EMMA BY Kookie's Gf (Completed)

Episode nei ho a hlawm a dahkhawmna
Ngaia
Site Admin
Posts: 25813
Joined: April 30th, 2016, 4:07 pm

Re: EMMA BY Kookie's Gf (Completed)

Unread post by Ngaia » April 15th, 2018, 1:42 pm

Kookie's Gf
.
Ka hmaah chuan Gin chu alo dinga, ka darah chuan chelhin chik tak chuan minlo thlek a!
.
Min kuaiher hlekin a sir zawng chuan minlo thleka, hnai zetah chuan minlo thlek leh thin. Ka lu na zet leh a chezia chu a inremlo takzet. Ning zetin a kut chu ka vai sawna, chek tlak tlakin, akut chuan a khabe a dawma, min en leh dauh dauh thin.
.
"I va ninawm tak" ka chal dawm pah chuan ka ti a.
.
"Gin, heihi chu Emma niloin Emily lawm. Miss. Suzanna fanu chuan kei hi........ " Lana in alo tihchuan akut chu pharin atawnglai chu atitawpa.
.
"In hmel te, in tawngdan te a inang vek. Ughhh i mize ngeiawm lutuk pawh, Emma inih siloh chuan tunge inih? " hnai zetah chuan alo tileha, chhan tinah pawh ka en lo, a chianglo deuhah ka ngai mai.
.
"Engtin nge in inan viau theih? " ake chu a per vaka, ahriat duh ahre thei silo chu a thinrim ti tih ringawt.
.
"Enteh, tu pawh chu lo ni ila i buaina tur a awmlo adik em? "
.
"Ateuhlo. Engvangin nge ka buai ngawt ang. Bakah, Emma te chu Edward bulah chauh ahlim" lehlam chu hawiin aphun sawi nak a. Avan hahthlak tak.
.
"Tungte nge i sawite pawh chu ka hrelo. Anih phawt mai le"
.
Ka kalpela, "Emma kha adamtha ang chu maw! " ati nuah nuah ri pawh chu ka hrethei. Mahse, buaipui zui tawhlo chuan class lamah ka kir leha, Lana chuan minlo zui ve dat dat bawk.
.
"Tu chiah nge aniha" Lana chu ka melha.
.
"Gin Frost. Designer lar tak fapa, mi challang tak an nia sin Edward atih kha a u ania, Frost sumdawnna rochun tu tur an ti bawk. Achhelo lutuk an tih thawm ka hre ngun mai. Gin nen hian an mizia a in ep hlauh e an tia, Gin chu aharhin a tawngduha, Edward erawh a ep chiah chu ani thung"
.
"Ughhh.... Emma chu alawm ka tih"
.
"Ohhh.... Emma Lambert maw. Lambert Hospital lian lutuk mai neitu fanu mal neihchhun khirh leh sual deuh, thuduh bawk si ania, ahmelthat em avangin mipa ho lakah pawh atla na a, mahse Emma chuan alo tizak hrep thin hlawm ani awm e. Gin khan engtin nge inang a tihtlat chhan che pawh ka hrelo. Ka hmu chak ve ngawt mai. Mr. Lambert hian engvangin nge a fanu hi mipui hmuh a tarlan ahreh viau ka hre biklo. Emma mizia an sawidanin akhirh hmel sia chuvang ani mahna" Chutiang mize pu hmeichhia nen chuan engtin nge inang min tih theih!
.
"Chuan Edward nen chuan engtin nge an inzawm ihre mial em? "
.
"Emily, hrethei ila ka ti lutuk mahse ka hriat hi atlem em atin ni. Edward te nena an inlaichinna chu chiang takin ka hrelo mahse an sawidanin Emma lambert leh Edward hi an inkawmngeih viau ani awm e, an tet te atangin an inkawm tawha, mahse tuman an inngaihzawn leh zawn loh an hrelo"
.
"Ohhh.... Anihchu" tihchauh chuan ka chhanga classa kan awm hnu pawh chuan Emma an tih ngawt chu ka rilru ah a awm. Ginan min hriatpawlh vang pawh chu ani mahna.
.
"Emma" Lana in alo tihchuan tukverh lam ka hawi reng ani tih ka hreve chiah. Lehhawiin ka en a, ka hnunga thu avang chuan ka phu zawk..
.
"Ka tibuai miahlo ang che" akut chu alu chungah aphar vah a, kan lam an lo hawi deuh thap lehnghal. Ka lu chu thingin hmalam ka melh leh a.
.
"Gin hian a star che in ka hria" lana chuan zawi zetin alo ti a. Ka thaw deuh halh. Ka hawilet chuan ka sir lam atang chuan chiang zetin minlo melha.
.
"Min tibuai tawhlo thei em? "
.
"Emma inilo tak tak maw? Nge ni a midang angin lem i changa i tlanbo zawk. Edward i ning tawh em ni? " anui vur vura, ka khawn fawk loh nan ka inveng nasa takzet.
.
Chhanglet ta lo chuan hmalam melhin lecture chu ka ngaithla ta zawka.
.
Nilenga class han lak meuh chuan a khamawm takzet. Class room chhung pawh chu ka hnunga thu vang chuan a ninawm zo vek. Ka sam alo khawiha, achang leh hnai zeta ding meuhin minlo thlek leh thin. Hneawm hian. Class period a over hnu chuan Lana nen chuan titi pahin kan inzuia, driver alo thlen lawkloh avang chuan kan nghak deuh lawka.
.
Kan bula car var nalh zet alo din chuan driver chu alo chhuk zuia, car kawngkhar chu alo hawnga,
.
"Ka pu, i hman chuan kan haw tawh dawn em ni? " polite takin ka hnunglam melh pah chua ati a, ka hnunglam pawh chu thlek lemlo in ka phone chu ka phawrha, ka nu nena kan thlalak chu ka thlek mial mial.
.
"Lawkin aw Max mi nghah pah ka ngaia" ka dah chhuah chuan driver bula ding chu Gin alo ni a, avan ninawm tak, a driver abia anihchua tinge kei min melh kur le!
.
Ka dtiver alo thleng hlauh chuan min tilawm takzet. Gin chu ka melh zeuha, ala ding char char.
.
"Naktukah kan inhmu dawn nia" Lana chu ka melh zeuha, minlo bye bye ve bawk. Car kawngkhar minlo hawnsakah chuan lutin kan tlanchhuak nghala. Ka bengah chuan ear phone ka vuaha hla ka ngaithla ta daih. Side glass atang chuan Gin car kan hnunga tlan chu ka hmu a, thaw halhin ka ear phone chu ka phawia.
.
"Ding lawk teh"
.
"Maw?? "
.
"Vatin"
.
"Awle" car adin hnu chuan ka chhuka, Gin car chu ka thlek vang vanga, tukverh atang chuan minlo enin anui vur vura, minlo bye bye in atlan tlang daih. Nghal lutuk. Ngemaw ka lo inchhuk hmingchhiat duh le! Min zui emaw ka tia.
.
Thinrim zetin ka lut leh a, inlam pan bawk chuan kan tlan leh a, thui fe kan tlan hnu chuan kan thlengve ta hram. Car atanga ka chhuk hnu chuan gate pawn lama car var ding chu ka hmu a, tukverh atanga fimkhur zeta lo dak pawh chu ka hmu tel, ngemaw min zuiruk kher le. Car bula ka din chuan alo biru vata.Tuverh chu ka tuk karh karha. Chiang taka ka hrilh mai angai ani. Alo la hawnloh cheu avang chuan ka tuk leh vak vaka, driver chuan hnunglam chu amelha minlo melh leh thin. Hawnglo turin a signal tih ka hria.
.
"Nangmah ini tih ka hria" ka chum leh dawta. Muangchangin glass chu alo down a.
.
"Ughhh.... Max kan in kalkawng i hrelo mi? Iva mawl ve" Ava han chimawm tak.
.
"Enteh i Emma sawifo ka nilo tih i chiang tawh em? Khawngaihin hetianga min zuiruk hi sim ang che"
.
"Hey, ka zuiru lo che, kalkawng kan hai alawm" atawng pawh chu ka ngaithla zuilo. Ka luhsan leh ta daiha, ka nu hna atanga alo la hawloh avangin in chu areh hian a reh tlawk tlawk.
.
Ka room ah lutin ka inbual faia, ka inthlak fel thlap hnu chuan lehkhabu chhiar pahin khumah ka mu a.
Ka phone alo rik deuh thut avang chuan ka thlek nghal nghal vat. Ka nu in minlo video call ani tih ka hriat chuan ka nui nghak var vara.
.
"Aw nu"
.
"I haw tawh em tih hriat ka duha" thil aziak pah mawlh mawlha, a hnathawk hmel hmuh te chu auam takzet.
.
"Aw, ka thlenna ala reilo"
.
"School boruak chu enge a an? "
.
"Mipakhat min tibuai sek tu a awma chupa chu awmlo se chuan a nuam ngawt ang"
.
"Ohhh.... Tunge ka fanu chhaih ngamtu chu" amitko asan ak a, ka lo ner sak.
.
"Khatiang lam kha anilo. Gin ania tuemaw nen min hai palha"
.
"Gin Frost em ni? " alo ti vat. Engtin ngemaw ahriat chu le.
.
"Aw ni e, engtin nge ihriat. Asawidan chuan Emma nen kan inang viau ani awm e"
.
"Ohhh......Bawihte ka dah phawt ange aw, inah kan sawizawm dawn nia" a off nghal daih. Ngemaw awmzia le!
.
Lehkhabu chu ka chhiarzawm leh a, ka hriatloh laiin ka lo muhil ani mahna, ka nu ka sam chul chunga tawng mial mial thawmah chuan ka harha mahse asawi engmah ka hrelo. A lung achhia tih erawh chiang takin ka hria.
.
.
.
.
Zingkar hma takah chuan ka tho a, ka cycle chu la chhuakin ka walk a. Boruak thiang tak kara kal chu anuam takzet, ahlimawm viau bawk. Ka ngaihtuahna te pawh a thiang kawkin ka hria.
.
Thingbuk hnuaia thutna nawm hmel zeta awm ah chuan thu in ka breakfast tura ka pai chu phawrhin ei ka tuma, ka ear phone ka hlih lai tak chuan tu emaw in ka kuta ka eitur ken chu alo la daih. Ka dah chhuah rual chuan kha mihring bawk kha alo ni peka..
.
A chanve hmawk a keih hnu chuan ka kutah alo dah leh a, tihngaihna pawh ka hrelo. Ka melh tlawk tlawk ringawt. Nui sen sen chungin ala thial tuam tuam zui.
.
"Good morning " ti pah chuan min tlanpela, ahnunglam atang chuan àng phuau in ka melh ringawt, tih nghaihna pawh ka hrelo. Ka kuta athil eibang alo dah chu ka en a, ava han zak theilo tak.
.
"Hey" ka rak tuarha, ka kuta eitur awm chu ten zetin ka paih pherh tuarh bawk.
.
Lo hawilet chuang hauhlo chuan alet zawngin alo tlana, ka zawn athlen chuan atawp chawt.
.
"Min bia em ni? " nui var var in, ka sam alo tuaia, ka lo vaithla vat.
.
"Thi rawh"
.
"Awle" aban aphar zeuha, atlan lehnghal nal nal. Hnunglam atang chuan tihngaihna pawh hrelo chuan ka melh tlawk tlawk ringawt
.
.
.
.
2 weeks later.
.
Gin tihbuaina hrang hrang nen kar hnih hun chu alo ral ve leh ta reng mai. Hepa hian enge ahriat tehhrep ni, min zuikual renga min ti thinrim reng bawk. Pangai takin min tawngkhum ngailo, tawngkam ngeiawm tak tak ahmang fova, ka hriatloh der chang lah atam.
.
"Emily..... I awih theilo ang, alo kal leh ania" ka lam pana lo tlan rak chel chul chu melhin ka chhing sawk. Ani tluka thawveng hi ka la hre ngailo. Thu pawimawh tak rawn ken erawh aneilo leh chiang viauin ka ring.
.
"Engthil pawimawhlo nge ni leh ta" elsen taka ka tihchuan alo nui an sun sun a.
.
"Gin mawle, ilo luh atang khan class ala thulh miahlo. Ahma te chuan karkhatah vawikhat chauh te alo kal thin. School boruak anin avang hian ahrana zirtirna pek thin ania mahse ilo kal atang kha chuan class ala thulh miahlo" thupawimawh asawi ngailo tih kha ka sawilawk em!
.
"Kan inbe lawk hman em? " ka bula ding chu ka melh zawka, school uniform kah hi pangai takin aha ngailo.
.
"Hey, tu ah nge i inngaiha min biak min biaka, ka be peihlo che tih i hrelo mi? " ka kut kuangkuah thanin ka thu a, ka melh kalh bawk.
.
"Tu ah mah ka inngailo, class banah hun i nei thei angem? " ka ner sak.
.
"Ateuhlo"
.
"Hey, misualnu engvangin nge i chapo em em a" lungawiloh hmel tak chuan ati a, akhamawm takzet. Chhanglo chuan ka lehkhabu ka melh a. Lo khup thawkin ala ta daih.
.
"Min pe rawh"
.
"Ka tan hun nei phawt la"
.
"Wowwww........ " an lo au dur dura, mihring bawl nuam lutuk, ala phur sauh lehnghal.
.
"Minlo pe rawh" ka thin arim takzet tawh.
.
"Pelo ta che ila" alu chungah chuan alek kanga.
.
"Hmela"
.
Ka hmai zawn chet ah chuan alo kun hniama "Gin min timai theilo mi? " anui deuh suk. Min hnaih lutuk vang nge ka hrelo ka lung aphu zawih zawiha, arukin ka kut zungpui chu ka sik niap niap. Hawisawn mai atumloh avang chuan khuh kharh kharh in class room chu ka chhuahsan ta daih.
.
Inchungah chuan chho in ka lung zawn chu dawmin ka thaw halha, Gin nui sen sen hmel ka mitthlaa alo lan rual chuan ka kutin ka biangah ka inbeng sawk.
.
"Ka à tawh nih hi" ti sup in, van lam hawi chuan ka thaw halh halh a. Khatiang taka hnai khan ka hriat chinah mipa in minla en lo chuvang pawh ani mahna. Mize thalo tak ka nei tih hun arei hma hauhin ka hrechhuaka, chung ka mize thalo zingah chuan mipa tawngthei leh harh lutuk ka ngaihtheihlohna pawh atel.
.
"Min haw viau em ni? " ka hawileta.
.
"Tehreng mai. Ininawm lutuk te hi ka khama, i tawngthei lutuk te, inghal lutuk te min thlahfal thei miahlo te, i samkir buk luih pawh kha ka hua, ka haw lutuk che" Ka an khum ta duah. Ngawi rengin tawng miahlo chuan angaithla a, ka lehkhabu aken chu alo lek kang a. Ka phih deuh lawp. Ka kal nghal daiha.
.
"Min haw lo thei mailo em ni? " atiri chu ka hre phak. Ka hriat tura sawi kher atumlo tih ka hria, ka hriat hman tlat si avang chuan thaw halhin ka dinga, ka hawilet bawk.
.
"Gin" minlo melha "Gate bulah ka lo nghak ang che. Mahse tun chiah ani ang" anui lehnghal var var. Ahlimna avan ho tak.
.
Last period anih tawh avangin lecture chu uluk zetin ka ngaithlaa, lehkha thiamthei tak ka ni ani mahna engkim mai chu a awl ka ti em em vek. Ka lo zir hrep tawh hnu ka ennawn leh vel mai mai ang vel ani.
.
Gin chu class ah a awm leh tawh miahlo. Class period a over hnu chuan gate pawn lamah chuan ka lo nghaka, ka driver pawh lokal angaihloh thu ka hrilh tawh bawk. Midang an haw rem vek tawh hnu pawh chuan ka la nghaka, alo kal mailoh avang chuan ka bengah ear phone ka vuaha, hla ka ngaithla ta daih. Ruah arawn sur cherh cherha, tawmhulna ka zawng nghal vat. Khapa khan min bum anih vaih chuan ahre khawp ang.
.
Ruah tla chu enin hmuhnawm tizetin ka thlira, ka lu arawn nat thut avang chuan ka thu sawp hnawka, ka lu bura tawngri tam lutuk avang chuan ka beng ka hupa, school gate pawna kei leh midang tam tak awmlai te chu ka mitthla ah alo langa, mahse chiang takin an hmel ka hmu theilo, tuna kan uniform hak nen hian an uniform chu a inang lo tih chauh ka hria. Ka bulah chuan hmeichhe pakhat alo tawng bawka mahse chiang takin athusawi pawh chu ka hre theilo, car dum nalh tak atanga mipa lo chhuak chuan nihliap minlo zawn bawka, ahmel ka hrechiang theilo, ka chhing sak a.
.
Ka lu na zet chu ka dawma ka thi thei mai dawnin ka hria, ka ngaihtuahnaa thil awm zozai chu enge anih pawh ka hrelo, ahreawm takzeta, ka lu hi ati puakkeh mai dawnin ka hre bawk.
.
"I.... i.... I tha em? " Gin tawngri ka hriat chuan ka dak chhuaka, ka hmuh phe vek avangin khapa nen khan an inang takzet.
.
"Ka... Ka.... Kan inhre thin tiraw? " ka ti bah naka..............(to be cont......).



