My Destiny (Completed)

Episode nei ho a hlawm a dahkhawmna
Ngaia
Site Admin
Posts: 25813
Joined: April 30th, 2016, 4:07 pm

Re: My Destiny

Unread post by Ngaia » May 13th, 2018, 3:35 pm

Mac a hovin hahdam takin a tukah chuan in chu an thleng ani leh reng mai a. Mac a pawh zana mut a hmuh that loh avangin a chauh hmel hle hian Julie i chuan a hria a. Mahse han tih vak ngaihna erawh a hre chuang lem hlei lova, a chhan chu damlo mai bakah naute enkawl tur a nei bawk nen. Ruthi i chuan anu chu alo ngai tawh hle ani ngei ang, an thawm a hriat rual2 chuan nurse chu anu bula hruai lo theilo chuan a siam a.

A pi khuma an mut fel laite chuan nurse nu bulah chuan ngawi reng hian alo ding ve ran a, a pi chu a en duh hle bawk a. A pi in a mutfel hnua Ruthi i a hmuh chuan a bula kal turin a hui a, a kal ve mai bawk a. Api bana thisen chaw an khaina vel a hmuh chuan hlau deuh tih hriat tak hian a tawlh hnung leh hrat2 a. Julie i chuan nui hak chung hian ava kuah vat a, a pi khum bulah chuan a thutpui ta a.

"Mama.....na na....," tiin a pi kut chu a kawk va2 a.

"Aw darling, a pi kha a damlo amaw.....duat rawh aw...," anu in a tih chuan a pi biangah chuan a fawhsak ta vat a. A pi pawh chu thei leh theilo hian alo nui ve suk a.

"Princess, papa a kal tawh dawn a, min lo fawp ve dawn em?" Mac an a tih chuan anu malchung atang chuan a chhuk thla tharh a, Mac a chu a pan nghal thuai a.

A biang lo dawh pah hian," Khai le....," Mac an a tih chuan a biang tawn2 leh a hmui ah chuan a fawhsak a," Love u, papa," a ti niah2 a.

"Awle....min lo thlah dawn em? Enge ka lo hawn ang che?" tiin a pawm kang nawlh a inhnuai lamah chuan a pawm thla nghal a.

Julie i pawh chuan a zui thla ve nghal a," Lunch ei nghal law2 la?" a tih chuan alu alo thing mai a.

"Ka tlai lutuk ang, damdawiin ah ka ei mai ang," tiin Ruthi i chu a pe nghal a. Pawn thlengin an nufa chuan an thlah a, Mac a lan tawp theih thleng chu Ruthi i chuan a bye2 lauh2 a. Mac a hian a duat em avangin a ngaina hle a, a awmloh pawn Mac a a awm hi chuan tudang mah a ngai hauh lo bawk .

"Awle, papa a kal tawh bawk a, inbual a hun tawh sia.....," a tih chuan Ruthi i chuan fel tak hian nurse nu lam chu a pan a, nursery ah inbual turin an lut ta nghal a.

Lunch ei a hun tawh bawka, inchunga a chhoh leh hma chuan ei nghal mai chu tha a hria in choka lamah chuan a kal ta nghal a. A nihna takah chuan eng anga tui eitur pawh awm se a ei thei thlawt lo ani. Rilru hah bawk, taksa hah bawk chung chuan thil ei a har reng bawk a. Lunch chu Robin an ala peihloh avang chuan inbual harh te pawh a mamawh a, bakah a thawmhnaw te chu thlak a duh avangin a room a tlawh khat em2 ah chuan a lut a, khumah chuan a let thla nghal tawl bawk a. A ngaihtuahna a kal kual leh tan dawn takah chuan a inperh tho vat a, inbual tur chuan a lut nghal ta daih a. Anu room ava luh leh chuan alo muhil sak2 ani tih a hriat chuan a hahdam huai a. A mut tam hi a tan chuan a tha ber ani, a chhan chu a chau nen a muttheih loh lehlek phei chuan a taksa in a tuar dawn lutuk ani.

A nu chu ding vang2 paha a en renglai chuan a phone ri hian a ti phu deuh zawk a, a chhan hma chuan ama room lamah bawk a let leh ta a.

"Hello,"

"Julie, ka lo kal dawn vawiin ah!" Robb a aw a hre leh thut chu mak ati angreng hle a. Arawn biak pawh alo ring tawhlo kha ania. Pangngai taka lan hram2 erawh a tum ngial angai thung a.

"Robb, a tha ber lovang,"

"Mahse Ruthi i ka hmu duh alawm,"

Chhuanlam siam thei ani leh talo, a fa anih ve miau avangin," Awle.... New York ah i awm ami?"

"Tukin zing khan ka lo thleng a,"

"Anih chu, awle....i rawn hmu dawn nia,"

"Chuan ti ti kan ngai bawk!"

"Engmah sawidun tur kan neih ka hrelo,"

"Ka hria alawm," a tih zawh chuan phone chu a tawp nghal daih a. A phone kenlai chu a en vang2 a, Robb a thilsawi tur chu hriatloh a duh zawk ani tih pawh a inhria ani. A hmangaih thu amah ngeiin asawi anih ngat phei chuan a tuar zovin a ringlo hial a, chuvangin engmah sawilo sela an pahnih tan leh Mac a tan pawh a thatber a ring ani. Mahse Mac a chunga a awmdan hi chu a inthiam bik hauhlo, a nupui ani a mahse nupui tihtur pakhat mah a tilo tih pawh a inhria a. A nu enkawl pui tura a duh vang liau2 a nei ani tih lah thup theih loh khawpin ati lang chiang nen, a ruk tak chuan Mac a hi a zah ngawih2 a, a inthlahrung em2 bawk ani.

Engtin nge Robb a chu alo hmachhawn tak ang tih te chu a ngaihtuah a, enge a sawi tak ang, a hmangaih ani tih hrilh ta sela, a ngai in a thlahhlel bawk nen, alo tuiral leh mai ang tih erawh a hlau hle ani. Bakah engtinnge Camella i nen an awmdun lo tih asawi kha a awih ringawt theih ang? Amah ngeiin Camella i aw kha a hrechiang si a, tih te chu a ngaihtuah kual a. Engpawh nirawhse, Mac a nupui a nih chhung chuan an inhnaih tur ani lovang, a theih loh bawk tiin a tho a, room atang chuan a kalchhuak nghal a. Ruthi i pawh alo inbual zo tawh a, chhuatah alo infiam mek a. Anu a hmuh chuan a pan nghal vat a, a kuah leh ta chung2 a, hei hi tunlaia Ruthi i awmdan thar ani, anu a chang tlem lutuk hi a ngai ve em2 bawk ani tih pawh Julie i chuan a hrethiam pui em2 a, a khawngaih hle thin ani. Kawngka in kik ri an hriat chuan nurse nen chuan an meng phawk deuh hra a, mahse Robb a anih a ring nghal mai a.

"Lo lut rawh," a tih zawh chuan kawngka chu arawn inhawng nghal a,Robb a ngei mai chu alo lang nghal bawk a. Ruthi i thiltur niawm tak hi arawn pawm bawr tun a, Ruthi i chuan alo lawm ni mai awm hrim hian a kut alo beng vak2 a.

Chhuta a thil ken bun ruih pah chuan," Sweatheart, lokal teh," tiin Ruthi i chu a ban nghal a.

"Daddy," tiin a pa chu a pan ve nghal mai a, a biangah chuan uluk tak hian a fawhsak nghal bawk a. Julie i chuan a pa koh nana chutiang tawngkam Ruthi in tu zirtir ni hauh si lova a hmang chu mak ati hle a, bakah an inhmu lo rei leh tawh viau bawk nen , chutia alo duh leh nghal mai te pawh chu mak ati tel bawk a. Mahse anlo sawi thin erawh a dik hle in a hre thung a, thisen zawm chu inhmu ngailo mahse in ngainatna an nei tlat zel tih ang chiah khan, inhmu khat hle mahse Ruthi i chuan a duh em2 tho ani. Apa nen chuan an inpawm a, a thil rawn hawnsak te chu an hawng dun a, Ruthi i hlim lutuk chu a te teng tung bawk a.

"Tikhan lo in awm ru, ka nu ka en lawk angai," tia chhuah mai chu a tum a, mahse Robb a chuan a banah alo chelh thuai a," Sister ilo va enlawk thei angem?" nurse hnena a tih chuan nurse nu chuan hriatthiam hmel taka buk zeuh pah hian a kalchhuah san ta a.

"Engvanga khatiang ti kha nge i nih a? Ka nu enkawl tura Mac a rawih ani hauh lo ania," lungawi lo taka melh ram2 pah chuan a ti a.

"Mahse kan chhungkua a awmho rih hi ka chak alawm," awmze nei fe a Julie i en ran chunga a tih chuan Julie i chu a ip chawih a.

"Chutiang ti hman ka nilo, Ruthi i hmuh i duh a, lo in awm mai rawh u. Kei min tihbuai telve zel a ngaihna ka hrelo," a ti ta hmak a.

"Naute nu hi ka ngai em2 tho asin," a tih ril ruih chuan Julie i chuan a ngei hle a.

"Ani maw? Mahse i tlai tawh ani chutiang sawitur chuan tih pawh i hria anga, tiraw?" a ti let ve deuh salh a.

"Tlai tih tawngkam hi ka hua ania, nangma thua thil i kalthui tir lutuk vanga vawiin ni hi thleng kan ni tih chu i hria anga tiraw?"

"Mahse hmeichhe dang mutpui tu kha ka ni hauh lo thung!" ngeiawm taka nui hak pah hian a ti a.

"Tumah ka mutpui hauh lo tih hi chunglam pawn min hriatpui ani," a ti vawt ta ruih a.

"Robb, Ruthi i a awm ve ania, sawitawh lo la a that ka ring. Bakah awm rei lutuk lo la a tha in ka hre bawk, Mac an ilo kal tih a hriat chuan a lawm viau lovang," a ti ta a.

"A lawm emaw lawm lo emaw ka buaina ani lo, chu2 ilo tuar ve tawh anga ani mai," a tih chuan Julie i chu a sa deuh zak a.

A chhan leh hma chuan nurse nu kha mangang tak hian arawn tlan lut a, "Mrs. Rowland, lokal vat teh i nu sawn na a tih hmel viau ania" thaw hlawp2 chung hian arawn tih takah chuan rang tak hian an tho rual thawt a, Ruthi i chu Robb an a pawm nghal vat bawk a, anu room lamah chuan an tlan phei ta nghal a.

Room an va thlen chuan anu na ti chu alo rum hlarh2 a, khumah chuan alo let alo let bawk a. Anu khumah chuan a thu thla nghal a," I pum ana a ni maw?" hlauthawng tak chuan a ti sap2 a. Cancer hi ana em2 a, na an tih tak2 phei chuan bangah te hian an lawn ruai ani tih te alo hriat ve tawh avangin a rilru chu a buai hle a.

Anu in a chhan tak lovah chuan damdawi chu pek mai a duh a, mahse darkar hnih dana pe tur khan Jaded a khan a hrilh si a, ala tlinglo tih lah a hre bawk si. Ama thu in pek ngawt lah a ngam der silo, rang tak hian Jaded a chu a phone ta nghal a.

"Lo tuar rih lawk rawh se, ka lo kal nghal ang. Tuna a damdawi khan a chhawk thei tawhlo anih hmela, damdawi dang ka rawn keng ang," alo ti nghal zung2 a. Mahse Jaded a lo thlen hma chhung pawh chu anu na ti lutuk chu hmuh hi hreawm ati em2 mai a, Ruthi i chu nurse nen Robb a chuan a chhuah tir a, Julie i bula thu thla pah chuan alo thlamuan ve mawlh2 bawk a. Mahse anu na ti lutuk tal kual vel avang chuan Robb a thil sawi pawh chu enge anih pawh a hre lem hlei lova. Jaded a alo thlen chuan anu chu hmanhmawh tak hian a jection ta nghal a, reilote ah hahdam suai2 tih hriat tak hian anu pawh chu a awm ta a, a tal kualna ah a chau bawk aniang, a damdawi a thawk chiah chu a muhil nghal bawrh2 ta a.

Jaded a haw tur chu an pahnih chuan an zui chhuaka, inhuai ah chuan Jaded a chuan thil awmzia chu a hrilh ta a.

"Julie, a cancer hi a darh nasa tual2 a chumi chuan na a siam nasa tleh2 tawh ani in alang a. A thang chak chi ani bawk nen, a vein te ati puak thei bawk tih kha hria ula ka duh a. Hetiang em2 a na an tih tawh chuan morphine hian kan jection tawh ber thin ani," a ti ta charh2 a.

"Anih chuan tuna i jection na pawh kha morphine tihna ani maw?" alo ti chuai raih a. Morphine tih ri chuan thil tam tak a hrilhfiah ni ber hian Julie i chuan a hria a, damdawii lamah thiamna nei lo mahse mihring morphine an pek tawh chuan an daih rei ngai tawhlo tih pawh tu hrilhfiah kher ngai lovin a hre ve tlat ani.

"Aw ni e, Mac a ka lo bia anga, a tul dan a zirin a bak chu aman alo jection zel tawh mai ang, lo in enkawl tha viau ang che Julie,"khawngaih hmel taka en pah chuan a ti a.

"Ka tha alawm, Jaded. Kan mamawh hun apaingin i awm thin hi kan lawm takzet ania aw....," a rilru diktak a sawi ani tih hai rual loh chuan a ti a.

"Min rawn ko duh hi ka lawm zawk hle ania, ka kal phawt ange. Min mamawhna in neih phawt chuan rawn sawi zel rawh u, engmah inthlahrun angai miah lo ania," Julie i dara beng thak2 pah chuan a ti a, a kal chhuak ta nghal bawk a.

Jaded a kal hnu chuan sitting room ah chuan an inzui lut dun a, thuthlengah chuan Julie i chu a thu thla hnawk a, chau ngawih2 hian a inhre bawk a. A mittui chu a tla tih pawh a hre hauh lova, mahse Robb an arawn hruksak takah chuan alo tap ani tih a hrechhuak ve chiah a.

"Robb, engtinnge ka tih tak ang? Nu ka neilo trep tawh chu ani si a.....," a ti zawi raih a.

"Lokal teh," tiin Robb a chuan a kuah vang2 a," Chutiangin thil an ngaihtuah ngai lo. I naute enkawl i ngai tih kha hre reng la, intih pachan i ngai kan tih thin kha!" tiin a thlamuan a.

"Mahse ka nu telo chuan engtinnge an awm tak ang?" inhnit hlawp2 pah chuan a ti leh a.

"I awm a, ka awm a chuan Mac a pawh a awm bawk alawm, tiraw? I nu hreawmna khi han ngaihtuah la, dam theina chance neitawh lo chung2 a khitianga a awm reng te chu i lainat zawk lo ami?" a ti dam duai a.

"Mahse a awmloh te chuan engtikah mah kan hmu leh tawh ngai dawn hleinem," ala tive fan a.

"Tumah hi kum hlun tur kan awm hleinem, i nu ai pawh khian ka thi hma lovang tih tuman an sawi thei hleinem," a tih chuan Julie i chuan a ka chu alo hupbeh sak nghal vat a.

"Khatiang thu kha vawikhat mah sawi tawh ngai suh ang che," rum taka en kal pah chuan a ti a.

Nui hawk pah hian," Enge min la ui ami? Midang nupui nichung hian maw? I fiamthu ani ngei ang," a lo ti a, mahse a aw ri ah chuan tawrhna hi Julie i chuan a hre thei thung a.

"Sawi tawh lo la ani mai," talchhuah tum pah chuan a ti a.

La kuah nghet sauh2 pah hian," Ka hnenah lokir tawh mai rawh Julie, ka hmangaih che asin," Robb an a tih takah chuan a lungphu hi chawl vek hian Julie i chuan a hria a. Chu tawngkam chu hriat tumin kha leh chen kha alo nghak fan2 a, mahse a hriat ve meuh chuan engkim a tlai tawh si chu a rilru a na ngawih2 a. Siamthat theih nise chuan engkim hi a theihtawp chhuahin a siamtha ngei ang chu, mahse chu2 a duhthusan mai ani ta si!.

"Robb, sawi tawh lul suh! Ka tuar thei lovang! I tlai lutuk tawh ani....,"

"Rowland a hi then mai rawh, ka bula in nufa a in awm phawt chuan khawvela pa tha ber leh pasal tha ber nih ka intiam e....," a tih phei chuan Julie i chu a na lehzual a.

"Rilrua thil awm te hi ngawih bopui reng hi a that ber lohzia chu kan nun atang hian a chiang hle mai maw....," beidawng taka thaw halh pah hian a ti vawng2 a.

"Mahse ka chiang ngam tlat lo alawm a hma khan. Ni e, Camella i kha ka hmangaih emaw ka lo tih tawh avangin ka nun a chhe thelh kha ania. Chuvangin ka chian hma kha chu ka sawi mai ngam bik lo ani," a tih chuan Julie i chuan a lainat hle a. Mahse a lainat in awmzia a nei tawh miau lo ani, Mrs. Rowland i kha ani tawh miau si a.

"Mac a alo haw trep tawh ang, min thlah tawh rawh Robb," a ti ta daih a. Robb a nena inhnaih taka awm reng chu a duhlo ani, an inhip na a nasa si a, Mac a chu lo haw thuai2 se a tih tum hmasa ber ala ni hial ang chu!

Robb a pawh chuan zawimuang hian a thlah ta a, mahse beidawng lo tih hriat zet hian," Ka neihlet leh theihna tur che u anih dawn phawt chuan ka theihna leh chakna bakah ka neih zawng2 pawh hi ka sawm khawm vek ang," a tih phei chuan Julie i chuan kuah vawng2 a fawh vawng2 hi a chak hle a, mahse chu2 thil theih ani lo tiin amah leh amah chu a inzilh hlak a.

"Robb, haw tawh mai la a tha in ka hria," la awm se ti em2 chung chuan a ti ta zawk a.

"Ni e, Rowland a awm laiin ka lo kal leh zawk ang," a rinloh tak chuan a ti ve ta mai chu mak pawh a ti hial zawk a. Ni e hmanna Robb a kha chu ani tawh lo alawm, a inthlak tawh ani tih pawh a hawiher leh a tawngdan atang chuan hai chi rual ni hian Julie i chuan a hre lova. Mahse engang pawn inthlak sela tunah chuan heti hi an dinhmun ani a engmah an tan awmzia a nei chuangin a hre lova chumai bakah Mac a then chu a ngaihtuah ngam lo. Anu, an nufa mai bakah a unaute heti khawpa ngaihsak a enkawl puitu hi chuti ringawta Robb an a hmangaih tih a hrilh tak avanga kalsan mawl tawp ringawt chu a duh lah a duh hek lo. Engpawh nise anu hi a theihtawp in a enkawl phawt anga, anu hian alo peihlo san anih chuan Mac a tana in pek lehzual ngei pawh a tihtur diktak anih ang takin a tum tawh tur ani tih te chu a ngaihtuah a. Mac a dinhmun ah hian ding ta sela, a tih ang zawng2 hi tive dawn ta sela a theih emaw a tlin pawh a ring lo ani, chuvangin ba hlir hian a khat ani ber mai Mac a lakah.

Zana Mac a lo haw chuan Robb a alo kal tih chu hrilh a hreh ngang mai a mahse a in ani a, a hriat lohva a bialpa hlui mai pawh nilo a fa pa alo kal chu zep a tum hauh lo. Hriat hun ala nei anga chumi hunah chuan rinawm lo taka thil ati tih a hriat hunah chuan a lung a awi dawn mawlh lo ani tih pawh a hre ve ran ani. Dinner eitur chuan an thudun ta ran a.

"Vawiin i buai leh em?" tiin bul atan phawt a.

"I hria alawm, buai loh ni hi chu avang ve hle ania,"nui deuh suk pah hian a ti a.

"Anih chu, zanin chu mu hma la a tha ang, i chau awm sia," a sawitur sawitan dantur ngaihtuah pah chuan a ti a.

"Ka tha lawm, Jaded an min rawn bia a," a tih takah chuan Robb a pawh alo kal lai chuan a awm tih pawh a hrilh ngei ang tih a hrethiam nghal mai a. Chutia amah Julie i ka lo midang ka atanga a hria chu pawi a ti hle a.

"Nia, ka ko tawp alawm, ka nu khan na kha ati bawk sia. Chuan Robb Marshall a alo kal a vawiin khan," tiin a ngawi dat a, Mac a awmdan chu a danglam em tih a ngaichang phawt a. Mahse engtinmah a tih tak lovah chuan a sawizawm leh ta a," Ruthi i rawn kan a duh tih arawn sawi a, ka lo hnial thei lo ani," a tih chhunzawm a.

"A tha alawm, a pa ania alo kal kha kan khap ngawt thei lo alawm. Mahse ka awmlai in lokal zawk se a tha tur," a tih chuan Julie i chuan alo hrethiam em2 a.

"Nia amah pawn i awmlaia lokal a tha tawh zawk ang a ti alawm," pangngai tak chuan a ti a.

"Anih chu, zanin chu Robin a hian hei eitur ava siamtui ve. Nge nangma siam zawk?" tiin an thusawi lai chu Mac a chuan a thlak ta daih a.

"Robin a siam anih kha, ka siam hman thlawt lo ani, Mac," inthlahrung tak hian a ti a.

"Aw....keipawh hi a....ka hria alawm i buaizia pawh," alo ti nuah2 a. A nihna takah chuan a awmloh hlana Robb Marshall a alo kal tih a hriat khan a thin a rim em2 a mahse a inbengdai hram2 zawk ani. Chumi vang chuan thil pawh a rilru a awm hmasa sa chu a sawichhuak tawp kha ania, Julie i lam alo ngaihtuah changlo chu nuam ati chiah lo bawk a.

