My Destiny (Completed)

Episode nei ho a hlawm a dahkhawmna

Moderator: writers

Ngaia
Site Admin
Posts: 9493
Joined: April 30th, 2016, 4:07 pm

My Destiny (Completed)

Unread post by Ngaia » May 13th, 2018, 3:14 pm

my destiny.jpg
my destiny.jpg (20.94 KiB) Viewed 3151 times

My Destiny
Re-type Lin Kholhring
www.storyfb.com mizo story thar englai pawhin chhiar tur a awm reng

Ka rawn ziak leh pawp ania, min lo chhiar sak leh theuh turin ka ngen hmasa duh che u a, add click kha a pawimawh ber bawk tih kan sawi nawn leh ange. Comment leh like kha chu hmuh a nuam tih bak ka sawi tawh lovang. Tin leh chawp tur anih avangin zantin ka rawn chhuah thei dawn lo tih ka sawi sa aw... Chhiar nuam vek ule.....😊😊😊


A hriat theih chin ata Pathian hian vanduaina bak hi atan a hnutchhiah lo emaw ni aw...a ti hial thin a. Tinge ka pian vanduai bik em2 le...tih hi a rilru a awm tam ber pakhat zawhna lian tak chu a ni!

An nula chho ve a, pasal a dinhmun hreawm tak atanga chhanchhuak tu a hmuh a beisei ve tehlul nen, pasal an nei a, hreawm na bawk chuan a rawn tuam leh a.

Julie i hi nula hmeltha tak mai, feet nga leh inches ruk vela sang a ni a, sam buang thang mai, vun no nalh paw phak nei, pian fuh em2 mai, mitmeng lian tha ke kaw tak mai, hmui mawi tak fawh chakawm hliah2 nei ani a. Amah en nawn lova kal pel thei hi chu an vang viau thin ani, mahse amah hian a hmeltha tih hi a in hre lem lo.

Chhungkaw rethei tak atanga chawr chhuak ani a. A pa Robert Rothschild hi zu heh em2, a zu intur chiah ngaihtuah, a nupui fanuten enge an ei ve ang tih pawh ngaihtuah ngailo mi ani a. A nu Marie Rothschild erawh hi chu thawh hreh engmah neilo, taima em2 leh a fate hmakhua ngaihtuah reng2 a khawsa ani ve thung a.

Julie Rothschild hi an fate zinga upa ber ani a, Julie i hian nau pahnih mipa ve2 Aron a leh Solomon a ala nei ani. Marie hian a fate sikul an kal vea, lehkha te an thiam a, nakina amah anga rethei taka an awm lohnan hian a theih tawpin nitin mi hnuaiah a hmuh2 a thawk mawp2 a, Robert a erawh chu a thawk ve na in a zu man pawh a thawk chhuak lo fo thin. A nupui in an chhungkaw mamawh zawng2 bakah an fate sikul kalna tura a khawl ve tauh2 te hi a chhuhsak anga, zu ah a tlak ral leh hiau2 thin.

An pa awmdan chu vawitam tak hmu ta na3 chu an pa ang pa an nei hi Julie i te unau chuan vanduai an inti hle thin a, hreawm tihna tamtak bakah an pa vang hian zahna tamtak an hmachhawn fo thin bawk a. An thiante lah hian, 'I pa zu a heh si,' tih te hi an chhaih duhdan ania. Zak em2 leh hreawm ti em2 hian thiante zingah pawh an kun tlawk2 fo thin a ni.

Julie i hian a hriat theih chin ata a nu hi a theih tawpin a pui ve thin a. A pa hi sual hle mahse a zahin a hlau thiam hle a mahse hreawm a tihna erawh a nep chuang lo thung. Anu hnenah hian, " Ka nu tinge ka pa kher2 hi ilo neih a?" tiin a zawt leh tawp thin.

Chutianga zawi2 a lo thanglian chho chu an ni a, kum 12 vel Julie i ani tawh ang tih chhoh velah a pa chu nu pakhat nen an tlanbo ta a. Mahse hreawm tih a hnekin an zavai chuan sawi chhuak ngam silo hian an thawveng huai in an lawm vek ani. A chhan chu hreawm na tamtak an pa khan a pek bakah zahna nasa tak a thlen thin a, chumi piah lamah a chhungkua kha a hmangaih ngailo hrim2 bawk. Amah chiah a in hmangaih a, chu2 Julie i te unau la naupang te2 pawh chuan an hmuthiam vek tawh ani.

A pa a awmloh atanga thla reilote ah chuan a nu chuan hna a thawhrim em avangin, Julie i chuan a theih ang tawk2 a anu puih a duh avang chuan thingpui dawrah inhlawhna tur a zawng tan ve ta a. An inbul lawka dawr changkang lemlo tak, The Coffee Shop ah chuan cheng tlemte hlawh turin an lo chhawr duh hlauh a, lawm takin a tlan ho a, anu chu a hrilh ta vat a.

A nu chuan, " Ka phurrit a zang hawk dawn anih chu, Julie! Mahse hna i thawh chuan engtikah nge lehkha i zir ang?" alo ti chuai raih a.

"Nu, lungngai reng2 suh, zan dar 9 thleng dawr chu an hawng thin a, ka lo haw veleh ka intifai anga ka zir thei lutuk alawm," tiin a nu chu a thlamuan vat a.

A nu chuan naupang te tan chuan chutiang zanrei hnua lehkha han zir leh chu a harsa ang tih a hria a, mahse ama thawhchhuah chauh chuan a fate chu chawm a harsa em bawk nen, hreawm ti chung2 chuan a pawmpui ve ta lo thei lova.

Chutianga an nufa a nasa taka hna an thawk chung pawh chuan nun nuam chuan an awm pha hauh chuang lova. An nghei lova, an eitur leh mamawh tam zawk chu an thawkchhuak ve thei chauh ani mai a. Rilru hah tak hian an nufa hian thla tin an pawisa lakluh chu an chhut leh neuh2 ringawt thin a. Duhzawng ei ve te chu hnai lo, mamawh pawh an lei theihloh chang ala tam zawk fe ani.

Thla a ral a, kum alo vei a, Julie i pawh pawl sawmpahnih result alo hngak ve ta reng mai. Pass hlauh se tiin zantin a tawngtai bang lo. A chhan chu pawl sawmpahnih a pass chuan tlem a hna ziaawm deuh leh hlawh sang deuh hlek nei in a thawk ve thei anga, a nau te leh a nu pawh tlem in an nuamsa ve deuh thei tawh dawn a ni. A chak ber chu hna tha tak neih a, anu chu hahdam taka siama, a duh leh mamawh zawng2 piah lamah thil tha ber2 te leisak ve a chak ani. Mahse chu hun chu ala hla khawp mai, graduate tal ni sela chuan a ziaawm tur hi ania. Mahse chumi nitur chuan ala zir tauh2 angai si a.

An result a chhuah ni chuan en pawh a en hman lova, a dawr thawhna ah chuan nidang zawng aiin dawrtu an ngah nen. A buai em2 a, thut pawh a thu hman lo reng2. He dawrah hian alo thawh rei tawh avang hian a nei tupa Mr. Hoops a hian a duhsak ve tawh hle a, an thil siam hralh zawhloh ang te hi a hawntir ve fo a. Chungtiang a hawn chang chuan a naute hi anlo lawm em2 thin a, an nufa za hian tui ti tak hian an ei laih2 thin ani. Mahse Mr. Hoops a nupui hian Julie i hi a thik fova, an pa hian a ngaihzawn avang hian a duhsak ah te hian a ngaih thin avangin, an nu Mrs. Hoops in dawr arawn nghah tawh hi chuan, Julie i chu a melh rum thei in a vin phar nasa viau thin a ni. Vawiin ni pawh hian Mrs. Hoops i zawkin dawr arawn nghak tlat mai, chuvang chuan Julie i pawh chuan hunawl deuh hlek a neih pawhin a hahdam nan pawh a thu tha ngam lo ani.

Mrs. Hoops i chuan aw chang fek fawk hian," Julie, phone ah hian an be duh che!" tiin arawn au va.

Mrs. Hoops in ngei hmel takin a hmelh ani tih chu hre reng chungin inthlahrung deuh hian phone chu a la a," Hello, Julie ka nia," a ti ta a.

"Ka fanu, i pass ania, i pass tha lutuk! First ah i pass ania, ka lawm lutuk hi awm ngaihna pawh ka hrelo ania," tiin anu chuan a result chu hlim tak hian arawn hrilh bawrh2 a.

"Ka van lawm tak em, ka nu! Mahse i hre chiang amaw?" hlauthawng si lawm bawk si hian a ti da2 a.

"Hrechiang tehreng e..... In sikul ah ka va kal alawm. Ka en ngei ani keimah in," anu chuan arawn ti leh lang2 a.

Mrs. Hoops in alo melh rum tawh em avang chuan,"Ka nu ka lo haw hunah kan sawitha dawn nia, hna ka thawk sia. Ani phawt aw...,"tiin phone chu a dah ta daih a.

Mrs. Hoops i lah chuan a kaltur chu a hriat ngei tur hian," Hna thawh lai2 a phone tu han neih chuh!" a lo ti zui hlak a. Mahse Julie i chu a hlim em avangin Mrs. Hoops i thusawi pawh chu a ngai haw duh lem lova. Hnathawk ho room ah chuan a tlan lut thuaia, chuta thawk ve, Amy i chu ava kuah chawt a,"Amy, kan result a chhuak a, first ah ka pass ve ani awm e....ka lawm lutuk hi awm ngaihna pawh ka hrelo," tiin a lawmzia chu a hrilh nghal mawlh2 a.

"Ka van lawmpui che, Julie. I vannei bik em mai nangchu. Nu tal ila nei hi chu ka thik lek2 fo thin che ania," tiin alo kuah let ve thuai a.

"Nia, ka nu vang hi ani, ani hi neilo ila chuan tun dinhmun hi ka thleng ngai lovang! Ka nu hi ka theih ang2 a nuamsa a siam hi ka chak ve ber thin ani asin, mahse ka la thei dawn si lova...," a ti chuai raih a.

Amy i chuan," Mai2 a.....i zir zel anga, ila duat thei dawn chauh alawm, tun anga result tha i neih zel te chuan hna tha tak ila hmu ngei2 dawn tih ka hria ania," tiin alo fuih ve sauh2 a.

"Zir zel ang, ka la zir dawn chauh. Ka nu leh ka unau te tan," tumruh tak hian Julie i pawh chuan a ti ve ta a.

Julie i in a thlen chuan an chhungkua chuan an theihtawp chuan an bengchheng ve a, an hlim ve em ani! A nu tan phei chuan fanu pawl sawmpahnih pass han neih chu thil ropui tak hi ani ringawt a. Mi te tan eng nilo mahse, a nu tan chuan helicopter neih tluka lawmawm hi ani tho2 a ni. A naute lah chu an hlim in an lawm ve em2 bawk a, an u chu an chhuang ve ani top mai. Hetiang em2 hian an chhungkua hi an la hlim ngailo ti ila kan sawi sual awm love. Julie i chuan a rilru te te chuan, 'Ka nu lo ngai reng rawh, nuam takin ka la siam ngei2 dawn che ani,' tiin a intiam ru malh2 a. Hlim taka dinner te an ei hnu chuan an nufa za chuan an mu ve ta a. Mahse Julie i erawh a muhil mai thei lo, a rilru ah chuan thil tam tak a ngaihtuah a, a hlim a, a lawm a, chumai piah lamah chuan an awmzel dantur te a phak tawk2 in a hisap ve neuh2 a.

Ni nga vel chu Julie i chuan pawl sawmpahnih in an thawh theih tur hna tha ve deuh, hlawh tha bawk si chu newspaper ah chuan nitin a enkual ta ziah a, mahse hlawh chu a tam lemlo khawp hlawm a. A ni rukna ah chuan, hotel a thawk tur an duhthu leh hlawh pawh a hma ai zawnga a thatna chu a hmuh fuh ta hlauh mai a. A dawr thawhna Mr. Hoops a hnenah chuan, "Chawhnu hi ka chawl thei angem? Thil pawimawh tak tihtur ka nei a...," tiin a dil ta tawp a.

"E....i chawl khat em mai, va chawl tawh, Julie," alo ti var a. Julie i chu a lawm em2 a, hlim tak chuan an dawr chu a chhuahsan ta a.

Peagent Hotel, ropui leh mawi lutuk hma ah chuan a ding ta vang a. A en mai pawh chuan a insit hlemai a, a thawmhnaw thing ve tak te, a pheikhawk tet lo chauh tawh te nena hetiang hotel ropui leh changkang lutuk a luh chu a phal pawh an phal dawn em ni...tiin a ngaihtuah rauh2 a. Mahse kalna man pawh ka seng teuh tawh alawm mawle, ka lut tur hi ani tawp mai tiin a ke chu hmalam pan chuan a pen ta chat2 a.

Kawngkhar vengtu chuan mak tih hmel tak hian alo en hau a," Nula enge i duh a?" tiin alo zawt a.

"Ka pu, he hotel ah hian thawktu thar an mamawh na newspaper ah khan ka hmu a, ka rawn dil ve dawn a," tiin tha takin a chhang a.

Chupa chuan a en leh ang he haw a,"Ngawi lawk teh aw, tikhan lo nghak lawk rawh!" tiin a luhsan ta a.

Minute nga dawn a din hnu chuan chupa chu alo let leh a,"I kal thei ang, sawilai saw an interview na hmuntur chu ani e," tiin kawngka inhawng atanga lang thei lai chu a kawhmuh ta a.

"Ka lawm lutuk e," tiin inchhung ah chuan a pen lut ve ta a. Inchhung a an lut chiah chu a mawi lutuk leh ropui lutuk chu mak hi ati hial zawk a. An pangpar khawi te chu ala hmuh ngai pawh a hre lova, mi a ang mai hian a hawi deuh ha2 a. Interview na tur room duty pa in a kawhmuh na lamah chuan a kaltlang zel a, ava luh chuan midang pawh an lo awm nual tawh a. Julie i lut chu anlo en duh hle a, a chhan chu chuta kalte chu nalh tak2 a inthuam leh fel fai taka inchei an ni hlawm a. Julie i lah khawi lai atanga lokal nge tihtur khawpa thing a ni ve bawk si nen, mak ti taka an lo en hrek2 pawh chu a awm ve tho ani.

An en dan chu nuam lo a tiin, a zak hle maia, mahse hna chu a duh si chuan a zah avang chuan a haw ngawt thei bawk silo. Hreawm ti chung2 chuan reception awmna lam chu a pan ve ta a, a document neih ang2 te chu a pe nghal a. Reception a thu nu pawh chuan a lo en deuh hau a, a awmlohna tura awm tih men hian alo meng kual vel a. Mahse Julie i chuan a ngai pawimawh duhlo lui a, chu nu hma ah chuan a ding ve leh tau a. Reception a thu nu chuan a lehkha ken te chu a laksak hnu chuan," Ka rawn ko mai ang che, lo va thu rawh!" a ti ta hmak a.

Thutna awl lam pan chuan Julie i pawh chu a kal ve nghal mai a, a rilru chuan a tawngtai nghal mawlh2 a. Hlawh a tha sia, chanve ngei chu a duh takzet a ni. A chhungte pawh he hna hi a hmuh chuan tlem chuan an nuamsa ve deuh thei tawh dawn tih lah a chhut pha ve kiau si nen. Mitmeng mak ti hmel tak2 a entute hmel chu a en peihloh avang chuan hawi pawh a hawi chhuak duh tawh lova, kun ngal hian a rilru chu a kawm malh2 a. Ka tha ber tiin amah leh amah chu a infuih ru sauh2 bawk a. Julie i that ve na em2 chu amah leh amah a inringtawk em2 na hi ania, thaber ah hian a inngai lui ve tlat thin hi a chakna thuruk pakhat chu a ni reng a ni.

A hming reception a thu nu in arawn lam meuh chuan, a hawichhuak lo thei ta lova. An enkual chuan midang hna dil ve ho kha anlo awm mang tawh lova. Zawimuang chuan reception in a kawhna lam chu a pan ta chat2 a, a rilru in a tawngtai mawlh2 bawk a.

Interview a zawh chuan hlim tak hian kawngka atang chuan a chhuak a, a tling ve ta tlat mai! A nu hrilh hlan mawlh chu ava han nghakhlel tak em! Reception a thu nu chu a ngeiawm em avang khan, ava kal hnai leh ngat a,"Ka tling!" tih leh kalsan nghal nal2 chu a rual a. Bus ah a chuang a, bus te chu tlanmuang lutuk hian a hria a, in chu a thleng thei dawn lo takngial hian a hre hial a. A lawmzia chu a sawichhuak thiamlo a ni......in a thlen hma chu tawngtaiin lawmthu a sawi mawlh2 tawp hi ani ber mai.

In ava luh rual2 chuan, "Nu....hna ka hmu ania....," tiin a au nghal chul a. A nu lawm lutuk chu a biangah mittui alo luang ngiai2 a. Tlan chungin Julie i chu arawn pan a,"Ka fanu, ka va han lawmin ka va han chhuang tak che em aw...," tiin a tap par a. A naute ho pawh chu lawmin an au chel chul ve bawk a. An hlimzia chu sawi hian a siak lo ani ber mai. An lawm lutuk leh hlim lutuk chu engmah tihzai pawh hi an rel tawh lo. An riltamna te pawh an hre chang tawh hek lova, an hahna leh chauhna te nen. Hei baka hlimna hi an tan chuan a awm tawh chuang lo ani.....

A tukah chuan Mrs. Hoops a dawrah chuan a ban tur thu leh hna a hmuh thu hrilh tur chuan a kal a, a hlawh tlemte laktur a neih te la in, chu dawr chu kumkhua atan a bye2 ta a ni.

Hotela a thawh natur ni hmasa ber chuan hma takah a thleng a, a hna tur chu reception counter a thut ani a. An hotu tur chuan inthlakna room ah chuan a form hak turte alo pe a, hna thawh dantur te alo hrilh hre zung2 bawk a. Nuam dawn hle hian Julie i chuan a hria a, a chhan chu thu paha thawh theih kha ani miau a. A hma a hna a thawh ve na ah te kha chuang nileng khan an thut hman loh chang kha a tam em2 a, in a thlen tawh meuh hi chuan a chau chhe em2 tawh thin kha ania. Mahse chuti chung2 chuan lehkha kha a zir tang2 thin tho a ni, a chhan chu chau mahse a zir a ngai tlat anih loh chuan engtinnge a nu dinhmun nuamah a dah theih ang. Zing dar3 ah te a mu hman ve tawk thin a, mut a hmu tlem em2 thin a ni. Tuna a hna turte chu hmun nuam takah, form te nei thlapin, thu chung lehnghal in a thawk dawn anih chu!

Ni a liama, thla alo liam ve ta mai a. Julie i chu a hun takah a hna thawk turin a thleng thin a, a hna lah tha takin taima takin a thawk thin bawk a. Chumi anih avang chuan receptionist ho enkawltu an hotunu pawh chuan a duhsak tan tawh hle a, midang tlai ching a hauh dawn pawhin Julie i chu tlai ngailo entir nan a hmang ta ziah a. A thente phei chuan Julie i chu an ngei phah hial bawk a.

