My Destiny (Completed)

[Ngaia]

A tuka hnathawk tura a kal chu a hmanhmawh hle a. Inthlak pawh nidang zawng aiin a inthlak rangin a hria a, counter lam pana a kal chu sut a nei leh ta!!

A rilru te te chuan, aw Lalpa khawngaih takin Robb Marshall a nilo hram rawh se, a ti mawlh2 a. A mit a chhin tlat pawh chu a meng ngam hlawl lo a ni.

"Hmm......ka warning lawk tawh che kha aw...," tiri a hriat chuan a meng lo thei talo. Aw....ka tawngtai ve mawlh2 sia engatinge hepa kher2 hi ni lehpek aa!! Ka lo fimkhur lo deuh chu ava han pawi tak em....a ti rilru vawng2 a.

"Enteh Sir, min ngaidam leh hram rawh. Englo ania ka tlai deuhva ka hmanhmawh lutuk a....," a ti bah niaih a.

"Engpawh a chhan chu ani thei alawm, Lady. Mahse i ba ve tlat tawhin i hre lo maw?" a tiril ruih thung a.

"Mahse....ka thei lovang....,"

"I thei em tih ka zawt hauh lo che in ka hria!"

"Mahse......,"

"Ngaihdam na sang ber chu maw, zanin ah dar 7 hma in Glitters ah aw.... Good luck lady," tiin a kal ta daih a.

Aw Lalpa leh! Ka kal thei lovang! Kal lo ta ila hman zan vel kha sawichhuak ta sela engtinnge ka tih tak ang? Aw.....kha pa kha mitmei rengin engtik lai pawha meng kar reng tur ka ni asin le, tiin amah leh amah chu a inhau pah a. Counter a thlen chuan, a thiante chuan hna an lo thawk mawlh2 tawh a, an buai em avang chuan a ni rilru hah nen tumah pawh chu be lovin, a tihtur list chu a en a, a hna chu a tan ve nghal mawlh2 a.

Room fanga a kal leh pawh chuan Robb a chu a hmuh leh hlauvin a hawi fimkhur hle tawh a, mahse enge a sawtna? Tihtur a hrilh vek tawh alawm, oh God!! Zanin hian meeting tur pawimawh tawk nei sela, chuan dinner chu rawn cancel sela emaw London lama a thlawh haw thut ngai sela ka va han ti tak em, tiin a ngaihtuah rauh2 va. Mahse a vannduai a siamin chutiang chu a haw dawn thlengin arawn sawi hauh lo thung.

In a thleng chu darkar khat chiah hun a nei tih a sana a bih chuan a hre nghal a. Rang takin a inbual a, a kawr hak tur chu a enkual thuak2 a. Khua a lum deuh tawh bawk a, a nipui kawrfual a vara a eng leh sena par deuh, a chawn thlenga fual chu hak a titlu ta a. Pheikhawk flat var chu a bun a, a sam chu a thlah tawp a. Make up tam vaklo a hmanga, a hmui chu a hnawih ve det bawk a. A insiam zo chu a in en vang2 a, tha mai tehse inthlak lehna hun pawh ka nei tawh chuang hleinem a ti a. Sitting room a ava luh chuan Arona chu tv enin alo nui bawk2 a, a u a hmuh chuan hmak tih hmel tak hian,"Chhuah i tum ami?" alo ti ha a.

"Aw...englo ania, kan thawhpui pakhat birthday ania ka kal ve dawn a, ka rei lovang. Ka nu pawh alo hawn hunah ilo hrilh mai dawn nia," tiin a kal chhuak ta nghala.

Glitters chu dar 7 rik hma deuh hlek chuan a thleng ta a. Robb a chu khawiahnge alo awm ang le, tia a hawi kual lai chuan," Kha hun i vawng dik hlemai," tiri a hria a,a piah a motor hngenga Robb a lo ding chu a han lehhawi chuan a hmu ta a.

"Nia, ka tlai ka ring zawk a," a ti deuh nghat a.

"Awle....i lut ang hmiang...," tiin a ban chu kuah mai theih tur hian a rawn dah hnai a.

Julie i chu a tim deuh hlek a, mahse a mawi love tiin Robb a banah chuan ava kuah ve ta nge2 a. Inchhung an lut chu pawna a landan ai mahin alo pui a. An cheidan reng2 chu a felfai thlapin, mi hausa ho kalna awm hliah2 ni hian Julie i chuan alo hria a. Reception ah chuan an manager hi alo awm a, an lut a hmu chiah chu rang tak hian an mahni lo chiau au tur chuan arawn kal nghal a.

"Mr. Marshall, in dawhkan tur chu helam ah hian aw..," tiin hma a hruai nghal zung2 a. An thut fel hnu chuan,"Enge intur in duh ang?" a ti leh nghal zat a.

"Awle....lady hian han thlang sela," tiin Julie i chu ava melh zauhva.

"A....lemonade ka lo in ange," a ti sap a.

Mitko san ak pah hian," Whisky ka lo duh ange," a ti thung a.

Manager a kal hnu chuan,"Chu zu i in ngai lo nge?" a ti vawt ruih a.

"Aw..ka ngaina lem lo,"

"Hmm....sherry pawh maw?"

"Ka la inchhin lo zawk ani,"

Mak tih hmel deuh hian arawn en zawk a, mahse a mak ti hmel chu a thup leh thuai a," Ava ropui ve...," a ti hluai a.

"Ropui pawh ani hran lo, chhan a awm a," a sawi zawh rual2 chuan a inchhir nghal a. A nihna takah chuan a pa in zu a in avanga an chhungkua an buai thinzia te, harsatna tam tak an paltlang phah te a ngaihtuah apiang hian zu hi a hua a, in ve phei chu tumna pakhat mah a nei ngailo hrim2 a ni. Mahse chu2 tumah a la hrilh ngai hauh lova, hepa bulah hian a sawi dawn hek lo.

Julie i a ngawih tak rengah chuan, "A chhan chu engpawh nise, a ril viau ka beisei," arawn ti leh nghat a.

"Ani mai ang chu,"

An intur alo thlenga, waiter a kal liam hnu chuan,"Cheers Julie," tiin Robb a chuan an no chu a khak tir karh a.

"Cheers Mr. Marshall," a lo ti ve sap a.

"Robb min tih kha a awlsam phian zawk maithei ania,"nui ruh2 pah chuan a ti a.

"Awle... Robb,"

"A ngaihthlak a nuam e,"

Waiter in dinner tur an duh a rawn zawh leh chuan," Lady hian a duh han thlang sela?" alo ti leh mai a.

Julie i lah chuan thlan tur eih hre lova, hetiang hmun changkang ah ngat phei chuan Mark an a hruai bak kha ala kal ngailo ania, a mang a ang ru takzet a,"I duh2 kha ka duh vek," a ti ta ngawt a.

"Oke...anih chuan lo thlang ila," tiin an eitur chu a sawi ta zung2 a, waiter chuan alo ziak kauh2 a. Dessert tur chu i thlang ve tawh em2 ang chu," a la ti talh a.

"Awle...strawberry ice cream kha ka lo thlang ange," a ti ve ta nge2 a.

Waiter a kal hnu chuan," I va han thlang hnem em2 ve, kan ei zo thei dawn em ni?" a ti sar2 a.

Nui hawk2 pah chuan,"I ril a tam vak nange? Kan vawikhat dinner eidun natur ania kan puar khawp chu kan ei ngei tur alawm,"

Zah avang chuan a sen deuh tan2 a,"Oh!," a ti ta ngawt a.

"Ti daih ila, saw hotel ah sawn engtia rei nge i thawh tawh?" tiin a zawt ta daih a.

"Aa...kum 4 na a kal mek,"

"Wow! Nang ang nula smart te chuan hnadang pawh i hmu teuh ang chu," a zu lem zeuh pah chuan a ti a.

"Ka la zawng lo hrim2 a," a ti ta ringawt a.

"Ram pawna thawh te hi enge i ngaihdan?"

"Ka hrelo le, a chakawm viau maithei ani,"

"Kan company hian nang anga nula smart tan chuan hna a ngah ania," amah en reng chung chuan a ti a.

"Ka hre lo le, i ti tak2 lovang," a zam em avang chuan a ti ta vel mai2 a. Hepa bulah hian eng hna mah a thawk thei lovang, a huhang hian tunah pawh a tibuaiin a ti zam chhelo chauh ania. Hna thawk tur chuan rilru leh ngaihtuahna zawng2 sen angai a, a nui hmel mawi sak leh a mitmemg pa hrak mai te hmu reng chung chuan eng hna mah a thawk lo tawp ang, tiin a ngaihtuah a.

"Lo inngaihtuah ta che, mi taima leh smart hi chu ka thawhpui chak zawng tak an nia. Hlawh pawh a chhe hauh lovang tih ka tiam a che," nui suk pah chuan a ti a.

"Englo ania, London a company pakhat ah thawh ka tum deuhva, ka ti ila ka thiannu nen," a ti ta nge2 a.

Robb an a chhan leh hma chuan an dinner tur chu alo thlenga, "Engpawh nise, a tam thei ang ber ei ang aw...hna lampang chu kan la sawi chhunzum thei alawm," a tih takah chuan Julie i chu a thaw huai a. A nihna takah chuan sawi chhunzawm tawhlo sela a duh zawk a ni. Hlawh chu a pe tha ang tih chu a hre khiau a, mahse a bula hna thawh chu a duhlo. Tum vang ni hauh lovin ngainat a awl dawn mai bakah a zuna uai pawh a awl dawn hle tih chu a hrethiam mai a. A ni tan chuan zantin nula hmeltha tak2 pian nalh bawk si, hauhsa bawk si an in line thup ngei ang tih lah hai rual ani lova. Chulai kual kawi vela lo attchilh tu nih chu a vanduai thlak hle dawn ani tih lah hai chi a ni lo.

Dinner an ei zawh chuan dessert chu an ei leh a,"Yumm...a tui khawp mai, strawberry ice cream hi keipawh in ka ngaina ve viau ania,"la eireng pah chuan Robb a chuan a ti a.

"Oh! Ani maw," tih bak sawitur pawh a hre lem lova.

A sana chu a bih zauhva," Ka thlah haw ang che," a ti a.

"A ngai lo, ka sawi awmzia chu ka haw thei alawm, zan pawh ala rei chuang lova. Dinner tui tak min khilai avangin ka lawm lutuk e," a ti sap a.

"Awle, engpawh nise i chhuak phawt ang hmiang," tiin a kai thova, counter lamah chuan an ei man pe in an ding leh zuai a, pawnah chuan an inkai chhuak ta a. Robb an a motor a dahna ah chuan an kal pheia, Julie i chu motor ah chuan lut turin a kut chuan a zaizira.

"Keimah in ka kal thei tak2," tiin lo tang ve sateh mahse, Robb a chuan," Mipa in hmeichhia dinner ei tura a hruaichhuak anih chuan him takin a dah leh tur alawm, lut rawh le," tiin a thutna tur lam kawngka chu a hawnsak ta a.

Hreh tak chung chuan a thu lut ve ta nge2 a. Zan a rei lam tawh bawka, taxi te a hmuhloh hlauh chuan ke chuan an in chu a hla ve angreng sia, tan tau ringawt pawh chu a finthlak viau lo ve bawk a ni.

"Hna chungchang kha ilo ngaihtuah dawn nia?" an tlanchhuah hnu chuan a ti leh a.

"Awle....," a ti liam satliah ringawt a. Ngaihtuah chu a ngaihtuah dawn chiang lutuk. Hna chauh ni lovin amah thleng chuan a ngaihtuah dawn tih a inhre ran, mahse a tan Robb a emaw a hna pek tur emaw chu hnaih ngam chi ani lo. Chu pa leh a nunah chaun ani tan engtik lai mahin chantur a awm ngai dawn chuan loh avangin hnaih lo law2 sela a tan a tha ani mai, tiin a infuih sauh2 va.

An inzawn an thlen chuan," Dinner avang leh min thlah avangin ka lawm e," a ti leh sap a.

"Warning ka pek che avang khan ka lawm e," alo ti ve thung a.

"Chetsual loh hram ka lo tum tawh dawn nia," sen tan2 pah chuan a ti a.

Nui hak pah chuan," Chesual leh mahla a pawi ka ti hauh lo ania," tiin a lo fiam zui hlak a.

Motor atanga a chhuk fel hnu chuan an in mangtha ta a, inchhung a luh hnu chuan Robb a motor tlanliam ri chu a hre pha a. Light ala thim loh avang chuan meng anla awm tih a hre mai a, choka lam chu a pan ta nghal a. A rin ang ngeiin a nu chu dawhkan ah alo in zam darh niaih a, thil a chhut ani tih pawh a hrethiam nghal mai a.

"Nu khawi ka lo pui ang che?" a ti nghal thuai2 a.

"I chau tawh ang, lo va mu hahdam zawk rawh, hei ka zofel ani mai," tiin alo hnial a.

Mahse Julie i chuan a nu chu a hrechiang em bawk a," Khawi vawiin chu kan hah hleinem," tiin a nu thil chhut lai chu a chhuhsak a. A nu hma ah chuan thuthmun a rem ve ta nghala, a chhut pui ta zung2 a. A rin ai daihin a nu sumdawnna thar chu a hlawk reuhva, buai pawh a nu chu a buai thei reng bawk a. Mi chhawr tur hian a ti fova mahse mi chhawr ai chuan tiin a nu chuan amah a tih ala thlang tlat thung a.

"Mi pakhat tal hi chhawr la chuan i ziaawm phah ngei2 ang?" tiin zanin pawh hian a hrilh tha leh a.

"Ni e, ka tar tan tawh a, ka tha te hi a thum tawh anih dawn hi. Ka lo ngaihtuah tha ange," a nu pawh chuan a ti ve ta nge2 a.

An tihfel meuh chuan zan dar sawmpakhat alo hnai kuarh a, mu turin an in mangtha ta a. Julie i a intih fai zawha a khuma a mut hnu chuan a mu mai thei lova, zanin a Robb a bula hun a hman ai mah khan a nu in nau alo tihtlak tir kha a lawm ta zawk a. Nau kha titla duh lovin lo pai tlang ta sela chuan, tunah te hian a dul a puar luah tawh anga, a hna lah a bansan ngei angai bawk anga, a nu ko rih turzia a ngaihtuah chuan a thaw hawk2 a. Ka nu ania ka tana tha tur zawk chu alo hre hlemai a ti rilru nauh2 a, a hriat loh hlanin alo muhil der a.

London lama an kal dawn tak2 anih chuan kar hnih chiahin a dang tawh a. Robb Marshall a pawh an khaw lam panin a haw tawh tih register atangin a hre mai a. Eliana i pawh chu kal ala duh reng tih a tawngkam atang chuan a hre thiam mai a. A nu pawh ti ti pui a tha in a hria a, zanin hian ka sawipui ang a ti rilru rauh2 va. An hotel thawhna chu a nuam lutuk mahse a hna a zahawm loh mai bakah an hah mah2 a, tin hlawh hi an hah ang em chuan an pe tha lo bawk nen, chu vang tak chuan ania thawhna sawn pawh a duhna chhan. Tin khawvel dang han hmuh a rilru leh ngaihtuahna thar han neih te pawh a chakawm in a hria a. Bakah a chhungte pawh an harsa em2 tawh lo nen, mahni a khawsak zir ve pawh a hun tawh riauvin a hre ve a ni. A nu hi chuan a phal chiah a ring lova, a chhan chu a tel lovin vawikhat mah ala awm ngailoh avangin kal lo tura a tih a ring deuh reuhva. Mahse ti ti pui phawt chu tha berin a hre tho2 va.

Mikhual an ngah avangin an buai em2 nileng a, Eliana i nen pawh mumalin vawiin chu engmah an sawi hman lova. Lunch pawh an eirual hman lova, mahni ve2 in an ei mawp2 ani ber a.

Zanah chuan a nu nen chuan a room ah an thudun ta ran a. A zam hle nain, a rilru a awm chu sawichhuah ngei a tum tlat a. A nu chu a khawngaih reng, mahse a nu bulah a awm chatuan thei dawn chuang lova, mahni ke a din a zir a ngai ve miau a ni. Hreh tak chung chuan a thiam ang tawka a nu thawng lo tur chuan a sawi tan ta nge2 a, "Nu hmun dangah hna hi hmu ta ila enge i ngaihdan ni ang?"

A ngawi vang2 a," Ka hre lo le. Hnadang i dil tihna ami?"

"Ih...aw... London ah ania,"

"Eng hna nge?"

"Office ah ania,"

"Hlawh a tha viau ami?"

