EMMA BY Kookie's Gf (Completed)

Episode nei ho a hlawm a dahkhawmna
Ngaia
Site Admin
Posts: 25813
Joined: April 30th, 2016, 4:07 pm

EMMA BY Kookie's Gf (Completed)

Unread post by Ngaia » April 15th, 2018, 1:38 pm

EMMA - 1

Noteii Kookie's Gf

A story tak hi khawiahmah copy phal a ni lo a, in group ah in post ve duh anih chuan a link hi share ula, a story erawh chu hetah chhiar tir rawh u whatsapp ah copy daih lo a, a link atanga an chhiar hian a story ziak tu ten hlawh an nei zel thin a, in copy chuan a ziaktute hlawh ru tihna in ni. A link share hi chu phal vek a ni e.
A link share dan: viewtopic.php?f=2&t=917
A share dan tur nen lam kan inkawhhmuh chung pawh a, a story full a whatsapp lama la copy/paste lui in awm anih chuan Police-ah FIR kan thehlut anih pawhin nangmahni chochhuah liau liau a ni ang...
Copyright ©
All rights reserved
www.storyfb.com



"Piano class i kal amaw?". Ka àw hriat than fo ri ka hriat chuan nui sàngin ka hawilet a. Tum dang ang bawkin a hmeltha in a chhelo leh viau. Coat fual buang a khup chen chu ha in muffler sen a awrh a,a cotton dum hak leh vans bun zawng zawng nen chuan sawiselna tur a awm leh ta hauhlo, a inthuam dan nalh zet avang chuan thlasik khawvawt zet hi ral theilo se ka ti rilru hial!
.
Ahnar ngul sàng vah chu tum datin abiangsum lang kàk chuan minlo nuih a,tumdang ang bawka ka lungphu rang leh lutuk chuan ka tihfo thin angin sawitur min ti hre leh pek lo. Hetianga danglam taka amah ka hmachhawnna pawn thlahnih alo liampui ve leh ta reng mai.
.
'Emma, i unaupa ani'. Ti rilru mawlh mawlh pah chuan ka lungphu rang lutuk chu thunun tumin ka thaw leh halh a.
.
"Saw saw Edward anilawm ni? " Piano class kal ve midangte chuan an lo ti sap sap hlawma, athenin kan innngaihzawn an rin thu an sawia, inhmeh min tih thu an sawi vang nge pawh ka hrelo, ka biang asa hat hat a, a sen chhuak angem ka hrelo.
.
Ka landan hian diklohna aneih awm ka hre hauh si lova,engvanga anuih tiza tlat nge ka nih ka hre hrep lo!
.
"Iti leh tawh". Ka hmai zawna lo kun hniamin nui suk pah chuan alo ti a, ka lo melh hà thung achhanchu enge ka tih leh tawh pawh ka hrelo. Anui hmel mawi zet avangin ka hawisawn theilo tih erawh chiang takin ka hria.
.
"Engchu maw?".
.
"Min hmuh apianga zakzum deuh anga i awm ta tlat mai hi mawle". Ka sama lo chulin ka bag chu alo la a, akut lehlam chu ka vawn theih turin alo pharchhuak bawk. Phun ri mur mur thawm avang chuan ka intih paukhauh luih atulin ka hria. A kut zungtang sei thlarh chu melhin amah chu ka melh leh a, ughh.... he danglamna hi ka hua.
.
"Ka khai thei alawm". Tipah chuan ka bag aken chu ka ban ta zawk a. A lu chunga khai va in alu athinga, ka kuta lo chelh in hmalam panin min kalpui dawr dawr.
.
"Bin, min thlah teh, keimah in ka kal thei". Ka thusawi ngaipawimawh lo zet in hrelo ang chiah in a awm zui hmak.
.
"Ka thlah ang che, lut rawh". Ka driver ka melh chuan ka hmu hauhlo. "Amak, Emma Alex chu ka haw tir tawh, nuteii hnenah ka lo thlah tur thu che ka hrilh alawm". Min nem lut rawk rawk pah chuan ati a, a tih ang ang chuan ka lut ve mai bawk. Hnial harsa ka ti ta lutuk te hi ka hua. Tunhma kha chuan ka tir kual zawt zawt zawk thin kha ania.
.
In lam pana kan tlanhaw lai chuan ngawi rengin hmalam ka melh a, ka bula thu khabe dawm meuha min thlir dauh dauh tu chu melh loh hram ka tum bawk. ka bulah a thu fo a,hetiangin ka awm ngailo, enge ka chungah thleng ta pawh ka hrelo, athawri ka hriat ringawt pawn ka lungphu hi asawt chhuak lo chauh ani.
.
"Emma".
.
"Min melh reng lo teh". Khur der der chuan ka ti chhuaka,anuih rik deuh hawk avang chuan ka melh zawka,ka hawisawn lehnghal.
.
"Khatianga i kuttin i sih apiang khan zep i nei thin tih i inhria em?". Thutak deuh fe hian alo ti a.
.
"Maw?". Ka kut zungpui pahnih ka sih neuh neuh chu melh in ka hum nghet nghal vat.
.
"Chuan hetiang taka Izaidam ta mai hian chhan anei em?". Chik deuh taka min melh chung chuan thutak zetin ahan ti leh a.
.
"Ahh...aih...ka...ka...ka damtha lo niang". bah nak chuan ka ti chhuak a.
.
Awihloh hmel zetin a mitko a sàn ak a " I dang a awk tel lehzel amaw,diklo chu a awm ani". Achek deuh tlak tlak....... Awiii Lalpa ahre tur anilo. "Min duh chu ani em lo maw?". Minlo hnaih thut in ka hmai zawn ah alo kun a, phawk zeta melh in ka nemsawn nghal dawrh.
.
"Ateuhlo. Ateuhlo lutuk, i thluak a chawmawlh tawh mi?". Ti hrawk pah chuan ka vin deuh vak.
.
"Ti kha chuan ahma ang chiah kha ini leh tawh. Emma Lambert hian amize chimawm zet kha a thlah ta emaw ka tia lawm,thinchhiat i sim emaw ka lo ti hman asin". Ka chalah alo tuk lawlh a, ka lo tuai vat vat thung. Kawngtluan chuan min be leh tawhlo mahse ahmel ka en fuh apiangin minlo en reng zela, chu chuan ka awm ati nuamlo aruk takin min tihlim bawk si. Mahse, ahmela nuihzatna ka hmuh erawh chuan min ti lawmlo hle thung.
.
Huhhhhh Thlahnih liamtaa Emma Lambert chungah khan
engthil nge thlengta ka hrelo. Hriat pawh ka duhlo. Edward Bin Frost laka luangliam hmeichhe intlar tamtak te zingah hian ka hming a chuang ve ta tihna em ni! Ni lul suh se.
.
Edward Bin Frost, tleirawl kum 17 mi, Frost sumdawnna rochun tu tur, lehkhathiam tak leh zaidam tak, sawiselna tur awm miahlo ni a ngaih theih zun ah hian hmeichhe tam tak an uai a, chung hmeichhe zingah chuan atha ni a ka hriat thlanchhuahsak in a date tur ka thlangfel thin kha ania, engvanga kei hi a list a chuan tum ve ta mai nge ka nih? Ugh ka tan chuan unaupa tluk zeta hlu ani thin. Tuna taka u anga en ka harsat ta hian chhan neilo hram se ka duh.
.
Ka pa leh apa hi thian inkawmngeih tak an nih avangin tet te atangin kan inhmelhriat a, unau pianpui kan neihloh veve avangin unau ang chiah in kan in en thin. Ani pawn anau ang chiah in min en ve thin bawk. Engthil atthlak nge ka chungah thleng ka hrelo ka endan adanglam ta tlat mai hi. Vanduaina tia ahming vuah mai ka duh.Ohh takin Edward hi keimah chauhin Bin tiin ka ko thin,a duhdan nilo mahse ka duhdan ani.
.
Emma Lambert ka ni a, Lambert Hospital neitu fanu mal neihchhun ka ni bawk. Ka pa damdawiin changtlung zet avang hian kan chhungkua hian hriat kan hlawh a, mi zahrawn pawh kan kai viau.
.
Kum 16 mi niin high school zirlai ka ni a, lehkha ka thiamtheiin, talent ka ngah bawk. entirnan music leh thalkah leh tuihleuh te. School ti hmingtha tur in ka penchhuak ve fo. Ka mizia angeiawm thu leh ka luhlul thu hi chu hnunglam atanga min sawi pawh ka hrefo, engahmah ka ngai lemlo. Ka nu leh pa leh ka patea ka bula an awmchhung chuan nun hi ahlimawm animai. Lambert chhungkua ah hian ka hlim tawk. Ohhh ka unaupa tluk zeta ka ngaih thin tuna engtiangin nge ka hmuh tih pawh ka hriat tak loh Edward Bin Frost leh ka best friend thawveng leh harh zet Laura te pawh. Anni ka neih chhung chuan khawvel hian engpawh sawise,ka tan chuan engmah anilo.
.
"Ka lo peng lo mai ang,lut tawh rawh".
.
"Awle". Car atang chuan chhuakin hmanhmawh zet in gate lian tak lam pan chuan ka kal hmawk hmawk.
.
"Emma". Hawilet in kekawr ipte zen chunga min en kalh tu chu ka melh let a. a uniform nen a la awm tih ka hmu ve chiah, kan school luhna a inang hauh silo a, min thlah haw tura an school atanga alo kal ziah hi a inthlahrunawm zawk mah.
.
"Ummmm".
.
"I thinchhia in i luhlul a achang phei chuan imize chimawm tak avang hian hremna pek che ka duh thin. Mahse, zakzum deuh anga i awm kha chuan ka uite thinchhe deuh kha abo ta daih nimaiin ka hre thin. Eng thuruk pawh nei mahla, danglam suh.Nangmah kha ni reng rawh,thinchhia in sual viau mahla ka...ka.....ka ngaih atha zawk ". Ahrawk thian kharhin ameng kual ruaia, kei erawh chuan mak tiin ka melh kàwk thung.
.
'Khawvel hian a vir dan athlak ami! Bin meuhin chutiang thu te asawi tak!'
.
"Hey....".
.
"Chuan hey ti a min koh kha sim bawk rawh, i danglam hnu hian i chingthar ania, lut tawh rawh". car ah lut in kawngkhar akhar a, a tlantliam nghal. Min hrechiang lutuk hi apawi ani.A thusawi chu ngaihtuah let in ka lu ka thing mat mat, asawi tum ber pawh ka hre chuanglo.
.
Inchhungah lut in, ka room lam chu ka pan nghal zat. Tuiluma ka inphuh tir seng seng hnu chuan ka hahdam ta sawt. Ka intihfai zawh hnu chuan washroom atangin ka chhuaka, ka khuma ka nu thu thluang zar ka hmuh chuan ka phu zawk.
.
"Min ti phu lawm vawi engzat.......".
.
"Ka hria, i phalna la hmasa lo in i room ah luh loh tur, mahse hethil hi chu adan adang".
.
"Engthil maw?". Ka thawmhnaw chu thlak pah in, ka zai ralh ralh.
.
"Em...emma". bah naka ka nu tawngri ka hriatrual chuan amah chu ka melh a, mak ti zet hmel apu.
.
"Enge?".
.
"Tunah mai khan ka fanu neihchhun Emma hi azai,a dik em?". thu ngil at paha atihchuan ka nuih atiza takzet. Ka zai ngailoh vang ani mahna mak atih viau ni. Music ngaina hle si hian ka zai ngai vak ngai miahlo. Han zai awl awl chi ka nilo miaua.
.
"Nu, ilo kal chhan minla hrilh miahlo nia". ka hmaia cream hnawih pah chuan ka ti a.
.
"Ahhh....ipa......".
.
"John engthil nge itih?". ka pa thinrim zeta arak ri kan hriatrual chuan ka nu chu atlanchhuak nghala, keipawh inthlakin room atang chuan hmanhmawh zet in ka tlanchhuak ve nghala, inhnuai lam kan pan bawk.
.
Ka patea leh nu pakhat middle class atanga chawr chhuak tih hriat zet mai leh keimah ang rual vel tur hmeichhe pakhat lo ding chu ka hmu a, mak ti zet in ka nu nen kan melh deuh ha.
.
"Ka u, duhthlang tur khawp in ka upa ve tawk rawh". ka patea chuan alo ti a.
.
"Laktlakloh lutuk, mahni pawh in enkawl thei lo in anni hi i enkawl ang maw?". Ka pa chuan a vin let vak.
.
"Duhtak, engthil nge thleng?". ka nu chuan ka pa thinrimna bengdaih tum pah chuan ati a.
.
"He mimawl hian hmeichhe pakhat fanu nula tep tawh nei nupui atan alo hruai haw anihchu, kan chhungkaw hmingchhiatna ani tih i hria em?". Ka patea bawk melh pah chuan thinrim takin ati leh a. Ka kum rualpui vel tur hmeichhe hmelchhe lemlo tak mittui tling piau ka hmuh chuan ka lo lainat viau ringawt.
.
Ka patea hian nikum mai khan nupui a sun a, in hrang an chan hnu in kan hnenah alo kir leh ani. Mahse,nupui dang neih nan chuan ala hma mah mah.
.
"John in rawn hmasak hi apawimawh tih kan sawi fo thin hetianga mi rawn hmasa lo a thil iti hi adiklo tih hria ang che". ka nu chuan ka patea chu a zilh ti tih a.
.
"Nang tal chuan min hriatthiam ka ring asin. hetiang dinhmun hi kan tawng dawn tih ka hriat lawk vang alawm engmah sawilo a heng thil hi ka tih hi". Beidawn hmel zeta ka patean a tihchuan ka lainat takzet. achetdan hi atthlak viau mahse tunge hmangaihna a luangliam lo turin in thunun thei, kan hma lawkah kan ban phakin kan hmuhlai ngeiin an awm si anihchuan luanliamloh chu thil harsa tak tur ani keipawh ka luangliam..... maw?????? engthil nge ka ngaihtuah!!!!
.
"Zanin chu an riak thei ang naktuk ah dah let ang che an nufa khan" . khauh fak in ka pa chuan achhang a,an boruak sosang lutuk chuan ka lu ati na vek thei.
.
"Mahse......".
.
"Ka thutlukna ka sawhsawn ngailo tih ihriat kha". Tipah chuan room ah alut nghal.
.
"Emma, itha em bawihte". Ka nu chuan ka biang tawn tawn ah alo vuan a, hetiang boruak sosang lutuk hi ka zo ngailo. keia thinchhe lutuk hian amil lo tihna ani ber,chhan dang erawh a awmlo. Ka lu a tihnat thin mai piahlam ah ka puakdarh dawn in ka hre thin.
.
"Ka pa kha han buaipui rawh, athalo zawk in ka hria". Ka tihchuan an room lam panin akal nghal. ka pa nen hian hetiang boruak hi kan zo ngai meuhlo, inchhun ve na berkher hi a fuhlo thin. Ka room lam pana kal tum chuan ka inher a.
.
"Emma, bawihte khawngaihin ....". Ka patea chuan ka kut alo vuan a, a mangan hmel viau bawk. Patea hian sumdawnna lian lutuk lo anei ve a, mahse chu pawh chu a buaipui hleitheilo. ka nu leh pa ten bul an tan sak hnu pawn eiral bak hi thiam anei meuhlo. chuvang chuan rin aharsa in laktlaklo nih pawh a hlawh fo. ka tan erawh pa tha tak ani. Min infiampui tura ka nu leh pa an hmanloh lai pawh in ani chu ka tan a awm reng thin. A laktlaklohna hi ka tan chuan malsawmna ani mah. a fanu ti hlim tur hi chuan atheihtawp achhuah thin reng a ka puih ve ngei angai ani.
.
"Mahse pate anni......".
.
"I thusawi chu an pawm zel alawm, khawngaihin Emma ipa hi min biaksak rawh". Ka kut tuai vat vat paha atihchuan ka lainat takzet. Hnunglama nu pakhat leh tleirawl pakhat ding chu ka melh zawk a, an inthuam dan atang ringawt pawh chuan chhungkaw pangai tak atanga chawr chhuak an nilo tih ahriat theih. Ughhh berkher thin hian. Mission hahthlak tak ani ngei dawn e.
.
"Ka lo tum ang. Chuan an hming".
.
"Sarah anih hi nang aiin kum 1 in a naupang a, chuan anu hi Reina".
.
"Awle....ka pi patea room ah i mu mai dawn nia, chuan Sarah minlo zui la, pate rilru nuam deuhin lo awm rawh u". Sarah chu melhin min zui turin ka mitmei a.
.
Ka room piah chiaha mikhual room ah chuan luhpui in, a suitcase hlui ve tak chu chhuatah anghat a, hetiang hi film ah chauh ka la hmu thin, ahhh ka tih tak zawka chu hetiang suitcase hlui lutuk ang hi ka hmuhphak ah ala awm ngai miahlo. A chhungah engtak awm ang maw!
.
"Tah hian i mu thei ang". Ka ang phuau in room chhung chu amelh a, khum ah chuan dim zeta thu in thil engkim chu uluk em em in amelh bawk. a landan avang chuan ka nuih aza takzet. Kei hian nau neih ka chak thin zia chu in ngaihtuah thiam phak hauhlo ang. Ka chhungril hlim veng veng avang chuan ka nui chhuak var var a, mahse ka insiam tha leh thuai.
.
"Ka rul leh vek ang che". room kawngkhar atanga ka chhuah dawn chuan alo ti a, atawng ve ta mahse ka lawm e ati tur anilawm ni. ani tehlul hian khawia miin nge min rulh ang. Mize mak tak zawng anei anih reuh dawn hi.
.
"Angai love, i mut hma in shower khan inphuh tir la athat ka ring". tipah chuan ka chhuahsan a.
.
Zanriah ei tur pawn tuman dawhkan an kil lo, ka ril atam deuh avangin keimah in ka ei a, kan awmpui hnen ah chuan chawhmeh leh a eitur siam thenkhat ho hawn turin ka hrilh bawk. Pi Julie hian ka tet te atangin min enkawl chho a, luhlul in khirh deuh mah ila ani hian min bengdaih dan chu athiam khawp. Awmpui ang chiaha en pawh aharsa.
.
Dar 11 thleng lehkha ka zir a, ka zir zawh chuan mu tur in khum lam ka pan a, ka phone banga ka vawm darh nuai chu chhar khawmin ka rem tha leh a, ka vawm nat tehreng nen a kehlo chu amak ka ti angreng. Lehkhazir laia min phone chhen hi ka ngaitheilo, chuvang chuan ka switch off tlat thin ka theihnghilh ni erawh chuan hetiang hian bangah ari leh thlawrh zel.
.
Bin message a awm ka rin tehreng nen a awm hauhlo, lungawilo ru zetin Laura message ho chu ka check a, a bialpa nena an buai thu bawk. Ninawm henu vang pakhat hi lawm ngaihzawng neih hi ka hreh em em ni.Ka thian tha ber chu anih ve hi! In lukhup in reply lo in ka mu nghal hmak.
.
.
_____________________________________________
.
.
Thawm bengchheng zet avang chuan ka harh a, ka lukham chuan ka beng ka hup a, ala ri bengchheng em em tho. Ka mutthilh tui laia kaihthawh ka duhlo tih ka sawi tawh em?
.
Thinrim zeta tho chhuakin inhnuai lamah ka chhuk a, ka room soundproof anilo hi apawi ta ber mai. Ka pa leh ka patea inhnial ka hmuh chuan an lam pan chuan step ah chuan ka tlan thla hlawk hlawk. An thubuai ngai bawk chu an lo khel leh a, sawifel theih nise nizan khan an sawifel daih tawh ang.
.
"Duhtawk rawh u". An inkarah chuan dingin ka au tuarh a, ka lu na bur chu ka dawm bawk.
.
"Emma i tha em?". Ka nu chuan minlo pan vat.
.
"Tha lo, zingkar boruak thianghlim zawng zawng in chhembo vek alawm. Khawngaih takin ka awm loh laiin sawifel rawh u. Chuan pa patea hian a puitlin ve phah maithei tih zawngin ngaihtuah rawh". Room lam pan bawk chuan ka chho leh a. Awmpui thenkhat te leh kan chhungkaw member in a awm ho chuan ka ang phuau in min melh hlawm tih ka hria, achhanchu ka pa hi tuman a tawnglai an pawtchat ngailo, pawtchat ngam an awmlo bawk, chuan kei hian avawikhat nan ka pawtchat.
.
Mut leh ka tum pawh chuan ka mu thei tawhlo, intifaiin ka uniform chu ka inbela, ka mood a fuhlo nen ka hmel chu a diklo viau. Ka sam ka hnute thleng leka sei kir chiat chu thlah in ka chalsam ka thlah a, ka mit ah mascara hnawihin hnawihsen dal raihin ka inhnawih bawk,ka sneakers var chu bun in ka bag ka ak a, ka hman der.
.
Breakfast ei tura inhnuai kailawn a ka chhuklai chuan Sarah ka pa pheikhawk tifai chu ka hmu a, ka hriattheih chinah vawikhat pawh ka la tifai lo. A fel reuh ngawt mai, engthil nge thleng tehreng tih hriat tumin ka dinga, ka pa lokal chu pheikhawk alo pe a, mahse ka pa chuan amelh chhin eihlo, an room lam pan chuan a let leh a. Luhlulna hi Lambert chhungkaw inthlahchhawn em ni! ka patea laktlaklo kan tihfo pawh hi luhlul lamah chuan chungnung tak ani.
.
Sarah bulah chuan ka kal a, amittui tling piau ka hmuh chuan ka lainat zual takzet.
.
"Min lo pe rawh". Ka pa pheikhawk chu ka melh a, mi thlem ka thiamloh tawh tehreng nen mood fuhloh lai phei chuan a inremlo lam chu ani. Tuna ka thiltih hi ka thlanlung a ziahlan tlak niin ka ngai.
.
"Maw?".
.
"Pheikhawk kha".
.
"mah..mahse,a...a bun duhlo". a mittui a khap per fap fap a.
.
"Enteh, ka pa hian alawm lo che u tih hrethiam tur chuan i upa tawk tawh. Mahse i pheikhawk tihfai hi abun ngei ang". Engthu nge maw ka sawi le!
.
"ka ...ka lawm e". pheikhawk chu minlo pe a, ka pa te room lam pan chuan ka kal nghal. Room kawngkhar chu ka kik karh karh a, chhanna ka hmuhloh avang chuan hawngin ka lut a.
.
Ka pa inngaihtuah muk hmel taka khuma thu chu pan hnaiin abulah ka thu a, ka kuah bawk.
.
"Ka tihpalh pa,ka thiamloh ani". Thaw halhin ka hnungzang chu alo beng thek thek a.
.
"Ka lalfanu hian thiamlohna anei hleinem".
.
"Ngaihdam ka dil chhan che ilo hre leh vek amaw? Mr.Lambert". Ka tawngkam hman avang chuan anui ri deuh hawk.
.
"Tukin zing vang khan anilo mi?". Nui var var pah in ka lu ka thinga.
.
"Tukin zing kha chuan tihsual ka nei hleinem, Lambert thlah ka nihzia ka rawn lantir anihkha".
.
"Ummm anihchuan engvangin nge ngaihdam i dil a?".
.
"Achhanchu ka lalfanu ti a i koh fo i fanu laktlaklo zet hian vawikhatmah i pheikhawk ka la tifai ve ngailo, mahse nizan maia ka pate laktlaklo zeta fanu thar lo nita erawh chuan ati asin, ka nep zia ka inhrethar nimaiin ka hria,chuvang chuan lo tal lo tal lo la, he pheikhawk ka tihfai nimiahlo hi i fanu laktlaklo zet ka nih avanga thupha chawi nan ka bun tir che tih hria la phelh miah suh". Anui ri hak hak a, alandan pawh aziawm ta deuh.
.
"Ka fanu rangkachak inia lawm Emma, ka pheikhawk i tihfai te chuan i thingthitna lamah i khup abal anga sin hahdam taka i awm theih nan alawm chhiahhlawh tam tak ka rawih ni, tuma tihtheih ve miahloh tih theih inei tih i inhre lo mi?". ka lu ka lo thing mat mat.
.
"Ka thinrim laiin tuman min be ngam ngailo a mahse min be ngam a dik em? chu chu inu meuh pawh in a atih ngam miahloh ani. chuan ka tawnglai min pawtchat ngamtu awmchhun ini bawk a, ka thinrim laia min tinui thei ini bawk. Atawp ber leh apawimawh ber chu ka lalfanu rangkachak ini chuan chu dinhmun chu tuman an luahlan theilo". Kan nui dun hak hak. Khawvela pa tha ber ka pa ani hi ka lawm takzet.
.
"Pa, patea nupui leh afanu saw pawm turin ka ti dawnlo che achhanchu thutlukna dik siam turin i fing tawk tih ka hria, kal ang le, kan tlai dawn nia". a bianga fawp zeuh pah chuan ka ti a breakfast ei turin kan inzui chhuak nghal.Breakfast kan eikham hnu chuan ka driver nen school lam panin kan inkhalh chhuak nghal.
.
"Emma i phone kha engtana i neih nge?". Ka locker lam ka pan lai chuan ka hnunglam atangin Laura chuan alo ti leh lang lang.
.
"Pawihmawh bik a hman atan".
.
"Ohhh hrepa, i list pawimawh zet ah chuan ka tel velo tih sawi hlek suh". Ka dar ka san ak a, a huattawk a tling viau pek.
.
"Misualnu, nizan thilthleng chu i awihlo hial zawk ang".
.
"ibialpa chanchin sawi itum anihchuan ka ngaithla peihlo tih hria ang che". Thaw halh in class lam ka pan a, minlo zui dat dat in abialpa chanchin bawk chu asawi mawlh mawlh. an thubuai lah hi aho thei si. engtin nge apeih zawk ni ka ti thin.
.
Class kan lak mawlh mawlh lai chuan ka bul chiaha thu Laura chu a inchei malh malh a, make-up an siamchhuak hi chu a vanneih pui ber maiin ka hria, lehkhazir lamah hian a ngaihna a awmlo mai nilo in ngaihsakna aneilo hrim hrim zawk.
.
"Khu khu Edward ani tiraw?". Hmeichhe pakhat in alo tihchuan tukverh lam pana hmeichhe dang ho tlan sap sap chu ka melh a, Edward alo kal tih ka hrethiam nghal. Kan school mai nilo in he ram ah hian Frost sumdawnna rochun tu tur hian hriat ahlawh ani. ahmelthat mai bak ah company magazine a achanchin an tarlan fo vang pakhat ani. Sumdawnna enkawl dan tur tun atanga zirtirna pek ani a, chumai bak ah fakna leh company thil tihpui apiangah Mr.Frost hian afapa rangkachak hi a hruai ngei ngei thin. Bin hi alo hmeltha tel ve kher bawk nen hriat a hlawh hap hap viau.
.
Ngaihven lo luiin ka lehkhabu ken chu ka bih char char a, ka rilru erawh pawn lamah chauh a awm. Min biakloh avangin ka lungawilo ru takzet. Chuan, hetah engthil nge atih?
.
"Awiiii a takah a chhelo daih zawk". An phun sap sap thawm chuan ka beng ati vir takzet. Ahmel hmuh chakna in ka khat a, chu chu ka duhlo tih piahlam ani.
.
"Hetah enge alo tih dawn le". An tihrual deuhthaw chuan ka lehkhabu chu khup in ka ding a. An phun ri hrephaka ka awm reng anihchuan amah hmu tur in ka pen hmasa mai ang tih ka hlau, chu chu atlawm thlak. Pan hmasa tu nih hi ka duh hlawllo.
.
"Kan prince charming khu engchen nge i pehhel dawn?". Laura chuan alo ti a.
.
"Pehhel chhan tur ka nei hleinem". Ka kut kuangkuah in room atang chuan ka chhuak a.
.
"Emma, i hmel atang khan alang reng alawm". Minlo zui dat dat pah chuan ati a.
.
"Engchumaw???".