A hlawh lakni chuan, bawngsa ti an ei phak zen2 ngailoh a lei a, a nu tan kawr leh puanfen nalh tak a leisak bawk a, a naute pawh thawmhnaw tha tak2 anla neih phak ngailoh chu a leisak a. In a thlen chuan dinner tui tak an ei ho va, thawmhnaw thar nalh tak2 an neih thar avang chuan an lawm em2 hlawm bawk a. Mahse a nu chuan, "Hetiang hi rawn lei tawh suh, sum hi khawl zel a tha zawk. Kan nakin huntur kan hre si lova," tiin a fanu chu a hrilh a.

"Ka hria alawm ka nu, mahse hengte hi in phu a, tin ka tihsak chak ve em2 che u alawm," nui var2 chung chuan a ti a.

Kum chanve dawn hna a tawh hnu chuan nikhat chu Julie i chuan an hotunu hnen atangin lehkha an hotunu in ama room bika hmu tura kohna a dawng ta nawlh a. Tihsual a neih a hre si lova, engvanga ko nge niang tia hlauthawng tak pah chuan an hotunu room lam chu phur lo tak hian a pan ta a.

Kawngka zawn a thlen chuan an tawi khawmuang leh deuh hlek a, thawk a lak hawk hnuah chuan kawngka chu a kik ve ta hram a. Inchhung lam atang chuan," Lo lut rawh," tiri chu a hre ta a. Kawngka chu hawngin a lut ve ta nghal a.

Miss Thoper i chuan hawi chhuak hran lo chuan,"Lo thu rawh, Julie," a ti a.

Dawhkan hma a thutna tura chair an hunah chuan a thu thla ve nghal a," Miss Thoper, i kohna lehkha kha ka lo hmu a, enge nita? Tihsual ka lo nei em ni?" tiin a zawt ta a.

Miss Thoper i chu a la rawn hawi chhuak chuang lova, a thil ziahlai chu a la ziak chhunzawm mawlh2 a,"A....tihsual lam ani lova, Julie," alo ti mai a.

Julie i chu a hlauthawng tawh hle maia, tihsual a neih siloh chuan an ban dawn anih chu a ring nghet bur tawh a. Ban ta se engtinnge a tih tak ang? A nu bulah enge a sawi tak ang? A rilru chu a buai hle a ni.

Aw thian ri a hriat chuan a hma a thu lam chu enin a hawichhuak leh ta thuai a, Miss Thoper i chuan," Englo ania Julie, i hna ah hian i kaisang a," nui var2 pah chuan arawn ti ta a.

Julie i lawm lutuk chu a hamhaih chiang hle mai, sawi mai tur pawh hrelo chuan a thu ngawi ta reng a. An ban dawn emaw tia rilru hah taka a awm laia chutiang kaisan na lam han hriat chu a mak hle reng a ni.

Miss Thoper i chuan," Awii.....i lawm hle ka lo ring a, i lawm vak nange?" meng kual ralh pah chuan a ti a.

"Miss Thoper, ka lawm lutuk hi ka awihlo hial zawk a ni. Nangmah vang hian ka kaisan chiang ani! Ka lawm lutuk, Miss!" a ti ve ta a.

"Keimah vang chu ni love, i thawh that vang zawk ani e. Naktuk atangin i post tharah chuan hna i tan thei dawn a, manager in charge ah i kaisang anih chu. I hna ber tur chu kan hotel in mikhual kan neih reng2 te, an room a felfai em tihte lo enfal sak leh an mamawh te lo tihsak zung2 ani dawn a. Tin complain an neih pawhin nangma bulah zel arawn lut anga, i chinfel vek tur ani tawh dawn a ni, manger pangngai kan neih hote i pui dawn tihna anih ber chu. Chuan i hlawh pawh a sang viau tawh dawn ania," tiin a hlawh zat turte chu a hrilh nghal zung2 a.

Julie in a hlawh zat tur an hre chiah chu a lawm lutuk, mak ti bawk si chu a khek chhuak lo chauh va," Miss, nangma min recommend vang ani tih ka hre chiang alawm, ka lawmzia hi sawi pawh ka sawithiam lo ani ber mai," tiin a mittui lo hnam tiam2 chu a hru zeuh a.

Miss Thoper i chuan, " Ni e, ka recommend che tih chu ka pha hauh lo mai, mahse ka sawi tawh kha i hna i thawh that vang chauh ania. Tun aia tha a i thawh zel pawh ka beisei. Awle....tunah chuan i hna ah va let leh tawh, naktuk atan All the Best," a ti ta a.

Ina a haw chu,lungngaih hmel tak hian a lut a. A nu chuan ngaihtha vaklo hian a lo chiau au thuai a," Julie, engatinge? I hnathawhna ah harsatna i tawk ami?" mangang tak hian alo ti vat a.

"Aw.....nu.....ih....ih..... Promotion ka hmu a......," tiin a nu chu a kuah ta chung2 a. A nu lawm lutuk chu thuthleng ah chuan a thu thla hnawk a," Ka fanu, Pathian hian min hre ve reng anih hi! Ka va han lawm tak em ve aw....," tiin a mittui chu dan pawh tum lo hian a luan tir ngiai2 a.

A promotion na post te leh a hlawh hmuh zat tur te a nu a han hrilh chuan, a nu chu lawm avang hian a tap pur a. A naute pawh pawnlam atang chuan lo lutin an u promotion chanchin vel an hre chaih chu an au ve leh laih2 a. Chhungkua chuan hlim takin an nui ho dar2 a.

Thla hnih a ral leh chuan, Julie i thawhna hotel hnaih ah chuan an insawn ta a. An inthar ah chuan mutna tur room pathum lai a awm a. Choka nuam tak leh sitting room te pawh a awm thlap a. Chutiang inah chuan an awm ngai an chhungkua chuan an ringlo ani ber a, mi hausa tak nita mai te hian an inhre ve hial a. Mite tan engmah nilo mahse, Julie i leh a chhungte tan chuan a hma a an chenna, room khat chauh nei, sitting room leh choka inzawm ai chuan ropui vet2 tawh tak hi ani. A naute lah chu an la a nen, "U kan van hausa tawh em2," anlo ti ve chhen bawk a.

Chutiang in tha leh nuam a, a nu leh unau te an chenpui thei tawh tur chu Julie i pawh chu a lawm em2 a, a nu pawh hna a hma anga lohtheih lova thawh ngai tawh lovin a siam thei ve tawh a ni. Mahse a nu chuan Julie i hlawh ringawta khawsak an tum chuan engmah khawl an nei thei dawn lo ani tih hria in, hna chu zawn leh a tum rilru thova.

Tichuan hmalam panin an chhungkaw nun chu zawi2 in a kal chho ve ta bek2 a. Julie i chu a hmeltha bawk a, nula pangngai tituai te alo pu chho ve zel nen, ngaihven tu pawh a nei chho tan ta zut a. Mahse mipa lam hi a ngaihven hman loh mai bakah a lehkha zir chu ala zawh loh avangin, tumah ngaihzawn a tum lo a ni. A chhungte chu enkawl a, a theihtawpa a nu chu nuamsa a siam a tum tawp mai ani.

Mahse thing delh loh lung delh loh ta na3 chu, ngaihven tu alo ngah chho zel nen, a tum ang chuan a awm reng thei ta bik hauh lo mai. London atanga lokal, an hotel a lo thleng zeuh2 thin Mark Fuller a nen chuan an in tawng ta a.

Nikhat chu an hotel ah hian milar lo thleng tur an awma, chu2 Julie i lo buaipui atan Manager chuan Julie i kutah a dah a. Mahse an buai nuaih2 em avang chuan tunge a hming tih leh khawi atanga lokal tur nge anih tih vel chu an manager chuan a hrilh theihngilh a, ani Julie i lah chuan alo zawt bik bawk si lova. Mark Fuller a alo thlen chuan,amah chu emaw tiin an mikual tur milar an tih kha emaw tiin an special guest tur emaw tiin delux room an neih ah chuan Julie i chuan a hruai ta a.

A kalsan dawn chuan,"Mr. Fuller, mamawh i neih chuan tiin telephone leh a bula no inziakna directory bu chu a kawhmuh a. Hemi no ah hian ilo kol mai dawn nia," tiin a nuih sang a.

"Awle....ka lawm e, Miss," Fuller a pawh chuan alo ti ve mai a.

Inhnuai lama a zuk thlen thlak chuan an manager chuan alo ko peng vat a," Kan special guest te lo ngaihven tur khan ka ti si che a, khawnge i kalbo daih a?" alo ti khur2 a.

Mak ti taka en hau pah chuan,"Alo thleng tawh a, a room turah ka dah," Julie i lah chuan a ti ta mai a.

"Maw? Oh, My God! Tunah hian waiting room ah ka awmtir mek ani, Julie. Chu room ah chuan tunge i han awmtir leh?" tiin mangang tak chuan manager chuan a zawt a.

"Mark Fuller a mawle...," alo ti thuai a.

"My God, lo thleng tura hming kha ka hrilh che emaw ka tia, ka lo hrilh lo che ani maw? John Robinson a alawm kan special guest tur chu....," a ti ta a.

"Engtin nge kan tih tak ang? A lut fel ve chiah sia?" rilru hah tak hian Julie i chuan alo ti a.

"Manager chuan, delux room ruak dang kan nei miah si lova, chupa chu room dangah lo han sawn thuai2 la, chumi chhung chuan Mr. Robinson a hi ka rawn hruai chho mai ang!" tiin a hrilh ta a.

Julie i chu hmanhmawh tak hian lift ah chuan a tlan lut a, delux room awmna chu reilote ah a thleng thuai a. Door bell chu a han hmet ri ral2 a, room kawngka chu arawn inhawng thuai a.

"Telephone kha ka la hmang miah lo ania," tiin Mark a chuan hriatthiam loh hmel tak nui deuh sang si hian Julie i chu alo en hau a.

"Nia, Mr. Fuller. Tihsual palh a awm a, i room hi i thlak angai dawn a, khawngaih takin min lo zui mai ta che," hrethiam se tih hmel taka en pah chuan a ti ta zung2 a.

"Oh! Ava mak awm ve!" alo ti hluai a.

"Nia, ka thiamloh ania, min hrethiam hram2 dawn nia. I hman chuan kal mai ila," hmanhmawh tih hriat tak chuan ati leh a.

"Lo ngawi lawk teh, lady! Ka room lo turah min dah a, chutah hmanhmawh turin min ti leh bawk a. Heng zawng2 hi ka thiamloh lah ani hek lova, room hi ka sawn i duh chuan, zanin ah dinner min eipui angai ang...hmmm," mitko san ak2 pah chuan tiin alo fiam a.

Julie i chu a rilru a hah hle a, mahse chupa chu hruai chhuah vat2 angai nen, thlantur dang nei ta hek lo le,"Awle...awle...engpawh ni sela hmanhmawh phawt teh!" a ti ta ringawt a.

Mark fuller a pawh chu alo la inphelh darh lo hlauh bawk a, a bag chu la in an kal chhuak ve ta nghal mai a. An chhuak fela, corridor a an kal tan deuh chiah chu lift chu a inhawng a, manager leh an special guest tur Mr. Robinson a te chu an rawn inzui mek chu Julie i chuan a hmu a. A thaw huai lo theilo, lo la chhuak hman lo ta sela chuan, buaina lian tak a tawk thei tlat a ni.



Link:
BBcode:
HTML:
Hide post links
Show post links

Ngaia
Site Admin
Posts: 9493
Joined: April 30th, 2016, 4:07 pm

Unread post by Ngaia » May 13th, 2018, 3:15 pm

Comment ka hmu e, min duhsak a min correct tute chungah lawmthu ka sawi duh bawk e. Min hrilhfiah zel dawn nia aw.....add click ah tan ila tlang leh bawk ang u...




Mark Fuller a chu a room thar turah chuan a hruai ta a, room pawh a tha ber pawl a pe nghe2 a.

"Hetah hian awm mai ang che....ka tihbuai che avangin min ngaidam hram2 dawn nia," tiin Julie i chuan thupa a chawi nghal mawlh2 a.

Nui tet2 pah chuan," Ka sawi tawh kha.....thupha chawina chu dinner min kilpui chiahin ka ngaidam thei ang," alo ti vat a.

"Oh! Awle.....," a ti chuai raih a.

"Zanin dar riat ah aw niang? In hotel hian ti ta mai ila, enge i ngaihdan?" mitko san ak pah chuan Mark a chuan a ti a.

"Kan hotel ah mawh! Ah....i tan a buaithlak loh chuan kan hotel piah lawk ah hian, Chinese restaurant a awm a. Chutah chuan kal mai ila....?," inthlahrung tak chuan a ti zawi sap a.

A thawhna a ni bawka, nuamlo a ti dawn tih chu mi a ber pawn an hre ngei ang chu! Mark a pawh chuan a dinhmun hrethiam tak chuan, " Awle....ni tehreng e... ," alo ti thuai a.

"Ka lawm e....min hriatthiam avangin. Tunah chuan ka hna ah ka let leh angai tawh sia, ka kalsan mai ang che. Hun nuam tak i hmang dawn nia...," tiin a kalsan ta a.

Mark a chuan a kal liam lai chu kawngka a inkhar hma chuan a thlir reng a, nui vur2 pah hian,"Hmm....fel reuh lutuk!" a ti sup a.

Tlaia a haw chuan Julie i chuan zana a kalchhuah ngaih nachhan chu anu hrilh a duh chiah lova. A chhan chu mipa hmu tur hian vawikhat mah ala chhuak ngai lova, a nu rilru phawklek tur chu duh lovin,chhuanlam siam mai a tha zawkin a hria a. A nu in a hnathawk ho thingpui leh a hmeh nena hlim taka a lo lawm lai chuan,"Nu, zanin chu extra duty reilote ka nei dawn a, kan indaih lo bawk nen, mahse ka lo haw har lovang," tiin a theih tawpa pangngai chuan a sawi ta a. A nu hi dawt a hrilh ngailoh avang hian a nu chuan a man chhuah mai a hlau hle bawk a.

"Ava pawi ve....mahse zankhua anih loh te chuan a zia alawm, tiraw?" a nu in alo tih takah chuan a thaw ta huai a.

"Nia a rei lem lovang, ka ban veleh ka rawn haw nghal ang," tiin a thova a room lamah intifai turin a lut nghal a.

A chauh deuh avang chuan insil nghal mai lo chuan a khumah chuan a muzal te2 a, alo chhing sek lehnghal a. A harh chuan dar sarih alo ri thuak tawh lehnghal a. Rang takin a inpherh thova, bathroom lam chu a pan ta rawk2 a. A inbual zawh hnu chuan a kawr neih that ve ber pawl, a dum leh vara tial, a khup thleng chu ala chhuakin a ha ta a. Make hi a hmang ngai lem lova, mahse mascara a inhnawih a, a hmai chu lang vaklo hian tlemin a chei deuh a, a hmui tilang hnawng deuh turin lipgloss light pink hi a in hnawih bawk a. A nu in a rinhleh loh nan, sandal dum hniam te hi a bun bawk a. Darthlalanga a inen chuan a sam chu alo la khuih no chu niin, hmanhmawh tak chuan an khuih leh thuak2 a. An in en leh chu a nalh ve phian hian a inhria a, mahse enge nalh vak chu a ngaihna? Kha pa kha ka hriat ngai mi pawh ani lova, chumai bakah nalh lo mahse ka hmu leh khat tawh awm em....tiin a phun sap2 a.

An dinner ei natur restaurant ava thlen chuan Mark a chu pawn varandah ah hian alo tei thauh2 a. Va pawh mai chu nuam ati chiah lova. Mahse dinner chu eipui duh ta lo sela buaina a tawk thei ani tih inhre kar chung chuan, phur vaklo hian ava pan ta a.

"Hi, min lo nghak rei tawh em?" a tlai deuh avang chuan a ti zawi sap a.

Mark a chuan alo en vang2 phawt a,"Ok, ngaihdam i ni nawn leh e," nui suk pah chuan alo ti a.

"Ka lawm e.....," sen deuh ap2 pah chuan a ti leh sap a.

"Engpawh nise, tirawh le....i lut ang hmiang?" tiin Julie i chu kal hmasa turin a zaizir a.

A chhunga an lut chu alo thim deuh raih a, mahse chu restaurant te chu a mawi dangdai phian a ni. Chinese restaurant tih takah, Chinese tak hian an lo chei a. Julie i rin ai daih chuan mi pawh anlo thahnem a. Waitress pakhat hian alo chiau au thuaia, dawhkan ruak awmna lamah chuan a hruai nghal vat a. An thutfel hnu chuan nui sang hian,"Intur enge in duh ang?" a ti a.

Mark a chuan," Keichu Whisky ka lo duh ange, nang Julie enge i duh ang le?" a ti a.

Zu lampang hi a in ngailoh avangin,"Serthlum tui ka lo in ange," tiin waitresses chu a nui sen2 a.

Waitress a kal liam hnu chuan," Awle.....tikha chuan ngaihdam i nita e. Ilo kal duh hi ka lawm hle ania, Julie," mark a chuan a ti dam dup a.

"Mahse, ka awmrei thei lovang, haw thuai ka ngai ania," tiin alo chhang daih a.

"I awmrei ang ka tih lai ka lo hre miah lova?" alo ti hu thung a.

"Aa....nia. ka nu in min ngaihtuah dawn a, chuvang chu ania," tiin a riat kualta vel mai2 a.

"Keimah chauhva dinner eitur kha i room min pek sual avangin hei ei puitur ka neih phah ta a, vannei ka lo inti hle asin," tiin a fiam leh zuk a.

"Aw...nia....ka tihsual palh liau2 anih kha. Engchen nge i cham dawn hrim2 a?" tiin a zawt ve ta a.

"Ka la sawi theilo, ka hna ka tihfel hmat dan a zirin ka cham reiin cham rei lovang," pangngai tak hian a ti ve mai a.

Julie i chuan a bula thu pa chanchin chu engmah hriat a nei hauh lo tih a inhrechhuak a. Mahse, zawh erawh thil mawiber ani lemlo, amah in a hrilh teh anih ngawt loh chuan. Dinner eidun ringawt mahsela, Peagent Hotel a thleng mek mikhual leh ani lah hna thawklai anih na kha ala bo chuang lova, an hotel a thleng te polite taka be tur leh enkawl tura tih anih ang tho kha tunah pawh hian a dinhmun chu ala ni reng tho a ni.

Waitress in dinner tur vel a rawn zawh leh chuan,"Duh bik i nei em, Julie?" tiin Mark a chuan a zawt a.

A neilo tih lantir nan alu alo thing ringawt a. An hotel tih lohah chuan khawilai restaurant ah vak mah ala kal ngai lova, engmah duhbik leh tui tihbik tur a nei lo reng a ni. Sana chu a melh zeuhva, a nu chuan hawhar alo ti tawh angem le? An Hotel lam alo phone hlauh anih chuan a dawtsawi chu a man chiang ang chu aw...

