My Destiny (Completed)

Episode nei ho a hlawm a dahkhawmna
Ngaia
Site Admin
Posts: 25813
Joined: April 30th, 2016, 4:07 pm

Re: My Destiny

Unread post by Ngaia » May 14th, 2018, 5:55 pm

A naute a thlah liam ni chuan a khawvel hi a khawhar lehzual sawt hian Julie i chuan a hria a. A fanu leh Ellen i te pawh an ngui ruai ani tih a hmuh chuan amah tal intih harh a mamawh tih hria in, tihdan tur a ngaihtuah ta a. Lenchhuah pui ta sela a that a ring ta a. Park te emaw khawilai ah emaw tal a hruai chhuah loh chuan an nun a ngui tlat dawn ani tih hria in Ruthi i te room lam chu a pan ta nghal vat a.

"Insiam ru....insiam ru.....ice cream ei turin kan chhuak ang," Julie i chuan phur hmel tak hian ava tilut a.

"Tak2 ami mama? Keichu chocoate ice cream ka ei duh ania aw....," Ruthi in nui sang a alo tih takah chuan a thil ngaihtuah chhuah chu tha hle dawn hian Julie i chuan a hre ta a.

"Awle....Ellen insiam rawh u, kan chhuak dawn nia...,"

"I fiamthu mai2 emaw ka lo ti asin. Awle kan rei lovang,"alo tive thuai a.

Amah pawh chu insiam tur chuan a room lamah a let veleh nghal a. Jeans kekawr pawlduk a ha a, tshirt var a hma lama tlema chei deuh hi a ha leh a, sneaker bun nuam tak a bun leh hnu chuan a sam chu sang takah a tawn chho leh vah a. Nu hmeltha leh pianthiam tak ani a, fa nei tawh mahse nula tam tak aiin ala nalh fe bawk ani. Chutianga tleirawl taka a inchei phei chuan mipa tam tak tan en nawn leh loh chu a har viau leh maithei ani.

Taxi in ice cream parlor lamah chuan an pathum chuan an kal ta nal2 a, an thlen chuan ice cream hlir chi hrang2 alo awm tak tuarh ah chuan Ruthi i chu a hlim hle a, a bengcheng viau bawk ani. Anu in bengdaih a tum pawh chuan a bengdai hleithei lo hial a. Ice cream a duh ber anu in a leisak hnu chuan thutna awmah chuan an thu a, Ellen i leh Julie i pawh chuan an ei ve nghal bawk a. Khua a lum bawk a, a tui lehzual hian Julie i pawh chuan a hria a, Ruthi i lah a tawng ang berh2 nen an hlim ta phian a. Pawna an chhuah leh hnu chuan hawn mai chu ala hma deuh dawna a hriat avangin kal pah chuan dawra an thil zawrh te chu an enkual ta zel a, hun hnawkhah nan.

Dawr pakhat ah chuan kawr nalh tak a gold rawng hi alo inkhai a, leina tur keng remchang lo mahse Julie i chuan en a chak ta tlat a. Dawr chhunga an luh chuan thawmhnaw nalh tak2 hi alo inkhai tlep tuarh bawk a. A kawr hmuh kha en leh a duh avangin an khaina lamah chuan a kal ta nghal a.

"I inhmeh khawp mai, zanin ah i hak ngei pawh ka beisei," tiri a hriat chuan a hawi phei nghal zawk a. Mipa ding ava hmuh chu amah hnungchawn zawnga alo din avangin tunge anih hnunglam atang chuan hriat mai theih pawh ani lova, mahse Julie i tan chuan chupa chu hai theih erawh ani lo thung ani! A mipa hmangaih awmchhun ani a, khawiah pawh a hmel hmu kher lo mahse a aw atang leh a rim atangin ringawt pawhin a hre thei zel ang tih a chiang ani.

Hmuhloh der a, a kawr entum en a tum leh lai tak chuan Ruthi i te chu anu lam pan hian alo tlan a, a pa chu a hmuh vaih chuan be lovin kalsawn tir a har dawn tih a hriat avangin Julie i chuan a awmna alo thlen hma chuan a pan ta zawk a.

"I bula lokal ka tum chiah a, hawh darling hawn a hun tawh tlat," tiin hmanhmawh tak hian a fanu chu kawngka lam panin a kai ta dawr2 a. Ellen i pawh chuan eng sawi lemlo chuan a zui ve nghal mai bawk a. Kea an kal leh anih chuan Robb a khan arawn hmuh a hlauh avang chuan taxi lotlan a hmuh hmasak ber chu Julie i chuan a phar vat a, a ding chiah chu a fanu chu a luhpui nghal rawk2 a, taxi driver chu kal nghal vat turin a hrilh bawk a.


"Mama, tinge i hmanhmawh em2 a?" Ruthi in a tih chuan a fanu chu a ti thlabar ani tih hria in a inthiamlo hle a.

"Hmanhmawh love....hmun nuam deuhva hruai che ka duh vang ania," tiin Holy Park lama kal turin driver chu a hrilh nghal zat bawk a. Anih loh chuan chuti taka hmanhmawh a an kal tak nachhan chu a fanu fing tak chuan a zawt reng dawn tih a hre tlat ani.

"Park ah maw? Wow! Mama, enge awm chutah chuan?" a hma lawka anu in thlabar taka a siam kha a theihngilh ta ni ngei tur hian phur tak hian a ti ta a.

"Infiamna tam tak a awm alawm, kan thlen hunah chuan nuam i tih viau ka ring," thaw hawk pah hian Julie i chuan a ti a.

"Miss Ellen min infiam pui angem?" tiin amah awm tunu chu a zawt ha a.

"Tehreng mai, infiamna awm zawng2 ah kan kal vek dawn nia aw," nui sang hian Ellen i pawh chuan alo tive thuai a.

Park an thleng chiah chu Ruthi i nuam ti lutuk chu a au leh ta chel chul a, Ellen i chu infiam pui turin Julie i chuan a hrilh a, mahni chauhva awm a duh rih ani. A fanu pawh chuan anu kher2 a tih lem loh avang chuan park chhunga thingkung lianpui hnuaia thutna an siamah chuan amah chuan a thu ta a. Thli in a sam arawn chhem len tak hauh2 ah chuan hahdam sawng2 hian a inhria a, a fanu infiam chu ava melh leh zawk2 thin bawk a. Robb a leh kha hmeichhia kha a vawihnih hmuhna ani ta, chuan tunlai hian Robb a hian arawn ngaihsak lemlo bawk. A fanu hi chu ala rawn be ziah a, engvanga lokal ngai lo nge tia Ruthi in a zawh pawhin a buai thu hlir a hrilh bawk thin. Nia alo buai em anih kha! Kha nu kha Camella i thlak tu atan alo hmang tawh ani ngei ang chu! Ni e, ani pasal sun mi nupui hlui ai chuan nula hnahkhat chu atan pawh a thlanawm zawk ngei ang tih pawh Julie i chuan a hrethiam em2 ani. Mahse hmeichhe kawplai nei reng siin engtin nge a nupui ni tur te khan a sawm ngam si? Engvanga a rilru rawn tibuai leh kher2 nge anih? Enge a lakah hian a beisei chiah? He mihring hi a hrechiang ve dawn emaw a tih chiah hian alo hriatchian lohzia alang chhuak leh thuai thin.

Engvang kher2 hian nge ka lo hmangaih le.....? He pa lo mipa dang hi an tam tehlul nen! Amah avang hian vawiin ni thlengin mipa dang lakah rilru ala pe theilo te chu amah leh amah chu a inhaw lek2 zawk a. Inneih puia a sawm vawihnihna ah pawh hmeichhe dang lo kawp ru reng tu hian engtik ah mah a hmangaih ngai dawn lova, innei pawh nise a rinawm ngai dawn hek lo ani. Tun atang chuan tiin an in ngiahtuah lungpuam leh tan a, mahse tun atang chuan ti hian midang lakah hian a rilru a pe thei ngai chuang bawk silo ani. Engpawhnise, naktuk ah chuan Adam Logan a hnenah chuan a kal anga, hna chu alo pe hlauh anih chuan Robb Marshall a ngaihtuah na hun pawh a nei tawhlo turah a ngai ani. Hepa laka a theihtawpa inthiar fihlim hi a tum reng tawh tur ani ringawt ani.

Thlan hliama Ellen i leh a fanu anlo let takah chuan hawn a hun tia Ruthi i chu thlem kawi sawi ngai lovin a fanu zawk chuan hawn a duh tawh thu a sawi ta zawk a. In an thlen chuan Ellen i chuan Ruthi chu a bualfai nghal sawk2 a, a mut a chhuak tawh lutuk chu amah in khumah chuan a lawn tharh a, a muhil nghal bawrh2 zui a. Chauh pawh a awm ani a chhan chu Ruthi i hi an chhuahvah pui vak ngai lova, chutah lah tum aia nasa an kalkual ta bawk nen, a chauh viau pawh Julie i chuan a ring thiam mai a. Amah pawh chu a inbual faia, awmhmun thawmhaw pan angreng tak kawrfual khup thleng nen hian a awm ta mai2 a. A naute bengcheng thawm a awm talo nen, Ruthi i alo muhil bawk nen an inchhung chu a reh hian a reh vung2 a. Lehkhabu chhiar an tum a, mahse Robb Marshall a leh kha nu bawk kha a mitthla a an rawn lan zel avang chuan tihtur a zawng ta ringawt a. Pawn varanda a pangpar vel chu enkual a, inchhunga khawi tur thliah te chu a tum ta ringawt a. Pawn ava chhuah chuan pangpar khawina a hnim ho chu a pawt ta mial2 a, a ngaihtuahna a kalding dawn chiah maw tihah chuan pangpar khawitur chu a thliak leh daih a. Chutianga amah leh amah a intih buai luih loh chuan a rilru kal kual nasa lutuk leh tur chu a duhlo ani.

Pangpar te a khawi zawh hnu chuan Ellen i pawh inbual zo tawhin alo thu chhuak ve bawk a. Theitui te in pah chuan an ti ti ta vel mai2 a.

"Mrs. Roland, hna chu i thawk dawn ta maw?" tiin Ellen i chuan a zawt tan ta a.

"Thawh ka duh deuhva, mahse ka hmu angem ka hrelo. Ka awmloh hlana Ruthi i lo enkawl chu a harsat viau i ring em?"

"Harsa love. I hria alawm, naupang thuawih leh fel tak ania lawm,"

"Mahse in pahnih chauhva nileng lenga lo awm kha ilo peihlo viau thei alawm,"

"Mai2 a, ina awm hi a nuam ka tia lawm. Bakah Ruthi i nen phei chuan ka khua a harlo zawk asin,"

"Nia, kan nula te hian khawhar hi a hnem ve viau tawh ania," Julie in a tih chuan an nuidun hak2 a.

"Nachin khan Mr. Robb Marshall a leh nula kha ka lo hmu ve a," Ellen in a tih takah chuan a nulai chu a tawp nghal hmak a.

"Ruthi i khan a hmu ang tih ka hlau bera...,"

"Keipawh ka lo hlauthawng khawp maia, i awmna a lokal kha ka khap a, mahse alo tlan hman ta si a,"

"A tha vek e, hei hahdam takin kan awm tawh alawm, inthiamlo duhsuh," tiin a hnem a.

"Ka sawitur chu a awm hauh lo nain, Mr. Marshall a hi chuan a ti hreawm ve hle che hian ka lo hre ve thin a....,"

"Min ngaihtuaha ka lawm lutuk, Ellen. Mahse maw Robb a chungchang chu sawilo zawk ila ka duh," a ti deuh hmak a. A mualpho ani Robb a vang hian, a awmpuinu pawh hian engti chianin nge a hmuh tawh ang tih pawh a ngaihtuah ngamlo zawk ani.

"I pawi ka lo sawi palh chuan min ngaidam dawn nia," inthlahrung tih hriat tak hian a ti thuai a Ellen i chuan.

"Pawi sawi love....hawh teh coffee in ang hmiang," boruak chawh daih nan chuan a ti ta hluai a.

Coffee te an in zawh chuan engemaw tal tih tur zawn a tha tih hria in Julie i chuan a room lam a pan ta a. Naktuk a a hak tur leh a document velte tifel chuan a buai zui tak nghal avangin Robb Marshall a chu a thluak atang chuan a bo ta rih a. Adam Logan a hian Robb a P. A anih lai khan ngaizawng ni si lo hian a be tha thei viau thin a, kawm pawh a nuam hle hian Julie i chuan a hria ani. Mahse Robb an tumah be thei lova a ven tlat thin avang khan eng ang mihring nge Adam hi anih chiah erawh a chiang lutuk ngam lo thung a, mahse misual tak anih pawh a ring chuang lo ani. Sumdawng mi tak ani a, Robb a ngaihtuahna erawh chu a phak lo viau thung a. Mahse a company a enkawl tha viau nge, chutia London hiala office alo neih tawh chuan a thang hle anih ngei pawh Julie i chuan a ring a. Amah hi American mi ani a, business meeting an neih pawhin London ah chuan office la neih ngei a tum thu pawh a sawi kha ania.

Zana dinner tur Ellen in a siam lai chuan a fanu chu alo infiam pui a, a chang leh cartoon te an en dun a, Ruthi i hlim taka a awm a hmuh hian a hlimna a kim thin reng ani. Dinner an ei hma chuan a pa in arawn be leh a, an pa fa hian an in ngai hle bawk ani. Robb a pawhin hmeichhe dang kawpkual mahse a fanu chu a theihngilh ngilo ani tih arawn lantir ziah bawk a.

"Vawiin ah mama in ice cream ei turin min hruai chhuaka, a nuam lutuk asin, Daddy," tiin a hrilh siam2 a.

"Mahse maw thawmhnaw dawrah kan kal a, mama in hmanhmawh takin min kai chhuak daih a....," a tih leh chuan Julie i chu alo ip chawih2 a.

Robb a chuan enge arawn zawh a hriat theih veloh avang chuan a hlauthawng ru hle bawk a.

"Park ah pawh kan kal asin, nuam ka ti lutuk. Engtik ah nge min lenpui ve dawn,daddy?" a tih chuan Julie i chuan lo khap a duh viau a, mahse Robb a thusawi a hriat theihloh miau avang chuan lo khap ringawt dawn pawh nise, a hruai dawn leh dawn loh a hriat tlat loh avangin sawitur a nei lo ani.

"School mawh? Aw ka kal ziah alawm, thian pawh ka nei tawh a....," tih Ruthi in a sawi tak daihah chuan Julie i tangtung a lo awm pawh chu a inthlahdul ve thei ta a.

"Awle, daddy. Mangtha le, ka ngai lutuk che," tiin phone chu a dah ta a. Anu lam hawi chuan arawn nui ta var2 a, apa in lenchhuah pui a tiam thu a sawi nghal bawk a. Khap chu duh viau mahse an pa fa a hun an hman ve thin pawh a thatna a awm tiin Julie i chu a ngawi ta zawk a. Dinner an ei lai chuan sahuan a kal a chak thu leh ransa te hmuh a chak thu ha hip a Ruthi in a sawi chu anu leh Ellen i chuan anlo ngaithla char2 hi ani ber a.

An eina vel an tihfel a an sil fel hnu chuan a fanu muttir turin an room lamah chuan an kal ta a. Thawnthu bu a chhiar saka,Ruthi i chuan a karah zawhna alo zawt leh zeuh2 thin a. Rei pawh a chhiarsak hma chuan a tihdan ngai bawkin a muhil ta thuai a. Ellen i chu mangtha in sitting room lamah chuan Julie i pawh a kal ve nghal mai a, amah chauh chuan a thuran a, chutia awm reng chu dika a hriatloh avangin tukverh leh kawngka te a inkalh tha em tiin enfel tur chuan a kal ta a. A enfel hnu chuan ama room lamah mu turin a kal ve ta a. Mut mai chu a harsa dawn tih hria in a intihfai zawh hnu chuan lehkhabu chhiar turin a in buatsaih leh ta a. A chhiar tan dawn chiah tih chuan a phone a ri ta ral2 a, a phone chu a rik khat em avangin mak ti tak hian a en deuh reng a.

"Hello....,"

"Ruthi i nen kan inbia a, ka lenchhuah pui thei angem tun weekend ah hian?"

"Thei e, sahuan a kal a chak thu a sawia...,"

"Awle, inrinni ah dar sawm velah ka lokal dawn nia. Nangmah i tha em?"

"Awle...ka lo hrilh dawn nia. Ka tha e...,"

"Vawiin ah inlengchhuak ani maw?"

"Um....,"

"Engvanga thawmhnaw dawr atanga chhuahpui nge i nih a?" Robb an arawn tih tak kherah chuan Julie i chu a sa ta zak.

"I lo buai vena tur a awmin ka hrelo," a ti deuh hmak a.

"ka lo ring dik anih chu!" za hauh lova nui pah a arawn tih phei chuan Julie i chu a thinrim lehzual a.

"Engchu maw ilo rin kual vel a?" a ti ve ta kher a.

"Eng ni love....ka lokal dawn ania....tunah hian!" a tih chuan Julie i chu a thu ngil awt a.

"Ruthi i a mu tawh! Naktuk ah i duhleh ilo kal dawn nia....,"

"Tunah hian kawtah ka awm alawm, naktuk a lokal ngai lovin," a tih phei chuan a khawng nasa lehzual a.

"Ka mu tawh, haw leh mai rawh," a tih chuan a hawntir dawn hauh lo tih pawh a hre nghal mai a.

"kawngka hi i rawn hawn loh chuan bengchheng ka siam ani mai," tia arawn vau takah chuan a hawng lo anih vaih chuan a ti duh ngei ang tih pawh a hria ani.

"Ruthi i a mutawh ka tih chu....," ala tive tang2 a.

"Nangmah alawm ka hmuh duh che, rawn hawng la ani mai," a tih chuan parda atang hian Julie i chuan ava bih dek2 a, Robb a chu a pawn light eng hian alo chhun ruih avang chuan a hmu nghal mai a.

"I va han tenawm tak," tihleh phone dah chu a rual nghal a. Bengcheng a siam anga Ellen i leh Ruthi i an harh ang tih ringawt a ngaihtuah avang chuan mut kawr pan tak a ha ani tih pawh inhre tawh lovin hmanhmawh takin a room atang chuan kawngka hawng tur chuan a tlan ta nghal dawr2 a. Kawngka a hawn chuan Robb a chu alo ding luah hi a hmu nghal bawk a. Pawn light eng chuan inchhung chu arawn chhun lut ruih a, Julie i chu a lang sexy ngang mai a.

Thaw hawk pah hian," Lut turin min sawm dawn nange?" Robb a chuan a ti thawp sut a.

"Kan pahniha sawidun tur hi kan neih ka hre lova, chuvangin ka sawm lo mai ang che," a ti nghat a.

Mitko san uk pah hian," Chutia mi? Kan ngah viau in ka lo hria asin," a ti hul hak thung a.

Vawiina a hmeichhe kalpui hnenah khan a thawmhnaw lei kha zanin a ha turin a ti anih kha! An chhuak dun anih chuan ala hma si a, kha nu bula la awm tur kha ani in Julie i chuan a hria ani. Khatiang hmeichhe nalh tak kha Robb Marshall a hian mutpui lova a chhuah a ring lova, tin kha nu khan a endan atang pawh khan a duh hliah2 ani tih tuman an hai hauh lovang, chuti si engvanga tuna a bula lokal nge anih ang le?

