My Destiny (Completed)

Episode nei ho a hlawm a dahkhawmna
Ngaia
Site Admin
Posts: 25813
Joined: April 30th, 2016, 4:07 pm

Re: My Destiny

Unread post by Ngaia » May 13th, 2018, 3:23 pm

Nizan lama a mut har vang chuan zingah pawh chuan a harh lawk lova. Chawlh te ani bawk nen a rilru a hahdam ve deuh pah bawk avang chu ani ve pakhat bawk a. Mahse dar sawm ah pawh ala rawn thawh tak lovah chuan Robb a chu a ngaih a tha ta hauh lova, Julie i room kawngka bula a din vang2 hnu chuan a kik ta nge2 a.

Thophang aw taka lo lut rawh tihri a hriat rual2 chuan room kawngka chu a hawng nghal vat a. Julie i chu khumah chuan alo la inzial hlawm nasa mai a, menpawh hi alo la meng mang lova.

"Ila zia vak nange Julie? Doctor hi ko mai ila a tha in ka hria...." a tih takah chuan Julie i chu rang mangkheng hian a inperh thova.

"Doctor maw?? A ngai hauh lo Robb! Ka tha alawm, chawlh anih vang ania ka mut rei mai2," a ti ta chul a. Doctor a koh vaih chuan lo rai ta se a sawi ngei dawn si a, chu2 Robb a hriat atana a thil duhloh ber alo ni bawk nen, a theihtawp chuan a rilru chu hneh ngei a tum ta a.

"Mahse nidangah pawh chawlh te chu kan nei ziah alawm. I tha lo tawp anih kha, Julie," a hmela a ngaihtuahzia langchhuak chung chuan a ti leh a.

"Enteh, ka tha ka tih chu...mahse i awihlo anih chuan bazaar a kal ka ngaia chumi pah chuan ka in entir mai ang, aw....," thlem titih hian a ti ta a.

A ngawih vung2 hnu chuan," I tih tlat chuan le, mahse i in entir ngei tih ka hre duh ang," ala ti hram a.

"Awle...ka in entir ngei ani tih i hriat theihnan thla ka lo la dawn nia damdawi ina ka kal hunah aw...," tiin a tiam ta a.

"Awle2.... Anih chuan Mrs. Page i breakfast ka rawn dah tir ang e...," a ti ta a.

Robb an a thusawi a awih avang chuan a thawveng huai a," A ngailo, ka inti fai anga ka lo chhuk dawn nia. I ei tawh em nang?" alo ti vat a.

"Ei lo, ka lo nghak deuh reuh che a,"

"Awle...minute nga chiah hun min pe la aw...," tih leh thawh chu a rual a.

"Awle...varanda ah ka lo awm ange," tiin Robb a pawh chu room atang chuan a kalchhuak ve ta nghal a.

Rang takin bathroom ah chuan a lut a, a inbual fai zung2 a, mahse a tha chu a za viau lo ani tih chu a inhre ru kar a. Mahse chutiang ngaihtuah kual thei ani lo, Robb a ngaih a thatloh leh hma ngei a he in hi a chhuahsan loh chuan doctor chu a ko duh ngei dawn si a, chuvangin a hmanhmawh theihtawp chuan a che ta zung2 a. Awmhmun kawrfual pan angreng tak, hmuh hahdam thlak deuh hi a ha a, chappal hniam te bunin a theih anga rang chuan inhnuai lam chu a pan thla ta a. Varanda ah chuan Robb a chu alo thu mu vang2 a, a bula thuthmun rem pah chuan alo thleng tawh tih hriattir nan chuan a aw chu an thian kharh a.

Zawimuang a thu tha pah chuan,"Hetah hian ei mai ila, a nuam riau mai hei," Robb a chuan a ti a.

"A tha alawm, Mrs. Page i ka va hrilh ange," tiin choka lamah chuan a kal ta nghal a. Mrs. Page i chu alo buai hmel hle a, Julie i a hmuh chuan alo nui sang a," Iva that tawh hmel ve kha Miss Rothschild?" alo ti var a.

"Aw...ka tha tawh lutuk. Robb an varanda a breakfast ei a ti deuh va, ka lo pui ang che khawi....," tiin tray chu a ban nghal a.

"Mai2 a, angai hauh lo. Ka ti thei alawm, bakah ka hna ania tin nuam ka ti bawk," alo ti deuh hmak a.

"Mahse puihve che ka chak tlat sia," tiin Julie i chuan a luhlul a chhuahve ta a.

Ngawi reng chuan an in melh deuh khang2 a, a hnu ah chuan Mrs. Page i chu alo nui ta hawk2 a," Awle...i duh te chuan min pui dawn nia," tiin Julie i try kenlai chu a laksak a, coffee leh thildang breakfast tura a siam te chu a dah ta a.

"Ka va chawi chhuak ange, thei ho kha lo keng mai rawh aw," tiin Julie i chuan a kalsan ta a.

Robb a awmna bula dawhkan ah chuan a thil ken chu a chhawp nghal mawlh2 a, Mrs. Page i pawh chu lo thleng ve in a thei ken tui hmel tak2 ho chu Julie i thil chhawpna bulah chuan alo chhawp ve nghal zung2 bawk a.

"Mamawh in neih chuan min lo au mai dawn nia," tiin a kalsan nghal thuai a.

Robb a chuan ngawi reng chuan Julie i te chetla chu alo thlir reng a, Mrs. Page i kal tak hnu chuan mak tih hmel taka Julie i en pah chuan," Khatiang zawng2 i tih kha a phalsak che a maw?" a ti ta hauva.

"Engvang mahin a phal lo, mahse ka ti lui anih kha," nui sen2 pah chuan a ti ve mai a.

"Mahse awm hahdam mai2 tur ini asin," alo ti hul hak a.

"Ka tha ka tih tawh kha Robb, chuan awm mai2 ai chuan maw....tihtur neih te hi a nuam zawk fo ania," a ti dam diai a.

"Mahse khatiang hna thawk tur khan he inah hian ka hruai hauh lo che ania," lungawi chiahlo tih hriat tak hian alo la tifan a.

"Awle....anih chuan ei phawt ang aw...," chhang buai peih tawhlo tih hriat tak hian ati ta daih a.

Ngawi reng chuan an breakfast chu an eidun ta mawlh2 a, ei thuai2 a a rang thei ang bera chhuah vat2 chu Julie i duhber ani tawh rih ani. A chhan chu Robb a hian a nuamsam lo ani tih a hriat thawi leh vaih chuan a hriat hauh lovin doctor chu alo ko duh mai ang tih a hlau zek2 tawh ani.

Breakfast an ei zawh chuan hahdam taka thu pah chuan thei chu an eidun ta a, Julie i chuan a hma a a ei duh ngai reng2 loh blue berry chu tui ti taka a ei tak mial2 chuan a phu deuh zawk a. Awl Lalpa! He thil hi ka duh ngai hauh lo asin, engvanga tui ti ta em2 nge ka nih le, tih chu a rilru chuan a ngaihtuah rauh2 lo thei lova. A hmel buai deuh hlek lah chu Robb a chuan alo thlir vung2 ani tih chu a hmu thuai bawk a. Mangang taka hawikual pah chuan chhuanlam siamtur chu a ngaihtuah kual ta ruai a.

"Englo ania Robb, ka han insiam tan tawh ange...ka lo haw tlai deuh maithei bawk ania," a ti ta ringawt a.

"Nia ka thlah dawn che nia," a tih takah chuan mangang tak hian Robb a chu ava en a,"A ngai lo reng2, ka kal thei alawm," alo ti vat a.

"Kal la han insiam mai rawh! Ka thlah dawn che ka tih chu...," alo tih tak hmak si ah chuan sawileh tur chu Julie i tan chuan a vang hle ani.

"Awle...," tiin phur lem lo tak hian a room lam pan chuan a kal ta hna2 a. Engtin nge a tih tak ang? Damdawiin ah chuan awm ve tlat ta sela? Tupawh in entir sela a rai anih chuan an hre dawn chiangsa si a, Robb a chu hnar dantur ngawt a ngaihtuah char2 angai dawn ani. Bazaar ah inthlah tir hmasa ta sela a tha zawk angem tih te chu a ngaihtuah kual ruai a. Rei a tih hlauvin a insiam ta zung2 a, jeans kekawr pawlduk a pian tilang chiang tur tight tha angreng tak hi a ha a, sneaker var a bun a, tshirt mawl tawp mahse amah tilang fresh em2 mai, a var hi a ha leh bawk a. Lukhum leh sun glass a la a inhnuai lam pan chuan a chhuk thla leh nghal a. Make pawh a hmang lem lo, a hmang peih lo rilru buai lai ani nen!

Robb a chu varanda ah chuan insiam sa hian alo awm tawh a, kekawr dum, sneaker dum leh tshirt ho angreng tak makse nalh taka tial thek2 hi alo ha a, alang pa in a fresh ngawih2 hian Julie i chuan a hria a. Julie i pen thawm a hriat chuan alo hawi a,"I hman chuan kal ila?" alo ti thuai a.

Damdawi in kawt an thlen chuan rang tak hian Julie i chu a chhuk a," Ka lawm e, ka lo haw tlai pawn min lo ngaihtuah suh ang che u....," tiin Robb an engmah a sawileh hma chuan damdawiin lam pan chuan a kal ta nal2 a. Zuitu pen thawm a awm em tih chu a ngaichang deuh reng bawk a, mahse a awm lova a hriat hnu chuan a ding a, Robb a motor chu ala awm em tih chu tukverh lo inhawng atang chuan a bih ta dak2 a. Robb a motor chu a hmuh ta hauh lova, a ding ngil a, thawk a la ta hawk a. Reception ah chuan a doctor mamawh ang chu a sawia, a kalna tur an hrilh a, midang ho thutna ah chuan a luh huntur nghakin a thuve ta ran a.

Banga poster te leh eng2 emaw an tar te chu a enkual a, a rilru chu a kalthui hle a ni. A hun alo thlen chuan a zam takzet a, a chhan chu a thil hriat tur chuan a hmalam hun thimzia a hriattir dawn a, tin Robb Marshall a lak atangin hla takah a kaltir dawn bawk ani tih chu a hre ran si a. Alo railo hlauh anih chuan.....chu2 a awmdan danglam tak atang chuan a beisei ngam hauh lo a ni. Doctor chuan alo en uluk hle a, zun test a neihtir bawk a. Reilote hnu ah chuan a hriat hlauh ber chu thudik ani tih doctor chuan a hrilh ta nge2 a.

"Miss Rothschild, nau i keng mek ani, thla khat leh a chanve ani tawh e....," doctor chuan lawmpui hmeltak hian ala tizui a.

Sawitur mai a hre lova, hmel buai naka a awm takah chuan, doctor bawk chuan," I pasal in naupai ala remti chiah lo ami?" khawngaih hmeltak chuan a ti leh a.

"Nia, a rem ala ti chiahlo ani....," a ti ve ta ringawt a. A nihna a sawi chuan chu doctor nu tuna a hmela khawngaihna lang chunga be tu nu chuan chutiang chuan a biak a ring hauh lo ani.

"Engpawh nise, inbe phawt ula, a duhlo a paih ati talh anih chuan a len lutuk hma a paih vat angai ang. Anih loh chuan nangma tan pawh a hlauhawm thei dawn ania,"a ti leh siam2 a.

A paih dawn hauh lo tih a inhriat chian em avang chuan," paih dawn lo ta ila, keimah leh naute hian kan mamawh tur te, kan in enkawl dantur te leh thildang pawh a awm anih chuan min hrilh ta che, doctor?" a ti ta nge2 a.

"Tehreng mai," tiin Julie i naupai chu a fa hmasa ber tur ani tih hriatthiam pui tak chuan doctor chuan a in enkawl dantur te, naute tana tha tur ei leh in in lama tha tur te chu a hrilh ta zel a. Damdawi lam a eitur ang te pawh chu lehkha ah chuan a ziah sak nghal thlap bawk a.

"Ka lawm lutuk e, doctor,"

"I pai tlang ngei theih nan duhsakna ka hlan a che," tiin doctor chuan a thlah ve ta a.

Doctor room atanga a chhuak chu rilru mumal chiah pawh a neilo hi ani ber a. A mit te chu a phe vek hian a hria a, zawimuang hian pawnlam pan chuan a kal zel a, a bul vela kal mihring te chu an hmel pawh hi a hmu mumal lo ani ber mai. Pawn a thlen chuan nisa in arawn chhun takah chuan a harh deuh hlek chuan a hria a, mahse enge a tih anga engtinnge a awm zel ang tih chu a ngaihtuah fel alo ngai ta tih chu a rilru ah chuan arawn lang nawn awn2 a. Damdawiin bula thutna thingkung hlim hnuaia an siamah chuan a thu thla hnawk a, a in kuangkuah than a, a melh ngai chu a melh ngawt2 a. Thil ngaihtuah fel chu sawilo a thluak ah chuan engkim chu a kal kual nuaih2 niber hian a hre zawk a.

"Hmmm.....hetah hian ani maw ilo awm daih a?" Robb an arawn tiri a hriat chuan a phu chiang kher mai. Zawimuang chuan a hawi chhova, a mitmeng ah chuan Robb a ahmu chu a awihlo hle ani tih pawh alang chiang hle a.

"Ih....i....haw...daih tawh emaw ka tia. Ilo la awm reng ani maw?" tiin a rilru a awm chu a sawichhuak ta nghal a.

"I kal pah khan ka thilsawi kha i hre turah ka lo ngaia, ilo hrelo ani maw? Pawnah hian ka lo nghak ang che ka tih kha!" ala ti ang tak deuh2 chu Julie i chuan mak a ti zual hle a. A kalsan hnu khan ava en leh kha ania, a motor pawh a awm tawh miahlo kha ania, mahse hmundang ah park turin a tlanchhuak hman tawh ani ngei ang chu.

"Oh!! Min hawsan tur khan ka ti si che a?" a ti zawi ta sap a.

"Ka P. A damlo in entir turin ka hruaia, ka hawsan leh daih anga maw? I sawi hmang chuan ka ngaihsak ngai hauh lo che anih hmel ve?" lungawi chiah lo hian Robb a chuan a ti nang2 a.

"Chutiang pawn ka sawiloh chu! Tihtur dangte i neih ka hlau alawm,"tiin a theihtawp a nem chuan Julie i chu a tawng hram2 a. A nihna takah chuan tunah hi chuan amah chauhva awm a mamawh ber lai ani. Robb a hian engchen nge a hriat ang? Mahse a hmel atang chuan engmah a hrelo ani tih chu Julie i chuan a hrethiam nghal mai a. A theihtawp chuan a in bengdai a, rilru fim tak put hram2 a tum bawk a, Robb a chuan a ringhlel tur ani hauh lo tiin a infuih malh2 pah bawk a.

"Awle, anih chuan lokal rawh le. Lunch ei phawt ang, chuan i bazaar na turah chuan ka hruai dawn che nia," te chu ala ti ang tak deuh2 va.

Julie i chu a mangang takzet zet tawh hi ani ber a, Robb a chu hlat a tum hle laiin a bula nileng lenga awm te chu alo la tum zui ani si a! Hnial mahsela a thu chu a duh ropui si a, a kai lui leh duh mai dawn tih a hriat avang chuan thuawih tak chuan," Awle...ei ila ani mai lawm," hmel hlim put luih tum hram2 chung chuan a ti ve ta a.

Restaurant changkang takah chuan Robb a chuan a hruai a, midang pawh an lo awm nual a. A kil deuhva tukverh bulah chuan an thuttir avang chuan Julie i chu a lawm rilru hle a. A chhan chu boruak tam tak hip tur a mamawh tlat ani, a pum chhunga naute pawhin! A tih than thin loh ang takin vawiin lunch an ei tur chu Julie i chuan ama duh chu a thlang ve ta tlat a, a chhan chu a ei theih loh tur awm ang chu Robb an a lam fuh vaih chuan an pahnih chuan an mualpho dawn ani tih a hriat kar vang a ni. Thildang ti leh tur anni bawk a lunch an ei chhung chuan an tawng tam lem lo khawp a.

"Awle, doctor chuan enge alo sawi min han hrilh tawh teh le?" waiter in an lunch tur order a lak zawh hnu chuan Robb a chuan a ti ta a.