Mark a chuan,"Ka cham rei chuan zan dangah pawh dinner min eipui leh thei angem?" tia arawn zawh chuan a thil ngaihtuah chu tawp sanin, Mark a zawhna lam chu ngaihven hram2 a tum a.

"Zanah chuan ka chhuak ngai lova, tihtur ka nei a," a ti ve mai a.

"Enge i tih thin? Zanah ila duty thin tho a mi?" tiin a zawt a.

"Aih, in lamah tihtur ka nei thin a," tiin a chang mai a. Lehkha ala zir thu chu hrilh kher tulin a hre lova. Mark an thildang a zawh leh hma chuan an eitur chu an rawn dah ta a. Julie i chu a ruk tak chuan a thawveng huai a, ei vat2 a, ina haw thuai chu a rilru ah alian bera.

Ngawi reng chuan dinner chu an eidun a,an eikham ah chuan dessert an rawn chhawp leh a. An ei zawh hnu chuan coffee a duh leh duhloh Mark a chuan a zawt a. A duhloh thuin a chhang a. Bill te an tihfel hnu chuan, restaurant atang chuan an inzui chhuak ta a.

Haw thuai a duh avang chuan,"Ka kalsan mai ang che, dinner tui tak min eipui avangin ka lawm e," a ti ta a.

"Kein lengkul leh lawk ila?" alo ti a.

"Chakawm viau mahse naktuk a hnathawk lehtur ka nia, mut hmat ka ngai a ni," tiin a hnial a.

"Awle....ka lawm e ilo kal duh avangin. In in thleng ka lo thlah ang che chu?" a ti dam leh thulp a.

"A ngai lo....ka tih awmzia chu keimah in ka haw zawk mai ange....mangtha le, Mr. Fuller," nui lui hram2 pah chuan a ti a.

"I tih tlat chuan le. Mangtha le, Julie," alo ti ve mai a.

Mark a chu en pawh en leh tawh chuang lo chuan a kal nghal nal2 a. Hahdam huai hian a inhre bawk a. A nu in a thawhna hotel chu a phone loh hram nan a rilru in a tawngtai mawlh2 bawk a. A nu in dawt a hrilh tih a hriatchhuah vaih chuan zawhna hlir a zawt ngei dawn tih a hre bawk a ni.

In a thlen chuan a nu leh a nute pahnih chu ala tlaichhe lo bawka, an lo la meng thap a. Chau awm tak hian,"Ka mu nghal mai dawn ania, ka chau lutuk, in vaiin mangtha vek ule," tih leh a room lam pan chu a rual nghal a. A room a thlen thlenga a nu in engmah a zawh tak loh avang chuan an Hotel chu a phone lo tih a hrethiam nghal mai a, a hahdam huai a ni.

Julie i leh a chhungte nun chu zawi2 in nawmsak lam panin an kal ve bek2 a. A nu nileng lenga mi hnuaia rim tak leh hah taka hna thawk thin pawh kha alo hahdam ve tawh hle a. Mahse a fanu thawhchhuah ringawt chu chhungkua nuamsa taka khawsak nan a tam lemloh avangin, hna chu a rukin a zawng ru ve reng a. A nu chuan an thenawm lawka pangpar dawrah chuan hna a ruak tih a hre ta a. Julie i a han rawn chuan, ani pawh chuan a nu chu,"I peih te chuan thawk la ani mai alawm. Ina awm rengte pawh hi a ninawm thin alawm, bakah a hahdam thova," alo ti ve mai a. Tichuan a nu chuan a hna chu a karleh atang chuan a tan ve ta a. A nu hna chu dawr neitunu puih ani mai a, a hahthlak lem lo bawka, a nu pawh chu a hlim ve thei hle a.

Julie i pawh a zirna a bei ngawrh bawk a, pawl pawh a sawn chho ve zela,graduate turin kum khat chiah a hmabak tawh a ni. Nikhat chu an mikhual te buaipuia a buai em2 lai chuan kil khat atang hian a hminga kotu hi a nei tlat hian a hria a, an enchian chuan Mark Fuller a kha alo ni a.

A awmna lam pana lo kal hnai pah chuan,"Ilo dam maw, Julie?" nui sang chuan a rawn ti a.

"Oh, Mr. Fuller, ka dam tha e, ilo zin leh tawh ani maw?" tha tak chuan a ti ve mai a.

"Zin e mawle....tun tum chu ka cham rei maithei ania. Min enkawl that viau angai ang aw...," fiamthu thawh tih hriat tak chuan a ti a.

"Tehreng mai, kan hotela ilo thleng leh duh chu kan lawm hle ania," tiin a hna chu tlin tak chuan a thawk ani tih a lantir a.

"A nuam miau hek, hm.....nang ang nula fel thawhna alo ni bawk nen," tiin a nui huk2 a.

"Ka lawm e....ka kal a ngai tlat tawh. Hun nuam tak i hmang dawn nia, Mr. Fuller," tiin a kalsan ta a, an mikhual turte chu a buaipui zui ta nghal a.

Nileng in thleng thar leh hotel atanga chhuak tur chu an in pel suau2 a, Julie i pawh chu ama tawkah chuan a buai ve hle a. A ban a hun meuh chuan a chau hle tawh a ni. A inthlak zawha, a bag te a lak hnu chuan haw turin hotel kawngkhar lam chu a pan ta nghal a. Pawn varanda a thleng chu, light enloh na lai thim zing atang chuan,"I haw dawn ani maw?," tih ri hi a hre ta a. A hawi pheia thim zing atanga lo chhuak mek a hmuh chuan Mark Fuller a ani tih a hre ta mai a.

"Aw, haw ka lo tum chiah a, enge mamawh i nei ami, Mr. Fuller?" polite tak chuan a ti dam diai a.

"Nei hran love, dinner min eipui leh thei angem, Julie?" ngen ngawl deuh hlek chuan a ti a.

"Aw....a pawi ka ti khawp mai, ka chau tawh viau a ni," tiin a hnar thuai a.

"Julie, thian kan ni thei asin, tlem hian inhawng deuh la chu. Chuan Mr. Fuller min ti lovin, Mark min ti la ka lawm khawp ang," alo ti ril ruih a.

"Aa... Oke... Mark. Nia thian chu kan ni thei alawm mahse tunah chuan haw a hahchawlh ka mamawh takzet a ni," tiin pangngai tak chuan a chhang lui hram2 a. A nihna takah chuan haw a, inbual faia, hahdam taka mut a chak ber tawh a ni.

"Awle, ka hrethiam alawm, mahse min tiam phawt la chuan ka hawtir ang che," a ti ta deuh tlat a.

"Aa....ka tiam theilo ang che, ka awmdan tur hi ka sawilawk thei tlat lo. Mahse a remte anih phawt chuan kan la eidun leh dawn nia," tiina chhang ta a. A nihna takah chuan eipui leh a tum hauh lo, a tulna pawh a hre hek lo. Engvangin nge hepa hian a zar buai reng le, a hrethiam pha lo a ni. A hmeltha a, a changkangin sum pawh a ngah ngei ang, an hotel a thleng pha chin te chuan sum chu an ngah khawp ang. Mahse thian siam nan hun a nei lova, a tulna a hre hek lo.

In a thlen chuan a nu chuan,"Julie, dinner ah i duhzawng pa ka siam ania, han inti fai la kan ei thei ani mai," choka atang chuan a lo ti lang2 a.

"Awle, ka rei lovang...," tiin a room lamah chuan a lut nghal a.

Dinner chu an chhungkua te chuan hlim tak leh tui ti tak chuan an ei a. An ni hmandan te inhrilh in an hlim ve hle a ni. Hei aia hlimna hi an chhungkaw tan chuan a awm tawh bik chuang lo a ni. Hmana an dinhmun chhiatzia kha Julie i phei chuan a ngaihtuah let ngamlo fo a ni. Khawvawh laia kawrlum haktur mumal pawh an neih ngailoh te, chaw eitur nei lova riltama an mut tawp thin laite, a pa zurui rawn haw in a nu kut a thlak laia an lo hlauh thin ziate, a pa telova an hlim ziate a ngaihtuah chuan a chaw ei lai chu a mittui a hnam sawk thei hial a.

A nu pawr tak leh thawmhnaw thing tak2 bak haktur nei ngailo, pangngai taka thawmhnaw fai haktur a nei tawh te, a naute bal taka mi eitur ita an tap lawm2 laite, an thianten an retheih avanga an kawm ve duh ngailoh laite chu a mitthla ah chuan alo lang zut2 a. Hetiang dinhmuna an thleng thei hi pathian in malsawmna a vur vang leh anu taimak vang liau2 ani. A nu tluka nu tha leh mahni fate tana inpe zo hi nu dang an awm bik chuan a ring lo a ni.

Ni a liam zel a, Mark Fuller a chu a hmu leh ta miah lova, hahdam thlak a ti hle a. Mahse a mit erawh chuan a ruk tein a zawng ru fo tlat mai. Amah leh amah chu a in zilh a, mikhual haw leh maitur, dinner a eipui avang leh eipui leh tura a sawm avanga alo ngaihven ve ringawt chu enge a tulna? Kha pa kha mi hausa tak a ni a, tin a hmeltha em2 bawk a, ani ang hotel a thawk satliah mai2 chu a thian atan pawh a duh tak2 hauh lovang. Tunah te pawh hian nula hmeltha tak bulah a hun a hmang mek maithei asin, ani ang te chuan a duh2 a thing thei em2 ang. Nula ho hian a zarin an zar zawk ngei bawk a ring a.

Vawiin atan chuan ka hna ka zo ta e...ka haw anga, hahdam takin tuilum ah ka inchiah vang2 ang, tiin a ngaihtuah rauh2 a. A uniform chu thlakin, haw turin a chhuak ta a. An in chu a hlat vak loh avang chuan ke in a haw mai thin a, chumi zan pawh chuan amah in zawimuang in a kal leh chat2 a. An in pawh a hmu thei ta tihah chuan a hnunglam atang chuan,"Statue!" tihri hi a hre ta a.

Tunge statue rawn ti tu chu a en kher a ngai hauh lo, Mark fuller a ani tih a aw atang chuan a hre nghal mai a. Zawimuang chuan a leh hawia," Min lo zuiru ani maw?" tiin a melh deuh nghek a.

Mark a chu alo nui hawk2 a,"Zuiru chu i duh chuan i ti thei ang chu.....mahse ka rawn um che ani mah zawkin ka lo hria asin," a ti a.

"Engvangin nge min rawn um a?" mitko san ak pah hian a ti leh a.

"Ngawi lawks teh, thian kan nih tawh kha. Ka ngai che ani maithei....," la then tha pah chuan a ti a.

"I haw daih tawh emaw ka lo ti asin," Julie i chuan a rilrua awm chu a sawichhuak ta nge2 a. Mahse sawichhuak lo sela a tha zawk tur hi a nia.

"Oke....chu min lo ngai ve tho tihna anih chu, tiraw Julie?" tiin arawn hnaih pah sauhva.

"Aa....ngaih lampang pawh ni lovin, hmuhtur i awm lo em a ka ti," tiin a han pha kual leh vela.

"Ka buai em a ni, min lo ngai tawh tih chu hria ila, ka rawn hmu hrim2 ang che," nui tuh2 pah hian a ti leh a.

"Engvanga min rawn um nge i nih, thil pawimawha awm em ni?" a ti ta daih a.

" Zanin chu leng mai2 ila?" alo ti thuai a.

"A pawi ka ti hlemai, ka hman lo a ni," a ti ve mai a.

"Mahse thian pawh ka neihloh hi, min khawngaih ve la, thian kan nih tawh kha," chhaih tih hriat reng hian a ti leh a.

"Enteh, ka hman lo tih ka hrilh tawh che kha. Tunah hian inah ka haw ngei2 angai bawk. Ka kal mai ang e,mangtha le," a ti ta hmak a. Mark a chu a duh chuan mi thlem thiam tak anih ngei a ring a. A duhawm letling phian lehnghal a, a thluak pengkhat chuan inveng fimkhur turin warning pe lehnghal a. Chupa chu ngainat a awl dawn hle hian a hria a, a bulah chuan awm tamlo sela a tan a that pawh a ring bawk.

A hnunglam atang chuan," Awle, mangtha le...," tiri hi a hria a.

A rilru te te chuan nuam a ti chiah lova. Mark Fuller a chu mi kawmnuam tak pawh anih a ring a, a hmeltha in fiamthu a duh a, a bula awm pawh a nawm ngei a ring. Mahse thian kawma nei hman anih loh mai bakah, a tana thalo tura in hnamhnawih chu a duh lo a ni. Engchen tak insum thei ang maw?

A tuka a hnathawhna a thlen chuan an security chuan alo be ding a," Miss Julie, i inthlakna room ah khan pangpar engbawr i dawn ka lo dah tawp ania aw..," alo ti a.

Mak ti angreng tak hian a mengphar awn2 a,"Pangpar a? Tu rawn thawn nge a?" a ti ha a.

"Ka hre hauh lo. Mahse i hminga lokal ani sia, ka lo laksak ta mai che anih kha," a ti a.

Julie i chu inthlakna pindan lam pan chuan a kal ta a. Rose par eng bawr nalh tak chu alo awm ngei a, card hi alo awm bawk a. Card chu a pawtthla a,a keu nghal a,"Ka thian chhar thar tan, Mark," tih hi alo inziak a. A nui saka mahse pawm lo sela a tan a tha zawk tur hi ania. Mahse tunge hmalam huntur hrelawk thei awm chuang.

Sana chu a bih zauhva, pangpar chu a drawer bikah chuan a dahtha thuai2, a inthlak leh zung2 a, a hna tan tur chuan a kal ta nghal a. Chumi ni chuan Mark a chu a zawng ru leh reng a mahse a ngaite bawkin a hmuleh chuang lova. Lift a nghahlai chuan a rilru chu a kawm neuh2 a, lift chu alo thleng a, tunge awm tih pawh en lemlo chuan a ngaihtuahna kawm pah reng chung chuan a lut a, kil khatah chuan ding ta a.

"I pangpar dawn chu mawi i tih em?" kil lehlam atanga tiri chu a hre ta thut a. Ava en chuan Mark Fuller chu alo awm ve reng chu niin.

"Nang pa hi, lungphu thalo min la neihtir ngei ka ring ania,"a ti hlak a.

"Engvang chuan maw?" inti fel taka a kut kuangkuah than hian a ti a.

"Min barakhaih reng avang hian mawle...," a ti leh hlak a.

Nui hak2 pah chuan," I hnunglam hi ka chantawk emaw ni chu aw ka lo ti hman zawk asin," a ti a.

"Min tihphut i tum vang hrim2 anih kha!" a tive kher a.

"Tum vang ni love, ka dinhmun hian a zir em vang zawk ani thin berin ka hria. Pangpar chu....," alo ti leh a.

"Aw...a nalh....mahse khatiang kha min rawn thawn tawh suh ang che....ka thawhpui ten min sawi sep2 tur hi ka duh hauh lo ania," tiin a vau tihtih deuh a.

"Maw....i zanlenna alawm. Tu hnen atang pawn eng thilpek pawh i dawng thei alawm, ni lawm ni?" tiin a zawt leh kher a.

"Dawngthei tehreng e, mahse mi min sawi sep2 hi ka duh hauh lo ani. Helai hi ka hnathawhna hmun anih hi, nanga tan chuan engmah ni velo mahse...," a ti leh nghat a.

"Awle...awle....ngaihdam ka dil e...ka ti tawh lovang," a ti ta a.

An ngawi dun ta vang2 a, Julie i chuan nuam a ti chiah lova. Sum sengin pangpar arawn thawn a, ani lah chuan alo hau hrep chu ani si a. Mahse a sawi zo tawh a, thupha chawileh pawh a tum chuang lova.

Lift a inhawn chuan Julie i chu a chhuak nghal hmak a, Mark a erawh chuan hnunglam atang chuan nui vur2 in a thlir reng a. He nu hi a mak dangdai reuh tlat mai, hmeichhe dang alo kawp tawh te leh amah beisei tu te ho kha chuan thilpek anih tawh phawt chuan an lawm em2 thin kha ania. Engpawh nise he nu hi ka duhzawng ani tlat mai, tiin a nui deuh suk a, a room lam pana kal pah chuan a faifuk raih a.

Julie i chu an hahchawlhna cabin ah chuan a lut a, a hnunglam atang khan Mark a khan a en reng ani tih pawh a hre reng a, a tha khur nasa lutuk tihreh nan chuan a inkuangkuah than ta ringawta. Hepa hian engemaw a duh le? Engvanga min tihbuai hi nuam ti viau nge maw anih chu le? Ka hmuh leh pawn ka pehhel zel tawh ang, tiin a infuih mawlh2 a. Mahse an ngaihtuah tha leh a, hnathawk ania, tumah chutianga ti thei ani lo tih chu a hrechhuak leh ta a.

Ni a liam zel a, Mark a chuan arawn tibuai ta hauh lova. A lawm rual2 in a hrilhhai deuh hlek bawk a. A rilru ah chuan chupa mawlh chu alo awm leh veng2 thin a, eng hna nge a thawh ang le,khawi ram atanga lokal nge niang le, nupui a nei tawh angem le, a....zawhna tam tak chu a inzawt leh mawlh2 thin a. Nikhat chu Mark a a ngaihtuah mek lai chuan, a hma ah tak hian arawn ding leh ta hlawl a. Suit dum thui nalh tak hi a ha a, kamiz var nalh tak a ha bawk a, neck tie dum hi a suih zan bawk a. A sam chu a thur deuh hlek a, mahse a hmel a titha zual sauh hian a hre thung a. A perfume rim chu a hre thei a, a hnar lah chu a verh zar mai a. Hepa hi chu a chhe mawlh lo alawm, tiin a ngaihtuah neuh2 a.

"Enge tihsak theih che ka neih le?" pangngai tak chuan ti ta a.

"Engmah min tihsak theilo," hi alo ti deuh hmuk a.

Ngaihtha chiah lo hian," Eng buaina nge i thawh a? I room ah tui a tling em ni?" alo ti hau a.

Mark a chu a nui ta huk2 a," Tling love, ka thian emaw ka tih hian en pawh min en tha duhlo hi alawm ka buaina ber chu," tiin a mit veilam chu a siai zauhva.

A thawveng ta huai a" Min ti hlauthawng hman alawm," a ti hak a.

"I hlauthawng hma mah2 ani, Julie. Naktuk ah ka haw tawh dawn sia, zanin chu dinner min eipui thei tawh hram la?" nui var2 pah hian a ti a.

Julie i chuan nuam a ti chiah lova, tin a nu hnena dawtsawi leh angai dawn nen, a theihloh tur thu chu hrilh mai a tum a. Mahse hepa hi hriatchian chakna a nei deuh tlat a, kal loh chu a phal bik chiah si lova," Awle....mahse ka rei thei dawn lo ania," a ti ta a.

"Oke...in in ka hre tawh thova, dar riatah ka rawn lam dawn che nia," a ti ta a.

"Maw?? Kan in i hria a maw? Engtin nge i hriat a?" mengphar awn2 pah chuan a ti deuh chul a.

"Ka hria in ka hre mai ania, lo lam che chu a tha mai ang tiraw?" a ti duh lek a.