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » April 15th, 2018, 1:43 pm

Kookie's Gf
www.storyfb.com mizo story thar englai pawhin chhiar tur a awm reng


"Emma nangmah ini em? " Gin chuan alo ti a, ka hrechianglo na in ka hriat hnu ani tih erawh chiang takin ka hria.
.
"Engtin nge kan inhriat ka ti bah niaih a" Chik taka minlo melhin athaw halha, alu chu athing mat mata.
.
"Ka hrechiang biklo..... Ughhhh kha Emma kha chu ini theilo"
.
"Mahse ka hria che ani engtin nge ka hre biklo" ka lu na bur chung chuan ka tho luia, ka hmaa ding chu ka thlek vang vanga, ka hriat hnu ani tih ka chiang ani mahse engtinnge ka hriat ka hrelo.
.
"Emma kha chu nang aiin a sual zawk fe ani. Nangte chuan minla melh peih tal alawm, khanu kha chuan melh pawh min melh peihlo, chuvang chuan ramhuai pitar i an ka phal reng reng lo" a nui vur vura, lu nat nen a in remlo takzet.
.
"Ka haw duh"
.
"Mahse....... "
.
"Enteh Gin, ka chau takzeta ka awm anuamlo bawk. Nidangah ithil min hrilh duh chu min hrilh mai dawn nia"
.
Angawi vang vanga, min en kalh bawk, hnial chi ka nilo tih ahria ani mahna, ka darah chuan alo vuana, ka hnung lama dingin hmalam hawi chuan min nawra, ka dara achelh vang nge pawh ka hrelo ka awm ati nuamlo vek thei.
.
"Keimah in ka kal thei" ka bag chu alo la a.
.
"Ka hria lawm, i kal thei tih te chu, engpawh nise vawiinni atan chuan ka thu awih phawt mai teh" ka bana lo kaiin car chhungah min nem lut rawk rawka. Atih ang chuan ka awm ve mai bawk. Ngawi rengin alo lutlai chu ka thlira, driver hnenah chuan kal turin thu ape a, ka awm anawm chiahloh avang chuan ka awmdan chu ahreawm takzet.
.
Kawngtluan chuan Gin chu atawng char chara, athusawi ho tak tak te chu chhanlet atul ka tih lemloh avangin ka ngaithla liam vel mai mai ani. Engtin nge mipa hi hetiang tak hian an lo tawngtheih zawk ni ka ti hial, kawng lah chu athui nasa mai si.
.
Rei tak kan tlan hnu chuan kan inkawtah kan ding ve thei ta hram. Car adin rual chuan Gin thusawi laklawh leh laklawhloh pawh chu ngaihtuahloin ka chhuak nghal daiha, inchhungah chuan ka luta, ka nu alo la haw loh avang chuan ka room lam panin ka chho a, ka inthlak lao te chuan ka lo khuh leh kharh kharh thin. Ruah ka do tlem tehlul nen,ka taksa chuan hritlang aman hma hlemai.
.
Inthuam lum vatin khumah ka mu a, ka taksa akhur der der bawk. Damdawi chu ka ei leh te te a, ka hriatloh karin ka lo muhil ani mahna, ka mumangah chuan vawiina ka ngaihtuahnaa lo awm ang bawk kha alo lang leha, chiang taka ka hmuh tel chu hmeichhe pakhat ka kum rualpui vel nena ka inhau lai leh nu pakhat nena kan inhnial lai chu ani, ka taksa asa mup mupa, ka thlanin min bual huh hlap bawk. Tui vawt thlarha, minlo deh chuan ka zia ta deuha, ka nu ani tih ka hria mahse ka mumang nen chuan a inchawhpawlh kual veka, ka meng thei chuanglo.
.
Damdawiin kawr haa pawna wheel chaira ka thulai te chu ka mumangah ka hmu a, ka lam pana mipakhat sang tha zet, sam dum hlap mai lokal mittui tla chunga ka lo melh lai pawh chu chiang takin ka hria, thi kara zungbun inthiat chu min awrhtira, 'ka uite' tia min koh chuan mang ram atanga harhin ka thuchhuak hlawla, ka nu chuan vurin ka taksa alo dep mek chu niin.
.
Ka mumang mak zet chuan ka ngaihtuahna aluah, tunge khapa kha anih? ka enge anih chiah le!
.
Ka nghawnga ka thi awrh sin zet kara zungbun awm chu ka tuai vir zauh zauha. Tunge khapa kha anih le! Engvangin nge ka mumanga athi min pek ang chiah kha ka awrh, chuan engvangin nge ka uite tia min koh? Ughhh zawhna hlir.
.
"Nu, keihian thian kawmngeih deuh ka nei em? " ka ti sap a. Mak tihmel tak chuan minlo melha.
.
"Chutiang te chu ka hriatpui ve miahlo che, thian i ngaina vaklo a" awlsam zet chuan alo ti mai bawk si. Anihchuan tunge khapa kha ni ta ang! "Emily, i hriatna i nei let tawh em ni? " thutak fe hian alo ti a.
.
.
"Ka... Ka hre biklo. Vawiin khan thilmak deuh mai ka ngaihtuahnaah alo langa mi pakhat hian ka school bang minlo hruia chuan kan bulah midang tam tak an awm bawk. Mahse tumah ka hriat zawng an awmlo chuan mumang mak deuh ka nei bawka, nu pakhat nen kan i haua, keimah ang rual vel nen kan inhau bawk" ka tawngran lutuk avang chuan ka thaw deuh hlawi hlawia.
.
"Chuan engtin zel" mak tihmel pawh apulo chuan mak min tih tir.
.
"Englo........ Amak ka tihber chu ka mumangah hian damlo kawr ha in damdawiin pawnah ka lo thu a chuan mipakhat kei aia upa hlek tur vel hian thi leh zungbun minlo pe a, chuan chu chu tunah hian ka awrh mek bawk"
.
Athaw halh a "Lalpa ka lawm e" atichhuak sap a. "Emily engkim ka hrilh theilo che mahse engkim i hrethuai ang tih ka hria, i hriatna ineihlet apiangin in hrilh zel rawh aw, khang kha mumang anilo ania, atak vek ani"
.
"Maw??? "
.
"Nang hian..... " achawl dat a "nakinah ihrechhuak vek mai ang, dinner ei tur ka lo siam ang che" tiin room achhuahsan ta daih.
.
Darthlalang hmaah chuan dingin ka hmel chu ngun takin ka thleka, ka ngaihtuahna leh ka mumang ami te kha ka nuna mite an ni tak tak anihchuan tunah hian khawnge an awm vek le! Tunge ka inhauhpui te kha ni ang. Chuan tunge khapa kha ni ta ang!
.
Rilru buai zeta ka awm avang chuan thaw halhin intih thawven ka han tuma mahse ka hlawhchham chiang hle, ka inrin loh laiin ka lo ngaihtuah leh vung vung thin.
.
Dinner kan eikham hnu chuan ka nu nen movie reilo te kan endun a, kan movie en pawh chu ka thluakah alut theilo, ka ngaihtuahna te hi achawmawlh vek nimai hian ka hria.
.
Lehkha zirin ka hun ka hmanga, lehkha ka zir nge ka thluak ka zir pawh ka hre neklo. Tu chiah nge maw ka nih le! Ka rilru buai zet avang chuan ka thi thei mai dawn. Ka phone alo rik chuan enchiang hleiloin bang vawm nan ka hmanga, ka thinchhe lutuk te hi adiklo. Tunge ka nih? Engvanga hetiang mizia hi nei nge ka nih! Tunge kha Emma kha, inzawmna kan nei em ni! Ughhhh.... Dawhkanah chuan ka lu ka nghata ka tauh deuh chawrh chawrh.
.
.
.
.
Ka sam chu ka chhipa bawk fai vekin ka uniform chu ka inbela, ka thi sin zet awrh darthlalang atanga ka hmuh chuan ka khawih leh zeuha. Khapa bawk kha ka ngaihtuah chhuak leh tawh. Engvanga amah vanga tap kha nge ka nih tehchai le!
.
"Ka tan hian engtiang chiaha hlu ngemaw inih le!" Ti sapin ka coat chu kaha a, ka bag la in nizana ka phone bang den nana ka hman chu ka chhara, akehlo hlauh, inhnuaiah chhukin breakfast ka eia in atangin ka chhuak nghal zat.
.
Driver alo inpeih at tawh avangin school lam pan chuan ka kal leh a. Music class neih tur tih thawm an sawi avang chuan ka ner nang music lam ka tui awm pawh ka hreloa, engtin nge maw nilenga hun ka hman peih tehlul ang ni, boring dawn ropui si.
.
School gate ka luh hma chuan school piaha dawr lian tak chunga an screen tar ah chuan hmeichhe pakhat an vui lai video hi an lo chhuaha, Emma Lambert tih a inziah kuau avang chuan kha Emma kha ka hrechhuak zawk. Ahmel hmuh hun changin ka ding vang vanga, mahse aruang an khuh tlat avangin ka hmu theilo. Kuang an chhin dawnlai chuan mipakhatin chhinlo turin angena, aruang pawm chunga chupa mittui tla ka hmuh chuan inher remin ka hnaih hreta, khapa kha a ang takzet, ka mumanga ka hmuh pa kha. A insehruh nasa ani tih chiang takin ka hmu mahse amittui chu afar fap fapa, adang seng biklo ani mahna, ka lo lainat takzet. Ahnunga nu pakhat leh pa hmeltha tak ding mittui tla zawih zawih pawh chu ka hmu a, ka hmul thi ading sur sur mai. Emma Lambert chu athi tawh amaw! Engvangin nge khitianga an vui lai te chu mipui hmuha an tarlan le! An lar thawkhat viau ania nge.
.
Enzui duhlo in gate ah chuan ka lut ta daiha, class lam pana ka kallai chuan mipakhatin ka hnunglam atangin minlo kuah thuta, ka phu chiang kher mai, khathil kha ka lo ngaihtuah zui char char ani mahna.
.
"Good morning" anui leh sang tawh.
.
"Lana min ti phu alawm" ka nuihlet ve ver vera.
.
"Nizan i mutha aniang maw"
.
"Engvang ngawt chuan maw? "
.
"Enteh Emily rei tak inhre tawh ang mamai kan ni achhanchu ka hrechiang nghal em em che a, ka nel bawk che. I tawngtlemin i ngeiawma kan class amite hian hmeltha si sual bawk si an ti thin bawk che tih i hria em, mahse keichuan ka ngaina tho che" ka biangah chuan alo dawma, ka lo bengthla vat.
.
"Ka mood fuh i chhembo dawn alawm" anui hak haka, diktak chuan thian tha tak ka tawng ni a ka hriatna chuan min ti hlim ru takzet.
.
Music class anih avang chuan kan class ho zawng chu room pakhat ah min hruai khawma, kan class ringawt pawh kan tam tham viau.
.
Piano ka hmuh chuan ka chhungril alo hlim ru ve em em ringawt. Zirtirna pek anih chhungte chuan ka lo ngaithla uluk hlea ka bula thu erawh a inchei malh malh thung.
.
"Tunge piano tum thin in awm em? " tuman ban an pharloh avang chuan areh diaka."Ka duh duh ka ko chhuak anga, nichina ka thil zir kha in tichhin ang"
.
"Awi engmah ka ngaithla hleinem" lana chuan alo ti a, ka nui deuh sak.
.
"Make up hmandan i hrilh mai dawn nia" ka lo ti supa.
.
"I van sual tak" ati zui zat.
.
Mi 7 lai ako tawh tuman an tum thiamlo, kan zir zo chauha thluak thawl hlawm lutuk. Ka nu khan lehkhathiam tak tak chauhin seat an chang kha ative sia, mihausa luhna anih miau avangin mi hausa apiangin seat an chang ani zawk mahna.
.
"Emily Watson" ka hming an lam chuan phu zawkin ka meng phawk hra a.
.
"Min hmusit sual dawn chiang ani tih hre rawh" nuihsawh aw takin lana chuan alo ti a.
.
"Lo thlir la" ti sapin stage lam pan chuan ka kala. Piano hmaa ka thut meuh chuan ka zam ta viau mai. Ka mit chhingin ka kut chu ka nghata, enge ka hmeh pawh ka hrelo, hla pakhat ka play ani tih erawh chiang takin ka hria. Chuan chu hla chu damdawiin ka awm laia ka ngaihthlak fo ani. Perfect. Engtin nge ka thiam theih zawk le!
.
Music arik tawp rual chuan thawm areh diaka, Ka men rual chuan ngawi thapin mak tihmel zetin minlo en thap hlawma, ka bula ding min guide tu chuan min en vang vang hnu in a kut abeng a, anui suk bawk. Kut an ben tak dur dur hnu chuan ka nui sen sena.
.
"Iti tha e, Emily ka chhuang takzet che" Chhuang àw tih hriat tak chuan ati a.
.
Kawngkhar nghenga Gin ding ka hmuh chuan ka en deuh vang vanga, minlo melh char chara, thaw leh khatah inher vutin class a chhuahsan ta daih. Ngemaw a danglam viau le, aharh thin tehlul nen.
.
Rei tawk fe kan zir leh hnu chuan ka beng ana thum thei, inti thawveng turin inchung lamah ka chho a, tumah an awmloh ka rin avang chuan ka awm anawm viau theih ka beisei bawk.
.
Gin kekawr ipte zen chunga vanlam hawia chhing vang vang ka hmuh chuan ka ding data, hetah hian alo awm daih amaw! Nidang anglo takin a rilru ahah hmel viau mai. Amaha awm aduh anih ringin ka inhera chhuk mai ka tum bawk.
.
"Vawiin chu keimah chauha awm ka duh asin le" tawngri ka hriat chuan nui sak in ka inhera.
.
"Tunge dang che" ka ti deuh sup.
.
"Nang hi....Thih i duh mi, aletlingin ka sawi ve em em a" ka nui ri deuh hak, a bulah chuan kal hnaiin kut kuangkuah thanin ka dinga.
.
"Tikhan i kut kuangkuah suh, chuan tikhan min melhlo bawk rawh ramhuai pitar ang mai" ka chalah chuan akutin alo nawra, atukhumah ka beng let chawrh.
.
"Thih i duh mi? ".
.
"Ti pawh khan tawng tawh suh. Min hmulo angin awm tawhlo la, kut pawh min thlak tawh suh. Khatiang mize khirh lutuk kha pu tawhlo la, min biakin nui sang la ka lakah tawngkam tha chauh hmang tawh bawk rawh, mipangai angin min en ve rawh" angawt dat a " Nangte chu ramhuai pitar niloin Emily Watson inihkha" ati sap a, hnuailam amelh daih bawk. Ngemaw athusawi awmzia hi lè!
.
"Thu tangkailo i sawireng dawn anihchuan ka chhuk dawn nia" tipahin ka inhera, thui pawh ka kal hmanlo.
.
.
"Mipakhat hi mipahnih anih theihloh tiraw? " ughhhhh.....
.
"I à deuh anilo maw!" ngaihna hrelo zet chuan ka ti a.
.
"Mipakhat i ta ni ngai miahlo, i hmel ahmuh apianga thinrim ringawt thin kha ita ni turin duh ta tlat si la, engtin nge itih ang mahse chumi ita ni tura i duh em em chu i unaupa hmangaih nita tlat bawk si se chutiang dinhmuna ding mipa chuan engthil nge atih ang"
.
"Doctor hmu la athat ka............. "
.
"I ta ni tura i duh em em mahse melh ve peih ngai miahlo tu che, nang aia a unuaupa thlang tlat tu kha ita ni tura siamna hun remchang nei ve ta hlauh la, mahse chu chu sual thupna liantak lo ni si se, engtin nge itih ang" ahmel ka en chuan a rilru ahah hmel takzet mahse azawhna hi ka hrethiam map silo a chhan ngaihna pawh ka hrelo.
.
"Gin..... "
.
"Sual anilo tiraw? Anilo tih min hrilh hram teh" ka darah chuan vuanin ngun takin minlo ena, han chhan vak ngaihna pawh ka hrelo. Engvanga he zawhna dawngtu hi ni nge maw ka nih le!
.
"Keichuan hrereng chunga i unaupa hriatloh laia i chhuhsak anihchuan sual anih ka ring" akut chu lathla in atawlhhnung hreta, bang nghengin athusawp bawk, sawisual inti zetin ka ner sak a, mahse ka ngaihdan diktak ani thung.
.
"Anihchuan thudik ka sawichhuak anihchuan ka nei ve thei ngai dawnlo asin" lungngaih hmel zet chuan ati a.
.
"Engpawh nise ahmeichhe ngaihdan chu achezia atangin a hriat theih ang chu, ani chuan i u chu alo hmangaih ve anihchuan ithiltih tum hi sual ani. Ahmangaih lo anih erawh chuan sual anihna ka hrelo" lo tho thutin ka hmaah adinga.
.
"Anihchuan chunu angah chuan han inngai teh. Ka unaupa chu..... "
.
"Edward" ka lo ti vat, ka hreve kar tawh.
.
"Ohhh... Ka rin aiin i fing, midang ka atanga i hriat anih ka beisei" ka bu nghata, lana ka atanga ka hriat anih miau avangin " Edward mizia chu angawichawia, lehkha athiam theia, apolite in ahmeltha a, chuan englo..... Ih..... "
.
"Chuan engtin zel"
.
"Chunu nen chuan tet te atangin an inkawma a care viau bawk" hnuailam amelh ralha.
.
"Ohhh.....a duhzawk tih achiangsa anihchu, anih phawt..... "
.
"Lawkin ka la insawi ve hleinem" min kuai her lawpin a awm ah chuan akut anghata, achanchin asawi pawh chu ngemaw ka ngaihthlak aduh viau le!
.
"Enge a tulna hei ka hmu reng che lawm" aner deuh sawk.
.
"Ingaih ang ngawt hi ka nilo. Ka hmeltha in lehkha ka thiamtheia, i awihlo maithei Edward ai pawn ka zir peih ik chuan ka thiamthei zawk. Chuan ka hmeltha zawk bawk. Ka tawngtamlo a" ka nui ri hak. "Hey, tikhan nui suh, ania lawm mawle" hriattheihloh chuan aphun nak a.
.
"In intawndan min hrilh zawk rawh" ka sana bih zeuh pah chuan ka ti a, amah infak nan hun aliamzo mai dawna ka hriat vang ani.
.
"Ihhh.... Englo.... Kam intawn dan hi fuh chiahlo ber ania" atukhum lam sam chu atham zeuha "Hmeichhe dang min zui kualtu te zinga mi amaw ka tia, ka hrawk vaka aphut nasat deuh vang aniang pool ah atla a, chuan........ "
.
"I chhaih thinrim hnu ah pawtchhuaklo in i kalsan ta a"
.
"Engtin nge i hriat? Nang hi.... " angawi data, chik fe hian minlo en a, engtin nge ka hriat pawh ka hrelo. Adik ani mahna mak ati emai.
.
"Ka ring dik anihkha mawle, engvak nge nise itih"ka lo vin let zek.
.
"Ohhh... Ih... Khatiang deuh khan" ka nui ri hak hak, diktak chuan anuihzatthlak em atin ni, ka pum dawm meuh chuan ka nuia, minlo en reng tih ka hmuh chuan a ngaihdantur ka hrechang miahlo tih ka hreve chiah. Insum tum zetin ka melha mahse aza em em tho. Gin hi alo nghal satliah biklo animahna achetphung chu ngeiawm mahse alawmawm ka ti. Nuih insum zet chuan ka melha.
.
"Uhhhh..... Englo" ka tawng theilo ka nui leh hak haka.
.
"Tikhan i hmeltha lutuk" ka nui tawp tat. Amah ka va melh chuan alo serious viau. Ka thin arawn phu dep depa, khuh kharh kharh in hmundang ka melh kuala.
.
"Ka.... Ka.... Englo.... Ka chhuk dawn" ani pawh chu harh chiang chauh ang mai chuan akhuh kharh kharha, lehlam hawiin apheia rawn lehhawi leh in hmanhmawh zetin min chhuksan ta daih. Thaw huaiin ka nui leh hrep ringawt, hetianga hlim hian ka la nui ngai miahlo. Tu emaw tak cchu ani.
.
Class period a over hnu chuan gate pawn lamah ka chhuaka ka nu car sen vat mai ka hmuh chuan nui var varin ka pan hnaia, ani pawh chuan minlo nuih sanga. Car ah chuan lutin in lam pan chuan kan inkhalh haw a.
.
Titi pahin eng eng emaw kan sawia, ahlimawm viau. Kan hmaa bike chak taka rawn tlan avang chuan car stearing chu a cut kawi zak zaka. Ka lu arawn hai mual mual a, car in chiang taka min su lai leh nu pakhatin damdawiina min hruailai te chu ka mitthla ah arawn lang tuarh tuarha, rak vakin ka beng ka hupa.
.
"Em... Em... Emily itha em? " ka chhanglo.
.
"Nute Suzanna ini tiraw? " natna khuma ka mut laia ka thusawi chu ka bengah ari nawn tluk tluka, car adin tuarh chuan ka biangah alo vuana.
.
"Itha em Emily, bawihte itha tiraw? " mangang takin minlo kuaha, ka mittui chu afar fap fap a.
.
"Nute" ti sapin ka melha, phawk zetin minlo melh thung.
.
"Em... Em... Emily" ati bah niaiha.
.
"Nute suzanna ini, ka nu inilo. Tunge ka nih? Kei hi emily ka nilo, tunge ka nih? " ka rak tuarh tuarha.
.
"Awi lalpa" ahmui hupin min en vang vanga.
.
"Min tanpui turin ka ngen che a min tanpui mai chauh ani mahse tunge ka nih, engvanga ngen che nge ka nih" ka sa rak ani ber, minlo kuahin ka hnungzangah chuan ka ziaawm hma abeng thek theka.
.
"Inah ka hrilh vek ang che, haw phawt ang"
.
"Tunah ka hre duh. Tunge ka nih, engvanga hetuanga awm hi nge ka nih? Tunge Emma chu chuan kei nen hian enge inzawmna kan neih?" Minlo kuah leh nghal vat a.
.
"Ka hrilh dawn che mahse rilru fim tak i put phawt ka duh, haw phawt ang aw" ka bu nghat nghata, car chu ti nungin inlam pan chuan kan tlana. Kawngtluan chuan ka ngaihtuahnaah tunge ka nih tih chauh a awm, ka bula thu ka nu emaw ka tih hi, ka eng chiah nge anih engvangin nge nute tia ka koh? Rak chhuah vak mai ka chak takzet.
.
In kan thlen hnu chuan ka nu chu athu min hrilh hun nghakin ka melh kara, mahse room a kan inbiak athat arin thu leh, amah lo nghaka lo inthlak fel tura min tih avang chuan ka room ah chuan ka luta, inthlak ta lo chuan khumah ka bawk thlawpa, ka ngaihtuahnaa zawhna lang awmchhun chu kei hi tunge ka nih tih bawk chu ka ngaihtuah leh a.
.
Ka nu alo chho har bawk nen ka thawmhnaw chu ka thlaka, ka thlak zawh hnu pawn alo let lo, ka lu arawn na leh riai riaia apuak darh mai dawnin ka hria, dawm vang vangin chhuatah ka thusawp hnawka,
.
"Ka uite atap tih maw, chanchintharah an lo puang alawm" "Bin"
"Inhual chauh alawm. Nakinah kan innei anga" "ka mumangah minlo kalsan daiha" "chan che ka duhlo" "I neih zawng zawng ka chhuhsak dawn che i duh apiang leh i ngaihhlut apiang" "Min bei tur chuan ila te mah mah" "Engvangin nge Emma Lambert chauh hian i ngaihtuahna a dawn bik? " "achhanchu emma Lambert ini ve hleinem" "Hremhmunah minlo hmuak ang che" ka lu chu dawmin ka ngaihtuahnaa thu lut zawng zawng avang chuan ka mittui aluang zawih zawiha, darthlalang hmaa ka thla lo lang chu mittui tla phangin ka melha. Za lo zet chuan ka nui lui sak a.
.
"Hello Emma" ka ti sap a (to be cont.......)

