OUTLAW’S CODE (Cowboy) - (Completed)

Western cowboy Re-type, lehlin leh mizo phuahchawp dahna

Moderator: writers

Ngaia
Site Admin
Posts: 25813
Joined: April 30th, 2016, 4:07 pm

Re: OUTLAW’S CODE (Cowboy) 1 - 40

Unread post by Ngaia » May 15th, 2018, 9:33 pm

OUTLAW'S CODE.
Bung XXXXI.
Lettu..PL Liandinga.

Retype..Tmawii.

Bung 41

Hmarlam pan chuan ni sawm zet an thang tawh a. Hmelmate hmel reng reng an la hmu lova, anmahni pawh an in ring tawk hle tawh a. Zanah pawh meite chu êng deuh deuhin an tuah ṭhin a, zingah lah inthlahrunglo zet zetin an ti khu nguai nguai zel a. An kal chhung zawng chuan nula chu pachang takin a awm a, engtinmah a phun lova, hlau awm pawhin a awm ngai hek lo. An han chawlh nikhua pawhin hnathawh tur thawk mai thei turin a in peih nghal auh ṭhin. Zanah a mu har ber ziah a, zingah a tho leh hmasa ber ṭhin bawk. Midang tan chuan luite tui hna kang theilo ang mai a duhawm ani. (Ka ngaihsan chi.)

A kal ve phallo tu ber Jim Parson chuan nithum chhung zet chu tùr fe fe in amelh ṭhin a. A ni li ni chuan Isabella chu ava pan a, ring fe mai, midang zawng zawng hriat theih tur hian, " Ka lo â ngawt mai, ka â tak zet ani. Isabella, kei aiin i pachang zawk a, kei aiin ramchhuahnaah i ṭangkai zawk a, kei aiin sakawr chungchuan i thiam a, i fing zawk daih bawk,"a va ti ringawt a. Tlangram kal pelin vaivut zingah ni li zet an kal leh a, a hma aiin a hreawm ta hle a, mahse hmelma te chu hmuh tur an la awm chuang lo.
An kal thui telh telh a, a lum telh telh a,. Zanah thla a ên avangin nitlak a ṭangin an kal ṭan a, khawlum zualnhma chu an kal ngawt ngawt mai ani. An hruaitu chu John Ray ni tawh lovin Rinky ani tawh zawk a. Chung lai ram chu John ray emaw midangin an hre ve tawh lo. A tawp atawpah chuan kawng zimte, lungpui ti rekruk karah hian a hruai ta a. Chumi tlangram piah lamah chuan Rio Grande chu hla vaklo ah chuan a awm tawh a. Chulai kawng zimte a an va kal ṭan tirh chuan zan chu a reh vung vung a, khua lah chu a lum em em a, Thukpui an dai hi ani ngawt mai.
An zingah chuan Isabella chauh chu awm pangai a awm thei hmelpu a ni. Ani vhu lum ti âwm pawhin a awm lova, hreawm ti âwm pawhin a awm hek lo. Hming lêmah "Salamander" (tuia awm chi laiking) an vuah a. A indawta an kal thliah thliah lai chuan mipa naupang ang maiin a changin a faifuk a, a changin a zai leh rat rat ṭhin a. A hnungah chiah chuan Rinky a kal a, John Ray chuan a sakawr chu a rawn kal hnaih tir a, "Rinky, mel nga chhung zet chu thildang engmah en lovin amah ringawt ani i en. Khawdang i hawilo reng reng,"a rawn ti phawng mai a.

Rinky chuan ," Father Joseph, kum sawm nga chhung, mel sing nga pawh kal ila, khawdang hawi lovin amah ringawt hi ka en thei ang," a lo ti a. Father Joseph chuan, "Amah i hrilh em?"a ti a. Rinky chuan Father Joseph chu a han leh hawi a, "Hrilh em a? A hrereng alawm. Ka awmdan te chu a hrereng. Hrilh angai lo, chu bakah pa thatchhia, vak rawlai engmah thawh mumal neilo ka nih pawh a hria, A,..ka in sawi tak te kha chu ka hming ṭha anih kha, Ni love, Padre Jose, ka biak tlem poh leh a ṭha ani mai."a ti ta tlat a.