"Ka tha lutuk ati, mahse ka pumpui hi alo thalo trep2 a in enkawl chu angai deuh dawn ani tiin min hrilh a,"

"A lawmawm lamah ngai ang aw...i dam leh thuai theihnan damdawi pawh keiman ka tum vek ang," alo ti hmiah a.

A damdawi tur chu a leisak tur ani hauh lo tih chu Julie i ngaihdan ani a, " A ngawi lo, ka sawi awmzia chu ka lei mai ang," a ti bah deuh nak a.

"Enge thil tihsak ka tum ve ang2 che hi i duhloh zel a?" a ti ta ngei a.

"I ngai kawi anih chu, damdawi vak pawh min chawh lo. Ei ti tha deuh turin leh mawm lam eitam lo turin min ti mai chauh alawm," alo ti ve tang2 a. Chutia an inhnial deuh bap2 lai chuan an lunch pawh chu an ei duhtawk ve2 ta a. Robb an bill vel a pek hnu chuan Bazaar lamah chuan an in khalh chhuak leh ta a. A nihna takah chuan Julie i chuan leitur a nei hran hauh lo, haw tlai chhuanlam atan leh a inngaihtuah fim hnua haw a duh vanga bazaar ngai anga insawi mai kha ania. Mahse chutia Robb an a zui tak tlat ah chuan engemaw tal lei lova haw chu a theih dawn ta hauhlo tih a hrethiam mai a, a ruk tak chuan a pawisa khawl tlemte ala mamawh em2 tur an hmang phai tur chu a ui ngawih2 a ni.

Mall velah chuan an kal kual tan ta a, mahse a to hlawm em avang chuan a lei ngamlo deuh zel a, a tawpah chuan kawr pakhat ama ta tura an design niawm tak hi a lei ve ta a, chupawh alo theih tawhloh vang ani deuh ber a. In an thlen chuan khua a thim deuu thuak tawh a.

Inchhung an lut chiah chu Robb a chuan," lo nghak lawk teh aw, thil ka pek theihngilh daih che," tiin motor a dahna lamah chuan a let leh ta a. Enge a nih ang tih chu Julie i chuan ngaihtuah ngaihna pawh a hrelo hrim2 a. Robb a alo luh leh chuan thil hi arawn khaibawr ta luk mai a.

"Khang kha enge ni a?" Julie i chuan alo ti chiam a.

"I ta tur an nih kha," nui vur2 pah hian alo ti mai a.

"Mahse heng zozai hi enge an nih a?" mangang tak chuan alo ti ruai thung a.

"I room ah i hawng dawn nia, chuan enge an nih i hre mai ang. Kal rawh ka lo ken pui ang che," a ti ta a.

Sawitur chuang hre tawh hek lo, a then a zar chu khaipuiin a room lam pan chuan a kalve ta ngawt a. Room an thlen a thil vel an dahfel hnu chuan," Tikhan lo enkual la, nakin ah coffee in turin ilo chhuk dawn nia," tiin a kalsan ta daih a. Robb a kal hnu chuan a thu ngawi vung2 a, engatan zozai nge maw hetiang te chu a leisak le? Mi kalbo a tum tawh lai2 a, hawn pawh hawng lova pek kir leh mai chu a duh ut2 a mahse engpawh ni rawhse en ve phawt ang tiin a hawng tan ta a. Mall leh dawr dang2 an kalna a a thil en zinga a duh deuh bik kawr te, pheikhawk te, bag te, leh tlereuh ho zawng2 kha Robb a chuan alo lei khawm vek chu niin! A ang phiau ringawt a, a ngaihna pawh a hrelo hle bawk a. Hetiang zat2 hi engvanga a P. A mai2 tana leisak nge anih? A damloh avang hian a inthiamlo ani pawh lo nita sela, amah avanga damlo lah ani der si lova. Amah Julie in a tihsual nawn avanga he harsatna ala hmachhawn chauh tur hi lo thleng ani si a. Robb a lakah hian lo inveng sela, duh hle mahse lo do ngam bawk sela chuan vawiin ni hi a hmachhawn angai miah lo tur ania. Chumi piah lamah lah Robb an hmangaih dang a nei tih ala hrechiang em2 zui bawk anih kha! Ama thiamloh liau2 ania, chuan heng thil te hi ala thei lovang, duh lah a duh hek lo. Robb a room a va kala a thil leisak te chu lakir leh tura va hrilh nghal mai a tum deuhva mahse a inngaihtuah fim hman a, a reilo berah helai ah hian kar khat bak a cham tawh dawn chuang lova, tihian a hnutchhiah anga ani mai tih chu a rilru ah chuan arawn lan avang chuan a ke a pem tan tawh pawh chu a hnuk let leh ta a.

Inbual phawt chu tha in a hria a, rilru fim nan pawh, bathroom ah chuan a lut ta a. A inbual zawh chuan kekawr bul leh tshirt holam tak hi a ha a, slipper nen inhnuai lamah coffee intur chuan a chhuk thla ta a. Robb a pawh alo awm tawh bawk a. Sitting room a a luh veleh chuan Robb a chu a lam alo hawi nghal thuai a, a hmel chu nidang anglo takin a hlim deuh sarh hian Julie i chuan a hria a, mahse a ngaihbel pawh ani mahna lehpekin!

"Lo thu rawh Julie, coffee pawh an peih trep tawh ang," alo ti zung2 a.

"Ka lawm e, khiti zat2 te chu ka inbel hman dawn hleinem, thawn kir leh la a tha ang," a ti tawng a.

"Ho mai2 ka tihsak ve duh che alawm, i duhloh a awm anih pawn Eliana i pawh i pe mai ang chu," alo ti daih a.

"Mi pek atan phei chuan a to hlawm lutuk alawm, thawn kir la pawisa a neihlet kha a tha zawk!" ala ti ve fan a.

"Min lo ngaidam la Lady, khitiang mai2 thawn kir tur chuan min tilo ang chu tiraw?" mitko san ak pah chuan a ti deuh hmak a. Ani reng ani Robb Marshall a te ang mi hausa tawntaw tan chuan engtham mah ani lo reng a ni. Mahse Julie i erawh a inthiam theilo thung a, ni reilote hnu ah a kalna tur pawh hrilh lovin a kalbo san dawn chu ani si a. Hepa hian natna tam tak pe mahse a hmangaih tlat avangin engang pawn theihngilh a huat tum mahse a damchhungin chung thil pahnih chu a thleng ngai dawn lo ani tih pawh a hrechiang hle a ni.

"I tih tlat chuan le, ka lawm lutuk e," a ti ta ringawt a, sawitur dang pawh a hre meuh lo a ni.

Mrs. Page in coffee arawn chawi luh takah chuan engmah an sawi chhunzawm tawh lova, coffee chu ngawi reng chuan an indun ta a. An inzawh hnu chuan kea lenvah a rilru tih thawnven a duh avang chuan Julie i chuan sakawr in lamah Robb a chu a kalsan ta a. Sakawr in tak phei chu thlen a tum hauhlo, kea kal nan chuan a hla ve deuh em bawk a ni. Zawimuanga kal det2 pah chuan a pum chu a zut hleuh2 a, a kawchhunga naute insiam mek chu a be mawlh2 bawk a. Hlau miah suh aw ka naute, i nu ka awm alawm, keiman ka enkawl dawn che alawm. I pa hian ngaihsak dawnlo che mahsela pawiti reng2 suh i bulah ka awm zel dawn a, i chungah hian eng harsatna mah a thlen ka phal ngai lovang, tiin a naute chu a thlamuan sap2 a. Thui fe a kal hnu chuan rul te an awm palh ang tih chu a ngaihtuah chhuak ta thut a, inlam pan chuan a haw leh ta a. Thlifim in an chhem heuh2 chu a thluak buai lutuk te pawh chu a zia sawt hian a hria a. Doctor in eitha ei tura a hrilh kha a hre reng a, thei lampang pawh eitam a tum rilru ta ran a. Vawiin khan Robb a kha a bulah a awm ve tlat avang khan damawii vel pawh kha a lei ngam ta lova, mahse a remchan veleh lei a ei tan erawh a tum khawp mai, a fa chu a theih anga tha in a enkawl dawn a ni.

Ni a liam a, zawi2 in Robb a leh Mrs. Page i hriatloh chuan a insiam ta zeuh2 va. Kar tawp dawnah chuan a rilru leh a thawmhnaw kentur te pawh chu a siamfel diam tawh a. Khawi ramah nge a kal ang tih pawh chu a theih ang tawk chuan a ngaihven ru reng a, a tawp a tawp ah chuan New York ah let leh a tum ta a. Mahse a chhungte hlat thei ang berah awm a tum thung a, a chhan chu an hriatchhuah vaih chuan a nu leh a nauten an tawrh zawh a ringlo ani. Mahse an rama a awm chuan a chhungte nen inhmu ngailo mahse an bul hnaia awm angin a in ngai reng thei dawn thung a ni. Ticket te pawh saturday zan ami turin ala fel tawh a, Eliana i chu hrilh a duh hle nain a hrilh ngam lo a ni. Engemaw vangin alo sawichhuak palh hlauh anih chuan a pawi dawn lutuk bawk nen, tumah engmah hrilh lova kalbo chu tha ber dawnin a hre ta a ni.



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » May 13th, 2018, 3:23 pm

Friday alo thlen chuan a khua a har lawk hle a. A tuk maiah chuan he in mawii leh ropui tak hi chatuan atan a chhuahsan tawh dawn a, tin a damchhungin a hmu leh angem a hre pha tawh lo a ni. Robb a te, he in te leh Mrs. Page i te leh engkim mai chu angai viau dawn ani tih pawh a inhre lawk bawk a ni. A lung chu aleng lawksa hle mai ringawta, mahse kal lo thei erawh ani si lo. Hlim taka he ina a hun tawp ber ni hi hman a duh a tin a tum bawk a ni. Zing takah a thova, a intifai zung2 a, choka lamah chuan a chhuk thla ta a.

Choka a ava luh chuan Mrs. Page i chu alo buai hle a, Julie i a hmuh chuan," Good morning Miss Rothschild, iva tho hma ve?" alo ti nghal zung2 a.

"Nia, vawiin hi ka tana ni special ania," tiin a nui lui sang a.

"I Birthday ami?" phawk deuh tak hian Mrs. Page i chuan a ti ha a.

Nui hak2 pah chuan," Ni love, ka la sawi mai thei rih tlat lo mai, mahse thil pakhat tihchak deuh ka nei a...," inthlahrung tak chuan a ti a.

"Enge chu2? Sawi ve mai la?" tiin alo tur a.

"Robb a duhzawng tak breakfast atan siamsak ve ka chak a, enge min hrilh thei angem?"

"Aw tehreng mai. Thei tharlam a duh em2 a, coffee leh omlet nen," phur tak hian alo ti sarh2 a.

"Awle, min lo pui la han siam chhin ang hmiang!" phur fe a Julie in a tih hnu chuan an pahnih chuan Robb a duhzawng siam chuan an buai tan ta a. Julie i chuan an thilsiam zawh tak chu a en vang2 a," Ummm....a tui ngei ang tih a hmel atang hian ka hria ani. Awle....tunah chuan alo chhuk trep tawh ang, chhangthawp ah hian butter ka lo tat anga, coffee kha lo chhuang ta che," a ti a.

An in peihfel hnu chuan pawn varanda lama Robb a thawm chu an hre ta a, Julie i chuan," ka va chhawp anga mahse ka siam ani tih sawi miah suh aw...," mit siai zeuh pah chuan a ti a.

"Awle...," ti pah chuan a kut zungpui chu alo tipir va thung a.

Julie i chu phur tak chuan varanda lamah chuan tray chawii chung chuan a kalphei ta a. Robb an alo hmuh chuan a phawk hle ani tih chu a hre mai a, mahse a hmela phawkna chu a thup leh thuai a. Mrs. Page in a thil ken a chhawp zawha a kal hnu chauh chuan Robb a chu a tawng ve chauhva.

"Enge i thil tih mek hi? Hetiang hi ti turin ka duh hauh lo che ania," alo ti deuh hmak a.

"Ka hria alawm, vawiin bak hi chu ka ti tawh dawn hleinem," nui sang chung chuan alo ti mai a.

Robb a chuan arawn en vang2 a, mahse engmah sawi lemlo chuan a breakfast chu tui tih hmel tak hian a ei ta mawlh2 a. An eikham hnu chuan, insiam turin an room lam ve2 an pan a. Vawiin hi a hun tawp ber anih tawh avangin Julie i chu a inchei uluk hle a. Suit senduk hi a thlang chhuak a, a remtur pheikhawk sen hniam te nen. Karmiz var nalh taka thui hi a ha bawk a, a tihthan danlo takin a sam chu a zial thlap a, make up pawh tlem in a uar ve deuh hlek bawk a. A insiam zawh hnu chuan darthlalang ah chuan a in en vang2 a, a lungawi hle a ni. A bag chu ala a, inhnuai lamah chuan a chhukthla ta a. Robb a chu kawngka bulah hian kal mai inring reng nimai awm tak hian alo vei kual mek hi step tawp atang chuan a hmu a. Business suit dumpawl nalh taka thui alo ha a, pheikhawk dum a bun a, kamiz var sar hi alo ha bawk a. A nalhin a dar pharh te chu nidang ai mahin alang pharhtha zual hian Julie i chuan a hria a. Hepa hmeltha em2, pa bawk si, nula tam takin an neih theih dawn phawt chuan an engmah an uiloh hi naktuk maiah chatuan hmu leh ngai tawhlo turin a kalsan dawn chu ani si a, ka va han ngai dawn chiang tak a ti rilru vawng2 a. Chutiang vel ngaihtuaha a din vang2 lai chuan Robb a chu arawn hawi chho ta thut a, engmah sawilo hian Julie i chu arawn en vung2 a, mak a ti ngei ang tih pawh Julie i chuan a hria ani. A chhan chu nidang anglo takin a danglam tlat ani engkim ah chuan mahse hepa chapo tak hian a hmelah chuan engmah a tilang hauh lo.

"I hman chuan kan tlai hma hian kal ila?" alo ti duh chauhva. Ngawi reng chuan motor awmna lamah chuan an inzui chhuak ta a, a thutfel hnu chuan chak tak hian an tlanchhuak ta nghal a. Motor khalh chak taka chuan hi Julie i chuan a hlau ani tih pawh Robb a chuan a hre reng mahse a eng thlarau nge thawk lehpek pawh hriatloh hian a tlan chak em2 ringawt mai ani. An company zawn an thlena, a ke chik tuarh khawpa a din meuh chuan Julie i thaw chu a chham hmanlo chauhva. A hlauh em avang chuan engmah pawh a sawi mai thei lova, ngawi reng chuan a theih anga rang chuan a chhuk nghal nal2 a.

Office a chho tur pawh chuan Robb a chu a nghak duh ta bik lova, amah chuan private lift ah chuan chuangin an office lam chu a pan ve hmak a. Sandy i Robb a secretary chu alo thleng tawh a.

"Good morning Julie, iva mal ve?" alo ti var a.

"Ka hnungah alo kal mek. Iva hma ve Sandy?" hmel hlim hmuh hram2 pah chuan a ti a.

"Nia, ka tlai zing sia, tunlai chu ka pa a zia deuhva ka kal hma ve theihlai anih hi," alo ti sarh2 a.

"Ava lawmawm ve, i enkawl thla hle anih chu," ati ve luam a.

"Pathian leh doctor te min enkawl pui vang zawk ani e. Vawiin chu i nalh hlemai," tiin a mit a siai khum deuh sak a.

"Ka lawm e, nia ka tang ve deuh alawm," mit siai let pah chuan a tive mai a.

An boss chuan arawn kal pelh tak thuakah chuan an ti ti lai chu an tawp chawt a, Robb a lah chuan thinrim hmel tak hian," Sandy ka room ah dictation turin lo lut nghal rawh," a ti deuh hmak a.

"Awle, Mr. Marshall," tiin Sandy chuan a lehkhabu leh pencil chu ala a, Julie i kalpel pah chuan a pu room ah chuan a lut ta nghal a. Julie i chu a hawihawi hle a, Robb a awmdan chu a ngei ru hle bawk a, enge vawiin zing hian a hriat pawh a hre hrep love. Hna ka ngah alawm, tiin ama dawhkan ah chuan a thu tau deuh hmak a, a hna chu a tan ta nghal a.