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » April 15th, 2018, 1:43 pm

Kookie's Gf
.
Ka mittui tla chu hrufaiin ka nui luia, darthlalang hmaa thu in ka mitah tak chuan chiang zetin ka in ena, samkhuih chu ban in ka sam chu ka khuiha.
.
"Emma Lambert Pathian i lamah a tang ani mahna, phuba la turin inbuatsaih tan rawh le" tiin keimahin ka phun sep a.
.
Ka hriatna ka lo hlauh tawh zawng zawng ka neihlet tak avang chuan ka thinlung chu ahma aiin a paukhauh zual angaia, ka intih pachan hram hram angai bawk. Tullo ah ka mittui ka ti tla lo anga, tunhmaa Sarah te nufa vanga kehchhia Emma kha ni tawh lovin tunah chuan Lambert chhungkaw chhanhimtu Emily ka ni tawh ang.
.
Room kawngkhar a inhawn rik khap chuan nute Suzanna chu darthlalang atangin ka lo melh kalh a. Tray chuan theitui alo kenga minlo melhin athaw deuh halh. A rilru ka tihhah dan leh amah ka tihbuaina zawng zawngte chu ngaihtuah letin ka inthiamlo viau mai. Sarahin car a min sut tum khan nuteii hi alo kal hlauha, ani hi lokal lo se chuan ka thi tawh ngei ang. ka nu anga ngaiin ka lo tibuai hle lehnghal, mahse midang tibuai thei dinhmunah ka ding miau silo ani.
.
"Emily bawihte i rilru ahah.................... "
.
"Nute" inherin ka ko a, atray ken chu chhuata thlauhin a glass no chu akeh chhuaia, a hmui hup in atawlhhnung zui bawk. Ka thutdan ngaia thu in amak tihmel chu ngun takin ka lo thleka. Minlo panin ka kut a vuan nghal vat.
.
"Em.... Em... Emma" ati bah nak a.
.
"Engkim ka hrechhuak tawh" ka tihchuan minlo kuah vata.
.
"Ka va lawm tak em, enge i chungah thleng tunge khatianga kawnglaia hnutchhiahtu che kha" ati nghal zung zung. Ni e, engmah hrethiamlo turin ka hnutchhiat miau atin ni.
.
"Rilru buai tawk leka ka hnutchhiah che avang khan pawi ka ti lutuk"
.
"Chutiang apawimawhlo. Emma, engthil nge i chungah hian an tih? "
.
"Ka patea kha i hria tiraw? "
.
"John maw? "
.
"Aw ni e, ani khan nupui thar aneia, chuan anuipui thar chuan fanu alo chhawmtel bawk. Englo, afanu chu Sarah ania, car a min sutu pawh amah chu ani. An lo luhtirh chuan mifel tak angin an awma, a fanu pawh chu keipawn nau ang tak takin ka en bawk, mahse ani khan ka thilneih apiang min chhuhsak atum thu asawia chuan ka chungah an nufa in thil thalo tak an ti ani. Nilo patea pawn an lam atang, damdawiinah mi à anga min puhin min awmtira, ka chhuak deuh chiah tih ah Bin nen kan inhuala chu chu accident a thlen zan kha ani bawk mahse khami zan khan Sarahin thil mak deuh asawia chu chu enge anih ka hrethei tawhlo"
.
"I hriatna ineilet vek tawh emaw ka ti asin"
.
"Nia keipawn mahse enge asawi kha ka hrethei tawhlo. Bin hnenah khan amah athlan loh avangin avui chiama, tap chungin a aukhum bawk, an thusawi chu ka ngaithla a, chuan kawngpuia ka kal laiin car in min su ani tih leh ka zungbun bunlai min laksak ani tih chauh ka hria"
.
"Mahse chung thil chu engvanga tinge an nih? " mak tizet chuan alo ti leh a.
.
"Achhanchu kan damdawiin saw Sarah hminga dah aduha chuan chhungkaw rosum leh inhmun saw patean aduh bawka chungthil vang chuan patea leh nuteii hi an inremsiam niin ka hria"
.
"An innei tak tak lo itihna tiraw? "
.
"Aw ni e, ka pa thianpa pawh a inrawlh ve bawk ani"
.
"Khapa kha ani ngei ang, damdawiina ka hruai tum che a ithi tih min hrilh tu kha"
.
"Aw ni e, nute, keihian ka chungkua ka venhim angai ani. Mahse engmah tih theih ka nei rihlo, mi puitling tak ka niha patea te chhungkua beilet thei tur khawpa ka fin angaia ka chak angai bawk ani. Chumi tur chuan khawngaihin nang hian min enkawl seilian thei angem? " ka mit chhing chung chuan ka ti a, diktak chuan ka inthiamloin ka inthlahrung takzet ani. A buailohna tur puiah ka nawr lut si a.
.
Ka kut chu vuanin nghet takin ahmera, min en vang vangin athaw halha.
.
"Ka tan chuan ka fanu Emily Watson ini alawm. I hriatna i neihlet hun ka hi ka nghakhlel takzet asin, Emma, Emily angin let la, ka fanu angin miten an hre bawk ang che. I inpeih hunah Paris ah kirin Frost company ah i thawk anga, i theihna hmangin Edward i hneh phawt ang, Emma ang niloin Emily angin i hneh thei tur ani" ka phu deuh zawk. Engtin nge Bin tello in ka hneh theih ang, a puihna ngen ka lo rilruk asin.
.
"Mahse nute Bin te chu.... "
.
"Edward hi i hrechiang em? "
.
"Ka inhriatchian tluk zetin"
.
"Anihchuan engtin nge i pasal hual hian angaih che"
.
"Ahhh.... Englo..... "
.
"Emma zah ahunlo ania, tunah hian i zak anihchuan nakinah i inchhir palh ange, engkim tlang takin min hrilh rawh"
.
"Englo.....Bin chuan ka tan engpawh tih ahuam thin. Ka nat ai nat pawh ahuama, a pang khing lehlam ka nih thu min hrilh fo bawk. Min hmulo in nikhat pawh awm aharsat thin" Bin chanchin ka sawi zawng ringawt pawh chuan ka ngai takzet.
.
"Emma nikhat lek pawh hmulo che in a awm theilo anihchuan thi tawh emaw atih hnu ah che va kirin Emma inih thu hrilh ta la engtin nge atih che i rin? " ka ngawi renga "A venghim che anga, engtiklai pawn i bula awm atum ang, chan leh che ahlauh dawn miau avangin ani hian i patea te chhungkua i beih chu aphal miahlo ang, chuvang chuan Edward hi Emily angin hneh ngei la ka duh. Edward i hneh anihchuan i nu leh pa hnaihna hun inei bawk ang, in chhungkaw inpawh zia kan hre veve bawka, chuan Sarahin Edward alo duhve tak tak anihchuan tun thlengin amah hneh tumin a hun ahmang ngei ang"
.
"Bin hian angaihvenlo tih ka hria alawm" ka lo ti sap a.
.
"Chuvang tak chuan alawm ka tih Edward hian nang angaihven che anihchuan Sarah chuan angaitheilo nghal ngawt ang che chu chu remchangah hmangin i beilet thei dawn alawm. Mahse finfiahna tha tawk tak i zawn pah reng angai dawn ani. Finfiahna fiah fai tak i kawl hunah engkim kan puangzar anga i chhungkua i nei let leh ang i nihna diktak pawh"
.
"Ka lawm takzet nute, awmlo la chuan vawiin ni hian ka dam tawhlo anga, hreaqm ti takin ka chhungkaw kehchhe lai ka lo thlir ang, nangmah vang vek ani. "
.
"He... Hey.... Tap mah ta che Emily Watson inih tawh kha, chak taka i awm angai ania, chuan nute tiin min ko tawhlo bawk rawh, tun atang hian itih than angai ania" ka lo bu nghat nghata.
.
Nuteiin min chhuahsan hnu chuan ka lap on in kei min vuina programme chu ka en a, Bin mittui tla phang chunga ka ruang anga angaih apawmlai te chu mittui tling pamin ka en a, ka nu leh pa lungngai hmel te chuan ka hnuk an ti ulh tun mai, Sarah te nufa lungchhe der hmel chuan ka luak ati chhuak hlui mai bawk.
.
"Emily, kha kha ilo hmu tawh animaw? " nuteii chuan alo ti a.
.
"Kan ramhuai nufa chuan ka ruanglem tur an lo zawng hmu hman ani mahna" ka nui hul hak a.
.
"Emily, tha takin lehkha zir la, in chhungkaw damdawiin enkawl thiam tur khawpa doctor tha inih hunah leh Edward companya thaw tuk khawpa tha inih hunah phuba ila dawn ania, tun atangin companya thawk tur leh zahrawn ni turin tawng tam tak i zir bawk tur ani" Ka mittui tla chu ka hrufaia, keimah leh keimah chu ka inti paukhauha.
.
.
.
.
.
.
"Hey, khua avawh tehreng nen ngatinge khatah khan i din thli thawt tehreng nen" Thifim dawnga ka rilru ka intih thawven lai chuan mipakhatin alo ti a, tunge anih tih ka hriatchian em avang chuan ka nui deuh sak. Chhang lemlo chuan ka kut kuangkuah chungin Bin hmel chu ka suangtuaha, September khaw vawh tan tak tak hma atang phatin kum tin khua avawh tan tawh avanga in enkawl tha turin min chah a, muffler min pe tel ngei ngei thin. Anui hmel te, min ngaihtuah ani tih hriat taka atawng ri te, a engkim mai chu ka ngai em em vek, ka thi awrh lai chu ka khawih niap niapa. A bul hnaiah ka awm tih he thi hian min hriattir thin. Ka mit chu mengin ka thaw chhuak leh hawka, boruak ka hip leh bawk. Ka hahdam ta ni a ka hriat hnu chuan ka kut kuangkuahin ka hnunga ding chu ka kalpela.
.
"Hey, misualnu engtin nge i sual em em theih? Ka awm ngailo ang maiin min kalpela, achang leh melh pawh min melh duhlo" ka ding data, ka nui deuh hak.
.
"Mawl ngaiin lo la mawl reng anih pek hi" ti sapin ka lu ka thinga, class lamah ka let san leh bawk. Break lai pawh chuan ka theihtawpin ka zirlai chu ka zira, aharsat miauloh avangin kan zirlai na na na chu ka awlsam mahse harsa zawk chu ka tawng zir zawk hi ani. Class ban apiangin tawng hrang hrang zir turin class hranah ka kal leha, harsa viau mahse ka theihtawp ka chhuah a tul tih ka hriatna chuan min ti paukhauh viau mai.
.
School period a over hnu chuan language class kal turin kan school piah lawkah chuan ka kal hnak hnaka, ka hnunga min zuitu avang chuan ka ding dat, ka hawilet chuan inher vatin alet leh a, thaw halhin hmalam pan chuan ka kal leha, min la zui cheu avang chuan ka lehhawi thuta, a inring hmanlo animahna atukhum chu hiatin a hawikual a.
.
"Min tibuai lo hian i awm thiam miahlo mi" pangai tak chuan ka ti a.
.
"I duh duh sawi suh. Tawngthei lutuk mai" ka kà chu sticky note in alo bela, min kalpel nghal nal nal. Thaw halhin lehkha chu ka pawt thlaa, ka paih nghal zat. A mizia hi alo la danglam miahlo kum khat lai aliam hnu ah ka hmu leh a, alo la ngai reng tho chu ania, engtikah tak puitling ve ang maw! Engtin nge bin nen hian an inan loh viau theih le!
.
Ka class kalna hmun ka thlen chuan an lo awm deuh thap tawh. Ka thutnaah chuan thu in ka inremfela. Class tan anih hnu chuan ngun takin ka ngaithla a, mahse tunge ka hnunga thu hi ka hrelo, thawm anei renga ka kham takzet tawh. Ka sam alo khawih loh leh dawhkan a kuttinin atiri a, hneawm tak ani.
.
"I thiam tawh em? " zawi zetin alo ti a, mipa chu ani ngei e. Ughhh. Ka lu chu thingin amah pawh chu ka ngaihven zui chuanglo. Thawm asiam sek avang chuan thaw halhin ka hawileta. Ka mihring hmuh avang chuan ka meng thip ngang mai.
.
"Hetah enge itih? " ka au chhuah loh nan inbengdai pahin thaw halhin ka ti a, ka tawng erawh akhur dar dar, hetiang taka mihring ninawm hi engtin nge an lo pian theih zawk ni!
.
"Sir, englo ka rilru ka pe thei chiahlo. Khawngaihin ka hmaa mi hi hmalam i hawitir thei em? " Nui sang chuan ahan ti a, ka puahkeh mai loh nan ka kut chu ka hum ruh vaka.
.
"Miss Watson khawngaihin helamah hian i rilru ipe thei angem? " ughhh zahthlak lutuk. Rum zeta melhin hmalam chu ka melha.
.
Darkar chanve chhung chu min tibuai lo in a awm ve a, mahse angaite bawkin ka sam chu alo khawih leh niap niapa, midang hriattham hleilo chuan min tibuai tawk lekin a zai bawk. Lehhawiin a dawhkan chu ka chum pawp, ka thinin adaih leh ta pek lo. A kut chu la let vatin dawhkan hnuaiah adah luta hnuailam amelh zui daih, nghal lutuk mai chawp leh chilhin a hmel landan athlak thei mawle, tunah zet chuan zawngte nghal deuh kha uite khawngaihthlak deuhah a inchan leh tawh. Ughhh Bin khan ati dik, engtin nge an awmpui ten an lo enkawl theih zawk ni! A khawhar vangah ka puh thei hlawllo.
.
"Miss Watson khawngaihin minlo va chhuahsan ta che"
.
"Mahse..... "
.
"Chhuak... Rawh" fiah tak chuan atawnga kawngkhar lam chu akawk zui bawk. Lungawilo zet chuan class chu ka chhuahsana.
.
In sawhtau nghawng nghawng pahin kawng puiah chuan ka kala, he mihring hi chu tunhma atang tawh khan ka mil hleitheilo chu ani. Nghal lutuk mai, engtin nge nghal nghaihna ahriat zawk pawh hi ka hre neklo.
.
"Emily meuh class atangin hnawhchhuah ani ve ta, khawvel hi atawp tep tawh tihna mile, atawp hmaa inpuan ngei ka duh bawk sia, ka inpuang tawh mai dawn em ni? " ka sira ka tihdan zira kut kuangkuaha kal chu ding meuhin ka melha, sawi tur pawh ka hrelo. Keh nawk nawk mai ka chak.
.
"Ti.... Ti khan mi en suh" ka la melj ngar ngar. "He... Hey i hlauhawm nia" khap eihlo chuan ka la melha. "Aw.... A.... Anihleh ka tihpalh" a tawngzawh rual deuhthaw chuan ka kalsana. Minlo la zui cheu.
.
"Min zui tawh suh" fiahfai tak chuan ka ti a, alaka tawngkam hman hi asawt mawh takzet, ahrechiang ber tute zingah ka tel ve tawh chuan ka inhria.
.
"Min ngaidam rawh. Khawngaihin" chhanglo chuan ka kal zela. "Hey, ngaihdam ka dil awmchhun ini tih i hrelo mi? " ka ding dat. Achhanchu ani hian ati dik kei chauh hi ngaihdam min la dil ani. Bin lak atangin chu chu ka hrechiang viau bawk. Ani hian Emma ka ni tih ahria tih ka hria, ka hriattir nawn duhlo mai chauh ani. Ka lakah beiseina anei tih pawh hai rual anilo, amah ngeiin Emily emaw min tiin min hrilh miau si a, mahse engtin nge ka tih chuan ang kei hian Bin hi chan ka duhlo takzet.
.
"Haw tawh rawh" in ka thlen tawh avangin gate bula ka din lai chuan ka ti a.
.
"Aih"
.
"Gin luhlul chhuah suh, ruah asur dawn ania" pangai tak chuan ka han ti a.
.
"Min ngaihdam thu i sawi hma chuan ka kalsawn dawnlo" luhlul zet chuan ati a.
.
"Enteh, luhlul chhuah hun anilo"
.
"Emily i laka ka rilru put hmang hi........ "Angawi dat a"I hrelo der tih ka hria, lanchhuahtir dan ka thiamlo mai ani" hnuailam melh pah chuan ati a.
.
"Haw tawh rawh"
.
"Aih"
.
Ruah alo sur cherh cherh avang chuan ka thaw halha a" i thu thu le" tipahin ka luhsana, ka room ah lutin ka intifaia, ka inthlafel hnu chuan ka tawng zirlai chu ka zirzawma, eitur chu ka ei pah mial mial, nitina ka inbuatsaih angai ani.
.
Ka lo muhil ani mahna ka nuteiin puan minlo sintir chuan ka meng siar siara.
.
"Ilo thleng chiah ami? "
.
"Ummm.... I zir ngawrh leh lutuk anihkha Emily i taksa kkha apawimawh ber chu ani tih hria la" ka chala lo fawpin room a chhuahsana, sana ka en chuan dar 10 alo ri der tawh. Kawngkhar alo in hawng ri leh khapa.
.
"Tunge gate bula khur beuh beuh khu, ka biakin a tawng duh bawk silo, in uniform chu a inang in ka hria, ruah asur nasat tehreng nen"
.
"Maw???? " ka rak tuarha, tukverh atang chuan ka dak chhuaka, pawna Gin leh abula a driver ding chu ka hmu thuai. Room chu chhuahsanin ka tlanthla nghal vat. Pawnah chuan blanket ka keng tela.
.
Khur beuh beuha thu ka hmuh chuan ka thaw halh, a driver chuan haw puiah asawm char chara mahse kan mi luhlul pa hian chhan pawh a chhanglo, puan leia tla huh hniang ka hmuh chuan driverin sint tura apek apaih tih ka hrethiam thuai bawk. Ahmaah chuan ka dinga, blanketa ka khuh chuan alo dah chhuaka.
.
"Ramhuai pitar khawngaihna neilo nungrawng lutuk. Pangang ai pawn i hlauhawm zawk misualnu thi se min ti mi? " khur bap bap in ha sehchilh nawk nawk pah chuan ati a, tawng pawh tawng tha theilo chungin minla an khum duh chu ania, mi engemaw tak chu ani ve ani.
.
"Ruah asur tur thu ka hrilh che kha" ka tihrual deuhthaw chuan ka hmaah chuan alo dinngil zawta, ka puan sintir chu a pawm nghet sauh. Asam kir thur bam te leh a ke lam huhhniang ka en chuan Bin angin ka chana ka lainat ve viau tho mai.
.
"Ngaihdam ka dil che a, min ngaihdam hma ka kal thei hleinem" ava han thinchhe tak. Bin khan khawvela ka mi hriat tawh zawng zawngah ala luhlul bera adawtah nang ati kha ania, alo ti dik ani mahna kei aiin aluhlul fe ani.
.
"Miss khawngaihin i ngaihdam thu hrilh mai rawh, ka pu hi adamlo mai ang" driver chuan hlauhthawn hmel takin alo ti a.
.
"I va han à tak. Ka ngaidam che, haw la inthuam lum rawh" anui lehnghal vur vur.
.
"Kal ang le" driver darah chuan a beng thek theka, vanlam chu hawiin athaw halh a "Boruak chu ava han nuam tak em" ati zui zat.
.
"Mawl lutuk mai" ti supin ka luhsana.
.
.
.
2 months later.
.
Gin tihbuaina hrang hrang nen thlahnih chu aliam ve leh ta, ninawm viau mahse tunhma ang em em chuan aninawm ta lo. Bin thisen zawmpui anih miau avangin Bin bula awm ang maiah ka inngai ani.
.
Bin chanchin erawh engmah hriat ka neilo. Ka nu leh pa erawh thla hmasa khan Paris ah tho damdawiin an hawn belh leha, ka pa in damdawiin hawnna ah chuan kei min chan avang leh ka nunna achhanhim theihloh avanga midang chunga ka laka atihtheihloh zaeng zawng tih a duh thu asawia, chu chuan min tina takzet mahse inti paukhauhin nitin ka zirlaiah ka rilru ka pe a, ka pa thusawi chu min nawr kaltu ani takzet. Achhanchu afanu hi aduh vanga chhanhim hmanlo ani miau silo a.
.
Muffler senduk chu awrhin uniform chungah coat fual ka hak belha, ka insiam zawh thlap hnu chuan inhnuailam panin ka kala.
.
Driver alo inpeih at tawh avangin school lam pan chuan kan kala, school gate bulah chuan car a tidinga gate ka luh rual chuan Gin leh mipakhat inbia hi ka hmu a, hmeichhe ho chuan an lo bawr nasa ngang mai. Ding datin ka thlek vang vanga, thian akawm ngai siloa tunge maw anih lè!
.
Gin uniform nena a awm laiin chupa erawh chuan cotton jeans dum leh coat fual dum aha a, boot a bun bawk. 'Tungemaw anih le', ti nuap nuap pahin ka han en chik leh deuha, hmeichhe ho lah chuan an en duh nasa mai si. A pian zen sang tha zet leh a inthuamdan erawh chu a inchawih viau lawi si. Hnunglam atang chuan ka en vang vanga an deuh anei. Mahse ka hrechhuak mai theilo.
.
"Ka hre biklo, khawi hmunah pawh ka zawng ang, athi ringawt theilo" a tawgri ka hriat chuan ka meng phawk nghal kàwk.
.
"Bin" ka ti sapa, Gin chuan phawk zetin minlo melha, Bin chuan ka lam hawi turin ake aher rem hreta......... (To be cont.....)

