EMMA BY Kookie's Gf (Completed)

Episode nei ho a hlawm a dahkhawmna
Ngaia
Site Admin
Posts: 25813
Joined: April 30th, 2016, 4:07 pm

Re: EMMA BY Kookie's Gf (Completed)

Unread post by Ngaia » April 15th, 2018, 1:40 pm

Kookie's Gf
.
"Emma he thil hi i sawifiah ngei tur ani" patea chuan thinrim zetin alo ti a, amitmeng atang chuan athinrim hle ani tih ahriat, ameng sen ram a, a hlauhawm takzet. Ka hlauh ber tum ala ni hial ang. Nuteii ka melh chuan chhuata thu sawpin atap vak vak a, Sarah chuan lo kuahin an nufa chuan an tap chiam bawk.
.
"Inbengdai rawh John iti hlauthawng anihkha" ka pa chuan alo khap vat.
.
"Ka nupui leh ka fanu hlauthawng hmel hi engtin nge i hmuh ve? Mawhh, i fanu thu thu in i awm a, a thusawi apiang i awih bawk, pa tha takah i inngai bik ami? Ka chhungkua hi ka tan chuan ka engkim ani ve tho. In duh hun huna dawta in puh turin an ni hi ka lo hruai haw reng reng lo" Patea rak thawmah chuan ka beng angawng vekin ka hria, patea hmel rapawm zet chuan ka thau ah min mana, ka tha akhur chhuak hlak hlak bawk. Sawifiah turin ka tawngchhuak theilo, ka nu leh pa mitmenga insawifiah tura min duhna te chuan ka awm ati nuamlo lehzual.
.
"Emma, bawihte sawitur i nei em? " ka nu chuan dam thlap in alo ti a, ka lo tawlhhnung hret thung.
.
"Dawtin ka chhungkua apuha engtin nge in sawifiah se itih, Emma ka fanu ang chiahin ka en thin che a, mahse hei hi chu iti mah mah ani, eng em em nge i chungah hian ka tih" pangpar khawina chu avai thla thuak a, ka rak nghal tuarh bawk. Ka beng hupin ka thusawpa, ka mittui tlaklai awm pawh ka hrelo.
.
"Dawt.... Dawt.... Dawt ka sawilo" ti bah nakin ka beng chu ka hupa, ka rak vak bawk.
.
"Nang hian i........ "
.
"Duhtawk nghal rawh. Iti mangang lutuka sawitur a vai zo anih hi, Chuan nangi pathum khan hre rawh u ka fanu hian dawt asawi ngailo. A millo tu a in tang anihchuan in chhuak thei ang" Ka pa chu ka bulah alo thu thla a " bawihte lo kal rawh le" tipah chuan minlo kuaha, room pawn lamah kan chhuak bawk.
.
"Dawt... Dawt ka sawilo" mi à ang mai chuan chu thu chu ka sawi nawn a, ka khuma min muttirin puan min sin tira, dawt ka sawiloh thu ngawt chu ka sawi pah bawk, achhanchu kei hian chiang takin ka hria ani. Nuteii khan asawi chiang viau, avawikhat sawina mai pawh ani tawhlo.
.
"Ka hria alawm, bawihte, dawt i sawi ngailo"
.
"Mah...mahse patean min ringlo" Patea te room lam chu ka kawka.
.
"Bawihte, tuman an rinloh hunah che pawh keichuan ka ring tlat ang che" ka hmaia lo chul heuh heuh pah chuan ati a, ka tahchhuak lah chu areh theilo, ka insum nasat poh leh ka mittui chu aluang tama, ahreawm takzet.
.
"Nuteiin Lambert chhungkua atihchhiat tur thu asawi. Pa, kan chhungkua hi ka chan duhlo"
.
"Atawk... Atawk.... Kan kehchhe dawn reng renglo. I bulah ka awm tlat dawn alawm".
.
.
.
.
.
2 days later
.
Ni èng in ka hmai achhun chuan ka meng siar siara, ka kut humtu kut chu melhin ka mittui arawn tling lehnghal pur a, ka lu chhahbur avangte chuan ka awmdan ahreawm takzet.
.
Ka kut lehlama drip inkhai chu melhin ka mutna room chu ka thlek kual leh a, keihi damdawiin ah ka awm amaw!
.
"Ohhh..... Bawihte, ilo harh tawh amaw?" Ka nu ka kut vuan mektu chuan alo ti a, ka pa acall nghal zat.
.
"Engatinge hetah hian ka awm"
.
"Aghhh.... Bawihte, i thiltawn khan a thawng deuh che a, i taksa in a tawrh phah ani, i patea te nupa pawh an in thiamlo lutuk" patea hming asawi rik rual chuan ka thiltawn chu ngaihtuah chhuakin hreawm ka ti takzet.
.
"Mahse nu dawt ka sawilo tak tak alawm" tisapin ka nu chu beiseina nen min ring turin ka melha, mahse amitmeng atang hian a sawi tum ka hrethiamlo.
.
"Atawk bawihte..... "
.
"Mahse min ringlo" ka mittui chu alo tla ngiai ngiai a, minlo kuahin ka lu ah chuan alo chul a, min rinloh avang hian ka rilru ana takzet.
.
Kawngkhar a inhawn rik khap chuan kan hawipheia, ka pa alo lut nghal zat, ka harh ahmuh rual chuan amitmeng adanglam nghal rak. Minlo panin minlo kuah vata, ka pa awma ka bei ta mai chuan ka hnuk a ti ulh thar takzet.
.
"Doctor Stephen alo kal tawh em? " ka nu chu abia a,
.
"Aih, alo la thlenglo ani mahna" a tawngzawh rual deuhthaw chuan nurse alo luta, ka pa chuan apan nghal zat.
.
"Stephen alo la kallo em ni? "
.
"Aw ka pu englo..... "
.
"Alo kal angai tawhlo ang, chuan nangpawh ban ini e" ka nu nen chuan kan melh nghal kawk.
.
"Mahse pa-a.... "
.
"Pu Lambert khawngaihin....... "
.
"Atawk.... Ka fanu thlithlai reng turin ka hrilh che u, ani in ngaihpawimawh lohna hi he damdawiin ngaihpawimawh lohna nen a inang reng, i kal thei tawh ang" khauh takin chu thu chu asawia, doctor Stephen alo kal hnu chuan eng eng emaw sawiin an ti ti a, an buaina leh an thubuai chuan ka thluak atibuai.
.
Pawn lama an inzui chhuah tak diak hnu chuan tukverh lam hawiin ka hun tawn chu ka ngaihtuah neuh neuha, nuteii vanga heng buaina hi tawk ka ni tih ka inhriat chuan ka thin atirim takzet.
.
"Ilo harh tawh animaw? " ka hawiphei rual chuan Bin kawngkhara ding chu ka hmu a, ahmel adangin asam te lah chu ani anglo takin a thur bam a, a incheidan pawh a simple viau. Chhanglo chuan ka lo melh renga, lokal hnaiin ka bulah alo thu a, ka en reng avang chuan anui suk a, dim zetin ka sam chu alo chul a, min kuaihnaiin minlo kuaha, ka hnuk ulh tun ka lo insum char char chu apuakdarh mai dawnin ka hria, ka tahchhuah loh nan ka insum nasa takzet.
.
"Damlo tawh suh aw" min kuai hla hlekin ka dar tawn tawnah chuan a chelha, min enin a nui leh suk ringawta, hrethiamlo zetin ka lo melh kar thung. Min kuaihnaiin ka chalah afawp vang vang a, ka rilru buailai ber mah nise chu chuan ka ngaihtuahna a tiharh ani. Minlo kuah leh in nghet zet chuan min kuaha.
.
"Min kalsan dawn emaw ka ti hmana, nitin ka hmuhloh che chuan hreawm ka ti a, atheih anga tam hmuh che ka duh thin. Ka school period a over hma hauhin lam tur che in class atangin ka chhuak hma thina, chuan ka rawn hmu thin che a, nitin ka hmuh thin che avangin hmulo tur che in ka la suangtuah chhin ngailo. Mahse, hemi khuma i mu ka hmuh kha chuan thil chi hrang hrang ka ngaihtuah kuala" min kuah nghet zual sauhin athaw halha, kei erawh ka lo tang teuh thung.
.
"Engthil nge i ngaihtuaha? " angawih tak daih avang chuan ka lo ti sap a.
.
"Ka hre biklo. Hmu tawh ngailo tur ang che in ka inngaihtuaha, ahreawm lutuk chuvang chuan damdawiina hmuh leh che ka duh tawhlo tih hria ang che" thupe aw tak chuan ahan ti a, kan nunna ah hian thu kan nei tawp silo. Engvanga thu min pe ta fo mai ngemaw anih le.
.
"Ka thaw tha theilo nia" khuh kharh kharh paha ka tihchuan nui ri hakin a inla hranga, khum atanga tho in fridge atang chuan apple alo la chhuaka, ka bul dawhkanah chuan thu in avel pah mial mial.
."Bin hnenah hian engkim hrilh ka duh" amah en kar pah chuan ka ti a, a thil vellai chu tawp datin minlo melh a. Ni e, hrilh ka duh takzet ani.
.
"Sarah hnen atangin ka lo hre tawh alawm" ahmel adanglam nghal veka, alungngaih hmel mah zawk.
.
"Chuan engtin? "
.
"I tan pawn nau anga en chu ala harsa ang tih ka hria alawm"
.
"Nilo, nangpawn min ringlo" ka kuta hriau awm chu phawiin ka paiha, khum atanga tho chhuakin ka puan chu chhuatah ka pawtthla a "Engvangin nhe tumah hian min rinloh? " ka rak tuarh tuarh a, mangan hmel zeta minlo pan hnaiin ka hmaah chuan alo dinga.
.
"Inbengdai rawh... "
.
"Nilo, in zavai hian bumin in awm, khanu khan Lambert chhungkua hi min tihchhiat atum ani" ka rak tuarh tuarh a, ka khum bula thil awm chu ka pawtthla nuaih bawk. Ka kuta chelhin nghet zetin min kuah beta, ka lo tal chiam thung.
.
"Dawt... Dawt... Dawt ka sawilo" zawi sap chuan ka ti a, ka tap ri nghal hawm hawm bawk. Ka hnung zanga lo chulin dim takin a beng thek theka, dawt ka sawiloh thu zawi zetin ka lo sawinawn fo thung.
.
"Ka hria alawm, ka thusawi ngaithla phawt rawh. Nau ineih thu min hrilha ihlim hmel kha ka la theihnghilh hauhlo, chuvang chuan nanghian thinlung takin i pawm ani tih ka hria, hetianga i awm hian chhan anei ngei ang" ka bianga dawmin min melh kalh a
.
"Min ring tiraw? " beiseina nen chuan ka mela.
.
"Hriat neilo mah ila chiang taka ka hriat chu Emma lambert hian dawt asawi ngailo. Sual in chimawm viau mahla dawtsawi tur khawpa rilru diklo leh ngaihtuahna kawi pu mi inilo tih ka hria"
.
"Englo... Ka.... " Sarah aw ka hriat chuan ka va melh vat, engtin nge alo la kalngam zawk?
.
"Engtin.... " Bin chuan ka kutah alo chelha minlo dang vat.
.
"Minlo va chhuahsan ta che Sarah" Bin chuan alo ti a, ka kut chu nghet zetin ahmera, insum turin min ti ani tih ka hrethiam, ka insum nasa takzet.
.
___________________________
.
"Hmeichhe mak tak chu ini" Kan inhnung lama coffee in a keimah leh keimah ka intih thawven lai chuan hmeichhe pakhatin alo ti deuh thut.
Ka hawiphei chuan nute reina alo ni.
.
"Min tibuai tawh suh" ka coffe no ken chu nghet zetin ka huma, ahmel ka hmuh ringawt pawh hian ka luak achhuak.
.
"Nang hian alawm min tibuai, engvangin nge ka kawngah ilo awm ziah a, naupang te te" ahmuia hnawihsen tat zeuh pah chuan ati a, hmanni deuh atang khan enge ahriat ni, nalh tak tak in awmhmunah pawh a awm deuh reng mai, ka pa sum ringa nung mai mai si, zaktheilo lutuk.
.
"Ka chhungkua hi tihnat i tum anihchuan hre rawh"
.
"Engtin nge min tih ang, mawhhh? Engtin? " minlo panhnaia ka lo melh rawm rawm thung. "Tikhan min melh suh naupang" tipah chuan ka chalah akutin alo nawra, amah bawk chu ka melh leh.
.
"Khawvelah hian nang aia zaktheilo hi an awm pawn ka ringlo"
.
"Ohhhh chuti maw, inchhungkua in kehchhiat hunah leh damdawiin hi Sarah hminga a awm hunah engtin nge itih tak ang? I nu leh pa ka lakbo hunah...... ". Atawng chu ngaithla zawm duhlo in ka coffee inbang chuan a hmaiah ka theha.
.
"Engthil........ "
.
"Hey, pitar lo ngaithla rawh, i make-up, i thawmhnaw, i ei in heng zawng zawng hi ka pa suma i lei anih hi hre rawh. I thinrim amaw! Ka chhungkua tihchhiat i tum tih ka hrechunga engmah ka tih theihloh hian engtin nge ka awmthina i rin? Coffe ka leih vang che hian i thinrim maw, kan chhungkaw suma ineih ania chuvang chuan ka tichhe thei. Hei hi hre rawh zahna phut hauh suh ang che" ka coffe no chu chhuatah ka paih zuia.
.
Rawn nui chhuak awr awr in, ahmai chu hankey in ahru a, a awmdan leh ahmel hi a rapawm letling zawk.
.
"I rilru a thianghlim mah mah chu ani. I patea hi irin ang alo nilo maithei, chutiang bawkin ipa pawh hian alo bum reng maithei che. Nilo, i nu hian ka thiltum te hi alo hre ve maithei bawk. Engmah hriat anilo. I hriattur awmchhun chu nang hi tuman an hmangaih tak tak lo che"
.
"Ngawi rawh"
.
"Ohhh.... Takin Lambert chhungkua hian ka chungah tihsual inlo nei maithei asin"
.
"Ngawi rawh ka tihchu" ka dinna bula dawhkan te awm chu ka tlawhthlu thuaia, enge ahriat tehreg ni thingthiin a kut asuiha, amittui atla ta mai.
.
"Eng lemchan nge ni leh ta? "
.
"Emma, khawngaihin i patea hi ka hmangaih takzet ani. Inu leh pa tihchhiat tumna pawh ka neilo, khawngaihin min hnawtchhuak lo hram rawh, khawnge sarah nen hian kan kal tak ang"
.
"Hey, enge ihriata? " ngaihna hrelo zet chuan ka ti a "Tho nghal rawh" ka rak deuh tuarh, achhanchu alemchan hi ka kham takzet tawh.
.
"Emma engthil nge itih? " ka nu tawngri ka hriat chuan ka hawileta, thinrim hmel takin minlo melh bawk. Kan bul alo thlen chuan kei min buaipui lovin nuteii chu akaitho anihchu!
.
"Nu"
.
"Atawk Emma, school kal turin insiam rawh, zanah sawidun tur kan nei" nuteii chu inchhung lamah aluhpuia, nui hul hakin ka thaw halha, ka mittui ka khap per fap bawk.
.
.
.
.
"Ka ngai lutuk che, i damlo tih ka lo hria a" Laura chuan alo ti leh lang lang a. Ahmel hlim sarh ka hmuh chuan Sarah te nufa ka tawn hmaa abula hlim taka ka nuih thin lai kha ka ngaihtuah chhuak zawk. Engvanga an ni hi kan nuna lut tura lo remti mai thei ngemaw ka nih le!
.
"Ka tha tawh alawm" class lam pan chuan kan inzui hnak hnaka. Tumdang ang bawkin a titi tui leh viau.
.
Class a luh hmain washroom ah kan han lut leh tete a, Laura erawh ala tawngtui piap piap viau.
.
"Lambert hospital neituten fa an la tih thuthang kha inlo hreve tawh em? Kan school ah hian alo kal ve an tia sin, an sawi dan chuan Edward pawn a ngaihven viau anih hmel" hmeichhe pakhatin alo tihchuan ka beng ka chhi kar.
.
"Emma chungah engthil nge thlengta ang? " pakhat chuan alo tive leh a.
.
"Bin tan chuan a first love theihnghilh ngawt chu ahar ang, mahse an fa lakthar chu ahmeltha lutuk an tih thawm ka hria, tu tak ni ang maw" bathroom atanga anlo chhuah hnu chuan min hnuh thut avangin an zak ve pawh ani maithei, an hmui chu beng nawk nawkin an inzui chhuak nghal.
.
"Eng thu laktlaklo nge maw an sawi le? " laura chuan zui atum a, ka lo pawtding vat, kei aia kawlh leh thinchhia, chu laura chauh hi aniin ka hria.
.
"Aho lutuk.... He schoola ka luh leh rual khan hetiang hi athleng dawn tih ka hrelawk alawm" class lam pan chuan kan inzuia.
.
Class a hun kan hman chhung zawng chuan Lambert chhungkua a member thar chuan hriat ahlawh ani mahna, a chanchin ngawt chu an sawia, kei minlo hmer tel ve zel bawk. Laura chuan alo ter leh zeuh zeuh thina, ka khap buai peih tawhlo, keipawn ka ngaitheilo lam mah ani.
.
Teacher hnen atanga zawhna kan dawn chuan sawifiah turin Sarah chu an ko a, dik taka a chhan avang chuan kut an lo beng dur dura, ka chal dawmin hnuailam ka melh ta daih, engtin nge unau anga ka lo ngaih theih le! Chinghne beram vun sin an tihchu nep te.
.
"Ohhh.... Lo lut thar kha ini tiraw, introduction han nei law law ta che" sir in atihrual deuhthaw chuan ka dak chhuak nghal vat, Sarah chu ka melha, athutna atanga lo hawiletin ngeiawm zetin minlo nuiha, ka lo sa nghal phat.
.
"Ka hming chu Sarah Lambert ani, Lambert hospital neitu fanu naupang zawk ka ni e" an inhrilhru nghal sap sap a, ka lo thinrim teu thung. Lambert hming pu tur hian a tlingzo hlawllo.
.
Nilenga hun kan hman chhung zawng chuan Sarah chanchin ka hria ani ber, akhamawm, an fakna thu hlir ani lehnghal, athenin a polite thu leh kei nena kan inan loh thu an sawia, athenin lehkhathiam tak anih an rin thu an sawi bawk. Hneawm tak ani.
.
Ruah asur cherh cherh avang chuan gate pawn lamah ka driver lo thlen hun nghakin Sarah nen kan ding ran a, midang ho pawh an ding ve thap, tumvang ni hauhloin Sarah insawithei thawm pawh ka bengah a ri zing malh malh viau.
.
Car dum pakhat chu kan thlang deuhah alo dinga, ka sana ka melh zeuh, Alex chu alo thleng har ka ti tawh takzet.
.
"Wow.... Emma Edward alo kal nia" ka dakchhuak vata Edward nihliap khum chunga kan lam pana alo kal chu ka hmu zui zat. Class kallo in apa company ah akal dawn tih min hrilh tak. Coat suit nen a inthuam deuh zar a smartin alanh puitling viau. Minlo melhi anui suk a, kan bula mite thawm pawh chu ka hrezui zat.
.
"Edward hian Emma hi aduh tih ihria em? " ka piah deuhah chuan sarah thiannu in alo ti a, sarah chhanna ka hriatduh avang chuan amah chu ka va melh kalh.
.
"Edward chuan unau ang chiahin a en, ka u in engtin nge a en ka hrelo" min melh kalh pah chuan ati a, zaktheilo hian.
.
"Anihchuan nanghi angaihtuah ve tho che em? "
.
"Kan la hre mai ang chu.. " tipah chuan aban avaia " Edward" ti zeuhin Edward chu ako a, alama kal turin ahuih zeuh.
.
An phun laih laiha, tuzawk nge apan dawn tih mitmeng vekin an melh, han tihve vak ngaihna ka hrelo. Edward chuan Sarah chu ava melha, anuih sang bawk. Ka lo tang teuh mai, apan vaihchuan an sawiduh ngawt ang. Maw??? Enge ka hriat tak? Mi thusawi ka ngaipawimawh ngailo kha ani sia.
.
"Bin" Laura chuan ka tih ang chiah chuan bin chu ako a, tawnglo ang hmakin a awm thung, amah ka melh lah chuan aphone ahmet daih bawk si... Ughhhh engthil nge atih tak hi! zahthlak lutuk mai.
.
"Khawngaihin min thlah haw thei em? Emma driver lokir leh hun nghah chu arei dawn emai" sarahin alo tihchuan Bin chuan ava pan a, zaktheilo hian, car hran an pe tawh reng sia.... (to be cont...)[/size]


