THE SICILIAN (Book I &II) By Mario Puzo (Completed)

Episode nei ho a hlawm a dahkhawmna
Loma hmar
Posts: 123
Joined: March 20th, 2018, 11:51 pm

THE SICILIAN (Book I &II) By Mario Puzo (Completed)

Unread post by Loma hmar » March 21st, 2018, 12:08 am

Book III link viewtopic.php?f=6&t=6628&p=18159#p18159
Letlingtu : Lallawmawma (Loma Hmar)


(Mafia chanchin ngaihnawm tak mai, sicily rama mipakhatin sorkar leh mihausa ho inluling lutuk lak atanga a helna chanchin ngaihnawm tak chu, puitu atan mafia chhungkaw thiltithei tak mai, Corleon chhungkua a nei bawk. Mizoțawnga kutthlak a la awm chiah lovin ka hria a, kan ti ve rawih ang e, copy/paste lamah min ngaihchan hram ka ngen e.

Book 1 : Michael Corleon 1950

Chapter 1(a)

Michael Corleona chu Palermo-a lawng chawlhhmun, thinga siam sei tak atang chuan lawng lian pui, America lam pana her liam mek chu a thlir vang vang a, chu lawnga chuang ve ngei tur chu a ni a, Mahse a pa, Don Corleon hnen atangin thupek thar a dawng miau a ni.

Sangha manna lawng, chu lawnglian pana kir leh meka chuang pa lamah chuan ban a vai lauh lauh a, kum liamta chhung zawng khan chu pa chuan a lo guard thin a ni. Ban a rawn vai let lauh lauh a, hmuh theih a ni ta lova.

A awmna lawngchawlhhmunah chuan hnathawktu, Lawnglian dang atanga bungraw hlangthlaa truck liana hlang lehtu an vei sup sup a, italian aiin arabic ni awm tak hmel an pu zawk a, lukhum hmai hliah khuh thei an khum vek a; an zingah chuan amah vengtu tur, Don Croce Malo nen an inhmuh hmaa him taka vengtu tur an inphum ru nual a ni. Don Croce Malo chu 'capo di capi of the friends of friends' ( Mafia zinga hotu lu sawina a nih hmel, capo di capi hi hotute hotu, boss of all bosses tihna- Loma) tiin sicily ah hian koh țhin a ni. Chanchinbu leh khawvel hmundangah chuan Mafia tia hriat a ni a. Mahse sicily ramah chuan mipangngai chuan Mafia tih hi an lam ri ngai meuh lo, an tan chuan Don Croce chu thinglung țha mi (the good soul) a ni tlat.

Sicily rama kumhnih a vahvaih chhung hian (The Godfather chhiar tawh chuan kan hre fur ang a, Michaela hian mi a thah avangin sicily ramah hian a tlan chhia a, he thawnthu hi chu mi laia thilthleng chanchin a ni- Loma) Don Croce-a thawnthu hi a hre tam zet mai, thenkhat phei chu mak tak tak, chutiang mihring an awm thei ngai dawn em ni tih hial turte niin a ringhlel hial țhin. Mahse apa hne atanga thu lo thleng chu a chiang hle, vawiin ngeiah Don Croce nen hian chawchhun an fak dun ngei tur a ni a, an ni pahnih hian sicily rama misual turu ber mai, salvatore Guilianno, sicily ram atanga a chhuah theih dan tur ruahmanna an siam ang. Guilianno tel lo chuan Michaela hian Sicily a chhuahsan tur a ni lo.

Lawngchawlhna kailawn tawp lam, yard sawmnga pawh tling lo turah chuan car dum lian tak mai hi a ding a, a bulah chuan mi pathum awmin, michael a chuan a va pan a, sikret țan pahin a ding det a, khawpui chu a thlir kual pah a.

Palermo khawpui chu Tlangkang irh chhuakin belthleng kum ang tak a siam mawnga inhung a ni a, a sir kil thumah chuan tlangin a khuap a, sir khatah ve thung chuan mediteranean tuipui dumpawl ruih mai chu a inkhawh mam zur thung a ni. Khawpui chu rangkachak rawng ni zung chuan a chhun tle sut a, Greek temple te spanish cathedral te chu mawi takin an lang a, a piah tlang pangah chuan norman kulh awmin indona hnuhma a lang ruak bawk a.

Michaela chuan a mah lo nghaktu pathum chu muangchangin a pan chhat chhat a, an lan chian deuh hnu chuan chibai buk turin an lo insiam rem tih a va hmu thei a. Heng mi pathumte hian Michaela chanchin chu an hre theuh a, America-a mi ropui Don Corleona fapa naupang ber a nih thu te, apa, God father chuan Sicily ram thleng pawha pa thunei tak a nih thu te nen. Michaela hian Corleon empire hmelmate suatnaah New York Police Official a that hlauh mai a, sicily ramah hian a rawn tlan chhiain a biru mek a ni. Tunah hian boruak adaih deuh tak avang leh remsiamna tha tak siam a nih tak avangin americaa a dinhmun ngai, Corleon chhungkuaa Lal fapa roluahtu dinhmun luah turin a haw dawn mek a ni. Chung mipathumte chuan michaela chet dan rang tak si, inthlahdah hmel ang reng si te, a hawiher fimkhurnaa khat te chu ngun takin an lo zir chiang a. A biang sir deuh khuar kalh chuan a tawrhchhel zia leh thil hlauhawm tak pawh tuar chhuak nual tawh a nih zia a tilang a. A mah hi 'man of respect' (zah tlak, hlauhawm ru riau, hotu nihna nei hliah hliah an sawina-loma) a ni chiang hle.

Kailawn tawp a thlena chibai tura rawn pen chhuak hmasa ber chu puithiam a ni a, thau chawm turh mai, puithiam kawr ha a ni a. Bak ang tak lukhum a khum a, a nghawngawrh chu sicilian vaivut senin a tibal nuau va, hmai chu tisain a khat hnuk a. Amah hi Father Baniamino Malo, Don Croce Malo a unaupa a ni a, zakzum leh sakhawmi tak ni mah se, laina hre tak leh thilsual tih lamah tim ngai hlek lo a ni. Amah sawichetute chuan a hnena sualpuanna thuruk an neihte Don croce hnenah a rawlruk thin niin an sawi.
Zam hmel taka nui chungin Michaela chu a chibai a, Michaelan nelawm tak,tualthattu hmingthang ni awm lo taka nui var var chunga chibai a buk chuan a thaw huai a.

A pahnihna chu a nelawm fahran lo hle, a polite tehchiam lo bawk. A mah hi Inspector Federico Velardi, Sicily rama Security police hotu ber a ni a, amah chauh hi an pathum zinga lo nui ve lo awm chhun a ni. Cher ria lam, sorkara hlawh la siah chuan a thawmhnaw hak a nalh hle. A mitmengah chuan Norman thlah kal zel a ni tih a lang a, America mi, Police lal tak that tu han lawm viau chu tul a ti hran lo, sicily ah hian a vanneiin chance a nei maithei asin. Inspector Velardia hmer chu ngunhnam khawih ang mai hi a ni a.

A pathumna chu michaela aiin a sang zawkin a lian zawk hle, midang pahnih te ai pawh chuan lian bik hlein a lang a; Michaela kut chu a vuan chawt a, a lamah pawt hnaiin a pawm vung vung a, "Cousin Michael, Palermoah hian kan lo lawm a che." A pawmna chu thlahin Michaela chu ngaunat hmel takin a en vung vung a, " Stefano Andolini ka ni a, i pa nen Corleonah kan thang lian dun a, i naupan laiin Americaah ka hmuh che kha, min la hria em?"

Michaela chuan a hre tehmeuh mai, Stefano Adolini chu sicilianah chuan amah ang an vangvkher awm e, a sam a sen a, chu chu a chhinchhiahna a ni tlat, sicilian ho chuan judaho hi samsen vek niin an ngai tlat a ni. A hmel pawh theihnghilh har tak tur a ni, a kareh zaupuia a hmui chhah tak chuan sa sahsawm thi sung mai a ang ber awm e, a hnarkua atangin hnar hmul a lawr fur a, a nuih leh lek phei chuan thihna rim a nam vung vungin i hria ang.

Puithiam leh Andolini inzawmna tur chu Michaela chuan a ngaihtuah chhuak thei mai a, mahse inspector Velardi a lo awm tlat chu mak a ti hle mai. Eng nge he pa hian hetah a tih ve? Velardi chu Salvatore Guilianno man tuma bei nasa bera lar a ni a, chubakah Andolini nen an inmil lo tih a lang chiang viau a; an hawihawmna an tihlan piahah chuan thih thlenga inbeih inpeih atin an awm ru reng mai bawk si.