Father chuan, "I biak dawn loh chuan keiman ka biaksak ang che,"a ti ta a. Rinky chuan, " Ngawirawh, Ni love, i ti tak tak lo taqp ang tirawh?"a ti a. Father chuan, "Nula hi ka ngaina viau asin, ka ngaina ani lo'm ni,"a ti a. Rinky chuan, "Aw i ngaina khawp mai, "a ti a. Father chuan, " Anih loh leh mi ka ngainat em em in a huanah rangkachak khur nei ta se, hre bawk si lo se, hrilh duh ta lo ila, eng ang ṭhianah nge min rin ang Rinky,?" a ti a. Rinky an a chhan hma chuan a sakawr hma a vaivut chu a rawn per ta ur ur a.

Jim Parson leh Isabella chu an rawn hawi let a, chutihlai chuan an dinglam sir lungbang aṭang chuan tuboh leh tuhoh chhut rik ang ṭhuai ṭhuai hian silai chu vawihnih alo ri leh a. An pali chuan an han inmelh he haw a, engmah sawi leh chuan angailo. Slade chu an lo ring neu lutuk a,a rawn nang ching ta ani. Rinky chuan "Kir leh rawh u,kir leh ul...." tih pah chuan a sakawr chu a pawther mawp a.
Chutihlai chuan an hmalam leh an veilam leh singlamah chuan vaivut an rawn kap per leh ta sawk sawk a. Thla êng a fiah tawk loh avangin an rawn kap duh rihlo ani mai thei. Mahse, thla êng hnuaipawh ni raw sek sek, an la rawn kap dik ngei ang. Jim Parson chuan,"An duhna takah min khalh lut ani, kan tan thang an lo kam sa reng a nih hi,.Luipui lam kha pan rawh u thuai, chu ngawt pawh chu a ṭha zawk ang....pherh hrep chuan, ...a ti zuah zuah a.An awmna a ṭanga hla vak lo, lungpui dun renrun pan chuan an tlan phei tawp tawp a.

Nula chu a zan ber avangin a sakawr chuan a zo ber a. Lungpui awmna pawh a va thleng hmasa ber a, Sir lehlam lehlam aṭanga an rawn kah tak avangin abul lawk lawka vaivut chu a per ur ur reng a. Chutah a chuanna sakawr chu a bingbilet ṭhuai a.amah pawh chu vaivut zingah a thal ṭhuai a, Rinky chu a tlan phei vat a, a sakawr aṭangin a zu kun a, Isabella i ṭhutchhuah tum lai chu a sakawr zinah a pawtkai nawlh a, lungpui lam a panpui ta a.

A inhliam na lo tih hriat nan lungpui bul an va thlen chuan sakawr aṭangin a zuangthla auh a, a han pai deuh ṭak ṭak a, a indawm ding leh a. Rinky-a hnenah chuan ," Ka sakawr chu ka va khawngaih e, kan vanduai deuh a ni, kan kal chhung zawng khan a kal chak ber ani kawngtluan asin maw le," a ti a.

(T Lalrinmawii
Khuangleng venglai.)

OUTLAW'S CODE.
Bung XXXXII.
Lettu..PL Liandinga.

Retype, Tmawii.

