CRUSH BY Zonuni Leo (Completed)

Episode nei ho a hlawm a dahkhawmna
Ngaia
Site Admin
Posts: 25813
Joined: April 30th, 2016, 4:07 pm

CRUSH BY Zonuni Leo (Completed)

Unread post by Ngaia » May 14th, 2018, 6:31 pm

crush.jpg
crush.jpg (7.43 KiB) Viewed 18133 times

A story tak hi khawiahmah copy phal a ni lo a, in group ah in post ve duh anih chuan a link hi share ula, a story erawh chu hetah chhiar tir rawh u whatsapp ah copy daih lo a, a link atanga an chhiar hian a story ziak tu ten hlawh an nei zel thin a, in copy chuan a ziaktute hlawh ru tihna in ni. A link share hi chu phal vek a ni e.
A link share dan: viewtopic.php?f=2&t=917
A share dan tur nen lam kan inkawhhmuh chung pawh a, a story full a whatsapp lama la copy/paste lui in awm anih chuan Police-ah FIR kan thehlut anih pawhin nangmahni chochhuah liau liau a ni ang...
Copyright ©
All rights reserved
www.storyfb.com


CRUSH-1
Ka Office bang chu ka chau kher mai. Inchungah chhoin thawmhnaw ka phelh sawk sawk a, bathroom ah ka lut tlang a, Shower in min rawn phuh chuan ka harh hawk hawk in ka hria.

Ka inbual zawh chuan kekawr thawl hnekhnawk leh kawrbah dum ka ha a. Ka thawmhnaw hak laite dahfelin room atangin ka chhuak a. Inhnuai lamah Kan nula Rotei chuan rawng alo bawl malh malh a, a chawhmeh siamte ka enpui thuak thuak hnu chuan ka sana ka en zauh a...

Dar 6:00 alo pel leh reng tawh, ka pasal erawh alo la thlenglo cheu. A lo haw a hun daih tawh tih ka hria, engvanga tunlai hi rawn haw tlai fo nge anih uluk taka ka zawh chian angai ani... Ka phone ka en a, kan thianho groupah chuan nupui pasal la neilo ho chu anlo infiam nasa leh hlawm tawh hle. Ka chhiar thla den den a, mahni chauha awm e tilo in ka nui leh vur vur thin.

Kawta motor ding dat ka hriat vangin ka tho nghal vat a. Ka pasal chu chauh hmel zetin a rawn lut a, a hnungah a Driver Lawm-an a bag vel khaiin a rawn zui bawk a. "In va tlai ve, in buai deuh emni?" ka lo nuih var var a. Min en zawk a, a hawisawn leh nghal "Buai khawp mai" tih zawngin min chhang. Kan room lam pana inchung apan chho chu ka melh reng ringawt.

Muangchangin inchungah ka chho va. Kan rooma ka luh chuan kanpa chu alo awmlo. Bathroom lama tui herhhaw ri ka hriat vangin a inbual ani tih ka hrethei mai. Khumah chuan bawp khawkherh in ka thu fel at a. Kanpa pawh reiloteah lo chhuakin kekawrbul a rawn ha chhuak a, amah a sangin a palian a, engpawh hase a inhmeh vel vek zel ni berin ka hria..

"I thawmhnaw hak tur ka lo dahchhuak dawn em?" ka nuih var var a. Chhan pawh min chhanglo in adidas T-Shirt chu a ha nghal mawlh mawlh a. Ngawirengin room atang chuan a chhuak leh ringawt a. Ka nui chu a reh hmak mai, ka lakah lungawilohna tur aneih ka hrelo a. A awmdan chu ka hrethiam lo takzet ani.

Kum 2 chuang kan innei ve tawh a. Kanpa nen kan inneih hian ka la naupang viau. Kum 21 chauh ka ni. Ani erawh Kum 32 a ni a. Kum 11 laiin kan inthlau anih chu. Amah hi mi nelawm tak ani lemlo va, a chang phei chuan a tawngkam bul leh nelawmlo lutuk chu ka khak fo thin. Mahse a rilru a thain a hausakna pawh midangte-ah a pe chhuak nasa a. Amah hrechiang apiangin an nel a, mahse hrechiangtu erawh kan tam lemlo thung.

Inhnuai lama ka zu chhuk chuan living roomah lo thuin phonein mi alo be mawlh mawlh a. Sumdawnna chungchang an sawi tih ka hre mai. A sumdawnna ah buaina a tawk emawni tihte ngaihtuahin alaka ka lungawilohna pawh dahthat phawt tha ka ti. Mahse ka pasal chu sumdawn thiam leh fing tak ani a. A sumdawnpuite pawhin tluk loh enah an en fur bawk si...

Choka lamah kal in chawei siam mai turin kan nula chu ka hrilh a. Kan peihfel vek hnu chuan kanpa a va hrilh a, Ani pawh chu ngawirengin a rawn phei a. Biak tumna pawh ka nei tawhlo. Chaw pawh ka eitui lo. Inchung lamah ngawirengin a chho leh a. A hnathawhna pindanah lutin a kalh ri thlap chu ka hrethei. Kanpa chetdan maktak mai chu ka haider theilo. A hnathawhna room kawngka chu ka kik karh karh a. Zimte a a rawn hawng chu ka kein ka lo dal nghal a. Ka penlut zui nghal....

"Engnge ni?" a tawngkam chu a bul hmuk a.

"Chu zawhna chu ka sawi tur zawk ani. Hetianga i awmna chhan hi ka hre duh" a hnathawhna dawhkanah ka thu a, ka ke ka then nalh nalh..

"chhuak phawt teh, hna pawimawh thawh tur ka nei" min melh run a, a nelawmlo takzet.

"Hetia i awm chhan hi hriat phawt ka duh" ka chesawn duhlo.

"Mutna-ah ka hrilh ang che, Bawihi... Kal phawt teh" a aw-ah chuan min thlem tih ka hria...ka pasal hi a duh hunah lo chuan nawr luih chi anilo tih hreturin ka lo zui rei ve tawh bawk a.Ngawirengin ka chhuahsan a.

Kan roomah ka lut a. Khumah thuin Tv ka on nghal. Channel ka thlak kual sek a. Ka rilruah engmah a lut lo. Ka lukham bula ka tablet chu la in whatsapp ah ka lut leh a. Kan thianho bik tak tak mi pathum awmna groupah chuan unread msg lo awm nual chu hmuin ka lut nghal...

Naupan tet atanga ka thiantha em em, pasal neih ngaihsak miahlo, Te-i'n thlalak alo upload a, a hnuaiah hei hi engnge a awmzia? a tih vangin ka download ve nghal a. Ka pasal leh model chhelo zet mai thlalak ka hmuh chuan ka thu ngil nghal zawt mai. Ka pasal chuan a kawngah kuahin an inen a, anla nui dun sang lehnghal. An thlalakna kawt chu kan thiannu tho Ruati te Hotel ani tih ka hre mai.

Engmah ka sawilo. Sawitur ka hrelo, ka pasal hian min phatsanin model hi a kawp tihna emni? Engtinnge a tih theih? Zawhna tamtak alo lut a. Ka thinrimin ka zak hle bawk. Mi tamtakin an hre tawh ngei anga, engtinnge ka tih tak ang?? hetiang hi engtia hmachhawn chi nge? Engmah ka hrelo.

Ka lo muhil ani ngei ang. Ka harh chuan ka lo mufel thlap mai, Ka pasalin min mut thattir ani ngei ang. Sana ka en a, thawh ka hai. Ka pasal mutna ka en a, a lo la muhil teh tlat. A thawhhma thin tehlul nen... Ka inlet thak a. Thawh tuma ka che chu ka banah min rawn pawt a, a bulte ah min hnukpheiin min kuahbet tlat a. Ka che thei tawhlo.

Ka inlet thak a, a hmel thatak chu hmachhawnin ka en vang vang a. Ka pasal ani a, ka hmangaih hle bawk. Mipa diktak ani in a hmeltha em em a, a hausa hle bawk. Kum hnih chuang kan innei tawh a, fa erawh kan la neilo cheu, fa neih ve duha ka awh chang apiangin fa neilo mah ila, ka bula a awmchhung chuan duh dang a neihloh thu min hrilh thin. A bulah hian ka thla a muangin ka hlim a, engtikahmah ka la inchhir ngailo.

"Bawihi, nizan kha... Tunlai kan buai deuh a, ka chau deuh ani. Min hrethiam rawh" ala meng chuanglo. Ka nui var var a, a tawngkam tlem vang chuan ka mood a fuh leh vek tawh. A biangah ka fawp zeuh va. "I thawkrim mah mah ani, i neihsa a tam tawh tehlul nen... Chawl deuh tawh laaa" ka va nek talh talh a..." khatia i awm chuan a tawpna tur i hriat kha.." a kut rawn che kualin ka lo nui hak a. "ka duhzawng tak ani" chumi hnu a thilthleng chu duhthusam ani....

Zawi zeta rei vaklo ka mut hnu chuan inbual turin ka lut nghal a, kekawr bul chhing zet leh kawrbah dum ka ha leh tawp. Ka sam chu sang takah ka tawn a. Ka pasal chu thatchhe zetin alo la mu..inhnuai lamah ka chhuksan a, vawin chu Inrinni a nih vangin hmanhmawh ka ngailo. Kan nula chu alo che rak rak a. Kan Driver in kawtah kanpa motor alo silfai a, "min lo sil ve mai ta che" tiin ka car chahbi thehchhuah chu alo dawng chat a. Ka car hi nikum kan Inneih chama kanpa min pek ani.

Pangpar tui ka pek laiin Kanpa chu inbual zo hlim tih hriat takin alo chhuk a. " Bawihi, i phone" Ka phone min pek pahin ka chalah a fawp zeuh va. Ka thiannu Te-i alo ni. "Engnge nita?? Zing zingahhh.." ka ti nghal lawng lawng a.

" Chhunah dawrah lokal ang che... Ngei ngeiin"

"Awle..Awle, bungrua a lo thleng dawn mi?" ka nui hak a. Bungrua a thlen dawn ni chuan ka Office chawlh hi a hre ziah...

"Chutiang lam anilo, anih phawt aw..bye"

Henu tak hi chuh..Ka chhanlet hmain a dah daih.

Chawei kan siam a, kan nupa hian chawei tih lemah zinglamah rice kan ei ngailo. Kanpa lo tih than dan ania, kan inneih hnu hian ka zawm ve mai. Kan nula leh Driver hi chuan an ei thung. Kan nula bakah mi pakhat lang kal kan nei bawk a. An indaih viau.

Kanpa chhuah hmain a thawmhnaw haktur ka lo dahchhuahsak thlap a. Hei chu kan Inneih tirh atanga ka tih ziah ani, ka tilo ngailo.

"Bawihi, khawnge...."

Ka nuisak a. Rangzetin ka pe nghal. A hmaa thil awmreng pawh hmuthei tlatlo ka pasal hian min ti hlim thin. Kan Inneih hma a mahni a cheng, chefel thlap leh invawng tak kha kan Inneih hnu hian amahin engmah a zawng hmu thei tawhlo.

"Vawin chu ka chhuak dawn aw..Zanah i lo haw hma thei deuh angem?" kei hi 5'2 a sang chauh ka ni, kan inlenhleih bawk a. A pen pangngaia akal chu keiin a hnungah tlan deuh titihin ka zui dat dat a.