Chauffeur-in car kawngka a hawnsakah chuan Father Baniamino leh Stefano Andolini chuan Michaela chu seat hnung lama thu turin an kawhhmuh a. Father Baniamino chuan a laia thut pahin Michaela chu tukverh bula thu a, Palermo mawina thlir kual vel pah tur chuan mawihnai takin a ngen a, Andolini chu a sir lehlamah chuan a lut nghal bawk a; inspector Velardi chu driver bulah chuan a thu a, Michaela chuan Velardi-an kawngkhar hawnna rang taka zuan chhuah a ngaih pawha zuangchhuak nghal tum niawm taka a vuan reng chu a hmu a. Michaela rilruah chuan Father Baniamino chuan a laia thut a chuh deuh tlat chu inkah thulhah pawh hmun him nia a ngaih vangah a dah sak a.

Dragon dum lian tak ang maiin an chuanna car chu Palermo kawtthlerah chuan muangchangin a tawlh zal zal a, he lai hmunah hian in nalh leh hmuh hah dam tak tak te, greek ho vantlang in lian tak tak te, spanish cathedrals te a awm a, mimal in ho chu rawng pawl te, rawng var leh eng te an ni a. Heng building te hian inchhawng bathlar mawi taka pangpara chei an nei vek a. Carabinieri an tih, Italian National Police te ngawrh takin patrol reng lo se chuan hmun nuam leh thlir manhla tak tur hi a ni a; khawi kipah pawh an awm emaw tih mai turin balconyah te pawh an ther fuk mai a ni, kah mai inpeihin rifle an hum theuh bawk.
Attachments
images.jpeg
images.jpeg (15.5 KiB) Viewed 19034 times


[*]Loma_Hmar[*]

Link:
BBcode:
HTML:
Hide post links
Show post links

Loma hmar
Posts: 123
Joined: March 20th, 2018, 11:51 pm

Unread post by Loma hmar » March 21st, 2018, 2:17 pm

Chapter 1(b)

Sicily rama a awm chhung hian Michaela chuan Salvatore Guilianno chanchin chu a hre tam malh malh hle mai, chanchinbu tinah chuan an chhuah chuai chuai reng a, mite chuan khawiah pawh an sawi a ni ber e. Michaela nupui, Apollonia pawh khan naupang leh thalai zawng zawng deuh thawte tih angin zantin Guilianno him nan tawngtaina a hlan țhin tih a inpuang ve bawk.An ngaisang em em a, an zinga mi a ni tlat. Naupangte chuan an len hunah Guilianno ang hi nih an chak țheuh a ni. Kum 20 mi lek a nihin a mah man tur carabinieri sipai rual a lo tukzal avangin Sipai General ropui tak niin an ngai a, an ngaisang hle a ni. A hmelthain a thil phal a, a thil ruk leh man tam zawk chu mirethei hnenah a pe țhin. A dikin a hote chuan hmeichhia leh sakhaw puithiam an khawih ve ngai lo. Amah phatsantu a tihhlum dawn pawhin, tawngtaina hun leh khawvel danga tha taka nun a neih theih nan a thlarau tlenfaina hun a pe hram țhin. Heng zawng hi Michaelan a Guilianno chanchin, midang hrilh ni lova a hriat theih te chu a ni a.

An tlanna kawtthler ațang chuan an peng a, banga rawng duma inziak lehkha tar chuan Michaela mit a la hle mai. Mahse a chung bera Guilianno tih thu inziak chauh chu a chhiar hman a. Father Baniamino chuan a lama rawn awn deuh pahin, " Guilianno-an mipui hnena a thupuan pakhat a nih kha, hetiang a ni chung hian zan lamah chuan Palermo hi a thuhnuaiah a la awm tho a nia," a ti a. Michaela chuan, "Engtinnge a inziah a?" Tiin a zawt a, Father chuan, " Palermo mipuite chu zan lama streetcar an khalh leh a phalna a nih kha"
"Phalna a?" Michaela chu a nui hawk a, " Outlawin phalna a pe a maw?"
Sir lehlama țhu Stefano Andolini chu a lo nui huk a, " carabinieri te trams ( khawlaia tlan chi rel) a phin darh leuh alawm, mahse mipui erawh trams hmang lo turin a hrilh lawk a, mahse chutiang ti tawh lo tur chuan a intiam nghal bawk a ni."

Michaela chuan, " A nih engvangin nge Police hlir awmna trams chu a bomb darh kher?" a ti ro halh a.
Inspector Velardi chu a lo hawi let a, Michaela melh pah chuan, " Rome at mu a keh pek a, an fapa, misual turu tak an țanpui tiin Guilianno nu leh pa a man pek a, Republic ho hian fascist ho dan hi an paihthla thei tak tak lo,"

Father Baniamino chuan, " Ka unaupa Don Croce chuan an chhuah theih nan hma a la nghal a, Oh! Rome laka ka unaupa thinrim zia kha!" Chapopui ru takin a lo ti a.

Michaela chuan a rilruin, " Isu leh! Don Croce chu rome chungah a thinrim maw? Mafia-a Pezzonovante a nihna bakah he Don hi eng nge a nih pherh hrep le?" Tiin a ngaihtuah a. (Pezzonovante - .95 calliber or big shot)

Car chu building sen lianpui hmaah chuan a ding ta a, chu building kil tinah chuan in chhipzum a inchhawng thluah a, kawngka chungah chuan mawi takin HOTEL UMBERTO tih a inziak kalh bawk a, kawngkaah chuan vengtu pahnih Form nalh tak ha an awm bawk a, mahse chung a mawina zawng zawng chuan Michaela a tibuai eih lo.

A mit fing tak chuan hotel hmalam kawtthler chu ngun takin a thlir zung zung a, a tlem berah bodyguard sawm lai chu a hmu thei a, a then a kawp te tein an kal a, a then chu kawngkam thir kham nghengin an ding bawk a, an nihna pawh an thup lem lo tih hriat takin an ralthuam pai pawh hmuh mai theih a ni bawk. Guard pahnih sikret zute chuan Michaela Car atanga a chhuah chuan lo dangin uluk takin an endik a, Inspector Veradi leh midang chungah chuan engmah an ti lem lo.

Hotela an luh chiah chuan, guard te chuan kawngkhar chu an khar nghal hmak a, lobbyah chuan guard pali dangin an rawn belh bawk a, corridor sei takah chuan an hruai thla ta a, heng mite ho hi Lalropui tak chhiahhlawh ang maiin an hawisang larh hlawm mai.

Corridoor tawpah chuan Oak thinga siam kawngkhar lian tak a lo awm a, chutah chuan lalthutthleng ni awm fahranah mi pakhat a lo thu a, chupa chu ding lo ding chhuaka chabia kawngkhar hawn pah chuan a bu zauh a, mei nei takin father Baniamino chu a melh zauh a.

An luhna room chhung chu a ropui ngei mai, tukverh lo inhawng atang chuan a hnung huan chu a lang ruih a, lemon rim a nam cham cham bawk a; an luh chiah khan Michaela chuan mi pahnih lo ding chu a hmu thei a. Michaela chuan chuti em ema Don Croce ven nasat a ni chu mak a ti kher mai. Guiliano țhian a ni a, Rome-a minister of Justice thian kawmngeih tak a nih bawk avangin Palermoa carabinieri lakah chuan a him bawk si. He Don ropui-a hian eng nge a hlauh a? Tunge a hmelma chu ni ta ang?

Chu suite-a thutkhawmna pindan furniture ho chu Italy Lal In tana duan a ni a - chair hrawl tak te, safa, lawngte ang maia lian leh dup tha te, marble-a siam table turu tak te chu; Museum ațanga ruk chhuah ni awm tak an ni. Chung furniture te chuan huan ațanga Michaela te lo lawm tura lo lut chu a mil thlap mai. Michaela Corleona pawm tumin a kut a rawn phar chhuak a. Don Croce chu a dung leh a taksa len zawng chu a intiat thuak awm e, a sam chu rawng buang chhah tak, negro sam ang maia kir chuat, uluk taka meh tih hriat fahran a ni a. Laiking mit ang maia thim ruih mai a mit chu a biang chhah tak chungah chuan a inchhawng thiang vauh a, kareh zim lam a ni thung roh a, hmuihmul tlem a nei bawk, a hnar chuan a biang inanglo tak pahnih chu a kilh belhbawm hi a ni ber e.

Chutianga lal ropui tak hmel pu ni mahse a inchei thingtlang ve hle, kekawr thui nalh lo tak lianpui ha in, a darbah chu uk lam pang niin a kawr chu a var niin, suk thar hlim, nawh mar ni lem lo a ni. Neck tie a awrh lo a, coat a ha loin kelawngin a awm tawp a ni.

A lan dan maiah chuan Palermoa sumdawnna zawng zawng, a hnuaihnung thlenga inhambuai duh mi niin a lang lo. Mi sang tam thihnaa mawhphurtu ber a nihna te, sicily khawthlang lama roreltu a nihna leh Italy sorkar ai fea a theih zawk zia te, Sicilian estates neitu dukes leh baron te ai fea hausa zawk a nihna te chu awih a har zawk hial mai.