"Aih2, lam hauh lovang, hotel kawtah hian kan in hmu dawn nia," a ti ta zawk a. An in kawta mipa in motor nena arawn lam vaih chuan a nu rilru a buai lutuk dawn a ni. Engkim hriat duhin a zawt sek2 anga, thup pawh tum se engmah a thup thei dawn hauh lo a ni.

"Awle...tlai tawh lo la," alo ti deuh hmuk a.

Inthiam chiah lo hian,"Ka lo tum ange...," a ti ta sap a.

Zan dariat a hotel kawt Julie in a thlen chuan Mark a chu a hmu mai lova, motor pakhat hi a bulah hian a rawn ding dat a," Lo lut rawh," tih ri hi a hria a. An enchian chuan Mark a chu lo niin,khawilam nge an pan dawn pawh hre lem lo chuan a thu lut ve ta a.

A tu mah2 chu an tawng lova, Mark a chuan motor chu hnehsawh tak hian a khalh zel a. Khawilamah nge an kal dawn tih chu Julie i chuan zawt chak viau mahse ngawih chu a chuh ta zawk a. Kawngpui atanga an pen takah chuan a ngawi thei ta lova," Khawiah nge min hruai dawn a?" a ti ta nge2 a.

"Kan thleng trep tawh e, surprised ania," amah pawh en lem lo chuan alo ti mai a.

Zawt nawn leh mahse a hrilh duh dawna a hriat loh avang chuan a ngawi ta zawk a. Minute sawm vel an tlan leh hnu chuan, tlang lam an pan chho ta a. Tlang an thleng chiah chu, hmun nuam tak, thengthaw bawk si chhun engah phei chuan nalh lutuk tur tih hriat reng2 hi an thleng ta a. Julie i chu a thaw deuh hak a, New York ah chutiang hmun chu a awm ngai ang tih pawh alo hre lova. Bakah ani te chu khawiahmah a kal hman ngai lova, kalna chhantur lah a nei ngai hek lova, hrelo pawh nise a awm hliah2 tho a ni.

Tlangah chuan restaurant mawi tak, hmanlai hunlai ami emaw tih maitur mahse engkim mai chu changkang tak vek si hi alo awm reng a, pawnah chuan light hi an lo ti eng deuh pup bawk a. Hetiang hmun mawi hi ala hmu ngai hauh lo ani," Le...kan thleng ta e," Mark an arawn tih chuan a harh chhuak zawk a.

"Helai hi eng hmun ngea?" a ti ta nge2 a.

"Paradise View anih hi, ila kal ngailo ani maw?" a ti a.

"Kal ngai nang, ka hman lo alawm, i hriat ve reng kha!" melh rum deuh hlek pah chuan a ti a.

"Awle....hei zanin ah i kal ta alawm tiraw? Hawh teh ka ril a tam viau hma hian i lut vat ang," a ti a.

Inchhung ah chuan mi anlo khat deuh hmur a, thutna tur pawh an chan a rin tawhloh lai chuan,manager niawm tak hi an lam pan chuan alo kal nghal vat a," Mr. Fuller, in rawn chawl duh chu kan lawm hlemai, helam ah hian min rawn zui mai ta che u," a rawn ti sawk2 a.

Julie i chuan mak a ti deuh hlek a, hepa hi a lar anih loh pawn a hausa tawntaw ani khawp ang. Helai ram mi hi ani hauh lova mahse restaurant manager khan a hre tlat, a hre mah2 zawk anih kha, tiin a ngaihtuau rauh2 a. Manager chuan dawhkan kil lam deuh ami chu a kawhhmuh a, "Mamawh in neih chuan ka bulah i rawn sawi zel dawn nia, Mr. Fuller," a ti leh thuai2 a.

"Angai lovang, Robert. Dawhkan min lo pe a, kan lawm lutuk e," a ti dam dap a.

Julie i chuan nuam a ti chiah lova, a chhan chu chulai a kal te reng2 chu mi hausa an ni tih an awmdan leh incheina atang chuan alang reng a. Ani lah chuan dawr dum khup thlenga fual :twisted: manto lo tak mai, hawng zau vaklo, simple taka thui mawl tawp a ha a, pheikhawk sen sang a bun leh tawp a. Hetianga hmun changkang leh mi hausa ho kalkhawmna hmunah hian a hruai ang tih rin ngaihna a hrelo kha mawl a inti leh hnuhnawh hle a. Mahse a hruai dawn tih pawh hrilh sela, hei aia nalh leh changkang thawmhnaw hi a nei chuang hauh lo. Chuvangin, awmrei lohdan ngaihtuah chu trul taber hian a hria a.

Link:
BBcode:
HTML:
Hide post links
Show post links

Ngaia
Site Admin
Posts: 9493
Joined: April 30th, 2016, 4:07 pm

Unread post by Ngaia » May 13th, 2018, 3:15 pm

Julie i chuan a hma a thu chu a en deuh vang2 hnu chuan a rilru a awm chu a zawt ta nge2 a,"Khawi ram atanga lokal nge i nih, Mark?"

"London atangin," alo ti thuai a.

"Enge New York ah hian i rawn tihber?" a ti leh a.

"Sumdawnna thilah ka lo kal mawle, ka rawn kal leh thuai maithei bawk. Min lo ngai lutuk lo la aw...," nui suk pah chuan a ti a.

A hmui chu a ti pawrh tarh a," Ngai lovang, mi ngai turin ka buai lutuk,"a ti deuh kher a. Mahse a ngai maithei ani, hepa bula awm hi a nuam dangdai tan tlat.

"Haha....awle, zanin chu enge kan ei ang? Chakai hem hmin te hi i duhzawng ani ve em?" tiin a zawt a.

"Duh loh ka neilo, a tui viau ang chu," alo ti ve mai a.

Waiter alo kal chuan an eitur chu Mark a chuan a chah ta nghal zung2 a, waiter a kal liam hnu chuan," Helaiah hian an thil siam te hi a tui phian ania," a ti a.

"Ka ring, a hmun pawh hi a mawiin a nuam khawp mai," alo ti ve mai a.

Julie i en pah chuan, "Ka lo kal leh hunah chuan picnic tawh ila a tha ang tiraw?"

Nui sen2 pah chuan, "Oh! Chhunah chuan khawiah mah ka kal hman lo tih i hria alawm,"

"Anih chuan party na ah aw niang,"alo ti hluai a.

Julie in a chhan leh hma chuan an eitur chu a lo thleng a, tui ti tak chuan an ei nghal bawrh2 a. Julie i chuan chutiang ang renga tui chakai hem chu ala ei ngai lova, dessert ei paha an ti ti leh chuan," Ka puar khawp mai, i zarah. Ka lawm lutuk e," a ti sap a.

"Tui i ti chu ka lawm e keipawh. Party chu engtin?" tiin alo zawt tha leh a.

"Ka hman chuan aw, party tihvel ah hian ka kal ngai lova,"a ti tha ve mai a.

A sana bunlai bih zauh pah chuan, "Awle, ho tlai kha i hlau sia, kal mai ila," a ti ta a.

An haw kawngah chuan an inbe tlem hle a. Mark a chu a ngaina dawn tlat hian Julie i chuan a hria a. A bula awm a nuam em2 a, a hlim theiin, a ngaihsak em2 a. A ngaihtuah tih pawh a hria a ni, mahse a tan chuan a tha mah2 a thian bak chu an ni thei lovang. Khawsak leh engkim ah an in thlau em2 a, chu2 Julie i chuan hriat reng a tum bawk a. An in thlen hma kawi thleng chu Mark a chuan a thlah a, hlim tak chuan an in mangtha ta a.

In a thlen a, a intihfai zawh hnu chuan a khumah chuan Julie i chu a mu kak a. Zanin chu lehkha zir lo mai teh ang, a ti rilru a,Mark a vangin a lehkha zir a thulh phawt. A mit an chhing chu Mark a nui mawi tak hmel chu alo langa, min ngai angem a ti anih kha! A ngai ngei dawn ani tih Julie i chuan a hria a ni.

A tuka hna thawk tura a kal pawh chuan, Mark a chu a hmu tawh dawn lo ani tih inhre reng chung chuan hmuh leh hlauh beiseiin a hawi kual leh da2 thin a. An hotel ah chuan mipui haw tur leh rawn luh tharte chu an insul pel nuk2 a mahse Julie i chuan ruak huai hian a hre ta tlat mai a. Mark a zunah a uai tan der ani tih erawh a in hre hauh lova.

Kar a liam a, thla a liam a, a nun pawh a pangngai tan chho leh tawh a. A lehkha zirlai ah pawh a rilru a pe leh thei tawh a ni, tun kuma an exam huna a pass chuan graduate a ni ve tawh dawn a ni. Pathian hruaina zarah a naute pawh an zirlai ah an titha chho zela, Aron a chuan pawl sawmpahnih a exam ve tawh dawn a chuan an teber solomona pawhin pawlsawm a exam ve dawn bawk a ni.

A nu chuan a theihtawp in a fate chu thutha piah lamah zirtirna a pe ve reng bawk a, a phak tawkah a fate chu a rohlu neihchhun an nih ang ngeia a theihtawka enkawl hi a tum ber a ni thin reng bawk a ni. A pangpar dawr thawhna nu nen pawh an in thiantha tawh hle a, hlim takin nitin hna an thawkdun thin a, an dawr khar ni alo thlen te hian an in ngaih turzia hi an in hrilh ve lawm2 thin a ni.

Julie i nunah chuan mipa dang pawh an rawn lang ve leh nawlh2 thin a, mahse a tu amah chu a ngaihsak lem lova. Mark a chu arawn let leh angem tih pawh hrelo mahse theihngilh ni a neilo tluk a ni. A bialnu ni turin a sawm hauh lo na in, thian ringawt ang chuan a en lo tih pawh Julie i chuan a hrethiam ve tho a ni. A lokal leh ngai anih chuan a bula hun tam zawk hman pawh a hreh tawh hauh lovang tih a inhre ran bawk a.

Thla li lai a liam hnu chuan zankhat a hnathawk bang ho tura a insiam zo, hotel atang a chhuak chu an security hian," Miss Julie, hetah hian lo ding lawk ta che,"a ti leh ta hlawl a.

Mak ti tak hian a ding tau a security pa chu enge a chhan pawh a zawh hma2 chuan a kalbo daih si a. Alo let leh chuan thilfun tereuh te hi arawn keng tih a lo hmu mai a,"Kha hei hi i ta tur ania," tiin a pe a.

Mak ti angreng tak chuan an thlek kuala, lehkha mawia a intuam vek avang chuan enge anih ang a hrethiam lo a ni. Security pa hnenah chuan, " Khawi ami nge a?" tiin a zawt ta a.

"Pa pakhatin lo pe tur che in min tia, tunge a hming pawh a sawi chuang lova,"alo ti mai a.

Bangbo angreng deuh hian,"Awle...ka lawm e," a ti ve ta ringawt a.

In a thlen chuan a nu chuan," Julie, han inthlak la, hei dinner ka peih tawh ania aw....i duhzawng tak ka siam leh ania," alo ti thuai2 a.

"Awle...ka rei lovang ka nu," tiin a room lam chu a pan ta nghal a. A room kawngka chu a kalh nghal daih a, a chhan chu a nu hi kik lem lova rawn luh thut a chin vang a ni. A thilfun dawn chu enge anih tih hriat chak tak chuan a hawng ta a. Bawm chhungah chuan mobile phone hi alo awm a, mak ti tak hian a en ta reng a. Chutiang chu a neih phak ngai turah pawh alo dah lova, lehkhathem tereuh te awm chu la in a chhiar ta a. Kan inbiak reng theihnan ka ti a, Mark Fuller tih te mai hi alo inziak a. Lawm avang chuan a nui var2 a, mahse engtinnge a chhungte bulah chuan a sawitak ang. Mobile phone te chu mi hausa ho chauhvina an neih tura an ngaih thil ani si a. A thian pakhat in a pe tih chu sawi chi ani der si lova, chhuanlam tur chu a ngaihtuah nghal char2 a. Mahse a hriat mai loh avangin, a ruka hman rih chu a rilruk ta zawk a. A enchian chuan sim card te pawh Mark a chuan alo dahtel nghal vek chu niin. Sim card chu a thun a, a nun hnu chuan, Mark a chu phone mai ngaihna a hriatloh avang chuan a thukru leh ta zawk a. A rilru te2 chuan, alo kal leh tawh ani chiang mai, naktuk ah ka hmu em ang chu tiin hlim tak chuan a ngaihtuah a. A nu in dinner eitura a rawn auh tak lauh2 ah chuan choka lam pan tur chuan a chhuak phei ta nghal a.

A tum ang chuan a tukah chuan a hmu ta hauh lo mai a, engemaw a awmzia le tiin a ngaihtuah rauh2 a. Mahse chawhnu lamah chuan a phone chu a ri ta ral2 a, lak loh chu a duh ut2 na in, Mark a anih ngei a ring a, a chhan chu a number chu Mark a chiahin a hre tlat a ni. Phone chu tim deuh taka la in," Hello....," a ti ta a.

"Lo hawi chho teh, Julie," Mark an a tihri a hriat chuan chhawng chunglam chu a enchho ta nghal a. Mark a chuan a ban hi alo vai lauh2 a.

Nuam ti chiah lo hian Julie i chu a hawikual zak2 a, mahse a bul hnaiah chuan tumah an awmloh avang chuan a ban chu a vai let ve ta a.

" I banah pawnah ka lo nghak dawn che nia,"arawn tiri chu a hria a.

Nui var2 pah chuan," Awle...," tiin phone chu a dah ta nghal a. Sana chu an en zauh va, ban nan minute sawm chiah hi alo awm tawh a. A buai lutuka, la hma viau turah alo ngaia, mahse alo tlai hle tawh zawk chu niin. Mark a hmel a hmu leh chu a zam deuh hleka, lai deuh hu hian a inhre bawk a. An inhmuh hunah chuan enge a sawi ang le? A phone rawn thawn hi a pawm theilo tih a hrilh mai dawn em ni ang? A rilru chuan thil chi hrang2 a ngaihtuah kual a.

A inthlak hnu chuan, a hmai te chu a chei ve deuh hlek a, a sam te chu an tuai mam leh thuak2 a. Chak si mahse huphurh bawk si hian a awm a. Pawna ava chhuah chuan Mark a chu amah hnungchhawn zawng hian alo ding a. Thawmhnaw pangngai tak hi alo ha tawh a, Jeans kekawr dum leh, T-shirt engdal lampang a vun nena inhmeh tak hi alo ha a. Sneaker dum a bun tih ava hmu thei bawk a, zam deuh tak chuan a pan hnaia,"Hi...," ava ti sap a.

Mark a chu arawn lehhawi a,nui var2 chung hian,"Hai....i tlai lo ve tlat ania," tiin alo fiam a.

Hotel kawta an mikhual nena inhaw lo taka inbiak chu a mawilo tih hria in, Julie i chuan,"Kan kal mai dawn em niang," tiin Security chu a melh zauh a.

Mark a pawh chuan hrethiam tak hian," Awle....,"alo ti thuai a.

Ke bawk chuan an inzui leh ta hnak2 a, an kal hla deuh tawh maw tihah chuan, Julie i chuan," Mark, i thilpek kha ka lo hmu a, ka la thei lovang. A to awm si a," a ti ta nge2 a.

"Mai2 a, i tana ka rawn hawn anih kha. Bakah biak nan che ka duh alawm," alo ti var a.

"Mahse ka chhungte bulah tu min pek nge ka sawi ngam loh mai bakah, khatiang thilpek to lutuk kha ka la dawng ngai lova," nuam ti chiahlo hian a ti leh a.

"Mahse biak reng che ka duh miau si alawm," a ti vawt ruih a.

Julie i te in panna kawngah chuan thim deuh laiah chuan thutna tur hmun nuam tak hi a awm a, tah chuan Mark a chuan Julie i chu a kai pheia, reilote hetah hian thu lawk ang hmiang?" a ti a. Julie i pawh a hnial lem lova.

An thutfel hnu chuan Mark a chuan "I tan te chuan engpawh ka huam asin, Julie. Ka neih zawng2 pawh hi ka hlan phal ang chu," nghet charh hian a ti ta a.

Julie i chu a phu deuh dat a,"Enge i sawi awmzia chu?" a ti ha a.

"Ka duh che tih hi engatinge tun thleng2 hian ila hriatthiam lohva, Julie?" thutak zet hian a ti ta a.

A lungphu chu a chawl dawt hian Julie i chuan a hre hial a. A lo suangtuah dan ai khan thil chu a kalchak em bawk a ni," Mahse....ani thei lo....," a ti ta ringawt a.

"Enge ni theilo chu? Ka duh che a chuan chu2 thudik ani bawk," a ti leh ta hmiah a.

"Mark, min duh turin engmah ka chanchin hriat i neilo..." mangang tak chuan a ti a.

"I chanchin hriat angai lo, ka duh che a, chu2 ka hria a, a tawk!" alo ti hmiah a.

"Mahse....,"

"Mahse enge, Julie? Min duh velo ami?" tiin arawn pan hnaih ruak a.

"Ka......,"

Julie i chu a kuah thlawp a, a kuai dak a, a hmuiah chuan lungchim tak hian a fawp ta vawng2 a. Tuman an la fawh ngailoh avangin Julie i chuan chhan ve ngaihna pawh a hre lova, Mark a chuan," Min chhang ve ta che, Julie," a beng bulah chuan a ti sa2 a.

Mark a fawhna leh tawhna avang chuan a taksa chu a danglam vek ani tih Julie i chuan a hria a, a sa deuh ham2 hian a inhre bawk a. Mahse chhan ngaihna a hrelo. Mark an,"Min chhang rawh Julie....min han fawp let ve teh," a ti leh chuan a thiam ang2 chuan a fawp let ve ta a.

Mark a chu thaw deuh hlawp2 pah hian a inla hrang ta a,"Ka ngaih theihzia che hi i hria em? Min lo ngai ve thin em?" a bengkawm la nul thuak2 pah chuan a ti a.

"Um...ka ngai che alawm...,"a ti ve mai a.

"Ka a mai dawn hian ka inhria asin," a ti leh sup a.

Mark a kuahna atanga talchhuak pah chuan," I chamrei dawn em?" a ti ta daih a.

"Chamrei lovang....hna ka ngah lova tun tum chu," a ti a.

"Mark, ka haw angai tawh ania, ka nu in min lo ngaihtuah tawh ang," a ti ta a.

"Julie, i hawtlai ve deuh theilo ami? Ka la ngai che alawm," a ril ruih a.

"Ka hawtlai chuan ka nu in ka hna thawhna lam a phone mai ang tih ka hlau ani," a ti sap a.

"Awle....i chhungte chu engtik ah nge min hmelhriattir ang?" a ti ta daih a.

"Maw? Ka tih awmzia chu....ih.... ala hma em mai," a ti niah2 a.

"Hma chu enge a awmzia, Julie? Mikhual ka nia, cham rei thei ka ni lo bawk. Hetianga ralkhat a inbiak leh inhmuh zeuh2 ringawt hi ka duhkhawp vak lo ania," thutak deuh chuan a ti a.