"Ka lo tum dawn nia" tih zawngin min chhang. A tawng bul deuh hmuk hi chu ngaiah ka neih tawh. Ka thiante ho pawh hian an sawisel fo mai. A mitmeng nalh ka tih em em hi a rum mah mah anti fo bawk.

Kanpa chhuahhnu chuan kan nula leh langa lokal te chu tihtur ka kawhhmuh vek hnuah chhuak turin ka insiam a. Ka closet a thawmhnaw inkhai tlar put chu enin hak tur ka hrelo. Ka pasal hian thawmhnaw leh pheikhawk min leisak nasa a. Ka ngah takzet ani. Sumdawng nupui ka ni a. A sumdawnpuite lakah nalh taka ka lan a duh thin. Chhuah dunna tur leh party engeng emaw a chhuahna tur kan ngah viau thin bawk a. Chutiang hunah chuan a duhdan ang taka nalhin ka zui thin.

Vawin chu ka thiannu bula awm tur ka ni bawk a. Jeans leh Tshirt ka ha tawp a. Nike Sneakers bunin sling bag ka ak a. Ka sam sang takah tawnin ka inpeih der.

"Rote, ka kal ania aw..." tiin kawta ka carah lut in, Ka tlanchhuak nghal.

MC panin ka inkhalh phei zar zar a. Motor ka park zawhah a dawr pana ka kal chu mi pakhat ka su chawrh mai."oh.. Sorry" a hmel ka en chu ka ngawi reng. Kan school kal lai a, kan star em em thin Kan senior Zothana alo ni. Ka hmuh lohna rei tawh hle mahse, ka hre nghal chat tho.

"Oh! Rinpuii kha tiraw?? I la danglam lo hle mai" a aw chu a danglam deuh tawhin ka hria. A hmelthat em em pawh ka hrelo. Mahse, A pa em em a, a fai hle bawk. A palianin kanpa nen an intiat tawk viau ang.

"Min la hria a.." a nui var var a. A kut a rawn dah chhuah chu ka lo vawnsak a. Engtin emaw hian ka awm deuh tlatin ka hria..

"Ka thiannu dawrah ka kal dawn a, anih leh phawt aw" rangzetin ka kalsawn a. Min thlirzui reng tih ka hria...

Te-i dawra ka lut chu ani leh nilo angin a lo buai lo hle. Inngaihtuah muk zet hmel a pu bawk..

"Rin aiin i lo thleng hma"
A bulah ka thu nghal a.

"Te, tunah khan Zothana ka hmu a sin"

Mak a tih ka rin tehlul nen, makti hmel a pulo.

"A lokal alawm, enteh.. Nupui pawh ala nei miahlo. A mak tiraw?? Siby nen khan an inneih loh ka ring miahlo a.."

"Ni e, A mak tawp... A bo vang vang a. Tunah a lo lang leh thut a..." tih pahin a dawra thawmhnaw thar chuan ka mit ala chat..

"Awi...saw saw i neih thar ani maw??Tinge engmah min hrilh loh, a nalh tawp" thawmhnaw nalh deuh bulah chuan ka kal a. A tarna la thlain ka inteh mawlh mawlh a.

"Ka u lo hawn thar anih kha, kha chauh kha a awm, ka rilru a buai lutuk a. Ka hrilh theihnghilh daih che lawm. I size anih kha..."

Ka la a, ka bagah khungin "i la hralhlo bawk a, ka haulo mai ang che.. Engvangnge min rawn koh a??" a bulah ka va thu leh a. "Kanpa hian min ti khawlo zo, thawmhnaw hi ka uar zo vek tawh" ka tih chuan "A dik alawm, i dang zo tawh" alo ti hmuk a.

Mi an lokal zauh zauh a. Mahse, a chhawrte an awm hlauh a, min rawn tibuai vaklo.

"Tunlai inpa a tha em??"

"Tha e, tehdaih che chuan..." ka nui var var a. " Pasal neih lam hi ngaihtuah ve tawh la a tha ang, Zothana ala single bawk a" ka tih zawm zat a.

Zothana hi kan thianho khan kan vaiin kan star thin hle a. Te-i hian a star leh zual bik ani.

A thensak a."Inpa chungchang ania" sawi huphurh hmelzetin min enreng a. Hetiang hmel a put tawh chuan thil tha lam ani ngailo. Hlauhthawnna in ka khat nghal...

"Eng thil nge?" ka tawng zawi hle. Ka zam em em bawk.

"Tunlai hian Model Rinkimi nen an inzui nasa khawp mai, ka hriattirh chuan thu belhchian dawllo anih ka ring a. Ruati lo hawngin a sawi a, an Hotel ah an kal zing viau ani awm e" ka thu ngaihthlak chu dawt nise ka ti. Mahse Te-i chuan engkim a hriatchian hnuah min hrilh chauh dawn tih ka hrechiang....

Min khawngaih hmelzetin min en reng a. "Mam, In lamah a awmdan a danglam em? Inpa hian a hmangaih zia che ka hria a, a mak ka ti a sin aw, tunlai model thenkhat lah hi sum nei deuh hi chu pawmlai nei pawh nise an kawp hrehlo" a aw- ah chuan a thinrim zia a hriattheih.

"Ka va haw phawt, in ngaihtuah fim ka duh. Ka lo bia ang che" tih leh thawh ka rual a.



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » May 14th, 2018, 6:31 pm

CRUSH-2
Carah ka thu reng a, ka ngaihtuahna a buai hle. Ka thinlung chu vih hrep ang mai niin ka hria.

Car chu ka start a, ka tlanchhuak zui nghal bawk. Khawilamnge ka pan tih ka hriat meuh chuan Kanute kawtah ka lo ding reng tawh. Kawtah Ka nau leh Kanu anlo awm a. Min lo nuih var var a.

"Awi... Mambawih, i lokal khat hle mai. Engnge i lo tih dawn??" Kanu in a tih chuan ka nuih letlo theilo. "In ngaihawm em a, ka lokal hman bawk silo. Nangni lahin min lo tlawh duh heklo" varanda a chair inhungah chuan ka thu a. Ka thawm a hria ani ngei ang. Ka u nupui la neilo, Mama kan tih mai pawh chu alo chhuak ve a.

"Awhaw...kan milian nupui a lo lan ve hlawl chu le.." ka bulah a rawn thu a. Keiin na zetin ka lo chum thung.

"Mama, i ho thin emai" Kanu chuan alo ti ve a.

"Khawnge Kapa hi...Nu??" Mama chu ka ngheng ar ar a. Ani lah min chhaihin alo che sek thung.

"An committee a, anlo bang ve tep tawh ang. I lokal duhloh thu a sawi a sawi a.." Kanu chuan a la phiar lai chu a phiar mawlh mawlh reng a...

"Nu, eng tur nge??" Ka nau Tetei chu ka bulah a rawn thu ve a, min ngai zetin min rawn kuah hle hle a..

Kei hi pasal ka neih hnu hian ka chhungte ka tlawh khat hle. Ka unauten min lo ngaih zia ka hmuh hian ka inthiamlo rum rum.

"I pa Duha kawrlum tur mawle, thlasik hma a phiar zo hman turin min duh a, zawh hman hram ka tum anih hi" Kanu in a tih chuan an inphiar luih talh tir dan tur vel chu ka hre mai. Ka lo nui hak a...

"Saw... Apa pawh alo haw e, U, thingpui in ang u aw.." Tetei a tho tharh a. Kapa lokal chu ka lo en reng a. A upa ve tawhin a kal pawh alo muang ve ta hle mai.

"Awhaw...Mambawih, i lo leng ani maw? Khawnge inpa??" Tetei thawhsan ka bulah a rawn thu ve nghal a. Ka hnungah min beng thak thak a.

"Pa, i Chau em?? Taxi te hmang ve mai thin la.." ka lo ti a.

Kapa hi Primary School headmaster pension ani a. Kanu erawh In lamah a tul tul a thawk thung. A kut a themthiam a, Puanthui leh Laphiar a thiamin thawhtur a hmu thei hle. Chuktuah huan a siam reng a. A taimain a awm mai mai thiamlo. Sum pawh ala lut ve reng thin.

Ka u hi Rinzuala ani a, Mama ti vekin kan ko thung. Nupui ala neilo a, Ani hi High School ah thawkin tlangval fel tak ani. Ka nau Rinsangi Tetei kan tih erawh hi chu MZU ah ala kal ve mek a. A zo ve tep tawhin ala naupang awm vel mai mai ani.

Keipawh hi Tuna kanpa nita Remtluanga, a thianten 'Mike' ti a an koh hi tawnglo ila, anni ang tho hian Kanu leh Pa bulah ka la cheng thoin ka ring.

Kapa hi Kohhran Upa aniin mi invawng tak ani. Pathian a ringin kan damloh pawhin kan luchunga kutnghatin a tawngtai mai thin. Keini pawh hi kan dam mai zel bawk. Kanu hi fate tana in pe hlawm tawp, englai pawha kan tana awm reng thin ani. Mi hausa nilo mah ila, chhungkaw hlim tak kan ni. Pathian kan hmuh theihnan Kanu leh Kapa hi an fate tan an tawngtai nasa em em a, Kan nun hruaitu atana Pathian hman a pawimawhzia min hrilh fo thin.

"Mambawih, i tawngtai ngai em? I pasalin a tih loh pawhin nangman hma i hruai zel a ngai ania" Kapa chuan min en vang vang a. Chu zawhna chu kan inhmuh apianga Kapa min zawh ziah ani.

"Tawngtai khat khawp mai, Pa..." Kapa bulah hian dawt ka sawi theilo. Kanpa nen kan Inneih hnu hian Pathian ka hlatzia ka hria. Ka inthiamlo ru ngawih ngawih bawk.

"I nu nen in tan kan tawngtai reng thin a, a thlawn lo ang tih ka hre bawk. Mambawih, sum leh pai te chu hmansen loh innei pawh ani thei, kha khan hlimna engngemawchen chu a pe ve maithei che u. A tluantling ngailo ang, Lal Isua chiah hi hlimna tluan tling min pe thei chu ani, hrereng rawh aw" ka ngawireng a. Ka lu ka bu nghat nghat a.

"Lo lut ru...ka siam zo e" Tetei a rawn au lang lang a. Keini ho pawh chu kan inzui lut dam dam a.

"Mami, Tunlai inpa engnge a tih? Ka hmukhat hle mai" Mama hi chu nupui nei se, a nupui a vannei ngawtin ka ring thin. Kei hi Mami tiin min ko hlawm, ka chhungte leh naupanlai atanga thiante ho chuan..

"A ngai bawk ani mai, a buai em em reng a, remchang hmasa berah kan lo leng dawn nia"

"U, ka birthday kha theihnghilh miah suh u aw.. A hnai tawh viau ania" Ka nauin a tih chuan ka nui hak hak a. Present ka pek loh a hlauh vang ani tih ka hre mai.

Kan inzawh chuan rei vaklo ka la thu a. Kanu in ka chhuah dawn a a thusawi kha ka bengah a cham reng mai.

"Mambawih, kan chungah engpawhthlengin tawk thin mah ila, a chingfel theitu Pathian hmaa tluk luh hi kan tihtur tih i hrereng dawn nia. Mihringte chuan tu rilru mah kan hneh theilo, Pathian erawh chuan tih theih loh a neilo tih hrereng rawh aw.." a tih kha ka bengah a ri nawn tluk tluk mai. Kanu hian min hrechiang a, ka awmdanah harsatna ka nei tih alo hre leh tawh pawh ani mahna....