Dam thlupa Michael-a kuah pah chuan, " Naupangte kan nih laiin i pa nena inhre tawh kan ni a, hetia fapa fel tak a nei hi lawmawm ka ti hle a ni." a ti a. An zinkawng chungchang zawh pahin an mamawh a zawt nghal a, Michaela chuan nui chungin, chhang leh wine a mamawh thuin a lo chhang a. Don Croce chuan rang takin huan lamah a hruai chhuak hlawm ta nghal a, Sicilian ho chuan a theih hram chuan pawn lama chaw ei hi an duh țhin. ( An chaw kil dan chipchiar hi chu kan mai teh ang, thupui an vai hmain a kual thui mah mah țhin - loma)

Ei leh in lam an zo ta bawk a, Don chu thupui vai turin a inpeih ta, coffee no dawm pah chuan Michaela hnenah, "Chu kan țhian Guilianno chu America lama tlan bo tur chuan puih i tum a maw?" A han ti a.
"Thupek ka dawn dan chu a nia lawm, vanduaina tawk hauh lova America ka luh tir a ngai tlat a ni" tiin Michaela chuan a chhang a.

Don Croce chuan bûk nghauh pahin, " I pa nen ruahmanna kan siam fel tawh a, Guilianno chu i kuta hlan tur che ka ni a. Mahse hringnun hi chu a tluang purh hlei thei țhin lo, beisei loh thil a lo awm leh țhin. Ka tih tur chin tih chu a harsa ta riau a ni." Michaelan a tihbuai loh nan a kuta zapin a sawi chhunzawm a, " Ka thiam loh pawh a ni bik lo, ka dinna ngaiah ka la ding reng. Mahse Guilianno hian tumah a ring tawh lo, keimah takngial pawh.

Dan pawna hnawhchhuah a nih tirh ațang khan, a nun khawchhuah theih nan ka pui a, thawk dun kan ni. Kum 27 mi lek ni a tun thlenga sicily rama mi ropui ber a nih nan hian ka tanpui viau; mahse tunah chuan a hun a tawp tawh. Italian sipai sangnga leh police rualin a awmna tlangte khi an dap hneh hle tawh, chuti chungin ka kuta intukluh chu a duh lo tlat alawm mawle." a ti a.

"Chutiang a nih chuan a tan tih theih ka nei lo a nih chu." Michaela chuan a ti a, " Ni sarih thleng bak nghak lo tura hrilh ka ni, chu mi hnuah America lam ka pan dawn a ni."
Chutia a sawi lai pawh chuan engvanga Guilianno tlanchhuah chu a pa tana pawimawh em em nge ni ang tih a ngaihtuah a. Kum chuti zat a awm bo hnua ina haw vat vat chu a chak tawh kher mai. A pa hriselna a ngaihtuah hle a. America a chhuahsan lai mek khan a pa chu Hospitalah hliam na tak tuarin a awm a nih kha. Thlawhnaa a awm laiin a unaupa Sonny-a chu thah a nih thu a han hre leh a. Corleon chhungkua chu New York-a Mafia chhungkaw pangate nena indonaah chuan dinhmun chhia leh tluk hlauhawm takah a ding mek a nih kha. Chu indona chuan Sicily ram lailia Michaela nupui naupang tak thihna a thlen phah bawk. A hnuah a pa chu a hliam ata dam chhuakin chung chhungkaw pangate nen remna a siam tih te, Michaela an puhna zawng zawng hlihthlak a nih thute a han hre leh a. Mahse Michaela chuan a pain a thachhang dawltu atan a lo nghak reng tih a hre thung. A chhungte chuan an hmu chak tawh hle ang - a farnu Connie, a unaupa Freddy-a te, Unau ang chiaha an en, a pa fa lak Tom hagen te, leh a nu khawngaihthlak tak, Sonny-a thihna la tuar reng te chu. Kay-i a ngaihtuah chhuak zawk a, kum hnih chhung a bikbo san hnuah hian a la hre ve reng ang em le? Mak ta ber chu, engvanga a pa hian cham khawmuan tir nge a nih? Guilianno nena inzawm thil pawimawh elhkhen chu a ni ngei ang.

Inspector Velardi-a mitmeng vawt raih maiin uluk fahranin a lo thlir reng tih a hrechhuak phut a, mi dawihzep ti ni awm takin hmuhsit hmel zetin a lo en reng a.
[*]Loma_Hmar[*]

Link:
BBcode:
HTML:
Hide post links
Show post links

Loma hmar
Posts: 123
Joined: March 20th, 2018, 11:51 pm

Unread post by Loma hmar » March 22nd, 2018, 7:35 pm

Chapter1(c)

Don Croce chuan, "Hman hmawh mah ta che. Kan Thian Andolini hmang hian Guilianno leh a chhungte nen chuan kan la inhre pawh thei reng alawm, kan țang tlang zel ang chu. Heta țanga i chhuah hnuah Montelepre-a Guilianno nu leh pa i va tlawh ang a, Trapani i panna kawng a ni tho bawk a." A chawl det a, hmai chuar hlek loa nui chung leh uar deuh zawkin, " I tum dante hrilh hriat ka ni tawh a, a chinchhuakin." Mahse Michaela chuan a tum dan zawng zawng chu a hriat a ring lem lo, Godfather chuan tumah thil engkim a hrilh ngai tlat lo.

Don Croce chuan a sawi zawm leh a, " Guilianno ngainatu zawng ten kan rem tih tlan pahnih a awm a - Sicily ah awm thei a ni tawh lo tih leh America-ah chuan a kal ngei tur a ni tih hi. Tin, Inspector Velardi hi kan thurualpui a ni."

"Sicily rama thil thleng ni mah se chu zawng thil mak tak a ni." Nui chungin Michaela chuan a ti a, "Inspector hi Guilianno man tura intiam Police hotu lu ber a ni si a."

Don Croce chu a nui huk a, " Tuin nge Sicily hi hrethiam bik ang? Mahse hei chu awl zate mawle, Rome chuan Palermo Court-a Witness cage atanga Guillianno-in hekna thu a puan chhuah ai chuan Americaa hlim taka a awm an duh zawk miau alawm. Politics vek a ni."

Michaela chu a buai ru ta riau a, nuam lo a ti țan hle bawk. Ruahman lawk angin thil a kal dawn lo tawp mai. " Eng vangin nge Inspector chuan Guillianno chu tlan chhuak tura a duh em em chhan ni ang? Guillianno ber a thih chuan hlauhawm a kiang a ni mai a." A ti a.

Inspector Velardi chuan hmusit awrawl takin, "Chuzawng ka duhthlanna a ni ang chu." A ti phawt a, "Mahse Don Croce hian a fapa ang maiin a hmangaih tlat alawm."

Stefano Andolini chuan inspector Velardi chu huat hmel zetin a melh a. Father Baniamino chu wine in pah chuan a lo bu nghat a. Mahse Don chuan Inspector hnenah, " Țhian țha vek kan ni alawm, Michaela hi thudik kan hrilh ngei tur a ni," a ti fak a.
"Guilianno hian rawng huai a hum tlat a ni. Diary, 'thuthlung bu' tia a vuah a nei a, chutah chuan a thilsual tihnaah an mahni tang hma leh Politics hamthatna turin Rome-a Goverment te, Leh Sorkar mipawimawh tak tak ten an pui tih finfiahna a awm a. Chu document chu pholan a nih vaih chuan kristian Democracy sorkar hi a tlu chhia ang a, Italy hi Socialist leh Communist rorelna hnuaiah a awm nghal ang. Chu mi ven nan chuan eng thil pawh tih ngai se tih ngei a ngaih zia Inspector Velardi hian min pawmpui a, chuvang chuan chu thuthlung bu chu puan darh loha a awm theih nan Guilianno tlanchhuahnaah min puih a duh a ni."

"Chu thuthlung bu hi i hmu tawh em?" Tiin Michaelan a zawt a, a pain he thuthlung chanchin hi a hre ve ang em tiin a ngaihtuah a, a thupek dawnah chutiang lehkha pawimawh chanchin chu sawi lan a ni hauh lo.
Don Croce chuan, " A chhunga thu awm ka hria a ni." a ti a.

Inpector Velardi chuan hriam hraihin," Ka thu chu ni seng Guillianno chu a thuthlung bu chawpa thah hmak a ni mai."

Stefano Andolini chuan Haw em em tih hriat ngawih ngawihin Inspector Velardi chu a melh a. He tah hian a ni Michaela chuan Andolini chu Don Croce ang maia mi hlauhawm nia a hriat tak ni.

Don Croce chuan muangchangin a kut a phar a, an ngawi ta thap a. Midang ngaihthahin Michaela hnenah chuan,"I hnena Guilianno hlan tura i pa hnena ka intiamna chu ka tihlawhtling thei lo maithei. Eng vanga he thila Don Corleon hi rawn inrawlh nge tih chu ka hrilh thei bik lo che. Chhan tha tak a awm a ni mai.

Mahse engtinnge ka tih bik ang? Chawhnu lamah a nu leh pate hnenah chuan va kalin, an fapain min rin theih nan va hmin i tum ang a, Tanin atanga chhuahtu ka nih thute pawh va hriattir nawn ang che." A ngawi vang vang a, "Chutiang zawng chuan an fapa chu kan țanpui thei maithei a nia."