"Mahse....chutiang chuan kan la awm rih angai alawm. Lehkha zirlai ka ni a, ka zir rawh hnuah ka chhungte chawm ka la ngai alawm,"

"Hmm....mahse reitak ka nghah theih che chu ka ring hauh lo ania," kuah hnai pah chuan a ti a.

Nuam ti chiah lo hian, "In chhungkaw chanchin min han hrilh teh?" a ti ta a.

"Nidangah kan la sawi dawn nia, i hawtlai chuan i nu in alo hau palh ang che," fiam deuh pah chuan a ti ta a.

A nu hming an sawi takah chuan, Julie i chu a harh chhuak ta zawk a," Aw.... Lalpa, ka hawn angai tawh Mark," a ti ta chul a.

Nui hauh2 pah chuan," Ka hria alawm, naktuk ah kan inhmu leh dawn nia," tiin a fawp leh zeuh a. Kaltir mai chu phalloh hmel tak hian a kuah leh vawng2 a.

An in a hnaih tawh em avang chuan thlah tawh lova hawnsan maitur chuan a ti ta a. In lam pana a kal pah chuan thil thlendan rang lutuk chu mak a ti leh hnuhnawh hle a. A hmui Mark an a fawhna chu a khawih a, a nui var2 a. Nuam a ti chiang alawm, a vawikhatna mah nise. Bakah Mark a hi a duh ve ani tih pawh a inhre chiang tawh khawp mai, mahse an inkarah chuan thil tamtak inzawm tir theilo tu tur a awm a ni. An chenna hmun a in anglo phawt a, tin khawsak leh dinhmun ah an in thlau em2 tih lah chu a hriat reng bawk nen. Hmalam hun an nei thei dawn lo a ni tih chu a hrechiang nghal em2 a, chu chuan a ti hnual nghal rawih2 bawk a. Mahse a duhna erawh a pha thei chung lo a ni tih erawh a inhre chiang hle a ni.

A tukah chuan phur tak hian a hnathawhna lam pan chuan a kal a, Mark a hmuh a inring hauh lo mahse ani lo ang takin, counter ah alo nghak reng chu niin.

"Good morning darling," zawite hian alo ti sup a.

Nui sen2 pah hian," Good morning le... Tihtur i nei lo ami vawiin lam chu?"

"Nei lem nang, chawlh ila mai thei lovem ni, sweetheart,"

"Chawlh mawh? Ka theih ka ringlo," a ti chuai raih a. A rilru tak chuan chawlh laka, hahdam taka hunthawl tak hnuaia Mark a nena awmdun chu a chak ve hle thova.

"Chawhnu tal chawl thei hram la...," tiin Mark a chuan alo tur ve leh a.

"A.....ka sawi mai theilo, kan indaih loh phei chuan a theih ka ringlo. Mahse awle...ka lo dil chhin dawn nia,"

"Awle...ka room ah hna tlem ka neia,i hman theih dawn chuan min rawn phone mai dawn nia," tiin a kalsan ve ta a.

Mark a kalta chu a thawveng huaia, a chhan chu an hnathawhna ah chuan mikhual te nena in hnimhnaih chu an remti lova, chu mai bakah inhaw lo taka an inbe lai tuemaw in anlo hmuh chuan an hek duh ngei pawh a ring a ni. Hmanhmawh takin inthlakna pindan ah chuan a lut a, a inthlak sawk2 a, a hna tan tur chuan a kal ta nghal a.

Remchang a hmuh veleh chuan an manager hnenah chuan chawhnu chawlh chu a dil ta a. Manager chu a ngawi deuh vung2 a, a phal dawn lo anih hi alo ti hman hial tawh a, mahse a rinloh deuhvin arawn chhang ta hlauhva ,"Awle.... Vawiin chu hei kan buai vak lo bawka, va haw tawh," a tih chuan Julie i chu hlim avang hian a zuang lo chauhva.

Inthlakna pindan a thlen veleh chuan Mark a phone pek chu ala chhuaka, a phone ta nghala. Mark a pawh chu a phur ve hmel hle a," Hotel piah deuhvah khan lo awm la, ka rawn kal nghal ani mai," arawn ti a.

A inthlak zawh hnu chuan darthlalang ah chuan uluk tak hian a in en leh te te a, awle ka chhiat zawk2 lem loh hi, tiin a nui saka, an inhmuhna hmuntur lam pan chuan a kalta nghal a. Rei pawh a nghah hma chuan Mark a pawh chu alo thleng ve ta thuai a. Car dumpawl nalh tak mai hi arawn khalh a, arawn nuih var2 a, " Lo lut rawh," arawn ti a.

Phur tak hian Julie i pawh chu a lut ve thuai a, hlim tak hian Mark a chu ava melh a," Enge kan tih dawn le...," a ti sarh2 a.

"Kan picnic ang chu ka lo ti deuhva, hmun nuam deuh ka hria a,"alo ti lang2 a.

"Awle....awle....kal ila ani mai alawm. Mahse engmah eitur vel kan kenloh chuan?" a ti ha a.

"Motor hnungah hian ka dah vek tawh alawm," Mark a chuan alo ti awlsam et a.

Mark a hmun hriat anva thlen chuan, a sawi ang tak2 chuan alo nuam hle a. Ramhnuai, thing din thulhna hmun ah hian, in tereuh te hi alo awm a. Julie i an hawikual chuan tuichen mai natur swimming pool lian vaklo hi alo awm bawk a. Khua alum nuam bawka, tuichen chu a chakawm hle reng a. Hlim tak hian, "Mark, tui cheng ang aw...," a ti lauh2 a.

"Tehreng mai, kan thil kente hi inchhungah hian min dahpui phawt la, chuan i duh chen2 kan cheng dawn nia,"

Mark an eitur leh intur vel a ken chu inchhungah chuan an thliar lut ta, inchhung an hmuh chuan hahdam thlak hle hian a hria a. In chu lian lo mahse engkim hi a hmun turah hian alo awm kim biai a, a lawmawm reuh hle hian a hre bawk a. Tin a chhungchu a faiin an chei nalh reuh hle a ni.

Mark a chuan "Kan intur kente hi kan dahvawt ange, i duhleh lo inphelh tan la,"

"Awle....,"

Tui cheng tur chuan an chhuak dun nghal thuai a, tui chu alo dai nuam phian a. Hleuh pah chuan an bul vel chu Julie i chuan mawi ti tak hian a thlir pah dauh2 a. "Helai hmun hi engtinnge i hriat theih zawk a," a ti ta nge2 a.

"Ka thianpa ta anih hi, ka rawn zin chang hi chuan ka kal lo phal ngailo ania,"

"Umm....keipawh ni ila ka kal ziah ngei ka ring,"

"Sangha manna tur pawh a awm asin,"

"Mahse ka man thiam lo. Ka la tichhin ngai hauh lova,"

"A pawiloh chu, kan kal leh hunah mandan ka la zirtir dawn che nia....,"

Tui chu an hleuh dun ta a, an duh chen an hleuh hnu chuan, pool pawnlang lamah chuan Julie i chu ava ding ta a. Mark a pawh chu a bulah chuan arawn thlengphei ve nghal thuai a. Kawr ha mang lova an taksa a insik takah chuan, an tisa lumna chu a tu mah2 chuan an haider thei lova. Dimte in Mark a chuan Julie i hmuiah chuan a fawp ta a, Julie i pawh chuan a hma aia zei hrat chuan a thiam ang2 chuan alo chhanglet ve a. Mark a kut chuan a taksa chu a chul kual dan2 a, a fawhna lah chu a hma ai mahin a uar tawh a. Mark a kutin a hnute a khawihfuh takah chuan Julie i chu a tawp deuh chat a. Mipa reng2 la intawh tir ngailo ta chu a mangang ru deuh hial a, mahse Mark a chuan thiam taka a rawn fawh kual leh tan takah chuan, a dawh ve leh ta mai a. A mit te, a hnar te, hnawng te, chu arawn fawh thla dan2 a, Julie i chu alo thaw hak2 a. A hnute a rawn fawh takah phei chuan a za chiai2 hian a inhria a. A nuam ti chu alo rum tiah2 a, Mark a samah chuan alo tham ve tawk2 a. Mark a mipatna khauh tangin a dul vel arawn nawk na2 phei chuan a pum chuan a za chuai2 hian a hre tawh a. Tiang hian tisa nawmna hi a awm ang tih pawh alo ngaihtuah pha ngai lova. Mark a chuan,"Julie helai ah chuan ni love....," tiin a pawmkang ta nawlh a, inchhungah chuan a luhpui ta a.

Tui atanga chhuak an ni bawka, an kalna hnu chu a huh zui mai a, mahse chulam pawh chu an hrechang tawh lem lova. Mark a chuan room kawngka chu a ke chuan a tlawh hawnga, Julie i chu khumah chuan a mut tira, a fawh chhunzawm leh nghala. Zawimuang chuan Julie i bra chu a phelh saka, "I va han nalh tehlul em!" a ti tham thuak a.

A hnute chu arawn fawh sak leh ta nghal chat a, tisa chakna hian a khat tawh tih chu a aw leh mitmeng ah pawh chuan alang reng tawh a. Julie i chunga a rawn bawh takah chuan, a mipatna khauh tawh tak chu Julie i pawh chuan a hrechiang hle a, a kekawr te a bana, pawhthlak a tum chiah chu," Nilo.....nilo.... Mark!" a ti vai ta riai a.

Lungawi chiah lo hian," Engmaw nilo chu?" a ti hmuk a.

Nuam ti chiah lo hian,"Mark hei hi kan ti tur ani lo, thildik ani lo," a ti thei hram a.

"Mahse hmangaihna chen chu enge in hmangaih te karah chuan a dikloh na.....,"

"Mahse nupa kan ni hleinem....nupa kara hmantur thil ani alawm,"

"Julie.....kum zabi engzatna ah nge ila chen a?" tho chhuak pah chuan a ti deuh hluk a.

"Zabi engzat ah pawh, he thil hi kan titur ani lo, min ngaihdam dawn nia Mark," a ti zawi sap a.

Link:
BBcode:
HTML:
Hide post links
Show post links

Ngaia
Site Admin
Posts: 9493
Joined: April 30th, 2016, 4:07 pm

Unread post by Ngaia » May 13th, 2018, 3:16 pm

Mark a chu tukverh bulah ngawi rengin a ding vang2 a, a tisa chakna sosang tak chu tihreh a tum ni ber hian alang a. Julie i chuan Mark a lehlam a hawii lai chu chuhin rang takin a bra leh thawmhnaw chu a chhar khawma, a in ha nghal thuai2 a. Zawi muangin Mark a chu arawn inher a, Julie i chu a en deuh vang2 a," Ka thil dahvawh kha a in theih tawh ang," a ti hul hak a.

"Awle...ka lo thli chhuak ange, ilo kal dawn nia," tiin choka lam chu a pan ta nghal vat a. Fridge chu a hawnga, theitui chu novah a thli chhuaka,a thil thlit laite chuan a kut chu ala khur dar2 a. Plate ah an chips ken chu a dahchhuak bawk a, Mark a bula a awmlo chu a thawngveng huai a, mahse Mark a chu a chan mai a ring thung a. A pawilo thil dik ka ti tih ka hria, tiin amah leh amah chu a inhnem leh hnuhnawh a.

Mark a alo luh chuan nuam ti chiah lo hian alo melh zauhva," Lo in rawh hei,"

"Ka lawm e.....,"

Ngawi reng chuan an thil in tur chu an in a, Julie i chuan hreawm a tih deuh hlek avang chuan a aw chu an thian kharh a," Mark, min hrethiam ang chu tiraw?" a ti sap a.

A chhang dawn talo emaw a tih hnu ah chuan, " Ka lo nawr lutuk che ani mahna," a ti hul hak a.

Sawi leh maitur a hriat loh avang chuan, "Aa.....kan haw dawn tawh em?"

"In zo ila kan haw dawn nia,"

An insiam fel hnu chuan inlam pan chuan an haw ta nghala. Kalkawng ah pawh chuan sawitur an hrelo dun hle a. A chang2 a an inbiak bak chu ngawih an chuh ve2 niber hian alang a. Julie i te in kawi peng an thlen chuan Mark a chu a ding ta a. Muangchanga chhukin motor kawngkhar chu a khar a," Mangtha le, Mark," a ti zawi sap a.

"Nangpawh le....," tih chiahin a chhang a.

Lehkha a zir zawh a, khuma a mu chu, vawiina an hun hman dan kha a hrechhuak leh uarh2 a. Mark a ati beidawng chu mawl te a inti leh hnuhnawh a, a be leh duh angem le? Lo phal ve maitur kha ania, mahse phal ta sela? A rilru chuan kiltin kiltang a ngaihtuahin a hawl kual a, a rizawi a inkhuh thak pah chuan, mu phawt ang a ti ta a.

A tuk nileng chuan Mark a hmel chu a hmu ta miah lova, arawn phone hek lova. A haw ta em niang tiin a rukin Hotel register bu chu a en ru ta nge2 a mahse Hotel chu alo la chhuhsan lo tih a hmu ta a. Chuti si, a la thinrim ani chiang mai! A be hmasa dawn em niang? Mahse nghak phawt ang tiin a inti pakhauh a.

Haw tura a insiam laite chuan a phone chu arawn rik mai beisei hian a en chhena, mahse rik zai reng a rel silo. Beidawng lunghnur tak chuan haw turin an Hotel chu a chhuahsan ta a. Julie i chu kalkawnga lunghnur taka a kal lai chuan motor pakhat hi chak tak hian arawn tlan ta pur2 a, Julie i chuan kalsawn lo chun alo en tawp a. Arawn su dawn chiang ta tia a ngaihtuah laitak chuan, kut tha chak tak hian a rawn man lawp a, kawng sirah chuan an lum phei dun ta hawl2 a. A hlau lutuk chu a mit pawh a meng ngam lawk lova, mahse amah chhanchhuak tu chu tunge tih hriat ngei a duh avang chuan zawimuang hian a meng ta riai2 a. "Mark......,"

"I a deuh ami Julie? I thi trep anih kha!" alo ti hlur a.

"Mahse engtin nge.....ih....min rawn chhanchhuak ani...," a ti niah2 a.

"Rawn kal lo ila chu.......engvanga kalsawn ve mai lo nge inih a?" a ti leh khur2 a.

"Nerve thalo ka neia, ka ke kha a aikhirh alawm....," zawi sap hian a ti a.

"Anih chuan tunah enge i an, tiin a ke chu a ensak thuai2 a,"

"Ka tha in ka hria.....,"

Mark a chuan a kuah vawng2 a,"Min ti hlauthawng alawm.....fimkhur viau tawh ang che....," kuah nghet sauh2 pah chuan a ti a.

Muangchang hian Mark a hmel entur chuan a hawi cho da2 a, zawi sap hian,"Ka chungah i thinrim tawh lo ami?" a ti sap a.

"Oh, Julie! Ka thinrim alawm....mahse i chungah nilo, keimah chungah zawk hian alawm ka thinrim," dam dap hian a ti ta a.

"Mark, ka lo hlauthawng hman asin....ka chan ta che niin ka lo hre hman a.....,"

"Ka awmdam avang khan min ngaidam dawn nia...,"kaitho pah chuan a ti a.

Kut insuih rial chuan Julie i te inlam pan chuan an kal dun hnalh2 a, "I chhungte chu min inhmelhraittir tawh la," a ti dam duai a.

"Ka chak khawp mai mahse, exam te hi ka zawh ve phawt loh chuan, min lo hrethiam rih mai la....,"

"Ka awmrei thei dawn lova, ka hna ka zofel a ni deuh mai tawh a. A theih phei chuan naktuk zanah hian ka thlawk haw leh tawh dawn sia....," a ti ril ruih a.

"Engtik ah nge ilo kal leh theih ang?" alo ti thuai a.

"Lo kal leh vat chu ka tum anga mahse a hun erawh ka sawi theilo....,"

Julie i chu a ngawi deuh vang2 a,"Ka ngai ngawt ang che," a ti chuai raih a.

Julie i te in an thlen trep tawh avang chuan an ding khawmuang lehrih a,"Kei deuh hian alawm ngai dawn che, nitin ka rawn be dawn che nia....ka lokal leh hunah chuan i chhungte chu hmuh ve ngei ka duh tawh dawn ania,"

"Awle.....,"

Mark a chuan a kuah leh vawng2 a, a hmuiah chuan a fawp leh zawka an in mangtha ta a. Julie i an in kawt a thlen thleng chuan a thlir renga, ani pawh chuan kawngka a hawn hma chuan hawi let leh a en, a ban a vai zauhva, a luhsan ta nghal a.

A tukah chuan Mark a chu a haw ta ngei a, Julie i chuan ruak huai hian a inhria a. Mark a lo chu a rilru ah chuan thildang a awm meuh lo ani. Ni te chu rei sawt hle hian a hria a, a engtih mah chu a phur sarh lo ani ber mai. Hetiang em2 hian mihring hi alo lunglen theih ang tih a lo ring ngailo a ni. A nu dinhmun pawh a ngaihtuah chhuah phah hial a, a pa kha sual hle mahse hmangaih taka a neih ani miau si a, a ruk tak hi chuan a ngai ve hle thinin a ring ta hial a. A pa lah chuan amah chiah a inhmangaih thung a, chuvanga tlanbosan pawh ani reng a ni.

Kar lovah Julie i final exam hun pawh alo thleng ve ta reng maia. Lehkha chu a theih anga ngawrh chuan a zir na in, a rilru kil khatah chuan Mark a chu a riak reng thung a. A hawn atang khan zantin ala rawn be ziah a, a ngai ve hle ni pawhin Julie i chuan a hria a. Mahse exam a hnaih tawh avangin rawn tibuai tawh rih lo turin Mark a chuan a intiam a, message hian tha taka zir turin a rawn fuih ziah thung a. A message arawn thlen tawh hi chuan Julie i pawh a hlim thei hle a, lehkha zir pawh kal phah sawt te hian a hre hial thin.

A nu pawhin a fanu exam tur chu a theih ang leh thiam ang tawkin a fuihin a enkawl ve a. A exam chhungtur chu Julie i chuan chawlh a la a, a nu pawh chuan a fanu chu pass ngei se a duh bawk nen, in a awma Julie i mamawh lo tihsak a duh avang chuan, a dawr nghahna nu hnenah chuan chawlh a dil ve ta nge2 a. Dawr neitunu chuan phal takin chawlh a pe a, Julie i exam chhung chu a mamawh tur zawng2 tia buaiin a bulah chuan a awm reng a.

Exam a zova, a hna pangngai chu a tan leh nghal a. Thla tam tak a liam hnu pawh chuan Mark a chu arawn zinleh ta hauh lova. Phone pawh a dawng khat tial2 bawk a, a chhan a zawh lahin an buai thu bak arawn sawi ngai lova. Julie i ngaih chu a tha lo viau tawh a ni. Ngaihzawng dang a nei em niang? Nupui a nei ta nge ni ang? A mutpui duhloh vang khan a mutpui theih hnenah a rilru a pe ta em niang? Zawhna hi a tluak tereuhte ah chuan a rawn lut leh zut2 thin a, mahse a chhanna diktak erawh a hre hauh lo thung. Zankhat a mutur chu a phone a rawn vibrate ta tlat mai, rang tak hian a la a,"Mark a ti nghal vat a...,"

"Julie, naktuk ah ka rawn zin dawn ania. Hetianga kar hla a awm hi ka peih tawh lo, i nu kha hmuh ngei2 ka duh tawh ania....," Mark a chuan arawn ti ta mai.