.
"Ughhh....achungah i lungawilo tih mawle, enteh i lungawiloh apiangin tihian i meng thin, i mood a fuh vakloh chuan ti hian". tipah chuan ameng kual a, nuilo tur in ka insum nasa viau na in anuihloh theihloh then sak in hmalam chu ka melh leh a.
.
"Ka unaupa lakah hian ka lungawilo thei anilawm ni?".
.
"Ughh Emma i unaupa anga en reng i tum tih min hrilh hlek suh achhanchu ani khu unaupa ang nilo in lalfapa duhawm tak angin ani ilakah hian a inlan ni". Ka hmai rawn sa nghal up up te leh ka lungphu rawn danglam nghal chuan ka thaw ati chham mai dawn. Hetiang zawnga achanchin nilo kan chanchin ka hriat hian ka sawi thiamlo ka danglam.
.
"Khawnge i kal dawn?".
.
"Washroom ah, min zui zel..........". Ka tawng zawh hma chuan Bin leh mipa pa4 ka hmaa lo kal chu ka hmu a, ka ngawi dat.Enge kan school ah hian an lo tih dawn le!
.
"Emma". Nui sang in minlo pan a. Boruak hi a inthlak vawiin hian khua a vawt dawn an ti sia engvangin nge alum tak viau a!
.
"I hmui kha chip rawh". Laura in alo tihrual chuan ka kà ka ang ani tih ka hreve chiah, rang zet in ka chip nghal. Naupang dang mit chu kan lakah a fu thap tih ka hria, chumai niloin an phun sap sap bawka, hepa vang hian ka inthupna hi hailan ani ang tih ka hlau takzet, achhanchu he schoola mite hian Lambert hospital neitu fanu ka ni tih an hriat ka duhlo. Mahse, ka thup reng thei angem ka hrelo achhanchu ka hmaa ding mek hi tudang niloin Edward Bin Frost ani tlat.(To be cont...).