A tlan chhiat leh bihruk chhung khan, Michaela chuan hlauhawm lo thleng tur hriat theihna a nei țha hle hman a. Inspector Velardi chu a duhzawng a ni hauh lo. Tualthah mai pawh hreh lo Stefano Andolini chu a țih viau, Father Baniamino pawh chuan a ti țim sung sung thei. Mahse chung zawng zawng ai chuan Don Croce-a hlauhawmna chuan a thluakah inralrinna dar a khawng ring ber mai.

Dawhkan kil mektu tu mai pawh chuan Don Croce an biak dawn chuan awki an dim tlang hle, a unaupa Baniamino pawh a bang bik lo. A tawng chhuah nghakin an ngaichang țhap a, an thil ei lai pawh an chawl țhap mai. Don Croce chu chhiahhlawh ho chuan an vil reng a, huan chhunga guard vak vel ho pawh chuan a thupek ngaichangin an rawn en awl lo bawk, thu a pek veleha che nghal vat a, anmahni rawn chandarh leuh thei turin an inring hle.

Michaela chuan fimkhur takin, "Don Croce, i duh ang zui tura heta lo kal ka ni e." A ti a.

Don chuan a lu lian pui chu a bu nghut nghut a, a pum chunga kut suih chungin, thunei aw ruih hian, " A ruh langin thil kan sawi tlang tur a ni. Min han hrilh teh, Guilianno tlan chhuah nana i ruahmanna chu eng nge ni? Fapain a pa hnena a sawi angin min han hrilh teh."
Michaela chuan Inspector Velardi chu a en vat a, Sicily ram Security Police lu ber hmaah frank takin thil a sawi ngai lo vang. Don chuan a lo hrethiam vat a," Inspector Velardi chu ka thurawn ang zela ti tur a ni e." a lo ti a. "Min rin ang chiahin i ring ve thei ang."

Michaela chuan a no chu in tumin a chawi kang a, no phen ațang chuan guard hovin an rawn en reng tih te, Don Thusawi avanga Inspector Velardi lo ner sawng te, Andolini lungni lo zet hmel te chu a va hmu thei a, Father Baniamino chauh chuan a mah en lovin a lo kun a. Wine paw kak chu muangchangin a in a, chhiahhlawh chuan a rawn thli khat leh nghal zat a. Huan chhung chu hmun hlauhawm takah a chang ta phut ni maiin a lang.

Michaela chuan fimkhur takin, "Ka ruahmanna chu ho te, Trapani-ah i miten Salvatore Guilianno min rawn hlan hma loh chu ka awm ang a, Lawng chak takin Africa lamah min hruai ang a, lehkha ilo pawh tihfel a ni bawk ang. Chuta țang chuan America ah tihphung pangngai ang ni lem lovin kan thlawk lut ang. Sawi mai anga awlsam ni se ka ti khawp mai." A ngawi hlek a, "Thurawn dang i nei a nih lem loh chuan."

Don chu a thaw huai a, wine chu a in hlek a, michaela chu a en a, muang fan ruihin, "Sicily hi ram lungchhiatthlak tak a ni. Inrintawnna a bova, dan leh dun a awm hek lo. Tharum thawhna leh inphatsanna a tam em em ringawt mai a ni. I fimkhur hmel viau a, fimkhur tur pawh i ni, chutiang bawkin Guilianno pawh. Ka han hrilh ang che, Ka venhimna tel lo chuan Guilianno kha dam khaw chhuak tur a ni lo, zungpui leh zungchal ang mai kan ni țhin, mahse tunah chuan a hmelma angin min ngai ta tlat a ni. Chu chuan min tihlungngaih zia chu i hrethiam lo vang. Ka duh ber chu Tui Guilianno hi a chhungte hnenah kir leh theiin, chawimawina nopui dawng se tih hi a ni a. Kristian diktak, huaisen bawk si a ni a. A rilru țhatna hian sicily mipui thinlung a hneh em em a ni." Wine inin a chawlh hlek a, "Mahse buaina nasa tak a hmachhawn mek a ni. Tlangah a hote tlemte nen sipai rual hmachhawn turin an awm a ni a, phatsan a tawk reng bawk nen. Tumah a ring zo tawh lo. A mah takngial pawh."

Don chuan Vawt ruihin Michaela chu a melh vang vang a," Tlang takin sawi ta ila, Guilianno hi ngaina viau lo ni ilang chuan, heng zawng zawnga buai ngai loin Americaa haw mai turin ka ti ang che nga, heng thil runthlak tak hi a kiang mai tur a nia," a'n chawl leh dat a, "Mahse kan beiseina awmchhun i ni a, lo nghak a min tanpui turin ka ngen che a ni, puih che ka inpeih reng a ni, engtikawng mahin Guilianno hi ka phatsan lo vang." A no a chawikang a, "Kumkhuain dam reng rawhse." Midang zawng pawh chuan an lo zawm ve a.
Michaela chuan a ngaihtuah neuh neuh a, Don hian amah hi Guilianno chu tanpui turin a duh nge ni ang a, kal san turin?

Stefano Andolini chu lo țawngin, " Guilianno nu leh pa hnenah Michaelan a tlawh ang tih kan tiam kha aw."
Don chuan,"Eng pawh ni se, A nu leh pate chu beiseina chu kan pe tur alawm." A ti a.

Father Baniamino chuan dam duamin,"Thuthlung bu awmna chin chu sawi tur an nei maithei asin." A lo ti a.
Don Croce chuan, "Guilianno chuan a thuthlung bu hi a nunna chhanhim tu emaw, a thih pawha phuba latu tur ni turah ngai a." Michaela chu enin," Rome chuan a hlau a ni thei e, kei chuan ka hlau ve lo, a nu leh pate chu hrilh la, lehkhaa inziak chuan thil a tidanglam ngei ang, mahse nunna hi chu a dang daih a ni."
[*]Loma_Hmar[*]

Link:
BBcode:
HTML:
Hide post links
Show post links

Loma hmar
Posts: 123
Joined: March 20th, 2018, 11:51 pm

Unread post by Loma hmar » March 23rd, 2018, 9:16 pm

(Duh aiin a inziak chipchiar mah mah zel a, kawnga an tlan dan chanchinte, a kawngkam leh awm dan te , a, a chipchiar mah mah deuh a, ka kan zauh zauh. A takram thlen hmain a kual chiam zel! Englisha chhiar tawh tan pawh inhriatthiamah kan ti ang chu.)

Chapter 1(d)

Palermo ațanga Montelepre chu darkar khat vel chhung kal a ni a, Stefano Andolini chuan fiat tereuhte chu khalhin, Hmun nga laiah National Police ten Roadblock an lo siam a, mahse Andolini-a paper hmangin an tlang thei zel a ni.

Chutia ngawi renga an tlan hnu chuan Stefano Andolini chuan Michaela Dara ben thuk pahin, "Ka hmu che hi ka lawm hle a ni unaupa, Guilianno chhungkua hi kan chhung hnai tak an ni tih i hria em?"
Michaela chuan, "Aih, Guilianno nu leh pa hi Americaah ka pa hnuaiah an thawk thin tih zawng ka hria."

Andolini chuan, "Ni e, I pain Long Island-a in a sak khan kan thawk alawm, Guilianno putara chu Brick siamtu tha tak a ni a, chuti chungin i pa khan Olive Oil sumdawnna lam a khawih tir a, kum 18 chhung Negro ang maia thawk rimin juda mi ang maiin a inkhawl thei a, Nuamsa taka khawsak tumin Sicily-ah a lo kir leh a ni. Mahse indona leh Mussolini(Italian dictator, Mafia tih chimih tum tu pa kha -loma) avang khan a kawnkaw zova, tunah chuan in leh huan tereuhte bak a nei ta lo. An fapa chu Lalfapa turah an ngai a, mahse suamhmangah a chhuak ta nih hi."

Ngawi rengin an tlan a, Fiat chuan Vaivut apal khu rum rum a.

"Turi hi Americaah khan an pai hman asin," Andolini chuan a rawn tichhuak phut a.

Michaela zawhna zawt hmel deuha a rawn en a hmuhin, "Ni e, Americaah an pai a, Sicilyah a piang a ni. Thla rei lote han nghak leh hlek se chuan Turi chu American Citizen a ni mai tur." Angawi hlek a, "Turi hian a sawi fo țhin. Tlan chhuah pui theih chu i inring takzet em?"

Michaela chuan, "Ka hre lo le, Don Croce leh Inspector Velardi nena chaw chhun ei zawh hnuah chuan, hriatthiam a har tawh a ni; pui se min ti takzet ang em? Ka pa chuan Don Croce chuan a tih ngei a ring a, mahse Inspector Velardi chungchang a sawi tel hlek lo."

Andolini chuan a sam hui liam puat pahin," Tunah chuan Guilianno leh Don Croce chu an inhmelmak ta, mahse Don Croce hriat lohin ruahmanna kan siam a, Turi leh a nu leh pate pawhin an chhiar tel ve ngei ang che, i pain tumah a tithlawn ngai lo tih an hria lawm.
"Anih nang tu lamțang nge i nih?"