Robb an Sandy i a vin ri chu a hre leh zeuh2 thin a, alo phu deuh zawk2 hial a. Hepa hi a engemaw diklo le, hetiang hian a awm ngai hauh si lova tiin alo ngaihtuah a. Sandy i lo chhuak chu alo en vat a, a lungawiloh hmel hle bawk a,amah Julie i pawh en tawh lemlo chuan ama office lamah chuan a kal tlang nghal daih a bawk a, Julie i chu lehlam takah chuan a inthiamlo hle mai a. A chhan chu anlo inbiak vel kha Robb a chuan a ngaitheilo em niang aw tih rinna a neih vang a ni, nakin ah Sandy i pawh chu va hnem a ngai in a hre hial a. Chutiang vel a ngaihtuah lai chuan a dawhkan a phone chu arawn ri ta thut a, a phu hial a ni.

Phone chu la kang pahin," Hello?" a ti nghal var a.

"Robb a ka be duh a," hmeichhe aw hian arawn ti ta a.

"Tunge ka tih ang le?"

"Camella Anderson,"

"Aw, lo nghak lawk ta che, a buai em kan zawt lawk ange," a ti chuai raih a. He nu hian engvanga tun ang huna lo phone nge maw anih le? Robb a chu a phone ta ngal a," Camella Anderson inti in a be duh che a, i buai lai ani em?" ava ti deuh thawng a.

"Ka lo bia ange," arawn tih chuan alo sa zak a. Tun ang hun buai zual lai tak leh appointment a ngah em2 laia he nu ka lo bia ange a ti chu a ngei hle a ni.

"Awle, line 2 ah khan a awm, phone kha la mai rawh," a ti leh deuh hmak a.

An inbe ri chu hre vek theilo mahse Robb a chu a hlim hmel hle ani, a khat tawk chuan a nui leh hawk2 thin a, chu2 Julie i tan chuan hriat a nuam lemlo hle ani. An inbiak zawh hnu chuan Robb a chu a room atang chuan arawn dak zawk a.

"Vawiina appointment zawng2 kha lo cancel vek la chuan i duhna berah khan mi pahnih tan lunch eina tur dawhkan lo book ang che," arawn ti a, a kawngkhar chu engmah a sawive hma chuan a khar leh nghal hmak a.

Julie i chuan Robb a kawngka khar tak chu a en reng a, heti khawpa ilo hmangaih te chuan enge midang neih i phal a? Neih mai tur che alawm, tiin a phun hlak a. Phur lo tak chuan Roonz restaurant chu a phone ta nghal a. An ni lah chu Robb Mashall a te ang milar in an restaurant a dawhkan arawn hauhtir avang chuan anlo lawm hmel hle lehnghal a. Ngei taka phone chu melh nghek pah chuan a dah ta chawrh a.

Julie in a hna alo thawh mawlh2 lai chuan corridor ah chuan pheikhawk sang bun chunga pen ri khauh2 chu a hre ta a, chutah perfume rim nazet hian arawn zui bawk a. Tunge lokal tih chu en hauh lo pawhin a hria in a inhria a, Camella Anderson i alo thleng ani tih chu a hre chiang hle ani. Mahse engmah hrelo awm tak chuan a hna chu a thawk chhunzawm zel a, lo chhawn pawh chu a tum hran lo ani.

A dawhkan hma a rawn ding pah chuan," Robb a kha ka lo thleng tih lo hrilh ta mai che," Camella i chuan arawn ti ta a.

Zawimuanga hawi chhuak pah chuan," Min lo hrethiam la, tunge lo thleng ka tih ang?" ati ve deuh nghat a.

"Camella Anderson," alo ti hmak a, ngei hmel tak hian Julie i chu a melh ram2 bawk a.

"A pawi hlemai, ka hre ngai tlat lo che ani," ti leh kher pah chuan phone chu muangchangin a ban a,Robb a chu a be ta a," Camella Anderson inti alo thleng a...," aw ngaihno beilo zet chuan a ti a, Robb an a chhan hma2 chuan phone chu a dah leh nghal daih a.

Robb a chu minute khat pawh aral hma chuan alo chhuak nghal a, Julie i lah chuan awihlo hmel zet hian alo melh nghek a.

"Ilo thleng thei maw? Iva hma ve?" nui sawng chung hian Robb a chuan a ti a, Julie i chuan alo ngei em avang chuan a hawisawn hmak a.

"Ka tlai ngailo tih chu i hriat kha, darling," no hnap hian Camella i chuan alo ti a.

"Kan kal dawn em niang, hun kan ngah zawk theihnan," tiin Camella i kawngah chuan ava kuah nghal a. Julie i dawhkan an kal pel tawh tihah chuan Robb a chu alo let leh a," Khawi restaurant ah nge ilo hauh tak?" tiin arawn zawt a.

"Roonz ah," vin deuh lek2 chuan alo ti a. Chu veleh Camella i pawh chu alo let leh nghal vat a.

Julie i chu ngei hmel taka melh pah chuan," Darling, P. A thlak i ngai ani lo maw?" Robb a kuah deuh thuak2 pah chuan a ti a.

Julie i thinrim zia chu Robb a chuan alo hmu ve reng a, alo inhrawlh ta vat a," Chu2 keima thu2 ani e, kal phawt ila a tha ang," a tih takah chuan Camella i pawh chu a tawngzui ta lova, no taka Robb a melh chung chuan a banah chuan a kuah a, Julie i chu an kalsan ta a. Julie i chu ala thinrim hle a, an nunglam atang chuan a melh nghek a, a insum hmalo trep chu ania lawm. A thinrim lutuk chu inbengdaih angai tih hria in a thutna atang chuan a thova Sandy i room lam pan chuan a kal ta daih a.

Sandy i chu thil chhu in alo buai malh2 a," Ka tibuai ang che, ka kal leh mai ang," tiin let leh mai a tum a

Mahse Sandy i chuan,"Ka hman ani mai, hei lunch pawh a hun ani mai lawm. Hawh vawiin chu kan pahnihin i eidun teh ang," alo ti thuai2 a.

"Chumi rawn zawt tur chea lokal chu ka nia, i hman hunah kan kal dawn nia," Julie i pawh chuan zang takin a ti ta a.

"Boss a awmlo ani lawm ni, hawh kan ei hma ve theih ni alawm," tiin a thil tihlai chu a dah a, lunch eitur chuan an inzui chhuak ta a nghal a. Midang ho pawh chu lunch eitur chuan anlo chhuak tan sap2 bawh a.

An lunch eipah chuan an ti ti dun malh2 a, Sandy i chuan," Vawiin khan Camella Anderson i alo kal tlatin ka hria?" zawhna zawt hmel taka Julie i enpah chuan a ti a.

"Aw lokal e, Roonz restaurant ah lunch an eidun natur pawh ka book alawm," a ngeina thup hram2 chung hian ati a.

"He nu hi chu aw...pasal nei reng chung pawh hian boss hi ala rawn tibuai tho chu ania...," alo ti vawng2 a.

"Mahse boss pawh hian a haw hauh lovin ka hria?"

"Mahse pasal a neihsan atang kha chuan an in hmuh ngai pawh ka hrelo asin,"

"Ala duhve tho tihna ani mai lawm, mi nupui ani tih hre reng chung pawha a chhuahpui duh anih chuan," alo ti hmak a.

"Hmeichhia in an zar te chuan mipa te chu hmin sa alawm an nih!" nui rah2 pah chuan Sandy i chuan alo ti a.

"Ala hmangaih viau pawh ani thei tho alawm,"

"Ka hriat ruk dan chuan Camella i hian a pasal hnenah inthenna a dil ani awm e," ten hmelzet hian Sandy i chuan a ti a.

"A then phal dawn ami?" mitko san ak pah hian Julie i chuan alo ti thung a.

"Phal ang, Camella i hian a hmangaih lo tih pawh a hre ve tawh ani awm e," khawngaih hmel tak hian Sandy i chuan a ti leh a.

"A pasal chu ava lainatawm ve aw...," alo ti vang2 a.

"Nia ramhuai nu tak hi chu maw..... Khati khawp khan boss hi a tina ania. Boss sumdawnna pawh hian a tawrh hman phah trep kha ania,"

"Sandy kan tlai trep ania," Julie in a sana en pah chuan a ti ta hluai a. Hmanhmawh tak chuan an thil eina man te an pek fel hnu chuan office lam pan chuan an kaldun ta hlak2 a. An boss chu alo thlen tawh vaih chuan a mood a fuhlo nen buaina an tawk maithei ani tih chu an sawidun pah mawlh2 a. Mahse office an va thlen chuan Julie i chuan a boss room kawngka chu a kik dat2 a tumah chhangtu a neih tak lohvah chuan alo la let leh lo ani tih chu a hrethiam nghal mai a. Ban thleng pawha alo let tak lovah chuan taxi in a ho ta a. Nia a hmangaih ber bula a awm laiin engtinnge ani a P. A ve mai2 te chu arawn ngaihsak tehlul reng ang! A rilru chu ana trep a, mahse a infuih sauh2 va, rilru na zawnga inngaihtuah loh hram2 chu a tum lui a. In a thlen chuan a inti fai a, naktuk zing taka chhuak tur anih avangin a thawmhnaw velte chu a enfel leh vek a, taxi te pawh a chah lawk nghal vek a.

Dinner ei hunah pawh chuan Robb a chu alo la haw loh avang chuan amah chauhvin dinner chu a ei ta a. A eitui hlawl lo ani, a rilru ah chuan Robb a leh camella i chuan enge an tih anga? Khawiahnge an awm anga? Engvanga chuti chen2 ah pawh lo la haw lo nge anih tih te chu a ngaihtuahlo thei lova. A ei manglo ani tih Mrs. Page in arawn hmuh chuan a lawm lo ani tih chu a hmelah awmdan atang chuan Julie i chuan a hrethiam nghal mai a.

Inthiam chiahlo hian Julie i chuan," A tuiloh vang ani hauh lo ania Mrs. Page. Englo ania, ka lu ana deuhva, ka thil ei pawh a tui theilo ani," tiin dawt chu a hrilh ta ringawt a.

Chutia a tih chiah chuan Mrs. Page i hmel pawh chu alo danglam nghal thuai a," Ava pawi ve, soup ka lo siam dawn che ami?" a ti ta zung2 a.

"Angai love ka lawm e, ka hawp theih ka ring chiahlo. A theih chuan theitui nakin ah ka lo in zawk ange," a ti ta a.

"Awle2....i room ah ka lo dah dawn nia," alo ti vat a.

"Ka lawm e, min ngaihtuah na zawng2 ah. Pawn boruak ka va hip lawk ange," tiin pawn lam chu a pan ta a. Pawn ava thlen chuan vanlam chu a thlir vang2 a, arsi awm zeuh2 te leh thla eng mang tawhlo a hmuh chuan a lung aleng thar hle a. He in leh a vel te hi a fan tawpna anih dawn avangin uluk taka engkim chu chhinchhiah a tum ta emaw ni tih tur hian a en uluk hlawm a. Naktuk zan tun ang hunah chuan New York ah a awm tawh dawn ani, chuan Robb a leh he in mawii leh ropui tak hi a hmuleh ngai tawh dawn lo bawk ani. A room a thlen meuh chuan zan dar sawm alo ri der tawh a, Mrs. Page in theitui alo dahsak chu a in khawlh2 a, harh deuh huai hian a inhria a. Robb a lo haw tawh leh tawh loh en tur chuan a room kawngka chu dim tak hian a hawng da2 a, mahse alo la hawlo ani tih chu Robb a room thim vek a hmuh chuan a hrethiam nghal mai a. Zanin chiah hi a hmel hmuhna huntur a neih ani tawh ania, mahse chupawh hmuhtur a awm si loh avang chuan a lunghnur deuh hlek a. Engpawh nirawhse tiin inti fai turin bathroom ah chuan alut a, a intih fai hnu chuan a mutkawr te a ha a. Robb a thawm awm reng2 a hriat tak lovah chuan a khum bula sana chu a ban a, a tuk zing dar nga a ri tur chuan a sana chu a kam ta a. Thawh hmat ka ngai nen tiin muttheih pawh inring lemlo chuan a khumah chuan a mu ta kak a, mahse a chau deuh nge tui takin harh miah lovin a muhil zankhua ta a.

A tuk zingah chuan a sana kam chuan a tihrah ta ngei a, pheihlo zet chuan a khumah chuan a thuchhuak hlawl a. Hmanhmawh i ngai ania, tiin a che ta vat2 a. A inpeih fel meuh chuan dar nga leh a chanve alo ri dawn hnai tawh a. Mrs. Page i thawh hma ngeia a kalbo loh chuan tiin thawm dim takin a room kawngka chu a hawng ta a. A tawp nan tiin kawngka a khar hma chuan a room chu an enkual leh thuak2 a, angai hle dawn ani. A bag leh trolly chu a keng a, Robb a thil leisak leh Robb a hriatchhuah tirtu tur zawng2 thil chu hnutchiah chung chuan a hmalan panin zawngmuang chuan a pen tan ta a. Pawn a thlen chuan vawikhat chiah tiin a hawi let leh a, engtikah mah let leh tawh lo tur chuan a kalta nal2 a.

Gate duty chuan mak tih hmel tak hian alo en hauva," Ka pi khawiah nge i kal dawn?" alo ti vat a.

"Ka thiante hnenah weekend ka hmang dawn a," tiin dawt a hrilh ta tawp a.

Gate duty in engmah hreta lo chuan," Khawi ka lo pui ang che," tiin a bag leh trolly chu pawn taxi ah chuan a hlansak ta diam a.

"Ka lawm e," a ti sap ringawt a.

"Hlim takin i holiday iva hmang dawn nia, ka pi," tiin gate duty chuan a thlah ta a.

Airport ava thlen hnu reilote ah chuan a inti fel nghal vek a, thlawhnaah chuan a chuang ta vang a. Reilote ah thlawhna pawh chu a thlawk chhuak nghalin, New York lam pan chuan an thlawk tan ta a, hnuailam en reng pah chuan,' Goodbye London,' Julie i chuan a tisap a.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » May 13th, 2018, 3:24 pm

Darkar tam tak an thlawh hnu ah chuan New York airport chu an thleng ta hram a, Julie i chuan rei ati hle ani. A kalsan tak Robb a leh a in ropui takah chuan enge thleng mek erawh a hre hauh lova, ngaihtuah ngaihna pawh a hre hek lo. A bungrua vel a nghah lai chuan a hmelhriat a hmu palh a hlau hle a, scarf a ken chuan a hmai chu a khuh deuh tlat bawk a. Mahse chuti chung2 chuan be tu a neita tlat mai.

"Julie Rothschild i ni chiang mai?" mipa aw in arawn tih takah chuan, aw lo chhuahna lam chu zawimuang chuan a hawi ta a.

"Min lo hrethiam la ka van hre mai lo che ve," bangbo tak chuan a ti a. Chupa chu a hriat ngai ani in a hre hauh lova.

"Mac Rowland a kha ka nia, min hrechhuak thei em?" beisei taka Julie i en pah chuan a ti a.

"Oh my God! Ka hai chiang lutuk che! Aw ka hria che alawm," Julie i pawh chuan a tive ta hluai a.

"Min hrechhuak chu ka va lawm em! Hetah enge i tih a?" Mac an a tih chuan Julie i chu a buai ta nak a.

"Englo ania, hna zawn ka tum a...," a ti ta ringawt a.

"Ngawi lawk teh, awmna tur i nei em?

"Hotel ah thlen ka lo tum deuhva,"

"Mai2 ah, ka appartment ah room ruak ka ngah alawm. Inti fel ila ka inah ilo thleng dawn nia,"Mac a chuan a ti ta zung2 a.

"Angai lo Mac, ka tibuai lutuk ang che, hotel ah ka thleng mai ang," tiin a hnial a.

"Ka phal i ring ami? Thiante tanpui theilo nih hi ka duh hauh lo ania," Mac an a tih tak tlat ah chuan Julie i pawh chuan chhan ngaihna a hre ta lova,lehlam takah chuan sum a nei tlem nen a lawm ru phian bawk a.

"I tih tlat chuan le, mahse i buai phah dawn chuan ka duh miahlo ania," mawihnai ah chuan a ti leh a.

"Ka buai phah hauh lovang, ka lawm zawk ang, i hrethiam em?" hrethiam se ti tak chuan Mac a chuan a en a.

An bungrua vel an lakfel hnu chuan Mac a nen chuan Mac a appartment awmna lam chu an pan dun ta a.