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » April 15th, 2018, 1:39 pm

Kookie's Gf
.
"I va thlan nasa ve".
.
"A...a...animaw?". Ngatinge ka dang hi a awk vek.
.
"I tha takzet amaw?". Ka pang lo deh a tumrual chuan ka tawlhhnung a, ka harhchiang ve chauh. Phun luai luai in minla en thup zui. Nge maw ka zah ve viau chu le!
.
"Ka tha, hetah enge ilo tih dawn?". Uff ka pangai chho tan viau e.
.
"In director nen inbiak lawk kan ngai a, in school magazine cover atan". Mit minlo siai zeuh pah chuan"thuruk ni rih rawhse". ati sap.
.
"Wow...Edward Bin Frost nge nge tha takin le". Ka kut kuangkuah pah chuan ka ti a, a coat hak iptea zenin ngun zet chuan min en a.
"Ka lo nghak ang che".
.
"Ahhhhh. .piano class kal ka ngai a, min nghaklo zawk la athat ka ring".
.
"Awle...zanah ka lo bia ang che". Huhhh ka nghaklo tak tak ang che maw? te tih ve awm .maw??? kei hi!!! engthil nge ka chungah thleng.
.
ka lu thing mat mat in rang zetin room lam ka pan nghal. Ka hnunga kal laura chuan ka awmdan chu alo nuihsawh em em lehnghal. mipa chhai lamah hi chuan ka tluklo ve bawk em atin ni.
.
Nilenga class kan lak hnu chuan piano class ka kal leh a, inlam panin ka haw ve thei ta hram. Vawiin thilthleng chu ka ngaihtuah let neuh neuh a ka nuih aza ru tlat pek. School pumpui a Bin nena kan inbiakna leh kan chanchin sawia an phun sep sep ri erawh chuan min ti chau takzet. Lambert hospital neitu fanu ka ni tih hre hlawm ngat se zawng an thusawi hi an vawrhlar nghal vak ang. achhanchu Frost sumdawnna rochun tu tur leh Lambert hospital neitu fanu mal neihchhun hi an inkawmngeih lutuk tih an hre miau si a,vanneih thlak takin umzui nih ka duhloh avangin tuman hospital neitu fanu ka ni tih an hrelo, Laura leh ka thian hnaivai thenkhat te lo chuan. Class topper sual leh ngeiawm zet tih bakin ka lar lo miau a.
.
Inchhung ka luhrual chuan ka nu leh pa leh ka patea chuan ka patea nupui thar leh afanu thar te thubial laih chu ka hmu hmasa ber.
.
"Lo thu rawh bawihte". Ka nu chuan minlo ko vat a, ka pan ve nghal mai.
.
"Chhungkaw hming ziahna ah ziah luh in ni anga Lambert nundan vawng chhunzawm ang che u,Sarah naktuk atangin Emma school luhna ah i zawm ve ang". Ka pa in a tihrual chuan ka phu zawk. A awmzia chu Sarah hi ka nau tak tak ani tawh a chuan nuteii ka nei ve tawh bawk. Ka chhungril ah chuan ka hlim veng veng a mahse tihlan vak na chi anilo tih ka hria achhanchu ka pa hian a thinlung leh tihtakzetin a pawmlo tlat. Ka patea luhlul zia ahriat vang leh kei leh ka nu nawrna vang chauh ani tih a hriat.
.
"Ka lawm e ka u". Ka patea chuan hlim hmel zetin alo ti a, ka nuteii lah a mittui a tling pam bawk.
.
"Emma vang chauh ani, zanriah ei a hun". tipah chuan a tho nghal.
.
Ka pa room a lut chu ka zui lut a.Tukverh darthlalang vek hmaa ngun deuha alo ingaihtuah chu ka hmu zui zat. a hnungah chuan ka kuah a.
.
"Thutlukna dik tak i siam ani". ka ti sap.
.
"Ka fanu kuah ngai khawpin ka la naupang em ni?". ka kut chul pah chuan ati a, ka lo nui hak.
.
"I fanu hmangaihna dawnglo tur khawpin i upa lutuk ngai dawn hleinem ". kan nui dun hak hak.
.
Ka room ah chho in ka inthlak sawk sawk a, Sarah hmuh chakna in ka khat, nau ka nei tih ka hriatna chuan min ti hlim takzet. A room lam pan chuan ka kal lehnghal a.
.
A room kawngkhar chu ka kik dat dat a, min chhan mailoh avang chuan hawng zau hret in ka bih a.Khuma bawkkhup chunga atap ka hmuh chuan nasa takin ka danglam. Hetiang khawp hian em ni a hlim?
.
"Hey". abulah chuan ka thu a.
.
"Ahhhh...Em...Emma". a mittui chu hrufai sawk sawk in a nui var var a.
.
"I duh chuan min u thei ania, chuan ahhh ka nau ini tawh bawk a".
.
"Ka...ka lawm lutuk, i chungah hian ka lawm takzet". mittui kar atang chuan anui ni berin ka hria.
.
"Awle, inngeih taka awm kan tum dawn nia unau tak tak angin". ka inrin hma hauh chuan minlo kuah a. ka nui mawl tawp. a hnungah chuan ka beng thek thek a.
Nau ka nei tih ka hriatna chuan ani ang tho hian min tihlim ani achhanchu kei hian unau pianpui neih ka chak thin takzet. Duat viau tumna rilru chu ka pu nghal hmiah bawk.
.
"Kei hian chhungkaw neih ka chak thin takzet. ka chak thin takzet. ka nu nen chauh kan ni thin a u neih ve ka chak a, chuan pa neih ve pawh ka...ka hlim lutuk". tawng pawh a tawng tha theilo a hlim ani tih thup sen rual anilo a hriatloh sak theih pawh ani heklo.
.
"Ummm keipawn ka chak thin alawm. intifai la chuan zanin hian ka bulah i mu ang atha em? dinner ei turin lo chhuk la".
.
"Awle...ka..ka...ka u". Ka u ti a min koh chuan ka lo nuih var var a, ka hlim tih piahlam ani.
.
Inhnuai lamah chuan ka chhuksan a, dinner kan eikham hnu chuan lehkha ka zir a, dar 10 leh tih thleng ka zir hnu chuan ka zi mar leh te te a, lawkin Sarah kha riak turin ka sawm tak.
.
Ka room kawngkhar a inkik dat dat chuan lut turin ka hrilh a, lukham pawm chungin alo lut a. ka lo nuih var var.
.
"Lo mu la, hei hi kan zo lawk ange".
.
"ahhh ka lo nghak ang che".
.
"Ummm dawhkan ah khan lap a awm a chuan lukham hnuaiah khan lehkhabu i duhchuan ilo en thei ang". .
.
"ahh ka lawm e mahse album ineih chuan en ka duh a". Inthlahrun hmel zet chuan ati a, min nel har ka ti mah mah, ka nel lutuk tawh vang nge pawh ka hrelo.
.
"Drawer hnuai berah khan a awm ang i duhber kha lo en rawh". A reh vang vang hnu chuan keipawn ka zir zawm leh malh malh a.
.
"Edward hi i hria amaw?". ka nui sak, edward hian hrelo tu anei miahlo emawnile! kan 2 album bik a keu ani tih ka hre nghal mai.
.
"Ummm apa leh ka pa hi best friend alawm,tet te atangin kan inhre tawh".amah melh lemlo chuan ka ti a.
.
"Engemaw zawt che ila pawi iti em?". inthlahrun hmel tak tho chuan ati leh a.
.
ka lehkhabu chu khup in ka mutkawr ka inbel a abulah chuan ka inthawlh nghal that.
.
"I duh duh min zawt thei ang". a album keu ah chuan Bin nen inkuah rialin kan muhil a, kum 12 kan nih kum ami ani.
.
"Ihhh....englo...in inngaizawng ami?". ka nui ri hak.
.
"Ateuhlo ka unaupa tluk zetin ka en thin chuan ani pawn a farnu sual leh khirh deuh abuaipui reng ngai angin". anui ri hak a. album chu uluk em em in a thlek leh thin.
.
"A ngaihsak hmel viau che anih hi". atihchuan thlalak chu ka en a, ka birthday a kan bazaar dun ni a kan hun hmanna lai ho chu ani a, alunglenthlak takzet.
.
"Ummm....a farnu ka ni miau a". ka thusawi avang chuan keimah leh keimah ka inbum ni berin ka hria, afarnu nih ka duhlo ughhh ka phone arik chuan ka en a, Bin .
.
"Achanchin sawi lai lai a". phun sup pah chuan phone chu ka thlek a.
.
"amah ami?". Sarah in alo tihchuan bu zeuhin phone chu ka pick a.
.
"Hello".
.
"I phone i vawm leh em lo maw?". min hrechiang mah mah.
.
"Ummm...lehkha ka zir lo a".
.
"Wow...ka uite hi ka chan tak tak dawn emawni le,engtin nge lehkhabu tello in i awm theih?".
.
"zirlo ka tih awmzia chu ka zir zo tawh".
.
"anih ka ring, chuan naktuk hian hun inei thei angem?".
.
"engatan?".
.
"date turin?". ka lungphu hi. ka thunun zo lo. ngawireng in ka melhna ngai chu ka melh tlawk tlawk. engthu nge asawi hi.
.
"emma". ka tawngchhuak thei chuanglo. "ughhh thinrim suh ka fiamthu anihkha, hmuh lawk che ka ngai a".
.
"ka..ka hrelo muttui". phone chu ka dah ta hmak. ka lung zawn ah chuan dah in ka thaw halh a. . ka men rual chuan sarah chu ka melh a, minlo melh ran ani tih ka hmuh chuan ka inthiamlo viau pek. thilsual tiru manchhuah ang vel ka niin ka inhria. Tihsual ka nei hauh silo.
.
"I duhlo tak tak amaw?". he nau hi tinge maw Bin chanchin hi a ngaihven viau le! ka lu chu ka thing a.
.
"Mu tawh ang atlai tawh". light chu off in ka mit ka chhing a.
.
"Thil ka zawt leh lawk thei che em?".
.
"Sarah, inthlahrung deuh khan awm tawh suh,i zawhna chu min zawt bawrh bawrh rawh". ham bai bai pah chuan ka ti a.
.
"Edward hla duhber enge?". ngatan nge maw atih le!
.
"Ed sheran Perfect"
.
"Anihleh hmeichhe tawngtam nge a ngainat ngawichawi deuh?".
.
"tawngtam deuh chu an ninawm ati thin, edward chuan amah zuikual rengtu aduhlo, aman azui kual reng theih tur hmeichhia a duh, a awmzia chu hmeichhe induhtawk tak".
.
"Nangmah ang hi tiraw ka hrethiam e".
.
"Amak Sarah min hmehbel tawhlo teteh".
.
"eng chocolate nge angainat". avan ho hlawm tak.heng zawhna zawt tu hi Sarah chu nilo se ka chhang hauhlo ang, ka chhanglo mai nilo in ka ngaithla lo hrim hrim ang.
.
"Chocolate a ei ngailo angaina lo".
.
"animaw engthil dang nge a ei theihloh?".
.
"ummmm....carrot a ei ngailo a huat em em pawh ka hrelo angaina lo a, chuan lui lam sa a eiin a pum ana thin bawk".
.
"eng ang hmeichhia nge angainat?".
.
"Sarah ..... natuk ah kan sawizawm thei mai em? thawhhmat ka ngai ania, good night". ka tawngzawh rual deuhthaw chuan ka chatthla nghal.
.
___________________________________________
.
"I pa in nupui dang anei tih min hrilh miah suh". Ka lehkhabu chhiar lai chu minlo chhuh in a khup thawk a,dawhkan ah a dah bawk.
.
"Laura,min tibuai lo teh". tipah chuan lehkhabu chu ka bih leh a,sawitam ka duhlo mahse khawvela ka thian tha ber hrechiang ber tu chu kei ka ni miau a,a hriatduh a hriat hma chuan a kalsawn dawnlo tih pawh chiang takin ka hria.
.
Ka hmaa mit khap eihlo a min en tu chu thaw halh in ka melh let a.
.
"Ka patea zawkin alawm nei". A inthlahdul deuh ani mahna tunah zet chuan khawvela hmeichhe harh ber kha a ang leh tawh.a awmdan avang chuan ka nuih a za takzet. Ka pa angai lerh lutuk erawh chuan min ti lawmlo letling zawk. tuna a thusawi hi ka nu in a hria anih vaih chuan alawmlo viau ta ve ang.
.
"Sawlaia insawi thei deuh saw Mr.Lambert ohhh ziah chuan i patea nupui fa bik itihna ani em? Ipatea khan nupui a sun tawh sia,chuan fanu aneih ka hre bawk silo". Tipah chuan Sarah chu a melh zeuh a.
.
"Laura,ka unaunu ani tawh alawm,khatianga achanchin sawi kha bansan teh".
.
"I pa fanu angin alawm alo insawi char char,i patea fanu ani tih a sawi reng reng hleinem,'Lambert Hospital' neitu fanu ka ni a in tia lawm.Zaktheilo hian". A inhrosa lai chu ka lo thlir liam tawp a,han chhanlet vak ngaihna ka hrelo,Sarah chu ka melh a,minlo nuih var var. School a unau anga kan awm a duhloh thu asawi khan hei hi a tum tihna em ni le! lambert hospital neitu fanu anga insawi hi. engpawh nise chhungkaw harsa tak atangin a seilian a, ademawm hranloh. bakah ka pa hi apatea ania a pa ve tho tihna ani. asawi diklo hranlo. A tlangnel hma chu ka lawmpui mahse unau anga school a kan awm a duhlo erawh ka hriatthiam piahlam ani. Duhlo tur zawk chu keimah hi ka niin ka inhria,mahse a duh zawk ah ka tang bawk si.
.
Class kan lak lai chuan Sir John hnen atangin zawhna kan dawnga, chhan tuma ka din rual chuan Sarah lam chu ka melh a, alo din ve avangin ka thu ta zawk a. Lehkha athiam hmel reuh phian, zawhna an zawh chuan dik fumfe lo mahse dika pawm theihin a chhang a, lutthar anih avangin ngaihven a hlawh a, sir John fakna pawh adawng zui zat ka lo hlimpui viau.
.
"Emma sawizau i duh em?". sir johnan alo tihchuan ka lu ka thinga, Sarah inhnuh hniamna tura awm ka duh lo.
.
Class a zawh hnu chuan washroom lam panin kut kuangkuah than in ka kal a, Laura chuan ka tihdan zirin minlo zui ve bawk. Hetianga kut kuangkuah chunga dak vah a ka kal hian thenkhat pawi ka sawi viau ka nuih aza thin min tehna hi aho thei tehlam lutuk a.
.
"Laura, Jonathan nen khan inla tha em?". kut sil pah chuan ka ti a.
.
"Maw???? Emma ka awih theilo". Mak tihmel zet chuan minlo en a.
.
"Engchumaw?".
.
"Ka bialpa chanchin i sawichhuah vawikhatna chumai anilo ahming i hrelo maw ka ti hial zawk". kan nui dun hak hak.
.
"Ihhh.. Englo....In inngaihzawn dawn khan engtin nge i awm? ahhh ka tih awmzia chu hei laih ang chi te. ". ughh ka sawitha theilo alum ka ti nghal up up.
.
"Emma kan prince charming hi i duh tih hairual anilo, ila inpawm lo mai zawk ani. chuan ani sawn a ngaihven em em ........". Sarah lo chhuak ka hmuh chuan Laura tawng pawh chu ka ngaithla chhunzawm lo. .
.
"Hey, Sir John khan achhuan hmel lutuk che nia". min chhanglo chuan anui ringawt,anuih erawh azatloh hmel takzet. "I tha em Sarah". a bu zeuh ringawt. Tinge le athin ka tihrim awm ka hre bawk silo. Laura ka melh chuan alo phun sawi nak,henu tak hi chuhhh.
.
"Kal ang bawihte". Laura chuan minlo kuah a, Sarah chu ka melh a, amaha awm aduh anih ringin ka kalsan a,ka ngaih erawh atitha zan lo.
.
Washroom kan chhuahsan rual chuan Gloria te thian za ho inzui lut chu kan tawk nghal. Hemi te pathum hian lutthar te chhaih nawmnah leh an tirhkah a siam an ching viau. Ka chungah erawh engmah an ti ngamlo, achhanchu tunge ka nih chiang takin an hria chuan mak tak maiin an ni aia ka lar an hlau a, Lambert hospital neitu fanu ka ni tih min zep pui tlat lawi si. An buaina a inrawlh ka peihloh avangin an thiltih ka sawisel ngailo. an ni pawn min tibuai lo bawk.
.
Bang ri rawp ri avang chuan hmanhmawh zetin washroom lam pan chuan ka tlan let a, kawngkhar a inkalh tlat. ka hlauthawng lutuka ka tha akhur vek thei. Sarah chungah hetiang thil hi an ti dawn tih hrechiangber tu ka ni a, engtin nge ka lo mamgnghilh theih? veng reng tur ka ni asin.
.
"Sarah itha em?". kawngkhar chu ka chum vak vak a, an hawng duh eihlo.
.
"Zirtirtute ka han ko ang". Laura chuan alo ti a, ka lo bu zeuh. kawngkhar ka chum hrep hnu chuan muangchangin a inhawng a, tute nge chhuak ka ngaihven hmanlo, Sarah tap chunga a thu ka hmuh chuan ka mittui a tla lo chauh, a sam an kehna chu a thur vek a, a hmui bul athi bawk. ka insehruh nasa takzet, achhanchu ka nau natna hi ka tawmpui a ka tah achhuak takzet ani.
.
Ka coat chu hlipin ka hak tir a, ka muffler chu ka awrh tir bawk. asam chu chul mam sakin a mittui chu ka hruk sak a, ka tawngchhuak theilo,ka thinrim lutuk mah mah.
.
Class room lam pan chuan ka kal pui a, taplo turin a insum nasa tih ka hria, kei hian ka hnem thei eihlo achhanchu ka tawngchhuah rualin ka tap ve nghal dawn tih ka inhria. Room a kan luh rual chuan minlo en thap a, Gloria te thian pathum chu bang kila thu in an lo nui har har a, phone a an video awm chu an lo en bawk. Sarah hi video an siamsak amaw!
.
Sarah athutna a ka thuttir hnu chuan Gloria lam pan chuan ka kal a, midang ho chuan minlo melh thap. Gloria phone ken chu chhuh in video chu ka delete a.
.
"Min pe rawh". min lo pan hnaiin phone chu lak a tuma, dah hla hret in Gloria chu ka melh a.
.
"Pelo che ila engtin nge itih ang?". ka thinrimna avang chuan ka tawngchhuak tha theilo hial.
.
"Emma i chunga that ka chhuahlai hian min pe rawh,ani saw i engmah anilo chuvang chuan kan infiamna ah hian lo tel suh".
.
"Pelo che ila engtin nge itih chuan ang". Phone chu chhuata vawm in ka rap a. amitah tak chuan ka melh bawk . "Ani tibuai tur sawn engang chiaha huaisen in nge ilo inhmuh?".
.
"Khanglang che chuan". a kut min ben tuma alo lek chuan ka paihthla a, a awm ah nem in hnung lamah chuan a tawlh dawrh a.
.
"Engtin nge ani saw i khawih ngam zawk". Bang ngheng rawp chuan ka nawr bet a."Engtin nge i ngam?". a awm ah thamin a nghawngah chuan ka rek a, ka thinrimna avang chuan ka puakkeh lo chauh.
.
"Hey, duhtawk teh". Gloria thiannu chuan alo ti a. Gloria chu thlah in chunu samah chuan ka tham a, Sarah lam pan chuan ka hnuk phei bawk.
.
"Ngaihdam dil nghal rawh".
.
"Min thlah rawh". Pawr zeta minlo chhan chuan Sarah dawhkan ah chuan achal ka tauh a.
.
"Thlah nghal rawh". Principal tawngri ka hriatrual chuan ka kut chu muangchangin ka la sawn a.
.
"Engthil nge ti ni a in inhriat?". Gloria te thian za ho tap ta pur chuan min ti hrilhhai, an mittui far khat mah achhuaklo lehnghal.
.
"Ka office ah minlo zui ula athat ka ring". office lam pan chuan kan kal a.
.
Gloria te thian za ho insawithiam lai chu kut kuangkuah chungin ka thlir a, insawithiam tur pawn ka tawngchhuak theilo.
.
"Ani hian ti turin min nawrlui ani". Gloria chuan ati a, nui hul hak in a awm ah ka nem sawk, ka insum hmanlo takzet.
.
"Hmeli dawheh lutuk".
.
"Emma engtin nge ka hmaah khatiang khan i awm theih, kar khat chhung suspend ini chuan nangni pawh ni thum chhung suspend in ni bawk". director thusawi avang chuan sawi leh tur chuang pawh ka hrelo.
.
"Anni hian ka.....". ka nau tih ka tum rual chuan Sarah min ngenna chu ka hrechhuak zawk. "Sarah chungah mawilo takin an che ani, an sawisa a, video bawlhhlawh tak an siamsak bawk. i thutlukna ah hian i chian ka beisei". office chu ka chhuahsan a. Class room ah chuan lutin sarah tap chunga dawhkan bawh lam chu ka pan nghal zat.
.
"I bag la la, minlo zui rawh". Sarah chuan minlo melh deuh ha.amittui hrep hi.
.
"Emma engtia tih nge itum?". Laura chuan alo tih zawm zat.
.
"He khawpui ah hian he school chauh hi a awm em ni?". Ka bag chu la in Sarah chu ka kai a.
.
"Kan misualnu chu alo la pangai reng anih hi". Kan hnunga Jacob tawngri ka hriat chuan ka thaw halh. Ngaihven lo luiin school ground lam ka panpui nghal. Midang awm ve te khan min melh thap hlawm ani tih ka hria mahse ka bengkhawn lo lui hmak, tunhma atang tawh in misualnu tih bakin min ko ngailo, ka thinchhiat chu thuhran nk se, ka tawngtam lutuk lo nen ka nui khat bawk si, an mi hriatdan ah hian demawmna an nei hranlo.
.
"I tha em?". abag chu laksak in ka kensak a. a buk zeuh chuan ka nui sak a, atap pawh azia ta deuh, alex( ka driver) chu nghakin gate pawn ah kan thu a.
.
"Hei vang hian alawm ka nau ini tih an hriat ka duh, anni khan lutthar te tihbuai hi an hrat lutuk a, ka nau ini tihchu hria se an tibuai hauhlo tur che ania".
.
"Ka...ka. ka lawm e, khatiang kha ka vawikhat tawnna anih vang ani".
.
"Ummm tunah chuan engkim atha tawh alawm. school thar ah kan in sawn anga tha takin bul kan tan dawn nia".
.
"school thar ah maw? nilo patean min hmu tleu vek dawn asin, alaka mi pangai tak anga lan ka duh khawngaihin kan buaina hi chu sawichhuak suh an hriat ka duhlo".
.
"mahse Sarah....".
.
"Khawngaihin u". ughhh min u apiang hian tingemaw a ngenna tih hlawhchham hi ka hreh viau le!
.
"Emma i ..i tha em?". Ka lam pana hlauh thawn hmel zeta lo tlan chu ka melh a.
.
"Bin hetah maw?".
.
"Chu chu buaina anilo. ngatinge ,eng...enge i chungah thleng?". minlo thlek kual nghal thuai. Sarah chu ka melh a, kan buaina ka sawichhuak theilo chu ka thinrim takzet.
.
"Ummm engmah anilo".
.
"Amak, engmah min hrilh dawnlo anihchuan in director be turin ka chho ang". adin rual chuan ka ding a, aban ah ka chelh bawk.
.
"Ka tha lawm, nakin ah ka hrilh ang che". thaw halh in ahmui hnuailam apet zeuh a, min thlek vang vang in a nui ri hak.ngaihna hrelo zet chuan ka melh a
.
"I insual adik em? nilo tu emaw sawisak inei". ughh min hrechiang mah mah chu ani. min nuih vak avang chuan rum zetin ka melh a.
.
"Hey, a nuihzatthlak ami?".
.
"Nangte hi, tianga min ko tawhlo tur khan ka hrilh che" ka chalah chuan alo tuk kawrh a, ka lo tuai vat vat. "Khawvawh tehreng nen engtin nge kawrlum halo a i awm theih? i hnar asen vek alawm". a coat chu hlipin min hak tir a, ka dar tawn tawn ah chuan vuanin a tuai vat vat. "Insualmi tan phei chuan ithuamlum hi apawimawh ania".
.
"Thih i duh mi?".
.
"ka hria e". nui hak hak pah chuan ati a, anuihzatthlakna pawh ka hreve lo. Sarah chu melhin minlo melh leh a. "Ohhhh hei hi tunge?". ka la hrilhlo tak.
.
"Ummmm...ka patea fanu anih hi chuan Sarah hei hi Bin ohhh Edward". Sarah chuan mitkhap eihlo in Bin chu amelh char char, hetiang taka hmeltha hi chu tupawn luanliamna mitmengin an melh ang. Sarah pawh hi aluangliam ani tih ahriat, biak hre eihlo in Bin chu amelh char char.
.
"I sawi awmzia chu Pate John maw?". mak tizet chuan ati a.
.
"Ummmm.....athleng rang tehthut lutuka ka hrilh hmanlo che anihkha, chuan ani hi ka nau anih hi". nui var var paha ka tihchuan ka sam alo chul thur a.
.
"in buaina hi ka hrethiam ta chiah, mi i sawisak chhan pawh. hmeltha deuh pahnih sual bawk si buaipui tur ka nei tawh dawn anih hmel". Sarah bulah chuan athu hniama. "I tha em?". anuih sang a, Sarah biang sen tan tan chu ka hmu zui zat.abu zeuh ringawt.
.
"Emma nangmah ang thoa tawngtlem ani em?". Sarah nen chuan inmelhin kan nui hak a, ka lu ka thing mat mat, achhanchu Sarah hi hmeichhe harh vang tak ani tih ka hria..
.
"Ummm athat hlauh chu, i u ang em ema buaipui ngai hi chuan awm suh aw". Sarah samah chuan a chul a, ka lo nui liam mai thung.
.
"Khawngaihin thla min lakpui thei em?". Sarah in atihrual chuan Bin chuan minlo melh a, nuih insum zet hmel apu,kei erawh ka insum theilo.
.
"Sarah nitin deuhthaw in la inhmu dawn alawm". ka lo tihchuan aphone chu abag atangin aphawrh a.
.
"Naktukah enge thleng dawn kan hrelo chuvang chuan hriatreng ka duh". achhanna chuan min ti nui mawl tat. He naute hi adanglam reuh takzet.
.
"Ummm Emma..ka ngaina nghal der". Bin chuan minlo melh a, minlo nuih suk.
.
School a thilthleng chu Sarah ngenna angin ka nu leh pa te hnen ah ka sawilo, mahse ka rilru erawh adam zan lo. Bin hnen ah engkim chu ka hrilh a, hepa hian enge ahriat ka hre hrep lo, anuih aza tlat pek anihchu. Chu chuan min ti lawmlo takzet.
.
Sarah that leh thatloh hriat tumin a room ah chuan ka kal a, a inbual mek avang chuan akhumah chuan thu in phone ka khawih a, a lukham hnuaia thil var lo lawr chu phawrh in ka en a.
.
"Bin thlalak maw?". tisap pah chuan lukham chu ka keu a, Bin thlalak tam tak ka hmuh rual chuan phawk zetin ka meng nghal, engtin nge heng thlalak zawng zawng hi a neih theih?
.
"Engthil nge itih? Dah nghal rawh". Sarah tawng ri ka hriatrual chuan ka hawilet a,thinrim hmel zetin min melh bawk. Ka kuta thlalak awm chu alo phih thla hlawpa, ngaihna hrelo zetin ka lo melh thung. (to be cont....). :evil:

