My Destiny (Completed)

Episode nei ho a hlawm a dahkhawmna
Ngaia
Site Admin
Posts: 25813
Joined: April 30th, 2016, 4:07 pm

Re: My Destiny

Unread post by Ngaia » May 13th, 2018, 3:31 pm

Buai chung2 in dahloh aiah ka rawn dah ani e....phun awihloh aw...a tawi tiin hahaha

A tukah chuan Julie i chuan Mac a chu a phone ta a, damdawiin a kal hma a chuh loh chuan a buai leh em2 dawn tih pawh a hre ran a, breakfast a ei hma chuan biak a fuh ber ang tiin a be ta ani.

"Enge in an Julie? Ka lo la kal leh hman ta si lova...," phone la pah chuan alo ti nghal vat a.

"Kan tha em2 lo ani Mac. Mahse min ngaihtuah reng2 suh ilo kal khan engmah a that theih phah chuang lo nen, nangmah mamawh em2 tu che khati zat kha an awma, i tanpui theih kha a tha zawk," thaw halh pah chuan a ti a.

"Chuan Robb Marshall a kha ala awm em?" arawn tih chuan Julie i chuan hreawm ati em2 a, a thil sawitur pawh chu a hreh tawh nak alaia Mac a aw a engemaw riau a hriat hnu phei chuan a hreh leh zual ani.

"Aw awm e....a fanu hi a atchilh alawm, i hriat kha," a ti sap a.

"Anih chu! Mahse kha pa kha hnaih lo la a tha in ka hria," arawn tih chuan Julie i chuan a mit chu a chhing sawk a, Mac a chu a lainat em2 ani.

"Englo ania, Ruthi i birthday kha kan lawm dawn a, ilo kal ve thei angem tih rawn zawh che ka tum deuhva," tiin an thusawi lai chu a thlak ta a.

"Min rawn sawm ve dawn talo emaw ka lo ti hman tawh a....," fiamthu deuh hian arawn ti hak2 a.

"Lawm kha ka tum chiah lova, hei kan dinhmun te chu i hre vek thova. Mahse Robb an lawmna tur vel alo tifel vek sia....," nuamlo ti tak chuan a ti zawi raih a.

"Robb Marshall an maw?" tiin a ngawi deuh vung2 a.

"Aw....ni sawm tlai dar hnih ah ania, ilo kal ang chu tiraw?" tiin an lawmna tur hotel hmingte chu a hrilh nghal zung2 a.

"Ka princess birthday ania lawm ka lokal ngei ang chu....," a ti zawi sup a.

"Ka lo beisei ngei2 dawn che nia, chuan Ruthi i pawn angai tawh che....," a tih chuan Mac a chu a thaw hawk ri hi a hria a.

"Tehreng mai, zankhat riakin ka lokal dawn nia, chuan lo inekawl tha hle ang che....i nu pawh," a ti ta a.

"Ka lawm e..... Mac, kan lo beisei ang che," tiin phone chu a dah ta a. A nihna takah chuan birthday lam ai mahin Robb Marshall a chungchang sawi tura bia kha ania mahse Mac a chu alo kal dawn tho nen, an inhmuh huna hmai chhanna hrilh chu a tha zawkin a hre leh ta ani. Robb a hming sawi zawng ringawt pawha a aw danglam zia kha alo hre reng a, khatiang anih laia phone mai2 a hrilh kha chu a thei ngang lo ani. Mac an an nufa a a ngaihsak zia leh a hmangaih zia lah a hmu in a hre vek tawh a, chuti chung2 a midang a neihsan dawn avang pawh chuan a lainat in a inthiam theilo ani. Mahse anu thu a awih a hun tawhin a hre tawh bawk si nen, enge tha ber tur chu a ngaihtuah zawng ringawt pawh chuan a thluak chu a buai nuaih2 tawh ani.

Ruthi i birthday ni pawh alo thleng ta ngei a, tlai dar hnih ah hotel ah chuan cake zaina progamme neih tur ani a. Zing atang chuan Julie i te chhungkua pawh an in puahchah in an phak ang tawk2 chuan an buai ve hle ani. Robb Marshall a pawh a buai hle a,thil kimlo leh diklo a awm a hlauh em avang chuan amah ngei chuan engkim chu a endik leh vek a, pa tha tak chu ava ni chiang em!!

Julie i nu pawh a tunu birthday ni anih ang tak chuan a natna khum atang pawh chuan alo phur ve em2 a, reitak hnua a nui hmel an hmuh lehna te ani bawk a, Julie i te unau chu an lawm hle ani. Robb an kawr leh pawnfen suit nalh tak a senduk arawn hawn chu Julie i chuan a haktir a. Wheel chair in a tunu birthday lawm tur chuan a kal ve dawn ani, a nalh loh lah chu a hlau em2 a, chung te te chuan Julie i hnuk chu ati ulh a. Anu chu chutiang kawr manto chu a leisak phak ngai lova, tin party na liantham leh ropui ah lah a kalpui thei ngailo bawk a, tunah anu in chutiang chu a ti thei ve dawn ta a mahse wheel chair a thu chungin. A damthat lai kha nisela chuan an chhungkua chuan an hlim turzia te, an lawm a kim leh turzia te chu a ngaihtuah lo thei lova, a rilru chu ana vawng2 ani. A fanu birthday dang pawh a hmanpui leh thei angem, tih chu a rilru te te chuan a inzawt bawk a, a natna a hriatloh avanga chutianga anu chu la hlim thei zawk ani tih pawh a hria ani, a natna chu hre ngat sela chuan a tla rawih2 anga, rei pawh a dampui lo maithei bawk ani. Anu a siam peih hnu chuan Ruthi i chu siam turin a kal leh nghal a, a pa in a thawmhnaw vel a leisak chu a man a to ber2 bawka a nalh hle ani. A siamzawh hnu chuan nurse bulah chuan a kalsan leh rih a, a naute insiam chu ava enfel leh te te phawt a. Robb Marshall an a thawmhnaw a leisak ho chu anlo inbel a, a nalhin an lang changkang hle hian a hria a, a nauten chutiang thawmhnaw chu an awt ani tih pawh a hre lutuk mahse an chhungkaw dinhmunin a tlin loh avangin an nei ve theilo kha ani a. Tunah chutiang an awh em2 neia nalh taka an inchei a hmuh chuan a mittui te chu a hnai hial ani.

"Awle....invai khan in hman titih tawh bawk a, kan insiam ve tan tawh ange aw...," tiin inbual tur chuan a lutve ta nghal a. A inbual zova a insiam zo trep tawh tihah chuan Robb an an chuanna tur motor arawn tirh pawh chu alo thleng tawh a. Mac a erawh alo la thlenloh avang chuan a rilru chu anuam chiah lova, hotel lamah a kaltlang dawn anih te a ring deuh reuh tawh a. Mahse a insiam zova midang a koh khawm lai chuan Mac a pawh chu alo thleng ve ta hlawl a. A hmeltha bawk a, a inthuam dan chu a inhmeh hle ani. A palian in a dar pharh te chu a hlai tha hle a, nula tam tak in an attchilh pawh chu a awm reng ani. Suit chhawhchhi buhpawlh rawng nalh taka thui arawn ha a, kamiz var tha tak mai leh neck tie a suit nena inrem tur chu arawn awrh zan bawk a. A hmel en reng2 leh a incheina en ringawt pawh chuan a changkangin a neinung ani tih hi a hriat hliah2 hian Julie i chuan alo hria a. Ruthi in Mac a a hmuh rual2 chuan alo ban nghal chuk2 a, a nuih pah ver2 bawk a. A pa hi a ngaina viau tawh nain, Mac a erawh a piantirh atanga a mipa lo hmuh ngun ber kha ani bawk a, a ngaina lo theilo ani. Mac a pawh chuan alo pawm vat a, a biangah chuan a fawhsak nghal zeuhva.

"Happy birthday Princess.....ka ngai lutuk che....," tiin a chalah chuan a fawhsak leh zeuhva.

"Ilo kal thei chu ka lawm hlemai Mac, kan tlai a hlauhawm sia kan chhuak nghal mai dawn em niang?" Julie i chuan a sana bih zeuh pah chuan a ti a.

"Ka Princess i tana ni ropui ber ani a, ka lo kal loh theih i ring em ni? Nia, kal ila a that ka ring keipawh," a tih chuan an inzui chhuak tan ta hlawm a. Anu chu Sam a leh Aron a chuan an buaipuia, Robb a motor rawn thawnah chuan an chuang a. Nurse erawh Julie i te bulah naute enkawl tur chuan Mac a motor ah chuan a lut ve thung a. Hotel anva thlen chuan ala hma deuh bawka mi chu anlo la tam vak lova. Mac a chuan motor atanga an chhuk chuan Ruthi i chu a pawm lehnghal a, hotel lam pan Mac a kal chu a hnungah chuan midang zawng chuan an zui nghal bawk a.

Inchhung an lut chu anlo chei nalh na ngang mai a, pangpar an khawi te chu a nalh hlawm em2 a, tin naute birthday ani bawk a, tlem chuan an cheina tam tak chu a naupang chhia deuh bawk a. Ruthi in ballon leh naupang lawm zawng tura anlo cheina hmanrua vel a hmuh chuan a hlim lutuk ni ngei tur ani a khek raih2 a, a kawk kual ve nasa hle a. An luh fel hnu deuh lawk chuan Robb Marshall a pawh chu arawn langve nghal thuai a.

A inthuam dan chuan Julie i thawk chu ati chham lo chauhva. Kamiz leh kekawr var sar a ha a, neck tie leh coat pawl phat hi aha bawk a. Alang fresh in a vun hang lek2 nen chuan a inhmeh hle hian Julie i chuan alo hria a, a hmelthat mai bakah alang pa liah2 bawk ani. Anmahni lam pan chuan alo kal vat a, mahse Ruthi i Mac an a pawma a hlim lutuk arawn hmuh erawh chuan a lawm vaklo ani tih chu a hai theih loh thung a. Ruthi in apa a hmuh chuan alo ban vat a, Mac a pawh chuan a pawmtir ve mai a, mahse mipa pahnih te chu an in ngaina hauh lo ani tih chu Julie i chuan a hai hauh lo bawk! Robb Marshall an Mac a mei deuh2 va a tawngkhum leh hma chuan Julie i chuan tawng a chuh ta vat a.

"A mawi hlemai, i cheitir thiam lutuk!" tiin a fak deuh hluai a.

"Ka fanu birthday alawm, a mawi tur ani reng bawk!" alo ti deuh hmuk a.

Ruthi in a thiam tawka," Papa....," a tih chuan Robb a chu a tuiral leh ta a. A fanu biangah chuan a fawhsak zeuhva," Happy birthday Sweatheart," a ti thei ta hram a.

An mi sawmte anlo kal tan takah chuan Mac a chuan a ngaihven angaih avang chuan a kalsan ta hlawm a, Julie i lah chuan tumah hriat a neihloh bakah a nu leh a fanu chu buaipui an ngai nen mikhual lam chu ngaihven pui pawh a tum lem lova. Anu chu hahdam taka a thut theihna turin sofa ah chuan an thutir a, a bul hnaiah chuan an vai chuan an thu nghal bawk a. Anu chuan mipui zi nuai2 boruak chu a zawh dawnloh avangin cake an zai hnuah Sam a chuan a hawpui leh thuai dawn ani. Julie i an hawi kual vel chuan a hmuh duhloh ber a hmu ta a, Camella Anderson i nalh fahrana incheia alo lut mek chu ava hmufuh ta chat a, Robb a lah chuan ngaipawimawh tih hriat tak hian alo lawm thuai a, a biang tawn2 ah chuan a fawhsak nghal bawk a. Chutiang hmuh reng chu a peihloh avang chuan Julie i chu a hawisawn nghal vat a, mahse a rilru chu ana tho2 ani. A fanu birthday ah hian he nu hi alo kal a ngaihna pawh a hre lova, eng rawn tihve tur a neihlah a hre heklo....mahse ani alo kal loh ten engtinnge ni ang, Robb a nuna hmeichhe pawimawh ber kha ani miau alawm!! Mikhual te chuan Ruthi i chu thilpek an rawn pe sap2 hlawm a, an thutna bula dawhkan thilpek dahna tura an siam chu a khat hnur tawh a. A hnuah chuan Ruthi i pi leh pu te chu an rawn langve ta nawlh a, anlo kal dawn tih Robb a chuan a hrilh hauh loh avang chuan Julie i chu a thinrim ru tun a. Anni lehzel chu engvanga lokal nge an nih? Chuti em2 chuan an tunu chu an ngaipawimawh anih si chuan engvanga phone tala rawn be lo nge an nih? Engpawh nise a theih anga pangngaia awm chu a tum hram2 tur ani. Engpawhnise a fanu tana lokal leh engkim hi tih anih avangin a ngawi phawt tur ani tiin a inngaihtuah a. Mac a chuan a hmel danglam vek leh dang lap chu alo hmu thuai a, Julie i darah chuan a kut nghatin...

"Inbengdai rawh aw....i fanu tan vek anih hi," alo ti zawi sup a. Mac a chuan a chhan leh vang a hre hauh lo nain thil awmzia chu a man ani tih pawh Julie i chuan a hrethiam mai a. Robb Marshall a khawsa zia chu a ruk tak chuan a haw hlauh2 a, enge entir a tuma enge a rilruk ber pawh Julie i chuan a hrethiam lo ani. An inthlauhzia leh a thiltih theihzia a entir nge nia, a nupui ni turin a nu leh pa chuan an thlemthluk theih a beisei zawk tih chu a ngaihtuah rauh2 bawk a. Mahse anu in nei tura a tih tawh avangin a nei ngei ang, Mac a rilru chu na dawn pawh nise! Anu engtia rei nge dam tur tih pawh hriatloh rilru tihnat chu a duh loh mai bakah, a fa in pa diktak a neihna tur anih avangin a nei dawn ani! Mac a hrilh erawh a huphurh em avang chuan a hmel pawh chu a entha ngam lo hial ani.....

Cake an zai dawn takah chuan dawhkan awmna lam chu an hnaih tan ta a, Julie i nu pawh chu cake zaichhung na3 chu din ve talh a tum avang chuan Sam a leh Aron a chuan dawhkan lamah chuan an kuah phei ta a. Ruthi i cake zaitur chu Julie i chuan a pui a, cake chu an zai ta a. Cake chu a pa a eitir a, anu pawh chuan a eive leh bawk a, Mac a chu Julie in a tihtir pawh ni hauhlo chuan Ruthi i chuan a barh ta reuhva, chu2 Mac a chuan a hmu theilo trep ani. Ruthi i tereuh chuan a pi chu a pan leh a, api pawh chuan mittui tla par chungin a cake eitir chu alo ei ve bawk a. Apa nu leh pa erawh chu ala hmuh ngailoh an nih vang nge Julie in eitir tura a tih pawh chuan a duhlo chu a lu a thing tlat a. Robb a chuan hrethiam tak hian a nu leh pa chu lungawilo lo turin a hrilh zung2 a, lehlam takah chuan Julie i pawh chu a inthlahrung deuh hleka mahse naupang tan chuan la hmuh ngailoh an nih avang chuan a awm hliah2 ani, an hriatthiam ngei pawh a ring. Party chuan a chhunzawm a, mikhual ho chu an zi tan ta luai2. Chu2 anu chuan a zawh dawnloh avangin Julie i chuan Sam a chu a hruai haw tir ta nghal vat a, Mac a erawh a tawp thlenga awmpui turin a ngen thung a.

"Hemi tura lokal alawm ka nih le....ka awm em2 ang," alo ti zangvah a.

Mipui zi huai2 chu Ruthi i chuan a ngaithei lo ni ngei tur ani a tlei duhta tlat lova, Julie i chuan pawnah chuan a chhuahpui ta daih a. Pawn an thlen chuan a te reng chu a bang ta hmak a, Julie i pawh chu a hahdam ta huai a. An nufa a an chhuah dawn khan lamtual kha ava en zawk kha ania, Robb a leh Camella i te chu induh hmel taka inhnaih em2 a an lamdun lai kha a hmu hman zawka, a thin chu a sa zak bawk a. Robb Marshall a chuan engvanga chu nu chu nei mai lo nge anih? Engvanga ani chu neih tum si nge anih? Nupui turin a sawm a, mahse chhan pawh ala chhan hma2 in Camella i a duhzia leh hmangaihzia chu mi zingah pawh thup a tum hauh lo chu ani si a! Anu kha engmah lo hrilh lo law2 sela, Mac a zawk hi lo nei ta sela te a inti leh hnahnawh a.

"A tlei deuh tawh em?" an bula rawn thu pah chuan Mac a chuan a ti a.

"Aw hei pawnah chuan a tlei lutuk e, mahse a mut hi a chhuak har tawh lovang,"

"Anih chuan ka hruai haw mai dawn che u em ni?"

"Ka hrethiam chiah lova, haw nghal daih pawh kha ka.....,"

"La awm rih i duh chuan a pawi chuang hleinem...,"

"Ka duh vang pawh ani lo, mahse a mawiloh ka hlau deuh mai ania,"

"Nachin a hmeichhia kha ani tiraw, Julie?" Mac an arawn tih tak thutah chuan Julie i chu a phu deuh zawk a.

"Engtinnge i hriat a?" ati hau va.

"I danglam vek alawm,"

"Aw....ni e, kha nu kha ania Robb an a hmangaih em2 chu!" a ti zawi raih a.

"Ila hmangaih reng tho ami?" rilru nat hmel taka Mac an a tih chuan Julie i chuan hreawm hi ati ngawih2 a.

"Mac engtin pawh awm se, engang pawn min tina mahse ka hmangaih reng thovang," tiin thudik tak chuan a chhang ta a. Reilote ah Mac a chu rilru na takin a siam dawn tho2 va, tuna thudik asawi hian a tina nep dawn chuanglo ani.