"Jaded a nen chuan enge insawi deuh? Jection lam te kha insawi em?" Julie i chuan a ti ta a, a chhan chu Mac a chu a buai deuh hlek ani tih pawh a tawngdan atangin a man ve tlat ani. An chengdun rei tawh bawk a, Mac a hi a thinrim hian a au ve vak2 ngailo tih pawh a hria a, mahse a tawng a buai tawh chuan a thinrim ani tih pawh a hrechiang em2 tawh ani.

"Aw...a nat dan a zirin jection chu ka pe ang. Zanah pawh min kaitho hreh suh ang che aw....,"a tih dam leh tak thluam ah chuan a inbengdai mek ani tih pawh a hre chiang hle ani.


Dinner te an ei zawh hnu chuan an tihdan thin pangngai in Ruthi i room ah an kaldun a. Nurse nu chuan muttir hi alo tum mek a. Ruhti in an pahniha a hmuh rual2 chuan alo thu nghal vat a, Mac a chu beisei nei tak hian a en nghal vat bawk a, a beisei chu Mac a story chhiar sak ani. Zantin deuhthaw hi Mac a hian story hi a chhiarsak thin a, Ruthi i hian ngaihnawm ti em2 in a ngaithla anga, chuan a mu chauh thin ani. A piantirh atang khan Mac a hian Ruthi i room ah hian lehkhabu chi hrang2 naupang tana chhiar chi hi a dahtir daih tawh a, engmah ala hriatthiam hma pawh khan an hrethiam vek tiin a chhiarsak fo thin reng a, chu2 tunah hian Ruthi i hian ngaiah a neih chho ani deuh ber tawh a.

"Awle2 princess...ka chhiar dawn alawm," tiin Mac a chuan a chalah hian a fawhsak zeuhva.

"Ka lawm e, Papa. Mama pawh aw...," fiahlo tak hian a ti a, a sawi awmzia tak chu ka nu pawh chhiar sak rawh aw a tihna ani.

"Awle...princess...tunah chuan tha tak khan mu phawt la, chuan papa in a chhiar ang aw. Mama chu api bulah a awm angai a, kan pahnih in chhiar leh mai ang aw...," a tih chuan Ruthi i chu a bu ta nghat2 a. A pi a damlo tih hi a hrethiam ve hle a, anu hi chu a beisei ngam lo zawk emaw tih tur hian a awm reuhva, lehlam takah chuan a lainat awm hle hian Julie i pawhin a hre thin ani. A fanu chu a fawp a, a nu entur chuan a kalsan ta nghal a.

Anu room ava thlen chuan eitur te a pe a, alo harh lai ani bawk a, damdawi Jaded an a taksa tana tha tur a chawh ho te chu a pe nghal bawk a.

"Na i nei em nu?" a tih chuan alu alo thing maia. Tawng hi a harsat viau tawh avangin a tawng mai2 ngai tawh lova, bakah a rilru hi a kawm nasa mah2 ani tih Julie i chuan a hria a. A chhan chu amah en reng mahse enge a sawi hi a hrelo fo thin a, a damdawii hnathawh ani em tih erawh a hrelo thung a.

Anu taksa kham lutuk ven nan chuan tuilum chuan a dep sak leh a, a mut a chhuak leh tawh ani tih pawh a hrethiam mai a. Eng2 emaw a tihkual lai chuan alo muhil leh der bawk a. Mac a chu arawn lut ve bawk a, Ruthi i pawh a muhil tawh ani tih a hrethiam nghal mai a. Julie i chu a hnunglam atang hian a kawngah hian arawn kuah a, rang tak hian Julie i pawh chuan a ngheng let ar2 a. Mipa rintlak, innghahna tlak angchhunga hahdam taka awm chu a nuam vawng2 hian a hre bawk a, Mac a kuahna hi a mamawh fo tawh dawn ani. A chhan chu a hah em2 a, thlamuan hi a mamawh em2 bawk a, Mac a chu a pasal anih mai bakah a thiantha tak anih bawk avangin a kuahna chu a thlahlel ani.



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » May 13th, 2018, 3:36 pm

A tuk zanah Robb a chu Mac a awmlai ngei chuan alo kal ta a. Dinner an ei hma deuh hlek hian Robin a hi Julie i nu room ah chuan a rawn kal a.

"Mr. Rowland, inleng i nei a...," arawn tih chuan Julie i nen chuan an in melh zawk a. Tumah inleng tur beisei an neihloh avangin mak anti dun hle bawk a.

"Awle, lo thu rawh se, ka lo kal ang," Mac an a tih hnu chuan Robin a pawh chu a kal veleh nghal mai a.

Inhnuaia Mac a chhuk thlaka a hmuh tumloh ber a hmuh chuan a insangmar nasa hle a. A chhan chu Robb Marshall a hi a hua ni lovin, a hmangaih te pahnih in an hmangaih ani tih a hriat avangin a thik ani!

Mac a sitting room a aluh chuan Robb a chu alo ding nghal a,chibai tumin a kut a phar chhuak pah bawk a. Mac a pawh chuan hawihhawm chhuahin alo chibai ve mai a, mahse mipa pahnih te hian an in ngaina lo ve2 tih pawh an hai lo ani. Robb a tan pawh Mac a hi thik tham ani ve bawk miau a, a hmangaih te pahnih in an belh tlat avangin!

"Thu ta che, enge i rawn kalna chhan deuh?" thuthmun rem pah chuan Mac a chuan pangngai tak hian a ti a.

"Nimin lamah i awmloh laiin ka lo kala, i ngaihdamna ka dil phawt duh a. Ka awmlai anih avangin Julie i nu kan pahin Ruthi i rawn hmuh ka duh deuhva,"

"Tehreng mai, kan fanu intawm kha ani miau alawm," nuihza vak lova nui chung hian Mac a chuan a ti a.

"Enge Julie i nu chu a an tawh hrim2 a?" pangngai tak hian Robb a chuan a ti a.

A thutna atanga tho pah hian," A tha lo ani, ka hlauthawng fo thin a mahse Julie i rilru tihnat leh tih thlabar ka duhloh avang hian a bulah hi chuan ka sawi duh lem lova. Intur i duh em?" Mac an a tih chuan a lo bu nghut a.

"Enge i duh ang?"

"Whisky kha ka lo in ange....," Mac a chuan a thli a, ama ta tur nen. No dawm pah chuan mipa pahnih te chu tawngsual hlau tak chung hian an inkawm ta a.

"I duh leh han hmu la?"

"I rin danin a dam rei tawh dawn lo ani maw?" ngaihtuah muk hmel tak hian Robb a chuan a ti a.

"Jaded a tuna enkawl mek tu doctor ngaihdan pawh ani alawm. Mahse Julie i hi chu a nihna rawt2 hian kan hrilh ngam lem lova...,"

"Awle...ka han hmu lawk ange, i phalna in," tiin a no chu a tlak pap a, inchung lamah chuan zawimuang hian a chho ta a.

Step a a kal lai chuan Mac a chuan a au zui a," Dinner ei ve nghal la a tha ang," tiin.

"Ka eilo zawk ange, ka lawm e," chak hle chung chuan Robb a chuan a ti a. Hnial kha a duh lo mahse Mac a leh Julie i hmuh dun chu a hreh ani, bakah an kara lo inzeh ve kha a tul lovin a hre bawk a. Mac a chu no dang thli in sitting room ah chuan ala thu khawmuanga, chhoh ve loh kha a tha zawkin a hre bawk a. Ruthi i hian amah aiin Robb a hi a duh hauh lo nain, a ngaina ve hle thova, hmuh dun kha a duhlo ani. Tin, Julie i lahin amah a hmangaih loh laiin he pa hi chu a hmangaih em2 tih lah a hre bawk a, helaia Robb a lo chhuk leh hun kha lo nghah mai a tha zawkin a hria a. Enge an la hmachhawn zel tur hi tunah chuan a hrethiam tawh lova, rilru sen ngaihna pawh a hre hek lo ani. Julie i kaltir mai lah chu a ui ve si, mahse nupa nun pawh hmanpui duhlo chung a nupui anga lo kawlsen reng lah chu thil tha ber leh an pahnih tan pawha hreawm na mai2 ni hian a hre tho bawk si a. Alu chu a thing nawk2 a, engpawh nise tha tharin Julie i rilru hneh theihdan tur a ngaihtuah anga, a theihtawp a chhuah leh anga chutah pawh amah ala hmangaih theilo cheu anih chuan a tihdan tur pawh kawng a awm zel tawh ang tiin a inhnem thei ta a.

Julie i nu hmel leh taksa a hmuh chuan Robb a pawh chuan Mac a sawi ang khan rei a daih theih a ring bik lova. Ruthi in a pi a hmuh chuan, a pa chu a en kal a," A pi na na....," tiin a pa chu a hrilh a.

"Yes darling, api hi a damlo a, na na a ti a....i duat hle dawn nia aw...," a tih chuan a fanu tereuhte chuan a lu alo bu nghat a.

"Enge i an, Julie?" a taksa cherthla tak en chung chuan a ti a.

"Ka tha e....,iva lokal tlai ve?"

"Mac a awmlai ka chuh a ngai si a....,"

"Anih chu....,"

"I nu chu enge a na te a ti viau em?"

"Ti ve e...mahse Mac a hian jection a pe thin a, a chhawk tha thina, azia deuh ve,"

"Awle, ka awm rei lovang, a tlai tawh si nen," a tih chuan la awm ve rih tura tih mai hi Julie i chuan a chak a. Mahse thil tihchi ber ani lova, bakah Robb a beiseina pek kha a tha dawna a hriat loh avangin engmah pawh a sawi zui duh ta lova. Ruthi i chu a room lamah a hruai phei leh a, rei vaklo an pafa a an infiam leh hnu chuan haw tumin inhnuai lam a pan ta nghal a. A fanu kalsan chu a phur lo hle a, a bula awm reng theih pawh a chak ani. Mahse ama thiamloh vang vekin tunah heti hian ama fa ngei hmu turin dil angai ta chu ani si a, mahse a tha vek e, tiin a nui suk a.

Mac a chuan kawngka thleng a thlah a,"I duh phawt chuan i rawn kan thin dawn nia,"

"Awle, mahse naktuk zingah hian ka thlawk haw ang, meeting pawimawh ka tel ngei2 ngai a awm a," tiin mipa pahnih te chu an in mangtha ta a.

Ni a liam zel a, nun pawh a buai chho ve telh2 a, a chhan chu Julie i nu chu a chau tulh2 a tunah phei chuan a aw ri pawh a hriat theih tawh mang lova. A tawng ve pawn a hmui bula beng dawh a ngaithlak zel a ngai tawh a. A pum a puar deuh ul tawh a, a ke te pawh a vung chho tawh bawk a. Julie i pawh chuan tu hrilh ngai lovin anu chuan rei a dampui tawh dawnlo tih nitin a hniam hret2 danah chuan a hre mai a. A naute pawh hostel atanga chhuak rih mai tura tih pawh a hun tawh viau in a hria a. Anu chu lo boral ta palh hlauh se tiin nau nen ani si a engkim chu lo peihfel tha a a hriat avangin a theih ang2 chu in atang chuan a tifel tan bek2 tawh bawk a. Nau nen anih avang leh midang han pui tu tur pawh a neihloh avang chuan a nu thawnhnaw kuanga a dahtur te, pheikhawk leh thildang ang te pawh a dahkhawm tawh a. Tin kuang cheina tur ang te pawh a order fel vek tawh a, heng thil tal hi Mac a tibuai lova lo tihfel ve kha a tha in a hre bawk ani.

Ni a liam zela, anu dinhmun a chhiat tak em avang chuan a naute pawh rawn haw mai turin a chah ta a, ni hnih a liam meuh chuan an rawn thleng fel ve mai bawk a. Eliana i pawh a bia a mahse ani erawh rawn kaltur chuan a ngen ngamlo thung a a chhan chu kal leh haw na te a to si a, chumai bakah a pa stroke enkawl alo ngai ve nen. Mahse a rin leh beisei loh takin Robb Marshall a nen Eliana i chu an rawn thleng hlawl a, a hmu chiah chu a lawm lutuk hi a tap tawp ani. Chhungte koh tur an neihloh avangin tikhan a tana mi pawimawh chu an kim der a, a pa awmna an hre lova hria pawh nise hei leh chen arawn ngaihtuah loh avangin hrilh pawh a tum bik hran lo ani. Tunah chuan anu thaw chu an en deuh ber anih tawh avangin Mac a pawn chawlh ala tawp tawh a, tin nitin Jaded a pawhin buai viau chungin arawn tlawh ziah tawh bawk a. A naute leh Eliana i te rawn thlen atanga ni li na ah chuan anu chuan a peihlo san ta nge2 a, Mac an makpa fel tak nihna a chhawm zela a tihtur ang chu tha takin a ti vek bawk ani. Robb a pawn a theih ang2 in alo pui a, Mrs. Rothchild i chu zahawm tak leh mawihnawi takin an pahnih avangin an vuiliam ani tih pawh Julie i chuan a hre chiang hle a. A naute pawh an lawm hle ani, a chhan chu an unau te chauh chu ni sela vawiina an nu an hmangaih em2 an vuina ang hi an tlin dawn lo ani tih pawh hrethiam rual an ni ve tawh bawk a.

Anu boral atanga kar khat hnu ah chuan a naute pawh an hostel lamah an zirlai an bahlah lutuk lohnan Mac a chuan a luhtir leh tawh a. Eliana i leh Robb a pawhin London lam an pansan leh tawh bawk a. Tin Mac a pawh damdawiin lamah mamawh tu an tam em avangin chawl reng thei anih loh avangin a kal leh tan tawh a, Julie i chu a khua a har thei em2 ani. Eliana i khan an buai em avangin Ryan a nena an inneih tur thu vel kha hrilh mahse a hrilh tam thei bik lova, a hun erawh kha chu thla leh mai ani tih a sawi bawk a. Kalve chu a tha ati hle nain Mac a zahawm a tih em avangin sawi pawh a sawi duh ta lova. Mahse an chhungkua a kal tura sawmna card alo thlen takah chuan Mac a chuan kal tha a tih thu a sawi takah chuan a ngawi reng a.

"Intih harh i mamawh alawm Julie. Bakah i thiantha berin pasal a nei dawna engkima puitu che ani a, i kal loh kha a tha lovang," a thil eilai thial tawlh2 pah chuan Mac a chuan a ti a.

"Ilo kalve angem?"

"Ka chak lutuk na in ka theih ka ringlo,"

"Anih chuan kal loh kha a tha zawk,"

"Julie.....enteh boruak thar hip i mamawh a, chu bakah i thiannu ani a i tihtur liau2 ani. Keichu ka tha alawm,"

"Mahse kan nufa chauhva zin kha ka duhlo alawm,"

"In mal dawn hleinem, inneih natur thil vel buaipui in in buai em2 dawn alawm. Ellen i in hruai anga, Ruthi i alo enkawl pui bawk ang che anga,"

"Mahse i khua a har dawn asin,"

"In cham reng dawn pawh ani hleinem,"

"Ka lo in ngaihtuah tha leh dawn nia, ka kal chaklo takzet ani," a ti niah2 a. A kal chaklo tak2 reng bawk a, a chhan chu mi zinga awm ala peihloh mai bakah inneih boruak vel phei chu ala peihlo lehzual ani. Anu kha a ngai em2 a, ala sun dawn chauh ni te hian a inhria a. A nu awmna thin room ah te hian a han kal a, alo ruak huai tawh nen, a tap leh ringawt zel a. Mac a hian a bula mu turin ala ti leh ta miah lova, mahse a nupui a nihna angin a inpek ve a hun tawh te pawn a hria a. Mahse amah ah hian anu ngaihna bak engmah thildang ngaihtuah emaw phurna pawh ala awm eih loh avang hian engmah erawh ala sawi duh lem lova. Mac a pawh hian a hrethiam em2 a, a lakah pawh beiseina awm angin engmah a tilang ngailo ani. A nupui a nihna angin a fawh erawh a fawp thin a mahse a inla hrang leh thuai thin thung! Julie i a fawh hian a tisa chakna a tho mai dawn tih Mac a hian a hriat avangin a fawp rei duh ngailo ani. Tisa chakna chhuak khawpa a fawh tum phei chuan tihreh leh nan hun a hmang rei phian thin bawk a, chu2 pumpelh nan a inla hrang thuai thin zawk ani. Hreawm chu ati ve thin hle a, a chhan chu tihluih na hman a duh siloh avangin Julie in a bula a inpek hun chu a nghak tawp lo thei lova, a nghak thei tawhlo trep fo bawk thin ani. Mipa hrisel tha tak ani a, a chang phei chuan a tisa chakna hrikthlak natur zawn emaw pan mai emaw duh chang te pawh a nei fo thin a, mahse engtin tin emaw a in bengdai leh hram thei thin thung a.

Eliana in kal ngei tura a rawn tur zin em avang chuan Mac an alo tur ve bawk nen an khaw hluia Eliana i pasal neih na a kal chu a remti ve ta a. Mahse a ruk tak chuan a hreh em2 thung ani, a chhan chu anu sulhnu leh an inhlui te, amah leh an chhungkua a hun tam tak anlo hmanral tawhna hnu va hmuh leh kha a hreh lutuk takzet ani. Mahse Mac a sawi ang khan a rilru leh ngaihtuah na te pawh a harh deuh phah ve mahna boruak thar te a hip chuan tih chu a beisei ani. Mac a damdawiin lam pana a chhuah hnu lawk hian rang tak hian a insiam a thlanmual lamah hian a inkhalh chhuak a, anu thlanah hian ava thu reng thin a. A chang leh anu awmtawh lo chu a be mawlh2 anga, a rilru hahna leh a mal tawh zia te a hrilh mawlh2 bawk ang, a chang phei chuan a haw thei lawk thin lo ani. Anu a ngaihna hian engtik ah mah a kiansan theih pawh a ringlo ani. Ruthi i pawh a tawngfiah tan ve deuh tawh a a hma ai thlawt chuan, a fingin thil a man chak hle a, anu khawhar pawh amah hi hnemtu ber ani. Ellen i pawh an bulah ala awm a, Julie i nen pawh an inkawm ngeih viau tawh a, anu chanchin hriatpui vek tu alo nive bawk nen, Ruthi i mut chang te hian coffee in dun pahin an ti ti leh hrep zel ani.

Eliana i te inneih natur a kar khat ala awm ah chuan Mac a chuan an nufa leh Ellen i chu Eliana i te inah chuan ava thlah a. Inneih ni a erawh chuan kal ve ngei tura Eliana in a intiam tir hnu in a tlai tlaiah chuan a hawsan leh ta nghal a. A nihna takah chuan damlo ten an mamawh na chu sang hle mahse chu2 a buaina ani ber lo, Julie i te thiandun in hun an neih chun2 chu hmang dun sela a duh vang ani. A chhan chu Elaina i pawh London ah a kal leh thuai dawn a, chutih karah engtik ah nge an inhmuh leh theih ang tih pawh a hriat loh nen, ani alo awm ve chuan hun thawl an neih theih loh a hlau ani.

An thlen zan chuan an ri hlut a, Eliana i pa pawh rin ai takin alo damtha tawh a, a fanu pasal nei tur chu a phur ve hle ni hian alang a.

"Ka khumah mudun ang aw, kan mutdun lohna pawh a rei tawh em mai," Eliana i chuan Julie i inbual zo lo chhuak chu alo ti nghal siam2 a.

"Mahse Ruthi i leh Ellen i te...?"

"Aw...ka room dawt chiah ah hian an awm dawn thova, zanah buaina an nei anih pawhin engmah buaithlak na a awm hleinem,"alo tihleh zung2 a.

"Awle...awle...boss.Engtik ah nge i bazaar dawn? Nge London atangin i rawn inlei nghal vek?"

"Mo kawr tur chu ka rawn lei tawh e, i en duh em?" a tih rual chuan almirah ami chu phawrh turin a kal nghal a.

"Aw... Lalpa leh, El. A nalh lutuk tlat, khawvela mo nalh ber i ni dawn anih kha," alo ti ve siam2 a. Eliana i mo kawr chu a var sar lova, tlem hian a cream rawng a pawl zawk mah a. Ban neilo, hnute chung a tan phei top ang chi kha ania, a fual tha hnalh2 hle in a embroidarey te chu a nalh hle bawk a.

"Tu min leisak nge i hre duh em?" Eliana in phur taka a tih chuan alu alo bu nghat a.

"Robb Marshall an kan inneih prasent a min leisak anih hi. A to teh ania aw," chhuang tih hriat tak hian a ti larh2 a.

"Ani maw....ava thilphal ve....i vannei hle mai, El," a hlim lohna tilang hauh lo chuan a ti a. A nihna takah chuan Robb a hming a hriat hi chuan tun thleng pawh hian a lungphu hi ala reng thova, a chang phei chuan a thinrim hial thin ani.

"Awle....naktuk ah thildang entur chuan kan bazaar dawn nia aw...,"

"Tehreng mai, Ruthi i nena kan hak tur pawh kan leive angai alawm," pangngai tak hian a ti a.

"Um...sawitur dang chu naktuk ah kan chhunzawm dawn nia, in rawn kalna lamah i chau awm sia mu phawt ang hmiang," Eliana in a tih chuan a lawm rilru hle a. A chhan chu ani lusun leh a thiannu pasal neitur phur tak chu an phurdan a in anglo hle a, a nihna takah chuan a chau em2 a, a thiannu hlimna chu a tawmpui phalo hial ani, chuvangin mut hahchawlh chu a tha ber dawnin a hria a, mahse a muhil thei angem erawh a hrelo thung! A chhan chu he in leh a chhehvel te leh he khua hrim2 hian nasa takin anu a ngaihzual tir tlat ani.