"Guilianno tan ka bei a ni," Andolini chuan a ti a, "Kum 5 chhung thian kan ni tawh a, chu mi hma pawhin ka nunna min zuah tawh. Mahse Sicily rama awm ka nih tlat avangin Don Croce be chhe thei ka ni bawk si lo, dinhmun khirh takah ka ding a ni. Mahse Guilianno chu ka phatsan ngai lo vang."

Engatinge atu a mah hian tlang taka thil an sawi mai lo țhin le, Sicily ram a ni tlat a. Tiin michaela chuan a ngaihtuah a.

"Don Croce leh Guilianno chu engvanga lo inhmelmak ta mai nge an nih?" Tiin a zawt a.

"Portella della Ginestra hmuna thil rapthlak tak thlen vang mawle, kum hnih liam ta khan a ni a, chuta tang chuan thil a kal dik thei tawh lo, Guilianno chuan Don chu a mawhpuh tlat a ni." Andolini chuan a ti a.

Fiat chu In intlar phei zui hmaah chuan a ding a, chung in zinga pakhat chu rawng pawdal deuh niin, Gate chu pa te lam deuh kum 60 mi vel, suit nena induang zaih hian a rawn hawng a, chu chu Guilianno pa chu a ni.
Guilianno pa chu mahni inthunun thei tak a ni chungin a hmelah chuan hrehawm tak tuar a ni tih a lang thei a.

Thutkhawmna pindan lianpuiah hian an lut a, hetianga khaw tea sicilian inchhung ni tur chuan a changkang hle. Thlalak lian pui intar, thinga siam framed nalh tak chu a langsar hle. Michaela chuan Guilianno thlalak a ni tih a hre thei nghal mai a. Hmelțha tak, mahni inringtawk tak hmel pu a ni. Chhungkaw Thlalak dang pawh a intar nual a, mahse chungte chuan a sir kil thim lam an luah thung.

Guilianno-a pa chuan choka lamah a hruai lut a, Guilianno-a nu, Maria Lombardo Guilianno chu thlalaka a lan ang aiin a upat hmel a (Tun lai nula, DP/PP vela chhe lo deuh, a takah eng he hu ni si lo ang deuh hi ni mai ang em? :-) ). Michaela te lo lut chu polite takin a lo nuih a. A mitmengah chuan a mah leh fapa tibuaitu khawvel hi a haw hliah hliah tih a lang.
A pasal leh Andolini en khumin Michaela hnenah chuan," Ka fapa țanpui tura lo kal i ni nge ni lo?" a lo ti tawng a. Midang pahnihte chu an lo tim deuh hle, mahse Michael-a chuan dam takin, " Ni e, ka ni alawm."

A hmel chu a țang țeuh a, kunin a kutin a hmai a hup a.
Andolini chuan dam duaiin, "Father Baniamino pawh lo kal a tum a, mahse lo kal lo se i duh thu ka hrilh ta mai." a ti a.

Maria Lambardo chu lo dak chhuakin, a hmelah chuan a rilru put dan chu Michaela chuan hmu theiin a inhria- Hmuhsitna, huatna leh hlauhna te chu. Ner nak chungin, "Oh, Father Baniamino chuan rilru tha tak, hai rual lovin a a nei alawm, chu rilru țha tak nen chuan hripui, khaw pumpui thihna thlentu ang mai a ni. Hnim hlingnei ang mai a ni a, i tawh palh vaih chuan a chhun thi ang che. A hnena sualpuanna neite thuruk a unaupa a hrilh țhin a, a kawl tur thlarau chu ramhuai hnenah a hralh a ni." hul haka a nui chu a thusawi nen chuan a inhmeh hle.

Guilianno-a pa chuan zawi fiah tak, zah daih tum tak siin, " Don Croce chu kan țhian a ni alawm, tanin ațangin min la chhuak a nih kha."

Guilianno-a nu chu thinrim takin a rawn au chhuak a, "Ah, Don Croce, thinlung tha mi, a ngilneih țhin zia hi! Ka hrilh ang che u, Rûlpui a nih hi. Hmalama silai tin a, a bula a țhiante talh țhintu a nih hi. Amah leh kan fapa Turi chuan Sicily-a rorel dun tur hi an ni a, mahse tunah chuan ka fapa chu tlangah amah chauhin a biru a, 'thinlung țha pa' ve thung chu zalen takin a nawhchizuarho nen Palermoah an tal vel saw. Don Croce a faifuk a, Rome chuan a ke a liak mai, chuti chungin ka fapa aiin thil sual a tihnem daih asin. Misual tak a nih saw, ka fapa chu a tha asin. Ah, nang angin mipa ni ilang chuan Don Croce hi ka that ang, 'thinlung țha mi' chu ka chawlh tir ang." Ngei hmel takin, "Mipa ho hian engmah in hrethiam lo ve."

Guilianno-a pa chuan dawhthei lo zetin, " Kan mikhual hi nakin lawka kal kawng thui tak zawh leh tur a nia, thu tak sawi hmain a inei puar phawt dawn lo'mni." a ti a.

Guilianno-a nu chu mihrang hlak ang maiin a inthlak thuai a, ngaihtuah hmel zetin, " Oh, mi khawngaihthlak, Min hmu turin nilengin i lo kal a, Don Croce-a dawt sawi leh ka phun thawm i ngaithla zui bawk nen. Khawi lamah nge i kal dawn?"

Michaela chuan, " Zingah chuan Trapaniah ka awm tawh ang, ka pa țhiante bulah i fapa ka hnena a lo kal hma loh chu ka awm ang."

Room chhung chu a reh tlawk tlawk a, michaela chuan a chanchin zawng zawng chu an hre vek tih a hre mai a. Kum hnih chhung zet a lo tawrh tawh a a hmaia hliam, a ser khuar kak chu an hmu thei vek a ni.

Guilianno-a nu chu lo kalin a rawn kuah a, "wine in rawh aw, Khawchhung te lo zuk fang vel la, darkar khat chhung chuan in chaw ei tur ka peih hman ang, chutah chuan Guilianno țhiante pawh an lo thleng hman tawh ang a, in titi thei ang chu." a ti a.

Andolini leh Guilianno-a pa chuan Michaela chu kar chehin, Montelepre kawtthler fang tur chuan an chhuak a. Chu khua chu rauhsan a ang kher mai.
"Khaw lûn tak a ni țhin asin, sicily hmun dang ang thoin rethei em emin, hrehawm viau mahse a nung tlat a ni. Tunah chuan mi za sarih aia tam mah jailah an tng a, ka fapa phiarrûkna atana man vek an ni lehnghal. A tam ber chu pawi sawi lo an ni a, mahse mi dangin an hlauh a, ka fapa man an puan theih nan sawrkar hian a man tho zel a nih hi. Khaw chhungah hian Carabinieri sanghnih an awm a, tlang lamah ka fapa zawngin sangkhat lai an awm bawk. An dawihzepin Sazu tla mai mai pawh an kap duh zel. Chuvangin mite chuan pawn lamah zanriah an kil ngai tawh lo a, pawnah naupang an infiam ngam tawh hek lo. Khaw thim rualin Curfew puan a ni a, hmeichhia thenawmte kan tur takngial pawh diriama timualphoin an chhaih nawmnah a, mipa an man ho lah dugeon lamah an thawn zel si. Chutiang chu Americaah chuan a thleng ngai lo, ka chhuahsan ni kha anchhia ka lawh fo țhin." Guiliannoa pa chuan a ti a.

Ni chu tlangah chuan a liam ruai ruai a, khaw thim hma curfew puan a nih hmain an kir leh a. In chhungah chuan mikhual pahnihin an lo nghak reng a. Michaela tan mikhual an ni mai pawh a, Guiliannoa pa chu pawmin, Andolini chu kut suihin chibai an buk thung a.

Pakhat chu cher leh dawldang tak, damloh hmel zeta meng hi a ni a, a hmuihmul chu uluk takin a met a, hmeichhe hmelpu tak a ni a, mahse nu han tih tur chu a ni lo. Thupe țhang tih hriat takin, chapo hmel puin a dak deuh ar bawk a.

Chu mi chu Gaspare Pisciotta a ni tih an han hrilh chuan, Michaela chuan mak a ti kher mai. Pisciotta chu Guilianno tha chhang dawltu, a second in command a ni a, a unaupa leh a țhian țha ber a ni. Guilianno tih lohah chuan Sicily rama wanted pui ber a ni a, a luman pawh lire maktaduai nga lai a ni. Chuti chungin hetah a awm a ni si a, Rome Military Police sanghnih rualin an hual vel Montelepreah hian.
[*]Loma_Hmar[*]

Link:
BBcode:
HTML:
Hide post links
Show post links

Loma hmar
Posts: 123
Joined: March 20th, 2018, 11:51 pm

Unread post by Loma hmar » March 25th, 2018, 3:30 pm

Chapter 1(e)

Pakhat zawk pawh chuan Michaela mak tih a hlawh leh hle mai, mahse a hmaa mi ang ni lovin. Chupa chu a te hle a, mi te chi han tih mai tur hi a ni a. Kawrchung țial uk lam deuh, leh nectie nen leh Kamis cream rawngin a induang zaih a, a sam chu a chhahin a țuak pheuh pheuh tawh a. A te na vang vangin a nalh ve hle. Michaela nuam ti vak lo hmel a hmuhin mei nei tak, mahse nui sang chung siin chibai a buk a. Chupa chu Professor Hector Adonis a nih thu an hrilh a.

