sual hmel takin a ner nawng a. Thinga siam tiang phuar khawm chu chhuih zawt pahin, “Heng te hi kan thil neih that ber berte an nih hi, Isua an khenbehna kraws them, chuan he bawmah hian mithianghlim hming I hriat theih apiangte ruh a awm vek bawk. Sicily-a chhungkaw tumah hian mithianghlimte ruh chu han duh lo va mawle. Tin, Room dangah hian Zirtir Andria ban sawmpathum, Baptistu Johana lu pathum leh Joan of Arc thirkawr suit pasarih kan nei bawk. Thlasik a nih hunah puithiamte hian hmun hla takah an hralh thin.”

Turi chu a nui ta hawk hawk a, abbot pawh chuan a lo nuih ve bawk a. Guilianno-a rilruah chuan mipuite chu bumin an awm leh thin, Chhandamna kawng kawhhmuhtu berte pawh a bumtuah chuan an bang chuang lo.

Ni khat chu khuma a lo chawlh hahdam laiin, Guilianno chuan kantu danglam tak mai a nei a, Abbot chuan Father Beniamino Malo, thian tha tak a nih thu a hrilh a, a chhuahsan ta nghal a.


[*]Loma_Hmar[*]

Link:
BBcode:
HTML:
Hide post links
Show post links

Loma hmar
Posts: 123
Joined: March 20th, 2018, 11:51 pm

Unread post by Loma hmar » April 7th, 2018, 7:19 pm

Chapter 5c

Father Beniamino chuan ngaihtuah hmel takin, “Tlangval, I tha zo zel ang chu maw, Holy Abbot phei chuan thilmak thleng a nih ngei thu min hrilh asin.”

Guilianno chuan, “Pathian zahngaihna vang chauh a ni” a ti a, Father Beniamino chuan chu malsawmna chu a mah zawkin a dawng emaw tih mai turin a lo bu nghat a.
Guilianno chuan chu pa chu an chik ru deuh a. Amah chu loa hnathawk ve ngai lo puithiam tih hriat takin a kawrfual chu a faiin a tlang thlengin a fai hle a, a hmai pawh a ngo mah mahin a kut pawh a no mah mah a ni. Mahse hmelhmang chu a mithianghlim hmel ruih a, a zaidamin Isua ang maiin a inphahhnuai a, Kristian taka inngaitlawm niin a lang.

Father Beniamino chuan, “Ka fapa, I sual puanna ka ngaihthlaksak thei chein Lalpa zanriah ka theh sak angche, sual puang la, thinlung thianghlim nen khawvel I hmachhawn thei dawn a ni,” a aw chu a nemin a dam hle.

Guilianno chuan chu puithiam chu a tih tur chin hneh taka ti thin a ni tih a hria, “Min ngaidam teh father, Chutiang tur chuan ka la inpeih lo tlat, chutiang dinhmuna sual puanna neih chu a dik lo ang. Min duhsaknaah ka lawm hle a ni.”
Father chu a bu nghauh a, “Chu chuan I sualna a tipung sauh dawn asin. Mahse thildang, khawvel lam thil zawk tihsak tur che ka la nei asin. Ka unaupa, Don Croce-an a ma ruala Villaba-a bik bo I duh leh duh loh zawt turin min rawn tir a, hlawh tha tak pek I ni ang a; I hriat tur chu a venhimna hnuaia I awm chuan thuneitute chuan an khawihbuai thei dawn lo che a ni.”

Guilianno chuan a thiltihin Don Croce te ang beng thlenga ngaihven a hlawh hial chu mak a ti hle. Fimkhur zual a ngai hlein a hria a. Mafia hi a mil lo va, chuvangin an ang chhunga intukluh tumna a nei lo.

“Chawimawina ropui tak a nih chu, nang leh I unaupa chungah chuan ka lawm khawp mai. Chhungkua kan lo inrawn ang a, Nu leh pate duhdan ka zahsak a ngai ve bawk si a. chuvangin I ngenna hlu tak chu ka la pawm thei rih lo.”

Father Beniamino-a mak ti hmel chu a hmu a, Sicily rama tu hian nge Don Croce-a venhimna chu hnawl ngawt ang? A sawi zawm a, “kar han liam leh se, ka rilru thlakin Villaba-ah chuan ka lo kal maithei asin.”

Father Beniamino chuan ngai rawn awh lehin, malsawm nan a kut a phar a, “Pathianin awmpui zel che rawhse ka fapa, ka unaupa inah chuan lawm I hlawh reng ang.” A ti a, a kutin kross chhinchhiahna a siam a, a chhuak ta a.

Guilianno chuan chu lai hmun chu chhuahsan a hun tawh tih a hre mai. Tlai lama Pisciotta a lo kal chuan, pawn lam khawvela a chhuah theihna tura inbuatsaih ngai tur te tifel tur chuan a lo hrilh a. A mah a inthlak ang bawkin a thianpa pawh chu a inthlak tih a hre thei. Chutia thupek a dawn chuan a tim deuh emaw a hnial emaw chhin eih lo. A tawpah chuan Guilianno chuan, “Aspanu, ka rualin I lo kal thei a, I chhungte hnenah I awm thei bawk a nia, I thu thu a nia aw.”

Pisciotta chu a nui a, “Hun hlimawm leh ropuina zawng zawng ka neih tir vek duh che I ring a mi? Sabengtung ka chhawr chhung leh Olive ka seng chhungin tlangah I lo intawllen vel bik anga maw? Kan inthianthatna hi eng tin nge ni ang? Naupan lai atang tawh infiam leh hnathawk dun thin kha tlangah nangmah chauhin ka hnutchhiah dawn che em ni? Zalen taka Montelepre-a I kir leh hunah ka kir ve chauh ang. Thu atthlak sawi a hun tawh lo. Ni li hnuah ka lo lam ang che. Tih tur min tuk hi tizo vek tur chuan hun a duh deuh dawn a ni.” a ti a.

Chu ni li chhung chu Pisciotta chu a buai hle. Gilianno hliam um zui diltu smuggler sakawr chung chuang pa kha a chhui chhuak tawh a. a hming chu Marcuzzi niin, mihlauhawm tak, Don Croce leh Guido Quintana humhimna hnuaia bungraw tawlh rutu lian tak a ni. A patea, Mafia chief ropui tak hming chawia a hming pawh chu sak a ni nghe nghe.

Marcuzzi chuan Montelepre leh Castellammare inkar kawng chu a zawh ngun hle tih a hmu chhuak a. Pisciotta chuan Marcuzzi-a thlahpawlh sakawr lo thuhruksak thintu lo neitu chu a hria a, chung ramsate chu lo atanga la chhuaka khaw hnaih deuh chhek Ina dah sawn an ni tih a hmuh chuan a tukah Marcuzzi chu a zin leh dawn tih a hre thei a.

A tuk vartianah chuan Pisciotta chu Marcuzzi-an a zawh thin kawngah chuan awmin a lo nghak a. Sicilian chhungkaw tamtakin inchhung bungrua ang hiala an neih, Lupara a keng a. Chu Sicilian Shotgun chu a larin, inthahna atan hman fo a ni a. Mussolini-an mafia a thenfai tum khan lungbang zawng zawng chu feet thum aia sang lo turin a tih hniam tir vek hial a, tualthattu-in inlambun nana remchanga a hman loh nan a ti a ni.