London lamah thung chuan, Robb a zingtho inhnuai lama a chhuk chuan Mrs. Page i chuan breakfast a peih tawh thu alo hrilh a. Julie i chu a melh kual ani tih hria in Mrs. Page i chuan," Ala tho lo aniang, alo la chhuk miah lova," alo ti thuai a.

"Anih chuan ka lo nghak ange newspaper chhiar pahin," Robb a chuan a tive mai a.

Dar kua a rik hnu pawha Julie i hmel reng2 hmuhtur a awm tak lovah chuan breakfast chu amah chuan a ei ta a. Sakawr in lamah inrinni tin a tih thin angin a kal ta nghal a. Chhuna Robb a alo let leh pawha Julie i hmuhtur ala awm tak lovah chuan a damlo leh ta emawni tihna rilru a nei ta a. Choka lamah Mrs. Page i chuan Julie i chanchin a hria em tih ava zawh lah chuan alo la tho chhuk miahlo tih chu alo hrilh a.

Julie i room kawngka bulah chuan a ding deuh vang2 a mahse engthawn mah a awmlo tih a hriat chuan mak ati ta deuh hlek a, kawngka kik tuma an khawih chu kawngka chu alo inkalh hauh lova, amah leh amah chuan a inhawng ta a. Inchhung an en chuan thil chu a awmdan thin ang ani lo deuh hlek hian a hre ta tlat a. Julie i a auh lah chuan chhangtu a nei bawk silo, bathroom ah a awm aniang tiin bathroom kawngka bulah chuan ava kal hnaia mahse engthawm mah a awmleh ta chuang lova. Khum lah chu a inthlep fel thlap si a, engemaw thil awmzia le...tia an hawi leh chiah chu thil engemaw a hmu ta tlat mai. Julie i pheikhawk dahna chu alo ruak huai ani tih chu a hmu ta a, rang takin a thawmhnaw dahna vel chu a hawngta zung2 a, amah Robb an a leisak bak chu alo awmlo vek bawk a. Hmanhmawh takin inhnuai lamah chuan a tlan thla a, Mrs. Page i a hmuh velah chuan, Julie i in atanga a chhuak lai a hmuh leh hmuhloh a zawt nghal a. Mahse ani lah chuan vawiin ni ah hian ala hmuh miah loh thu in alo chhang ta mai si a. Mangang tak chuan gate lamah chuan a tlan thla nghal a, gate duty chu Julie i chhuaklai a hmuhleh hmuhloh a zawt nghal a.

"Sir, zing dar nga leh a chanve velah khan a thiante ina holiday hmang turin a kal alawm. Keimah ngeiin taxi ah a bungrua pawh ka dahsak alawm,"alo ti ta mai a.

Robb a chuan a sam chu a chul thuak2 a, gate duty chu hauh hrep a duh a, mahse ani hauh chuan awmzia a neilo tih hria in in lamah chuan rang takin a let ta nghal a. Julie i no ah chuan a phone ta nghal vat a, mahse alo in switch off hmak si a. Eliana i te ina a kal leh ringin Eliana i pawh chu a han phone leh nghal a, ani lah chuan alo kal loh thu alo hrilh ta mai a, bangbo tak hian thil awmzia arawn zawt nghal bawk a. Mahse Robb a chuan engtinmah a chhang duh rih lovin, nakin ah kan inbe leh dawn nia tiin phone chu a dah ta nghal daih a.

Khawnge maw a kal ang le? Engvanga min hrilh lova chhuak ringawt nge maw anih chu le....chupawh a bungrua zawng2 nen! Rilru buai taka a awmlai chuan nimin lama Julie i awmdan kha Robb a chuan a ngaihtuah chhuak zawk a. Zinga eitur arawn ken a, Robb an a tihloh tur ati tia a hauh khan engtin nge a tih kha,' Ka tih tawh ngai lovang,' a ti em ni kha? Nidang anglo taka a incheina te kha, bakah office ah pawh khan khatiang khan vawikhat mah ala chhang ngai hauh bawk lo ani, hetianga engmah sawi lova kalbo alo tum vang hi ani ngei ang maw? Julie i tel lovin engtin nge ka awm tak ang? Ka engkim a engkim i ni asin! Tunge hna min thawhpui ta ang tiin beidawng tak chuan a indawm kun ta ngawih2 a.

Mrs. Page i chuan aw thian pah chuan," Mr. Marshall coffee ka rawn ken che a... Miss Rothschild i chanchin chu i hre thei ta em?" nuam ti chiahlo tih hriat tak hian a ti da2 a.

"Aw, gate duty in tukin zing khan he in hi a chhuahsan tawh ati," alo ti hmuk a.

"Nimin lama a tawngkam leh i eitur breakfast a siam nachhan pawh kha hetia tih alo tum vang hi ani ngei ang maw....?" a ti chuai raih a.

"Maw? Nimin zinga ka eitur breakfast tur kha Julie i siam maw? Nangmah ni lovin maw?" alo ti hu a.

"Ni e, zing takah khan alo chhukthla a, i eitur a siam vek alawm," Mrs. Page in a tih chuan Robb a chu alo chhing sawk a. Chuti khawpa Julie in a eitur thlenga alo siamsak lai chuan tikhan a laka a thinrim avang mai khan Camella i kha a thik ani tih a hriat tawh avangin a rilru tihnat nan a office a lokal turin alo sawm ta kha ania. Anih na takah chuan Camella i khan tanpui turin a rawn ngen a, chu2 Julie i tih thinrim nan ani in remchangah lo la in, Camella i kha a office ah amah hmu turin alo ti anih kha, ava inchhir em! Mahse enge tuna inchhir chuan sawtna a neih? Robb a chu a thutna atang chuan a tho ta thuai a, detective a ruai ngei tur ani, tiin pawna a motor awmna lam chu a pan ta nghal a.

Mac a appartment an thlen chuan Julie i chuan a awihlo hial a. A rin anglo takin alo ropui hle maia, Robb a in ai chuan a ropui lo tih chu a ngaihtuahna ah chuan arawn lang zawk a, mahse a lu chu a thing nawk a. Robb a leh a kaihhnawih reng2 engmah a ngaihtuah tawh tur ani lovang tiin amah leh amah chu a inti paukhauhva, a kut chu a humruh nghal ngawt2 bawk a.

"Ila thu reng dawn ami?" nui var2 paha Mac an motor tukverh bula ding chunga arawn tih takah chuan Julie i chu a harh zawk a. Rang taka motor atanga chhuak pah chuan,"Teuhlo mai,"alo ti ve thuai a.

"Awle....anih chuan lut ang hmiang," Mac an atih chuan," Awle...boss," tiin Julie i pawh chuan a zui ve ta nghal a. In chu chhawng hnih a sak hi ani a,rawng var leh bawkbawn rawng hi bangah chuan a inhnawih a, hmuh pawh a nuam hlein Julie i chuan a hria a. In chu a inhung chhuak vek a, inhung natur chuan pal var vek hi an hmang bawk a. Pangpar nalh tak2 hian in hmalam chu a khat hi ani ngawt a, a hahdamthlak thlak hle bawk a ni. In awmna lah chu Julie in alo suangtuah fo thin ang deuhvin tlem a tlang pawngah a awm a, thlifim a tho heuh2 nen, he aia nuam hi chu a awm chuangin Julie i chuan a hre hauh lo a ni.

Inchhunga an lut chu, alo felfai thlap a, sofa var hlang hlak hi alo inhung kual raih a, thut lah chu a chakawm hliah2 a. Bangah chuan paintings nalh tak2 hi a mawi tawk chauh hian a intar zeuh2 va, thil hnawk hnai tak hi hmuhtur chu inchei danah chuan a awm miah lova, hmeichhe telna ni si lovah chuan Julie i chuan chei thiam ati hle a ni. Eng hna tak Mac a hian thawk ang maw tih te chu a hawi kual pah chuan a ngaihtuah chet2 a.

"Lo thu hahdam la, i room turah i bungrua vel hi kan dahthat tir ange,"Mac an a tih chuan alu alo bu nghat ringawt a.

Tukverh inhawng atang chuan a hawi chhuak a, in hnung lamah chuan thei kung hi a hmu nual a, tin thlai eng2 emaw pawh alo awm bawk a. Hetiang in hi nei ve ta sela, a fa nen chuan an hlimin tudang an ngai bik hauh lovang tih te chu a ngaihtuah kual pah mai2 a.

Thawm a hriat chuan a lehhawi thuai a, pa upa lam tawh form ha thlap hian coffee leh a hmeh hi dawhkan ah chuan alo chhawp mek a. Mac a pawh chu alo lut ve nghal bawk a.

"In ang hmiang Julie, lunch chu kan ei har deuh hlek ang," tiin sofa ah chuan a thu thla nghal a.

"Ka ril pawh a tam vaklo asin," ti pah chuan Mac a thutna bula single sofa ah chuan a thu thla ve nghal a.

Coffee in pah chuan," Awle, tunah chuan enge London ah khan i tih min han hrilh teh le?" Mac a chuan Julie i hmel ngun taka en pah chuan a ti ta a.

Nuam ti chiah lo tih hriat tak hian," Hna ka thawk a, mahse hetah hlawh a tha zawk an tia. Hna zawng turin ka rawn kal ta ani," tiin dawt a sawi ta ringawt a.

"Kan naupan lai khan hetah hian i chhungte nen khan in awm thin sia, khawiahnge an awm tak i chhungte?"

"A...a....Ka pa khan nupui dang a nei daih a. Chuan ka nu leh ka naute chu New York ah tho hian an la awm," tiin thudik chu a hrilh ta tawp a.

"Maw? Chuti engvanga hotel a thlen tum nge i nih? Engmah zep a ngai lo thian kan nia lawm min han hrilh law2 teh avaiin!" Mac an a tih chuan Julie i chu nuamlo ti tak hian a thutna ah chuan a che deuh sek a. Khawi atanga sawitan tur nge nia, engber chu nge a sawi ang a hrelo a ni.

"Julie, ka puih theihnan che engkim ka hriat angai ania...," aw zaidam taka Mac an atih leh chuan Julie i mittui chu a rawn luang ta ngiai2 a. Mac a chu a thutna atang chuan rang tak hian a thova, Julie i chu kuah pahin a hnungah chuan a chulsak ta hlaiu2 va.

"Enteh, tih tah che kha ka tum ani lo ania. Ka hriat duh zawng chu enge i chungah thleng tih chiah ani. Puih che ka duh tih hre bawk la," a ti dam thlaum a.

"Mac, sawitanna tur ber pawh ka hrelo....thil tamtak kan inhmuh loh chhung khan a thleng a, ka rawn tlanchhia ani deuh ber mai," a ti ta nge2 a.

"Tu lak atangin? Engvangin?"

"Ka kalbo angai miau alawm, min hmangaih velo ani...," a tih chuan Mac a chuan a kuahna chu a thlah riai2 a, a thutna ngaiah chuan a thu deuh hnawk a.

"Mipa vangin maw?" a ti chuai ta raih a.

"Mipa vang mai ani lo Mac!" Julie in ala tih tak zelah phei chuan Mac a hmel chu a buai nuaih tawh a.

"Enge thildang la awm cheu chu?" a ti dul ta raih a.

"Chupa fa chu ka pai ani....," tap zawih2 chung chuan Julie i chuan a ti ta phawng a.

"Aw Lalpa leh! Chupa chuan a hria em?" alo ti nghal vat a.

"Hrelo, min hmangaih lova ka hrilh nachhan tur lah ka hre hek lo," Julie i chuan a ti nghet charh a.

"Ilo va han tuar nasa em! Tunah chuan keiman ka enkawl tawh ang che, lungawi reng2 suh!" aw nghet charh a Mac an atih takah chuan Julie i chuan mak ti tak hian Mac a hmel chu a mittui kar atang chuan a en ta reng a.

"Mahse harsatna siamsak che ka tum hauh hleinem. Hna ka zawng anga chuan ka hmuh veleh keimah in ka inekawl thei em2 ang," tumruh tih hriat tak hian a ti ta.

"Julie Pathian zarah sumah buaina ka nei hleinem. I tan engmah inthlahrun natur a awm hauh lo ania," a thu chu awih se ti tih hriat tak hian Mac a chuan a ti leh dap2 a.

"Mac, ka chunga i thatna leh inpekna ah ka lawm lutuk, rulh lah ka rul seng ngai lovang che. Mahse ka fa nena i kova innghah top chu ka thei lovang," hrethiam se ti taka Mac a en pah chuan a ti a.

"Enteh Julie, he in lian takah hian keimah chauhvin ka awma, khawhar chang pawh ka ngahve thin alawm. Heta i awm chuan ka tan pawh a nuam viau dawn asin! Ka sawi chu awih mai rawh ka enkawl vek ang che u in nufa in," a ti leh talh a.

Julie i chu a ngawi deuh vang2 a," Mahse chutiang zawng2 min tihsak tur em2 chuan kan inthian tha ngai hauh lo tih pawh kan hre ve2 alawm," tiin a rilru a thu awm chu a sawichhuak ta a.

"Nia a dik khawp mai, mahse thian piah lamah eng rilru nge i lakah hian hman ata tawh ka put hi i la hre ngai hauh hleinem, tiraw?" aw ril raih a atih takah chuan Julie i chuan mak ti em2 hian Mac a chu a en ta ngawih2 a. Enge sawi a tum chiah a, enge chuleh chena alo hriat ngailoh chu!

"Ka duh che tih hi ka sawi ngai lova, sawina hun pawh ka nei ngai hek lo. Tunah ka nei ve ta a mahse mi fa ilo pai mek leh si a. Ka na ani Julie, mahse ka rilru dam nan tal i fa nen hian ka enkawl che min phalsak rawh. Ka sawitawh ang khan sum ah engmah buaina ka neilo, naute i nei anga, tlema a len deuh hunah i duhleh hna te chu i zawng anga, indang te pawh ila luah dawn nia," Mac an a tih tak zelah chuan Julie i chuan mak ati lutuk hi a beng chu a chianglo ta emaw ati hial zawk a.

"Mac.....a pawi ka ti lutuk. Engmah i sawi ngai si lova, ka lo hre miah lova....," a ti dul ta raih a.

"Nia, lehkha zirin ka awm bo daiha, ka rawn haw a hna te kan thawh khan kan thianhlui te i awmna ka zawtin ka zawng ka zawng thin che a. Mahse heta i awmloh thu an sawi ka hriat meuh chuan ka lo tlai ta hle ani tih pawh ka hre nghal anih hi,"a melh ngai melh reng pah chuan a ti a.

"Mac....sawitur ka hre lo.....mahse maw hepa hi ka mipa hmangaih neihchhun ala nia. Chuvangin a fa pawh hi pai tlang ngei ka tum bawk ani," aw nghet cherh chawrh chuan a ti a.

"Nia, pai tlang ngei ang che. Ka bula i awm avangin engmah ka lakah i ba angah i inngai tur ani miah lo ani....ka rilru nawm nana awm turin ka duh vang zawk che ani. I kalbo chuan ka inngaidam thei ngai lovanga, chumi avang chuan nun nuamin ka awm ngai bawk lovang," a tih chuan Julie i chuan alo lainat hle a.

"Mac i tan engmah inthiamloh natur a awm hleinem, i thiamloh pawh engmah a awm hleinem. Ka chunga i thatna zawng2 hi Pathian in ala rul let ngei2 ang che tih hi ka hria a ni,"nui sak pah chuan a ti ta a.

Mac a buttler Robin a chu alo lut a, lunch ei theih anih tawh thu arawn hrilh ta a. Lunch an eilai chuan midang an mahni viltu an awm avang chuan thil ho te te bak an sawi tawh lova. A hriat lovin Julie i chu alo riltam hle ani ngei ang, lunch chu a rin ai daiha tam a ei a. Lunch an eizawh chuan dessert eiin an thu leh deuh hlek a, chumi hnu chuan Mac a chuan Julie i chu a room tur lamah a hruai chho ta a.

Room chu nu hnap hian alo inchei lehpek a, a hahdam sawng2 hian Julie i chuan a inhria a. A pawldal raih rawng a inhnawih a, khum liantha tak dup hmel tak hi a awm a, Robb a ina awm ang a mamawh tur ang zawng2 chu a awm nghal vek hian a hria. Bathroom te lah chu a lian in a nawm hmel hle bawk a ni.

"Ava nuam dawn ve aw i room min pek chu, engkim ah hian ka lawm em2 e, Mac," Julie i chuan a ti sap2 a.