"Maw....mahse ka nu bulah chuan enge sawi i tuma chutianga hmuh i duhna chhan chu enge?" a ti hau a.

"Min nei tawh mai rawh, Julie. Tianga inbiak ringawt hi ka duh tawh lo," a ti ril ruih a.

"Pasal neih maw? Mahse.....,"

"Mahse ti suh....khawngaihin aw ti mai rawh! Hetianga awm reng hi ka thei tawh lo a ni....," tiin a thaw hawk a.

"Ka.....pasal neitur em chuan ka la hman lo ani, Mark! Ka chhungte hi ka chawm an ngai alawm, pasal ka neih ten engtinnge an awm ang?"

"Ka chawmpui vek ang che....aw ti chiahin min chhang la a dik vek ani mai," alo ti nghet churh a.

A thil hriatte chu mak a ti lutuka sawi maitur pawh a hre tawh lo. A nu leh a naute chu pasal han neihsan thei niin a inhre lova, mahse Mark an a chawmpui dawn tak2 anih chuan a ko a zangsawt dawn tihna ani thei mai angem? Mahse a nu hian amah ah beiseina sang tak alo nei sia, chutia pasal a neihsan daih chuan a nu rilru tur chu an dawn a....a rilru chu a buai hle a ni.

"Min chhang ta che, tinge i ngawih reng a?" lehlama tiri a hriat chuan a harh chhuak zawk a.

"Ka hre lo le....ka lo in ngaihtuah ve phawt ange," a ti ta a.

"Awle....ka rawn thlen hunah i chhanna chu min hrilh dawn nia. Mangtha phawt le...," tiin phone chu a dah ta daih a.

Mut mai chu a har ta talh mai, pasal neih lam chu alo la suangtuah ngai hauh loh ani si a. A nu in tlumte thlirin alo thlir ve leh a innghahna ber ani tih lah chu a hrechiang em2 a,chutih rual2 chuan Mark a chu chan a duh bawk silo. Thlan tla hauh lo chuan lum ati em2 a, thil tam tak chu a ngaihtuah kual ve mahse engmah a ngaihtuah chhuak lo thung.

A tuk tlaiah chuan Mark a chu arawn thleng ta ngei a. A message rawn thawn ah chuan, Ka room ah i ban veleh lo chho mai ta che, sawitur pawimawh ka nei a, arawn ti a. Mikhual room ah chuan a kal thei ngei alawm a chhan chu a duty ania, enge an mamawh leh duh kha a ngaihsak kual tur ani ngei bawk. Mahse midangin an hriat chhuah vaih chuan a hna pawh a chan thei a ni, a hna hi chan ta sela, a chhungte engtin nge an awm tak ang? Mahse kal lo thei niin a inhre bawk silo...

Lift ah chuan a lut a, Mark a room lam chu a pan ta nge2 a. Mi in an hmuh a hlauh em avang chuan, kawngka pawh kik lo chuan a lut tlang nghal a. Mark a chu a inbual zo chiah tih hriat zet hian towel a khup thleng chiah veng hian bathroom kawngkhar bulah chuan alo ding tau a.

"Min ti phu alawm, Julie.....," a lo ti a.

"Nia, ka hria alawm. Mahse midangin min hmuh ka hlau sia, ka tihpalh," nuam ti chiah lo chuan a ti a.

Julie i dinna lam pan chuan a kal pheia," A pawi love...ka phu deuh mai ania. Lokal hnai teh, ka ngaihzia che hi i hria em?" tih leh kuah chu a rual nghal a.

Mark a taksa ruak deuh kang a hmuh chuan a thaw a chham lo chauhva. A pian fuh lutuk te, a awm hmul a dul tawp lama zuih thla chap te, a taksa pengtin chu a hrisel ani tih hriat em2 te chuan a thawk an ti buai takzet a ni. Mark a chu a kuah let ve thuaia, a ngai em bawk alawm, kuah let lo thei ani lo.

Inkuah ringawt chu an duhtawk reilo khawp mai, an in fawp ta tawn2 a. Chupawh chu an la duhtawk chuang lo, a keih hian an in keih hi ani hrim a. Khum lamah chuan zawi2 in Mark a chuan fawp reng pah chuan a phei pui a, khumah chuan a muttir ta a. A duham tulh2 hi ani ber a, fawp reng pah chuan Julie i taksa pengtin chu a chul kual dan2 a bawk a.

Julie i nuam ti chu alo thaw halh2 a, a rem lai2 ah chuan a thiam ang2 chuan alo chul let ve bawk a. Mark an a kawr a phelhsak pawh chuan lo dan tumna a nei hauh lova, a hma ang khan Mark a chu a ti lungawi lo leh ang tih chu a hlau ani ber hian a inhria a. Tisa chakna sosang tak karah chuan an in chulin an in fawp mawlh2 a, Mark an a pawnfen a hlim chhohlai pawh chu a hre mumal lova. A kekawrte chhana a hmeichhiatna a rawn chulsak takah phei chuan nuam tiin alo er ngawng2 a, nuam a tih em avang chuan awrawl chu a chhauh lo chauh tawh hi a ni ber a. A kekawrte a pawhthlak sak hnu pawha engmah a sawi tak lovah chuan Mark a chu a chawl ta dat a, Julie i mit taka en pah chuan," I phal em?" a ti sup a. A aw ah chuan tisa chakna in nasa takin a tuam tih chu a hai theih mawlh lova, a mipatna kawng urh chuan Julie i chu a rem lai2 ah a nawr kual na2 pah bawk a.

A rilru chuan tilo turin a hrilh a, mahse a thluak erawh chuan, i hmangaih alawm tiin alo fuih ve thung bawk a. Mark a khawihna chuan a kang ta emaw tih maitur hian a taksa lah chu a za chhuai2 mai si a," Phal.....e...," aw khur dar2 chuan a ti ta nge2 a.

Chu velah Mark a chu lawm tak hian a nui suk a, ama thawmhnaw chu phelh pui turin a ti ta a. An phelh chhung chu a reilo hle mai. A mipatna khawng urh mai Julie in a hmuh chuan a thaw deuh hak a, a hlauthawng leh deuh hleka. Chu2 Mark a chuan lo hrethiam thuai in,"Hlau suh aw.....ka dim viau ang che," a beng bulah chuan a ti sup a.

Rei fe Mark a chuan a khal a, a fawpin a chul kual leh te te a, chutah zawimuang chuan Julie i hmeichhiatna nal deuh par tawh ah chuan a thun ta a. A lut thuk deuh hlek chu a na ta zawk a, na a tih em avang chuan a au deuh that a," A na rei lovang....," tiin Mark a chuan duat tak hian a fawp leh te te a. Chutah zawimuang chuan a dep rang ta tial2 a, nuam leh na hi a in chawhpawlh ni mai hian Julie i chuan a hria a. Mark a chu a zawh dawn hnaih takah chuan a duhthawh lehzual ni ber hian a hria a, a tawpah chuan a chungah chuan a bawk zawi ta thlawp a, Julie i pawh chuan a chau hnawk hian a inhria a.


Mark a chu a inlahrang ta thuai a," A lehpek ah chuan kha aia dim ngei kha ka tum tawh dawn nia, ka hmanhmawh mah2 tih ka hria alawm, Sweat heart," tiin a chalah chuan a fawp zauhva. Julie i erawh chuan chhan ngaihna a hre hauh lo, a inchhir tan nghal der ani tih chu a hriat chhunzawng ania, tun ai hian ala inchhir deuh2 ang tih pawh a inhria a ni.

Ngawi reng hian an mudun deuh vang2 a, Julie i chuan haw angai tawh tih chu a hre kur nain, a neih hlu ber chu a hlauh ta si a, khum atanga thawh chu a hreh em2 a. A nu hmel hmuh lah a huphurh awm bawk nen, tin Mark a ngei pawh chuan a hmusit tawh viau ang tih a ring bawk a. Rilru hreawm tak chuan Mark a hnungchhawn zawng chuan a inlet ta a, a mittui tla tur chu a khap kir sak2 a.

"I intih fai duh em?" a hnawnga rawn nul thuak2 pah chuan Mark a chuan a ti a.

Chhang lem lo chuan a lu a bu nghauh ringawt a, a tawng chuan a tap maiang tih a hlau a ni. Mark an a hnute a rawn chul tan leh takah chuan, a thlen nawn leh hlau takin a tho ta thuai a. Bathroom ah chuan rang takin a lut a a inkalh khum ta nghal hmak a. A mittui chu arawn luang ngiai2 a, dan pawh a tum hek lo. Tui chu a herh haw a, tuilum chuan a taksa a tenawm kai zawng2 tlenfai tum niawm tak chuan a theihtawpa fai in a inbual ta a. Mark a towel chu a hmansak a, bathroom atanga a chhuah chuan a thawnhnaw chu rang takin a inbel a," Ka haw tawh mai ange," a ti ta sap a.

Mark a pawh chu alo in ha fel tawhin, khumah chuan thuin Julie i chevel chu alo thlir reng ringawt a. "Ka lo thlah ang che....,"

"Keimah in haw ka zawk mai ange....,"

"Mahse....ka rawn thlah chak che alawm,"

"A tlai tawh em mai, naktuk ah kan inhmu leh zawk dawn nia,mangtha le Mark....," tih leh room kawngkhar hawn chu a rual nghal a. Hawilet leh tawh hauh lo chuan hmalam chauh enin a kal ta hmawk2 a. A thawhpui ten an lo hmufuh anih vaih chuan a bana a rei tawh si a, zawhna chi hrang2 an zawt ngei dawn tih a hriat avang chuan, Hotel hnung lama chhuahna ruk an siam lam chu a pan ta a. A vanneih a siamin tumah a hmu lova, mahse a rilru erawh a la nuam chuang hauh lo, a chhan chu an pahnih hnih khan indanna an hmang hauh lo!

Tun tama Mark a lo zin chu a buai lem lo ani ngei ang, a chhuah zawk2 bak chu hotel ah chuan a awm deuh chawt a. Julie in alo ngaihtuah ang erawh chuan a hmusit hauh lova. A rawn ngaihven em2 a, a chang phei chuan a ninawm trep thin hial a. Mahse a ho hunah engtin nge nita zel ang? Lo zin duh talo se? Rai ta sela, engtin nge a tih tak ang? Zawhna tam tak hi a rawn lut leh zut2 thin.

A naute exam result a chhuah ni chu an chhungkua an hlim dar2 hle a. An pass ve2 a, pass mai bakah an titha em2 bawk a ni. A nu chu lawm avang hian a tap leh par a, mahse a dinhmun atan chuan a ropui em bawk a ni. Julie i result pawh a chhuak har tawh dawn lova, a pass ngei theihnan a tawngtai pui ziah thin a ni. An chhungkua chuan restaurant changkang em2 lovah dinner eiturin Julie i chuan a hruaichhuak a, an mahni tawkah tudang ngai lovin an hlim tlang ve hle a ni.

Kar khat a ral leh chuan Mark a pawh an khaw lamah a thlawk haw leh ta a. Tun tum phei chu tisa lama inzawmna an neih tawh vang nge Julie i chuan a lunglen dan chu a dang zar hian a hria a. Mark a kaltur chu Airport thleng ava thlah a, kal lo tura tih mai hi a duh rum2 a, mahse thil tha ber ani bawk si lo nen, a tel lova awm chu huphurh hle mahse a insum ta tang2 ringawt a.

A nun chu a hma zawng2 aiin a ruak lehzual hian a hria a, amah nei tura a sawm leh vaih anih chuan 'Aih,' tia a chhan theih a inring tawh lo hial a ni. Mahse pasal neih lah chu a tan thil theihloh tluk niin a hre bawk si. Unau zinga upa ber ani chu a chang chuan a thinrim lek2 hial zawk a, mahse amah avanga a chhungte an thlamuan phah ve ziate an hmuh erawh chuan amah leh amah pawh chu a inchhuang ru ve hial thin thova. Mark a hi lo tawng lo ila a tha tur hi ania, a ti leh vawng2 thin.

Julie i result a chhuah ni chuan a tihdan pangngai thin ang bawkin amah kal lovin a nu chu a kaltir leh ta a, a nu hi a lucky charm a ni ve a. Mahse a nu chuan nidanga hlim taka a rawn phone vat thin ang khan arawn phone ta hauh lo mai a. A fail anih a ring ta hmiah reng bawk a, a chhan chu pass se a nu chuan arawn hrilh loh reng a ring lo a ni. In a haw pawh chu a hreh hle a, mahse a ban hun alo thlen chuan haw lo thei ani bawk silo, khawiahnge a kal chuan ang?

Muangchang hian phur lo tak leh hauh inring ran chuan kawngka chu a kik ta karh2 a. A nu ngei mai chuan ala rawn hawng zui. Nidangah chuan hmel hlim takin alo lawm thin kha ania, mahse zanin chu a hmel a tum bar thung a. Inchhungah a luh chuan alo thim khap a, light bill kan pe tha sia, thenawm te lah an eng vek sia engemaw a awmzia le a ti rilru rauh2 va. Inthlahrung tak chuan," Nu, tinge kan light hi?" a ti zawi sap a.

Chu veleh light chu arawn eng a, a naute chuan hlim taka au chul pah hian," kan lawmpui lutuk che, Julie.....," tiin tlan pah hian an rawn kuah chuk2 a.

Bangbo deuh hian Julie i chuan a nu chu a han melh a,"Julie, first ah i pass alawm.....boihte ka lawmzia hi i hre pha hauh lovang," tiin muttui nen a nu pawh chuan a kuah ve ta a.

"Ka awih theilo..... First ah ka pass....maw....?" a ti chhuak thei hram a.

A chhungte chuan," Aw.....pass chiang e....," an lo tirual thap a.

Chutah le.....hlim thawm ri va chiah chu an inchhungkhurah chuan hriat tur awmchhun chu ani ta a.

Website story link ho awlsam zawka in zawn hmuh zung zung theih nan STORY FB group siam a ni a. Whatsapp group pawh siam a ni e. Complete tawh ho zawng zawng leh story kallai kan dah vek avangin avangin in lo join theuh dawn nia..
Group link : https://www.facebook.com/groups/991354610918230/

Link:
BBcode:
HTML:
Hide post links
Show post links

Ngaia
Site Admin
Posts: 9493
Joined: April 30th, 2016, 4:07 pm

Unread post by Ngaia » May 13th, 2018, 3:16 pm

Ni chu a liam ve bek2 a, a haw tirh kha chuan Mark a chuan arawn be chamchi thin kha ania, mahse thla khat a ral hnu meuh chuan a rawn be khat tawh hle a ni.

Nikhat chu Julie i zing thangharh chu a luak a chhuak hlui a, a lu lah chu a hai chhu hian a hria a. Engemaw a awmzia le...a ti niah2 a. Khumah chuan a thu hlawl a, a luakchhuak chu reh mai tura angaih lai chuan a pum chu pump tu awm ang mai hian a rawn thawk leh ta burh2 a. Rang takin bathroom ah chuan a tlan lut a, a luak ta bawrh2 a. A luak zo chu chau tak hian chhuatah chuan a thu ta hnawk a, a chal chu a dawm vawng2 a. A ngaichang deuh vang2 a, luak tawh dawn lova a inhriat hnu chuan a intifai a, a pindan ah chuan inthlak turin a let leh ta a.

A result a chhuah hnu chuan hna dang a zawng nghal veleh char2 a, mahse ala hmuh mai loh avang chuan a hna ngai chu ala thawk tauh2 a. Mahse damlohna pawh nei lova chutia a luak ringawt chu a rilru a nuam chiah lova. A nu hnenah chuan breakfast an eilai chuan a sawichhuak trep a, mahse a lehpek a awm chuan ka sawi zawk ang tiin a ka chu a chip leh ta zawk a. Choka a thilrim engemaw ni ber chu a hnim vang2 a, a pum chuan a duh hauh lo emaw tih maitur hian a luak chu arawn chhuak leh deuh ut2 a. Mahse a nu rilru a nawmloh hlauvin," Ka puar aw nu, ka hmanhmawh bawk nen, ka kal....," tih leh choka atanga chhuah chu a rual nghal a.

An varanda a thlen chuan, thlifim hi alo thaw heuh2 a, a ding deuh vang2 a, zang ta huai hian a inhria a. Hotel pana a kal lai chuan a luak chhuah nachhan awm chu a ngaihtuah chhuak ta hlawl a, ka rai tihna em ni?? Hmana Mark a nen an inhmuhna hmun thutna awmna ah chuan a thleng chiah a, ala hma tho nen chutah chuan a thu ta hnawk a. Lo rai ta ila engtinnge ka tih tak ang le? A rilru chu a buai map2 hlemai, engpawh nise test natur lei chu a rilru chuan a ti tlu ta a. Tlaia a haw pah chuan zak chung2 chuan a intest natur chu a lei ta a, in a thlen veleh a roomah chuan a inkalh khuma, bathroom ah chuan test tur chuan a lut ta nghal a.

Minute nga hnu ah chuan a rilru a railo tura tawngtai mawlh2 pah chuan a test na chu a en leh ta a. Pathian chuan a tawngtaina chu alo chhang hauh lo mai, line pahnih hi alo phir ta taih a! "Oh, My God!" tisap pah chuan a thu hnawk a, a mittui chu a tla ta zung2 a. Engtinnge a toh tak ang? A nu lah a hrilh ngam der si lo! Tunge tanpui thei ang? Mark a chu a phone mai dawn em niang? Mahse biak pawh arawn be ngai mang tawh lo ani si a, a fa a pai thu hrilh ta sela alo awih duh angem? Naute chu paih turin a tih ngei pawh a ring nghal hmak a, mahse amah Julie i chuan paih a duh nge duh lo tur pawhin enge a duh tih ngaihtuah that phawt chu a rilruk ta zawk a.

A rai no avang chuan thil a huat zawngtak rim a hriat vaih chuan a luak a chhuak nghal ut2 zela, zaidam tak thin kha a thin a chhe hlar bawk a. A khua lah chu a duh hun2 ah arawn sik ang ser2 lehnghal a, inthup angai bawk si nen a nu hnena inpuan mai chu a duh hial tawh a. Mahse a ngam bawk silo, engtinnge ka tih ang tih chu a rilru a zawhna awmreng a chhanna a hriat siloh ani a.

Fa a neih chuan an chhungkua heti hi an la ni sia, hna a thawh theihloh phei chuan engtinnge an awm tak anga, enge an ei ang? A fa chu engtinnge a chawm tak ang? Mark a lah chu thehmeh ang maiin a reh vang2 tawh mai si a, rawn be leh mahse hrilh tumna pakhat mah a nei lo a ni. Zana a mu te hi a harh leh hlawl2 thin a, tihdan tur ngaihtuah hian a mu leh lawk thei thin lova. Engmah tak2 a ei theihloh avang chuan a cher sawt hle a, a hmel pawh a pawr deuh fap a. A nu ngaihtha lo chuan,"I nuamsam lo a ang hle mai, Julie. I damlo em ni?" tiin a zawt leh zeuh thin a.