Show post links
Top



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » April 15th, 2018, 1:40 pm

Kookie's Gf
.
Alex alo thlen ve chiah avang chuan Bin chu ka va melh zeuha, Sarah nen chuan eng eng emaw an sawia, ka thlir zui peihlo. Car ah chuan lutin kan tlan ta daih.
.
Ka phone a rik ral ral chuan ka en a, Laura, thaw halh in ka reject a, chanchin minlo hrilh atum tih ka hria, mahse achanchin sawi tum hi ka hrechak lo ani e.
.
Alo tihnawn sek avang chuan ka pick plta nge nge.
.
"Enge ni ta?"
.
"Edward an Sarah athlah ania, midang ho in nang aia athlan thu an sawi nasa mai chuan Sarah chu chhiahhlawh nunnem tak angin an sawi che a, mahse nangchu ...." Angawi ta daih.
.
"Keichu engtin? " ka thaw deuh halh.
.
"Lalfanu sual leh khirh deuh an ti che a, a uar fal deuh ho phei chuan ramhuai an ti che" ka nui ri hak.
.
"Aho emai, ka dah ania" phone chu ka off nghala, mi tawng leh thusawi vel mai mai kan ter chhung chuan keimahni ah diklo a awm tihna animai. Ka pa min zirtir dan chuan sawiseltu leh er tu te pawh kan la nei ang mahse chutih hunah chuan engtinmah kan tilet tur anilo, kan chanchin sawia an phi buai peih chhung chuan an damchhan kan siamsak animai tiin. Heng thu thang leh hnung lama min sawitute vang hian ka in dawmkun tur anilo. Thudik chu eng ang hmeichhia pawh nimah ila, ka chhungkua hi ka neih chhung chuan engkim ka nei animai.
.
"Emma hrilh tur che ka ni em ka hrelo mahse.... " alexan alo tihchuan ka melh nghal kawl. Alex hian ka tet te atangin ka kalna tur apiangah min dah thina, mahse ka bia anihlohchuan min be hmasa ngailo.
.
"Mahse enge? "
.
"Ihhh.... " angawi leh data, asawi hreh hmel viau.
.
"Nizan khan ipatea leh inuteii te inbe thawm ka hria a"
.
"Chuan" ka lo ti nghal vat.
.
"Chiang takin an thusawi ka hre theilo mahse ro insem chungchang an sawi tih erawh ka hria, Sarah hminga damdawiin dah chungchang te an sawia"
.
"Engtinmaw? Patea pawh maw? " mak titak chuan ka ti a.
.
"Aw ni e, i patea hi a inrawlh ve niin ka hria, in chhungkaw thubuai vangin nang hian i tuar tih ka hria, i na tuar lai hmuh hi hreawm ka lo ti ani. Anni nufa an lo lan hma zawng kha chuan i hlim thei hle si a" Darthlalang atanga minlo melh zeuh pah chuan ati a.
.
"Ka lawm e, min hriattir avangin" ka ti deuh sap.
.
"I remti anihchuan ka thuhriatte hi i pa ka hrilh thei reng ania, an rindan che hi adiklo ani tih fiah turin ka pui thei che"
.
"Nilo, Alex... I chungah hian ka lawm takzet ani. Mahse, tunah chuan engmah kan sawichhuahloh atha, hei hi finfiahna atling tawklo. Finfiahna tha zawk kan neih hunah chumi hmang chuan kan tarlang zawk dawn ania, nanghi ka vo che tiin an ngai leh tho ang chuvang chuan finfiahna tha tawk tak kan neih phawt angai"
.
"Ka hrethiam e, engtiklai pawn ka pui thei reng che ania" Tunah chuan min hriatpuitu ka nei ta bawka ka hah adam sawt mai. In kan thlen hnu chuan car atangin ka chhuka, Alex hnenah chuan nuteii te nufa chanchin sawi miahlo turin ka hrilhnawn leh bawk. Patea ber alo inhnamhnawih ta chuan hreawm min intih tir ber, ka thisen zawmpui ani miau si a. Nuteii te nufa ringawt chu nise do let dan turah pawh rilru abuailo deuh tur ania mahse patea, ka tet te atanga min enkawltu, ka nu leh pa ka tana an awmlohlai pawha ka tana awm thin hian engtinnge min phatsan theih! Ka nu leh pa ten atan engkim an tihsaka, laktlaklo leh tangkailo taka a awm chung pawn an thlahthlam ngailo kha ani sia, enge achungah thlenga keini min do let duhna thinlung apu ta daih mai hi ka hrethiamlo takzet. Nuteii hian a hmin em ni? Ti ten ka ngaihtuaha, mahse lo thlem tehreng pawh nise engtin nge arilru a inhmin tir mai theih! ka rilru abuai takzet.
.
Inchhunga ka luh hnu chuan room ah ka lut tlang nghala, ka room tukverha ka dahchhuah rual deuhthaw chuan Bin leh Sarah car atanga anlo chhuak chu ka hmu zui zat.
.
"Enge thleng zel ilo thlir ang hmiang" phun sep in, Bin lam pana kalmek khawvela hmeichhe zaktheilo ber fanu chu ka melh kar a, eng eng emaw chu sawiin achang leh no zetin a tum kuala, ka damchhunga mipa hmaa ka tih duh ngailoh tur ang chu a chezia hmangin a tilang teuh mai. Bin ka en chuan a sana a bih zeuh zeuha, lehlam hawiin atawng pawh chhanglo chuan athawvleh halh thin, ahmel landan khu ka sawifiah thiamlo, a ning nge ni a, a hmanhmawh. Nge ni a, Sarah tan hian a luangliam viau tawh zawk... Ughhhh awihawm loh lutuk. Ka lu chu thing mat mat in ka kut kuangkuahin chik zet chuan ka han en leh a.
.
"Emma kan inbiak angai" ka nu tawngri ah chuan ka harh deuh zawk. Inherin khumah chuan ka thu a, tukin zing lama nutrii chunga ka khawsa zia avang khan alungawilo ani tih ka hria engtin nge ka tih chuan ang lemchan athiam em bawk atin ni. A thusawi zawng zawng kha lo record ila atha tur hi nia.
.
"Min ring la ka duh. Nu, dawt ka sawi ngai em ni? "
.
"Chuvang tak chuan alawm mak ka tih. Mi tibuai turin hun khawhral i phal ngailo a, mi haw tur pawn chutiang bawk. I bulah inhau pawh awm se an buainaa i luh loh nan i inthiar fihlim mai thin a" ngawi dat in aban aphara "Kha kha ka fanu emma chu ani. Nang hi chu midang hlak ang ini tawh. Mi zahna i tlachhama, i nungchang pawh ahma angin a smart tawhlo. Tunah chuan i aia upa ngei pawh coffee in i theh ngam tawh ania" A mitmenga ngaihdam dil tura min duhna chu ka hmuhhmaihlo chiang viau.
.
"Nu ka la ngai reng mahse nuteii........ "
.
"Atawk Emma ka ngaithla peihlo"
.
"Mahse finfiahna.... "
.
"I nuteii khu ngaihdam i dil hma chuan kei hian ka be tawhlo ang che" room chu achhuahsan nghala, ka chhunglam tawt up up avang chuan ka thluak achawmawlh vek tawh.
.
Ka room chu chhuahsanin nuteii te room lam pan chuan ka kala, kawngkhar pawh kik lo chuan ka hawng nghal thuai bawk. Nuteii dressing table hmaa thu chu ka hmu zui zat. Inchei reng mai, athawhchhuaha alei a awm thaklo lehnghal.
.
"Ngaihdam mil dil dawn anihchuan ka pawmlo tih hria la" ka tawng hma hauh chuan alo ti a, aphone arik chuan achhang zui nghal hmak.
.
"Aw.... Mark, chaichim pakhat buaipui lawk tur ka neia ka lo bia ang che" maw??? Keihi chaichim min ti amaw!
.
"Tunah khan chaichim min ti em? " ka thinrim lutuka ka tawngchhuak leh thei tawhlo.
.
"Ka tih mailoh che in. Chaichim ang maiin i huaisena mahse bawihte kei min khing tur chuan kawng engkimah i la te lua ani. I kum zat, i san zawng, i lenzawng leh i ngaihtuahnate pawh" ka mit chu chhing sawkin ka thaw chhuak halha. Tawngkam ngeiawm tak tak chhahchhuahdan lah hi a hre ropui mai sia.
.
"Awle, chaichim chu ka lo ni phawt ange... Engpawh nise heng buaina hi ka kham tawh ani. Nang anga mihring phakar hi ka la.......... "
.
"Aw.... Mark ava mak tak.... Lo phi chung suh, an fanu hi ka dahtha phawt anga adawtah anu duhtak saw" ka mengphawk nghal kawk a, ka inrin hmain ka nemtlu thuai.
.
"Kan nufa in min dahtha ang maw! Chuan kan chhungkaw ro hi i fanu in a khawl anga, zahna chang hrelo mihring" a dressing table a athil hun ho chu huihthla vekin a perfume bottle chuan a darthlalang chu ka vawm keh chhuaia.
.
"Em... Emm... Emma ro chu engatan mah ka tilo, khawngaihin min awm tir hle hle rawh" akut suihin atap leh ta pur mai.
.
"Eng lemchan nge ni leh ta mawhhh" a pot chu la in chu chuan a ban ah ka vawma, ka thinrimna ka thunun theilo hi ka buaina ani. Mahse henu laka thunun hi chu engatan mah atangkailo. Kei aia upa mah nise zah aphu hlawllo.
.
"Emma engthil nge itih? " patean alo tihchuan alam pan chuan ka kal a.
.
"I nupui vang mai mai khuan kan chhungkua hi min phatsan ani tiraw, eng ang patea nge i nih, ro in insem theih nan keini chhungkua hi min tihchhiat in tum amaw! Ka nu leh pa chu in bum ani mahna, mahse min bum velo ang".ka au khum phiar phiara, tawng miahlo in min en a, mahse athinrim hle ani tih ka hrethei achhan chu ahmai asen tawn tawn thei.
.
"Nang hi.... "
.
"Ngaithla rawh, i laktlaklo bera chuti chung chuan ka nu leh pa ten an thlahthlam lo che Ka mamawh bik lo che, i chhungkua venhim i duh thu min hrilh tiraw keipawn ka venghim dawn" ka biang chu arik sawka, lehlam hawiin ka thle bak a, ka biang thip sa hat hat chu dawin min bengtu chu ka en a.
.
"Nu" ka tichhuak thei tawk.
.
"Kha kha mahni patea biak dan tur ania mi? Emma min ti lawmlo takzet ani tih hre rawh"
.
"I fanu hi ka dik asin. Ka thiamna ah keiin i ben ka tuar amaw! " beidawng zeta ti pah chuan ka mittui ka khap per fap fap a, ka nu leh pa te hian ka hriat chinah vawikhat pawh kut minla thlaklo. Tun hi avawikhatna ani. Ahliam natna ai mah chuan ka thinlung hi ana zawk ani. Chhuata thu sawp hnawkin ka mittui luang ngiai ngiai chu dan kir ka han tuma mahse asawtlo takzet.
.
"Ka fanu ini em tih pawh ka hre tawhlo" tipah chuan min chhuahsana, engtin nge ka nu meuhin chutiang thu te asawi theih! Kei hi a engkim ka ni asin. Nilo, a fiamthu ani.
.
"Ka dik ani, dawt ka sawi lo, keihi ka dik" tipah chuan ka hmaah chuan ka kal zela, in ka chhuahsan tih chu chiang takin ka hria mahse khawilam nge ka pan tih erawh ka hrelo takzet.
.
Ruah asur cherh cherha, in liantham tak gate hmaah chuan bang nghengin ka thu hnawka, rei tawk fe ka inngaihtuaha ka rilru na erawh areh theilo. Engtin nge ka nu ka hmangaih em em in khatikhan min tih theih? Engtinnge khang mite kha arin zawk theih! Ka thluak buai zet avang chuan ka thi thei mai dawnin ka hria.
.
"Em... Em... Emma enge hetah itih" hmeichhe pakhatin alo tihchuan ka dak chhuaka, Laurai ani tih ka hmuh chuan insumna tel hauhloin ka tap chhuaka, minlo kuahin ka hnungzang chu abeng thek theka.
.
"Hawh lut phawt ila kan sawifel dawn nia, tihi chuan i damlo mai ang" min kuah tho in inchhunglam min panpuia, a room ah chuan lutin towel chuan minlo hrufai sawk sawka, ka sam ahruklai chuan chiang takin amittui tla fep fep chu ka hmu.
.
"Bestie, i luhlulin i suala, achang phei chuan ka haw thin lutuk che. Mahse nang ang hmeichhe lunglian tak hetianga i tap ta mai hian ka hnuk ati ulh takzet. I tahchhan ka hria anih vaihchuan hetianga ti tu che hi ka chhuah miahlo ang" inhnit feih feih pah chuan ati a, ka lo ngawi reng thung achhanchu sawichhuah tur nge turloh ka hrelo takzet ani.
.
Inthlakna tur min pek hnu chuan inhnuailamah min chhuksana, ka inthlak zawh hnu chuan tukverh lam hawiin ka kut ka kuangkuah than a, thil thleng vel chu ka ngaihtuahna ah alo lut lehnghala, diktak chuan reilo te chhung pawn ka thluak atang hian a chhuak theilo ani.
.
"Emma, damdawi hi ei rawh i pan asa vek ania" tui leh damdawi minlo pek chuan thaw halh in ka nui lui saka.
.
"Tikhan nui lui suh, ka tahchhuak iti zual ania" alo tihzawm zat. Damdawi chu khehin minlo pe a, ka hmawm rual chuan atui thlit chhuahsa chu minlo pe leh a.
.
"Ka lawm e"
.
"Ughhh.... Engtik atang khan nge ilo polite tak viaua Emma Lambert" ka nui ri hak a, ani pawh chu alo nui ve sak.
.
Khuma kan mut hnu chuan fiamthu thawhin min tihhlim dan ngawt chu angaihtuaha, ka nuih za tak tak lo mahse ani ang thian ka nei hi ka lawm takzet ani. Tunah hian ahlutzia ka hre zual chiah bawk.
.
"Hetianga i awm chhan hi min hrilh dawn em? "Ka kuttin chu ka sik lehta mial mial.
.
"Englo... Ihhh.... " hrilh chi ani em ka hrelo takzet. Ka kuttin ka sih mek chu alo manbeta.
.
"I sawihreh chuan sawi kher angailo ania, i inpeih hunah min hrilh dawn nia, mu tawh rawh" ka chala lo fawp zeuhin a mit achhing ta daih.
.
Rei tawk fe chu ka inngaihtuaha, ani lo tunge ka hrilh chuan ang tih ten, mahse lo hreve ta se he kan buaina hian a kan kai ve ka duh bawk silo.
.
"Ka patea nupui leh afanu vang ania" ka ti sep a.
.
"Ka rin dan chiah kha zawngchhe bani khan ala hre khawp ang, school ah hun ka nei alawm" thu chhuak lawpin a ha chang sehri bap bap pah chuan ati a, ka lo thaw halh.
.
"Chubak chu engmah ka hrilh thei rihlo che"
.
"Apawi reng reng lo. Engpawh nise nang hian ka awm chhung chuan i tuar lo vang" min hnem eihlo mahse ka awm erawh ati nuam sawt.
.
"Ka lawm takzet laura"
.
"Ughh... Ati lehta"
.
___________________________________
.
Ni thum zet ina ka haw loh avang leh school ka chawlh char char avang chuan Laura in min hau char chara, ka mize pangaia let tura min duh thu asawi chamchi bawk. Athu ang chuan in lam panin a carin kan kala, ka uniform ka inbel hma chuan chaw ei atum tawh map silo. School ka kala ka haw mai angai dawn ani.
.
In kan thlen hnu chuan room ah kan chho a, areh diak avangin ka nu pawh ka hmulo. Ka riahbo chhung zawngin min zawng miahlo lehnghal.
.
A uniform inbel chu darthlalang hmaah athlek nawn te te a, makeup a inbel leh malh malh. Washroom ah lutin ka intifai sawk sawka, ka zawh hnu chuan chhuakin ka taksa ah rimtui te ka chulh leh te te a.
.
"Emma kan tlai thiang miahlo tih hriat....... "
.
"Minlo tur lo teh" tipah chuan ka thawmhnaw bawm chu ka haia, "ka uniform" ka ti bah nak.
.
"Engatinge? "
.
"Ka hmuh hnuhnun ber kha chuan atha vek sia" tipahin ka kawr leh pawnfen tet hnuang chu ka lachhuaka.
.
"Kan zawngte alo che leh hman ani pek ang chu" tipahin room chu chhuahsana Sarah va hmachhawn chu atuma ka lo dang vat.
.
"Adang tamtak ka nei alawm" tipahin ka uniform dang la hak miahloh chu ka lachhuaka, ka inbel nghal thuai.
.
School kan thlen hnu chuan tumdang ang bawkin min enzui laih laiha, ka hnunglam atangin ka chanchin chu sawiin an phun leh nak nak. An peih hi ka ti tawp theilo.
.
"Nizanah ka uite a tap tih thawm ka lo hria a" Laura nen chuan kan hawichhuak rual deuh thawt.
.
Nui sanga ka lam pana lokal chu thliri ka hawisawn chhin eihlo. Ka ngaihzia leh abula awm ka chakzia hi ahmel ka hmuh chiah hian ka hrethar nimaiin ka hria. Ka bul alo thlen chuan akut kuangkuahin chik takin min han melha.
.
"Bin"
.
"I tahna vang em ni i mit kha abui luk a" Laura chu rum zetin ka va melha, lehlam hawiin thildang chu amelh kual char char. Nizana phone a mi abe rei ka tihkhan Bin hi ava bia tihna em ni? Ughhh.
.
"Ka tap lo bawk e" ka lo ti tum hmuk a.
.
"Anihchuan chanchinthara an lo puan kha adiklo anih dawn chu" ka sam chu lo chulin a nui sen sen a, he anuihmel hmu tur hi chuan engpawh ka paltlang duh ngei ang.
.
"I dam tha em? " ka sawitur hrelo chuan ka han ti leh ngawt a, anui hmel hian ka biang ati sa vek tawh. Nui tawp hmakin chiang zetin minlo en a.
.
"Damtha chiahlo. Ni 3 zet ka uite hmulo in ka awm a, hey chimawmnu engvangin nge nizan khan kawngkhar min hawn duhloh" Laura chu amelh ta nghek. Maw??? Nizanah alo kal amaw!
.
"Ka hawn duhloh avang khan zankhuaa kawngkhar bula din tur tihna ami? " Laura chuan alo ti let a, engthu nge an sawi hi????
.
"Kha te chu'h....... " Sarah mak ti hmel zeta min en ka hmuh chuan ka taksa atang nghal teu mai, va kal hnaiha, asam pawhkawlh vek mai saw ania ka chak ni. Minlo la pan hnai ta deuh deuha.
.
"Edward vawiin tlai hian hun inei thei em? dinner i chawi angaih kha " Sarah chuan alo ti a, bin chuan minlo zak cheh in min kuai kun vak a, ka sam chu alo chul vak.
.
"Ka tihpalh.. I u tihhlim nan hian hun ka hman angaia, min hrethiam dawn nia, tunlai hi acher em em lehnghal, achungah thil thalo athleng em ni? " Bin chuan fiamthu ti tih chuan ati a, akut ka lo beng vat.
.
"Thil thalo a? I fiamthu ami, zawng pakhat vangin in achhuahsana, chutah a uniform chu zawng chuan alo la chehthler sak zui, zawng nghal deuh bulah chuan tu lalfanu mah an thalo ang, ani lawm ni zawngte? " Laura chuan Sarah hmai hnaih chet ah ava ti a,
.
"Enge i sawi awmzia? " sarah chuan alo chhanga.
.
"I hrechiang khawp alawm. Nichina a uniform ha mak iti hmel kha chawp leh chilhin i hmelah alangchhuak vek alaw. Ohhh takin nang ang chhungkaw khawsak hniam lutuk atanga seilian chuan hetiang school changkanga kalpha chin hian form spare tam tak kan nei thin tih ihlo hrelo pawh ani mahna i demawm hranloh. Emma phei hi chuan angah mah mah" uar tak chuan ahan ti leh a, Bin a awm ve avang chuan ka lo ip leh deuh chawih thin.
.
"Atawk laura kal ang" tipah chuan ka kaia, thui pawh kan kal hmanlo.
.
"Engthu nge an sawi kha, nang hian Emma i tibuai ngam amaw? " Bin thinrim authawm ka hriat vawikhatna ani. Laura nen chuan kan hawileta, ka thil hmuh avang chuan ka phu zawk. An lam pan chuan ka tlanphei thuaia. (To be cont.....)