"Min hmangaih thei thlawt lo ani tiraw, Julie??" a tih phei chuan tah hawm2 hial hi Julie i chuan a duh a. Engvanga Mac a hi lo tawng hmasa a lo hmangaih lo nge anih chu le....hetiang em2 a mi tha leh fel hi an awm tawh chuang awm si lova tih te chu a ngaihtuah rauh2 va.

"Min ngaidam rawh Mac! Ka rilru hi ka sawhsawn theilo ani.....," a tih chuan Mac a chu a hawisawn ta daih a.

"Ka va han vanduai em!" a tih phei chuan Julie i chu ana em2 ani. Tihnat a duhloh ber mihring chu na takin a siam mek chu ani si a.

" Mac, ka phulo che. Nang chuan maw....hmeichhe fel tak kei ang nilo hi i phu ani!!" a ti ta a.

"Ni e, ka phulo che ani. I tana tling zo lo ka ni miau alawm,"

"I tling lutuk hi maw keimah hi ania zak zawk,"

" Chuan neih i tum ta a??"

"Min sawm alawm, mahse min hmangaih vang ni lovin a fanu a hmangaih vangin," tiin a sawi ngamloh chu asawi ta nge2 a.

"I remti tawh em ni?"

"Ka la chhang lo...,"

"Engtia chhan nge i tum a?"

"Mac ka nu hian nei turin min duh ani! Ani kal maitur thu hi hnial thei niin ka inhre si lova....,"

"A dik alawm, i hlim ngei pawh ka beisei,"

"Hlim maw? Huh! Min hmangaih miah lo tih hre reng chungin maw? Innei turin min sawm laia hmeichhe dang ngaihven a nei tih hre reng chungin maw?" rilru na tak tih hriat ngawih2 hian a ti a.

"Mahse Ruthi in pa diktak a nei dawn thung alawm,"

"A ni maithei, ka nu hian min nawr lo sela chuan ka nei hauhvin ka ringlo,"

"Ka lawmpui lutuk a che, mahse ka princess i hi ka ngai dawn khawp mai," Ruthi i chaih zeuh2 pah chuan a ti a.

"Ilo kan thin ang chu....," a tih chuan Mac a chuan alu alo thing nu2 a," Robb Marshall a sawn a remti hauh lovang," a tih chuan Julie i chuan a khawngaih hle a.

"Ka phal alawm," ala ti ve talh a.

"I thu engmah a awm tawh dawn lo tih chu i hria ang tiraw?" a ti vawt ta ruih a.

Beidawng tak hian Mac a chu a en ta renga, a lainat takzet zet bawk ani. Hnem theih a duh em2 a, mahse hnem dantur a hrelo ani. Hmeichhe tha tak amah ang nilo tawng se a duh pui em2 a, a hmuh ngei pawh a ring bawk ani.



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » May 13th, 2018, 3:31 pm

Eliana i alo lan ve meuh chuan a tlai tawh hle a, amah pawh chu a inthlahrung dui bawk a.

"Lokal hma ka duh hle nain ka kawr haktur ka nawt kanga a dang ka buaipuina lamah ka rawn tlai phah ta hrep anih hi!" Julie i te bula thuthmun rem pah chuan ati hlaih2 a, Julie i chu rem leh remlo hian a kuah pah nak2 bawk a.

"Ilo kal theia kan lawm tho2," fiamthu titak hian Julie i chuan alo ti a.

"Kan inhmuh lohna a rei tawh hlemai Mac, i tluang zel tih ka lo hria a," tiin Mac a chu a chibai pah lawp2 a.

"Nia in zarah ka la ti ve tawk2 anih hi.....," nui vur2 chung chuan a ti huah2 a.

"Kan mi hausa pa chuan hei a fanu birthday chu ava lawm ropui map2 ve....," a ti lang2 a.

"Nia a fanu neihchhun ania," hmui tisawi nawk pah hian Julie i chuan alo ti a.

"Hawh le darling, nute El i bulah hian lokal teh," tiin Ruthi i chu a pawm kang lawp a, a biangah chuan a fawhsak nawk2 a. " I hmeltha lutuk, ka duh lutuk che, i nu ai pawhin ila hmeltha dawn tlat," tiin Ruthi i chu a be mawlh2 a, a thusawi chu hrethiam ve niawm tak hian a kut hi alo beng nasa mai a.

"I awmrei thei dawn em? Enge Ryan a alo kalve em?"

"Awmrei lovang, ka pa damlo leh i nu damlo rawn kan tura lokal zawk chauh ka nia,"

"Nia i pa stroke kha ka lo hria a, mahse ka kan hman lova ka inthiamlo tak2 ani...,ka nu lah hi a khum bet tawhnen chet chhuah hi ka harsat lutuk tawh a," a ti niah2 a.

"A pawi reng2 lo, hmani ka lokal khan ilo zin sia, keipawh duh em2 chungin ka lokal leh thei tawh lo anih hi....,"

"Ilo kal thei chu ka hlim tak2 ani, ka ngaihtawh zia che hi i hria em?" tiin Julie i chuan ava nek deuh salh a.

"Mac hmeichhe ti ti duh deuh bula awm i hne anih chuan min lo hrethiam dawn nia," nui har2 chung hian Eliana i chuan Mac a chu ava melh a.

Robb Marshall a chuan cake an zai hnu chuan an awmve tih pawh hi a hre tawhlo ni mai hian Julie i chuan a hria a. A inleng te leh Camella i chauh chu a ngaihtuah ni hian alanga, Mac a leh Eliana i te chu awm hlauh lo phei sela chuan a mikhual sawm ho chu tumah hriat a neilo nen a hawi hai viau dawn ani tih pawh Julie i chuan a hria ani. Robb a nu leh pa chu a tlanchhiatsan hi ani deuh bera, an changkang in an zahawm bawk a, Julie i chuan vawikhat chauh ala hmu bawk nen, lo biakthat vel hiam kha a duhloh avang chuan an hlat thei ang berah chuan a thlanchhe kual vel hi ani ringawt a. An tunu chu pawm an tum ve sateh thin a mahse Ruthi i lah chuan alo duh der si lova, a hnu ah phei chuan an rawn ngaihsak talo chu Julie i tan chuan hahdam thlak huai hi ani a.

"Mac, Julie i hian a fak hle che ania, an nufa a ilo enkawl na zawng2 ah! Khatia a buai lai taka inlo inchhar leh hlauh chu keipawh ka lo lawm teh ania," engmah sawihreh nei ngailo tih takah Eliana i chuan a ti bawrh2 a.

Mei nei tak hian Mac a chuan," Khang zawng2 ka tihna chhan tha tak kha a hrilh tello che ami?" mit siai zeuh pah chuan a ti a.

"Wow! Hrilh hauhlo, ka hre ve duh ania....," a tih lai tak chuan Eliana i phone chu a ri ta ral2. Ryan a anih Julie i chuan a ring mai a.

Hmanhmawh tak hian Eliana i chu arawn lut leh a," Ka haw angai, ka pa in min lam peih lutuk anih chu! Ka awmchhung hi chu min ngaih lutuk avang hian a bulah hian awm reng sela min ti deuhva....," nui hak2 pah chuan a ti a.

"Awle, ilo kala kan lawm lutuk ania, lungmuangin kan la inkawm hman em ang chu, tiraw??"Julie in a tih chuan," Tehreng mai, ka rawn leng leh thuai ang,ka kal phawt ange," tiin a kal chhuak nghal sawk2 a. Eliana i hi chu a che phet2 a, a thil ti reng2 hi a tuan a tha bawk a ti zung2 zel reng ani. Chhtiang chiah chuan a kal pawh hi a kalchak bawk a, a lokal bo leh daih zel ani.

Ruthi i chu a mut a chhuah tawh vang chuan a tlei duh ta hauh lova, a te kual vel reng avang chuan engmah pawh chu an sawi chhunzawm thei ta lova. Julie in sana an en chu zan dar riat alo ri tawh reng chu niin, hawpui mai chu a duh deuhva.

"Tikhan lo awmpui lawk mai ta che, Mac. Robb a hnenah kan haw tur thu ka va hrilh lawk ange,"

"Awle, rei lo la aw....,"

Inchhunga ava luh leh chuan Robb a chu a zawng tan ta a, mahse a hmu ta mai lova. Inchhung chu zu rim, meizial rim, perfume chi hrang2 rim hian alo pawlh nuaih tawh avang chuan Julie i chuan hreawm ti chung2 chuan Robb a chu a zawng kual zel a, a chhan chu engmah hrilh lova haw mai ringawt chu a tihchi berin a hre lo ani. A hmuh tak reng2 lovah chuan anu leh pa te awmna lamah chuan a kalta tawp a Robb a awmna chu a zawt ta a. A room lama a kal thu anlo hrilh chuan han umzui mai chu hreh viau mahse chutia nghah reng pawh chu Ruthi i a ngaihtuah nen inchung lam pan chuan a kal lo thei ta lova. Robb a room number chu receptiona a zawh tawh avangin zawn hmuh pawh alo har lem lova. Kawngka zawnah chuan a ding det a kik a tum chiah chu thawm a hre ta a.

"Ummm..... Robb. Uar deuh khan....aw khalai ah tak khan......aw.....," tihri a hriat chuan Julie i chu a khawng ta awt a. Camella i aw ani chiang ani tih pawh a hria a, a ka chu a hup a, a mittui a luang nghal ta zung2 a. Inchhung lama thawm chu alo ri leh a...

"Darling, uar lehzual in.....aw....Robb! He hun hi alawm ka thlakhleh em2....," tiri a hriat phei chuan a pumpui hi a let but2 hial hian a hria a. A ngaihthlak zel chuan a thinrim leh rilru na lutuk chu a insum zo lovang tih a hlauh avang chuan a inher a inhnuai lama chhuk tur chuan a kal ta hmawk2 a. A mittui avang chuan a kalna tur pawh a hmu that theih loh avang chuan mi a sut pawh chu tunge anih a hre thei mai lova.

"Julie.....engvanga trap nge i nih?" Mac an kuah thlawp paha a tih chuan a tah chu a chhuak zual emaw tih maitur hi a ni a.

"Mac, helai atang hian min hruai haw vat rawh," tah aw tiau va a tih chuan Mac a chuan alo kuah nghet sauh2 a.

"Awle....awle....i kal thei angem?" a tih chuan Julie i chuan a lu alo bu nghat a.

Inhnaui lamah chuan an inkuah thla a, ngawi reng chuan motor ah chuan Julie i Mac an a thutfel tir hnu chuan an tlanchhuak ta a.

Harh chhuak thut nimai awm hian,"khawnge Ruthi i?"

Hnunglam melh zawk pah chuan," A muhil tawh a, nurse ka pawmtir a, i rawn chhuah tak mai lovah chuan ka rawn zawng ta che alawm,"

"Ka....Mac zanin chu riak rawh aw...," lunghnur taka a tih tak daihah chuan Mac a chuan arawn en ta vang2 a, enge thil awmzia chu zawh chi anih rih loh avang chuan a hma lam chu a en leh vat a, motor steering nghet taka vuan chung chuan motor chu hahdam tak si hian a khalh ta zel a. In an thlen chuan nurse chu naute hruai lut turin leh alo harh palh pawha lo enkawl turin Mac a chuan a ti a. Motor atanga Julie i chhuk tum chu a banah a man vat a, chhuk rih lo turin a ti nghal bawk a. Engmah sawi zui lem lo chuan Julie i pawh chuan a thu chu alo awih ve mai bawk a, a chhan chu kum khat dawn an chendun lai pawh khan vawikhat mah kha Mac a hian khawih a tum chhin ngai miah lova, a rilru natna tur zawng reng2 in a ti ngai bawk lo ani. Mac a bula a him tluk hian khawiah mah a him lo ani tih pawh a inhre bawk a. Mac an motor a khalh chhuah leh takah pawh chuan engmah a zawt chuang lova, a rilru chu a kawm zui mawlh2 a. Innei turin a sawm chamchi a, a fanu lah a inti tatu ber2 ani a, chhanna pek a tum lai mekin khati khan Camella i nen an lo mudun leh si amaw? Entinnge a neih theih tak ang? Neih ngam chi pawh ani hek lo!

Anu in a fanu vanga la hmangaih mai tura alo ngai leh amah pawhin beiseina alo nei hman tawh kha chu a diklo hul hual ani tih zanin ah khan a hrechiang ta hle ani. Engtikah mah Robb Marshall a hian a hmangaih ve ngai dawn lova, Camella i erawh a hmangaih kumkhua reng dawn ani tih pawh a chiang tawk tawhin a hria ani. Chuvangin a thuthlukna kha a sawhsawn ngei pawh angai bawkin a hria a. Mac an motor a tihdin takah chuan a hawi chhuak ve ta hram a, an kalna lai chu a hre hauh lo bawk a.

"Khawiah nge min hruai a, Mac?"

"Ka pa farm house anih hi,"

Motor atang chuan Mac a chuan a hruai chhuaka, inchhung thleng chuan a kuah lut a, thutna ah chuan a thuttir hnu chuan intur a duh leh a duhloh a zawt a.

"Aw...brandy ka lo duh ang," a tih chuan Mac a chuan ngaihtuah tak hian arawn en vang2 a.

"In lo la ava tha awm ve....," a tih chuan Julie i chuan a lu alo thing a," Ka in ngei angai zanin chu!" alo ti hmak a.

"Awle....," tiin phur hmel vakloh hian bar lam chu a pan a, mi pahnih no tur chu a siama, arawn let leh thuai bawk a. No pakhat chu Julie i a pe a, thuthmun a rem hnu chuan...

"Le...sawitan tawh rawh le," a ti dam thlup a.

"Mac, ka sawi theilo, ka zak zawk keimah hi,"

"Enge anih i sawiloh chuan ka pui thei dawn hleinem che...," a tih chuan an ngawi dun ta vang2 a. Julie i chuan thawk leh khatah a no kenlai chu a tlak ta pawp a, a no chu dawhkan ah chuan a nghat deuh chawrh bawk a. Zu hi a in ngai lemloh avangin no khat pawh chu a tan chuan a tam mah ani.

"Kha zawnga khan tenawm taka min bum alo tum alawm mawle....mahse ka nei hauh lovang," a ti ta a.

"Maw?" mak ti tak hian Mac a chuan a ti hu a.

"Aw....i hre dik! Mac min nei duh angem?" a mit taka en kal chung chuan a ti ta a.

Phawk taka Julie i en chung chuan a ngawi deuh vang2 a, "Duh e...duh tih te chu i hre reng alawm," a ti ta a.

"Anih chuan naktuk ah court ah min nei ang che!" a rilru a fim leh chuan a sawitur chu a sawi thei dawn tlat lo ani.

"Mahse i nu khan Robb Marshall nei la a duh i tih kha?"

"Ka nu thu emaw tu thu mah ka awih angai in ka hre tawh lo...,"

"Julie....i rui anih kha,"

"Ka thluak hi a fim thung alawm,"

"Mahse i duhdan pawh ani hauh lo min neih hi! Tiraw?" a tih chuan Julie i chu a nui ta vak2 a.

"Hmeichhe rilru chu tuifinriat anga thuk leh zau ania, tu mipa mahin enge kan duh tak2 in hre thei ngai lovang, Mac. Min nei dawn em sawi rawh!" a ti leh ta a.

"Ka nei duh che alawm, mahse i rilru nat vanga i thuthlukna siam vang chuan ni love...," a ti nghet charh a.

"Mahse ka nu hi min enkawl pui tu tur ka mamawh tih pawh i hria alawm?"

"Ka inpeih reng alawm. Chumi ka tih dawn avanga min neih kher angai hleinem, Julie!" Mac an atih chuan a lung chu a chhe leh ta em2 mai a, a mittui chu dan rualloh hian arawn luang chhuak leh ta zung2 a. Mac a chuan a no chu dawhkanah chuan a dah vat a, Julie i chu a kuah hle2 a.

"Shh.....tah angai lo, i rilru tihnat hi ka duh hauh lo ania," tiin a hnem mawlh2 a.

Website story link ho awlsam zawka in zawn hmuh zung zung theih nan STORY FB group siam a ni a. Whatsapp group pawh siam a ni e. Complete tawh ho zawng zawng leh story kallai kan dah vek avangin avangin in lo join theuh dawn nia..
Group link : https://www.facebook.com/groups/991354610918230/


"Mac, ka nu enkawl natur hi ka neih hian a tlin tawh lo. A tha thei ang bera enkawl ka duh mahse ka thei silo. Min tanpui hnem tawh lutuk, a thlawn mai chuan i tanpuina ka dawng duh tawh lo ani," a ti vawng2 a.

"Chuan ka nupui nih a min rulh i duh tihna ami?"

"Aw....min hmangaih angin hmangaih ve theilo che mah ila, ka theih tawk i tana tihve ka duh ani," a tih chuan Mac a chu a hmel a buai deuh nak a, mahse a reh leh thuai a.

"Min neih chuan i hlim tel ka duh a mahse i hlim dawn si lova...,"

"Mac, i bulah hian ka him a, ka hlim bawk asin, mahse ka tihsual lian ber chu Robb Marshall a aia ka lo tawng hmasa lo che hi ani....,"a tih chuan Mac a chu a chhing sawk a, a hmelah chuan tuarna hi alang tel bawk a.

"Julie, Ruthi i nen hian ka nunna tluk zet hian ka hmangaih em2 che u, mahse ka bula in awm reng chunga in hlim lo chu hmuh ka thei dawn lova, chuvangin inngaihtuah nawn leh la a tha in ka hria,"

"Robb Marshall a bulah pawh ka hlim ngai chuang dawn hleinem. Hmeichhe dang a hmangaih em2 a, chumi nen chuan ani zanin pawh khan an lo awmdun," a tih chuan Mac a chu a sa ta zak a.

"Engtinmaw i tih a?" a ti deuh that a.

"An mudun ani Mac....an thawm ka hre vek alawm," a tih chuan a mittui chu arawn tling leh ta pam a.

"Ava han tenawm ve a....," thinrim tih hriat tak hian alo ti hrawih a.