A tuka bazaar tura an kal chuan Julie i chuan kawr fual rawng pawl dal raih hi Eliana i pasal neih ni a haktur chuan a thlang ta a. A kawng hnuailam chu a puk laih a, shiffon puan ani bawk a, a kawng chung leh a ban erawh chu lace ani thung a, a hmuh pawh a hahdam hle ani. Ruthi i erawh pangpar petu tur anih dawn avangin a var hlang a thlansak thung a. Pheikhawk tur te an lei a, sam cheina tur leh an mamawh ang te an lei fel hnu chuan restaurent a chawl turin an kal ta a. An thawmhnaw te chu motor ah an dah leh te te a, zangkhai tak leh duh hmuh belh pawh a lei leh mai thei tur hian an inring ran hi ani ber a. Chutiang taka awlsam leh hahdam tak chuan pawisa hi Julie i chuan ala hmang chhuak ngai hauh lova, a chhan chu nidang zawng2 ah kha chuan hah takin a thawk a, a man tlawm kha kil tinah zawngin a kal kual thin bawk ani. Mahse tunah chuan doctor hausa tak nupui anih tawh avangin Mac a phalna thlapin thawmhnaw manto leh a nalh pawh hahdam takin a lei nghal hmak thei ania, hlim viau awm tak hi ania, mahse a hlim hauh lo ani. Mac a pawisa ba leh khawral sakah a inngai tlat a, nuamlo a ti em2 bawk a, heng ngaihdan hi engvang tehlul a nei nge anih lah a inhre hek lo. Mahse a rilru kil khata awm ta ber chu a rilru leh thinlung zawng2 a Mac a hi a pasal atana a pawmloh vang niin a hre ta ani. An thiandun chuan restaurant ah chuan an chawl a, an thil chah te ei pah chuan an ti ti bawrh2 a, mahse Robb a hming erawh sawichhuah an hlau ve2 ni in alang. Eliana i tan pawh sawichhuah chhen kha a thiannu mi nipui nilai ani tih hre reng chung chuan a tihchi ber lohva, chutiang deuh chiah chuan Julie i tan pawh ani thova.


An bazaar an haw chu an chau viau dawn emaw a tih tehlul nen a rin aiin Julie i chu a chau lova, a lawm em2 ani. Eliana i thawmhnaw ken tur te an thlepfel leh a, tin eng2 emaw tih tur neuh2 a tam em avang chuan ti ti pangngai sawi chhunzawm na hun pawh an nei tawh rih lem lova, midang Eliana i chhungte lah eng2 emaw zawtin an room ah chuan anlo lut ve chhen nen ngawih chu a tha zawka hria in ngawi reng chuan a tihtur chu Julie i chuan a ti hmiah2 a.

Inneih hma ni chuan Ryan a te pawh an rawn thleng ta a, an buai em2 ringawt mai ani. Mac a pawh alo thlen takah chuan Eliana i bulah chuan mu reng thei ani ta bik lova. Mi in anla mudun lo ani tih an hriatloh miau avang chuan Mac a room tura an tih ah chuan hreh tak chung hian a insuan lut ta lo thei lova. Mahse engpawh alo thleng ani thei, hei leh chen a pasal anih tawh avangin a sawi buai tur ani lo tiin Julie i chuan a ruk takin a rilru a siamfel ve bawk a. Zana an mut chuan mutkawr pawh a ken zinga chhah ber chu a ha lui ngat a, a chhan chu Mac a tisa chakna chu tho lo se ala duh ber tho ani. Lehlam hawia a mu chu Mac a chuan a lam hawi turin a kuai her a, a sam tla hnawk niaih chu a hui kian saka.

"Julie, mipa ka ni a, mamawh ka nei ve ani tih chu i hria anga tiraw?" zawi sap hian a ti a.

"ka hria alawm Mac, min hriatthiam na ah pawh ka lawm lutuk alawm," tiin a rilru diktak chu a sawi ve a. A lawm tur reng pawh ani a chhan chu Mac a tih ang zawng2 leh dawhtheih na zawng2 hi mipa dangin an ti thei hauh lovang tih pawh a hria ani.

"Zanin ah hian ka in sum zo lo anih pawhin i hriatthiam ka ring," a hmui a fawp zeuh paha a tih chuan a hrethiam tih lantir nan a lo bu nghauhva.

Mac a chuan uar zawk hian arawn fawp ta a, chhang ngei turin a lei hian a ka chu a nawr kual pah nak2 bawk a. Julie i pawh chuan zawi2 in a chhang ve ta zel a, Mac a pawh a duhthawh telh2 bawk a. Julie i mutkawr chu alu lamah a pawt chho pawp a, chhuatah chuan a paihthlak sak nghal daih bawk a. A hmui lum thar2 chuan a hnute hmur chu a fawhsak a, a chang leh a seh pah nar2 bawk a. A mipatna khauh tung tawh chuan Julie i kekawr te chanah chuan a nawr kual leh thuak2 thin a, chu chuan Julie i pawh chu a ti zauthau in alo thaw leh kawk2 thin a. Mipat hmeichhiatna hi kum khat dawn a hman tak loh vang nge a chakna chu a sosang chho vel zel tih Julie i pawh chuan a hre thei ani. Mac a chuan a taksa hmuntin a rem lai2 chu a fawp kual zel a, chumi chhung chuan a kut chu a hmang tangkai hle bawk a. Julie i chunga a lawn chhoh hma chuan a thawmhnaw chu hmanhmawh tak hian a hlip a, chhuatah bawk chuan a theh thla nghal tawp2 a, a chakna a sosang hle tawh tih a mipatna khawng thatdan leh a thawk dan atang chuan Julie i chuan a hai bik hauh lo ani. Julie i kekawr te a thawmhnaw la inbel chhun chu a pawh thlak sak leh pawp a, it tih hriat tak hian Julie i taksa pengtin chu zawimuang hian a en kual leh dan2 phawt a.

"He hun hi a thleng ngai dawnlo emaw tih mai turin min nghah reitir asin,"fawp kual leh tanin a beng bul a thlen chuan a ti khur dur2 a.

Julie i hmeichhiatna nalh deuh par tawh a, a mipatna khawng na urh tawh a tintuah kual vel lai tak chuan kawngka kik ri chu an hre ta a. A che lai chu tawp chawtin tu aw nge tih hriat tum chuan Mac a chu a thu deuh ran a.

"Mac, in mu tawh ami? Ala hma lutuk, Julie i khan min lo pui lawk teh se," Eliana i chuan kawngka la chum bur2 pah chuan a ti lauh2 a.

Anchhe lawh hluk pah hian Mac a chu khumah chuan a muthla nghal tawp a, Julie i erawh a ruk tak chuan a lawm hle thung a.

"Julie...," Eliana in uar taka arawn tih leh takah chuan Julie i chuan a chhang ta nge2 a.

"Ka lo kal ang, ka inthlak mek,"tiin a hrilh ta a.

"Hotel ah kan lo thleng zawk lo ani," Mac a chuan a ti hul hak a.

"Mac a viau teh suh, hun kan la nghah alawm," tiin a thlem a.

"Awle...ka lo mu hahdam ange, va kal phawt teh,"lungawi chiahlo hian a ti leh a.

"Awle....i theih chuan lo muhil rawh aw, i chau awm sia," chhuata a thawmhnaw tla chharkhawm zung2 pah chuan a ti a. Rang takin thawmhnaw pangngai deuh chu a ha a, room atang chuan a chhuak nghal vat bawk a. Mac a khawihna avanga a taksa sosanhg ve tawh tak insiamrem mek pawh chu a hre thei a, an tih teuh zia a ngaihtuahin a mur chhuak lo chauh ani. Engvanga hetianga inserh hran la tum hram2 nge maw anih chu le, engtik ah mah Robb a nupui ani thei tawh dawnlo tih lah chu a chiang em2 mai si a, tih te chu Eliana i room a luh thleng chuan a ngaihtuah a.

"Enge ni, El? Zan dar sawm pakhat anih tawh hiii!" a ti lut niah2 a.

"I mawl ami mut te ilo tum reng2. Inneih hma zan te chu party tlaivar zan tur ber alawm," alo ti ham2 a.

"Maw? Mahse naktuk ah thawh hmat i ngaih kha?" alo ti ha thung a.

"Julie.....a viau teh suh! Ka nulat zan tawpber ani a kan thlah ve ik lohten!" phur taka champange bur la chhuak zal2 pah hian a ti a. A thil lakchhuah Julie in a hmuh chuan a ang phiau a, a awihlo ani tih lah a thup hek lo.

"I a ta anih hi ,El!" tiin a nui ta hawk2 a.

"Thian dang kan nei si lova, kan pahnih hian kan party mai ani ang chu," tih pahin no pahnih hi arawn phawrh chhuak leh a.

"Aw Lalpa leh! Ilo inchhawp kim vek anih hi!" tiin Eliana in no a pek chu ala a, a in nghal hlak bawk a.

"Mahse maw ka ngai dawn lutuk che ania, kan inhmu khat lehzual tawh dawn si a," a intur in pah chuan Eliana i chuan a ti a.

"Chuvang tak chuan alawm Mac a pawn kal ngei2 tura min tih! Pasal in nei ve2 tawh anih chuan in inhmu khat tawh dawn ropui ania, a ti alawm," alo ti ve sarh2 bawka .

"Mac a hi chu a fel thlawt alawm, engkim hi a ngaihtuah fel thlap zel mai a. Khumah a zei em?" meng si deuh sep chung hian Eliana i chuan a ti leh bai2 a.

Chhan mai dantur Julie i chuan a hrelo hle a,mahse tun lawka an awmdan atang kha chuan a zei hle ani tih chu a hria alawm,"umm...zei dawn lawm ni," nui lui hak2 pah hian a ti ta a.

"Ryan a hi i rindan kha a diklo ani tih chu i hre tawh anga tiraw?"

"Nia, ka lo ringsual ve khawp mai,"

""Ka dem na che ani hauh lo ania. Ani ka tawng hi ka lawm asin ,Julie. Khumah pawh min ti hlim lutuk bawk,"nui hawr2 pah chuan a ti lang2 a.

"Ka lawmpui lutuk che, El. Hlim dun zel bawk ang che u,"

"Nangpawh hi hlim la ka ti khawp mai," Eliana in a tih chuan Julie i chu a nghing deuh lawih a.

"Ka hlim alawm," a ti ngail nain Eliana i chu alo bum ngai hauh lo ani tih a mitmeng atang chuan a hrethiam nghal vek a.

"Julie, ka hria che alawm! I hlim leh hlim loh pawh," a ti ta charh2 a.

"Aw...ka nu ka sun a, ka hlim loh lai alawm," tiin a pha ve tang2 a.

"Awle....midang chu i duhtawk in i bum dawn nia mahse kei ni lovin aw..... Robb Marshall a hi ila hmangaih lutuk tih pawh kha pha hauh suh ang che," Eliana in atih leh takah chuan Julie i chu a vawihnih nan a nghingleh ta dawt a.

"El, thildang sawitawh zawk ang aw....," tiin an thusawi lai chu thlak se ti tak hian a thiannu chu a melh ngar bawk a.

"Aih....zanin hi ka nulat tawp ber zan ania, rilru a awm min daltu leh kaptu zawng2 hi ka bunruah loh chuan hahdam tak leh hlim takin pasal ka nei thei dawn lo tlat," alo ti tlat thung a.

"Mahse thil awmze nei lo sawi hi ka peih velo ani," a ti ta hmak a.

"Awmze neilo a?? Nei tehreng e.... Mac Rowland a bulah hian i hlim ngai dawn lo tih hi hre ta che! A chhan chu i hmangaih miau lo tlat!" uar tak hian Eliana i chuan a ti leh charh2 a.

"Mahse ka pasal ani tawh a, ka theihtawp pawh chhuah ka tum mek ani," tiin alo hnial ve talh a.

"Mi pawn pasal an nei alawm, mahse an sahuai thing vawn tlat lo thung. Inrem lo chu an inthen mai thin, chuan nunthar an tan a an hlim zawk bawk thin ,Julie...," a thusawi hrethiam se ti tak chuan a ti leh dap2 a.

"Mahse mi ka nilo alawm. Mac a min puihna leh ka chhungte min enkawl pui na zawng2 hi ka sawi vek ngai lovin i hria alawm. Engtinnge ka hma sial taka ka then mai theih ang?"beidawng tak hian a ti a.

"Robb Marshall a ah chiah hian i nun hi a famkim tih ka hria ani, Mac a pawh hi a nihna takah chuan hremhmun ah i awmtir mek tih inhre ta che," Eliana i chuan a ti ta hmak a.

"El, Mac a chauh ani hleinem keimah pawh hi ka awm tho alawm,"a ti ta nge2 a.

"Chu tak chu, chu tak chu alawm hrilhfiah che ka tum, Julie. In pahnih a nun mai bakah Robb a nun pawh hi hremhmun ah i siam mek ani! Heng in dinhmun hi siamtha tu tur chu nangmah hi alawm i nih!" Eliana in a tih chuan Julie i chuan a hrethiam em2 a, a dikloh ani tih pawh a pawm bawk! Mahse engtianga bul han tana han siamthat tur nge tih kha a hrelo ani.

"Awle...mu phawt teh ang, kan la sawi leh dawn nia,"ti ta ngawt a.

"Naktuk ah pasal ka nei anga, chuan honeymoon turin Australia ah thla khat atan ka kal nghal dawn bawk tih i hria ang chu maw? Hun dang sawi na tur kan nei tawh lo!" Eliana i chuan alo ti deuh hmak a.

"Mahse El, zan a rei tawh lutuk! Naktuk ah kan tlai anih vaih chuan Ryan a nena in inneih hi thulh ani thei tih hre ta che,"a ti ta tlat a.

"Awle...ka hria a. Hlim la ka duh mai chauh ani, Julie. Ka awm emaw awmlo emaw ngun takin lo in ngaihtuah tha la ka duh ani,"

"Awle El., ka tiam a che. Ka lo inngaihtuah tha dawn nia," ti ta ringawt a. Anih loh chuan a thiannu chuan mut zai a rel dawn tlat lo ni hian a hria a, naktuk lam a ngaihtuah pui loh chuan a sawi ang tak2 khan biakina an thlen tlai chuan a pawi viau dawn tlat ani. An in mangtha hnu chuan an room lamah chuan zawimuang hian a let phei ta a, Mac a chu lo muhil tawh sela a ti rilru em2 bawk a. Anih loh chuan mutpui a tum leh anih vaih chuan zan a rei tawh nen dangtu engmah a awm tawh dawn lo ani tih lah chu a chiang bawk si a. Vanneih thlak takin Mac a chu a muhil tawh ni hian a lang a, a lawm lutuk chu au vak mai te hi a duh hial a. Khumah chuan thawm dim thei ang ber hian a mu ta zal2 a, reilo te ah chuan a muhil nghal thuai bawk a.

Mac a erawh ala mengkar thung a, Julie i alo let har tak em avangin enge an tih hre tura a kal chu Eliana i kawngka a kik hma chiah chuan Robb Marshall a hming Eliana in a sawi rik lai chu a hre ta a. Kawnga kik tuma a kut a phar tawh chu a dahthla riai2 a, mi thusawi lo ngaihthlak ruk chu a tha hauh lo tih hre mahse, a ke chu chhuatin a aikaih ta emaw tih mai tur hian a kalsawn thei ta tlat lova. Zanin a Julie in a chhan that em avang khan alo lawm ve viau tawh kha ania, nupa nun pawh pangngai taka an hman chhoh theih tawh te alo beisei ve hman tawh lai2 in, Robb Marhsall a ah bawk a lawmna leh hlimna famkim chu ala ni tih Julie i sawilai a hria phei chu a zawi hnawk hial hian a inhria a. Mipa chu ani mahse Julie i a hmangaih avanga a tih tawh zozai te, a dawh hram2 na te leh a chhungte nen lam a theihna zawng2 a a enkawl na te a ngaihtuah phei chuan a tliak hnawp hi ani ber hian a hria a. A nihna takah chuan Julie i hian a lakah rilru putdan a thlak ve hret2 zel niin alo ngai kha ania, mahse alo ngaihsual zia chu a chiang ta hle ani. Thawk lawka, haw nal2 a anlo let leh vela then mai a duh rum2 a, mahse naktuk tlaiah an haw thei dawn tawh tho alawm tiin a inbengdai leh hram2 zawk a. Mahse chumi zankhua chuan Mac a chu a muhil hauh lo ani.

A tukah chuan nalh loh hlau hian an inchei suau2 a, Ruthi i chu a inpeih at tawh a. A nalh hle bawk ani, anu in kawr a leisak chu a inhmeh hle a, Eliana i a pektur pangpar chu tihchhiat hlau tak hian a keng bawk a. Eliana i chu mo cheitur ten an chei avangin Julie i erawh amah in a inchei mai a, Mac a pawh chu a inpeih tawh a, pawn ah Ruthi i chu Julie i alo nghah pui mek ani. Julie i inchei zo a chhuah chuan a nalh hle ani tih chu Mac a pawhin a pha thei hauh lo, Ruthi i pawh chuan anu chu alo fak ve siam2 a.

"Mama, i mawi lutuk,"kuah chung2 pah hian alo ti a.

"Ka lawm e, darling. Nang leh papa pawh in nalh lutuk e," a tih pah chuan Mac a chu ava melh zauh a.

"Awle, kal tawh ila a tha ang, kan tlai lutuk chuan tlar hma kan chang lo palh ang,"Mac a chuan alo ti daih thung a.

"Nia, El i chu mo hruaitu in a hruai daih dawn sia, kal ila a pawilo ang," a ti ve mai a. Biakin an thlen chuan an chhuk sap2 a, Ellen i pawh alo kal telve bawk a. Biakin kawt ah thlen chuan Robb Marshall a hi nalh lutuk a inthuam in alo ding luah a. Julie in a hmuh chuan a ding deuh dat a, mahse Mac a hmai a zah avang chuan a insum hram2 a.

Ruthi i chuan Robb a chu a pan vat a," Hai daddy, ka mawi em?"a biang alo dawh fawhsak pah chuan a ti a.

"Yes, sweatheart. Helaia naupang lokal zawng2 zingah hian i mawi ber e. Kha tu pangpar tur nge i ken kha?" a fanu pawm kang nawlh pah chuan a ti a.

"Aunty Eliana i pangpar tur anih hi,"fel tak hian a ti a.

Mac a mitmei chu ven angai nen Julie i chuan nuam a tilo hle," Darling lo chhuk tawh rawh le, daddy kha i ti bal vek ang. Bakah Aunty Ellen i pangpar pe tur i ni si a kan luh hmat angai ania," tiin a thlem a.

"Daddy, ilo kal ve dawn em?" tiin apa in chhuata a nghah chuan a zawt a.

"Sweetheart, mama bulah khan lova lut la. Keichu nakin ah Aunty Eliana i nen kan lo lut ang aw...," tiin zaidam tak hian a fanu chu a hrilhfiah a.

"Awle....," tiin anu bulah chuan a tlan phei tarh2 a. Mac a banah chuan ava chelh chat a, ngawi reng hian inchhung lamah chuan an lut ta a. Eliana i hian nuta a neihloh avangin Robb a chu biakin chhunga hruailut turin a ti ani ngei mai a, mahse engmah a hrilh loh avangin Julie i chu a lungawi chiah lova. A nihna takah chuan Robb a chu alo kalve dawn sawi rik thawm engmah a awmloh avangin alo kal dawnlo anih alo ring tawh kha ania. Hmuh chu chak hle mahse a hahdam ru phian tawh kha ania, a chhan chu Mac a a awm ve a, mipa pahnih te chu an in ngaina hauhlo ani tih lah tuman an hai lo bawk nen, alo kal lo tur chu a tha phianin alo hre rilru tawh kha ania.

Inneih inkhawm an zawh hnu chuan pawnah mi lawmpui tura lokal te chu an ding tlar a, monu leh mopa ch an chibai sap2 a, in chibai na hun an hman zawh chuan thla te an la leh phawt a, chumi hnu chuan an lawmna tur lam panin an inkhalh chhuak nghal suau2 bawk a. Ruthi i chuan nuam a ti hle aniang, Mac a bulah chuan a tumdan a sawi chuan an nuilo thei lova.

"Papa....ka nulat hunah chuan aunty Eliana i kawr aia mawi kha ka ha anga, chuan uncle Ryan a aia hmeltha pasal ah ka nei ang," a ti reuhva.

"Awle....princess i hian pasal a neih hunah chuan papa leh mama kan khua a har viau dawn ani...," nui var2 pah hian a ti a. Mac a leh Ruthi i an ti ti kual vel chhung chuan an kalna tur hmun chu an thleng ta mai a. Beach ah ani a, puan leh thir tlawn var hian in ang deuh2 hi kil li nei in an sa thlauh a. Puan var hi kawngka luchungah hian an zam kual vek hlawm a, pangpar nalh tak2 rawng chi hrang2 an tawn khawm kual tel bawk a. Julie i chu motor atanga chhuk pah chuan a thaw deuh hak a, a mawi hi a ti chiang alawm! Mipui chu champange no dawmin an lo zi nuk2 tawh a, Eliana i leh Ryan a bula kal tur chuan an chhungkua chuan an pen tan nghal a, an bul anva thlen chuan Ryan a chuan Ruthi i chu alo pawm vat a, a lampui nghal daih a. Ruthi i chu hlim tak hian a uncle Ryan a bulah chuan a awm a, mahse midang ho zawng chu Robb Marshall a a awm ve vang nge an nui tawi tak2 hlawm hle a. Sawitur pawh an van hle ani, chutih lai chuan host chuan inneih cake zaitur ani tih arawn puang ta a, an boruak nuamlo tak pawh a rawn tibo nghal bawk ni hian alang a. Eliana in cake a zai hnu chuan Ryan a a barh a, mipui chuan kut anlo beng dur2 a, an champange no te chawi sangin nupa hlim tak nitur in an duhsakna a thenin an lo hlan mawlh2 bawk a. Music chu ring tha tak, tang et awta an rawn play takah chuan a thei2 chu an lam nghal suau2 bawk a. Mac a chuan Julie i chu lam turin a sawm ve a, phur tak hian Julie i pawh chuan a kut chu alo pe ve nghal vat a. A thiannu pasal neih ni ani a, hlim lo hmel taka awm reng chu a tha berin a hriat loh mai bakah, nuam ti taka hman chu a duh bawk ani.