In ka thlen chuan alo tlai duai tawh. Mak tak maiin ka pasal living roomah alo thu a. A phone alo en mek bawk. A Kekawrbul hak chuan a chawn sei thlurh chu a ti langsar hle. Inchhunga ka lut chu min lo melh zawk a.

"Ka lo haw laiin i awmlo a" a aw-ah chuan a lawm vaklo tih ka hrethei.

"Sorry, Tum loh deuhin Kanu te ka va tlawh a, ka kal khat bawk nen, ka lo tui deuh hrat ani" a bulah ka va thu nghal a.

A tui bottle inchhawp chu ka innghal khawlh khawlh a.

"An lo dam maw?? Kan tlawh khat hle mai" a ti sup a. A phoneah msg alo lut a, ngaihsak awmin a awmlo. Kei pawh chuan engahvakmah ka ngai chuanglo.

"An lo dam e, Tetei Birthday kha theihnghilh lo la aw.. Kan theihnghilh a hlau teh ania" ka tih chuan a nui hak a. A ban sei zet chu ka darah dahin min kuah a.

"U, chawei in duh tawh em?" Choka atangin Rotei a rawn au lang lang a.

Kanpa chu ka mitmeiin ka rawn a, "Ei mai ila" a tih chuan ei mai kan duhthu hrilhin a siam zui nghal a.

Tlai lamah hi chuan rice bowl khat vel kan ei tel thin. Zinglam aiin kan ei tam deuh a. Sa kan ei tel tlangpui bawk. Sa ngaina tak kan nih loh vangin kan eitlem hle thung.

"Bawihi, Zanin chu dar 7:00 ah chhuah ka ngai" a aw-ah chuan inthiam chiah lohna awm tlatin ka hria.

"Oh!! Eng thil nge??" ka zuai rawih mai. Ka rilruah hlauhthawnna alo lut nghal.

"Inpui-ah sumdawnna chungchang sawi lawk angai.."

"Ka lokal ve ang aw... Ka kal chak hle mai, Bawihtea pawh hmuh ka chak takzet ani" phur zetin ka ti a. A nau Christa fapa hi fa kan neih loh vangin ka duh em em a. Ani pawn min ngaina hle.

"Zanin chu lo tello phawt rawh. Anu nen an zin a, anlo haw veleh chaw kan eiphei dawn nia" a ti leh nghut a. Ka ngawi reng ringawt. Sawitur ka hrelo.

A insiam mawlh mawlh a. Kei chu kan room bathlarah thuin ka phone ka khawih a. Ka pasal chungah ka lawmlo ru kher mai.

A kal dawna ka va en chuan a inthuam dan chu Inpuia leng mai mai tur anglo ka ti. Leather jacket dum a chhungah Tshirt var leh jeans kekawr hain brown boots a bun a. A chhelo takzet. Kan Inneih hma pawha tlangval luck leh chhelo, hausa bawk si kha ani a. Nula dang reng reng ngaihsak awma a awm ngailoh vangin kei pawh hian ka ring em em bawk thrin...

Thrin....Ni e, tunah chuan thrin tih a ngai tawh.. Rinkimi nena an chanchin ka hriat hnu chuan hlauhthawnna in ka khat a. A mah ka zawt ngamlo va. Hria ang pawhin ka awm ngam heklo.

A kalliam hnu chuan inhnuaiah ka chhuk a. Driver Lawma leh Rotei'n Tv anlo en a."Oh.. I kal ve nange??"

"Aw..Pu-in a ngailo atia, ka awm ta mai." a Driver a hruailo chuan ka ngaih a ti thalo zual.

Kan roomah ka chho leh a. Ka tei kual sek a. Kanpa hnathawhna room chahbi ka zawng a. Ka va luh chuan engmah thil danglam hmuh ka neilo. Ka chhuak leh a, kan room bathlarah bawk ka va thu chhuak leh a.

Kan thianho bik group ah chuan ka lut a. "Hei hi engnge a awmzia ni leh pek?" Tei leh Ruati inbiakna chu ka chhiar a. An thlalak upload chu ka download a. Ka khawng nghal zawt ni maiin ka hria.

Ka pasal leh Rinkimi chu Ruati te Hotelah an inkai lut tur chiah ani a. A lang chiang lo viau, mahse... A incheinaah chuan chiang takin ka pasal ani tih ka hria. Rinkimi chuan leather jackets buang hain jeans tight fahran aha a, a sam thlahin knee length boot a bun bawk. An inhmeh viau mai.

Private ah Tei message ka dawng nghal.
"I pasal hi engnge a awmzia??"

Chhan ngaihna ka hrelo. Ka thlir reng a. Ka mittui a rawn far kauh kauh mai.

Ruati'n private-ah thlalak dang dang min rawn thawn ho chu ka download ngamlo. "Mam, henu hi ka lo thehchhuak dawn em?" ti a min rawn biakna chu mittui karah ka nui hak a.

A ti leh duh ngei ang tih pawh ka hria. "Nilo ve.. Ruat, lo thlir liam phawt rawh" mittui karah ka type fuh hleitheilo.

Ka mut hnu pawh chuan ka muhil thei chuanglo. Rinkimi hi kan inneih hma, Kanpa ka hriathma daih khan Kanpa nen hian an inkawp zuai tawh tih ka hria.

Engvangnge???

Chu zawhna chu ka inzawt tluk tluk a. A Chhanna ka hrelo. Kanpa hian nasa taka min hel a, min um hnuah chiah ka duh ve a. Chunglai chuan ka thiante zawng zawng a lamah tangin an fak nasa hle thin. Pathian hre vak lemlo anihna chu risk ka lak ngam lohna ani a. Reitak chhung chu ka hnial anih kha ... Mahse, tunah hian engvangnge???

Kanpa lo haw lai ka hrelo. Ka harh chuan zurim a nam tih ka hre mai. Zu hi a intamlo in a inchhunah pawh rui chhiain vawikhat mah a in ngailo. Ka phone ka en a, Te-i leh Ruati thinrim inhrosakna hlir alo awm dul mai. Vawin inkhawm ban veleh kan Ina lo len an tum thu an sawi bawk.

A tha dawnlo tawp mai. An pahnih chuan ka call a, anlo leng anih pawhin engmah tilanglo turin ka va ngen a, ka hria ani tih hria se ka duh loh thu ka sawi bawk. Anni pahnih chuan mi mawlah min ngai ngei ang.

Ka inbual a, inkhawm turin ka insiam a. Ka hman veleh kan nula nen kan inkhalh chhuak nghal. Kan In hi a fal deuh vangin Biakin kan hlat angreng. Chuvangin Car hi ka keng mai zel. BiakInah te chuan mi min endan chu dang riau in ka hria.. Ka awm a nuam theilo va. Ka ipik hle bawk.

Inkhawm ban chuan kanpa pawh alo tho ve tawh a, a lo inbual leh thlap tawh tih ka hre mai. A phone khawih lai chu a dahsawn a, "In lo bang der a..." kan bang chu pawi a tih hmel ka lo ti hmanhmawh...

"Mn.. Nizan kha i lo haw lai ka hre miahlo, Kapa te chu an tha maw??"

"Ka tlai khawp mai"
tih zawngin min chhang. Inthlak turin lunghnur ru zetin kan roomah ka chhova. Step atang chuan a phone type mawlh mawlh chu ka zu hmu...

Muangchangin ka inthlak a. Engtinnge ka awm ang?? tih ngaihtuahin ka rilru a buai hle. Kanu nise engtinnge a tih ang?? A chhanna chiang takin ka hria, Ani chu a tawngtai ngei ngei ang.. Kei chu ka thei rihlo ani tawp mai.

"U, i thiante an lokal" Rotein a tih chuan inhnuai lamah ka chhuk ve nghal a. Te-i leh Ruati anlo ni. Kanpa hoin anlo thu a. Nidang anglo takin anlo ngawithap mai.

"Ehe... Inlo len khat zia hi, Ruat, i lo haw hnuah pawh min la rawn tlawhlo" an bulah ka va thu ve nghal a. Kanpa erawh a phone ringawt a ngaihtuah anih hmel, a rawn hawichhuak miahlo.

"Hun ka neilo alawm, Hotelah hna a tam lutuk a. Zarkawta mi saw Manager kan nei fuh theilo, keiman ka enkawl chawt a..." Ruatin a tih chuan Kanpa ka va melh a. A hrelo nge ahmelah engmah danglamna a neilo..

Kan titi bawrh bawrh lai chuan a rawn tho vut a."Lo leng reng ru, ka chhuah lawk a ngai" a ti vut a. Kan lo enthap. Kan room lamah a chhova. A rawn chhuk chuan a nalh leh tawh hle.

"Ka reilo vang" a ti sup a. Chak fahranin a inkhalh chhuak nghal...

Te-i a ding a, a teikual char char "Engnge a awmzia khapa khaaa?? Engvanga engmah sawi phallo nge i nih?" Kawngdawmin ka hmaah tak a ding a. A mitmengah a thinrim hle tih ka hrethei...

Ruati chuan ngawirengin min lo en a, a mitmengah chuan Ani pawh a thinrim tih ka hre bawk.

"Sawichhuak ila, a thatna tur ka hrelo ani" beidawng zetin ka ti sap a.

Kan nula hi sunday chuan a lenchhuah ka phalsak a, tlai dar 4 velah alo haw ziah thung.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » May 14th, 2018, 6:32 pm

CRUSH-3

"Kei chu ngawih mai mai harsa ka ti, Ruati te Hotelah kher engvanga hruai ziah nge anih?? Hotel dang pawh a tam lutuk, kan hriat hi pawi a ti miahlo" Te-i chu a duhthawh bawrh bawrh hle.

"Mahse, Te... A tuartu ber chu Mami hi ani. A duhdan chu kan zawm angai ang" Ruati'n a tih chuan ka thaw hak a.

"Te, lo ngaithla teh.. Tunah hian ka kehsawm mek ani, mahse, Pathian hmaah kan intiam tawh a, kei chuan engtikahmah then ka tumlo" ka aw chu khuarkhurum atanga rawn au chhuak ang berin ka hria.

An pahnih chuan ngawirengin min en a. "I tawrh nat dan tur chu ka hrethiam phalo zawk, Mam... Keimahni vangin i nei a, hetia a ti leh mai mai che hi ka thinrim em ani... " ka bulah thuin min rawn kuah a.

Kan Inneih a ka best te anni a. Min hmangaih takzet tih ka hre bawk. Ka nat a piangin an na a, ka tan chuan engmah tih hreh anneilo tih ka hrechiang hle.

Ruati chuan,"Ka thlalak lo thawn che pawh pakhatmah i download lo tih ka hria, ka lo thawn che khan ka tisual tih ka hre nghal bawk.. Mam, khang thlalak khan natna bak a thlen dawnlo che tih ka lo ngaihtuahlo ani" a aw-ah chuan a inchhir hle tih a hriattheih.

Kan pathum chuan kan inkuah a. Ka thiante pahnih chuan min tahpui a, ka thawl hawkin ka hria...

An haw hnu chuan keimahin ka awm mai mai a. Ka pasal min ngaihtuah a min thlahlel em em thintu kha ka ngai vawng vawng mai. Kei hian ka pasal hetia awm tur hian engnge tih dikloh ka neih?? Ka ngaihsak tawklo alo ni mahna..