"Chuvangin min nei rawh Mac. Ka nu hi min enkawl pui hram rawh, keimah chuan ka tlin lo ani," a tih chuan Mac a chuan alo kuah nghet sauh2 a, a chalah chuan a fawhsak vawng2 bawk a. A zu in chu a thawk ta nge pawh a hrelo, a thawk lawka Mac a hmuiah chuan Julie i chuan lungchim tak hian a fawp ta vawng2 a. A tirah chuan Mac a chuan a chhang mai lova, a hrilhhai ni hian alang a, mahse Julie in a fawh uar tak deuh2 ah chuan a chang ve ta nge2 a. Duhthawh tak chuan an infawp ta ngawr2 a, mipa tih takah a hmeichhe hmangaih em2 in chuti taka duhthawha a fawh takah chuan reitak alo insum hram2 tawhna chu insum thei tawh lovin, Julie i fawp pah reng chung chuan a kawr chhanah chuan a hnute chu a dap tan ta a. Engmah duhlohna alo tihlan loh avang chuan a duhtawh tulh2 a, a kawr chhungah chuan a zenlut leh ta a. A hnute mam han naute hnek hnu tih pawh hriatloh a khawih chiah chu Julie i chuan alo hnaih sauh2 va, a rem lai2 ah chuan alo chul kual ve ta zel a. A kawr hnung zipper chu Julie i fawh pah reng chung chuan a phelh saka, bra a hak loh avang chuan a hnute bial hmaih mai chu arawn lang phir ta thaih a. Sofa ah chuan zawimuang chuan a muttir riai2 a, a hmuiah bawk chuan fawpsak lehin a kut chuan a hnute hmur chu a hmeh hrual sak nak2 a. Julie i nuamti chu alo thaw hak2 a, Mac a pawh chu a sosang tial2 a, a duhthawh tulh2 bawk a. Julie i hnute hmur a fawhsak a, a kutin a lehlam a nuaisak pah nak2 phei chuan an pahnih hnih chuan an tisa chakna chuan a tuam deuh hlap2 tawh hi ani ber a. An kawr chu a hnawk tan tawh bawka, Julie i kawr a kawng thlenga a pawhthlak sak tawh chu a mal lamah chuan a pawt thla ta pawp a, kekawrte chauh ha chung chuan Julie i chu a awm ta ran a. Mac a chuan a hlir vang2 a, a thaw hawk a a kut chuan a chal atanga a ke thleng chuan a rinthla riak2 a, Julie i nuamti chu alo tal ve sek2 bawk a. A nihna takah chuan Mac a laka a inpumpek duhna chhan pawh a rilru a nat em vang ani. Zanin a Camella i nena an thawm a hriat kha a bengah chuan a cham tlatin a rawn ri nawn leh tluk2 thin bawk nen, Robb Marshall a thungrulh a duh avang chuan Mac a chuan a it ani tih a hriat avang chuan a theih tawkin a chawk phur ta reng bawk ani. A in mutpui tir anga, chu chuan Mac a hneh a, Robb Marshall a nen an innei dawn talo rau2 anih pawhin anu enkawl pui tu tur atan Mac a chu a hneh angai bawkin a hria ani. A chunga arawn bawh a, afawp leh tan chiah tih ah chuan phone ri hian arawn tibuai ta chiah a, Julie i pawh chu a harh zawk ni ber hian alanga, a kawr chhuata tla chu a chhar nghal vat a. Mac an phone a chhan chuan nurse nu kha alo nia, Ruthi i a harh thu leh a tlei tha duhlo tih a rawn hrilh a, hunlo hi Mac a chuan a ti hle a, a lawm chiahlo bawk ani. Phone a hman zawh chuan Julie i pawh chu alo inha fel diam tawh a, a thawmhnaw chu a phelh veloh avang chuan a insiam rem sawk2 a ani pawh chu a hman nghal chu ani deuh mai a. Inbe chhunzawm tawh lemlo chuan motor lamah chuan an kal a, an tlan tan chu ani der bawk a. Nuamlo chu an ti ve2 niin alanga, an ngawih tak rengah chuan nuamlo tiin Julie i chu a tawngchhuak hmasa zawkah a tang ta a.

"Mac, ka.......,"

"Engmah sawi angai lo ,Julie. Ka lokal thui mah2 ani keimah zawk kha," alo tihkhalh vat a.

"Aih keima thiamloh anih kha, mahse ka thusawi kha chu ka ti tak2 ania," ala ti hram a.

"Inneih chu mawh?" phawk tak hian a ti hu a.

"Aw....min nei rawh Mac, ka ti tak2 ania," a tih chuan Mac a rilru chu a buai nasa mai a. A ruih laia a sawi kha chuan a ngaipawimawh vak lova mahse tunah chuan a rui tawhlo tih pawh a hria ani.

"I nu lo be ta che?"

"Ka rilru ka thlak leh hma hian aw ti mai zawk rawh! Naktuk ah office an hawn veleh inneih nghal ka duh bawk ang!" a tih phei chuan Mac a lu chu a hai map a. Robb Marshall a a runluih duh vang mai2 a neih chu hmangaihin neih duh hle mahse ni theiin a hre chiah si lo. Julie in a neih duh laia a neihloh lahin a nupui ani khumkhua dawn bawk silo....a rilru chu a buai ve hle ani.

"Awle...thian ka nei alawm, naktuk dar kua leh a chanve ah ka rawn lam dawn che nia," a ti ta nge2 a. A hmangaih em avang chuan a nei thei dawn anih phawt chuan engvang pawh nirawhse pawi tihna a nei tlem tawh hle ani.

"Mac, ka theihtawp ka chhuah ngei2 ang ka tiam ange, kan hlim ngei pawh ka ring," Julie in a tih chuan alo nuih suk ringawt a. Inneih chu a duh alawm, a nupui nise pawh a ti mahse a rilru nat vanga he rawtna a chhuak kher2 hi chu zialo a ti deuh ani. Reilote an tlan leh hnu chuan Julie i te in chu an thleng ta a, pawna motor a hmuh loh avang chuan Robb a chuan an haw tih pawh ala hrelo anih ngei Julie i chuan a ringa, nia a buai em alawm engtinnge a hriat tehlul ang ni!! Mac a chu an ina riak tur chuan a sawm leh a mahse naktuk a inneih an tum si anih chuan tihfel tur alo awm nen riahloh chu a tha zawkin Mac a chuan a hria a. Ni e, Julie i sawi ang chiah khan tunah chuan inthiamlohna pawh a nei vak tawh lo ani, Robb Marshall an hmeichhe dang a hmangaih miau si chuan an hlim dawn chuang hauh lova, tin Julie i natuar chu hmuh pawh a duhlo ani.

"Naktuk chu dar sawmah office an hawng anga, an hawn vela min tihfel sak turin ka thianpa ka lo be dawn nia. Lo inpeih sa la dar kua leh a chanve ah ka rawn lam dawn che nia," Mac a chuan a ti ta dap2 a.

"Awle...ka lo nghak reng ang che...," tiin Mac a chu a fawp zeuhva, an in mangtha hnu chuan a luhsan ta a. Ruthi i chu vanneih thlak takin alo mu leh chiah hi alo nia, vawiin boruak chauh thlak tak avang leh a rilru a hah em avang chuan a inthlak sawk2 a khumah chuan a mu nghal thuai a. Naktukah pasal a nei dawn a, chupawh ama duhthu ngeiin, a hmangaih hauh lo mahse Robb Marshall a pawn a hmangaih bik chuang lo, chuvangin thiantha tak pasala a neih chuan a nun ala hlim zawk dawn a ni tiin a ngaihtuah lui hram2 a. Duh emaw duhlo emaw a tuemaw zawk2 chu an tanpuina a mamawh avangin a nei dawn tho2 tih chu khel lova chiangsa ania, a him na leh hahdam taka a awm theihna tura lawi chu atan atha zawkin a hre tawh bawk ani, Robb Marshall a bula a awm chuan Camella i a thlah dawn chuang si lova, rilru na reng2 in damlo enkawl hah nen a awm dawn a, a tuar thei hauh lovang tih pawh a hrechiang tawh ani. Naktuk ah pasal ka nei dawn tiin za hauh lo hian ama hriattham lek chuan a nui rah2 a, a inkhawngaih vawikhatna ani hial ang chu! Anu chu Mac a inah a insawnpui anga, chutah chuan Jaded an a enkawl thei bawk anga. Mahse a rilru a chiang taka a hriat tak a chu Mac a bulah khan a chakna kha a sosang ve tlat, Robb Marshall a bulah ang em2 a rangin ni lo mahse, chuvangin Mac a pawh beidawng lutuka a siamloh hram a beisei bawk ani. Anu chu naktuk zingah a kal hmain a hrilh anga, anu pawhin a hlimna chu a duhpui thovang tih a hria ani.

Pasal neitur ni si chu phur viau awm tak hi ania mahse anu zing lama a luak nasat lutuk vang leh a chauh a zual avang chuan engpawh tidawn se a phur awm loh ani. Anu chu ti ti pui a tum viau nangin a chi in a hriatloh avang chuan a ngawi ta zawka, a chemo lak leh hun alo hnai tawh nen, sum an nei tlem tawh nen, rilru buaina leh hahna hlir hian a hualvel hi ani bera. Mac an arawn lam dawn tih chu a hrechhuak thuta, rang tak chuan a insiam ta zung2 a.

A kawr var khup chen leka thui Mac an a rai laia a leisak a hak tawk siloh chu ala chhuaka. A ha chhin chu alo tawk chiah tawh a, a simple hle a, an inneih ni tur atan hian alo leisak lawk emaw tih maitur hian a boruak nen chuan chu kawrte chu inmil riau hian Julie i chuan a hria a. A ban bul, a kawng chunglam zawng lace, a kawng atang erawh chuan shiffon puan nal hi ani thung a, pheikhawk sang var a bun a, a sam chu a zial tawm vek bawk a. Make up tlem azawng chuan a hmai chu a chei a, a mit te pawh hnawihin, lipstick orange a hmui tilang itawm em2 hi a hnawih bawk a. Hriatpui tu an neih ve2 angaih avangin Eliana i chu a be lawk tawh a, Mac a erawh chuan anu enkawl tu tur a thiantha tak Jaded a chu a hmang dawn thung ani. A insiam zawh chuan darthlalangah chuan a inen vang2 a, a lo suangtuah thin ang chu ani dawn hauh lo nain, a mawi ve hle chuan a inhria ani. A nauten room atanga arawn chhuak an hmuh chuan an lo en hau a, enge an u incheidan awmzia chu an hre hauhlo bawk a.

Mak ti taka an en reng avang chuan Julie i chuan rang tak hian," Pasal ka nei dawn alawm, enge ka nalh lohvang," a ti ta a.

"Maw?" hi anlo tirual thawt a.

"Aw....inhre dik e....mahse ka nu saw a chauh em avangin ka hrilh dawn rihlo ania. Mac Rowland a ka thianpa kha ka nei dawn ani....," a tih phei chuan a naute chu an meng phawk lehzual a. Sawitur pawh hi an hrelo aniang engmah pawh an zawt buai hauh lova. Mac a motor ri a hriat chuan pawnlam pan chuan a kal ta nal2 nghal a. Kawngka atanga a chhuak chu Mac a chuan nalh ti tih hriat tak hian alo en vawng2 chu a nuih rah2 a.

Motor a thu lut pah chuan," I chil kha lem rawh a uai dawn ania," nui hak2 pah chuan Julie i chuan a ti a.

"Uai mai2 ang hmiang, ei zawh mai che alawm ka duh le," nui hawk2 pah hian alo tive bawk a. An kaltur chu a naute chu kawngka ah hian anlo dak hiang a, engmah pawh sawi lemlo chuan an u chu an bye2 ta ringawt a. Eliana i te inlam pan chuan an tlan chhuak ta nghal a. Eliana i pawh chu alo nalh hle a, kawr sen lar tha tak, mo thiannu haktur niawm tak hi alo ha zan a, motor a lawn pah chuan a ri leh nghal chul bawk a.

"Nizante khan min hrilhve mai tur hi ania," a ti hlak2 a.

"I haw hnu khan min sawm chauh alawm," Mac an a tih chuan a ka a ang pam a.

"Ani tak2 em? Ka awih theilo! Julie......ka lawmpui lutuk che ania," tiin a hnung seat atang chuan a hma seat a thu Julie i chu a kuah chung2 a.

"Ilo haw na a hla sia, i thlawhna man a to si nen chhantha tak avangin ilo haw ani tihna anih hi.....surprise....," Julie i pawh chuan nui har2 chunga a thiannu kut chulsak pah chuan alo tive thuai a. Hlim lo nih a duhloh avang chuan hlim hmel chu put luih a tum hram2 a, anu tana ti anih avangin a inchhir tur lah ani heklo.

New York a magistrate lar ber hmaa innei tur an nih avang chuan an tlai hlauh chuan alo thinrim an hlau hle a, court an thlen chuan minute nga chiah hi a awm tawh a. Jaded a chuan pawn varanda ah hian alo nghak reng tawh a, Mac a chuan inhmelhriattirna chu a nei zung2 a, inchhungah chuan an inzui lut ta dam2 a. Mac a thianpa advocate Ross an engkim alo tihfel sak vek tawh avang chuan hun la hek lo chuan an thlen hnu reilote ah chuan an inneih na tur chu an tan nghal thuai a. Hmingte an ziahfel hnu chuan magistrate chuan,"Tikha chuan nupa ah ka puang a che u," a tih chuan an thiante ve2 chuan kut anlo beng ve nasa mai a.

An chhungril ah chuan enge an ngaihtuah an inhre lo ve2 na in, hlim hmel tak hian Mac a chuan Julie i chu a fawp ta vang2 a, Julie i pawh chuan alo chhang ve vat a. Tunah chuan Mac Rowland a hi a pasal a nih tawh avangin a theihtawpin a enkawl tawh dawn ani, chuan a nuam emaw a hreawm pawh ni sela an inthen anih loh chuan a tan rinawm takin a awm anga, a rawng a bawlsak tawh dawn bawk ani. Thil an tihfel hnu chuan Julie i nu malsawmna dawng tur chuan an pali chuan Julie i te inlamah chuan an tlan leh ta nghal a. Mi inneih anga innei ani lo bawk nen, honeymoon tihvel kha chu tunah chuan an la ngaihtuah thei dawn lova, mahse zanin ah erawh Mac a pa farm ah an riak ve thung ang tiin an tlan pah chuan an rel nghal bawk a. Ruthi i leh nurse chu an hruai tel ve mai anga a chhan chu zanah a nu telo chuan anlo buai an hlau ani. Sam a leh Aron nan zanin chauh chu an nu chu anlo enkawl anga, naktuk atangin Julie i chuan a nu enkawl hna chu a chhunzawn veleh mai dawn ani. Mac a pawh a chamrei theih dawn loh avangin Mac a in lama an insawn phei thuai ngei pawh Julie i chuan a ring a, mahse engmah sawina hun ala awmloh avangin enge Mac a ngaihdan chiah chu ala hrelo thung a. An in an thlen chuan a rinloh deuhvin anu chu sitting roomah chuan alo thu chhuaka, a nauten chanchin anlo hrilh ngei ani tih pawh Julie i chuan a hrethiam nghal mai a.

Anu chuan," Lokal hnai teh u....," alo ti thuai a, a bula anva din chuan an lu chungah a kut a nghat a," Khawvela hlimna leh lawmna te, engkim a sang thei ang ber in nupa a in neih theihnan ka duhsakna sangber ka hlan a che u," alo ti siap2 a. Julie i chu anu in thil hrethiam taka alo dawngsawng chu alawm rilru hle a, ama tana ti ani tih pawh a hriat ngei a beisei, mahse Robb Marshall a a neihloh nachhan erawh ala zawh tho a ring bawk a.

"Kan lawm e ka nu, hei hi ka thianpa Dr. Jaded a anih hi. Amah hian ania enkawl dawn che, i that leh thuai pawh ka beisei ani,"Mac a chuan nui sang hian a ti zung2 a. Jaded a leh Mrs. Rothchild i chu an inchibai lawp2 a, an thutfel hnu chuan a naute chuan coffee leh a hmeh tui tak2 khawi atanga an neih nge pawh Julie in a hriatloh chu an rawn chhawp ta zung2 a. Ruthi i pawh nurse nen chuan an rawn inpawm chhuak a, Mac a chuan alo la vat a. Eliana i chuan a tul ang2 chu alo tihpui thuai2 a, thian nih hi a tlin thin reng ani.

Julie i nu a rooma an hruai phei leh hnu chuan Julie i chuan Jaded a chu anu chanchin leh a report vel chu a hrilhin a hmuh nghal zung2 a, a en vang2 hnu chuan," Chemo hi la zo phawt sela chuan zai theih anih chuan ka zai anga, a theih anga enkawl na chumi hnuah chauh chuan a thawh tan theih ang," a ti a.

"A chau sawt si a, a luak hi a zing tulh2 bawk nen, ka thla hi a phang teh ania," Julie in a tih chuan Jaded a chuan hrethiam tih hriat tak hian alu alo bu nghut2 a.

"Nia mahse chemo a lak zawh hma chu tihtheih a avang ani, ei kha lo titha em2 phawt rawh u a taksa siam nan," tiin lehkha ah chuan eitir tur thil tha leh chak bawk si ho chu a ziahsak nghal zung2 a.

"Ilo kal remchag chu, ka lawm lutuk ania," tiin lawmthu a hrilh mawlh2 a.

Eliana i chuan," Farm house lama kaltur chuan insiam teh ang u khai, chuan dinner chu Mac khawi lamah maw?" mitko san ak2 pah hian alo tih takah chuan an nui ta dar2 a.

"In duh na2 ah ani mai alawm, ni e insiam la Julie, chuan kan chhuak dawn nia," alo tive thuai a. Julie i chu anu roomah chuan a lut leh te te a, anu chu alo muhil lo hlauhva.

"Nu zanin chiah ka riak chhuak dawn ania, lo lungngai reng2 suh aw....reilote ah i in enkawlna tur pawh tan ani tawh mai dawn ania," tiin anu chu a thlamuan a.