A hah deuh takah chuan an dawhkan tur lam panin Mac a chuan a kaiphei ta a, thutna a pawh chhuah saka, Julie i a thutfel hnu chuan Ruthi i chu a melh kual nghal bawk a. Robb a nena hlim taka dawhkan kila an thudun chu Mac a chuan Julie i chu a mitmei in a hmuh a, Julie i chu a nui sak ringawt a. Eliana i te honeymoon hmanga an kal a hun takah chuan pangpar vawrna a neih dawn avangin host chuan nula ho zawng2 chu pangpar vawr dawng tura lokal hnai turin a sawm ta hlawm a. Chutih lai tak chuan Julie i pawh chu Ruthi i hruai turin a kal ve mek bawk a. Eliana i pangpar vawr chu engtinnge pawh a hriat loh hian a ke bulah hian a rawn tla ta nawlh a, nula dang ho erawh chu pasal anla nei mai dawn lova inngai in an lo 'eu' dual thung a. Julie i chuan pangpar chu mak ti tak hian a en reng a, chhar pawh a tum lem lova, mahse Eliana i chuan arawn au ta chel chul a.

"Julie chhar ta che....?" arawn tih chuan Robb a leh Mac a chu Julie i lam en chuan an hawi rual thawt bawk a.

"I a ta ami, El? Vawr tha leh zawk rawh!"a ti niah2 a.

"An vawr tha ngailo, lo kawl tha ang che....bye2 u in zavai in. Kan inneihna a inlo kal avangin kan lawm lutuk ania,"tiin a ban a vai lauh2 a Ryan a chuan hmanhmawh tih hriat tawh tak hian motor lamah chuan a kai nghal dawr2 thung a. Eliana i chu motor a aluh hnu pawh chuan a ban chu ala rawn vai lauh2 a, hmu thei dawn lo mahse Julie i pawh chuan a vai let ve a. Pangpar chu hreh zet hian a chhar a, Eliana in lo kawl tha rawh a tih khan alo haw leh hunah arawn lam dawn anih te a ring deuhva. Ruthi i te bulah chuan ava thleng a,a fanu hnenah chuan an haw tawh dawn a, Robb a chu mangtha turin a hrilh a.

"Daddy, kan in hmu leh thuai angem?" hi a ti reuhva.

"Tehreng mai, sweetheart, ka rawn kan leh vat dawn che nia," tiin a chalah chuan a fawhsak zeuhva.

"Kan kal phawt ange, Robb. Zanina haw kan tum sia," zawite hian Julie i chuan a ti a.

"Zana kal hi a him viau lovin ka hria asin," pangngai deuh hian a ti a.

"Kawng a tha alawm, bakah Mac an hun a nei lo nen. Mangtha le...,"tiin Ruthi i chu a kai a Mac an alo nghah na lam chu a pan pui ta nghal a.

Eliana i te inah bawk chuan an let leh a, an thawmhnaw te an thlak zawh hnu chuan an inlam panin an inkhalh chhuak ta nghal a. Eliana i pa pawhin haw rih lo turin a ngen na in a tuka Mac a appointment cancell kha a rem tawh si lova, chuvangin an chhuahsan ta tho2 ani. An khua a har viau dawn a, zanin chu awmpui la duh viau mahse, Robb a alo awm ve nen Mac a ngaihdan chu anih a rinloh avangin engmah a sawi duh ta bik lova. An tlan chhuah atanga reilote ah chuan Ruthi i chu a muhil ta barh2 a, nilengin a mu lova, a chau hle ang tih pawh Julie i chuan a ring a.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » May 13th, 2018, 3:36 pm

An tlan thui takah chuan Julie i pawh chu a chau ve deuh bawk nen a muthlu deuh bak2 a. Mac a chuan a motor chu a tiding a, nuam zawka a mut theih nan seat chu a siamtha a. An tlan chhuah leh hnu lawk chuan Julie i chu a muhil leh nghal deuh mai a, Ellen i phei chu a hnar titih lehnghal a. Mac a chu a nui suk2 a, a chhan chu hmeichhe ho hnar ri chuan a ti nui lo theilo ani. Rei pawh ala tlan hman lo tih ah chuan a rilru ah chuan thil dang2 arawn lut ta tup2 a, a nihna takah chuan intih harh nan a ngaihtuah kual vel ani zawk mah a. Mahse Julie i leh Eliana i inbiakna alo ngaihthlak ruk khan a rilru chu a luah ta tlat a. Julie in Robb a ala hmangaih zia te chu a ngaihtuah kual zel a, a rilru chu ana vawng2 hial ani.


Zan ani bawk nen motor tawh tur a awm mang lova, venthawn nei em2 lo chuan a motor chu a kalh ta zel a. Julie i te thiandun titi kual vel a ngaihtuah mek lai chuan a rinloh deuh hian khawi atanga lokal nge pawh a hriat hman hma hian truck lian tawk hian an motor chu arawn su ri ta bur a. An motor chu a vir kual tan ta muai2 a, muthlu ho pawh an harh chiang hle ani. Te thawm in a khat nghal a, an motor chu a inbin nghal ta pawp2 bawk a. A hnua an ri hriat leh hnuhnung ber chu an motor darthlalang ri chhuai2 chu ani. Mac a, Julie i leh naute chu an thi pheng phung a, an thidang zui ani deuh nghal mai bawk a, Ellen i erawh a thidang ve lo hlauh a. Chetsawn an tum chu a kawng atanga a hnuailam zawng hi a tang ta tlat a, a chetsawn thei ta reng2 lo thung a, na a hre mai lova, mahse motor thawm vel a reh hnu fe ah chuan na pawh a hre tan ta a. Mahse chutia an awm reng chuan an thi vek dawn hian a hre bawk si nen, a thluak chu hman hram2 a tum ta a.

A phone atang chuan tumah an mahni tanpui tu tur hnaivai mai ami number a hriatloh avangin biak tur a hre lova. Julie i phone ah erawh Robb a emaw Eliana i chhungte number tal a awm ngei beiseiin thei leh theilo chuan motor hmalama Julie i bag chu a ban ta a. A ban pha mai lova, a ke lah chu ana bawk si nen an chawl leh vang2 phawt a, chutah tha tharin a ban tha leh a, engtin tin emaw a ban pha ta hram a. A thutna ah chuan chau tak hian a thu leh hnawk phawt a, chutih lai chuan a thisen a chhuak hnem tawh nen a lu a hai tan miai2 tawh bawk a. Rang tak hian Julie i bag chu a hai ta thuai2 a, phone chu a hmu ta a, a lawm lutuk chu a tap hial ani. Number chu an enkual ta zung2 a Robb Marshall a number chu a hmu ta ngei a, rang takin a dial nghal a, phone lah chu ala lawk theilo lehnghal a. A mit sulh2 tan tawh tih pawh a inhre reng a, Robb an phone a lak theih nan chuan a rilru in a tawngtai pah mawlh2 a.

"Hello, Julie....," Robb a aw in arawn tih takah chuan Ellen i lawm lutuk chu a nui hak a.

"Robb, Ellen i ka nia. Ngun takin ilo ngaithla dawn nia, kalkawng ah accident kan tawk a. Tunah hian tunge dam pawh ka hre theilo, lokal vat ang che," chau tawh tak chung hian a ti sap2 a.

"Engtin maw Ellen? Khawilai ah nge in awm?" hlauthawng tih hriat tak hian Robb a chuan a ti ruai a.

"Kan haw kawngah khan ani mai chubak ka hrelo,"

"Awle, ka lo kal nghal e, ka rawn thleng har lovang. Lo tuar hram2 ru aw....," a ti zung2 a.

Ellen i chu chhang tur a awm talo, thisen a hlauh hnem em avang chuan a thidang zui ve nghal a. An mahni su tu motor lah khan tanpui a hnekin a tlansan daih zui a. Zan a rei tawh mai bakah chu kawng chu mi zawng2 zawh thin anih lemloh avangin tanpui tu neilo chuan mi pali te chu an mu hlawm tawp ani.

Robb a chuan ambulance a phone nghal a, kalna tur lam a hrilh zung2 a. Eliana i chhungte erawh an thlabar lutuk hlauvin engmah hrilh lovin amah chuan accident na hmun lam chu a pan nghal vang2 a. A thlen chuan ambulance pawh chu alo thleng chawpchilh ve nghal mai bawk a. Motor chuan a delh tlat hlawm avang chuan lakchhuah an harsa phian lehnghal a. Nurse hovin an lakchhuah zawh fel hnua an mar te an en chuan Robb a chuan hlauthawng tak hian lehlam a hawi tlat a, en pawh a en ngam lo ani.

"Rang takin damdawiin kan thlenpui angai. Thisen an hloh hnem tawh lutuk a, kan chhan hman lo mai ang," nurse pakhat in a tih chuan an la dam vek emaw ni le tiin Robb a chuan ava panhnai ta thuai a.

"An la dam vek ami?"a ti tawl a.

"An marphu chu ala awm vek alawm. Mahse kan hmanhmawh hle angai ani, anih loh chuan chhan hman loh an hlauhawm lutuk," tiin midang ho chu a ko khawm a, motor ah chuan an hlang lut nghal zung2 a, damdawiin lam pan chuan chak takin an tlan nghal ta fua2 a. Robb a pawhin ama motor chuan ambulance chu a zui ve nghal a, a rilru a mangang takzet zet bawk ani. Anla dam tih a hriat chuan a thawveng hawk a mahse an chhan thei angem tih zawhna chuan a rilru ala tibuai hle thung a.

Damdawiin an thlen chuan doctor leh nurse te chu anlo in peih thap tawh a, inzaina room ah chuan an nawrlut nghal zung2 bawk a. Eliana i chhungte chuan engtinnge anlo hriat pawh a hrelo, damdawiin an rawn thlen takah chuan Robb a chu a lawm letling hle thung a. A chhan chu mipa mah nise a hmangaih em2 te pahnih thi leh dam kara an awm mek hmuh chuan intih pa a har hle hian a hria ani.

"Ava han pawi vele aw....engvanga engmah min hrilh lo nge i nih a,Robb?" Eliana i pa in a tih chuan a inthiam chiah lova.

"In boruak tawn mek nen a inpersan ema ka rawn hrilh ta lo mai che u anih kha," a ti vawt ruih a.

"Aw...pasal nei bera chu a awm loh hi! Kan fanu ang chiaha kan en ania Julie i hi kan hre hmasa ber turah ka lo ngai asin. Mahse hei kan lo thleng tawh a, rilru pawh tlem chuan a nuam deuh ve....,"a ti ta zawk a.

"Ka hmanhmawh nen hamhaih nen, in boruak hlim lai2 a lo tihbuai che u ka hlauh vang ani bawk nen, min ngaidam mai dawn nia,"tiin ngaihdam a dil ta zawk a.

"Enge an an awm reng2?"

"An vaiin hliam an nei nasa em2 a, thisen a chhuak nasa nen, an tha nge thalo pawh ka hrethiam rih bik lo...,"

"Awle...eng em a thleng lo turah ngai phawt ang!" Eliana i pa chuan a ti nghet charh a, mahse a rilru erawh a nuam bik hauh lo ani.

Inzaina pindan chu an en leh ringawt thin a, tihtur dang a awmlo chu thurhan nise. Mahse doctor te chu anlo chhuak dawn lo emaw tih tur hian an rei em2 mai lehnghal a. Darkar ruk hnuah chuan doctor chu arawn chhuak ta hlawl a, kawngka bulah chuan Robb a leh Eliana i chhungte pawh chu chanchin zawt turin an tlan phei nghal dial bawk a.

"Enge an an, doctor?" Robb a chuan a ti khur dar2 a.

"An tha tih kan la sawi ngam rih lo ani. Hmeichhe pathum te saw chu an harh chhuak thuai tawh anga, mahse mipa erawh saw chu a dinhmun a khirh viau ani," a tih chuan an rilru a hah hlawm hle a.

"Doctor, a tu emaw tal kan hmu thei angem?" Eliana i pa chuan a ti leh a.

"Thisen pek mek an ni a, a chhan chu thisen an hloh hnem mah2 a. Tin an taksa a darthlalang them lut tam tak a awm avangin kan la lachhuak zo thei rih lo ani. Mahse hmeichhia te saw chu an damchhuah mai kan beisei a. Mipa erawh saw chu a thisen zam lian a chah nasat em avangin engmah kan la sawi ngam rih lo. Darthlalang keh khan a thisen zam thalai a tichat hnem mah2 ani," beidawn hmel zet hian a ti a.

Doctor a kal hnu chuan damdawiim thutna ah chuan an thu thla hnawk hlawm a, sawi ngai lovin rilru tawngtaina an nei malh2 hawm bawk a. Eliana i u pasal Ferry a lokal ve chuan chuti ngawta thut tlawk2 chu atha dawna a hriat loh avangin coffee tal in hlawm sela a tha in a hre ta a. Midang ho chu an rilru a hah hle ani tih hriat taka an thut thap lai chuan a kal chhuak ta daih a. Tunah chuan zinglam dar hnih ani tawh a, mi pawh an hreh deuh ruih tawh a. Mi pali tan chuan coffee leh a hmeh chu a leia an thutna hmun a thlen phei leh chuan a sem hlawm a, chaklo tih hriat tak hian an in ta sap2 a. Coffee te an in zawh hnu chuan nurse hi arawn chhuak leh a, rang tak hian an bawr leh nghal laih a.

"Sister enge thil a tha zel em?" hreh tak chung hian Robb a chuan a ti nghal var a.

"Hmeichhe pathum chu tunah hian ICU ah kan sawn dawn a, mahse a mipa erawh an la khawih zo lo. Ka hmanhmawh a min lo hrethiam lawk teh u," tiin hmanhmawh tak hian a kalsawn san nghal nal2 a.

Ruthi i an ngaihtuah chuan ala naupang nen chutiang anga na tak a tuar chu Robb a chuan a lainat ngawih2 a. Julie i chu lo thi palh ta hlauh sela.....tih a ngaihtuah zawng ringawt pawh chuan a mah chu a thidang ve nghal mai dawn hian a hre bawk a. Ellen i khan rawn phone talo sela, tunah pawh hian engmah anla hrelo emaw ania nga, an hriat meuh chuan alo tlai viau tawh thei tih te a ngaihtuah chuan a rilru chu a thlabar thar leh a. Boruak chu a tlachham ta emaw tih maitur hian a hip lut kawk2 a, a hmangaih pahnih te chu a ngaihtuah na ah chuan thisen in alo bual nuaih lai kha a hmu a, an tawrh ai tawrh theih ni sela a ti vawng2 bawk a. Nurse nu kha alo let leh a, ward boy ho nen hian damlo mutna tur kengin inzaina pindan ah chuan an inzui lut nghal zung2 a. Reilote ah Ruthi i chu an rawn nawr chhuak hmasa ber a, Robb a chuan a pan nghal ruak2 a, a fanu engmah hre lova mu bam a hmuh chuan a tawt up2 a.

A fanu hnenah chuan," Sweetheart, daddy i bulah a awm reng ania aw, zam miah suh aw....," a ti sap2.

A hnu lawkah Julie i an rawn nawr chhuak veleh a, a hmai pawh hmuh theih mangloh hian an tuam nasa a. Robb a rilru na lutuk chu a bul hnaiah pawh chuan a kal duh lova, bang lam hawiin a chal a dawm vang2 a. An kal hma a zana tlan a him loh thu a hrilh lai te chu a ngaihtuah chhuak a, Julie in motor tlan an tlem alawm tia a sawilai kha a ngaihtuah chhuah phei chuan a mit a chhing vang2 a. Ellen i an rawn nawr chhuak leh a, a ke an tuam nasa hle tih a hmuh chuan a ngaih a thalo hle bawk a. Doctor in a rawn zui chhuak a hmuh velah chuan a pan vat a, a be nghal a.

"Doctor, an dinhmun diktak hi min hrilh thei angem?" a ti rawih a.

"Kan la sawi mai theilo, mahse zawi2 a tha chho zel turah i ngai phawt ang. An harhchhuah phawt loh chuan an thluak hi he accident hian a nghawng em tih kan hre thei rih lova, chuvangin an harh chhuah thuai hi a pawimawh lutuk ani. Lo tawngtai rawh u!" Robb a dara kut nghat a beng thak2 pah chuan doctor pawh chuan a ti tawp ani. Ni e an chetsual dan a rapthlak em bawk a, hriat kim vek chu a har ve duh khawp ang.

Khua a var meuh chuan Mac a pawh chu an rawn nawr chhuak ta a, mahse midang ang lo takin puan varin an khuh vek thung a. Mak ti taka Robb an a thlir reng lai chuan doctor hian amah chu arawn pan ta a.

"Mr. Marshall, ani hi chu kan chhan thei talo ani, a pawi khawp mai! Kan theihna leh thiamna zawng2 kan hmang na in kan thiana hian thisen midang aiin a hliam a thuk vangin a hloh nasa a. Chumai bakah midang anglo takin a thisen zam a chat nasa em2 a, kan zawm senglo ani ber mai, chung kan zawm theihloh atanga thisen chhuak tawp theilo chuan a nunna ala ani ber mai. A pawi ka tihpui lutuk che!" a ti ta a.

"Aw Lalpa leh!" tiin midang ho pawh chuan Robb a chu an hnaih nghal thuai a. Mac a chutiang maia a kal chu hriatthiam har anti hle bawk ani, Robb a chu a inti pachang hlei thei tawh meuh lova, a hmel pawh a dang lap tawh bawk a.

Zing dar riat anih meuh chuan Eliana i te nupa Robb an hrilh miah lo tura a tih te pawh anlo hrilh ani ngei ang an rawn thleng ta hlawl a, Robb a nu leh pa pawh London atangin an rawn thleng tawh bawk a. Mac a chhungte pawh a ruang hlawm turin an rawn thleng ve bawk a. An fapa chutia a boral ta mai chu an tuar thiamlo hle a, hmeichhe pathum la harh theilo te pawh an lainat hle bawk tih an hmelah chuan a lang reng ani.

Mac a vuina ah chuan an kal deuh veka, Ryan a leh Robb a erawh hmeichhe ho bul hnaiah chuan anlo awm thung a. Robb a rilru chu a kal thui hle mai a, chutia Mac a a boral ta mai chu awih pawh har ati ani. Nimin mai khan Eliana i pasal neihna ah khan an inhmu khawm kha ani a, tukin zingah a vuina hun an hmang mek ta mai chu a hrethiam lo hle ani. Chutiang a ngaihtuah nauh2 lai chuan nurse hi hmanhmawh tak hian arawn tlan chhuak hlawk2 a, Ryan a chuan Robb a chu a sawi ta nawk2 a, a chhan chu a koh a hre thei tlat lo ani, a ngaihtuah na kal kual vel avang te pawh chu ani mahna.

"Mr. Marshall, Mrs. Rowland i arawn harh tawh a, midang ho hming kha a lam nasa lutuk a. Engmah hrilh chi ala ni si lova, i rawn lut lawk mai dawn em niang?" a tih chuan Robb a pawh chu a harh kawk2 a.

"Awle...awle....," tiin Ryan a chu a melh zawk a, nurse chu a zui ta nghal a. ICU a an luh hma chuan nurse chuan kawr hring fual a haktir a, chumi hnu ah chauh chuan an lut thei ani.

Robb a hmel a hmuh chuan Julie i chu a mittui a tla nghal zawih2 a," Robb, khawnge midang? Accident kan tawk tih ka hria alawm," alo ti nghal a.

"Julie, tah angai lo. An tha vek e, mahse nangmah ang tho hian enkawlna hnuaiah an awm mek alawm," a mittui hruksak pah chuan a ti a.

"Ka hmu duh ani, an vaiin ka hmu duh, tunah!" a ti leh a.

"Enteh Julie, min ring rawh an tha alawm. Tunah chuan doctor ten nangpawh hi an enkawl mek che a, khum atanga thawh chhuah hi an phal rih lo ani. An phal velah keimah ngei hian ka hruai ang che," tiin a thlem a.

A lu chu a dawm ta vang2 a," Mac a atha em?" arawn tih tak thutah chuan Robb a chuan khum tlang chu a hmer ta ngawt2 a. Chhanna pek chu harsa ati hle ani. Mahse Julie i chu arawn harh chhuak ve chauh ani si a, engmah hrilh chi ani lo tih pawh a hre bawk si, inti pachang lui hram2 in dawt a hrilh ta ringawt a.

"Mac a chu room dangah a awm a, a tha alawm. Mahse thisen a hloh hnem deuh avangin thisen te an pe rih a....," tiin a thiam ang2 chuan dawt a sawi ta a.

"A na viau em?"

"In na vek alawm, mahse hei doctor thiam tak2 ten an enkawl mek che u a, in dam leh thuai mai ang, rilru kha tihah lo la aw.....," tiin a hnem a.

"Ruthi i leh Ellen i enge an an?" a tih chuan chhan a awlsam deuh hlek tawh a, a chhan chu la harh chhuak lo mahse an dam ani tih hriatna chuan tlem in rilru a ti nuam ani.

"An tha alawm, mahse tunah chuan ka rawn kan zo chiah a an muhil ve2 rih ani. Nangpawh mut leh tum rawh, i mut tam khan i taksa a tha chak dawn alawm," tiin a chalah chuan a fawhsak zeuhva.

"An tha tak2 maw?" ala ti hram a.

"Aw...ka sawi chu awih mai rawh, Julie. An awmna ah ka kal zo chiah alawm. Hahdam deuh khan awm rawh aw....," tiin a kut chu a laksak a, a chulsak heuh2 a. Julie i pawh chu ala chau hle a, a mitmeng pawh a dul raih ani. Reilote hnu ah chuan a muhil leh ta mai a, Robb a rilru chu buai vet2 tak ani. Nizan atang khan khawiah mah ala kalsawn eih lova, inthlak pawh ala inthlak hek lo.

Nurse in kal tawh tura arawn hrilh takah chuan chaklo chung hian pawn lamah chuan a chhuak hnu2 a, Ryan a chuan enge chanchin hre chak tak hian alo pan thuai a.