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » April 15th, 2018, 1:44 pm

Kookie's Gf
.
"Ahhhh.....Patea te an dam em?" Gin chuan alo inher tur chu adar ah akuaia, kalsawn mai nachang pawh ka hrelo, hnunglam atang chauhin hmuthei mahila ka ngai lutuka ka kalsawn theilo ani.
.
"Edward Emma chu theihnghilh tawh rawh, hmeichhe dang an tam alawm" Gin an atihrual deuhthaw chuan Bin chuan akawr nghawngah atham ta mai.
.
"I sawilo angah ka ngaihsak ang che. A lehpek erawh a awm tawh tur anilo" Tipah chuan a sawih vaka, alo inher rual chuan inherin ka hnunglamah chuan ka tlan nghal vat.
.
Bang chu nghengin bang phen atang chuan Bin bike bula ding chunga helmet a khum mial mial lai chu ka thlira, ataksa a cher kiang a, a mitkhur atla dàwk bawk. A biang a ki lek leka, ahmel en mai pawn chaw a ei tha lo a, a mu tha lo ani tih a hriat. Chuti chung pawn ahmelthat ngaiin ala tha reng tho.
.
A coat ip te atang chuan thlalak pakhat hi a phawrha, "Ila thi lo tih ka hria, khawngemaw i awm tehhrep le" ati sup a, a bike ke chu a chhir leh pawpa, amitmeng sen ram leh a hmel dur khup te chu Bin ka hriat thin khan a pu ngai hauhlo. Nilo, hetiang hmel hi anei ani tih ka lo hrelo hrim hrim zawk. A bike a alawn rual chuan 'La kal suh' tiin ka phun sep a, ka thusawi chu hrephak se ka tihna leh hrelo se ka tihna chu a inzat reng lawi si. A bike rum ri vung vung ri ka hriat chuan ka mit ka chhinga, atlanliam lai thlir hi ka ngam hlawllo ani. Bike ri ahlat tial tial hnu chuan ka menga, ka inrin hma hauhin ka mittui chu arawn baw chhuak nghala. Bin hla taka atlan tawh chu um in lei ah chuan ka thu sawp hnawka.
.
"Ka thi lo tih rinna tal ila nei alawm" ti sapin hnuailam melhin ka kuna, ka mittui tla dang turin chakna ka neilo. Ka intih paukhauh atul tiin ka inhrilh fo a mahse Bin ka hmuhrual erawh chuan ka in tih chak ve na leh ka in fuihna thu ten awmzia an neita hauh silo. Engtin nge atello in kum tam tak ka awm theih tehlul ang ni!
.
"Miin an hmu che nge" Àw lo chhuahna lam hawi chuan ka dàk chho hà a. Gin chu ka hmaah lo thu thla in a kuta a rawmawl ken chu ka lam hawiin alo lek kanga. Ka ban mailoh avang chuan athing che zeuh.
.
"Bin khan min zawng em ni? " a meng phawk nghal kàwk a. Mahse a insiamrem leh thuai.
.
"Hey, engvangin nge azawn che nga Emma lawm azawn nangte chu Emily lawm inih" ka chalah chuan akutin alo nawr zuia.
.
"Emma ka ni tih ihria tih ka hria thudik min hrilh rawh" ding pah chuan ka ti a.
.
"Emily Watson hi engtik laiin nge Emma Lambert alo niha? " hreptak chuan, ka thaw hawka. Inhnial ka peihlo bawk nen, chhanglo chuan ka kalsana.
.
"Edward chu engtin nge ihriata? " ka hnunga minlo zui paha atihchuan ka ding data.
.
"Inhnial mood ah ka chenglo a, nang nena infiam nan hun ka neilo bawk. Khawngaih takin keimahin min awmtir rawh, ka ngen takmeuh ache" ka kut suihin rum zetin ka melha.
.
"Ka.... Englo..ihhhh.. Tih thinrim che ka tumlo nia" atawng bah naka, inherin ka kalsana.
.
"Emily ni reng la ka ti, Emma lakah chuan engmah ka beisei ngam silo" ama hriat tur chauha sawi ani tih ka hria mahse atawngri ka hrephak miau si. Ding ta lo chuan ka kalsan ta daih. Gin hi mipa sual anilo tih ka hria, ka kianga awm a theihtawpa min tanpui aduh tih pawh ka hria, mahse ka laka beisei aneih chhung chuan engtin nge pangai taka ka biak theih ang ni! Bin unaupa ani miau si a, ka tan chuan Gin rilru puthmang hi min ti hreawmtu ani takzet.
.
Class laklai pawh chuan ka rilru ka pe theilo. Lana lah chuan minlo be seka, Laura ang chiah, hahthlak lutuk mai. Make-up an la ngaina dun em em zui. Abula ka awm hi chuan Laura bula awm ang maiin ka inngai thin.
.
Bin hmel chu ngaihtuah tumlo mah ila ka ngaihtuahlo theilo. Ahmel cher kiang te, ataksa ria lehzual te, a engkim chu ka mitthla ah alang uarh uarha, ka ngai lutuk chu ka thi thei mai dawnin ka hre zawk hial ani.
.
"Bike i khalh tawh amaw? " keimah leh keimah chu ka inzawt ani ber. Ka nui deuh hak, achhanchu Bin hian kum 19 anih hunah bike akhalh tan tur thu min hrilha, chuan a phurh hmasak ber ka nih tur thu min hrilh bawk. "Midang ila phurh loh ka beisei" ka ti leh sap a.
.
"Emily" ka dara alo sawih vak chuan ka meng buai deuh rak. Ughhh... Ka ngaihtuahna ka lo kawm leh hman pek anih hi.
.
"Ahhh.... Aw" tih hmeh taka min melhtu chu ngaihna hrelo zetin ka melha.
.
"Englo... Diktak chuan i hlauhawm nia, tinge nangmaha i phun i phuna" hlauhthawn hmel zet tho chuan alo ti a.
.
"Ka tha lawm. Min hlau suh, Emily ka nih hi" ka àw chu ti thum kual velin ahmai zawnah ka va kun hnaia, min ràp hmel chu alawmawm letling zawk.
.
"Takin, ka causin hmelhriattir che ka duha" washroom lam pana kan kallai chuan alo tichhuak deuh hlawl.
.
"Ohhh..... Tunge? "
.
"Kevin mawle, sec B ah a awm, hmanni kan hawtlan tum khan alo hmu che aniang, asawi dan chuan........ "
.
"Atawk...... "
.
"Mahse.... "
.
"Lana mipa ngaihtuah nan hun ka neilo bakah pasal hual...... " ka va tawngsual teuh tak, ka chhing deuh sak.
.
"Pasal hual tihvel mai mai. Mawwww??????" Phawk zetin min melha, avan hahthlak tak emm....
.
"Ka fiam che anihkha" ka hmai ka hrukfai zawh chuan class lam pan bawk chuan kan inzui leha.
.
"Kevin chu ahmeltha viau asin chuan an khawsak asang bawk. He schoola lut zingah hi chuan a class berte zinga mi aniang, a nungchang amawia a polite viau bawk"
.
"Mahni causin te chu tu pawn kan fak ang chu. Lana mi puitling leh mi pangai chu amah in a inhaikaw thiam tur ani. Ahhh... Ka thusawi hi i hriatthiam ka ring" ka kut kuangkuah thanin hmalam pan bawk chuan ka kala, minlo zui dat datin ahriatthiamloh thu chu asawi pah nuap nuap, avan hahthlak tak.
.
"Mi puitling chu engatinge a inhaikuak kher angaih? "
.
"Ughhh..... Lana ka sawi tum chu mi puitling chuan ama kawng ahai kua ang, midang hmatheh lo in, achiang em?" A mengkual ralh ralha, hrethiam hmel pawh apu chuanglo. Ngaihna hrelo zetin ka lu chu ka thing mat mata.
.
"Emily Lambert chu an sawi ang ngeiin alo khirh anih dawn hi" ka hnunglam ka hawi chuan ka kum rualpui vel tur, sang lam rawngkai, hnar ngul sang vah, mitmeng zim lam mah chu alo dinga, a ipte a akut rawlh chu la chhuakin abanreka asana bun chu athlek zeuh.
.
"Kan inhria em ni? "
.
"Mi puitling chuan ama kawng ahai kaw tur ani iti ri kha ka lo hre hman. Ka kawng haikuak nan leh ka bul tan nan 5minutes chiah hun ka nei tawh sia inhmelhriattirna ka neih zung zung angaih hmel. Class tan ani tep tawh sia" ohhhh.... Kevin chu anih ngei dawn hi. Lana sawi ang em em a tha famkim chu nilo mahse apangai viau. Ka lam panin nui sangin alo kala. Ka bul alo thlen chuan kut kuangkuah chungin dak vahin ka lo melha, minlo enin anui leh deuh suk.
.
"I nuihzat tura ka chet loh hram ka beisei" anuih reng avang chuan ka'n ti ngawta.
.
"I fin hmel hlemai. Ka ngainat zawng tak" akut chu ka lam hawiin alo lek chhuaka, ka lo melh hà.
.
"Enge itih? "
.
"Mi puitling amah ngeia akawng haikaw thin mi nih tumin bul ka tan mek anih hi" athusawi dan kal hmang chuan Bin min ti hrechhuak zawk, achet phung engkim pawn. Polite over silo in hriat nuam tawk lekin atawnga, mi runluihna àw kà tel thin te chuan Bin min ti hrechhuak. Diktak chuan angainatawm ka ti, mipa mizia tur diktak apu bawkin ka hria.
.
"Chu ringawt chu em ni? " A kut chu thlek zeuhin amah ka en leha.
.
"Ahhh......Englo" lai zeta nuiin a tukhum thaklo tih hriat zet chu a kut alek chhuah lam chuan ahan hiat zeuha, ka lo nui sak. "Kevin"
.
"Chhinchhiah ka lo tum ang" tipahin ka kalsana, ka nui deuh sak. A engkim mai khan Bin min ti hrechhuak. Bin tlukna nei miahlo mahse abula awm ang maiin ka inngai, amak takzet.
.
"Wow....... Ka causin i chhaih lai der ani tih i inhria em? " lana chuan alo ti a.
.
"A lai tih pawh ka lo hre hleinem"
.
"Emily, engtinnge mipa i inzuikual tir zel theih bik. Kevin chu sawiloh Gin takngial pawn a zui kual che ania, a awihawmloh, nang hi ngaihzawng engzat chiah nge i neih tawh"
.
"Pakhat"
.
"Maw???? Azei viau em ni? "
.
"Duhthusam"
.
"Tunge anih? "
.
"Thuruk awmzia i hria em?"
.
"Thuruk chu sawi chhuah miahloh tur thil tihna"
.
"Ohhh.... Lana ka rin aiin i man thiam daih, ka biapa chu thuruk ania, i hrethiam tiraw? " a biangah chuan nui sak in ka beng thek theka.
.
"I va han ngeiawm tak"
.
.
.
___________________________________
.
.
.
"Coffee"
.
"Aih. Ka lawm e"
.
"Mipa nangmah ngaihtuahlo thei miah loa awmtir dan i thiam tih i hria em? " ka bulah chuan alo thu a. Kevin hian kar kalta chhung khan min lo be nawn miahlo. Kan inhmu zeuh zeuha, nui chungin min kalpel mai zel.
.
"Chutiang power ka lo nei animaw? " ka lehkhabu ken chu ka bih paha.
.
"Ani mahna, mipakhat chuan tihian asawia 'A telloa i awm theih miahloh hmeichhia chuan a ngaihthah reilo ang che' tiin. A sawi dikin i ring em? " Min en chuang hauhlo chuan ati a.
.
"Ka hrelo le, hmeichhe rilrua zir pawh animahna" ka thutna atang chuan ka tho a.
.
"I telloa awm theihloh ni lo nei ve ta ila, min la ngaihthah zel tho angem? "
.
"I awm theihloh chhan a zirin ani mahna".
.
"Mipa angin hmachhawn i duhlo tih min hrilh tumna em ni? "
.
"Ka rin aiin i manchak daih"
.
"Anihchuan thian angin a pawi angem? Achhanchu chu chu bul tan nan ringawt pawn atawk lutuk tlat" minlo kalpela, "Thian nih i remtih hun ka lo nghak ang" a kalliam hnu chuan ka ban phar zeuhin ka nui ri hak.
.
"Bin i pangkhing ilo tir tihna em ni? " ka ti supa.
.
Chawhnu lam music class kan kal hnu chuan language class kal turin ka inbuatsaih lehnghala, ka thleng tep tih chuan gate bula Gin thu kup làp ka hmuh avang chuan ka ding dat. Vawiinah ka la hmu miahlo, tun hi ka hmuh vawikhatna ani.
.
Abulah chuan kalhnaiin ka dinga, a inngaihtuah muk ve hle ani mahna, ka ding ani tih pawh ahre miahlo. Hetianga ani meuh ahan awm ve chu a inhmehlo letling zawk. Ka ke chu ka ti che hreta, ka sneakers chu melhin alo dak chho hà a. Minlo melhin a dinga, akekawr ip te zenin engmah sawilo chuan min melh vang vanga, alut ta daih.
.
"Ngemaw a awmzia le? " ti supin ka lut ve nghala. Class kan lak chhung zawng chuan zawhna hrang hrang kan dawnga mak deuh mai chu ka hnunga thu hian dik fai vekin achhang mawle. Amak zawk hial ani. A aia mak lehzual chu min tibuai chhin eohlo.
.
Class azawh hnu chuan in lam panin ka haw a, ka hnungah chuan Gin akal ani tih ka hria, ngaohvenlo in ka kal zela, minlo zui zel ani tih ka hriat pawn ka ngaihvenlo luia, a awmdan erawh chuan ka awm ati nuam chiahlo.
.
Gate bul ka thlen chuan ka ding dat a, ka hnunga ding chu ka melh ralh.
.
"Haw tawh rawh" ka'n ti ringawta. Min chhanglo chuan inherin akala, ka ngaih ati thalo takzet. "Gin" alo hawileta "i tha em? " abu deuh nghat.
.
"Lut tawh rawh"
.
"Hey" minlo en kalh a."diklo a awm ami? "
.
"Emily nilo Emma zawhna ka zawt thei che em? " ka bu deuh nghat "engvangin nge Edward leh i chhungte kalbosanin helai hmunah hian ilo kal? " ka chhan lawkloh avang chuan za lo tih hriat tak chuan anuia "Diktak chuan keimah vang emaw ka tia mahse Edward i bihruk san dan ka hmuh kha chuan keimah vang anilo tih ka hrechhuaka"
.
"Ka hrilh theilo che ani. Khawngaihin min pui la tuma hnenah mah hrilh suh Emily angin ka nun ka hmang tawh dawn ani"
.
"Maw?? Emma engvangin? "ka darah chuan alo vuana "Ka unaupa smart tak kha ka thik thin asin mahse tunah chuan ka khawngaih tawh zawk ani. Inhualna kha i tlanbosan em ni? Nge ni a Edward zawk? Chutiang anihchuan ka unaupa saw tuartir loin i hrilhfiah mai theilo em ni? A nun a hloh asin Emma, ka mipa pui tap hi ka lo hmu ve fo tawh mahse Edward mittui tla erawh ka vawikhat hmuhna ani. Ani khan ila thih loh thu hlir sawiin zu no tam tak a in asin chuan enge atawpa asawi thin i hria em" min au khum vak vak in ka darah chuan min sawih vak vak a, ka mittui tling pam chung chuan khap miahloin ka lo melh kar a.
.
"Eng thu nge asawi? "
.
"Aih... Hriat i phulo"atawlh hnung hreta."nang hi ka hriat thin emma kha inilo. Kha ramhuai pitar kha chuan nungchang mawilo tak nei mahse dawt asawi ve ngailoa tumah a tlanchhiatsan ngailo"
.
"Eng thu nge asawi? " ka mittui chu ka khap per fap a.
.
"Engvangin nge nang ang hmeichhia hi ka hrilh tehlul ang che. Edward hian atheihnghilh ang che" akut chuan min kawka "Ka unaupa tawrhna hi ala tawp ang, inchhir suh ang che"
.
"Duhtawk rawh. Enge ka chungah thleng i hria mi? Edward tluka tlanbosan hreh ka neilo, abula awm ka chaka engtiklai pawha akianga awm ka duh, engmah hriat ineilo. Engmah i hrelo" rak tuarh tuarhin ka beng hupin ka au a.
.
"Anihchuan engvangin nge i tlan bosan? "mitmeng sen ram chuan alo ti a.
.
"Gin Emma Lambert hi thah ani asin. Thah anih hnu ah adam chhuak leh anih hi. Phuba la tura ka intah hriam angaia, min thattu ka thahlet angai bawk. Chumi tur chuan ka theihtawp ka chhuah anih hi Edward te ka nu leh pa te Laura te pawh an kianga ka awm leh theih nan kei hian ka bei asin. Nang hian min tibuai sek lo la chuan theihtawp ka chhuah anga phuba la turin ka kir thei bawk ang" ka tawngran lutuk avang chuan ka thaw hlap hlapa.
.
"Ka ti dik. Chhan awmloa itih ka ringlo reng ani, Emma ka lawm e, achhana ka hmu ta" anui ver vera. "Ughhh.... Tui takin ka mu thei tawh ang". Inherin akal ta daih.