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » April 15th, 2018, 1:39 pm

Kookie's gf
.
"Sarah Bin thlalak hi engvangin nge i kawl". Mak tihna in ka la khat,achhanchu angaihsan vang ti dawn ila Bin hi celebrity ani hranlo a, an sumdawnna vanga mi hriat hlawh mai chauh ani si a.
.
"Ka phal na lo in ka thil i khawih tawh tur anilo". Chang fak chuan ati leh a, min ti hrilhhai takzet. Tuna ka hmaa ding Sarah hi chu ka nau lawmawm zet kha anilo, angeiawma hriatthiam ahar bawk,chuan min hrechiang tu te zawng zawng in an hriat chu hmeichhe ngeiawm leh chapo tak ka mil lo achhanchu chung mize thalo tak chu ka neih tlat pek vang ani.
.
Chhang buailo in ka kut ka kuangkuah a, kawngkhar lam pan chuan ka kal bawk.
.
"ka. .englo..ka tihpalh". hrelo ang hmiaha awm in ka kal lui a. "U khawngaihin min ngaidam rawh khatianga awm tur kha ka nilo mahse hei hi chu hriatrengna thilpek ania". ka ding dat a ka hawilet bawk.
.
"Enge i sawi awmzia?".
.
"Englo....ka thian pakhatin Edward hi aduh lutuka mahse Edward hian angaihven lo nilo in hriat pawh ahrelo chuan athih hma khan hei hi dah tha turin min ngen a". ka thaw deuh halh.
.
"Maggie kha ani tiraw, Sarah Bin hian Maggie chu ahre lutuk alawm khatiang taka nasa khan azui kuala Bin pawn chiang takin a hrilha mahse khanu khan mi à ang maiin a zui anihkha". Maggie leh Sarah an inhria chu amak ka ti letling zawk.
.
"Maggie i hria amaw?".
.
"Tehreng mai, sawizui ka peihlo.muttui le". Maggie hian Bin hi azui kual char char thin. pangai taka thu kan hrilh hnu pawn ahrethiam duh chuanglo, kei thleng thleng in min tibuai a, athi kha keini chuan kan hahdam pui khawp achhanchu ani khan kan nun a ti zalen hlawllo kan kalna apiangah min zui kuala akhamawm takzet.
.
"Kan inngeih tiraw?". inthlahrung zeta Sarah tawngri ka hriat chuan ka nui ri hak.
.
"Mawli, ka nau inia lawm". room chu chhuah san in ka room ah ka lut a.
.
Lehkha ka zir mawlh mawlh lai chuan ka phone bawk alo ri leh, vawm ka tum zet na in phone screen a hming inziak avang chuan vawm lo in ka pick ta zawk a, engthu pawimawh vak anih chu ka ring leh lemlo achhanchu Laura ani tlat.
.
"Emma ka message kha i en lo tih min hrilh hlek suh chuan nang hi itlai avangin i inchhir ani tih min hrilh bawk rawh". Ka tawng hma hauhin alo tawng nghal tawn tawn. Van hahthlak tak. enge a sawi awmzia ka hre maplo.
.
"Muangchangin sawi rawh". ka thil zir bih pah chuan ka ti a.
.
"message kha i enlo tak tak amaw!". Tui ka in mek avang chuan ka bu nghauh ringawt, van atthlak tak."Awle Bin leh Ashley an in date".
.
ka tui hmuam chu phuh in ka khuh bawrh bawrh. Phone chu dah in message chu ka en a, Ashley leh Bin coffee indun lai te, an lengkual lai te ani hlawm. Bin chuan nghet tih hriat zetin Ashley kut chu avuan a chu chuan ka taksa a tidanglam ka sa pup pup a, ka alh lo chauh. Laura chu ka call leh a.
.
"Engtin nge he thlalak hi ineih theih?". ka tawng zawnga ka thinrimna alanchhuahloh na tur chuan ka insum nasa takzet. ka kut chu nghet zetin ka hum a.
.
"Bawihi...lawmthu min hrilh rawh nangmah vangin ka bialpa nen kan inthen phah".
.
"Laura,thu pehhel ka duhlo ihria".
.
"Thinchhe si school atanga Sarah nen in haw hnu khan keipawh ka awm anuam theilo a, chuan Jonathan nen class kan tlanbo a, coffee shop kan luh rualin mipahnih inzui chhuak ka hmu a, Edward ani tih ka hriat avangin ka zui kual char char alawm. Jonathan thinrim pawh pawisa lo in itan ka kalkual hrep chuan ihria em Edward khan a duat hmel takzet".
.
"Ummmm anihchu".
.
"Maw??? Emma anihchu tih chauh maw? hey mawli harhchhuak ve teh i duh ani tih ka hria, khatianga ngaihsak lo ang taka i lan der kha atul lovang". Phone chu off in thlalak bawk chu ka en leh a, ka hmuh apiang chuan ka sa up up thei,ka chhungril atanga min hnawhtu awm hi engber nge anih ka hrelo takzet.
.
Lungawilo zetin ka mu a ka inlet tawn sek a mahse ka muhil thei chuanglo. Ka lukham chu pawmin inhnuai lamah ka chhuk hna hna. Ka thinrim lai hi chuan ka nu leh pa te bula ka awm tam hi atha ber.
.
Ka nu te room ka luhdawn chuan tumvang ni hauhlo in balcony lam ka hawithla a, tu emaw ka hmuh avang chuan enchiang turin ka pan hnai a.
.
"Akaltluang viau alawm,mahse inbiaknan helai hmun hi a remlo tih kan hriat angai". mipa tawngri ka hriat chuan ka ding dat a, eng chanchin nge an sawi tih hriat tumin ka beng ka chhi ran bawk.
.
"Lambert chhungkua hi ka hrechiang tawk tawh an fanu hi an engkim ani tih ahriat bawk, saw Emma-i saw ahmasa ber tur chu ani" .
.
"Nuteii maw?". Tisap pah chuan ka tawlhhnung a, ka bula pot chu ka nek thla palh a, akeh ri deuh thuai.
.
"Emma nang maw?". Pot keh ka chhar lai chuan nuteiin alo ti a ka dak chhuak vat."ahhh...ka...ka...ka lo tifai ang". ka bula lo thu hniamin pot keh chu a kutin a chhar khawm a. A tha khur hlek chu thup tum mahse ka hre hman tho.
.
"Thil tisual ang chiahin i awm ania". ka kut kuangkuah ran in ka ding a.
.
"Maw?".
.
"Tunge nichina i biak kha?".
.
"Ummm.....Tuna i hriat te chuan adik dawn lo asin, surprise tur ania,lo nghak lawk rawh". nui sang chuan ati a, ka ngaih atha thei tlat peklo. Tawng tuma ka ka ka an lai chuan minlo nam rawk rawk.
.
"Engthil nge itih?".
.
"Atlai tawh mu tawh rawh". ka room lam pan chuan min nawr a.
.
"Ka nu leh pa bulah alawm ka mut dawn". tipah chuan ka kalsawn a, ka nu te room kawngkhar chu ka hawng bawk.
.
Ka nu bulah chuan ka inthawlh that a,alo muhil leh pek tawh, mahse khawnge ka pa hi le! Mutthilh ka tum takngial chung pawn ka muhil theilo, nuteii leh mipakhat inbiakna khan ka rilru atibuai takzet. engvanga ahmasa ber ka nih tur thu sawi kha nge an nih le! chuan enge hmasa ber an tih khan kawh a tum le?
.
"Emma, che tawhlo teh". Minlo kuah pah chuan ati a.
.
"Khawnge ka pa hi?".
.
"Lehkha chhiarna pindan ah, min be tawh suh thawh hmat ka ngai". huizzzz ka nu nih hi.
.
Ka rilru kap tu avang chuan ka muhil thei meuhlo, Bin chu ka hrethiam thei mai zawk a, mahse ka nuteii thusawi kha enge a awmzia ni ta ang.
.
Zinglam dar 5 ah pawh chuan ka muhil thei hleklo, tho chhuakin ka inphih faia, ka walking dress chu inbelin ka bengah earphone ka vuah a, ka cycle chu nawrin in atang chuan ka chhuak bawk.
.
Zingkar boruak thiang tak chu hip vang vang in ka thaw halh a, ka rilru buai a fim phah chuanglo. Nuteii khan tunge abiaka engvanga ka chanchin kha sawi nge anih hriat ka duh takzet.
.
Thui fe ka walk hnu chuan park awm ah chuan chawl in ka thu a, coffee ka in bawk, hla ngaithla pah chuan ka chhing vang vang a, ka muhil tep tih ah chuan ka earphone tu emaw in alo phawn a, peihlo zetin ka meng bawk.
.
Bin leh Ashley ka hmaa ding ka hmuh chuan ka phu zawk. track suit inang an ha amaw! ka earphone chu vuah leh in ka chhing leh a, ka kut ka kuangkuah leh than bawk. an hmel hmuh hi ka peih hlawllo.
.
"Emma". hrelo derin ka awm ngai chuan ka awm a.
.
"Edward ka tlai palh ange". Ashley tawngri ka hriat chuan ka meng a, asam var seu leh ahmeltha zet te chuan ka pawi asawi hauhlo engvanga haw ve ta ngawt nge ka nih ughh ka à tawh anih hi. Kei hi ka thik tihna mi? awiii ateuhlo.ateuhlo lutuk.
.
"Ummm ka driver hian alo thlah mai ang che". Bin in atihchuan ka earphone chu la thla in ka ak a. Ashley chuan minlo melh deuh ha.
.
"Emma ka rualin lo haw ve ta che" . Ashley bawk chuan alo ti a, engtin nge ka hming ahriat zawk ni!
.
"Ka lawm e, ka kal tawh zawk ange". tipah chuan ka cycle chu nawr in hmalam panin ka kal lehta zawk a.
.
"Engthil in nge ka uite mood hi ti off a". Ka bula kutkuangkuah chunga kal chu ka melh zawka ka hawisawn lehnghal. A track suit var hak chu inhmeh viau mahse inhmehlo tih ka duh achhanchu Ashley nen inang chiahin an ha, ka ngaitheilo.
.
"I unaunu thar nen chuan in inhau em ni?". ka chhan loh avang chuan a chek ri tlak tlak a, ka lu chungah akut lo nghatin ka sam chu achul thur bawk. akut chu rang zetin ka vaithla a.
.
"Kan school ah ilo in transfer leh tih ka lo hria a". Engthu nge asawi hi! Engtikin nge ka in transfer ka hre miahlo. School khata kal ka duhloh avangin tuna ka school luhna ah hian ka in transfer zawk kha ania,engthil nge thleng. Ughhh ka nu bawk. ka cycle ah chuangin inlam pan chuan chak zetin ka khalh a.
.
"EEngthil nge itih?". Ka kawr hnunglam lukhuma alo pawh avang chuan ka tlu thuai.
.
"Min biakloh tak tak i tum ami?". amangang hmel zet hi.
.
"Ka be peihlo che,min kalsan rawh". tho chhuakin ka cycle chu ka nawr a, dan pagaiin minlo zui leh nghal.
.
"Keiman ka be duh che lawm". chhanglo in hmalam chu ka melh a.Minlo pawt dingin ka mitah chuan min melh ralh a, ahmeltha zet vanga ka tuiral leh hma in ka hawisawn vat.
.
"Emma engthil tehhrep in nge tibuai che a". ka dar ah chuan chelh in min sawih vaka , min vin vak bawk.
.
"I buaina tur a awmlo". thaw halh chuan dam dap in ka chhang a.
.
"I thinrim a, ka buai tur anilo mahse ka buai si anih hi. Emma Lambert thinrim apiang hian engvangin nge kei hi ka lo buai ve ziah ka hre hreplo". Ti hrawk pah chuan a inher a, akal nghal. Tunah khan avawikhat na atan min vin. nui hul hak in hnunglam atang chuan ka melh a.
.
____________________________________________
.
"Nu, biak lawk che ka duh".
.
"Lo nghak lawk rawh Emma". A product en chu a chhunzawm mawlh mawlh. Ka dawhtheihloh zia leh ka thinchhiatzia ahrechiang ber si a,engvanga min ti thinrim fo hi nge maw anih le!
.
"Ka phalna la hmasa lo in ka school luhna ilo thlak amaw? Nu amak Bin nena school khata kal ka duhlo". A laptop chu khup in athaw halh a.
.
"Emma,Sarah hnen atangin nimin a thilthleng kha ka lo hria alawm. Hetianga ka tihmai loh chuan inau tan hian ahimlo ani. Lambert chhungkua ami ani tawh miau a,azahawmna kan hum tel angai tawh alawm"
.
"Maw? "..Ka hrilhhai takzet,amah ngeiin ka nu leh pa bula engmah sawilo turin min ti kha ani si a .
.
"Bawihte, nangmah chauh in i insawn dawn hleinem inau pawh atel ve ang,hahdam takin awm rawh, saw school ah saw chuan Lambert chhungkua ami ini tih an hresa veka,ahahdamthlak daihzawk alawm,inthup renga awm te chu a hahthlak zawk ngawt lo ami? Atha em?". Ka biangah chuan alo dawm a.
.
"Sarah duhdan anih chuan". tisap pah chuan ka inhera.
.
"Ahhh...lawkin Laura pawh a insawn tak e, nizan khan minlo bia a". Ughhh henu tak hi chu, ka thih thlenga min zuikual atum amawni le! Lu thing mat mat pah chuan ka room lam panin ka chho a.
.
Ka khumah chuan thu in ka walk laia thilthleng chu ka ngaihtuah neuh neuh a,Bin thinrim hmel chu ka mitthla ah acham reng a, abo theilo chuan min ti hreawm takzet, mahse thinrim tur zawk chu keimah ka ni.
.
"Maw? Emma,engvangin,engvangin nge i thinrim ve ringawt". Darthlalanga ka thla lo lang chu zawhna ka zawt a. "Kei hian ka duh em ni?". tisap pah chuan ka in en vang vang a, ka lung arawn phu nghal dawt dawt.
.
Tunhnai atang khan ka en dan adanglam tih ka hria, tunhmaa ka awm ang kha ani tawhlo. Amah ka hmuhin ka lai a, mahse hmuh reng ka la duh tho. Chuan tunah hmeichhe dang nena an chanchin ka hria a, ka thin alo rim ve ringawt bawk.
.
"Kei hian ka thik ani". Ka thil ngaihtuah avang chuan ka ding ngil zawt a, ka biangah chuan na zetin ka beng bawk. "A awihawm loh lutuk".
.
"Emma engtik atang khan nge mahni a inbiak ilo chin tak a". Patean alo tihchuan ka phu zawk.
.
"Chuan,eng rilru pu in nge ka room kawngkhar kik lo a ilo luh?". ka kut kuangkuah than in, engahmaha ngailo anga lan der chu ka tum a,mahse chhungril ah chuan ka zak chem chem,lawkin ka thusawi kha ahre hman angem?
.
"Ughhh bawihte vawi tam ka kik alawm chhanna ka hmuhloh avangin ka ngaih athalo a ka lo hawng mai ani. Engthilin nge ithluak tibuai ni". Ka khuma thut atum chuan ka lo dang vat, achhanchu tumah khum ka tawmpui ngailo, Sarah chauh kha ala ni.
.
"Ohh tihpalh, ka theihnghilh leh thin". couch ah chuan athu a,ka thaw deuh halh.
.
"Engthil nge ni ta?".
.
"Ahhh...Emma aharsa ang tihchu ka hria mahse nang hian Sarah hi min enkawl sak thei angem ka tih awmzia chu i hriat angin nangmah angin vannei takin apiang velo a, ineih ang pawh aneilo chuan i thiam zatve pawh athiamlo a, ihriat aia tam ahrelo tih pawh ka hria chuvang chuan i puih ka duh ani. Tunah hian vanneihna atawng ve chiaha abawhpelh hi ka hlau em ani". Ka beng ka chhi kar a, mahse asawi tum ber ka la man fuh lo.
.
"Pate tlang takin i sawi thei em?".
.
"Sarah hi venghim rawh".
.
"Ughhh ka nau ania lawm chutiang chu ka hriatloh iring ami?". ka ban ka phar hluai a
.
"I hria a ka lawm lutuk ania".
.
"Ughhh.... i chhuak thei em khawngaihin school kal tura ka insiam hi a hun tawh takzet ani". Kawngkhar lam pan chuan ka nawr chhuaka.
.
"awle bawihi keimahin ka kal thei alawm".
.
"kawngkhar kik i theihnghilh tawhloh ka beisei". kawngkhar chu kalh in,intifai turin washroom ah ka luta, ka intihfai zawh chuan ka inthlak nghal malh malh. nikum lama ka uniform ka inbel leh ta mai chuan ka tah atichhuak hluah hluah. achhanchu saw school ah sawn hahdam takin ka awm ngailo. Lambert hospital neitu fanu mal neihchhun ka nihna hian tupawh ati à vek ani,kei ber ka at miahloh laiin engvanga lo à daih nge an nih ka hre hrep lo.
.
"Good morning bawihte". ka pa in alo tihchuan nizan ah room ah amulo tih ka hrechhuak chiah.
.
"Morning chuan pa tinge nizan?".
.
"Ummmm....lehkha chhiarna pindan ah ka lo muthlu palh a". Ka nui ri hak,avawikhatna anilo miaua.
.
Pawnah chhuakin Alex chu ka melh kuala, ka hmu miahlo. Rei vaklo ka nghah leh hnu chuan gate a alo tlan lut chu ka hmu a. Ka bulah chuan alo ding chawt.
.
"Alex,eng chhuanlam nge i neih?".
.
"Ahh Emma Sarahi khan zingtin amah ka thlah hmasak a ngaih thu asawi a,chuan lohruai tur che a ka lo let leh angaih tur thu nen".Lo chhuakin kawngkhar minlo hawn a.
.
"Awle,kal tawh ang". school lam panin kan chhuak nghal. School building lian leh ropui zet mawi em em leh khawvela ka school huat ber hmaah chuan ka ding ran a, building chu gate pawn atangin ka melh rawm rawm bawk.
.
"Wow Emma nangmah ini em?". hmeichhe thenkhat chuan minlo pan a.
.
"Hetah ilo lut leh dawn amaw". ughhh ninawm."Khawnge Edward vawiin alo kal dawnlo mi?".An ti leh tan ta. Helai hmunah hian ka zalenlo tih ka sawi tawh em?
.
"Minlo hrethiam rawh u". gate chhungah chuan ka lut a.
.
"Kan misualnu chu alo kir leh ta". ka koki hnunglamah chuan minlo su chawrh. Kha mihring nghal lutuk leh hmelchhe lutuk min runluih lo a awm thei miahlo Fernando pawh kha he school ka tlanbo san chhan ani. Mahse kha kha chu aninawm dan azia, min tlawn huam huam velo a,min ti ve chung chung lo bawk. Mahse ka sual thu leh ka chimawm thu asawi fo, ama nihna hre chang leklo in,zaktheilo hian.
.
Class lam pana ka kallai chuan tu tu ten emaw minlo be khawtawi a, athen in min phun khum sep sep. ughhh ka nu hi ka hua, Sarah pawh. Jail ah min khung ani ringawt alawm.
.
"Hi...Emma". Hnunglam chu ka hawi vat. Laura hmel ka hmuh chuan ka nui var var a, Bin leh Ashley abula ding ka hmuh erawh chuan ka nui tawp tat. Ashley hi he school ah hian akal amaw! Bin ka en chuan min melh hauhlo in phone a khawih a,Ashley pawh chu angaihsak hmel chuangloh.
.
"Ka nu hnen atangin ka lo hria a, awmlo la chuan ka thi thei mai ang". minlo pan hnaih chuan ka kuah nghal vat. Bin chuan minlo melh zawka, ahawisawn lehnghal. Lawkin tunah mai khan kei hian ka lo melh char char a,chuan Bin kha ahawisawn zawk chu ani amaw! Huhhh khawvel hi atawp dawn tawh em ni!
.
___
.
"Emma saw saw Sarah anilawm ni?". Laura kawhna lam chu ka hawi a. Sarah leh Bin school hnung thingbuk hnuaia an thudun chu ka hmu a, ka ner sak. "Emma, inau ani tawh tihchu ka hria mahse henu hi ka rin zawng ani hlawllo".
.
"Atawk, bawihte chhuk ang". Inhnuailam pan chuan kan chhuk a. Kan lam pana step a lo chho chu ka melh a, Laura chu ka melh leh zeuh,ka nui ri deuh hak achhanchu Alex hi Laura hian a zuikual nasa thin takzet. He school nuam atih em em chhan pawh hi ani miau a. Khuh kharh kharh in Alex chu ka melh a."Tha takin le".
.
"ila chimawm reng anih hi". Ka hmai zawnah akut chu alo lek zeuh a,ka lo nui ri deuh hak. Laura lai hmel chuan ka nuih atiza takzet achhanchu Alex hi mipa dang ang ani miau lo. Mihring chimawm tak leh misual tak anga min hmu tlat tu mahse ka buaina chawh chhuah apianga inrawlh ve ziah ani. A hmelthat mai bak ah chhungkaw namai lo tak atanga chawrchhuak ani. British nu hmeltha tak leh Chinese pa hausa tak te thlahpawlh fapa ani bawk.
.
"Nang........".
.
"Atawk i thusawi ka ngaithla peihlo. Edward nen in inhau em ni? I chanchin sawiin a nui hmel atawp hmak zel a". Edward nen an inkawm thin tih ka sawi tawh em!
.
"I buaina tur a awmlo". ka kut kuangkuah in ka chhuksan nghal.
.
"Kan misualnu chu le'h". aphun ri sup ri chu ka hre zui zat. Bin nena kan inkar mi zawng zawng in an ngaihven hi ka ngaitheilo. Engpawh thleng se engvangin nge an lo buai?
.
Class room ka thlen chuan ka table lam ka pan nghala, ka earphone phawrh in ka bawk thlawp. Ka ni hman ninawm lutuk hi zo vat se ka duh. Ka kalna apiangah an phun sap sap renga,min enthla reng niin ka ngai bawk.
.
"U". Sarah tawngri ka hriat chuan ka dak chhuaka. ka hmaah alo ding ran bawk.
.
"Ummm.school hi anuam iti em?". nui var var pah in ka bulah alo thu a.abu deuh nghat nghat.Nge maw ahlim viau le!
.
"Ihhhh thil zawh duh che ka nei a".
.
"Sawi la".
.
"Edward hian bialnu anei em?". Ngatan nge maw atih chu le ! Ashley ka lam pana lo kal chu ka melh zeuh.
.
"Sawsaw". Ashley chu rum zetin amelha, enge a awmzia hi?
.
"Ka lo thu ve thei em?". Ashley in alo tihchuan ka lo nuih sak a, thu turin ka signal zeuh. Sarah bulah chuan athu a, min hmachhawn ran bawk. Engvanga Sarah hi thinrim hmel viau nge anih pawh ka hrelo. Ashley chu mitkhap eihlo in ala melh char char.
.
"Ummm..Emma ka birthday party ilo tel ve theih chuan ka lawm ngawt ang".
.
"Ohhh...Happy Birthday".
.
"ka lawm e, chuan ilo tel thei angem? khawngaihin".
.
"Ahhh...Ashley ka...ka tihpalh ka tel thei lo ang".
.
"Khawngaihin Edward pawh alo kal dawn tho a". Ughh Edward nena an khawsa lai ka hmuh peih a ring reng reng emawni le!
.
"Akal theihloh thu asawi tawh chu i beng achhet ami?". Sarah chuan ha sehchilh rap in alo ti a, angaihna ka hrelo takzet,engvanga Ashley chunga thinrim em em hi nge anih, alandan atang hi chuan a nelawm lemloh takzet.
.
"Ahhh ka tha lawm Sarah". Sarah chu bengdaih ka tum a, Ashley hrilhhai hmel avang chuan ka inthiamlo takzet.
.
"Emma henu hi ithiannu em ni?".
.
"I hriat atulna a awm lo". Sarah bawk chuan minlo chhan khalh a.
.
"Min lawm vaklo anih hmel ah ka tihpalh ani party a ilo kalve duh takin ka tia". inthlahrun hmek tak chuan Sarah chu achhanga.
.
"Nanga party buatsaih holam zet ah khan tunge kal peih se itih?".
.
"Atawk Sarah, Ashley ngaihdam ka dil sak e, khawngaihin kal tawh zawk mai rawh".
.
"Emma hetiang taka hmeichhe nungchang mawilo hi i kawm ka lo ring ngailo asin, i hnaiha an awm ngai pawh ka lo hrelo". Ka zak chem chem a, khuk ral daih ka chak bawk. Sarah kutah chuan chelhin ka pawt tho a, washroom lam ka panpui bawk, helai hmuna mi te hian min enthlak reng avangin mi hmuh laia mualpho ka duhlo.
.
"Min ti zak ani tih i inhria em?". akut chu ka thlah a, thinrim zetin ka melh bawk. "Sarah, Lambert chhungkua ah itel tawh tih hi hrilhnawn kher ngai suh, i hmingchhiatna chu kan chhungkaw hmingchhiatna ani".
.
"Edward bialnu anihkha chu ringawt pawh chuan ka thin atirim".
.
"Ughhh.. engvanga chuta lo buai ve chu nge inih? An duhleh in date se chung ah ilo buai ve atullo, ahrim hrim ah Edward chuan azalenna chen turin a duh duh a kawp thei".
.
"Chu chu ka remtih i ring ami?". Washroom atang chuan achhuak a, ka ban phar hluaiin ka nui hul hak. Sarah mize danglam tak hi ka man phak velo ani. Achangin a lawmawm a, achang leh tunge anih tih hriat miahloh khawpin a hlauhawm bawk. Tun maia thilthleng ah phei kha chuan ka nau ani em tih pawh ka chiang lo, chu ai mah chuan engvanga Bin hi ngaihven viau nge anih? a thlalak tam tak akawl a, apha mar mai a mahse tunah a mimal nun lehzel ah a inrawlh a, hetianga inrawlh tur hi chuan an la inhnaih tawklo.
.
Mood fuhlo zetin nileng hun chu ka hmangral ve thei hram. Laura nen chuan inkuah in gate lam kan pan a, vawiin chuan pakhat in kan tam belh, Alex an kan hnung lamah minlo zui ve zel.
.
"In inkawp tih min hrilh hram teh". Fiam ti tih in abeng bulah chuan ka kun hniam a.
.
"Kan inkawp thuai ang". kei aia zawi mah chuan alo phun a kan nui hak hak. Hnunglam atang chuan tu emaw in ka bag ah alo pawt a ka ding deuh chawt.
.
"Alex, i kut hi ila thei em? khawngaih takin". ha sehchilh rap chuan ka ti a. ka thaw deuh halh. Hei hi ka ngeiawmna chhan pakhat ah an puh thin, tuman an duh hun hun ah min khawih ngawt tur ani lo.
.
"Vanduaithlak takin kan misualnu hi tihian ka khawih ve ngam teuhlo". Alex chu ka hmaah nui var var in aban alu chung lama phar in alo ding a, anihchuan ka hnunga awm hi...........
.
"Khawngaih dil nachang ilo hre ve tawh amaw?". Ka lungphu ri nghal dawt dawt chu a sawt chhuak mai dawn in ka hria. Ka bag a vawnna chu thlah chuang hauhlo in hnunglam atang chuan ka hmai zawnah a lo kun a, min nuih sen sen avang chuan ka thaw achham leh mai dawn.
.
"Bin". tisap pah chuan ka tawlhhnung a, kan hnaiha naupang dang awm te chuan minlo melh thap hlawm. Movie hmuhnawm tak en ang mai an ni. Lawkin hepa hi ka chungah athirim anilawm ni!(to be cont.........)