Maria Lambardo Guilianno chuan chaw ei a peih ta a, choka tukverh bul, pawn lam lan theihnaah chuan zanriah kilin, michaela chuan muangchangin a ei a. An thlir ru rengin, an teh ru reng tih a hre thei a. A tawpah Gaspare Pisciotta chu lo țawng chhuakin, sicilian Awphawi zet hian, " chu Vito corleon-a, kan Don Croce meuh ai pawha ropui zawk fapa maw i nih a? min lo hrilh a; Nangmah hi maw kan Turi-a chhanhim tur chu?" A awah chuan tih elna tak a lang thei a, mahse zah lo lutuk ang chuan a ni lo, Michaela history, tualthattu a nihna chu a hre ve tlat.

Michaela chuan, "Ka pa thupek ka zawm mai a ni, ka hnena Guilianno a lo kal thlengin trapani-ah ka lo nghak ang a, America lamah ka hruai ang."

Pisciotta chuan thutak zawkin, "Turi chu i hnena a awm hnuah chuan a him ang tih i chiang maw? Rome lakah i hum thei ang maw?"

Michaela chuan Guilianno-a nuin uluk takin a lo en reng chu a hmu a, a chhanna nghakhlel takin a lo insangmar țeuh a, chutah fimkhur takin, "Miin a chanvo tih tur a ti ngei ang tih a chian tluk zetin, ka chiang e." tiin a chhang a.

Guilianno-a nu hah dam ta huai chu a hmu a, Mahse Pisciotta chuan, "Kei chu ka chiang lo, Vawiin chhunah Don Croce hnenah i rinna nghatin, tlanchhuah dan ruahmanna i hrilh a nih kha." A lo ti țeng chhak a.

"Eng vangin nge ka tih loh vang?" Engti phiangsenin nge Pisciotta hian Don Croce nena an chawchhun ei dan kimchang a lo hriat vat theih chu le? "Ka pa sawi dan chuan Don Croce chu Guilianno ka hnena hlan dan tur ruahmanna siam tur a ni a, ka ruahmanna chi khat chauh ka hrilh hrim hrim alawm." tiin a chhang let a.
"A dang chu?" Pisciotta chuan ablo zawt a, Michaela han tim deuh a hmuh chuan, " Tlang takin sawi rawh, he room chhunga mite hi rin theih an nih loh chuan, Turi tan beisei tur a awm lo ni mai."

Pa tereuhte, Hector Adonis chu a vawi khat nan a lo țawng ve a, Awrawl ropui tak, Pulpit tlanga thupui vai tura duhawm tak (a voice of born orator a rawn ti vei a nih kha, a inhmeh tho ang chu maw! :-) - loma), mi hnehna riau nei hi a ni a, "Michael duhtak, Don Croce chu Guilianno hmelma tih i hrethiam tur a ni, i pain tihtur a tuk hnua thil thleng a ni. invenlawkna awm lo chuan Turi chu kan hlan ngawt thei lo che a ni." Sicilian awphawi aiin, Rome awphawi a pawl mah zawk a.

Guilianno-a pa chu lo inrawlhin, "Don Corleonan ka fapa țanpui a tiamna hi ka ring thlap, sawi belh ngai awmin ka hre lo."
Hector Adonis chuan, " I ruahmanna min hrilh ve chu ka phut tlat a ni."

"Don Croce ka hrilh ang chu ka hrilh thei ang che u," Michaela chuan tiin, "Engvangin nge ka ruahmanna dang chu mi zawng zawng ka hrilh kher ang? Tunah hian Guilianno bihrukna zawt ta che ila, min hrilh duh bik dawn em ni?" Pisciotta chuan pawmpui tih hriat lantir nan a lo nui a. Mahse Hector Adonis chuan, "A in ang tlat lo, Turi bihrukna chu i hriatna chhan tur a awm hleinem, mahse turi țanpui tur chuan i ruahmanna hriat ngei a ngai a ni." A ti a.

"Ka hre ngai tlat lo che."

Hector Adonis chu a rawn nui ta var var a, lo ding chhuaka Michaela hmaa kun chungin, "Min ngaidam rawh" a dam thei ang berin a ti phawt a, "Guilianno zirtirtu ka ni țhin a, a nu leh paten chawimawina sang tak min pein, a Godfatherah min siam a ni. Tunah chuan University of Palermoah History leh Literature ah Professor ka ni mek. Eng pawh ni se, Turi laka ka rinawmna chu heta awm vete hian an hrilh thei ang che. Tunah chuan Guiliannoa band zinga mi ka ni a, ka ni reng bawk amg." a ti a.

Stefano Andolini chuan zawi supin,"Kei pawh Guilianno band-ah ka tel ve sin, ka hming i hriain ka unaupa i ni bawk a, mahse Fra Diavalo tiin min ko bawk asin." A lo ti ve a. chu hming danglam tak chu Michaela chuan Sicily-ah hian a hre lar hle, Tualthattupa hmel nen pawh a inhmeh teh e, a ti rilru a.

A chhanna chu an nghak far a, mahse a ruahmanna hrilh kher chu a tum hran lo; mahse engemaw chua hrilh a ngai a ni. Guilianno-a nu chuan nghakhlel takin a lo en a, a hnenah chuan, "Awl te mawle, ni sarih bak ka nghak hman dawn lo va, in ka chhuahsanna a rei tawhin ka pa chuan ama buainaah ka puih a mamawh hle bawk. In thlen ka nghahhlelh zia chu i hrethiam vek ang chu.

I fapa puih hi ka pa duh dan tak a ni a, thu ka dawn hnuhnung berah chuan Don Croce hmuin Trapaniah ka let leh ang a, local Don pakhat villa-ah ka awm ang a, chutah chuan America atanga lo kal tur mi pakhat, ka rinngam ka lo nghak ang, mi tling tak a ni.” A ngawi hlek a. Mi tling tih thumal hian Sicily ramah chuan awmze bik a nei a, Mafia-a dinhmun sang tak chang, hmelmate thianfaitu a ni.

Michaela chuan sawi zawm lehin, Ka hnena Turi a lo kal chuan a him ang, ka awmna Villa chu kulh a ni a, chu mi hnu darkar reiloteah lawng chak takin Africa-a khawpui pakhatah kan kal ang a, chuta tang chuan a bika ruahman thlawhnain America kan pan ang; chu ta tang chuan ka pa thlazar hnuaiah a awm tawh dawn avangin in hlauhthawnpui a ngai tawh lo vang.”

Hector Adonis chuan, "Turi Guilianno lo dawngsawng tur chuan engtikah nge I inpeih ang?”

“”Naktuk zingah chuan Trapaniah ka awm tawh ang a, chuta tanga darkar sawmhnih pali chhung chu min lo nghak rawh u.

Guiliannoa nu chu a rawn tap chhuak phut a, " Ka Turi chuan tumah a ring tawh si lo va, Trapani-ah chuan a lo kal duh lo ang."
"Chu ti a nih chuan ka pui thei lo a ni mai." Michaela chuan a ti hmak a.

Guilianno-a nu chu beidawngin a thlep hnawp a ni ber e. Michaela rin loh ang takin Pisciotta chu chuan rawn hnemin, a kuah a, Maria Lombardo lungngai mah ta che, Turi chuan ka sawi a ngaithla thin alawm, America atanga lo kal pa hi kan ring vek tih ka hrilh dawn alawm a ti a, lo dak chhuakin, Keimah ngeiin Trapaniah chuan ka rawn hruai ang e. a ti a.

An vai chuan an lungawi tlang ta niin a lang, Michaela chuan a chhanna rum tak khan amah an rin theih phah a ni tih a hre mai a. Dam lutuk leh phur lutuk hi chu Sicilian ho hian an ringhlel mai thin.

Room te zawk lamah chuan insuan lutin, Guilianno-a nuin coffee a rawn pek chu an in a, Guilianno-a nu chuan thlalak pakhat chu kawkin, A hmeltha I ti ve em? A hmelthat ang chiaha fel a ni asin, Outlaw a nih kha chuan ka keh chhe vek asin, kha mi ni hrehawm tak kha I la hria em, Signor Adonis? Portella Della Ginestra chungchanga an dawt sawi zawng zawng te kha? Ka fapain kha tiang thil kha a ti thei lo hrim hrim.”
Mipaa ho chu an zah hmel hle, Michaela chuan a vawihnihna atan Portella Della Ginestra-a thil thleng chu a hre chak hle. Guilianno chanchin zawng zawng chu hrilh turin a ti a, A hriat a tul tlat. Guilianno nu leh pa chuan fapa tha leh ropui a nih ziah an sawi leh a, Andolini chuan Guilianno-an a nunna a zuah dan chanchin a sawi bawk a; Pisciotta chuan a chanchin nuihzatthlak tak tak, mi nunrawng ni lo a, mi hlimthei tak a nih zawk zia a sawi a, mahse hmelma leh phatsantu chunga a dawhtheih loh zia te pawh. Chu tah Portella Della Ginestra-a thil thleng chanchin chu sawi kaiin, "Kha mi ni khan a band member-ho zawng zawng hmaah a tap asin"
Maria Lombardo chuan, "Khang mi zawng zawng kha a thah an ni thei lovang" a lo ti a.