.
"He.... He.... Hey" ka rak tuarha, lo hawiletinaban avaia "Lemchan ka thiam iti em? Ughhh Emily engtin nge ka tih chuan ang, i thiltih chhan hi ka hriat ngei angai si ani" amit alo siai zeuha, ka sneakers chuan hlipin ka vawma, aban pharin nui vur vurin alet zawng chuan akala, ka thin arim takzet. Engtin nge mimawl buma ka awm theih! Edward chanchin asawite kha dawt vek maw???? zawga hi!
.
.
.
___________________________________
.
.
.
2Years later-
.
"Emily i hmanhmawh thei tawh hram em? kan tlai tawh viau ania" phone atang chuan alo au deuh lang lang.
.
"Kevin vawi engzat nge ka hrilh tawh che, ka hmanlo ka insiamlo bawk" dinner eipuiah min sawma mahse ka hmanloh thuin ka hrilha chuti chung pawn minla nghak tho. Bin ang mai anih thu ka sawi tawh kha, danglamna an nei tlem khawp mai. Luhlulah lehzel pawn an inchhun chu ania.
.
Kum 2 liamta chhung khan hepa luhlul zet hi thian atan lo neilo chu niila Gin tihbuaina nen ka rilru buai sa nen phuba la tura ka inbuatsaihna nen ka thi thei mai ang, vanneihthlak takin ani hi ka tawng hlauha ani hian kawng tam takah min pui ani. Mahse, thian ang chauhin ani thung. Achhanchu Bin tan chauha ka thinlung ka dah tawh miau avangin mipa dang tan chuan ka hawng thei tawhlo ani. Kevin pawn hmangaih ka nei tih achianga min nawr lui lemlo, ka laka arilru puthmang erawh atamzawk thup mahse athup seng biklo. Min ngaihtuahin engkimah ka tan a awm a, ka tan chuan thian tha tak ani teh meuh mai.
.
Min nawrluih tlat avang chuan dinner ei tur chuan peihlo zetin ka inthlaka, kawrfual dum zuih chu ha in ka inkam san peihloh avangin flat dum tho ka buna, engvanga thuamhnaw dum hi ngaina em em nge ka nih pawh ka hrelo. Thawmhnaw rawng dang hi ka closetah hian avang viau, avar anih leh ngawtloh chuan.
.
Darthlalang hmaah chuan in enin ka hmel puitling ve ta sawt chu ka han thlek vang vanga, ka sam sei hnap chu ka bawk fai veka, ka hmaiah pawh makeup tlem ka tat a, ka naupan lao hmel ka paih lutuk loh avang leh phuba la tura ka la inpeih chiahloh avangin Paris ah ka la let theilo. Ka nuteii sawi dan chuan chuan 8 emaw tal ka la in buatsaih angai dawn ani. College te hi han zo phawt ila, ka zirnaah pawh chhuantlak ka nih viau angai dawn bawk ani.
.
Ka nu leh pa chanchin chu atam thei ang berin ka hria a, nuteii te pawn damdawiin an la chhuh theilo ani mahna, ka nu leh pa thlazar hnuaiah an la awma, zaktheilo taka an lengkual vel tur ka suangtuah chuan ka thin arim takzet. Sarah pawh Parisa college changkang berah akala, Bin nen an kaldun ani awm e. Bin erawh achanchin ka hre lutuk theilo. Amizia athlak tih an sawi thawm chauh ka hria. Min zawng turin alo kal ngai tawhlo bawk. Nilo, ka thi tawh ah angai hmin hmak tawh zawk pawh ani mahna.
.
Athi min pek kara zungbun chu ka tuai vir zauh zauha. Engtik ni ah emaw chuan ka la hmu leh ngei ang chutih hunah chuan Emily angin ka neilet leh dawn ani. Bin hi engkim ka hrilh theihloh nachhan chu ani hian Emma ka ni tih ahria anihchuan engkimah min dangchep dawn ani. Chuvang chuan amah dinhmun hlauhawma adin ka phallo cbumai niloin ka phuba hi midang lak atan ka phallo, heng mite hi ka kutah ngei an thi tur ani.
.
Chemte chu la in banga patea te chhungkua leh ka pa thian thatak anga inchhal adamdawiin laksak tumtu thlalak lianpuia ka tar chu chuan ka vawm bur chat a. Ka room a an thlalak ka tar hian an ni hian nitin ka thinlung an ti paukhauh thin.
.
Kum hnih chhunga ka lo hriatchhuah theih ngailoh ka hriatchhuah tak chu, ka intih paukhauh nan keimah leh keimah ka infuihfo angailoa, Bin hminga ka in fuih fo pawh atul heklo. Heng mite hmang ngei hian ka natna ka hrechhuaka chu chuan tumruhna leh huaisenna te tawrhchhelna te min pe zawk ani.
.
Chemte chu phawiin chu chuan Sarah hmaiah ka chhun pawp a
.
"A hmasa ber tur ini" ti sapin ka nui lui sak a, ka phone chu la in room ka chhuahsan nghal bawk.
.
"Nute...... "
.
"Ati leh ta Emily, i nu ka ni nuteii niloin. Nakinah i hmelma ho hmaah nute min tita la engtin nge itih ang? tuna atanga i inzir angai ka tihkha theihnghilh tawh suh" coucha thu in hna athawk pah mial miala.
.
"Awle nu, ka tihpalh, kevin nen dinner ei turin kan chhuak dawn nia, ka lo haw harlo ang" abiangah chuan ka va fawp zeuha.
.
"Awle..... Naktuk ka ruala Paris kal i tum chuan ilo haw hmat ngei angaih ka ring" ka dar ka lo san ak.
.
"Ka la hre rihlo le"
.
"Ati leh ta Emily i hmelma te dinhmun leh an chet phung hmaichhanah ngei hmu la ka duh ani. Chu mi hmang chuan ruahmanna thar siamdan pawh i hremai thei asin"
.
"Awle" ka thaw halha, in chu chhuahsanin gate pawna minlo nghak ran tu lam pan chuan ka kala. Car kawngkhar minlo hawnsakin ani pawh alo thu lut vat.
.
"Kan chhuahdun dawn apiangin min hnial ziah tih i hria em? " ka nui ri hak.
.
"Duhtawk teh"
.
"Chuan tlai laklawh tawkah ilo chhuak ziah bawk"
.
"Min lo hrechiang hle anih hi Kevin" el sen zet chuan ka lo ti a.
.
"Nang chauh pawh niloin tuna chak taka minlo tlanpel tu tur pawh hian minlo en thla leh ngei ang" a sawizawh rual deuhthaw chuan Gin chuan bike i chak takin minlo tlanpel fua a, ka phun sawi nak.
.
"I duhlo tih i chiang amaw? " ringhlel zet chuan alo ti a.
.
"Tehreng mai, ka duh ah ka chiang alawm"
.
"Ohhhh..... Hrepa rei tak chhung i hmu tawhloa ngaihzaqng dang a nei daih tawh ang"
.
"Ka hmulo tih engtin nge i hriat? "
.
"Achhanchu i hun tamzawk lehkha zir nan i hmanga hmun thuma thena hmun chanve mut nan, chuan achanve leh dang thil ei nan chuan atlem ber ka bula awm nan" Ka nui ri hak hak "tu bulah nge hun i hman tam ber i hria em? "
.
"Lehkhabu"
.
"Ughhh.... Gin Frost mawle, ithil tih engkimah atel alawm, kum 2 liamta chhung zawng khan, tawng i zirin alo zir ve a, music i zir pawn chuti bawk chuan lehkha i zirlai leh ka bula i awmlai takngial pawn"
.
"Duhtawk teh....... Thian alawm anih"
.
"Kei aia hlu itihna em ni? " chhanglo chuan ka ngawi ta daih. Aphone alo rik chuan aleather jacket hak atang chuan aphawrh chhuaka. Ka lo chhuhsak vat, phone screena hming inziak avang chuan ka lo nuih sak.
.
"Angai tawh che ani mahna, abialpa in hmeichhe dang ahruai chhuak tih hria se engtin nge angaih ang le"phone chu ka thlek kual vel a.
.
"Emily, hrilh miah suh. Ani kha tihnat ka duh miahlo ania" amangang hmel zet hi!
.
"Awle, anihchuan nawmnah takin min chhaih tawh tur anilo"
.
"Sure" an inbiak chhung chuan glass chu down in pawn lam ka hawia, naktuk hian Paris ah chuan ka kal duh mai angem tih ngawt ka ngaihtuah. Ka nu sawi ang deuh khan kal ta ila chuan ka nun tichhe tute nundan thlirin ruahmanna tha tak ka siam thei awm si a.
.
"Ughhh. A inngaihtuah lehta vung vung mai, lo chhuk rawh, kan thleng tawh"
.
"Ohhh" ka dah chhuah chuan hotel kawtah kan lo ding ran tawh. Car atang chuan chhuakin hotel chhungah chuan kan luta, ei tur neuh neuh kan order hnu chuan titi pahin hun kan hmanga. Gin leh hmeichhe pakhat kan hmaa thu ka hmuh chuan ka phu zawk. Ahmeichhe thutpui ngaihtuah chang miahloin chiang fel fawk chuan minlo melha, ahlauhawm zawk lek lek ani. Ala meng rum em em zui.
.
Kan order alo thlen hnu chuan kan ei mawp mawpa.
.
"Washroomah ka kal lawi ange"
.
"Ok bill ka lo pe ang" washroom lam pan chuan ka kala, mi pakhatin minlo pawhpen avang chuan Chuan ka phu zawk. Aperfume rim atangin tunge anih tih ka hriatchian em avang chuan ka chiai zui ta lemlo.
.
"Gin min thlah teh" thli thaw vuk vuk chuan ka sam achhem thur vek tawh. Ani lah chu engmah sawiloin ading ngawi kur mai bawk si.
.
"Ka kal dawn nia" tipah chuan kal ka tuma, ka banreka chelin min pawt let dawrha, ka dinna ngaiah bawk chuan ka ding leha.
.
"Enge ihriat tehhrepa"
.
"Khupa khu i enge anih? "
.
"Ilaka insawifiah atulna chhan min hrilh phawt ta che" ka kut kuangkuah ran in ka melh kalh a.
.
"A... A.... Achhanchu englo.... "
.
"Kha maw, chhan sawitur i hriat miahloh kha, Gin hetianga in zuikual reng hi anaupan chhiatthlak iti lo mi" lungawilo zet chuan ka kalpela.
.
"Ka... Ka hmangaih che in ka hria" ka phu zawka, ka ding dat bawk."Edward nen in inhual tawh tih ka hria mahse ka... Ka... Ka thinglung hi ka thunun theilo"
.
"Fiamthu tawhna hun anilo"
.
"Khupa bulah pawh khuan hlim takin i nui theia mahse wngvangin nge ka bulah hian i nuih ve theihloh, abula nuam ti hmel taka i awm ang khuan tinge ka bulah i awm ve theihloh"
.
"Gin achhanchu.... "
.
" Emma i nihlai pawn apawilo ka ti a, Emily inih hnu pawn apawilo ka ti lehzela mahse khupa bula i awm ka hmuh khu chuan apawilo ka ti thei tawhlo" inherin ahmaah chuan ka dinga.
.
"Gin, nangchu Edward unaupa ini sia lawm. Ka laka i rilru puthmang hi ithlaklo anihchuan engtin nge i kiangah thlamuang takin ka awm theih ang? "
.
"Anihchuan kalbo turin min duh tihna mi? "
.
"Chutiangin ka tilo. I rilru puthmang hi thlak turin ka duh che ani" hrilhfiah ka tum takngial chung pawn ahrethiam theilo chu anih hi.
.
"Kalbo tura intih nen thuhmun reng alawm, ka hmuhphaka i awm chuan ka thei hleinem. Emma, nilo Emily khawngaih hun remchang min siam ve rawh" ka kut chu alo vuana.
.
Khawvel hi ading nimaiin ka hria, ahmel pawisawilo tak chu thlirin ka lainat takzet, mi tuemaw duh hi thil sual ani hauhlo mahse buaina ni ta chu ani chauh niloin mipa dang hi chu ka tan an rem thei tawhlo ani. Achhanchu Bin ta ka ni. Ngawi vang vangin ka melh ralha, ka mitah tak pawh a en ngamlo chu ani sia.
.
"Ka theilo. Bin phatsan ka duhlo" ti sapin ka kut chu ka la leta, inherin ka kalsan.
.
.
.
.
.
Paris.
.
"Hotel a thlen hi atha mai alawm" rooma kan inremfel lai chuan ka nu chuan ati lang langa, he hotel ber khera kan thleng hi ka lawmlo achhanchu he hotel hi Laura te hotel hawn thar ani tlat. Min hmu ta se, ani ang hmeichhe tawngduh lutuk hian khawiah mah azep lul lo ang. Helai hmuna ka kal hi asual em le tih te ka ngaihtuaha.
.
"Emily zanin hian ka client thenkhat te nen kan inhmuh angai dawna, nangmahin itha ang tiraw"
.
"Tehrengmai"
.
"Awle, ka kal ania, nangmahin lo chhuaklo la" ka chalah alo fawp zeuha. Akal hnu chuan khumah ka bawk thlawp.
.
Vawiinah kan thlentirh atangin ka chau deuh nen ka la mu char char, ka intifai zo hlim Kevin leh Lana nen kan inbiak hnu in ka taksa chau ala rehlo deuh nen ka muhil tep tih ah chuan kan room bang arawn ri chawrha, ka phu zawk. Ka harhchiang hle bawk. Ka thuchhuak lawpa.
.
Thinphu dep depin kawngkhar lam pan chuan ka kal a, arawn rik leh chawrh avang chuan ka phu leh zawk. Door view atang chuan tute nge an tih tih ka han thleka, chiang takin ka hmulo. Palian pui pui an ding khat hmuk tih erawh chiang takin ka hria.
.
"Tun tum hian i chaklo anihchuan ka farnu hi nupuiah i nei tur ani" chu thu sawi tupa chuan bang arawn ngheng ri leh chawrha, ka lo tawlhhnung dawrh.
.
"I chaklo anihchuan kha thi leh zungbun kha min pe let tur ani" an ri chawrh chawrha, kawngkhar chu hawn mai ka duh mahse ka hawng mai ngam bik silo. Chiang fe chuan ka han bih leh a.
.
Mipakhat kekawr dum khup tet hnuang leh t-shirt brown chunga leather jacket dum ha chuan a aia palian fe nghawngah chuan areka, a pianzia chu sang tha hle mahse azen thlarha, ala naupan hmel viau, kei aiin a upa vel awrh chauh ang.
.
"He thi hi maw? Edward Frost in anunna tluk zeta a humhim chu ni a" thi chu mipakhatin alo khai va va a. Maw??? Edward maw!!!! Ahmel ka enchian chuan akamsir a thi ser sera, a mit hnuai chu aduk hlek bawk. A kekawr hak te, a inthuamdan te leh a nunphung engkim chu ka hmuvek chung pawn Bin anih ka ring thei chuanglo achhanchu ka Bin hriatthin kha chu mipa smart tak ani.
.
"Bin" ti sapin an kal liam lai chu ka theihtawpin ka thlura, nilo ka kaltir ringawt tur anilo, achhanchu achungah khan thil thalo athleng thei tlat.
.
An inzui chhauh tak diak hnu chuan kawngkhar ka hawnga, ka umzui nghal vat.
.
Bike rum ri vung vung chu an inzui ri phei rum ruma, taxi chu la in ka umzui tir nghal vat. Kawnga kan tlanlai pawh chuan ka thinphu apangai theilo, ka kut chu suihin ka tawngtai ru mawlh nawlha.
.
"Miss kan thleng e" atihrual chuan pawisa ka pe a, ka chhuk nghal. Bike 2 ding ka hmuh chuan thlanglam zawk bikea chuang chu Edward ani tih ka hre thuai. Midang tumah an awmlo, nichina palian pui pui 3 bak kha chu.
.
Thir hlai lutuk lo bike ke leng tawk vel leka hlai chu an hma zawn ve ve ah chuan a in kham chho kual urh a, atawp chin chu sang tak ani. An thil tihtum chu ka hrethiam nghal mai. Khi thir khi an tlanpelh hunah asang atangin leiah an tumtla anga atlu lo zawk zawk chu achak zawk an ni tihna ni ang. Ka hlauthawng lutuk chu ka kut akhur beuh beuha, engtia tih tur nge ka hrelo takzet.
.
Bike arum ri vung vunga, thir an zawh tur lah chu athui nasa mai si. Ka hlauthawng takzet. Thir zawh tuma bike atlan rual chuan ka insum hmanlo.
.
"Duhtawk rawh Bin" ka rak tuarha, Bike pakhat chu ading ri tuarha, Bin bike ani. Chiang zetin ka lam chu alo hawia. Lalpa leh engthil nge ka tih tàk hi! Min hmu chiang viau bawk si, engtin nge ka tih tak ang! Ka lam pana bike alo tlan chuan ka thin aphu dawt dawt, tlanchhiat ngaihna ka hre tawhlo. Nilo, tlanchhiatna hun a awm tawhlo hrim hrim zawk. (To be cont............)