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » April 15th, 2018, 1:39 pm

Kookie's Gf
.
"Ramhuai i hmu emaw an ti nge". ka bag ah lai chu minlo laksak in a ak zui zat. "Kal ang". ka ban ah lo chelh in min kalpui nghal dawr dawr. Hetianga atthlak taka keimah chauh min ngaihtuah anga a awm hian ka tuiral thin.
.
"Tikha chuan ahma ang chiah kha in ni leh tawh". Alex chuan alo ti deuh lang lang.
.
"Ramhuai pitar leh utawk lalfapa, ughh rapawm kal ang". Laura chuan min kalpel pah chuan alo ti a. nui ri hak in gate pawn lam pan chuan an kal a, kan zui ve mai bawk.
.
"Heng ho tan hian hmuhnawm i siam tih i inhria em?". Tipah chuan Bin chu ka melh a, nalh fahranin minlo nuih a. Kha pawh kha luanliamna tham diktak ani.
.
"Hrim hrim in i thinrim viau khan ka hre sia".
.
"Nangte hi, engtin nge hetiang tak hian i thinchhiat theih?". Min vawnna chu thlah in ka hmaah chuan a dinga.
.
"Maw??".
.
"Ka sawi awmzia chu kan naupan lai atang tawh in atlawm zawka tan i tum ngailo, inhauhna i chawk chhuaka, min chinfel tir ziaha". aban chu phar kak zeuh zeuh in achezia nen asawifiah a, a hmel landan nuihzatthlak zet avang chuan nuilo turin ka insum nasa takzet. Bin hi atlawm ngailo. ka lak ah tihloh chuan!
.
"I laka tlawm hrehlo an tam alawm, an ni chu buaipui la ti nia". ngeiawm taka ka chhan vang ani mahna, ner sakin ka bag chu ka nghawngah alo dah lut a.
.
"Emma Lambert an ni ve hleinem". a ipte zenin hmalam panin chak zetin a kal zui nghal. Hnunglam atanga apian landan nalh zet chu thlirin ka luangliam lehnghal der,a kekawr hak zuih tha zet leh a kamis taksa phuar tang te chu ani ang pian nalh tak nei tan lo chuan inhmeh har tak tur ani. Ughhh kan school uniform hi atana an siam emaw tih mai tur ani bawk.
.
"Hmanhmawh teh". Lo hawi let in minlo huih zeuha, ahmel zet hi! Mi aikaih thei khawp hmel apu ka tilo athat teh vut pawh ka hre chuanglo mahse amahah hian engemaw danglam tak a awm ani. Chuthil chu enge anih ka hrelo mahse mipa zawng zawng in an neilo tih erawh ka hre chiang hle.
.
Car a kan luh hnu chuan eng eng emaw sawiin kan titi a, ahma ang bawkin kan nui dun leh hak hak. Bin ani miaua abulah hi chuan ka nui reng thin.
.
"Thil hrilh tur che ka nei a".
.
"Sawi la". amah pawh en lemlo chuan ka phone ngawt chu ka melha, minlo chhuhsak in adah nghal hmak. Hrethiamlo zetin ka melh deuh ha.
.
"Thu pawimawh sawi dawn chuan inngaihsak tur".
.
‎"Mahse..... ".
‎.
‎"Nanghian biak peih midang i nei ve reng reng ami? " ngemaw ahriat le.
‎.
"Tha lawm,sawi la". ka kut kuangkuah in ka bawp ka khawkherh than a, amitah ka en kalh bawk.
.
"Naktuk hian ka causin pualin party kan buatsaih dawn a?".
.
"Chuan.....".
.
"Lo kal turin ka duh che".
.
"Bin party ka ngaina lo ihria, aboruak ring lutuk leh uap lutuk te......".
.
"Ka hria mahse lokal tur chu Gin alawm Gin Frost ka patea fapa, inhmelhriat ula ka duh".
.
Gin Frost hi ka la hmu miahlo mahse, a chanchin erawh ka hre nual. Germany a khawsa Construction company lian tak neitu leh Designer lar tak fapa mal neichhun leh duatsual ni bawk,tleirawl kum 16 mi harh leh chimawm zet,naupan tet atanga awmpuite tibuailo a awm thiamlo,a luhlul lutuk avanga apa in a hrem fo mahse a luhlulna sim duh chuang miahlo,lehkha erawh a thiam thei viau chu zawng chu achanchin ka hriat ani.Ohhhh,music angaina viau bawk ani awm e. A mizia atang ringawt pawh chuan ka ngainat zawng anilo nghal ngawt. Mipa chimawm lutuk hi ka mil chi an nilo reng a.

"Awle, mahse atawp thlengin ka awmlo ang, chuan i causin chu chimawm lutuk lo turin ilo hrilhlawk bawk ang...."
.
"ahmel i hmuh hunah tunge iluangliamlo ang tih hria,tleirawl ho lak ah atla na viau ania". a mit kotlang san zeuh pah chuan ka chhanna angaichanga.
‎.
‎"Nia, ahriat miahloh" Ngeiawm zetin ka lo runluih let ve a, a rinloh deuha ka chhan vang nge ka hrelo, tum hmukin a sana a bih a, tukverh lam ahawi ta daih.
‎.
‎"Mipa alo hre ve tan tawh anih dawn hi, la naupan tehlul nen" amah leh amah inbia a ang zawk mah.
‎.
‎"Min bia nge nangmah i inbia"
.
"Ka hre biklo" mi pawh melhlo chuan ahan ti leh a, ka nuih aza ka nuih aza ru tlat pek.
.
"Anihchu....... Takin Ashley nen khan in in date ami? " thutak fe chuan ka zawt a. Lo hawiin ka kut chu a en a, ughh ka kut zungpui ka lo sik leh tawh. Chinthan thalo tak ani. Nui sukin lehlam ahawia
.
"I ngaihven ve hman ami? "
.
"Tehreng mai, ka unaupa inia lawm ka hriat vek atul bawk"
.
"I fiamthulo tiraw, unau anga...... " chawl datin aban aphar zeuha "I ti dik" ati ta daih.
.
"In inhmeh khawp kha" ka phone chu ka bih leh ta daih, ka thusawi avang chuan arukin ka tang teuh mai.
.
"Emma lambert " ka dah chhuah rual chuan hnai deuh chet a alo kun chu ka hmu zui zat.
.
"Enge? "
.
"Mipa ho in ramhuai pitar tiin an ko che tih i hria em? " min nuihsawh zet chuan ahan ti a, ka lo haw em em ringawt.
.
"An duh leh tise enge pawi"
.
"Hetianga i mize khirh lutuk nena i awm reng anihchuan keipawn ramhuai angin ka hmu thuai ang che" nuihza insum zet hmel apu.
.
"Edward". ka hrawk deuh vak, anuih ka tiza zual emaw tihmai turin ala awm zui.
.
"Tunah khan Edward min ti em?".
.
"Theihnghilh teh, ka lut ange". Tipah chuan car atang chuan ka chhuaka.
.
"Takin Sarah hnenah khan naktuk chu ka hmanloh tur thu minlo hrilhsak dawn nia, tihtur dang ka nei a" . Ka chhan hma hauhin atlan nghal. Sarah nen tihtur an nei amaw?
.
Inchhungah lutin ka room lam pan chuan ka kal a, kan in reh lutuk chu dan pangaiin ala reh, chhungkaw member kan pun hnu hian thawm kan neih ve deuh ka rin tehlul nen, areh ngaiin a reh reng tho.
.
Ka pa hna ah akal a, ka nu pawh chuti bawk, ka nu hian mall liantham tak ka hming chawiin anei tih ka sawi tawh em? A dawr hi luahtu an tam avangin thu mai mai hmanin a khawsa lo. Ka patean asumdawnna a enkawl chho leh bawk a, nuteii erawh chuan enge atih ka hriatpui lemlo. Sarah erawh inbul leh achhehvel thlek kualin abuai thei viau, a nun danglam ta thut hi ahrethiamlo ani mahna.
.
"Lehkha chu ka hmu zolo, a awm tih i chiang amaw?". Ka pa lehkha chhiarna pindan atanga thawm rawn chhuak avang chuan ka ding chawt a, tawngri chu ka ngaichang bawk.
.
"Enge ka tih theih ala hrelo ani mahna, lehkha chu ka hmu anihchuan he in a kan awmreng hi angai hauhlo ang". Nuteii aw ani tih ka hriat chuan ka pa pindan lam chu ka pan a, kawngkhar chu hawng zau hlekin nuteiin ka pa lehkhabu dahna ahai hnawk chiam chu ka hmu zui zat,phone ah chuan tu emaw abe pah a, eng lehkha nge azawn tihchu ka ngaihtuah neuh neuh. chuan engvangin nge he ina an awm reiloh tur thu kha asawi.
.
"Enge hetah itih?". A hnungah chuan ka ding ran a, phu dawrh in aphone chu athlauh a, alehkhabu ken chu chhuatah atla ri dawt bawk. alung zawn chu adawm a, atha khur der der pawh chu ka hmuh hmaih lo.
.
"Em...em..emma". bah nak a, ka hming alam rik rual chuan a phone chu ka melha, tunge abiak tih hriat tumin a phone lam chu ka pan bawk.
.
"Khawih hlek suh". minlo vin tuarh in alo la nghal vat. rum zetin min melh a, ahmel chu arapawm hial zawk.
.
"I tawngri kha ka hria, ithusawi te pawh, eng lehkha nge i zawn? chuan tunge ibiak kha".
.
"Enteh naupang i hriat atul anihchuan ka hrilh mai ang che, khatianga mi hnung lam atanga zui ruk kha ching tawh hlek suh". A tawng hlawk hlawk a, kawngkhar lam pan chuan akal hmawk hmawk bawk. ka ngaihtheihloh dan takin akhawsa ani.
.
"Nute, engthil nge tih itum chu ka hrelo mahse ka chhungte hi tihnat itum anihchuan ka chhuah hauhlo ang che". kalpel in ka room ah ka lut a, khuma thu in thilthleng chu ka chhut kual neuh neuh, ka thluak tibuai tawk chiah in thil ka hria a, chu chu aninawm nilo ahreawm.
.
Ka room kawngkhar arik kerh kerh chuan lut turin thu ka pe a, Sarah alo lut zui zat. School a kan boruak chu ka hrechhuak zawk a, mahse tunah chuan azia tawh anih hmel.
.
"Sarah engthil nge ni ta?".
.
"Vawiin avang khan ngaihdam ka dil duh che a".
.
"Apawi hleinem, mahse miin min tihbuailoh hi chuan an chunga sual ngawt hi atha ngailo nia bakah party ka ngaina lo kal turin thu ti tlu mah ila atul fe ah lo chuan ka kallo ang". nui sak pah chuan ka ti a, ka sneakers chu hlipin ka mawza chu ka phelh pah bawk.
.
"Ani khan ka pawi asawi alawm i hriatthiam phak baka nasa in". nui ri hak paha atihchuan amah chu ka melh zawk.
.
"Ipawi sawi turin vawiin kha ivawikhat hmuhna anilawm ni?".
.
"Mmm....aho tuk Bin hi ingaihven lo tak tak tiraw?". ka tui in chu ka phuh chhuak thawt. ka hak bawrh bawrh a, ka hnungzang ah chuan alo chum nghal bawk.
.
"Engvangin nge chu chu hriat i duh?". khuh barh barh pah chuan ka ti a.
.
"Ngati vak mah, angaihven hmel em che a". Ka painting tar thenkhat thlek pah chuan ati a, amah chu ka lo melh veng veng thung. Engatinge Bin hi angaihven viau le!
.
"Sarah".
.
"Ummmm".
.
"i duh em ni?". Nui sak in ka bulah alo thu a.
.
"Duh i phal em ni?". Ka ngawi vang vang a, areh nghal duak in ka hria, chhan dan tur ka hrelo ani. Sarah hi ka nau ani tawh miau si a.
.
"Chhuak tawh rawh ka intifai duh". tipah chuan kawngkhar lam chu ka melh a.Thudang ka sawi tak daih vang ani mahna ahmel insiam dang nghal rawk pawh chu ka hmu hman.
.
"Emma, i unaupa angin ngai reng la ka duh". tipah chuan achhuak nghal. Sarah hian a ngaihven tak tak tihna em ni le!
.
Ka lung zawn phu dawt dawt chu dawm in darthlalang ah chuan ka in en a, keipawn ka unaupa angin ngai kumkhua thei ila ka duh mahse ka thei miau silo hi ka buaina chu ani.
.
Washroom ah chuan lutin tui lum ah chuan ka inchiah a, ka mit chhing vang vang in ka inngaihtuah neuh neuh bawk. Chhanna ka hmuh awm chhun chu zawhna chauh ani.
.
___________________________________________
.
"Nu".
.
"Ummmm".
.
"Nute Reina hi mitha tak aniin i hria em?".
.
"Ummmm". Ka zawhna angaihsaklo ani tih hriat zetin a laptop chu akhal zui mawlh mawlh.
.
"Nu..Amak, ka thutak ania".
.
"Ohh enge i zawhna khah?". adah ve ta hram.
.
"Nuteii hi mawle, hmanni khan ka pa lehkhazirna pindan ah alo awm a, chuan eng lehkha emawni azawng bawka".
.
"Min hrilh alawm, chuan ka phalna thlap in azawng bawk".
.
"Maw???? mahse ani khan he chhungkua a a awm rei angaih tawhloh tur thu phone a ami biak ahrilh alawm". room kawngkhar chu alo ri dat dat a. Lut turin ahrilh nghal bawk. Nuteii kawngkhar atanga alo lut ka hmuh chuan ka lo melh kalh a.
.
"Breakfast a ei theih tawh e".
.
"awle, kan lo kal ang".tipah chuan nui sangin ka nu chuan achhanga.
.
"Mahse nu...."
.
"Emma bawihte itan pawn aharsa ang tih ka hria mahse hei hi chhungkaw diktak chu ani. Mi tha tak ani bawkin ka hria". Nuteii chuan kawngkhar khar pah in ngeiawm fahran in minlo nuih a, ka huattawk atling em em. Inhnial buai ka peihloh avang chuan ka room ah chho in ka intifai a, school kal turin ka insiam lehnghal malh malh.
.
Hetiang taka rilru buai leh mangang hian ka la awm ngailo, nuteii thiltum hi engchiah ngemaw anih le! Patea ka biak mai atha ang, Sarah lah in anun hlimawm takin ahmang tan ani si a, ahriat ka duh bawk silo. Midang ho in an hriattam hmaa ka chinfel angai dawn ani.
.
Ka sam chu bawk fai vekin ka hmai ah cream ka hnawih a, lipstick dal raihin ka hnawih bawk. ka muffler senduk chu awrh in coat ka ha a, ka sneakers ka bun hnu chuan ka hman leh der, ka phone ri ral ral chu ka en a, ka pick nghal vat.
.
"Bestie, ihman em?". Laura chuan thawveng tih hriat zetin alo ti a, henu mak ve deuh na chu mangan lai ber pawn anui reng thei, a tap zo hlim pawh anui lehnghal thei, amizia a ka awh em em ka neih ve miahloh chu a eng zawnga thil a thlir thiam lutuk hi ani.
.
"Ummm ka lo chhuak chiah". tipah chuan room atang chuan ka chhuaka, Sarah in ka driver leh ka car a hman avangin Laura nena kal rual hi kan tum tawh ani.
.
Gate ka chhuahrual in car dum nalh zet chu ka hmu zui zat. Laura hi fanu mal duatsual leh tar lam fa ani tih ka sawi tawh em! Aduh apiang an tihsak ani ber.
.
"A thar ilei amaw?". tipah chuan a car chu ka thlek kual a.
.
"Ummmmm.....vanneihthlak takin hmanni test na ah khan ka pass ve nawlh sia, ka pa lawm lutuk luangliam in ka duh ber gift atana ka thlan theih tur thu asawi a"
.
"Ughhbag emaw thawmhnaw emaw ingen mai theilo mi?". Nui ri hak pah chuan ka ti a, diktak chuan anu leh pa hmangaihna remchanga ahmang leh lutuk hi atha ka tilo.
.
"Aho tuk..Dam chhung areilo kal ang". A driver chuan kawngkhar minlo hawnsak a, ka lut nghal vat.
.
"Ilo lut dawn nge kan kalsan dawn che". Laura chu ka melh a, kan hnunglam chu uluk em em in athlek thung.
.
"Ka mumang ani em? utawk lalfapa leh Ashley car atang sawn an lo chhuk ania".
.
"Maw??????". tipah chuan ka hawilet a, kan lam pana Bin leh Ashley rawn kal chu ka hmu nghal. Eng vanduaina nge zing zing ah ka chungah thleng dawn ni. Thawh fuh tawhloh nen, khamawm lutuk.
.
"Hey good morning". Ashley chuan glass alo tuk kerh kerh a, Bin leh Laura chuan minlo melh reng. ka chhuak duhlo. thih hrehin ka hreh.
.
"Ahhh...morning". nui lui sak pah chuan ka ti a.
.
"Lo chhuah i tumlo mi?". Tipah chuan Bin chuan kawngkhar alo hawnga min pawtchhuak nghal lawp.
.
"Edward dim ve la". Tuna Ashley tawngri kha engatinge angeiawm tlata ka hriat le! Nuih insum zet hmel ala pu zui.
.
"Enge in lo tih?". ka tawngkam hman chu a hawihhawm lemlo tih ka hria,mahse tuna hawihhawmna chhuah chu a tul ka ti lemlo.
.
"Amak.....Emma school kal turin ka lo sawm dawn che" . Bin chu ka melh zawk a, abula ding a kut vawnsak rengtu mitmeng ngeiawm zet pawh chu ka hmuh hmaihlo. Nidang ah chuan a pangai in afel ka ti viau, vawiin ataka min runluih anga a awm tlat hi ka hrethiamlo. A kut vawnsak tehtlat pawh hi a tullo.
.
"Vanduaithlak takin Laura nen kal kan tum. Anih phawt u". car ah chuan ka lut a, laura alo lut ve hmak. ka chetdan atthlak zet avang chuan an hmel landan tur hmu tur pawn ka dak chhuaklo.
.
"Engvangin nge i duh tih i hrilh mai loh a?".
.
"I hria em hetiang tur atan hi chuan ka la naupang mah mah ani".
.
"Ughhhh Emma.......keipawn 4 lai ka nei tawh. i naupang tawhlo, buaina zawk chu i duh tih i pawm thei tlatlo hi ani". Ka ngawi vang vang a, chhanna beisei takin min melh thung. Mahse sawi tur ka hrelo atin ni.
.
School gate kan thlen chuan kan chhuk a, gate bulah chuan dingin Laura insiamtha lai chu kut kuangkuah meuhin ka en thung. Bin leh Ashley car atanga an lo chhuk ka hmuh chuan ka dinnna atang chuan mitkhap eihlo in ka melh a, ka lungphu danglam nghal chu thunun tumin ka lung zawn chu ka dawm vang vang bawk.
.
"Tikhan awm suh....Thi tur i ang nia". nui ri hak pahin Laura chuan alo ti a. Ka nuih erawh aza ve hauhlo. hlauhthawnna nasa tak ka nei zawk ani.
.
"I hria em? ahmel ka hmuh apiangin ka lungphu adanglam a, ka lungphu phu rang lutuk hi ka thunun zolo chuan saw nu sawn inti neitu tih hriat zeta aban avawn tlata min nuihsawh kual vel hian ka puak darh lo chauh". Ka in ang thinrim chawp niber in ka hria, inherin ka kut ka kuangkuah a, hmalam pan chuan ka kal hmawk hmawk.
.
"Wow....wow. ....wow......Emma lambert chutiang em em te chu, heti khawp hian animaw i thikthu alo chhiata". minlo um pah chuan min deuhsawh zet chuan anui pah a, ka haider char char. Laura hnena ka inpuan ruala ka chunga thleng tur ani tih ka hrelawk vek. henu hian mi tihzah leh mi hmuhsit te, thamlo taka mi tihchu a thiam lutuk ringawt.
.
Class ah nileng hun kan hmang a, Bin leh Ashley awmdun lai pawh duh vang ni hauhlo in ka hmuzing viau. Engahmah a ngaihloh ka duh a mahse ka chhungril hi atawt up up si ani. Mak deuh chu Bin leh Ashley awmna hmun apiangah Sarah alo awm tel ve zel.
.
In lama ka haw hma in piano class darkar hnih ka kal a, inlam pana ka haw meuh chuan khua atlai ta viau. Zan lam party a kal ka la ngai zui. ka chau takzet. Ka birthday party ah takngial pawh ka awmtluan peihlo ania, zanin kan mi chimawm puala party ah phei chuan ka thi thei mai ang.
.
Inthlak fel in inhnuai lamah dinner ei turin ka chhuk a, min nghakin an lo thu thap tawh. Ka nu leh pa inkar ah chuan thu in kan ei nghal mawlh mawlh. Nuteii chu ka melh zawka, engvanga a mitmeng hi verther ti viau nge ka nih pawh ka hre biklo. mahse a meng hrek hrek a, thilsual ti ru reng hmel hi apu.
.
"I piano class kal chu i hlahlawkpui em?". ka pa chuan alo ti a, ka lo bu zeuh."Karleh hian hnathawk te pualin party kan hospital in a buatsaih dawn a, zahawm taka kan chhungkaw nungchang kan chhawm atha ang, milian tak tak an lo kal khawm dawn ania,min ti mualpho zawngin awm suh ang che u". Tih zawm zat pah chuan ka nuteii leh ka patea te chu amelh zeuh . Ka pa hian tun thleng hian ala lawm lutuk lo mahse apawm ve tial tial ani. Chuan kan chhungkaw hming tihliau zawnga an khawsak ai chuan paihchhuah mai aduh ang tih ka hria ka patea tiamin. Achhanchu Lambert chhungkua in akentel chu zahawmna ani.
.
"Takin bawihte zanin party chu kal itum em?". Ka nu chuan alo ti a, kallo thei ila ka ti takzet.
.
"Ummm...ka hrelo le".
.
"Mahse Edwardan ka lo lam ang ati che a".
.
"Ka hria lawm.....Party ka ngaina lo ihriat kha". Tipah chuan ka tho a, ka khamsan bawk. Ka room lam pan chuan ka chho a.
.
"Eng party nge in sawi chu?Edward birth day em ni?". Sarah chuan hriatchak hmel zetin alo ti a, ka hmaah dingin ka kut a vuan bawk.
.
"Ummm...a causin alo kal a, Germany atangin chuan apualin party liantham lutuk lo an buatsaih a".
.
"Nangmah chauh maw asawm che". ti nuah nuah pah chuan hnuailam amelh a, thil ngaihtuah neuh neuh hmel apu.
.
"Ahhhh...........I duhchuan ka rualin i kal thei alawm, aninawm lutuk lo deuh ang chu".
.
"Ka thei tak tak ang maw?".
.
"Ummm tehreng mai". tipah chuan room ah ka lut a. Washroom ah lutin ka intifai sawk sawk. Ka zawh hnu chuan darthlalang hmaa thu in ka taksa ah rimtui ka chulh a, ka hmel ah chuan pan te in make-up ka hnawih bawk.
.
Ka room kawngkhar alo inhawn thut avang chuan ka phu nasa takzet. Ka lung zawn chu dawm in ka thaw halh a.
.
"Sarah room kawngkhar kik nachang hi hriat thin tur". Tipah chuan ka tho a.
.
"Sorry.....ihhh thawmhnaw hak tur ka neilo a, ka tih awmzia chu party ka kal vawikhatna tur ania engtia inchei tur nge pawh ka hrelo".
.
"Lo thu rawh....". tipah chuan ka thawmhnaw bawn chu ka pawt hawng a.
.
"hengho hi party naa ka hak thin te an nia, hakloh atam zawk aniang, i duhber hi i ha thei ang, remloh a awm hranlo". tipah chuan ka hak tutin kawrfual senduk ka khup chung leka chhing simple taka thui chu ka la chhuaka, ka inthlak nghal malh malh. Sarah pawh chu ngaihven zui lemlo in ka insiam nghal malh malh.
.