Tunah chuan ka rilru ka siam ta, ka pasal nei let tur hian theihtawp ka chhuah dawn ani. Tu ta mah anilo a, ka ta ani, tuma min tawm ka phal heklo. Mahse, ka kehchhe mek chu anih si hi...

Ka inbual a, uluk zetin ka inchei a. Nikum ka birthday a kanpa min leisak kawrfual sen chu ka ha a. A rawng chuan ka vun ngo tak chu a kap eng hle, pheikhawk sang zet sen hlar chu ka bun bawk a. Ka sam chu a sir leh sirah kilhin uluk zetin makeup tam vaklo ka hnawih bawk.

Inhnuaia ka chhuk chuan Rotein makti zetin min lo en a. Mak a ti pawh a awm e, kan chhuak dawn anih loh chuan ka inchei khat em ani.

"U, in chhuak dawn mi??"

"Dawnlo e, Inah pawh tiang hlir hian ka awm tawh dawn" ka tih chuan a nui hawk hawk a.

"I nalh lutuk" a tih chuan ka lawm hle.

Ka pasal motor ri hria-in kawngka bulah ka lo hmuak a. Min hmuh chuan a mitko a san zeuh bak a makti hmel hmuhtur a awmlo. Mihring in control thei tak ani a. Eng rilru nge a put a hmelah a lantir ngailo tluk ani.

"Ka tlai a, tihpalh" ka chalah a fawp zeuh a. Ka lawm tawk a tling leh der tawh.

Kan roomah a chho va. " I nalh hle mai" min tih ka beisei a. Mahse, Atana ka inchei chu hmu awm pawn a awmlo reng reng..

Ka um chho va. Room a ka luh chuan bathroomah awmin alo inbual a. A phone msg tone ri chu ka ensak a. Vawikhatmah ka pasal phone hi rinhlelh vang phei chuan ka la ensak ngailo. Pattern a dah a, hawn ka tum chu alo thlak tawh ani ngei ang. A theih loh. A rawn ri leh a. Hawng kherlo in ka chhiar thei...

"Ka chau lutuk, ka mu nghal 😘😍"

Rangzetin phone ka dah a. Bathlarah ka chhuak a. Thinlung na vawng vawngin ka va thu a, ka mittui chu ka hru senglo.

Ka pasal lo chhuak thawm chu ka hria, a inthlak a, ngawirengin a chhuak a...

A awmdan danglam zet chuan min tina ngawih ngawih.. A hma chuan ka mita lungngaihna chhete awm pawh a hmu thei ngailo. Min ngaihtuahin a bulah chuan naupangchhia ang maiin ka awm thin a. Ka pangchang thei viau bawk..

Ka inthlak leh vek a. Ka hmai phihin inhnuaiah ka chhuk a. A phone bawk chu alo khawih leh tawh...

Vawikhat pawh min lo melhlo, ka thinrim lutuk chu pawnah ka tlanchhuak a, ka tlan ta chiam anih chu...

Mi pakhat ka su chawrh a, leiah ka thal der..

"I na em??" a kut min rawn pe a. Ka en chuan ka then sak a. Zothana leh bawk!!

"Na lo ve, engnge henglaiah i tih a?" ka mit huh hlap chu ka hru sawk sawk a.

"I tap a.. Engvangnge?" a aw chu a rum sawtin ka hria

"Tap love, ka mitah bawlhhlawh alo lut alawm" kan In lampana tlanlet tumin ka inher a.

"Lawk..Rinpui, Helai hi ka In tur anih hi.. Min lo enpui lawk teh"

A kawhna lam ka en chuan In lianpui alo ding luah mai, a nawmhmelin la zawh fel loh tih erawh a hriat.

"Ka lo la hmu miahlo, i sakna a rei tawh em?" ka ti sap a.

"Rei vaklo, ka hmanhmawh deuh a, kan zo tep tawh.. Kan inhnaih dawn khawp mai" ati sup a.

"Zothan, ka kal mai ang, Mangtha le" tih leh tlanlet ka rual a. Ka hnunglam atangin min la thlir reng tih ka hrethei.

Engvanga Zothana nen hian intawng leh thin nge maw kan nih?? Min la thlir zui ziah lehnghal...

Inchhung ka luh chuan Rotei chiah alo awm a. "U... Khawnge i kal ?? I ei duh nghal em?" min en ha a...

"Ka hrelo le... Khawnge kanpa hi??"

"Ani chu a ei tawh, a chhuak a.. Ka lo haw harlo ang ati"

Beidawng zetin ka thaw hawk a. Hetianga awm hi engchennge ka tlin ang ka hrelo.

Ka eitlem kher mai, zanah pawh kanpa lo haw hma chu ka mu miahlo. Dim zetin ka bulah a rawn mu a, a rimah chuan zurim a nam tih ka hrethei..

A muthilh hnu chuan ka thova. A thawmhnaw zawng zawng ka check vek a, engmah ka hmulo. A phone chu kengin hawn tumin ka risk a. Vawihnihna ah ka risk fuh hlauh mai.

A hmaa kan nupa thlalak wallpaper a a hman thin kha hmuhtur a lo awm tawhlo. Whatsapp ka en a, thil pawivak hmuhtur ka neilo. A fimkhur viau anih ngei hi..a dahnaah dahin muthilh ngial tumin ka bei a. Ka harh tulh tulh vang chuan ka tho va. Bathlarah ka va thu chhuak a. Ka ke ka hlang a, ka thawveng deuhin ka hria.

Ka lo muhil ani ngei ang. Vawt tih vangin ka harh hlawl mai. Khua alo var tawh a. Ka tho chu ka nuamlo kher mai. Office kal ka ngaih vangin ka inbual a. Vawt ka tih em vangin tuilumah ka inchiah vang vanga, kan khum chu alo ruak huai a. A lo tho tawh ani ngei ang. Min ngaihsaklo lutuk chu ka na leh zawk a. Ngaiah ka neih mai a ngai dawn ani.

Inhnuaia ka chhuk chuan kanpa pawh ka hmuchuanglo. Kitchena ka lut tur chu ka lu rawn haiin ka tlu tep a. Rotein min lo hmuin rangzetin min lo dawm a,"Awi... I damlo anih hi, U... I sa lutuk" a ti chul a.

"Ka tha alawm, tlem tal ei ka duh a" ka tih chuan a rawn chhawp zung zung a. A enga mah chu ka eithei chuanglo. Ka nawm loh em avangin Ofis kal luih ka tum talo law law..

Ka damlo chu a reh mai dawn emaw ka tih laiin a reh mai theilo. Kanpa lah chu ka damlo tih pawh hreawmin a awmlo. A rawn hawlo zeuh zeuh a. Tap chungin zantin a tawngkhawng tawpah ka muhil ani ta ber e..

Te-i leh Ruati an lokal zeuh zeuh va. Kanpa in min zinsan phei chuan an thin a rim dun hle.

Thlakhat lai Office ka chawl ta. Inentir turin Te-in min hruai a. Ka rihna pawh a lo inpaih nasa hmanin ka cher hle. Kanu leh Pate engmah ka la hrilhlo chu min hau mawlh mawlh a. Keipawh ka inchhir deuh viau mai. Ka damloh thu an hrelo chu ka inthiam chiah lo.

Rinloh lutukin damdawiin ah min lo admit a. Te-in Kanu te hrilhin anlo thleng phei rang hle. Ka hmel an hmuh chuan mak anti tih ka hre mai.

"Mambawih, i damlo tih pawh engmah i rawn sawilo a, keini lah ngaihtha deuhin kan lo awm ringawt a.." Kanu aw-ah chuan inthiamlohna a lang nasa. Ka samah a chul hliau hliau a. Kapa erawh a ngawireng a. A mitmengah chuan min khawngaih tih chiang takin ka hmu. Ka chhungte hmel ka hmuh chuan ka mittui a far fap a. Min hmangaihtute hmel hmuh chuan zuau alo awl deuh aniange...

Ka u chu damdawi lei turin Te-i nen an chhuak a. A lo let leh hmel ka hmuh chuan Te-in engkim a hrilh tih ka hre thei. Mama hian hetiang taka thinrim hmel a put pawh ka la hrelo e. Tetei chu pangngai takin a awm a, Ani chauh chu rilru a pai neilo awmchhun anih hmel...

Kapa in ka luchungah kutnghatin min tawngtaisak a. Ka dam huai huaiin ka hria. Kanu leh Tetei nen min haw san a. Te-i leh Maman min awmpui thung. Rotei pawn min ngaihtuahin eitur a rawn thawn phei ve reng a. Inpui lam pawh a lo hrilh ani ngei ang. Anni ho pawh a zana zanin anlo lang vek a. Kanpa awmlo chu Kapa tawng hmuk danah a ngaihdan anilo hle tih ka hria. Ka lo thup mawi hram hram thung a. mahse an mitmeng leh awmdanah engkim an hailo tih ka hrethung..

Damdawiin kan awm ni thum ni chuan Kanpa alo haw ve hram a. Damdawiin a a lokal chuan inthiamlo hmel a pu ve deuhin ka hria. Mama leh Te-in tawngkam khat pawha anlo biak loh vang chuan hrehawm ka ti hle. Kei lahin sawitur ka hre hlawl silo.
Kan pali a ngawirenga kan awm lai chuan Zothana alo lut hlawl a. A mitah rilru natna lo lang zawk ka hmu-in ka hria. Te-i leh Mama nen an pathumin an inbe bawrh bawrh a. Keini nupa chu kan ngawi reng thung.

Damdawiin atanga ka chhuah ni chuan Maman Kan in lama min hruai haw a tum a. Keiin ka duhlo. Kanu leh Kapa te pawh Maman engkim a hrilh tawh tih ka hria. Mahse engmah an sawilo a, Kanpa pawh engmah hrelo angin tha takin an be ziah thin. Rotein min hrilh vangin Ka pasal a pa chu Kan Inah a lokal tih ka hria a, kanpa a zilh ani ngei ang. Kanpa te unau hian anpa hi an zahin an hnial ngam ngailo tih a mote hian kan hrechiang hle. Keini pawhin kan zah takzet ani.

Kanpa pawh a chhuak khat ta deuh. Mahse, kan nupa nun chu a hma kan pha lo nasa tih erawh kan hrechiang dun hle. Kan inhau ngailo a, kei phei chuan vawikhat pawh ka la sawichhuaklo. Kan nupa nun chu a hma anga siamthat leh tumin theihtawp ka chhuah a, tlem chuan hma kan sawn deuhin ka hria..

Thinrim zetin Mama kan Inchhungah a rawn lut a. Ka piantirh ata heti em em a Mama thinrim hmel hi ka la hmulo.

"Mam..." angaihna hrelo zetin ka lo en a.

"Rawn haw nghal rawh, tunah...ka rualin" a thu chawrh a. Min en vang vang a...

"Engvangin Mam??"

"I pasal awmdan hi ka hrelo emaw i ti mi?? Hetiang mihring bula i awm hi ka enliam thei tawhlo"
Kan unau zinga upa ber Mama hi mi feltak leh mi zawng zawng fak hlawh ani. Kohhranah kan Vengah engkim engkima an hman aniin mi zaidam tak ani bawk.

"Mam, ka tuarlo in i ring emi?? Hrehawm ka ti lutuk mahse, Pathian hmaah ka intiam tawh tlat" ka tah a chhuak a. Ka ngawi zui daih.