Isabella thu han sawi chu an zin chhung zawnga hlau awmang deuh a aṭawng chhun a ni. An lungpui va belh chuan hla deuh aṭanga en a puk aneih ṭhat hmel tehlul nen a hmunah chuan a pawnlang kher mai. A bang vel chu a kuak neknuk avangin chung kara rawn kah tum chuan hmelma ho chuan an rawn rin kah chiam chiam ṭhin a. Sakawr pakhat an rawn kapthlu a, Rinky-a te ho chuan lungpui lian ber phên lam chu aa pan ṭak ṭak a. An han ngaihtuah a, a buaithlak thei fu dawnin an hria a. Chaw leh tuibtello pawhin an awmna hmunah chuan nikhat chu an awm thei mai ang, mahse chumi piahlam chu huphurhawm tak ani. Chulai hmunah chuan thla êng ringawt pawh chu lum tham fe ani a, (lum awm ṭiah ṭiah ve)
Thla êng lah chu chhumin a hliah ngai miah bawk si lo.
Chhumin thla êng a hliah loh ngat chuan a lum dan chu tawrh reng chi ani hauh lo ang le. Carciasa inhnuai pindan thim zing a Slade-a zawng a Rinky-a a vahvel lai ai jhan an dinhmun chu a khirh zawk daih. Khanglai hmunah kha chuan khua a thim tlat avangin atan thiltih a awlsam tlat. Mahse, helaiah chuan a êng ut mai a, thil engpawh mai chuan hlimthla anei zel a. Sakaqr an rawn kah thluk pwh c chu hnaita aṭang chuan hmuh hleihtheih loh ni mahse, a hlim chu hla deuh aṭang pawhin a hmuh theih tlat ani.
Rinky chu a han thluang mar dawn a, Vaivut tlawh lovin Jim Parsona ṭhelret puan chu a zu tlawh nawk nawk a, chu ṭhelret puan chu a buang thar mai a, a hlui tawh hle mai bawk a, thla êngah chuan vaivut rawng nen chuan a danglam lo hle a. A han khaikang a, lungpui kehker aṭang chuan lehlam chu ava thlir a. A hmai bula lung chu Rifle mu hian a rawn deng khem hlawk mai a.. a thi teuh kher mai, midang chu nise an tlum nghal ang a, an biru thuk telh telh ang. Mahse, Rinky chu zawhte ang maiin a awp hniam a, a meng kar mai a. A rawn kaptu chu zuan mai tum niawm hian alang a. A rilru pawh a fim hle a, an chan tur chu chiang takin a hre bawk a. Zanina engemaw an tih loh chuan a tuk leh lamah chuan a khirh fe tawh ang. Tunah chuan an la chakin an la harh ṭha a. Naktuk lamah chuan an zawi chhe vek ang a, engmah tithei tur an awm tawh lo vang.
Jim Parson chuan, " Saw le, tu emaw kan lam panin Sakawrah alo chuang e, engemawni a vai lehnghal," a ti a. Father chuan ,"Inremna puanzar ani maw? Lo kal rawh se," a ti a. An awmna aṭanga yard sawm velah chuan a ding a. Thla êngah chuan a hmai chu a hmuh theih riai ruai a, a aw ah chuan Carciasa tih a hriat hle a. "Isabella," tiin a han au a, Isabela chu lungpui kar aṭangin a lo ding a, "Heta hi ka awm," a rawn ti a.
Carcias chuan ,"Bawihte, ka han hmu che chu ka va lawm . I hnena lo kal tur hian ṭhingṭhiin ka dil asin. Midangte saw chu mi boral mai anni nain , mihring ve bawk, â...ka hnena ilo kal an phal ve tho vang,,"a ti a. Father Joseph chuan," Ni e Isabella, a hnenah kal rawh, kan chan tur ang i chan ve ai chuan , Carciasa hnena kal i tan aṭha zawk,"a lo ti a. Isabella chuan Father lam a hawi a.Father chu a melh kawk a, a pa mi lam chu a hawi leh a, "Ka pa, ka chunga i ṭhat ṭhin em avang khan ka damchhung zawngin i tan ka ṭawngṭai ang, mahse, i hnena lo kal leh ai chuan.....hremhmun lailiah pawh ka kal zawk ang."a ti ta a.
Carcias chuan, " Mamte, hman zana thil lo thleng avang khan i thinrim a ni. Tihluihna a min nawr nasat zia leh ka hnial nasat zia kha i hrelo tawp ang, keima thuin engmah ka ti lo, mahse, i ṭhatna tur vekin engkim ka ti ṭhin. Ka tan engmah ka ti ngailo,"a ti a. Isabella chuan," Tualthah hian mi ṭanpui i ring em ni? Fernando Carcias, thisen zawmpui ang maiin ka hmangaih ṭhin che, mahse, khami zan khan i hming min sak sak kha ka paih a sin,"a ti a.
Jim Parson chuan insehruh ṭeuh chungin, " Naupang ṭha," alo ti hlak a. Carcias chuan ,"Isabella...."a han ti leh ṭan chauh a. Jim Parson chuan," Uicho, lo ngaithla teh, nula khan thudik a sawi a ni. Kan hnena awm a dinhmun derthawng taka awm hi, i hnena awm a, thil ṭhalo zawka inbarh luh ai chuan a tan aṭha zawk. I sakawr kha pawther la,kal rawh. Chutilo chu suan, zungkhat bawk lek hian i ha ka rawn phawi mai ang, silaiin ka tin reng che ania," a lo ti ta chheu chheu mai a.
Carcias chu akir leh a, a phun nawk nawk a, a hmai chu akutin a beng thlap thlap a, Father Joseph te ho chu an phun mar mar a. Father chu Jim Parsonan Isabella tana hun a pek loh lutuk vangin a thin a ur hle a. Isabella lah chuan Carciasa hnena kir leh ai chuan thih a duh zawk thu alo sawi a. Jim Parson chuan Isabella chu a farnu nise, Carciasa hnena kirtir leh ai chuan a kaphlum duh zawk ang a ti ngut mai bawk a. Father chuan,"Rinky, enge i ngaih ve dan," a ti a, ahan in her a.
Rinky chu a lo awm tawh hlek lo mai a! Isabella chuan, "A kal bo tawh, ngaihdan atthlak tak anei ani ang, lo en ṭhat awm tak. A tum ang tuh chu lo hriatsa daih tur a sin aw...Rinky...Rinky...,"a han ti a.an bul vel chu an han en chiam a. Mahse, Rinkya hmel reng reng an hmu ta lova. Darkar khat aia rei mah a han ral a,chulai ruam tawp lam, lei khi chat tereuhte a tui a luan her her na hmunah chuan vaivut zingah hian engemaw hi a che ta hret hret a, han enchian chuan mihring hmel hi apu hle lehnghal a.
Chu thil che chu Rinky a ni. Vaivut zing aṭanga rawn thochhuak lovin Jim Parsona ṭhelret puan hlui deuh mai chuan a in khuh a. Chu ṭhelret puan chu a hlaiṭhat em avangin a khuh zo hle a. Satel ang maiin zawi te te in a kal beuh beuh a, vawikhat chu a hma lawka vaivut chu silaimuin a rawn deng per chhuai mai a, a han nghak a,a hnungzang a an rawn kah ṭhuai a rin nen an rawn kap leh ta reng reng lova. An mitvai emaw an ti ani ngei ang.
Runky chuan lungpui awmba hmun alo thleng a, himtawk ni a a inhriat chinah chuan alo dingchhuak a, a mit chu a sen ram mai a, a meng de rial tawh a. Tun hma in rukru te, dawtsawi hmang te, mi phatsan hmangte alo bei tawh ṭhin a. Dik tak leh zahawm takin a bei ṭhin. Mahse tunah chuan nula chhanhim turin a bei dawn ani a, a kawng dal tu chuan nuam a sa lo kher ang.
Abul lungpui chu a han bel a, a hmaah chuan luikawr tereuhte a va hmu a, chu luikawr chhim lampang chu a thim chhah tlat a. Hmarlam pang chu a êng deuh riai a, abul lawkah chuan mi pahnih an lo kal a, a zawn an rawn thlen lai chuan a ding phek ṭang ṭang a, an aw aṭang chuan pakhat chu Carcias ani a, pakhat chu Slade a ni tuh a hria a, Carcias chuan sakawr a kai a, Slade chuan sakawr a kai ve lo va. Tiang tereuhte hi a vai lauh lauh a.
Slade chuan,"Kal kual la, mitin hnenah khan hna kan thawh zawh rual rualin hlawh chu a letin a pung ang tih hrilh rawh, hlawh bakah engemaw ṭha tawk tak a tel bawk ang, Carcias, nula chu engahmah ngaih tak tak tur ani lo. Mipa tan awm tinuamtu leh bungraw pakhat chu ani ve ngei mai, mahse an tel lovin kan awm thei tho. An zingah tel ve mai rawh se, kan chimih barh anga ni mai. Kha tleirawl khan a thinlung a luah tawh a, a hmangaih hlur ringawt mai a ni. Kha tleirawl kha mi huaisen hmuhin a hmu tlat. Tleirawl kha kan thah si a,nula kha kan thah ve siloh chuan a thih hnuah achiau achiau tho vang,"a ti a.