"Ka fanu ka tana i tih vek ani tih ka hria alawm, i nu nih hi ka tlinglo takzet ani....in naupan lai ata tawh harsatna tuar reng2 in inla awm chho zel chu ani sia...," anu in a tih chuan Julie i chuan a kuah vat a.

"Chutiang zawngin engmah ngaihtuah reng2 suh, Mac a hi mitha tak ania, kan nufa hian min hmangaih em2 bawka, pasal tlak tak tur ani alawm," tiin anu chu a hnem malh2 a.

"Va kal tawh rawh u, naktuk ah erawh lo haw thuai ula. Ruthi i thawm hriattur a awmloh chuan ka khua a har thin ania...," a tih chuan Julie i chuan anu thusawi awmzia chu a hrethiam lutuk mah2 zawk ani. A tel lova awm chu a thla a muang lova a hreh em2 bawk tih pawh a hre ran a, mahse anu chuan sawi dawt duh lovin Ruthi i a chhuanlam ani tih pawh a hria ani. Ni e, a fa u ber ani a, engmah nilo mahse a thlamuan pui ve em2 ani tih pawh a inhria ani.

"Awle...kan lo haw thuai ang, lo inenkawl tha ang che aw....eitur ang2 te kha ilo ei vek bawk anga, i chak angai ania anih loh chuan i chau mai ang aw...," tiin anu biangah chuan a fawhsaka a chhuak ta nghala. Kawngka a khar chiah chu a mittui hi a hru nghal mawlh2 a, Eliana in a hmuh chuan ava pan vata a kuah vang2 a.

"I kalbo dawn hleinem, zankhat chauh alawm, inti pachang teh ka thian," tiin alo hnem thuai a.

"Nia, ka rilru te hi a no zo tawh anih hi!" tiin a nuilui hram2 a. An kal dawn chuan anu room kawngka chu a hawng leh da2 a mahse a muhil a hmuh chuan tihhrah hlauv takin kawngka chu a khar leh ta zawk a. A naute chu damdawi pek dantur leh thil eitur siamdan te, pek dantur te chu an hrilh leh te2 a chumi hnu chuan an kalchhuak thei ve ta hram a.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » May 13th, 2018, 3:33 pm

Mac a pa farm house an thlen chuan a chawhnu deuh ruih tawh a. An inthlak fel hnu chuan lunch eitur an peih tawh thu chhiahhlawh chuan arawn hrilh a, eitur chuan choka lamah chuan an kal phei ta dial a. Ruthi i erawh a mut avangin nurse nu pawh chu an bula eive nghal tur chuan Julie i chuan a sawm a. Hlim tak anga lang vek si mahse hlimna tluangtlin nei chuang si lo chuan an awm tham niber hian alang a.

Robb Marshall an Julie in pasal a nei tih a hriat hunah engtinnge a awm anga, Ruthi i chu arawn chhuh angem tih te chu Julie i chuan lunch an ei pah chuan a ngaihtuah neuh2 a, a ruk tak chuan Robb a laka phuba a lak duh vanga thuthlukna a siam hma lutuk chu ala inchhir maithei ani. Mahse a tihtur ang chu a tih vek tawh avangin a inchhir tur ani hauh lo tiin a infuih ru sauh2 va. A hmangaih alawm, a ngai em2 bawk! Mahse ani chuan a fanu chauh a hmangaih a, Camella Anderson i nen!!

"Mawh Julie i ngaihdan han sawi ve teh?" Eliana in a tih chuan zawimuang hian a thiannu lam chu a hawi a, enge a sawi a enge a zawh a hre miah lo chu a ngaihna a hrelo hle ani.

"Han sawi nawn leh lawk mai, El?"

"Zanin chu in riak anga, dinner ei zawh ah Jaded an min thlah mai anga. Naktuk ah erawh in lama i haw vat a that ka ring ka lo tia,"

"A tha alawm, nia ka nu khan min ngai em a awmbo reng chi ka ni lovang," a ti ve nauh2 a.

"Awle2....tah kher angai lo, ei rawh puar deuh khan," fiamthu in Eliana i chuan a ti larh2 a, an vai chuan a nui ham2 a.

Lunch an eizawh hnu chuan mipa pahnih te chu library lamah inkawm turin an lut a, Julie i te thiandun pawh chu pawn varanda a thu turin an kal ve nghal bawk a. An thufel chiah tihah chuan Eliana i chuan a dan pangngai te bawkin a ka a ang leh nghal zat2 a.

"Awle....tunah chuan ka duh ka sawi ve hun. Mac a hi a hmeltha a, a hausa a, a fel em2 in in nufa in a hmangaih em2 che u tih ka hria a, a chungah pawh hian ka lawm em2 nangmah ang thovin. Mahse engvanga nei ta nge i nih erawh hi chu ka la man pha chuang hauh lo mai, ka sawiloh tur ka sawi anih chuan min hrilh hreh lo la....," a bawp tiche hlarh2 pah chuan a ti a.

"Ka tan chauh hian engmah ngaihtuah thei ka nih tawh loh hi!! Ka nu enkawl ka ngaia, ka neihin a tlin tawh hek lo. Robb Marshall a hian min nei duh tak2 chu nise Camella i kha ala mutpui duh i ring em? Min nei duh tak2 lo ani, El....,"

"Awle...i harsatna chu ka hria alawm, kei lah hian engmah puih theihna che ka nei lo hi hreawm ka ti hle bawk. Mahse Robb a nei turin i rilru i siamfel tawh kha ani a, zankhat thil thu leka han thlak leh nghal mai chu ka lo ti deuhva,"

"I sawidik chiah alawm, Robb a nei turin ka rilru ka siamfel vek tawh a, tin ka nu pawn ka fa pa a nihna angin nei zawk turin min duh ani. Mahse birthday zana i haw hnu khan Robb a chu ka zawnna lamah a room ka han thleng a, chutah chuan enge ka han hriat i hria em?

"Ila sawi hauh lo mai,"

"Camella i nena an thawm ka hria a, nuam lah chu an tih hmel hle ani....," ner sawk paha Julie in a tih chuan Eliana i chu a thutna atang chuan a tho nghal vat a.

"Aw Lalpa leh! Ava han tenawm ve a....mahse ka la ti tho teh ang Julie, i fiah kher lo anih chu....,"

"Enge fiah leh ngai tawh chuang chu....,"

"A ka ti mai2 ania, mahse kan hriat ang hi alo ni kher bik thin lova.....,"

"Sawitawh lo teh ang, a tawp vek tawh! Tunah chuan mi nupui ka ni tawh a, Mac a tan hian ka inpek tawh avangin Robb Marshall a chu ka ngaihtuah tawh tur ani lo...,"

"Mahse i buaina ala intan dawn chauh anih hmel, Julie! Ruthi i hi i hnena awm a phal hauhvin ka ringlo,"

"Ka theihtawk ka chhuah ang, ka laktir lovang,"

"Awle......duhtawk ang mahse i awmloh hnu khan Robb a hian a zawng nasa viau che ania...,"

"Engmah sawi lova ka kalbo kha a tlawm thlak em vang anih mai2 chu!"

"Mahse zu te pawh a in phah nasa asin,"

"Camella i a awm alawm, keimah vang chu ani hauh lovang,"

"Ani chu ka ti thei chiah lo na in, i awmna hi min zawt ngun viau a...,"

"P. A tha tak ka nia, min ui ve anih chu,"

"Engpawh chu lo nise ka hrelo le....mahse ka ngaihtuahna chu a ti thui thin khawp asin, a hmangaih ve che anih te ka lo ring hial a....,"

Nui hak pah chuan," Ilo ringsual viau ani tih chu i hre tawh ang chu...,"

"Nia, alo ni mahna....,"

"Mac a hi ka tan chuan vantirhkoh tluk ania, hmeichhe tam takin min awt viau dawn ani,"

"Awt viau ang, ka lawmpui lutuk che ania. Hlim takin awmdun zel ula ka duh bawk,"

Julie i phone chu a ri ta ral2 a, Sam a number a hmuh chuan a la nghal vat a," Ka nu a thalo ami?" a ti nghal tawng a.

"Aih, tha e ani chu, mahse Robb Marshall a alo kala pasal i nei tih a hria anih hmel. Khawiah nge i awm tih min rawn zawt a...,"

"I hrilh em?"

"Hrilh hauh lo, mahse a thinrim hmel khawp mai,"

"A phu tawk chiah a hmu anih chu!"

"Pasal i neihna chhan ka nu in min hrilh a, kei tal hian hlawh chu lo nei ve tawh ni ila......,"

"Ila nei dawn alawm, inthiamlo reng2 suh, Sam," tiin a thusawi lai chu alo pawhchah sak hmak a.

"Ka lainat hle mai che, Julie. Kan retheih vanga i tawrhna hi a nasa tawh em mai," a nauvin a tih chuan a nau inthiamlo lutuk chu hnem dan thiam a chak hle a.

"Ila zir dawn chauh alawm, engmah kha Robb Marshall a alo kal leh pawn lo sawi lo la ani mai aw...," tiin phone chu a dah ta a.

"Enge arawn sawi a?" Eliana i chuan alo tinghal vat a.

"Robb Marhsall a kan inah alo va kala, ka awmna alo zawt anih chu,"

"Chuan....?"

"Pasal ka nei tih alo hria ani awm e,"

"A that chu hre vat sela, London ah let bawk sela in nufa tan chuan a hahdam thlak ani mai,"

"Haw se chuan ka thawveng huai ngei ang," alo ti vawt raih a.

Robb Marshall a hotel a ava let leh chuan anu leh apa in a hmel dur khuih an hmuh chuan thil thleng a awm ani tih an hrethiam nghal mai a.

Anu chuan," Robb, enge nita a?" zaidam tak hian a ti a. Robb a chuan engmah a chang lo chuan a hmuh hmasak sak chu a paih darh nghal chhuai2 a.

"Engatinge khatia i tih tak mai?" apa chuan a fapa dawm bet chung chuan ati a.

A ngawih reng hnu chuan, harsa ti hmel tak hian," Julie in pasal a nei," a ti chhuak ta hrawih a.

Anu leh apa chuan inmelh tawn pah chuan,"Maw?" anti rual that a.

"Engvanga chutia ti chu nge anih a sawi em? In2 nei dawn kha emaw ka ti a?" anu chuan mangang tak hian alo ti ruai a.

"Ka hmuh angai ani, vawiinah court ah a nei ani awm e, ka thianpa in min hrilh dan chuan. Enge a chhan ka hre duh bawk ang!" a ti rum ul a.

"Nia, chhan chu a nei ngei tur ania lawm, mahse vawiina hmuh chu a tha ber lovang, an innei tawh anih phei chuan....," anu chuan thlem deuh pah hian a ti siam2 a. Robb a chuan engtinmah chhang tawh lovin a chhuahsan ta daih a.

Zana dinner an ei chuan an hlim tlang dar2 hle a. Jaded a pawh a hna rim taka thawk thin ani na in fiamthu alo duh zek bawk nen, Julie i rilru nuamlo tun pawh chu a reh huai ve ani. Dinner an eifel hnu chuan Eliana i leh Jaded a te chu an tlanliam thleng an thlir a, anni pawh farm house lam panin an tlan chhuak ve nghal bawk a. Jaded an Eliana i te in kawta a din hnu chuan, coffee in turin an in sawm ngial a mahse naktuk zinga thawh hmat angaih thu leh zanin a haw tlang nghal a duh avang chuan coffee in chu a hnial ta zawk a. Lawmthu te an in hrilh a, an in mangtha hnu chuan Jaded a chu a tlanchhuak nghal a, Eliana i chuan a ban a vai lauh2 a tlan liam hnu chuan inchhunga luh mai chu a tuma. Mahse an kawta far thing buk laih phen atang chuan tuemaw hlimthla lo lang hi a hmu ta thut a, au a tum lai tak chuan Robb a ani tih chu a hre thei ta a.

"Enge hetah hian rukru ang maia ilo awm a?" lungawilo tak hian a ti nang2 a.

"Ka zawhna hi dik takin min chhang ang che, engvanga Julie i hian Mac Rowland a hi nei nge anih?" a ti ta chhar2 a.

"Chu2 engvanga min zawt ngam nge i nih le? Nangma thiamloh ani tih pawh i hre ve reng alawm," a ti ve ta hmak a.

"Enge ka thiamloh na chu le?" zaidam deuh zawka a tih chuan Eliana i chu a sa deuh zak a.

"Robb, ka boss ni mahla ka thiannu hi ka chhan dawn tih hria ang che. I duh hun2 a hmeichhe dang i mutpui kual reng chungin engtin nge Julie i chu i nupui ni se i tih?" a tive ta piap2 a.

"Maw? Mutpui a? Tu hmeichhia nge ka mutpui a?" bangbo hmel tak hian alo ti hu thung a.

"Nizan khan an haw dawn tih rawn hrilh tur chein i room ah alo kala, Camella i nen in mutdun ani tih a hrechhuak ta ani," a tih chuan Robb a hmel chu a dang deuh lawp2 a.

"Camella i nen kan mudun amaw? Min hmu chiang amaw?" ala ti zawk zahmah chu Eliana i chuan a ngei hle a.

"I hre zawk ang chu!" ati ta nghek a.

"Pathian hmingin tawp teh, Eliana. Eng Camella i mah ka mutpui lo...," a tih chuan Eliana i chuan a thusawi chu a awih hauhlo ani tih pawh a hmel atang chuan a hre nghal mai a.

"Camella in i hming alam rik pawh a hria ani, rilru na tak chunga Mac Rowland a saw nei ani tih pawh i hre tawp nang," a tih chuan Robb a chuan a mit a chhing sawk a, anchhe mak deuh2 hi a phuh chhuak pah bawk a.

"Khatia awm khan engmah sawtna a nei tawhlo, Robb. A hmangaih loh a nei a, anu enkawl pui tu tur a mamawh avangin, ilo tenawm hle mai, Robb," dim baksak lo hian a ti leh tan2 a.

"Tumah ka mutpui lo reng2, ka sawi hi awih mai rawh, Eliana," a ti zuai raih a.

"Anih chuan i roomah khan Camella i khan tunge a mutpui si?" a ti leh fak a.

"Ka hre hauh lo mai, a ruih lutuk avangin mu harh deuh se tiin ka roomah chuan ka hruai ngei alawm. Mahse rei pawh ka awmlo ka chhuak leh nghala, Julie i te nufa ka zawng a mahse an lo haw hman tawh ani," a tih chuan a aw ah chuan thudik a sawi ni tlat hian Eliana i chuan a hre ta a.

"Anih tak2 chuan ava pawi dawn ve ,Robb," a ti zawi ta sap a.

"Ka a mai ang Julie i leh Ruthi i telo chuan. Ka hmangaih ani tih hi engvanga hrethiam theilo nge anih le....," a ti ta vawng2 a.

"Maw hmangaih a?" Eliana i chuan alo ti hau a. Julie i chuan chu thumal chu hre ta sela engtinnge a awm tak ang le....

"Robb, i tlai lutuk ani.....tih theih ka nei tawh lo. Dan hnuaiah ngei Mac a nupui ani tawh ani.....," lainat tak hian a ti ta a.

"Mahse ani thei lovang, ka ta ania lawm," a tih chuan Eliana i chu a thu hnawk a. An pahnih atana thil hriatsual palhin nghawng a neih thui turzia chu a ngaihtuaha siamthat theih nise a ti hle bawk ani.

"Robb, kaltir mai rawh! I hmangaih ani tih hre chung phei chuan a nun zawng2 hreawm takin a hmang dawn ani....," hrethiam se ti tak chuan a ti ta a.

"Keipawn hreawmna bak ka tuar dawn chuang bik em ni? Ka fa bula ka awm theilo turte hi min ngaihtuah pui lo em ni?"

"Mahse i fa chu la ta la anu telo chuan a nun a hreawm turzia ngaihtuah ve ta che!"

"Ka fa ani tih hre reng chungin engtinnge mipa dang ka enkawl tir theih ang?"

"Camella i chu i mutpui miah lo amaw?" an ti tha leh chiam a.

"Teuhlo mai, Julie i hnuah tu hmeichhia mah hi ka la mutpui hauh lo,"

"Aw Lalpa leh! Robb, in pahnih hnih in ka khawngaih lutuk che u.....,"

"Mahse khawngaih vang ringawt chuan ka nun a kim thei dawn hleinem," a tih phei chuan Eliana i mittui chu a tla hial a.

"Julie i chu khawngaih takin i hmangaih ani tih chu hrilh lo hram mai rawh, anu damlo nen a tuar zo lovang," a ti ta ringawt a.

"Ka chantur chu i dawn hauh lo ava ang ve! Ka natna tur te ka hreawmna tur te pawh, engang thian nge maw i nih le?"

"Ka dawn lo ani lo, nang chu ila damtha tal alawm, i nu leh pa pawh. Julie i dinhmun hi ngaihtuah ve ta che, anu vang chauh ani tunah pawh hian Mac a hi a neih," a tih chuan Robb a chuan a sam chu a tuai thuak2 a, a mangang hle ani tih chu hai theih hi ani lo ani.

"Ngaihtha takin ka lo awmrei lutuk ani, zingah te khan an inah khan kal ngei tur ka ni asin...," a tih phei chuan Eliana i chuan a lainat lehzual a.

"Ni e, kal nila chuan thil a danglam mahna. Mahse tunah chuan engmah tanpui dantur che ka hre mai rihlo ani,"

"Awle....ka kalbo vang, a duh ang takin ka kalbo vang!" a ti ta nghut2 a.

"A duh ang takin ah! A duh vang ani lo, Camella i vang zawk ani," tiin a thiannu thlavang chu alo hauh a.

"He nu hian buaina bak min thlen ngailo reng ani!" a ti bauh a.

"Robb, khawngaih takin buaina siam lul suh ang che, Julie i nu vang tal pawhin," tiin a ngen ta tawp a.