"Midang chanchin min zawt a, dawt ka sawi ta ringawt anih kha," a ti zawi sup a.

"Robb, pawi ti miahsuh. A dam that deuh hunah kan la hrilh dawn nia. Doctor pawhin thu dengkhawng engmah hrilh rih lo turin a tih che kha. Ka khawngaih khawp mai Mac a leh a chhungte chu," Ryan a pawh chuan a ti vawng2 a.

"In honeymoon a buai chuar vek anih hi. Hrilh lo tur che u khan ka ti si a," a ti nuah2 a.

"Robb, honeymoon te chu duh hun2 ah a hman theih alawm, hei baka pawimawh leh chuang hi enge awm tawh ang," tiin alo tawng thlamuan ve vat a.

"In nupa chungah hian bat nasa tak ka nei ani," a ti nghet charh a.

"Engmah i ba hauh lo mai. Kan theihtawk ah chuan thiantha te chu kan inpui zel tur alawm," tiin a darah chuan a dawm deuh vang2 a.

"Ani khawp mai, mahse ka tih let in ti ani...in nupa chungah hian lawmthu sawi senloh ka ba takzet," tiin Ryan a kutah chuan a vuan let ve thung a.

Eliana i te an rawn thlen takah chuan an ti ti lai chu duh tawkin chanchin tharlam te an inrhilh nghal zung2 a. Julie i tal arawn harh tawh tih Eliana i leh midang ten an hriat chuan an lawm hle a. Mac a chu va inti fai a, inthlak te a duh chuan kal turin Eliana i chuan a nawr a, hreh tak chungin an nawr tak chhen ah chuan a kalve ta nge2 a. A thlenna hotel a thlen chuan hmanhmawh tak hian a inbual a, a inmet fai thuak2 a, thawmhnaw te a thlak hnu chuan a theih anga chakin motor chu a tlantir a, damdawiin chu a thleng ani leh der a. Mahse damdawiin chhunga a luh hma chuan a bul hnaia hotel awm vel chu a be kual phawt a, room ruak ala awm tih a hriat chuan a thawveng hawk a. A chhan chu Julie i te ho chu rei tak damdawiin ah chuan anla awm hmel si nen, hla tak atanga in enkawl tum kha chu buaithlak dawn hle a a hriat vang ani. A thlenna hotel chu a bia a, a thawmhnaw vel tuemaw rawn dah phei tir turin a hrilh a, anlo tihfel sak vek tur thu manager chuan arawn hrilh hnu chuah chuan damdawiin chhungah chuan a lut ta a.

ICU kawtah chuan Eliana i te nupa an lo awm a, midang erawh hahdam turin an haw ta anih hmel a. A nu leh pa te pawh tar lam an ni tawh a, zanah hmanhmawh takin an rawn chhuak nen an chauh viau pawh a ring a, a thlenna tur hotel room bulah an ni awmna tur pawh rem a ruatfel tawh bawk a, rei cham thei dawnlo mahse an awmho thei tur chu a tha phian in a hria a. A hna a a buai em thin avang hian a nu leh pa te pawh hi a tlawh khat hle a, chutah Julie i an tawnga, a nun a buai zo ta vek nen, an in hmu khat lehzual ani. A nihna takah chuan hetia a awmbo changte hian apa hian a hna hi alo enkawl sak fo thin a, a chungah pawh a hlawm hle a, mahse lawmna tihlan thiamlo mi anih miau avangin a ngawi liam mai2 thin pawh a. Hetianga harsatna a tawh apianga a bula an awm thin avang hian nu leh pa tha tak a nei ani tih erawh a hrechiang em2 thung a, an chungah hian ba nasa tak anei ani tih pawh a hrethiam tawh ani. Tunah chuan hahdam taka an awm theihnan amah pawh insiamthat a tum tawh tur ani tih te a ngaihtuah pha tawh bawk ani, mahni thu2 a lum kual mai2 lovin pa alo ni tawh bawk nen, hmasawn tumna nasa takin amah chu a bual vel ani.

Eliana i chuan Ruthi i leh Ellen i te pawh an harh chhuak tawh a, mahse biak an phal loh avangin an la hmulo ani tih chu alo hrilh zung2 a, a thaw a veng hawk2 hial a. A chhan chu harh chhuah loh kha a hlauhawm thu doctor khan a sawitel zeuh bawk nen, rilru ah hlauthawng dep2 in a awmlo theilo ani.

"Ava lawmawm ve...ka hahdam sawng2 in ka hria. Ka lo awm anga, nangni pawh hi va hahchawl tawh rawh u," a ti dam thluam a.

"Kan tha alawm, min ngaihtuah suh," Eliana i chuan alo ti vat a. A thiannu leh a fanu mai bakah an mahni enkawl nasa em2 tu nurse nu chutia an awm laia hahdam taka mut kha a thei dawn lo ani tih a inhriat avang chuan haw pawh tumna pakhat mah a neilo bawk ani. Ryan a pawh chuan a nupui rilru tur awm chu hrethiam takin an haw loh tur thu alo hrilh ve bawk a.

"Ka thla inti muang hle ani," a ti ril ruih a.

"Kan tihve theih tawk a tlem em hi!" Ryan an alo tih chuan Eliana i pawh chu alo bu nghauh2 a.

Tihtur awm talo chu, waiting room thutna ah chuan an chau hlawm bawk nen an muthlu nasa hlawm mai a, nurse in arawn kaihthawh pawh chuan an harh lawk thei lo hial a. Nurse nu mangang chuan Robb a darah chuan a sawi ta nawk2 a, a ding nghal zawk bawk a.

"Enge nita sister?" hlauthawng tak hian a ti nghal vat a.

"Thu lawmawm lam ani tawh e, Mr. Marshall. Naute arawn harh leh a, doctor in an exam leh vek a, engmah thalo a awmlo ani awm e," a tih chuan Robb a chu a lawm lutuk hi a au chhuak lo chauhva.

"Kan hmu thei angem?" a tihlai tak chuan Eliana i te nupa pawh chu a bulah hian an rawn ding ve nghal vat bawk a.

"Aw, hmu thei e. Mahse biak vak2 kha a tha rih lovang," a tih chuan an pathum chuan an in melh zawk2 a, nurse nu kalna lam chu an pan ve nghal thuai a. Nurse nu chuan kawr hring bawk chu an vai hian a haktir a, Ruthi i awmna lamah chuan a hruai ta a.

An hmel a hmuh veleh chuan Ruthi i chu a lo nui sen2 a, a hmai leh taksa hrang2 a tuamna awm tluah chunga alo la nui thei chu Robb a chuan a chhuang hle a.

"Sweetheart, i tha em?" tiin a chalah chuan a fawhsak nghal ruai a.

"Ka lu hi ana a, Daddy. Khawnge papa te, mama leh Miss. Ellen i te an awm?" tiin alo zawt nghal var a.

"Darling, accident in tawk tih chu i hria anga tiraw? An ni pawh nangmah ang hian damdawiin ah hian an awm ve a....," tiin Eliana i chuan alo chhang vat a.

"Engtik ah nge ka hmuh theih ang?" a tih chuan an vai chuan an buai leh nak a.

"Sweetheart, i dam veleh i hmu thei ang aw....tunah chuan tha taka doctor te thuawiha damdawi te i ei phawt angai a, chuan mama te, papa te leh Miss. Ellen i te pawn chutiang tho chuan anlo tive bawk anga maw...," tiin Robb a sawizawm thei tawhlo chu lehlam a hawi ta daih a.

"A pawimawh ber chu, damdawi ei that a thuawih anih chu daddy sawi chu i hrethiam em, darling?" Eliana i chuan alo tih chhunzawm thuai a.

"Awle, aunty Eliana. Thu ka awih ang tih ka tiam e," tha taka alo tih phei chuan an vai chuan an hnuk hi a ulh tun tawh a.

"Muhil leh tawh rawh, Sweetheart. Chuan ilo chak sawt dawn alawm aw....pawnah sawn hei Uncle Ryan te nen hian kan awm reng ania. I harh leh veleh kan rawn kan leh ang che aw....," Robb an a tih chuan a lu a bu nghat2 a, thuawih tak hian muthilh tumin a maimitchhing ta nghal a. Ala chau bawk a, reilote ah chuan a muhil leh ta bawrh2 a. Nurse in chhuak tura arawn tih takah chuan pawnah bawk chuan an chhuak leh ta tham2 a. An rilru nawmloh na ber chu Ellen i la rawn harh chhuak mumal lo chu ani a.

Pawna an thut leh hnu chuan doctor Julie i enkawl mektu chu arawn kal a, Julie i test chi hrang2 an tih tawh thu leh, thalo engmah an hmuhloh thu arawn hrilh chuan an lawm tlang hle a. Mahse Ellen i chanchin tun thleng2 a engmah mumal a hriattur a awmloh avang chuan Robb a chuan a zawt ta nge2 a.

"Doctor Miss. Ellen i hi enge a dinhmun? A tha ang tiraw?"

"Kan la sawi theilo ani.... Mr. Marshall. A rawn harh khan na ati em2 a, mahse a harh reiloh em avangin a englai ber nge tih kan la hre thei lova. Ani kha a kawng atanga hnuai lam kha thil rit takin a delh kha anih hmel a, a tha tawm lai ala awm te pawh ani thei a, chumai bakah a tha chat kan la hmuh chhuah loh te pawh a awm thei bawk ani. Chuvangin chiang taka arawn harh chhuah hun kan nghak leh phawt anga, chuta tang chuan kan hre thei chauhvang," a tih chuan pawi an tihpui em2 a, eng em anih loh hram an beisei bawk ani.

Zan lamah chuan Eliana i chhungte anlo kal takah chuan Robb a te ho chu chawl hahdam ve phawt turin an nawr a, duhlo hle mahse Eliana i pa in damlo enkawl tur chuan chakna neih angai ani tia a tur takah chuan chak lo chung chuan hawn zai chu an rel ta a. Robb a hotel room ah chuan an vai chuan a kal ta a, engpawh thlengse thlen zung2 theihna a awm kha tha bera an hriat avangin. Vanneih thlak takin Eliana i te nupa chuan an thawmhnaw pawh ina dah lova damdawiin ina kal tlang nghal kha an nih avangin inthlak natur ah chuan an buai lem lova. Robb a room book ah chuan bedroom ringawt pawh pathum a awm a, chuvangin engmah mutna ah pawh buaina a awm lem lo bawk nen, hahdam takin an awm thei dawn anih hmel a.

Robb an dinner tur chu room a rawn dah turin a hrilh a, mahse a tu amah chuan an eitui thei lova. Ei pawh har awm reng ani, an thil tawn chu a namai lova, bakah Ellen i dinhmun la chianglo chuan an rilru a kap lo theilo bawk ani. Tin Mac a ka pawh chhawn lova chutia an boral ta mai chu a hrilhhai thlak hle bawk a, a chhungte pawh an khawngaihthlak in, doctor thiam tak a nihna ringawt pawh a uihawm ani. Julie i leh Ruthi in an hriat hunah chuan hreawm an ti dawn hle ani tih pawh an hre lawk vek a, an dam bik chu lawmawm viau mahse Mac a an engkim lo ni thin chutia an awm lo ta mai chu an tan tawrh a har viau dawn ani tih lah a chiang em2 bawk a. Ruthi i hian a tu zawk nge apa diktak tih la hrelo mahse Mac a hi a piantirh atanga lo enkawl tuber leh a pa anga alo en tawh anih avangin a tan pawh hriatthiam a har hle dawn a, chumai bakah Mac a hmun ruak hi Robb a ngei pawhin a luahkhah a inringlo hial ani. A chhan chu a fanu hian ngaina viau mahse Mac a hian a duat in a hmangaih a, chumai bakah a ngaihsak em2 reng nen a telo chuan Ruthi i khua hi a har viau dawn bawk ani.

Mu tura an in mangtha hnu pawh chuan a tu amah chuan mutzai an rel thei tak2 lova, rilru a ngaihtuah tur leh Mac a lo boral nen an nguai ruih hi ani ber a. Robb a chuan damdawiin lam chu ava bia a, engkim a tha tih an rawn hrilh chuan tlemin a rilru a nuam deuh hawk a, rilru hah nen, zan alo tlaivar tawh nen, a chau ve viau tawh aniang engtik laiin nge a muthilh pawh a inhre lo ani.

A tuka damdawiin anva thlen chuan Ellen i dinhmun pawh alo chiang tawh a, zai that leh angai dawn ani tih an hriat erawh chuan an rilru a buai nak a. A doctor hmu turin Robb a chu a kal nghal vat a.

Doctor in kawngka a kik hnua lo lut tura a tih chuan a lut nghal thuai a. A rilru a zawhna awm chu zawh thuai2 a duh bawk nen, insum thei lovin doctor in thutna a kawhmuh rual2 chuan a zawt ta nge2 a," Doctor, engvanga Miss. Elllen i hi zai leh ngai nge anih?" a ti nghal a.

"Englo ania Mr. Marshall. Tukin zing a arawn harh khan a enge na tih kan zawt a, a mal hi a khawih a. St Scan kan tinghal vat a, kan lo hmuh hmaih darthlalang keh them alo la awm ani," a tih chuan Robb a chuan rapthlak ti zet hian doctor chu a melh ta run a.

"Engmaw? Inva han fimkhur lo em2 ve....," a ti vin deuh thak a.

"Mr. Marshall, in bengdai hram2 teh. Kan thiamloh chu ani tho na in, i hriat angin reitak kan buaipui a, kan theihtawk kan chhuah bawk ani. Mahse kan lo hmaih palh kha alo awm na meuh mai, mahse i hriat tur chu,darthlalang them hi kan vawikhat zaina ah kan hmu kim lo fo ani. A chhan chu damlo te anlo chau tawh a, an thisen a chhuak nasa nen, chhan hmanloh hlau reng2 in kan phi buai a, kha khan min ti bahlah ve thin fo ani," felfai tak hian a ti dap2 a.

"Eng chhuanlam mah ka ngaithla duhlo, doctor. Sum chu in duh zat2 ka pe ang che u, mahse Ellen i hi a dam ngei2 tur ani," a ti nghet charh a.

"Mr. Marshall, sum lam ani lo. Ka sawi tak ang khan hmaih palh hi kan nei ve fo ani. Thil serious lutuk chu ani na in engmah a chungah a thlen kan phal hauh lovang, kan theihtawk tak meuh2 kan chhuah dawn ani," tiin a thlamuan a.

"Awle...a tul anih chuan doctor dang pawh chah mai rawh u..," duhthawh tak hian a ti leh a. A chhan chu Ellen i hian khatih hunah khan rawn belo sela, a hmangaih te hi a chan ngei dawn ani tih alang vek tawh a, chuvangin engvang pawhin Ellen i hi a ngaihthah thei tlat lo ani.

"Awle...kan hna kan thawh tan theih nan ka kalsan che angai rih tlat," tiin doctor chuan inzai na room lam chu a pansan ta a. Julie i leh Ruthi i erawh vawiin lam chu hma an sawn tih a hriat chuan a lawm em2 thung a. Hmuh a chak em2 na in hmuh an phal lova, a chhan chu an harh chhunga dressing vel tih an duh avang ani. Eliana i te nupa nen chuan inzaina room kawtah chuan an thu leh thap a, rilru a tawngtaina an nei mawlh2 bawk ani. Robb a hian retheihna a hre ngai lova, thlahtu te atanga hausa sa an nih avangin an sumdawnna leh hausakna an inthlah chhawng zel a. A tet te atangin a duh leh it zawng chu neihloh ala nei ngai lova, chuvangin Pathian hi a ngaihsak miah lo ani. Tawngtai phei chu a ti ngai miah lo tluk ani, nizan leh vawiin bak hi chu a tawngtai awm pawh ala hre hek lo. Chuti khawp chuan he accident hian Robb a rilru leh ngaihtuahna zawng2 chu a tibuai a, Mac a chu a kal tawh, a ko let thei hek lo. Mahse ala dam chhun ho erawh hi chu a theihna leh sum a ngai anih pawhin engzat pawh sen a huam ani. Darkar thum meuh an zai hnu chuan doctor chu nui var2 chung hian arawn chhuak ta a.

"Kan hlawhting in kan hria, Mr. Marshall. Darthlalang them pathum tereuh te te hi alo la tanga, kan la chhuak thei bawk a, naktuk lamah chuan ana pawh a zia deuh kan beisei e....," a ti a.

"Kan lawm lutuk e,doctor," thaw hawk pah hian Robb a chuan a ti a. A rilru chu la nuam famkim lo mahse engemaw kawng tala hmasawnna a awm chu a hahdam thlak hle hian a hria a.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » May 13th, 2018, 3:37 pm

Ni a liam a zawi2 in damlo te pawh an tha chho ve telh2 a. Julie i pawh a hmai tuamna te an pelh tawh a mahse ala dam zan lo thung a. Ruthi i erawh naupang tih takah a harh vang tha hle a, a hmel pawh a sen leh tan tawh a. Thu a awih avangin nurse te chuan an duat hle a, naupang enkawl nuam tak ani tih Robb a chu an hrilh thin a, pa tan chuan thu ngaihthlak nuam tak anih mai bakah a lawmawm hle bawk ani.

Ellen i ana deuh ber pawh zawi2 in a kal ve chhet2 thei tawh a,doctor ten tha taka an enkawl hlawm avangin Robb a pawh a lawm hle ani.

Kar khat lai Eliana i te nupa pawh an awm hnu in Julie i te an ziaawm chho ta bawk a,London lam panin rilru hahdam takin an thlawk haw thei ta a. Accident atanga kar hnih na ah chuan doctor chuan chhuah phalna a pe a, mahse chumi ni chu ani Robb a huphurh ber ni chu! A chhan chu ward dang theuh ah an awm avangin Mac a boral thu pawh hrilh lovin ala awm thei kha ania, mahse tunah chuan a thup thei tawh dawn lo ani.

Bill te a pek zawh ah chuan waiting room ah chuan pakhat te te in a lakchhuah ho chu a dahkhawm phawt a, Ellen i ala chhuak phawt a,Julie in a zui a, a tawp berah chuan Ruthi i. Damlo ho karhnih hnua an han inhmu chu an hlim tlang hle a, damdawiin ah an awm tih theihngilh thakin an bengchheng ani.

Mahse thawk leh khatah an bengcheng chu an tawp thut a, a te ber Ruthi i chuan," Papa alo kal ve dawn lo ami?" a ti ta reuhva. Robb a lam chu an en nghal thap a, a hmel buai nak pawh chu an hmu hman ani. Mahse insiamrem thuai in, Robb a chuan chuanlam a siam nghal vat thung a.

"Englo ania, Sweetheart. Papa kha ala haw ve thei lova....mahse doctor ten kan hruai ho thei thuai ang an ti a,chuvangin kan kal mai dawn em niang?" a ti a.

"Kan hmu theilo ami?" Ruthi in ala tih talh chuan Robb a mangang lutuk chu a vin ta thak a.

"Kal thei lo, in rawn kal dawn nge helai damdawiin ah hian la awm in duh zawk?" a ti vin ta hlur a.

Julie i chuan thil diklo a awm ani tih chu a man nghal mai a, nakin ah hun thawl zawkah enge thil awmzia tih pawh zawh ngei a tum ta ran bawk a.

"Darling, lokal rawh le. Papa chu naktuk ah kan hmu zawk dawn nia aw..," tiin Ruthi i hlau ding zum zat chu ava kuah a. Robb a pawh a thinrim control hman lek lova a awm avang chuan a inhaw hlauh2 a. Damlo a enkawl mek ani tih a theihngilh avangin a in thiamlo hle bawk ani.

"Min ngaidam dawn nia, sweetheart. Ka vin tawh miah lovang," tiin thingthi chunga a beng pawt pahin Ruthi i hma ah chuan a kun ta a.

"Tak2 daddy," tiin a pa chu a kuah nghal thlawp a.

Thildang an sawi leh hma a chulai hmun chu chhuahsan thuai a tha tih hria in Robb a chuan Ellen i la kal tha theilo chu a pui a, motor lamah chuan a hruai ta nghal vat hlawm a. Doctor enkawl lai an nih avangin damdawiin hlat taka awm phalsak an ni rih lova, chuvangin Robb a room luah mek ah an dam chian hma chu an la awm rih angai dawn ani. Room pakhat ah chuan Ellen i a awm a, a dang lehah chuan Julie i te nufa, room la awl chhunah chuan Robb a chu a awm ve thung a. An thlen hnua an intih fel fai hnu chuan damlo chau tak an la ni bawk nen, mu hahdam rih turin Robb a chuan ati a. Amah ngei pawh chu a chau hle a, chutia damdawiin in an chhuahsan thei ta hlauh chu a hahdam thlak a tiin a lawm hle ani.

Zana dinner an eizawh hnu chuan Ellen i chuan Ruthi i chu mu turin a room lamah a hruai a, Ellen i hi ana ber kha anih avangin nau awm thei niin Robb a chuan ala hre lova, mahse Ruthi i nen hian a piantirh ata room khata awm dun char2 thin an nih avangin amah zawk hian Ruthi i tel lova mut chu a thiam tawhlo zawk ani.

Julie i pawh chu mu tura a room lama a luh mai alo rinlai chuan a tho mai ta huah lova.

"I mu ve nghal dawn lo ami?" a ti ta nge2 a.

"Mu dawn lo, Robb. I room ah kal ila sawidun tur kan neih hi sawi fel law2 teh ang," a ti chang fal a.

"I hresual ani lo maw? Engmah sawidun tur kan neih ka hrelo," tiin a haider lui hmak a.