Slade chuan akut avai a,amah a inring tawk hle hian ahriat bawk a, khawvar dawn, kawl êngin thla êng a luahlan tantirhin fimkhur a ṭul zual ang tih hrilh vek rawh. Chutih hun lai chuan mi beih thut an rawn tum ang tih a rinawm. An chet thut vaih chuan tleirawl chauh kap turin hrilh hlawm ang che. Amah kan kahhlum chuan midang chu engmah an ni lo. Kutzungṭang elh rik tluk leka awlsam ani. Carcias, kan hneh ngei dawn e. Ka thiltih tawhah chuan ala ropui ber ang, kan duh dan danin kan tithei tawh, mit kan mena lehlam kan hawi loh phawt chuan a tawpah kan dingchang ngei dawn e,"a ti a.
Carcias chuan engmah sawi lovin a lu abu zauh a,a kalsawn ta a, Slade chuan Carcias chu a en zui a. Zawite hian anui a, anui chuan chinghnia, bawng note tladarh seh mai tur hmua han ṭhen hi a ang hle a.a inher a, lui tereuhte awmna hmarlam chu a pan chho va, a tiang ken chu engthawl awm takin a vai lauh lauh a. A hnathawh tur khirh tak chu thawk zo tawh niin a in ngai ang a, chawlh hahdam ve deuh pawh a tum ani mai thei. Rinky chu a awmna aṭang chuan alo dingchhuak a, Slade chu a um zui a. Slade a hnungah chuan dim te te si,rang tak tak , sau deub deuhin a pen a, an inkar chu a hla lo sawt hle.
Rinky chuan Slade chu a va hnaih fe hnuah, "Slade," tiin a han ko va, Slade chu a rawn inher mai lo. A pen laklawh lai chu a ding chawt a.Rinky chuan,"Slade, ka that dawn che, tun hmain inbeihna ka tawk tawh ṭhin. Mahse, tualthah duh vang liau liau chuan inbeihnaah ka la tel ngai lo. Nang hi zawng i danglam a ni, mihring i ni tlat lo. Mahse, chutichung pawhin ka chunga i tih ang chuan ka ti dawn chuang lo. Hnunglam aṭang chuan ka that dawn lo che. I rawn hawilet ang a, i hawilet rual rualin hriamhrei i duh ang ang i chuh thei ang, i rawn herchhuah rual chu i thih rual ani mai... tin, i thih laiin i thiltum chu a hlawhchham ani tih hi hria la ka duh bawk. A chhan chu i thih veleh i sazu khawite chu an tlandarh ve vek dawn avangin, chu lovah i..."
Rinky chuan Slade chu a thusawi chhung zawng khan ngun deuhin alo en a, a tifuh ta ani. Chutia atih lai tak chuan Slade cbu alo hawi a.alo hawichhuah chuan silai a hum reng tawh nghe nghe a. Chutiang tluka tualthah tum sain Rinky chuan silai ala phawi ngailo hialin a in hria a. Chutiang tlukin ala tinzawnin mahni ala inring tawk ngai bawk hek lo. Chutiang chu anih avangin Slade an a puakruk a hmehper hmain a thluak ava verh persak vek hman a ni.