Marcuzzi thah a tum chhan hi Police ho hnena Guilianno hliam um zuia thah tir tur a ngenna vang chauh kha a ni lo va, A thianpa hnenah thil ti ve thei a nih tih lantir a duh a, Marcuzzi a thah chuan, Guilianno phatsantu te chunga thil thleng tur tih midang vaulawkna tha tak a ni dawn a ni. Bakah Marcuzzi-a ralthuam kente chu a mamawh hle bawk.

Nghah rei a ngai lo kher mai. Marcuzzi chuan thlahpawlh sakawr engmah phur lo te chu Castellammare a Black market bungraw phurh nan a rawn khalh a, a fimkhur lo vin, a thlahpawlh sakawr hmahruaitu chu a rawn khalh a, rifle chu a darah a ak mai mai bawk a. kawng taka Pisciotta lo ding a hmuh chuan a tihlau lem lo. A hmuh zawng chu naupang ria thil thel hmuihmul nei lo nui sawng chu a ni. a nuih dan chuan a ti thinur deuh hle. Pisciotta-an a jacket hnuai atanga lupara a rawn phawrh chhuah chuan a ngaihven ve chauh a ni.

Marcuzzi chuan bung nghutin, “Min lo chang hma lu deuh a ni, ka bungruate ka la lam hman lo tlat. Heng sakawrte hi ‘Friends of friends’ venhimna hnuaia awm an nih hi. Fing taka ngaihtuahin dawr tur dang zawng mai ta che.” A ti a.

Pisciotta chuan nem zetin, “I nunna kha ka duh mai chauh a ni.” nunrawn hmel zetin a nui a, “Police te hmaa inlak hero I tum ni kha, Thla rei lote liam ta a mi kha, I la hre reng em?”

Marcuzzi chuan a la hrechiang ngang mai. Thlahpawlh sakawr chu a sir zawng deuhin tihpalh ni awm takin, a kut chevel Pisciotta-in a hmuh theih loh nan a her tir a. a kawnghrena a kut rawlhin a pistol chu a phawi chhuak a, chumi rual chuan Sakawr thlunna chu a kah rem theih nan a phih hrawk bawk a. a thil hmuh hnuhnun ber chu Pisciotta nui hmel chu a ni ta a ni. Lupara chuan a taksa chu Saddle atang chuan a hnawl thla rawp a, vaivut zingah chuan hnap paih (  ) ang thlawrhin a tla thla ta a.
Duhtawk hmu tih hriat takin Pisciotta chu Marcuzzi taksa bulah chuan a ding a, a luah chuan a han kap nawn leh sak a. chutah Marcuzzi kuta Pistol chu a la a, Rifle chu a la bawk a. Mitthi iptea rifle mu awm chu la chhuakin a ipteah a khung vek bawk a. Chu tah rang takin sakawr palite chu a kap hlum vek a, Guilianno-a hmelmate lo tanpuitu te vau lawk nan a ti a ni. A kuta lupara kengin, Rifle ak tap leh a kawnga pistol pai tah chungin kawngah chuan a ding a. Khawngaihna lam a hrechang lo, a nunrawnna chuan a ti hlim a ni. Thiandun inhmangaih tak an ni chungin kawng hrang hrangah thu inhmuh loh chang an nei ve fo. Gilianno chu a chungnung zawk a ni nachungin amah ang thova fing leh huaisen a nihna tihlan a tul niin a ngai fo thin. Tunah chuan naupanna huangchhung atang te, Vantlang nun atang te a chhuakin chu hung pawn lama awm tawh sa Guilianno chu a zawm ve thei dawn tawh a ni. He a thil tih avang hian Guilianno chu a zawm kumkhua tawh ang.

Ni hnih liam hnu, zanriah ei hma hretah Guilianno chuan Monastery chu a chhuahsan ta a ni. Chaweina hmuna lo kal khawm puithiam zawng zawng chu inthlah nan a kuah vekin, a chunga an thatna avnagin lawmthu a hrilh a. Puithiamte chuan a kal mai tur chu pawi an ti hle, sakhaw thil pawimawh tihnaah a tel ngai lo va, Sual puanna a nei ngai lovin a tualthah avangin a inchhir hek lo. Mahse puithiam thenkhatte pawh he a thil tih sual anga mipa an nihna lo lan tir ve tawh te an ni a, an chungah rorelna lek a ni chuang lo.

Abbot chuan Monastery gate thleng, Pisciotta-in a lo nghahna hmun thleng chuan a va thlah a.Mithianghlim Mari lim, Maria Lombardo-in a neih ang kha thilpek atan a pe a. Guilianno chuan milim chu Pisciotta Green bag rawn kenah chuan a thun a.

Guilianno leh Abbot-te inthlah lai chu Pisciotta chuan tui loh hmel zetin a lo en a. Abbot chu a ruka bungraw tawlh ruknaa inhnamhnawih a nihna te, ‘friends of friends’ member ruk a nih zia te leh a puithiam enkawlte sal ang maia a chhawr ziate a hre ve vek bawk si a. Ngaina leh ngaih hmel taka Guilianno a thlah chu a hrethiam thei lo a ni. Guilianno-a ngainatna leh hmangaihna leh zahawmnain amah a hip ang chuan, midang Abbot te anga thiltithei leh upa zawk te pawh a hip ve thei tih a ngaihtuah phak lo a ni.

Abbot leh Guilianno chu an inpawm a, Guilianno chuan, “I lei ka ba nasa hle a ni, engtikawng zawng pawha puih I ngaih hunah chuan min han hre reng la, ti tura min duh apiang chu ka ti zel ang.”

Abbot chuan a dara ben thak thak pahin, “Kristian thilthlawnpek chuan phut let a nei ngai hlei nem, Lalpa kawngah chuan kir la, ka fapa, amah chu lawmthu hrilh zawk rawh.” Mahse chu chu a by-heart sa sawi ang lek a ni. Guilianno-a thutiam chu a hre ren ngei ang.