"Ka lawm e tih kha vawikhat mah i sawi tawh dawn lo nia, ka theih ang2 chu i tan leh naute tan ka tizel ang tih kha i hre reng dawn bawk nia. Chuan mamawh i neih pawhin sawi hreh hauh suh ang che aw...tunah chuan awm hahdam rih rawh, tlai lamah kan inhmu leh dawn nia," tiin a kalsan ta nghal a.

A thawmhnaw vel phawrh an tum chu alo inpawrh fel vek tawh hi alo nia. Harsatna nasa tawk mahse lehlam ah tanpui tu fel tak a tawng leh thung a, vanduai vannei chu ani chiang alawm! Bathroom ah chuan inbual turin a lut ta a, inbualna kuang liantha tak nawm hmel em2 ah chuan tui alo awmsa thlap a, a inchiah ta vang2 a. Zawi te te chuan a phun sep2 a, a puma naute thang chho mek chu a be mawlh2 a. Uncle Mac a hi a fel tiro, darling. Him takin New York kan thleng tawh ania, hahdam tak khan awm tawh rawh aw, i nu hian a enkawl zel dawn chea chuvangin thlamuang tak khan mu siai2 ang che, tiin a dul chu a zut pah hliau2 a. Rei tak tuia a inchiah hnu chuan a chhuak ve ta tawk a, a thawmhnaw te a thlak hnu chuan khumah chuan mu hahdam turin a lawn kai ta a.

Alo muhil sek a,an harh leh chu alo tlai hle tawh ani tih ni zung a room a alo luh dan atang chuan a hrethiam mai a. Rang tak chuan a inperh thova, a inti fai zung2 a, inhnuai lamah chuan zawimuangin a chhukthla ta a. Tumah a hmuh mai loh avang chuan inhnung lama nachina a huan hmuh ah khan kal tumin pawnah chuan a chhuak ta a. Pangpar reng2 chu an vul lai anih vang nge mawi a ti em2 vek mai a, inhnung lama huanah chuan a kal kual tan ta a. Harh sawng2 hian a inhre hial a, Mac a tawng hlauh chu vannei a inti hle ani, ani hi tawnglo ta se chu ni rei tak hotel a awmna tur pawisa a nei lova, hna a hmuh vat loh phei chuan a talbuai nghal chu ani der dawn bawk ani. Mac an alo duh thin tih a sawi kha a hrechhuak zawk a, an naupan lai te chu a mitthla ah alo lang uaih2 a. Mac a chu a bul hnaiah a awm reng thin a, tanpui angaih apiangin a tanpui ziah anih kha! High sikul an zawh hnu erawh chuan a hmu ta ngai miah lova, mahse hna thawka a buai tak em avangin an thiante thiltih khawmna ah te a kalve hman ngai lova, tumah lah a biak ngai lemloh avangin an sikul kalpui thin te chanchin leh enge an zira khawiahnge an awm tih pawh a hrelo reng ani. Ama buai2 khan a buai ve mawp2 a, chu2 vawiin ni thlenga a nundan ala zel bawk ani.

Mac a bula awm tawp chu thil tha ber ani angem a hre lova, mahse tunah rih chuan kalna tur dang a nei chuang hauh lo ani. Engpawh nise hna te chh a zawng ve phawt anga, an nufa a an awlzel dantur pawh a chawpin ala ngaihtuah zel mai ang chu! Eliana i chu biak a chak deuh thut a, mahse thil hrilhfiah vek kha a phut leh anga, ani lahin sawi a tum der si lova, inhnial buai angaih leh dawn avangin tunah chuan biak rihlo mai chu tha in a hre leh ta zawk a. A nu leh a naute pawh a mitthla ah chuan an rawn lang chuai2 a, an inhnaih em2 laia an bula a awmthei lo leh hmuh pawh a hmuh theihloh avang chuan a rilru pawh ana hle ani. Mahse amah leh naute chanchin hi hre ta sela amah ai hian an rilru ana zawk dawn ani tih pawh a hre ran a.

Chutia mahni a awm reng chu ngaihtuahna a kal kual nasa mai2 tiin in lam pan chuan a let leh ta a. Mac a chu a chunga a that em avang chuan a theih ang2 a, atan pawh tangkai a tum ve tur ani tiin amah leh amah chu a infuih pah sauh2 va. Mahse enge alo tihsak ve tak ang tih erawh a hre hauh lo ani. Engpawhnise, an nufa a an awmzel dantur chu a hna hmuh leh hmuh lohvah a innghat ang tiin thuthlukna chu a siam ta ringawt a. Inchhunga ava luh chuan sitting room lamah chuan thawm a hriat avangin chulam pan chuan a kal ta nghal a.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » May 13th, 2018, 3:24 pm

Sitting room a ava luh chuan Mac a hi alo awm a. Julie i lo lut chu alo hmu nghal a," Khawilam ah nge i kal a Julie? I kalbo rei lutuk a, ka rawn zawng trep che alawm," alo ti a.

"Chuti maw? Inhnung lama huan ah sawn ka kal alawm. Ka tih mangan che avangin min ngaidam dawn nia, ka tum reng vang pawh ani miah lo ania," inthiamlo tak chuan a ti a.

"Ngaihdam dil angai hleinem, ka lo hlauthawng hma deuh te pawh ani mahna. Hawh hei coffee hi lo in ve rawh!" Mac a chuan zangkai deuh zawk chuan a ti ta a.

"Ka lawm e, i in awmna hi a fuh hle mai. Ka duhzawng tak ania," hmel hlim taka thu pah chuan Julie i chuan a ti ta sar2 a.

"Nia keipawn ka hmuh tirh ber khan nalh ka tih nghal mai bakah nuam dawn hle a ka hriat vang ania ka lei. Bakah khawpawn deuh mah nise ka ngainat zawng tak anih vang ania lei luih tak," chhuan hmel tak hian alo ti ve a.

"Keipawh ni ila ka nep phal teuh lo mai. Hetiang hmun nuam leh in nalh te chu a vang em alawm," coffee in pah chuan a ti a.

"Eng hna nge i thawh thin?" Mac a chuan a ti ta daih a.

"P. A hna ka thawk thin a, mahse tunah chuan hna zawngleh hma ila ka tlin tawh lovang," a dul melh zeuh pah chuan a ti a.

"Ka clinic ah hian reception hna a ruaka i thawk duh angem?"

"Ka lo ti thin tawh tho asin, chuan ka tha viau bawk ania," inti thei tak hian a ti var a.

"Awle...ina awm reng chu i tan pawh a ninawm dawn in ka hre deuhva. Kan kal dun anga kan haw dun thei bawk anga, a tha riau dawnin ka hria a," Mac a chuan inti fuh deuh hian a ti deuh duah a.

"Nia, ka lawm ngawt ang min thawhtir tak2 dawn chuan," hmel eng phata Julie in a tih takah chuan Mac a chuan a thusawi chu a sawisual hauh lo tih a hre ta mai a.

"Nia, i duh chuan karleh atangin i tan dawn nia. Hlawh pawh a tha viau ang. I khawl anga, nakin ah awmhran i duh ta anih pawn chu2 i tan ala tangkai viau dawn ania," Mac an a tih chuan Julie i chu alo phur hle tawh ani. A rilru chuan lawmthu a sawi nghal mawlh2 a, hei baka lawmna hi a nei tawh chuang nang,a harsat ber laia tianga thiantha engkim a tanpui tu an tawng hlauh chu! Bakah a nu pawisa a thawn ziah ala ngai dawn nen, hna a hmuhloh chuan a thawn thei dawn der si lova. Thawn lova a awm reng chuan a nauten lehkha an zir thei dawnlo chu thukhat nise, engvangnge tiin anu chuan amah ai mahin Eliana i a zawt anga, ani lah chuan a awmna pawh a hriat loh thu in alo chhang ngei bawk anga. A nu chu Police ah te emaw kalin an phek zawn loh leh Robb Marshall a tan luhai thlak khawpin a awm duh ngei ang tih lah chu a hre khiau si a. Hna a neih erawh chuan pawisa a thawn zat2 thei anga, tuman an ringhlel hauh dawn lo ani.

"Ka chungah hian i tha lutuk hi ka rul seng dawn si lo che a....," mittui tling pam chuan a ti sap2 a.

"Thian kan nia, ka tihtur alawm. I dinhmun ah hian ding ta ila nangpawn i ti ve tho ang chu," a lo ti dap2 thung a.

"I tih ang zozai hi chu ka tih theih pawh ka ringlo....," tiin thudik tak chuan a chhang mai a.

"Nia a dik maithei. Nang chuan mipa hmangaih dang i nei a, kei erawh chuan hman ata tun thlengin nang chiah hmechhia ngaihven ka la nei miau alawm," a aw a na tak tuar tih hriat tak chuan Mac a chuan a ti a.

"Mac, ka....pawi ka ti tih bak sawitur ka neilo. Tin ka chunga i rilru put hmang lah ka hre ngailo reng2 bawk tih ka sawi tawh kha....,"

"Min hmangaih let turin ka phut hauh lo che! Mahse i fa hi ka hming pawh pek ka huam chuti khawp chuan tunah pawh hian ka la hmangaih che ani. I rilru chu i thu2 ani a, mahse ka rilru nawm nana ka tih theih ang2 nang leh i fa tana ka tih tum ang hi chu hnial lo hram la ka duh khawp mai. Heng zawng2 ka tih avang hian ka hahdam phahin ka rilru a nawm phah dawn a, tin ka hmangaih tan engemaw tal ka tihsak theih ve avangin damchhungin rilru nuamin ka awm phah dawn bawk ani," Mac an a tih chuan Julie i chuan a khawngaih em2 a. Hepa hi tinge alo hmangaih zawk loh le? Engvanga amah hmangaih ve hauh lo tu chu lo hmangaih nge maw anih le? Vanduai na hi chu ata liau2 alo ni anih hi, tiin a ngaihtuah vawng2 a.

"Kalna tur dang pawh ka neih chuan loh hi...! I phal phawt chuan i bulah chuan kan awm ang mahse naute a len deuh hunah chuan thil tha ber pawh ani dawn lova, kan indang ve thung ang," Julie i chuan a ti ta a.

"Ka dang lovang che....naute a len thleng pawha min hmangaih ve thei ta hlawl lo anih chuan i duh phawt chuan i kal dawn nia. Mahse min hmangaih ve thei hram la chuan ka nunah hian engmah mamawh dang ka neilo tih chu i hrethiam tho ang chu," beidawng tak hian Mac a chuan a ti chuai raih a.

"Mac....hmeichhe tha tak, keimah anga tlaktlai lo lo hi ila tawng em2 ang,"a ti ta ringawt a.

Nui hawk pah chuan," I hmangaih i tih pa chu anih leh i theihngilh tawh tihna ami?" a tiril ta ruih a.

"Aih....teuhlo mai....ka hmangaih reng ang," alo ti nghet charh a.

"Keipawh! Hmeichhia nang aia tha leh lehkhathiam pawh an tam alawm, min ngawizawng tu pawh an awm nawk alawm, mahse hmangaih te chu an dang tih i hrethiam alawm kha!" alo ti nghat2 a.

" A dik alawm, mahse keichu hmangaih tlak ka nihloh hi.... Mac" a ti deuh that a.

"Hmangaihna chuan tlak leh tlak loh a thlir ngai hleinem,"

"Oh my God! I a tawh anih hi Mac, hrilhfiah ngaihna che pawh ka hre tawh love," beidawng tak chuan a ti ta a.

"Tum lo mai rawh, Julie," alo tih chuan Mac a chu a en ta tlawk2 a. Ani pawn hmangaih a neia, a hmangaih reng bawk ang. Mac a chu a lainat hle a, ani ang hmeichhe laktlak loh alo hmangaih chu a vanduai thlak a tihpui hle bawk a ni. Hrilhfiah dantur a hre tawh lova, a khawngaih em2 tawp ani.

Mac a hi mipa sangtha tak, pian pawh nalh angreng tak, vun ngo lam ani a. A hmeltha in a hnathawh pawh a zahawm em2 bawk a, mi tena pathian tluka an en thin Doctor hna a thawk mek ani. A nun a tluanga, chhungkaw hausa pangngai tak atanga seilian ani bawk a, engtiklai mahin retheih awmzia pawh a hre ngai hek lo, hmeichhe tan chuan Mac a aia pasal atana thlan tur chuang an awm tawh bik chuang lovang. A duh chuan nula a duh2 a thing thei ngei bawk ang tih chu Julie i chuan a hrechiang hle a, chuti chunga ani mi fa pai mek alo la hmangaih duh chu a tah te a chhuak rum2 ani.

Thildang an sawi leh hma chuan Robin a chu alo lut a," Mr. Rowland, dinner kan peih tawh e," arawn ti ta a.

"Awle...kan lo kal nghal ang," tiin Mac a chuan alo chhang thuai a.

Nia zanin atan chuan an sawi zawng2 kha a tawk phian tawh ani, a nihna takah chuan a sawi tam mah2 zawk hian Julie i chuan a hre hial a. Mahse engkim hi Mac a chuan ala hre dawn thau2 a, amah tanpuitu tur a neihchhun anih bawk avang chuan thup buai lah a tum hek lo. Hna a pek chuan a hahdam huai anga, tin a fa tan pawh rilru hah lutuka a awmlo tur chu a tha hle dawnin alo hria a, a hlim veng2 ani. Mahse Mac a rilru leh a laka alo hriat ngailoh thil alo up reng avang chuan a lainat hle a, tih theih neih pawh a chak hle mai. Mahse a tan chuan Robb Marshall a lo chu mipa dang reng2 hmangaih theihloh ani rih tlat ani.

Dinner chu alo tui lehpek hle a, a ei hnem leh hle bawk ani. Hetianga a chaw ei a tui reng chuan a thau chak viau dawn ani tih chu Julie i chuan a ngaihtuah a, a nuih te pawh aza hial ani.

"Enge i thil ei ah khan nuihzat thlak a awm em ni?" Mac an a tih chuan alo nui ri ani tih a hrelo reng2 a.

"Ka tihpalh ka lo nui ri ani maw? Englo ania, ka thil ei a tui lutuk hi ka thau viau dawnin ka inhre mai2 ania," nui rah2 pah chuan a ti a.

"Enteh Julie, hmeichhe lam doctor chu ka ni miah lova, mahse maw naupai lai hian an thau tlangpui alawm hmeichhia te hi," alo ti nuah2 a.

"Nia ka hria alawm, mahse a nuihzatthlak dawn em asin kan thau tur chu, i tive lo ami?" a tih chuan Mac a chuan uluk tak hian arawn en kual vel ta a.

"Hmm....i nalh zawk daih ang," tiin Julie i rinloh zawng daih chuan arawn chhang ta a.

"Maw? Min fiam hauh suh aw," tiin alo melh ram2 a, Mac a nuihza insum thei tawhlo chu a nuih tak huk ah chuan an pahnih chuan an nuidun ta hawk2 a. Dinner an eizawh chuan coffee in turin sitting room ah chuan an thudun leh a, mahse engmah a hma a an thil sawi kha chu an chhunzawm tawh lem lova.

"Awle...mu hahdam tawh la a tha ang, naktuk ah kan inhmu leh dawn nia,"Mac an a tih takah chuan a lawm rilru hle a. Hahdam taka khuma mut veng2 chu alo chak ru hle tawh reng ani.

"Ni e, nangpawh mu hahdam rawh Mac," tiin an thova, inchung lamah chuan an inzui chho ta a. A room kawngka thleng chu Mac a chuan arawn thlah a.

"Saw2 ka room ania, zanah mamawh te i neih chuan rawn sawi hreh hauh suh ang che, tui takin i mu dawn nia," tiin Julie i chalah chuan a fawhsak zeuhva.

"Engkim avangin ka lawm e,Mac. Mangtha le...," tiin kawngka chu a hawnga, a luhsan ta a. Julie i luh hnu pawh chuan Mac a chu ala kalsawn lawk lova, a hmangaih ber alo zawn ruk fo tawh an hmu leh chu a lawm em2 a, awmdan tur pawh a hre chiahlo ani. Diktak chuan a inah tunah hian Julie i chu reitak a zawn hnu ah a awm ani tih a hriatna chuan hlimna nasa tak a pe a, mipa dang fa pai mahse ala hmangaih let ve ngei pawh beisei na liantak a nei tlat ani. Hlim tak chung chuan a room lamah a kal phei thei ta hram a.