"Dollar singnga ania,"

A nu chu a ngawi leh vang2 a," Ka bulah hian awm reng la tih tluka duh chu ka neilo alawm. Mahse....,"

"Nu, ka nauten lehkha an la zir ve rih si a, hna tha tak ka thawh chuan sum lakluh lamah pawh ka pui nasa thei zawk dawn che a,"

"A dik alawm, keimah ringawt chuan i naute hi ka chawm zo lo ani...,"

"Lungngai mah ta che, kan dam anga ka la thawk dawn chauh alawm," tiin a nu chu a hnem a.

"Ni e, nang hi ka fanu upa ber i nih mai bakah ka in nghahna ber i ni tih hi hre reng la,"

"Ka hria alawm, chuvang tak chuan ania hmun danga kal pawh ka duhn chhan. Hetah chuan sum a tlem si a, kan hah ve em2 tho nen,"

"A dik alawm, engtik ah nge tan tura an tih che?"

"Thla thar atang hian,"

"Eng company ah nge ni a?"

"Nova Norich Company ah ania, an company hi a thang mek zela, khawvel ah pawh an lian chho mek a, kaisan na chance pawh a tam viau ka ring,"

"Anih chu mawle....mahse ram dang daiha i awm chuan ka va ngaihtuah dawn che ve aw....,"

"Nula puitling ka ni tawh alawm. A hmaa ka tihsual ang kha chu tihnawn leh tumna pakhat mah ka nei tawh lo hrim2,"

"Ka hria alawm, mahse chuvang chuan mipa i hnaih miahlo tur tihna phei chu ani hauh lo ania aw... Mipa fel nangmah hmangaiha enkawl duhtu che ila tawng em2 ang tih ka ring,"

"Nia, kan la tawng ve mahna," nui hak pah chuan a ti a. A rin anglo taka a nu in kal a phal leh a duhna te a pawmpui sak avang chuan a hlawm rilru hle a.

"Ni e, mahse i fimkhur hle tawh anga, mitha hi chu an awm khawp ang. I kal dawn nia," a ti ta a.

Lawm avang chuan a nu chu ava kuah thlawp a, " Nu ka lawm lutuk e....ka ti beidawng hauh lovang che, ka tiam a che,"

"Ka hmangiah em2 che tih hi i hre reng dawn nia," tah aw tiau chuan a nu pawh chuan a ti a. Mangtha in a chhuahsan ta nghal a.

[Ngaia]

Zawi2 in Julie i leh Eliana i te pawh London lam kal turin an in puahchah tan mek zel a. An hotel thawhna a an pu hnenah pawh an ban na an tehlut tawh a. An phur dun ve hle a, chutih rual2 chuan an la kal ngai lohna hmuna kaltur an nih avangin huphurhna lai pawh an nei ve bawk a. Mahse puitling an ni tawh a, hmalam hun tha zawk an duhve anih chuan ke pen angai ani tih chu an thupui ani ve ang lawi a.

Julie i nu pawh chuan an kal nitur a hnaih zel avang chuan a rilru chhungril tak chuan a huphurh em2 a, mahse a fanu rilru chu a tihhnual a hlauh avang leh an chhungkaw tana tha tur zawk anih avangin a hreawm tihna pawh chu a thup ve hram2 a. Aron a leh Samuel a thung chu an phur em2 a, a chhan chu an u chu an chhuan mai bakah London a kal thei leh hna thawk thei unau nu an neih dawn avang chuan ni ber hian Julie i chuan a hria a.

An tlawhna tur ticket te pawh an la fel vek tawh a, thawmhnaw a neihloh em avang chuan nikhat chu thawmhnaw tlem a zawng tlawm te te leiin a hun a hmang ve a, mahse a lei tam ngam lo, a chhan chu sum a renloh chuan hna hmu ngawt mahse an thleng anga mamawh hlirin an la khat dawn chauh tih a hriat ve kar avang chuan a mamawh chin chiah2 chu a lei hram a.

An kal hma zan chuan Elaina i chu Mrs. Rothschild i chuan chaw ei turin a sawm ve a. Hlim takin Julie i te inah chuan inthlahna chawhlui an kilza hlawm a. A nihna takah chuan an thian dun rilru ah chuan kal chakna leh chak lohna chu a in tluk reng hi ani deuh ber a.

An kal ni tur alo thlen chuan, Airport thleng an chhungte chuan an rawn thlah a. Mittui nen an in then ta nge2 a. Thlawhna ah chuan an thutfel hnu reilote ah chuan an thlawhchhuak chu ani ta der a. An pahnih chuan thlawhna an vawikhat chuanna ani ve2 a, ruih an hlauh em avangin tawng pawh an tawng tha ngam lova. Julie i chuan a hlauh em avang chuan, a thutna ban chu a hmer ngawt2 a, thlawhna in speed an lak a an thlawk chak chiah phei chu a au chhuak lo chauhva. A mit pawh meng ngam lovin, an thutna ban a vawn tlawk2 lai chuan,"Lady, ka ban hmer kha i duhtawk thei angem?" ti vawt ruih ri hi a hre ta a.

Rang takin a meng chhuaka, an bula thupa hmel pawh en lem lo chuan a ban dahna chu a en nghal chat a, a hmerna ni ngei tur hi chu pa ban chu alo sen tul maia, a zak lutuk chuan a heh chu a pet fan2 a, rang taka a kut la nghal pah chuan," Ka tihpalh lutuk! I.....i ban ani tih ka lo hre miah lova," a ti ta niah2 a.

Chupa chuan a hnar a phit dut a, engtinmah chuan a chhang zui tawh lem lova. Julie i chuan a rilru te te chuan, chapo lutuk mai, mi kan vawikhat chuanna ania kan hlau ve em2 a, ka tihpalh pawh ka ti reng sia,tiin a phun ru hlak a.

Air hostess in intur arawn sem chuan, Eliana i chu a kil bera a thut avangin coke chu laksakin a pe phawt a, ama ta tur a la tur chiah chu a baw leh ta tlat mai, chupa hmel pawh la en chuang lo chuan"Awii....lehh! A pawi ka ti lutuk, khawi ka lo hruk ang che....," a ti nghal chul a.

"Chetsual hi chu i inhmeh ve hrim2 alawm," arawn tihleh tak khauh ah chuan chupa aw chu a hriat hnu ni tlatin a hre ta a, a hmel en tur chuan a insiamrem ta nghal a. Chupa hmel an hmu chiah chu a ka hau va.....," Maw? Nangmah maw?" mak ti lutuk hian a en ta reng a.

Eliana i pawh chuan a mit arawn phei ve ta thuai a," Mr. Robb Marshall a maw?" arawn tive sap bawk a.

A nihna takah chuan an thiandun chuan an hlauh em avangin an inbe tha ngamlo mai pawh ni lovin an mit pawh an mengtha ngam lo ani a. Tin an bulah chuan Robb Marshall a a thu ang tih lah an ring pha hauh lo lehnghal. Tin amah Robb a lah chuan a hma zawng2 khan hmui tuamna a hmai chanve deuhthaw a hman avang khan a hmel chu hmu ta tehreng pawh nisela an hre kherlo maithei a ni. Tuna an hriat nachhan pawh coke a indawn avangin a hmai tuamna a phelh vang chauh a ni.

"Yes! Keimah ka ni e...," khi suk pah chuan a ti a.

"Mahse engvangin hetah i thut a?" Julie i chuan a ti leh hau a.

"Nia,hmanhmawh taka London thlen ka ngaih avangin ka seat hmuh ang2 ah ka kal ta mai anih hi,"

"I kekawr ka tih huh sak si che a, khawi ka lo hruk sak ang che, a val loh hram ka beisei,"

"A ngai love, val pawh nise a pawi hleinem, kekawr te chu ka ngah alawm,"

"I ngah ngawt ang nia," ngaihsan hmel deuh hian Eliana i chuan alo ti a.

"Ka tihpalh takzet ani, kan thlen hunah ka sukfai sak thei em2 ang che...,"

"Ka ngai lovang, hahdam teh!"

Sawi leh maitur hrelo chuan Julie i chu a thu ngawi ta reng a, a intur chu a tui nge tuilo pawh hrelo chuan a lem ta vel mai2 a. Engvangin nge hepa bawk hi ka tawn leh tak? Enge a bulah hian ka chetchhiat ziah le? Hetiang ang hian ka che buai ngai pawhin ka hre si lova, tiin a ngaihtuah rauh2 va.
Bakah hetianga an bula arawn thu ve ringawt pawh hi enge a chhan niang? A ni ang mi hausa te chuan hetiang ang third class chu a lak duh pawh alo ring lova....

"Hna chu in thawk dawn ta em ni? " Robb an arawn tih takah chuan a phu zawk trep a. Ala hre reng chu mak pawh a ti hle a.

"Nia,thawh chu kan tum ve ania,"

"Chu min hnawl tihna ani maw?"

"Hnawl maw? Enge in thil sawi awmzia chu?" Eliana i chuan alo ti vat a.

"Engmah anilo," va melh nghek pah chuan Julie i chuan alo ti thuai a.

Robb a chu a nui ta hawk2 a, a nui hmel chu a chhelo thlawt a ni, a ha var rual nalh tak leh a biangsum chuan Julie i tiril chu a tikhur lo hlauh hi ani ber mai.

"Awle....sumdawng ka nia, nangni pawh sumdawng hnenah tho in thawk dawn anih hmela, kan la inhmuh zeuh2 chu beisei ang aw...," tiin an thupui chu arawn thlak ta a. Julie i chu a lawm rilru hle a, a chhan chu sawi thui deuh vaih sela chuan Eliana i chuan an thil sawi chu a hrethiam vek dawn a. Chuan ani Robb Marshall a ngaisang em2 tu chu a thinrim hle dawn bawk a ni.

"Nia, kan la in hmu mial maithei ania," Julie i pawh chuan a ti ve ta ringawt a. A rilru tak phei chuan a ring lemlo a ni, mahse Landon ang khawpui ropui ah chuan engtin nge hna an thawh a, engtin nge an kalphung nihdan a hre tlat lo a ni.

"Khawiah nge in awm dawn?" arawn tih leh tak daih ah chuan chhan vak ngaihna a hrelo hle a.

"Englo ania, kan la hre bik lova...," Eliana i chuan alo ti vat a.

"Wow! In hnathawhna tur te chuan an va ngaihsak lo che u ve...,"

"Ngaihsak lo pawh ani hran lo,flat luah kan tum ang," Eliana i bawk chuan alo tileh zung2 a. Julie i chuan ava nghawk deuh zeuhva, chutia Eliana in an awmdan tur a hrilh zung2 chu a duh lo a ni.

"Oke....a nuam viau ang chu," Robb a pawh chuan alo tive mai a.

An pathum chuan an ngawi ta thap a, kar lovah Julie i chu a lo muhil daih chu niin. An thlen lai pawh chu a hre lova, Eliana in,"Harh teh, kan thleng tawh ania," tia arawn sawi takah chuan peihlo zet hian a meng ta siar2 a.

"Mi zawng2 an chhuak zo dawn ania, tho vat rawh," a thiannu chuan alo ti leh zat2 a.

"Oke...oke...," tihleh thawh chu a rual nghala. Mahse an hawi kual chuan midang ho pawh chu an lo chhuak tan dawn vel chauh hi ania," Enge dawt i sawia?" tiin a thiannu chu ava melh nghek a.

"Ngawi mai teh, nangmah avangin Robb Marshall a rualin kan chhuah loh phah anih hi aw...," alo ti hlar a.

A thutna bul an en chuan Robb a chu alo awm thawh hauh lova, thaw huai pah hian," A kal daih chu ka lawm hlemai," a thiannu huat ah chuan an ti deuh kher a.

"Ngawi mai teh! Nangmah vang anih kha! A ni ang mipa hmeltha bula awm te chu tupawn an chak asin," an bungrua an thutna chung atanga hlang thla pah chuan ala ti hram a.

Julie i chuan," Anih chuan va umzui la, bungrua nen i hnungah ka rawn zui mai dawn che alawm," a ti ta a.

Eliana i chu arawn nuih ta har2 a," Ka tifiam anih kha, mahse ka ui tih erawh ka pha theilo ani e. A chhiatloh zia kha aw...," a ti vang2 a.

An bungrua khai pah chuan Julie i chu chhuak tur chuan a pen tan ta a," Ka tihpalh aw...lo mu lek lo tur ka nia," tiin a thiannu chu a chhaih a.

Nui hawk2 pah chuan an thiandun chuan an chhuak ve ta a. Airport a an intih fel hnu chuan an company thawhna tur lam chu an pan ta nghal a. Engpawh nise in report phawta an awmzel dantur chu la ngaihtuah atan an dah a. Awmna tur an pe theilo anih pawhin hotel a luh phawt a, chuta tanga flat luahtur zawn chu an tumdan sa hrim2 ania.

Mahse taxi a an chuan hnu chuan Julie i chuan," Thianni enteh, company hnaih ah hotel ah lut phawt ila, chuan naktuk ah kan zawm zawk anga, tha i ti ve em?" tiin ngaihtuahna thar a nei ta a.

"Ni dawn tak e, bungrua zawng2 nena, office a va luh rup kha a tihchi ber lo tlat a ni. Kan mawl e tiraw," tiin an nui dun leh bawk2 a.

Hotel chu tlai ni tlak hma deuhvin an la fel ta a. An thiandun chuan room khatah an awm a, an tihfai fel hnu chuan, pawn kea lengvak mai2 tur chuan an chhuak ta a. New York leh London boruak chu a lo danglam hle a. An khaw lama khua a lum viau tawh laiin, London ah chuan alo la vawt phian a. Mahse a hmun vel chu nawm hmel an tih mai bakah an thiandun chuan la fan kual ngei pawh an tumruh hle a. A tlai deuh takah chuan an hotel lam panin an let leh ta a.

Dinner ei hma chuan naktuk atan tiin an thawmhnaw hak tur te leh an kentur thil mamawh awm ang chu an thliar fel ta zung2 a, an inti fel thuai bawk a.

"Awle...kan zo ta e, tunah chuan hahdam takin dinner ei ila, chuan naktuk ah zing takah kan tho anga ani mai," thawveng tak hian Eliana i chuan a ti a.

"Ni e, hawh inhnuai ah chhuk ila...,"

Dinner tur chu an lam fela, an intur chah chu in pahin an ti ti ve nak2 a, dinner tur pawh alo thleng thuaia, an ril a tam tawh bawka, tui ti tak chuan an ei zung2 a an room lam pan chuan an chho leh nghal thuai a.

A tuk zinga Julie i a harh chuan dar 6 hi alo ri reng tawh a," Eliana, tho vat rawh! Kan nikhatna a kan tlai nghal chuan a chi loh viau ang aw...

Eliana i pawh chu rang takin a phit thova, an theih anga rang chuan an insiam nghal ta zung2 a. Julie i chuan a kawr leithar office a kal hmasak ber ni a hak atan a tih ngei mai chu a ha a. Coat leh pawnfen chhing tight lampang dum hi ani a, kamiz sen a ha a, pheikhawk sang vaklo sen hi a bun bawk a. Eliana i erawh chuan a pink duk lam suit a vun nena inhmeh zet hi a ha a. An sam erawh khua ala vawh deuh avangin an thlah ve2 a.

"Hawh le, breakfast ei a hun," Julie in a tih hnu chuan inhnuai lam panin an inzui thla nghal a. Theitui leh sandwich an ei a, an hnathawhna tur company lam pan chuan taxi in an kal ta nghal a. An thlenna atanga a hlat vak loh avangin an thleng thuai a. Reception ah chuan an lehkha te an hmuh a, in report natur a hrilh lam pan chuan lift chuan an chho leh nghal vang2 a. Room no 206 an thlen chuan, nu valai sam tawi, hmai pian fel thlap leh smart taka in chei hian zei takin alo chhawn thuai a.

"Enge ka tihsak theih ang che u?" alo ti var a.

An lehkha chu an hmuh a, chu nu chuan," Awle....sawlaia thutna ah sawn lo thu lawk ta che u," a ti ta a.

An kalna floor chu Julie i chuan an enchianga, alo pui hle ani tih chu a hmu ve chauhva. Banga an thlir tar te, chhuat marble atana an hman te, light reng2 te leh wall paper te chu a changkang hlawm em2 a, a man pawh a to viau ang tih chu mi mawl ber ta pawh a hriat hliah2 a, an pu ber room anih ngei a ring nghal mai a.

An mahni lo chhawntu khan," In lut thei ang," arawn ti ta a. Kawngka a kawhhmuh na lamah chuan an pahnih chuan an kal ta nghal a. Kawngka luchungah chuan eng hming mah hi a intar loh avangin tunge an hmuh dawn tih chu an hre hauh lova. Inchhunga an han luh chuan alo ropui hle a, Julie i chuan a rilru te te chuan kan in pumpui tiat lawih alawm le...a ti hial a.