Julie i chu kawngka a a din tlat avangin Robb a chuan a tha chakna hmangin a kalpel a, sitting room ah chuan a kal phei zel a, Julie i thinrim tawng ring ngam silo chu a dinna ah chuan a insawh deuh sawk2 thung a. Sitting room lama Julie i a kal ve tak lovah chuan Robb a chu arawn let leh a, kawngka chu kharin a kai phei ta a.

Zawi sup hian," Kawngka bula i din reng ten engmah kan sawi dun thei nang?" ngeiawm zet hian a ti a.

"Nangnen hian sawidun tur kan neih ka hrelo," zawi tak si, chang fal hian Julie i chuan a ti hlak a.

"Inlengte bula awmdan mawi i hrelo hlemai, intur ka duhleh duhloh te min zawt ve ta che," ner deuh suk pah hian Robb a chuan a ti leh a.

"Inleng i ni em ni? Ka ina leng tura ka sawmlai che ka hre hauh lo," alo tive khauh thung a.

"Kan inthlit mai ange, i duhve em?" tiin bar lam chu a pan nghal a. A suit hak en chuan khawiah emaw chuan dinner eitur chuan a chhuak anih hmel chiang alawm, mahse a tum angin a awm theilo te pawh ani mahna, a no thli lai en reng pah chuan Julie i chuan alo ti rilru nauh2 a.

"Chuan, engvanga dawr atanga tlanchhuak maw in nih a?" a thutna lama rawn let pah chuan Robb a chuan arawn ti tha leh ta a. A zu in pah chuan Julie i chu a enchik viau bawk a, a chhan chu bra a ha lova, a kawr pan tak avang chuan a hnute hmur leh a kekawr te thlengin Robb a chuan a hmuthei vek ani. Chutiang thawmhnaw nena alo dawnsawn avang chuan amah thlem nan ati ani thei angem tih pawh Robb a thluakah chuan a awm bawk ani. Lo thinrim der mahse khuma an inrem zia leh an inmil zia chu an haidun lo hle bawk nen, a sawmna ah a ngai deuh thaw bawk ani.

Julie i chuan kailawn awmna lai chiah light a on avang chuan an thutna room chu a eng chang2 a, pawn lama light zung rawn lut lo phei sela chu a englo lehzual ang. A thawmhnaw hak lampang chu ala hrechhuak hauh lova, engvanga hepa hi tun ang huna lokal a, zawhna ngai rawn zawt tluk2 nge a hre thiamlo ani.

Robb a chu dinner eitur chuan Melisia i nen an chhuak ngei alawm, Julie i hmuh thin hmeichhia nen khan. Mahse a rilru a Julie i a awm tlat avangin chhuanlam siamin Julie i chu a pan ta chuk2 a. Melisa i nu leh pa te hi an chhungkaw thian an ni a, tet te atanga inhre thang tak an ni bawk nen an in ngaina hle ani. An tleirawl chhova, Melisia i hian a haw lo ani tih pawh Robb a chuan a hre thuai a, nula hmeltha tak leh pian thiam tak ani a, tin chungkaw neinung tak an ni bawk. Mahse Robb a hi lerh viau mahse a hmeichhe it zawng tak te bulah lo chuan a awm peih lemlo thung a. Camellla in nen a inkawp ta bawk nen, Melisia i nen hian an in hmu khat ta hle a, a awm ve ani tih pawh party leh dinner vela an intawng anih loh chuan a hre chhuak mang ngailo ani. Tin Julie i a tawn hnu phei chuan nula hi a ngaihsak tak2 thei tawh lo ani ber hian a hria a, an bulah nun tihhlim nan tiin awm ve thin mahse Julie i mitthla reng chung chuan a mutpui thei ngai lova, hmeichhe tam tak phei chuan nep lutuk an ti hial thin ani, mahse pawi erawh a ti ngailo thung!

Julie in London a rawn insawn a tum laivel khan Melisia i America a an chhungkaw sumdawnna enkawl a kum tam tak awm bo ta vang2 chu arawn haw ta thut a, chungkaw thian an ni bawk nen, a khawhar hnem ah a lenchhuah pui ta fova. Melisia i hian a hma ang thovin ala duh ani tih pawh a hai hauh lo bawk, mahse Julie i nen hmangaihna an chendun leh hnu phei kha chuan Julie i chuan nasa lehzualin a rilru a luah tak avangin Melisia i pawh chu a duh a tih puitlin sak leh thei ta chuang lova. Dinner an eidun tum khan Julie i khan a thik hle ani tih pawh Robb a chuan a hai hauh lova, vawiina thawmhnaw dawr vel Ruthi in a sawi takah khan Julie i chuan an pahnih in a hmudun leh chiang ani tih pawh a hre nghal mai a.

Dinner an eilai pawh ngaihtuah tak2 thei lova a kalsan nachhan chu Julie i rilru na thawidam a duh vang ani. Chutia dinner an eilai thawhsana a kal tak daih avang chuan Melisia i pawh a thinrim hle ani tih a message atangin a hre thei a, awm pawh a tihpui hle bawk ani. Mipa in a nula hruai dinner eilaia a kalsan chuan chu aia zahthlak enge awmleh tawh chuang ang tih pawh Robb a chuan a hre reng a, mahse Malisia i bulah khan minute khat pawh a awm thei tawh tlat si lova, tihtur pawimawh a nei thut tia chhuanlam siamin a kalsan ta tawp anih kha! Chutah a rinloh deuhvin Julie in thawmhnaw mumal pawh ha lova kawngka alo hawn takah phei chuan bawh nghal rum2 kha a duh hial a, he nu in a mipatna a kaithawh hma zia hi hre ngat phei sela chuan a lakah hian a induh hle ang tih pawh Robb a chuan a hre ran ani.

Julie i bula a thusawi duh chu sawi mai lo chuan no dang a inthlit leh te te a. A duhve leh veloh Robb an a zawh chuan Julie i chuan a duhthu in a chhang ve ta a. Robb Marshall a bulah hi chuan luhai deuh chalh hian awm sela a huai thei deuh hian a inhria ani, anih loh chuan a tuiral zel ni te pawhin a inhre bawk a. Robb an no a pek chu ala a, thawklehhatah a tlak nghal pap bawk a, mitko san awk pah hian Robb a chu a then suk a.



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » May 14th, 2018, 5:56 pm

Julie i no ruak chu a en leh vung2 hnu chuan," I duh belh em?" tiin a zawt a.

"Pawi lo khawp ang," alo ti hmiah thung a. Robb Marshall a hian a rilru a tihnat em avangin a bula thluak fima awm pawh chu a peih lo ani. Ruih hi a chak ngai lova tin a nuam lah ati ngai hek lo, mahse hepa hian a cho tlata hriatna a neih avangin ruih hnep chu a duh ta ani.

"Kha le," no dang pe leh pah chuan Robb a chu Julie i thutna bul chiah ah chuan a thu ta nghal a.

A no ami in leh hlak pah chuan Robb Marshall a chu meng si sep chung hian a en deuh vang2 a,a bul hnaia a rawn thut ringawt pawh chuan a thaw alo buai leh tawh ani tih a hriat erawh a hlau hle thung a. Amah leh amah chu a inzilh ru mawlh2 a, insum rawh Julie, he pa hian hmeichhe dang a hmangaih a nang ni lovin, a kut hmawr pawhin in deh tir hlek suh ang che tiin.

"Julie, i rui lutuk ange aw....,"

"I tan enge a pawina, engvanga tun ang hunah hian lokal reng2 nge i nih?" la enreng chung chuan a ti ta nge2 a.

"Sawitur ka nei pawh ani maithei asin...," a ti duh lek a.

"Sawi thuai2 la, chuan min hawsan la a tha ang,"

"Haw duh talo ila?"

Phawk hra a en pah chuan," I dinner eipui i rawn tlansan sia....,"

"Ka lo ti em ni chuti chuan?" mitko san uk pah hian a ti a.

"Vawiin khan i sawi chiang alawm...," a sawi zo chiah chu a inchhir nghal pang a.

"Ka lo ring sual lo anih chu!" alo ti deuh nghut a.

"Eng chu maw ilo rin sual lova?" a ti ha a.

"Eng ni love.... Malisia Greg i anih kha....!"

"Maw? Tu chu maw?" an ti leh ang he haw a. A hre reng, kha nu hming kha ani a sawi ni Robb Marhsall a hian mahse hriat belh a duhlo. A hmangaih ani tih phei chu a hre duh lo lehzual, ti pawh hian ana tawk tawh hle bawk.

"I hriat duh ka hrilh mai che ania....," alo ti ril ruih a.

"Ka hre duh tih ka sawilai ka hre hauh lo mai, Mr. Marshall," a ti ve nghat a.

"Mahse i mitmenga zawhna awm kha ka hmu alawm,"

"I chanchin hi hriat chakna ka nei hauh lo mai,"

"Ka lo hresual ani maw chu? Ava pawi ve...,"

"A tlai tawh min hawsan tawh la a that ka ring," chu nu chanchin chu a sawi belh ang tih hlau tak hian a ti leh ta ringawt a.

"Ka sawitur ka sawi zo phawt ang," ding chhuak pah chuan a ti a.

"Ngaithla peihlo ta ila?" tiin a cho ve ngat a.

Bar lamah chuan Robb a chu a kal pheia, a no ruak chu a thli khat leh te te a, zawimuang hian arawn leh hawi a, Julie i mit takah chuan arawn en ta siah a.

"Enteh Julie, naupangchhia kan ni tawh lova, pangngai taka thilsawi i tum ang hmiang?" vawt ruih hian a ti ta a.

"Engmah sawidun tur kan nei miau lo ani," luhlul tak hian ala tive fan a.

"Ka sawmna che kha min chang tawh la?" Robb an a tih chuan Julie i chu a thutna atang chuan a inperh tho nghal ta zak a.

"Zahna hi i nei miah lo ami, Robb Marshall. Nula i lenchhuahpui mek lai hian engtinnge i nupui ka nih duh leh duhloh te min la zawh ngam le?" thinrim tak si mashe tawng ring ngam silo hian a ti ta fak2 a.

" Nula lenchhuahpui chu enge a sualna, ka ngaihzawng ani em tih pawh i hria em ni?" alo tive thung a.

"Oh! Chu zawng ka lo buaina tur ani in ka hre lo. Mahse ka sawi duh chu, nula lenchhuahpui reng chunga min nei duh tih hi ka awih i ring amaw??" a ti leh salh2 a.

"Chhungkaw thian te pawh alo nithei tih hi ilo ngaihtuah ve chhin tawh em?" pangngai tak mahse nghet charh hian ati a.

"Ka sawi tawh kha, tupawh lenchhuahpui la ka lo ngaihven emaw buai vena tur a awmin ka hrelo. Mahse keimah erawh hi chu min rawn tibuai tawh lo la a tha ang, entir nan tun ang hun ah te hian," a ti leh tan2 a.

A no chu a tlak leh pap a, a duh aiin a in hnem mah2 tawh bawk. Julie i awmna lam chu chak zet hian a pan a, Julie i kawngah chuan a kut pakhatin a kuah a, a kut lehlam in a hmui chu fawh rem turin a kuai dak nghal hmak bawk a. Dimna tel hauh lovin a fawp nghal ta bawrh2 a, Julie i thinrim lutuk chu a mittui a tla hial ani. Julie i mittui in an hmui a thlen takah chuan a al deuh pap chu Robb a chuan a hre ta a, a thlah nghal vat bawk a. Thaw hlawp2 in an pahnih chuan an in hmachhawn ta ran a. Engmah sawilo chuan an in melh dun vang2 a, enge a ngaihtuah ang tih an in ngaichang hi a ang hle bawk a. Chutia ngawi renga din dun reng chu tha a hre lovin Julie i zawk chu tawng hmasa ah a tang ta a.

"Khawngaihin min chhuahsan rawh Robb, tunah hian," aw khur deuh dar2 hian a ti a.

Robb a chuan a ka a ang zuauva mahse engmah sawita lo chuan kawngka lam pan chuan a kal ta nghal vut a, kawngka pawh a kharna phian ani. Julie i chu a phu deuh zawk a, midang an hrah a hlau hle bawk a. Robb a kal hnu chuan thuthlengah chuan a thu thla hnawk a, a mittui chu a tla nghal zawih2 bawk a. Ni e, a tisa chakna hriktlak na atan bak Robb a hian a duh ngai reng2 lo ani, nula nen dinner an ei zo chauhva tikhan an chhungkaw thian anga rawn chhuah in mutpui arawn tum leh amaw? Rilru na tak chuan a tap zawih2 a, theih nise chuan Robb Marshall a hmel hi vawikhat mah hmu leh tawh lo se a inti hial a, mahse a fanu avangin chu erawh thil theih ani ngai dawn lo thung ani. Engpawhnise, tiin a room lamah chuan zawimuang hian a kal ta a, tlem tal mut a hmuhloh chuan naktuk ah Adam Logan a hmuh angai nen, a hmel alang pawr lutuk palh ang tiin khumah chuan muthilh tumin a inthawlh ta kak a.

A tuk zinga a harh chuan alo tlai tawh hle ani tih sana a en chuan a hre mai a. Rang tak hian khum atang chuan a inperh tho nghal a, inbual fai turin bathroom ah chuan a lut nghal sawk2 a. A fanu chu school a thlah turin Ellen i a tir mai ani ang chu, anih loh chuan a tlai dawn si a, tiin a inbual zawh veleh chuan choka lam pan chuan a kal nghal vat a. Ruthi i chuan breakfast alo ei mek a, Ellen i erawh tiffin siam in alo buai mek bawk a.

"Good morning mama, ka hman trep tawh ania," nui var2 pah hian Ruthi i chuan alo ti a.

"Good morning darling. Nizan ah tihtur ka neih avangin ka mengrei a, ka tho tlai lutuk a, sorry aw....," tiin a fanu biangah chuan a fawhsak zeuh a.

"Miss Ellen i a awm alawm mama, hei min siam peih vek tawh alawm....," fel tak hian a ti reuhva.

"Nia darling, vawiin chu Miss Ellen in school ah a hruai ang che aw....interview ka nei dawn a, ka lo kal ve theilo ang, i hrethiam em?" tiin a fanu sam ah chuan a chulsak a.

"Awle mama, tha deuhvin i ti dawn nia aw....," alo ti mai a. Nuar a huaibak thin ani ngailo tih chu hre tho mahse a fanu fel lutuk thin hi chu a chang chuan a khawngaih zawk thin ani.

"Ellen, Ruthi i thlah leh hruai chu i kutah ka dah mai aw....breakfast ka ei anga, ka kal ani deuh mai ang," a tih chuan Ellen i chuan hrethiam tih hriat tak hian alu a bu nghat a.

"Rawn ngaihtuah reng2 suh Mrs. Rowland. Ka awm alawm, Ruthi i chu enkawl a nuam ani tih pawh i hriat kha," tiin alo hnem thuai2 a.

A fanu kaltur chu varanda atangin a vai liama, insiam turin a room lamah a kal nghal thuai a. Nimin lama a thawmhnaw haktur leh file vel alo tihfel vek tawh avangin inzawn buai ngai lovin a insiam fel nghal thuai2 thei chu a lawm rilru hle a. Adam Logan a chuan hna alo pe hlauh anih chuan a lawm hle bawk dawn ani, a chhan chu Mac a chhungte pawisa pek ringawt kha chu rin reng atan chuan a tlo dawn tlat lo ani.

Adam Logan a company hma ah chuan Julie i chu a ding ta vang mai a. An hawi chho chu ropui hle hian a hria a, Robb Marhsall a building chu tluk lo mahse a ropui viau tho ani. Chuvangin Adam an alo chhawr duh hlauh anih chuan a tan pawh inchhuan na tham khawp chu ani tho2 dawn ani tih te chu a ding pah chuan a ngaihtuah rauh2 a. Zawimuang hian kawngka darthlalang vek lam chu a pan ta a, pheikhawk sang a bun bawk a, a kal chak hran lo. Reception counter ah chuan hmeichhe hmeltha angreng tak hi alo awm a, Adam Logan an alo beisei thu a hrilh chuan chu nu chuan a awih vak hmel loh hle a.

"Lo nghak lawk ta che, a secretay kan be lawk ange," Julie i uluk taka en pah chuan a ti a.

"Awle....," tiin thutna awl awmah chuan a thu ve nghal mai a. Chu nu in a endan erawh chu a lawm chiah lo ani, dawtsawi emaw a ti niber hian a hre bawk a, a ruk tak chuan a thinrim hle ani. Mahse mamawh tu zawk anih avangin ngawih chuh hun ani tih hria in dawhthei tak hian a nghak ta zawk a.

Reception counter a thu nu chuan," Miss, Mr. Logan a chu alo la thleng lova. Ila nghah rih angai ang tih ka hlau khawp mai," arawn ti ta a.

Sana chu a melh zawk a, dar kua a ri trep tawh a, rei a nghah a ngaih erawh a ring lem lova. A chhan chu Company luber a kal tlai viau chuan an company chuan hma a sawn mawh viau ang tih pawh P. A lo ni thang tawh chuan a hre kar ani.

"Awle...ka lo nghak ange," nui lui pah chuan a ti ta a. Chu nu chuan a ei hauh lo ani tih a hmel leh chezia ah chuan a hrethiam em2 a, Logan a ngaihzawng emaw a ti ani ngei ang tih te chu a ngaihtuah neuh2 a. Logan a hi tlangval chhelo tak anih avangin a hnuaia thawk nula tam tak hian Robb Marshall a an ngaihzawn rawn ang tho khan an ngaizawng ang tih pawh Julie i chuan a hai bik lo ani. Tin nula ho chu a thiamlo hran hauh lo bawk, a chhan chu boss chhelo lutuk neih chuan thil awm ve reng ani ve tlat ani. Chumi piah lamah chuan nula tam takin Logan a chu hmuh tumin a office ah pawh an rawn pan ngei a ring bawk a, chung zinga mi ah chuan counter a thu nu hian a ngai pawh ani mahna!!

Adam a alo luh lai chuan alo hmu hauh lova, reception counter a thu nu chu rang taka dingin," Good morning sir," a ti ri a hriat chuan a hawi chhuak ve chauhva.

"Good morning Rose," tia kal pelh mai a tum lai chuan Julie i thutna lam chu arawn hawi phei ta a, Julie i chu a hmuh veleh a pan nghal thuai bawk a.

"Hello, Julie. Iva hma ve? Min lo nghak ani ngei ang maw?" Adam a chuan a ti nghal zung2 a.

"Aw....mahse ka thleng ve deuh chiah ani....," nuam ti chiah lo hian a ti a.

"Anih chu! Lokal rawh min lo zui rawh," a tih chuan Julie i pawh chu a tho ve nghal thuai a. Adam a nen private lift lam an pan lai chuan counter a thu hnu khan mak ti tak hian alo enzui vawng2 tih pawh an hre lem lova.

Adam a office chu chhawng chungber ah alo awm a, ti ti bawrh2 pahin an thleng thuai a. Adam a secretary chuan a pu a hmuh chuan alo ding nghal vat a.

"Good morning, Mr. Logan?" alo ti nghal var a.

"Good morning Michell. Coffee kan lo duh ange....," tiin a kal pel nghal a, Julie i pawh chuan ngawi reng chuan a zui ve zel a, Adam a office ah chuan an inzui lut ta a.