Mama chu a kun reng a. Ani pawh chu a in ngaihtuah nasa hle anih hmel. A thaw kawk a." I rilru i thlak anih chuan a rangthei ang berin min lo be dawn nia" engmah sawizui hman ani tawhlo. A chhuak zui leh nghal vut a.

Ka inngaihtuah nasa kher mai. Kan Inlamah haw leh ila, Kanu leh Kapa te chuan lawm takin min lo pawm dawn tih ka hria. Mahse an rilru a na anga, an fanu an chhuan em em kha 'nuthlawi' ti a sawi ka ni reng tawh ang.

Ka phone alo ri a. Kanu ani. "Mambawih, Pathianin engkim a hria tih theihnghilh suh. I tihtheih loh a tithei tih hria la, naktukah kan Inah lokal ta che" a rawn tih chuan ka kal tur thu ka hrilh a. Kan inbiak zawh chuan ka thaw ipik lutuk chu kein ka tei chhuak a. Ka awmna ka hriat meuh chuan Zothana Insakna bulah ka lo ding reng tawh.

"Kan zo ani tawh mai, i lo en duh em?" ka bulah Zothana alo ding reng a. A kekawr ipte zenin min lo thlir vung vung a.

"A chakawm khawp ang chu.... " ti a ka chhan chuan hma a hruai nghal a. A hnungah ka zui dat dat a.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » May 14th, 2018, 6:32 pm

CRUSH-4

Zothana Inchhung kan luh chuan ka thaw hak a."Ka duhthusam ang chiah" tiin ka phun sep a.

Ani erawh alo nui vur vur thung. A nuamin a thawveng halh mai a, a chhung cheinan pawh sum tamtak a seng ngei ang tih a lang reng bawk.

"Rinpui, Pathianin engkim a ti thei tih hrereng ang che" a ti sup a. Ka phu zawk mai. Zothana hmel chu ka en ha a..

"A tithei tih chu ka hria alawm" ka tawng ringlo hle.

"I phurrit zawng zawng kha a chhawk thei che, a nghak reng che ani" a tawngdan chu a nghet charh mai.

"Ni e, ka haw tawh phawt ang... Ka lawm lutuk" hmanhmawh zetin kan In lam panin ka kal a.

Ka bengah Zothanan "I phurrit zawng zawng kha a chhawk thei che, a nghak reng che ani" a tih chu a ri tluk tluk mai.

In ka thlen chuan Kanpa a lo la hawlo. Kan Roomah lutin a vawikhatnan ka tawngtai a. Sawi tur pawh ka hre chuanglo. Nu leh Pa Pathian tihmi kara seilian, Kohhran bela hun hmang ve thin kha.. Pathian hmaah ka kun a. Sawitur reng reng ka hre miahlo anih chu..

Mahse, ka pikna leh hrehawmna te chu a reh duakin ka hria. Ka inbual fai a. Inhnuaiah chhukin Rotei hnenah eitur ka duh thu ka hrilh a. Mak ti takin min lo en hau mai.

Ni e, thil ka ei mumal lo rei tawhin mak ati pawh a awm reng ani.

"U, ka chhawp zo tawh e..i rualin ka lo ei ve ang aw.. A lawmawm emai" alo ti sep sep a.

Kan pahnih chuan kan ei dun mawlh mawlh a. Rinai takin ka eitam ve phian lehnghal.

Zanah erawh Kanpa alo hawlo leh tawh...

Kanu nen an venga family guidance and councelling centre a thawk Rev. Johna hmaah kan thu ran a. Kanu nen chuan an inhmelhriat thain Pafel tak ani ngei ang. Ala naupan hmelin Mama te nena inrual vel annih ka ring.

"Ti khan lo inkawm ula, In Inlamah ka lo va leng ange, Mambawih.. Engmah sawi hreh loh tur aw..." Kanu chu a chhuak a. Rev.John a Office hnunglam hi an chenna ani nghal a. Nupui a neihna pawh ala reilo hle ani awm e.

Kanu chhuahfel hnu chuan kan inkawm tan a. Diktak chuan he hmuna kal hi ka duhlo. Kanu in a sawi pawhin ka hel hle a. Ka mualphona tur niin ka hria a, ka harsatna midang daih ka sawipui vanga ka sawtpui na tur ka hre heklo.

Mahse, Ka dikloh zia ka inhmuchiang hle thung. Kan inkawm zawh chuan ka thlirdan a dang ta vek mai. "Rinpui, Nang chu Pathian tihtu Nu leh Pa ila nei a, i vannei tak zet ani. I tan an tawngtai reng thin a. Lalpan an tawngtaina hmangin a umzel che anih hi i tlanbosan rei ta deuh a, a hnena i haw theihna tur chuan harsatna i tawh a ngai tlat ani. Anih loh chuan i hmu thei silo. Amah kan hmuhna tur chuan kan chungah engpawh a thlen a phal asin.." a tih chu ka bengah a ri ring hle.

Thil tamtak kan sawi a. A tawpah kan pahnihin kan tawngtai a, engmah pawh ka sawi ve theilo. Lungngaih vanga tap niloin, Pathian min khawngaihna nasa tak vanga lawmin ani ka tah tak ni...

An Ina kan va luh chuan Zothana leh Kanu anlo thu a. Ka tahna vangin kei chu ka mit a sen ram thung. Johna nupuiin coffee a rawn siam a, a hmeltha in a fel kher mai. Zothana leh Johna nupui Zohmingi chu unau anlo ni reng tih ka hre ve chiah. Kanu te nen an titi bawrh bawrh a. Kei erawh ngawirengin an bulah ka thu ve thung. Zohmingi chuan min be sawt sawt a. A ngainatawm takzet ani.

Kanu an Ina ka dah chuan haw nghal mai ka tum a.Kapa in min koh vangin ka lut leh. "Mambawih, pasal i nei tawh a, tuna i harsatna pawh kan hria, kan hmangaih em em che a, kan rilru pawh a na... Mahse, Kan tawngtai a, engtikni ah emaw inpa rilru pawh hi Lalpan ala hneh ngei ang tih kan ring tlat a. Nang pawh i bo thui tawh lutuk a, A lam i hawi theihnan Lalpan I pasal hi hmanruaah a hmang mai ani. Chuvangin, nangmah vanga hetianga awm hi ani tih hria la, a hma aia nasa in i hmangaihna a mamawh ani" ati charh charh a. Ka lu chunga kut nghata min tawngtai zawh chuan kan In lam panin ka inkhalh haw a.

Hetiang Nu leh Pa hi engzat tak awm ang maw?? Kei hi engngemaw ka nih a.. Ka vanneih em em ni?? Malsawmna ka dawng nasa lutuk a. Malsawmtu ka lo theihnghilh hial a. Chutichung chuan min lo nghak reng a. Hun tha min la pe fo si....

In ka thlen chuan Kanpa alo awm ve mial a. Tunah chuan mit tharin ka en ve thei ta. A hma kha chuan then ka duhlo, ka tum heklo. Mahse, ka be ngailo va, ka enliam tawp a. Ka ngaihsak bik heklo.

"I haw na a rei tawh em? I riltam tawh viau em??" a bula ka va thut chuan makti hmel deuhin min en a. Mahse, a pangngai leh rang hle.

"Reilo ve, ka ril pawh a tamlo" tha takin alo ti ve mai a.

"In buai em?? Kapa te Inah va leng ang hmiang... Bawihtea ka ngai tawh emai" ka tih chuan min en reng a. Engnge a ngaihtuah ka hrethiamlo.

"Va kal ila, kan tlawh khat emai" a tho vut a.

Kan nupa chuan kan insiam a. Kan chhuah dawn chuan Rotei pawh a lawm hmel khawp mai. Kan chhuak dun khat ta em ani. Khua a vawt tawh bawk nen, kawrlum phiar ka ha a, kekawr chhunglum ha in uggs ka bun a. Lukhum phiar ka khum a. Kanpa pawh overcoat chhungah sweater hain formal pants a ha a, a boot sweat buang chu bunin mufflar phiar, nikum christmas dawna kanu in a present chu a awrh bawk a.

Kan chhuah dawn chuan kanpa chu ka en vang vang a. A nalhin a hmeltha takzet ani. Mahse, min tawmtu an awm tih ka hriatna chuan min ti na vawng vawng thin. Inthing harhin 'a neitu chu keimah chauh ka ni, ka ta chauh ani' tiin ka ngaihtuah leh nghal a. Kan nupa chuan Kanpa motor zawkin kan kal a.

Inpui kan thlen chuan kan va lang thut chu anlo lawm hle. Kanu leh Kapa chu an upa deuh tawh bawk nen, Tv enin lum zetin anlo inthuam a. Pawn vawt atangin lut mah ila, Ac an on vangin inchhung chu a lum huk thung. Kanpa nau leh Annu chuan an fapa infiam lai chu thlirin anlo thu dun ve thung a. Bawihtean min hmu chu a rawn tho terh terh a. Min rawn pan vang vang mai. Rang zetin ka lo pawm a.

"Nufa ni zawk awm tak inni" Kanpa chuan alo ti sup a.

"Awi... Mam, inlo len khat tehlul nen, engtinnge Bawihtea hian ala hriat che le? Kan thenawm naupang ho pawh a duhlo leh vek tawh ania.." kanpa nau nupui Emmy chuan ati bawrh bawrh a.

"A ngai thei em alawm, ka thik lek lek thin ani.. Bawiha hi.." Kanpa in a tih chuan kan nui dar dar a.

"Mama, helamah lo thu phei teh u, Kumin Christmas chu In nupa in kan ring dawn che u ania.. Keini lah chhuak thei kan ni bawk silo. Home lam thilpek tur ho kha in nupa in lo buaipui ula..." Kapa-in a tihlai chuan an thutna lam kan pan phei a.

" Awle, kan nupa in kan zu zin anga ni mai a lawm, tiraw Bawihi" chalchuar tapin Ka pasal chuan min en reng a.

"Tehreng mai, eng lam nge tha ang? Nu.. Emmy??"

"Kei chu engmah ka hre velo, nangmahni'n in hre zawk daih ang" Kanu hi a hrisel vak tawhlo a. Kapa hian a duat em em thung.

"Kei pawh ka hre vaklo, in zu kal anga, in hmu teuh mai ang.." Emmy pawh chuan alo ti ve mai a.

"Kei chu Mam, i thingpui siam ka inchak e" Kanpa nau Christopheran atih chuan annu in alo khak hlak hlak a..

"I siam thiam veloh vang anih hi" anpa in a tih chuan Emmy pawh a nui ringawt..

"Ka va siam ange, in duh vek em?Kapa" ka nui var var a.

"Khawi Bawihtea kha.. A tibuai ang che" Anu in lak a tum chu Bawihtean a duhlo va. Anu in a run hle...

"Kan inkhat tawh emai, kan lo duh ve ange" Kapa in a tih chuan kan tlawh khat lutuk chu ka inthiamlo hle.

Kitchen lamah kan inpawm phei a..Infiam pahin kan nui hak hak reng a...

Thingpui nen kan let leh chuan Kanpa in min lo thlir vung vung chu ka hmu. Kanpa mitah chuan hmana min duatna ang kha ka hmu tlat...

A bulah va thuin Bawihtea chu alo chhaih rak iarh iarh a."Emmy, Bawihtea hi kan lo kawl ve tawh ang" Kanpa in a tih chuan ka lo en hau mai..

"I ti mak emai, engtinnge a tello in kan awm theih ang.. E.. Phaia in zin chuan rawn in checkup nghal ru aw" Kanu in alo ti vat a.