An hmuh tur pa chuan tukverh lam a hawi a, a dawhkan te lah chu a lian em2 mai lehnghal a, thingtha chia siam tih lah chu hai chi rual ani lova. Mipa room tih hriat tak hian a room rawng pawh chu a pa hliah2 a, mikhual thutna tur te chu a awm thlap mai bakah, room dang pawh a awm tih chu Julie i chuan a hmu thiam nghal mai a. Chupa chuan an lut tawh tih a hrelo nge, an lam chu ala rawn hawi hauh lova, Julie i chuan Eliana i chu a nghawk zeuhva, a hmui phun chuan," Be rawh!," a ti a.

Eliana i chuan a hrawk chu an thian kharh a," Good morning sir, joining report pe turin kan rawn kal a...," a ti ta a.

"Hmm....," tiin an lam chu zawimuang hian arawn hawi ta a.

Mak an tih em avang chuan an au chhuak lo chauhva," Nangmah maw?" anti rual that a.

Nui vur2 pah hian," Yes ladies! Glitters pawh hi ka company tho ani e... Ka lo lawm a che u," a ti thawp ta sat a.

A ruk chuan Julie i chuan thawk ala vang2 a,"Chuti chu hna chu min pe leh dawn lo ani maw?" a ti zuai raih a.

"Ka pek dawn leh dawnloh che u lam ka sawi hauh lo, Miss," a ti nghet churh a.

"Mahse, i company a thawk tura min sawm khan, ih....hmun dangah kan thawk dawn ka ti sia...," a ti niah2 a.

"Mahse, khatah pawh khan ka company ah tho in thawk dawn tih ka hre tawh tho a lawm. Mahse in hna hmuh chu ka cancell sak chuang che u em ni?" mitko san awk pah chuan a ti a.

"Ani maw...mahse engatinge i sawi ve mai lohva?" dem lek2 hian a ti a.

"Ka company ah hian thawk ula ka duh avangin ka sawm tawh che a, mahse min hnar sia. Lo sawilawk ni ila chuan inlo kal hauh awm si lova...," alo ti dam dup a.

"Maw? Chu2 ani maw thlawhna a insawi kha?" Eliana i chuan alo ti tlaikhawhnu a.

"Ni chiah e...," Robb a chuan alo ti ve mai a.

Phawk tawka Eliana i meng chu nuih suk pahin," Miss Grill nang chu i kal thei tawh ang. I thawhna tur department chu finance ah ani ang, chuan i hlawh tur chu ka P. A in alo hrilhfiah dawn che nia," a ti ta a.

Julie i chu alo hlauthawng hle a, Eliana i chu a chhawr anga ani erawh chuan alo hnial tawh avangin a chhawr duh dawn lo ni turah a ngai hmiah a.

"Miss Rothschild, nang chu ila awm rih deuh angai ang," a tih takah chuan Eliana i chu kal tura a tih tawh avang chuan a kal ta nghal a. Eliana i chhuak tur chu a enzui vawng2 a, ka haw leh vaih chuan ka nu leh ka naute rilru chu ava hreawm dawn em? Chumai bakah an khua lah a te sia, miin engtinnge an sawi kual ang tih thleng chuan alo ngaihtuah hman vek tawh a.

"Hahdam tak khan thu phawt teh, Miss Rothschild," a ti ta a.

Hahdam lemlo tak chuan Robb a hma ah chuan a thu thla ve ta a. An chhawr duh dawn nge dawn lo tih chu zawh mai a duh ut2 tawh a mahse a zawt ngam si lova.

"Ka bulah khan i thawk hreh sia engtinnge ni ta ang?" arawn ti ta a.

"Ka hreh pawh ani lo, hmun dang emaw ka tih ah khan ka lo pawm tawh avang zawk ania," tiin a pha ta ringawt a.

"Tuna post ruak chu ka P. A tur hmun chauh ani ta a. Tuna ka P. A hi a hna atangin a chawl tawh dawn a. I hna tur chu ka kalna apiang a kalve ani dawn tihna anih chu. Entirnan ram pawnah pawh zin ila ka rualin ilo kalve zel angai dawn a, i thei angem?

Duhthlan tur a nei tawh hauh lo mai, sum tamtak helai hmun kaltur hian a seng tawh a, haw leh ringawt thei lah ani hek lo. Bakah hlawh a tha dawn thova, tin zinkual chu a tan pawh a tha phian zawk ang chu, hmun hmuh zau na ani mai dawn a, hreh tak chung chuan," ka kal theih ka ring," a ti ta a.

A nihna takah chuan hepa bula awm tam loh hi a duh kha ania, a chhan chu a ngaina ani tih pawh a inhre chiang hle a. Engtinemaw ti hlek sela, a nep zawhloh vaih chuan a chantur chu a rapthlak leh hle dawn a ni. Chuvang chuan a P. A anih dawn chuan amah leh amah chu engtiklai pawhin a inveng ran tur ani ang! A tulah chauh lo chuan a hmel pawh a en ngai tur ani lovang. Hmun hrang2 ah kaldun dawn mahse enge a pawina, room khatah an thleng zel tawp nang, tiin a ngaihtuah kual ruai a.

"Awle...i pawm anih chuan, vawiin atangin Mr. Peter Madison a nen chuan hna thawhdan tur in inzirtir tan nghal anga. I thiam thuai pawh ka ring, i fing bawk a," a ti deuh kher a.

Enge fing a tih awmzia chu niang? Chutianga a fin leh finloh hre tur chuan an la inhre chiang hauh si lova. Engpawh nise hlawh a tha a, hna lah chu a hahthlak em2 dawnlo bawk a, a thawk phawt anga , a harsa a tih tak viau leh London leh an nunphung pawh chutih hunah chuan alo hrechiang ve deuh tawh anga, hna dangte pawh ala zawng zawk aniang chu.

"Awle.... Mr. Marshall,"

"Robb kha min ti tawh emaw ka tia?"

"Mahse helai ah te chuan hna ka thawk dawn a, a hma nen chuan a in ang thei nang,"

"Mahse Robb min ti la ka duh zawk alawm,"

"Awle.... Robb,"

Chumi ni chuan Mr. Peter a nen chuan a hnathawh dantur chu an inhrilhfiah tan ta nghal a. Robb a hna lo thawh nasat zia pawh a hre nghal thuai a, hausa lo chi alo ni hauh lo a ni. Bakah zantin nula a duh ang2 thing a, party na leh dinner eitur vela a kal chhuah alo rin ang kha alo ni hauh lo bawk tih pawh a hrechhuak nghal bawk a. Zanah pawh zanlai thleng2 ten hna a thawk thin alo ni a, tin party na a a kal ve pawhin a pawimawh viau chauh ah alo ni a. Dinner pawh a sumdawnna atana mi pawimawh bulah deuh chauh alo ei thin chu niin, nupui ala nei si lova, hmeichhia hi a ngaihsak hauh lo tihna emaw ni le, a ti rilru rauh2 va.

Tlaia an haw chuan an ni hmandan chu an sawidun nak2 a, tawng hun an in chanlo zawk hial a ni. An company chuan inluah tur an pe dawn bawk a, a rang lama insawn luh thuai pawh an tum bawk a. An hna ve2 ah chuan an lawm anih hmel hle a, hah mahse hlim takin dinner an eidun a, an ti ti bawrh2 bawk a.

[Ngaia]

Dah loh ai ah ka rawn dah hram. Ka type thui hman thlawt lo a ni e. Ngaidam vawi10 mai teh u. Ka buai em a ni!!





A tuka an thianduna office an kal chu an phur dun hle maia. Nizan lamah dinner an ei hnu khan an chhungte pawh an chanchin leh an hnathawh tur te an hrilh ve2 an, an phur pui hle bawk a.

Mrs. Rothschild i pawh a fanu in chutia hmundang daiaha a hnathawhna tur chu a nawm hmelzia te a sawi an hriat chuan a lawm hle a. A nihna takah chuan a kut leh ke ber Julie i ina a awmlo chu a hriat hle a mahse chung zawng2 chu hrilh a tum hauh lo thung. A fanu chu amah hlata a vawikhat awmna ani bawka a ngai hle mai bakah a awmlo tu a lang hle bawk a. Tin Aron a leh Solomon a pawn an ngai em2 bawk a, bakah an u tel lova inchhung a rauhzia chu an sawi ve chamchi nain Julie i hrilh vek chu a tul khera a hriat loh avangin, an ngai hle tih chiah a hrilh a. A nihna takah chuan a lungte pawh a chhe rum2 hial a ni, mahse a fanu rilru ti hreawm tur erawh chuan tah a tum hauh lo.

"I hna ah khan rinawm takin i thawk anga, in hotute thu te kha awih hle la. Mi rinawm leh taima chiah hi an dinchang thin tih ka hrilh fo thin che kha hre reng bawk ang che. Tin mirethei kan ni tih hi hriat reng tum bawk la, mahni thawhchhuah mil ngeia inchei te kha a pawimawh ania, bakah sum hmandan te kha i thiam em2 tho nangin, i thawhchhuah atanga khawl neih kha tun atanga i tum loh chuan mihring hi harsatna tawk thei reng kan nia, chung hunah chuan i buai palh ange, tih kha i hriat hnu ni tho mahse kan sawinawn leh duh bawk ania. Kan hmangaih em2 che tih kha hre reng la, tin lo in enkawl tha viau bawk ang che," a nu chuan arawn ti leh duah a.

"Ka nu, min lo ngaihtuah lutuk duh suh aw...i fanu ka ni tih hi hre reng la. Vawikhat chu ka tisual tawh a, mahse ka tisual nawn tawh hauh lovang ka tih tawh kha. Thildangah phei kha chuan min ngaihtuah reng2 suh, ka theih anga tha in ka hna chu ka thawk ngei ang," tiin a nu chu a thlamuan ve ngial a. Mahse a nihna takah chuan a thei angem a hre hauh lo, a chhan chu a mipa hmeltha tih em2 bulah nitin hna hun reilote hnu atangin a thawk tawh dawn a, a inveng zo lovang tih chu a hlauhber pakhat ani ve reng a ni.

Chumi ni chuan Mr. Peter a nen chuan an inzui nileng leh thak a, an buai dun em2 bawk a. Nileng chuan Robb a chu a hmu miah lova, tlem chuan a lunghnur deuh lehnghal a. An zin nasa hle dawn ani tih chu Mr. Peter a lehkha leh file dang2 atang chuan a hrethiam mai a. A hna tur chu Robb Marshall a kalna apianga zuia, a ei in tur te, a meeting hun turte, a hak tur leh hun hmandan tur thlenga alo tihfel vek zel angai dawn a ni. Mahse a harsat vak chu a ring hran lova, Mr. Peter a chu an boss mizia tlem azawng tal hriat a duh avangin hrilh turin a ti a, mahse," Inla awmdun dawn chauh alawm, i la hre bel dawn lutuk ," alo ti mai a.

"Anih leh a thinchhia em?" ala ti talh a.

Nui hauh2 pah chuan,"Sumdawng mi diktak a nia, a hna chu a hai ngailo a. A thawhrim tak2 chuan a chhiat changte pawh a awm ve bawk thin alawm,"

"Thil paihchhiat te a ching em?"

"Miss Rothschild, chutiang chu a chin pawh ka hre hauh lo, iva hlauthawng awm ve a?"

"Nia, P. A hna hi ka la thawk ngai lova, ka huphurh deuh mai ania,"

"Ani khawp ang, mahse mi tha tak ani alawm Mr. Marshall a hi,"

"Anih hram ka beisei,"

Chhunah chuan lunch ei turin an thiandun chuan an Company building atanga hla vak lovah chuan an kal a. Darkar khat hun an nei bawk a, an hmanhmawh hran lova.

"Julie enteh, ka thawhna department ah maw, chhelo tawk a awm ania," Eliana i chuan phur tawk hian a ti sarh2 a.

Nui rah2 pah chuan," I tan leh dawn ta maw?" alo ti duh lek a.

"Ohh! Tan leh loh theih ani lo alawm, Robb Marshall a te chu ka changpha dawn chuang si lova," mit siai zeuh pah chuan a tia.

"Ani tak maw? Nia a tha dang chu zawng mai ta che. Ani zawng a sang lua ani," tiin a fiam zui a.

Hlim taka infiama duhthusam sam kual paha lunch an ei zawh hnu chuan mahni hna ve2 thawk tur chuan an let leh ta nghal a. Mr. Peter an sawi a ngah tawh tehlul nen sawitur ala nei cheu chu Julie i nuih te a za hial tawh a, mahse a hna tur anih dawn avangin chiang taka a hriat ngei angai ani tih chu a inhrilh mawlh2 a. A sawi zawng2 chu hriat reng tumin a note bu ah chuan a theih ang2 alo chhinchhiah ve zel bawk a. Robb Marshall a chaw ei duh zawngte thleng chuan a zawh ngailo chuan a hre ta zel a. A thawmhnaw duhzawng te leh a zin nasatzia te chu a hre hne hlui hman hialin a inhria a.

"Awle....naktuk ah hna in zinchhuah loh changa i hna thawh thin tur lam kan sawi tan tawh dawn nia. Amah Mr. Marshall a mimal duhdan leh ngainat bik ang chu tikhan kan zo tawh e. I fing a, ila naupang bawk a, i fel hle dawnin ka hria," Julie i dara bengthak pah chuan a ti a.

"Ka theihtawp ka chhuah ang tih ka tiam a che, Mr. Peter," alo ti thuai a.

"Ka beisei a tin ka ring bawk che,"

An in mangtha hnu chuan inhnuai lama Julie i chuan a chhuksan ta a. Elaina i pawh a ban tawh ngei a ringa, a chhan chu an laklawh em avangin an bangtlai mah tawh zawk a ni.

Eliana i chu reception counter ah chuan alo nghak ran a, hlim tak chuan an haw dun ta nghal a. In an thlenga an intihfai hnu chuan hahdam taka thu in coffe an in dun a, an ni hmandan te an sawi dun liam2 a. Dinner tur te an bawl dun a, tudang mah an ngai bik lo. Tette atanga inkawma in ngaina tak ang mai hian an in ngaina in an thiandun hian an in hmangaih ani ber mai. Eliana i pawh chhungkaw khawsa thei tak atanga seilian anih loh avangin kawng tam takah an ngaihdan pawh a inmil viau va, mahse Julie i anglo takin mipa a ngaina hma in, ngaihzawng neih pawh a uar phian thung a. Dinner te an ei zawh hnu chuan, mahni room lam an pan a, mutzai an rel ta a.

Chutia chuan an hna chu kar lovah a karkhat na chu an lo thawk ve ta der a. Friday ani a, naktuk atang chuan weekend an nei ve tawh dawn a ni. Lenchhuahna hun an neih hmasak ber tur anih avangin zinga office an kal hma a breakfast an eilai atangin a tuka an tihtur chu an rel ve nasa mai a. Ban a hnai tawh a, naktuk pawh an rilru tak chuan an nghakhlel hle tawh a ni. Mahse, Julie in mak a tih deuh chu tunkar chhung hian an tan ni tih loh chu Robb Marshall a kha ala hmu leh miah lo chu ani. Mr. Peter a chu a zawt lek2 thin a, mahse mawi chiah lova a hriat avangin a insum leh mai thin a.

Phone alo kal chuan hawn alo tum mek lai ani a, phone chu la kaing," Hello Julie i ka ni e,"an ti talh2 a.

Robb a secretary kha lo niin," Mr. Marshall an a hmu duh chea?" arawn ti ta a.

Chutia a haw dawn vela arawn ko chu a ngei deuh khawp maia, office hi alo kal ngailo emaw alo tih hial tawh kha alo awm reng chu niin. A rei a hlauh avangin Eliana i chu a phone a, lo hawsan mai turin a ti ta a.

Robb Marshall a office kawngka chu a kik kauh2 a, chhunglam atang chuan," Aw.... Julie, lo lut rawh!" tiri a hriat chuan kawngka chu a hawnga a lut ta nghal a.

"Robb, min ko ami?" a ti nghal a.

"Aw....monday ah dar sawmah kan chhuak ang. Nihnih chamin kan zin dawn a, thawmhnaw i ken thiam nan Switzerland ah kan kal dawn bawk," alo ti dam dup a.

"Awle.....chuan i thawmhnaw leh mamawh tur chu i butler ka lo hrilh mai ange,"

"A dik thlap em tih i hriat theih nan, darkua ah ka inah ilo kal anga, chuan i rawn enfiah ang chu,"

Angai kher2 ami a ti hman trep a mahse," Awle...," a ti ta zawk a.

"Chuan Mr. Peter an i thiamthei in i fel viau dawn thu min hrilh a. A sawi ang ngei chu i nih pawh ka lo beisei dawn ania," a ti ril ruih a.


"Ka theihtawp ka chhuah ang ,"

"A tha e, chuan lehkha lam i tihfel tur a awm zeuh2 dawn bawk ania," amah pawh en lem lo chuan a ti leh a.