Office chhung chu a lian tha heh hlawh hle a, darthlalang hian a hual chhuak vek deuhthaw a. Adam a dawhkan bik chuan kil li a nei a, liantha hek hawk tak, teak thing a siam tle deuh hlur hi ani a. Dawhkan hnungah chuan thutna tur dup nawm hmel zet hi a inhnung a, tin amah dawrtu turte thutna tur dawhkan hma ah chuan pali hi a inhung bawk a. Adam a chu a thutna turah chuan thu mailo chuan a coat chu pelhin a thutthleng nghenchhan ah chuan a bat te te a, mikhual kawm natur sofa inhung bial ah chuan thu turin Julie i chu zaizir hian a hrilh a. Adam a office chu a thawveng in a nuam hle hian Julie i chuan a hria a, hahdam tak hian thutna a kawhmuh ah chuan a thu ve mai a. Mahse a rilru ah chuan Robb a office nen chuan a khaikhin leh ta a, engvanga khaikhin zel nge anih pawh a in hre bik lo, Robb Marshall a a rilru a alo lan zel avang chuan a ngei ru hle bawk a.

Engmah an sawi tan hma chuan Michell i chu coffee no hnih leh a hmeh tui hmeltak nen hian alo lut a, dawhkana a dah hnu chuan a kalchhuak leh nghal thuai a.

Adam a pawh chu arawn thu thla ve ta nghal a," In rawh Julie. Ilo kal chu ka lawm khawp mai," tiin a coffee chu a in pah a.

"Min chhawr duh chuan ka lawm khawp ang, Adam. Hna ka mamawh takzet ani, tunah phei chuan chawmtur ka ngah viau tawh nen," a ti siam2 a. Engmah zep a tum lova, hna chu hmuh ngei a duh miau ani. Robb Marshall a chungchang tih loh chu zawt mahse sawi vek pawh pawi a ti lemlo bawk.

"Hna ruak chu ka ngah alawm, mahse i thawk peih angem tih zawk ania....," alo ti dam thlup a.

"Han sawi ta che?"

"Ka secretary hian chawlh lak a duh a, a chhan chu pasal a nei dawn a. P. A ilo nih tawh thin avangin i thiam zawng tak anih ka ring a. Michell i alo let hma chu min thawhsak la ka ti deuhva....,"

"A tha alawm, mahse a chawlh hma in hna erawh min zirtir deuh angai ang. Ka thawh ngailoh anih mai bakah kum hnih lai ka chawl tawh nen ka buai palh ang tih ka hlau deuhva," tiin a rilru diktak a sawi mai a.

"A tha alawm, ni thum vel chu zirtir tur che in ka lo hrilh dawn nia....,"

"Adam ka lawm lutuk ania, ka theihtawp ka chhuah ang tih ka tiam a che. Mahse zinchhuah erawh ka thei lovang tih ka sawi lawk duh ania....," a tih chuan Adam a chu a ngawi ta vung2 a.

"Engvang nge nia, Julie?" a ti ta a.

"Fanu ka neia, kum hnih leh a chanve lek ania, zinbo san ka theilo ani....," tiin a harsatna chu a hrilh ta a.

"Anih chu! Ka zin chhuak vak ngailo kei hi chu. Midang hi ka ai awh turin ka tir mai thin a, helam ah hian ka ngaihtuahna leh rilru hi sen tam ka duh zawk vang pakhat ania," a tih chuan Julie i chu a thaw huai2 a.

"Ai kal i nei tha hle ani maw?" nui sak pah hian a ti a.

"Nia nei tha ani mai ang chu. Bakah meeting vel hi chu London ah pawh kal reng angai ve tho bawk nen pawnlam hi chu midang kuta dah hi a fel zawkin ka hria a," a ti chuar2 a.

"A dik khawp ang, headquarter hi chu a neitu ngei hian thutchilh reng sela a tha berin ka hria keipawn," a ti ve mai a.

"I rawn thawk thei anih vaih chuan hlawh pawh a chhe hauh lovang tih ka sawi nghal duh ania," Adam a chuan a ti ta daih a.

"Nang ang Company lian neitu chuan hlawh min pek tlem chu ka lo ring lo reng ani," fiam deuh paha Julie in a tih chuan an nui dun ta hawk2 a.

"Awle....vawiin atan chuan i haw thei anga mahse naktuk atang chuan dar kua ah lo thlen ngei2 angai ang. Michell i nen hna in inzirtir anga chumi hnu ah chuan ani pawh a hahdam thei tawh ang chu,"

"Yes boss!" a tih chuan an nui dun leh ta hawk2 a.

Hlim takin Julie i chu inlam panin a haw ta nal2 a, hna a hmu ta chu a thawveng hawk bawk ani. Tunah chuan thla tin hunbi neia sum lut tur a awm veleh ta bawk a, a rilru hahna pawh a zia hawk tawh ani. A naute chu scholarship avangin chawm an ngai lo nain, mamawh tam tak alo awm ve nen, hlawh neih kha a mamawh tak pakhat a ni reng ani. Hlawh tha tak an nei mai chu awih pawh har ati hial a, Adam Logan a chungah chuan a lawm hle ani. Thiantha chu ani hauh lova, hmelhriat satliah mai ani nain alo khawngaih duh avangin Julie i chu a lawm piah lamah Adam a tan chuan a theih tawka rintlak leh tha a hna thawh pawh a tum ruh hle ani. In a thlen chuan Ruthi i pawh alo bang tawh a mahse a mut a hun tawh tih hria in va tihbuai ai chuan tiin ama room lamah chuan inthlak turin a lut tlang nghal a.

Choka a eitur vel a insiam lai chuan Ellen i chu thawmdim tak hian room atang chuan arawn chhuak a, Julie i hlim hmel a hmuh chuan a kalna ah chuan a hlawhtling ani tih a hrethiam nghal mai a.

"I hlawhtling ani tih ka hrethiam mai, Mrs. Rowland, ka lawmpui lutuk che," nui sang hian Julie i bula ding pah chuan a ti a.

"Ka lawm e, Ellen. Ka lawmzia hi maw, tunah chuan hlawh pawh ka pe thei veleh tawh dawn che ania...," a ti sarh2 a.

"Hlawh min pek kher angai hleinem, inbulah hian awm hi nuam ka tia, bakah ka mamawh engkim min pe tho bawk nen,hei bak a ngai hauh lo," alo tive bawk a.

"Ellen ka lawm lutuk kan chhungkaw chunga i thatna zawng2 ah hian, mahse hlawh chu ka pe ngei tawh ang che. Chuan i lak pawh angai bawk ang, i hria em?" tiin a kuah chung2 a.

"Awle... Ruthi i a mu bawk a, hna ka thawk leh dawn ta si a, engmah hak tlak tak2 thawmhnaw ka nei si lova, vawiin chu inlam khawm nan ka hmang ang chu ka lo ti deuhva," Julie i bawk chuan a ti leh nghal sarh2 a.

"Awle, Mrs. Rowland. Inlam chu rawn ngaihtuah suh ang che, ka awm hi," Ellen i pawh chuan alo ti ve thuai a.

A pi in hna tha tak a hmu chu a lawmpui ve tak2 bawk ani, a chhan chu a pu a boral hnu ah hian a nun hi a ngaui hle hian alo hre ve thin a, tin Robb Marshall a hian a tina tel tih pawh a hre bawk ani. Engmah a bulah sawi ngailo mahse a pi hian Robb a hi a hmangaih hle ani tih pawh a hai biklo ani, a chang phei chuan alo lainat ve thin hle ani. Tunah chuan hna te a thawk leh thei anih chuan a pu a ngaihna te pawh a ziaawm chho zel turah angai ve a, a hna in a rilru tam tak a hruai dawn ani tih a hriat avangin. A pi room kawngka inkhar en chung chuan a nui deuh var2 a, a pi chuan nun thar a nei dawn ani tih hria in a lawmpui lo theilo ani.

Julie i chu thawmhnaw dawr hrang2 ah chuan a kal kual a, office a hak tur deuh chi hlir chu a enkual a. Pheikhawk leh bag pawh a lei deuh nual a, bazaar leh na hun a nei mai2 dawn lo tih pawh a inhre reng ani. Office a kal loh ni ah chuan Ruthi i lenchhuah vah pui a duh dawn mai piah lamah eng2 emaw tih tur neuh2 a awm zel tawh dawn ani tih pawh a hre bawk ani. Robb Marshall an amah er em2 tu Company ah Julie i chuan hna a thawk dawn ani tih a hriat hunah chuan a thinrim viau pawh a ring a, mahse ani thinrim vang mai2 a hna a hmuh kalsan erawh a tum hauh lo thung. A chhungkua enkawl nan hna a mamawh a, Robb Marshall a vang ringawtin engkim kalsan emaw hnawl thei ani bik miau lo ani.

Bawr taka inkhai pah chuan Taxi chang turin kawng sirah chuan a ding ta vang a. A bawr tehlul nen taxi lah chu a hmu lawk thei lo lehnghal a. Chutia a din renglai chuan sport car hring fai nalh lutuk tak mai hi a bulah chuan arawn ding ta chat a. A hriat ngai motor anih lemloh avang chuan Julie i chuan a ngaihsak vak lova, mahse motor dathlalang chu zawimuang hian arawn inhawng a, a chhunga chuang a hmuh chuan mak ti tak hian a meng deuh hra a!

"Lo lut rawh," vawt ruih hian Robb a chuan a ti a.

"Ka lawm e, taxi ka la mai ang," tiin luh chu a tum hauh lova.

"Mi zinga zak taka awm i duh anih loh chuan rawn lut la ani mai," a tih chuan vauna ani tih pawh Julie i chuan a hai hauh lo. Mahse hepa bula awm tamloh hi a tan chuan a him ber avangin luh erawh tumna ala nei chuang lova.

"Milar tak i ni tih kha theihngilh hauh suh! Kei aiin i zahna tur a tam zawk," nui sang chuan a ti nghat a.

Engmah sawi tawh lovin Robb a chu motor atang chuan rang fahran hian a chhuaka, Julie i chu a pawm ta nawlh a.

"Mi mawl pa, min thlah vat rawh!" tiin a tal laih2 a, mahse a pawmtu chuan tha a ngah em avangin engatan mah a tal pawh chu a tih hmel lem lova. A kut pakhat chuan motor kawngka chu zei tak hian Robb a chuan a hawng a, Julie i chu motor seat ah chuan a nghat deuh chawrh a, a thutna lam panin a kal nghal vut a, reilote ah motor chu a tlanchhuak nghal bawk a.

"Iva ngam zawk ve? Engvanga khatiang min ti nge i nih?" thinrim tak hian Julie i chuan a ti hlaih2 a.

"Tha taka thusawi i awih tawhnan ka ti anih kha!" alo ti duh lek a.

Julie i thinrim lutuk chu a ngawi ta hmak a, motor darthlalang lam chu hawiin pawnlam chu a en daih bawk a. Pawn lama an kalna leh an tlanpelh pawh chu a thinrim em avang chuan a hmu hauh lova, Robb a aw thian ri a hriat chuan a harh deuh zawk a. An kalna lam chu an in awmna ani hauh lo tih a hre ve chiah a, hlauthawng tak hian Robb a lam chu hawiin khawiahnge a hruai dawn tih a zawt nghal vat bawk a.

"Ka farm house ah kan kal mek ani. I tlawh lohna pawh a rei tawh alawm, tiraw?" alo ti hul hak a.

"Tlawh chakna pawh ka nei hauh lo bawk. Motor kha her rawh Robb, i fanu in min lo ngai viau tawh ang tih hre ta che," a ti nghat a.

"Ellen i a awm alawm, lo enkawl tha turin ka hrilh vek tawh," alo ti hmak thung a.

"Maw? Ellen i ilo be tawh amaw? Engtinnge ka thu lovin chutiang te ilo tih ngam a?" a ti leh tan2 a.

"Theihngilh hauh suh, Ruthi i hi ka fanu ani ve tho tih hi," rum deuh taka Robb an a tih chuan Julie i chu a tiril ah a khur ru dar2 a. Laksak hi ala tum ngai miah lova, tum ta sela a thei em2 ang tih pawh a hria ani. Robb a chu ngei tak hian a melh nghek a, lehlam bawk chu a hawi leh nghal hmak a.

"Dinner kan ei zawh ah ka thlah leh dawn che nia," pangngai tak hian a hnu deuhva arawn tih pawh chuan Julie i chuan a thusawi chu hre awm pawhin a awm duh lova.

Minute sawmpanga hnu velah chuan Robb Marshall a farm house mawi dangdai tak, a bul vela ngaw dur khup awmna chu an thleng ta a. He hmun hi a fal hle a, mahse a insak hi a mawi in a reh raih thung a, hahchawlh nana an lo hman fo thin tawh ani a, Julie i pawhin helaia kal hi nuam ati hle thin anih kha! An nunhlui hriatchhuah tir thei tur hmuna kal hi a duhloh ber anih laiin Robb Marshall a hian eng rilru pua helai hmuna hruai nge anih ang tih chu a ngaihtuah rauh2 va. He hmun hi nuam chu ati ngei alawm, kal fo pawh a duh thin anih kha! Mahse tunah chuan kal chakna a nei hauh lo, a bik takin a fanu ngaihtuahna rilru nei reng chung phei chuan!

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » May 14th, 2018, 5:56 pm

"I lung a len ve tho ka ring reng ah!" a beng bula Robb an arawn tih chuan Julie i chu a phu deuh zawk a.

"Ka lunglen thu ka sawi awm ka hre hauh lo mai," a ti let ve nghat a.

"Oh! Ka lo ringsual chu a pawi hlemai," mitko san awk pah chuan a ti leh a.

"Rin sual hi a awl ve viau tho alawm," tlawm duh bik thak lo chuan a ti veleh nghat a.

"Hmm....engpawh nise, i lut phawt ang hmiang?" a tih hnu chuan inlam pan chuan Robb a chu a kal nghal mai bawk a. Mahse Julie i chuan a zui nghal duh lova.

Robb Marhsall a khan a ring dik hle ani, chulai hmun an hmuleh chu a lung chu aleng chiang alawm, mahse a tilang duhlo mai ani. Robb a bulah hian engkim a hriattir zel tur ani lo bawk, a hmuhsit phah thei tlat ani. Hawn a ina a fanu bula awm veng2 a chu a chak hle a, mahse helai atang hian a duh hun2 ah a haw ringawt thei hauh dawn lo tlat. He farm house hi ramhnuai pilril ah ngaw kara awm ani a, mita hmuh theih chin zawng chu ramhnuai anih mai bakah hmuhtheih loh chin pawh chu ramhnuai ala nitho ani. Haw ringawt dawn sela kawngpui pawh nan pawh kea kal fe angai a, ke a kal lah chu a hlauhawm em2 bawk ani.

Hmana zan riaka an kal tum kha a hrechhuak thut a. Thla a en em avang chuan pawnah Robb a nen meichhem in beer an in dun a, thla eng chu an lawm ani deuh ber a. Chutia hlim taka hun an hmanlai chuan thawk leh khatah an piah hla vak lo atang hian thawm an hre ta a. A tirah chuan enge anih chiah Julie i chuan a hre lawk lova, mahse an han ngaihthlak chian chuan sakei ha hum ri hi alo ni reng a. A hlauh em avang chuan Robb a chu a kuah nghal rawk a, a tha pawh a khur nasa ani.

"Bengcheng miah lovin, a theih anga rangin inchhung saw thlen kan tum dawn nia aw....," a beng bulah chuan zawi tea phun chung hian Robb a chuan a ti a. Engmah pawh a sawi ngam tawh lo hi ani ber a, a lu chu a bu nghat ringawt a.

"Lem ka tih veleh theih anga rangin kan tlan dawn nia aw....," tiin zawimuang chuan Julie i chu a kaitho ta a. Chu veleh sakei chu an bul hnai tawh takah hian arawn ha hum leh ta vak2 a.

Julie i hlau lutuk chu a tlan theih loh mai Robb a chuan a hlau bera, a chhan chu Sakei chu an hnaih takah a awm tih lah a chiang em2 si a, nghet takin Julie i kutah chuan a chelh a," I theih anga chakin i tlan dawn nia, i hrechiang em?" tih leh tlanpui chu a rual nghal a. An tlan ri sakei in a hriat rual chiah chuan ngaw kar atang chuan arawn zuang chhuak zawk a.

Julie i chu a te tuarh a, mahse Robb an a chelh ngheh em avang chuan a thapui nen chuan a tlan ve thei hram2 a. Inchhung an luh a, kawngka an kalh fel hnu lawkah chuan sakei chu in kawt varanda ah hian alo thleng phei ve nghal bawk a, chu2 Julie in a hmuh chuan mittui tla pur chungin Robb a chu a kuah leh a, a khur hlawk2 bawk a.

"Hlau tawh mahta che....hei kan him tawh alawm. Tunah chuan engtin mah min ti thei tawh hleinem," a sama chulsak hliau2 chung chuan thlamuan tum takin Robb a chuan a ti mawlh2 a.

"Min rawn hnaih tawhzia kha," la inhnit faih2 pah chuan a ti a.

"A tawk e....lokal teh le....," tiin bar lamah chuan Julie i chu a kai phei a, rum hi a thlit saka, ama ta tur pawh a thli ve nghal bawk a.

"Hawh leh! Hei hi in pawp la i zia mai ang," tiin no chu a pe a, Julie i pawh chuan thuawih tak hian a in nghal pawp a. Zu a in chuan a taksa arawn tilum a, tlem chuan a taksa khur te chu a reh a, a hlauh pawh a zia ta deuh anih kha. Chung vel a ngaihtuah lai chuan thim zingah chuan thawm hre tlatin a inhre leh ta a. A hlauh em avang chuan Robb an lo lut tura arawn sawm nawn leh pawh ngai lovin, a theih anga rang chuan inchhung chu a pan ta nghal nal2 a.

Inchhung a luh chuan an hawi kual vel a, mak a ti hial ani. He in a kal hnuhnun ber tuma a paintings tar te chu a tarna ngaihah alo la intar a, remmawi vel a rem te pawh chu a kalsan dan ang2 khan alo la awm vek bawk a. Engvangin nge Robb a hian engmah alo la tih danglam loh le? A kuthnu chu chuti takin alo ngai pawimawh ani maw? Mahse a ngai pawimawh hauh lovang, a theihloh, tiin amah leh amah chu a inhnial a. A nuna hmeichhe dang awm reng chungin engtinnge ani chu arawn ngaih pawimawh tehlul ang ni, a buai em avangin helai hi a tlawh hman ngai bik lo anga, chuvangin a tih danglam tirlo mai2 anih a ring leh ta zawk a. Mahse, chupawh nise, tiin mak chu a ti rilru tho2 ani.

"Khalai ah khan i ding reng dawn ami? Helam ah hian lokal zawt la, a nuam zawk ania," Robb a aw in arawn tih takah chuan zawimuang hian sitting room lam chu a pan ve ta a.

"Thu ta che, i ke kha a kham lutuk ange....," a luh rual2 chuan alo tileh nghal zat bawk a.

"Ka ke kham leh kham loh ilo ngaihtuah chu a lawmawm e.....," a ti ve deuh salh a.

Nui hawk pahin," Ka ngaihtuah ngai vaklo asin mawle....," chimawm taka melh ralh pah chuan a ti a.

"Ka ring tho alawm....," ngei hmel zeta en pah chuan ati ve leh hram a.

"Awle2....enge i in duh ang?"

"Sherry kha ani mai...," hepa bulah hi chuan a zam tlat thin ani, tlem a huaina a in tel loh phei chuan a huhang hian a tizam nasa thin em bawk ani.

"Kha le....," tiin Julie i chu a no tur chu a pe a, amah pawhin a dawm ve nghal bawk a.

"Ka lawm e, kan awmrei loh hram ka beisei....," tiin a melh pah kar a.

"Dinner kan ei zawh hnu ah kan haw dawn nia, enge ka siamtir ang le?" pangngai tak hian a ti a.