"Kan nei ani, chuan zanin hian Mac a chungchang ah thudik ngei ka hre duh tawh bawk ang," a tih chuan Robb a thlanfim chu a bawl nghal tak2 a. Hrilh loh chu a tum ber pawh ani hauh lova, mahse dam deuh sela an taksa te chak tha deuh sela chumi hnu ah chuan ala hrilh ang tiin alo ngaihtuah kha ania. Engpawh nise hrilh hmat khan awmzia lah a nei tawh hek lo, a chhan chu Mac a ruang hmuhtur a awm tawh lova, bakah an kaitho thei tawh dawn bawk heklo nen. Mahse chutia Julie in a tih takah chuan hrilh mai chu a tha in a hre ve ta zawk a. Robb a chu a thutna atang chuan a tho chhuaka, Julie i pawh chu a room lama kaltur chuan a kai ta nghal bawk a. Robb a room an luh chuan khumah hian Julie i chu a thuttir te te a, amah erawh tukverh atanga pawnlam engmah lang theilo thim vek thlir chuan a kekawr ipte zen in a ding thung a.

"Englo ania,Julie. Hrilh che chu ka duh lutuk nain, doctor ten an la phal loh vang chauh ania," tiin bul a tan ta a.

"Enge an phal loh tak chu alawm ka hriat duh chu?" alo ti nghal zat a.

"Mac a....," a sawi hreh lutuk chu a ngawi leh vang2 rih phawt a.

"Mac a, engtin? Sawi vat teh Robb. Min ti hlauthawng ania....," che sek chung hian Julie i chuan alo ti a.

"Mac a....englo ania....a awm tawh lo ani. Julie pawi ka ti lutuk....mahse engmah tih theih ka nei si lo ani ...," tiin Robb a chu Julie i bulah chuan a kal phei nghal bawk a.

"Enge i thil sawi awmzia chu, Robb? Mac a a awm tawhlo tih chu enge a awmzia?" mittui tling pama Robb a en pah chuan a ti ta ruai a.

"In accident na lamah khan a thisen zam darthlalang keh khan a tichat nasa lutuk a, doctor ten an theihtawp chhuah mahse an chhan thei talo anih kha! A pawi hle ani....," Julie i dara a kut nghat pah chuan a ti vawng2 a.

"Aw Lalpa leh! Ka awih theilo....ani thei lovang. A thi tur ani lo asin," tiin a ka chu a hup a, Robb a awma bei chung chuan a tap ta tlawk2 a.

"Julie, hei vang hi ania Doctor ten hrilh rih lo tur chea min tih nachhan pawh. Mahse engmah kan siamtha thei tawh lova, i tawrh thiam pawh angai viau dawn ani," tiin a tawng thlamuan dap2 a.

"Sawitur pawh ka hrelo, Robb. Chutiang ringawta min kalsan chu ka lo ring pha hleinem. Hmuh theihloh i tih lai zawng2 pawh khan ana deuh anga chuvanga hmuh phal lo an nih ka lo ring mai asin....hetiang em2 chu ka mumangah pawh ka lo suangtuah hleinem," tiin a tap zawih2 a. Mac a kha a hmangaih lutuk mahse thian angin, tin a engkim a engkim anih avangin na ati lo theilo ani. A nupui a nihna angin Mac a kha tilawm theilo mahse a ngaina in, a thlahlel em2 thin, a chhan chu a thian tha tak anih mai bakah a harsat mangan lai ber pawha a bula a awm tlat thin vang ani. Chuti khawpa a nuna mi pawimawh, an vui ni tak ngial pawha a kal ve theilo chu hreawm ati em2 a, Ruthi i pawhin a ngai hle dawn tih pawh a hre chiang ani. Ruthi i a ngaihtuah chhuah chuan a tah a chhuak lehzual a.

Ruthi i hian amah ai mahin Mac a hi a ngaina in a duhzawk emaw tih mai tur hi ani a. Mac a nen chuan khawiah pawh kal sela a hlim in a nu pawh a lam ngai hauh lo ani, chuti khawpa a mihring ngainat lutuk engtik ah mah a hmu tawh ngai dawn lo chu a lainat em2 a, an harsat hunah tuin nge tanpui ta ang, tih te a ngaihtuah chuan a tap lo theilo ani.

"Insum hram2 teh, Julie. I taksa ala chak si lova, i tah nasat lutuk chuan i chau lutuk palh anga, damdawiin ah te luh leh i ngai palh ange," hlauthawng tak hian thlem pahin Robb a chuan a ti a.

"Ka tap lo theilo ani, Robb. Mac a hi keima tan chauh ni lovin kan chhungkaw tan hian mi pawimawh tak ani asin, naktuk ah a thlanah min hruai thei angem?" tiin a ngen a

"Ila chak tawk lo ani hla tak thlenga motor a chuang turin. Bakah Ruthi i leh Ellen i pawh nise enkawl tu awm lova kalsan theih anla ni lo,chuvangin in dam that deuh hunah in vaiin ka la hruai zawk dawn che u nia," a sama chulsak pah chuan a ti a.

"Engtin nge Mac a tel lovin inah pawh kan haw tak ang? A telo chuan kan in a lian ropui si a, a reh lutuk dawn asin. Ruthi i phei chuan a ngai dawn lutuk hi ka khawngaih lawk zawk. Mac a tlai tina a tana thil rawn hawnsak tuber, zana a mut hma a thawnthu chhiar sak tu ber, a papa a awm tawh lo tih a hriat hunah engtin nge nita ang? A pi in hmanni lawk ah min kalsan a tunah hei Mac a ani leh a, a rilru hi a buai palh ang tih pawh ka hlau ania," a tih chuan Robb a pawhin dik ati hle ani. A pa chu ni mahse a engkim a engkim chu Mac a ani tih pawh a hai bik hauh lo, bakah Mac an a duatzia lah a mit ngeiin vawi tam tak a hmu awl lo bawk ani.

"Engpawh nise mut tum tawh la a tha ang, i mengrei mah2 tawh ania. Damdawi ei la chuan i mu dawn nia," Robb an a tih chuan Julie i chu a nui hak a.

"Ka mut theih ka ring hauh lo. Mac a tluka ka mihring ui hi ka nu tih lovah chuan an vang viau ang," a tih chuan Robb a rilru chu a nghing lawih hi ani ber a.

"Ka hrethiam lutuk e....i duh phawt chuan hetah ka bulah hian i mu thei ang," a tih chuan Julie i chuan a melh ta kar a.

"Ka tiam a che, deh pawh ka dek lovang che," tia Robb a a intiam hnu chuan Julie i pawh chu rilru nuam deuh zawk hian a awm ta a. Amah chauhva mut chu a hreh takzet ani, a chhan chu a damloh atang hian zanah mumang thalo pui2 a nei thin a. Damdawiin ah pawh khan zana a mu hi a au chhuak leh nghek zela, nurse te a bula an thut loh phei chuan a muhil ngam tawh ngai lo ani. Robb a bulah chuan a thlamuang a, a thu tiamah pawh chuan a din ngheh ngei a ring bawk ani.

Robb an a muttir a, puan te a sintir hnu chuan amah chu a mu ve lo thung a.

"Ilo mu ve dawn lo ami?"

"I muthilh hnuah aw...,"

"Mahse khatiang a min ven reng te chuan i chau vek dawn asin,"

"Chau love, ka lo veng ang che, hahdam tak khan mut tum rawh,"

A nihna takah chuan Julie i nena an inhip tawn nasat zia chu a tu ve2 pawh chuan an hre chiang em2 a, Robb a phei chu mipa a ni bawk nen, atan insum a har viau dawn ani tih pawh a hre lawk vek ani. Chuvangin Julie i chu muhil phawt sela, chumi hnu ah amah hlat thei ang berah a mu ve chauh dawn ani, anih loh chuan a insum zoh loh a hlau ani.

Ni a liam a, Ruthi in a papa chanchin a zawt awl lova, chhan dantur leh chhuanlam siam dantur pawh an hrelo trep tawh ani. Ellen i erawh puitling anih avangin an hrilh thuai kha ania, mahse Ruthi i hrilh chu an hreh ber ani thung a. An hliam leh na te pawh a zia chho zel a, Ellen i pawh tunah chuan pangngai takin a kalve leh thei tawh a. Vawiina doctor an hmuh pawhin an duh phawt chuan an in lamah an haw thei tawh tih alo hrilh a. Mahse regular taka in entir huna damdawiin a kal zat2 tur erawh chuan doctor chuan a hrilh thung a.

A tuk maia an in lama haw tawh maitur an nih avangin, damdawiin an kal zawh ah chuan Robb a chuan an vai chuan Mac a thlanah chuan a hruai ta a. Julie i chuan tah loh a tum hle nain, a ui ema a taplo theilo ani. Ruthi in anu tap chu mak ati hle a, tap lo turin a lo thlem ve pah bawk a, Mac a a boral tih an la hrilh loh avangin tu thlanah nge a nu chu a tah tih a hrelo ani. Ellen i pawn apu hlui chu a ui ve em2 a, mitha tak anih avangin a ui ve hle bawk a. Mac a thlana dahtur pangpar Julie i nen chuan an lei ve2 a, Julie i chuan rose sen parbawr nalh zet hi a dahsak a, Ellen i erawh chuan Lily var thianglim tak hi a pu thlanah chuan a dah ve thung a.

"Kan kalsan phawt ang che, Mac. Ka rawn kan leh ngei2 ang che. Kan ngai lutuk che ania, i tel lova awm dan thiam a har dawn hle ani," tiin Julie i chu a phun sap2 a. Robb an a kaihthoh pawh chuan ala inhnit faih2 a. Motor a an chuan hnu chuan Mac a thlan chu a en leh tawk2 a, a rilru te te chuan van atangin min lo thlir reng awmsia a ti nauh2 a.

Hotel a an let leh hnu chuan khua pawh a thim chho ani deuh mai a. An bungrua siamtur a tlem avang chuan dinner ei hma in an inpeih fel chu ani deuh mai. Dinner an eizawh hnu chuan Ellen i leh Ruthi i chu room ah an lut nghala. Nilengin an chhuak bawk a, taksa ala chak vaklo nen an chauh pawh a rinawm ani. Julie i erawh ala thu nghet churh thung a.

"Mut ila duh lo ami?" Robb an atih chuan alu alo thing mai a, a chhan tak lawk lovah chuan Robb a pawh chu a bulah chuan a thu tha leh a.

"Enteh Julie, a harsa ang tih ka hria alawm, mahse i intih pachan angai ania aw....Ruthi i vang tal pawhin," a ti churh2 a.

"Intih panchan tihreng mai! Ka nu a damlo a chu tawngkam chu ka hre hne hlei hluia, tunah Mac an min kalsan a chu tawngkam bawk chu ka hre leh reng dawn anih hi! Engvangin nge kei hi intih pachan ka ngaih bik reng a? Eng em2 hi nge ka tihsuala, hetianga harsatna zawng2 hi ka chungah hian a tlak bik?" a ti ta bawrh2 a.

"Insum teh! Ruthi in i thawm a hria anga, a rilru a nuam lovang. Nang chauh hian i tuar bik hleinem, mahni tawkah kan tuar theuh ania...," a tih chuan Julie i chuan a mit takah hian ava en kal a.

"Nia i tuar alawm, ka lo theihngilh daih ani," a ti deuh hmak a. A sawi awmzia tak chu Camella in pasal a neihsan a a tawrh nasatzia mi in an sawi alo hriat kha ani.

"Nia, keimah ni tawkah theuh hian rilru hahna,tawrhna, natna, hreawmna kan nei theuh alawm. Mi hlim tak emaw i tih te pawh hian engemaw tal chu phurrit tak an nei theuh ani. Chu2 khawvel kalphung ani miau alawm, vanduai bika i in ngai kha a tha miah lo ania....," a ti vawt ruih a. Mac an a kalsan hlim hlawt ani a, Julie i tana a nat tur zia chu hrethiam chiah lo mahse amah pawh chu kalsan anih avang leh a hmangaih te bula a awmtheih loh avangin engemaw chen chu hriatthiam pui hian a inhre ve ani.

"Ani khawp ang, ni e, ka lo zuau deuh pawh ani mahna!" thaw hawk pah hian a ti ta nghat a.

"I zuau ka tihna pawh ani lo, i tawrh hi a namai lo tih pawh kan hriatpui che alawm. Chuvang tak chuan ania inti pachang tura kan tih nachhan che chu...," hrethiam se ti tak hian Robb a chuan ati leh dap2 a.

"Nia, ka la hrethiam veleh mai a, chubak tih theih pawh enge ka neih chuan?" a ti ta a.

"Awle, tunah chuan hahchawl tawh la a tha in ka hria," Robb an a tih chuan Julie i chuan thawh mai ala tum hauh lova.

"Robb, Mac a tel lovin saw inah sawn Ruthi i hi ka awmpui reng thei lovang! Mac a a awm tawhlo tih hi thup reng theih ani dawn lova, an pahnih a sulhnu hlir in a khat nen, a ngai dawn lutuk a, a lungleng lutuk kanhmuh huntur hi ka huphurh em ani!" a ti vang2 a.

"London ah lo awm mai ta che u. Eliana i te nupa an awm bawk a, boruak thar in hip anga, thil thar tam tak nen,chumi chuan a chhawk thei deuh mahna,"

"Mahse London ah in kan nei hleinem. Leh hna ka nei bawk lova, engtin nge kan khawsak ang?"

"Ka appartment ruak ah khan induh phawt chuan in awm thei alawm. Chuan hna thawh i duh anih pawn hna te chu ka ngah alawm,"

"Robb, chutiang zawng2 chu i lak atangin ka dawng ngawt thei lovang. Bakah Ruthi i hian London chu nuam a ti angem tih lah ka hre der si lova,"

"Ati em2 ang, lungngai mah ta che. School te a kal tan ve anga, zawi2 in a rilru pawh a ziaawm ngei ka beisei," Robb an a tih chuan Julie i chu a ngawi deuh vang2 a.

"I hna keimah ni avangin rei tak i chawlhsan tawh ani si a, mahse kan inah kan nufa chauhva awm ka hreh ani Robb. Khawngaihin ka rilru ka siamfel hma chu min awmpui rih thei angem? Ruthi i vang tal pawhin?"

"Kan la ngaihtuah tha dawn nia, mu phawt la a tha in ka hria," a tih chuan Julie i pawh chu a ngaih angam deuh ni hian alang a. A room thleng Robb an a thlah a, puan te a sintir a, an in mangtha hnu chuan a chhuahsan ta a. Chumi zan chuan Robb a chu a mu mang lova, a chhan chu julie i sawmna kha a duhawm hle nain, amah a inveng zo lovang tih erawh a hlau hle a.

London lamah chuan awm sela a tihpui em2 a, a chhan chu a tan pawh a fanu hmuh reng theihna huntha tak anih dawn mai bakah, hla taka an awm chuan a ngaihtuah reng tho dawn si a, a bul hnaia an awm kha a tha berin a hria ani. Julie i chu hmangaih hle mahse mi nupui ni tawh leh pasal sun hlim hlawl anih avangin an inhnaih viau kha thil thaber ani dawn lova, tin mi hmuh atan pawh a mawi bawk hek lova, chuvangin amah hi nasa taka a inven reng angai dawn ani tiin a infuih mawlh2 a. Julie i sawmna pawh kha a hnial phal a inring hauh lo ani, a chhan chu kalsan kha atan pawh thil har tak ani miau ani.

Julie i pawh a mu chhe hle a, a chhan chu Robb a sawmna kha a ngaihtuah lo theilo ani. A naute pawh a rilru ah an awm tel lo theilo bawk a,
Mac a boral thu hi ala hriattir hlawm lova, a chhan chu an final exam lai ve2 ania, an nu hmani lawkah an chan nen, rilru hreawm taka exam an hmachhawn kha a duhlo ani. Bakah amah pawn a hre tlai lutuk kha ania, an ni engmah rawn ti theilo tur exam neilai nibawk si chuan hre rihlo phawt se a that ber a ring ani.

London a an pem chuan a naute pawh college tha zawkah an kal thei anga, tin Ruthi in school te a tan ve theih chuan a ngaihtuahna kal ding lutuk tur leh kawng tam taka Mac a a hriatchhuah natur kha a ziaawm theih a beisei bawk a. Chutih rualin, Mac a clinic hi a enkawl loh chuan tu in nge enkawl ta ang? A kovah mawphurna chi tinreng a awm leh ta tuk mai. Enge tha ber a hre lova, engtia ngaihtuahna sen tur nge tih lah a hre heklo. A thlauk hi a buai nuaih2 ringawt niber hian a hria a, engpawh nise hmalam chu alo thlen dan a zir zela a tla chawpa rel mai chu tha ber dawn hian a hria ani.

Mac a chhungte pawh a rawn anga, damdawiin a an awmlai pawh khan an rawn kan ve fo thin a, mahse engmah sawipui theih anih loh vangin an lo ngawi reng zawk ani tih pawh a hrethiam tawh a. Mac a boral thu amah an hrilh theihloh mai bakah engtinnge thil an kalpui zel ang tih lah rawn dawn pawh nise rawn ngam anih loh avangin Mac a chhungte rilru buai turzia pawh a hrethiam lutuk a, a lainat takzet ani.

A tuk zinga breakfast te an ei zawh hnu chuan an in lam pan turin an inkhalh chhuak ta a. An accident na hmun kha hmuh leh a hreh em avangin Robb a chu kawng dang lama kal turin a hrilh a, Robb a pawh chuan hrethiam takin alo bu nghut2 a. An kalna lam chu kawng kual lam anih avangin darkar thum laiin an tlan rei phah dawn ani tih pawh an hre tlang vek a, mahse a tu amah chuan engmah an sawilo thung ani.

Chawhnu herah an in chu an thleng ta hram a, pawnah hian Robin a leh chhiahhlawh dang pahnih hian an lo hmuak a. Chhiahlawh pahnih chuan bungrua te chu inchung lamah an kenglut nghal zung2 a, Robin a erawh chuan a pi te ho chu a buapui thung a.

"Baby i dam tha tawh em? Kan lo ngai tawh viau che asin," Robin a chuan Ruthi i kai pah chuan a ti luam a.

"Keipawn ka ngai tawh che u alawm, papa pawh tiamin. Mahse Uncle Robin papa chu ala dam ve lova, doctor in ina haw ala phal ve lova," tiin Robin a chu a hrilh siam2 a.

"A dam thuai tawh ngei ka beisei, baby," ti pahin a pi chu a melh zawk a. Julie i chuan alu alo thing na2 a, engmah Ruthi i chuan a hre lova tawng fimkhur angai ani tih Robin a pawh chuan a hrethiam nghal mai a.

"Awle...kan baby i hi a ril a tam tawh ang tiraw? Lunch ka lo buaitsaih anga, i ei teuh dawn nia aw...," a tih chuan Ruthi i chu a bu nghauh2 a, Robin a pawhin a kalsan ta nghal a.

An nupa room a luh chu a hreh em avangin ama room bikah bawk chuan a lut a, khumah chuan a thu thla riai2 a, Mac a tel lova in a ruahzia chu a haider thei thlawt lo ani.

Ellen i leh Ruthi i chu an inti fai zung2 a, an inthlak hnu chuan inhnuai lamah an chhukthla leh nghal thuai a. Julie i pawh chu midangin an nghah reng hlauhvin a inpeih thuai theihnan a che ta zung2 a. Robb a inbual zo inhnuai chhuk thla tur nen chuan an intawk a, an chhukthla rual ta a. Lunch an eilai chuan Ruthi i tawng chu an ngaithla deuh bera, a chhan chu puitling ho chuan sawitur an hriatloh mai bakah tawngsual palh an hlau hi ani deuh bera. Lunch an eizawh hnu chuan Ruthi i mut a hun dawn hnaih avangin Ellen i chuan nursery ah a hruai chho nghal deuh mai a, Julie i erawh varanda ah thu pahin coffee a inthung a. A hawi velna reng2 chuan Mac a a hriatchhuah tir a, a lungaleng em2 ani. Robb a chuan Julie i chu kil khat atangin a thlir renga, amah chauhva awmrih a duh ringin a pawh duh lem lova.

Julie i nuna thil thleng tam tak a hriatpui chian em2 te chu a chhut neuh2 va, a khawingaih em2 ani, a chhan chu hmeichhe awmnem tawrh atan chuan amah Julie i sawi ang chiah khan a nasa mah2 hian a hriatpui ve bawk a. Julie i hian nei sela, an nufa a tha taka enkawl chu a chak ber ani, mahse chu hun chu alo thleng ngai angem a hre bik hauh lo thung!!

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » May 14th, 2018, 5:51 pm

Kar khat hnuah chuan an inrem felfai thei tawh a, tunah chuan Julie i pawn hna zawn a tan thei tawh dawn ani. A naute pawh hostel a an luh a hunleh hnai tawh a, an luh hunah chuan an khua pawh a har viau dawn ani tih Julie i chuan a hria ani.

Robb Marshall a pawn hna tha taka a thawh tan leh theih tawh avangin a hma a a company tlahniam tur apa in alo vensak tang2 kha tunah chuan hmalam sawnna ari thum leh hlauh2 tawh a. Newspaper leh business channel te a luah awl leh tawh lo ani! Bakah tunah chuan fanu a nei tih a inhre tawh bawk nen a hma aia nasa lehzual in a thawkrim ta emaw tih maitur ni hian alang a. A fanu chu a ngaihsak em2 reng a, nitin a be ziah thin ani. Engang pawn buai sela ni khatah vawi khat tal a fanu chu a biakloh chuan a awm thiamlo chu ani tan der tawh bawk a. Julie i pawn ngai in thlahlel viau mahse Robb a lakah chuan a insum theihna zawng2 a hman a ngai fo thin thung ani.

Karhnih lai London a an awm tawh hnu chuan Ruthi i kalna tur school chu an tifel ta a. An in awmna atanga hla vaklo ke pawha kal phak lekah hian Little Champs pre- nursery ah chuan Julie i chuan a admit fel ta a, mahse an admit ni chuan chu school principal thaw hak chu nuam ati chiah lo ani. A chhan chu apa hming diktak hi a piantirh atangin a ziah tel sak zela, Mac a khan a hming puttir duh mahse Robb a fa anih miau avangin a hming chu a dahsak zel tho ani. Chutianga business tycoon tih hial khawpa milar fanu an school a arawn lut tur chu an school a lar phah viau dawnin principal chuan alo hre hman hiala, mahse Julie in puangzar lo tura an ngen takah chuan lawm chiahlo tih hriat tak hian a bu nghauh thova. Ruthi in harsatna a tawh a hlauh vang anih mai bakah mi zawng2 in Robb a nena innei si lova fa an neih hi an hriat kher a tulin Julie i chuan a hre lo ani.