"Awle...ka mamawh tur chu ka lo keng dawn nia,"

"A tha khawp ang, i kal thei e,"

"Awle, mangtha le,"

Lift ah chuan a lut nghala, midang ho chu an ho vek tawh ani ngei ang, office chu a reh thuap mai a. Reception counter a thlen thlak chuan security duty chauh hi alo awm tawh a, Eliana i chu a haw tawh tih a hrethiam mai a. In a thlen chuan a thiannu chu alo awm hauh lova, khawiahnge maw a kal ang aw...a tih mek lai chuan phone chu a rawn ri ta ral2 a...

Phone a lak kan chuan 'Hello' pawh a tih hman hmaw chuan, Eliana i chuan," Hey, Julie. In i thleng tawh maw? Ka rawn phone thin a mahse ila thei lova,"

"Aw, ka thleng chiah, khawiahnge i awma?"

Nuam tichiah loh aw zet hian," Ih....englo ania... Ryan a kha ka hrilh che kha,ila hria em?"

Julie i chuan an ngaihtuah vang2 a, Ryan tih hming chu a hre hauh lova," Aih," a ti ta a.

"Lunch kan ei tuma ka hrilh che kha...," arawn ti hlar tawh a.

"E...aw...hria e, a hming kha i sawi si lova, ka hre mai lo alawm,"

"Awle2....hei club ah kal turin min sawm a, kan kal ta mai ania," inthiam chiahlo tih hriat reng hian a ti a.

"Mahse inthlak pawh ila inthlak ami?" alo ti hau a.

"Aw...thlak love, kan rawn haw hmat theih nan zawk ania. In ka haw a ka insiam leh chuan kan rei mai2 dawn sia. Nachina min rawn phone kha hrilh nghal che ka tum a, mahse i hmanhmawh sia...,"

"A pawi hleinem, keimahin ka am thei lutuk alawm,"

"I thinrim lo tiraw?"

"I ho em mai, ka tha alawm. Fridge a thil kan dah ho kha ka tilum anga ka ei mai dawn alawm. Hlim tak khan in hun kha hmang rawh u, min ngaihtuah angai lo ania aw...,"

"Ka lawm e, thiantha tak hi chu iva ni chiang em! Awle...ka kal angai aw...bye2," tiin phone chu a dah ta nghal daih a. Phone a dah hma chuan music thawm ring tak leh Eliana tia ko ri chu Julie i chuan a hre hman a. Nui sak pah hian phone chu a dahve nghal a, a thiannu phawi rang lutuk chu a nuih aza hial a ni.

A intihfai hnu chuan fridge a thil eitur an dah chu a tilum a, sitting room ah tv en pah chuan a ei ta a. News vel a enkual chuan Robb Marshall a Company thanduan zia fel anlo tilang mek a. Amah Robb a pawh chu a thlalak te an rawn tilang zauh2 bawk a. Hepa nen hian kar thar atang chuan nitin hun kan hmangdun tawh dawn sia! Engang tak ni ang maw? An thawhdunna chu a that ngei a beisei ve ta ringawt a.

A thil eilai a eizawh fel hnu chuan, a room lamah chuan mu hahdam turin a lut phei ta a. A ngaihtuah na chuan kil tin kil tang a hawl kual vela. Switzerland ah an kal dawn a ti maw kha? A nawm ngei pawh a beisei hle a, a chhan chu a ram kal chak ber te zinga pakhat ani miau a ni. Mahse hna thawk tura kal tur an ni a, a fan erawh chu an hman a rih lem lo thung. Mahse hmu hrim2 pawh kha a phur viau a ni, a nu te an haw hunah a hrilh anga ropui an tihleh dantur te a ngaihtuah chuan a nui varw a. Elaina i chu ala hawn loh avang chuan sana an bih zeuhva, alo tlai phian tawh lehnghal a. Tun ang hun thleng2 chu a thang alo ringlo kha ania, Ryan a nen chuan an inmil hle anih a ring ta ringawt a. A hriat loh hlanin alo muhil daih a.

A tuk zinga a thawh chuan a thiannu chu alo haw tawh leh tawh loh en turin a room kawngka chu ava hawng da2 a, Eliana i chu a khumah chuan a thawmhnaw pawh thlak lovin alo la hnawr bawrh2 a. Kawngka chu zawitein a khar a, nui sak pah chuan, i rawn thawh hunah chuan i lu a nat thu i rawn sawi ngei ka beisei a rilru te te chuan a ti rauh2 va.

Choka a pheiin coffe a insiam a, pawn balcony ah chuan nilum ai pah chuan a in ta a. Khua chu ala lum em2 lo na in, ni chhuak chu a tha hle a. Lenvah an tum kha ania, a nikhua riau dawnin a hriaa, nilum ai pawh chu a nuam reuh phian a. A duhtawk a ai hnu chuan an breakfast siam turin choka ah bawk chuan a lut phei leh ta a. A peihfel hnu chuan a rinloh deuhvin Eliana i pawh chu alo tho ta a.

"I rawn thoh peih ka lo ring lova, khatah khan sertui ka dah a, in rawh," Julie i chuan alo ti zung2 a.

"Thiannu ka lawm e. Nizan kha chu min ngaidam dawn nia," phak chual chuan a ti a.

"Ngaihdam i ngai hleinem, keimah a awm kha hreawm ka ti reng lo. In hmang nuam bawk maw?"

"Nuam chiang e....enteh Ryan a kha a fel tawp ania," phur fahran chuan a ti tan leh ta a.

"Wow! Anih ngei dawn kha, i hmelah pawh alang alawm," tiin alo fiam a.

"Ka duh in ka hria, Julie...,"

"Ka ring keipawn,"

"Engtin?"

Nui rah2 pah chuan," Office bana i zui nghal theih avang khan,"

"Nia...tiro...," nuam ti chiah lo hian Eliana i chuan a ti chuai raih a. " Mahse maw, a bula awm kha a nuam em alawm, ka la inhmelhriattir dawn che u nia," a ti leh sarh2 a.

"Awle...i phal phawt chuan le. Mahse monday ah Switzerland lam panin nihnih cham turin kan zin dawn a, Robb a nen. Chuta tanga ka lo hawn hunah chuan aw,"

"Awle....ava nuam dawn bik ve. Ka thik deuh che in ka hria," mengkual ralh pah chuan a ti a.

"Thik maw? Engvangin?"

"Aw...a bulah i awm reng thei tawh bik dawn sia,"

"Ngawi mai2 teh, pu ber bula awm reng chu a nawm i ring thei lovang. Tihsual palh hlau reng2 a awm reng angai dawna, a hahthlak natur lam te hi ngaihtuah ve thin rawh," tiin a zilh hlak a.

"Mahse hmeltha bula awm chu a nuam tho2 alawm," ala titalh a.

"Ryan a bulah i awm reng tho alawm," tiin a mit a sei sak a.

Nui hawr2 pah chuan," Nia tiro? A fel sia...,"

"Kal chak lutuk suh aw...i tawlhthlu ang tih ka hlau ania," tiin Julie i chuan thurawn a pe a.

"I rin ang mi kha ani hauh lovang," tiin alo tan takah chuan Julie i chuan a chhang duh ta lova. A thiannu hian he Ryan a hi a duh tih pawh a sawi kher ngai lovin a hrethiam nghal mai a.

[Ngaia]

Ka buai em avangin ka regu thei lova, ngaihdam dil mai loh chu tih theih dang ka nei lehpek lo a ni e. Min lo hrethiam hram2 dawn nia, in zahawm khawp mai.






An thian duna rei tak an ti ti hnu chuan, mu turin an room lam an pan dun ta a. Julie i chu a muhil lawk thei lova. Eliana i hian Ryan a hi a duh tak2 anih chuan a tha ani mai a, mahse a duh tak2 dawn lo anih chuan hepa ah hian a hun a seng thlawn dawn tlata hriatna a nei a. A chhan ber pawh Ryan a hi mi tha tak anih a rin tlat loh vang a ni, a lerh hi a ring top ani mai vawikhat chauh chu ala hmu na in. Mahse a nun ani lova, a thiannu hian bialpa a neih veloh avangin a thik emaw te a tih palh a hlau deuh lek2 a, zanina a ngaihdan alo sawi mai pawh kha a inthiamlo leh hnuhnawh hle a, engmah sawitawh lo turin a rilru te te chuan thu a titlu ta a. Chutiang vel ngaihtuah reng chung chuan a hriat loh hlanin alo muhil ve ta nge2 a.

An thianduna lenchhuah an tum avang chuan chawlh ni mahse hma takah an thova an phur hle a. Pincic angreng deuhva lenvah an tum avangin eitur te an siam mawlh2 a, Eliana i pawh engmah lungawi lohna nei hmel a pu hauh lova, mahse Julie i chuan nuam a tih chiah lem lo.

Dar sawmah chuan an cab chah chu alo thleng a, hlim tak chuan an chhuak ve ta a. Thlalak ah chauh an lo hmuh thin London Bridge a an han ding vang2 chu nuam an ti dun hle a. Thli thaw in an sam a chhem leng heuh2 te chuan nun a ti fresh thar ngawih2 hian an hria a. Hlim taka nui hawk2 pah chuan thla te la in, an bul hnaia thil vel chu an enkual a.

Lemziakthiam tam tak chuan chu Bridge thla chu kil tinah hian an bungrua nena inpharh in anlo ziak mawlh2 a, a then in induh em2 a thu dunin an lem anlo ziahtir bawk a, Julie i chu lunglenna nasa tak hian arawn tuam ta hlawp2 a, a thiannu chuan ngaihzawng a duh em2 a nei nghal mai a, ani ve chu chhungte bul lovah a awm a, ngaihsaktu pawh nei lovin, mal ngawih2 hian a inhre hial a. Mahse Elaina in, " Kal tawh ang hmiang, hmun dang kan fang tam hman lo ange," arawn tih takah chuan nui lui hram2 in," Awle....i kal ang hmiang," tiin phur hmel tak chuan a thiannu chu a zui ve ta nghal a.

Hmun hrang2 ah an kal kuala, Julie i pawh chuan a lunglenna te dahtha in, hlim takin an hun an hmang dun ta a. Tlaia in an thlen chuan an chau hnep tawh hi ani bera, sofa ah chuan an pahnih chuan an thu hnawk a, an ngawi hle2 a.

Dinner pawh an siam peih ta lova, inbual faiin, eitur holam mai2 eiin mutzai an ral ta a. Julie i pawh a chau ve ngang aniang, a ngaihtuahna kawm kual hman lek lovin a mu ve ta nghal sak2 a.

Thawhtan zingah chuan hma takah a thova, Robb Marshall a inlam panin taxi chuan a kal ta vang2 a. Amah chu nimin khan a insiam fel vek tawh a, thawmhnaw kentur pawh a vawh dawn avangin a thlang uluk hle anih kha. Robb a chuan a chenna address a pek loh avangin Mr. Peter a ava zawt ta kha ania, driver chu address ziahna lehkha chu a pe a, an thlen huna chhuk chiah tih theih a nei tawh. A chhan chu a kalna tur kawng a hre lova, a in awmna leh a kalna tur pawh a hre hek lo, a ruk tak chuan a nuih te pawh aza zawk hial a.

Driver chuan," Ka pi kan thleng tawh e," a tih chuan a ngaihtuahna atang chuan a harh zawk a, motor atang chuan a chhuk thla ta nghal vat a. Gate lian tak mai, a pawna 'Marshall Inn' tih lo inziak chu a hmu nghal a, gate chu a len em avang chuan in chu engang tiat nge tih a hmu tha thei chiah lova. A chuan man te a pek fel hnu chuan gate lam chu zawimuang in a pan ta hnak2 a.

Gate a lo duty pa chuan," Enge i duh le ka pi?" alo ti var a.

"Mr. Robb Marshall a P. A thar ka nia, tukin zingah hian heta lokal tur hian min ti ani,"

" I ID ka lo en thei angem?"

A bag chu an hai chat2 a,a ID chu phawrhin a pe ta nghal a.

"Lo lut ta che," tiin gate vengtu chuan gate chu a hawnsak ta ruai2 a. Gate a inhawn chiah chuan Julie i chu a thidang lo chauhva. A hma a in lian lutuk chu a mawiin a ropui ngei mai! Lal in te pawh ang a ti hial zawk a ni. Rawng var leh pawl hi a inhnawih a,a lang thianghlim sur hian a hria a, a sakdan chu hmanlai Lal in ang deuh kha ani a, kulh hi a chan deuh bera. A bul velah chuan pangpar leh thing hi awmze nei takin mawi takin an phun kual chhuak vek bawk a, a ram lah chu a zauh hmel em2 bawk a. Thaw hak pah chuan zawi2 hian a kal ta zel a, kawngka chu a thleng ve ta hram a.

Door bell chu a hmet ri ta ral2 a, nu kum sawmruk vel bawr hian arawn hawnsak a. Nui sanga lo welcome pah chuan," Miss Rothschild i ni ang maw?" alo ti var a.

"Aw, ni e. Mr. Marshall an lokal turin min ti a,"

"A thawmhnaw kentur enfel turin aniang maw? Lo lut ta che,"

A lut ve nghal mai a, sitting room lamah hian amah lo chiau au tunu khan a hruai a," Lo thu lawk ta che, coffee i duh angem?"

Engmah a ei hman loh avang chuan a riltam ve deuh hlek tawh nen a, hnial phal lovin," Ka lawm e," a ti ta a.

Chu nu in a kalsan hnu chuan room vel chu a enkual ta dan2 a, hei baka ropui hi a awm tawh dawn chuang em ni, a ti rilru hial a. Engkim chu a tha ber2 chi vek ani in, an cheidan pawh a mawi hle a, banga lemziak intar reng2 pawh chu a to hlawm hle ang tih pawh a hrethiam mai a. Amah Julie i leh a chhungte tana damchhunga nuam taka khawsak theihna tur khawpa man tam tham vek an ni tih lah a hai bik hek lo. Inchung chhohna kailawn chu a en thuaka, inchung lamah chuan mutna room ho a awm pawh a ring nghal mai a.

Nachin a nu kha, coffee leh a hmehtur nen arawn kir leh thuai a, "Mr. Marshall a pawh ka hrilh tawh a, alo chhuk thuai ang. Hahdam tak khan lo in rawh," tiin a kalsan leh nghal a.

Julie i chu a zam chiang kher mai, hetiang in ropui lutuk, a damchhunga a hmuh pawh a rin lovah coffee a in dawn mek a, chuan he in nei tupa nen hian hmun khatah thawk dunin an la zinchhuak dun dawn zui ania, chetsual tihvel kha chu a chi hauh loh mai bakah engkim ah a fimkhur hle a ngai dawn a ni. A inchhungkhur bungrua atangin pa duhtui leh pa thil ti mai2 lo ani tih chu a lang chiang hle bawk in.

"Julie, ilo thleng tawh maw? Iva hma ve? Ka room lamah i hman tawh chuan kan kal dawn em niang?" inti nelawm tak chuan Robb a chuan arawn ti ta a. A thil lo ngaihtuah kual ata langah alo kal thawm pawh chu alo hre hauh lova.

Sen deuh ap2 pah hian," Aa...dar kua ah kha i ti sia, ka lo thleng ve deuh chiah ania,"

" Min rawn zui ta che,"

Kailawn nachina a en thuak lam chu an pan ta ngei a, Robb a chu a palian bawk a, step pahnih te chu a kalkan thuak2 a, Julie i chuan a um hian a um hi ani ngawt a. Step an kal chhuak chu corridor hi alo awm ruih a, ding lamah chuan Robb a chu a kal zel a, room pakhat ah hian a lut ta a, Julie i pawh chuan a zui lut ve nghal mai a.

"Hei hi ka room chu ania, saw ti lamah sawn ka thawmhnaw a awm ang, kentur chu lo thlangfel la, chumi chhung chuan tihfel tur ka la nei a,ka lo tifel ange," tiin a kalsan lehnghal daih a.

Robb a room chu a zautha hle a, a khum pawh a dup nuam hle in a ring a. Mipa room tih takah, engkim chu a pa hliah2 hian a hria a, amah Robb a nen pawh chu room chu a inhmeh hle hian a hria a. A sawina lam roomah chuan a lut phei ta nghal a, bang rinchhan hian wardrobe hi alo awm kual chhuak veka. Thawk la hawk pah chuan a hawng ta dan2 a, pakhat ah chuan kamiz chauh alo awm, pakhat ah chuan neck tie, pakhat leh ah chuan coat suit hlir, a dang an hawng leh a pheikhawk hlir, an hawng zela engkim mai hi a ngah hian alo ngah em2 vek mai a. Engber nge thlan tur a hre lo hial a, mahse a thlan a ngai bawk si, hun a lak nasat lutuk chuan an tlai ang tih a hlau bawk si chu a che tan ta nghal zung2 a. A thlanfel meuh chuan a thlan ho kha an tha dawn em pawh a hre tawh lo zawk hiala, a chhan chu a vai chuan a nalh a, a tha ber2 chi vek an ni bawk a. Mr. Peter an thil a hrilh pakhat chu a hrechhuak thut a, wardrobe ala hawnloh pakhat chu ava hawng leh rawk a. Chutah chuan perfume tam tak hi alo awm a, mahse a duhber tia Mr. Peter an a hrilh 'Midst' chu ala chhuak ta a, a rim chu an hmin chhin vang2 a, a rim hriat thin ngei mai, Robb a rim chu alo nam vang2 a.