"Ka ei thei vek alawm, i duh2 kha ani mai,"

"Awle....beram sa nise a that dawn chu!" tiin choka lamah chuan a kalsan rih a.

Julie i chuan a no a mi sherry lem hlak2 pah chuan chu an thutna room chu an enkual leh a, engmah alo la tih danglam tir loh avang chuan a rilru ah chuan zawhna lian tak chu a awm leh lo theilo ani, mahse a chhanna awm chuan a rilru a hmin theilo thung a.

Robb a arawn let leh chuan a no ruak chu arawn hmu a, a thlit khah sak lehnghal thuai bawk a.

"Chuan, Ellen i ka bia a, i hawn tlai tur thu pawh ka hrilh tawh e...," a tih chuan Julie i chu a sa zak a.

"I hrilh kher a ngaih pawh ka hre love...ka hrilh ve theih reng laiin," a ti hlak a.

"Inbengdai teh! Ruthi i biak pahin ka hrilh mai ani e....," lo ti duh lek a.

"Hawn thuai2 ka duh ania, helai ah hian eng vanga min hruai reng2 nge i nih?"

"Kan ti ti dun khat em a, mi min chimbuai lohna tur ka zawng mai ania,"

"Chutiang khawpa pawimawh sawidun tur kan neih ka hrelo,"

"Ani maw? Mahse ka lo nei maithei asin...," a ti nghet churh a.

"I sawi nghal thei ang anih chuan," chho tak hian a ti ve nghat a.

"Ka bula hna rawn thawk leh turin ka duh che a....," a ti tan ta a.

"A pawi ka ti khawp mai, Adam Logan a bulah ka thawk dawn ani, naktuk atangin," hawisang vah chung hian a ti a.

"Hlawh ka pe tha viau ang che, i hna i tlin bawk a," a tih chuan awmzia a nei thui hle hian Julie i chuan a hria a. Mahse enge a sawi awmiza chu a ngaihtuah peihlo, a bula hna thawh leh lah tumna a nei hauh lo bawk!

"Adam Logan a hlawh min pek turah hian ka lungngawi tawk viau asin," a ti deuh nghat a. Robb a leh Adam Logan a hi an inmil hauh lo tih pawh a hria a, mahse alo buaina tur erawh a awm in a hre lo thung.

"Anih chuan ka sawmna kha min chhang tawh ta che?" a ti ta daih a.

"Eng sawmna maw?" a hre lo der ani.

"Min nei tura ka sawmna che kha?" a ti vawt ta ruih a. Chu thil a sawi duh vang chuan maw helai ah hian a hruai a, tih chu Julie i ngaihtuahna ah chuan arawn awm nghal a.

"Ka nei thei lovang che. Pasal neih leh tumna hi ka nei rih lo tlat," induh tak hian a ti chang fal a.

"Mahse min neih chu angai lo maw? Ruthi i bula la awm ve zel te i duh anih chuan...?" a tih takah chuan Julie i chuan a hmel chu ngei tak hian a en vat a.

"Enge sawi i tum a? Ruthi i min chuh i tum ang maw?" a ti bak hlar a. Hmun dangah chuan hruai sela, chutiang thu a sawi rual2 chuan a kalsan nghal hmak ngei dawn ani tih hria in helai hmun pilril ah a duh2 a Julie in a hawnsan emaw kalsan theihloh na ah hian a hruai ani tih chu a hrethiam ve chiah a.

"Min neih duh siloh chuan a ngai ang tih ka hlau khawp mai. Ka fanu bula awm hi ka chak ve tho si a...," pawisawi lo zeta nui suk pah chuan a ti a.

"I va han tenawm tak! Naupang kum thum pawh la tlinglo a nu lak ata lak hran i tum anga maw?" a ti leh that a.

"Anu in a bula awm a duhve miau loh chuan ka lak mai angai ani ang chu, tiraw?"

"I va han ngam zawk ve, ka phal hauh lovang," a ti tak na in Robb Marshall a chuan a duh tak2 chuan a laksak ngei ang tih pawh a hai hauh lo ani.

"Enteh Julie, in bengdai teh. Ruthi i hian nu leh pa a mamawh ve2 a, chumi tih puitlin sak thei tur chuan kan inneih hi angai miau si ani. Pasal sun hlim i ni tih pawh ka hai hauh lo na in, i fanu bula awm i duh ang chiah khan keipawh ka fanu bulah mikhual anga in hmu zawk2 chauh ni lovin awm ve ka duh mai ani," a ti dam dup a.

"Pasal sun leh damlai lusun chu a hunlai rau2 ah a natdan a inthlauh vakin ka ringlo....," nersawk pah hian a ti nghat a. Julie i sawi tum chu Robb a chuan a hrethiam rang hle a, Camella Anderson i chanchin a sawi ani tih pawh a hai hauh lo. Mahse kha nu kha a hmangaih ngai lova, a sun bawk hek lo. Julie i chiah hi hmeichhia ala hmangaih chhun ani bawk!

"Chulam chu engpawh nise, nia a dik khawp ang. Ka sawmna che i pawm duhlo anih chuan ka fanu bula ka awm theih dantur chu ka ngaihtuah mai angai dawn anih chu!" a tih chuan Court lam a sawi ani tih pawh Julie i chuan a hai bik hauh lova. Engtinnge a theih zawk le, a fanu chu ala hrang duh tak2 angem?

"I ti tak2 lovang!" a ti ta ringawt a.

"Ka ti tak2 ang tih ka hlau khawp mai. Min nei duhlo anih vaih chuan court ah ka kal ngei ang tih ka sawi ngam asin," a tih takah chuan Julie i chu a hlauthawng hle a, a tha te chu khur der2 hian a hria a. Nia, Robb Marshall a kha ani miau va, a duh chu a nei khawp ang, a nei ngei thin bawk! Sumdawnna lamah pawh khawvel hriat khawpa milar leh thiltithei ani alawm, sum a ngah a, court ah a kal anih vaih chuan Ruthi i chu a chang ngei2 ang tih pawh Julie i chuan a hrechiang hle ani. Thlahtu te atanga mi hausa leh mi zah kai chhungkua an ni a, hmelhriat lah an neitha in, sumah an buai hauh lo bawk nen, inkhing ta ngat sela chuan a fanu chu a chang lo chiang ang chu!

"Ka nei hauh lovang che, i tenawm hle mai," a ti leh hrep a.

"Chu2 i thu alawm, kan pahnih atana kan fanu bula kan awmdun theihdan tur ka lo ngaihtuah ve mai kha ania, mahse i duhthlanna chu ka zahsak em2 ang che," a ti dam thlup a, mahse a aw erawh ngaihthlak a nuam hauh lo thung a.

"Zah ngaihna hi i nei miah lo anih hi, i fanu nu la mamawh em2 pawh a nu laka lakhran i duh ania," a ti leh hram a.

"Ngawi lawk teh, ka sawi zo chiahin ka hria....kan vaia tana tha ber tur chu ka sawi tawh alawm, i hma i sial lutuk anih kha, Julie. Pa ka nihna anga ka dinhmun hi han ngaihtuah ve chhin teh, tin Ruthi i pawn pa uapna a mamawh bawk tih nen khan," a ti leh dap2 a.

Hmasial a! Amah hian ani lawm ni a hma sial chu? An nufa hian engvanga hlim taka awmtir mai lo nge anih! Ruthi i a tel lova a awmtur a ngaihtuah zawng ringawt pawh chuan a mittui chu a tling nghal pam a.

Julie in a chhan leh hma chuan Mr. Marcus a Robb a chhiahhlawh chu alo lut a, dinner an peih tawh thu arawn hrilh ta a.

"Kan lawm e, Marcus. Kan lo kal nghal ang," Robb a chuan alo ti vat a.

Dinner maw? Engmah ei chakna pawh a neilo, he ramhuai mahni hmasial lutuk bula thil ei lah a peih hek lo, mahse an awmpui pa chu a mi ngainat tak, helaia a kal apianga lo duat em2 thintu anih avangin eisak loh ringawt kha chu dikin a hrelo thung a.

"Hawh le, dinner chu i ei phawt ang hmiang?" tia Robb an a ban arawn phar takah chuan chak lemlo tak chung hian a kut chu a pe ve ta hram a. Choka lamah chuan zawimuang hian an inzui phei ta hnalh2 a.

Dinner a an eitur chu dawhkanah hian an lo chhawp fel vek tawh a, a rim lah chu a tui hlawm em2 bawk a. Dawhkana an thut hnu chiah chuan Julie i chuan Marcus a eirawngbawl thiamzia alo theihngilh tawh ani tih chu a inhre chhuak a.

"Miss, i ei teuh dawn nia. I duhzawng tak ania ka siam....," duhsak taka Marcus an alo tih chuan a lawm hle a.

"Ka lawm e, Marcus. Ka ei teuh ngei ang," nui san2 pah hian a ti a.

An bul lawkah chuan mamawh an neih palh hlauhva pe mai thei turin Marcus a chuan a veng reng a. Chutia midang an awm ve takah chuan thil ho te te bak Robb a chuan a sawi duh ta lova. A rin ai daihin Julie i chuan a ei hnem leh tak si ah chuan, a nuih te pawh a za rum2 zawk a. Dinner an ei zawh hnu chuan sitting room ah bawk chuan an let phei leh a, coffee intur chu Robb a chuan a thli a,Julie i chu a pe a. A duh ang thlapa Robb an coffee a siamsak avang chuan Julie i chu a ip deuh chawih ang, engtinnge a duhdan te alo la hriat le? Mak ati lo theilo ani!

"Chuan Adam Logan a bulah chuan i thawk lovang chu tiraw?" arawn ti leh takah chuan Julie i chu a sa leh ta zak a.

"Hna ka mamawh a, ka thawk bawk ang,"

"Mahse min nei dawn anih chuan hna thawh kha ka phal dawn si lova....,"

"Tuin nge ka nei dawn che ti a?"

"Ruthi i bula awmloh chu i duhzawk tihna ami?"

"Ka duhlo tih ka sawi love....," thinrim tak hian a ti a.

"Awle...ti hian i ti teh ang. Inngaihtuah leh nan hun ka pe ang che. Ni hnih chhung hun ka pe ang che, chuan i thuthlukna chu engpawh nise ka zah em2 bawk ang," a thutna nghenchhan ngheng ur2 pah chuan a ti ta a.

"Nei duh dawn talo che ila?"

"Ni hnih ral hma ngeiin ka fanu hi ka bulah a awm bawk ang. Chuan min nei dawn anih chuan Adam Logan a bulah i thawk lo bawk ang! Ka nupui hmansen loh tur sum ka nei a, ka chawm zo em2 bawk ang," a ti hmak a.

A nihna takah chuan Adam Logan a hian Julie i chu hman ata a ngaizawng tawh ani tih Robb a chuan a hriat avangin a thik em2 ani. Chumai bakah a Company er em2 tu anih avangin Julie i a P. A lai lo ni tawh chutianga Adam a bula a thawh chuan a dik thei tlat lo bawk.

Julie i rilru chu a buai nuaih2 hi ani ber a, engtia chhan leh tur nge pawh a hre tawh lo ani. Hetiang dinhmun ah hian ala ding ang tih lah alo ngaihtuah phak ngailo nen, mangchhia a mang ta emaw a ti hial a, a harh chhuah tak mialin tiin a lu te chu an thing nawk2 a, mahse a hma ah chuan Robb Marshall a tho alo la thu ani tih a hmuh phei chuan a bei hi a dawng ngawih2 ani deuh ber a.

Chutia Julie i a ngawih tak rengah chuan Robb a bawk chu arawn tawng leh ta a," Zan a rei dawn tlat, hawh ka thlah haw ang che. Ngun takin ilo in ngaihtuah dawn nia," tiin a dingchhuak nghal a.

A no kenlai chu dawhkanah chuan a dah a, ngawi reng hian Julie i pawh chu a dingchhuak ve nghal a, pawnlam panin a kal nghal hmak bawk a. Marcus a te lawmthu hrilh a, mangtha te pawh a chak viau na in, hmel hlim tak a hmuh thei dawn silo nen, motor ah chuan a lut ta zawk a. Robb Marhsall a motor a arawn thutluh ve chuan hreawm ang pawhin a awm duh lova, biak leh a peih tawh loh avang chuan a maimitchhing nghal hmak bawk a. Ngawi rengin an tlanchhuak a, kawng tluan pawh chuan an inbe leh tawh chuang lova. Rei tak an tlan vang2 hnu chuan motor chu Julie i te in kawtah chuan a ding ta nge2 a. Motor a din rual2 chuan Robb an kawngka a hawnsak huntur pawh nghak duh lovin a chhuk nghal hmak a, kawngka pawh chu a khar na phian ani. In lam pana a kal lai chuan Robb a tawngri chuan a tiding chawt a, a thil hriat chu a awihlo zawk hial a.

"Naktuk dar sawmah ka rawn bia ang che, ngun takin ilo in ngaihtuah dawn nia. Chuan i thuthlukna pawh hriat ngei ka duh ang, mangtha le, Julie," a tia, chak takin a motor chu a kalh chhuak nghal bawk a. Julie i chuan motor tlanliam mek chu a en renga, Robb Marshall a chu thah hial a duh ani. Tenawm lutuk, mahni hma chiah sial mi i ni tih hi engvanga i sumdawn dan atang pawha lo la hrelo nge ka nih zawk chu le, tiin amah leh amah chu a inbe mawlh2 a.

Inchung a luh chuan light hi alo in off vek tawh a, Ellen i te chu tihbuai tawhlo a tha a hria in, light pawh on lemlo chuan ama room lam pan chuan kal nghal mai a tum a. Mahse Ellen i an room atanga alo chhuah takah chuan a ding leh rih ta zawk a.

"Ila mu nange, Ellen? Ka lo haw tlai viau em? Enge Ruthi i alo sual em?" a ti nghal zung2 a.

" Ka lo nghak che alawm. Sual hran love, mahse nilenga a hmuhloh vang che aniang, a mu duh lawk lova.....,"

"A mutna ala reilo ani maw? Nia vawiin chu ka buai em ani...," tiin dawt a sawi ta ringawt a.

"Nachin deuh lawk khan a mu ve chiah a. Nia, Mr. Marshall a khan min rawn bia alawm. Mamawh te i nei em?"

"Nei love, ka mu nghal zawk mai ange, nangpawh va mu tawh rawh. Zanah Ruthi i a harh anih chuan min rawn kaitho mai dawn nia, a muthat theih pawh ka ring chiah lo," a tih hnu chuan an in mangtha a mahni room lam chu an pan ta ve2 a.

A bag vel a dah hnu chuan inbual phawt a tha a hria in bathroom ah chuan a lut nghal a. Zia hawk turah a inngai kha ania, mahse a inbual zawh hnu pawh chuan a rilru chu ala hah em2 thova. Thawmhnaw te a hak hnu chuan a room bathlarah chuan ava chhuaka, vanlam thlir chung chuan a phun ta sap2 a.

Min lo hmu ang chu tiru, ka nu, Mac? Ka ngai hlemai che u....vawiina ka thil tawn hi ka lo la ngaihtuah ngailoh leh suangtuah phak loh ani a, engtia rilru han siamtur nge pawh ka hrelo ani. Nangni chu la awm ni ula chuan engah mah ka zam lo tur hi ania. Mac i kal hma lutuk hi chu kan nufa tan hian ava pawi tehlul em aw....nang chu awm la Ruthi i hi lak i phal hauh lovang tiraw? I theihna zawng2 pawh kan bula a awmna tur anih dawn chuan i chhuah leh ngei pawh ka ring ani. Enteh, Robb Marhsall a hian tunah hian min laksak a tum asin, i princess i hi! Van atang khan min lo hmu ang chu tiraw? Ka rilru hahzia te, ka rilru buaizia te, leh ka natzia te hi ilo hria ang chu tiraw? Mac vawikhat tal chu min rawn tanpui leh la ka va han ti em!! Ka ngai lutuk che, tunah tak phei hi chuan nang tluka mamawh hi ka nei lo ani.....tiin a mittui a tla zawih2 a. Vanlam thlira pawna rei tak a awm hnu chuan inchhungah chuan a lut ta hram a.

Khumah chuan a thu hnawk a, a mittui hruhul pah chuan a ngaihtuahna chu hman hram2 tumin an hawikual vel ngial a, mahse engmah a ngaihtuah chhuak thei chuanglo ani. Eliana i a phone mai dawn em niang, tiin a ngaihtuah leh a, mahse zan a rei tawh nen, phone loh chu tha zawkin a hre leh ta a. Chumai bakah Eliana i chuan Robb Marshall a chu nei mai turin alo tih ngei pawh a ring ani, a chhan chu a hmangaih khan a hre tlat miau va. Mahse a hmangaih ve lohzia chu hei zanin ah ngei pawh ati lang chiang ani lawm ni? Chung zawng2 chu ngaihtuah tur a nei nen Eliana i chu hrilhfiahna hun a nei rih lo ani. Hrilh rihloh mai kha tun atan chuan a tha zawk, a rilru tibuai belchhah tu mai2 ani ngei dawnin a hre bawk ani.

Thut mai2 pawh chu thei lovin a room ah chuan a vei kual sek2 a, a chang leh a thu a, a chang leh pawnah te ava chhuak leh rih thul. Choka ah coffee te insiam in, an in leh rih thin pah bawk a, mut chu a thei hlawl lo ani.

Zingkua alo var hnu pawh chuan thuthlukna ala siam thei ta chuang lova. Ruthi i leh Ellen i thawm a hriat takah chuan choka lam panin a kal ta thuai a. A fanu in alo hmuh veleh chuan a nu chu a pan thuai a, a kuah nghal chung2 bawk a.

"Good morning, mama. Nizan ah ilo haw har lutuk a, ka ngai lutuk che a....," ati nghal siam2 bawk a.

"Darling, a pawi ka ti khawp mai. Keipawn ka ngai em2 che alawm...," tiin a biangah chuan a fawhsak a.

"Vawiinah chuan i kalbo tawh lovang tiraw?" dawhkana thei leh thei lova lawn tum pah chuan a ti a.

Dawhkan bula thutna chu a pawhchhuah saka, a thuttir hnu chuan a bulah chuan Julie i pawh chu a thu ve nghal a," Awle...lo awm ka tum dawn nia aw, darling," tiin a fanu samah chuan a chulsak pah a.

Ruthi in an school chanchin a sawi bawrh2 chu breakfast ei pawh chuan Julie i chuan a ngaithla a, a nuih pawh aza hle ani. A fanu bula a awm hian a hlim a, a fanu hi a khawvel ani bawk! A telo a awm turin vawikhat pawh alo la in ngaihtuah chhin ngai hauh lo kha ania, mahse nizan zankhua erawh in a ngaihtuah alo ngai ta anih kha! Robb Marshall a a huatzia chu sawi chhuah mai dan pawh a hrelo hial ani.

Zana a mutloh avangin a lu chu ana tluk2 a mahse a fanu amah ngai em2 tu chu dawh hram2 a tum thung a. Breakfast an ei zawh chuan Ellen in tiffin tur a siam laiin ani chuan Ruthi i chu alo siam ve thung a. A fanu chu school thleng ava thlah a.

"Mama, class ah ka kal dawn aw...chuan ka ban hunah tuin nge minlo hruai ang? Nangmah nge Miss Ellen i?" a ti rohva.

"Darling, ka lo kal theilo maithei a, Miss Ellen i alo kal anih pawhin naupang fel i ni a, thu i awih ang tiraw?" tiin a fanu chu a kuah vang2 a.