Pisciotta phal lo chungin Guilianno chuan bag chu a pu a, Monastery gate-ah chuan an chhuak dun a, vawitekhat mah an hawi let lo.
[*]Loma_Hmar[*]

Link:
BBcode:
HTML:
Hide post links
Show post links

Loma hmar
Posts: 123
Joined: March 20th, 2018, 11:51 pm

Unread post by Loma hmar » April 8th, 2018, 11:38 pm

Chapter 6a

Monte d'Ora tlang chhip bula tlang filawr tawp atang chuan, Guilianno leh Pisciotta chuan Montelepre khawchhung chu chiang takin an hmu thei a. an hnuai mel tlem teah chuan, khaw thim tur do let nan in tinah eng a rawn chhuak chuah chuah a. Guilianno chuan kawtthlera aurinna hmanga rimawi, zanriah ei hmaa leng vak mipuite tana an play, Rome radio station atanga tih chhuah chu hre phakin a inhre hial.
Mahse tlanga thlifim ri a ni thei bawk. Khawchhung thleng tur chuan darkar hnih kal a ngai a, chho leh lamah darkar li lai hman a ngai thung. Guilianno leh Pisciotta chu he tah hian naupang ang maiin an infiam a, lung awm zawng zawng te, leiverh leh puk zawng zawng an hre vek a ni. He tlang atanga hla deuh takah hian Grotta Bianca an tih, Naupan lai ata tawha an ngainat em em puk a awm a, Montelepre-a in lian ber ai pawha lian tur a ni a.
Aspanu chuan thupek a zawm tha kher mai, tiin Guilianno chuan a ngaihtuah a. Pukah chuan Sleeping bag te, thil chhumna belt e, Silai mu bawm te leh chhang leh ei tur dang ip te a awm a, thingrem a chhunga, hmeh en, laltin leh chemte awm te, khawnvartui tin thlengin a awm ve biai a ni. A nui hak a, “Aspanu, hetah hian kumkhuain kan cheng thei mai ang,” a ti a. “Hun rei lo te chhung chauh a ni ang, carabinieri ten an lo zawn hunah che helai hi an rawn en hmasak ber tur a ni.” Aspanu chuan a lo ti a.
“Midawihzep ho chuan chhunah chauh alawm min rawn zawn ngam? Zanah chuan kan him a ni,” Guilianno chuan a lo ti a.
Zan khaw thim chuan tlang vel chu a rawn khuh ruai ruai a, mahse arsi eng tam tak avang chuan anmahni leh anmahni pawh an inhmu thei thuai a. Pisciotta chuan Bag hawngin ralthuam leh thawmhnaw a phawrh chhuak a. Muangchang leh puithu takin, Guilianno chu a inthuam a, a puithiam kawrfual hak chu hlipin Buikelek vun atanga siam kekawr a ha a, beram vun atanga siam jacket, ipte tam tak nei chu a inbel bawk a. Pistol pahnih chu a kawngah zepin a jacket chhungah machine pistol a dah bawk a, chutah chuan thup a awlsam bakah rang takin a phawi chhuak thei a ni. A kawngah chuan silaimua khat kawnghren a hreng a, a dang chu a jacket ipteah a la ak cheu bawk. Pisciotta chuan chemte a rawn pe a, a Army boot karah chuan a zep leh nghal a. Pistol dang te deuh zawk, holster a inthun chu a jacket nghawng thleh karah chuan dah bet bawk a, uluk takin a ralthuam leh a mute chu a endik leh thlap a.
A langa a ken a rifle chu a darah chuan a ak a, a tawpah chuan a inpeih ta. Pisciotta chu a nuih a, a ni chuan Lupara chauh kengin a hnungzangah chemte a pai thung. “Ruak huaiin ka inhria, khang thir I taksaa I pai zawng zawng kha I kalpui thei dawn em ni? I lum palh vaih chuan ka chawi zo dawn miah lo che a nia.”a lo ti a.
Guilianno chu a la nui reng a, naupangin khawvel a thuhnuaia dah theih a inrina a nuih ang maiin a nui a ni. A taksaa hliam ser lian tak chu silai leh a mu rihna avang chuan a na zawk a. mahse a lawm zawk, chu chuan thiamchanna a pe tlat a ni. Pisciotta hnenah chuan, “Ka chhungte emaw ka hmelmate emaw hmu turin ka inpeih ta e,” a ti a. Tlangval naupang tak pahnih te chu Monte d'Ora tlang chip atang chuan Montelepre panin, kawng chu an zawh chhuk ta a.
Tlang kawng atanga chhuakin Montelepre kawng pangngai an zu pawh ta a, Mithianghlim mari leh nausen maicham awmna hmun an kal pel a. Thei huan atanga rim tui tak lo chhuak chuan Guilianno a lu chu a ti hai lo chauh a ni. Pisciotta-an perthei lo tura a kun chu a hmu a, a nunna chhantu a thianpa chu hmangaih thar riauin a inhria a, naupan lai atang tawha zung kaih inngainatna thuk tak chu. Kumkhuaa dam dun theih reng a chak hle. Sicily rama loneitu satliah pahnih, tlang kara thih tlaw tawp mai chu an tana khuanu ruat a nih a ring thei lo. Engthawl taka Pisciotta chu au vin, “aspanu, ka awih e, ka awih e.” a ti a, tlang hmun awih tawp ber lamah chuan a tlan thla ta a, Pisciotta chu a hnungah tlan ve nghalin, nui uarh uarh chungin thla eng no nghulhin montelepre kawng a chhun en ruihah chuan an inum thla ta a.