Awle, tikha chuan ka inpeih fel ta tiin a thaw hak a, a hnunglam atang chuan," A that chu i kal ang hmiang," Robb a chuan arawn ti ta thut a.

Julie i chu a phu zawk a, a perfume alo hnimlai kha a lo hmu angem le? Alo hmuh vaih chuan ava zahthlak dawn ve tiin a sen leh ap2 a," Ka hman e, Robb," a ti thei hram a.

Pawna an chhuah chuan chauffeur hian alo nghak reng tawh a, BMW car dum tle zar mai, mawi tak leh manto tak hi alo ding zan tawh bawk a. Chauffeur chuan motor kawngkhar chu an luh theihnan alo hawnsak a, "Lut rawh le, Julie," Robb an a tih chuan eng sawi lemlo chuan a lut ve nghal mai a. An thu fel chu an tlanchhuak nghal mai a, airport pawh an thleng har lo kher mai. Kal kawngah chuan Robb a chuan a laptop ah hna a thawh pah avang chuan an inbe hauh lova, airport an thlen pawh chuan ngawi rengin Robb a kalna lam lamah chuan a zui ve top a. A chauffeur khan an bungrua te chu a rawn nawrkual sak zel a, chauffeur kal theihlohna chinah chuan Julie i chuan nawr a tum a,mahse Robb a chuan," Mipa hna alawm," tiin a vawnna chu alo vuan thuai a, thlawhna a an luhfel hnu chuan Julie i chu tlemin a hahdam ta hram a. A nihna takah chuan ala hahdam tak2 chuanglo. Hepa bulah hian chuan a hahdam theih ngai pawh a ringlo ani ber zawk, a chhan chu a hip nasa em ani!

"Darkar 6 kan thlawk dawn a, i mutthilh theih chuan mu la a tha ang, zanah party a awm dawn sia," Robb a chuan arawn ti zawi sup a.

"Party maw? Ka kalve angai amia?" a sawi zo chiah chu a mawlzia a hre nghal.

"Huh! I kal ve loh ten," mitko san uk pah hian a ti a.

"Mahse party natur thawmhnaa ka nei hleinem,"

"A buaithlak lovang," alo ti duh lek a.

"Ka hrelo le, awle...,"

Nui suk pah hian," I rui lovang, a hma pawn i ruih loh kha, hlauthawng lutuk duh suh" a ti leh daih a.

"Nia, ka ruihloh hram ka beisei,"

"Awle, kan meeting natur hi enfel ka duh a," tiin a laptop chu a en ta nghal daih a.

Engtiklaiin nge alo muthilh pawh a hre leh pek lo, a harh chuan Air hostess hian theitui intur alo sem mek a, Robb a chu alo pe mek a.

"Kha le, Julie. Sertui i duh kha," tiin serthlum sawrthar tui hi Robb a chuan arawn pe a. "Ka lawm e," tiin a la ve mai a. An in chu alo tui ngei mai a. Robb a hian engtin nge a thilduh hi alo la chhinchhiah reng zawk le, a ti rilru neuh2 va.

A laptop chu a khup a, Julie i lam hawi pah chuan," Kan thleng ani deuh tawh mai, kal chhuak nghal thei tur khan i inpeih dawn nia aw" tiin arawn hrilh a.

"Awle, ka hman ani mai, hei hi ka inzo anga," alo tive thuai a.

"Eitur an sem laiin i muhil sia, i ril a tam viau lo maw?" ngaihtuah hmel deuh hian a ti leh a.

"Umm....tam trep," nui sak pah hian a tive mai a.

"Hotel ah i ei tawh mai dawn nia, kan thleng har lovang,"

"Awle,"

Pilot chuan," Kan tum dawn tawh a, in zavai khan in seat belt hreng nghet turin ngen in ni e," tiin arawn puang ta lauh2 a. Julie i pawh chuan a seat belt chu a hreng nghal vat a. Reilote ah chuan an tum ta nghal a. Airport a tihfel tur ang2 chu an tifel zung2 a, chauffeur in alo nghahna lam chu Robb a rual chuan a pan leh hnak2 a, a tlan reng hian a inhre hial a, a chhan chu a kalpui pa chu san lamah a khan lo em bawk a ni.

An hotel thlenna tur chu minute sawmpanga chhungin an thleng nghal thuai a. Room ah chuan hotel manager ngei chuan a han dah a. Chhawng hnihna ah hian alo nia, room nuam tak, thengthaw bawk si, leh khaw thlirna remchang em2 hi alo ni a. Mahse room pahnih ah emaw an thlen dawn alo tih nak alai chuan, Robb a chuan a mengnur chu alo hmu ni ngei tur a ni," Kan pahnih a room khata kan awm hian hna a sawt zawk ang. In koh kual reng kha ka hman lova, bakah zanlai thleng2 a hna thawh a ngai dawn bawk nen, chuvang chu ania room khat hi ka lak. Mahse khum pahnih a awm a, chuan ka tibuai hauh bawk lovang che," then suk pah hian a ti ta zung2 a.

Tih ngaihna awm chuang hek lo," Anih chu....awle...," a ti ve ta ringawt a.

Hotel manager chuan mamawh an neih leh neihloh a zawt nghal thuai2 a, Robb a chuan," Eitur leh coffe no hnih in rawn dah anga, chuan helaia kawr lam zuar a changkang berte kha an thawmhnaw nen, darkar khat chhungin he room ah hian an rawn kal tur ani ang, kawr bakah hmeichhe mamawh hrang2 nen," a ti leh zung2 a.

"Awle, Mr. Marshall," tiin manager chu a chhuak nghal a.

Boruak chu alo la vawt sur a, a chhan chu an tlanpelh tlang thenkhatah phei kha chuan vur hi alo la awm tun ani tih Julie i pawh chuan a hmu ve a. A khum tur chu a thlang dawn nge niang aw, a ti rilru nauh2 a. Mahse chutihlai tak chuan kawngka hi an rawn kik a, Robb an phone a hman avang chuan amah chuan ava hawn ta a.

Eitur chi tinreng keng hian chhiahhlawh pakhat hi an room ah chuan arawn innawr lut a," In eizawh hunah bell saw i hmet mai dawn nia, ka pi" tiin a chhuak leh nghal a.

Julie i chuan bell awmna chhiahhlawh in a kawhna lam chu a en a," Awle, kan lawm e," a ti sap a.

Robb a pawn phone alo hmangzo ve chiah a, "Julie, i thawmhnaw tur an rawn ken hmain i eifel thuai teh ang, thlawhna ah khan i muthilh daih avang khan keipawn engmah ka ei bik lova, ka ril a tam riau tawh in ka hria," tiin thuthmun a rem a, eitur an rawn chhawp chu ngawi rengin an eidun nghal mawlh2 a. An ril a tam tawh bawk aniang, an ei tam dun hle hian Julie i chuan a hria a. An eikhama coffee an in pah chuan,"Zanin party na chu mipui an tam dawn a, tihtur em2 chu a awm dawn lo na in, thil midangin an sawi engemaw zeuh alo awm a i chhinchhiah theih nan, ka bul hnaiah awm reng ang che," thupe aw lek2 hian Robb a chuan a ti a.

A bangbo em avang chuan," Engang te nge an sawia ka lo chhinchhiah tur chu?" a ti ha a.

"Entir nan, keimahni min support lo zawnga, a lang apau va sawi si lova, kan hriat theih tura mi bula sawithawm awm ang te, enge an sawi ber tih te ang kha. A chhan chu tuna kan project khawihtur hi a liam tham em2 a, min er tu hi an awm nuala, he project hi kan chanloh theih nana a ruka beitu pawh kan nei tih ka hre thawi bawk a ni. Chuvangin zanin a an ti ti kalhmang atangin tan tu kan ngah em? Ngah lo em kha a hriat theih mai dawn a, kan ngah loh chuan kan formula dang pawh kan hman a ngai maithei ania, chumi tura kan lo in ruahman theihnan chuan ania mi thuleng vak vel kha hriat hnem angaihna chhan, tiin a hrilhfiah ta zel a.

A nihna takah chuan Julie i hi a P. A atan chuan a tlak chiah angem tih amah pawh khan a hrelo kha ania. Mahse he hmeichhia hi a hmeichhe hmuhtawh ah chuan ala danglam bera, chuvngin hriatchian a duh a ni. Amah hi chu a duh tih a hai hauh lo, mahse amah Robb a nge a duh a a sum neih leh a ro te hi tih hriatchian a duh avangin ania a P. A ni tura a tihluih nachhan pawh. Hna a rawn dil khan post dang ruak pawh a awm reng, mahse he hmeichhia hi hriatchian a duh mai bakah a bula a awm hian a lungawi tih a inhre tlat a ni. Chuvang ania tunah pawh hian hna an ngah tih chhuanlam hmanga room khata awm a tih nachhan. Room dangah awm ta se, a ngaihtuahna lamah a muhil theiin a inringlo tlat a ni. Mahse he nu hian a ngaihven a ni tih hi a hre tur ani lo, a hnuaia thawk pakhat anga a en a ngaih mai bakah a fimkhur hle angai ani tih a inhre reng.

Hmeichhia hian an zar nasa em2 a, an hmel pawh a tha hlawm in an changkang hlawm hle mai bakah sum ngah tak2 chhungkua atanga seilian pawh an ni tlangpui hlawm. Mahse chung hmeichhia te chu a ngaihven ngai hran lo, a chakna hrikthlak nana a hman zeuh2 bak chu. Mahse chung hmeichhia te chuan amah mai bakah a ro leh sumte hi an duh em2 avangin vawikhat mutpui mai hi an duhtawk thin lo, a nupui nih hi an tum ber anih thin avangin a hne zung2 zel a ni. Camella Anderson tih loh chu!!


Camella Anderson i kha chu a duh ve viau khan a inhria a, kha nu in a bula a duh leh mamawh a sawi tawh chu tihsak loh a nei pawn a hrelo. Kha nu a buaipui avang khan a hna pawh vawitam tak a thulh phah reng anih kha. Hmeichhe hmeltha tak, pian nalh em2 mai, mipa hipna ngah leh tih thiam tak ani a. Kha nu a ngaihzawn lai kha chuan amah Robb a pawh ala naupang deuh hlek reng a, a nu in," I tan a tha lovang, Robb. A fing fel em mai, a thluak i chelh lovang," a tih pawh khan alo awih ngailo kha ania. A nu amah hmangaiha zilh tu zawk kha, a haw lek2 zawk anih kha.

Mahse Camella i nge2, amah aia upa alo ni bawk nen, ani aia sum ngah a hmuh velah a kalsan ta reng anih kha. A tuar em2 a, a rilru a nat em avangin zu te pawh a inphah hial a, nei let leh thei dawn ta ang sela a neih zawng2 pawh chan a huam anih kha! Mahse a lo puitling chho zela, kha nu kha alo hmangaih miah lo ani tih a inhre tawh a, a lo duh lutuk mai chauh ani tihnen. Mahse khati em2 a a nun a chawhbuai sak avang erawh chuan a thinrim ala reh hauh lova, rulh let ngei pawh a tum ran a ni.

Camella i chuan, Duke of Moria a a nei a, sum pawh an ngah hem2 hle. A duh na3 ah a zinkuala, a duhang zawng2 in a then kuala, a pasal neih chu a chen ham2 reng a. Kum khat hnuah putar a chuan a mamawh tisa chakna ah a phuru theilo, sum chiah a pe thei ani, tiin Robb a chu a rawn hel thar leh anih kha. Mahse a hmangaih lova, Camella i bum a awm nawn leh lah tumna a nei hek lo. A lo hnar fithla thak na in Camella i chuan a hma ang khan ala duh reng emaw ala tih tlat avangin, remchang a hmuh hlek tawh hi chuan Robb a hi ala thlahthlam ngai eih lo a ni. Zanin ah pawh hian Julie i chu a nalh thei ang bera thuam a duh nachhan chu Camella i leh Duke of Moria a te chu party na ah chuan an lo telve dawn tih a hriat kar vang a ni. Julie i a bul hnaia awm reng tura a tihna chhan tak pawh, mi thusawi vel a hriat duh vang ni lovin, Camella i chuan arawn zar buai ngamloh nana ti ani zawk. Mi chuan he project a chan theihloh natur hian engang pawn bei se,a chang dawn tho2 tih a hre daih tawh a ni.

Mahse chung zawng2 chu Julie i erawh hrilh hriat tumna a nei hran lo. Camella i nena an nunhlui ngat phei chu hrilh a tum hauh lo. Zanin ah pawh hian Camella i chuan mutpui turin nasa takin a thlem leh ngei ang tih pawh a hre lawksa vek ani, mahse he nu hi a duh tawh lova, a bul hnaiah pawh a awm tawh dawn hek lo. A duh tak nuam taka a awm theih natur nia a hriat pasal a nei tawh a, kum khat chhung a nun leh a sumdawnna in he nu avangin a chhiatphah kha a tawk viau tawh a ni.

Julie i inbual zo bathroom atanga lo chhuakin kawngka a herh rik a hriat chuan Robb a chu a ngaihtuahna atang chuan a harhchhuak zawk a, pawn balcony lamah chhuan chhuakin hmun hla taka tlang vurin a bawh chu thlir pah chuan cigarette a zu ta a. Julie i saruak dawn2 a hmuh chuan a duhloh thil a tih palh a hlauh avanga inthiarfihlim ani ber a.

Thawmhnaw a ha fel tihah chuan door bell chu arawn ri ta ral2 a, Robb an balcony lam a pan lai a hmuh avangin Julie i chu kawngka hawng turin a kal ta nghal a. Kawngka a hawng chiah chu a phu zawk hial a. Nu pahnih nalh taka inthuam hi an rawn lut a," Madam i thawmhnaw tur kan rawn keng a," pakhat zawk chuan a ti nghal var a. A hnungah chuan thawmhnaw hi thir nawrkal theihah hian hanger hian a in khai tuarh a, mipa pahnih hian an rawn nawrluh nghal zung2 bawk a.

Hmeichhia sam sen zawk chuan," Hetah hian i duhzawng a awmloh chuan, a dang pawh kan la ngah ania," ala ti ang tak deuh2 va.

Julie i tih ngaihna hre lova a din renglai chuan Robb a chu room chhungah chuan a rawn lut ta a," Julie i duh kha thlang rawh le," arawn ti dam thlup a.

"Thlan ngaihna pawh ka hrelo, Robb," a ti zawi sap a.

"Sam seni bawk khan," Mr. Marshall keiman ka lo pui ange," tiin an thawmhnaw rawn ken chu a hailet ta nghal zung2 a. Kawr hring nalh lutuk tak mai hi arawn phawrh chhuak nawlh a," Mrs. Marshall hei hi va ha chhin ta che?" a ti ta a.

Julie i chu a meng phawk nasa mai a, mahse Robb a chuan engmah Julie in a sawi hma chuan, " Va ha chhin la, kan lo en ange," alo ti vat a.

Sawitur hre hek lo, thuawih tak chuan room lamah chuan inthlak turin a lut ta hna2 a. Kawr chu a nalh ngei mai, a han ha chhin chu a vun pawh a ti eng hle hian a hria a, a hnute erawh a nghawng a zau deuh avang chuan a duh aiin a lang tam mah2 in a hria a. A ke thlenga fual hnalh mai, thui simple tak mahse mithiam kutchhuak tih hriat ngawih2 hi ani thung a. A hak zawh hnu chuan inthlahrung tak chung chuan room atang chuan a chhuak ta a, an lo hmuh veleh chuan nalh an ti tih hriat tak hian an vai chuan an lo thaw hak a.

Sam buang zawk chuan," Wow! I inhmeh hle mai, i ta tur ngei anih kha, engkim kha i infit hle bawk ania, enge i ngaihdan Mr. Marshall?" tiin Robb a lam chu no tak hian ava melh a.

"Julie, kha2 a tha ang," alo ti ril thlup a.

Robb a bawk chuan," Pheikhawk inrawn keng tel em?" a ti leh a.

Sam buangi chuan," Tel e, purse leh a inrem tur thi leh bengbeh thlengin kan rawn keng vek," tih leh phawrh chu a rual nghal zung2 a.