"Yes, mama. Thu ka awih ang....bye2," tiin hlim taka nui san2 chung hian an class ah chuan a tlan lut ta nghal a. A fanu chu a thlir zui reng a, a tel lovin engtinnge a awm tak ang le?

In a thlen leh hnu chuan a room ah bawk a lut leh nghal a. Rilru mumal a siam hma chu Ellen i pawh engmah hrilh a duh rih lova, sitting room vela rilru hah hmel taka a awm anih vaih chuan a fing bawk nen, enge thil awmzia a zawt ngei ang tih pawh Julie i chuan a hria ani, chuvangin room chhunga awm rih chu a tha berin a hre bawk ani.

Adam Logan a chu a ngaihtuah chhuak ta thut a, vawiin dar kua ah office thleng turin a ti anih kha! Sana a en chuan dar kua alo pel der tawh a, engmah hrilh loh ringawt chu dikin a hre si lova, a secretary chu a phone ta nge2 a.

"Mr. Logan a ka lo be lawk thei angem? Julie Rowland i ka nia....," a ti a.

"A pawi ka ti khawp mai, Mr. Logan a chu meeting turin a chhuak chiah a. Enge thilchah duh te i nei em?" tha tak hian a secretary chuan alo ti zung2 a.

"Aw....ka lo kal thei rih dawn lova, chanchin ka la rawn hriattir leh dawn nia, tih min lo hrilhsak thei angem?"

"Tehreng mai, alo let veleh ka lo hrilh dawn nia," tiin an inbiakna chu an duhtawk ta a.

A nihna takah chuan Adam Logan a phone number pawh Julie i chuan a nei reng ani. Mahse a be ngam lo zawk a, a chhan chu lawmna chang hrelo lutuk alo tih a hlau ani, dik tak chuan lo ti pawh ni sela a awm viau bawk. A chhan chu a duhsak em avangin midang ani aia tha tak2 an awm laiin hna alo pe kha ani si a. Mahse chulam pawh chu a rilru ah chuan a awm rei thei leh ta chuang lo, engtinnge Robb Marshall a chu a chhan ang tih mawlh chuan a rilru chu arawn luah leh tawh a.

A phone arawn rik takah chuan a phu deuh zawk a, sana chu a en vat a, dar sawm chiah2 hi alo ni a. Kut khur deuh hlak2 pah hian a phone chu ala a," Hello....," a ti tial ruan a.

"Ilo in ngaihtuah fel tawh ngei ka beisei....chuan han sawi nghal mai ta che.....," Robb Marshall a aw ngei chuan arawn ti ta a.

A nihna takah chuan Robb a pawh nizan lamah khan a mu bik hauh lo ani. Julie i chhanna tur ngaihtuah reng2 chuan a rilru a hah ve tho ani. Engvanga Julie i hian a hmangaihna hi hmuthiam thei lo nge anih a hre thiam lova. A nupui ni tura a sawm ni khan a hmangaih ani tih hi a hriathhiam ve mai kha alo beisei anih kha! Mac Rowland a kha alo hmangaih viau anga, ala sun viau nge ni anga, amah Robb a hrim2 bula awm hi a chaklo ni ang tih te pawh a ngaihtuah nasa anih kha.

"Ka nei ang che!" Julie i chuan a ti nghet ta charh a.

Chu thu a hriat rual2 chuan Robb Marshall a chu lawm lutuk avang hian a au chhuak lo chauhva. A rilru hahna chu a kiam duak hian a hre bawk ani, mahse insum angai tih hria in a inbengdai leh ta hram2 a.

"Rilru i siamfel thei chu a lawmawm hlemai. Naktuk dar hnih a kan inneih theihnan pastor ka lo bia ange. Chuan i mamawh vawiinah ilo bazaar anga, ka hmingin ilo la hmiah2 dawn nia. Chuan a tha ber2 kha ka duh bawk tih i hriat kha, Robb Marshall a nupui chuan engmah a tlachham tur ani lo bawk," aw pangngai theihpatawp chuan a ti a.

" Awle....," tih chiah Julie i chuan a chhang a, phone chu a dah nghal hmak bawk a. Mittui tla zawih2 hian vanlam chu a thlir leh ta a, vana a hmangaih pahnih awmte chuan an rawn khawngaih ve ngei pawh a ring ani.

Mac min dem lutuk suh aw.... Ka fanu vang chauhva ti ka ni e....a ti mial2 a.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » May 14th, 2018, 5:57 pm

Bathroom ah chuan lutin a inphih fai a, a hmel chu darthlalang ah chuan a en deuh vang2 a, inkhawngaihna hun ani lo tun hi, Julie, tiin a ngaihtuah rauh2 va.

Enge a tih tak ang, bazaar ah chuan a kal dawn em niang? Eliana i chu a rilru ah arawn lang zawk a, a phone lam chu a pan nghal vat a. Office ah a awm ngei pawh a ring a, mahse chawhnu lam chawlh tal rawn dil turin a ti mai ani ang chu!

"Aw....Julie....inbiak ava khat ve....," zangvah hian Eliana i chuan alo ti nghal a.

"Nia, Ryan a chiah i ngaihtuah tawh avangin min hre tawh lo aniang ka lo ti deuhva....," nui suk pah chuan a ti a.

"Ngawi mai2 teh, honeymoon kal pawh thulh thak tu te kan nih hi! Enge nita min va rawn be laklawh ve?" a ti leh zung2 a.

"Nia, englo ania....chawhnu lam chawlh ila thei angem ka rawn ti deuhva?"

"Enge a chhan tur ni ang?" hre tak tih hriat tak hian alo ti var a.

"Bazaar angai dawn a....,"

"Maw? I a ta ami, Julie. Bazaar pui tur ringawt che in chawlh ka dil anga maw?" a ti hu a.

"Lo dil mai2 teh! Naktuk ah pasal ka nei dawn ania...," a tih chuan Eliana i awihlo lutuk chu a nui ta khiah2 a.

"Fiamthu thawh pawh hi i thiam thlawt lo anih hi tiraw? Sawitha teh le...."

"Robb Marhsall a nen naktuk ah kan innei dawn a, chumi a kan hak tur chu kan lei dawn ani. Chuvangin chawlh kha va kal la tunah khan va dil nghal rawh!" a ti ta hmak a. Eliana i chuan a thu hriat chu a awihloh em avang chuan a phone kenlai te chu a thlauh thelh a.

"Ngawi lawk teh! Robb Marshall a nen naktuk ah kan innei dawn i ti em ni?" ringtha lenglawng taka a tih chuan a bul vela thu a thawhpui te chuan an rawn en ta thap a. Chu2 hmu in Eliana i chuan a tawng ri mah2 ani tih a inhre chhuak a. " Min lo hrethiam lawk teh u....mi mawl pakhat in min rawn bia a.....ka tihbuai che u avangin min lo hrethiam dawn nia," nui deuh sang pah hian a thawhpui te bulah chuan an ti leh rih a.

"I au leh vak2 ani maw? Sim tawh turah ka lo ngai che asin!" Julie i chuan a ti deuh nghat a.

"Ka tihpalh lutuk thiannu....i thusawi khan min thawng em ani!" a ti zawi ta sap a.

"Keipawh le....," Julie in a tih phei chuan Eliana i chuan mak ati lehzual a.

"Engvanga he thil ropui leh rapthlak tak hi tuna min hrilh chauh nge i nih ka zawt thei ang che angem?" aw pangngai tak hian a ti ta a.

"A chhan chu keipawn tun mai khan ka hre ve chauh ani....,"

"Maw? He Robb Marshall a hian a at a so leh i tihna em ni?"

"Ka neihloh chuan Ruthi i min laksak ah min vau miau alawm,"

"Ava han tenawm ve aw....," a ti deuh vang2 a.

"Lokal thuai mai teh, a bak chu kan inhmuh hunah kan sawi zawm dawn nia,"

"Awle2....lo insiam la ka lo thleng nghal ani mai....," tiin phone chu a dah ta a. Eliana i chu a thutna ah chuan a thu deuh vang2 a, Julie i chu a khawngaih hle bawk a. Mac a a sunna pawh ala reiloh tehlul nen chuti taka rilru buai tura Robb Marshall an a siam chu alo ngei pui hle a. A dawhkan chu a beng thak a, office dang lam pan chuan a kal ta nghal nal2 a.

Julie insiam tur chu a phur lo ngei mai a, thawmhnaw thlan kual vel pawh chu a chak hlawl lo hi ani ber mai. A thil tawh mek chu mak ala ti tawp thei lova, hetiang hun hi a nunah a thleng ang tih hi a suangtuah phak bak thil ani. Suit dumpawl chu ala chhuak a, kamiz dum nen. A in hak fel hnu chuan a sam chu sang takah a tawn a, make up a tlemin a hmang chhah deuh bawk a. Nizan a mut a hmuh loh avangin a mit hnuailam te chu a val deuh kalh bawk nen, khuh mawi a tum angai tlat ani. Pheikhawk dum sang ala chhuak leh a, a insiam fel chu ani tawh mai a. Darthlalang ah chuan a in en vang2 a, pasal vawihnih a neihna tur ani na in ala hlim chuang hauh lo ani tih erawh a hmelah chuan alang chiang hle ani.

Motor horn arawn rik tak tuarh2 ah chuan Eliana i chu alo thleng tawh ani tih a hre mai a, a bag ala a pawnlam pan chuan a kal nghal a. Sitting room a Ellen i awm chu a chhuah dawn thu leh alo haw har leh maithei ani tiin a hrilh a. Ruthi i lo hruai a, lo ngaihsak tha turin a chah bawk a, Ellen in engmah a zawh hman hma chuan rang takin a chhuak nghal daih a. Motor ah chuan a thu lut a, Eliana i pawh chuan engmah sawi lem lovin motor chu a khalh chhuak ve nghal mai bawk a. Thui fe an tlan hnu chuan Eliana i chu ngawi theilo zawkah a tang leh ta nge2 a.

"Lem a bul atangin han sawi teh le?" a ti ta tawp a.

"Sawitur vak a awmlo, ka neihloh chuan court ah min khing anga, Ruthi i min laksak ang, tiin min vau ani," dam raih hian a ti a.

"Awle...chuan naktuk ah chuan khawiah nge inneihna chu a awm dawn le?"

"Ka hre hauh lo....,"

"Maw?"

"Aw....min la hrilh lo miau alawm,"

"Khawvela inneihna maksak ber ala nih dawn chu! Huh!," a ti halh a.

"Ka ring keipawn....,"

"Mahse maw Julie, Ruthi i tan chuan a pa bula awmtheih tluk a awm miah lo ania,"

"Ka hria alawm, mahse min nawr dan zawng hi en ta che?"

"Nia, a dik ka ti hauh lo. Ka tan lam nilo se, ka sawi tawh kha hman ah pawh, Robb Marshall a hian a hmangaih che ani....,"

"Chuan mipa in hetiang hian ami an hmangaih te chu an vau a an nupui atana an neih thin?" a ti salh a.

"A dik ka ti reng2 lo, bakah tihdan phung lah ani hek lo, mahse he pa hi chu a dan a dang tih i hriat ve tho kha....," a ti nang2 a.

Julie in a chhan leh hma chuan bazaar chu an thleng ta a, hnehsawh taka Eliana in a motor a dahthat hnu chuan an mamawh lam khawm tur chuan an chhuak ta a.

"Khawi ami nge kan en ang leh?" Eliana in a tih chuan Julie i chu a nui sak a.

"A to na ber dawrah kal tawp ang. A tha ber2 a duh bawk alawm...," a ti hmiah a.

La quieralla hmeichhe thawmhnaw nalh tak2 awmna, inneih kawr vel pawh an kawl tel nghal na ah chuan an lut dun ta tham2 a. He dawr hi London ah chuan mihausa kalna bik ani a, an thil man pawh a to hlawm telh2 hle ani, mahse pawisa ren tumna Julie i chuan a nei hauh lo thung!

Dawr nghaktu pakhat chuan alo chhawn vat a," Enge i en duh ang, ka pi?" tiin.

Eliana i lah ta pek chuan," Hei hi Mr. Robb Marshall a nupui tur ani a, naktuk ah mai hian an innei dawn nen. Mo kawr a nalh thei ang ber i neih zing ami min lo entir thei angem?" a ti larh2 a. Julie i zak lutuk chuan ava nghawk zeuhva mahse hreawm pawh hian alo lang duhlo thung a.

Chu nu chuan ngaisang tih hriat tak hian alo biak dan ki chu a thlak nghal hmak a," Helam ah hian lokal ta che u....," tiin room pakhat lamah hian a hruai nghal ta vat a.

Mo kawr nalh tak2 chi hrang2 hi alo awm tuarh a, an thiandun chuan nalh an ti bawk aniang an thaw deuh hak a.

"I han en tan ang hmiang? Mo nu tur inhmeh zawng tur hi nalh i tihzawng kha min lo enkual sak ve la tiraw?" Eliana i chuan a ti ta zat2 a. Chu nu pawh chu phur tak hian kawr khaia lamah chuan a kal nghal a, an kawr khai chu a hai kual nghal zung2 bawk a. Julie i erawh phurna engmah a neih lemloh avangin a hawi kual vel mai2 a, Eliana in nalh a tih apiang lei a um e mai ang chu a ti rilru ani. Nula an mahni buaipui tu chuan mo kawr pakhat nalh lutuk tak mai hi arawn khai chhuak a, an lam pan chuan arawn khai phei ta la2.

"Ka pi, hei hi i pian nen a inrem ka ring, a nalh hle bawk ania, i ha chhin dawn em niang?" a tih chuan Julie i te thiandun pawh chuan an lo en reng tawh avangin nalh an ti tih chu engmah sawi lem lo mahse alang reng mai a.

"Wow! Julie, a nalh hle ania, i inhmeh ngawt ang. Hawh teh, va hachhin teh!" tiin kawr chu a hmehbel nghal chawt2 bawk a.

"Awle...in ha chhin ang hmiang...," alo ti duh lek chauhva. Chu kawr chu var hlang nilo, tlem a cream rawng pawl deuh hi ania. A ban leh hnute chunglam zawng chu lace nalh tak hian a inthui a, a hnuai lam zawng erawh chu shiffon puan ani thung a. A fual tha hnalh2 hle a, tin a puk dan pawh chu a mawi hle hian Julie i pawh chuan a hre ve a. Inthlakna room ah chuan a ha chhin ta a, ava chhuah leh chuan Eliana i chu alo ding hliai a, nalh a ti ani tih chu a mitah chuan a lang reng bawk a.

"Aw Lalpa leh! I nalh lutuk, Julie. Kha ngei kha naktuk ah chuan i ha tur aniang, i tana an lo design sa nimai awm ani...," a ti sarh2 a. A dang hak kual leh a peih lemloh avang leh nalh vak kha a tulna pawh a hriat lemloh avangin a tha ati ve nghal mai bawk a.

"Awle....anih chuan hei hi kan la ange, chuan mo thian kawr kan lo en leh ange....," zaidam tak hian Julie i chuan nula bulah chuan a ti a.

"Awle...ka pi, helam ah hian lokal mai ta che u....," tiin room dangah chuan a hruai leh ta a.

Mo thian kawr pawh an lo nei nalh hlawh hle lehpek a, an sum sen angai lo bawk nen, hawh man velah an buai lo tih hria in Eliana i chuan a en tan ta hlawm a. A en fe hnu ah chuan kawrfual nalh tak, Voilet rawng hi a la hrang thei ta hram a.

"Hei hi a nalh dawn riauvin ka hria....," tiin Julie i chu a entir a.

"Nia, a nalh reuh khawp mai, va ha chhin la, kan lo enfiah ang che....," nui rah2 chung hian Julie i chuan a ti a.

Eliana i alo chhuah leh chuan, ani pawh chu ama tana thui nimai awm hian a inhmeh veleh bawk a.

"Awle...kha ngei kha i ha dawn nia, i nalh lutuk. Ryan a a buai palh ang tih erawh ka hlau khawp mai," tiin Julie i chuan a fiam chul a.

"Buailoh lai anei hauh lo aw....," tiin a pasal thlavang chu alo hauh sak vat thung a.

"Hemi te pahnih hi min lo pack sak ta che, chuan bill chu Mr. Robb Marshall a hnenah inlo thawn mai dawn nia," tiin Julie i chuan nula chu a hrilh a.

"Awle...ka pi," tiin an kawr thlanchhuah chu ala a, office lamah a kal nghal vat a.

"Tunah chuan pheikhawk kan en leh phawt ang," Julie in a tih chuan Eliana i chu alo bu nghat a. An kawr leina dawr pheiah tho chuan an kal leh tan ta a. Dawr ho reng2 chu a changkang em2 vek a, mi hausa ho kalna thin tih lah a hriat em2 bawk ani. Thui pawh an kal hma chuan pheikhawk dawr chu an hmu ta a, an lut dun leh ta rawih a.

"Eng lampang nge in zawn a, pite u?" nula tereuh te dawr nghaktu niawm tak hian alo ti thuai2 a.

"Pheikhawk kan rawn en duh deuhva....," Eliana in a tih chuan chu nu chuan alo kawhmuh nghal zung2 a. Pheikhawk pawh chu an enkual reilo hle a. An duh an thlanfel hnu chuan bill chu Mr. Robb Marshall a hnena thawn mai turin anti leh ta a.

"Tunah enge lei la ngai?" dawr atanga an chhuah pah chuan Eliana i chuan a ti a.

"Ka hre tawh bik nang, tikhan a tawk ani mai lawm ni ka lo tia....," a ti ve mai a.

"I mawl lutuk, dinner ei chhuahna ah te inkal dun zeuh2 angai reng tawh dawn a, chunga i haktur te chu tunah hian enfel nghal mai ila, nakin ah chuan haktur ka neilo tiin i buai mai ang," a tih chuan Julie i pawh chuan dik a ti hle a. A almirah a a thawmhnaw awm lai mekte an mitthla a, an nalh lem lovin an chhuanawm lem loh hle ani. Robb Marshall a te ang mi ropui leh lar chhuahpui na chuan an zahpuiawm mah2 hlawm ang tih pawh a hria ani.

"Ani maw....kal ila, purse pawh ka nei tha lo lutuk ania...,"

An pahnih chuan chulai dawr hrang2 ah chuan mamawh an lam khawm ta char2 a, lei pawh an lei hnem phian ani. An duhtawk meuh chuan Julie i chu a chau hnep tawh a, a chhan chu zan a mu lo nen, rilru hah nen, a chau viau anih pawhin a awm lutuk ani!

Ruthi in anu te lo haw thawm a hriat rual2 chuan pawnah a tlan chhuak nghal a, anu te inkhai bawr luk a hmuh chuan mak ti tak hian alo thlir ha a.

"Mama, enge i rawn lei a, ava tam ve...?" a ti ta chul a.

"Darling, inchhungah lut rawh le. Thil tam deuh kan leia, nakin ah ka hmuh dawn che nia aw....," tiin a fanu kawlkawng dala ding tau chu a kalsawn nghakin inkhai bawr tak chuan an ding leh rih a.

"Awle...," tiin Ruthi i chu thuawih tak hian a tlanlut nghal nal2 a. Ruthi i kawr haktur vel a theihngilh trep laiin, Eliana in a finchhuah hlauh a, chuvangin Ruthi i thawmhnaw tur pawh an hawn tel ani.

Julie i room a bungrua te an dahfel hnu chuan an thiandun chuan sofa ah chuan an thu thla hnawk a, Ellen i chuan rang takin coffee alo chhawp nghal bawk a.