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » April 15th, 2018, 1:44 pm

Kookie's Gf
.
Ka dinna ngaiah chuan ka ding khawng lah a, ka kut chu ka hum ruh vak bawk. Ka mangang lutuk chu vawi engzat nge ka tawngtai hman pawh ka hrelo. Ka lam pana alo tlanlai chuan ngun takin ka lo melh kalh a.
.
"Min tlanchhiatsan theih i ring ami? " bin bike hmaah tak chuan mipakhat chuan akhamphei zawngin a bike alo hung a, ading ri deuh tuarh.
.
"Kalbo rawh" tipah chuan arak tuarh a, remchangah hmangin ka tlanchhe nghal thuai. In hlui zet abang pawh keh nuaih tawh, achung pawh awm tawhlo chhungah chuan lutin a remchang ber laiah chuan ka biru hmaka, bike arawn rik leh tak vung vung hnu chuan ka tha khur der der pawh alo lang leh tawh. Min hmu anih vaihchuan ka phuba lakna tur ah hian nghawng anei thei bawk si. Bin mizia leh ka laka akhawsa zia te hi ahrechiang ber tu ka ni bawk si, engtin nge ka tih tak ang!
.
Bike rawn tlanri chu ka bul chiahah chuan adinga, bike atanga lo chhukin inchhungah chuan avei kuala, thim deuh mahse thla a èn em avangin fiahlo ruai chuan ahmel ahmuh theiha, a kutin a pum adawm ani tih ka hmuthei bawk. Engtin nge Bin ang mipa smart lutuk kha hetiang hian alo awm theih tak le! engkim hi ka thiamloh vek ani. Nilo, patea vang vek ani. Ani hian kha pitar leh afanu kha lo hruailut lo se chuan hetiang hian kan nun kan hmang hauhlo ang.
.
"Emma, nangmah ini tiraw? " Dam dap chuan ahan ti a, ka hmui chu hupin ka tawngchhuah loh nan ka inthunun hram hram bawk. Thaw halhin adinna atang chuan inchhung chu athlek kuala. "Ini tih ka hria, lo chhuak rawh" chhanna ahmuhloh avang chuan animahna bang chu atlawh chawrha, thing bung awm chu la inbchu chuan ka awmna chung chiah chu avawm thuaia, ka rak chhuak teuh takzet. A chetphung chu amah anglo tak vek ani. Ka thin aphu dawt dawta, min tihnat lam ai chuan amah a intih nat chu ka hlau zawk daih achhanchu athinrimna hian athunun tih chiang takin ahriat bawk si.
.
A kuta a thing ken chu chhuatah zawi muangin athlauh thla a, bang ngheng chuan a thu sawp hnawka, a khup tawmin a kut chuan alu adawm vang vanga, hnuailam chu bihin athaw chhuak hawk a, van lam chu thlirin a nui deuh suk,
.
"Ka awmdan hi i duhlo ani tiraw, achhanchu Emma Lambert chu hmeichhe smart tak ani" athusawi avang chuan ka hnuk arawn ulh tun a, ka chhungril chu atawt up up bawk.
.
"Nangmah ini tih ka hria, engvangin nge tihian i awm? Reilote chhung ilo inlara, i kalbo leh daiha, nangmah emaw tiin hmeichhe dang hmaah vawi engzat nge ka intih mualpho tawh i hria em? Mahse nichin maia ka àw hriat kha chu nangma àw ngei ani, Bin tiin min ko ani tih chiang takin ka hria. Nangmah chauhin chutiang chuan min ko thin tihpawh ka hria" ngawi vang vang in athaw leh halh thin, a kut chu dah thla in amit achhing vang vanga "khawngaihin lo chhuak teh" dam dap chuan atawnga, Bin ka hriat thin tawngdan chiah ani. "Ka uite hi ka ngai tawh lutuka, atello chuan ka eng tih mah anuam theilo"amittui rawn luangchhuak chu chiang takin ka hmu thei, Bin mittui tla ka hmuh vawikhatna ani. Mak ka tihrualin hreawm ka ti bawk si, ahmel ka en chuan lungngaihna in akhata, hreawm atihzia pawh chu ka hmuhhmaihlo. Rei tawk fe chu chutiang chuan athu a, ahmel chu ngun takin ka lo thlek thung. A inthuam dan te, ahmel te, amah engkim chu danglam mahse thil pakhat ala danglam velo. Bin ala ni tlat si a. Engtinnge ka huattheih tehlul ang.
.
Abike ah lawnin tawnglo chuan athu ngawi deuh vang vanga.
.
"Ka nundan hi i duhdan anilo anihchuan hei hi lo hre rawh, thlarau inih hi ka duhdan ani biklo. Mihring inih leh hma chuan ka hmaah lo inlan tawh suh" anike arum ri zui vawng vawnga, atlanchhuah hnu chuan, zawi muangin ka bihtukna atang chuan ka chhuaka, a tlanliamna lam thlir chuan ka ding ngawi renga, ka mittui tla chu ka hrufai zeuh.
.
"Khatianga i awm te chuan engtin nge phuba ka lak theih ang" ka ti deuh sap.
.
.
___________________________________
.
.
"Emily, Sarah te nufa hmuh chu i duhlo takzet amaw? " ka nu chuan alo ti a, khuma thu pah chuan darthlalang glass vek atang chuan pawnlam chu ka thlira. Bin chauh chuan ka ngaihtuahna aluah anani.
.
"Ka la inpeihlo. Tunah hian ka hmachhawn anihchuan an hmaah ka inti mualpho ngei ang"
.
"I hmel an hmu ve dawn kher hleinem Emily"
.
"Chu chu alawm buaina, an hmel ka hmu anihchuan ka insum theilo anga ka pan duh mai ang tih ka hlau ani" Bin tawrhna chu ka ngaihtuah chhuaka, ka mittui alo tla fep a. Bin khatiang dinhmuna ading ka hmuh khan hreawm ka ti takzet.
.
"Bawihte, i tawrhna hi ka hriatthiam pui lutuk che, lo la nghak deuh lawk rawh aw, kan la hrechhuak thuai mai ang" minlo kuah vang vanga, ka rilruna lungpuam bawk si nen chuan insumkarna tel hauhloin ka tap a.
.
.
.
.
Brisbane Queensland Germany
.
"Hey, ka ngaih zia che hi i hria em? " Lana chuan minlo kuah pah chuan alo ti lang lang a, ni hnih chauh ka awmboa, min ngai em em chu ani sia.
.
"Ka hmel hi chu angaihawm ve hrim hrima" chek tlak tlak pah chuan min melh rawm rawma.
.
"I va han chimawm tak, takin Kevin leh Jolie ten party an buatsaih dawn asin, kalve i tum em? "
.
"Wow.... Engatan nge an buatsaih dawna"
.
"Umhhhh.... Inhual an tum ani awm e, mahse nakinah an innei ang" athusawi avang chuan ka ding dat a, ka ngaihtuahnaa lo lang hmasa ber chu Bin nena kan inhuallai kha ani. Khatih lai khan kum 16 mi chauh ka la ni a, amumang vang maiin kan inhual kha ani si a, hetiang thil hi thleng ta lo se chuan hlim takin kan awmdun tawh tur hi ania, ka chunga vanduaina thleng hi arapthlak takzet. Ka chunga hengthil ti tu te lah chu zah hre miahloin an la leng ham ham mai bawk si.
.
Ka ngaihtuahna avang chuan ka thinrim athara, ka kut chu ka hum ruh vak a.
.
"Emily.... Engthil nge i ngaihtuah? " ka dar ah alo sawih vak vaka.
.
"Engmah anilo" tipah chuan ka kal chhunzawm leh a.
.
"Tinge i mizia hi ithlak thut thut thina, inui zo chiaha, engemaw ngaihtuahin i thinrim zui leh ringawt zel. Engtin nge ka kawmngeih viau theih che le" Athusawi chu ka thiltawn hrethiamlo tan chuan adik thei viauin ka ring. Ka hun tawn azirin ka ngaihtuahna adamlam zel ang bawkin ka benga ka hriat thu te hian chawp leh chilhin ka mood a thlak mai thin. Chhanglo chuan class ah ka lut ta daih.
.
Class kal chhung zawng chuan ka ngaihtuahna kalpeng tur chu ka veng char chara, kum hnih lai aliam tawh mahse tinge Bin theihnghilh tur hian chakna ka neih hlawlloh le! Ka ngaihtuahna atihbuailoh nan tiin ka theihtawpin ka ngaihtuah tlema, mahse ahmel ka hmuh chiah erawh kha chuan ka ngaihtuahna zawng zawng adanglam lehnghal vek lawi si. Amah ngaihtuah miahloin ka zirlaiah rilru ka pe ve thei thin tawh kha ani si a, tunah erawh ka zirlaia ka rilru ka pek theih nan ka ngaihtuahna atangin ka hnawhbo hial angai ta si. Engtin nge ka tih tak ang? Ahmel vawikhat ka hmuh ringawt pawn ka rilru abuai ani si a, engtin nge akianga awm reng chungin phuba ka lak theih tak ang!
.
"Party kal i tumlo tih min hrilh miah suh" ka hmaa thu chu melhin ka nui lui sang a.
.
"Ka tihpalh party ka ngaina lo i hriat kha"
.
"I thik chu ani em lo maw? " lo kun hnaiin amit chu azim kuala, ka lehkhabu chuan a chalah ka lo nawr sawk.
.
"I suangtuahna vak vel anihchu" aphun sawi naka, ka lo nui ri hak thung.
.
"Takin Gin khan enge ahriata? "
.
"Ka hre bik nang, ngatinge? " ka lo melh hà a.
.
"Ka kawr àwma thamin fimkhur turin min chaha" ngaihna hrelo zet chuan alo ti a, ka nui ri hak hak.
.
"Wow.....chuan engtin nge ilo tih? "
.
"Chhanna hun min pe hleinem, asawi zawh rual deuhthaw in akal lehnghal daih alawm" za zet chuan ka lo nuia,
.
"Engtikah ngemaw a puitlin ve ang ni" ka lo ti deuh sap. Gin chetphung hi atir kha chuan ka millo viau na in tun hnu hian alawmawm ka ti, ngeiawm taka chet hi aduhdan ani biklo tih ka hria, mi angaihtuah ani tih lantir hi athiamlo mai chauh ani.
.
Language class kan kallai chuan Gin alo kallo hlauh. Ka zawng ru deuha mahse ka hmu chuanglo. Class banah chuan in lam panin ka haw a, gate bula Gin kan in lam melha dingdi hlip ka hmuh chuan ka ding chat. Kan inlam chu a thlek daw daw a, aring afan urh urh bawk. A zuang leh auh auh thin. Achezia chu kut kuangkuah chungin ka lo thlir ran a.
.
"Enge itih? " pphu zawkin alo hawipheia, alung zawn chu adawm vat.
.
"Min ti phu lawm" min hrawk vaka, khuh kharh kharhin a insiamtha thuai "I lo va haw har ve" pangai tak chuan ahan ti a.
.
"Ka duh hun hunah ka haw thei lawm"
.
"Zanin ah enge itih dawn? "
.
"Engatan nge itih? "
.
"Henu hi(h) .... tha takin min chhang ngailo" achek tlak tlaka "Inhmu lawk ang"
.
"Ka hmanlo" amah chu ka kalpela.
.
"Naktuk hian Paris ah ka kal tawh dawn. Training pek tan ka ni tawh dawna, atawp nan hmuh che ka duh, khawngaihin ilo kal dawn nia. Englo... Ih.... I lo kallo anihchuan kei hi min haw hle ah ka ngai anga ka damchhungin ka be leh tawhlo ang che" ka khawilet leh chuan alo kal tawha, ahnunglam atang chuan ka thlir deuh vang vang. Ava han naupangchhia tak. Inbiak tawhloh tur hmanga in vo ngai em mawni le!
.
"Min tibuai tawh dawnlo tihna nimaw" ka ti deuh sap. In ah chuan lutin room ah ka chho tlanga tumdang ang bawkin in chu areh leh thiap. Ka nu hna atangin ala banglo nen, awmpui kan nei bawk silo, akhawhar thlak takzet. Chutih rualin thawm bengchheng hriat tur a awmlo a, ka duhtawkin phuba la turin ka inpuahchah thei dawn ani.
.
Ka inbualfai hnu chuan lehkha ka zira, ka zirlai chuan ka theihtawpin ka rilru ka pe a, ka thiamtam hman viau chuan ka hria ka lehkhabu pakhat chu la chhuakin chuta ka thil chhinchhiah chu ka en a, ka phuba lak dantur ka ruahman chu ka thlek nawn vang vanga.
.
Sarah hi ahmasa ber tur chu ani, adawtah patea chuan dr. Lorrain atawp berah engkim bul tum tu Reina. Ka pen ken chuan an hming ka ziah ah chuan ka chhun sawk sawka. An mahni vanga hetianga ka nun ka hmang hi ka rilru ana takzet. Ka nu leh pa kiangah ka awm theiloa chumai pawh anilo Bin kiangah pawh. An nun der thawnga a awm tih ka hrereng chungin engtin nge hlim takin ka nun ka hman theih tehlul ang ni!
.
"Emily" ka nu tawngri ka hriatrual chuan ka lehkhabu chu ka khup nghal vat. Ka lehhawi thuaia.
.
"Hna i tluang em? "
.
"Tehreng mai, mahse Emily engtin nge kan tih tak ang, buaina a awm ani"
.
"Eng buaina maw? "
.
"Zanin hian i pa alo kal dawn, alo thleng tep tawhin ka ring. Asawidan chuan damdawiin sakna tur vel alo en fel dawn ani awm e, chuan heta lo thlen hi an tum bawk ani"
.
"An i tih awmzia chu...... "
.
"Sarah alo hruai dawn, asawidan chuan inhmelhriat turin min duh ani awm e, chuan damdawiin chu Sarah hminga hawn atum bawk"
.
"Maw??? "
.
"Apawi ka ti lutuk. I la thilo tih sarahin hriat chuan buaina lian zawk achhuak thei ani"
.