Pheikhawk hring nalh tak mai, Julie i kawr hak rawng chiah2 chu arawn phawrh a, a buntir nghal bawk a. Thi simple tak mahse lunghlu a chei nalh em2 mai leh bengbeh hi arawn awrh tirin arawn behtir nghal bawk a,"Chuan hei hi a match tur purse aw," tiin pusre senduk nalh zet hi Julie i chu a kentir nghal bawk a.

Robb a chuan a han en vang2 a,"A tha e, kan lo la ange," tiin a credit card chu a phawrh a, a pe nghal a.

Chu nu chuan lawm tak hian card chu ala a, a thun natur an rawn kenah chuan a thun a, a pawisa lakzat tur chu a chhu nghauh2 a, a tihfel hnu chuan card chu Robb a pe let lehin," Kan lawm lutuk e, Mr & Mrs. Marshall. Min mamawh hun hunah min rawn ko zel dawn nia," nui sang chuan a ti a.

"Kan lawm e, keini pawh," Robb an a tih hnu chuan an rawn lan thut ang bawk khan an chhuak bo leh nghal diak a.

Julie i chuan a man zat tur an ngaihtuah chuan a mangang hle a, a thla khat hlawh pawhin a daih dawnlo tih lah chu a chiang reng si a, engtin nge a rulh tak ang le?

A rilru chu hria niawm takin, Robb a chuan," A man ah kha chuan buai angai lovang, ka P. A thar tan ka tihsak ani mai. Tikhan nalh tak khan awm la ka tan a tawk ani mai," arawn ti ta a.

"Mahse a to hlawm awm sia, Robb," a ti zawi sap a.

"A ho lutuk, i nalh khan kan company tan zel alawm. Khai le, insiam tan dawn ang hmiang? Ka haktur enge i thlan le zanin atan?" nui ruh2 pah chuan a ti ta a.

"Ka la thlang lova, kan en ange," tiin Robb a room lam zawk chu a pan ta nghal a. Coat dumpawl nalh lutuk tak maia thui chu ala chhuak a, kamiz var sar chu ala chhuak leh a, a miltur necktie dumpawl a vara spot thek2 chu a thlang chhuak leh a, ka thlangfel e,i insiam thei aw...," tiin a au lauh2 a.

"Awle...nangpawh lo insiam la," tiin a room lamah chuan a lut nghal a. A nihna takah chuan a thawmhnaw haktur hi tumah a thlan tir ngai hauh lo. A P. A hmasa phei kha chu teuhlo lutuk! Mahse tinge Julire i hian a tan engkim tisak se a tih tlat pawh a inhre thiam bik lo. Nui suk pah chuan, a tha e, ka hak tum chiah ani a thlan chhuah ni, tiin a ngaihtuah a.

Uluk tak chuan Julie i pawh chu a insiam ve nghal mawlh2 a. A kawr chu a inhmeh hle hian a hre ve a, mahse a man a to em avang erawh chuan a zak chem2 thung a. A nu in a thawmhnaw zawng2 man chu han hre ngat sela chuan a thidang thei hiala a rin avang chuan a insiam zawha darthlalanga a inen lai chuan a nui rah2 a. Party liam thamah vawikhat bak ala kal lova, Hotel a a thawhlai khan. Zanin chu thil tam tak zirtur a nei dawn hian a hria a, chetsual hlauh a hlau ru hle bawk a. A insiam zo room atanga a chhuah chuan Robb a chuan alo hngak reng tawh a, Julie i a hmuh velah chuan alo faifuk raih a," Zanin ah hian i nalh ber ka ring," tiin alo fiam a.

"Min ti zak ania," sen tan2 pah chuan alo ti ve a.

"Awle...anih chuan i room a i tlanluh leh hma in i kal ang hmiang," tiin a kut chu Julie i chelh theih turin a dah rem ta thuai a.

"In ngaizawng pawh kan ni si lova, i P. A chauh ka nia, khatia kuah kher che kha angai ami?" tiin a melh kar a.

"Party ah alawm kan kal dawn, Julie. Ti rawh le...," alo ti mai a.

Julie i chuan nuam ti chiahlo hian a banah chuan ava kuah ta a, inhnuai lam pan turin lift awmna ah chuan an inkai chhuak ta nghal a.


Party na hmuntur an va thlen chuan mi an lo zi huai2 tawh a, a ropui hle hian Julie i chuan a hria a. Robb a erawh hetiang puipuinna a kalthang tawh tih hriat tak hian a hawi zangvah thung a. An mahni lo lawm tur chuan, Mr. Johnson Mandel a chu alo kal thuai a.

"Heloo...hello...in lo lang thei chu ka lawm hle mai, Robb. Tunge i nula rawn hruai chhelo zet hi!" tiin Julie i lam chu a melh nghal a.

"Ka P. A thar, Julie Rothschild i anih hi, hnaih vak ka phal lo ania,"a ti deuh hmuk a.

"Chu warning na kan dawng nghal ani maw?" tiin Mr. Mandel a chu a nui huah2 a.

"Ni deuh reuh e," nui duh chuang miah lo hian Robb a chuan ala ti zui a.

Julie i chu alo zak chem2 a, Robb a awmdan chu mak pawh a ti hle a. Fiamthu hi a duh ve riau hian alo hria ania, engemaw a hriat le, tiin a ngaihtuah neuh2 a.

Mr. Mandel a chuan," Lo va lut ta che u, intur te kha lo dawm ula, Miss Rothschild i erawh chu nakin ah kan la lam dun ang chu tiraw?" Julie i en pah chuan a ti deuh kher a.

Julie in chhan a tumlai tak chuan, Robb a chu alo inrawlh leh vat a," Hnathawk lai ania, ka bulah a awm reng a ngaih ka hlau hlemai," nelawmna nei miah lo leh Mandel a chuan tilui ngam tawh miah lo tura tawngkam nghet churh hian arawn ti leh ta a. Julie i chuan chutia a hauh tlat nachhan chu a hre lova, tin mak a ti hle ringawt mai a ni. Robb a mizia ani in a hre lo hial a, nge he pa Mr. Mandel a nen hian inhuatna an nei zawk le, a ti rilru hial a ni.

Inchhunga an luh chuan Robb a chu mi zawng2 hian biak an tum emaw tih mai tur hian an rawn bawr a, mi a chibai na lamah chuan a kut chu ana vek tawh hial hi Julie i chuan alo ring a. A tawp a tawpah chuan an thutna tura an lo ruahmanna ah chuan an thu ve thei tawk a. Intur waiter in arawn sem chuan Robb a chuan laksakin a pe thuai a, Julie i dang chu aro tawh bawk nen, a tlak deuhthaw pawp a. Robb a chuan alo en reng a," khatiang te chuan i rui mai dawn ania, hna thawk kan ni tih kha hriat reng a pawimawh ang" a ti zawi sup a.

"Enteh Robb, champagne hi ka la in ngai miah lova, a tui hle mai. Ka rui miah lo, ka in leh ang aw," a ti ta a.

"A hnu ah i rui tulh2 ang, in tawh lovang," alo ti hmak a.

Hmui ti pawrh tarh pah chuan," Awle...boss," a ti ve mai a. Robb a sawi ang tak2 khan a kai dawn chiang hian minute sawm vel hnu chuan Julie i chuan a inhre ta a.

Party na a lokal tur awm chu an lokal kim viau tawh niin alang a, mi reng2 chu an nalh em2 vek a, an hlim hmel hlawm hle bawk hian Julie i chuan a hria a. Robb a chuan be tu neuh2 hi a neih reng avangin, Julie i chu a bul lawkah thu mahse a ngaihsak vak hman lova, mahse a ngaihsak lo chu pawi pawh a ti chuang lo. Midang chevel leh awmdan chu ngun tak hian alo zir mial2 a, an zei thlarh vek hian a hre mai a.

Nu pakhat sang tak mai, hmeltha em2 mai, kum sawmthum panga vel tur kawr var sar mai ha, a pian nalh tak lang thei ngei tura a pen zawnga a malpui tawp rat thlenga lang tur khawpa kak zau ha. Make up hmang nasa tak, a hnute nalh tak mai pawh chu a lang lovang tih hlau niawm fahran hian a kawr nghawng chu a zau bawk a. A sam chu a chhip ah sang takin a tawn vah a, pearl thi lian tha tak a awrh a,pearl bengbeh fual hi a beh bawk a. Julie i chuan a nihna takah chuan chu nu incheidan chu uchuak lamah hian a kal hian a lo hria a. Mahse engmah phei chu a sawi lem lova, an thutna lam chu ding tak hian arawn pan tih erawh a hrechiang hle a. Robb a thian anih ngei pawh a ring nghal hmiah a, an bul alo thlen chuan, Julie i chu ngatanmah tilo tih hriat tak hian a enkhum hmiah a, Robb a bul chetah chuan thuthmun arem nghal a. Zu a in hnem tawh tih hriat tak hriat a zu rim chu a rimtui inhnawi ai chuan a tak zawk tawh bawk a.

"Robbie darling, kan inhmuh lohna ava rei ta ve?" no taka Robb a melh pah chuan a ti a.

"Ni e, kan tuanna mual a in anglo alawm," Robb a chuan alo ti mai a.

"Mahse enteh, khuanu pawh hian min hruai dan hi a mak ka tia, zanin ah hun remchang kan nei leh tlat nia mawle,"beisei nei hmel tak chuan a ti a. Robb a hmui chu a kut zungchal a khawih pah chuan a nuih var2 bawk a.

"Camella, i pasal in a zawng ang che,"

"Min zawng hauh lovang, thiantha kan ni tih pawh a hria alawm," awmze nei tak chuan a ti a.

"Kan ni em ni?" chang fal hian Robb a chuan alo ti hmak a.

"Thawk khat lai kha chuan tudang mah kan ngai ngailo anih kha," a aw a pangchanna lang chung hian a ti a.

"Kan inhmu chu a lawmawm hlemai, mahse kalpui ka nei a," tiin Julie i chu a melh a.

"Oh! Khawilai thingtlang nula nge i rawn thur chhuah tak hi...," tiin Julie i chu hmusit hmel tak hian ava en a.

"I rui anih kha, Camella!" Robb a chuan alo ti that a.

"Mahse ila ngai reng ani tih ka hria alawm, darling," ala ti fova.

"I hresual anih chu, kal ang Julie," tiin Julie i banah chuan ava chelh a. Julie i chu a tho chhuak thuai a, hreawm a ti rilru hle a. Chu nu in hmusit taka a en chu a tuar thei maia, mahse hmusit em2 a a hmaichhana an tawngkhum leh zel chu na a ti ve hle a ni. Chu nu nen chuan Robb a chu an inhmelhriat tha hle ani tih chu a hrethiam mai a, engtik emaw lai talin an lo in ngaizawng tawh ang tih pawh a rin hriat theih bawk. Camella i chuan Julie i chu huat hmel zet hian a melh kur a," Robb, he nu avang hian min kalsan ang maw?"

"Miss Rothschild i mawle," alo ti hmak a.

"Ka pawisa nek love, ka la be duh che ani, Robb," ala ti hram a.

"Sumdawnna thila lokal kan nia, Ka buai tlat mai. Kan la inhmu leh dawn nia,mangtha le," tiin Julie i chu nghet takin a kai a, a kalpui ta hmawk2 a. A pheikhawk bun a sang nen, a kawrfual hak nen, Julie i chuan kalchak chu harsa a ti hle a.

Pawn an thlen chuan," Robb, khawngaihin, ka ban kha thlah teh," a ti chul a.

Ngawi rengin Julie i ban a chelhna chu a thlah ta a, Robb a chu a ding ta vang2 a. Julie i tih ngaihna hrelo chuan," Ka lo va haw thei alawm, i duh phawt chuan la awm rih rawh," a ti ta a.

"Ka awm duh hauh lo, ka tina che a min ngaidam dawn nia," Julie in a ban na lai a tuai hauh2 en pah chuan a ti a.

"A pawi love, a na tawh lo. I thiannu khan ala thlahlel viau che niin alang sia, ka lova haw mai ang," a ti ve deuh kher a.

"Ka thiannu ani lo, mi nupui anih kha, ka kir tawh dawn lo. Kan pahnihin ka haw ang," tiin motor dahna lam chu a pan nghal a, Julie i chuan ngawi rengin a zui hlawk2 a. Motor kawngkhar chu a luh theihnan Robb a chuan a hawnsak a, ngawi rengin a thu lut a, hotel an thlen thleng pawh chuan a tu mah2 chu an tawng chuang lova. An room an thlen chuan an boruak rit tak chu tihreh ngaihna a hre si lova, inthlahrung tak hian," Ka roomah ka awm dawn a, min mamawh chuan min rawn au mai dawn nia " a ti a. Robb a tawng hun chu a ngaichang deuhva, mahse engmah a sawi tak lovah chuan a room ah chuan ngawi rengin a lut ta a.

A inthlak hnu chuan tuilum in a inchiah a,a mit a chhing vang2 a, kha nu in ngei hmel taka a enlai kha a mitthla ah chuan arawn lang uai2 a, thaw hawk pahin a mengchhuak thuai a. Robb a inti ta tu taka a rawn biak danah khan, hun kal tawh ah an lo in hnaih hle ang tih chu a ring thiam mai a, kha nu ngei kha Robb a rilru luahtu anih pawh a ring nghet ta hmiah a. A nihna takah chuan a rilru chu arawn na zawk tlat a ni, kha nu kha a thik tlat mahse thik turin tunge a nih, Robb a enge a nih? I a lutuk Julie tiin amah leh amah chu a inzilh a, inbualna kuang atang chuan tho chhuakin shower ah chuan a intleuh tha leh a. Thawmhnaw te a hak zawh chuan balcony a thil vawt inchemtir a tum ta a, a rilru nuamlo atanga harh deuh a inbeisei a ni.

Balcony ava thlen chuan Robb a hi alo awm a, cigarette alo zu a. Kal leh nghal mai a tum laitak chuan a banah hian arawn chelh a, amah hnaih thei tur ber hian a pawt hnaia, a fawp ta bawrh2 a. Julie i chu a hamhaih hle a, engtia awm tur nge pawh a hre mai lova, chutih chhung chuan Robb a chuan a fawhdan chu thlakin, dim te si ngenngawl deuh si hian a fawh leh tan ta a. A fawp pah chuan Julie i hnungzang vel chu a chul pah hauh2 a, Julie i chuan chhan mai a hlau hle a ni, a chhan chu a fawhdan chuan a thlem hmin dawn tlatin a hria a.

[Ngaia]

A theih tawpa na chuan Robb a chu a namsawn ta rawk2 a," Enge i thil tih hi?" khur deuh hlak2 chuan a ti ta a.

Robb a chu a ngawi deuh vang2 a,"Ka lo in hnem deuh anih ka ring, min ngaidam dawn nia," vawt ruih hian a ti a.

" In control zo lo khawp2 chuan in tawh lo la
a lawmawm ngawt ang," a ti nghat a, ka mu dawn tih leh a room lam pan chu a rual nghal a. Kawngka chu na taka kharin a khalh nghal thap a, a khumah chuan a thu hnawk a. Kha thil kha engtin nge a thlen a ngaihtuah zawng ringawt pawh chuan a tha ala khur thei. Mipa hnaih satliah ringawt chu engahmah a ngailo, mahse Robb a bul hnai lutuka a awm chuan a thawk leh thisen kal vel hi a buai pha vek thin a ni. Tilui ngat sela chuan a inphal mai a ring hial a ni. A rilru te te chuan, a thleng nawn tawh tur ani lo, a thleng nawn tawh tur ani lo,a ti ngat2 a.

"Julie, ka mamawh lawk che ania. I mu tawh em?" Robb an arawn tih chuan a phu deuh zawk a. Chhan loh chu an tum deuhna in hna thawk tura kal an ni sia, hreh zet chung chuan," Mu love, ka lo kal ang," a ti ta hram a.

Ava chhuah chuan Robb a chu a inbual zawhna ala reilo tih hriat zet hian a sam chu alo la huh hlap a. Awmhmun kekawr lum lampang leh sweat shirt hi alo ha a, laptap hma ah hian thu in, lehkha alo chhap darh nuaih bawk a. Awmhmun kawr mai2 a hak pawn hepa hi chu ala chhelo tho anih hi tiin a ngaihtuah hmanhmawh a.

"Min en reng dawn ami?" arawn ti takah chuan....

"Enge ka puihna i mamawh na chu?" ava ti da2 a.

"A hmasa berin coffee tak tha tak lo siam la, chuan hna thawh tur chu ka lo hrilh ang che," amah pawh en lemlo chuan alo ti maia. Nachin lawka thil thleng kha hriat pawh a hre tawh lo ni hian alang a, amah anga engmah tilang lo tur chuan Julie i erawh chu a theilo lam a ni.