"Ka siam hauh lovang, mahse ka fanu chu ka duh hun2 ah ka hmu ngei tur ani tih ilo hrilh dawn nia. Naktuk zingah New York hi ka chhuahsan ang," tiin Robb a chu a kalta nal2 a. Eliana i rirlu buai lutuk chu inchhungah pawh chuan a lut mai thei lova. Pawnah chuan engtia tihchi nge? Engtinnge a tih tak ang? Julie i chu a hrilh dawn nge? Mahse hrilh ta sela enge a sawtna, hreawm a tawrh tir ani mai dawn si a, tiin a ngaihtuah kual ngial a. Engpawhnise Robb an tihbuai a tum lo rau2 anih chuan a hrilh loh kha a fel bera a hriat hnu chuan inah chuan a lut ve ta hram a. Zanah erawh a mut theihloh phah chiang hle ani.

Farm house ah vengthung chuan an thlen hnu ah Ruthi i chu chaw te an hrai a, a mut thlengin a roomah chuan an awmpui a, nurse hnena zana buaina an nei anih chuan kaitho hreh lo tura an chhan hnu chuan an room tur lam pan chuan an kal ve ta a. Julie i rilru chu a nuam thei thlawt lova, Mac a chu an inneih zan pawh nise hrethiam mai tura ngen hial a duh ut2 a. Mahse a chi ber em? Lo ti ta sela a lawmlo viau angem? Robb a a hmangaih tih chu a hriatpui ngei alawm, mahse tunah chuan Robb Marshall a ngei chu kalsanin a vuan tawh a, chuta chhapa chhuanlam la siam zel chu ni thei hian a hre chiah silo. An room tur an thlen pawh chuan a lut mai hreh hle a, a tawi khawmuang chu Mac a chuan alo hrethiam nghal vat a.

"I duhlo chung chu ka mutpui hauh lovang che, mahse room dang ve2 a kan mut kha chu a chi berin ka hrelo," a ti ta vat a.

"Ka lawm Mac, ka rilru ka nu avanga a hah lutuk vang hi aniang," tiin chhuanlam a siam zui nghal zat bawk a.

"Tunah chuan ka nupui i ni tawh alawm, damchhung hun ka nei a, ka hmanhmawh hauh lo ania. I rilru leh taksa a inpeih hun chu ka la nghak leh mai aniang chu!" a tih chuan Julie i chuan tah vak2 mai hi a duh a. He mihring hi engvanga a chunga hetiang em2 a tha hi nge maw anih le? A hmangaih ve lah chuan hmeichhe dang bak a ngaihven hauh si lova!

"Mac ka chungah hian i tha lutuk hi ka awih theilo hial ani,"a ti ta tawp a.

"Hmangaih te tan chuan engpawh kan huam thin reng asin,"

"Nang anga hmangaihtu hi tupawn neih ngei an chak ang,"

"Awle2....i nu chungchang hi sawi fel ila tha in ka hria. Kan awmdan turte pawh hi," Mac a chuan a ti ta daih a.

"I rel dan2 ani mai alawm, kan dinhmun te chu i hriat vek kha," tiin Mac a thuthlukna ah chuan a innghat ani tih chu a tilang chiang hle a.

"Kar leh lamah chuan ka awmna lamah rawn insawn phei ula a that ka ring a. I naute chuan an zirna an bahlah loh nan hostel ah awm mai sela. Nurse a awm thova, Jaded an i nu a enkawl dawn anih pawn a buaitlak viau in ka ringlo,"a tih chuan Julie i chu a lawm ru hle a. Alo ngaihtuah fel leh vek tawh anih hi, engmah a dil emaw a sawi ve ngai hauh lovin.

"I ngaihdan chu a tha lutuk alawm, ni e theih ang2 in kan lo insiam dawn nia,"

"Ka theih tawk hi chu ka ti zel ang engah mah ka hnung tawlh hauh lovang," tiin Julie i chu thlamuan tum tih hriat tak hian a kuah hle2 a.

"Ka lawm e Mac, ka tan leh ka chhungte tana i tih zawng2 ah hian," kuah let pah chuan a ti sap2 a. A thla a muang huai2 bawk ani, a chhan chu anu in enkawlna tha a mamawh tawhzia lah nitin a hmu chiang em2 a, nikhat hi a ui hliah2 tawh ani.

"I nu hi Jaded a chuan chhan a tum dawn a, a theih ang2 in mahse alo thei talo anih pawhin i naute hi chu kan enkawl zel ang,"a ti leh thlup2 a.

"Min chhan sak thei hram sela ka ti e....," a ti vawng2 a.

"A tum dawn alawm, chunglam thu2 ani tih kha hre reng ang che," tiin a samah chuan a chulsak nak2 a.

"Awle....,"

"Khai leh, tunah chuan mu tawh rawh leh! I chau lutuk ang," tiin a thlah nghal a.

"I mu ve dawn lo ami?"

"Dawn e, mahse mail thawntur pawimawh tak ka neia ka tifel lawk ang. Lo mu hahdam la ka rei lovang," a tih chuan Julie i chu a bu nghat a, intifai turin bathroom lam chu a pan nghal a. Mac a chu inhnuai lamah a chhuk thla a, pawn varanda ah chuan a thu hnawk a, no leh zu um a kenchhuah chu dawhkanah chuan a nghat deuh chawrh a. Heti chen hi a nghak tawh a mahse a nupui a nitawh chung pawhin khawih pawh ala khawih thei chuanglo chu ani a. Robb Marshall a a hmangaih thu a sawilaia a nat zia kha ala theihngilh theilo ani. Tunah lem a hnuchhawn tawh emaw tiin a nei a, mahse a hmel leh chetzia ah ala hmangaih reng tih chu a hai theih hauh chuang lova. Hetianga a inneih chuan an nun a chhe ve2 dawnin a hre hial a, anu hi a enkawl pui anga, a thlah zalen leh mai dawn emaw ni tih te chu a no tlak pah chuan a ngaihtuah rauh2 a. Bel bula tam taka awm reng chu a thei reng bik dawn lova, a duhlo chunga a mutpui anih vaih chuan an inkar chu a chhe lehzual ngei bawk anga, chuvang chuan anu hian a nih tur2 ni sela, harsa viau dawn mahse a kaltir mai a tha zawk dawn tlatin a hria a. Nupa nun diktak engtikah mah an nei thei ngai dawn lo ani tih pawh zanina Julie i awmdan atang khan a hrethiam nghal vek bawk ani. A rilru chu ana,mahse tuma thiamloh ani lo, an vai chuan an vanduai ani te hian Mac a chuan a hre hial a. Robb Marshall an hmeichhe dang a hmangaih a, Julie i lahin hre reng chungin a hmangaihna a sut thei chuang lova. Ani lahin Julie i chuan mipa dang hmangaih a nei tih hre reng chungin alam alo hawi hun nghakin a nei ta chu ania, mahse chu ni alam hawia alo nuih ni chu a thleng ngai dawn lo ani tih chu zaninah khan a hre chiang ve chauh thung a.

Zanlaia rui taka mu tura an room a thlen chuan Julie i chu alo muhil sak2 tawh a, a taksa no nalh tak lang var haih a hmuh phei chuan insum hi har ati em2 a. Mahse rui hle mahse a sawitawh ang khan mipa takin Julie i remtih hun chu nghah a tum nghet tlat ani, a tisa chakna tidai tur chuan tui vawta inbual turin bathroom ah chuan a lut ta zawk a, a inbual zawh chuan a ruih pawh chu a reh hawk hian a hria a. Julie i deh hlau tak chuan thawm dim takin khumah chuan a mu ve ta nge2 a.

Robb Marshall a,a nu leh pa chu a tuk a thlawhna a inpeih veleh chuan London lam panin an thlawk chhuak ta nghal a. Eliana i ngenna avangin Julie i pawh chu a hmului duh ta bik lova, mahse a rilru chu ana vawng2 thung ani. A hma in Julie i chu a chan tawh a, na taka kum khat dawn a awm hnu in an intawng leh a, tun tumah chuan a nei let leh ngei dawnin alo inhre hman tawh kha ania, mahse Camella Anderson i vangin a chan leh ta ani. Julie in an pahniha an mutdun anga a ngaih theihna chhan erawh London a thlen veleh Camella i chu zawh ngei a tum ani, a chhan chu a mutpui tlat lo!

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » May 13th, 2018, 3:33 pm

Hun a kalve zela, Julie i te pawh Mac a inah an insuan lut tawh a. A naute erawh hostel ah Mac a zarah an awma, tha taka lehkha zir turin Julie i pawhin a chah ve nasa ani. Anu pawh a luak a zing tulh2 nen rilru nuamlo tun hian nitin hi Julie i chuan a hmang hi ani ta ber a. Robb a theihngilh chu duh viau mahse a thisen zamah hian a bet tel tawh emaw tih mai tur hian theihngilh ni reng2 hi anei lo lehnghal a. Ruthi i pawh tunah chuan a tawng tan ve tawh a, mahse ala lam fiah thiamlo thung a, a kal ve theih tawh avangin ven ngun pawh a ngai zual hle tawh ani. Ruthi i vanneihzia hi Julie i chuan a chhut fova, a pa in a hmangaih em2 a, chutah Mac a lahin a duatin a hmangaih em2 bawk nen, a fanu hi a thik lek2 hial thin ani. Anu bulah chuan Robb a a neihlohna chhan pawh a sawifiah tawh a, anu erawh chuan a thuthlukna chu siamthat theih nilo mahse a pawmpui vak lo ani tih pawh a hmel atangin a hrethiam mai a. Inchhirin awmzia a nei lova, engmah lah a siamtha theilo bawk! Chuvangin engmah ngaihtuah let a duh lova, buai takin a nun chu nitin a hmang ve mawp2 tawp ani ber mai.

Anu in chemo vawihnih na ala veleh tawh a, khawsik a nei deuh zeuh2 tan tawh bawk a, chu chuan Julie i ngaih ati tha lo lehzuala, mahse anu hmuh ah erawh hmel hlim put hram2 a tum tlat thung a. Nurse an kawl tho avang chuan Ruthi i pawh a duh angin a enkawl tha hman lova, anu bulah chuan a tap deuh chawt angaih vang ani pakhat bawk a. Kalsan rei ngam chi ani tawh lova, a luak then reng angai nen, ei leh in a duh anga a tih theih tawhloh avangin pek zin angai telh2 bawk a. Zanah pawh hian anu khum bulah hian a riak deuh chawt a, nupa an ni tawh nain vawikhat mah nupa nun Mac a nen chuan an la hmang hauh lo bawk. Mac a pawhin a tilui bik chuang lova, bakah anu enkawl alo ngai nen, a hrethiam em2 zel a ni. Lehlam takah chuan Julie i tan chuan anu bula mut angai te chu malsawmna hi ani hial hian a hria a, a chhan chu Mac a nena mutdun hi a duh loh mai bakah a ti hnual palh ang tih a hlau bawk ani. Robb a bula a tisa chakna ang kha a neihlah a ring hek lova, tin a rilru a hah nen buai nen hmangaihna chen chakna pawh a nei lo hi ani ber mai. Thla a ral a, ni a liam zel a, anu in a chemo vawithumna a lak phei chuan a cher che tawhin a chau em2 bawk a. Jaded a chuan a khat tawkin inah hian arawn kan ve reng na in, beiseina a neilo tih erawh a hrilh dawt ngam bik lova, a chhan chu Julie i chuan anu chu kaltir mai a phal lohzia pawh a enkawl nasat dan atang chuan a hmuthiam ve vek ani. Mahse Mac a nena an ti ti erawh chuan an chhan theih a beisei loh thu leh zai theih anih pawh a taksa en chuan a rinloh thu a hrilh tlang rawt thung a. Amah ang chiah chuan Mac a pawh hian a thiamna line nilo mahse rinna alo nei ve tho bawk ani. Doctor ve2 an ni a, mi nunna chu engtik chen nge daihtur anih erawh hre kher lo mahse an taksa leh hmel atang erawh chuan sawilawk theih chin deuh chu an hre ve tlat ani.

Anu in chemo vawithumna alak hnu ah chuan thla khat lai a vei leh tawh a, a taksa zai turin a fit em tih en tura an kal tum chuan test chi hrang2 te an ti a. Result lama Julie i ava kal chuan inzai tur chuan alo fit hlauh mai a, hlim tak hian a tlan haw vang2 a, Mac a chu a phone nghal vat bawk a.

"Aw.... Julie, sawi rawh le," Mac a chuan alo ti vat a.

"Mac ,result a chhuak tawh a, ka nu chu inzai tur chuan a fit anih chu....," hlim tak hian a ti lang2 a.

"Ava lawmawm ve, chuan engtika zai turin nge an tih?"

"An la sawi rihlo, ka zaitir duh angem Mac? I hmuhdan atang hian a chi angem?" a ti zung2 a.

Mac a chu a ngawi ta vung2 a, a hnu ah chuan," Zanah kan sawidun dawn em niang, ka buai lai ani bawk sia," dam duai hian a ti ta a.

"Awle2..... Dinner turah i duhzawng tak ka lo siamtir dawn nia," tiin an inbiakna chu an duhtawk ta a.

Eliana i an chanchin lawmawm hrilh ve chu a chak hle a, mahse zanina Mac a alo haw huna an thusawi a zirin naktuk lama biak a tum ta zawk a. Anu room ah chuan phur tak hian a lut a, mahse anu pawh chu hrilh rih loh tha a a hriat leh tak avang chuan a ngawi ta rih zawk a. Mu reng tih takah anu chu a taksa a hahdam zawk nan tiin tuilum sa tha ver vawr hian a hru a, eitur te pein a damdawi te pawh a pe nghal a. Hahdam rih turin a kalsan ta a. Ruthi i rooma ava kal chuan a fanu chuan alo pan nghal vat a, api enkawl angai nen a fanu bulah chuan a awm hman loh lutuk avangin an inhmuh tawh hi chuan alo kuah ve chung2 zel ani.

"Ka fanu hian enge alo tih a?" tiin a biangah chuan a fawhsak nghal a.

"Mama....mama," tiin a in fiamna ho chu anu bulah chuan arawn lakhawm nghal zung2 a. An nufa chuan hlim tak hian an infiam a, Ruthi i chu a nui hak2 reng a. A fanu nui hmel a hmuh chuan a hahna te chu a reh sawng2 hian a hre hial a. A pa ina toys arawn thawn ho chu a duh bik emaw tihmai tur hian a kawih nasa bik tlat hian Julie i chuan a hria a. A mutchhuak a ham tak bai2 ah chuan a ti mu a, nurse a awm tho avang chuan inbual harh tur chuan a kalsan ta a. Tuilum a inchiah vang2 chu a chak hle nain, anu alo buai palh hauvin, rang tak hian a inbual zung2 a. Thawmhnaw hak nan pawh hun a hmang reilo hle a, anu room lamah chuan a kal leh nghal thuai a. Vanneih thlak taka alo la muthilh takah chuan inhnuai lamah in hnawhpuar turin a chhuk thla leh ta zawk a.

Robin an alo hmuh veleh chuan," Mrs. Rowland, coffee leh a hmeh i duh em?" alo ti nghal vat a.

"Ka lawm ngawt ang Robin. I rin aiin ka ril atam ang," nui sen2 pah chuan a ti a.

"Biscuit leh cake ka ur a, ala lum bawk a, tui i tih ngei ka ring,"alo ti thuai2 a.

"Nia a tui ngawt ang, nurse kha Ruthi i a muhil thova, ka rualin a in ve hman ka ring,"

"Awle, kan kohtir ange, varanda ah ami in in ang?"

"Khua a lum deuh bawka a nawm phian ka ring,"

"Awle, ka rei lovang," tiin choka lamah chuan Robin a chuan a luhsan ta nghal a. Julie i pawh chu varanda ah chuan hahdam tak hian a thu ta vang2 a, an in gate a pelh khatzia a ngaihtuah chuan a nui deuh sak a. A nihna takah chuan Mac a pawh hi a buai em2 a, a chang phei chuan emergency deuh2 hian zanah te pawh an rawn ko leh nawlh2 thin a. Ani lah anu leh a fanu enkawl in room hnih ah a phak ang tawkin a kartawn ve reng bawk nen, pangngai taka inbiakna hun pawh hi an nei ngai mang lova. A duh ang pawhin Mac a chu a ngaihtuah thei lova, lehlam takah chuan a inthlahrung hle ani. Anu enkawl natur hi a sawi ngai hauh lovin Jaded a nen inbia in thil alo tihfel sak zung2 zela, sum pawh a seng nual tawh ani tih pawh Julie i chuan a hria ani. Rulh let a duh mahse a thei silo! Nupui nih tal tlin thei sela tih pawh a ngaihtuah fova, mahse a thei chuang bawk silo. Hetiang em2 a mipa laka a vanduai bik hi chu mak pawh ati ani, mahse a thiamloh na lai pawh awm ve thovin a hre bawk a. Nurse nu lokal thawm a hriat takah chuan a ngaihtuahna chu a dahtha ta rih a.

"Lokal rawh Ellen, hetah hian lo thu teh," tiin thutna tur chu alo kawhhmuh vat a.

"Inchungah pawh ka in thei reng alawm,ka pi," thu pah chuan a ti a.

"Ka hria alawm, mahse hawi thawven ve te pawh i mamawh alawm, boruak thianghlim hip te pawh," nui san2 pah chuan a ti a.

"Kan room bula balcony awm khi ka hmang tangkai viau asin," alo ti a.

"Mahse ti ti pui tur ka mamawh alawm," a tih chuan hmeichhe pahnih chu an in en ta ren rawn a.

"I nu chungchangah ami?"

"Ani deuh reuh tho mai. Ruthi i min enkawl sakna ah hian lawmthu hrilh che ka duh a," tiin bul atan ta a.

"Ka hlawh hmuhna ania lawm,"

"Mahse min enkawl sak tha em a, Mac a pawh alawm viau ania,"

"Min ti zak dawn alawm, Ka pi. Ruthi i hi naupang fel tak ani a, enkawl pawh a nuam a. Ka hahdam hle asin,"

"Tunah chuan hei a kalve thei tawh bawk nen, i buai a zual tawh hle ani tih pawh ka hriatpui che alawm. Nang hi awmlo la ka nu hi tun ang hian ka enkawl thei dawn hauh lo asin," Robin an an coffee arawn chhawp in zauh pah chuan a ti a.