"Ka awih theilo.........". Tisap pah chuan thawmhnaw chu ka ang phuau in amelh a, alandan chu alawmawm takzet. Nui ri hak in ka sam achanve vel chu chung lamah ka tawn a, ka chalsam ka thlah bawk.
.
"ka duhber ka ha thei tak tak amaw?". rinhlelh hmel deuh chuan alo ti leh a.
.
"Tehreng mai , i ta tho ania lawm". tipah chuan ka tho chhuaka, kawrfual cream zuih tha zet chu lakchhuak sak in ahak turin ka thlan sak a, Sarah nen hian kan intiat viau a, mahse kei aia naupang zawk na na na chu tlemin alang naupang deuh zawk. Ahmel achhelo a, tha vut han tih tur pawh ani chuanglo mahse duhawmna riau anei, hmai bial lam niin a vun amawi reuh zek bawk. a inchei ngailoh em avangin a inchei phei chuan a hmeltha viau in ka ring.
.
A hmai ah chuan make up tlem ka hnawih sak a, a sam chu ka bawk fai sak vek bawk, ahmel alang natural in hmuh anuam viau. akawrfual hak chuan apian apholang hnehsawh viau a, pian chhe tak alo nilo bawk nen, a chhelo takzet.
.
"i mawi lutuk".
.
"Ka lawm e,nangpawh i mawi lutuk chuan hetiang hian make-up hman hi ithiam amaw?". tipah chuan awihloh hmel takin darthlalang ah chuan hnai zetin a inthlek a, achetdan engkim hi ka lawm em em vek. Ka inchhuan ve em em na pakhat chu ka kut themthiam tak hi ani. Ka pa damdawiin hi enkawl chhunzawm ngailo ni ngat ila chuan make-up artist nih ka chak thin.
.
"Bawihte...Edward driver alo thleng". ka nu chuan kawngkhar hawng pah chuan alo ti a..
.
"kan hman em?". Sarah chu ka melh zeuh.
.
"Wow.....Sarah i nalh lutuk ka hai dawn che alawm". tipah chuan ka nu chuan akuah a.
.
"Ka lawm e nute".
.
"Kal ila". tipah chuan ka chhuaka, minlo zui ve mai bawk.
.
Pawna kan chhuah chuan Edward driver chu car bulah alo ding a, kan luhna turin kawngkhar minlo hawnsak bawk.
.
"Khawnge Bin?".
.
"Ahhh...ka pu chuan mikhual a welcome angai sia, keimah minlo tir a".
.
"Mai mai chuan le'h". ti sap pah chuan ka ban ka phar hluai a, car ah ka thu lut bawk. Athutiam anga a awm lo fo thin hi ania ka huat thin ni.
.
Kawng tluan chuan Sarah chuan a helhhawlh thu leh azam thu asawi a, aphili chung bawk. avawikhat kalna tur nimahse a zamchhe leh mah mah.
.
In var lian leh ropui zet hmaa gate lian tak hmaah chuan car a ding a, driver chu chhukin kawngkhar alo hawng bawk. car atanga kan chhuah hnu chuan in chu ka thlek vang vang a, thlakhat zen zawn chauh tlawhlo in ka awm a, a danglam nasa hman em em tho.
.
"Wow.....".
.
"Sarah....".
.
"Hei hi Edward in a ni maw?". tipah chuan ang phuau in a hawi kual a.
.
"I hmui kha chip la, kan luh athat ka ring, ka awmrei peih dawn hauhlo ania". Tipah chuan aban ah ka chelh a, inchhung lam ka panpui bawk. Party liantham vaklo kha ati ve sia, mipui lah chu an zi mup mup si. Ka kal ngei ngei na turin dawt min hrilh tih ka hrethiam ve chiah.
.
Inchhungah chuan lutin Bin chu ka melh kuala,ka hmu mailo.
.
"Ilo kalpeih tak tak pawh ka ringlo a, ohhh Sarah nangpawh i nalh lutuk".Bin tawngri ka hriat chuan ka hawiphei a, uluk em em a, Sarah amelh chu ka hmu zui zat.
.
"I party a kal turin ka inbengvar chawp angai amaw?".
Sarah in atihchuan ka nui ri hak, ava hahthlak thin tak,Bin mangang hmel zet hi.
.
"Ka tihpalh alehpek a awm tawhlo ang. i nalh lutuk". tehfo chuan.Ner sakin hmalam ka melh a.
.

"Nang fe". Sarah chuan alei aveng hmanlo ani mahna, Bin chu anui ri hak a, asir ah ka lo ding ngawi reng thung, ka awmve tih pawh an hrelo eng eng emaw sawiin an titi a, an titi ka va pawh velo ani ber.
.
"Saw lamah sawn thu ila,minlo zui rawh u". tipah chuan ka dar ah alo vuana, kan inzui phei bawk, ka beng bulah alo kun hniam a "I nalh lutuk" tisap pah chuan hmalam a en a, ahmel landan chu melhin ka nui sen sen.
.
Darkar chanve lai chu eng eng emaw tiin kan tlingtla ve mai, ka lu erawh apuakkeh lo chauh tawh.
.
"Khawnge Gin chu?". Edward chu ka melh a, helai hmunah hian amah hmelhriattir turin min sawm a, tun thlengin minla hmuhlo chu ania.
.
"Ohhh takin inchung lamah ka pa nen thil engemaw an ti lawk a".
.
"Awle, Mr.Frost leh Gin chu ka chibai lawk anga ka haw mai ang".
.
"Ngatinge i awm anuam leh tawhlo mi?". Tipah chuan ka pang alo dek a.
.
"Ka tha e, washroom ah ka va kal lawk ange Sarah saw minlo ngaihtuah sak la, nuam ati leh lutuk ange". tipah chuan Sarah awmna lam chu ka melh zeuh a. Anui deuh suk.
.
"Mahse nangmaha kal chu atha dawn mi? ka kalpui thei reng che ania". ngaihthatloh hmel tak chuan ati a.
.
"Ummm ka tha lawm hahdam rawh nangber i awmloh chuan achi nang bakah washroom ah alawm ka kal dawn". tipah chuan ka thutna atang chuan ka tho a, washroom lam ka pan bawk.
.
Ka tihtur ang ang ka tihzawh hnu chuan inti thawveng turin pawn lamah ka chhuaka, an in hnung lam pool bula thingbuk lam chu ka pan a, ahnuaia thutna awmah chuan thu in ka thaw deuh halh, boruak thianghlim chu hip lut kak in ka thaw leh halh thin.
.
"Nangnu bawk chu engemaw i hriat le!". Mipa tawngri ka hriat chuan ka hawi kual a, mahse tumah ka hmulo.
.
"Awm in awm em?". Tisap pah chuan ka hawikual leh a,ka kawr hmawr chu nghet zetin ka hmer bawk.
.
"Min umzui hi bansan la, thlawk bo rawh ka duh zawng ini lo". ve ringawt chuan ka hmel hmuh miahloh chu engvang ngawtin nge ka duh bik chai ang ni. Chhang buailo in pool lam chu ka hawi a.
.
"Thlawkbo rawh tih awmzia i hrelo mi?". Min lo vin thawt avang chuan ka phu nasa takzet. Thingkung phen atang chuan mipakhat alo chhuaka, ka phu nasa lutuk chu tawlh let dawrh in pool ah chuan ka tla a, ka huh nghal vek.
.
Mood fuhloh tawh rapthlak nen. Chupa chu enin rum zetin ka melh a min kaihchhuah atum hleklo lehnghal. A thim china adin avang chuan chiang takin ahmel ka hmu theilo.
.
"Enteh...Tu phiangsen nge i nih ka hrelo mahse hei hi hre rawh mipa hawihhawm lo lutuk ka duh lo chu ai maha ka duhloh chu ka la hmuh ngai miahloh leh ka mi hriatchian loh ani". Khur bap bap pah chuan ha sehchilh rap in ka ti a,ka thinrim lutuk hi ka puakkeh lo chauh ani.
.
"Khanu kha ini miahlo". Tipah chuan ka hmaah alo thu hniama, hnai zet ah chuan minlo thlek bawk. Tunah zet chuan ahmel chiang takin ka hmu thei tawh. Asam a kir bap a,chuan a chil lem zawng ringawt pawn chiang takin abiangsum alo lang thei. Ahmelpian a engkim chu ka haw so bawrh bawrh nghal vek. Mipa hawihhawm lo lutuk hi ka mil hlawllo .
.
"Tu phianhsen ah nge min ngaih?". Ka vin let vak.
.
"Thinchhe reuh lutuk". achek ri tlak tlak a, akut alo phar rual chuan ka melh nghek ringawt. Melh puak thei ngat ila chuan apuak daih tawh ang.
.
"Thlawkbo rawh". pool atanga chhuah tum chuan ka bei a, ka chhuak thei mailo lehnghal.
.
"Awle..". a dar a san ak a, a kekawr iptea akut rawlh lutin min hnungchhawn zawng chuan akal ta daih.
.
"Hmela". Hetiang tawngkam bawlhhlawh hi ka ka atanga achhuah ka ring ngailo. Lo hawi let chuang hauhlo chuan aban avai a, ka huattawk atling viau. tunge anih ka hrechhuak anih vaihchuan achaklo khawp ang.(to be cont......)