Tlang chu hlo bet hring dup, yard za vel laia zauah chuan a tawp a, chu chuan Via Bella-a in hnung bang a va chhun a ni. he bang piahah hian in tin chuan huan, tomato te leh olive te, ser te an chinna hmun an nei theuh a ni. Guilianno-a te huan luhna gate chu a lo inhawng a, tlangval pahnihte chu thawm dim takin an lut a, Guilianno-a nu chuan a lo nghak reng tawh a ni. Guilianno awmah chuan a lo bei thlawp a, a biangah mittui a luang zawih zawih bawk a. A fawp nawk nawk a, zawi te a phunin, “Ka fapa duh tak, ka fapa duh tak,” a ti mial mial a.
Zanlai a ni tep tawh a, thla chu a la eng hle. Enthlatu ten an hmuh loh nat inchhungah an lut ta vat a. Tukverh te chu a inkhar vek a, Guiliannoa lainate leh Pisciotta-a chhungte chu kawtthler tinah inzar pharhin Police Patrol an awma in hrilh lawk vat thei turin an awm a. In chhungah chuan Guilianno-a thiante leh chhungkhat laina ho chu amah hmuak turin an lo awm thap a. Holy Easter ruai chu a zo chiah a, Guilianno-a tlang lama a kal leh hmain zanin chiah hi hun an nei a ni.
Guilianno-a pa chuan lo pawmin a lo lawm tih entir nan a hnungah a beng thak thak a. A farnu pahnih leh Hector Adonis te, An thenawm hmeichhia, La Venera pawh a lo awm bawk. Amah hi kum 35 mi hmeithai a ni a, a pasal chu misual hmingthang tak, a hming Candeleria, kum hmasa lai lawka phatsan a nih avanga Police ten an man tak a ni. Lal Venera chu Guilianno-a nu thian tha tak a ni chho va, mahse tun tuma a lo awm ve hi Turi chuan mak a ti hle. A nuin a sawm ve a ni phawt ang a, eng vanga sawm nge a nih tih hriat a chak hle.
An eiin an in a, Guilianno chu Ram danga hun rei tawh chhung zin bo lo haw hlim ang maiin an ngaihsak a. A pa chuan a hliam hmuh a duh avangin a kawr chu hlimin a hliam ser chu a hmuh tir ta a, a bul vel chu a silaimu denna avangin dum-pawl deuhin a kual raih a, anu chu lungchhe takin a tap thut a, mahse Guilianno chuan nui sang chungin, “Taninah Hruihrual leh tianga vuakna ser nena min hmuh I duh zawk em ni?” a ti a.
Tunah chuan Sicilian tumah hian Phurrit nasa tak neia siamtu sorkar-ah leh Danah chuan rinna an nghat tawh lo. Guilianno chuan chutiang zawng zawng chu a hr hneh tawhin, a thluakah a thun hneh tawh hle. Tunah ngei hian Guilianno chuan a tidanglam thei tih a inhre ta a ni.
Sikret zu paha Coffee in mek Aspanu chu a han en a, Hetianga inhmuhkhawmna hlimawmah pawh chuan awmze neiin a nui sawng reng a, Guilianno chuan a ngaihtuahna leh eng nge a sawi ang tih hre theiin a inhria: I tih tur zawng chu Police inkah tir a, tual thah a, danpawna awm a ni mai, ti chuan I chhungte chuan van atanga mithianghlim lo tla ang maiin an enkawl tawh mai ang che. Chute chungin Pisciotta chu a danglam chuang lo.
He hmeichhia, La Venera vet hung hi; Eng vanga lo tel ve nge a nih a, eng vanga a nu hian lo sawm nge maw a nih le? A hmel chu a la tha hle tih a hre thei a, mithmulh dum fiah kak mai, a hmui chu engfiah lo ruaiah chuan a sen duk lek lekin a lang a. a pianhmang erawh sawifiah hleihtheih a ni lo, Sicilian hmeithaikawrfual dum a hak tlat avangin.
Guilianno chuan an inkah dan chanchin chu a hrilh a, a pa, tlema wine lo rui deuh tawh chuan police a thah thu a sawi lai chuan pawmpui tih lan tir nan a lo rum nghat a. a nu erawh a ngawi reng thung. A pa chuan loneituin a sabengtung a rawn zawn thu chu sawiin, “Lungawi tum rawh, sabengtung I hloh a, kei chuan ka fapa ka hloh asin,” ti a a lo chhan dan te a sawi a,
Aspanu chuan, “Sabengtungin sabengtung a rawn zawng a nih chu,” a lo ti a, an nui zo ta vek a. Guilianno-a pa chuan sawi zawmin, “loneitupain police thah a ni tih a hriat chuan enmah a sawi ngam ta lo va, an vuak tuar a hlau a ni. ”
Guilianno chuan, “A hloh ang kha rulh let a ni ang,” a lo ti a.
A tawpah chuan Hector Adonis chuan Turi chhanchhuah a nih theih nana a ruahmanna chu a sawi ta a. Police a thah chhungte kha zangnadawmna pek a ni ang a, chumi atana pawisa ngai tur chu Guilianno-a nu leh pa chuan an ram thenkhat an dahkham a ngai dawn a ni. Amah pawh chuan a thawh ve tho ang. Mahse chumi ti tur chuan an thinurna daih deuh hun a ngai dawn a ni. swrkar hotu leh chhungkaw lama mawh lo phur tur chuan Don Croce-an a lo buaipui thei ang. Bakah thil thlen kha accident ang chiah a ni a, Sorkar lam leh chhunkaw lam pawhin an la urhsun lutuk lo ang chu. A pawi ber chu Guilianno-a ID an nei kha a ni a, mahse kum a vei chuan Don Croce-an Prosecutor lehkha pawimawh ho atangin tihbo dan a hre mai ang chu. A pawimawh ber chu, Guilianno-a buainaa inhnamhnawih miah loh a ni a, chu kum khat chhung chuan tlangah a bi bo hmak tur a ni ang.
[*]Loma_Hmar[*]