Naupai chungchang sawi hi chuan ka inthiamlo thin. Keimah vang hi niin ka hria. Christa ten annei a, kei lah ka unauten nupui pasal anla neih loh vangin tuman fa kan la nei silo.

Kanpa chuan min thlir reng a. "Ni e, kan tum dawn nia, kan neih theihloh pawn pawilo, Emmy te nupa in min pe ve mai ang chu.." a ha var rual that langa a nuih phei hi chuan a tha takzet ani.

"Ni e, Fa neih te hi kan thulo emai, Pathian thu thu ani e" Kapa in alo tih churh churh chuan nuamlo ka ti leh zual. Vawikhatmah fa kan neih loh vang hian kanpa chhungte hian min dem ngailo. Chuvang erawh chuan ka inthlahrun loh phah chuanglo.

"A tui kher mai, Emmy hi zirtir ve teh.. Mam" anpa in a tih chuan ka nui var var a.

"Teuhlo mai, chutiang mai maiin thiamthil an semdarh ngailo" Kanpa in a lo tih deuh hluk chuan kan nui dar dar a..

"Kan roomah lokal teh, thil ka siamthar tir a, i duh ve ngei ngei ang" Emmy'n a rawn ti thut a. Bawihtea pawmin an room lamah kan inzui a.

An room kan luh veleh uluk zetin kawngka a khar a." Awi.. Lo len ka duh thei lutuk a, ka lo chhuak thei silo, UMama hian a thlah ta hmak emni?" a ti deuh sar sar a.

Khumah Bawihtea chu thutin keipawh ka thu ve nghal a." ka hre chiahlo, a ziaawm deuh turah ka ngai ve tawp a"

"I tuarchhel ka ti takzet ani. I damloh lai khan Kapa leh Christ-an an hau va, Mama lah kha a ngawireng a. Khanu kha ka haw lutuk. Kanu damloh lai te khan zak map loin ala rawn kal leh nghal a..."

Chu thu chu ka vawikhat hriatna ani. " Kei pawn ka lo zirlo deuh aniang.. Em" ka tawng tawp chawt a. Kanpa alo lut zui...

"A nalh tiraw.. An thil siam hi an uluk a, siam tir ve ngei ngei ang cheu" Emmy'n a tih chuan ka nui hak a.

A thilsiam tir pawh ka la enlo hrim hrim..

Kan inzui chhuak a. Kanpa in haw mai a rawt vangin kan chhuak nghal a. Pawn boruak chu alo vawt leh var mai.

Kanpa in ngawirengin motor a khalh a. A hnehsawh leh pek hle, a motor khalha chuan hi chu ka thla a muang bik thin.

"Naute hi i awt viau em?" Ka insum zo thlawtlo.

"Nang ka neih che chuan ka lungawi tawk viau.. Bawihi" Uluk zetin a hmel ka en a. Engmah ka hmuchhuak chuanglo.

Ngawirengin In kan thleng a. Kan thlen hnu chuan hunrei tak hnuah Kanpa nen kan mu rual a. Kanpa in min khawih chuan Nupui ka nih tlat vangin a duhdan ang takin ka awm. Ka phur miahlo. Diktak chuan a bialnu Rinkimi nena an khawsak dan tur a rawn lang leh thin a, Ka ti lui theilo lek lek ani. Mahse Pathian ka au va. Nupui ka nih tlat vangin ka hlen thei a, ka lawm hle..

Kanpa muthilh hnu chuan ka tho va. Khum bulah theihtawp chhuahin ka tawngtai a. Ka thawl huai mai. Kei chuan ka siamtha theilo. A tidanglam theitu hnenah thlenin ka pe tawp a. A thawhturin ka dah tawp mai ani.

Ka hna ka zawm leh tawh a. Ka nun pawh a tiharh lehzual in ka hria. Ka thiante pahnih Te-i leh Ruati pawn hmalam pan tura min fuih rengin kan pathum chuan Rev Johna te Inah kan kal fo thin.

Kanpa pawh a fel chho viau mai. Mahse, Rinkimi hi hmeichhe namailo tak alo ni. Tlaikhat ka hna bang chu Living roomah anlo thu a. Ka hmuh chuan ka insum theilo ang tih ka hlau hle.

"Ehe.. I lo leng ani maw?? Ka han inthlak lawk ange" damthlapa ka ti thei chu keipawn mak ka inti. Ka chhungril erawh a tap vawng vawng...

Ka inthlak a. Kekawrbul leh Tshirt ka ha a. Ka sam chu ka tawn kawh lauh a. Hmeichhe naupang ka ang viauin ka ring. Kei aiin a nalh a. A hmeltha em em bawk, mahse a neihloh neitu ka ni tlat, ka tawngtai phawt a.

Inhnuaia ka chhuk chuan Kanpa in haw tura alo hrilh chu ka hre hman. Ani lah chuan a tum loh hmel nasa mai.

Kanpa bul chiahah ka thu a " I vawikhat lokal na ani em? Mumal pawn kan la inhmelhriatlo tlatin ka hria.." Damthlap in ka ti a.

"Rinkimi anih hi, Kannu ania, Rinpuii anih hi" a awah chuan nuamlo a tih hmel kher mai.

"Model kha tiraw?? Thlalak ai pawn i nalh daih zawk... Chawei ve nghal rawh aw" ka tih chuan min en dan chu mi A ah min ngai ni berin ka hria..

"Ka lawm e, ka ei lo ang. In kawmthlangah khuan ka cousin Zothana a awm a, ka rawn tlawh ka lo kual lawk anih hi..Mike, min lo thlah la.." a tho va. Kanpa pawh chuan ngawirengin a zui a. Pawn thleng ka va thlah a. Ka kut erawh ka kekawr ipte chhungah ka hum thlan dap thung.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » May 14th, 2018, 6:32 pm

CRUSH-5

An tlanliam chuan kawngkhar pawna thutthlengah ka thu hnawk a. Ka mittui luang chu ka hruseng lo. Rotei emaw kan Driver Lawman min hmuh hlauin pawnah chuan ka kal chhuak hnak hnak a.

Zothana Inbulah ka lo awm leh reng tawh. Kan dinna thinah chuan Thinga siam Thutna nawmhmel deuh hi a lo awm tawh a. An siamna a la reilo viau aniang, ala thar hle. Ka thu chawrh a..

Nghenchhan chu ka ngheng ar ar a. "Lalpa, ka tuarchhuak thei dawn emni?? Min pui rawh" tiin ka phun sep sep a.

"Isua khan a sualna tel miah lo Mi zawng zawng sual a phur a, a hmangaihten chhandam kan nih theihnan a tawrh kha a tul tlat ani" Zothana alo ding leh reng a. Ka bulah a rawn thu a.

"Rinkimi hi i unaunu tih ka lo hre miahlo" Amah chu ka enreng a. Mahse ka hmu miahlo thung. Ka hmu phe vek ani.

"A pawi takzet ani.. Pathian khawngaihna ala hmuh ve loh vang anih hi.. Ani pawh engtikahemaw chuan ala harhchhuak ve ngei ang" a tawng dam thlup hian min hnem thin...

"Rinpui, Setana hi nasa takin a tang dawn a. Mahse, Setana hnehtu Pathian neitu i ni tih theihnghilh ngai suh. Hnehna chu Lalpa ta chauh ani" a tih chuan ka harh hawk mai.

"Ka haw leh phawt mai ang, ka lawm lutuk.. E.. In khu i luah tawh ami" a In engpap chu ka thlir a.

A rawn ding ve nghal a. A palian takzet. "Aw.. Ka luah ve tawh anih khu.. Min lo la ensak ve dawn nia" a dar a san uk a. Ka kalsan ta a.

Zothana chu ka ngaihtuah vang vang a. Apa hi Pastor ani tih ka hria. Anu te lam chu ka hre vaklo thung. Abula awm a nuamin a hahdamthlak takzet a. Pathian tih mi a nihna chuan a chawimawi ni ber in ka hria.

In ka thlen chuan kanpa alo la let lova. Ka thinrimna leh rilru natna alo chhuah dawn chuan ka rilru in ka tawngtai mawlh mawlh reng mai.

Dar 10 a a lo haw chuan inthiamlo hmel apu ve deuh. Tha takin ka lo bia a. Ka awmdan, Ka pasal laka ka landan damthlap thin hi keima tihtheih ani lo tih ka va chiang em! Ka awmdan hi kanpa hian engmah sawilo mahse mak min ti ve deuh chuan ka hria.

Ka tawngtai a, Pathian hnena ka tluk luh tam poh leh Setana hi a rawn che na ve zualin ka hre thin. A chang chuan ka tuar zolo mai dawnin ka hria a. Mahse, chutiang hunah chuan Zothanan 'Setana hnehtu Pathian' atih kha ka bengah a ri nawn fo thin.

Ka hna-ah chawlh ka la a. Kan nupa chuan zin turin Airport-ah kan awm vang tawh. Kanpa driver Lawma leh anau Christ-an min thlah a. Cham rei kan tum loh vangin thawmhnaw pawh kan keng tamlo. Kolkatta kan thlen chuan Kanpa thiante Hotelah kan thleng a. Hnamdang nimahse vawikhat kan inhmuhna ani lo bawk a. An bulah pawh ka tlangnel ve hle. Ka pasala pa hian Kan nupa zin tura min tihchhan hi ka hre ru reng mai. Boruak danglam hipa kan in hnaih leh nan A fapa hnial theih hauhloh tur chhan tha tak a siam tih ka hria. A fing takzet ani.

Kan nupa in nitin kan bazar a. Kanpa chuan keima thiltur min leisak leh teuh mai, ka hnial peihlo. Kanpa felna em em chu ngaihzawng a nei a min ngaihsak loh em em lai pawhin Ka nau Tetei Birthday-ah chuan a awh em em iphone alo present thlap a. Kei phei chuan ka hre lawklo leh nghal. Vawikhatmah Amah then turin min la ti hauhlo bawk.

Kan haw hma ni chuan kan chhungte ho hawntur chiah leiin kan bazar a. Thildang zawng zawng chu kan lei fel vek tawh ani. Kan inlei hnem em a. Kan thil lei tam zawk phei chu thawn turin kan tifel vek a, chuti anih loh chuan kan excess nasa lutuk dawn a, thiltih chi ani lo.

Kan lei zawh chuan kan nupa in kan leng kual a. A nuamin haw tawhlo mai ila ka ti rum rum hial. Helaiah chuan tibuaitu kan neilo va. Kanpa pawhin min ngaihsakin min duat em em a, Ka pasal thin kha ka hmulet leh ni berin ka hria.

Kan haw chhoh zan chuan Christmas alo hnai tawh bawk nen, ka hah lo bawk a. Rotei nen Inchhung cheina ka hawn chuan In kan chei dun a. Kan mengrei khawp mai.

Hna kal ka ngai tawhlo a. Inchhung cheiin ka buai leh nasa hle. Kanpa leh Lawman min lo pui ve bawk a, Chawhnu dar khata kan zawh meuh chuan ka lawm ber awm e. Tlaiah kan chhungte ho chawei-ah kan sawm a. Kan zavai buai ani ber. Rawng kan bawl a. Kan zawh veleh ka inbual a. Kawrfual dum simple taka thui, kanpa min leisak chu ha in pheikhawk sang, bun hrehawm khawpa sang nilo ka bun a. Ka sam chu chunglamah kilh chho vekin hmuh ka nuam viauin ka hria.