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » April 15th, 2018, 1:41 pm

Kookie's Gf
.
"Bin thlah rawh" ka rak tuarh a, Sarah nghawnga areh avang chuan Sarah hmai chu a sen tawn tawna, hetiang hian Bin ache ngai hauhlo, hmeichhe kutthlak ang chi phei chu ati ngailo. Ahmela thinrimna nasa tak langchhuak chu ka chhiar thiamlo. Engvanga hetia awm hi nge anih!
.
Akut ka vawn tak hnu chuan harsa ti takin athlaha, schoola kan awm zuiloh athat ringin ka kaia, athinrim bawk aniang, ahmai asen tawn tawna, melh pawh min melh duhlo, hmalam chu en ngar in ahawilet thuta
.
"Emma hlimloh chhan ini anih vaihchuan apawi ang tih hre rawh" a kut chuan akawk paha,
.
"Bin atawk, kal ang" tipah chuan ka kaia, kan hnaiha midang an awmlo chuan min tihlim takzet. Inchung bera hruai chhoin bang ngheng chuan kan thu a, ahma zawn chu melh ngar ngar in a meng rum ngal a, ahlauhawm lutuka ka be tha ngamlo hial. Arawn thaw halha, minlo enin a nui suk a, ti hi chuan anelawm ta deuh.
.
"Ka ti hlauthawng che em? " ka lo bu nghat a, min ti hlauthawng viau tak tak, khatianga a awmlai kha ka la hmu ngai miahlo atin ni. Ka tihpalh, khanu vang kha ani tak tak em? " ka ngawi reng ringawt. Achhanchu hrilh tur ani em ka hrelo atin ni.
.
"I ngawi reng anihchuan ka chhuk anga ka zawt dawn nia" a din tak uaih avang chuan a ban ah ka vuan vata.
.
"Chuvang ani hleinem, tunlai chu keimah hi ka dikloa, ho tete ah ka thin arima, midang chungah ka tuan leh ............"
.
"Emma Lambert" ka thusawilai alo pawhchah thut avang chuan ka melh ha a.
.
"Enge? "
.
"Ka awih iringlo tih i hria, thudik chu enge anih? " chik taka min en pah chuan ati leh a.
.
"Dawt ka sawilo, ka ti tak tak"
.
"Dawt leh thuduk thliarhrang thiamlo tur khawpa mawl ah min ngai em ni? I awmdan avangin zan thum ngawt ka mu tawhlo tih ihria em? Chaw ka ei theiloa, i chungah hian enge thleng? " ka darah chuan akut anghata, min sawih vak vak bawk. Ahmel ka en chuan asawi ang ngeiin a cher dàk a, a mit hnuailam chu a dum kalh bawk chu chuan amu thalo hle ani tih min hriattir bawk.
.
"Ka.... Ka tihpalh" zawi rat chuan ka ti chhuaka.
.
"Chu zawng chu maw? Min ring hlawllo em ni? I buaina ber hi enge anih, i sawiloh chuan engtin nge ka chinfel pui theih ang che" min hrawk vakin min kalsana, akalna lam chu en in ka mittui alo tling piaua, engvanga tahbelh ta em em nge maw ka nih pawh ka hrelo, hrilh thei ni ila hrilh vek ka duh mahse kan buaina hian ani akankai ka duhlo. Ka hrilh anihchuan angawi mai mai dawn lova, nuteii ten ani an tihnat ve hi ka phal bawk silo. Ka dinhmun tawn hi ahreawm takzet.
.
"Ka hrilh theilo che ani" ti sap in hnuailam chu ka melha, akalliam tak hnu pawh chuan ka ding khawng renga, ka mittui tla fap chu ka hru fai bawk. Bin meuh pawn min thinrim khum tawh chu ani si a, engthil ngemaw ka chungah thlengta le!
.
Class a ka let leh hnu chuan Sarahi ka melh kuala ka hmu tawh miahlo. Laura chuan minlo pan thuaia.
.
"I tha em? Khawnge Edward ngatinge tikhan a awm? "
.
"Laura, school lo hmun dang intih thawvenna tur i hria em? "
.
"Maw? " mak tihmel tak chuan min melha.
.
"Ka boruak tawn theihnghilh vekna tur hmuna kal ka duh" ka ti pheichuan ameng puak mai dawnin ka hria.
.
"Dan bawhchhiat hi anuam ka ti"
.
"Vawiin atan chuan keipawn ka chak" ka lo ti let a, kan bag ve ve la in school atang chuan arukin kan chhuaka, gate duty lo muthlu chuan min tilawm takzet.
.
Nilengin hmun hrang hrangah kan leng kuala mahse ka rilru ala nuam chuanglo, hengthil zawng zawng theihnghilh vekna tur hmun hi awm se ka duh ani.
.
"Umhhh..... Emma i buaina chinfelna hmun tur chu hmun pakhat chauh a awm" mak tizet chuan ka lo melh ha a.
.
"Eng hmun maw? "
.
"I hun tawn i theihnghilh vek ang tih ka hria" amit alo siai zeuha.
.
"Ateuhlo Laura ka kal dawnlo"
.
"Aho lutuk, cluba kal nawmzia i pawh mai ang"
.
"Aih. .....kum tlinglo kan ni tih i hrelo mi? " ughh engtin nge kalna chang te alo hriat zawk ni.
.
"Vawitam ka kal tawh, i inchhir miahlo ang. Bakah security paltlang dan ka hria lawm"
.
"Ka duhlo".......
.
.
.
.
.
.
"He hmunah hian min thihtir i duh mi? Chhuak ang" ka kawrfual chhing zet chu ka pawt ka pawta, ka inrintawkna zawng zawng ka makeup leh kawr hian ala peng vek. Ka awm anuam hlawllo. Ka bula mi lah chu music mil chuan a sawt nghawng nghawng a, ala thawveng em em zui.
.
"Emma, nuam deuhin hun hmang rawh, zanin atan chuan engkim itheihnghilh angai. Lo kal teh"ka beng bulah chuan alo au vak vaka, min kai nghal bawk.
.
"Ka pu khawngaihin minlo lak ta che" eng engemaw chu putar pakhat bar nghaktu chu ahrilha, chupa chuan lehhawi pahin zu bur alo la ta mai, ka mengfiah nghal kawka, laura lah chuan amit minlo san khum euh euh mai bawk.
.
Putar chuan chik deuh takin min han en a, makeup mangve teh mahila kan hmel alang upa tak tak thei rihlo, kan la naupang em bawka.
.
Ka bula thu chuan atlak pap papa, mak tizetin ka lo melh reng thung, engtin nge a in theih zawk le!
.
"Kha in ve rawh" no a athlit chhuahsa chu minlo pe a.
.
"Ateuhlo" ka lo ti vat, tam tawk fe a in hnu chuan a kai hmel viau.
.
"Itha em? " adarah ka va chelha.
.
"Tha tehreng mai, ka lam dawn nia" tipah chuan mipui tamna lam pan chuan akala, ka enzui vawng vawnga mahse nuam atih hmel em avang chuan ka umzui talo.
.
No chu ka thlek vang vanga, hetah hian engkim ka theihnghilhna tur chu a awm tak tak em ni le!
.
Ka damchhungin ka in ka ring ngailo, kumtlinglo ka nihlai ngat phei chuan, thaw halh in no te takte ami chu ka tlak pap a, ka khuh nghal kharh kharh. Ka uak vaka, ka luak achhuak bur mai.
.
"I vawikhat inna em ni? " àw lo chhuahna lam hawi chuan ka dak chhuak ha a, kamis var chunga waist coat dum ha, zu bur keng chu ka hmu a, nichin mai kha chuan putar in avil sia, tinge tunah kei aia kum 2 vel leka upa in avil tak! Min nuihsawh viau hmel ala pu zui.Chhanglo in ka uak tuarh tuarha.
.
"Hei hi ei rawh azia mai ang" thil var mum lian zet zet hi ka hmaah chuan bowl in alo chhawpa. Hriatchianloh thilpek la mi ka nihloh miau avangin ka ban lo. Zu chu thlit belhin ka tlak leh pap a, angai ang bawkin ka uak leh tuarh tuarh mai. Engtin nge Laura khan awlsam zetin a in theih!
.
"Kum tlinglo tan kal phalloh ani tih i hrelo em ni? " ughhh van ninawm tak. Ngemaw min biak reng le, kha Gin ang mai kha ani, tawngthei lutuk.
."Min be tawhlo thei em? " tipah chuan ka melh ngheka, ala nui duh lek zui. Ka zu no ken chu ka tlak leh pap a, tunah chuan akha lutuk tawhlo. Ka hmaa thil var awm chu ka ban a, ughhh ka ban fuh emaw ka tia.
.
"Kha" chupa bawk chuan ka hmaah alo leka, ka mit aphe vek mai, ka pum asa hat hata, ka awm ah hian thil engemaw a inhnawh bawk. Ka taksa chu arawn sa pup pupa, alum ka ti viau bawk. Ka hmaa ding zu thli mek chu ka melh char chara, ngatinge pawh ka hrelo Bin ani tlatin ka hria, minlo zui tihna em ni le!
.
"I thinrim khan ka hre sia, tinge minlo zui leh si" ban chuap chuan ka ti chhuaka.
.
"Ohhh..... I tawng ve ta, i thil in a thawk tan anihdawn kha" alo nui sen sena, Bin hi zawng a hmeltha ve thlawt ani. Ka khabe chu dawmin uluk zetin ka han melha, mak tihmel taka minlo enin a nui leh suk thin. Ka han menfiah deuh chuan nichina bar nghaktu lek kha alo nia..
.
"Hey, tawngtheipa" amah leh amah chu a inkawka, ka lo bu nghat "Khawvela mipa hmeltha ber hi ka unaupa ani tih ihria em? " chhuang tak chuan ka han ti a.
.
"Khawvela hmelthaber unaunu luhlul zet kha ini tihna em ni? " ka lo ner sak.
.
"Min hre chiang ang hrimin tawng suh, hmeichhe zaidam tak ka ni tih i hrelo em ni? ka zaidam lutuka chuvang chuan.......... "Uak tuarhin ka thutna atang chuan ka tho a, ka taksa chu azang ta lutuka ka kal abuai vek mai, ka lu erawh ana bur thung. Mipakhatin minlo nek avangin ka thal tep a, mahse khapa khan minlo chelh vat.
.
"Fimkhur tur asin, helai hmunah hian kum i tlin hunah chauh kal tawh la atha ang"
.
"Ughhhh.... I zilhna ka mamawh lo, pawnah min hruai rawh" thinchhe zet chuan ka han ti a, bar lam chu melhin athaw halh.
.
"Mahse, ka hna ka chan... "
.
"Min hruailo anihchuan tunge ka nih i hre mai ang" engvanga tawngduh viau nge maw ka nih le.
.
"Emma Lambert ilo la danglam miahlo anih hi, tunhma atang tawhin engkim ithua kaltir i tum thin" ka khap fak fak a, ka melh kalh bawk.
.
"Min hria amaw! ohhh Bin ang maiin ka lar anih dawn hi" pawn lam pana min kuah chhuah lai chuan ka phun bul bul a.
.
"Edward kutthlawn tawrh ka hlau viau tho nang in ka hmu leh che hi ka lawm takzet. Ka kuah leh thei che pawh" ughhh tungemaw anih le!
.
Pawn kan chhuah hnu chuan ka uak tuarh tuarha, ka inrin hma in ka zu in chu ka luakchhuaka, ka kawr hma ahuh vek. Akut chuan alo bengfaia, ka awm zawn akhawih avang chuan ka lo indang vat.
.
"zahna tlachham lutuk mihring" ka melh ngheka, thaw halhin ka kawrchung hak chu lo phelh tumin alo ban ruak a, ka lo indang ve nasa viau thung.
.
"Lo tal...... "Atawnglai chuan abiang ari chawrha, leiah atlu sawp hnawk, ahmui bul thi sar sar chu melhin ka nui ta nghek.
.
"A chungah engthil nge itih? " Bin aw ka hriat chuan ka melh vata, waiter kawr awma tham in a kuttum chuan atin ran a, ka thutna atang chuan thei leh theilo in ka ding ngil at a, ka kut chu ka hma lama suihin ka theih ang tawka zau chuan ka han menga, ka rui tih ahre tur anilo, ahriat vaihchuan achiloh viau dawn ani.
.
"Hey... Edward ka pui mai alawm" waiter pa chuan ati a.
.
"Luis hmela, engtikin nge ilo let? " hnekta lo chuan akut ape ta daih. Mak tizet chuan ka lo melha.
.
"Thlahnih liamta khan, lo hmuh che u ka tuma mahse hei minlo hmuta zawk anih hi, ka hna ka chan hma in ka lut leh tawh zawk ange" a darah chuan abeng thek theka, alut ta daih.
.
"Ngatinge i kaltir ringawt" lungawilo tak chuan ka lo melha.
.
Minlo enin lehlam chu ahawia, thaw halhin ka keler atang chuan minlo thlek leh thin, a lungawiloh hmel takzet. Nilo, ka rui tih ahre tur anilo, ka coat ahlih lai chuan ka theihtawpa ngilin ka lo dinga, ka kawrfual chhing tak tawm chho chu alo pawtthla bawka, acoat ahlih lai chuan ka theihtawpa fiahin ka lo menga ka lo khap sak sak bawk.
.
"Tikhan meng tawh suh" a coat chu minlo haktirin ahmalam chu achilh phui thlap bawka, a coat chhungah chuan ka cheng ani ber, ka ban chu pharin ka kelam chu ka melha.