"Apawilo hmun dangah ka riak thei tho alawm, Lana bulah pawh, ka.... Ka... Ka room hi chu lock mai ang" ka tawng à ruaia, kawngkhar lam chu mumal lo zetin ka pan bawk. Ka hnunglam atang chuan minlo kuaha.
.
"Apawi ka ti lutuk"
.
"Ka... Ka... Ka tha" ka mittui chu alo far fap fap a, Sarah hmingin damdawiin ka pa in ahawng dawn anihchu! Amah tihchhiat tumtu fanu tan. Ka mittui tla chu ka dang zolo ani ber.
.
"Emily apawi ka ti lutuk, ka lo hriatdan chuan Sarah hian i awmloh atangin i pa thinglung aluah ta ber ani awm e, an sawi dan chuan ipa hian ahmangaihna zawng zawng leh ilaka atih loh zawng zawng te Sarah chunga tih aduh thu asawi ani" ka tahchhuah vak lohnan ka inpet fan fana. Ka thinglung na lutuk chu apuakdarh mai dawnin ka hria, engvangin nge kei hian ka tawrh fo atul, engvangin nge kei hi avanduai zawka ka tan reng angaih. Ka natna tawrh hi anasa tawh mah mah chu ani.
.
"Emily"
.
"Sarah hmel hmuh ka duh" ha sehchilh ram pah chuan ka ti a.
.
"Awle, ka danglo ang che, mahse i inhmuhtir tur anilo" ka biangah chuan lo dawmin ka mittui tla chu alo hrufaia. Ka lo bu deuh nghat nghat.
.
Ka room kan lock fel thlap hnu chuan, Sarah awmna room turah chuan atan thilpek ho te ka han buatsaiha, chumi zawh chuan ka nu room chhungah chuan ka inkalh hnana, an lo thlen tep tawh thu an sawi bawk avang chuan room hnunglam kawngkhar atang chuan ka chhuak leh zawk. Ka nu room chauh hi roon dang kal pawh theihna a awm avangin a remchang dawn viau ani. Chumai piah lamah Sarah rooma electric duh duha control theihna chu ka kutah mai hian a awm ani. Zanin hian ka phuba tlemte chu ka temtir dawn ani.
.
Ka phone alo vibrate chuan ka en vat.
.
*An lo thleng. Lo inpeih rawh* ka nu chuan alo ti a, darthlalang hmaah chuan dingin ka in en vang vanga, ka sam chu bawk faiin ka chalah chuan lipstick in thisen lem ka thairanga, ka accident zana ka kawr hak reitak chhung ka nu in alo dahthat tawh chu ka ha a, darthlalang hmaa ka hlimthla chu enin ka nui lui sak a.
.
Rei tawk fe ka nghah hnu chuan ka nu chuan minlo text ve ta hram.
.
*Sarah chu aroom ah alut chiah, pawnlam atangin ka lock tawh * screen chu ka on nghal vat. Hmeichhe sang lam samkir sei zet chu room chhungah chuan avei kuala, phonea nui uarh uarh chunga mi abiak hnu chuan khumah amu zangthala, a àw chu hriattheih tumin volume ka han up a, phone screen chu en vang vangin adah leh thin. Ahnu rei vaklo ah chuan number pakhat adial a.
.
"Edward" anui var var a.
.
"Bin maw? " ka lo ti sap.
.
"Edward dah suh khawngaihin" atihrual deuhthaw chuan aphone chu enin atho zawta, chhuatah avawm ri nghal chawrh. Adah ani mahna, ka nui deuh sak a. "Khanu vang phiangsen khan engchen nge min biakloh itum? " amah chuan arak vaka, Zaktheilo hian, ka ta ah a inrawlha keiin huat ka hlawh daiha, ahaw tur zawk chu kei hi ka ni.
.
A chevel engkim chu chik em em in ka thleka, tunhma aiin alo sang tawha, ahmel pawh apaih takzet tawh, hmundangah hmu ila chuan Sarah ani tih ka hretawh miahlo ang, a incheina engkim chu ka tih thin ang vek ani bawk. Asam thleng khuan. Mihring fanu hi khutiang tak khuan an lo zaktheilo thei ani tih ka hre ngai miahlo. Bathrooma aluhlai chuan bathrooma ka camera dah lam chu ka view a, a inbuallai chu chik zetin ka en a, saruak veka a inbual avang leh camera a ka lo capture hian inzawmna aneih leh neihloh kum reilote hnu ah kan hrechhuak ang, amualpho ngei dawn bawk.
.
A inbual zawh chuan tu tu emaw abe kuala, engmah thlenglo ang leh pawi khawih miahlo anga ahan nui kual vel te chuan ka thin atirim hluah hluah, ahmel ka hmuh ringawt pawn ka puakkeh mai dawnin ka hria. Dar 11 arik tak hnu chuan amu ve thei ta hram. Ka kut chu ka elh ri khap khap a.
.
"Tan ang hmiang" ka nui deuh sak. Khum adjust theiha kan dah chu remote pakhat hmangin ka tisang vaka, a tukverh zawng zawng chu ka hawg vek bawk. light sen chuai ka on hnu chuan room atang chuan ka chhuaka, Emma thlarau hian engtiang takin nge atih hlauhthawn ilo en ang hmiang.
.
Room ah chuan chhunglam atanga bang emaw tihtur pawnlam atanga kawngkhar ni si atang chuan ka luta, tukverh bulah chuan ka ding ran a. Ka nu in screen alo vil tak hnu chuan ka ngaih atha lehzual. Apuan chu zawi zetin ka pawhthlak saka, tukverh atanga thli rawn thaw lut avang chuan a invial riai riai a, ahnu rei vaklo ah chuan alo meng siar siara, akhum bulah chuan ka tihfo thin angain kut kuangkuah chungin ka lo ding ngawi reng thung.
.
Minlo enin a meng siar siara, achhing zui leh maia, alo meng nawn leh siar siar a.
.
"Hello Sarah" ka tihrual chuan a thukang zawta, min enin phawk zetin amenga, a kut chu akhur hlak hlak bawk.
.
"Dawt... Ka... Ka... Ka mumang ini, ka mumang mai mai" ati bah nuaiha.
.
"Ka telloa thlamuang taka nun hman chu enge a an? " ahlauh em vang ani mahna a vun dang nghal bel pawh chu ka hmu thei. "Hremhmunah ka lo nghak che a, mahse ilo kal thei bawk silo, ka lo pan mai che angai ani"
.
"Em... Em... Emma inilo, ka... Ka... Ka mitvai mai mai ani... Min pui ru, pate, min pui rawh" Arak tuarh tuarha, abeng ahup bawk.
.
"I au thawm an hriat theih iring em ni? Sarah Emma Lambert hi i hrechiang takmeuh em? I hrechiang anihchuan thlamuang taka nunhmang ngam tur inilo. Achhanchu Emma Lambert hian phuba ala lo ngailo" ka nu chu ka kut hmangin light off turin ka signala, alo off nghal vata.
.
Sarah chu arak tuarha, khum atang chuan alo tla thla tawo bawk. Khum kan ti kang sang tih ahrelo ani mahna, athaw areh tak diak avang chuan ka nu chuan light chu alo on leh a, Sarah chal thi hniang chunga bawkkhup zawnga amu ka hmu chuan ka nui deuh sak. Abulah chuan ka thu hniama.
.
"Ka natna tawtawrh tam tak aia nasa kha i tuar dawn tih lo hre rawh, abul tanna chauh ala ni" glove chu bunin pangpar pot chu ka la a, sang taka khaiin alu ah ka tlak chawrh. Athi ang tih erawh ka hlau, achhanchu awlsam takin ka thihtir dawn tlatlo.
.
Room ka chhuahsan hnu chuan ka nu room ah ka kira, ka nu chuan tukverh leh khum chu anih dan tur ang thlapin alo tifela, room pawnlama a lockna pawh alo hawng bawk.
.
Sarah chu zankhua in aharh leh tawhlo, zinglam dar 5 alo rik chuan alu dawmin atho chhuaka, achevel chu ka lo thlir renga, mi à ang maiin room chhung chu athlek kuala, pawn lamah atlan chuak nghal vat. Ka nu chuan room achhuahsan ve thuai bawka, kan lemchan chu ahlawhtling viau ani mahna.
.
Sarah chuan ka thlarau ahmuh thu ka pa ahrilha, ka lo beisei lawk ang ngeiin ka pa chuan alo thinrim khum chiam bawka, damdawiinah ahruai nghal bawk. Mi à anga enkawl nih hreawm zia atem ve ngei tur ani.
.
Ka nu chu room ah breakfast keng chungin ka pa leh Sarah an chhuah hnu chuan alo luta.
.
"Emily Bawihte, iti tha lutuk" minlo kuah vata. Ka hnung zangah chuan alo chul heuh heuh bawk.
.
Ka phone message tone alo rik chuan ka en nghal vat.
.
*Gin Paris ah a kal tih thuthang a awm a, i hriatpui em?* amah hmu tura min sawmna kha ka hrechhuak zawk. Ka pa leh Sarah an lo kal tih ka hriat khan ka lo mangnghilh palh ani. Engpawh nise hetiang hian atha zawk ania nge.
.
.
.
___________________X______________________
.
.
.
7 years later-
.
Inchhung ka luh chuan alo thim mup a, light on mai ka tuma ka on theilo,
.
"Nu, i awm em? " areh diaka. Bang chu nghengin ka phone ka dap ruk ruka, thawk leh khatah light a rawn eng pup a.
.
"Happy Birthday" an lo au rual deuh thupa, ka phu chiang takzet.music arawn ri nghal ral rala, mipui lam ka thlir chuan an lo nui sang hlawma, keipawh chuan ka awma ka kut nghatin ka lo nuihlet ve sang hlawma. Ka nu chuan minlo pan nghal vat.
.
"Hapoy Birthday bawihte" minlo kuah vata "Wow.... Ka fanu hi alo nula takzet tawh anih hi, kum 25 hmel ila pu hauhlo asin" ka biangah chuan dawmin min han thlek kual vel a.
.
"Duhtawk teh nu, min en thup ania" boruak lum zet avang chuan ka sam sei hniang ka thlah chu ka tawn tawma.
.
"Ka fanu ka en ani maia, thil pawi vak athleng em ni?" Ka lo nuih ver vera.
.
"Awle, ka birthday ani tih ka lo hre reng reng hleinem, chuan heng mite sawm vak hi atul em ni? " nuih sang pah chuan ka lo ti a.
.
"Nang nena sulhnu tam tak neih ka duh tih ihriat phawt angai... Ughhh ka fanu tak tak emaw ka ti dawn hial thin che"
.
"Ughhh.... Ati leh ta, keilo fanu dang inei em ni? miss Suzanna naute dang i pai anih vaihchuan apawi viau ang" mit zim san chuan ka melha, anui deuh hak hak.
.
"Happy birth day" Kevinan alo tihchuan ka lo nuih sang a.Abula anupui hual dul puar lian karh ka hmuh chuan mit ka siai zeuh.
.
"I duat ani tih hriat hmasak phawt ka duh" minlo kuah atumlai chuan tawlhhnung hretin ka lo ti a.
.
"C'monnnn emily ka theihtawp ka chhuah alawm" minlo kuaha, ka lo kuah let ve vat.
.
"Kevin takngial pawn nupui anei tawh chu ani sia, Emily i neihve thuai athat ka ring" doctor John chuan alo ti a, putar lam tawh nimahse alak atang hian thil tam tak ka zir chhuaka, kevin nen kan tan chuan thian tha tak ani.
.
"Ughhh... Ani angin date nan khan hun ka nei ve hleinem" fiam ti tih chuan ka lo ti a.
.
Ka room ah lutin ka inthlak mawlh mawlha, ka thawmhnaw ka pack fel thlap tawh chu en in ka thaw deuh halh. Aruk tak chuan ka zam ani, naktuk mai hian Paris ah Emily Watson angin ka hmingtak nei let turin ka beibtawh dawn chu ani si a. Khang kum liamta chhung khan ka bei nasa takzet.
.
"Doctor ni bawk. Sumdawnna lam thiam bawk. Tawng lah chi 22 lai thiam, Music lam thiam bawk si, hausa bawk si hmeltha bawk si. Emily Watson hi ni ila chuan mipa min umzuite date in pasal ka neihna arei tawh ang" Lana in alo tihchuan ka thaw deuh halh.
.
"Lehkha zir tha tura fuih nasa ber tu che ka ni tih i theihnghilhloh hram ka beisei"
.
"Ughhh ati leh tan dawn. He i mize ngeiawm lutuk hi tello se chuan mitha famkim ini ngei ang mawle.
.
"Duhtawk teh Lana"
.
"Parisa kal kher chu atul em ni? "
.
"Hna ka zawn ve angai alawm"
.
"I uang ami? Hna thawk tura sawmna i hmuh zat hi ka hriatloh iring em ni? Engatinge Paris ah kher hna thawh itum? "
.
"Ti tehhh Lana kan inhmu tawh dawnlo pawh ani hleinem"
.
"Mahse lo kir tawhlo ta la"
.
"Chutiang athlenglo turah ngai ang" ka lo ti sap.
.
.
.
.
"In enkawl tha la, minlo be fo ang che chuan kar tawpah ka lo kal bawk ang, atawp nan Emily ithil tumah chiang turin ka duh bawk che"
.
"Ka hria alawm nu min puihna zawng zawng hi ka theihnghilh tawhlo ang"
.
"Awle, kal tawh rawh" thlawhna chhunga ka luh thleng chuan minlo thlira, ka sunglass chu hlipin ka kut ka vaia, ka nu hi ka ngai dawn takzet ani. Ka engkim ani ta miau si a.
.
Paris kan thlen tawh thu an lo puan chuan ka mangram atangin ka harh riai riai a, pawnlam chu ka thlira boruak chu athiang karh bawk.
.
Thlawhna atang chuan chhukin Paris leilung chu ka rap a.
.
" Emma Lambert Emily Watson ini tih hrereng ang che" Tipah chuan ka thaw halh a.... (To be cont.....)