Ka chhuah dawnah kanpa lokalin ani pawh suit a ha zaih a. "Bawihi, kalsawn lo lawk" a rawn tih chuan Amah chu ka lo en ha a. A ipte atanga bawm phawrhin thi nalh zet hi min awrh tir a. A to viau ang tih pawh ka ring thiam ..

"I nalh lutuk..."a ti sup a. Ka hmuiah a rawn fawp a, ka chhanglet rang hle.

Inhnuaia kan chhuk chuan Inpui lamho an lo thleng chiah a. Kanpa Pa hi incheina uluk zet mai ani a. Chhungkua a zanriah kan kil dawnin kan inchei thlap thin. Amah hi Sap missionary te enkawlna hnuaia seilian ani nghe nghe..

Bawihtea pawn min lo pan leh chat a. Reilo teah Kanu leh Pate lo thleng in, Kan ri ve laih laih mai. Thla te kan la hova, Kan thil cheina ho chu Kanpa in a ti eng a. Zanah phei chuan a nalhin ka chhuang kher mai.

Bawihtea khawih chak lutuk chu kan nuih kan nuih a. Tetei hi naute duh ngang ani bawk a. Anlo thlen hnu chuan tuman Bawihtea chu kan changlo ani ber e. Ka Inchei chu min fak sak laih laih a. Hunserh chu Kapa (Keima pa) in a hmang a. Kapa in Kohhran Upa in hmang zawk rawh se ti a a hnawn tlat vang ani. Ka u pawh athinurna a reh ve tawh aniang, pangngai takin a awm a, ka lawm hle.

An haw dawnah kan thil hawnsak ho chu kan sem dan dan a. Kan Inah hawn phallo a, an In an thlen theuh huna hawng tura ka ti chu annuih a za hle. Dar 9:00 ah chuan an haw reh vek tawh a. Khua a har zawk, chhungkua a hlimtaka hun hman ho hi a hlu takzet ani.

Kanpa in, " Bawihi, naktuk tuk lehah bungrua kha alo thleng dawn a, Kan sem nghal zung zung a ngai tawh dawn ani" a tih chuan ka mutchhuak chu ka lo ham bai bai a."Awle, Ka inthlak dawn aw" inchungah ka chhohsan a.

Ka inthlak zawh chuan ka hmai ka phih a. Uluk takin ka tawngtai a. Ka tawngtai laklawh laiin ka chau ka lo muhil daih ani ngei ang...Kanpa in ka bianga fawp zeuh chunga " Ka lawm e, Bawihi.. Ka tihnatna che zawng zawngah khan min ngaidam rawh" a ti chu ka mang hriat ruai ruai a..

A tukah chuan kan thilpek vanga lawmthu sawina call ka dawng chuah chuah a, a nuam ka ti kher mai. Rotei leh Lawma pawh an lawm thiam hle. Lang kala kan chhawr erawh a lokal theih tak loh vangin kan pe ve talo.

Christmas lo thleng tur inbuatsaihin kan buai a. Inpui lamah kan phei deuh reng bawk. Home vela thilpek kan tum ni chuan kan zavaia kal tur tih Kapa thupek awmsa vangin kan vaiin kan kal a. Ka mittui a luang nasa in ka hlim khawp mai. Kapa hi ka ngaisang thin. Tihian an sumdawnna atangin kumtluanin hemi huna mi tur hi pawisa an dah hrang a. A nuaih tel fe lo tlingkhawm in, midangte tan an hmang vek a, chu chu Kumtin an chhungkaw tihdan ani bawk. A fate pawhin chhunzawm zel tura a duhthu a sawi fo thin.

Kanpa awmdan inthlak hi hmuhnuam ka ti hle. Mipa ani a, mipa ah pawh pa tak ani. A rilru a awm pawh sawi mai mai ngailo, A tih tawh lam chu ti tlut, tih loh lam erawh ti lo ve tak ani bawk. Ka inkhawm pawh vawithum lai chu min zui ve ta. Pathian thu pawh a ngaihven ve ta khawpin ka hria. A leng chhuak manglo a, a chhuah dawn pawhin min hruai ve zel thin.

Kan nupa pawh kan hlimin nuam ka ti hle. Urlawk zan ani a, kanpa chu chhuah angaih vangin a peihlo kher mai. A thianpa Durtlang hospitalah damlo in a awm a, kallo mai tura ka tih leh kal ngei a duh bawk si. Kal ve ka tum lahin , "A vawt emai, Bawihi, lokal velo mai rawh, ka lo let vat ang" tiin min hnial a, phurlo zetin a inkhalh chhuak a.

Dar 9 :10 ah ka phone a rawn ri a, Kanpa call anih vangin rangzetin ka chhang a, " I lo haw dawn tawh em?"

"Kapi, he phone neitu hi i pasal emni? An insu a, hliam na tak tuarin tunah New life-ah a awm mek" Ka thu hnawk a, sawitur ka hre lo.

Ka phone rawn ri leh in Mama ani thung, kan In pana alokal mek thu a rawn sawi a. Ka en ngai ka en tlawk tlawk a. Awmdan tur ka hrelo. Ka chawmawlh zo vek...

"Mam" ka mit atangin mittui a luang zung zung a. Ka hru senglo ani ber.

"Rote, i u inthuam lumna tur han lakhawm vat teh, anpa a chesual a, damdawiin ah kan kal vat angai" Maman a tih chuan Rotei pawh a phili kher mai. Lawma pawh a lo insiam ve nghal a. Maman ka thawmhnaw min haktir mawlh mawlh lai chuan ka la hawi A hle. Kan vaiin New lifeah kan phei nghal a. Kan chenna atangin a hla hrep leh nghal..

Inpui ho pawh Bawihtea te nufa tihloh chu anlo awm vek tawh. "Pa, a tha leh vat ang tiraw??" ka tih chuan Kapa chuan ka kutah a hmer vawng vawng a, engmah a sawilo. Kanu chu a mittui a tla reng a. Christ-a pawh a indawm kun reng bawk. Tumah inhnem tur chuang kan awmlo ani ber mai.

Keima nu leh pate chuan lainat zetin min lo thlir reng a. Kanu chu lokal hnaiin min kuah vawng vawng a. Inzaina room chu rawng inhawngin Doctor pakhat hi alo chhuak a. Chupa chu ka hria. Kanpa thianpa aniin kan Inah pawh alokal fo tawh. "Rinpui.. Chhel takin aw" a ti sup a. Kapa chuan," Engnge chanchin.. Hminga" alo ti vat a.

"Thianpa chu kan chhan thei talo ani" a kun ngaih a. Ka va pan phei a. A kawr hmaah thamin "Dawt i sawi.. dawt vek tiraw.. A theih loh.. Ti nung leh rawh" ka pawt nawk nawk a. A hnulama thil thleng engmah ka hre zui tawhlo.

Kanpa awmloh hnu chuan mitthi kal thei ka ni ringawt. A hmeltha tak leh a piannalh tak, hrisel tha tak thin phumbo anni ringawt mai te chu ka phal theilo. Engmahin min tihlim zolo a. Khawi hmunah mah ka lenglo. A lo haw leh mai dawn ten ka hria a. Ka A lo chauh ani. Ka bula awm reng reng hriat loh chang lah ka ngah. Ka chhungte chuan min buaipui em em a, anmahni lusunna pawh an ngaihtuah changlo ani ber.

Kan In lamah min hruai haw a. Marovi leh kan Driver Lawma pawh Inpui lamah an seng lut a. Kan nupa awmna In chu an dah ruak rih ta ngawt ani. Tumah awm tur awm chuang heklo.

Kanu leh Kapa pawh an tawngtai nasa lehzualin min awmpui chawt a. Ka thiante Te-i leh Ruatin min riahpui chhawk zak zak reng bawk. Zothana pawh a lokal fova. Pathian thu tawi te te min hrilh fo thin. Mahse, a engamah ka bengah a lut chuanglo.

Ka hna pawh kal thei heklo, Tetei result nghak lai ani ve ta bawk a, ka aiah a kal a. Mite pawh an pasal / an nupuite an thi a. Mahni pasal leh fate sun vekte pawh an awm bawk. Chungho zawng zawng ai chuan ka nep a, ka pasal tello a dam chu ka zuam thlawtlo. A thlanah kalin ka lo muhil fova. Zothana leh ka thianten min zawng hmuin min hruai haw fo thin.

Kapa (kanpa pa) te pawn min ngaihtuahin min ngaihsak em em reng a. Kan nupa thilneih zawng zawng chu ka kutah an dah vek ani. Mahse, ka hnar a. Fa kan lo neilo bawk nen, ka pasal thil tlem a zawng leh keima thawmhnaw tih loh chu ka pe let vek a. Ka tan tangkaina a awmlo, a sumdawnna phei chu Kapa atanga a neih aniin keiin engmah ka thiam velo bawk nen. Christ-a enkawl turin ka pe let vek a. Mahse, kan nupa a kan lei, kan chenna In nilo, hmundanga kan In erawh min pe tlat a. Ka car erawh tuma min laksak ka phallo bur thung..

Mumal nei manglo va Kum khat chuang ka tal hnu chuan Zothana leh Maman inkhawm turin min hruai lui a. Ka pasal min laksak vang hian Pathian lakah ka hel hle. Kan Kohhranin Thuhriltu kan ruai a, Pathian mi hman lar leh Pathian tana mi inpe em em mai ani.

BiakIn kan thlen chuan mi anlo awm mup mup tawh a. Kanpa in min hel laia kan veng Biak-In a a rawn inkhawm ve ringawtte ngaihtuah chhuakin ka mittui ka hru leh zauh zauh thin. An zai tuiin an lam mup mup a. Ka ning hle.

Thuhriltu in thu a sawi lai chuan ka rilru in Pathian ka dem a. Ka chhuahchhal char char hi ani ber. "Ka fanu, Lalpan i tawrhna kha a hria. A Khawngaihna in a zui reng che a, Ani chuan a nghak reng che. I mittui kha hruk hulsak che a duh asin" a rawn tih chuan ka phu zawk mai. Chiang lutukin keimah chu ka in en a, Pathian hma a ka tlinlohna leh ka fellohna zawng zawng a rawn lang zut zut a.. Dan ruallohin ka mit atangin mittui alo luang zawih zawih a, Ngawirengin Zothanan romol fai zet min pe a. min lainat zia a mitah ka hmu.

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » May 14th, 2018, 6:33 pm

CRUSH-6

Inkhawm banah Maman thuhriltu chibai a duh vangin kan ding muang a. Thuhriltupa in min en chuan min entlang vek nimaiin ka hria. Min tawngtai a duh vangin Biak In hnunglam-a Hall kan pan a. Pawnah Mama leh Zothanan min lo nghak thung.

Thutlem a sawi a, kan pahnih a tawngtai tur atih vangin kan tawngtai dun a. Kan tawngtai zo chu mithar dang daih ka ni ta in ka hria. Ka lawm em em a, ka sawithiam dan ber chuan thlarau thianghlim hian min luahkhat veng vengin ka hria ani ber...

Ka nundan pawh a pangngai chho ve tan ta. Ka chhungte leh Inpui lam pawh an lawm hle. An fanu ang chiaha ngaiin min ngaihsak reng a, hetiang taka chhungkaw puitling kara ka lo lawilut hi ka lawm fo thin. Christ-a phei chuan a farnu tak tak ang in min en a,Pasal dang nei leh a chhungkaw thar din turin min fuih fova. Chu erawh ka la tumlo.