Website story link ho awlsam zawka in zawn hmuh zung zung theih nan STORY FB group siam a ni a. Whatsapp group pawh siam a ni e. Complete tawh ho zawng zawng leh story kallai kan dah vek avangin avangin in lo join theuh dawn nia..
Group link : https://www.facebook.com/groups/991354610918230/

"Ka ha duhlo" ka melh kalha.
.
"I hak angai, engtin nge khatiang kawr chhing lutuk ha chung khan mipa dang bulah i awm theih, chuan helai hmunah......"athaw leh halha, ngemaw athinrim em em chu le "Emma, min ti lawmlo takzet tih hre rawh" min vin vaka, akal ta daih, rei tawk fe akalna lam chu ka melha, leiah chuan thusawp hnawkin ka tap ta vak, ka rilru hi ana takzet. Ka nu in min hnungchhawna, ka patea pawn tunah Bin lehzel.
.
"Tumah ka mamawh lo che u, thi pawh ni ila min vui na ah lokal miah suh ang che u, ka haw lutuk che u, Nangpawh nu, ka hua che, pate nang phei chu ka haw lutuk che, chuan nangpa kha ka thinlung hi infiam nana ihman tur pawh anilo, achang leh iti phu ranga, achang leh iti phu tha theiloa, achang phei chuan aphu em tih pawh ka hre ngailo, ka haw lutuk che" atir lama ka au rin tehlul nen atawp lam chu ka hnuk a ulh bawk nen ari chang chang tawh.
.
"Ka pua ang che lo kal rawh" ka hmaah chuan alo thu a, akal daih emaw ka tia, ahnungah chuan ka chum pawpa, dingngilin a ngalah chuan ka pep chawrh bawk.
.
"Anahhh" angal chu adawma, atuai vat vat.
.
"Misual inih hi" tipah chuan ka kutin ben ka tum leh a, lo manin a hnungah chuan min bei luih tira, a hnunga min paw chungin akala, ka lo beng vak vak bawk.
.
"Ana nia" dam dupa atih takah chuan anghawnga kuahin adar ah ka khabe ka nghata.
.
"Bin"
.
"Ummmm"
.
"Ka ngai takzet che tih ihria em? " asir zawng chuan ka han melha. Min chhanloh avang chuan a aia nghetin ka kuaha "tihian awm reng ka duh, ka ngai lutuk che"
.
"I ruih lai chuan i ngaihtuahna i sawichhuak ngam ve alawm"
.
"Ka ruilo bawk e" ka ti sup a, min chhanloh avang chuan adar lehlamah ka chum taih a. "I ruilo ti rawh"
.
"Mahse i rui sia"
.
"Ka ruilo" asamah chuan ka kek vaka.
.
"Awle... Awle.... Anih i ruilo" ka thlah tak hnu chuan angai ang bawkin nghet takin ka kuah leh a.
.
"Bin"
.
"Ummmm"
.
"Ka nuteii leh afanu saw ka duhlo, ka hua, ka haw lutuka awm ngaihna pawh ka hrelo, an hmel ka hmu duhlo ka luak dawn zelin ka hria, chuan ihria em Sarah bula hlim hmel deuha i nuih hian ka.... Ka.... Ka puak dawnin ka hre thin" Ding datin a lo hawi hreta "chawl suh, kal rawh" ka tih avang chuan akal leh a, mahse engmah asawilo.
.
"Bin"
.
"Ummmm"
.
"Nupui neih i tum em?"
.
"Engatan nge itih"
.
"Hey, i chhanna hmu turin chhan ka neih kher angai mi?"
.
"Ka neih i phal angem? "
.
"Ka hrelo le, phallo pawh ni ila, i duh chu iti tlang tho zel alawm"
.
"I remtilo anihchuan ka nei lo ang"
.
"Anihchuan nei suh" anui ri hak a, ka lo melh kawk. Zanina min nuih vawikhatna ani.
.
"Ka nunah hian i awmlo ang tih ka hlau takzet. Kan inhre lo ang tih te ka hlaua, ka thian inilo ang tih te pawh ka hlau, keilo midang i ngaihsak ang tih ka hlaua, keilo midangin an tihlim ang che tih pawh ka hlau" ka mittui chu ka biangah alo luang ngiaingiaia. "mahse i unaunu angin min en reng ang tih ka hlau ber" ka chhing siar siara, engmah ka hre zui tawhlo.
.
__________________________________
.
Ka lu na bur avang chuan ka harha, ka lu chu dawmin ka thu chhuaka, Bin room ah ka awm ani tih ka hmuh chuan ka meng phawk nghal kawk, nizanah min hruai haw tihchu chianglo riai in ka hria, enge thlengzui tih erawh ka hrelo. Ka in ang maia ka ngaih anih avangin ka ngaih erawh atha viau tho. Khum atang chuan tho chuakin washroom ah ka luta, Bin toothbrush bula ka tooth brush awm ka hmuh chuan ka nui sak, kan tleirawl chhuahhlim khan an inah hian ka riak fo a, ka nu leh pa te sumdawnna avangin inah an awm lo fo a ka lunglen chang apiangin abulah ka va riak thin. Tooth brush alo awm chuan ka nuih atiza ru tlat pek. Ka ha ka nawh zawh hnu chuan ka intifai sawk sawka, rooma ka luh leh hnu chuan Bin coucha amu chu ka hmu a, ka phu zawk. Nichin khan ka lo hmu miahloa.
.
Ala muttui em avang chuan tiharh lo in inhnuai lam panin ka chhuka, choka ah lutin dawhkan ah ka thu than.
.
"Ilo tho tawh animaw, enge i ei duh ang? " Pi Clara(an eisiamtu) chuan alo ti a.
.
"Bawnghnute ah khan khawizu telh la, butter leh chhangthawp ka lo duh tel bawk ang" ka lo ti maia, ka tuiin hal huam huam avang chuan tui ka han in leh tete a, tiang reng renga tui tui ka tih tum hi ka la hre ngailo.
.
"Good morning Emma, i mutui em? " nuteiin alo tihchuan ka lo nuihlet var var a.
.
"Aw, mutui lutuk"
.
"Nizan khan Edwardan choka leh room a luh chhawk seka, achhan i hre mial em? " patean minlo fiam chuan ka biang alo sa hat hat. Engti turin ngemaw ka lo tirh pek le, avan zialo tak. Laura vang vek, ka in tawh dawnlo reng reng.
.
"Ka... Ka tihpalh" inthlahrung tak chuan ka ti a.
.
"Wow.... Mahni inah i inthlahrung ta mai elaw! Innei tawh mai ula atha ang" patea bawk chuan alo ti a.
.
"Pate, unau alawm kan nih" ka lo ti vin hlara.
.
"Honey, nizan khan kan pahnihin kan innei dawn tia hmeichhe au thawm kha ilo hre ve em? " patea chuan nuteii chu amelha, ka zak lutuk hi khural mai pawh niloin lo pianglo hrim hrim zawk ila ka ti takzet.
.
"Duhtawk teh, ahmai asen leh vek tawh ania" nuteiin alo tihchuan ka lo hlim takzet. Ka nu leh pa te chanchin min zawta, tha takin ka lo chhanga nuteii leh sarah chanchin min zawh erawh chuan chhanvak ngaihna ka hrelo ka um e kual vel mai mai.
.
Breakfast eikham hnu chuan room lamah ka chho a, Bin coucha mu bulah chuan kut kuangkuah chungin ka ding ran a, thaw halhin a puansin chu ka pawt hlima.
.
"Tho teh Bin"
.
"Nizan ka mu miahlo ania, min muttir teh"
.
"Vatin" ka tih tak avang chuan chhing duar duar chungin a thu chhuaka.
.
"Engthil nge nizanah ka tih? Chuan khawnge Laura"
.
"Ughhh....Zankhua in i lama i zai bawka, min tir kual char chara, akhat tawkin i luak ka tifai bawk. Chuan, keilo nupui dang ka neihloh tur thu min hrilh chamchi bawk, adang hriat i la duh em? " tho phang aw zet chuan ati a, ngaihna hrelo zetin ka ang phuaua, ka meng fiah viau bawk "ohhh chuan Laura akal ve tih pawh ka hrelo. Chuan, min mut tir thei tawh hram em? " khumah chuan abawkkhup thlawpa, achhing zui daih.
.
Bin chu melhin ka la chesawn theilo, engtin nge chutiang chuan ka awm theih! Ka zak bawk si, ka thinrim bawk si, engkim hi a fuhlo vel vek. Ka thin lah chu arim tul mai bawk si.
.
"Thi tlak ini" darthlalanga ka hmel chu en pahin ka ti a.
.
"Inneih puiah min sawm tawh kha, ithih daih techuan"
.
"Ngawi hmak rawh" coucha lukham chuan ka vawm chawrha, a chesawn eihlo. Room chhuahsan tumin ka pen a
.
"Ohhh takin Emma" ka hawileta, meng chiang hleilo chuan minlo enin anui suka "Keipawn ka ngai lutuk che"
.
"Ughhh.....ka that ang che" room kawngkhar chu ka khar ri thuai a, ala nui ri hak hak zui.
.
Driverin kan inthleng min drop a, kan ina ka luh dawn lai tak chuan ka nu leh pa coffee in paha an thudun chu ka hmu a, ka ngaih em avang chuan an lam pan chuan ka kal a, nuteii alo kal ve avang chuan pawh mailo in bang phenah chuan ka dinga.
.
"Duhtak keipawn amak ka tia lawm kan fanu hian hetiang natna hi aneih ka ringlo mahse mithiam tak tak ka rawn a an nin an sawi dan chuan ani hian rilru lamah harsatna anei ani. Nangmah ngeiin fiah la ka duh"
.
"Ngawi hmak rawh, ka fanu neihchhun hian chutiang natna chu anei teuhlo ang. Ka zin bo chhungin nangni chhungkua hian a rilru inlo tibuai zawk ani, hetiangin emma hi a awm ngailo khatiang thu kha insawi leh anih ngai chuan he in atang hian in chhuak thei ang" ka pa chuan nuteii melh pah chuan ati a, ka nu ngei pawn rilru lam diklo ah min puh sak amaw!
.
"Ka u sawi chu ka hreh viaua mahse Emma hi amaha a inbelai vawitamtak ka hmu tawh" nuteii chuan ati a, dawthei lutuk mai, chutiangin vawikhatmah ka awmlo.
.
"Reina, ka fanu hian a tibuai nasa takzet che tih ka hria, hmangaihna zawng zawng fa dang kan neihloh avangin kan pe a, kan theihtawpin kan enkawl bawk. Mahse, emma hian kan chhungkuaa in lo lut hi ala pawmlo pawh ani mahna, chu chuan angaihtuahna atibuai pawh ani maithei. Khawngaihin i hrethian hram hram dawn nia" ka nu chuan nuteii kut vuan pah chuan ati a.
.
"Sawi ka hreh takzet mahse emma hian zual lam apan hma in enkawl vat ula atha in ka hria ani. Hmanni phei chuan nu aneih tawhloh thu asawia, Lambert chhugkua an thihvek tawh thu leh apa chauh a awm tawh thu te tu emaw alo hrilha, mahse ka va pan hnaih chuan..... "
.
"Chuan enge? " ka pa chuan alo ti vata.
.
"Amah alo inbia ani zawka" Ka inring hmanlo, ka nui ri vaka, za zet chuan ka nuia, nuteii lemchang thiam lutuk chuan ka nuih atiza takzet.
.
"Ka pi dawtsawiah na na na chuan i ropui takzet, tuman an khumlo ang che" ka kut chu bengin ka nui vak vaka.
.
"Emma bawihte itha em? " ka pa chuan minlo kuah vata.
.
"Pa, anni hian kan chhungkua min pawhthen an tum. Mahse in hrethiam duhlo, dawt sawiah min puha" ka mittui chu nui vak vak mahila atla nasa takzet. Achhanchu ka chhungril hi ana ani.
.
"Emma, bawihte khawngaihin ke hian tihnat che ka tumlo, ka..... "
.
"Dawt.... Dawt vek... Phone hmangin mipakhat i be thina chupa hnenah chuan i sawi ka hrechiang lutuk" leiah chuan thu sawpin ka khupah ka khabe ka nghata.
.
"Dawt... Dawt sawiah min puh... Dawt ka sawilo. Ka sawilo, dawt ka sawi ngailo. Emmain dawt asawi ngailo. dawt ka sawilo" ka phun char chara, ka awmdan pawh chu ka hrethiamlo, ding ngilin nuteii chu ka kutin ka kawk a "Nang hian ka nu leh pa min laksak itum ani, chupawh kan ro i duh vang leh sarah hminga damdawiin a awm i duh vangin, bum hmang inihkha" ka rak tuarh tuarha, ka nu chu alo tap zawih zawiha ka pa chuan tu emaw aphone thung.
.
"Nick ka fanu ka lo hruai dawna room kha lo dahruak ang che u" phone chu dahin minlo pana, ka lo tawlhhnung hret thung.
.
"Pa, nang lehzel pawn maw? " ka mittui a hnam chhuak tiam tiama.
.
"Bawihte, ka ngaihtuahlo che a ka thiamloh ani, damdawi ka pe che anga itha vat mai ang" minlo khawih atum chuan ka tawlhhnung dawrh a
.
"Mi à ka nilo, ka rilru a kim reng, mi à ka nilo" ka ti bah naka, insawifiah ngaihna pawh ka hrelo. Engtin nge maw henu hian an thluak alo suk tak le! Tunah zet chuan an fanu pawh mi à angah an chantir thei ania.
.
"Emma" ka nu in minlo khawih atum chuan ka nemsawn dawrh a, ka lu arawn na ut ut a, ka taksa akhawng veka, ka che theilo.
.
"Bawihte, itha leh thuai ang, i pa hian ka enkawl dawn che alawm" tawngri chu fiahlo takin ka hre riai riai a, tap thawm leh tawngri chuan ka thluak aluaha, ahnu reilo ah chuan engmah ka hre zui tawhlo.(to be cont...)