Link:
BBcode:
HTML:
Hide post links
Show post links

Loma hmar
Posts: 123
Joined: March 20th, 2018, 11:51 pm

Unread post by Loma hmar » April 9th, 2018, 10:45 pm

Chapter 6b

Guilianno chuan dawhthei takin a lo ngaithla a, ning hmel tilang hauh lo vin a changin a lo nui a, a changin a lo bu nghauh nghauh bawk a. Thla hnih liam taa Festa hun laia amah ang ni turah khan an la ngai a ni. A Jacket chu phelhin a ralthuam te chu a tilang a, a silai ho chu a ke bul, dawhkan hnuaiah a dah bawk a. Mahse chung chuan an rilru a kuai her chuang lo, a hliam ser lian tak pawh chuan. An kahna chuan a thinlung a hliam nasat zia an hre lo a ni, an hriat thin tleirawl kha a ni tawh lo ti pawh.
He inah hian, tun dinhmunah chuan a him hle, mi rintlak tak tak te kawtthlerah chuan vei velin rawn beih tum an awm takin tiin carabinieri ho barrack an thlithlai reng bawk. A ina hrim hrim pawh chu, lung hmanga kum za tam liam tawha sak tawh a ni a; a tukverh kawngkharte pawh thinga siam chhah tak leh kalh ngheh tlat a ni a, Thing kawngkhar pawh chhah tha tak leh, thirkham nei vek a ni. Pawn lamah eng a chhuak thei miah lo va, hmelmain rawn bei thut pawh ni se awlsam taka luh mai theih a ni lo. Chutichung chuan Guilianno chuan hmun hlauhawma awmin a inhre tlat tho.
Heng a mi ngainatte hian a nun dan hlui, loneitu naran anga awm leh tur khan hmin an tum mek a ni; silai tung a, an dan thuhnuaia tanpuitu nei lova dah an tum a ni. Chu dinhmunah chuan a hmangaih tak te chung pawh ni se a khirh viau a ngai dawnin a hria. A suangtuahnaah chuan hmangaihte neih hmasaka a dawta thiltihtheihna niin a lo ngai thin a. Mahse chu chu inthlak hlawkin, tunah chuan thiltihtheihna a hmasa zawk tih a chiang ta hle.
Zaidam takin Hector Adonis leh midang hnenah chuan, “Dear Godfather, ka hma ngai tak leh ngaihtuah takin I sawi tih ka hria. Mahse ka buainaa min puih a tul avanga ka nu leh pain an ram then khat an hloh chu ka rem ti thei lo. Tin nangni pawh, min ngaihtuah lutuk duh suh u, puitling, a fimkhur loh avanga tuh rah seng tur ka ni mai. Carabinieri ka kah kha zangnadawmna in pek ka duh hek lo. In hriat ang khan Cheese tlemte ka tawlh ruk vang maiin min thah a tum a nih kha. Thi tur tho niin inngai lo ilang chuan ka kap bik lo vang. Mahse kha chu thil kal tawh a ni a, a leh pekah chuan kah mai mai ka har viau tawh ang,” A ti a. Pisciotta chuan then sawng chungin, “Tlangah chuan a nuam zawk daih lehnghal,” a lo ti a.
Mahse Guilianno-a nu chu a thlaphangin a mitah chuan hlauhna a lang thei a; beidawng takin, “Suamhmang chu ni lul suh, mirethei te chu rawk lul suh u, an tuar tawk tawh e. Danpawna hnawl chu ni lo hram rawh, La Venera hian a pasal nun dan kha a hrilh thei ang che.”
La Venera chu lo dak chhuakin Guilianno mit takah chuan a en a, A hmela zauthauna, a tisa phurna hip tum niawm taka awm a hmuh chuah Guilianno chuan mak a ti deuh hle. A mitmeng chu a huangtauvin engkim ti tura sawmna pawh a ang lek lek. A mah aia upa hmeichhia a ni tih a ngaihtuah chhuah hma hauhin, tisa thil takin a suangtuah ta a ni.
A tawng chhuah chuan a aw chu rilru dek zawng takin a tham chhalh a, “Kal I tumna tlangah ngei sawn ka pasal chu ramsa ang maiin a lo cheng ve tawh a, Hlauthawng reng rengin, chaw a ei thei lo va, a mu thei hek lo. Khuma kan mut pawhin thawm chhete pawhin a zuan thawh tir thei zel. Khum bul chhuatah silai nen kan mu a, mahse chu chuan a pui chuang lo. Kan fanu a dam lo chuan rawn kan ngei a tum a, mahse an lo chang reng a, rilru no tak a ni tih an hria a ni. Kawtthlerah ui ang maia kahthluk a ni a, a ruang chungah ka hmai hmaah ngei min nuih zat a ni.”
Guilianno chuan Pisciotta hmel lo then sawng chu a hmu a, Suamhmang ropui tak, Candeleria chu rilru no maw? Hektu nia ngaih mi paruk a that vek a, Loneitu hausa deuh a suasam a, a rethei deuh te pawisa a chhuh sak a, Ram pumah thil rapthlak tak tak a ti a. Mahse a nupui hmuh dan chu a dang thung si.
La Venera chuan Pisciotta lo nui chu a hmu ve lo, sawizawm zelin, “Ka phum zawh hnu lawk kar khat hnuah ka fanu ka chan leh a. Pneumonia vang niin an sawi, mahse a thinlung a keh chhe vek tih ka hria. Tlanga a awmnaa ka tlawha ka hriatreng chu, hritlang a nei rengin a ril a tam thei hle a, a changin a damlo bawk thin. Thingtlangmi pawisawi lo ni leh tur kha chuan eng pawh chan a huam ang. Chung zawng zawng aia tha lo chu, a thinlung kha Olive khur ang maiin a sak ta tlat kha ni. mihring a ni tawh lo, thlamuang takin chawl rawhse. Chuvangin Turi duhtak, Inchhuang lul suh, he I vanduainaah hian kan pui ang che, ka pasalin a thih hmaa a nih ang kha chu ni ve lul suh.”
An ngawi thap a, Pisciotta pawh chu a nui tawh lo. A tu amah chu an tawng lo. An ngawih rengna chu kawngkhar rang taka rawn kik thawm chuan a rawn ti tawp a, enthlithlai tura an tih zinga pakhat a lo ni a. Pisciotta chu be turin a kal nghal a, a lo kir leh chuan Guilianno chu a ralthuam inbel turin a hrilh a. “Carabinieri barrack chu engine a khat a ni,” tiin a sawi a, “Via Bella tawpa town Square luhna kha police Vanin a dang bawk a ni, he in hi rawn run an tum a ni.” a ngawi hlek a, “Rang taka inthlahna thu kan sawi vat a ngai a ni.”
Midangte mak tih tur takin Guilianno chu muang fan raihin, buai miah lovin a che a. a nu chu a awmah rawn beiin chu tih lai chuan a jacket chu a kutin a ban a, midang chu a mangtha a, a jacket hain a rifle chu a darah a ak leh a, a inpeih chu ni der a. hmanhmawh takin a che vut vut chuang lo. Chutah dingin midang ho chu a nuih a, Pisciotta hnenah chuan, “La awm hrihin nakinah tlangah min lo hmu thei ang, I duh chuan I lo kal nghal thei bawk ang.” A ti a, ngawi rengin Pisciotta chuan in hnung lam kawngkhar chu panin a hawng nghal a.
Guilianno chuan a tawp nan a nu chu a kuah a, a ni chuan lo fawp vawng vawngin, “Biru rawh u, thil atthlak engmah ti suh, kan pui ang che u.” a ti a, mahse a kuahna atang chuan alo chhuak hman reng tawh a.
Pisciotta chuan hma a hruai a, huan paltlanga tlang awih tawntirh panna lamah chuan. Guilianno chu fiak thakin a faifuk a, Pisciotta chu lo dingin Guilianno chuan a va um phak a. Tlang panna kawng chu a him a, en thlithlaitu te khan chu lamah chuan police an awm lo tih an hrilh a ni. An puk, Grotta Bianca chu darkar li an lawn hunah thlengin tah chuan an him ang. Carabinieri ten zan thima an um a nih chuan, an huaisen hrim hrim emaw an a tae maw a ni ngei ang.
Guilianno chuan, “Aspanu, sipai ho kulhah chuan carabinieri engzatnge awm a?” tiin a zawt a.
“Sawmpahnih,” tia chhangin, “leh Maresciallo.”
Guilianno chu a nui a, “Sawmpathum chu number vanduai an ti asin, a nih leh eng vangin nge chutiang mi tlemte laka kan tlanchhiat?” a ngawi hlek a, chu tah, “Min zui rawh.”
Huanah chuan let lehin Montelepre khawchhung kawtthler hla deuh hlekah an lut a. Via Bella tan tlangin Guilianno-a te in chu hmun thim remchang lai atangin an thlir ta a. Thu chungin an nghak ta a.
Mnute nga vel lek an nghak hman tih chuan Via Bella-a Jeep lo tlan thla thawm chu an hre ta a, Maresciallo telin carabinieri paruk an rawn chuang a, pa hnih chu rang takin kawtthler lehlamah pheiin In hnung lam luhna an veng nghal a. Maresciallo leh carabinieri pathumte chu kawngkhar lamah kalin an chum nghal dawt dawt a. chutih lai vek chuan Truck chung khuh nei tereuhte hi Jeep hnungah chuan lo dingin, police pahnih an lo zuang chhuak a, inring takin kawtthler chu an ngaihven nghal a.
Guilianno chuan uluk takin chung chu a lo thlir reng a, Police hovin an thawn thut an tum dan chu targetin a lo beihlet theih loha chet ang niin a hria. Tharum hmanga bawh thut an tum ni berin a lang. Chutah tak chuan Guilianno chuan veh a nihin rang taka beilet thei tura awm a ngai dawn tih a hre nghal a, eng anga inthlauhna tam pawh ni se, inthlauhna a tam leh a tha ting mai.
Chu chu Guilianno an chet dan tur kawnghmang a duan hmasak ber chu a ni. Thisen chhuah duh ni ngat se hneh taka a thunun awlsam dan tur a ngaihtuah chuan mak a ti zawk hial. Maresciallo leh midang pathum te chu a kap thei lo ngei ang a, silai mu chu inchhungah tlangin a chhungte a kap palh thei tlat a ni. Kawtthler lam vengtu police pahnihte leh driver pahnihte erawh awlsam takin a tukzal vat thei ang. A duh chuan, Maresciallo te in chhunga an luh veleh a ti nghal ang. An ni chu lo chhuak ngam lovin inchhungah an tawm ang a, chumi hun awlah chuan Pisciotta chuan huan lamah an chhuah theihna tur a lo buaipui mai ang. Kawtthler tawp dangtu Police te kha chu, an awmna a hlat avangin buaipui an ngai lo vang, bakah order an hmu a nih loh chuan an lo kal ngawt dawn si lo va.
[*]Loma_Hmar[*]