OUTLAW'S CODE.
Bung XXXXIII. Last.
Lettu..PL Liandinga.

Retype, Tmawii.

Slade chu a tlukna hmunah chuan a kalsan a,hmai zangthal huin vanlam chu a ṭhenkhum bui a.a damlai ang maiin amit chu a meng kuau a. A kut dinglam chu tuiah a chiah a.a sual chu a thih rualin silfai ta ni maiin a lang a. Aw hian, " Slade, Slade," tiin a rawn au va. Mexican sang fe mai pakhat hi a rawn tlan hlawk hlawk a, Rinky chu lungpui phenah a tawlh lut vat a. Chupa chuan, "Slade, helai ah hian tunge silai ti puak,?...."a han ti nawn leh a.

Chutah miruang chu a han hmu a, a kut pharchhuak chungin Sladea ruang chu ava pan a.mahse,a va hmuh chian chuan alo kalna lamah hmanhmawh deuhin a tlan let leh ta a. Chutianga hlau hmel chu Rinky chuan ala hmu ngai pawhin a in hre lo. Angaihdan pawh dik hlein a hria a.Sladea rukru khawite chuan Slade chu tihchhiat theihloh niin an ngai a. A chhe ve thei tho tih an han hriatchian chuan tlandarh mai lo chu hna dang an nei ta lo.