Sawi ngam lo ta chu," Nizan ka mu tha lova, ka tha alawm ka nu," a ti mai zela. A rilru erawh chuan ka nu ka thalo hle ania, min puih hi ka ngai hlauh2 ania tiin a ngaihtuah vawng2 thin a. A pai tlang dawn emaw a titla dawn emaw pawh nise rilru a siamfel thuai2 angai tawh ani tih chu a hria a, mahse a siamfel thei bawk silo. A tihtlak dawn phei chuan thla hnih leh tlem ani tawh nen tihtlak vat2 angai tawh! Thla thum a tlin chuan tu doctor mahin an titlak sak duh dawn lo tih chu a hre ve kar bawk si, thiantha tal nei ila chu aw....a ti rilru vawng2 thin a. An retheih avangin a rualpui te an infiam mai2 laiin ani chu hnathawh a ngaia, thian a kawm hman ngailoh avangin tumah ka thian tih tur a nei lo a ni.

Zingkar vawikhat chu a pindan bathroom a alo luak barh2 lai chuan a nu chu arawn lut ta hlawl a. A nu nen an mit a intawng chiah chu a mittui chu a tla nghal zung2 a, a nu lah chuan a hrethiam vek ani tih a hmelah chuan a tilang chiang hle bawk a. "Ka nu.....," tap par chuan a ti a, engmah pawh a sawizawm thei tawh chuang lo.

"Inti fai la, i hnathawna ah chawlh dil bawk la, damdawiinah kan kal ang," tiin anu chu a chhuak leh nghal hmak a.

Engpawh anu chuan thuthlukna a siam chu a sawisel lovang, sawisel ngam tur lah ani hek lo. Tin nau chu paitlang duh viau pawh nisela, engtin nge a enkawl ang? Chuvangin a hmalam a ngaihtuah angaia, a chhungte lah chuan a enkawl na an mamawh em2 bawk. A insiam thuai2 a, Hotel lamah chuan a damlo tiin chhuanlam a siam ta a, a nu nen chuan inbe hauh lo chuan an chhuak ta a. Tu fa nge tih leh zawhna chhan nuam lo tak2 a nu in a zawt lo chu chhungril takah chuan Julie i chu a lawm hle a. A hahdam thlak hle bawkin a hria a, a ruk tak chuan a nu chungah chuan a lawm hle a.


Genesis Hospital kawtah chuan a nu chuan an chuanna motor chu a dintir ta a, ngawi rengin an chhuk a, damdawiin ah chuan an lut ta a. "Hetah hian lo thu ang che," tiin a nu chuan a kalsan nghal daih a. Tuna a biak dan tawngkam hi a hman ngai Julie i chuan a hre lova, mahse a phu tawk chiah tho mai.

Minute sawmpanga hnuah chuan a nu chu arawn let leh a,"Lokal rawh!" tih chiah arawn sawi leh a. Ngawi rengin a nu chu a zui a, room pakhat pawnah hian an ding dun a. "I hming emaw, thildang reng2 an zawh chein, a dik taka chhan kha a ngai lo ania. I nihna diktak kha thup nachang i hriat chu ka ring thova. Hetah pawnah hian ka lo nghak ang che....," a ti a.

Nurse pakhat hian kawngka chu arawn hawng a,"Lo lut rawh le," arawn ti ta a.

Ngawi rengin an inzui lut lai chu a nu chuan alo thlir reng a, kawngka a inkhar fel chiah chu a nu chu thuthlengah chuan a thu thla hnawk a, a mittui chu dan rual loh chuan a tla ta zung2 a. A fanu alo chhuan em2, nungchang tha tak anga alo ngaih kha hetiang hi alo nita si a. Mi ten an hriat vaih phei chuan a rapthlak dawn lutuk hian a hria a. A naute lek phei chuan an hriat vaih chuan an u chu an zah loh phah vek dawn si a, chuvangin Julie i thuruk chu an nufa karah chuah chuan awmtir a tum ta a

Julie i a kawr hak lai chu an thlak tira, chutah khumah chuan an mut tira, a ban pahnih leh a ke pahnih chu an rawn phuar ta a. Nurse amah hruailut tu chuan," A na dawn ania, a chhan chu kahhihna hmang turin i nu khan pawisa a nei lova, engmah kan hmang dawn lova, mahse a na rei lovang, lo tuar hram2 ang che," thlem titih hian a lu bula ding pah chuan a ti siam2 a.

Doctor chu alo lut a," In hman em?" arawn ti a.

Nurse te chuan," Yes, sir!" anlo ti vat a.

Engmah pawh sawizawm tawh lem lo chuan, Julie i ke lamah chuan bu nghauh pah chuan a kala, a kawr hak chu a hlim chho tan ta a. Julie i chu a hlauh avang chuan a maimitchhing a, a serh ah chuan eng hmanrua ber nge pawh a hrelo vawt thler hi doctor chuan arawn thun lut ta a. Na a ti lutuk chu a te chhuak lo chauh a, mahse a te ngam der silo. A kawchhung chu an hai nimai hian a hria a, a na ti lutuk chu a tal laih2 a mahse an tawn beh vek avang chuan a talchhuak thei chuang lova.

Nurse nu te khan, "A zo trep tawh ania," tiin arawn thlamuan a.

Trep ni lovin zo tawh se a ti ngawih2 a, a nat dan chu sawifiah ngaihna pawh a hrelo hial a ni. A tawp a tawpah chuan doctor chuan," A zo ta e....," a ti ta a.

Nurse chuan a serh vela thisen kai chu a hrukfai saka," Hahdam deuh la nakin deuhvah i tho chhuak dawn nia. Damdawi eitur ka rawn pe ang che, a chhawk thuai mai ang che," a ti siam2 a.

Zo tawh mahse Julie i chuan a na chu ala ngai reng hian a hria a, a reh theih pawhin a ringlo hial a. A rilru te te chuan a tu mipa mah ka mutpui tawh lovang a ti ta hial a.

Anu in alo nghah na ah chuan zawimuang in a kal chat2 a,a nat zia erawh a sawi ngam hauh lo. Damdawiin eitur te an leifel hnu chuan in lam panin an haw ta nghala. In an thlen chuan a naute chu an lo la haw lo hlauhva. A nu chuan," I tana tha tura ka ngaih ka tia, ka hrilh duh che chu, nidang reng2 ah mipa tupawh lakah fimkhur hle tawh ang che. Chuan vawiina thil thleng hi tuma hnenah engtikah mah i sawi chhuak ngaitur ani lo...," tiin choka lamah a luhsan ta a. Damdawiin a chhawk ta bawk a, na chu a hreh tawh lova, mahse a thi chu ala put reng thung a. A rilru hah rukna em2 chu lak bovin a awm ta mahse a ser erawh chuan a damchhungin a kalsan tawh ngai lovang tih a hre khiau a ni.

Ni te an ral chhoh zelah chuan Julie i nun pawh a pangngai leh tawh hle a, mahse mi zinga awm nuam a ti ngai lova, amah ah chuan inthlahrun na lian tak hi a bet emaw tih tur hi ani ber a. A thawhna Hotel chuan party lian tak an huaihawt dawn a, a chhan chu a din cham an lawm dawn a ni. Chumi zanah chuan an vaiin tel ngei2 tur ani a, Julie i leh a thawhpui te pawh chu an buai in an phur ve hlawm hle a. Mahse a nihna takah chuan a chhungril berah chuan amah chauhva a rooma awm mai2 a thlang zawk a ni, a hmelah alo tilang viau nge, a thawhpui te zinga a kawm ve deuh ber Eliana i chuan,"Julie, iva phurloh hmel ve a?"a ti ta nge2 a.

Nui lui sak pah chuan,"Phur tehreng e...kawr thar te pawh kan lei ve ang chu....," a ti liam puat a.

"Ni e, naktuk ah ban veleh bazaar turin kan kal dawn nia. Keimahni staff chauh kan ni dawn lova, hmun hrang2 atangin mikhual an lo kal hnem viau dawn tih manager in a sawilai ka hria alawm," a ti sarh2 a.

Chutiang mipui tam tak punkhawm natur ah phei chuan tel loh theih nise a ti rilru em2 a, mahse a thiannu bulah chuan," Awle....pheikhawk pawh lei ngei2 ka ngai alawm," a ti ve ta a.

A nu pawh a buai a zual ta deuhva, a chhan chu a dawr nghahna nu khan a dawr kha a nghah theih tawh loh avangin a hralh tawh a. Julie i nu chuan an pawisa dahthat tlem te chuan a lei ve tawp a, amah in dawr chu a enkawl ta a. Hlawk chu a hlawk mahse a buai in a hah ve thei em2 a ni. Mahse a rilru te2 chuan an chhungkua chuan hmalam panin hma an sawn zel ani tiin a hlim ve em2 a. Mark a pawh a reh ta hmak a, a thi nge a dam tih pawh Julie i chuan a hre tawh lova, biak tumna lah a nei hek lo. Arawn ngaihven lova, amah avangin sual rapthlak tak a tih phah avangin, rawn be leh mahse a be tawh kherin a inring lo.

Hna an thawh zawh chuan Eliana i nen chuan Bazaar lamah chuan an kal ta a, dawr hrang2 an lutin an thawmhnaw hak tur chu an enkual a. Eliana i chuan kawr var khup chena chhing, thui sexy lampang leh pheikhawk var hi a lei a. Julie i thung chuan kawr fual khup hnuai deuh thlenga fual, simple tak mahse zahawm tak sia inthui a hnawng zau lemlo tak hi a thlang a, pheikhawk erawh a dum a thlang thung a, a chhan chu a bag ken tur leh a pheikhawk chu inmil se a duh a.

An Hotel dincham party zan chuan Julie i pawh chu phur lo chung chuan a inchei ve a. A kawr chuan a pian nalh tak chu a tilang chiangin a inhmeh hle a, a sam chu a chhip ah a tumtel vek a, a biang lehlam lehlamah sin te2 pakhat ve2 in a uaithlak tira. Sitting rooma ava luh phei pawh chuan a chhungte chuan a nalh zia an lo hrilh laih2 a. Eliana i chuan," Hmm....princess te pawh i ang alawm, kal ang le....," alo ti sarh2 a.

Hlim taka hun hmang tura an in vailiam hnu chuan an thiandun chuan Eliana i car in an hotel lam pan chuan an kal ve ta a. Hotel chu an mawi takin an lo chei vek tawh a, mi pawh an tam hmel phian a. An thian duna an va luh chuan an manager chuan alo welcome thuai a, "ka naute chu in nalh hle mai," alo ti hluai a.

An thawhpui dangte dawhkan kilna lam pan chuan an kal zel a, an thutfel hnu chuan intur an rawn sem chu la in, midang ho nen chuan hlim takin a ti ti bawrh2 a. Julie i pawh chuan a rin ai takin a nuam phian in a hre ve ta hial a.

Programme an tan takah chuan stage lam en chuan an hawi chho ta thap a. An hotel nei tupa chuan thuchah tawi a sawi a, chutah party tan ani ta nghala. Julie i thawhpuite ho chu an ding ta suau a, lam tur chuan an kal ta sang2 a. Eliana i pawh alo star ruk deuh thin an thawhpui te zinga mi Reuben a chuan lam turin arawn sawm a, inthiam chiah lo chuan," Nangmah a lo awm i hreh em, Julie?" a ti a.

"oh, teuhlo mai, va lam ru, ka lo thlir ang che u... ," nui var2 pah chuan a ti a.

Amah chauhva a awm tak hnu chuan intur an rawn sem chu a ban a, a in vel ta mai2 a. Lam ho chu a thlir a, a thiannu hlim taka a nui har2 chu ava hmu theia, a lawmpui hle a ni, a chhan chu Reuben a hi a duhna a rei ve thawkhat tawh bawk a, hlim taka an awmdun hmuh chu alo hlim ve em2 ringawt a. Chutai a hawi kual vel mai2 lai chuan a hnunglam atang chuan," Ka lo thu ve thei angem?"tiri hi a hre ta a. Chu aw chu a hriat fo tawh thin a ni a,chuan Mark a aw ani chiang hle bawk.

A thut khawngreng lai chuan, a bulah chuan Mark a chu a rawn thu thla ta a," Kan inhmuh lohna a rei tawh hle mai, Julie. Ilo dam tha maw?" nui sawng pah chuan arawn ti a.

"Um....aw...ka tha e...," a ti thei hram a. Hepa hi hmuh a duh tawh hauh lo, a chunga a thiltih leh amah avanga a thil paltlang te a ngaihtuah phei chuan a ten hlauh2 hi ani ber tawh.

"I nalh hle mai, min lampui ve dawn lawm ni?" ala ti ham2 zui a.

"Ka lam lo zawk ange," a ti chang ta fak a.

"Zanin angah te chuan kan lam dun ang chu ka lo ti asin," nui reng pah chuan ala ti hram a.

Tho pah chuan, "Min lo hrethiam la,"

"Khawnge kal i tum a, Julie? Min ngai ve hauh lo ani maw?" arawn tih phei chuan,Julie i chuan a hmaia ben sawk chu a duh ut2 tawh a. Mahse an mualpho dawn mai bakah a hna hial a chan theih dawn avangin a insum hram2 a," Kan lam dun loh a that zawk ka ring," a ti leh nghat a, a kalsan ta a.

Hotel hnung lamah chuan mi an awm vak dawn lo tih hria in a kal ta a. Mark a a hmuh leh mai bakah khati taka a rawn basa ngam mai kha a rilru a na in a zak ngawih2 a. Hmuh leh a duh tawh lo mahse hotel a a thawh chhung chu hmuh fo ala ngai lovang tih lah a sawi thei hek lo. A rilru na lutuk chu a thutna awmah chuan a thu thla hnawk a, a mittui chu dan pawh tum lo chuan a luan tir ta ngiai2 a. Thil vawikhat lek alo tihdik loh khan a nun pumpui chu a chawk buai mek ani si a, a hma a awlsam taka a mutpui theih ang khan mutpui leh mai theih a in beisei ani tih chu arawn chet dan atang khan a lang reng a ni.

"Hetah hian ilo awm ani maw? Min va biruk san tihna ani maw?"

Engtinnge Mark a chuan ala rawn zawn hmuh theih cheu cu a hre pha hauh lo, tuna an awmna hmunah phei hi chuan mi an kal zen2 ngai si lova, khawih tumin tibuai mahse tumah a au ei zo lovang tih lah a hre chiang hle maia, bakah inchhungah chuan music a rin em avangin engang pawn au sela hriat ngaihna pawh a awm lo a ni.

"Engvanga min zawng nge i nih? Ka bul hnaiah hian rawn kal hauh suh ang che," a ti hlar a.

"Ka ngai che asin, Julie," tiin arawn bawh titih ta mai a.

"Min khawih hlek suh, ka au vak ani mai," mangang taka hawi ruai pah chuan a ti a.

A nui ta vak2 a,"Au rawh i duh chen2 au rawh....," Julie i chu a kuah bet ta a, fawh tumin tan a la tan nghal bawk a. A thaw ah chuan zu rim a nuam huam2 a, Julie i chuan, "Mark, min thlah rawh!" tiin a theihtawp chuan namsawn a tum ve tang2 a.

Aw thum deuh bul hian,"Mipa i nih chuan hmeichhia kha thlah rawh!" arawn ti ta a.

Mark a chu a tawp chawt a, aw lo chhuahna lamah chuan an pahnih chuan an hawi rual thawt a. Mahse Julie i chu ala thlah chuang lova, pawr tak hian," Tunge maw i nih le? I rawn sawi ve tur a awm hauh lo ania," a ti let chhar2 a.

"Hmeichhe kha thlah la ani mai," arawn ti fiak ta thak a.

"Thlawk bo la i tan a tha zawk ang!"

"Chuti maw?" tih leh Mark a hmaia hnek bur chu chupa chuan a rual ta nghal a. Leiah chuan a tlu thal thawk a, thawhleh pawh a tum lo anih hmel. Nge a chatthla zui nghal pawh Julie i chuan a hre lo! A coat haklai chu phelhin Julie i darah chupa chuan arawn bat a,"A tina che em?" a ti ril ruih a.

"Aih na hman love, ka lawm e....ka lawm lutuk....," hnuailam bih ngar pah chuan a ti sap a.

"Engmah anih loh kha. Khawi laiah nge in in a awm, ka va thlah ang che?" a ti ta a.

"Ka thiannu nena kal kan nia, ka hawsan chuan a ngaihdan ani lovang," a ti niah2 a.

"Mahse khatiang kawr tet chung chuan inchhunga luh leh chu a chi viau lovang, Miss," a ti vei fuk a.

A kawr chu a tet tih pawh alo hre hauh lova, an in dap kual chu alo ni reng chu niin." Oh, ka lo hre miah lova, taxi min kohsak la keimah in ka haw mai ang," inthlarung tak chuan a ti a.

"Lo kal mai2 teh!" tiin a banah chuan a kai a, hotel pawn lam chhuahna ah chuan a kai ta nghal a.

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni.

Hrechiang duh tan Contact : 9612099411 / 9862016122


Ngaia
Site Admin
Posts: 9493
Joined: April 30th, 2016, 4:07 pm

Unread post by Ngaia » May 13th, 2018, 3:17 pm

An in kawt thleng chu mikhual pa chuan a thlah ta a. Light alo thim vek tawh avang chuan Julie i chu a lawm rilru hle a, zawi sap hian," Engkim ah khan ka lawm em2 ania,"a ti a.

"Lut rawh le," zaidam takin alo ti thung a.

An in mangtha hnu chuan a luhsan ta a. A room a thlen chuan a han in enchianga kha mikhual pa coat kha alo la bat reng chu niin, rang takin a tlanchhuak leh nghala, mahse alo kalbo hman tawh a. Naktuk ah ka pe mai ang a ti ta ringawt a. Mahse a han ngaihtuah chianga, a hming emaw address emaw pawh a hre hauh lo mai,a lu chu a beng dat a, mawl lutuk! I tan khatiang zawng2 kha a ti a, a hming tal te chu zawt ve ta che tiin amah leh amah chu a inhau ta mawlh2 a. Engpawhnise, tiin a inthlak ta ringawt a.

A thawmhnaw tet pheng phung chu anu in a hmuh a hlauh avangin, polythene ah a thun a, almirah kil khatah chuan a thukru ta a. Mark a tihdan zawng2 chu a han ngaihtuah let a, a ngei lutuk chu a luak te hi a chhuak ut2 thei hial a. Engtinnge khatiang mihring kha alo duh theih a, a engkim alo hlan theih zawk le? Hmuh leh pawh a duh tawh lo a ni....

A tukah chuan rilru thar a nei ta a, he hotel a hian ka thawk reng tur ani lo, a tul anih chuan ram dangah pawh ka thawk mai tur alawm. Agency ka be kual anga, hei aia hna tha ka hmuh theihna ah chuan ka kal hmak ang a ti rilru ta a. Eliana i chu a tum dan a hrilh a, ani pawh chuan," ka kal ve ang i bulah chuan," alo ti var a.