"I nu hi a lainat awm hlemai, in zai theih hmel ta em?"

"Ka hrelo le, ka nu kan zai dawn anih phei chuan nangmah ah hian ka innghat tawp dawn ani ber ania,"

"Tehreng mai, rilru hahdam takin awm rawh. Ka lo enkawl dawn alawm, Ruthi i chu," tiin a tawng thlamuan ve a. Ngawi reng chuan an pahnih chuan an ei in ta malh2 a.

"I duh chuan lo la thu hahdam rih rawh, ka nu ka en a hun tawh tlat," tiin Julie i chuan a kalsan ta a.

Anu rooma a luh hma chuan Ruthi i chu a bih zawk a mahse alo la muttui chiah2 hle a, anu en tur chuan a kal tlang ta nghal a. Anu pawh chu alo la muttui hmel hle a. Anu khum bula a mutna tur chair insawi thei an hun ah chuan a thu mu a, engtik laiin nge alo muthilh pawh a hre lova.

"Julie.....julie..., ka tui a hal ania," tiri chuan a tihrah ta a. Phak tak hian a hawi kual ruai a, anu chu thei leh theilo hian thut alo tum mek lai hi a hmu ta a. Rang taka inperh thovin, anu bulah chuan a tlan phei a, tui chu a intir ta nghal a.

"Iva chau awm ve, zanah lah hian keimah vang hian i mu tha ngai si lova," zawimuang hian anu chuan a ti chiar2 a.

"Ruthi i nen in muhil ve2 sia, ka awm awl lutuk ka lo muthlu mai2 mawle,"

"Ka hah tawh ani ka awmdan hi. Hna thawk lova mut reng hi ka ning tawh lutuk," anu in a tih chuan a khawngaih hle a. Nu taima tak ani in an hriat theih chin ata awl lai nei ngai reng2 lo khawpa buai leh taima ani a, engtinnge a tlin le tih mai tur khawpin zing atanga zan thleng hian a thu mai2 hi hmuh tur a awm ngailo ani. Ni e, anu tan chuan a ninawm tawh hle ngei ang, mahse hna erawh a thawh theih tawh hmel loh ani tih chu a tu ate pawhin an hria ani.

"I dam anga i thawk leh turh2 dawn alawm," tiin a hnem a.

"Ka dam har tawh em mai, natna khirh tak ka kai anih te pawh ka ring tawh e," beidawn hmel taka anu in a tih chuan a lainat em2 a.

"I kai hauh lo ania, i chemo khan alawm tichau che. Tunah chuan i lak pawh a ngai tawh lova, an zai che anga i dam thuai tawh dawn alawm," a ti siam2 a.

"Ka sam hi a tla tan tawh a, a tla zo har angem le?" a tih chuan Julie i chu a nui lui hak a.

"Hei a tla zo trep tawh alawm, chuan thla leh velah chuan maw ka nu, sam thar nalh tak i nei leh tan tawh dawn ania,"

"Ka colour ve tawh dawn ania, a tuak nasa tawh bawk si," a tih chuan Julie i chu a nui kar2 a. A damlohna hi hre ta sela chuan tun ang hian engmah a sawi awm tawp si lova, tiin a ngaihtuah na chu a kalthui hman hle a.

"I ho mai2 em mai, khawi theitui hi in la chuan i mu hahdam leh dawn nia," tiin theitui chu a thlit saka, a intir hnu chuan a mut that tir a, muhil thei se ati hle bawk ani. A chhan chu a mut tam khan a taksa a insiam chak dawn a, chuan a ngaihtuahna hi hmang vak2 lo bawk se tih chu Jaded a hrilh dan ani.

"Min hrilh duhloh hi in nei ani lo maw, Julie?" anu in ala rawn tihram chuan a thil tihlai chu a hum ngar2 a, chhan mai harsa ati ngei mai.

"Aih, enge ka hrilh duhloh tur che chu.....ka sawi kha i awih lo tihna ami?" anu mitah pawn en ngam lo chuan a ti a.

"Ka lo ngaihtuah ve dan mai2 ania, kan mu tawh ange, ka mut a chhuak tan tlat," a tih tak daihah chuan Julie i chu a thawveng huai a. Puan te chu a thuah tha a, thawk lak a mamawh avang chuan inhnuai lamah chuan a chhuk thla nghal a. Library ah chuan a inkhung hrang a, anu hian alo inringhlel tawh ani ngei mai tih chu a ngaihtuahna ah chuan arawn lut ta a. Hrilh mai hi a tha angem le, enge tha ber ang le? Mahse Mac a nena an ti ti hnu ah chauh ngaihdan mumal siam chu a tum ta zawk a. Thil a eithei lo lutuk chu a mangang riau tawh ani, a ei ang2 pawh arawn luak chhuak leh nghal zel a, a chang phei chuan a ngai ngaiin a paih chhuak thin a. A pumpui hian hna a thawk tawh lo chu ani lova, mahse a pumpuia a thil ei kha a luhthlak theih tawh miau loh avang chuan a luak chhuah mai loh chuan tih ngaihna lah a awm heklo. Engmah a ei theioh zel chuan a chaklo tulh2 anga, inzai pawh a theihin a ringlo hial ani.

Robb Marshall an office thla hnih hnua a kal leh chuan a staff te ho chuan an lo en duh ngei mai a. A chhan chu a sam mawi taka a tan tawi mat thin kha alo sei tawh viau a, a hmuihmul leh khabe hmul te lah chu a sei fer fur tawh bawk a. Nalh taka rawn inchei thin kha, jeans leh kawr pangngai nen mai2 a rawn inthuam in alo kal tak vang a chuan a mak em bawk ani a staff te tan chuan. A nihna takah chuan London an thlen leh hnu pawh khan a rilru na chu a inkhung bet chawt a, a sumdawnna lam pawh a ngaihtuah thei meuh lova. Zu a in leh nasa em2 a, nula lah a hmuh2 a mutpui miah2 bawk a, mahse engang pawn rui mahse nula a mutpui apiang hian Julie i hmel an put tak daih thin avangin a chakna pawh a hrithla thei ngai chuang lova, a hmeichhe mutpui te a ti beidawng ziah ani. Anu leh apa in Mrs. Page i hnen atanga Robb a nundan an hriat chuan an ngaihtuah viau a mahse mi luhlul anih avangin engmah sawi lem lo chuan a rilru dam hun nghakin an thlir tawp ani. Camella i engvanga amah nena mu anga lo awm der kual nge anih zawh a tum kha ania, mahse Pacific lamah an chhungkua a tour nei tura an zinchhuah avangin a zawt theilo thung a. Eliana i nen pawh an inhmu zeuh2 va, sawitur erawh an van dun hle thin ani. Mahse Eliana i tal a hmuh chuan a rilru na a zia deuh hawk hian a hre thin thung a. A tirah phei chuan Ryan an an inhmu thin tih a hriat chuan a thinrim hle a, mahse thil awmdan Eliana in a hrilhfiah chuan Robb a chu a lainat ve hle a. Mahse Ryan a chuan Robb a chu a dem tho2 ani, a hmangaih thu a hrilh ngai lova, tihluihna ang hrimna nei tura Julie i a nawr vang pawh chuan a dem bawk ani. Robb a nun chu a buai hle a, mahse zawi2 a zia lam a pan takah chuan office pawh a kal tan ta reng ani. Milar tak a ni a, fanu a nei tih chu khawvel in hre tho mahse a fa nu erawh puanzar anih loh avangin a P. A thin Julie i lakah fa a nei tih chu hria an tam vak lo ani. Hria sela chuan Julie i chuan dem a hlawh hle pawh Eliana i chuan a ringa, a chhan chu an boss chu a hmeltha a, a hausa bawk a. Julie i a ina a insuan luh pawh khan an sawi duh hle anih kha! A sum duh vangin a P. A nihna a hmang tangkai ah te pawh an puh leh duh hial ania a rin bawk ni. A theih ang tawkin Eliana i pawhin Robb a chu a hnem ve thin a, hetia rui a indawm kun mai lo tur pawhin a tive nasa a, bakah an in hmangaih tak2 anih chuan khuanu in engtin emaw tak hun remchang an pahnih chuan ala pek ngei pawh a beisei ani, a chhan chu an pahnih a rilru hrechiang tu ani tlat ani.
number

Mahse office a thleng hnu chuan hna thawh tan mai an tuma, a rilru ah Julie i chu a awm thar leh ta tlat a. Eliana i khan engmah hrilh hre lo law2 tur khan atih vangin tichen hi a ngawi tawh chu ania, mahse a office dawhkana hnathawh tur tam tak Julie i vanga in chhekkhawm a hmuh chuan a thinrim thar thut a, Julie i chu a phone ta nghal a. Engpawh nirawh sek2, ka be tur ani ringawt mai, kut hum ruh tung chung chuan a ti sup2 a.

Julie i chu Library ah chuan a thu ngawi ta vang2 a, a ngaihtuahna chu a kawm melh2 a. Engvanga hetiang zawng2 hi thleng nge anih tih te chu a inzawt lo thei lo ani. A phone ri pawh chu a hre lawk lova, a rik tawp trep chuan a hre ve chauhva, mahse a phone a number lolang chu a hriat ngai ani miahlo thung a.


"Helo....,"

Julie i chuan chu aw a hriat chuan a phu zawk a, a chhungril ah hian a tim er2 in a inhre bawk a. Zawite hian," Robb!" a ti sap a.

"Aw, Robb Marhsall a," lehlam atang chuan alo ti vawt ruih a.

"Enge i duh a?"

"Nangmah kha!"

"Khawngaihin chutiang chu rawn sawilo hram rawh,"mit chhing vang2 pah hian a ti a.

"Ka nun hi i tichhe vek tih i hria em?" arawn ti vin ta thak a.

"Nangma duhthlan na alawm,"

"Eng ah? Thil i hriatchian duh chuan min zawt tur i ni asin!" a rawn tih chuan a thusawi awmzia chu alo man hauh lova.

"Engmah hriatchian duh ka neilo....kan inbiak hi a tulna pawh ka hrelo," a ti ta hmak a.

"Ngawi lawk teh! Ka fanu i kawl tih kha hre reng rawh! Khami zana i thil hriat te kha engvanga min zawt chianglo nge i nih, Julie?" arawn tih tak hrawih ah chuan Julie i chu a hlauthawng ta hle a.

"Engtinnge i hriat a?" a ti ta ruai a.

"Camella i nen khan kan awmdun hauh lova, ka mutpui bawk hek lo tih rawn hrilh che ka duh mai ani!" a tih chuan Julie i chu a deng dawt a.

"Camella i aw kha ka hrechiang alawm," a ti ta nghat a.

"Mahse a mipa awmpui kha ka ni hauh lo," nghet charh hian alo tive thung a.

"I hming alam chiang alawm," tiin thudik chu a sawi ve hmak a.

"Engvanga khatianga Camella i khan ti nge anih ka hre hauh lo,"

"A chhan chu i hmangaih vang leh tisa nawmna i pek vang ani mai," a ti kha fak a.

"Keimah ka nilo ka tih chu...," thaw hawk pah hian a ti a.

"Robb, tuna sawi hian engmah sawtna a nei tawh lo. Mac a nupui ka ni tawh!" tiin a nihna chu hria se a duh hle a.

"Kha zawnga khan a mutpui che em? Ka ta i ni a, a khawih che anih vaih chuan ka that duh hial ang," a ti ta hmiah a.

Anla mudun hauh lo tih chu tuma hriat a tulna pawh a hre lo, bakah Mac a mualpho natur anih avangin sawi chhuah pawh a tum hek lo," A nupui ka ni alawm, min mutpui theihnan dikna a nei bawk," a ti ta fak2 a.

Robb a chuan a dawhkan chu a chum ri ta bur a," Enteh Julie, a tirah kha chuan kalbo hmaka i nuna rawn inlan leh hi ka tum hauhlo. Mahse ka theilo ani tih ka inhre chiang tawh a, ka ta i nih ang chiahin ka nei let leh tur che ani!" a ti ta hmak a.

"Bungrua ka nilo, i duh hun2 a min mutpui a i duh huna hmeichhe dang mutpui lehin, i ta ka ni tiin min rawn tihbuai chu tum hlek suh!" a ti ve ta nghat a.

"Ka mutpui lo ka tih tawh kha, awih mai rawh thudik ani ka sawi ni!" a tih chuan Julie i chu a sa ta zawk a. Nia an rethei a, amah lah a zahawm hauh lo. Mahse chutianga Robb Marshall an a duh hun2 a a tih kual tur chu ani bik lo tih chu a ngaihdan ani a.

"Kan hlim viau ani keini chu, min rawn tihbuai lo zawk rawh! Ka nu hian rilru hah a mamawh hauh lo bawk," tiin a tawng el khum ta a.

"I nu kha maw ka enkawl vek ang ka tih tawh kha. Min ngaina ani tih pawh ka hre bawk, min neih a phal dan atang khan," ala ti ang tak deuh2 va.

"Engpawh nise i duhdan anga i awm ang khan ilo awm zel dawn nia, mangtha le Robb!" tiin phone chu a dah nghal hmak a. Thutthleng ah chuan a khup si chata a khabe nghat chung chuan a thu hle2 a, Robb Marshall a chu a ten hlauh2 ani.

Engvanga dawt chuti leh chen hnua rawn hrilh ngam nge maw anih chu le! Engmah insawi fiahna tur a neilo, a hre chiang ani, Camella i aw kha! Mahse a ngaihtuah let ta rauh2 a, Robb a aw kha vawikhat mah a hre ve hauh lo ani, mahse chu2 chhuanlam a tlinglo. Camella i kha amah chauhvin awm ta se engvang mahin Robb a hming kha alam hauh lovang, a lam dan lah kha ko satliah ani hauh lo lehnghal. Nuam tuar paha Robb a hming kha lam ani a, a aw ri pawh vawiin ni thleng hian Julie i chuan ala hre chiang em2 bawk. Tenawm lutuk mai, tia phun hlak pah chuan inchung lama chho tur chuan Library chu a chhuahsan ta nghal a.

Inchung pan a tumlai tak chuan thil a hrechhuak thut a, choka lamah chuan a kal leh ta zawk a. Robin a hnenah chuan Mac a chawhmeh duhzawng tak siam turin a hrilh a, inchung lam chu a pan ta nghal a. Ruthi i a harh tawh em tia enzawk tura an rooma ava luh chuan nurse nen pawn huana lenchhuah tumin anlo insiam mek a, reilote a pawm zawka a kalsan ta nghal a. Anu pawh alo harh tawh a, a mamawh chu a tihsak nghal zung2 a. A taksa kham tinep turin a hmet kual dan2 a, nuam ti hmel taka a nu alo zik mar ar2 chuan a nui ta hawk2 a. Zanah Mac a nen an ti ti hunah chuan a ngaihdan diktak sawi turin a ti dawn ani, a chhan chu a hmai zah avanga a ngaihdan a sawilo anih vaih chuan, amah Julie i chauh chuan nakin a a inchhir natur thuthlukna a siam palh a hlau ani.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » May 13th, 2018, 3:34 pm

Robb Marshall a nun chu a buai tak tulh2 avang chuan a fanu leh Julie i chu neih let leh ngei a tum ta a. A tul anih chuan Mac a pawh a that mai ang tih te pawh a ngaihtuah hial ani. Mahse Julie in lo hrechhuak ta se....amah neih ai mahin a aia hlat zawkah a tlanbosan leh mai ang tih a hlau bawk si! Zanah te hian a thil ngaihtuah nasa lutuk hi mut pawh a mu tha theilo hial ani. Zu in lova thluak fima awm phei chu a peihlo hial tawh a. Mahse Eliana in nasa taka a thiam ang2 a thil a hrilhfiahna zarah a zu in pawh a thlah tawh a, tha taka nun a tum chho ve leh tan tawh ani. A nu leh pa pawhin an fapa a fel tan leh tawh tih an hriat chuan an lawm hle a, a chhan chu a luhlul em avangin tu thusawi mah a ngai pawimawh thin si lova, a awm ang2 khan an enliam tawp a, mahse rilru nuam erawhin an awm thei ngailo thung a.

Camella Anderson i pawh tour an neih zova alo haw tawh tih Robb an a hriat rual2 chuan zana a ina dinner ei turin a sawm ta nghal a. Camella i lah chuan hlim tak hian lawmthu alo hrilh hnap thung a. A rilru te te chuan Robb an Julie i laka rilru a putdan a dang tawh anga, a hnenah alo kir leh tawh dawn emaw alo ti hman tawh a, lawm lohna chi ani lo reng ani a tan chuan. Pasal chu a neihsan alawm, hausak nate nawmna te, leh ro te a neih theih dawn avangin mahse Robb Marshall a a hmangaihna leh a duhna a reh theih miau loh avang leh a pasal putar tawh chuan a tisa mamawh a phuhruk zoh loh avangin a then ta kha ani a. A nihna takah chuan a then avang khan engmah inchhirna a nei hauh lo, a chhan chu Robb a bula a duh hun2 a a awm theih tawh vang ani. Robb a erawh chuan a thian hlui anih avang leh a pasal nena an inthen avangin a lungleng lutuk hlauvin a mamawh hun apaingin a thlahthlam ngai lova. Julie i alo kalbo tawh nen, Camella i dinhmuh chu a khawngaihin a hrethiam em2 thin a chuvanga a khawhar hnem ah Camella in a mamawh tawh chuan a kohna apianga kal zel thin kha ania.

Camella i alo thlen chuan Robb a chu bar ah no dawmin alo thu a. Mahni in ang thova khawsa thang tawh anih avangin Robb an alo dawngsawng lemlo pawh chu ngatan vakmah a tih hmel loh hle a. Mrs. Page in a awmna a hrilh hnu chuan bar room lam pan chuan a kal ta nghal a. Camella i a hmuh hma hauh pawh chuan alo thleng tawh ani tih Robb a chuan a perfume rim nazet atang chuan a hrethiam nghal mai a. Room chhunga thawm a hriat chuan zawimuang hian a lehhawi ta a.