Monday alo thlen chuan Mac a nen chuan clinic lam pan chuan an kal ta a. An thlen chuan Julie i chuan mak a ti hial zawk a, alo rin ang ani hauh lo miau alawm. Te fel et awt turah khan alo ngai kha ania, mahse a lian mah2 in a ropui hle ani. A clinic atang ringawt pawh chuan Mac a chu doctor satliah mai2 ani hauhlo ani tih chu a hrethiam nghal a, sum pawh ala lut hnem hle ang tih chu mi mawl tan lo chuan hai chi lah ani hek lo.

"Mac i clinic hi ava ropui ve," thaw hak pah chuan a ti ta nge2 a.

"Min ti zak dawn alawm, Julie. Hawh le i lut ang hmiang?" a tih chuan ngawi rengin a zui lut ve ta a.

Mac a chu a thawksa lo awm ho chuan zah takin an lo chibai sap2 a, Julie i erawh an hmuh ngailoh anih vang nge an en deuh hrek2 hian Julie i chuan a hria a. Reception counter ah chuan hmeichhe pahnih hi anlo awm sa tawh a, an va thlen chuan Mac a chu chibai anlo buk nghal vat2 a.

Mac a chuan," Hei hi Julie Rothschild ania, vawiin atangin in bulah hna arawn thawk tan dawn ani," tiin midang pahnih te nen chuan a inhmelhriattir ta nghal a.

"Ka kalsan ang che Julie. Tha tak khan i thawk dawn nia aw, lunch ah kan inhmu leh dawn nia," tiin a kalsan ta nghal a.

A tawhpui tur te chuan mak ti tak hian Mac a kal liam ta chu an melh a, hetiang hian amah in thawk thar tur tumah ala rawn hruai ngailoh avang chuan mak ti pawh nise a awm viau ani. Julie i chu an hna thawh thin dante chu an hrilhfiah ta nghal zung2 a. Alo thawh hrep tawh hnu hna anih avangin Julie i pawh chuan alo man ve nghal zung2 a, engmah thil harsa em2 alo awm lova, a hna thar chu nuam dawn hle in a hre bawk ani. Mihring Mac a hnena in entir duh an tam em avang chuan an buai tan chu ani ta nghal mai a, mihring tamzia a ngaihtuah ringawt pawh chuan Mac a chu a lar hle ang tih pawh a hrethiam nghal vek ani.

London lamah chuan Robb Marshall a chuan private agency ami Dectactive a ruai a, mahse ni hnih aral hnu pawha engmah Julie i chanchin an hriat chhuah theih tak lovah chuan a beidawng hle tawh ani. Enge a tihsuala, chutia Julie in a kalsan tak mai chu tiin a ngaihtuah awl lova, mahse a chhanna erawh amah Julie i chiahin a hria ani. Khawiah nge a awm anga, engtin nge a khawsak dawn a, engvanga kalbo nge anih tiin zawhna hrang2 chu a inzawt nawn awn2 a, mahse engmah chu a inzawt chhuak lem hlei lova. Eliana i pawhin Julie i chu a kalbo tih a hre ve tawh a, a hriat tirh phei chuan a buai chhe lo chauh ani. Robb a a hre ber tur lahin engmah a hriat siloh avang chuan ani pawh zawhna hlirin a khat hi ani tawp a. A thiantha ber ani a, engvanga a kalbo hma a engemaw tal hrilh lo nge anih, khawnge kal a tum tih tal te chu min hrilh ve awm ana tiin a phun2 a mahse engmah a sawt chuang si lo. Robb a vang ani tih erawh chu a rilru ah chuan a chiang hle a, chupawh nise hrilh ve tal sela hi ani tur ania. A nu hnenah em niang a let leh ang? Anu chu va biak mai a duh deuh ut2 a, mahse anu hnena a kal lo aloh nih vaih chuan buaina leh rilru hahna a tipung mai2 dawn si a, engpawh nise nghah rih phawt chu a tum ta a.

Robb a chuan a hna pawh chu a ngaihtuah mumal thei lova, Julie i zawng reng2 chuan kar khat dawn lai chu a phi buai tawh a, mahse engmah ala hriat belh chuang lo ani. A in entir khan thil thalo tak a thleng anga, chuvang chuan a tlanbo ani ngei ang tih te chu a ngaihtuah a, mahse engmah chutiang chu a awmin a hre silo. Zanah phei chuan zu rui hnepa a in loh chuan a mu theilo reng2 a, zu pawh Julie i vang chuan a in nasat phah hle ani.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » May 13th, 2018, 3:25 pm

Ni a liam zel a, Julie i naupai pawh thla li lai alo ni tawh a. Mac Rowland a bulah chuan awm rihin nitin hna ah chuan ala kal ve zel a. A hna pawh chu nuam a tiin, tin hlawh lah Mac a chuan a pe tha hle bawk a. A nu leh a nauten engmah an hriatloh nan thla tin pawisa ala thawn zat2 a, phone pawhin an inbe deuh reng bawk a. Robb Marshall an arawn biak tlang theihloh nan a phone no a thlak angaih mai bakah London sim kha a hmang rei thei lo nen, chu2 anu in alo man thuai a.

"Engvanga i no hi dangta nge anih?" tiin vawikhat an inbaik tum chuan arawn zawt ta ngei a.

"Englo ania nu, ka hnathawhna kha ka sawn daih a, damdawi inah ka thawk tawh a, number ngai hman kha nuam ka ti chiah lova, chuvang mai2 chu mawle," tiin thutak chanve chauh chu a hrilh ta a. Anu lah nu mawlve tak alo ni nen an ram ngei number ani a fanu chuan a hman mek tih pawh chu a hre lem bik chuang lova.

"Alo nih tak chu male...tha takin i hna ah khan i rilru zawng2 pein i thawk zel dawn nia," tiin anu nen chuan an inbiakna chu an ti tawp ta a. A chhungte chu a ngai thei hle a, nikhat kal lekah an awm ani tihlah chu rilru in a hre kur reng nen, thawh lawka va hmuh zuai te chu a chak thin viau a, mahse a dinhmun in a zir miau loh avangin a insum leh hram2 thin a.

Robb Marshall a chuan thla li hnu ah chuan zawngtute pawh chu a ruai duh ta lova. Julie i chu a nun atangin a kalbo tawh a engtik ah mah rawn let leh a tum hauh lo ani tih pawh a kalsan dan atang chuan a hrethiam ve tawh a. Mahse engtik ah emaw chuan ala hmuhchhuah tho2 chu rinna liantak ala nei tho ani.

Mac a chuan a nupui ang maiin Julie i leh naute chu a ngaihven a, in entir hun te hi Julie i zawk2 hian alo mangnghilh leh thin a. Engkim ah a kalpui in a tihpui zel a, a damdawi eitha tur te hian a fuih reng thin bawk a. Hetiang ang mipa fel hi a pasal nita sela a nawmsak dantur leh a hlim turzia chu Julie i chuan a ngaihtuah rauh2 thin a, mahse thian bak an ni thei ngai lovang tih erawh a hrechiang em2 ani, a chhan chu Robb Marshall a lo chu mipa dang reng2 a hmangaih leh theih ngai pawh a inring lo ani. Mac a chuan dinner eitur ten a hruai chhuak thin a, a zahpui hauh lo tih Julie in a hriat chuan mak pawh ati hial thin ani. Chawlh an neih changin picnic tur ten a kalchhuah puia, a chang leh naute thawnhnaw lei angai zawi2 in tiin an bazaar dun thin bawka. Engkim chu Mac a tihsak hi ani deuh veka, amah leh naute in an mamawh ang zawng2 chu hmaih a nei ngailo hrim2 emaw tih maitur hi ani a.

Damdawiin lamah lah a thawhpui te an fel bawk nen, nitin hlim takin an hna chu an thawk ho dial2 thin a, nu lo ni tawhte an nih avangin Julie i chu in enkawl dantur leh naute tana tha te an sawipui thin a, Julie i lahin a ngaihthla ning ngailo reng2 ani. A fa chu a theih ang2 a tha leh a phak tawka nuam sa a siam a tum ve em2 a, ama naupan lai a ngaihtuah in an hreawm thinzia kha a hre reng a, khatiang nun kha chu a fa tan a phal hauh lova, a theih anga nuamsa leh tha a enkawl pawh a tum ve reng bawk ani.

Thla a liam zel a, a rai lian bawk si nen, hna a kal pawh chu a tan alo harsa chho tial2 a, Mac a phei chuan ina awm turin a ti fo thin a, mahse a duh ngailo ani. A duhloh nachhan pawh hlawh a neihloh chuan engtinnge a nute pawisa a thawn ang tih chu a thluaka awm ber ani a. Mac an a harsatna hria in, hlawh chu ala pek tho tur thu ten a thlem thin a, mahse thla kua na thleng chuan nitin ala kal tang2 thova. Mac a hian thil a tihsak hnem tawh em avangin a thlawn lehzel a hlawh a pek chu a la ngawt theilo ani!

Thla kua hna ah chuan hna chu a kal lo ve tan ta a, amah pawh a ritin kal pawh a harsat hle tawh a, zanah lah nise a dul a len em avang chuan a mu tha mumal thei tawh lo bawk a. In a awm mai2 chu a ning thin viau nain, tih theih dang a nei tawh miau si lova. Naute mawza tur te, kawrlum tur te chu a hun hnawh khah nan chuan a phiar thin a, chung chuan hlimna a pe in a rilru kalding lutuk tur pawh a veng pah bawk a. Nikhat Mac a lo haw chuan....

"Hei Julie, enteh hei hi naute tan ka lo lei a," tiin polythene khat tlat hian toys hi arawn hawn a.

Nuihza bawk si insum deuh pah bawk si chuan," Mac, hetiang te chu nakin ah bak a khal thei dawn hleinem. Naute thil tur i lei hnem tawh lutuk, engmah rawn lei tawh suh ka tih che kha....!" tiin a thinrim der ta a.

"Oh, mahse ka leisak chak miau alawm, hawh naute room tura kan tih ah khan han dahsak ang...," phur taka Mac an a tih chuan Julie i pawh chu a nui leh ta nge2 a.

"A pian hma atang hian i duatsual hi ani ngawt alawm, i bulah hian awm reilo sela a tha ang, anih loh chuan a uncle hi a rawk kawt vek palh ang," nui hak2 pah chuan Julie i chuan a ti a.

"Julie, enteh....naute hi alo pian hunah chuan Uncle ni lovin, papa min ti sela i phal angem?" ngen ngawl tak hian Mac a chuan a ti ta daih a.

Julie i chu a thil hriat chuan a ti phu deuh zawk a, Mac a chuan a thilsawi chu a awmzia a hre chiah em a hre lo ani. Papa tiin naute chuan lo ko ta sela, alo lian anga a pa ani lo tih a hria anga, chumi hunah chuan engtinnge nita ang?

" Mac, enteh thiltha ani angem ka hre bik lo ani, ama duhthu ah nghat zawk ila a tha anga?....a duh dan2 in a ko theih hunah che ala ko zawk ang che anga tiraw??" tiin a rilru hliam hlau tak chung chuan a ti ta a.

"Awle....mahse papa min ti ang tih chu ka chiang alawm," hlim hmel tak hian a ti ta a.

Mac a hlim hmel a en chuan naupang chhia te hi ang ati hial a, ama fa ngei ni sela a lawm turzia leh a duat turzia pawh Julie i chuan a hmuthiam nghal mai ani. A rilru tihnat sak a duhloh avang chuan chulam hawi chu engmah sawi a duh tawh rih lova, thildang a sawi ta daih a.

"Hawh, nursery ah chuan han kal ang hmiang?" tiin a sawm ta a.

Phur tak chuan an kal chho dun ta a, amah a kal a harsat tawh em avang chuan Mac a chuan Julie i chu zawimuang hian a kai chho ta a. Nursery chu Mac a chuan a cheimawi tir em2 a, naupang tana an mamawh tur ang zawng2 hi chu a dah kim sak vek hial hian Julie i chuan a hria a. Lehkahbu thlengin a chhawpsak vek reng ani, Julie in ala mamawh har dawn lutuk a tih pawhin, Mac a chuan a tetlai atangin zantin chhiar sak ka chak alawm alo ti tlat thung a, lehkhabu alo hawn ni phei chuan Julie i chu a nui nasa hle reng ani.

Mac a toys lo hawn thar chu an tar dun a, chutih lai chutah thawk leh khatah Julie i pum chu arawn na ta vak a, bang dawm chuan a ding ta rawk2 a.

"Enge nita Julie? Na i nei ami?" mangang taka Mac an a tih chuan....

"Ka vei tan tlatin ka hria....," harsa tak hian arawn ti chhuak thei tawk a.

"Oh my God! Lo nghak lawk rawh aw," tiin chair ah chuan a thut tir ti ta a. Julie i a thufel chiah tih ah chuan inhnuai lamah a tlan thla ta nghal vat a. Reilote ah lo let lehin," Hawh le, damdawiin ah kal ang le....i kal thei angem? Nge ka pawm thla dawn che," tiin Julie i hmai thlan hlaum chu a hruksak pah a.

"Ka kal thei ang, mahse zawimuangin," a tih chuan an in kuah thla ta a, inhnuai lam pan chuan zawimuang chuan an chhukthla ta a. Motor a Julie i a thutfel chuan a chau hle ani tih a hmel atang pawh chuan Mac a chuan a hrethiam nghal mai a,"Hlauthawng miah suh aw....damdawiin kan thleng anga a tha vek mai ang," tiin a thlamuan a. Driver chu a theih anga chaka khalh turin Mac a chuan a ti deuh chhen bawk a, an tlan pah chuan damdawiin chu alo inring turin a phone lawk nghal vek bawk a. An thlen rual2 chuan nurse leh doctor te chuan anlo buaipui nghal ta zung2 a, reilote ah nau neihna room ah chuan an hruai lut ta nghal a.

Mac a chu thut pawh thu mai2 theilo hian nau neihna room kawtah chuan a vei tawn sek a, Julie i leh naute chu tha taka an rawn chhuah theihnan a thiam ang tawk2 chuan a tawngtai mawlh2 bawk a. Darkar hnih lai a nghah hnu chuan nurse hi alo chhuak ta hram a.

"Doctor Rowland, hmeichhia in nei e...," arawn tih chuan Mac a chu a lawm lutuk hi a zuanglo chauhva. Mipa naupang hi a duhlo chu ani hauh lova, mahse hmeichhe naupang te hi a lawm zawk fo ani.

"Ka lawm e sister, naute nu a tha em?" a ti nghal vat a.

"Aw a tha e, mahse thisen a hloh hnem deuh avangin drip te khai angai ang, i duh chuan hmu turin i rawn lut thei ang, minute sawm hnu velah," sisiter in a tih chuan a lawm tak2 ani, a hlim hle bawk. Ama fa pawh piang se hei baka lawm leh chuan ngaihna a hre hauh lo bawk ang.

"Awle, ka lawm lutuk e. Zanin a nurse duty zawng2 chu keiman ka treat vek dawn tih ilo hrilh dawn nia," a tih chuan sister pawh chu alawm ve hle ani tih a nuih sang dan atang chuan a hre mai a.

"Kan lawm e, Doctor," tiin a luhsan leh ta a.

Julie i leh naute thar tan tiin a driver chu a rang thei ang bera Rose par sen bawr lei turin a tir nghal a, chuan nurse ho tan eitur chi hrang2 lei turin a hrilh nghal bawk a. A hlim ani, a lawm bawk! Julie i hian hmangaih ngailo mahse a bula an nufa a an awm chhung chu a hlim reng ang, awmtir reng dantur pawh a ngaihtuah fel vek tawh ani. Theih phei sela chuan naute hi a hming peka, Julie i pawh a nupui atana neih a duh em2 bawk, mahse Julie i remtihna chumi tur chuan angai a, nghah a ngaih pawn ala nghak mai ani ang chu! Engtik ah emaw chuan an nufa chuan a ta an la ni mahna.....!

Driver alo thlen chuan Julie i te nufa hmu tur chuan a lut ta a. Naute chu Julie i bula bawm ah hian alo mu bam a, Mac a lut lai chu hlim hmel tak hian Julie i chuan alo nuih var2 a.

"Ka lawmpui lutuk che," tiin Julie i chalah chuan a fawhsak zeuhva.