Link:
BBcode:
HTML:
Hide post links
Show post links

Loma hmar
Posts: 123
Joined: March 20th, 2018, 11:51 pm

Unread post by Loma hmar » April 10th, 2018, 10:32 pm

Chaoter 6c

Mahse tun dinhmunah chuan thisen chhuah chu a la tum hrih lo, chetdan tur zirna a la ni hrih. Maresciallo chet dan hmuh a duh hrim hrim bawk a, nakina a khingpui ber tur a nih dawn avangin.
Chutih lai chuan Guilianno-a pa chuan kawngkhar chu a lo hawng a, Maresciallo chuan a banah manin a lo pawt chhuak nghal a, che lo a lo awm reng turin a au nghal tuarh bawk a.
Italian Carabinieri-a Maresciallo chu National Police-a NCO (Non-commision Officer) dinhmun sang ber a ni a. khaw khata sipai awm Commander an ni tlangpui. Khawchhung inrelbawlnaa dinhmun pawimawh tak chang, mayor leh puithiamte ang bawka an zah a ni a. Guilianno-a nuin a kawng lo dal paha hmusit tih hriat taka leia chil a chhak thuai a hmuh chuan lawm a hlawh dawn lo tih a hre mai. Tharum hmanga amah leh midang pathum chu inchhunga an luh a ngai hial, an zawn kual vel chhung chuan tawngkam dengkhawng tak tak leh anchhia chu Guilianno-a nu atangin an dawng reng bawk. An vain zawhna zawh turin pawnah chuan an chhuah tir vek a. Thenawmte pawh chu lo chhuakin tawngkain police ho chu an lo an khum ve bawk a.
Inchhunga engmah awm lo tih an hriat hnu chuan, Maresciallo chuan zawhna a zawt hlawm a, Guilianno-a pa chuan mak a ti hle, “Ka fapa ngei chungchang ka hrilh duh che I ring em ni?” tiin a zawt a. mipui lo awm ve te chu pawmpui tih lantirin an rawn thum hak a. Maresciallo chuan inchhunga lut leh tur chuan thu a pe ta a.
An awmna hmun thim laiah chuan, Pisciotta chuan Guilianno hnenah chuan, “I nuin kan ralthuamte a lo keng lo chu an vannei hle mai.” A ti a, Guilianno chuan a chhang lo. A thisen chu a lum pap pap a. In-control turin a beih fe a ngai hial a ni. Maresciallo chuan a tiang phawrhin mipui zinga mi, Guilianno-a nu leh pa a tih dana lo hnial nasa ber pa chu a hlap pawp a. Carabinieri pahnih dang chuan Montelepre mipui, an duh duh chu manin, truck awmna lam an panpui a, an tlawhin an hlap zawt zawt bawk a; an sawiselna leh hlauh avanga an tapte pawh chu an pawisa lo.
Thawklehkhatah mi pakhat hi Carabinieri hmachhawn chuan a rawn dik chhuak thut a, Maresciallo lam chu a rawn bawh phei a, silai riin a zui nghal a, chu pa chu tiaulung hmunah chuan a tlu ta a. In pakhat atang chuan hmeichhe te thawm lo chhuakin, a lo tlan chhuak a, a pasal tlu tawh bulah chuan a rawn bawh phei thlawp a. Guilianno chuan chu nu chu a hria, an chhungkaw thian thin a ni a, Easter Cake thar lam tak a nu a rawn ken fo thin a ni.
Turi chuan Pisciotta dara kheuh zauh pahin, “Min zui rawh,” a ti sup a, chu kawtthler chep leh kikawi zetah chuan Central Square lam panin a tlan thla ta nghal a. Central Square chu Via Bella lehlam tawpna a ni a.
Pisciotta chuan, “Eng nge maw I tih hrep le?” a ti tuarh a. Mahse a ngawi leh vat a, Turi-a thil tih tum chu a hmu thiam nghal thut a ni. Mitang phurhna truck chu Via Bella-ah inher turin a chhuk ang a, chu tah Bellampo Barrack lam a pan dawn a ni.
Kawtthler thim taka a tlan lai chuan Guilianno chuan hmuh theih loh, Pathian ang ni maiin a inhria. Tuna a thiltih mek chu hmelmate chuan an suangtuahin an mumangah pawh an mang phak lovang tih a hria; tlang lamah inhumhim nana tlanah an ngai dawn si a. Phurna nasa tak hian a rawn tuam a, a fihlim tih hre rengin a nu In chu an run ngawt thei lo tih an inhrechhuak ang chu. Ti nawn leh tur chuan an ingaihtuah nawn ve fe a ngai tawh ang. Mi inring lo lai kah mai mai an thei ngawt tawh lo ang a, a thenawmte leh a chhungte zah turin a siam hlawm ngei dawn a ni.
Town Square sir lam chu a thleng ta a, Streetlamp pakhat eng atang chuan Police Vanin Via Bella luhna a block mek chu a va hmu thei a. chutiang thang chheteah chuan an awh theih an ring em ni dawn? Eng nge maw an ngaihtuah le? Chu chu an finna tihlan na chu maw? Katthler sir lehlam, langsar taka Biakin lo awm hnunglam atanga luhna lamah chuan a insawn phei a. Pisciotta chuan a hnungah a zui zel a. Maicham hungna lamah chuan zuang lutin chulai hmun thianghlimah chuan reilote an ding zawk a. helai hmunah hian an naupan laiin puithiamin Mass leh sacrament a sem laiin an lo pui tawh thin a ni. Inring taka silai keng chungin chibai buk nan an kun zauh a, zeilo zetin kross chhinchhiahna an siam a; chutih lai chuan Isua lim hlinglukhum khum te, Mari lim rangkachaka luan te leh, mithianghlim ho te chakna chuan ido chaka an zat zek zekna chu a tizuai deuh a ni. Biakin tepenah chuan kalin Oak thinga siam kawngkhar lian tak chu an pan a. chu lai atang chuan kah a rem hle dawn a ni. an ralthuam te buatsaihin an thingthi leh lawk a.
Via Bella luhna Blocktu Van chu inher remin mitang phur truck inhere kawtthler lama a kalna tur chu a lo kian a. Chutih lai chuan Guilianno chuan BIakin kawngkhar chu hawngin, Pisciotta hnenah chuan, “An lu chung lamah ka pang che,” a ti a, chumi rual chuan a machine Pistol chuan Van chu a kap a, a ke leh engine chu a tum ber a. Chutah Engine chu puakin chu lai hmun chu a eng pup a, Van chu a kang nghal bawk a. A seat hmalama chuang Carabinieri pahnihte chu milem cheh bun ang maiin an lo vawr chhuak nawlh a, thil thleng thut avanga inring hman lovin an taksa chu a then hran phah ta a ni. A bulah chuan Pisciotta chuan Mitang phur truck lamah chuan a rifle chu a lo kap ve mek bawk a. Turi chuan Truck Driver lo zuang chhuak leh tlu nghal tawp chu a hmu a, carabinieri pakhat silai kenga lo zuang chhuak pawh chu Pisciotta chuan a lo thal leh tawp bawk a. Turi chuan Pisciotta awmna lam pan a tum chiah tihin Machine Gun a lo puak tuar tuarin Biakin tukverh darthlalang chu a tla ur ur a, Biakin chhuatah chuan lunghlu ang maiin an tla darh erh uarh a. chutah chiah chuan Guilianno chuan zahngaihnain hmun a chang lo tih a hre chiang hle, Aspanu kha a dik a ni. an that lo a nih chuan thahin an awm dawn.
Guilianno chuan Pisciotta banah chuan kaiin Biakin chhungah chuan an tlan let a, hnung lam kawngkharah chuan chhuakin Montelepre kawtthler kikawi takah chuan an tlan ta a. Zaninah chuan mitangte kha chhan ngaihna a awm tawh lo tih a hria. Khawchhung bang tawp ber chu thlengin Tlang tawntirh awihtlan hmun him lai, lung lian tak tak awmna an thlen hma chuan an tlan zel a. Cammarata tlanga Monte d’Ora an thlen chuan khua a var tan der mai.
Kum sangkhat chuang liam taah khan Spatacus chuan helai hmunah hian a sal sipai puite a bihruk pui a, Rome sipai rual bei turin a hruai chhuak a ni. Monte d’Ora chhipa ding chunga ni lo chhuak mek a thlir lai chuan, Guilianno chu hmelmate a tlan chhiat san theih avang chuan hlim takin a awm a. Mihring thu chu a zawn tawh ngai lo vang, a mah chuan tunge dam a, tunge thi ang tih chu a thlang taw hang. A rilruah chuan Sicily ram ropuina leh zalenna atan engkim a ti ang a, thil tha atan chauh, thil sual ni lovin. Miretheite tan, rorelna dik a awm nan chauh a bei tawh ang. Indona zawng zawngah a chak vek ang a, awpbeha awm mipuite thinlung a hneh dawn a ni.
Kum sawmhnih mi lek a la ni a.
[*]Loma_Hmar[*]