Hector Adonis chuan, "Lehkhabu a ngaina hle a, hlaphuahthiam emaw lehkha thiam sang tak a nih ngei ka ring thin. Thinchhiat chang chu a nei, mahse a nunrawng lo; pawisawilo thinrimna a ni. Rorelna dik lo a haw hle a, Carabinieri te mi rethei hmaah an inluling em em a, mi hausa ho laka an inphahhnuai leh viau si te hi a haw em em a ni. Lo neitu, a vaimim tuh pawh seng thei lo, a wine sawr chhuah pawh in pha lo leh a vawk talh sa ngei pawh ei chang lo a hriat te hian nasa takin a thinrim thin, mi ngilnei tak a ni asin.”

Pisciotta chu a lo nui a, "Tunah chuan a ngilnei tehchiam tawh lo, nangpawh Hector, School zirtirtu tereuhte I nihna kha dah bo teh, Sakawr chungah chuan keimahni ang thova lian I ni ve tho a nia.” a lo ti a. Hector Adonis chuan thutak zetin, "Aspanu, tun hi I finna tih lan hun a ni lo ve." A ti thung a.

Pisciotta chuan phur zetin, "Pa te tak te, ka hlauh che I ring reng reng em ni?" a lo ti a.

Michaela chuan Pisciotta chu Aspanu tiin an ko thin tih a hre ta a, chumite chu an inngaina lo hle tih a hre mai. Mahse chu ta awm zawngte chuan Guilianno chu an hmangaih vek tih erawh a chiang viau.

"Thuthlung bu Guilianno ziak kha tunah khawnge a awm?" tiin a zawt a.
An ngawi thap a, Michaela chu uluk zetin an en hlawm a,amah an rinna a hniam ta ngei niin a ngaih theih. A tawpah chuan Hector Adonis chuan, "Ka thurawn angin Turi chuan a ziak a, ka pui bawk a, phek tinah chuan a hming sign a chuang vek. Don Croce-an a ruka sawrkara a thurualpui ho te, Portella Della Ginestra chungchang thudik tak te a ni. Mipui hriata puan zar a nih chuan sawrkar hi a tlu chhe ngei ang. A chhe ber a lo thlen pawha Guilianno-a card huai hum hnuhnung ber a ni." a ti a.

"Chutia nih chuan hmun him taka a awm ngei ka beisei e."

Pisciotta chuan, "Ni e, Don Croce hian thuthlung bu chu neih a duh em em a ni." A lo ti a
Gulianno-a nu chuan, "Remchang hmasaberah I hnena hlan turin ruahmanna kan lo siam ang, Americaah hmeichhe pakhat nen I thawn thei maithei asin" a ti a.

Michaela chu mak ti takin a en kual hlawm a, "Eng hmeichhia maw?" lo en let lovin zak awm takin an hawi sawn vek hlawm a, Sawichhuah a nih thut takah chuan a lo dawnsawn dan tur an hlau a ni thei e.,
Guilianno-a nu chuan, "Ka fapa nupui hual a ni a, a rai mek a ni." A ti a, midang hnenah thung chuan, "Boruakah a inti bo thei bik hleinem, a hruai ve dawn nge dawn lo, tuna sawi fel a tula ni." Michaelan a lo dawnsawn dan avanga a chi-aina chu thup hram a tum a, "Trapaniah I hnenah a lo kal ang a, Turi chuan a mah chu America-a thawn turin a duh che a ni. A him ngei tih a rawn sawi hunah Turi chu I hnenah a lo kal ang." Tiin a sawi chhunzawm a.

Michaela chuan fimkhur takin, "Chutiang hrilh hriat ka ni hauh lo, Trapani-a ka mite ka biak rawn phawt a ngai ang. Nang leh I pasal hi Guilianno-a America rama a awm veleh kal ve in tum niin ka lo hria a, lo nghak hlekin in rual chuan a kal thei mai lom ni?" a ti a.

Pisciotta chuan, "Hmeichhia chu nangmah enchhinna tur a ni, Code hmangin thu a rawn thawn ang a, chutah chuan Guilianno chuan mi dik chauh ni lo, thil ruahman thiam tak in nih thu a hre thei ang a, tichuan him takin Sicily atangin in hruai chhuak thei tih a hria ang.” Chher leh chang khal hian a lo ti a.

Guilianno-a pa chuan thinrim takin, "Aspanu, ka fapa nen ka hrilh tawh che u ni lomni? Don Corleon chuan min tanpui a intiam tih kha."

Pisciotta chuan dam thlapin, "Turi-a thupek a ni tlat alawm" a lo ti a.

Michaela chu rang takin a inngaihtuah a, a tawpah chuan, "Thil finthlak tak a ni, Chhuah kawng kan ruahman sa that leh that loh enna pawh a ni ang chu." Guilianno tlan chhuah nan a ruahmanna a siam sa chu hman kher pawh a tum chuang lo. Guilianno-a nu hnenah chuan, "I pasal leh hmeichhia nen chuan ka kaltir thei ang che u." mahse an lu an lo thing mai a.

Hector Adonis chuan dam thlapin, "Ngaihdan tha lo tak chu a ni hauh lo" a lo ti a.

Guilianno-a nu chuan, "Kan fapa he ta a awm chhung chu Sicily hi kan chhuahsan thei lo." Guilianno-a pa chuan remti tih entir nan a kut kuangkuahin a lo bu nghat nghat a. Michaela chuan an ngaihtuahna chu a hrethiam thei mai, an fapa hi Sicily-a a thih si chuan, America-a chen chu an duh bik lo. Sun tur te, thlana phum leh a thlana pangpar dah turin an awm a ngai tlat. Hmeichhia chu a kal thei ang, thisen zawmpui ni lo, hmangaihna avanga a zawmpui chauh a ni si a.

Vartian a nih tak avangin Michaela chu kal tumin a thoin a mangtha hlawm a, mak tak maia Maria Lombardo chuan rawn kuahin, "Ka fapa min hriat chhuah tir a ni, ka ring che nia." A ti a, chhuara Virgin Mary lim chu a la thla a, thinga siam, a dum, Negro pianhmang ang pu hi a ni a. "Hei hi ka thilpek che a nih hi, han pek tlak che thil hlu ka neih chhun a nih hi" a ti a. Michaela chuan hnial a tum viau nangin a kutah chuan a hmehbel tlat a, "A lan dan kha a pawimawh ber lo, a hnenah I tawngtai thin dawn nia."

Michaela chuan Pisciotta leh Guilianno-a nu inthlah lai chu a en reng a, an inkara inngainatna thuk tak awm chu a hmuh thelh lo, Pisciotta chuan a biang tawn tawna fawpin, thlamuan nan a beng thak thak a. Mahse Guilianno nu chuan Pisciotta dara a lu nghat chungin, "Aspanu, Ka fapa ka hmangaih ang bawkin ka hmangaih che a, Turi chu thah tir suh ang che aw" tiin a tap hlawp hlawp a.

Pisciotta nelawm lohna zawng zawng chu a bo vek a, nem takin, "America-ah in tar thlengin in cheng ho dawn alawm." Michaela hnenah chuan, "Turi chu kar khat chhungin I hnenah ka rawn hruai ngei ang" a ti a, rang tak leh thawm dim takin a chhuak ta a. Hector Adonis chu Guiliannoa nu leh pa bulah a la awm thung a, a ni hi chuan khawchhungah in a nei a ni.

Michaela leh Stefano Andolini chu fiatah chuan lutin Trapani pan chuan an tlan ve ta nghal a.