Amah pawh chuan hna zawn tan chu a duh viau na in a naute chu hostel ah lut fel phawt se tih a ngaihtuah leh thung a. Inrinni zana Italian chaw dinner tura kenga, Robb a alo kal chuan Julie i chuan Ruthi i school kalna tur a tihfel tawh thu vel chu alo hrilh a...

"Daddy, school ah chuan tuin nge min hruai ang," apa beiseina sang tak nena melh ralh2 pah chuan Ruthi i chuan a ti a...

A malchunga pawm pah chuan," Awle, sweetheart, tuin nge hruai che sela i duh le?" tiin a fawp zeuhva.

"Daddy hian min hruai se ka duh a....," a tih chuan Julie i chuan alo khap vat a.

"Darling, daddy chuan hna thawh angai alawm. A office ah a kal angai tih i hriat kha. Miss Ellen i leh mama in an hruai dawn che alawm," alo ti vat a.

"Aih....aih...aih.....papa awm sela chuan min hruai ngei2 ang. Daddy in min hruai dawnloh chuan ka kal duh lo....," luhlul taka a tih chuan Julie i chu a thinrim hle .

"Ruthi.....?" tiin a vin deuh hlak a. Robb a chuan a mitmei chuan Julie i chu alo khap vat a.

"Awle Sweetheart. Daddy in i school kal hmasak ber ni chu a hruai ang che tih a tiam e. Mahse mama thu leh Miss Ellen i thu i awih dawn chauhvin....hmm....," a tih chuan Ruthi i hmel pawh chu alo hlim leh nghal sarh a.

"Ka awih ziah alawm, mahse min hruai tak2 ang tiraw?" tiin apa mit ah takah chuan a enkal a.

"Dawn lutuk chiang! Ka tiam a che!" a pa in a tih chuan a lawm hle tih chu a hriat nghal mai a.

"Robb, nidang kha ngaihtuah tel ta che?" Julie i chuan alo ti hlak a.

"Awle....ka hman ziah dawn lo tih chu ka hria alawm. Mahse a hrethiam em2 ang,Julie," alo ti duam2 a.

"I duatsual vek dawn tlat, naupang enkawl hi a tir atanga fimkhur loh chuan nakin ah chelh lo tu tur chu nu leh pa tho an ni thin," alo ti leh hlak2 a. Mahse Robb a chu a nui mai a, fanu pakhat chiah a nei a duatsual mahse pawi lah ati hek lo, a chhan chu a fanu leh a tute tan thleng pawha hman senloh sum a nei a, a duat tur hi ani ringawt tih chu a ngaihdan ani.

Ruthi i school luh tantirh ni chuan Robb a chu zing dar riatah alo thleng var a, Julie i nuih chu aza hle ani. A chhan chu sumdawnna lama mihring tawhkhirh lutuk, mi zawng2 in an hlauh leh amah dawr duhten a thusawi kamkhat pawh Pathian thu tluka an ngaihpawimawh in a fanu kum hnih mi lek thusawi avanga zing taka alo thleng nghal var chu nuih loh theih ni pawh hian a hre lo ani. Ruthi i insiam lai chu Ellen i nen an buapui a, apa chu a tir zat2 ri a hriat phei chuan a nuih aza tulh2 a. A tiffin tur a siam zawh chuan an kal theih tawh thu a hrilh a, an vai chuan Ruthi i school kalna tur lamah chuan Robb a motor chuan an kal ta nge2 a. Principal in Robb Marshall a hmel a hmuh phei chuan alo phi buai nasa mai a, naupang dang a school a lutve te lakah chuan a school chu chhuang tak hian a tawng larh2 bawk a. Ruthi i an class tura an thutfel tir hnu chuan an hawnsan ta nghal a. Naupang tihnuam ani a, school a kal hmasak ber ni nimahse a tap buai ve hauhlo bawk nen, kalsan pawh a har lem lo ani.

Julie in breakfast ei tura Robb a asawm chuan alo aw ve mai a. Ani tan pawh ina haw leh a office kal leh kha a buaithlak ve bawk nen, Julie i te ina breakfast eia office a tlang nghal mai chu a tan pawh a remchang zawk reng ani. Midang an awm ve avang chuan engmah vak sawi a remloh avangin an inbe tam lem lova, an eikham hnu pawhin Robb a chu a kal deuh nghal mai bawk a. A chhan chu appointment pawimawh tak2 a neih avangin tlai thei ani lo ani. Hepa hi chuan a hip chiang alawm, engtiklai pawhin. Suit pawl a ruka a vara tial a ha a, kamiz var nalh tak a ha leh bawk a, amah a palian a, a hmeltha a, a pa bawk nen a lang fresh khat tlat ani tih chu Julie i chuan a pha thei hauh lova. Mahse engmah tilan a tum tawh bik lo ani, a chhan chu pasal sun ani a, a chenpui te ngei pawhin an demtur chuan awm a tum tawh bik lo bawk ani.

Kar tawpah chuan Robb an an vai chuan picnic turin a farm house ah hruai a, hlim takin hun an hmang bawk ani. Zan khat riaka a tuka haw leh tura kal an nih avangin hmanhmawh ngai lovin engkim chu a kal a, hahdam thlak takin hun pawh an hmang ani. Ruthi i te pa fa chu Robb a in bulah chuan balu ah an infiam chawhma thak a, chutianga hun hlim taka an pafa in an hmang chu hmuhnawm ti tak hian Julie i chuan chhang vel ur pahin a thlir leh zawk2 thin a. Ellen in a pui a, lunch an peih hnu chuan hlim takin an ei tlang a. Lunch an ei zawh chuan Ruthi i muttir turin Ellen i chuan a hruai a, a naute lah mahni tuina ve2 ah an buai bawk avangin, Robb an chakai man tura a sawm takah chuan alo aw ve mai a.

Robb a in thlang lamah chuan lui luang fim tak thuk silo hi a awm a, tah chuan an pahnih chuan chakai man turin an chhukthla ta a. A hmun chu a reh raih a, lui tui lah chu a fim in a thianghlim em2 a, a hmun hrim2 chu a romantic riau hian Julie i chuan a hria a. Robb an chakai a man lai chuan a bul vela pangpar mawi tak2 chu alo thliak khawm a, a puan ken chu pahin a mu vel dang2 bawk a. A lum a tih tak em avang chuan lui tuiah chuan a inbual ta hauh2 a, nuam pawh ati hle ani, a tui a vawt nuam nen. Engmah ala inbel hman hma chuan Robb a chuan arawn naching ta a, puan pan te a hnute thleng chauh khuh, a mal var haih lang tam mah2 a ven chu arawn hmu rang kher mai. A hnute hmur a inbualna tui vawh avanga lo pawnglah te chu a hmuh hmaihloh chiang kher mai. Julie chuan thawmhnaw lo ha hman se a ti em2 a, mahse engmah tih theih a nei tawh lo thung. Robb a chu thir hipthei ang maiin Julie i bulah chuan a kalphei zel a, a thluak chu a control thei lo lam chu ani leh ta der a. Julie i taksa lang laia tui la chambang chu fawh a chak em avang chuan a insum thei hauh lova, a dar ruak kang ami chu a fawp tan ta nge2 a. A hmui lum thar2 in a taksa ruak kang arawn deh takah chuan Julie i chu alo thaw hak a, alo ip chaih2 bawk a. Engmah a la inbel si lo nen, Robb a chu a tawptir vat loh chuan an tisa chakna chu an ti tawp leh mai thei lovang tih pawh Julie i chuan a hre reng a, a thluak chu fim se a duh em avangin a lu te chu an thing leh ang nawk2 a. Mahse Robb a kutin a hnute arawn tham takah phei chuan insum hi har ati hle tawh ani, a hmuia duhtawh taka Robb an arawn fawh takah phei chuan chhanloh chu har ati chiang kher mai.

Tawp se a tih em avangin a theih anga ring chuan Robb a hming chu a lam sep2 a, mahse Robb a tana hriat theih chang2 lek hian a aw chu a chhuak thei a. Tisa chakna in a bual hneh em avang chuan a tu a ve2 tan pawh tawp mai chu a har hle tawh bawk ani. Robb an duhthawh tak leh hmanhmawh taka a puan a pawh thlak takah phei chuan Julie i chu a ding ruak ta kang mai a. Thaw hak pah hian Robb a chuan a thlir vang2 a, zah a hnekin Julie i chuan chutia Robb an a taksa mawi ti tak leh it hmel taka a en tak rengah chuan a inti thei deuh zawk hial ani. A nghawng atanga duh taka la en reng chunga Robb a kut zunglai in a mal thlenga a rin thlak tak riai2 phei chuan a taksa zawng2 chu za chhuai2 hian alo hre hial a. A hma a Julie in puan a phahna lamah chuan zawimuang hian fawp pah reng chung hian Robb a chuan a hruai phei a, a muttir ta riai2 a.

Robb an hmanhmawhna tel hauh lova a thawmhnaw a phelh lai chu zak miah lo hian alo en reng a, Robb a taksa nalh lutuk mai a hmuh leh phei chuan a tisa chakna chuan a rawn tur belh at2 hial hian a hria ani. A taksa inphiar nghet tang te, thisen zam rawn bawl chhuak tuk2 tha a ngah tih hriat tak te chuan Julie i chu ati phur tulh2 bawk a. Robb an duhtawk a a taksa a fawh a a chul kual lai chuan a rem lai2 hi alo chulsak vein, a hming lamin alo phun sep2 bawk a.

"Ka rawn lut dawn em? I duh em sawi rawh?" Robb an tisa chakna avanga aw khur deuh dur2 a atih chuan a chhang theilo ani. A ka chu a ro vek a, tawng turin chakna lah a nei heklo.

"Sawi rawh Julie, Pathian hmingin min nghahtir renh suh!" hmanhmawh taka Robb a insum thei tawh lovin a tih leh takah chuan, alu chu a bu ta nghat2 a. Chu veleh Robb a chuan a tihtur hre takin duhthawh takin an fawp kual leh te te phawt a, zawimuang hian Julie i kap kar nal par tawh ah chuan a lut ta zal2 a. Julie i chu alo thaw hak a, nghet tak hian Robb a chu a pawm nghal bawk a. Tumah venthawn tur an awm lo bawka, an nuam tuar ri chu a bengcheng hlah2 hle ani. Robb an nuam a tih theih nan Julie i pawh chu alo insiamrem ve zel a, an thaw halh2 ri leh an nuam tuar aw ri bak chu ri hriattur avang hle ani.

"I inpeih em? Ka zo dawn nia...," a benga seh nar2 pah a Robb an a tih chuan a bu nghat a. Chutah rang tak hian a tha neih zawng2 a seng ta emaw tih maitur hian Robb a chu a che ta nghal a, Julie i nuam ti lutuk chu a au ruai2 hial ani. Robb a nen chuan an zo rual a, an chau bawk nen, ngawi reng hian an inkuah ta hla2 a.

Rilru leh taksa in ngai a awh ta maw tih ah chuan Robb a chu a a kut khingkhat hian a inbengkang a, Julie i hnute la chul kual reng pah chuan hlim tih hriat tak hian mitmeng de sar2 hian Julie i chu a en ta reng a.

"Khati khan min en reng suh?" lai deuh tat2 pah hian alo ti hlak a.

"Thlir nin hi chu i har chiang alawm!" a ti huk a.

"Haw zai kan rel tawh dawn ami? Rei min lo ti tawh lutuk ang?" harh chhuak thut nimai awm hian Julie i chuan a ti a.

"Julie, min nei tawh mai rawh!" Robb an a tih tak thut ah chuan Julie i thawh tum mek chu a thu khawng ta awt a.

"Robb, enge i sawi tak?" a ti hau va.

"Ruthi i nen hian ka bulah awm tawh ula ka duh ani. In tel lova awm hi har ka ti tulh2 chu anih hi," nui hul hak pahin a ti a.

"Robb, Mac a tihna pawh ala rei lo lulai em mai. Mi pawn engtinnge min sawi ang?" a ti dam diai a.

"Mi ah ka buailo, ka nupui ni la a bak chu ka chingfel vek ang," tumruh tih hriat tak hian alo ti nghat charh a.

"Mahse Mac a chhungte hi an zahawm lutuk dawn ani!" a ti vang2 a.

"A dik reng, mahse Mac a chu alo kir tawh dawn chuang hleinem!" a ti kha deuh fak a.

"Robb, ala hma lutuk! Bakah.....,"

"Enge bakah??" alo ti vat a.

"Hawn a tha in ka hria...," tiin a thova a thawmhnaw chu a inbel nghal mawlh2 bawk a.

"Julie, thil kan sawidun mek hi!" lawmlo tih hriat tak hian Julie in inha sawk2 lai chu a melh run a.

"Tunah chuan ni love, hawn kan ngai zawkin ka hria," a ti ta tlat a.

"Awle...," tiin a kut a phar deuh duai a, a thawmhnaw chu lungawi lo tih hriat tak hian a ha ve nghal mawlh2 bawk a.

Julie i chuan a tap mai ang tih hlauvin a mittui chu a khap per sak2 a, Robb a chuan a hmu ang tih hlauvin hmun dang a hawi tlat bawk a. A fanu leh amah a hmangaih ani tih a hriat chan fak loh chuan engpawh nirawh se a nei dawn lo ani tih chu a thutlukna ani tawp mai. Mac a nen an innei tawh a, a hlim hauh lo bawk! A chhan chu a hmangaih miau lo ani a pasal a nihna angin, thian tha ang chauvin ani a hmangaih. Chuvangin, Robb a hian a hmangaih tak2 ani tih a chian loh chuan a nei dawn hauh lo bawk. Hmangaihna tel lova chhungkaw din tum hahthlak zia alo hrechiang em tawh bawk nen, tihsual nawn a tum hek lo. An nufa tel lova a awm theilo tih ringawt ah chuan a innghat thei tawh lo ani, amah chuan hmangaih em2 mahse Robb an a hmangaih letna kha ani a mamawh leh thlakhlelh ber chu. A hmangaih let ve anih siloh chuan rei an hlim dun dawn lova, inthen leh te emaw angai anga, Ruthi i nun chutianga fiamthu a siam chu a tum hek lo.

Zawimuang chuan inlam pan chuan an inzui haw ta hnak2 a, a tu zawk2 mah chuan sawitur lah an hre hek lo.

In an thlen chuan Ruthi i pawh alo harh tawh a, alo rik leh chel chul takah chuan Robb leh Julie i pawh chuan an mahni buaina leh rilru hahna pawh dahtha in an fanu leh midang ten an boruak an hrethiam ang tih hlauhvin pangngai taka awm tum chuan an insiamrem ve leh ta nghal thuai a.

Ellen in dinner tur a buatsaih chu pui turin Julie i pawh chu choka lamah chuan a kalve ta nghal a, Ruthi i leh apa erawh an infiam thung a.

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » May 14th, 2018, 5:55 pm

Chumi zana an mu chu mahni room ve2 ah rilru a ngaihtuahna tam tak leh suangtuahna chi hrang2 nei tun chungin Julie i leh Robb a chu an mu ani. Dinner an ei zawh hnu in an pafa chuan thawnthu chhiar paha in muttir turin Ruthi i te room ah chuan an inzui lut ta a, chutih laiin Julie i leh Ellen i chuan an ei leh inna vel chu an lo tifai thung a. A naute pawh karleh lamah chuan hostel a an luh mai tawh dawn avangin Julie i chu a khua a har ru lawk hle a. Ti hian an zavai hian inthendarh ngai tawh lovin hlim takin awm ho dial2 thei tawh se a ti rilru vawng2 na in thil theih ala ni rih tlat si lova.

A tukah chuan breakfast te an ei zawhin inlam panin an inkhalh ho leh ta a. Kawngah chuan Ruthi i ti ti an ngaithla deuh thap reng a, an nui leh ang hawk2 thin hlawm a. Julie i rilru ah chuan Mac a arawn lang zawk a, Ruthi i awmdan leh ti ti velte chu a ngaihthlak ve atan a it vawng2 ani! Han ngaithla ve chiah sela chuan a hlim turzia leh a nui hmel tur te pawh a mitthla ah chuan alo lang a, Mac a kal hma lutuk chu pawi ati vawng2 bawk a. Robb an thilsawi a nei ani tih pawh hre lek lo chuan a ngaihtuahna chu alo kawm ani tih Robb an a kut arawn khawihsak takah chuan a hre ve chauhva.

"Iva ngaihtuah muk awm ve?" tia a kut a mala a dah arawn chulsak thuak takah chuan a harh deuh zawk a.

"Maw? Enge sawi i nei ami?" a ti phawk hra a.

Nui deuh suk pah hian," Chawlh te in duh em ka ti mai ania...,"

"Aa....ka hrelo....in tih dan2 ani mai alawm," a ti bah niaih a.

"Mama, ka ril a tam tawh ania...," pangchang aw taka Ruthi in seat hnunglam atanga alo tih chuan a sana bunlai chu a melh ta thuai a, riltam a hun viau tawh tih a hrethiam nghal mai a.

"Awle....darling. Daddy hian a remchang ah motor a tiding anga chuan lunch kan ei dawn nia aw....," zaidam taka a tih chuan Ruthi i chu lawm hmel tak hian alo nui var2 a.

"Ka lawm e, mama. Daddy i hria maw i din na tur chu?" tiin a pa chu an hrilh leh nghal zat a.

"Awle,sweetheart," a fanu melh zawk pah chuan alo ti thuai a.

Reilote an tlan leh hnu chuan kalkawng a zinmi te tana chawlh natur an siam restaurant nawm hmel tak kawtah chuan Robb a chuan a motor chu a tiding ta a.

"Le...lunch ei duh chu chhuk ang aw...," a tih chuan motor atang chuan nui sang hian an chhuk ta sap2 a.

Eitur an order te alo thlen chuan an ril alo tam hman viau tawh aniang chu a teber atanga a lianber thleng chuan ngawi reng hian an ei nghal ta mawlh2 a. An thisiam pawh rin aiin alo tui bawk aniang, an eikham chu an puar hle hlawm a. Dessert tur chu Ruthi i thlan vanilla ice cream an ei bawk a, an tlai tlang hle ani. Chhuah leh mai angaih avangin Robb an bill vel atih fel hlan chuan motor lam chu muangchang hian Ruthi i puar bengcheng thawm ngaithla pah chuan midang ho chuan an pan ta hlawm a. An tlan chhuak leh hnu reilote ah chuan a puar ta bawk aniang, Ruthi i chu a muhil nghal ta sak2 a. In an hlat hranpa tawh lo bawk nen, midang ho pawh chu hahdam hmel tak hian an muthlu deuh thap a. Robb an Julie i lam ava melh zawk chuan motor tukverh pawn lam thlir in alo hawi vauh2 hi a hmu a. A zawhna kha zawh nawn leh mai a duh ut2 a, mahse inneih lam chu midang hriata sawi rik ala chi vak lo tih hria in a ngawi veleh ta zawk a.


Chawhnu dar hnih velah chuan Julie i te in kawtah chuan motor chu a ding ta dat a. Robb a erawh midang an chhuk zawh vek tawh hnu pawh chuan motor ah chuan ala thu vung Julie in a hmuh chuan a thutna lamah chuan a kal phei a, midang hriat phak loh tura zawi chuan in arawn luh ve dawn leh dawn loh a zawt sap a.

"Ka haw rih zawk ange....hna in min lo hmuak leh tun tawh ang," tia alo hnial tak deuh ah chuan Julie i pawh chuan a tilui duh ta bik chuang lova.

"Awle...kan in hmu leh dawn nia. Hun hlimawm tak hmang thei tura kan chhungkaw chunga i hun leh tha i sen avangin kan lawm lutuk e," tiin lawmthu a hrilh ta deuh duah a.

"Nia kan hlim tlan ngei ka beisei," Robb an awmze nei taka arawn tih takah chuan a in thlang lui luang bula an khawsak dan kha a mitthla ah arawn lang uai2 a, a zak lutuk chu a hmai a sen ta tan2 a.

"I zak hmel hi alawm hmuh nuam ka tih em2 chu!" Robb an ala tihzel takah phei chuan a hmui chu a seh zeuh va, lehlam a hawi ta daih a.

"Ka kal ania.....," tiin a kal nghal nal2 bawk a. Robb a nui thawm a hriat phei chuan tleirawl ang mai hian a zak tulh2 a, a hmuh theihloh tura awm vat duhin a hma aia chak chuan a pen ta sawk2 a. Inchhung a thlen chuan a thaw deuh hlap2 a, him ta hian a inhre bawk a. Mahse Robb a tel lo chuan a reh nghal duk hian a hre thung a.

"Mrs. Rowland, Ruthi i chu ala mutui khawp mai, intur te i duh angem?" kawngka bula Robb a ngaihtuaha alo la din reng lai chuan Ellen i chuan arawn ti ta a.

Inthiam chiah lo hian a aw an thian kharh a," Aih, ka duhlo zawk ange, ka lawm e. Ka room lamah ka kal zawk ange, nangpawh i chau ang Ellen, Ruthi i mut hlan khan hahchawlh tum rawh," a ti ta a.

"Awle...ka lawm e," tiin an room lam pan chuan Ellen i chu a kal nghal mai a, a lu thing deuh nak pahin ani pawh ama room lamah chuan a kal ve nghal bawk a. A naute hi chu mipa an ni bawk a, an room lamah hian an tawm deuh chawt thung a, an awm velo emaw tih maitur hian a chang phei chuan an mahni tuina lamah hian an bur tlut2 thin a, mahse thilpawi an khawih lo tih a hriat avangin Julie i pawhin ina an awmchhung na3 chu tibuai duh lovin zalen taka an hun an hman theihnan a thlah zalen ve thin ani.