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Loma hmar
Posts: 123
Joined: March 20th, 2018, 11:51 pm

Unread post by Loma hmar » April 11th, 2018, 10:12 pm

Chapter 7a
Don Croce Malo chu Villaba thingtlang khuaa piang a ni a, khaw chengker leh berh tak ni thin kha khaw hausa leh sicily rama hmingthang takah a siam a ni. Sakhawmi chhungkua atanga lo chhuak, Catholic Biakin tana Puithiam ni tura ruat a nih pawh chu thil danglam vak a ni lo. A hming dik tak pawh Crocefisso niin, sakhaw mi hming, Sakhaw ngaihsak tak chhungkuate chauhin an puttir thin a ni. A naupan lai pawhin Holy Easter lawmnaa lemchanah Isua lem changtu te pawh a lo ni tawh a, nungchang tha leh sakhawmi tia chawimawi a hlawh hial.
Mahse Kum a lo vei a mipa puitling a lo nih chuan, Croce Malo chuan amah ni lo a chunga thuneitu neih chu harsa a ti sawt hle. Bungrua a tawlh ru a, ruk a ru a, mi a suam bawk a. Pawi ta ber chu nula tleirawl a rai kha a ni. Ani chu an lemchannaa mari Magdalene-I lema chang thin a ni a. a nei duh lo a. a chhuanlam ber chu an lemchannaa sakhaw lam hlimsanna avanga thil thleng palh a ni tia sawiin chutiang a nih chuan ngaihdam a ni thei dawn a ni.
Hmeichhe chhungte chuan chu insawifiahna chu pawm har an ti deuh a, inneih a nih loh chuan thih an ngiat ta a. Croce Malo chu chutiang hmeichhe zahawm em em lo nei tur chuan a chapo mah mah, chutichuan tlang lamah a tlan bo ta daih a. Kum khat zet suamhmang anga a awm hnuah, Mafia nena inbe pawpin a vannei ta hlauh a ni.
‘Mafia’ tih chu Arabic tawng niin, ‘inhumhimna hmun’ tihna a ni a. Kumzabi 10-na a Saracen hovin Sicily ram an awp atangin Sicilian tawngah seng luh a ni tawh a ni. Hmanlai han thlir chuan sicily mipuite chu heng Roman ho te, Papacy hote, Norman ho te, German ho leh Sapanish ho te hian an chungah lal hrawtin rawng takin an lo awp tawh thin a. heng sawrkarte hian mipuite chu sal ang maia chhawrin, an thawh chhuah sa an ring a; an hmeichhiate an pawngsual a, an hruaitute an thah sak bawk a. Mihausa te pawh an bang bik chuang lo, Spanish Catholic Church atanga kal peng ngaihtuahtu pawlte chuan rinna kawnga kal peng tiin an rosumte an chhuhsak bawk a ni. Chutichuan, ‘Mafia’ tih chu phuba latu pawl ruk angin a lo ding ta a ni. Loneitu pakhat nupui Norman mitha pakhatin a pawnsual tumin roreltu lamin hremna an lekkawh loh avangin, chu pa chu loneitu pawl intelkhawmin an dahtha hmak a ni. Police hotu pakhatin rukru tenau nasa taka a sawisak chuan, Police pa chu thah a ni mai. Zawi zawiin mi naran leh mirethei pawl ho chu pawl mumal takah a rawn inseam chho va, Mipu lam tang tlat a nih avangin sawrkar aia thiltithei zawk leh second Government tih hial a lo ni ta a ni. thil dik lo a awma siamthat a ngaihin, tumahin Police an pan ngai lo, tuallai Mafia hotu hnenah an kal a, ani chuan a lo chingfel thin.
Sicilian mi ten thil sual an tih len theih ber chu, Thuneitu engpawh hnena mafia chungchang information an pekin a ni. Engmah an sawi ngai lo. A hnuah he engmah sawilova an awmna hi ‘Omerta’ tia koh a lo ni ta a ni. Kum za chuang zet chutianga kalpui a nih hnuah phei chuan Mafia chauh ni lo mipakhat thiltih sual chungchang thlengin policete hnena puan loh chu danah an nei ta zel a. Mipuite leh dan kengkawhtu lam inbiakpawhna chu tawp hmakin, naupangte pawh mikhual hnena khaw kal kawng hnai ber emaw midang In awmna emaw pawh kawhhmuh lo turin an inzirtir ta zel a ni.
Kum za tel teh meuh mafia chuan Sicily-ah ro a rel a, a inthup leh langsar lo thei ang berin, a thuneihna zau zel chu thuneitute pawhin tihngaihna an hre hek lo. Indopui II-na a lo thlen hma kha chuan, Mafia tih chu Sicily thliarkarah chuan sawichhuah a ni lo.
Kum nga zet tlang lama a awm hnu chuan, Croce Malo chu ‘Qualified Man’ tia hriat a ni a, chumi awmzia chu, ‘Buaina sawi tham loh chauh neia mihring nuaibo thei tura rintlak’, tihna a ni. Amah chu ‘mi zahawm’ tih a ni. Ruahmanna engemaw hmangin a pianna khua Villaba, Palermo atanga mel sawmli vela hlaah chuan leh thei a ni. he ruahmannaah hian hmeichhia a tihmualphoate chhung kha zangnadawmna pek teh pawh a tel nghe nghe a ni. Chu chu a hnuah chuan a ngilneih vanga a thiltih tia puan zar a ni nghe nghe, mahse a dik takah chuan a fin kherek vang chauh a ni. A kir leh hi chuan kha hmeichhia kha chu Americaah hmeithai naupangte angin , a zahna thup turin tirh liam a ni daih tawh a, mahse a chhungte chuan thil thleng kha an hre reng a ni. Sicilian an nit lat. Don Croce, Thiamtaka tualthah hmang, suamhmang tawrawt leh ‘Friends of friends’ zingah pawh a hlauhawm pawl ni bawk chuan, a ngilneihna te, mizahawm a nihna te chu a tihmualpho tak chhungkua lak atanga hum tur chuan thalmuang takin a hmang thei hauh lo vang. Zangnadawmna kha awm lo ni se chuan a sawhkhawk chu eng pawh ni se, an that em em ang.