"Awle...," tiin choka an duh2 siam theihna tura an room kil khata awmah chuan a kal ta nghal a. Reilote hnuah chuan coffee nen chuan let lehin Robb a hma ah chuan a dah khap a, ala din reng avang chuan.....

"Thu ta che. Chuan khang paper kha lo enfel la, a indawtin lo dah vek ang che. Naktuk a tih tura kan dah chuan hun kan paih mai2," coffee no ban pah chuan a ti ta zung2 a.

Ngawi reng chuan Robb a sawi ang chuan paper awm hnawk nuaih chu a remkhawm tan ta a. Engti fa kovin nge maw hetianga a tih hnawk theih le....remfel sa thlap khan a dah khan a inhre si a, mahse phun nawi mai lo chuan a tihtur chu a ti zel a. Robb a pawh chuan arawn be tawh lem lova, a hna chu a rilru zawng2 in a ngaihtuah emaw tih mai tur hian a laptop chu a en ngur a. Julie i chuan ava melh ru leh zeuh2 thin a, mahse amah chu ngaihsak awm pawhin alang hauh lova. Nachin lawkah khan a fawp kha ania tunah lah melh eih pawh arawn melh leh si loh avang chuan a lunghnur deuh mah zawk tawh a.

Dar sawmpahnih a rik chuan, Robb a chu arawn hawichhuak ve ta hram a," I ti zo tawh em? A tlai tawh hle anih hi," arawn ti hluai a.

"Aw, ka zo chiah e. Enge tihtur dang la awm?" a ti ve deuh kher a.

"A awm tawh rih lo, mahse naktuk ah kan meeting anga, tihtur chu ala awm leh mai ang. Va mu tawh rawh, naktuk ah dar sawmah meeting kan tan dawn anih kha,"

"Awle, nangpawh mu tawh rawh, i chau lutuk ang. Mangtha le, Robb," tiin kal mai a tum a.

A banah chuan chelhtu a awm leh ta tlat mai," Ngawi lawk teh Julie," tiin Robb a chu a bul hnai chetah hian arawn ding ta a. Sawi tum nei ni awm tak hian a ang zau va mahse a ngawi leh ta daih a," Mangtha le....va mu tawh rawh!" a ti ta zawk a.

Mak ti angreng tak hian Julie i chuan a en hauva mahse engmah sawi tawh lem lo chuan a room lam pan chuan a kal ve ta nghal a. Khumah chuan a mu kak a, zanin a Robb a awmdan mak tak2 kha enge a chhan niang le? Kha nu a hmuh leh avang khan a rilru a hah ani thei angem? Kha nu kha alo hmangaih viau thin ani ngei ang, tiin a ngaihtuah rauh2 va. Rei fang a ngaihtuah kual hnu chuan, lehlam hawiin a inlet thak a, muthilh a tum ta a.

A tukah chuan Robb a sawi tak ang khan dar sawmah chuan meeting chu an tan a, Robb a bulah chiah a thu a, thil pawimawh awm ang chu alo chhinchhiah zel a. Robb a sawi ang ngei khan, chawhnu lamah chuan project chu an company chuan an chang ta ngei bawk a, Julie i chuan thawl hawk hian a inhre hial a.

An room lam pana an kal lai chuan," Tunah chuan kan paper vel submit turin kan inbuatsaih nghal char2 ang," Robb a chuan a ti a.

" Awle,"

An tihtur chu an ti nghal char2 a, zan dar sarih velah chuan an zo fel hman hram a. Robb a chuan phone a hmang leh zawk a, a dah hnu chuan," Paper chu an rawn la tawh mai ang tikha chuan, va inbual harh tawh rawh," a ti hul hak a.

"Awle...," tiin a room lamah chuan a lut phei nghala. Tuilum a a han inchiah vang2 chu a taksa hah leh chau te chu a reh sawng2 in a hria a. A nihna takah chuan an zin mai bakah an chawl lo tluk ania, amah chauh pawh ni lovin Robb a pawh chu a chauh viau a ring a. Hetiang reng2 a hna alo thawh thin vang hi anih dawn hi alo hausak em2, tiin a ngaihtuah rauh2 va. Thil alo ngaihtuah kual nasa lutuk nge a tui chu a vawt riai tawh tih a hrechhuak thut a, hmanhmawh tak chuan a tho chhuaka, a inthlak vat2 loh chuan hritlang te a kai mai a hlau a ni. Awmhmun kekawr tho a ha ve a, jumper lum lampang a ken chu a ha bawk a, sitting room lamah chuan a sam te a chhem ro hnu chuan a chhuak phei ta a. Robb a chu a room lamah ala awm anih hmel tumah an lo awm lova, alo reh raih a.

Door bell a rik tak ral2 ah chuan, en turin a kal nghal thuai a. Kawngka a hawn chuan a phu deuh zawk a.

"Robb a hmuh ka duh a," meng phar kual pah hian Camella i chuan a ti a. A men dan atang chuan Robb a room a Julie i a hmu chu mak a ti ani tih chu Julie i chuan a hrethiam nghal mai a.

"Ngawi lawk rawh aw...," tiin Robb a room lamah chuan a kal phei a. Kawngka chu a kik karh2 a," Ka lo chhuak trep," tiin room chhung atang chuan Robb a chu alo au lauh2 a.

"Inleng i nei a,"a ti deuh kher a.

Robb a chu rang tak hian arawn chhuak nghal a,kawngka bula ding pah chuan," Tunge?" arawn ti hu a.

"Nizan a party na ami kha, a hming ka hre lo," dawt a sawi chiang alawm, a chhan pawh a thik vang ania.

"Camella Anderson maw? Enge hetah arawn tih a?" mengchang deuh pah chuan a ti a.

"Ka hre hauh lo mai, va kawm rawh. Room ah ka lo awm ange, min mamawhna i neih leh min rawn ko mai dawn nia," a ti sap a.

"Awle...dinner inhnuai ah kan ei dawn nia, lo insiam ang che. Dar riat ah kan chhuak ang," thupe angreng tak chuan a ti a.

Julie i chuan a ngei deuh hlek a, chutia chu nu alo lan leh tak avanga a tawngkam a intih thu na a tilang tel vel chu, ngawi rengin a room lam panin a kalsan ta hmak a. Room a luh chuan, he nu hi engvangin nge ka thik tlat le? Robb a hian a duh em2 vang hi em niang? Mahse kei min duh pawh ani lova, engvangin nge ka lo intihbuai ve em2? Duhleh inngaizawng leh pawh ni sela, ka hna tha taka thawk mai tur alawm ka nih, engvanga lo lunghnur ve zel nge maw ka nih le, tiin a ngaihtuah kual nasa a. Chutah pawnlam tawngri chu a hre ta a, kawngkhar bulah chuan ava kal hnaia. Thil mawilo tak ni mahse an thusawi a hriat duh tlat avang chuan a ngaithla ta reng a.

"Camella, enge ka room ah hian i rawn tih dawn?"

"Oh! Robb darling, hun tha kan nei leh hi i lawm ve viau ka lo ring a,"

"Engvanga lawm tur chu nge ka nih a?"

"Min ngai ve thin ang chu tiro?"

"Ngai maw? Ngai hauh lo mai,"

" A theihloh! Kha leh chen kan in hmangaihna kha i theihngilh ngawt thei lovang,"

"Ngawi lawk teh! Eng inhmangaihna maw?"

"Pasal ka neihsan che kha ka duhreng vang ani hauh lo ania, min hmangaih thin anih kha, Robb darling...,"

"Hmangaih emaw ka ti mai chauh ania,"

"Emaw a? Pasal ka neihsan che khan i tuar ani tih chu ka hria alawm, darling,"

"Ka at vang mai2 ania,"

"I a hauh lo, min hmangaih vang chauh alawm,"

"Pasal i duhtak i nei tawh a, ka bula lokal tur i nilo asin,"

"Mahse Duke of Moria chu ka hmangaih hleinem!"

"Chu2 ka buaina ani lo, kei aiin i thlang ani lawm ni?"

"Khatih hunlai khan ka rilru a buai em a ni...darling,"

"Buai a? Sum i lova han mamawh awm ve tiraw?"

"Sum ani lo, ka chhungten min nawr alawm,"

"Chuan tunah kha pa khan i mamawh a pek theih tak lovah che chuan ka hnen i rawn pan leh amaw?"

"Engtiklai mahin ka theihngilh ngailo che asin, darling. Min han fawp teh,"

"Mi nupui ka fawp ngailo,"

"Kha nu tereuh vang kha ani tiraw?"

"Tu kha nu maw?"

"I room a i khawi kha!"

"I lei kha veng fimkhur ang che, ka P. A anih kha,"

"Mahse i mitmeng atang khan i ngaihven ani tih ka hria alawm,"

"Chu2 ilo buaina tur ani em ni?"

"Min la hmangaih ani tih sawi mai rawh, Robb,"

"Ka lo hmangaih thin che emaw ka ti mai ania. Pasal dang ilo nei lovang tih pawh a hlauhawm khawp mai, ka hmangaih hauh lo che tih ka hriat chhuah phah a...,"

"Engmah ka ngaihtuah thei tawh lo, i kiangah zanin tal chauh min muttir rawh, ka hmangaih che, Robb,"

"Camella, kal zawk mai la i tan a tha ang,"

"Kha nu vang khan min hnawl ang maw?"

"Tu vang mahin ka hnawl lo che, mi nupui i nia ka hnawl che ani mai,"

"Awle...ila hre khawp ang, min ti lungawi tur chu i ni lo asin," thinrim taka a tiri leh na taka kawngka a khar ri chu Julie i chuan a hria a. A lo phu zawk thei hial a ni. Sana a en a, Robb an dar riat a tih kha a hrechhuak zawk a, hmanhmawh tak chuan a insiam ta a. A insiam pah chuan hmanlaia Robb a lo hmangaih em2 tawh hmeichhia chu alo ni ngei ani tih chu a ngaihtuah kual a. Mahse tunah pawh hian ala hmangaih tho ani tih pawh a hrethiam mai, mi nupui anih avangin a hnaih duhlo mai2 anih ber kha, tiin a insiam pah chuan a insawh nghat2 a.

A kawngka kik karh2 pah chuan," Julie, i hman tawh em?" Robb an a tih chuan, Ka lo kal," tihleh a purse lak chu a rual a, a room atang chuan a chhuak ta nghal a.

A room kawngkhar bulah chuan Robb a chu alo la ding reng a, a chhuak pah chuan ava su leh ta chawrh a," Aw Lalpa leh, a na em?" tia Robb a an en chian chuan a lo tlu reng chu niin.

"Robb, i na viau ami? I khawilai nge i sawh? I lu a keh ami?" mangang tak chuan a ti chul a.

Robb a chuan a rinloh deuh hian arawn kuah ta thut a, "Min fawp la a dam vek ang," a rawn ti zawi sup a.

"Maw? Iva han sual tak! Ka thlaphan hman zia hi i hrelo ami?" tiin a chum taih2 a.

"Mawh, min lo fawp teh Julie," tiin ngenngawl tak mitmenga Julie i a en takah chuan julie i au lai chu a chawl chat a, Robb a chuan a aikhaih ta emaw tihtur chuan a en ta reng a. Robb a chu zawimuang chuan arawn thu chhuak a, julie i biang tawn2 ah chuan arawn dawm a, dimte hian a hmuiah chuan a fawp ta a.

"Min chhang teh, Julie. I hmui hi fawh a chakawm zia i hre lo tiraw?" a ti sup a.

"Robb, hei hi a diklo," thaw hlawp2 pah chuan a ti a.

"Infawh hi maw, diklohna a awm lo,"

"Mahse....,"

"Min chang mai teh, i lan angin min haw hauh lo ani tih pawh ka hria ania," a tih takah chuan Julie i hmai chu a sen nghal awp2 a. A insum ve hle emaw kha a ti ania, Robb a chuan alo hrethiam vek ani maw?

"Kan ti tur ani lo," beidawng zet chuan a ti ta ngawt a.

Robb a chu a rawn tho ta vut a," Kal ang le," a ti ta daih a.

Julie i bangbo lutuk chu ala thu reng a," Lokal rawh le, ka ril atam ania. Nangmah ka eizawh che i duh anih loh chuan," a tih takah chuan Julie i pawh chu hmanhmawh tak hian a thova, Robb a chhuaktur chu a zui ve ta nghal a.

Bar ah chuan an thudun a," Sherry i in duh em?" Robb an a tih chuan a lu alo bu nghat a. An boruak a hahthlak em avang chuan in mai a duh tawh vang a ni.

An in chhung chuan engmah sawi lovin an ngawi dun reng a, Julie i chuan nuamlo a tih em avang chuan," Naktuk ah kan haw thei tawh angem?" a ti a.

"Haw ang, dar khat kan flight ania, i duh leh i bazaar hman ang," alo ti mai a.

"Bazzar phei chu ka ngai lem lo, ka hawi khaw thawng mai2 ang chutia hun a awm dawn anih chuan,"a ti niah2 a. An no chu a ruak ve2 tawh a.

"Ila duh belh em?" tiin alo zawt daih a.

"Aih, ka duhtawk e,"

"Anih chuan dinner chu kan ei tawh mai dawn em niang?" tihleh thawh a rual a, Julie i pawh chuan a zui ve nghal a.

Dinner tur chu amah Robb a chuan a thlang mai a, a chhan chu Julie in thlantur a hriat ngai miau loh vang a ni. An rawn dah chuan ngawi rengin an ei dun mawlh2 a. Dessert tur an eilai chuan," Tihtur ka nei a, i duh chuan room lamah lo han hahchawl mai ta che," a ti ta a.

Camella i a hmu dawn chiang mai a ti rilru nghal vat a, a thinte chu a rim nghal deuh tun bawk a. Aih tih mai chu a duh nain," Awle....," tiin a tho nghal a, room lam pantur chuan lift chu a nghak ta a.

"Hello, iva mal ve?" tih ri a hriat chuan Julie i chu a hawichhuak a, mahse amah ni lovin a bula ding nu chu mipa pakhat an piah lawka ding hian alo be zawk chu niin. Lift alo thlen chuan a lut a, room ah chuan a kal ta nghal a. Robb a chu a khuma mu chung chuan a ngaichang deuh reng a, mahse zanlai a pelh pawh chuan ala rawn hawng ta chuang lova. Camella i bulah khan ava kal ani chiang mai, kha nu lah khan a bula mut a chak hawrh2 bawk sia, tiin a khumah chuan a insawh a. A chang leh amah leh amah chu a inhau thul a, aw nangin fawh tak ngial pawh i duh lova, midang chu a pan reng ang chu tiin. Mahse infawh tir ringawt thei ani lo alawm, a tawp thei lovang tih a hlauh mai bakah, a duh tak2 dawn si lova, a hna te a chan phah hial thei a ni. Chutiang a ngaihtuah kualna ata langah chuan zing dar thum alo ri ta der a, Robb a lah chu alo la ho hauh lova, a mutchhuak chuan arawn zem ta chiai2 a alo muhil ani ngei ang. Zing a harh chuan a inphih fai hma2 in Robb a room lamah chuan thawm a awm em tih an ngaichang vang2 a, mahse eng ri mah a hriatloh avang chuan alo la haw lo anih a ring mai a.

A intihfai zawh a sitting room a a va chhuah chuan Robb a chu sofa ah hian alo mu reng chu niin," Robb," a ti sap a, mahse tih harh a hlauh avang chuan a ka chu a hup leh ta daih a. A rilru ah chuan ngaihtuahna thar alo lut a, a room lamah chuan a let leh ta thuai a, jeans pawlduk leh t shirt var sar hi a inbel a, sneaker var a bun bawk a, lukhum hmathlawk a khum a, tarmit dum a bun bawk a, hawikhawthawng turin thawm dim zet chuan a chhuak ta tham2 a. Tourist guide bu a lei atang chuan hmun tlawh tur vel chu a hre nghal zung2 a, taxi hmangin a lengkual ta nghal char2 a.

Ala hmuh ngai reng2 loh a hmuh avang chuan a hlim hle a, engmah ala eilo tih a inhriat meuh chuan dar sawmpahnih alo ri dawn der a, an haw huntur kha dar khat ani tih an hrechhuak leh thut a, driver hnenah chuan rang taka an hotel lam pan pui tur chuan a ti ta nghal a. Robb a lah kha a kalna tur engmah a hrilh loh avangin alo buai ang tih a ngaihtuah phak loh mai bakah a bag an enkual chuan a phone alo keng miah bawk lova, rawn biak a tum ngei pawh a ring nghal mai a. Lehkha them tal lo dah tur hi ania, tiin amah leh amah chu a inhau leh rih a. A riltam lam pawh a hre chang tawh lo. Hotel a thlen rual2 chuan a chuan man a pe a, an room lam panin hmanhmawh takin a tlan ta hlawk2 a. Lift ah lah chuan mi anlo la awmzui nen, alo chhuk lam chu an nghak leh te te phawt a.