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » April 15th, 2018, 1:41 pm

Kookie's Gf
.
"Result alo thlen hunah ilo la dawn nia, chuan alo thlen rualin minlo hrilh nghal bawk ang che. Damdawi thenkhat ka lo va peihfel ange" ka pa chuan mi pakhat ahrilha, Hmeichhia in alo chhan avangin nurse ani ngei ang, ka ngaihtuahna chu aharh vek tawh mahse ka mit ka meng thei miahlo. Rei vaklo hnu chuan pen thawm chu ari tawn seka, hriattham hleilo in an phun hlawma, chiang taka ka hriat erawh chu ka bula phun ri nak nak ho zingah hian ka nuteii atel ve ani tih hi ani. Ka mit chu men ka tuma mahse ka meng theilo, ka ka takngial pawh ka ang theilo. Eng damdawi nge min pek tehhrep ni!
.
"Keiman ka lo pe ang ka tihchu, ka fanu ang tho ania, i hlauhthawn atullo" nuteii chuan fiah takin vin lek lek chung chuan ati a, pe lo hram rawh tiin ka lo tawngtai ru mawlh mawlh thung.
.
"Mahse..... ".
.
"Mahse tih atullo. Khawi keiman Mr.Lambert chu ka lo pe ange" Rak vak ka duh mahse ka rak chhuak theilo. Ahreawm takzet.
.
Nuteiin ka result hi a thlak danglam vek thei tih ka hria, chuvang chuan ka hlauthawng ani. Akuta a awm anih vaihchuan engtin nge ka awm tak ang? Nilo, kei hi mi à enkawlna damdawiin min enkawl ang tihna em ni! Ni lul suh se.
.
Ka ban ah chuan hriau in an lo vit a, na erawh ka hre hranlo, mahse reilo ah ka taksa a zawi tial tiala, engmah hre zuilo chuan ka awm leh a.
.
.
.
"Ka fanu hi hetiang dinhmuna adin ka ring ngailo, kei hian tih dikloh ka nei em ni? Atha ber ni turin ka enkawla, sawiselna tur a awm ngailo, mahse enge a chungah thleng ta hi! " Ka pa hnuk ulh teuh chunga a tawngri chuan min ti harha, ka meng siar siara, ni engin ka hmai achhun avang chuan ka mitmeng avai veka, ka chhing leh sek a.
.
"A result alo chhuah hma kha chuan a rilru lamah harsatna anei ani tihhi ka la ringhlel tho asin" ka nu in tap chunga alo tihchuan ka mittui chu aluang ngiai ngiai a. Nuteii result chu ka rin ang ngeiin alo thlakthleng ani tihna animaw!
.
"Ka fanu hi keimah ngeiin ka enkawl ang, khawvela damdawi tha ber ber ka hmang anga, atha chhuak leh ang, Ryan hmanrua kha peihfel turin nurse te kha lo hrilh rawh" ka mutna atang chuan thei leh theiloin ka inbeng kanga. Ka pa leh doctor 3 lo ding chu ka hmu a, ka pa mittui tla ka hmuh phei chuan ka thinlung hi ana takzet. Ka hriat chinah vawihnih chauh mittui tla a awm ka la hria, ka tetlaia ka damloh tuma ka thih tep tum leh tun hi!
.
Ka nu leh Nurse pakhat inbe mek pawh chu ka hmu a, ka khum chu thawhsanin khum tlang vuan chung chuan ka pa lam panin ka kal chhat chhat a. Ka lu ahai em avang chuan ka tlu leh tep tep thin.
.
"Pa" tham tuak chuan ka tichhuak thei hrama, ka dang lah chu aro halh halh mai lehnghal. Ka tawng chu an hremai lo, kei min enkawl dan tur sawiin an titi a, kei ka lo tawng zawi ve bawk nen.
.
"Rilru buai ka nilo" ka tileh sap a, ka lu chu dawmin chhuatah chuan ka balance abuai avangin ka tlu tawpa, ka thawm chu hriaiin minlo pana, ka bula lo thusawp in minlo kuah nghal vat.
.
"Pa, ka rilru abuailo" ka dang chu a awk in tawngchhuah ka harsat takzet.
.
"Ka hria alawm bawihte, khawvelah ka fanu hi afing ber, i rilru abuai lo reng reng" athusawidan kalhmang atang chuan ka rilru abuai ani tih ah arinna anghat hmiah tih ahriat ngawih ngawih chu chuan min tina ani. Chhanglo in ka mittui chu ka biangah aluang thla ngiai ngiai a.
.
"Enkawl ka ngailo".
.
"Ka hria alawm, i damtha vat mai ang" minlo kuahin ka chalah chuan afawp vang vanga, "Nurse, khum kha lo peihfel rawh u" tipah in nurse chu thu ape nghal zat bawk.
.
Room var vek chhungah chuan min daha, khuma mu chungin room chhung chu ka melh kuala, rawng dang ka hmuh awmchhun chu ka lu chung zawna thil dum te takte awm chauh chu ani.
.
Room kawngkhar chu mipakhat in alo nawr tawlh hreta, ahnu reilo ah chuan Pate Leeno chu alo luta, chu chuan min ti lawm takzet. Leeno hi kan damdawiina thawk rilru lama chianglo ho enkawltu ani a, ka pa nen an inkawmngeih em avangin kan inah alo chuangkai fova, keipawn pa ang maiin ka en ani.
.
"Emma ilo damtha em? " Nui sang chuan alo ti a, file pakhat alo ken chu ka melh zeuha, ka file pakhat alo ken chu ka melh zeuha, ka file ani ngei ang le!
.
"Pate, min hruai chhuak rawh, rilru buai ka nilo" ka lo ti sap a, ka thawh theihloh avang chuan chet vak ngaihna ka hrelo.
.
"Nang ang hmeichhe fing lutuk hian chutiang ngaihtuahna buai te chu engtin nge i neih theih tehlul ang ni!" Ka bul chaira lo thu pah chuan ati a.
.
"Mahse rilru buaiah min ngai vek chu anih si hi! " beidawng tak chuan ka lo ti a.
.
"Nilo e, Emma kan vai chuan nilo e"
.
"Nilo se chuan helai hmuna ka awm hi angai tawplo ang" ka vin lek lek ani.
.
"Emma, ngaithla rawh test i paltlang..... "
.
"Eng test maw! Result ah khan mipangai ka pha lo tih a inziaka chuan nangni hian rilru buaiah min ngaiin damdawiin min enkawl anga, ka rilru abuailo alo nih si a, rilru buai damdawia min enkawl khan ka chungah enge thleng thei ihria em! Damdawi diklo ka dawng anihchuan ka taksa in atawrh phah anga, ka thluak pawh abuai zawk maithei bawk" ka vin tuarh tuarh a, khap eIhlo in minlo en reng thung.
.
"Chu tak chu alawm ka buaina, Emma i pa leh i chhungte zaqng zawng hian i rilru abuai thu an sawia mahse keichuan ka awih velo. Ka hriat thin Emma kha chu hmeichhe smart tak leh lehkha thiambthei tak ani. Thil aman chakin afing hle bawk. Tunah pawh hian i manchak hle ani" thaw halhin lehkha hi alo la a. "Kha le, i pa hnena fiahna ka lantir theihnan leh test nawn ngei aremtih nan he lehkhaa thu inziak chhanna hi min pe ta che" pen chu minlo pe tel a.
.
"I uanglo tiraw? " lehkhaa thu inziak chu kan zirlai ami leh politics lam kaihhhnawih te, rilru lam ngaihtuahnaa ziah tur ang chi te ani hlawm.
.
"Khawngaihin min tihsak ta che" min melh kalh chuan ahan ti leh a, rilru lam buaina nen enge inzawmna aneih ang tih chu ngaihtuahin ka thaw halha. Titura min melh tlat avang chuan thaw halhin ka ban chu ka phar kak zeuha.
.
"Awlsam lutuk" tipah in lehkha ah chuan achhanna chu ka ziak mawlh mawlha.
.
Ka zawh hnu chuan lehkha chu ka pe a, thlek vang vangin a meng phawk tial tiala.
.
"Emma, heng hi mi pangai hriat vek theih anilo"
.
"Anihchuan pangailo ah min la ngai cheu amaw! "
.
"Nilo... Nilo... Ateuhlo lutuk" alu chu dawmin a tei kual sek a, result chu a en leh thin bawk.
.
"Pate, enge awmzia"
.
"Emma, i thluak hi midang zawng zawng aiin a fim ani. Politics i thlir dan te, i zirlaibu chhung ami te leh khawsak phung. Ani theilo, i thluak hi a buai reng renglo, engtin nge rilru lamah harsatna i tawk tiin result ah khan alo lanchhuah theih" chhanna beisei zet chuan alo ti a, ka hrilh mai angai ani. Ani hi min pui theitu awmchhun ani tlat.
.
"Mipakhatin athlak ani. Ka ngaihtuahna aharh veka, ka men theihloh lai khan an tawng ka hria ani. Nurse hnen atang khan ala ani"
.
"Anihchuan Reina tihvek maw ni a! "
.
"Nilo, ahming ka hrilh miah silo che a, engtin nge i hriat theih? Nang pawh hi an lamtang ini tihna em ni?" Hlauthawng ru tak si chuan ka han ti a. A ruka ka tha khur der der pawh chu ka thup zolo ani ber.
.
"Nilo Emma chutianglam anilo"lehlam hawiin atarmit chu ahlipa.
.
"Nuteii khan a hmin hman che em ni? " angawi renga. Ka chhanna lehkha chu hrualhlawmin a aka. "Engvangin nge kha kha khatia itih? " ka mangang takzet tawh. Ani chauh hian min pui thei asin.
.
"Emma bawihte, i fing mah maha, chu chu kan buaina ani. Tunah pawh khan ka tawngsual ilo manthiam lehnghala, engtin ngemaw ka tih dawn che le! Awle, thudik tlem azawng chu ka hrilh mai ang che. Engtin nge ka hriat aia tam i hriat theih? Hetiang kum zat lek ini chung hian kei kum 40 chuang khawvela hun lo hmang tawh hi hriatnaah min lehpel thei chu ania, i awmreng anihchuan engtin nge he damdawiin hi ka kutah a awm theih ang? "
.
"Tenawmpa" thawh ka tum chuan ka tho thei mailo.
.
"Rak vak vak suh. Ipa ten min en reng ania, khatianga i awm an hmuh phei chuan mi à emaw an ti tak tak palh ang che"
.
"Zawng tar hmelchhepa, mi zaktheilo lutuk, engtin nge ithawhchhuah ni miahloh vanga min beih theih? "
.
"I pa hian ka thilduh pahnih anei asin. Ka thilduh pahnih in ipa vangin min kalsan ani. Enge anih i hre duh em? "
.
"Engthil nge anih? " ka ha ka thial nawk nawk paha.
.
"I nu leh Lambert hospital tia i lamrik fo he damdawiin hi"
.
"Ka nu maw? "
.
"Chuvang chuan kei, i patea leh inuteii te hian hetianga rem kan ruat mai hi angai ani"
.
"Damdawiin hi nuteii lak atang sawn i chan theih iring amaw? " ka nui ri haka, tenawm hlawm lutuk. Mahni thawhchhuah ni hauhlo an lo in chuh ve chu ania.
.
"Khamaw! I fing lutuk hi athalo ka tih tawh kha, hospital 3 in nei a, keiin pahnih ka chang anga, adang erawh chu ka duh hranlo, i patean ro anei thung ang. Nangni chhungkua erawh a indawtin in thi ang"
.
"Zawnga" ka mittui chu ka khap per sak a.
.
"Ohhh takin thuruk pahthum lian deuh deuh hriatloh ila nei asin" Min rawn nuih suk pah chuan ati a.
.
"Hriat ka duhlo"
.
"Ohriat ngei angai sia lawm. Apawilo ber tura ka ngaih hi ka hrilh phawt ang che aw" ka beng chu hupin ka rak vak vak a, a thusawi ngaihthlak hi ka duhlo takzet.
.
"Atawk emma, i pa iti mangang ania, mr. Lambert lo ngaihtuah suh" ngawi datin ka mit ka menga. Arawn nui leh suka, tenawm lutuk mai "Thuruk pakhatna chu i nuteii leh i patea te hi nupa an ni reng renglo, inchhungkua tichhe tura innei der chauh an ni" ka mit atang chuan tui alo chhuaka, mittui nge anih ang thisen tih erawh ka hrelo. Ka thinrim lutuk hi ka puakkeh lo chauh tawh.
.
"Mi à damdawi min pe anga chu chuan ka taksa a eichhia anga ka thluak nen lam chuan chu damdawi hmang chuan min that ang itihna ani tiraw? "
.
"Khamaw!!! I tidik leh ta, i fing chungchuang takzet e. I duh anihchuan helai hmun tlansan nan hian hun ka pe ang che, i duhchuan i tlanbo daih thei ania"
.
"Ateuhlo"
.
"Anihchuan le, kan inhmu leh dawn nia Emma" kawngkhar achhuahsan rual chuan ka theihtawpa ringin ka tapa, ka awm tawt lutuk inhnawh mawp mawp chu ka chum vak vak bawk.
.
Nurse pali am lo luta, khuma min muttir an tum chuan ka lo indanga, tilo turin ka hrilh bawk. Hruia min phuarin min mut luih tira, ka rilru na lutuka avang chuan ka che thei tawhloa, tal ngaihna pawh ka hre tawhlo. An tih ang ang chuan ka awm tawp mai, room pakhatah min nawr lutin khumah min muta, box pakhat chhungah min nawrlut bawk. Ka mittui chu ka biangah a luang ngiai ngiai ringawta, abak tihtheih engmah ka neilo. Ka mit chu ka chhing duar duara, abak engmah hriatzui ka nei tawhlo.
.
Ka taksa a hriau lianpuo lut nna zet chuan ka mangram atangin min kaiharha, ka men leh chuan ka pa ngei ani min buaipuitu chu. Ka mittui bawk chu arawn hnam chhuak leh a, heng vanduaina hi engatinge ka chungah athlen tak! Engvanga hetiang hin tawng ta mai hi nge ka nih! Ka mumang nise ka ti takzet.
.
Ka ruh arawn za mer mera, ka lu ahai mup mup bawka, ka ngaihtuahna chu hmun dang daiha awm ang mai ani. Ka thisen luanglai te chu ading vek nimai hian ka hria, ka taksa za chhuak vek avang chuan awmngaihna pawh ka hrelo. Keimah leh keimah inkhawih tur takngial pawn ka che theilo.
.
Ka sawi thiamdan ber chuan ka ruh chhungah hian pangang an vak luaih luaih nimaiin ka hria.
.
.
.
.
1 week later.
.
.
Ka taksa zawi zet leh ka ngaihtuahna fimlo zet nen chuan karkhat hun ka lo hmangliam ve ta reng mai. Damdawiin min enkawl renga, darkar tin min chiu bawk. Ka nu ka hmu ngailo, harhfim lai ka neih meuhloh vang pawh ani mahna. Ka pa erawh mang hriat ruaiin ka bula a awmlai ka hmu thin.
.
Nurse pakhatin min chelha, pakhatin ka taksa chu puan huhin a hrufai ani tih ka hria, ka taksa sa sup sup erawh areh thei chuanglo. Ka thlan achhuak bawrh bawrha, chet pawh ka la che thei chuanglo.
.
Ka thawmhnaw min thlaksak hnu chuan wheelchairah min thuttira kawngkharlam chu khap miahloin ka melh bawk. Arawn inhawn rik khap chuan ka nu ke ka hmu a, ka hlim lutuk chu ka meng à ruai thei.
.
"Nu... Nu... nu i bulah ka awm duh, hetah ka awm duh tawhlo" ka lo ti à ruaia. Minlo panin amittui tla chu ahrufai sawk sawka, ka bula lo thuhniamin ka kut alo vuana.
.
"Minlo va chhuahsan ru" nurse ho an chhuah hnu chuan minlo kuahin atap vaka, kei erawh tap ring tur pawn chakna ka nei tawhlo. Ka mittui erawh alo far ve fap fap a.
.
"Lendun i duh em bawihte" ka lu chu rang zetin ka lo bu a, achhan chu helai room hi ka kham takzeta, ka nu bula awm hi ka thlahlel takzet bawk.
.
"Engvangin nge ka chungah heng thil hi athlen zawk mai loh le" tipah chuan atap keh thin.
.
"Nu.... Nuteii hi ring suh, amah vang ani. Chuan kei hi rilru buai ka nilo Pate Leeno nen an thawktlang ani. Patea pawh a ainrawlh" ka lo ti zung zunga, ka ngaihtuahna te chianglo tulh tulh mahse he thu hi chu ka theihnghilh ngailo ang.
.
"Bawihte, ka thiamloh ani". Minlo kuahin ka thusawi chu awihloh hmel tak angin a awm a. Chu chuan min tina lehzual ani. Awihtir ngaihna pawh ka hre tawhlo.
.
Damdawiin pawna min nawrchhuah hnu chuan thingbuk hnuaia daihlimah chuan kan pahnihin kan thuduna, engmah sawilo in minlo kuaha atap leh ringawt thin. A dinhmun hi ka hriatthiampui takzet mahse ka dinhmun ahrethiam ve silo hian min tina ani.
.
"Coffee i in duh em? " ka lo bu nghata, shawl minlo sin tirin coffee la tur chuan akala, thingbuk kar atanga ni zung minlo chhuntu chu ka en a.
.
"Nangchuan dawt ka sawilo tih i hria tiraw? " ka mittui tling pam chu ka khap per fap a. Khi ni chauh khian mmin hriatpui ani. "Emma Lambert hian dawt asawi ngailo tih i hria tiraw? " keimah leh keimah ka inbelai chu kan bula awm te chuan mak titakin minlo thlira. Ngaihvenlo ang takin ka awm thung.
.
"Ka ui te hi adam tawh dawn tiraw? " àw ri ka hriatrual chuan ka mittui chu dan rualloh in alo tla a, inher chakna pawh ka neilo. Hetiang anga ka awmlai hi min hmuh ka duhlo.
.
Ka hmaah chuan alo dinga, ahmel ka en ngamloh avang chuan a pheikhawk chu ka melha,
.
"Bin" ti sapin ka mit chu ka chhinga. Ka shawl minlo sin thattir chuan ka meng siar siara, a sam athur bam a, a mit aval kalha, amu thalo tih hriatnan amitbul vel chu adum kulh a, abiang te pawh acher dak mai. Mipa in uluk tak, ahuna engkim ti chat chat thin ania sin.
.
"Hetah hian nitin zing dar 5 arik apiangin ka lo kal thina, chuan zan dar 10 ah ka haw leh thin. Mahse, nitin darkar 8 nang hmu tur chea helai hmuna ka awm thin chung pawn ka hmuthei ngai chuanglo che a" za lo tih hriat tak chuan anuia, ka lo mittui alo tla fep feo thung, ka samah chuan lo chul in "Ka uite hi a hlu lutuka duh hun huna hmuh theih anilo pawh ani mahna" ati sapa.
.
"Bin, mi à ka nilo, hetah ka awm duh tawhlo" tap tiau chung chuan ka ti a.
.
"Ka hria alawm. Hruai chhuak tur che in tihtheih ka nei bawk silo a, Emma Lambert hi khawvela uite fing ber ani" ka nui ri hak a.
.
"Ui te fing deuh nihchu tunge duh anga" ka lo ti sap a.
.
A ipte atang chuan gold thi sin zet hi alo la chhuaka, thi chhungah chuan gold zungbun hi a in awrh tel bawk.
.
"Hei hi lo awrh la, hlip miah suh, ka kiangah i awmreng ani tih min hriattirtu ania, chutiang bawkin ikiangah ka awmreng ani tih hriattir tu che ni bawk rawh se. Takin zungbun hi kan inneih huna min buntir tur anih hi. Lo tibo miah suh" anui suka, minlo awrh tur bawk. Zungbun chu ka kutah ka rawlh chhina alian mah mah.
.
"Kha kha chu min buntir tur alawm, i zungbun tur chu keiman ka awrh" a kawr chhung atang chuan ka thi ang chiah chu ali phawrha, zungbun pawh ate deuh a awm bawk. Dinhmun khirh taka ding nimahila he thil hian min tihlim takzet ani.
.
"Edward, kan inbe lawk thei angem? " Nuteiin alo tihchuan ahmeltenawm zet chu rum zetin ka melha,
.
"Sawidun tur kan neilo" Bin chuan alo chhanga.
.
"Sarah chungchang ania, ohhh Emma pawh" ngeiawm zetin minlo nuiha, Sarah hnunglam atanga phonea mi be chunga nui awr awra lo kal phei chu ka hmu a, ka thisen aso bulh bulha, awm ngaihna pawh ka hrelo. Bin banah chuan chelhin ka thutna atang chuan ka inbeng kang luia, Bin chuan minlo dawm vat.
.
Bin kut atanga tal chhuakin ka theih anga ngil chuan ka kal a, ka hnunglamah hlauthawng takin minlo veng thung. Nuteii bul ka thlen chuan ka ding chat a. Ka awn duai duaia, tlu lo tur erawh chuan ka inveng nasa takzet.
.
"Hetianga ka awmlai i hmuh hian i lawm em?" Nuteii chu ka melha, min chhanglo, a mitmeng atang erawh chuan azamlo hle tih ahriat, sarah lah chuan phone in mi abia a, min hmu ang pawn a awmlo.
.
"Ohhh.... Edward zanin ah dinner ei turin kan thianho kan chhuak dawna, min bazaar pui thei angem? " zamlo tak chuan alo ti ham ham a, Bin ka melh chuan ahmai asen vek thei, a insum a ni tih hriatnan ka kut chu nghet zetin ahmera.
.
"Hremhmunah kal rawh, Emma hetianga a awmlai hian zah nachang pawh hrelo" Bin chuan ati a, nuteii chuan lo panhnaiin ka lam hawi chuan akut alo vai thuak a, Bin chuan a kut aman a, kei min vawnna chu athlah thung,ka balance buai zet avang chuan ka thal tawpa.
.
"Emma, ka tihpalh, ka tihpalh lutuk" Bin chuan inthiamlo takin alo ti mawlh mawlha.
.
Thil ri chawrh ri ka hriat chuan ka dak chhuaka, nuteii kan lam hawi zawnga thle bak chu ka hmua, abiang chu adawm bawk. (To be cont.....)