Coffee in pah chuan," El, Ryan a bia la, lo phei mai rawh se. Hetah dinner ei ve ula a tha ang. Ryan a pawh zanin a kan hrilhfiah loh chuan a lawm lo palh ange," a tih chuan Eliana i pawh chu alo bu nghat a. A phone chu phawrhin a pasal chu Julie i te ina lokal ve turin a hrilh nghal a.

"Mama, sawi tawh la?" Ruthi in hrechak tih hriat taka alo tih leh takah chuan Julie i pawh chu a thu tha ta sauh2 va. A fanu hian thudik a hriat a hun tawh tih hria in, a bula kal tur chuan a hui a. A fanu chu a malchungah a thuttir leh te te a, chutah a thil hrilh tur chu a sawi tan ta a.

"Englo ania, darling. Daddy hi i daddy tak2 ania maw.....kan la innei rih lova, chuvanga hetianga awm hrang hi kan ni a. Mahse tunah chuan i daddy hian i bula awm ve tawh a chak avangin, Mama nen an innei anga, chuan daddy bulah kan awm tawh dawn ani. Chuan naktuk ah mama leh daddy kha an innei dawn bawk ani, i hrethiam em?" tiin a fanu chu zaidam tak hian a hrilhfiah ta a.

"Innei chu enge a awmzia mama?" alo ti leh bauhva.

"Innei awmzia chu maw? Inhrang a awm lova, inkhat a chhungkua a chen ho hi ania....," tiin a mawl thei ang ber hian a hrilhfiah leh a.

"Anih chuan, daddy bulah ka awm reng thei tawh dawn ani maw....yahoooo....," tiin anu malchung atang chuan a chhuk a phone chu a ban nghal zat bawk a.

"Darling, tunge i biak dawn?" a pa biak a tum tih hre reng chung chuan Julie i chuan a ti a.

"Daddy chu ka bula a awm reng tawh dawn avangin lawmthu ka hrilh dawn alawm, mama. Chuan zanah thawnthu min chhiar sak ziah turin ka in promise tir dawn bawk, Papa ang khan min chhiarsak ve duh ang tiraw?" a tih tak reuhvah chuan Eliana i leh Julie i chu an inmelh zauhva. Ruthi i hian Mac a hming hi a lam ngai tawh miah lo na in alo la theihngilh hauh lo ani tih chu alang chiang hle a, Julie i hnuk chu a ulh hial ani.

"Yes, darling, daddy chu i promise tir dawn nia," tiin Eliana i chuan a lo chhan sak vat a. Julie i tan chuan chhan a har ani tih pawh Eliana i chuan alo hrethiam em2 a.

"Hello, daddy. Ka ngai lutuk tawh che ania....," Ruthi in a tih chuan a awmna lam chu an en nghal vat a.

"Mama, in chhungkua kan nih tawh dawn a, i bulah kan awm tawh dawn a ti a....," Robb a chuan engtinnge alo chhan an hre thei lo thung a.

"Aw lawm e....mahse zanah papa ang khan thawnthh min chhiarsak ziah ang tiraw?"

"Anih chuan promise rawh, daddy....,"

"Awle...mama ka lo hrilh dawn nia, ka ngai lutuk che....," tiin phone chu a dah nghal a. A nute bulah chuan a tlan phei leh tarh2 a, a pa thusawi chu a hrilh nghal bawk a.

"Daddy chuan i sawi ang chiah khan a sawi a, chuan min promise bawk ania, mama. Chuan zanin ah dinner ei turin alo kal ang tih a sawi bawk aw, mama....," a tih chuan hmeichhe pahnih te chu an in melh nghal ralh a.

"Awle...tunah chuan darling i room ah tv lo han en rih ta che, aunty Eliana i nen hian daddy te, uncle Ryan a te nena kan eitur dinner kan han siam ange aw....," Julie in a tih chuan Ruthi i chu a phur hle ani tih alang reng a.

"Uncle Ryan a pawh alo kal dawn maw? Yes.....," tia au chul pah chuan a room lamah chuan a kal nghal tarh2 a.

Hmeichhe pahnih te chu an nui hak2 a, choka lamah Ellen i pui tur chuan an kal ta a. Eirawng an bawl zawh hma deuh chuan Ryan a chu alo thleng a. A hnu lawkah Robb a pawh chu alo thleng ve nghal bawk a. Champange alo ken chu Julie i a pe a, ani chuan choka ah kengin novah an intur in a thli chhuaka, try a chawiin sitting room lam chu a pan pui lehnghal a.

"Dinner pawh kan peih trep tawh ania....," thu thla pah chuan a ti sap a.

"Vawiin chu enge in lei kim thei ta em?" dul ruih hian Robb a chuan a ti a.

"Kan lei hnem mah2 maithei ani, bill pawh alo thleng thuai ang," Julie i chuan a ti deuh hmak a.

Eliana in Robb a alo thlen hma in Ryan a chu engkim alo hrilhfiah hman tawh avangin, Ryan a pawh chu a bo lutuk bik lova.

"Ka lawmpui a che u...kan no dawn hi naktuka innei tur te tan aw niang....," tiin a no chu a chawisanga , midang pawh chuan an no theuh chu chawiin Ryan a no chu an va khak ri rak2 a.

"Ryan min lawmpui ve kan ring ani, kan fanu in chhungkaw diktak bula hun a hmang ve tawh tur hi," Robb a chuan a tiril ruih a.

"Tehreng mai, mahse nu leh pa bula awm e tilo hian in in bauh reng chuan a hlim dawn miah lo ania," Ryan an a tih chuan an nui deuh hak a. Mahse Julie i chu a rilru tak2 in a nui hauh lo tih pawh Ryan a chuan a hre chiang ani.

"Ni e, kan zir zel ang chu....nangni pawhin zir chu inla ngai dawn khawp alawm," Robb a chuan an nupa a nuih suk pah chuan a melh a.

"Kan la plan ngam chiah lo keini zawng. Kan inla muk phawt ang, mamawh kan la ngah em mai," Eliana i chuan alo ti vat a.

"Nia, a dik khawp mai. Fa neih hi a lo namai lo em mai, hei keini hi min en mai ta che u....," inti engemaw ni taka a tih phei chuan Julie i chu alo luak lo chauhva.

"Dinner a ei theih tawh e," Ellen in arawn tih takah chuan Ruthi i ko turin Julie i chu kal nghal mai a tum a, mahse Robb a chuan lo dangin,"Keimah zawk le....," alo ti sup a.

"I tih dan2 le....," tiin Julie i chu choka lamah chuan a kal nghal hmak a. Nizan vela Robb Marshall an a tihdan a ngaihtuah phei chuan a be peih thlawt lo ani, nachina Ryan a te bula a tawngdan vel phei kha chu alo ngei hlum lo chauh bawk!

An fapa a an rawn inkai chhuak chu julie i chuan alo en reng a, an in an zia te chu mak a ti thar hial a. Ruthi i a pa bula hlim taka a awm erawh chu hmuhnawm a ti hle thung a.

Dinner chu a rin ai daiha hlim taka an ei tlan theih tak avang chuan Julie i chu a thaw hawk a. A nihna takah chuan a insum theihna rah ani te pawhin a hre ve a. Robb Marshall a chuan inti ta tu taka a kuah laite chuan a insum hram2 a, Eliana i te nupa chuan engkim hre tho mahse, an fanu in a nu leh pa an inhau lai leh inkhak fak2 lai a hmuh a duhloh avang chuan ani a tawrh hram2 ani. Nidang ah pawh ala tuar zel fo angai ngei ang tih pawh a hria ani.

Dinner an ei zawh hnu chuan an eina te an tifel leh te te a, chumi chhung chuan mipa pahnih te chu sitting roomah an lo inkawm thung a. Ellen i chu Ruthi i rooma awmpui tura Julie in a tirh avangin Eliana i nen chuan an thil eina te chu an tifai a.

Mipa pahnih te an va zawm ve hnu chuan Robb a chuan naktuk a an hun hmandan tur te a sawi ta a. Julie i chuan engmah zawh emaw sawisel emaw tumna a nei hauh lova, a dar zat leh a hmun a hriat chuan a duhtawk mai ani.

"Dar hnih ah St. Thomas Church ah kan innei dawn a, rawn tlai hauh suh ang che u. Pastor hmalo chung2 ka hmin thei hram lehnghal nen," inti thei tak hian a ti a.

"Kan rawn tlai hauh lovang, ka pu," Eliana i chuan alo ti fiam a.

"Honeymoon chu kan hmang rihlo mai ang tiin ka lo ngaihtuah a. A pawi viau angem, Julie?" ngeiawm zeta melh ralh pah chuan a ti a.

"Pawi hauh lovang....,"tih chiahin a chhang a.

"Ka thutlukna min pawmpui thlap2 tu nupui kan nei tur chu ka va han vannei em?" a ti leh deuh kher a.

"I vanneih zia ila hre dawn chauh alawm....," mit siai zeuh pah hian Eliana i chuan alo ti leh hram a.

"Awle...ladies....zan a rei dawn tlat. Naktuk ah tihtur ropui tak kan nei si a, ka hawsan tawh mai ang che u," tiin a ding nghal bawk a.

"Awle...kan rawn zui nghal che ani mai....mangtha le Robb," Ryan a chuan kawngka thleng thlah pahin a ti a.

"In zavai khan mangtha ule...mutheih lohnan te hman kher a tul lovang," meinei tak hian a ti leh hram a.

A hnunglam atang chuan Julie i chuan a ngei em avang chuan a chhiatkhum nghek a, Eliana i chuan alo nghawk sawk bawk a.

Robb a haw lam chu a motor khalh pah chuan a faifuk rat2 a, a hlim ani. Zanin ah khan an chhungkua chu a tem lawk niin a inhria a, a hlim lo theilo tlat. Tin a hmeichhe hmangaih ber tunah chuan darkar reilote hnu ah a nupui a nimai tawh dawn bawk nen! Julie i chu a hlim hauhlo tih pawh a hre ru reng a, mahse a nupui a nih hunah chuan a enkawl na hnuaiah a awm ang, ala hlim ngei pawh a ring ani. Tunah chuan khawvela mipa vannei ber ani dawn ta ani tih a ngaihtuah na chuan a rilru chu a tihlim em2 ringawt mai ani.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » May 14th, 2018, 5:57 pm

Eliana i te an haw hnu chuan a fanu chu en turin an room ah a kal leh te te a. Alo muhil tui tawh hle a hmuh chuan a nui sak a, a room lamah a phei ve ta a. Naktuk ah pasal a vawihnih nan kan nei dawn tiin a nui ngaihtuah a, a nuih chu aza hial ani. A pasal tur lah chu a hmangaih em2 mahse a hma a mi anglo takin amah hmangaih velo tu ani thung dawn ani. Mut mai chu har a tih avang chuan a room ah chuan a vei kual deuh chhen a, a phur eih lo bawk ani. Robb Marshall an zanin a hnehsawh tak2 a a tawngkhum dante kha a ngaihtuah a, engtin tak an inneih hnu ah awm dun zel tak ang maw tih te chu a ngaihtuah neuh2 a.

Nizan a mutha lo nen, a inphih fai hnu chuan mut tumin khumah chuan a lawn ta a. Rei tak chu a rilru ah chuan thil tamtak ngaihtuah tur a neih avangin a muhil thei lova, hmanlai atangin a hriat theih2 chu a ngaihtuah kual neuh2 a, a lungte pawh a leng hial ani. Anu a mitthla phei chuan a ngai em2 a, Mac a pawh a ngai bawk ani. Engtinnge a naktuk leh a nukhua hi ala awmzel ang tih a ngaihtuah thlen phei chuan a hui pap2 lo theilo ani. Zanlai a pelh hnu chuan a taksa a chau tawngkhawng ve tawh nen, a hriatloh hlanin a muhil ve ta nge2.

A tuk zingah chuan Eliana i te nupa chu an rawn thleng a, an rawn phur hmel hle lehnghal a. Mahse, Julie i rilru hah lutuk tiharh an tum vang ani tih pawh a ruk chuan Julie i chuan a hre ve tho ani. Breakfast te an ei hnu lawk chuan an mahni chei tur an rawn thleng ta rup2 a.

Door bell an hriat chuan, Ellen i chu hawng turin a kal nghal vat a. Mahse khawngka a hawn chuan pawna dingte chu ala hmuh ngailoh avangin a hawi hai hle a.

"Tunge i hmuh duh a?" a ti ha a.

Mipa, tuai ani mah zawk ang tih tur chuan alo chhang ta hlai2 a," Julie i te in ani em? Amah chei th tur te kan ni a....," a ti a.

"Aw....ni e...lo lut rawh u...,"a tih chuan an thui hruaite pawh chuan an rawn lut ve nghal ta zut2 a, an rawn thawk rip hle bawk ani.

An thawm hria in Julie i leh Eliana i pawh chu an rawn kal ve nghal a, Robb a mitirh ten eng2 emaw an rawn keng lut zut2 chu an hmuhin mak ti tak hian an lo en tawp ringawt a.

"Enge heng thil zawng2 hi?" mangang tak hian Julie i chuan a ti ta a.

"I nalh natur kan rawn keng anih hi.... Bobby a ka nia...," tiin tuai pa chuan a inhmelhriattir ta a.

"Aw Lalpa leh! Robb Marshall a nge2. Helam ah hian aw niang," tiin Eliana i chuan an bungraw rawn kente an dahna tur chu alo kawhhmuh thuai2 a.

"Awle...hun kan ngah tawh lo ania, hei dar 10 ari chu ani mai tawh nen...han hmanhmawh deuh ula aw...," Bobby a bawk chuan an tih vel dahfel pah chuan a ti a.

Mak ti taka hawikual vel mai2 pah chuan Julie i chuan an bungraw thiar vel leh siamfel mek chu a en hau ringawt a. Bobby an hmanhmawh deuh tura a tih pawh chuan a hmanhmawh phah chuang hlei lova. A nihna takah chuan phurna phakhat mah a neiloh mai bakah rilru natna a nei tel bawk nen, engkim chu alang ho hulh ringawt mai ani a tan chuan.

"Hawh le Julie, han ti tak2 teh ang. Monu nalh ber i nih ngei ka duh ania," tia Eliana in arawn pawh takah chuan a kal ve mai a, mahse engmah phurna amah a awmlo ani tih erawh a tilang chiang hle ani.

A sam chu an spa sak dawn avangin helmet ang deuh reuh hi an khumtir luk a, Eliana i sam pawh an tih ve tho avang chuan a bul lawkah chuan a thuve bawk a. Sam an spa lai chuan an ke leh kut vel chu hmeichhe pahnih hian an tihfai sak bawk a. Ngawi reng hian Julie i chuan a dawh ve mai a, sawisel emaw tihtur sawi emaw erawh a tum hauh lo thung a.

Dar sawmpahnih leh a chanve anih meuh chuan an thiandun chuan an nalh tawh hle ani tih erawh darthlalanga a inen chuan a hmu thei a. Mahse an lan nalh em avang pawh chuan a lawm phah eih chuanglo ani. A mipa hmangaih ber pasal ah a nei trep tawh chu ani ngei mai, mahse hlimna erawh a nei chuang lo ani. Ka awm ang hian tumah awm ve lose ka va han ti em, a ti rilru tlawk2 hial ani. Mac min lo hmu reng ang chu tiraw? Ka va han ngai tak che em ve le aw..... Mac Ruthi i tan chauh ani ka tih dawn ni, pa a mamawh si a, a ti rilru vawng2 a. Mac a tluka hmangaih tu ala tawng lova, tin ngaihsak thu ah pawh ani tho bawk ani.

Dar khat leh a chanve a rik chuan an in kawtah hian limousene var hi arawn ding ta ruah a, tukverh atanga Eliana in a en chuan a te chel chul a.

"Enteh Julie, motor alo thleng tawh ania aw......," phur taka Julie i bula kal pah chuan a ti hlut a.

"I phur lutuk i che chhe palh ange, inbengdai rawh," alo ti zawi raih a.

"Enteh, i nei dawn tho2 tawh bawk a, i hmangaih tho bawk nen, tlem chuan hlim hmel pu ve deuh tawh teh," tiin Eliana i chuan a zilh deuh hlak a.

"Ka hlim alawm, mahse ka hlim dan hi a dangdai mai chauh ani," a ti duh lek a.

"Awle....awle....ka hrethiam lutuk na chein, i fanu i hmangaih ang thova a hmangaih ve vanga ti ani tih kha theihnghilh bik lo la," a ti leh hram a.

"Ka hria e....ka hria e....,"

"A lawmawm e.....amah chauh chu in ngaihtuah sela, neih kher che pawh a tum biklo maithei ania. In nufa a nun nuam zawk leh hahdam zawka in awm theihnan a theih ang a tive ani tih hi hriatsak leh la ka ti khawp mai,"

Julie in a chhan leh hma chuan Ryan a chu alo lut a," Kan kal mai dawn em niang? Tlai kha Robb an a hlauh em kha!" nui suk pah hian arawn ti a.

"Awle....kal ang u....engmah nghah tur kan nei tawh hleinem....," Eliana i chuan alo ti nghal zat a.

Motor a an luh hnu chuan a naute a hrilh loh avang chuan Julie i chuan nuam ati chiah lova. A nihna takah chuan hrilhna hun a awmlo ani zawk mah ani. Engkim mai chu hmanhmawh taka tih anih mai bakah rilru hah taka a awm avangin engmah pawh a ngaihtuah mumal theilo bawk a. Nakin lamah ala hrilhfiah mai aniang chu tiin a inhnem ta ringawt a. Eliana in tihlim a tum nasat zia te chu a hre ve renga mahse a nui thei thlawt lo ani, a der pawn. Robb Marshall a vanga natna, hreawmna leh hasatna a paltlang tawh tam tak te chu a ngaihtuah let leh a, a nun a hlim chho veleh dawn chiah maw tihin hei tunah ti hi an ni leh ta sia. A fanu nun chhe vek tur leh pa tel lova a seilen chu a phal bik silo nen, amah leh amah chu a inhlan leh dawn ta ringawt chu ani sia, chutiang karah chuan a hlim thei mawlh lo ani.

Ellen i leh Ruthi i chu Ryan a rualin an kal ve thung a, an nalh dun hle ani. Ruthi i lah engmah hrelo tih takah an chhungkua a an awm ve thei tawh tur chuan alo tihlim ve em2 a, a phur em2 bawk ani. Mite chuan pa an neia, an pa ten school ah te an hruai in an lam thin a, ani ve chuan pa a neihloh avangin anu chiahin a hruain a lam thin kha ania. Tunah chuan a pa in engkim mi pa ten an tihsak ang kha a tihsak ve theih tawh dawn avangin a hlim em2 lo theilo ani. A nihna takah chuan a nu bulah hian vawi tam tak a pa chanchin hi a zawt thin reuhva, Mac a kha a pa emaw a ti bawk ani. A pa a boral tawh tiin a thiante bulah chuan a hrilh thin a, mahse pa tak2 alo nei reng ani tih a hriatna chuan amah a ti hlim lo theilo ani, rei tak rual alo awt ve tawh nen!

Biakin kawtah chuan Robb a leh midang tlem te hian an lo nghak a. Robb a nu leh pa pawh nalh taka inthuamin an lo awm bawk a, Robb a chuan an motor kawngka chu lo hawnsakin alo kai chhuak thuai a. Inchhunga an luh dawn erawh chuan Ryan an a kailut thung ani.