A ngilneihna leh a fin thiamna avang chuan Croce Malo chuan nihna zahawm tak, ‘Don’ nihna a hlawh chhuak a. Kum 40 a nih meuh chuan ‘Friends of friends’ zinga challang ber niin Mafia chhungkua leh mafia chhungkaw inkara inhriatthiam lohna leh innghirnghona ah rorelna dik kengkawh tura koh a ni hial thin. A fing a, palai hnathawk tur reng a piang ni mai awm a ni a; chung zawng zawng aia pawimawh chu, thisen chhuah a nihin a zam ve ngai lo tlat a ni. Sicilian Mafia zingah chuan ‘remna siamtu Don’ tia hriat a ni ta a. A unaupa Father Beniamino pawh chu Palermoa Cardinal Secretary a lo ni chho a. Tui thianghlim ai chuan Thisen chu a hlu deuh a ni ang e, a naupa hnenah chuan a rinawmna thu a tiam a ni.
Nupuite neiin a ngaihhlut em em a fapaa pa a han ni chho a. Don Croce, tuna a nihna anga fimkhur leh thu hnu la dawn em em lo leh inngaitlawm em em lem lo, a hnua lungngaihna leh harsatna avanga a zir thar tak chauha chuan, sawrkar ding lai phiarrukna a ruahman a, chu chuan sicily ram pumah a tihmingthangin Roman society-a vantlang chunglam ho mak tih a hlawh hial. Chu phiarrukna chu historya mi ropui ber berte pawhin an tawrh fo nupa chungchang inremlohna avanga lo irh chhuak a ni.
Don Croce chuan, ‘Friends of friends’ –a a dinhmun avang chuan Chhungkaw chapo ve tak, lal chhungkaw nihna dinhmun chelh hlim a mi nupuiah a nei a. kum tam pawh an inneih hma chuan a nupui chuan amah zahna a tlachhamin, chu chu a siamthat vat a ngai tih a hria, a thil tih than loh tak a ni nangin. A nupui lal thisen kai chu Don Croce-a takna te, thingtlang rilru a putna te, sawi tur pawimawh a awm loh chuan thil sawi mai mail oh a zirna te, a thawmhnaw holam tak te leh thil engkima thupe thang a nihna te chuan a lem thlawt lo a ni. Chubakah Don Croce-an neih a tum tih an hriata a mah heltu an tawmim diak tih a hriatrengna te kha a ni bawk.
A pasal a zah lohna chu a tilang fo lem lo, mahse hei hi America emaw England emaw ni lovin Sicily ram a nit lat. Mahse Don chu rilru kawi ve tak a ni a, a nupuiin a thiltih a pawmpui lo tih a hriat chuan, chu chuan a zah lohna a tilang tawk hle niin a ngai. Pathian anga a biak theihna turin, damchhung pawh ni se tih a tum ruh ta bur a, chutah amah chu a hnaah a inpe pumhlum thei tawh ang.
Italy ram lalber chuan sicily ram a rawn tlawh a. Sicilian zawng zawng chuan Roman sorkar an huain Mafia ho an hlau a, mahse lal chu an lawm thung, thisen zawmpui mai bakah mithianghlim Mari leh Pathian te tela chhungkaw siam liantu nin an ngai. Lalin a rawn tlawh avang chuan Kut ropui tak an buatsaih a.
Sicily a awm hnua chawlhni hmasa berah chuan Palermo-a Cathedral ropui takah mass nei turin a kal a, Sicily rama lalchhungkaw pakhat fapa, Prince Ollorto tan Godfather a ni dawn a ni. Lal chu naupang za chuang te Godfather a ni sa tawh reng a, chungte chu Ram awptu fa te leh Fascist party-a mi thiltithei ber ber fate an ni. Chung chu lallukhum leh sorkar inkara inthianthatna atana tih vek a ni a, chung naupangte chu Lalukhum tana pasaltha dinhmun pek nghal an ni a, lehkha pawimawh leh puanthem bah chi, chawimawina an dawn tih chian nan an thawn thin, silver no tereuhte a tel thin bawk.
Don Croce chu a inring ta, Kut hmang mipui zingah chuan mi 300 lai a nei a. a unaupa Beniamino pawh a lawmnaa puithiam zinga thusa pawl a ni. Nausen Prince Ollorto chu Baptis zawh chiah a ni a, a pa chu cathedral atanga lo chhuakin chhuang takin, hlawhtling intihna nen a lu chungah a chawi kang a, mipui ho chu lawmin an lo au dur dur a. Prince chu Mi zahawm ho zinga huat hlawh loh pawl tak a ni a, a hmeltha hle a, Sicily tana mi engemaw tak la ni tura ngaih a ni.
Chutih lai chuan Don Croce-a mite chu Cathedral lamah tleh phei nghalin, lal lo chhuahna tur chu an dang chawpchilh nghal a. Lal chu patereuhte, sam aia hmuihmul nei buk zawk hi a ni a. Pasalthate incheina ang thawmhnaw a inbel a, chu chuan naupang lawm sipai lem a tiang hle. A lan dan chu chutiang chu ni mah se, a rilru chu a tha zet mai. Chutia Father Beniamino-an nausen a kuta a rawn pek pawh chuan chiai viau mahse a lo dang lem lo. Mipui rawn phei te khan, Don Croce-a thupekin, official leh lal zuitu te chu an rawn tihbuai loh nan an lo dang chat a. Father Beniamino chuan hmanhmawh takin maihun a tuithianghlim chu a theh vat vat a, nausen chu lal kut atang chuan lain Don Croce chu a pe a. Don Croce-a nupui chu lal hmaah chuan thingthiin lawm avangin a tap zawih zawih a, tunah chuan lal chu an fa neih chhun tan Godfather a ni ta si a. Thidang a dil a ngai tawh lo vang.
[*]Loma_Hmar[*]

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)