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » April 15th, 2018, 1:40 pm

Kookie's Gf
.
" Emma nangmah ini em?". Bin lo kal hlauh chuan min ti lawm takzet.
.
"Ka khurh hlum hma hian minlo la chhuak rawh".
.
"Khatah enge itih a?". Tipah chuan minlo kai chhuaka,atawngkam hman avang chuan ka mood fuhlo zet a zual aniber.
.
"I fiamthu mi? ka tla anih hi enge khu tui vawt lutuk ah khuan ka tih ang, chuan engtin nge khatiang mihring hawihhawm lo lutuk leh nghal lutuk kha i party ah hian i sawm dawn tih isawilawk loh. hrelawk ngat ila chuan ka lo kal hleklo ang". ka thinrimna chu Bin chungah ka hrithla ta vek ringawt. A coat hak chu hlipin minlo sin tir a, ka tawngkam ngeiawm tak tak hman avang chuan nuihza zet hmel apu, a nuichhuaklo mai pawha, min chhanglet lo chuan ka thinrimna ka hrithla lai chu ngaihthlak nuam tih hmel zetin min en vang vang pah chuan angaithla leh thin. Min chhanglet se chuan kan inhau leh ngei ang.
.
Inchhung lam pan chuan min kuah luta, ka ang char char a, ngawi rengin angaithla thung. Kan naupan lai atang tawh a thil thlendan ani. Ka thin arim tawh chuan ka lungawi hma ka ankhum a anin atihtur diktak tiin min hnialkalh lo in min ngaithla thin. Chu chu Bin ka nel em em na chhan ani. Ka bulah chuan khawvela mipa zaidam ber angin a awm thin.
.
"Ka haw duh".
.
"Inti lum phawt rawh, tikha chuan i damlo ang".
.
"Hetianga i inchhunga ka intih mualpho duh hi ring hlek suh". ha sehri bap bap pah chuan ka ti a, inchhunga va luha mi hmuha mualpho ka duh teuhlo.
.
"Khawnge i driver?".
.
"Inthlak phawt rawh". Ughhh hepa zet hi chu'h . Insir lam atang chuan mi hmuh loh in kan lut thei mai. A room ah chuan lutin towel minlo pe a, ka inhru hul sawk sawk.
.
"Hei hi ha mai rawh". a pajama pawlduk leh a t-shirt var thianghlim zet chu alo phawrh a, ka ngaihtuahna a thil lo awm chu thlawkbo nghal vat se ka duh achhanchu Bin thawmhnaw hak hi ka duhlo.
.
"Ka ha dawnlo". ka melh kar a.
.
"I hak angai i damlo mai ang".
.
"Apawilo....Ka damlo mai ang". ni e chu chu mipa thawmhnaw hak ai chuan ka thlang fe zawk.
.
"Ughhhh......Luhlul ahun lo Emma, ka hak tir che i duhloh chuan nangmaha i inbel angai". Thutak zeta atih takah chuan hnial chi anilo tih ka hria.
.
"Iti tak tak lo". Ringhlel zet chuan ka melh, hepa hi chu duh aiin a zeihawi mah mah ani. Kei aiin kum hnih chauhin a upa a, engtin nge maw a danglam hmat bik viau theih ni! Hetiang taka danglama min siam tur khawpa adanglam hi ka duhlo.
.
A chhanna chu amah melh kar pah chuan ka nghak a, mahse eng chhanna mah min pelo, minlo panhnai tial tial a, ka awm bawr melhin amit asan zeuh.
.
"Tenawm suh" Akuta kawr awm chu ka ban vat,achhanchu ti duh tak tak hmel a pu ani.Washroom ka luh ruala a nui ri hak ri pawh chu ka hre hman.
.
A t-shirt ringawt pawh chuan ka mawng akhuh dawrh, apajama chu ka inbel leh a, darthlalang a ka in en chuan ka tah achhuak takzet. A pajama chu ka tana asei deuh avangin vawi nga lai ka thlepa ka tshirt hak chu ka malte thleng vel ani bawk si.
.
washroom atang chuan ka chhuak hnak hnak a, Bin nuihza insum zet hmel chu ka hmu zui zat. Ka nuih aza ve teuhlo, azalo mai nilo in ka mood hi a fuhlo kual vel vek. Kha mihring nghal leh chimawm lutuk vang vek kha ani.
.
"Nui suh". Ka kut kuangkuah in kawngkhar lam chu tum hmuk in ka hawi a, minlo panhnaih rual chuan ka tawlhhnung dawrh. Ka ban bul tawn tawn chu a kutin alo chelha, nghet charh in min chelh ding bawk.
.
"I hritlang anga sin". tipah chuan ka hmai zawnah alo kun hniama anui deuh suk. A hmui hnawm chep chevel in a ka mit ala ta tlat te chu ka duhlo.
.
"Bin i kalsawn thei em?". tipah chuan ka mit sir in ka melh a, anui hmel ka hmu hman ta tho. Mahse, ka ngaihven lo lui ve tlat thung. towel chu lo la in ka sam chu alo hru hul a, ka taksa awmdan ka sawifiah thiamdan ber chu a khawg vek. Ka che sawn theilo.
.
"Kal ila".
.
"Ahhh.. aw". bah nak chuan ka tichhuaka,minlo kai a, room atang chuan kan chhuak nghal.
.
"Hetah hian i awm amaw?". tawngri ka hriatrual chuan ka ding chawt. Khapa kha ani. Ka hawilet a, Min hmulo der hmak lehnghal. A hawiher atang reng reng chuan nu leh pa duatsual ani tih ahriat hliah hliah, engkim ka tithei ti hmel apu a, adak sang vah bawk. Ngeiawm fahran lutuk.
.
"Aw hei buaina tenau kan tawk a,party chu enge a an?". Bin chuan nui sangin achhangleta, engtin nge hepa hi tha takin abiak theih zawk!
.
"Ummm ahlim......ohhh nang hi". minlo kawk va pah chuan ati a, ka lo melh nghek ringawt.
.
"Ohh takin hei hi Gin chu anih hi" .
.
"Maw???? Gin Frost maw?". ka aw rawl ka thunun hman loh chu achhuak ring viau. Awihlo zetin ka hmaa ding sam kir bem bum sang tha zet chu ka melh tlawk tlawk. Ughhh lo hre daih tawh tur ka ni asin mawle, hetiang mihring nghal lutuk leh chimawm lutuk ang chi, hetiang party liantham a lo kal tur awmchhun chu Gin Frost chauh ani.
.
"Chuti chu nang hi Emma maw?". Minlo hnaih deuh chuan ka lo tawlhhnung hret. A hmel ah chuan inthiamlo hmel ka hmu miahlo lehta nghala.
.
"Mi hnaih hlek suh". Ka vin deuh vak avang chuan ading dat a, hnunglam ah chuan atawlhhnung leh ta zawk a. Ka hmel ah chuan diklo a awm emaw tihtur khawp chuan min thlek uluk lehnghal.
.
"Emma ngatinge?". Bin chuan alo ti vat.
.
"Hepa vang hian alawm pool ah khan ka tlak". ti hrawk pah chuan Gin chu rum zetin ka melha.
.
"Gin ani berkher... atihbuai chi loh viau asin, ngaihdam dil vat la athat ka ring". Bin chuan alo ti vat.
.
"Ka nem tla pawh ani hleinem". Awlsam et chuan ala ti zui.
.
"Nanghi......". ka thinrim lutuka ka tawngchhuak tha theilo. Bin chuan ka kut nghet zetin ahmer a,inthunun turin min ti tih ka hrethiam tawng chhunzawm lo in ka ngawi ta zawk a.
.
"Gin tunah ngaihdam dil rawh".
.
"Enge a tulna?". Adar san ak in ati a, ka huattawk atling mai nilo in ka haw so bawrh bawrh.
.
"Hremhmunah kal rawh". ti pah chuan ka inher a, ka kalsan nghal hmak. Pawnah chuan chhuakin ka kawng ka dawm a, van lam hawi pah chuan ka thaw deuh kawk kawk.
.
"Emma"
.
"Gin kha...kha fa kha....". Tipah chuan inchhunglam chu ka kawk a.
.
"Ka hria, ka tihpalh ka tihpalh lutuk..inbengdai rawh". Ngaihsaklo luiin hmalam pan chuan ka kal a. Ka sir ah chuan kalin a kut akuangkuah a, min melh pah reng bawk..
.
"Emma Lambert hi ahlauhawm tih ala hre velo atin nihkha". nui ri hak pah chuan ati a. Ding dat in ka melh pawk bawk.
.
"Chutah chuan nuih zat tur a awm ami?". .
.
"Mmm...ka tihpalh he khawvela ka hlauh ber i hre duh em?".Ka ban tawn tawn ah chuan akutin alo vuana.
.
"Emma Lambert".
.
"Fiamthuna hun anilo".
.
"Ka fiamthu hleinem....Emma,Gin kha ngaidam turin ka duh che".
.
"Engvangin?"
.
"Achhanchu Gin chanchin hi hriatloh tam tak ineih vang ani. ani kha chimawm in harh viau mahse amal ani. Engkim anei a mahse akhua ahar tho. Anu leh pa hna vanga an buai reng avangin atan hun an neilo a, akhawhar em avang leh anu leh pa bula awm achak em avangin buaina tam tak athlen thin. Fapa duatsual tiin ko mahse ani kha chu duatsual nilo in akhawharna avanga chimawm zawk ani. ". Bin thusawi avang chuan sawitur ka hrelo. Ngawi rengin ka en reng ringawt.
.
"Chuan enge ani khan ahlauh bera i rin?".
.
"Mal taka awm maw?". Tisap pah chuan ka melh a.
."Mal takin a seilian a, khawharna chu athian tha ber ani tawh zawk alawm".
.
"Anihchuan kan mi chimawm chuan tunge ahlauh a?".
.
"Pangang".
.
"Maw?? berkher chuan....". ka nui ri deuh hak.
.
"A hmuh ringawt pawn akhua asik thei mawle. Emma khawngaihin ngaidam rawh".
.
"Ka hrelo le, haw ka duh tawh". Car lam pan chuan ka kal leh nghauh nghauh a. Ka mize thalo tak pakhat chu miin ka pawi an sawi chuan ka rilru dam hma chu ka ngaidam theilo. Ngaihdam min dil ka phut kher thin bawk.
.
___________________________________________
.
"Nizan party chu i awih theilo ang".
.
"Sarah mut ka la duh". Tipah chuan ka puansin chuan ka lu ka khuh a.
.
"Mawhhh tho teh....Gin kha ilo hmu ve em Edward causin kha awiii achhiatloh zia kha". Ava ninawm tak.
.
"Zingkar a kha mi chimawm hming hriat kha ka peih hauhlo ania".
.
"Chimawm a! Ughh nia achimawm mahse alawmawm tel bawk. Avan chhelo tak, asam kir bap te, abiangsum te, apian nalh tak te angel hmu nimaiin ka inhria". Luangliam aw taka atihchuan ka thungil nghal zawt.
.
"Anihchuan Bin hi i ngaihvenlo zawk adik em?". Ka tawng ran lutuk vang ani mahna mak tizet hmel apu.
.
"Ahhh....Ka...ka hrebiklo,Edward chu angilngei a, azaidam bawk chuan ihhh a caring bawk a, sawisel tur a awm pawn ka hrelo mahse Gin kha chu chimawm in sual hmel deuh mahse apa ka ti chuan ahmel atha bawk".
.
"Anihchuan Gin hi i date duh em?".
.
"Maw??? i fiamthu ami? Tunge date duhlo ang. Nizana hmeichhe tleirawl leh keini aia upa hlek ho titi kha i hreve lo mi?". ka lu ka thing mat mat. achhanchu ka hun tamzawk tu emaw huat nana ka hman vang ani.
.
"Ka awih theilo....An titi tam ber chu a hausak thu leh ahmelthat thu chuan bialnu ala neih miahloh thu leh adate hmasa ber nih an chak thu....Ughhh hmu leh thei ngat ila chuan he thu hi ka hrilh ang 'I date hmasa ber ka nithei angem tih hi' ". lukham kuah pah chuan chhing vang vang pah in ati a, alandan avang chuan ka nui ri hak.
.
"I va han hahthlak tak". Tho chhuakin ka tooth brush ka la chhuaka ka ha ka nawt malh malh. Sarah in Gin chhiatloh thu asawi khan ka pawmlo hranlo. Achhanchu duhthusam in a hmel atha, mahse mipa hmeltha tak nungchang mawilo leh chapo lutuk mahni indah sang hlur ang chi hi ka type an nilo. chuan tawngtam lutuk ang chi te pawh. Bin hi chu azaidam a, angilnei bawka, atawngtam lo na in ka bula a awm erawh chuan sawitur anei nual, hmeltha vut ti a sawitur nilo mahse anungchang mawi tak hian atitha ani.
.
"Takin Ashley khan Edward nen an indate loh thu a sawi a, hriatsual inei ani mahna". ka thil hmuam chu ka phuh chhuak nghal thawt.
.
"Ughhh. tenawm....intifai rawh". min chhuahsan zui nghal hmak. Anihchuan Ashley nen khan an lo indate miahlo amaw!!!!!
.
Tul baksak lo ah ka lo thinrim ve tihna em ni? Anihchuan Bin hi a single chuan ka inpuang thei. nui var var in darthlalang a ka hmel chu ka en a. Lawkin hmeichhia zawkin ka duh thu ka sawi hmasa ang maw!
.
"Emma harhchiang teh". ka lu a tuk lawlh pah chuan ka ner sak a, washroom ah ka lut nghal. Weekend hmandan tur ka lo suangtuah chu ahlimawm takzet. Bin single thu in bul atan bawk nen, ahlimawm viau tur ani ringawt.
.
"Bawihte....Sarah nen hian vawiin chu mall minlo fanpui dawn em ni?". ka nu in atihchuan nuteii phur lutuk chu arawn ri nghal hluai. Kan en deuh thap avang chuan a insiamtha thuai a, patea khuh kharh kharh ri chu ka hrezui zat.
."Ka lawm e...ka u...ka. ka....lawm lutuk". ka nu chu lawmthu ahrilh nghal mawlh mawlh.ngaihven lemlo in ka breakfast chu ka eizawm nghal.
.
"Reina...ka fanu ve tho alawm anih tawh". ka nu tawngzawh hma hauhin ka pa chuan dawhkan athawsan a, akalna lam chu kan en deuh thap. Ka pa hian engtik nge apawm ang ka hrelo, mahse hetiang renga thil akal chuan apawm thuaiin ka ring.
.
"John...i u hi ibiaktam atha in ka hria, pawm turin nawr lo la mahse apawm theih nan bei zawk ang che". ka nu in dawhkan athawhsan rual chuan ka tho chhuak ve nghal.
.
Sarah leh kei ka nu leh a assistant nen chuan mall chu kan fang kuala, adawr luahchhawng tute hnenah chuan eng eng emaw ahrilh bawk. Mi duhsakna kan dawnga rin ai takin aninawm loh. Thlatin vawikhat tal chu ka nu hi ka nui thin. ahnuaia hnathawk tam tak rin tur nei mahse amaha tih hram aduh thin. A mimal nun leh ahna hi athliarhrang thiam em em bawk.
.
"I chau tawh em?". Sarah chu ka melh zeuh.
.
"Ahhh....chau lutuk lo e". athlan fim rawn bawl chhuak ka hmuh chuan ka then sak.
.
"Nu.....Sarah hi ka chawlhpui lawk thei em?".
.
"Tehreng mai,kan la hmanlo deuha in duhchuan in haw thei tawh ang". bu nghatin elevator lam kan pan a. Sarah chu atawngzawm malh malh. Kan mizia hi a in ep thawk a, chuan kan duhzawnh engkim ahrang bawk. Bin tihloh chu! Mahse ka ngaina em em tho. unau inhmangaih tak ni tur hian thisen inzawm kher alo ngailo. .
.
Elevator a, kan luhrual chuan mipakhat hmanhmawh takin alo tlan a, Gin hmel ka hmuh chuan rang zetin ka hmet a, alo hawng hman tho, phun sawi nak in alo lut lai chu ka melh pawk a, Sarah lah chuan luangliam tih hriat fahran in alo melh bawk. Hahthlak mange.
.
Ka kut kuangkuah in hmalam chu ka melh ngar a, ka bula ding Sarah leh ka hnung chiaha ding chu ka melh duhlo, an awmdan pawh ka hmu duhlo.
.
Elevator a inhawn rual chuan ka chhuak vat. Sarah ka hmuh mailoh avang chuan ka hawilet a, ka lam pana alo kal chu ka hmu a, Gin ahnung chiaha kal pawh chu ka hmu zui zat. ner sak in hmalam ka pan a, hepa hian hetah enge alo tih ve tih ah hian ngaihdan ka siam thiamlo.
.
"Achhiatloh zia saw, ka thi thei mai dawn".
.
"Sarah itawngri ahria nge". thaw halh pah chuan ka ti a, ahahthlak hetiang em em hian mihring hi aluanliam theih tih pawh ka lo hrelo.
.
"Diktak chuan hria se ka duh lutuk, engvangin nge minlo zui zel le...awiii kei hi min zui ani thei em?". Min la zui amaw!!!!
.
"Ani mahna....".
.
"Hey...". Hnunglam atanga mipa aw ri in a rawn tihrual chuan ka hrelo der hmak,Gin ani tih ka hre miau a.
.
"Minko in ka hria". Sarah chu ading dat.
.
"Sarah....kal ang". tipah chuan ka kaia, chak zetin ka kalpui bawk.
.
"Mah...mahse .....".
.
"Mipa chu i inzui tir tur ani. I zui tur anilo ihria em atlawm thlak lutuk".
.
"Mahse tlawm chu apawi ka ti hleinem". ughhh henu tak hi chuhhh ava han hahthlak tak.
.
"Hey...misualnu". Ka hmaa thaw hlawp hlawp paha akhup dawm meuha ding chu kut kuangkuah chungin ka melh a.
.
"Engvangin nge min zui kual reng?". ka vin mah mah tih ka hria mahse ani biak nana tawngkam tha hman atulna ka hrelo.
.
"U.. engthil nge itih?". Sarah chu ka beng bulah zawi zet in alo phun sa sa.
.
"Inbe lawk ang".
.
"Ateuhlo". Ka kalsan hmak. achhan chu abulah hian 1min pawh ka ding peihlo.
.
"Amak...nangnu hi, engvangin nge i chapo em em a?". a ban vai che pah chuan ati a,angaihna hrelo zet hmel chu ala pu zui za mah. Chhanglo in mall chu ka chhuahsan a.
.
Car ah chuan lutin Sarah chu ka nghaka, alo kal har em em lehnghal. Kawngkhar alo inhawn chuan ka thaw halh.
.
"Ilo va kal har ve". tipah chuan ka phone chu ka en a.
.
"Ka nghahhlelhawm viau ami?". Chu aw chu ka bula thu chu ka melh vat. Nui sen sen in min la melh zui.
.
"Chhuak nghal rawh". tihrawk pah chuan pawn lam ka kawk a.
.
"Inbe lawk ang".
.
"Thih i duh mi?". chek ri tlak tlak in min melh deuh ha.
.
"Misualnu leh Bin khan atidik, pangang ai pawn i hlauhawm zawk".
.
"Maw????". .
.
Min ngaipawimawh lo zetin a phone chu aphawrha, tu emaw acall bawk.
.
"Dean ticket kha cancel rawh, naktuk ah ka haw ang. tihtur ka la nei". phone chu off nghal in min melh a, rum zetin ka lo melh bawk.
.
"Hmela".
.
"Nang hi,tawngkam mawi i hmang thiam miahlo mi a?". A ban phar zauh zauh pah chuan ati a. Alandan engkim hian engvanga ka thin tirim em em reng nge anih pawh ka hrelo.
.
"Chhuak rawh".
.
"Aih". zaktheilo hian.
.
"Hei hi ka car ani....".
.
"Chuan ka chuang ve bawk". ka tawnglai chu minlo pawtchat hmak. ka alh mai dawnin ka hria. Ka phone chu phawrh in Bin number chu ka dial a.
.
"Mmm....Edward hnena hrilh itum anihchuan aman minlo tir tih hre hmasa la atha in ka ring".
.
"Maw????". phone chu ka off a,ka bula mi zaktheilo lutuk thu chu ka melh ngawt ngawt ringawt.
.
"Ngaihdam dil tur che in min tia".
.
"I ngaihdam dilna kha ka pawm dawnlo". Ka tawngchhuak thumal tin chu fiah fai tak vekin ka lam a, angeiawmna tizual turin ahmui ati pawrh tarh a, abu nghat nghat.
.
"Awle anihchuan Dean kha kan phone leh lawk ange". tipah chuan aphone chuan mi a call leh nghal.
.
"Dean...ka tihtur hi engtik nge ka tihzawh dawn ka hre lo,ticket kha lo la cut lo phawt teh".Engthil fako nge maw tih atum chu le!
.
Car atang chuan ka chhuaka, kan inlam panin ke in ka kal ngat ngat. ka bula, kal chu melh lo luiin hmalam ka melh ngar a, engvangin nge ka huat em em pawh ka hrelo ka hriat zawng chu ka haw so bawrh bawrh.
.
"Hey.... ". ka chhanglo. ka be peihlo."Misualnu". Ziah chuan ughh ka chhang dawn chuanglo. ka tawngchhuak anih vaihchuan ka thinrimna avangin ka puakkeh thei mai ang.
.
"Hey....".
.
"I thlawkbo thei em? khawngaihin". Ding dat in ka melh pawk a.
.
"Fanghmir pakhat leh sai hi an insual a,mak tak maiin fanghmir chu achak zawk achhan ihria em?". Chhanglo chuan ka melh ngar a.
.
"Achak zawk chhan chu fanghmir khan sai zak ah a dek a, sai khan dek alo haw lutuk a". nui vak vak pah chuan min melha, nuih zat tur engmah ka hre velo thung. Kut kuangkuah chungin ka melh ngar a, anui hmel chu tawp tial tial in min en a.
.
"Nangte hi".
.
"Gin......Bin unaupa inih avang hian hnaih che pawh ka duh mahse ihria em ka hua che ka intawn dan afuhlo pawh ani mahna tunah hi chuan biak che ka duhlo". thaw halh in dam tak chuan ka tichhuaka, hmalam panin ka kal bawk.
.
"Ka...ka...ka tihpalh". Hreh hmel zet chuan sak zetin asawi chhuaka, ka ding dat a, ka nui deuh sak. Achhan pawh ka hrelo, he mi chapo lakah hian hnehna ka chang niin ka inhria a, chu chuan min tihlim bawk. Chhang tawh lemlo chuan ka kalsan lehnghal.
.
Ka thlan in min bual nimaiin ka hria, ka chau a, mahse achhanber pawh ka hrelo ka lo nui leh ringawt thin. Kan inbul gate bula thingbuk lianzet hnuaiah chuan thu in ka phone chu ka phawrh a. Ka phawrh rual deuhthaw chuan alo ri nghal. Bin nui sakin ka pick nghal.
.
"Bin".
.
"I mood ava fuh hmel ve".
.
"Ughhh ......kan mawla khan ngaihdam min dil a".
.
"Tu mawla maw?".
.
"Mmmm......Gin". Phone adah nghal daih. phun sawi nak in phone chu ka melh tlawk tlawk. inbiak pangai laia dah tawp mai. Inherin gate chu ka hawng a.
.
"Gin ka atangin thupha chawina ri ari chhuak amaw!". Ka hawilet a, ka hnunga Bin kut kuangkuah chunga ding chu ka hmu zui zat. A zawhna chu bu nghatin ka chhanga.
.
"Wow....Gin hian ngaihdam adil tih ka hriat vawikhatna ani". ka sam lo chul thur vak in anui deuh suk. gate luhna step ah chuan kan thu a.
.
"Thilmak vak ani em ni?".
.
"Ummm....Ka mi hriat tawh azawnga luhlul ber dawttu chu nangmah ini". ka ner sak. Inhriat rengna atan chuan atha lemlo. "Tunge i chung chiah ami ihria em?".
.
"Gin maw?". awihloh hmel zet chuan ka ti a, abuk tak nghat avang chuan amak ka ti takzet.
.
"A thiltihsual ngei ngei ah pawh ngaihdam adil ngailo". Hreh hmel zeta a tihpalh anih thu asawi chu ka hrechhuak zawk. "Chuvang chuan ngaihdam a dil vawikhatna ah hian ti beidawng suh anihloh chuan adam chhung in a dil leh tawh ngailo ang".
.
"Chutiang khawpa beidawng hma chu ani si amaw!".
.
"Nangte hi...Lut tawh rawh". ka dar hnunglam ah chuan alo vuan a, gate chhungah chuan min nawrlut bawk.
.
Car tlan ri ka hriat chuan ka thaw deuh halh, inchhung ah chuan lutin ka room lam ka pan nghal. Boruak uap churh avang chuan inbual fai a, hahdam taka mut ka chak ani. Washroom ah chuan lut nghal in shower chuan ka inphuh tir nghal seng seng.
.
Rei fe tui vawt a ka inchiah hnu chuan washroom atang chuan ka chhuaka, ka room chhuata thil tla darh nuaih ka hmuh chuan phawk zetin ka meng a, ka thawmhnaw leh make up chuan frame a ka thlalak tar neuh neuh te leh ka puansin lai ngei pawh chhuatah atla darh nuaih.
.
"Nu..............". Rak tuarh in ka nu ka ko a, ka thinrimna rawn sosang thut avang chuan ka puakkeh mai dawn. Thil bal ka ngaitheilo a thil reng reng an awmna hmuna an awmloh chuan ka ngaithiamlo vek bawk. Chu ai maha ka ngaihtheihloh chu ka phalna la hmasa lo a ka thil an khawih leh a awmna an lo sawn ve hi ani.
.
"I duhdan a thil athlenloh chuan misual tak ini". Ka thawmhnaw bawm nghenga thu chu ka melh a, tap tih hriat zetin a mit a bui luk bawk.
.
"Sarah".
.
"Engkim inei a, nu leh pa tha tak, sum, leh hma hun eng tak, i hmahun ziakfel vek tur khawpin i ropui tawk anilawm ni?". Min panhnai pah chuan ati a, ngaihna hrelo zetin ka lo melh tlawk tlawk.
.
"Sarah....enge thil awmzia?".
.
"Engvangin nge Gin berkher, ani kha ingainat loh thu isawi anilawm ni?". Ka awm ah chuan alo kawk sawk sawk a, engtinmah ka tilet lo, vawiin avang khan ngaihdan diklo alo nei anihdawn ni!
.
"Inbengdai rawh".
.
"Ka neihloh apiang inei a, ka ngainat apiang min laksak i tum bawk, i duham a, mi chapo tak ini bawk".
.
"Sarah. itawng kha fimkhur rawh". nui ri hak in minlo hnaih zel a, inhma tawn ràn in kan ding bawk.(to be cont...)