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » April 15th, 2018, 1:42 pm

Kookie's Gf
.
"Ka fanu hetiang dinhmuna a awmlai hian lungchhia ang pawn in awm eihlo amaw! " ka nu chuan thinrim takin alo ti a, nuteii hemela inchhirna lo langchhuak chuan ka thin atirim takzet. Pawi tihna pakhatmah anei eih siloa lemchan der atulna a awm miahlo.
.
"Chutiang anilo ka u"
.
"Anihchuan engtin nge ka fanu hi leiah a thut theih? i kuta i vai lai kha chiang takin ka hmu. I fanu hlim hmel pawh kha ka hmutel bawk"
.
"Nilo, chutiang lam anilo. I hresual anihkha, Emma hi ka tan pawn fanu ang tho ani asin"
.
"I chezia en khan chu chu ka awih i ring em ni? Nge ni a Emma hian alo ti dik reng zawk. Nang hian athluak chu ilo tibuai zawk tihna em ni. Chuan mi à ah i puh zawk tihna nge"
.
"Ka... Ka... Ka u"
.
"Chutiang anih vaihchuan ka chhuahlo ang che tih chiang takin hre rawh, Edward Emma kha lo thuttir rawh" wheelchair ah chuan min thuttirin min nawr luta, ka nu thusawi leh chezia chuan min tilawm takzet. Ka lam atang ni a ka ngaihna pawh anghet ta deuhe.
.
Ka room pawna kan din chuan ka hawi buai ruaia.
.
"Nu, hetah ka awm duh tawhlo"
.
"Ni e, nute Emma natna a in puh hi keichuan ka awih velo ani, khawngaihin hruai chhuak mai rawh" Bin chua alo tive bawka, ka nu chuan thaw halhin minlo kuaha, ka hnungzang chu alo beng thek thek bawk.
.
"Awle bawihte, inah kan haw ang, helai hmuna i awm chhunzawm hi ka remti tawh hauhlo mahse i pa ka biak phawt angai ani" room a chhuahsan hnu chuan Bin chu ka hmaah nui sangin alo thu a.
.
"Ka duh hun hunah ka hmu thei tawh dawn che tihna" hlim hmel zetin alo ti a "i duh duhna ah min tir kual leh anga, school ah pawh kan inzui leh char char tawh bawk ang" ka sam chu alo chul zeuha.
.
"Bin, ka lawm e"
.
"Wow.... Damdawiin awm i ngeih tihna mi? i va polite sawt tak" ka lo nui ri haka, ani pawh chuan minlo nuih var var a.
.
"Ka nu kha zui ang, khawngaihin ka pa office lamah min hruai rawh"
.
"Emma, nuteii chu alo let thuai dawn lawm, mangang suh"
.
"Khawngaihin"
.
"Awle" thaw halh pah chuan ati a, room pawna min nawr chhuakin ka pa office lam pan chuan min nawra, security duty chuan ka pa fanu ka ni tih ahriatchian em avangin min dang buailo in min luhtira, rooma ka luh hnu chuan ka pa thusawi avang chuan Bin chuan min nawrna chu ati ding chawt.
.
"Emma natna hi ka awihloh avangin vawi thum zet chu arukin ka test tawh. Mahse, result 1 ah chuan rilru pangai angin a inziaka, result 2 ah erawh chuan rilru lamah harsatna anei tih a inziak thung. A awmzia ka hrelo takzet. Khawvela khawl tha ber kan hmang ani si a"
.
"Engpawh nise Emma tan hian helai hmun hi a him tawklo ani. A khua ahara, chu chuan a rilru ati buai zawk ani. Damdawi hi a dawngtu lo in adawng anihchuan mi pangai sa thluak pawh ati buai thei. Midang hriat miahlohin test hi neih leh ka duh, result hi an lo thlak pawh ani thei, engpawh nise ka fanu hi ka hlata awm tir ka phal tawhlo"
.
"Rinhlelh i nei tihna em ni? "
.
"Emma thusawi zawng zawng hi a rilru buai vangah kan puh veka, mahse nichin mai khan he ngaihtuahna hi ka pu ta ani. Kan fanu hi rilru buaia puh luih tum zawk ani. Leeno leh John te chuan Reina te pawh tumah hi ka ring tawhlo"
.
"Anihchuan heng thil hi engvanga ti ngam phiangsen nge an nih? " no chu ka pa in a vawm keh chhuaia, ka nu chu alo rak that bawk.
.
"Duhtak thuchiang kan hriat hmasak phawtloh chuan kan beilet ngawt tur anilo. Engpawh nise Emma hi kan hruaichhuak tur ani" ka nu thusawi avang chuan ka hlim lutuka ka mittui alo chhuak hial thei. Ka nu leh pa in min ring ani tih ka hriatna chuan engkim min neihlettir nimaiin ka hria, tunah chuan keimah chauha ka hmachhawn angai tawh dawnlo tihna ani.
.
.
.
.
.
2 weeks later.
.
Damdawiin chu hlim zetin ka chhuahsana keima khum, keima room ah ngei ka awm thei chuan min tihlim takzet. Bin chuan engtiklaipawn min awmpuia, athawmhnaw inthlakna tur an lo pe mai thin, alo insuanlut ani ber, ka hmuh phaka a awm reng erawh chuan min tihlim takzet.
.
Atir kha chuan damdawi effect avangin ka chet abuaia tunah erawh ngai awh chiah rihlo mahila ka tha takzet tawh. Ka nu leh Bin-an min ven reng avangin nuteii leh Sarah hmuhna hun ka neiloa azia phian.
.
"Nute athat tawh em hi, khawngaihin" Bin thusawi avang chuan ka meng phawk hra a, tawng pawh ka tawng theilo. Enge ahriata hetiang thute a sawi ngawt mai ni!
.
"Edward Emma hi kum 15 chauh ala nia nang kum 18 chauh. Engtin nge in inneih theih ang? " ka nu chuan nuihza hmel lek lek pu chungin ati a.
.
"Edward Bin Frost i thusawi kha ngaihtuah chiang nghal rawh" ka lo vin tar a.
.
"I dam chiah chu i mize ngaiah bawk. Damlo Emma zaidam deuh kha ka ngai ngawt mai" ka mitmu chu ka lo chet ralha. Ka nu bulah bawk chuan ava thingthi leha.
.
"Edward atheih rihlo. Kum 20 in pelh phawt angai" ka nu chuan alo tawng khalh a, adik chiah reng ani.
.
"Kum 18 ka tlin tawh hi"
.
"Chuan engtin nge kei ve hi ni ang, kum 15 a nu nih ka duh teuhlo" ka lo vin let vaka, phu zawkin a taksa a che dat a.
.
"Kan inhual tal ang. Keilo tumah anei dawn chuang hleinem, nute khawngaihin..... " ka nu chu a ding hluaia nuilo turin a insum nasa tih ka hria Bin lah chuan amize pangai ala pu reng a duh tawh chu aneih hma angen thin. Kei erawh ngaihdan nilo zetin ka lo meng rum hle thung.
.
"Awle, he thu hi chu in pahnih sawifel atan ka khek zawk mai ange" room chu achhuahsana, a chhuahsan rual deuhthaw chuan ka lukham in ka vawm chawrh.
.
"Kum pawh ka la tlinloh hi, i zaklo mi? " thaw halhin tukverh lam chu ka melha.
.
"Khawngaihin" ka bula thut alo tum chuan ka kutin ka lo ti ding vat.
.
"Minlo hnaih miah suh. Bin engvangin nge tihian i awm" mangang zet chuan ka lo ti a.
.
Ka inrin hma in ka hmuiah alo fawp zeuha, ka khawng nghal vekin ka hria, ani lah chuan engahmah ngailo tih hriat takin ka bulah chuan alo mu that.
.
"Eng... Eng... Engthil nge i tih kha? " ka ti bah nuaih a.
.
"Ka nupui tur ka fawp"
.
"Bin" ka rak tuarha, min pawt mu lawpin aban min khan tira, alam hawi chuan min kuai bawk. Ka khabe chu akutin a khawih niap niapa, amitah tak pawn ka en ngamlo. Ka lung aphu dawt dawta, chet ngaihna pawh ka hrelo.
.
"Tunlai chu mumang mak deuh ka nei ziaha, chuvang chuan ka bulah awm hlen tawhla ka duh chuvang ania kum naupang te a inhual ka duh nachhan ni" athusawi avang chuan ka nui ri hak a.
.
"I mumang vang mai mai in kum 15 lek ka nihlaiin ka zalenna ka chan ang maw"
.
"Nangte hi" ka chalah alo pen chawrha "Ka bula i awmin jail tang ah i inngai tihna mi?" Ka lo ner sak.
.
"I mumangah chuan engtin nge ka awm a" ahmel landan chu a inthlak danglam thuaia, a serious deuh thut.
.
"Chiang takin ka hre tawhlo mahse mang ngai ngawt ka neia, min mangtha miahloin ilo kalbo daiha, chuan ithi nge idam tih pawh ka lo hre theilo. Ka zawng nasa lutuk che a mahse ka hmu theilo che. Chutianga i awm chu ka phallo, min kalbosan ka duhlo. Mipa vang ani emaw tu vang pawh nise i kalbo ka phallo" ka nui ri hak hak a, ngaihna hrelo zetin min melh thung "ka fiamthulo ania" min melh khai a, ka la nuih reng avang chuan khum atang chuan atho chhuaka, a tum bar bawk. Ka nuih erawh aza tial tial thung. Engtin nge alak thutak viau theih, naupangchhia lutuk mai.
.
A pheikhawk lehlam chu zawngin a hawikuala, lehlam chauh abun tih ka hmuh leh phei chuan ka nuihza azual takzet. Rum zetin minlo melha, kawngkhar lam apan chuan ka hmui ka hup a. Nuilo turin ka inthunun hram hram bawk.
.
"Awle, kan inhual dawn nia" kawngkhar ah chuan a ding ran a,
.
"Dawt i sawi" lo hawi chuanglo chuan ati a.
.
"I awihloh chuan apawi chuang hleinem"
.
"I ti tak tak ami? " muangchangin alo lehhawia. Ka buk nghat chuan hmanhmawh zetin alo tlanleta, ka bulah chuan alo mu leh that. Ngemaw ahlim em em chu ni!
.
"Naktuk zanah ti nghaal ila atha ang" Ka hmuiah chuan alo fawp leh zeuha.
.
"Hey, khati khan ti tawh suh" a pumah chuan ka chum tawka, ka khabe chu kuai dak in dim zetin minlo fawpa, alei lo rawlh lutin ati che kuala, han chhan vak ngaihna ka hrelo. Ka kut chu ka hum ruh vaka, ka hmui si reng chung si chuan anui ri hak a, ka kut chu nghet zetin alo hmera, ka inthlahdul ta deuh.
.
"Ka fawh lohna arei tawh asin" inla hrangin alo fawp leh zeuha, ka lo hrethiamlo hle thung.
.
"Enge awmzia? "
.
"Emma Lambert, ka vawikhat fawhna che anih iring em ni? " ka lo melh kàwk a!
.
.
.
.
.
Music chu a ri riai riai a, Bin hla duhber perfect-Ed Sheeran hla chu a inplay nawn tluk tluk bawka, ka zam em avang chuan ka kut chu nghet takin ka hum a, ka bula mi chuan minlo vawn sak a, ahmel ka en chuan ani erawh alang hahdamin a hlim hmela, kei erawh ka zam lutuka ka hlimna pawh abo vek zawkin ka hria. Minlo nuih suk in ka kut chu ahmer nghet zual sauha.
.
"Bin"
.
"Inthlahdul rawh emma"
.
"Mahse ka zam takzet"
.
"Inhualna chauh ala nih hi, kum 28 kan tlin huna kan inneih hunah engtin nge i awm tak ang? "
.
"Kum tlinglo i hual avang hian dan i bawhchhia tih hre rawh"
.
"C'monnnn Emma, ka hmangaihna che hi apawimawh ber chu ani"
.
"Maw??? " ka meng buai rak mai.
.
"Emma Lambert, kum 12 mi inihlai atang khan ka duh tawh che, chuan tunah chuan ka hmangaih tawh bawk che"
.
"I à mi? " ka awihlo lutuk tlat.
.
"Nasa takin. Min hmangaih velo tih min hrilh miah suh"
.
"Ka hrelo le" arum ri nghuta, a lawmlo hmel hi alawmawm viau pek.
.
"Mipa dang angin zei ni ila chuan tunah hian i inchhir ngawt ang mahse han inchhirtir ngawt tur che in tihngaihna ka hre ve siloa, min hmangaih hun ka nghak tawp mai ang" khap miahlo in ka lo melha "Hun kan la ngah anilawm ni? " thaw halh in anui suk a, ka kut akaih chu lek kangin a fawp zeuh. Ughhh puitling ho hian hmangaihna hi engtin nge an ngaihdan ka hrelo ka hriat zawng chu ka bula ding mipa hi hmangaih loh theihloh ani! Achhanchu atha lutuk tlat.
.
Inhualna azawh hma kha chuan kei hi ka tawt up up a, ka lung aphu zawih zawih bawk. Mahse, tunah erawh chuan ka zia tawh takzet. Mahse inhualna azawh hnu atang khan Bin ka la hmu leh miahlo.
.
Inti thawveng turin pawn lamah chuan ka chhuaka, mipui an lo la awm tho avang leh minlo biak tawi ve sek avang chuan ka ning viau tho. Inhnunglamah chuan ka kal a, thutthlenga thu in ka zungbun bun chu ka khal niap niapa, enin ka nui leh sen sen thin Bin hian ka rilru ang apu ve ani tih ka hriat hian ka hlim takzet.
.
"Lambert thisen kai chauh hi em ni i duh? " Sarah rak ri ka hriat chuan ka phu zawka, thawm chhuahna lam pan chuan ka kala. Bin leh Sarah inhmatawna ding ka hmuh chuan enge an tih tih ngawt ka lo ngaihtuah. Sarah chu aruih hmel takzeta, atap nasa hle tih ahriat bawk, achangin Bin chu arak khuma a aukhum vak vak bawk. Bin chuan nin hmel takin lehlam ahawisana.
.
"Edward, engvangin nge Emma chauh hi i thlan bik? enge athatbik viau na, engkim aneia, keichuan nangmah chauh asin ka neih, khawngaihin inhualna hi titawp rawh"
.
"Sarah Emma hi ka hmangaih ani"
.
"Khawngaihin ka ngen che ani. Keimah ka nimai theilo mi? i ngaihsakna te, i duatna te, i engki hi engvangin nge Emma Lambert chauh sawn adawn bik? " Sarah chuan ring takin ati a.
.
"Achhanchu Emma Lambert anih vang ani, nangchu Emma ini ve hleinem"
.
"Lambert thisen kai chauh i duh ani tiraw? "
.
"Thu laktlaklo i sawireng dawn anihchuan ka kal ange" Bin chu ka lam panin alo inhera, ka lo biru vat.
.
"Kei hi Sarah Lambert ka ni. Jonathan Lambert leh Reina Allison fanu ka ni. Lambert thisen kai ka nih miau avangin nang beisei tur che hian dikna ka nei ani" ka ding khawng renga, ka thuhriat avang chuan khawvel hi ading nimaiin ka hria, ka chesawn theiloa, ka ngaihtuahna pawh hmun dangah a awm theilo. Ka à vek nimaiin ka hria.
.
"Eng thu laktlaklo nge i sawi? " ka hawilet leh chuan Bin chuan avin vaka, a sawih vak vak bawk.
.
"Engtin nge i tih chuan ang, Emma lambert chauh hi em ni engkim neitu tur, amah vangin ka pa ka chan a, hmangaihna leh zahzahawmna ka chan a, ani rangkachak thlenga a pian lai khan keichu nu pakhatin rethei takin min pawm asin. Hmangaihna adawn laiin tih duhdah ka ni a, ka duh ve em em tv atanga ka lo en thin ka lo atchilh ve ngawih ngawih Edward Bin Frost pawh ka hriatchian hnu chuan Emma Lambert ta tho alo ni. Ka pa pawh ka tan chuan pate tia ka koh angaia, aharsat zia i hria em? Nilo engmah i hrethiamlo ang. Sawnu sawn ka hmangaih zawng zawng anei veka chuan keiin awt takin ka lo thlir reng ang maw! nilo, Edward ka pa min hringtu chuan afa ka ni tih pawh ahreve lo asin. Bar a anula tawn a mutpuiin afa apai tih pawh ahre tawp nang, engkim neitu anihsaw khawngaihin nang tal chuan min kalsan suh" ka bing mup mup a, ka nui hak a, mahse dawt vek. Ka ban chu ka sik leh a, mahse mumang anilo. Sarah hi ka unau nu diktak maw ni a!
.
"I thu laktlaklo sawi kha ka hrelo ni rawh se, tun atang chuan ka hming pawh lamri tawh suh"
.
Bin chuan akalsana, akalliam hnu chuan chhuata thu sawp niaih bulah chuan ka kal a, ka thinrimna chu ka thup hram hram bawk.
.
"Nang hian dawt i sawi, ka unaunu inilo. Nang ang mi rapthlak lutuk hi ka unaunu ini theilo, ka unaunu ni turin ka pawm ngailo ang che, kutdawh kan lakluh mai ini tih hre rawh, hremhmunah kal rawh" ka an khum hrep hnu chuan khawi lamah nge ka kal pawh ka hrelo. Kawngpui zau tak reh duk ah chuan 'dawt ani' tiin ka phun char chara, achang leh keimah in ka nui leh vak thin. Ka pa hian ka nu a phatsan ngailo ang, chuan keipawh. Hengthil pawh hi an ruahman lawkna vek ani.
.
Motor chak taka rawn tlan chuan min su leng lawpa, leiah chuan bawk thlawpin ka lu atanga thisen chhuak chu chiang takin ka hmu, ka taksa hit chuai te leh engkim pawh chu chiang takin ka hria mahse ka che sawn theilo. Na bik awmlo in ka taksa chu ahit veka, chet ngaihna pawh ka hrelo. Ka mut ang ang chuan ka mu tawpa, thawh luih ka tum pawn ka tho theilo. Motor chu rawn tlan lehin minlo su leh chawrha, ka taksa chu azeng nimaiin ka hre tawh.
.
Pen thawm chu ka lamah alo ri chhat chhata, ka bul athlen chuan ading chat.
.
"Emma lambert nanghian i unaunu atan min pawmlo amaw, kei hian ka pawm bik teuhlo che, ka engkim min laksak hnu pawn tihsual nei miahlo angin ila awm thei ani tiraw, tihian kawnglaiah thi la, i ruang hi uiin ei bawk rawh se, hremhmunah chuan minlo nghak dawn nia. I neih zawng zawng, ihmangaih apiang ka neilai hi tap chungin lo thlir ang che" tawngchhuah ka tuma mahse ka kà atanga thisen chhuak chu ka hak bawrh bawrha, ka tawng theilo. "Ohhh.... He thil hi ka ta tur ani" tipahin ka kuta zungbun Bin min buntir chu alo hlipa, ka mittui chu alo tla ngiai ngiaia.
.
Thi silo chuan ka ngaihtuahna ala fim kura, mahse ka taksa zuai tial tial chu ka hrethei, car var pakhat atang hian nu pakhat hi alo chhuka, ka zawn alo thlen chuan minlo kuah tho vata.
.
"Mami, itha em? tunge i hming? Khawi ami nge inih? " fiahlo riai riaiin tawngri chu ka hria a, abak engmah hriatzui ka nei tawhlo.
.
.
.
3 months later-
.
Ka mit chu ka meng sar sar a, A én em avang chuan ka chhing leh sawka, ka mutna room ka en chuan damdawiin alo ni. Ka bulah chuan damlo 5 vel an mu a, an bulah chuan tu tu emaw an awm bawka, ka bula thil awm vel chu ka melh kuala, kawrfual var ha mipa pakhat file keng leh nu pakhat hi an lo dinga chik em em in minlo en a, ka taksa na thum avang chuan ka che theilo, ka hnar ah chuan engmawni hi an vuah bawka.
.
"A lu ruh a sawh nat mai bakah a chuapah thi atlinga, a chungah hian enge thleng dawn ka hre mai biklo ani. nitin zantin amah buaipui nan hun i hmanga i fanu anih leh nihloh tal i sawi theilo em ni? Achanchin engmah isawi duh bawk siloa, kan tan hian akhirh takzet ani" Kawrfual var ha pa thusawi chu fiahlo ruaiin ka hria a, enge athusawi awmzia tih erawh ka hrelo.
.
"I hming min hrilh thei em? " Chupa chuan alo ti a, chhanglo in ka melh reng ringawt.
.
"Sawlaia ding saw inu ani em? " chupa bawk chuan ati leha, ka lu chu ka thinga..
.
"Ka... Ka.... Ka hrelo" ka ti chhuak sapa.
.
"Anihleh i hming i hria em? " ka lu chu ka thing mat mata.
."Emily Watson ka fanu ani e" chunu chuan alo tichhuaka(to be cont.....).