Luikawr bang ngheng chuan a ding a.meizial a zu a,a ban a han vai a. Jim Parson chuan han tlanchhuah nghal mai a tum a, mahse, a tawmim leh a, a ban a phar duai a, Rinky chu an lam panin a va kal hnai sauh a." A ṭha vek tawh e, Boruak ang a zalen kan ni ta. Tunah chuan kawng thui fe lwh Rio Grande mai kan hmabak ta.,"a han ti a. Zawitein ramsa danchep chhuah hlim ang maiin an rawn chhuak ṭhem ṭhem a,. Nula chu a rawn chhuak ve mai duh rih lova, Ramhuai melh takin Rinky chu a rawn melh a. Jim Parson chuan, "Rinky, thil awmdan min hrilh ve dawn lo'm ni?" a han ti hram a. Rinky chuan,"Vaibut aag maiin an tlandarh zo ta anih kha, nizan khan Slade a thi a,a dangte chu an tlanbo ta ani."a ti mai a.

Jim Parson chuan,"Zawhna hi ka ngaina lo hle, a zawttu nih ka duh lo a,a dawngtu nih lah ka duh hek lo. Mahae nizan khan engtinnge i bo tak daih? Engtinnge Slade chu a hote zinga a awm lai i thah theih? a han ti leh a. Rinky chuan, "Jim, i hrerwng alawm , ka vanneih vang chauh ani "a lo ti mai a. A inhmuamuo vang pawh ni lovin a sawithiam lo ve hrim hrim a ni. A theihtawk pawhin sawifiah se, mawltein a sawi dawn tho tho va. Mahse a rilru chhungril takah chuan , Marshal Neilana hna pek a thawh tantirh aṭang khan, ahriatloh thil engemaw takin a hruai zel tih a hre kiau a ni.
An sakawr zin an phah a, nula chu a skawr athih tak avangin an sakawr an kian ṭheuh va, mahse, Isabella chuan kea kal a tum tlat a. Rinky chuan Jim Parsona leh Father joseph chu ahan melh kawk a. Father chuan alo hrethiam a. Jim parson chu a kaihrang a,an hmasa ta a. An kal chu Rinky chuan a thlir reng a,an hnunga Isabella in kal a tum lai tak chuan, "Isabella, ka chau kher mai,mahse a ṭul chuan ka sakawrah hian ka hlang mai dawn che ani," a ti a.
Isabella chuan Rinky chu a rawn en a, "Rinky, chutianga i kuta mi khawih tur chuan, i â tak zet ni ah ka ngai..."a han ti a. Rinky chuan," Ho lutuk,"a ti a, anui zui hak a. Isabella chu a hnaih sauh a. Penkhat chu hmalamah zau deuhin, zangkhai fe in ahan oen pawk a.a pen hnihna chua tawlh hret a.a pen thumna chu a oen zim kher mai. A tawpah phei chuan a ding ta reng a. Isabella chu en reng a duh a, mahse, a harsa ati kher mai, khawdang ahawi ta a.
Rinky chuan," Hetia ti lo hian nang hi sakawra chuang turin a ngenin ngen ta zawk che ila, i sirah kal ila, dinhmun kan inthlak dawn nia, reilote chu. Mahse Isabella, i hrereng alawm, hmana thehlei ang khan,"a ti a. Isabella chu sakawrah chuan a chuang ta nge nge a, an sakawr chuan an hmaa kal te chu umphak thei reng mahse an umpha ta mai lova, John Ray leh Jim Parson chuan hnunglam an rawn hawi chhen a. Pakhat a hawi apiangin pakhat chuan "Engtinge?"a lo ti ziah a. A entu zawk chuan "Engmah ala awmlo,"a lo ti ziah bawk a.(hahaa)

A tawpah chuan Jim Parson chuan ava en leh a.a sakawr a pawtding chawt a. "Padre Jose, a dik ta, lehhaqi la, en ve teh. Khawvel pawhin en mahse, pawi an ti miah lovang, ennawm an chhuah e, en teh en teh....kut an insuih e. Mi á an ang khawp mai.Rinky Dink chuan asualpui te chu hneh loh chang anei fo dawn a nih hi," a ti chul a.