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » April 15th, 2018, 1:44 pm

Kookie's Gf
.
Ka nu in ka chenna tur apartment alo tifel sa veka, chet buai chung angailo turah ngai ang. Tunah chuan Chad lo thlen hun nghah chauh angai tawh. Ohhhh takin Chad hi kum hnih liamtaa business training ka neih tuma ka thian chhar thar ani.
.
Kum tam avei ta, he dinhmuna ding tur hian theihtawp ka chhuaha, hah pawh sawiloin ka bei ve takmeuh meuh. Theihtawpin lehkha ka zira, lehkhazir piahlama thil tangkai tur ni a ka hriat zawng zawng pawh ka zir tel bawk. Nakina min pui thei tu tur ni a ka ngaih apiang chu ka zir ani deuh vek mai. Ka thiltumah hian ka chianga hlawhtlinna pawh ka chang ngei ang tih ka hria.
.
Ka nu leh pa an damtha a, Germany ah ka pa in Sarah tan damdawiin ahawnga, ka patean dawr liantham tak nei bawkin kha pitar erawh kha chuan inchhungkhur enkawlin piber ah a inchan a, ka nu hnaa abuai thin em avangin in leh lo zawng zawng akutah a awm vek ani awm e. Lambert chhungkuaa an beh tawh miau avangin miten zah ah tak an nei ve bawk. Sarah pawh doctor ani tawh, damdawiin rochun atum viau ani mahna, athei angem tih kan lo thlir ang, doctor ni chung siin ahun tam zawk chu Frost company ah ahmang tih thawm ka hre bawka, Mr. Frost chuan a company in brand thar an neih apiangin magazine cover a a model ni turin super model tam tak hnawlin Sarah alo thlang thin tih thawm pawh ka hria a, chu chuan Bin laka ala luanliam zia min hriattir chiang viau bawk.
.
Mahse, vanduaithlak takin Edward Bin Frost chanchin hi hriattur atamlo. Frost company neitu khirh leh nungrawng tak, mahni thuduh tak leh hmeichhe ngaihsakna neilo tihbak chuan hriattur a awmlo, ahmel takngial pawh apholang ngailoa, eng hmel nge aput ang ka hre zuilo. Engtin nge Bin ang mizaidam lutuk hetianga a inthlak chhanah hian keimah leh keimah ka inpuh loh theih tehlul ang ni. Mahse, company a enkawl thei anihchuan khatianga bike hmanga infiamna ang chi lak atang khan afimhlim tawh anih ka ringa chu chuan min ti lawm viau tho mai. Eng hmel pu in nge a seilen tih erawh ka hrechak tawh takzet. Ohhh.... Chuan kha Gin chanchin kha ka hrezui tawhlo, engtin nge a awma khawnge a awm tak tih pawh ka hre tawhlo. Akal bo atang khan ka lo la ngaihtuah chhin ngai miahlo.
.
"Emily" ka beng bula mipakhat alo au vak avang chuan ka kutin ka beng chu ka hup nghal vat. Ka hawiphei chuan asam buang thang chung chuan alo nui leh var vara, apumah chuan ka va chum chawrh.
.
"I à mi? "
.
"Tawngkam mawi ila hmang ngailo cheu animaw" achek tlak tlaka, min en vang vangin ka beng alo tuai niap niapa, akut ka lo vaithla vat.
.
"Kal ang, ka chau" ka bag chu ka pe a, lo ban vatin alo khaia, car lam panin kan kal bawk.
.
"Takin, Mr.Lauren khan a companya thawh i duh leh duhloh min lo zawta"
.
"Chuan engtin? " ka sunglass chu ka vuah zeuha.
.
"Engtin vak nge ni ang, hna athawk peihlo ka ti che" ding datin ka thaw halha.
.
"Ka thawk peihlo anilo tih vawi engzat nge ka hrilh dawn che"
.
"Doctor inih hnu in sumdawnna lam i zira, chumi pah chuan tawng leh music lam te, designing thlengin. He khawvela zir tur awm zawng zawng hi zirchhuah vek i tum ami? Mi zawng zawngin a à deuh aniang an ti thin che tih pawh i hre tawp nang. Hna tha tak tak midangin nei tura an beih fan fan ang chi atangin saqmna vawitam i dawnga vawikhat pawh i bih chhinlo, engtin nge ka tih vak chuan ang. Emily Watson hi mi à ai pawn a à zawk" Car stearing lungawilo taka tuai vir Apah chuan ahan ti a, ka ear phone la chhuakin ka bengah ka vuah zui zat. Hetianga ka thiltawn leh ka thiltum hre miahloa minlo judge ve chiam hian ka ngaithla ning thin. Chad nilo phei se chuan ka ngaithla lo hrim hrim zawk ang.
.
"Kha maw, i à ka tih reng kha, min hnial miahloin i tihfo thin i tih leh tak hi" ka lo melh ngheka "Aw.... Aw.... Awle... Awle... Ka hria ka ngawi ang" tukverh lam chu hawiin ka dak chhuaka, ka naupan laia ka hun hman thinna khawpui ngei kha ani si a, ka harsatna tawh zawng zawng te kha kum tam tak liam tawh mahse ka theihnghilh theilo ani. Ka mi ngaihhlut te kiangah an awm tih ka hriat ringawt pawh hian ka thin ati rim takzet.
.
"Awleeeee...... Kan thleng e, Paris a apartment ah chuan aman ato ber ang tih ka sawi ngam sak. I khua ahar lutuk loh ka beisei" car atang chuan chhuakin ka buangkua chu akhaia, keipawh chuan ka zui ve maia. In leh achhehvel ropui leh ropui loh ah hian ka buailo viau, tunah pawh hian ka buai lem chuanglo areha min chim buaitu an awmloh chuan khawi hmun pawh hi anuam ka ti em em vek.
.
Inchhungah chuan lutin room ah chuan kan inrem fela. Chad chuan ngawi rengin minlo en leh vung vung thin, ka va melh chuan ahawisawn zawka angai te bawkin ang phuau in minlo melh leh thin.
.
"Chad"
.
"Umm"
.
"I haw thei tawh" achek ri deuh tlak tlak. Tawngkam bungrua ka ngah em em lo nen mi zawng zawng hian mak tiin min en fo, ka tawngtam lo a, ka nui mawh viau bawk. He ka mizia hi chu siamthat har ka ti ani.
.
"Hetiang mihring hi ka mita ka hmu reng chung pawn an awm ani tih ka la ring thei chuanglo" alu athing mat mata.
.
"I rin kher ka phut hleinem, chhuak tawh rawh ka chau mut ka duh"
.
"Ka hria, ka kkal em em ang. I lung kha lo leng lutuk lo sela" room atanga chhuah pah chuan ati a, kawngkhar akhar rual chuan ka thaw deuh halh, lo hawng leh in "Mahnia tlei chi ini tak. Bakah ka lo kal reng dawn tho a, aleng lutuk lo turah ngai ang" anui hak haka, chunglam melhin ka kawng ka dawma, ka thaw deuh halh.
.
Ka in lehhawi chuan darthlalang hmaa hmeichhe pakhat sam dum hlap, mitmu bial kàk mut thatloh avanga mit val lian kalh ding chu ka hmu a, Emma Lambert ti a an koh thin tleirawl nena khaikhin chuan Emily Watson darthlalang hmaa ding chu danglam tawh tak ani. Tunah chuan nula puitling ni tawh in ka taksa aria pan thlarh a, 5'8 a sang niin ka vun pawh a nung mam sar a, ka hmel chu kei ngei pawn danglam ka inti. Ka hmel chuan ngainat awm lohna anei bik hranlo mahse ka chhungrila ka natna pai hian khakna chauh ape chhuaka chu chu midang tan pawn ninawm tak tur ani. Mahse, engtin nge ka tih chuan ang Emma Lambert ka nih leh hma chuan hlim takin ka nui thei rihlo ani.
.
Ka thawmhnaw te ka remfel thlap hnu chuan washroom ah lut in tuilumin ka inphuh tir seng senga, ka taksa chu achauin ana thum mai. Tunkar chhung khan tha taka mutmu ka tuah lai pawh ka hrelo. Ka intihfai zawh hnu chuan inthlak felin khumah chuan ka bawk thlawpa, ka chau bawk nen ka ngaihtuahna chu amumal lo tial tiala, engtiklaiin nge ka chahthlak ka hre hauhlo.
.
___________________________________
.
Ka phone ri avang chuan ka harha, meng hleilo chuan ka ban a,
.
"Emily i tluang em? tinge minlo la phone miahloh" ka nu aw ka hriat chuan zi mar ar ar in ka tho chhuaka. Nimin tlai ka mu kha ka lo mutlang daih animahna, engtinnge zing thleng ka mut theih zawk ni.
.
"Aw, tluang e, ka lo muhil daiha"
.
"Ughhh... Titeh bawihte vawiin hian Frost company ah hna dil tura i kal angaih kha"
.
"Ka hria lawm...... Maw????? " ka harh chiang nghal vekin ka hria,
.
"Khamaw!!! Nangmah anglo taka in chet chu le, insiam vat la chanchin tha tak minlo hrilh dawn nia"
.
"Awle" phone chu dah in ka che buai nghal vek mai. Hetiang hian ka awm ngailo, Bin ka hmu dawn tihchu ka ngaihtuaha ka thin aphu dawt dawt thei. Angainat zawngin lo thanglian ta lo ila, nilo, ka thi tawh angah angaia, midang anga ka chunga a khawsak chuan ka tuarthiam dawn bawk silo. Chu achhapah hmeichhia angaihsaklo tih thawm ka lo hreve kur tawh bawk si, Emily Watson angin ka hneh thei angem? Nilo chu chu ala pawimawhlo. Alaka ka lan that hi apawimawh ber chu ani.
.
Ka hmel ah chuan makeup nasa lutuk loin ka hmanga, ka sam kawi hleka kir chu ka thlah a, hmel bo tir hul hual chu ka phal biklo, achhan pawh ka hrelo. Bin hian tlem talin min la hria se tih ka duh vang pawh ani mahna, ka naupanlai hmel ka paih tawh nasa mai si.
.
Kamis var taksa phuar tang chu ha in, ahma lam kepte pathum chu ka phelha, ka hnute bu tlem alan tel avangin pakhat chu ka chilh leh a, smart pant dum tight lutuk lo loose lutuk bawk silo chu ka ha leh a, ka high heel dum chu ka bun leh bawk. Ka san tawh mai bakah ka lang sang lehzual viau, darthlalang hmaah chuan dingin ka han inthlek vang vanga, ka thaw leh halh thin. Ughhh ka zam ani. Interview naa lehkha pawimawh tur ka thehluh tawh copy te chu ka han thlek nawn leh vel a,'ka ti thei tur ani' boruak chu ka thawchhuak halh a.
.
Breakfast ka eikham chuan ka car ah lutin Frost company lam pan chuan ka kal a, ka insiam chhung arei deuh bawk nen ka chhuah meuh chuan dar 10 apel dawrh tawh. 10:30 a kim tur ani bawk si. Ka tlai anih vaihchuan achiloh viau ang. Bin company ah hian ka thawh ngei angai ani.
.
Ka theihtawpa chak chuan ka tlana, light signal alo sen avang chuan ka chhing sawk.
.
"Hunlo lutuk" ka phun sup a, sana chu ka bih chhen bawk. "Ohhhh, akal theih e" tipah chuan ka tlan lehnghala, thui fe ka tlan leh hnu chuan ka hmaa car tlan ding thut chu ka su chawrha, ka mengphawk nghal kawk. Awiii engthil nge ka tih tak! ka chhing sawk a.
.
Ka car side glass alo rik karh karh pawh chuan ka dak chhuak tha ngamlo. Dawhtheilo tih hriat takin alo ri leh a, ughhh hetiang hun atan hian ni pah fawmin alawm mi puitling tak ni tura ka beih ni. Inti paukhauh luiin car kawngkhar chu ka hawnga, ka hmaa ding erawh amitah tak pawn ka en ngamlo.
.
"Ka tihpalh"angawih reng avang chuan ka ti sap a.
.
"Miss he car hi engzata to nge anih i hria em? Kum khat chhung pawn aman zat i thawk chhuak thei kherlo ang" zaidam taka tawngtu àw kà meinei zet avang chuan ka thin asa zak mai. Achhanchu kumkhat chu sawiloh thlakhat chhung pawn nilo ka neihsa atang pawn ka lei thei lutuk tlat. Amah en tura ka dah chhuah chuan putar lam anih avangin chhanglo chuan ka hawi sawn ta zawka. Car hnung chu arang hlek chauh ani. Han thinrim pui vakna tur pawh ka hmuve lemlo.
.
"Engtia chinfel nge i tum? Ka pu thinrimna hi ka chunga abuak ka duhlo takzet ani, khawngaihin i card min pe thei em? " hlauh hmel taka atihchuan ka khawngaih let hnuhnawh zawk. Ka car kawngkhar chu hawngin ka bag ka la chhuaka, ka card phawrh tuma hnuailam ka bih lai chuan putar ke bulah chuan mipakhat pheikhawk hi alo ding che hruta, amah ka melh chuan duhaia alo san deuh avangin ka dak chho ha a, shades a bun tlat avang chuan chiang takin ahmel ka hmu theilo. Hmai tung lam niin coat suit sen duk khalh hnuaiah kamis pawlduk aha a, asam ati phir chho vah bawk, ala upat hmel vakloh tih leh a rim atui hle tih chauh ka hre thei. Chuan he putar sawi ang ngeiin sum ah chuan abuailoh hmel viau e. A ban reka asana bun hrawl zet chu melhin athaw halha, min ngaichang tih hriat takin kut kuangkuah ranin min melha, ka lo melh vung vung ani pek ang chu, ka lu chu thingin ka bag chu ka haia, ka card chu an lam hawi chuan ka lek a.
.
"Minlo be...... " a driver dar ah chuan vawi 3 vel abeng thek theka, inherin akal ta daih. Driver pawh chu a inher ta mai.
.
"Ka pu.... Hei..... "
.
"Nula, i vanneih ni ani mahna le" tipah chuan car ah aluta, nui mawl tat in car ah chuan ka lut ve a. Ka sum aheklo a atha daihzawk ti rilru nuap nuap pah chuan car chu ka ti nunga, an hnungah bawk chuan ka tlan a. Ka hmaa car tlan chu ka thlir pah renga, kan kalna tur a inang zel ani mahna, ka kalna tur apiangah chuan akawi ve zel a.
.
Building lian zet hnuaiah chuan tlan lutin parking ah chuan car ka park a, nichin maia putar pawh khan alo park ve mek bawka. Min hmuh pawh chuan min hria ang pawn a awm zuilo. Khatianga acar ka tih ran sak hnu pawha engmah sawiloa min kalsan kha ka tan tlawmthlak mahse a chetphung khan mitha tak anga amah ka ngaih theihna min pe ani.
.
Ka car chu lock in company pawnah chuan dingin a chhip ler hmuh tumin ka dak chho ha a, ka ring ana vek thei. Building sak dan chu ala danglam lo a, mahse a glass style erawh alo danglam vek tawha, rawng dang an lo hnawih vek tawh bawk. Ka tet laia ka kal fona hmun anih avangin ka bo em lo turah ngai ang.
.
Company chhungah chuan lutin ka dinga, ka thlek deuh vang vang. Emma Lambert ang chuan ka nun la hmang ila chuan inthlahrung taka ka luh angailo tur.
.
"Miss puih theihna che ka nei em? " hmeichhe pakhat chuan polite zetin alo ti a.
.
"Khawngaihin........ "
.
"Lory, chhchhawng chung berah lo han hruai chho ta che" nu upa lam smart tak tho chuan ka hmaa ding chu atarmit kar atangin amelh raw raw a, amak ka lo ti deuh hlek, han thinrim khumna tur engmah asawi miau silo. Ohhh takin hna dil tura kal ho an lo chhinchhiah vek thin ani tak e, ahriatloh vang ani mahna le. "Miss i hriatthiamna ka dil e" polite tak chuan nui sangin alo ti zui zata. Lo nuihlet ve in ka dar ding lamah ka thlek hleka,
.
"Khawngaihin helamah aw" Lory atih nu chuan akut alo pharkak zeuha, ka lo zui ve mai bawk. Hnathawk chu an tamin floor hnuai berah pawh chuan an phu suau suau a, an inrelbawl dan pawh a changtlun hmel viau. Frost nge nge.
.
Elevator ah lutin kan chhukna turah chuan ahmet zeuha, hmalama akut suihin hmalam hawi chuan adak vah a, ka tihthan fo angin ka kut kuangkuahin hmalam ka lo melh ve vah thung.
.
"Khawngaihin minlo zui rawh" elevator adin chuan nui sang chuan ahan ti leh a. Ka zui ve nghal mai bawk.
.
Company chhung kil tin chu hawl renh emaw tihmai turin afai tliang hlang veka, hmuh anuam viau mai. Kawngkhar dum lian zet chu hawngin chumi chhungah chuan min hruai luta.
.
"An lo koh hun che ilo nghak dawn ania, tha takin le" nui sang bawk chuan min kalsana, hna dil ve chu mi 20 vel an ni. Hetiang company lianthamah chuan hnadil turin mitam takin dilna an thehlut thina, chung zingah chuan interview hmachhawn tur mi 20 vel chauh an thlang thin. Zawhna an zawh awm ni a an hriat lehkha chu an bih deuh far hlawma, kut kuangkuah thanin a sir lamah chuan ka lo thu ve a. Ka phone arik chuan ka en nghal vat.
.
"Chad"
.
"Interview turin i kal tih ka lo hria a"
.
"Ahhh.... Nia engtin"
.
"Ka hre ve tawp. Emily Frost a thawh i tum tih sawilawk lla chuan i beihngawrh viau chhanah khan ka dem hauhlo ang che, achhanchu khalai hmuna thawk thei chin kha chu mi naran lo tak vek an ni"
.
"Ughhhh.... Ka hria lawm Chad, ka dah ania"ka thaw deuh halha.
.
"Lawkin la dah suh.... Tha takin aw" phone chu ka off a, ka bulah chuan hmeichhe pakhat make up hmang nasa zet mai hi alo thu a, ahmel ka hmu chiah chu ka ohu zawk thei. A sam llah chu athur em em zui interview tur ani tih ahrelo em mawni le!
.
"Hey, misualnu awm vela ka van ti tak em" arak thuta ka phu zawk. Room chhunga awm ho chuan kan melh thapa, ani lah chuan engahmah angailo tih lantir nan ake chu aper vaka, amittui chu alo tla tiam tiama "Kan prince charming pawh alo kal dawn asin, nanhmah vangin anui tawh ngailo tih i hria em? Nung rawng lutuk mai, ka ngai lutuk che" atap leh vaka, mak ti zet chuan ka melh ha a, security duty chu alo kal nghal vat.
.
"Miss khawngaihin bengchheng i siamlo thei em? " polite tak tho chuan alo ti a.
.
"Thlawkbo rawh" ati tuarha, ngaihna hrelo zet chuan alo melh let ve a. Ahmel ka en chet chet chuan tu emaw hriatchhuah zawk ka nei. Ka bula thu chu phawk zetin ka melha.
.
"Ani theilo" ka ti deuh sap.
.
"Emma, i hmingchhal meuhin vawiin hian hna dil turin ka kal ve ania aw, khawngaihin min awmpui tlat ang che" ati tham tiak a. Laura maw ni a! Lehlam chu hawiin ka nui deuh sak. Alo danglam tawh takzet, ka telloa awm theilo Laura kha ala ni reng ani mahna. Ka thian tha ber ka tana inpe zo tak kha ani miau a.
.
"Hey, min nuih em ni? " ka hawiphei chuan rum zet thoin minlo melha, nuilo turin ka insum nasa takzet.
.
"I tha em? " rawmawl chu alamah ka lek kang a. Ahmel ka hmu chiaha keipawn ka ngai takzet ani tih ka hria. Emma ka ni tih hrelo mahse abula ka awm hian nuam ka ti em em tho. Ka kuta ka thil ken chu en in hmalam chu amelh leh ta daih.
.
"Emma" ati leh sapa. Aruk tak chuan ka hnuk a ulh ru ve tan mai. Hetiang taka min hmangaihtu thian ka nei hi ka lawm takzet.
.
Interview tan anih hnu chuan amal te te in an ko a. 12 na daih ka nih avang chuan ka bula thu chu ka buaipui char chara, ka thilpek apiang chu ahnar zel thung. Ka nuih atih zat rualin ka lawm em em tho bawk si.
.
"Laura Mackwel" Laura hming an lam chuan ading vata, asam thur zet chung chuan luh atuma.
.
"Laura lawkin" alo dinga,ka bag atang chuan samtawnna ka la chhuaka.
.
"Engatinge min tihbuai reng? " minlo melh chho ha a, huizz alo thang vaklo ani mahna. Amitmeng leh atawngkam chu ngaipawimawh loin Asam chu sang takah ka bawk fai saka, a mit pherh lai chu rawmawlin ka hru bawk. Min en vang vangin angawi ve ta kar mai.
.
"Lut tawh rawh le" tipah chuan ka thutnaah ka kir leh a, kal mailo chuan min thlek vang vanga, min hre awm ang taka a awm avang chuan hnuailam ka biha, ka lam pana alo kal chuan ahming an lo lam nawn chiaha, amah ka va melh chuan ngaihthat loh hmel takin alut ve ta hram.
.
Rei tawk fe achhunga a awm hnu pawh chuan alo chhuaklo. ka hming an lo lam hnu chuan thaw halhin ka dinga, ka thin phu dawt dawt chung chuan kawngkhar min hawnsak chhungah chuan ka luta, Bin ka hmu dawn tih ka hriat vang nge pawh ka hrelo. Ka sa up up thei. Ka kawchhung te chu a inlet bulh bulh maiin ka hria.
.
"Miss chhuak tawh rawh khawngaihin" thawm rikna lam ka hawipheu chuan Laura chu chhuatah alo thu a, hmeichhe pakhat chuan pawhchhuah alo tum bawk. Mak tizet hian achezia chu ka en a, engtin nge a at tual tual theih le.
.
"Mr. Frost khawngaihin min la ang che, he hna hi ka thawh ngei angai" mipakhat nui ri hak hak ri ka hriat chuan chupa chu ka en vat. Mr. Frost maw? Alo upa ve tawh hlemai, mahse ala hmeltha em em tho. Mr. Frost ka hmuh ringawt pawn Emma ka nihlai kha ka ngai ani.
.
Rei tawk fe Laura an chai hnu chuan an pawtchhuak thei hram.
.
"Apawi ka ti khawp mai, khawngaihin lo thu rawh" Mr. Frost bawk chuan alo ti a, chair chu min kawhhmuh zeuh bawk. Zam ru tak chung chuan khur der derin chair lam chu ka pana. Ka thutfel hnu chuan ka mit ka chhing vang vanga, ka meng ngam lawklo.
.
Ka mit ka men rual chuan black stone a an hming inchhu kalh chu a indawt danin ka chhiara.
.
Moran Frost(Bin a pa) chu athu hmasa bera, adawtah chuan Clary Winston nu valai vel hmel pu chu athu leh a, adawt leh ah chuan Noah Johnson athu a adawt leh ah chuan Gin Frost athu bawk. Maw????????? Ahmel ka en nghal vat, mi pawh melh lo chuan aphone akhawiha asam ala kir bap a, ahmel ala danglamlo viau, awiiii khawvel ramzauah hian he fa berkher, min va nuihsawh dawn tak emm!!!! Adawt leha thu hming inziak ka hmuh chuan ka thin aphu dawt dawt Edward Bin Frost ahmel chu zam ru tak chungin ka en a, akiu chu dawhkanah a nghata akutin akhabe ah adawm bawk. Asam chu awmze nei takin atiphir vaha, ahmel engkim chu a inthlak vek emaw tihmai tur ani. Ahma ang chiahin hmeltha tak ani. Nilo, ahmeltha lehzual emaw tihtur ani bawk. Coat suit senduk ha in kamis pawlduk aha a, ohhhh tukin zinga car ka sut neitupa kha Bin maw! Lo hre tur ka ni asin.
.
Ahmel tha zet ka hmuh chuan ka tuiral mai dawnin ka hria, akuta azungbun ka buntir ngei mai abun ka hmuh te chuan ka lo hlim ru veng veng mai, min melh hauhlo chuan ka chanchin ziahna lehkha chu a biha, ahmel ka hmuh chuan ka ngai ani tih hrilhnawn ka ngai hauhlo, a chil alem zawnga abiangsum khuar kak ka hmuh chuan ka chil ka lo lem ve khawlha.
.
"Wow" Ka tichhuak deuh sup. Minlo enin a mitko a san ak a, awiii a va zialo tak. Ngemaw ka lo tawngchhuah kher kher chu le!
.
"Kan tan thei tawh em? " MrmFrist chuan alo ti a, Bin melh reng chung chuan ka bu nghat.
.
"Emily Watson tiraw? " MrmFrost bawk chuan alo ti a.
.
"Atheihloh" kan hawirual thup a, Gin chuan ding meuhin phawk zetin minlo melha, ka lo melh nghek thung "nangnu kha, he... He.... Hetah enge ilo tih? " akawng dawmin lehlam hawi chuan athle bak a, athaw deuh halh, achevel chu mak titakin an lo melh thup a.. Ngemaw hetah atih zawk reng reng ni. Hunlo lutuk amah vanga hna ka hmulo anih vaihchuan achaklo ngawt ang. Zahawm taka ka lan atul si ka khak thei bawk silo. Ka mitmeng hmang chuan ka hrilha ahrethiam duh derlo.
.
"Nang nu hi. Ughh..Ka awih theilo" a tie chu pawt thawlin akamis hmalam chu athing che zeuh zeuha "Engtin nge i danglam vek theih! Nilo haw rawh" akut chu thingche zeuhin kawngkhar lam akawka, ka zak lutuk chu khural daih ila ka duh.Bin ka va melha, bin chuan khabe dawm meuhin Gin chevel chu amelh chho deuh ha.
.
"In inhre lawk em ni? " Mr. frost chuan alo ti a.
.
"Minlo hrethiam lawk ru" Bin chuan alo ti sap a, kawngkhar lam pan chuan akal ta daih. Gin chu rum zetin ka melha. (To be cont.....)

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)