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » April 15th, 2018, 1:42 pm

Kookie's Gf
.
"Ka pi chu chu engatinge tunah i sawi chauh" hmeichhe pakhat chuan alo ti a,
.
"Thil buaithlak deuh a thlen vang ania, ka tihpalh lutuk" ka nu ti a inchhal chuan alo tive bawka,
.
"Alandan chuan ka pi Emily hian a hriatna lamah harsatna atawk niin ka hria, ataksa kan zirchian atanga alandan chuan ani hian rilru lam damdawi treatment a la ani awm a, arilru lamah chianglo a awmsa em ni? " doctor pa in atihchuan ka lo meng phawk ve rak a, kei hian engmah ka hriat theihloh chhan chu ka rilru lama buaina vang maw lo ni a!
.
"Damdawia an enkawl hnu kha chuan azia ta deuha mahse nasa erawh anilo. Doctor, ka fanu hi khawngaihin enkawl dam ang che, atan hian a pawimawh takzet ani"
.
"Awle, enkawlna thaber adawng dawn anih erawh chuan a hautak maithei ania"
.
"Sum lamah chuan buaina a awmlo e, athaber tihsak la ka duh animai" ka nu chuan alo chhanga, atawnglai chuan akeler atangin chik fe in ka lo en a, a incheina asmart in a thianghlima ahmeltha hle bawk. Ka nu hmel ngei ka zir nawn angai erawh chuan min ti lawmlo hle thung.
.
"A rilru lam an enkawl lai alo ni bawk nen a lu alo sawh na deuh bawk nen, chung effect chu a nih ka ring, alu asawh khan a thluak asawh che tel pawh animai thei. Hetiang hi athleng zen zen lo asin. Mahse, areilo turah ngai ang, anunhlui chanchin atam thei ang berin i sawipui dawn nia" eng eng emaw sawiin an titi a, tukverh lam chu hawiin pawna ni èng mawi tak chu enin ka lo nui sen sen a, achhan pawh ka hrelo ka phurrit tam tak a bo nimaiin ka hria, nimahsela ka ngaihtuahna ah chuan engthildang mah a awmloa, engkim chu athar ang vek ani a, tunge ka nih a, eng dinhmunah nge ka din tih te, engtin nge heti hian ka lo awm theih tih te, engmah hriat chakna ka nei hauhlo chuan ka ngaih ati thalo zawk hial ani.
.
Niminah engthil nge thleng ka hrelo a, enge thleng zel dawn pawh ka hrelo. Niminah tunge ka niha, he khawvelah hian engvangin nge ka lo pian ve tih erawh arukin ka inzawta, mahse chhanna ka beisei chuang hauhlo. Ka hmaa nu hmeltha tak keiah vanga buai phili chung chu en in ka hlim em em ringawt.
.
Ka taksa na them thum te leh ka taksa pem nuaih te chuan mitha tak ka nih inrinlohnate min neihtir a, mahse tuna ka ngaihtuahna ka zir chian erawh chuan chutiang mi ka nih ka inring leh chuang miah silo a.
.
Doctor leh ka nu chu hmun dangah an inzuia, rei vaklo hnu chuan nui sangin alo luta ka bulah chuan alo thu bawk. Ka kut vuanin athaw halha.
.
"Emily, i hriatna alo let thuai angai ani. I chungah hian thil thalo tak athlenga chuvang chuan i neihlet ngei angai" ngemaw asawi le!
.
"Enge awmzia? " ka lo ti ha a.
.
"A awmzia chu" angawi vang vanga, minlo enin anui leh zeuh a, ka samah chuan alo chul a "damdawiin atanga kan chhuah hunah ka hrilh vek ang che, engpawh nise, i dam vat vat angai ania"
.
"Awle nu" awlsam et chuan ka chhanga ani erawh a meng buai hle thung "sawi dikloh ka nei em ni? "
.
"Ahhh.... Englo.... Aih nei love" atawng bah viau zel mai.
.
.
.
.
1 month later-
.
.
Thlakhat zet damdawiina ka awm hnu chuan ka chhuak ve thei dawn ta, ka hlim takzet. Mahse ka nu awmdan hi ani telin adanglama chu chuan ka ngaih ati thalo ani. Ka harhchhuah tirh kha chuan mihrang ang maiin min en a, nu ti a ka koh changin eihloh chang tam tak anei bawk mahse tunah erawh chuan ka bula hun tam tak hman aduh thu asawi ta fo mai, chu chuan min tihlim takzet ani.
.
"Nu, damdawiin ah thlakhat chauh ka awm a, khati zat kha thawmhnaw ilo keng amaw! " ka thawmhnaw a refel lai chu ka lo thlira.
.
"Ohhh.... Emma, damlo kawr i hak khan ka awm anuam hleinem, ka fanu hian thawmhnaw ngainat bik inei tlat peka" tawngsual intih hmel zet chuan ati a, ka lo mel kalh a. "Ka tih awmzia chu........ "
.
"Ka khirh viau ami? "
.
"Maww Emily ateuhlo, ka fanu thuawih alawm inih" lokal hnaiin ka chalah alo fawp zeuha,
.
"Tak tak in ka fiamthulo eng ang mi nge ka nih tih tal ka hriat angai alawm, ka tawngtamlo a, ka nui tamlo bawka, carrot ei ka tum khan ka luak ati chhuak tlat peka, i apple vel pawh ka ei duhlo anihkha, chulo pawh ei duhloh tam tak kanei. Eng ang mi chiah nge ka nih? enge ka ngainat zawng "
.
"Bawihte, ka hrilh theih awmchhun che chu, heng thil hi nangmaha hriatchhuah tum rawh. Keichuan ka pui theilo che ani. Nangmah ngeiin i sualchhuah angai. I rilru ti paukhauh la, i chunga heng thil athlen chhan hi min hrilh dawn nia" mak titak chuan ka lo melha mahse ka nu meuhin chutianga atih avang chuan ka hriatna lo let se ti a ka ngaihpawimawh lemloh chu ka hriatchhuah ngei atulin ka hreta.
.
Car dum nalh zet chuan pawnah minlo nghaka, kan hnungah chuan pa lian pui pui pahnihin ka buangrua chu an khai bawk. Eng ang chhungkua chiah nge maw kan niha chuti taka zah ka hlawh chu ni!
.
Car-a ka lut tur chu mipahnih tawng inang miahloa inhnial, tawng inhrethiam tawn miahloa inhnialte avang chuan ka ding chawt a, pakhatin spanish tawng ahmanga, pakhat erawh chuan german tawng ahmang thung. Lawkin, an tawng ka hrethiam ve ve amaw! Ka nu nen hi chuan British mi kan ni si a, Germany ah awm mah ila german tawng kan hmang tamlo thung. Engtin nge German leh Spanish tawng ka thiam theih!
.
"Enge nita? " ka nu chuan alo ti a.
.
"Sawmite saw mawle, Spanish leh German tawngin an inhniala, mahse ka hrethiam vek" mak tihmek zetin minlo melha, mahse ainsiamtha thuai akhuh kharh kharh a.
.
"Ila theihnghilh lo chu ka lawm hle mai. Ka sumdawnna enkawl tur pawn i tha tawk ani tih ka hria alawm" alo nui sak a. Car ah chuan lutin kan in lam pan chuan kan kala, Nichina palian deuh deuh pahnih chuan hnunglamah car dum tho in min zuia, kan bulah erawh driver chauh a awm thung. ka nu chuan mi tu tu emaw bia in a appointment a cancel tira, ka bula hun tamzawk hman aduh thu asawi bawk.
.
In var lian zet gate chu an lo hawnga, achhunga kan luh chuan kan in mah nise aropui ka tive viau mai, pangpar atamin a hmun engkim a building var mawi tak te nen chuan amawi em em vek.
.
"Wow" ka nu chuan minlo kuaha, anui var vara.
.
"Emily, i in ania lawm" password chu atype mial miala.
.
.
.
Suzanna Watson(Emily's mom) -pov
.
Tleirawl kum 16 bawr vel kawngpuia khatianga a awm ka hmuh khan ka kalsan thei thlawtloa, lo kalsan ila chuan khawvela hmeichhe duhawm ber ka kalsan dawn chu ani ta sia, ka lo kalsan lo khan tun thleng hian min tihlim ani..
.
Parisa sumdawnna a ka zinlai anih avangin ka haw lam alo ni bawk nen haw tlang ta lo in damdawiin lama hruai ta phawt chu ka rilruka, car ah ka dahluh rual chuan thi chhawng aw tih hriat takin he thu hi alo sawi chhuaka "Ka pa bulah min hruai rawh. Khawngaihin, heti hian ka thi theilo. Tihtur tamtak ka neia, hriatchian tur tamtak ka nei bawk, Sarah leh anu lakah khan tihtur ka nei. damdawiinah khawngaihin" athisen hak bawrh bawrh pahin ati a.
.
Ahming ka zawh erawh chuan atawng chhuak tha theilo. Hmeichhe fing tak leh chhungkaw namailo tak atangin a seilian tihchu a German tawng lamdan atangin ahriat maia, ka hmelin germanmi rawng akai tih mi in min hriat fe hnua an hriatchian chauh thin pawh ani chuan vawikhat min hmuh naah ahre nghal maia, chuvanga British tawnga tawngloa German tawnga tawng anih ka ring. A thisen aka atanga chhuak chu ahak bawrh bawrha, atawng tha thei tawhlo. A mittui luang ngiai ngiai chu en in ka hrilhhai takzet ani.
.
"I hming min hrilh rawh" tiin ka zawta mahse min chhanglo. Damdawiin pana ka kalpui lai chuan arum ri pawh chu areh ta hmaka, ka lo mangang khawp mai.
.
Ka thianpa damdawiin Lambert hospital ah chuan hruai ka tuma, mahse doctor pakhat putar lamin ahmel ahmuh chuan alawmloh hmel khawp mai, athi tawh tih thu min hrilhin enkawlin awmzia anei tawhlo tih min hrilha, ka lawmlo takzet. Ala thi miau silo a. Damdawiin dangah chuan ka kalpui leha.
.
Zankhuaa an enkawlhnu chuan doctorin min biak aduh thu asawia, amah an enkawlna rooma ka luh ruala ka mihring hmuh avang chuan ka phu zawk. Emily Lambert maw! tiin ka rak tuarha, alama min ko in a oxygen mask vuah chu ahlipa, doctor te chu amah chhuahsan turin ahrilh bawk. Emily Lambert anih miau avang leh Lambert hospitak neitu anih miau avangin thichhawnga a awmlai pawn an zah ani.
.
Abula ka va kalhnaih chuan kunhniam turin min hrilha.
.
"Nute, nangmah ini tiraw Nute Suzanna kha" alo tichhuaka, ka lo bu mawlh mawlha, apa ka be dawn em tih ka zawh chuan alu athinga.
.
"Ka patea khan nupui dang aneia, afanu in hethil hi ka chungah ati ani. Nute, doctor te thusawi dan chuan kei hian engmah ka hrezui dawnloa, khawngaihin min tanpui rawh aw. I fanu angin min la anga, Emily minlo ti dawn nia, chu chu ka pa in ka hminga sak atum hmasak zawk ani. Khawngaihin phuba la tura ka kir leh angai ani. Kum 20 ka pelh hunah ka hriatna ka la neilet chuanglo anihchuan he thu hi min hrilh dawn nia, chumi hma chuan phuba la thei tur khawpa michak ni tutin minlo enkawl la, ka thiamna te leh ka engkim minlo tahhriam sak bawk rawh aw. Alet tam takin ka rul ang che. Chuan, nizana doctor khan damdawiin saw ka pa chhuhsak atum bawka. Hengthil hi ka nu leh pa vawitam ka hrilha, an awih duhloh avanga thleng ani. Mahse khawngaihin min zep pui la, phuba la turin min pui ngei ang che. Ka ngen che ani. Kei hi ka thi theilo" asawizawh rual chuan oxygen a tlakchham avangin a meng buai rak a, Athawk abuai bawk, doctor ten an theihtawp an chhuaha, thi tura an ngaih tawh hnu pawn a mar an hmu nawn lehzel. Emma tleirawl duhawm tak ti a ka hriatthin hi hetiang taka tumruh hi anih ka lo ring ngailo. Athu min chah chu hrerengin ka phatsan theiloa, phuba ka lakpui ngei dawn bawk ani.
.
Engmah ahre tawhlo ani tih ka hmuh te chuan ka rilru ana a, a phuba lak duhna thinlungte, achunga thilthleng zozai te, engkim hi atheihnghilh hlen ang tih ka hlau ani, kei erawh chuan kawng engkimah ka pui dawn ani. Zirna tha tak ka pe anga he rama zirna thaber ah hian ka luhtir bawk ang, phuba la thei tur khawpa chakin ka chher chhuak anga, anihna diktak ka pe let ngei ang.
.
A room ka kawhhmuh chuan ahlimhmelin anui sang renga mawi atih thu asawi fo bawk. Ama room tak tak khaikhinin eng anihloh tehlul nen. Chhungkaw khawsak sang tak ni ve tho mahila engtin nge Lambert chhungkaw zinga mi hi an mahnin an enkawl dan aia tha a ka enkawl theih tehlul ang ni!