"Hello darling, ilo dam maw?" Robb a bula ding pah chuan a ti a.

"Dam alawm, thu ta che," tiin thutna tur chu alo kawhmuh nghal a.

"Ka lawm e, dinner ei tura min sawm avangin," thu pah chuan a ti a.

"Umm....a nuam bawk maw i zinna chu?" satliah deuh hian a zawt a.

"Nuam khawp mai, awm vela ka ti asin aw....," a ti deuh vang2 a.

"Anih chu, enge ka thlitsak ang che?"

"Vodka kha ka lo duh ange," a tih chuan Robb a chuan a mitko alo chuar deuh tap a.

Nui hawk pah chuan," Enge dinner ah kan ei dawn a?" a ti sarh2 a.

"Mrs. Page in i duhzawng chu a hria alawm," alo ti liam puat a.

Robb a bula thu pah chuan, "Ka ngai takzet tawh che asin, darling," ti pah chuan Robb a darah chuan a chul kual ruai a.

"Chutia mi?" tiin no chu a pe nghal zat a.

A intur a lem hlak hnu chuan," Engvanga min ko nge i nih le? Min lo ngai tawh viau em ni?" mitko san ak2 pah hian a ti a.

"Englo ania, thil zawh che ka duh a....," a tih chuan Camella i chu chhungril takah chuan a lawm ru hle a. Julie in pasal a nei tih chu a zinna ah a hre tawh a, an inkara saruh lian tak chu laksawn ani tawh niin a hre bawk a. Robb a chuan a nupui ni tura a sawm a beisei em vang chuan a phur ru hle bawk ani.

"Min zawt ta che, engmah ka chanchin hrilhloh che ka nei ngai hleinem," nui san2 pah hian alo ti larh2 a.

"Ani maw....chuti chu birthday lawm zana thil thleng chanchin kha ania zawh ka duh che!" a tih chuan Camella i hmel chu alang buai deuh map a, mahse a insiamrem leh nghal thuai a.

"Chuti maw? Engthilnge nia?" pangngai tak hian a ti ta a.

"Engvanga Julie i kha kan pahniha mudun anga hriattir nge i nih tih ka hre duh ani," a ti chang ta fak a.

"Robb, chutiang chu ka tih i ring thei lovang," alo ti nghek a.

"Mahse i ti si ani lawm ni?" a tih chuan Camella i hmel chu alang dang ta lap a.

"Mahse enge chu chuan awmzia a neihtawh chuan? Pasal a nei tawh tho alawm!" a ti ta ringawt a.

"I thil ruahman vang khan alawm a neih!" kha faka Robb an atih chuan Camella i chu alo ip chawih a.

"Mahse enge ka tih reng2 a?" ala tifan a.

"I hre reng! Engvanga kan pahniha mudun anga Julie i kha bum nge i nih?" vin deuh taka a tih takah chuan Camella i chuan nuamlo ti chung2 hian a sawi tan ta a.

"Robb, nangmah vanga ka pasal pawh kha then ka ni a, kha nu vanga kan inkar chhe tur kha ka duhlo ani!" mittui tling pam chuan a ti ta a.

"Ani maw? Engvang pawhin i pasal chu then la ka buaina ani hauh lo. Mahse Julie i ka hmangaihzia pawh i hria ani lawm ni?" a ti leh that2 a.

"Kan pahnih hian inkawp tura khuanu duan kan ni, Robb. Kan inkarah hian tuma lo tlakzeh ka remti ngai lovang," a tih chuan Robb a chuan Camella i chu a en ta tlawk2 a.

"Khuanu duan!....i a ta anih hi! Pasal i neih khan chu2 i ngaihtuah hauh lova tiraw? I duh leh mamawh a pek theih tak lovah che i rawn chhuahsan a chuan khuanu duan maw kan lo nih a?" Robb an thinrim taka a tih chuan Camella i chu a hawihai hle a.

"Min hmangaih thin ani lawm ni, Robb?" a ti chuai ta raih a.

"Emaw ka tih vang chauhvin. Mahse ka nunah hian Julie Rothchild chiah hi hmeichhia ka la hmangaih ani tih pawh i hre chiang lutuk!" a ti vawt ta ruih a.

"Aw Lalpa leh! I ti thei lovang," mangang tak hian Camella i chuan a ti zawi ta sap a.

"Chu2 thudik ani tlat!" a tih chuan Camella i chu alo chhing sawk a.

"Mahse tunah chuan pasal a nei tawh tih i hria alawm," ala ti hram a.

"Ka nei let leh ang, i lo en reng dawn nia," a ti nghet charh a.

Camella i thinrim lutuk chuan a no kenlai chu a tlak pawp a," Ni e, i nei let leh dawn nia. Khami zan khan i room pana alo kal lai kha ka hmu hman a, kawngka a kik dawn chiah tih khan kan pahniha awmdun angin ka lo awm ta anih kha,nangmah a hlat theihnan che," nui hak pah hian a ti ta a.

"Iva ngam zawk ve," melh deuh khai paha Robb an atih chuan alo nuilui leh sak a.

"Hlim takin i nei let leh dawn nia, Robb Marshall," tiin a chhuahsan ta nghal nal2 a. Awihlo tih hriat zet hian Robb a chu a nui hak a, a dinna ngaiah chuan a ding reng a. Camella i khan pawi tihna engmah a thiltih a khan a lantir hauh lo, a hma alo sialzia pawh a hrechiang em2 tawh ani. Camella i chhuah hnu pawh chuan a rim nazet chu ala chambang reng a,chu2 ngaithei lovin Robb a chuan room chu a chhuahsan ve nghal hmak bawk a.

Julie i leh Mac an zana dinner zawha inbiakna an neih chuan Mac a chuan a ngaihdan diktak chu a hrilh ta rawih a.

"Zai chi ani in ka hrelo, Julie. A chau tawh em2 a mihring hi inzai vang ringawt pawhin an tlahniam em2 thin ania hrisel pangngai ah pawh. Tunah i hmuh ang khian a chau em2 tawh a, kan zaitir leh phei chuan a dam reiloh phah ang tih ka hlauhpui zawk che ani," a ti dap2 a.

"Ka rilru chu a buai alawm Mac, keipawh hian engmah thiamna neilo mah ila zai hi a chiloh zawk mah hian ka hria a.....mahse engtinnge a bulah ka sawi tak ang tih hi ka buaina ania?"

"Ka hrethiam lutuk alawm, thup hlen tawp hi i duh anih loh chuan hrilh mai hi a tha zawkin ka hria a...,"

"Mahse ka hrilh ngam hlawl lo ani ...," a chal dawm vang2 chung chuan a ti a.

"Jaded a kan hrilhtir thei alawm, chuan a tul anih leh counsellor te pawh kan ruai anga, an hnem thiam viau thin ania," tiin rawtna chu a siam pui zel a.

"Awle, Jaded a chu lo bia la, naktuk ah lokal sela a tha mai alawm. Engtia rei nge hun a neih tawh tih pawh hi hriat a tha in ka hria,"

"Nia, ka rin dan chuan a nei rei tawh lovang. A chhan chu a pumpui ah engmah a luhtheih tawh miau loh avangin, a cancer natna in nitin a eichhe ve zel bawk nen.....i hriatthiam angai ani, Julie...," a ti chuai ta raih a.

"Mac, ka hrethiam alawm, i theihtawp pawh min chhuahpui tih ka hria. Nia, kal mai tur chuan ka phal lo alawm, chutih rual2 chuan kan tihtheih piah lam hi a awmve tih pawh ka hrethiam lutuk ania,"

"I intih pachan hle angai ania, a natna hi a hriat a thatna chu a thusawi duhte a kal hma in a sawi thei anga, in unau tan pawh a engemaw hrilhhriat duh che u a nei thei a,hrilh kha a tha zawkin ka hria,"

"Mac.....," a mittui chu a tla nghal ta zawih2 a. Mac a chuan a lo kuah vat a.

"Khatiang khang nangmah ber i awm chuan engtinnge niang. Inti pachang hram2 rawh, i nu bakah i naute pawn nangmah kha ania an en ber dawn che," a bana chul sak nak2 pah chuan a ti a.

"Nakin ah chuan ka tap thei tawh dawn hleinem, tunah tal min tah tir rawh!" tiin Mac a chu nghet tak hian a kuah a, a tap ta rawih2 a.

"Duhtawk tawh rawh Julie, midang in anlo hriat chuan a tha lovang," tiin a kuai dak a, a mittui chu a hruk sak ta mual2 a.

"Ka tih mangang che avangin min hrethiam dawn nia, ka tap tawh lovang," tiin a ding nghal hliai a.

"Awle....kal rawh le, hei a tlai tawh ania. I nu pawn a mamawh tawh ang che," tiin inchung lamah chuan a kuah chho ta nghal a.

Anu awmna room ah chuan luh a hreh em2 a, mahse a luh angai si a, zawite chuan kawngka chu a hawng da2 a, anu chu alo hnar barh2 ani tih a hriat chuan a thawveng hawk a. Mahse a mulo chiang ani chumi zankhua chuan, anu tel lova an awmtur te a ngauhtuah chuan a khawhar thlak turzia te, a naute an fahrah turzia te, amah ngei2 pawh alo innghah naber anu in a awmloh san chuan a nun a ruah dantur te chu a ngaihtuahna ah chuan arawn lut zut2 reng a. Engtinnge tih vek anih tawh dawn avangin a rirlu a hah hle bawk ani. Anu an hrilh hunah a natna hlauhber thin a vei tih a hriat chuan engtinnge a awm ang tih te chu a ngaihtuah na ah chuan a awm a. Zanah anu arawn harh chuan a pum cancer lai chu na a tih thu arawn sawi ta niah2 a. Mac a chu inthlahrung tak hian kai tho turin a roomah chuan a kal ta nge2 a. Mac an a en hnu chuan nachawkna te a pe a, pawnah Julie i chu a ko chhuak ta nghal a.

"Naktukah Jaded an rawn en sela a that ka ring. A cancer lai kha na a tihlai anih avangin na arawn siam tan tawh pawh ani maithei," a ti ta a.

"Mac, engtinnge kan tih tak ang?"

"Kei ai chuan Jaded an a hre zawk anga, a hrilhfiah thiam zawk bawk che in ka ring, tunah chuan ala hma bawk a, mut tum phawt ila a tha in ka hria. Damdawi khan a chhawk anga a muleh thei mai ang, nangpawh hahdam i mamawh ania," tiin a chalah chuan a fawh sak zeuhva.

"Awle....mu leh rawh nangpawh," tiin Mac a hmuiah chuan a fawhsak ve zeuhva, roomah chuan a lut ta nghal a. A ngaihtuahna chu a kal kual leh nghal char2 a,cancer na chu ana anti hle tih alo hre ve thin a, anu na tuar lehzel hmuh chu ava hreawm dawn tak em! A luak, engmah ei in tha theilo bakah a chau lutuk hmuh ringawt pawh chu a hreawm tawh tehreng nen, engtinnge na lutuk tuar chuan a hmuh reng theih tak ang? Anu chu a lainat em2 a, tihtheih neih pawh a chak ani, mahse engmah a tihsak thei silo. A natna chu a haw hlur a, engvanga tun thleng2 a cancer natna damdawi hi la hmuchhuak lo nge an nih tih te chu a ngaihtuah a, a insawh a insawh ta ringawt a. Mut te chu khawi lamah a harh tulh2 niber hian a hria a. A hnu ah phei chuan a inbual ta ringawt a, chhunah Jaded a alo kal anga Ruthi i en alo ngai ve zeuh2 bawk nen,lo inbual mai chu a tha berin a hria ta ani.

Mac an Jaded a chu alo phone ani ngei ang, zingkar breakfast an ei laiin alo thleng hlawl a. An bula breakfast a ei ve hnu chuan a nu room ah chuan an pathum chuan an kal ta a.

Jaded a chuan Mrs. Rothchild i chu a natdan leh a nalai te a zawt a, a hmel ah erawh engmah a tilang lo thung a.

"Engmah kha lo hlauthawng suh ang che, Mrs. Rothchilh. Damdawiinah zanhnih khat lek erawh i rawn awm angai dawn anih hmel. I natna chhan hi khawla ka en phawt loh chuan ka chiang thei dawn lo ani," zangkhai tak chuan a ti ta a.

"Damdawiin ah a...?" zawimuang hian alo ti chiar2 a. Julie i chuan anu damdawiin awmpheih lohzia chu a hre reng a, mahse an lut awl tawh dawn lo ani tih erawh a sawi ngam lo thung a.

"Nu, a reiloh em chu...aw ti mai rawh," tiin Julie i chuan alo thlem a.

"Tihtur awm ang2 kan ti zung2 anga, zankhat chauh pawh ani maithei ania," Jaded a chuan Julie i melh zawk pah chuan a alo ti thuai a.

"Awle....," a ti ta nge2 a.

"Anih chuan vawiin lamah hei ala hma thova, rawn lut phei mai ta che u," Julie i en paha a tih chuan alu alo bu nghat a. Jaded a chu inhnuai kawngkhar thleng an thlah turin an kal ta a.

"I hmuh dan dik tak sawi tawp rawh?" Julie i chuan a ti ta tawng a.

"Enteh Julie, cancer reng2 hian na an neih tawh chuan a rei berah thla thum bak hi an daih ngai lo tluk ani. Chuvangin tunah chuan damdawi a na chhawkna tur hi kan pek theih chhun ani deuh ber tawh a, chuan chemo hi a ei chi kan pe tel bawk ang. A cancer a pun chakloh nan anih ber chu! Mahse i hriattur erawh chu a damna tur ani dawn chuanglo tih hi ani," tiin Jaded a chuan frank tak hian a hrilh ta a.

"Aw... Lalpa leh!" tiin kawngka biang chu Julie i chuan a vuan ta rawk2 a, Mac a chuan alo pui thuai a.

"Julie, khatianga nangmah ber i awm chuan engtinnge i nu i enkawl theih ang? Intih pachan i ngai nasa ania aw....," tiin Jaded a chuan a banah hian alo beng thak2 a.

Mac a pawh chuan," Ka sawitawh kha, tang hram2 ang che," alo ti ve bawk a.

"Nia, zana ka mutthat loh vang te ani ang," Julie i chuan ati ta vel mai2 a. Jaded a haw hnu chuan Mac a chuan a office lam chu a bia a, vawiin a kal theihloh tur thu a hrilh nghal bawk a.

" Appointment ho kha lo cancell vek ula, naktuk ah chuan ka hman thei ang," tiin a secretary chu a hrilh a. Inchung lamah chuan zawimuang hian an inzui chhova, damdawiin a lut tur chuan an insiam tan ta nghal mawlh2 a.

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » May 13th, 2018, 3:34 pm

Damdawiinah chuan an lut ta rawih a, test te pawh arang thei ang berin anti nghal zung2 bawk a. Jaded a a awm avangte pawh ani mahna a tukah mai chuan an result chu a chhuak fel nghal mai a. Jaded a chuan Julie i chu a ko hranga, inbiak a tul thu a hrilh nghal bawk a. Jaded a room ah chuan rilru ti paukhauh tak chung hian Julie i pawh chu a kal ta a.

"Julie, ka thil sawitur hi ngun takin ilo ngaithla dawn nia," dam thlup hian a ti a.

"Awle...ka in peih alawm,"

"I nu cancer hi a chak chi ani a, tunah hian a tai darh nasa hle tawh ani," a ti tan ta a.

"Awle.....sawi zel rawh," alo ti a.

"Chemo pek chi ani tawh lo tih chu a taksa atang pawh hian i hrethiam ve thovin ka ring a, kan tih theih tawk chu nachhawkna pek hi ani ta deuh ber ani. Tuiril lam a tana tha tur ka ziahsak ang che anga, drip te pawh khai a ngai deuh reng tawh bawk ang tih kha hre bawk la ka duh a. Tin thisen te pawh pek zeuh2 angaih tawh hmel bawk a, chubakah chuan in lam aiin damdawiin ah hian in awm tam tawh pawh ringla ka duh bawk ani," Jaded a chuan Julie i dara beng thak2 pah chuan a ti ta a.

"Awle...ka lawm e. Sawitur leh zawhtur che pawh ka hre lem lo. Nia, theih tawk min chhuahpuia a theihloh chin kan thleng mek ani mai a," tiin a taksa chhungril a khur ru dar2 chu ngaihsak loh hram2 a tum a.

"A tan pawh hian hetianga dam reng chu a hreawm hle dawn ani tih kha hria la, alo kal ta anih pawhin a hahdamna tur zawk ani tia i ngaihtuah kha a tha ang," a ti leh charh2 a.

"Ani alawm, ani tan pawh a hreawm dawn em a, mahse kaltir mai hi chu ka la phal lo ani....," a mittui hru zeuh2 pah chuan a ti a.

"Ani lutuk ang, ka hrethiam lutuk alawm. Kan hmangaihte kaltir hi chu a har alawm, an tel lova nun hman phei hi chu a hreawm takzet ani tih pawh ka hriatthiam pui lutuk che ania. Mahse kan tihtheih piah lam leh kan chelh theih piah lam a awm miau avangin, kan nun kha a tawp ve ngawt te anih siloh chuan kan tuar thiamte, kan hriatthiam te leh kan hmalam hun kan ngaihtuah tel ve kha mihring kan nih chuan angai miau si thin ani," a ti dam dup a.

"Awle....ka lo hre reng ange. A natna hi keichuan ka hrilh ngam lova, nangman min hrilh sak la Mac a nen kan ti deuhva....," mittui kara Jaded a melh chho pah chuan a ti a.