An inneih thu an chham lai te chuan Julie i chu a tah a chhuak hial zawk a, a lem hle hian a hre bawk ani. In hmangaih tak te inneihna ani lo tih chuan a thinlung ati na lo theilo bawk a, lehlam takah chuan tlanchhuah daiha chu inneihna chu thlentir loh mai te pawh a duh rum2 hial ani. Mahse a fanu a chan anga engtinnge a awm tak ang tih a ngaihtuah thlen leh meuh chuan a tum chu tu rawn sawipui ngai lovin a thulh leh chiang hle bawk a.

Thutiam an lak zawh hnu chuan pastor chuan Robb a chu a nupui thar a fawh theih tawh thu a hrilh chuan zawimuang hian a hmai khuhna lace var pante chu Robb a chuan arawn hlim ta a. Julie i chuan lo dan mai hi a nap hial ani, mahse midang an awm ve nen, Robb a fawhna chu ngawi reng hian alo dawh mawl tawp a. Chhanna a hmuh loh avang erawh chuan Robb a chu a lawm lo ani ngei ang, arawn en deuh vang2 a. Julie i chuan a haider hmak a, hmundang a melh tlat bawk a.

Pawna an chhuah chuan mo thar leh mo pa chu a awm chhun2 te chuan an chibai sap2 a, an lawmpui thu te an hlan pah zel bawk a. Robb an media ho lokal a khap na in thlalak na chu hmuntin atang chuan a de chhuai2 reng thung a, media ho chuan an newpaper chhuak leh hmasa bera chhuah chu an chak et2 tawh ani. Khawvel huapa sumdawng milar, hausa tawntaw leh hmeichhe hovina an attchilh rawnin nupui a neita tih chhuah chu a chakawm lo thei bik nang! An fanu lah chu a hlim em avang chuan a nuisang reng a, biakin pawna anu leh apa an rawn chhuak chhiah chu an kutah ve2 alo kai nalh a, a thlah leh phal tawh hauh lo bawk ani.

Dinner leh inneihna party erawh Robb a inah buatsaih ani a, mi tlemte mi pawimawh te chauh anlo kal bawk nen, lehlam takah chuan milar tak nipui neih ni nimahse a hahthlak phian hian Julie i chuan a hria a. Robb a ina an han let leh ta mai chu a mak ru tlat te hian a hria a, he in hian a nun zawng2 a thlak danglam a, hmangaih a neih phah a, fanu a pe bawk ani. Hei tunah lah pasal hausa tawntaw a pe leh a, a hmalam hun zelah enge ala pek belh ang tih erawh chu a ngaihtuah thiam biklo ani.

Robb a chuan a hmangaih ber a neita emaw tih maitur hian a kalsan phal hauh lova, a kawngah hian a chelhsak tlat reng a, Julie i chuan alo ngei ru hle nain, a inlahrang thei chuang lova. A kalsawn dawn hlek chuan a hma aia nghet zawk hian Robb a chuan alo kuahbet zel tlat ani.

Inneih cake an zai hnu erawh chuan champange te an sem tan tak avangin an thutna tura anlo ruahman ah chuan an thu ve ta hram a, a pheikhawk bun a sang tha bawk nen, Julie i chu a hahdam huai2 hial ani.

Lam tura Robb an a sawm chuan Mac a nena an inneih ni kha a hrechhuak thut a, a lung hi a leng deuh veng2 a, anu pawhin thei leh thei lova arawn tawiawm laite kha a mitthla ah chuan arawn lang uarh2 a. Vanlam chu a hawi zeuhva, a nui sak a, Robb a kut chu a vuan ve ta a. An lam chu a rin ai daihin a hahdam a, Robb a pawhin engtinmah ngeiawm lama a tawngkhum loh avang chuan a hlim ta deuh sawt a.

"In la lam dun reng dawn chauh alawm, ka lo lampui ve tawh ange," nui hauh2 a, Robb a pa in arawn tih chuan Julie i chu alo ka hauva. Robb a pa hi a tlangval lai chuan a fapa ang thova hmeltha anih ngei pawh a rinawm a, tin an hunlai na na na kha chuan tlangval to pawh ani thin reng ani. Chutia a mo nu lampui tura arawn sawm takah chuan Robb a chuan a nu leh a pa te chuan a nupui chu an pawm thlap ani tih pawh a hrethia nghal mai a, a chhan chu an chhungkaw dan pakhat ang deuh reuh kha ani tlat ani. An thlahtu te atang tawh khan nupui/ pasal an neih dawnin mahni duhthlan emaw chhungte duhpui emaw pawh nise an in pawmpui anih chuan an lantir na chu mo nu lampui ah ani thin ani.

Rei vaklo an lam dun hnu chuan Robb a pa chuan," Ka fapa hi i enkawl tha viau ang tih ka hria ani, kan chhungkua ah kan lo lawm lut a che....," a ti huk2 a.

"Ka lawm e....mahse Robb a mizia chu i hria alawm," nui deuh sak pah hian a ti ve a.

"Ka fapa kha ani miau alawm...mahse a rilru hi a tha hle ani tih erawh ka hrilh duh che ania, han inti rum thin viau mahse a no ru tlat bawk....," mit siai zeuh paha a tih chuan Julie i nuih chu aza hle a.

"Pasal tha tak leh pa tha tak anih ngei dawn chu!" a ti fiamthu ve hlut a.

"Awle...i chau lutuk ang, hawh le i nu bulah sawn iva kal teh ang," tiin Robb a nu bul lamah chuan Julie i chu a kai phei ta a.

Robb a nu chuan hlim taka nui sang chung hian alo kuah vat a," Ka fanu, ka hlim hle ani vawiin ni hian. Hun rei tawh tak ata tawh ka fapa hmela hlimna ka hmuh tawhloh kha vawiin hian ka hmu ani," alo ti sarh2 a.

"A lawmawm ah ngai ang chuti chu....,"Julie i pawh chuan a tive mai a.

An hnung lam atanga rawn tawng ri chu an hre ta a, an hawi rual thawt bawk a.

"Ka nupui anih kha, nangni khan a interview inlo lak vak2 angai lovang," Robb Marshall a chuan inthu tak hian arawn ti ta lung2 a.

"Kal mai teh, i bula awm ka phal lo maitur ania. Kan tunu bula awm ve hi kan chak hle bawk nen, kan inah kan hruai anga i buai hle mai ang," a pa chuan fiamthu hian alo ti huah2 a.

"Han tum chhin teh u....ka bon viau maithei ania. Ka nu leh pa in ni tih ka theihngilh mai palh ang tih pawh ka hlau zawk," Robb an a tih chuan an nui tlang dar2 a.

Midang te nena an titi kual chhung chuan khua alo thim a, dinner ei te pawh a hun chho vezel a, an hlim tlang viau ani. Hlim thawm hlir chu hriat tur awmchhun ani a, Julie i pawhin a rin ai daihin chu ni chu a hmang nuam a. Zan lam hun erawh engtinnge an hman dawn a hriat loh avangin chhungril takah chuan a huphurh ru hle thung a. An inleng te an tin tan ta pheuh2 a, zan dar sawm alo rik meuh chuan an haw zo ta a. An pahnih chuan an inmelh deuh rulh2 hi ani ber a, Robb a pawh chu a lai ve deuh ni hial hian Julie i chuan a hria a, mahse a hre sual pawh ani mahna, Robb Marshall a meuh a han lai tur chu a awihawm loh hial ani, tiin a hawisawn a a nui deuh rah2 a.

An hmabak chu mut ani ta tih chu an hai lo ve2 a, khawiah nge a mut dawn a, Robb a chuan a beisei angem tih te chu Julie i rilru a zawhna awm ani a. Robb a pawh chu a pangngai zan biklo ani tih pawh a hrethiam ve mai a, mahse tawng hmasa zawka tan erawh a tum lem lova.

"Kan chho dawn em niang? I chau tawh awm sia?" Robb an a tih chuan a lu a bu nghat ringawt a. Robb a chuan hma a hruai a, zawi te te hian a hnungah chuan a zui ve ta zel a. Robb a room chu a hmuh hrep tawh hnu ni mahse a han lut leh chiah chu a lo thar vur hian a hre thung a, tin engemaw chu danglam a awm tlatin a hre bawk a. Enge tih a han hawikual chian chuan a hre ta mai a, khum chu a dangin alo thlaktir ani tih a hmu ta a, a dup nawm hmel hle a, a bedsheet te reng2 pawh chu a nalh hle ani.

"Inbual hmasa ta che? Nge kan inbual dunleh dawn?" Robb an a tih chuan a zah avang hian Julie i hmai chu a sen nghal tawn2 a.

"Ka inbual hmasa mai ange," tiin bathrobe chu rang tak hian a ban a, bathroom ah chuan a tlan lut nghal vat bawk a. Robb a nui hawk2 ri chu a hre zui a, a hmuthei tawh lo bawka tiin kawngka phen atang chuan a chhiatkhum nghek a.

Tui vawta a inphuh tir sang2 chuan a hahdam nghal rawih2 hian a hria a, engtinnge zanah an awm ang tih a ngaihtuahna a arawn lan tak thutah chuan a inbual lai chu a chawl det a. Robb a zei zia te, hmangaihna chen a thiamzia te, a sosan theihzia te leh a nuam tuar lai hmel a hmuh apianga amah avanga a hlim ani tih a hriat thinna chuan Julie i pawh nasa lehzual in phurna a pe thin anih kha! Zanin ah hian hmangaihna a chenpui angem? Robb Marshall a tluka mipa zei leh hmangaih hi a nei leh tawh ngai dawn em ni? Tunah phei chuan dan ang thlapin a nupui ani tawh nen, alo hnar mai thei bik hauh lovang tiin a inngaihtuah neuh2 a.

"Ka inbual ve duh ania, ilo chhuah thuai loh chuan ka rawn lut ve ani mai," tia Robb a arawn au tak lang2 ah chuan Julie i chu hmanhmawh tak hian a intleuh a, bathroom atang chuan a chhuak ta a.

Robb a chuan a mal var hai lang te, a hnute kar no zet lang te, chutah a sam huh a hnute kara far thla fap2 te a hmuh chuan a tisa chakna chu a tho mai dawn ani tih a hria a, enreng duh lovin hmanhmawh tak hian bathroom ah chuan a lut ta vut a.

Julie i chu a lai hle ani, Robb a alo chhuah leh hunah chuan an hmabak chu mut chiah ani tawh dawn si a, engtin nge ka tih tak ang le? Ka inhlan leh dawn nge ka la hrim rih dawn, tih te chu a thawmhnaw ha pah chuan a inngaihtuah rauh2 a. Fim tak chuan engmah hmachawn thei dawna a inhriat loh avangin khum bul lawka champange vura inchiah chu ala lawk a, hmanhmawh taka hawngin a thli chhuak a, a in ta pawp2 a. Robb a arawn chhuah chuan Julie i thil indan chu arawn hmu a a nui leh ta hawk2 a.

"I zam ani tiraw? Mahse kan vawikhat tihna tur pawh ani hleinem. Tunah chuan nupui/ pasal diktak kan ni tawh alawm, chuvangin midang mitmei pawh ven angai tawh dawn hleinem, tiraw?" tiin Julie i bulah chuan a thu thla a, a intur chu a thli chhuak ve nghal bawk a.

"Mahse nupui/ pasal kan nih hnua a vawikhatna tur ani tho si alawm....," kai delh chalh tawh tih hriat tak hian Julie i chuan a ti a.

Robb a pawh chuan a no chu a tlak pawp a, a dang a inthlit leh nghal bawk a. Julie in Robb a taksa ruak kang duh tak leh hmangaih taka alo chulsak tawh thin a hmuh leh chuan a en deuh vang2 a, nawmna a pek nasat theihzia te chu a mitthla ah arawn lang uai2 a, a khi deuh sak a.

"Julie, he ni hi ka nghah na a rei tawhzia hi i hre pha hauh lovang," Robb a chuan ril ruih hian arawn ti ta a.

Mak ti taka a hmel enchho pah chuan a ka deuh hauva," Enge sawi i tum chu?" a ti sap a.

"Sawitur tam tak ka nei asin, mahse a tan dan tur ka hrelo mai ani," a ti leh ta dap2 a.

"Sawi ta che, ka lo ngaithla ange....," a ti tak na in mutchhuak hian arawn zem tan chiai2 tawh thung a. A nihna takah chuan zan hnih a mutha tawh lova, tin, vawiinah lah nileng in boruak khati kha ani sia, Julie i chu a chau hle ani. Zu an in takah phei chuan a chauhzia chu a hrechhuak a, mut mai a duh ani.

"I mut a chhuak anih kha! I chau viau tak ang. Mu phawt la, damchhungin kan la sawi thei alawm," tiin Julie i chu a pawm lawp a, khum dup nuam takah chuan zawite hian a muttir a.

"Ilo mu ve dawn lo ami?" a ti sap2 a.

"Dawn e, lo mu phawt rawh. Mangtha le....," tiin a hmuiah chuan a fawhsak zeuhva, a thawhsan lehnghal vat a. A insum loh chuan Julie i chauhzia a hmu reng nen, a duh a tih puitlin vaih chuan naktuk ah tho tur a awm lo palh ang tih a hlauh avang chuan a insum hram2 a. A tisa chakna tihreh tur chuan a vawihnih nan inbual turin bathroom ah chuan a lut leh a. A inbual alo chhuah chuan Julie i chu tui tak hian alo mu sak2 tawh a, nui suk pah hian mu tur chuan zawite hian a inthawlh ve ta zal2 a. Julie i chu a kuah a, a khan deuh bawk a, a nun chu a hlim veng2 niber hian a hria ani. Ti hian chuan engmah duh leh mamawh ka nei tawh lo tluk ani tiin muthilh tumin a mit a chhing ve ta nghal a.

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » May 14th, 2018, 5:59 pm

A tuk zinga Julie i a harh chuan Robb a ban lukhamin alo mu reng chu niin, a talhsawn dawn chuan Robb a chu a harh ang tih a hlau bawk si, a muttui hmel hle lehnghal si a. Robb a hmeltha tak chu a en vang2 a, a pasal chu ani ta ngei mai. Mahse chu aia nasa chu duh ala nei, hmangaih ve mawlh se tih te chauh chu ani!

"Ka hmeltha tih chu ka hre ve tho ania,"meng miah chuang lova Robb an arawn tih takah chuan a zak ru chem2 a, mahse a tlawm duh bik ta chuang lova.

"I hmeltha ka lo ti lo maithei asin," thawh tuma inbengkang auh pah chuan a ti a.

"Nih chuan tinge min en reng si?" pawt muleh pah chuan a ti a.

"I hnar leh Ruthi i hnar in anzia ka lo ngaihtuah mai2 a," tiin dawt a sawi a.

"Ani maw? Tu hnar nge nalh zawk anih leh?" mit veilam chauh rawn meng pah chuan a ti a.

"A nalh ve2, i hnar a chhun hi chu ka lawm khawp mai," tiin a hnar chu a khawih zeuh a," Ka hnar hi chu a nalh ve tlat lova....," a ti leh niah2 a.

"I engkim hi a nalh ka ti lutuk vek asin.....a chang phei i chuan ei zawh vek che hi ka duh hial thin," Robb an a tih chuan a uang ani tih hre reng mahse a lai em2 thova.

"Khawi teh, ka tho dawn. Ruthi i school a tlai ange....," tiin a hnute delh per deuh run a Robb an a ban arawn dah chu dahsawn mai a tum a.

"Ellen i leh Mrs. Page i te pawh an awm alawm," tiin a inbeng kang ta zawk a. Julie i chungah chuan Julie i inrin hma2 chuan a bawk ta run a.

Robb a hmel pawh en tha ngam chiah lo chuan," Robb, kalsawn teh, thawh a hun tawh takzet ania," a ti ta chul a.

Robb a lah chuan a thusawi chu hreawm pawhin a awm lova. Zawimuang hian a kun hniam zel a, Julie i hnarah chuan a fawhsak zeuh va," I hnar mai bakah i taksa pumpui hi khawvela hmeichhe awm zawng2 zingah a nalh ka la ti ber asin. Ka nupui i nih avang hian ka lawm ani tih i hria em?" ril ruih a atih takah chuan Julie i pawh chu a awm leh ta hle2 a.

"Robb, i ti tak2 lovang, tiraw?" ngawih ngam chiah silo hian a ti ta sap2 a.

"Ka ti tak2 alawm, ka nunna ai pawhin ka hmangaih che tih hi ila hre nange? In nufa tluka hmangaih leh thlakhleh hi ka neilo asin....," a ti dam leh ta ruih a.

"Maw? Engmaw i sawi?" awihlo tih hriat tak hian Julie i chuan a ti nawn sek2 a. A lawm bawk si mahse a bengchhe ri ani ang tih hlau bawk si chuan a thaw dep2 hi ani deuh bera.

"Ka nupui ni tura ka sawm che khan i hriatthiam daih tawh ka lo ring asin!" a tih leh phei2 chuan Julie i chu mak a ti lehzual em2 a.

"Robb, i ti tak em2? Ka thu hriat hi i fiamthu lo tiraw? " tiin a kuah ta vawng2 a.

"Min hmangaij ve thei dawn lo mahla, ka nupui i nih hrim2 chuan ka lawm tho2 ani.... Julie," a hmuia fawp zeuh paha a tih takah phei chuan Julie i chu lawm avang hian a nui var2 a.

"Ka hmangaih em2 che tih hi i hrelo ami, Robb Marshall! I P. A ka nihlai atang khan ka hmangaih tawh che asin....," a ti ve ta hnap a.

Robb a chuan ngawi reng hian Julie i chu a en ta vang2 a, a thu hriat chuan ati lawm ani tih pawh a hmelah chuan Julie i chuan a hmu thei ani. An pahnih chuan an infawp ta ngawih2 a, tunah chuan engmah daidangtu leh rilru hahna tur an nei ta lo. An infawp te chu duhtawh em2 ringawt mai ani, mahse Robb a chu inla hrang mahsa ah a tang ta zawk a.

"Anih chuan tinge min tlanbo san? Ka zawng nasa lutuk che asin, i awmloh hnu khan ka a lo chauh tih hi i hria em?" a ti vei hluk a.

"Eliana i kha chuan a sawi neuh nuala, mahse keimah vang anih ka lo ringpha ngai lova. I hna tawk tura min duh vangah ka lo ngaia....," Robb a sama chulsak pah chuan a ti siam2 a.

"Ruthi i ka fa ani tih ka hriat hnu phei kha chuan nei let leh tur chein ka theihna zawng2 ka sawm khawm hial asin. Mahse Mac Rowland a kha i nei ta daih sia....ka rilru a vawihnih na atan ana leh vawng2 asin," a ti dam dup a.

"Keipawh ka na lo bik chuang ami? Ka natzia leh ka hreawm zia te kha i hrethiam pha hauh nang," a ti ve a.

"Anih chuan engvanga Mac Rowland a kha nei nge i nih a? Ka thinrim lutuk kha in pahnih a that mai che u kha ka duh asin," a ti vawt ruih a.

Julie i chuan Robb a hmuiah chuan a kut zungchal a dah nghal thuai a," Shhh....mitthi tawh ani a khati khan a chanchin sawi suh! Bakah kei leh Ruthi i kan damkhaw chhuah theihna chhan leh nuam taka vawiin ni thlenga kan la awmve theihna chhan chu Mac a kha ani asin,"

"Chu2 han sawifiah teh le?" alo ti thuai a.

"Ka nu bulah ka kir ngam tawh si lova, heta tanga ka kalbo khan New York lam ka pan a. Airport ah Mac a nen khan kum reitak hnu ah kan in tawng leh ta hlawl a. Kan inah ka haw ngam silo kha Mac an min khawngaih a, a inah min awmtir alawm....," tiin a thaw hak a.