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » April 15th, 2018, 1:40 pm

Kookie's Gf
.
"Hetiang taka hmasial ini tih hi ka lo hrelo mahse ka hre tawh chuvang chuan Edward hi i ngaihhlut ber ani tih ka hria, tun atang chuan ka ngaihlu ve tawh ang, i duh apiang ka chhuhsak che anga, ingainat apiang ka nei bawk ang, ithian, ichhungkua i hmangaih leh ihmahun pawh". Ka hmaah chuan a au phiar phiar a, sawitur hrelo chuan ka melh reng ringawt. Atawngkam ngeiawm tak tak te avang chuan ka insum nasa takzet. achhanchu ati mah mah ani, athinrim lai ber pawn hetianga min tawngkhum ngam tur hi anilo, achhanchu a u ka ni. zahna ka phut ve bawk.
.
"I ti mah mah tih i inhria em? nang hian......... "
.
"Tun atang chuan ka hmelma ini. Mahni hmasial engkim nei chunga midang thil laksak duh mihring inihkha" Ka inrin hma hauh chuan ka lo nemtlu ani mahna, chhuata thu sawp niaih chung chuan mittui tla phangin mitkhap eihlo in min melh anihchu!
.
Hmeichhe harh leh rilru naupangchhia tak ani tih ka hria, arilru tak tak anilo ang ti a inngaihtuah chawp in ka inbengdaia mahse aharsa takzet .Tunah tak hian ka nau anihna ka hriatsak mai zawk chauh ani. Nilo se chuan apawi thui tawh ang.
.
"Ka room tihfai nan hian 10mins hun inei,itifailo anihchuan apawi thui ang, thil engkim hi ka dah ang thlapin a awm tur ani". Tipah chuan kawngkhar lam ka pan a. Sawihmaih ka nei herletin chhuata thu sawp niaih chu ka melha, akiu thi alo buaipui mek chu niin.
.
Awii Lalpa ka nemtlu na ani tih ka hre miahlo, in hnit feih feih in ahliam chu akhawiha, amah va puih ka duh mahse ka theilo, ka chapona ka chhuan ve thin em em hi tunah tak hi chuan ka hua ani achhanchu ana tuar hmel sawn hreawm min intihtir ngawih ngawih
.
"Sarah, Gin vang khan pool ah ka tla a, thupha chawi turin alo kal anihkha ingaih ang khan engmah athlenglo". Ka kut hum ruh teuh chungin ka sawichhuak thei hram, tlawm taka ka lan chhunzawm loh nan leh min hmuh hniam loh nan arang thei ang berin room atang chuan ka chhuaka, ka nu te room lam panin ka kal nghal bawk.
.
Ka nu thawmhnaw bawm chu haiin a kawr lian zet chu ka la chhuaka ka inbel zawh hnu chuan khumah chuan ka bawp khawkherin ka thu than a, Sarah kiu thi ngawt chu ka mitthla ah acham. Ka lu chu ka thing leh nawk nawk thin.
.
"Emma, thil thalo athleng em ni? " Ka nu in ka dara alo sawih chuan ka melh chho ha a.
.
"Min bia em? "
.
"Ughhh... Engthil nge maw i ngaihtuah le, vawi 7 dawn lai ka bia che"
.
"Ka tihpalh, thil dang ka lo ngaihtuaha"
.
"Lehkhabu vang anih hmel siloh a, Edward vang em ni? " ka bula lo thu thla in chu thu chu asawia ka lo nui sak.
.
"Buaina ka neih apianga Edward vang ami in tih hi engtik nge areh ang le? " nui ri hak pah chuan ka ti a, ani pawh chu anui ve hak hak.
.
"In naupan lai atang tawha in tihdan ania lawm, nangin buaina i chawk chhuaka anin alo chingfela" ka nui tawp deuh tat.
.
"Nu, awm bo ta daih ila engtin nge i awm ang? "
.
"Chutiang ngaihtuah pawh ngaihtuah suh, ka hlatah i awm tur anilo hrim hrim" amangang hmel zet hi.
.
"Pasal te pawh ka la nei ve ang chu mawle"
.
"I neih hunah pawh Bin hi nei la, ka duh hun hunah ka hmu thei che anga atha nimai"
.
"Nuuuuuuuu" ka au deuh tuarh, aphu zawka, anuih chhunzawm hawk hawk thung. Kei erawh ka lo lai ru hle thung.
.
___________________________________
.
5Days later
.
Gin hmuhtur a awm ta lo chuan thaw ati veng hawk mai mahse Sarah nen kan inmil thei meuh tawhlo. Ahhh aman min millo ani zawk mah. Kan inhmuh changin min hrelo angin min kalpel nghauh nghauh a, mak tak maiin ka pa nen an inhnaih viau tawh, lawmpui tho mah ila ka thik deuh thin achhanchu ka pa hian angaina zawk ang tih ka hlau ve tho ani. Engpawh nise kan inhauh thu hlaah chuan athiamloh anih miau avangin ngaihdam ka dil atulna ka hre biklo mahse hreawm erawh ka ti takzet.
.
Bin nen piano class kal dun kan tum avangin ka insiam sawk sawk a, khua avawh deuh avangin ka inthuam lum viau. Ka room kawngkhar arik dat dat chuan hawng turin ka tho chhuaka.
‎.
‎"I hman tawh em? " Nui sàng in alo ti a, akeler atanga achhip thleng chuan ka melh chho hà a, ughhhh.... chhelo tak ani. Asam tihphtihphir vah chu a inhmeh takzet.
‎.
‎"hairstyle thar maw" mit ko san ak a ka tihchuan abiangsum lang kalh chuan minlo nuih a, ka dang aro nghal vekin ka hria.
‎.
‎"Mahni unaupate melh ngawih ngawih tur tih dàn thar a awm ami? " ka hmai zawna lo kun hniam pah chuan anui sen sen a, ka lo tum hmuk thung. Unaupa tih thumal alam hian ka thin atirim.
.
Inherin darthlalang hmaah chuan ka thu a, ka hmai ah chuan cream leh eng eng emaw ka hnawiha, a chek ri zui tlak tlak.
.
"Thinchhe lutuk mai" ti sup pah chuan anui ri hak a, ka khuma thu in kan 2 album chu akeua anui ri leh hak hak thin.
.
"Kan naupan lai atang tawhin min la tibuai char char tih ihria em? " ka chhanglo. "Alex(ka driver) te nen kan 3 in inu mall lam kan pana kan bo tum kha ila hria em? Hmeichhe pakhat nautelem ka ta itih tlat tum kha"
.
"Chutiang ka hre tawhlo" ti hmukin ka hmui ah chuan lip gloss ka tat a.
.
"Ughhh.... Tunthleng pawn Emma Lambert vangin ka la buai chu anih si hi " darthlalang atang chuan ka en a, khuma mu zangthalin akut chuan ahmai akhuh a.
.
"Ka tihbuai àwm che ka va hrelo ve" ti hluk pahin ka hawisawn lehnghal.
.
"I engkim mai hian ka thluak atibuai" thaw halh in atho chhuaka, ka hnunga lo dingin darthlalang atang chuan kan inmelh ralh a, ka lungphu rang lutuk chu asawt chhuak lo chauh. Lo kun hniamin ka beng bulah chuan athaw lum ham ham a, darthlalang atang chuan enge atih zel dawn tih ka lo melh reng thung, min lo enin anui suk a "I thuruk hriat ka nei ania aw" ti sap in a inla hrang lehnghal. Engthuruk nge maw asawi lè! Awiii lalpa amah ka duh ani tih hi chu hre lul suh se.
.
"Eng.... Eng.... Eng thuruk" bahnak chuan ka tichhuaka, ka mangang takzet.
.
"Thuruk ka hriat i hlauh deuh kha" ti sap in a inhera, room achhuahsan ta daih. Nilo, ahre theilo ka hrilh bawk silo midang tuman an hre bawk silo, a hre theilo hrim hrim.
.
Ka insiam chhung zawng pawh chuan rilru nuamin ka khawsa lo. Ka tawp up up a, ka thlan deuh bawrh bawrh bawk. Ani khan ahria anih vaihchuan min hmuhdan atleu viau ang le, achhanchu a unaunu ang chiahin min en si a.
.
"I hman ve thei ta hram maw" kawngkhar ka hawn rual chuan pawn lamah alo ding ani tih ka hmu zui zat.
.
"Inhnuaiah minlo nghak thei reng alawm"
.
"Tunhma kha chuan i inthlak chhung hleka ka awmbo pawh i phal ngailo a, tunah chuan i mitmeng hmangin kalbo turin min mitmei reng tawh" Min en chuang hauhlo chuan ahan ti a, aphone chu abih deuh pah ngar ngar, ka lo ngaitheilo leh tep ani. "I taksa a danglam tan nge i rilru zawk niang le"
.
"Tenawmpa" rak tuarh in a khupah ka pet chawrha, ka chhuksan nghal hmak, nui ri hak hak in minlo zui ve mai bawk. Engtin nge khatiang rilru hmuar lutuk kha angaihtuahna ah aluh theih?
.
"I zaktheilo" Kawnga kan kallai chuan melh rawm rawm pahin ka han ti leh ngawta, ding datin min melh ralha, a nghaihna hriatloh hmel zetin min melha, alu thaklo tih hriat zet chu hiatin ameng kual ruai bawk. "Khatiang ngaihtuahna tenawm lutuk kha engtin nge i put theih" ka kawng dawmin thaw halhin ka han ti leh a, diktak chuan ka lung hi a awi thei hlawllo.
.
"Eng vang....... "
.
"Engtin nge ka rilru leh ka taksa adanglam thu chiang taka i sawi theih" a khupa pet tuma ka ke ka lek kan ruan chuan thingthiin ka ke chu alo man a, leia nghatin ka pheikhawk hrui chu asuih tha mial mial.
.
"Eng... Eng engthil nge itih? "
.
"Le...... Tlan ang le, kan thleng tep tawh ania, tunge thleng hmasa zawk en ang hmiang" ding ngilin atlan nghal.
.
"Hey.... Ding nghal rawh" thaw hlawp hlawp pah chuan ka um a, atlan chak em em zui.
.
Piano class-
.
"Perfect i tum thiam amaw? " Mak tizetin a tumlai chu dah meuhin min thlira, ngawi rengin ka tum thung, ahla duh ber anih avangin ka zira ka lo thiam ve mai bawk.
.
"Wow..... Emma Lambert, ilo danglam takzet tawh anih hi, i rilru leh taksa mai pawh anilo i kut leh i ngaihtuahna pawh"ka sama lo chul pah chuan ati a, akut ka lo vaithla vat.
.
"Ka danglam ve ziah lo" ka melh ngheka ala nui vur vur zui " Thih i duh mi? " alu athing mat mat a, anuih erawh ka tiza viau aniang.
.
"I hrilhhai hmel hi alo lawmawm anih hi"
.
"Ngawi hmak rawh"
.
"Tha lawm" aban alu chunga phar zeuhin athutna lamah akal lehnghal.
.
Piano class azawh hnu chuan hotel a thil ei turin Bin nen kan luta, kan titi tui viau laiin aphone alo ri deuh thut.
.
"Awle....khawilai ah nge i thut" Minlo enin anui suk a, tunge maw abiaka ahlim hmel viau le! "Oh..... Hi" hnunglam hawiin aban avaia, anui deuh sen sen, amelhna lam ka melh rual chuan Sarah ka hmuzui zat. Aphone chu la sawnin a thing che zeuh zeuha, Bin chuan ahuih vat bawk. Ngemaw helaiah te alo tih le!
.
Kan lam pana alo kallai chuan mitkhap eihlo in ka lo melha, ani erawh hawi sang vah in nui var varin alo kal thung. Min hmu leh hria ang pawn a awmlo, Bin zawnah chuan ading deuh chat.
.
"Kan inhmu thei chu ka lawm takzet Edward" nui sang chuan ahan ti a, amah aia upa zawk ani tih zahna alantir miahlo lehnghal, ka lu ka lo thing mat mata.
.
"Nangpawh hmuh i nuam e" Polite takin Edward chuan achhanga, kei erawh lungtum an maiin ka lo thu ngawi reng thung, kan unau kara buaina awm avangin kan la inbe tha lutuklo bawk nen, han biak hmasak chakna ka neilo. Mahse ani hian Edward a ngaihhlut tawh tur thu asawi khan engchiah nge atum niang le.
.
"Ka lo thu ve thei angem? " Edward chuan ka thutna bula chair ruak chu amitmei zeuha, mahse minlo enin a meng hnur sat a, ka sawi thiamlo zawhte khawngaihthlak deuh ang hian a awma, Bin chuan minlo melh nghal vat. Ngaihna hrelo zetin ka thu ngil at a, ka melh tawn zak zak bawk.
.
"Tikhan min melh suh" Bin chu ka melh deuh pawk, achhanchu ani hian rinhlelhna mitmengin min melh, chu chu ka duhlo.
.
"Ka uite hian anau avel tihna em ni? " Mit zim sana atihchuan ka huattawk atling viau. Sarah chhanna chu nghakin ka kut kuangkuahin ka melh chho ralh a, amittui tling piau chuan enge a sawi tum ka hrelo mahse kei hi ka meng rum viau ani mahna ka mitmu athip vek.
.
"Ka.... Englo..... Engtin mah min tilo" bah nakin Sarah chuan alo ti chhuaka, ka thaw deuh halh.
.
"I mittui tlak chhan kha ka hrethei em? " Chang fak chuan ka ti, achhanchu tuna taka han tah thar velna tur thip engmah a awmlo.
.
"Khatianga ruma mi imelh te chuan tupawh an tap ang chu" Ka sama lo chulin Bin chuan alo ti a, akut ka vaithla vat. Chek tlak tlakin ka thlenga sa ti awm chu alo la a, minlo chansak zui zat. Enge achhan pawh ka hrelo Sarah khawsa zia chuan ka mit ati kham takzet, nichina amittui tla ngawt vang kha ani ber in ka hria, mittui han tih tlak ngawtna chhan tur ka hrelo em bawk atin ni.
.
"Kha le, ei rawh le" Ka thleng chu lo nawr hnaiin ka nghawngah a hankey chu alo bat a, kutkuangkuah chungin ka lo melh kar thung "Amak Emma, tikhan min melh tawh suh"
.
"Edward minlo chansak ve thei angem? Ka kut ka tina a" Sarahin atihchuan min melhna mit chu la sawnin Sarah plate chu amelh ralh a, amah chu athlek leh thin.
.
"Ahhh..... Aw.... Awle" mak tizet hmel pu chung chuan athleng chu aban a, Sarah ka ve melh chuan minlo enin anui deuh suk. Engvanga huatawm tak anga hmu tlat nge ka nih?
.
"Ka ei chaklo" a hankey chu la thla in dawhkanah ka dah a, ka thawhsan hmak bawk.
.
"Ka u hian min ngaina vaklo anih hmel" ka kal tan chiah tiha Sarah thusawi chuan ka thin akhei takzet. Achhanchu amah hi min millo hmasa tu chu ani.
.
Hrelo derin hotel chu ka chhuahsana, pawnah chhuakin ka hmalam pan chuan ka kal deuh hmawk hmawk. Ka thinrimna min hnawhtu avang chuan thu hnawkin ka awm ka dawma, ka thaw deuh halh halh. Sarah hi ka nau ang chiahin ka en a, mahse ani hian mipa vangin kan in unauna chu adah tha hmak anihchu. chu chuan min tina takzet.
.
"Ka uite hian mittui alo nei ve reng animaw? " ka hmaa lo thu chu melhin ka dinggil nghal zawt.
.
Lawkin ka mittui atla amaw! Ka biang lum pap chu hnunglam hawiin ka hrufai zeuh... Ughhh engvanga ka mittui hi tla ve ngawt nge anih ka hrelo takzet.
.
"Ka haw duh tawh" Tipah chuan ka melh kara, min hnial tumlo ani tih hriat tak leh zawhna min zawh tumlo ani tih hriat zet chuan ka kutah alo kaia, min kai phe deuh hlawp hlawp.
.
KawngKawngtluan chuan engmah asawilo, ka bula thu in chik zetin min melha, kei erawh chuan Sarah ngawt ka ngaihtuah thung. Engtin nge heng thil hi ka chungah atih theih? Engvanga hetianga ka chunga awm ta hi nge anih? Ka theihtawpin ka hmangaihna leh ka duhsakna ka hlan ani mai si a!
.
-----------------------------------------------------
.
"Ruahhmanna anga kan kal chu a hun tawh viau ani. Lambert chhungkua hi ka khama, an fanu nghal lutuk hmuh pawh hi ka hne zozai tawh. Engvanga, la che mailo nge kan nih" Nutei Reina aw ngei ani. An room lam pan chuan ka pen tham thama, ka thawm ka dim viau bawk. Kawngkhar pawn atang chuan an thusawi chu ka ngaithla a, mahse ka hrechiang theilo. Mipa tawngri chu ka hria mahse enge asawi ka hre theilo, atawng zawi lutuk tlat.
.
Engpawh nise nuteii khawsa zia hian ka mit ati kham tawh ani. Ka nu leh pa hnenah text ka thawna nuteii te room lam pana thawm dim thei ang bera lo kal turin ka hrilh bawk.
.
"Hospital hi ka tum ber anilo, an chhungkaw tihchhiat zawk hi ani. Engtika hriatthiam nge i tum? " ka phu zawka ka meng bial nghal kawk. Ani chungah hian lambert chhungkua hian engthil nge tih dikloh kan neih? Engvanga min haw em em ringawt nge anih? Ka nu hmuhah mitha tak angin a awma, ka hmuhah erawh asual hle thung, achungah hian engthil nge kan tih? Engtianga thui kal nge a tum?
.
"Emma engthil nge nita? " ka nu chuan zawi zetin alo ti a, ka pa chuan mak tihmel takin nuteii te room banga ka beng ka dawhlai chu minlo melh bawk. Ka hmuia ka kut dahin bengchhenglo turin ka hrilha, an bula kalin ka huai hla hlek bawk.
.
"Nu, pa mak in ti maithei mahse nuteii hi mitha tak aniin ka hrelo, achhanchu ani hian kan chhungkua tihchhiat atum thu asawi ani"
.
"Maw??? Emaa, fiamthunana sawichi pawh anili" ka nu chuan alo ti vat.
.
"Ka hria, fiamthu thawh hmel ka pu em ni? "
.
"Anihchuan fiah ang hmiang" ka pa chuan alo ti a, ka lo dang vat.
.
"Ka u, min hua tih ka hria mahse hetiang em em hi chu inih ka lo ring ngailo asin" sarah chuan mittui tla phangin alo ti a, hnunglam an hawi nghal vat.
.
"Sarah" ka nu chuan ati sap a, ka pa erawh chuan min rin hmel takin minlo melh thung.
.
"Nutei, chhungkaw rethei tak atanga seilian nimah ila, chuti taka rilru chhia chu kan ni biklo asin" inhnit feih feih paha atihchuan ka nu chuan ava kuah nghal vat.
.
"Ka tihpalh, ka thiamloh ani, ingaih ang kha anilo ania" a hnungzanga chul heuh heuh pah chuan ati a.
.
"Ka u khan asawi chiang viau ani, eng ang pawn min hmu hnian mahla, apawi ka tilo mahse ka nu ka neihchhun takmeuh i hmu hniam anihchuan Ka ngawi mai mai lo ang. Lambert chhungkua mite ngaihhlut leh zahrawn hi engtiang taka zahpuiawm nge anih ka hreve chiah, mahse chutianga hriat che u chu ka duhlo chuvang chuan...... "
.
"Anihchuan ka fanu mal neihchhun hi dawt sawiah i puh amaw? " ka pa chuab alo ti vata, sarah erawh angawi reng thung.
.
"Atawk e, anihchuan kan thiamloh ani" ka nu chuan ahan ti leh a, sarah chu athlem char char bawk.
.
"Nilo, chiang takin kan chhungkua tihchhiat atum thu asawi ri ka hria ani" ka ti ve hmak. Achhanchu ka hrechiang mah mah.
.
"Anihchuan fiah ang" ka hawi rual deuh thap.
.
"Pate"
.
"Emma, dawt isawi anihchuan keihi ka na hle dawn ania, achhanchu kei hian ka chhungkaw thar hi chan ka duh tawhlo ani" ngawi datin athaw halha, room lam pan chuan akal hnaia, room kawngkhar chu ahawngri nghal khap.
.
Patea chu room chhungah aluta, ka nu leh ka pa chuan an zui lut bawk.
.
"I thiltihah hian i chian ka beisei" nuihsawh tih hriat takin sarah chuan min melh kalh chungin asawia, min kalpelh hnu chuan alo hawileta " Emma Lambert" ati chang fak bawk.
.
Rooma an luhrual chuan nute Reina tap thawm arawn ri chhuak nghala, hmanhmawh zetin ka tlanlut ve nghal (to be cont...........)

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)