"Min buaipui na leh min ngaihsak em2 avang hian, kan nufa hi ania lawm tur chu," mittui tling pam hian alo ti a.

"Kha he pangpar hi nangleh naute thar lawm nan anih hi. Chuan vawikaht mah lawmthu kha sawi leh tawh suh ang che," tiin naute chu a pawm kang a, a biangah chuan a fawh sak ta a.

"Ava mawi ve....khawi hnute ka lo pe ange," tiin naute chu a pawm ta a, hnute chu a pe ta a.

Doctor Julie i enkawltu chu alo kal a," Doctor Rowland, zanin chu riak ula, naktuk ah hei naute leh a nu pawh an tha a, in duh chuan in haw thei ang,"a tih chuan Julie i pawh chu a hlawm hle a.

"Kan lawm e, doctor....," Mac a chuan a ti luam a. Naute hnute hnelai chu mitkhap lek lo hian Mac a chuan a en ta reng," Enteh, Julie a chhun miahlo che ania, min chhun zawk daih," a tih chuan an nui dun ta hawk2 a.

"Nia ka lo hmu e, a pian hma atangin i duatin i ngaihsak bawka, chuvang chu aniang a chhun che," tiin Julie i pawh chuan alo fiam let ve hlut a.

"In nufa in in tha a ka lawm lutuk e...kha nangpawh kha hahdam i ngai anih kha...mu hahchawl tawh rawh le," khuma mut that tir pah chuan Mac a chuan a ti a.

"Hawn i tum ami?" Julie in a tih chuan...

"Ka lo kal leh ang, i eitur tui tak2 nen. Chumi chhung chuan ilo hahdam ang tih min tiam rawh," a ti ta a.

Nui var2 pah chuan,"Awle.... Dr. Rowland," alo tive thuai a.

"Sual reuh lutuk, tikhan min ko tawh suh ang che," tiin a chalah chuan zawite hian a pensak ta a.

"Ka titauh hma hian kal vat rawh," nui har2 pah chuan alo tifiam ve thung a.

"Awle...lo hahchawl ngei2 ang che. Ka lo let leh thuai ang," tiin a chalah bawk chuan a fawhsak leh a, hlim tak chuan inlam pan turin a chhuahsan ta rih a.

Mac a kal liamta chu a en reng a, fanu a nei chu Julie i chu a hlim em2 a, chumi piah ah chuan Mac a vang chuan a hlim bawk ani. Tunah hian Robb Marshall a chuan fanu a nei tih hre ta sela engtinnge a awm ang le? A lawm a ring hauhlo ani!! Eliana i tal chu hrilh a chak hle a, mahse a mutchhuak chu alo kal thut a, a harh leh huna hrilh chu a tum ta zawk a.

Julie i a hrah leh meuh chuan khua pawh alo thim vek tawh a, naute bawm chu a en nghal a, mahse alo ruak huai a. Mangang tak chuan a hawi kual ruai a, Mac a hian kil khatah hian alo pawm hlu2 hi ava hmu ta a.

"Mac....?" zawite hian a ti sap a.

"Shh.....a muhil dawn ania,"alo ti sup2 a.

Khuma mutha leh pah chuan Julie i chu a nui sen2 a, Mac a leh a fanu inpawm hlu2 chu hlim tak hian a thlir ta reng a, a pa tak zawkin pawm mek ta sela tun ai hian ala hlim lehzual tur ania, mahse beisei bo ngaihtuah kual chu duh lovin Robb a chu a rilru atang chuan a dahbo ta nghal daih a. Naute a mut hnu chuan Mac a chuan a bawmte ah chuan dim tak hian a muttir ta a. Julie i chu a dinner tura alo kensak chu a phawrh saka, ei tur chuan zaizir in a hrilh nghal a.

"A tam em mai, min lo eipui ve rawh?" Julie in a tih chuan hnial tum hian a ka a ang zuau hman a, mahse engmah sawilo chuan a eipui ve ta zawk a. Julie in tha taka chaw a ei a hmuh chuan Mac a chu a lawm hle a.

"Um...a tha lutuk, tianga chaw i eithat zel kha angai dawn ania, Lady. Anih loh chuan kan naute hi a riltam fo dawn ani tih kha hre reng la...," tiin a fiam ta leh ta a.

"Awle...awle... Doctor!" tiin alo nui hak2 a.

"Naute hming tur hi i ngaihtuah tawh em?" Mac an a tih tak thutah chuan Julie i chu a ngawi deuh vang2 a.

"Ka lo phuah mai dawn em ni, hmm?" tia alo fiam leh chuan," Ka rilru a awm reng chu, Ruthi tih hi ania," zawimuang chuan Julie i chuan arawn ti ta a.

"Wow! Hming nalh tak anih chu, awle...Ruthi chu kan ti ngei dawn nia," phur tak hian Mac a chuan alo ti nghal var a.

Naute bulah chuan Mac a chu ava kal hnaia," Hey, i hming chu Ruthi i anih chu aw...," tiin zawite te hian ava phun sup2 a. Mac a awmdan naupang chhia zet chuan Julie i nuih chu a tiza hle a. Hepa hi awmlo ta sela an nufa nun tur leh an awmdan tur chu a ngaihtuah pawh a ngaihtuah ngamlo. Rapthlak tak ani dawn tih pawh a hre chiang hle ani, a chhan chu naupai lai anih avangin hna a dil dawn pawn thup thei ani lova, chuan raipuar chu tuman an hna thawk turin an duhlo tlangpui bawk a, a tan hna hmuh kha har tak tur ani tih pawh a hrechiang hle ani. Lo hmu ta pawh nisela hna chhete a hmu anga chu2 amah leh naute tana nun khaw chhuah nan chuan a beitham hle dawn ani. Chumi chauh chu ala nilo zui, a nu te pawisa a thawn ziah alo ngai bawk dawn nen, chung zawng2 chu engtinmah ani tan tih ngaihna a awm dawnlo a ni. Mac a tan hian a hlim natur engemaw tal tihsak let ve theih nei sela a inti hle a, mahse tun dinhmun ah chuan a theilo ani tih pawh a hai lo.

A tukah chuan doctor phalna thlapin inah chuan an haw ta a. In an lut chiah chu an awmpui te leh damdawiina an thawhpui te chuan an lo lawm a. 'Welcome Home, mama Julie n baby Ruthi' tiin anlo au rual dial2 a. Julie i chu a lawm em avang chuan a mittui a parawl kianga, pakhat te te chuan an lawmpui ani tih hriat nana an thilpek lo ken te chu amah kuah pah chuan an rawn hlan ta zela. Lawmthu lo hrilh zel bak chu tih theih a neilo ani, tiang hi alo beisei phak ngailoh thil ani a, a lawm em2 ringawt tawp ani. Mac an ei leh intur alo buatsaih chu chhiahhlawh te chuan an rawn sem tan ta a, an vai chuan hlim taka ti ti a nui ho pahin an ei in ta hlawm a. An ho rem meuh chuan in chu a reh duk hian Julie i chuan a hria a.

Mac a hnenah chuan," Engkim kha a hlimawm a, ka law.....," a ti tan chiah chu.

"Awle.....lawmthu kha sawi angai lovang! Ka tihtur ka lo ti ve ani mai, oke....," Mac an a tih chuan an nui dun ta hawk2 a.

"Ruthi i chu nursery ah ka muttir a, kan han en dawn em niang?" Mac a vek chuan phur tih hriat tak hian ati leh a.

"Mac, ka han en thei alawm, nilengin i buai tawh a, lo hahchawl rih rawh," alo ti thuai a.

"Mai2 a, ka hmu ve chak alawm," alo tih tak tlat ah chuan an pahnih chuan an kaldun leh ta nge2 a. Naute room an thlen chuan tui tak hian naute chu alo mu sak2 a, nurse naute enkawl tura Mac an a rawih chu alo awm bawk a. Julie in nurse a hmuh chuan phawk tak hian Mac a chu a en vat a, ani lah chuan ngawi rih turin a hmui ah chuan a zunglai chu alo dah vat a.

Julie i chuan," Hnute a duh chuan, min lo kaitho dawn nia," nurse hnenah chuan a ti a, room atang chuan an inzui chhuak ta nghal a. Pawn an thlen chuan Mac a chuan," I room ah nge ka room ah," Julie in thil a zawt duh tih a hriat avang chuan alo ti thuai a.

"Awle....ka room ah aw...," thaw halh pah chuan a ti ve mai a.

Julie i room chu naute room dawt chiah ah a awm a, an luh hnu chuan Julie i chuan Mac a chu a sawitur sawi vat tur chuan a melh ta a.

"Awle....ka lo ruai alawm, mahse Ruthi i tan ka ti ania," tiin a insawifiah tan ta a.

"Enteh Mac, i thil tih tawh zawng2 pawh hi a em2 tawh ania, tunah nurse keimah pawh min rawn lovin ilo ruai leh amaw? Ka enkawl thei alawm, sum paihna mai2 ani....," a ti ta a.

"Julie, ila chak lova, naute enkawl tur hian tuemaw tal kan mamawh alawm. Bakah i hahdam natur ka lo ngaihtuah mai ani e," tiin Mac a chuan hrethiam se ti tak chuan a en reng a.

"Ka hrethiam lutuk alawm Mac, mahse ka tan hian a inthlahrun awm zozai tawh em2 alawm," a ti chuai raih a.

"Ka theih tawk ka tih hi min phalsak hram teh, Julie. Engmah inthlahrun natur a awmlo. Ruthi i hi ka fa ang tho alawm!" a tih chuan Julie i chuan a nghing deuh lawih hian a inhria a. Mac a rilru tur awm chu a hrethiam em2 ani, mahse amah leh a fanu a hmangaih ang hian engtik ah mah a hmangaih let ve thei dawn siloh avang chuan ani hreawm a tih em2. Hrilhfiah dawn sela, Mac a rilru chu a tina ngei dawn si a, mahse a sawiloh lahin bum niin a inhre bawk si a, a rilru chu a buai nuaih hi ani ber a.

"Awle....mahse nidangah chuan khawngaih takin min zawt ve tawh dawn nia Mac. Ka sawi awmzia chu i hria tiraw? Ka lawm loh vang ani hauh lo ania," tiin a ngen ta ringawt a.

"Ka hrethiam alawm, awle....ka zawt zel tawh ang che, ka tiam a che. Mahse Ruthi i hi ka fa tluk ani tih hi hre reng la, a tana ka thiltih sak tum min khap zel thei ringawt lovang," tiin Mac a chuan a rilru diktak a sawichhuak ta a.

"I hmangaihin i duat hle ani tih chu ka hria e, mahse i duatsual ang tih ka hlau mai ania," a tih chuan a nui dun thei ta a.

"Ka duatsual lovang ka tiam a che, ka theih ang2 hi tihsak che u ka duh mai chauh ania,"

"Ka hria alawm, mahse i ti nasa tawh em ani....,"

"Ka la tizel bawk ang," alo ti hmak a. Hetiang em2 a mahni fa pawh nilo ngaihsak puitu a nei chu a lawmawm hle ani, mahse nakin zelah Mac a rilru hi ala na lutuk palh ang tih chu tun atanga a ven loh chuan an buaina tur thil la ni thei ani tlat a ni.

"Oh Mac, dinner ei phawt teh ang, ka ril a tam teh ania," Julie i chuan an boruak tihdanglam nan chuan a ti ta daih a.

"Keipawh le....," tiin inhnuai lamah chuan an inzui thla ta nge2 a. Hlim tak leh tui ti taka dinner an nei hnu chuan Coffee an in leh a...

"Lokal rawh i room thleng ka hruai ang che, hahdam tawh la a tha," Mac an a tih chuan inchung lamah chuan an inzui chholeh ta a. Naute room ah chuan an lutdun leh zuai a, a biang tereuhte ah chuan a lehlam lehlamah chuan an fawp ve2 a, nurse chu mangtha in an chhuak ta nghal a.

Julie i room kawngka ah chuan Mac a chu thatchhe tak hian a ding a," Tui takin i mu dawn nia," tiin a biangah chuan a fawhsak zeuhva.

"Nangpawh le....," tiin Julie i pawh chuan a biangah tho chuan a fawh sak ve a. Mac a chu hlim takin a room lam panin a kal phei ta a. A nihna takah chuan Julie i nena an intawn leh atanga a bianga fawh a dawn vawikhatna ania, hma a sawn niin a inhre bawk nen a lawm lo theilo ani. Alo ngaihtuah tawh ang khan zawi2 in Julie i rilru pawh a hneh tan ta ngei niin a inhre bawk a. Hlim avang chuan a au chak hle nain, a insum hman hlauhva.

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » May 13th, 2018, 3:26 pm

Robb a nun pawh a pangngai chuan a kal veleh beuh2 tawh a, mahse Julie i a ngaih erawh a reh thei chuang lo. Camella Anderson i pawn a pasal a then tawh a, Robb a chu a pasal a nita emaw tih tur khawpin a zar hneh leh hle tawh ani. Mahse Robb a chuan a hma ang khan engmah rilru Camella i lakah chuan a pu tawh lo mai pawh ni lovin a ngaihsak lemlo hle ani. Thian tha angin a kawp thina, a pasal a then nen arawn pan hi chuan alo hnem ve mai thin chauh ani.

Eliana i chu Julie i awmna hrilh turin Robb a chuan a ti awl lova, mahse ani lahin a thiannu chu khawi ramah nge a bikbo tak pawh a hre bik si lova. Vawikhat tal chu rawn be ve em2 tur ani hian a inhre ve na a mahse Julie i lah chu a reh hian a reh tlawk2 si a. An in lamah a haw lo tih chu a chhungte nen an inbiak na atangin a hre tawh a, khawiah nge a kal ang tih chu a zawhna lianber ani ve bawk ani.

Chumi ni pawh chuan Robb a chuan arawn be leh a," Eliana, min hrilh tawh teh!" hi arawn ti tawng bawk a.

"Ka hrelo takzet ani Robb, an inah a haw si lova...," tiin beidawng tak chuan a chhang a.

"Hriat i neih veleh min rawn hrilh ngei2 ang tih min tiam rawh," Robb an a tih chuan a khawngaih hle a.

"Ka rawn hrilh em2 ang che, ka tiam e," nghet charh chuan a ti a, hrilh ngei pawh a tum ani a chhan chu Julie i chauh hian a hmangaih lova, amah Robb a pawh hian a hmangaih ani tih a hre tawh tlat ani. Mahse a duh vang chauh hi alo ni thei tho, tih erawh chu a ngaihtuah na ah chuan a awm thova. Ryan a pawh chuan Julie i reh hmak chu mak a tih em avang chuan Eliana i bulah chuan a sawi veleh zeuh thin a, mahse engmah han sawi belh tur nei lo ve2 ta chu thildang ah hian an pakai leh nge2 thin a.

Naute thla khat anih chuan Julie i pawh a tha hle tawh a, a hna a kal Mac an ala phal loh avangin inah chuan naute nen an lo awm thin a. A theih ang2 in Mac a duhzawng te chu a siamsak thin a, Mac a pawh a lawm hle thin ani. Thian inkawm ngeih tak an nih tawh avangin engkim hi an sawi duna, Mac a hna lam lah alo hriatpui ve vek tawh avangin an pahnih chuan Mac a case hrang2 neih te chu an sawidun thin a, Mac a pawn Julie i rawnna pek te chu a ngai pawimawh thei hle thin ani. Nitin an nun chu tluang takin a kal chho bek2 a, naute lahin an nun a ti hlim em2 bawk a, Mac a phei chu a hna atanga alo hawn velah hian naute hmu turin a room ah a tlanchho hmasa ngei2 thin a. Sitting room a an nufa a anlo awm hlauh leh a pawm nghal ngei2 bawk a, pa a neilo tih hi Ruthi i chu a hriattir ngai dawnlo emaw tih tur hian a duatin a attchilh hi ani hrim a. Zanah pawh Julie i a harh theihloh chang hian nursery ah naute chu a diaper te alo thlaksak fova, a chang leh naute mutna bulah hian alo muthlu anga, zinga Julie i ava kal hian nui rah2 pah hian a kaitho thin ani. Chhungkaw hlim tak hi an ang hle hian a chang chuan Julie i pawh chuan a hre thin a, hetianga enkawl a khawngaih em2 tu an nufa a an nei hi an vannei hle ani, nilo sela chuan engtinnge khawvel nun hi an nufa in an hman dawn pawh a ngaihtuah ngamlo fo ani. Ruhti i lah chu lal fanu ang mai hian a mamawh zawng2 a tihsak a, toys nise arawn leisak awl lova, thawmhnaw phei chu kar khatah vawikhat tal chu arawn leisak ngei2 bawk ani. Thla thum anih chuan lawm te a hre ve tawhin, a nui duh hle a, nun ati hlim tak meuh2 tawh ani. Nitin hian Ruthi i hmelah chuan Robb a hmel alan tlat zel avang chuan Julie i tan chuan Robb a theihngilh chu thil theihloh tluk ani a. A pa a chhun em2 a, hnar nalh tak a nei a, biangsum a nei kalh bawk a, a mitmeng te chu a liantha in, a hmui pawh a mawi reuh hle a, a nu chu chhunna pawh a neilo hial hian Julie i chuan a hre thin a. Mac a hian a pa chu hmu tawh ni sela chuan a pa a an zia pawh a hre ngei in a ring ani, mahse amah Julie i a ang a ti ziah thung a.