Room a lut chiah chu," Khawnge i kalbo daih a,i kalna tur pawh sawi lovin," Robb a chuan alo ti nghal khur2 a.

"Englo ania, ka lengvak a.....,"

"I sawi thei lo ami chu2?"

"Ila muttui bawk sia, ka tiharh ta lo mai che anih kha,"

"Min tih hlauthawn zia hi i hria em? Mi ka rawn zawntir hman trep che alawm,"

"Ka tihpalh ani, min ngaidam rawh,"

Vung tak chuan Julie i lam chu a pan a, a kuah nghal thlawp a, a hnungzanga chul hliau2 pah chuan," Min ti a hmanlo chauh alawm, Julie," a ti muk ruih a.

Robb a kuah nachhan chu a hre hauh lo nain, rilru hreawm taka a siam avang chuan a inthimlo takzet a," Ka tihpalh liau2 ani, Robb!" a ti sap2 a.

A lu a fawp zeuh pah chuan, " Nidanga kan zinleh hunah chuan i kalna i sawi zel tawh dawn nia," a ti ta sup a.

"Awle...,"

"Insiam nghal kan ngai kan tlai ang," tiin Julie i chu a thlah thut a, a room lamah chuan a kal nghal daih a.

A room a lutin Julie i chuan a thawmhnaw vel chu a enfel nghal zung2 a, Robb a khatia a thinrim vak nachhan kha ala hrethiam chuang lova, min ngaihtuah lutuk ani ngei ang tiin a insiam ta mawlh2 ringawt a.

Room a a luh hnu in Robb a chuan a bang chu a hnek pawp a. Julie i kha a ti hlauthawng hman trep anih kha, khatiang em2 a awm kha a tum hauh lo mahse a bo ta emaw tiin a mangang takzet hman tawh anih kha. He nu hian a rukin amah ah hian thil tihtheihna a nei tlat a, a bual a mek zel chu a niber hian a hria a. A hmuh phak lova a awm hlek tawh chuan a buai tlat tawh ani. Nizana a kalbo nachhan pawh Julie i hnaiha a awm reng chuan a insum zawhloh a hlauh avangin, zan khawvawt ah inti harh turin kein a lengkual vela, a hriat loh hlanin alo kal thui lutuk hman hial anih kha!

[Ngaia]

London an thlen chuan zinglam dar thum ari trep tawh a. Robb a chauffeur chuan Airport pawnah alo nghak ran a. An bubgrua te an lakfel hnu chuan motor a chuangin inlam panin an tlan tan ta nghal. Robb a chuan driver hnenah chuan Julie i awmna address chu a hrilh a, thlah nghal turin ati nghal bawk a. Julie i chuan sawitur chuang a neih tawh loh avang chuan ngawi reng chuan a thu a.

An awmna flat an thlen chuan Robb a chuan a chhuk theihna turin motor kawngkhar chu a hawnsak a.

"Kawngka thleng ka lo thlah ang che," a ti vawt ruih a.

"A ngai chuang hleinem, ka kal thei alawm," nuam ti chiah lo chuan a ti a.

"Misual an tam ania, kal mai teh min hnial lo khan," a tih deuh tak tlat ah chuan, Julie i pawh chuan hnialbuai duh tawh lovin hma a hruai ve ta mai a. Lift ah chuan an lut dun a," Chhawng engzatna nge?" Robb an a tih chuan a hrilh tha ve mai a. Lift a din chuan, a kal anga Robb a chuan a letsan leh mai a ring kha ania, a hnungah chuan arawn zui zel tih chu hawilet hran ngailo hian a hrethiam mai a. He pa hi chu a taksa hian a hre tlat, amah hmu kher lo mahsela a bul hnaia a awm tawh hi chuan a taksa hian buaina engemaw tak a nei thin tlat a ni.

An flat kawngka an thlen chuan a ding deuh dat a," Let tawh rawh Robb, ka lawm lutuk e," zawi sap hian a ti a.

"Awle...lut phawt la,"

Kawngka chu a chahbi spare chuan a hawng ta rak a,a hawnna a chelh chiah chu engtik lai in nge Robb a chu alo thlen hman pawh a hre lo, a kawngah chuan arawn kuah thut a, amah en turin a kuai dak a, arawn fawp ta vawng2 a. Julie i chuan a chhang rang kher mai, a nihna takah chuan amah fawp lovin Robb a chu let leh ta sela chuan a lunghnur viau ngei ang.

La thaw hlawp2 pah a thlah in," Lut rawh, ka kal thui hma in," a beng la nul thuak2 pah chuan Robb a chuan a ti a.

"Robb....,"

"Lut mai teh Julie, i khum ka tawmpui hma che hian " a tih tak hrawk ah chuan a zak thar thut a, hreawm a ti em2 bawk a. Kawngka chu a hawnga, a lut ta nghal a. Kawngka phenah chuan kawngka ngheng in maimitchhing chungin a ding vang2 a, a thinphu te chu ala insep lawp2 hian a hria a. Robb a khan a bula mut dil ta sela a phal em2 ang tih pawh a inhre chiang hle a ni. A ka chu a hup a, a room lamah chuan a tlan lut nghal a, a thawmhnaw te chu a dah thuai2 a,bathroom ah chuan inbual turin a lut ta nghal a.

Robb a chu pawnah chuan ala ding reng a, inchhunga lut tura ti tura Julie in kawngka chu a rawn hawng leh mai tur hian a beisei deuh tlat a. Julie i khan a chhang chianga, a inlak hrana lut tura a tih khan a hnual deuh tih pawh a hria a ni. He nu zaidam leh nalh tak mai, a hna tlin em2 leh pawnlama paukhauh tak anga lang hi a chhungril ah chuan a paukhauh hauh lo a ni. Mipa ngaihsak angin a lang hauh lo nain amah Robb a erawh chu a haw hauh lo bawk. Mahse lut leh tura kawngka a kik hma chuan kal mai a tha zawk tiin lift lam chu a pan ta a, motor a luh thleng chuan Julie i room light la eng kalh chu a thlir reng a.

A tukah chuan Julie i chu Robb an chawl tura a hrilh avangin a tho har hle a. A chauh chu thuran nise, a muttui hle a ni. A mumangah Robb a ala hmu zui a. A thawh chuan Eliana i chu a hna lamah a kal tawh ani tih a hrethiam mai a, coffee dawhkanah chuan lehkhathem te hi alo hnutchhiah a. Julie nizan ah ilo haw tih ka hria e, tlaiah kan inhmu dawn nia, tih hi alo inziak a. Coffee a insiam a, eitur a insiam leh hnu chuan a inhnawh puar ta a. An zinna vela a thil ken te a rem fel a, a thawmhnaw bal te su in hun a hmang a. A tihtur a tihzawh meuh chuan Eliana i pawh alo haw trep tawh tih sana a en chuan a hre mai a.

Sitting room a muzal pah chuan tv a en kual ta mai2 a. News ah chuan nimin piah lama Robb a project thar hmuh leh an hnathawh tur turu zia te chu business news lamah chuan an lo chhuah mek a. Robb a thlalak vel an rawn tarlan chuan a en uluk hle a, chu thlalak chuan amah rawn en let tlat hian a hria a, nizan thil thleng a ngaihtuah chhuahtir a, a zak chu amah chauhva awm chung chuan ala sen tawn2 thei a. Nizan khan Robb a kha a hnial hauh lova, a khumah pawh lawnkai dawn sela a hnial phal a ring lo, chu2 Robb a pawh chuan a hrethiam anih kha! Hepa hian a zial a zo tawh niber in a hria a, a bula awmloh lah chu a theih hauh si lohnen, chutiang vel a ngaihtuah lai tak chuan kawngka chu arawng inhawng a, Elaina i office bang chu arawn lut ta a.

"I tho thei maw? Ka lo ngai hman tawh lutuk che asin," tiin Julie i chu arawn kuah chuk2 a.

"El, keipawn ka ngai che alawm. Thil te te ka rawn hawn che a," tiin a thianu thiltur a hawnsak la tur chuan a room lamah a kal nghal a.

"Iva han fel thin tak em! A nuam em Robb Marshall a bula zin chu?" chaih deuh pah hian El i chuan a ti lauh2 a.

"Hmm...kan buai khawp mai, kan mu hman hram chauh ani e," tiin scarf pawlduk leh vara tial a hawnsak chu a pe nghal a.

"A mawi lutuk, Julie. Ka lawm lutuk e," a lo ti sarh2 a.

"Ilo inenkawl tha em?"

"Tha tehreng e a....,"

"Chuan Ryan a chu?"

"A tha alawm, ka chungah a felzia hi i hrelo anih kha,"

"Hre hauh lo, mahse ka lawmpui a che,"

"Boss chuan a melh tai lo che maw?" mitko san ak2 pah chuan a ti leh a.

"Ka sawi chu, chutiang tihna hun a neilo. Kan buai em2 hi ani ringawt mai," tiin a thiannu chu dawt a hrilh ta ringawt a.

"Enteh Julie, Ryan a hian a bula insawn turin min tia? Enge i ngaihdan?" inthlahrung tih hriat tak hian Elaina i chuan a ti ta a.

Julie i chu a ngawi deuh vang2 a,"Ka sawitur a awm hauh lo nain, ala hma ka ti deuh," a ti ta khauhva.

"Nia, keipawn ka ti deuhva... ,"

"Anih chuan ila nghak rih thei alawm,"

"Nia, ka tana tha tur hi chu i hre thin reng a ni, ka lawm e," tiin a kuah leh chung2 a.

"Ka hre bik chuang hauh lo ania, mahse ala hma deuh ka ti mai ania. Coffee i induh em? Va inthlak la chuan kan indun dawn nia," thaw la hak pah chuan a ti ta a.

Julie i rilru chu a buai deuh nak a, Eliana i hian Ryan a thu hi a awih mah2 niin alang a, a bulah awm ta sela engtin tak awm ang maw? Ryan a hian a duh tak2 in a hre chiah si lova, mahse ka lo buai leh thin tiin choka ah chuan coffee lum tur chuan a lut ta nghal a.

An thiandun chuan coffe in pah chuan an ti ti leh bawrh2 a, Eliana i thu sawi hmang atang chuan Ryan a bula awm mai chu a hnial lo tih pawh a hrethiam mai a, tin a attchilh hle tih pawh. A thiannu chu a lawmpui rual2 in engkim a kalchak lutuk mah2 chu a hlauhthawn pui lo thei si lova, tih ngaihna tak pawh a hre lo a ni. Bakah rei tak chu Ryan a finlo tur chuan a dang thei dawn hauh lo tih pawh an titi kalphung atang chuan a man thiam nghal mai a.

Ni a liam zel a, Robb a bulah chuan thla thum lai alo thawk ve ta reng mai a. Business meeting nei turin hmun hrang2 ah an zin fova, mahse an zinchhuah hmasak tuma Robb an a fawh leh ngaihtuah ang kha chuan thil a awm tawh lem lova. Mahse Julie i chu lawm hle tur anih laiin a lawm chiah lo ani tih a inhre tlat. Hlat duh tu kha ka nia, tunah min hlat a enge ka lungawi lohna ni ta le, tiin a in ngaihtuah fo thin a ni.

Chumi ni hna thawk tura Robb a rawn thleng chu a dan a dang riau in a lo hria a. A dawhkana hna alo thawk mawlh2 lai chu," Julie, min rawn zuilut teh aw," a ti vawt ruih a.

Rang taka a thil tihlai dahin a zui ve nghal mai a. Nidangah chuan ama office a thlen hnu ah pawh hna a thawk fe tawh ang tih ah chuan a ko lut thin kha ania. A secretary nen thil ziahtur te an ziak fel te te phawt thin bawk a ni, enge vawiin takah hian a hriat le a ti rilru pah neuh2 a.

Robb a chu a thutna ah chuan a thu a," Thu ta che," a ti bul hmuk a.

Ngawi reng chuan Julie i pawh chu a thu thla ve nghal mai a.

"Englo ania, thil sawipui lawk che ka duh a,"

Engmah a sawi zawm tak lovah chuan," A serious viau ami?" a ti ta nge2 a.

"Aw, ni deuh mai,"

"Han sawi la...," tim deuh tat chung chuan a ti a. A ban mai dawn emaw ni chu le tihna rilru alo nei hman hial a ni.

"Ka inah hian rawn insuan lut mai la a tha in ka hria," a tih chuan Julie i chu a thutna atang chuan a tho awk a," Engmaw?" a tawng ring mah2 tih pawh a in hre reng.

"Ka duh ang hian hna hi kan thawk chak tlat lova. Zanah pawh thawh zel ka duh tawh a, hmun danga i awm daih chuan a buaithlak si nen. Hlawh chu ka pe tha viau ang che. Ka secretary lah i hriat angin a pa damlo enkawl lai ania, phut ngam chi ani si lova," a ti ta a.

"Sawitur pawh ka hre lo. Ka thiannu nen kan awm sia. Bakah miin engtin nge an ngaih ang?" a ti niah2 a. A nihna takah chuan a rilru a buai map2 a ni, hlawhsan chu a tan a tha em2 in a hre bawk si a.

"Vawiin tlaiah hian rawn insuan lut nghal mai la ka duh a. Zanin atanga thawk tan nghal zung2 thei turin," ala ti ta deuh2 va.

"Ih....aa...ka hre lo le," a ti ta ringawt a.

"Julie, he company ah hian i thawk mai ani lova, a neitu ber P. A i ni tih chu i hria anga. Tunah hian ka tan mamawh che ka ni lova, he company hian a mamawh che ani tih i hriatthiam ka beisei," a ti deuh charh2 a.

Nih chu ni viau in a hria a, hna thawk tura sawm ania, an inkarah engmah thil danglam a awm tawh lo ang maiin Robb a lah tun thla hnih chhung khan a awm tawh nen. Bakah amah hi a hah tih hi a hriat ngawih2 a, a mit hnuailam pawh a mu tlem hle tih hriat tak hian a val kalh bawk a, chu chuan puih angai ani tih pawh a tilang chiang hle in Julie i pawh chuan a hre ta a. Eliana i pawh reilote ah Ryan a nen an chengdun tawh dawn thova,a hlawh a pung dawn nen a tan chuan a awhawm viau a ni.

"Lunch break ah ka thiannu ka lo rawn ve min phalsak ta che. Kan awmdun mek ani si a, " a ti ta nge2 a.

"Awle...tlai ban hma in i thuthlukna min hrilh hre dawn nia, chuan haw pahin i bungrua chu kan la nghal thei anga," a ti chang fal a.

"Awle...thildang ala awm em? Lehkha thawn chhuahtur a tam sia,"

"Awm love, i kal thei ang,"

Julie i chhuak lai chu a en reng a, a hneh ngei pawh a beisei a ni. A nihna takah chuan Julie i lakah hian nasa takin a insum a, tunah chuan a thei tawh lo a ni. Nimin tlaia mipa dang nena an inbe lai leh hlim taka an nuidun lai a hmuh hnu ah ngat phei chuan amah hlata awmtir a tum tawh lo bur a ni. Eliana i lah a bialpa bula awm a tum tih an inbiak lai a hriat ruk avangin a hre ve kar nen. Thaw la hawk pah chuan hna tan a hun ta a ti sup a, phone la kangin a secretary chu a office a thil pawimawh tifel turin a ko lut ta nghal a.

Lunch break ah chuan Julie i leh Eliana i chu an sawi khunkhan hle ta reng a.

"Ryan a nen awmdun in tum tho sia, hlawh a san phah dawn nen, ka aw mai dawn em niang?" Julie i chuan hmel buai nak chung chuan tiin a thiannu chu arawn ta a.

"Ka awloh chuan i khua a har dawn phawt a. Chuan Robb a bula i awm chuan i hlawh a san phah mai bakah i tan thian tur an awm dawn bawk a, mahse hepa hian a ngaizawng che ni tlat a ka hriat chu le...," intih fin hmel zet hian a ti ta khauh a.

"Ngaizawng hauh lo, kei hi maw ngatan mah min ti lo. A hna tha taka thawk turin leh a company hmasawnna turin min duh a ani mai,"

"Mahse a inah insuan lut tur em2 chuan tumah ala ti ngai si lova tiraw?" alo ti lehzel a.

"Aw...a hma in chutiang em2 chu a ngailo pawh ani thei a," tiin Robb a awmdan vel chu ala thup hram2 a.

"Nih leh nang hian duhna i nei tal em? A lakah hian ilo zuamawm deuh em ni?" ala ti talh a.

"Chutiang engmah a awm lo....ka insawn duh angem sawi mai rawh!"

"Insawn la a that zawk ka ring,"

"Awle...let hunah ka hrilh anga, vawiin tlaiah a inah ka insuan lut nghal ang,"

A kutzungpui tipir va pah chuan, " Duhsakna ka hlan a che," a ti ta a