(A leh pek, Book II atang chuan Guilianno chanchinah kan lut thung dawn a ni, a ngaihnawm tial tial dawn, Guilianno chuan him takin America a thleng an gem.. lo chang leh phawt teh!)
[*]Loma_Hmar[*]

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Loma hmar
Posts: 123
Joined: March 20th, 2018, 11:51 pm

Unread post by Loma hmar » March 27th, 2018, 12:02 am

Book II, Turi Guilianno 1943
Chapter 2(a)

Kum 1943 September thlaah chuan Hector Adonis chu University of Palermo-ah, History leh Literature subject Professor a ni a, a dung tawi bik em avang chuan a thawhpui te chuan a talent avanga zah a nih tur angin an zah lo fo. Mahse chu chu Sicilian zingah chuan chuan chin țhan tak niin, pianphung a zira hming lem invuah mai țhin an ni (Mizo te nen kan inanna lai tak a nih hmel. :-) -loma ). A hlutna dik tak hretu chu mi pakhat chiah a awm a, chu chu he University President hi a ni.
September 1943 hian a ni Hector Adonis-a nun a lo danglam tak ni. Italy chhim lamah chuan indo chu a tawp tawh a. America sipaite chuan Sicily ram chu hneh derin, Italy ram laili lam an pan leh mek a. Fascism a bo va, Italy thar a lo piang a; kum zabi sawmpali chhunga a vawikhat nan Sicily thliarkar chuan hotu a nei lo ve ta. Mahse Hectora chuan Chanchin hlui lam a thlirin beisei a bo hlein a hria. Mafia ho chuan Sicily chhung rorelna chu an la țan mek zel a, an thuneihna țihbaihawm tak chu state thuneihna anga boralna kawng tho a ni. A office tukverhah chuan University chu a thlir kual a, building tlem te awmna, Campus tia an koh chu.
Zirlai awmna tur Hostel neih a ngai lo va, America leh England rama College nun ang kha a awm hek lo. Hetah chuan zirlai tam berin in lamah an zir a, hun ruat bikah an Professor-te rawn turin an rawn kal zawk a, lecture pawh hrem pumpelh nan an ngaithla a ni chauh, an exam chuan a tawk mai. A kalphung chu Hector Adonis chuan a huhoa mualphothlak, mimal tana atthlak tak niin a ngai a, a chhan chu Sicilian zirlaite hian ramdang zirlaite ai hian thununna khauh leh khirh tak an mamawh zawkin a ngai a ni.
A tukverh atang chuan Mafia hotute, University Professor-te thunun tuma Sicily ram bung hrang hrang atanga a hlawp hlawpa an lo kal chu a hmu thin. Fascist rorelna hnuaiah kha chuan heng Mafia hotu ho hi an fimkhurin, an inngaitlawm thei hle a. Mahse America tanpuina hmanga Democracy a lo din takah hi chuan, ruahsur laia changpat lo chhuak ang maia lo tho chhuakin an tih dan hlui an rawn ching thar leh a, inngaihtlawm te chu khawi lamah.
Mafia hotute, Thiante thian inte, Sicily thingtlang khaw hrang hrang a hnam hrang hrang hruaitu te chu, zirlai naupang, an chhungte emaw ramneitu hausa tak fate emaw an thiante fate emaw an zirlaia fail, engemaw tih a nih loh chuan Dergree nei miah lo turte sawi sak turin Holiday laiin an lo kal thin a. Degree lah chu thil pawimawh elhkhen a ni si a. Chhungkua chuan a fa te, tumna nei lem lo, theihna nei bawk si lo leh chut takte chu an en liam mai anga maw? Nu leh pate chuan an fate chu an dam chhungin an support tur a ni zawk. Mahse Degree an neih a, University atanga lak lehkha tereuhte an neih chuan heng misual ho hi zirtirtu te, Daktawr te, Members of Parliaments te, a chhe berah pawh ram rorelnaah hna chhete tal an nei thei tlat a ni.

A tukverh atang chuan Hector Adonis chuan a tlem berah Mafia hotu pathum lai, thu hneh tur zawnga an vak vel chu a hmu thei a, Puana siam lukhum khumin Savun pheikhawk an bun a, khua a lum avangin an velvet Jacket chu ha lovin an banah an bat bawk a. Thei chi hrang awmna basket leh siamchawp wine Botol, thilpek tur an keng bawk a. chu chu thamna ni lovin tur thahna hlo, an mithmuh lai ngeia professorte chunga thil hlauhawm a thlen palh daltu tur a ni! Professor tam ber chu Sicilian ziding an nih avangin an ngenna chu hnial theih loh a ni tih an hria.


Mafia Chief pakhat, inchei thingtlang zet, Cavalleria Rusticana lemchan tuala chuangkai tur ni awm taka inchei hian a awmna Building rawn lutin, Stepah a lo chho mek a, hlim luih hram hram tumin, chu lemchan nuihzatthlak tak chang tur chuan a lo inbuatsaih a.
Amah chu Hector Adonis a hriat mi a ni a, a hming chu Buccilla a ni. Montelepre atanga hla lo te Partinico khuaah huan leh beram rual a nei a ni. Chibai an inbuk zawh chuan Buccilla chuan a thei bawm ken chu a pe a.

“Thei kan ngahin a rah til a tam a, a tawih ral mai mai dawna ka hriat avangin Professor tan hian ka lo keng a ni.”

Buccilla chu pa sang tak ni lo mahse a lian thung a, hnathawk nasa tih takah pa chak tak a ni. Mi dik tak nia hriat lar, mi inngaitlawm, duh ni se a thil tih theihna chu hausak pui theihna a ni a, mahse hmanlai Mafia chief te anga hausakna aia zahawmna dah chungnung zawktu a ni.

Adonis chuan nui sang chungin thilpek chu a dawng a, Sicily rama lo neitu zingah tuin nge a lo thlawna thil ti riral mai mai ngai ni?

Buccilla chu a nelawm hle mai, mahse chu nelawmna chu hun reilote chhungin hlauhawm takah a inthlak thut thei tih Adonis chuan a hre chiang hle. Buccilla-an, "Hringnun tak hi chu aw, ka huana hnathawh tur ka ngah em em lain ka thenawmpain thil tihsak turin min rawn ngen a, engtin nge ka hnar theih ang? Ka pa leh apa an inhria a, ka pu leh a pu lah chute bawk. Thian ten ti tura min duh tihsak hi ka nuna bet tlat a ni a, ka vanduai ve na pawh a ni ang e. Chu bakah, kristian vek kan ni lomni?" tia a sawi lai chuan pawmpui takin a lo nuih a.
Hector Adonis chuan dam thlapin, "Sicilian ho hi chu kan inang vek a ni, kan thilphal leh lutuk a; Chuvang chuan a lawm rome-a hmar lammi hovin min hmakhalh zar zar ni." A ti a.
Buccilla chuan fing a tih hmel hle, buaina a awm loving, khawiah emaw he Professor hi thian thate zinga mi a ni tih an sawi a hre tawh tlat. Hlau hmel a pu miah lo bawk. Thian thate thian chu lo nit a se, engvangin nge amah, Buccilla hian a hriat miah loh le? Mahse thiantha han tih pawh chuan level tam tak a awm miau va, eng ang pawh chu ni se, a chenna khawvel hrethiamtu mi a tawn ta alawm le.

"Thil min tihsak tura ngen tur chein ka lo kal a ni, Sicilian leh sicilian angin; ka thenawmpa fapa chu in University-ah hian a fail hlauh mai a, ka thenawmte chuan I tih fail niin an sawi a. I hming an lam rik ka hriat chuan, eng a! Signor Adonis-an maw? Chu mi chu khawvela pa rilru tha ber a ni alawm, thil awm dan a hriat chuan chutiang thil chu a ti duh lo taw pang, teuh lo mai, ka ti a. I hnena kal turin mittui nen min ngen a, thil nih dan zawng zawng sawi a, khawngaih taka a Grade thlak tur che a ngen tur chein, tichuan an fap chuan he khawvelah a eitur a hlawh chhuak ve thei ang a."

Hector Adonis chu chu ngenna mawihnai takah chuan a buai lem lo, English ho chuan tawngkam thluaithlum mawina maiah an ngai ang, mahse Signor Buccilla tan chuan ngenna a ni tlat. Lo hnial emaw tih duh loh chuan Zan thima Lupara hmawr de zuaih hmachhawn a ni leh mai. (Lupara- Silai siam chawp Barrell tan tawi, inhnaihchilh a hman chi- loma). Hector Adonis chuan Basketa Olive leh Berry ei zauh pah chuan, "He khawvel rapthlak takah hian kan thalaite riltama an thih chu kan phal nang. Tunge a hming I tih kha?" a ti a. Buccilla-an naupang a hrilh hnu chuan, amah chu chiang takin a hre sa reng tho chungin dawhkan hnuai atanga resister la chhuakin a keu nghal a.

Chu zirlai fail-a chu mi nunrawng tak, chhawh chhuih mai, Buccilla beram rual ho ai pawha mawl tur hi a ni a. Hmeichhe lawm zet mai, chapo fu si a ni a; zirna lamah chuan hlawhchham ve tak tualte Vanglai leh Khawnglung run pawh hre hrang lo a ni a. Heng zawng zawng hre reng chungin Hector Adonis chuan Buccilla chu a nuih sang a, maktih hmel takin, "Ah, A examna pakhatah hian harsatna a awm deuh a nih hi, ka roomah ngei hian lo kal se la, ka lo exam that tir leh ang e, a fail tawh lo vang," a ti a.

An inchibai a, Buccilla chu a chhuak a, thian dang ka siam belh e tiin a ngaihtuah a. Heng naupang tlaktlai lo tan hian an phu miah loh University degree neih chu eng nge a sawngsawhlawtna tur le? Phone ri chuan a ngaihtuahna kal ding lai a rawn ti tawp a, University President-in a rawn call a lo ni a. Hlauhna avanga aw khur, tap aw lek leka rawn ngenin, " My dear Professor Adonis, Ka office-ah I lo kal thei lawk ang em? Nangmah chauhin I siam that theih harsatna namen lo kan University hian a tawk a nia, a pawihmawh elkhen a ni, I lo kal chuan ka lawm hle ang" a rawn ti a.
[*]Loma_Hmar[*]

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)