Nikhat chu Eliana i phone chu a ri ta ral2 a, number a hriat ngailoh anih avang chuan a la mai duh lova, mahse alo rik nawn leh takah chuan ala ta hram a.

"Hello....,"

"El,.......keimah.....," tih ri Eliana in a hriat chuan a phone chu a thlauh lo chauhva.

"Aw Lalpa....! Julie.....Julie....khawiah nge i awm? Engvanga kalbo nge i nih? Vawiinah chiah hian min rawn bia amaw?" tiin Eliana i chuan zawhna hlir chu a zawt ta mawlh2 a.

"Ngawi lawk teh! Engber chu nge ka chhan ang che?" nui hawk2 pah chuan Julie i chuan a ti dam raih a.

"I nui amaw? Engtinnge i nuih theih? Nangmah avanga ka rilru hah zia hi i hria em? Robb Marshall a lahin a zawng nasa em2 bawk che tih hi i hria em?" a ti leh ta hlawih2 a.

Lehlam chu a reh tak vang2 avang chuan," Hello....hello....Julie ila awm em?" a dah hlau tak chung chuan a ti chul a.

"Aw, ka la awm alawm. Enteh Robb Marshall a kha chu rawn sawi suh aw....," dul raih a Julie ti ri a hriat chuan a thaw deuh hak a.

"Sawlo thei ka nilo alawm, nitin deuhthaw hian vawiin ni thleng hian i awmna hi min la rawn zawt asin!" vin lek2 chuan a ti tan leh ta a.

"Engmah i hriatloh thu i hrilh lo ami?"

"Hrilh e, a awih hauh lo lehnghal...,"

"Anih chu....i dam tha em? Enge Ryan a te a tha em?" a ti ta daih a.

"Ka tha lutuk, Ryan a pawh a tha...kan innei trep tawh ania...,"

"Ka lawmpui lutuk che.... Hlim takin in awm zel dawn nia....,"

"Awle....awle...khalam kha chu duhtawk phawt ang! Khawiah nge i awm?"

"Ka sawi theilo....,"

"Ka bulah pawh mawh? A tha alawm!"

"Thinrim kher lo la, a hun a thlen hunah chuan ka hrilh mai ang che,"

"I tha hrim2 em?"

"Aw ka tha lutuk e....,"

"Enteh, i chhungte pawh i hrilh lo tiraw?"

"Hrilh lo, khawngaihin lo sawi miah suh aw tuma bulah...!"

Naute tap ri chu Eliana i chuan a hre ta a,"Naute....naute tap ri ka hria ania, Julie," zawimuang fan raih mak ti tak chuan a ti ta a.

"Aw nia, fa ka nei tawh alawm. Hmeichhia ania, thla li na a hmang ve mek tawh asin," Julie i chuan a ti ta nge2 a.

"Oh my God! Ka lawmpui lutuk che, ka hmu chak viau bawk ania," phur tak hian Eliana i chuan arawn ti leh zung2 a.

"Nia, ka nun hi a tihlim viau asin, keipawh ka lawm lutuk top," a fanu chu chul hliau2 pah chuan a ti a.

"Sawitur pawh ka hrelo, ka hmu ve chak top....khawiah nge i awm mawh, Julie?"

"Ka sawi thei rihlo ani....,"

"Nihleh kan inneih na ah ilo kal ang tih min tiam rawh!"

"Ka hrelo le, naute nen chuan a buaithlak viau ang, i hriatthiam angai ania, El...,"

"Mahse ala hla alawm, nakum lamah daih ani ang, tun kumah kan inhual anga....ilo kal ang tih min tiam rawh mawh??"

"Kan inbe zel dawn nia, kan tum ang chu....thiannu berin pasal i nei tak2 dawn te anih chuan," fiam deuh pah hian Julie i chuan a ti a.

"Oh....ka van lawm tak em min rawn bia chu, chuan naute pawh chu ka hmu chak top. Robb Marshall a fa ani tih pawh ka hria ania aw.....," arawn tih lauh2 chuan Julie i chu a khawng awt a.

"Tihpalh pawn i hrilh hauh lovang tih min tiam nghal rawh! Engmah kei leh naute chanchin hi a hre tur ani lo, El.... Min tiam dawn em?" a ti nghet ta charh a.

"Ka sawi hauh lovang, tisawn hreawm saw tuar rawh se, a phu tawk chiah!" Eliana i pawh chuan alo ti ve hlak a. Robb a hnenah khan chanchin a hriat vela hrilh tur khan a intiam tawh anih kha! Mahse a hrilh dawn lo ani, a thiannu nun tikhawp a buaia siamtu hi a rul let ve ngei ang!

"Ka lawm e, ka ring che ania aw....," Julie i chuan a ti leh deuh kher a.

"Min ring mai rawh, ka sawi hauh lovang. Camella Anderson i khan a pasal kha a then tawh a, office ah pawh arawn tam leh tawh hle ani awm e...," a ti leh zat2 a.

A hmangaih ber bula Robb a a awm tur chu a thik hle a mahse," A tha alawm, lo hlim zel rawh se," a ti chuai raih a.

"Hna i hmu leh tihna ami?" Eliana in a tih chuan naute chu a tap leh ta raih2 a.

"Nidangah kan inbe leh dawn nia, El....," tiin phone chu a dah ta daih a.

Naute chu hnute a pe a, a awih fe hnu ah chuan a tap chu a bang ta chauhva. Hetiang hian Ruthi i hi a tah ngailoh avang chuan Julie i rilru chu a nuam chiah lova, mahse a thiannu nen a inbiak lai khan alo ngaihthah deuh vangin a thinrim te pawh ani mahna tih te chu a ngaihtuah a, mahse naute mai ani si a engtin nge chutiang chu a ngaihtuah theih ang, tiin amah leh amah chu a inhnial kual hi ani ringawt a. Mahse naute chu pangngai taka a awm leh takah chuan lungmuang tak chuan a awm ve thei ta hram a.

Zana Mac a alo haw chuan Eliana i nena an inbiak thu chu a hrilh a, mahse a hmel atang chuan a lawm vaklo ani tih pawh Julie i chuan a hrethiam nghal mai a.

"Enteh Mac, ka thiantha ber ania, ka chanchin reitak ka hrilh tawh lova, hrilh ve chu ka ba alawm," tiin a hrilhfiah sauh2 va.

Mac a chu a ngawih tak vang2 hnu chuan arawn tawng ve ta chauhva," I awmna i hrilh em?" a ti deuh hmak a.

"Hrilh hauh lo, ka sawi duh i ring ami le?" Julie in a tih chuan Mac a chu alo thaw huai a.

"A that chu, sawi rih lola a that ber ka ring,"

"Nia, pasal a nei dawn ani awm e...,"

"Engtik ah?"

"Nakum lamah anih hmel, kalve ngei sela min duh a...,"

"A la hla alawm," alo ti mai a.

"Nia, mahse a ropui ber ni ani bawk a, theih hram chuan kalve ngei chu ka duh khawp mai," Julie in a tih chuan, Mac a chuan a mitko alo san awk chauhva.

"Nia kal theih chu a tha anih chu, mahse naute hi engtinnge nita ang?"

"Nakum ah chuan Kum te pawh a tling ve tawh anga, a zinpui theih tawh ang chu...,"

"Kan la rel dawn nia a hun lo thleng sela," alo ti mai a.

Mac a hi chuan a rilru awm hi chu a hrethiam thin reng ani, a kalpui leh ngei pawh a ring. Mahse kal chu thil thaber ani angem? Robb Marshall a nen an inhmuh chuan engtinnge nita ang? Mahse Camella Anderson i a nei let leh tawh alawm, ani te chu engatan mah ati ngailo hrim2 alawm. Inhmu leh pawh nise enge, Ruhti i chu hmu pawh nise Mac a a bula a awm chuan a fa ani tih pawh a hre tawp nang! Mac a nena an fa emaw a ti anga bakah a fa ani tih pawh hre mahse a ngai pawimawh pawhin a ring chuanglo. A nu pawh a duh lova, engatan nge a fa chu a tih ang? Kal ngei chu a tum nghet ta bur a, mahse ala hla rih ani.

Dinner zawhah chuan an pathum chuan zantina an tih thin ang chuan Nursery ah chuan an infiam leh dial2 a, Julie i chuan Mac a leh Ruthi i hlim taka an infiam lai chu a en vang2 a, mak a ti ani! Mac a hna ngah tak, doctor tha tak anih avanga damlo entur nitin a za a za chuang nei si hian engtinnge a fa pawh nilo zantin hetianga a chhawnchhaih peih le? A duat em2 a, engemaw hlek ah a ngaihven em2 a, a vaccine lak huntur te hi a hre thlap2 thin bawk a, hetiang em2 hi chuan Robb Marshall a chuan a ngaihsak pawh a ringlo ani. Tunah chuan Ruthi i pawh thla ruk alo ni ve reng tawh a, chaw pawh a ei tan ve tawh ani.

Zana a mu pah chuan Julie i chuan Mac a rilru tur awm ang chu a ngaihtuah neuh2 va, hmania Eliana i nena an inbiak thu a hrilh khan a hlauthawng ani tih a awmdan atang khan a hre reng a, a khawngaih hle bawk ani. An kalsan hi a hlau em2 reng ani tih pawh a hre ran a, a rilru nawm nana thusawi pawh a chak mahse enge sawitur a hrelo ani. A chhan chu Mac an a hmangaih ang hian a hmangaih ve theilo chu thuhran nise a hmangaihna chanve tal pawh hi Mac a chu pe thei dawn sela a nei ngei2 ang, ani tluka hmangaih tu chu a hmuh tawh pawh a ringlo, Robb Marshall a hian lo hmangaih ve ta pawh nise Mac an a hmangaih tluk hi chuan a hmangaih thei tawh chuang lovang tih pawh a hria ani. Hetiang zozai hi tu mipa hian nge an hmangaih tak te pawh nise tihsak ngai? An ti hauh bawk lovang tih chu a chiang em2 ani.

Hun a kal zela, tunah chuan Ruthi i pawh thla riat lai alo ni tawh a, chaw te a ei tawhin a fel em2 renga. Eliana i nena an inbiak tuma awmze nei lova a tah vak bak kha chu buaipui ngai em2 hian a awm ngai hauh lo ani. Chumi anih avang chuan Julie i pawh hna ah a kal leh tan tawh a, a thiante pawh chuan alo let leh avang chuan an lo lawm laih2 a.

A nu nen pawh an inbe zeuh2 a, a sumdawnna pawh a kaltluang zela, tunah chuan amah chauhva a tlin tawh loh avangin nula fel tak pakhat a chhawr tawh thute Julie in a hriat chuan a hahdam huai a. A naute pawh an zirlai ah an titha chho zela, damte a an awm chuan chawm rei pawh an ngai tawh dawn bik lo ani.

Anu chuan," Reilote chawlh la ten lo haw ve la, kan ngai tawh che alawm," a ti a.

"Lo haw te chu ka chak lutuk alawm, mahse kalna leh hawnna hi a to em a, pawisa thawhchhuah a har nen, ka lo inkhawl tang2 anga ka la rawn haw em2 ang," tiin a nu chu dawt a hrilh leh ta a. A nihna takah chuan a nu nena an inbiak hian thutak hi a sawi trep2 thin a mahse sawiloh chu a tha zawka a hriat avangin a insum leh hram2 thin ani.

"Awle, kan ngai hle tawh che ania, inekawl tha hle ang che aw....," anu in a tih chuan a mittui hi a tla zung2 a.

"Tehreng mai, keipawn ka ngai lutuk tawh che u ania. Ka dah phawt ange nu,"tiin a tap ri a nu in a hriat hma chuan phone chu a dah ta daih a. A nu hnathawk hmel te, a hah thinzia te chu a mitthla ah alo lang a, a rilru ana em2 a. Hna thawk lovin siam kha a tumve ania, mahse a tlin ngang talo ani!! Mahse a theihtawp chu a chhuah zel anga a theih ang2 in a tanpui zel ang tih chu a ngaihtuah rauh2 va.

Mac an hlawh a pek that em avang leh an nufa a an mamawh zawng2 pawh a tumsak zel avang chuan a hlawh anu te a thawn bak chu a khawl keuh2 a, tunah chuan indang dawn pawh nisela a buai lutuk tawh bikin a ring lova. Mac a bula a sawi erawh chuan a thinrim nasa maia.

"Engvanga Ruthi i hi ka bul hnai atanga lakbo duh em2 nge i nih reng a?" Mac a chuan a ti ta phiarh2 a.

"Chulam chu ani hauh lo ania Mac, kan nufa hian kan tibuai rei tawh em chea," a tih lai2 chuan..

"Ka ngaithla peihlo, vawikhat mah indan kha sawi tawh suh ang che. Ka enkawl thalo che u anih chuan sawi rawh hei aia tha hian ka enkawl mai ang che u....," a ti hmak a.

"Hei bak2 chu tuman an tihtheih pawh ka ringlo. Min enkawl thatloh vang ani lo Mac. Ka sawi tum i man lo mai2 anih kha, i tan phurrit nih reng hi ka tan a nuam hleinem," a ti dam diai a.

"Tuin nge phurrit in ni ti a? Ka tan hian hlimna leh lawmna in ni asin. In tana ka theih tawk ka tih hian ka hlim asin, min hmangaih ve kher kha ka phut lo, mahse ka hmangaih reng thovang che keichuan," hmel dang lap hian a ti ta a.

Julie i inthiamlo lutuk chu a insum zo lova, Mac a bulah chuan ava kal hnaia, a kuah ta vang2 a," I rilru ka tihna hle mai maw, ka tum reng vang ani hauh lo ania. Khawngaih takin min ngaidam dawn nia Mac, khawngaihin.....," a ti vawng2 a. Mac a heti khawpa duhsaktu a fa sawn pawh pawisa lova enkawl puitu a ti lungawi lo em2 chu Julie i chuan hreawm a ti em bawk ani.

"Julie, min nei mai rawh!" Mac an a tih takah chuan Julie i chu a thu ngil nghal awt a. A beisei loh lutuk tawngkam a hriat avang chuan a hawi a hau a. Engtinnge a neih theih ang? Midang hmangaih nei reng chungin maw Mac a chu a neih ang? Rilru na reng2 in a nupui ni reng chungin hmangaih let ve thei si lovin engtinnge a dah theih ang? Lehlam takah chuan a fa hetiang em2 a hmangaih puitu hi a hmu leh tawhin a ring lo, tin hetiang ringawta awm ho reng hi a theih dawn bawk heklo nen, enge tha ber tur pawh a hrethiam tawh biklo ani!!

"Mac i thil sawi hi i ngaihtuah chiang amaw?" a ti ta sap a.

"Ngaihtuah chiang e.... Min nei rawh Julie, i fa pawhin ka hming a chhawm anga, ka hmangaih em2 reng bawk ang," Mac an a tih chuan Julie i rilru chu a khawih hle a, hepa em2 hi chu aw....engatinge hetiang em2 hian Mac a hian a hmangaih le???

"Mac inngaihtuahna hun min pe ta che?" a tive ta nge2 a. Amah ringawt a inngaihtuah thei tawhlo. A fanu pa tel lova a seilian tur chu a ngaingam lo ani. Chumai bakah Mac a amah hmangaih em2 tu chu rilru na in a siam reng thei biklo ani.

"Rei tak inngaihtuah suh aw.... Julie!" alo ti dam dap a.

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)