.
.
Emily's pov-
.
"Nu" a darah chuan ka sawiha, enge a ngaihtuah tehreng ni ahre thei miah chuanglo. "Nuuuuu" ka ko vaka, aphu deuh zawk.
.
"Ahhh aw.... Vawiin chu appointment ka cancela hun tam deuh hmang dun ang aw" minlo kuah vang vanga "Bawihte, chak taka i awm angai ania aw"
.
"Ngatinge chu thu chu min hrilh fo a" mak tizet chuan ka lo ti a, achhanchu asawi zing tawh malh malh viau ani.
.
"Ka ti mai mai, intifai la, kan bazaar dun dawn nia, i mamawh te pawh kan lei dawn nia"
.
"Maw??? Ka neisa vek lo em ni? "
.
"Ohhh... Tihpalh, ka la hrilhlo che animaithei, thlatar apiangin i mamawh tur i lei belh ziah angai alawm. Ka fanu hian mamawh i ngah ani tih i hrelo em ni? " anui hak hak a.
.
"Awle, kan intifai ange" washroom ah chuan ka luhsana, ka thawmhnaw chu alo remfel mial mial.
.
Ka inbuallai chuan darthlalangah ka in en paha ka benga khuavang fiah deuh lo lang chu ka enchianga, ka kut chuan ka tuai zeuha, tuemaw in min khawihsak fo ang hian ka hre tlat peka, ka lu chu thing mat matin ka intihfai chhunzawm leha.
.
Ka nu nen chuan thawmhnaw inang ha in kan bazaar duna, nileng chuan ahlimawm em em vek.
."Nu" coffee kan indun lai chuan thil ngaihtuah run chung chuan ka ko a.
.
"Umm"
.
"Pa ka neilo em ni? " ameng buai rak a.
.
"Ahhh.... Emily diktak chuan..... " athaw halh a "Pa tello in ka enkawl seilian che a" ahmela hreawm tihna lo langchhuak avang chuan zawhzui atha ber lo in ka hria, ngawi ta daihin ka zawh chhunzawm ta lo a, eng eng emaw leiin thawmhnaw inang kan lei nual bawk. Pheikhawk thlengin. Fa nei ngai miahlo nei thut a an thu ka hrilh chuan ka chalah alo fawp vang vanga, amittui tla fap erawh ka hrethiamlo takzet.
.
Nilenga kan bazaar tak hnu chuan ka chau viau mai, dinner pawh eilo in kan mu a, achhan pawh ka hrelo. Ka nu hi ka thlahlel ani abula awmreng ka duh takzet.
.
"Naktukah scholl i tan dawn nia aw"
.
"Awle, ka school luhna hlui em ni? "
.
"Nilo e, i accident avang khan anuam itih ka ring chiahloa, school dang ah i lut dawn nia"
.
"Nu, ka la zawt ngai miahlo che, engtin nge ka accidenta? "
.
"Uhhh.... Englo... Nakinah nangman minla hrilh zawk dawn nia, ngaihtuah chhuah lo tum char char la, i thil theihnghilh tawh ka hrilh zel che chuan engtin nge i hriatna alo let theih ang, nangmah ngeiin ngaihtuah chhuak la ka duh. Thildang tam tak pawh" chhanglo chuan ka ngawi renga, athusawi hi dik tho mahse amak ka ti ani. Ka accident chhan lehzel keimaha ka ngaihtuahchhuah angai hi. Eng thil thalo nge maw ka tih le, nilo kei hi mithalo tak ka ni tihna zawk em ni? "
.
"Emily bawihte, i zirlaiah rilru pe la ka duh, mi zahawm tak ni turin ka duh che a, i theihtawp i chhuah ka duh bawk. Ka theihtawpin keipawn ka pui che anga mahse min rulhlet ka phut ve thung dawn nia"
.
"Maw?? "
.
"Emily, i hriatna hi i neilet ngei tur ani. Chuan, hlawhtling tur khawpa i taimaka i beihngawrh ka duh bawk" thutak fe chuan ati a,
.
"Awle, tehreng mai" tihchauh chuan ka chhanga.
.
__________________________________
.
School lam pan chuan driverin min hruaia, ka nu erawh hnaa akal hma angaih avangin minlo thlah theilo thung. ka uniform chu enin ka nui sak, ka inhmeh ka inti ve viau pek tlat.
.
School ka thlen hnu chuan kan class chu zawngin ka pen phei hnak hnak a, ka tihthan fo ani animahna ka kut ka kuangkuah than reng mai. Nui hmel ka pu tamlo lutuk erawh hi chu ka insiamthat thuai angai ani. Mize ngeng tak pu mi ka nih ka ring ngawt peka.
.
"Blair make up company neitu Miss Suzanna fanu alo lut dawn tih thawm kha in lo hre ve em? " kan class ka luhrual chuan tlar hmasa bera thu pahnih chuan an lo ti a, pakhat chu mipa ania pakhat erawh hmeichhia, ka nu chuan hriat ahlawh viau animahna le!
.
"Ohhh.... Fanu aneilo emaw ka tia" mipa zawk chuan ati a, mak ka tivak loxka nu in min hrilhlawk diam tawh tlat. Mi chanchin sawi an peih em avangin ka zalenna angaipawiawha fa anei tih thawm hi a sawiri ngailo. Ka duhdan chiah pawh ani.
.
"Tunlai milar ho te chuan an nun an thup thiam tawh alawm. Alo nei maithei asin. Takin kan class ah hian alo awm dawn an ti bawk asin"
.
"Miss.Suzanna fanu chu ahmeltha viau turah ngai phawt teh ang" ughhh an va sawi peih tak. Ka nu in minlo zep sak chhan chu ka hre ta chiah. Hneawm hian.
.
Class tan anih hnu chuan inhmelhriattira ka nei a, kan zirtirtu berin ka nu asawi tak si avang chuan an hre ta vek tho. Heiha ka thup vek ati khan ka hre sia.
.
Class ka chawlh chhung arei viau ka nu khan ati sia, ngatinge kan zirlai hi ka hriat vek hnu a ang ngawih ngawih. Zawhna leh sawizauna hunah chuan sawitur an awmloh avang chuan ka hriat ang ang chuan ka sawifiah a, ka sawi diklo nge pawh ka hrelo, kan zirtirtu ber chuan kà ho in min en a, anuam ka ti chiahlo.
.
"Emily watson, i danglam hle anih dawn hi, inu sawidan khan chuan i zirlaiin nghawng aneih aring kha ani si a, nghawng aneilo chu ka lawm viau e, engpawh nise iti tha e" kut an beng dur dur a, diktak chuan a ho ve em bawk atin ni. An hrelo erawh amak ka ti. Thil harsa tak a awm hauh silo, class an kal tha viau awm tho bawk si.
.
Class break lai chuan infiam turin ground lam an pan sap sapa, keipawh chu chhuah ve tumin kawngkhar lam pan chuan ka kala, hmeichhe pakhatin minlo sut chawrh avang chuan ka thal tawpa, minlo kaitho thuai.
.
"Ka tihpalh lutuk Lana ka nia, Miss Suzanna fanu ini tiraw? " atawngkam athat tak em avang chuan ka hnial ta lo a.
.
"Emily" akut alo phar chuan kan inchibaia, atawngtam barh barh viau na in thian nei maploa awm tawp ai chuan azia.
.
"Takin Emily, i nu leh ka nu hi an inbe zeuh zeuh asin"
.
"Ohhh.... Anihchu"
.
"Sumdawnna ah partner an lo ni tawha, kum 2 lai an contract angin an kala, nikum mai khan atawp. Kan inhre har lutuka apawi ka ti" ka lo nui sak a.
.
Mipa ho basketball khel chu kan ena atawng char chara, asirah chuan ka lo thu ngawi reng thung. Nge maw sawitur hi ka tlakchham em em mai zel ni!
.
"Gin alo kal dawnlo mi le? A inkhellai en turin ka hruai che asin mawle"
.
"Tunge chu chu"
.
"Emily, ka awih theilo nangni ang first class tan chuan hriatloh chi ani em ni? Gin Frost i hrelo amaw! " arak vak vak chhanah hian idea ka nei hauhlo. Ka lu chu ka thinga.
.
"Ohhh ava pawi tak, he schoolah hian ila kaltam deuh chu angai ani. Hmeltha si, lehkhathiam si, sum ngah bawk si Gin hi chu engkim ani ringawt. Mahse, a unaupa a chhelo zawk tih an sawi thawm ka hria sin, ka la hmu chiahlo na in Edward hi chu vawikhat tal ka la hmu ve ang"
.
"Edward maw! " Tisapin ka nghawnga thi ka awrha zunbun ka awrh tel chu ka khawiha, Ka tuaivir neuh neuh "Edward Frost" ka ti leh sap.
.
"Hey, i hria em ni? " ka lu chu ka thinga.
.
"Lut tawh ang, nidangah ila hmu dawn nia" class lam pan chuan kan leta.
.Mipa pakhat lo tlanphei chu hmeichhe pahnih hian an lo um vak vaka, kan chhehvela awm te leh keini ngei pawh chuan chung mi pathum te ah chuan kan mit kan fuktir thap. Mipa samkir bap, hlauthawng hmel zeta lo tlan chu enin ka nui sak a, hahthlak hlawm mange.
.
"Ka... Make-up hi a dik em, awiii....... Gin anihsaw a.....alo kal dawnlo emaw ka ti asin" Bah nak chuan ati a, amit ka tinzawn chuan chupa ngawt chu akawk.
.
"Aw a........ " Gin an tihchuan minlo kuaha, ka darah chuan akhabe anghata, min la kuah nghet em em zui.
.
"Ka tihpalh, ka kalsan theilo che, inthen lo ang" Ka ban ka pharkak hluai chu engtia han dahsawn tur nge pawh ka hrelo.
.
"He.. He....hey i à mi? " ka hrilhhai lutuka tawng pawh ka tawngring theilo. Ava che zahthlak tak, heng zawng zawng zingah nge kei berkher chu minlo kuah le!
.
"À lo, nilo ka à pawh ti mai rawh mahse inthen lo ang, khawngaihin" ughhh ala tap der ang vel amawni!
.
Inlakhran tumin ka nema, achak lutuka ka hneh nganglo minla kuahnghet em em zui, Lana ka va melh chuan mak tihmel takin minlo melha, amitmeng chuan achhan minlo zawta thaw halhin ka nem leh pawpa.
.
"Thih i duhloh chuan min thlah nghal rawh" ka ha ka sehri bap bapa, ka thinrim viau dawnin ka hria, insum ka tum nasa takzet.
.
"Lo tal lo tal lo teh... Areilo ang, heng hmeichhe ho hi kalbo se ka thawhbo san ve nghal ang che. Ka kuah chak vang che anih ring hauh suh"
.
"Khanglang.... "
.
"Inthenlo ang aw khawngaihin..... Awle tirawh" Ka ngawi renga "nangnu te hi iva luhlul ve" ka nem sawn leh hleka.ala che duh lek chuanglo "awle ti la, an kal mai dawn lawm" alo ti leh sapa, tih erawh ka tumli chiang hle. Hetiang nena hmingchhiat hi chu engpawh ni teh se, ani nena inngaizawng anga lan hi ka duh hleklo. Mipa nungchangmawi hrelo lutuk.
.
"Khawngaihin min kaltir suh" ka la ngawi reng "hmeichhe ho kha an kal tawh em? " an kaltak diak avang chuan ka thaw halh a, Lana nen chauh kan awm tawh.
.
"I kalsawn thei tawh angem? " ka àw chang zet ahriat rual chuan a inla hrang hmaka.
.
"Ka lawm e" minlo en zawkin min kalpela, ka lu chu thing nawkin ka kut kuangkuah leh than in ka kalsana, Lana chuan minlo zui bawk.
.
"Lawkin" ka ding chat a, ka hawilet chuanglo. Ka hnunglam atang chuan hmanhmawh zeta rawn tlan thawm ka hria a, khapa bawk kha ani tih ka hriat chuan ka thaw halh. K hmaah chuan alo ding chawta, ka dara akut alo nghah chuan ka lo beng thla vat.
.
"Kan ramhuai pitar chu ilo la ngai reng anih hi" anui sen sen a, ngemaw a nelawm tak viau chu lè! Chutia hmaichhana ahan din meuh chuan chhe zawk zawk ti a sawitur anilo mahse anghal mah maha, atha tih a inhre lutuk chu ka ngaitheilo.
.
"Lo la ngai reng turin kan inhre ngai em ni? " ka melh ngheka, ala nui sen sen tho. Achezia kha amawilo a hmeichhe zahlohna ani bawk. Ka ngaithei der lo.
.
"Edward khan ati dik. I hmaah chuan inphah hniam angai. Hey, nangnu hi ngaihdam ka dil tawh che kha" ahmui ati pawrh tarh a, pen chawrh ka lo chak.
.
"Enteh tunge Edward chu anih ka hrelo. Kan inbiaktam loh atha in ka hria" ka kalsan nawn leh a. Lana chuan mak tihmel takin minlo melha, ka kut chu kuangkuah thanin achhanna ka pelo thung.
.
"Emma Lambert" ka penlai chu ka ding chawta, ka lu arawn hai nghal muai muai a Emma Lambert tih chu ka bengah arawn ri nawn tluk tluk bawk.
.
Ka hmaah chuan Gin chu alo dinga, ka darah chuan chelhin chik tak chuan minlo thlek a! (To be cont.....)

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)