A room a thlen chuan inbual turin bathroom ah chuan a lut nghal a, mahse tui in a taksa a deh hma chuan a thawmhnaw chu a hmin vang2 a, Robb a rim alo la nam chem2 a. Tui vawt nuam taka a inphuh tir seng2 lai pawh chuan Robb a bawk chuan a ngaihtuahna ala luah chhunzawm zel a. Nimin maia hmangaihna an chendan te, an duhthawhzia te, an lungngawi ziate chu a ngaihtuah chhunzawm zel a, Robb Marhsall a ah hian chuan ka duh leh mamawh engkim hi ava awm chiang em! Ka hmangaih em2 bawk ani, a ti pah sep2 a. Mahse a hmangaihna ringawt kha a tawk miau si lova, a nuna a vawihnih nan tihsual leh erawh a tum bawk hek lo ani. Innei tura a sawmna pawh kha a ngaihtuah nawn pah neuh2 a, Robb an a hmangaih ve miau loh avangin neih erawh a tum hauh lo ani tih pawh a inhre chiang hle ani! Ruthi in pa a mamawh a, ani pawhin amah hmangaiha enkawl tu tur a mamawh tih chu a hre ngei alawm, mahse hmangaihna tel lo inneihna chu a tan chuan thil rapthlak tak anih zia pawh a hrechiang hle tawh ani. Chuvangin, inneih kha chu a remti thei lova, tin an nufa mai bakah a naute leh Ellen i ten an mamawh an neih a, an buai loh nan chuan hna a zawng ngei tur ani tih pawh a hre chiang lehzual ani. Tuma tanpui reng ngai lova, mahni a in enkawl a zir ve tawh pawh a hun viau in a hre bawk a, an nufa tana a theih tawk chhuah lah a tih makmawh ani bawk ani !

Robb a nena an mutdun leh avangin an inhnaih sawt dawn emaw tia Julie in alo rin chu a diklo chiang hlemai. Tunah chuan Mac a a awm tawhlo nen, a fa pa a ni bawk nen beiseina thar te pawh amah nei tura alo sawm takah chuan a nei tan veleh dek2 tawh kha ania mahse an dinner ei chhuah na a a thil hmuh chuan Robb a chuan a rilru tak2 alo la pek lohzia te, a lakah tisa chakna bak engmah alo beisei lohzia te ka a sawi aiin a hrilhfiah chiang zawk hialin a hre thung a.

Kar a ral a,a naute a tuk maia hostel lama an luhbo leh daih a ngaih tawh dawn avangin, Eliana i te nupa leh Robb Marshall a chu dinner ei turin a sawm a, mahse Robb a chuan hna pawimawh tihfel ngei2 ngai a neih avangin alo tel theih dawn loh thu arawn hrilh a, hmuh a chak rilruk em avangin alo kal theilo tur chu a ruk tak chuan Julie i chuan pawi ati hle ani, mahse a tawngka erawh chuan a hriatthiam thu chu a hrilh thung a. Zan dar riata a unaute pahnih leh Eliana i te nupa nena dinner ei tura kal tur chuan a insiam tan ta a. Khawlum lai anih avangin kawr eng dal riai a vara inpawlh, hmuh nuam zet hi a thlang chhuak a, pheikhawk sang seng hi a thlang chhuak leh a. Uluk taka a inbual hnu chuan a insiam tan ta nghal a, a insiam zawh chuan darthlalangah chuan a inen vang2 a, a in nuih deuh sak a. A hmai chu a chei thuak2 a, sitting room lam panin a room atang chuan a chhuak ta a.

Ruthi in anu nalh taka induang a hmuh chuan anu lam pan chuan a tlan nghal tarh2 a," Mama, khawnge i kal dawn?" a ti nghal vat bawk a.

A fanu chu a kuah vat a, a biangah chuan a fawhsak leh te te phawt a chumi hnu ah chauh chuan a chhang a," Darling, i aunty Eliana i te leh i putea te nen dinner ei turin kan chhuak dawn a. Miss Ellen i thu lo awih viau ang che aw....,"

"Awle...ka lo awih ang. Chuan naupang kalve an phal lo tiraw in kalna turah chuan?" anu mit a enkawl pah chuan a ti leh a.

Nui hak2 pah hian Julie i chuan a fanu biang chu a piai sak leh zeuh a," I va han hre dik ve aw....ka fanu fingte.....! Tuin nge hrilh reng2 che min han hrilh lawk teh?" tiin a zawt a.

"Miss Ellen in min hrilh alawm," a tih chuan Julie i chuan Ellen i chu ava melh zawk a, Ruthi i hmuhloh tur hian a kut zungpui hi a tipir va bawk a.

"Awle....lokal tawh rawh le, Ruthi. Keini chu ice cream siam kan zir dawn kha...," tiin Ellen i chuan choka lama kal tur chuan a kai hrang ta nghal a.

A fanu hi engtik lai pawhin naupang thuawih tak ani reng thin a, zanin ah pawh a thuawih zia hre thar lehin Julie i chuan a inhria a. Naupang dang angin tap chunga thil ngente, nawrh te, huaibak chhuah te a ching ve ngai hauh lova, vannei pawh a inti viau thin ani. Schoola a thlah changte hian naupang tam tak hi chu buaipui awm zet2 hian an awm fo thin a, chung ho Ruthi in a hmuh chuan mak ti tak hian a en vang2 thin ani. Julie i pawhin fanu fel tak a neih avang hian mi fate sual tak2 a hmuh hian mak tihchang a ngah thin bawk a, Robb a lah hian a fanu hi a chhuang em2 renga, a duatsual vaih chuan tuna naupang fel tak tia an lawm em2 hian nakin ah chuan harsatna pawh ala thlen nasa viau maithei bawk ani.

Eliana i te anlo kal chuan Julie i te chu anlo hman tawh a, hlim tak hian an dinner eina tur lam pan tur chuan an inkhalh chhuak ta nghal a. Dinner an eina tur chu a changkang hle a, a chhan chu mi hausa ho kal khawm na ani a, mi pawh an lo tam hle tawh a. Chuta kal reng2 chu an hausa hle tih an incheina atang chuan alang mai a, an hawiher reng2 pawh a sangvah in mahni tawkah kei ka ni inti deuh thah kha an ni bawk ani. Julie i te ho chu a neilo ber pawh an ni ngei ang, mahse a naute chu a ngaihhlut em avangin neih neive lemlo mahse chutiang hmuna vawikhat tal a naute hruai a chakna alo rei tawh bawk nen, Julie i chuan pawi tihna pawh a nei hran lem lova.

Dawhkan te alo hauh lawk ve tawh bawk a, an chang ngei dawn tih hre ranin inchhunga an luha waiter in booking an nei em tih a zawh pawh chuan inti thei tak hian Julie i chuan an neih thu a hrilh hmak a. An neilo hmanlai atangin mahse an neih zawng2 chu nilo mahse an neih tam tak zinga mi a naute tan tiin zanin ah hian he restaurant ah hian a khawhral ve dawn ani a, mi hausa ho kalkhawmna mah nise tuma sum anti hek dawn lo bawk nen, a hawi hniam viauva, a zah cheih2 bik nachan tur chu a hre hauh lova, an dawhkan tur lam pana an kal lai pawhin midang ho ang deuh chuan a hawisang deuh vah kher ani. Dawhkan an kil fel hnu chuan intur te an lam a, midang pawh ngaihsak lem lo chuan an mahni tawkah an hlim ve phian ani.

An ti ti karah chuan Julie i chu a hawi chhuak zeuh2 a, kil khatah chuan a hman2 music muang fan raiha an play rem chuan an lam ani tih te a hmu a, thenkhat inhnaih tak2 in induh hmel taka an ti ti lai mek te, thenkhat erawh sumdawnna thila inhmu an ni ang tih tur te, chhungkua ni awm tak2 te pawh a hmu nual ani. Intur an chah alo thlen chuan an no dawmin naktuk lama a naute kal tur hming chuan an no chu an in ve ta sap2 a. A no dah paha an hawikual leh chuan tuemaw hi a hmu ta tlat mai, a zu in chuan a mit ati vai emaw tiin a khap ta sak2 a, mahse a mirhing hmuh chu a thutna ngaiah alo la thu reng thung a, Robb Marshall a leh nula pakhat chhelo zet thu dun hi ava hmu ani. A chhungril chu a zu in vang pawh nilo chuan arawn so ta bulh2 hian a hre hial a. Kalve tura a sawmlai khan tih tur pawimawh a nei ti khan arawn hnial kha ania, chu nu nena dinner eidun an tum vang chu ani tih pawh phat rual lovin a hre ta a, ka buai dawn a tih awmzia chu nula nen an lenchhuah dawn vang alo ni lek anih chu!

A nui deuh hak a, a no chu a tlak ta pap a. Eliana i chuan mak ti tak hian Julie i chu a en a, chutia reilote chhunga a mitmeng a danglam ta vek leh a zu no vawilehkhata a tlak ta pawp chu enge a chhan tiin a hawi kual ve ta nghal ruai a, Julie i hmuh zoh chiah chu ava hmuve nghal thuai bawk a. Robb a chhuanlam siam kha Julie in alo hrilh tawh avangin a thinrim pawh chu awm a tihpui hle bawk ani. Mahse midang in an hriat ve zel chu tul a tihloh avangin engmah erawh a sawi chhuak lem lova, ngawih rih chu tha zawkin a hre bawk ani. An dinner tur te an order fel hnu chuan ti ti vawrh ngial a tum tak na in, a hlawhchham chiang hle ani, a chhan chu Julie i ber chu a hlim tawh lo tih a hre tlat a. Julie i chu a rilru na hle mahse a naute avanga chulaia kal chu an nih avangin,an tana hreawm tihna tur khawpa awm erawh a duh hauh lova, a nui lui hram2 zel nain a thinlung takin a nui thei tawh lo thung a. Robb Marshall a chu tenawm ati em2 a, nupui atana a sawm ngam te kha a ten hlauh2 bawk ani. Tun atang chuan a fanu chu arawn hmuh khap sak chu a theih dawn hauh lo ani tih erawh a hria a, mahse amah nen erawh an in hlat viau thung tawh tur ani tiin a rilru chuan a inrilh malh2 thung a.

"Hello, inhmuh lohna ava rei ta ve....?" tiri a hriat chuan Julie i chu a hawi nghal vat a, amah rawn be tu chu tunge anih hriat tumin a en ta vang2 a.

"Aw Lalpa leh! Hetah hian ka hmuh che ka beisei hauh lo, Adam...." a ti hliai a.

"Keipawn le....," nui var2 chung hian alo ti a.

"Lo thu ve ta che.....," tia Julie in a sawm chuan thutna awl ah chuan a thu ve ta nghal a. Inhmelhriattir na te Julie in a neih zawh chuan intur te pawh chu Adam a pawh chuan a dawm ve nghal bawk a.

"Ila hmeltha reng ania," Adam an a tih chuan Julie i chua lai hle a.

"Enge hetah i tih a?" tiin a zawt ta daih thung a.

"Business Meeting tura lokal ka nia,mahse kan zo tawh a, dinner erawh kan la eilo. Robb Marshall a bulah ami ila thawh a?"

"Ni love, hna ka thawk rih lo tunah chuan, mahse zawn thuai erawh ka tum ani," alo ti ve mai a.

"Awle....awle...anih chuan London ah kan main branch kan hawng tawh a, ka bulah lo thawk ta che?" a tih chuan Julie i chu a lawm hle a.

"Mahse kum hnih lai hna ka thawk tawh lo asin. Ka bil viau dawn ania...," a ti ta sarh2 a.

"Engpawhnise, naktuak ah ka office ah min rawn hmu ta che....,"

"A pawi ka ti lutuk! Hei ka naute hi naktuk ah hostel ah an lut dawn a, ka thlah ve ngei an phut si a....," a ti ta niah2 a.

"A pawi chuang hleinem. Tukleh ah ani mai alawm, office ah ka awm reng thova...," a tih chuan Julie i hmel pawh a hlim leh nghal sarh a.

"Ka lokal ngei ka ring. Ka lawm lutuk e....,"

"Chulam chu dahtha rih ila, min lampui ta che...," tia Adam an a sawm takah chuan Eliana i chu ava melh zeuhva, ani lah chuan mitmei chuan kal turin alo hrilh ve nghal zat bawk a," Awle...lam ila ani mai alawm," Julie i pawh chuan ati ve ta a.

Lamtual lamah chuan an inkai phei ta nghal a, an lam tan dawn chuan," Ka zei vaklo ania aw...," Adam a beng bulah chuan ava ti zauhva.

*** KAN WEBSITE A FAKNA LAM THIL MILEM LANG THIN I LO HMET ZEUH HIAN KAN WRITER TE HLAWH KAN TUMSAK ZEL TIH KAN HRE THEUH DAWN NIA, KAN LAWM E***

Website story link ho awlsam zawka in zawn hmuh zung zung theih nan STORY FB group siam a ni a. Whatsapp group pawh siam a ni e. Complete tawh ho zawng zawng leh story kallai kan dah vek avangin avangin in lo join theuh dawn nia..
Group link : https://www.facebook.com/groups/991354610918230/


"Ka zirtir dawn che alawm, lungngai reng2 suh," nui hawk2 pah hian alo ti zat a.

Zawimuanga lam pah hian thil ho te te sawiin an ti ti a, rei pawh an lam hma chuan an dinner tur waiter in an dawhkana a chhawp mek ava hmuh takah chuan Julie i chuan let tawh mai a that thu leh an dinner tur alo thlen tawh thu a hrilh chuan Adam a pawh chuan an dawhkan lamah chuan a hruai phei ve nghal mai a. An bula dinner ei ve nghal tura an sawm chuan Adam a chuan alo hnial thung a, an meeting na thil anih avangin midang bula ei angai tiin. Adam a a kal hnu chuan a naute leh Ryan a chuan Julie i chu an chhaih fiam laih2 a, mahse chutiang lam engmah a awmloh thu sawiin an eitur chah tuihnai hmel tak2 chu a ei ta mial2 a.

"Engtia inhria in nih?" tih a kalpui ten an zawh reng takah chuan Julie i chuan thu diktak a hrilh ve mai bawk a.

"Robb a bula ka thawh lai khan meeting na hrang2 a Robb a ka zui a ngaih thin avangin kan in hmu zeuh2 thin a. A fel thin khawp mai, hausa hle mahse kawm a nuam a, a chapo loh avangin mak pawh ka ti hle thin ani. A chhan chu Logan Company saw apa ta ani a, amah chiah hi fa an nei a, a la rochung ngei dawn tihlah mi zawng2 hriat ania, an company lah a theu neu lo ropui si a. Mi zawng2 hi angkhat vek hian a be mai hian ka hria a, ka ngaisang ru phian thin bawk ani. Tlangval ngilnei tak niin ka hre bawk a chhan chu kei P. A ve mai2 pawh hi ka nihna hrelo der thakin an mahni mi hausa ho zinga mi ang maiin pangngai takin min cheibawl thin tlat ani,"

A thusawi ngaithla chuan an thil ei lai chawl thapin an lo en a, a sawizo chiah chu an lo eu dar2 bawk a.

"In mawl em mai, ka sawizawm tawh dawn lo, ei ru!" a ti ta a.

Robb Marshall a awmna lam chu ava melh leh zawka, mahse a hmu ta miah lova. Khum lam pan an chak tawh anga an haw tawh anih a ring nghal hmiah bawk a. Mahse Robb Marshall a aw ngei chu a beng bul lawkah hian arawn ri ta tlat mai, a awihlo lutuk chuan a bengchhe ri anih ringin a ngaihven duh lova.

"Helaia inkal ka lo ring miah lova....," Robb an an bul lawka ding chunga arawn tih chuan midang ho chu an hawirual nghal thap a,Julie i pawh chu a hawi ve lo thei ta lova.

"Nia kan kalve na awm ani hauh lo alawm...," ngeiawm tak hian Julie i chuan alo ti hmak a.

"Chutiang lamin ka sawilo. A hla si a....ka tihna mai ania,"

"Nia, mahse hei hla ah pawh kan lo kal ve thei anih hi!" ati leh deuh nghat a. A nula hruai kha Robb a bula a awmlo leh an dawhkan lam pawha a awmloh avang erawh chuan Julie i chuan mak a ti rilru hle a.

"Lo ei ve ta che?" hawihhawm chhuahin Eliana i erawh chuan alo ti thung a.

"An puar tawh viau ania ka rin," Robb an a chhan hma chuan Julie i chuan alo tihkhalh a.

Nui deuh hawk pah hian," Nia, kan puar tawh khawp mai, ka lo kilve lo zawk ange," a tive mai a.

"Darling, khawiah nge ilo awm hman daiha, ka zawng nasa hman che alawm," hmeichhe aw in arawn tih chuan chu nu lam chu an hawi leh nghal thap a. Nachina a dawhkan kilpui ngei kha alo ni bawk a.

"Aw, hei ka thiante ka lo be lawk a," Robb a chuan a ti nem duai a.

Ten tih hriat tak hian Julie i chuan a hmui alo ti ner sawk thung a, hawihhawm chhuaha chu nu chu en a nuih vel pawh tumna a nei hauh lo bawk a.

"Kan tlai lutuk palh ang, kan kal tawh mai dawn em niang?" hmeichhe nu in no tak leh duh hmel taka Robb a en paha a tih takah phei chuan an thil eilai chu chunu hmaiah chuan theh thawt hi Julie i chuan a chak et2 a. Mahse a pasal a ni lova, a bialpa ani hek lova. Chuvangin tu hmeichhia pawh a kawp thei alawm tiin a inbengdai hram2 ta zawk a.

"Awle...kal ila ani mai alawm. Kan inhmu leh dawn nia, in ei teuh dawn nia,"tiin hmeichhe nu chu duat hmel tak hian a kai a, restaurant atanga chhuahna tur kawngka lam chu a pan pui ta nghal bawk a. Julie i rilru na lutuk chu a eng ei mah a tui thei tawh lo reng2 a, a naute nena inthlahna an hman hlimawm tak Robb Marshall a leh kha nu in an rawn tichhe vek chu a thinrim ru hle bawk a. A rilru tur awm hria in Eliana i chuan boruak arawn chawkdai nghal ta thuai a.

"Chuan kan dinner ei chu a tui inti bawk em? A man lah a to talh2 hlawm sia...," nui hak2 paha a tih chuan an nui ho ta dar2 a. Julie i pawh chuan hlim luih hram2 a tum ve bawk a, tin a naute tih phawklek chu a duh hauh lo bawk a. Dinner an eizawh a dessert te an ei leh hnu chuan zan a tlai chho tan mai nen, hawn zai an rel ta a. Bill te an pek zawh hnu chuan in lam panin hlim takin an haw ta a. A room a thlen hma chu a hlim lohna tihlan leh tum tawh bik lovin Julie i pawh chu midang ho ti ti leh fiamthu ah chuan a nui veleh ta bawk2 a, an thil sawite chu alo zawm ve zel bawk a. Eliana i te nupa in an in thleng an thlah a, an inmangtha hnu chuan inchhunga lut nghal ta mai lo chuan pawn varanda ah chuan a thu ta rih zawk a.

Vanlam chu a thlir dauh2 a, anu leh Mac an an rawn thlirve reng pawh a ring a. Ama hriat tawk lek2 chuan a phun sap2 a,Mac a chu a be nasa zawk mah bawk a. Ka vanduai bikzia hi min rawn hmu reng anga tiraw? Min khawngaih leh awm, Mac! Nang chiah in ani ka hlimna tura lo dawh tang2 a, min lo dawm kang tang2 thin. Enteh a nupui atana min sawm reng chungin zanin a a thiltih dan leh hmeichhe dang a lenchhuah pui vel kha ilo hmu ang tiraw? Engvanga Robb Marshall a hian natna bak ka nunah hian rawn thlen ngailo nge anih ang le? Mac min kalsan hma lutuk hi a pawi ka ti.... Ruthi i nen hian maw kan ngai lutuk che ania, min ngai ve thovang tiraw? A mittui a tla ta zawih2 a, a vanduai zia a ngaihtuah lo theilo bawk ani. A tana hlimna tluangtling hi a awm ve ngai dawnlo anih pawh a ring nghet nghal hmak bawk a, a hlimna tur berin hmeichhe dang a belhsan zel miau alawm! Camella i ani a, tunah beiseina a nei tan leh chiah a hmeichhe dang ani leh bawk a, Robb Marshall a hnaiha alo awm ta te chu a inchhir leh hnahnawh hle ani. Mahse tunah chuan let leh thei ani tawh lova, a nun bultan tha leh turin a nun chhiatvek na hmunah a kir leh miau avangin engpawh thleng mahse tun tumah chuan a tlanchhe tawh dawn lo ani. Adam Logan a kha a hmu anga, a thawh theih awm alo neih phawt chuan a tan chuan a tha ani mai! An nufa bakah a naute leh Ellen i tan tun atang chuan a nung tawh tur ani ang, Robb Marshall an a hmangaih ve huntur nghak lovin! He pa avang hian a mittui far khat pawh a seng tawh tur ani lova, a lakah engmah a beisei tawh tur ani hek lovang. A hmangaihna chu la let thei tawhlo mahse amah tal a inla hrang thei tawh tur ani, a nun a chhiatnawn tawh lohnan. Tin amah chauh ani tawh lova, fanu a nei a tin chawmtur dang a nei bawk nen, a chhungkua chauh ngaihtuah in a nitin nun bul a tan tawh tur ani ang, tiin a infuih ta sauh2 a. Zawimuangin a thova, inchhungah chuan a lut ta nghal a.

Ruthi i a mutawh tih hre tho mahse mangtha nana fawp turin an roomah chuan thawm dim takin a lut a, a fanu tui taka lo muhil barh2 tawh chalah chuan a fawhsak zeuhva, mu turin ama room lamah chuan a lut ta nghal a.

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)