"Sawi zel teh....," Robb an a tih chuan Julie i chuan a sawizawm leh ta a.

"Hna ka zawng anga, ka rai chhungin pawisa ka khawl ang tih kha ka ngaihtuah ve dan ania. Mahse Mac an a ina awmna tur min pek mai bakah a clinic ah hna min peleh zela, chutah min hmangaih thu min hrilh ta a. School kan kal ho lai daih atang tawha min hmangaih tawh thu leh min lo la nghah reng thu te min hrilh a. A chungah khan ka lawm em2 a, mahse a tan thian bak ka ni ngai reng2 lo ani, a thih ni thleng khan...," a tih chuan Robb a chuan a thusawi chu alo pawtchat a.

"Anih chuan in mudun miah lo maw?" alo ti hu a.

"Teuhlo mai, a nupui ka nih hnuah pawh khan vawikhat mah kan mudun lo hrim2. Chuti khawp chuan ani kan fanu nen khan min hmangaih. Ka lakah beisei lah a nei ngai hek lo. Min tanpuia, min chawm a, ka nu leh ka naute thlengin min enkawl pui a, mahse ka lakah vawikhat pawh tihluihna a hmang chuang lo. Mac a tluka mitha kha chu an vang viau in ania ka rin," a tidam diai a.

"Chuan engvanga kan pahniha inneih kan tum reng tawh laia, Mac Rowland a kha nei leh thut nge i nih?" a ti leh khauhva.

" Ruthi i birthday kan lawm zan khan, kan haw dawn tawh tih hrilh che ka tum a, ka zawng kual nasa che a, mahse hmuh tur i awm tak si lovah chuan i room lama i kal tih an sawi ka hria a, ka rawn kal chho ve alawm,"

"Chuan?"

"Camella Anderson i nena i mudun thawm kha ka hria ani. Khata ka rilru natdan kha chu maw i hrethiam hauh lovang," Robb a melh deuh nghek pah chuan a ti kher a.

"Ngawi lawk teh! Khami zanah khan i lokal lai kha Camella i khan alo hmuh lawk che avangin, i hriat turin kan pahniha awmdun angin alo tikual vel mai2 anih kha! Kan awmdun hauh lo khatih lai khan, Camella in innei lo tura min duh em avangin tikhan alo khawsa ta anih kha!" a tih chuan julie i chuan mak ati hle a.

"Engtinnge i awm siloh chuan chung zawng2 chu i hriat si?" a ti nghal chat a.

"Inneih i thulh nachhan kha Eliana i ka zawt a, min hrilh alawm. Chuan Camella i pawh ka dawp a, a inpuang vek bawk alawm,"

"Chuti chu in mudun miah lova maw?" a ti hauva.

"Aih,"

"Nih leh, Michelle i nen khan?" a ti leh deuh nghat a.

"Kha nu kha maw, ka bialnu ani hleinem. Ka thiannu alawm. Awle....min duh tih chu ka pha hauhlo mai, mahse nanglo chu hmeichhe dang ka duh ngai tawh reng2 lo ani....," a tih chuan Julie i mitah chuan lawm avangin mittui hi a luang ta ngiai2 a.

"Tap mah ta che....engtiklai pawhin ka hmangaih reng thin che asin, chuan tunah phei chuan ka nunna hnar in nufa hian in ni lehzual tawh ania.

"Robb, min hmangaih ve ani tih hi ka la awih theilo hial ani," Robb a kuah pah chuan a ti vang2 a. A hlim ani tukin zingah hian, khawvela a mipa hmangaih berin a hmangaih ve ani tih a hriat tawh miau avangin engmah dang duhbelh leh a nei chuang lo ani.

"Ka nupui i nih chuan ka duhtawk mai ang, tiin ka rilru ka lo siamfel tawh a. Ka bula i awm hrim2 hian ka nun hi a hlim thin asin, kum hnih leh tih a vei hnu ah nizan khan hahdam takin ka mu asin, Julie.....muhilh theihloh hi a hreawm zia hriat nawn leh lah ka duh hek lo," tiin Julie i chu nghet takin a kuah vawng2 a.

"Tui taka i mut theih nan ka theih tawpin ka enkawl tawh dawn che alawm, Mr. Marshall," nuih var2 pah chuan a ti a.

"Ka lawm e, Mrs. Marshall," Robb an a tih chuan chu hming chu inhmeh ta riau hian a inhria a. An inneih na hian thil tha aia thil thalo leh a nuna hreawm nasa zawk a thlen kha alo ring kha ania, mahse Robb an a hmangaih ve a, chumai ni lovin amah ang thovin alo tuar ve ani tih a hriatna chuan a lawm a tikim lehzual ani. Amah chauhvin alo tuar emaw a ti kha ania, mahse Robb an alo tuar ve nasatzia a hriat chuan a khawngaih leh hnahnawh a. Tunah chuan khawvela hmeichhe hlim ber ani hial tawh ang chu, ani aia hlim an awm thei tawh chuangin a ringlo hial ani.

"Min kalsan tawh suh aw.....Julie.....," lungrun taka Robb an a beng bula arawn ti sup phei chuan nghet lehzual hian a kuah a, a fawp mawlh2 bawk a.

"Khawvela ka mipa hmangaih ber hi engtin nge ka kalsan phal ang? Ka tana i hlutzia hi ka sawifiah theilo zawk ani.... Robb," tiin duhthawh tak chuan a fawp chhunzawm leh a.

Chutia an infawh lai chuan Robb a kut chu a nghal chho ta zela, a hnute a khawih chauh chu duhtawk mai thei tawh lovin, Julie i taksa pengtin ah chuan a kut chu a kal kual tan ta ruai2 a. Tunah chuan nupa diktak an ni tawh bawk nen engmah zahna tur leh inthlahrun natur a awm tawh lo ani tih hria in Julie i pawh chu a lo phur harh2 hle a. Robb a hmui lum thar2 in a hnute arawn fawh ta dek2 phei chuan Robb a hminglam chuan a lo phun sep2 a.

"Julie, ka duh i hria tiraw?" khur deuh kur2 a Robb an a tih chuan alu a bu nghat a, Robb a nawm na tur chuan a kut leh ka chu a thiam ang tawka zei hian a hmang tangkai ta a. Robb an nuam a tih avanga a rum ri a hriat chuan Julie i chu phurna nasa tak hian a tuam hlap2 a, a thiamna zawng2 hmangin a hma aia nasa lehzual chuan a uar zual sauh2 a. Duhthawh leh uar taka an chet hnu chuan chau hnep hian an inkuah ta rial a.

"Ka duhtawk rih hauh lo ani," Julie i hmuia fawh zeuh paha Robb an a tih chuan Julie i chuan a darah alo chum taih a.

"Thawh a hun tawh takzet ania, i fanu school a tlai ang...," tiin Julie i chu thawh mai a tum a. Mahse Robb a chuan a kawngah a kuahna chu a hma aia alo tihngheh leh tawh avang chuan a tho thei leh ta chuang lova.

"Ruthi i nautur kan siam dawn alawm, uluk takin," a tih chuan an nui dun ta hawk2 a.

"Midang pawn mak min ti lutuk ang, hawh thovang," a tih leh takah chuan Robb a chuan a saruakna zahpui hauh lo chuan a tho thurh a, Julie i chu a pawm ta nawlh a, bathroom ah a luhpui ta a. Bathroom ah chuan an inbual dun a, an hlim hle ani. Hetiang hun an han tawng ta mai hi a mak an ti dun hial bawk ani, a chhan chu inhmangaih lo ve2 ah khan an inngai miau va....

Bathroom ah chuan Robb a chuan a tisa chakna chu a hrithla leh te te a, Julie i pawh chuan chutia Robb an a beisei leh takah chuan a tan alo inpeih veleh zan tawh ani tih a hai bik lova. Chutiang em2 chuan Robb Marshall a chu alo thahlel tawh ani tih a ngaihtuah chuan a zak deuh rum2 a. Mahse tunah chuan a nupui ani tawh a, a pasal a mamawh anih chuan a tan engtiklai pawhin a inpeih reng tur ani tiin a rilru a siam pah sauh2 bawk a. Bathroom atanga an chhuah hnu chuan hmanhmawh tak hian Julie i chuan a awmhmun thawmhnaw a ha a, inhnuai lam panin a tlanthla nghal rawk2 a. A fanu alo hawi hai lutuk ang tih a hlauh vang ani, a chhan chu he inah hian a la mikhual hle dawn ani tih pawh nu a nihna atang chuan a hrethiam ani.

Mahse inhnuai a thlenthlak chuan a rinloh ang takin alo tlangnel phian ani tih chu a hmu rang kher mai. Mrs. Page i nen breakfast an lo inpe mek a, a school uniform pawh a ha thlap tawh bawk. Ellen in alo siam peih thlap leh tawh ani tih a hmuh chuan a lawm hle a.

Ruthi in a nu a hmuh chuan," Good morning mama, Mrs. Page i nen kan lo inkawm a. Hei breakfast te min siam saka," alo ti nghal siam2 a.

"Good morning darling, ka chau deuhva ka lo mu rei deuh hlek alawm mawle..... Mrs. Page i chu ilo tibuai lutuk lovang chu maw....," tiin a fanu bulah chuan a thu thla nghal a, a biangah chuan a fawh sak zeuhva.

"Min tibuai hleinem, Mrs. Marshall. Naupang fel tak ani Ruthi i hi," Mrs. Page i chuan alo ti zung2 a. Mrs. Page i ka atanga Mrs. Marshall tih a han hre ta che mak riau hian Julie i chuan a hria a mahse lehlam takah chuan a nihna tur diktak ani tawh bawk a hriat nuam ati hle thung ani.

"Good morning sweetheart," an hnunglam atanga Robb an arawn tih chuan Ruthi i chuan a thil eilai alo ei zo chiah a. A pa pan chuan a tlan nghal nal2 a, a pa biangah chuan a fawhsak nghal bawk a.

"Good morning daddy, school ah min hruai dawn em?" a ti nghal zat a.

"Tehreng mai, mama nen kan hruai dawn che alawm," tiin Julie i chu a mitmei nghal zat a.

"Ani em, mama?" tiin anu lam chu a hawi nghal a.

"Aw ni e, darling. Daddy khan a sawi chu a ti tak2 zel alawm....," tiin alo tuihnih ve nghal thuai a. An pafa a chuti taka hlim leh innela an awm hmuh tluka nuam chu Julie i tan chuan a awmlo ani.

"Lokal rawh le, i bag te kan siamfel tawh ang," Ellen in arawn tih chuan Ruthi i pawh chuan thuawih tak chuan azui ve nghal mai a. An nupa a breakfast an ei zawh hnu chuan hlim takin an fanu thlahtur chuan an kal ta a. Kawng tluan chuan Ruthi i ti ti chu an ngaithla a, an school a an thil tih thin dante chu apa chu a hrilh a, an miss te fel a tihzia te, an zirlai ang te. A pa lah chuan a ngaithla tha hle ani tih a hmuh chuan Julie i chu a ruk tak chuan a nuih aza hle a, a fanu hian nakin ah chuan khawvel huapa sumdawnna lama milar leh ropui hi a duh2 in ala tikual dawn ani tih chu a hmu lawk hial hian a inhria a.

Hlim takin chuti chuan nitin hun an hmang chho zel a, Julie i tan chuan khawvel hi a nuam hi ani ringawt tawh mai ani, a hmangaih ber bulah a awm tawh miau alawm. A naute pawn college tha takin an zir chho zela, result pawh an neitha thei hle bawk ani. Robb a chuan a rin ai daihin a naute chu a ngaihtuah in a ngaihsak a, a naute pawhin Robb a chu an pawhin fel anti hle bawk ani. Sumdawnna lamah chuan Robb a hming chu a lar deuh2 va, mahse tunah chuan office ah a kal em2 tawh lova, a nupui bulah a theih anga tam awm hram2 a tum avangin in atangin hna a thawk tawh ani.

Meeting pawimawh zualpui ah chauh a kal tawh bawk a, a fanu chu a duat em2 hi ani ringawt a. A pa bula a duh a sawitawh hlek hi chuan a phi nghal ruai a, reilote ah a fanu chuan a duh chu a nei nghal zel emaw tih mai tur hi ani bawk a.

Thla thum an hmaral hnu chuan Julie i chu a rai leh tih a inhria a, Robb a a hrilh chuan a lawm lutuk chu Julie i chu a pawm nawlh a, a virkual pui nghek a. A fate tan pa tha tak nih tumin a inzir nasa hle ani tih pawh hai rual ani lova. Robb a nu leh pa te nen pawh dinner te an inpawh zeuh2 renga tin, an tunu chu an hmangaih hle avangin Julie i pawh a lawm hle ani. An inkar a that tak avangin Robb a nu chu Julie i chungah a lawm hle a, an fapa an hnena hruai kir tu ani a ti hial ani. A chhan chu Robb a hian rei tak a nu leh pa a tlawh tawh lova, an ngaihtuah em2 thin a, mahse an thu a awih ngai si lo nen, tihngaihna tak pawh an hre tawhlo kha ani a. Mahse tunah chuan amah chauh pawh nilo a nupui leh fanu te nen pawh an inzawmna a tha tawh em2 mai bakah holiday hmang tura kal ho zai hial an rel thei ta chu Robb a nu leh pa tan chuan Julie i chunga lawm loh theih pawh ani bik lo ani.

An fa lo pian mai tur tan chuan phur tak hian Robb a chuan toys leh thawmhnaw hi a lei tluk2 hi ani ber a. Mipa thil deuh hlir a lei thin avangin Julie i nuih chu aza hle a. Mipa nge hmeichhia anih dawn pawh hre si lova chutia mipa thil a lei zel nachhan a zawh chuan, mipa ani dawn chiang alawm phur tak hian a ti mai thin a. Mipa neihsak ngei pawh Julie i chuan a chak hle ani, a chhan chu Robb a chuan mipa fa a awt hle ani tih a thil leidan atang chuan a hriat theih mai bawk a.

Thla kaw hnu ah chuan Julie i choka a salad vel siama a awm lai chuan a tui chu arawn baw ta hawk a. Na a nei tan nghal bawk a, choka ah chuan tumah an awmve loh avang chuan na ti chung2 chuan choka atang chuan kal chhuah a Robb a auh a tum ta a. Chutia then sawk2 chunga choka atanga alo chhuak lai chu Robb a chuan kailawn atang chuan alo hmu a, hlauthawng tak hian a pan nghal rawk2 a.

"Ngatinge....ngatinge?" a ti chul a.

"Ka tuibawm a keh ania....," Julie in a tih chuan a hrethiam hauh lova.

"Tuibawm keh vang chuan maw tikhan i awma?" alo ti hu a.

"Mawla....ka naute tuibawm a keh anih hi....na ka neitan tawh bawk....damdawi inah min hruai vat rawh!" a ti chul a.

"Aw Lalpa leh!" tiin Robb a chu a au ta chul a. Mrs. Page i, Ellen i leh chhiahhlawh dangte pawh chu anlo thleng nghal zung2 a.

"Motor kha lova peihfel rawh, John," a ti a, John a pawh chu rang tak hian a tlan chhuak nghal a.

"Ellen puanlum rawn la rawh, Julie i hi motor ah ka lova hruai ange...," a ti leh nghal zung2 a, Ellen i pawh chu hmanhmawh tak hian a tlan nghal bawk a. Motor ah chuan Julie i chu a kal thlen theih dawnloh avangin Robb a chuan a pawm kang nalh a, a kalchhuah pui nghal a. Ellen i pawh chu alo thleng nghal vat a, an tlanchhuak nghal thuai a.

Kalkawng ah chuan a thianpa doctor thiam tak chu an mahni lo buaipui thuai thei tura lo inring turin Robb a chuan a phone bawk a. Julie i na ti chu a rum leh nghat2 thin a, engmah nau neih chinchang a hriatloh avang chuan Robb a chu a hlauthawng em2 ringawt thung a. Damdawiin an thlen chuan doctor leh nurse te chu an lo inring diam tawh a, Julie i chu nau neihna room a hruai turin an nawrlut nghal vat bawk a.

"Thianpa kawr haktur sister in alo pe ang che, nau neihna ah i rawn lut ve mai dawn nia. I julie saw ka lova buaipui ange," tiin Jake a chuan a kalsan ta nghal a. Sister pakhat hian kawr senduk leh kekawr senduk hi a pe a, a theih anga rang chuan Robb a chuan a ha nghal zung2 a, Julie i an nawrluhna room ah chuan sister chu an inhruai tir nghal bawk a.

Julie i chuan thlan hluam hian naute alo chhuah theihnan chuan alo sang mek hi ava hmu a. A bulah chuan a kal hnai nghal vat a, a thlan a chala bawl tuam2 te chu a hruksak nghal a.

"Darling, tang fan2 rawh aw, hei i bulah ka awm reng ania....," tiin a thlamuan mawlh2 a.

Darkar chanve dawn Julie in nau a veileh hnu ah chuan naute chu alo chhuak ta a. A tap ri an hriat chuan an nupa chuan an nui ta a, Julie i chu a chau hle na in an fa chu mipa nge hmeichhia hriat hmasak phawt a duh avangin muhil lo tur chuan a inti harh hram2 a.

"Thianpa, mipa ani e. A pianken pawh engkim a tha e, Julie ka lawmpui lutuk che....," tiin naute thi nena la inpawlh nuaih chu an hmuh turin Jake a chuan a rawn pawm phei a, mahse sister te kutah a dah leh nghal thuai a.

"Ka lawm lutuk e, darling....ka hmangaih lutuk che," tiin Julie i chalah chuan a fawp zeuhva.

"Mr. Marshall, tunah chuan ilo va chhuak tawh rih dawn em niang? Mrs. Marshall i hi tihfai angai a, bakah thildang ngaite pawh kan tih vat2 angaia....," sister pakhatin a tih chuan Robb a chuan a nupui kut chu a vuan vat a.

"Darling, pawnah sawn ka awm reng dawn ania aw...zam hauh suh aw...min mamawh chuan min rawn kohtir vat dawn nia....," a ti dap2 a.

Nui sak pah hian," Awle.... Ka hmangaih che...,"

Pawna ava chhuah chuan a nu leh pa te thutna a lo thu chu Robb a chuan ava hmu a. Naute chu mipa anih thu te chu a hrilh nghal zung2 a, Robb a nu leh pa pawh chu an lawm ve hle ani. Ni hnih hnu ah chuan inah an haw thei ta a, ina an thlen chuan naute leh a nu chu ropui tak hian cake nen an lo lawm a.

Naute hmingah chuan Reuben Marshall an sa ta a.

"Engkim ah hian ka lawm lutuk e, darling," tiin Robb a chuan a nupui a hmangaih em2 chu a fawp vawng2 a. Ruthi pawhin a nau chu alo lawm hle a, an chhungkua chuan hlim takin an inkuah khawm raih a.


www.storyfb.com mizo story thar englai pawhin chhiar tur a awm reng
A Tawp Ta.....

Note: Thiamlo leh tlinglo taka ka story ziah minlo chhiarsak tu te zawng2 chungah thinlung takin lawmthu ka sawi e. Story thar nen ka lo let leh thuai ang....in zavai in mangtha vek ule....

Website story link ho awlsam zawka in zawn hmuh zung zung theih nan STORY FB group siam a ni a. Whatsapp group pawh siam a ni e. Complete tawh ho zawng zawng leh story kallai kan dah vek avangin avangin in lo join theuh dawn nia..
Group link : https://www.facebook.com/groups/991354610918230/

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)