Eliana i chu ka thian tih tur a neihchhun a ni a, a ni lah alo fel ve bawk nen, awmdun thei sela Julie i pawh chuan ati hle a.

Chumi ni vek chuan agency hrang2 chu Julie i chuan a be kual ta a, hnaruak an neih chuan an rawn hrilh leh tur thu tiamin an thlah tlangpui hlawm a. Eliana i chu phur tak chuan a hrilh sarh2 a," Kan vanneih chuan thawhna tur kan hmu maithei ania,"

"Kan hmu em2 ang, ka ring tlat!" tiin alo chhang ve thuai a.

Mahse chumi ni chuan khawi agency mahin an rawn phone lova, naktukah min lo phone mai ang tiin an hawtur chu an in thlah ta a.

Zana a mut hma chuan thil a ngaihtuah kual mai2 a, Eliana in nizanah khawnge a awm tih a zawt lo te kha a lawm em2 a. Chumi piah lamah chuan, amah rawn chhan tu kha tunge ni ang? A hmel leh a incheina en kha chuan mi mai2 chu anih a ring hauh lova. Hotel dincham hmang tur chauhvin alo kal anga a haw leh nghal anih a ring ta ringawt a, a coat pawh chu a sufai vek tawh nain pektur emaw thawn natur a hriat loh avangin, a dah ta tawp a. A mamawh anih chuan arawn lam mai ang chu te a ti ta ngawt a.

A tuka mikhual an room tura a hruai fel hnu chuan, room ruak chu enfel turin a kal ta a. Room hi tupawn an chhuahsan chuan, hnathawk ten an tih fai leh fai lohte en tur chuan Julie i chuan room ho chu a fang kual dan2 thin a. A list a room ruak chu a en kim deuh vek tawh a, sawisel tur a nei zeuh2 bawk a. A tawp ber enfel tur a neih entur chuan kawngka chu a hawng ta a. Mipa towel nen chauhva whiskey dawma lo teikual thauh2 chu a hmu ta thut a, chupa pawh chuan kawngka inhawng ri chu hria in arawn hawi phei ve nghal vat bawk a. Ka duh thei lo....hepa hi nizana min rawn chhan tu ngei kha a ni! Mahse he room hi ruak tawh tura ziah ani si a, a list chu an en nawn leh pawh chuan a ruak tura tih ala ni thova. Phawk hra chuan an inmelh dun a, "Oops! Ka tihpalh lutuk sir, ih....englo ania....he room hi tun ang hunah chuan ruak tawh tura ngaih ani si a...chuvang.....,"

"Ka chhuak leh dawn lo alawm, tun lawk ah khan reception ka hrilh chauhva, an la rawn hrilh hman lo che anih ngei dawn chu," nui ruh2 pah chuan a ti a.

"Oh....anih chu. Ka tihbuai che avangin min ngaidam dawn nia," hnuailam melh pah chuan a ti a.

"A pawi hleinem....i tha zel maw?" pangngai tak hian arawn ti a.

"Ka tha alawm....ih....i coat kha ka rawn dah kir dawn nia...," a ti ta a.

"A ngai chuang hleinem, mahse i tih tlat chuan a pawi chuang lova....," nui deuh suk pah chuan a ti a.

"Hun nuam deuh i hmang dawn nia, ka kalsan phawt ang che....,"

"Awle...in enkawl tha la aw....,"

A chhuah dawn a kawngka a khar hma chuan nui ri hawk chu a hre zui a, a zak lutuk chu a sen chhuak vek a. Mahse kha pa kha a hmeltha thlawt a ni tih erawh a hai hauh lo. A pian lah chu a mawii in model te pawh a ang hial hian Julie i chuan a hria a. A nuih zawnga a biangsum rawn lang kalh thin te lah chuan a ti hmeltha zual em2 bawk a. A sam chu a dum hlap a, a vun pawh ni em than tih a hriat hle bawk a, tin a mitmeng mawlh mai kha a ni nalh chu tiin kal pah chuan a ngaihtuah zui neuh2 a. Mahse i chesual zo chauhva, mipa dang chu ngaihtuah duh tawh suh, i vawikhat ngaihzawng neih avanga i tuarna kha i hre tawh nange...tiin aw sin te hian a bengah chuan arawn ti sar2 a. Hreawm tihna hian Julie i chu a khat nghal a, mipa hi ka hnaih tawh tur ani lo, tiin a inzilh nghal mawlh2 a.

Counter a thlen thlak chuan Eliana i chuan,"Enteh Julie, kan Hotel ah hian tunge thleng mek i hria em?" alo ti ruai a.

"I sawi duh chu sawi mai teh!" a ti hmak a. A chhan chu a thiannu chuan mi hausa deuh2 an Hotel a thleng hi a sawi chak zawng leh sawi nuam a tihzawng anih avangin a ning deuh hlek thin a.

"Robb Marshall a, hi i hre ve ngai em?" a ti sarh2 a.

Ngaihtuah lem lo chuan, "Hre ngai e...... ," a ti a, mahse a harh chhuak thut a," Engmaw i sawi kha?" phawk tawka a thiannu en pah chuan a ti ve ta a.

"Kha maw....ka thil sawi hi i ngai pawimawh ngai lova...," tiin a hmui chu alo tisawi zauhva.

Nui ar2 pah chuan," Ava ropui ve ani ang milian te kan hotel a arawn thleng chu....kha billionaire pa magazine a pawh a thlalak kan en tawh kha ani lawm ni i sawi mek hi?" a ti hau a.

"Ni e mawle....kan pu ber chu a inti thei leh ngawt ang chu....," alo ti hlak a.

"Awle...awle...nia a ropui em bawk alawm, ani ang mi hausa leh thil tithei alo thleng duh chu...,"

"Nupui ala neilo an ti lehnghal ania...,"

"Chu2 enge kan tana a tangkai na," nui hak2 pah chuan Julie i chuan a lo ti a.

"Theihngilh teh! Room service i tihthat hle angai ania tih ka hrilh duh mai che ania,"

"Awle....khawi room ah nge a thlen a?"

"No 566 ah,"

"Maw? Chuta tang chuan ka rawn chhuk chiah alawm," a ti ta hau a. Nizana amah rawn chhanchhuak tu kha Robb Marshall a maw lo ni a? Engtinnge a hriat loh theih zawk? Mahse ani ang mai2 chhanchhuak tura arawn kal te chu tunge ring bik ang? A thiannu chuan hre ta sela zawhna hlirin a khat nileng ani mai.

"I hmu tawh amaw? Tinge i sawi si loh?" meng phawk hra pah hian a ti a.

"Amah ani tih ka hre hleinem. Bakah a room kha ruak tawh tura tih ania, mahse alo dil belh chu niin, ka lut sual alawm,"

"A hmeltha em? Alo fel em?"

"Ngawi lawks! Zawhna kha maw i duhtawk thei ang. Ka hmeltha tihzawng ani ve lo...,"

"I mit hi dik hek lo le...," a lo ti hlar a.

Nui hawk2 pah chuan," I hmuh chak viau chuan ka room fan ai han kal la ti nia,"

"Mahse incharge ka ni si lova...," hmel ngui bar chuan a ti a.

"Awle...a kalchhuak tur te pawh hmuhtur ala awm mahna, tunah chuan hei ziahfel tur ka ngah ania...," tiin register chu a ensan ta daih a.

"I va han sual tak e aw....heta ka awmlai a alo kal loh chuan ka hmu ve top nang," a ti nang2 a.

Register a en fela, ziahfel tur te a tihzawh chuan," Hawh lunch ei ve lawk ila?" tiin a thiannu chu a nghawk zeuhva.

"Kan awmloh hlanin lokal ta se," ala ti hram a.

"Awle...tikhan lo nghak la, ka va ei mai ang," kal tum deuh anga awm pah chuan a ti a.

"Nilo....niloo...ka lokal ve ang, ka ril a tam tawh lutuk," tiin Julie i kaltur chu a zui ve ta a.

Canteen a thua thil an ei mawlh2 lai chuan, an canteen chu a phun ri hian a thum deuh hak a. Enge thil awmzia tih hriat tuma Julie i an hawi chhuak chu, Robb Marshall a ngei mai chu canteen chhungah chuan alo lut mek lai hi ava hmu ta a. Arawn hmuh hlau chuan a kun nghal hmak a, engemaw hetah te arawn tih ve dawn le? A room ah a tui2 order in a ei thei reng awmsia,tiin a ngaihtuah rauh2 a. A zawn a rawn thlen chuan arawn hriat lohnan lehlam a hawi lui daih a, Eliana i lah chu ring tawk hian alo thaw hak a.

"Julie, a rimtui inhnawih kha ilo hria em? Kha ringawt pawh khan min ti a lo chauh ania, amah phei saw chuan min han attchilh mai sela.....,"

"Ei mai2 teh. Ka kalsan i duh loh chuan," tiim alo zilh hlak a.

A thil eilai ei chhunzawm pah chuan a phun zui nauh2 a," Nang hi chu i mawl chiang alawm, sawtiang mipa pawh hmeltha tih nachang i hrelo ania,"

"Nia ka mit hi a chhe lutuk aniang," nui hak pah chuan a tihsan mai2 a.

Robb a chu an manager pakhat nen an thudun a, canteen thil arawn enfiah em niang aw, mahse ani in engatan nge arawn enfiah ang? He hotel ah te chuan mikhual mai ania, helaia tihtur a neih awm ang chu Julie i chuan a ngaihtuah chhuak zo hauh lova. A thiannu in, "Kal ila, i hmanhmawh chincheng bawk a,"a tih chuan an tho duna, canteen chu an chhuahsan ta nghal a. An counter an thlen chuan Julie i chu a thawveng huai a, mahse kha pa kha hmeltha a ti ve chiang alawm. Naktuk ah a coat kha ka pe kir ngei tur a ni, mi zingah te min dil anih vaih chuan a zahthlak dawn si a, a ti rilru nauh2 a.

A tukah chuan Robb a coat chu a pack thlapin a keng ta ngei a. Room vel enfel tura a kal kual paha pek nge tha anga, hotel reception vela a kal kual lai a hmuh huna pek chu tih a ngaihtuah a. Mahse hotel reception vela a pe anih chuan Eliana i chauh nilo midang te pawh chuan zawhtur an ngah dawn em avangin a room a dah chu tha in a hre ta zawk a.

A room zawn a thlen chuan alo in kalh thap a, a chhuak anih ngei dawn hi a ti a. Mahse a chahbi spare neih chu hmangin a lut ta thova. Dawhkan awm hmasa berah chuan hmuh awlsam turah chuan a dah ta a. Paper ah chuan,' Ka lawm e,' tih hi a ziaka a pawtthla a, coat chungah chuan a dah nghala, midangin an hmuh hlau tak chuan a chhuak ta a.

Lehlam takah chuan a tho chu a veng hawk a, a chhan chu mi thil kawl reng kha a inthiam chiah loh mai bakah a nu in a hmuh a hlau em2 bawk a. Tunlai chu a nu pawh a buai em avangin zanah pawh hian an in hmu tha hman ngai lova. Chaw eilai lahin ti ti na hun a awm ngailo nen, thu pangngai sawi phei chuan an inbe hman mang lo hi ani ber a. A naute pawh an zirlai an chhunzawm leh tawh avangin an chhungkua chu mahni buai buaiin an buai theuh hi a ni ber a. Mahse hmasawn an duh anih si chuan angai ve bawk si a.

Chutiang vel a ngaihtuah lai chuan a phone chu arawn ri ta ral2 a. Rang takin a en thuai a, agency khawi emaw ber number ani tih chu a hre mai a," Hello.... Julie i ka nia," a ti ta thuai a.

"Hna chu a ruak a, mahse London ah ania. Hlawh tur pawh a tha phian ania," hmeichhe pakhat chuan arawn ti zarh2 a.

"Awle...ka lawm lutuk e. Engtik atanga tan tur nge niang? Chuan hlawh te engzat nge ni dawn?" tiin phur tak hian a zawt a.

"Hlawh chu Dollar sangnga ania, mahse in thawh that dan a zirin bonus pawh a awm thei ang. Chuan thla thar atanga tan tur ania,"

"Leh lawks aw...eng hna ber nge ni kan thawh tur chu?"

"Office ah ania, chuan in hna ber chu in thawh tan hunah in hotu ten an hrilh ang che u...,"

"Awle...awle....ka lawm lutuk e. Ka rawn be leh thuai dawn che nia,"

Inhnuai lamah chuan hmanhmawh takin a tlan thla a, Eliana i chu a zawng nghal ruai a. Chutia a hawi kual na lamah chuan bang hi a tauh ta chawrh a. A lu chu a nat em avangin a tuai nauh2 a, mahse an enchian chuan bang alo ni awzawng lo, Robb Marshall a khawimaw lai berah emaw hian alo intuah chu niin. "Ka....ka....tihpalh Mr. Marshall...."

"Hmm....chetsual hi i tih than ve reng em ni?" alo tiril ruih a.

"Aih....ni hauh lo mai. Englo ania....ka thiannu ka zawng a...," a chal la tuai vat2 pah chuan a ti niah2 a.

Nui hawk2 pah hian," Awle....i chesual ka hmu leh vaih che anih chuan min treat i ba tawh ang," fiam deuh pah hian a ti a.

"Ka tihpalh takzet....ka kal tawh mai ange,"tiin a kalsan ta nghal a. Engemaw kha pa kher2 chu ka va hmuh lehpek chu le....ka kalna apiang ah hian alo awm ve zel tihna em ni le tiin a phun phei mawlh2 a. Eliana i chuan,"Nangmah leh nangmah i inbia ania? Mak tih hmel zet hian alo ti a.

"Nangmah vang vek! Khawnge ilo awm leh hman pek a...," a ti hlar a.

"Maw....? Hetah hian ka awm reng alawm. E nilo....manager in min tir lawk a...enge ni ta?"

"Agency khan min rawn bia a, London ah thawh natur chu a awm a," tiin a hrilhfiah ta zung2 a.

"Awle...ka duh e, mahse chu aia hlawh thatna chu ala awm angem?"

"Ka hre hauh lo mai, mahse thla thar atanga tan tur ani thova, duhleh agency dangte min rawn phone hun pawh kan la ngaichang thei alawm,"

"Ni e, thu titluk ringawt pawh kha a finthlak ber lovang, mahse Landon ah chuan Robb Marshall a pawh a awm ania,"

Meng dur deuh khap pah chuan," Ngawi mak rawh!" a ti hlak a.

"Enge ka sawi ve chak alawm, a hmeltha em ani,"

"Anih chuan ka biak sak dawn che nia,"

An manager alo kal avang chuan an thusawi lai chu an duhtawk ta a. Tihtur vel chu a rawn hrilh zung2 a, a sawi zawh chuan kal leh mai hi a tum a. Chutih lai tak chuan Eliana i lah pek chuan,"Sir, enteh vawiin khan Mr. Marshall a kha enga tan nge canteen ah khan alo kal a?" a ti ta a.

Julie i chuan a hnungah chuan alo sik a, mahse a ngawi duh chuang der si lova, a sawitur chu a sawi zo ta tho chu ania.

Manager chuan," Oh, kha2 maw...nia an company siamchhuah package food tam tak hi kan hotel ah hian kan hmang a, alo kal takah chuan enge a an hriat a duh mai ania," a ti a.

"Anih chu, mak ka lo ti mai2 ania. Ka lo hriat loh em avang anih chu, Sir," nui var2 pah hian Eliana i chuan a ti a.

Manager a kal hnu chuan," Kha i hriat hauh loh ka zarah i hriat leh phah kha i hria em?" inti thei taka hawisang vah pah chuan a ti a.

"Ka tlawm e..... Ka pi," thaw hak pah chuan Julie i chuan a lo ti a.

Chawhnu lamah chuan an buai2 in an buai leh mawp2 a, inbiak na hun pangngai pawh an nei leh tawh lem lova. Chutih karah chuan Julie i chuan a rilru te te in Robb Marshall a chu a ngaihtuah zui reng thova, enge a chhan pawh a hrelo, a nui hmel kha a chhelo em bawk a ni. Mahse mipa hlat tur tiin a infuih ru leh sauh2 a.

A tukah chuan an hna chu angai te bawkin an thiandun chuan an ta leh ta mawlh2 a. Julie i pawh room fang tur chuan a kal leh ta ngei a, Robb Marshall a room zawn a thlen chuan kawngka chu arawn inhawng ta thut a. A phu nasa lutuk chu Robb a chuan alo nuih chiam a,"Miss, ka tihlau che chu pawi ka ti hle mai,"

""Aih, engmah ani love,"

"I lehkha leh coat kha ka hmu a...,"

"I ta ania ka rawn dahkir leh ngei tur alawm,"

"Miss enteh, hman zana thilthleng kha ka sawipung dawn hauh lo ania, khatianga min hmuh hleka hlauh kha sim teh!" a ti dam dup a.

"ka hlau hauh lo che,"

"Anih chuan zanin ah dinner min eipui duh angem?

"Ka theih ka ringlo,"

"Awle...ka tibuai che a min ngaidam dawn nia," tiin a kalsan ta nghal a.

Eliana i chu nise a aw ngei ang, mahse kei atan chuan mipa hlat hi ka tihtur hmasa ber ani fo tur ani. A hmeltha alawm, mahse Mark a pawh kha dinner ei atanga engkim kha intan anih kha! Eliana i chuan hria se mawl min ti ngei ang, mahse ka mawl love, mawl pawh min ti se enge pawi? Ka chunga thilthleng tuma bula ka sawichhuah ngam ngailoh tur hi tunge hre ve chuang? Mikhual ania, a haw leh mai anga, lo hnimhnaih kha engmah sawtna a neihloh mai bakah mipa hi a awmfal pui tawh tur ani lo. Mahse dinner ei te chuan i awmfal pui ani dawn hleinem, aw sin te chuan arawn ti a. Ani tho mai, mahse dinner zawhna khan min pawngsual ta sela tiin amah leh amah chu a inhnial a. Julie tia ko ri a hriat takah chuan a lu chu a thing nawk2 a, aw lo chhuahna lam pan chuan a kal ta zawk a.

Room tifai tu pakhat hian room a thil siamthat ngaite chu a hrilh zung2 a, Julie i pawh chuan a thil chhinchhiahna ah chuan alo ziak ve zel bawk a. An zawh fel hnu chuan,"Awle manager ka lo hrilh dawn nia,"tiin inhnuai lam pan chuan a kal thla ta nghal a.

A tihtur a zawhfel meuh chuan an ban pawh alo hun veleh reng tawh a. Chau deuh hnawk hian a inhria a, nidang aiin ka thawk nasa pawh ani lova, engemaw a awmzia le...tiin a ngaihtuah rauh2 a, a chhanna chu a hre rang khawp mai, Robb Marshall a vang vek ani tiin hotel chhuahna lam pan chuan a pen ta sawk2 a.

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)
Post Reply
  • Similar Topics
    Replies
    Views
    Last post

Who is online

Users browsing this forum: No registered users and 5 guests