* * * * * * * --- * * * * * * * * * *.
Chawlhkar ruk hnu velah chuan hah fe maiin Marshal Neilan chu alo haw a, chumi ni chu rei ati hle mai, nidang aiin a chau zawk daih. A in hungna pawn zawk kawngkhar apelh lai chuan thimthama mi pakhat thla hi ava hmu a. Zawhte ang maiin a in her vat a. Puakruk alek kawh nghal a. Rinky Greya aw hian ,"Marshal, engmah ani love,,"a rawn ti a. Marshal chuan,"Rinky pianherh, engtikahnge zawhte ramchhuak nun hi i paih dawn? Chhun ni sensat lai pawhin kawtthlerah ilo kal thei tho si a. Engvanginnge zan khawthim kher i nghah? I la hlau cheu em ni,"?a han ti a. Rinky chuan, "Marshal, i hre ve reng alawm, chin dawklak tawh chu bansan a harsa riau alawm,"a ti mai a. Marshal chuan, "A ni ngawt mai, Entir nan thil ei chin dawklak te hi, lo lut la, zanriah i kil dun ang,"a ti a.

Rinky chuan, "Ka lawm e, mahse min lo beisei ang, Isabella ka tihna,a ti buai nuai a. Marshal chuan,"Duh lwh lo beiseiin lo nghak ve mai mai ang hmiang,"a han ti a. Rinky chuan, "Nghak ang a!? Ka pu, ni love. Nghahtir chi anih loh zia ka hria,"a ti ta tlat a. Marshal chuan "A nih leh le, hei John Ray an lehkha dang a rawn ghawn leh a, khawthlang lamah alo kal leh dawn asin. Mexicoa akal aṭul a, inneihna rawn hman zawk a duh ani,"a ti a. Rinky chuan, "Forbea chu a thi ta em ni?" alo ti a.
Marshal chuan,"Thi a ! ? Chulai tak chu ani mak ni, Forbea chuan John Ray a ahmuh chuan a ṭhat phah em em a, chawlhkar khat chhungin a ṭhu chhuak a. Chawlhkar khat dang lehah akal a, pound saqm zetin a rit tawh zaqk a, kumkhua adam atum asin. Doctor ho at vang lek alo ni alawm, chuvangin Forbeaa kein i kal tir leh thei ta tih mai loh chu i hna cbu a thlawn a ang fu,"a lo ti a.
Rinky chuan marshal thusawi dang chu ngaihsak hmello deuh maiin, "Hna sawi taka zarah chuan, enghna emaw tal thawk ve ila, Isabella chuan ṭha a ti viau mai, hna min pe thei angem,"?a ti a. Marshal chuan," Bawng chanchin i hria em? a ti a. Rinky chuan, "Hre lo,"a ti a. Marshal chuan, "Beram i vulh thiam em? a ti a.Rinky chuan "Thiam lo,"a ti leh tawp mai a. Marshal chuan, "Huan i enkawl thiam em,?"a ti leh ta zela.Rinky chuan," Khai a, Marshal ,enge maw i sawi tak chiam chiam le,"? a ti ta hlawl mai a.

Neilan chuan,"Hna chungchang ka sawi ani. Eng hna nge i thawh thiam? Thawh thiam i nei tam lo hle in ka hria,"a ti a. Rinky chuan " Chu chu ka hriat ve dan pawh ani,"a ti mai a. Neilan chuan," Ka hna i thawk thei ang, kumtluana engmah ti lova awm ai chuan chawlhkar tina ngen mu tawn hlauhthawnawm taka vawikhat awm ziah pawh a ṭha zawk alawm,"a ti a. Rinky chuan "Neilan, lo ngaihtuah nachang ka va hre lo ve ! tunah hna chu ka vuan nghal e,"a ti a. Marshal chuan, " Isabella zawt hmasa la a ṭha ang,"a lo ti leh a. Rinky chuan," Ni e,zawt hmasa ila, a ṭhat ka ring," a ti ve ta a...


Website story link ho awlsam zawka in zawn hmuh zung zung theih nan STORY FB group siam a ni a. Whatsapp group pawh siam a ni e. Complete tawh ho zawng zawng leh story kallai kan dah vek avangin avangin in lo join theuh dawn nia..
Group link : https://www.facebook.com/groups/991354610918230/


Atawp ve leh ta reng mai.

Kan nunna pawh hi thawnthu ang hian ala tawp ve dawn si a,
Chuvangin, Pathian ṭih a, a duhzawng anga awm zel aia ṭha hi a awm lo ani. Hun tawpah Lalpa'n ro a rel dawn si a..Ka lawm e
Chhiar tui vek ula.🙏🏼🙏🏼🙏🏼
(T Lalrinmawii.
Khuangleng Venglai.)



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)