"Ni e, hrilh hi a hun ka lo tive tawh reng ani keipawn. Nakin lamah ka rawn kal dawn nia. Va kal tawh rawh, alo ngai leh hman tawh ang che,"nui tut2 pah chuan a ti a. Julie i kalchhuak lai chu a thlir reng a, a khawngaih hle ani. Anu chu chhan sak theih pawh a chak hle a mahse a tihtheih piahlam anih tawh miau avangin a pawi pawh ati viau ani.

Jaded a hian a bialnu a hmangaih em2 a chan tawh a ,chu pawh cancer vang thovin! Doctor nih a duhna chhan pawh a bialnu a hmangaih em2 nupui atan pawha a duh ngawih2 doctor ten an chhan sak theihloh vang ani a. Doctor anih hnu hi chuan a theih ang tawk2 hian a damlo te hi a chhan theihdan tur a ngaihtuah nasa in a thawk rim em2 thin a. A chang phei chuan zanah te hian a damlo te a ngaihtuah lutuk na lamah hian a mu hman ngailo hial ani. Inah te hian a haw mai2 duh ngai lova, damdawiina ama roomah hian an mamawh apianga koh mai theih tur hian a awm deuh chawt thin ani. Damlo chhan theihloh a neih hian amah hi ana em2 thin a, a bialnu boral ta khan arawn dem tlat te hian a hre thin a, amah hian a tuar tel zel hi ani deuh ber a. Tuna Julie i nu, a thian tha em2 pizawn ngei pawh hi a chhan thei dawnlo ani tih a hriat chuan a na ngawih2 a, tihsak theih a neilo chu pawi ati em2 bawk ani. Julie i dinhmun a ngaihtuah phei chuan a khawngaih ve hle a, Mac a nena an ti ti dun tum pawhin Julie i leh a unaute a khawngaih zia a sawi chhuak hial ani.

Mac a office lama kal angaih avangin a haw tawh a, a nu chu alo mu bam a. Rei an bulah a awm tawh dawn lo tih phei chu a ngaihtuah duh tawh lo hial ani, a chhan chu anu in a hmel hlim lo leh tap thawm te a hriat vaih chuan a rilru a hah lehzual dawn ani tih a hre ran a. Anu bula thutna tur an dah chair ah chuan a thu a, a maimitchhing vang2 a, an naupan lai atanga vawiin ni thleng hi film ang mai hian a mitthla ah chuan arawn lang zut2 a. Anu in an unau va lehkha an zir theih nana a thawh nasatzia te, apa sual thinzia te, school an kal ve dante leh engkim chu arawn lang chho zel a. Anu na ti a chet tak talh2 ah chuan meng zawkin, a pan nghal thuai a.

"Na i nei em ni?" duat taka a chala chulsak pah chuan a ti a.

"Ka pum nalai thin kha ana leh a....," zawi te hian a ti sep2 a.

"Anih chuan damdawi ka pe ang che aw....," tiin damdawi chu a ban nghal a, tui nen chuan a eitir ta nghal a. A ei zawh chuan zawimuang chuan a muttir leh a, a taksa kham lutuk tur chu a hmeh sak niap2 nghal bawk a.

"Hawn ala theih loh ami? Damdawiin rim hi ka ngaitheilo em mai....," anu in thei leh thei lova a tih chuan Julie i chuan a khawngaih hle a.

"Zanin chiah kan riah angai tawh alawm, nu. Hahdam tak khan awm hram2 tum rawh, naktuk ah kan theih veleh kan haw nghal vat dawn nia," tiin a hnem a. Anu chuan tawng a harsat tawh em avang chuan engmah pawh chu a sawi chhunzawm tawh lem chuang lova, lehlam hawia inher a tum chu Julie i chuan alo pui vat a. Chutia anu a ngawih tak rengah chuan a muhil leh tawh anih a ring mai a, a khawngaih lutuk chu a mittui hi a tla ta zung2 a. A cher chhe tawh hle a, amah in a inlet thei tawhlo tluk ani bawk a, a tawng pawh hian a zawi sap a, tin a tawng zen2 tawhlo bawk ani.

Jaded a lo lut a hmuh chuan a mittui chu a hruhul thuai2 a, a ding ta nghal var bawk a.

"Enge a an na te a sawileh em?"

"Aw, damdawi kan lo inpe zo deuh chiah a,"

"Naktuk ah in chhuak dawn nia tih rawn hrilh che ka tum a. Mi zai tur ka neih avangin ka rawn kal har dawn sia,"

"Anih chu, tunah pawh khan hawn a duhthu alo sawi zo chiah a,"

"Zanin ah thisen chaw leh damdawi a taksa tana tha tur kan khai anga, chuan naktuk ah chuan in haw leh thei tawh ang,"

"Awle....a lawmawm lutuk e,"

Anu chu a muhil emaw a tih kha thei leh theilo bawk hian rawn inleh tum hian a che tan leh ta a, Julie i chuan alo pui thuai a.

Jaded a chuan," Na i nei leh ami, Mrs. Rothchilh?" alo ti thuai a.

"Min chhawk trep tawh ang. Enge ka natna hi zep lovin min hrilh rawh, Doctor?" ban deuh charh hian arawn ti ta a.

Jaded a chuan Julie i chu ava melh zawk a, a mitmei hian hrilh rawh alo ti ve bawk a.

"Englo ania Mrs. Rothschild, tunah hian cancer natna i nei mek aa.....mahse kan theihtawp kan chhuah mek ani," hreh tak chung hian Jaded a chuan a ti ta rawt a.

"Ani maw? Ka mumang emaw ka lo tia, mahse insawi ka hriat ruai2 kha a tak alo ni anih chu!" a ti ta vang2 a.

Julie i chu a nu bulah chuan a thu thla vat a, anu kuah pah chuan," Nu, hlauthawng reng2 suh aw....hei Jaded a hian a theihtawp a chhuah mek ania, i dam leh mai ang," amah pawh inti huaisen lui chung chuan a ti a.

"Ni e, ka hlauthawng hleinem....," alo tih tak daihah chuan Julie i chuan mak ti tak hian anu chu a en ta reng a.

"Nia, kan theihtawp tak meuh2 kan chhuah zel dawn a, chuvangin i tawrhchhel angai ania...," Jaded a chuan alo ti leh a.

"Awle....," tih bak chu Mrs. Rothschild i chuan a sawi tawh lem lova.

"Ka kal phawt ange, lo inekawl tha ang che," Jaded an a tih chuan Julie i chuan a zui chhuak ta nghal a.

"Ka rin aiin a tawrh thiam hmel kha, Julie,"

"Ka hrelo le....,"

"Engpawhnise, a pachan theih nan i hnem thiam hle angai ang,"

"Awle....ka lo tum dawn nia,"

"Nangmah pawh kha in enkawl that i ngai ania aw....," tiin a kalsan ta nghal a.

Anu mut hlan chuan Eliana i biak chu a tum ta a. An tawng anu in a hriat a hlauh avang chuan pawnah a chhuaka, kawngka pawh chu a khar nghal bawk a. Elian in phone a lak lawk loh avang chuan a buai anih ringin a dah ta a. Mahse kawngka a hawnga inchhunga luh a tumlai tak chuan a phone chu arawn ri a,ala ta nghal vat a.

"Aw Julie, ka lo hre lova....enge nita?" thaw deuh hlap2 chung hian Eliana i chuan arawn ti a.

"Iva hah hmel ve, i buai ami?"

"Buai love, file submit turin inhnuai ah ka kal lawk mai2 mawle, sawi rawh le?"

"Sawitur vak ka nei pawh ani hran lo. Ka nu chanchin rawn hrilh che ka tum deuhva....,"

"A tha vak lo ami?"

"A daih rei tawh Mac a leh Jaded an an ringlo ani, a cancer hi a chak chi ania....," insut hraih pah chuan a ti a.

"Aw.... Julie, ka va han khawngaih tak che em! I nu pawh chu ka lainat hlemai....,"

"Jaded an a natna pawh a hrilh tawh a, mahse ka rin ai takin a tuar thiam zawk a...,"

"Mahse i hnem thiam angai hle dawn ania, depression te hi an nei duh lutuk anti ania...,"

"Nia, Jaded a pawh khan a ti alawm, lo haw thei la tha tur ania," Julie i chuan ati vawng2 a.

"Nia, ka rawn haw chak khawp mai. I mangan laia i bula awm kha ka duh tehlul nen, mahse i hriatthiam na ka mamawh ania..... Robb an arawn bia che em?" a ti ta daih a.

"Aw bia e hmanni deuh khan....mahse ka be peihlo. A thu rawn sawi te kha ka awih hauhlo bawk,"

"Enge arawn sawi a?" alo ti vat a.

"Camella i khan min bum te atia,"

""I hriat tawh rau2 chuan ani alawm Julie. Robb a hian a hmangaih takzet che ania aw...," a tih chuan a reh hian a reh ta vawng2 a.

"Hello.... Julie....ila awm em?"

"Aw.....awm e,"

"Ka sawi kha i hria em? Min hrilh ngei alawm," a ti ta a.

"Mahse enge sawtna awmtawh chuang? Kha leh chenah khan a sawi theilo ami?" tah aw tiau hian a ti a.

"Nia, engvanga sawilo nge anih ka hre lo nangin a hmangaih che tih hi chu ka chiang tawh alawm keimah pawh hian,"

"Sawitawh lo zawk ang, El. Awmze neilo thila buai hman pawh ka nihloh hi!" a ti deuh hlak a.

"Ka hria alawm, chuvang ania a bulah pawh hrilh lo tur chea ka sawi nachhan. I pasal neih ni khan min hrilh alawm"

"Nia min hrilh lo kha a tha zawk alawm, enge sawtna awmtawh chuang ang. Kha leh chen kha ka nghak ve asin, El," rilru na tak hian a ti vang2 a.

"Ka hria alawm Julie. Mahse maw a nun hi a khawngaihthlak lutuk asin. In nufa telo chuan a hlim hauh lo ani...,"

"Kan hlim viau bik chuang ami?" a ti deuh nghek a.

"Maw? Mac a khan a enkawl thalo che u ami?"

"Enkawl tha lutuk mah2! Mahse El, hmangaih loh bula awm chu maw.....ah keipawh hi maw...enge chung chu sawiin awmzia a nei tawh," a ti ta daih a.

"Nia keipawh sawi loh kha a tha a ka hriat vang ania Robb a pawh ngawi tura ka tihna chhan, mahse alo biak takah che chuan amah a lainatawm nen ka lo sawi ta mai anih kha..," inthiamlo tih hriat tak hian a ti niah2 a.

"A pawilo, inthiamlo duh reng2 suh, ka tha alawm," tiin a thiannu chu a hnem lettling zawk a.

"Lo inekawl tha hle ang che aw, Julie,"

"Tehreng mai, i hna thawk leh tawh rawh," tiin phone chu a dahta a. Eliana i thil rawn sawi khan a dengna hle a, mahse enge sawtna awmlo ah ka rilru ka sen kual a tulna ti tein an ngaihtuah a, mahse a ngaihtuahlo thei chuang hauhlo ani. Robb a chu biak mai te a chak rum2 a mahse thil tha ber a thlen dawnloh avang chuan a insum leh ta zawk a. Anu alo harh tawh hlauhvin nui lui sak pah chuan inchhungah chuan a lut ta nghal a. Mac a hi alo thu ngawi reng ava hmuh chuan a phu deuh zawk a, Eliana i nena an thilsawi kha a hriat hmanloh hram a beisei bawk ani.

"Mac, ilo kal theih pawh ka ring lova...," zang vah hian a ti lut a.

"Ka hman har lutuk alawm mawle, enge inlo an a?"

"Nachhawkna ka pe a a muhil ta anih kha. Jaded an a damlohna pawh a hrilh tawh a, ka rin aiin a tuar thiam,"

"Ava lawmawm ve...engtik ah nge chhuak thei tura i inbeisei?"

"Jaded an naktuk ah kan chhuak thei ang a ti a"

"Awle...Ruthi i pawh ka tlawh kawia a fel viau ania, ilo ngaihtuah lutuk ange,"

"Ava lawmawm ve inbuai lutuk angem aw ka lo ti rauh2 va,"

"Ellen i hi a duh bawk a, kan la buai lo ve...,"

"Haw la hahchawl zawk la a tha lo maw, Mac? Nilengin i buai thin sia, damdawiin a lokal kha angai hleinem,"

"Zanin chu ka lo riahpui ang che ka lo ti deuhva," Mac an a tih chuan Julie i chu a lawm viau nain a inthiamlo em2 thung a. He pa hian engkim pek a tum laiin engmah a pe let ve theilo chu amah leh amah pawh a inhaw hlur zawk ani. A tan, a fanu ama thisen pawh nilo tan, anu leh a unaute ten a inpe full thak a, anni lah chuan engmah an pe let theilo mai bakah a nupui a nihna ang pawhin tisa thil tak pawhin a tilawm theilo chu ani sia, Mac a tluka mihring tha hi chu an vang viau ang tih pawh a hre chiang hle ani.

"Mahse Mac, inah haw la hahdam zawk la a tha lo maw?" inthlahrung tak chuan a ti a.

"A remchang zawk alawm, naktuk ah kan haw ho nghal thei zawk anga. Bakah ka hah hauh lo ania, inah pawh awm ila thinthi in ka awm thei chuang lova, in bulah hian riak ila ka hahdam zawk ang," a tih phei chuan Julie i chu a zak zawk hle ani. Nachin lawka Eliana i thil rawn sawi te kha hre ta sela engtin tak awm ang maw tih chu a ngaihtuah rauh2 a.

"Ilo riah theih dawn chuan a lawmawm lutuk alawm. A nihna takah chuan hlauthawng leh thinphu dep2 hian ka awm reng hi ani deuh bera, min awmpui chuan ka hahdam phah viau pawh ka ring," a ti ta nge2 a.

"Chu2 ka hriat vang alawm," tiin Julie i chu a malchungah hian a pawt thu a, a hmuiah chuan a fawhsak zawk a.

"Mi anlo kal palh ange...," tiin thoh leh mai a tum chu Mac a chuan alo pawt bet tlat thung a.

"Ho mai2 , ka nupui ka pawm ani mai alawm," a tih phei chuan Julie i chu a zak chem2 zawk hial a.

"Awle2, doctor....," nui ring ngam silo hian an inmelh ralh2 a. Mac a hi fiamthu duh tak, a bula awm nuam em2, hmeichhia duat thiam tak leh ngaihsak em2 mi ani a, thiantha atan phei chuan ani tluk an awm dawn emaw ni tih tur hial hi ani reng ani. Heng a mize duhawm tak2 avang te hian ania Julie i pawh hian a ngainat em2, mahse a pasal tur erawh chuan engtik ah nge a thinlung hian a pawm ang tih chu a hrelo thung ani.

Nurse pakhat hian an room kawngka chu arawn kik ta karh2 a, Julie i chu a tho nghal vat a, Mac a pawh chuan alo tilui tawh bik lova. Nurse nu lokal chu a ruk tak chuan Julie i lawmah a tla thung a.

"Thisen kan pe dawn a, pawnah inlo awm rih angai ang," nurse in atih chuan thuawih tak hian an chhuak dun ta nghal a. Jaded a hmelhriat te an nih vang nge Nurse leh a thawk dangte pawh hian an zah em2 a, an mamawh pawh an tihsak nghal zung2 zel bawk a. Pawn an thlen chuan, thut ngawt2 ai chuan tiin coffee in zai an rel ta a.

Coffee an inzawh chuan anu room bula thutna awmah chuan an thudun a, kawngkhar chu darthlalang vek anih avang chuan inchhung chu a hmuh theih vek tho va, thlamuang tak hian an thu dun ta a. Chutia Mac a arawn kal takah chuan a sawi ang tak2 khan Julie i thla chu a muang sawt a, Mac a dara a lu nghat chung chuan a thu mu deuh va.

"Ala rei dawn si a, i theih phawt chuan muhil rawh, i harh leh hunah chuan i zang hawk mai ang," Mac an a tih chuan anu vengtu tur nurse an awm tho nen, Mac a alo awm nen hahdam tak chuan a muhil ta nge2 a. Mac a pawh chu a chau ve em2 thova, Ruthi i a tah apaingin anu a awmlo nen zanah pawh nise nursery ah chuan a kal ziah a. A muthilh hma chu a awm renga, a mut leh hnu ah chuah a room ah chuan a let leh thin a, chhunah damlo entur a ngah thei nen, a chau ve em2 ani. Chumi piah ah, damlo na tak, a nupui a nu chuan a rilru alo luah velo theilo nen, a thluak chu a ruk tak hian a buai ve thei hle a, mahse engmah tihlan erawh a tum hauh lo thung a. Tin a rilru ah hian thil pakhat vei lian tak a nei bawk a, chu2 Julie i hi ani!

An innei chu ani ngei mai, bakah anu pawh enkawl angai tih pawh a hre bawk! Mahse a pasal tan hian hun insiam a tum miahlo tih hi a hai bik hauh lova, tin a rilru ah hian amah Mac a hi a lianber lo ani tih pawh a hre bawk ani. Anu enkawl pui tur tak2 chauh hian anei ani tih pawh a hrethiam tawh a, mahse a vui chuang hauh lo! Mipa dang hmangaih a neia, chu2 neih a tum mek laia amah chu nei ani tih pawh a hai hek lo, amah Mac a pawn thiam a inti biklo. A lungawi loh avangin Mac a kha innei tura sawm ani tih pawh a hre reng a, hre reng chung khan a nupui nise a duh em avangin alo hnar bik hauh lo anih khah! Chuvangin Julie i chu a dem thei ringawt bik lova, amah pawh a inthiam chuanglo ani. Anu hi tha takin a enkawl pui anga, rei dam tur pawh ani tawhlo tih lah a lang reng tawh a. Anu hi a awmloh hunah engemaw a tih ngei angai dawn ani tih pawh a hria ani! Duh thlantir mai te pawh a tha hialin a hria a, Robb Marshall a neih ala duh cheu anih chuan kaltir mai pawh a inhuam tur ani ti tein a ngaihtuah fo thin ani, a chhan chu hetianga an awm reng chuan a tu ve2 tan pawh a fel ber lova, tin a fair lo ati bawk ani!

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)