Zothana hi mak ka ti thin. Ka mamawh tawk tur, tawi tak si Pathian thu min hrilh fova. Ka mangan leh lungngaih Ni hian ka bulah a awm fo bawk. Ka thiante Te-i leh Ruati ai pawhin a bula awm nuam tih chang ka ngah. Anni chu ka thian kawmngeih em em te nimahse, thlarau lama hma ka sawn pui ber chu Zothana ani.

Tetei ka ai hna akal vangin ka hna pawh ka kal leh rih chuanglo. A kal theihloh hunah ka lakal ve leh mai ang chu..

Ka pasal chanchin ka hriata min ti lawm em em tu chu a boral hma khan BiakInah kalin Pathian hnenah alo inhlan a. Pastor nen inkawmna neiin..'Ka nupui tawngtaina vang ani e ' ti a akawmtu Pastorin a sawi chhawn chuan lawm vangin ka mittui a luang a, tlai ve ngailo Pathian hnenah lawmthu ka sawi mawlh mawlh mai ani.

Kei chu ka lo hmanhmawh a, mahse, Pathian erawh a hun takah alo che thung, A mak mange.. Pathian rorel dan hi ka ti leh vawng vawng thin. He thu hi kan hre har khawp mai, Kanpa Pastor pan hi anlo sawn daih a, Kanpa boral pawh alo hrelo. Tichuan alo haw thlakin engtintin emaw kanpa boral thu hriain Inpuiah a lo kal a, ka lo awm ve lai tak niin, Chutah chuan a sawichhuak a, Kanu phei chuan lawmthu min hrilh ngawih ngawih a, mahse kei pawh hi engnge ka nih? ka pasal vanga Pathian hmu ve chauh tho ka ni si A...

Ka pasal chu ka awt fo thin. Ani chuan engmah ngaihtuahloin hahdam takin Lalpa hnenah a chawl a, Keini lah Amah ngaiin kan la tap fo si...

Kanpa thihcham vawi-2na ani a, thlanah chhungkuain kan kal a. Kanpa thlalak chu ka thlir vang vang a. "Ka lawm e aw.. I bulah min chen tirin nangmah vangin Lalpa ka neih phah a. Engtikahmah ka theihnghilh lo ang che" ka phun sep sep a. Ka darah Christ-an min kuahin "Kal a hun tawh e" a ti sap a. Ka rose kenlai chu uluk zeta dahin kan haw san ta a.

Inpui-ah kan vaiin chaw kan einghal a. Kanpa thlalak, kan nupa thlalak leh chhungkaw thlalak chu enin ka ding reng a. Lunglenna hi a rawn thawk leh thut thin. Kanpa hmeltha tak mai chu ka be mawlh mawlh a. "I hmanhmawh mah mah ani, min hruai ve tur che a nia, Kapa thuawih loh i hreh em thin khaa.. Ani pawn a ko a ko che a, i lokir duh tawh silo" ka phun sep sep a.

"Bawihi, hmalam pan ve tawh la,Mama hian hetia hmuh che hi nuam a ti hauhlo ang, hlim takin i nun hmang ve tawh rawh" Kapa chuan ka kut ah a hmer vang vang a, Kanu leh Pate hi an fapa boral hnu phei chuan an tar zual bawih in ka hre thin. An fa upa zawk, an duat em em ani a, a awm viau e.

"Bawihi, Mama pawh kan hlauhthawn ruk, kan sawilan ngam loh, a thlarau chu Lalpa hnen ilo hruai thleng a. Chu aia kan tan thu lawmawm a awmlo, Tunah chuan kan thlamuang huai tawh ani. "

"Kapa kei chuan engmah ka ti theilo, Ka tihsak theih chu atana tawngtai chiah kha ani. Atana ka tawngtai sak vanga hlawk ber chu kei hi ka ni asin, engkim kha Pathian hnathawh vek ani"

"A dik alawm, mahse Pathian hnathawh lanna tura hmanraw pakhat chu i ni tlat ani.I la naupang a, fa ila neilo bawk, hmangaih dang pawh ila tawng leh ngei ang, chung hunah chuan kan tih theih zawng zawng tiin kan thlahliam ang che, miin engpawh sawi se, inthlahrung ngai suh..." Kapa chuan min en vung vung a.

"Awle, Kapa..." ka ti sap a. Midangin min rawn chim a, kan ri nuaih nuaih mai...

********************************************
Kan room tukverh ka hawng a, boruak anuam kher mai. Kan nupa chenna kha ka luah lut leh tawh a. He In hi Kapa in "A hlut ber tur i ni" min tih tlat vangin min pe leh a, ka luah tirh chuan tap in hun ka hmang tam khawp mai.

Tunah chuan Ka pasal sunna pawh Kum 2 lai a liam ve ta. Ka ziaawm ta viau mai. Rotei ka bulah awmin Maman min awmpui bawk a. Lawma erawh Kapate bulah ala awm zel thung.

"Mam, Zothana chu engvangin maw chaweiah i sawm?? A bialnu nen i sawm law lawlo anih chu..." Mama chu ka hau char char a. Ani lahin engahmah angailo.

"Bialnu a nei silo a, Amah chauh bak sawm tur ka hre hleinem.. I thiante pahnih sawm ve la ani mai, ka thianpa ka sawm chu eng nge a pawi vakna?" Maman a tih chuan ka ngawireng ringawt.

"Ka sawm khawp ang, Ruati nen hian in inhaw lo viauin ka hria, ka thiante sawm se min tih vanga i thianpa Zothana pawh sawm i nih lek chu..." A ngei dawn lutuk chu Ka nui vak vak a.

"Zothana pawh I thian ani ve tho" Ka chal a ri fawk a, ka hnung a ri dawp bawk.

"Rinzual, i chak dawnlo lutuk.." Mama tlanchhuak chu ka um nghal a. Kawngka a thil sakhat lo awm chu suin chhuatah ka thal tawp a. Ka chal ka la tauh zui. Arsi a leng nghal chuaih chuaih....

"Ouch... Na lutuk... Arsi thlawklai hlir ka hmu" ka chal ka tuai nawk nawk a. Ka mit ka chhing bawk..

Zawi fiah taka mipa nui ri hak ka hria. Zimte a ka men chuan Zothanan min lo enreng lo niin. Awi... Engvanga hepa hi su ziah nge ka nih ka hrelo.

Mama nen hian an naupan tawh loh nen, nupui neih lam reng anla ngaihtuahlo..

"Nang ini maw?? Lo thu rawh.. Ka su na che em?" ka ti sawk sawk a. Ka hmaa tlangval ding lianpui, chhelo zet hmaah chuan ka lai deuh tlat lehnghal...

"A na zawk chu i thal thak mai a lawm, Arsi pawh hnai takah i hmu bik a.." nuihza insum aw zeta a tih chuan ka lo teu hlar.. "Sut tur hian i lo awm ve ziah anih kha..".

Min chhang tawhlo nangin a nuih ala za hle tih ka hria. Chu chuan min ti thinur ve ringawt bawk.

Mama alo lut a, An pahnih chuan an inkhawmna tur leh programme an sawi dun a. An intur Juice va pek pahin "Nangni pahnih hi inserh thianghlim in tum deuh nge? Nupui neihna chang pawh in hrelo" an huat ngei turin kan sawi kher a, an bulah chuan ka thu ve nghal a.

"Tum chiang e, Hmu zo lo Ruati leh Te-i ang ngawt chu kan nilo" Engahtehvak anla ngai lo zui..

Rangzetin ka phone voice recorder ka on a, Maman a hmuh hman ka hlau hle.."Mam, tuna i sawi kha ka hrechiang hmanlo.. Engtinmaw??" a bulah ka thu hnai a. Ka phone chu a hmui bulah ti palh ang takin ka lek va a.

"Keini te chu hmuh hnem lutuk vanga lengrei, duh thinga buai kan nih hi. I thian tlaw zet pahnih Lalruati leh Te-i chu hmuh zawhloh vang." a duhthawh phian lehnghal..

Rang lutuk in kan thian pathum whatsapp groupah ka thawn a. A chaklo leh ang chu..

Ka chetdan chu Zothanan min lo en reng a. A hrethiam vek tih ka hria. Naupang chhia min ti leh viau ang...

Ruati leh Te-i an lo thlen chuan chawei kan peih tawh. Mama chuan engmah hre heklo, inla polite zetin alo welcome a. A hnu lama a chan chhiatzia chu lainatawm tak ani. Ka lo nuih rah rah a...

"Nangni pali hi in senior tawh mah mah lo maw?? In pali hian in sawirem tawh mai ru.." an hmel chuhhh...a nuih loh theih loh..

"Nang pawh kha keimahni ang chiah ini tawh, in dah bang miah suh" Te-in a tih chuan Mama chuan "A dik" rangzetin alo ti a.

"Tunah hian upa kan la nilo, kan aia upa an tam lutuk. Mama leh Zothanate pawh" Ruatin a rawn hmer tel leh kher nen, an hawihai hmel chu kan nuih tlawrh tlawrh a...

"A inpeih hun ka nghak mek ani" Zothana aw chu a zawi fiak kak a. Danglam deuhin min enreng bawk.

"Tunge?? I sawi ngei a ngai ang. Rinzuala ve hian sawi tur a nei em??" Te-i leh Mama rum zeta an inmelh vel chu ka nuih hak a.

"A inpeih thleng ka nghak ang "A ti leh sup a, chhunglamah nghing dawt neiin ka inhria

"Wow... Hmeichhe vannei tak anih chu, Mam? Nang ve thung??" Ruati tehsek chu...

"Kei chu ala pianglo ani maithei, a nih loh pawhin khawilai hmunah emaw a awm mek ang" kan vaiin kan nui a. Ka u hian nupui a nei dawn miahlo niin ka hre ta...

Kan hlim phian mai. Zanah inkhawm turin kan kal dial a. Rev. John-an kan vengah thu a rawn sawi a. A thusawi a reilo nangin a sawi tha a, a ngaihnawm takzet ani. Ka bula tlangval lian zet ding chu ka melh zeuh zeuh va. Tunge chu hmeichhe vannei tak chu ni ang? Ka rilru-ah alo awm leh thin.

Hmeichhe thenkhatin an rawn melh zauh zauhte chu hria ang pawn a awmlo. Pathian tihtu tlangval, chhelo bawk si hi an tamin ka ringlo. A awmchhun ni hial awma mawi ani...

Kei hi engnge ka awmzia?? Ka duh aia tam Zothana hi ka ngaihtuah ta fo mai, engtik laiin nge ka en dan alo danglam tak erawh ka hrelo.

Kan haw hnu chuan ka mu nghal a. Ka muhil theilo chu ka let ka let mai. Kei hian naupangtein pasal ka sun a, ka pasal boral pawh ka tuar nasa. Fa ka la neilo va, mi tam tak chuan pasal nei leh thuai rawh min ti fo, Pasal neih chu sawi loh, Zothana te zui mai mai pawh min sawi peih leh em em lawi si a..

Hmeithai, Nuthlawi han nih chiah hian an dinhmun lo khirh zia ka hrethiam ve ta. Pasal sun/then emaw vangin Lungngaiin an kun a, an hlim ve dawnin an tan hlim chu sualah kan puansak emaw tihtur khawpin an Nun kan dangchep hreh leh silo.. Mihring ve tho an nihna hi kan theihnghilh ta emni le??

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)